CLOSE WINDOW

D4259
བོད་ཡིག

mkhas pa chen po dz+nyA na shrI mi tra'i zhal snga nas kyis mdzad pa rdzogs so// //rgya gar gyi mkhan po paN+Di ta ku mA ra ka la sha dang / lo tsA ba shAkya 'od kyi 'gyur//[ ]@##/ /rgya gar skad du/ bidz+nyA pa ti mA tra tA sid+d+ha nA ma/bod skad du/ rnam par rig pa tsam nyid du grub pa zhes bya ba/ 'jam dpal gzhon nur gyur pa la phyag 'tshal lo/ /rnal 'byor spyod pa pa rnams khams gsum po 'di dag ni rnam par rig pa tsam mo zhes bya bar smra ba la ni rnal 'byor spyod pa pa'o zhes 'gyur kha cig las 'byung ngo / / de la log par rtogs pa las sgrub par byed pa 'di ston te/ gang zhig gang gis rtogs pa de ni de las tha dad pa ma yin te/ dper na rtogs par byed pa'i rang gi ngo bo bzhin no/ /dkar po dang klu dang dri zhim pa dang mngar ba dang rtsub pa la sogs pa 'di dag kyang shes pa de'i rtogs par byed pa yin pa'i phyir zhes bya ba ni rang bzhin gyi gtan tshigs so//'di gzhi ma grub pa yang ma yin te/ dkar po dang klu la sogs pa'i bsgrub par bya ba'i chos can gnyi ga la grub pa'i phyir ro/ /rang gi ngo bo ma grub pa yang ma yin te/ chos can de la de dag rtogs par bya ba nyid yin pa'i phyir zhes bya ba'i gtan tshigs gnyi ga la grub pa'i phyir ro//'di dag ces smos pas ni de ltar rtogs pa nyid kyis dkar po la sogs pa chos can du byas pa'i phyir ro/ /'gal ba yang ma yin te/ mthun pa'i phyogs la rang gi ngo bo rtogs par byed pa'i rang gi ngo bo la yang zhugs pa'i phyir ro/ / gal te sgrub par byed pa med pa'i dpe ma yin nam/ rang gi ngo bo rig par byed par 'gyur ba ma yin te/ rang nyid la med pa 'gal ba'i phyir ral gri'i so ji ltar rno yang bdag nyid la bdag nyid mi gcod do zhe na/ myu gu bdag nyid thob pa zhes bya ba la sogs pa bdag nyid la byed pa mi 'gal ba ma yin nam/gtad par byed pa nyid yin par yang 'gal te/ gang gi phyir ral gri'i so gcad par bya ba la zhugs pa ni gcod par byed pa yin la/ bdag nyid la zhugs par ni mi nus te/ cig car gcig la phyi rol dang nang gi ngo bo gnyis su mi rigs pa'i phyir ro/ /rtogs par byed pa nyid kyi shes pa'i bdag nyid la khyab par byed pa nyid yin pas 'gal ba med do//'di ltar gsal ba'i ngo bo nyid ni gsal ba ste so sor snang ba zhes bya ba'i don to/ /des 'brel pa ni gsal bar byed pa nyid yin pa'i phyir de nyid rtogs par byed pa nyid yin par smra ste/ de yang des de'i bdag nyid du 'brel to/ / gsal ba'i rang bzhin can ni gsal ba yin gyi/ ngo bo de'i ngo bor ma yin pa 'gal ba'i phyir ro/ /de lta bas na gsal ba'i rang bzhin can nyid rtogs par byed pa nyid de/ rtogs par bya ba sgrub par byed pa yin pa'i phyir ro/ /de nyid kyang rtogs par byed pa kho na yin te/ ral gris bcad pa dang / gzhus phug pa'i rigs pas yin no/ /de bas na rtogs par byed pa dang rtogs par bya bar nges pa ni de'i bdag nyid kho na yin te bye brag med do/ /de bas na bdag nyid la rtogs par byed pa nyid yin par 'gal ba med do/ /de nyid kyi phyir rang gi ngang gis gsal ba ni rnam par shes pa'i mtshan nyid gsal ba yin no//shes pa yang shes pa gzhan gyis gsal ba yin no zhes zer na/ shes pa yang shes pa gzhan gyis yin na thug pa med par thal bar 'gyur ro/ /'on te thug pa med pa'i lan gdab pa'i ched du 'ga' zhig tha ma rang dbang can yin par 'dod na/ dang po nyid kyi 'dod par bya ste/gzhan dang gzhan brgyud par gyur pa ma yin no/ /gzhan yang gal te gzhan gyi dbang gis gsal bar shes pa rtogs par byed pa yin na/ de'i tshe don kyang rtogs par 'gyur ro/ /ma yin na shes pas kyang ma yin no/ /de bas na rang gi ngang gis gsal ba rnam par shes pa'i mtshan nyid yin no//de lta bas na shes pa'i rang gi ngo bo gsal ba'i bdag nyid kho na las da ltar gsal bar byed bzhin pas rnam par shes pa 'di la rtogs par byed pa zhes bya'o/ /de ltar na rnam par shes pa'i rang gi ngo bo'i dpe la rtogs par byed pa nyid kyis gtan tshigs zhugs par grub ba'i phyir gtan tshigs 'gal ba yang ma yin la/dpe sgrub par byed pa med pa yang ma yin no/ /gtan tshigs ma nges pa yang ma yin te/ dpe 'di nyid la thams cad bsdus pas khyab pa grub pa'i phyir ro/ /'di ltar gsal bar byed pa nyid rtogs par byed pa nyid yin te/ de'i phyir gsal ma yin pa'i bdag nyid dang lhan cig 'gal bar dpe la mthong ste/gsal ba ma yin pa'i bdag nyid thams cad las log pa gsal ba'i bdag nyid kho nar nges pa nyid yongs su gcod pas thams cad bsdus pa'i khyab pa grub po/ /de lta bas nyes pa gsum spangs pa'i rtogs par byed pa'i phyir zhes bya ba'i gtan tshigs de nyid las de dang de tha dad pa med pa nyid du grub pas kha na ma tho ba med pa yin no//'on te 'di ma nges pa yin te/ gtan tshigs ldog pas nges pa la the tshom za ba'i phyir ro/ /'di ltar rtogs par bya ba dang rtogs par byed pa de'i bdag nyid du nges par gdon mi za ba med pa'i phyir ro//'on kyang 'brel pa tsam nyid de yul dang yul can gyi ngo bo 'brel ba nyid ni yod do/ /de bas na 'di ltar yang 'gyur te/ sngon po la sogs pa rtogs par bya ba ni yul nyid du mthong ba'i phyir dang / rtogs par byed pa ni yul can yin pa'i phyir ro zhes zer na/ de ni bden pa ma yin te/thams cad bsdus pa dang ldan pa'i khyab pa grub na ldog pa'i nges pa yang 'grub pa'i phyir ro/ /'di ltar sngon po la sogs pa de ltar gsal bzhin pa ma yin na ci ltar yul yin te/ gsal ba ma yin pa'i bdag nyid ji ltar gsal/ 'on te gsal ba'i bdag nyid yin pa'i phyir gsal ba yin na/de lta na de nyid rtogs par bya ba'i nges par byed na/ yul dang yul can gyi ngo bor yang gnod pa yin te/ de yis bye brag tu gnas pa'i phyir ro/ /de nyid kyi phyir de gnyis tha dad par snang ba ni 'khrul ba yin te/ rab rib can gyis mthong ba zla ba gnyis pa bzhin no/ / btsun pa dge bsrungs kyis kyang / tshogs pa snga ma gang yin las/ /shes dang yul bcas skad cig ma/ /skyed byed snang bcas gzugs bzhin du/ /gang yin pa yis lhan cig rtogs/ /zhes smras so/ /de'i ltar na yang shes pa kho na gsal ba yin te/ gsal ba'i ngo bo nyid yin pa'i phyir ro/ / don ni ma yin te/ bzlog pa ma yin pa'i phyir ro/ /btsun pa chos mchog gis kyang / dper na bum pa la sogs pa dang phyi rol gyi snang ba 'dre ba nyid na gsal ba yin no/ /de bzhin du shes pa dang snang ba yang yin no zhes smras so/ /des 'di ltar smra bar rigs te/ gal te shes pa nang nas skye na de nyid du gnas pa de'i tshe des bum pa la sogs pa 'dres pa med do//'on te skyes nas yul gnas par 'gro na ni de'i tshe yal ga dang zla ba de dag dus gcig tu 'dzin par mi 'gyur zhing mig gi rnam par shes pas kyang yul lnga char 'dzin te/ 'dre bar khyad par med pa'i phyir ro/ /de bzhin du ring ba dang phra ba dang chod pa yang 'dzin pa yin te/thogs pa med pa'i phyir ro/ /rgya mtsho bzhis bcad pa tshun chad kyang ring po ma yin te/ gang gi skar ma'i tshogs kyang nye ba yin pa'i phyir ro/ /'on te rung ba tsam gyi phyogs su rnam par shes pa skye na/ de'i tshe grub pa'i mtha' dang 'gal te/ sngon po la sogs pa 'dis rigs pa na dus gcig tu nang du nyams su myong bar rig go zhes bya ba de dag gi grub pa'i mtha' yin no//shes pa yang gzhan la nyams su myong ba yang gzhan pa ni ma yin no/ /gzhan yang gang de dang shes pa'i 'dra ba yin pa de/ gal te shes pa'i chos yin na/ de'i tshe shes pa nyid gsal ba yin gyi don ni ma yin no//'on te don gyi chos yin na de'i don sems dang ldan pa thams cad kyi thun mong yin pa'i phyir de yang thun mong du 'gyur ro/ /de bas na gang zhig 'ga' zhig gcig gis mngon sum du byas pas sems dang ldan pa thams cad kyi mngon sum du 'gyur te/ btso blag mkhan gyis gos gcig btsos pa na de nyid dmar por 'gyur gyi/dkar po gzhan tha dad pas dmar po yin par ni mi 'gyur ro/ /des ni spyod pa pa yang bsal te/ don gyi chos gsal ba nyid shes pa las skye ste/ de bas na don gsal ba nyid shes pas gsal ba yin no zhes lhan cig par smra ba'i phyir ro//de ltar gsal ba'i sngon po la sogs pa shes pa las tha mi dad par bdag cag kyang 'dod do/ /de bsgrubs pas don kyang bkag par 'gyur ba ma yin te/ dper na me long la gzugs de'i gzugs brnyan rtogs pa nyid gzugs rtogs pa yin pa de bzhin du shes pa'i me long la bzhin gyi rnam pa byung ba rtogs pa nyid don rtogs pa zhes bya'o zhes mdo sde pa rnams smra'o//de yang bden pa ma yin te/ 'di ltar gang gis na don de rtogs pa yin te/ don dang 'dra ba'i phyir ro zhes zer na/ dus gcig la gar dang gyad dang zla ba rnams la lta ba'i tshe gcig la gcig gis shes pa rnams lta bar thal bar 'gyur ro//de las byung ba'i phyir ro zhes zer na mig kyang rtogs par 'gyur ro/ /de las byung ba dang don dang 'dra ba gnyis kyi phyir ro zhes zer na/ 'o na ni de ma thag pa'i rnam par shes pa yang don dang 'dra bas yul yin pa 'thob bo/ /bdag nyid thams cad kyis 'dra na yang rnam par shes pa ma yin par 'gyur ro//cha shas kyis 'ga' zhig dang 'dra na ni thams cad kyis thams cad rtogs par 'gyur ro/ /de lta bas na rtogs pa'i phyir zhes bya ba'i gtan tshigs gsal ba ma yin pa'i bdag nyid thams cad las ldog pa grub pa na ma nges pa yang ma yin no//de bas na rtogs pa nyid kyis sngon po la sogs pa rtogs par byed pa las tha mi dad par grub bo/ /tha mi dad pa'i yang phyir phyi'i dngos po mi rigs pas don yod par smra ba thams cad bsal to/ /dngos po dang dngos po med pa'i bdag nyid yin par 'gal ba'i phyir brdzun pa'i rnam par rig pa tsam du smra ba bsal to//brdzun pa yang sngon po la sogs pa yin par 'dod cing / /de'i gsal ba rnams shes pa dngos po'i dbang gis yin par 'dod na/ gzhan du na de'i res 'ga' ba nyid du 'gal te/ rgyu med gzhan la mi ltos phyir/ /rtag tu yod pa'am med par 'gyur/ /zhes pa'i rigs pas so//dngos po dang dngos po med pa de'i bdag nyid du 'gal ba'i phyir sngon po la sogs pa yang dngos po nyid du grub pas thams cad brdzun par smra ba yang sun phyung ngo / /'dir ni sngon po la sogs pa'i bye brag dang / ka ba dang bum pa'i bye brag dang / sngon dang phyi ma dang dbus la sogs pa'i cha'i bye brag gi dngos por shes pa de dag ci rnam par shes pa gcig yin nam/ci du ma yin pa 'dir dpyad par bya ste/ btsun pa shes rab 'byung gnas sbas pa ni 'di dag gcig nyid de/ lhan cig par snang ba'i phyir te/ 'di ltar tha dad pa na rang rig pa nang du bltas pas phan tshun rtogs pa med de/rang dang gzhan gyi shes pa bzhin du lhan cig rtogs par ga la 'gyur/ 'on te gcig yin na ji ltar bye brag tu snang zhes zer na/ 'dir bye brag kyang ci zhig yin/ 'gal ba'i chos 'du ba'i phyir ro zhes zer/ 'gal ba 'di gnyis las gang yin/ /phan tshun spangs te gnas pa'i mtshan nyid yin no zhes zer na/lhan cig pas snang ba ji ltar phan tshun spangs te gnas pa yin no zhes smra'o/ /gnyis su smra ba nyid ni yang lhan cig snang ba'i phyir/ ji ltar phan tshun spangs te gnas pa yin zhes re zhig gang smras pa de rigs pa ma yin te/ 'di ltar sngon po dang ser po la sogs pa gcig gi ngo bo gang yin pa de gzhan la de med pa de kho na nyid bye brag yin no//gcig la gcig yin par cig car dngos po dang dngos po med pa 'gal ba'i phyir ro/ /de yang mngon sum gyis 'di dag tha dad par grub pas gcig nyid yin par 'dod do/ /de bas na 'di dag da ltar gcig nyid du med do/ /lhan cig so sor snang ba'i phyir//zhes bya ba de nyid rgyu mtshan du mi rigs so/ /gzhan yang lhan cig tu snang ba gcig nyid kyi rgyu mtshan du yang mi rigs pa nyid de/ 'di ltar gcig nyid yin na bye brag med pa'i phyir gang zhig gang dang lhan cig snang / 'di dag thams cad gcig tu rtogs pa nyid med cing / re re rtogs na lhan cig snang bar ga la 'gyur zhes zer na/ rtogs par byed pa'i rang gi ngo bo nyid dang de yang gcig pa ma yin pa de'i tshe de lta yin na tha mi dad pas de rnams gcig nyid du 'gyur ba mngon sum gyis gnod do/ /'on te de dag la tha mi dad na de'i tshe tha dad pa nyid du ji ltar 'gyur te/ tha mi dad pa ni ma yin no//de bas na tha dad pa gcig yin pa spangs nas lhan cig snang ba'i rgyu mtshan dpyad de/ de dag kyang nye bar len pa tha mi dad pa nyid can yin pa'i phyir rtogs par bya ba de rnams kyi nye bar len pa tha mi dad pa yin nyid yin la rtogs par byed pa de rnams kyi yang de nyid de/ rang dang gzhan gyi sems ni nye bar len pa gcig pa can nyid ma yin pas de rnams kyi lhan cig snang ba med do//re res thams cad rtogs min yang / /sde yis sde rtogs min nam ci/ /nyer len tha dad can nyid phyir/ /tshogs rnams kyis ni bkod ma yin/ /rnam par rig pa tsam nyid du grub pa zhes bya ba mkhas pa chen po rin chen 'byung gnas zhi ba'i zhal snga nas kyis mdzad pa rdzogs so// //bal yul gyi paN+Di ta shAn+ti b+ha dra'i zhal snga nas dang / bod kyi lo tsA ba 'bro dge slong shAkya 'od kyis bsgyur ba'o/ /slad nas paN+Di ta chen po de nyid dang / glog skya shes rab brtsegs kyis gtan la phab pa/