CLOSE WINDOW

D4265
བོད་ཡིག

/ //'dis 'gro ba dpag tu med pa la phan par gyur cig /[]@##/ /rgya gar skad du/ yuk+ti pra yo ga nA ma/ bod skad du/ rigs pa'i sbyor ba zhes bya ba/mgon po spyan ras gzigs dbang phyug thugs rje chen po dang ldan pa la phyag 'tshal lo/ /rig bya nges pa las yin la/ /byed po med na las ci zhig /bya med de dag kyang yin te/ /gsum nyid ji ltar gnyis med yin/ /gal te phyi rol gyur na bden/ /phyi rol ma yin rang nyid ni//gang phyir rig bya ma yin te/ /nyams myong kho na rig pa yin/ /gang rtog de ni phyi rol don/ /de med phyir na 'di yod min/ /rang gi bdag nyid yang dag rig /de phyir 'gro kun rnam mi rtog /des na dngos po'i tshul dngos po/ /rang gzhan kho na 'od gsal ba//gang phyir dngos po'i rig bya min/ /rang las gzhan pa rigs pa med/ /bdag ni rnam par rtog pa min/ /gang phyir sgra don rnam rtog ste/ /rang gi ngo bo'ang sgra don min/ /ma lus rnam par mi rtog bzhed/ /gang tshe phyi rol rtog pa ni/ /bden min dngos po med pa//de tshe ma rig don med phyir/ /ma rig shin tu chom rkun yin/ /bdag dang bdag gi 'di 'di zhes/ /'dzin pa ma rung sa bon yin/ /rnam par rtog pa 'di kun nyid/ /gang tshe snying po med par rtogs/ /ma rig nub gyur de'i tshe/ /dag dang ye shes grol ba yin//de ni yid bzhin nor bur 'gyur/ /rigs pa'i sbyor ba 'jug pa nyid/ /kha che yul gyi mkhas po chen po dngos grub brnyes pa bram ze'i slob dpon chen po rin chen rdo rje'i zhal snga nas kyis mdzad pa rigs pa'i sbyor ba zhes bya ba rdzogs so// //rgya gar gyi mkhan po chen po dpal rab 'byor zhi ba'i zhal snga nas dang /zhu chen gyi lo tsA ba dge slong ting nge 'dzin bzang pos bsgyur cing gtan la phab pa'o// //