99a1 /[ ]@##/ /rgya gar skad du/ swa ro da ya kA la yug pha la u ba de sha /bod skad du/ dbyangs 'char ba'i dus sbyor gyi 'bras bu nye bar mkho ba/ A r+ya ma ny+dzu shri ye na maH/ lug gi dus sbyor shar ma thag tu/ /dgra dang 'thab pa
99a2 dang dbang bskur ba dang /'thab rtsod kyi las dang / khams la sogs pa la spa ba dang / /rang dang gzhan 'brel par byed pa la sogs pa'i las bya'o/ /glang gi dus sbyor shar ba dang / /bag ma dang / /brtag pa'i las bya'o/ /khang ba'i bya ba dang / rang gi gnas su gzhug pa dang / gzhon
99a3 nu ma'i gos dang //rgyan la sogs pa bya ba dang / /sbyin pa'i las dang / /zhing nyo ba dang / /zhing las bya'o/ /'khrig pa'i dus sbyor shar ba dang / sgyu rtsal gyi las dang bzo dang rgyan la sogs pa dang / gzhan gyi dus sbyor du bshad pa thams cad kyang bya'o/ /karkaTa'i dus sbyor la bab pa na/ /
99a4 rdzing bu dang / khron pa'i las dang / chu bsgyur ba dang / rgyas pa'i las dang / grub pa'i las dang / mthar zon pa'i las rnams bya'o/ /seng ge'i dus sbyor shar ba'i dus su/ tshong bya ba dang / shes par bya ba'i las dang / tshong phran dang / he ha las dang / mi'i bdag por
99a5 dbang bskur ba'i las dang /gzhan dang mthun par bya ba dang / lug gi dus sbyor du bshad pa thams cad kyang bya'o/ /bu mo'i dus sbyor la sman gyi las dang / zas sbyor dang / bzo bya ba dang / brtag pa dang / g.yo ba'i las dang / rgyas pa'i las thams cad bya'o/ /srang gi dus sbyor
99a6 shar ba'i tshe/so nam bya ba dang / tshong dang brtag pa'i las dang / sgyu 'phrul dang / srang la sogs pa la gzhan pa'i las bya'o/ /sdig ba shar ba'i dus sbyor la/ 'bebs pa'i las dang / drag po'i las dang / khrag gi las dang / rgyal bo bsnyen bkur bya ba dang / dbang bskur
99a7 bya ba dang /dba' bo'i mtshon cha bya ba'i las dang / brtag pa'i bya ba rtsom par dag bya'o/ /gzhu'i dus sbyor shar dus su/ gzhan du sogs pa dang / rgyas pa'i las dang / bag ma'i las dang / phyugs kyi 'dul sbyang bya ba dang / yongs su bzung ba dang / nad zad par byed pa la sogs
99b1 pa bya'o//g.yo ba'i las dag bya'o/ /chu srin gyi dus sbyor la/ zhing las dang / brtan pa brtsal ba'i las dang / chu'i las dang / rgyu 'grul bya ba dang / bcings pa bkrol ba dang / /chu brtol bar bya ba dang / g.yog mo gzhug pa dang / rkang pa'i las dang / rnga mo'i las ngag bya'o/ /bum
99b2 pa'i dus sbyor shar ba dang /gru ba'i las thams cad dang / chu sbyin pa dang / brtan pa'i las dang / sa bon bsdu ba'i las rnams bya'o/ rig pa rtsom pa dang / rgyan 'dogs pa dang / bzo'i las dang / so nam bya ba dang / phyugs kyi las dang / sgyu
99b3 'phrul bya ba dang /bza' ba dang / bag ma dang / chos slob pa la sogs pa mkhas pa'i las bya'o/ /'pho ba yang de dang 'dra bar shes par bya'o/ /dus sbyor brtag pa rdzogs so// //rgya gar gyi mkhan po shrI dza ya A nan+da dang / chag lo tsA ba dge slong chos rje dpal gyis bsgyur pa'o/ /