CLOSE WINDOW

D4321
བོད་ཡིག

@/ /thub pa chen po drang srong gar gas ltas kyi rnam pa bstan pa bzhugs/ @##/ /thub pa chen po drang srong gar gas ltas kyi rnam pa bstan pa zhes bya ba'i gtsug lag /thams cad mkhyen pa la phyag 'tshal lo/ /gza' skar rig pa'i pha rol phyin/ /thub pa'i tshogs mchog gar ga la/ / b+ha gu ris ni phyag 'tshal te/ /thal mo sbyar nas yongs su zhus/ /lha yi mig dang ldan dka' thub che/ /skal ldan rgyam tshe che lta bu/ /shes rab mchog gis rab rtogs pa'i/ /rigs pa de ni thob par 'tshal/ /yul gyis dngos dang dngos med dang / /bstan dang 'bras bu grub pa dang / /mi rnams kyi ni pham rgyal dang //sprin gyi kha dog gzugs rnams dang / /de bzhin nyi ma zla ba dang / /lha yul bar snang sa bla yi/ /ltas su byung ba'i mtshan ma dang / 'phral gyi char ba'i mtshan ma dang / /dus mtshan chags dang dge mi dge/ /nyi zla dag ni nyin 'khor nas/ /skar mda' lhung dang gnam grum dang / / dri za yi ni grong khyer dang / /sa g.yo ba yi 'bras bu dang / /nyi ma'i gzugs ni khyim pa dang / /de bzhin zla ba khyim brjod pa/ /de dag thams cad ma lus par/ /dka' thub 'grub pas gsung par 'os/ /de skad dris nas gzi chen po/ /gar ga yis ni tshig smras pa/ /b+ha gu ris ni gar dris ba/ /de nyid nyon cig skal ba can//mar me lta bu'i gtsug lag 'di/ /dgos pa thams cad rig byed pa/ /grags dang gsal dang rnam gsal dang / /bde sdug nges par rtogs byed pa/ /bram ze gtso dang rgyal po la/ /drang srong mchog gis bstan par bya/ /nyi ma dang zla ba'i ltas la legs ldan gang gi tshe nyi ma ut+pal sngon po lta bu'i 'od can/reg pa na gzi byin du rno ba can/ zla ba ltar bsul ba can nam mkha'i dkyil du song la snang ba de'i tshe ni rgyal po 'chi bar 'gyur ro/ /gang gi che nyi ma 'char ba dang nub pa kho na'i tshe 'khor lo bzhin du 'khor bar gyur pa de'i tshe ni gdon mi za bar rgyal po 'tsho bar 'ong la pha rol gyi dmag tshogs rnams kyang 'ong zhing /yul rnams kyang 'khrug par 'gyur te/ de'i tshe yul ni dgon bzhin ri dgas kyis gang bar 'gyur ro/ /yang na nyi ma gzas zin pa yang med par 'ong bar 'gyur ba de ni de'i tshe rgyal po de dag gi phyi nang na rtag tu 'tsho bar 'gyur ro/ /yang gang gi tshe nyi ma gzas ma zin par/nam mkha' la phyed du snang ngam/ nyi ma nyid nam mkha' la g.yo bar gyur tam/ kha dog ngan pa'am/ skya bor 'gyur na de'i tshe rgyal po 'tsho zhing / skye bo 'tsho ba dang lo nyes pa dang / chom rkun rnams kyi mthur gyur pa'am/ yang na dbang pos char mi 'beb bar 'gyur ro//yang dus mtshams ma yin par nyi ma dang zla ba gzas zin par gyur na/ de'i che mi dag mtshon gyis 'debs la/ de bzhin du nang dang 'thab pa dag gis 'tsho bar 'gyur/ rgyal po yang 'tsho zhing / mu ge dang / mi ngas dag gi tshogs chen por 'gyur ro/ /mi rnams kyang nye du phu nu dag dang mi mthun zhing 'gal bar 'gyur ro//mi'i bu rnams mngal du yang 'chi bar 'gyur ro/ /yang nyi ma 'od zer dang bral zhing mi long bu lta bur snar na/ de yang nges par rgyal po 'jigs par rig par bya'o/ /yang na nyi ma nam mkha' la khrag gi 'od can lta bu snang ba de'i tshe rgyal po rnams dang /de la brten pa rnams dang / yul rnams dang / de bzhin du dbang po rnams dang / phan tshun du gsod par 'gyur ro/ /de'i tshe skye bo thams cad chos dang mi mthun par phyin ci log par spyod pa'i ltas yin no/ /gang gi tshe nyi ma 'char ba dang / gzhu ltar rab tu sbu bar snang zhin/ sprin dmar dag gis khebs na/de'i tshe pha rol gyi dmag tshogs dag 'ong bar 'gyur ro/ /gang gi tshe nyi ma 'char ba dang / gzugs brnyan dag snang ba de'i tshe na 'jigs pa chen po 'ong bar bstan to/ /de dag gi tshe nyi ma 'char ba dang / nub pa kho na de'i tshe nyi ma mgo bcad pa lta bu'i sprin gyi khebs pa de'i tshe na/yul du 'jigs pa chen po 'byung bar rig par bya'o/ /yang nyi ma 'char ba nub pa kho na'i tshe nyi ma 'khyams pa dang / skar mda' lhung ba dang / sa g.yo bar gyur pa de'i tshe rgyal po gsod par 'gyur ro/ /yang gal te nyi ma gzugs bu gu can dang / bong bu dang / khrag lta bu'i nyi ma phyed dus gsal bar snang na/mi'i bdag po mtha' dag 'tshe ba dang / nad dang / mu ge dag ldang bas skye bo bas ba'i dus su 'gyur ro/ /gang gi tshe nyi ma zla ba dag 'khyam zhing dkyil 'khor tha dad du chud la/ rtsub bar gyur pa de'i tshe ni the tshom med par dmag 'byung bar 'gyur ro/ /gang du nyi ma dang zla ba dag 'khyam pa dang /dkyil 'khor mtha' bdag yin pa dang / rtsub cing rnam par gzhag pa dang / nyams par gyur pa de'i tshe 'char ba med pa 'gyur zhing / mu ge dang mi ngas dag 'byung bar rig par bya'o/ /gang du nyi ma zla ba dag rma bya'i mgrin pa lta bu 'khyam par gyur pa de'i tshe na des mu ge 'byung bar bstan to//gang gi tshe nyi ma sprin gyi kha mdog lta bu dang / 'ja' 'dra ba dang / dkyil 'khor chung bar gyur ba de'i tshe na 'phral 'phral du char pa 'bab par 'gyur ro/ gang gi tsha nyi ma dang / zla ba dang / gza' rnam gsum 'gal bar gyur pa ni zhag gsum tshun chad char 'bab pa dang / zla ba gsum tshun chad du 'jigs pa chen po 'byung bar rig par bya'o//gang gi tsha zla ba tshul zla ba brnyan dag snang bar 'gyur na yang zhag gsum tshun chad char pa 'bab pa dang / zla ba gcig la 'jigs pa chen po 'byung bar 'gyur ro/ /gang gi tshe zla ba 'khyam shing ngan du nub par rab tu snang na/ gza' rnams kyi yang zil gyis non par 'gyur ro//de bzhin du snang ba chud par gyur pa de'i tshe na/ dmag don rnams 'chi bar 'gyur la/ de bzhin du de yul de yang lo nyes dang / mu ge dang / mi ngas pa dag kyang 'byung / rgyal po yang 'tshe bar 'gyur ba dang / chom rkun ba dag kyang brgyal bar 'gyur ba'i ltas su bstan to/yang zla ba'i gzugs 'khyams pa dang / gza' rnams phan tshun du mtho zhing zhum par yang gyur pa de ni/ lus can rnams shin tu mnar bar 'gyur bar bstan to/ /zla ba'i gzugs 'khyams pa na/ gang gi tshe/ zla ba khrag gi mdog lta bu'i kha dog tu gyur ba de'i tshe na dmag khrag gi 'dam rdzab can 'byung bar 'gyur ro//nyi zla'i ltas kyi le'u ste dang po'o// //gza' skar gyi ltas la drang srong chen po gar ga la legs ldan phyogs kyi skyong ba dag ji ltar gnas pa dang / gza' dang rgyu skar dag gi che chung dang / ji ltar rgyu ba dang / skar ma dag gang nas 'byung zhing ji ltar ltung ba dang / rnam par rgyu ba dag skyes bu dam pa tshangs pa lta bu'i gzi brjid can gyi bdag la bstan du gsol zhes nyon mongs ba can ma yin pa'i slob ma b+ha gu ris kun du dris pa dang / rig pa'i gnas thams cad kyi pha rol du phyin pas bshad pa/ phyogs skyong dag ni bzhi ste/ rang gi phyogs la yang dag par brten pa dag go//gza' dang rgyu skar thams cad kyi steng na sme bdun dag gnas shing / de dag gi 'og na ni spen pa dag gnas so/ /nyi ma'i dkyil 'khor ni dpag tshad brgya stong du brjod do/ /zla ba ni bcu drug tu brjod do/ /sgra gcan 'dzin ni nyis 'gyur ro/ /snar ma dang / gro bzhin dang / rgyal dang / mgo dang / byi bzhin dang / nag pa dang / sa re dang / sa ga dang / lag dang / snron dang / snrubs dang / nab so dag ste/ rgyu skar bcu gnyis pa dag gi dkyil 'khor ni dpag tshad gnyis gnyis so/ /de bzhin du skar ma phra mo gzhan dag gi tshad du rgyang grags tsam mo/ /de dag gi grangs ni dur phyur phrag gnyis dang /bye ba phrag brgyad dang sa ya phrag lngar bshad de/ rgyu skar gyi dkyil 'khor la gnas bdag yin no/ /rgyu skar me bzhi dang / nag pa dang / sa ri dang / sa ga dang / lag dang / de bzhin du mgo dang / nab so dang / sbo rnams ni rlung gi dkyil 'khor yin te/ de dag dbang ba'i dus su gal tes g.yo ba dang ser ba 'bab pa dang /sgra gcan 'dzin mthong bar 'gyur ba dang / skar mnga' dang / ser ba mi bzad ba 'bab bar 'gyur na de'i tshe ni rdul gyi char mi zad pa 'byung ba dang / de'i tshe rlung dmar ma rungs pa ldang zhing / khang bzangs dang / rta babs dang / bag ma dang / skyed shing dang / khang pa rnams 'gyel bar byed/ mtsho chen po dang / 'bab chu dang / rdzing dang / khron pa rnams kyi chu skem par byed pa ste/ de ltar sngon gyi rig pas rlung las gyur ba'i bye brag tu brjod pa yin no/ /gal te de dag nye bar zhi ba'i rgyu zhag bdun tshun chad char ma bab bar gyur na rlung 'khrugs pa las byung ba'i gnod pa la gzhan dag kyang 'byung bar 'gyur te/yul ma tun da dang / yul ba li ka dang / yul ka tsa da dang / yul kam po dza dang / yul bar bar dang / yul spos 'dzin dang bcas pa dag tu yang 'khrug cing phan tshun mi mthun pa dang / de bzhin du nad dag gis zin pa'i sgra me snyan pa dang / lus 'phags dag kyang nyen par 'gyur/ mtshon gyis thebs pa dag kyang 'byung / rgyal po rnams la yang dmag 'dren par 'gyur zhing / de bzhin du ma'i mngal yang 'gags pa dang / sa yang 'bras bu mi skye ba dang / shing thog dang / 'bras bu'i shing dag kyang rag cing nyung ba dang / dbang pos kyang char pa chen po mi 'bebs pa dang /phyogs thams cad kyi sa'i mdangs kyang sngog nag tu 'gyur zhing mig sal ba dang / rtsub par snang ba dang / ba lang dang / ra lug dang / bya dang / ri dgas kyang 'jigs pa med par yang skrag cing 'drog pa dang / phyogs bslad cing phan tshun thob par 'gyur ro//yang rgyu skar sa ga dang / smin drug dang / rgyal dang / khrums stod dang / b+ha ga'i lha gang yin pa'i 'di dang / mchu dang / gshin rje'i lha gang yin pa 'di dag dbang ba'i dus su sa g.yos pa'am/ gnam grum pa 'byung bar gyur na mi'i phyogs kyi 'khor la bab pa'i shugs kyis gnod pa 'gyur bar rig par bya ste/mkhris pa'i rigs las gyur ba'i gnod pas skye dgu shin tu gzir ba dang / bud med rnams la khrag nad 'byung ba dang / ba dang ma he zho skam pa dang / bsod nams bya bar brtsams shing bsam pa thams cad kyang 'grub par mi 'gyur la/ sems can rnams la yams nad 'byung ba dang /de bzhin du nad dang / rgyal po las kyang gyur pa 'byung ba dang / skye dgu rnams kyang phan tshun dga' ba dag byed nas mi mthun par yang 'gyur zhing nyin mtshan du phyogs rnams su gnas me zhi bar yang mi 'gyur/ sprin yang char ba 'bebs par mi 'gyur/ de bzhin du 'dod 'jo dag kyang 'o ma med par 'gyur ba dang /shing ljon pa'i rigs dang / lcug ma dag kyang me tog dang / 'bras bu nyung ba dang / chu'i gnas khron pa dang / rdzing dang / lteng ka la sogs pa yang skam par 'gyur zhing / mu ge dang nad kyis nyen ba 'byung ba dang / yul 'khrug par yang 'gyur/ chom rkun gyi 'jig rten rnams kyi mthu dang /ri dgas rnams kyang 'dren par 'gyur/ sha sbrang dang / sbrang bu mchu rings rnams dang / de bzhin du rigs ngan gyi rigs dag kyang 'phel bar 'gyur te/ de ltar me'i phyogs kyi dkyil 'khor du chos lugs de rnams 'byung bar shes par bya'o/ /khrums smad dang / chu lha dang / de bzhin du nam gru dang / bden bral gyi lha dang / skag dang / de bzhin lag ni chu'i dkyil 'khor yin te/ de ni bstan bcos rig pa rnams kyis brjod pa yin no/ /gal te 'di ras g.yo ba dang / gnam grum pa byung ba dang / nyi ma dang / zla ba yang nye ba'i chags pa dang ldan pa dang / mjug rings dang / de bzhin du ltas su/ 'byung ba gzhan mthong bar gyur na chu lha'i de ni skye dgu rnams la dge ba'i rgyu yin par shes par bya ste/ der lo legs pa dang / ba 'o ma mang ba nyid du yang shes par bya'o/ /bud med ngag kyang dus tshad nas tshor ba med par bde bar btsa' bar 'gyur ro/ /sa bon ji ltar btab pa bzhin du grub nas sa yang lo tog gi phreng ba can du 'gyur zhing /rgyal po rig pa'i rjes su 'brang ba dag kyang mi dge ba med par 'gyur ro/ /bram ze la sogs pa'i rigs bzhi po yang rang gi las rnams la gnas par 'gyur/ skyad kyis 'tsho ba thams cad kyang rnyed pa'i mchog rnyed par 'gyur zhing / sa las skye ba rnams kyang 'bras bu dang /me tog dang 'dab ma dang ldan zhing 'phel bar 'gyur ba dang / bde ba dang / lo legs pa dang / nad med pa dang / skye dgu rnams la yang dge bar 'gyur ro/ /mon gru dang / snar ma dang / snron dang / de bzhin du lha mtshams dang / byi bzhin gro bzhin dang / de bzhin du gzhan yang chu smad ni dbang po chen po'i phyogs kyi dkyil 'khor du rig par bya ste/thams cad shin tu phan pa'i rgyu yin zhing skye dgu rnams la bde ba dang / nad med pa dang / rgyal po rnams la dge ba rab tu sbyin par byed pa yin no/ /gal te 'di ras g.yo ba dang / de bzhin du gnam grum pa la sogs pa dang /nyi ma dang zla ba nye ba'i chags pa can du gyur pa dang / mjug rings mthong bar gyur pa dang / gzhan yang glo bur du byung ba gzhan ji ltar 'byung ba yang der ni bstan bcos rig pa'i thub pa rnams kyis mi dge ba med par bstan te/ lo tog dag shin tu phun sum tshogs pa dang / lo legs pa dang /chom rkun med pa dang / bram ze rnams kyi sbyin sreg dang / mchod sbyin gyi bya ba thams cad 'grub par 'gyur zhing / rig par byed pa'i rgyal po thams cad kyang sa srung bar byed par 'gyur ba dang / rigs kyang rang gi chos la gzhol zhing / sems chos la mngon par dga' ba dang / dus ji lta ba bzhin du char chu 'bab pa dang /shing rnams me tog dang / 'bras bu smin par byed pa dang / skye bo mtha' dag rab tu dga' ba dang / lhags pa rnams phan tshun dga' bar 'gyur zhing / sprin rnams don med par ma yin te/ sa gzhir char ba legs par 'bab par 'gyur ba dang / mi rnams kyi bya ba ji ltar brtsams pa rnams kyang phal cher grub par 'gyur zhing lus can rnams la yang gnod pa byed pa rnams dang /grog sbur rnams dang / sbrul dang / byi ba la sogs pa dang / de bzhin du yams kyi nad rnams dang / ba la sogs pa rnams kyang yang dag par 'jig par 'gyur ro/ /rnam pa gzhan du na dbang po chen po'i dkyil 'khor dbang bar gyur na chu dang /me dang / rlung las gyur pa bad kan dang / mkhris pa las gyur pa'i nad rnams dang / de bzhin du rlung las gyur ba rnams 'byung ste/ de dag ni gzhan du ma yin no zhes pa bstan to/ /gza' rnams kyi le'u ste gnyis ba'o// // skar mda'i ltas la skar mda' 'di dag ni de dag ni mtshan ma bstan pa'o/ /'jig rten dag na rtags ston par byed pa ste/ de la gang gi tshe dbang po rnams dang chu lha dang / rlung lha dang / me'i phyogs kyi gzhan dag ni kha dog sna tshogs shing gzugs 'jigs pa dang / me stag dang bcas shing 'od dang bcas pa dang /sol ba 'bar ba ltar snang ste/ nam mkha'i ngos la char du 'byung par 'gyur ro/ /gshin rje'i phyogs kyi skar mda' gnag pa dang / dmar po reng red po dang / rtsub ba ni 'jigs par byed pa ste mi'i rgyal po rnams dang / yul rnams la 'jigs pa chen po 'byung bar brjod pa yin no/ / de bzhin du bar snang la 'dug pa dang / ri dang rgya mtsho la bdug pa yang yin no/ /gang du lha yul dang / sa stengs su lhung zhing bzlog phyogs su 'gro bar 'gyur na yul der zhi ba ma yin par 'gyur ro/ /rgyab phyogs su ni rtag tu zhi bar 'gyur ro/ /de bzhin du de dag ni 'jig rten thams cad du rgyu ba dang / gzugs 'dod pa 'dzin pa dag yin no/ /gnod par gyur pa'i yul dag tu dmag 'gyed du 'jug pa yang byed par 'gyur ro/ /de'i 'og tu rang bzhin gyis dmag kho nas 'jig rten rnams 'chi bar byed par 'gyur ro/ /de dag lhung ba dag rjes su mtshan nyid yang dag par rab tu brjod par bya ste/ dkar po 'gro zhing me stag dang bcas pa ni bram ze rnams la 'jigs pa 'dren pa yin no//de bzhin du dmar po rnams ni rgyal rigs rnams la'o/ /ser po ni rde'u rigs rnams la'o/ /nag po dang sngo bsangs ni dmangs rigs rnams la ste/ shin tu 'jigs pa 'byung bar brjod do/ /de bzhin du skar mda' sngo bsangs dang /rtsub pa dang / 'grum pa dang / dkar po dang / ser po dang / kha dog rnam pa sna tshogs dang / me stag dang bcas pa dang / du ba 'thul ba dag tu lhung ba der ni rgyal po la gnod par 'gyur ro/ /gang du la lar phag dang / spre'u dang / lba ltar bcos pa dang /ri dgas dang / bod bu'i gzugs lta bu'i 'od can gyi skar mda' lhung ba der ni rgyal po dang yul 'khor du bcas te 'chi bar 'gyur ba the tshom med do/ /gang rgyu skar dang phrad nas gang mi'i mdun du grum zhing skar mda' grugs pa der ni nyid du 'bras bur 'gyur bar rnam par bshad par bya'o/ / gza' dang / rgyu skar gang gi ba lang gi lam dang / rta babs dang / rgyal mtshan khyim du lhung ba de la ni 'jigs pa chen po 'byung bar brjod pa yin no/ /gang du skar mda' nyi ma las mngon du phyogs te lhung ba ni shin tu 'jigs par byed par 'gyur ro/ /ba bsangs la reg par byed pa de ni der rgyal po la 'jigs pa 'byung bar 'gyur ro//gang du zla ba'i 'khor la reg pa lce'i 'od dang mnyam pa'i skar mda' lhung ba de ni rgyal tshab gsod par 'gyur ro/ /gal te skar mda' lha'i bla ma phur bu la gdung bar byed pa der ni mdun na 'don gsod par 'gyur zhing bram ze'i bdag nyid la yang gnod par 'gyur ro//gang gi tshe skar mda' lag la gdung bar byed pa dang / lha lta bu 'byung ba der gzhon nu 'chi bar 'gyur zhing / de'i tshe rgyal po la yang gnod par 'gyur ro/ /gang du skar mda' lhung zhing gza' mig dmar la gnod pa byed pa der ni dmag dpon gsod 'gyur zhing / mtshon dang me'i 'jigs pa yang 'byung bar 'gyur ro//gal te skar mda' 'bab pa nyi ma'i bu spen pa la gnod par byed pa der ni sna bo'i gtso bo dang / tshogs can dag 'chi bar 'gyur ro/ /gang gi skye ba'i rgyu skar la skar mda' rtug la gal te zhi bar 'gyur bar mi byed na pho de 'chi bar 'gyur ro/ /tri shang gu dang / b+hi ri shi dang / sa ga dang / sa ri dang / skar ma khyi khrid dang / smal po dang / ri bya dang / de bzhin du bra m+ta na ng+hid ya dang / a ru na dang / shi shu mar dang / sme'u bdun dang / de bzhin du gur tshigs kyis khebs shing skar mda' lhung ba de shin tu 'jigs pa chen po 'byung bar 'gyur zhing / dmag mang pos 'khrug pa dang /mtshon gyis 'tshe ba yang rab tu zad par byed par 'gyur/ de'i tshe yul 'jigs par byed pa'i chom rkun la sogs pa yang 'byung bar 'gyur ro/ /gang du skar mda' rab tu 'bar bas bas la thur du thad kar 'jug ba de'i tshe ni dgra dag gis rgyal po gsod par 'gyur zhing yul 'jigs par yang 'gyur ro//skar mda' rta'i dbyibs lta bu ni rgyal po'i dmag la gnod par 'gyur ro/ /ral gri dang / rtse gsum dang / kha T+wAM ga'i dbyibs lta bu ni yul dang rgyal por bcas pa la gnod par 'gyur ro/ /skar mda' chen po gdugs dang / rgyal mtshan dang / shing rta'i rnam pa dag tu sa la ltung ba ni zhag bdun gyi dmag dang rgyal por bcas pa la gnod par 'gyur ro//gang gi tshes la skar mda'i char ba dang / rdo'i char ba chen po dag bab pa de'i tshe ni dmag stong gi khrag sas 'thung bar 'gyur ro/ /gang gi tshe skar mda' me'i kha dog lta bu gnam grum pa dang bcas tes steng du lhung ba de'i tshe ni dmag mi stong gi khrag sas 'thung bar 'gyur ro//gang du glang po che dang / rta dang / shing rta'i gzugs lta bu'i 'od dang / ri lta bu'i rnam pa dag thur du lhung ba ni yul dang / rgyal po dang bcas pa la gnod par 'gyur ro/ /gang gi tshe skar mda' dus tshigs snga ma kun du phrad pa du ba lta bu sa la thur du lhung ba de'i tshe ni rgyal po gsod par 'gyur ro//dus tshigs kyi phye ma la brten pa'i skar mda' me lta bu lhung ba ni mchod sbyin byed pa rnams 'chi zhing / de bzhin du mchod sbyin gyi las rnams 'dzin par 'gyur ro/ /gang gi tshe skar mda'i sgra chen pos rab tu rgyug cing yul yul dang / grong grong du lhung ba de'i tshe ni rtag tu rgyal po 'chi bar 'gyur ro//shar gyi phyogs char kun du 'byung zhing nyi ma'i lam la brten te nub tu kha bltas shing song nas yul ma ga d+hAr phyin te/ grum pa ni lo tog rnams smin na yang lo nyes dang / de bzhin du mi ngas 'byung bar yang 'gyur zhing 'jigs rten rnams la rang gi mi mthun pa las 'gyur ba'i dmag kyang 'byung bar bshad do//rgyal po rnams dang khyim khol 'byor ba'i mi rnams kyang 'chi bar 'gyur te/ 'jig rten la gnod par byed pa nyes pa rnam pa mang po de lta bu dag 'byung bar 'gyur ro/ /gang du me tog kun+da dang zla ba dang / dngul gyi 'do lta bu'i skar mda' lhung ba dang /rgyal po rnams rgyal ba dang / lo legs pa dang / bde bar byed pa smra bar byed do/ /skar mda' chen po kha dog rab tu 'bar ba shin tu snum pa dang dngul dang / shel gyi 'od 'dra ba ni char ba 'bab par smra bar 'gyur te/ 'di la the tshom med do/ /gang du skar mda' chen po du ba dang bcas pa gzugs 'dzin par byed pa me stag dang bcas pa sol ba'i mdog lta bu byung ba de'i tshe ni rgyal po la 'jigs pa chen po 'byung bar 'gyur ro/du ba'i mdog lta bu dang / che ba dang / skar ma ltar dag pa dang / g.yas g.yon du so sor 'gro bar 'gyur bar dang / baiDU r+ya'i mdog lta bu dang / shel gyi mdog lta bu dang / gser gyi mdog lta bu dang / dngul lta bu dang / zla ba'i 'od zer ltar dkar ba dang / zho'i 'od dang 'dra ba'i skar mda' de ni lo legs par 'gyur ro/ /rgyal po rgyal bar 'gyur ba thub pa snga ma rnams kyis rab tu bstan to/ /baiDU r+ya'i mdog lta bur bstan pa ni char ba 'bab par brjod do//shel lta bur gyur na ni lo legs par 'gyur ro/ /gser gyi 'od lta bur gyur na ni mes 'khrug par 'gyur ro/ /dmar por gyur na ni dmag 'byung bar brjod do/ /'di skad du gang bstan pa ni zla ba gnyis ma lus bar de'i rnam par smin par 'gyur bar brjod do/ /skar mda'i ltas te le'u gsum pa'o// //sprin dang / glog dang / 'ja' 'od kyi ltas la gang gi tshe sprin gyi gzugs g.yung drung 'khyil pa lta bu dang / gdugs dang / lteng ka dang / shing rta bsreg pa bkra shis pa dang ldan pa'i dbyibs dang / ri lta bu dag ni skye dgu bde bar byed pa'o/ /de bzhin du dbang po'i mtshon cha'i rnam pa lta bu dag dang /dbyig pa lta bu dag ni bde bar yang mi byed la/ mu ge yang ston par byed do/ /gang gi tshe dbyar gyi dus su sprin mdung thung dang / gsal shing dang dba' rlabs lta bu dag dang / rgyal mtshan dang / bdan lta bu dag dang / mtshon cha sna tshogs lta bur snang ba de'i tshe/dmag khrag gi 'dam rdzab can mi bzad pa 'byung la lo tog kyang chud zos bar 'gyung zhing / chom rkun dag kyang 'phel bar 'gyur ro/ /sprin tha dad du chad pa dang / shing skam lta bu dang / gtun shin lta bu dang / mgo thod lta bu'i dbyibs gang yin pa de dag ni mod la 'jigs pa'i dmig 'ong bar 'gyur ro//yang sprin bya sna tshogs lta bu dang / rnga mo dang / bong bu'i sprin gyi tshogs dag nyi ma shar ba dang nub pa kho na'i tshe nyi ma'i zur nas 'gro bar gyur na de ni skye bo zad par 'gyur ba'i nad dang / mtshon la sogs pa 'byung bar rig par bya'o/ /yang sprin gyi gzugs 'gog pa can lta bur gyur cig /rdul gyi tshogs 'dren par byed pa'i rlung drag po dang bcas pa 'byung ba ni rgyal po dang skye bo phal ba dag 'chi ba dang / yul 'khor dang / dgon pa na gnas pa dag la gnod par bstan to/ /nam mkha' la sprin med par 'brug zer ba dang / 'brug zer la char med pa'i sprin ni gnod pa 'byung ba'i sprin yin no//'od glog dang 'ja' rlung gi ltas la gang gi tshe nyi ma'i drung lho phyogs ngos nas glog 'byung bar 'gyur la/ de'i dus su rgyal po'i pho brang dang / rta babs dang / glang po che dang / rta'i bres kyi khang steng dang / rgyal po'i lam dang / khrom lam gyi bzhi mdo dang / grong khyer gyi sgo dang /shing chen po rnams la thog dang ser ba 'bab 'am/ skar mda' dag kyang ltung bar gyur na der lo gcig tshun tshad du 'jig rten kun du zad bar 'gyur bar rig par bya zhing / yul der rgyal po gzhan 'ong bar yang the tshom med do/ /nyi ma la 'byung ba'i glog de nyid rgyal po'i rta babs dang / pho brang gi sgor bab na rgyal po dang /de la brten pa dag kyang 'cho bar 'gyur/ rta bres dang glang po che'i bres su bab na de'i srung ma nges par 'jigs par 'gyur ro/ /ra bar babs na dmag mi'i gtso bo dag 'chi bar 'gyur ro/ /gang gi tshe mo'i phyogs nas glog 'od mo lta bu 'byung ba ni nad rnams kyis 'khrug pa dang /rlung drag pos gnod pa 'byung ba'i ltas yin no/ /bden bral gyi phyogs nas glog 'byung ba byed pa de'i tshe ni rlung dal bar 'byung bar byed cing nad kyis 'jigs rten zad par 'gyur ro/ /gang gi tshe nam mkha' sprin med par phyogs dag tu rtag par glog 'byung bar 'gyur ba der ni rgyal po 'chi ba dang /yul 'khor dang bcas pa 'jigs par byed pa'o/ /gang gi tshe glog me tog gi 'bras bur mdzes shing snum pa'i 'od can sprin gyi dbus na dug pa ni bde ba dang lo legs par 'gyur bar bstan no/ /'ja' ltas la gang gi tshe gzhan dag gis grong 'khyer bskor ba na 'ja' byung bar gyur na grong de nyid 'jig cing 'jigs pa chen po nye bar gnas par rig par bya'o//yang gang dag tu dmag grong 'khyer bskor ba ni nyi ma'i dkyil 'khor 'jas khebs par gyur na de las ser ba 'jigs pa 'byung ba dang dmag tshogs de las kyang gtso bo 'chi bar gyur pa bstan to/ /gang gi tshe dmag gi g.yul shom zhing go cha gyon pa na 'ja' nyi ma'i dkyil 'khor dang mnyam par gyur ba ni/de ni phyogs gnyi ga 'chi ba yin no/ /gang dag tu dmag 'gyed pa'i g.yul du zhugs pa na mdun nam g.yas nas 'ja' 'byung ba ni de dag gsod par ston pa yin no/ /dbyar la 'ja' 'khyil ba mang ba dang /sa g.yo ba dang / zla brnyan dag byung ba de'i tshe pha rol gzhan gyi 'jigs pa dag 'byung par byed pa'o/ /gang dag tu mtshan mo 'ja' nam mkha' la mngon par 'byung na de ni dge ba ma yin te/ pha rol gyi dmag tshogs 'ong ba dang / yul 'khrug cing rgyal po 'chi ba dang / yang ngan rgyal po sma 'bab la sogs pas ston pas na dbang po mchod pa bde legs su 'gyur ba'i cho ga byas nas yul de nas gzhan du 'gro bar bya'o//gang gi tshe mtshan mo nam mkha' la mja' kha dog dan cing shin tu che la ri mo gsum 'byung na ba de'i tshe rgyal po'i dkyil 'khor rnams la myur du 'jigs pa 'byung zhing gzhan gyi dmag tshogs dag gi kyang 'chi bar 'gyur bar ston pa'o//gang gi tshe 'phral du nye bar sprul pa'i 'ja' rtags mthong na de'i grong khyer 'jig pa dang / yul 'khor 'jigs par 'gyur bar rig pa bya'o/ /'od ltas la gang tshe nam mkha' la 'od kyi rnam pa dugs dang / rgyal mtshan dang / shing rta'i rnam dag dang 'khor lo dang /dung la sogs pa bkra shis kyi mtshan mar bya ba dag dang / 'od ral gri dang / pad+ma'i dbyibs kyi rnam pa dag 'byung ba ni rgyal bo rnam par rgyal bar 'gyur bar bstan to/ /yang gang du 'od kyi rnam pa mgo thod lta bu dang / dbyig tho dang / gtun shing dang / sgrog rus lta bur snang bdag gis ni rgyal po dang bcas pa'i yul 'jigs par bstan to//yang gang du 'od kyi rnam pa mgo thod lta bu dang / dbyig tho dang / nya dang rul sbal 'dra ba dang / de bzhin du sbal pa dang / nya phyis dang / chu srin lta bu dag gis kyang 'jigs pa chen po 'byung bar ston to/ /sprin glog dang 'ja' 'od la sogs pa'i ltas kyi re'u ste bzhi pa'o///phyogs cha brgyal po dag nas 'brug glog la sogs pa 'byung ba'i ltas la shar phyogs la sogs pa phyogs cha brgyad po nag nas 'brug glog la sogs pa zer ba la dge 'dun gyi ltas zur blta ba ni/ sos dang po dbyar zla 'bring po nyal dbang po'i phyogs kyi gnas su 'brug zer pa thos shing de nyid du rlung na de'i tshe ni chu chen po dang /char pa 'bab par 'gyur zhing lo legs pa dang / bde ba dang / skye dgu dag dang / rgyal po la nad med pa 'gyur zhing sngon gyi bstan bcos rig pa rnams kyis brjod pa yin no/ /de bzhin du dbyar zla 'bring po zhes kun la yang sbyar te/me'i phyogs cha nas gal te glog 'byung zhing rlung yang 'byung bar 'gyur na de'i tshe me'i 'jigs pa 'byung zhing lo nyes pa dang / mi ngas dang / de bzhin du chom rkun gyi gnon pa dang / rgyal po la mi dge ba dang / nad kyis bslongs pa nyid du 'gyur ro/ /gshin rje'i phyogs su gal te glog dang /rlung dang po 'byung bar 'gyur na de'i tshe ni rgyal po dang chom rkun gyi gnod pa dang / me dag dang / nad dag gi 'jigs pa dang / mu ge dang / mi ngas dang / mi rnams pa phan tshun gsod pa dang / 'jig rten la gnod par byed pa spyang ki dang / stag las gyur pa dag kyang 'byung bar 'gyur ro//bden bral gyi phyogs su gang gi tshe glog dang / rlung 'byung zhing sprin dag kyang snang la/ 'brug sgra yang grag na dbang pos char chung du 'bebs par byed cing / lo tog dag kyang 'byung bar mi 'gyur/ byi ba dang byi ba la sogs pa dag kyang kun nas 'bab par 'gyur ro/ /chu lha'i phyogs su gang gi tshe glog dang rlung 'byung zhing /'brug sgra yang grag pa de'i tshe ni char ba chen po 'bab par 'gyur zhing / lo tog thams cad smin pa dang / lo legs pa dang / bde ba dang / skye dgu rnams la nad med pa nyid dang / de bzhin du chos kyi blo 'byung par yang 'gyur ro/ /rlung gi phyogs su gang gi tshe glog dang rlung byung na rlung chen pas nyams pa'i char mi 'bab pa dang /lo tog skye ba yang mi 'gyur/ rlung nad rnams kyang 'byung zhing de bzhin du mi nad rnams kyang 'byung ba dang / 'jig rtan la gnod par byed pa thams cad 'byung bar 'gyur ro zhes rnam par bshad par 'gyur ro/ ku be ra'i phyogs nas gang gi tshe glog dang rlung byung ba de'i tshe dbang pos zla ba bzhin du rtag tu char 'bebs shing 'bru la sogs pa lo tog phun sum tshogs pa dang /me tog dang / 'bras bu la sogs pa phun sum tshogs pa dang / rgyal por rang gi chos kho nas gnas shing chos dang ldan pa dang / skye dgu thams cad chos la dga' zhing phan tshun phan par 'dod pa la dga' rangs pa dang /ba dang bzhon rnams kyang 'o ma mang bar 'gyur ro/ /dbang ldan gyi phyogs su dbyar zla ba 'bring po nya ba'i che glog dang / de bzhin du rlung 'byung bar gyur cing sprin sgra byung bar yang gyur pa de'i tshe ni chu'i char chen po 'bab par 'gyur ba dang / bde ba dang / nad med pa dang / lo legs pa dang / lo tog phun sum tshogs pa dang / skye dgu rnams nad med cing phan tshun byams pas rnam par 'brel ba can du 'gyur ba dang / rgyal po rnam par rgyal ba dang / de bzhin du yams kyi nad thams cad rab tu zhi bar 'gyur zhing / sa las skye ba thams cad kyi me tog dang /'bras bu la sogs pa 'byung bar 'gyur ro/ /dbyar ka 'brug gi sgra drag tu yang 'byung na sgra brnyan gyi nyams pa'i sgra gnam lta bu dang bcas pa grag pa der ni lus can rnams la shin tu dman par bstan pa'o/ /so ga'i dus su phyogs brgyad nas 'brug glog dang rlung la sogs pa ldang ba'i ltas kyi le'u ste lnga ba'o//bar snang las 'byung ba'i ltas la gang gi tshe skar mda'i char pa 'bab pa dang / khrag gi cher pa dang / mar dang / zhag gi char bab ba na rgyal po dang bcas pa'i grong khyer 'jig par 'gyur ro/ /yang grong khyer ram/ khyim du sol ba'i char pa 'bab cig phub ma dang / skra dang 'dres pa'i rdul lhung ba dang / bye ma'i char 'bab pa de myur du 'jig par mngon par shes ba dag gis brjod do/ /gang du 'bru mar gyi chag chag dang / mar gyi thigs pa lhung zhing / bong ba la sogs pa yi dgas kyis phyung pa'i nyes pa rnams 'byung bar gyur na yul 'khor dang /grong khyer dang / khang pa dang / de bzhin du ba lang rdzi'i gnas der rab tu 'jig par 'gyur ro/ /yang mchod rten dang / skye shing dang / sa'i phyogs dag tu brag gi chag chag dang / sha dang rus pa'i dum bu mgo thod dang / skra shad la sogs pas mngon du gang ba de dag tu ni nges par nye 'khor gyi skye ba'i skal ba zad pa'i ltas su bstan pa yin no//rdo'i char pa la gang du rdo bim pa dang / u dum bA ra lta bu dang / ka bid ta'i 'bras bu dag bab pa der na 'jigs pa chen po 'byung bar ston to/ /rdo 'bral sA lu'i tshigs ma 'dra ba dang / 'bra go'i rus pa lta bu dag ni lo legs pa dang /bde bar 'byung bar ston to/ rdo dkar po rgya shug gi 'bras bu lta bu dang / ba ru ra'i tshi gu dag bab pa ni skye dgu rnams bde ba'i rgyur 'gyur ro/ /rdo shel dang / rdo lta bu dang / me tog kun+da dang / 'o ma ltar snum pa dang / zla ba'i mdog ltar gsal ba dag ni mi rnams bde bar byed ba'o//gang gi tshe ser ba tshub ma dang / kha col dang bcas pa dang / me lta bu dag dang / rdul dang bcas pa dang / sa gam bar yang gyur pa der ni rgyal po yul 'khor dang bcas te 'jig par ston to/ yang bar snang la ser babs nas rdo dang mtshon cha lta bu me'i rnam pa dag 'byung bar gyur na de ni skye bo la ring por mi thogs par 'jigs par 'byung bar bstan to/gal te ser ba drag tu chu'i nang du bab pa las ni bde ba dang / lo legs pa dang / rgyal po rnams rnam par rgyal bar 'gyur te/ 'bras bu zla ba drug na ston bar brjod do/ /yang gang gi tsher byar ka phyogs rab tu tsha bar 'gyur la gnam grum par gyur na de ni rgyal po dang bcas pa'i skye bor rab tu gsod par byed do//nyin par rtag tu gnam grum pa'i sgra 'byung ba der yang yul 'jig pa'i rtags yin te/ rgyal po yang 'chi bar ston pa'o/ /gang lho phyogs su gnam grum/ sprin dang sgra mnyam par 'gyur zhing / rlung rtsub pa dag langs par gyur pa der ni skye dgu rnams bde bar ni 'gyur bar ston pa'o//yang sa g.yo ba gnam grum pa dang bcas bar 'byung ba de'i tshe ni nges par rgyal po 'chi bar 'gyur ro/ /yang sa g.yo ba dang / gnam grum pa lhan cig tu 'byung ba'am/ yang skar mda' chen po phyogs gang dag tu 'gro ba'i phyogs der nad dang / mu gi las gyur pa nyam thag pa dang bcas pa'i 'chi ba rgyug pa ston pa'o//gang du me dang / khug rna dang / sprin gyi gnod pa rnams med par rdul gyi khrem gnyer dag gis nam mkha' kun du khebs shing nyi ma'i 'od zer yang zil gyis gnon par byed pa de'i tshe na rgyal po rnams nges par 'chi bar 'gyur ba yin no/ / gang du nyin gcig bzhin du tshub mas kun du bslang ba'i rdul ring bus nam mkha' dang / phyogs thams cad kun du khebs par gyur pas ni rgyal po 'chi bar 'gyur zhing skye bo rnams kyang 'chi bar 'gyur ba yin no/ /bar snang las sgra chen po 'byung ngam/ sa phyogs nas 'byung yang rung ste/gang dag mi snyan pa dang / mi mthun pa dag gi sgra byung ba de ni phan tshun gsod pa dang / 'thab pa dang / mi mthun par gyur pa dag gi rgyur bstan to/ /gang gi tshe gzugs mi snang bar slog chags rnams pa tha dad pa'i sgra byung na sdug bsngal bar grags pa de'i tshe ni rang gi yul 'khor du bcas pa'i rgyal po 'chi bar 'gyur/nad dang / mu ge dang / gnod par yang 'gyur zhing / 'jig rten yang zad par 'gyur/ rgyal srid ngan pas kyang brlag pa dang / bu sman dang yang 'bras bar 'gyur ro/ /bar snang las byung ba'i ltas kyi le'u ste drug pa'o// //phyi rol 'byung ba chen po'i ltas la gang gi tshe shing ljon pa dang /gel ba dag las dus dang mi ldan par 'bras bu 'byung na rgyal po'i yul phyogs su gtogs pa gsod par 'gyur ro/ /yang gang gi tshe chod sbyin gyi shing dang / lha rten byas pa dang / ka ba dang / gzugs la sogs pa shing skam po dag las lo ma skye bar rtsol ba ni rgyal po 'chi ba'i ltas dang /de bzhin du skye bo dag 'khrug pa'i ltas su bstan to/ /yang yul dang / grong dang / grong khyer gang dag tu shing dang / shing ljon pa dag las me tog dang / 'bras bu phyin ci log tu skye bar gyur na de ni bdag po 'chi ba'i rtags yin no/ /gang gi tshe lnga dro'i dus su shing dang mi'i grib ma shar phyogs su gnas bar gyur pa dang /phyi dro yang mi dang shing gi grib ma nub phyogs su gnas par gyur na rgyal po 'chi bar 'gyur ro/ /chu zab mo dang / khron pa dang / rdzing dang / mtsho la sogs pa drog chags chu na rgyu ba rnams gang du skam pa der ni ring por mi thogs par skye bo 'jigs par 'gyur zhes bstan to//rlung med par glo bur du khron pa dang / rdzing rnams kyi chu dag kun 'khrug par 'gyur ba gang yin pa der ni rgyal po dang / yul dang yul 'khor mi dge bar bstan to/ /gang du rlung med dpar glo bur du grong gi nye 'khor du 'jug pa'i shing ljon pa a shwad tha dang ba tal la sogs ba rtsa ba zugs pa rtsa ba 'gyel bar gyur na grong de 'jig par 'gyur ro//yang rlung ma langs par yang thog lhung ba dang / lus ni snang bar tshig mi snyan pa zer ba dang / sha za mo'i glu sgra 'byung ba ni 'phral du rgyal po la 'jigs pa 'ong bar bstan to/ /gal te glo bur du gdugs kyi shing dang / khri dang / khri'u dang / khang pa'i srog rten gyi shing dang / de lta bu'i rnam pa dag gi shing rdo chag grums su gyur pas ni de dag gi bdag po 'chi bar ston to/ /yang rgyal po nges par 'chi bar gyur pa'i tshe ni rlung dri nga ba dang / zas su ngas pa lta bu'i dri dang / khyi dang / bya dang / byi la dang / bong bu la sogs pa'i dri dang / de bzhin du phye ma lta bu'i dri 'byung bar 'gyur ro//yang rgyal po 'chi ba'i tshe na rgyal mtshan gyi rtse mo dang / rta babs dang / sgo gang dag tu ser ba 'bab cing me med par yang me mdag ltung bar 'gyur ro/ /rtse mo dang / rol mo'i sgra mi snyan pa dang / mtshon rnam pa sna tshogs mdzes par gyur ba ni yul 'khor dag tu 'jigs pa 'byung ba'i ltas yin no//gang du mtshon rnams 'gul ba dang / ral gri shubs dang bral bar gyur pa dang / gzhu ma bdungs ba bdungs bar gyur na de ni nges par dmag mi bzad pa 'byung bar ston to/ /gang gi tshe phyogs thams cad du mi nyin mo 'am/ mtshan mo yang rung ste/ nags kyi me snang bar gyur pa de ni lo nyes pa dang /skye bo ngas par 'gyur ro/ /nyin mo'am/ yang na mtshan mo yang rung ste/ nam mkha' sprin gyis kun du khebs pa na phyogs tsha bar gyur ba de'i tshe ni rgyal po gsod par 'gyur ro/ gal te dgun ni dro bar gyur la dpyid ni grang bar gyur na lus rnams kyis nyes pa dang 'chi bar 'gyur ro//dbang pos kyang char nyung du 'bebs pa dang / dus 'chol bar yang 'gyur/ 'jigs par byed pa'i chom rkun rnams kyis kyang lo tog chud gson par 'gyur ro/ /phyi rol 'byung ba chen po dag gi ltas kyi le'u ste bdun pa'o// //srog chags kyi zhig tu smra ba med pa kun gyi ltas la khyi rnams 'dus te kha gyen du bltas nas yang dang yang du du bar byed pa de ni yul 'pho bar byed par 'gyur ro//yang nyi ma 'char ba'am nub pa kho na'i tshe khyi dag phyi rol du kha gyen du bar byed na yul rnams 'jig pa'i rgyu yin no/ /yang lha khang dang / lam po che dang / rgyal po'i lam dang /lam gyi bzhi mdor khyi kha gyen du bltas te du bar byed na de ni chom rkun dang / me'i 'jigs pa 'ong bar ston pa yin no/ /yang khyi dang / bya rog rgyal po'i lam dang / lam gyi bzhi mdor thad la gcig tu 'dus nas gal te sgra chen po 'byin par byed pa dang / ci dgar 'gro bar byed pa de ni pha rol gyi dmag tshogs 'ong ba yin no//gang gi tshe bya rog dang / bung ba dang / sbrang bu rnams pa dang / grong khyer gyi sgo dang / thang dang / lam gyi bzhi mdor sbrang rtsi tshad du byed par gyur na glo bur gyi 'jigs pa dang / rgyal po'i 'jigs pa 'byung bar rigs par bya'o/ /de bzhin dur ba dang /khyim gyi mdun dag tu yang de lta bur snang na/ de bzhin du 'jigs pa 'byung bar rig par bya'o/ /de la glo bur gyi 'jigs pa 'ong zhes bya ba ni pha rol gyi dmag tshogs 'ong ba dang / me dang chom rkun gyi 'jigs pa dag 'byung bar ston yin no/ /yang gang du srog chags phra mo dag la la rab dang /grong khyer gyi sgo dang / sgo khang la 'phyang mo nyug cing 'jigs par snang ba der ni pha rol gyi dmag chogs kyis ring bo mi thogs par grong khyer myur du 'jigs 'gyur ro/ /gang gi tshe khyi dang / lba dang / byi la la sogs pa dang / bya sna tshogs dag dus mtshams med par 'khrig pa dang ldan pa'i tshe ni rgyal po dang /yul rtag tu 'jigs par bstan pa yin no/ /de bzhin du mi dang / rta dang / rnga mo dang / bong bu'i rigs dang / ba lang mo dang / bya dang / ri dgas rnams dang / khyi dang / byi ba dang / sbrul dag dang / srog chags phra mo gzhan dag gi yang mngal phyin ci log tu gyur pa der ni yul rnams 'khrug pa dang /rgyal po yang 'chi bar 'gyur ro/ /yang gang du bya dang / ri dgas [(]gyi [,]kyi [)]rigs rnams dang / khung na nyal ba rnams log par 'khrig pa dang ldan par smra ba de ni rgyal po 'chi bar 'gyur ro/ /bya rog gshog pa dkar po mthong na mi dge ba yin te/ yul de nas 'gro bar bya'o//de bzhin du bya rgod la sogs pa'i gshog pa lhung bar mthong ba dang / lba ngal mi sos par brgyal bar 'gyur ba der ni yul gyi bdag po dang / rgyal po dag 'chi ba'i ltas su bstan to/ /yang gang gi tshe grong khyer du khA'i tshogs 'dus nas grong gi phyi rol du 'dong ba de ni nges par grong gi skye bo med par 'gyur ro//lba shing gi steng na 'dug gam/ ra ba dang / sgo khang dang / khyim du 'dug ste/ sgra chen po 'byin zhing shin tu 'jigs par sbron pa dang / lba nyi ma la kha bltas te rengs thabs su 'dug nas skad drag tu 'byin pa der ni dmag 'byung bar bshad par bya'o/ /shing mthon po'am/ khang steng mthon po'am/ mdzod mang por 'dug ste/ kha nyi ma la bltas nas lba skad drag tu 'byin pa ni mi las gyur pa dang / rgyal po las gyur ba'i nyes pa 'byung bar byed do/ /khA 'dus pas sa la mchu btsugs te/ cang mi smra bar skad cig 'dug nas 'dus te gang gi tshe nam mkha' la 'phur ba de'i tshe dmag gis 'tsho ba rnams la shin tu khrag 'byung bar 'gyur ro//khra kha 'thabs shing skad 'byin pa'i tshogs rtag tu 'brel pa gang yin pa de ni gal te khyim mam/ grong khyer dang / yul 'khor dang / yul dang / ba lang rje'i gnas 'jig par 'gyur bar brjod par bya'o/ /khwa sa la mchu'i rtse mo gtar de/skad mi bzad pa mi gsal pa'ang byin pa der ni de'i tshe shin tu 'jigs pa chen po 'byung bar bstan to/ /sha za ba'i bya'i mchu'i rtse mo las gang du sha lhung ba der ni glo bur dang / rgyal po las gyur ba'i 'jigs pa chen po 'ong bar bstan to/ /gang du ri dgas kha nyi ma la gyen du bltas te / mi dga' zhing mthong bar byed na yul gyi skye bo bsgrungs su zin kyang sems can gzhan dag gis 'jigs par gyur ba der ni rgyal po la brnyas par mthong bar 'gyur ro/gang du lba nyin par nyi ma la kha lta zhing yang dang yang skad drag po 'byin pa dang / mtshan mo gza' rnams la lta bar byed cing brgyal ba'i tshe ni nges par rgyal po 'chi bar 'gyur ro//bya rgod dang / bya lhas dang / chu nas skyes pa'i bya dang / khwa dang / thi ba dang / zas su sha za ba gzhan dag rgyal mtshan gyi rtse mo dag dang / khang steng du 'dug pa ni de'i tshe zad par 'gyur bar mngon par shes pa dag gis rab tu brjod do/ /gal te nyi ma phyed pa'i tshe glang po che dang / ba lang gi gnas dang / rta'i bres su 'ug pa snang la phyugs dag kyang bzhon par 'gyur ba ni nges par rgyal po 'jigs pa 'byung bar bstan to/ /yang gang gi tshe glang po che'i lag pa'i rtse mos khrag skyug par byed pa dang / glang po che mchog dag mche ba chag pa dang / rta rnams kha dal bar gyur ba'i rgyal po la/ / 'jigs pa 'byung ba'i rgyur bstan to/ gang du pad+ma'i 'dab ma bting ba dag tu bya rog rnams rtse bar byed cing / thang la yang bya ka raN+Da ba dang / dad pa'i tshogs dag rtse bar byed na khyim mam grong khyer de 'jig par 'gyur ro/ /srog chags tshig tu smra ba med pa rnams kyi ltas kyi le'u ste brgyad ba'o// //char ltas la sprin gyi gzugs ri'i rnam pa lta bu dag dang / phag dang chu srin lta bu dag dang / sbal ba dang glang po che'i gzugs lta bu dag dang / ril ba dang bum pa lta bu dag dang / seng gi dang / stag dang / glang po che bzhin du lha'i sprin dag gis khebs pa'i nyi ma'i mod la char ba 'bab par brjod par bya'o//ldong ros kyi mdog lta bu dang / de bzhin du mtshal lta bu dang / ne tso ltar snang ba'i mdog dang / nye ba'i sprin dag gis char ba 'bebs par yang dag par bstan par bya'o/ /pad+ma'i 'dab ma lta bu dang / de bzhin du rdo spungs pa lta bu'i sprin gyis nyi ma dang zla ba'i gzugs khebs par gyur pa de ni de'i tshe phyogs su 'od chen po 'byung bar 'gyur ba'i char pa 'bab par bstan par bya'o//gang gi tshe nam mkha' la yan lag thams cad sprin gyis thibs por khebs nas gdugs lta bu'i glog 'byung bar byed/ 'brug sgra ring ru 'dod dga' 'byung ba de'i tshe nes chus shin tu gang bar 'gyur ro//yang gang gi tshe sprin i sha ni'i phyogs dang / shar dang / byang gi phyogs nas byung ste/ ring zhing brtan pa'i sgras 'brug zer ba de'i tshe yang gcig pa chu dang ldan par 'gyur ro/ /yang zla ba yar gyi dang mar gyi ngo yang rung ste/ gza' thams cad 'byung zhing 'du ba'i sprin de dag ni char ba bab par byed do/'di ni sngon gyi lung shes pa dag gis bstan pa yin no/ /gang gi tshe dgun zla 'bring por gyur pa ni sprin 'dus par snang zhing / rlung snun pa'i sprin ru ma nas 'byung ba dag ldang ba de'i tshe ni zla ba drug par gyur nas dbang pos char ba 'bebs par 'gyur ro/ /dgun zla tha chungs la sprin brtsegs pa'i sprin rum 'dus pa glog dang bcas pa ni dbyar zla 'bring por yang dag par gyur nas chu mang du rnam par gtong bar 'gyur ro//dpyid zla ra ba la sprin rum du gyur pas ni dbyar zla tha chungs la char ba 'bab par bstan par bya'o/ /gang gi tshe dgun zla tha chungs dang dpyid zla 'bring po rnams la sprin rnams 'dzings bar byed pa ni de'i tshe zla ba drug gi phyed de'i tshe char pa mi 'bab par brjod par bya'o/gang gi tshe dgun zla tha chungs dang / dpyid zla 'bring po rnams la sprin rlung rum can dag chu gtong bar mi byed pa ni dbyar ka char pa de 'bebs par 'gyur ro/ /gang gi tshe byang phyogs dang / byang shar dang /de bzhin du shar dang / nub dag nas glog 'byung ba ni char pa 'bab par ston pa'o/ /yang phyogs thams cad nas glog kun du 'byung bar gyur pa de'i tshe ni nam mkha' khebs pa'i char pa 'bab par ston pa yin no/ /gang gi tshe glog gi 'od dmar zhing mtha' sngo bar de'i tshe na me'i phyogs nas char pa chung zad 'bab par 'gyur ro//gang gi tshe nub phyogs kyi char sprin gyi dbus 'ja' snum pa nor bu baiDU r+ya'i 'od lta bu byung bar gyur cing glog 'gyu ba'i yal ga dang / rang gi phyogs nas rlung gis bskyod par 'gyur ba de'i tshe ni zhag bdun bdun du char pa 'bab par rig par bya'o/ /gang gi tshe shar ram byang nas kha ba 'bab cing rlung 'byung la phyogs dud ka dang /sngo sangs su byed pa de'i tshe ni chu cher 'bab par 'gyur ro/ /gang gi tshe nyi ma shar ba'am/ dus tshigs kyi chags pa 'byung bar char ba'i thigs pa 'bab pa de'i tshe nges par char mo che 'bab par 'gyur ro/ /gal te yang nyi ma shar ba'i tshe sbal pas skad ran cing snyan pa 'byur ba de'i tshe char mo che 'bab par 'gyur ro//mi gzhan zhig lag la gdugs thogs nas char pa'i mtshan ma dris sam khyim 'gengs bzhin du dris na de'i tshe rtag tu char pa 'bab par 'gyur ro/ /gos gsher pas kyang dris na char pa'i rgyu yin te/ de la mod kho nar char du 'bab par 'gyur ba the tshom med do//chu'i phyogs su 'dug nas dris kyang rung ste/ char pa 'bab par blta bar bya'o/ /byi la dang / sre mong dang / sbrul rnams dang / gang yang gzhan dag tu gan du gnas pa dag te drod mi mthun par rgyug par byed na mdo la char 'bab par ston pa yin no//byis pa lus 'jim pas byugs pa dang / mgo me tog phreng bas dkris pa gang na 'dug pa dar ni/ 'phral du char pa mngon par 'bab par byed do/ /lus rdul byis byugs pa'i byis pa dag rdul gyis rtse bar byed pa dang / yur ba 'gengs par byed na phral du char pa 'bab pa'i rgyu yin te/ char pa 'bab pa'i mtshan nyid la mkhas pa rnams kyis de ni 'phral du char 'bab par bshad pa yin no//gang gi tshe sprin kyang med/ kha ba yang med par rlung shin tu bsil ba dag 'byung zhing / lus can grang bar byed pa ni der 'phral du nges par char pa 'bab par byed pa'o/ /chu nas skyes pa'i bya shing gi yal ga la zhon pa dag nyi mas 'dab ma skems par byed pa ni shin tu char pa 'bab par yang ston pa yin no//gang gi tshe shing la gnas pa'i bya 'dab ma skems par byed pa de ni char pa 'bab par byed pa'i rgyu yin par bstan bcos mkhas pa rnams kyi bstan bcos las brjod pa yin no//grong gi byi'u khrus byed cing 'dab ma sbrug par byed pa gang yin pa de ni char pa 'bab pa'i yang dag pa'i shes pa rnams kyi char pa'i rgyu yin par brjod pa yin no/ /char ltas kyi le'u ste dgu pa'o// //dus tshigs kyi 'od chags pa'i ltas la bram ze rig pa can gyis dus tshigs kyi 'od chags pa bsgrims te brtags nas dus bstan par bya ste/gang gi tshe nang nub tu dus tshigs mdog snum zhing / ldong ros lta bu'i 'od dam pa bla'i 'od lta bur mthong na zhag gsum gyi bar du char pa 'bab par ltas shes pa dag gis brjod pa yin no/ /dus tshigs kyi kha dog dung dang / gur gum dang / ba lang gi gcin lta bu'i 'od 'byung ba de dag ni 'phral du char pa 'bab pa'i rgyu yin no/ /dbyar ka dus tshigs gnyis kar yang kha dog snum pa dang / gur gum lta bu dang / gnag pa dang / rang bzhin gyis mtshal gyi 'od lta bu 'byung ba dang / kha dog khrag gi rgyun dang mtshungs pa'i 'od dang / de bzhin du rgya skyegs kyi khu ba lta bu dang /de bzhin du zangs ltar dmar bdag gis dus tshigs 'jigs par byed par 'gyur ro/ dus tshigs kha dog rtsub pa dag tu dmag dang mtshon gyis 'debs pa dang / khrag gi chag chag btab pa'i sa rnams 'byung ba ni shin tu 'jigs par 'gyur ro/ /dus tshigs kyi chags pa shin tu dmar ba ni nyin gsum du char pa 'bab par bstan to//yang na mtshon gyis 'debs pa mtshon gyis 'tsho ba'i skye po zad par yang 'gyur ro/ /gang du dus tshigs gnyi gar phyogs su rdo yi char pa 'bab pa der ni mkhris pa'i nad la sogs pas lus can 'chi bar 'gyur ro/ / gal te dus tshigs kyi chags pa yang dang yang du byis pa dag dmag 'gyed pa na rnam par skrag par 'gyur zhing rab tu rgyug par byed pa der ni yul 'khor 'jig par 'gyur ro/ /dus tshigs kyi rang bzhin dang ldan pa'i nyi zla gnyis dang lhan cig tu 'byung zhing / kha dog gi 'od dmar ba dang / rtsub pa ma yin pa ni lo legs pa dang bde ba'i rgyu yin no//dus tshigs gnyi gar 'od shin tu gnag cing mun pa dang 'dra bas gang na de'i dmag dpon rnams 'khrug pa dang / gsod par yang bstan par bya'o/ /gang dus tshigs kyi rang bzhin grang ba dang / dro ba dang / 'jam pa dang / rtsub pa rnams phyin ci log tu gyur pa der ni nad dang /'chi ba dang / rgyal po la 'jigs pa 'byung ba'am/ yang na nges par bdag po 'chi bar bstan pa yin no/ /de'i nye 'khor du chom rkun dang / sbrul dang / srin po rnams kyi dbang yang 'gyur ro/ /dus tshigs kyi 'od chags pa'i le'u ste bcu pa'o// //dri za'i grong khyer gyi ltas la/ gal te shar phyogs su dri za'i grong khyer byung bar nub phyogs na 'dug pa'i rgyal po la mchog tu 'jig pa 'byung bar bstan pa yin no/ /gang gi tshe nub phyogs su za'i grong khyer snang bar gyur na/ de'i tshe na shar phyogs na gnas pa rnams la 'jigs pa chen po 'byung bar brjod par bya'o/gang gi tshe byang phyogs su dri za'i grong khyer snang bar gyur na de'i tshe ni lho phyogs na gnas pa'i rgyal po rnams la 'jigs pa 'byung ngo / /gang gi tshe lho phyogs ku dri za'i grong khyer snang bar gyur na de'i tshe ni byang phyogs na gnas pa rnams la 'jigs pa 'byung bar brjod pa yin no//dri za'i grong khyer chags pa'i le'u ste bcu gcig ba'o// //gal te gang du 'jig rten pa'i lha'i gzugs gar byed pa dang / rab tu g.yo bar gyur ba dang / smra bar gyur pa dang / mig mchi mas gang ba dang / rtul bar gyur pa dang / gas par gyur pa dang / dum bur gyur pa dang /thams cad zhig pa la sogs pas ni 'jigs rnam pa du ma 'byung bar rig par bya'o/ /de la yang gar gyis ni dmags mang po 'byung ngo / /rab tu g.yo bas zla ba bzhin dmag byung ba dang / zla ba drug gis rgyal po kun du zad par 'gyur ba dang / ring po mi thogs par yul 'jig par 'gyur ro//gom pa 'dor bas ni yul bor te 'dong bar 'gyur ro/ /glu len pas ni yul 'jigs par 'gyur ro/ /dum bu las ltung na lus can rnams 'chi bar 'gyur ro/ /rlung la sogs pas phul ba dang / ltos pa med par lha'i gzugs kyi mgo dag las me tog gi phreng ba lag par gzhag pa lhung bar gyur ba ni rgyal po dang yul 'khor dang bcas te 'chi bar 'gyur ro//yang gang du rgyal po rtag tu phan tshun 'khyam par byed pa dang / 'jigs pa med par yang 'jigs pas skrag pa dang / /rdeg 'chos pa dang / rab tu gyur pa dang / yid mi dga' zhing du bar gyur pa dang /gzugs la mi snang bar srog chags rnam pa tha dad pa dag gis sgra shin tu sdug bsngal bar 'gyur pa dag thos par gyur pa de'i tshe ni rang gi yul 'khor dang yul du bcas te rgyal po 'chi bar 'gyur la/ yul 'khor de'i skye bo yang mu ge dang gnon pa dag gis gzir ba dang / bu smad dang yang bral bar gyur ba ston pa yin no//gang du bstan pa med par byis pa glu dang spel te/ tshig gis glu len par byed cing / mi mthun pa'i don brjod pa der ni rgyal po'i 'chi bar rjod par byed do/ /lha rten dang gzugs 'gyur ba'i ltas kyi le'u ste bcu gnyis pa'o// //lam du 'jug pa'i ltas la gang gi tshe rgyal po dang /blon po dang / brab ze dag lam du 'jug cing 'gags pa na gnam grum pa dang bcas pa'i skar mda' 'byung ba dang ser pa 'bab pa ni de dag mi mthun par brjod pa yin te/ de dag dgos pa yang dag par mi 'grub pa tsam du ma zad kyi lus 'jig par 'gyur ro/ /gang gi dus su nyi ma 'char ba'i tshes phyogs gang dag tu 'gro ba bya rog dang /ngang ba dang / bya ka ra N+Da ba dang / krung krung dag snang ba der ni dge bar blta'o/ /sprin dang / 'ja' dang / de bzhin du glog 'gyu ba dang / chu sbyin par byed pa'i 'brug mi gsal ba 'byin pa dag ni 'jigs pa bden par rig par byed pa yin no//lam du 'jug pa'i ltas kyi le'u ste bcu gsum pa'o// //gang du ltas sna tshogs bstan pa de dag gi 'bras bu 'byung ba'i dus kyi tshad bstan pa gza' skar dag la mig dmar gyi ltas 'byung ba ni zhag bdun nas 'bras bu 'byung ngo / /de bzhin du gza' lag ni zhag bcu tshun chad kyis so/ /phur bu ni lo gcig gis rnam par smin par 'gyur ro//pa ba sangs ni zla ba drug tshun chad kyis smin par 'gyur bar bstan par bya'o/ /gnam grum pa dang / sa g.yo ba ni zla ba brgyad du brjod do/ /grong khyer dang / mchod rten dang / shing dang 'brel ba ni zla ba gcig nas smin par 'gyur ro/ /rdo gseg ma'i char 'bab pa dang /de bzhin du sprin sgra 'byung ba dang / gza' rnams 'khyams pa ni zhag gsum tshun chad kyis smin par 'gyur ro/ /nyi zla'i yang 'phral du 'bras bur 'gyur bar bsten par bya'o/ /'ja' zug pa ni zla ba bcu gnyis su brtag go/ /ser ba 'bab pa las ni zla ba phyed dang gnyis gyis 'bras bur 'gyur ro//me med par me 'bar ba lta bur snang ba ni 'bras bu 'phral du 'byung bar mkhas pa dag gis bshad do/ /de bzhin du 'byig 'gyur ba dang / mngal dag phyin ci log pa dang / dus ma yin par lo tog 'bras bu chags pa thams cad kyi yang zla ba drug par brjod do/ /sprin med pa'i sgra dag zer ba ni zla ba gcig gis so//'ja'i ltas lta bu ni zhag gsum tshun chad kyis 'byung ngo / /zla ba'i dkyil 'khor sngon por gyur pa ni zhag bdun tshun chad kyis 'bras bu 'byung ngo / grong dang / grong khyer dang / de bzhin du glang po che dang / rta dang / ba lang dang / glang po che la sogs pa'i ltas 'byung ba ni 'bras bu 'phral du 'byung /de bzhin du sngon ma byung ba las glo bur du 'byung ba rnams dang / 'jigs su rung ba'i sgra byung ba rnams kyi yang 'bras bu 'phral du 'byung bar brjod do/ /gdugs dang / rgyal mtshan 'gyel ba dang / gzhi dang / rta babs dang / khang ba rdib pa dang / mjug rings 'char ba ni zla ba gcig gis 'bras bu 'byung ngo //mi rgod pa dang / skyin gor dang / sbrang rtsi'i sbrang bu rnams ni zhag bcu tshun chad kyis so/ /stag dang / byil dang / lba dang / bya rnams dang / bar snang las sgra byung ba rnams kyis ni 'bras bu 'phral du 'byung ngo / /yang bya dang / grog spur dang /phye ma leb rnams kyis ni zhag bcu tshun chad kyis so/ /yang byi ba dang / sbrul dang / de bzhin du sbrang bu mang po'i ltas bstan pa las ni zla ba gcig tu shes par bya'o/ /ri dgas kyi rigs rnams dang / bya dag gi skad byung ba ni zla ba gsum gyis 'bras bu 'byin to/ dus tshigs kyi mtshan ma rnams ni zhag bdun tshun chad kyis so//dri za'i grong khyer chags pa ni zla ba gsum gyis 'bras bu 'byung bar bshad do/ /las sna tshogs bstan pa'i 'bras bu 'byung ba'i dus bstan pa'i le'u ste bcu bzhi pa'o// //gnod pa'i ltas ngan rnams kyi rgyu bstan pa dang /de dag ngo lon gyi cho ga bstan pa/ yong gi srid pa ma yin pa phyin ci log tu snang ba gang yin pa de dag ni phal cher mi dga' ba'i 'bras bu'i dbus su 'byin par rig par bya'o/ /de ci'i phyir zhe na/ de dag gi rgyu ni 'di ltar nyes par spyod pa mang po la sogs shing bsags pa las byung ba'i phyir te/ de dag yang kha cig las ngan pa'i dbang gis yul log par snang bar grub pa yang yod/ kha cig mi ma yin pa dag gis sbran pa'i phyir ched du bstan pa dag yod pas na gang dag mi ston pa ltar snang ba de dag kyang 'dir thub pa lha'i mig can de dag gis bstan pa bzhin nges can du gzung bar bya'o/ /gang dag kha cig tu dngos po mi srid pa lta bu zhig tu brgyal snang na/der yon tan zhig na dge zhing bzang ba dang / phyin ci log cig na'ang mi dge ba'i don du rig par bya'o/ /de ltar mi dge bar gyur ba'i mtshan ma de dag ni gnyen po so sor brten pa dag gis zlog par 'gyur srid de/ de dag kyang gang zhe na/ bsod nams la rab tu gnas ba'i sems dang ldan pa rnams dang /rnam par dag pa la rten pa dag dang / sbyin sreg dang / bzlas brjod la brtson par bya ba dang / ser sna bcom pa dang / lha dang bram ze dag la mchod pa dang / zhi ba dang rgyas pa'i bzlas brjod dang / sbyin sreg gi cho ga bya ba dang / bsam pa dri ma med pas nor rab tu sbyin pa dag gi mtshan ma ngan pa dag gis mi chugs shing rnam par 'jig par byed do//gal te gnyen po byed pa'i stobs dag gis kun du zlog par gyur na yang rgyal po 'chi ba las rab tu bcad de tshe nur/ grong dang / grong khyer dang / yul 'khor de dag rgyug cing rnam par 'jig pa yang yun ring du gnas pa tsam du 'gyur bar bstan to//thub pa'i tshogs mchog gar ga la/ /b+ha ra d+ha dza gau ta mas/ /lha yul bar snang sa bla dang / /gza' skar srog chags rnams kyi ltas/ /sa bdag mi yi rgyal po dang / /grong dang yul 'khor gnas pa la/ /gnod par gyur ba'i ltas 'byung la//cho ga gang dang gang dag gis/ /zhu bar 'gyur ba zhus ba las/ /thub pa gar gas lung bstan pa/ /phan par 'gyur ba'i cho ga gad/ /gau ta mas nyan par gyis/ /dang por sbyin pa gtang bya ste/ /lha dang bram ze mngon mchod na/ /sbyin sreg bzlas brjod mchod sbyin gyis/ / gtong ba'i ngo lon bya bar bstan/ /de la thog mar ba lang dang / /dbyig dang gos la sogs pa dag /bram ze rnams la sbyin byin nas/ /so sor khyim du rgyal po la/ /gtso bo dag la ci rigs par/ /dbang sgyur ba ni legs par bya/ /mdun na 'don zhing mnyam gzhag pa/ /zhag bdun smyung ba byas gyur pas//lha la gtor ma rab phul te/ /u dum bA ra'i yam shing sreg /shing mar btags pa brgya rtsa brgyad nang par zhing bsngags rig pas sbyin sreg bya'o/ /yang na bram ze gtsang ma zas su mar za zhing bza' ba dang bca' ba spangs te/ zhag gsum smyur ba byas pa'i sngags mkhan gyis rig sngags tra ta ra ma zhes bya ba 'dis a pa ma rga'i yam shing bsreg shing mar la btags pa brgya rtsa brgyad sbyin sreg bya'o//yang rgyal po'i pha brang ngam/ grong khyer ram/ yul gyi phyir rgyal po'i mdun na 'don gyi lha la zhag bdun du gtor ma phul la/ mar bre do'am/ yang na breg dmar la btags pa'i nas bre'u chung gnyis kho nas sbyin sreg bya'o//de ltar sbyin sreg gi cho ga zin nas bram ze rnams brgya'am/ de las lhag pa dag la'o thug blud pa'am/ yang na zhag bdun du chos ston bya'o/ /de'i 'og tu bram ze dag la yon sbyin pa ni gser dang / dngul dang / rta dang / glang dang / gos rnam pa sna tshogs dag sbyin par bya'o//yang na bram ze rnams la glang gcig dang bcu sbyin pa ste/ cho ga 'di ltar byas na ltas las 'byung ba'i gnod pa thams cad zhi zhing bzlog par 'gyur ro/ /ltas las gnod par 'gyur ba'i ngo lon gyi cho ga bstan pa'i le'u ste bco lnga pa'o// //thub pa chen po drang srong skar ma'i ltas kyi gtsug lag rma bya'i ltas sna tshogs bstan pa zhes bya ba'i ltas ji snyed pa rdzogs so///A r+ya byA ka ra Na'i nang nas 'byung ba gza' dang rgyu skar gyi rang bzhin bshad pa rgyu skar nyi shu rtsa brgyad ni 'di lta ste/ smin drug dang / snar ma dang / mgo dang / lag dang / nab so dang / rgyal dang /skag dang / mchu dang / gre dang / dbo dang / me bzhi dang / nag pa dang / sa ri dang / sa ga dang / lha mtshams dang / snron dang / snubs dang / chu stod dang / chu sman dang / byi bzhin dang / gro bzhin dang / mon gre dang / mon gru dang / khrums stod dang / khrums smad dang /nam gru dang / tha skar dang / bra nye dang / 'di rnams ni rgyu skar nyi shu brgyad dang do/ /de las rgyu skar ni du/ dbyibs ni ji snyed yod / yud tsam dang ldan pa ji snyed/ zas ni ci/ rus ni ci/ lha rnams ni gang / kyi bram ze pad+ma'i snying po can smin drug ni skar ma drug ste/ dbyibs ni spu gri lta bu'o/ yud tsam sum cu dang ldan pa'i cha drug dang bcas pa'o/ /zas ni zho'o/ /lha ni me lha'o/ /rus ni rje'u rigs kyi rgyud do/ /rgyu skar snar ma ni skar ma lnga ste/ dbyibs ni shing rta lta bu'o/ /yud tsam ni bzhi bcu rtsa lnga dang ldan pa'i cha bdun dang bcas pa'o/ /kha zas ni zho dang sbrang rtsir sbyar ba'o/ /lha ni skye dgu'i bdag ba'o//rus ni go ta ma'o/ /rgyu skar ni skar ma gsum ste/ dbyibs ni ri dgas kyi mgo lta bu'o/ /yud tsam ni sum bu dang ldan pa'i cha dang bcas pa'o/ /zas ni ri dgas kyi sha'o/ /lha ni zla ba'o/ /rus ni b+ha ra d+h+wa dza'o/ /rgyu skar lag ni skar ma gcig ste/ dbyibs ni sog le lta bu'o/ /yud tsam bco lnga dang ldan ba'i cha bdun dang bcas pa'o//kha zas ni khrag go/ /lha ni drag shul can no/ /rus ni dmar po'i rgyud do/ /rgyu skar nab so ni skar ma gnyis te/ dbyibs ni khang pa'i gdung lta bu'o/ /yud tsam bzhi bcu rtsa lnga dang ldan pa'i cha bdun dang bcas pa'o/ /kha zas ni mar dang khur ba'o/ /lha ni nyi ma'o//rus ni dbang byes do/ /rgyu skar rgyal ni skar ma gsum ste/ dbyibs ni ril ba lta bu'o/ /yud tsam sum cu dang ldan no/ /kha zas ni sbrang dang spos so/ /lha ni phur bu'o/ /rus ni rtsa shun gyon pa'i rgyud do/ /rgyu skar skag ni skar ma drug ste/ dbyibs ni sbrul mgo'i gdengs ka lta bu'o/ /yud tsam bco lnga dang ldan pa'i cha bdun dang bcas ba'o//kha zas ni sbrul gyi sha'o/ /lha yang sprul lo/ /rus ni dma' ba'i rgyud do/ /pad+ma'i sting po can rgyu skar 'di bdun ni shar sgor gtogs so/ /rgyu skar mchu ni skar ma drug ste/ dbyibs ni chu po lta bu'o/ /yud tsam sum cu dang 'brel ba'i mtshan yin no/zas ni til dang sbyar ba'i thug pa'o/ /lha ni spen pa'o/ /rus ni ser skya'i rgyud do/ /rgyu skar gre ni skar ma gnyis te/ dbyibs ni rtsig pa'o/ /yud tsam ni sum cu dang ldan pa'i cha bdun dang bcas pa'o/ /kha zas ni zhag drug cus smin pa'i 'bras sam til gyi tshigs ma za'o/ /lha ni khyab mjug go//rus ni gzhon rtsi mo'i khyim thab kyi rgyud do/ /rgyu skar dbo ni skar ma gnyis te/ dbyibs ni khri lta bu'o/ /yud tsam bzhi bcu dang ldan pa'i cha bdun dang bcas pa'o/ kha zas ni khre'o/ /lha ni nyi ma dang gshin rje'o/ /rus ni e ti'i rgyud do/ /rgyu skar me bzhi ni skar ma lnga ste/ dbyibs ni lag pa lta bu'o//lha ni ra skyes la zhon pa'o/ /yud tsam sum cu dang ldan pa'i cha bdun dang bcas pa'o/ /zas ni bya sna tshogs dang sre da'o/ /ras ni 'od srungs kyi rgyud do/ /rgyu skar nag pa ni skar ma gcig ste/ dbyibs ni pad+ma'i snying po 'dra'o/ /lha ni nyi ma'o/ /yud tsam ni sum cu dang ldan pa'i cha dang bcas pa'o//kha zas ni shing tog sna tshogs za'o/ /rus ni sA la'i shing drung ba'i rgyud do/ /rgyu skar sa ri ni skar ma gcig ste/ dbyibs ni nor bu rin po che lta bu'o/ /yud tsam bco lnga dang ldan pa'i cha bdun dang bcas pa'o/ /kha zas ni phye dang til thug sbyar ba dang / ba la sran sde'u btags pa za'o//lha ni rlung lha'o/ /rus ni yid chen gyi rgyud do/ /rgyu skar sa ga ni skar ma bzhi ste/ dbyibs ni ra'i rten mgo lta bu'o/ /yud tsam bzhi bcu lnga dang ldan pa'i cha bdun dang bcas pa'o/ /kha zas ni til dang / rgya sran smug po za'o/ /lha ni dbang po dang me lha'o/ /rus ni mtshan mo zhes bya ba'i rgyud do//kye pad+ma'i snying po can rgyu skar bdun po 'di dag ni lho phyogs kyi sgor gtogs so/ /rgyu skar lha mtshams ni skar ma bzhi ste/ dbyibs ni glang po che'i mgo dang sna lta bu'o/ /yud tsam ni sum cu dang ldan pa'i cha dang bcas pa'o/ /zas ni chang dang / sran chung dang / sbrang rtsi'o/ /lha ni nyi ma'o//rus ni spen pa dang rgyud 'gro'o/ /rgyu skar snron ni skar ma gsum mo/ /dbyibs ni them skas lta bu'o/ /yus tsam bco lnga dang ldan pa'i cha dang bcas pa'o/ /kha zas ni 'bras sA lu dang / /mar dang / 'bras thug go/ /lha ni dbang po'o/ /rus ni legs byed kyi rgyud do/ /rgyu skar snubs ni skar ma dgu ste/dbyibs ni skar ma gsum dang ldan pa'i ri dgas kyi rgyal po rmad du byung ba'i ral pa lta bu'o/ /yud tsam ni sum cu dang ldan pa'i cha bdun dang bcas pa'o/ /kha zas ni 'o ma dang / nags kyi rtsa ba dang / sdong bu dang / 'bras za'o/ /lha ni sdong bu can no/ /rus ni ka ta ya na'i rgyud do//rgyu skar chu stod ni skar ma bzhi ste/ dbyibs ni mchod rten lta bu'o/ /yud tsam sum cu dang ldan pa'i cha bdun dang bcas pa can gyi rgyud do/ /kha zas ni n+ya gro d+ha za'o/ /lha ni chu lha'o/ /rus ni ka t+ya zhes bya ba'i rgyud do/ /rgyu skar chu smad ni skar ma bzhi ste/ dbyibs ni gom pa g.yon pa lta bu'o/ /yud tsam ni bzhi bcu rtsa lnga dang ldan pa'i chu bdun dang bcas pa'o//kha zas ni sbrang dang spos so/ /lha ni thams cad ces bya'o/ /rus ni stag dgu zhes bya ba'i rgyud do/ /rgyu skar byi bzhin ni skar ma gsum ste/ dbyibs ni glang mgo lta bu'o/ /yud tsam ni drug dang ldan pa las yud tsam cig la thog mar las byed do/ / kha zas ni rlung za'o/ /lha ni tshangs pa'o/ /rus ni gso ma can gyi rgyud do/ /rgyu skar gro bzhin ni skar ma gsum ste/ dbyibs ni rnga lta bu'o/ /yud tsam ni sum cu dang ldan pa'i cha bdun dang bcas pa'o/ kha zas ni mar sar bsrubs ma thag pa dang bya sha za'o/ /lha ni khyab 'jug go/ /rus ni mo+od gal gyi bu'i rgyud do//kye pad+ma'i snying po can rgyu skar bdun po 'di dag ni nub skor gtogs so/ /rgyu skar mon gre ni skar ma bzhi ste/ dbyibs ni bya lta bu'o/ /yud tsam ni sum cu dang ldan pa'i cha bdun bcas pa'o/ /kha zas ni byi la'i sha la reg par byed pa dang / rgya sran smug po za'o/ /lha ni nor lha'o/ /rus ni gnas bzhes bya ba'i rgyud do//rgyu skar mon gru ni skar ma brgya ste/ dbyibs ni skar ma gcig dang 'brel pas me tog gi phung po 'dra'o/ /yus tsam ni sum cu dang ldan pa'i cha bdun dang bcas pa'o/ /kha zas ni ra sha za'o/ /lha ni chu lha'o/ /rus ni skar ma'i bu'i rgyud do/ /rgyu skar khrums stod ni skar ma gnyis te/dbyibs ni shing rta 'dra'o/ /yud tsam ni sum cu dang ldan pa'i cha bdun dang bcas pa'o/ /kha zas ni lug gi sha dang khrag go/ /lha ni 'bab zhig 'tsho zhes bya'o/ /rus ni skye bo'i las kyi rgyud do/ /rgyu skar khrums smad ni skar ma gnyis te/ dbyibs ni shing rta 'dra'o/ /yud tsam bzhi bcu rtsa lnga dang ldan pa'i cha bdun dang bcas pa'o//kha zas ni ba la sran no/ /lha ni sbrul dang gza'o/ /rus ni nor rgyal gyi rgyud do/ /rgyu skar nam gru ni skar ma sum cu rtsa gnyis te/ dbyibs ni skar ma gcig dang ldan pas gru lta bu'o/ /yud tsam ni sum cu dang ldan pa'i cha bdun dang bcas pa'o/ /de'i zas ni phye dang sha'o//lha ni nyi ma'o/ rus ni bskyes pa'i bu zhes bya ba'i rgyud do/ /rgyu skar tha skar ni skar ma gsum ste/ dbyibs ni rta mgo'i mgul pa lta bu'o/ /yud tsam ni sum cu dang ldan pa'i cha bdun dang bcas pa'o/ /kha zas ni sbrang rtsi dang sha za'o/ /lha ni dri za'o/ /rus ni rta 'jig gi rgyud do/ /rgyu skar bra nye ni skar ma gsum ste/dbyibs ni mo mtshan lta bu'o/ /yud tsam ni sum cu dang ldan no/ /kha zas ni til dang 'bras so/ /lha ni gshin rje'o/ /rus ni brga'i rgyud do/ /pad+ma'i snying po can rgyu skar bdun po 'di rnams byang gi sgor gtogs so/ /le'u bcu drug go// //nam mkha' las 'byung ba brtag pa'i le'u las 'byung ba gshen rje dang /chu lha dang / dbang po dang / lus ngan las dbyug pa lta bu shar shar ro mtshan mo 'am nam phyed kyi dus na yud tsam mam/ yud tsam gsum gyi bar du nam mkha' las phal cher rab tu snang ba yal ga mang po rgyal chen drang po shin tu ring ba rab tu 'phros pa byung na zla ba gcig gis de'i yul 'khor du 'thab pa dang /lo la/ mi'i dbang po dang / char pa la gnon par byed do/ /le'u ste bcu bdun pa'o// //ljang sngon dang / rtsub po dang / bar chad pa dang / ljang ser dang / 'od 'tsher pa dang / dung pa lta bu dang / sbrul 'dra ba dang / dbyug pa 'dra ba brgyad snang na char mi 'bab pa dang /lo zas dang / bkres pa dang / srog chags la sogs pa la 'jigs par 'gyur ro/ /shing ta la phyed tsam snang ba'am/ /shing ta la gnyis sam/ gsum mam bzhi'am/ /lnga tsam gyi dbyibs ltar snang na 'phral du smon no/ /yang na zla ba bcu gnyis sam/ zla ba brgyad brgyad ni lo nyes dang / mi'i dbang po'am/ chu skam pa dang / 'chi ba dang / 'thab mo'i g.yul dang / nor stor pa'i rnam par smin pa 'byung bar 'gyur ro/ /de yang mod la char bab na gnod par mi 'gyur ro/ /'bras bu rnam par smin pa bstan pa ji ltar bshad pa bzhin du shar phyogs sam/ / nub phyogs su dbyug pa lta bur snang na rgyal po gzhan dang / bram ze 'chi bar byed do/ /byang phyogs dang / lho phyogs nas dbyug pa lta bur snang na de'i 'khor gyi mi la gnod pa dang / me'i 'jigs par 'gyur ro/ /shing rings ltar thad kar byung ba'am/ chu rlung sa mang po ltar snang ba'am/ / mig mang sa ris lta bu'i dbyug par 'dug nas rkun po'i dpung skye ba dang / yul 'khor ngan zhing mi rigs pa 'byung ngo / /rtsub po dang / dum bu dang / 'jam po ma yin pa dang / /glog dang skar mda' dang / gnam lcags dang skar ma mjug rings dang / mes 'gag pa ltar snang ba la thog gam/ /skar mda' 'bres na mi'i dbang po dang /yul khor du 'jig par byed de/ legs par gyur pa'i tshes grangs dang / byed pa'i yud tsam la 'byung ba'i dbyug pa ltar snang ba ni gnod par mi byed de/ rgyal po'i srid che ba dang char 'bab pa dang / yul la phan par 'gyur ro/ /shar phyogs dang / byang phyogs na dbyug pa ltar snang ba de'i phyogs nas dbyug pa la gnod do//phyogs mtshams nas dbyug pa ltar snang na bud med dang / ba lang sbrum ma rnams 'jig go/ /kyog kyog dang / mi mnyam pa la sogs pa rgyal mtshan dkar po ltar gyen du byung na rgyal po dang / yul 'khor 'jig pa nga / skran nad dang / 'chi bar byed do//nyin mtshan kun du dbyug pa rtse mo gyed pa ltar snang na yul gyi rgyal po 'chi bar 'gyur ro/ /dbyug pa lta bu'i rtse mo can du snang na yul thams cad kyi rgyal po 'chi ba dang / de'i yul 'jig par 'gyur ro/ /gal te nyin mtshan rgyun mi 'chad par rtag tu dbyug pa lta bu snang na yul 'khor de 'jig pa dang /de'i yul phyogs su nad dang / me dang / char pa 'bab po/ /le'u bco brgyad pa'o// //skar mda'i mtshan ma bshad pa'i le'u la skar mda' 'ja' 'dra ba dang / gdugs dang / shing gi yal ga 'dra ba dang / rtsa grung po dang / dbyig pa 'dra ba dang / dkyil 'khor 'dra ba dang /'khor lo lta bu'i skar mda' snang na/ bram ze dang / rgyal rigs gtso bo dam pa dang / rgyal po'i btsun po dang / nang mi dang / yul 'khor gyi mi dang / mi'i dbang po dang / bla mar bya ba dang / blon po 'chi bar 'gyur ro/ /nam mkha' la skar ma snang ba las gyur na char mi 'bab po/ /skar mda' dus gnyis su byung ngam/skar mda' phar phyir log na gnam gar song gnas der gnod par gyur ro/ /skar mda' dkar la dbyibs legs par snang ba ni bsngags par bya ba yin no/ /chu'i nang gi srog chags gya gyur 'gro ba dang / mtshon sha kati dang / skar ma de'u dang / rta lta bu dang / byi la lta bu dang / sgra dang bcas pa phal cher snang na nyes pa mang po 'byung ngo / skar mda' 'bar ba bzhin du song ba las phyir log pa dang / skar mda' gzhan gyis phog ste zhig na yul de'i rgyal po la gnod pa'i dgra bskyed de/ nang par ram/ nub mo 'am/ de'i tshem tshems su skar mda' rtsub mo yon po snang na rab tu bsngags pa ma yin no//skar mda' gnam gyi dbus su song la sprin gyi chu 'thung ba ltar zhugs shing / skar mda'i sgra med na/ skar mda'i dbus kyi tshams yod par snang ba/ 'jam zhing drang la shin tu yangs shing dkar ba/ logs g.yas g.yon du yang nam mkha' la rnam par rgyu ba snang na skar mda' de dag dge ba ste/ / 'bras bu dam pa rab tu sbyin par byed do/ /skar mda' kha yod pa zhig snang na rgyal po la gnod pa dang / btsun mo la gnod par 'gyur ro/ /skar mda' rgyab kyis song la dud pas chog pa lta bu sgra can du byung na yul de'i 'khror ma rung bar 'gyur ro/ /srod la skar mda' byung ba ni bkra shis so/ /skar mda' ri bong gi khrag ltar snang ba 'bar ba lhung na rgyal po dang dmag dpon la gnod do//skar mda' mtshan mo zla ba la phog gam nyin par nyi ma la phog na ni'i bdag po zla ba'am skar mda' la mos par byed pa de'i chi'o/ /skar mda' rab tu 'bar bas gza' 'am rgyu skar la mngon par phog na de la mos pa rnams la mi rung bar 'gyur ro//nye bar skar mda' me'i 'od lta bur lhung na yul 'khor gyi dbang po dang yul du bcas pa rnams par 'jig go/ /yul gyi sa gang du skar mda' sgra grags pe lhung na yul der rgyal po dang / blun po dang / rkun po'i drag shul snang bar 'gyur ro/ skar mda'i le'u ste bcu dgu pa'o// //nam mkha' las sgra byung ba'i ltas kyi mtshan ma bstan pa/ rlung gnyis phan tshun nas phrad pa las gnam grum pa lta bu'i sgra byung ste/ de yang sa la babs pa dang / gyen du 'byung ba dang / thad du dang / rgyang ring po khong du chud par bya'o/ /nyi ma rtse la sgra byung na rgyal rigs la gnod do/ /snga dro sgra byung na dmangs rigs la gnod do//nyi ma phyed pa'i che sgra byung na bram ze'i sde la gnod do/ /nyi ma nub pa'i tsha sgra byung na rde'u rigs kyi tshogs la gnod do/ /nyi ma nub ka'i dus su sgra byung na rigs ngan rnams la gnod do/ /nam gyi bzhi thun gyi tho rangs sgra byung na lo thog la gnod do//mtshan gyi gung la sgra byung na srin po mang po phung bar byed par 'gyur ro/ /nam mkha' phan tshun na sgra byung na glang po che dang / rta ma rung bar byed do/ /nam langs nas sgra byung na 'gron po mang po la gnod do/ /sgra byung ba dal la thung na gnod pa chung ngur 'gyur ro/ /sgra ring du byung na 'jigs pa 'byung ngo / / dus gsum gang yang rung ba'i mtshams su sgra chen po byang phyogs su lhung na bram ze dam pa 'chi bar 'gyur ro/ /de bzhin du rgyu skar gyi tshogs gang gi nyi ma la sgra byung na de la brten pa'i bram ze gang yin pa la gnod do/ /bden bral gyi phyogs nas sgra byung na drag shul gyi las byed pa la gnod do/ /rlung gi phyogs nas sgra byung na mtha' 'khob kyi lho bral la gnod do//me'i phyogs nas sgra byung na mes 'tsho ba la gnod do/ /phyogs ring du sgra 'byin pa der dpa' bo rnams dang / sbrul po che la gnod do/ /sgra ltas kyi le'u ste nyi shu ba'o// //nyi ma dang zla ba 'khyim pa'i ltas kyi bye brag bstan pa/ / nyi ma'am/ /zla ba'i 'od dang / rlung gcig tu 'dres pa las byung ba ni 'od 'khyims pa zhes bya ba'o/ /de la mar dang / til mar dang / chu dang / dngul dang / 'o ma dang / thi ba lta bu'i kha dog tu 'khyims na char 'bab po/ /bong bu dang / rnga mo dang / shing rta bu'i 'od 'khyims pa la rab tu zhig ste//rnam par gyes shing kha dog ngan pa snang na mi dge bar 'gyur ro/ /nyi ma dang zla ba gnyis ka'i nyin mtshan du 'od 'khyims par rtag tu 'gron bcing ba dang / mtshon dang nad 'byung ngo / /me 'bar ba zhin du 'khyims na mchu mngon par skye'o/ /'ja' 'dra ba'i dbyibs su 'khyims na mtshon mang po 'byung ngo //rdul 'dra bar 'khyims na mu ge 'byung ngo / /sum rim du 'khyims na grong dang / rgyal po la mi dge'o/ /rgya skyegs kyi khu ba dang / zho'i mdog 'dra bar 'khyims na 'thab mo dang g.yul 'byung ngo / /ser por 'khyims na yul 'khor gsum du 'jigs par ston/ /skya bo dang / ljang sngon du 'khyims na sbrum ma 'chi'o//nor bu 'dra ba'i phyed dang sum cha'i dum bu gcig 'khyims na char pa 'phral du 'bab bo/ /mtshan dus gsum du 'khyims na grong mi dang / rgyal po 'chi bar 'gyur ro/ /nyi ma gsum gyi bar du 'jam zhing snum par 'khyims na char pa 'bab po/ /rtsub por 'khyims na char pa 'bab na zla ba gcig na 'jigs pa 'byung bar ston to//skar ma dang gza'i thog tu 'khyims pas non na rang gi mthu las byung ba'i 'bras bur bstan par bya'o/ /nyi zla 'khyims pa'i le'u ste nyi shu gcig go/ //'ja' zug pa'i ltas kyi mtshan ma bstan pa/ rlung dang / sprin dang / nyi ma'i 'od las byung ba ni 'ja' zhes bya'o/ /'ja'i tshon sna tshogs su snang na char pa 'bab po/ /chu'i nang du zug na char rab tu che'o/ /tshon dkar po la sogs pa ni bram ze la sogs pa la gnod do/ /ser skya dang / me'i mdog dang / mar tog dmar zang zang rtsa ba ser ba lta bu'i 'ja' zug na yul du 'jigs pa 'byung ngo //'ja' sngon por zug na lo ma rung bar 'gyur ro/ /'ja'i dbus nyi tshe zhig na char mi zad par 'gyur ro/ /mtshan mo shar phyogs su 'ja' zug na rgyal po la gnod do/ /nub phyogs su mtshan mo 'ja' zug na mi'i gtso bo la gnod do/ /char 'bab pa'i tshe 'ja' zug na char 'chad do/ /char mi 'bab pa'i tshe 'ja' zug na char 'bab bo//shar phyogs su 'ja' zug na char 'bab po/ /lho phyogs la sogs pa phyogs gsum du 'ja' zug na bram ze la sogs pa la mchod pa mang po 'ong ngo / /de bzhin du lho phyogs nas nub phyogs su 'ja' zug na rgyal rigs dang / rje'u rigs dang / dmangs rigs la gnod do//dus gsum gyi mtshams su 'ja' zug na yul 'jig par byed do/ /nyi ma'i rtse la lho phyogs su 'ja' zug mi la 'jigs pa 'ong ngo / /mtshams su 'ja' zug na bud med ma rung bar 'gyur ro/ /lan gnyis su 'ja' zug na bde ba 'phel ba ba dang / lo legs par 'gyur ro/ /tshes grangs bzang po dang /rgyu skar bzang po dang / yud tsam dang / byed pa dang / gza' bzang po dang / khyim pa dang / skabs bzang po'i tshe 'ja' zug ma dge ba ste/ rgyal po'i srid skye ste/ rkun po spa gong bar 'ong ngo / /de bzhin du nya 'dra ba dang / dbug pa 'dra ba dang / dri za'i grong khyer lta bu dang / phyogs tsheg pa dang bcas par snang ba yang tshul gong mang dang 'dra tshas grangs dang / rgyu skar dang / gza' la sogs pa bzang ngan gyi tshul gong ma dang 'dra bar gdon mi za bar rtogs pa'i mis shes par bya'o/ /de lta bur snang ba gyur ba'i rjes la zhag bdun tshun chad du char babs na zhi ba yin/legs par 'gyur ro/ /'ja' ltas kyi le'u nyi shu gnyis pa'o// //sa g.yo ba'i ltas kyi mtshan nyid bstan pa/ de la chos ma yin pa'i mthu las byung ba'i dus su skar ma drug shul can dang / yus tsam dang / thang cig dang / tshes grangs mi bzad pa'i ches g.yos na skye bo thams cad kyi phun sum tshogs pa ma yin pa'i 'jigs pa 'ong bar 'gyur ro// //tshas grangs bzang po'i tshes g.yos na rab tu dge ba zhes bya'o/ /skar tshes grangs la sogs pa bzang ngan 'dres pa'i tshes g.yos na phan gnod kyi 'bras bu yang 'dren par 'gyur ro/ tshas grangs bzang po'i tshes g.yos na rgyal po dang /skye bos tshos legs pa'i 'bras bu thob par 'gyur ro/ /sa g.yos bzhin du yul gzhan du song na yul der gnas par 'gyur zhes bya ste/ de yang chos nyams pa'i nyes pa ma byas na sa g.yos kyang legs par gyur te/ /de dag tu char 'bab cing rab tu zhi bar 'gyur ro/ /gnam lcags rnon po lhung ba'i sgra drag pos sa rab tu g.yos na skye bo 'thab cing 'khon pa dang /mu ge dang / mi ngas kyis zad par 'gyur ro/ /sa g.yo ba g.yas phyogs su 'gro zhing 'brug sgra ltar mnyen zhing zab pa'i sgra grags la/ /dus tshigs dang tshes grangs bzang ba lam 'khrul pa'i skabs su sa g.yos na dge bar 'gyur ro//nam gza' skar drag po'i dus su sa g.yos pa'i dus na ri dgas dang bya rnams mar 'bar ba bzhin du 'gyur la/ gzhan yang mi dge ba'i mtshan ma'i ltas dag snang na 'jig rten du rab tu gnod pa drag po 'byung bar 'gyur ro/ /rgyu skar dang / gza' dge ba'i dus su yang de ltar gyur na de'i tshar 'bras bu dge bar mi 'gyur ro//dge ba'i ltas kyi mtshan ma byung la/ bya rnams kyang khrag khrig lang long med cing rab tu zhi ba dang / rlung yang zhi bar gyur pa ni dge bas rab tu dge ba zhes bya ste/ mi dge ba'i ltas ngan drag po zhi bar 'gyur ro/ /sa g.yos pa'i 'og tu gal te char pa 'bab pa na de'i tshe bde ba dang /lo legs pa dang ba/ nad med par 'gyur ro/ /sa g.yos pa'i rjes la skar mda' chen po lhung bar gyur na de'i tshe skye bo ltogs pa dang / mtshon dang / nad kyis zad par 'gyur ro/ /nam sa g.yos pa'i rjes la rlung drag po langs pas gseg ma khyer zhing 'gro bar 'gyur ba'i tshe na mu ge 'byung bar 'gyur ro//da g.yos shing 'gro ba dang / rlung ldang ba dang / nyi ma dang / zla ba'i 'od rnams dang / 'di rnams mthun par 'gro na bkra shis te dge'o/ /de lta bu dang mi mthun par 'gro zhing sa g.yos na mi dge ste smad pa yin no/ /zla ba phyed phyed cing lan gsum gsum g.yos ba zla ba gcig la spyir sa lan drug g.yos par gyur na dgra'i tshogs 'ong bar ston to//yul gang du sa g.yo ba bstud pa der yang dang yang zhag gcig gam/ zhag bdun nam/ zhag bcu gcig gam/ zla ba phyed dam/ zla ba re re zhing sa g.yo 'am/ /zla ba drug tu'am/ zla ba bcu'am/ lo gcig tu'am/ lo bcu'i bar du'am/ / de bas kyang lhag par lan mang du g.yos sam/ de la sa nyis 'gyur du g.yos na yul phun sum tshogs pa dang ldan pa'i rgyal po dang dmag dang 'khor du bcas pa ma rung bar 'gyur/ yul de rgyal po gzhan byed de/ de yang yul der rab tu 'tshe zhing gnod pa byed pas yul de nyid dgon par gyur nas ri dgas gnas par 'gyur ro//tshul gong ma bzhin du dpyid zla tha chungs las g.yos na gnod pa'i 'bras bu zhag bcu nas 'byung ngo / /dbyar zla ra ba las g.yos na rnam par smin pa'i 'bras bu zhag bcu gnyis na 'byung ngo / /dbyar zla 'bring po las g.yos na rnam par smin pa'i 'bras bu zhag nyi shu rtsa ldan 'byung ngo //dbyar zla tha chungs las g.yos na 'bras bu zhag bdun cu rtsa lnga na 'byung ngo / /ston zlar ba las g.yos na rnam par smin pa'i 'bras bu zhag brgyad na 'byung ngo / ston zla 'bring ngo las g.yos na zla ba gnyis na 'byung ngo / /ston zla tha chungs las g.yos na 'bras bu zla ba gsum ma 'byung ngo / dgun zlar ba las g.yos na 'bras bu zla ba gnyis na 'byung ngo //dgun zla 'bring po las g.yos na 'bras bu zhag lnga bcu rtsa lnga na 'byung ngo / dgun zla tha chungs las g.yos na 'bras bu zhag brgyad na 'byung ngo / /dpyid zla ba las g.yos na 'bras bu ni zhag lnga bu na 'byung ngo / /dpyid zla 'bring po las g.yos na zhag lnga bcu rtsa gsum na 'bras bu 'byung bar skar mkhan gyis shes par bya'o//de ltar sa g.yos pa'i 'bras bu ltar bstan pa yin no/ /de ltar zla ba'i ngor re zhing sa g.yo ba'i dmigs kyang yar gyi tshes gcig dang / mar gyi tshes bcu drug dang / mar gyi tshes nyi shu gsum dag dang /yar gyi tshes bcu bzhi dang / bco lnga dang / nyi shu dgu dang / sum cu ste/ dus tshigs 'di rnams lta bu'i dus su ma g.yos pa'i 'bras bu ni tshul de ltar blta'o/ /sa g.yos pa'i lhas kyi le'u ste nyi shu gsum pa'o// //nam zla ba bcu gnyis kyi ngo kun las rtag par g.yos te/shing yang 'gul/ chu yang g.yos te/ mer mer byed cing / de ltar dus tshigs dang / dus tshigs ma yin par g.yos te/ rlung langs pas shing yang bcag /grong dang / grong khyer dang / grong 'dab dang / grong de na brten pa'i skye bo rnams med par gyur te/gcan gzan gyi gnon nas yul 'brog tu gyur te/ /de ltar g.yos pa ni gnod pa'i 'bras bu lo bco lnga nas yul phyogs der yang su yang mi gnas par 'gyur ro/ /rgyu skar smin drug gi nyi ma las g.yos na grong dang grong khyer la me bstud par shor te/ /shing rtse yang tshig / gos nag po gyon pa'i sde dang / nor bu mkhan rnams dang / mgar dang / bram ze me 'byin pa'i byed spyod pa byed pa 'di rnams la mi dge /'byung khungs nas nor bu byung ba rnams dang / 'phel ba rnams kyang subs par 'gyur/ yul de la brten pa'i ba lang dang / shing rta 'dren pa'i mi dang / bram ze dang /'dreg mkhan spu gri'i las byed pa dang / yul sin du zhes bya ba'i yul phyed kyi mi dang yul a ma bsta dang / yul chu grung lnga zhes bya ba na gnas pa'i mi dang / yul shi ba zhes bya ba dang / yul ba si ti zhes bya ba dang / yul ta sher gzhes bya ba dang / yul brta ba dang / yul rtal d+ha na zhes bya ba dang //yul gangs khrod na gnas pa rnams dang / lho phyogs kyi lung pa na gnas pa'i skye bo rnams la gnod pa 'byur bar 'gyur/ de ltar sa g.yos pas gzi brjid nyams te nad drag pos 'debs/ ltogs par 'gyur/ than chen dang / chom rkun dang /pha rol gyi dgra rnams kyis gnod pa drag po byed par 'gyur ro/ /rgyu skar snar ma'i nyi ma la sa g.yos na sa bon thams cad chud zos par 'gyur ro/ /sa la 'bru btab pa yang mi skye/ ded pa 'dra bar rtswa yang dkon/ /nags khrod nas cung zad ci 'khrungs pa yang dkon no/ /bud med sbrum ma rnams kyi ru ma rab tu mi bde/mu ge dang / mtshon dang / nad kyi zad de/ skye bo sum cha gcig gnas par 'gyur ro/ /mi'i dbang po che ba'i bdag nyid can dang / dpal dang ldan pa'i mi mchog rnams dang / bram ze gzi brjid can mang po dang / ba lang phyug po dang / dbang dang ldan pa dang / yul phi pa sha dang / yul sha ta ru dang / yul sin d+hu dang / yul an da dang / chu bo ba ni sti'i 'gram na gnas pa dang / chu bo e ra ba ti'i drung du gnas pa dang / yul ku d+han gnas pa'i mi dang / chu bo tsan tra b+ha ga zhes bya ba'i 'khor na gnas pa'i mi dang / chu bo su ta na zhes bya ba dang / chu bo 'di dag gi 'gram na gnas pa'i mi dang /yul nags 'brog chu dang ldan pa dang / chu bo a gro ta dang / ser sa ti zhes bya ba'i 'khor dang / yul sa brta pra rta zhes bya ba rnams dang / ra bdog pa'i gtso bo dang / 'di rnam bzhir sa g.yos na gnod pa 'byung bar 'gyur ro/ /rgyu skar mgo'i nyi ma las g.yos na sman rnams dang /nad dpyad byed pa'i sman pa rnams dang / rtswa so ma zhes bya ba la skom du sbyar te/ 'thung ba'i chos bzhin byad pa rnams dang / rtswa so ma la skom du 'thung ba rnams dang / bram ze nags khrod na gnas shing dka' thub byed pa rnams la mi rung bar 'gyur/ yul dbus ma ga d+har char cher 'bebs te lo legs/bde bar 'gyur/ rgyal po nang phan tshun mi mthun te rtsod par 'gyur/ yul a d+hi sha ha'i mi dang / yul shul ra se na dang / chu bo char ma nA ti na gnas pa dang / yul ka ta la'i mi dang / yul ba da sa'i mi dang / yul phan tsa la'i lho phyogs dang / yul pa ni tsa la'i byang phyogs dang /yul ma ga d+hA na gnas pa'i mi dang / mi la gnod par 'gyur ro/ /yul su la'i mi dang / yul be sha la'i mi dang / yul ma la zhes bya ba'i 'khor mi dang / 'di rnams la gnod pa rnam pa drug 'byung ste/ chom rkun dang / mes 'jig pa dang / mi ngas dang / than chen la sogs pa'i khyad zhugs pa'i gnod pa rnams kyis skye bo la zil gyis gnod par 'gyur ro//rgyu skar lag la sa g.yos na shing 'o ma can rnams dang / 'o ma ma rung bar 'gyur ro/ /zas skom phyogs su ma rung bar 'gyur/ 'gron pa rnams dang / gcan gzan dang / rgya mo thogs pa'i nya 'chor pa la sogs pa rnams dang /'ob brko zhing khron pa brko ba dang / sdig pa'i las can rkun po rnams dang / gdol ba dang / rigs ngan dang / yul shar phyogs dang / yul pun da brta dang / mu stegs gcer bu dang / yul oM tra dang / yul khu li da'i mi dang / yul sha ba ri'i mi rnams dang /nags 'brog chu dang ldan pa a ta bya so ta ka zhes bya ba dang / yul gzhan yang de dang 'dra ba chu dang ldan pa'i nags 'brog kyang gnod pa drag po mi bde ba sna tshogs pa rnams pa drug gis gnod pa 'byung bar 'gyur ro/ /rgyu skar nab so'i nyi ma las g.yos na chang 'tshong dang / gsal shing dang / / mtshon thogs pa'i mi dang / khur ba 'tshong ba'i mi dang / gdugs phyed pa'i mi dang / shing mkhan rnams dang / mi gsod pa'i gshed ma rnams dang / btsas dang / 'gro ba'i chong pa rnams dang / 'khor lo byed pa rnams dang / 'khor lo slob pa rnams dang / lha tshor 'thag cing sbyor ba dang / sha 'chor ba dang /dung 'tshor dang / grong na gnas pa'i tshong ba dang / gang dag skye bo phal po che lhan cig gnas pas 'tshong ba dang / tshul can rnams dang / char cher 'bab pas lo la yang gnod par 'gyur ro/ /rgyal po dang / lho ka'i gnas na gnas pa'i rgyal phran rnams dang / rgyal phran de dag la phyogs pa'i yul mi rnams dang /yul gyi mchog dang / to ka zhes bya ba dang / mon yul kan tu na gnas pa'i mi rnams dang / spyang ki khyi mang po rnams la sa g.yos na gnod par 'gyur ro/ /rgyu skar rgyal gyi nyi ma la sa g.yos na mi dge ba byas pa dang / bram ze dam pa dang / rgyal po spyi bo nas dbang bskur ba rnams dang /rgyal po'i bu gzhon nu dang / dpon sna phra mo dang / mi mang po'i tshogs pa dang / blon po rnams dang / dge slong rnams dang / sprang po dang / bram ze dang / mkhas pa rnams dang / chos la rab tu brtson pa rnams dang / bsod nams chen po byed pa'i mi rnams la gnod par 'gyur ro/ /de ltar shar phyogs dang /yul ta ma li ba ta'i grong rdal dang / shar phyogs kyi gling du ma ta ra ti ba dang / mon yul ka ma ru ba dang / shar phyogs kyi rgya mtsho'i gling na gnas pa dang / gser gyi gling na gnas pa dang / chu bo gang gA'i rgya mtsho'i gting du 'bab pa dang / 'gram na gnas pa'i skye bo rnams la gnod par 'gyur ro//rgyu skar skag gi nyi ma la g.yos na klu rnams dang / sbrul rnams dang / sdig sbrul rnams dang / grog ma rnams dang / grog ma mang po rnams dang / srin bu sna tshogs dang / khyi dang / rmig pa gcig pa rnams dang / dug rnams dang / dug sbyor zhing byed pa'i mi rnams dang / sems can gang dag ri khrod na gnas pa rnams dang /yul mtha' 'khob na rku 'phrog byed cing 'joms pa'i mi rnams dang / zol pa dang / rku thabs kyis 'thab mo 'gyed pa'i mi rnams dang / sdig pa'i las la dga' ba'i mi rnams dang / mi blun po rnams dang / mi ngan pa dang / tshig ngan pa smra ba rnams dang / yul tos la dang / yul kos la dang / grong khyer kany+tsi dang / yul ling ga dang / yul an dra dang / yul a na dra'i byang phyogs dang / yul ya ma'i grong rdal nyams dga' dang / ri b+h+yin d+ha dang / ri b+h+yin d+ha byang phyogs kyi ngos dang / ri de'i drung dang / rtse mo dang / srangs sa na gsum pa'i skye bo rnams la gnod pa drag po nad dang /me dang / mi ngas dang / than chen dang / ser ba dang / yang dang yang mtshon kar 'gyed pas yul de phyogs na mya ngan byed cing 'gro ste/ sa g.yo bas gzi brjed nyams nas gnod pa de lta bu 'byung bar 'gyur ro/ /rgyu skar mchu'i nyi ma la sa g.yos na rgyal po chen po mya ngan byed par 'gyur ro//mchod sbyin byed pa dang / dad pa rnams ldog par 'gyur/ mi mang po 'du ba dang / dga' ston byed pa dang / lha'i gtso bo la mchod sbyin byed pa rnams dang / sngags thams cad ni ldog par 'gyur ro/ /gang dag btsas pa dang / cher skyes pa dang / gzhan yang mkhas pa'i mchog dang /rol mo mkhas pa dang glu snyan po dang / rigs chen po blo dang ldan pa'i mi rnams dang / 'bru nag po til dang / zar ma sran ma la sogs pa la gnod pa yul ka ling ka'i phyed dang / ka ling ka'i nub phyogs dang / yul a na te'i ril brten pa'i mi rnams dang / re byin d+ha'i ngos phyed la brten pa'i mi rnams la sa g.yo ba dang /sa rnam par g.yos na de dag la yang gnod par 'byung bar 'gyur ro/ /rgyu skar gre'i nyi ma la sa g.yos na dus tshigs log par 'gyur te/ de'i rlung drag po ldang bar 'gyur/ brten pa byas pa ma rung par 'gyur/ yod pa'i ma rung bar 'gyur//smad 'tshong ma dang / chos la dga' ba dang / g.yos mkhan dang / shog ma gyis 'tsho ba dang / btson 'tsho ba dang / snam bu 'thag pa dang / khyad par chu bo sin d+hu'i lho phyogs kyi phyed dang / shar phyogs kyi phyed dang / yul ma hA ka ri ri khrod kyi sdong bu dang / yul dang / lung pa'i nang na gnas pa'i skye bo dang /ri kes kin da'i grong khyer dang / grong rdal dang / de bzhin du yul shur par ka dang / yul tsha ser che ba nags ri chu mang ba na gnas pa'i ba lang la sogs pa dang / skye bo mi srun pa mang pos bskor zhing / me tog rgyas pa ltar ldang zhing gnas pa las g.yos te mdangs nyams na gnod pa 'byung bar 'gyur ro//rgyu skar dbo'i nyi ma las g.yos na tshong pa rnams dang / gling phran na gnas pa'i mi dang / 'gron po lam du zhugs pa dang / mchod sbyin gyi snod dang / yo byad rnams dang / sbrul gyi gdong gis 'tsho ba'i mi rnams dang / bag ma lam bca' ba la sogs pa dang / / bkra shis byed pa dang / yul ma he se na'i grong rdal dang / grong khyer nyams dga' ba ba lang gi khyu mang po dang ldan pa dang / chu bo ga da ba ra'i 'gram gyi yul dang / yul ma hA be nan dang / chu bo ma sa ri ta'i 'gram na gnas pa'i grong rdal dang / grong 'dab kyi mi dang / yul dbus a ga dang / mon yul bad ga dang /yul ka ling ka'i phyed dang / yul ni kri ti dang / yul kha sha'i mi rnams dang / slas bud med mang po bsrel ba dang / snying las sems pa'i mi rnams dang / grong dang grong dam pa rnams dang / rgyal po la brten pas tshong pa'i mi de lta la sa g.yos na gnod par 'gyur ro/ /rgyu skar me bzhi la sa g.yos na rdza mkhan dang /sman pa rnams dang / tshogs kyi gtso bo dang / blon po dang / blon po chen po dang / dmag dpon rnams dang / glang po 'dul sbyor byed pa'i mi dang / chom rkun byed pa mang po dang / chom rkun byed pa'i gtso bo ri gdong sa btsan la brten pa'i mi rnams dang / bram ze srad bu se ral du thogs pas 'tsho ba rnams dang /lha don du gnyer ba rnams la mi smod ba'i mi rnams dang / bram ze'i lag brda kha don 'don pa dang / mchod sbyin gyi yo byed kyi tshogs sbyar ba dang / yul ha se na'i grong rdal nyams dga' pa dang / ri rma bya zhes bya ba'i drung na gnas pa dang / ri ba ri ya tra'i drung na gnas pa dang /sdings dang / lung pa dang / lung pa phran mang po sna tshogs na gnas pa'i mi rnams dang / yul spang ku ra dang / yul sa sra dang / yul a mu tra dang / 'di rnams la sa g.yos na gnod par 'gyur ro/ /rgyu skar nag pa la sa g.yos na ro mo 'bri ba'i las rnams ma rung bar 'gyur/ ri mo 'bri ba rnams dang / shing mkhan ro bo dang / bzo bo dang / gser mgar dang / rdo rje gsor ba'i las byed pa dang / bzang kan dang / nor bu 'brug cing nor bu mdog dang / rgyan la dga' ba dang / tshong pa dang / mig sman sbyor shes pa'i mi dang / rgyan byed pa'i mi dang / yul pra ba ka sha dang /yul a ni la'i grong rdal dang / yul ma gyi sma dang / yul a pa na ti dang / ris ng+h+ya'i rlung dang / ri byin mda'i mkhor na gnas pa'i skye bo rnams dang / mi dra ma rnams la de ltar sa g.yos na gnod par 'gyur ro/ rgyu skar sa ri las g.yos na chom rkun byed pa'i mi rnams dang / mgar mkhan rnams dang /'tshe zhing gnod pa'i mi rnams dang / la 'phrad 'joms pa'i mi rnams dang / yul gangs ri'i byang phyogs kyi shod na gnas pa'i mi rnams dang / rol mo mkhan dang / bzhad gad mkhan dang / dka' thub zas su rlung za ba dang / tshul ma yin pa'i dka' grub ba'i mi rnams dang /mi dge ba dam pa'i mi rnams dang / nga rgyal can rnams dang / yul sa ha ta'i mi dang / yul an dar sti'i mi dang / yul bi bul dang / yul ka tsa'i skye bo mang po phal po che dang / yul ba ya ba dang / yul ba shud krang ka dang / yul da ra ga zhes bya ba'i grong dang / phal po che'i mi dang / gling sna tshogs na bud med dam pa gnas pa dang / rkang 'gros kyis gang bar rgyas shing grong khyer ku ber zhes bya ba la 'byor zhing rgyas par gnas pa dang / rid ma pa brad dza ya ho zhes bya ba'i drung na gnas pa'i mi dang / rgya mtsho'i 'gram na gnas pa'i mi dang / yul bri sni dang / yul a na drag dang / ma du zhes bya ba'i mi dang /sa twa ta zhes bya ba'i mi dang / 'di dag gi gnas rnams dang / mi'i sde d+ha sha na zhes bya ba rgya mtsho chu'i 'gram grong khyer rnam pa brgya dang / grong khyer rnams pa stong snyed du gnas pa de dag las g.yos na rab tu gnod par 'gyur ro/ /rgyu skar sa ga las g.yos na mi las su bya ba rnams sa rung bar 'gyur ro//bram ze dam pa me la rjed pa rnams dang / gsal ba ma 'khrul pa smra ba rnams dang / til dang / bal gyi sa bon dang / mon sran sde'u dang / bu ram shing gi khu ba dang / 'bru rnams dang / mi rgan pa rnams dang / mi phal pa cher gnas pa rnams dang /'bras so dang / sa bon btab pa sman las sran chung dang / sran ma dang / sran tsan sha ka dang / rgya sran nag po dang / yungs kar dang / yul du ra'i mi dang / yul ma ku ra'i mi dang / yul ba yan dang / de bzhin du yul ri ma ka'i mi dang / yul ba par na mi mang pos gang ba dang /yul ka mar a di sta ta zhes bya ba na gnas pa'i mi de dag la sa g.yos na gnod pa 'byung bar 'gyur ro/ /rgyu skar lha mtshams la sa g.yos na mdza' bo byams shing sdug pa 'bye bar 'gyur ro/ /chung ma dang nor gyi bya ba la sogs pa rnam pa bcu gcig tu bshad pa/ gnyen byas zhing / bag ma blang ba la sogs pa dang /yo byad bsags shing spel ba dang / bag ma blang pa rnams dang / mchod sbyin bya ba rnams de dag gi las bya ba dang / bkra shis par bya ba rnams dang / ltas su blta ba rnams dang / bram ze zhi ba dang ldan pa rnams dang / dka' thub can rnams dang / thub pa dang ldan pa rnams dang /dka' thub dang ldan pa rnams dang / brtul zhugs dang ldan pa rnams dang / yul ka sha zhes bya ba na rgyal srid chen po rnam pa brgyad dang ldan pa'i yul dang / rgyal po'i mtha' 'khor yug na gnas pa 'bra go cha la nyams dga' ba'i gnas na 'bra gos srog 'tsho ba rnams dang / skad rnams sna tshogs shes pa'i 'jig rten pa rnams dang /gzi brjid mi mngon par byed/ gzugs dang / gos dang / rgyan dang / spyod pa dang / byed pa dang / 'gro ba dang / cha byad rnam pa sna tshogs dang ldan pa zas su sha za zhing lus nyams bde ba skyid pa de lta bu'i rnams la sa g.yos na rab tu gnod par 'gyur ro//rgyu skar snon la sa g.yos na ri chen po bsnyil bar 'gyur/ 'jig pa'i rlung rab tu ldang / yul a mra ka zhes bya ba'i yul du yul ka sha'i mi dang / rkun po dang / mi ngas dang / than chen dang / ser ba dang / yang dang yang mtshon kar 'gyid pa yul de phyogs na mya ngan byed cing 'gro ste/ sa g.yos pas gzi brjid nyams nas gnod pa de lta bu 'byung bar 'gyur ro/ /tshul ma yin pa dag gis phan tshun du gnod pa byed par 'gyur ro/ /mi g.yon can dang / rgyal po dang / rgya'i mi dang / de bzhin du sgo lcags 'byed cing rku ba'i mi rnams dang / yul a na dra'i mi rnams dang / yul pu lin+da na gnas pa'i mi rnams 'jig par gnas par 'gyur//mdza' ba'i dpung dang ldan pa rnams dang yang phyed par 'gyur/ rgyal po chen po dang / snyom las dang ldan pa rnams kyang gcod pa dang / bya rog dang / ri dgas pri sha dang / gcan gzan dang / gcan gzan drag shul can chen po rnams dang / / yul ka ra dang / yul pa ra dang / yul shud d+ha se na na gnas pa'i mi dang / yul ma la ya'i mi rnams dang / tho gar gyi yul bag le dang / par seg gi yul dang / za hor gyi yul dang / ka pu sha'i yul gyi ri ba ri she na'i 'khor na gnas pa'i mi dang / 'di rnams la sa g.yos na dgra drag po myur du 'byung zhing gnod par 'gyur ro//rgyu skar snubs la sa g.yos na rkang bzhi pa dang / rkang gnyis pa dang / de bzhin du phug na gnas pa rnams dang / yi dgas sha za rnams dang / sems can gang dag ri la gnas pa rnams dang / mu ge myur du 'byung / sa la chu yang myur du skams par 'gyur ro/ /dgra rnams ri drung du song nas de nas dga' bar gnas pa dang /chos kyi yo byad rnams dang / gang na nags tshal phun sum tshogs pa dang / rgun ra dang / bu ram shing gi khu ba dang / 'bras bu mang po cung zad yod pa rnams dang / shing du ka'i tshal dang / me tog sna tshogs rnams dang / 'bru dang sa bon rnams dang / 'bras la sogs pa rnam pa tha dad pa sna tshogs dang / khyim gyi las kun brtsam pa dang / brtan par bya ba'i rnam pa dang / rtsa ba bskyed cing bskrun pa'i las sna tshogs dang / ro langs byed pa'i las rnams dang / yul su na dang / gog yul dang / yul ka ta ya'i mi dang / ba lang rdzi la sogs pa'i ri'i rtse mo dang /phug dang / rdzing bu na gnas pa'i mi rnams dang / rkang bzhi pa sna tshogs dang / dka' thub can shing thog dang rtsa ba za ba rnams dang / yul ka sha'i byang phyogs kyi gnas yul sa btsan po la brten pa'i mi de rnams la sa g.yos na gnod pa 'byung bar 'gyur ro/ /rgyu skar chu ston la sa g.yos na mi las skyes pa dang /'gron po lam na gnas pa dang / tshong pa dang / rgya mtsho la rgyu zhing 'gro ba dang / kha zas las 'tsho ba dang / chu srin byis pa gsod pa dang / 'ug pa dang / chu srin na kra dang / chu srin na ma ka ra dang / rus sbal dang / rus dang / rigs dang / btsun pa dang / phyug po dang / mkhas pa rnams dang / bzhon pa'i mchog bdog pa dang de dag la 'jigs pa chen po rab tu 'byung bar 'gyur ba dang / chu'i las su bya ba rdzing skyil ba dang / rdzing bu brko ba dang / tshal bu dang / skyed mos tshal sna tshogs dang / nor dang / 'bru dang / chang gi yo byad sbyor bas 'tsho ba'i mi rnams dang / yul ta ru na dang /yul ru ga ka til ra'i mi rnams dang / yul ka ma bo dza nas skyes pa'i mi rnams dang / tho gar gyi yul dang / yul hun nas skyes pa'i mi rnams dang / yul sha za'i mi dang phyugs rdzi rnams dang / yul ka na nas skyes pa'i mi rnams dang / ri dgas nyams pa'i mi dang / skye gnas ngan pa nas skyes pa'i mi dang /bya gag dang / bud med dang / chu chen po da k+Sha'i 'gram na gnas pa'i mi rnams dang / gangs ri'i ri logs kyi ngos gnyig na gnas pa'i mi rnams dang / ri rke dang / ri drung na gnas pa'i mi rnams dang / ri rgyud chad pa na gnas pa dang / lung pa na gnas pa rnams la sa g.yos na gnod par 'gyur ro//rgyu skar chu smad la sa g.yos na bzo bo rnams la gnod par 'gyur te/ lcags mgar dang / phya mkhan dang / tshon mo steng mkhan dang / shing mkhan rnams dang / 'dreg mkhan dang / phyug po rnams dang / rkun po rnams dang / bzo bo rnams dang / sna tshogs rnams dang /thos zlos 'don pa'i gcam bu rnams la gnod par 'gyur/ yul ga na ra'i mi rnams dang / yul ke ka ya dang / yul kha sha ba rnams dang / gu zan yul dang / yul ba gur na gnas pa'i brags pa gtum po rnam pa stong snyed dang / bru sha yul la sogs pa dang / yul sa ga ra de'i skye bo rnams la gnod par 'gyur ro//rgyu skar gro bzhin la sa g.yos na rgyal pos bkur ba'i mi rnams dang / bram ze rig byed slob pa'i mi rnams dang / bstan bcos la mkhas pa'i mi rnams dang / snyan dngags shes bya ba'i mi rnams dang / yul ga na da ra nas yul kau shA m+bA'i bar dang / yul me ta ra ste na gnas pa rnams dang /si ni sa kyi yul gnyis dang yul du sbra sa ha dang / yul du me la rjed pa'i mi dang / yul sa ge ka'i mi dang / yul la ma ba ka'i mi dang / yul na ga ha ra dang / yul tsa ta bi sha ya dang / yul ga tsi ka na gnas pa ma rung ba du ma dang / yul la ba zhes bya ba'i ri la gnas pa dang /mtha'i rgyal po chen po rnams dang / yul ki sad ta dang / yul sa ba tir dang / yul ba ri ra ba dang / yul ba rna pu ri'i grong rdal dang / klu'i gnas rnams dang / 'di dag la sa g.yos na gnod pa 'byung bar 'gyur ro/ /rgyu skar mon gre la sa g.yos na mi phyug po dang / ra lug dang / bong bu dang / rnga mo dang /dre'u dang / lba dang / ri dgas kyi rnam grangs tha dad pa dang / ma he dang / 'phong dang / rtsal che ba dang / 'dun khang sna tshogs dang / grong khyer gyi tshong dpon rnams dang / yul kha ga dang / yul swa ti man ta dang / yul khi la dang / yul mun dang / yul ba tra kar dang / yul gon tha ma'i rnams dang /yul bo za dang / yul sA la'i grong khyer bru sha yul dang / gu zan dang / yul tsid dra dang / chang zhim po sna tshogs dag la dga' ba rnams dang / ri sha sha'i ri logs na gnas pa'i mi sna tshogs la sa g.yos na gnod pa 'gyur ro/ /rgyu skar mon gru las g.yos na sa'i 'og tu gnas pa rnams dang /rgya mtsho'i 'og na gnas pa dang / rgya mtsho'i nang na gnas pa'i sems can rnams dang / sems can gzhan yang chu la brten pa dang / de bzhin du rta dang / glang po che dang / khyi rnams dang / bong bu dang / rnga mo dang / bya rnams dang / de bzhin du dmag mi dpa' bo dam pa dang / mtshon shag ti dang /ral gri kyog po dang / ral gri thogs pa'i mi rnams dang / yul pral lha'i mi dang / yul lho phyogs kyi rgyud kyi rong la brten pa dang / lho phyogs kyi ri rgyud la drang srong thub pa gnas pa rnams dang / yul 'khor lo gcig pa zhes bya ba'i mi dang / bud med nu ma ya gcig pa rnams dang / / dmag dpon du bskos pa 'di dag la sa g.yos na gnod par 'gyur ro/ /rgyu skar khrums stod la sa g.yos na chu dang mes 'tshos pa'i mi rnams dang / de bzhin du ba lang gsod cing ma he la dga' ba dang / nor bu de sogs la tshor byed pa dang / yul su bi ra 'byor ba dang ldan pa dang / lug gsod cing 'tsho ba'i mi dang / nags kyis 'tsho ba'i rje'u rigs dang / dmangs rigs dang / rol mo mkhan dang / mi dam pa dang / rta rnams dang / yul mal la dang / yul ma la la ba dang / sgo 'byed cing rku ba'i mi ngan pa rnams dang / 'di dag las g.yos na gnod par 'gyur ro/ /rgyu skar khrums smad la sa g.yos na tshong ba dang /chu la brten pa rnams dang / 'gron lam du zhugs pa rnams dang / tshor ba rgyam tsho la gru bo ches 'gro bar chas pa dang / sangs rgyas kyi chos la dga' ba rnams dang / rang gi rigs rnams dang / chang 'tshong gi las byed pa dang / yul shi ba'i mi dang / yul pa'i yo ta'i mi rnams dang / rgyal rigs a dzu ya na'i rgyud dang / yul sin d+hu dang / yul ha nu sma dang / kha che yul gyi mi dang / ri khrod zab mo na gnas pa'i mi dang / rtse rgod na gnas pa'i yul dang / yul rnam pa du ma dang / yul ta ga la dang / bar nang ga la'i mi dang / lha'i bu gang gi gnas me tog sna tshogs bye bas rgyan pa yul ri can brgyad ces pa na skye bo du mas gang bar/gos dang rgyan rnams pa sna tshogs dang / mtshon cha sna tshogs dang ldan par gnas pa las g.yos na gnod pa 'byung bar 'gyur ro/ /rgyu skar nam gru las g.yos na 'thab mo'i g.yul drag shul cher 'byung /grong phun sum tshogs pa dang ldan pa dang / grong mi rnams dang / ri khrod na gnas pa rnams dang / 'dun khang rnams dang / yul de ta la'i mi dang / yul a na sha dang / tsa ga dang / yul dzi ba ra dang / yul ma tha dang / yul ka sha dang / yul ban kan zhes bya ba na dpung gis snyems pa'i nga rgyal mchog dang ldan pa na rlom par gnas pa gar byed cing glu len pa dang /smad 'tshong mas 'tsho ba dang / yul sha na ka dang / yul a pir ra dang / yul nan ti dang / yul tsa ra ma nan ti na gnas pa'i mi dang / dmag mi dang / dmag dpon dang / yul mi ti la'i grong rdal gyi mi dang /bal yul nas shar phyogs dang / byang phyogs kyi gzer mtshams kyi yul 'di dag la sa g.yos na gnod pa 'byung bar 'gyur ro/ /rgyu skar tha skar las gsos na rta rnams la nad 'byung bar 'gyur/ grong du mi gsod pa 'byung ba dang / mi spun nad gsod pa 'byung / tha skar gyi ngo la rum du bu cha gas ba la mi dge'o//tha skar gyi dus su btsas pa la mi dge ste/ de phan chad lo gsum na mi bde ba 'byung ngam/ de nas lo bcu na 'chi bar 'gyur/ yul la rid dang / yul ti gar ta dang / yul ba na tsa la'i skye bo rnams dang / yul ardzu na'i mi rnams dang / yul da ru dang / yul da na bya dang /yul sa ti na'i mi rnams la gnod par 'gyur ro/ /rgyu skar pra nye la sa g.yos na rkun po rnams la gnod pa cher 'gyur/ rgyan po byed pa dang / mdud ba dang / sgo lcags 'byed cing rku ba dang / me long 'tshong ba dang / dbyig dug sbyor zhing sdud pa'i mi dang / 'khor lo byed pa dang /btson srung dang / gtum po sdig can rnams dang / rkun po rnams dang / g.yo byed pa rnams dang / mi srun pa dang / phra ma byed pa dang / gdol ba dang / rigs ngan la sogs pa'i yul gyi mtha' g.yas pa rnams dang / rgya yul na rgya rnams dang / rgya dam pa rnams dang / yul dga' ba bzang po zhes bya ba rnams dang /yul s+ya ba na gnas pa'i mi rnams dang / chu bo chen po si ta zhes bya ba'i 'gram na gnas pa'i skye bo rnams dang / mtsho ma dros pha yid bzhin zhes bya ba'i 'jig rten rnams la grags pa de la 'dod chags dang bral ba rnams dang / rig sngags grub pa dang / rig 'dzin gyi tshogs rnams dang /drang srong thub pa rnams kyi kyang bsnyen par bya ba shing 'dzam+bu'i skye bo mang po gnas pa dang / ke la se ti sa'i gangs dang / gangs mangs te nor bu can gyi ri dang / spos ngad ldang pa gangs ltar go dang / de bzhin du su ri pa sha zhes bya ba'i ngos bzang pa dang / ri dang ri sa bar ni zhes bya ba dang /byang phyogs ngos dang / gling rnam pa sna tshogs mang po dang / ri rad rod dag na gnas pa'i gnod sbyin dang / 'byung bo dang / sha za dang / dri za dang / srin po'i tshogs mang po dag dang / grub pa dang / rig 'dzin dang / klu rnams dang / de bzhin du sman rnam pa stong snyed la gnod pa 'byung bar 'gyur ro//de ltar g.yos pa'i rjes la zhag bdun tshun chad du sa la pa na ba'i sprin sngo gnag 'jam po mig bsku ba'i sman gyi mdog ri chen po 'dra ba las 'brug sgra zab mor sgrog cing nye bar 'brug sgra la glog rnam pa sna tshogs 'gyu zhing / nam mkha' la sngon pho shur shur po lta bu snang ba'am//sgra 'byung ba'am/ skar mda' lta bu mang la rlung me drag pa ldan zhing tshub ma lta bu mi sdug pa ni med/ /sprin gyi gzugs bkra shis kyi ri mo sna tshogs dang / dbang po rdo rje lta bu snang ba dang / nad par nyi ma 'char ba dang / nyi ma nub nas zla ba 'char pa'i tshe sprin gyis mchog par char pa dang /man mkha' sprin dal la snyoms pa 'jam po'i gzugs rgyang ring por song ba glog phan tshun du 'phro ba'i sprin de lta bu ni dge ba'i mtshan yin no/ /sprin 'jam la dal snyoms te/ bar chad med cing sprin gyi gzugs lag pa mi snang ba de lta bur snang na sprin mtshan ma de lta bu da ldan pa ni lha'i dbang po'i sa g.yos bar bstan pa yin no//de ltar gang dang gang du sa g.yos pa'i phan gnod kyi 'bras bu'i dmigs ni 'jigs shing dang ngas pa med par yid rten la sa bon thams cad thob shig /las dang mtshon ma rnams kyang gyis shig /rnam par rgyal bar 'gyur bar yang bstan to//tshong pa yang de'i tshe kun du song yang 'jigs pa med do/ /yang sa g.yos pa'i rjes la zhag bdun tshun chad du nam mkha' la sprin gyi sa khebs te/ thar chags su sprin pa la ltar dal snyoms par song la/ nub phyogs su nam mkha' la chu srin byis pa gsod pa dang / sbal pa rnams dang / nya dang / chu srin 'dra ba'i sprin gyi gzugs snang la nang nub tu nyi ma dang zla ba 'char ba'i tshe sprin gyi bsgribs pa med pa de ltar snang ba'i mtshan ma ni chu'i dkyil 'khor gyis g.yos bzhes bya ste/ de ltar sa g.yos pa'i phan gnod kyi 'bras bu yang drang srong chen pos ji ltar mthong ba bzhin du bstan par bya ste/ thad bu dang / ri ngos dang / zhing dang / mtsho 'gram dang / de dag tu sa bon thob shig dang / sa dma' ba dang / ha cang chu che ba'i sa dang / 'dam rdzab can du btab na ni ma rung bar 'gyur ro/ /tshul de lta bur sa g.yos pa ni bkra shis te chu'i sa g.yos pa zhes bya'o/ /yang sa g.yos pa'i rjes la zhag bdun tshun chad du rlung drag po langs la/nang bar dang nub kar nyi ma dang zla ba dmar ser du snang ba de lta bu'i mtshan ma snang bar mthong na de ni rlung gis g.yos pa zhes bya ste/ de'i phan gnod kyi 'bras bu bstan pa nyon cig /de'i tshe shes rab can bdag gang yang mi 'gro bar go ste/ 'dug la mtshon cha bskyab pa'i gcan rtsig pa dang /'ongs brko ba gyis shig /rgyal po pha rol po dang / mtshams gcig tu 'dug pa dang rtsod par 'gyur te/ skye bo la 'jigs pa 'byung bar 'gyur ro/ /de ltar sa g.yos pa thams cad ni lhag par mi rnams la gnod pa 'byung bar bsgrags te/ de lta bu ni rlung gis g.yos pa zhes bya ba'o//yang sa g.yos pa'i rjes la zhag bdun tshun chad du de'i tshe skar mda' shin tu drag po ltung ba dang / nang nub kyi tshe dmar por gyur la/ nyi ma dang zla ba yang dmar por snang ste/ tshul de ltar mthong na de ni me'i sa g.yos pa zhes bya ste/ khyim rnams bsrungs kyang mes tshigs bar 'gyur ro/ / du ba dang / me dang / mtshon rab tu 'byung bar 'gyur/ zla ba dgur char mi 'bab ste/ zhing tha bar lus par 'gyur/ de ltar sa g.yos pa ni ngan cing mi dge ste/ me'i sa g.yos pa zhes bya'o/ /de la snga dros g.yos na rgyal po dang / dmag gi dpung dang ldan pa/ rta dang / glang po che dang / dmag dpon dang /blon por bcas pa la mi dge'o/ /nyi ma gung la sa g.yos na nad kyi 'debs so/ /phyi ma red sa g.yos na ba lang dang / phyugs dang / dmangs rigs dang / de bzhin du rje'u rigs rnams la gnod par 'gyur ro/ /nad par dang / nyi ma nub pa dang / nam gyi gung du sa mtshams su sa g.yos na rkun po dang /gos dmar po gyon pa'i mi rnams la mi dge'o/ /mtshan mo srod la sa g.yos na gnod pa byed pa dang / mtha' 'khob na gnas pa'i rkun po rnams dang / ma ning rnams dang / mtshan gyur ba rnams dang / phyug po rnams dang / tshong sbogs byed pa'i tshong ba dang / zhing rmed pa la mi dge'o/ /zla ba mar gyi de'i nam gung las g.yos na gtum po drag shul can ngan byed pa rnams la mi dge'o//zla ba yar gyi ngo'i nam chung la sa g.yos na mchod sbyin byed pa'i yo byad dang / bram ze mchod sbyin byed pa rnams la gnod par 'gyur ro/ /sa g.yos kyi le'u ste nyi shu bzhi pa'o// //nyi ma dang zla ba'i 'od dang /gzugs brnyan gyi mtshan ma bstan pa/ yul gang du nyi ma shar ba'i tshe nyi ma dang 'dra bar nam mkha' la snang na de'i lho byang gi phyogs kun du nyi ma'i dkyil 'khor gyi gzugs rab tu gsal ba yang ma yin/ /'or zer yang mi gsal la/ sprin gyis kyang nam kun chod na de ni char 'bab pa yin te/dbyar gyi tshe ni nyi ma 'dra ba rtag par yang 'byung ngo / /dus 'di ma yin pa dus gzhan gyi tshe nyi ma 'dra ba snang na 'jigs pa 'byung bar 'gyur ro/ /yul gang du nyi ma 'dra ba dkar po shar na yul dang bram ze rnams la mi rung ngo / /nyi ma 'dra ba'i kha dog dmar po shar na rgyal rigs rnams dang /mtshon cha thogs pas 'tsho ba la gnod par shes par bya'o/ /nyi ma 'dra ba kha dog ser po 'am kha dog sngon por 'gyur na rje'u rigs rnams dang / ba lang dang / phyugs kyis 'tsho ba'i mi rnams la gnod par shes par bya'o/ /gal te yul gang dang gang du nyi ma 'dra ba kha dog nag por shar na dmangs rigs rnams la gnod pa dang /char pa cher 'gyur ro/ /gal te nyi ma'i g.yas rol du nyi ma 'dra ba byung na lho phyogs su 'jigs pa cher 'byung / zhag bdun tshun chad char 'bab par bshad do/ /nyi ma'i byang phyogs ni nyi ma 'dra bar kha dog dkar por snang ba byung na de ni byang phyogs kyi rgyal po la 'jigs pa cher 'gyur/char mi 'bab/ mu ge 'byung / /phan tshun du 'thab par 'gyur/ gal te yul gang du nyi ma'i dkyil 'khor dmar bar snang na btsod kyi kha dog ltar dmar la/ gal te sngon po yang snang na zla ba lnga na rgyal po 'chi bar 'gyur ro/ /de lta bu byung na de'i rjes la ltas ngan drag po 'byung ste/rgyal po 'thab cid gsod pa dang / khrag dang mkhris pa'i nad rnams kyang 'byung bar 'gyur ro/ /nam nyi ma'i dkyil 'khor gyi nang na me skyes pa'i gzugs 'dra ba go dang bcas pa gsal bar snang na zla ba bzhi tshun chad du rgyal po 'chi bar 'gyur ro/ /yul der rgyal po sde dang bcas te ma rung bar 'gyur ro//nyi ma'i dkyil 'khor gyi nang na zhags pa sngon po dang / ser po dang dmar po shar ba rnams snang ba'i tshe zla ba bzhin mi'i dbang po ma rung par 'gyur ba dang / yul du mi nad kyang 'byung ste/ 'jigs pa chen po shes par bya'o/ /nam nyi ma'i dkyil 'khor la ral gri gyen du 'greng pa/ut+pal sngon po'i 'dab ma dang 'dra ba char zung dang bcas pa gsal bar snang ba dang / gang du zhags par snang ba de nyid kyi 'bras bu yang 'dir bstan te/ khyad par du mi mang po mtshon gyis 'chi bar 'gyur ro/ /nyi ma'i dkyil 'khor gyi nang na ril ba spyi blugs lta bu'am/ reng reng po'am/ / phub lta bu snang na zla ba gsum tshun chad du bram ze rnams dang / rgyal po la yang gnod pa 'byung bar ston to/ /de'i tshe lo ma rung par 'gyur ba'i char mo che 'bab pa dang / mu ge 'byung bar 'gyur ro/ /nyi ma'i dkyil 'khor gyi nang na/ bsil yab 'dra ba dang / /yang na sbrul 'dra ba snang na zla ba gsum na yul du 'jigs pa drag po 'byung bar ston/mi sbrul gyis zin pa rnams kyang sbrul gyi dug phog pas me 'tsho bar 'gyur ro/ /nyi ma'i dkyil 'khor gyi nang dang / gal te bya rog lta bu snang ngam 'on te bya snang na bram ze rnams dang / rgyal po la gnod pa zla ba phyed dang gsum na 'byung bar 'gyur ro/ yang nyi ma'i dkyil 'khor gyi nang na bya rgod kyi gzugs dang / gcan gzan smri gang ma ti ka'i gzugs lta bu snang na zla ba phyed dang gnyis na gnod pa 'byung ngo / /lba'i gzugs lta bu snang na zla ba gcig na gnod pa 'byung ngo / /lung bod gi gzugs lta bu snang na zhag bcu na gnod pa 'byung ngo / /yang nyi ma'i dkyil 'khor gyi nang na dbyig pa lta bu'am/gtan pa sbom po lta bu nyi ma'i nang na snang na rgyal po phan tshun gcig pas gcig srid che bas bsnyems pa dang / rgya mtsho bzhi las dbang ba'i mi'i dbang po de lta bu la mi dge ste/ 'jigs pa mngon du 'byung bar 'gyur ro/ /de ltar ltas ngan gyi 'bras bu 'byung ba'i dus nges pa bstan pa las dus der gnod pa ma byung ste mi snang na de ni lo gcig na 'bras bu sum 'gyur du skye ste/gnod pa 'byung bar ston to/ /zla ba dum bur lhags sam/ mdog gyur tam/ gas pa dang / zla ba'i gzugs chen por gyur tam/ 'phro ba dang / rab tu g.yo ba dang / zla ba chos pa'i rwa mi gsal ba 'di rnams ltar snang na skye bo la 'jigs pa byung ba'am skye bo la 'jigs pa 'byung bar 'gyur ro//zla ba de la gza' spyang kis thams cad zin na yang skye bo la 'jigs pa 'byung bar bshad do/ /tshul 'di dang 'dra bar nyi ma la gza' zhugs te/ nyi ma shi na yang zla ba dang 'dra bar blta zhing bag yod par yid la bzung zhing shes par bya'o//yang zla ba'i mdog thal ba 'dra ba dang / sngo reng 'dra ba dang / zangs 'dra ba'i mdog dang / mdog ser po dang / skya bo dang / byi ru'i mdog tu snang ba dang / zla ba'i mdog mi gsal ba snang na mig nad kyi 'jigs pa 'byung ba dang /mtshon gyis 'gyed pa dang / nad kyi 'jigs pa 'byung ba dang / gzhan yang gnod pa 'byung bar 'gyur ro/ /yang zla ba'i mdog dkar la snum zhing gsal bar snang na phyogs su bde ba dang char che ba dang zhi bar 'gyur ro/ /de ltar zla ba 'gro ba dang / bya ba dang / gnas pa dang / zla ba'i tshad dang / mdog gyur pa dang /tshul dang / za ba rgyu ba yang sems can gyi bsod nams yin pa byas pa'i 'bras bu mu ge dang / mtshon dkar 'gyed pa dang / 'chi ba dang / tshogs 'byung ba'i gnod pa 'byung bar ston to/ /mtshan mo zla ba tshes pa nas gza' rnams kyis zla ba'i steng na phar thal te song na de rnams kyi gnod pa'i dmigs pa so sor bstan te/spyir ni rgyal po dang / mi dam pa ma rung par 'gyur / char pa ka cang che ba dang / bla ma ma rung bar 'gyur ba dang / rgyal srid ma rung bar spyir ston to/ /zla ba'i steng na pa sangs kyi mnan te song na rgyal po ngan pa ma rung bar 'gyur ro/ /zla ba'i thog nas mig dmar dang spen pas non te song na bkris pas 'jigs pa dang /khon drag shul can du 'byung ba dang / rab tu 'jigs pa 'byung bar 'gyur ro/ /zla ba la phod mjug rings kyi non te song na mu ge dang / mtshon gyis 'gyed par ston to/ /zla ba la gza' lag gis non te song na lo legs pa dang / bde bar 'gyur ro//de ltar zla ba'i steng na phar gza' rnams kyis non cing phug ste song ba'i 'bras bu de ltar bstan pa yin no/ /gza' rnams kyis zla ba phug ste song ba de'i 'bras bu ni zla ba gzas phug pa las zla ba'i gzugs cher skyes la 'od lhag par chen de ni rgyal ba zhes bya'o/ /gal te pham par gyur te/ mthu rtsal bri ba na zla ba 'dar zhing g.yon pham pa zhes bya'o//de la pa ba sangs kyis phug ste phug ste song na yul man tra dang / yul ba na tra cal dang / yul ma ga d+hA dang / yul da mo tra dang / yul ku ba ra dang / mar gyi yul dang / yul sa ra ga ra dang / yul kha sha dang / yul bu lin tra dang / yul ke ke la dang /kha che'i yul dang / par sig gi yul dang / ri khrod na gnas pa rnams dang / bud med rgyal mo byed pa'i yul dang / yul u ba tri tra dang / yul ang ga dang / yul u tu kur tsa dang / yul su tsa dang / yul su shi na ra dang / yul pu ru sha dang / yul pu li na ta dang / bal yul dang / ba lang rji la sogs pa rnams dang / yul pra ta na dang / yul sta la da na dang / bcu la gnas pa'i mi rnams dang / gangs ri'i lho phyogs kyi ngos la gnas pa'i mi rnams la zla ba bdun tshun chad kyi gnyen dang bcas pa rnams ma rung bar 'gyur ba 'byung bar 'gyur ro/ /nam zla ba 'od gsal ba la phur bus phug ste song na yul ba sa ta dang /yul sa ni d+ha dang / yul ga na d+ha ra dang / ri khrod na gnas pa'i mi rnams dang / bag le'i yul dang / sog le'u yul gyi lung pa'i s+jon nas ri khrod pa brgya stong snyed dang / kha che yul gyi mi la zla ba bcu tshun chad kyis gnod par the tshom med par 'gyur ro/ / nam zla ba'i 'od gsal ba mig dmar gyis phug na rgyal po yul gzhan du 'gro ba'am/ rgyal srid bya bar brtson pa'am/ rgyal srid byed par zhugs pa la ma rung bar 'gyur ro/ /bzhon pa'i rta rnams zad par 'gyur/ /phan tshun du dbye zhing gnod pa dang / dug dang mtshon mang pos ma rung bar 'gyur /yul a yo dang / yul pu lin dang / yul ka ling ka'i rgyal po rnams dang / yul pu ri dang / yul sha ka ti mi ta'i skye bo rnams ma rung bar 'gyur ro/ /yul te ga ra ta dang / yul ma la ya ba dang / yul ku ra dang / yul pa tad tsa ra dang / yul shi ba ya'i mi rnams dang / dmag dpon rnams dang / mi'i tshogs rnams dang / dmag gi tshogs rnams dang / dpung dang ldan pa'i dus dang / ngang tshul la sogs pa dang ldan pa'i mi rnams dang / yul lho phyogs na gnas shing rten pa'i mi rnams la zla ba drug gis 'jigs pa 'byung bar ston to/ /nam zla ba gza' spen pas phug ste song na bram ze gtso bo dang /rgyal po gdugs thogs pa 'thab mo'i g.yul du 'jug /'thab par byed/ blon po dang bcas/ sde'i gtso bo dpon tshan rnams 'thab par 'gyur/ grong rdal dang / tshong pa lam du zhugs pa dang / yul a tsu ta'i mi dang / yul go'u sa'i mi dang / yul a bi sha ha'i mi dang /yul ga shu da tra'i mi dang / yul ma la ba dang / yul a bir dang / mya ngan rnams dang / yul mang ba rnams dang / ba lang dang / bong bu dang / rnga mo dang / 'di rnams rgyal mtshan du byed pa'i yul rnams ma rung ba dang / yul rus pa can du 'gyur ro//yul de rnams kyi mi la zla ba bcu bzhi na sdig pa zhi ba dang ldan pa yin no/ /nam gza' lag gis zla ba phug na lo legs/ nad med char pa legs par 'bab/ skye bo la gnod pa med cing bde ba dang / zhi bar 'gyur ro/ /zla ba phod mjug ra ris kyi phug ste song la/ gal te skar thod las dud pa 'thul na mi dpa' bo dang /mtshon gyi 'tsho ba rnams dang / chom rkun byed pa'i mi rnams gzhan gyi mthu rtsal dang / gnod pa dang / drag shul gyis 'chi bar 'gyur ro/ /yang gal te zla ba de la gza' gzhan gyis 'bugs shing zla ba'i ngos la 'dud cing reg par song na mtshon gyi gnod pa sna tshogs mang po 'byung ngo //gal te zla ba'i nang du gza' rnams song ste nub na rgyal po 'chi ba dang / lus dang nor yang mdung bar 'gyur ro/ /yang bcas pa'i bla skar gyi nang du gza' spyang ki zhugs pa'am/ /zla ba la gza' spyang gi zhugs la skar mda' zla ba la phog na rgyal po 'chi'o/ /zla ba dang gza' gnyis kyi 'od zer phrad pa dang /gza' zla ba'i thog na yar non te reg par song na gsar du zhugs pas sdan gnas pa rnams pham par byed do/ rgyal pos skye bo rnams 'joms shing za bar 'gyur ro/ /zla ba me tog pad+ma dang me tog ku mu da dang 'dra/ tshes grangs bzhin du zla ba skye zhing shas cher snang na/dkyil 'khor 'od zer ldan te nyams pa med par 'gro ba yin/ de ltar 'od zer bsil ldan mi rnams rgyal bar 'gyur/ zla ba 'char zhing 'gro bar bshad pa'o// //rgyu skar dang / rgyu skar gyi khyim gyi nang du gza' mig dmar zhugs pa'i mtshan ma bstan pa/ rgyu skar rgyu skar gyi khyim gang yang rung ba'i nang du gza' mig dmar 'od kyi mdog 'jam pa dang ldan zhing chen por 'gyur te/zla ba brgyad dam/ zla ba bdun gyi bar du zhugs shing 'dug pa las 'od kyi kha dog dang / bongs che ba nyams na de ni mi dge ba yin te/ rgyu skar gang dang gang gi nang du gza' mig dmar zhugs pa de nyid la gnod par 'gyur ro//gza' mig dmar tshul de lta bur zhugs pa ni skye bo rnams la gnod par 'gyur ro/ /yang gza' mig dmar yon par 'gro zhing 'jug pa dang / phyir yang 'khor zhing zhugs pa dang / mig dmar gyi 'od dang mdog nyams pa dang / gza' mig dmar rgyu skar dang nye zhing 'od 'dres pa dang /mig dmar las dud pa 'thus pa dang / 'bar ba dang / mig dmar gyi rtse mo lus 'od zer dang ldan par 'gyur ba dang / phan tshun du 'pho zhing 'gro ba'am/ lam gcig tu 'dug la 'od dmar po'am/ yang na dud pa mi sdug pa cher 'thul na gnod pa byed 'dod pa de ni rgyal po 'chi bar 'gyur ro/ yang na gza' mig dmar 'od dmar po 'bar na 'byung po thams cad pa mi rung bar 'gyur ro/ /yang na gza' mig dmar nam mkha' la rgyu zhing shar nub ltas me snang ba 'gro na/ mi rigs bzhi rnams 'jigs par 'gyur/ gang dang gang gi rgyu skar nang du zhugs so/ /de ltar mi snang na mi de dag la gnod par 'gyur ro/ /nam gza' mig dmar rgyu skar dang skar ma kun gyi nang du 'od kyi mdog bzang por snang na/mi rigs bzhi thams cad la phan par 'gyur ro/ /mig dmar gyi mdog dang / 'od nyams na mi dge ste ngan par blta'o/ /yang gza' mig dmar yod par 'gro zhing 'jug pa tsha ba zhes bya ba dang / gdong mchi ma can zhes bya ba dang / sbrul zhes bya ba dang / gdong dmar po zhes bya ba dang / mig dmar yon por 'gro bar drag shul can zhes bya ba dang /de bzhin du gtun bu zhes bya ba dang / mig dmar shar ba rgyu skar bdun gyi nang du zhugs pa dang / yang na rgyu skar dgu 'am yang na rgyu skar brgyad kyi nang du zhugs pa las phyir log na de ni yon po tshang ba zhes bya'o/ /mig dmar de ltar zhugs pa la de'i tshe khar thog gi thad ka'am nags tshal gyi tor to'i ka nas mig dmar rtag tu rgyal ba bzhin du 'dug la//nag gu ring ring po zhig tu gyur na rims nad kyang 'byung / rab tu dga' ba med par byed/ gang dag mi'i las kyi 'tsho zhing btso ba dang / sreg par byed pa de dag kyang mar shor zhing thar pas skye ba zad par 'gyur ro/ /rgyu skar bcu gcig gam lar na rgyu skar bcu'am yang na bcu gnyis kyi nang du zhugs te 'dug na de ni gza' drag po yon por zhugs pa gdong 'chi ma zhes bya ste/gza' de ltar zhugs pa na sprin du char pa 'bab ste/ char legs par 'bab kyang gzhan gyis gnod pa byas pas pham par mi 'gyur/ mi'i lus kyi srog gzung lnga yang nad can du 'gyur ba de'i phyir na nad dmar po 'byung bas mi kun red cing skems pa dang / 'jig rten du mi rnams lan dmar po 'byung 'gyur ro//rgyu skar bcu gsum mam yang na rgyu skar bcu bzhi'i nang du gza' mig dmar zhugs pa las slar log na de ni yon po sbrul zhes bya ste/ glang po che rnams dang / sbrul po cha dang / sbrul rnams kyis gnod pa byed par 'gyur/ /mtshon gyis smas pa rnams mi 'tsho/ /sman dang 'bras bu rnams dang /ldum bu rnams legs par smin cing 'khrungs par 'gyur/ /char snyoms par 'bab/ /sa bon thams cad rab tu 'khrung ngo / /yang rgyu skar bco lnga 'am/ /bcu drug gi nang du gza' zhugs na/ gang 'drag shul can de gdong dmar po zhes bya ste/ rgyal po phan tshun 'thab cing g.yul bkye ste/ mtshon gyis smas pas de'i tshe sha khrag gi 'dam du 'gyur ro//yang gza' mig dmar rgyu skar bcu bdun gyi nang du zhugs te/ phyir log na de ni drag shul can dang / gtan pu drag po zhes bya ste/ de'i tsho na skye bo mang po rnams snying rje med/ snying brtse ba med/ bka' khrims dang / chos lugs med de/ de'i dus ni skye bo rnams gcig la gcig ral gri dang / mdud bus 'debs shing 'phel bar 'gyur ro//gzhan yang gza' mig dmar gza' drug tu 'pho zhing 'gro ba tshangs pa skye dgu'i bdag po ltar rab tu ston/ de lta bu la mig dmar de song ngam/ 'dug gam/ yod dam/ med dam byar yang mi rung ste/ de la nam zla ba gsum gyi bar du gza' mig dmar rab tu sang na de'i che skye bor mis nad kyis ma rung ba dang / sa'i bcud zad par 'gyur ro/ /gza' mig dmar bongs chung ngu 'gyur/ rnam par gzer bar 'gyur/ rnam par gnod par 'gyur/ dkyil 'khor chung ngur 'gyur par yul phyogs gang na snang ba de'i tshe mig dmar phan pa zhes bya ste/ de ni yul phyogs su gnod par 'gyur ro/ /gza' mig dmar de ltar gyur na me'i las dang / me la rjed pa'i las byed pa'i mi dang / yul ma le bya'i mi dang / yul ku sha'i mi dang / yul nya sha'i mi dang / yul bi ti'i mi dang / yul sa lad ma'i mi rnams dang / yul la ba'i mi dang / yul mog tu'i mi dang / yul lha'i rjed pa'i mi rnams dang / yul mo gu ra dang / yul me'i dbang po zhes bya ba dang / yul sbar zhes pa 'di rnams la gza' gzhan gyis gza' mig dmar pham par byas nas yul de rnams kyi mi la gnod par 'gyur ro//gza' mig dmar 'jug pa bstan pa'o/ /A r+ya sha ru ka r+Na'i nang nas gza' skar gyi ltas 'byung ba btus pa/ ltas dang mtshan ma dge bar gyur cig /rdzogs so// //