CLOSE WINDOW

D4336
བོད་ཡིག

@##/ /rgya gar skad du/ sa mu dra b+hadzA bin/ bod skad du/ rgya mtshos bstan pa'i mtshan/ thams cad mkhyen pa la phyag 'tshal lo/ /rkang ba'i gong gi sor mo'i mtshan rnams ni/ /skyid dang sdug pa thams cad shes par byed/ /mthe bong che na sdug bsngal 'thob par byed//chung ba skam pa yul rnams bskor zhing sdug /leb mo skam pa skya bo mi bzang ste/ /mtheb mdzub bar du kha 'dra skam pa ni/ /nyong mongs thams cad skye bar 'gyur pa yin/ /mthe bong gyen du mtho ba legs par snyoms/ /snum zhing snyoms par skyes pa bde ba'i mtshan/ /sor mo zlum pa sen mo zangs kyi mdog /shin tu dmar ba khrag gi mdog can ni/ /rgyal por 'gyur pa'i mthe bo'i mtshan ma yin/ /rkang pa'i mdzub mo sbom zhing ring ba ni/ /bud med longs spyod kyi ni rnyed pa thob/ /thob pa'i bud med myur du 'chi bar byed/ /yang na bu skyes 'chi bar 'gyur ba yin/ / mdzub mo chung na kun dang 'khon par byed/ /gung mo mtho na don rnams nyams par byed/ /chung na sdug bsngal bzhin du 'byung bar 'gyur/ /srin lag ring na rig pa 'dzin par byed/ /thung na chung ma 'chi bar 'gyur ba yin/ /mthe chung ring na don rnams 'grub par 'gyur/ /chung na pha rol nor rnams 'phrog par byed//mdzub mo mthe chung shin tu sbom pa ni/ /a ma 'chi bar 'gyur ba rgya mtshos bshad/ /gung mo snyoms shing zlum pa legs pa ni/ /bu skyes chung ngu'i lo la 'chi bar byed/ /rgya mtshos bstan pa'i mtshan gcig pa'o// //sor mo mi snyoms sbom phrar gnas pa ni//'bangs po'i 'bangs kyi las rnams byed par 'gyur/ /'bangs po min yang gzhan gyi las rnams byed/ /sor mo 'khyog cing gang gis dang / /rtag tu sdug bsngal 'ba' zhig spyod par byed/ /sor mo snyoms pa gcig tu skyes pa 'dra/ /zlum zhing 'dril ba byin gyis phra bzhi//rgyal po'i mtshan gyis brgyan pa'i sor mo yin/ /sen mo dkar ba sha dang bcas pa ni/ /skyes pa sdug bsngal bzhin du gnas par bshad/ /sen mo gas pa 'dod pa'i longs spyod med/ /sen mo 'khyog pa chag pa sbom pa las/ /rtag tu slong mo byed pa'i dbul por bshad//ba bla lta bu sen po ser po yis/ /bram ze gsod dam bkur 'os gsod par bshad/ /sen mo dmar ba rgyal por 'gyur ba ste/ /des ni gnyen po byas pa mi bzang ste/ /rang gi rigs rnams smod par byed pa yin/ /sen mo dung gi mdog gis rgyal bor 'gyur//zangs kyi mdog can rgyal po'i sen mo ste/ /pad+ma'i mdog can kyang ni de bzhin no/ /sen mo khrag mdog mchog gi dbang phyug ste/ /snum pa legs pa zangs mdog rgyal por 'gyur/ /rgya mtshos bstan pa las mtshan gnyis pa'o// //mthe bong nas bzung mthil gyi sha rgyud ni//snyoms pa mdog bzang ring ba bde bar 'tsho/ /thung ngu mdog ngan mtho dman ldan pa ni/ /bsam ngan kun la gnod cing bde ba med/ /rkang pa pag gi lta bu yod pa la/ /rtag tu gzhan gyis 'ching bar 'gyur ba yin/ /mnyam snyoms pas ni bde ba thob par byed//bol tshigs ma he lta bu phag bzhin no/ /bol tshigs rdo rje lta bu rtag tu sdug /bol tshigs rta yi lta bu dbang phyug thob/ rgya mtshos bstan pa las mtshan gsum pa'o// //byin pa ri dgas lta bus rgyal por 'gyur/ /ce spyang lta bu'i byin pas sdug bsngal 'thob//byin pa sbom pos mchog gi dbang phyug thob/ /byin pa sbom po ring po gang gis kyang / /rtag tu 'gro ba 'ba' zhig 'thob par byed/ /byin pa phag pa lta bus longs spyod med/ /byin pa pho rog lta bus longs sdug bsngal thob/ /byin pa dom mam spre'u lta bus 'ching / / ser ge stag gi byin pa 'dra ba las/ /pha rol grags pa nor rnams mang por ldan/ /ba spu re re skyes pa rgyal por 'gyur/ /gcig gnyis skyes pa nor gyi bdag por 'gyur/ /gsum bzhi yan chad gang yang rnyed pa med/ /rgya mtshos bstan pa las mtshan bzhi pa'o// // ngang pa ne tso'i gdangs can rgyal por 'gyur/ /de gnyis 'gros kyis 'gro ba mchod par 'gyur/ /khyu mchog seng ge glang gi gdangs dang 'gros/ /longs spyod mang po'i bdag po byed par 'dod/ /sna tshogs bya dang dud 'gro'i gdangs dang 'gros/ /da dang de yi longs spyod thob par bshad//chu nang sems can bzhin du dbugs gyis pa/ /gnas pa mi yi 'jigs dang sdug bsngal 'thob/ /khyi dang phag dang ma he lta bu'i dbugs/ /'gros can de 'dra sdug bsngal ngon mi thob/ /rgya mtshos bstan pa las mtshan lnga pa'o// //brla phra'i skyes pa de ni bu dang bral/ /brla sul mdzes pa sbom po lo brgya 'tsho//nan tur sbom na sdug bsngal mang po thob/ /sha rgyal snyoms pa mi yi dbang phyug yin/ /sbom po ring ba gzhan gyi 'ching ba thob/ /srab mo phug dang 'dra ba sdug bsngal 'dzin/ /sha skams brla ni srab cing rgyus 'drul byed/ /sbom phra med par mdzes shing snyoms pa ni//yon tan mang po 'dzin par byed pa yin/ /brla sgang leb pa bud med rnyed pa thob/ /brla stod phra ba brla smad sbom pa ni/ /rtag tu rgyu 'grul byed par 'gyur ba yin/ /rgya mtshos bstan pa las mtshan drug pa'o// //sor mo'i ri mo g.yas su 'khyil ba ni/ /bu thob g.yon par 'khyil ba bu mo 'byung //sor mo mi snyoms sbom phra rtsa dang bcas/ /de 'dra gang la yod pa sdug bsngal 'thob/ /snyoms pa ring ba rtsa med sha dang bcas/ /gang la yod pa de ni bde bar 'tsho/ /rkang pa 'phongs tshos mnyam por 'dug pa la/ /rtags kyis sa la reg pa sdug bsngal 'gyur//dbang pos tshigs la slebs pas dbang phyug 'thob/ /seng ge stag gi dbang po 'dra ba yis/ /longs spyod dbang po'i bdag po byed par 'gyur/ /rta yi dbang po lta bu'ang de bzhin no/ /dbang po'i nang du pad+ma'i ri mo 'dra/ /gang la yod pa de ni rgyal por 'gyur/ / gser dngul mu tig rdo rje yi snying po dang / /dmar ba snum pa nor bu rin chen 'dra/ /gang la yod pa de ni rgyal po'i mtshan/ /ljang dang sngo nag dngul dang bcas pa dang / /ri mo sngo skya gas pa kang kong can/ /gang la yod pa sdug bsngal mang po thob/ /brla yi ri mo lta bu rgyal por 'gyur//mdog ngan rdul dang bcas pa ri mo can/ /de 'dra gang la yod pa rnyed pa med/ /yang na de 'dra'i mtshan ma ma ning 'gyur/ /mchog tu 'dod pa che ba bu mo skye/ /ut+pal sngon po pad rgyas 'dra ba snyoms/ /bzang po'i mtshan ma yin par rgya mtshos gsungs/ /dri chu ring por 'gro ba bde bar 'tsho//dri chu gnyis gsum bzhi lnga ngan par bshad/ /nan ltar mang por 'gro ba bde bar bshad/ /dri chu sgra dang bcas pa bde bar 'tsho/ /dri chu sgra med sdug bsngal 'byung bar bshad/ /'bab tshe g.yas su 'khor ba bzang por bshad/ /phyi nas bu dang ldan par 'gyur ba yin//g.yon du 'khor na bu mo bzang mo skye/ /ral gri sngon po lta bu sdug cing gson/ /skya ba skyed med sdug bsngal mang po 'thob/ /rtags la reg tshe shing ltar gyong ba yis/ /rang gi rigs rnams rlag par byed pa yin/ /snyoms pa zlum pa 'jam pa chu ba 'dzin//gang la de 'dra'i rtags can bde bar 'tsho/ /sor gsum sor lnga ldan pa'i dbang po ni/ /gang la yod pa sa yi bdag por bshad/ /rgya mtshos bstan pa las mtshan bdun pa'o// //lte ba yangs pa zab pa nang du zlum/ /de 'dra gang la yod pa bde bar 'tsho/ /nang du zlum pa med na sdug cing gson//tshang ra sha dang bcas pa bde bar 'tsho/ /sha skams sdo dang bcas pa sdug bsngal 'dzin/ /sha skams rting song rkub tshos spu dang bral/ /rtag tu de la sdug bsngal mang po 'byung / /stag dang seng ge lta bu'i 'phongs tshos bcas/ /rtag tu bde chen bdag po byed par 'gyur//dom dang spre'u la bu bde ba med/ /sha skams khyi yi lta bu'ang de bzhin no/ /gsus pa ri dgas lta bu bde ba'i mtshan/ /gsus pa rma bya lta bu'ang de bzhin no/ /stag dang seng ge lta bu rgyal por 'gyur/ /gsus pa chung ba mi yi bdag por 'gyur/ /gsus pa shin tu che ba bde ba'i mtshan/gsus pa sbe ga zlum po lta bu ni/ /de ni sa yi bdag po byed par 'gyur/ /lte ba zab pa zlum po skyes bu mchog /zlum po phyi ru 'thon na ngan par bshad/ /lte ba g.yas su 'khyil bas don rnams 'grub/ /g.yon du 'khyil bas don rnams stong par byed/ /spu gnyis snyoms shing zab pa bde ba'i mtshan//spu gnyis mi mngon gsus pa snyoms ba las/ /bud med longs spyod thob pa bde ba'i mtshan/ /spu gnyis ri bong lta bu'ang skyes pa'i mtshan/ /gsus pa nas 'dra rtsa yis gang ba las/ /mtshan ngan sdug bsngal mang po 'thob par byed/ /gsus pa zla gam sbrul 'dra grod pa che//sbrul dang nya 'dra rang gi dka' thub nyams/ /khyi dang ce spyang lta bur ltogs shing sgom/ /tshe ring lo brgya 'tsho yang sdug cing gson/ /rgya mtshos bstan pa las mtshan brgyad pa'o// //nu ma mtho ba snum zhing snyoms pa las/ /bde zhing bzang po'i mtshan gyis brgyan pa yin//brang zhing snyoms pa zab pa bde bar 'tsho/ /tshe ring lo brgya 'tsho zhing longs spyod che/ /sha rgyas che zhing zlum pa rgyal por 'gyur/ /gdong pa sha med mi de sdug bsngal 'gyur/ /dbang phyug stag dang seng ge 'dra bas thob/ /sde yi bdag dang dpon po thob par 'gyur/ /seng ge'i rgyab can 'dud cing kun gyis mchod//rta yi rgyab can skyid sdug phyed mar spyod/ /shin tu rgyab gzhung ring ba gnyen dang bcas/ /rtag tu bde bar skyong zhing rang don med/ /rgya mtshos bstan pa las mtshan dgu pa'o// //snying gar spu dang bcas pa bde bar 'tsho/ /spu dang bral yang bde bar 'tsho bar byed//spu snyoms cung zad skyes pa mkhas par 'gyur/ /spu gcig skyes pa phyug por 'gyur bar bshad/ /gnyis dang gsum du skyes pa ngan par bshad/ /ser skya sngo nag sprin gyi mdog can dang / /ldong ros zla ba'i kha dog pad+ma dang / /'dra ba de la rgyal po'i mtshan mar 'dod//ser skya nyi ma 'char ba'i kha dog can/ /sa skyong rgyal po byed par 'gyur pa yin/ /rgya mtshos bstan pa las mtshan bcu pa'o// //glang chen lta bur lus po byin du rgyas/ /bde bar son pa bzang po'i mtshan ma can/ /thad kar langs pa lag pas pus mor sleb/ /yon tan kun gyis brgyan pa'i lag pa yin//shin tu lag pa chung ba 'bangs por 'gyur/ /lag pa'i ri mo g.yon du 'khyil ba ni/ /thams cad yongs su rdzogs par rgyas pa yin/ /pha rol grags pa'i rgyal po thob par 'gyur/ /lag pa'i ri mo g.yas su 'khyil ba ni/ /rtag tu skyes ba sdug bsngal 'gyur ba yin//lag pa snyoms la mthug pa sor mo ring / /dmar la zlum pa sha dang bcas pa ni/ /'jam pa nang du chu blugs 'dzin par byed/ /de 'dra gang la yod pa rgyal por 'gyur/ /lag pa sha med rtsa dang rdul gyis gang / /ser skya sen mo ser ba sdug bsngal 'dzin/ /mdzub mo'i dkyil lam gyen du langs pa yi//ri mo gang la yod pa bu gsum 'gyur/ /gang du srang gi ri mo yod gyur pa/ /lag pa'i rting par nya'am rnga ma 'dra/ /gang la yod pa sgrub pa'i 'bras bu thob/ /de ni bu mang bdag po byed par bshad/ /mthe chung srin lag rtsa ba'i tshigs gsum gyi/ /'og ma'i dkyil du ri mo snyoms pa gsum//nan tar gsal ba yod na lo brgya 'tsho/ /lag pa gur 'chang lta bu mdog can ni/ /gser dang nor mang bdag po byed pa yin/ /gzhan yang rig pa 'dzin par byed pa yin/ /lag pa'i dkyil lam yang na gnas gzhan du/ /hom gzar lta bu gang la yod pa de/ / kun gyis bkur ram mchod sbyin bdag por bshad/ /lag pa'i ri mo mang po yod gyur na/ /bram zer gyur na rig byed bzhi la mkhas/ /dbyug pa gdugs dang chu bum lta bu yi/ /ri mo gang la yod pa bram ze'i rigs/ /de yi rkang la rgyal po'i mgo bos 'dud/ /rdo rje rtse gsum shak+ti 'dra ba dang / / dgra sta'i ri mo ral gri 'dra ba'i gzugs/ /de rnams yod pa de ni rgyal por 'gyur/ /dung dang gdugs dang lcags kyu mtshan ldan dang / /gang la yod pa mi yi rgyal por 'gyur/ /ri mo dod snyoms snum pa 'khor lo 'dra/ /gang la yod pa de yang rgyal por 'gyur/ /ri mo chad pa rdul can nyung ngu gson/ / ri mo ri dang shing sdong lta bu dang / /sor mo ring po zlum po snyoms pa no/ /dud 'gro mang po'i bdag po byed par 'gyur/ /ri mo gdugs dang rgyal mtshan 'khor lo dag /gang la yod pa rgyal po nges par thob/ /'gro'am 'dug dang nges par bde bar son/ /rgya mtshos bstan pa las mtshan bcu gcig pa'o// //lag pa mtho ba zlum po sha dang bcas/ /de ni sde chen bdag po byed par 'gyur/ /mgrin pa ring ba rnga mo lta bu ni/ /pha rol nor la rlom sems byed par 'gyur/ /mgrin pa snum pa ki ra lta bu dang / /glang chen lta bu yod na rgyal por 'gyur/ /bza' btung longs spyod mang po 'thob par byed//gdong ba zlum po chos dang tshul khrims ldan/ /gdong pa sha dang bral ba zha kyog can/ /pha rol don rnams mang po smra par byed/ /mang po smra ba de ni rkun mar bshad/ /don rnams rdzogs par smra ba rgyal por 'gyur/ /ra dang spre'u'i skad dang gdong pa ni/ /pha rol grags pa nor rnams mang par 'gyur//'gram mgo pad+ma'i 'dab ma lta bu la/ /de yi mgrin pa longs spyod mang sor ldan/ /yam chu dmar bsrab pa mi ye bdag /ya mchu mthug par gyur pa rmongs par 'gyur/ /nan tar skams na sdug bsngal mang po can/ /bim pa'i mchu can bza' btung mang bar bshad/ / so rnams ku tu ta ltar dkar ba ni/ /mchog tu bzang po mi yi rgyal por 'gyur/ /blang chen bong bu'i so can snum po rnams/ /bde bar 'tsho ba bzang po'i mtshan ma yin/ /dom dang spre'u lta bu ltogs par 'gyur/ /rdo ba lta bu gdol can 'khyog pa ni/ /sdug bsngal thob pa so yi mtshan ma yin//g.yas pa'i so gnyis sbom pa dpon por 'gyur/ /stobs dang longs spyod mang po ldan pa yin/ /g.yon pa'i so gnyis sbom pa pha ma 'chi/ /so bzhi 'khyog pa sdug cing pha ma 'chi/ /dkar po rno ba legs pa sa yi bdag /ring zhing rno ba mkhas pa'i mtshan ma yin//sum cu so gnyis so can rgyal por 'gyur/ /longs spyod dag dang ldan par 'gyur ba yin/ /sum cu yod na bde bar 'tsho bar 'gyur/ /sum cu so dgu'i so can sdug cing gson/ /nyi shu rtsa bzhi pa ni bde bar 'tsho/ /des ni 'dod pa'i longs spyod mang po rnyed/ /ya so ma so mnyam pa nor gyi bdag /dmar smug lce can sdig pa byed pa yin/ /mthug ba rdul can lce ni mi bzad ster/ /dkar po lce can spyod pa gtsang ba yin/ /pad+ma'i 'dab ma lta bu'i ring ba ni/ /shin tu srab pa ma yin mthug pa min/ /rgyal por 'gyur ba'i lce yi mtshan ma yin/ /snum dang dmar ba rig pa 'dzin par byed//dmar smug dkar can rigs rnams nyams par byed/ /des ni nor med sdug bsngal mang po 'thob/ /ser nag dmar smug can gang bzang po min/ /seng ge glang chen lta bu mi yi bdag /ngang pa 'brug gi gdangs can nor dang ldan/ /glang ngam bong bu'i skad can sdug bsngal che//rta dang bong bu bya rog sgra can sdug /tsheg gtam zer ba sdig can yin par bshad/ /nyung du smra zhing bden pa rgyal por 'gyur/ /rgya mtshos bstan pa las mtshan bcu gnyis pa'o// //glang chen rta yi rna can rno ba ni/ /'jig rten 'dren pa byed par 'gyur ba yin/ /ne tsho'i mchu can de yang de bzhin no//shin tu rna gong mtho ba longs spyod ldan/ /sna chus chos pa tshul khrims gtsang ma bsrung / /sna gong 'khyog pa sdig pa byed pa can/ /sna rtse sbom pa mthug pa'ang sdig pa byed/ /sna rtse sbom pa sna gong leb pa ni/ /de yang sdug bsngal mang po 'dzin par byed/ /rgya mtshos bstan pa las mtshan bcu gsum pa'o// //me tog dmar po lta bu'i mig can ni/ /longs spyod bdag po sde yi 'dren pa byed/ /glu gsum mig can 'jigs pa zlum pa dang / /phyi la dang pa lta bu'ang dpon por 'gyur/ /khrag ltar dmar ba nad dang bcas shing sdug /mchog tu mig 'bor ma thob sdug par bshad/ /ma he lug dang ra 'dra 'khrug pa rem//g.yo ba mig can kun du lta ba ni/ /pha rol bud med la ni bsam pa can/ /mig gnyis nang du song pa ring por gson/ /zlum pa'i mig can nyung du gson par bshad/ /ri dgas rma bya ce spyang ba lang dang / /glang chen lta bus longs spyod thob par byed/ /mchog tu chung ba skem po yo ba ni/ /chu yis gang pa zag pa mchi ma can//nor med sdug bsngal can gyi mig tu bshad/ /rgyal mo shin tu gnag pa bde bar 'tsho/ /rgyal mo dkar ba 'chi ba 'thob par byed/ /rgyal mo dmar ba nor gyi bdag por bshad/ /mig kong legs pa dbang phyug thob par byed/ /mig rtsa dmar ba longs spyod thob par byed/ /dmar dang dkar ba'i ri mo dod pa la//de ni mkhas shing blo gros bzang po can/ /mig nas mchi ma 'dzag pas 'khon zhing sdug /'gro tshe lam la lta ba mkhas pa'i mtshan/ /kun du lta ba ba lang lta bu ngan/ /rgya mtshos bstan pa las mtshan bcu bzhi pa'o// //pad+ma sgra can dmar ba legs pa dang / /me ltar 'od zer 'bar ba mdangs dang bcas//de 'dra'i mdangs can 'khor los sgyur bar bshad/ /gser gyi mdog can dbang phyug thob par byed/ /phug ron a rog ra dang khu byug dang / /dbang phyug longs spyod mang po 'thob par byed/ /byi la 'ug pa'i mdongs can dpal thob cing / /nyi ma glang gi gzugs can rgyal por bshad/ /ka la ping ka'i ser skya'i mig can ni//'khor los sgyur pa'i rgyal po byed par 'gyur/ /rin chen mu tig mig can mkhas par 'gyur/ /mig gnyis 'byed 'dzums mang ba nyung ngu gson/ /'byed 'dzums nyung pa ring du gson par byed/ /bstud nas 'byed 'dzums mang pa nad mang zhing / /lan gnyis 'dzums pa g.yon du 'gyur pa yin//gsum du 'dzums ba bde bar byed pa yin/ /lan bzhi 'dzums pa ltogs par gnas pa yin/ /de ni tshe thung sdug cing bkren par bshad/ /dpral ba skams pa rdul dang bcas pas sdug /gnyer ma lnga pa lo brgya 'tsho bar bshad/ /gnyer ma bzhi pa dgu bcur gson par bshad/ /gnyer ma gnyis pa dgu bcu gson par bshad//gnyer ma med pa'i mi rnams tshe thung zhing / /gnyer ma thung ngu gcig pa nad mang zhing / /gnyer ma nyi shu rtsa lnga sdug bsngal mang / /dpral bar rtsa gsum yod pa dbang phyug thob/ /gnyen 'dun mang po'i 'khor dang ldan par 'gyur/ /me tog pad+ma lta bu'i dpral ba can//chos dang tshul khrims 'dzin par byed pa yin/ /rdo rje rgyal mtshan 'khor lo zla ba dang / /de 'dra gang yod sa yi bdag por bshad/ /gyen du ri mo gcig pa 'bangs kyi bdag /zla phyed 'dra bas dbang phyug thob par byed/ /gyen thur 'phred la ri mo mang po can/ /sdug bsngal 'dzin pa'i skyes bu'i mtshan ma yin//ri mo ring po slob dpon byed par 'gyur/ /mgo bo gdugs 'dra mi yi bdag por 'gyur/ /dpral ba tog por mthon nas rno ba la/ /ltogs shing rtag tu nor med dbul por 'gyur/ /mgo bo glang chen lta bu rgyal po 'dra/ /dbang phyug du ma'i bdag po byed par 'gyur//mgo po grum pa lta bu skyes pa dang / /rdul dang skra dang ldan pa'ang de bzhin no/ /rdul can chen po mthug por skyes pas sdug /srab mthug snyoms pa skyes pa bde bar 'tsho/ /legs pa rtsa ba snyoms pa ring thung med/ /de 'dra mi yi dbang phyug thob par byed/ /rgya mtshos bstan pa las mtshan bco lnga skyes pa'i mtshan bstan pa rdzogs so// //bud med mtshan rnams bstan gyis mnyan par gyis/ /pad+ma lta bur dmar ba snum po dang / /rkang pa chung ba'i bud med bde bar 'tsho/ /'khor lo gdugs dang pad+ma rgyal mtshan dang / /ral gri 'dra ba'i ri mo gang yod pa/ /rgyal po'i btsun mor 'gyur bar rgya mtshos bshad//rkang pa'i sor mo'i 'og tu gyen thur la/ /ri mo yod na dpon po'i chung mar 'gyur/ /rkang pa srab mo che na g.yog tu 'gyur/ /rkang pa skams pa ltogs par 'gyur ba yin/ /'gro na bya bran lta bu'ang de bzhin du/ /de la rang gi rigs dang tshul khrims med//mthe chung sa la mi 'byar khyo po 'chi/ /gung mo sa la ma 'byar bud med ni/ /skyes pa lta bu'i spyod pa byed par 'gyur/ /mdzub mo zlum pa sa la mi reg pa/ /khyo po spangs shing skyes pa gzhan dang spyod/ /sor mo so sor gyes pa sdug cing gson//de ni gzhan gyi g.yog mo byed par 'gyur/ /sor mo sbom po bde ba med par byed/ /sor mo skams pa rtsa dang bcas pa ni/ /sdug bsngal 'dzin par byed pa'i bud med yin/ /ring ba snyoms pa gtsang ba bde bar 'gyur/ /sor mo snyoms pa bar med sha dngas pa/rtag tu bde bar 'gyur ba'i bud med yin/ /rang gi khyo bos chog par 'dzin par byed/ /sor mo mtho ba zlum pa pad ma'i mdangs/ /de la bu dang nor rnams brtan par 'gyur/ /sor mo chung ba sa la reg par byed/ /skams la rdul dang bcas pa'i bud med de//rtag tu sdug bsngal 'ba' zhig spyod par byed/ mtheb chen gas pa sen mo ngan pa can/ /de yi spun zla nyams par 'gyur ba yin/ /rgya mtshos bstan pa las bud med kyi mtshan bstan pa gcig pa'o// //rkang pa'i mthil kyi sha rgyud mdzes shing kong / /de ni sman 'tshong byed par 'gyur ba yin//shin tu sboms na sdug bsngal 'ba' zhig 'thob/ /sa la reg cing snyoms pa bde bar 'tsho/ /bol tshigs ma he lta bu 'chi bar 'gyur/ /bol tshigs snyoms pa'i bud med bde bar 'tsho/ /brla yi sha rgyas snyoms pa snum pa dang / /rtsa med spu dang bral ba'i bud med de//'gro ba 'dug pa kun tu bde bar 'tsho/ /brla la gyen thur ri mo gnyis yod na/ /smad 'tshong byed de tshul khrims gnyis pa yin/ /ri mo chung na khyo po 'chi bar 'gyur/ /gyen du ri mo gcig pa bde bar 'tsho/ /rgya mtshos bstan pa las mtshan gnyis pa'o// //brla 'og ri mo 'phred la yod pa ni/ /phyi rol skyes pa gzhan rnams 'tsho bar byed/ /brla stong shin tu sha rgyas bde ba'i mtshan/ /nang nas phyi rol shin tu gnag pa'i spu/ /nyung ngu snyoms par skyes ba'i bud med ni/ /mi yi bdag po'i btsun mo byed par 'gyur//mtshan ma rus sbal rgyab can snum zhing rgyas/ /ba spu lta bu'i spu dang bcas pa ni/ /nor dang don 'dod bu dang ldan zhing bde/ /de ni khyo la bsnyen bkur byed par 'gyur/ /sha skams chen mo rtsa yis gang ba ni/ /ltogs shing sdug bsngal chen po skye bar 'gyur/ / g.yas kyi sha rgyas bu dang ldan pa yin/ /g.yon pa mtho na bu mo skye par 'gyur/ /dmar ser spu can ltogs par 'gyur ba yin/ /spu nang skyes pa bde ba 'tsho bar byed/ /ba spu lta bu mang po rgyas pa'i spu/ /gnag pa ma yin nyung pa ma yin pas/ /shin tu bde ba mang pos gang bar 'gyur//shin tu dkyil 'khor gang ba mtha' ma la/ /snyoms shing mdzes par gyur pa'i spu dang ldan/ /rus sbal rgyab bram glang chen spyi bo ltar/ /'gram gyi sha rgyas khyo dang bcas pa bde/ /mtshan ma skams pa kong pa dam pa'i mtshan/ /gang la yod pa ltogs dang sdug bsngal 'byung //'gro tshe tshang ra 'gul zhing phyi nas snyogs/ /tshul khrims gnyis pa byed pa'i 'os su 'gyur/ /mi 'gyur brtan pa bde ba thob par byed/ /tshang ra sbom pa gru bzhi gcar ba ni/ /ba spu cung zad yod pa bde bar 'gyur/ /rgya mtshos bstan pa las mtshan gsum pa'o// //lte ba zab pa skyes pas phongs pa med/ /pad+ma ge sar lta bu'i lte ba can/ /bde bar 'tsho zhing bzang bo'i mtshan du bshad/ /lte ba mtho ba rgyas pa rdul dang spu/ /med pa sdug bsngal mang po 'dzin par 'gyur/ /sha skams ring po rdul dang spu yis gang //legs pa med pa gang zhig 'jigs par skyes/ /glang chen 'gros dang ba lang ngang pa dang / /rma bya ne tso'i 'gros can bzang po'i mtshan/ /'gro zhing smra dang ce spyang skad can ni/ /bde spong sdug bsngal chen po 'dzin par byed/ /rkub tshos rtsa yis gang dang mdud pa can//bud med khyo dang bral bar chags pa yin/ tshul khrims gnyis pa de ni smad 'tshong 'gyur/ /gsus pa chung na bud med smad 'tshong 'gyur/ /gsus pa sha yis gang ba rtsa dang bral/ /rtag tu ltogs shing nor med sdug bsngal 'gyur/ /gsus pa gtsang zhing snum pa legs pa ste//nu ma g.yas pa rgyas pa bu dang bcas/ /g.yon pa mtho na bu mo 'byung bar 'gyur/ /'khyog cing yo ba bu dang bral bar 'gyur/ /skams dang rtsa ba yo bar 'gyur ba la/ /rtse mo skams pa sdug pa'i mtshan ma ste/ /de yi khyo 'chi bu dang bral ba yin//nu ma rgyas pa sha yis gang ba yi/ /rab tu dal rgyas pa ni mdangs dang ldan/ /de la bu dang nor dang bu mo 'gyur/ /rgya mtshos bstan pa las mtshan bzhi pa'o// //sked pa sgur ba gzhu 'dra g.yog mor 'gyur/ /rked pa gyod po khyo po 'chi bar 'gyur//sha skams rtsa yis gang ba sdug par 'gyur/ /rked pa spu can shub 'dra bar gang / /de la sdug bsngal chen po thob par 'gyur/ /bya brang byung ba sdug pa'i mtshan ma yin/ /brang zheng snyoms pa spu yis gang ba dang / /sha yis rgyas pa khyo po bzang po thob//brang zheng srab pa khyo po 'chi bar bshad/ /bskams pa'i brang kyang de bzhin khyo po 'chi/ /rgya mtshos bstan pa las mtshan lnga pa'o// //lag pa spu med chu 'dzin zangs kyi mdog /snum pa bde zhing sha rgyas nor dang ldan/ /lag pa g.yas pa'i sen mo gas pa dang //shin tu srab pa spu yis gang ba ni/ /rdul can rtsa dang bcas pa ngan pa yin/ /pad+ma 'dab ma lta bu snyoms shing dag /gshibs nas bslang na bar du mthong ba med/ /de 'dra'i bud med bde bar 'gyur ba'i mtshan/ /lte ba'i dkyil du gos kyis g.yogs shing gnas//nor bu dang ni ldan par 'gyur ba yin/ /lag pa srab mo rna ba chen mo can/ /tshe thung myur du 'chi bar 'gyur ba yin/ /mdzub mo chen mo'am rna ba chen po can/ /srin mo'i rigs te bdag po za bar byed/ /lag pa'i ri mo rgyang nas gsal por mthong / /snum pa mtho ba de ni bde bar 'tsho//lag ba chung ba snum pa da 'dra ba/ /bde zhing gson par 'gyur ba'i mtshan ma yin/ /lag pa mthug pa ri mo rdul dang bcas/ /dmar ba snum pa ring ba mchog tu bzang / /de 'dra'i lag pa gang la yod gyur na/ /rigs ngan yin yang rgyal po'i btsun mor 'gyur/ / sha yis gang la bkra shis mtshan ma can/ /dpon po'i chung ma nor gyi dbang phyug 'gyur/ /spu med dkar por gnas ba zangs kyi mdog /snum pa de yang bde bar 'tsho ba'i mtshan/ /sen mo gas pa rdul can bu gas gang / /spu dang bcas pa de ni sdug par 'gyur/ /lag pa bkra shis rtags can snum pa ni//bu dang nor rnams thob par byed pa yin/ /lag pa dmar po snum pa gtsang ba ni/ /yod pa de ni rgyal po'i btsun mor 'gyur/ /me tog gdugs dang bum pa bkra shis mtshan/ /rnga ma ral gri yod pa don gsum 'grub/ /gtsang ma pad+mo rgyal mtshan yod gyur na//de la skyes ba rgyal po 'dra par 'gyur/ /rgya mtshos bstan pa las mtshan drug pa'o// //ha cang lag chung nyon mongs skye bar 'gyur/ /nan tur che ba bdag po 'chi bar 'gyur/ /spu yis gang ba'ang de bzhin 'gyur ba yin/ /ring ba snyoms pa bde ba 'thob bar byed//mchog tu mgrin pa sbom pa'ang de bzhin no/ /gang zhig mdun du sgu ba sdug pa yin/ /g.yon na sha mtshan nag po yod pa na/ /de yi khyo po 'chi bar 'gyur ba yin/ /sha mtshan dkar po gtsang ba yod pa ni/ /dpon po'i chung ma byed par 'gyur ba yin/ /mgrin pa sha skams rtsa yis gang ba ni//sdug bsngal mang po skye bar 'gyur ba yin/ /rgya mtshos bstan pa las mtshan bdun pa'o// //mchu la ser ka mang po shu ba can/ /mchog tu mthug pa smad 'tshong byed par 'gyur/ /skams pa'i mchu can khyo po 'chi bar 'gyur/ / rtsa ba'i mtha' can snum pa snyoms pa ni/ /bu dang bral ba dmar ba nor dang bu/ /rgyas shing rtag tu bde ba thob par 'gyur/ /mchu sgros thad kar gyen du ri mo can/ /shin tu bde zhing skyid pa'i mtshan ma yin/ /nag po'i mchu can kun dang 'khon par byed/ /skams brdul can mthug pa sdug pa'i mtshan//snyoms pa dkar po snum pa bde bar byed/ /ma so 'khyog pa bu mo 'chi bar byed/ /ya so 'khyog pa bu rnams 'chi bar 'gyur/ /brdzun can sman 'tshong byed pa'i rigs su 'gyur/ /so la reg na ldeg bar ltogs pa dang / /bcu drug lon nas skyes pa 'tsho bar 'gyur/ / rgya mtshos bstan pa las mtshan brgyad pa'o// //lce mdog dmar po nor dang ldan par 'gyur/ /srab mthug snyoms pa'i lce yang de bzhin no/ /mchog tu srab ba dkar ba nad dang bcas/ /shin tu mthug pa'i lce yang de bzhin no/ /de ni kun dang 'khon par byed pa yin/ / ring bar sleb cing dmar ba snum pa ni/ /de yis bde ba chen po thob pa yin/ /rkan gyi kha dog dkar ba ltogs pa yin/ /rdul can rkan ni chos la rton par 'gyur/ /ser mo mchog tu sdug bsngal chen po 'thob/ /pad+ma'i 'dab can bde ba thob cing mchod/ /chu bya'i skad can ngang pa khu byug gi /gdangs can rgyal po'i btsun mo byed par 'gyur//'gram 'og snum ba sha rgyas bde bar 'gyur/ /skams pa rdul can shub mdab dang / /rtsa yis gang ba sdug bsngal mang po thob/ /de la bu dang 'bral ba rgya mtshos bshad/ /sna gong ring ba khro bar 'gyur ba yin/ /nan tur chung na g.yog por 'khol bar 'gyur//sna gong srab ba khyo bo 'chi bar 'gyur/ /ring po'i rdul dang tshul khrims gnyis pa yin/ /che chung snyoms pa bud med bde ba che/ /sna gong mtho ba bde ba chen por bshad/ /rgya mtshos bstan pa las mtshan dgu pa'o// //dmar ser mig la rtsa dang ldan pa ni//bu dang bde ba mang po 'thob par byed/ /g.yon pa mtho ba bde ba med par 'gyur/ /g.yas pa mtho na bud med don dang bral/ /sbrul dang byi la'i mig can dge ba med/ /dmar ser mig can gyos po'am bu dang ni/ /pha la sogs ba rnams la sbyor bar byed/ /pad+ma'i 'dab ma lta bu snyoms shing sdug /snum pa ring zhing zhib pa'i mdangs can dang / /rma bya ngang pa ri dgas lta bu yang / /bud med mchog tu gyur pa'i mtshan ma yin/ /mig gi rdzi ma mang pa snum zhing gtsang / /nor can nor gyi bdag po byed par 'gyur/ /smin ma mtho nag ring zhing snyoms la gtsang //rna ba chen po sha can zhum zhing gtsang / /skra mang chung ba gnas ni bde ba'i mtshan/ /dpral bar ri mo gsum pa rtsa dang spu/ /snyoms pa drug pa tshe ring bde ba'i mtshan/ /che chung snyoms pa ring thung med pa ni/ /ri mo legs par mthong ba rgyal po dang / /lhan cig gnas par gyur pa rgya mtshos bshad//bud med dred kyi skra can sbom zhing ring / /des ni khyo bo za bar 'gyur ba yin/ /bud med phag gi gzugs ltar sbom zhing ring / /ser skya'i skra can khyo dang 'khon par byed/ /rdul can skra tshogs srab ba sdug bsngal thob/ ring thung lag pa'i tshad can snum pa dang /