CLOSE WINDOW

D4308
བོད་ཡིག

de ltar sus nus mi lus thob pa'i don yod skyid cing dge /slob dpon 'phags pa klu sgrub snying pos sman pa rnams la brdzangs pa/ sman 'tsho ba'i mdo tshigs su bcad pa rdzogs so// ///[]@#/ /slob dpon klu sgrub kyis bshad pa sman a ba'i cho ga / sman a ba 'di ni lus kyi rus pa chag pa dang / rkang lag gi rus pa chag pa dang / 'phres pa dang / kha bye ba dang / tshigs 'bur ba dang / smas te rma chen po byung ba dang / rlung dang / bad kan dang / mkhris pa dang / dreg nad dang / da sgal dang / ro smad man chad 'jas pa dang /na ste mi bde na yang nad kyi ngos ma zin te ci na gtol med pa dang / mig nad sna tshogs pa dang / rgas sra bar bya ba dang / ro tsa bar bya ba la sogs pa'i dpyad/ lha chen po gu lang gis gu lang gi btsun mo zhes bshad de/ a ba yin no/ /a ba gtang ba'i tshes grangs 'dam pa ni/tshes bdun dang / brgyad dang / bcu gsum la bzang ngo / /skar ma 'dam pa ni/ ba ru Na'i dus la bab pa'i chu lha ste/ bdud rtsi dang sbyor ba'i skar ma la bzang ste sman gtang ngo / /sman gtang ba'i thabs ni nad ci na yang rung ste/dang por sbrang rtsi la sbyar te gtang / de'i 'og tu zhun mar la sbyar te gtang / de'i 'og tu 'bru mar la sbyar te gtang ngo / /sbrang rtsi la sogs pa sna re re 'dra ste/ zhag bdun bdun sbyar zhing phul te 'tshal lo/ /phan pa'i sna grangs ni/ lus kyi rus pa chag pa dang / rkang lag chag grugs byung ngo cog dang / lus la rma byung ngo cog dang / snying na ba dang / rtsib logs na ba dang / ro stod gzer ba dang / glo na ba dang / rus pa chag go cog la lhag par phan no/ /rlung las gyur pa'i nad brgyad cu snyed yod pa dang / mkhris pa las gyur pa'i nad kyi rnam grangs nyi shu dang /bad kan gyi nad nyi shu rtsa bzhi ste/ spyir nad brgya nyi shu rtsa bzhi yod pa ril 'byang ngo / /dreg nad dang / tsha grang 'dres pa las gyur pa'i nad dang / mdor na nad ci yang rung ste/ sman a ba btang na nad do cog 'byang ngo zhes lha chen po tshangs pa dang / gu lang gis bshad pa las thos so/ /mig rab rib yod pa dang / ling tog dang / spris g.yogs pa dang / mdongs pa dang / mig g.ya' ba dang / na ba dang / mig nad yod do cog dang / mgul pa man chad na ba dang / sna nad dang / rna nad dang / rna ba mi gsang ba dang / klad pa mi bde ba dang / mchin nad dang / snying nad dang / ro stod mi bde ba dang / 'di rnams la 'bras bu gsum las sna gcig kyang zho re re/ lcags phye zho gsum lcags dog gi nang du chab can rtse gsum las bskol te/ gang lus pa dang btsags la chu dron 'jam tsam gyi nang du sman a ba zhib tu btags pa zho gsum btab ste 'jam tsam la nub mo nyal kar 'tshal lo//dgongs 'tshal ma mi 'tshal na/ dro 'tshal ba'i rjes la 'tshal lo/ /sman 'di nyin zhag nyi shu tsam btang na/ mdongs pa yang mig gis mthong bar 'gyur ro/ /yang sbyor ba rnam gcig la/ 'bras bu gsum las sna gcig kyang zho re re/ lcags phye zho gsum/ ba mar srang gnyis/ chab can rtse gsum gyi nang du bskol te/ do ni du/ gang ni lus ba dang / btsags te dro 'jam tsam gyi nang du a ba btags pa zho gsum btab la nyal khar 'tshal lo/ /dgongs 'tshal mi 'tshal ba lta zhig na/dro 'tshal ba'i rjes la 'tshal lo/ /'di bzhin du zhag bzhi bcu rtsa lnga'i bar du 'tshal na/ mig phyung ba ma gtogs pa/ dmus long dang mdongs pa yang mthong bar 'gyur ro/ /lo bcu drug pa gzhon nu'i tshad du 'gyur ro/ /a ba phye ma mar ldan pas / /rus pa chag la nub gsum du//'thungs na de yi rus pa ni/ /rdo rje lta bur sra bar 'gyur/ /a ba tshab gsum de bzhin/ /tsha nag nye'u shing rtsa ba yis/ /dug skam rus pa na ba dang / /lud pa de bzhin dbugs mi bde/ /snying na ba dang sha chod la/ /de rnams cha ni mnyam byas te/ /phye mar byas nas nub gsum du/ /chu dron lhan cig myur du btung //'bras bu gsum ni 'o ma dang / /mkhas pas de bzhin bskol byas nas/ /mar ni sum cha gcig dang ldan/ /de bzhin a ba bzhi cha gcig /zan zos 'og tu nub gsum du/ /'thungs nas 'u sha zas dang zan / /gyen du za ba'i nad las rgyal/ /rab rib rdzi bor mig ser dang //tshad rnying g.yan pa tshor bcas dang / /mig gi nad ni thams cad dang / /gzhan yang de bzhin klad nad dang / /lto nad dang ni snying nad dang / /de bzhin yan lag chag pa dang / /zhag gsum du ni rab sbyar na/ /long ba dag ni mthong bar 'gyur/ /a ba so ma ra dza dang / /ra yi 'o mar bskol te btung //'thungs na rlung ltar mgyogs par 'gyur/ /a ba phye ma mar sar dang / /kha ra de bzhin pi pi ling / /gzhang gi nad ni thams cad la/ /'di las drag pa gang yang med/ /glang po ba lang khyu mchog dang / /ra dang lug dang mi rnams la/ /a ba mar dang 'o ma dang / /'thungs na de dag shis 'gyur te//sha chod rus pa chag pa dang / /skom dang snying nad mgo 'khor dang / /thams cad nad las rnam par grol/ /gang gi lus ni skem pa dang / /gang zhig sha bkrar gyur pa dang / /gang gi lus ni 'jig pa dang / /gal te rus pa nar gyur cing / /gso dka' ba yi nad la phan/ /a ba dang ni nye'u shing dang / / so ma ra dza de bzhin te/ /sbrang rtsi pi pi ling de bzhin / /mar dang 'o mar lhan cig btung / /zhag bdun bar du sbyar bar bya/ /'dod chags rnam par spang byas te/ /zhag bdun bar du sbyar ba yis/ /de ni rlung dang khrag las rgyal/ /de bzhin nad rnams kun las rgyal/ /slob dpon klu sgrub kyis mdzad pa sman a ba'i cho ga rdzogs so//