CLOSE WINDOW

D4396
བོད་ཡིག

rgya gar shar phyogs kyi sad+na ga ra'i paN+Di ta chen po gnas brtan nags kyi rin chen gyi zhal snga nas dang / dge slong chos smra ba bsod nams rgya mtsho'i sdes/ dpal bsam yas lhun grub rtse'i pho brang du bsgyur ba'o/ /[]@##/ /rgya gar skad du/ a gra tsar+ya pra Ni d+hA na/ bod skad du/ mchog gi spyod pa'i smon lam/ sangs rgyas dang byang chub sems dpa' thams cad la phyag 'tshal lo/ /skye dgu kun la sman dang bde slad du/ /phyogs bcu'i 'jig rten sangs rgyas rnams la 'dud/ /de dag la ni brjod cing mchod par bgyi//'gro kun byang chub phyogs la reg gyur cig /byams pa dang ni 'jam dpal mnga' bdag tog /chos kyi blo gros dpa' bo bdud rtsi gsungs/ /dpa' bo de la phyag 'tshal mkhyen pa ltar/ /de bzhin bdag kyang mi dbang rnams la 'dud/ / thugs rjer ldan zhing 'jig rten don mdzad pa/ /rgyal ba mi mkhyen mi gzigs mi mnga' ba/ /mi dbang thugs brtse byams la gnas pa yi/ /rgyal ba de kun bdag la dgongs su gsol/ /sngon gyi srid pa dag tu bdag nyid kyis/ /sdig pa'i las rnams gang bgyis bdag gis bshags//de bzhin lus ngag yid kyis bgyis pa rnams/ /de dag thams cad bdag gis so sor bshags/ /shAkya thub dang mi 'khrugs 'od dpag med/ /de dag gi ni phrin las yongs rdzogs dang / /chags dang bshags pa mkhyen cing rtogs gyur ltar/ / de bzhin bdag gis sdig pa bshags par bgyi/ /thams cad dga' mdzad skyes bu dam pa dang / /byang chub bzhugs pa kun la gsol bar 'tshal/ /ngan song bzhi po myur du zhi gyur cig /mi khom 'joms par bgyid cing rgyu bar shog /sangs rgyas bzang spyod dri med mnga' bdag dang //de bzhin lhun po'i dpal dang nyi ma sgron/ /de dag bsod nams yi rang mkhyen pa ltar/ /de bzhin bdag kyang bsod nams rje yi rang / /phyogs bcu dag na sbyin pa spyod pa gang / /de bzhin ting 'dzin tshul khrims spyod rnams dang / /shes rab bsgom dang bsod nams stobs kun la//byang chub yon tan don du yi rang ngo / /rgyal ba kun gyi yon tan mtha' yas dang / /chos bstan byang chub 'jog bgyid thams cad la/ /byang chub yon tan don du yi rang ngo / /'gro kun byang chub mchog la reg gyur cig/ 'jig rten rgyal ba gang bzhugs kun la bskul/ /phyogs bcu dag na byang chub rnyed pa gang / /de dag ji ltar sangs rgyas gsol ba ltar/ /rgyal rnams bzhugs shing chos mchog ston gyur cig /rgyal kun bskal pa mang por bzhugs par shog /'gro kun byang chub mchog la reg gyur cig /mi rnams thams cad mchog dang bla med pa/ /'jig rten sgron ma bde gshegs myur gyur cig /sangs rgyas rnams la phyag 'tshal mchog gang dang / /las dge rnams la yi rang gang lags dang / /sdig pa'i las rnams bshags pa gang lags dang //rgyal ba rkang gnyis dbang rnams mthong gang dang / /bdag gis dge ba cung zad ci bgyis pa/ /lus dang ngag dang sems las byung ba'ang rung / /bdag gis bgyi dang bgyid dang bgyis gyur gang / /thams cad skye dgu sman slad stsal bar bgyi/ / ji ltar phyogs bcu'i sangs rgyas rnams mkhyen nas/ /stsal ba legs par stsal zhing legs rgyas pa/ /de bzhin bdag gis skye dgu sman slad stsal/ /'gro kun byang chub mchog la reg gyur cig /bdag gis 'gro la stsal ba gang lags pa'i/ /bsod nams 'bras bu bla med ci mchis pa//theg pa chen por yongs su bsngo bar bgyi/ /bdag la byang chub 'bras bu grub par shog /mtshungs pa ma mchis kun nas sgo mo rnams/ /'gro ba'i don du bdag la mngon sum shog /'jam dpal gyi ni rjes su slob bgyid cing / / byang chub spyod pa'i smon lam gdab par bgyi/ /mi gcig tsam gyi ched du mnar med pa'i/ /tshor ba thams cad bdag gis myong gyur par/ /bskal pa du mar bdag ni spro bar bgyi/ /'gro ba thams cad mya ngan med par shog /sems dmyal gshin rje'i 'jig rten sdug bsngal dang //dud 'gro'i gnas rnams mi yi sdug bsngal dang / /'gro ba'i sdug bsngal phung po mtha' yas dag /bdag la 'bab gyur 'gro ba bde bar shog /rgyal ba rnams kyi zhing ni rnam dag dang / /sems can rnam dag ye shes rnam dag dang / / rgyal ba rnams kyi smon lam mtha' yas gang / /smon lam de kun bdag la grub par shog /bdag gi smon lam nyams par ma gyur cig /bdag ni nams kyang skyo bar mi 'gyur shog /byang chub mchog ni bdag gis thob bar du/ /bskal pa du mar bdag ni spro bar shog /