CLOSE WINDOW

D4251
བོད་ཡིག

kha che'i paN+Di ta skal ldan rgyal po dang / lo tsA ba dge slong blo ldan shes rab kyis kha che'i grong khyer dpe med du bsgyur ba'o// //[]@##/ /rgya gar skad du/ pA ra lo ka sid+d+ha/ bod skad du/ 'jig rten pha rol grub pa/ 'jam dpal gzhon nur gyur pa la phyag 'tshal lo//kha cig ni skye ba'i snga rol 'chi ba'i 'og rol du rnam par shes pa rgyun rnam par 'chad pa'i mtshan nyid can 'jig rten pha rol du smra'o/ /des ni yang dag par smras pa ma yin te/ 'di ltar tha mi dad par ma dmigs pa'i rang bzhin ma yin pa lus kyi 'byung ba chen po dag las tha dad par gyur pa'i rnam par shes pa ni cung zad kyang mngon sum ma yin no//thog ma dang tha ma dmigs bzhin pa'i lus de dag las bsam pa tha mi dad pa yin na yang rnam par ma chad pa'am/ mtha' myong ba med pa'i rgyun gnas par ji ltar 'gyur/ tha dad pa yin na yang rnam par shes pa ni dang po 'byung ba chen po bzhi las skye ba thob nas phyis rnam shes snga ma'i bdag nyid kyi rgyud dus cung zad cig rjes su 'jig par 'gyur ro//yang na thams cad kyi tshe rnam par shes pa skye ba'i sgo rnam par rig pa yin du chug pa de lta na yang ma'i blo las bu'i shes pa rab tu skye ba'i phyir 'jig rten pha rol tu ma grub po//'di'i lan brjod par bya ste/ re zhig 'jig rten pha rol bsal ba'i zhen pas rnam par shes pa ni 'byung ba chen po bzhi tshogs pa'i bdag nyid can gyi lus las tha dad du gyur pa med do zhes thog mar gang smra ba de ni mi rigs te/ gang gi phyir khyod la grub pa'i dbang po'i rnam par shes pa nyid bde ba dang sdug bsngal la sogs pa'i rnam pa tha dad pa dang rjes su 'brel pa ni ma yin la/phyi rol gyi gzugs la sogs pa'i dngos po'i gsal ba dag kyang sim pa dang sim pa ma yin pa la sogs pa'i rnam par dbye ba dang ldan par nyams su myong ba ma yin te/gang gi phyir nyams su myong ba skye ba'i rten can gyi zhen pa nyams su myong ngo snyam du spyod yul du byed pa'i ngo bo gang yin pa de nyid 'dir nyams su myong ba'i rjes su myong bas grub pa yin la/ snang bzhin pa'i gzugs la sogs pa dag bde ba la sogs pa'i bdag nyid du ma nges pa'i phyir sim pa dang sim pa ma yin pa'i rig pa ni gzugs la sogs pa nyams su myong ba'i tshe de dag las tha dad pa yin no//gang zhig bzung ba las tha dad pa'i sim ba la sogs pa'i rnam pa myong ba gang yin pa de nyid nyams su myong ba'i rjes su 'brang ba'i shes pas 'dzin pa'i dngos po nyid du nges te/de'i phyir de nyid 'dzin pa yin no/ /des na rnam par shes pa ni ji ltar snang bzhin pa'i gzugs la sogs pa las tha dad pa de bzhin du 'dzin pa nyid du gyur pa yang lus las tha dad pa nyid do/ /'di ltar dbang po la brten pa'i shes pa lag mthil 'dzin pa'i khyad par can skyes pa na yang 'jig rten pa rnams lag mthil gyi ngo bo bde ba'am sdug bsngal gyi ngo bor nges pa ni ma yin gyi/'on kyang bzlog pa'i bdag nyid can kho na yin no/ /de'i phyir lag mthil rig pa'i dus su lag mthil la sogs pa dag las tha dad pa'i sim pa dang sim pa ma yin par myong ba'i nges pa gang yin pa'i rnam par shes pa de ni de dag las tha dad par nyams su myong bas grub po//des na lus blo nyid yin pa'am chang gi nus pa bzhin du sems pa can 'byung ba rnams kyis yin no zhes smras pa la gnod par byed pa ni mngon sum gyis grub pa yin no//yang ji ltar du ba 'phyur ba'i skad cig dang po me las skye ba thob la/ skad cig gzhan dang gzhan ni rang gi rgyun kho na las skyes pa thob pa ltar dang po 'byung ba chen po dag las shes pa'i ngo bo thob pa ni phyis yang rang gi rigs kho na las 'byung bar gang smra ba de ni shin tu yang rigs pa'i cha thob pa ma yin te/'di ltar 'bras bu'i gsal ba dag ni rnam pa gnyis te/ kha cig ni skad cig dang po rgyun gyi rgyu dag las skye ba thob par byed la/ dus cung zad ni rang gi rigs kyi skad cig ma gzhan la rag las te skye ba'i bdag nyid can dag tu gnas te/ dper na du ba la sogs pa'i rnam pa bzhin no/ /rgyu'i dngos po 'ga' zhig ni dngos su 'bras bu skad cig tsam gnas par byed du zin kyang skad cig ma gzhan skye ba'i don du skye bar byed do/ /de'i phyir rgyu'i khyad par las 'bras bu cung zad cig rgyun dang bcas pa ni 'byung ngo / /'bras bu'i gsal ba kha cig ni skad cig re re la rigs mthun pa'i tshogs pa la rag las nas rgyas par 'byung ba can te/dper na sgron me 'bar ba'am mi la sogs pa'i rnam par rig pa lta bu'o/ /de dag ni skyed pa'i bya ba la ji ltar skad cig ma dang por me dang snying po dang / mig dang snang ba dang / yid la byed pa rnams nye ba la ltos pa de bzhin du skad cig ma gnyis pa la sogs pa rnams la yang ngo //de ltar nye bar gyur pa de dag gi nang nas gal te gang yang rung ba cig 'jig pa'am rnam par 'gyur bar gyur ba na yang de'i tshe 'bras bu yang 'jig pa'am/ rnam par 'gyur bar 'gyur te/ de'i phyir sgron ma dang mig la sogs pa rgyu'i tshogs pa'i rgyun gyis rnam par reg pa dag ni skad cig re re la sogs pa yod pa dang med pa dang 'gyur ba la ltos pa yin te rang gi rgyu tsam la rag las te 'byung ba dag ni ma yin no/ /de la rgyu dang bcas pa'i 'bras bu'i ngo bo dang po de dang mi 'dra pa las 'byung la/gnyis pa la sogs pa dag tu ni rang dang mtshungs pa'i dngos po gzhan kho na las yin no/ /skad cig tsam 'byung ba ni skad cig dang po ci 'dra ba zhig las byung ba de 'dra ba nyid las skad cig gnyis pa la sogs pa dag tu yang ngo / /de'i phyir gal te rnam par shes pa yang dang por skye ba na/'ga' zhig las skye bar 'gyur la/ phyi nas rgyun las skye ba can gyi 'bras bur gyur ba zhig yin na ni 'di dang por byung ba las yin la/ phyis rnam par shes pa dag las byung ba can yin la rag na/ gang gi phyir 'bras bu 'di dag ni skad cig ma yin no/ /'di ltar re zhig mig la sogs pa'i rgyu'i tshogs pa la rag las te byung zhing skad cig re re skyed par byed pa'i tshogs pa nye bar reg pa can skad cig tsam gnas pa'i rnam par rig pa lnga po dag ni rgyun rjes su 'brel bar nus pa ma yin no//rnam par rtog pa yang rgyun gnas pa ni ma yin gyi 'on kyang skad cig tsam 'byung ngo zhes bya bar nges te/gang gi phyir 'di ltar rgyun gcig gi khongs su gtogs pa'i sa bon dang myu gu dag gam 'bras bu'i tha dad pa ni rgyu la rag las pa de bzhin du rgyud gcig gi rnam par shes pa'i khongs su gtogs pa sngon po dang / mngar ba dang / gzugs la sogs pa'i snang ba dang rjes su 'brel pa'i sngon po snang ba'i rnam par rtog pa ni rgyu tha dad pa'i phyir rgyu tha dad pa la ltos so//de la de'i rgyu yongs su rtog pa na ji ltar du ba'i rgyun skye ba'i rgyu me yin pa de bzhin du sngon po'i rnam pa dang rjes su 'brel pa'i rnam par rtog pa de la ni rgyu cung zad kyang ma mthong ngo //gang la rgyun gyi rgyu dag 'bras bu gsal ba'i rang bzhin gyi khyad par rnam par gzhag pa'i rgyu mtshan du 'gyur bar 'dod pa ji lta bur bum pa ni 'jim pa las de'i bdag nyid dang / rdza mkhan las dbyibs kyi khyad par dang / de dag las gzhan pa rnams las ni rang bzhin gzhan rnams 'byung bar rtogs pa de bzhin du rnam par rtog pa'i shes pa'i rgyun la yang rgyun gyi rgyu'i stobs las rang bzhin tha dad pa rnams rnam par gzhag par bya dgos na/sngon po'i rnam pa dang rjes su 'brel ba'i rnam par rtog pa de la yang rnam par shes pa tsam zhig rgyur brjod par mi nus te/rnam par shes pa tsam khyad par med pas rnam par shes pa'i tshogs mtha' dag cig car 'byung bar thal bar 'gyur ba'i phyir ro/ /sngon por snang ba las sngon por snang ba phyi ma 'byung ngo zhe na/ sngon po la sogs pa'i khyad par can gyi rnam par shes pa yang rgyu'i dngos por yongs su brtag pa ma yin te/rgyu'i dngos por ji ltar brtags pa ltar 'khrul pa dang ldan par snang ba'i phyir ro/ /'di ltar sngon po'i rnam pa'i khyad par can gyi blo'i ngo bo ni snang ba gang zhig las skye bzhin pa mthong ba de nyid gzhan gyi tshe snang ba gzhan dang 'brel pa'i shes pa las 'byung na/rgyun gyi rgyu rnams ni 'khrul pa can du ma mthong ngo / /gang gi phyir rgyu'i bye brag la rag las pa'i khyad par can gyi 'bras bu'i gsal ba thams cad ni 'jig rten pa'i tha snyad sgrub par byed de/ de'i phyir rgyu tha dad pa med pa na tha dad pa dang rjes su 'brel par 'gyur zhing / rgyu tha dad yod na yang tha dad pa dang 'brel pa spangs pa'i gsal ba dag ni rgyu dang ldan pa las 'das pa yin no//gang dag gi tha dad pa dang tha mi dad pa las dngos po'i rang bzhin tha dad pa ma yin pa de dag ni rgyu dang 'brel pa med pa yin no/ /de'i phyir phyi rol rgyu med pa can du thal bar 'gyur ro//de lta yin dang dngos po rnams rtag tu yod pa'am med par thal bar 'gyur la/ de yang mngon sum gyis bsal ba yin no/ /de'i phyir 'bras bu rnams kyi tha dad pa dang tha mi dad pa'i khyad par ni rgyu'i tha dad pa dang tha mi dad pa'i rgyu mtshan can yin no/ /de ltar na ni rnam pa tha dad pa dang ldan pa'i rnam par shes pa rnams ni nges pa'i rgyu tha dad pa can du 'gyur bar 'os na nges pa'i rgyu yang ma mthong ste/de'i phyir rgyur nges pa med do/ /gal te bag chags yongs su smin pa dang rjes su 'brel pa'i rnam par shes pa nges pa'i rgyur 'dod na ni de'i tshe skad cig tsam 'byung ba'i 'bras bu'i rgyu yin te/gang gi phyir 'bras bu'i khyad par ma mthong ba las nges pa'i ngo bo can gyi nus pa'i rang bzhin ni bag chags yongs su smin pa yin la/ de yang skad cig dang por byung ba'i sngon por snang ba'i shes pa'i sngon rol gyi mtshungs pa de ma thag pa'i rkyen las ji ltar rtog pa de bzhin du sngon po'i rnam pa dang rjes su 'brel ba'i rnam par rtog pa phyi ma phyi ma mthong ba las snga ma snga ma khong du chud par nus so//ji ltar skad cig dang po la sngon po nyams su myong bas bskyed pa'i nus pa'i ngo bo bag chags 'bras bu la mngon du phyogs pa las sngon po'i rnam par rtog pa 'byung bar 'gyur ba de bzhin du de khyad par med pa'i phyir skad cig ma phyi ma dag tu yang rnam pa mtshungs pa'i rnam par rtog pa ni mngon sum du phyogs pa'i bag chags kyi rgyu can dag 'byung bar 'gyur te/de'i phyir skad cig re re la bag chags yongs su smin pa la ltos pa can gyi rnam par rtog pa rnams ni sgron ma dang mig gi rnam par shes pa la sogs pa dag bzhin du skad cig tsam 'byung zhing rgyun rjes su 'brel ba yin no//sngar skyes pa'i nyams su myong ba nus pa'i khyad par skye ba la rag las pa can gyi blo ni bag chags rab tu sad pa med par skad cig gnyis pa la sogs pa dag tu 'byung ngo zhes bya ba ni cung zad kyang gsal bar mi nus so//sngar nyams su myong ba can gyi nus pa sad pa na 'byung ba ni de la rag las te/ 'byung ba'i phyir skad cig re re la mthong bas skyed pa'i nus pa sad pa'i nye bar sbyor ba la ltos pa can gyi rnam par rtog pa rnams ni skad cig tsam nyung zad gnas pa yin no zhes bya bar nges so//gang zhig rgyun la mi ltos pa can de ni skad cig ma'i 'bras bur brjod par yang nus te dper na sgron me bzhin no/ /rnam par rtog pa rnams kyang rgyun gyi rgyu la mi ltos pa yin no/ /'bras bu gang zhig gang las 'byung ba mthong ba de ni de las gzhan las mi 'byung ste/dper na sA lu'i sa bon las 'byung bar mthong ba'i sA lu'i myu gu de ni de las gzhan las mi 'byung ba de bzhin du bag chags yongs su smin pa dang ldan pa'i rnam par shes pa las 'byung bar mthong ba'i shes pa ni gzhan 'byung ba bzhi po dag las mi 'byung ngo //rgyu'i khyad par 'ga' zhig las 'byung ba las ni rgyu dang ldan pa'i spyis khyab la/ mthong ba'i rgyu dang rigs mi mthun pa las 'byung ba ni rgyu dang ldan pa khyab byed nyid du mi 'gyur ba'i phyir rgyu'i khyad par 'ga' zhig las ji ltar 'byung bar 'gyur/ de'i phyir mi mthun pa'i phyogs las ldog pa na khyad par can gyi rgyu dang ldan pa nyid kyis khyab po zhes bya ba ni/'gal bas khyab pa dmigs pa'o/ /blo gzhan sngon du 'gro ba can nyid yin na yang bu'i blo ni ma'i blo las rab tu skye ba can yin no zhes gang smra ba de yang yang dag pa ma yin te/ 'di ltar shes rab phul du byung ba ni rjes su 'gro ba dang ldog pa dag las sngar gyi goms pa'i rgyu can du 'gyur zhing gzhan gyi rgyu can du brtags par mi nus so//ma gcig las skyes shing gzugs dang lang tsho dang dbang po ma tshang ba med la mngon par sbyor ba dang bcas par 'dod pa dag las gcig ni shes rab phul du byung ba yin la/gzhan ni ma yin no/ /ma la yod pa'i goms pa ni gnyi ga la khyad par med de/ de ni khyad par 'jog pa'i rgyu ma yin no/ /de'i phyir de dag ni rgyud so so la shes rab phul du byung ba'i shes pa'i bdag nyid can gyi goms pa ni tha dad pa'i phyir gnyi ga yang rgyud tha dad pa dang ldan par grub bo//drod gsher las skyes pa la sogs pa'i srog chags kyi rab tu skye ba la ni ma'i blo rgyur yod pa yang ma yin no/ /de'i phyir rang gi rgyud rig pa dang ldan pa yin no/ /'jig rten pha rol grub pa zhes bya ba slob dpon chos mchog gis mdzad pa rdzogs so// //grong khyer chen po dpe med kyi dbus rat+na ra smi'i gtsug lag khang du kha che'i rgyal po shrI ha ri sha de ba'i sku ring la kha che'i paN+Di ta chen po skal ldan rgyal po dang /