8b4 /phyi nas las kyis mnyam du bar tsam/ /mdog bzang mas k+Shi ka nyid dang / /tsha dang skyur mo dag gis sbyang / /'di grub chen u rgyan pa'i 'gyur yin//[ ]@##/ /rgya gar skad du/ sa m+bu ng+d+hu b+dA Shi ta pra ti bi m+ba la k+Sha na bi bar+Na nA ma/ bod skad du/ rdzogs pa'i sangs rgyas
8b5 kyis gsungs pa'i sku gzugs kyi mtshan nyid kyi rnam 'grel zhes bya ba/thams cad mkhyen pa la phyag 'tshal lo/ /sku gnyis rjes skyes rgyal ba yi/ /sku la phyag 'tshal de nas ni/ /bdag gis nges pas mtshan nyid de/ /ji ltar nus bzhin rnams 'grel bri/ /ji ltar bsnyen bkur bar bgyi zhes bya ba ni nye bar
8b6 sbyad pa ste//bcom ldan 'das kyi sku'i cha shas kyi mtshan nyid n+yagro d+ha ltar zheng yongs su gab pa zhes bya ba ni n+yagro d+ha ni shing ljon pa ste/ de'i yal ga chu zhed gab pa lta bu'o/ /'di 'od kyi dkyil 'khor la rab tu gsungs so zhes bya ba kha cig go/ /gzhan la ni 'di sku khyad par la gsungs pa'i phyir na phyag gnyis
8b7 logs su brkyang ba ni 'dom gang ste/ji srid sku'i tshad de srid 'dom gyi srid du yang gsungs so/ /ji srid ces pa la sogs pa la 'jam pa ni snum pa'i chos nyid do/ /mdzes ba ni yid 'phrog ba'o/ /'gying ba ga dang ldan pa ni gsum dgu la sogs pa'i yon tan no/ /bdun mtho bzhes pa ni cha shas bdun stengs su
9a1 mtho ba ste/gang las na zhabs gnyis dang phyag gnyis dang mgrin pa zhes so/ /de la zhes pa la sogs pas ni srid la sogs pa lnga po rnams kyi tshad gsungs ba bshad par bya'o/ /byang chub sems dpa' zhes bya ba la sogs pa ni ji ltar 'chad par 'gyur ba nus pa nyon cig ces ba'o/ /dbu skra'i
9a2 gnas dang de gnyis la zhes pa ni dbral ba'i gnas la'o/gtsug la yang sor mo bzhi'o/ /de gnyis no sor mo bzhir gsungs so/ /sor mo phyed dang bcu gsum zhal gyi dkyil 'khor la'o/ /de'i sum cha dbral ba la sogs pa'i dbye ba las so/ /kos ko'i mtha' gar gi de'i kos ko'i
9a3 mtha' dang /shangs kyi 'og gi mthar thug pa'i gnas la'o/ kos ko'i mtha' ni lhag bcas pa ni sor phyed kyis lhag pa nyid do/ /kos ko la ni sor gnyis ni logs kyi rgya ru ste/ steng gi srid pa yin pa zhes so/ /sor mo gsum po 'di srid du ste/ ste cung zad mtho ba zhes khyad par gyi bsdu ba'o/ /ltag
9a4 dang bcas pa ni byang chub sems dpa' la sogs pa rnams la mthong ngo //'byung sa steng du cha yis zhes pa'i cha'i sgra yis sor mo gsum char bshad de/ 'byung sa mtho ba 'di'i cha la bim pa'i ri mo zhes te/ /bim pa'i 'bras bu'i rnams pa'i ri mo zhes pa'i don te/ /zhal gyi grwa ni cha gcig ste sor mo
9a5 gcig go//ji ltar byung ba ste ji ltar 'khrungs pa bzhin tshems kyi rgyal bo la sogs pa rim pas gang ba rnams kyi rnam par bkod pa gsum pa de bzhin du'o/ /sor mo'i sum cha zhes pa ni sor mo'i sum chas pad sgros te de bzhin du sna'i rtse mo'i 'og tu'o/ /mchu'i steng du chu 'bab pa'i rnam pa lta bu'i bad sgros
9a6 so//sma ra'i gnas kyi dbus su mtshams 'dra ba'o/ /sor mo phyed mnyam pa zhes khyad par gyi bsdu ba ste/ shangs kyi bu ga zhes pa ni shangs kyi sbu bas zlum por 'khyil ba'o/ /shangs kyi rgyud dang shangs kyi rtse mo zhal dang mnyam ba'o/ /cha phyed ni sor mo phyed do/ /spyan gyi bar la zhes pa ni spyan dag gi dbus la
9a7 sor mo ste sor gcig gi tshad do//dbral ba'i 'og can gnyis kyi nye ba shangs kyi logs la re re ji srid bzhes so/ /spyan gyi 'bras bu'i dbus kyi snying po de la sor gnyis lnga chas shes par bya'o zhes pa ni kha cig go/ /de bzhin du sor mo gcig gi lnga tshal byed do zhes te/ 'di ni rigs pa'i rang bzhin du rtogs
9b1 so//sor gnyis sor gsum dag ces pa ni sor gnyis ni spyan gyi nor bu'i cha'o/ /sor gsum ni spyan gyi zur dang nye ba ste/ sha'i zlum dang lhan cig go/ /spyan la sor mo bzhi ni rang gi mtshams so/ /rnam par 'byung ba nas spyan gyi dbyibs du gsal ba'o/ /rtog po ni legs par mtho ba'o/ /spyan gyi sbubs la
9b2 sor mo gsum zhes pa ni smin ma'i 'og tu spyan 'bras nas brtsams te/steng dang logs sor mo gsum mo/ /spyan gyi zur dang shangs kyi logs dang spyan dag gi bar mnyam du bya'o/ /kos ko'i zhes pa ni kos ka'i mtha' dang steng du spyan 'bras kyi logs nges par sbyar bar bya'o/ /de ma yin pa zhal gyi zur gnyis kyang de
9b3 bzhin bya'o//smin dbus ni smin ma'i bar du sor mo phyad dang gnyis so/ /rgyar ni zheng du bya'o/ /dbus su zhes pa ni smin ma'i dbus mdzod spur shes par bya'o/ /zla ba gang zhig mdzes pa ltar/ /shangs kyi rgyud dang mdzod spu'i thig /de bzhin gtsug tor dbyibs legs pa/ /gtsug gi nor bu de shes bya/ /zhes pa'i
9b4 gtsug gi nor bu'i 'di dkyil gyi rnam pa'o//gtsug tor yang de bzhin du'o/ /snyan gyi rtser yang zhes bya'o/ /bu ga'i steng du snyan ni song mo bzhi'o/ /zheng du ni rgya ru ste 'dab ma'i zhing cha gcig go zhes so/ /snyan gyi rtse mo dag sor mo phyed kyi chad ni 'dab mar brjod do/ /steng mtho zhes pa ni sor mo gcig /snyan gyi
9b5 sbubs ni phyed cha ste/sor phyed snyan gyi khung du 'jug pa la'o/ /'gram pa nas snyan dag gi dbus me tog kha na bye ba'i rnam par steng du 'khyil pa'o/ /sor phyed dang gsum gyis snyan du 'gyur te/ 'dab ma dang lhan cig phyed dang bcas pa'i sor mo gnyis te/ nang gi cha zhes pa ni zhing du shar dang nub kyi
9b6 mtha'o//snyan gyi logs kyi 'dab ma la'o/ /spyan mtha' las mtha' sor mo phyed dang lnga snyan gyi 'dab ma ste/ snyan gyi 'dab ma dang bcas pa'o/ /snyan nas brtsams te snyan gyi bar bdun gyi cha'i dbu la sor bco brgyad do/ /rgyab du sor mo bcu bzhi ste/ nub kyi cha'i dbu la'o/ /de dag bar du ni nub kyi cha'i
9b7 khyad par dang ngo //sor mo sum cu rtsa gnyis ni zhes pa la sogs pa ni gcig tu bya bar gsungs so/ /zlum po ni bskor ba'o/ /mgul ni cha bzhi ste sor bzhi'o/ /mgul nas brtsams te snyan la steng du sor mo dgu'o/ /shar dang nub kyi cha la bskor ba'i phyer sor mo nyi shu rtsa bzhi mgul la'o/ /mgul pa las
10a1 mgul ba'i lhag ma la sor mo brgyad de/logs su snyan gyi nye bar sor bzhi 'dzin pas so/ /thal gong sor mo bcu gnyis so/ /snying ga'i bar zhes pa ni snying ga'i nye ba'i bar gyi cha shas nyid dang bral ba zhes ba'i don to/ /gdong pa bzhi yi tshad kyis ni/ /phyag gi srid du zhes te ring du'o
10a2 phyag gi srid ces pa ni 'dir phrag pa nas brtsams te phyag gi rtse mo ji srid ba phyag tu gsungs so//'dir phrag pa nas gru mo'i steng yan chod sor mo nyi shu dpung pa la blta bar bya'o/ /gru mo 'ang 'og nas sku mkhrig ma yan chod phyag ngar te sor mo bcu drug go/ /mkhrig ma'i 'og nas phyag gi rtse mo yan chad gru mo'i
10a3 zur gyi bar phyag ngar du lta bar bya'o zhes gsungs so//mchan 'og nas brtsams te bar lhu'i cha dang po'i tshigs kyi mtha' yongs su blta ba ni sor mo nyi shu'o/ /phrag pa'i mdun gyi mtha' nas brtsams te rgyab du gsungs ba ni 'di gnyis mnyam du bcu gnyis kyi tshigs so zhes so/ /tshigs kyi phyogs zlum po
10a4 la sor mo bcu gnyis so//phyag dag gi phyag gi srid du sor mo bdun gyi tshad do/ /phyag gi mthil la dbus su rgyar sor lnga'i tshad/ grangs zhes bya ba la sogs pas bcom ldan 'das kyi phyag la mtshan rnams gsungs pa ni mtshan thams cad pa ste/ 'khor lo rtsibs stong pa la sogs pas lhan cig pa'i gzugs
10a5 zhes pa ni mtshan thams cad kyi gzugs so//gang yang ji lta ba'i ri mo'i rnam pa dang / gang yang bkra shis kyi rnam pa dang / gang yang rig pa'i rnam pa dang / gang yang sa'i rnam pa dang / gang yang g.yung drung 'khyil ba'i rnam pa zhes bya ba la sogs pa'o/ /shis pa'i yon tan med pa dang mi ldan pa'o/ /kun gyi
10a6 mtshan gyi gzugs su gyur pa'o//rnam pa phan tshun so sor ma 'byar ba'o/ /phyag sor gung mo sor lnga'i srid du ring ba'o/ /gung mo las tshigs phyed kyis dman pa mdzum mo ste sdigs mdzub bo/ /sor mo phyed kyis dman pa ni ming med do/ /mtheb chung ni nye ba ste ming med las zhes te/ ming med las
10a7 tshigs gcig gis dman pa ni mtheb chung ngo //de rnams tshigs phyed sen mos mdzes pa ni yid 'phrog pa'o/ /mkhrig ma'i steng du ji srid sen mo'i bar du mtheb chen gyi sring du sor mo bzhi'o/ /lte ba yang de bzhin du de sring sor mo bzhi pa nyed do/ /mtheb chen tshigs gnyis so/ /tshigs phyed dus ni
10b1 mo'o//mtheb chen gyi rtsa ba dang / mdzub mo'i rtsa ba'i bar la sor mo gsum mo/ /mtheb chung dang mkhrig ma dag gi dbus kyi cha phyag gi cha la srid du ste ring du sor mo lnga'o/ /'dir don gyis go bar bya ba'i phyir mtheb chung spangs nas phyag gnyis kyi dbus ma'i nye bar ring du tshigs gsum gyi cha yis mtho ba'o/ /
10b2 de steng zhes pa ni mchan 'og gi steng du phrag pa'i mtshams su cha dgur bya'o/ /sor mo dgu po rnams kyi chad do/ brang dang sku rgyab ces pa ni sku brang dang sku rgyab dag re re nyid la bskor ba ste yongs su zlum du sor mo lnga bcu rtsa drug go/ /nu ma lte ba'i bar de bzhin zhes pa ni nu ma dang lte ba'i bar la sor mo bcu drug go/ /
10b3 kun 'bigs zhes pa ste khung dang / tshigs dag ces pa ste tshegs kyi mdud pa dag dang / lte ba gnyis kyi cha shas pags pa 'dus pa de dag lhan cig ste ba'i khung ni sor mo gcig go/ /lte ba'i dbus su yongs su brtag pa ni lte ba nas brtsams te rgyab dang lhan cig ji srid lte ba tshun chad zlum bo la sor mo
10b4 bzhi bcu drug go//srid kyi rgya ru zlum po dag la pags pa'i 'og tu sor mo bzhi 'chad pa'o/ /sgang gnyis kyi steng du sor gcig go/ /brla zhes pa ni brla'o steng du mnyam gzhag yang dag pa'i gzugs bya'o/ /de dag steng gi dbus kyi bar la sor bcu gnyis so/ /brla'i rtsa ba'i zlum la sor mo sum cu
10b5 rtsa drug go//brla'i 'og gi dbus kyi zlum po la sor mo sum cu rtsa gnyis so/ /pus mo zhes ba ni pus mo'i rtsar yongs su bskor ba'i zlum la sor mo nye shu rtsa brgyad do/ /tshigs bcings pa sngon ma gnyis sor mo bzhi'o/ /pus mo 'og tu pus mo las sor mo ste long bu sor mo gnyis so/ /long bu mi mngon pa
10b6 la sogs pa ni sor mo'i tshigs gnyis ni mngon pa dang /sha yis 'khyil ba'o/ /de'i phyir rtsa ni gnas par 'gyur ro/ /rje ngar dag ni dbus kyi 'khyil ba sor mo nyi shu rtsa gcig gis yongs su zlum po nyid do/ /dngul kyi 'og tu sor mo bcu bzhis yongs su zlum pa'o/ /long bu'i 'og tu zhes pa ni zhabs kyi long
10b7 bu man chod la sor bzhi'o//long bu'i phyi rol nas ji srid sen mo'i rtse mo'i bar du zhabs kyi srid du sor bcu gnyis so/ /zhabs kyi phyed kyi zheng du'o zhes pa ni sor mo drug go/ /steng dang 'og gi rgyar sor mo gnyis so/ /zhabs gnyis kyi logs zhabs kyi long bu'i 'og rting pa la steng dang 'og tu sor
11a1 bzhi'o//sor mo drug gi rgya las ni zhes pa la sogs pas ni rgya ste/ 'phred la sum 'gyur gyis zlum po ste zhes pa ni rting pa'i zur gcig nas gcig gi rting bang du zhabs dang lhan cig du zlum po la 'gyur ni sor mo bco brgyad ces pa'i don to/ /zhabs kyi sor mo lnga po rnams ni tshigs
11a2 gnyis pa rtse mo'i phyed du sen mos mdzes pa ni mthe ba chen no//sor mo lnga po rnams ni yongs su zlum pa'o/ /srid du sor mo gsum zhes pa ni ring du sor mo gsum mo/ /zhabs kyi mdzub mo ni srid du mtheb chen dang mnyam pa nyid do/ /de'i phyir mtheb chen gyi srid du 'dzum mo'o/ /cha bcu drug gi dbus ma dman zhing thub
11a3 ba'o//gung mo las brgyad chas dman pa ni ming med do/ /ming med las brgyad chas dman pa ni mtheb chung ngo / /sor mo rnams ni sor gcig gi dpangs su'o/ /mtheb chen ni phyed dang bcas pa'i sor mo'i dpangs su'o/ /zhabs kyi phyed rgyab rus sbal gyi rgyab lta bu'o/ /zhabs kyi mthil 'khor lo la sogs pas rnam
11a4 par brgyad pa go /mnyam du 'brel pa ni dang po'i rkang pa ltar ma chad par 'brel pa'o/ /bya'i sgo nga zhes bya ba la sogs pas ni zhal rnam pa bzhi ru gsungs so/ /skyes bu chen po'i zhal ni bya'i sgo nga'i rnam pa'o/ /maN+Dal gyi rnam pa'o ni khro bo rnams kyi yin no/ /gru bzhi pa yang ngo / /rdzogs pa'i sangs rgyas rnams kyi
11a5 rab tu zhi bar bya'o//spyan ni dngas par gyur pa ste/ thams cad la gzigs par byed pa thams cad mkhyen pa'i spyan no/ /steng du lta bar byed pa dang / dman pa la brten pa dang / 'og tu lta ba yang ma yin par ro/ /bdag gis rnam 'grel 'di byas bsod nams des/ /sangs rgyas la sogs tshad ni rdzogs
11a6 byas te//rnam par mi rtog byang chub tshogs thob cing / /skye dgu rnams kyis rgyal ba nyid thob shog /yang dag par rdzogs pa'i sangs rgyas kyis gsungs pa'i sku gzugs kyi mtshan nyid kyi rnam 'grel rdzogs so// //rgya gar gyi mkhan po d+ha rma d+ha ra dang / /lo rtsA ba yar klungs pa grags pa rgyal mtshan gyis mang yul
gung thang gi rgyal sar bsgyur ba'o/