CLOSE WINDOW

D4331
བོད་ཡིག

@##/ /rgya gar skad du/ gA thA ko Sha nA ma/ bod skad du/ tshigs su bcad pa'i mdzod ces bya ba/ 'jam dpal gzhon nur gyur pa la phyag 'tshal lo/ /gang zhig rnam pa thams cad du/ /yon tan kun ldan skyon spangs shing / /sa kun skyong ba gang yin la/ /de la rtag tu phyag 'tshal lo/ / yon tan skyon dang glo bur mnyam/ /'di nyid 'jig rten goms pa ste/ /ngang gis bya rgod dur khrod dang / /ngang pa mtshor 'bab ji bzhin no/ /'gro ba mi srun dus kun du/ /skye bo'i yon tan 'chab par byed/ /rigs bzang po yi rin chen dag /kun gyi don du sba ba byed/ /sems can skyon dang 'dres na yang //yon tan ldan pas yon tan blang / /chu las 'o ma 'byed pa yang / /ngang pa las gzhan su yis shes/ /mi srun 'gro la 'tshe ba dang / /skyes mchog phan 'dogs ngoms pa med/ /mun pas sa steng snang ba min/ /nyi mas rtag tu gsal bar byed/ /mi srun gzhan la gnad gcod tshig /'phan mkhas de ni rigs smra min/ /'di ltar dug ni gnod nus kyi/ /de ni phan par byed mi nus/ /skye bo dam pa rab bsgrims te/ /gzhan gyi skyon sbed smad rigs mtshungs/ /'on kyang 'di gnyis khyad yod de/ /skyes mchog sbed kyi smad rigs smra//g.yo spyod skye bos rab gtses na/ /lhag par des pa dran par 'gyur/ /'jig rten nyi mas rab gdungs na/ /lhag par zla ba mngon par 'dod/ /ngan pa pha rol 'byed brtson ltar/ /skye bo dam pa sdum de bzhin/ /khab kyis rim gyis phug pa yi/ /bu ga skud pas 'gog par byed//pha rol gtses mthong ngan pa dag /dga' bar 'gyur gyi stod rigs min/ /lcags las byas pa'i mtshon cha dag /phal cher g.yul ngor spyod pa bzhin/ /skye bo ngan pas smad par shes/ /skye bo dam pas legs bsngags shes/ /dgun gyi dus na skam par byed/ /dpyid nyin nags tshal kha yang 'bu//snod dag lhag par 'dug pa yang / /'tshe khengs rtsub pa'i rang bzhin gyi/ /dus na bdag nyid chen po bas/ /spyi rtol can dag phal cher bkur/ /dam pa sdig pa chung yang spong / /ngan pa rnams ni che yang min/ /mig ni rdul yang 'dzem par byed/ /lag pa me lcer reg par byed//smad rigs go 'phang bstod drags dang / /gzhung ngan phan btags mi sems te/ /gyen du mi gtsang zas gtor na/ /thog mar mgo la 'bab bar 'gyur/ /rigs shing 'os pa'i 'gron po la/ /dpyang thag bcad pa 'byung 'gyur gyi/ /thang skyed bzang po ma yin te/ / mi srun pa yi skra sen bzhin/ /mchog las mchog dag skye ba dang / /dman las dman skyed de rigs te/ /phug la brten nas mun pa dang / /thang la zla zer 'bab par byed/ /ngan ba ji ltar 'phang mtho yang / /rigs ldan rgud pas zil gyis gnon/ /rigs ldan nor bu nyams mdun du//bcos ma'i nor bus gzi ma byin/ /yon tan ldan pa'i grags pa dag /phyogs bcur grags pas sgra grags tshul/ /g.ya' dang ldan pa'i me long gis/ /gzugs brnyan byung la dga' ba med/ /nyi ma rgya mtshor nub pa dang / /zla ba bri yang gzhan mi 'gyur/ /yon tan ldan pa rgud gyur kyang //nam du'ang che ba nyid mi nyams/ /tshe dang lang tsho dag dang ni/ /me lce'i rtse dang chu rgyun gyi/ /'das pa phyir ni ldog ba med/ /mi srun go 'phang de bzhin no/ /mi rigs zhen pa'i mi srun dag /rigs pa'i gzhi la gnas pa med/ /rul ba'i ro la za bas kyang / /tsan dan sdong po spong bar byed//ngan pa bdag bstod rang bzhin gyi/ /lhan cig skyes pa 'dor mi srid/ /zla ba tshes na nges par ni/ /dbang phyug chen po'i spyi bor thogs/ /phal ba dag ni rlung bzhin du/ /gzhan gyi dri yi rjes su 'brang / /skyes bu dam pa nyi zer bzhin/ /skyon gyis rtag tu gos pa med//khrims ldan gzhan la gnod spangs pa/ /rnam shes spangs kyang dga' bar byed/ /rgyud dang bral ba'i dbang po'i gzhu/ /sa dang nam mkha'i rgyan du 'gyur/ /mi srun gang zhig che bdag gang / /rigs ldan des gang rgud pa gang / /'byor pa mi 'dra byed pa 'di/ /rang bzhin blun po cis mi gdung //bdag nyid chen pas smad rigs dag /yongs bzung shin tu skyed kyang 'byung / /bzo bo mkhas pas shel sbram yang / /tshon gyis bsgyur na nor bur snang / /kha cig smra ba lhur len te/ /kha cig mi smra don yang sgrub/ /'dam bu'i me tog 'bras bu med/ /star ka'i 'bras bu me tog med//yon tan drang bas mi chog ste/ /skye bo'i gya gyu skyon min no/ /mda' drang bas ni gsod par byed/ /phub ni 'khyog ste lus kyang srung / /shin tu gtum yang drang ba bdam/ /ngan g.yo phub me rtsus g.yogs min/ /so ga'i sprin med nyi ma bas/ /sprin gyis mi gsal shin tu sreg /dpa' 'go na ni blun po yang / /shes rig gsal ba'i skyes bur 'gyur/ /lang tshos rgyags pa'i 'dod ldan dag /'jo ba sgeg pa ston par byed/ /zhi ba yi ni lus can las/ /'jigs pa mi 'gyur nges med de/ /mar me'i rtse mo dkar pa las/ /dud ba zhag po cis mi 'byung //'jigs 'byung gcig tu ma nges te/ /'jigs byed chen po zhig pa'i gzugs/ /zhi ba'i ched du cis mi 'gyur/ /yon tan chu yis mi mdza' ba'i/ /'gro ba'i me 'jil skyon phub min/ /snang ba kho nas mun pa ni/ /sel 'gyur min nam mun pas min//blun pas don 'grub gang yin pa/ /de ni bya rog ta lar mtshungs/ /srin bus shing dag zos pa'i rjes/ /stes dbang yi ge snang ba bzhin/ /skye bo yon tan ldan pa dag /mkho ba'i sgo nas phal cher nyams/ /ne tso tshig gsal smra ba yang / /gzeb kyi spyil bus srung bar 'gyur//gdul bar bla ba'i dgra dag kyang / /sems can ches bsten gdul bar dka'/ /chu thigs mtsho nang lhung ba dag /nyi mas skems par mi nus so/ /bdag nyid brtsams pa mthar phyin pa'ang / /yang na ma brtsams rtsom mi byed/ /gang du thog bab 'joms byed cing / /yang na 'bab par mi byed de//rtogs par bla yang blun pos ni/ /yon tan skyon dag 'byed mi nus/ /skye bo mig ni long ba la/ /snang ba dang ni mun par mtshungs/ /'gro ba gnod las snod smad de/ /rtag tu rog cig 'bab pa'i char/ /sbrul khar bab na dug tu 'gyur/ /nya phyis khar bab mu tig 'gyur//blun po phal cher thub chod byed/ /mkhas pa de lta ma yin no/ /chu nang zla ba'i gzugs brnyan ni/ /byis pa las gzhan su zhig 'dzin/ /cung zad mi mthun byas pa'i rgyus/ /sems yang ba dag lhag par khro/ /rlung gis bdas pa'i rdul phran yang / /shin tu thag ring 'thul bar byed//yon tan can la mi srun dag /thibs non brnyas thabs sna tshogs byed/ /rtswa shing chu bo'i steng na 'phyo/ /rin po che dag ma yin no/ /blo dang ldan pas rgud pa las/ /bslang bar nus kyi phal pas min/ /sha ra b+ha yis dbugs rngubs pas/ /khron pa'i chu ni 'thung bar byed//yun ring 'dris pa'i yon tan la/ /lus can dag ni skyo ba skye/ /shin tu ngoms par chu 'thungs nas/ /de nyid yongs su spong bar byed/ /thabs dang bral bar byed pa na/ /dam pas kyang ni don mi 'grub/ /gzhu ni log pa'i 'gengs pa'i mis/ /mda' drang 'bem la phog mi 'gyur//mi dag go 'phang mtho rnyed na/ /phal cher de na rmongs par 'gyur/ /ri rtse mtho la 'dug pas kyang / /gshong yang thad dang 'dra bar mthong / /kha cig yon tan med 'khor na'ang / /dam pa 'khor ba spong mi byed/ /zla dkyil la brten ra ri yi/ /lhan cig skye zhing 'grib pa bzhin//bdag nyid che la rgud dus su'ang / /lhag par mthu rtsal tha mal min/ /a ka ru ni mer bsregs na/ /dri zhim tha mal de lta min/ /bdag nyid che la skyon phra yang / /bsal gyi phal la de lta min/ /ji ltar zla ba nya ba la/ /ra ri mngon gyi tshes la min/ /mthu yis phongs pa'i phal pa dag /gzhan la rtsol zhing 'gro ba'i tshe/ /rang gcod mi nus bdar rdos kyang / /sta re rnon por bdar bar byed/ /skye bo gcam pa pha rol gyi/ /thag ring skyon lta rang gi min/ /mig gis rang gi skyon mi mthong / /zla ba'i ra ri rtogs par byed/ /skye ba med cing rin chen dang //sel med brtan la dbye dga' ba'i/ /nor bu 'bar 'dra'i dam pa dag /phran tshegs tsam gyis 'gyur ba med/ /gnyug thung rang bzhin yang ba dang / /mgu dga' khrel med khong rtsub pa'i/ /ngan pas mdza' bshes yid gcod byed/ /mkha' la me ni rlung gis spor/ / phan byed sa bon dam pa'i sar/ /btab 'khrungs mi srun tsha sgor min/ /til mar thigs pa chung ngus kyang / /chu la snyoms kyi bye mas min/ /blo ldan dgra srog nyid 'joms kyi/ /mi mkhas pa ni yan lag go /seng ge khros nas mi gsod kyi/ /khyi khros nas ni rdo la snyegs/ / 'byor pa phan rtse gang dag gis/ /sems yang pa dag drod mi thub/ /pa rgyas sbrang bu 'dzin byed kyi/ /ma tang kA yis glang po min/ /mang pos reg par mi bzod pa'i/ /zer ldan bkra shis zla ba yang / /skyon gyi rdul gcig bskyed pa na/ /yon tan brgya ldan mtshungs par byed/ / ngan pa 'tsho ba tshul 'chos bas/ /glags rnyed gzhan la 'tshe bar byed/ /lag 'gro zas su rlung za yang / /pha rol 'tshe ba mi gtong ngo / /mi srun mi yis ngan pa dag /skyon btags rab tu 'tshe rab byed/ /pa yis mkha' la rgya btsugs nas/ /sbrang bu bzung zhing gsod par byed/ /yul gyi dus shes grong ba'i yid//rang bzhin ngan pa cis mi byed/ /sha rul dri mi zhim pa dag /khyi ltogs kyis de cis mi len/ /skye bo dam pa g.yo med la/ /ngan pa lhag par 'tshe bar byed/ /pad+mas gnod pa ma byas par/ /ba mos rtag tu skems par byed/ /mi srun pa dag mi srun pas//'dul 'gyur skye bo dam pas min/ /mdze yi nad dang mthun pa'i sman/ /a ri ta yi shid bsten no/ /ngan g.yo can dag dang por ni/ /yon tan ldan pa'i che ba 'gog /bud med kyi ni nu rgyas la/ /dga' ba dang por de la 'bab/ /blun po lhag par srid mtho yang //blo ldan dbul pos zil gyis gnon/ /mkha' las char pa bab pa yis/ /rdul phran ldang ba zhi bar byed/ /blo ldan rab tu nyam thag kyang / /brnyas thabs bsres pa'i nor mi len/ /khu rta dag ni sa stengs kyi/ /mtsho chu'ang 'thung bar mi byed do/ /bdag nyid chen po dar ba dang //rgud pa na yang sems snyoms 'gyur/ /nyi ma'i dkyil 'khor 'char ba dang / /nub pa na yang 'gyur ba med/ /nyin re 'bri ba'i sdug bsngal dag /zla des lta bur bzod par nus/ /nyi ma lta bu'i btsan po yang / /nub 'dod bri ba spro ba med/ /rang nyid nyam thag ma byung bar/ /de srid mi dang 'grogs byed de//glad par gnam lcags bab pa ste/ /su zhig gis ni bskyab par nus/ /yon tan ldan pa gzhan phan pa/ /mi byed phal dang khyad ci yod/ /nyi ma mun bsal mi byed na/ /de ni mun las khyad par med/ /'ga' zhig dga' bsdoms mthu yod kyi/ /gcig pos kun 'grub yod pa min//rdo rjes pha bong 'bigs byed kyang / /de nyid rwa rus gcod par byed/ /'dab gshog rdzogs kyang 'gro 'dod pa'i/ /'bad rtsol gyis 'phangs thag ring 'phur/ /'phangs pa'i shugs zad mda' dag kyang / /rang nyid ltung bar byed pa bzhin/ /longs spyod bdog kyang 'jungs pa dag /rang gi las kyis spyod dbang med/ /rgun gyi 'bras bu smin pa'i tshe/ /khwa la mchu nad 'ong zhes grags/ /shes rab ldan pas rdzas bzang po/ /mthong na mod la bye brag phye/ /lag pa'i tshod la rab goms pas/ /srang tshad rnams ni shes par byed/ /sdig pas spags pa'i rang bzhin las//dka' bas yid ni dag 'gyur te/ /ngang gis dri ma can gyi gos/ /rab tu 'bad pas dkar por 'gyur/ /g.yon can gus pa ston pa ni/ /dgos pa'i ched yin gus pas min/ /smad 'tshong skyes pa dga' byed pa/ /'drid pa'i ched yin dga' bas min//sbu dang myu gu sgong skyes me/ /dug dre'u shing srin rma 'bu dang / /rang bzhin khrel med mi dag ni/ /rang rten mi phung mi gtong ngo / /yon tan ldan la phyug po dkon/ /phyug po phal cher yon tan med/ /me tog rna rgyan rab mdzes kyang / /li shi'i me tog dri rab zhim/ /rang bzhin mi brtan lhag par g.yo//gzung dka' bcos dka' skyon ldan pa'i/ /dngul chu lta bu'i sbyor ba yis/ /ma bsdams dam pa gang la 'grub/ /mtho na dregs par mi byed de/ /rgud na'ang yi chad mi bya'o/ /nyi mas mun pa gsal mod kyi/ /nyi ma shar ba nub par 'gyur/ /ku la'i ri brtan rab che yang //mi gzhol skyon gyis spangs nas ni/ /chu rnams rgya mtshor 'bab pa yang / /bdag nyid rim gyis gzhol ba ltos/ /cho rigs yon tan ldan na yang / /rang bzhin mi srun bshes mi bya/ /me mched gyur na ma la ya'i/ /tsan dan gyis kyang sreg par byed/ /smad rigs gzengs mthos thog mar ni//rje dpon khyad du gsod par byed/ /sa rdul gyen du 'thor ba yang / /'thor byed nyid la thog mar 'bab/ /gang gis blun po nyam thag pas/ /bgrod dka' shes rab ldan pas rgal/ /lcags gong chu nang bying ba dag /de nyid snod byas steng na 'phyo//phung khrol rang nyams 'jungs nor dang / /dman pa gson por gyur pa dang / /bya rog yun ring 'tsho ba dag /gnod par 'gyur gyis phan pa med/ /dam pa snying rje'i gzi ldan pa/ /'gro ba kun la gnyen par byed/ /'jig rten phar phyin nyi ma'i zer/ /mthon po'i gnas nas sa la 'bab//smad rigs phal cher dman rnams la/ /rngan can byed kyi mi mchog min/ /til mar chu nang khyab byed la/ /mar gsar bcug na 'khyag par byed/ /skye bo dam pa rab khros kyang / /thabs kyis gnyen 'gyur dmu rgod min/ /chab rom sra yang bzhu ba yin//thabs yod rtswa 'jam ma yin no/ /smad rigs dag ni phan byed na'ang / /ya rabs la gnod khros ci smos/ /gshin rje 'dzum na'ang 'chi 'gyur na/ /rab tu khros na smos ci dgos/ /dam pa yon tan ston byed de/ /skye bo ngan pa skyon nyid bstan/ /nor bu rin chen rang bzhin lci//ka sha'i shing bal rang bzhin yang / /'gro ba shin tu grangs med kyang / /sems can yon tan ldan pa dkon/ /yul ljongs dpag tu med mod kyi/ /rin po che dag 'byung ba dkon/ /rgyu spun mang po bsdoms pa bzhin/ /skye bo ngan bsdongs gzhig par dka'//bye'u dus gcig 'phur ba yis/ /nyi ma'i ngos ni khebs par byed/ /dman las yon tan ldan pa 'byung / /dam pa las kyang ngan pa 'byung / /'dam gyi nang nas pad+ma 'byung / /pad+ma las kyang srin bu 'byung / /rgyal po mi srun gces byed las//yon tan ldan pa'i go 'phang min/ /khang pa sbrul gdug can dag tu/ /sgron me legs par gsal mi 'gyur/ /bdag nyid chen po nyams pa la/ /chen po min pas mi bkur ro/ /zla ba'i shas tsam lus pa yang / /drag po nyid kyis spyi la bkur/ /gnod pa byed na phan 'dogs dang //dpon byed dang che nyam thag bsten/ /phongs kyang sbyin gtong sems yod pa/ /bdag nyid chen po che ba'i rtags/ /ya rabs dag gi ngar can tshig /tsang shu'i khu bas za 'jil bzhin/ /ngan g.yo tshig snyan rgya shug gi /'bras bu mngar yang 'khru bar byed/ / phan btags drin bgrang mi byed dang / /dman la dad chen ma bslangs ster/ /bya ba 'dum byed yon tan can/ /brgya yi nang na 'ga' 'gar shes/ /gang zhig chad pas gcod nus pa/ /de nyid phan par byed kyang nus/ /nyi mas skems byed char nyid kyang / /'bebs par byed kyi zla bas min//don gnyis mi mthong byis pas min/ /mkhas pa des kyang ci zhig bya/ /long ba gnyis te dmus long dang / /rig pa med pa'i long ba'o/ /bstan bcos brtson byas phan med na/ /don med brtson pa bya zhes bya/ /sbyor ba med par nad zhi na/ /bcud kyis len sogs don med do//smra ba smra zhing bag 'khums min/ /btsan tshig ma yin ran na mdzes/ /ran par 'jal ba'i srang mda' ni/ /mtho ba ma yin dma' ba'ang min/ /rang bzhin mi srun phal cher ni/ /ma bsdigs phan pa mi byed de/ /smad 'tshang mi yi rdog pa yis/ /mya ngan 'tshang bsnun me tog ltar//ngan pa legs kyang legs ba gang / /mthong na de ni de las blangs/ /yon tan ldan pa'i rin chen yang / /ngan la nam yang 'byung ba med/ /'jig rten rjes su 'gro 'dod pas/ /'tsho chos thams cad shes par bya/ /mkha' 'gro ma yi dam tshig dag /mi shes gnad rnams shes pa med//'gro ba'i nang na 'di gnyis bde/ /'di gnyis rag las med pa ste/ /'dod pa thams cad spangs pa dang / /'dod dgu phun sum tshogs pa'o/ /che bdag bskal bsgrub spyod pa yang / /ngan pas thang cig chud gson byed/ /chu yis rim bsgrubs lo tog kyang / /skad cig gis ni mes sreg byed//skye bo blun khrod g.yon can gyi/ /go 'phang mchog thob che bdag min/ /rab rib stug por skar ma ltar/ /nyi ma nam yang gsal mi 'gyur/ /rang bzhin rnam dag bsod nams ldan/ /btsun mo'i 'khor na'ang sems zhi yi/ /dgon pa zhi ba'i nags dag gi /stag dag zhi ba ma yon no/ /mi srun 'dris byas phung 'gyur zhes/ /mi dag zer ba de re bden/ /sbrul gdug dang ni rtse ba'i dus/ /bde legs zhig tu ga la 'gyur/ /rang bzhin shin tu ma dag pa'i/ /skye bo ngan pa'i sdom pa yang / /rngon pa ngur smrig gos bgos pas//ri dgas 'dris nas gsod pa bzhin/ /blo ldan kun tu thog mar ni/ /'dul ba'i ched du spungs bskyed de/ /gser ni sbyang ba ma byas par/ /las su rung bar mi 'gyur ro/ /slong la byin pas phyug po ni/ /chos dang grags 'byung slong ba min/ /de bzhin phyugs la bkur sti 'byung //slong la min pas slong ba kun/ /ngan g.yo tshig snyan smra ba dang / /spyod pa sbu gri bzhin du byed/ /lag 'gro la sogs bya ba gzhan/ /sgra snyan rma bya'ang bya ba bzhin/ /blun po blo ldan gsal ba yis/ /bla 'og gi ni don mi nyams/ /mig ldan lam du zhugs pa ni//gom pa chud zos mi 'gyur ro/ /dbang phyug yon tan ma dad gang / /blun nam 'on te brnyas las 'gyur/ /mu tig mi shes long ba yis/ /gces par ma brtsis ci zhig 'gyur/ /rgyal po'i byin dang blon po'i mthus/ /thabs kyi 'grub par 'gyur ba ni//chad pa dam por bsdams pa'i mthus/ /ral gri'i gzas pa chad par 'gyur/ /gzhung lugs rnams la byang byas kyang / /nyams su len par mi byed na/ /lag pa na ni sgron yod kyang / /long bas lam ni mi mthong bzhin/ /kun la phyogs su ma lhung zhing //lhag par byams sdang mi bya'o/ /ro gcig zas kyi spyod pa ni/ /nad mi 'gyur zhes smra ba yin/ /kun du dbus na gnas pa ni/ /mkhas pa rnams kyis bsngags pa yin/ /nyi ma 'char tshe che ba ste/ /nam mkha'i dkyil phyin ran par 'gyur/ /bud med che bdag nyid kyang spang //rgyal po'i 'byor pa smad 'tshong bzhin/ /'khor yug gnas pa'i sa nyid kyang / /gdengs can cha shas g.yo bar byed/ /de ltar 'byor pa 'gas rnyed ltar/ /mkhas pa'i yon tan mkhas bas shes/ /grong na skyon can lam log spyod/ / rtswa bzhin du ni rab tu mang / /legs pa ma mthong bdag nyid che'i/ /yon tan yod kyang yid mi ches/ /rgya mtsho'i chu ni rgya cha zhes/ /khron pa'i rus sbal sus yid ches/ /sgrub pa sna tshogs sgo nas ni/ /la la ngan dgos che bdag min/ /'khar ba las ni byas pa yi/ /me long ston gyi gser gyi min//dam pa gzhan gyis phye na yang / /rang gi yon tan gyis 'dum byed/ /mi srun lcags gyong 'dra ba ni/ /'byed par nus kyis 'dum mi nus/ /bdag nyid ngan pa ma rig pa/ /rig pa'i lam la'ang rmongs pa skye/ /sgron mas phyung ba'i snang ba la//mkha' la rgyu ba log par rgyu/ /ji ltar nongs skyon med pa'i tshig /drag po'i skyon gyis 'gyur ba ltar/ /gnod byed de ltar ma yin te/ /sreg pa'i gnod 'gyur chu skyar min/ /bdag nyid chen po'i 'byor pa gang / /de las rim gyis rgud pa 'byung / /nyi mas yun ring bskyangs nas ni//dus kyi mtha' mar 'gro sreg byed/ /'byor pa rang bzhin mi brtan pa'ang / /sems can che la brtan par 'gyur/ /dngul chus byer ba sbyor ba yis/ /phan tshun 'byed bsdu cis mi nus/ /ngan g.yo'i 'jam tshig rnon po yis/ /ji ltar snying la gdung byed pa//de ltar ral gri rnon po dang / /rlung chu de bzhin mes mi byed/ /nyams par gyur na sems can dag /spyod pa log par byed par 'gyur/ /rmi lam na ni 'od med pa'i/ /nyi ma mthong na 'chi bar 'gyur/ /gzhan la gnod pas yid gdungs ltar/ /rang la gnod pas de lta min//rang la gnod na mi g.yo ba'i/ /sa ni gzhan la gnod pas g.yo/ /mkhas pas 'di ni gnyen gdug ce'am/ /dbang phyug shes rab bag mi dbab/ /rlung gis me yang gtor mod kyi/ /sgron me 'bar ba'ang gsod par byed/ /gtum po 'dis ni phan btags zhe'am/ /'phang zhes su yi ngor mi blta//me mched gyur na sbyin sreg mkhan/ /yo byad bcas te tshig par 'gyur/ /srog la bab kyang blo ldan nyid/ /dad gtsang yon tan 'dor mi byed/ /dung ni me yis bsregs na yang / /rang bzhin dkar ba mi 'dor ro/ /khrel med bya ba bya ba min/ /spyod pas nam yang chog pa med/ / mya ngan lam du zhugs pa dag /chu gtsang mi gtsang su zhig rtog /ngang gis rab bsgrims bya ba las/ /de las lhag par la bzlar med/ /bde par shing rtser 'dzegs pas kyang / /de las brtsal na ltung bar 'gyur/ /phal cher 'gro mang pha rol las/ /skyon 'byung smra rigs rang las min/ / bud shing dang ni me gnyis la/ /brten nas mes ni sreg par 'gyur/ /thos pa mang bas nga rgyal dang / /phyug khengs gzugs mdzes rgyags pa dang / /rgya mtsho la ni bul tog chu/ /gshin rje'i rtsed mo phyin ci log /bkren pa 'di bas bdag 'byor bas/ /bdag la mi phod de mi bsam/ /mi g.yo rin chen rtse mo yang //cig rdo rjes mi 'bigs sam/ /nor gyi bdag po srung mkhas kyang / /nang byad shin tu bsrung bar dka'/ /nya dag rgya mtsho'i chu 'thung yang / /'thung ngo bar ni mthong ba med/ /sbyin pas phyug po nyid rnyed nas/ /phongs la sbyin par mi byed pa'i/ /khrel med gang yin de la ni//khros pas lhag par phyir mi ster/ /ji srid dam pa mi brtson pa/ /de srid nyes pa stobs ldan 'gyur/ /brtson pas nyon mongs sngar ma la/ /blo ldan skrag par mi bya ste/ /nyon mongs bag chags dri ma ni/ /shes rab mes sreg ting 'dzin chus/ /rdo thal rdo bsregs chus gtor na//dum bu brgyar 'gyes bzhin du bya/ /bdag nyid chen pos bsten pa'i lam/ /gzhan dag goms par byed pa yis/ /ci nas 'di la dga' lta'i phyir/ /'di ni goms nas smras pa yin/ /de ltar 'gro ba nyes pa sna tshogs mes//dge legs sa bon myu gu bskyed bsregs pas/ /ji srid srid gsum za phod 'chi bdag ni/ /gnam lcags 'babs la grags pa'i tshogs skyed shog /tshigs su bcad pa'i mdzod ces bya ba/ /slob dpon nyi ma sbas pas mdzad pa rdzogs so// //za hor gyi mkhan po dz+nyAn shAn ti dang /