CLOSE WINDOW

D4306
བོད་ཡིག

@/ /sbyor ba brgya ba bzhugs/ @##/ /rgya gar skad du/ yo ga sha ta ka /bod skad du/ sbyor ba brgya pa/ sangs rgyas sman gyi bla bai DUr+ya 'od kyi rgyal po la phyag 'tshal lo/ /'phags pa klu sgrub la phyag 'tshal lo//ring du grags pa'i gso dpyad nas/ /mtha' yas rgyud kyi gces pa blangs/ /sman pa mkhas par rab mchod pa'i/ /sbyor ba brgya yis bcing bar bya/ /bdud rtsi lta bu'i sman sbyor gyis//lus ni nad med 'gyur ba yin/ /gso dpyad shes pa'i sman pa yis/ /nad rgyu mtshan nyid yongs su brtag /sle tres gla sgang byi tsher bca' sga dang / /byi tsher gla sgang tig ta par+pa ta//ba shaka byi tsher bca' sga gla sgang rnams/ /bskol thang rlung mkhris bad kan rims la btung / /k+Shu tra sle tres bca' sga puSh+ka rau / /bskol ba'i thang byas bad kan rlung mchog la//lud pa dbugs mi bde bcas dang ga med/ /gzhogs gzer nyes gsum las byung rims la'ang bsngags/ /dong ga drod sman nar rtsa gla sgang dang / /hong len a ru ra rnams bskol ba'i thang //gzer bcas tshad 'khru bad rlung ldan rims la/ /phan no drod skyed bzhu ba byas pas kyang / /rgun 'brum gla sgang hong len a ru ra/ /dong ga par+pa ta ka'i thang byas la//mkhris byung rims dang bla 'chol brgyal ba dang / /mgo 'khor tsha skam skom dad ldan rnams phan / /kaN+Da ka ri bca' sga sle tres bskol/ /drod sman nar mo bsres pa'i thang 'thungs pas/ / gsus gzer lud pa tshad rnying dang ga med/ /pho ba'i nad cham dbugs mi bde rnams 'joms/ /byi tsher parba ta ka a ru ra/ /ba sha hong len tig ta pri yang+ku/ /ka ra cher btab bskol ba'i thang 'thungs pas//skom dang khrag mkhris rims dang tshad ldan 'joms/ /rims nad gso ba'i dpyad do/ / skyer rtsa 'bras bu gsum dang bI shA la / /skyer rtsa phye mar byas la nges par bskol/ /thang la sbrang rtsi ldan pa 'thungs pa yis//gcin kha snyi ba'i nad skyes ma lus 'joms/ /u di ts+ya dang ka ped bong nga dkar/ /gla sgang dug mo nyung bcas thang byas pa/ /tshad pa gzer bcas khrag 'khru dang bcas pa / yun rings zhugs pa'i 'khru ba rnams la phan/ /gla sgang bca' sga bong nga dkar por bcas/ /sle tres cha snyoms chu la bskol 'thungs pas/ /me drod zhan pa'i rgyun gyi nad rnams dang / /tshad zin 'khru ba'i nad kyang sel bar 'gyur/ /lpags nad lto ba na dang skya rbab nad //sbos dang cham pa bad kan mgul 'gags la/ /pur+Na rna ba thang shing a ru ra/ /sle tres ba gcin gu gul ldan pa btung / /gla sgang shi kru thang shing dan+tI 'bras/ /byi dang drod sman nar phye bcas thang gis/ /rgyun du kha rkub nas 'byung srin bu dang //srin las skyes pa'i nad kyang 'joms par 'gyur/ /suk+Sh+me drod sman shing mngar na le sham/ /asma b+he dang e raN ba sha gze/ /brag zhun gtso cher bskol ba'i thang 'thungs na/ /rde'u gseg ma dang bcas gcin sri sel/ /brag zhun asma b+he dang suk+She dang //drod sman phye ma 'bras bkrus chu btab btung / /yang na bu ram dang bcas 'thungs gyur na/ /gcin sri 'chi la thug pa'ang 'cho bar 'gyur/ /dong ga dang ni gze ma a ru ra/ /byi tsher asma b+he da ba sha ka /bskol ba'i thang la sbrang rtsi ldan 'thungs na//tsha zhing gzer bcas gcin sri grol bar 'gyur/ /dong ga dang ni sle tres ba sha rnams/ /e raN mar khu la bskol thang 'thungs na/ /rlung byung rnam 'gyur ma lus khrag gi nad/ /steng 'og lus kun nas 'dzag rim pas 'joms//taN+Du li ka'i rtsa ba lig bu mig /'bras kyi chu la sbrang rtsi ldan 'thungs na/ /kun gyis bskyed pa'i khrag nad nges par 'joms/ /dbugs mi bde la b+hArgI bca' sgas so/ /bri ha ti gnyis e raN ka ped dang / /ma tu asma k+Sha ra shing kun gze//san d+he e raN mar khur bsres byas thang / /rked pa snying nu pho mtshan gzer bas gdung / /shing kun shu dag kha ru bca' sga dang / /go snyod a ru puSh+kar ru rta rnams/ /phyi ma'i cha 'phel phye mar byas rnams kyis/ /lto skran rims rnying gsud nad rnams la'o//bca' sga shing kun ru tsha cha snyoms phye / /sga chu la bskol bad kan rlung byung dang / /rtsib logs snying rgyab gsus gzer gsud rnams la/ /btung ngo de bzhin nas khus rtug 'gags la'o/ /'jam 'bras lo ma'i bI shA lA tsa bya/ /tsi tra tsha gsum lan tshwa gtso cher brtsegs //bsregs pa'i thal ba zho la sbyar 'thungs pas/ /dmu skran skya rbab rkub kyi nad rnams sel/ /shing kun shu dag bca' sga sardzi ka /kha ru phyi ma nyis 'gyur phye mar byas/ /chu dron btab 'thungs sna tshogs gsud gzer dang / / snying nad skran dang stod du rlung 'tshangs 'joms/ /shring gi tsha gsum 'bras gsum kaN+Da ka /b+hArgI puSh+kar dza TA tsha sna lnga/ /phye ma chu dron btab 'thungs skyigs bu lud/ /dang ga med cham stod rlung mi bde 'joms/ /dzam bu dug nyung arka shikru snu ha bse shing bya kri bri ha ti//pa ri ka ped tshos shing dza Da a pa marga nim+ba tse tra ka /ba sha puSh+kar pa Ta la dang sen+d+he ldan pa bsregs thal bskol ba la/ /sngar bshad shing kun la sogs btab pa'i khu ba lto skran bad kan nad la btung / /tsa bya star bu tsha gsum bse yab bcas/ / ba lu dzI ra cu gang tsi tra ka /phye ma cha mnyam bur bsres dri gsum ldan/ /gre mdzer cham bad dang ga med la bsngags/ /ba lu tsa byan sham mtshungs gnyis pa/ /mU la cu gang dro tsa'o sga sum 'gyur/ /bu ram sum 'gyur dri bzangs ri lu byas / / grang gzhi glo rims gzer ba'i gzhang 'brum sel/ /sga dros nal sham nA ga 'dab shing tsha / /suk+Sh+me mtha' rims gang 'phel phye mar byas/ /'di dag cha 'dra'i kar 'gam gzhang me zhan/ /dbugs dang mi bde skran 'gul snying nad la'o/ /sen+d+he shing kun 'bras gsum la la phud//tsha gsum bu ram cha rnams ril bur byas/ /de rnams mur zhing myangs pas tshim thob cing / /me drod zhan las rab tu byung ba'ang sel/ /lcags phye tsha gsum rgya shug cha thams cad/ /mAk+Shi phye ma dang mnyam de rnams bza'/ / rgun 'brum ldan pa'i rjes su dar 'thungs pas/ /skya rbab nad la phan zhing ring du 'gro/ /bu ram ldan pa'i bca' sga'i dro sman nar/ /gsum pa a ru ra'am bal po'i se'u/ /bad kan tshad rnying gzhang 'brum nad rnams dang / /rtug pa 'gags pa rnams la'ang rtag tu bya//bca' sga gla sgang a ru ra phye la/ /bu ram ldan pa la ni ri lu bya/ /lud pa dbugs mi bde dang tsho ches rnams/ /kha ru ri lu mur bas bzlog par 'gyur/ /n+ya gro ut+pal ru rtamA k+Shi ka /phye ma 'bras phye bcas pa ril bu bya/ /sra ba kha ru mur pas skom dad dang //rab tu 'phel ba myur du 'joms par 'gyur/ /ldong ros drod sman nar mo na le sham/ /phye ma ka ping+tha skyur khu bar ldan/ /'bras phye cha mnyam mAk+Shi ka bsres pa'i/ /nus pas lan cig ma yin skyug pa 'joms/ /sna khrag 'dzag la dUrba'i khu ba'am//bal se'u me tog khu sbyar nges par bsten / /bud med nu zho rgya skyegs khu ba'am/ /bi ra mAk+Shi kas kyang i ku 'joms/ /skyu ru spos dkar khu ba kha ru cha/ /de rnams bsres pa sau bi ri la btags/ /des 'dir myur bar gzhi nas med byad cing //ji lta'i skyigs bu slar mi 'byung ba yin/ /dUrba sen+d+he thal ka a ru ra/ /ku the ra kA kany+dzi ka dar btags/ /gsum pos byugs pa'am nu ma'i 'og btags pas/ /shu ba dang ni g.yan pa rnam par 'joms/ /snu ha tsi tra bri ga arka dang / /mya ngan med shun ru rta tsha ba gcin//bcos pa'i mar khus shu ba mdze glang shu/ /gdug pa'i rma dang za 'brum ser kha 'phrog /gu gul mig sman spra tshil sin+d+hu ra/ /spangs ma cha mnyam tsha ba'i mar khus btso/ /khyi rdo za tsag gis ni lus skams la/ /lan cig byugs pa'i nus pa gzhi nas 'don//pu rtsi kA ru rta murba sga/ /rgya skyegs dang ni btsod dang yung ba rnams/ /drug 'gyur dar ba la bskol grub pa na/ /byugs pas grang dang tsha ba'i rims 'joms so/ /kaN+Da ka ri sle tres ba sha ka /phye ma zhun mar la bskol grub pa de//'thungs pas tshad rnying lud gzer dbugs mi bde/ /me drod zhan pa'i pho ba'i nad la phan/ /ba sha seng ldeng pa Ta la pa tra/ /nim+ba shing tsha sle tres ta ma la/ /ki phye mar sar la bskol myur grub na/ /me dbal mkhris skran mdze las rgyal bar 'gyur//drug pas khrag dang bcas pa brgya yi skyon/ /rab 'khrugs las skyes yan lag lus kun gzer/ /bye brag me dbal chang gis ra ro ba/ /rmongs pa chang 'thungs las skyes rnam 'gyur la/ /kaN+Da ka ri nim+pa pa Ta la/ /sle tres 'bras gsum 'jam 'bras ba sha ka /phye chu mar rnying la ni cho gas btso / /myur du grub 'dis mdze las myur du rgyal/ /kar ku sh+maN+Da cho ga bzhin du btsos skams nas/ /mar bskol kar btab tsha gsum dri gsum zir ldan par btso/ /'di bsten byis rgan khrag 'dzag rlung 'joms bud med la phod cing //zas skom lud khrag mkhris skyugs dbugs mi bde dang gzhang 'brum 'joms/ /ba gcin skyu ru mA k+Shi ka drod sman/ /kha ru po son du ba dan+tI dang / /ru rta rnams btso reng bu mthe bong 'dra/ /mar bskus rkub bcug de yi nad 'phrog byed//lus gso ba'i dpyad rdzogs so// //kar bcas gur gum cha mnyam mar la btsos/ /cho ga bzhin blugs rlung khrag las byung ba'i/ /smin ma mur 'gram rna mig mgo bo yi/ /phyed gzer nyi 'khor las byung nad 'joms so//a ru ba ru skyu ru nang sa bon/ /sum gnyis gcig gam cha rnams zho la btags/ /mig sman de yis mchi ma mang 'byung zhing / /mig tsha rab tu 'khrugs pa'ang 'joms par 'gyur/ /a ru sen+d+he ba dang lig bu mig /btsag yug dang bcas chu la bses btags te//mig gi phyi rol rab tu byugs byas pas/ /'di yis mig gi nad kun zhi bar 'gyur/ /sau b+hi la sen+d+he seng phrom btags/ /de nas mar btsos ras dkar po la btsags/ /de yis mig la byugs byas mkhris skyed nad/ /dmar tshag dang ni sha mdzer nges par 'joms//khrag skyed ka ra rgya mtsho'i lbu bas 'joms/ /ba byung drod sman nar mo brod long la'o/ /lig mig tsha ba gsum gyis mig 'grib la/ /ling tog dkar la mA k+Shi sbrang rtsis so/ /nag tshur lig mig dkar bcas rgya mtsho'i lbu//nal sham sam kha sain+d+ha bcag yug dang / /ldong ros cha mnyam mAk+Shi ka bsres btags/ /rab rib khus bskyed rdzi nad tshag po 'joms/ /sle tres pu shel lcags phye dug nyung nal sham sen+d+he kang+pa la/ /lig mig rdo dreg spang spos yung ba spangs ma sam kha rgya mtsho'i lpu//mtshungs pa phye ma lcags snod du bzhag sbrang rtsi ldan pas sha mdzer dang / /rab rib ling tog khrag 'bur mig sha'i nad la nye bar byugs pa'ang bsngags/ /shing mngar ut+pal rgya mtsho'i lpu ba shing tsha pu shel gi wang btsod//spang spos tsan+dan sam kha btsag yug ba lu lig mig nag chur 'dab / /de ltar thams cad cha mnyam mig sman 'di yis mig 'brum mig nag tsha/ /mchi khrag skya rib mig sha gzer nas 'phrogs la bsngags pas rtag tu byug /mig gi sman dpyad do// thang shing bong nga dkar po sle tres bcas/ /dug nyung hong len ma nu pa tha'i thang / /ba gcin las grub sbrang rtsi dang ldan pa/ /mgrin pa'i nad dang kun la btung bar bya/ /k+Shar te dza ba ti pa tha dang / /lig mig skyer rtsa yung ba drod sman nar/ /ril bu sbrang rtsi las byas kha nang du//mur bar bya yi mgrin pa'i nad kun la/ /skyer rtsa gla sgang dzA ti'i me tog dang / /lo gsar rgun 'brum dug nyung 'bras gsum bskol/ /sbrang rtsi ldan pas lus kyi kha sgo'i nad/ /lce yi nad rnams dus su zhi bar byed/ /ru rta dang ni skyer pa'i rtsa ba seng phrom bcod//yung hong gla sgang pa tha te dza ni/ /zhib btags so rnams ldeg par byed pa dang / /gzer zhing 'khyugs la nang khrag 'byin par byed/ /sau bi ra cu kra sge'u gsher ma tu/ /khu ba sha rnams gu gul sen+d+he rnams/ /gang zhig tsha ba'i mar khu la bskol te//rna bar blugs pas rna ba'i zug rngu sel/ /ba sha nim+ba pa To la dang parba ta ka pe dz+tha tsa bya skyer rtsa dang / /gla sgang tig ta pu shel byi tsher tsha gsum tra yan+ti ka tsan+dan rnams/ /zhun mar las grub steng 'og nas skyes rnam 'gyur sna dang mig gi gzer la sogs//lpags nad rims dang khong 'bras rma yi zug rngu mig nad skya rib rnams la bsngags/ /skyer rtsa dug nyung nim+ba par+pa ta dang drod sman byi tsher shing mngar dang / /tra yan+tI hong 'bras gsum tig+ta bri sha pa To la dang gla sgang dmar / /de rnams phye mar bskol ba zhun mar las grub 'di ni mig la phan pa yin//mkhris pa khrag las byung dang skya rib rab rib rnams dang stod kyi nad rnams la'o/ /e raN+Da dkar po yi rtsa ba dang ni shu dag dang / /sha ta puSh+pa bri ha ti'i 'bras bu gzhan yang / /star ga'i 'bras bu 'o mar bcas pa las grub pa //rab rib stod dang gtso che'i nad dang gzhan pa'ang 'joms/ /zug rngu zad par byed pa gnyis pa rdzogs so// //dung dang mush+ka ka dag me lces bsregs pa'i thal ba snod du blugs byas te/ /de nyid du slar chu la btso zhing bskol ba'i thal ba mar khu'i cho ga rnams//sbyor ba de yis bdugs pas rma dang rma tsha skrangs 'bur rtsa yi nad rnams dang / /rnam pa sna tshogs mtshan bar rdol ba'i lpags nad yun ring mgul pa'i nad rnams la/ /shing mngar dang bcas skyer rtsa shug pa ut+pal dang //pre yang+ku dang seng phrom dkar po tsan+dan rnams/ /mar khu dang ni 'o mar btso zhing sbyar bar bya/ /rma rnams dang ni gzer dang tsha ba 'joms par 'gyur/ /dzA ti nim+pa pa To la dang pa Ta hong len skyer rtsa yung ba dang / /btsod dang thal tres a ru pu shel spra tshil spangs ma shing mngar 'jam 'bras rnams//mar las grub pa 'di yis kha nad phra mo dang ni gnad gzer rtsa yi nad/ /nad dam gzer bcas 'pho zhing 'byung ba'i rma yi nad rnams dang ni 'byang ba 'byin/ /zug rngu zad byed gsum pa rdzogs so// //nal sham dkar por shi ri Sha'i //me tog khu bas brgya phrag bsgo bar bya/ /sbrul gyi sos btab brgyal bar gyur pa la/ /rab tu sbyar bya btung dang mig sman la/ /rma bya'i mkhris pa tan+du lI ya ka /kA kaN+Da bcas mi nyung 'thung byas pas/ /'gro ba'i dug dang brtan mchog dug gi ni//'tshe ba dang bcas myur du 'byin par byed/ /til btags mar khu la ni bu ram dang / /de bzhin arka'i lo ma cha mnyam btung / /sprin gyi tshogs la 'phral du rlung byung ltar/ /khyi smyo'i dug mchog myur du 'byin par 'gyur/ / khang pa'i du ba gu gul dang ldan pa/ /bA dzi gan+d+ha tan+du lI ya bcas/ /ba yi gcin la btags byas snying nad dang / /brtan mchog 'gro ba'i dug rnams 'phrog par 'gyur/ /spang spos pu shel ba bla kaun+ti dza la sle tres ldong ros gi wang parma ke shi dang / / sprik+kA tsan+dan yung ba ru rta ka ra la rta rdo dreg suk+Sh+me gur gum shing shug pa/ /cha mnyam nyungs kar brgyad tsha nA ga ge sar me tog cha bzhi'i lde gus kun tu longs spyod cing / /phun sum tshogs bya sha za rims dang dug gi nad rnams 'joms 'gyur zla ba shar ba lta bur grags//dug nad sel ba'i rgyud bzhi pa rdzogs so// //nyungs kar 'bras gsum shiR+Sha ka Ta b+hI shwe 'jam 'bras sle tres dang / /btsod dang ser po gnyis dang tsha ba gsum dang spang spos shu dag shing kun rnams/ /ra yi gcin la btags byas 'thungs sogs brten pas sbrul gyi sos btab gdon kun dang //gshed byed smyo byed sha za dang ni srin po 'joms shing rlag par byed par 'gyur/ /kar+pa pa yi rus pa dang ni rma bya'i 'dab ma bri ha ti rnams dang / /nirma l+ya po son cha shing tsha cu gang byi la'i rtug pa ba sha ka dang ke sha sbrul lpags dang //glang po'i so dang shring ga shing kun nal sham dkar po cha mnyam bdug byas pas/ /gshed byed smyo byed sha za srin po lha rnams zhugs pa'i rims ni 'joms par dran/ /tsha ba gsum dang da la gur gum drod sman nar mo'i rtsa ba k+ShA ra sing hi yung ba ru rta nyungs kar gnyis dang am+bu dug nyung kar sgog skya 'bras bu gsum dang pu shel tse dang hong len shu dag spangs ma shing mngar bA la dmar po ldong ros shug pa zhes grags pa//da d+hi rgya spos ma d+hU ka sA pri yang+ku dang bong nga dkar po lig bu mig dang tsa bya thang shing bcas pa phye mar byas pa mar dang srog chags brgyad kyi gcin gyi chu la bskol bshad 'thungs pas 'byung po 'bros shing de yis gdon rnams mchog tu 'joms par 'gyur//rgya spos shing mngar 'jam 'bras rgya skyegs pa To la yi lo ma rak+ta pa trika shu dag pa tra la dang shing kun nyungs kar siM hi ser gnyis la tA hong len dang //po son tsha gsum kA kaN+Da thang shing pi dang a nga gan+d+ha ma rA/ /arko Ta dang ko Sha ta kI na sham nim+ba sle tres dug mo nyung / /ru rta shu ka ta ru puSh+pabA la shing mngar a pa ra dzi ta/ /dan+dI tsi tra ka ped cha mnyam phye ma gcin gyi sde dang mar la bskol//yun ring du gzhag kun gyis rim par sbyor bas myur du 'joms par 'gyur ba yin/ /'byung po chen po'i gdon kun dang ni smyo byed des byas mdze rims zhi bar bshad/ /'byung po zhi bar byed pa'i rgyud lnga pa rdzogs so// // skyer yungs dug mo nyung gi sa bon dang / /sing hi dang ni shing mngar cha mnyam po/ /de rnams thang byas bu chung ma yi ni/ /bu nad dang ni 'khru ba kun la phan/ /ka ped puSh+pa da ta ki dza la/ /seng phrom dang bcas ga dza pip+pa lI/ /thang la mAk+Shi ka bsres byugs pa dang / / 'khru ba rnams la byis pa la sbyar bya/ /shring ga drod nar bong nga dkar po phyi mar byas/ /glo rims skyug pa'i nad rnams 'joms pa la/ /mAk+Shi ka bcas bong dkar de bzhin gcig /byis pa'i nad sel ba'i rgyud drug pa rdzogs so// //skyu ru ra phye drug cu rtsa bzhi'i srang la rang gi khu bsgos sbrang rtsi mar dang cha mnyam zhing //drod sman nar mo srang brgyad ka ra nyis 'gyur cha ldan thal ba'i phung po'i nang du gzhag par bya/ /dbyar gyi mtha' ru de bsten skra dkar dang bral gzugs dang kha dog dang ni spobs pa dang ldan zhing / /nad med blo dang yid gzhungs dran pa tshig gsal stobs dang ldan zhing sems stobs ldan par 'gyur ba yin//shing mngar dang ni sbrang rtsi mar dang ni/ /'o ma dang sbyar rjes su bsten pa yis/ /lus po rgyags pa rab tu thob gyur nas/ /dga' zhing 'khrigs pa yang yang nus par 'gyur/ / shing mngar cu gang sen+d+he drod sman nar/ /ka ra dang ni 'bras bu gsum rab ldan/ /tshe sbyin ro tsa shin tu yid gzhungs shing / /rgas dang nad rnams rnam par 'joms par 'gyur/ /gze ma skyu ru sle tres phye mar bya / /sbrang rtsi'i mar dang ldan pa bsten pa yis/ /ro tsa bsten zhing sdug bsngal rnam 'gyur zhing //skra gnag tshe lo brgyar ni 'tsho bar 'gyur/ /nim+ba'i mar khu rang bzhin gnas byas pa/ /cho ga ji lta ba bzhin btung ba dang / /'o ma mar dang rab sbyar de zla bas/ /skra dkar dang ni rgas pa rnam par 'byin/ /gze ma k+Shu ra dang ni rtsa ba brgyad //bA na rI nA ga ba lA ba lA / /phye ma 'o thug byas 'di btung bar bya/ /de yis 'khrig pa lan brgyar nus pa yin/ /rta ltar byed pa bdun pa rdzogs so// //shing mngar thang bskol sen+d+he ba ldan zhing / /dug nyung drod nar po son phye mar bsre//sbrang rtsi bcas pa 'di dag slon la sbyar/ /mgrin nad kha dang gre 'gags nad rnams la'o / /sau bI ra la a ru ra thang bskol/ /drod nar kha ru dan+ti phyed phye ldan/ /e raN mar khu dang bcas 'khru la de/ /bshal gyi sbyor bas nad rnams 'joms par 'gyur//ra sna po son cha dang 'bras gsum sle tres rtsa ba bcu dang bA lA dang / /mar khu sen+d+he ba bcas pa la mam si btsos ldan sbrang rtsi bur ma bcas/ /sha ta puSh+pa sle tres ru rta ka bed pri yang+ku dang drod sman nar/ /shu dag phye ma kany+dzi ba 'o gcin bcas mas gtong rlung nad rnams la phan//ba la phye ma mar khu la bskol dri bzangs dang / /bcud grub pa dang 'o ma zho dang skyur chu rnams/ /de bzhin sa hA ra dza ra sna sle tres dang / /ba ri re rer bskol bas rlung 'joms so/ /sbyar bar bya'o bca' sga'am bu ram la/ /yang na sen+d+he ba bcas drod nar la'o//sna kha mjing pa 'gram pa dpung pa dang / /rgyab dang mgo mig mgul 'gags nad rnams la/ /las lnga'i le'u brgyad pa rdzogs so// //rims la gtso cher par+pa pa Ta sbyar bya skom dad che la skyu ru ra dang skyugs pa la/ /tsha ba lnga skyes gzer la 'jam rtsi rengs la gi ri dza dang gcin snyi skyu ru'i khu bas so//rlung gi nad la ra sna dmu rdzing mcher pa'i nad la ba gcin cham pa la/ /drod nar 'phyo la bi dang dug la shu ka rta ru skrangs la gug+gul lo/ /ba sha ka yis khrag mkhris dug nyung gis//'khru la 'o bse shing he mam lci gzer la/ /sbos la thang shing srin nad byi dang gas / /skya rbab a ru ra dang 'bru gzhan gyis/ /zad byed nad la 'bras bu gsum bshad gzer ba kun la de ltar khu bas so/ /mdze la rtag tu seng ldeng khu ba glo la kaN+Da ka ri dang / / tshigs bcad gze ma mu ra gshed byed na ga bA lA ba las so/ /bcud len kun la skyu ru lha bcas gdon gyi nad la brag zhun bshad/ /rgyud phyi ma'o// //rab tu grub pa'i sbyor ba'i cho ga rdzogs par byas/ /grub pa'i don rnams rtogs pa'i sman pa mkhas rnams kyis//rtogs pa'i sman pa med par su yis sbyor ba mthong / /'di don slar yang 'dir ni cung zad bshad par bya/ /shugs bkag ma zos gnyid chags skad ches rtsol ba drags/ /bzhon pa la zhon tshab kha bska rtsub pa rnams/ /sems gzung 'khrig dang 'jigs dang smyung gnas mya ngan drangs//dbyar gyi dus su rlung ni rab tu 'khrugs par 'gyur/ /tsha skyur chang dang lan tshwa rno dro til mar khu/ /khro dang gdung ba lo ma skam pa 'jigs ngal rnams/ /thal sman la sogs ma zhu ma 'phrod zas zos pa/ /ston gyi dus su mkhris pa rab tu 'khrugs par 'gyur//nyin gnyid mngar dang grang ches nya sha lci ba dang / /shing tog 'o ma bu ram shing gi rnam 'gyur rnams/ /snum bag 'grangs ches zos dang lan tshwa bur chu rnams/ /dpyid kyi dus su bad kan rab tu 'khrugs par 'gyur/ /de ltar 'di rnams rim pas bye brag skyon//gdug pa kun ni ldan pa brgyad du shes/ /sna tshogs nad ni lus kyi grangs bzhin du/ /ming rnams ma lus rjes su rtogs par bya/ /rtsub 'khums 'pho zhing gzer dang sngo bsangs mdog /yan lag zug che yan lag brkyang bskum byed//shes rmongs drang zhing gyong la skom pa rnams/ /rlung gi las su mkhas pas rab tu bstan/ /'dzag cing rdul 'byung tsha zhing 'dod chags skye/ /dri nga rnag dang 'ju dang khro ba dang / /bla 'chol brgyal dang mgo 'khor lus mdog ser/ / mkhris pa'i las su mkhas pas rab tu bstan/ /kha mig sna chu grang lci lus g.ya' rdul/ /shes pa rmongs shing sna tshogs 'gags pa dang / /tsho ches mchil snabs yun rings 'byung byed rnams/ /bad kan las su mkhas pas rab tu bstan/ /de rnams kyis byas 'di dag rtogs rnams ni//nad kun ming ni du ma'i rnam pa yang / /bye brag kha cig skye ba'i dbang gis 'gyur/ /gang gis 'di rnams ming gzhan kun du 'gro/ /rgyud ni le lo yid ni rnam ma dag /skyon ni rab 'jug bkres dang gcin yang 'byung / / gsus lci shes pa rmongs shing dang ga med/ /de rnams nad ldan de la nad 'byung 'gyur/ /bcud dang drod dang brtan dang ro tsa stobs skyed lan tshwa mngar skyur mar khu dang / /khrus dang drod bsten mas gtong sha dang stan bsten yan lag kun la dril phyis dang / /snum gyi dugs dang 'jam rtsis zhi byas bsku byug nye bar bsten pa la sogs pa//bza' dang btung ba gnas dang sman 'di rnams kyis rlung ni rab tu zhi bar 'gyur/ /kha mngar bska ba grang dang rlung yab mtshan mo zla ba'i zer la gnas pa dang / /sa yi khang pa chu yi 'khrul 'khor chu la rtse zhing bud med lus la reg /mar sar k+Shi ra dang por lus la bkru sman dang ni khrag gi gtar dpyad bya/ /bza' dang btung ba gnas dang sman 'di rnams kyis mkhris pa rab tu zhi bar 'gyur/ /rtsub dang k+ShA ra bska kha tsha ba dang ni 'bad rtsol drag dang ngar snabs sbyong //bud med bsten zhing ngal dub gnyid bcag chu la rtse zhing rkang pa 'chag par bya/ /reng bu'i dud bsten mgo bsro khrus dang skyug sman dugs dang mas gtong la sogs pa/ /bza' dang btung ba gnas dang sman 'di rnams kyis bad kan nye bar zhi bar 'gyur//'phrod zas smyung dang tsha ba'i chu btung zhing / /zas dang bya na yang zhing kha ba'i bcud/ /rtsub bral dugs dang 'ju ba bsten pa dang / /de bzhin lus kyi steng 'og sbyang bar bya/ /dgun stod dbyar dang dgun smad rlung gi dus/ /mkhris pa ston dang so ga tsha ba'i dus//bad kan dpyid ka me tog 'ong dus 'khrugs / /de la de bzhin phan pa'i sman bsten bya/ /bad kan 'khrugs la skyug sman sbyar bar bya/ /mkhris pa'i rnam 'gyur byung la bkru sman gtang / /rlung gi bdag nyid 'jam rtsis 'joms par 'gyur//'du 'phrod skyes la'ang 'dres ma de dag go/ /rlung la skyur dang mar khu lan tshwa dang / /mngar ba'i bza' dang btung ba rnams kyis so/ /mkhris pa la ni de bzhin mngar ba dang / /kha dang bska ba grang ba rnams kyis so/ /bad kan la yang kha dang tsha ba dang //rtsub dang bska ba rno ba'i ro rnams kyis/ /de rnams bza' bas nye bar 'gro 'gyur ba/ /nad ni rab tu zhi bar 'gyur pa yin/ /blo gzhan nyid kyis gang de ma bstan gang zhig bstan/ /nad rnams rang gis yang dag rtogs nas ji lta'i tshul/ /sman rnams rjes su blo gros chung ba rnams la byas//bstan bcos su ni cung zad gtan phab 'bras bur byas/ /yon tan lhag can sbyor ba brgya pa brjod pa yis/ /bsod nams bla na med pa bdag gis gang thob pa/ /de yis rnam pa sna tshogs nad kyis gzir gyur pa/ /mtha' yas 'gro ba rnams kyi nad ni med gyur cig /sbyor ba brgya pa zhes bya ba'i sman gyi gzhung 'phags pa klu sgrub zhabs kyis mdzad pa rdzogs so// //bal po'i paN+Di ta chen po bram ze dze ta kar+Na'i zhal snga nas dang po rtsa 'grel lan cig gsungs shing / /dus phyis rgya gar shar phyogs kyi paN+Di ta bud+d+ha shri dz+nyA na'i zhal snga nas stod cung zad gsungs nas/grub pa'i zhing skyi rong 'phags pa 'jig rten dbang po'i gtsug lag khang la cung zad las mi ring ba/ chen po'i chen po rnams kyi gdan sa dpal shel gyi gtsug lag khang du sdom brtson dam pa sde snod gsum dang /rgyud dang rgyud kyi yan lag rnams la legs par 'dris shing / khyad par du tshe'i rig byed yan lag brgyad pa'i snying po bsdus pa'i gzhung don legs par rtogs pa dge slong a mo g+ha'i gsung gis bskul nas/ mang du thos pa'i lo ts+tsha ba shAkya'i dge slong dpal nyi ma rgyal mtshan bzang pos 'grel pa gsum dang bstun te bsgyur zhing legs par gtan la phab pa// // gso dpyad gzhung lugs brgya phrag du ma'i gnas / /sna tshogs mngon brjod tha dad sdeb sbyor can/ /