344b2 yangs pa'i grong khyer du 'jug pa'i bde legs kyi tshigs su bcad pa rdzogs so// //[]@/ /'phags pa stong chen po rab tu 'joms pa las gsungs pa'i bde legs su 'gyur ba'i tshigs su bcad pa bzhugs/ @##/ /dkon mchog gsum la phyag 'tshal lo/ /'jig rten 'di 'am yang na
344b3 'das pa dang //mtho ris dag na rin chen mchog yod pa/ /de bzhin gshegs pa lha yi lhar gyur pa/ /mi mchog de dang 'dir ni mtshungs pa med/ /de bas 'dir ni rin chen mchog tu gsungs/ /bden pa de yis 'dir ni dge bar shog /zad pa chags bral bdud rtsi 'dus ma byas/ /shes
344b4 pas shAkya thub des rab tu phye//bdud rtsi zhi ba 'dus ma byas yin pa/ /chos de dang ni mtshungs pa gang yang med/ /de bas 'dir ni rin chen mchog tu gsungs/ /bden pa de yis 'dir ni dge bar shog /mchog tu gang 'dod tshul bzhin rab tu bstan/ /ston pa'i bla med rnal 'byor rtag sgrub pa/ /
344b5 rdo rje lta bu'i mig gnyis lam mthong ba/ /ting 'dzin de dang mnyam pa yod ma yin/ /de bas 'dir ni rin chen mchog tu gsungs/ /bden pa de yis 'dir ni dge bar shog /gang zag chen po brgyad pos rab bsngags shing / /gang zag zung bzhir brjod pa de dag ni/ /drang srong chen po gang
344b6 zag mtshungs med pa//bde bar gshegs pas sbyin pa'i gnas zhes gsungs/ /de la byin na 'bras bu cher 'gyur te/ /zhing rab gshin la sa bon btab pa bzhin/ /'di ni dge 'dun rin chen mchog tu gsungs/ /bden pa de yis 'dir ni dge bar shog /gang dag brtan pa'i yid
344b7 kyis rab brtson zhing //gau ta ma'i bstan la 'jug byed pa/ /de dag thos nas bdud rtsi mchog thob ste/ /mun pa bsal nas mya ngan 'das thob pa/ /de bas dge 'dun rin chen mchog tu gsungs/ /bden pa de yis 'dir ni dge bar shog /mthong ba 'di la sbyar ma thag tu ni/ /'jig tshogs
345a1 lta dang tshul khrims brtul zhugs dang //the tshom dang ni nyon mongs gsum po dag /cig car spangs te 'phags pa'i bden pa mthong / /des na dge 'dun rin chen mchog tu gsungs/ /bden pa de yis 'dir ni dge bar shog /lus sam ngag gam 'on te yid kyis kyang / /
345a2 sdig pa rnam gsum nam yang mi byed la/ /glo bur byas na'ang 'chab par mi byed cing / /de ltar de la lta bas 'dzin mi byed/ /des na dge 'dun rin chen mchog tu gsungs/ /bden pa de yis 'dir ni dge bar shog /ji ltar dbang po'i sdong po sar btsugs pa/ /phyogs bcu'i rlung rnams kyis
345a3 ni mi g.yo ltar//'phags pa'i lam gyis dam pa mthong ba yi/ /gang zag 'phags pa'i dge 'dun de bzhin no/ /des na dge 'dun rin chen mchog tu gsungs/ /bden pa de yis 'dir ni dge bar shog /shes rab zab mos shin tu bstan pa yis/ /'phags pa'i bden pa su dag
345a4 rnam bsgom zhing //lus kyang sbyin pa yid la byas pas ni/ /de dag 'jigs pa brgyad dang phrad mi 'gyur/ /des na dge 'dun rin chen mchog tu gsungs/ /bden pa de yis 'dir ni dge bar shog /ji ltar me ni rlung gis rab gtor la/ /lag tu blangs te bgrang du med pa nyid/ /
345a5 de ltar kun du sbyor ba rab btang ba'i/ /sangs rgyas sras rnams bstan du med par 'gro/ /des na dge 'dun rin chen mchog tu gsungs/ /bden pa de yis 'dir ni dge bar shog /sems can gang dag 'gro dang mi 'gro ba/ /de dag thams cad 'dir ni dge bar shog /ston mchog dam
345a6 pa lha mis mchod 'os pa//sangs rgyas phyag 'tshal ding 'dir bde legs shog /sems can gang dag 'gro dang mi 'gro ba/ /de dag thams cad 'dir ni bde legs shog /zhi ba chags bral lha mis mchod 'os pa/ /chos la phyag 'tshal ding 'dir bde legs shog /sems can gang dag
345a7 'gro dang mi 'gro ba//de dag thams cad 'dir ni bder gyur cig /tshogs kyi dam pa lha mis mchod 'os pa/ /dge 'dun phyag 'tshal ding 'dir bde legs shog /'byung po gang dag 'dir ni lhags gyur te/ /sa'am 'on te bar snang 'khod pa dag /skye dgu rnams la rtag tu byams byed
345b1 cing //nyin dang mtshan du chos la spyod par shog /'di ni rgyal ba dgra rgyal bden gang gis/ /shin tu bden pa gsungs shing brdzun med pa/ /bden pa de yis 'dir ni dge bar shog /de kun 'jigs pa che las thar gyur cig /rdzogs sangs rnam par sangs rgyas che/ /'jig rten skyong
345b2 bas phyogs bzhi nas//snod bzhi dag ni blangs nas su/ /bde bar gshegs la phul ba dang / /mthu yis gcig tu sprul mdzad pa/ /lha yi snod mchog de dag ni/ /bdud rtsi 'dra ba'i sman gyi rnams/ /ston pa'i phyag na bsnams gyur pa/ /bden pa'i tshig ni de dag gis/ /sman rnams bdud
345b3 rtsir 'gyur bar shog /de bzhin lha mo 'phrog ma yis/ /lha rdzas dge ba a ru ra/ /blangs nas ston la rab phul ba/ /bdud rtsi 'dra ba'i sman gyi rnams/ /bden pa'i tshig ni de dag gis/ /nad pa rnams kyis nad sel cing / /nyes pa thams cad 'phrog byed pa/ /sman rnams bdud rtsir 'gyur
345b4 bar shog /sangs rgyas rnam gzigs gzi brjid dang / /gtsug phud can gyi stobs rnams dang / /thams cad skyob kyi bden tshig dang / /log dad sel gyi ting 'dzin dang / /gser zhes bya ba'i ye shes dang / /'od srungs kyi ni rdzu 'phrul dang / /shAkya seng ge'i mthu rnams kyis/ /sman rnams bdud
rtsir 'gyur bar shog/