CLOSE WINDOW

D4239
བོད་ཡིག

/[ ]@##/ /rgya gar skad du/ bA da n+ya ya br-it+ti bi pany+dzi tAr+tha nA ma/ bod skad du/ rtsod pa'i rigs pa'i 'grel pa don rnam par 'byed pa zhes bya ba/ 'jam dpal gzhon nur gyur pa la phyag 'tshal lo/ /sna tshogs yon tan dam pa rin chen phung po'i 'od kyis rtag tu mun pa bcom gyur cing //gang zhig rnam pa sna tshogs sems can 'dod pa'i 'bras bu thob pa'i don du brtson gyur pa/ /ma lus 'gro ba phan pa skyed par dgyes pa 'jam dpal de la gus par phyag 'tshal nas/ /rtsod pa'i rigs pa rnam par 'byed pa dri ma dang bral mdor bsdus pa 'di brtsam par bya//gang dgos pa dang bral ba de rtog pas sngon du byed pa rnams kyis brtsam par bya ba ma yin te/ dper na bya rog gi so rnam par nges byed la sogs pa bzhin/ rab tu byed pa 'di yang dgos pa med pa'o zhes dogs par byed pa'i dogs pa de yongs su spang bar bzhed pas dgos pa bstan pa'i ched du rigs pa smra ba rnams kyang zhes pa la sogs pa'i ngag nye bar bkod do//yang ji ltar ngag 'dis dgos pa nye bar bstan zhe na/ 'di ni re zhig gzhag go/ /don rnam par bshad par bya ste/ rigs pa ni tshul gsum pa'i rtags kyi mtshan nyid rigs pa ste/'dod pa'i don grub pa 'dis 'dren cing thob par bya'o zhes byas so/ /de nyid kyi phyir rtags rnam par gsum kho na zhes bya ba la sogs pa tshul gsum pa kho na'i rtags bar ma chad par 'chad par 'gyur ro/ /de rjod par byed pa'i tshig go zhes gzhan rnams so//de smra ba'i ngang tshul 'di yin pa de la de skad du bshad do/ /de yang tshar gcod par byed de pham par byed do zhes pa'i don to/ /tshar gcod pa ni rigs pa smra ba'i phan pa'i skabs nyid kho na yin pa'i phyir ro/ /rigs pa smra ba ni tshar gcad pa'i 'os ma yin pas/ tshar gcod par byed pa 'di srid par 'os pa ma yin mod/gzhan mkhas pa la phrag dog pa'i blo can gyis de yang pham par 'gyur ba mi srid do zhes bya ba'o/ /kyang gi sgra ni bsdu ba'i don nam khyad par bsdu ba'i don to/ /gang rnams la tshar gcod pa yin zhe na/ rtsod pa dag la zhes bya ba smos so//sgrub pa dang sun 'byin pa yang dag par brjod pa rnams la rnam par dpyod pa zhes bya ba'i don to/ /la la las rgol pa dag la zhes 'don to/ /de la 'gal ba brjod pa'i rgol ba de rnams la yin no zhes bshad par bya'o/ /ji ltar 'gal ba yin zhe na/ sgrub pa dang sun 'byin pa yang dag par brjod pa rnams la dpyad nas de dang 'gal ba'i don bsgrub pa la 'jug pa'i phyir ro//rigs pa smra ba rnams la yang yang dag pa ma yin pa ma grub pa la sogs pa gtan tshigs kyi skyon gyis ji ltar sun 'byin pa yin zhe na yang dag pa ma yin pa'i rnam par gzhag pa zhes bya ba smos te/'dir yang dag pa ma yin pa ni dam pa ma yin pa'i rnam par gzhag pa 'am mi bden pa'i rnam par gzhag pa ste/ yang dag pa la smod pa'i phyir ro/ /de yang 'bras bu'i ltag chod yang dag pa ma yin pa tshar gcod pa'i mtshan nyid do/ /de'i rnam par gzhag pa ni sbyor ba yin no zhes bya bar sbyar ro//ngo tsha med pa de skad du ci ste brjod ce na/ g.yo rgyu can zhes pa bya smos te sgrin po sgyur can te/ gzhan gyi phun sum tshogs pa la phrag dog pa zhes bya ba'i don to/ /gang gi phyir de de ltar tshar gcod pa de'i phyir de sun dbyung ba'i don du yin no//sgyu can rnams sam yang dag pa ma yin pa'i rnam par gzhag pa de rnams sam/ de tshar gcod pa 'am/ yang na gsum char sun 'byin pa ni de dgag pa'i phyir ro/ /rgyu mtshan des rab tu byed pa 'di brtsams so/ /yang na de'i don du zhes bya bar sbyar ro/ /de sun dbyung ba byas nas yang dag pa'i spyod pa la 'jug pa yin te/de sngon du song ba thams cad skyes bu'i don yin no zhes bya bar dgongs so/ /nang gi rjes su 'brangs nas rab tu byed pa 'di zhes yul nye bar brjod do/ /nang gi de kho na nyid du yongs su rdzogs pa'i phyir ro/ / de lta ma yin na nang yongs su ma rdzogs pas yul nye bar mi 'gyur la sgra sbyar bar yang mi 'gyur ro/ /brtsams so zhes bya ba ji ltar da ltar gyi dus su ston zhe na/ da ltar dang nye bar yang da ltar bzhin du bshad pa yin no/ /'brel pa yang brjod par bya ba yin gyi de lta ma yin na byis pa dang smyon pa'i tshig bzhin du rtog pa sngon du gtong bas gzung bar mi bya bar 'gyur ro zhe na/bden te/ dgos pa'i nang du 'dus pa'i phyir longs shig tu ma brjod do/ /de ltar na de sun dbyung ba'i don du 'di brtsams so/ /des na de'i dgos pa ni rab tu byed pa 'di'i bsgrub par bya ba yin la/dgos pa dang rab tu byed pa de yang bsgrub par bya ba dang sgrub par byed pa'i mtshan nyid yin pas 'brel pa shugs la bstan to/ /gzhan pa'i de ma thag pa la sogs pa'i mtshan nyid kyi 'brel pa gang yin pa de ni brjod par mi bya ste/ bya ba yang rab tu byed pa'i yan lag ma yin pa'i phyir ro//'di ltar de rnams yod kyang dgos pa med na rab tu byed pa mi rtsom pa 'am/ de med kyang dgos pa yod na brtson par 'gyur ba kho na yin no/ /de'i phyir rab tu byed pa'i rtsom pa'i dgongs pa'i rjes su 'gro ba dang ldog par brjod pas rtog pa dang ldan pas dgos pa brjod par bya'o//de ltar bstan pas 'brel pa bstan pa kho na yin no snyam du bsams pa yin no/ /rtog pa dang ldan pa rnams rab tu byed pa'i lus ma brjod par 'jug par mi 'gyur ba de bas na dgos pa bzhin du 'jug pa'i yan lag yin pa'i phyir rab tu byed pa'i lus kyang brjod par bya ba yin no zhe na/de lta yin yang dgos pa'i ngag gis bstan zin pa'i phyir 'brel pa bzhin du de yang logs shig tu brjod par mi rigs so/ /gang gi phyir de sun dbyung ba'i don du 'di brtsams so zhes bya bas bshad zin pa de'i phyir de sun dbyung ba nyid du lus yin no zhes bya bar 'gyur ro//gang gi tshe de sun dbyung ba'i don du 'di brtsams so zhes bya bas snga ma'i gtan tshigs ma grub pa yin no/ /'gog pa'i tshad ma gzhan gnyis kyang 'dis bstan pa yin no/ /rab tu byed pa 'di ni rtog pa dang ldan pa'i nus pas brtsam par bya 'am gzung bar bya ste/de dgos pa dang ldan pa'i phyir dang / 'brel pa dang ldan pa'i phyir bstan bcos gzhan bzhin no zhes bya ba ni rang bzhin gyi gtan tshigs so/ /de ltar dgos pa brjod pa yin no/ /rab tu byed pa ma lus pa'i don bsdus pa'i tshigs su bcad pa bshad pa/sgrub byed yan lag mi brjod cing / /zhes bya ba la sogs pa'o/ /sgrub byed yan lag mi brjod pa dang / skyon mi brjod pa gnyis po ni rgol ba dang phyir rgol ba dag gi ji lta ba'i rim gyis tshar gcod pa'i gnas su 'gyur te/ pham pa'i gnas yin no/ / gzhan zhes bya ba ni gnyis po de dag las gzhan pa rkang mig gis brtags pa'i dam bca' ba yod pa sgrub byed brjod pa tshar gcad pa'i gnas yin pas mi rigs phyir zhes bshad do/ /mi 'dod pa ni tshar gcad pa'i gnas su mi 'dod do zhes sbyar ro/ /re zhig 'di ni bsdus pa'i tshigs su bcad pa yin no//'dod pa'i zhes bya ba la sogs pa ni rnam par dbye ba brtsam pa yin te/ 'dod pa'i don ni sgra rtag pa la sogs pa bsgrub par bya bar 'dod pa de sgrub pa ste/ rtogs par byed pa ni sgrub par byed pa'o/ /des na sgrub par byed pa'i sgra 'dis 'di yod pa bsgrub par bya ba bshad pa 'dir 'dod pa yin gyi sgrub par byed pa zhes bya bar bshad pa rgyu ni ma yin no//de'i phyir sgrub par byed pa ni 'dod pa'i don sgrub pa'i mtshan nyid kyi yan lag go/ /de gang yin zhe na/ bshad pa sgrub par byed pa ste/ skyed par byed pa'o/ / yan lag gi sgra brjod pa 'dis yan lag gi sgra 'di ni 'dir rgyu'i rnam grangs yin gyi cha shas ni ma yin no zhes bya ba'i don to/ /de yang 'dir sgrub par byed pa'i yan lag gis ni tshul gsum pa'i rtags bstan to/ /sgrub par byed pa'i yan lag brjod pa ni tshul gsum pa'i rtags nges pa 'chad pa yin no//de'i sgrub bar byed pa'i yan lag mi brjod cing ma smras pa gang yin pa de ni sgrub pa'i yan lag mi brjod pa'o/ /de ni 'di skad ston pa yin te/ sgrub pa'i yan lag ma yin pa ni phyogs dang nye bar sbyar ba la sogs pa'i tshig ste/ sgrub pa'i yan lag ma brjod pas de ltar mi rtogs so zhes 'dir bstan to/ /de lta na sgrub par byed pa'i yan lag ma brjod pa ni sgrub par byed pa'i yan lag brjod pa med pa ste/ rgol pa tshar gcad pa'i gnas yin no/ /des ni tshigs su bcad pa de'i snga ma'i cha bshad pa yin no/ / sgrub par byed pa'i yan lag ma brjod pa ji ltar tshar gcad pa'i gnas su 'gyur zhe na/ de khas len pa zhes bya ba smos te/ 'dod pa de bsgrub par bya ba khas blangs pa ste/ 'di bdag gis bsgrub po zhes dam bcas nas so/ /spobs pa med pas byed par 'gyur bas mi smra bar 'dug par gyur pa'i phyir te/spobs pa med pa ni 'dir sngar rtogs pa'i don brjed pa dang 'jigs pa nyid gzung ngo / /'dis ni sgrub par byed pa'i yan lag ye ma brjod pa gsungs so/ /brjod pa na yang gal te nus pa med na de'i tshe brjod kyang ma brjod pa kho na ste/ rang gi bya ba mi byed pa'i phyir ro zhes dgongs nas gsungs pa/sgrub byed kyi yan lag bsgrubs pa med pa'i phyir ro zhes pa ste/ de khas blangs nas zhes 'jug go/ /'am gyi sgra ni snga ma la ltos pas rnam par brtag pa'i don to/ /sgrub byed kyi yan lag bsgrubs pa med pa ni tshul gsum rnams la nges pa med par bstan pa'o//de'i phyir mi smra bar gyur pa las ngad bsgrubs pa med pa las kyang sgrub par byed pa'i yan lag mi brjod pa'o/ /de las kyang dam bcas pa'i don mi byed par phyir rgol ba tshar gcad pa'i gnas so zhes dkyus dang dang sbrel lo/ /'ga' zhig tu rgol ba zhes klog ste/der ni de sgras mi brjod ces pa dkyus ma dang sprel lo/ /yang gang gis de las bzlog pas bsgrubs pa med pa las dam bcas pa'i don mi byed pa'i phyir rgol ba tshar gcad pa'i gnas nyid do zhes pa sgrub byed kyi yan lag bsgrub par ji ltar 'gyur/ gang gi tshe yin/ ci'i ngo bo las yin zhes pa 'di'i lan gdab par bzhed pas/rnam pa gsum kho na zhes pa la sogs pas dang po'i gnas skabs mdzad de/ rtags rnam pa gsum kho na yan lag ste rgyu'o/ /ci'i phyir zhe na/ sgrub pa'i ste/ 'thad pa'i ngo bo can gyi'o/ /ci sgrub pa'i zhe na/ gsungs pa/mngon sum ma yin pa ste lkog tu gyur pa'i ste/ rjes su dpag byar gyur pa'i dngos po'i'o zhes pa ji srid pa'o/ /rnam pa gsum kho na zhes bzhi la sogs pa rnam par gcod pa'i nges par gzung bar gsungs so/ /nges pa 'di ni ji ltar zhe na/ gang gi phyir/ sgrub pa dang dgag pa'i ngo bo nyid kyis bsgrub par bya ba rnam pa gnyis su rnam par gzhag la/sgrub pa'i ngo bo yang rang bzhin gyi ngo bo dang rgyu'i ngo bor 'gyur te/ de la gtan tshigs 'brel pa ldan pa'i phyir ro/ /don gzhan 'bras bu ma yin pa yod par gyur pa na gzhan yod par 'gyur ba ni rigs pa ma yin te/snam bu yod par gyur pa na rnga mo bzhin no/ /don gzhan rgyu ma yin pa ldog pa na 'bras bu ma yin pa gzhan ldog pa yang rigs pa dang ldan pa ma yin te/ rnga mo ldog pa na snam bu bzhin no/ /rjes su 'gro ba dang ldog pa ma tshang ba ni go bar byed pa nyid du rigs pa yang ma yin te/snam bu yang rnga mo'i go bar byed pa nyid du thal ba'i phyir ro/ /rang bzhin du gyur pa'i sgra ni rang bzhin gyi gtan tshigs kyis bsgrub par bya ba dang / rgyur gyur pa ni 'bras bu'i gtan tshigs las khas blang bar bya'o/ /dgag pa ni dmigs pa'i rig byar gyur pa'i mi dmigs pas ji lta bar bsgrub par bya'i gzhan gyis ma yin no zhes de bzhin du rgyas par phyis bshad par bya ste/de ni 'dir mdor bsdus pa'i don yin pa'i phyir ro/ /yul la ltos nas yul can rtags rnam par gzhag par bya ste/ yul can yang dgag pa 'am sgrub pa zhig tu 'gyur na/sgrub pa yang don gzhan pa 'am don gzhan ma yin ba sgrub pa zhig yin/ don gzhan sgrub pa yang rgyu 'am/ 'bras bu 'am/ gnyi ga ma yin pa zhig bsgrub par bya/ 'bras bu brjod pa yang rgyu'i spyi sprin la sogs pa ldog pa'i dngos po tsam gyis rtags su brjod pa 'am/rgyu'i bye brag sprin la sogs pa nus pa thogs pa med pa gang yin pa zhig yin/ dgag pa yang dgag par mngon par 'dod pa'i dngos po med pa'i mi dmigs pa'am dmigs par bstan pa zhig yin/ mi dmigs pa de yang dmigs pa log pa tsam gyis mtshan nyid du 'gyur ram/de dang rung bar mtshungs pa'i gnas skabs kyi don 'ba' zhig dmigs pas sgrub par byed par brtag /de la gdon mi za bar 'brug sgra la sogs pa'i chos dang ldan pa'i sprin gyi rgyu tsam las kyang 'bras bu char pa la sogs pa dang ldan pa ma yin te/bar du gcod pa srid pas 'khrul pa'i phyir ro/ /de'i phyir rgyu tsam go bar byed pa ma yin no/ /rgyu'i khyad par yang nus pa thogs pa med pas brjod pa la rjes su dpag par bya ba shes pa'i snga rol du 'bras bu 'byung bas dbang po'i shes pa'i gzung bar bya bar 'gyur bas de yang rtags ma yin no//'bras bu rgyu'i rtags su ni rigs te/ de med na mi 'byung bas de las mi 'da' ste/ rgyu dang ldan pa las 'das par 'gyur ba'i phyir ro/ /gnyi ga ma yin pa yang 'brel pa med pas go bar byed pa ma yin te/ ha cang thal bar 'gyur ba'i phyir ro//don gzhan ma yin pa ni 'khrul pa med pa'i go bar byed pa yin no zhes bya bar rigs so/ /dgag pa yang dmigs pas ni mi rigs te/ 'gal ba'i phyir ro/ /ji ltar dmigs pas med pa la nye bar 'gyur/ de'i shes pa log pa tsam ni 'khrul par 'gyur ro//shes pa gcig pa tshogs pa 'ba' zhig mthong bas med pa'i tha snyad du bya bar rigs te/ gal te yod na dmigs par 'gyur ba kho nar 'gyur ba'i phyir ro/ /tshad ma yang gang 'thad pa med pa'i yul la de'i yul can 'thad pa ma yin te/ rta'i rwa bzhin no/ /gzhan gyis brtags pa'i rang bzhin la sogs pa las gzhan ldan pa la sogs pa yang 'thad pa med pa'i yul du bshad pas zhes bya ba ni khyab par byed pa mi dmigs pa'o/ /chos mi mthun pa'i dpe ni sngon po la sogs pa'i shes pa dang 'bras bu'i rtags la sogs pa nyid do//sgra don gyi rgyu mtshan can du 'thad pa yin no zhes bya ba ni gnod par byed pa'o/ /de ltar cis grub ce na/ 'di dag go bar byed pa ma yin pa'i phyir ro/ /'di ltar yul can nyid dang go bar byed pa dang / gsal bar byed pa ni rnam grangs yin no/ / de'i phyir bsgrub par bya ba rnam pa gsum yin pas de'i go bar byed pa'i gtan tshigs kyang rnam pa gsum kho na yin no zhes bya bar gnas so/ /rnam pa gsum gang yin zhe na/ rang bzhin zhes bya ba la sogs pa smos so/ /ngang gi sgras ni rang bzhin dang / 'bras bu la ltos nas bsdu ba yin te/'di dag gis mngon par 'dod pa'i gtan tshigs bstan to zhes bya ba'i don to/ /rang bzhin dang 'bras bu mi dmigs pa'i dbye ba rnam pa gsum ni mngon sum ma yin pa'i sgrub pa'i yan lag yin gyi/ rgyu dang 'bras bu dang 'du ba dang 'gal ba la sogs pa'i dbye ba bstan pa'i don du ni ma yin no//'o na dmigs pa'i rig byar gyur pa las mi dmigs par bshad pa gang yin zhe na/ de nyid mngon sum gyi grub pa yin te/ 'chad par 'gyur ba'i rigs pas yan lag yin pa'i phyir ro/ /mi dmigs pa tsam ma yin na de ji ltar thun mong du bshad ce na/de ltar spyi'i sgra yin yang 'di sgrub par byed pa'i sgrub pa'i yan lag tu dmigs pa'i rig byar gyur pa'i mi dmigs pa kho na la 'jug go/ /'di ltar spyi'i sgra yang sgra gzhan dang nye ba'i skabs kyis spyi'i yang bye brag la rnam par gnas pa yin no//gang bye brag gi sgra dang nye ba kho nas bye brag tu gnas pa ni ma yin gyi/ 'on kyang skabs dang shugs la sogs pas kyang yin no zhes bshad do/ /ji ltar mi dmigs pa tsam gyis bsgrubs pa yang sgrub pa'i yan lag tu srid pa ma yin no zhes phyis bshad par bya'o/ / mngon sum ma yin pa'i gtan tshigs kyi dbang du byas pa yin pas 'di la rtsod pa med do/ /'dir yang rnam pa gsum sgrub pa'i yan lag tu sgrub pas bzlog pa gang sgrub pa ma yin par ji ltar 'gyur zhe na/ de la zhes bya ba sogs pa smos te/ 'dir bsgrub par bya ba smos pa ni mi rtag pa la sogs pa chos tsam la brjod de/cha shas la spyi nye bar btags pa'i phyir ro/ /bsgrub par bya ba ni chos dang chos can gyi spyi ma yin te/ khyab pa nyid med par thal bar 'gyur ba'i phyir ro/ /sgra la sogs pa'i chos can gyis khyad par du byas pa'i mi rtag pa ni dpe'i chos can la med pa'i phyir ro//khyab pa sgrub pa ni rjes su 'gro ba dang ldog pa tshad mas bsgrubs pa 'dis rjes su 'gro ba dang ldog pa nges par rigs pa yin no/ /chos can ni shes par 'dod pa'i bye brag dang ldan ba sgra la sogs pa la yod pa'i dngos po bsgrub pa'i phyir ro//phyogs kyi chos grub pa'i tshad mas yod pa'i don yang brjod pa yin te/ 'dis kyang phyogs kyi chos nges par can bshad pa yin no/ /khyab ba sgrub pa'i chos can la yod par bshad pa ji ltar phyi'i khyab pa thams cad bsdus pa yin snyam pa la/ 'dir dpe ni/dper na zhes bya ba la sogs pa smos te/ de thams cad mi rtag pa zhes bya bas don bsdus pa'i khyab pa bstan pa bshad pa yin no/ /don ci yin zhe na/ log par rtog pa bsal ba'i phyir ro/ /'di ltar kha cig phyogs nyid mthun pa'i phyogs la ltos pa'i nang gi khyad pa bstan pa yin no snyam du log par rtog pa de yang rigs pa ma yin te/khyab pa ni dngos po'i stobs las 'ongs pa'i phyir ro/ /sngar bsgrub par bya bas khyab par bsgrub pas phyis chos na la yod par bstan 'di 'dra ba la ci 'dir go rims nges pa yod dam med snyam pa'am/'di la yang zhes bya ba la sogs pa smos te/ gang sgrub pa'i yan lag tu sgrub par 'dod pa kho na yin no/ /yang gi sgra ni nges par bzung ba ste/ ma yin te zhes bya ba dang sbyar ro/ /'di la 'di 'dra ba'i go rims kyi nges pa 'ga' yang yod pa ma yin no zhes bya ba'i don to/ ci'i phyir zhe na/ 'dod pa'i don sgrub par gnyi ga la bye brag med pa'i phyir ro/ /khyab ba sgrub pa brjod pa sngon du 'gro ba'i chos can la yod pa sgrub pa brjod pa dang / chos can la yod pa sgrub pa brjod pa sngon du 'gro ba'i khyab pa sgrub pa brjod pa ni bsgrub par bya ba'i don sgrub pa la khyad par med ces bya ba'i don to//go rims nges pa'i don ci zhig la brten/ bsgrub par bya ba sgrub pa'i don yin na ni chos mthun pa nyid can gyi sbyor ba ji ltar bsgrubs pas gtan tshigs med na mi 'byung bar bstan pa yin gyi/ bsgrub par bya ba ni ma yin no/ /de bzhin du chos mi mthun pa'i sbyor bas bsgrub par bya ba med na gtan tshigs med par bstan gyi/gtan tshigs med pas bsgrub bya med pa ni ma yin no/ /ci'i phyir zhe na/ bsgrub par bya ba dang med na mi 'byung ba bstan pas 'dod pa'i don sgrub pa la ma grub pa dang phyin ci log tu sgrub par ma gyur cig snyam du de ltar dgongs pa yin no//de skad du gtan tshigs ni mthun pa'i phyogs nyid la yod pa dang bsgrub par bya ba med pa la med pa nyid du bstan par nus kyang bzlog pas ni ma yin zhes bshad do/ /dper na byas pas mi rtag pa 'am/ 'jig pa ni 'dir 'bras bu yin te/byas pa'i khyab pa ma bshad du zin na 'brel pa nges pa med pa yin no zhes bya bar 'brel to/ /des na 'di ni go rims mtshungs pa la brten par rigs pa yin no/ /'dir ma byas su zin kyang 'dis kyang 'dod pa'i don grub cing rdzogs pa yin pas go rims nges pa yod pa ma yin zhes bya ba legs par bshad pa yin no//'dod pa'i don grub par gnyi ga la bye brag med pa'i phyir zhes bya ba de nyid 'dir gang las she na/ bshad pa gang gi phyir chos can la zhes bya ba la sogs pas bsgrub par bya bas khyab pa rab tu bsgrubs nas zhes dang por bshad pa yin no//de'i khyab pa bsgrub pa yang gang yin zhe na/ 'dir yang zhes bya ba la sogs pa smos te/ 'dir yang zhes bya ba ni rang bzhin gyi gtan tshigs so/ /'bras bu dang mi dmigs pa la sogs pa'i khyab pa sgrub pa dag phyis bshad par bya'o/ /bsgrub par bya ba las bzlog pa la gtan tshigs 'jug pa yod pa ma yin no zhes bya ba lhag ma'o//gnod pa can gyi tshad ma ni gang gis bsgrub par bya ba las bzlog pa la 'jug pa'i gtan tshigs la gnod pa yin no/ /de nye bar bstan pa gang yin pa de ni khyab pa sgrub par byed pa yin no zhes bya ba'i don to//de'i gnod pa can gyi tshad ma bstan pa yang gang yin zhe na/ gal te dngos po yod pa'am/ byas pa thams cad ces bya bas ni sngar bshad pa'i gtan tshigs gnyis po bstan to/ /skad cig ma re re la 'jig par ma gyur na med pa kho nar 'gyur ba yin no zhes bya bar sbyar ro//ci'i phyir zhe na/ skad cig ma ma yin pa'i don ni rim dang cig car gyis don byed pa mi rigs pa'i phyir ro/ /'di ltar skad cig ma ma yin par mngon par 'dod pa'i dngos po ni re zhig rim gyis don byed pa rigs pa ma yin te/'bras bu sgrub par rung ba'i rang bzhin rtag tu yod pa yin pa'i phyir ro/ /de lta ma yin na phyis kyang byed par mi 'gyur te/ snga ma'i rang bzhin las ma 'das pa'i phyir snga ma bzhin no/ /lhan cig byed pas sgrub par byed pa yin no zhe na/ ma yin te/thog ma'i bdag nyid kyi khyad par snga ma'i rang bzhin yongs su ma spangs pas lhan cig byed pa la ltos pa ni mi rigs pa'i phyir ro/ /lhan cig byed pa des dang po'i bdag nyid de tha mar khyad par du 'gyur ro zhe na/ ma yin te/ lhan cig byed pas byas pa'i khyad par ni de nyid dam gzhan nyid du mi rigs pa'i phyir ro//'di ltar re zhig bdag nyid kyi khyad par 'di ni de'i bdag nyid du mi 'gyur la/ de nyid de las tha mi dad pa'i bdag nyid kyi khyad par bzhin du lhan cig byed pa'i stobs kyis skye bar thal bar 'gyur ba'i phyir ro/ /de ltar khas blangs pas kyang skad cig ma yin pa nyid nyams par 'gyur ro//tha dad pa nyid du de yod pa ma yin no zhe na 'on kyang de nyid las yin yang / /bdag nyid kyi khyad par las 'bras bu skye bas de'i gnas skabs 'di byed par mi nus par thal bar 'gyur ba yang dka' ba thog tu bab pa yin no//'di'i 'brel pa yang ji ltar yin zhes bsam pa'i yul la 'jug par bya ba nyid de/ 'dir yang khyad par lhan cig byed pa'i stobs kyis byed pa la ltos pa'i phyogs yin na ni skyon med do/ /nus pa'i rang bzhin yin pa'i phyir ro/ /gtag bzangs la sogs pa 'ga' zhig la ltos nas 'bras bu skyed pa yin no zhe na/de ni ma yin te/ re zhig lhan cig byed pa'i rkyen des khyad par byed nus pa ma yin la/ phan mi 'dogs pa'i dngos po la ltos par rigs pa ma yin te/ ha cang thal bar 'gyur ba'i phyir dang / de ltar thams cad du 'di'i 'bras bu skyed par thal bar 'gyur ba'i phyir ro//gtag bzangs la sogs pa de'i rang bzhin byed pa'am byed pa ni de'i rang bzhin yin pa'i phyir ro zhes bya ba la sogs pa gtan tshigs thigs par bshad zin pas bshad par mi bya'o/ /de ltar re zhig rim gyis byed par mi rigs so//cig car phyi rol gyi don byed pa la 'jug par nus pa'i rang bzhin gyis byin gyis brlab pa'i yul ma yin te/ des na yod pa 'di nyid phyis kyang de'i ngo bo'i 'bras bu skyes pa dang mi 'bras par 'gyur ba'i phyir ro/ /de lta ma yin na skyes ma thag 'jig par 'gyur ro//skad cig ma ma yin pa nyid khas blangs pas cig car skye ba dmigs par mi 'gyur te/ rim pa yod pa mthong ba'i phyir ro/ /des na de ltar skad cig ma ma yin pa'i don 'di ni rim pa 'am cig car 'ga' zhig don byed pa'i cha phra mo tsam yang sgrub par mi nus pa'i phyir yod pa ma yin no//gal te don byed par mi rigs na ji ltar med par 'gyur zhe na/ don byed par nus pa zhes bya ba la sogs pa smos te/ don byed par nus pa gang yin pa de ni 'dir yod pa'i mtshan nyid yin no zhes sbyar ro/ /de'i phyir don byed par nus pa'i mtshan nyid ni yod pa yin la//de las ldog pa ni rnam par gcod pa'o/ /phyir zhes bya ba ni gtan tshigs kyi sgra ste de'i phyir zhes bya ba'i don to/ /don byed par nus pa'i mtshan nyid ni nges par bya zhe na/ thams cad ces bya ba la sogs pa smos te/ thams cad la nye bar brjod pa ni bstan te/ 'di nye bar brjod par byas pa'o/ /de dang bral ba ni med pa'o/ /mtshan nyid de nyid ni brjod du med pa gang yin pa de ni gzhan du bshad do/ /'dir yang phyir zhes bya ba ni gtan tshigs brjod pa thams cad smos pa ni bum pa la sogs pa skad cig ma nyid du mngon par 'dod pa'i yul tha dad pa don byed mi nus pa las ldog pa yod pa'i phyir de dag med par rnam par gcod pa yin no//don byed nus pa'i mtshan nyid ma yin pa yang yod par rigs so zhe na/ ma yin te/ yod pa mi srid pa'i phyir ro/ /de med pa yang gzhan du bstan zin pas ma bshad do//yod pa yang yod pa nyid ma yin te/ yod pa dang mi ldan pa'i phyir ro/ /spyi ni spyi dang ldan pa ma yin no zhes bya ba gzhung lugs yin no/ /rang nyid de ma yin pa'i phyir don gyi bdag nyid kyi rang bzhin ni rim pa bzhin gzhan dang ldan par bsgrubs kyang de'i rang bzhin dang 'gyur ba ma yin no//shes pa dang sprin gyi dngos po bzhin du pa la sha'i sa me srog la sogs pa'i ngo bo yin no zhes bya ba ci yang ma yin no/ /nye bar brjod pa'i nus pa thams cad dang bral ba'i mtshan nyid brjod zin pa de yang 'dir nye bar brjod pa smos pa ji ltar yin/ /de nyid brjod par mi bya'o zhe na ni 'dir smras pa ni bden na nus pa thams cad dang bral ba la nus pa 'ga' zhig dang 'brel pa'i sgra yang 'jug pa med pa'i tha snyad kyi yul du bstan pa yin no//ming don gyi rjes su 'brangs pa bsgrub par bya ba 'di bshad pa yin no zhes bya bar rtogs par bya'o/ / gal te bsgrub par bya ba las bzlog pa la gtan tshigs de la gnod pa can gyi tshad ma bstan par ma byas na cir 'gyur zhe na/ bshad pa de lta na bsgrub par bya ba las bzlog pa la gnod pa can gyi tshad ma nye bar bstan pa na ldog pa la the tshom za bar 'gyur ro zhes bya bar sbyar ro/ / de gang la the tshom za ba yin zhe na/ de yod pa'am byas pa dang mi rtag ba'i skabs 'di lta bu 'dir yang yin no/ /mi mthun pa'i phyogs la gtan tshigs 'jug pa ma dmigs na/ de ji ltar mi ldog pa yin zhe na/ gtan tshigs 'jug pa ma mthong du zin kyang zhes bya ba smos so/ /gang yin zhe na/bsgrub bya las bzlog pa las zhes bya ba lhag ma'o/ /de ltar na ni bzlog pa ji ltar 'gal ba med pa'i phyir ro zhes bya ba smos te/ sgrub par byed pa'i bsgrub par bya ba'i mi mthun pa'i phyogs dang zhes lhag ma'o/ /'dir dgongs pa ni 'di yin te/ gal te sgrub par byed pa dang bsgrub par bya ba las bzlog pa la phan tshun grub pa yin na ni ma mthong ba tsam gyis ldog pa la the tshom mi za bar 'gyur na/gnod par byed pa'i tshad ma ma bstan par de nyid mi 'grub po/ /gal te 'di'i the tshom las log na de las cir 'gyur zhe na/ bshad pa de las bzlog pa la the tshom za ba'i ma nges par 'gyur te/gtan tshigs ltar na sang ba'o/ /ci'i phyir zhe na/ ldog pa ni bsgrub par bya ba med pa la gtan tshigs med pa'i mtshan nyid la the tshom za ba'i phyir ro/ /mi mthun pa'i phyogs las bzlog pa la the tshom za ba'i gtan tshigs ltar snang ba yin no zhes bya ba'i don to//ma mthong bas kyang the tshom cis mi ldog ji srid du ma mthong ba des dngos po med pa bsgrub par byed pa yin no zhe na/ ma mthong ba tsam gyis ldog pa ma yin te zhes bya bas smos te/ bsgrub par bya ba med pa'i grub pa'i gtan tshigs las 'gyur ro zhes bya ba'i tha tshig go//kyang gi sgra ni gang gi phyir gyi don to/ /tsam smos pa ni dmigs pa'i rig byar gyur pa las ma dmigs pa rnams par gcod pa'i don to/ /ci'i phyir zhe na/ yul dang dus dang rang bzhin gyis bskal pas mi gsal ba'i don rnams so/ / rgya'i yul dang shing bcu pa dang / sha za ba la sogs pa ma mthong ba gang yin pa de ni med pa sgrub pa ma yin no/ /gang gis med pa sgrub par byed pa ma yin zhe na/ bskal pa dag gi skabs yin pa'i phyir zhes khong du chud par bya'o/ /'o na don mtha' dag la khyab pa'i shes pa phul du byung ba yang dag par mnyes pa'i gzigs pas bskal ba'i don med pa yang sgrub par mdzad na/de ci'i phyir de skad bshad ce na/ thams cad gzigs pa ma yin pa zhes bya ba smos so/ /'di thams cad gzigs pa'i dang tshul can yin pa de'i phyir dgag pa'i bsdu ba yin no//ma mthong ba de yang med pa sgrub par byed pa ci'i phyir ma yin zhe na/ tshu rol mthong ba ni skyes bu'o/ /yod du zin kyang bskal pa'i don 'ga' zhig ma mthong ba'i phyir ro/ /'di snyam du sems pa yin te/ thams cad gzigs pa ma yin pa'i mthong bas dngos po ma lus pa yod pa khyab pa ni ma yin te/gang gis de ldog par gyur pa'i don ni shing ldog pa'i sha pa bzhin no/ /tha dad pa'i phyir gang mi ldog na du ba ldog pa bzhin du/ de yang de'i rgyu ma yin te/ de med kyang yod pa'i phyir ro/ /gnod par byed pa'i tshad ma yang zhes bya ba la sogs pa la/'dir kha cig phyogs snga ma dgod pa ni gnod par byed pa'i tshad ma ni ci zhig yin/ gang nye bar bstan pas rtsa ba'i gtan tshigs kyi khyab pa ldog pa yin zhe na/ gnod par byed pa yang zhes bya ba la sogs pa smos te/ de dag ji ltar 'dir khyab pa sgrub pa yin la/ bzlog pa la gnod pa can gyi tshad ma bstan pa ni/ gal te yod pa'am byas pa thams cad skad cig ma re re la 'jig par ma gyur na zhes bya ba la sogs pa 'di nyid don bstan zin pas zlos pa'i skyon du mi 'gyur ba de nyid 'dir bsam par bya ste/ gzhan gyi skyon brjod pa ni chog go/ /phyogs snga ma ni gzhan yin te/de lta na gnod pa can gyi tshad ma yod pa yin no zhes bya ba gang yin pa 'di la'ang ji ltar skyon med pa yin zhe na/ bshad pa gnod pa can gyi tshad ma la yang 'jug pa la nus pa med pa yin zhes sbyar ro/ /med pa'i mtshan nyid ci 'dra ba cig ji ltar rab tu 'jug pa yin zhe na/gang gi don la rim pa dang cig car 'brel ba med pa ma yin no zhes bya ba kha bskang ba'o/ /de ni 'ga' zhig gi 'bras bu la nus pa med pa ste/ dper na nam mkha' dang pad+mo bzhin no zhes bya ba'i dpe kha bskang ba'o/ /skad cig ma yin pa yod pa de ni rim dang cig car dag gi don byed pa rim pa ma yin pa zhes bya ba de ltar rab tu 'jug pa'i phyir ro//de las ci zhig 'byung bar 'gyur zhe na/ bshad pa de'i phyir zhes bya ba ni rgyu'i don to/ /gang gis de la rab tu 'jug pa'i nus pa med pa ni mtshan nyid med pa na 'dren par byed do/ /gang yod pa'am byas pa de ni mi rtag pa kho na yin no zhes bya bar 'grub bo//de lta na yang ci zhig 'grub par 'gyur zhe na/ 'di tsam gyis kyang zhes bya ba smos te/ gnod par byed pa'i tshad ma bstan pa tsam gyis sgrub par byed pa'i chos tsam gyis rjes su 'gro ba yin te zhes bya bar sbyar ro/ /gang yin zhe na/bsgrub par bya ba'i chos kyi zhes bya ba smos te/ 'di ni byed pa po drug pa yin no zhes bya bar bstan par bya'o/ /des na rgyu gzhan gyi byed pa la mi ltos par bsgrub par bya ba'i sgrub par byed pa rjes su 'gro bar sgrub par byed pa yin no zhes bya ba dag gi don du gnas pa yin no/ /sgrub par phyed pa'i chos can rjes su 'gro ba yin gyi bsgrub par bya ba'i chos ni de ltar bya ba ma yin no//'di ltar gtan tshigs ni bsgrub par bya ba kho na la med na mi 'byung ba dang skye ba yin gyi gtan tshigs la la ma yin te/ gtan tshigs go bar byed par mi 'gyur ba'i phyir ro/ /de la yon tan ci zhig 'thob pa yin zhe na/ rang bzhin gyi gtan tshigs kyi mtshan nyid 'grub par 'gyur ro/ /de tsam gyis zhes bya bar sbyar ro/ /rang bzhin gyi gtan tshigs kyi mtshan nyid de ni yod pa tsam gyi rjes su 'gro bas rang bzhin gyi gtan tshigs kyi bdag nyid yin no zhes bya'o/ /gal te gnod pa can gyi tshad ma nye bar bstan pas gtan tshigs kyi khyab pa grub pa yin no//de lta na de ni thug pa med par 'gyur ba yin no snyam pa'i dogs pa bsal ba'i phyir phyogs snga ma bkod pa ni/ 'dir yang zhes bya ba la sogs pa smos te/ 'dir yang gnod par byed pa'i tshad ma ni khyed ma mthong ba tshad ma yin na/ ma mthong ba tsam gyis gtan tshigs kyi ldog pa nges pa ma yin no zhes bya ba ni rgyu 'dis so/ /yang zhes bya ba'i sgra ni rtsa ba'i gtan tshigs 'ba' zhig ma yin no zhes bya ba'o/ /gang yin zhe na/ sngar gyi rtsa ba'i gtan tshigs yang khyab pa med par 'gyur ro zhes bya bar sbyar ro/ /ci'i phyir zhe na/rim dang cig car mi rigs pa nyid la nus pa med pas khyab pa mi 'grub pa'i phyir ro/ /'di ltar gal te mthong ba tsam gyis ldog pa nges pa med pa de lta na rim dang cig car gyis mi rigs par gyur kyang yod pa'i mtshan nyid don byed nus par gyur ba la gal ba ci zhig yod snyam pas 'di nyid la gnod par byed pa'i tshad mas khyab pa mi 'grub bo//brgya la 'di ma grub kyang 'di'i stobs kyis rtsa ba'i gtan tshigs kyi khyab pa grub par 'gyur ro zhe na/ sngar gyi gtan tshigs la khyab pa med par 'gyur ro zhes kha bskang ba'o/ /'di ltar rang nyid tshad ma ma yin yang gnod par byed pa'i tshad mar gyur pa'i tshad ma gzhan du brtag par bya ba mi nus te/tshad mar thal bar 'gyur ba'i phyir ro/ /gal te de ltar yin pa de lta na gnod par byed pa'i tshad ma 'di la gnod par byed pa'i tshad ma gzhan gyis khyab par nges pa yin no zhe na/'di ltar rang nyid tshad ma ma yin yang de 'di la yang zhes bya ba smos te/ yang zhes bya ba smos pa ni rtsa ba'i gtan tshigs 'ga' zhig yin no zhes bya'o/ /sgrub par byed pa gzhan yang nye bar sbyor na ni thug pa med par 'gyur ro/ /de lta na yang gnod par byed pa'i tshad ma gang yin pa des khyab pa sgrub pa'i don du gnod pa can gyi tshad ma brjod do//de la yang gnod par byed pa'i tshad ma gzhan gyis khyab pa sgrub pa yin na gang gi phyir de yang rang nyid tshad ma ma yin na cig shos kyi tshad mar byed par nus pa ma yin pas/ de la yang de skad brjod par mi nus so//de yang gzhan gyis khyab pa grub po zhe na/ gal te de lta na 'di nyid la 'jug na 'dir yang thug pa med pa de bzhin du thal bar 'gyur ro/ /de skad du/ phyogs snga ma brjod nas da ni de bsal ba'i phyir ma yin te/ med pa sgrub par byed pa zhes bya ba la sogs pa smos te/ldog pa sgrub par byed pa nyid kyis zhes bya bas kha ba skad do/ /'di skad ston pa yin te/ thams cad du ma mthong pas 'gog pa ni ma yin te/ ldog pa nges pa ni khyab par byed pa mi dmigs pas bkag pa'i phyir ro/ /'on kyang ma mthong ba tsam gyis yin no zhe na/ bshad pa gang dang gang ma mthong bas ldog pa la med par bsgrub pa yin te/gang gis yin zhe na/ gtan tshigs kyis so/ /gang la zhe na/ bsgrub bya la bzlog pa la'o/ /des na ma mthong ba'i gtan tshigs 'di ni gnod par byed pa'i tshad ma brjod do/ /ci'i phyir zhe na/ 'gal pa nye bar gzhag pa'i phyir 'di la zhes bya bar sbyar ro//'di ltar rim dang cig car mi rigs pa gang yin pa de ni don byed par nus pa yod pa'i mtshan nyid ma yin te/ dper na mo gsham gyi bu la sogs pa bzhin no/ /de lta na skad cig ma ma yin pa rnams kyang rim pa dang cig car don byed par mi rigs pa'i phyir ro//rim dang rim ma yin pas don byed pa mi 'thad pa'i phyir zhes bya ba ni khyab par byed pa mi dmigs pa'o/ /yod pa'i phyir zhes bya ba'i gtan tshigs dang 'gal ba bsgrub par bya ba las bzlog pa med pa ni gnyen por gnod pa can gyi tshad mar brjod pa yin no//de bzhin du byas pa'i phyir zhes bya ba la yang ci rigs par sbyar ro/ /ci'i 'gal ba'i gnyen por de 'di'i gnod pa can gyi tshad mar brjod ce na/ de lta na gtan tshigs zhes bya ba smos te/ yod pa la sogs pa'i mtshan nyid do/ /bsgrub par bya ba med pa de la yod pa ma grub pa'o//gal te de la bsgrub par bya ba nyid med par brjod pa'i gsal bar byas pa'o/ /gang gis she na/ rang dang 'gal bas so/ /rang dang 'gal ba yang med pa la sogs pa yin no zhes bya ba'i don to/ /gang dang ldan pas she na/ tshad ma dang ldan pa ste tshad ma dang 'brel bas so//ci'i phyir/ de ltar de la med pa 'di sgrub pa yin zhe na/ bshad pa rnam pa gzhan du de la bsgrub par bya ba las bzlog pa la'o/ /gtan tshigs 'dis gnod pa can med par ma grub na/ yod pa yang yin/ rtag pa yang yin no zhes bya ba'i the tshom za ba ni bzlog par dka' ba yin no//lhag ma'o/ /sdug bsngal gyis bzlog dgos pa'i phyir bzlog par dka' ba yin te/ dgag par dka' ba zhes bya ba'i don to/ /gnod pa can smos pa ni 'dir 'gal ba nye bar gnas pa 'gran zla'i tshad ma gzung bar bya'o/ /gnod pa can gyi tshad ma 'am/ 'gran zla'i gtan tshigs dang 'gal ba'o//'o na ni bsgrub par bya ba las bzlog pa la mi dmigs pas bzlog pa nges pas ldog pa the tshom med par 'gyur na/ rnam pa gzhan du na gnod pa can ma grub na the tshom za ba ni bzlog par dka' ba'o zhes de skad du ci'i phyir brjod pa yin zhes dogs pa la/ ma yin te zhes bya ba smos te/ dmigs pa thams cad kyi gnod pa can gyis 'gegs par mi rigs so zhes bya ba kha bskang ba'o/ /gang gi phyir zhe na/ dngos po'i ste yod pa'o/ /bsgrub par bya ba las bzlog pa la gtan tshigs zhes bya ba lhag ma ste/ 'di nyid skabs kyis go bar bya ba kho na yin no//'di skad ston pa yin te/ bsgrub par bya ba med pa la khyab par byed pa mi dmigs pa'i gtan tshigs lhan cig pas gnod pa yin te/ dper nam mthong ba tsam gyis ldog pa ma yin te/ bskal ba dag las thams cad gzigs pa ma yin pa'i ma mthong bas med pa sgrub par byed pa ma yin no zhes bya ba la sogs pa sngar bshad pa bzhin no//de'i phyir rnam pa gzhan du de la gnod pa tsam gyis tshad ma grub na the tshom za ba ni bzlog par dka'o zhes bya ba legs par bshad pa yin te/ 'dis ni sngar bshad pa dran par byed pa yin no zhes bya ba'i don dang 'di ldan pa yin no//dngos po med pa sgrub pa ni ma mthong ba tsam gyis dgag pa ma yin par bshad zin to/ /ci khyab par 'dis dngos po med pa sgrub par byed pa yin na/ ji snyed pa de snyed kyis ma mthong ba thams cad med par sgrub par byed pa la zhes de la kha cig dogs pa la/de'i dogs pa bzlog pa'i phyir ma yin te zhes bya ba la sogs pa smos so/ /de la yang gi sgra ni zhes bya bar bshad pa yin te/ de ni nges par gzung bar bshad pa'i phyir snga ma bzhin no/ /rim dang rim ma yin pa ni mi rigs pas nus pa med pa la khyab pa gnod pa can gyi tshad mas mi 'grub pa ma yin nam/de rang nyid kyi khyab pa mi 'grub na yod pa gzhan dang yod pa gtan tshigs nyid ji ltar khyab pa sgrub par nus/ gal te tshad ma gzhan gyis de la khyab pa sgrub pa yin no zhe na/ de ltar ni mi grub pas de nyid thug pa med pa'i skyon 'di dang 'brel bar 'gyur ro zhes pa'i dgos pa thams cad la/de la zhes bya ba la sogs pa smos te/ de la zhes bya ba'i ngag nye bar bkod pa'i don to/ /nus pa ni gang dngos po'i don to mtshan nyid do/ /de rim dang cig car gyi khyab pa grub pa yin te/ nus pa gang yin pa de la rim dang cig car gyi don byed par 'gyur ro zhes bya ba'i rnam pas so//de nyid ci'i phyir zhe na bshad pa rnam pa gzhan ni med pa'i phyir ro/ /gang gi phyir rim dang rim ma yin pa las tha dad pa'i rnam pa gzhan ni med pa'i phyir ro/ /de'i phyir gang la yod pa'i mtshan nyid kyi don byed nus pa de la rim dang rim ma yin pas nges par don byed par 'gyur ro//'o na rim dang rim ma yin pa dag las phung po gzhan med pas de nyid ji ltar 'grub ce na/ rim dang rim ma yin pa phan tshun spangs te gnas pa'i mtshan nyid yin pa'i phyir phung po gsum pa spangs pa yin te/ dngos po dang dngos po med pa bzhin no zhes brjod do//de ltar khyed la yang yod pa rim dang cig car gyi dngos po kho na yin no zhes bya ba ci'i phyir zhe na/ gzhan du gyur pa gang zhig yin/ gzhan zhig yod do zhe na/ de lta na don med pa'i g.yang sa chen pos don ci zhig yod/ gal te 'di'i ngo bo ni 'di yin no zhes bya bar khyod kyis brjod par mi nus so//gal te nus pa rim dang rim ma yin par rig pa'i khyab pa grub pa de lta na ci zhig 'grub ce na/ bshad pa de'i phyir nus pa ni rim dang rim ma yin par rigs pas khyab pas/ khyab par byed pa'i chos rim dang rim ma yin par rigs pa ma yin pas skad cig ma ma yin par khas blangs pa'i nus pa la gnod pa'i phyir zhes bya ba ni bsal to zhes bya ba'i don to//'di ltar rim dang rim ma yin pa'i rigs pa de ni nus pa'i khyab par byed pa yin pas de yang bzlog na gdon mi za bar nus pa spangs pa yin no zhe na/'di ni 'di'i khyab par byed par mi 'gyur ro/ /gang gi phyir de gnod par byed pa yin pa de'i phyir rim dang cig car mi rigs pa la ni khyab par byed pa nus pa med pa byed pa po med pa nyid kyis khyab par bya ba las su bya ba med pa'i khyab pa grub pa'i rgyu'i phyir thug pa med par thal bar mi 'gyur ro//de lta na rang bzhin gyi gtan tshigs kyi sgrub pa'i brjod pa'i mjug bsdu ba ni/ de lta na zhes bya ba la sogs pa smos te/ de lta na yang gal te bsgrub par bya ba med pa de dang de nyid mi smra ba'i rgol ba pham pa'i gnas yin pa'i phyir/ snga ma'i dam bcas pa nyid dang sbyar bar bya'o//de la sgrub pa med pa zhes bya ba la sogs pa'o/ /de ci'i phyir zhe na/ brtsams pa'i don rab tu ma bsgrubs pa'i phyir ro/ /nus pa med pa'i sgrub pa rtsom pa ni don sgrub par byed par nus pa ma yin te/ rtsod pa med par thal bar 'gyur ba'i phyir ro/ /'di ltar thams cad mkhyen pa'i mkhyen pa sgrub pa ni mngon par 'du byed pa'i khyad par tha dad pa srid pas rab kyi mthar thug par 'gyur te/shes rab la sogs pa'i yon tan brten pa bzhin du khyad par lan cig byas pa la yang 'gal ba'i rkyen rnam pa 'ga' zhig kyang med pa'i phyir dang /'bad pa ltos pa'i phyir dri ma 'khrud pa bzhin du de la sogs pa rgyu rnams kyis nus pa khyad par gyur pa thob pa yod pa nyid do/ /de nyid gal te shes par bya ba sgrub par mi nus pa kho na shes par byed na khyed dang rgyal dpog pa la sogs pa rtsod pa med pa nyid du 'gyur ro//'o na ni de nyid srid pa ma yin na gang don dam par gtan tshigs kyi sgrub pa brjod pa 'di yang pham pa'i gnas su rigs par 'gyur ro zhes bya ba'i dgos pa bsdu bar rang nyid dgongs nas/ dngos po la nus pa'i gtan tshigs khas len du zin kyang sgrub pa rab tu ma bstan pa'i phyir zhes bya'o//de ni 'di snyam du sems te/ gal te don dam par nus pa'i gtan tshigs 'di bstan pa de lta na yang sgrub par nus pa'i yan lag tu sgrub pa la bstan pa de lta na yang sgrub par nus pa'i yan lag tu sgrub pa ma bstan pa 'dis ma bsgrubs par brtag par bya ba kho na'o//gzhan gyi don gyi rjes su dpag pa'i skyon dang yon tan brjod pa med pa'i don la ma yin te/ de lta na tshig smra ba don ji lta ba bzhin du me brjod pa dmigs su med pa'i phyir ro/ /de nyid kyi phyir gang la skyon dang yon tan rjod par byed pa de yang tshig gi sgo nas yin no//de ni 'di ltar khas blang bar bya ste/ de lta ma yin na sgra mi rtag go zhes bya ba dam bca' ba brjod pa de tsam zhig 'dir brjod par bya'o/ /de lta na don brjod pa kho na 'dod pa'i don grub par 'gyur ro/ /de ltar rang bzhin gyi gtan tshigs kyis sgrub par byed pa'i yan lag gi sgrub pa bstan nas/da ni 'bras bu'i gtan tshigs bshad pa ni/ 'bras bu'i gtan tshigs kyang zhes bya ba la sogs pa'o/ /de yang ji lta bu zhe na/ bshad pa 'bras bu'i rtags ni du ba la sogs pa'i ming can gang yin pas rgyu sreg pa la sogs pa'i sgrub par byed pa gzung bar bya'o//du ba la sogs pa des bsregs pa la sogs pa lhan cig byed pa'i 'bras bu rgyu sgrub pa yin no/ /rtags dang rtags can dag rgyu dang 'bras bu'i dngos po nyid gang yin pa de nyid 'bras bu'i gtan tshigs kyi sgrub par byed pa'i yan lag sgrub pa'i don yin no//gang gis rgyu dang 'bras bu'i dngos po de sgrub par byed pa yin no zhe na/ dngos po dang dngos po med pa dag sgrub par byed pa'i chad ma dag ces bya ba smos te/ dngos po dang dngos po med pa dang rgyu dang 'bras bu dag go/ /yod pa dang med pa 'di dag tshad mas rab tu bsgrubs pa yin no zhes bya ba bstan pa'i go rims so//sgrub par byed pa'i sgra ni rgyu dang sgrub par byed pa'o/ /dngos po dang dngos po med pa sgrub par byed pa'i tshad ma ni mngon sum dang mi dmigs pas go rims bzhin du'o/ /mngon sum dang mi dmigs pa dag gis rgyu dang 'bras bu'i dngos po ji ltar sgrub pa yin zhe na/dper na zhes bya ba la sogs pa smos te/ du ba la sogs pa'i ming can gyi 'bras bu 'di ni me yod pa 'di las byung ngo / /sngar dmigs pa'i rig byar gyur pa'i yod pa ma dmigs pa las yin no zhes bya ba tshig lhag ma'o/ /de lta ma yin na mes du ba byed par mi 'gyur ro//me dang nye ba'i snga rol na 'di yod do zhes bya ba'i dgos pa srid pa la/ ji skad bshad pa'i mi dmigs pas bzung zin pa la dogs pa 'di mi 'jug go/ /de nyid kyi phyir tshad ma rnam par nges pa la sogs pa nyid de skad du bshad zin pa'i phyir ro/ /'dis ni mngon sum gyi tshad ma'i byed pa bshad pa yin te/'di ltar 'di yod na yod par 'gyur ro zhes bya bar rtogs pa'i phyir ro/ /da ni mi dmigs pa'i byed pa bstan par 'dod nas de las gzhan pa zhes bya ba la sogs pa smos te/ de'i phyir me las gzhan pa la yod du zin kyang de bzhin du du ba de'i rgyu bud shing dang me rnams nus pa yod du zin kyang zhes bya ba ni 'jug pa na'o//dang zhes bya ba'i yi ges ni dbye ba bstan to/ /nus pa zhes bya ba ni me de med na med par 'gyur ba ste/ 'di zhes bya ba'i dbang du byas pa'o zhes bya ba 'di lta bu'o zhes bya ba'i don to/ /rnam par gcad pa de ni rta dang ba lang la sogs pa yul dang dus dang nye ba de dag kyang du ba skyed pa'i rgyu 'dir 'gegs pa'i phyir ro//gang gi tshe gal te rta dang ba lang la sogs pa de'i rgyu yin na de'i tshe 'das pa'i me la sogs pa de dag kyang nye ba'i phyir du ba bskyed nas thal bar 'gyur ro//rgyu gzhan bud shing la sogs pa la ltos nas de skyed par 'gyur ba de dag la yang thal ba 'dir mi 'gyur ro zhe na/ gal te de lta na yang de la nye ba kho na yin pas thal ba ldog pa med do/ me yang lhan cig byed pa la ltos nas de skyed par byed pa de las 'di ni mi rigs so zhe na/de lta na me du ba bskyed pa'i rgyu nyid yin pa de dang snga phyi 'gal na de skad du ji ste brjod/ rta dang ba lang la sogs pa nyid rgyur gyur gyi me ni ma yin no zhes bya bar 'gyur ro/ /de lta na de ni rgyu yin yang bla'i rta dang ba lang la sogs pa yang yin no zhe na/ 'di ni mi 'thad de de la ldog pa rtogs par dka' ba'i phyir ro//'di ltar rta dang ba lang la sogs pa nyid log par 'gyur ba'i me de la bud shing la sogs pa tshogs pa kho na las du ba skyed par 'gyur ro/ /gang gi phyir rgyu'i rgyun la brten nas rgyu dang 'bras bu'i dngos por 'gyur ba'i phyir 'bras bu'i rgyun las rgyu'i rgyun snga ma yin gyi skad cig mas ni ma yin no zhes pas bsdoms pa yin te/'di skad cig ma snga ma 'di phyi ma zhes bya ba bye brag gi nus pa las rnam par shes pa mi skye ba'i phyir ro/ /tshu rol mthong ba'i dbang du byas nas tshad ma'i mtshan nyid ni thugs rje dang ldan pas ji skad bshad pa bzhin du bkod do//'dir gzhan dag rmongs pas 'jig rten pa slu bar gyur pas tha snyad pa'i tshad ma 'di gsungs pa yin no/ /gnas mal rnying pa la sogs pa ni me med kyang du ba yod pas 'khrul par 'gyur ro/ /ma yin te/ de yang du ba'i rgyun sngon du song ba yod pa kho na yin te/dngos po dang brgyud pas byas pa'i khyad par yin no/ /me'i rgyun dang du ba'i rgyun dag gnas mal rnying pa la sogs pa rgyun chad pa dang ma chad par shes par 'gyur te/ tshang bang la sogs pa'i yul dus tha dad pa gsal ba yin pas dngos po sna tshogs pa'i rang bzhin tha dad par shes pa goms pa'i stobs la mkhas pa la skye bar 'gyur ba'i phyir ro//rjes su dpag pa tha dad pa yang mi 'gal ba de nyid kyi phyir yul dang dus la sogs pa la stos pa'i 'bras bu'i gtan tshigs kyi rjes su dpog pa ni 'gal ba'i 'bras bu dmigs pa'i skabs su/'gal 'bras la yang yul dang ni/ /dus la sogs pa ltos par 'dod/ /gzhan du 'khrul 'gyur mi drang pa/ /sgrub pa la ni thal ba bzhin/ /zhes bshad do/ /de lta na dngos po rnam par dbye ba tha dad pa 'phral du byung ba la mkhas pa 'ga' zhig rnam par 'byed pa'i thur mas shes rab kyi mig phye ba nyid kyis 'di ni me las skyes pa 'di du ba las skyes pa'i du ba zhes bya ba rnam par 'byed do//de ltar 'khrul ba shin tu yang med pa yin no/ /'di ltar me las skyes pa'i du ba ni gzhan las du ba skyes ba ma yin te rgyu med par thal bar 'gyur ba'i phyir ro//'di ltar/ gang dag me med du ba las/ /gal te du ba 'byung na ni/ /brgya byin spyi bo'ang de bzhin no/ /de ni gang gis bsal bar bya/ /zhes bya ba la sogs pa smra ba ni snying po med pas dor bar bya'o/ /de'i phyir rta dang ba lang la sogs pa de'i rgyu ma yin no zhes bya bar nges so//des na me kho na de'i rgyu yin gyi rta la sogs pa 'di ni ma yin zhes bya bar gnas so/ /dper na rjes su 'gro ba dang ldog pa dag gis ji skad bshad pa'i gnas skabs kyis me rgyu yin par sbyor ba bzhin du bud shing la sogs pa 'am tshogs pa'i rgyu thams cad la'ang sbyor ba bya ba'am/yang na ngag gcig gis bshad par bya'o/ /de'i phyir me las gzhan pa nus pa'i rgyu dag yod du zin kyang de med par 'gyur ba lta bu'o/ /rta dang ba lang la sogs pa dngos po ji skad du bshad pas rgyu las tha dad pa sgrub par rtogs par bya'o//'o na med na med par 'gyur ro zhes bya ba 'di nyid legs par bshad pa yin gyi/ gzhan pa'i nus pa rgyu dag yod du zin kyang zhes bya ba la don cig yod ce na/ de lta na ni zhes bya ba la sogs pa smos te/ gang gi phyir de ltar yod du zin kyang zhes bya ba la sogs pa brjod pa yin no//'di ni du ba'o/ /de'i 'bras bu nyid ni me'i 'bras bu nyid do/ /bsgrubs pa ni nges pa ste the chom med par 'gyur ba'o/ /rnam pa gzhan du na ni de ltar ma bstan na'o/ /'ga' zhig ni de med na med par 'gyur ba zhes bstan par byas pa yin pa de lta na rta dang ba lang la sogs pa dang bud shing la sogs pa las yin no//sa phyogs stong pa de nyid la me med pa las med pa yin pa the tshom za ba yin no/ /me 'di'i nus pa nges pa las yin no zhes bya ba'i nges pa gang las yin zhes bya ba bsdu ba'i don yin no/ / de nyid kyi phyir bshad pa/ nus pa'i rgyu dag yod du zin kyang 'bras bu mi skye ste/ rgyu gzhan la yin nam 'ba' zhig la yin zhes 'di the tshom za ba yin no/ /de lta ma yin na nus pa zhes bya ba 'di nyid ni de la gzhan gyi nus pa zhes bya ba la sogs pa bsal bar byed pa yin no/ / de la du ba 'bras bur grags pa ni me stong ba'i phyogs su gzhan rta dang bud shing la sogs pa de med par 'gyur ba yin no snyam na 'di med pa las de med pa yin no zhes bya ba gang las nges pa yin zhes bya ba'i don to/ /gal te de ni gzhan gyi nus pa las kyang de med par 'gyur na/ 'di log pas 'di ldog go zhes bya ba de ji ltar yin zhe na/de log na yang zhes bya ba la sogs pa smos te/ me 'di ldog pa nas kyang du ba 'di ldog pa yin pa zhes bya ba 'dod rgyal ba'i 'brel ba yin te/ bya rog dang ta la'i tshul bzhin no zhes bya ba'i don to/ /gang gi tshe yod du zin kyang brjod pa de'i tshe thams cad de la nye bar 'gyur kyang 'di bzlog pa las 'di ldog par nges pa ni 'dod rgyal ba la 'brel pa med do zhes bya bar dgongs so//de ltar ldog pa lta bu'i 'dod rgyal ba'i 'brel pa yin zhe na/ ma bag mar len pa zhes bya ba la sogs pa smos te/ yul gang na ma bag mar len pa'i chos lugs bsngags pa de lta bu de na'o//des na yul smos pa dang bcas pa ni khyad par gyi bsdu ba'o/ /de la de yang skye ba la brten nas nye bar btags pa skye ba gang yin pa de ni par sig gi yul yin no zhes bya ba'i don to/ /ji ltar ma la sogs pa'i yul gzhan ma bag mar len pa med na med pa 'dod rgyal ba'i 'brel pa de bzhin du 'dir ma yin no//'di ltar yul gzhan na sa'i khyad par med na med pa yin gyi ma bag mar len pa med pas yin no zhes bya ba ni bya rog dang ta la bzhin du yin no/ /yang na rnam pa gzhan du bshad par bya ste/ ji ltar du ba la sogs pa 'di me dang bud shing la sogs pa'i rgyu las byung ba yin te/ snga ma bzhin du 'bras bur brjod pa kha bskang bar bya ste/ de'i dgos pa ni de nyid du khong du chud par bya ba ste/ 'di ni mngon sum gyi byed par grags pa yin no/ /yod du zin kyang zhes bya ba la sogs pa ni ma dmigs pas so//de las gzhan pa dag ni me la sogs pa'i rgyu'i tshogs pa de las gzhan pa rta dang ba lang la sogs pa'i nus pa'i rgyu rnams yod du zin kyang me la sogs pa'i rgyu'i tshogs pa 'di med na med par 'gyur ba yin no/ /'di dag ni gzhan gyi bsam pa la ltos nas bshad pa yin gyi de kho na nyid kyi don du yod pa ni ma yin no//gal te de ni de'i rgyu yin na de'i tshe yod pa'i dus las sngar ram phyis kyang du ba bskyed par 'gyur ro/ /de dag de la ltos nas skyed par byed pa yin no zhe na/ de lta na de'i tshogs pa ni rgyur gyur pa'i phyir ro/ /de lta na gnyi ga rgyur gyur du zin kyang ngo bo 'chad par ci zhig yod ce na/ma yin te/ de ldog pa rtogs pa shin tu dka' ba'i phyir ro/ /ji lta ba thams cad kyang 'di tshogs pa las gyur pa nyid na de yod par gyur pa'i phyir de med na med par 'gyur ro zhes brjod par rigs kyi/ de'i nus pa'i rgyu dag yod du zin kyang zhes bya ba ci'i phyir bshad ce na/de lta na ni zhes bya ba la sogs pa smos so/ /rnam pa gzhan du na de'i tshogs pa med na med par 'gyur ro zhes bya ba nye bar bstan pa de la tshogs pa las gzhan pa rta dad ba lang la sogs pa med par 'gyur ba dang / /tshogs pa 'di nus ba las the tshom za bar 'gyur ro//gang gi phyir ba lang la sogs pa gzhan de la nus pa yin na de med na mi 'byung bar 'gyur ba log na yang ldog pa 'dod rgyal bar 'gyur te/ lhag ma ni snga ma bzhin no/ /de ltar rgyu dang 'bras bu'i dngos po nges par bsgrub pa'i thabs bstan nas/rnam pa'i mjug bsdu ba ni de ltar zhes bya ba la sogs pa smos so/ /de ltar ji skad du bshad pa'i rnam pa bsdu ba la sogs pa de'i 'bras bur bsgrubs pas nges par 'grub pa yin no/ /yang na mngon sum dang / mi dmigs pas bsgrub par gyur ba de dang de ni 'bras bur gyur pa yin no//gal te de grub par gyur ba yin no zhes bya ba de ji lta bu zhe na/ bshad pa/ grub pa de yang rang yod na bdag nyid du nye ba ste/ de'i rgyu dang nye ba de yod par sgrub par byed pa de yin te/ yul dang dus la ltos pa yin no zhes kha bskang ngo //'di skad ston pa yin te/ rgyu dang 'bras bu'i dngos po med pas de las skye ba'i mtshan nyid kyi 'brel pa grub pa yin no/ /gal te de lta bu dmigs pa de nyid la rang yod pa tsam gyis yul la sogs pa la ltos nas rang gi rgyu rtogs so/ /ci'i phyir zhe na/bshad pa/ rgyu dang 'bras bu 'khrul pa med pa'i phyir ro/ /de lta ma yin na de'i 'bras bur mi 'gyur te/ de 'khrul pa'i phyir ro/ /gang dang gang bzlog pa yin pa de dang de ni 'bras bur mi rigs te/ rna rgyan dang / dpung rgyan gyi 'brel pa bzhin no/ /gal te du ba me'i 'bras bu yin par 'khrul pa med kyang myu gu la sogs pa gzhan rang gi rgyu dang sa la sogs pa rnams la mi 'khrul pa yin no zhes bya bar gang las shes she na/ma 'khrul pa yang zhes bya ba la sogs pa smos te/ 'di ltar ston pa yin te/ du ba rang gi rgyu la mi 'khrul par skye bar 'khrul pa gang yin pa des sa bon la sogs pa rang gi bdag nyid kyi rgyu dang lhan cig pa las myu gu la sogs pa 'bras bu thams cad 'dra ba mi 'khrul par rigs pa yin no//de ltar de yang ji skad bshad pa'i mngon sum dang mi dmigs pa'i rnam pa dag gis de 'bras bur grub pa de dang de mi 'khrul par grub pa yin no//'dis ni 'bras bu'i gtan tshigs kyi sgrub par byed pa'i yan lag tu bsgrubs pa de las bzlog pa ni rgol bas ma grub pas de ni pham pa'i gnas kyi dbang du byas par bstan pa ni/ de ltar zhes bya ba la sogs pa smos te/de ltar zhes ni mngon sum dang mi dmigs pa dag ji skad bshad pa'i rnam pas so/ /'bras bu'i gtan tshigs kyang zhes bya ba sngar bshad pa'i rang bzhin gyi gtan tshigs 'ba' zhig gi rnam pa sgrub par mi nus pa yin te/ 'dir yang rgol ba pham pa'i gnas yin no zhes bya ba yang gi sgra yin no/de ltar ci'i phyir yin zhe na/ ma bsgrubs na 'dir rgyu dang 'bras bu'i dngo po rtags dang rtags can nam/ /de'i 'bras bu'i rtags nyid du rtsom pa'i don mi 'grub po zhes bya ba tshig gi don yin no/ /brtsams pa'i don ni rgyu yod par sgrub par byed pa de ma grub pas de pham pa'i gnas yin zhes rnal ma dang sbyar ro//'di nyid yin no zhes bya ba de la zhe na bshad pa don gzhan pa du ba la sogs pa'i dngos po yod pa ni/ me la sogs pa'i dngos po yod pa nges pa med pa'i phyir ro/ /nges pa smos pa ni 'dod rgyal ba'i 'brel pa bsal ba'i don to//don gzhan yang de'i dngos po dang 'brel pa'i rang bzhin yod pa nyid du de'i dngos po nges pa yin no snyam du de'i dngos po dang 'brel pa med pa'i rang bzhin la ni zhes bya ba smos te/ de'i dngos po'i me la sogs pa'i dngos po'o//'brel pa med pa ni rag las pa'i rang bzhin 'di yin zhes bya bar sbyar ro/ /don gzhan pa 'di dag yod na de yod pa'i nges pa med pa'i phyir zhes bya ba de'i rgyu khong du chud par bya'o/ /sbyor ba ni gang dang gang la don gzhan du gyur pa dang 'brel pa med pa de dang de ni yod na de yod par nges pa med de/dper na rkang gdub yod pa'i cod pan bzhin no/ /du ba la sogs pa 'di yang don gzhan du me la sogs pa dang 'brel pa med pa'i rang bzhin yin pa'i phyir ro zhes bya ba ni khyab par byed pa mi dmigs pa'am khyab par byed pa 'gal ba mi dmigs pa'i gtan tshigs kyi sgrub pa bshad do//de nyid kyi 'brel pa med pa'i rang bzhin yin pa gang las she na/ 'bral bu nyid du ma grub pa zhes bya ba la sogs pa smos te/ 'dir ma bsgrub pas der ma grub bo zhes bya bar rtogs par bya'o/ /'o na ni don dam par rtogs pa 'bras bu'i gtan tshigs su khas blangs pa de yang gal te de'i 'bras bur des ma bsgrubs na/ji ltar de bzhin du 'di pham pa'i gnas su rigs pa yin zhe na/ bshad pa dngos po'i 'bras bu'i rtags khas blangs pa yang ma bstan pa'i phyir te/ 'di de'i 'bras bur zhes bya ba lhag ma'o//de ltar 'bras bu'i gtan tshigs kyi sgrub par byed pa'i yan lag kyang brjod nas/ mi dmigs pa ni bshad pa/ mi dmigs pa yang bsgrubs pa yin no zhes bya bar sbyar te/ sgrub par byed pa'i yan lag yin no zhes bya ba kha bskang ngo / /de gang yin zhe na/mi dmigs pa sgrub par byed pa'o/ /gang yang rung bas ci ste ma yin zhe na/ dmigs pa'i rig byar gyur pa zhes bya ba smos so/ /snang ba'i rang bzhin gzhan yin no zhes bya ba'i don to/ /dmigs pa ni shes pa ste/ dmigs pa'i sgras yod pa'i rgyur sgrub par byed pa zhes bya ba'i rnam grangs yin pa'i phyir ro//de'i rig byar gyur pa ni rgyu'o/ /rig byar gyur pa'i sgras rgyu sgrub par byed pa nyid kyis skyed par byed par brjod pa'i phyir ro/ /de yang rkyen gzhan ma lus pa dang / rang bzhin khyad par can du gyur pa de ma dmigs pa de'i sgrub par byed pa bstan pa bshad pa'i go rims so//rnam pa de lta bu ji ltar mi dmigs pa yin zhe na/ de de nyid la yin ni zhes ni mi brjod kyi 'on kyang de'i rigs gzhan la ma yin te/ rnam pa de lta bu'i mi dmigs pa gang gi sgrub pa yin zhe na/ bshad pa/ rtogs pa po ste phyir rgol bas so/ /gal te dmigs pa'i rig byar gyur pa ni sha za ba la sogs pa la yang gzhan mthu dang ldan par 'gyur na de dag kyang ji ltar mi dmigs pa sgrub par byed pa'i sgrub pa'i yan lag tu nus par 'gyur zhe na/ rtogs pa bos zhes bya ba smos te/'di skad ston pa yin te/ 'dir rtogs par brjod pa gang yin pa de'i dmigs pa'i rig byar bum pa la sogs pa gang yin pa de nyid bum pa sgrub par byed pa yin gyi gzhan ma yin no/ /rnam pa 'di lta bu nyid kyi mi dmigs pa sgrub par byed pa yin gyi/ci'i phyir gzhan gyis ma yin zhe na/ de 'dra ba kho na'i mi dmigs pa la ni med pa'i tha snyad sgrub pa yin gyi zhes bya ba smos so/ /dmigs pa'i rig byar ma gyur pa'i mi dmigs pa ni the tshom gyi rgyu yin te/ rtogs par byed pa ma yin pa'i phyir ro/ / med pa'i tha snyad grub pa zhes brjod pa ni med pa'i tha snyad kho nas bsgrub par bya ba yin gyi/ dngos po med pa ni ma yin no/ /rang bzhin mi dmigs pa rang nyid med pa'i ngo bo nyid yin pa'i phyir ro zhes bya ba bstan pa'i don du 'am/ med pa'i tha snyad smos pa nye bar mtshon pa'i don yin no//des na sgra dang shes pa de yang gzung ngo / /'di yin no zhes gang la nges par bya zhe na bshad pa/ dmigs pa'i rig byar gyur pa'i don grub pa po'i mngon sum nyid du nye bar dmigs pa de/ ldog par 'gyur du zin kyang dngos po med pa mi 'khrul pa'i phyir ro//med pa smos pa ni med pa'i sgra dang shes pa tha snyad nye bar mtshon pa yin no/ /dmigs pa smos pas ni shes pa yongs su gzung ste/ rtogs pa po'i dngos po spangs pa'o/ /dmigs pa'i mtshan nyid kyi gyur pa gang yang rung ba'i 'di mi dmigs pa'i mtshan nyid kyi gyur pa gang yin par ci ste brjod ce na/de la zhes bya ba la sogs pa smos te/ de la zhes brjod pa'i ngag nye bar bkod pa'i don de rang bzhin khyad par can no/ /ci 'di tsam nyid kyis yin na ma zhe na/ bshad pa rgyu mtshan gzhan tshogs pas de'i rang bzhin khyad par can la sogs pa dang gzhan dbang po dang yid la byed pa la sogs pa gang yin pa de ni rgyu gzhan te de dag ma lus pa'i tshogs pa'o//rang bzhin khyad par can la ltos nas yang zhes bya ba'i sgra bsdu ba yin no/ /rang bzhin khyad par can 'di yang ji lta bu yin zhe na/rang bzhin zhes bya ba la sogs pa smos te/ gang bskal pa rnam pa gsum gyi ngo bo bsgribs pa ni yul dang dus dang rang bzhin gyi mtshan nyid ri rab dang ra man dang lha ma la sogs pa'i ngo bo lta bu des ma bskal pa ni rang bzhin khyad par can du brjod do//gang gi bdag nyid ces bya ba la sogs pa'o ni go bla'o/ /bdag gi ngo bo ma yin pa ni/ bdag ni ngo bo ma yin pa ste/ gzhan gyi ngo bo zhes bya ba'i don to/ /de yang 'dir snang ba ste de dang bral ba ni med pa'o/ /rnam pa des na rtogs pa po'i mngon sum des snang ba'i ngang tshul can gyi ngo bo gang yin pa de la de skad du bshad do//yang na ngo bo'i sgras ni lhan cig 'dus pa'i khyad par can gyi 'bras bu dmigs pa'i rkyen ma lus pa yod kyang nye bar spangs pa yin no/ /gang rang gi rigs spangs pa'i bdag nyid snang ba dang bral ba'i rang gi shes pa gzhan gyi rgyu dang nye bar gyur ba gang yin pa'i rang bzhin no//de dang 'dra ba'i zhes bya ba ni bskal ba rnam pa gsum gyis bskal ba'i don gyi ngo bo ste/ de lta bu'i bdag nyid ma yin pa'i ngo bo snang ba dang bral ba ni snang ba'i ngo bo mi dmigs par 'gyur ba med pa'i tha snyad kyi yul yin te/med pa'i tha snyad du bya ba rtogs par rung bar 'gyur ro zhes bya ba'i don to/ /dbang po dang snang ba dang yid la byed pa yod du zin kyang med pa ni nye bar mi dmigs na de dang bral ba de ji ltar med pa'i tha snyad kyi yul du gyur ba yin zhe na/ dmigs pa'i rig byar gyur pa gzhan dag yod pa smos so//'o na bum pa la sogs pa bskal ba ma yin pa nye bar dmigs pa'i rgyu gzhan yin par yod pa yin te/ rgyun yongs su gyur pa la ltos pa'i phyir mi dmigs so zhe na/ gzhan dang nye ba tsam ni rang gi 'bras bu skyed pa'i nus pa yongs su gyur pa las byung ba ni rgyu ma yin te/'di ltar sa dang chu la sogs pa'i tshogs pa yod du zin kyang ta la'i sa bon gyis rang gi 'bras bu bskyed pa na dus yun ring por na 'byung ba yin la/ sha pa la sogs pa'i sa bon las ni de ma thag tu 'byung ba kho na yin no/ /de ltar na 'dir yang 'byung bar 'gyur ba'i phyir ro//gzhan yang rnal 'byor pa mthu dang ldan pa dang sha za dang sgyu ma byed pa la sogs pa byin gyis brlabs par gyur ba'i dngos po gang yin pa de yod du zin kyang dmigs pa ma yin no/ /de dang 'dra ba'i dmigs pa'i rig byar gyur pa gzhan yod kyang mi dmigs pa ni med pa'i tha snyad kyi yul du gyur pa bshad pa de ji ltar yin zhe na/khyod rigs pa'i thigs pa la yang 'bad pa byas pa nyungs pa yin te/ 'di ltar rang bzhin yod la dmigs pa'i rkyen tshang na mngon sum du 'gyur ro zhes de skad du bshad do/ /gang yang rgyun yongs su gyur pa ltos pa 'di nyid dang mthu dang ldan pas byin gyis brlabs pa gang yin pa de ni rang bzhin khyad par can du mi 'gyur ro//dmigs pa'i rkyen gzhan yang ma lus pa nye ba yin pa yang rang gi yul du ngo bo la nye bar dmigs pa mi bskyed pa'i phyir ro/ /rnam pa de lta bu 'am sha za ba la sogs pa'i rang bzhin khyad par gyi ngo bo ma yin pas med pa'i tha snyad kyi yul du mi 'grub bo//de ltar 'o na dbang po la sogs pa dmigs pa'i rkyen gzhan tshang ba'i yod pa ni mngon sum du ma gyur na/ de ltar thams cad du med pa/ sgrub par byed par mi 'gyur ro zhe na/ rjes su mthun pa legs par brjod na dbang po nyams pa la sogs pa gang yin pa 'di nyid kyis ma lus pa mthong ba'i lam du 'gro ba yin pas des na ma lus pa de ni dmigs pas med pa'i tha snyad kyi yul du sgrub par byed pa yin gyi/sha za la sogs pa rang bzhin khyad par can ma gyur pa ni ma yin no zhes bya ba gang yin pa de ma thag tu bshad zin to//rnam pa de lta bu yod cing gzhan dmigs pa'i rkyen mtha' dag nye bar gyur pas dmigs pa med par mi rigs te/ mi dmigs par mi rung ba'i phyir dang / dmigs par skyes pa 'ga' zhig la ltos pa med pa'i phyir ro//'bras bu'i dus su dngos po med pa mi rtogs so zhes bya ba la sogs pa tshad ma rnam par des par gsal bar byas so/ /gang dag la ta la dang sha na'i sa bon la sogs pa bzhin du nges par tshogs pa ma lus pa'i yongs su gyur ba dgongs pa phul du byung ba gzhung gi bzhed pa las rtogs pa chung ngu rtsod pa'i mchu can rtsod pa dag thams cad gzhung nyid kyis gsal bar rig par bya ba ste/gnas ma yin par nan gyis brjod pas chog ste gzhag go/ /de'i phyir dmigs pa'i rig byar gyur pa'i mi dmigs pas med pa'i tha snyad sgrub par byed pa yin no zhes bya ba 'di gnas so//gang gi phyir de nyid yin pa de'i phyir de las ni rgyu'o/ /dmigs pa'i rig byar gyur pa las mi dmigs par bshad pa las rnam pa gzhan du brtags na the tshom za ba yin no/ /gal te med pa'i tha snyad sgrub par byed pa ni mi dmigs pa tsam gyi rtags gzhan gyis khas blangs pa de de las the tshom za bar 'gyur bas med pa'i tha snyad sgrub pa'i nges pa med do//dmigs pa log kyang don med par mi 'grub bo zhes bya ba bsdu ba'i don yin no/ /yang na snang ba mi dmigs pas don dam gzhan du rtags ni the tshom za ba nye ba yin zhes bshad par bya'o//de la zhes smos pas ni snga ma la ltos pa'o/ /yang na dmigs pa'i rig byar gyur pa de las gzhan pa de ni the tshom za ba'i rtags zhes bshad do/ /'dir yang mi dmigs pa'i khyab pa ji ltar zhe na/ 'dir yang zhes bya ba la sogs pa smos te/ rnam pa de lta bu zhes bya ba ni snang du rung ba'i yod pa mi dmigs so/ /thams cad smos pa ni thams cad nye bar bsdus nas khyab pa bstan pa'i don yin no/ /gal te ri bong gi mgo la sogs pa 'ga' zhig la rwa dmigs pa'i rig byar gyur pa las mi dmigs pa'i tha snyad kyi yul du gyur kyang gzhan spyi dang bye brag dang yan lag can dang rdzas dang ldan pa rnam par dbye ba la sogs pa rnam pa de lta bu'i de bzhin du 'gyur ro zhes bya ba'i nges pa ci zhig yod ce na/'ga' zhig ces bya ba la sogs pa smos te/'ga' zhig dmigs pa'i rig byar gyur pa las mi dmigs pa'i ri bong gi rwa la sogs pa'i med pa'i tha snyad kyi yul du khas blangs pa ni med pa'i tha snyad la sogs pa'i yul dag ni med pa yin no zhes bshad pa dang mtshan nyid khyad par med pa'i phyir ro/ / de'i med pa'i mtshan nyid de ji skad bshad pa'i mi dmigs pa'o/ /mtshan nyid smos pa ni rgyu dang sgrub par byed pa yin te/ de dang khyad par med pa can yin pa'i phyir ro/ /spyi dang bye brag can dang yan lag can rdzas la sogs pa zhes bya ba tshig lhag ma'o/ /'di skad ston pa yin te/ri bong gi rwa la sogs pa med pa'i tha snyad kyi yul du ci'i phyir 'dod/ ji skad bshad pa'i mi dmigs pa de'i rgyu mtshan du yod pa'i phyir ro zhe na/ gal te de ltar spyi dang bye brag la sogs pa yang yod pa yin na ci'i phyir de dag med pa'i tha snyad kyi yul nyid du khas blang par mi bya/de lta ma yin na/ de la yang der mi 'gyur ro/ /skyes bu'i 'dod pa'i dbang gis yul gyi rnam par dbye ba ni mi rigs so/ /rnam pa de lta bu zhes bya ba la sogs pa de nyid rnam par 'byed pa rnam pa de lta bu snang du yod pa'i mi dmigs pa'i med par khas mi len na zhes bya ba la sogs pa'i yul khas mi len to zhes bya ba'i don to//med pa smos pa ni med pa'i tha snyad pa la sogs pa'i yul nye bar mtshon pa yin no/ /dmigs su rung ba'i mi dmigs pa de yang dgag pa'i gtan tshigs yin no zhes bya ba'i don to/ /ri bong gi rwa la sogs pa gzhan la rnam pa 'di lta bu'i med par rung ba srid pa yin no zhes bya ba'i don to//rnam pa de lta bu'i snang du rung ba ni dmigs pa'i rkyen gzhan dag yod na mi dmigs par mi 'gyur ro/ /de ci dang 'dra ba zhig ce na/ bshad pa gzhan dmigs pa'i rkyen 'ga' zhig la ltos pa yod pa ma yin no zhes bya bar dgongs so//des na 'di ni rnal ma nyid gsal bar byed pa yin no/ /mi dmigs pa ci 'dra ba zhig ce na/ dmigs pa'i rig byar gyur pa med pa yin pa'i phyir 'dir dmigs pa'i rig byar gyur pa de las ma dmigs pa de tsam las rgyu mtshan yin te/med pa'i tha snyad du rung ba'i phyir ro/ /des na 'dir tha snyad kyi rgyu mtshan gzhan ma yin par bstan to/ /de nyid gang las she na/ gzhan te zhes bya ba la sogs pa smos te/ ji skad bshad pa'i mi dmigs pa spangs na med pa'i tha snyad kyi rgyu mtshan gzhan med pa'i phyir ro zhes bya ba bsdu ba'i don to//gang dang gang las cung zad cig nus pa med pa de dang de ni med pa'i tha snyad kyi yul yin te/ dper na nam mkha'i pad mo bzhin no/ /de bzhin du mngon par 'dod pa'i yul la sogs pa la cung zad cig nus pa med pa'i phyir med par 'dod pa yin no//nus pa thams cad kyis dben pa nyid med pa'i tha snyad kyi rgyu mtshan du gyur na/ de ltar 'brel ba med par gzengs bstod nas brjod pa yin no/ /de ni rgyu mtshan med pa'i las yin no zhes gzhan 'ga' zhig de skad du smra ba'i dgos pa ni/gal te nus pa thams cad kyis dben pa'i rgyu mtshan yin zhe na/ 'di ltar lan ni/ de ni de lta yin na zhes bya ba la sogs pa smos te/ 'di snyam du sems pa yin te/ nus pa thams cad kyis dben pa'i rgyu mtshan yin no zhes bshad pa legs na 'on kyang de nyid thams cad kyis dben pa'i don yin par ji skad bshad pa'i ma dmigs pa spangs nas ji ltar rtogs par 'gyur//nus pa thams cad kyis dben pa gang gis med pa'i tha snyad kyi rgyu mtshan du gyur pa yin pa 'dir mi shes pa nyid kyis de'i rgyu mtshan 'os pa ma yin te/ shes byed kyi gtan tshigs kyi dbang du byas pa'i phyir ro//nus pa thams cad kyis dben par ji skad bshad pa'i mi dmigs pa ci'i phyir rtogs pa yin zhe na/ de rtogs pa'i thabs gzhan med pa'i phyir ro zhes bya ba smos so/ /gang gi tshe ji skad du bshad pa'i mi dmigs pa des nus pa thams cad kyis dben par rtogs par gyur pa de'i tshe/rtogs pa yod na med pa'i tha snyad du 'gyur ro/ /phyir zhes bya ba ni de'i phyir te/ ji skad bshad pa'i mi dmigs pa 'di ni med pa'i tha snyad de'i rgyu mtshan du brjod pa yin no/ /slar yang gzhan dag med pa la sogs pa'i rgyu mtshan gzhan 'ga' zhig tu de skad du brjod pa yin no zhes dogs par ni/gal te sgra dang blo dang zhes bya ba la sogs pa'o/ /'dir bsam pa ni 'di yin te/ blo dang sgra dang don byed pa dag las yod par tha snyad du gyur te/ de ltar na de la 'jug pas dngos po yod par sgrub par byed do//de tha dad pa dang tha mi dad pas dngos po tha mi dad par 'gyur ro snyam du sems dang de bzlog pa'i rang gi rgyu mtshan gyis yod pa'i tha snyad bzlog pa yin te/ me dang du ba bzhin de bzlog pas med pa tha snyad yin no/ / yod pa'i tha snyad dang / med pa'i tha snyad dag phan tshun rnam par bcad nas gnas pa'i ngo bo nyid kyis gcig spangs na gzhan yongs su gcod pa ni med na mi 'byung ba yin pa'i phyir ro/ /blo la sogs pa des kyang med pa'i tha snyad kyi rgyu mtshan yin pa'i tha snyad kyi rgyu ma yin pa'i phyir dang gzhan med pa'i phyir ro zhes bya ba la sogs pa'i de skad bshad pa'i rigs pa ma yin pas 'di yang bsal ba'i phyir/ji skad du zhes bya ba la sogs pa smos te/ ji skad du bshad pa'i blo la snang ba ni sgrub pa po'i mngon sum la snang ba med pa'i ngo bo snang ba ste/ji skad du bshad pa'i snang ba gang yin pa zhes bya bar sbyar ro/ /gang gi ngo bo ma yin pa zhes bya ba la sogs pa bshad pa des yod pa'i tha snyad du 'gyur te/ dngos po mngon sum du 'dzin pa'i phyir ro/ /de las bzlog pa'i dngos po med pa de ni med pa'i tha snyad yin te/dmigs pa'i rkyen gzhan yod kyang zhes bya ba ni ngag yongs su rdzogs pa'i 'bras bu yin no/ /gzhan du ni the tshom skye bar 'gyur ro/ /dngos po yod pa'i rkyen gzhan tshang na ldog par mi 'gyur ro zhes bya ba 'di ni kho bo cag gis sngar bstan pa yin no//des na rnam pa 'di lta bu blo mngon par 'di ni khyed dang 'u cag de 'dod pa gcig par de ltar na yang kho bo la mi 'dod pa bshad pa cung zad kyang med do/ /de lta ma yin na de ni 'khrul bar 'gyur ro zhes bstan to/ 'khrul pa de nyid bstan pa ni/ mngon sum gyi yul ma yin no zhes bya ba la sogs pa smos so//rtags las skyes pa ni rtags las skyes pa ste/ rjes su dpag pa zhes bya ba'i don to/ /des yod pa'i tha snyad du byed pa ni/ lkog tu gyur pa'i don yin no/ /'ba' zhig ma yin te bshad ma thag pa'i rang gi ngo bo ni rang gi gzung bar bya ba yin pas kyang zhes bya ba smos so//rtags thams cad kyis yod par 'gyur ram zhe na/ ma yin te 'ga' zhig ces bya ba smos so/ /rang bzhin dang 'bras bu'i rtags gnyis kyi stobs las skyes ba yin no zhes bya ba'i don to/ / mi dmigs pa ni med pa'i tha snyad sgrub par byed pa'i phyir ro zhes bya bar dgongs so/ /gal te de lta na de ltas ji ltar 'khrul bar 'gyur zhe na/ med pa tha snyad ni zhes bya ba la sogs pa smos te/ de las bzlog pa ni ji skad bshad pa'i rtags las skyes pa ma yin pa'i blo de bzlog pa na ma nges pa yin no zhes bya ba'i don to//ci'i phyir zhe na/ bskal ba'i don phung po la sogs pa bskal ba rtogs pa'i mngon sum gyi tshad ma ldog pa yang the tshom rgyu yin pa'i phyir ro/ /med pa'i don la zhes bya ba ni lhag ma'o/ /rtogs pa pa'i mngon sum zhes bya ba ni drug pa'o//shes bya ma lus pa'i sgrub pa spangs pa'i mngon sum 'di log na ni tshe tshom mi za bar brjod pa yin no/ /gzhan ni rjes su dpag pa dang lung ngo / /lung gi tshad ma 'dis rtogs par bya ba rjod pa la tshad ma yod pa ma yin te/ med na mi 'byung ba med pa'i phyir ro//sgra dang dngos po rnams lhan cig tu don mi 'grub ste de dang de ni smra ba po bsam pa ston pa yin no zhes brjod do/ /'dir bsam pa ni 'di yin te/ gal te tshad ma log pa mngon sum med pa de lta na yang med do zhes gang las nges par 'gyur/ /ji ltar ma la ya'i ri yul na rgyud nga dUr ba'i lo ma la sogs pa tshad ma'i spyod yul las pa'i dngos po can bstan du yod par gnas pa ma yin no zhes zhes brjod par nus pa ma yin te/tshad ma med pa ni yul mtha' dag gis khyab par byed pa dang rgyu ma yin pa'i phyir ro/ /de'i ngo bo tshang bas don la ni nges pa ni nges par gzhan ldog pa ma yin te ha can thal bar 'gyur ba'i skyon du 'gyur ba 'di snga ma bzhin du rig par bya'o//gang gi phyir bshad na/ bstan bcos la brten zhes 'brel pa med pa'i don mang po dbang po las 'das pa dang rtags med pa de dag ji ltar mi dmigs pas med par 'gyur ba yin/'o na 'di rtags las skyes par 'dod pa med pa tha snyad kyi gtan tshigs nyid dgag pa rtsom pa na de las bzlog pa yin no zhes bya ba la sogs pa brjod pas mngon sum dang lung la ltos pa de skabs ma yin de ci'i phyir brjod ce na/ de ni rigs pa na tshad ma thams cad log pa thams cad tshad ma yin par bstan pas 'di yang nges pa med par bstan cing bshad pa ni blo gros bzang pos rtogs pa'i dgongs pa yin no//yod pa'i tha snyad dang med pa'i tha snyad dag phan tshun rnam par gcod pa'i mtshan nyid du gnas pa gcig med na mi 'byung bar yod pa'i phyir ro//bskal ba'i rgyu mtshan des yod pa'i tha snyad pa na med pa'i tha snyad du 'gyur ro zhe na/ smras pa ni bden na de yang rigs pa ni ma yin te/ 'di ltar skor du yod pa'i don la yod pa'i tha snyad log pa na/ de'i rgyu mtshan med pas kyang gnyi ga yang 'di ltar 'dir mi dmigs par 'gyur/rang dang bzlog pa'i gtan tshigs yod pa dang med pa dag gis yod pa'i tha snyad dgag pa'i 'bras bu can nyid du mtshungs kyang gcig ni the tshom can yin la/ gzhan las ni ldog pa yin no zhes bya bar brjod la/ the tshom za ba yin no// gal te de lta na med pa'i tha snyad nges pa de la rigs par mi 'thad par 'gyur ro/ /gang la yod pa'i tha dad du nges par ldog pa dang de la med pa'i tha snyad kyang rigs pa kho na yin no zhe na/ gzhan 'jug pa'i 'bras bu can yang yin no zhes bya bar bshad zin to/ /med pa'i dngos po rnam par gcod pas yod pa'i zhar la nges pa ni ma yin te/mo gsham gyi bu dang nam mkha'i pad+mo la sogs pa med pa'i bkag pas yod pa'i gnas skabs su gyur pa ma yin gyi/ dgag pa tsam du 'gyur ba yin gyi/ de dag phan tshun rnam par bcad nas gnas pa'i phyir ro//de bzhin du 'dir yang mngon sum ma yin pas yod pa'i tha snyad rnam par gcad pa na sgrub par gyur pa med pa tha snyad shugs las byung ba ma yin te/ yod pa'i tha snyad rnam par gcad pa tsam yin pa'i phyir ro/ /de yod pa dang med pa phan tshun yongs su spangs te gnas pa'i phyir ro//dri ma med pa'i rigs pas de kho na nyid gsal bar rab tu rtogs pa'i shes rab kyis ma lus pa'i mu stegs can gyi gzhung gi rmongs pa spangs pa'i chos kyi grags pas bdag med pa la sogs pa rnam par gcod pa yang de bzhin du 'gyur ro zhes bya ba la sogs pa 'di skad bshad pa yin pas chog go//da ni blo dang sgra thun mong du gyur pa'i yod pa la 'jug pa'i gtan tshigs kyang ji ltar med pa yin zhe na/ blo dang sgra zhes bya ba la sogs pa smos te/ de la rim pa ji lta ba bzhin du sbyar bar bya'o/ /ci'i blo dang sgra la sogs pa dngos po yod pa thams cad sgrub par byed pa yin nam/de dag tha snyad pa dang tha snyad med pa 'am dngos po tha dad pa dang tha dad pa med pas sam yod dam med pa zhes bya ba la sogs pa la yang yin/ thams cad smos pa ni 'ga' zhig sgrub par byed pa'o zhes bya ba'o/ / gsal bar bya ba nyid gang yin zhe na/ bshad pa 'das pa dang ma 'ongs pa la sogs pa med pa dag la yang 'jug pa'i phyir ro zhes bya bar sbyar ro/ /sogs pa smos pa ni nam mkha'i ut+pal la sogs pa yongs su gzung ngo / /yul med pa yin na de rnams la de dag ji ltar 'jug par rigs pa yin zhe na/bshad pa ci zhig ltar de'i ngo bo myong bas byas ba'i bag chags smin pa las byung ba yin no zhes bya ba'i don to/ /de dag dngos po 'brel ba med pa dag yin no zhes bya bar dgongs so/ /'khor los bsgyur ba dung gis zhes bya ba sogs pa'i rnam pa des 'di'i dngos po yod pa sgrub pa ma yin no//de'i rnam pa bshad pa/ sna tshogs pa dang gcig pa'i bya ba byed pa'i ngang tshul can gang yin pa de dag de skad du brjod pa de dag la 'jug pa'i rgyus so/ /ci'i phyir de dag la rnams 'jug ce na/ de yod par bstan pa'i phyir ro//de dag sna tshogs pa dang gcig pa'i bya ba byed pa dang yod par bstan te/ sna tshogs pa don gyi bya ba byed pa dang gcig gi don gyi bya ba byed par brjod pa'i don yin no zhes bya ba'i don to/ /rgyu 'di nyid kyis de dngos po'i de nyid yin zhes bshad/ sna tshogs pa dang gcig pa'i bdag nyid med pa'i bdag nyid kyang de'i dngos po yin no zhes sgro btags so//blo dang sgra dag gis gcig dang du ma ngo bo ma yin la/ des ni 'di ni dngos po tha dad pa 'am/ tha mi dad pa sgrub par byed pa ni ma yin no/ /'di'i dpe ston par byed pa la rgyal po mang pos bkur bas ni 'das pa'i dpe'o//ji ltar zhes bya ba nye bar bkod pa'o/ /'khor los sgyur ba dung zhes bya ba la sogs pa ni ma 'ongs pa la 'jug pa'o/ /ri bong gi rwa zhes bya ba la sogs pa shad pa yin no/ /bstan du med pa ni mig gi rnam par shes pa skyes pa'i phyir ro/ thogs pa dang bcas pa ni rang gi yul du gzhan skyes ba'i dgag byed pa'i phyir ro/ /'di dag sna tshogs pa'i don byed pa dag la 'jug pa de'i dpe yin no/ /gang gi phyir mig gi rnam par shes pa la sogs pa'i 'bras bu skyed par byed pa'i phyir gcig gi ngo bo yin yang du ma'i ngo bo bstan du yod pa la sogs pa'i yul du byed pa de'i phyir dngos po tha dad pa sgrub par mi byed do//bum pa zhes bya ba ni don gyi bya ba byed pa dag gi dpe yin no/ 'di ltar gzugs dang / dri dang / ro dang / reg bya dag mang pos chu 'dzin pa'i khyad par la sogs pa 'bras bu sgrub par nus pa'i phyir tha mi dad pa'i ngo bo de yul nyid kyis bdag nyid yod par byed do//des na de ni tha dad pa'i sgrub par mi nus so/ /'on na ni 'das pa dang ma 'ongs pa dang ri bong gi rwa la sogs pa dag la de 'jug pa na/ dngos po sgrub par shin tu rtogs par med kyi blo dang sgra bstan du yod pa la sogs pa dngos po tha dad pa mi sgrub pa zhes bya ba'i 'di ltar rtogs par zhe na/ma yin te zhes bya ba la sogs pa smos so/ /dngos po gcig yin na ci'i phyir gzugs la sogs pa de nyid nye bar bsdu ba yin snyam na/ bstan du yod pa dang thogs pa dang bcas pa'i ngo bor 'gyur pa ni/de ltar gzhi mthun pa yin pa'i phyir ro zhes bya ba'i don to/ /de lta ma yin na rgyu tha dad pa'i phyir me tog ba ku la dang / ut+pal dang / pad+ma dang / sna ma dang / ma li ka la sogs pa sgra tha dad pa bzhin du gzhi mthun par mi 'gyur ro zhes bya bar dgongs so//gzegs zan dang rkang mig gi rjes su 'brangs ba phyi ci log tu bstan pa rjes su chags pa skyes pa'i rnam par rtog pa'i dri mas g.yogs pa'i mig can gyis brjod pa sna tshogs yin du zin kyang khas blangs nas gcig la nye bar bsdu ba la 'gal ba nyid kyi rgyu mtshan ni bstan du med pa la sogs pa dang 'brel pa'i phyir zhe na/'di dag thams cad ma btags na nyams dga' ba yin na des na dpyad pa dang gzhig mi bzod pa'i mkhas pa'i skye pos bzhad gad du bstan par dgongs nas/ kye ma 'di zhes bya ba la sogs pa smos te/kye ma'i sgra ni snying brtse bar bya'o/ /gang yin zhe na/ du ma dang 'brel pa rnams bstan du yod pa la sogs pa phan 'dogs pa'o/ /phan mi 'dogs pa de ni bdag dang de 'brel par mi rigs so zhes bya bar gsungs so/ /bstan du yod pa la sogs pa'i sgra sna tshogs pa dang 'brel pa de dag las bdag nyid 'dod pa'i dka' thub pa sdug bsngal gyi rgyu'o//'o na gzugs la sogs pa yod pa de nus pa tha dad pa du ma dang 'brel pa gang gis phan 'dogs par byed pa yin na/ de nyid kyi nus pa tha dad pa bum pa la sogs pa'i sgra gcig po nyid kyis ci'i phyir bskyed par mi bya/gal te de ltar gyur kyang de las yon tan ci zhig 'thob ce na/ bshad pa/ de lta na 'dis brgyud pas 'jug pa'i dub pa yongs su spangs par 'gyur ro/ /nus pa tha dad pas 'brel par byed/ de dag las zhes bya ba'i sgra dang sbyar nas 'di brgyud pa'i rjes su 'jug pa'i rjes su 'brang bas dka' thub kyis gdungs pa gzugs la sogs pa dor bar 'gyur ro zhes bya ba'i don to//'o na so sor nges pas phan 'dogs pa'i nus pa dang ldan par dngos po thams cad la khyod kyis gdon mi za bar khas blang bar bya ste/ de lta ma yin na sA lu'i sa bon las sA lu'i myu gu skye bar 'gyur la nas kyi myu gu ci'i phyir mi skye zhes brjod na/khyod ci zhig rjod par byed/ de'i phyir khyed rnal ma'i don la brten par rigs te/ gzhan du skyon spang bar mi nus pa'i phyir ro/ /kho bo'i lan ni rgyal pos phrogs sam/ 'brel du mas phan 'dogs pa nyid de'i nus pa sgra sna tshogs pa skyed par byed do zhes 'di brjod par nus pa yin no zhe na/de ni bden na/ re zhig bstan du yod pa la sogs pa ni yod pa ma yin te/ rim dang cig car gyis don byed nus pa mi rigs pa'i phyir dang / dmigs pa'i rig byar gyur pa las ma dmigs pa'i phyir ro//dmigs pa'i rig byar gyur pa'i yod pa mi dmigs pa yod par 'gyur ro zhes brjod par mi nus te/ ha cang thal bar 'gyur ba'i phyir ram/ dmigs pa'i rig byar gyur pa 'di ji ltar de'i rgyu mtshan gyis blo dang sgra dag pa lang dag dang ba men la sogs pa dag la 'jug par 'gyur ba yin/des na dmigs pa yang skad cig ma la sogs pa du ma gsal ba las tha dad pa mi dmigs pa'i mtshan nyid kyang gsal ba yin no/ /gal te spyi'i mthong du zin kyang ma tshang ba med pa longs shig rtogs pa yin na/ de'i dngos po stobs las byung ba de la blo dang sgra 'byung bar ni ji ltar 'gyur/ dbyig pa can la sogs pa rgyu mtshan ma rtogs pa la sgra dang blo ni yod pa min/ de'i phyir de ni rnam pa gsum gyis kyang de dag rigs pa'i rjes su 'gro ba med pa gzhan yang khyed kyis thams cad mthong ba de dag dngos po phyogs gcig par 'gyur ba ste/yang na yul dang dngos po tha dad pas 'di cig car yul tha dad par 'jug par mi 'gyur/ 'jug na yang 'di gcig ma yin te/ cig car thams cad la 'jug pa dang ldan pa'i rnam pa du ma rnams la brten pa'i 'bras bu la sogs pa gcig gyur pa yod pa min/yod pa 'di dag blo dang sgra skye ba'i rjes su 'gro ba dang ldog pa dag yod pa'i nges pa med do/ /ma dmigs pa de dag nyid kyi phyir 'tshed par byed pa la sogs pa de rnams la yang tha dad pa dag med pa'i phyir ro/ /rnam 'grel las kyang 'tshed sogs rnams las dbyer med par//med kyang don la tha dad brjod/ /'di yi las dag rgyu ma yin/ rigs 'di las la mi brten phyir/ /zhes bya ba la sogs pa bshad zin yang 'dir mi brjod do/ /de dag phan gdags par bya ba yod pa ma lags te/ rtag par gyur pas bogs dbyung ba med pa'i phyir ro//skyes bu'i 'dod pa la mi ltos par thogs pa dang bcas pa la sogs pa'i spyi gsal bar byas nas brjod par nus pa ma yin no/ /brjod par 'dod pa la sogs mi ltos par 'jug par 'gyur ba'i phyir ro/ /de ni skyes bu'i bsam pa la rag las pas nges par 'gyur na bar gyi spyi lhag mas ci zhig bya/'di ltar de'i rjes su 'gro ba dang ldog pa'i byed pa nyid du rtogs kyi/ spyi rtag pa dang ldog pa med pa'i phyir ro/ /de'i phyir 'di thams cad lta ba ngan pa la brten pa'i brtags pa tsam yin no//'di rtogs par byas pa la yang brgal zhing brtags pa mi rigs pa'i phyir rtogs pa yin na ni de bden pas da ltar brtags pa ni mdzes te/ skyon med pa yon tan dang ldan pa'i phyir ro zhes brjod do/ /gcig la rnam pa sna tshogs pa sgras bskyed pa'i nus pa yod pa ma yin pas brtags pa'i 'dod pa 'di ni mi rigs she na/gal te de lta na 'di brjod pa sgra sna tshogs skyes pa'i nus pa med pa ni 'brel pa can de dag la phan par mi 'gyur ro zhes bya ba smos so/ /gcig gis sna tshogs pa phan par byed pa nyid ni 'gal ba khas len pa nyid yin no zhes bya bar dgongs so/rtag pa'i phyir phan 'dogs pa med par khas len pa yin no zhe na/ bstan du yod pa nyid la sogs pa de dag phan 'dogs pa med pa de yan lag tu byed na de dang 'brel pa med par grub po/ /gang dang gang gis phan 'dogs pa med pa'i rgyu de dang de ni 'brel pa dang ldan pa yin te/gangs can dang ma la ya'i ri bzhin no zhes bya bar dgongs so/ /de ltar na re zhig gzhan gyi phyogs gsal bas bstan du yod pa la sogs pa'i sgra tha mi dad pa'i yul can du bstan to/ /de nyid rmongs pa dang ldan pa'i tshig smras pa na yang brgal zhig brtag par byed do//'o na ni bstan du yod pa la sogs pa'i sgra yul tha dad med pa nyid du gyur na/ bum pa dang snam bu la sogs pa'i sgra sna tshogs pa'i yul can nyid yin no zhes bya ba de ji ltar yin/ gzugs la sogs pa ji snyed pa las gzhan yan lag can gyi rdzas yod pa yin te/de la bum pa la sogs pa'i yul can du byed pa'i phyir ro/ /'di ltar yul dpyad pa yin na snam bu dang snal ma tha dad pa yin te/ byed pa po tha dad pa'i phyir snam bu dang bum pa bzhin no//de ltar snam bu yang spyi dang bye brag gi shes pa'i yul yin pa'i phyir ba lang bzhin no/ /snal ma dang snal ma'i tshogs pa la snam bu'i shes pa mi skye ba'i phyir ro/ /bum pa la sogs pa bzhin du thabs gzhan gyis ma bsgrubs pa'i phyir dang / yul tha dad pa na gnas pas byas pa'i phyir bum pa la sogs pa nyid bzhin no//ku ba la dang ma la ka dang bil ba la sogs pa bzhin du tshad tha dad pa'i phyir ro/ /des na snga ma dang phyi ma'i dus la ltos pa'i phyir sa bon dang myu gu bzhin no/ /yang na snam bu ni de'i rgyu gzhan las byung ba'i phyir gtag bzangs bzhin no//snal ma dang snam bu dag gzhan nyid yin te/ nus pa tha dad pa dang ldan pa'i med dang chu bzhin no/ /'di ltar gzhan yang 'di dpyad pa'i yul du byas nas ut+pal dri la sogs pa las shin tu tha dad pa yin te/ de dag par gcod par byed pa yin pa'i phyir/ nag pa las srid sgrub la sogs pa bzhin no//gang dang gang rnam par gcod par byed pad dang de ni gzhan yin te/ dper na ba lang nag pa bzhin no/ 'di la yang tha dad par sgrub pa'i tshad ma 'di dag yod pa yin no/ /de dang de dag tha dad pa'i yul du mi 'gyur zhe na/ de dang de dag ni dam pa ma yin pa la mngon bar zhen pa'i ling tog gis g.yogs pa'i nang gi rgyu'i mun pa chen po can gyis bkod pa yin no snyam du dgongs nas bum pa zhes bya ba la sogs pa 'di yang gzugs la sogs pa nyid kyi bya ba byed pa bum pa'i sgra gcig brjod par 'gyur ba yin na/don gzhan rtogs pa ci zhig dgos zhes bya ba smos te/'bras bu zhes bya ba kha bskang ngo / /sngon po la sogs pa las tha dad pa de'i de 'dra ba cung zad cig kyang ma rtogs snyam du dgongs pa gang yin pa de nyid kyis de'i tshad ma ston pa ni rigs pa yin no/ /de ma grub pa la sogs pa'i skyon gyis gnod phyir tha dad par sgrub par mi nus te/rmongs pa'i 'dod pa nyid sngon du song bas byas pa yin no snyam du dgongs pa'i phyir ro/ /'di ltar re zhig 'di dang por tshad mas brtag par bya ba yin na/ brtag pa phra mo bzod pa yang ma yin no/ /gang gi phyir 'di la brtag pa gnyis 'byung bar 'gyur te/dang por snal ma'i gnas skabs las snyam bu gzhan pa nyid du sgrub pa 'am dbyibs khyad par can du gnas ma 'gyur na/ de la dang po'i gnas skabs 'di rnam par gnas pa dpyad pa'i khur lci ba'i mi bzod pas grub pa bsgrubs pa'i skyon dang bral ba'i phyir ro//gang gi phyir dngos po ma lus pa yang dag par rtogs par bde bar gshegs pa'i gzhung lugs kyi tshul la brten nas sgrub pa dri ma med pa rtogs kyi 'jug pa'i lugs ni dngos po thams cad skyes ma thag 'jig pa la brten nas rab tu ston pa yin no//des kyang de rnams gzhan pa nyid 'dod pa yin na/ grub pa la sgrub pa'i thal bar 'gyur ba'i skyon gyi gdon gyis khyod ji ltar zin par mi 'gyur rnam par rtog pa gnyis pa ni me shin tu tsha bas gdungs pa'i rdo leb la rkang pa gzhag pa'i gnas med pa bzhin du 'gyur te/gtan tshigs gzhan la ma grub pa'i phyir ro/ /dbyibs khyad par can du gnas pa las snam bu byed pa po gzhan la grags par 'gyur bar byed pa 'jug pa med pa de rnam pa de 'dra ba gang yin pa gzhan pa nyid med pas khas blang par mi bya'o//de ma thag bshad pa'i tshad ma rnams kyang yod la mngon bar 'dod pa'i don yongs su rdzogs par mi byed de/ gtan tshigs ma grub pa'i phyir ro/ /gang gi phyir snal ma rnams kyi dbyibs khyad par du gnas pa la shes pa 'jug pa med pa tha dad pa'i ngo bo gzhan snam bu zhes bya ba mig phye zin kyang ma mthong ba'i phyir ro zhes pa la sogs pa la mthong zhe na/'di ni phyis dgag par bya'o/ /thabs gzhan gyis bsgrub bar bya ba ma yin pa'i phyir dang yul tha dad pa na gnas pas byas pa'i phyir dang tshad ma tha dad pa'i phyir dang snga ma dang phyi ma'i dus la ltos pa'i phyir dang nus pa tha dad pa dang ldan pa'i phyir zhes bya ba gang yin pa 'di la dang po'i sgrub par byed pa las byas pa'i rkyen rnon po mthong bas dgra bo mig dmar bzhin du des grub pa mi bzod pa yin no//dang po grub pa sgrub nyid dang / / gnyis pa gtan tshigs ma grub pa/ /skad cig yin phyir khyad par can/ /skye ba gang gis mngon 'dod pa'o/ /zhes bya ba bsdu ba'i tshigs su bcad pa'o/ /'di dpyad pa'i yul du byas nas ut+pala'i dri zhes bya ba la sogs pa gang smras pa de yang 'brel pa ma yin te/gang gi phyir ut+pala'i dri zhes bya ba la sogs pa dang ro mngar ba'i khyad par la sogs pa ut+pala'i rang bzhin grub par sgrub pa'i phyir ro zhes bya ba'i don to/ /'bras bu khyad par med par sgrub par byed pa'i spyi'i bdag nyid du gyur pa la zhes bya ba la sogs pa'o//sgrar grags pa ni khyad par can gyi 'bras bu sgrub par bshad pas khyad par dang khyad par can nyid du brjod kyi/ 'dir ji skad bshad pa'i rdzas kyi mtshan nyid gzhan cung zad cig kyang yod pa ma yin te/ de dang 'dra ba de ni mi dmigs pa yin zhes bya ba sngar bshad pa bzhin no//de lta na rnam pa 'dis de dag de rnam par gcod par byed par 'gyur te/ /de dag de rnam par gcod pa yang yin la/ shin tu tha dad pa ma yin no zhes bya ba 'di la 'gal ba ci zhig yod/ gtan tshigs mi mthun pa'i phyogs las bzlog pa la the tshom za ba yin te/'brel pa ma grub pa'i phyir ro/ /dpe grub pa tsam gyis grub pa yod pa ma yin te/ thams cad grub par thal bar 'gyur ba'i phyir ro/ /gzhan yang mchi gu'i lus la gzugs kyi rang bzhin zhes bya ba 'dir yang mchi gu dang gzugs dag dang lus dang rang bzhin rnam par gcod pa nyid yod pa yin pas de dag tha dad pa thal bar 'gyur na/'gyur ba yang ma yin te/ rang bzhin med par thal bar 'gyur ba'i phyir ro/ /de'i phyir khyed kyis brjod pa 'di la 'dis ma nges par gsal ba yin no/ /gzhan yang 'di log par lta ba shin tu mang po la chags pa med pa'i gdon gyis brlams pa'i blo can rnams kyis ut+pala'i dri la sogs pa zhes bya bar smos so//skyes bu'i bsam pa'i yul byed pa mi ltos par dngos po de kho na nyid dang 'brel pas ji ltar 'jug par 'gyur/ gzhan yang ji ltar sbyor ba de ltar dngos po de kho na nyid la mi ltos par don bsdus par ston pa yin/gal te phyogs dang po ltar yin pa de'i tshe sgra rnams rtag tu 'byung bar thal bar 'gyur/ gzhan yang 'das pa la sogs par yang skyes bu'i 'dod pa'i dbang gis sbyor bar mi 'gyur ba dang /gzhung lugs gzhan gyi tha dad pa'i don yang mi 'gyur bas tshig 'ga' zhig kyang mi bden pa'i don can du mi 'gyur ro/ /phyogs phyi ma ltar na/ gang dag gi tshig dngos po'i dbang brjod/ lhur brjod 'dod la mi brten pa/ /de dag la ni drug pa dang / /tshig dbye la sogs klan ka rigs//phyi rol don la mi ltos par/ /tshig gang smra 'os ji lta bur/ /rjod byed nyid du nges byed pa/ /de de bzhin du rjod byed yin/ /de tshe skyes bu 'dod pa yin/ /nus pa'i dbang gis 'jug pa'i sgra don gyi de kho na nyid du rnam par gnas pa rigs pa ma yin pa'i phyir/ de'i gnas skabs su gtan tshigs mi mthun pa'i phyogs las bzlog pa la the tshom za ba yin zhes bya ba 'dis log par rtog pa'i yul can don la sogs pa las gzugs dang dri dang reg bya dang shes bya nyid la sogs pa bzhin du shes pa yin te/sgra tha dad pa des brjod pa'i phyir ro/ /rdo dang srang dang bre dang gzhal bar bya ba la sogs pa bzhin no zhes bya ba 'di yang bsal ba yin no//de'i phyir de yod par ston pa la tshad ma cung zad kyang yod pa ma yin zhes bya ba 'di gnas pa yin no/ /kho bo cag gi de med par bsgrub pa'i tshad ma ni 'di yin te/ gang phan tshun tha dad pa'i rang bzhin du gnas pa dang 'brel pa'i lus can de ni tha dad pa dang rjes su 'brel pa'i bdag nyid kyi lus can du yod pa'i yan lag can gyi rdzas su yod pa yin te/dper na thal ba 'chang ba snod tha dad pa de bzhin du de kho na nyid la sogs pa yang ji dad bshad pa'i chos dang ldan pas zhes bya ba ni rang bzhin gyi gtan tshigs so//chos mi mthun pa ni nam mkha'i pad+ma pa la sogs pa ste/ de dag rang bzhin med pa'i phyir ro/ /ji skad bshad pa'i rang bzhin yang phan tshun tha dad pa yin pas khas blang bar mi bya'o/ /de rnams la de bdag nyid thams cad kyis sam phyogs gcig gis yod par mi rigs pa'i phyir zhes bya ba gnod pa can gyi tshad ma'o//de ci'i phyir zhe na/ de ni rten gcig la gnas pa'i brten pa bzhin du cig car du ma la yod pa yang du ma'i bdag nyid du dpag par bya ba yin pa'i phyir ji ltar 'di tha dad pa'i rang bzhin du rigs par 'gyur/yan lag can gyi phyogs gcig tu dmigs pa'i tshe ma lus pa de la yongs su rdzogs pa'i phyir dmigs par thal bar 'gyur ro/ /yan lag can du ma la dmigs pa'i sgo nas dmigs pa yang yan lag gcig 'ga' zhig mthong bar 'gyur ro/ /ma lus pa'i yan lag can dmigs pa'i sgo nas/dmigs pa yin na cha thams cad mthong bar thal bar 'gyur te/ tshu rol mthong bas de'i tshu rol dang dbus kyi cha rnams cig car mi dmigs pa'i phyir ro/ /yan lag gcig g.yon thams cad g.yo ba la sogs par thal bar 'gyur bar brjod pa dang /phyogs gcig gis kyang ma yin te/ cha shas dang bcas par thal bar 'gyur ba'i phyir dang / phyogs gcig la yang thug par 'gyur ba'i phyir ro/ /de yang rkang pa la sogs pa de'i yan lag yod pa la yang 'di yod par 'gyur ro zhes bya ba la sogs pa yod par 'gyur ba'i yan lag can gyi gcig pa 'ga' zhig yod pa ma yin no//'di ltar rkang pa la sogs pa'i tshogs kho na yin pa ni bla'i/ /yod pa'i bdag nyid du gyur pa'i yan lag can rnams 'ga' zhig la 'brel pa yin/ 'ga' zhig la yang 'di yod pa ma yin te/phyogs gcig pa'i yan lag can re re med pa'i phyir/ mtha' med pa'i phyin ci log tu brjod pas chog pas mi spro'o/ /des na 'di ltar gzhan gyi gzhung lugs de brjod par mi bya ste/ gangs ri'i dum grugs kyi phye ma la nyi ma'i 'od kyi tshogs bcas pa dang 'brel pa zhu ba bzhin du 'gyur ro zhes bya bar dgongs nas don gzhan la rtogs pa ci zhig dgongs zhes bya ba gsungs so//bsam pa 'di ni ngan pa yin yang gzhan mang pos don gcig byed pa ma yin no zhe na/ mang po yin du zin kyang zhes bya ba la sogs pa smos te/ci 'dra ba zhig ce na/ mig la sogs pa bzhin no/ /dper na gzugs dang snang ba dang yid la byed pa dang dmigs pa la sogs pas mig gi rnam par shes pa gcig byed pa de bzhin du gzugs la sogs pa yang chu 'dzin pa'i khyad par la sogs pa don gyi bya ba gcig byed pa yin no zhes bya ba'i don to//gang gi phyir de la yang de ltar don gyi bya ba gcig 'ba' zhig gis ni ma yin te/ de'i phyir nus pa bstan pa'i phyir gzugs la sogs pa'i gcig pa ba de la bum pa la sogs pa'i sgra gcig nges par sbyor bar 'gyur ro zhes bya ba'i rigs par mthong ngo //de dag kyang don gyi bya ba gcig byed pa yin pa'i phyir/ yang gi sgra smos pa yin no/ /ji ltar rigs pa yin zhe na 'di snyam du dgongs pa yin te/ dgongs pa 'ga' zhig gis sgra 'ga' la yin no/ /de la gang gi tshe du mas gcig la sbyor bar byed pa yin pa de'i tshe gdon mi za bar brjod par 'gyur ro//des re re rjod pa ni shin tu dka' bar 'gyur bas gzhan dang thun mong gi ngo bo 'di brjod par nus pa yin no/ /'bad pa 'di la 'bras bu ci yang med de 'ba' zhig gi nus pas don des bskul ba yin no/ /smra ba po'i rang dga' tsam gyis de sgra gcig gis kyang bskul bar 'gyur ro//des na sgra gcig gis mang po smra ba por 'dod pa'i dbang gis sgra gcig pa 'di 'jug pa la klan ka 'os pa ma yin no/ /'di ni mi nus pa la 'jug pa ma yin te/ 'dod pa la rag las pa'i phyir ro/ /gal te sbyor bar byed pa la 'dod pa med na de ji ltar 'jug par 'gyur/'dod pa yod na yang mang po rnams bde dang 'brel par ji ltar 'gyur/ dgos pa med pa'i phyir 'jug par mi bya'o zhes dogs par mi bya ste/ tha dad pa la sgra gcig pas rtogs par 'gyur te/ 'di dag dgos pa tha dad pas gang gi phyir dgos pa ni bshad zin pa de'i phyir kho bo cag gis legs par bshad pas rigs par mthong ba yin no zhes bya'o//ji ltar brgyal 'jig rten pa ni dgos pa med par sgra sbyor bar byed pa des na 'di rigs pa ma yin no zhe na/ bshad pa/ 'jigs rten pa ni dgos pa med par don la sgra sbyor bar mi byed do zhes bya ba gang gis brdar ma btags pa'i sgra ma sbyar bas 'jig rten pa 'di nyon mongs pas sdug bsngal bar 'gyur ba yin te/'on kyang de ltar sems can rtsom pa na 'di dgos pa yod pa nyid las rigs pa yin no zhes bya bar dgongs so//dgos pa nyid du gyur pa de la gzugs dang dri dang ro la sogs pa'i don gang lhan cig byed pa'i dgos pa dang 'brel pas 'bras bu gcig gis bya ba byed pa zhes bya ba'i don to/ /lhan cig byed par res 'ga' 'ga' zhig gis 'bras bu byed pa na gzhan ni btang snyoms su 'dug par 'gyur ro snyam pa de'i so sor zhes bya ba la sogs pa smos te/'am zhes bya ba'i sgra'i don ni rang gi don to/ /thams cad byed pa kho na dang ldan pa yin no zhes bya ba'i don to/ /gzhan ni gzhan du 'chad de bstan pa la skyon brjod pa yin te/ de la ni 'di zhes bya ba'i sgra'i don to/ / don gang rim gyis shes pa ni gzugs la sogs pa'o/ /lhan cig gam so sor dgos pa ste/ lhan cig pa ni chu 'dzin par byed pa la sogs pa dbyibs gcig pa'i dgos pa yin no/ /dper na sbrang rtsi dang chu la sogs pa 'dzin pa lta bu'am/ de dag nyid so sor tha dad pa'i rang gi rnam par shes pa bskyed pa yin no//gcig la de'i gcig pa'i dgos pa mthong ba gang yin pa de ni gzhan la med pa yin te/ lhan cig 'byung ba rnams kyang res 'ga' zhig btang snyoms su 'dug pa mthong ba'i phyir/ /thams cad med pa dang bcas par ma mthong bas so sor zhes bya ba smos pa yin no//'am gyi sgra ni bsdu ba'i don to/ /gzhan dag ni gcig pa'i dgos pa 'ba' zhig tsam yin no zhes brjod pas de bzhin du thams cad rtogs pa yin no zhes bya bas so sor zhes bya ba don med par 'gyur ro/ /'di ni sgra'i don ma yin pa'i phyir 'di ni ci yang ma yin te/ de yis skabs kyi don mi shes pa'i phyir ro//'di ltar 'dir tshogs pa'i sgra brjod pa 'jug pa la 'gal ba med pa rtsom pa yin no/ /de la skabs ci zhig yin/ dad pa so so ba gzhan brjod pa'o/ /gzugs la sogs pa'i sgra 'di ni rigs kyi sgra ste/ de las gzhan pa nyid kyi skabs su 'gyur ba yin no//dgos pa gcig pa tsam 'ba' zhig yin no zhes bya ba brjod pa de bzhin du thams cad la med par rtogs pa yod pa yin no zhes bya ba de yang rigs pa dang ldan pa ma yin te/ 'di ltar gzhan gyi phyogs pham par byed pas bcad pa'i dgos pa gcig pa ni gzhan pham par byed pa yin pas de la thams cad kyang byed par 'gyur ba ma yin no//de bzhin du 'dir yang 'gyur ba de nyid kyi phyir dgos pa dang bcas par mi 'gyur ro snyam na bshad pa yin te/ gang gi tshe thams cad nyid kyi byed pa dang bcas par bstan pa na so so ba de brjod pa yin no//de brjod pa de'i tshe 'di ring du spangs pa yin no/ /des ni nyid kyi sgra med pa nyid kyi don kyang bsal ba yin pa'i phyir 'di ni ci yang ma yin no/ /bshad pa 'di dag yod kyang bla ste/ gal te rnam pa 'ga' zhig gis 'jog par nus pa yang yin na de dag rnam pa de lta bus don rnams de'i don gyis bya ba gcig byed pa'i dngos po la bum pa la sogs pa'i sgra gcig brjod pas/gal te nges par sbyor ba yin na de'i tshe cir 'gyur te nyes pa cung zad kyang med do/ /yon tan 'ba' zhig thob par 'gyur ro zhes bya ba de don byed pa'i nus pa tha mi dad pa bstan pa'i nges par sbyar ba ni tshogs pa sgra'i tshigs gcig la 'gal ba yod pa ma yin no//ci'i phyir zhe na/ gang gi phyir lhan cig pa dag gis nus pa de yang gcig pa tha mi dad pa yin gyi so so ni ma yin te/ tha dad par 'gyur ba ma yin no zhes bya ba'i don to zhes bya ba ni de'i phyir ro/ / tshigs pa'i sgra yin pa de ni du ma pa la sogs pa tshogs pa gcig la'o/ /sgra gcig gis brjod pa bum pa yin no zhes bya ba'i tshig lhag ma'o/ /'gyur ro zhes bya ba ni 'chad par 'gyur ba dang sbyar ro/ /'o na bum pa la sogs pa'i sgra 'di yang ba lang la sogs pa'i sgra bzhin du rigs kyi sgra yin na/de ji ltar 'di brjod pa yin zhe na/ bden te/ tshogs pa gzhan la 'jug pa la ltos nas 'di yang rigs kyi sgra yin no/ /gzugs la sogs pa'i tshogs pa la ltos nas tshogs pa'i sgra dang 'brel pa yin no zhes bya ba la skyon med do/ /'di ltar sgra rnam pa gsum du 'gyur te/kha cig rigs kyi sgra nyid ni dper na bde ba la sogs pa lta bu ste/ bde ba ni yan lag yin pa'i phyir ro/ /kha cig ni tshogs pa'i sgra nyid ni dper na 'bigs byed dang gangs can dang / ri rab lta bu ste/ de'i rigs tshogs pa med pa'i phyir ro/ /gzhan yang rigs dang tshogs pa'i sgra ni dper na bum pa la sogs pa'o//tshogs pa gzhan la sogs pa gzhan ltos pa'i phyir ro/ /de ltar re zhig tshogs pa'i sgra brjod pa 'jug pa la 'gal ba med par bshad do/ /ji ltar rigs kyi sgrar brjod ce na/ rigs kyi sgra rnams ni zhes bya ba smos te/ bum pa la sogs pa'i don rnams so so 'am lhan cig tu nus pa'i rgyu'i/ /du ma'i nus pa 'am gcig pa yin no/ /'di skad ston pa yin te/ gang gi phyir shing gcig kyang khyim gyi rgyu'i don gyi bya ba sgrub par nus pa dang shing mang po des kyang de dag la nges par nus pa'i phyir mang po'i nus pa ste 'dus kyang nus pa'i phyir ro//gcig gi nus pa la ni gcig la nges pa'i shes pa dang 'brel pas gcig pa nyid ces btags so/ /gang gi phyir de ltar na zhes bya ba ni de'i phyir te/ rim pa bzhin du ma'i nus pa brjod par 'dod pa yod pas mang po'i tshig gis du ma brjod pa ni shing rnams zhes bya bar 'gyur ro//gcig gi nus pa brjod par 'dod pas gcig gi tshig gis gcig pa nyid brjod pa ni shing zhes bya bar 'gyur ro/ /de'i tshe gal te khyad par med par 'dzin pa'i gdon gyis sems dkrugs shing nyams pas mang po rnams la mang po'i tshig gis brjod par 'gyur ba dang /gcig pa la gcig pa'i tshig gis brjod pa 'di dag ni nges pa yin pa des 'di dag mthong ba la brten nas mang po de dag la mang po'i tshig dang / gcig la gcig gi tshig gis zhes bya ba la skyon cung zad kyang ma mthong ngo / /khyed kyi ji ltar yin zhe na/ kho bo cag ni zhes bya ba la sogs pa smos te/sgra rnams brdar btags pa'i dbang gis btsun mo rnams dang byed ma dang 'od zer dang bla ma rnams zhes bya ba la sogs pa mang po'i tshig gis mang po med pa'i brjod par bya ba la 'jug ste/ de bzhin du med kyang grong khyer drug dang / rtsa ba drug dang / nags tshal zhes bya ba la sogs pa gcig gis mtha' can 'jug pa'i phyir mngon par zhen pa med pa kho na'o/ /'di'i 'di dag ni skyes bu'i bsam pa tsam la rag las pas 'jug pa'i sgra rnams la mngon par zhen par byed pa'i spro bas ci zhig bya zhes bya bar dgongs so//phyogs phyi mas phyogs snga mar byed pa ni/ gzugs la sogs pa sna tshogs pa la/ sgra gcig kun nas slong bar nus pa ma yin no zhes bya ba ni sna tshogs pa dang gcig pa'i 'brel pa mi rigs pa'o/ /'on te skyes bu dag gis zhes bya ba la sogs pa ni lan yin te/skyes bu 'jug pa'i 'dod pa'o/ /de la ltos pa med pa sngon yod pa rang nyid kyis ci ste sgra kun nas slong bar mi byed dam yang na skyes bu'i tha dad kyi don rnams la rnam pa 'ga' zhig kyang nges par mi sbyor ro zhes bya ba ni rnam par rtog pa gnyis pa yin no// /de la skyes bu nyid kyis de ji ltar 'dod pas nges par sbyor ba yin gyi/de ma yin na 'das pa la skye ba 'am ma mthong ba las tha dad pa 'am gzhan la yang nges par sbyor bar mi 'gyur ba'i phyir zhes bya bar dgongs so/ /des na skyes bu 'dod pas don la ltos pa med par sgra rang nyid slong bar byed par 'gyur ro/dngos po la nus pa yod pa 'am nus pa med pa bsal bar bya ba yin zhes bya ba ni tha dad pa med pa'o/ /yod pa nyid yin pa de ltar na rang nyid nye bar 'jog go zhe na/ de yang rigs pa ma yin no/ /de ma thag bshad pa'i rgyu rnam pa gsum gyis zhes bya bas dgongs so/ / de'i phyir skyes bus rnam pa gcig pa nyid la sogs pa med kyang sgra de dag nges par sbyor ba yin te/ skyes bu ji ltar 'dod pa gcig pa de las yang mang po'i tshig gi mtha' can dang du ma la yang gcig gi tshig gi mtha' can gyi sgra nges par sbyor ba'i phyir ro/ /gzugs la sogs pa sna tshogs pa sgra gcig kun nas slong bar nus pa ma yin no zhes bya ba 'di ni shin tu rmongs pa chen po dang ldan pa yin no snyam du dgongs nas de la de rnams kyi sgra la klan ka ci zhig yod de ci yang med do zhes bya'o//ji ltar sgra gcig don du ma la nges par sbyor bar 'dod pa yin zhe na/ rgyu mtshan gyis nges par sbyor bar bstan pa nyid do zhes bya ba smos so/ /de'i nus pa bstan pa'i phyir de la sgra gcig nges par sbyor bar 'gyur ro/ /'dir skabs yin no/ /bsnan pa gzhan yang zhes bya ba la sogs pa smos te/ rten du mngon par 'dod pa'i yan lag can gyi rdzas de la de dag ldan pa'i 'bras bar 'brel pa'i phyir ji ltar gcig dang gcig tu 'brel pa med de 'gal ba khas blangs pa'i phyir ro//de lta ma yin na sgra gcig la yang lhan cig par mi 'gyur ro zhes bya bar dgongs so/ /gzhan gyis smras pa kho bo ni gcig dang lhan cig 'brel par 'gal ba'i rgyu'i sgra gcig gzugs la sogs pa la mi 'dod pa yin te/'on te tha mi dad pa ma yin pa ni khyad par med pa'i gzugs la sogs pa'o/ /gang la zhe na/ bum pa dang zla ba dang snam bu la sogs pa 'di dag ni yul tha dad pa'i don byed pa ste/ chu 'dzin pa dang gos la sogs pas mtshon pa'o//de dang 'gal ba ltar de'i bum pa bstan pas sgra dang 'gal ba'i phyir ro/ /yang na de dag rten dang tha dad pa med pa de rdzas la tha dad pa med pa'i phyir ro/ /'di nyid gsal bar bya ba ni/ de gzugs la sogs pa de rnams rang bzhin gcig tu yod pa tshogs pa gzhan la bum pa la sogs pa chu 'dzin pa la sogs pa khyad par gyi don byed pa mi srid pa ma yin pa'i rgyu de'i phyir de'i don byed pa ma yin no//bstan pa'i ched du de'i don gyi bya ba byed par 'gyur ba'i sgra des kyang brjod par mi bya'o/ / sbyor ba yang gang dang gang las rang bzhin khyad par med pa dang de las de'i don gyis bya ba byed pa srid pa ma yin te/ dper na de nyid kyi rigs las zla bar rtogs pa'i gzugs la sogs pa bzhin no/ /de bzhin du bum par rtogs pa'i gzugs la sogs par yang zla bar rtogs pa'i gzugs la sogs pas las rang bzhin khyad par med pas zhes bya ba ni khyab byed mi dmigs pa'o//de bzhin du gzhan la yang sbyar bar bya'o zhes bya ba phyogs snga ma'i tshigs la 'dir lan ni/ 'gyur na zhes bya ba la sogs pa smos te 'dis ni gtan tshigs de ma grub par brjod pa yin no//'dir ni don 'di yin te/ gzugs la sogs pa dang zla ba la sogs pa rnams la tha mi dad pa yod pa ma yin te/ phan tshun dben pa'i ngo bo nyid du tshad mas yongs su bcad pa'i phyir ro/ /de ltar mngon sum du gyur na ni ci 'dod pa 'di dag dang btang snyoms su byed/ci ste ni mi bzod pa la dri ba'o/ /gdod pa med pa la bzod pa ma yin no zhes bya ba'i don to/ /gzhan yang bum pa dang zla ba la sogs pa rnams gzugs la sogs pa tha dad pa med pa yin no zhes bya ba ni 'dod pa'i brjod pa yin te/ci'i phyir zhe na/ gzugs la sogs pa dag la tshogs pa'i rdzas la mi ltos par rang gi rgyu'i stobs kyis rang bzhin tha dad par khas blangs pa'i phyir ro/ /des na 'di khas blangs pa'i sgo nas kyang ma grub par rigs par bya'o//snga ma ni mngon sum gyi sgo nas zhes bya lhag ma'o/ /sngar yang gzhan phrag dog gis smras pa/ gal te gzugs la sogs pa las gzhan nyid bum par gyur na cir 'gyur/ cung zad kyang nyes par mi 'gyur ro snyam du bsams pa'o/ /khyod de mi 'dod pa ni ma yin te/phrag dog gis yin no/ /'on kyang de tsam gyis ci zhig 'dir brjod par bya ba yod par 'gyur mod/ yan lag can de mngon sum du yod na na mig dang lus kyi dbang pos gzung bar bya ba khas blangs pa'i phyir gzugs la sogs pa ma yin pa'i ngo bo ni/ gzugs la sogs pa rtogs pa nyid la sogs pa rang bzhin spangs pa zhes bya ba'i don yin no//yon tan dang rdzas dag tha dad par khas blangs pa'i phyir ro/ /de tha dad pa ni gzugs la sogs pa'i rang bzhin las tha dad pa'o/ /blo ni mig dang lus kyi dbang po las skyes pa las snang ba la rag na cis bsgribs pa yin//gags byed pa 'ga' zhig kyang med pa'i don to/ /'ga' zhig shin tu gus pas dbang po ma nyams pas kyang spyod pa na sngon po dang mngar dri da ba dang / rtsub pa la sogs pa las tha dad pa de'i ngo bos dben pa'i ngo bo bum pa la sogs pa'i rdzas 'di 'dra na dmigs su med do zhes dgongs so//rnam phug gis smras pa/ gzugs la sogs pa gzung yang rdzas ma bzung ba yod pa yin te/ gang snang ba'i 'grib ci byung ba'i tshe gzugs la sogs pa mi dmigs pa yin la rdzas ni dmigs pa yin te/ ba lang dam rta'i gzugs su ma nges pa'i phyir ro//'on kyang de yang mtho yor tsam dmigs so zhe na/ dmigs pa ni bden na/ de'i bdag nyid ni ma yin te/ gzugs la sogs pa'i bdag nyid yin na/ sngon po dang ser po la sogs pa'i bye brag 'dzin par thal bar 'gyur ro/ /de bzhin du lcags kyi khrab kyi nang gi skyes bu'i gzugs la sogs pa ma bzung yang skyes bur shes pa mthong ba/nub mo'i chu skyar gyi dkar po'i gzugs la sogs pa ma bzung yang byar shes pas mthong ngo / /de bzhin du sngon po la sogs pa nye bar len pa tha dad pa'i rjes su byed pa'i nor bu shel gyi gzugs la sogs pa mi 'dzin kyang shel du shes so//de bzhin du tshon gyi ngo bos snyam bu'i gzugs la sogs pa zil gyis mnan pas snam bu'i gzugs ma bzung yang snam bur shes pas mthong ba yin no zhe na/ des na 'di thams cad ni bskal pa mang por bsags pa'i lta ba ngan pa goms pa las skyes pa blos rlom pa yin no zhes gsal bar byed pa'i don to//'di ltar re zhig 'di skad brjod pa yin te/ snang ba 'grib pas mi gsal ba dang mtshan mo sngon po la sogs pa'i nye bar len pa yod par 'gyur ba na de'i gzugs la sogs pa mi 'dzin rdzas dmigs pa yin no snyam na/de la brjod par bya ste/ de la ci 'dra ba zhig gis rdzas dmigs pa yin no zhe na/ snang ba nyid de snang ba mi dmigs pa yin no zhe na/ snang ba 'grib cing mi gsal ba'i tshe sngo skya'i gzugs de nye bar len pa'i gzugs kyang dmigs so//gzugs de de'i ngo bo ma yin na de ma thag tu bshad pa'i phyogs nyams par thal bar 'gyur ro/ /de dang nye ba'i logs na yod pa'i de ltar dmigs pa med cing gzhan gyi rnam pa'i blos kyang dngos po de rtogs pa ma yin te/ gang yang rung ba'i rnam par shes pa dngos po thams cad gcod pa thal bar 'gyur ba'i phyir ro//de'i phyir 'di ni 'khrul pa'i shes pa yin no/ /'khrul pa ni sa bon gyi rgyun babs pa 'am rgyu med pa'i dus su yul med pa nyid du da ltar snang bar 'grub ste/ zla ba gnyis pa'i shes pa bzhin du nye bar skye'o//gang gi phyir yul med du zin kyang so sor nges pa'i yul dang dus su 'byung bar 'gyur te/ rang gi nye bar len pa'i bag chags sad par byed pa'i phyir phyi rol gyi bdag po'i rkyen la ltos pa'i phyir ro/ /zla ba gnyis pa'i shes pa bzhin du 'khrul pa yin du zin kyang don la ma bslus te/khyad par can gyi bdag po'i rkyen yod pa'i phyir ro/ /nor bu'i 'od la nor bu bzhin du don la mi slu ba nyid ni yul med pa mi rigs pa nyid ni yin na rjes su dpag pa'i ma nges pa'i phyir ro/ /nor bu 'khrul pa de nyid ni rdzas la da ltar 'dzin pa de'i yul med par mi 'gyur ro zhe na/'o na de'i rdzas de dang de'i ngo bo ma yin pa gzhan gyi rnam pa rjes su 'brangs pa'i shes pa bzhin yongs su gcod pa ma yin no zhes bshad zin to/ /de ltar na yang yul dang bcas la ltos pa yang yul dang bcas pa yod par 'gyur ba nyid ni 'di ltar ut+pal la sogs pa de ltar snang ngo zhes kho bos kyang brjod par nus te/'khrul pa de the tshom gyi rgyu rnams med du zin kyang snang ba'i gnas skabs su rung ba'i yul na gnas pa dang / bsgribs pa med pa'i gnas skabs su de'i rdzas kyi bdag gzugs snang ba las tha dad pa ni mi dmigs la/skrag pa 'khrul ba'i the tshom gyi rgyu mtshan mun pas chod pa'i gnas skabs dang yul ring ba'i gnas skabs na sgrib pa dang bcas pa la yang de bzhin gyi rnam pa las tha dad par snang ba yin no zhes bya ba smos pa la su zhig gis brjod par nus/lcags kyi khrab kyi nang gi skyes bu'i shes pa ni mngon sum ma yin te/ 'on kyang rtags can yin no/ /'di ltar skyes bu'i lus kyi cha shas la brten pa'i stobs las byung ba'i khyad par gyi dbyibs su rnam par gnas pa khrab can mthong ba las 'bras bu'i rtags kyi shes pa 'brel pa dran pa ltos nas rgyur gyur pa'i rnam pa de lta bu yin no zhe na/de ma thag pa'i shes pa skye bar 'gyur ba ma yin pa bsgrub pa yin no/ /de nyid kyi phyir gsal ba'i rnam pa dang bcas par rtogs pa gang yin zhes the tshom za bar 'gyur ro//rnam pa de lta bu'i khrab can gyi dbyibs las skyes pa ni gzugs la sogs pa nyid du rgyur 'gyur gyi yan lag can gyi rdzas las ni ma yin no/ /de la ma grub pas ma grub pa'i rnam pa gnyis las khas blangs par mi rigs kyi gzugs la sogs pa ni mngon sum dang mi dmigs pa dag gi rgyu dang 'bras bur grub pa de dag nyid las de bzhin du dbyibs nye bar gnas pa'i phyir ro//snam bu yang le brtan dang btsod ka la sogs par bsgyur bas don gzhan nyid de las de bzhin du skye bar mthong gi sna tshogs pa'i rdzas dag dang 'dres pa'i dbyer med pa las de bzhin du mi dmigs so//de'i rdzas rgyun gnas pa'i rgyu rgyun chad na de ldog pa yin te/ nye bar len pa'i rgyu la ltos nas chu dang med la sogs pa gzhan skye ba'i phyir ro/ /'dis ni lcags gong dang mi dag de'i ngo bor 'dzin pa'i shes pas mthong zhes bya ba de yang gsal ba yin no//de ltar na rdzas de mngon sum gyis ma grub par bshad nas ba lang dang rta dang / ma he dang phag dang phye ma leb la yid gnyis 'byung ba'i rten gzugs las tha dad par brjod do/ /dbang po nyid du gyur pas gzugs la sogs pa 'dzin pa phyi rol du dbang pos mi gcod pa'i phyir/bde ba la sogs pa bzhin no zhes bya ba de yang bsal bar bya'o/ /sbyor ba yang gang dang gang snang ba las tha dad pa ma dmigs pa de dang de ni tha dad par khas blang bar mi bya 'am med pa yin no zhes khas blang bar bya ste/ dper na mi'i mgo'i rwa bzhin no/ /sngon po la sogs pa yang tha dad pa'i spyi'i dang bye brag dang ldan pa rnal ma dbye ba gzhan dang gzhan ma yin pa la sogs pa mi dmigs pas zhes bya ba'i khyab par byed pa mi dmigs pa'o/ /ma grub pa ni ma yin te/ snang ba nyid du rang nyid kyis khas blangs pa'i phyir ro//de bzhin du gzugs la sogs pa'i don rnam pa lnga las tha dad pa'i rdzas khas len pa ni dmigs pa'i rig byar gyur pa nyid du khas blangs pa ni sngon po la sogs pa'i kha dog gi gzugs spangs pa'i phyir sgra dang dri dang ro bzhin du mig gi shes pas nges pa ma yin no//reg bya la brten pa'i shes pa nyid kyi rtogs pa ni ma yin te/ snang ba nyid du khas blangs pa nyid rtsub mo la sogs pa'i rang bzhin dang bral bas sgra la sogs pa bzhin no/ /kha dog sngon po'i gzugs la sogs pa las tha dad pa so sor snang bar thal bar 'gyur ba ni gnod pa can gyi tshad ma'o//spyi la sogs pa'i tshad ma rnam pa gnyis kyi gtan tshigs la ma nges pa ma yin te/ de dag med pa'i tha snyad kyi yul nyid du sngar bsgrubs zin pa'i phyir ro/ /thams cad bsdus nas khyab pa nyid du sgrub pa'i gtan tshigs kyi khyad par bstan pa yin no//yang na gal te mig dang reg bya'i shes pa dag gis tha mi dad pa'i rdzas nyid yul ma yin te/ tha dad pa'i rnal ma'i rjes su byed pa'i phyir sgra dang dri'i shes pa bzhin no/ /de bzhin du rdzas kyang dbang po gnyis kyi gzung bya yin pas zhes bya ba des bsal ba yin no//yul gcig pa nyid med par thal bar 'gyur ba gnod pa can gyi tshad ma ste/ snang ba'i pa brjod pa'i phyir ro/ /gtan tshigs ma grub pa yang yin te/ mig gi rnam par shes pa'i kha dog gi so sor snang ba nyid dang reg bya'i rnam par shes pa rtsub mo la sogs pa so sor snang ba nyid kyi rang rig pa'i mngon sum gyis grub pa'i phyir ro//de lta na gal te rtsub mo la sogs pa la brten par brjod pa de'i tshe grub pa la sgrub pa nyid do/ /'on te nying po la sogs pa'i rdzas yin pa de'i tshe gtan tshigs ma grub pa yin te/gang gi phyir mig gis mthong ba'i ring po dang thung du dang lham pa dang zlum po dag yin no/ /zhes lus kyi shes pas kyang ma mthong ba yin no zhe na/ de ni de lta ma yin te/ 'di ltar ring po la sogs pa shes pa ni lus kyi dbang po las shes pa ma yin te/de ltar rtogs pa yin na kha dog kyang de la snang bar 'gyur ba'i phyir ro/ /reg bya la brten pa'i shes pa nyid la kha dog snang bar rigs pa ma yin te/ de ni mig gi rnam par shes pa'i yul yin pa'i phyir ro/ /rtsub mo la sogs pa nyid la snang bar thal bar 'gyur ba de'i phyir gzugs dang reg bya'i shes pa'i rjes su 'gro ba'i yin ni dran pa'i rnam par rtog pa ste/de skad du mig dang lus dag ji ltar rang gi yul tha dad pa la dmigs pa las gzhan pa de dang lhan cig rgyu ba spyi'i yul la dran pa tha mi dad pa'i shes pa yin no zhes bshad do/ /khyab par byed pa dang 'gal ba dmigs pa yin no//byis pa'i brjod pa 'ga' las gus pa ci zhig bya ste/ 'dir re zhig bkag pa ni gzhag pa yin no/ /gzhan dag gi gzugs la sogs pas rdzas tha dad pa'i phyir dang / snang ba de sngon po la sogs pa bzhin du tha dad par snang ba yin te/dbang po'i yul gcig gis gzung bar bya ba yin pa'i phyir ro/ /de bzhin du 'dir yang yin no zhes bya bar 'dod pa ni brdzun te/ de bzhin du 'di sngon po dri zhib mos mngar ba'o/ /'di rtsub pa'o/ /zhes so sor snang ba tha dad pa zhes bya bar smos so/ /mngon sum la don snang ba tha dad pa med kyang 'gyur ro//gang yin zhe na/ de gzugs la sogs pa ste/ 'di dag 'jig rten la grags pa bshad pa yin no/ /de dag yul tha dad pa med pa yang ma yin te/ thigs pa dang bcas pa rnam pa bcur yod pa brjod pa'i phyir ro/ /de ltar na dbang po gcig gis gzung bar bya ba yin pa nyid du zin kyang rlung dang tsha ba'i rigs bya ba la sogs pa ni ci rigs par 'di lan yin no//'dis kyang gtan tshigs la nges pa nyid du brjod pa yin no/ /chos can dang 'brel par khas blangs su zin kyang dbang po gcig gi yul yin pa nyid du ma nges par bshad pa dang /'di dag la yod pa ma yin pas phyogs gcig la ma grub pa yin te/ dri mngar ba la sogs pa rdzas 'dzin par byed par dbang po gang gis ji ltar gzung bar bya ba yin/ rdzas dbang po thams cad kyis thal bar 'gyur ro/ / snang ba dang sngon po la sogs pa tha mi dad pa kho na yin te/ gang gi phyir sgron ma dang nye ba las gsal ba'i ngo bo nyid kyi rnam pa de lta bu'i rang bzhin gyi yul can du skye bar 'gyur ro/ /de dag tha dad pa yod pa ma yin pas des sgrub pas stong pa yin no zhes bsams pa yin no//khyed kyis 'di mngon sum nyid du khas blang bar bya'o/ /de lta ma yin na mngon sum nyid du mi 'grub po/ /ci'i phyir zhe na/ gang gi phyir de bzhin du zhes bya ba la sogs pa ni go sla'o/ /khyed kyis bum pa 'di gzugs la sogs pa las tha dad par khas blangs pas ci'i 'di rin med par 'tshong bar byed dam/'dis kyang de 'jig rten tha dad pa 'di 'dra bar 'gyur ro zhes bshad de/ de'i rang gi ngo bo khyad par du ston par so sor mi snang ba'i phyir ro/ /rang nyid mngon sum du byed par 'dod pa yin te/ rdzas ni mthong ba dang reg pa yin no zhes grub pa'i mtha' las bshad pa'i phyir ro//de ltar bdag nyid 'di rgyun tu dga' ba'i gnyen bshes kyis shes par 'gyur ro zhes kha bskang ngo / /rin med par 'tshong bar 'dod pa yod pa ni rin la 'tshong ba de lta bu yin no zhes bya ba med pa'o/ yang na 'tshong ba'i ngang tshul can gang yin pa 'di ni rin med pa de ltar 'tshong ba yin no/ /'di ji ltar yin zhe na/ gang mngon sum nyid du zhes bya ba la sogs pa smos so/ /rin med par yang rang ngo bo 'jog pa ni bzhad gad du byed pa'o/ /blo dgra dag yod pas gzugs la sogs pa ldan pa'i bum pa gcig yod pa nyid ma yin nam/'di byed pa nyid yin no zhes bya ba la de ji ltar yin zhe na/ de dag gis blo dang sgra tha dad pa yang bshad pa yin no/ /thams cad kyis ma yin no zhes bya ba la sogs pa'i sgras ni tha dad pa dang tha mi dad pa dang rgyu dag go//gal te blo dang sgra la sogs pa de dag gis rdzas de sgrub par 'dod pa ni grub par ro/ /rdzas 'di so sor snang bar gyur du zin kyang lan tshwa'i ro rnams zil gyis mnan pa'i khaN+Da'i ro bzhin du nye bar mi rtogs pa des na de sgrub par byed pa'i rtags brjod par bya'o zhe na/bshad pa/ mngon sum gyi ngo bo mi mthong ba ni rigs pa ma yin te/ rdzas gzhan gyis zil gyis ma mnan pas so/ /zil gyis mnan pa yin na ni rigs te/ dper na khaN+Da'i ro bzhin no/ /'dir yang cung zad cig zil gyis non pa med pa'i phyir ro//sngon po la sogs pa rnams yod do zhe na/ ma yin te/ rdzas du ma dang ldan pa'i chen po'i ngo bo nyid nye bar dmigs pa de bzhin du gzugs kyis 'dus ma byas pa'i rlung ni mi dmigs so zhes brjod pa de yang mi mthong ba'i de dag kyang mi mthong bar thal bar 'gyur ro//des na thams cad mi rtogs par 'jig rten gyi tha snyad 'chad par 'gyur ro zhes bya ba dgongs so/ /gang gis yan lag can de mi rtogs na sgrub par byed pa'i rtags brjod par bya ba'o/ /de dngos po sgrub par byed pa'i rtags khas blang bar bya zhing nye bar gzung bar bya ba yin na de go bar byed pa'i rtags ni cung zad cig kyang med do zhes de skad du sngar bshad do//de rtogs par byed pa'i tshad ma yod na de yang yod pa yin no zhes na/ mngon sum nyid med pa la tshad ma ma yin pas yod par khas blangs par rigs pa ma yin no zhes bya bar smos so//tshad ma ma yin pa 'dis mngon sum las tha dad par sgrub par byed pa'i tshad ma med par bshad pa gang dang gang sgrub par byed pa'i tshad ma med pa de dang de ni yod par khas blang bar bya ba ste/ dper na nam mkha'i pad+ma bzhin no//yan lag can yang yod par sgrub par byed pa'i tshad ma med pas yod pa'i tha snyad du byed pa'i dgag pa'i 'bras bu can gyis mi dmigs pa yin par dgongs so/ /de ltar rdzas gcig med pa rgya cher bstan nas rnal ma'i mjug bsdu ba ni/ des na zhes bya ba la sogs pa'o//de lta na de srid du zhes bya ba ni rtsa ba'i skabs kyi mjug bsdu ba yin no/ /de nyid kyi phyir de dag blo la sogs pa ldog pa ni mdo la sogs pa de dag ldog pa med do/ /gang dang gang yod pa de dag sgrub par byed pa ma yin pa de ji ltar ldog par 'gyur zhing de med par sgrub par byed par 'dod par 'gyur zhes dgongs so//gal te blo la sogs pa yod pa de tha dad pa dang tha dad pa ma yin pa'i sgrub par mi byed kyi don byed pa sgrub par byed par 'gyur ro zhe na bshad pa/ don byed pa yod pas na tha snyad du 'gyur ro zhes bya'o//de rtogs pa'i phyir yod pa yin no zhes bya bar dgongs so/ /'dis 'u bu cag la 'dir mtshungs par mthong bar 'gyur gyi gzhan du rtsod par 'gyur ro/ /bshad pa tha dad pa dang tha dad pa ma yin pa yod pa'i tha snyad du mi 'gyur ro/ /gcig gis kyang don du ma byed par mthong ba'i phyir ro//'o na rkyen gcig gis skye ba ni cung zad kyang yod pa ma yin na de ji ltar de skad bshad ce na/ bden te/ gcig kyang tshogs pa mang po dang 'brel ba 'di las don du ma byed par bshad pa yin no/ /de skad du/ tshogs pa las ni thams cad 'byung / gcig las gcig ni cung zad med/ /tshogs pa gcig par gyur na yang / de ni du ma byed par bshad/ /ces bshad do/ /ji lta bu zhe na/ dper na mar me gcig gi rnam par shes pa dang sdong bu'i rnam par 'gyur ba dang 'bar ba zhes dngos po gzhan du rgyu dang 'brel ba'i skad cig ma gzhan skye ba yin te/de nyid yod pa'i tha snyad du byed pa tha dad pa'i dngos po'i rgyu yin pa'i phyir ro/ /ji ltar gcig las du ma'i 'bras bu skye ba'i yin no zhe na/ 'di 'dra ba'i gcig pa las 'bras bu du ba bskyed pa la brten pa khyad par du gyur ba'i ngo bo dang ldan par rang gi rgyu las skyes pa'i phyir ro zhes bya ba dngos po'i tshul de nyid rigs pa yin no//de ltar mig la sogs pa du ma las kyang rnam par shes pa gcig bskyed par mthong ba'i phyir ro/ /tha mi dad pa'i tha snyad du 'gyur ba'i rgyu ni 'di yin no/ /gzegs zan gyis phyin ci log tu gyur pa'i blos smras pa/mi smra ba'i zhes bya ba la sogs pa'o/ /'on kyang ma mthong ba'i don byed pa tha dad pa'i sgo nas yod pa tha dad pa yin no zhes bya bar gnas so/ /de nyid bsal bar bya ba ni gang don byed par sbrang rtsi'i bza' ba la sogs pa'i mtshan nyid do/ /de la snam bu la sogs pa la mthong ba'i yod pa dang /bum pa la sogs pa gzhan du mthong ba des ni rnam pa de lta bu yod pa tha dad par sgrub par byed pa'o/ /bum pa la sogs pa de dag ni khyab pa smra ba pa yin no/ /ci lta bu zhe na/ dper na snam bu la chu 'dzin pa la sogs pa'i don byed pa ma mthong ba la bum pa ma mthong bar 'gyur ba ni yod pa tha dad pa sgrub par byed do zhes snal ma dang sbyar ro//'di dag ni dper brjod pa'o/ /snal ma dag la gos la sogs pa'i don byed pa ma mthong ba la gzhan mthong ngo zhes bya ba 'di ni phyogs kyi chos nye bar bstan pa yin no zhes bya ba ni yod pa tha dad pa snal ma dang snam bu ma grub bo zhes bya ba ni lhag ma'o//des ni 'di bsgrubs pa'i 'bras bur bshad do/ /'di ni rang bzhin gyi gtan tshigs yin no/ /gang gi phyir de ma mthong ba'i don byed pa'i rgyus yod pa tha dad pa dang 'dir rjes su 'brel to zhe na/des ni 'di'i snal ma snam bu gzhan nyid du grub mod kyi/ yan lag can don gzhan du grub pa ma yin no snyam du slob dpon gyis dgongs nas/ de ltar grub pa yin mod ces bya ba smos te/ snal ma dang snam bu yod pa tha dad pa zhes bya ba snal ma'o/ /khyed la 'dod pa'i don grub pa yod pa ma yin no zhes bya bar dgongs nas bshad pa/de ltar don gzhan pa'i yan lag can bsgrub pa ma yin te/ 'di ci'i phyir zhe na/ dper na rkyen gyis 'di 'dus byas pa'i rang bzhin la tha dad pa skyed pa'i phyir ro/ /rgyus don byed par tha dad pa gos la sogs pa'i mtshan nyid yin no//'di skad ston pa yin te/ /snal ma bsdoms par bya ba nye bar len pa'i rgyur gyur pa tha ga la sogs pa'i lhan cig byed pa'i rkyen las khyad par can gyi dbyibs rgyun mi 'chad pa snal ma las skye'o/ /gos la sogs pa'i don byed pa la nye bar sbyor ba gang yin pa de ni snga ma las snam bu gzhan nyid du kho bo cag 'dod pa yin no//khyad par can gyi dbyibs rgyun mi 'chad pa ni ma yin pas don gzhan la yan lag can du 'dod pa 'di spangs pa yin la/ 'dis ni rnam phug pa'i snga ma dang phyi mar 'jug pa nyid la sogs pa bshad pa de yang bsal ba yin no//de'i sgrub par byed pa'ang spangs pa'i rig par bya'o/ /kho bo cag ni rgya cher bkag zin pas yang brjod par mi byed do/ /ji lta bu yin zhe na/ rkyen gyi dbang gis rang bzhin khyad par can du skyed pa'i don byed pa tha dad pa yin no snyam nas bshad pa/gtsub shing gis gtsubs pa'i gnas skabs tha dad pa las zhes bya ba sogs pa ni go sla'o/ /dpe bstan nas don bstan pa ni/ /de bzhin de zhes bya ba la sogs pa smos te/ 'dis ni rkyen ji lta ba bzhin rang bzhin tha dad pa'i don gcig skyed par byed do//'o na snal ma dang snam bu zhes bya ba smos te/ blo dang sgra tha dad pa las ji ltar 'di gzhan pa nyid med pa yin zhe na/ de dgag par bya'o snyam du dgongs nas bshad pa de dag gis ni blo dang sgra tha dad pa yang bshad pa yin no zhes bya ba'o//de la sngar gang bshad pa de ltar gnas pa de'i phyir yod pa tha snyad grub par gyur pa ldog pa ni don byed pa ldog pa'i tha snyad du bya ba yod pa yin no zhe na/ 'di ni bden te/ de tsam zhig sma'i/ de nyid don byed pa log pa yin te/ dmigs pa'i rig byar ma gyur pa dag gis ni 'grub par mi 'gyur ro//'di dmigs pa'i rig byar gyur pa las mi dmigs pa gang yin pa mi 'dod pa de ni don nus pa'i yod par mi 'gyur ba zhig na/ khyed kyis ji ltar rtogs par 'gyur/ /mi dmigs pa tsam ni brjod par mi rigs te de 'khrul ba'i phyir de ni mi 'dod pa yang 'ong bar 'gyur ro//khyed kyis don byed pa 'di dmigs pa'i rig byar gyur pa dang yod pa las mi dmigs pa gang yin pa de ni med par tha snyad kyi yul yin te/ ci zhe na/ yod pa zhes bya ba nus pa'i mtshan nyid kyi phyir ro/ /de lta yin na skyon ci yod ce na/bshad pa de lta na yang kho bos brjod pa snga ma las 'di khyad par ci yod/ de dmigs par bya ba ma dmigs pa'i phyir nus pa 'di ma dmigs so zhes bya ba khyed kyis btags pa yin no/ /de'i rang bzhin mi dmigs par 'dod par gyur kyang gang gi nus pa yin zhe na/de'i zhes bya ba la sogs pa smos te/ de ltar de'i nus pa mi dmigs pa gang yin pa de ni rang bzhin kho na yin no/ /de'i phyir snga ma'i rang bzhin mi dmigs pa 'di nus pa mi dmigs pas so/ /de bas na snang du rung ba mi dmigs pa nyid med pa'i tha snyad sgrub pa yin no zhes bya ba 'di gnas so//gang gi phyir de lta yin pa de'i phyir 'dis dgos pa 'ga' zhig gis ri bong gi rwa la sogs pa med pa'i tha snyad du bya bar khas len pa ni/ snang ba mi dmigs pas khas blang bar bya'o/ /gzhan du na blta bar bya ba'i thabs med par 'gyur ro zhes bya bar dgongs so//des na mi dmigs pa de ni spyi dang khyad par dang ldan pa dang yan lag can gyi rdzas la sogs pa gzhan yang rnam pa de lta bus dmigs pa'i rig byar gyur par khyad par med pa'i phyir ro/ /spyi dang khyad par la sogs pa de bzhin du med pa'i tha snyad kyi yul nyid du 'gyur ro zhes bya ba'i don to//spyi dang bye brag la sogs pa 'di lta bu'i mi dmigs pa yin yang med pa'i tha snyad kyi yul du mi 'gyur ro zhe na/ bshad pa 'ga' zhig tu ma yin te/ khyad par med pa'i phyir med pa'i tha snyad bya bar khas blang bar bya'o//ci'i phyir zhe na/ khyad par med pa'i phyir ro/ 'dir mi dmigs pa gnyi ga'i don la yang mi dmigs pa de'i rgyu mtshan mtshungs pa'i gtan tshigs kyis bsal te spyi la sogs pa la khas blangs pa la yang med pa'i tha snyad du bya'o/ /'on te gzhan du yang khas len na med pa'i gtan tshigs su khyad par med pa'i phyir zhes sngar bshad pa nyid yin no//'ga' zhig med par khas len pa de'i mtshan nyid la khyad par med par dran par byed do/ /de'i phyir mi dmigs pa'i rnam pa de lta bu thams cad ni med pa'i tha snyad kyi yul no zhes bya bas khyab pa'o//mi dmigs pa'i yul du grub pa'o/ /ser skyas sgra thams cad kyi bdag nyid yin no/ /de lta ma yin na gal te 'jim pa'i gong bu dang 'o ma dang sa las bum pa dang zho dang myu gu la sogs pa'i nus pa'i bdag nyid med pa kho na yin no//de ji ltar de las de dag skye bar 'gyur/ ri bong gi rwa dang rta'i rwa med pa ni de la skye ba med do/ /de ltar na 'ga' zhig gi bum pa la sogs pa la'o/ /'ga' zhig tu ni yul la sogs pa'o/ /rnam pa 'ga' zhig ni dbyibs kyi khyad par la sogs pa snang du rung ba'i yod pa'i mi dmigs su zin kyang med pa'i tha snyad kyi yul ma yin no zhes de dag gi dogs pas gal te zhes bya ba la sogs pa ste/rtswa mchog rtse la glang chen brgya/ /sngon chad ma mthong yod do zhes/ /de skad grangs can phyugs las gzhan//ngo mtshar bcas pas su brjod rtsol/ /zhes dgongs nas thams cad ces bya ba la sogs pa smos te/ gang gi tshe ma mthong ba de la yod pa yin pa de'i tshe thams cad ni 'o ma la sogs pa'o/ /thams cad ni bum pa la sogs pa'i ngo bo'i rjes su byed pa'i phyir de bsgrub par bya ba'i don gyi bya ba byed par 'gyur ro zhes bya ba'i don to//gzhan yang 'di gzhan las ma yin te/ zho la sogs pa 'bras bur 'dod pa ni 'o ma la sogs pa las 'byung gi chu la sogs pa las ma yin no/ /yang na 'di ni chos la sogs pa ste sbrang rtsi la sogs pa ma yin no//de bzhin du gur gum la sogs pa 'di ni kha che ba'i yul 'di ni yin gyi/ /'di ma la ya la sogs pa'i yul 'di ma lags te/ yang na tsan dan la sogs pa'i 'di ni ma yin no/ /kun da la sogs pa dgun smad kyi dus 'di'i tshe yin gyi sos ka'i dus 'di'i tshe na ma yin no//yang na pad+ma la sogs pa 'di'i tshe ma yin no/ /de bzhin du khaN+Da la sogs pa mngar ba la sogs pa'i yon tan khyad par can 'di lta bu yin gyi 'di rtsa ba la sogs pa'i ngo bo 'di lta bu ma yin no/ /yang na 'di ni ma la ya la sogs pa 'di lta bu ma yin no zhes bshad par bya'o//ci'i phyir 'di dag de lta bu yin zhe na/ 'ga' zhig gis zhes bya ba la sogs smos te/ rnam pa de lta bu mngar ba'i ngo bo 'di med pa yin no/ /tha dad pa'i dngos po gang yin pa de'i rgyu med pa'i phyir ro/ /thams cad du thams cad ngo bo rnams kyi thams cad kyi tshe 'di la 'jug par 'gyur ro zhes bya bar dgongs so//'o na de ma thag tu bshad pa'i dngos po nyid 'di ni thams cad kyi tshe don byed pa yin no zhes bya ba de yang de ma thag tu bshad pa'i dngos po nyid 'di 'dir ci zhig bya/ 'di dag btags pa la 'thag pas chog go zhe na/bden te/ rgyur gyur pa'i byed pa sngar bshad nas/ da ni 'bras bur gyur pa khyad par yin pas skyon med do/ /'di yang skyon gzhan gyi sgo nas tshig lhag ma bstan pa yin no/ /des na dngos po tha dad pa med pa'i phyir gang la rjes su 'gro ba dang 'ong ba dag med par 'gyur ro zhes sbyar ro//'di 'dir yod do zhes bya ba la sogs pa'i rjes su 'gro ba'o/ /med do zhes bya ba ni ldog pa'o/ /gzhan gyi smras pa/ gnas skabs zhes bya ba la sogs pa ste 'di skad ston pa yin te/ gang dang gang la 'jug pa de dang de ni de la yod pa yin no zhes bya bas kha bskang ste/gang dang gang 'jug pa de ni de la yod pa ma yin no zhes bya ba 'di skyon ma yin no/ /slob dpon gyis de nyid ces bya ba la sogs pa'o/ /de nyid kyi gnas skabs ldog par tha dad par mi 'gyur ro zhes bya ba khyed cag gi lta ltar ma yin te/ ci'i phyir zhe na/yul thams cad la yod pa'i tha snyad med pa'i phyir ro/ /de lta na yang yul 'ga' zhig la med pa'i tha snyad du 'dod de de'i tshe de'i rgyu rnams khyed kyis brjod dgos so snyam nas/ 'ga' zhig ces bya ba smos so/ /'ga' zhig la gzhan gyis yongs su brtags pa'i ldog pa 'dis yan lag can la sogs pa la med pa'i tha snyad du khas blang bar bya'o//yul 'ga' zhig la sogs pa smos te/ ci'i phyir zhe na/ gang gi tshe dmigs pa las gzhan med par rnam par gcod pa'i gtan tshigs ni yod pa ma yin te/ /sgrub par byed pa zhes bya ba lhag ma'o//de yang khyod 'dod pa yin no zhes bya bar dgongs so/ /ci'i phyir zhe na/ gang gi tshe de ltar sgrub pa'i dngos po ni 'gal ba dmigs pa la sogs pa'o/ /dgag pa ni khyab par byed pa mi dmigs pa la sogs pa'o/ /rnam par gcod pa ni thams cad du yang mi dmigs pa kho nas sgrub par byed pa'o//'on kyang kho bo yang mi dmigs pa 'di nyid las rnam par gcod pa bsgrub par bya ba yin no zhes brjod pa da 'dir yang brjod par bya'o zhe na/ bshad pa ma dmigs pa de gang la yod de thams cad med pa'i tha snyad kyi yul zhes brjod par bya'o//ci'i phyir zhe na/ khyad par med pa'i phyir ro/ /de bzhin du bum pa la sogs pa yang yul gyi khyad par 'ga' zhig tu med pa'i tha snyad kyi yul du 'grub bo/ /rnam pa de lta bu mi dmigs pa 'dir yang mi dmigs par 'gyur na/'ga' zhig tu 'ga' zhig dmigs su zin kyang med pa'i tha snyad kyi yul du de mi 'gyur ro/ /ci ste brjod ces dgongs so/ /de lta ma yin na yan lag can 'di la med pa'i tha snyad du mi 'gyur ro zhes bya ba'i don to/ /pha rol po gal tshad ma thams cad ldog pa zhes bya la sogs pa'o//ma dmigs pa las rnam par gcod pa'i gtan tshigs yod pa yin no zhes bya ba de ltar na yang 'ga' zhig tu bum pa yang med pa'i tha snyad kyi yul du mi 'gyur te/ lung dang rjes su dpag pa'i tshad ma thams cad log pas med pa'i phyir ro zhes sems pa yin no//ci'i phyir zhe na/ 'di yang shes rab che zhing mkhas pas bsgrubs pa yin no zhes khyed 'dod do/ /shes rab shin tu gzhon pa zhes bya ba la sogs pa ni bzhad gad do/ /tshad mas rnam par gcod pa na nyon mongs pa mi bzod pa ni shes rab gzhon pa'i rgyu yin no//mi rigs pa 'dir ci zhig bshad/ kho bo cag la gang gis na bzhad gad du byed ce na/ gus pa mi byed pa zhes bya ba la sogs pa smos te/ stsogs pa'i sgra ni mtshungs par yongs su gzung ngo / /'khrul ba ni sngar bshad zin to/ /srog chags thams cad kyi mngon sum log pa de lta na rtogs par 'gyur ro zhe na/bshad pa thams cad kyi mngon par log pa ni ma yin te/ ci'i phyir zhe na/ ma grub pa'i phyir ro/ /bdag dang gzhan dag gis ma rtogs so zhes bya ba'i don to/ /'di thams cad kyis mngon sum gyi log pa de ltar na rtogs par byed do zhe na/bdag nyid kyis mngon sum log pas kyang ma yin te zhes bya ba smos te/ kyang gi sgra ni sngar bshad pa 'ba' zhig gis ma yin pa'o/ /ldog pa khyad par med pa ni ldog pa khyad par med pa ste/ bdag nyid kyis mngon sum log pa khyad par med pa ni bdag nyid mngon sum log pa khyad par med pa zhes rim gyis bstan to//rgyu gzhan ma lus pa nye ba yin yang bskal ba rnams gsum la bdag nyid kyis mngon sum ldog pa yin la/ /bskal ba ma yin pa ni med pa go bar byed pa yin no zhes brjod pa na khyad par med pa'i skal ba brjod pa yin no//gang gi phyir tshad ma thams cad ldog pa dag gis med pa'i tha snyad kyi gtan tshigs ma yin pa de'i phyir rang bzhin khyad par can ni bskal ba rnam pa gsum gyis ma bskal ba'i dngos po'o/ /tshad ma dang nye bar gyur pa ma lus pa dang de las gzhan dbang po la sogs pa'i rgyu las byung ba'i mngon sum gyis med pa'i tha snyad nges par byed par bstan te yang dag par sgrub pa'o//ji skad bshad pa'i tshad ma de nyid log pas de'i rang bzhin khyad par can gyi med pa tha snyad rab tu sgrub par byed do//nges par gzung ba ni rjes su dpag pa'i go bar byed pa la sogs pa de rnam par gcod pa yin no/ /de ci'i phyir zhe na/ de'i rang bzhin khyad par can gyi yod pa'i rang bzhin gyis so/ /ji skad bshad pa'i tshad ma gang yin pa des yod pa 'di la khyab pa yin no//ci'i phyir zhe na/ 'di ltar gang la de 'dra'i don yin pa de la nges pa de yang tshad ma las 'gyur ba yin te/ nus pa'i rgyu las 'bras bu 'khrul ba med pa'i phyir ro/ /'di ltar shing dang sha pa bzhin du de'i tshad ma khyad par byed pa yin pas de ldog na de yang ldog par 'gyur te//'dis ni ji skad bshad pa'i mi dmigs pa la sogs pa'i mjug bsdu ba bshad pa yin no/ /dmigs pa'i rig byar gyur pa yin du chug kyang 'o ma la sogs pa la zho la sogs pa mngon sum gyis mi dmigs so/ /'on kyang rjes su dpag pa la nus pa med pa las mi skye ba yin pa des na de ldog kyang med pa'i tha snyad kyi yul du de mi 'gyur ro zhe na/ma yin gyi zhes bya ba la sogs pa smos so/ /gang gis gzhan dmigs pa nyid kyi rjes su dpag pas 'di mi dmigs par 'gyur ro/ /gzhan mi dmigs pa las kyang ci ste sbyor bar mi byed ce na de'i rang bzhin zhes bya ba la sogs pa smos te/yang gi sgra ni gang gi phyir gyi don to/ /de'i rang bzhin dmigs pa'i rig byar gyur pa gzhan du gyur pa ni 'phos pa'o/ /de'i de ma thag tu mngon sum du de ma gyur ba mi rigs so/ / zhes bya ba lhag ma'o/ /'dis ni mngon sum de nyid de mi dmigs pa la ltos nas gtan tshigs 'ga' zhig gis med pa la sogs ba sgrub par byed do/ /sbyor ba yang gang gi tshe ma lus pa nye ba'i nus pa dang 'brel ba'i rgyu yin pa de ni de'i tshe 'byung bar 'gyur ba nyid dang ltos par mi 'gyur te/dper na nus pa thogs pa med pa'i tshogs pa'i rgyu las byung ba'i myu gu bzhin no/ /de bzhin du 'o ma la sogs pa'i gnas skabs la yang ji skad bshad pa'i phyogs kyi chos dang ldan pas zho la sogs pa'i yul la rnam par shes pa 'byung bar 'gyur ro zhes bya ba ni rang bzhin gyi gtan tshigs so//gnyis pa'i bsgrub bya la ltos nas khyab par byed pa dang 'gal bar dmigs pa'o/ /rnam pa gzhan nyid du de 'gyur bas 'di'i gtan tshigs yin no/ /bshad pa rnam pa gzhan du yod par 'dod na zhes bya ba la sogs pa de nyid dmigs pa'i rig byar gyur pa mi 'gyur te/snga ma'i ngo bo nyid 'phos pa'i phyir ro/ /de lta na yang de'i ngo bo rgyun mi 'chad par 'jig par thal bar 'gyur ro/ /gzhan yang zhes bya ba la sogs pas skyon bsags par bya ste/ gang gi phyir dngos po 'di ma skyes shing 'jigs pa med pa'i ngo bo khyad par 'di yin no zhes bya bar sbyar ro//btags pa'i ngo bo gcig pa'i ngo bo yin pa'i phyir ro/ /rdzas gzhan gyis bar du chod pa dang ring po na gnas pa dag kyang / mngon sum dang mngon sum ma yin pa nyid la sogs par 'gyur ro zhe na/ bar du chod pa med pa dang ring po ma yin pa dang gnas pa zhes bya ba la sogs pa smos te/bar du chod pa dang ring po na gnas pa 'di yod pa ma yin pa zhes bya bar sbyar ro/ /dpe la las bar du chod pa med pa dang ring po ma yin pa ni gnas pa zhes 'don to/ /de la bar du chod pa med pa dang ring po na gnas pa ma yin pa zhes dgag pa'i tshig re re zhing bsdu ba bya ba nas/phyis ni khyad par gyi bsdu ba bya'o/ /gcig kyang skyes bu 'ga' zhig la ltos nas mngon sum ma yin pa la 'gal ba med pa nyid do zhes na/ de nyid kyi zhes bya ba smos so/ /de yang dmigs phye ba la sogs pa'i gnas skabs la sogs pa'i mngon sum du gyur pa/gzhan la mngon sum ma yin pas ci zhig nyams na/ dbang po la sogs pa'i gnas de nyid ces bya ba smos te/ 'di dbang po ma nyams pa de'i gnas skabs yin zhes bya bar sbyar ro/ /sogs pa smos pa ni yid mkhyen pa la spangs pa yin no//res 'ga' zhig mngon sum par gsal ba'i dus su mngon sum yin pa dang / res 'ga' mngon par mi gsal ba'i tshe mngon sum ma yin no/ /gang gis mngon sum dang mngon sum ma yin pa nyid ni res 'ga' nus pa med pas mi skye ba rjes su dpag pa yin pa dang /res 'ga' gsal ba'i gnas skabs mngon sum yin no/ /gang gis de skad du brjod pa la 'dir yang mi rigs pa ci zhig yod ce na/ bshad pa/ 'ga' zhig la khyad par med na zho la sogs pa'i gnas skabs 'di dag mngon sum la sogs pa dang 'gal ba'i phyir ro//phan tshun 'gal ba gang yin pa de dag khyad par med pa'i phyir gcig pa mi srid de/ dper na grang ba dro ba'i reg bya la sogs pa bzhin no/ /mngon sum pa la sogs pa phan tshun 'ga' bas zhes bya ba ni khyab par byed pa 'gal bar dmigs pa yin no//gzhan gyis smras pa/ khyad par med pa ma yin te zhes bya ba'o/ /gnas skabs kyi mtshan nyid khyad par gcig ldog pa na gsal ba'i gnas skabs kyi mtshan nyid gzhan skye ba yod pa ma yin pas 'o ma dang zho'i tha snyad khas len pa'o/ /'di ni skye ba dang 'jig pa'i ngo bo khyad par la sogs pa ma grub par smra ste/re zhig khyad par 'di dang khyad par ldan pa tha dad par khas mi len te/ khas len pa nyid la de'i gnas skabs gzhan du byas pa'i skyon du 'gyur ro/ /de'i phyir 'di tha dad pa med pa nyid de la skyon 'di yin no snyam du dogs nas bshad pa/khyad par de'i gnas skabs kyi mtshan nyid de'i khyad par dang ldan pa'i gnas skabs kyi bdag nyid du gyur pa'i rjes su 'gro ba med pa gcig nyid la ldog par 'gyur na/ ji ltar rang bzhin sna tshogs pa'i bde ba dang sdug bsngal dag 'dren par mi byed ces bya ba'i don to//sbyor ba yang gang dang gang bdag nyid du gyur pa de dang de ni gcig ldog na ldog pa yin pa 'am 'jug na 'jug nges par 'gyur te/ dper na de'i bdag nyid khyad par bzhin no/ /khyad par dang khyad par ldan pa yang bdag nyid du gyur pa yin pas zhes bya ba rang bzhin gyi gtan tshigs so//des na gnas skabs gnas skabs can de dag sna tshogs pa nyid du 'gyur te/ phan tshun 'gal ba'i chos nye bar gnas pa'i phyir bde ba dang sdug bsngal ba bzhin no zhes bya ba rang bzhin gyi gtan tshigs nyid yin no/ /khyad par 'di rjes 'gro med pa 'am/ldog pa dang 'jug pa ni ma yin te/ des na snga ma'i sbyor ba ni dpe bsgrub par bya bas stong pa yin la/ phyi ma ni gtan tshigs ma grub pa yin no zhe na/ bshad pa rjes su 'gro ba dang bcas pas khyad par 'jug pa dang ldog pa yan lag tu byed pa gcig pa la 'jug pa dang ldog pa ci zhig yod de/'jug pa dang ldog pa ni ci yang med de/ thams cad thams cad du yod pa'i phyir ro zhes bya bar dgongs so/ /skyon gsal bar bshad pa/ gzhan yang 'di ltar rang bzhin 'ga' zhig gis khyad par du bshad pa dang rang nyid 'jug pa dang ldog pa shes pa yin na//khyed ni khyad par gcig ldog pa khyad par gzhan skye bar tha snyad tha dad pa las len to zhes bya bar brjod do/ /de'i tshe de dag nyid gzhan de bzhin gshegs pa'i gsung la goms par byas pa'i dri ma med pa'i blos smra ba na bzhin 'dzum pa'i rjes su khas mi len tam/gal te 'di skad du 'gyur yang ji ltar bdag ni 'jug pa na/ ldog pa lhag par rjes su shes pa de bzhin du des kyang rjes su 'gro ba med pa'i skye ba 'jig par khas blang bar byed pa yin na kho bo mngon par gsal ba dang mi mngon pa tsam la ji lta bu ci ste khas mi len par byed ces gzhan dag brgya la smra ba la dogs nas 'di zhes bya ba la sogs pa smos so//khyed cag yod pa la rmongs pa bdag 'dir rjes su 'gro bar smra ba de la brjod par bya ste/ rjes su 'gro ba dang zhes bya ba gang yin/dngos po skye ba dang 'jig pa dag la zhes bya ba 'di 'dun pa yin no/ gzhan gyis smras pa/ 'dir khyed kyis brjod pa'i nus pa'i rjes 'gro'i dngos po skye ba dang 'jig pa dag la yod pa'o/ /de'i rjes su 'gro ba ji lta bu yin zhe na/ gang gi phyir skye ba'i sngar dang 'jig pa'i phyis kyang yod pa'i nus pa ni gnas skabs can gyi mtshan nyid do//gang gis 'di dag 'di ltar yin pa des na dngos po 'di phyis yod pa thams cad du skye ba yin no/ /'on kyang nus pa'i ngo bo las phyis rnam par gnas pa las gsal bar 'gyur ba'i phyir ro//thams cad yin no zhes thams cad du 'dzin pas shes par 'gyur ro/ /de bzhin du gcig pa yin pas phyis kyang 'jig pa ma yin gyi 'on kyang mi mngon pa yin no/ /med pa skye ba yang ma yin la yod pa yang ma yin no zhes bya ba'i don to/ / slob dpon gyis smras pa/ gal te nus pa dang bcas pa thams cad du gsal bar mi mngon pa'i dus dang gsal ba las khyad par med pas gcig gi ngo bo khyad par spangs pa yin no zhes bya ba'i don to/ /da ni 'dir khyad par dang ldan pa ci zhig yin/ 'o ma dang zho dang dar ba la sogs pa'i rim pa'i tha snyad kyi rnam par dbye ba 'di gang gis byas/grangs can gyis smras pa/ gal te gnas skabs ldan pa yin no zhe na/ slob dpon gyis gnas skabs zhes bya ba la sogs pa gsungs so/ /gnas skabs gzhan mi srid pas byas pa rnam par mi rtog pa gnyis yin te/ngo tsha med pa'i rtsod pa ni mi rigs so/ /de nyid dam gzhan nyid las phan tshun spangs pa yin te/ gnas pa'i mtshan nyid yin pas phung po gsum pa gsal ba'i phyir ro/ /gcig pa yin pa la nyes pa ci yod ce na/ gcig pa gcig pa yin pa de'i tshe/ ji ltar 'di gcig la rnam par dbye ba yin/yod pa'i rnam par dbye ba ni rang gi ngo bo rigs pa ma yin no/ /ltos nas yin no zhe na/ rnam grangs med pa la zhes bya ba smos so/ /de phan tshun 'gal ba dag ji ltar rigs par 'gyur bshad pa/ skye ba'i gnas skabs dang / gang mi skye ba'i nus pa'o//de lta bu ni don byed pa'i nye bar mkho ba yin gyi nus pa'i gnas skabs ni mkho ba ma yin no/ /sbyor ba ni nus pa las kyang skye ba yod pa yin te/ gnas skabs las tha mi dad pa'i phyir/ gnas skabs kyi rang gi ngo bo bzhin no/ /yang na gnas skabs kyi skye ba ma yin te/nus pa'i rang gi ngo bo bzhin no/ /rang bzhin gyi gtan tshigs dang 'gal bas khyab pa dmigs pa'o/ /gnas skabs kyi 'di nyid kyis don byed pa dang 'brel ba dang / don byed pa ma 'brel ba dang / ldog pa dang mi ldog pa la sogs pa rnams la rang bzhin gyi gtan tshigs dang 'gal bas khyab pa dmigs pa dag sbyar bar bya'o//sogs pa smos pa ni ltung ba dang zhes bya ba mi ltung ba la sogs pa sbyar ro/ /gzhan yang grangs can gyi 'dod pa'i dgos pa ni/ gal te gnas skabs zhes bya ba la sogs pa smos te/ rnam grangs 'ga' zhig gis gnas skabs la nus pa gzhan ma yin pas gzhan nyid do//des na skye ba la sogs pa 'gal ba med do/ /khyed rang gi phyogs srung bas g.yengs ba'i blo bdag nyid kyang brjod ngas pa bskyungs pas yin no zhes dgongs nas/ brjed ngas pa'i ngang tshul can zhes bya ba la sogs pa smos te/gang gi phyir gzhan yin pa'i phyogs la skyon 'di med de/ kho bo cag gis bshad pa gzhan nyid kyi phyogs yin pas gzhan nyid do/ /'di yang gang yin zhe na/ de nyid rim gyis bshad par bya ste/ 'on te nus pa dang gnas skabs 'di'i rnam par dbye ba gzhan nyid yin pa de'i tshe 'gal ba 'gal yang med do//dngos po rjes su 'gro ba dang bcas pa skye ba dang 'jig pa dag yin no zhes bya ba 'ba' zhig tu mi 'gyur ro/ /de ci'i phyir zhe na/ gang gi phyir gang gi rjes su 'gro ba'i nus pa nyid du mngon par 'dod pa de'i skye ba dang 'jig pa ma yin te/rtag pa gcig pu nyid kyi rang bzhin du rnam par gnas pa'i phyir ro/ /yang na gang yin pa de dag ni skye ba dang gnas pa'i 'jig pa'i gnas skabs nyid du mngon par 'dod pas de'i rjes su 'gro ba ma yin no/ /gzhan dang gzhan ma yin pa skye ba dang 'jig pa dag ni gnas skabs kyi ngo bo med pa'i phyir ro//nus pa dang gsal ba de dag la tha dad pa med pa'i phyir skyon med do zhes bya ba'i ser skya'o/ /lan med par zhes bya ba la sogs pa ni slob dpon gyis so/ /'dir rigs pa med pa ci zhig yod/ gang gis na de ltar brjod ce na/ bshad pa/ tha dad pa med ces bya ba ni gcig par brjod pa'o//nus pa dang gsal ba tha dad pa de dag ces pa 'di yang tha dad pa brten pa gzhan pa'i rgyu mtshan gyi tha snyad yin no/ /yod pa ma yin zhes bya ba ni rnam par rtog pas bkod pa ma spangs pa'o/ /gzhan yang ldog pa dang rab tu skye ba dag dang ldog pa med pa dang rab tu skye ba med par yod pa dang /de bzhin du gnas pa dang mi gnas par gyur pa dang / sogs pa smos pas 'gro ba dang mi 'gro ba la sogs pa la sbyar bar bya'o/ /khyed kyi tha dad pa'i mtshan nyid 'di dag ji ltar rigs pa yin zhe na/ 'di ltar gnas skabs kyi ldog pa dang rab tu skye ba bdag dang ldog pa med pa dang /rab tu skye ba med pa dang ldan pa'i nus pa tha dad pa ni khyed mi 'dod pa de bzhin du nus pa dang gnas skabs kyang yin la gnas skabs can ma yin pa dang nus pa ni de dag las gzhan pa nyid mi 'dod do/ / ci'i phyir sna tshogs pa'i bdag nyid yin zhe na/ bshad pa 'di dag ni ldog pa dang rab tu skye ba dang ldog pa med pa dang rab tu skye ba med pa zhes bya ba la sogs pa tha dad pa'o/ /'di ltar gang dag ldog pa dang mi ldog pa la sogs pa de ni de las tha dad par 'gyur te/ dper na shing ta la dang tam la sogs par grags pa bzhin no//de dag dang bral ba ni tha dad pa med pa yin te zhes bya ba ni gang ldog pa dang mi ldog pa la sogs pa yin no/ /'o na byung ba dang ma byung ba las gyur pa dang sems dang sems las byung ba la sogs pa so sor nges pa 'di dag lhan cig skye ba dang /'jig par rig par bya ba ste/ de dag tha mi dad pa ni ma yin na de dag dang mi 'bral ba tha dad pa zhes bya ba de ji ltar bshad ce na/ /de dag skye ba la sogs pa tha dad par 'dod pa'i phyor/ /rim pa ji lta ba bzhin du dpe gnyis bshad pa ni/ dper na zhes bya ba la sogs pa'o//rnam pa gzhan du zhes bya ba ni gang gi tshe tha dad pa dang tha dad pa med pa'i mtshan nyid la brten pa sngar ji skad du bshad pa de'i tha dad pa med pa'i rgyu'i phyir tha dad pa dang tha mi dad pa rnam par gzhag pa ma yin no/ thams cad du zhes bya ba ni bde ba la sogs pa dang sems pa can gzhan phan tshun du'o//bde ba la sogs pa dang sems pa can tha dad par 'gyur ba la bde ba la sogs pa so sor tha dad par 'gyur ro zhes bya ba'i don to/ /de'i bdag nyid du zhes bya ba la sogs pa ni pha rol gyi'o/ /gzhung lugs las grags pa'i tha dad pa dang tha mi dad pa'i mtshan nyid bshad pa/de bas na 'gal ba zhes bya ba ni skye ba dang mi skye ba la sogs pa de ma thag tu bshad pa'o/ /'jim pa'i bdag nyid ces bya ba la sogs pa ni 'jim pa'i nur bu dang bum pa dag ni rten dang brten pa yang ma yin no/ /'on te de ltar na 'jim pa'i bdag nyid mgrin pa la sogs par dbyibs kyi khyad par 'ga' zhig rgyun mi 'chad pa ni bum pa zhes brjod do//'o na 'jim pa'i rdzas gcig pa thams cad la 'dis byas pa de ji ltar yin zhe na/ khams gsum pa'i 'jim pa'i bdag nyid gcig ma yin te zhes bya ba smos te/de ci'i phyir zhe na/ rnam par rig pa so sor snang ba tha dad pa'i rdzas kyi rang bzhin tha dad pa'i phyir zhes bya bar sbyar ro/ /phan tshun tha dad pa rnam pa nyid kyi rdzas rnam par shes pa so sor snang ngo zhes bya ba la sogs pa'i don to/ /de bzhin du gnas skabs tha dad pa ni tha dad par gnas pa'i phyir dang so so'i don gyi bya ba bshad pa ni tha dad pa'i sgo nas rdzas kyi rang bzhin tha dad pa'i phyir ro//phan tshun mi srid pas rgyu dang 'bras bu yin no zhes bya ba'i don to/ /gzhan gyis kyang rdul dang mun pa dang snying stobs dang sems can tha dad par khas blangs pa'i phyir ro/ /'di dag nyid rgyur rig pa yin no zhes brjod do//de ltar zhes bya ba smos so/ /gal te rnam par rig pa'i so sor snang ba tha dad pa la tha dad pa 'dod do/ /sems rnams zhes bya ba ni mang po'i tshig ste skye bu yin no zhes bya ba grub pa'i mtha'o/ /ji lta ba de ltar zhes bya ba ni rnam par rig pa so sor snang ba tha dad pa la sogs pa'o//slar yang bshad pa/ yod kyang 'di rnam par rig pa so sor snang ba tha dad pa zhes bya ba la sogs pa'o/ /bdag nyid 'ga' zhig ces bya ba ni nus pa'i rjes su 'gro ba'i phyir gcig pa nyid kyi gnas skabs yin no/ /slob dpon gyis smras pa/gal te de lta na bde ba la sogs pa dang / sems pa can 'di dag kyang tha mi dad par thal bar 'gyur te/ bde ba la sogs pa rnams kyi yon tan nyid dang za ba po dang byed pa po gnyis la sogs pa'i rjes su 'gro ba'i phyir ro/ sems pa can za ba po dang byed pa po dang yon tan la sogs pa dang ngo //de bzhin bde ba la sogs pa dang sems can yang yod pa nyid dang zhes bya ba la sogs pa'i rjes su 'gro ba yin no zhes dgongs so/ /sbyor ba dag kyang skyes bu dang bde ba la sogs pa tha mi dad pa yin te/ phan tshun rjes su 'gro ba dang mi 'gro ba'i phyir nus pa dang gsal ba bzhin no//nus pa dang gsal ba yang tha mi dad pa yin no/ /rjes su 'gro ba dang mi 'gro ba brjod pa'i phyir bde ba la sogs pa dang sems pa can bzhin no/ /rang bzhin gyi gtan tshigs dag go/ /'o na gang la thams cad bdag nyid kyi rjes su 'gro ba de la tha mi dad par 'gyur te/gang la bum pa la sogs pa'i ngo bo 'ga' zhig gis ma yin gyi thams cad kyi bdag nyid du rjes su 'gro ba des na 'di la skyon med ce na/ bum pa la sogs pa dag kyang thams cad kyi bdag nyid du gyur pa'i rjes su 'gro ba ma yin no/ /'on kyang ngo bo 'ga' zhig gis te/bde ba la sogs pa 'ba' zhig ni ma yin zhes bya bar smra'o/ /de ci'i phyir zhe na/ rang bzhin sna tshogs la yang lhan cig skye ba la sogs par thal bar 'gyur ba'i phyir ro/ /'di ltar gnas skabs thams cad dang rnam pa thams cad la rjes su 'gro ba gcig pa yod par 'gyur ro//des na sna tshogs pa ni gzugs dang dri dang ro dag gi khyad par mi nus pa dang shugs dang smin pa med pas sna tshogs par mi 'gyur ro/ /de ltar na shing la sogs pa lnga pa dang ldan pa med par thal bar 'gyur ba'am shing la snod du thal bar 'gyur ba dgongs so//lhan cig skye ba ni gnas skabs thams cad la sbyar bar bya'o/ /sogs pa smos pa ni lhan cig 'gag pa dang don byed pa ste/ byed pa dang 'gyur ba bar khas blang bar bya'o/ /sbyor ba yang gang khyad par can gzugs dang dri dang ro dang nus pa rnams kyi du ma'i rnam par mi 'gyur ba de ni sna tshogs pa'i ngo bo ma yin te/dper na bde ba la sogs pa'i bdag nyid gcig tu bzhin no/ /de bzhin du mngon par 'dod pa'i gnas skabs kyang bshad ma thag pa'i chos dag med pas zhes bya ba gtan tshigs ma grub pa ma yin no//gang dang gang tha dad pa med ba de dag dang de ni gzugs la sogs pa rnams kyi khyad par rnam pa du mar mi 'gyur te/ dper na de'i bdag nyid bzhin no/ /mngon par 'dod pa'i gnas skabs kyang tha dad pa med pas zhes bya ba ni khyab par byed pa dang 'gal ba dmigs pa yin no//de bzhin du gang dang gang las tha dad par ma gyur ba de dang de ni skye ba la sogs pa rnams kyi skye ba la sogs pa dang ldan par 'gyur te/ dpe na de nyid rang gi ngo bo bzhin no/ /gnas skabs gzhan du mngon par 'dod pa yang tha mi dad par 'gyur bas zhes bya ba ni rang bzhin gyi gtan tshigs so//de lta ma yin na bum pa 'di zhes bya ba gzhan ma yin pa nyid du mi rigs pa'am/ ming gi rnam grangs su 'gyur ro/ /don tha dad pa khas len pa la de ltar brjod pa'i phyir ro/ /skyon bsags pa ni bum pa dang 'jim pa'i bdag nyid kyi don tha dad pa 'ga' zhig mig phye yang 'di bum pa 'jim pa'i bdag tu tha dad pa'i nye bar mtshon pa'i med do//gang gi phyir 'di ltar 'di rab tu skye bar 'gyur zhes bya bar 'gyur/ /'di ni de tha mi dad pa'i mtshan nyid ni shin tu ma 'brel bar 'gyur ro zhes bya ba bshad do//'o na bum pa dang 'jim pa'i bdag nyid kyi gong bu ngo bo tha dad par nye bar mtshon pa yod pa nyid yin no/ /de skad du bshad pa de ji ltar yin zhe na/ yod pa ni bden pa te/ gzhan bum pa las tha dad par mi 'dod pa'i phyir skyon med do zhes dgongs so/ /gal te de dag tha dad par nye bar mi mtshon pa de lta bu yang ci'i phyir 'di ltar mi 'gyur ro zhe na/gnas dang gnas pa rten dang brten pa 'di 'khar gzhong dang rgya shug dag bzhin du tha dad par mi dmigs par 'gyur ba ni 'dir rab tu skye ba 'gyur ro zhes bya ba de ltar mi 'gyur ro/ / 'dis ni 'jim pa'i bdag nyid dang bum pa de rten dang brten pa'i dngos po ma yin te/ tha dad pa nye bar mi mtshon pa'i phyir ro/ /yod pa la sogs pa de'i bdag nyid bzhin no zhes bya ba ni khyab par byed pa mi dmigs pa'i zhes dgongs so/ /de ltar na gang dang gang las rab tu skye ba de ni de las tha mi dad pa yin no zhes bya ba ni tha med pa'i mtshan nyid kyis ma brjod pa ni bshad pa/nus pa'i bdag nyid rab tu skye ba ma yin te/ de ni rtag pa'i gnas skabs kyi gnas skabs su khas blangs pa'i phyir ro/ /de lta ma yin na gnas skabs su mi 'gyur ro//de ltar de'i bdag nyid du khas blangs pas tha mi dad par mi 'gyur te/ tha mi dad pa'i mtshan nyid med pa'i phyir ro/ /'di ni nye bar mtshon pa yin te/ de'i gsal ba bde ba dang skye bu la sogs pa rnams la mtshungs pa'i phyir ro/ /gzhan yang rang gi lta ba'i skyon gyis gos pa'i blo can gyis grangs can 'ga' zhig 'di skad du gang dang gang yongs su gyur pa de dang de las tha dad pa yin pa te/dper na gser gyi rna cha la sogs pa'i gnas skabs kyi khyad par bzhin no zhes brjod pa de yang snga ma'i tha dad pa'i mtshan nyid kyis khyab pa bstan pa 'dis bsal ba bzhin yin no zhes bya ba de dag gis zhes bya ba la sogs pa smos so//khyed kyis bstan pa'i yongs su gyur pa yang mi rigs so zhes dgongs pa dang ldan pas spang bar mdzad pa ni ci zhig ces bya ba la sogs pa'o/ /pha rol po ni 'dir brjod par bya ba ci zhig yod//ji srid du bcom ldan 'das ser skyas bshad pa 'di bzang po yin no snyam du bsams nas smras pa/ gnas skabs can gyi rdzas la yongs su ma gyur pa ni/ dper na gser gyi chos gzhan dpung rgyan log nas chos gzhan rna rgyan la sogs pa rab tu skye ba yin no zhes smras so//slob dpon gyis de nyid la re zhig 'di 'dra ba'i shes rab 'khrul ba ji ltar rung ba yin snyam nas ngo bo ni ngo mtshar ba dang snying brtse ba yin te/ de gzhan gyi rjes su zlog pa skyabs med pa'i 'jig rten mun pas khyab pa srog chags la phan par 'dod pa las zlog pa su'i nyes pa yin/gal te de nyid bshad pa/ khyod mi dpyod par 'jug gam zhe na/ bshad pa/ chos gzhan rna cha la sogs pas gang yin pa de zlog pa dang rab tu skye bar gyur pa de ci rdzas de nyid kyi gnas skabs yin nam/ de las don gzhan yin//ci'i phyir rnam par brtags pa gnyis kho nar byed pa yin zhe na/ bshad pa/ rnam par brtags pa gzhan med pa'i phyir ro/ /gzung ba med pa de bzhin du 'di mi rigs so zhes bya bar dgongs so/ /gal te brtag pa dang po ltar yin pa de'i tshe skyon ci yod ce na/ gang gi tshe chos gzhan de nyid dang de nyid ma yin pa'i rdzas la gnas pa yin pa de'i tshe de'i gnas skabs ldog pa dang rab tu skye ba mngon par gsal ba dang mi gsal ba'i mtshan nyid du mi 'gyur ro/ /de'i phyir de dag gang yin pa khyed kyis brjod par bya'o/ /gang gi gnas skabs yin pa de ni ldog pa dang rab tu skye ba ma yin te/dper na gnas skabs can gyi rdzas bzhin no/ /de bzhin du de gnas skabs gzhan dang chos gzhan yin pas zhes bya ba ni khyab par byed pa 'gal ba dmigs pa yin te/ gtan tshigs ma grub pa yang ma yin te gang gi gnas skabs can gzhan ma yin pa de ni de'i gnas skabs te/dper na de'i ngo bo nyid bzhin no/ /gzhan ma yin pa'i chos gzhan yin pa de'i phyir zhes bya ba rang bzhin gyi gtan tshigs so/ /gzhan yang gang gi gnas skabs can nyid kyi de'i rdzas de'i chos gzhan nam/ de'i gnas skabs dang rdzas chos gzhan yin no zhes bya ba grub par mi 'gyur ro//ci'i phyir zhe na/ de nyid de'i chos su mi 'gyur ba'i phyir ro/ /de nyid de'i chos gzhan du gyur ba yin te/ dper na byas pa nyid sgra las tha mi dad pa kyang de las yin no zhe na/ bshad pa/ de nyid ltos pa med pa de ni de ltos pa tha dad pas zhes bya'o//'di skad ston pa yin te/ 'dir sgra de nyid byas pa la sogs pa las tha dad pa'i ldog pa yin no/ /de tsam shes par 'dod pas tha dad pa gzhan spangs pa'i sgras chos nyid ston pa yin gyi 'di la ni ltos pa'i tha dad pa yang med do/ /des na ji ltar de nyid chos gzhan 'byung bar 'gyur ro//rdzas las chos don gzhan pa'i phyogs yin na/ de ltar skyon ci zhig yod ce na/ yang na zhes bya ba la sogs pa smos te/ ci'i phyir ldog pa dang rab tu skye ba dag rdzas kyis yongs su gyur pa ma yin/ /gang gi phyir don gzhan du gyur pa'i ldog pa dang rab tu skye ba dag ni don gzhan gyis yongs su gyur pa ma yin no//de ci'i phyir zhe na/ sems dang ldan pa yang yongs su 'gyur ba ni mi 'dod do/ /gtso bo skyes bu dag gcig tu gyur nas byed pa por mi brjod pa'i phyir ro/ /sbyor ba ni gang gang la don gzhan du gyur pa ldog pa rab tu skye ba der rtogs pa dag ni de'i yongs su gyur pa yin te/dper na sems dang ldan pa las thab dad pa'i rang bzhin gyi myu gu'i ldog pa dang rab tu skye ba dang sems pa can bzhin no/ /rdzas las chos gzhan yin pas zhes bya ba'i khyab pa byed pa dang 'gal ba dmigs pa'o//gang don gzhan du gyur pa 'ga' 'brel pa med pas kyang ldog pa dang rab tu skye ba dag gzhan gyis yongs su gyur pa ni ma yin gyi 'on kyang de dang 'brel pa las yin no/ /dper na de'i myu gu dang 'brel pa'i ldog pa dang rab tu skye ba'i sa bon bzhin no/ /des spyi sgrub na grub pa la sgrub pa yin no//chos dang rdzas 'brel pa'i phyir ro/ /bye brag yin na dpe bsgrub par bya bas stong pa yin no/ /myu gu dang sems dang ldan pa la lhan cig tu 'brel pa med pa'i phyir zhe na/ rdzas kyi chos zhes bya ba yang sgra'i tha snyad mi 'grub po/ /ci'i phyir zhe na/'brel pa med pa'i phyir ro/ /de ltar rdzas gzhan dang 'brel pa'i chos 'di yin no zhes bya ba de nyid yod pa ma yin no/ /de gang las thal bar 'gyur ba ldog pa yin zhes bya/ de ltar na rdzas chos 'di nyid rten dang brten pa'i mtshan nyid kyis 'brel pa yin pa de'i phyir yang bye brag gi gtan tshigs grub pa yin no zhe na/rgyu dang 'brel ba las dngos po'i 'brel pa gzhan yod pa ni ma yin te/ rten dang brten pa'i dngos po yang rgyu dang 'bras bu'i dngos po bye brag nyid du rnam par gzhag pa yin no/ /tshad ma rnam par nges pa las/ gzhi de ldog par gyur pa na//bdag nyid de 'dra'i rgyu 'bras yin/ /zhes bya ba rdzas kyi skabs su gtan la phab zin par dgongs so/ /'od de de dag rgyu dang 'bras bu'i dngos po yin la rag go zhe na/ rdzas dang chos 'di yang rgyu dang 'bras bu'i dngos po nyid med pa yin no/ /ci'i phyir zhe na/ rang nyid de'i bdag nyid ma yin pa de'i rgyu ma yin pa'i phyir ro/ /gang gang gi rang bzhin yin pa de de'i rgyu ma yin no zhes bya ba de dag khyed nyid kyis khas blangs pa yin te/ dper na rdul dang mun pa bzhin no/ /de ltar yang rdzas 'di chos kyi rang bzhin du mi 'gyur ro/ /de ji ltar de'i rgyu nyid yin pas khas blang bar bya'o zhe na khyab par byed pa mi dmigs pa'i thal bar 'gyur ba ma yin par dgongs so//gtan tshigs ma grub pa yin no zhes bsam par bya'o/ /don gzhan la brten pa'i phyir la skyon brjod pa nas rnal ma'i don bshad pa'i rdzas las chos kyang don gzhan nyid yin pa'i phyir ro//'on te snga ma las bzlog nas ser skya'i dgongs pa grangs can gyi 'dod pas bcos nas byas pa ni rdzas don gzhan min du zin kyang chos kyi rgyu yin par 'dod na/ chos gzhan zhes bya ba smos te/ rdzas don gzhan min du zin kyang chos kyi rgyu yin par khas len pa ni yin/de bzhin du gzhan pa'i rgyu las 'bras bu skyed par 'gyur ro/ /khyed kyang rdzas nyid yongs su gyur pa zhes bya bar 'dod pa yin na/ de las cir 'gyur zhe na/ bshad pa/ gzhan yang de bzhin gshegs pa'i dgongs pa'i rjes su 'brangs na de 'gal ba med do//ci'i phyir zhe na/ des kyang rdzas bya ba'i rgyu dang 'bras bu'i rgyun ni 'jim pa'i gong bu'i rdzas snga ma'i rgyur gyur pa las don gzhan pa'i 'bras bu bum pa'i rdzas phyi ma skye ba na/ 'jim pa'i rdzas yongs su gyur pa yin no zhes bya ba'i tha dad pa'i tha snyad khas blangs pa'i rgyu'i phyir ro//gal te bdag nyid du gyur pa gnas skabs gnyis po dag kyang yongs su gyur pa'i yin par mi rigs kyi gnas skabs 'byung bar 'gyur ro zhe na/ bshad pa/ chos dang rdzas zhes bya ba la sogs pa smos te/ de'i phyir gnyi ga'i ltar yongs su gyur pa yang ma yin zhes bya ba mjug bsdu ba'o//tha dad pa med pa'i rdzas kyi chos ma yin zhing rdzas las don gzhan pa gcig tu nges pa ma yin te/ 'on kyang rdzas kyi bkod pa'i gnas skabs gzhan yin te/ dper na sor mo dag gi dbyibs kyi bkod pa las khu tshur ni de nyid dang gzhan nyid du brjod du med pa yin no//ci'i phyir zhe na/ de las sor mo nyid dbyer mi byed pa'i khu tshur ma yin te/ ci'i phyir zhe na/ brkyang ba dag la khu tshur med pa'i phyir/ de ltar ma yin na brkyang ba dang khyad par med pa'i phyir khu tshur gyi gnas skabs bzhin du khu tshur nyid du thal bar 'gyur ro zhes bya ba rang bzhin gyi gtan tshigs ltar bcos pa'o//khu tshur don gzhan pa yang ma yin te/ sor mo las tha dad pa'i rgyu nus pa thogs pa rtsol ba las byung ba mi dmigs pa'i phyir zhes ser skyas res 'ga' de skad smra'o zhes 'dod pa'i dgos pa bsdu ba ni tha dad med pa zhes bya ba 'di dag bstan zin pa'o//ma yin te/ khu tshur ni sor mo dag gi khyad par gyi khu tshur yin pa'i phyir ro zhes bya ba ni lan yin no/ /'dis ni sor mo nyid khyad par med pa khu tshur yin no zhes pa ji ltar dper rig pa yin/ 'dir yang brkyang pa dag la khu tshur med pa'i phyir zhes gang bshad pa de dag rigs pa ma yin te/ci'i phyir zhe na/ sor mo nyid khyad par can gyi rgyu dang rkyen gyi stobs kyis de bzhin skye ba 'ga' zhig khu tshur yin gyi thams cad ni ma yin no/ /de ci'i phyir zhe na/ bshad pa/ sor mo brkyang ba las khyad par med pa'i rang bzhin ma yin te/khu tshur dang sor mo dag ces bya ba la dang gi sgra ni dbye bar shes par bya'o/ /yang na khu tshur gyi bdag nyid kyi sor mo brkyang ba yin/ khyad par med pa can gyi so so ni ma yin no zhes bshad par bya'o/ /ci'i phyir zhe na/ gnas skabs gnyi ga la yang yin te/ brkyang ba'i dngos po'o//brkyang ba dang ma brkyang ba gnyi ga'i gnas skabs kyi rim pa ji lta ba bzhin du rtogs par thal bar 'gyur ba'i phyir ro/ /sbyor ba yang brkyang ba'i gnas skabs ma brkyang ba'i gnas skabs rtogs par 'gyur ba'i phyir dang / sor mo rnams tha dad pa med pa'i phyir/ ma brkyang ba'i gnas skabs nyid bzhin no zhes bya ba rang bzhin gyi gtan tshigs so//'di ltar ma brkyang ba'i gnas skabs rtogs par 'gyur ba bzhin du gzhan la yang sbyar bar bya'o/ /de bzhin du gnyi ga la yang gnyi gar ma yin no zhes bya ba khyab par byed pa mi dmigs pa'o/ /'on kyang rnam pa 'ga' zhig tha dad par gnas pa'i gnas skabs yin pa de'i tshe de tha dad pa'i sor mo 'am/de'i rang bzhin du gyur pa yin nam ma yin zhes rnam par brtag pa gnyis te/ dang po skyon brjod pa ni tha dad ba de nyid kyi rang bzhin du gyur pa de nyid dngos po tha dad pa'i mtshan nyid ni bde ba dang sdug bsngal ba lta bu'o//gnyis pa'i bshad pa gzhan du gyur pa ni khyad par bskyed na yang brkyang ba'i sor mo nyid dmigs par 'gyur te/ khu tshur gyi gnas skabs kyi khyad par yin no/ /gang yin zhe na/ gang gi phyir gang gi rang bzhin 'pho ba med pa'i don bzhin skye na ni/rnam pa gzhan mi dmigs par thal bar 'gyur ba'i phyir sor mo'i don las gzhan pa'i glang po'i phru gu skye ba bzhin du dmigs par thal bar 'gyur ro zhes bya ba'i sbyor ba yang gang gi rang bzhin 'pho ba med pa de'i don las skye ba yang gzhan du dmigs par 'gyur te/ dper na rnga mo dang glang po'i skye ba bzhin no//'pho ba med pa rang gi rang bzhin las sor mo tha dad pa skye bar 'gyur ro zhes bya ba dgag pa dang sgrub pa dag la yang gtan tshigs rnam grangs pa yin no/ /rgyu 'gal ba dmigs pa dang rgyu mi dmigs pa'o/ /rdzas kho na zhe na bya ba la sogs pa pha rol po'o//de nyid dang gzhan nyid du brjod du med par de skad bshad pa ni ngag gi don to/ /slob dpon gyis smras su zin kyang 'di rigs pa ma yin no/ /ji ltar rigs pa ma yin zhe na/ bshad pa/ yod pa nyid kyi dngos po de nyid dang gzhan nyid dang bral ba'i rnam pa gzhan yod pa ma yin no//gang dngos por 'dzin pa'i rnam par rtog pa'i bzos sbyar ba gzhan sel ba la sogs pa bstan pa yin no/ /ci'i phyir zhe na/ de dag ni zhes bya la sogs pa smos te/ sbyor ba yang dag phan tshun spangs te/ gnas pa'i mtshan nyid gcig spong ba dang gzhan len pa med pa mi 'byung ba dang gcig len pa dang gzhan spong ba med na mi 'byung ba yin te/dper na dngos po dngos po med pa bzhin no/ /de nyid dam gzhan nyid rnam pa yang ji skad bshad pa'i chos dang ldan pas zhes bya ba ni rang bzhin gyi gtan tshigs so/ /sor mo khu tshur de nyid las gzhan nyid kyi rnam pa gzhan yod pa ma yin pa nyid do//sor mo nyid khu tshur ma yin te brkyang ba nyid khu tshur ma yin pa'i phyir ro/ /don gzhan ma yin te/ rang bzhin logs shin tu mi dmigs pa'i phyir ro zhe na/ sor mo dag ces bya ba la sogs pa smos te/ skad cig ma re re 'gag pa gang yin pa de yod pa ma yin no zhes bya bar sbyar ro//de nyid skad cig ma yin pa'i phyir rnam pa 'di lta bu skye ba dag dang ldan pa dag gis khu tshur la sogs pa brjod par 'gyur ro zhes bya ba'i don to/ /des na dngos po 'di la yang ma yin te/ khu tshur ni sor mo dag gi khyad par yin pa'i phyir ro zhes bshad zin kyang skabs gsal bar bshad par bya ba yin no zhes bya bar dgongs so//de lta ma yin na 'dis ci zhig bya/ gal te de lta na 'o na khu tshur dang sor mo zhes bya ba sgra tha dad pa ji ltar yin zhe na/ bshad pa/ de la khu tshur la sogs pa'i sgra khyad par can gyi yul can yin te sor mo'i gnas skabs khyad par nyid la brjod par bya ba yin pa'i phyir ro//sor mo'i sgra ni spyi'i yul can yin te/ /gnas thams cad la de brjod pa'i phyir ro/ /rim pa bzhin du dpe gnyis bshad pa ni/ sa bon dang myu gu la sogs pa'i sgra dang 'bru la sogs pa'i sgra lta bu'o//de ltar gzhan gyi phyogs ma lus pa 'byed par byed pa 'am/ gzhan gyi la lar nye bar bkod pa ma lus pa las rgyal bar 'dod pas gzhan gyi sgo nas rtsod pa nye bar bkod pa ni/ de la gal te zhes bya ba la sogs pa'o//'dir bsam pa ni 'di yin te/ dper na til la mar yod pa ma yin na til la yang de bzhin du 'gyur te/ gal te skabs kyi rgyu las 'bras bu skye bar 'gyur ba yin na/ de'i tshe til las kyang mar skye bar 'gyur ro/ /med pa'i phyir yang na til yang ma yin te/de nyid kyi phyir mar bzhin no/ /'ga' zhig med pa bzhin du bye brag med pa'i phyir ro zhes bya ba rang bzhin gyi gtan tshigs dang khyad par byed pa mi dmigs pa dang 'dod pas mngon par 'dod pa'i khyab par byed pa khyab par bya ba dag sgrub par byed pa'i rnam pa dag yin no/ /des na 'di dag thams cad bdag nyid gsang ba'i phyir bya ba byed khyed cag yin no snyam du bsams nas thams cad la thams cad yod pa nyid yang skyon mtshungs pa ma yin nam 'ga' zhig la bye brag med pa yin no//sbyor ba ni spyod pa'i phyir zhes pa bya ba ni khyed nyid kyi bzhin no/ /gtan tshigs bzlog nas spyod pa byas pa yin no//'on kyang 'ga' zhig kyang bye brag med pa'i phyir ni/ /des na yod kyang thams cad las thams cad mi skye bar mi 'gyur ro/ /de'i phyir tshad ma dag las mi mthun pa'i phyogs bzlog pa la the tshom za ba nyid yin no zhe na/ bshad pa/ bye brag yod par bya ba yin na khyad par du de rdul dang mun pa snying stobs kyi yon tan gsum las tha dad par 'gyur te/ ci'i phyir zhe na/ yon tan gsum de yod du zin kyang khyad par gyi rjes su 'gro ba med pa'i rgyu'i phyir ro/ /sbyor ba ni gang yod kyang gang yod pa'i rjes su mi 'gro ba de dang de las shin tu tha dad pa yin te/dper na sgra dang gzugs dang dri dang ro las sems pa can yin no/ /yon tan gsum gyi dngos po yang khyad par gyi rjes su 'gro ba med pas zhes bya ba ni rang bzhin gyi gtan tshigs so/ /khas blang par bya ca ba de dag nye bar brjod nas da ni 'bras bu yod par smra ba'i skye ba'i don nyid kyang rigs pa ma yin no snyam nas/yod pa nyid yin zhes bya ba la sogs pa smos te/ de'i 'bras bu mngon par 'dod pa mi skye ba yod pa ma yin te/ yod pa'i phyir ro/ /grub pa'i gnas skabs bzhin no zhes bya ba 'di 'gal bas khyab par dmigs pa yod pa la bsams pa'o//de lta de lta ma yin na skyes zin pa yang skye bar thal bas thug pa med par 'gyur ro/ /de skad du/ yod pa gal te skyes gyur na/ /skyes zin dngos de yang 'byung 'gyur/ /zhes bshad do/ /gzhan yang sgrub par byed pa dang / rgyu dang sa bon dang me dang chu la sogs pa 'bras bu med par thal bar 'gyur ro//bsgrub par bya ba dang bya ba 'ga' zhig ngo bo yang med pa'i phyir ro/ /sbyor ba ni gang la bsgrub par bya ba cung zad cig kyang med pa bsgrub par byed pa'i 'bras bu med pa yin te/ dper na nam mkha' la khyab par byar med pa bzhin no//rgyur rnam par gzhag pa la yod pa'i 'bras bu bsgrub par bya ba cung zad cig kyang med pas zhes bya ba ni khyab par byed pa mi dmigs pa'o/ /'di gtan tshigs ma grub pa yang ma yin no zhes bsam par bya'o/ /gang la sa gang yang rung ba 'ga' zhig khyad par du gyur pa de la rgyu gnas pa'i 'bras bu ci zhig ltar skye ba 'dod na 'di khyad par bcas pa ni de la med na ji ltar skye bar 'gyur/skye ba ni ma yin te/ med pa'i phyir ro/ /nam mkha'i ut+pal lta bur 'o ma la yang yin no zhes bya ba ni khyab par byed pa mi dmigs par sems pa la gzhag pa yin no//'on te de med kyang khyad par skye ba yin na de skye ba med pa skye ba bas med kyang khyad par thams cad thams cad las skye bar 'gyur ro zhes bya ba brgal zhing brtag pa mtshungs pa yin no/ /khyed kyi til las mar khyad par du skye ba yang med pa'i phyir til gyi khyad bar bzhin du 'gyur ro zhes bya ba'i don to//rang bzhin gyi gtan tshigs kyi thal bar 'gyur ro/ /gzhan gyi dogs pa bsu ba ni/ gal te khyad par de zhes bya ba la sogs pa'o/ /gal ltar yang med pa de ji ltar de las med pa'i rnam pas skye bar 'gyur zhes bya ba spong pa'i don to//skye na thams cad las skye bar 'gyur ro zhes bya ba brgal zhing brtag pa mtshungs so zhes sngar bshad pa rnams kyir rjes su zhes sngar bshad pa rnams kyi rjes su 'brang bar 'gyur ro zhes bya bar dgongs so/ /rnam pa thams cad kyis grub pa'i ngo bo yin pa de ltar yang khyad par yin no zhe na zhes bya ba la sogs pa smos te/'di ltar re zhig de yod pa dang med pa'i 'bras bu smra ba thams cad las skye bar 'gyur ro zhes bya ba skyon mtshungs par bstan zin to/ /gnyi ga yang rtsod pa mtshungs pa de gcig la brjod par ni mi rigs pa yin no/ /'bras bu yod par smra ba nyid la skyed pa'i don du cung zad cig kyang med do zhes ston to//des na 'di lhag pa'i skyon yin no/ /de 'di ltar nges 'ga' pha rol pos brjod pa ni/ 'o na gal te kho bos de yongs su ma spangs na khyed kyis nges par gnas par 'gyur na/ 'ga' zhig rang gi phyogs bsrung ba ni pha rol gyi phyogs la skyon brjod pas rang gi phyogs nas pa kha na ma thob pa med pa rnyed par 'gyur ro//sgra ni rtag pa yin te/ lus can ma yin pa'i phyir bde bal sogs pa ma nges pas dang po'i mi rtag pa nyid ma grub pa bzhin no zhe na/ rgyu las 'bras bu med pa yang skye ba yang gang yang skyed par byed pa'i rang bzhin yin na de nyid las de skyed pa yin gyi gzhan skye ba ma yin no zhes bya bar nges so//yang smos pa ni srid par rung ngo / /don 'di la 'di med pa nyid de mar med du zin kyang til rnams las skye ba yin te/ de skyed pa'i nus pa dang ldan ba'i phyir ro/ /til mar ni gzhan las skyes pa ma yin te/nus pa ma tshang ba'i phyir dang de'i nus pa so sor nges pa nyid la ji ltar yin zhe na/ brgal zhing brtag par byed ce na/ ji lta ba yin pa dngos po'i nyid kyis lan 'debs par 'gyur ro/ /dper na gtso bo las chen po ste/ chen po skye'i nga rgyal ni ma yin/chen po las nga rgyal yin gyi de tsam lnga ni ma yin no zhes bya ba'i gzhung lugs de la byed nus pa so sor nges pa la dmigs pa nyid skyabs yin te/ gzhan lan gdab pa'i thabs med pa'i phyir ro zhes bya ba de bzhin du kho bos kyang 'di khwas zos pa ma yin pa des na rigs pa ma yin no//med par 'ga' zhig la khyad par med do zhes bya ba de ni mi rigs pa'i phyir ro/ /rgyu nus pa dang mi nus pas byas pa'i phyir 'bras bu skye ba dang mi skye ba yin pa de bas na/ sngar bshad pa'i tshad ma dag la mi mthun pa'i phyogs las bzlog pa las the tshom za ba sgrub par byed pa dri ma can gyi gtan tshigs su 'gyur ro//skye ba'i rang bzhin nges pa de yang de'i rgyu las yin no/ /yod pa gang las skyes pa yin zhe na/ de yang de'i rang bzhin nges pa ni rang gi rgyu las yin no zhes bya ba smos so/ /de yang gang las yin zhe na/ bshad pa/ de ltar thogs pa med pa nas dngos po'i rang bzhin nges pa yin no/ /'di thog ma yod pa zhes tshig rnam par sbyar ro/ /rgyu dang 'bras bu thog ma med nas khas blangs pas rang bzhin rgyud par 'gyur ba la thug pa med pa'i skyon cung zad kyang med de/ / 'gyur byas pa'i lhag ma'o/ /de lta ma yin na brtag par mi bya ste/ rgyu med par thal bar 'gyur ba des na/ de khyed kyi gnas ma yin pa la dogs pa yin no zhes bya bar dgongs so/ /yang na gzhung 'di gzhan du bshad par bya ste/ rnam grangs med par yod par khyad par du skye ba yod pa de lta na thams cad las thams cad skye bar 'gyur na zhes brgal zhing brtag par mi bya ste/gang gang las skyes pa rang bzhin de nyid las khyad par du skye bar 'gyur te/ nus pa so sor nges pa la brten pa'i phyir ro zhes bya rang gi grub pa'i mtha' la yid ches pa brjod par dgos pa la kho bo'i nus pa so sor nges pa la dmigs pa 'ga' zhig gis dbyig pas skyod par byed pa la ni mdo zhes dgongs so//med pa skye na yang zhes bya ba la sogs pa smos te/ tshig gi rnam par dbye ba ni snga ma bzhin no/ /sbyor ba ni gang dang gang skye ba'i rgyu'i nus pa de dang de las skye ba yod pa yin te/dper na khyad par phul du byung ba bzhin no/ /'bras bu'i khyad par yang skye ba'i rgyu'i nus pa yod pas zhes bya ba ni rang bzhin gyi gtan tshigs so/ /de de bzhin du gang gang la skye ba'i rgyu'i nus pa med pa de dang de la skyes pa yod pa ma yin te/dper na til la mar gyis khyab pa bzhin du'o/ /de bzhin du 'bras bu'i khyad par dang rgyu'i khyad par yang skye ba'i rgyu'i nus pa med pas zhes bya ba khyab par byed pa mi dmigs pa'o/ /gzhan yang rnam grangs pa'i sgrub par byed pa'i rtags ni med pa'i rgyu ma yin pa'i phyir dang nye bar len pa'i rgyu 'dzin pa'i phyir thams cad las srid pa'i phyir dang /nus pa ni nus pa can gyi rgyu'i phyir dang rgyu'i dngos po yin pa'i phyir 'bras bu yod pa zhes bya ba de lta bu la sogs pa don med do/ /bsgrub par bya ba don 'ga' zhig la the tshom dang phyin ci log pa de rnam par gcod pa nges pa'i shes pa skye bar 'gyur ba dang bsgrub pa thams cad kyi rgol ba'i tshig gi dngos po ni the tshom dang phyin ci log dang sgrub par byed pa gang yin pa de'i nges pa'i shes pa skye ba'i rjes su mthun par 'jug go//gnyi ga yang ser skya'i gzhung la de mi srid pa yin te/ 'bras bu yod pa rnam par gnas pa la skye ba dang 'jig pa mi rigs pa'i phyir ro/ /'on te yod kyang mi gsal ba 'di nges pa'i sgrub par byed pa 'di tshig las gsal thabs gzhan yin pas 'bras bu med pa ma yin no zhe na/bshad pa/ khyad par 'ga' zhig gsal bar byed pa'i mtshan nyid gang yin pa de la bsgrub par bya ba nges pa'i ngo bo yin no/ /ci zhig ltar med pa skye ba sngar bshad pa'i sgrub par byed pa'i khyad par de la ji ltar skye bar 'gyur/ skye na yang thams cad kyi khyad par gyi ma lus pa'i bsgrub par bya ba nges par mngon par gsal ba'i mtshan nyid sgrub par byed pa dang sgrub pa ltar snang ba gzhan thams cad las skye bar mtshungs pa thal bar 'gyur ro//pha rol po me la sogs pa'i rtogs pa ni/ du ba la sogs pa'i gtan tshigs kyi dngos po yang 'bras bu yod par nges par mngon par gsal bar byed do zhes bya ba'i don to//mngon par gsal bar khas blangs nas de skad brjod pa yin no/ /'on 'di rnam par 'gyur ba'i ngo bo dag la byed pa'i gnas dang lhan cig pa'i rang gi ngo bo'i mtshan nyid dang /ngo bo'i gzhan skye ba'i mtshan nyid de de'i yul la rnam par shes pa 'byung ba zhig yin na rang gi ngo bo ni 'gyur ba ma yin te/ gzhan pa nyid du sgrub par byed pa'i nus pa'i phyir ro/ /rnam par 'gyur ba snga ma'i rang bzhin zhig pa dang snga ma ma yin pa'i ngo bo skye bas 'bras bu med par smra ba sgrub pa yin te/gyur pa ni snga ma dang phyi ma'i ngo bo 'dir dang 'thob pa mtshan nyid yin pa'i phyir ro/ /sems can ni gcig pa'i phyir gzhan ni de'i shes pa'i yul du mi 'gyur ro/ /gzhan zhes bya ba ni de'i ngo bo gsal bar mi 'thad do/ / ngo bo gzhan skye bar brjod pa ni gzhan du cung zad cig kyang nye bar skye ba ma yin na/ mtshan nyid mi mthun pa'i phyir gsal bar bya ba gsum pa yang mi srid pa la gnyis pa 'di yongs su spangs pa'i skyon du 'gyur ro/ /de'i yul dang shes pa la sogs pa yang don gzhan du gyur pa'i dngos po phyin ci log mi rigs pa'i phyir ro//shes pa la phan 'dogs par mi byed pa ni yul du mi 'gyur te/ de ni phan 'dogs par byed pa nyid do/ /de'i phyir de nyid skye ba rtags la ltos nas rang nyid kyi bsgrub bya nges par mngon par gsal bar 'gyur te sgrub par byed pa la ltos pa'i bsgrub bya nges pa las rang gi yul shes pa skye ba de nyid brtan par 'gyur ba'i gnas skabs la ltos nas khyad par du skye ba'i mtshan nyid ma yin no zhes bstan zin to//thams cad kyi tshe 'byung ba'i phyir dang rtags kyang rtag tu nye ba'i ngo bo yin pa'i phyir ro/ /rtags kyi shes pa ltos pa 'di yang rtag tu yod par smra ba dag pa yang mtshungs te/dus thams cad du yod pa'i phyir ro/ /gzhan yang ji ltar zhes bya ba la sogs pa ni 'bras bu yod par smra ba sel bar byed pa'i rgyu gzhan zhes bya ba de'i gnas skabs zhes bya ba smos te/ 'jim pa'i gong bu'i gnas skabs phyi ma bzhin du ste mngon par gsal ba'i gnas skabs bzhin du'o//bum pa chu 'dzin pa'i don byed pa'i khyad par la sogs pa bsgrub par bya'o/ /gsal ba/ khyad par can gyi dbyibs rab tu mi skye ba'i phyir zhes bya ba gzhan gyi dgos pa'o//de nyid kyi zhes bya ba la sogs pa brjod pa yin no/ /'di skad ston pa yin te/ mgrin pa la sogs pa'i dbyibs kyi khyad par rgyun mi 'chang pa nyid kyi don bya ba byed pa 'ga' zhig la 'jim pa'i bya ba 'gyur ba bum pa yin no zhes brjod kyi gzhan ni ma yin no/ / gal te lngar yang 'jim ba'i gong bu'i gnas skabs su yod pa de'i tshe gsal ba'i gnas skabs bzhin du don byed pa dmigs par 'gyur na yod pa yang ma yin no/ /de'i phyir 'di med par nges pa yin no/ /gnas skabs kyi dngos po 'di yang des pa yin no zhe na/ bshad pa de'i rang bzhin gzhan gzhan la yod pa ma yin te/ser po dang sngon po bzhin no zhes bya ba 'gal bas khyab par dmigs par dgongs so/ /gnas skabs dang gnas skabs can tha mi dad pas gtan tshigs ma grub par gsal bar mi bya'o/ /gang gi phyir rang bzhin snang ba tha dad pa yon tan dngos po tha dad pa ma yin te/ha cang thal bar 'gyur bar ches pa'i phyir ro/ /rang bzhin snang ba tha dad pa smos pa ni nye bar mtshon pa'i don to/ /des na don byed pa tha dad pa khas blang bar bya'o/ /'di snyam du sems te/ gang gi tshe snang ba tha dad pa shes pa tha dad pas sgrub par byed pa de'i tshe bde ba dang sdug bsngal dang gti mug rnams ma 'dres par tha dad par rnam par 'jog par 'gyur gyi rnam pa gzhan du ma yin no//de bzhin du 'jim gong dang bum pa gzhan dag kyang phan tshun tha dad pa gzhan pa yin zhes rab tu shes te/ rnam pa tha dad pa shes par yongs su gcod pa'i phyir ro//rgyu dang 'bras bu phan tshun tha dad par byung ba yang bde ba la sogs pa bzhin no zhes bya ba rang bzhin gyi gtan tshigs so/ /de lta ma yin na bde ba la sogs pa rnams kyang phan tshun tha dad pa med par thal bar 'gyur te/gsal ba dang / nus pa bzhin no/ /khyad par nyid brjod du med do zhes bya'o/ /de'i phyir zhes pa mjug bsdu ba'o/ /bum pa la sogs pa de de la dmigs pa nyid rig byar gyur pa'i rang bzhin du gnas pa ni mi dmigs pas med par rigs so/ /'on kyang de gnas pa de med kyang de'i rang bzhin dang de ma yin pa'i rang bzhin dmigs pa'i rig byar gyur pa'i rang bzhin gyis tha dad pa gcig pa'i nges pa yin no zhes bya ba'i tha tshig go//de ltar rang bzhin mi dmigs pa'i sgrub par byed pa'i yan lag gi sgrub pa rgya cher ba rjod nas lhag ma rnams kyis mi dmigs par bshad par bya ste/khyad par byed pa mi dmigs pa zhes bya ba la sogs pa smos so/ /chos dag ni dper na shing sha pa nyid dang shing dag khyab par bya ba dang / khyab par byed pa'i dngos po cung zad cig tshad mas rab tu bsgrubs nas khyab par byed pa shing nyid la sogs pa ldog pa rab tu grub pas sgrub par byed sgrub pa'i yan lag byas pa yin no zhes bya ba'i tha tshig go//dper na shing sha pa med de/ shing med pa'i phyir ro zhes bya ba la sogs pa'o/ /'o na de la rang bzhin mi dmigs pas med par 'grub pa yin no//de la 'dis ci zhig bya/ bya ba dang las rnams kyi khyad par grub zin pa yin na sgrub par byed par mi 'gyur te/ sgrub par byed pa dam pa'i rgyu yin no zhes brjod do/ /ma rtogs pa rtogs par byed pa ni tshad mar bshad de/ ma rtogs don gyi gsal byed yin zhe na/'di ni bden na 'di ltar 'di ni thams cad la sbyar bar mi bya'o/ /'on te de ltar 'dom sum brgya tsam la sogs pa'i bar yod pa gang la sA la dang / shar la dang / pa la sha dang / shing sha pa la sogs pa'i shing tha dad pa nges par gzung ba med pa des na rnam pa thams cad du gang khyab par bya ba med pa'i nges pa med pa 'khrul pa'i rgyu mtshan 'ga' zhig yod pa de nyid la 'di rab tu sbyor ro//rgyu mi dmigs pa ni gang la 'bras bu med par nges pa med pa de nyid la rab tu skye ba yin gyi gzhan la don med pa'i phyir ro/ /dper na mun pa'i gnas skabs su du ba med pa'i nges pa'i nges pa med pas 'dir me med pas du ba med do zhes bya ba lta bu ste/'bras bu med par the tshom za ba'i phyir dang / rgyu med par nges pa'i phyir ro/ /rang bzhin 'gal ba dmigs pa yang grang ba'i reg pa med par gnas pa'i yul la the tshom za ba la me 'bar ba'i tshogs 'khrigs pa chen po nam mkha' la sogs pa'i yul la khyab par gnas pa las yin no//rgyu 'gal ba dmigs pa ni me 'bar ba dang nye bar gnas pa'i skyes bu dang ldan pa'i sa phyogs nye bar snang ba na 'dar ba dang ba spu langs pa dang /so thams byed pa la sogs pa'i dngos po tha dad pa med pa nyid rab tu sbyar bar bya'o/ /gzhan du don med pa yin gyi'o/ /'dis ni yul gzhan mi mtshungs kyang mi dmigs pa'i sbyor ba rnams kyi yul bsam par bya'o/ / rang bzhin dang khyab par byed pa dang rgyu dang 'gal ba de dag ni nye bar dmigs pa de dag nyid yin no zhes sbyar bar bya'o/ /'gal ba gnyis po dag las 'gal ba gcig nye bar bstan pa'i 'gal ba ni gnyis te/ rgyu mtshan ma tshang ba med pa'i yod pas med pa dang / phan tshun spangs te gnas pa'i mtshan nyid do//'dis ni 'gal ba'i 'bras bu dmigs pa'i yang yul dang rang bzhin gyis sgrub par byed pa'i yan lag tu sgrub pa ni go sla ba nyid do/ /de lta na yang cung zad tsam gyis tha dad pa mi dmigs pa'i sbyor ba'i bye brag bcu gcig po dag la yang rgyu 'gal ba'i khyab bya dmigs pa dang /'bras bu dang 'gal ba'i khyab bya dmigs pa dang khyab byed dang 'gal ba'i 'bras bu dmigs pa dang / 'gal ba'i 'bras bu dmigs pa la sogs pa dag la sgrub par byed pa'i sgrub pa bshad par rig par bya'o//de dang de'i go rims ji lta ba bzhin du dpes bstan pa 'di na du ba med de/ ba mo'i rig pa yon pa'i phyir ro/ /'di na me'i rgyu nus pa thogs pa med pa dag med de/ ba mo'i rig pa yod pa'i phyir/ /'di na ba mo'i reg pa med de/ /du ba yod pa'i phyir ro//'di na grang ba'i rgyu nus pa thogs pa med pa dag med de/ du ba yod pa'i phyir/ /rgyu dang 'bras bu 'gal ba dang / /khyab byed 'gal ba'i 'bras bu dang / /'bras bu gzhan pa'i dngos por 'gyur/ /dgag pa nyid kyi sgrub byed yin/ /'di la du med pa reg phyir//me rgyu nus pa med pa'i phyir/ /'di na du yod la reg med/ /grang rgyu nus pa med pa'o/ /bsdu ba'i tshigs su bcad pa'o/ /de ltar re zhig rnam pa gcig gis sgrub par byed pa'i yan lag ma brjod pa'i rgol ba dag tshar gcod pa'i gnas yin no zhes bstan to//de nyid rnam pa gzhan gyi thams cad bstan pa ni/ yang na 'dis zhes bya ba la sogs pa smos te/ tshig gi phrad kyis bsdu ba 'di yang 'dir 'jug pa dang sngar bstan pa'i don ma spangs par don gzhan bsdu ba la 'jug pa yin no/ /'di ltar gcod pa ni ma yin no//yang na 'dis sgrub par byed pa la sogs pa'i don yongs su spangs nas rnam par brtag par bya ba yin na/ /don rnam pa gnyis kyang brjod par 'dod pa'i phyir ro/ /'dir yang yang na'i sgras ni rnam grangs pa'i sgrub par byed pa'i ste/ byed par sgrub pa'o/ /snga ma ni yod par sgrub pa'o//'di zhes pa ni yan lag gi sgra'o/ /tshig gi yan lag la snga ma ni byed pa por brjod pa yin no zhes bya ba ni lhag ma'o/ /tshul gsum pa'i rtags bstan pa bsdoms nas brjod pa yin gyi mtshan nyid gcig la sogs pa brjod pa ma yin te/ sgrub par byed pa spangs pas so//chos mthun pa nyid can gyi sbyor ba'i blo ni gtan tshigs mthun pa'i phyogs la yod par brjod par yod mod kyi/ chos mi mthun pa brjod pas mi mthun pa'i phyir la med par de ma thag tu 'gegs pa'i phyir ro/ /de ji ltar de'i gcig brjod pa yang sgrub par byed pa'i yan lag ma yin no zhes bya ba 'dis phyis 'chad par 'gyur pa dang 'gal par mi 'gyur ram zhe na/de yang de lta ma yin no/ /'di ltar tshul gsum po dag gi rtags kyi don gyi bdag nyid bstan pa yin no/ /don dam par na de'i rnam par gnas pas brjod pa yin no//gsal bar byed pa phyogs kyi chos brjod pa dang mthun pa'i phyogs la yong par brjod pa 'am/ phyogs kyi chos brjod pa dang / mi mthun pa'i phyogs la med par brjod pa nyi do/ /des na tshogs pa'o/ /de'i tshig gnyis po tshogs pa'i yan lag tu phyogs kyi chos la sogs pa brjod pa'o//phyogs kyi chos kyi tshig ni mi g.yo ba yin la cig shos dag ni res 'ga' gzhan dang gzhan du ma yin pa des na/ tshig gnyis tshogs pa'i ngo bo'i yan lag can la/ tshig gnyis rtag tu yan lag yin no/ /da ni de'i yan lag gcig brjod kyang gnyis po dag 'ba' zhig tu ma zad kyi/sgrub pa'i yal lag tu brjod pa yin no/ /bshad pa snga ma'i rjes su 'brangs nas smos pa yin te/ gnyis po mi brjod pa ni mi smra bar 'dug pas so/ /rnam grangs gzhan yang de bzhin du zhes bya ba dang /de nyid kyi zhes bya ba yin no/ /tshul gsum pa'i tshogs kyi tshogs gang yin pa'i yan lag gi cha shas so/ /ji ltar dam bca' ba la sogs pa sgrub par byed pa'i yan lag nyid ma yin zhe na/ brjod par bya ste/ dam bca' ba brjod pa ni dngos sam brgyud pas de grub pa mi skye'o//'di ltar don dang 'brel pa kho nas don rtogs kyi sgras ni ma yin no/ /don dang 'brel pa med pa'i phyir ro/ /de'i phyir dam bca' ba brjod pa 'am/ gtan tshigs brjod pa ni dngos su sgrub par byed pa'i don mi 'grub ste/ phyogs kyi tshig las the tshom za ba dang /don mthong ba las nges pa yin pa de'i tshe dngos su sgrub par byed pa ma yin no/ /'on te the tshom za ba kho nar ma grub ste/ phyogs kyi tshig las rgol ba dang phyir rgol ba dag nges pa'i phyir ro/ /de lta ma yin na gzhan du gyur te/ 'di ltar byas pa la sogs pa'i tshig las kyang mi mkhas pa rnams the tshom skye bas ma nges par 'gyur ro zhe na/'di ni ma 'brel pa yin te/ chos can gcig la mi rtag pa la sogs pa shes par byed par 'dod pas/ yid ches par byed pa'i chos gnyis brtsis nas rgol ba dang phyir rgol pa dag nges pa yin no//re zhig dngos po gcig la brtson par mi 'gyur te/ sgrub par byed pa'i sbyor ba dag mi byed par thal bar 'gyur ba'i phyir ro/ /yid ches par byed par mi 'gyur te/ chos gnyis kyi dngos po gnyis su 'gyur la/ dngos po gnyis kyi chos 'gal ba gnyis par thal bar 'gyur pa'i phyir ro//gang gi tshe dngos po gcig la tshad ma'i stobs kyis rgol ba las chos 'gal ba'i dngos po yin pa de'i tshe de dngos po gnyis su 'gyur ro/ /'on te tshad ma'i stobs kyis nges pa ma yin na ni lung las rang nyid kyis go bar 'gyur ro//'di ltar gzhan yang chos gnyis tshad mas nges pa yin na/ ji ltar phyogs kyi tshig la the tshom za bar 'gyur ro zhes brjod do/ /de bas phyogs kyi tshig dngos su sgrub par byed pa ma yin la/ brgyud pas kyang ma yin no/ /gtan tshigs ma grub pa dang dpe ltar snang ba bzhin du bsgrub par bya ba brjod pa nyid kyis ston par mi nus pa'i phyir dang /gtan tshigs kyi tshig gis ston par mi nus pa'i phyir ro/ /gtan tshigs kyi nus par 'dod do/ /'on te sgrub par byed pa'i yan lag tu dam bca' ba'i tshig brjod par 'gyur yang gtan tshigs kyi tshig bzhin du sgrub par byed pa la phan 'dogs par byed pa'i yul gsal bar byed pa'i sgo nas dam bca' ba bsgrub par rjes su bzung ngo //de lta ma yin na/ de sgrub par byed pa'i yul du ma byas na 'jug par mi 'gyur ro//shes pa dang bdag dang yid dang phrad pa la sogs pa yang sgrub par byed pa phan 'dogs par byed pa des na tshig nyid du 'gyur ro zhes bya ba yin no/ /'dis kyang sgrub pa'i yan lag gi bsgrub par bya ba brjod pa ni/ dpe'i tshig bzhin du sgrub par byed pa'i yul gsal bar byas nas mthong ba'i phyir ro zhe na/'di yang shin tu don med pa yin no/ /gzhan gang gi phyir sgra la mi rtag pa'i sgrub pa ni sgrub par byed kyi tshig tu brjod par 'gyur ba'i sgrub par byed pa'i yul la phan btags bas gsal bar byed pa ma yin no/ /de ma thag pa'i yan lag ni bsgrub bya bsgrubs pas yan lag ma yin na/yul bstan pas nye bar sbyor ba gang la yin na/ gal te 'di med na bsgrub bya mi 'grub na ni thams cad mdzes par 'gyur ro/ /ji srid du de med kyang gang ji snyed pa'i byas pa dang yod pa mi rtag pa yin te/dper na bum pa la sogs pa lta bu'o/ /sgra yang byas pas zhes bya ba 'dis phyogs ma brjod kyang mi rtag pa yin no zhes bya ba go bar 'gyur ba nyid do/ /de'i phyir 'di bstan pa'i don med pa nyid do/ /gal te 'di phyin ci log tu gyur pa gtan tshigs kyi byed pa'i yul ston phyogs kyi tshig sbyar bar mi bya ba nyid na/de ji ltar phyogs la brtan nas brjod pas phyogs kyi chos nyid la sogs pa grub par 'gyur/ de dag nges pa'i bdag nyid yod par gyur pa de'i mthus phyogs rtogs pa ma yin na/ nus pa thob pa'i phyogs kyi stobs kyis phyogs kyi chos la sogs pa grub pa yin no zhes mi rigs te/de dag yod pa la nus pa thob pa nyid kyi phyogs med pa'i phyir ro/ /gzhan yang phyogs bstan pa 'dis phyogs kyi chos nyid la sogs pa shugs kyis 'ong ba sa phyogs kyi dbang gis phyogs chos la sogs pa 'grub po//phyogs kyi chos la sogs pa'i stobs kyis kyang phyogs yin no zhe na/ de la 'dir brjod pa/ bsgrub byar byed pa'i dus su phyogs kyi chos nyid la sogs pa'i rnam par rtog pa yod par zad kyi/ gang la shes par 'dod pa'i bye brag dang ldan pa'i chos can sgra la sogs pa 'am spra pa dang rta spangs la sogs pa mi'i gnas kyi chos can la byas pa nyid dang du pa la sogs pa'i mtshan nyid rjes su dpag pas byed pa'i mngon sum gyis shes pa 'am/shes par bya ba yin no/ /de bye brag dang ldan par ma nges pa yin na gzhan bum pa'i tshad bang la sogs yod par dran par byed do//de'i khyad par spangs pa ni nam mkha' 'am mtsho la sogs pa la med pa dran par byed do/ /de'i dngos po'i chos de dag med kyang phyogs kyi cho nyid la sogs pa brjod pas/ de shes par 'dod pa'i chos can la chos kyi bye brag shugs kyis brjod pa yin no//de yang 'di shugs kyi yul la phyogs zhes brjod do/ /de nas phyis 'byung bar 'gyur ba rten pa'i ji ltar 'dod pa la phyogs kyi chos zhes btags so/ /bstan bcos kyi tha snyad kyi rgya cher bstan to/ /gal te shes pa mthong ba'i gnas skabs kyi stobs kyis sgrub par byed pa'i dus su phyogs la sogs pa'i rnam par rtog pa ji lta bu yin zhe na/dngos po'i chos gang la rgol ba'i gnas su gyur pa'i chos kyi khyab par sgrub par 'dod pa'o/ /mthun pa'i phyogs de'i chos gang yin pa'i chos ni mthun pa'i phyogs chos so//rnal ma'i rnam pa bsgrub par bya ba'i chos kyi spyi dang don mthun pa ni mthun pa'i phyogs so/ /de spangs pa ni mi mthun pa'i phyogs yin no zhe na/ gang yang sgrub par byed pa'i dus su phyogs kyi sbyor ba yod pa de yang phyi rol gyi yan lag ma yin pa'i phyogs brjod pa ni mi rtag go zhes bya ba'o//'on te gnas skabs can gzhan yin yang skabs kyi stobs kyis phyogs kyi chos la sogs pa dag brjod pa yin na de yang phyogs kyi sbyor ba sum 'byin pa la yang mtshungs so/ /de'i phyir dam bca' ba'i tshig gi sgrub par byed pa'i yan lag yin pa dang /nye bar sbyar ba dang mjug bsdu ba'i tshig dag sgrub par byed pa'i yan lag ma yin pa de bzhin du brjod do/ /de la re zhig dpe la ltos nas ni de bzhin nye bar bsdu ba'o/ /de lta bu ma yin pa'i sgrub pa ni nye bar sbyor ba'o/ /dper na de bzhin du zhes bya ba ni gzugs brnyan gyi don to//'dir gzugs brnyan yang ci zhig yin zhe na/ dper na gyur pa'i chos 'khrul pa med pa nyid du grub pa ni bsgrub par bya ba 'gyur ba dang chos mtshungs pa yin no/ /de bzhin du 'di yang byas pas zhes bya bas bsgrub par bya ba srid pa ni nye bar sbyor ba'i don to//'o na byas pa'i phyir zhes bya ba ni 'dis srid pa ji ltar brjod ce na/ ma brjod de/ bsgrub bya sgrub pa'i chos tsam bstan pa'i phyir ro/ /byas pa nyid ni bsgrub bya sgrub pa'i chos can bstan to/ /byas pa'i phyir sgra mi rtag pa yin no/ /de slar yang sgra ni byas pas zhes bya bas yod pa'am med pa yin snyam pa la nye bar sbyor bas srid pa go bar byed pa yin/sgra las byas pa yod pa'i phyir ro/ /de ltar gtan tshigs byas pa las tha dad pa don ston par byed pa nyid do zhes nye bar sbyar ba yin no/ ngo bo tha dad pa'i rnam grangs su grags pa tha dad pa yin la gtan tshigs brjod pa'i dus phyis ston pa ni nye bar sbyor ba yin pa'i phyir dpe'i gtan tshigs bzhin du rjes su dpog pa yin no//gtan tshigs brjod pa nas mjug bsdu ba ste/ dam bcas nas yang dam bcas brjod pa'i phyir ro//tshad ma'i 'thad pas dam bca' ba'i yul ni don ma lus pa las bzlog par thal bar 'gyur ba dgag pa'i phyir phyis brjod pa gang yin pa de ni mjug bsdu ba'o/ /dam bca' ba kho na yang brjod pa ni ma yin te/ ci'i phyir zhe na/ gang gi phyir sgrub pa ston pa ni/dam bca' ba yin la/ grub pa ston pa ni mjug bsdu bar sbyor ba ma yin pa'i phyir ro/ /yang gi sgra yang sna tshogs pa la mthong ste 'od 'di yang thang cig 'byung ngo zhes brjod pa dang / dri za'i grong khyer 'di yang mthong zhes bya ba bzhin du 'dir yang gtan tshigs bstan pa ni shugs kyis nye bar sbyar ba'i nang du 'dus par bzung ste/dam bca' ba'i nang du 'du ba ni mi srid pa'i phyir ro/ /dam bca' ba'i phyi nas gtan tshigs 'ga' zhig ston pa ni 'jug bsdu bar sbyor ba ma yin no/ /sgra mi rtag pa yin te byas pa yin pa'i phyir ro//de'i phyir sgra mi rtag pa yin no zhes bya ba de yang dam bca' brjod pa las don tha dad pa brjod pa ni mjug bsdu ba ste/ dam bca' ba brjod pa la ngo bo tha dad par gyur ba'i gtan tshigs brjod pa'i dus phyis brjod pa'i phyir dpe brjod bzhin no/ /mtha'i ngo bo mjug pa sdu ba'i sgra yang bsgrub bya'i don ston pa ma yin te/de nges par gzung bar 'jig pa'i phyir ro/ /gang yang 'gro bas na 'di rwa can yin no zhes 'ga' zhig brjod pa de'i tshe rta ma yin no zhes brjod pa bzhin no/ /de'i phyir spyi sgra dang lhan cig pa'i dag gis spyod pa'i yul du yod pa ni bsgrub bya'i don bstan par mi 'gyur te/rgyu bstan pa'i dus phyis skye ba mthong ba'i phyir snga ma bzhin no zhe na/ de 'dir dgag par bya ste/ mi rtag ste/ sgra 'di byas pa'i phyir ro zhes de skad du sbyor ba ni ma yin te/ dam bca' ba'i sbyor ba ni de ma thag par gsal ba'i phyir ro//'on kyang sgra ni byas pa'i phyir ro/ /gang de lta bu yin pa de thams cad ni mi rtag pa yin te/ dper na bum pa la sogs pa bzhin no/ /yang na gang byas pa de thams cad mi rtag pa ste/ dper na bum pa la sogs pa bzhin no/ /de bzhin du sgra yang byas pas zhes bya ba de lta bu gnyi ga de ltar 'dod par sbyor bar bya ste/gnyi gas kyang bsgrub bya 'grub pa'i phyir ro/ /de la gal te sgra ni byas pa'i phyir gang yang de lta bu de thams cad ni mi rtag pa yin te/ dper na bum pa la sogs pa gzhan la brjod pa de bzhin du sgra yang byas pas zhes bya bas gzugs brnyan gyi don nye bar sbyor ba'i tshig brjod pa 'di ni don med pa yin te/gzugs brnyan med kyang de ma thag pa'i sbyor bas rtogs par 'gyur ba'i phyir ro/ /sgrub pa ni gang don med pa de ni rtogs pa dang ldan pas bsgrub pa'i ngag tu brjod par mi bya ste/dper na se'u bcu zhes bya ba la sogs pa'i tshig de bzhin du gzugs brnyan gyi don nye bar sbyor bar brjod pa yang don med pas zhes bya ba ni khyab par byed pa dang 'gal ba'o/ /rang gi don gyi don dpog pa yang rigs pa 'di nyid kyis mthong ba yin snyam na 'ga' zhig sems pa dang bcas pa yin pa ni/'di ltar byed pa med/ byas pa'i dngos po nyid du sgra la bzung bar de'i med na mi 'byung ba rjes su dran pa de bzhin du sgra byas pa yin no zhes bya ba gzugs brnyan gyi don byed pa ma yin no/ /'on kyang gang byas pa de thams cad mi rtag pa ste/dper na bum pa bzhin no/ /de bzhin du sgra yang byas pas srid par 'dod pa'i don nye bar sbyor ba'i tshig gis brjod pa yin no/ /'di ni kho bo yang yan lag tu byed de/ dam bca' ba'i de ma thag bsgrub bya sgrub pa tsam bstan pa mi rtag pa ste/ sgra ni byas pa'i phyir ro zhes bya ba la sogs pa bstan par mi bya ste/dam bca' ba'i sbyor ba mi srid pa'i phyir ro/ /de'i phyir nye bar sbyor ba'i yan lag gzhan pa ni gtan tshigs ma grub pa'i sprul gyis zos pas yan lag tu ma nus pa kho na'o/ /gang 'di yang grub pa'i don bstan pa'i mtshan nyid kyi mjug bsdu ba zlos par bshad pa yongs su spangs par brjod do//mjug bsdu ba med par don bsgrub pa kho na yan lag lnga pa'i sgrub par byed par brjod par 'thad pa ma yin no/ /de lta ma yin na mjug bsdu ba brjod pa don med de don grub pa'i phyir sgrub pa'i yan lag tu mjug bsdu ba sbyor bar bya ba dang /des kyang brjod par yang mi bya ba dang / sgrub par byed pa ma grub par brjod pa yang dam bca' bar 'gyur ro/ /rmongs pa'i log par rtogs pa la ltos pa med pa la mi rtag pa nyid du grub par smra'o//mjug bsdu ba ni dam bca' pa'i yul gyi don tshad ma mtha' dag gi thabs gzhan ma lus pa'i yan lag dpyad nas mi rtag pa kho nar nges par bzung nas 'jug go zhe na/ de ni 'thad pa ma yin te/ gal te tshad ma gzhan la ltos pa med pa de lta na shugs kyis bsgrub bya nyid nges par gzung ba yin no//'di ltar gang byas pa yin pa ste/ mi rtag pa yin te/ dper na bum pa la sogs pa bzhin no/ /sgra yang byas pas zhes bya bas mi rtag pa nyid med par mi 'byung ba yin no/ /sgra las byas pa nyid yod par bshad pa de'i shugs kyis sgra mi rtag par nges pa yin no//des ni 'di brjod pa'i shugs rtogs par bya ba'i don shes par byed pa'i phyir yang brjod pa ni rgyu mi dmigs pa dang / 'dir yang bzlog par thal bar 'gyur bar cung zad tsam yang 'dogs par mi bya'o/ / ngag gis de rnam par gcad pa'i 'bras bu dang bcas pa'i 'dir rgyur 'gyur te/ byas pa la mi rtag pa nyid khyab pa bsgrub pa'i phyir ro/ /sbyor ba yang gang shugs kyis rtogs pa de ni rtogs pa dang ldan pas sgra sbyar ba 'am tshig de zlos par 'gyur te/ dper na gzhon nu ma khang pa'i nang na med pa 'am/mi gson no zhes bya ba de'i shugs kyis de phyi rol na yod par brjod par rtogs pa bzhin du phyogs kyi chos dang rjes su 'gro ba dang ldog pa brjod pa'i shugs kyis kyang de rtogs par 'gyur ro/ /de'i phyir mi rtag pa yin no zhes bya ba de lta bu la sogs pa'i phyi nas bsgrub par bya ba'i don to//snga ma ni bsgrub bya la ltos nas khyab par byed pa dang / 'gal ba dmigs pa yin no/ /bsgrub bya gnyis la ltos nas rang bzhin gyi gtan tshigs so/ /de nyid kyi phyir mjug bsdu ba'i yan lag gzhan bstan pa ni gtan tshigs ma grub par bshad do//ji skad du/ snga ma la ltos dam bca' sogs/ /ngag gi don brjod zin pa la/ tha dad pa yi tshig gis ni/ /don gcig ston pa ma yin te/ /des na 'brel pa grub pa'i phyir/ /mjug bsdu pa ni logs shig brjod//ces bya ba la/ de yang 'dis bsal ba yin pas rgya cher brjod par bya'o/ /rjes su gro ba dang ldog pa dag cas bya ba ni rnam grangs pa gzhan gyi rgyus 'jug pas gnyis pa shugs kyis go pa yin pas grub ma zin pa yang brjod par mi bya'o/ /kun las btus pa'i 'grel pa mkhan gyis yul bstan pa zhe na zhes bya ba la sogs pa smos te/ma yin te zhes bya ba la sogs pa ni lan no/ /gal te zhes bya ba la sogs pa ni gtan tshigs bsags pa ste/ dam bca' ba sgrub par byed pa'i yan lag thob par 'gyur te/ phyogs kyi tshig bzhin du bsgrub bya rtogs pa'i rgyu mtshan nges pa'i phyir ro//gtan tshigs ldog pa the tshom za ba'i phyir zhe na/ smras pa/ phyogs kyis chos kyi tshig la yang de dang mtshungs pa'i phyir 'gal ba dang ma nges par 'gyur te/ phyogs chos yod par 'gyur kyang go bar mi byed pa'i phyir ro/ /de nyid kyis the tshom bskyed pas phyogs kyi tshig ni sgrub par byed pa ma yin te/thun mong la sogs pa'i tshig bzhin no/ /de dag gis de dang mtshungs pa'i phyir zhes bya ba la sogs pa smos so/ /the tshom skyed pa'i yan lag bstan pa yin no/ /de dag nyid gsal bar byed pa ni/ phyogs kyis chos kyi tshig ces bya ba la sogs pa'o/ /'dis ni de ma thag pa'i gtan tshigs de 'khrul par brjod pa yin no/ /'o na 'brel pa ma bstan pa'i mnyan bya la sogs pa'i phyogs kyi chos sgrub pa'i yan lag ni mi mthun phyogs med pa nyid du 'khrul pa med pa nyid ma yin/'brel pa bstan pa'i sgrub pa'i yan lag yin pa de'i tshe de las the tshom za ba'i ma nges pa tshigs med par ldog go/ /'di snyam du sems pa yin te/ 'di'i phyogs kyi tshig dang mtshungs pa'i phyir de yang sgrub par byed par 'gyur ro/ /'on te bstan pa ni bden na gal te yod pa ma yin na yang de las bsgrub bya mi 'grub pa'i phyir ro//brngas zin pa zor bas rnga bar byed pa ma yin na byed pa yang don ci zhig rgyas par byed/ 'brel pa ma bstan na gtan tshigs the tshom skyed pa'i phyir ro/ /de nyid kyis the tshom skye'o zhes 'chad do/ / gal te de lta na 'on te sbyor ba gzhan des bsgrub bya 'grub pa med pa'i phyir don med pa nyid de sbyor bar mi 'gyur ro/ /de lta ma yin na phyogs sgrub par byed par ji ltar nus par 'gyur/ des kyang tshul gsum pa bstan pa'i gzhan gyi don gyi rjes su dpag pa slob dpon gyis bshad pa dang 'gal bar 'gyur ro//de lta na phyogs kyi chos dang 'brel pa la brjod pas bsgrub par bya ba brjod pa ji ltar spong ba yin zhe na/ 'gal ba med de phyogs kyi chos dang 'brel pa dag gis bsgrub bya brjod pa yin pas gsal bar byed pa la 'phangs pa de'i phyir gzhan dag phyogs dang nye bar sbyor bar byed/brjod pa la sogs pa sgrub par byed par khas blangs pa'i tshig spangs pa yin no zhes bshad zin to/ /bshad pa'i don 'di yin te/ gang gi phyir phyogs kyi chos dang 'brel pa nyid kyi rjes su 'gro ba dang ldog pa dag gis brjod par 'dod pa'i don grub pa'i rgyur rigs pa yin te/gzhan du ni ma yin no/ /de'i phyir rjes su dpag par bya ba'i bstan pa'i don sgrub pa'i phyir phyogs kyis chos bstan pa yin gyi gzhan ni ma yin zhes 'gal bar byed do/ /phyogs brjod pa 'phangs pa ni gsal bar byed pa yin no//de dag gis zhes bya ba ni phyogs brjod pa ni tshul gsum pa'i rtags kyis 'phangs par brjod pa dang mtshungs so snyam nas rtags kyi tshig brjod pa yin te/ brjod pa dang don gcig pa'i phyir ro/ /de la kho bo cag ni rjes su dpag par bya ba bstan pa ni dpe dang gtan tshigs kyi yul du 'dod pa'i phyir 'gal ba med do//phyir zhes bya ba ni gang gi phyir te/ de rtog ge'i bstan bcos bden pa nyid brjod par bya ba yin pas 'brel pa mang po'i sbyor ba ni 'brel pa med pa yin no/ /gzhan de nyid kyis mtshan nyid log par rtogs pa'i bye brag dgag pa ni zhar la byung bas chog ste/rnal ma de nyid brjod par bya'o/ /de'i dngos po'i ngo bo sgrub pa'i yan lag ni gnyug ma'i don gyi chos sgrub par byed pa'i yan lag gang yin pa de nyid gsal bar byed pa ma yin pa ni tshig rkang pa gnyis yin no/ /shes par 'dod pa ma yin pa ni phyir rgol bas so//bstan bcos la brten pa'i g.yo la sogs pa'i tshig ni 'brel pa med pa zhar la 'ongs pa ni dor bar bya ba tsam yin pas rgya cher brjod par mi bya'o/ /dper na blo dang dbang po dang yul dag gi tshogs las tha dad pa'i bdag yod dam med ces 'dri bar byed pa na rigs pa can gyis brjod pa/tshad ma ni yod pa la sogs pa yul yin pa dang yul ma yi pa la khyad par med pa zhes bya ba'i yul can gyi kho bo'i mngon sum la sogs pa ni kho bo'i yul la sogs pa rog par byed pa dang shes pa rig par bya ba tha dad pa'i shes pa ste/rang gi rgyu la rag las pa'i skye ba dang ldan pa'i phyir skyes bu gzhan gyi shes pa bzhin no zhes bya ba dang / des na rdzas ni yod pa'i phyir mi rtag pa dang ldan pa'o/ /rgyu dang 'bras bu dang spyi dang khyad par bzhin no zhes bya ba ni rdzas dang yon tan dang las dag khyad par med pa'i phyir 'bad pa chen pos yod par sogs par khyad par med par smra'o//yod pa la sogs pa ni yul dang yul ma yin pa la khyad par med pa'i shes bya'i yul nyid du chos kyi khyad par rnam pa 'ga' zhig med kyang rnam pa'i bsgrub bya sgrub pa la phan 'dogs pa'i gtan tshigs su rjes su brjod par gzhan mi shes pa'i rjes su brjod pa la sogs pa ma yin pa'i phyir ro//'dir sgrub pa la sogs pa brjod bas lan gzhan gyis khong du chud par byed pa'i nus pa gnod pa'i gtan tshigs yin no zhes bya bar yongs su gzung bar bya'i zhar la byung ba gang yin pa zhes bya bar sbyar ro//bdag med par smra ba la dpe ji lta bu zhig smra bar byed ce na/ gang la rdzas la sogs pa'i skyon gyi tshogs dgag pa dang / sgrub pa'i bde bar gshegs pa'i chos kyi 'dul bas kyang bdag tu smra ba'i nga rgyal gyi rgyal mtshan ma lus pa sel bar byed pa la sogs pa'i mtshan nyid ston pa des na glu dang gar la sogs ba ston par byed pa'i zhar la byung ba yin no//de la gzhan dag dang gzhan dag la ni lta smos kyang ci dgos/ 'o na ni kho bo cag sangs rgyas pas brjod pa yin no zhes ji srid du dgag pa bye brag dang bcas pa brjod pa ji ltar yin/kho bo cag sangs rgyas pa 'di skad brjod do zhes bya bar 'gyur te/ dper na bdag med brjod do zhes bya ba bzhin no/ /mang po rnams la mang po'i tshig gis brjod par mi nus pa ni ma yin no//gang zhig ces bya ba ni brjod pa'i phyir ro zhe na/ de lta yin te/ gang gi phyir 'di rang gi phyogs pa dag nyid gzhan 'ba' zhig yin gyi/ gzhan la ltos nas mang po'i sgra de bzhin du sbyar ba ma yin pa'i phyir/ 'di 'dra ba nyid rgol bar 'dod pas dper brjod pa yin gyi/gzhan dag la ma yin pa ni brjod pa'i phyir ro/ /yang na rmongs pas smra la mngon par zhan pa'i phyir 'di nyid brjod pa yin no/ /de lta na yang sgra'i bstan bcos ni don med par bstan par 'gyur ba de nyid kyi phyir shing rta chen po ba gzhan gyis rgyal po khyed pas kho bo cag ni 'khor gyis brten pa'i slob dpon gyis shes rab kyis mngon par rlom mo zhes bya ba 'di brjod pa lta bu'o//mkhas pa dam pa ni dam pa'i blo dang ldan pa yin pa'i phyir ji ltar bzhad gad byed pa yin/ kye ma zhes bya ba 'dir kha bskang bar bya'o//tshad ma'i mtshan nyid bcu gnyis rgyas par spros nas ston pa ni rgyal dpog pa'i bstan bcos las de yang rgyal ba pa'i 'dod pa bstan pa yin no/ /de na rtag par dam bca' ba de kho na nyid kyi rten sgra dang bum pa las gang yang rung ba'i gnyis pa dang bcas pa zhes bya ba'i dam bca' ba 'di nye bar bkod nas/mtshan nyid bcu gnyis la sogs pa'i tshig gis lan 'debs par byed do/ /re zhig tshad ma'i mtshan nyid gcig yun ring po nas brjod pas mtshan nyid kyi chos rig pa ni 'jug par byed pa yin no/ /'jug pa'i tshig gis byung ba dang 'byung bar 'gyur ba dang phra ba dang bar du chod pa dang /bskal ba'i don bstan pa la cung zad cig kyang dbang po rtogs par nus pa med do/ /'di ltar yod pa dang 'brel pa'i skyes bu'i dbang po las kyang skyes pa ni mngon sum yin te/ rgyu med par rig par bya ba dmigs pa'i phyir ro//'du byed kyi sdug bsngal ba nyid grub pa med par yang mi rtogs pa nyid grub pa ma yin te/ rten cing 'brel par ma byung ba la skad cig ma rigs pa ma yin pa'i phyir ro/ /de ltar na de ni de dang 'dra ba'i chos logs shig tu brjod par bya'o zhe na/ de ltar na yang dngos po'i chos ma smras su zin kyang zhes bya ba la sogs pa smos te/rnam pa de lta bu ni bsgrub par bya ba'i chos kyi nang du 'dus pa'i phyir rgol bas shes par 'dod pa yin te/ de ni de las logs shig tu ni dam bca' ba las gzhan pa gtan tshigs dang dpes so/ /gang gi tshe 'di dag sgrub pa'i yan lag ma brjod pa'i ji skad bshad pa'i tshar gcad pa'i gnas su 'gyur ram zhe na/bshad pa/ rgol bas de ltar dngos po sgrub pa'i yan lag ma brjod pa dang / lan brjod pa gang yin pa des ni gnyis las gcig kyang rgyal ba dang pham par mi 'gyur ro//ci'i phyir zhe na/ sgrub par byed pa ma brjod pa'i phyir rgol ba rgyal ba med pa 'am/ /phyir rgol bas de'i dngos po ma rtogs pa'i phyir pham pa yang med de de ni sgrub pa la ltos pa'i phyir ro/ /de nyid kyi phyir rgol ba la yang de dag la med pa'i yin no/ / da ni phyir rgol bar tshar gcad pa'i gnas pa bstan pa ni/ rgol ba skyon mi brjod pa zhes bya ba la sogs pa smos te/ yul gang las shes par 'dod pa dag la'o/ /shes par mi 'dod pa la yang skyon mi brjod pa ni nyes pa ma yin no snyam du dgongs so/ / sgrub par byed pa'i skyon de gang yin zhe na/ bshad pa/ ma tshang ba nyid ni drug ste/ re re dang gnyis gnyis kyis sgrub par ma brjod pa'o/ /mthun pa'i phyogs dang mi mthun pa'i phyogs la yod pa dang med pa cig car sbyor ba ma yin na rnam pa drug tu ma tshang ba'i skyon ji ltar 'dod par 'gyur zhe na/gang gi cha thams cad las nye bar sbyor ba las khyab pa dag tha dad pa de la ltos pa des na 'di rnam par gzhag go/ /'o na rjes su 'gro ba dang ldog pa dag la ma bstan pa la sogs pa de'i tshe yang dpe'i skyon du 'gyur bar brjod par bya'o zhe na/ 'di gzhan la skyon du 'gyur yang gtan tshigs la skyon gcig kho na dang ldan par mi 'gyur la/dpe ltar snang ba bco brgyad kyi dper brjod pa ni rigs pa'i thigs par rgyas par blta bar bya'o/ /de dag sgra gang dang gang gis blta bar bya ba ma brjod pa'o/ /ma brjod pa de yang rnam pa gsum gyi rgyus yin te/de yang sgrub par byed pa'i skyon med pa nyid ces bya ba la sogs pa smos so/ /'o na sgrub par byed pa skyon med pa brjod pa la rgol bas skyon brjod pa tshar gcad pa'i gnas rigs pa yin na skyon dang bcas pa nyid la shes pa nus pa med pa dag gis skyon ma brjod kyang rgol bas sgrub par byed pa skyon can sbyar ba'i phyir rgol ba pham par rnam par gzhag phyir rgol ba ni ma yin no zhe na/'dir smras pa/ sgrub par byed pa skyon can brjod pa yin yang zhes bya'o/ /gal te rgol bas phyir rgol ba spangs pa'i phyir sgrub par byed pa skyon can yin pa de lta na yang des ci'i phyir pham par ma gyur zhe na/'ba' zhig ces bya ba la sogs pa smos so/ /gal te de lta yin na/ ci'i phyir pham pa nyid ma yin na de kho na nyid grub pa las nyams pa'i phyir ro zhe na/ brtsad pa ma yin te/ sun ma phyung ba'i phyir ro//lan gzhan ni/ skye bo ngan pa'i log par rtogs pas tha snyad mdzes pa ma yin te/ de'i phyir rigs pa'i lugs byed pa ma yin par rgyal bar 'dod pa'i rgol ba 'ga' zhig tshig dor la sogs pa'i tha snyad ma yin no/ /gal te de kho na don du gnyer na ni rigs pa brjod pa las phyir rgol bas rtogs pas don de rigs pas khas blang bar bya'o//'o na te rang gi phyogs su lhung ba'i stobs dang ldan pa'i phyir brjod pa yang rigs pas rtogs pa yin pa de'i tshe des phyir rgol ba la de'i rigs pas don rtogs pa dang ldan pa ma yin pa la dbang po nye bar gyur pa las rtogs par byed pa'i phyir dam pa rigs pa'i rjes su 'brang ba'i rtsod pa byed pa 'jig par 'gyur ro zhes bya'o//gal te de kho na nyid bsrung ba ni ji skad du de nges par bsrung ba sgrub pa'i don du g.yo sgyu ni sa bon skyed pa la tsher ma'i rib ma byed pa bzhin no zhe'o//ma yin te zhes bya ba ni slob dpon gyis so/ /de kho na nyid bsrung ba ni 'di ltar legs par gyur pa yin te/ nges par rtogs pa drung phyung ba las yin no zhes bya bar dgongs so/ /de med pa zhes bya ba ni sgrub par byed pa bshad pa dang / sgrub pa ltar snang ba sun 'byin pa bdag med pa'o//rnam pa gzhan du zhes bya ba ni log par ston pa med pa'o/ /ji ltar sgrub par byed pa la skyon med pa yin zhe na/ smras pa/ de'i skyon yin par 'dod pa yin yang grub pa la gnod pa med pa'i phyir ro/ /byas pa sgra mi rtag pa tsam sgrub pa la byed pa la brjod par mi 'os par 'gyur ba nam mkha'i yon tan mi 'dod kyang sgrub par byed pa ni rkang mig pa 'ga' zhig rigs pa mi shes pa bstan bcos khas blangs pas de thams cad 'dod na/de'i tshig tsam gyis bstan bcos dang dam bca' la skyon ma yin pa'i phyir de yang rigs pa ma yin no//bstan bcos la brten nas khas blangs pa tsam gyis bsgrub pa ma yin pa'i phyir ro/ /de ltar ma yin na/ dris pa'i yon tan du gyur pa 'di nyid kyis gtan tshigs phyin ci log tu sgrub par byed pas dam bca' ba 'di dang 'gal bar 'gyur ro//de bzhin du dwa ra dwa dzas skyon gzhan 'di yang rjod par byed de/ bdag med do zhes dam bca' ba la sogs pa ni pan tshun 'gal ba yin te/ gang gi phyir bdag ni dngos po rjod par byed pa yin la med do zhes bya ba ni de dgag pa brjod pa yin no zhe na/'di ni mi rigs te/ thog ma med pa'i bag chags las byung ba bdag nyid rnam par rtag pa dngos por snang ba'i ngo bo'i sgra'i don la gzhan dag rtag pa dang khyab pa la sogs pa bdag gi khyad par gyi mtshan nyid kyis dngos por khas blang ba dgag par 'dod pa'i phyir/'di nyid chos can du rnam par gzhag ces yod pa dang med pa sems par byed do/ /ci bdag 'di rnam par rtog pa'i snang ba'i don yin nam/ ji ltar mngon par 'dod pa dngos po las skyes pa yin nam ma yin snyam pa 'dir rnam par rtog pa'i snang ba 'di nyid ni don las ma skyes pa'i phyir dang /de gnyis blos gzhag pa'i sbyor ba las bdag tu rtogs pa'i phyir ro/ /rnam par rtog pa'i snang ba las tha dad pa phyi rol gyi mtshan nyid mi mthun pa nyid sgra'i don ma yin pa'i phyir de ni dgag pa dang sgrub pa yang med do//de lta ma yin na ni/ gcig tu don dam la 'jug pa/ lta ba bye brag gzhan dag ni/ /don rnams la ni sgra rnams dag /rgyu med can 'gyur mi 'jug cing / /'das dang ma skyes pa la yang / /tshig 'ga' zhig kyang brdzun pa yis/ /don can du ni mi 'gyur phyir//'di dag blo yul don can 'dod/ /de yang dngos por khas len pa'i rnam par rtog pa 'di dgag par 'dod pa yin te/ de ni yul dang dus so sor nges pa la ltos pa'i rnam par rtog pa'i snang ba'i yul yin pa'i phyir ro/ /sgra 'di nyid kyang yul med pa ma yin no//des kyang ji skad du bshad pa/ gang gang la 'gog pa de ni de las gzhan pa ni yong pa ma yin te/ dper na ji ltar med pa'i dbang du byas nas bum pa'i sgra byam par rtogs par byed pa yin du chug pa de ltar na yang yul dang dus kyi khyad par las 'gog par byed de bum pa med do zhes bya ba bzhin du/khyim 'di na med do zhes yul gyi bye brag 'gog pa dang / de ltar med do/ /sngar med do/ /phyis med do zhes dus kyi bye brag 'gog pa yin/ thams cad na 'di med ces 'gog na thams cad du bum pa nyams su ma myong ba dgag par rigs pa ma yin no//de bzhin du bdag kyang mi 'gyur ro/ /'di yul gyi bye brag dang dus kyi bye brag la 'gog pa yin no zhe na/ gal te re zhig yul gyi bye brag la 'gog na de ni bdag la mi rigs te/ bdag la yul med pa'i phyir dang / yul gyi bye brag la 'gegs pas bdag dgag par mi rigs pa'i phyir dang /de khyed mi 'dod pa'i phyir ro/ /gal te lus la bdag med pa yin no zhe na/ gang gi lus la bdag mi 'gog par byed/ gal te lus la bdag med do zhes de ltar 'gog go zhe na/ su'i yul la bdag 'di 'gog pa yin/de ltar na bdag ni gang gang la yang bdag med do/ /med pa 'di nyid ci zhig yin/ khyad par 'gog pa'i phyir med pa yin no zhes bya ba ni tshig gi tshul ci zhig yin/ 'di ni 'di lta bu yin no zhes tshig gi tshul gyis ji lta ji ltar gyur pa de lta de ltar bstan par bya ba yin pa'i phyir dang /bdag 'di ni 'ga' zhig la med pa'i phyir ro/ /de'i phyir bstan pa de bzhin du dus kyi bye brag la yang dgag par rigs pa ma yin te/ bdag ni dus gsum du mi gsal ba'i phyir ro/ /bdag 'gog par byed na ni sgra yul dang bcas pa brjod dgos na/tshig gcig kyang don med par ma mthong ngo / /'on te lus la sogs pa rnams la bdag gi sgra rjod par byed pa de lta na yang ji ltar 'gal ba med pa yin/ bdag med do zhes bya ba la 'di'i don ni 'di yin te/ lus la sogs pa med do zhes bya bar 'gyur ro zhes bya ba de lta bu la sogs pa 'brel ba med pa mang po de gsal ba yin no//dam bca' ba don gyi phyogs yin no zhes bya ba de yang spyi 'am khyad par zhig yin par gyur na/ gang brtsal ma thag tu 'byung ba nyid ni dam bcas pa'i don gyi phyogs gcig ni ma yin te/ chos can du mtshon par bya ba las ma log pa'i phyir ro/ /gang dang gang las nye par mtshon pa de ni de'i phyogs gcig ma yin te/ dper na khang bzangs kyi phyogs bya rog ma yin pa bzhin no/ /gzhan ni mi rigs phyir mi 'dod/ /ces bya ba ni rkang mig tshar gcad pa'i gnas nyi shu rtsa gnyis ji skad bshad pa yin te/dam bca' ba la gnod pa dang / dam bca' ba gzhan dang / dam bca' dang 'gal ba dang / dam bca' ba bkag pa dang / gtan tshigs gzhan dang don gzhan dang / don med pa dang / rnam par mi rigs pa'i don dang /'bras bu med pa dang / dus ma yin pa dang / ma tshang ba dang / lhag pa dang / zlos pa dang / rjes su ma brjod pa dang / mi shes pa dang / dgos pa med pa dang / spangs pa dang / khong du ma chud pa dang / brgal zhing brtag pa la ltos pa dang / rjes su ma sbyor ba la sbyor ba dang /grub pa'i mtha' dang / gtan tshigs ltar snang ba rnams tshar gcad pa'i gnas yin te/ rnam pa nyi shu rtsa gnyis po 'dis rnam par dbye ba rtogs par bya'o/ /mi mthun pa'i dpe la khas len na dam bca' la gnod pa yin te/ rnam bshad byed pa'i sun dbyung nas rnam 'grel byed pa la gnas pa'i phyogs la smras pa de nyid bstan par bya ba ni/dwa ra dwa dzas bshad pa sun dbyung nas/ kho bo cag 'di nyid re zhig nges par byas nas brjod par bya'o zhes dgongs so/ /de la rnam bshad pa'i 'dod pa ni bsgrub par bya ba'i chos la mi mthun pa'i chos du mas gnod par byed pa ste/dpe dang mi mthun par shes nas dam bca' ba spong ba ni dam bca' la gnod pa'o/ /dpe bstan pa ni sgra mi rtag ste dbang pos gzung bar bya ba'i phyir bum pa bzhin no zhes byas pa la gzhan gyis smras pa spyi ni rtag ste/ dbang pos gzung bar bya bar mthong ba ci'i phyir sgra la yang de bzhin du mi 'gyur zhes bya ba'o//lan du brjod pa ni/ gal te 'di dbang pos gzung bar bya bar 'dod par ma zad kyi bum pa yang rtag pa yod par 'gyur ro/ /de'i sgrub par byed pa 'di dang dpe rtag pa dang nye bar mjug bsdu bas de ma thag tu phyogs pa bzhin no//phyogs spangs pa ni dam bca' ba la gnod pa zhes brjod do/ /dam bca' ba la brten nas phyogs su gyur pa'i phyir ro zhe'o/ /rnam 'grol byed pas 'di dag sun dbyung ba ni 'di ltar shes pa ni med na ji ltar 'di dam bca' ba la gnod pa yin zhes bya/pha rol pos spyi dper brjod pa ni gtan tshigs ma nges pa yin te/ ma nges pa'i skyon gyi sgo nas rang gi dpe rtag par ston pa'i phyir ro/ /rnam par bstan pas kyang dpe ma grub pa'i skyon du 'gyur ba'i phyir dpe'i skyon 'di 'am/ gtan tshigs kyi skyon des dam bca' ba la gnod pa'i tshar gcad pa ma yin no//dpe la gnod pas dam bca' ba la gnod pa yin no zhes tshar gcad par gdags pa yin no snyam na/ dpe dngos po med pa nye bar btags pa mi srid do/ /dam bca' ba la gnod pa dngos kyi yul du brjod par bya'o//da ni rnam 'grel byed pa'i 'dod pa ni rang nyid nye bar 'god de/ mi mthun pa'i dpe zhes bya ba la sogs pa'o/ /'dir dpe mngon par 'dod pa gang zhig yin/ gal te re zhig 'dir 'jig rten pas brtags pa'i dpe de ni grags pa yin pa de'i tshe bshad par byed pa'i 'dod pa las khyad par du de byas pa med do//rnam pa gzhan du na de ni rtogs pa'i thabs med pa'i phyir ro zhe na/ smras pa de la ma mthong ba de dag kyang sgrub par byed pa'i cha shas can yin par mjug bsdu ba ni mthar gnas pa'i phyir nyid dpe yin no//des na rang gi sgras ni khyad par dang lhan cig bsdu ba'o/ /de las bzlog pa ni mi mthun pa'i dpe'o/ /dper na sgra mi rtag ste/ dbang pos gzung bar bya ba'i phyir zhes rgol bas brjod pa na mi mthun pa'i phyogs dang ldan pa yin no/ /sgra la sogs pa'i dbang po'i gzung bar bya ba de rtogs pa mi mthun pa'i phyogs de la yang 'jug pas gtan tshigs 'khrul par 'gyur ro//de ltar spyi'i sgo nas gnod par 'gyur bar bshad pa de ltar na sgra la yang de bzhin du yod par 'gyur ba'i phyir/ 'di ni dam bca' la gnod pa zhes bya ba tshar gcad pa'i gnas yin no//ci'i phyir zhe na/ sgra mi rtag par dam bcas par btang ba'i phyir dang / dam bca' ba'i sgras chos kyis khyad par du byas pa'i chos can brjod pa yin te/ cha shas kyi spyi yin pa'i phyir ro/ /'dis ni 'dir dwa ra dwa dza'i 'dod pa spangs shing dor ba yin te/dam bca' ba spangs pa'i rgyu'i phyir ro zhes bya ba dam bca' ba la gnod par gnas pa gang yin pa de'i phyir khyad par nges pa su zhig gis byas/ 'di su zhig gi yin snyam du rnam pa gzhan gyi sgo nas rang gi phyogs dang /gzhan gyi phyogs kyi rjes su shes pa'i sgo nas dam bca' la gnod pa yin no/ /mi sbyor ba nyid dam bca' ba la gnod pa 'dod do zhe na/ gnas skabs de las gzhan yod pa ma yin pa'i phyir don la nges par brjod pa'i phyir ro/ /'on te gzhan yang srid par 'gyur ba yin no zhe na/gtso bo rgyu mtshan de de la bstan pas gzhan yang bstan pa kho nar 'gyur ba'i phyir ro/ /de 'dir yang bshad pa 'di dag nyid kyang gtan tshigs kyi skyon brjod pa la sogs pa'o/ /ci'i phyir zhe na/ gang gi phyir de ltar phyir rgol bas gtan tshigs kyi skyon brjod pas rgol ba'o//dam bca' ba la gnod par 'gyur te/ yang dag pa'i skyon brjod pa'i phyir ro/ /rtsod pa gzhan 'dir yang spyi ni rtag pa ste/ dbang pos gzung bar bya ba yin no zhes bstan pas sgra la yang de bzhin du 'gyur ro zhes brjod pa 'di ni 'brel pa med pa nyid yin no//gang gi phyir rang bzhin du gnas pa'i spyi'i bdag nyid bstan pa tsam gyis spyi'i bdag nyid ci yod par 'gyur ram/ de yang dbang po'i gzung bya yin pas rtag pa sgra yin yang ma dpyad par rtag pa khong du chud par 'gyur ram/ 'di ltar 'gyur te/ spyi yang rtag pa dang dbang po'i gzung bar bya ba nyid de ni bum pa mi rtag pa nyid la yang dbang pos gzung bar bya ba mthong ba'i phyir the tshom du 'gyur ro//gzhan yang mi mthun pa'i phyir chos shes pas 'dir yang rigs pa ma yin no snyam nas/ de'i chos zhes bya ba smos te/ spyi yang rtag pa de'i chos yin pas so//gang gi phyir sgra mi rtag par brjod pa la/ 'ga' zhig gis sgra rtag go zhes bya ba mi mthun pa'i phyogs gtsor nye bar 'gyur ba yin gyi spyi ni ma yin te/ de ni chos can gzhan yin pa'i phyir ro/ /'di ltar rtag pa dang ma yin pa ci'i phyir zhe na/mi mthun pa'i phyogs shes pas so/ /yang na 'dis zhes bya ba ni ji skad bshad pa 'di nyid gtso bo'i rgyu mtshan yin no zhes bya ba bsgrub pa'i yan lag ma brjod pa'o/ /dam bca' ba'i don bkag pa la chos rnam par brtags nas de'i don ston pa ni dam bca' ba gzhan pa zhes bya ba ni mtshan nyid gnyis pa'i mdo yin te/tshar gcad pa'i gnas yin no zhes kun la yang sbyar ro/ /'di'i don bgag pa'i gtan tshigs mi mthun pa'i phyogs la yod par brjod pa ste/ de ltar na mthun pa'i phyogs dag gi chos kyi bye brag gi rgyur gyur pas sngar dam bcas pa'i don las bstan pa don ni dam bcas pa gzhan du byed pa/dper na bum pa thams cad du 'gro ba ma yin pa de bzhin du/ sgra la yang yin pas bum pa bzhin du mi rtag par 'gyur ro/ /sgra yang zhes bya ba lhag ma'o/ /'di dag dgag pa ni 'dir zhes bya ba la sogs pa smos te/rnam phug gis bshad pa'i TI kA byed pas 'dir pham par 'dod pas na dogs pa bsu ba ni/ thams cad du song ba ma yin pa zhes bya bas gtan tshigs kyi khyad par du byed pa bshad pa yin nam/ gtan tshigs khyad par dang bcas pa mi mthun pa'i phyogs la med pas dam bca' ba gzhan pa tshar gcad pa'i gnas ma yin gyi/gtan tshigs khyad par bstan pas gtan tshigs gzhan du gyur pa tshar gcad pa'i gnas yin pas 'di ni shin tu rigs pa yin no/ /'di ltar phyogs kyi chos nyid mkhas pa'i blos rnam par dpyod pa na/dam bca' ba gzhan par bshad par mi 'grub pa'i phyir ro/ /gang gi tshe gtan tshigs kyi khyad par du bstan pas gtan tshigs gzhan pa tshar gcad pa'i gnas su 'gyur bar gzhan gyis brjod pa de'i tshe shin tu mdzes pa yin no/ /gang gi phyir de nyid yin pa ni blo'i dam bcas pa gzhan pa ni 'brel pa med pa'i phyir ro//dpe brjod pa dang chos mthun pa zhes bya ba la sogs pa ni/ chos mthun pa'i bsgrub par bya ba sgrub par byed pa ni gtan tshigs yin gyi/ de'i dam bca' ba'i mtshan nyid bsgrub par bya ba ston pa'i dam bca' ba gzhan med pa'i phyir ro//khas blangs pa 'dis dam bca' ba dam bca' bas sgrub par byed na dam bca' ba tsam gyis spangs pa ni 'dod par grub par mi 'gyur ro/ /des kyang dang po'i snga ma las dam bca' ba'i gzhan pa yin du zin kyang gtan tshigs dbang pos gzung bar bya ba mi brjod do//de'i phyir rnam pa 'di lta bu'i dam bca' ba sgrub pa'i ched du dam bca' gzhan pa sgrub par byed do zhes bya ba ni byis pas brjod pa yin no/ /ngo bo 'di lta bu la gzhan dag dgos pa'o/ /mtshan nyid nges pa ni 'brel pa med pa kho na nas yin no//dam bca' ba gzhan par brjod pa ni/ dam bca' ba gzhan pa zhes bya ba tshar gcad pa'i gnas 'di gang zhig yin/ /'on te mtshan nyid 'di 'dra'o/ /zhes pa'i nges pa med pa yin te/ dam bca' ba'i don bkag pa la chos rnam par brtags nas de'i don to zhes de ltar bya ba'i phyir ro//'on te de las bzlog pa gzhan pa ston pa'i phyir nyes pa med do zhes brjod pa na/ mkhas pas dam bca' bas bsgrub par brjod pas ji lta ba de ltar bsgrub bya mi 'grub pa yin na/ ma grub pa dang 'gal ba dang ma nges pa la sogs pa yang sbyor bar byed pa na de dag sgrub par byed pa'i yan lag ma brjod pa la sogs pa khyed kyis brjod par mi bya'o//des na mkhas pa dag gis kyang / /zhes bya ba smos so/ /tshad ma brjod pa med pa rang gi bstan bcos khas blangs pa yin te/ de ltar 'gyur ba'i spyi de nyid ma grub pa yin no zhes de ltar bstan to zhes bya ba'i don to//'di ltar snang ba'i sems kyis gzhan gyi gzhung lugs rnam par 'jog pa na tshad ma med pa'i tshig gzhan de kho na nyid mthong bas ma nges pa'i skye bo mkhas pa de ltar nges par mi bya'o/ /tshad ma dang ldan pa'i khas blangs pa mkhas pas dor bar mi bya ba'i phyir ro//'di ltar 'gyur te tshad mas ma bsgrubs pa'i sgrub par byed pa las ni rgyal ba yin par yang mi 'gyur te/ mi mthun pa'i phyogs ma spangs pa'i phyir ro/ /dam bca' ba dang gtan tshigs dag 'gal bas dam bca' ba dang 'gal ba zhes bya ba tshar gcad pa'i gnas yin no//yon tan la ma gtogs pa'i don ni/ rdzas zhes bya ba ni dam bca' ba'o/ /gzugs la sogs pa las don gzhan mi dmigs pa'i phyir ro zhes bya ba ni gtan tshigs te/ de ni 'dir dam bca' ba dag gtan tshigs su 'gal ba'o//gal te yon tan las rdzas tha dad pa yin te/ gal te gzugs la sogs pa las don gzhan mi dmigs pa ni 'thad pa ma yin te/ 'on te gzugs la sogs pa las don gzhan ma dmigs pas yon tan las tha dad pa'i rdzas zhes bya ba ni 'thad pa ma yin no//'di nyid kyis dam bcas pa dang gtan tshigs 'gal bas dam bcas pa rang gi tshig dang 'gal bar bshad pa ni/ mdo byed pas nye bar mtshon pa'i don du bshad pa'i phyir ro/ /dge sbyong ma skyes bu'i longs spyod pa spangs pa'i sbrum ma'i skyes bu'i longs spyod pa med na med pa yin pas rang gi tshig dang 'gal ba yin no//gtan tshigs kyi 'gal ba de nyid kyis bshad zin pa dang sbyar ro/ /de tha dad pa ni sna tshogs pa ste gcig pa med do zhes bya ba'i don to/ /tshogs pa las dngos po'i sgra sbyar ba'i phyir ro/ /spyir brjod pa ni bum pa la sogs pa la dngos po'i sgra sbyar ba'i phyir ro zhes bya ba'i don to//gang gi phyir tshogs pa zhes bya bar brjod pa ni gcig khas blangs pa yin no zhes bya bar 'gyur ro/ /gcig pa sogs pa la sogs pa zhes bya ba ste/ de bzhin du ba lang nyid la sogs pa la bsags pa las rdzas su bstan pa 'di la 'dus pa zhes brjod do//'di thams cad tshogs pa las rdzas gang yin pa de ni ba lang nyid la sogs pa'i dngos por rnam par gnas pa zhes bya bas rnam par gnas pa'o/ /tha dad pa phra mo dang ches shin tu phra ba dang de las kyang chos shin tu phra mo ste/gang tha mi dad pa ni de las bzlog pa'o/ /gang gi phyir 'di tha dad pa las bzlog pa de ni 'on te gcig par sems na/ rdul phra rab tha dad par sems pa de ni la sogs pa'i tshogs zhes bya'o/ /kye ma 'dir mthong ba ni gzugs la sogs pa yin na/rdul phra rab tshogs pa'i ngo bo de su zhig gi tshogs pa yin zhes brjod par bya ba de bzhin du lhag ma'i yon tan rnams la yang ngo zhe na/ rdul phra rab rdzas brgyad 'dus pa yin no zhes bya ba'i bstan bcos dang 'gal bar 'gyur ro/ / 'di rnams las rdzas ni gang / sgra med phra rab rdul rnams yin/ /zhes bya ba de'i phyir gcig tu mi 'thad pa du mar 'thad pa yin no zhes bya ba ni shin tu rmongs pa ste/ 'di'i rgyu ma grub pa yin no/ gang gi phyir du ma'i mtshan nyid mi mthun pa 'di la sogs pa'i yon tan la tshul 'dzin pa la sogs pa'i yan lag can gcig tu 'dus pa'i dngos po skye ba yin no//des na sgra gcig rtogs pas na lhag ma shugs kyis rtogs par bya'o/ /'on te dam bca' ba dang gtan tshigs la 'gal ba yin no zhe na/ thog ma dang phyi ma dang khyad par med pa de lta na gnyis ka rten par mi srid kyang 'gal bar brjod pa dang 'dod pa gang yang rung bar bstan pa yin no zhes dwa ra dwa dzas bshad pa'i phyir ro//dam bca' ba dpe dang 'gal ba yin te/ dper na gsal ba ni gcig gi rang bzhin te/ tshad ma dang ldan pa'i phyir kham phor la sogs pa bzhin no//kham phor la sogs pa'i dpe gcig gi rang bzhin brjod pa'o/ /dper gyur pa'i rang bzhin ni rang bzhin gzhan pa'i phyir ro/ /rang bzhin gcig yin pa'i kham phor la sogs pa'i dper rigs pa ma yin no/ /gtan tshigs dang dpe la sogs pa dang 'gal ba ni dper na yon tan las ma gtogs pa'i rdzas gzhan nyid ma dmigs pa'i phyir dper na bum pa bzhin no//bum pa la sogs pa tha dad pa smos pas gtan tshigs la gnod pa'i dpe'o/ /sogs pa smos pa ni gtan tshigs dang nye bar sbyar ba dang /mjug bsdu ba'i 'gal ba yang gzugs par bya'o/ /dpe ni 'di yin te/ sgra ni mi rtag pa yin te byas pa'i phyir ro/ /gang byas pa de ni mi rtag pa yin te/ dper na nam mkha' lta bu'o/ /de bzhin sgra byas pas zhes bya ba nye bar sbyar ba dang gtan tshigs 'gal ba'o//de bzhin du dpe la ltos pa dang de bzhin du mjug bsdu ba dang / de bzhin du bsgrub par bya ba dang / nye bar sbyar ba yang bshad do/ /'dir yang dpe phyin ci log pa yin no zhes bya ba la de la ltos nas nye bar sbyar ba dang / gtan tshigs 'gal ba yin no/ /'di 'dra ba'i sbyor ba yin pa de'i phyir mi rtag go zhes bya bas tshad ma dang 'gal ba'i dam bca' ba dang /gtan tshigs ni dper na dro ba ma yin te/ me'i rdzas yin pa'i phyir chu bzhin no zhes bya ba de mngon sum dang 'gal ba'o/ /gzhan gyi phyogs zhes bya ba la sogs pa'o/ /de dang rang gi phyogs la ltos pa med pa yang zhes bya ba la sogs pa smos pa/'di dag gtan tshigs dang dam bca' gnyis ka dang 'gal ba yin no zhes bya ba 'dis gzung ba'i phyir tshar gcad pa'i gnas logs shig tu brjod do zhes bya ba bstan par mi bya'o/ gzhan gyi phyogs zhes bya ba ni 'dir rkang mig la sogs pa gzhan gyi tshad ma byed pas ma nges pa brjod pa'o//rang gi phyogs la mi ltos pa zhes bya ba ni zhes bye brag pa'i tshad ma byed pas gzhan la/ gzhan la 'khrul bar brjod pas na tha dad pa yin no/ /gal te de lta na ba lang nyid la sogs pa 'khrul ba brjod pa ni 'gal ba'i lan brjod pa yin par de ltar gyur pa ma nges pa'i yul gang yin zhe na/gnyi ga zhes bya ba la sogs pa smos te/ rgol ba dang phyir rgol ba gnyis pa'i phyogs la rab tu grub par khas blangs pa'o/ /de ni ma nges pa yin te/ de de yin pa'i phyir/ nye bar brtags nas de ltar 'jug pa des na ma nges par rig par bya'o//'dir yang zhes bya ba la sogs pa smos te/ de yang bgag pa'i phyir ro/ /de la brten nas de dam bca' ba dang 'gal ba ste/ da ni des de bzhin du byas pa yin no/ /des dam bca' bar byas pa yin no/ /lhag ma ni go sla'o//tha dad pa rnams kyang ri la sogs pa 'ga' zhig kyang mngon sum pa'o/ /bskal pa ni sha za la sogs pa'o/ /de la 'di nyid tshar gcad pa'i gnas te/ dper na dam bca' ba ni 'gal ba med par dam bcas pa'o/ /tshar gcad pa'i gnas yin no zhes bya bar sbyar ro//ci'i phyir zhe na/ de la brten pa'i phyir ro zhes bya ba'i don to/ /gal te de la brten pa yin na tshar gcad pa'i gnas su 'gyur ro zhe na/ gal te zhes bya ba la sogs pa smos so/ /skabs su bab pa'i rgol ba'i mjug bsdu ba yongs su rdzogs pa'o//de sgrub par byed pa'i rgyu mtshan du dam bca' ba'i sbyor ba'o/ /de tsam gyis sgrub par byed pa'i yan lag tu brjod pa'i rgol ba rnam par nyams par 'gyur ro/ /dpe 'ga' zhig las skabs su bab pa'i mjug bsdu ba'i mthar thug pa yin pa'i phyir 'don to/ / de la rgol ba yongs su rdzogs pa ste/ dam bca' ba'i tshig gi sbyor bar 'gyur ba'i mthar thug pa'i dbang du byas pa yin no zhes bya ba'i don to/ /'on te khyed kyi blo de ltar gyur na ni skad cig ma nyid la sogs pa'i bsgrub par bya ba gcig pa nyid la yod pa nyid dang skye ba dang ldan pa'i rkyen gyi bye brag gi tha dad pa la sogs pa'i gtan tshigs mang po rnams kyi khong du chud par bya'o//de bzhin du sun da byung ba gcig la yang sgrub par byed pa'i ngag gi rim gyis sam dam bca' ba'i tshig la sogs pa'i sgo nas sam gzhan gyis kyang sun 'byin to/ /de ltar na pham zin pa la pham par mi 'gyur ba'i phyir ro//'dir bshad pa/ gang du gtan tshigs yongs su brjod pa dang / de dag gi rnam par rtog pa'i sgo nas 'di dag nyid snga ma'i gtan tshigs la ltos pa'i phyir ro/ /yang na rnam pa gzhan du sgrub par byed pa 'dis bsgrub par bya ba sgrub par byed pa'i 'jug pa'i rgyu'i nus pa yod pa yin no//bsdus pa'i sbyor ba nyid kyis ci'i phyir ma yin zhe na/ bshad pa/ rnam pa gzhan du gang gi tshe bsdus pa'i sbyor ba'i gtan tshigs gzhan 'dod pa de'i tshe gnyis po don med pa'i phyir ro/ /rnam par rtog pas nus pa yin no zhes brjod pa don med pa bstan to//gal te de la yang sbyor ba gcig med par sbyor ba gzhan du yang mi 'gyur te/ dgag pa gnyis kyis rnal mar 'gyur ba'i phyir ro/ /gang gi tshe sbyor ba gcig gis sbyor ba gzhan 'dus par 'gyur ro zhes bya ba'i don to/ /de'i tshe gnyis pa sgrub par byed pa'i don 'ga' zhig kyang yod pa ma yin te/khong du ma chud par bstan pa med pa'i phyir ro/ /gtan tshigs dang po bstan pa kho nas don tha dad pa'i phyir shing gcad pa'i bya ba grub zin pa la sta res cung zad cig kyang bsgrubs pa'i don byed pa ma yin no zhes bya ba'i don to//'o na sgrub pa bzhin du rnam par rtog pa'i sun 'byin par 'gyur ro zhes 'di snyam du sems na/ gzhan dag gis khas blangs pa ni rigs pa ma yin te/ 'di ltar des rang nyid kyi dam bcas pa sgrub par byed pa'i yan lag tu ma rtogs par 'gyur te/ dam bca' ba dang gtan tshigs dang dpe dang nye bar sbyar ba dang /mjug bsdu ba yan lag gzhan bzhin no zhes bya ba 'gal ba'i phyir ro/ /gtan tshigs gzhan dag nyid ces bya ba sngar yan lag can gyi rdzas bkag par bshad zin to/ /bum pa'i sgras bum pa'i yan lag can gyi rdzas kyi mtshan nyid gcig pa bstan du med par don sna tshogs par gzugs la sogs pa don gcig byed pa'i spyi yin gyi/spyi gcig pa gang yin pa de ni brjod du med par khong du chud par bya'o/ /sgra'i don thams cad gzugs la sogs pa don gcig byed par nus pa sna tshogs pa'i ngo bor gyur pa'i rgyus dngos po gcig pa'i khyad par gyi rang bzhin med par bstan pas dngos po gcig pa med pa yin no zhes bstan to//sangs rgyas pa ni gzugs la sogs pa med par dbang po'i don ni mi spong ngo / /gzugs la sogs pa las tha dad pa'i nus pa du ma 'dod na/de ji ltar gcig yin no zhes brjod par bya/ /de ji ltar sgra gzhan gyi don yin/ don rang gi mtshan nyid ni sgra'i don du brjod par mi bya'o zhe na/ ma yin te/ nus pa tha dad pa ni don dam pa yang ma yin te/ dngos po tha dad pa'i don gcig byed par shes pas nges pa'i rgyu yin pa'i phyir phan tshun gcig pa yin no zhes bshad do//de skad du/ gcig pa'i shes pas rgyu yi phyir/ /blo ni tha dad med pa yin/ /blo gcig rgyu yi dngos po yis/ /gsal ba rnams ni tha mi dad/ /ces bshad do/ /skyes bus nges par byas pa la brten nas sgra'i don rnam par 'jog pa yin no//skyes bu ni thog ma med pa nas phyin ci log pa'i bag chags yongs su smin pa las byung ba'i nang gi ldog pa'i rnam pa sna tshogs pa rnams la mthong ba'i rnam par rtog pas sgro btags gcig tu gtogs pa yin no/ /don dam par sgra ni yul med pa yin no//gsal ba rnams ni rnam par shes pa'i don las gzhan pa'i rjes su 'gro ba yin te/ brjod pa'i spyod yul gyi dngos po yin pa'i phyir ro/ /de skad du yang / mdo las/ gang dang gang gi ming gis ni/ /gang dang gang gi chos brjod pa/ /chos rnams lhan cig chos can la//de dang de ni yod ma yin/ /zhes gsungs so/ /des na/ 'dir bsdus pa'i don ni gzugs la sogs pa dang bum pa ni ci rigs par du ma nyid dang gcig pa ste/ mang po la gcig gi tshig gis brjod par bya ba ma yin te/ dper na skar ma dang zla ba la sogs pa bzhin no zhes bya ba de lta bu dpag pa ltar snang ngo //gzhan gyi bum pa la sogs pa sgra'i yul gang yin pa 'di don gcig par brjod par khas blangs pa de nyid spang bar bya ba yin la/ gzugs dang ro la sogs pa'i rdul phra rab kyi rang bzhin ni ma yin no/ /'di ltar de dag so so re re'i bdag nyid yin par 'dod pa de nyid de/se'u nyi tshe'i sa bon bzhin du tshogs pa nye bar gyur pa las nges par 'gyur ba de'i tshe/ yongs su gsal bar rigs pa ma yin no/ /'dod na dbang po med pa la/ /sgra med phra rab rdul rdzas brgyad/ /lus dbang ldan pa rdzas dgu ste/ /dbang po gzhan la rdzas bcu'o//zhes bshad do/ /de ltar rdul phra rab rnams kyi mthar dbang pos gzung ba dang / mi rtag pa dang / gzhan yang kho bo cag gis de rgyas par bshad do/ /gang yang 'di dag mang po'i tshig dang gcig gi tshig gis brjod pa'i phyir ro zhes bya ba de ni 'khrul pa'i phyir ro//'di ltar gang gi tshe bud med dang chu bo dang bye ma dang rdzas nyid gcig pa nyid yin du zin kyang btsun mo dang chu bo dang bye ma dang zhes bya ba'i tha dad du byed pa de'i tshe ci de la mang po'i tshig tu gang gis 'gyur/ gal te nus pa tha dad pa yin no zhe na/ da ni thams cad kyi bdag nyid la gcig gi tshig gis brjod par mi 'gyur ro//dngos po tha mi dad pa la gcig gi tshig tu 'gyur ro zhe na/ 'di yin du chug kyang de 'dir dngos po med na bya ba nges pa ci zhig yod/ rang 'dod kyi dbang gis sgra sbyar bar byed pa yin no/ /'dis ni gsal ba dang rigs kyi bud med la sogs pa la rab tu sbyor bas gsal ba'i cha shas kyi grangs la sogs pa la 'jug pa yin no zhes bya ba gzhon nu ma len gyis ji skad smras pa de yang gsal ba yin te/grong khyer drug ces bya ba ji ltar mang po la gcig gi tshig tu 'gyur ro/ /grong khyer nyid kyang cung zad kyang med na/gang las de skad brjod/ khang bzangs dang skyes bu la sogs pa rnams rigs mi mthun pa rnams mi rtsom pa'i phyir/ gang las tshogs pa'i rdzas su 'gyur/ ldan pa ni med de/ ldan pa'i ming du zad de/ khang bzangs la sogs pa phan tshun ldan pa med pa'i phyir ro/ /khang bzangs rang nyid ldan pa yin pas gzhan pa'i yon tan dang ldan pa ma yin no//de nyid kyi phyir grangs kyang med do/ /gal te de dang ldan pas skyes bu'i khyad par can gyi yod pa yin no zhe na/ ci khyad par du byar med pa'i khyad par rnams yod pa nyid du 'gyur ram/ khang bzangs gcig pa yang ma yin la/khang bzangs mang po yang ma yin pa'i phyir mang po'i sgra brjod par mi 'gyur ro/ /gnyi ga phan tshun phan 'dogs pa yin no zhe na/ phan 'dogs pa med pa la ci lhan cig tu 'byung bar 'gyur ram/ skyes bu dang ldan pa yod pa rnams mang po'i phyir ji ltar grong khyer zhes bya ba gcig gi tshig gcig tu 'gyur/gal te de ltar gyur pa 'ga' zhig nus pa tha dad pa'i rgyu mtshan yin no zhe na/ ma yin te/ dngos po'i ngo bo las nus pa tha dad pa'i phyir ro/ /tha dad pa phan 'dogs pa med pa ni gzhan la rag las ma ma yin pa'i phyir ro/ /phan 'dogs par byed pa nyid kyi nus pa la yang phan 'dogs par byed pa nyid kyi nus pa tha dad pas gzhan/dgos pa rtogs pa thug pa med par 'gyur ro/ /de tha dad pa ma yin na ni/ dang po 'di la yang thal bar 'gyur pas ci yang ma yin no/ /rnam pa 'di yang gzhan yang dpe nye bar bstan pa yang zhes bya ba smos te/ci lnga pa'i mtha' nye bar bstan pa dper gyur pa yin nam zhe na/ bshad pa/ byas pa nyid ni mi rtag pa'i phyir ro zhes bya ba gang gis ji skad bshad pa lta bu'o/ /gtan tshigs bsgrub par bya ba dang rjes su 'bral pa gang la yod pa dang yod par bshad pa'i lnga pa'i mtha' can gyi dpe yin te/gtan tshigs nye bar sbyor ba'i bdag nyid yin no/ /'ga' zhig ni bum pa la sogs pa'i rdzas so/ /bden par rtogs pa'i gzugs la sogs pa tha dad pa yin pa dang med pa zhes bya ba'i don to/ /sna tshogs pa phan tshun ldog pa grong khyer la sogs pa spyi grong khyer drug ces bya ba la sogs pa gang blos sgro btags pa'o//de la grags pa'i sgra sbyor bar nye bar bstan pa'i phan tshun tha dad pa rnams don gyi rjes su zhugs pa blos bsdus nas spyi'i dngos po'i sgra sbyor ba la sogs pa lnga pas nye bar sbyar nas phyogs la chos bsdu bar bsams nas log par rtogs pa gnas pa yin la yod pa'i spyi thams cad tha dad pa yin no zhes bya bar mjug bsdu bar bya'o//log par rtogs pa'i gnas su bstan pa ni tshar gcad pa'i gnas yin no/ /'di skad ston pa yin te/ gyo mo las tha dad pa'i yan lag can yod pa dang med par rtsod par 'gyur ba 'dis gtan tshigs nyid mtshan nyid gsum pa bstan to/ /gzhan gyi dpe nye bar bkod pa ni gtan tshigs kyi sbyor ba 'di nyid de bzhin du byed de/ /gang yang phan tshun log par tha dad pa de ni yan lag can gyi rdzas gcig pa'i rjes su 'gro ba lus can ma yin te/dper na grong khyer drug ces bya ba la sogs pa bzhin no/ /de bzhin gyo mo la sogs pa yang phan tshun tha dad pa'i phyir ro zhes bya'o/ /'o na ni gal te 'di'i dpe'i sbyor ba de'i phyir dang po kho nar de'i sbyor ba go rims bzhin du sbyor ba dang /dper na gang yin pa de ni skad cig ma ste/ dper na bum pa bzhin no zhes bya ba'o/ /lnga pa'i mthar bstan pa ji ltar yin/ log par rtogs pa'i yul yang ci'i phyir mi ston/ gyo mo la sogs pa'i cha shas kyi khyad par dgag pa ni/ dper na sgra mi rtag pa yin te/byas pa nyid mi rtag pa'i phyir zhes bya ba lta bu'o/ /dang smos pa ni gsal ba'o/ /ci'i phyir zhe na/ bsgrub bya rjes su 'gro ba ma bkag pa'i phyir ro/ /'di ltar phan tshun ldog pa rnams don gcig gi rjes su 'gro ba blos bsdus pa'i tshogs pa'i dngos po sgra sbyor ba'i phyir ro zhes bya ba bsam pa'i ngag gis bya ba rdzogs pa yin no//ma yin te zhes bya ba yin te bsdu ba nas bstan pa'i phyir ro/ /mdor bsdus nas brjod pa yin no zhes bya ba'i don to/ /byas pa nyid ni mi rtag pa yin pa'i phyir ro zhes bya ba la sogs pa de lta bu'i sbyor ba yang mthong ba'i phyir dang /sgrub par byed pa'i tshig ma yin pa'i phyir ro/ /sgrub pa'i sbyor bas sbyor ba rtags nas bstan pa'i tshig 'dis 'di sgrub par byed pa'i yan lag ma yin no zhes bya ba'i don to/ /de nyid kyi phyir na zhes bya ba ni/ dpe ston pa'i ngag la sogs pa'o/ / gang yang snal ma dang snam bu tha dad pa yin te/ gzugs tha dad pa'i khyad par dang ldan pa'i phyir gzugs dang ro bzhin no zhes bya ba'i gtan tshigs 'di la yang snal ma 'di yang snam bu yin pa'i phyir tha dad par ma grub pa'o/ /de la brten pa'i yon tan gyi cha shas kyang ma grub pa'o//bzhi ba grub pa yin no zhes pa'i 'dod pa mi 'grub pas na chog go/ /'di ltar phra ba dang rags pa'i rdzas 'du ba dang khyad par dang ldan pa 'am/ dus tha dad pa las skyes pa'i rdzas dang 'du ba yin no zhes gzhan gyis brjod pa yin no/ /'o na bsam pa sna tshogs pa'i sbyor bas 'ga' zhig gtan tshigs kyi sbyor ba'i rtsod pa brjod pa/de dang bsam pa gcig pa'i sbyor bas brjod pa de ni kho bo cag gis rab tu sbyar ba ste/ dam bcas pa gtan tshigs kyi tshig tu brjod kyi/ gang dpe mngon par 'dod pa yin no zhe na/ mi 'dod pa zhes bya ba smos te/ bcom ldan 'das de bzhin gshegs pa'i dgongs pa la gnas pa la ltos nas/khyed rkang mig pa la 'gal ba yin gyi/ kho bo cag gi rang gi phyogs la ni de 'dra ba yin no zhes bya ba bsdu ba'i don to/ /rnal 'byor ba la yang 'dod pa yod pa nyid de/ drug gis cig car sbyar ba na/ /phra rab rdul cha drug tu 'gyur//drug po dag ni go gcig na/ /gong bu'ang rdul phran tsam du 'gyur/ /zhes bya ba la sogs pa rdul phra rab gcig pa nyid khas blangs pas gong bu'i 'dus par rnam par dpyad na 'di 'dod pa nyid do zhe na/ de'i phyir gang yang zhes bya ba la sogs pa smos te/ 'o na de ltar na gzhan dngos po med par rnam pa gzhan gyis sgrub par byed par 'dod pa ji ltar yin zhe na/gcig dang du ma 'gog pa'i phyir ro/ /drug gis cig car sbyar bas na/ /zhes bya ba la sogs pa re zhig gcig bkag pas de'i 'dus pa du ma yang de med pas med par 'gyur ro/ /de skad du/dngos po gang gang rnam dpyad na/ /de dang de ni gcig tu med/ /gang gis gcig kyang yod min pa/ /des na du ma nyid kyang med/ /ces bshad do/ /'o na/ drug gis cig car sbyar bas na/ /zhes bya ba la sogs pa ji ltar gcig pa nyid sel ba yin zhe na/ gang gi tshe de la de nyid cha shas su sgrub par byed pa de nyid kyis/rdul phra rab de'i cha shas kyis phra bar 'gyur te/ rdul phra rab kyi rnam par dbye ba'i mtshan nyid mthar thug pa'i phyir ro/ /ji ltar de dag kyang cha shas su brjod pa 'dis/ de'i cha shas su brjod pa de lta na/ de la de nyid lan yin no zhes bya ba rnams 'di nyid kyis rdul phra rab gcig pa nyid dgag par byed par mi nus te/de ni rnam par dbye ba'i phyir ro/ /rdul phra rab khas mi len pa de ji lta gcig pa nyid du khas len par 'gyur te/ de med par ston pa'i gtan tshigs thams cad rang nyid la ma grub par 'gyur ro zhe na/ gang gi don du smra ba'i cha shas kyis rnam par dbye ba'i bsgrub pa gang yin pa de mthar 'dren par byed pa'i phyir ro//rdul phra rab dngos por brjod pa de la drug gis cig car sbyar ba des gcig nyid gsal ba yin no/ /gang gi tshe de yang de ltar yod pa gsal bas/ cha shas ji ltar gsal ba bstan pa de'i tshe rang gi dam bca' ba nyams pa yin no//cha shas dang bcas pa'i yan lag tu mi byed pa de lta na brgal zhing brtag pa mi rigs so/ /rdul phra rab de nyid cha chas dang bcas par yod par rnam par gzhag pa'i mtshan nyid de nyid rnal 'byor spyod pa las 'gegs pas tshar gcod pa'i phyir dang de nyid thug pa med par thal bar bsgrub pa'i phyir/ma grub pa'i skyon yang med pa'i phyir 'di brjod par mi bya'o/ /'dir brjod pa kho bo cag gis khyed la ni brjod pa ma yin gyi rmongs pa'i rgol bas rtogs pa'i phyir ro zhe na/ de yang thams cad du med pa'i yin te/tha dad pa'i mtshan nyid kyis tha dad pa'i phyir ro/ /du ma'i mtshan nyid ni gcig gi dngos por ma grub po zhes bya ba'i skabs 'dir/ dwa ra dwa dza kho bo cag gi 'dod na dbang po med pa la zhes bya ba la sogs pas grub pa'i mtha' 'di ci'i phyir spong bar brjod/ de ltar khas blangs pa la skyon gzhan yang bshad pa 'dis sngar gyi yon tan las tha dad par bshad pa la sogs pa bstan pa 'dis dam bca' dang gtan tshigs dag 'gal ba la tha dad pa med na gnod pa dang 'brel pa'i dper brjod pa des sam/dper brjod pa logs shig pas kyang don med 'ga' zhig tha dad pa ni med kyi tshig tha dad par zad do//rnam pa de lta bu'i dper brjod pas logs shig byed na byas pa'i phyir zhes bya ba la sogs pa la ha cang thal bar 'gyur ro/ /gzhung 'ga' zhig las lhan cig gam tha dad pa dag ces 'don te/ de la don ni 'di yin te/ lhan cig pa ni dang po las cig car ji lta ba'o/ /tha dad pa ni 'dir logs shig pa ji lta bu'o/ /'on te 'dir 'gal ba gsal bar mi rigs so zhe na/ gzhan yang zhes bya ba la sogs pa smos te/ thams cad tha dad pa yin te/ tshogs pa la dngos po'i sgra sbyor ba'i phyir ro zhes bya ba gtan tshigs 'di ni chos thams cad kyi chos su mi 'gyur la/sgra'i chos yin pa'i phyir zhes bya ba ni ma grub pa'o/ /de ltar yang rten tha dad pa'i phyir ma grub pa nyid kyi skyon ni/ bu ram gyi mngar ba dang khwa'i gnag pa la sogs pa bzhin du de la 'gal ba ma yin te/gtan tshigs dang dam bca' ba dag la rten tha dad pa'i phyir ro/ /'o na tshogs pa brjod pa'i phyir zhes bya ba dngos por bshad kyi Ta ki las rab tu sbyar bas gzhi tha dad med do zhe na/ 'di snyam du dgongs te/ re zhig 'od byed kyis rab tu sbyar ba gang yin pa de kho bo cag gis skyon brtsam pa 'di brjod pa ma yin du zin kyang da ni rnam pa gzhan du sbyar ba yin te/gal te de dag la skyon 'dir mi 'gyur yang bshad ma thag pa'i skyon dang 'chad par 'gyur ba'i skyon ni/ tshongs pas kyang spang bar mi nus so/ /dam bca' ba dang gtan tshigs 'gal bar tshar gcod pa'i gnas gzhan yang khas len pa 'di kho bos gzhan du byas nas de skad du bshad do//gtan tshigs ltar snang ba rnams tshar gcad pa'i gnas yin no zhes bya ba 'dis bsdus pa'i phyir ro zhes bya bar brjod pa de dag la gzhan yang zhes bya ba la sogs pa smos so//skyon gyi rigs rnam pa gnyis po cha shas kyi skyon gyi rnam pa gnyis po de gang zhe na/ bshad pa 'gal ba nyid dang ma grub pa'o/ /yang ji ltar na 'gal ba dang / ji ltar ma grub pa yin/ bshad pa/ mdor bsdus pa'i don ni yin te/ gang la dam bca' ba dang gtan tshigs kyis 'gal ba'i sbyor ba yang brjod pa de la gdon mi za bar chos can grub pa la bsgrub par bya ba yin na/chos can de la gtan tshigs grub pa 'am bsgrub par bya ba'i chos dang gnyi ga med par 'gyur ro/ /de la re zhig nyi ga yang yod pas phan tshun 'gal ba yin gyi/ me dang grang ba bzhin du gzhi gcig la 'gal bar 'gyur ba yin no/ /de ltar ma yin no/ /'dir gcig la lhan cig gnas pa ni thun mong ba bzhin du mi 'gal ba nyid du 'gyur ba'i phyir dam bca' ba dang gtan tshigs ring ba la yang 'gal bar thal bar 'gyur ro/ /de 'gal bar brjod pa ni rang bzhin gyis gcig la 'gal bar 'gyur gyi/de lta ma yin na 'gal bar mi 'gyur ro/ /de lta na gtan tshigs de la yod par 'gyur ro/ /gang la gtan tshigs de lta bu yin pas de la bsgrub par bya ba'i chos dang bsgrub par bya ba'i chos de las bzlog pa yang de la yod pa ma yin par gsal ba yin te/'di dang 'gal ba'i phyir ro/ /sgra rtag ste/ byas pa'i phyir ro zhe na/ bshad pa/ chos can yod pa'i gtan tshogs 'gal bar grur par ma gyur pa'o/ /yang gang gi tshe chos can de la tshad ma gzhan gyis sgrub par byed pa yod par nges pa de'i tshe de la gtan tshigs med par 'gal ba'i stobs kyis byas pa 'am gtan tshigs ma grub pa yin no//sgra ni byas pa yin te/ 'bras bu ma yin pa'i phyir zhes bya ba la sogs pa bzhin no/ /de ni chos can la gtan tshigs ma grub kyang zhes bya ba la sogs pa smos te/ gal te yon tan las tha dad pa'i rdzas la sogs pa'i chos can tshad mas ma grub pa la dam bca' ba dang / gtan tshigs 'gal ba rnam par gzhag pa byas pa des na 'di ni skyon ma yin no/ /des 'di ma grub pa la sogs par mi nus so snyam du sems na/ gal te de lta na yang chos yod par 'gyur ba dang /phyogs kyi chos med pa dang 'gal ba dang ma grub pa yang yin pa de'i gnas skabs su yid la byed pas smras pas tshad ma dang 'brel pa med par rgol ba dang phyir rgol ba gnyis la chos can la gtan tshigs yod par the tshom za ba yin no/ /tshad ma log pas kyang don med par mi 'grub pa des na the tshom za ba'i ma grub pa la brten pa'i phyir/ri sul 'di na rma bya yod de/ sgra grags pa'i phyir zhes bya ba lta bu'o/ /yang sgras ni ston par byed pa'i chos can la tshad mas rab tu sbyar ba na gtan tshigs kyi gzhi la the tshom za ba'o/ /chos can gnod par byed pa'i tshad ma yod pas gzhi ma grub pa yin par gsal ba nyid ni/bdag ni thams cad du song bar bsgrub par bya ba la yon tan thams cad na dmigs pa'i phyir zhes bya ba la sogs pa'i don to/ /'di ltar chos can ma grub pa'i rang bzhin zhes bya ba ni 'dir ston par byed pa la tshad ma yod na chos can ma grub par brjod par 'gyur ba'am/gnod par byed pa'i tshad ma yod na yin no/ /snga ma'i phyogs gcig la bshad zin pa'i skyon yod par phyi ma la ni yang gi sgras bsdus pa yin no/ /'dir 'od byed kyis brjod pa'i dogs pa bsu ba ni/ gnyi ga la brten pa'i phyir zhes bya ba la sogs pa'o//'di dag thams cad ni bshad zin pa'i phyir go sla'o/ /thams cad du zhes bya ba la sogs pa ni 'gog par byed pa'o/ /sngar ji skad bshad pa ni/ skyon gyi rigs rnam pa gnyis zhes bya ba'o/ /'on te 'dir dam bca' ba tsam rang nyid gtan tshigs la mi ltos pa dam bca' ba dang 'gal bar rnam par 'jog pa'o//dper na dge sbyong ma sbrum ma zhes bya ba 'am/ 'dir bdag med pa zhes bya ba bzhin no zhe na/ gtan tshigs la ltos pa med do zhes smos pa ni 'brel ba med pa yin te/ phan 'dogs pa med pa'i phyir ro//gang yang gtan tshigs 'gal ba dper brjod pa ni sgra rtag go zhes bya ba la sogs pa'o/ /dam bca' ba gtan tshigs 'gal ba ni mi rigs so zhes bshad pa ni/ 'di la yang zhes bya ba la sogs pa smos so/ /gnyi ga la brten pa'i 'gal ba yin pa de ni de lta na yang rigs so zhes 'dod nas/'dir gnyis ka brten pa zhes bya ba la sogs pa smos te/ 'di ltar dpe brjod pa bstan pa spangs pas 'dod pa bsun 'byin pa bshad pa/ ji skad bstan pa de dag gis bzhad gad mkhan gyis ri mo 'dri ba'i tshul du dam bcas pa dang dpe 'gal ba la yang brjod par bya'o//tshul du zhes bya ba smos pa ni bshad par bya ba 'am bstan par bya ba'o/ /de lta ma yin na gzhan gyi tshig phyi ma dang sbyar ba ni mi 'grig par 'gyur ro/ /bzhad gang mkhan smos pa ni skyes bu brdzun ma'i mtshan nyid yin pa'i phyir ro/ / 'di ltar bzhad gad mkhan gnas skabs su ngo mtshar bar byed pa na ri mo spangs kyang pa la b+hany+dzi ka la sogs pa'i sdeb sbyor sna tshogs pa mi 'dra ba'i bzo la mkhas pa'i nga rgyal ston par byed do/ /rnam pa de lta bu gzhan yang sprul pa la mkhas pas ta la'i lo ma gcig la glang po la sogs pa'i gnas pa ston par byed do//rnam pa de lta bu 'od byed kyi 'di dag kyang yin te/ 'di ltar re zhig gtan tshigs dang 'gal ba gtan tshigs ltar snang ba tha dad pa'i mtshan nyid spangs pa 'di dag nye bar bstan pa dang / yang de rgyas par bstan par sems pa nyid kyis ci zhig bya/de nyid rgyas par bstan pa dang dpe dang 'gal ba'i gtan tshigs ltar snang ba tha dad pa'i mtshan nyid las 'das pa bsal bar byas pa yin no/ /de la zhes bya ba la sogs pa ni gang la dam bca' ba dang dpe 'gal ba de la yang phyogs su byas pa'i chos bzlog pa dang ldan pas dpe la 'gal bar 'gyur gyi dam bcas pa dang dpe 'gal ba zhes bya ba lhag ma'o//phyogs su byas pa'i chos mthun pa de las bzlog pa la yod pa yin no zhes tshig rnam par sbyar ro/ /dpe zhes bya ba ni mthun pa'i dpe'i chos su 'dod do/ /gang gi phyir mi mthun pa'i dpe sgrub pa'i chos las bzlog pa ma yin na de la 'gal ba ci zhig yod/de la dpe ni sgra dang bum pa bzhin yin no/ /'gal ba'i dper gyur pa ni gal te phyogs su byas pa'i chos yod cing gzhan dang thun mong pa ma gyur pa rab tu sgrub pa de'i tshe 'gal ba'i gtan tshigs ltar snang ba'o//gzhan dang thun mong du gyur pa ni/ gzhan dang thun mong du ma gyur pa'o/ /gzhan dang smos pa ni phyogs su byas pa'i chos las smos pa dang ldan pa'o/ /phyogs su byas pa'i chos las tha dad par sgrub pa ni mngon par mi 'dod pa'o/ /phyogs su byas pa'i chos las bzlog pa dang ldan pa la yod par gal te de ltar bsgrubs na zhes bya ba'i don to//bsgrub bya dang dpe dag gi 'bras bu yin pa'i phyir ro zhes bya ba 'di nyid kyis de'i mi mthun pa'i phyogs nam mkha' la sogs pa 'jug cing de las bzlog pa bum pa la 'jug pa la yang mthun pa'i phyogs dang mi mthun pa'i phyogs dang thun mong du gyur pa zhes bya ba tshig gi lhag ma'o//thun mong gi ma nges par bshad pa ni dper na bsgrub par bya ba dang dpe dag la gzhal bya yin pa'i phyir zhes bya ba 'dis rab tu ma bsgrubs pa nyid la 'jug par nges so/ /de ni mthun pa'i phyogs la 'jug par nges pa 'am//mthun pa'i phyogs dang mi mthun pa'i phyogs la 'jug par nges par the tshom za ba'i ma nges pa yin no/ /ldog pa la the tshom za ba ni dper na skyes bu thams cad mkhyen pa ma yin pa 'am 'dod chags dang bral ba ma yin no/ / smra ba'i phyir lam po che'i mi bzhin no/ /mthun pa'i phyogs dang mi mthun pa'i phyogs la med pa'i thun mong ma yin pa'i ma nges pa de ni sgra rtag ste/ mnyan par bya ba yin pa'i phyir zhes bya ba lta bu'o/ /gzhan gyis smras pa/ 'gal ba'i dpe la mi 'jug cing bzlog pa 'jug pa'i gtan tshigs la gtan tshigs kyi skyon cung zad cig kyang yod pa ma yin te/dper na sgra ni mi rtag ste/ rkyen gyi bye brag tha dad pas tha dad pa'i phyir chos mthun pa'i dpe ni nam mkha' bzhin no/ /chos mi mthun pa'i dpe ni bum pa bzhin no zhes bya ba 'di la/'dir ma grub pa la 'jug pa'i gtan tshigs la/ 'dir ma grub pa ni ma yin te/ gtan tshigs chos can la yod pa'i phyir ro/ /ma nges pa yang ma yin te/ gnyi ga la mi 'jug pa'i phyir dang / 'brel pa grub pa'i phyir ro/ /'gal ba yang ma yin te/ mthun pa'i phyogs las bzlog pa mi mthun pa'i phyogs la mi 'jug pa'i phyir ro/ /dam bca' ba dang dpe 'gal ba 'di ni gtan tshigs kyi skyon yul 'das pa'i dam bcas pa 'gal ba yin no zhe na/ 'di ni 'thad pa ma yin te/ de la the tshom za ba'i gtan tshigs las ma log pa'i phyir ro//gang gi phyir dpe dang 'gal ba'i phyir dam bca' ba ni/ mthun pa'i phyogs kyi skyon yin gyi mi mthun pa'i phyogs kyi skyon ma yin no/ /ci'i phyir zhe na/ mngon par 'dod pa nyid yin pa'i phyir/ phyogs su byas pa'i chos las bzlog pa'i 'gal ba lta bu'o/ / mi mthun pa'i phyogs su brjod do zhes bya bar dgongs pa yin no/ /gal te de lta na de yang gtan tshigs ltar snang ba las ji ltar 'das pa ma yin zhe na/ bshad pa/ chos mthun pa nyid can gyi dpe la phyin ci log pa'i chos dang ldan pa ni/ 'khrul pa med pa'i chos nyid du bstan par mi nus pa'i phyir/de'i don dpes bstan pa ni/ ji skad du/ gtan tshigs tshul gsum ldan pa bshad/ /phyogs kyi chos la gnas pa dang / /lhag ma tshul gnyis ldan pa'i don/ /dpe yis rab tu bstan pa yin/ /zhes bshad do/ /'o na rkyen gyi bye bag tha dad pa nyid kyis mi rtag pa de nyid la ji ltar mi 'khrul bar mi nus she na/bshad pa/ dngos po bsgrub par bya ba la mi 'khrul par ma yin yang tshad ma ma bstan pa'i phyir med pa dang 'dra ba yin no zhes bya bar dgongs so/ /de ltar na gtan tshigs dang med na mi 'byung ba'i 'bral ba ma bstan pa de yang bsgrub par bya ba nges pa ma yin no//de la dam bca' ba dang dpe'i 'gal ba de yang gtan tshigs ltar snang ba las ma 'das pa yin no/ /da ltar gyi 'di yang mi mthun pa'i phyogs las bzlog pa the tshom za ba'i phyir ro zhes dgongs pa yin no/ /gtan tshigs 'gal ba 'ba' zhig ma yin pas yang gi sgra smos so//gzhan gyi dogs pa bsu ba ni gtan tshigs kyi sgo nas dang dpe'i sgo gnyi ga ltar yang gtan tshigs kyi skyon las sngar dpe'i skyon gyis rgol ba pham pa ni/ dpe dang 'gal ba'i skyon gzhan ma yin te/ gzhan la mi ltos pa'i phyir ro/ /pham par 'gyur ba las pham pa gzhan med do zhes bsams pa'o//rigs pa can khyad par gzhan du bsgrub pa'i yan lag go rims nges par rgol ba ni dam bca' ba dang gtan tshigs dang dpe dang nye bar sbyor ba dang / mjug bsdu ba dag go rims nges par brjod par rigs pa ma yin no/ / yang de'i khyad par ji lta bu zhe na/ dpe dang chos mthun par zhes bya ba la sogs pa smos so/ /dpe dang 'gal ba'i phyir gtan tshigs ltar snang ba yod pa ma yin pas/ ji skad du bshad ma thag pa'i rnam par rtog pa'i skyon gyis rnam par gsal pa yin no/ /de ltar re zhig gang yang dam bca' ba dang 'gal ba'i gtan tshigs ltar snang ba'i rnam par gzhag pa 'di las shin tu 'das pa ma yin no zhes bya'o//gang yang rna ma phug gi rnam bshad kyi TI kA las dper brjod pa'i rang bzhin gcig gsal ba ma yin te/ tshad dang ldan pa'i phyir kham phor bzhin no zhes bya ba'i gtan tshigs de yang 'gal ba yin te/tshad dang ldan pa'i gtan tshigs kyang mthun pa'i phyogs la med pas mi 'jug la mi mthun pa'i phyogs kham por la sogs pa rang bzhin du ma la 'jug pa'i phyir dang / sa'i skad cig ma re re la cha shas yod pa'i phyir ro/ /nga ni gtan tshigs kyang dpe dang 'gal ba'i gtan tshigs ltar snang ba'i nang du 'dus pa zhes bya bar 'gyur te/gtan tshigs kyang dpe dang 'gal ba gnyis la thun mong du yod pa 'am 'gal ba nyid du 'gyur ro/ /gang gi tshe 'gal bar 'gyur zhe na/ bshad pa chos ni mthun pa la 'jug pa na'o//gang yang gang la dper brjod pa de nyid kyis yin te/ rdzas ni yon tan las tha dad pa yin te/ don gzhan du mi dmigs pa'i phyir bum pa bzhin no/ /gang la snang du rung bar gyur pa na gtan tshigs kyi khyad par dang 'gal ba yin te/ mthun pa'i phyogs la mi 'jug pa'i phyir dang /gzugs la sogs pa mi mthun pa'i phyogs kyi rang gi ngo bo la 'jug pa'i phyir ro/ /khyad par du ma byas na ni sha la sogs pa bzhin du mi dmigs pa yang don gzhan gyis 'khrul bar 'gyur te/ phan tshun tha dad pa'i phyir ro/ /'dir bum pa bzhin no zhes bya ba 'di dpe ni rigs pa ma yin te/de'i rdzas gzhan 'di dag phyogs su byas pa'i phyir ro/ /gzugs la sogs pa de'i tha dad par 'dzin pa sngar nyid nas bgag pa'i phyir ro/ /'dzin na ni ma grub pa'i gtan tshigs ltar snang ba yin pa'i phyir kho bo cag gi 'dod pa nyid gnas pa yin no/ /'on te gtan tshigs tshad ma dang 'gal ba'i tshad mas de ltar snang ba yin no zhe na/bshad pa ma grub pa yin te/ me la grang ba ma grub pa'i phyir ro/ /gang yang 'dir dper brjod pa gzhan ni me ni dro ba ma yin te/ rdzas yin pa'i phyir chu bzhin no zhe na/ de ni rigs pa ma yin te/ mngon sum gyi rdzas la gnod pas de chos can la ma grub pa'i phyir ro//'on te dam bca' ba'i don tsam shes pa yin pa de lta na dam bca' ba'i don mngon sum dang 'gal ba'i phyir de gtan tshigs des khyab pa med pa ni gtan tshigs tshad ma dang 'gal ba'i don to/ /de lta na 'on te bsgrub par bya ba dang 'gal ba'i chos kyis khyab pa na ldog pa la the tshom za ba'i gtan tshigs ltar snang ba yin pas kho bo cag gi phyogs bsgrubs pa yin no//gtan tshigs tshad ma dang 'gal ba ni gtan tshigs ltar snang ba las ma 'das pa'i phyir ro/ /de skad du/ khyab pa 'dzin pa'i dus su ni//mngon sum la sogs 'gal ba yi/ /'gal bas khyab par gyur pa na/ /chos can la ni mi rigs so/ /zhes gsungs so/ /dam bca' tshad ma dang 'gal bar 'gyur ba de tsam du gyur par 'dod na 'ga' zhig kyang gtan tshigs ltar snang ba'i nang du 'du bar nus pa ma yin no zhe na/bshad pa/ dam bca' ba tshad ma dang 'gal ba ni rang gi tshig gi sgo nas bshad zin pa yin te/ byas zin pa med pa yin no/ /de la 'di nyid sgrub par byed pa'i yan lag tu ma gyur ba'i dam bca' ba'i tshig sgrub par byed pa'i sbyor ba la sogs pa'i tshar gcad pa'i gnas yin no//phyi rol zhes bya ba ni de'i phyir te/ thams cad 'di nyid yin no zhes bya ba mjug bsdu ba'o/ /gang yang 'gal ba'i lan gzhan ni phyogs snga ma brjod pa gzhan dang gzhan spang bar bya ba de ni 'brel pa nyid ma yin te/ gang gi phyir gang gi tshe zhes bya ba la sogs pa smos te sgra ni mi rtag pa yin te/dbang po'i gzung bar bya ba'i phyir te/ bum pa bzhin no zhes bya ba de ltar sangs rgyas pa las gzhan pa dpyod pa dang gzhan gzegs zan pa nyid pa lang nyid la sogs pa'i phyir rang gi phyogs la grub pa gzhan rgol ba sangs rgyas pa'i sgrub par byed pa'i gtan tshigs 'khrul par dogs pa yin no//khyed kyi ba lang nyid de yang dbang po'i gzung bya yin par mi rtag par 'gyur ro/ /gang gi tshe de ltar gzhan la sgro btags nas brjod pas 'khrul par 'gyur ba de'i sangs rgyas pa de'i rang gi phyogs la de dang de'i spyi rtag pa dbang pos gzung bar bya ba 'gal ba yin no//rtag pa'i don gang yin pa khas len pa dang 'dod pa'i phyir ji ltar 'khrul bar 'gyur/ 'gal bas gnod par yang rigs pa ma yin no zhes bya ba'i don to/ /rigs na ni lan du brjod par 'gyur gyi de lta na yang gzhan gzhan gyis 'khrul ba'i khur steng du 'jog par brjod pa 'di ni ji ltar 'gal ba'i lan ma yin/gang gi phyir de ni rgol ba rang nyid kyi khas len pa'i ba lang nyid brtags pa la dbang pos gzung bar bya ba'i gtan tshigs 'jug pa yod pa'i lan ni/ the tshom du gyur pa ni de ci bum pa bzhin du dbang po'i gzung bya yin pa'i phyir sgra mi rtag par 'gyur ram/ci ba lang nyid la sogs par brtag par 'gyur/ bdag nyid kyi rtog pa med par de ltar ston par byed ces smras so/ /rang gi phyogs ba lang nyid brtag pa la dbang pos gzung bar bya ba yin pa de'i phyir 'di kho na nyid la ma nges pa yin no zhes bya ba 'di bdag nyid khas blangs kyi ma nges par brjod pas spong bar byed do//kho bo'i lan yin no/ /sangs rgyas pa la ba lang nyid brtag pa med par 'dod pa des na lan 'gal bar 'gyur ro zhe na/ de'i phyir bshad pa/gtan tshigs de yang dbang pos gzung bar bya ba yin pa'i phyir ro/ /ba lang nyid don dam par yod dam med kyang rung sgrub par byed pa'i nus pa la bsgrub pa ni bzlog pa la yod par gnod par byed pa'i tshad ma mi 'jug par the tshom gyi rgyu yin pa'i phyir ma nges pa nyid yin//sgrub par byed pa'i nus pa rab tu ma bsgrubs pa ni bsgrub par bya ba dang med na mi 'byung ba 'di dang zhes bya bar sbyar ro/ /sgrub par byed pa smos pa ni dngos po sgrub par byed pa'o/ /gang gi tshe gnod par byed pa'i tshad ma'i stobs kyis gtan tshigs med na mi 'byung bar thams cad bsdus nas sgrub par byed pa yin te/dbang po'i shes pa'i gzung bar bya ba'i rang snang ba'i shes pa gang cung zad cig skyed pa'i phyir mi rtag na de thams cad thams cad kyi tshe shes pa'i yul du thal bar 'gyur ba'i res 'ga' zhig kyang ma yin no/ /da ni ba lang nyid la sogs pa la yang gnod par byas na 'chi ba'i phyir/ba lang nyid la gtan tshigs mi 'jug par the tshom med pa yin no/ /de dag gis ni zhes bya ba ni go sla'o/ /de yang ma nges pa'i gtan tshigs ltar snang ba las 'das pa yin no zhes bya ba bsdus pa'i don to/ /de ni the tshom za ba'i gtan tshigs nyid kyi sgo nas sgrub mi nus pa'i ma nges pa'i gtan tshigs yin no// phyogs gcig gzhan la zhugs pa yang dngos po'i phyir gnyi ga la grub na cig shos la yang ma yin pas dngos po la yang ma nges par khyad par med do/ /ji ltar sngar ji skad bshad ma thag pa'i gtan tshigs de yang yod dam med kyang rung zhes bya ba cig shos kyi phyogs la zhugs pa ma nges pa yin pa'i phyir ma nges pa bshad pa yin no//mi 'dod pa dang nyes pa thams cad med par sems pa na sgrub pa dang sun 'byin pa gnyi ga la rab tu grub pa yin no zhes bya/ ji ltar de dag dang 'gal bar mi 'gyur zhe na/de yang de lta ma yin te/ nges par sun 'byin par 'dod nas smras pa'i phyir ro/ /de nyid kyi phyir gzhan yang bsgrub bya yin la ltos pa yin no zhes de ma thag tu bshad zin to/ /de ltar gyur na gnyi ga las gcig kyang de'i tshe pham pa dang rgyal ba dag tu mi 'gyur ro//gang gi tshe 'od byed kyi dam bca' ba dang 'gal ba'i mdo'i 'grel pa 'chad pa'i dpe ltar snang ba zhes bya ba la sogs pa smos pa'i tshe yang rigs pa can yan lag gzhan par smra ba ni mi rigs so zhes sangs rgyas pas brjod pa ni mdzes pa yin no zhes dgongs so/ /gtan tshigs ltar snang pa bstan pa'i tshig de ltar snang ba yang de'i tshig gi sgo nas go ba yin pa de'i phyir sgrub par byed pa gzhan med par thal bar 'gyur ba'i phyir ro//des zhes bya ba ni lhag ma'o/ /'o na dpe ltar snang ba dag gtan tshigs ltar snang ba rnams kyi nang du 'dus par 'dod na gtan tshigs dang dpe yan lag gzhan du mi 'gyur ro zhes bya ba'i tshig 'brel pa med pa yin no zhe na/dpe ltar snang ba zhes bya ba la sogs pa smos te/ 'di dang 'dir sbyor ba brjod pa ni/ gang dang gang don gzhan du gyur pa de ni der snang bar brjod pa la yin la/ gang der snang ba rnams ni de'i nang du 'dus pa yang ma yin te/dper na mngon sum la snang ba rnams dang rjes su dpag pa la snang ba bzhin no/ /khyed kyi gtan tshigs dang dpe don gzhan du gyur pa yang de bzhin du yin pas zhes bya ba ni khyab par byed pa dang 'gal ba dmigs pa yin no/ /de bas na dpe yang gtan tshigs kyi nang du 'dus par 'dod par bya'o//de lta na yang dpe logs shig tu sgrub par byed pa'i yan lag tu 'gyur na logs shig tu 'jug pa med pa'i phyir ro/ /byed pa gcig pa'i phyir ro zhes bya ba'i don to/ /dpe gang yin pa de ni zhes bya ba la sogs pa de ltar dam bca' ba dang gtan tshigs yang 'gal par bshad pa de yang gtan tshigs ltar snang ba'i nang du 'dus pa'i phyir logs shig tu brjod par mi bya'o zhes bstan to//'dis ni dam bca' ba la gnod pa dag kyang 'di bzhin du khong du chud par bya'o/ /gzhan yang zhes bya ba la sogs pa smos te/ rgol ba'i phyogs snga ma smos pa ni rgol ba'i phyogs phyi ma ma shes pa la sogs pa gtan tshigs ltar snang ba dang 'brel ba yod par bstan pa'i don to//de dang 'brel pa zhes bya ba ni gtan tshigs ltar snang ba dang 'brel pa'o/ /'on te don gzhan go bar byed pa la sogs pa brjod pas gtan tshigs ltar snang ba dang 'brel pa'i phyir ro//de dag ni nang du 'du ba ma yin no zhe na/ de yang ma yin te/ don gzhan go bar byed pa la sogs pa yang gtan tshigs la nus pa med pa nyid yod pa'i phyir ro/ /ci'i phyir zhe na/ nus pa med pa la rigs pa'i stobs kyis rgol bas bsgrub par bya ba bstan pa yin no zhes bya ba lhag ma'o//don gzhan gyis go bar byed pa la sogs pa phyin ci log pa yin no zhes bya bar dgongs so/ /lan phyis 'byung ba de la yang dam bca' ba 'di yod pa med pa de ltos pa ci zhig bya ci yang ma yin no zhes bya ba'i don to/ /yongs su bgrang bar mi nus pa dang /gang dag sman par rab tu smra ba dag gis 'dod pa de dang de bzhin du sman la sogs pa la brjod pa'i rgol ba gang dag yin pa de dag ni dam bca' ba yod pa med pa la sogs pa de dag go/ /nye bar bkod pa de ni ci zhag yin/ de ltar gyur pa'i skyon yang 'ga' zhig yin zhe na/de lta bu ni ha cang thal bar 'gyur ba'i phyir ro zhes bya ba smos te/ de bzhin du gzhan yang brgyal ba dang myos pa dang 'khrul pa dang sdug bsngal la sogs pa ni sogs pa'i sgra bsdus pa yin no/ /de'i phyir de dag kyang 'brel pa med pas mkhas pa'i dbang po rnams kyis rnam pa 'di lta bu rigs pa yin pa'i phyir ro zhes bya bar dgongs so//gal te 'dir rna ma phug gi rang nyid nus pa med pa zlog par byed pa rags pa yin pa'i phyir 'di tshar gcad pa'i gnas ma yin zhe na/ dbang po dang phyir rgol ba nye ba na dam bca' ba don khyad du gsod par byed pa zhes bya ba 'brel pa med par brjod pa yin no//bsam pa yongs su mi shes pa'i phyir ro/ /sgra ni 'jigs pa'i phyir brjod par mi bya'o/ /'on kyang dam bca'i don ldan pa dang rnam par dbye bas gsal bar mi byed do snyam nas smras pa/ spyi'i dngos po la brten nas gsal ba'i phyir 'khrul bar mi 'gyur ro zhes bya ba tshar gcad pa'i gnas yin te/sngar dam ma bcas pa'i phyir ro/ /ma nges pa'i skyon gyis gtan tshigs bgag pas dam bca' ba khyad par du gsod par byed pa tshar gcad pa'i gnas yin no zhes bya bar de la brjod par bya'o/ /gal te rgol ba dogs pa dang bcas pa nyid kyi nang nas mdzangs pa'i 'ga' zhig ma nges pa'i skyon rjod par byed de/dam bca'i don gyi 'bras bur byed pa ni/ rang gi 'dod pa bsal ba yin no/ /de'i tshe skyon gzhan 'ga' yang med do/ /dam bca' ba bkod pa yang ci'i yan lag yin/ 'on te 'dod pa med na yod pa'i phyir dam bca' ba khyad par du byed do//de'i tshe yang ma nges pa'i skyon kho nas tshar gcad pa'i phyir dam bca' ba nye bar bkod pa la ltos pa ci zhig yod/ ci zhig spong zhing ci zhig gsal bar byed/ /dam bca' ba gzhan par gyur pa zhes bya ba 'di ni logs shig tu brjod par mi bya'o//gtan tshigs khyad par med pa yin no zhes bya ba la sogs pa mdo las bstan pas/ 'dir dpe gsal bar byed pa yin no zhes bya ba'i don te/ /ser skya'i gtso bos tshad ma sgrub par 'dod pas shing la sogs pa'i gsal ba ni rang bzhin yin te/ tshad yod pa'i phyir/ bum pa dang kham phor la sogs pa bzhin no/ /rang bzhin gcig pa yin no zhes bya ba sbyar ro/ /rang bzhin gzugs la sogs pa'i rgyu yin no/ /rang bzhin gyi 'gyur ba ni tshogs gang yin pa de gtso bo yin la/ gru bzhi dang zlum po la sogs pa ni gyur ba yin no//grangs can 'dod do/ /ji lta ba sngon du song ba'i rgyu dang / 'bras bu med do snyam nas smras pa/ phyir rgol ba gtan tshigs 'di 'khrul pa yin no zhes brgal zhing brtag par byed pa dang / rta dang ba lang la sogs pa'i rang bzhin du ma dang bum pa dang kham phor la sogs pa gcig gi rang bzhin yongs su gyur pa tshad ma thong ba yin no zhes rgol bas de ltar brgal zhing brtag par byed pa la gal te gtso bor smra bas/brgal zhing brtag pa 'gegs pa ni 'du ba'i 'brel pas 'gyur ba rnams rang bzhin du mthong ba yin no//gtan tshigs khyad par dang bcas pas 'khrul pa ma yin no zhe na/ ji ltar rang bzhin gcig dang 'du ba yin/ bde ba dang sdug bsngal ba dang ma rig pa dang 'brel pa'i yongs su gyur pa'i gsal ba 'di dag tshad ma dang ldan par 'dzin par 'gyur ro/ /thams cad du de'i 'bras bu mthong ba yin no zhes bsams pa yin no//'di ltar bde ba shas che ba ni dang ba dang / spangs pa dang skye ba dang / ngal sos pa dang dga' ba dang mgu ba dag 'bras bu yin no/ /rdul cha shas che bar gyur pa na/ skams pa dang / gdung ba dang / rengs pa dang / zhe sdang ba'o//mun pa shas che ba ni spyod pa dang / sgrub pa dang nyams pa dang / ngo mtshar ba dang / gnag pa'o/ /'di dag thams cad thams cad du ji skad bshad pa'i khyad par tha dad pa nye bar dmigs pa'i phyir ro/ /de'i phyir sna tshogs pa na yon tan gsum gyi rang bzhin yin no/ /des na 'di dag ces bya ba la sogs pa tshar gcad pa'i rgyu bshad pa ni 'dir zhes bya ba la sogs pa'i dgag pa ni go sla'o//sgrub par byed pa brjod pa ni/ mi 'dod pa'i phyir dang rnam par mi chod pa'i phyir dang / yongs su ma rdzogs pa'i phyir ro zhes bya ba'i don to/ /ji skad bshad pa'i mtshan nyid ces bya ba ni gcig gi dbang du byas pa 'gal ba med pa'i chos ni phyogs kyi mtshan nyid du bstan to//yongs su gzung ba ni rgol ba dang phyir rgol ba dag gis byas pa'o/ /gtan tshigs kyis bsgrub bya sgrub pa ni/ rang bzhin 'di gtan tshigs kyi dbang du byas nas bsgrub bya sgrub par byed pa zhes bya ba'i gnas skabs kyi rang bzhin gyi don to//sgra ni rtag pa yin te/ reg bya ma yin pa'i phyir ro/ /de dang 'brel ba'i phyir dang des phan mi 'dogs pa'i phyir ro zhes bya ba'i don to/ /'di ltar dngos po sgrub pa med na yang 'chad pa po la sogs pa'i bshad pa'i rnam pa 'ga' zhig rtogs pa'i don nyid kyis don sgrub par byed pa'i rigs pa de dag rang gis 'dod pa dang mi 'gal ba'i phyir zhes shes par 'gyur ro//res 'ga' zhig phyogs snga ma phyi mar rgol ba tshar gcad pa'i gnas yin no zhes bya ba bshad pa'i skyon ston par byed pa yin na/ rgol bas sgrub par byed pa'i yan lag brjod pa med par gzhan nye bar 'god pa dang /skyon brjod pa med par 'gyur ro/ /de lta ma yin na gnyis las gcig kyang rgyal ba dang pham par rigs pa med par 'gyur ro/ /rnal ma'i sgrub pa zhes bya ba gtan tshigs su brjod do/ /de la byas pa zhes bya ba ni/ sgrub par byed pa nus pa bkod pa dag go/ /gzhan ni bsgrub par bya ba med pa can ma yin pa zhes bya ba ni sgrub byed du nye bar bkod pa bsgrub pa'i yan lag ma yin no zhes bya ba'i don to/ /ngo bo spangs nas gzhan yang ming la sogs pa brjod pa yang pham pa'i gnas yin no zhes bya bar 'gyur ro//yi ge'i go rims bstan pa bzhin du don med par 'gyur te/ gang la yi ge nye tshe'i go rims kyi tshig dang ngag kyang ma yin pa rnal ma'i don du grags pa'i don gzhan ston pa na seng ge'i go rims 'dod pa zhes bya ba khyad par ma 'brel pa nyid/ yi ge'i go rims bstan pa nyi tshe ni don med pa ste 'on kyang gang sgrub par byed pa'i yan lag cung zad kyang ma grub pa nyid yin gyi ma grub pa ni ma yin no//sgra'i ngo bor grub par brjod pa ni de nyid don med pa yin te/ ci'i phyir zhe na/ bsgrub bya sgrub pa la nye bar sbyor ba'i brjod pa med pa'i phyir ro/ /bsgrub bya sgrub pa la nye bar sbyor ba med kyang dgos pa gzhan yod pa yin no zhes kyang bsam par mi bya ste/brjod kyang dgos pa med pa'i phyir ro/ /bsgrub bya sgrub pa nyid la ched du gtad pa'i phyir dgos pa gzhan nyid ni don med pa kho na ste/ de nyid skabs yin no zhes bya bar dgongs so/ /de'i phyir khyad par gyi rnam pa khas len pa ni yi ge'i rims bstan pa bzhin du 'brel pa med pa yin no//gzhan gyis smras pa bsgrub bya sgrub par byed pa la nye bar sbyor ba'i yan lag ma yin pas don med par mi 'dod pa yin no/ /'on kyang bya rog gi skad lta bu gang gi tshe 'ga' zhig la yang don yod pa ma yin no//de bzhin du don gzhan la don med pa la sogs pa ni ma yin te/ 'dis bsdus pa de la don gyi cha 'ga' zhig yod pa'i phyir ro zhe na/ slob dpon gyis smras pa/ rgol ba ma yin pa gang yang rung ba zhig don med par brjod na rgol ba bzhin du tshar gcod pa'i gnas cis ma yin/ji ltar yin zhe na/ tshar gcod pa'i rgyu mtshan don med par brjod pa'i rgol ba ma yin pa la khyad par med pa'i phyir ro/ /ma yin te zhes bya ba la sogs pa ni rgol ba'o/ /slob dpon gyis de 'dir ni rgol ba bzhin du skabs ma yin pa 'ong bar 'gyur te/de'i don med par brjod pa 'di nyid kyis rgol ba sgrub pa'i yan lag ma yin pa dang / thams cad du rtsod pa mtshungs par de la don med pa rjod par byed pa yin no zhes bya ba tha snyad du bya'o/ /dpe la gcig las de bya'o zhes 'dod to/ /de la blang bar bya ba ni cung zad cig med do//don med par mngon par brjod pa 'dis gang dang gang brjod pa la ni don cung zad cig kyang med pa'i phyir/ de dag kyang 'gal ba med pa yin no/ /gang gi phyir yi ge'i go rims bstan pa thams cad du don med pa yin te/ rnam pa 'ga' zhig la yang don dang ldan pa'i phyir ro/ / de'i phyir 'dir rgol ba'i yi ge'i go rims don med pa nyid do/ /de la don gzhan la sogs pa mtshungs pa yin par bstan par bya'o/ /mchan khung tshor ba zhes bya ba la/ 'dir sogs pa'i sgras ni mchong ba dang thal mo rdeb pa dang / gar byed pa la sogs pa gzung ngo / /lan gsum pa brjod pa zhes bya ba la lan gsum brjod pa'i 'bras bu ni rigs pa nyid bstan pa yin te/lan cig brjod pas don gsal bar res 'ga' zhig kyang mi 'gyur ba'i phyir lan gsum brjod pa'i 'bras bu yin no/ /yang ci'i phyir tshad ma mkhas pa'i tshig dang ngag las shes par mi 'gyur zhe na/mi gsal ba zhes bya ba la sogs pa smos te/ mi gsal ba cung zad cig brjod pa'i phyir ro/ /ci'i phyir de ltar rab tu sbyor ba yin zhe na/ nus pa med par bsdus pa'i phyir ro/ /don gsal ba'i rab tu brjod pa'i ston pa las skyon 'chad par 'gyur zhe na/ 'jigs pas rab tu sbyor ro/ /sgrub pa dang sun 'byin pa 'di yang rgol ba dang mtshungs pas skyon brjod pa yang de lta bur gyur pa'i tshar gcad pa'i rgyur gyur te/ 'di don med pa las tha dad pa'i phyir ro/ /'di ltar mi gsal ba'i sgra rnams kyis rnal ma'i don dang 'brel par byed pa nyid smra bar 'gyur ram 'di phyin ci log tu 'gyur/sngar gyi gnas skabs la nus pa med pa ni ma yin no/ /de la tshogs pa la sogs pa de brjod pas blun pos khong du chud pa med pa'i phyir mkhas pas tshar gcad par 'os pa ma yin no/ /smra ba bos nyan pa po la gang dag khong du chud par mi byed pa 'di dag ni tshar gcad par 'os pa ma yin no zhes dgongs so//gzhan gyis smras pa/ gal te tshogs pa'i shes rab ces bya ba ni rigs par smra ba la lan gdab pa dang rigs par smra bar bshad par bya ba zhes bya bar sbyar ro/ /blun po'i tshogs pa la sogs pa mi shes pa'i phyir dang /rgol ba bstan par mi nus pa'i phyir byas kyang rgyal bar 'gyur ba ma yin te/ phyir rgol bas shes nas rgyal bar rnam par 'jog pa yin no/ /tshogs dang phyir rgol ba mi shes pa dag la ston par nus pa gang yin pa de ni 'bras bu'o/ /rnam par rtog pa'i dbang du byas nas bshad pa dang 'brel pa med par brjod pa don med pa nyid yin pa'i phyir ro//tshig du mas zhes bya ba ni tshig du ma'i 'brel pa med pa'i don ston par byed pa nyid gsal bar bya'o/ /ngag gi don la 'brel pa med par ston par byed pa nyid ni skabs su bab pa ston par byed pa yin no//bsdus nas bstan pa med pa nyid tshar gcad pa'i gnas yin te/ dper brjod pa na/ /se'u bcu khur ba drug snod dang / /ri dgag pags pa rtswa'i gong bu/ /de nas brdzun ma'i bu mo 'di/ /sba ya kri ta'i ba shi'o/ /zhes bya ba lta bu'o/ /'dir yang dwa ra dwa dza'i 'brel ba med pa dang don med pa dag tha mi dad par gzhag par bya bar mi nus te/de la la yi ge tsam 'di ni tshig dang 'brel pa med pa bzhin no zhes so/ /de nyid slob dpon gyis spong ba mdzad pa 'di ni yi ge zhes bya ba la sogs pa'i yi ge'i 'brel pa med pa gang yin pa'i don med pa yin no zhes bya bar sbyar ro/ / 'di ni zhes bya ba smos pas ni 'dod pa nyid bstan pa'i don to/ /mi 'dod pa'i don ni yi ge 'brel pa med pa ni don med bzhin du tshig dag kyang 'brel pa med pas logs shig tu mi 'gyur ro/ /don med pas 'brel ba med pa nyid du 'dod na 'brel pa med pa'i ngag gis bsdus pa'i phyir logs shig tu brjod par mi bya bar des smras pa ma yin nam/gnyis ka bsdus pa'i phyir don dang 'brel pa nyid mi rigs so/ /ci'i phyir zhe na/ tshig gi don dang 'brel pa med pa dang don med pas 'brel pa med pa'i ngag don med du zin kyang yi ge'i go rims tsam gyis mtshan nyid dang 'brel ba'i phyir ro//don med par brgya la brjod na ci zhig brjod pa yin/ /gang la don 'ba' zhig kho na med pa 'am yi ge'i go rims tsam yin te/ tshig dang ngag la 'brel ba med pa gang bsgrub bya sgrub pa'i sbyor ba yang rnam pa thams cad du don med pa yin pa de'i de'i phyir don dang ldan pa ma yin pas bsdus nas gcig tu byed pa yin no snyam nas de lta bu'i rnam pa'i zhes bya ba la sogs pa smos te/rtsod pa ngan pa de dag logs shig tu brjod pa la thal bar 'gyur ro zhes bya 'dir ha cang thal bar 'gyur ba brjod do/ /cung zad tsam gyi khyad par 'ga' zhig bstan par nus pa ma yin no zhes bya bar dgongs so//'on te don med pa dang 'brel pa med pa dag bsdus pa dag bstan pa skyon nam rab tu dbye ba'i yon tan ma mthong bas rkang mig gis bsdus nas ston par byed pa ci yang ma yin no zhe na/ de legs par ma bslabs pa yin no snyam du dgongs nas gang du bsdus pa bstan pa zhes bya ba la sogs pa smos so//mtshan nyid ji lta ba bzhin don gyi dbang gis zhes bya ba ni yul ma bstan pa dang yul med pa la sgrub pa 'jug par ma gyur cig snyam nas sgrub par byed pa'i mtshan nyid ston pa dam bca' ba sngon du brjod do/ /de ma thag tu dpe brjod pa'i chos mthun pa'i bsgrub par bya pa sgrub pa'i gtan tshigs kyi mtshan nyid de lta bu yin no zhes gtan tshigs de sgrub par byed par brjod do//des na gtan tshigs kyi phyi'i khyab pa ma bstan pa'i don du bsgrub par bya ba dang chos mthun pa de'i chos su 'gyur ba'i dpe nye bar bstan par bya ste/ de'i mtshan nyid de lta bu yin pa'i phyir ro//des na gzugs kyi don dam bsgrub par bya ba'i chos yod pa bstan pa'i phyir dpe la ltos pa yin no/ /de bzhin du mjug bsdu ba ni de lta bu ma yin no/ /bsgrub par bya ba nyi bar sbyar ba yin no/ /des na dus phyis yan lag thams cad bsdus nas phyin ci log tu thal bar 'gyur ba spangs pa'i phyir gtan tshigs nye bar bstan to//yang dam bca' ba brjod pa ni mjug bsdu ba yin no zhes bya ba mtshan nyid de lta bu ni mjug bsdu ba'o/ /'di'i mtshan nyid ji lta ba'i don gyi dbang gis 'di'i rim pa yin la/ 'di ltar 'jig rten pa yang dang po las dang 'jim gong nye bar blangs nas phyis ni dbyug pa dang 'khor lo la sogs pa rgyu yin no zhes bya ba rigs pa yin no//de la 'dir rim gyis gnas pa ni rigs pa yin te/ dam bca' ba la sogs pa yan lag bzlog pa'i sgo nas brjod pa ni tshar gcad pa'i gnas yin no/ /dper na bum pa bzhin du byas pa'i phyir mi rtag go zhes bya ba lta bu'o//ma yin te/ de lta bus kyang grub pa'i phyir ro zhes bya ba dwa ra dwa dza'i'o/ /rang nyid kyi dogs pa'i lan 'debs pa ni ma yin te/ sgra sbyor ba dang bral ba bzhin du 'dis 'gyur ro/ /mgo ni bya ba tshig 'dis ni dper na lkugs pa lta bu ste/ dper na byis pa dang slob 'dod pa dang gsal ba dang mi gsal ba des de dag rtsod pa na nges par gsal bar bya ba yin no//de bzhin du ba lang la sogs pa'i sgra ni rjes su dpag pa'i shes pa legs par skyed par byed pa'i rgyu yin no zhe'o/ /de 'dir smyon pa brda sprod pa dang smyon pa la brjod pa ni/ smyon pa 'od byed kyis brjod pa yin no//dper na smyon pa gcig gis smyon pa gnyis pa la brjod pa de bzhin du gyur ba yin no zhes bya ba'i don to/ /gal te smyon pa 'od kyis smyon pa brda spyod pa la brjod pa yin pa de lta na/ re zhig smyon pa kho na'i sgra yin te/ tshad ma dang 'gal ba'i don ston pa'i phyir ro//de ci'i phyir zhe na/ de la sbyor bar byed pa'i shes par byed pa'i tshad ma sems pa yin no zhes bya ba'i don to/ /yang sgra brjod pa nyid rigs pa ma yin ji ltar yin snyam nas gal te zhes bya ba la sogs pa smos te/ bud med dang dmangs rigs rmongs pas brjod pa ni nam mkha'i sgra dang mu ka'i sgra rigs ni sna rtse'i sgra shes pa ma yin pa gang yin pa de ji ltar zur chag pa'i sgra dang legs par sbyar ba'i sgra las khong du chud par 'gyur/sgra de nyid khong du chud pa yin na 'dis de bzhin du don khong du ma chud pa'i phyir brjod pa ci zhig bya snyam nas/ gnyi ga rigs pa ma yin pas kyang rtogs pa mthong ba'i phyir ro zhes bya ba smos so/ /de'i phyir brgyud pas don rtogs pa ma yin no/ /'dir bsdus pa'i don ni 'di yin te/ de ltar legs par sbyar ba ma yin pas legs par sbyar ba dpog par 'gyur ro snyam na/ du ba la sogs pa gang dang gang tshul gsum pa las gyur par nges pa yin na de la yang srid pa ma yin no//gang gi phyir re zhig gnyi ga ma yin par rig pa sha na ka la sogs pa gang yin pa de'i khyab par byed pa'i dngos po yod kyang rtogs pa ma yin te/ 'di shes pa'i go byed kyi yan lag shes byed med pa'i phyir ro//zur chag pa dang zur chag pa ma yin pa'i bye brag la mkhas pa gang yin pa de yang yod pa ma yin pa'i phyir brjod par mi bya'o/ /'di ltar legs par sbyar ba ma yin pa dang legs par sbyar ba rnams la de'i bdag nyid dang / rgyu dang 'bras bu'i dngos po'i 'brel pa ma yin te/de gnyi gar brtags kyang mi 'khrul pa'i nges pa med pa'i phyir ro/ /de la re zhig de'i bdag nyid du ni khas blang bar mi bya ste/ don dam par tha dad pa kho nar mngon sum gyis gsal par rtogs pa'i phyir dang sgra bzhin du/ sgra nyams pa yang tha dad pa med par brjod par bya ba nyid du thal bar 'gyur ba'i phyir ro//de las skyes pa yin yang ring du spangs pa nyid do/ /legs par ma sbyar ba gang las legs par sbyar ba skye ba ni ma yin te/ brjod par 'dod pa tsam gyis byed pa 'am yon tan de dag rgyu yin pa'i phyir ro/ /de dag rtag pa ni ma yin te/res 'ga' zhig dmigs pa'i phyir ro/ /de ni don med par skye ba shin tu med pa 'am/ yon kyang khyab par bya ba dang / khyab par byed pa'i dngos po de yongs su shes kyang phyogs la chos ma yin pa ni mig gis gzung bar bya ba'i phyir ro zhes bya ba lta legs par ma sbyar bas rjes su dpog pa ma yin no//'dir chos can yod pa ma yin te/ gang gi phyir phyogs kyi chos bkag pa'i phyir ro/ /legs par sbyar ba nyid ni chos can ma yin te/ de nyid dpag par bya ba nyid yin pa'i phyir dang chos can dang sgrub par byed pa dag rigs pa dang mi ldan pa'i phyir ro/ / yod pa dang med pa dang gnyi ga'i chos ni ma grub pa dang 'gal ba dang ma nges pa'i skyon gyis gnod pa'i phyir ro/ /ji ltar legs par ma sbyar ba de'i chos yin/ de'i dus su ni yod pa ma yin pa dang / med pa'i chos nyid brjod par byed pa nyid yin no zhes bya ba ni legs par bshad pa yin no//skyes bu chos can du brjod pas ci zhig bya/ legs par sbyar ba'i sgra bsgrub par bya ba'i chos su brjod par 'dod na/ legs par sbyar ba ma yin pa de yang 'brel ba med pa'i phyir ro/ /khyab par bya ba dang khyab par byed pa'i dngos po med pa nyid kyi phyir ro/ /gang dang gang gi phyir kho bo cag gis sgra sbyar ba ni ba lang gi sgra brjod par 'dod pas ni dmigs pa ni ma yin no//'on te phyogs kyi chos mtshang ba mi gsal bas yin na byis pa'i tshig mi gsal ba las rjes su dpag par bya'o zhes brgal zhing brtag par byed par 'gyur ro/ /de bzhin du legs par sbyar ba ma yin pas legs par sbyar ba'i zhes bya ba de yang rigs pa ma yin no//de yang brgal zhing brtag pa mtshungs pa'i phyir ro/ /kho bo cag gis dngos su rtogs pa med pa de'i phyir de yang mi gsal ba tsam gyis don rtogs pa yin no zhes bya'o/ /de yang ming dang ming can gyi 'brel ba shes pa med pa'i phyir/rtogs pa yang mi rigs pa ni khas blang bar mi bya ste/ 'khor ba thog ma med pa nas tha snyad brgyud pa de lta bur gyur ba 'di dang 'brel pa'i rtags med pa'i phyir ro/ /'di ltar shing la sogs pa'i sgra rnams kyang phal che ba la ma yin te/don gyi zur tsam nges pa med pas so/ /brdar byas pa'i tha snyad brgyud pa la mkhas pas nges pa dang ldan pa ni 'dir thun mong ba nyid do/ /de'i phyir 'di ni nags tshal na du ba yin te/ am pa am be zhes bya ba ni dper na byis pa dang slob sbyor ba dang / mkhas pa bya ba gsal ba dang de yang rigs pas gsal por nges par 'gyur ro//de ltar legs par ma byas pa las blo 'khrul pa skye ba de bas na legs par sbyar bas bskal ba'i don 'ga' zhig 'dren par mi 'gyur ro/ /gal te de yang ku mA ra ri las brjod pa/ /kho bo'i sgra yi gnas pa la//de skyed byed pa'i nus med na/ gau yi sgra las ba lang blo/ /rtsa ba'i sgra yi rjes 'brang 'gyur/ /de yang de nyid brjod pa dang / /'di thams cad bsdoms nas mjug bsdu na brgyud pas rtogs pa yin no zhes bya'o/ /'dir yang gtan tshigs bsags pa ni bshad pa don rtogs pa'i nus pa med pa ni sgra 'dir yang rtogs pa skyed pa'i nus pa med pa'i phyir ro//de la 'di snyam du kho bo cag lags par ma sbyar bas don rnams la rtogs pa skye'i 'on kyang rjod par byed pa ni ma yin pa legs par ma sbyar bas rtogs pa skyes par byed kyang rjod par byed pa ma yin no zhe na/ don yang rjod par byed pa nyid ces bya ba gzhan nyid ma yin zhes bya ba la sogs pa smos te/gal te legs par sbyar ba ma yin pa'i don rtogs pa bskyed pa nyid du 'dod na kho bo cag de tsam gyis yongs su mgu bas kho bo cag la rjod par byed pa ma yin pa rjod par byed pa gzhan brtags pa nyid kyis ci zhig bya snyam du dgongs so//da lta na 'di ni don khong du chud pa skyed par byed par mi nus na yang sgra kho nas yin no zhe na/ zur chag pa'i sgra yang zhes bya ba la sogs pa smos te/ 'dir bshad pa sgra ni don de'i rang bzhin gyi 'brel pa ma yin pa de'i phyir de nyid kyis don rtogs par byed pa ma yin te/dper na mig gzugs kyi rang bzhin gyis gsal bar byed pa yin gyi sgra la sogs pa'i ma yin pa bzhin du/ brdar ma byas pa'i sgra yang zhes bya ba la sogs pa mthong ba med pa'i phyir zhes bya ba ni/ rtogs pa dang 'brel pa ste/ sing ga la'i sgras 'phags pa'i yul gyi tha snyad la 'jug par mi 'gyur la/brdas byas pa nyid yod na ni rtogs pa skyes par 'gyur ro/ /de la brdas byas pas don 'di dang 'brel pa yang mi bzlog pa yin/ de bshad pa/ legs par ma sbyar ba legs par sbyar ba brda'i dbang gis 'jug na/ khams la sogs pa'i sgra ci'i phyir don nyid la 'jug par me 'gyur/de lta bu'i skyon dang yon tan ni 'ga' zhig kyang med do snyam nas/ de lta na rtogs pa po zhes bya ba la sogs pa smos so/ /'di skad ston pa yin te/ dper na sgron ma la sogs pa dang gzugs la sogs pa la mig la sogs pa skye ba bzhin du sgra nyams pas 'gal te sgra la rang bzhin gyis gsal bar byed pa de na de yang sgra la mi ltos par thal bar 'gyur ro//ltos na yang des sgra 'di'i rang bzhin la nus pa ma yin no/ /'di rjes su dpag par nus pa de lta na yang thams cad brda la ltos nas 'jug pa yin no/ /ji lta ba'i brda ni log pa med pa ni dngos su rtogs par byed par mi 'gyur te/dper na lus kyi rnam par rig byed bzhin no/ /zur chag pa'i sgra de yang de bzhin du sgra la ltos nas 'jug pa'i phyir ro zhes bya ba 'di grub pa yin no/ /de nyid don rtogs pa nyid la sgrib pa med do/ /yul gzhan yang bstan pa bsags pa ni shing dang me dang rdo ni 'di lta bu'o//bshad pa nas byas pa'i blo can mi mkhas pa shing la sogs pa 'di ci la bya zhes rim gyis dri ma yod pa na/ de la yang mkhas pas thabs med pas sgra nyams pa'i sgo nas shing dang me dang rdo yin no zhes bstan no/ /de ltar 'dir sgra nyams pa kho na de'i rjod par byed pa yin na legs par sbyar ba kho na ma yin te/yod kyang rnam grangs pa'i mthong ba'i phyir ro/ /'on te legs par sbyar ba'i sgras bstan pa ni/ chos yin te/ de skad du/ legs par chos kyi sgrub byed du/ /ya rabs rnams la lung gis grub/ /don shes tha dad med na yang / /sgra nyams phyin ci log pa yin//de bzhin sngags kyi dbyangs dang yi ge nyams pa yang log pa'i rab tu sbyor ba de ni don med yin par bshad/ dper na/ dbang po'i dgra bo yi ge nyams pa las/ /gsung gi rdo rje mchod sbyin brlag pa yin/ /de ni lha la hi la yan hi la yang zhes brjod pa dang ldan pa ni sgra gcig gis bsnan nas sbyar na ni mkhas pa'i 'jig rten gyis go bar 'gyur ro//sgra nyams pa brjod pa'i ltung ba'i nyes pa ni me la mchod pa byas pas dag par 'gyur ro zhe'o/ /'di dag gsal bar bya ste/ chos sgrub pa ni ma yin gyi sgra mngon par 'du byed pa yin te/ de ci'i phyir zhe na/brjod pa las log pa la 'jug par 'gyur ro zhes bya ba la sogs pa smos te/ log pa la 'jug pa brjod par 'gyur ro zhes bya ba ni 'bras bu yin te/ dper na byu ru lta bu'i lcug ma sar pa'i snye ma'i phreng bas mdzes par byas pa'i mya ngan med pa'i nags tshal gyi drung /ma la ya'i ri la nyal ba'i bram ze ut+pal sngon po lta bu'i ral gyi shin tu rnon pos chod cig ces brjod par 'gyur ba nyid bram ze gsod pa'i 'brel par 'gyur ro/ /legs par ma sbyangs pa gzhan dag gis phyin ci ma log pa yang dag pa la 'jug pa rjod par 'gyur te/dper na bram ze 'di la ba lang cig byin cig ces bya ba lta bu'o/ /brjod pa thams cad la tshad ma med pa'i phyir/ khyed kyi tshig tsam yin no zhes bsams nas rtsegs pa ni/ sgra sbyor ba kho na las zhes bya ba la sogs pa smos te/ rnam pa de ltar brjod pa ni tshad ma ma yin no//'o na mi gnas pa'i sa phyogs mchod rten bzhengs na tshangs pa'i bsod nams bskrun pas bskal pa'i lha'i bde skyid thob par 'gyur ro zhes bya ba la sogs pa la yang tshad ma med par mtshungs pas khyed yang thal bar 'gyur ro zhe na/ mtshungs pa ni ma yin te/ gang gi phyir yul gnyis po 'dir rnam par dag pa dang gtso bo'i don la 'dir mi slu ba yod pa yin na gnas gsum par bya ba la yang rtogs pa dang ldan pa rnams la yongs su mgu nas 'jug par 'gyur ro/ /de ltar khyed kyi 'dod pa de ma thag tu bstan pa gnyi ga yang yod pa ma yin te/tshad mas gnod pa'i phyir ro/ /tshad ma dang 'gal ba ni de ma thag tu bshad zin to/ /de'i dbul po dang phyug po mnyam kyang mnyam par mi 'gyur ro/ /gang rig bya rig pa'i yon tan dang ldan pa'o zhes bya ba yin/ rig byed kyi rkyen nang du 'dus par bstan pa yin no/ / rig bya rig pa ni blang bar bya ba dang dor bar bya ba ma yin pa de bzhin du bstan to/ /sogs pa smos pa ni snying rje la sogs pa yongs su gzung ngo / /'di ni legs par sbyar ba'o/ /gzhan ni legs par sbyar ba ma yin pa'o zhes bya ba ni med pa'o/ /'di skad ston pa yin te/ sgra ni tha dad pa'i phyir don shes pa'i 'bras bu can yin te/dper na legs par sbyar ba dag brda'i dbang gis grub pa de bzhin du legs par ma sbyar ba yang yin na/ gnas pa yin pa la mngon par zhen pa khyad par can gyis sbyar ba'i khyad par can gang zhig yin/ de nyid kyi phyir rtogs pa dang ldan pas bsams pa las gzhan yin pa'i phyir rjes su rtog pa'i don ming gi 'di nyid yin no zhes bya'o//yang na kho bo cag bdag nyid chen po rnams kyis 'di spong bar mdzad pa ni dgos pa ci zhig yod/ gzhan las ma yin zhes bya ba 'di nyid ma nges pa med pa'i phyir ro//gang bshad pa 'dir tha dad par bya ba 'ga' zhig gi ngag la yang dbang po mid na dbang pos gang las 'di de lta bu yid/ 'di rab tu sbyor ba gzhan ni ma yin par nges par bya/ 'on te 'dir bshad zin pa zlos pa'i dgos pa ni bsrung ba'i don dang mtshams bla ba yin pa'i phyir/de ci ltar yon tan khyad par can du 'gyur ba ma yin zhes brjod pa na/ rig byed bsrung ba la sgos pa'i dgos pa ni de'i brdar byas pa ma yin pa de bzhin gshegs pa'i lugs la yang yod pa'i phyir ro/ /de'i rang bzhin ni legs par sbyar ba ma yin pa'i sgra'i ngo bo la'o/ /gzhan la yang zhes bya ba ni rgan po rnams kyi brgyud pa la yang ngo //dpe'i go rims gsal bar phyed pa na tha mal pa zhes bya ba la sogs pa 'di dag kho na'o/ /sgra ni smyon pas bstan pa yin la de ltar ni dwa ra dwa dza yin te/ yan lag bzlog pa yang zhes bya ba la sogs pa smos te/ 'brel pa shes pa zhes bya ba ni phan 'dogs par byed pa dang phan gdags par bya ba'i dngos po 'brel par brgyud pa'o//brjod par 'dod pa'i nus pa las rtogs pa yin no zhes bya ba lhag ma'o/ /'on te rkang mig gis grub mtha' brkyang pa'i dam bca' ba la sogs pa bzlog pa yin zhe na/ 'dir nges par byed pa'i brda dang grub mtha' cung zad kyang tshad ma med pa yin pa'i phyir tha snyad du mi bya'o//gzhan gyis gal te bzlog pa la ni rtogs pa ma yin te zhes bya ba bsgrub bya'o/ /'o na te de las bzlog pa rtogs pa'i phyir ro/ /'dir dgag pa ni 'brel pa shes pa med pa las go rims rtogs par mi 'gyur ro//de dag gi zhes bya ba la sogs pa ni de nyid bshad de/ 'on te dam bca' ba dang nye ba dang mjug bsdu bar sngar kho bo cag gis sgrub par byed pa ri dag tu brjod pa spangs pa yin no/ /de de byas pa las bzlog pa las yin no zhes bya bar brjod pa gang las yin don rtogs pa zhes bya ba la sogs pa ni/dam bca' pa smos pa ni nye bar mtshon pa'i don te/ 'on te nus par gyur na yang sbyor ba de ni ha cang thal bar 'gyur ro snyam nas de bshad pa'i don rtogs pa la rab tu sbyor ba ha cang thal bar 'gyur te/ chos mthun pa'i sbyor ba byas kyang chos mi mthun pa'i sbyor ba byed par thal bar 'gyur na/'dod pa yang ma yin no/ /don thob zin nas yang rang gi sgra sbyor ba ni tshar gcad pa'i gnas yin pa'i phyir ro/ /de lta na phyogs kyi chos dang / rjes su 'gro ba dang ldog pa rnams dam bca' med kyang rim pa 'dod pa ma yin nam zhe na/ lhag ma dag ni zhes bya ba la sogs pa smos te/'brel pa mi rtag pa zhes bya ba la ltos pa'i skyon gzhan yang brjod pa ni don med pa las tha dad pa'i yod pa ma yin pas logs shig tu brjod par mi bya'o/ /gang la dam bca' ba brjod pa nas mjug bsdu ba la thug pa'i gang yang rung ba na yan lag gi ngag de ma tshang ba'i tshar gcad pa'i gnas kyi rgyu yin no//bsgrub par bya ba med na yang bsgrub bya mi 'gyur pa'i phyir ro zhes bshad do zhe na/ 'di dgag pa ni dam bca' ba med na ma tshang ba la sogs pa smos so/ /dam bca' ba smos pa ni/ nye bar mtshon pa tsam gyi don yin no/ /des ni nye bar sbyor ba dang /mjug bsdu ba la sogs pa ni nye bar gzung ngo / /'od byed kyi 'dod pas nye bar mtshon pa'i dam bca' ba mtshang ba de ni dman pa kho na yin pas dam bca' ba mtshang ba tshar gcod pa'i gnas yin zhe na/ de ni rigs pa ma yin te/ bshad pa sgrub par byed pa shugs kyis ngon rtogs pa la sgra don med par bsgrub bya brjod pa sgrub byed du sbyor bar byed pa gang yin pa de ni tshar gcad par 'os pa yin no//'di ltar sgra mi rtag pa'i spyod pa'i rtags gang gi tshe byas pa rnams ni mi rtag pa nyid ni sgra yang byas pas so zhes brjod pa de'i tshe tshig gnyis las bsgrub bya'i don rtogs pa'i phyir dam bca' pa'i tshig don med pa'o//don dang 'brel pa dang ldan pa'i phyogs kyi chos dang 'brel ba ci brjod par mi rigs pa ma yin gyi yang dag par dpyad pa la sogs par byed pa ni rnam 'grel byed pa yin no/ /de nyid kyi phyir zhes bya ba ni/ gang gi phyir shugs kyis don rtogs pa la sgra sbyor ba'i tshad gcad par 'os pa ma yin no//de 'dir rnam phug pa gags byed pa'i 'thad pa las 'gal ba brjod pa ni/ gal te de bzhin du sgra yang byas pas zhes bya bas brjod par mi bya ste/ ci'i phyir zhe na/ byas pa'i phyir mi rtag go zhes bya ba de nyid kyis sgra yang byas pa'i phyir mi rtag pa yin no zhes bya ba gnyi ga rtogs pas so//gang gi phyir snga mas sgra byas pa nyid du rtogs pa kho na'o/ /skabs kyi sgra yang blo la gnas pa yin pa de las rjes su 'gro ba dag dran pa tsam las skyes pa'i phyir ro/ /rtogs pa med pa na slar yang byas pa nyid bya ba ma yin no//de sgra yang byas pa yin no zhes bya ba de las kyang mi 'gyur ro/ /gang byas pa ni sgra yin no zhes bya ba tsam brjod par bya ba ste/ byas pa dang mi rtag pa nyid ni med na mi 'byung ba nyid do/ /gzhan la grub pa'i phyir sgra la yang mi rtag par bstan par bya'o zhe na/ de rjes su mthun pa nyid du byas pa yin te/'di ltar gal te res 'ga' nges par rtogs pa yod pa 'dir phyir rgol ba la ni byas pa yin no zhes dpe de'i tshe phyogs la chos bsdu bar mi bya ste/ mi 'dod pa'i phyir 'brel pa tsam zhig bstan par bya'o/ /de ltar na 'on te nges pa med pa de'i tshe yang 'dir gzhan la phyogs chos bsdu ba byas pa gang yin pa de yang ma grub pa brjod par 'gyur ro//de la bdag gi de rkyen gyi bye brag tha dad pa'i thabs kyi gsal ba 'am/ rang gi ngang gis rtsod pa med pa dogs pa med pa de sems la bsdogs nas phyogs la chos bsdu bar bya ste/ sgra yang byas pa yin no zhes bya ba'o//gang gi tshe rgol ba la nges pa dang ldan pa de lta na byas pa dang mi rtag pa med na/ mi 'gyur bar gzhan la grub pa de'i skabs su yang sgra ni byas pa'o zhes bya ba yang brjod pa yin no zhes bya ba ni de tsam brjod par bya'o/ /de skad du/ dpe la de yi ngo bo dang / rgyu'i dngos mi shes de dag la/ /ston te mkhas pa rnams la ni/ /gtan tshigs 'ba' zhig brjod par zad/ /ces bya ba smos so/ /de dang de dag ni nges par khas blangs pas lhag ma tshar gcad pa'i gnas kyi khyad par gyi yul du gzhag go/ /khyad par gyi yul de yang sgrub par byed pa zhes bya ba la sogs pa smos so//'o na nges pa khas blangs nas brjod pa yin zhes bya ba rnam bshad mkhan gyis brjod pa slob dpon gyis 'dir ci zhig tu brjod/ bden te cung zad kyang brjod pa med de slob dpon gyis rkang mig gis smras pa nyid rjes su shes pa'i don du yang rjes su brjod do//sgra dang don dag smra ba ni yang brjod pa yin no zhes bya bar smra ba ni skur ba 'debs pa ni/ rjes su smras pa las gzhan zhes bya ba smos so/ /rjes su smras pa ni mjug bsdu ba'o/ /rjes su smra ba ni yang brjod pas bstan par 'gyur ba ma yin te/ sgra dag gis don gyi bye brag byed na 'thad pa'i phyir ro//bsgrub bya bstan pa gang las dam bca' ba grub zin pa ston pa ni mjug bsdu ba yin no zhes bshad de yang sgra du ma nyid mthong bas dus mi ring bar yang nges pa'i nus pa nges par yang bya ba'o zhes kyang rig par bya ba nyid do/ /'o na te de lta na gal te yang brjod pas thob pa nyid med pa yin na ni don 'di gsal pa ci'i phyir rtsol zhe na/bden te 'di lta bu 'di nyid rtog ge ba phul du phyung ba la ji lta ba yin zhes bya ba la sogs pa 'dri bar bya'o/ /kho bo cag la pha rol gnas sems shing dpyod pa rnams kyis ci zhig bya ste/ zhar la 'byung bas chog go/'di la yang mdo gnyis pa yod pa yin te/ don spangs nas sgra rang nyid la 'jug pa yin no zhe'o/ /de slob dpon gyi nye bar bkod pa ni mtshon pa tsam yin pa'i phyir ro/ /go bar bya ba dang go bar byed pa'i don la bzlas pa nas brjod pa la sogs pa 'di dag kyang spang bar bya zhing bsal bar 'dod pas 'dir zhes bya ba la sogs pa skyon rtsol ba yin no//'di skad ston pa yin te/ gang la sgra dang don la nye bar tha dad pa de la don yang bshad pa nyid kyis rtogs pa yin no/ /gang la sgra don dang nye bar tha dad pa de la sgra yang brjod pa 'di yang skyon cung zad tsam med de/ ci 'di 'dra pa yod dam zhe na/sgra yang brjod pa gang yin pa 'di la don tha dad pa yod pa nyid srid pa yin te/ bshad pa/ dper na rgod na yang rgod par 'gyur zhes bya ba la sogs pa'o/ /'dir ni snga ma'i brjod pa'i sgra ni 'dun pa yin la gnyis pa ni ti ngan ta yin pas don tha dad pa yin no/ /'di 'dra ba snyan dang gas mkhan 'don pa yin te/srid pa yin nam zhes bya ba'i dgos pa la dpe yang brjod pa ni/ dper na zhes bya ba la sogs pa smos te/ 'on te 'dir bya ba de'i mtha' dang t+ya de'i mtha' yang yod pa yin no zhe na/ bden te sgra nyi tshe tsam yang yod pa yin te/ 'dir yang sgra mi rtag ces bya ba lta bu sgra tha dad pa'o//rang gi tha dad pa ni rang gi mtshan nyid tha dad pa'i phyir ro/ /de lta ma yin na rim pa med pas thob par 'gyur ro/ /mtshungs pa la brten nas mtshungs par thos pa'i 'di zlog par brjod pa yin no/ /de la cig shos 'di yang mtshungs pa yin no zhes don tha dad pa 'di yang bya ba tha dad pa la sogs pa'i tshig tha dad pa'i phyir ro//rtogs par gyur pa'i don la yang brjod par yang zlos par brjod pa yin no/ /yang brjod pa'i mtshan nyid gnyis pa'i mdo ni nye bar mtshon pa tsam yin no/ /dpe 'di yang bad tsha ya yis rigs pa bshad pa dang chos mthun par chos mi mthun pa'i sbyor ba la bshad do//slob dpon gyis dam bca' ba la yang mtshungs par dgongs nas dam bca' ba bsgrub par bya bar brjod nas rjes su dpag pa ston par byed par 'dod pa la tshig zur gyis dam bca' ba'i tshig brjod pa'i dpe nyid du nye bar bkod pa yin no/ /sgrub par byed pa'i tshig nges par sbyor pa'i ngag la ni dper na dam bca' ba'i tshig bzhin du sgrub par byed tshig nges par sbyor bar byed pa'i ngag gang yin pa la zhes bya ba ni 'bras bu ste/'di spangs pa yin no/ /don zlos par brjod pa nyid kyis khong du chud pa'i phyir logs shig tu brjod par mi bya'o/ /dpe ni sgra gcig gis bstan pa'i don de bstan zin pa sgra gzhan gyis bstan pa yin na don med pa de bzhin du shugs kyis go ba'i don yin na don yang bzlas nas brjod pa nyid bsdus pa yin no zhes bya ba'i don to//dam bca' ba brjod pa don gyis go bar gyur ba 'di bzlas pas ci zhig bya/ yang bzlas pa brjod pa ni tshar gcad pa'i gnas su 'gyur ro zhes pa ni sgrub par byed pa nges pa'i sbyor ba brjod pa yin no zhes bya ba 'di nyid rnam par 'grel pa'o//yang bsgrub par byas pa 'di nyid go bar bya ba dang go bar byed pa'i don la skyon du 'gyur la/ sgrub par byed pa'i ngag kho na la nges par sbyor ba'i tshig la yang 'jug pa yin no//'di skad ston pa yin te/ gang gi tshe dbang po sgra'i don la dpyod pa na/ yang rtog pa dang ldan pas shin tu dpyod par byed pa yod pa yin la ston pa po'i de bzhin du 'gyur ba nyid do/ /de yang tshig gzhan gyis bsgrub byar sgrub par byed de de nyid rab tu sbyar bar bya'o//lhag ma ni ma yin no zhes smras pa de'i skyon ni gzhan du na ma yin no/ /gang gi tshe snying rje gzhan dbang du gyur pa'i sems kyi rgyu mtshan gyi tshogs pas yid du 'ong ba lta bu'i phyir rgol ba rnams dang slob ma rnams rig byed pa'i lam du 'jug pa'i 'bad pas yang bzlas nas brjod pa la yang skyon med do//de nyid bshad pa/ rgol ba pos 'bad pas ston par byed cing brjod pas 'jug pa thos pa dang rtogs pa yang dag pa ma yin par dgos pa byed par 'gyur ba yang dag pa ma yin pa'i thos pa dang rtogs pa'i don du yang dang yang du brjod par bya ba yin no/ /ma yin te/yul ma yin pa'i phyir zhes bya ba ni pha rol po'o/ /rgol ba 'di ni bla ma yin la phyir rgol ba 'di ni slob ma yin pa ste/ rgol ba dang phyir rgol ba gnyi ga yang phan tshun rgyal bar 'dod pas rnam par 'joms pa'i phyir ro/ /de'i phyir rgol ba dang phyir rgol ba 'bad pas bstan par bya ba ma yin no//ma yin te zhes bya ba ni slob dpon no/ /gal te phyir rgol ba la bstan par bya bas dbang pos gnod pa mi za bar khong du chud de de rtogs pa kho nas dbang po rgyal ba yin la/ de lta ma yin na pham pa yin pa'i phyir ji ltar dpang pos khong du chud par mi 'gyur/ gzhan yang nges par dpang po bzhin du phyir rgol bas kyang khong du chud par bya ste/ci'i phyir zhe na/ ma bstan na skyon du brjod pa'i phyir ro/ /de yang sgra la ltos nas 'jug pa dang nges par byed do/ /gal te dpang po 'jug pa la bstan par byed pa med par 'gyur ba de'i phyir khyed kyis rgol ba dang phyir rgol ba dag lan gsum du brjod pa'i don la ma rtogs pa tshar gcad pa'i gnas su bshad pa gang yin pa de dang 'gal ba yin no zhes bya ba'i don to//gang yang 'di zhes bya ba brjod pa de ma grub ste phyir rgol ba 'di slob ma yin pa'i phyir ro/ /de kho na nyid shes pa don du gnyer ba'i slob ma la bstan par bya ba yin pa las gzhan mtshan nyid ni de la med do//de ltar gyur pa'i phyir rgol ba ci'i phyir slob ma yin/ /de kho na nyid don du gnyer ba 'di phyir rgol ba ma yin pa nyid du 'gyur ba brjod pa ci zhig bya/ de gnyis ka yang ldang ba'i phyir ro zhes bya ba ni mi rigs so/ / sngar rgyal bar 'dod pa'i smra ba dag dgag par bya ba'i phyir ro/ /de lta na yang 'di 'bad pas bstan par bya ba ma yin na yang drang srung gis lan gsum gyi bar du brjod pa'i nges par byas pa'i phyir ro zhe na/ de'i phyir lan gsum gyi bar du brjod pa'i tshig ces bya ba la sogs pa smos te/'di gzhan du 'chad par 'gyur ba las bstan par bya ste/ gal te re zhig gzhan la bstan pa'i don du 'jug na lan gsum gyi bar du ci'i phyir brjod par bya/ ji ltar brjod pa de ltar des rtogs par bya ba'i don yin pa de lta na yang gzhan du gdung bar 'gyur bas lan gsum gyi bar du brjod pa ci zhig bya/dbang po rna gtod pa la brjod la phyir rgol ba'i 'dod pa la nges par rtogs pa ma yin pa mdor bstan pa la sogs pas dngos po de nges par byed pa'i ci rigs pa'i lan gyis rtogs pa yin gyi rmongs pa la ni smra bar mi bya'o zhe na/ 'di ma yin te/ sgra dang don dag zlos pa'i tshig gis go bar bya ba 'am/ don zlos pa'i tshig gis tha dad med par sgrub par byed do/ /tshig nges par sbyor ba zhes bya ba la sogs pa la gtan tshigs dang dpe lhag pa'i skyon yin no/ /byas pa'i phyir zhes bya ba gcig las ni don med par brjod pa'i phyir ro/ / zlos pa tshig la yang snga ma'i tshig gis rtogs par bya ba'i don shes pas tshig phyi ma gang yin pa de ni lhag ma'i skyon gyi dbang du byas nas yin no zhes bya ba de skad brjod do/ /yang nges pa'i tshig gi sbyor ba la 'di skyon yin no zhes ci'i phyir bshad ce na/ bshad pa gtam rgyud sna tshogs pa'i skyon du mi 'gyur ro zhes sbyar ro//gang gi yin zhe na/ gtan tshigs la sogs pa yang brjod par bya'o/ /sogs pa'i sgras ni dpe mang po gzung bar bya'o/ /ci 'dra ba zhig ce na/ ma dpyad pa'i don gcig pa bsgrub pa'i dbang du byas nas don 'di bsgrub par bya ba'i don du gnyer ba'i phyir byas pa'o//sgrub par byed pa'i gtan tshigs dang chos can gyi dbang du byas nas don dang lhan cig tu sgrub par byed pas don sgrub par byed pa ste bar gyi tshig mi mngon par byas pa'o/ /'di'i don du sgrub par byed pa gcig pa'i phyir ro zhes de skad du bshad do/ /de'i dbang du ma byas pa ni de ma dpyad pa'i don sgrub par byed pa'i dbang du byas pa'i gtam rgyud sna tshogs pa'i phyir rgol bas gson po'i lus la sogs pa'i chos can yin gyi bdag med pa la sogs pa'i chos can gcig tu yongs su gcod pa ni med de/'on kyang du ma nyid dang mi rtag pa nyid dang bdag med pa dang byed pa po dbang phyug la sogs pa'o//de bzhin du du ma'i gtan tshigs ni 'on kyang de gcig ma yin no zhes bya ba'i don to/ /'di nyid rim pa ji lta ba bzhin du brjod pa ni/ don sna tshogs la sgrub par 'dod pa 'am sgrub par byed pa sna tshogs par 'dod pa'i nyan pa'i sngon du sgrub par byed pa smos pa ni dngos po sgrub par byed pa'i phyir grub pa'i tshig go//phyis rgyu sgrub par byed pa'i phyir gtan tshigs smos so/ /de'i phyir gtan tshigs la sogs pa mang po dang tshig mang pos sgrub par byed par nges pa'o/ /tshig la skyon med do/ /ci'i phyir zhe na/ brtags zin pa la brtag par byar med pa'i phyir ro/ /skyon mtshungs pa'i phyir 'dus pa'i tshig nyid rig pa yin nam/lhag par brjod par byas nas zlos pa brjod pa nyid do zhes bya ba'i don to/ /yang gi sgras ni zlos par byed pa lhag ma'i nang du ji ltar 'du bar 'gyur zhe na/ bshad pa rnam grangs kyi sgrar btags pa'i gtan tshigs gzhan gnyis pa ni gtan tshigs gcig bstan pa'i yul la 'jug pa yin te/ci'i phyir zhe na/ bstan par bya ba'i yul bye brag med pa'i phyir ro/ /don bzlas nas bstan pa yin pa de lta na ji ltar lhag pa'i nang du ji ltar 'dus she na/ don yang bstan pa la sa tha dad pa yod pa ma yin no/ /don sgra'i sgo nas zlos pa rjod par shes par 'gyur te/yang brjod pa 'dis na bzlas nas brjod par bstan te/ gtan tshigs dang dpe lhag ma kho na'o/ /'di skad ston pa yin te/ dpe 'di gsal ba nyid du lhag pa'i nang du 'du ba yin te/ 'di ltar chos mthun pa'i spyir ba byas nas chos mi mthun pa'i dpe sbyor ba'i don zlos pa'i dper brjod par bshad do//gang yang brjod pa zhes bya ba la sogs pa spong bar byed pa go sla'o/ /rnam par rig par 'gyur ba'i ngag gi don lan gsum gyi bar du brjod par bya ba gang yin pa de ni de bzhin du khyad par gyi bsdu ba bya ste/ rnam par rig pa yang yin la 'di dag gi don yang yin pas lan gsum gyi bar du brjod pas bstan par bya'o//phyir rgol ba gang yin pa ni lan brjod par bya'o zhes bya ba dang 'brel pa/ cig char lan gsum brjod pas na rjes su smra ba med pa zhes bya ba tshar gcad pa'i gnas yin no zhes ba shes par bya ba'i don to//lan brjod pa med pa ni sgra brjod pa'i sgo nas tshar gcad pa'i gnas kyi rgyud ni bshad pa lan brjod pa med par ci la brten nas gzhan gyi phyogs dgag pa smra bar byed ces bya ba ni yul med pa'i phyir sun 'byin pa med do zhes bya ba'i don to/ /khyed kyis bshad pa 'di yin no zhes brjod na sun 'byin pa brjod par bya'o//de lta na sun 'byin pa brjod pas kyang bsgrub par brjod pa'i rjes su bzlas nas lan brjod par bya dgos pa de'i phyir 'di gnyi ga yang tshar gcad pa'i gnas so/ /'di ba ra dwa dzas re zhig ma mthong ba spod par byed pa ni/ gal te lan gyi sgo nas nges par yongs su shes pa 'di ni tshar gcad pa'i gnas yin zhe na/de ltar ni gyur na zhes bya ba la sogs pa 'di dag tu brjod pa lan gyi yul yongs su shes pa zhes bya ba de nyid lan ldon pa yin no/ /'di ni 'gal ba zhes bya ba la sogs pa 'di nyid rnam par dbye ba'o/ /dam bca' ba brjod pa med pa zhes bya ba de nyid yin gyi rten med par gzhan gyi phyogs dgag pa med pa brjod pa ni mi rigs pa'i lan ma brjod pa zhes bya ba tshar gcad pa'i gnas su rigs pa yin no zhes bya ba 'di tsam ni pha rol gyi gzhung ngo //'dir slob dpon gyis sun 'byin pa rtsom pa ni/ gal te rgol ba rang gi sgrub par byed pa'i don gyi rten zol gyis zhar la 'ongs pa gzhan dang gzhan smra bar 'gyur ba ni sngar dper brjod pa bzhin no//ri dang khang bzangs la sogs pa blo sngon du song ba rgyus byas pa yin no zhes bya ba ni dam bca' ba'o/ /lus la sogs pa bstan pa'i zol gyis ma lus pa'i rgyud brjod pa yin no//dper na shes par 'dod pa'i don tsam bshad pa ji ltar rgyas par byed/ gang gi tshe rgol ba rgyas par byed pas ci zhig byed ces sbyor ro/ /dam bca' ba la sogs pa don gyi khyad par gzhan gyis nye bar mi mkho ba'i bsgrub par bya ba don byed par khas blangs nas sngar gyi des ji lta ba bzhin du/sgra rtag mi rtag ces bya ba la rgyal dpog pa'i rgol ba tshar gcad pa'i mtshan nyid bcu gnyis la sogs pa ni mtshan nyid bcu gnyis su brjod pa nyid do/ /dper na ci 'dus byas pas 'di thams cad skad cig ma yin nam ma yin zhes rtsod pa'i dngos po nyid la sogs pa'i spyi la brten nas de la brten pa dang de'i yul mngon sum la sogs pa shes pa rang gi bdag nyid du grub pa de ma thag tu 'jig pa ni mi 'gyur te/spyi dang spyi ma yin pa'i rigs kyi rdzas las ldan pa dang rnam par dbye ba'i sgra'i 'bras bu skyed pa ni brjod par bya ba yin pa'i phyir snga na med pa bzhin no zhes bya ba rkang mig gis brjod pa nyid do//'o na dam bca' ba la sogs pa zhes bya ba'i tshogs pa'i sgras ci zhig gzung bar bya/ re zhig gtan tshigs dang dpe ni ma yin te/ de tsam bshad zin to zhes brjod pa'i phyir ro/ /gzhan yang 'ga' zhig ni 'dir skabs ma yin no zhe na/skyon 'di ni med de gang gi phyir 'dir gtan tshigs la sogs pa brjod pa yin no zhes blta bar bya'o/ /des na gtan tshigs la sogs pa smos pas 'phags pa yin no zhes 'ga' zhig 'dod do/ /gzhan gyis smras pa 'di ni smras pa ma yin pa la dogs pa yin no/ / twa'i skyon bstan pa'i phyir ro/ /gang gi phyir don 'di tsam la phyir rgol bar shes par 'dod pa'i don tsam gzhan gyi khyad par spangs pa skad cig ma ma yin pa la sogs pa gang yin pa de rgol bas brjod pa 'di bdag gis bsgrub par bya'o zhes dus phyis tshad mas gsal bar byed pas dam bca' ba la sogs pa'i don gyi khyad par brjod cing gzhan don med pa khas blangs nas brjod pa ji ltar rgyas par byed pa zhes bya ba'o//de yang zhes bya ba ni dam bca' ba'i khyad par bsgyur ba skabs su ma bab pa gnyi gar bshad pa gsal bar byed pa lta bu rgol ba brjod pa de'i tshe dka' ba nyid do//skad cig ma ma yin pa la sogs pa rtsod pa'i gnas kyi don 'di tsam gyi tshig gi nus pa la rtsod pa med do zhes bya ba'i don to/ /de bas na rgol ba thams cad kyi tshig ji ltar rjes su ma brjod par gyur na/ phyir rgol ba las lan brjod par nus pa yin te/'on te tshig med na mi 'byung bas shes par 'dod pa'i don grub pa gang yin pa de nyid nye bar dmigs par bya ba nyid do zhes bya bar sbyar ro/ /skyon ni sgrub par byed pa'i yon tan ni sun 'byin pa'i yul yin pa'i phyir ro/ /sun 'byin pa dang sgrub pa ni gzhan la rag las nas gzhan la 'jug pa yin no zhes bya ba'i don to//ci'i phyir med na mi 'byung bas shes par 'dod pa'i don grub par 'gyur zhe na/ bshad pa phyogs kyi chos dang khyad par rab tu sgrub pa yin te/ khyab pa sgrub par byed ba'i gnod pa can gyi tshad ma bstan pa'i phyir ro/ /ci 'di tsam yang sgrub par byed pa la sbyor ba'i don gzhan spong bar byed pa ma yin nam zhe na ma yin te/bshad pa/ de la yang zhar la byung ba spong ba yin no zhes bya ba ni don med do zhes mngon par 'dod do/ /de tsam gyis nye bar bstan pa'i sngar gyi go rims las phyis gzhan du ji ste ma yin/ de la yang sun 'byin pa'i yul nye bar bstan pa'i don rjes su brjod pa ji snyed pa thams cad nye bar bkod pa'i rgol bas de ma yin pa'i skyon brjod pa'i phyir ro//snga ma'i rim pa bzhin du brjod par mi bya'o/ /ci'i phyir zhe na/ lan gnyis brjod par thal bar 'gyur ba'i phyir ro/ /lan gnyis brjod bar thal bar 'gyur ba nyid du bstan pa ni/dang po'i gnas skabs kyi skyon brjod par mi bya ba la sogs pa'o/ /gal te tshig gi go rims bzhin du brjod par thal bar mi byed na/ da ni sun 'byin pa'i yul med par thal bar 'gyur ba'o zhe na/ ci'i phyir zhe na/ med na mi 'byung ba nyid yin pa'i phyir/sun 'byin pa'i yul nye bar bstan par bya ba kho na'o/ /ji ltar skyon gyi tshig re re'i yul bstan par bya'o/ /sun 'byin pa'i tshig re re la skyon pa rjod pa gang yin pa de dang de ni yul brjod par bya'o zhes brjod pa'i don to/ / de nyid brjod pa ni rgol bas sun 'byin par brjod pa'i skyon 'di yin zhes bya'o/ /yang ci'i phyir yin zhe na/ skyon thams cad cig car tshig gis brjod par bya ba yin no zhes thams cad go rims bzhin du/ brjod pa gang yin pa de la 'khrul pa'i gzhan gyi phyogs ni rigs pa ma yin no//de brjod pa yin te skyon brjod pa med par 'di lan gnyis brjod pa'i phyir ro zhes bya ba de lta na tshig so sor nye bar dgong pa ni 'bras bu yin no/ /de'i phyir thams cad ni go rims med par rjes su smra ba ni/ pham pa'i rten can du brjod par bya'o/ /da ni 'dir rkang mig gis skyon 'di thams cad phyogs snga ma khas mi len na kho bo cag gis so sor gsal bar bya'o snyam du sems gzhan du rjes su shes pa de ltar 'gyur ro snyam nas/de ltar gyur na zhes bya ba ni 'di dag nyid brjod par bya'o/ /gang gi phyir 'ga' zhig la zhes bya ba ni/ rang gi sgrub par byed pa'i don ston pa'i zol gyis dam bca' la sogs pa'i don gyi khyad par ram/brgyud pas khas blangs pa zhar la 'ongs pa med na mi 'byung ba ma yin par 'dod pa'i ngo bor sgrub pa zhes bya bar sngar bshad par rgol par brtags pa'i phyir dang / don gzhan go bar bya ba ma yin pa'i phyir/tshar gcad par 'os pa yin no/ /zhar la 'ongs par brjod pa ni gang yin/ tshar gcad par bya ba gang yin zhe na/ 'ga' zhig 'ga' zhig la zhar la 'ongs par byed pa med pa ni mi rigs te/ sngar ji skad bshad pa bzhin du chos bdag med par smra sgrub byed du glu dang gar la sogs pa yang thal par 'gyur ro zhes bya'o//rgol ba des zhar la 'byung ba brjod pa gang yin pa de'i rjes su phyir rgol smra ba yang ma yin te/ nye bar mi mkho ba la rjes su brjod par bya ba ma yin no zhes bya ba'i don to/ /des sngar ji skad bshad pa ni/ 'di gal te zhig na rgol ba rang nyid sgrub par byed pa'i don gyis bstan pa 'di gzhan du yongs su shes so//da ni ji ltar bshad pa de yang thams cad go rims bzhin du brjod par mi bya ba ma yin te/ lan cig brjod par thal bar 'gyur ba'i phyir/ zhes phyis sun 'byin pa brjod pa ni/ 'di yang ma yin te/ kho bo cag gis zhes bya ba la sogs pa de rjes su shes so//slob dpon gyis smras pa gal te khyed kyang de lta bu yin pa nyid du 'dod pa de lta na rjes su brjod pa las logs shig tu brjod par mi bya ste/ ci'i phyir zhe na/ spobs pa med pa'i nang du 'dus pa'i phyir ro/ /'dus pa nyid du bstan par bya ba yin la/lan rtogs pa med pa ni spobs pa med pa nyid do/ /ji lta ba 'dus pa yin zhe na/ bshad pa/ lan gyi yul ma bstan na lan gsum pa'i spobs pa dang rtogs pa dang shes pa dang brjod pa la nus pa med do/ /ci'i phyir mi nus she na/ rjes su chags pa la zhes bya ba la sogs pa smos te/lan rtogs pa med pa ni lan khong du chud pa med pa yin no zhes bya ba'i don to/ /mi 'phen pa de ni ma yin pa de ni rjes su brjod pa med pa gang yin pa de de bzhin du dgag pa rnam pa gnyis kyis nges par rnam gnyis 'phen pa'i lam rtogs pa med pa nyid do/ /'di skad ston pa yin te/rtogs par bya ba gang yin pa de ni yul gdon mi za bar 'di yin no zhes de dang de dag ni dam bca' ba sun 'byin pa'i phyir ro/ /yongs su shes pa'i yul yang sems dang bcas pa su zhig de rjes su mi brjod pa ni ma yin no/ /ci'i phyir zhe na/ gang la rjes su brjod pa ni ma yin no/ / de'i phyir gang la rjes su brjod pa med pa de la sogs pa ma yin pa de ni de'i khyab par byed pa ma yin te/ shing dang seng ldeng bzhin no/ /de yang tshar gcad pa'i gnas su byas pa nyid do/ /rjes su brjod pa med pa la khyab pa yin pa des de 'phangs pa zhes bya ba de gsal bar byed pa'i mjug bsdu ba ni zhes bya ba la sogs pa smos te/'dir dper brjod pa smras pa ni ba lang gi tha snyad gang yin pa de tha dad par nges pa med pa'i spyi la byed pa bzhin du lkog shal la sogs pa dang ldan pa nges khyab pa'i khra mo thob par 'gyur ro snyam nas 'jug go/ /sbyor ba ni gang yang gcig brjod pa ni shugs kyis ma brjod pa thob par 'gyur ba de ni rtogs pa sngon du gtong bas slar phar brjod par mi bya ste/dper na ba lang gi rigs kyi lkog shal la sogs pa rjes su brjod pa ni shugs kyis de la tha dad pa'i lkog shal la sogs pa dang ldan pa thob par 'gyur ba bzhin du brjod pa med pa'i tshar gcad pa'i gnas kyang spobs pa med pa'i tshar gcad pa'i gnas su brjod pa'i shugs kyis thob pa yin no zhes pa'i khyad par byed pa dang 'gal ba dmigs pa'o//'o na yang phyir rgol ba shes nas kyang yul dag gis yul gyi yul dag la lan 'debs par 'jigs pa dag 'dar ba la sogs pa sems dkrugs par byas pa'i phyir rgol bas rjes su brjod pa med pa yin no//spobs pa med pa de de'i khyab par byed pa ji ltar 'gyur/ gang gis 'di'i gtan tshigs su grub par 'gyur zhe na/ ma yin te/ de lta bu mi srid pa'i phyir ro//yul dag gis yul gyi yul dag la yang lan 'don pa ni ma yin rnam pa 'ga' zhig gis 'jigs pa 'am/ brgyal ba 'am mi shes pa med pa'i phyir ro/ /'jigs pa dang 'dar bas rdul byung ba la sogs pa de lta de ltar gyur pa yang 'jigs pas dkrugs par byas nas yin no//de lta na thog ma nas de lta bu'i rtsod pa byed du 'gro bar yang mi 'gyur ro/ /gzhan yang gal te pha rol po byis pa nyid du 'gyur na de lta bur 'gyur gyi byis pa'i ched du byas nas rigs pa'i bstan bcos pa ni ma yin no/ gal te de lta na yang spobs pa med pa'i nang du 'dus pa la 'gal ba med do//gang gi phyir lan mi shes pa dang lan mi brjod pa'i ngo bo rnam pa gnyis la lan rtogs pa med pa yin la de'i phyir 'di yang ma yin no/ /'on te gzhan gdung bar byed pa'i don yin pa de ltar yang lan gsum brjod par bya ba yin na de la 'bras bu ci zhig yod//dbang po rnams gsal bar smra las nyams pa rna bar bshubs pa 'di don 'di la kho bos brjod par 'dod pa yin no zhes bya ba dus phyis phyir rgol pas dka' zhing sdug bsngal bas rtogs pas mdor bsdus pa la sogs pa ni nye bar 'tsho ba yin no/ /dka' ba ni brjod dka' ba'o//rtogs pa med pa ni sing ga gling gi skad la sogs pa brdar ma byas pa'o/ /myur ba na mgyogs par brjod pa'o/ /mdor bsdus pa la sogs pa mdo sde'i tshig bzhin no/ /bzlums te byas so zhes bya ba'i don to/ /sogs pa smos pa ni sbas pa'i don rnams smos pa ste/ dper na/rang gi phyogs la dmigs nas rnam par phye/ /gang zhig 'dod dang reg pa 'di yin no/ /zhes bya ba lta bu'o/ /dper na phyir rgol ba lan brjod pa la smos nas smra bar mi bya'o/ /'khor dang phyir rgol ba dag gis lan gsum brjod pa ni rnam par mi rig par rnam par rig pa'i don ma yin pa'i phyir 'dir mtshams med pa dang /dka' ba la sogs pa'i sgra sbyor ba ni thub pa rnams kyis dgag pa'i phyir 'dir rigs pa ma yin pa byed par 'thad pa ma yin no zhe na/ gzhan nye bar gdung bar byed pa'i rim pa la zhes bya ba la sogs pa smos so/ /'on kyang gzhan gdung ba la dmigs pa 'jug pa ma yin no//bstan bcos kyang de'i ched du brtsams pa yin no zhes bstan zin to/ /skye bo ngan pa log par rtogs pa'i dbang du byas nas bstan bcos 'jug par 'gyur ba'i phyir ro/ /gzhan gdung ba'i ched du mi 'jug pa yod pa ma yin no/ /de'i phyir re zhig brjod par bya ste/ji srid dus 'dis rtogs na lan gsum gyis bar du brjod par mi bya'o/ /'on te rgol bas lan brgyar yang dang yang du brjod na yang phyir rgol ba rmongs pas gzung bar nus pa ma yin no zhe na/ gzung bar nges pas mi nus par nges pa yin pa de'i tshe rnam pa 'ga' zhig nges pa'i sgrub par byed pa'i sbyor bas 'di dang lhan cig tu brjod pas ci zhig bya snyam nas sngar nyid du 'dod par 'gyur ro//yongs su bcad nas sbor bar nus pas brgyad pa la rmongs pa'i phyir rgol ba yin no zhes bya bar sbyar ro/ /gang gis rgol ba de lta ba la lan de lta ba gdab par ji ltar mi nus pa yin no snyam du dogs pa gzhan la/bshad pa'i tshig 'dis don rtogs par mi nus na yang dbang po gzhan gyis rtogs par bya ste/ de ltar dngos po rnam par dbye ba gnas pa'i phyir ro/ /don rnam par dbye ba mi shes pa dngos po rkyen nges par brjod pa'i phyir ro//sgrub par byed pa'i ngag gi don yongs su shes pa tshar gcad pa'i gnas so/ /de nyid kyi phyir rnam bshad kyi TI kA mdzad pas/ ngag gi don gyi yul la rnam par shes pa mi skye ba ni mi shes pa yin no zhes rnam par 'grel te/ las 'di la nges par brjod pa'i rgol pa rab tu sbyor ba'i ngag nyid yin la de ltar na yang dag gi don gyi yul gyi shes pa mi skye ba dang khyad par med pa'i phyir rgol ba ni tshar gcad pa'i gnas yin no zhes bya ba cung zad kyang 'gal pa med do//gzhan nges par don smos pa mthong ste/ mdo'i don smos pa dor par 'dod pa don mi shes pa yang mi shes pa yin no zhes bya ba de ni yid ches pas smra ba ma yin no//dbang pos sgrub par byed pa'i ngag gi don rnam par shes na yang phyir rgol bas rnam par mi shes na yang / phyir rgol bas rnam par mi shes pa dang khong du mi chud pa gang yin pa de ni mi shes pa yin zer bar byed kyi phyogs kyi yi ge dgod pa yin no//las kyi phyogs yin pa de la yang 'gal ba med de dag gcig pa de nyid kyis bshad do/ /dbang pos rnam par shes pa'i don ci zhig yin/ /dbang pos shes pa'i rgol bas don mi shes pa tshar gcad pa'i gnas yin no zhes bya bar shes par bya'o/ /tshar gcad par mi bya'o//bshad pa/ don rnam par mi shes pa'i phyir rgol ba de dgag par smra bar bya ba ma yin te zhes bya ba gzhan gyi skyon brjod pa'i gzhung gi lan du 'di sbyor bar byed do/ /de yang rigs pa ma yin te/ rnam bshad kyi 'grel pa'i gzhung yin pa'i phyir ro/ /sgrub pa khung du chud pa med pa nyid ni dper na rjes su mi smra ba bzhin du lan rtogs pa med pa'i gnas ni tshar gcad pa'i gnas yin no//lan rtogs pa med pa ji ltar yin zhe na/ bshad pa/ yul bstan pa med pa'i phyir ro/ /phyir rgol bas lan khong du chud par mi nus par byas pa ni/ gang gi rnam par rig pa'i yul bstan pa ma yin pa'o zhes khyad par gyi tshig bsdu ba nyid do//'di ltar sun 'byin pa'i yul bstan pa'i don du brjod pa yin no/ /de yang spangs nas gang gi tshe rgol ba gzhan gyis brjod pa ni ma yin rjes su brjod pa de'i tshe lan gyi yul med par de lta bur gyur pa de rjes su brjod pa ni don yin pa'i phyir mi nus so zhes bya bar gnas pa'am lan khong du chud pa med pa nyid tshar gcad pa'i gnas su yin no zhes bya ba'o//de bzhin du mi shes pa nyid kyang lan khong du chud pa med pas tshar gcad pa'i gnas yin no zhes bya ba ni phyogs la chos bsdu ba'o/ /gang gi phyir rgol bas sun 'byin pa de'i yul mi shes na ji ltar lan gyi yul du smra bar 'gyur/dpe kha cig las lan gyi yul skyon smra bar 'gyur zhes 'don to/ /ji ltar na lan dang lan gyi yul gyi lan yin zhe na/ de ni de lta bu'i tshig dang 'brel pa yin no/ /lan dang lan gyi yul mi shes na ji ltar lan brjod pa yin zhe na/de'i yul mi shes pa dang lan mi shes pa tshar gcad pa'i gnas yin te/ rtogs par bya ba spobs pa med pa'i phyir ro/ /brjod du med do zhes bya bar gnas so/ /ci'i phyir zhe na/ brjod par 'gyur bas don rnam pa gzhan du na spobs pa med pa can nyid yin pa'i phyir ro/ /ji ltar yul med pa yin zhe na/don nges par gzung ba med pa zhes bya ba la sogs pa smos te/ phyogs snga ma'i lan nges par gzung ba med pa'i don gyi phyir rgol bas rjes su brjod pa med pa'o/ /rjes su smra ba med pa'i yul ma bstan pas lan khong du chud par mi nus pa'i phyir lan khong du chud pa med de/mi shes pa 'am ma brjod pas so/ /ci'i phyir lan gyi yul mi shes pa la lan rtogs pa med pa yin zhe na/ lan dang de'i yul mi shes pa can la lan khong du chud pa mi shes pa'i phyir ram/ lan khong du chud pa de'i yul gang yin par 'gyur ro zhes bya ba ni bsdu ba'o//de'i phyir de'i lan mi shes pa gnyis kyang rtogs pa med pa ni spobs pa med pa zhes bya ba'i rgyu yin no/ /'o na lan mi shes pa nyid spobs pa med pa de ji ltar de'i bdag nyid kyi rgyu yin pa nye ba nyid du bstan zhe na/ ma yin te/ lan brjod pa med pa'i mtshan nyid gang yin pa de ni brjod par 'dod pa'i spobs pa med pa'i phyir ro//de med na zhes bya ba ni de dag gi lan mi shes pa dag med par 'gyur ro/ /khong du chud pa dang rjod par byed pa dag gi lan ni yod pa kho na'o/ /phyir ro zhes bya ba ni de'i phyir ro/ /de dag gi yul mi shes pa dang lan mi shes pa dag mi shes pa'i ming can dag tshar gcad pa'i gnas yin te spobs pa med pa logs shig tu tshar gcad pa'i brjod pa yin na/spobs pa med pa'i yul gang yin zhes brjod par bya/ gal te yul med par brjod pa ni de'i tshe yul med pa can yin pa'i phyir/ spobs pa med par brjod par bya ba ma yin pa nyid du 'gyur ro/ /mi shes pa dang rjes su brjod pa med pa de dag tha dad par brjod pa yin no zhes gzhan du brjod par bya ste/ mi shes pa dang spobs pa med pa yul tha dad pa rnam par 'jog pa pha rol pos smras pa/ lan mi shes pa ni mi shes par mi brjod pa ni gang la spobs pa med pa ni yul med pa'i phyir mi brjod kyi/'on kyang mi shes pa zhes bya ba la sogs pa smos te/ yul mi shes pa'o/ /de lta na ji ltar spobs par byed pa yul shes pa dang ldan par 'gyur zhe na/ bshad pa yul mi shes par 'gyur ba'i dus kyis phyis phyir rgol bas lan shes pa'i lan khong du ma chud pas mi smra ba'i phyir ro//des na yul yod pa la spobs pa med pa ni mi shes pa las ma 'das pa yin no/ /de lta na yang brjod du med pa'i phyir/ /de lta yin na zhes bya ba smos te/ rjes su dpag pa med pa ni/ /mi shes pa'i nang du 'dus par sgrub pa'i phyir ro//yul yang dag par khong du chud pa yin na su zhig rjes su dpag pa med par 'gyur/ des na rjes su dpag pa med pa logs shig tu brjod par mi bya'o/ /gzhan yang rjes su brjod pa de bzhin du spobs pa med pa yang mi shes pa las logs shig tu brjod par mi bya'o//bshad pa/ lan mi shes pa ni nang du 'dus pa'i phyir ro/ /yul ni 'di yin no zhes pa la sogs pa dang / yul shes pa yongs pa la sogs pa ni pha rol gyi'o/ /'di skad ston pa yin te/ lan mi shes pa ni rnam pa gnyis te/ yul mi shes pa dang lhan cig pa 'am/yul shes pa dang lhan cig pa 'am/ de la dang po ni yul mi shes pa nyid kyi nang du 'dus pa yin la phyi ma ma 'dus pa nyid do/ /des na gnyis pa la ltos nas spobs pa med pa'i logs shig tu brjod pa ni ma yin no zhe na/ de lta na thug pa med pa tshar gcad pa'i gnas su thal bar 'gyur ro snyam nas/de lta na yang zhes bya ba la sogs pa smos te/ dper na mi shes pa la zhes bya ba la sogs pa'i rab tu byed pa da ltar mi shes pa dag la yang zhes bya ba ni yul gyi lan mi 'debs pa dag kyang yul thams cad kyi lan mi shes pa'o/ / stsogs pa smos pa ni gnyis dang gsum dang bzhi la sogs pa'i rnam par dbye ba la brten pa yin no/ /yul spyi dang lan mi shes pa'i bsdus par brjod pa'i skyon yin no zhe na/ bshad pa/ skyon cung zad kyang med do/ /ji ltar skyon med pa de ltar yon tan yang med do zhe na/ bshad pa/yon tan ni bla ma'i ming can du rtogs pa'i phyir 'dus par brjod par mi rigs pa yin no/ /spobs pa med pa'i yul brjod pa yin pa'i phyir logs shig tu mi brjod do/ /spobs pa med pa'i tshig bsdus zhes bya ba'i don yin no/ /'di 'ba' zhig logs su mi brjod par rigs par ma zad kyi 'on kyang gzhan dag la ma yin no snyam nas/gzhan yang zhes bya ba la sogs pa smos te/ de gnyi ga tshig nyid kyis zhes bya ba ni gtan tshigs ltar snang ba dang spobs pa med pa'i tshig gis so/ /thams cad ni dam bca' ba nyams pa dang rjes su mi brjod pa la sogs pa'o//rgol ba 'ga' zhig yang dag par sgrub par byed pa na mi mthun pa'i phyogs kyi chos rjes su 'gro bar mi 'gyur ro/ /dam bca' ba dang dam bca' ba sgrub par byed pa dag gi rjes su bgro bar mi 'gyur ro zhes bya ba la sogs pa brjod do/ /de bzhin du sun 'byin pa gsal bar brjod pa 'ga' zhig rjes su brjod pa yin na ji ltar rnam par g.yengs pa ma yin no//gzhan gyi 'dod pa rjes su shes par bya'o zhes bya ba la sogs pa brjod par bya'o/ /'di gnyi gar 'dus pa yang spros pa'i yon tan dang ldan pa des ni de thub pa la sogs pas brjod par bya ba yin no zhe na/bshad pa de gnyi gar 'dus pa'i rab tu dbye ba yod na yon tan gyi khyad par med cing mi dmigs pa'i phyir dang / yon tan spros pa med pa'i tshig la sogs pa la ha cang thal bar 'gyur ba'i phyir ro/ /mchan khung btsir ba la sogs pa brjod par thal bar 'gyur ro zhes bya ba'i don to//thub pa chen po spros pa don med mdzad pa don med pa yin no/ /gzhan gyi phyogs 'gegs par byed pa gang gi tshe sun 'byin pa'i lan shes par mi 'gyur ba dang rig par mi 'gyur ba dang / brjod du med pa de'i tshe tshar gcad par bya ba rig par bya'o zhes gzhan gyi gzhung yin no//de yang 'dir tshar gcad pa'i gnas yin pa de nyid kyi phyir kho bo cag gis 'dir skyon du brjod pas 'dir bshad pa 'di yin no zhes rjes su dpag pa rjes su rig par bya'o/ /sgrub par byed pa la sogs pa'o/ /sgrub par byed pa'i tshig gis de ma thag pa sun 'byin pas brjod par bya ba ni gang gi tshe de ma byas pa thams cad go rims bzhin du rjes su brjod par smra ba dang /tshigs su bcad pa 'don pa ni dpang po 'am gzhan pa yang dag par brjod pa dus 'das pa de'i tshe don med pa dang dgos pa med pas dus 'das par byas pas skyon phyir rgol ba brjod pa khong du chud pa med pa ni tshar gcad pa'i gnas yin no//don med pa ni byed pa'i tshig gam dus kyi tshig gi khyad par yin no/ /'bras bu la chags pa na rgyu nye bar 'god pas rtsod pa gcod pa ni rtsod pa mi smra ba'o/ /dper na gna' gtam brjod cing de ltar rtsod pa byed mi nus kyi phyis gtam bya'o zhes zer ba de bzhin du thog ma'i skabs su bab pa la yang brjod na gzung bar bya bar sems pa ji ltar 'gyur//tshar gcad pa'i gnas bshad pa ni rgol ba 'am phyir rgol ba gang yang sgrub par byed pa mi brjod pa dang sun 'byin par mi byed pa bkod pas tshar gcad pa dang de tshar gcad par byed pa'i mthar thug pa rtsod pa de lta bur gyur pa brtsams pa 'di rang nyid kyis rtsod pa'i mthar thug pa rtogs par 'gyur ro zhes bya ba ni tshar gcad pa'i gnas yin no zhe na 'dir slob dpon gyis smras pa/'bras bu la chags par gyur pa pa yin no//gal te re zhig rgol ba phyogs snga ma phyed pa ni sgrub pa brjod pa'i shugs kyis g.yo sgyu ldan pa tsam gyi sgo nas tshig dor rnam pa 'ga' zhig gis zhes bya ba'i don to/ /yang dag pa ji lta ba'i rtsod pa'i ngor byas pa ni 'bras bu'i dngos por gyur pa byed pa la 'jug pa ma yin no/ / rnam pa 'gal ba de lta bur brjod pa'i dngos po ni/ rtsod pa ni pha rol po 'khrul pa'i dang tshul can gang yin pa'i gtam gsar pa dang khong pa gzer ba dang / khyim tshig pa la sogs pa de bzhin du 'am/ yang na de dang de'i dus su khong gzer ba dang / khyim tshig pa'i bden pa'i de lta bur gyur pa yin na ni char gcad pa'i gnas ma yin no zhes bya ba'i don to//yang gang gi tshe g.yo sgyu tsam gyi sgo nas byed pa yin pa de'i tshe rang gi sgrub pa yongs su gcod par byed pa nyid rnam par g.yengs par 'gyur ro/ /de ltar gyur na ci nyes she na/ bshad pa/ de lta na 'di ni rnam par g.yengs pa can bya ba tshar gcad pa'i gnas yin te/don gzhan gyi rjes su 'brang ba'i nang du 'du bar 'gyur ro/ /dngos po'i rkyen sgrub pa zhes bya ba dang po'i bshad pa dang mtshungs pa'i phyir nye bar bkod par byed pa 'am/ gtan tshigs ltar snang ba rnams kyi nang du 'dus pa'i dbang du byas pa yin no//ci'i phyir zhe na/ de sgrub par byed pa'i nus pa med par brjod pa'i phyir ro/ /'on kyang 'di dag don med pa dang / don dang bral ba dngos su yod pa ma yin te/ de ci'i phyir zhe na/ sgrub par byed pa'i rang bzhin gyi 'brel ba rtogs pa med pa'i phyir ro/ /des na bsgrub pa'i ngag dang lhan cig se'u bcu zhes bya ba la sogs dz+ha ba ga da d+ha la sogs pa yi ge'i go rims brjod pa'i 'brel pa mi dmigs pa'i phyir ro zhes bya ba'i don to//gal te cung zad tsam tha dad pa'i rgyu mtshan gyi chos la sogs shin tu byed pa yin no zhe na ha cang thal bar 'gyur ro zhes bya ba la sogs pa smos te/sgrub par byed pa'i 'brel pa rtogs pa med pa gang dag rab tu tha dad pa de dag ga 'brel pa sgrub par byed pa'i ngag rab tu bstan pa dang de yang tha dad pa dang de dag yin no zhes bya ba'i 'bras bu'o/ /de lta na re zhig rgol pa phyogs snga ma dang 'brel pa'i rnam par g.yengs pa'i logs shig tu brjod du med par bshad pa de ltar ni phyir rgol ba dang 'brel pa yang yin no//'o na de bzhin du rgol ba phyogs phyi ma byis pa ma lus pas logs shig tu byas pa la sogs pa'i rim gyis ji ltar rnam par g.yengs par 'gyur zhe na/ de ni de'i rgol ba phyogs phyi ma sgrub par byed pa de ma thag pa'i lan bstan par byar med pa rtogs pa med par 'gyur ba de'i lan brjod pa med pa'i rnam par g.yeng ba ston pa gang yin pa de ni spobs pa med pa 'am//don gzhan gyi nang du 'dus par 'gyur ro/ /gzhan yang ji skad bshad pa'i nang du 'dus par mi bzod par gyur nas gal te gdon mi za bar zhes bya ba 'di dag brjod pa yin no//'brel pa med pa ni sgrub par byed pa'i dag 'brel pa med pa rtsod pa sna tshogs pas gzhan gyi spobs pa 'phrog pa dang char 'byed pa dang / 'khrul pa brjod pa'i sgo nas kyang rtsod par 'gyur zhe na/slob dpon gyis smras pa/ ma yin te/ mi srid pa'i phyir ro/ /rnam pa de lta bu'i rtsod pa ni gang gi phyir sgra la sogs pa gcig la brten pa'i 'gal ba dang rtag pa dang mi rtag pa nyid la sogs pa'i dam bca' ba'i khas blangs pa'i rgol ba dag la rtsod pa ni 'di 'gyur ro//de ci'i phyir zhe na/ gang dang gang la 'gal ba khas mi len pa de dang de bzhin du 'gal ba khas mi len pa gang yin pa'i skyes bu des khas blangs pa med pa de dag la yang rtsod pa med pa'i phyir ro/ /de ltar rnam par gzhag pa de la rig pa 'am gzhi med pa yin pas de la smos so//rgol ba med pa dang phyir rgol bas gdon mi za bar gcig brjod pa na 'gyur ro/ /cig car ci'i phyir ma brjod ce na bshad pa cig car 'jug pa na rang bzhin du gnas pa'i bdag nyid du mi 'jug pa'i phyir ro zhes bya bar sbyar ro/ /de ci'i phyir zhe na bshad pa nyan pa dang nges par 'dzin pa dang lan gdab mi srid pa'i rgyur gyur pa'i phyir 'jug pa 'bras bu med do//gal te phan tshun ma 'dres par brjod pa nyan par 'gyur ba de'i don nges par 'dzin pa'i lan du 'gyur ro/ /nam mkha'i gos can gyis brjod pas dus bzhin du cig car 'jug pa 'di thams cad la srid par mi 'gyur ro//de'i phyir gdon mis bar gcig sngar brjod pa las brjod par 'gyur ba des na rang bzhin du gnas pa'i rgol pa phyogs snga ma sgra mi rtag pa sgrub par byed pa la sogs pa rang gi khas blangs pa nye bar dgod par byed par brjod par bya'o/ / rnam pa gzhan du dpang po la sogs pa gzhan gyis khong du chud par mi 'gyur ba'i gtan tshigs brjod cing rgol ba phyogs snga ma gzhan dag gis kyang lan de dag 'brel pa brjod pa dang sgrub par byed pa 'brel pa'i sun 'byin pa bshad pa yin no zhes bya bar gnas so/ /de'i phyir rgol ba dag gnyi gas yang dag pa ma yin pa med pa la 'jug pa'i gtan tshigs ltar snang ba dang /spobs pa med pas bsdu ba'i rigs pa la 'jug pa thams cad kyi phyogs snga ma dang phyi ma bkod pa'i gtan tshigs ltar snang ba dang spobs pa med pa gnyis po dag ni shin tu bskal ba ma yin no//'o na gal te rigs pa la 'jug pa de la rnam pa gnyis su ji ltar 'jug par 'gyur/ /chos can gcig la 'gal bar nye bar dgod pa ji ltar 'gyur/ gdon mi za bar rigs pa la 'jug pa na de la gcig nye bar dgod par byed pa na rigs pa 'jug par 'os so/ / de lta ma yin na chos can gnyis su 'gyur ro/ /bsam pa yongs su mi shes pa'i phyir ro/ /khyed kyis 'di'i rigs pa la 'jug pa slob dpon gyis brjod par 'dod par shes pa ni ma yin no/ /rigs pa la 'jug pa nyid ni phyogs snga ma dang phyi ma dgong pa cig car 'jug pa med pa cig shes pa dang /'khrul par rtsod pa la sogs pa med par 'dod do/ /de dag gis ni gcig gi dbang du byas nas 'gal bar khas blangs pa ni gags su 'gyur ro zhes bya ba la sogs pa zhum pa'i lan bstan pa yin no/ /ji ltar lan bstan pa yin zhe na/ bshad pa khas blangs pa med par med pa'i phyir ro//'di skad ston pa yin te/ rang gi phyogs rnam par 'jog pa ni/ tshig gi tshogs dman pa ni zhum par brjod pa'o/ /gal te zhum pa la rang gi phyogs med pa de lta na ji ltar rtsod pa med pa brjod par 'gyur/ /phyogs dgag pa'i don ni zhum pa 'jug go zhe na/de lta na pha rol gyi phyogs dgag pa dang / rang gi phyogs 'jog pa yin na ni mtshan nyid zhig pa gang dang gang khas blangs pa de dang de ni rang gi phyogs yin no/ /gzhan gyis dgag pa des na ma blangs pas rang gi phyogs la shin tu 'jug par mi 'gyur ro//'on kyang gang gi tshe rtsod pa khas blangs nas dam bca' ba tsam gyis rnam par g.yengs pas 'khrul 'khor gyi 'jigs pas 'khrul par byas pa'i phyir ro zhes bya ba'i don to/ /cung zad cig kyang sgrub par byed pa dang / der mi smra ba 'am/ gzhan cung zad cig dang smra bar byed pa nam sgrub par byed pa dang der snang ba las tha dad par bya rog gi sgra mi snyan pa brjod pa kho bo'i khyim du ltas dan ba brjod pa cig 'byung bas rtsod pa ni/des chog gi 'on kyang re zhig khyim du 'gro dgos te pha 'am gzhan zhig 'chi bar 'gyur ro zhes bya ba la sogs pa'o/ /de'i tshe ji ltar gtan tshigs med na sgrub par byed pa med pas gtan tshigs ltar snang ba'i nang du 'du par 'gyur zhes bsams pa'o//lan khong du chud pa med par yang phyogs snga ma'i rgol ba la phyogs med pa yin no zhes bya bar dgongs so/ /des na 'di gnyi ga yang shin tu pham pa ma yin no snyam nas sel bar byed do zhes pha rol po 'dod do//slob dpon gyis smras pa/ sgrub pa med pa'i 'bras bu brjod pa ni/ de skad du ma bstan pa'i gnyi ga shin tu pham pa yin no zhes smra na ni/ sgrub par byed pa ma brjod pa yin no zhes bya ba'i don to/ /ma smras na ni ji ltar rtogs par 'gyur zhe na/ / bshad pa/ brjod pa med pa dag kyang pham pa yin no zhes bstan pa'i rnam par 'jug pa nyid do/ /de nyid dran par byed pa'i rtsod pa khas blangs pa la bsgrub pa'i yan lag ma brjod pa'i phyir ro/ /'di ltar de la bsgrub pa'i yan lag ma bshad pa 'am bsgrub pa'i yan lag ma brjod pa gzhan brjod pa gang yin pa de ni bsgrub pa'i yan lag ma brjod pa yin no//de dag gis ni gzhan brjod pas pham par 'gyur ba tshig lhag ma'o/ /yang dang yang brjod pa dang / dam bca' ba la sogs pa'i tshig tshar gcad pa'i gnas su bshad pa yin no/ /ci'i phyir zhe na/ de yang zhes bya ba la sogs pa smos te/ 'di ni 'di skad ston te/rigs pa dang ldan pa rkang mig gis cung zad cig tshar gcad pa'i gnas su bshad pa gang yin pa de/ kho bo cag gis bsgrub pa'i yan lag ma brjod pa'i tshig tu 'dus pa'i phyir ro/ /de lta na gang dam bca' ba la sogs pa'i brjod pa'i zhes bya ba ni don ci zhig bstan zhe na/ dam bca' ba dang / / nye bar sbyor ba dang mjug bsdu ba brjod pa tshar gcod pa'i gnas su rkang mig gis brjod pa ni ma yin no/ /de ma brjod pa tshar gcad pa'i gnas yin par 'gyur gyi/ de rgol ba'i 'dod pa dman pa dang ches gzhan pa dang / yan lag ma tshang ba yin no zhe na/ de ltar na dpe'i don ni 'di ltar yin te/dper na de ma rtogs pa'i rtogs par byed pa'i nus pas tshangs pa'i phyir sgrub pa'i yan lag ma brjod pa'i tshig gis brjod pa'o/ /de bzhin du lhag ma dang yang yang brjod pa dag gi yang zhes bya ba de nyid kyi gnyis pa'o/ /dang po smos pa ni kho na'i sgra'i don la 'jug pa'o/ /de lta ma yin na yang dang yang brjod pa ni 'di dang 'di zhes bya bar 'gyur ro//kha cig ni phyis kyi dang smos pa'i don to/ /yang dang yang brjod pa dam bca' ba la sogs pa 'di nyid 'chad pa yin no/ /de lta na yang rigs pa ma yin te/ rkang mig rnam pa de lta bu zlos par ma bstan pa'i phyir ro/ / 'di yang snga ma dang chos mtshungs pas yang dang yang bshad pa'i nang du 'dus pa'i phyir ro/ /rang gi phyogs kyi skyon khas blangs nas gzhan gyi phyogs kyi skyon zhar la 'jug par byed pa ni 'dod pa khas len pa ste/ skyon yongs su shes nas skyon gyi lan brjod par bya'i gzhan gyis smras pa khas len pa ni tshar gcad par bya ba yin no//de bshad pa rgol ba gzhan gyis brjod pa nyid kyis brgal zhing brtag pa ste/ skyon sun 'byin pa med pa khyod kyis 'di la yang skyon yin zhes smra bar byed de/ dper na khyod ni rkun ma yin te/ skyes bu nyid yin pa'i phyir ri khrod pa la sogs pa bzhin no zhes bya ba ni//rgol bas brjod par 'gyur ba na phyir rgol bas smras pa/ rgol ba khyod kyang rkun ma yin no zhes brjod pa lta bu'o/ /de yang sgra'i sbyor bas bdag nyid rkun mar khas blangs nas gzhan gyi phyogs kyi skyon rab tu sbyor bar byed cing rjod par byed pa rgol ba gzhan gyi 'dod pa rkun ma nyid phyir rgol bar khas len par byed pa'o//'di ltar dper na bdag nyid rkun ma yin par the tshom med pa yin na brjod par rigs kyi de lta ma yin na de brjod par mi bya'o/ /rgol bas de yod pa dang med pa dpyod pa de'i phyir 'dod pa la khas len pa tshar gcad ba'i gnas yin no//'dir yang gang gi tshe dgongs pa ni 'di yin te/ rgol ba la lan 'debs pa ni skyes bu yin pa'i phyir khyod kyang rkun mar 'gyur la/ khyod rang bdag nyid rkun ma nyid du mi 'dod pa de'i phyir 'di ni skyes bu yin pa'i phyir zhes bya ba bsgrub bya rkun ma sgrub pa'i gtan tshigs yin te/rkun mar ma gyur pa'i mi mthun pa'i phyogs la 'jug pa'i ma nges pa'i skyon gyis gnod pa'i phyir ro/ /des na phyir rgol ba'i bsam pa 'di la 'dod pa khas blangs pa'i mtshan nyid kyi skyon du cung zad kyang med do/ /gzhan yang mngon par 'dod pa'i sgo nas de rkun ma nyid du ci'i phyir 'gyur/rgol ba bdag nyid mi mthun pa'i phyogs su gyur pa la gtan tshigs yod par bstan pa'i rnam pas skyon du 'gyur te/ mkhas pas 'khrul pa brjod pa yin no zhes bya ba'i don to/ /'od byed kyis rgol ba dgos pa ni/ 'khyog por ma gyur pa'i phyir drang po nyid kyi go rims kyi sgo nas ci'i phyir gtan tshigs 'khrul par mi 'gyur te/khyed kyang rkun ma yin na ni skyes bu nyid dper ma nges par 'gyur bas so/ /de'i phyir de nyis kyis 'di gya gyu med par bya'i/ /gya gyu'i spyod pa de nyid tshar gcad par byas pa yin no zhe na/ slob dpon gyis smras pa/ 'od byed kyis smras pa 'di ni ci yang ma yin te/ gang gi phyir rnam pa de lta bu yod pa de lta na mkhas pa'i tha snyad 'jug pa'i dus su/ 'di ltar khyod kyis ni gzugs 'tsho ba yin te/ bud med yin pa'i phyir gzugs 'tshong ma gzhan bzhin no zhes rgol ba brjod pa na/ba lang skyong la sogs pa dang skye bo phal pa la sogs pa dang / thun mong du mdzangs spyad na lan 'debs par 'gyur te/ de bzhin du khyed kyi ma la yang cis ni mi 'gyur/ rnam pa 'dis rang rang gi ma gzugs 'tshong bar ston par 'gyur ro/ / 'on kyang zur gyis gtan tshigs ma nges pas gzhan la gags byed par 'gyur ro/ /de'i phyir de ltar byis pa la sogs pa'i 'jig rten la yang tha snyad du gsal bas 'jig rten pa nyid kyis spong bar byed do/ /gal te pha rol po snang byed kyis bdag nyid la snang ba des stong ston pas 'dir brjod par zur gyis 'khrul par mi ston pa ni ma yin te/'on kyang de'i sgrub par byed pa yang dag par khas blangs pa des na pha rol po la skyon gyi dri mas gos pa yin no snyam nas/ de'i phyir bshad pa de lta na des nye bar gzhag pa'i skyes bu yin pa'i phyir khyed rkun ma yin no zhes khas len pa ma yin yang de'i tshe 'di sgrub par byed pa'i lan mi shes pa de ni tshar gcad par 'os pa yin no//rgol ba gzhan la rang gi rkun ma'i skyon nye bar brjod pa'i phyir tshar gcad par 'os pa yod do/ /de nyid kyis gsal bar byed pa ni de sgrub par byed pa spyon med par khas blang pa byas pa yin no zhes bya ba lhag ma'o//de nye bar 'jog pa khas blangs pa nyid gang yin pa nyid sgrub par byed pa'i lan mi shes pa ste/ de nyid mi shes pa tsam gyis gzhan la skyon brjod pas snga ma'i tshar gcad pa thob par 'gyur te/ phyir rgol ba gang gis tshar gcad pa zhes bya bar sbyar ro/ /gzhan gyi 'dod pa'i skyon nye bar gzhag pa la ltos pa med pa'i phyir ro//pham pa la pham par mi srid pa'i phyir ro zhes bya bar dgongs so/ /tshan gcod pa thob pa la tshar mi gcod pa ni brgal zhing brtag pa tshar gcod par bya'o/ /de dor bas na tshar gcad pa 'thob pa 'di yin no zhes bya ba ma brjod pa'o/ /yang 'dir brgal zhing brtag pa dor ba tshar gcad pa'i gnas su zhig gtang ba yin zhe na/re zhig brgal zhing brtag pa mi bya ba'i zhes bya ba rigs pa med pa'i phyir ro/ /srid pa ma yin te/ pha rol po la skyon brjod par bya ba'i phyir bdag nyid la skyon dang ldan pa 'di khas len pa ni tshar gcad par gyur na/ 'di ni bdag nyid dor ba tshar gcad pa'i gnas su yongs su mi shes pa'i phyir ro/ /de'i phyir 'di skyon dang ldan pa yin no zhes byas kyang dor bar rigs pa ma yin gang gis 'di mi shes pa nyid tshar gcad pa yin no/ /'di ltar yongs su mi shes pa nyid rjes su mi sbyor bar tshar gcad pa thob pa'i phyir yongs su shes pa nyid ji ltar 'dod bar 'gyur//de ltar 'di gsal bar byas pas ji ltar bdag nyid spong bar 'gyur/ /de'i skyon des bdag nyid brgal zhing brtag pa 'dor ba ni tshar gcad pa'i gnas ma yin pa la gzhan gsum pa yod pa ma yin no/ /'ga' zhig ci'i phyir rtsod pa zhes 'dir dgos pa'i dgos pa thams cad kyi phyogs 'di dmigs nas 'di brjod pa yin no//de yang brgal zhing brtag pa dor nas rtsod pa brjod pa na su zhig pham par 'gyur/ de ltar na rgol ba dang phyir rgol ba dang dpang po dang / gzhan dag la brgal zhing brtag par byed pa mthong ba 'khor la dri bar bya'o zhes bya ba'i don to//yang zhes bya ba smos pa ni nges par gzung ba'o/ /gzhan yang rgol ba dag gis tshar gcad pa'i gnas su 'gyur la/ 'di dag dbang po nyid kyang yin no/ /ci'i phyir de dag gis brjod par mi bya ba ci yin zhe na/ bshad pa/ rang gi skyon dang rang gi nyes pas tshar gcad pa thob par 'gyur ba rnam par 'grel zhing gsal bar byed par mi 'gyur ro//slob dpon gyis gal te 'dir yang zhes bya ba la sogs pa'o/ /gang gi tshe rigs par rnam par dpyad pa de'i tshe gcig kyang rgyal ba dang pham par rigs par mi 'gyur ro/ /ji ltar rgol ba rnams rgyal bar mi 'gyur ro zhe na/sgrub par byed pa ltar snang ba shes par 'dod pa'i don bstan pa'i phyir ro/ /de nyid phyir rgol ba pham par 'gyur ba ma yin te/ phyir rgol bsgrub par byed par 'dod pa grub pa la ltos nas pham par 'gyur ba 'jog pa'i phyir ro/ /de ltar na phyir rgol ba ci'i phyir rgyal bar mi 'gyur zhe na/yang dag pa'i skyon brjod pa med pa'i phyir ro/ /de nyid kyi phyir rgol ba yang pham pa ma yin te/ des sun 'byin pa la ltos nas rnam par 'jog pa'i phyir ro/ /'on kyang phyogs phyi mar smra ba la skyon mang po yod du zin kyang rgol bas sgrub par byed pa brjod pa'i sgo nas skyon cung zad cig rjod par byed cing /cung zad ma yin pa de'i tshe 'di tshar gcad par 'os pa ma yin no/ /ci'i phyir zhe na/ lan khong du chud pa yod pa'i phyir ro/ /gal te 'os pa nyid na skyon yod pa thams cad ma brjod pa'i phyir ro zhe na/ slob dpon gyis smras pa/ yod ces bya ba nas gdon mi za bar skyon thams cad phyir rgol bas brjod pa 'am/ ma brjod pa nyis skyon gzhan du tshar gcad par mi bya ste shin tu med pa'i phyir ro/ /ci'i phyir skyon thams cad brjod par mi bya zhe na/ bshad pa/ ma grub pa la sogs pa'i skyon gcig brjod pas kyang rgol ba'i rab tu sbyor ba'i bsgrub par bya ba la de la gnod par byed pa'i phyir ro//bsgrub bya sgrub par nus pa bstan pa'i phyir ro zhes bya ba'i don to/ /dngos po grub par byed pa la bstan pa'o/ /'di nyid kyi dpe ni bshad pa sgrub par byed pa gcig pa lta bu'o/ /dper na zhes bya ba la sogs pa'i rnam par dbye ba'o//skad cig ma nyid la sogs pa bstan pa/ /sgrub par byed pa du ma yod pa nyid 'bras bu nyid dang rtsol ba las byung ba nyid la sogs yod kyang yod pa la sogs pa nyid kho na yin gyi/ thams cad khas blang par mi bya ba ni/ de'i skad cig ma la sogs pa'i don sgrub par nges pa med sgrub phyir thams cad khas blang par mi bya'o//de bzhin du skyon gcig gis kyang de sgrub par byed pa la gnod pa yin pa'i phyir thams cad khas blang bar mi bya'o zhes bya ba 'di dang dpe mtshungs pa yin no/ /de'i phyir phyogs phyi mar smra bas gnod pa'i skyon gcig brjod pa nyid kyis gzhan gyis phyogs gzhan dag rjod par mi byed na/tshar gcad par bya bar 'os pa ma yin no/ /phyogs snga mas sgrub pa ltar snang ba bstan phyir dang / yang dag pa'i skyon ma brjod pa'i phyir ro/ /'o na rgol ba des sgrub pa ltar snang ba sbyar ba med na ci zhig ltar na rgyal bar mi 'gyur/ phyir rgol ba'i mi bden pa'i skyon brjod par 'gyur ba'i phyir zhe na/ phyogs phyi ma smra bas skyon ltar snang ba smra bar byed pa la rang gi phyogs pas spangs pa med cing ldog pa med do/ /des na skyon ltar snang ba brjod pa nyid kyis nus pa med pa'i phyir zhes bya ba'i don to/ /rgol ba ma yin te/ ci'i phyir zhe na/ sgrub par byed pa'i yan lag ma bsgrubs pa'i phyir ro/ /sgrub par byed pa'i yan lag ma bsgrubs pa gang gis de'i dngos po de nyid do/ /'di yin par ga las yin zhe na/ bshad pa/ skyon thams cad med par rab tu bstan par byed pa'i yan lag ma bsgrubs pa'i phyir ro//de lta bur gyur pa'i mtshan nyid dam/ byed pa nyid kyi gsum pa ste/ ma bsgrubs pa'i phyir sgrub par ltar snang ba nyid des rab tu sbyor ba yin no zhes bya ba bsdus pa'i don to/ /phyogs phyi mar smra ba la yang rgyal ba yod pa ma yin no/ /de ci'i phyir de lta bu yang zhes pa ni/ gal te phyogs snga ma smra ba rnams kyis tshar gcad pa thob pa tshar gcad pa mi byed par ma zad kyi phyogs phyi ma dang 'brel pa med pa ma yin no zhes bya ba ni yang gi sgra yin no//rjes su sbyor ba med pa la rjes su sbyor ba ni tshar gcad pa thob pa ma yin pa la tshar gcod pa brjod pa'i phyir ro//yang ci'i phyir de ltar brjod ce na/ bshad pa tshar gcad pa'i gnas kyi mtshan nyid la sogs pa nges pa'i phyir ro/ /ji skad bshad pa'i tshar gcad pa'i gnas kyi mtshan nyid yang dag par yongs su ma shes pa'i phyir ro zhes bya ba'i don to/ /de ltar rtogs pa med par tshar gcad par bya'o zhe na/slob dpon gyis de lta na yang zhes bya ba smos te/ gal te rgol ba de'i sgrub par byed pa la/ yang dag pa ma yin pa'i brdzun pa'i skyon du gyur pa'i 'khrul pa dang bcas pa la sogs pa'i skyon gyis gnod par byed pa khyed kyis sgrub par byed pa ma yin pa rab tu sbyar ba des na tshar gcad par 'gyur zhes bya ba de lta bu ni gnas pa la sbyor ba ste/de bshad pa ni skyon ma yin pa la tshar gcad pa'i gnas su 'di skyon rnam par 'byed pa'o/ /mngon par sbyor ba ni rnam par 'grel zhing rjod par byed pa ma yin zhe na/ de lta na yang brdzun pa'i skyon brjod par 'gyur ba la skyon brjod pa'i mtshan nyid kyi lan rtogs pa med pa dang /brjod pa med pa dang spobs pa med pa'i rgyus yang dag pa ma yin pa'i lan brjod pa tshar gcad pa'i gnas yin no zhes bya ba 'di ni rjes su dpag par byed pa la rjes su sbyor ba brjod pa tshar gcad pa'i gnas yin no/ /spobs pa med pa tshar gcad pa'i gnas de las tshar gcad pa'i gnas ni gzhan ma yin no//nam zhig gis 'di spobs pa med par tshar gcad pa yin zhe na/ bshad pa/ rgol ba cig shos kyis de brjod pa na spobs pa med pa bstan pa yin no/ /de ltar ma yin na snga ma bzhin du gnyis la gcig ni rgyal ba dang pham par mi 'gyur ro zhes bya bar dgongs so//de ltar phyir rgol ba dang 'brel ba tha dad med pa'i tshig gis bstan pas rgol ba dang 'brel pa spong ngo / /bshad pa/ gzhan yang phyir rgol bas sgrub par byed pa yang dag pa bden pa'i skyon 'khrul ba la sogs pa brjod par 'gyur ba la/gzhan gyis zhes bya ba ni phyogs snga ma'i rgol bas skyon ltar snang ba'i tshig gis mngon par sbyor zhing / ma nges pa la sogs pa'i ltar snang ba'i ltag chod khyod kyis rab tu sbyar ro/ /de'i phyir tshar gcad par 'gyur ba ni de lta bu la mngon par sbyar ro zhes bya ba'i don to//de'i tshe 'khrul pa la sogs pa de'i skyon brjod pa'i phyir rgol ba des yang dag pa'i skyon nyid bstan pas ltag chod ni gsal ba yin no zhes bya ba'i don to/ /sgrub par byed pa ltar snang ba tshig nyid kyis rgol ba tshar gcad pa yin pa'i phyir ro zhes bya ba'i phyir ro/ /de lta bu yang rgol ba dang 'brel pas tha dad pa yin yang gtan tshigs ltar snang ba las tha dad pa med pa las logs shig tu brjod par bya ba ni gdon mi za bar rgol ba'i gtan tshigs ltar snang ba nyi shu rtsa gnyis tshar gcad pa'i gnas su logs shig tu tshar gcad pa'i gnas gcig brjod par bya'o//ci'i phyir zhe na/ yul tha dad pa zhes bya ba smos te/ rjes su sbyor ba med pa la sbyor ba zhes bya ba tshar gcad pa'i gnas las ma 'das pa'i yul bsdu ba'i phyir ro/ /de lta ma yin na tshar gcad pa'i gnas nyi shu rtsa gnyis khas blangs pa dang 'gal bar 'gyur ro zhes dgongs so/ /de lta na yang de skad du bshad pa'i gtan tshigs ltar snang ba rnams tshar gcad pa'i gnas su bshad zin pa la/gzhan brjod pa ni rjes su sbyor ba med pa ni rjes su sbyor ba gzhan ni don med pa yin te/ gtan tshigs ltar snang ba brjod pa nyid kyi nang du 'dus pa'i phyir ro/ /grub pa'i mtha' khas blangs nas nges pa med pa'i zhar la 'ongs pa'i tshigs grub pa'i mtha' med pa yin no zhes ba ni mdo'o//grub pa'i mtha' khas blangs nas phyogs yongs su gzung bar byas pa la nges pa med pa'i phyir ro/ /sngar skabs su bab pa'i don la rag las pa'i bstan bcos rnam par 'jog pa yod pa ma yin no zhes bya ba'i don to//zhar la byung ba'i tshig ni don gzhan brjod pa ni don 'ga' zhig chos can dam bca' ba'i don las bzlog pa'i 'gal ba'o/ /'di dpe'i sgo nas gsal bar bya ba ni/ dper na yod pa'i dngos po ni gdon mi za bar 'jig pa med par mi 'gyur bar ma zad kyi/ mi mngon par yang 'gyur ro//med pa rta'i rwa dang mtshungs pa skye bar 'gyur ro/ /'o na ci zhe na/ mngon par gsal ba ste/ yod pa skye ba yin no zhes bya ba de lta bu ser skya'i grub mtha' rnam par 'jog pa bstan pa phyogs su byas nas rang bzhin gcig gsal ba ni chen po la sogs pa gsal ba'o//'dir gtan tshigs bshad pa ni 'gyur ba'i rjes su 'gro ba mthong ba'i phyir ro/ /'ji ba'i rjes su 'gro ba zhes bya ba ni dpe'o/ /de lta na yang zhes bya ba ni bsags pa'o/ /bde ba dang sdug bsngal ba dang / rmongs pa dang ldan pa'i zhes bya ba ni bde ba la sogs pa'o/ /bde ba la sogs pa'i bdag nyid kyi gsal ba ni sngar bstan te/dper na grangs can gyi 'dod pa bzhin no/ /de'i phyir de bde ba dag gi sgo nas rang bzhin gcig pa 'di gsal ba tha dad pa yin no zhes bya ba mjug bsdu ba'o/ /bde ba la sogs pa dag gis zhes bya ba ni de lta bur gyur ba'i gsum pa'o//bde ba la sogs pa'i rnam pa ni bde ba la sogs pa'i gnas skabs kyi rang bzhin gcig pa 'di gsal ba tha dad pa yin no zhes bya ba'i don to/ /gzhan gyis smras pa rang bzhin gcig pa'i gsal ba dang mi gsal bar 'gyur ba'i rjes su bstan pa'i phyir ro/ /'di skad ston pa yin te rang bzhin gcig pa thams cad dang tha dad pa med pa'i bdag nyid kyi rang bzhin gsal ba dang mi gsal ba'i rjes su 'gro ba'i phyir ro//gang gsal bar 'gyur ba ni chen po la sogs pa'o/ /gang mi gsal ba'i gtso bo'i bdag nyid du rnam par gnas pa de dag kyang rjes su 'gro ba bstan pa'i phyir ro//gzhan gyis smras pa gsal ba'i rang bzhin gcig yin pa gsal ba rnam par 'gyur ba yin pas gsal ba'i ngo bo ni 'gyur ba yin no zhe'o/ /rang bzhin gyi don ni bzlog pa ji ltar 'gyur zhes bstan pa'i phyir ser skyas de skad smras pa de la brgal zhing brtag pa ni bshad pa/de yang rang bzhin dang 'gyur ba ji ltar mtshon zhing rtogs par byas zhes bya ba de nyid la rjes su sbyor ba brjod de gzhan ldog pa na chos gzhan 'jug par 'gyur ba'i gnas skabs gang yin pa de ni rang bzhin yin te/ gnas skabs kyi ngo bo 'jug pa dang ldog pa'i chos gzhan gang yin pa de ni 'gyur ba yin no zhes bya bar mtshon par bya'o//grangs can gyis 'di skad ston pa yin te/ rang bzhin spangs pa yin pa skye ba mi 'thad pa de nas rgol ba'i dam bca' ba'i don 'di las bzlog pa nges pa med pa'i tshig rab tu sbyor bar byed pa'i phyir snga ma'i rang bzhin yongs su spangs so zhes bya ba'i don to//ci'i phyir zhe na/ dam bca' ba 'dis zhes bya ba ni snga ma dran par byed pa'o/ /gal te de lta yin na yang skyon ci yod ce na/ yod pa dang med pa la sogs pa smos te/ yod pa ni mi mngon par gdon mi za ba la sogs pa med pa 'ga' zhig tu 'jug pa chad pa ma grub pa'o/ / ngo bo 'ga' zhig gis gnas skabs kyi ngo bor gyur pa mi dmigs pa'i cha 'ga' zhig gnas par 'gyur ba bdag nyid dam gzhan du gyur pa ma yin no/ /bdag nyid du gyur pa'i mngon pa yin pa'i phyir tha dad pa med pa mi mngon pa'i phyir bzhin du gnas pa med par 'gyur ro/ /gnas pa med pa dang gnas pa can de'i tha dad pa med pas mi mngon par gnas pa med par gyur pa 'am/gzhan du gyur pa na yang ji ltar rjes su dpag pa med pa dang 'jig pa med pa gzhan gyi skabs med pas gzhan du gnas pa ma yin no/ /yang na gzhan ni gzhan gyi rjes su 'gro ba can yin na sems can dang bum pa la sogs pa la yang rjes su 'gro bar thal bar 'gyur ro//de ltar na yod pa mngon pa ni skye ba las ma rtogs pa'i chos 'ga' zhig yod pa mi 'grub po zhes/ 'o na yod pa'i chos gzhan gyi nang du 'dus pa'i gzung ba'i yul yod pa yang thob pa ni mngon pa ste/ bum pa med pa'i nye bar len pa'am dmigs pa bzhin du yod pa'i phyir byed pa po 'am skyed pa ma yin no zhes de ltar rnam par 'jog pa ni grangs can 'gog pa'o//dpe kha cig las/ de las brgal zhing brtag pa na/ /zhes 'dod to/ /phyir rgol bar gyur pa las zhes bshad par bya'o/ /gang gi tshe ser skyas yod pa'i bdag nyid 'jigs pa dang med pa'i bdag nyid thob par khas blangs pa'i grub pa'i mtha' med par 'gyur ro//khas blangs pa dang 'gal ba'i dam bca' grub pa'i mtha' nyams pa zhes bya ba tshar gcad pa'i gnas su 'di 'gyur ro/ /'o na yod pa'i bdag nyams pa dang med pa'i bdag thob par khas blangs pa de lta na yang rang bzhin gcig pa'i rnam par 'gyur ba yin no zhes bya ba gang yin pa 'di'i phyogs la dam bca' snga ma de ni 'dir grub par mi 'gyur te/'gyur ba'i mtshan nyid gnas pa med pa'i phyir ro/ /'di ltar mtshan nyid des ji ltar gnas pa zhes bya ba la sogs pa bshad pa de ni rigs pa ma yin no//yod pa dang med pa zhes bya ba la sogs pa nas rnam par gzhag pa na zhes bya ba ni re zhig gzhung yin no/ /de ni slob dpon gyis 'dir lan 'debs pa ni 'di la yang zhes bya ba ni lhag ma'o/ /grub pa'i mtha' cung zad cig nges pa med pa'i phyir ro zhes bya ba ni 'gyur ba med pa'o//grangs can gyi tshig zhar la 'ongs pa nges par khas blangs pa gang yin pa de ni/ med pa skye bar mi 'gyur ba la sogs pa ni 'jig par mi 'gyur ro zhes smras pa de sgrub pa bshad pa yin no/ /ci zhig bshad ce na/ rang bzhin gcig pa gsal ba 'di'i rjes su 'gro ba thob pa'i phyir ro zhes smras pa de la gcig pa 'di nyid rnam par 'byed pa yin te skye gnas tha mi dad pa de'i gsal ba ni bde ba la sogs pa'i gsal ba tha dad pa logs shig tu ma gyur pa ste/skye gnas 'gyur ba med pa gang yin pa'i gsal ba de dang de ni skye gnas tha dad med pa yin te/ci'i phyir zhe na/ de'i rjes su 'gro ba mthong ba'i phyir ro/ /bde ba la sogs pa 'di gsal ba rjes su 'gro ba mthong ba'i phyir dang / de'i bdag nyid du grub pa'i phyir ro/ /des ci zhig 'grub ce na/ gsal ba de'i rang bzhin ni bde ba la sogs pa'i rang bzhin no/ /de'i rang bzhin du ji ltar nges par bya zhe na/tha mi dad par dmigs pa'i phyir ro zhes bya ba smos so/ /bde ba la sogs pa dang sgra la sogs pa tha dad pa yin par bstan pa'i phyir ro zhes bya ba'i don to/ /de lta na yang ci zhig grub par 'gyur zhe na/ sgra la sogs pa 'gyur ba'i chos de'i bdag nyid dang bde ba la sogs pa'i bdag nyid du skye ba dang /'jig par grub par mi 'gyur te/ ci'i phyir zhe na/ bde ba la sogs pa skye ba dang 'jig pa med pa'i phyir ro/ /bde ba la sogs pa tha dad med pa'i bdag nyid sgra la sogs pa yang rtag par grub par 'gyur ro/ /de lta na yang gang sngar khas blangs pa yod pa de ni 'jig pa ma yin la med pa ni skye ba ma yin no zhes bya ba 'grub par 'gyur ro//de lta na 'dir ser skya rang gi khas blangs pa grub par gyur pa de bshad par rigs pa dang / gzhan gyi gtan tshigs kyi rjes su 'gro ba na ma grub pa la sogs pa'i skyon brjod pa de mi brjod par rang bzhin gyis 'gyur ba yin no zhes bya ba ji ltar rtogs par bya zhes de skad du brgal zhing brtag pa byed pa yin te/de ltar 'dir rkang mig bdag nyid 'dir rang bzhin 'gyur ba'i mtshan nyid 'dri bar byed cing rang bzhin dang 'brel pa med cing nges pa med pas rang bzhin gyi don la rag las pa'i phyir tshig la 'jug par byed do//gang gi tshe rang bzhin dang 'gyur ba'i mtshan nyid 'di skabs ma yin pa de'i rnam par gzhag pa des ci zhig bya/ de'i phyir skabs ma yin pa de'i brgal zhing brtag pa byed pas/ rkang mig tshar gcad pa'i gnas nyid du 'gyur ro zhes bya bar dgongs so/ /'o na 'dir lan dang 'brel pa brjod par bya ba yin zhe na/bshad pa/ de la gtan tshigs kyi rjes su 'gro ba bsal ba zhes bya ba 'jug pa'i chos can 'di 'gyur ba brjod pa yin na bde ba la sogs pa ni de lta ma yin no/ /'jug pa dang ldog pa'i chos can gyi rtags su brjod pa ni yongs su gyur pa dang 'brel pa'o//de bzhin du gsal ba'i bde ba la sogs pa'i rjes su 'gro bar bshad pa ni/ bde ba la sogs pa'i rang bzhin gyur pa yin na/ 'jug pa dang ldog pa'i chos kyi mtshan nyid kyis gsal ba nyid nyams par 'gyur te/ de dang tha mi dad pa de dag kyang gnas skabs tha dad pa yin pa'i phyir ro zhes bya ba ni de'i phyir de dang 'brel pa yin na/bde ba la sogs pa'i rang bzhin ma yin te/ rang bzhin yin na 'jug pa dang ldog pa spangs par de skad du bshad do/ /de yang bde ba la sogs pa'i rang bzhin gang yin pa de'i dngos po ste/ de dang 'brel pa yin na ni bde ba la sogs pa'i rang bzhin ni ma yin te/ci'i phyir zhe na/ bshad pa/ gsal ba'i mtshan nyid dang 'gal ba'i phyir ro/ /gsal ba'i mtshan nyid kyi 'jug pa dang ldog pa'i chos nyid yin la de la sogs pa'i bde ba la sogs pa ni phan tshun spangs te gnas pa'i mtshan nyid kyi 'gal ba yin no/ /rang bzhin gyis yod pa'i gnas skabs kyi ngo bo bde ba la sogs pa'i rang bzhin 'di ni gsal bar mi 'gyur te/de'i bzlog pa'i chos yin pa'i phyir sems can shes pa bzhin du 'am/ bde ba dang gsal ba de dag gcig gi rang bzhin ma yin te/ phan tshun 'gal ba'i chos gnas pa'i phyir rdul dang snying stobs dang mun pa bzhin no//de lta na yang gsal ba ni bde ba la sogs pa'i rang bzhin du mi rigs te/ bde ba la sogs pa rjes su 'gro ba mthong ba'i phyir zhes bya ba'i gtan tshigs ma grub pa yin no/ /ci'i phyir 'di 'brel pa'i skyon yin zhe na/ de lta na grangs can de'i gtan tshigs ma grub pa'i sgrub par byed pa'i skyon brjod pas brtsad pa na gsal pa 'di dang rang bzhin gcig pa yin no zhes bya ba sun dbyung bar 'gyur ro//yang rigs pa can des grub pa'i sgrub par byed pa'i skyon bstan pa med pa dang bshad pa med par rang bzhin ma yin pa dang rang bzhin dang 'gyur ba'i mtshan nyid rnam par gzhag pa'i tshig rgyas par bshad nas rang gi skyon nges pa med pa'i gtan tshigs zhar la byung ba'i gzhan grangs can gyi dka' thub la skyon 'gel bar byed do//gzhan gyis smras pa gal te grangs can la ma grub pa'i skyon gyi rnam pa 'di nyid kyi rang bzhin dang 'gyur ba'i mtshan nyid rnam par gzhag pa'i sgo nas kho bo cag gis brjod pa yin no zhe na/slob dpon gyis smras pa/ 'di ni rgyu skar mkhas kyi yul can gang yin pa de ni bshad zin pa'i ngag gi don yin no/ /gang gi phyir 'jig rten pa'i sgras ma bstan pa rtogs par mi nus so/ /don gyi byed pa la sogs pa med kyang tha snyad du 'gyur ba de'i phyir de nyid dam bca' ba dang 'gal ba'i gnas skabs kyi skyon med do//glu gar mkhan gyis yi ge 'dri ba'i tshul lo/ /grub pa'i mtha' gang yin pa 'di la yang yin/ de 'ba' zhig la ni ma yin no/ /dper na rdza mkhan gyis par skabs su ngo mtshar byed de myur du zla ba tshes gcig pa'i ngo mtshar bris nas smras pa kho bo cag gis glang po sa la bris pa la ltos dang zhes 'don te/de la blo dman pa 'ga' zhig ni de bzhin du rtogs so/ /blo rno ba 'ga' zhig rnam par dpyod par byed do/ /'o na 'di la rna ba dang rkang mig dang so la sogs pa med do zhes rtog pas de ma tshang bas 'di glang po cher ji ltar 'gyur/de la glang po che yod par rtogs pa ni med do/ /kho bo cag gis cha shas ma lus par rdzogs pa'i glang po'i sna 'di bris pas de'i tshe ma lus pa yin na chu'i nang du bum pa ma dmigs te/ bum pa cha tsam mthong ba yin no zhes so//rnam pa de lta bu'i ngag gis gzhan yang ngo mtshar byed do/ /gal te don ni kho bo cag gi ngag gis mi rtogs pa de lta na yang rnam pa 'dis 'di brjod pa yin no zhe na/ ji skad du bshad pa'i don gyi rnam pa gzhan 'di yin pa de lta na yang ma grub pa'i gtan tshigs ltar snang ba'i nang du 'dus pa'i phyir dang de nyid tshig gis brjod pa'i phyir grub mtha' nyams pa zhes bya ba logs shig tu khas blang bar mi bya'o//de nyid zur gyis mjug bsdu ba bstan pa ni/ 'di skad bshad pa'i rigs pa zhes bya ba la sogs pa'o/ /ji skad du mdo las/ gtan tshigs ltar snang ba bshad pa 'di bad tsha ya nas brtags pa sngon du btang nas bshad pa yin no//yang ji lta bu yin zhe na/ gtan tshigs ltar snang ba'i mtshan nyid las gzhan mtshan nyid de dang 'brel pa ni tshar gcad pa'i gnas nyid du gyur pa'o/ /ji lta bu yin zhe na/ bshad pa dper na tshad ma dag mtshan nyid gzhan gyi dbang gis gzhal bya nyid du gyur pa yin te/de ni tshad ma'i bya ba byed pa'i phyir ro/ /gang tshad ma yang tshad ma gzhan gyis 'jal bar byed pa de'i tshe tshad ma'i bya bar 'gyur ro/ /de nyid kyi phyir the tshom za bas 'dri ba ni don yin pa'i phyir ro/ /'dir thub pas ji skad bshad pa'i rtsa ba dang 'grel pa las ji skad bstan pa'i gtan tshigs ltar snang ba'i mtshan nyid kho na tshar gcad pa'i gnas su 'gyur ro zhes smras so//'di skad ston pa yin te/ 'khrul pa dang bcas pa dang / 'gal ba'i rnam pa dang / skabs dang mtshungs pa dang / 'das pa dang mtshungs pa zhes bya ba gtan tshigs ltar snang ba yin no zhes tha dad par bstan pa'i phyir re re'i mtshan gzhi dang mtshan nyid 'chad de/ma nges pa dang 'khrul pa dang bcas pa dang / grub pa'i mtha' khas blangs pa dang 'gal ba'i 'gal ba dang logs shig tu gtan la phab pa'i don gang yin pa bshad pa'i skabs dang mtshungs pa dang /bsgrub par bya ba khyad par du gyur pa dang bsgrub par bya ba yin pa'i phyir bsgrub par bya ba dang / mtshungs pa dang dus gsum du bshad pa dang / dus 'das pa zhes bya ba de nyid kyi mtshan nyid kyis 'di tshar gcad pa'i gnas yin gyi/ yang de la mtshan nyid gzhan la ltos pa ni ma yin no//slob dpon gyis 'dir yang smos te/ ji ltar bshad par bya zhe na/ ci de dag ji skad du khyed kyis mtshon par bya ba'i rab tu dbye ba de lta bu nyid yod dam 'on te rnam pa gzhan yin zhes mtshon par bya/ gang dag gi rnam par dbye ba zhes bya bar sbyar ro/ /de lta na yang ci'i phyir rnam par mi dpyod ce na/de dpyad par bya ba yin na ni 'dir ha cang thal bar 'gyur ba'i phyir ma spros pa'o/ /'di ni 'di yin no snyam du dgongs nas gtan tshigs ltar snang ba'i nang du 'dus pa zhes bya ba 'di ni rnam par ma dpyad pa'i gtan tshigs ltar snang bar rnam 'grel byed pa'i gzhung gi rjes su 'brangs pa'i phyir bstan bcos gzhan kho nar gyur la blo gsal bas rnam par dpyad na/kho bo cag gis byas pa'i gtan tshigs ltar snang ba'i mtshan nyid las rang du gyur pa'i phyir sdug bsngal nyid du rig par 'gyur ro/ /de'i phyir btang snyoms su bya bar rigs so/ / de lta na yang blo dman pas phyogs tsam nyid rtogs par bya ba'i phyir brjod pa yin no/ /dus 'das pa'i gnas skabs kyi dus ni re zhig gtan tshigs ltar snang ba ji ltar mi rigs pa de ltar gnas so/ /de la dus gzhan du sbyar ba ni dus 'das pa'o/ /rigs pa can rgan po rnams kyi gzhung de ni 'dir slob dpon phyogs kyi glang pos sun 'byin zin pa'i phyir ro//da ni bad tsha ya na la sogs pa 'dir gnas pa'i phyogs kyis gnas pa de la brjod par bya'o/ /dus gzhan dang ldan pa gang gi don gyi phyogs gcig bstan pas ma lus pa la rigs pa bstan pa ni dus 'das pa zhes bshad do//dper na sgra ni rtag ste/ 'brel pa gsal ba'i gzugs bzhin no/ /de snga ma dang phyi mar gsal ba rnam par gnas pa la brjod par bya'o/ /dus gzhan dang ldan pa gzung 'dzin bum pa 'brel ba las gsal bar 'gyur ro/ /de bzhin du rnga bo che la sgra gnas pa dbyug pa la 'brel pa yin pa dang /shing sta re dang 'brel pa las gsal par 'gyur ro/ /de'i phyir sgra rtag pa yin te/ 'brel pas gsal ba'i phyir ro/ /gtan tshigs 'di ni dus gzhan bstan pa'i phyir 'brel pas gsal ba'i du ni gsal bar bya'i ngo bo gzhan gsal ba ni ma yin te/sgron ma dang 'brel ba'i ngo bo 'dzin par 'gyur gyi/ 'brel pas ngo bo ldog par 'gyur ba 'am/ sta re dang 'brel pas shing gi ngo bo ldog par 'gyur ba ni med do/ /rdang brdungs pa'i dus dang 'brel ba'i sgra ring po na gnas pa yang sgra gsal bar thos par 'gyur ro/ /dus dang 'brel pa'i gzhan yin no zhes bya ba'i 'brel pa'i rgyu mtshan ma yin te/rgyu med pa'i 'bras bu med pa bzhin no zhe na/ 'o na gtan tshigs 'di ni ma nges pa nyid yin te/ mi rtag pa yang 'brel pas gsal bar mthong ste bum pa bzhin no/ /'brel pas gnas skabs kyi gsal ba ma yin te/ bsgrub par bya ba yin pa'i phyir ro/ /mi rtag ste/ sgra yin pa'i phyir ro zhes rnam par gnas pa ni mi smra ste/ sgra zhes bya ba 'di dam bca' ba'i don yin pa de bzhin du 'brel pas gsal ba'i phyir ro zhes bya ba 'di yang gtan tshigs ma nges pa yin te/ 'brel pas gsal bar bya ba mthong ba ni cung zad cig gnas pa med do//des na rnam par gnas pa 'dis 'dir 'brel pa gsal bar byed pa nyid sgra la bkag pas 'di ma grub pa las ldog par mi 'gyur ro/ /de lta ma yin na sgra ni gsal bar 'gyur ro/ /'brel pa'i dus gzhan yin no zhes bya ba dang / 'brel pa'i rgyu mtshan ma yin no zhes bya ba gcig tu brjod par mi bya'o//las su bya ba thams cad ni yod pa ma yin te/ 'di yang ma grub pa ni ma yin te/ thams cad du ma grub pa ma yin gyi skye ba dang 'brel pa'i dus su gsal bar 'gyur ba ni yod pa yin yang nye bar gyur ba ni mi dmigs so zhe na/de ni rigs pa ma yin te/ phyogs gcig la ma grub pa yang ma grub pa yin te/ dam bca' ba yin pa'i phyir ro/ /dper na rdul phra mo ni rtag ste/ dri dang ldan pa'i phyir ram/ shed rnams ni sems pa dang bcas pa yin te/ nyal ba'i phyir ro/ /gang la sgra mi rtag pa yin no zhes bya ba sta re dang shing gi 'brel pa la sogs pa des shes pa yin na sgra skye ba nyid du shes pa yin no//yang na gnas skabs kyi gsal ba las gsal ba 'di gzhan yin par ma grub pa yin no/ /'o na te 'brel pa nye bar dmigs so zhes bya ba'i gtan tshigs kyi don ni dam bca' ba yin gyi gtan tshigs ma grub pa ni ma yin no zhes bya ba ni lan no snyam na de lta na yang mar me sdong du dang 'brel pa dang /rdza mkhan dang 'jim pa dang dbyig pa dang 'brel par gyur pas sgron ma dang bum pa yang dag par dmigs pa'i phyir ro/ /de dag de dang 'brel pas snga ma'i gnas skabs ni ma yin pas ma nges pa nyid thob par 'gyur ba'i phyir dus 'das pa ni ma yin no//de'i phyir dus kyi gnas skabs bsgrub par bya ba yin na ni skyes ma thag 'jug pa smra ba la yang 'gal ba med do/ /mthun pa'i phyogs ni med pa nyid kyis de la 'jug pa 'gal ba'i phyir dang /skad cig mar gnas pa'i chos dang chos can gzugs la sogs pa yod pa'i phyir dang / skad cig ma ni gnas par smra ba la 'brel pa don med pa ma yin no/ /yan lag ma yin pa grub pa'i mtha' pa la rigs par smra bas bstan pa'i skyon yin pa'i phyir/ de bzhin dpe gzhan dag la yang brtags pa'i skyon brjod par bya'o//gang gi gnas skabs dpyad nas gtan la phab pa'i don bstan pa ni skabs dang mtshungs pa'o/ /phyogs dang phyogs ma yin pa dang ldan par nges par dpyad pa la gnas pa'i skabs dang mtshungs pa ste/ dpyod pa la 'jug pa la sngar gtan la phab zin pa brtag pa 'am/byas zin pa gang yin pa de gtan la 'bebs pa'i don la sbyor ba na gnyis ka phyogs la yang mtshungs pas skabs su mi 'jug pa'i gnas skabs dang mtshungs pa ste/ gtan la dbab cing brtag par mi bya'o/ /gnas skabs spyod pa na de kho na nyid mi dmigs pa ci'i phyir zhes gang gi phyir de kho na don du gnyer bas spyad na dmigs pa ldog pa de'i phyir mtshungs pa dang lhag ma dang khyad par du gyur pa mi dmigs so//de skabs su bab pa dpyad pa ni dgongs pa yin te/ sgra mi rtag ste/ rtag pa'i chos mi dmigs pa'i phyir ro/ / snod la sogs pa la mi rtag pa dang mthong la rtag pa'i chos ni mi dmigs te/ chos mtshungs pa gang la the tshom gyi rgyu'i gtan tshigs bstan pa ni the tshom dang mtshungs pa 'am 'khrul pa dang bcas par 'gyur ba nyid do/ /gang yang yid gnyis dang bcas pas khyad par mi ltos pa ni gnyi ga'i phyogs kyi khyad par mi dmigs pas skabs dang bcas pa la 'jug pa'i dper na sgra la rtag pa'i chos mi dmigs pa dang /de bzhin mi rtag pa'i chos kyang yin la 'di gnyi ga'i phyogs kyang mi dmigs la de dpyod pa'i gnas skabs su dgongs pa yin no/ /ji ltar phyin ci log pa'i gnas skabs ldog par 'gyur zhe na/gal te rtag pa'i chos sgra la 'dzin pa yin na gnas skabs su mi 'gyur la/ gal te mi rtag pa'i chos su 'dzin pa de [(]ltan [,]lta na [)]yang ldog par 'gyur ba'i gnas skabs der gtan tshigs de phyogs la yod pas gang yang rgyu gtan la phab par brtag par mi bya'i/ 'di'i bsgrub par bya ba khyad par med pa kho na'o/ /khyad par med pa nyid kyi gnas skabs la 'jug par mi 'gyur te/ gtan tshigs kyi chos ni gtan tshigs kyis brjod pa'i phyir ro/ /bsgrub par bya ba dang mtshungs par gtan tshigs su brjod na bsgrub bya dang khyad par med do/ /yang gang la gnas skabs su 'jug pa'i gtan tshigs nyid de ni skabs dang mtshungs pa zhes bya'o//'dir yang rtag pa'i chos dmigs pa bstan pa nyid gnas skabs spyod pa yin te/ ci'i phyir zhe na/ phyin ci log pa'i gnas skabs las ldog par brjod pa'i phyir ro/ /gal te mi rtag pa'i chos mi dmigs pa'i gtan tshigs su gyur pa yin na ni skabs dang mtshungs par 'gyur ro//de'i chos gcig mi dmigs pa chos su ma brjod na skabs dang mtshungs pas brjod par bya'o/ /gnyi ga'i chos mi dmigs par brjod par yang mthun pa'i phyogs la 'jug pa med pa dang / ldog pa ma nges pa med pas thun mong ma yin pa'i ma nges par 'gyur te/ji ltar 'di gtan tshigs ltar snang ba gzhan du 'gyur/ chos gcig kyang ma dmigs par 'gyur na 'di skabs dang mtshungs par 'gyur ro/ /de ltar yang sgra rtag par smra bar gdon mi za bar rmongs pas mi rtag pa'i chos rtogs par brjod pa 'di ma grub par 'gyur ro//'o na te tshad mas brtags pa'i chos mi mthun pa'i phyogs mi rtag pa'i phyin chos nye bar dmigs pa bstan/ de'i tshe nges pa dang ldan pa'i phyir yang dag pa'i gtan tshigs yin pas skabs dang mtshungs pa'i gtan tshigs ltar snang ba ji ltar 'gyur de ni bye brag la dmigs pa'i gtan tshigs kyi don du rnam par gnas so//mi rtag pa yin te/ byas pa'i phyir zhes bya ba la sogs pa khyad par du byas pa yin na des byas pa la skabs spyod par mi rigs te/ rtag pa tshad mas zlog par byed pa'i phyir ro/ /gzhan yang rtag pa'i chos mi dmigs pa yin na/ci 'di med par dgag par 'gyur ro/ /yang ci ste 'gal bar brjod/ gal te dgag par byed pa de'i tshe gzhal bya la sogs pa bzhin du thun mong gi ma nges par 'gyur te/ rtag pa'i chos dgag pa tsam mi rtag pa spangs pa tsam yang srid pa'i phyir ro/ /'on te 'gal bar brjod pa'i tshe ma nges par rigs pa ma yin pa la gtan tshigs ltar bcos pa ni rigs pa ma yin no//gzhan yang rnam par gzhan mdo las gnyis ga bshad pa ni gtan tshigs gang gtan tshigs kyi dus su dus su 'das pa brjod pa yin no/ /ci'i phyir dus 'das pa yin zhe na/ mngon sum mam lung ngam gnyi ga las 'das pa dang /ma lus pa las 'das pa ni dus 'das pa zhes brjod do/ /gal te yang mngon sum dang lung dang 'gal ba ci'i phyir zhe na/ mtshan nyid rnam pa bzhir bshad pa yin te/ 'di ltar snang ma dang ldan pa dang / lhag ma dang ldan pa dang phyir rgol ba mthong ba'o zhes gtan tshigs kyi mtshan nyid bzhi 'dod do//snga ma dang ldan pa dang / spyir mthong ba ni khyab par byed pa'o/ /lhag ma dang ldan pa ni spyi la yod pa'o/ /spyir mthong ba ni ma mthong ba'o/ /dang gi sgras ni 'gal ba'o/ /de ltar rnam bshad byed pas brjod pa yin te/ gang yang rjes su dpag pa dang mngon sum dang lung dang 'gal ba ni rigs pa ltar snang ba yin no zhe'o//des na de ltar na rjes su dpag pa dang tshul gsum pa'i rtags su gyur pa dang / mngon sum dang / lung dang 'gal ba gsum gyis bstan pa yin no/ /de yang rnam pa gsum yod de mngon sum dang 'gal ba dang lung dang 'gal ba dang gnyi ga dang 'gal ba yin no//mngon sum dang 'gal ba ni dper na me grang ba yin te/ rdzas yin pa'i phyir chu bzhin no/ /lung dang 'gal ba ni bram zes chang btung bar bya ste/ rdzas yin pa'i phyir 'o ma bzhin no/ /gnyi ga dang 'gal ba ni mig la snang ba med de dbang po yin pa'i phyir sna la sogs pa bzhin no zhes bya ba'o//'di phyogs dang 'gal ba ni 'gal ba ma yin no/ /phyogs dang 'gal ba ni spangs pa'i phyir ro/ /des na 'di ni tshul gyi mtshan nyid dang 'gal bas sdug bsngal ba yin te/ tshul gsum pa ni rang / ji ltar ba'i rang gi tshad mas nges pa'i phyir ro/ / phyogs kyi chos la sogs pa gsum ni/ gang la gnod pa yod pa de 'brel pa yod pa yin te/ gnod pa ni med na mi 'byung ba dang 'gal ba dang / med na mi 'byung bar 'gyur ba ni/ bsgrub par bya ba'i chos dang med na mi 'byung ba'o/ /ji ltar de'i mtshan nyid kyi chos 'di gtan tshigs su 'gyur zhe na/bsgrub par bya ba'i chos las lhag ma tsam ni/ gnod par bya ba yul yin pa'i phyir skyon gyi rjes su 'brang bar bshad par bya'o/ /gang la 'dir yang gnod pa'i dper brjod pa de dag ni tshul gsum pa'i mtshan nyid la cung zad cig kyang med do/ /phyogs kyi sbyor ba khas blangs pa ni phyogs kyi skyon 'di nyid kyis bshad pa yin no//gang yang phyogs kyi skyon yongs su spangs nas ma 'brel pa mang po brjod pa ni shin tu yang snying po med do/ /gang gi phyir skabs spyod pa na rnam bshad kyis skabs spyod pa de'i dper brjod pa 'di yin te/ rdul phra mo ni rdul phra mo gzhan gyi 'bras bur bstan pa yin nam ma yin zhes spyod pa na 'ga' zhig rjod par byed na ni rdul phra mo'i rdul phra mo gzhan gyi 'bras bu yin te/gzugs la sogs pa dang ldan pa'i phyir gnyis po can la sogs pa bzhin no/ /thun mong ba'i rdul phra mo gang yin pa de ni rgyu nyid las byung ba yin te/de yang gzugs la sogs pa dang ldan pa yod do zhes dpyod pa yin te ci gzugs la sogs pa'i rdul phra mo ni phra mo'i 'bras bu yin nam ma yin zhes dpyad pa byed na gang gi tshe de yang gzugs la sogs pa phra mo gzhan gyi 'bras bu brjod pa de'i tshe de yang gzugs la sogs pa dang ldan pa yod pa yin no zhes dpyad par bya'o//de lta na ni thug pa med pa'i gnas skabs la 'jug par 'gyur ro zhes bya ba skabs dang mtshungs par smra'o/ /yang na rdul phra mo ni rdul phra mo gzhan gyi 'bras bur mi ston/ /gzugs dang ldan par gyur pa des na ma nges pa'i gtan tshigs las tha dad par mi 'gyur ro//de las tha dad par gyur pa yin na ni skabs dang mtshungs pa ma nges pa ma yin no/ /'di 'gal ba ni ma yin te/ phyin ci log tu ma bsgrubs pa'i phyir ro/ /ma grub pa ni ma yin te/ phyogs kyi chos grub pa'i phyir ro//dus 'das nas bshad pa ni ma yin te/ mngon sum du lung dang mi 'gal ba'i phyir ro/ /des na don gzhan yin no zhes bya'o/ /yang na skabs dang mtshungs pa ni skabs su bab pa ste/ gnas skabs su bab par grub po zhes bya ba'i don to/ /phyogs la rab tu grub pa yin no zhes dpyad par bya ste/gang gi phyir gtan tshigs su 'das pa zhes bya ba'i gtan tshigs ni skabs dang mtshungs pa yin no/ /phyogs sgrub pa mtshungs pa yin te/ dper na phyogs gcig la sgrub par byed pa med pa zhes bya ba bzhin du sgrub par byed pa dang sgrub par byed pa med par mtshungs pa de'i phyir phyogs gcig la yod pa'i chos ni skabs dang mtshungs pa'o//'di lta ste/ sa dang / chu dang / me dang / rlung dang / nam mkha' rnams mi rtag pa yin te/ gzugs dang ldan pa'i dri bzhin no/ /'di yang rkang mig gis 'dod pa'i rjes su 'brangs nas tshad mar byed pa ni/rdul phra rab ni rdul phra mo gzhan sngon du 'gro ba yin te/ gzugs dang ldan pa'i phyir gnyis pa can la sogs pa bzhin no/ /khas blangs pa dang 'gal ba ni dus 'das pa 'di las tha dad par mi 'gyur ro/ /chos can te de ltar byed na/ de'i gtan tshigs sangs rgyas la ma grub pa yin te/rdul phra rab rnams ni gzugs la sogs pa las tha dad par khas len pa'i phyir mi rigs pa'i phyir dang / gnyis pa can la sogs pa ni med pa'i phyir ro/ /gnyi ga mtshang ba'i dpe ltar snang ba yin no/ /gang gi tshe grub pa'i mtha' khas mi len pa'i rigs pa smra ba de'i tshe yang phyogs gnyis pa la brjod pa'i skyon dang bral ba ma yin no//gang yang 'di rjes su dpag par bya ba'i phyogs gcig la yod pa'i chos la sogs pa mi rtag pa yin te/ dri dang ldan pa'i phyir ro zhes bya ba 'di yang ma grub pa'i nang du 'dus pa yin no/ /logs shig tu brjod par mi bya'o/ /ma yin te/ phyogs gcig la yod pa'i phyir mthun pa'i phyogs kyi phyogs gcig la yod pa bzhin no zhe na/ 'di ni mi mtshungs pa bkod pa yin te/ mthun pa'i phyogs kho na la yod pa ma yin no zhes bya ba 'dir yang bsdus nas nges par gzung ba yin pa'i phyir ma lus pa la khyab pa ni ma yin no zhes bya bar bstan to//rjes su dpag par bya ba la yod par brjod pa ni ma 'brel pa rnam par dpyod pa nges par brjod pas bsgrub par bya ba'i chos can ma lus pa la bstan pa yin no/ /des ni phyogs gcig la ma grub pa la sogs pa gsal ba don med pa yin no zhes bya ba'i 'bad pa ci yang ma yin no/ / rnam phug gis 'di yang rkang pa rdung du lhung ba yin te/ skabs dang mtshungs pa dang gzhan dang mtshungs pa dag las skabs sems shing dpyod pa ni phyis bshad par bya'o/ /de'i mtshan nyid dang ldan pa'i gtan tshigs dpyad pa ni skabs dang mtshungs par 'gyur ro/ /skabs kyi bsgrub bya dang mtshungs pa yin na/yod pa dang med par mnyam pa'o/ /dper na thams cad mkhyen pa ni med pa yin te/ cig shog zlog pa las rnam par grol ba'i phyir gzugs bzhin zhes bya ba ni/ gang gi phyir gtan tshigs gnyis ka yang mtshungs pa yin na/ gang yang med pa dang yod pa la khyad par med na/ji ltar thams cad mkhyen pa med pa cig shos las rnam par grol ba yin pa'i phyir/ bong bu'i rwa bzhin no zhes bya ba 'di gnyi ga'i chos su gyur kyang ma nges pa yin te/ mi mthun pa'i phyogs la mi 'jug pa'i phyir ro/ /de yang tshad ma rnam par nges par slob dpon rang nyid kyis bkag pa yin te/'dir khyed kyis mi mthun pa'i phyogs gang yin pa shes par bya/ /bsgrub par bya ba med pa'o zhe na/ 'di ji ltar mi rigs pa'i phyogs su 'gyur/ /don gyi sgra yang bshad pa ni 'dir brjod par bya ba yin na/ 'di'i skyon gyi bye brag rab tu rgyas par bshad zin to//'dir skabs dang mtshungs pa dang dus 'das pa la sogs pa'i rigs pa ma yin no/ /'khrul pa dang bcas pa yang gtan tshigs ltar snang ba nyid yin no/ /de lta na/ khyed kyis ji ltar khas blangs pa khyed kyis mi mthun pa'i phyogs las ldog pa las the tshom za bas gcig tu nges par rtogs pa ma yin te/ma mthong ba tsam gyis ldog par khas blangs pa'i phyir ro/ /de nyid kyi phyir/ khyed kyis dogs pa med par sbyor bar bya ste/ mig dang rna ba ni phrad nas 'dzin pa yin te/ phyi'i dbang po yin pa'i phyir sna bzhin no zhes bya ba dang / rtog pa dang bcas pa ni mngon sum yin te/tshad ma yin pa'i phyir rjes su dpag pa bzhin no zhes bya ba la sogs pa ni 'dir ma mthong ba tsam ldog pa ma grub pa yin pa'i phyir ro/ /gzhan du yang / bdag dang sa la shes yod sogs/ /med par rab sgrub med min pa'i/ /gtan tshigs 'ga' yang dgag pa yang //gtan tshigs med sgrub min nam ci/ /zhes bshad pa la sogs pa mthun pa'i phyogs dang mi mthun pa'i phyogs yod pa dang med pa la the tshom za ba la yang dag pa'i shes pa'i gtan tshigs su byed 'dod de dper na gson po'i lus ni bdag dang bcas pa yin te/ srog dang ldan pa'i phyir zhes bya ba la/ nges pa ma yin pa lta bu'i/ /dwa ra dwa dzas 'gal ba rnam par dbye ba'i brjod pa dam bca' ba dang 'gal ba ni gsal ba yin no/ /bsgrub par bya ba dang nye bas gzhan grub par brjod pa ni/ dper na rdul phra rab ni rtag pa yin te/ bya ba dang ldan pa'i phyir bum pa bzhin no zhes bya ba 'di ni bsgrub par bya ba dang mtshungs pa'o//gang gi phyir rdul phra rab rnams ni bya ba dang ldan pa yin te lus dang bya ba dang gzugs dang ldan pa'i phyir mi rtag pa ni 'thad pa ma yin te/ chos can ma grub pa'i phyir ro/ /rdul phra rab ni mtshon pa can ma yin te/ ma grub pa'i gtan tshigs su thal bar 'gyur bas gtan tshigs thams cad kyang ma grub par thal bar 'gyur ba'i phyir ro//phyogs yong ba de tsam gyis phyogs kyi chos su de ni de ltar gyur ba yang yin no/ /bsgrub par bya ba'i dbang du byas pa chos can gyi phyogs kyi chos su 'dod pa yin te/'ba' zhig bsgrub par bya ba ma yin pa'i phyir ro/ /bsgrub par bya ba'i chos can de yang gal te chos can la sgrub par byed pa med na mi 'gyur ro/ /sgrub par byed pa de'i bsgrub par bya ba med na chos can la yod pa'i gtan tshigs de lta bu phyogs kyi chos su mi 'gyur ro/ /gang gi tshe de lta ma yin pa yang sgrub par khas blangs nas chos can gyi chos su bstan pa de'i tshe gtan tshigs ma yin par 'gyur ro//des na yang yod pas khyad par du byas pa'i phyogs kyi chos brjod par 'dod pa yin no/ /de lta ma yin na bsgrub par bya ba dang mtshungs pa'i ma grub par gyur ba des na 'di 'dir brjod pa yin no//gal te bsgrub par bya ba med pa'i chos can la yod pa'i gtan tshigs rnam pa de lta bu phyogs kyi chos kyi bsgrub par bya ba tsam sgrub pa de'i tshe ci phyogs kyi chos 'di lta bu ma shes par rjes su dpag par bya ba gsal bar byed dam 'on te gzhan gyi nges pa yin no zhes bya ba'i rnam pas yin/gang gi tshe ma shes pas gsal bar byed pa de'i tshe shes par byed pa'i gtan tshigs las shin tu 'das pa yin no/ /shes par byed pa'i gtan tshigs ni bdag nyid kyi shes pa la ltos nas shes bya'i don gsal bar byed pa yin no//gtan tshigs yod pa tsam gyis gsal bar rtogs pa yin na ni/ rgol ba dang phyir rgol bas gzhan gyis gzhung lugs sna tshogs byed par mi 'gyur ro/ /go bar byed pa shes pa yang tshad mas de rnam par nges pa 'am tshad mar bden par nges pa'i tshad ma yin par mi 'gyur ro//de lta ma yin na tshad ma nyid rnam par nyams par 'gyur ro/ /gang gi phyir tshad ma 'di tshad ma nyid du ji ltar gnas pa'i ngo bo ma yin pa de'i phyir tshad ma'i dngos po 'di nyid gsal bar byed pa yin no/ /de yang 'di'i tshad ma nyid du yod pa yin na de ji ltar tshad ma ma yin zhes brjod par bya//gang yang bsgrub par bya ba'i chos can du med pa tshad mas gtan tshigs kyi don bsgrub par bya ba'i chos can du 'dod na ni/ phyogs la chos yod pa nyid kyis go bar bya bar 'gyur te/ gtan tshigs kyi tshad ma de nyid kyis grub pa'i phyir ro/ /de nyid kyis bsgrub pa'i chos 'di yang skye ba'i phyir gtan tshigs kyi 'di'i don byed pa ci yang med do//gtan tshigs 'ba' zhig pa nyid ces bya ba'i chos grub par brjod par rigs pa yin te/ gtan tshigs ma grub par thal bar 'gyur ba'i phyir ro/ /'di ltar gtan tshigs 'di de ltar bsgrub par bya ba'i chos can de la brgya la grub pa 'dis bsgrub par bya ba'i chos can med na 'di ni 'thad pa ma yin no//lhan cig tu skye na ni grub par 'gyur ro/ /de na yang tshad ma de nyid kyis bsgrub par bya ba'i chos kyang ji ltar 'grub par mi 'gyur ro/ /mi dgos so zhe na ni 'di dpyad par bya'i/ /de lta na yang de nyid kyis bsgrub par bya ba'i chos dang lhan cig tu go bar byed pa yin na ni/gtan tshigs don med pa nyid kyis mi 'thad pa chen po thob par 'gyur ro/ /de ltar na ji srid du mi mthun pa'i phyogs la bsgrub par bya ba'i chos kyi mi brten par grub pa de srid du gtan tshigs kyang yin la/ ji srid du gtan tshigs ma grub pa de srid bsgrub par bya ba yang mi 'grub pas phan tshun brten par thal bar 'gyur ro//phyogs kyi chos ma grub pa'i dus su bsgrub par bya ba grub cing rdzogs par 'gyur bas phyis kyi gtan tshigs kyi rjes su 'brang ba don med pa dang 'di mtshan nyid mi mthun pa'i gtan tshigs mtshan nyid ba bzhi 'am/mtshan nyid pa lnga yang brjod bya zhe'o/ /kho bo cag gi 'dod pa ni chos can la yod pa tsam du rigs nas dus phyis rjes su 'gro ba dang ldog pa shes pa yin pa 'am/ thams cad bsdus nas rjes su 'gro ba dang ldog pa shes pa'i dus phyis chos can la yod pa tsam shes pa'i de ma thag tu bsgrub par bya ba'i chos de la rtogs pa skye bar 'gyur ba yin no//des na 'dir nye bar ma lus pa'i tshogs nas mkha' la chu dang me gnas pa'i mi rnyed pa lta bu'i phyin ci log la gting mi tshugs pa'i brjod pas chog go/ /gal te de ltar na 'dir 'dod pa yang ci yin zhe na/ji ltar rigs pa'i gtan tshigs ltar snang ba zhes bya ba la sogs pa smos te/ gang dang gang gtan tshigs ltar snang bar bshad pa de ni tshar gcad pa'i gnas yin te/ de skad du yang kho bo cag gis gang / /gcig la ma grub the tshom na/ /ma grub pa dang 'khrul pa can/ / gnyis ma grub pa 'ang the tshom na/ /'gal ba dang ni 'khrul pa can/ /zhes bshad do/ /'o na rtsod pa'i rigs pa 'di'i rtsod pa'i rigs pa'i lam ni 'jig rten ma lus pa'i gnyen du gyur pa slob dpon dbyig gnyen gyi rtsod pa sgrub pa rgyal po chen po'i lam po che gtod pa dang / blo gros/ ngan pa'i 'dod pa'i glang po che'i klad pa 'gems par byed pa dang slob dpon phyogs kyi glang po'i zhal snga mas kyis rigs pa brtag par zhib tu dpe brjod zin pas khyod kyi de yang btags pa la thag pa 'dis ci zhig bya zhes bya ba 'di la rtsod pa'i lan du de nyid mthong ba 'jig rten zhes bya ba la sogs pa tshigs su bcad pa 'di bshad pa yin no//rab rib can gyi tshogs dag ni rab rib can gyi tshogs so/ /ma rigs pa'i rab rib can gyi tshogs ni ma rig pa'i rab rib can gyi tshogs te/ de kho na'i don mthong ba la gags byad pa'i phyir ro/ /de gcod par byed ba rtsod pa'i rigs pa zhes bya bar sbyar ro//gcod par byed pa'i sgras byed pa por sgrub pa'o/ /yang ma rig pa'i rab rib ces bya ba gang la yin zhe na/ de nyid mthong ba la'o/ /de kho na nyid mthong ba'i shes rab kyi spyan la zhes bya ba'i don to/ /bshad ma thag pa'i rtsod pa'i rigs pas so/ /dam pa ni spyi bos mthong bar bya ba'i mthong ba'o//gzhan la phan par dgyes pa ni snying rje gzhan gyi dbang po yin pa'i phyir ro/ /'jig rten pa yang dag pa la dgod par bya ba'i phyir gsungs so/ /gzhan la rab tu grags pa'i lus kyis shin tu gsal zhing rdzogs par byed pa zhes bya ba'i don to/ /gzhan la 'gran pa rten pas grags par 'dod pa ni ma yin no//gal te de [(]ltan [,]lta na [)]de dang de la rnam par gnas pa yin no zhe na/ bshad pa/ slob dpon gyi zhal snga nas kyis rtsod pa'i rigs par de kho na nyid gsal bar byed pa bzhed do/ /sgrib par byed pa ni lugs so/ /skyon gyi mun pa ngan pas g.yogs pa sel to zhes bya ba'i don to//shin tu ngo mtshan ba mkhas pa chen po lta bu'i lam 'di la brten nas yang ci'i phyir mi shes par brjod ce na/ 'gro ba mi shes pa zhes bya ba smos te/ yang dag pa'i spyod pa dang bral ba skye bo 'od byed dang / zla 'od dang / dben pa la sogs pa'o//de lta na de'i phyir kho bos rtsod pa'i rigs pa'i rab tu byed pa 'di byas pas bdag nyid chen po rnams kyis mdzad pa'i rtsod pa'i rigs pa de la rmongs pa'i nyes pa dang / yang dag par ma go ba'i nyes pa ngan pa yongs su spangs pa'i phyir 'bad pa 'di byed pa ni 'bad rtsol med par 'dod pa yin no zhes bya ba bsdus pa'i don yin no//blo yi nus pa chung ba med pa de dag gis kyang zab mo'i don rtogs med pa can/ /brtson 'grus shin tu lhag par gyur pa de dag gis kyang mchog gi de nyid mthong med ldan/ /blo ldan bzhed pa'i gzhung chen de ni bdag gis gsal bar rab tu rnam par phye ba yis//'gro ba des ni dge ba'i rtsa ba yongs su rdzogs pa zhi ba'i gnas de thob gyur cig /bdag kyang bdag med rtogs par gsal bar rab tu gsal bar gyur pa yis/ /skye dang skye ba thams cad kun nas zad par mkhyen par gyur pa dang //nyes pa'i ri bo las byung khur rnams khyer ba sa gzhi lta bu yi/ /'jam ba'i dbyangs kyi dpal rnams ma lus pa yis thob par shog /shing rta che rnams sgro 'dogs med mdzad pa/ /bdag gis cung zad cig ni byar med pas/ /de lta na yang blo dman rtogs pa'i phyir//rtsod pa'i rigs pa'i rnam 'byed 'di byas so/ /rtsod pa'i rigs pa'i 'grel pa don rnam par 'byed pa zhes bya ba/ slob dpon chen po shAn+ta rak+Shi tas mdzad pa rdzogs so// //dpal tshangs pa'i 'byung gnas bsam yas kyi gtsug lag khang du/ /