CLOSE WINDOW

D4332
བོད་ཡིག

bod kyi lo tsA ba dpal gyi lhun po'i sdes bsgyur cing zhus te gtan la phab pa//[ ]@##/ /rgya gar skad du/ sha ta gA thA/ bod skad du/ tshigs su bcad pa brgya pa/ dkon mchog gsum la phyag 'tshal lo/ /rig pa gzhon pa'i dus su slob//ba ni rgun gyi dus su gsos/ /zhing ni ser dang ldan la rmos/ /'di gsum 'bras bu smin pa'i rgyu/ /mkhas pas rig pa rnam kun du/ /lang tsho yol kyang bslab bya ste/ /gal te 'dir 'bras ma smin yang / /skye ba gzhan du rnyed par sla/ /yon tan dag la 'bad bya yi//'gying tshul bstan pas ci zhig bya/ /'o ma med pa'i ba dag ni/ /dril bu btags kyang nyor mi 'gyur/ /yon tan ldan pa yon tan la dga' zhing / /yon tan med pa yon tan la mi dga'/ /nags kyi bung ba mtsho yi pad+mar dga'/ /sbal pa lhan cig gnas kyang de lta min//yon tan ldan la phyug po dkon/ /phyug po la yang yon tan dkon/ /yul ljongs dpag tu med mod kyi/ /rin po che dag skye ba dkon/ /'gro ba dpag tu med mod kyi/ /pha ma rnyed pa shin tu dkon/ /dam pa ring na gnas gyur kyang / /pho nya yon tan nyid byed de/ / ke ta ka yi dri yis ni/ /bung ba rang bzhin 'ong ba bzhin/ /rgyal po yon tan ldan pa gnyis/ /mnyam zhing 'dra ba ma yin te/ /rgyal po rang gi yul na 'khur/ /yon tan ldan pa kun tu 'khur/ /dus ni yun thung rig pa'i rnam pa mang / gang zhig gces pa de ni bsten par gyis//yul ni shin tu dus ring gnas kyang nges pa kho nar 'gro bar 'gyur/ /'bral la khyad par gcig zhig yod na 'gro ba rang nyid spong mi byed/ /dbang med 'bras las yid la yongs su gdung ba mtha' yas skyed par byed/ /'di dag rang gis spangs na zhi ba'i bde ba mtha' yas 'byung bar 'gyur//dam pa min dang lhan cig gnas gyur kyang / /chu dang pad+ma bzhin du 'dres mi 'gyur/ /dam pa thag ring dag na gnas gyur kyang / /zla ba ku mud ltar dga' bar byed/ /'du 'dzi kun du spang bar bya/ /dam pa dag dang 'grogs par brtson/ /nad kyis 'jig pa med pa ni/ / nyin gcig lo brgya bas kyang mchog /'dod pa kun tu spang bar bya/ /gal te de spong ma nus na/ /thar pa dag la 'dod par gyis/ /de nyid de yi sman yon no/ /skar ma chen po mang du shar gyur cing / /sa yi rgyan gyur zla ba shar na yang / /gang tshe nyi ma nub na mtshan mor 'gyur/ /nyi ma ma gtogs shar nub phyogs mi byed//gang zhig shar bar gyur na yang / /nyi ma med na gzi can med/ /nyi ma shar ba mchog yin gyi/ /gzhan dag shar ba ci zhig dgos/ /me tog gi ni mgo lcogs bzhin/ /dam pa'i 'gro ba gnyis yin te/ /'jig rten kun gyi spyi bkur ba'am/ /nags nyid du ni rengs par bya//mi srun skye bo khungs nas byung pa yi/ /tshig ngan sbrul gyis skye bo dam pa zin/ /sbrul de zhi bar byed pa'i gnyen por yang / /shes rab bzod pa'i smad dag bsten par bya/ /brtan rnams sdug bsngal myong gyur kyang / /yid ni zhum par mi byed de/ /zla ba sgra gcan khar zhugs nas//'char bar cig mi byed dam/ /sems can rnams la gang gi sems/ /snying rjes brlan par gyur ba dag /thar dang ye shes de yin gyi/ /ral pa thal ba chos gos min/ /nags sreg pa yi me la ni/ /rlung langs grogs su 'gyur ba yi/ /de nyid med par gsod byed pa'i//nyam chung ba la bshes yod min/ /gzhan gyis gzhan du bsgrags nas ni/ /med pa'ang yon tan can du 'gyur/ /rang nyid yon tan smra byed na/ /brgya byin yon yang btsun mi 'gyur/ /gang zhig rigs ldan khengs pa dang / /nor yod ser sna ldan pa dag /de ni lha yis smod 'dor te/ /chu las me ni byung dang mtshungs/ /gang zhig yid dang rjes mthun pa/ /ring na gnas kyang nye ba yin/ /gang zhig yid dang mi mthun pa/ /gam na gnas kyang ring pa yin/ /gzhan gyi 'byor ba dam pa mthong nas ni/ / gang zhig sems 'khrugs pa ni skye 'gyur ba/ /don de cung zad rnyed par mi 'gyur gyi/ /'bro des rang gi bsod nams 'joms par byed/ /chags pa dang 'dra'i dri ma 'gro na med/ /phrag dog dang 'dra'i gnod pa gzhan yod min/ /slong ba dang 'dra'i mdza' bo yod min te/ / gtong ba dang mnyam gnyen ni 'gro na med/ /bkres pa dang 'dra'i lus kyi zug gzer med/ /sems las dang mtshungs lus kyi skem byed med/ /yon tan lta bu'i rgyan ni yod min la/ /bzod pa dang mnyam lus kyi go cha med/ /skye bo ser sna can la nor yod ci zhig bya/ /g.yo sgyu phrag dog can gyi bshes kyis ci zhig bya//pha rol gnod byed yon tan mang ldan ci zhig bya/ /phongs dus rgyab kyis phyogs pa'i mdza' bos ci zhig bya/ /rnam pa kun du rang phan spyad bya yi/ /'khor mang nang du smras pas ci zhig bya/ /skye bo thams cad yongs su mgu 'gyur ba//de 'dra'i thabs ni gang na'ang yod ma yin/ /gnas skabs dang ni mthun par bya/ /bden dang bstun dang byams sdang dang / /bdag gzhan dus dang sbyar nas spyod/ /gang yin de shes mdzangs pa yin/ /ji srid 'tshe ba bsad kyang ni/ /dgra bo zad par mi 'gyur gyi/ / rang gi khro ba nyid bsad na/ /des ni dgra rnams kun bsad yin/ /mi srun skye bo gdul bar bya/ /yon tan can dag kun du bkur/ /drang po'i spyod pas dkor mdzod dgang / /rang gi yul 'khor bskyang bar bya/ /ji srid las ni mthong ba dang / /ji srid rkang pa brtan pa dang / /ji srid shes rab ma nyams pa//de srid rang gi phan pa gyis/ /rgyal po byi bo byed pa dang / /de yi blon po mi mkhas pas/ /nor bsags ba lta ga la ste/ /'bad pa chen pos srog srungs shig /gang na zhal ta byed pa med/ /kun kyang mkhas bar nga rgyal che/ /thams cad gtso bo byed 'dod pa//de yi tshogs ni 'jig par 'gyur/ /gang na byi bas mdzod pa byed/ /byi las mar ni srung ba dang / /bya rog phyag tshang byed pa yi/ /de yi dngos de smos ci dgos/ /kun dga' ra ba'i phreng rgyud bzhin/ /me tog rgyas pa btu bya yi/ /ji ltar sol ba mkhan bzhin du/ / rtsa nas gcad par mi bya'o/ /grog mkhar sa dang sbrang rtsi dang / /zla ba tshes ba yar gyi ngo / /rgyal po'i nor dang sprang po'i nor/ /cung zad cung zad bsags pas 'phel/ /ti ti ra ni zil ba yi/ /thigs pa tsam gyis srog 'dzin byed/ /bslangs pas thob par mi 'gyur na/ /brgya byin la yang mi slong ngo //rma bya so ga'i cha bas gdungs kyang ni/ /mkha' dkyil char gyi rgyun la re bla yi/ /rdzing bu rnyog ma can gyi chu dman la/ /dregs pas bstod pa'i mgrin pa ma gdud cig /stobs ldan seng ge ri dgas sha khrag za 'thung yang / /lo gcig khyud kor la ni 'khrig pa lan cig spyod//bong bu rdul tsam za ba'ang 'dod pa rtag tu spyod/ /de gnyis gang gi rgyus bskyed khyed kyis nga la smos/ /nags kyi glang po rtswa lo za yang stobs dang ldan/ /sbrul ni zas su rlung zar gyur kyang sbegs pa med/ /drang srong rtsa ba 'bras bu tsam gyis dus 'da' byed/ /de bas khrel 'dzem chog shes kho nar 'byor pa'i mchog /gang zhig yi ge mchog gis brgyan pa'i kha ni gang yin pa/ /de ni yid 'ong pad+ma rab gsar rgyas pa lta bur mdzes/ /yi ge med par gyur pa'i kha ni gang yin pa/ /de ni kha min sa yi bu ga dag dang mtshungs/ /bong bu phyugs la nor bu mu tig ci//dud 'gro phag la kha zas zhim po ci/ /long la snang dang 'on pa dag la glu/ /glen pa dag la chos kyis ci zhig bya/ /ka tan tra zhes sbra mkhan dang / /gces sgrub shes pa'i sman pa dang / /dbyig pa thog pa'i ral ka bas/ /de gsum 'jig rten bzhad gad sa'o//bdag la byin zer dman pa'i tshig /mi sbyin zer ba dman pas dman/ /'di khyer zer ba mchog gi tshig /mi khyer zer ba de bas mchog /gnod spangs phan pa bsten pa yi/ /sbyor ba gang yang rung ba yis/ /lus ni shin tu bsrung bya yi/ /nor la sred pas ci zhig bya//'byor pa yod kyang gtong med na/ /nye bar 'tsho bas ci zhig bya/ /kiM shu ka yi 'bras bu ni/ /chags kyang kha bas ci byar yod/ /'dod pas gdungs la khrel med ngo tsha med/ /bkres pas gdungs na stobs med mdangs kyang med/ /nad kyis gdungs na gnyid med bde ba med//lam gyis dub na 'jigs dang brtson pa med/ /grogs po nor la brkam pa spang / chung ma log g.yem che ba spang / /rgyal po chos min spyod pa spang / /blon po rab gtum dbyen smra spang / /yul ngan 'tsho ba ngan pa spang / /bshes gnyen ngan pa spang bar bya//bkur dka' gso dpyad mi mkhas pa/ /de lta bu yi sman pa spang / /phan dang mi phan dpyod pa'i blo med cing / /thos dang bsam dang bsgom pa rnam spangs te/ /lto ba 'gegs pa tsam zhig gtsor 'dzin pa/ /skyes bu de blo phyugs dang khyad ci yod/ / chu yis bum pa phyed bkang ba/ /rab tu 'bad pas bzung byas te/ /spyi bor bdag gis khur ba bzhin/ /skye bo ngan pa bkur na khro/ /rang bzhin ngan pa'i mi rnams dang / /srang gi mtshan nyid shin tu mtshungs/ /cung zad tsam gyis mtho 'gyur la/ /cung zad tsam gyis dma' bar 'gyur//tsan dan gla rtsi ga bur gyis byugs kyang / /sgog skya'i dri ni rang bzhin mi 'dor ltar/ /legs pa'i gzhung lugs bzang po rab bslab kyang / /rang bzhin ngan pa'i mtshan nyid 'dor mi srid/ /ji ltar rigs pas brgyan gyur kyang / /skye bo ngan pa yongs su spang //sbrul gdug nor bus brgyan gyur kyang / /ci ste 'jigs pa mi skyed dam/ /ngan pa ji ltar nyam chung ba/ /de srid bar du rang bzhin bzang / /ston ka yi ni chu bo dab/ /skyes bu kun gyis rgal bar bla/ /yon tan tshul spyod rang bzhin gsal ba yis/ /skye bo ngan pa bcos su ga la rung //tsha zhing drod che rtsub bas bsgrubs pa yi/ /bad kan nad bzhin rab tu 'phel bar 'gyur/ /mi srun skye bo ma gus bran/ /ma dul rta dang chung ma ngan/ /brdungs na mnyen par 'gyur ba ste/ /'di dag legs bya'i snod ma yin/ / rgya mtshor char phab don med do/ /'grangs la zas byin don med do/ /phyug la nor byed don med do/ /dman la legs byas don med do/ /dam pa'i bu yi gdong la pad+ma yod/ /smad 'tshong bu yi glang nas dug lo skyes/ /ji lta ji ltar log par spyod par byed/ /de lta de ltar go 'phang 'da' bar 'gyur//sprin gyi grib ma skye bo ngan dang mdza'/ /rje bo ngan dang bdag po dman la brten/ /zil pa'i chu dang rtswa las 'bar ba'i me/ /drug po de dag chu yi chu bur mtshungs/ /sha skam dang ni bud med rgan/ /chang gsar zho ni 'chag ma thag /nyin phyed gnyid dang nam phyed zas//'di drug 'phral du srog 'phrog pa'o/ /mar gsar 'bras chan 'o mar bcas/ /sha gsar bud med gzhon nu dang / /shing gi grib ma chu dron khrus/ /'di drug 'phral du stobs skyed do/ /sdug pa dang bral rang mis brnyas pa dang / /bu lon mang zhing ngan pa dag la brten//dbul por gyur nas mdza' bos ring du spangs/ /'di lnga me med par ni sreg pa'o/ /bogs med chong dang stobs ldan dag la 'tshe/ /slong zhing 'gying la nor med 'dod la dga'/ /na chung sdug la tshig rtsub smra byed pa/ /'di lnga log par spyod pa'i skyes bu'o/ /gang zhig chos ni sbyin byed dang //mi 'jigs sbyin dang kha zas sbyin/ /lus skyed pa dang gdams ngan sbyin/ /'di lnga phan 'dogs byed pa'o/ /rab tu byung nas slar log dang / /bud med khyo gsum mthong ba dang / /ce spyang rnyi las shor ba ste/ /'di gsum g.yon can shes par bya/ / sman pa kha zas ma zhu dang / /rgyal po brdzun du smra ba dang / /rigs ldan sdig pa spyod pa ste/ /'di gsum shin tu mi rigs pa'o/ /gzhan las tshol zhing zas zhim 'dod/ /slong mos 'tshe zhing khengs pa che/ /bstan bcos mi shes rtsod par 'dod/ /'di gsum 'jig rten bzhad gad rgyu//rgyal po smra ba lan cig dang / /bu mo gtong ba lan cig dang / /'phags pa mthong ba lan cig te/ /'di gsum 'jig rten lan re ba/ /dka' thub lus ni 'tsho ba dang / /mdzes ma gcig pur nyal ba dang / /dpa' bo rma mtshan med pa ste/ /'di gsum yid mi chos pa'i rgyu//rgyal po byi g.yem byed pa dang / /bral ze gzhan la 'tshe ba dang / /dge slong rtsed 'jo byed pa ste/ /'di gsum 'jig rten smad pa'i gnas/ /mkhas pa nga rgyal med pa dang / /dba' bo nye bar zhi ba dang / /phyug po gtong ba'i sgo phye ba/ /'di gsum 'jig rten bstod pa'i gnas//brtser ldan phan 'dogs ngoms pa med/ /gdug can 'tshe bas ngoms pa med/ /byis pa 'dod pas mi ngoms te/ /'di gsum 'jig rten ngoms med pa'o/ /nor phyir yid mi gdungs pa dang / /khyim na chung ma log par spyod/ /bslus dang brnyas pa byas pa rnams/ /blo dang ldan pas smra mi bya//mkha' la skar mkhan dag gis rtsis byas na/ /zla ba dang ni skar ma'i lam rnams shes/ /khyim na chung ma lag g.yem byed pa dang / /sna tshogs ngan spyod de ni mthong ma gyur/ /de nyid shes na slob dpon ci/ /nad dang bral la sman pa ci/ /chu bo rgal la gru pa ci//chags bral mdzes mas ci zhig bya/ /lha dang bram ze dam pa dag /bden pa yis ni dga' bar 'gyur/ /mkhas pa tshig zab smra bas dga'/ /phal pa zas dang skom gyis dga'/ /ri bo kun la rin chen med/ /nags tshal kun na tsan dan med/ /nya rnams kun la mu tig med//dam pa kun la yod ma yin/ /ngang pa chu skyar tshogs nang mdzes ma yin/ /cang shes bong bu'i tshogs nang mdzes ma yin/ /seng ge wa yi tshogs nang mdzes ma yin/ /mkhas pa blun po'i tshogs nang mdzes ma yin/ /khu byug tshul ni sgra snyan yin/ /mkhas ba'i tshul ni rig pa yin//bud med tshul ni khrel yod yin/ /dka' thub tshul ni bzod pa yin/ /mthu chen bcos su mi rung la/ /bzod pa byar yang ci zhig yod/ /zhi ba dul bar spyod pa la/ /bzod pa bya ba ci zhig dgos/ /phan med gnyen ni gzhan yin te/ /pha rol yin yang gang phan gnyen//lhan cig skyes pa'i nags sogs dang / /gangs can ri po'i sman bzhin no/ /mthu che ba dang 'grogs gyur na/ /mthon po nyid du su mi 'gyur/ /me tog phreng dang 'brel ba yis/ /srang bu mgo la 'ching bar byed/ /rang bzhin bden par smra ba la/ /slu byed mkhas pa yin nam ci//pang par brten te nyal ba'i mi/ /gsod pa de ci dpa' bo'am/ /gzhon nu'i dus na pha ma'i dbang gyur cing / /lang tsho'i dus na bud med dbang gyur te/ /rgan po'i dus na bu yi dbang gyur pas/ /blun po nam yang rang dbang yod ma yin/ /ji ltar 'dod chags ma gyur pa/ /de srid yon tan de nyid yin//'dod chen 'di la zhugs gyur na/ /yon tan btsun par ga la 'gyur/ /skye bo phal cher rang gi ni/ /tshad mas gzhan dag 'jal bar byed/ /drang srong gis ni yi dgas mthong / /'di ni dka' thub pa zhes zer/ /skye bo ngan pas sun byung na/ /dam pa la yang yid mi ches//byis pa 'o mas kha tshig na/ /zho la'ang phu yis 'debs shing 'thung / /zo chun bzor ni sbyar gyur na/ /bud med kyi yang dbang du 'gyur/ /dang po brtsams pa gang yin pa/ /de ni ngo mtshar che ba yin/ /gang zhig chen po'i spyir bkur ba/ /de nyid dman pas rtswa snyam sems//mkhas pas phyag byas mchod rten ni/ /khra yis stan du byed pa yin/ /ke ta ka yi 'bras bu ni/ /chu rnams dang bar byed mod kyi/ /de yi ming tsam brjod pa yis/ /chu rdul dang bar mi byed do/ /dam pa dang por khas 'che mi byed la/ /gal te dka' bas khas ni blangs gyur na/ /rdo la ri mo bris pa ji lta bar//khas blangs de ni nges par sgrub par byed/ /dman pas gang tshe nor ni cung zad rnyed/ /'gro ba gzhan la brnyas pa'i nga rgyal ldan/ /dam pa nor gyi 'byor pa thob gyur kyang / /sA lu smin pa bzhin du shin tu 'dud/ /shes rab dang 'dra'i mig med de/ /rmongs pa dang mnyam mun pa med//nad dang 'dra ba'i dgra med de/ /'chi bdag dang mnyam 'jigs pa med/ /de bas shin tu mi bzad pa'i/ /'chi ba nges par 'byung 'gyur gyi/ /'dod pa rnams la sems zlog la/ /dam pa'i chos la dga' bar gyis/ /yon tan can la rig pa yon tan 'gyur/ /yon tan med la de nyid skyon du 'gyur//chu bo'i chu ni shin tu dri med pa'ang / /bye brag phyed pa'i blo ldan yang / /bya ba gros kyis bsgrub par bya/ /de la nyes dmigs mi 'byung ste/ /byung na'ang de yi slar spong byed/ /brtan zhing 'jam la tshig nyung gang yin pa/ / de la mi yis shin tu bag bya ste/ /nyi ma sprin stug ma nas byung ba yi/ /'od zer shin tu tsha bar 'gyur ba bzhin/ /na tshod gzhon yang nye bar zhi la dga'/ /mkhas par gyur kyang shes pa'i nga rgyal med/ /gzi brjid che yang bzod cing des pa yi/ /dgra las rgyal byed de ni rnyed par dka'//phyug po kla klo rnams la'ang yod/ /dpa' bo dud 'gro rnams la'ang yod/ /sna tshogs don ldan gtam smra ba'i/ /dam pa dag ni shin tu dkon/ /'byor ba g.yo zhing lang tsho myur du 'jig /srog ni gshin rje'i so yi bar na gnas/ /'dir bde don gnyer pha rol yal bar 'dod/ /de ni g.yang sa'i mthar gnas long ba bzhin//gang zhig nyon mongs nad bcas pa/ /de sman dam chos mi bsten par/ /yul la bag yangs spyod pa ni/ /srid pa'i lan nas 'byung mi 'gyur/ /gal te 'gro ba 'di dag gis/ /'chi bdag spyi bor gnas mthong na/ /zas kyang yid du mi 'ong na//bya ba gzhan lta ji zhig smos/ /bya ba zin nam ma zin zhes/ /'chi bdag bstod par mi 'gyur pas/ /sang gi bya ba de ring nyi/ /phyi dro'i bya ba snga dro'o/ /'jig rten 'tsho ba brtan ma yin/ /nor dang long tsho brtan ma yin/ /bu dang chung ma brtan min te/ /chos dang bden dang phan pa brten/ / rgyal po yun ring gson na rung / /drang srong myur du shina'ang rung / /rngon pa shi'am gson mi rung / /dam pa shi'am gson yang rung / /tshigs su bcad pa brgya pa zhes bya ba/ /slob dpon chen po mchog sred kyis mdzad pa rdzogs so// //rgya gar gyi mkhan po bi na yatsan+da dang / bod kyi lo tsA ba dge slong chos kyi shes rab kyis bsgyur cing zhus pa'o/