CLOSE WINDOW

D4356
བོད་ཡིག

/ //[]@/ lta ba'i rim pa bshad pa bzhugs/ /@##/ pad+ma'i spyan la phyag 'tshal nas/ /lta ba'i rim pa bshad par bya/ /'jig rten pa dang 'jig rten 'das/ /gser gyi rdzas ltar gcig las snang / /rnam grangs snang ba lnga gsum gnyis//shes nas gzhag dang blang bar bya/ /thams cad byang chub snying po'i klong / /pad+ma 'khyil ba'i rang bzhin la/ /rang gi rtog rnyog ri bos mnan/ /rang rgyud rkyen gyis log snang ba/ /skye bo pa dang mu stegs pa/ /drug dang rtag chad snang bar byung / /dmus long tshul gyur skye bo yang //mtho yor mi ltar brtags snang ba/ /dmyal ba'i rang sems mi sogs snang / /yi dgas sdig sems mi gtsang yul/ /byol song gyen thur ngam grog snang / /mi la mthong yul 'di nyid snang / /de bzhin lha min go mtshon snang / /lha yi dge sems rin chen snang / /ci yang snang phyir mthong mi bden/ / skye bo rtog pas phrogs pa yi/ /rnam 'phrul phyi nang lta bur snang / /brtags pa brda yi tha snyad shar/ /rkyen gyis log tshul mu stegs pa/ /khrid byed drug gi bstan pas bslus/ /mdo bsdus mu stegs chad pa la/ /glo bur tsam snang mtha' med lta/ /rtag pa byas snang dngos por 'dod/ /de yang rgyu min rgyur smra ba//rang bzhin rgyur 'dod dbang phyug rgyu/ /ngo bo nyid la rgyur smra dang / /rdul phran rgyu ru 'dod pa dang / /byed po rgyu ru 'dod pa log /gzhan yang mu stegs zhar byung la/ /phyi rol ba dang yang dag pa/ /gsang sngags pa dang gsang chen pa/ /gnyis gsum lnga rnams rgyu yi tshul/ /gsum gnyis 'bras bu'i tshul snang ba//bdag tu 'dzin pa bzhi la lta/ /'jig rten 'das pa'i lta ba yang / /cig shos lta ba las 'phags pa/ /nyan thos rang rgyal mdo sde dang / /kr-i ya u pa yang dag dang / /de bzhin yo ga'i theg pa dang / /ma hA yo ga'i theg pa dang / /a nu yo ga'i theg pa dang / /a ti yo ga'i theg pa dang / /chos tsam lta ba'i nyan thos pas//mdo sde pa dang bye brag gnyis/ /phyi rol yul la rtsod byed cing / /shes pa skad cig snang bar mthun/ /de bzhin rang rgyal theg pa pa/ /phyi rol bcu gnyis sgyu ma tsam/ /rdul yang phyogs chas ma grub 'phags/ /shes pa skad cig snang dang mthun/ /mtshan nyid theg pa'ang rnam pa gsum/ /rnam rig pa dang rnal 'byor pa/ /de bzhin mdo sde dbu ma pa'o//rnam rig phyi rol mtho yor mi/ /srab mo rta ltar med bzhin du/ /rang gi rnam shes 'khrul snang 'dod/ /don dam ye shes skad cig 'dod/ /rnal 'byor dbu ma kun rdzob mthun/ /don dam stong pa ma skyes 'dod/ /mdo sde kun rdzob sgyu ma tsam/ /yul rnams log nas snang bar lta/ /dam par mtha' gnyis bral ba yis//dbu ma chen por 'dod pa'o/ /kr-i yas don dam chos nyid lta/ /kun rdzob rang rig yon tan lta/ /rigs gsum dkyil 'khor snang ba la/ /skye bos 'khrul pa med par 'dod/ /gnyis ka rgyud kyi spyod pa ni/ /lta spyod gong 'og rjes su mthun/ /yo ga'i don dam rnam dag pa'i/ /chos kyi dbyings kyi ye shes su/ /rtogs pa'i byin rlabs lhar snang la//skye bos 'di dag lhar mthong 'khrul/ /ma hA yo ga'i don dam du/ /rang gnyis med de de bzhin nyid/ /rtogs pa'i cho 'phrul drug sogs pa'i/ /ltar snang ngang la 'khor ba med/ /a nu yo gas don dam du/ /bde chen rtogs pas rig pa'i rtsal/ /kun rdzob lha yi dkyil 'khor snang / /de phyir skye bos brtags pa 'khru la//a ti yo ga'i bden gnyis bral/ /thams cad rang byung rang snang ba'i/ /ye shes mtha' dbus bral ba la/ /brtags pa gnyis po gdod nas med/ /de phyir gser la gser mthong ltar/ /ji bzhin ma nor bden mthong yin/ /mnyam nyid rang bzhin ma nges pas/ /ji ltar bltas pa der snang phyir/ /dngos po rtag pa yod min te//yod na kun la mthun snang phyir/ /de phyir rang sems ngo bor snang / /brtags pa gcig yul gcig min pas/ /'khrul pa snang bar the tshom med/ /des na spyod yul gdod nas med/ /rtog sems 'gro ba so so'i sems/ /gcig na dge sdig rnam smin yang / /ma spyad kun gyis myong bar rigs/ /de min yang dag don mi rung //rnam smin thun mong ma gyur phyir/ /gcig min de nyid ma skyes pas/ /tha dad don du'ang mi rung ste/ /gcig dang tha dad las grol ba'o/ /dngos po sna tshogs brtags pa yi/ /ming la grub pa'i gtan tshigs med/ /de phyir mtshan nyid ci yang min/ /ma grub pa la yod rtogs pa/ /sgyu ma'i skyes bus shes 'gyur gyi/ /rgyal ba nyid kyis mi mkhyen no//snang bas spyod yul ma grub phyir/ /dmigs pa'i shes pa yod mi rung / /spyod yul ma skyes ye shes phyir/ /bsgom bya'i chos nyid logs na med/ /sems kyi ye shes mtha' bral phyir/ /sgom pa po yang ga la yod/ /de ltar sgom mkhan dngos med na/ /mi gnas mi rtog 'jog pa dang / /nam mkha' lta bu rang gsal ba'i//rang sems yong gis de lta'o/ /ci yang yid la mi byed na/ /yang dag don la phebs pa'i rigs/ /lus ngag ma skyes gzhi med phyir/ /skyil krung smra bcad kha na med/ /de bzhin sems kyang dngos bral bas/ /rtog spang sgom pa'i khar mi 'ong / /de ltar rtog pa sgom pa'o/ /yal bar 'dug pa nam yang med/ /ci phyir bdag nyid de phyir bas//rang gi dbyings las g.yos pa med/ rtog pa'i mtshan ma bzang dang ngan/ /ci skyes dgag par mi bya zhing / /de don dran pas 'bral ba'ang med/ /rang byung rang zhir nga smra'o/ /dper na rkun po tshor ma thag /ma bskrad 'bros bzhin gdeng gis zhi/ /lta ba'i shugs las byung ba'i phyir/ /ched du tshor ba bstan mi dgos/ /de min blo yi skad cig tu//rnam rtog rang gi de nyid blta'o/ /bying ba shes pa ldang mi nus/ /rmugs pa don nyid mi gsal ba'o/ /bying rmugs rab tu bying rmugs dang / /shin tu bying rmugs phyir mi gtang / /de bzhin rgod pa rnam pa gsum/ /le lo snyom las dman la sbyor/ /dogs pa gol dang lhung ba gnyis/ /re ba rtags dang 'bras bu'o/ / 'khrug dang 'jug tu mi btub dang / /lus kyi bya byed spyod pa dga'/ /ngag gi ca co smra dga' ba/ /yang dag don las ring ba'i phyir/ /bya byed grong yul gtam mi gleng / /sbyin dang cho ga'i las mi bya/ /dge ba'i las kyang g.yeng 'gyur na/ /sdig las mi bya smos ci dgos/ /nyams dang g.yo dang goms pa dang / / brtag pa'i nyams dang sbyar bar bya/ /don du 'di snyam bstan du med/ /de rtogs yang dag nyams dang ldan/ /de tshe phyi nang gsang ba'i drod/ /phyi nang rtags kyang rim pas 'byung / /skyes kyang dga' drod sems ma byed/ /med kyang de la mi dga' med/ /de dag g.yo dang thob brtan na/ /rim 'byung gsang na dngos grub 'byung / /klu gsum ldan pa'i skyes mchog la//seng ge lta bur 'jig tshogs bral/ /zas dang nor gnyen ma chags shing / /snying rje chen po mi 'bral na/ /chos nyid don dang phrad pa'i rtags/ /ci spyod don las ma nyams na/ /goms nas las su rung ba'i rtags/ /'di ldan dbang phye btsums med na/ /snang ba gang yang mi bskyon zhing / /yid la bya ba med phyir ro//lus kyis rim par bzod thob dang / /chos brgyad spong len med pa dang / /gang la'ang nyon mongs mi skyen/ /'di yang sa la 'gro ba'i rtags/ /yid la byed med 'gags snang med/ /'du shes ma bzung rang gsal la/ /gang yang nyams su mi len cing / /sems kyis mngon par ma phyogs shing / /dmigs med tshul du rang snang ba//tha snyad tsam du bsgom zhes brjod/ /yang dag don gyi gdeng med par/ /tshig tsam lta la khungs chung zhing / /bya med chos la blo gtad nas/ /rtsing chos phaT ral spyod byed pa/ /rgyal ba'i bkas kyang mi skyobs te/ /ya nga'i 'bras bu the tshom med/ /rtogs pa'i mtshan nyid brgyad ldan na/ /skyes bu de ni rgyal ba'i sras/ /gdeng med lta ba mtho 'dod pas//rang gi nga rgyal snyems byed pa/ /ri bos srog chags mnan pa ltar/ /nam yang thar ba'i khar mi 'byung / /gsang sngags gsang ba'i sgor zhugs nas/ /yang dag don la mi 'dud par/ /mi chos zang zing las byed cing / /rang dbang yod bzhin dbang med ces/ /smra zhing gsang don yal 'jog pa/ /phyi ma gar 'gro gtol med par//gal med le lo'i las byed pa/ /e ma'o rang 'joms dpa' ba ste/ /rgya mtsho mjing gi pha bong ltar/ /thugs rje'i zhags pa dpyangs thag yin/ /rang gis rang bslus snying re rje/ /le lo can la thar lam med/ /lta ba'i rim pa'i man ngag ka ba dpal brtsegs kyis mdzad pa rdzogs so// //