CLOSE WINDOW

D4386
བོད་ཡིག

/[ ]##//rgya gar skad du/ tsan+d+ra go mi pra Ni d+hA na nA ma/ bod skad du/ btsun pa zla ba'i smon lam zhes bya ba/ 'jam dpal gzhon nur gyur pa la phyag 'tshal lo/ /srid pa'i las ni nyam nga yis/ /gang dang gang du nyer skye ba//de dang der ni skyes pa dang / /dad dang dbang po tshang ba dang / /bzo dang sgyu rtsal kun mngon shes/ /bstan bcos kun la 'jigs med dang / /'dod pa kun la rgyab phyogs shing / /dngos kun yongs su gtong ba dang / /dran dang ldan zhing bden smra dang / sems can rnams kyis mthong na dga'/ /byang chub sems kyis rnam brgyan pa'i/ /dge ba'i bshes gnyen bsten pa dang / /dul ba'i spyod dang yang dag ldan/ /blo bzang skye ba gtsang ma dran/ /sdig pa'i las la 'jigs byed pas/ /spyod pa dge ba'i spyod yul can/ / mthar yang bla med rtogs pa yis/ /pha rol phyin pa bcu bsten pas/ /'gro la gcig tu bde ba yi/ /g.yo med mgon po thob par gyur/ /bdag ni bran dang mor ma gyur/ /blun dang yul ngan skye ba dang / /sangs rgyas 'byung la lkog ma gyur/ /nam du'ang lta ba log ma gyur//'dod med tshul ldan sangs rgyas rgyur/ /pha rol 'dod pa'i rdzas longs spyod/ /sems can nyam thag byed 'gyur ba'i/ /'dod pa'i slong mo bdag mi spyod/ /sems can rnams la byams goms shing / /rgyu med rang bzhin sangs rgyas dang / /byang sems 'gro ba'i 'bras mi lta//rigs chen blo nor skye ba dang / /skye ba skye bar lus mdzes shing / /bde gshegs mang po'i snyan ngag byed/ /skye zhing skye ba dang ldan par/ /gang du sangs rgyas lhar byed pa'i/ /rigs der bdag ni skye ba dang / /skye ba dang ni skye ba ru/ / chos lnga po ni mi spong zhing / /bsod nams ye shes stobs dang ni/ /brtson 'grus byang chub sems lnga po/ /ji ltar thams cad mkhyen pa yi/ /zhabs thob pa yi thabs de bzhin/ /de ltar bdag gis thabs kyis ni/ /thub pa'i dbang po'i zhabs thob shog /btsun pa zla ba'i smon lam zhes bya ba rdzogs so// //rab tu bsngags pa'i gnas chen po nye ba'i 'thung gcod dpal bal po yam bu'i grong khyer du/ bal po'i paN+Di ta dze+e ta kar+Na'i zhal snga nas dang / bod kyi lo tsA ba shAkya'i dge slong nyi ma rgyal mtshan dpal bzang pos bsgyur cing zhus te gtan la phab pa'o/