CLOSE WINDOW

D4399
བོད་ཡིག

/nyes pa'i skyon thams cad byang zhing zhi nas yid la bsams shing bzang por smon lam thams cad 'grub par shog cig /bsam pa myur du 'grub par shog cig/[ ]@/ /chos kyi sbyin pa'i bsngo ba bzhugs/ @##/ /rkang gnyis mchog gyur rgyal ba sras bcas dang / /chags sdang bral ba'i dam chos bdud rtsi dang / /sdug bsngal tshogs bsal dge 'dun tshogs rnams la/ /lus dang ngag yid dang bas phyag bgyi'o/ /lus kyi gus bcas bsnyi stang rab bsgrubs te//dang sems 'dun bcas rtog ldan bsal 'gyur la/ /yon tan bsngags pa mtha' yas rab brjod de/ /mgon po sras bcas bdag gis rab tu bstan/ /me tog phreng ba sil snyan mchog rnams dang / /byug pa gdugs dang mar me bdug spos rnams/ / shin tu dang ba'i sems kyis dbul bar bgyi/ /rin chen na bza' rnam pa sna tshogs dang / /gdugs dang bla re pho brang gdan la sogs/ /khyad par can gyi rgyan mchog thams cad kun/ /thabs mkhas kun rdzob byang chub sems yin te/ /'gro ba'i don du dad pas bdag 'bul gyis//thugs brtser dgongs nas 'di dag bzhes su gsol/ /gnyis med mtha' bral don dam byang chub sems/ /bsngo dang bsngo bya nam mkha'i dbyings 'dra yang / /sngon spyod rgyal sras bsngo mdzad ji bzhin du/ /shes rab rtsal gyis bdag gis bsngo bar bgyi//phyogs dus kun gyi rgyal ba sras bcas dang / /dam chos bsrung bar nyid kyis zhal 'ches pa'i/ /tshangs ris tshangs bcas 'og min lha la sogs/ /gzhan 'phrul 'phrul dga' dga' ldan 'thab bral dang //brgya byin nye dbang rgyal chen phyogs skyong bcas/ /sa 'og sa steng nam mkha' bar snang bcas/ /bsod nams tshogs ldan lha tshogs mang po kun/ /thugs brtser dgongs nas dpang po mdzad du gsol/ /khyed kyi spyan sngar sdig pa bshags pa ni/ /bdag dang mtha' yas sems can thams cad kyi//thog ma med nas skye ba 'di bar du/ /bdag 'dzin sgyu mkhan log pa'i sems brgyud nas/ /nyon mongs drug dang nye ba nyi shu yi/ /dbang du gyur nas sdig pa'i las byas pa'i/ /mtshams med lnga dang de dang nye ba lnga//mi dge bcu dang mi khom brgyad la sogs/ /bya bar ma 'os bdag gis bgyis pa dang / /sdig pa'i grogs ldan gzhan gyi rkyen song nas/ /bdud rtsi spangs nas dug 'thungs ji bzhin du/ /yang dag lta spyod dam tshig spangs nas ni/ /log pa'i lta spyod dam tshig mchog bzung nas//sdig pa'i nyon mongs rgya mtsho tshul 'dra la/ /bdag dang mtha' yas sems can thams cad kyis/ /rang gis bgyis dang bgyid du stsal ba dang / /bgyid par byed la rjes su yi rang bas/ /sems dmyal dud 'gro gshin rje'i 'jig rten ni//'bras bu sdug bsngal nyams su myong gyur kun/ /dang sems brtson pas rab tu bshags gyur pas/ /myong bar ma gyur smin par ma gyur cig /deng nas bzung nas ma 'ongs dus su yang / /rkyen du mi 'tsham sdig pa'i las rnams kun/ /nam yang mi bgyid mang du bcas pas na//'phags pa'i 'khor tshogs thugs rje che rnams kyis/ /tshangs par stsal nas byin gyis brlab tu gsol/ /byang chub snying po myur du bgrod pa dang / /'gro ba ma lus byang chub bsgral ba'i phyir/ /dang ba'i sems kyis dge ba bsngo ba ni//thog ma med nas da lta'i dus bar du/ /bla med byang chub mchog tu sems bskyed de/ /shes rab gnyis med nges pa'i tshul rtogs shing / /thabs mkhas snying rje sku gsung thugs dang ni/ /sku gsum 'phro 'du phrin las rnam bzhi yis/ / snying rje bskyed nas dge ba ci bsags dang / /sku gsung thugs kyi mtshan ma bris pa dang / /bla na yod med mchod pa rgya chen dang / /mchod gnas sbyin gnas sbyin pa rnam gnyis dang / /nyan dang len dang de bzhin klag pa dang / /kha ton dag dang ci rigs bshad pa dang / / tshul bzhin sems dang bsgom pas mthar phyung dang / /byams dang snying rje dga' ba btang snyoms dang / /sbyin dang tshul khrims bzod pa brtson 'grus dang / /bsam gtan shes rab thabs dang stobs dang ni/ /smon lam dang ni de bzhin ye shes dang / / rnam par dag pa'i phung po lnga dang ni/ /dran dang brtson 'grus rdzu 'phrul rkang pa dang / /dbang stobs yan lag 'phags pa'i lam rnams dang / /phyi nang rten 'brel rgyu 'bras phye ba dang / /gzungs dang ting 'dzin stobs dang mi 'jigs dang / /ma 'dres chos dang rnam pa kun mkhyen dang //thabs dang shes rab bden gnyis bden bzhi dang / /snyoms par 'jug dgu zad pa bcu dag dang / /rnam thar brgyad dang rnam thar gsum dag dang / /bsam gtan brgyad dang dge ba bcu la sogs/ /de la sogs te dge ba ji snyed rnams/ / rgyal ba sras dang bcas pas rab bsngags pa/ /skyes bu dam pa rnams kyis bgrod pa'i lam/ /nye lam dam pa shin tu mchog gyur pa/ /bdag gis bsgrubs dang sgrub tu stsal ba dang / /sgrub par byed la rjes su yi rang bas/ /dge ba'i rtsa ba bdag gis ci bsags pa//skal ba mnyam pas rigs kyi bu mchog rnams/ /bsam pa dag pas brtson 'grus rab bskyed nas/ /byang chub bsgrub phyir dge ba ci bsags dang / /phyogs dus kun gyi rgyal ba sras bcas pas/ /dang por thugs bskyed dam chos gnas par bgyi//dge ba'i yon tan khyad par ci mdzad dang / /mtha' yas mu med 'jig rten rab 'byam na/ /'gro drug sems can ma lus ji snyed pa/ /lus dang ngag dang de bzhin yid kyis kyang / /dge ba'i yon tan khyad par ci bsags pa//thabs mkhas bcas pa'i snying rje cher bskyed nas/ /'gro ba'i don du dge ba bsngo ba ni/ /rgyal ba rgya mtsho tshogs kyi dkyil 'khor du/ /rgyan dang longs spyod mchog gis klubs gyur cig /phyogs dus kun na bzhugs pa'i rgyal ba'i sras/ / sa bcu rgyal tshab srid pa tha ma pa/ /shes bya bag chags rtsa nas bsal nas su/ /byang chub snying po shin tu nyams dga' bar/ /rdo rje'i gdan mchog myur du mnan nas kyang / /bdud rnams sder bcas shin tu pham mdzad nas/ /zhing gi rdul snyed mya ngan mi 'da' bar//chos kyi 'khor lo rgya chen bskor gyur cig /tshogs kyi lam rtags bcu gsum rdzogs mdzad pa'i/ /skyes bu dam pa dad pa thob pa dang / /nges 'byed yan lag ting 'dzin bzhi sbyangs nas/ /sbyor ba'i sa gzhi nges par gnon pa dang / /dang po thob nas dgu la thug par bgyi//skyes mchog dam pa thugs rje mnga' rnams kyis/ /brtson 'grus drag po'i me chen sbar nas su/ /rdo rje lta bu'i ye shes chen po yis/ /'og min skyon rnams myur du bsal nas kyang / /kun gyis mthun par byang chub thob par shog / ma nor tshul bzhin dge ba 'di bsngos par/ /tshogs dang bse ru lta bu'i rang rgyal rnams/ /rgyu rkyen rten 'brel ting 'dzin sbyangs nas su/ /gnyis su med pa'i ye shes mchog brnyes nas/ /'gro ba ma lus thabs kyis sgrol mdzad cing / /sa bcu'i yon tan lhun gyis rdzogs gyur cig /dge bshes dam pa'i drin la rab gnas shing / /dbang po skyon med 'dun dang bcas pa'i phyir/ /nyan thos shes pa'i tha snyad ldan pa rnams/ /chos la bdag 'dzin ting 'dzin sbyangs nas su/ /theg pa chen po'i sems la gzhol bar shog /dge ba'i rtsa ba tshul bzhin bsngos pa 'dis/ /nam mkha' mtha' yas rnam shes mtha' yas dang / /ci yang med dang srid pa'i rtse mo pa/ /bdag dang bcas pa'i ting 'dzin sbyangs nas su/ /bla med byang chub myur du thob par shog /bdag gi dge ba'i rtsa ba 'di yi mthus//bsam gtan bzhi gsum bcu gnyis la sogs te/ /gzugs khams lha tshogs mang po thams cad kun/ /bdag 'dzin sgyu mkhan de dag bsal nas kyang / /bla med byang chub myur du thob par shog /bdag gi dge ba'i rtsa ba 'di yi mthus/ / gzhan 'phrul 'phrul dga' dga' ldan 'thab bral dang / /sum cu gsum pa rgyal chen sa bla ba/ /'dod khams ris drug lha tshogs thams cad kun/ /dge bcu dpag med yon tan bsgrubs nas su/ /bla na med pa'i byang chub thob par shog /bdag gi dge ba'i rtsa ba 'di yi mthus//lha ma yin gyi ris su gtogs pa rnams/ /nga rgyal phrag dog dug rnams spangs nas su/ /byang chub gsum gyi go 'phang thob par shog /bdag gi dge ba'i rtsa ba 'di yi mthus/ /gling na gnas pa'i mi rnams thams cad kun/ /sdug bsngal dug gsum skyon rnams rab spangs nas//byang chub mchog tu sngon sems bskyed pa rnams/ /sems de rgyas shing yon tan rdzogs gyur nas/ /sngon chad nam yang dad sems ma skyed pa/ /dad dang mos pa'i sems su gyur nas su/ /lus ngag yid kyis brtson 'grus bskyed nas ni//byang chub sgrub la som nyi med par shog /gzhan yang phran tshegs sdug bsngal 'di dag kyang / /nam yang mi 'byung byung yang zhi bar shog /long bas gzugs mthong 'on pas sgra thos shing / /dig pas smra shes smyon pas dran rnyed shog /zha bo rnams kyang de bzhin rangs pa dang / /nad pa rnams kyang myur du sos par shog /dbul po rnams kyis rtag tu nor rnyed shog /bkres skom rnams kyis zas skom rnyed par shog /gos med rnams kyang gos dang ldan pa dang / de la sogs pa phongs pa'i sdug bsngal kun//thams cad bsal nas sgra mi snyan bzhin du/ /bde ba kun gyis kun du rgyas nas kyang / /bsod nams 'bras bu rtag tu grub par shog /bdag gi dge ba'i rtsa ba 'di yi mthus/ /mtha' yas 'jig rten khams kyi byol song rnams/ /glen zhing gti mug par ni gyur pa dang //gcig la gcig ni gnod pa'i sdug bsngal rnams/ /myur du bsal nas lha mi thob par shog /bdag gi dge ba'i rtsa ba 'di yi mthus/ /phyogs bcu 'jig rten khams kyi yi dwags rnams/ /bkres skom sdug bsngal rnams ni bsal nas kyang / /lha dang mi yi bde ba'i mchog la gnas//byang chub sgrub la som nyi med par shog /bdag gi dge ba'i rtsa ba 'di yi mthus/ /'jig rten khams kyi sems can ji snyed pa/ /tsha grang sdug bsngal ji snyed yod pa rnams/ /ba mo la ni nyi zer ji bzhin du/ /myur du zhi nas lha mi'i bde ba dang / /byang chub sgrub la the tshom med par shog /mdor na mtha' yas sems can thams cad kyi/ /sdig pa rnam grangs ma lus kun bsal nas/ /sdug bsngal 'bras bu kun las thar ba dang / /bla med byang chub mthun pa thob par shog /dge ba'i rtsa ba bsngo bar brtsams pa yang / /bdag phyir ma yin 'gro ba'i phyir brtsams pas//deng nas bzung nas byang chub thob par shog /mi khom brgyad dang gtan du bral gyur cig /grogs mchog dam pa rnams dang mi 'bral bas/ /gang nas gang du byang chub sgrub pa'i tshe/ /phrad par gyur nas spyod par mi smon pa/ /lha mi'i longs spyod mchog tu bde ba dang //rgyal srid dbang phyug de bzhin snyan tshig rnams/ /'gro ba'i don du spyod pa ma gtogs pa/ /bslus shing chags par nam yang ma gyur cig /rig pa'i gnas la sogs pa'i bya byed kun/ /mthong thos tha snyad bzhis ni bsgrubs nas su/ /thabs mkhas snying rje'i 'gro don ma gtogs pa//spyod par ma gyur slob par ma gyur cig /yul 'khor nor dang 'byung ba'i gter rnams dang / /pha ma phu nu de bzhin spun rnams dang / /bu dang chung ma khyim dad bang mdzod dang / /bran pho bran mo rta dang glang po dang / /de la sogs pa bya byed thams cad kun/ /thabs mkhas snying rje'i spyod pa ma gtogs par//bslus shing chags par nam yang ma gyur cig /rgyal ba sras bcas ma lus mchod pa dang / /'gro ba ma lus byang chub bsgral ba'i phyir/ /mgo gcod pa dang rna ba sna gcod dang / /snying dang rkang dang rus pa khrag rnams dang / /lpags pa dag dang yan lag nying lag rnams//dgos pa'i don du spyod pa'i dbang thob nas/ /ji ltar 'dod bzhin rtag tu gtong bar shog /byang chub snying po myur du thob bya'i phyir/ /phyag 'tshal ba dang bstod cing mchod pa dang / /sdig pa bshags shing tshul bzhin bsngos pa dang / /yi dam bcas nas nam yang mi 'bral bas//byang chub spyod pa rlabs chen thob nas su/ /ji ltar mthun par 'gro ba'i don spyod nas/ /byang chub snying por myur du song nas ni/ /bdud rnams sde dang bcas par tshar bcad nas/ /chos kyi 'khor lo rgya chen bskor gyur cig /lha dang lha min mi la sogs pa yi/