CLOSE WINDOW

D4392
བོད་ཡིག

/[ ]@#/ /rgya gar skad du/ pra Ni d+hA na sap+ta nA ma gA thA/ bod skad du/ smon lam bdun cu pa zhes bya ba'i tshigs su bcad pa/ byang chub sems dpa' kun tu bzang po la phyag 'tshal lo/ /yon tan rin chen dpag med tshogs mnga' zhing //nyes pa'i dug sdong mtha' dag drung phyung ba/ /phyogs bcu dag na dus gsum bzhugs pa yi/ /bde bar gshegs pa rnams la phyag 'tshal lo/ /mi shes pa yi rab rib sel mdzad pa'i/ /bag la nyal ba'i mda' dug 'byin pa'i thabs//'gro ba gsum po kun gyi blo gros kyi/ /mig 'byed pa yi chos la phyag 'tshal lo/ /bde gshegs sras po dge 'dun mi bzlog pa/ /thugs rje chen pos yid ni drangs gyur te/ /blo can bye bar gyur pa ma lus la/ /rgyun mi 'chad par mgo bos phyag 'tshal lo//'gro ba rnams su bdag gis mi dge gang / /cung zad bgyis sam bgyid stsal rjes yi rang / /rgyal ba rnams la de dag bshags nas ni/ /slan chad mi bgyid pa yi sdom pa nod/ /bde gshegs rang rgyal dang ni nyan thos dang / /rgyal ba'i sras kyis dge ba bsags pa dang //'jig rten pa yis legs par spyad pa bzhin/ /ma lus pa yang bdag ni yi rang ngo / /skye bo nyon mongs dug gis mgo rmongs pa/ /de dag rnams la mi dge gang mchis pa/ /de ni bdag nyid kho na dga' bzhin du/ /ci nas dmyal ba rnams su gzhol bar bgyi//'jig rten rab zhi bde ba'i bdud rtsi yis/ /tshim nas yid ni dge ba bgyid gyur cig /'gro ba dag gis sdug bsngal ji snyed pa/ /de ni bdag gis dang du len par shog /'gro ba 'di dag yid la myur du ni/ /yang dag byang chub nyid ni skye gyur cig /yid la byang chub dag ni bskyed pa dag /byang chub tshogs rnams yang dag sgrub par shog /dge ba'i tshogs sgrub nas ni sa thob cing / /srid pa gsum gyi mgon po'i gdung bzung nas/ /dgra rnams bcom nas 'jig rten gsum dag na/ /chos kyi rgyal srid chen po'i gnas thob shog /byang chub shing drung sangs rgyas rang sangs rgyas/ /nyin zhag ji snyed gzhes shing bzhugs pa dag /dpe ma mchis pa'i chos kyi bdud rtsi'i char/ /'gro la dbab pa'i slad du gsol bar bgyi/ /gzhan don phun sum tshogs pa rdzogs byas nas/ /mya ngan 'das pa mchog te gshegs pa gang //gzhan la phan pa mdzad cing yun ring du/ /bzhugs par blo bzang de la gsol bar bgyi/ /'jig rten gsum po thibs po der rgyu ba'i/ /sems can su dag ji snyed mchis pa dag /de dag rab tu zhi ba'i bde ba yi/ /bdud rtsi'i longs spyod mgron du gnyer bar bgyi//de ltar dge ba gang dag bsgrubs pa 'di/ /ma lus yang dag byang chub bsngo bar bgyi/ /des ni bdag ni byang chub sems dang ni/ /skad cig tsam yang 'bral bar ma gyur cig /ji srid phun sum tshogs pa'i gzhir gyur pa/ /bde bar gshegs pa'i go 'phang ma mnan pa//de srid du ni thub pa'i khyu mchog dang / /byang chub sems dpa' rnams dang bral ma gyur/ /de dag kho nas gzhan la dman pa yi/ /spyod pa'i lam dag nye bar bstan pa la/ /skyo ba ma mchis par ni sangs rgyas kyi/ /sras kyi kun la yang ni sbyar bar bgyi//bdag gi lus kyi yan lag nying lag dag /tshang zhing skye bo kun gyis bstod 'os pa'i/ /yon tan phung po tshe rabs dran pa dang / /cho rigs btsun zhing lus ni mdzes par shog /gzhan phan spong zhing rang don lhur len pa/ /tha chad dug dang 'dra ba spangs nas su//snying rjes gdungs pa'i yid kyis skye bo kun/ /gcig tu gzhol bar rjes su 'dzin par shog /bdag gis bdog pa rnams la gzhan gyis blo/ /gzhan gyi nor snyam cung zad mi 'dzin cing / /rang gi nor la som nyi ma mchis ltar/ /bag yangs dag tu len cing spyod par shog /bdag gi sha zhig slong ba mchis na yang / /brod la 'dzum pa'i mig gis stsal bar bgyi/ /bdag gi rkang la sogs pa rtag tu yang / /lus can rnams kyi don du gtong bar shog /bdag ni yid bzhin nor bus 'gro ba yi/ /'dod pa'i dngos po mtha' dag sgrub pa dang //yid la re ba yongs rdzogs bgyid pa yi/ /dpag bsam gyi ni shing dang 'dra bar shog /bdag ni rang gi ngang gis sdig pa dag /mi gtsang ba ltar rgyang ring spong ba dang / /thub pa'i skyes mchog gis ni bslab bcas pa'i/ /chu lon 'dral bar bgyid par ma gyur cig /lus dang srog la lta ba rgyang bsring nas/ /rtag par dgon pa rnams su dga' bar bgyi/ /rnyed pa dag dang bkur sti mtha' dag la/ /slon pa'i zas bzhin blo ni bzlog par bgyi/ /'gro ba rnams la gdol ba'i phru gu bzhin/ /rgyags dang nga rgyal dregs pa spangs pa dang //rigs btsun pa yi nye du'i tshogs bzhin du/ /rjes su mthun pa sgrub cing spyad par bgyi/ /zla zer pad+ma rtsa lag dri ma bral/ /ma ral ma 'dres nag nog ma mchis la/ /ma lus rab tu zhi ba'i rgyur gyur pa'i/ /tshul khrims la ni bdag ni goms par bgyi//su dag nongs ma mchis par bdag gi mgo/ sog les tshal pa brgyar ni gshags bgyid kyang / /de la'ang bu gcig gces pa bzhin du'ang / /rgyun mi 'chad par sems ni phangs par bgyi/ /su dag snying nas bdag la khros gyur te//dgos pa ma mchis bzhin du srog 'phrog na'ang / /de la'ang las kyi 'bras bu mi bzad par/ /mi 'tshal ba dag 'byung bar ma gyur cig /khro ba dang ni gshe dang mtshang 'bru dang / /brdeg par gyur kyang bzod pa mi btang ste/ /rgyal ba'i sras kyi spyod pa sgrub pa'i phyir//sdug bsngal ma lus pa dag dang du blang / /sngon chad rnyed ma myong ba thub pa'i chos/ /shin tu zab cing rigs pa'i mchog la yang / /bdag gis sems la skad cig tsam yang ni/ /som nyi'i dpyang thag g.yo bar ma gyur cig /bdag gi skye ba tshe rabs tshe rabs su/ / 'gro ba kun la sman pa lhur spyod kyis/ /skad cig tsam yang dge ba rgya chen po/ /bgyid par mi 'gyur bar ni ma gyur cig /bran dang 'dra bar 'gro ba thams cad kyi/ /bgyi ba ma lus pa dag bsgrub par bgyi/ /bdag gis kun gyis bgyi ba'i khur spangs nas/ /sems can rnams ni bde bar gnas par shog /lus ni gzhan gyi bran bgyid tshig smra na'ang / /gzhan la chos ston pa la dga' ba dang / /bdag gi yid kyang rtag tu gzhan dag la/ /phan par sems pa'i dbang du bgyid par shog /gal te dmyal bar bskal ba grangs med du/ / gcig tu sdug bsngal nyams su myong na yang / /'on kyang skyo ba dag ni ma mchis par/ /sems can yongs su smin par bgyid par shog /gcig nas sgrub pa'i rim pa 'di nyid kyis/ /lus can rnams ni 'dul bar bgyi slad du/ /'gro ba gsum po yongs su smin bgyid pa'i//go cha 'di nyid kyang ni bgo bar bgyi/ /me yi 'dag mas bar mtshams ma mchis pa'i/ /'obs rnams gang las brgal nas legs gsungs pa'i/ /tshig gcig tsam yang mnyan pa'i ched du ni/ /le lo ma mchis spro ba bgyid par shog /bsam gtan gzugs med ting 'dzin mtha' dag ni//'bras bu rnams la dga' ba spangs nas ni/ /rab tu mthar phyin pa yi gnas pa yis/ /dga' bar 'gyur ba dag tu goms par bgyi/ /zhen pa ma mchis zhi gnas rta zhon nas/ /rang bzhin g.yo ba'i sems kyi glang po che/ /shin tu gdul bar dka' ba log pa yi//lam du zhugs pa rnams ni 'dul bar bgyi/ /lha dbang dag dang 'khor los sgyur ba yi/ /'byor pa dam pa mchog dag mchis pa rnams/ /'dod pa'i rang bzhin mi gtsang ba bzhin du/ /bdag gi yid ni ltos pa ma mchis shog / lcags kyi khang pa 'bar ba 'dra ba yis/ /sreg par rgyu bar bdag ni dgar ma gyur/ /snying rjes drangs nas gzhan la sman pa dag /bgyis par rjes su mthun par skye bar shog /'gro ba'i mgon gyi sras po thams cad kyi/ /ting 'dzin gang zhig la ni dbang brnyes pas/ / rnam par bsgyings pa bsam gyis mi khyab pa/ /dpa' bo rol pa sna tshogs mdzad pa yis/ /dpa' bar 'gro ba dag dang nam mkha'i mdzod/ /dri med la sogs ma lus thob bgyis nas/ /'gro ba gsum po ma lus pa dag gis/ /bde ba gya nom bsgrubs nas cher stsal to//bzo dang bstan bcos sgyu rtsal rgya mtsho dag /mchog tu pha mtha' phul du phyin pa dang / /sems can thams cad kyis ni tshig gi don/ /ma lus pa dag rtogs shing mkhas par shog /tshig don ma lus spyod pa'i shes rab ni/ /dri med rnon po dpag tu med thob nas//sems can rnams la shin tu zab pa yi/ /rigs pa'i chos rnams kyi ni bgo bsha' bgyi/ /sangs rgyas gsung dag mthar phyin ma rtogs pa'i/ /sems can ma lus pa ni mtha' dag la/ /sems la yi ge bris pa 'dra bar ni/ /mang po dag gis rab tu bstan par bgyi//ci nas 'bras bur bcas pa'i stobs bcu yis/ /go 'phang mngon par 'dzegs gnas 'gro ba'i don/ /ma tshang ma lus 'bras mchis bgyid pa yi/ /thabs kyis spyod pa de dag bsgrub par bgyi/ /ji lta ji ltar sems can phan pa'i rgyu//thub pa rnams kyi smon lam ma lus pa/ /de lta de ltar rgyun du smon lam gyi/ /pha rol phyin pa dag ni thob par bgyi/ /yul gyi dgra yi tshogs ni mi bzad pa/ /mod la ma lus ci dgar zil mnan nas/ /sems kyi spyod pa rnams ni mi g.yo zhing //sa steng phan pa kho nas gnas par bgyi/ /chos 'di dag ni sgyu ma smig rgyu dang / /sprul pa lta bur yang dag rtogs bgyis nas/ /rtog pa'i dri ma rnams ni spangs nas su/ /'jig rten gsum la phan par bgyid gyur cig /pha dag bu gcig lhag par gces pa bzhin//nag nog ma lus pa dag spangs nas su/ /rgyun mi 'chad par 'gro ba mtha' dag la/ /byams pa'i bsgom pa dag gis gnas par bgyi/ /ji ltar ma dag brtse ba'i khur lci ba'i/ /bun pa la rjes su mthun spyod pa/ /de bzhin bdag kyang 'gro ba sems can la//snying rjes rgyas 'gyur so sor bgyid par shog /pha rol bde ba'i 'byor pa mthong nas ni/ /lhag par dga' ba mang po skyes nas su/ /snying gi bu gcig pa la bde skyed bzhin/ /dga' ba'i bsgom pa dag gis gnas par bgyi/ /sems can rnams la phan dang gnod pa'i rgyu//khong khro rjes su chags pa spangs nas ni/ /rang gi bu la bgyi ba bsgrub pa bzhin/ /'jig rten gsum po kun gyi bgyi ba bsgrub/ /dbang dang mngon shes so sor rig pa dang / /gzungs dang rnam par thar pa'i sgo rtogs nas/ /'jig rten khams ni dpag tu ma mchis pa'i//sems can rnams la phan pa dus gcig bgyi/ /sangs rgyas zhes bgyi'i sgra ni rna lam du/ /thos ma gyur pa'i yul khams gang lags pa/ /der ni thabs kyi rnam pa sna tshogs kyis/ /sangs rgyas mdzad pa dag dang mthun par bgyi/ /nam zhig 'jig rten 'dir ni srid gsum gyi//bla ma nyi ma shar bar ma gyur par/ /der ni bdag gis nyi ma bzhin du ni/ /lus can kun gyi rab rib bsal bar bgyi/ /bde gshegs rab tu mang pos spangs pa yi/ /yid dag sdig pas sbags pa gang lags pa'i/ /'gro ba de ni bdag gi tshig dag gis//spyod yul rnams la brten nas 'dul bar shog /bdag ni 'jig rten ma lus pa dag gis/ /bsnyen bkur bgyid pa dag la nye du dang / /byams la mdza' bshes ma bzhin sgrub pa dang / /pha bzhin phan pa'i gdams ngag 'doms par shog / bdag gi ming ni dran pa tsam gyis kyang / /'gro ba ma lus pa dag 'jigs pa las/ /mod la skyob par gyur cig srid gsum gyi/ /sdug bsngal ma lus pa dag spong bar shog /phongs pa brgya phrag bsten pa'i mi dag la/ /bum pa bzang dang nad pa'i sman dag ni/ /yi dwags sogs la rgyun mi 'chad par yang //bdud rtsi'i chab kyi rdzing bu bzang por shog /bdag ni grang ba'i dmyal bar dro ba dang / /tsha bar rdzi char bcas pa'i char 'bebs shing / /gzhan yang shin tu smad pa'i ngan 'gro dag /gnod pa ma lus zhi bar bgyid par shog / 'gro bas bdag ni dran pa tsam gyis kyang / /phongs pa mngon sum gyur la gnyen bshes dang / /nyam thag mda' char 'bab la gos sra dang / /mya ngan mi la bsil ba'i chab gyur cig /'gro ba dag gis dran na nyon mongs pa'i/ /dug gi gnyen por gyur cing srid gsum gyi//chu bo dag la zam pa brtan po dang / /ngan song gnas kyi sgo gtan bgyid par shog /bdag gi ming tsam dran na'ang 'jus pa bzhin/ /'gro ba ma lus srid pa'i g.yang sa ru/ /lhung ba zhi ba dag gi rtse mo la/ /'dzeg par gyur pa'i them skas gzhir gyur cig / skad cig tsam yang khro zhi dag gi ming / /blo la dran pa tsam zhig bgyid na yang / /ngan song rnams su ltung bar mi 'gyur zhing / /nges par byang chub yang dag sgrub par shog /bdag gi yon tan zla zer dri med ltar/ /'jig rten ma lus pa la bder gyur cig /dbugs tsam phyung ba rnams kyang pha rol la//bde ba dpag med skyed par bgyid par shog /shin tu phun sum tshogs pa ma lus pa/ /mthar phyin pa yi sangs rgyas nyid thob nas/ /dam pa'i sangs rgyas de nyid kho na la/ /'gro ba ma lus pa yang sbyar bar bgyi/ /de yi tshe na su yi sems la yang //nyes byas phran tshegs tsam yang mi 'byung la/ /skye bo gzhan la rgyun du phan byed cing / /dge ba bcu yi lam la gnas par shog /su yang rung ste ngan song gnas rnams ni/ /rmi lam na yang mthong bar mi 'gyur zhing / /ngan 'gro rnams kyi gnas ni mtha' dag kyang //lha yi 'jig rten bzhin du dga' bar shog /ji srid 'jig rten gsum gyi mi dge ba'i/ /mtsho klung dbus su 'ga' zhig chud na yang / /sangs rgyas bgyi ba yongs su mthar phyin kyang / /de srid de yi ched du bsdad par bgyi//bdag ni mya ngan 'das 'gro ston pa na/ /gsung rab rnams ni 'khrug par mi 'gyur zhing / /de la 'ga' yang som nyi'i dpyang thag la/ /skad cig tsam yang 'ju bar ma gyur cig /de ltar rgyal ba'i sras kyi rnam 'phrul la/ /mngon dgas bdag gis dge ba bsgrubs pa gang //des ni 'gro ba ma lus de dag gi /ma lus par ni thun mong 'gyur bar shog /slob dpon btsun pa gzhan la phan pa'i dbyangs dgon pa ba gsung rab mtha' dag chub par byas pa stag gis rang la bskyon te nags khung du phyin pa na snying rjes gdung ba'i yid kyis 'gro ba'i don sgrub pa'i smon lam bdun cu pa mdzad pa rdzogs so/