CLOSE WINDOW

D4338
བོད་ཡིག

/mi dpyad 'di rdo rje gdan du u rgyan pas bsgyur pa'o//[ ]@##/ /rgya gar skad du/ sa mu dri kam pa rI k+Sha te na ra lak+Sha Ne nA ma/ bod skad du/ mi'i mtshan nyid brtag pa rgya mtsho zhes bya ba/ thams cad mkhyen pa la phyag 'tshal lo/ /thams cad mkhyen pas thams cad gzigs//dang po'i lha la phyag 'tshal nas/ /skal bzang skyes pa bud med kyi/ /rgya mtshor rab tu bshad par bya /sngon du tshe ni yongs su brtag /phyi nas mtshan nyid la sogs rnams/ /tshe thung pa yi mi rnams la//mtshan nyid kyis ni ci zhig bya/ /bud med rnams kyi g.yon gyi cha/ /skyes pa de ni g.yas su de/ /rgya mtsho yi ni tshig bzhin du/ /de rnams mtshan nyid nges par brtag /gnas lnga ring zhing bzhi ni thung / /lnga ni 'phra zhing drug ni mtho/ /bdun ni dmar zhing gsum ni zab//gsum ni rab tu yangs par bsngags/ /lag pa mig dang brang dang ni/ /de ni pus mo sna de ni/ /yan lag 'di rnams ring ba ni/ /lnga po ring bar bsngags pa ste/ /mgrin pa rkang pa rgyab dang ni/ /rje ngar rnams ni thung bar bsngags/ /gang gi bzhi po thung ba rnams//rtag tu mchod pa thob par 'gyur/ /sor mo phra zhing tshigs pa rnams/ /so dang skra dang sen mo pags/ /gang gi lnga po phra ba nyid/ /de ni mtshan nyid mchog yin no/ /mchan 'og rtsib 'og brang dang ni/ /sna dang dpung ba dpral ba rnams/ /rgya mtsho chen po'i bdag nyid kyis//drug po mtho na dge bar bshad/ /lag pa rkang pa'i mthil dmar zhing / /mig gi mtha' dang sen mo dang / /rkan dang lce dang mchu rnams ni/ /bdun bo rnams ni dmar bar bsngags/ /dbyangs dang sems dang lte ba ste/ /gsum po rnams ni za ban bsngags//brang dang mgo bo dpral ba ste/ /gsum po rnams ni yangs pa bsngags/ /brang dang mgo bo dpral ba ste/ /gsum po rnams ni yangs pa bsngags/ /lus kyi nang nas bzhi'am ni/ /yang na thams cad du yang brjod/ /de la mchog tu rna dang ni/ /de bzhin mchog tu so rnams dang / /kha dog rnams ni mchog tu snum/ /dbyangs ni mchog tu snyan pa dang //dbyangs las mchog tu bden pa dang / /kun nas bden pas rab tu gnas/ /mig dmar bud med spong mi byed/ /gser mdog dmar skya nor med min/ /lag ring rnams ni dbang phyug ste/ /yan lag mdzes bsngags bden par byed/ /dbang po chung na nor ldan zhing //bu bral che bas nor rnams dman/ /sgro ba'i g.yon dma' bu nor nyams/ /gzhan rnams mon po bu ldan dbul/ /mgo bo che zhing rtsa phra dang / /rtsub dang rtsa ni mtho ba dang / /sbom dang mdud pa gang 'gyur dbul/ /mnyen pas rtag tu bde ba dang / / rtags ni gyong po yul gzhan 'khyam/ /chung ngu rnams ni skal ba bzang / /chen po yis ni dbul po dang / /dma' mos bud med nges par rgyal/ /sgro ba mnyam zhing 'dzes par mthong / /phan pa dang ni tshe dang ldan/ /brang yangs 'bru dang nor rnams spyod/ /bu yangs mi bdag mchod dang ldan//rked yangs bu ni mang du spyod/ /rkang pa yangs pa nor dang ldan/ /mig snum pa ni skal ba bzang / /so snum pa ni zas dang ldan/ /bags pa snum pa bde bar 'gyur/ /rkang pa snum pa bzhon par ldan/ /las med lag pa dag ni sra/ / rkang pa dag ni lam la mnyen/ /gang gi lag pa rkang par ldan/ /de ni rgyal por nges par ldan/ /gang la nya yi dbyibs yod na/ /brgya yi bdag por shes par bya/ /phan tshun gyis ni stong du shes/ /dung gis bye bar shes par bya/ /pad+ma yis ni bye ba stong / /mthe'u chung gi phyogs rnams nas//ming med la ni ri mo 'gro/ /rtags ni de yi sum cu'i lor/ /'tsho ba nyid du shes par bya/ /mthe'u chung gi phyogs rnams nas/ /gung mo la ni ri mo 'gro/ /'di yi rtags kyis drug cu'i lor/ /'tsho ba nyid du shes par bya/ /mnyam pa'i phyir na brgyad cur 'tsho//ma mnyam de bzhin bdun cur 'tsho/ /tshigs pas dman pa'i skyes bu rnams/ /lo ni drug cur 'tsho bar 'gyur/ /mtheb chen gyi ni tshigs kyi dbus/ /gang la nas yod rnam par dge /rnyed dang zas su longs spyod cing / /mi de bde ba'i longs spyod ldan/ / ri mo mang po nyon mongs shing / /nyung ba yis ni nor dman no/ /dmar bo yis ni bde ba thob/ /nag po yis ni khol por byed/ /slo ma'i dbyibs dang rnam par rtsub/ /sen mo yon po skya bo dang / /rtse mo la ni ri mo dang / /shin tu dkar bar gyur pa dang / /rkang pa'i sor mo sprad pa ni//dbul ba'i sdug bsngal rab tu ster/ /gang gi rkang pa tsha ba dang / /ngur smrig 'dra bar gyur pa ni/ /rigs ni rnam par chad pa ste/ /tshangs 'joms gzhan gyi las byed pa/ /sa stengs dbang med mnar bar byed/ /rdul mi 'byung zhing mthil ni mnyen/ /pad+ma'i lte ba lta bus te//sor mo 'byar zhing mdzes pa dang / /sen mo zangs mdog rting pa legs/ /bro zhing rtsa ni mi mngon dang / /long bu dag ni mi mngon zhing / /rkang pa rus sbal ltar mtho na/ /mi rnams kyi ni dbang phyug go /shin tu blo ldan grags pa ldan/ /de bzhin du ni rnam par gnon//bde dang shin tu snum pa'i mig /de rnams tshe ni thung bar bshad/ /gos ngan so yi dri ma sel/ /mang du za zhing tshig rtsub smra/ /nyi ma nub shar nyal ba rnams/ /gal te 'khor lo lag ldan yang / /dpal ni rnam par spong bar 'gyur/ /mgo bo la ni me tog bcas//rkang pa la ni legs par mchod/ /yan lag mchog ldan bsten pa dang / /kha zas thung ngu spyod pa dang / /gos med nyal bar mi byed cing / /dus tshigs 'khrig pa mi bsten na/ /dpal ni rab tu nyams gyur kyang / /slar yang rab tu thob par 'gyur//mi sbyin gyis gsungs pa'i rgya mtsho las skyes pa'i mtshan nyid brtag pa'i le'u ste dang po'o// //mi sbyin gyi ni gsung ji bzhin/ /bud med mtshan nyid bshad par bya/ /nyi ma 'char kha'i 'od mtshungs pa'i/ /bu mo zla ba gang ba'i gdong / /mig yangs mchu ni dmar ba yi//bu mo de ni rnyed na bde/ /ut+pal sngon po'i mdog ltar sngo/ /ri dgas mig can glang ltar dkar/ /nor bu rin chen mtha' dag dang / /gser gyi rgyan gyis brgyan gyur ma/ /de ni gang zhig mig nag pa'i/ /bu mo dkar mo shin tu mdzes/ /mig yangs mchu ni dmar ba yi//bu mo de ni rnyed na bde/ /gang zhig 'gro ba tsam gyis ni/ /sa gzhi g.yo ba ltar byed 'gro/ /ji ltar mi sbyin gsungs pa na/ /de yi zhe 'gras byed par gsungs/ /gang gi sor mo mi sdug cing / /rkang pa'i mthil ni nyag por gyur/ /de yang zhe 'gras byed pa ni//ji ltar mi sbyin gyis ni gsungs/ /gang zhig rkang pa'i mthe chung dag /sa gzhi la ni mi reg na/ /bdag po brgya yang myur 'joms zhing / /de srid de ni 'tsho bar 'gyur/ /gang gi skra yi tshogs pa rnams/ /rtag tu langs par gyur pa ni/ /rgyal rigs nyid du skyes gyur kyang //de ni bran mo nyid du 'gyur/ /rma bya 'khor lo pad+ma dang / /bum pa gang dang rta babs ldan/ /de ni bran mo'i rigs skyes kyang / /rgyal po yi ni btsun mor 'gyur/ /gang gi lag mthil ri mo la/ /so dang rta babs rab tu gnas/ /bran mo'i rigs su skyes gyur kyang / / de ni rgyal po'i btsun mor 'gyur/ /rnam par brtson pa'i ngang tshul can/ /blo ni rku ba la dga' zhing / /gzhan gyi rigs dang ldan gyur pa/ /sdig pa mang byed las med cing / /gzhan gyi khyim la nyer brten na/ /gal te bu dang bcas gyur kyang / /mi yis de 'dra'i chung ma spang //mig skya khron pa'i 'gran pa dang / /pha rol skyes bu rnams la dga'/ /byin pa sbom zhing skra ni 'phyar/ /mchu 'phyang rtsibs ni ring ba dang / /so ni sprad po kha dog sngo/ /rkan dang mchu dang rked lce dang / /yan lag skams shing kha skams dang / /nu ma zung dag mi mnyam dang //sna dang bus mo ring ba rnams/ /bu bral tshul nyams bud med de/ /bu mo de ni nor rnams spong / /rdul mi 'byung zhing mthol ni mnyen/ /pad+ma'i lte ba lta bu ste/ /sor mo 'byar zhing mdzes pa dang / /sen mo zangs mdog rting pa legs/ /dro zhing rtsa ni mi mngon pa//long bu dag ni mi mngon zhing / /rkang ba rus sbal ltar mtho dang / /brla rgyas 'gram pa rgyas pa dang / /so ni dkar zhing mnyam pa dang / /pad+ma'i 'dab 'dra sbyan yangs ma/ /bim pa'i mchu dang sna mtho dang / /gom ba glang po ltar 'gro dang / /g.yas su bskor zhing log pa dang //lus ni snum zhing kha dog mdzes/ /gsang gnas mnyen zhing mthug pa dang / /dbyangs snyan skra ni mdzes pa rnams/ /de ni bdag mo'i zhing du 'gyur/ /skal bzang bu bcas bud med de/ /rngul chu spu ni nyung ba dang / /gnyid dang zas ni chung ba dang / /mig dang lus la spu med na/ / bud med rnams kyi mtshan nyid mchog /gnyis po'i mtshan nyid yang dag la/ /gzhon nu ma dang skyes bu yang / /dge ba dang ni mi dge'i las/ /de bzhin du ni byed par 'gyur/ /zhes pa ni bud med kyi mtshan nyid mi sbyin gyi gsungs las/ mi'i mtshan nyid brtag pa rgya mtsho zhes bya ba rdzogs so/