CLOSE WINDOW

D4391
བོད་ཡིག

/[ ]@//rgyal ba'i lam la 'jug pa las byung ba'i smon lam bzhugs/ @#/ /dkon mchog gsum la phyag 'tshal lo/ /rgyal ba'i lam 'jug yang dag par/ /sbyar las bsod nams tshad med gang / /de yis 'gro kun rgyal ba yi//lam la legs par 'jug par shog /bdag gis bsod nams 'di yi ni/ /nam mkha' kun khyab skye bo rnams/ /ngan 'gro kun las nges grol zhing / /mi khoms thams cad rnam par spangs/ /skye ba lha dang mi yi ni/ /skye ba yongs su thob par shog /srid pa sdug bsngal gyis skrag pa//dkon mchog gsum la skyabs 'gro zhing / /dam chos nyan sems don bsgom dang / /sems ni dben par gnas par shog /theg pa chen po la gnas te/ /tshangs pa'i spyod dang ldan par shog /lam kun rnam par bsgom pa yis/ /sa la sogs pa kun thob nas//zhing kun yang dag sbyangs nas ni/ /myur du sangs rgyas thob par shog /ji ltar 'khor ba'i gnas skabs su/ /bsam pa'i don kun thams cad ni/ /nam mkha'i mdzod bzhin mkha' nyid nas/ /sems can kun la 'byung bar shog / phyogs bcu nam mkha'i mtha' gnas pa'i/ /'jig rten khams ni de dag rnams/ /don kun 'jig rten khams bzhin du/ /de ltar thams cad dag par shog /bdag kyang byang chub snying po'i bar/ /zang zing mi 'jigs dam chosam dang / /byams pas sems can thams cad kyi//bsam kun yongs su rdzogs byed cing / /rtag pa nyid du tshangs spyod dang / /sdom pa kun gyis bsdams par shog /sems can don kun byed pa dang / /chos kun don ni ston par shog /'jig rten khams ni sems can kun/ /gang la gnod pa byed kyang ni//bag ni de dag thams cad ga/ /phan 'dogs byed pa nyid du shog/ /'khor ba'i sdug bsngal bsran nas bdag /rtag par sems can don la brtson/ /sems ni dam chos bams gtan la/ /ro gcig brtan pa nyid du shog /ji ltar brtson ldan brtson 'grus bzhin//bdag kyang go cha sbyar ba dang / /de bzhin mi ldog pa bzhes pa'i/ /brtson 'grus dang ni ldan par shog /ting 'dzin phun sum tshogs pa yi/ /tshogs kyi byang chub bsgrub pa yis/ /bsam gtan kun la gcig tu gnas/ /bdag sems rdo rje lta bur shog /shes rab nam mkha'i mtha' khyab pa/ /rdo rje yi ni mtshan nyid dang / rab mthun kun dga' tshogs dang ni/ /snying rje'i ro yis nges gang zhing / /thabs dang smon lam de bzhin du/ /stobs ni rab tu sbyor ba dang / /ye shes bdag nyid da'adi dag ni/ /bdag la rnam par dag par shog /mngon shes kun gyi phar phyin te/ /khyad par lam ni thob par shog /sangs rgyas zhing ni rnams sbyang zhing / /bdag ni sangs rgyas nyid gyur cig /'di nyid kyis ni rim pa yis/ /bdag gi bsod nams mthu yis ni/ /'khor bar gnas pa'i sems can kun//myar du rgyal ba nyid du shog /bsod nams yongs su bsngo ba 'di/ /bdag nyid gyis ni blo yis byas/ /kun nas kun tu ma lus pa/ /sangs rgyas nyid kyis mkhyen pas ni/ /kun du bzang po zhes bgyi ba'i/ /smon lam rgya mtsho ji lta ba/ /de bzhin du ni bdag la yang //dge ba rgya mtsho de myur du/ /'bras bu dang ni bcas par shog /phyogs bcu nam mkha' kun khyab pa'i/ /sangs rgyas zhing gi rgyal rnams shar/ /de dag ji ltar smon lam ni/ /sngon du byas 'i rim pa rnams/ /de tsam nyid du bdag gis kyang / / bsam pa brtan pa de bzhin bgyi/ /bsod nams mthu yis 'di dag ni/ /de bzhin du ni grub par shog /ji ltar dpal ldan 'jam dbyangs kyi/ /smon lam de bzhin bdag gis yang / /dus ni yun mi ring ba yis/ /smon lam 'di ni rdzogs par shog /sangs rgyas kun rnams rang rang gi /zhing bzhugs mya ngan mi 'da' zhing / /mkha' mnyam chos kyi char gyis ni/ /rtag tu sems can tshim byed shog /sems can rnams kyang sangs rgyas chos/ /dge 'dun bcas pa thams cad la/ /lha rdzas mchod sprin mtha' yas bas/ /yang dag par ni mchod byed shog /de bzhin gshegs pa'i yon tan gyis/ /'jig rten khams kun gang bar shog /mchog gi chos rnams sems 'gyur zhing / /srid pa sbyor bar byed par shog /paN+Di ta sangs rgyas dpal ye shes mdzad pa/ rgyal ba'i lam la 'jug pa las byung ba'i smon lam rdzogs so/