343b5 @##/ /yangs pa'i grong khyer du 'jug pa'i bde legs kyi tshigs su bcad pa/ /dkon mchog gsum la phyag 'tshal lo/ /gang la ser sna rnam chags pa/ /rnam 'joms dri ma med mdzad pa/ /thugs zhi gnod pa mi mnga' ste/ /khyed la bde legs mdzad par 'gyur/ /
343b6 'dren pa gang zhig 'gro ba rnams/ /thar ba'i lam du 'dzin mdzad cing / /chos rnams thams cad ston pa de/ /khyed la bde legs mdzad par 'gyur/ /ston pa 'gro ba rnams kyi rten/ /sems can kun gyi don gyi phyir/ /gang gis bde ba mnga' mdzad de/ /khyed la bde legs mdzad par
343b7 'gyur//skyob pa gang zhig byams pa yi/ /thugs kyis 'gro ba 'di dag kun/ /bu gcig bzhin du rtag bskyang de/ /khyed la bde legs mdzad par 'gyur/ /gang zhig 'khor bar 'khor ba yi/ /sems can kun gyi rten gyur cing / /gling dang dpung gnyen gyur pa de/ /khyed la bde
344a1 legs mdzad par 'gyur//gang zhig chos kun mngon sum gyur/ /gtsang zhing slu ba mi mnga' la/ /gsung gtsang gtsang mar mdzad pa de/ /khyed la bde legs mdzad par 'gyur/ /dpa' bo chen po gang skyes pas/ /phun sum tshogs don 'byor gyur cing / /don
344a2 'grub tshogs kyang grub pa de//khyed la bde legs mdzad par 'gyur/ /gang zhig skyes pas sa rnams ni/ /nags tshal bcas pa rab g.yos nas/ /sems can thams cad rab dga' des/ /khyed la bde legs mdzad par 'gyur/ /byang chub snying por gang zhig gis/ /sa rnams rnam
344a3 drug g.yos gyur cing //bdud yid mi bder gyur pa des/ /khyed la bde legs mdzad par 'gyur/ /chos kyi 'khor lo bskor ba ni/ /'phags pa'i bden pa rnam gsungs pas/ /thub pa'i grags pa gang byung de/ /khyed la bde legs mdzad par 'gyur/ /yid 'phrog gang zhig mu stegs
344a4 byed//thams cad chos kyis pham mdzad cing / /tshogs kun dbang du mdzad pa de/ /khyed la bde legs mdzad par 'gyur/ /sangs rgyas khyed la bde legs mdzad/ /brgya byin lhar bcas bde legs dang / /'byung po kun gyi bde legs ni/ /khyed la dus kun sbyin gyur cig /sangs rgyas
344a5 bsod nams mthu dag dang //lha rnams kyis ni bsam pa yis/ /khyod kyi don 'dod gang yin pa/ /don de di ring 'grub gyur cig /rkang gnyis khyed cag bde legs shog /rkang bzhi khyed cag bde legs shog /khyed cag lam 'gro bde legs shog /phyir 'ong dag kyang bde legs shog /
344a6 nyin mo bde legs mtshan bde legs/ /nyi ma'i gung la bde legs shing / /khyed rnams kun du bde legs shog /khyed cag sdig par ma gyur cig /sangs rgyas lha ni stong rnams kyis/ /yongs su bskor te gshegs mdzad kyis/ /sdang sems can rnams byer gyur cig /snying rje'i bdag
344a7 nyid can rnams 'khod//sangs rgyas rang sangs rgyas rnams dang / /dgra bcom slob pa'i bden tshig gis/ /'jig rten mi phan byed pa rnams/ /grong khyer 'di ni stong gyur cig /sems can kun dang srog chags kun/ /'byung po kun dang khyed cag kun/ /bde ba 'ba' zhig ldan gyur
344b1 cig /thams cad nad ni med gyur cig /kun gyis bzang po mthong gyur cig /gang yang sdig par ma gyur cig /'byung po gang dag 'dir ni lhags gyur cing / /sa'am 'on te bar snang gnas pa rnams/ /skye dgu rnams la rtag tu byams byed cing / /nyin dang mtshan du chos kyang spyod par shog /