CLOSE WINDOW

D4347
བོད་ཡིག

@#/ sgra sbyor bam po gnyis pa bzhugs/ /@##/ /na mo bud+d+hA ya/ bam po dang po/ rta'i lo la btsad po khri lde srong btsan pho brang gi'i 'on cang rngon bzhugs/ stod smad kyi dmag rnying rjed dang rkun chen btul/ gar log gi pho nyas phyag btsal/ blon chen po zhang khri zur ram shag dang /mang rje lha 'od la sogs pas rgyal sa gnang mang po bcad de/ rnga rta dang ba mar phal mo che phyag tu phul/ zhang blon man chad so sor bya dga' stsal ba'i lan la/ nyi 'og gi mkhan po A tsAr+ya dzi na mi tra dang / su ren+d+ra bo d+hi dang / shI len+d+ra bo d+hi dang / dA na shI la dang / bo d+hi mi tra dang / bod kyi mkhan po rat+na rak+Shi ta dang /d+har+m+ma tA shI la dang / lo tsA ba mkhas par chud pa dz+nyA na se na dang / dza ya rak+Shi ta dang / many+dzu shrI war+m+ma dang / rat+nen+d+ra shI la la sogs pas theg pa che chung las 'byung ba'i rgya gar gyi skad las bod kyi skad du bsgyur zhing ming du btags pa rnams dkar chag tu bris te/ nam du yang gzhung lugs de las mi bsgyur zhing kun gyis bslab du rung bar gyis shig ces bka' stsal nas/sngon lha sras yab kyi ring la/ A tsAr+ya bo d+hi sa twa dang / ye shes dbang po dang / zhang rgyal nyen nya bzang dang / blon khri gzher sang shi dang / lo tsA ba dz+nyA na de ba ko Sha dang / lce khyi 'brug dang /bram ze A nan+da la sogs pas chos kyi skad bod la ma grags pa las ming du btags pa mang dag cig mchis pa'i nang nas kha cig chos kyi gzhung dang / byA ka ra Na'i lugs dang mi mthun te/ mi bcos su mi rung ba rnams kyang bcos/ skad kyi ming gces so 'tshal gyis kyang bsnan nas theg pa che chung gi gzhung las ji ltar 'byung ba dang /gna'i mkhan po chen po nA gA rdzu na dang / ba su ban+d+hu la sogs pas ji ltar bshad pa dang / byA ka ra Na'i sgra'i lugs las ji skad du 'dren pa dang yang bstun te/ mjal dka' ba rnams kyang tshig so sor phral nas gtan tshigs kyis bshad de gzhung du bris/skad rgyad pa bshad mi 'tshal ba sgra bzhin du bsgyur bar rigs pa rnams kyang sgra btsan par bgyis te ming du btags/ skad kha cig don bzhin du gdags par rigs pa rnams kyi don btsan par bgyis te ming du btags nas/ btsad po'i spyan sngar ban+de chen po dpal gyi yon tan dang /ban+de chen po ting nge 'dzin la sogs pa yang 'tshogs te/ rje blon gdan 'dzom pa la zhus nas d+har+m+ma bsgyur ba'i thabs dang / rgya gar gyi skad la bod kyi skad du ming btags pa rnams gtan la phab ste/ bkas bcad pa/ dam pa'i chos bsgyur ba'i lugs ni don dang yang mi 'gal la bod skad la yang gar bde bar gyis shig /d+har+m+ma bsgyur ba la rgya gar gyi skad kyi go rims las mi bsnor ba bod kyi skad du bsgyur na don dang tshig tu 'brel zhing bden ma bsnor bar sgyur cig bsnor na bde zhing go ba bskyed pa cig yod na/ tshigs bcad la ni rtsa ba bzhi pa'am/drug pa 'ang rung ste/ tshigs su bcad pa gcig gi nang na gang bde ba bsnor zhing sgyur cig /rkyang pa la ni don gang bsnyegs pa yan chad kyi tshig dang don gnyis ka la gar bde bar bsnor zhing sgyur cig /skad gcig la ming du mar 'dren pa ni ltag 'og dang bstun la gar snyegs pa bzhin du ming thogs shig /gau ta mya lta bu gau'i sgra las tshig dang / phyogs dang / sa dang / 'od dang / rdo rje dang / ba lang dang / mtho ris la sogs pa rnam pa du mar snyegs pa dang / kau shi ka lta bu'i rtswa ku sha thogs pa dang / mkhas pa dang / pad+ma la dga' ba dang / 'ug ba dang / mdzod ldan la sogs pa'i sgra'i lugs las drangs shing bsgyur na sna grangs mang po zhig tu snyegs la/bsgyur ba rnams gcig gi nang du ni sna grangs de kun 'dur yang mi btu ba ste/ gcig tu chad par byar yang gtan tshigs chen po med pa rnams ni mi bsgyur bar rgya gar skad so na zhog cig /gar yang drang du rung ba'i tshig byung na/ phyogs gcig tu chad par mi bsgyur bar spyir snyegs su rung bar gyis shig /yul dang / sems can dang / me tog dang / rtsi shing la sogs pa'i ming bsgyur na yid gol zhing tshig mi bde ba dang / 'ol phyir bsgyur du rung ba don du de ltar yin nam ma yin gtol med pa rnams la/ mgo la yul zhe'am/ me tog ces pa la sogs pa gang la bya ba'i ming gcig bla thabs su snon la rgya gar skad so na zhog cig /grangs la rgya gar skad bzhin du bsgyur na dge slong brgya phrag phyed dang bcu gsum zhes 'byung ba la sogs pa ni stong nyis brgya lnga bcu zhes tha mal par bod kyi skad bzhin bsgyur na don dang yang mi 'gal ba bod kyi skad la yang bde bas grangs bsdom du rung ba rnams bod skad kyi lugs bzhin du thogs shig /pa ri dang / sam dang / u pa lta bu la sogs te/ tshig gi phrad dang rgyan lta bur 'byung ba rnams bsgyur na don dang mthun zhing 'byor ba'i thabs ni/ yongs su zhe'am/ yang dag pa zhe'am/ nye ba zhes sgra bzhin du sgyur cig /don lhag par snyegs pa med pa rnams ni tshig gi lhad kyis bsnan mi dgos kyis don bzhin du thogs shig /rnam grangs su gtogs pa'i tshig rnams ni ma 'doms na ming gang bod skad du spyir grags shing tshig tu gar bde bar gdags so/ /'doms na so sor btags pa bzhin du thogs shig /sangs rgyas dang byang chub sems dpa' dang nyan thos la sogs pa zhes dang sko long gi tshig gi rim pa ni sangs rgyas la zhe sa'i tshig tu bsgyur/ gzhan la tshig 'bring po man tshad tsam du byas te/ sngon lha sras yab kyi spyan sngar mkhan po dang lo tsA ba mkhas pa 'tshogs pas/ d+har+m+ma dkon mchog sprin dang /lang+kar gshegs pa bsgyur te/ gtan la phab pa'i lugs bzhin du sgyur cig /skad kyi lugs 'di ltar bkas bcad pa las so so nas su yang 'chos shing 'og tu ming gsar du 'dogs su mi gnang gis/ bsgyur ba dang 'chad pa'i grwa so so nas skad gsar du ming gdags dgos pa zhig yod na yang /so so'i grwa grwar ming chad par ma gdags par chos kyi gzhung dang sgra'i lugs las ji skad du 'byung ba'i gtan tshigs dang / chos la ji skad du gdags pa dpyad de/ pho brang du bcom ldan 'das kyi ring lugs kyi 'dun sa dang / d+har+m+ma zhu chen 'tshal ba'i grwar phul la/ snyan du zhus te bkas bcad nas skad kyi dkar chag gi dkyus su bsnan no//gsang sngags kyi rgyud rnams gzhung gis gsang bar bya ba yin te/ snod du ma gyur pa rnams la bshad cing bstan du yang mi rung la/ bar du bsgyur zhing spyod du gnang gis kyang / ldem po dag tu bshad pa ma khrol nas sgra ji bzhin du 'dzin cing log par spyod pa dag kyang byung /sngags kyi rgyud kyi nang nas thu zhing bod skad du bsgyur ba dag kyang byung zhes gdags kyi/ phyin chad gzungs sngags dang rgyud bla nas bka' stsal te/ sgyur du bcug pa ma gtogs pa/ sngags kyi rgyud dang / sngags kyi tshig thu zhing bsgyur du mi gnang ngo / /skad kyi ming sngon gtan la ma phab pa dang ming du ma thogs pa las theg pa che chung gi gzhung dang sgra'i gzhung las 'byung ba dang sbyar te bshad pa'i dang po'o// //sangs rgyas kyi mtshan dad yon tan gyi ming la sogs ba skad dka' ba rnams thog thog bshad pa sangs rgyas kyi mtshan gyi rnam grangs la/ bud+d+haHzhes bya ba'i sgra las drangs na gcig tu na/mo ha ni drA pra mat+ta pra bud+d+ha pu ru Sha ces bya ste/ gti mug gi gnyid sangs pas na mi gnyid sangs ba bzhin te/ sangs pa la snyegs/ yang rnam pa gcig tu na/ bud+d+hai ti kA sha nA da bud+d+ha bi bud+d+ha pad+ma bta/ blo bye zhing rgyas bas na pad+ma kha bye zhing rgyas pa dang 'dra bar yang bshad de sangs rgyas zhes bya'o/tshig gi don spyir na chos thams cad thugs su chud cing ma lus par byang chub pa la bya/ b+ha ga bA na zhes bya ba gcig tu na/ b+ha ga na mA ra tsa tuSh+Ta pa twa dwa b+ha ga bAn/ zhes bya ste bdud bzhi bcom pas na bcom pa la bya/ yang rnam pa gcig tu na b+hag ni legs pa rnam pa drug gi ming ste/ gzugs dang / grags pa dang / dbang phyug dang / dpal dang / shes rab dang / brtson pa ste 'di drug gi spyi la bya/ bAn zhes 'byung ba ni b+hag s+yA stI ti b+ha ga bAn zhes ldan bar bshad de/ de rnam grangs 'di skad du bya ba las sngar bsgyur ba'i tshig grags pa btsan bar bya ste/ bcom ldan 'das zhes bya ba ni mdo sde dag las sangs rgyas kyi yon tan la mtshan 'jig rten las 'das pa'o//zhes kyang 'byung bas na/ 'jig rten pa'i b+ha ga bAn las khyad bar du 'das zhes bla thabs su bsnan te/ bcom ldan 'das zhes btags/ 'jig rten ba'i b+ha ga bAn zhes bya ba ni 'jig rten ba'i gzhung nyid las kyang bcom par mi 'chad de/ legs pa dang ldan pa zhes 'chad bas 'jig rten ba'i b+ha ga bAn ni legs ldan zhes gdags/ta thA ga ta zhes bya ba ta thA ni de bzhin ga ta ni gshegs ba'am byon ba'am mkhyen ba'am gsungs pa la bya ste/ tshig gi don spyir na sngon gyi sangs rgyas rnams ji ltar gshegs shing phyin pa dang / chos thams cad kyi rang bzhin de bzhin nyid ji lta ba mkhyen zhing gsungs ba la bya mod kyi/sngar grags ba bzhin de bzhin de bzhin gshegs pa zhes gdags/ ar+han zhes bya ba gcig tu na/ pU dza mar ha tI ti ar+han zhes bya ste/ lha dang mi la sogs pa kun gyis mchod par 'os pas na mchod 'os zhes kyang bya/ yang gcig tu na/ kle sha a ri ha da bAn ar+han zhes bya ste/nyon mongs pa'i dgra bcom pa zhes kyang bya ste/ rnam pa 'di las 'dir ni don btsan par bya ste dgra bcom pa zhes btags/ samyak+saM bud+d+ha zhes pa samyaka ni yang dag pa/ sam ni sa man+tAm/ sam pUr+N+Na ste ma lus pa'am rdzogs pa/ bud+d+ha ni sangs rgyas pa la bya ste/ spyir na chos thams cad kyi ngo bo nyid ma nor bar thugs su chud cing mngon par byang chub pa'i mtshan te/yang dag par rdzogs pa'i sangs rgyas zhes bya/ bid+yA tsa ra Na saM pan+na zhes pa bi d+yA ni rig pa/ tsa ra Na ni rkang pa/ saM ban+na ni ldan pa'am phun sum tshogs pa la bya ste/ bslab pa gsum dang sbyar na lhag pa'i shes rab ni rig pa/ lhag pa'i sems dang lhag pa'i khrims ni rkang pa/ 'phags pa'i lam yan lag brgyad dang sbyar na/ yang dag pa'i lta ba ni rig pa/ lhag ma bdun ni rkang pa ste/ rig pa mig dang 'dra bas mtshon nas rkang pas phyin cing thob par 'gyur bas na rig pa dang zhabs su ldan pa zhes bya/ su ga ta ces bya ba gcig tu na/sho b+ha na ga ta su ga ta su rU pa bta ces bya ste/ legs par gshegs pas na legs par gshegs pa ste/ gzugs legs pa bzhin/ a pu nar prat+yA ga ta su naSh+Ta dz+war bta ces bya ste/ phyir mi ldog ba gshegs pas na legs par gshegs pa ste/ rims nad legs par byang ba bzhin/yA bang+ga ta byag ma nA ta su ga ta/ su pUr+Na g+haT ba ta ces bya ste/ ji tsam du 'gro bar bya ba ma lus par phyin pas na legs par gshegs pa ste/ bum pa legs par gang bzhin pa zhes 'byung / yang na gcig tu na/ d+har+m+ma skan+d+ha las 'byung ba su ga ta i ti su khi to b+ha ga bAn/ swarga ta a bya thi ta/ d+har+m+ma sa ma n+wA ga ta/ta du ts+ya te su ga ta ces 'byung ste/ bcom ldan 'das bde bar gyur cing mtho ris kyi bde ba dang ldan la/ gnod ba mi mnga' zhing gnod pa med pa'i chos dang ldan pas na bde bar gshegs pa'am bde ba brnyes pa la yang bya ste/ 'dir sngar grags ba dang / d+har+m+ma skan+d+ha las 'byung ba dang sbyar te bde bar gshegs pa zhes btags/lo ka bid ces bya ba lo ka ni 'jig rten/ bid ni bid dz+nyA na ste de bzhin gshegs pas nyin lan gsum mtshan lan gsum du gdul ba'i sems can gyi khams la gzigs shing / skal ba yod ba dang med pa rtogs par mkhyen pas na 'jig rten mkhyen pa zhes bya/a nu t+ta ra pu ru Sha da mya sA ra thi zhes bya ba/ a nut+ta ra ni bla na med pa/ pu ru Sha da mya sA ra thi ni skyes bu 'dul ba'i kha lo sgyur ba ste/ sor mo'i phreng ba la sogs ba zhe sdang che ba dang / dga' bo la sogs pa 'dod chags che ba dang / lteng rgyas 'od srungs la sogs pa gti mug che ba'i 'dul ba'i sems can rta rgod dang 'dra ba 'dul dka' ba rnams 'jam pos 'dul ba yang 'jam pos btul/drag pos 'dul ba yang drag pos btul/ gnyi gas 'dul ba yang gnyi gas btul te/ thabs bzang zhing sla bas thabs thabs bzhin du btul nas don sgrub pa'i mchog mya ngan las 'das pa la gnas par kha lo sgyur zhing 'jog pas na/skyes bu 'dul ba'i kha lo sgyur ba bla na med pa zhes bya/ shA sta zhes bya ba shA su a nu Shi Sh+To zhes bya ste/ phyir tshig gi don du na ston zhing slob pa la bya/ ta ni tshig gi don du bya bar zad de/ spyir na lha dang mi la sogs pa thams cad kyi ston par gyur bas na ston pa zhes bya/dzin zhes bya ba dzi ta pA pa ka a ku sha la d+har+m+ma zhes bya ste/ sdig pa dang mi dge ba'i chos las rgyal bas na rgyal ba zhes bya/ tA yi zhes bya ba tA yi ni san+tA na pa la na yoHzhes bya ste/ 'phags pa'i lam thugs su chud pa bstan zhing bshad de/ rgyun mi gcod pa dang / skyob cing skyong ba la bya ste/ pA la skyong ba zhes btags pa zhig kyang gud na yod pa dang ma 'dom par bya ste skyob bar btags/ ma hA r-iShi zhes bya ba ma hA chen po/ r-i Shi ni r-i Shi ga tau zhes bya ste/ shes pa dang ldan pa la'ang bya/ yang gcig tu na/ r-i d+h+ye ti pra Ni d+hA nan zhes bya ba ste/smon pa rnams 'byor zhing 'grub pa la'ang bya/ yang gcig tu na/ kA ya bAg+ma no b+hi r-i dzu she te i ti r-i Shi zhes bya ste/ lus dang ngag dang yid drang por gnas shing srong bas na drang srong chen po zhes pa tags/ aM gi ras zhes bya ba thog ma drang srong nyid kyi lus las byung bas na bdag lus skyes zhes bshad pa dang /aM gi ras ni nyi ma ste/ nyi ma'i rigs yin pas na nyi rgyud ces kyang bshad du rung bar 'dul ba'i dngos po dang / bshad pa las 'byung la/ mdo sde dag las sku'i kha dog nyi ma bzhin du lham me lhang nger bzhugs pa'i yon tan lta bur yang bshad pas nyi ma'i rgyud ces btags/ de bzhin gshegs pa so so'i mtshan la/bi shwa b+hu ga zhes bya ba/ bi shwa ni thams cad/ b+hu dza pA lan a b+h+ya ba ha ra yo zhes 'byung ste/ longs par kun la spyod pa'am sems can thams cad skyob pa la bya ste/ skabs 'dir sangs rgyas kyi mtshan yin pas na thams cad skyob ces btags/ kra kuts+tshun+da ces bya ba/kra ni kra ma ste 'khor ba/ kuts+tshun+da ni/ ti kung sa ya ti zhes bya ste/ 'khor ba 'joms pa'am/ sel ba la bya ste/ 'khor ba 'jig ces bya/ yang yi ge kha cig gi nang nas kra kuts+tshun+da ces kyang 'byung ste/ kutshi ta tshan+do/ a ti kran+do smA di ti zhes bya ste/ sangs rgyas kyi chos bstan cing bshad pas mi dge ba dang log pa la dad pa bsal zhing med par byas pa'i mtshan te/log dad sel zhes bya/ kA sh+ya pa zhes bya ba/ ka sh+ya ga te zhes bya ste/ chad pas bcad pa'am gnod par bya ba'i rigs pa yin/ pa ni pA la ni skyob ba'am skyong ba'i drang srong gi rigs su skyes pa la bya ste/ chad pas bcad cing gnod par bya ba las skyob pas na gnod skyob ces kyang bya/yang rnam pa gcig tu na/ kA sh+ya dI pa to zhes kyang bya ste/ skal ba yod pa'i sems can chos bshad pa'i 'od kyis snang bar bya ba'i rigs ba rnams gcig tu na kA sh+ya dI pa to zhes kyang bya ste/ skal pa yod pa'i sems can chos bshad pa'i 'od kyis snang bar bya ba'i rigs pa rnams srung zhing skyob pas na 'od srungs zhes kyang byar rung ste/sngan chad ming du btags te grags pa bzhin du 'od srungs zhes btags/ sangs rgyas kyi yon tan gyi ming la mi mnyam pa dang mnyam pa'i phung po dang / ye shes dang sku gsum la/ a sa ma sa ma pany+tsa skan+d+ha zhes bya ba a sa ma ni mi mnyam pa ste/sngon gyi sangs rgyas rnams la bya/ sa ma ni mnyam pa ste sngon gyi sangs rgyas de dag nyid dang mtshungs par gyur ba la bya/ pany+tsa skan+d+ha ni phung po lnga ste zag pa med pa'i tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung po ste/ sangs rgyas rnams la mnga' ba'i phung po 'di dag phal pa la med pas na mi mnyam pa dang mnyam pa'i phung po lnga zhes bya/d+har+m+ma d+hA tu bi shud+d+ha zhes bya ba chos kyi dbyings rnam par dag pa yin te/ stobs dang mi 'jigs pa la sogs pa 'phags pa'i chos rnams skye zhing 'byung ba dang dbyings su gyur pas na chos kyi dbyings de bzhin nyid la glo bur gyi nyon mongs pa'i sgrib pa dang /shes bya'i sgrib pa sprin dang 'dra ba dngas shing byang ste/ nam mkha'i dbyings dag pa dang 'dra ba san chos kyi dbyings rnam par dag pa zhes bya/ A daR+sha dz+nyA na zhes bya ba me long lta bu'i ye shes yin te chos kyi dbyings rnam par dag pa la dmigs pas gzung ba dang 'dzin pa'i rtog pa thams cad dang bral te kun gzhi rnam par shes pa gnas gyur bas/me long phyis pa'i nang du ci yang snang ba bzhin du chos thams cad kyi gzugs brnyan snang ba la bya ste/ me long lta bu'i ye shes zhes bya/ sa ma tA dz+nyAn zhes bya ba thog mas dang po la de kho na nyid mngon bar rtogs pa'i tshe/bdag dang gzhan du mi 'byed cing mnyam pa nyid du rtogs bas gong nas gong du sbyangs ba'i sangs rgyas kyi sa la mi gnas ba'i mya ngan las 'das par gyur ba'i tshe/ nyon mongs pa can gyi yid gnas 'phos te/ ye shes su gnas gyur ba la mnyam pa nyid kyi ye shes zhes bya/pra t+ya be k+Sha Na dz+nyA na zhes bya ba so sor rtog pa'i ye shes yin te/ yid kyi rnam par shes pa gnas gyur pas gzungs dang ting nge 'dzin dang bsam gtan dang snyoms par 'jug pa thams cad kyi gzhir gyur ba/ shes bya thams cad la thogs pa med pa'i ye shes 'jug bas chos kyi char chen po 'bebs shing the tshom sna tshogs gcod pa dang /sku bai DU R+Ya la sogs pa rin po che'i mdog tu ston pa'i rgyur gyur pa yin te/ so sor rtog pa'i ye shes zhes bya/ kr-i t+yA nuSh+Tha na dz+nyAn zhes bya ba bya ba sgrub pa'i ye shes yin te/ mig la sogs pa dbang po lnga'i rnam par shes pa gnas gyur pas 'jig rten gyi khams thams cad du thabs sna tshogs dbag tu med bas sems can mang po'i don mdzod pa'i gzhir gyur pa yin te/bya ba sgrub ba'i ye shes zhes bya/ d+har+m+ma kA ya zhes bya ba chos kyi sku yin te/ sangs rgyas kyi sa dang sbyar na chos kyi dbyings rnam par dag pa dang / me long lta bu'i ye shes ni de bzhin nyid kyi rang bzhin te chos kyi sku zhes bya/sam+b+ho ga kA ya zhes bya ba longs spyod rdzogs pa'i sku yin te/ mnyam ba nyid kyi ye shes dang so sor rtog pa'i ye shes gnyis kyis chos kyi longs spyod dang skyid ba chen po ma lus pa myong bar mdzad ba rnam par snang mdzad kyi sku la bya ste/ longs spyod rdzogs pa'i sku zhes bya/ nir+m+mA Na kA ya zhes bya ba sprul pa'i sku yin te/ bya ba sgrub pa'i ye shes kyis sems can so so cis 'dul ba bzhin du thabs thabs su sku dang gsung dang thugs sprul te/ sna tshogs su ston pa la bya bas na/ sprul pa'i sku zhes bya/ de bzhin gshegs pa'i stobs bcu la/ da sha ta thA ga ta ba laM zhes pa de bzhin gshegs pa'i stobs bcu yin te/de bzhin gshegs pa'i ye shes sgrib pa med pas shes bya'i dngos po gang la yang thogs pa med de mkhyen pa 'di bcu'i mthu nyan thos la sogs pa gzhan las 'phags pas na de bzhin gshegs pa'i stobs bcu zhes bya/ s+thA nA s+thA na dz+nyAn ba lan zhes bya ba gnas dang gnas ma yin pa mkhyen pa'i stobs yin te/gnas ni legs par spyad pas 'bras bu yid du 'ong ba 'grub pa dang / nyes par spyad pas 'bras bu yid du mi 'ong ba smin par 'gyur ba la sogs pa la bya/ gnas ma yin pa ni legs par spyad pa'i 'bras bu yid du mi 'ong bar gyur ba dang / nyes par spyad pa'i 'bras bu yid du 'ong bar 'gyur ba la bya ste/srid pa dang mi srid pa ma nor bar mkhyen pa'i stobs dang ldan pa'i phyir gnas dang gnas ma yin pa mkhyen pa'i stobs zhes bya/ kar+m+ma bi pA ka dz+nyA na ba lan zhes bya ba las kyi rnam par smin pa mkhyen pa'i stobs yin te/ bla na med pa'i ye shes kyis 'das pa dang /ma 'ongs pa dang / da lta byung ba'i las yang dag par blangs pa rnams kyi rnam par smin pa las kyi rgyu gang gis/ gnas gang du 'bras bu smin pa mkhyen pa'i stobs zhes bya/ nA nA d+hi muk+ti dz+nyA na ba lan zhes bya ba mos pa sna tshogs mkhyen pa'i stobs yin te/ zag pa dang bcas pa dang / zag pa med pa dang khams gsum la dga' zhing mos pa rnam pa sna tshogs mkhyen pas na mos pa sna tshogs mkhyen pa'i stobs zhes bya/nA nA d+hA tu dz+nyA na ba lan zhes bya ba khams sna tshogs mkhyen pa'i stobs yin te/ khams zhes bya ba ni sngon gyi bag chags kyis grub pa'i bsam pa'i khams dang / kun nas nyon mongs pa'i khams dang /rnam par byang ba'i khams la sogs pa la bya ste/ khams tha dad pa mang po'i rang dang spyi'i mtshan nyid ma nor bar thugs su chud pas na khams sna tshogs mkhyen pa'i stobs zhes bya/ in+d+ri ya pa rA pa ra dz+nyA na ba lan zhes bya ba dbang po mchog dang mchog ma yin pa mkhyen pa'i stobs yin te/dad pa la sogs pa'i dbang po rab dang / 'bring dang / tha ma'i rim pa dang rnam grangs ma lus par mkhyen pa'i dbang po mchog dang mchog ma yin pa mkhyen pa'i stobs zhes bya/ sarba tra gA mi nI bra ti ban+tha ba lan zhes bya ba thams cad du 'gro ba'i lam mkhyen pa'i stobs yin te/'gro ba lngar skye ba'i lam dang / mya ngan las 'das bar 'gro ba'i lam la sogs pa lam mo cog chub par mkhyen pas thams cad du 'gro ba'i lam mkhyen pa'i stobs zhes bya/ sarba d+h+yA na bi mok+Sha sa mA d+hi sa mA pat+ti saM kla sha bya ba dAn dz+nyA na ba lan zhes bya ba bsam gtan dang rnam par thar pa dang ting nge 'dzin dang snyom par 'jug pa'i kun nas nyon mongs ba dang /rnam par byang ba dang ldang pa thams cad mkhyen pa'i stobs yin te/ bsam gtan dang po la sogs pa bzhi dang / rnam par thar ba brgyad dang / stong pa nyid la sogs pa'i ting nge 'dzin mang po dang /mthar gyis gnas pa'i snyoms par 'jug pa dgu la sogs pa la bya/ kun nas nyon mongs pa ni lta ba dang dmigs pa rnam pa sna tshogs kyis nyon mongs par gyur ba la bya/ rnam par byang ba ni 'khor ba la chags pa med pa dang mi dmigs pa dang ldan pas rnam par dag pa la bya/ / ldan pa ni lugs dang mthun pa'am mi mthun pa dang thod rgal la sogs pa'i tshul gyis ldan pa mkhyen pa la bya/ pUrba ni bA sA nu smr-i ti dz+nyA na ba lan zhes bya ba sngon gyi gnas rjes su dran pa mkhyen pa'i stobs yin te/ bdag dang sems can thams cad kyi sngon gyi tshe rabs grangs med pa tshun chad gnas gar skyes pa dang /byad gzugs kyi rnam pa ci 'dra ba dang / mtshan ma dang rtags ci yod pa dang las kyi rgyu cis skyes pa mkhyen pas na sngon gyi gnas rjes su dran pa mkhyen pa'i stobs zhes bya/ ts+yu t+yu pa pat+tI dz+nyAn ba lan zhes bya ba shi 'pho dang skye ba mkhyen pa'i stobs yin te/ lha'i spyan gyis sems can rnams gang nas shi 'phos nas gang du skyes ba ma lus bar gzigs pas na shi 'pho dang skye ba mkhyen pa'i stobs zhes bya/A shra bak+Sha ya dz+nyA na ba lan zhes bya ba zag pa zad pa mkhyen pa'i stobs yin te/ 'dod chags la sogs pa'i nyon mongs pa thams cad bag chags yan chad zad cing byang bar gzigs pas na zag pa zad pa mkhyen pa'i stobs zhes bya/de bzhin gshegs pa'i mi 'jigs pa bzhi la tsa twa ri ta thA ga ta bai shA ra d+yaM zhes bya ba de bzhin gshegs pa'i mi 'jigs pa bzhi yin te/ mi 'jigs ba bzhi dang ldan pas de bzhin gshegs pa phal pa mang bo'i nang du byon nas khyu mchog gi gnas rlabs po che zhal gyis 'che ste/tshangs pa'i 'khor lo bskor zhing yang dag par seng ge'i sgra sgrogs pas na mi 'jigs ba zhes bya/ de la mngon par byang chub pa la mi 'jigs pa dang zag pa zad pa mkhyen pa la mi 'jigs ba gnyis ni sangs rgyas nyid kyi rgyud la mnga' ba'i yon tan yin pas na rang gi don phun sum tshogs pa yin la/bar du gcod ba'i chos des par bstan pa dang / nges par 'byung ba'i lam bstan ba la mi 'jigs pa gnyis ni gzhan la phan par bya ba'i phyir bshad pa yin pas na gzhan gyi don te/ bdag dang gzhan gyi don phun sum tshogs par bstan pa'ang yin no/ /sarba d+har+m+mA b+hi saM bo d+hi bai shA ra d+yan zhes bya ba chos thams cad mngon par rdzogs par byang chub ba la mi 'jigs pa yin te/de bzhin gshegs pas chos thams cad phyag mthil du skyu ru ra'i 'bras bu bzhag pa dang 'dra bar thugs su chud de/ mngon par byang chub pa la shes rab brnyes pas dge sbyong ngam bram ze'ang rung /lha'i mig dang pha rol gyi sems shes pa la sogs pa'i yon tan dang ldan pa lha'am bdud kyang rung rdzu 'phrul dang ldan zhing mthu che ba'i tshangs pas kyang chos dang mthun pas mngon par sangs rgyas pa ma yin par brgal ba'i gzhi dang gtan tshigs med de brgal gyis dogs pa med pas na chos thams cad mngon par rdzogs par byang chub pa la mi 'jigs ba zhes bya ste/mi 'jigs pa 'og ma gsum gyi mjug kyang 'di dang 'dra bar bshad/ sarbA shra pak+Sha ya dz+nyA na bai shA ra d+yan zhes bya ba zag pa thams cad pa mkhyen pa la mi 'jigs ba yin te/ zag pa zhes bya ba ni nyon mongs pa'i ming ste/'dod chags la sogs pa'i nyon mongs pa dang ma bral na srid pa'i rtse mo man chad kyang slar 'dzag cing ltung bas na zag pa zhes bya/ nyon mongs pa thams cad spangs te zad par mkhyen pa la zag pa ma zad par sun dbyung zhing don rtags kyis brgal du med de/ mi dogs pas na zag pa thams zad par mkhyen pa la mi 'jigs pa zhes bya/an+ta ra yika d+har+m+mA na n+ya tha tA ni sh+tsi ta byA kar Na bai shA ra d+yan zhes bya ba bar du gcod pa'i chos rnams gzhan du mi 'gyur bar nges pa'i lung bstan pa la mi 'jigs pa yin te/ bar du gcod pa'i chos zhes bya ba bag med pa dang ngo tsha mi shes pa dang khrel med pa la sogs pa 'phags pa'i lam dang /dge ba'i phyogs kyi bar du gcod pa rnams bar chad kyi chos yin no zhes lung bstan cing bshad pa la thog tu ma bab pa med pas na bar du gcod pa'i chos rnams gzhan du mi 'gyur bar nges pa'i lung bstan pa la mi 'jigs pa zhes bya/ sarba si pa dA d+hi ga mA yi nair+ya Ni ka pra ti pat+ta thA twa bai shA ra d+yan zhes bya ba phun sum tshogs pa thams cad thob par 'gyur ba nges par 'byung ba'i lam de bzhin du 'gyur ba la mi 'jigs pa yin te/de bzhin gshegs pas nyan thos rnams la nges par 'byung ba'i lam mya ngan las 'das pa'i bde ba phun sum tshogs pa thob par 'gyur zhing sdug bsngal mthar 'byin pa bshad pa la nges par 'byung ba'i lam ma yin no zhes dge sbyong ngam bram ze sus kyang brgal zhing gzhan du bsgyur du med pas na phun sum tshogs pa thams cad thob par 'gyur ba nges par 'byung ba'i lam de bzhin du 'gyur ba la mi 'jigs pa zhes bya/sangs rgyas kyi chos ma 'dres pa bco brgyad la/aSh+Ta da sha be Ni ka bud+d+ha d+har+m+mA zhes bya ba sangs rgyas kyi chos ma 'dres pa bco brgyad yin te/ chos 'di rnams nyan thos dang rang sangs rgyas dang byang chub sems dpa' rnams la yang mi mnga' ste/ phal dang thun mong du gyur pa ma yin la/ sangs rgyas nyag gcig la yon tan 'di rnams mnga' bas na sangs rgyas kyi chos ma 'dres pa zhes bya/nA sti ta thA ga ta s+ya s+kha li tan zhes bya ba de bzhin gshegs pa la 'khrul ba mi mnga' ba yin te/ sku dang gsung dang thugs kyi phrin las la nor zhing thog tu ma bab pa med pas na de bzhin gshegs pa la 'khrul pa med pa zhes bya/nA sti ra bi tan zhes bya ba ca co med pa yin te/ dgra bcom pa kha cig la ma nor nas ku co 'don pa dang / sngon gyi bag chags ma byang bas ca co che zhing tshig la 'khral 'khrul yod pa lta bu ma yin pas ca co med pa zhes bya/ nA sti mu Shi ta smr-i ti tA zhes bya ba bsnyel ba med pa yin te/dgra bcom pa la ma da gongs pa'i ye shes mi mnga' ste/ bsnyel nas sems can gyi don bya ba la sogs pa shor ba dang / dus las yol ba lta bu ma yin pas na bsnyel ba med pa zhes bya/ nA sti sa mA hi ta tsit+taM zhes bya ba sems mnyam par ma bzhag pa med pa yin te/ dgra bcom pa dag nam ting nge 'dzin gang la zhugs pa de'i tshe/ting nge 'dzin de la mnyam par gzhag pa lta bu ma yin gyi/ de bzhin gshegs pas ting nge 'dzin mchog brnyes pas na ting nge 'dzin la zhugs kyang rung ma zhugs kyang rung ste/ mnyam par ma bzhag pa med pas na sems mnyam par ma bzhag pa med pa zhes bya/nAsti nA nA tA saM dz+nyA zhes bya ba/ tha dad pa'i 'du shes med pa yin te/ dgra bcom pa dag 'khor ba dang mya ngan las 'das pa gnyis la bye brag tu 'dzin cing nyon mongs pa dang rnam par byang ba'i chos la sogs pa la tha dad du 'byed pa lta bu mi mnga' ste/ sems mnyam pa nyid dang chos mnyam pa nyid du gzigs pas na tha dad pa'i 'du shes med pa zhes bya/nAs+t+ya pra ti saM khyA yo pek+Sha zhes bya ba so sor ma brtags pa'i btang snyoms med pa yin te/ dgra bcom pa dag sems can gyi don la ma brtags par yal bar 'dor ba lta bu ma yin gyi/ skal ba yang med dang dus la bab ma bab gzigs nas dus dang sbyor ba ma gtogs par yal bar 'dor ba med pas na so sor ma brtags pa'i btang snyoms med ba zhes bya/ nA sti ts+tshan+da s+ya hA ni zhes bya ba 'dun pa nyams pa med pa yin te/ dgra bcom pa dag spyod yul dman bas de bzhin gshegs pa'i sa la mos shing 'dun ba med de nyan thos kyi bya ba la mos pa lta bu ma yin gyi/sangs rgyas sems can gyi don mdzod pa dang / dkon mchog gsum gyi gdung mi 'chad par bya ba la sogs pa la rtag tu 'dun par 'jug pas na 'dun pa nyams pa med pa zhes bya/ nAsti bI R+Ya s+ya hA ni zhes bya ba brtson 'grus nyams pa med pa yin te/de bzhin gshegs pa sems can gcig gi phyir bskal bar chos bshad kyang sku dang gsung dang thugs bsnyel bar mi 'gyur ba dang / sems can gcig gi phyir yang 'jig rten gyi khams grangs med ba 'das te gshegs pas na brtson 'grus nyams pa med pa zhes bya/nasti smr-i ti hA ni zhes bya ba dran pa nyams pa med pa yin te/ sems can thams cad kyi sems dang / spyod pa dang / bsam pa dang / mos pa la sogs pa sems can 'dul ba'i thabs dang / sangs rgyas kyi mdzad pa thams cad dang / chos thams cad ji ltar gzigs shing dgongs pa la phyis ye shes kyis brtag mi dgos te/ nyams pa med pas na dran pa nyams pa med pa zhes bya/ nAsti sa mA d+her+hA ni zhes bya ba'i ting nge 'dzin nyams pa med pa yin te/ chos thams cad kyi de bzhin nyid mnyam pa nyid la snyoms par 'jug cing de las mi g.yo bar 'dzin pas na ting nge 'dzin nyams pa med pa zhes bya/nAsti pra dz+nyA yArtA ni zhes bya ba shes rab nyams pa med pa yin te/ sems can thams cad kyi spyod pa mkhyen pa mi zad pa dang / sems can yongs su smin pa mkhyen pa mi zad pa dang / so sor yang dag par rig pa mi zad pa mnga' bas na shes rab nyams pa med pa zhes bya/nAsti bi muk+ter+ha ni zhes bya ba rnam par grol ba nyams pa med pa yin te/ nyon mongs pa'i sgrib pa dang / shes bya'i sgrib pa thams cad las grol bas na rnam par grol ba nyams ba med pa zhes bya/ sarba kA ya karma dz+nyA na burbaM ga maM dz+nyA nA nu pa ri bar+t+tI zhes bya ba lus kyi las thams cad ye shes sngon du 'gro zhing ye shes kyi rjes su 'brang ba yin te/dgra bcom ba kha cig lus kyi las bsam bzhin ma yin bar byed de/ 'jig rten gyi yid dang 'gal ba lta bu ma yin gyi/ spyod lam bzhi po kun gyis kyang sems can 'dul te/ ye shes sngar 'byung ba'i rgyu las byung bas na ye shes sngon du 'gro ba yin/ye shes dang lhan cig 'byung zhing ye shes kyi rjes su 'jug pas na ye shes kyi rjes su 'brang ba yin te/ bsdus na lus kyi las thams cad ye shes sngon du 'gro zhing ye shes kyi rjes su 'brang ba zhes bya/ ngag dang yid kyi skabs su yang ye shes sngon du 'gro zhing ye shes kyi rjes su 'brang ba 'di bzhin du bshad/sarba wAk+kar+m+ma dz+nyAn bUrbaM ga maM dz+nyAnA nu pa ri bar+t+ti zhes bya ba ngag gi las thams cad ye shes sngon du 'gro zhing ye shes kyi rjes su 'brang ba yin te/ sems can thams cad kyi don mdzad cing chos bstan pa la don med cing chung za bar mi 'gyur la/gsung gi yan lag drug cu dang ldan pas na ngag gi las thams cad ye shes sngon du 'gro zhing ye shes kyi rjes su 'brang ba zhes bya/ sarba mnaHkar+m+ma dz+nyA na pUrbaM ga maM dz+nyA nA nu pa ri bar+t+ti zhes bya ba yid kyi las thams cad ye shes sngon du 'gro zhing ye shes kyi rjes su 'brang ba yin te/nyon mongs ba dang spros pa'i bag chags thams cad dang bral te/ yang dag pa'i mtha' don dam pa'i mtshan nyid dang ma bral bas na yid kyi las thams cad ye shes kyi rjes su 'brang pa zhes bya/ a tI te d+h+wa n+ya saM ga mA pra ti ha ta dz+nyA na daR+sha naM pa ri ba r+t+ta te zhes bya ba 'das pa'i dus la ma chags ma thogs pa'i ye shes mthong ba 'jug pa yin te/dgra bcom pa ltar 'das pa'i dus kyi dngos po ci la brtags pa sna gcig mkhyen gyi gzhan la thogs shing mi mkhyen pa lta bu ma yin gyis/ 'das pa'i dus kyi sangs rgyas kyi zhing dang / sa chu me rlung gi rdul phra mo'i grangs dang / sems can gyi bsam pa dang spyod pa la sogs pa ma lus pa mnyam par gzhag pa dang /ma bzhag pa'i dus dang sbyar ba med cing cil yang thags thogs med pa thugs su chud pas na/ 'das pa'i dus la ma chags ma thogs pa'i ye shes mthong ba 'jug pa zhes bya/ ma 'ongs pa dang da ltar gyi dus kyi skabs su yang 'di bzhin du sbyar zhing bshad/so so yang dag par rig pa bzhi la/ tsa tuSh+ThA pra ti saM bid ces bya ba so so yang dag bar rig pa bzhi yin te/ chos dang don dang des pa'i tshig dang spobs ba bzhi la mkhas pas so so yang dag par rig pa zhes bya/ cho 'phrul gsum la tri Ni prA ti hAR+YA ni zhes bya ba cho 'phrul gsum yin te/A de sha na prA ti hAR+Ya zhes bya ba pha rol gyi snying la ci sems pa mkhyen pas ji sems pa kun brjod pa'i cho 'phrul dang / r-i d+d+hi prA ti tA R+Ya nam mkha' la gshegs pa dang / sku lus mang por sprul pa la sogs pa rdzu 'phrul gyi cho 'phrul dang / a nu shA sa shA sa nI prA ti hAR+Ya bden pa gnyis kyi sgo nas chos thams cad gtan la phab bar bkrol te phan zhing rjes su mthun par bshad pas na rjes su bstan pa'i cho 'phrul rnam pa 'di gsum ngo mtshar che ba'i rmad du byung bas sems can mang po dad cing 'dun par mdzad pas na cho 'phrul gsum zhes bya/byang chub sems dpa'i sgra bshad pa la bo d+hi sa twa zhes bya bas twa na ye ShAM ste bo d+hi satwa zhes pa bo d+hi byang chub/satwa ni sems dpa'a'am sems stobs che ba la bya/ bla na med pa'i byang chub sgrub pa la gcig tu brtul zhing me nur bas na byang chub sems dpa'/ mahA satwa zhes bya ba ma hA ni chen po/satwa ni sems dpa' ste nyan thos dang rang sangs rgyas kyi byang chub tu sems bskyed pa lta bu ma yin gyi/ sems can thams cad bsgral ba'i phyir/ bla na med pa'i byang chub la zhugs pas na sems dpa' chen po zhes bya/ sangs rgyas dang byang chub sems dpa' dang nyan thos kyi sa'i rim pa'i ming la da sha b+hU mi zhes bya ba sa bcu yin te/sa gong ma'i yon tan thob par bya ba'i rten du 'gyur zhing / sa de nyid yon tan gyi gzhi yin pas nas zhes bya/ sa dang po pra mu di ta ces bya ba ni don chen po sngon 'dris pa ma yin pa'i 'jig rten las 'das pa'i sems thob pa dang /byang chub dang nye zhing sems can mang po'i don sgrub ba gzigs nas dga' ba rlabs po che skye bas rab tu dga' ba zhes bya/ sa gnyis pa ni bi ma la zhes bya ba ni/ tshul khrims 'chal pa'i ltung ba phra mo yan chad kyang byang bas na dri ma med pa zhes bya/ sa gsum pa pra btA ka ri zhes bya ba ni nyan thos dang rang sangs rgyas kyis las 'das pa'i ting nge 'dzin gyi phung po yongs su dag pa ye shes kyi snang ba chen po'i gnas su gyur pa thob pas na 'od byed pa zhes bya/ sa bzhi pa artsi Sh+ma ti zhes bya ba ni/ nyon mongs pa sreg pa byang chub kyi phyogs kyi me'i 'od 'phro ba can zhes bya/sa lnga pa su du rdza ya zhes bya ba ni nyan thos dang rang sangs rgyas las 'das pa'i 'phags pa'i bden pa bzhi la sgom zhing 'khor ba dang mya ngan las 'das pa gnyis ka la mi gnas pa'i shes rab yongs su dag par sbyang zhing sgom pa shin tu dka' bas na sa de non par dka' ba'am bsgrub par dka' ba la bya ste/shin tu sbyang dka' ba zhes bya/ sa drug pa a b+hi mu khi zhes bya ba ni shes rab kyi pha rol tu phyin pa la brten nas 'khor ba dang mya ngan las 'das pa gnyis ka la mi gnas shing mtshan ma med pa la gnas shing mtshan ma med pa la rang gi ngang gis 'jug pa'i ye shes la mang du gnas shing mngon du gzigs pas na mngon du gyur pa zhes bya/sa bdun pa dU raM ga ma zhes bya ba mtshan ma med pa la bgrod pa gcig tu gyur pa'i lam dang nye zhing ring du phyin pas na ring du song ba zhes bya/ sa brgyad pa a tsal zhes bya ba ni mtshan ma'i 'du shes dang mtshan ma med par rtsol ba'i 'du shes gnyi gas bskyod par mi nus pas mi g.yo ba zhes bya/sa dgu pa sA d+hu ma ti zhes bya ba ni/ sa dgu pa la so so yang dag par rig pa brnyes pas na blo gros gzhan las 'phags pa yin te legs pa'i blo gros zhes bya/ sa bcu pa d+har+m+ma me g+ha zhes bya ba ni gzungs dang ting nge 'dzin kun la yang sprin dang 'dra bar khyab cing thos pa'i chos nam mkha' dang 'dra ba la sprin bzhin du khyab pas na chos kyi sprin zhes bya/sangs rgyas kyis sa man+ta pra b+hA bud+d+ha b+hU mi zhes bya ba ni 'od zer mang po bkye bas 'dul ba'i sems can smin par mdzad cing chos kyi snang ba 'od dang 'dra bas thams cad la gsal bar byas pas na sangs rgyas kyis kun du 'od ces bya/shukla bi daR+sha na b+hU miHzhes bya ba ni mos pas spyod pa'i drod la dang po rnam par byang ba dkar po mthong bas dkar po rnam par mthong ba'i sa zhes bya/ go tra b+hU miH zhes bya ba ni dad pa shin tu che ba'i sa 'jig rten gyi chos kyi mchog la chos dang gang zag la bdag med par bzod pas na byang chub thob pa'i rigs dang ldan pas na rigs kyi sa zhes bya/aSh+Ta mi ka b+hU mi zhes bya ba ni brgyad pa la bya ste/ dgra bcom pa'i 'bras bu thob pa'i gral dang po nas yas bgrangs na/rgyun du zhugs pa la 'jug pa grangs brgyad pa la bab pas na brgyad pa'i sa zhes bya/ daR+sha na b+hU mi zhes bya ba ni dr-i sh+yAta prek+Sha Na zhes bya ste/ dr-i sha ni mthong ba/ b+hU mi ni sa ste/ rgyun du zhugs pa'i 'bras bu la gnas pas de khon nyid rtag par mthong bas na mthong pa'i sa zhes bya/ta nU b+hU mi zhes bya ba ni lan cig phyir 'ong bas 'dod pa'i khams kyi 'dod chags sra ba mor byas pas na bsrabs pa'i sa zhes bya/ bI ta rA ga b+hU mi zhes bya ba ni phyir mi 'ong ba'i sa la bya ste/ sa 'di la gnas pas 'dod pa la 'dun pa dang / gnod sems spangs pas na 'dod pa'i 'dod chags dang bral ba yin te/'dod chags dang bral ba'i sa zhes bya/ kr-i tA b+hi b+hU mi zhes bya ba ni dgra bcom pa'i sa la bya ste/ kr-i ta ni byas pa/ a b+hi ni a b+hi du ma shI la zhes bya ste/ bsrung ba'i rang bzhin can yin pas na/ sngar byas te grub pa'i don mi nyams par bsrung ba'i phyir byas pa srung ba'i sa zhes bya ste/dngos su na dgra bcom pa'i sa la bya/ mos pas spyod pa dang nges par 'byed pa'i cha dang mthun pa'i rim pa'i ming la a d+hi muk+ti tsaR+Ya b+hU mi zhes bya ba/ bskal pa grangs med ba gcig gi bar du byang chub sems dpa' chos kyi dbyings la mos pa bsgoms te/da dung de bzhin nyid ma mthong pas na mos pas spyod pa'i sa zhes bya/ A lo ka lab+d+ha zhes bya ba chos kyi dbyings la mos pas bsgoms pa'i bye brag gis rang dang spyi'i mtshan nyid du brtags pa'i chos thams cad dngos po med de brjod pa tsam du rig la/ chos la nges par rtog pa'i bzod pa'i snang ba dang po thob pas na snang ba thob pa zhes bya/A lo ka br-id+d+hi zhes bya ba chos kyi snang ba de nyid rgyas par bya ba'i brtson pa brtan par rtsom pas na snang ba mched pa zhes bya/ ta twA r+thaika de shA nu pra be sha zhes bya ba chos kyi snang ba mched pas phyi rol gyi yul med cing sems tsam du rtogs te/gzung ba'i g.yeng ba dang bral bas na de kho na'i don gyi phyogs gcig zhugs pa zhes bya/ a nan+taR+Ya sa mA d+hi zhes bya ba dad pa rab kyis sa 'di la 'dzin pa'i g.yeng ba spangs nas 'jig rten las 'das pa'i ye shes rnam par mi rtog pa de ma thag tu thob par 'gyur bas na bar chad med pa'i ting nge 'dzin zhes bya/nir+b+he d+ha b+ha gI ya zhes bya ba ni ni sh+ci tu b+hi d+ha ni b+he d+ha phA gI ya zhes bya ste/ nir ni nges pa'am gdon mi za ba/ be d+ha ni rtogs pa'am 'byed pa/ b+ha ga ni cha'am skal ba/ I ya ni phan pa'am mthun pa lta bu la bya ste/ dngos su na 'phags pa'i sa ni ma thob la/so so'i skye bo'i sa las ni 'das pa yin te/ 'phags pa'i lam mthong ba dang sgom pa rnam pa gnyis yod pa'i nang nas mthong ba'i lam gyi cha gcig bo dang nye bas na nges par 'byed pa'i cha dang mthun pa zhes bya/ uSh+ma ga ta zhes bya ba ni nges par 'byed pa'i cha dang mthun pa'i tshe 'phags pa'i lam nyon mongs pa'i shing thams cad sreg pa'i me dang 'dra ba'i drod sngar byung bas na dro bar gyur pa zhes bya/mUr+d+ha zhes bya ba ni dge ba'i rtsa ba snga ma mi brtan pa g.yo ba'i rtse mor phyin pas na rtse mo zhes bya/ k+ShaM ti zhes bya ba ni bden pa la bzod pa rab 'bring du mar phye ba'i nang nas bzod pa rab dang ldan pa ste/de las nyams par mi 'gyur zhing / ngan song du mi ltung bas na bzod pa zhes bya/ lo ki kA gra d+har+m+ma zhes bya ba sa 'di 'jig rten pa'i chos kyang yin la/ sngan chad ma mthong bas 'phags pa'i lam lta bu 'jig rten pa'i chos dang mi mthun pa yang 'jig rten ba'i chos kyi mchog 'dis cha mnyam pa'i rgyu med par 'thob par nus te/'jig rten pa'i chos kyi phul du byung bas na 'jig rten pa'i chos kyi mchog ces bya/ rang sangs rgyas dang nyan thos kyi gang zag gi rim pa'i ming la/ pra t+ye ka bud+d+ha zhes bya ba e ka brga nA ma pra ti bud+d+ha bo d+hi pra t+ye ka bud+d+ha zhes bya ste/sems can mang pos don mi mdzad kyi/ bdag gcig pu byang chub pa dang mya ngan las 'das par sgrub pas na rang sangs rgyas zhes bya/ khaD+ga bi ShA Na kalpa zhes bya ba khaD+ga bi ShA Na tu l+ya twA ta/ khaD+ga bi ShA Na kalpa zhes bya ste/ rang sangs rgyas bskal pa brgya'i bar du tshogs bsags pas dbang po rnon po phal dang mi 'dre bar bse ru dang 'dra ba gcig tu bzhugs pas na rang sangs rgyas bse ru lta bu zhes bya/bar+g+ga tsA ri zhes bya ba bar+g+ga ni sde'am tshogs sam mang bo gcig tu 'dus pa la bya/ tsA ri tsA ra ga t+yar+tha zhes bya ste/ 'gro ba yin pas rang sangs rgyas phal dang thabs cig tu gshegs shing ba zhugs pa dang spyod pa la bya ste/tshogs dang spyod pa zhes bya ste/ shrA ba ka zhes pa gcig tu na shr-i nA na t-I ti shrA ba ka zhes bya ste/ de bzhin gshegs pa las chos kyi lung ma mnos par bdag nyid kyis rtogs par mi nus te nyan pa la yang bya/yang gcig tu na samyaka dz+nyA na pha lan shrA ba sin+tA ti shrA ba ka zhes bya ste/ yang dag pa'i shes pas rgyun du zhugs pa la sogs pa'i 'bras bu thob pa gzhan la sgrogs shing thos par byed pas na nyan thos zhes bya/ sro tA pan+na zhes bya ba sro ta ni chu'i rgyun lta bu la bya/A pan+na ni nang du zhugs pa la bya ste/ spyir na mya ngan las 'das pa'i mtshor 'bab pa'i 'phags pa'i lam gyi chu bo'i rgyun du zhugs pa la bya ste/ rgyun du zhugs pa zhes bya/ sap+ta kr-id+b+ha ba pa ra ma zhes bya ba rgyun du zhugs pa bsgoms pas spangs pa'i nyon mongs pa ma zad la/'bras bu thob pas mi'i nang du yang lan bdun skye/ lha'i nang du yang lan bdun skye ba la bya ste/ mir skye ba'i srid pa bar ma bdun dang / lhar skye ba'i srid pa bar ma bdun gyis bsnan na skye ba bdun bzhi nyi shu rtsa brgyad kyi bar du 'khor ba'i nang na bzhugs pas na re ltar thogs na srid pa lan bdun pa zhes bya/ku li ku la zhes bya ba rgyun du zhugs pa 'dod pa'i khams kyi nyon mongs pa gsum dang bzhi man chad las grol ba/ skye ba gnyis sam gsum gyi bar du 'khor ba na gnas shing lha dang mi'i rigs bzang por skye bas na rigs su skye ba zhes bya/sa kr-i dA ga mi zhes bya bas kr-ita ni lan cig A ga mi ni 'ong ba ste/ tshe de nyid la mya ngan las mi 'da' ste/ lan cig slar 'jig rten 'dir skye bas na lan cig phyir 'ong ba zhes bya/ e ka bi tsi ka zhes bya ba lan cig phyir 'ong ba 'dod pa'i khams kyi nyon mongs pa bdun pa dang brgyad pa spangs pa/skye ba gcig gis mya ngan las 'das pa'i 'bras bu'am/ phyir mi 'ong ba'i sa thob pa'i bar du chod pas na bar chad gcig pa zhes bya/ a nA gA mi zhes bya ba tha ma'i skal ba can gyi chos rnam pa lnga spangs pas slar 'dod pa'i khams su mi skye bas phyir mi 'ong ba zhes bya/an+ta ra pa ri nir+b+bA Ni zhes bya ba phyir mi 'ong ba srid pa gcig nas 'phos pa pha rol tu yang ma skyes par srid pa bar mdo'i tshe dgra bcom pa'i 'bras bu mngon du byas nas mya ngan las 'da' bas na bar ma dor yongs su mya ngan las 'da' ba zhes bya/ u pa bad+ya pa rir+b+bA Ni zhes bya ba phyir mi 'ong ba lam la zhugs shing brtson pa tshe 'phos nas pha rol tu skyes ma thag tu nyon mongs pa thams cad spangs te/lhag ma dang bcas pa'i mya ngan las 'das pa mngon du byed pas na skyes nas yongs su mya ngan las 'da' ba zhes bya/ a b+hi saM skA ra pa ri nir+b+bA Ni zhes bya ba phyir mi 'ong ba 'khor bas rgyun ma bcad pa pha rol tu skyes nas brtson ni brtson la lam ma byang ba rtsol ba dang bcas pas mya ngan las 'da' bar byed pas na mngon par 'du byed pa dang bcas pas yongs su mya ngan las 'da' ba zhes bya/an b+hi saM skAr pa ri nir+b+bA yi zhes bya ba phyir mi 'ong ba lam la brtson zhing 'grus par zhugs pa ma yin gyi nam bsam pa'i rgyud smin pa'i tshe dgra bcom pa'i 'bras bu 'thob cing mya ngan las 'da' bas na mngon par 'du byed pa med par yongs su mya ngan las 'da' ba zhes bya/Ur+d+ha sro ta zhes bya ba phyir mi 'ong ba thog ma gzhi gar skyes pa de nyid du mya ngan las mi 'da' ba'i steng du lha'i khams su skyes nas gdod mya ngan las 'da' bas na gong du 'pho ba zhes bya/kA ya sAk+Shi zhes bya ba nirbAN sa dr-i sh+ya ni ro d+ha sa mA pat+te/ kA ye na sAk+Sha ka ra Na kA ya sAk+Shi zhes bya ste phyir mi 'ong ba 'gog pa'i snyoms par 'jug pa mya ngan las 'das pa dang 'dra bar sems dang sems las byung ba 'gags kyis kyang lus kyis mngon du byed pa zhes bya/shrad+d+hA nu sa ri zhes bya ba/ shrad+d+ha zhes bya ba ni dad pa/ a nu sa ri ni rjes su 'brang ba ste/ bdag nyid kyi shes pas rtogs pa med kyi/ lung las thos pa bzhin du dad pas 'phags pa'i lam gyi rjes su 'jug pas na dad pas rjes su 'brang ba zhes bya/d+har+m+mA nu sa ri zhes bya ba/ d+har+m+ma a nu sa ri dun shI lan ya s+ya zhes bya ste/ dbang po rnon po gzhan gyi dring la mi 'jog cing chos kyi tshul dang mthun par rigs par sbyor bas chos kyi rjes su 'brang ba zhes bya/ shrad+d+hA d+hi muk+ta zhes bya ba shrad+d+ha yA mar+g+ga ma d+hi muk+ta shrad+d+hA d+hi muk+ta zhes bya ste/dad pas rjes su 'brang ba dbang po rtul pos lam bsgoms nas 'phags pa'i 'bras bu thob pas na dgra bcom pa la zhugs pa man chad gang zag chen po bdun gyi bye brag gi ming ste dad pas mos pa zhes bya/ dr-iSh+Ti prAp+ta zhes bya ba dr-iSh+Ti ni mthong ba/prAp+ta ni thob pa ste/ dbang po rnon po chos kyi rjes su 'brang bas lam gzigs shing 'phags pa'i 'bras bu thob pas na dgra bcom pa la zhugs pa man chad gang zag chen po bdun gyi bye brag gi ming ste mthong bas thob pa zhes bya/ sa ma ya bi muk+ta zhes bya ba dad pas rjes su 'brang ba'i dgra bcom pa dbang po rtul po dus dang yo byad la sogs pa dang ldan na nyon mongs pa las grol zhing 'bras bu 'thob kyi/mi ldan na thar pa thob par mi nus pas na dus kyi rnam par grol ba zhes bya/ a sa ma ya bi muk+ta zhes bya ba dgra bcom pa dbang po rnon po chos kyi rjes su 'brang ba yo byad dang dus la ltos mi dgos par nyon mongs pa spong nus pas na dus dang mi sbyor bar rnam par grol ba zhes bya/pradz+nyA yA bi muk+ta zhes bya ba pra dz+nyA bi muk+ta pradz+nyA bi muk+ta zhes bya ste/ dgra bcom pa 'gog pa'i snyoms par 'jug pa ma bsgrubs par shes rab kyis zag pa nyi tshe las grol bar byas pas na shes rab kyis rnam par grol ba zhes bya/u b+ha ya to b+hA ga bi muk+ti zhes bya ba u b+ha ya ni gnyis ka /b+hA ga ni cha/ bi muk+ta ni rnam par grol ba'i sde/ dgra bcom pa nyon mongs pa'i sgrib pa dang /snyoms par 'jug pa'i sgrib pa gnyis ka las grol bas na/ gnyis ka'i cha las rnam par grol ba zhes bya/ su pra ti pan+no b+ha ga ba ta shra ba ka saM g+ha zhes bya ba shra ma N+yAr+than+nirbA NaM pra ti pan+na zhes bya ste/ dge sbyong gi don mya ngan las 'das pa la zhugs pas na bcom ldan 'das kyi nyan thos kyi dge 'dun ni legs par zhugs pa zhes bya/n+yA ya pra ti pan+na zhes bya ba dran pa nye bar gzhag pa dang drod dang rtse mo la sogs pa'i rigs pa'i rim pas zhugs pas na/ rigs par zhugs pa zhes bya/ r-i dzu pra ti pan+na zhes bya ba r-i dzu mAR+Ya mar+g+ga zhes 'byung ste/ 'phags pa'i lam yan lag brgyad pa ma 'khrugs shing drang la/ de la zhugs pas na drang por zhugs pa zhes bya/ saM pra ti pan+na zhes bya ba nyan thos rnams tshul khrims dang lta ba mthun pas na mthun par zhugs pa zhes bya/ a nu d+d+har+m+matsa ri zhes bya ba dge ba'i chos ji skad bstan pa bzhin du mthun par spyod pas na rjes su mthun pa'i chos la spyod pa zhes bya/d+har+m+mA nu d+har+m+ma pra ti pan+na zhes bya ba d+har+m+ma ni chos te mya ngan las 'das pa la bya/ a nu d+har+m+ma ni de'i rjes su mthun par spyod pa'i chos te/ 'phags pa'i lam yan lag brgyad pa yin te/ de la zhugs pas chos kyi rjes su mthun pa'i chos la zhugs pa zhes bya/dam pa'i chos kyi ming gi rnam grangs la/ sU tra zhes bya ba ar+tha su tsan da sU tra zhes bya ste/ sangs rgyas kyis bshad pa'ang rung sangs rgyas kyis gnang ste nyan thos kyis bshad pa yang rung / don mdo tsam du ston zhing smos pas na mdo'i sde zhes bya/ge yaM zhes bya ba gai kai shap+da zhes bya ste/ mdo sde bshad pa'i don dbyangs kyis brjod pas na dbyangs kyis bsnyad pa zhes bya/ yang rnam pa gcig tu na gA ta byA na ge ya zhes bya ste/ mdo sde las 'byung ba'i tshig nyid gzu bor ma gsungs te drang ba'i don du gsungs pa la/da dung bshad cing shes par bya ba gzhan yod pas na brtag par bya bar yang drang du ni rung mod kyis dbyangs kyis bsnyad par nye bas na dbyangs kyis bsnyad pa'i sde zhes bya/ byA ka ra Na zhes bya ba byang chub sems dpa' dang / nyan thos la sogs pa 'das pa dang ma 'ongs pa dang da ltar gyi cir gyur pa dang 'gyur ba la sogs pa gzhan gyis mi rtogs pa bye brag tu lung ston pas na lung du bstan pa'i sde zhes bya/gA thA zhes bya ba ni tshigs su bcad pa rtsa ba gnyis pa dang / gsum pa dang / bzhi pa dang / lnga pa dang / drug par sbyar te bshad pas na tshigs su bcad pa'i sde zhes bya/u dA na zhes bya ba a ser+ya d+ha na u dA na zhes bya ste/ gang zag 'ga' zhig gi phyir bshad pa ma yin gyi/ sangs rgyas kyi bstan pa yun ring du gzhag pa'i phyir gzhan gyis ma bskul ma gsol bar ched du brjod cing gsungs pa la bya ste/ dper na phyi dro'i dus kyi tshe bcom ldan 'das nang du yang dag 'jog las bzhengs te gdan la bzhugs nas dge slong gi dge 'dun rnams la ched du brjod pa 'di ched du brjod do zhes mdo las gsungs pa lta bu ste ched du brjod pa'i sde zhes bya/ni dA nan zhes bya ba ni mdo sde dang 'dul ba la sogs pa thog ma ji las glengs te bshad pa dang /gzhi 'di dang skabs 'di dang byung ba 'di'i tshe bslab pa bcas pa lta bu la bya ste/ gleng gzhi'i sde zhes bya/ a ba dA na zhes bya ba/ ya tra ba ga mar+tha ma n+ya s+ya da naM dr-iSh+TAn+ta bistA ra s+ya zhes bya ste/ chos nyan pa rnams kyis go zhing rtogs par bya ba'i phyir sngon btags par byung ba gzhan las drangs te/dpe rgyas par bstan pas na rtogs pa brjod pa'i sde zhes bya/ i ti br-it+ta ka zhes bya ba ni i ti e bi ste de lta bu/ br-it+ti ka zhes bya ba ni byung ba'am 'byung 'gyur la bya ste/ sngon byung ba'i gtam bzlas shing bshad pa yin pas na de lta bu byung ba'i sde zhes bya/dzA ta ka zhes bya ba ni bcom ldan 'das sngon byang chub sems dpa'i spyad pa spyod pa'i tshe gang dang gang du skyes pa dang / dka' ba ci dad ci mdzad pa bshad pa yin pas skyes pa'i rabs kyi sde zhes bya/ be pu l+ya zhes bya ba ni bi pu l+ya s+yA ba bai pu l+ya zhes bya ste/shin tu rgyas par bshad pas sam/ mdo sde rgya chen po'i nang nas sa dang pha rol tu phyin pa la sogs pa shin tu rgya che zhing yangs par bshad pa yin pas na shin tu rgyas pa'i sde zhes bya/ a d+b+hu ta d+har+m+ma zhes bya ba ni sangs rgyas dang byang chub sems dpa' dang nyan thos rnams kyi mkhyen pa dang rdzu 'phrul dang byin gyis rlabs ngo mtshar rmad du byung ba bshad pa yin pas na rmad du byung ba'i chos kyi sde zhes bya/u pa de sha zhes bya ba ni mdo sde'i don de kho na nyid mthong ba gzhan gyis zhib mor bshad cing gtan la bab pa rjes su mthun pa'i chos bshad pa'i ma mo lta bu chos mngon pa la bya bas na gtan la phab pa'i sde zhes bya/brah+ma tsAR+Ya zhes bya ba brah+ma b+hU ta shI ta b+hU ta zhes bya ste/ tshangs pa'am bsil bar gyur pas te don du na mya ngan las 'das pa la bya/ tsAr+ya ta ra ga tau zhes bya ste gang gis thob par 'gyur zhing / spyod pa la bya bas na mya ngan las 'das par bya ba'i phyir spyod pas na tshangs par spyod pa zhes bya/ A dau ka l+yA Na zhes bya ba A dau ni dang po yin te tshangs par spyod pa'i dang po la bya/ kal+yA Na ni gser bzang po cir yang bcos shing brdung du rung ba dang 'dra bar yon tan gyi rim pa gong ma kun gyi snod du rung bar 'gyur bas na dge ba la bya ste/spyir na dang po lhag pa'i tshul khrims dang ldan pas dge ba thams cad kyi gzhir gyur pas na thog mar dge ba zhes bya/ ma d+h+ye kal+yA Na zhes bya ba tshangs par spyod pa'i bar ma ni bsam gtan bzhi la sogs pa sems mnyam par gzhag pa'i ming ste/lhag pa'i sems la bya bas na bar du dge ba zhes bya/ paR+Ya ba sA ne ka l+yA Na zhes bya ba tshangs par spyod pa'i tha ma ni 'phags pa'i ye shes kyis don dam pa'i bden pa rtogs pas na lhag pa shes rab la tha mar dge bar zhes bya/ swar+thaM zhes bya ba su ni bzang po/ ar+tha ni don te don ma log par bstan pas na don bzang po zhes bya/su byany+dza na zhes bya ba su ni bzang po/ byany+dza na ni tshig 'bru ste/ tshangs par spyod pa bshad pa'i tshig 'bru go zhing brda phrad par sla ste/ brjod pa phun sum tshogs pa'i phyir tshig 'bru bzang po zhes bya/ ke ba laM zhes bya ba a sA d+hA ra Na twAd ke ba laM zhes bya ste/mu stegs can la sogs pa phal dang thun mong ma yin pa'i phyir ma 'dres pa zhes bya/ ba ri pUr+N+NaM zhes bya ba sarba kle sha pra ti bak+Sha twAd pa ri pUr+N+NaM zhes bya ste/ srid pa'i rtse mo man chad kyi nyon mongs pa ma lus par rdzogs par spong nus pas na yongs su rdzogs pa zhes bya/ ba ri shud+d+ha zhes bya ba swa b+hA ba bi muk+t+yA bi muk+ta twAta pa ri shud+d+ha zhes bya ste/ 'phags pa'i lam zag pa med pa'i rang bzhin gyis rnam par grol te gtsang bas na yongs su dag pa zhes bya/ paR+Ya ba dA taM zhes bya ba/ san+ta na bi muk+t+yA bi muk+ta twAta paR+Ya ba dA tan zhes bya ste/ zag pa zad pa rnams kyi sems kyi rgyun la/'phags pa'i lam 'byung ste/ gang zag so so'i sems kyi rgyud rnam par grol zhing byang bas na yongs su byang ba zhes bya/ swA khyA to b+ha ga ba to d+har+m+ma zhes bya ba/ a bi paR+Ya ti sa mA khyA na swA khyA ta zhes bya ba/ sangs rgyas kyi chos phyin ci ma log par bstan pas na bcom ldan 'das kyi chos ni legs par gsungs pa zhes bya/saM dr-iSh+Ti ka zhes bya ba dr-iSh+Ta ar+tha twAd saM dr-iSh+Ti ka zhes bya ste/ dad pa tsam gyis rtogs pa ma yin gyi/ yang dag pa'i shes rab kyis yang dag pa ji lta ba bzhin du ma nor bar mthong bas na yang dag par mthong ba zhes bya/ nir+dz+war zhes bya ba/kle sha a nu sha ya bra ti b+hak+Sha twAd nir+dz+wa ra zhes bya ste/ nyon mongs pa bag la nyal gyi gnyen po yin pas nyon mongs pa dang / nye ba'i nyon mongs pa'i rims nad bsal zhing yongs su nyams par mi 'gyur bas na nad med pa zhes bya/ a kA li ka zhes bya ba rnam pa gcig tu na kA la ni ya mA b+hA bAd a kA li kA zhes bya ste/skabs gang du yang sgom du rung ste/ dus nges pa med pa'i phyir dus chad pa med pa zhes bya/ yang rnam pa gcig tu na sarba kA la su kha tsa twA ra a kA li kA zhes bya ste/ spyod lam bzhi po'i dus kun tu bya bar sla bas dus chad pa med pa zhes bya/au pa na yi kA zhes bya ba a she Sha duHkha niR+YA Na u pa na ya nAd au pa na yi kA zhes bya ste/ sdug bsngal ma lus pa las 'byung ba nye bar spyod pa'i phyir nye bar gtod pa zhes bya/ ai hi ba sh+yi ka zhes bya ba a sA d+hA ra Na twAd ai ha ba sh+yi ka i ha pa sh+yeSh+Ta b+ha ba zhes bya ste/chos 'di mthong ba rnams la yod pas mu stegs can dang thun mong ma yin pa'i phyir 'di mthong ba la yod pa zhes bya/ yang rnam pa gcig tu na/ A tsAr+ya muSh+Ti ra hi ta twAd i ha pa sh+ya ti pra bA ra Na yo gAd ces bya ste/ slob dpon 'chab pa med pas 'di la ltos shig ces skabs 'byed pa dang ldan pa'i phyir 'di ltos ldan zhes kyang bya ste/tshig rnam pa gnyis su drang du rung gis kyang don sngon ma dang sbyar te bshad na bzang zhing tshig kyang bde ste/ 'di mthong ba la yod pa zhes btags/ pra t+yAt+ma be da nI yo bidz+nya zhes bya ba a tarkya twAd pra t+yAt+ma be da bi dz+nyai zhes bya ste/rnam pa gcig tu na rtog ge'i yul ma yin te/ shes rab can rnams kyis rtogs par bya ba yin pa dang / yang rnam pa gcig tu na a na b+hi la pya twAd prA t+yAt+ma be da nI ya zhes bya ste/ brjod du med pa'i phyir so sor rang gi rig par zad pas mkhas pa rnams kyis rig par bya ba zhes bya/swA khyA to b+ha ga ba to d+har+m+ma bi na ya su pra be di na ta zhes pa n+yA ya twAd a bi pa rI tar+tha twe na d+har+m+ma kle sha bi na ya zhes bya ste/ bcom ldan 'das kyis legs par gsungs pa'i chos 'dul ba gzhan phyi rol pa dang mi 'dra bar legs par bstan cing go bar byas te/ rigs pa dang ldan pas na chos/nyon mongs pa zhi zhing dul bar byed pas na 'dul ba ste tshig bsdus na bcom ldan 'das kyis legs par gsungs pa'i chos 'dul ba legs par bstan pa zhes bya/ naiR+YA Ni ka saM bo d+hi gA mI zhes bya ba/ saM bo d+hi gA mI twe na nair+yaNi ka zhes bya ba ste/ tshig 'di gnyis ni 'og mas gong ma bshad pa yin te/rdzogs pa'i byang chub tu 'gro bar byed pas mya ngan las 'das par nges par 'byung ba'i phyir nges par 'byung ba rdzogs pa'i byang chub tu 'gro bar byed pa zhes bya/ a b+hin+na sa stU ba zhes bya ba ni bcom ldan 'das kyi gsung rab la nyan thos rnams lta ba mi mthun pa med de/ gcig tu 'dus pas na mi mthun pa med cing 'dus pa dang ldan pa zhes bya/ sa pra ti shar Na zhes bya ba sa ni bcas pa'am yod pa la bya/ pra ti sha ra Na ni skyabs sam dpung gnyen nam rten du rung ba la bya ste/ mu stegs can gyi chos lta bu khungs ngan par 'byin pa ma yin gyi/ de bzhin gshegs pas gsungs pa yin pas na rten pa yod pa zhes bya/tshin+d+ha p+lo ti ka zhes bya ba tshin+d+ha ni chad pa/ p+lo ti ka ni p+luM ga tau zhes bya ste/ 'gro ba'am chus ded cing khyer ba lta bu'i tshig yin/ spyir na 'khor bar skye zhing 'pho ba'i rgyu rgyu ba bcad pa la bya ste rgyu ba bcad pa zhes bya/ 'jig rten pa'i lha'i ming la brah+ma zhes bya ba/br-i had ku sha la mU la nirdzata tad brah+ma zhes bya ste/ dge ba'i rtsa ba chen po las skyes pas chen po par yang drang du rung / yang rnam pa gcig tu na mu stegs can gyi gzhung las tshangs pa ni bden pa'o/ /tshangs pa ni dka' thub po/ tshangs pa ni dbang po thub pa'o zhes 'byung byA ka ra Na las ni br-i ha NAd brah+ma zhes bya ste/tshe dang byad gzugs dang gnas dang longs spyod la sogs pa 'og ma bas 'phel zhing khyad par du gyur pas 'phel ba'am rgyas pa zhes drang du yang rung / yang rnam pa gcig tu na byA khyA yuk+ti las brah+ma b+hU ta shi ta b+hU ta zhes 'byung ste/ / 'dod khams kyi nyon mongs pa'i tsha ba dang bral nas bsam gtan dang po'i sar phyin pas nyon mongs pa 'og ma las thar zhing bsil bar gyur pa yin te/ rnam pa 'di snyed du drang du rung gis kyang don dang yang sbyar/ sngar grags pa yang btsan par byas nas tshangs pa zhes btags biSh+Nu zhes bya ba rnam pa gcig tu na bi sh+lo byap+tau zhes bya ste khyab par yang 'dren/yang rnam pa gcig tu na bi sha phra be sha zhes bya ste kun du 'jug pa la yang bya/ spyir na 'jig rten yod do cog kyang biSh+Nu'i rang bzhin yin te/ kun la khyab bar 'jug pas na khyab 'jug ces bya/ ma he shwar zhes bya ba ma hA ni chen po I shwa ra ni I sha ai shwaR+Ya zhes bya ste/spyir na dbang che zhing phyug btsan pa la bya/ dngos su na mu stegs can gyi lha gu lang yin te dbang phyug chen po zhes bya/ mA ra zhes bya ba mr-ing prA Na t+ya ge zhes bya ste/ dge ba'i chos kyi srog dang bral bar byed pas na bdud ces bya/shakra zhes bya ba/ shakl-i shak+tau shak+to de ba rA dzA rA ga pra t+yan zhes bya ste/ lha'i srid thub cing lha ma yin las rgyal bar nus pas na/ srid thub cing nus pa la yang bya/ yang rnam pa gcig tu na/ mchod sbyin rnam pa brgya byas pas lha'i rgyal po'i go 'phang thob pas na brgya byin zhes kyang bya/tshig 'di gnyis ka yang drang du rung mod kyi/ sngar ming du btags pa btsan par byas te brgya byin zhes btags/ in+d+ra zhes bya ba/ i di pa ra me shwar+ya zhes bya ba ste/ ri rab kyi steng na sum cu rtsa gsum pa'i lha'i rgyal po mdzad pas na brgya byin gyi ming gi rnam grangs te dbang po zhes bya/lo ka pA la zhes bya ba lo ka ni lu dz+ya ti i ti lo ka zhes bya ste/ 'jig rten pA la rak+Sha Na zhes bya ste/ 'jig rten srung zhing skyong ba zhes bya/ bai shra ba Na zhes bya ba ni bi shra ba Na s+ya A pat+t+ya bai shra ma Na zhes bya ste/ rnam thos kyi bu zhes bya'o/ /d+h+r-i ta rASh+Ta zhes bya ba ni/d+h+r-i ta ni srung ba'am 'dzin pa/ rASh+Ta ni yul 'khor te yul 'khor srung zhes bya/ bi ru D+hA ka zhes bya ba bi ni bi she Sha Na ste/ bye brag tu gyur pa'am 'phags pa la bya/ ru D+ha ni ru ha dzan+ma ni zhes bya ste skyes pa la bya/ ka ni saM bi dz+nyA yA na ka na zhes bya ba/ ming gcig gi mjug la byA ka ra Na'i gzhung gis kas gdags pa yod pas tshig gi rkyen du btags par zad de/'phags skyes po zhes bya/ bi rU pAk+Shi zhes bya ba rnam pa gcig tu na bi rU pa zhes pa ni spyan gzhan dang mi 'dra ba gsum mnga' bas mi mthun pa la bya/ ak+Shi zhes bya ba ni mig la bya ste mig mi 'dra ba'am/rnam pa gcig tu na bi rU pa ni klu'i rgyal po yin pas na spyan la gdug pa mnga' ste gzigs so 'tshal la gnod par 'gyur bas mig mi bzang zhes bya// //bam po gnyis pa/ pha rol tu phyin pa bcu dang / byang chub kyi phyogs kyi chos sum cu rtsa bdun la sogs pa'i ming la/pha rol tu phyin pa bcu dang / da sha pa ra mi tA zhes bya ba/ da sha ni bcu/ pa ra mi tA ni pa ra i ta pa ra mi tA zhes bya ste/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / thabs dang / smon lam dang / stobs dang / ye shes dang /'di bcu la spyad cing bsgom pa'i mthar phyin te/ phyi na ma lus pas na pha rol tu phyin pa bcu zhes bya/ byang chub kyi phyogs kyi chos sum cu rtsa bdun la sogs pa'i ming la sap+ta triM shad+bo d+hi pak+Sha zhes bya ba bod+hi ra nu gu ru Na twAd+bo d+hi pak+Sha zhes bya ste/ bod+hi ni byang chub/ pak+Sha ni de'i rjes su mthun pa'am phyogs su gyur pa la bya ste/dran pa nye bar gzhag pa nas 'phags pa'i lam yan lag brgyad pa'i bar du sum cu rtsa bdun yod pa 'di byang chub gsum po'i phyogs su gyur pas na byang chub kyi phyogs kyi chos sum cu rtsa bdun zhes bya ba/ tsa twA ri smr-i t+yu pas+thA na zhes bya ba pra dz+nyA ya smr-i ti rU pa tiSh+Tha te zhes bya ste/smr-i ti dran pa/ u pa ni nye ba/ s+thA na ni gzhag pa la bya/ spyir na lus dang sems dang tshor ba dang chos bzhi'i rang dang spyi'i mtshan nyid shes rab kyis brtags ti mthong ba rnams dran pas gsal bar 'dzin te/ dran pa shas che bas dran pa nye bar gzhag pa bzhi zhes bya/ tsa twA ri samyak+p+ra ha Na zhes bya ba/ tsa twA ri ni bzhi/ samyaka ni yang dag pa/ pra ha Na ni spong ba ste/ brtson 'grus kyis dge ba skyed cing sdig pa mi dge ba'i chos rnams spong bas na yang dag par spong ba bzhi zhes bya/ tsa twA ri r-i d+hi pA da zhes bya ba r-i d+hi ni rdzu 'phrul pA da ni rkang pa ste 'dun pa dang sems dang brtson 'grus dang dpyod pa'i ting nge 'dzin bzhi nam mkha' la 'gro ba la sogs pa'i rdzu 'phrul gyi rten dang rgyur gyur pas na rdzu 'phrul gyi rkang pa bzhi zhes bya/pany+tsen+d+ri ya ni zhes bya ba pany+tsa ni lnga/ in+d+ri ya ni i di pa ra me shwaR+Ya zhes bya ba dbang che ba la bya bas dad pa dang / brtson 'grus dang /dran pa dang / ting nge 'dzin dang / shes rab dang 'di lnga'i dbang gis sems las su rung ba'i rgyu da la thar pa'i cha dang mthun pa'i dge ba'i rtsa ba skye bas na/ dge ba'i rtsa ba skye ba la dbang ba'i phyir dbang po lnga zhes bya/ pany+tsa ba la zhes bya ba pany+tsa ni lnga/ ba la ni stobs te/ dad pa la sogs pa lnga po 'di nyid rgyun ring du bsgoms pas/ma dad pa dang / le lo dang / dran pa nyams pa dang / g.yeng ba dang / shes bzhin ma yin pa dang / mi mthun pa'i phyogs lnga po 'dis bar chad bya mi nus pas na dad pa la sogs pa'i mthu skyes pa'i phyir stobs lnga zhes bya/sap+ta bo d+h+yaM ga zhes bya ba sap+ta ni bdun/ bo d+hi ni byang chub/ aM ga ni yan lag ste/ dran pa dang / chos rnam par 'byed pa dang / brtson 'grus dang / dga' ba dang / shin tu sbyangs pa dang / ting nge 'dzin dang / btang snyoms dang / 'di bdun mthong ba'i lam la de kho na nyid byang chub pa'i rgyur gyur pas na/byang chub kyi yan lag bdun zhes bya/ yang rnam pa gcig tu na bi b+hA Sha las 'byung ba ming du bgrangs pa'i grangs kyis rim pa bzhin bshad pa tsam du zad de/ byang chub gsum du 'grub pa'i nye ba'i rgyu de bdun yin pas sgom pa'i lam la byang chub kyi yan lag ces bshad/AR+YASh+TAM ga mAr+g+ga zhes bya ba AR+Ya ni 'phags pa/ aSh+TAM ga ni yan lag brgyad/ mAr+g+ga ni lam ste/ yang dag pa'i lta ba dang / rtog pa dang / ngag dang / las kyi mtha' dang / 'tsho ba dang / rtsol ba dang / dran pa dang / ting nge 'dzin dang / 'phags pa'i sgom pa'i lam 'di brgyad ni dgra bcom pa'i 'bras bu thob pas na 'phags pa'i lam yan lag brgyad pa zhes bya/yang rnam pa gcig tu na bi b+hA Sha las 'byung ba 'phags pa'i 'bras bu dang de kho na nyid sngon ma mthong ba mthong bar bya ba'i lam yin pas na mthong ba'i lam du bshad/ tshad med pa bzhi la tsa twAR+Ya pra mA Na zhes tshad med pa bzhi yin te/sems can grangs med dpag tu med pa la byams pa dang snying rje dang dga' ba dang btang snyoms kyis khyab par sgom pas tshad med pa bzhi zhes bya/ bsam gtan dang snyoms par 'jug pa la sogs pa'i ming la d+h+yA na zhes bya ba d+h+yai tsit+ta yan zhes bya ste/sems pa la bya/ mi rtag pa'am stong pa la sogs pa lta bu gcig pa la bsam pa'i gtan pa bcas te bsgoms pas na bsam gtan zhes bya/ a nA gA mya zhes bya ba na s+ya A gA mya zhes bya ba ni bsam gtan dang po la snyoms par 'jug pa'i sems kyis khams gsum gyi nyon mongs pa thams cad spong mi nus pa med pas na mi lcogs pa med ba zhes bya/d+h+yA nAn+ta ra zhes bya ba d+h+yA na ni bsam gtan/ an+ta ri bye brag gam khyad par te/ bsam gtan dang po rtog pa dang bcas dpyod pa dang bcas pa yin pa'i nang na/ bsam gtan khyad par can ni rtog pa ni med dpyod pa tsam du zad de bye brag tu 'phags pas tshangs pa chen po'i go 'phang thob pa'i phyir bsam gtan khyad par can zhes bya/sa man+ta ka zhes bya ba sa man+ta b+ha ba twAt+sa man+ta ka zhes bya ste/ sa man+ta na nye ba/ b+ha ba ni 'byung ba'am gnas pa lta bu la bya ste/ spyir na bsam gtan dang gzugs med pa'i snyoms par 'jug pa la mnyam par gzhag pa'i phyir sngar nas shom pa'i sems kyi ming ste nyer bsdogs zhes bya'o//mau la zhes bya ba/ mU le b+ha ba twAd+mau la zhes bya ste/ mU la rtsa ba'am/ gzhi'am dngos/ b+ha ba ni 'byung ba'am gnas pa ste don dang sbyar na/ bsam gtan dang snyoms par 'jug pa dngos la bya bas dngos gzhi zhes bya/sa mA pat+ti zhes bya ba sems dang sems las byung ba'i tshogs dmigs pa gcig la 'du zhing gnyis mnyam par byed pa'i ming ste snyoms par 'jug pa zhes bya/ sa mA d+hi zhes pa sa mA d+hi yan te a ne na zhes bya ste/ ting nge 'dzin gyi mthus sems dang sems las byung ba'i rgyud dmigs pa gcig la sdud cing mi g.yo bar ting nge 'dzin 'jog pas na ting nge 'dzin zhes bya/ni ro d+ha sa mA pat+ti zhes bya ba 'du shes dang tshor ba 'gog cing lus rdo rje la sogs pa cis kyang mi shigs par 'byung ba chen po rnams mthun par sgrub pa la yang bya/zhi ba la gnas par 'jug pa'i sems kyis tshor ba dang 'du shes 'gog pa snyoms par 'jug pa la yang bya bas na 'gog pa'i snyoms par 'jug pa zhes bya/ a saM dz+nyA sa mA pat+ti zhes bya ba 'du shes med pa'i sems kyis snyoms par 'jug pa yin pas na 'du shes med pa'i snyoms par 'jug pa zhes kyang bya/yang gcig tu na snyoms par 'jug pa de 'du shes med pas na 'du shes med pa'i snyoms pa'i 'jug pa zhes bya/ aSh+Tau bi mok+Sha zhes bya ba gzugs can gyis gzugs mthong ngo zhes bya ba la sogs pa mi sdug pa sgom pa la sogs pas gzugs las skyo zhing chags pa las grol bar byed pas na rnam par thar pa brgyad ces bya/aSh+TA b+hi b+ha bA ya ta na zhes bya ba nang gzugs su 'du shes pas phyi rol gyi gzugs kha dog bzang po dang / ngan pa la sogs pa mthong nas gzugs de dag zil gyis mnan te shes par byed pas na zil gyis gnon pa'i skye mched brgyad ces bya/da sha kr-i t+s+nA ya ta na zhes bya ba phyogs bcu ma lus par sa la sogs par mos shing yid la byed pa'i bsam gtan gyi ming ste/ zad par gyi skye mched bcu zhes bya/ na bA nu pUrba bi ha ra sa mA pat+ti zhes bya ba/bsam gtan bzhi dang / gzugs med pa'i snyoms par 'jug pa bzhi dang 'gog pa'i snyoms par 'jug pa dang dgu la mthar gyis gnas shing 'jug pa'i ming ste/ mthar gyis gnas pa'i snyoms par 'jug pa dgu zhes bya/ rnam par thar pa'i sgo dang gzungs dang mngon par shes pa'i ming la/tri Ni bi mok+Sha mu kha zhes bya ba rnam par thar pa'i sgo gsum yin te/ stong pa nyid dang mtshan ma med pa dang smon pa med pa gsum gyis mya ngan las 'da' bar 'gyur zhing 'khor ba las thar pa'i sgo yin pas na rnam par thar pa'i sgo gsum zhes bya/ d+hA ra Na zhes bya ba gzungs yin te/dran pa dang shes bzhin gyis chos kyi tshig dang don mi rjed par 'dzin pas na gzungs zhes bya/ Sha Da b+hi dz+nyA zhes bya ba mngon par shes pa drug yin te a b+hi ni a b+hi ta ste mngon pa/ dz+nyA ni shes pa la bya ste/ lha'i mig dang / lha'i rna ba dang / pha rol gyi sems shes pa dang /sngon gyi gnas rjes su dran pa'i shes pa dang / rdzu 'phrul gyi bya ba shes pa dang / zag pa zad pa shes pa dang drug mngon sum du mdzad pas na mngon par shes pa drug ces bya/ stong pa nyid bco brgyad la/ a d+h+yAt+ma shU n+ya tA zhes bya ba a d+h+yAt+ma ni nang / shU n+ya tA ni stong pa nyid yin te/nang gi chos mig dang / rna ba dang / sna dang / lce dang / lus dang / yid rnams ther zug tu gnas pa'ang ma yin/ 'jig par 'gyur ba'ang ma yin pa'i phyir don dam par na mig la sogs pa la dngos po med pas na nang stong pa nyid ces bya/ ba hir+d+hA shU n+ya tA zhes bya ba phyi stong pa nyid ces bya ba yin te/phyi'i chos gzugs dang / sgra dang / dri dang / ro dang / reg dang / chos rnams ther zug tu gnas pa'ang ma yin/ 'jig par 'gyur ba yang ma yin pa'i phyir don dam par na gzugs la sogs pa la dngos po med pas na phyi stong pa nyid ces bya/ ad+h+yAt+ma ba hir+d+hA shU n+ya tA zhes bya ba phyi nang stong pa nyid yin te/phyi nang gi skye mched bcu gnyis don dam par na gzung ba dang 'dzin pa gnyis ka med de/ yul dang yul gyi tshul dang bral bas na phyi nang stong pa nyid ces bya/ shUn+ya tA shU n+ya tA zhes bya ba stong pa nyid stong pa nyid yin te/ chos thams cad kyi stong pa nyid kyi stong pa nyid stong pa ste/gzhan gyis stong par byar med pas na stong pa nyid stong pa nyid ces bya/ ma hA shU n+ya tA zhes bya ba chen po stong pa nyid yin te/ snod kyi 'jig rten pa'i dkyil 'khor chen po phyogs bcur stong pas na chen po stong pa nyid ces bya/ pa ra mAr+tha shU n+ya tA zhes bya ba don dam pa stong pa nyid yin te/don dam pa'i mya ngan las 'das pa la bya/ don dam pa nyid la yang stong pa nyid ces bya/ saM skr-i ta shU n+ya tA zhes bya ba 'dus byas stong pa nyid ces bya ba yin te/ 'dus byas ni khams gsum du gtogs so cog la bya/ khams gsum du gtogs pa yang sgyu ma dang 'dra ste/skye ba dang gnas pa dang 'gag pa dang bral zhing stong pas na 'dus byas stong pa nyid ces bya/ a saM skr-i ta shU n+ya tA zhes bya ba 'dus ma byas stong pa nyid yin te/ 'dus ma byas ni nam mkha' dang de bzhin nyid dang 'gog pa rnam pa gnyis rgyu dang rkyen gyis grub pa ma yin pa 'dus ma byas ni gzhi rang bzhin gyis stong bas na 'dus ma byas stong pa nyid ces bya/a t+yan+ta shU n+ya tA zhes bya ba mtha' las 'das pa stong pa nyid yin te/ rtag pa dang chad pa dang yod pa dang med pa la sogs pa'i mtha' dang bral bas na mtha' las 'das pa stong pa nyid ces bya/ a na ba rA grA shU n+ya tA zhes bya ba thog ma dang tha ma med pa stong pa nyid yin te/'khor ba thog ma dang tha ma med pa la dbus kyang stong pas thog ma dang tha ma med pa stong pa nyid ces bya/ a na ba kA ra shU n+ya tA zhes bya ba a ba ta ka ra Na ni dor ba ste dor ba med pas na a na ba ka ra zhes bya ste/ bum pa'i nang du chu blugs pa las/chu pho nas stong par gyur pa lta bu ma yin gyis/ chos thams cad ye nas rang bzhin gyis stong ste/ dor zhing bsal ba med pas na dor ba med pa stong pa nyid ces bya/ pra kr-i ti shU n+ya tA zhes bya ba rang bzhin gyis stong pa nyid de chos thams cad nyan thos dang rang sangs rgyas dang de bzhin gshegs pas kyang ma mdzad de/rang bzhin gyis 'dus byas kyang ma yin/ 'dus ma byas kyang ma yin pas na rang bzhin gyis stong pa nyid ces bya/ sar+b+ba d+har+m+ma shU n+ya tA zhes bya ba chos thams cad stong pa nyid yin te/ chos thams cad ces bya ba ni phung po dang khams dang skye mched la sogs pa 'dus byas dang 'dus ma byas kyi chos thams cad la bya/de thams cad stong pas na chos thams cad stong pa nyid ces bya/ swa lak+Sha Na shU n+ya tA zhes bya ba rang gi mtshan nyid stong pa nyid yin te/ rang gi mtshan nyid ni gzugs su rung bas na gzugs myong ba'i mtshan nyid pas na tshor ba/mtshan mar 'dzin pas na 'du shes zhes bya ba la sogs pa chos so so rang gi mtshan nyid kyang brtag pa tsam du zad de yongs su grub pa med pas na rang gi mtshan nyid stong pa nyid ces bya/ a nu pa lam+b+ha shU n+ya tA zhes bya ba mi dmigs pa stong pa nyid yin te/ 'das pa dang ma 'ongs pa dang da ltar gyi chos dus gsum du gtogs pa'i rnam pa dmigs su med pa la yang dngos po gud na med pas na mi dmigs pa stong pa nyid ces bya/a b+hA ba shU n+ya tA zhes bya ba dngos po med pa stong pa nyid yin te/ dngos po med pa las yang dngos por gzung du rung ba'i rang bzhin med pas na dngos po med pa stong pa nyid ces bya/swa b+hA ba shU n+ya tA zhes bya ba ngo bo nyid stong pa nyid yin te/ 'du 'phrod las byung ba'i chos rnams rang dbang du mi skye ste/ rten cing 'brel te 'byung ba yin pas ngo bo nyid med pa'i phyir ngo bo nyid stong pa nyid ces bya/ a b+hA ba swa b+hA ba shU n+ya tA zhes bya ba/dngos po med pa ngo bo nyid stong pa nyid yin te/ dngos po med par rtogs pa'i mthong ba dang shes pa ni dngos po med pa'i ngo bo nyid ces bya/ mthong ba dang shes pa 'di gnyis ka yang mthong bas kyang ma byas shes pas kyang ma byas te rang bzhin gyis stong pa'i phyir dngos po med pa'i ngo bo nyid stong pa nyid ces bya/zhi gnas dang lhag mthong la sogs pa'i ming la/ sha ma s+tha zhes bya ba sha me bsti ti sha ma s+tha zhes bya ste/ sha ma ni zhi ba dang / s+tha ni gnas pa ste/ gzugs la sogs pa yul gyis sems g.yeng bzhi bar byas nas bsam gtan gang sgom pa de la sems rtse gcig tu khugs pa'i ming yin pas na zhig nas zhes bya/bi pa sh+ya na zhes bya ba bi ni bi she Sha ste/ khyad par ram lhag pa/ pa sh+ya na ni mthong ba'am lta ba la bya/ spyir na shes rab kyis dngos po'i rang bzhin lhag par rtogs pa'i rang bzhin te lhag mthong zhes bya/ yo ga zhes bya ba yu dzir yo ga zhes bya ste/zhi gnas dang lhag mthong zung du 'brel pa'i bsam gtan gyi ming ste rnal 'byor zhes bya/ yo ni sha ma na skA ra zhes bya ba yo ni u pA yA ste thabs sam rgyud la bya/ sha ni sha na sa ti zhes bya ste/ thabs dang tshul de nyid la spyod cing ston pa la bya ste/ spyir na mi sdug pa sgom pas 'dod chags gzhil ba dang /rten cing 'brel bar 'byung ba sgom pas gti mug spangs pa la sogs pa ste/ thabs tshul bzhin du sgom pa'i ming yin pas na tshul bzhin yid la byed pa zhes bya/ 'phags pa'i bden pa bzhi rnam pa bcu drug du phye ba la sogs pa'i ming la/tsa tu rA r+ya sat+ya zhes bya ba tsa tur ni bzhi/ Ar+ya ni 'phags pa/ sat+ya ni bden pa ste sdug bsngal dang kun 'byung dang 'gog pa dang lam bzhi ji ltar 'phags pa rnams kyis bden par gzigs pa de bzhin du/ so so'i skye bo phyin ci log dang bcas pas bden par mi mthong bas na 'phags pa'i bden pa bzhi zhes bya/duHkha sat+ya zhes pa sdug bsngal gyi bden pa ste/ zag pa dang bcas pa'i 'du byed la yid du 'ong ba rnams ni 'gyur ba'i sdug bsngal gyis sdug bsngal bar 'gyur/ yid du mi 'ong ba rnams ni sdug bsngal gyis sdug bsngal bar 'gyur la/de las ma gtogs pa'i chos gzhan 'du byed kyi sdug bsngal gyis sdug bsngal bar 'gyur te/ phung po lnga sdug bsngal gsum dang ldan pas na sdug bsngal gyi bden pa zhes bya/ sa mu da ya zhes bya ba sa mu da ya t+ya smAd kar+m+ma kle sha lak+Sha NAd ces 'byung bas na las dang nyon mongs pa'i mtshan nyid de dag las sdug bsngal 'byung ba la bya ste/de las nyon mongs pa ni srid pa gsum du slar skye zhing 'byung bar 'dod pa'i 'dod chags la sogs pa la bya/ las ni mi dge ba dang dge ba zag pa dang bcas pa la bya ste/ kun 'byung ba zhes bya ste/ ni ro d+ha zhes bya ba ni ro d+h+yan+te asmin sarba kle sha i ti zhes 'byung bas 'gog pa thob pas nyon mongs pa thams cad 'gag pa'i phyir 'gog pa zhes bya/mAr+g+ga zhes bya ba mAr+g+ga yan+ti a ne na ni ro d+ha mi ti zhes 'byung ste/ lam des 'gog pa tshol ba'am mtshon pa'am dmigs pa'am 'thob par 'gyur ba la bya ste lam zhes bya/a ni t+ya zhes bya ba pra t+ye yan+d+hi na twA da a ni t+ya zhes 'byung ste/ rkyen la rag las pa'i phyir mi rtag pa ste/ rkyen tshogs na ni 'byung la rkyen dang bral na ni 'gag ste rang dbang med pas na mi rtag pa zhes bya/ duHkha zhes bya ba don du na pi DAr+tha ka twAd ces 'byung ste/ gnod pa'i phyir sdug bsngal ba zhes bya ste/shU n+ya zhes bya ba/ At+mi ya dr-iSh+Ti bi pak+Sha zhes 'byung ste/ bdag gir lta ba'i gnyen po yin te/ bdag gi med cing stong pas na stong pa zhes bya/ a nAt+ma zhes bya ba At+ma zhes bya ba At+ma dr-iSh+Ti bi bak+She a nAt+ma zhes 'byung ste/ bdag tu lta ba'i gnyen po yin te/ mu stegs can gyis brtags pa'i bdag dang sems can la sogs pa med pas bdag med pa zhes bya/ he tu zhes bya ba he tu bI dza d+har+m+ma yo ge na zhes 'byung bas sa bon gyi chos kyi tshul gyis phung po lnga'i rgyur gyur pas na rgyu zhes bya/ sa mu da ya zhes bya ba pra durba yo ge na zhes 'byung bas 'byung ba'i tshul gyis kun 'byung ba zhes bya/pra b+ha ba zhes bya ba saM ban+d+ha yo ge na zhes 'byung ste/ 'brel pa'i tshul gyis rgyu yin no zhes 'byung bas rgyu dang 'bras bu 'brel par skye ba'i phyir rab tu skye ba zhes bya/ pra t+ya ya zhes bya ba a b+hi ni shA d+ha ni t+yar+the na pra t+ya ya zhes 'byung bas mngon par grub par byed pa'i don gyis rkyen zhes bya ste/dper na 'ji ba dang dbyu gu dang 'khor lo dang srad bu dang chu rnams tshogs pa las bum par 'grub par 'gyur ba dang 'dra bas na rkyen zhes bya/ ni ro d+ha zhes bya ba ni ro d+ha skan+d+ha pa ra ma ni ro d+ha zhes 'byung ste/ phung po 'jig cing med par 'gyur bas na 'gog pa zhes bya/shAn+ta zhes bya ba t+r+yag+ni nir+b+bA nAd shAn+ta zhes 'byung ste/ 'dod chags dang zhe sdang dang gti mug gi me rnam pa gsum med par byas pas na zhe ba zhes bya/ pra Ni ta zhes bya ba ni rU ba dra bAd twAn zhes 'byung bas gnod pa med pa'i gya nom pa zhes bya/ ni s+sa ra Na zhes bya ba sarba a bak+Sha la bi yuk+ta twAd nis+sa ra Na zhes 'byung bas skyon thams cad dang bral te skyon rnams las byung ba'am/bral bas na nges par 'byung ba zhes bya/ mAr+g+ga zhes bya ba ga ma nA r+then mAr+g+ga zhes 'byung bas 'gro ba'i don la bya ste/ 'phags pa'i lam du zhugs nas mya ngan las 'das par 'gro ba'i don gyis lam zhes bya/ n+yA ya zhes bya ba yo ge yuk+ta twAd n+yA ya zhes 'byung bas rigs pa dang ldan par bshad pas lam de 'khrul pa med cing tshad mar gyur pas na rigs pa zhes bya/pra ti pat+ta zhes pa samyak+b+ra ti pa da nAr+the na pra ti pat+ta zhes 'byung ste/ yang dag par thob par byed don gyis sgrub pa zhes bya/ niR+YA Ni ka zhes bya ba at+yan+ta sa ma ti kra mA da niR+YA Ni ka zhes 'byung ste/shin tu yang dag par byung bas slar 'khor bar mi skye ba'i phyir nges par 'byin pa zhes bya/ a nan+ta R+Ya mAr+g+ga zhes bya ba/ a nan+ta R+Ya ni kle shai ran+ta ri du na shAkya twAd ces bya ste/ nyon mongs pas bar chad mi nus pas na bar chad med pa zhes bya/ mAr+g+ga ni lam ste spyir na sgom pa'i lam la gnas pa'i tshe bzod pa nyon mongs pa'i gnyen por gyur pas na nyon mongs pa chom rkun dang 'dra ba sgor phyung zhing spangs pa la bya bas na bar chad med pa'i lam zhes btags/bi muk+ta mAr+g+ga zhes bya ba bi muk+ta ni rnam par grol ba/ mAr+g+ga ni lam ste sgom pa'i lam la nyon mongs pa dang bral ba'i shes pas rkun po slar mi 'ong bar sgo bcad pa lta bu yin te/rnam par grol ba'i lam zhes bya/ a b+hi sa ma yAn+ti ka ku sha la mU la zhes bya ba mthong ba'i lam thob ste/ de kho na nyid rtogs pa'i rjes la 'jig rten pa'i dge ba mang po 'phel zhing 'byung ba'i ming ste/ mngon par rtogs pa'i mjug la 'byung ba'i dge ba'i rtsa ba zhes bya/k+Sha ya dz+nyA na bi ka ku sha la mU la zhes bya ba/ dgra bcom pa'i zad pa shes ba skyes pa'i 'phral la 'jig rten pa'i dge ba mang po skyes pa'i ming ste/ zad pa shes pas thob pa'i dge ba'i rtsa ba zhes bya/ sems kyi skad cig bcu drug la duHkhe d+har+m+ma dz+nyA na k+ShAn+ti zhes bya ba duHkhe ni sdug bsngal/d+har+m+ma ni chos/ dz+nyA na ni shes pa/ k+ShAn+ti ni bzod pa ste/ sdug bsngal la chos de kho na nyid rtogs par bya bar bzod pas na shes rab kyi ming ste/ sdug bsngal la chos shes pa'i bzod pa zhes bya/ duHkhed+har+m+ma dz+nyA na zhes bya ba chos shes pa'i bzod pa'i rjes la sdug bsngal gyi chos de kho na nyid rtogs par 'gyur bas na sdug bsngal la chos shes pa zhes bya/duHkhe n+wa ya k+ShAn+ti zhes bya ba duHkhe bi sha ye a nu pash+tsad a ya a ba ga ma zhes 'byung ste/ ji ltar 'dod pa'i khams kyi sdug bsngal la chos shes par bzod pa de bzhin du gzugs dang gzugs med pa'i khams kyi chos shes pa la bzod pas na sdug bsngal la rjes su rtogs pa'i shes pa zhes bya ste/chos shes pa ni 'dod pa'i khams la dmigs te/ sa la lta ba dang 'dra la/ rjes su rtogs pa'i shes pa ni gzugs dang gzugs med pa'i nyon mongs pa'i gnyen po ste/ gnam la yar lta ba dang 'dra bas chos shes pa dang rjes su rtogs pa'i shes pa gnyis gcig gi yul gcig gis mi mthong /kun 'byung ba man chad lhag ma gsum yang 'di bzhin bshad/ mi shes pa kun shes par byed pa la sogs pa dbang po gsum la/ a nA dz+nyA ta mA dz+nyA tA s+ya min+d+ri yan zhes bya ba mi shes pa kun shes par byed pa'i dbang po yin te/mthong ba'i lam gyi yid dang / bde ba dang / yid bde ba dang / btang snyoms dang / dad pa dang / brtson 'grus dang / dran pa dang / ting nge 'dzin dang / shes rab kyi dbang po rnams sngon 'phags pa'i bden pa ma mthong ba mthong bar byed pa kun shes pa'i dbang po mthong ba la dbang byed pas na mi shes pa kun shes par byed pa'i dbang po zhes bya/A dz+nyA+e n+d+ri yan zhes bya ba kun shes pa'i dbang po yin te/ sgom pa'i lam la kun shes par bya ba'i yul gzhan med kyi/ bag la nyal lhag ma spang ba'i phyir sgom pa'i lam gyi yid la sogs pa'i dbang po dgus 'phags pa'i lam gyi bden pa de nyid kun shes pa yin te/kun shes pa dang ldan pa'i dbang po thob pa la dbang byed pas na kun shes pa'i dbang po zhes bya/ A dz+nyA tI yin+d+ri yan zhes bya ba kun shes pa dang ldan pa'i dbang po yin te/ mi slob pa'i lam la dgra bcom pa'i 'bras bu thob nas shes par bya ba thams cad shes te/shes pa de dang ldan pas gang gi sems kyi rgyud la yod pa'i yid la sogs pa'i dbang po dgu tshe 'di la bde bar gnas pa dang mya ngan 'das pa thob par byed pas na kun shes pa dang ldan pa'i dbang po zhes bya/ lam bzhi la/ duHkha pra ti pad+d+h+ya na d+h+yA b+hi dz+nyA zhes bya ba bsam gtan bzhi'i sa la ma gtogs pa gzugs med pa'i snyoms par 'jug pa lta bu lhag mthong med la zhi gnas kyi shas che ba dang /mi lcogs pa med pa bsam gtan dang po la 'jug pa'i sems lta bu lhag mthong gi shas che la zhi gnas dang lhag mthong ya char gyur pas nyon mongs pa spang dka' la gang zag dbang po rtul po'i shes pa'i ming ste/mngon par shes pa bul la dka' ba'i lam zhes bya/ duHkha pra ti pa tak+Shi prA b+hi dz+nyA zhes bya ba bsam gtan bzhi las ma gtogs pa gzugs med pa'i snyoms par 'jug pa lta bu lhag mthong med la zhi gnas kyi shas che ba dang /mi lcogs pa med pa bsam gtan dang po la 'jug pa'i sems lta bu lhag mthong gi shas che ba la zhi gnas chung ste/ zhi gnas dang lhag mthong ya char gyur pas nyon mongs pa spang dka' la/ gang zag dbang po rnon po'i shes pa'i ming ste/ mngon par shes pa myur la dka' ba'i lam zhes bya/su khA pra ti pad+d+h+ya na d+h+yA b+hi dz+nyA zhes bya ba bsam gtan bzhi'i sa la zhi gnas dang lhag mthong zung du 'brel pa bsgoms pas nyon mongs pa spang zhing bsal sla la/ gang zag dbang po rtul po'i shes pa'i ming ste/ mngon par shes pa bul la sla ba'i lam zhes bya/su kha pra ti pa ta k+Shi prA b+hi dz+nyA zhes pa bsam gtan bzhi pa'i sa la zhi gnas dang lhag mthong zung du 'brel pa bsgoms pas nyon mongs pa spang zhing bsal sla la/ gang zag dbang po rnon po'i shes pa'i ming ste/ mngon par shes pa myur la sla ba'i lam zhes bya/ kun rdzob dang don dam pa'i bden pa la saM br-i ti sa t+ya zhes bya ba saM br-i ya te a na ya twat+ta zhes bya ste/rnam par rtog pa dang bcas pa'i shes pas dngos po'i de kho na nyid mthong bar bya ba la sgrib pas na yang dag sgrib ces bya/ yang gcig tu na/ lo ka saM br-i t+yA sat+ya zhes bya ste/ chos thams cad rang bzhin med cing stong pa las 'jig rten gyi phyin ci log gi dngos po skye zhing 'byung bar mthong ba la sogs pa'ang 'jig rten gyi tha snyad dang grags pa tsam du bden pa ste/kun gyis shes shing rdzob pa la bya bar dbu ma'i gtsug lag las bshad/ blo gros mi zad pas bstan pa la sogs pa'i nang nas ji snyed du yi ge dang tshig 'brus bstan pa thams cad ni kun rdzob kyi bden pa'o zhes 'byung ste/mdo sde dang dbu ma'i gzhung btsan par bya ste/ kun rdzob kyi bden par btags/ pa ra mAr+tha zhes bya ba par ma ni mchog gam dam pa/ ar+tha ni don nam dgos pa ste/ gcig tu don sgrub cing dgos pa bya ba'i mchog tu sdug bsngal thams cad dang bral bar bya ba mya ngan las 'das pa la yang bya/yang gcig tu na/ 'jig rten las 'das pa'i ye shes mchog gi dmigs pa'i spyod yul lam don du gyur pa yin la/ sat+ya ni bden pa ste/ 'phags pa phyin ci log med par gzigs pa rnams la mya ngan las 'das pa dang skye ba med par yang dag par bden pas na don dam pa'i bden pa zhes bya/lung du bstan pa'i rnam grangs kyi ming la/ e kAM sha byA ka ra Na zhes bya ba sems can thams cad 'chi'am mi 'chi zhes 'dri na/ gcig tu chad par thams cad 'chi'o zhes bya ba yin te/mgo gcig tu lung bstan pa zhes bya/ bi b+ha dza byA ka ra Na zhes bya ba sems can thams cad skye'am zhes 'dri na/ nyon mongs pa dang bcas pa ni skye la/ nyon mongs pa med pa ni mi skye'o zhes so sor phye ste bstan par bya ba'i ming ste rnam par phye ste lung bstan pa zhes bya/ pa ri br-its+tsha byA ka ra Na zhes bya ba mi 'di bzang ngam ngan zhes 'dri na/gang dang gang sgrun zhes slar dri ste/ lha dang sgrun zhes zer na ni ngan zhes bya/ sems can dmyal ba dang sgrun zhes zer na ni bzang zhes bya ba lta bu/ slar dris nas lan blan pa'i ming ste dris nas lung bstan pa zhes bya/ s+thI t+ya byA ka ra Na zhes bya ba sems can dang phung po gnyis gcig gam tha dad ces 'dri na/sems nyid dngos por med pas mo gsham gyi bu dkar ram sngo zhes brjod du med pa dang 'dra ste/ lung mi bstan pas na gzhag pa'i lung bstan pa zhes bya/ mtshan nyid gsum la pa ri kalpi ta lak+Sha Na zhes bya ba kun brtags pa'i mtshan nyid yin te/pa ri sa maM tAd ces bya ba yongs su'am kun tu/ kalpi ta ni med pa'am sgro btags pa lta bu la bya/ spyir na gzung ba dang 'dzin par bcas pa'i chos nan gyis brtags pa la bya ste/ kun brtags pa'i mtshan nyid ces bya/ pa ra tan+t+ra lak+Sha Na zhes bya ba gzhan gyi dbang gi mtshan nyid yin te/pa ra ni gzhan/ tan+t+ra ni tan+t+ra ste dzan+m+ya te zhes bya ste/ gzhan gyi rkyen la rag las shing rang mi 'byung bas rten cing 'brel pa 'byung ba'i ming ste/ gzhan gyi dbang gi mtshan nyid ces bya/ pa ri niSh+pan+na lak+Sha Na zhes bya ba yongs su grub pa'i mtshan nyid yin te/ de bzhin nyid dang / yang dag pa'i ye shes gnyis mi 'gyur ba dang /phyin ci ma log pa'i tshul gyis yongs su rdzogs shing grub pas na yongs su grub pa'i mtshan nyid ces bya/ dgongs pa bzhi la/ tsa twA ro a b+hi prA ya zhes pa dgongs pa bzhi yin te chos kyi sku dang / tshogs la sogs pa mnyam pa la dgongs te/'das pa'i sangs rgyas kyang nga nyid yin zhes bka' stsal pa lta bu mnyam pa nyid la dgongs pa/ de bzhin gshegs pa'i mtshan thos pa tsam gyis bla na med pa yang dag par rdzogs pa'i byang chub tu mngon par rdzogs par 'tshang rgya'o zhes bya ba lta bu dus gzhan la dgongs pa dang / sangs rgyas gang+gA'i klung gi bye ma snyed la bsnyen bkur byas na/gdod theg pa chen po'i don khong du chud do zhes bya ba lta bu don gzhan la dgongs pa dang / gang zag gcig la sngar sbyin pa la sogs pa'i legs pa brjod la phyis smad pa lta bu gang zag gi bsam pa la dgongs pa'i ming yin te dgongs pa bzhi zhes bya/ ldem por dgongs pa bzhi la/ tsa twA yA b+hi san+d+hi zhes bya ba ldem por dgongs pa bzhi yin te/ sems can chos la drangs pa'i phyir theg pa chung ngu las bdag dang gang zag la sogs pa yod par bshad pa lta bu gzhug pa la ldem por dgongs pa dang / kun brtags pa dngos po med par bshad pa dang /gzhan gyi dbang rten cing 'brel par bshad pa dang / yongs su grub pa mi 'gyur ba dang phyin ci log par bshad pa lta bu mtshan nyid la ldem por dgongs pa dang / sems can gyi spyod pa brgyad khri bzhi stong gi gnyen por chos sna tshogs bshad pa lta bu gnyen po la ldem por dgongs pa dang / nyon mongs pas gnas na byang chub kyi mchog thob po zhes 'byung ba lta bu byang chub kyi spyad pa dka' ba la dgongs te nyon mongs pa zhes gsungs pa la sogs pa bsgyur ba la ldem por dgongs pa dang 'di bzhi ldem bu bzhin du tshig thel gyis mi gdab par bsgyur te bstan pa yin pas ldem por dgongs pa bzhi zhes bya/a b+hi prA ya dang ma 'dom na a b+hi san+d+hi yang dgongs par gdags/ phung po dang khams dang skye mched la rU pa skan+d+ha ni rU pa N+yAd rU paM zhes bya ste/ lag pa dang dbyig pa la sogs pas gzugs shing gnod par byar rung bas na gzugs zhes bya/skan+d+ha ni dus gsum gyi gzugs bzang ngan dang che phra yod do cog gcig tu bsdus pa'i ming ste gzugs kyi phung po zhes bya/ be da nA skan+d+ha zhes bya ba ni a nu b+ha ba lak+Sha Na be da na Na ka mi ka zhes bya ba ste/ bde ba dang sdug bsngal la sogs pa'i tshor ba rnam pa gsum myong bar ma lus par gcig tu bsdus pa'i ming ste tshor ba'i phung po zhes bya/saM dz+nyA skan+d+ha ni ni mit+ta dz+nyA gra zhes bya ste/ gzugs la sogs pa dag la 'di ni dkar po'o/ /'di ni sngon po'o/ /'di ni bzang ngo / /'di ni ngan no zhes mtshan mar 'dzin pa'i dmigs yul dang / de ma thag pa'i rkyen la sogs pa'i 'du ba las shes pa 'byung zhing 'di yin no snyam du mtshan mar 'dzin pa la bya bas na snyam shes zhes su yang drang du rung gis kyang ming sngar btags pa bzhin du 'du shes su btags/saM skA ra skan+d+ha ni a b+hi si skA ra lak+Sha Na zhes bya ste/ sems pa la sogs pa'i las kyis 'phangs nas 'du byed phyi ma 'byung zhing mngon par 'du byed pa'i mtshan nyid yin pas na 'du byed kyi phung po zhes bya/bi dz+nyA na skan+d+ha ni bi dz+nyA na zhes bya ba ste/ yul tha dad pa rnam pa sna tshogs shes pa mig la sogs pa'i rnam par shes pa brgyad bsdus pa'i ming yin pas na rnam par shes pa'i phung po zhes bya/bi dz+nyAp+ta zhes bya ba lus dang ngag gi spyod pa'i tshul gyis dge ba dang mi dge ba dang lung du ma bstan pa snying la ci sems pa gzhan la go bar byed pas na rnam par rig byed ces bya/ a bi dz+nyA pa ti zhes bya ba sdom pa dang / sdom pa ma yin pa dang / sdom pa yang ma yin/sdom pa ma yin pa yang ma yin pa dang / 'di rnams rnam par rig byed bzhin du gzhan gyis shes shing rtogs par mi rung bas na rnam par rig byed ma yin pa zhes bya/ tsit+ta saM pra yuk+ta zhes bya ba/ sems dang sems las byung ba 'dus pa gcig tu gtogs pa mig la sogs pa'i dbang po'i rten mtshungs pa dang /gzugs la sogs pa'i dmigs pa mtshungs pa dang / yul la shes shing 'dzin pa'i tshul gyis rnam pa mtshungs pa dang / sems dang snga phyi mnyam du 'byung ste dus mtshungs pa rnams dang / sems dang sems las byung ba'i dngos po mang nyung mnyam par 'byung ste rdzas mtshungs pa dang /mtshungs pa 'di lngas sems dang mnyam par ldan pa'i phyir ming ste sems dang mtshungs par ldan pa zhes bya/ dauSh+Thu l+ya zhes bya ba du ni smad pa'am ngan pa/ Sh+ThA na ga ti ni br-i tau zhes bya ste gnas pa la bya/ la ni A da na ste len ba'am 'dzin pa'o/ / gcig tu na duSh+Tu ni nyes pa'am skyon gyi ming la ni gong du bshad pa dang 'dra ste/ spyir na ltung ba dang sgrib pa'i ming ste gnas ngan len du btags/ a nu sha ya zhes bya ba chos mngon pa'i gzhung dang sbyar na 'phags pa'i ye shes ma thob kyi bar du sems can gyi sems kyi rgyud la khyab par gnas kyang brtag dka' ste phra ba dang /dmigs pa dang mtshungs par ldan pas nyon mongs pa 'phel zhing rgyas par byed pa dang / rgya mtsho'i bya gnam la 'phur ba'i grib ma la chu srin snyeg pa'i ming ste phra rgyas zhes bya/ mdo sde pa ltar na nyon mongs pa mngon du ma byung ste/ bag chags kyi tshul du nyal ba ni a nu sha ya ste bag la nyal zhes bya/nyon mongs pa mngon du byung ste langs pa'i ming ni pa ri byut+thA na zhes bya ste/ kun nas langs pa zhes 'byung bas chos mngon pa'i skabs su ni phra rgyas zhes gdags/ mdo sde ba'i skabs su bag la nyal zhes gdags/ A ya ta zhes bya ba/ A ya na twaM nAn+tI ti A yan twaM zhes bya ste/ mig dang gzugs la sogs pa'i skye mched kyi sgo nas rnam par shes pa skye zhing 'phel bas na skye mched ces bya/ d+hA tu zhes bya ba d+hA twar+tha zhes bya ba ste khams dang rigs sam 'byung khungs kun la yang bya mod kyi sngon grags pa bzhin du khams zhes btags/rten cing 'brel par 'byung ba la pra ti t+ya sa mut+pa da zhes bya ba pra ti ta ni rten pa'am rkyen du gyur pa la bya/ saM ni saM ban+d+ha sta 'brel pa la bya/ ut+pa t+ta ni skye ba'i tshig ste phyi nang gi chos rnams rang dbang du mi skye'o/ rgyu dang rkyen tshogs pa las skya ste snga ma snga ma'i rgyu la brten nas phyi ma phyi ma gzhan gyis bar ma chod par 'byung bas na rten cing 'brel par 'byung ba zhes bya/dge ba bcu dang mi dge ba bcu'i las kyi lam la/ dashA ku sha la kar+m+ma pa tha zhes bya ba mi dge ba bcu la bya ste/ las ni sems pa yin la sems pa yang brnab sems dang gnod sems dang log par lta ba gsum gyi dbang du 'gro zhing mngon par 'du byed pas na las kyi lam 'di gsum la bya/srog gcod pa la sogs pa lus dang ngag gi las rnam pa bdun ni las nyid kyang yin la/ las 'di rnams slong zhing skyed pa'i gzhi sems pa yin yang / 'di dag la rten cing 'jug pas na mi dge ba bcu'i lam zhes bya/dge ba bcu yang 'di las bzlog pa yin pas na brnab sems med pa dang / srog gcod pa spangs pa la sogs pa dang sbyar te bshad/ bsod nams bya ba'i yon tan la/ puN+ya zhes bya ba puN+ya kar+m+ma ni shu b+ha zhes 'byung ste/ dge ba'i las la bya/ yang rnam pa gcig tu na puN ti pa bi tr-i ka ro ti zhes bya ste/sdig pa sbyong zhing gtsang mar byed pa la yang bya/ dngos su na gzhan la phan zhing bsod pas gsos shing bsnams pa'i ming ste bsod nams su btags/ dA na ma ya puN+ya kri ya bstu zhes bya ba dA na ni nor rdzas la sogs pa sbyin pa la/ ma ya ni rang bzhin nam de'i rgyu las byung ba lta bu la bya/ pu N+ya ma ya kri ya bstu ni bsod nams bya ba'i dngos gzhi yin pa'am/ dngos po ste sbyin pa las byung ba'i bsod nams bya ba'i dngos po zhes bya/ shI la ma ya puN+ya kri ya bstu zhes bya ba shIl ni tshul khrims te bslab pa lnga la sogs pa srung ba la bya/tshig gi mjug gzhan ni sbyin pa'i skabs nas 'byung ba dang 'dra bar bshad de/ tshul khrims las byung ba'i bsod nams bya ba'i dngos po zhes bya/ b+hA ba na ma ya puN+ya kri ya bstu zhes bya ba b+hA ba na ni sgom pa ste/ byams pa la sogs pa'i tshad med pa dang bsam gtan sgom pa la bya/tshig gi mjug gzhan ni bsod nams bya ba'i dngos po gong ma gnyis dang 'dra ste bsgoms pa las byung ba'i bsod nams bya ba'i dngos po zhes bya/ gu N+ya zhes bya ba gu N+yan+te A b+ha s+yan+te shre yor+thi bi zhes bya ste/ legs pa 'dod pa rnams kyis sgom zhing sbyangs pa la bya/ dngos su na stobs dang mi 'jigs pa la sogs pa yon tan gyi ming ste don btsan par byas nas yon tan du btags/ dge sbyong dang bram ze dang mu stegs can gyi ming la shra ma Na zhes bya ba shra ma tsA ri shra ma Na zhes bya ste/ sdig pa zhi bar byed pa spyod cing legs pa la sbyong bas na dge sbyong zhes bya/ dngos su na 'phags pa rab tu byung ba rnams la bya/ de'i rjes su rab tu byung ba gzhan la yang bya/ b+hik+Shu zhes bya ba dge slong pha yin te/ mya ngan las 'das pa'i don slong zhing tshol ba dang gsol ba dang bzhi'i las kyis bsnyen par rdzogs la chos dang mthun par bsod snyoms len pas 'tsho bas na dge slong zhes bya/u pA sika zhes bya ba ni bslab pa lnga la sogs pa mnos te/ dgra bcom pa'i 'bras bu dang nye bar gnas pas dge bsnyen zhes bya/ upa bA sa s+tha ni zhes bya ba u pa bA sa ni khrims brgyad mnos te 'phags pa dang nye bar gnas pa'am bsnyen pa la bya/ s+thA ni tiSh+Tha na ti ste gnas pa la bya bas na bsnyen gnas la gnas pa zhes bya/u pa saM pan+na zhes bya ba/ u pa ni nye ba/ saM ban+na ni rdzogs pa'am phun sum tshogs pa lta bu'i ming ste/ mya ngan las 'das pa dang nye bar gsol ba dang / bzhi'i las kyis dge slong gi khrims gtsang mar mnos pas na bsnyen par rdzogs pa zhes bya/u pA d+h+yA ya zhes bya ba u pe t+yad+hI yata a smAd ces bya ste/ dang po su las khrims nod pa de'i drung du ched du song nas yas brjod pa bzhin du gdon zhing bzlas par byas pas na lung 'bog pa la bya ste/ sngon chad grags pa dang don gnyi ga sbyar nas mkhan po zhes btags/ A tsAR+Ya zhes bya ba A tsAR+Ya ste asmin zhes bya ste/gang las chos dang cho ga la sogs pa nyan zhing slob pa de la bya bas na slob dpon zhes bya/ brA h+ma zhes bya ba bskal pa dang po'i tshe mi kha cig khyim na mi gnas shing dgon pa na chos spyod pa grong nas phyi rol tu yid dga' ba las phyi rol pa zhes chos mngon pa las bshad bram ze'i gzhung las brA h+ma No A pa t+yan zhes bya ba 'byung ste/tshangs pa'i bu zhes bya bar 'gyur mod kyi sngon chad grags pa btsan par byas te bram ze so na gzhag /tIr+tha ka ni tir+th+yaM bid+ya te tIr+tha ka zhes bya ste/ mtsho'i 'gram nas mtshor 'jug pa'i stegs 'cha' ba dang 'dra bar dka' thub dang rnal 'byor la sogs pa chos sna tshogs spyod cing mya ngan las 'das pa'i mtshor 'jug pa'i stegs 'cha' bas na mu stegs can zhes bya/sngags kyi nang nas 'byung ba'i ming la/ tan+t+ra zhes bya ba tan+t+ra pra ban+d+hA khyA zhes 'byung ste/ sngags kyi rgyud zhi ba dang rgyas pa la sogs pa rgyun chags par bshad pa'i ming ste sngags kyi rgyud ces bya/man+t+ra zhes bya ba man+t+re gup+ti b+hA Sha Ne zhes 'byung ste/ sngags kyi lha la sogs pa dgug cing gsang ste brjod pa yin pas na gsang sngags zhes bya/ bid+yA zhes bya ba bid dz+nyA na zhes bya ste/ ma rig pa'i gnyen por gyur pa lha mo'i gzugs su bzhugs pa'i ming ste rig sngags zhes bya/d+hA ra Ni zhes bya ba ar+tha gran+tha d+hA ra ya ti d+hA ra NI zhes bya ste/ sngags kyi chos kyi don dang tshig mi brjed par 'dzin cing khyad par gyi rim pa thob par 'gyur ba'i ming ste/ gzungs sngags zhes bya/ maN+Da la zhes bya ste/ maN+Da ni sA ra ste snying po'am dbyings sam dkyil la bya/ la ni A da na ste len pa'am 'dzin pa lta bu la 'ang bya/khor khor yug zlum po'i ming yang maN+Da la zhes bya bas na dkyil 'khor du sngan chad grags pa bzhin so na gzhag /shAn+ti ka zhes bya ba gnod pa dang nad la sogs bzhi bar byed pa'i sngags kyi ming ste zhi ba zhes bya'o/ /bauSh+Ti ka zhes bya ba tshe dang sring dang longs spyod la sogs pa rgyas shing 'phel bar byed pa'i sngags kyi ming yin pas na rgyas pa zhes bya/ba shiM ka ra Na zhes bya ba pha rol gyi sems sgyur zhing bdag ci dga' bar bya ba'i sngags kyi ming ste dbang du bya ba zhes bya/ a b+hi tsa ra zhes bya ba gzhan la gnod cing phung bar byed pa'i sngags kyi ming ste drag shul spyod pa zhes bya/kalba zhes byab sngags kyi gzhung sngar bshad pa las phyis cho ga rgyas par bshad pa'i ming ste cho ga zhib mo zhes bya/ u pa tsar zhes bya ba mchod pa'i yo byad kyi skabs su ni yo byad ces gdags/ cho ga dang sgrub pa'i skabs su ni bya ba'i cho ga zhes gdags/ ho ma zhes bya ba hu dA ni zhes bya ste sbyin zhing mchod pa la yang bya/ag+ni ho traM dzu hu yad ces kyang 'byung ste/ lha'o cog la mchod sbyin bya ba'i sgo dang kha me yin pas na mer sreg pa'i ming du yang 'dren te sbyin sreg ces bya/ sid+d+hi zhes bya ba sngags kyi byang chub kyis man chad 'grub pa dang / rig sngags 'chang nas nam mkha' la 'gro zhing tshe bskal par thub pa la sogs pa ci sgrub pa nyid grub pa'i ming ste dngos grub ces bya/dzam+b+ha na zhes bya ba sngags kyis sems rmongs par byed pa'i ming ste rmugs byed ces bya/ stam+b+ha na zhes bya ba sngags kyis lus khengs shing las byed mi nus pa'i ming ste rengs byed ces bya/mo ha na zhes bya ba sngags kyis sems blun zhing mi dran par 'gyur ba'i ming ste rmongs byed ces bya/ o ha na zhes bya ba sngags kyis sems khral khrul khyer bar byed pa'i ming ste 'khrul byed ces bya/ 'dul ba las 'byung ba'i skad kyi ming la/ shik+Sha pa da zhes bya ba shik+Sha ni bi d+yo bA dA na zhes bya ste rig pa'am shes pa len zhing slob pa la bya/ba da ni rten nam gzhi'i ming ste tshul khrims la brten nas nyon mongs pa zad par slob cing sbyor bas na bslab pa'i gzhi zhes bya/ shI la zhes bya ba shI las mA d+hau zhes 'byung ste/ legs par spyod pa la zhugs shing tshul khrims dam por bsrungs bas mi dge ba spangs pa'i ming la bya/yang gcig tu na shI ta la twA ts+shI la zhes kyang bya ste/ nyon mongs pa'i gdung bzhi zhing bsil bar gyur pa'i ming yang yin te/ dngos su na dang tshul gyis mi dge ba la mi spyod cing khrims srung ba'i ming ste tshul khrims zhes bya/ saM bar zhes bya ba lus dang ngag dang yid gsum mi dge ba mi byed de sdom zhing srung ba'i ming yang yin pas na sdom pa zhes bya/d+hU ta gu Na zhes bya ba ni d+ho ta gu Na zhes 'byung ba ste/ dgon pa na gnas pa dang bsod snyoms len pa la sogs pa'i yon tan gong nas gong du sbyangs te dag cing gsal bar bya ba'i ming yin pas na sbyangs pa'i yon tan zhes bya/ san le kha zhes bya ba li kha bi le kha na zhes bya ste/ dge sbyong gi yo byad chos gos gsum dang lhung bzed la sogs pa ma gtogs pa spangs shing / bya ba'i mgo bsnyungs te mi 'gyur bar lugs gcig tu spyod pa'i ming yin pas na yo byad bsnyungs pa zhes bya/ po Sha d+ha zhes bya ba po Sha ni pu Sh+Na te dge ba gso zhing rgyas par byed pa la bya/d+ha ni d+ha ba ga ti shud+d+hau zhes bya ste/ rgyug pa'am dag par byed pa lta bu la bya/ spyir na dus drug tu khrims brgyad nod pa dang / dge slong khrims kyi yan lag las nyams pa rnams gso zhing sbyong ba'i ming ste gso sbyong zhes bya/ baR+Sho pa na yi ka zhes bya ba/u pa na ya ti sa pra ba ya ti zhes bya ste/ ba R+Sho ni dbyar/ u pa nA yi kA ni phrad par byed pa ste/ dbyar zla 'bring po'i tshes bco lnga la dge 'dun las su bsgo ba dang khrims su bya ba dang mal cha bsgo ba la sogs pa bya ba nas tshes bcu drug la dbyar gnas par byin gyis rlob pa'i cho ga byed pa dang /sbyor bas na sbyor zhing gnas par dam 'cha' ba'i ming ste/ dbyar sbyor zhes bya/ baR+Sho pa ga ti zhes bya ba/ ba ri Sha ni dbyar/ u pa ga ti ni khas len pa ste/ gtsug lag khang ngam gnas de nas gud du mi 'phags par gnas par dam 'cha' zhing cho ga bya ba'i ming ste/ dbyar gnas par dam bcas pa zhes bya/ pra bA ra NaM zhes bya ba pra muk+ta ba ra Na zhes bya ste/ dbyar gnas par dam bcas pa'i tshe thos pa dang mthong ba dang dogs pas rgol zhing rtsod du mi gnang ba las skabs phye bas na dgag dbye zhes bya/ ka Thi nA sta ra zhes bya ba ka Thi na ni sra ba ste chos gos mi 'khum par brkyang ba'i gtan pa dang 'dra bar/chos gos sum phrugs gcig la byin gyis brlabs/ dge 'dun dbyar gnas par dam bcas pa rnams kyis chos gos zla ba lnga ba'i bar du lhag pa dang bral ba dang kha zas snga dro yang dang yang za ba dang / so sor 'dus shing za ba la sogs pa ltung bar mi 'gyur bar brtan par thub cing bag brkyang ba'i ming ste sra brkyang zhes bya'o//asta ra ni chos gos bkram pa'am bting ba dang 'dra bar kun la khyab pa'i ming ste bting ba la bya/ bsdus na sra brkyang bting bar btags/ gnod sbyin la sogs pa'i ming la/ yak+Sha zhes bya ba byA ka ra Na las yak+Sha pU dza yin zhes 'byung ste/kun gyis mchod cing sbyin pa la bya/ tshig gzhin du drangs na ya ka tsid k+Shin+nan+tA ta yak+Sha zhes bya ste/ ya ka tsi da ni su yang rung ba la bya/ k+Shin+nanA tI ni gnod par byed pa la bya ste/ gnyi ga'i don dang sbyar nas gnod sbyin du btags/ rA ba Na zhes bya ba ru ni shap+da yin la/ra ba Na s+ya pat+t+yan rA pa Na zhes bya ste/ skad sgrog cing 'byin pa'i bu yin pas na sgra sgrogs kyi bu zhes bya/ rAk+Shas zhes bya ba ra ba Na dang / bi b+hi Sha na la sogs pa mi la gnod par byed pa'i srin po la bya bas na srin po zhes bya/ pi shA tsa zhes bya ba pi shA tsa maSh+Ta tI ti pi shA tsa zhes bya ste/yi dgas smad rigs mi sha la sogs pa rje na par za bas na sha za zhes bya/ ka Ta pu ta na zhes bya ba gdon gyi ming ste/ ka Ta ni lus/ pu ta ni rul bar byed pa yin pas na lus srul po zhes bya/ skand ta zhes bya ba skand ti sho Sha yo zhes bya ste/ ma hA de ba'i sras kArta ka'i mtshan gyi skabs su ni phyi 'gro zhes bya/gdon gyi skabs su ni skems byed ces bya/ un+mA da zhes bya ba sems mi dran zhing myos par byed pa'i gdon yin pas smyo byed ces bya/ ts+tsha ya zhes bya ba grib mas mi dag la gnod pa dang / gdon gyis mi'i grib ma gnon zhing gnod par byed pas na grib gnon zhes bya'o/ / a pa sma ra zhes bya ba dran pa nyams shing brgyal bar byed pa'i gdon gyi ming ste brjed byed ces bya/ o sta ra ka zhes bya ba u ra si ts+tsha da ni zhes bshad de nyal ba la brang nas gnon zhing gnod par byed pas na gnon po zhes btags/ pany+tsi ka zhes bya ba bu lnga brgya dang 'grogs te rtse ba dang / cho lo lngas rtse ba'i ming ste lngas rtse na zhes bya/DA ki nI zhes bya ba DiM bi ha ya si ga to zhes bya ste/ sngags grub pa nam mkha' la 'gro ba la sogs pa rdzu 'phrul thob pa'i ming ste mkha' 'gro ma zhes bya/ be tA Da zhes bya ba mi shi ba'i ro'i nang du gdon zhugs te gnod par byed pas na ro langs zhes bya/ mu stegs can gyis bdag tu brjod pa'i rnam grangs la/ At+ma ni pa ra mAt+ma la zhes bya ste/ bdag ces bya ba lus gtso bo'i phung po 'di bor nas phung po gzhan len cing dngos po rtag la phung po gzhan 'dor ba ni sbrul gyi pags pa brjes pa dang 'dra bar 'dor te/ nga dang nga yir 'dzin pa'i gzhi yin pas na bdag ces bya/satwa ni mu stegs can gyis bdag tu brtags pa'i bye brag yin te sems la bdag yin par 'dzin cing sems kyi rgyud la mi 'chad par 'dod pas na sems can zhes bya/ dzI ba ni ji srid du lus 'tsho ba de srid du srog ces bya ba'i bdag de lus la gnas/ lus shi nas rdza bcag pa'i bye'u dang 'dra bar 'byung ste 'gro bas na srog 'dzin pa'i ming ste srog ces bya/dzan+tu dza ya ta i ti dzan+tu zhes bya ste/ bdag tshe rabs kun du skye zhing 'byung bas na skye ba zhes bya/ po Sha ni lus dang 'gro ba'i rgyud bdag 'dis gsos shing bskyed de yod par byas pas na gso ba zhes bya/bu ru Sha ni skyes bu mgo stong yod pa zhig rig byed kyi sgra 'don zhing brjod pa zhig yod pa skad 'byung ba dang / skyes bu rtsal dang ldan pa zhig khod na yod par 'dod pa la bya bas na skyes bu zhes bya/ puM ga la ni pu naHpu narga ti shu li ya ta i ti zhes bya ste/ yang dang yang lha dang mi la sogs pa'i rgyud du skye zhing sbyor bas na yang sbyor ba zhes kyang bya/pur+ya te gal te tse pa puM ga la zhes kyang bya ste/ skyes nas dar gyi bar du ni gang / dar yol nas shi ba'i bar du ni zag pa la yang bya ste/ tshig 'di gnyis kar yang drang du rung gis kyang sngan chad ming du btags te grags pa bzhin du bzhag nas gang zag ces btags/ma nu dza ni ma no dz+ThA tat+t+wAd ces bya ste/ skye dgu'i bdag po shed ces bya ba las byung bas na shed las skyes zhes bya/ ma na pa ti ma not+pa da t+yaM zhes bya ste/ mu stegs can gyi gzhung gis skye dgu'i bdag po 'jig rten thams cad bskyed pa de las byung ba la bya/bod la yang shed kyis kyang bskal/ shed kyis tshe bskal te byed pa'i mkhan po shed kyis byas pa skad du byung bas na shed bur btags/ kA ra ka ni mu stegs kyi gzhung las skye ba dang 'jig pa la sogs pa thams cad bdag rtag pas byas par 'dod pas na byed pa po zhes bya/ ka ra brti ka ni bdag ces bya ba rtag pa des dge ba dang mi dge ba'i las kun byed du 'dzud pas na byed du 'jug pa po zhes bya/bed ka ni las dge ba dang mi dge ba'i 'bras bu myong bar byed pas na tshor ba po zhes bya/ dza na ka ni bdag gtso bor gyur te dbang po dang yid dang yul du phrad pa las shes par 'gyur bar bshad pas na shes pa po zhes bya/pa sh+ya ka ni gzugs la sogs pa'i phyi rol gyi yul thams cad mthong ba yang bdag ces bya ba'i mthu yin pas na mthong ba po zhes bya/ ut+thA pa ka ni phung po slong zhing skyed pas na slong ba po zhes bya/ sa mut+thA pa ka zhes bya ba saM ni sa man+ta te kun zhes bya/ ut+thA pa ka ni tshig lhag tu smos pa dang sbyar te phung po dang skye mched la sogs pa kun skyed pas na kun nas slong ba po zhes bya/dud 'gro'i rgyud la/ tir+ya ka tsa zhes bya ba/ tir+ya any+tsa tI ti tir+yany+tsi zhes bya ste mi ltar 'greng ste 'gro ba ma yin pa phyugs kyi khams su gtogs pa dud de 'gro bas na dud 'gro zhes bya/ ga ru Da zhes bya ba khyung gi ming ste nam mkha' lding zhes bya/ tA rak+Sha khyung / su par+Na 'dab bzang / ga ru Da 'dab chags zhes bya/ 'di rnams ma 'dom na thams cad nam mkha' lding du gdags/ kin+na ra zhes bya ba dud 'gro rdzu 'phrul can gyi ming ste/ byad gzugs mi dang yud kyis 'dra bas na mi'am ci zhes bya/ma ho ra ga zhes bya ba ma hA ni chen po/ u ra ga ni ltos 'gro ba la bya ste/ klu 'brug gi khams su gtogs pa ste/ sbrul chen po yin pas na lto 'phye chen po zhes bya/ bA su ki zhes bya ba bA su ka pat+t+ye na bA su ki zhes bya ste/ klu'i rgyal po nor rgyas kyi bu zhes bya ste/ tA la ha ka ka zhes bya ba rta rin po che sngo skya'i ming ste/sprin gyi shugs ltar mgyogs pas na sprin gyi shugs can zhes bya/ ai rA ba ti zhes bya ba i ra ni sa/ a ba ti ni srung ba de'i bu yin pas na glang po sa srung gi bu zhes bya/ gling bzhi dang 'jig rten bshad pa/ pUrba bi de ha zhes bya ba pUrba ni shar phyogs la bya/bi ni bi shiSh+Ta ste bye brag tu 'phags pa dang bzang po/ de ha ni lus 'phags te/ lus 'phags par bzang ba la ming du btags pas na shar gyi lus 'phags zhes bya/ dzam+bu dwI pa zhes bya ba dzam+bu ni lho phyogs kyi gling 'di'i byang phyogs kyi rgya mtsho'i 'gram na shing chen po dzam+bu zhes bya ba shing tog rdza ma tsam chags pa'i 'bras bu chu'i nang du lhung ba rnams dzam+bu chu bo'i gser du 'gyur ba zhig yod de/de la mtshan mar btsugs te ming du btags pas na dzam+bu'i gling zhes btags/ a ba ra go dA ni ya zhes bya ba a ba ra ni nub phyogs/ go ni ba lang / dA ni sbyin zhing spyod pa ste/de la ba lang lhag par mang zhing spyod pa las ming du btags te nub kyi ba lang spyod ces bya/ ut+ta ra ku ru zhes bya ba ut+ta ra ni byang phyogs/ ku ni kuM si ta te ngan pa/ ru ni ra ba ste sgra/ byang phyogs kyi gling de na mi'i skad du smra ba med de skad ngan pas brda byed pa la yang bya/ yang sngon gyi mkhan po kha cig gi bshad pa las byang phyogs kyi gling gi mi lo stong thub pas sgyid cing bde ba las 'chi kar sgra mi snyan pa 'byung ste dus las 'da' 'o zhes kyang 'chad de/spyir gnyis ka dang sbyar na mthun te byang gi sgra mi snyan du btags/ lo ka zhes bya ba lu dz+ya ta i ti zhes bya ste/sems can la sogs pa 'chi zhing mi rtag la 'jig pa'i gzhi yin pas na 'jig rten zhes bya/ yul dang mtho ris kyi shing gi ming la/ shra ba sti zhes bya ba drang srong mnyan po zhes bya ba dang / drang srong yod pa zhes bya gnyis kyis grong khyer 'di dang po btsugs pa yin pas na mnyan yod ces bya/nai r+r-i ti di sha zhes bya ba ni rga ti r-i ta zhes bya ste/ nir ni bral ba/ r-i ta ni bden pa ste srin po'i rgyal po bden bral zhes bya/ lho nub kyi phyogs mtshams na gnas pa'i phyogs skyong gi ming ste/ bden bral gyi phyogs zhes bya/ pA ri yA tra ko bi dA ra zhes bya ba'i sgra las drangs na pA ri yA tra ni parI ti sa man+ta yA tra ste/lha'i spos kyi shing bzang po'i drung du lha thams cad 'dus te rdzi phyogs su ni dpag tshad brgya'i bar du dri zhim po'i ngad ldang / rdzi phyogs ma yin pa'i logs su ni dpag tshad lnga bcu'i bar du dri zhim po'i ngad ldang ba'i shing gi ming ste yongs su 'du zhes bya/ ko bi dA ni kuM bi dA ra ya ti ba zhes bya ste/spos kyi shing chen po yal ga mang zhing sdong po che bas sa chen po brtol te 'byung ba dang 'dra bas sa brtol zhes bya ste/ bsdus pas shing yongs 'du sa brtol zhes bya/ 'dod pa'i khams kyi gnas kyi ming la/ b+hau ma zhes bya ba b+hau mau b+hau ma zhes bya ste/ sa la brten pa'i gnod sbyin gyi ming ste sa bla zhes bya/an+ta ri k+Sha bA si zhes bya ba an+ta ri k+Sha bar snang la bya/ bA sa gnas pa la bya ste/ nyi zla la sogs pa rgyal po chen po bzhi'i ris su gtogs pa kha cig nam mkha' la rgyu ba ltar snang bas na bar snang la gnas pa zhes bya ste/ tsa tu rma hA rA dza kA yi ka zhes bya ba tsa tu ra ni bzhi/ma hA rA dza ni rgyal po chen po/ kA ya ni tshogs pa'am gnas sam ris la bya/ i ka ni tshig gong ma'i rkyen du sbyar ba yin te/ spyir na ris de na spyod cing gnas pa la bya ste/ rgyal po chen po bzhis ris su gtogs pa lag na gzhong thogs dang / phreng thogs dang / rtag tu myos dang / rgyal po chen po bzhi'i 'khor dang 'di bzhi la bya ste/ tshig spyir bsdus na rgyal chen bzhi'i ris zhes bya/ tra yas+t+ring+sha zhes bya ba tra ya ni gsum/ s+t+ring+sha ni sum cu ste/ 'jig rten gyi gtsug lag las ni mtho ris ri rab kyi steng na lha'i gtso bo sum cu rtsa gsum bzhugs te/ drag po bcu gcig dang /nyi ma bcu gnyis dang / nor lha brgyad dang / tha skar gyi bu gnyis dang sum cu rtsa gsum bzhugs pas na sum cu rtsa gsum pa zhes bya/ chos mngon pa las ni sum cu rtsa gsum pa'i lha'i gnas na g.yas g.yon gnyis kyi gral du nye ba'i dbang po bcu drug bcu drug seng ge'i khri la bzhugs pa dang /gung na lha'i dbang po brgya byin seng ge'i khri la bzhugs te spyir na lha'i gtso bo sum cu rtsa gsum bzhugs pa las btags te zhes 'byung / sgra bzhin du sum cu rtsa gsum pa zhes bya/ yA ma zhes bya ba a su ra bi b+ha d+b+ha ya ya ta a pa ya ta zhes bya ba ste/sum cu rtsa gsum pa'i ris man chad na lha ma yin gyis 'thab pa'i 'jigs pa dang ma bral la/ 'di yan chad ni lha ma yin dang 'thab pa'i 'jigs pa las 'das te bral bas 'thab bral zhes btags te/ bsod nams kyis phyin pa dang / mel tshe thun re re la skoms shing skul ba skad 'byung ba dang /sngon mtshe ma dang zung ma zhes btags pa ni yi ge gzhung dang sbyar na gtan tshigs mi che bar 'gyur te mi btsan par byas so/ /tu Shi ta zhes bya ba tu Sha ni pri to zhes bya ba dga' ba/ i ta ni prAp+ta ste 'thob pa'am ldan pa ste/ chos kyi dga' ba dang bde ba lhag par che bas na dga' ldan zhes bya/ni rmA Na ra ti zhes bya ba swa yan+nirmA Na kA man pa ri b+hu ny+dza ta zhes bya ste/ rang gis gzugs dang / sgra dang / dri dang / ro dang / reg bya rnams ci dga' bar sprul nas 'dod pa'i yon tan rnams la spyod pas na 'phrul dga' zhes bya/ pa ra ni rmi ta ba sha brti zhes bya ba pa ra ni rmi tA b+ho ga na ba she na brta yi tuM shI la zhes bya ste/gzhan gyis 'dod pa'i longs spyod sprul pa rnams la phan tshun spyod par dbang byed pas na gzhan 'phrul dbang byed ces bya/ bsam gtan dang po'i sa'i ming la/ brah+ma kA yi ka zhes bya ba/ brah+ma ni tshangs pa/ kA yi ka ni ris su gtogs pa ste/ 'dod pa'i khams las thar nas bsam gtan dang po'i sar phyin pa'i ming yin te tshangs ris zhes bya/ brah+ma pu ro hi ta zhes bya ba/ brah+ma Na pu ro d+hi ya te zhes bya ste/ tshangs pa chen po'i mdun du rtag tu 'dug la tshig 'don zhing smra bas na tshangs pa mdun na 'don zhes bya/bra h+ma pa ri ShA d+ya zhes bya ba brah+ma Na pa ri tsA ra ka zhes bya ste/ lha'i ris de'i tshangs pa rnams tshangs pa chen po'i khams dang zham 'bring du gtogs pa'i phyir tshangs 'khor zhes bya/ ma hA bra h+ma zhes bya ba tshe dang byad gzugs dang mdog la sogs pa tshangs pa phal dang mi 'dra bar 'phags la/mi mjed kyi 'jig rten gyi bdag po mdzad pas na tshangs pa chen po zhes bya/ bsam gtan gnyis pa'i sa'i ming la/ pa rI t+tA b+hA zhes bya ba ba rIt+ta e sham a b+hA swa b+hU mi baik+Sh+ya ti zhes bya ste/ ris 'di na gnas pa 'di bsam gtan gnyis pa'i sa la gnas rim pa gsum yod pa'i tha ma yin te/gong ma gnyis las 'od chung ba'i phyir 'od chung zhes bya/ a pra mA NA b+hA zhes bya ba/ nA b+hA pra mA Na me shan shAkya ma bra ma hu na zhes bya ste/ lha de dag gi 'od sa 'og ma bas tshad gzung bar mi nus pa'i phyir tshad med 'od ces bya/A b+hA swa ra zhes bya ba A b+hA sa ni 'od/ wa ra ni 'od byed pa'am gsal bar byed pa lta bu'i tshig gi rkyen te lha'i gnas kyi 'od kyis gnas kun du rgyas par snang bar gyur pas na 'od gsal zhes bya/ bsam gtan gsum pa'i sa'i ming la/ pa rIt+ta shu b+ha zhes bya ba pa rIt+ta ni chung ngu /shu b+ha dge ba ste/ bsam gtan gsum pa'i yid kyi sa'i ba de ba la dge ba zhes bya/ bsam gtan gsum pa'i sa la gnas rim pa gsum yod pa'i tha ma yin te/ sa gong ma gsum pas dge ba chung ba'i phyir dge chung zhes bya/ a bra mA Na shu b+ha zhes bya ba lha'i gnas der skyes pa de dag gi bde ba sa 'og ma pas tshad gzung du med pa'i phyir tshad med dge zhes bya/shu b+ha kr-it+s+na zhes bya ba lha de dag gi dge ba las lhag pa lha'i ris man chad gzhan la med pas dge rgyas zhes bya/ bsam gtan bzhi pa'i sa'i ming la/ a na b+h+ra ka zhes bya ba b+h+ra ka ni sprin te/ sprin lta bu med pas na a na b+h+raka zhes bya ste sprin 'khrigs pa dang 'dra bar 'dab chags pa med de/gzhal med khang dang bcas par skye zhing 'chi 'pho la/ de yan chad kyang gnam gyi rim pa sprin ltar 'gebs pa med pas sprin med ces bya/ puN+ya bras ba zhes bya ba puN+ya ni bsod nams/ pra sa ba ni skyes pa'am 'byung ba la bya ste/mi g.yo ba'i bsod nams las lha de dag skyes pas na bsod nams skyes zhes bya/ br-ihat+pha la zhes bya ba gnas gzhan yod pa'i so so'i skye bo thams cad kyi bsod nams kyi 'bras bu'i mchog skye bas na 'bras bu che zhes bya/ gnas gtsang ma'i lha'i ming la/ shub+d+ha bA sa zhes bya ba 'phags pa'i lam gyi chus sems kyi nyon mongs pa'i dri ma bkrus pas phyir mi 'ong ba la sogs pa sems can dag pa sha stag gnas te/so so'i skye bo dang ma 'dres pas na gnas gtsang ma zhes bya/ a br-i ha zhes bya ba gnas gtsang ma ris lnga yod pa'i nang na tha ma yin pas na mi che ba zhes bya/a tA pa zhes bya ba lha'i ris 'dir skyes pa rnams bsam pa dge ba'i phyir sa 'og mar skyes pa rnams kyis zil gyis mi gnon pa dang / sa gong ma ma thob kyang mi dga' ba med pa dang / nyon mongs pa'i gdung ba chen po med pas mi gdung ba zhes bya ba dang / su dr-i sha zhes bya ba lha'i ris 'dir skyes pa rnams rab tu zhi ba'i khyad par dang ldan pa'i phyir mig sngar mdzes shing bzang bas na gya nom snang zhes bya/su daR+sha na zhes bya ba lha'i ris 'dir skyes pa rnams zag pa dang bcas pa dang / zag pa med pa'i ting nge 'dzin spel mar bsgoms pa'i sgrib pa lhag ma cung zad cig lus su zad de/mthong ba shin tu rnam par dag cing mthong bas na bzang ba'i phyir shin tu mthong ba zhes bya/ a ka niSh+Tha zhes bya ba a ni ma yin pa/ ka niSh+Tha ni 'og ma la bya/ spyir na gzugs kyi khams kyi dang po ste/ gong na gzhan med pas 'og min zhes bya/ yang mdo snga kha cig gi nang nas a g+ha niSh+Tha zhes 'byung ste/a g+ha ni rdul phra mo bsags pa/ niSh+Tha ni mthar thug pa ste/ gzugs kyi khams kyi ya thog yin pas bsags pa'i mtha' zhes kyang bya ste skabs dang sbyar zhing gdags/ mahA ma he shwar yA ta na zhes bya ba 'og min gyi phyogs kyi gnas zhig na byang chub sems dpa' dbang phyug chen po'i nang na rnam par snang mdzad chen po bzhugs te/chos kyi longs spyod rdzogs pa bsten zhing myong bar gyur pa'i gnas yin pas na dbang phyug chen po che ba'i gnas zhes bya/ gzugs med pa'i sa'i ming la A kA shA nan+t+ya ma zhes snyoms par 'jug pa la sbyor ba'i dus na gzugs kyi 'du shes las 'das te/nam mkha' mtha' yas so snyam pa'i 'du shes 'byung bas nam mkha' mtha' yas/ A ya ta ni skye ba'i gnas yin pas skye mched de/ bsdus na nam mkha' mtha' yas skye mched ces bya ste/ rnam shes mtha' yas skye mched dang / cung zad med pa'i skye mched dang / 'du shes med 'du shes med min gyi skye mched kyang tshul 'di bzhin bshad/ mngon par mtho ba dang nges par legs pa la sogs pa'i ming la/ a b+h+yung ya zhes bya ba lha dang mi la sogs pa'i go 'phang mthon po dang / dbang thang thob pa'i ming ste mngon par mtho ba zhes bya/niH shre ya zhes bya ba thar pa mya ngan las 'das pa'i ming ste/ sgra dang sbyar na nges par legs pa zhes bya/ a pa brga ya thar pa'i ming ste/ nyon mongs pa dang nye ba'i nyon mongs pa thams cad byang zhing bsal ba la bya bas na byang grol zhes bya/ au pa d+hi she Sha nirbA Na zhes bya ba/dgra bcom pa lta bu khams gsum gyi nyon mongs pa thams cad spangs nas/ phung po tsam ma bor ba'i ming ste/ phung po lhag ma dang bcas pa'i mya ngan las 'das pa zhes bya/ ni ru pa d+hi she Sha nirbA Na zhes bya ba nyon mongs pa thams cad kyang spangs la/ phung po lnga'i sdug bsngal gyi me yang zhi bar byed pa'i ming ste/phung po lhag ma med pa'i mya ngan las 'das pa zhes bya/ pra ti saM khyA ni ro d+ha zhes bya ba/ shes rab kyis 'phags pa'i bden pa bzhi so sor brtags nas nyon mongs pa 'gags pa'i mya ngan las 'das pa thob par 'gyur ba'i ming ste/ so sor brtags pas 'gog pa zhes bya/a pra ti saM khya ni ro d+ha zhes bya ba rkyen ma tshang bas 'gog gi brtags pas mi 'gog pa ste/ dper na gzugs gcig la mig gi rnam par shes pa lhag par zhen cing dmigs pa'i skyes bu gzugs gzhan la dmigs pa'i mig gi rnam par shes pa dang / rna ba'i rnam par shes pa la sogs pa de dang dus gcig tu 'byung ba'i yul dmigs su de ma thag pa'i rkyen med pas mi dmigs pa 'das zin pa la ni dmigs su mi rung bas na sems dang sems las byung ba ma 'ongs pa rnams skye ba la gtan gyi gegs su gyur pa'i ming ste/so sor brtags pa ma yin pas 'gog pa zhes bya/saM skr-i ta zhes bya ba sam+ba ra ma b+hu ya he tu pra t+ya yai tri ta zhes bya ba rgyu dang rkyen sna tshogs shing 'dus pas byas pa'i chos thams cad kyi ming yin te 'dus byas zhes bya/ a saM skr-i ta zhes bya ba nam mkha' la sogs pa rgyu dang rkyen las ma byung ba'i ming ste 'dus ma byas zhes bya/ sA sra ba zhes bya bas ha A sra be na bar+t+ta zhes bya ba ste/srid pa'i rtse mo man chad mtshams med pa'i sems can dmyal ba yan chad rma'i sgo drug nas 'dod chags la sogs pa'i nyon mongs pa 'byung ba'i ming ste zag pa dang bcas pa zhes bya/ a nA sra ba zhes bya ba 'dus ma byas gsum dang lam gyi bden pa nyon mongs pa med pas na zag pa med pa zhes bya/sa man+ta t+ya ya zhes bya ba san+ti sa mash+tsa sau bo d+ha ru pat+t+ya na zhes bya ste/ rnam par shes pa snga ma rgyur gyur pa dang / phyi ma 'bras bur gyur pa gnyis shes pa'i rang bzhin du 'dra bas na mtshungs pa zhes bya/ a nan+ta ra ni rgyu dang 'bras bu gnyis gzhan gyis bar du ma chod pa zhes bya/pra t+ya ya ni rkyen yin te bar med par mtshungs pa'i rkyen zhes 'chad pa yang yin te/ dngos su na sems dang sems las byung ba skad cig ma gzhan gyis bar ma chod par sngar byung ba'i ming ste/ sngon chad de ma thag par btags pa yang mi 'gal bas de ma thag pa'i rkyen zhes bya/ ra sA ya na zhes bya ba'i sgra las drangs na/ra sa ni bcud dam nying khu lta bu la bya/ A ya na ni a ya pa ga tau las drangs te thob pa'am len pa la bya ste/ spyir na 'phrul gyi sman gyi ming ste/ sman bzang po'i mthu dang bcud kyis tshe lo grangs mang por thub pa dang / gzhon zhing nad med par 'gyur ba len cing 'thob par byed pa yin te/ sman bcud kyis len zhes bya/tsaN+yU ra zhes bya ba'i sgra las drangs na/ tsa Na ni tsa Na shra Na A dA na zhes bya ste/ pha rol gyi stobs dang mthu len cing 'phrog bas na stobs la bya/ u ra ni u a grA khyA zhes bya ste/ mchog gam dam pa la bya bas na stobs mchog ces bya/ nA rA ya Na zhes bya ba na ra s+ya pat+t+ya na nA rA ya Na zhes bya ste/yab sred med kyi sras yin pas na sred med kyi bu zhes bya/ tan+t+ra ku la dza ta zhes bya ba nor dang khyim dang bu dang chung ma la sogs pa la chags pas sems phan tshun du g.yeng ba'i phyir thag 'khrug pa lta bu zhes bya/ gu Da guny+dzi ka b+hU ta zhes bya ba sred pa dang ldan pa'i rtog pa mang du byed pas dgrol dka' ba'i phyir dru gu 'dzings pa lta bu zhes bya/muny+dza ba la ba dza dzA ta zhes bya ba nor dang khyim la sogs pa yongs su 'dzin pa la chags pas sdug bsngal mang po'i gnas su gyur pa'i phyir rtsa 'di gnyis dang 'dra bar rno zhing rtsub pas na rtswa muny+dza dang bal rdza lta bur gyur pa zhes bya/a dza bany+dza bi saM pan+na zhes bya ba/ a dza ba nya ni 'ong ba/ dza bi ni 'gro ba/ saM ban+na ni gyur pa'am zhugs pa yin te/ 'gro ba lnga kun du 'khor zhing rgyu ba la bya bas na 'ong ba dang 'gro bar gyur pa zhes btags/ pany+tsa ka ShA ya zhes bya ba snyigs ma lnga yin te/ sngon las sems can rnams tshe dang lta ba la sogs pa nyams shing bri ste sman gyi nying khu bskus pa'i tshigs ma dang 'dra bar tshe dang sems can dang dus ni dman par gyur te/ nyon mongs pa dang lta ba la sogs pa'i shas ni phyir zhing skyes pas na snyigs ma lnga zhes bya/ ma hA byut+pa ta bye brag tu rtogs byed chen po/ma d+h+ya byut+pa ta bye brag tu rtogs byed 'bring po/ kwalpa byut+pa ta bye brag tu rtogs byed chung ngu / ba tsa byut+pa ta skang bye brag tu bshad pa 'di ni 'bring po'o/ /chen po'i dka' ba'i gnas dang sgra'i gzhung dang sbyar te bshad pa'i pany+dzi ka ma d+h+ya byut+pa ta yin no//pho brang 'on cang dor bod dang rgya gar gyi mkhan po thams cad kyis chos skad gtan la phab ste/ rje blon mol nas reg zid du mdzad pa skad gsar gyi ming sngon ma thogs pa dang / gtan la ma phab pa la mkhas pa rnams 'tshogs te ming du btags shing gtan la phab ste/ lha btsan po khri lde srong btsan gyis bskul nas bkas bcad de mi bcos par gzhag pa rdzogs so// //bkas bcad pa bla dpe bzhin bris pa gzhan gyis kyang de bzhin du zur ma bcos so/ /sgra sbyor bam po gnyis pa'o// //