CLOSE WINDOW

D4328
བོད་ཡིག

@##/ /rgya gar skad du/ bra dz+nyA sha ti ka nA ma bra kar Na/ bod skad du/ shes rab brgya ba zhes bya ba'i rab tu byed pa/ 'jam dpal gzhon nu gyur ba la phyag 'tshal lo/ /gang zhig legs par rtogs pa yis/ /mi rnams shes rab brgya bskyed pa/ /don gyi bstan bcos lugs dag gi /'byung gnas chen por rab tu bshad/ /mkhas pas don gyi bstan bcos las/ /dngos po gang dag gzigs phyur pa/ /de dag yi ge mang po yis/ /'jigs pa'i ched du 'dir bsdus byas/ /yi ge nyung la don mang ba/ /gtan tshigs sna tshogs rnams kyis brgyan/ /'di ni tshigs su bcad pa brgya//shes rab brgya ba zhes bya'o/ /mthong dang ma mthong yon tan 'di/ /kun gyi rtsa ba shes rab yin/ /de ltar gnyis ka bsgrub pa'i phyir/ /shes rab yongs su gzung bar bya/ /chos don 'dod dang thar ba yi/ /'byung gnas chen po rig pa yin/ /de ltar dang po gus pa yis//shes rab yum chen gzung bar bya/ /shes rab ldan pa gcig rkya yang / gzhan gyis 'di la gnod mi 'gyur/ /dor thabs ldan pa'i lus chung yang / /mtshan dang ldan pas yo mi brnyas/ /shes rab kyis ni lus bsrungs la/ /dgra yi tshogs kyis ci byar yod/ /'gan gdugs dang bcas pa la//char gyi rgyun gyis rdzi ba med/ /shes rab rtsal dang bral ba ni/ /gzhan gyi bran byed kho na zad/ /glang chen ri brtsegs lta bu yi/ /lus dang ldan pa snang ba bzhin/ /shes rab mig phye rnams la ni/ /rgud pa rnam par 'jig 'gyur te/ /lag dmar me thogs pa yi//mdun na mud pa med pa bzhin/ /shes rab med pa'i phun sum tshogs/ /gnas babs bzhin du byung ba yang / /skad cig kho nas de dag med/ /ma rungs ba rnams bshes pa bzhin/ /legs par brtags te byed pa la/ /ma rungs pa dag mi snang ste/ /'phrod pa zab ba'i lus la ni//nad kyi bar chad mi 'byung ngo / /gang la rang don 'phel 'gyur ba'i/ /shes nyen yod pa de mkhas pa/ /chu yis gang ba'i mtsho la ni/ /mkha' la rgyu ba rnams kyang brten/ /gang zhig nyen dang 'brel ba yi/ /nor de yang ni ci ru rung / /sprul g.yi mgo la 'dug pa yi/ /nor bu la ni su zhig reg /rang don bsgrub bar bya ba rnams/ /bag med las kyis bsgrub mi bya/ /sbrul so shin tu gdug pa yis/ /don ma bsgrubs par phung bar snang / /rang don bsgrub par bya ba rnams/ /bag dang bcas pa'i las kyis bsgrub/ /srin bu bad pa zon can lus/ /khrag 'thungs bzhin du mi mthong ngo //rang gi gting 'dzugs 'dod pa yis/ /gzhan gyi phan la brtson par bya/ /gting 'jugs sbyor ba ma byas pa'i/ /sgrub pa po yis ci mi 'grub/ /gzhan gyi phyogs gzhom 'dod pas kyang / /bdag nyid yon tan ldan par bya/ /gzhu ni rgyud dang mi ldan pa'i//mdas lta gang du phyin par 'gyur/ /dbri mkhyud med par sma ba dang / /ji skad smad bzhin sgrub pa dang / /chas bzhi nyams dang sbyor ba yi/ /mi pho rnams ni bde bar 'tsho/ /ya rabs rnams kyi sbyod pa la/ /skye bo ngan pas gnod mi 'gyur/ /rin chen sgron me 'bar ba'i tshe//'thor rlung tshogs kyis mi sod do/ /gya nom skyes bu'ang ji zhig ltar/ /ngan pa'i gnas su phyin 'gyur na/ /dur khrod kyi ni me bzhin du/ /grogs ngan bstan las 'jigs pa 'byung / /g.yon can ngag 'jam smra ba la/ /mkhas pas nan tan ma brtags par/ / yin brtan bya bar rung ma yin/ /rma bya yid 'ong sgra sgrogs par/ /zas su dug chen za ba bzhin/ /shes rab can gang dgra la yang / /mdza' bshes lta bur sgrub byed pa/ /rgya mtsho bzhin du mi 'khrugs te/ /skye bo ngan pas drod mi zin/ /phyir rjes su ni lta ba dang / /bag yod khong khro med pa dang //brtson 'grus brtan zhing mi g.yel ba'i/ /mi la dpal mgon nye bar gnas/ /gang zhig lan la mi re bar/ /sbyin pa gtong la sems spro ba/ /de ni snyan dngags mkhas pa bzhin/ /mi yul 'di na grags pas mdzes/ /gang zhig dbang bo bran lta bur/ /bka' bzhin rjes su mthun byed pa//rgya mtsho che la rin chin bzhin/ /de la 'dod dgu phun sum tshogs/ /bya ba ma yin mi byed cing / /bshams pa mkhas su phebs pa dang / /yul la 'dod pa thag bsrings ba'i/ /skyes bu mkhas pa sus mi bkur/ /mthu rtsal lnga ba'i khengs sems kyis/ /lugs kyi gdams ngag yongs mi spang //ru shing bzang po'i gzhu mchog kyang / /rgyu med g.yul ngor ci zhig bya/ /g.yon can rnams kyi gron can tshig /mdzangs pas legs par ma brtags na/ /khong glu'i don rnams ma dpyad pa'i/ /ri dwags gzhan gyis brlab par snang / /mkhas pa rtag tu dgra la yang / /mnyen des can du bya dgos te//'khri shing mnyen pos ljon shing la/ /'khris nas rtse mor phyin te gnas/ /khong rgyud dogs pa tsam gyis 'dir/ /dgos dgu 'grug par mi 'gyur bas/ /yid kyi legs par rnam brtags te/ /ngag gis kun dang mthun par bya/ /ngag gis bzhabs te smra bya zhing //res 'ga' byi la'i spyod pa'ang spyad/ /thabs dang ldan pa'i spyod pa la/ /mkhas pa su yang smod mi byed/ /rngon pa pus mo gnyis btsugs te/ /yan lag rnams kyi gum phag tu/ /byas te khong glu snyan len pas/ /ri dwags song par mi 'gyur ram/ /rgyal po'i bzhed pa mi sbyor ba/ / mkhas pas rtag tu 'bad de spang / /sa bdag 'khor bcas thag ring zhes/ /khyad du gsang ba rung ma yin/ /lugs la mkhas pa'i blon po yis/ /skye bo ma lus skyong byed pa'i/ /rgyal bo gcig bu kho nas kyang / /sa rnams ma lus chom rkun du phebs/ /gang na rgyal po 'bangs rnams kyis//legs nyes sems par byed pa yi/ /yul de rgyal po yod ces bya/ /de ltar de dag gtsor brtag go/ /gad na rgyal po 'bangs rnams kyis/ /legs nyes sems par mi byed pa/ /rgyal po de dag gtsug lag la/ /mkhas pa rnams kyis brten mi bya/ / yon tan ldan pa chung yang ni/ /'jig rten thabs chen thob par 'gyur/ /zla ba shas tsam lus pa yang / /drag po yis ni spyi la thogs/ /mkhas pa gang zhig bag med pa'i/ /gnas nas byol te 'bros pa dpa'/ /ri dgas rgyal po mi gtsang ba'i/ /gnas nas 'dzur ba ga la ltar//legs nyes don chen mi sems par/ /mun sprul brtul ba dpa' ma yin/ /don med dpag tshad brgya yod pa'i/ /g.yang sar mchong ba ci cha yod/ /yon tan ldan yang thams cad du/ /grags chen thob par 'gyur ma yin/ /zla ba'i 'od zer bsil ba rnams/ / pad+ma'i rdzing dang 'phrod mi 'gyur/ /mjug tu skyar 'byin byed pa yi/ /snyan tshig mkhas pa sus mi bsngags/ /gang gis khams 'khrug 'gyur ba yi/ /kha zas zhim po de su za/ /mkhas rnams rna bar mi snyan yang / /phan tshig sman bzhin bsten par gyis/ /re zhig cig na de dag kyang //yang dag bdud rtsi lta bur 'gyur/ /rigs pa'i don dang mi ldan pa'i/ /gzhung lugs gang zhig rtsom byed pa/ /de yang dgos pa 'grub mi 'gyur/ /sngags dang bral ba'i sbyin sreg bzhin/ skyon dang yon tan 'di gnyis la/ /gcig tu mkhas par byas nas ni//dgos pa rtsom par byed pa gang / /de la nyes pa rgyab kyis phyogs/ /snying la khong du dam bzung nas/ /bshes pa'i tshig ni ston byed pa/ /de dag mdzes pa ma yin te/ /srin bus zos pa'i sdong rul bzhin/ /gang dag tshig tu snyan sma zhing / /snying la gzhan zhig 'dog byed pa/ / ri dgas gzugs can stag lta bur/ /de bas yid brtan gnas ma yin/ /gson tshe grags pa dga' ba'i rgyu/ /'jig rten pha rol phan 'gyur ba/ /de gnyis gcig kyang med pa ni/ /'jig rten gnyis na ci zhig mi/ /gar skyes su ni zad ces te/ /rang gi brtson pa don mi bya/ /'bad pa med par til dag las//til mar thob par 'gyur ma yin/ /kun la gnyen des mi bya ste/ /ha cang des pa gnod par 'gyur/ /chu shing snying po med pa la/ /su zhig spyod par rtsom mi byed/ /gang zhig gtong phod blo ldan dpa'/ /tshig bden gtsang la byas pa gzo/ /de la rtag tu dpal grogs rnams//grib ma bzhin du rjes su 'brang / /nags kyi glang chen zhags pa yis/ /bcings nas dbang du byed pa yang / /thabs mkhas tshul la gnas pa yi/ /yon tan rnams kyi mthu stobs yin/ /rje dpon rang don lhur len pa/ /g.yog 'khor rten par mi byed de/ /sha la brkam pa'i seng ge la//wa skya re thag chad pa bzhin/ /gang zhig legs byas mi tshor ba/ /de la g.yog 'khor rten mi byed/ /tsha sgo can la legs rmos kyang / /lo tog phun sum tshogs mi 'gyur / /bdog pa ha cang spel ba yang / /mjug tu rgud pas gdungs par 'gyur / /tshang tshing mang dang ldan pa yis//sa phyogs tshig par 'gyur ba bzhin/ /gang zhig skye dgu 'tsho byed pa/ /de ni las nyid ston par byed/ /byis pa gnas sa ma bye bar/ /nu zho 'thung ba su yis bsten/ /gang la zhe 'gras yod pa yi/ /dgra bo de dang gzhar mi 'grogs/ /za bas bag tsam brjod pa yis/ /sgra gcan 'dzin gyis nyi ma zin//bya ba nyams kyis mi lcogs pa/ /gzhan gyis rbad kyang byar mi rung / /dge'o dge'o zhes smras pas/ /me yi nang du su zhig mchong / /ci nas bdag dmus ma byung ba'i/ /las kyis sbyor ba rnams bya ste/ /gsang bar 'di ni slob ma rnams/ /blon po nyid du 'gyur dam ci//phongs pa las gang byed pa ste/ /rnal mar 'dug pas byar mi rung / /mdze can mer ni 'jug ces te/ /de ci gzhan gyi sman yin nam/ /gang gis 'jig rten 'di dang ni/ /gzhan du sdug bsngal mi 'gyur ba/ /'di 'dra ba yi tshul de ni/ /shin tu yun ring dus su spyad//gang dag rgas rab mi bsten pa/ /de dag gtsug lag mkhas mi 'gyur/ /gzu lums can gyi spyod pa rnams/ /dgos ba myur du nyams par 'gyur/ /ha cang sog la zhen pa yi/ /bdog pa gzhan gyi don du 'gyur/ /sbrang mas 'bad de bsags pa yi/ /sbrang rtsi gzhan dag spyod par snang //ngan pa rnams dang bshes 'dod pa/ /phung ba kho nar 'gyur bar zad/ /chu bos drung nas zos pa yis/ /ljon zhing 'greng yang 'gyel dang 'dra/ /phan skyabs che la brten na ni/ /chung yang btsan po nyid du 'gyur/ /ri rab btsan la brten ba'i bya//gser gyi mdog tu 'gyur zhes grags/ /khang bzangs zo mdog gya gyu med/ /klan ka mi tshol 'jar la phan/ /sgrub pa'i 'bras bu yod pa yi/ /grogs po rnams la lha yang dga'/ /mang po rnams ni 'jing dril nas/ /longs spyod phyir ni dpung 'chang ba/ /chags pa'i dbang gis phung 'gyur te//nas dang bral ba'i srin bzhin no/ /don rnams kun la mi gsal ba'i/ /ngan pa rnams ni 'dzings bsdongs nas/ /go 'phang thob kyang rlag 'gyur te/ /srin bur ba'i khar phyin bzhin/ /yul ngan bshes ni ngan pa dang / /chung ma ngan dang 'khor ngan dang / /rgyal po skye bo ngan spong ba//de dag rtag tu bde ba 'thob/ /skyes bu mkhas pa gcig rkya yang / /'dod pa'i don mchog grub par 'gyur/ /ri dgas rgyal po gcig pu yis/ /glang chen dregs khyu'i glad pa 'gems/ /mang po tshogs par gyur pa yi/ /nang na 'dug na gzhan dag gis/ /de 'dir zad ces mi rtsi ba//skyes bu tha shal yin snyam byed/ /rang don bsgrub par 'dod pa yis/ /rtag tu skyabs chen btsal bar bya/ /gang dag rgya mtsho cher phyin na/ /rang gi ming yang mi gleng ngo / /rang bzhin ngan pa'i skye bo dang / /shin tu mdza' bor byas kyang ni/ /mar me'i me lce tsha ba bzhin/ /nyid kyi rang bzhin mi 'dor ro//khon chen zhags pas phan tshun du/ /glags pa'i sems dang ldan pa rnams/ /'chi 'pho skyes na'ang de dag la/ /khon chen de bzhin rjes su 'brang / /dper na sbrul dang ne'u le dang / /bya rog 'ug pa ma he rta/ /tshe rabs gzhan la bsgrubs pa gang / /de mi 'di la mi snang ngam/ / khro ba la ni brten rnams kyis/ /rang gi don yang mi rigs pas/ /mkhas pas rnam par ma brtags par/ /khro ba'i yul su mi bya'o/ /gang la bzod pa'i rang bzhin chu/ /khro ba'i me ni zhi byed ba/ /gdul ba'i thabs kyi mchog yong ba/ /de la dgra rnams ga la sdang / /g.yung drung chos kyi go 'phang mchog /legs pa'i gzhi la ma 'bad na/ /mthong dang ma mthong phun sum tshogs/ /chu yi chu bur bzhin du g.yo/ /snying la yod pa'i gsang tshig rnams/ /ngan pa rnams la spel mi bya/ /brang 'gro gdug pa khros pa bzhin/ /de la de yis gnod 'gyur srid/ /blo ldan gang zhig rtsom pa kun/ /chos gtsor byed pa'i dpal ldan pa//de la 'di dang gzhan du yang / /bde bar 'gyur ba the tshom med/ /thabs mkhas cho gar ldan pa la/ /dgra rnams kyis ni rdzi mi 'gyur/ /cho ga rab tu sbyar legs na/ /dug kyang bdud rtsi nyid du 'gyur/ /dgra bcom phyogs dang bral ba yis/ /sems kyi gnod pa ga la spong //mtshon chag g.yul ngor cher zhugs pa/ /gdon mi za bar pham par 'gyur/ /grogs mi bdog pa 'gas kyang ni/ /dgra dpung gzhom par dka' bar 'gyur/ /tshang tshing nyung zad bsregs pa yi/ /me yang rlung la ltos dgos so/ /bdag dang gzhan la mi phan pa'i/ / phyug po bkren dang cis mi mtshungs/ /bud shing rnams dang phrad pa'i me/ /bud shing bsregs nas shi ba bzhin/ /gzhan gyis bzung ba'i bud med dag /rum du bcug ste nyal ba ni/ /lcags kyo med par glang po che/ /myos pa'i rgyab tu zhon pas thu/ /gang zhig rtag tu smad 'tshong ma'i/ / bud med rnams la gla 'jal ba/ /ston ka'i chu bo'i rtsa lag bzhin/ /de yi phun sum tshogs pa 'grib/ /blo ldan spyod lam zhi ba yi/ /lus kyi phan pa 'grub par byed/ /chu skyar spyod lam zhi ba yis/ /spyod pas nya rnams 'byin par byed/ /bdog pa rigs pas nyer bsgrubs shing / / 'jig rten kun la phan 'dogs gang / /de ni 'jig rten thams cad kyis/ /spyi la me tog phreng bzhin bkur/ /'jig rten 'di na mkhas pa gang / /dgra rnams snying nar 'jug 'dod pa/ /nges kyang bdag nyid rtag par ni/ /yon tan rnams dang ldan par bya/ /gang zhig gzhan dag brlag bya zhes//khros ba'i me yis rang rgyud sreg /yon tan lhur len mi byed pa/ /de dag nam nam zhar zhar phung / /gang la rang gi shes rab med/ /de la bstan bcos mi byar yod/ /mig gnyis dang ni bral ba la/ /me long gis ni ci zhig bya/ /sbrul la 'o ma blud pa ni/ /dug 'phel 'gyur ba kho nar zad//ngan pa rnams la gdams pa yang / /tshig pa za 'gyur zhi mi 'gyur/ /yon tan mchog ldan mi rnams ni/ /snying dang yid kyang 'dren bar byed/ /mkhas pa yon tan lcags kyo yis/ /lam log glang chen drangs te bkol/ /'jig rten kun gyi dpal 'di ni//yid kyis lag tu 'ongs dang 'dra/ /dpa' bo tsham tshom med rtsom pa/ /mthu stobs can gyi dbang du 'gyur/ /dpal gyi 'gro ba bzang mo 'di/ /'di dang rang dbang med par 'dug /mthu rtsal ldan pa'i skyes mchog gis/ /lag nas drangs pa bzhin du sbyod/ /gang zhig 'byung po thams cad la//rtag tu bdag dang 'drar byed pa/ /mdza' bshes 'phel ba 'di la ni/ /phun sum tshogs pa'i tsho ba med/ /btsan la mi 'gyur thabs mkhas shing / /skye dgu rnams kyi gdung ba sel/ /kun la snying brtser bcas pa yi/ /mi dbang rnams ni sprin dang 'dra/ /gnam la sprin chen dal snyoms pa//sa la lo tog kun gyi gsos/ /bzod chen grib mar ldan pa yi/ /ljon shing skye dgu'i gdung ba sel/ /mi yi chos lugs legs spyad na/ /lha yul bgrod pa thag mi ring / /lha dang mi yi them skas las/ /'dzegs na thar pa gam na 'dug /don gyi bstan bcos lugs chen po//don mang phreng ba brgyus pa las/ /gces pa'i snying po mdor bsdus pa/ /shes rab brgyab 'di yin no/ /gang zhig gzhan dring mi 'jog par/ /shes rab rtsal gyis 'tsho 'dod pa/ /de yis phyogs 'di brtag byas pas/ /rang gzhan don du spyad pa spyod/ /byang chub sems dpa'i dang po rab tu dga' ba brnyes shing /chos kyi dbyings kun tu 'gro ba'i don rtogs pa/ de bzhin gshegs pa ye shes 'byung gnas 'od ces bya bar lung bstan pa/ sangs rgyas gnyis par grags pa/ slob dpon 'phags pa klu sgrub kyis mdzad pa shes rab brgya ba zhes bya ba'i rab tu byed pa brgya ba rdzogs so/