CLOSE WINDOW

D4307
བོད་ཡིག

ya mtshan brgyan la legs sbyar tshig gis spel/ /gang 'di bsgyur dges nad rnams zhi bar shog/ @/ /sman 'tsho ba'i mdo bzhugs/ @#/ /rgya gar skad du/ dzI ba sU tra/ bod skad du/ sman 'tsho ba'i mdo/ / bam po gcig pa/ thams cad mkhyen pa la phyag 'tshal lo/ /sman pa'i mchog ste nyon mongs nad sel de la phyag 'tshal nas/ /'phags pa'i brtul zhugs drang srong ma gtogs skyes bu blo ldan pas/ /rlung mkhris bad kan gsum dang 'phrod spyad bag bya spyod lam gyis//mi lus 'di thob don yod 'tsho ba'i don tsam bstan par bya/ /'dod khro gti mug gsum las rlung mkhris bad kan gsum srid de/ /lus yul dus la sogs pa kun dang bde bcas dbang bsgyur zhes/ /drang srong chen pos gsungs phyir de yi khyad par mdor bstun nas//tshul rtags zas dang gnas dpyad dgongs pa nyi tshe 'dir brjod pa/ /lus rtsub skems sems rgod tshig mang grang rlung gi mi/ /dmar ser blo rno khro la drod che dri can mkhris pa'i mi/ /dkar snum tshig g.yung lci la drod chung gnyid chung bad kan mi/ / gnyis dang gsum du 'dres pa yang ni de las shes par bya/ /rgan dang dar dang byis pa rim gyis lta zhing shes par bya/ /ngad can grang ba rlung gi yul te tsha gdung mkhris pa'i sa/ /rlan can snum bag bad kan yul te 'dres pa de las brtag / nang par srod ni bad kan tho rangs phyi dro rlung gi dus/ /nyi ma phyed dang nam phyed mkhris pa'i dus yin shes par bya/ /dpyid na bad kan ldang ste dbyar stod rlung sogs ston mkhris ldang / /dbyar smad rlung ldang mkhris sogs dgun stod dgun smad bad kan sogs / / ston ni rlung zhi dgun stod mkhris zhi dbyar smad bad kan zhi/ /lus yul dus dag brjod nas bro drug khyad par mdor bstan pa/ /mngar kun bsil te bad kan skyed de rlung mkhris sel byed na/ /zhun mar bu ram snying gzer gze ma gro dang starka dro/ /mu ka sbrang rtsi skam sa'i sha dang nas dang bu ram rnying //bad kan sel te nye shing ram nye bad kan mi skyed snyoms/ /tsha ba dro ste mkhris skye rlung dang bad kan sel byed na/ /srog chags mkhris pa mkhris sel na le sham ni rlung yang skyed / /skyur kun dro ste mkhris pa skyed cing bad kan rlung sel na//skyu ru ra dang bal po se'u ni mkhris pa sel bar byed/ /ku shu mngar ni bsil la dar ba chus bslad mkhris mi skyed/ /kha ba bsil te rlung skyed bad kan mkhris pa sel byed na/ /shu dag sle tres dro ste 'phrod dang sbyar na rlung yang sel/ /bska ba kun ni bsil te rlung skyed bad kan mkhris sel na//a ru ra ni nyes pa gsum pa gnod mi byed de snyoms/ /chang ran bad kan rlung sel mang na mkhris pa skyed par byed/ /lan tshwa dro ste rlung sel bad kan mkhris pa skye byed na/ /rgyam tsha lce myang tsha ni mkhris pa las yang gnod mi byed//mngar dang bska dang lan tshwa gsum yang rim bzhin mas lci ste/ /skyur dang tsha dang kha ba gsum ni de bzhin mar zhing yang / /kha ba bska dang lan tshwa gsum yang rim bzhin mas rtsub ste/ /mngar dang skyur dang tsha ba gsum yang de bzhin mar zhing 'jam/ / rlung mkhris bad kan gsum ka 'dra ste nyid kyis nyid skyes pas/ /lus dang yul dus zas spyod tshul gcig 'dom na nad ldang ste/ /ji ltar mthun par 'phrod sbyar rlung mkhris bad kan mi ldang phan/ /de phyir 'phrod dang mi 'phrod la sogs tshul bzhin 'dir bstan pa/ /rlung ni mngar snum lci dro 'phrod de rtsub yang bsil mi 'phrod//mkhris pa kha mngar bsil dang 'phrod de tsha skyur dro mi 'phrod/ /bad kan snum lci bsil dang mi 'phrod rtsub tsha spyod dang 'phrod/ /de bas rang gi lus dang dus gnas zas dang 'phrod spyad phyir/ /dpyid zla gnyis ni bad kan bskyed dus yin te nad ldang bas //bad kan drang zhing bkru sman skyug sman btang zhing chu tshan btung / /gro nas bsreg sha sbrang rtsi la sogs rtsub bska yang ba bza'/ /sbrang chang rgun chang sga chu sbrang chu bu ram chang nyid btung / /mar tshil la sogs snum lci kha ra skyur po tsha phrom dag//mngar 'jam skyur na bsil bag yang zhing nyin par log mi bya/ /chu tshas lus bkru mnye zhing las bskyod bcag bya ci ran bya/ /gnas kyang ha cang mi tsha mi grang ran dro grib mar 'dug /dbyar stod zla gnyis ma 'bri dus yin nyal po drag shul spang / /ngal dub mi bya bag 'bras 'o ma mar sar sha dag bza'//bu ram tshil ni cung zad bza' ste chang nyung yang ba btung / /'o ma bskol grang kha ras btab dang dar ba 'thungs na phan/ /lan tsha skyur zhing na le sham la sogs pa tsha skyur spang / /chu 'jam tsam gyis lus bkru sgra snyan mnyan zhing gdags//char par reg bya nyin par tsog bur gnyid kyis log na phan/ /gnas kyang ser bu drag po'i ngad med dro min bsil bar 'dug /dbyar smad zla ba gnyis na mkhris pa sogs shing rlung ldang ste/ /phyi rol tsha la lus kyi nang grang nad gsum g.yos pas na/ / rlung nad bsal phyir lus mnye snum bsku sman chu bskol bas bkru/ /rlung nad sel des til mar mas gtong dugs dang lums kyang bya/ /zas kyang ha cang tsha min mngar skyur med par ran par sbyar/ /pho ba drod skyed bag dang mar tshil sbrang rtsi bar 'ga' bza'/ /yos dang 'bras chan mar khus blugs dang zan dron sha dag bza'//chang yang cung zad btung ste chu dang chu grog spang bar bya/ /rlan la mi 'dug mi 'gro lus la char pas gsher mi bya/ /stobs dang drag shul ngal zhing dub par gyur pa'i bag dang yang / / nyin mtshan mi bde nyin par mi log nyal po brtun byed spang / /gnas kyang rlan med rlung mi ldang la bsil bar stan bting 'dug /ston zla gnyis ni mkhris pa skye ba'i dus yin nad ldang bas/ /bsil mngar bkru sman gtang zhing gtar kas khrag kyang ci ran dbyung / / kha zhing mngar la bsil ba'i sman yang rtag tu bza' bar bya/ /dus 'di'i chu ni dug med gtsang dang bkrus shing 'thungs na phan/ /zas kyang 'bras nas sran ma sbrang rtsi kha ra sha la sogs/ /mngar zhing kha la yang ba mar sar 'o ma bza' zhing btung / /chang lci drag po'i ro yod mi btung ra ror mi bya ste/tshil dang til mar mi bza' zil par mi 'gro 'dug mi bya/ /tsha ba'i zas dang yul yang zla grogs yid du 'ong ba bsten/ /chu 'jam tsam gyis lus bkru gos kyang dri ma med pa bgo/ /rgyan dang dri zhim lus la gdags shing nyin mtshan mi bde ste//gnas kyang dro min ser bus mi phog bsil bag can la 'dug /dgun stod dgun smad zla bzhi phyi grang nang tsha bad kan sogs / /gos dror bgo zhing rlan dang lhags pa bag bya nyi ma'ang 'de / /zas kyang sha tshon rus khu mar tshil snum bag 'grangs par bza'//mngar skyur lan tshwa drod bag cher bza' gsar tog 'bru dag bza'/ /ran par sna tshogs chang btung ngal ba'i las dag byas kyang sla/ /rtsel bcag lus sbyang skabs skabs mgo lus til mar bsku zhing mnye/ /de rjes skyu ru ra la sogs pa sman bskol chus kyang bkru//gnas kyang bsro khang dron por me dang stan stug ldan par 'dug /dbyar stod tsha dus dbyar smad rlung dus bkru sman mi gtang ste/ /dgun stod dgun smad grang dang rgas la skyug sman gtar ga spang / /dgun gnyis dbyar stod lums dugs mi bya nad kyis gzir kyang sla//de ltar yin yang lus dang nad du gar mthun brtsam par bya/ /rlung mkhris bad kan gsum dang 'phrod pas 'tsho ba'i mdo brjod nas/ /bag byed spyod lam can dag ring du 'tsho phyir yang bstan pa/ /med smra cir yang chos dang rigs pa gzhan dag gsum la 'dzem//sngar byas nang nub bsam zhing skyor dor phyin chag bag cher bya/ /byed pa gang la rdul med rang nyam med cing 'dod chen spang / /nga rgyal lang tshos spyi brtol che min shes dman khum mi bya/ /sdig grogs spang zhing dge bshes bsten te gtong smos dge bcu spyad//gsong des tshul chags gzhan la gnod min mi la byams par bya/ /lha dang rgyal por nyer bsam lung mnyan yid dang mthun par sgrub / /rgyal po'i sras dang rma ni chung yang mi brnyas bag cher bya/ /spyod lam sgyu mas mi bslu bka' khrims yul chos bsrung //gzhan gyi dpyas skyon mi brjod rtog 'dod gtum chos 'gran mi bya/ /dge slong slob dpon pha ma'i gong du mi 'gro sri zhu skyed/ /dge sbyong drang srong srog chags ya mtshan mnyan gtod sbrul mi rtse / /ma rtogs shing chen mchod rten drung dang lam mdo phug stong dang //sems can mang du bsad pa'i slo sa dur khrod nyal mi bya/ /gnyan pa'i mtsho dang chu mig bzang por mi bkru mi bshal te/ /rdo shing dgon pa'i shing chen mi bcad pha bong gzhom mi bya/ /mchod rten rgyal mtshan arga'i grib ma maN+Dal mi 'gong zhing //mi ro gtor ma yas stags hom khung thal khung bcag mi bya/ /nam mkha' ban bun nyi ma phyed dang dmar thag chad pa'i tshe/ /mi bza' mi btung yi ge klog min nyal po las dang yang / /nyi ma la sogs 'od zer phra sngags mi ring ring mi blta/ /lha khang sgor mi nyal te ri sna grog snar gnas mi bca'//ya mtshan shes drag mi bsten bud med ngag mi mnyan/ /bud med rgan la mi rgyo rtsal rgyos smra 'gros dub mi bya/ /gad mo che zhing ring du dgod dang ngud mo drag po spang / /rtag tu mi 'dug ring du mi 'greng ci nus ran par bcag /sbrid pa lud pa khu chu mchi ma snabs 'phyen bshang gci dbyal / /mi dgag ma bsgrus bkres skom nad gnyid gnag min myur du bsal/ /nyal po skigs pa lud pa la sogs tshe lus mjing mi gcu/ /glal na kha dgab sbrid pa smra tshe ha cang kha mi bgrad//sen mo ring du mi bzhag bregs te phan tshun brud mi bya/ /mgo lus lag pas mi brdab mgo bo drag tu mi sprugs te / /don med sa mi bri zhing lag pa mi brdab mchu mi bri/ /mi nus bzhin du ci mi gdags te mya ngan gnan mi bya//dpyid dang dbyar stod ston ni phyugs mar dus bzhin til mar gyis/ /rtag tu mgo dang rkang mthil bsku zhing bar bar lus kyang bsku/ /ston dpyid ma yin dus gzhan res 'ga' sna dang rna bar til mar blugs / /skyer pa'i khaN+Da stang zil dag gis bar bar mig kyang bsku//rtag tu lus kyi byi dor bya zhing sman sngags rin chen gdags/ /ser bu drag po mi ro'i dri dang dud pas phog mi bya/ /chu tshas mgo lus mi bkru bkru sman skyug sman gtang ba dang / /cham pa ma zhus btab ste mgo lus mi bkru snum mi bsku/ /skya rengs shar nas tsog pur 'dug ste de ring ci bya bsam//langs nas so shing bca' zhing kha yi skyon bsal lag gdong bkru/ /de nas sman mchog a ru ra ni rtag zos bdud rtsi yin/ /lug gi mar min mar sar zhun mar rgas sra tshe ring ste/ /'di la sogs pa lus dang tshe la phan pa'i sman zos na//byug pa rgyan dang gos kyis shin du mdzes byas lha yang mchod/ /de nas sri zhu'i gnas dang 'khor la snyan brjod 'dzum bstan nas/ /rje dpon las dang bdag gzhan don la nan tan brtson 'grus skyed / /dus bzhir dro bab ran par zas bza' ngoms par skom 'thung ste//thug pa khu tshan la sogs snum lci drod kun sngar bza' zhing / /'bras la sogs pa bsil yang phyis bza' 'phrad med phye ma 'gam / /bab chol ha cang 'grangs par bza' min myos par chang mi btung / /'bras kyis 'grangs rjes phye zan mi bza' drod rjes skom mi btung //skyo ma ran par 'thungs na lus brta nang na rgan la bsod/ /bro drug gang yang gcig la cher zos nad ldang ran par sbyar/ /'grangs pa'i rjes la nyal po bang stobs rta rgyug la sogs spang / /shing tog ldam ldum mang na nad ldang ba mos phog pa gnod//dbyar zla 'bring po'i tshes la ldam ldum bza' drag nad du 'gyur/ /nad can lums kyis drangs te mgyogs na nad ldang skran du 'ong / /mchin pa g.yer ma spangs te zos na cung zad snying la gnod/ /zas mchog sbrang rtsi mar rnying cha mnyam zos na dug bzhin gnod//mi mnyam che chung byas kyang zos rjes chang du 'thungs na gnod/ /ma langs zho dang langs ma thag gi zho dron nad kun slong / /chu bya dbyar spang ldum mchog ke'u ni dbyar zla 'bring po'i sman/ /sman 'thungs sha pa'i sha gnod ga gon zho 'drer rims su 'gyur//btsong bsregs sbrang rtsir mi 'phrod lhan cig zos na 'chi bar 'gyur/ /ke'u 'am gnag sha lhan cig zos na skran du 'gyur/ /dgun stod rgya g.yer zos na snying ni drags na mig kyang mdongs / /mar tshil zos dang mi 'phrod lha ba bza' drags na so 'byung / / bra bo mang du zos na rlung dang lus g.ya' ste/ /nub mo chu 'thung chang gnon la phug rnyid dang sha skam spang / /nya dang kha tsha mar tshil mi 'phrod snod kyang gcig mi bya/ /nya dang 'o ma lhan cig mang zos nang na zer ma gnod/ /shing tog chang la sogs te skyur dang shang tshe la phug rlon//nyungs rnying 'di rnams gang yang 'o mar 'phrod min mang zos gnod/ /'o tshan 'thungs rjes chu grog 'thungs dang rgya sran nag po gnod/ /zla ba spyang kis zin tshe zan zos so na shu ba 'byung / /gnag sha rta sha lhan cig zos na lus la g.yan pa 'ong / /gnag sha phag sha lhan cig zos na lto yi srin bur 'gyur//nya dang khyim bya'i sha gnyis lhan cig zos na skran du 'gyur/ /khyim bya'i sgo nga'i spri dang sgog skya zos na dbugs mi bde/ /khyim bya'i sha dang ri bong sha gnyis lhan cig zos na cung zad 'khru/ /sha mo yungs mar nang du brdos pa zos na lus la gnod//ma nu'i sa bon ka tsam sbrang rtsir 'phrad ma yin/ /la phug bu ram mi 'phrod zho dang bya gag shar mi 'phrod/ /de ltar 'phrod zas goms dang rtag tu chags pa dang / /lang tsho 'ju slas zos dang nyung na gnod pa med dang bsre//'phrod pa'i zas zos phyi dro'i las byas nam sros bde bar nyal/ /de ltar nan tan bag byas mi tshe tshad bzhin 'tsho nges pas/ /skyes nas lo bcu'i bar du sma mi dbab cing rang dgar gzhag /de nas nyi shu lon te lo bcur bslab dang brtsal bar bya//de nas lnga bcu lnga lon sum cu rtsa lnga khyud 'khor du/ /longs spyod grags pa'i yul srid gtam byas nas/ /lnga bcu lnga lon phyin chad chos lam yum gyi ched bsgrub phyir/ /dge la brtson bskyed thos rig goms byed lus sems ci bder gnas/ /