CLOSE WINDOW

D4295
བོད་ཡིག

@##/ /rgya gar skad du/ wa tsa na mu kha yu d+ho pa ma nA ma/ bod skad du/ smra ba'i sgo mtshon cha lta bu zhes bya ba/ smra ba'i mchog thams cad mkhyen pa la phyag 'tshal lo/ /smra mchog gtso la phyag 'tshal nas/ /smra ba'i yan lag rdzogs don du/ /ngag gi 'du byed gang de yi//tshogs pa bdag gis bshad par bya/ /khog pa mgrin pa rkan dang lce/ /sna dang spyi bo so dang mchu/ /phyi dang re re'i cha dag las/ /phrad dang cung zad phrad pa dang / /dog pa dang ni yangs pa nas/ /drang po bsgreng dang bkug pa dang / /bstod pa dang ni smad pa dang / /bsgrims dang glod pa'i nga ro 'byung //drang po bkug dang smad pa dang / /bsgrims pa dang ni glong pa la/ /grwar dang tswang gis phye ba dang / /bsgreng dang bsgrengs te bkug pa dang / /bstod dang bstod de smad pa dang / /sna ldan rnam par gcad pa yis/ /nga ro bcu drug dag tu 'dod/ /nga ro dag gi gsal byed ni//drang po bkug dang smad pa la/ /'dren pa ring thung gsum yod de/ /de la'ang che 'bring rnam pa gsum/ /de dgu sna ldan bco brgyad do/ /gsal bar bya ba 'di lta ste/ /bsgreng dang bstod la thung ba ste/ /bsgrims dang glod la ring ba'o/ /bcu gnyis yin te brgya rtsa gnyis/ /spyir na brgya dang bcu rtsa gcig /rang gnas dang ni bcu gnyis te/ /yi ge gcig gi rnam pa'i cha/ /ngag gi 'du byed tshogs pa'o/ /dus gcig tu ni bcu gcig gam/ /sna ldan dang ni bcu gnyis te/ /rang gi gnas dang bcu gsum mo/ /mtshon 'debs gar dang las byed dang / / stabs 'gros lta stangs bye brag dag/ /rkang lag mig gi 'gyur bag gi/ /lus kyi 'du byed bdun po ni/ /thad kar lta dang gyen du lta/ /de bzhin bzlog ste lta ba dang / /bstod de lta dang smad de lta/ /bsgrims dang glod de lta ba ltar/ /gar la sogs pa'ang de bzhin te/ /lus kyi 'du byed bdun po ltar//ngag gi 'du byed de bzhin no/ /de ston dbyibs kyi gnas lugs kyang / /mda' dang bse ru glang chen sna/ /gdugs dang rkang rten lta bu dang / /me ri chu yi dkyil 'khor ltar/ /thad kar zur dang zur logs dang / /steng 'og rang gi lus rnams la/ /gnas pa'i brdas 'di shes par bya//des 'di brda can 'byung ba na/ /lcags rnams la ni khab len bzhin/ /rnam rtog dbang gis gnas rnams g.yo/ /ji ltar gnas gzhi med bzhin du/ /mkha' la 'dab skyod rlung byung ltar/ /rnam par rtog pas bskyod pa na/ / bA ya ta zhes bya ba'i rlung / /lus la rab tu g.yo bar 'gyur/ /g.yo rlung rab tu g.yos pa yis/ /byed pa kun du bskyod pa na/ /dog dang yangs pa'i gnas rnams su/ /phrad dang cung zad phrad par byed/ /de tshe niHshwA sA zhes pa'i/ /rlung dang lhan cig 'byung ba ste/ /ji ltar gzugs la 'byung ba bzhin//nga ro la ni brten bzhin du/ /rnam rtog rang gi snang cha las/ /gzugs brnyan bzhin du cha mnyam skye/ /gnas rnams dang ni byed pa dang / /rnam par rtog dang rlung gnyis dang / /nga ro gsal byed snang cha yis/ /ngag gi 'du byed kun du bskyed/ /rgyu bdun dag las 'byung ba ni//gnas rnams bzhi yi rgyu yin te/ /byed pa 'byin par byed pa'i rgyu/ /de bzhin rnam rtog bskul ba'i rgyu/ /ji ltar shing la rlung bzhin du/ /byed pa bskyod rgyu bA ya ta'o/ /skyes bu dang ni bzhon pa bzhin/ /lhan cig 'byung rgyu niHshwA sA/ /nga ro rnams dang gsal byed ni/ /kun du khyab par 'gro ba'i rgyu//snang cha 'dra bar 'byung ba ni/ /skal ba mnyam pa'i rgyu zhes bya/ /de la gdangs kyi bye brag ni/ /rgyu rnams dag gis phye ba ste/ /sngon du song bar rig par bya/ /de la rgyu dang rang bzhin ni/ /nga ro drang po las byung ba/ /ka sogs sde nas rim bzhin du/ /sde lnga dag dang an+tas+tha//USh+ma Na dang mthar zad de/ /gnas kyi yi ge sum cu bzhi/ /ming dang pho zhes bya ba ste/ /de la dang po'i sde pa dang / /USh+ma Na yi bzhi pa ni/ /bcad par bcas pa mgrin pa las/ /gnyis pa dag dang an+tas+tha'i/ /dang po ush+ma'i gsum pa rnams/ /rkan las rab tu 'byung ba yin//gsum pa dag dang an+tas+tha'i/ /gnyis pa uSh+ma'i gnyis pa rnams/ /spyi bo las ni rab tu 'byung / /bzhi pa dang ni an+tas+tha'i/ /gsum pa uSh+ma'i gsum pa rnams/ /so yi cha las kun du 'byung / /lnga pa dang ni an+tas+tha'i/ /bzhi pa mchu las byung ba yin/ /mthar zad mgul dang spyi bo las//sde lnga dag las lnga lnga yang / /dang po rang gnas drag pa ste/ /gnyis pa 'bring dang spyi bo'i cha/ /gsum pa rnams ni zhan pa ste/ /ma hA prA Na zhes bya ba/ /bzhi pa rang gnas khong nas so/ /a nu swa ra zhes bya ba/ /lnga pa rang gnas sna nas 'byung / /mgul pa sna dang glad pa'i sbubs//dog pa yin te yangs ba gzhan/ /rkan dang so dang lce dang mchu/ /phrad pa yin te gzhan zhes bya/ /gnas cha'i yi ge ji snyed kyang / /nga ro gcig gis bcings pa la/ /de la'ang yi ge gcig ces brjod/ /shin tu phra ba'i rnam pa'i cha/ /de la'ang yi ge gcig ces bya//sgra 'di dag la 'dren pa'i cha/ /alpa prA Na gnyis gcig yin/ /ma hA prA Na gcig nyid yin/ /a nu swa ra rngub pa'i sgra/ /bi sar+dz+dza ni bcad pa'o/ /hra swa tha mal sgra yin te/ /dI r+g+ha ta ni gnyis kyi yun/ /p+lu ta ni de bzhin gsum/ /u dAt+ta ni mtshungs gnyis gcig /a nu dAt+ta phyed cha yin/ /swa ri ta ni rang sgra'o/ /sna ldan a nu swa ra'i cha/ /a ldan a med ces bya ba/ /che ba dag dang chung ba'i ming / /drang po dag la ji lta ba/ /nga ro gzhan la'ang de bzhin te/ /de la cung zad gnas cha ni/ /rkan dang mgul pa'i cha dag las/ /bsgreng dang bkug pa'i nga ro 'byung //de bzhin mchu las bstod smad do/ /bsgrims pa spyi bo'i cha las te/ /glod pa dag ni so yin no/ /'di dag gis ni bcings pa na/ /cha ni sngon du brjod pa bzhin/ /mi de mu do r-i li yi/ /sgra yi cha dang ci rigs sbyar/ /a yi cha ni mdun du dpyad/ /lhag ma rnam pa'i cha zhes bya//de dag re re'i cha yin te/ /gang yang phan tshun brten pa ni/ /kun du khyab phyir spyi yi cha/ /de dag yi ge'i bye brag ste/ /rnam grangs du ma med pa dang / /ming tshig gsal bar byed pa dang / /don rnams rjod par byed pa'i phyir/ /yi ge zhes ni brjod pa yin/ /rang bzhin las dang dgos ched kyi//nges tshig yin te go rims bzhin/ /tshogs dang lus dang 'dus pa ni/ /rnam grangs dag ste de bzhin sbyar/ /ji ltar rdul las gong bu bzhin/ /yi ge 'dus par gyur pa na/ /ming ni rab tu 'grub par 'gyur/ /gang zhig rnam cha 'dus pa yis/ /don gyi ngo bo nyid brjod na//rnam cha mang ngam nyung gyur kyang / /de ni ming zhes rab tu brjod/ /de yang ming gi thog ma dang / /rjes su grub pa rnam pa gnyis/ /thog ma 'dod rgyal ming yin te/ /rjes grub dag ni don ldan dang / /rnam pa gnyis kar 'dod pa yin/ /de ni nges tshig yod med do//gang zhig gzhan la ma brten par/ /bla dwags gang byas thog ma'o/ /de la brten pa rjes grub pa/ /'dod rgyal don ldan gnyis su 'dod/ /'dod rgyal dag tu mtshungs mod kyi/ /ma brten phyir na grub pa ste/ /ming gzhan gang la'ang ma brten pa/ /gzhan gyis 'gal ba med phyir ro//'thad par sgrub pa'i rigs pa dag /chos nyid la ni brten pa bzhin/ /don ldan ming yang de bzhin du/ /'dod rgyal thog ma nyid la brten/ /rjes su grub pa'i 'dod rgyal ni/ /log par sgrub phyir nges tshig bzhag /'dod rgyal thog ma'i ming gang yin/ /nges tshig gzhi med chos nyid bzhin//de ldan don ldan nges tshig ni/ /de yin phyir dang de yod phyir/ /de la phan phyir de byed phyir/ /de bya'i phyir dang de 'dra'i phyir/ /de de'i phyir dang de nyid phyir/ /de yi ming ni de skad ces/ /rtags kyi sgo 'am med kyang rung / /skabs kyi mthu yis nges tshig brjod/ /yin dang ngo bo bsgrub pa dang //dngos po'i rkyen ni dngos kyi ming / /lhag ma btags pa zhes bya'o/ /rang gi ngo bo'i nges tshig dang / /btags pa'i ming gzhan spong byed dang / /rang gi khyad par gzhan sel bas/ /yin dang ngo bo sgrub pa dang / /dngos po'i rkyen rnams go rims bzhin/ /rten la brten pa btags pa dang //brgyud pa'i rgyu la 'bras bu dang / /dngos kyi rgyu la de bzhin dang / /'bras bu'am bya bar gyur pa la/ /de la rgyu yi ming btags pa'am/ /dpe gzhan gyi ni ming dag dang / /don 'di dag gi sgo nas ni/ /yod dang de la phan pa dang / /byed dang las su bsgrub pa dang / / 'dra bar sbyar dang rim bzhin no/ /gal te ming gnyis 'dus pa'am/ /'on te mang po 'dus kyang rung / /de dag khyad par rjod byed na/ /tshig ces rab tu brjod pa ste/ /phrad rnams dag dang bcas pa'ang yin/ /de la tshig gi sbyor ba bcu/ /'bru mang po dang tshig sdud dang / /khyad par dag dang yan lag dang //gzhi dang gzhi gcig bsdu ba dang / /gzhi mthun pa dang de'i skyes bu/ /zlas dbye ba dang phyogs tsam mo/ /tshig gnyis mang po'i rab dbye ba/ /rang ming ldan dang mi ldan dang / /phyogs dang rnam grangs phan tshun dang / /tshig mang po ste rnam mang po/ /mthun dang tha dad dbye ba yis//phyogs kun dang ni phyogs gcig las/ /rab tu dbye ba bzhir 'dod do/ /byed pa drug gis sbyar ba ni/ /kun la rab tu ldan pa ste/ /brgya dang drug cu rtsa brgyad las/ /dus gcig tu ni sum ldan gzung / /tshig bsdu ba ni rnam pa lnga/ /gnyis dang rnam grangs bye brag dang //gzhan dang byed pa'i tshig yin no/ /las la sogs pa'i dbye ba yis/ /gnyis pa la sogs bdun pa'i mtha'/ /byed pa drug tu 'dod pa ste/ /tshig sdud tsam du shes par bya/ /snga ma phyi ma'i sbyor ba yis/ /khyad par bsdu ba rnam pa gnyis/ /'brel pa dag dang go rims dang //don dang grags pa'i yan lag ni/ /bsdu ba bzhi'o grags pa yang / /'jig rten bstan bcos dag la gnyis/ /rigs gsal byas dang ma byas pa'i/ /gzhi bsdu ba ni gnyis yin no/ /phyogs gcig dag tu byed pa dang / /so so phyogs gcig byed pa yis//gzhi gcig bsdu ba gnyis su'o/ /khyad par khyad par can gnyis dang / /khyad par rnam gnyis gzhi gcig tu/ /mthun par go bar bya ba la/ /sbyor ba'i gzhi mthun rnam pa gnyis/ ngo bo 'am ni chos kyang rung / /tha dad go bar byed pa yi/ /de yi skyes bu gsum yin te//byed pa'i tshig dang las 'dzin dang / /ba gnyis pa zhes bya ba'o/ /de la byed pa brgyad yin te/ /dang po la sogs bdun pa'i mtha'/ /rnam dbye sbyor ba bdun po dang / /phrad dang sbyor ba bral ba'i phyir/ /gzhan dang sbyor med bod pa spang / /dgag pa dang ni brgyad du 'dod//mtshan nyid dbang gis phye ba yis/ /ma yin dgag pa bcu bzhi dang / /mtshan nyid dbye ba med mod kyi/ /yul dang dus kyi phye ba yis/ /med par dgag pa bcu gcig dag /gang ldan dgag par 'dod pa'o/ /gzhan dang mi mthun gnyen po dang / /chung dang phra dang nyung ba dang //yun thung lhag ma med pa dang / /mtha' dag min dang bral ba dang / /dman dang zhan dang zhum pa dang / /'dra ba dag las dgag pa ni/ /ma yin dgag par 'dod pa'o/ /rgyu 'dra ba dang rang bzhin dang / /skabs dang rten gyi dbye ba yis/ /snga dang zhig nas med pa dang //dbye ba rnam pa brgyad yin te/ /phan tshun dag la rang bzhin dang / /rgyu dang rang bzhin gnyis dbye ba'i/ /shin tu med dang bcu gcig ni/ /med par dgag par 'dod pa'o/ /kun tu ldog phyir dgag pa yin/ /de nyid gzhan du mi brjod dang / /'dra ba gzhan dang bye brag gi//tshig sbyor dbye ba las 'dzin no/ /grangs dang bsdus don sbyor ba yis/ /gcig dang tha dad sbyor byed pa/ /ba gnyis par ni 'dod pa'o/ /bsdu ba'i phyir dang dbye phyir dang / /nye bar tha dad sbyor ba'i phyir/ /'das ma thag dang gzhan dag dang / /lan grangs gzhan la sbyor byed pa//zlas dbye ba zhes 'dod pa yin/ /rang gi rigs tsam sdud byed cing / /phyogs gzhan kun du spong ba dang / /rigs kyi tshad kyang mi 'dzin pa/ /phyogs tsam ston pa'i sbyor ba'o/ /gang zhig rang gi don med cing / /don gyi ming la gsal byed pa/ /tshig gi phrad ces bya ba ste//de ldan phrad dang bcas pa yin/ /de la phrad kyi 'jug pa ni/ /gang ni 'dri ba'i tshig gi don/ /spyi la khyab par sbyor ba ste/ /zla sdud pa la kun du spang / /ci la sogs pa'ang de bzhin te/ /khyab pa skabs kyis brtsi bar bya/ /de zhes bya ba'i tshig gi don/ /tha snyad dngos dang dus 'jug gsum//'das dang rnam grangs gzhan can dang / /lhag ma dag dang bcas pa'o/ /bden pa dag dang gsang ba dang / /bdag gi ba dang pha rol po/ /dngos po dag la 'jug pa bzhi/ /'das pa dang ni ma 'ongs pa'i/ /dus gnyis la ni 'jug pa gnyis/ / bdag nyid da ltar nyid la spang / /dngos po'i dus ni mi 'dor te/ /kun la rab tu sbyar bar bya/ /'di tshig 'das dang ma 'ongs dang / /skabs kyi dngos gzhan dag la 'jug /gang zhig la ni ltos byas pa'i/ /nye ba dag dang mngon sum pa'i/ /dngos po dag kyang gnyis yin no/ / spang bar bya ba 'di lta ste/ /lkog tu gyur dang ring ba dang / /gal te bstan bya dus nyid na/ /'das dang ma 'ongs spang bar bya/ /de rnams kun la bsgyur ba ldan/ /da ni skabs su bab pa'i tshig /da ltar byung la sbyor ba ste/ /'das pa'i skabs la rnam par spang / /na zhes bya ba'i tshig gi don//dmigs kyis 'byed dang rgyu mtshan dang / /rgyu mtshan don gyis bstan pa dang / /las dang ched dang rten gnas dang / /phyi tshig de gzhan sogs ston dang / /'os par dka' ba chag 'dzin las/ /phyi tshig nges par byed pa dang / /de las bzlog pa nyid dang ni//'gal ba'am mi 'gal ston pa dang / /smon dang 'dri dang the tshom gzhi/ /tshe skabs rnams la 'di mthong ngo / /ste ni lhag ma yod pa ste/ /mtshams sbyor ba dang dam 'cha' dang / /gzhan 'dren pa dang gsum du 'dod/ /byed dang bya ba'am yang na ni/ /bya ba nyid du sbyor ba gang //tshig gnyis rim mam dus gcig tu/ /sbyor bar byed pa mtshams sbyor yin/ /gang zhig gis ni snga ma la/ /gsal bar byed pa dam 'cha' ba/ /lhag ma yod tsam ston gyur cing / /de las gzhan gyur gzhan 'dren pa'o/ /da ni 'byed dang sdud pa dang / /rgyu mtshan tshe skabs gdams ngag lnga//de nyid dang ni gzhan dag dang / /lan grangs gzhan la sbyor ba yi/ /sdud pa'i dang yang gsum du 'dod/ /ni ni dgar dang bsnan pa'i tshig /dmigs sam nges par 'dzin pa ste/ /phyi ma'i tshig dang sbyar bar bya/ /kyang dang yang ni sdud pa'i tshig / mi mthun mthun par ston pa'ang yin/ /'das pa'am ma 'ongs gzhan dag las/ /ci rigs dag tu bsdu bar bya/ /ci rigs dag tu bsdu bar bya/ /yang zhes bya ba bsnan pa yin/ /nges par gzung ba'i tshig gi don/ /gzhan mi ldan dang gzhan la min/ /ldan pa tsam du 'dzin ba dang / /ma nges pa ni rnam pa gnyis//bden zhing mi slu ba nyid dang / /kho na dag ni rnam pa drug /nyid ni de bzhin cung zad du/ /phyi tshig tha dad min pa dang / /dngos po'i rkyen du 'gyur pa'o/ /tshad 'dzin lhag pa 'dod pa yin/ /tshad 'dzin lhag pa 'gog pa yi/ /tsam zhes bya ba rnam pa gnyis/ /'ba' zhig la sogs de bzhin sbyar/ /khyab pa skabs kyis brtsi bar bya//yang dag yongs su kun du sogs/ /sgra bzhin dang ni phrad du'o/ /tshul ni 'dra dang smad pa dang / /sgo dang sdom pa mtshan nyid dang / /thabs dang rigs pa don dang 'dod/ /legs pa dag la 'jug pa las/ /'dra bar sbyar ba phrad du 'dod//bzhin la sogs pa'i tshig gi don/ /ma nor ba dang yin pa dang / /'dra ba dag tu sbyor ba'o/ /cing la sogs pa bsdu ba dang / /mtshams sbyor dag tu byed pa yin/ /la ni gnyis pa bzhi pa dang / /bdun pa sdud dang sbyor ba dang / /smon dang tshad 'dzin gzhi dang ni/ / tshe skabs dag tu 'dod pa yin/ /kyi ni 'brel pa'i don yin te/ /kyis ni byed par 'dod pa yin/ /mi mthun rgyan ni gsum char la'o/ /las ni rgyu dang 'byung khungs dang / /dgar ba yin te nas de bzhin/ /sdud pa dag dang mtshams sbyor ni/ /nas la cung zad lhag pa yin/ / gtan tshigs dag tu 'gyur ba ni/ /drug pa 'ba' zhig ma gtogs pa'o/ /du la sogs pa la dang mthun/ /de nyid dag ni lhag pa yin/ /de bzhin lhag bcas la la'o/ /'o la sogs pa zla sdud pa'o/ /'o na khong du chud pa'i tshig /'am zhes bya ba 'byed sdud yin/ / dag dang rnams ni mang po'i tshig /sogs ni mtha' dag sdud pa yin/ /pa 'am can ni bdag po'am/ /ldan pa'i don du sbyar bar bya/ /ba ni spyi ru gzhag pa ste/ /yul du nges par ma bzung ba'o/ /za ba bza' dang za po bzhin/ /ma ning dag tu gzhag par bya/ /gal te phrad gnyis 'dus pa'am//yang na mang po 'dus pa na/ /snga phyi phan tshun zil gnon dang / /rang gi cha ldan dag tu sbyar/ /gang la dmigs 'dzin mi byed dang / /dmigs 'dzin te na phrad gyur na/ /gnyis par gyur pa'i mthu bzhin no/ /phyogs gcig khong du chud pa las/ /phyogs gcig 'dri par byed pa ni//'o na zhes pa'i nus pa'o/ /de la dmigs 'dzin snga ma bzhin/ /gzhan 'dren byed pa de yin te/ /na yis phyogs gcig dag tu byed/ /de gnyis ldan pa'i phrad rnams ni/ /dmigs 'dzin ldan mi ldan gnyis te/ /snga ma don gyis bsdu bar bya/ /yod na snga ma dngos su bsdu//gal te ji ste 'on te dad/ /de ste na zhes bya bar sbyar/ /'on kyang 'o na yang zhes pa/ /bsdu ba gnyis ldan gnyis bsdu bya/ /mthun dang tha dad skabs kyi mthu/ /gang ltar ji ltar de ltar dang / /de bzhin de skad la sogs pa/ /ji skad bsnan pa'i cha gnyis ldan//de la sogs pa'i phrad rnams kun/ /zil gnon gyur tam cha ldan yang / /dgos pa re rer dril byas te/ /don tshig sbyor ba bcu po dag /phrad kyi sbyor ba ji lta ba/ /de ltar phrad gnyis 'dus pa 'am/ /mang po 'dus par gyur kyang rung / /de ldan lhag pa mi ston phyir/ / skabs dang tshig shugs brtags nas ni/ /blo ldan rnams kyis gang rigs sbyar/ /dper na skyes bu gang zhig gis/ /gzugs kyi bye brag shes 'dod na/ /phra rdul chos la mtshan nyid du/ /de shes che rdul gong bu dang / /gong chen dag gi mtshan nyid dang / /las rnams 'bad pa med par shes//de shes skabs kyi bya ba gang / /sbyor ba dag la mi 'jigs bzhin/ /skyes bu smra bar 'dod pa yis/ /gzhi mtha'i yi ge'i bye brag dag /legs par khong du chud pa na/ /de 'dus ming dang de bzhin tshig /sh+loka dang ni rab byed sogs/ /ming tshig yi ge mtshungs pa'i phyir//tshig sbyor 'bad pa med par 'gyur/ /de phyir 'di ni bslab nas shes/ /smra mchog rjes smra rnams kyis bshad/ /don la 'jug byed smra ba rnams kyi sgo/ /blo 'byed gti mug gcod pas mtshon cha 'dra/ /mi 'jigs snyems pa sbyin byed dpung dang go/ /don nor smra bas mi nyams brtan pa'i mkhar//smra mchog rjes smra rnams kyis rjes smras pas/ /sgra nyid dang ni don la 'khrid pa yi/ /'gro kun mthu gnyis rab tu rgyas par shog /paN+Di ta dran pa ye shes grags pas mdzad pa smra ba'i sgo mtshon cha lta bu zhes bya ba rdzogs so// // rgya gar gyi mkhan po dran pa'i ye shes grags pas/ bla ma nor bzangs grags pa las thos te/ slob ma gzhon nu grags pa'i don du/ ming gi sbyor ba ni cung zad gzhag /phrad kyi sbyor ba ni cung zad bshad nas bsgyur cing zhus te gtan la phab pa'o// //