CLOSE WINDOW

D4339
བོད་ཡིག

/ //sde snod 'dzin pa chen po b+ho Ta paN+Di ta'i gsung gis bskul nas paN+Di ta ng+harma b+ha ri'i zhal snga nas/ yar lungs pa grags pa rgyal mtshan gyis dpal sa skya'i gtsug lag khang chen por bsgyur pa'o//[ ]@/ /slob dpon pad+ma dge bsnyen gyis 'jig rten dbang phyugs grub pa thob pa'i lo rgyus bzhugs// @##/ /na mo lo ki shwa rA ya/ sngon rgya gar lho phyogs na bstan pa dar ba'i tshe gtsug lag khang chen po gcig na paN+Di ta ting nge 'dzin la brtan pa thob pa cig snga dro rang gi brang khang sgo bsdams te ting nge 'dzin la bzhugs nas/ po Ta la ke'i ri la thugs rje chen po la nyi ma re re zhing chos gsan du gshegs skad/ de la g.yog dge bsten gcig yod pa na re/ slob dpon nyin re zhing sgo bsdams nas thugs dam mdzad pa de ci lags zhes zhus pas/ de khyod la don ci yod ces gsung ngo / /des bdag la yang chos de zhus nas slob dpon bzhin dge sbyor bgyid ces byas pas//paN+Di ta'i zhal na re khyod kyis mi 'ong ste/ dge sbyor gzhan mi byed dang la po Ta lar thugs rje chen po las chos nyan du 'gro ba'i yin gsung ngo / /dge bsnyen gyis bdag kyang de bzhin du zhu zhes byas pas/ jo bo la zhu dgos gsungs te//nang par chos thon rjes la bcom ldan 'das la phyag dang bskor ba byas nas zhus pas/ /bcom ldan 'das kyi zhal nas/ las ngan tshan po che byas pas dmyal bar myur du skye ba de dang mjal ba'i skal ba med pas de skad ma zer cig ces gsung ngo / /de'i tshul zhus pas khyed rang gi gtsug lag khang de na dus gsum gyi sangs rgyas thams cad kyi yul brgyad stong pa dngul gyi glegs bam la gser gyis bris pa'i shog bu gnyis brkus te gzugs 'tshong la byin gsung ngo //de paN+Dita de lta bur rang gi las ngan yang mi shes pa'i sems can gyis bcom ldan 'das la gsol ba 'debs su 'dzud pa snyam du sdug bsngal nas der log ste sgo phyir byon pa dang //dge bsnyen gyis slob dpon la phyag phul nas zhus pas/ khyod dmyal bar skye ba de lta bu'i las byas pas mi shes par zhur bcug ngan pa yin zhes gsung ngo / /bdag gis ci bgyis zhes smras pa sngar gyi gtam bsnyen pa dang /de ngo tsha ba dang rnam smin dmyal bar skye bas skrag nas mang po dus so/ /de nas yang slob dpon la phyag phul te bdag las ngan pa 'di las thar pa'i thabs kyis rjes su gzung du gsol zhes zhus pas/ de khyod kyis nus na ni ngas mi shes pas bcom ldan 'das la zhu dgos zhes gsungs te/nang par chos thon pa'i rjes la phyag dang bskor ba byas nas bdag gis sdig de las thar ba'i thabs bdog na thugs rjes gzung bar zhu zhes gsol bas/ thabs gzhan med ma shi ba la nga'i yi ge drug pa 'di sgom bzlas rgyun mi chad par byas na thabs kyi mchog go zhes gsung ngo //paN+Di tas ting nge 'dzin de las bzhengs te phyir byon nas khyod bya ba gzhan thams cad btang ste/ bcom ldan 'das yi ge drug pa'i sgom bzlas kyis dus 'da' bar byas na phan yon chen po 'byung zhes 'phags pa gsung ngo zhes smras pas/der dge bsnyen gyis slob dpon la gdams ngag rdzogs par zhus te/ de sdig pa'i 'bras bu la shin tu 'jigs skrag pas lho phyogs dpal gyi ri'i nags gseb shin tu dben par phyin te/ shing ma la'i sdong po'i logs la bug pa khong stong yod pa'i nang du bsdad de shing de'i pags pa za zhing lo bcu gnyis gzhan ci yang yid la mi byed pas der sgrub pa byas so//nam zhig phyir sgom bzlas byed pa'i tshe bya rog cig gis yul gzhan nas 'bras zan dum bu khyer te sdong po de'i yal ga'i steng du bza' bar brtsams pa dang kha nas shor te lhung ba de dang po'i zas su dran te zos pas de la sred pa chen po skyes te gyo mo'i dum bu khyer nas/mthar gyis 'gro ba'i khyim kun gyi sgor phyin nas blangs pas 'bras zan la sogs pa khyer nas phyin kyang ci yang ma mthong ste/ thams cad kyang de bzhin nang du log pas/ de'i bsam pa la 'di ni nges par nga rang gi las ngan len te/ de dang las ngan ma zad snyam pa'i khro ba dang bcas pas gyo mo sa la brdabs nas yang sdong po'i sar log go//de'i tshe gyo mo chag pa'i dum bu cig sa'i gting du song de klu nor rgyas kyi mdun du byung ba dang sa g.yo ba la sogs pa'i ltas byung ba dang / /klu'i rgyal pos 'di gnyis kyi rgyu ci yin snyam du mngon shes kyis bltas pas de las byung bar shes te/des bza' btung phun sum tshogs pa khyer nas de'i drung du phyin te drangs pas/ 'di mi 'dod de nga las ngan pa bsags pa'i gang zag yin/ de ring 'di zan nang par ci bzhes gsungs nas ma bzhed/ klu rgyal gyis nang bar nas kyang bdag gis nyi ma re re zhing 'dren bas cis kyang gsol bar zhu zhus pas/der zos te klu'i rgyal po yang dga' bzhin du log ste/ nang par nas nyi ma re re zhing bza' btung mang po bu mo la bskur te gnyis ka yang slob dpon kyi drung du 'ong ngo / /de nas klu'i bu mo de slom dpon la chags te pha la smras pa//yab gcig bdag slob dpon gyi jo mo byed pas phul cig ces smras te klu'i rgyal pos slob dpon la 'bul lags kyis zhes gsol ba btab pas ma gnang ngo / /de'i tshe klu'i rgyal pos gsol ba cher btab pa dang / da slob dpon gyis 'di mi 'grub snyam ste 'o na nga'i pha thugs rje chen po dang /ma rje btsun sgrol ma yin te/ bu mo 'di la phas khrus dang / mas bkra shis gsol na bya/ de ma grub na nga de lta bu'i bya ba mi byed do gsungs pas klu'i rgyal pos po Ta lar phyin nas gnyis po la phyag byas te/ de lta bu khyed kyi sras po la rung na bdag gi bu mo la thugs rjes gzigs par zhus bas/rung zhes gsungs nas myur bar gsum kas byon te/ 'phags pas sku khrus dang / 'phags mas aSh+Ta mang+ga la zhes bya ba'i bkra shis gsol nas btsun mor bzhes so/ /de 'jig rten du ka ma la go mi zhes pa'i grub thob chen por grags so/ / des na dam pa rnams kyis lo rgyus 'di yid ches par byas nas/ yi ge drug pa'i sgom bzlas la brtson par byas na nges par 'grub gsung ngo / /slob dpon pad+ma dge bsnyen gyis 'jig rten dbang phyug las grub pa thob pa'o lo rgyus so/ /paN+Di ta bi ma la shrI mi tra dang / lo tsA ba ldan ma tshul khrims seng ges bsgyur ba'o/