CLOSE WINDOW

D4220
བོད་ཡིག

@##/ /rgya gar skad du/ pra mA Na brti kA ri kA/ bod skad du/ tshad ma rnam 'grel gyi 'grel bshad/ bam po dang po/ thams cad mkhyen pa la phyag 'tshal lo/ /gang zhig shes rab mtshon rnos nyon mongs dra ba mtha' dag rab dral brtse ba'i bdag nyid can//shin tu dri med blo gros gang gi thugs ni shes bya kun la thogs pa mi mnga' zhing / /gang zhig bskal pa grangs las 'das par gzhan la phan pa mdzad la skyo bar ma gyur pa//'jam dbyangs de la phyag 'tshal nas ni gzhung 'grel lugs brgya ldan pa rnam par dbye bar bya/ /ya rabs dag ni phal cher bstan bcos rtsom pa la 'dod pa'i lha la phyag byed do//de bas na slob dpon 'di yang bdag nyid dam pa rnams dang spyod pa mthun par bstan par bya ba dang / khyad par du 'phags pa'i lha la bstod pas bsod nams 'phel la/bsod nams 'phel bas kyang bstan bcos bgegs med par tshar phyin pa dang 'chad par byed pa dang / nyan par byed pa rnams sngar bstod nas zhugs pa las bsod nams skye ba'i phyir gzhan gyi don gzigs nas/rtog pa'i dra ba rnams bsal zhing / /zhes bya ba la sogs pa khyad par du 'phags pa'i lha la mchod pa brtsams so/ /gang gi tshe kun du bzang po zhes pa'i sgrar grags pas byang chub sems dpa' yin par mi gzung ba de'i tshe ni 'di sangs rgyas bcom ldan 'das la mchod pa yin no//de yang bstod pa dang / phyag 'tshal ba dang rnam pa gnyis te/ phyag 'tshal zhes pa'i sgras ni phyag 'tshal ba'o//lhag ma rnams kyis ni bstod pa'o/ /bstod pa yang rang gi don phun sum tshogs pa dang / gzhan gyi don phun sum tshogs pa dang / gzhan gyi don phun sum tshogs pa'i thabs dang rnam pa gsum mo/ / rang gi don phun sum tshogs na gzhan gyi don bya bar nus par 'gyur bas dang por phyed gong mas rang gi don phun sum tshogs pa bshad do/ /rang gi don phun sum tshogs pa sku gsum gyi mtshan nyid kyang sgrib pa spangs pa'i khyad par dang / zab pa'i khyad par dang / rgya che ba'i khyad par dang rnam pa gsum gyis khyad par du 'phags par bstan te/ rtog pa ni sems dang sems las byung ba khams gsum pa bdag dang bdag gi ba la sogs pa'i rnam par zhugs pa dang / gzung ba dang 'dzin pa'i rnam par zhugs pa rnams so/ /de nyid dra ba ste 'ching ba'i bdag nyid yin pa'i phyir ro/ /sku gang dag la de rnam par bsal zhing / bag chags dang bcas te yang mi skye ba'i chos nyid du byas pa yod pa de dag la de skad ces bya'o/ /'dis ni sgrib pa spangs pa'i khyad par bshad do//zab pa dang rgya che ba'i khyad par dag ni zab cing rgya che ba zhes bya ba'i tshig gnyis kyis bstan to/ /bcom ldan 'das gang la rtog pa'i dra ba rnam par bsal ba dang / nyan thos dang rang sangs rgyas la sogs pa'i yul ma yin pa'i phyir zab pa dang / shes bya mtha' dag dang /sems can gyi don mtha' dag la khyab pa'i phyir rgya che ba'i sku gsum po ngo bo nyid dang / longs spyod rdzogs pa dang / sprul pa zhes bya ba yod pa de ni/ rtog pa'i dra ba rnams bsal zhing / zab cing rgya che'i sku mnga' ba yin no/ /bzang po ni dge legs te/ mngon par mtho ba dang /nges par legs pa'i mtshan nyid do/ /gang las de don du gnyer ba rnams la de kun du ste ma lus par skal ba ji lta ba bzhin du 'byung ba de ni kun du bzang po'o/ /'dis ni gzhan gyi don phun sum tshogs pa ma tshang ba med par bshad do/ /gzhan gyi don phun sum tshogs pa 'di 'grub pa'i thabs ni/'od zer dag kun nas 'phro zhes bya ba 'dis bshad de/ 'od zer dag ni 'od zer rnams so/ /'dir ni dngos po ji ltar gnas pa bzhin rab tu gsal bar byed par chos mthun pa'i phyir chos ston pa mngon par mtho ba dang / nges par legs par sgrub pa'i yul can dag kho na 'od zer dang 'dra bas na 'od zer dag ces bya'o//gang dag gis mtha' dag ston pa'i phyir gdul bya rnams la gzhan gyi don sgrub pa'i thabs kun nas ma lus par 'phro bar byed/ khyab par byed pa de dag ni 'od zer kun nas 'phro ba'o/ / gang la chos ston pa'i 'od zer de lta bu yod pa de ni 'od zer dag kun nas 'phro ba'o/ /phyag 'tshal ba'i sgra sbyor ba'i phyir na bzhi pa yin no/ /gang gi tshe grags pa la ltos pa de'i tshe ni/ kun du bzang po zhes bya ba'i sgra 'di theg pa chen po las byang chub sems dpa'i khyad par zhig la grags pas 'di byang chub sems dpa' la mchod pa yin te/tshig ni snga ma bzhin du sbyar bar bya'o/ /khyad par ni 'di yod de/ rtog pa'i dra ba rnam par bsal ba nyid ni byang chub sems dpa'i sa'i sgrib pa spangs pa las blta bar bya'o/ /zab pa ni nyan thos dang rang sangs rgyas dang /so so'i skye bo'i yul ma yin pa nyid las so/ /rgya che ba ni byang chub sems dpa'i che ba'i bdag nyid las so/ /byang chub sems dpa' rnams la yang rjes su mthun pa'i sku gsum ni yod pa kho na ste/ mthar phyin pa'i phyir na sangs rgyas rnams kyi yin par rnam par gzhag par mdzad do//bstan bcos rnam 'grel zhes bya ba 'di len par byed pa ni mkhas pa dag kyang yod pa kho na yin mod kyi/ 'on kyang nyan pa po'i skyon mang bas phan pa yod bzhin du yang med pa skad du byas nas legs par bshad pa la goms pas bsgos pa'i sems kho na bstan bcos rtsom pa'i rgyu yin par bstan par bya ba dang /don chen po las nyams par 'gyur ba'i rgyu'i nyes pa 'di ni dor ba'i rigs so zhes bya bar 'di yang tshig zur gyis bstan pa'i phyir tshigs su bcad pa gnyis pa/ skye bo phal cher zhes bya ba la sogs pa smos so//'dir nyan pa po'i skyon rnam pa bzhi bstan te/ shes rab ngan pa nyid dang / mi shes pa nyid dang / don du mi gnyer ba nyid dang / gzu bo ma yin pa nyid dang / skye bo phal cher zhes bya ba ni skye bo mang du'o/ /phal la chags zhes bya ba la/ phal ni phyi rol pa'i bstan bcos rnams so//gang la de la chags pa yod pa zhes bya ba ste/ go bar byed pa yin pa'i phyir/ gzhi tha dad pa'i 'bru mang po par bya ba yin no/ /yang na chags pa phal pa gang la yod pa zhes gzhi mthun par bya ba kho na yin te/ phal pa'i yul can gyi chags pa yin pa'i phyir phal pa'o//'dis ni nyan pa po'i skyon shes rab ngan pa nyid bshad do/ /gang la shes rab rtsal med cing bstan bcos 'dzin par mi nus pa'i shes rab yod pa ni shes rab rtsal med pa ste/ skye bo phal cher zhes bya bar sbyar ro/ /'dis ni mi shes pa nyid bstan to//legs par bshad pa don du mi gnyer ba kho nar ma zad kyi legs par bshad pa mngon par brjod pa la/ phrag dog dri ma dag gis sdang bar yang yongs su gyur cing ldan pa yin te/ don du mi gnyer ba yang yin la/ sdang ba yang yin no zhes bya ba'i tha tshig go/ /'dis ni go rims bzhin du don du mi gnyer ba nyid dang /gzu bo ma yin pa nyid bshad do / /'dir yang skye bo phal cher zhes bya bar sbyar bar bya'o/ /phrag dog ni gzhan gyi phun sum tshogs pa la sems khong nas 'khrugs pa'o/ /de nyid sems dri ma can du byed pa yin pa'i phyir dri mas te/gsal ba'i bye brag gis mang po'i tshig smos so/ /gang gi phyir de lta yin pa'i rgyu des na bdag la ste/ kho bo la ni rnam 'grel zhes bya ba'i gzhung rtsom par 'dod pa 'di ni gzhan la phan pa yin zhes bsam pa'ang med do/ /gzhan dag gi phan pa ste 'dis phan pa byed pas te byed pa yin no//yang na gzhan dag la phan par byed pas na gzhan la phan pa ste las yin no/ /'o na ji ltar bstan bcos byed pa la 'jug ce na sems ni yun ring zhes bya ba la sogs pa smos te/ yun ring ni dus ring po'o/ /legs par bshad pa la goms pas bskyed pa ni/legs bshad goms pas bskyed pa'o/ /lhur len pa ni zhen pa dang / ched cher 'dzin pa nyid de/ gang la legs par bshad pa la goms pas lhur len pa bskyed pa yod pa de la de skad ces bya'o/ /rgyu de'i phyir rnam 'grel bya ba 'di la dga' ba skyes shing sems la mngon par 'dod pa skyes so zhes kha cig ni de skad du 'chad do//gzhan dag ni gzhan du 'chad de/ slob dpon chos kyi grags pa 'di ci'i phyir tshad ma kun nas btus pa rnam 'grel gyi tshul du 'chad par byed kyi rang dga' kho na'i bstan bcos ni ma yin zhes 'dri ba'i skabs 'dir/skye bo phal cher zhes bya ba la sogs pa smos te/ tshigs su bcad pa 'di'i bsdus pa'i don ni bdag ni sems pa dang / snying rjes tshad ma kun nas btus pa bshad par sems la 'dod pa skyes so zhes bya ba 'di yin no/ / sems pa dang snying rje dag ni slob dpon phyogs kyi glang pos mdzad pa'i bstan bcos phan pa chung ba nyid kyi phyir dang / phan pa chung ba yang nyan pa po'i skye bo'i nyes pa las gyur pas so/ /tshig gi don brjod par bya ste/ phal cher zhes bya ba ni mang du ste/ phal pa la chags pa'i skye bo zhes bya bar sbyar ro/ /phal cher zhes bya ba ni 'jig rten ma rabs la bya ste/ gang zhig rgyu ngan pa las byung ba yin no/ /de bzhin du mu stegs can gyi bstan bcos dag dang / gzhan gyis byas pa slob dpon gyi lugs kyi bstan bcos sun 'byin pa rnams kyang phyin ci log gi shes pa las byung ba yin pas rgyu ngan pa las byung ba yin no//de'i phyir phal pa dag yin te/ gang la de dag la chags shing rjes su chags pa yod pa de la de skad ces bya'o/ /yang ci'i phyir phal pa la chags she na/ shes rab rtsal med pas na zhes bya ba smos te/ de'i phyir na 'di nyes par bshad pa la yang legs par bshad pa yin no zhes bya bar bzung nas phal pa la chags par byed do/ /shes rab kyi mthu med pa nyid kyi phyir na bdag nyid kyis slob dpon gyis legs par bshad pa rnams ji lta ba bzhin du khong du chud par mi nus pas/ slob dpon gyis legs par bshad pa de dag don du mi gnyer zhing slob dpon la yang zhe sdang bar 'gyur bar ma zad ces bya ba la sogs pa smos te/slob dpon gyis legs par bshad pa rnams don du mi gnyer ba 'ba' zhig tu ma zad kyi/ gzhan yang slob dpon phyogs kyi glang po la phrag dog dri ma rnams kyis sdang bar yang yongs su gyur pa yin no//ji lta bu zhig la zhe na/ legs bshad goms pas lhur len bskyed pa la'o/ /bar du chod kyang 'brel pa kho na yin te/ lugs las/ gang zhig gang dang 'brel pa ni/ /ring na 'dug kyang de dang der/ /zhes 'byung ba'i phyir ro/ /bshad pa bzang ba ni legs par bshad pa ste/de la goms pa'o/ /de la lhur len bskyed pa ste/ slob dpon phyogs kyi glang po gang la de kho na la shin tu zhen pa nyid yod pa de la de skad ces bya'o/ /'dis ni slob dpon phyogs kyi glang po bsod nams dang ye shes bsags pa nyid yin par bstan te/bsod nams dang ye shes bsags pa dag kho na legs par bshad pa la goms pas lhur len pa bskyed par 'gyur ro/ /gang gi phyir shes rab kyi mthu med pas slob dpon gyis legs par bshad pa dag don du mi gnyer zhing phal pa la chags pa de'i phyir tshad ma kun nas bsdus pa 'di mchog tu phan pa min pa'o//phan pa ni phan pa ste ngo bo yin no/ /'dis phan pa mchog dam par mi 'gyur bas na mchog tu phan pa min pa'o/ /phan pa cung zad ni yod pa kho na ste/ de ni phal cher zhes bya bas bstan pa yin no/ /des na zhes bya ba'i sgra ni rgyu yin pa ste/ rgyu des na bdag gi bstan bcos 'di don chen po yin yang mang po rnams la phan par ma gyur te/de bas ji ltar na 'di shin tu 'bras bu dang bcas par bya snyam pa de lta bu la sogs pa'i rnam pa sems pa'ang yin no/ /'ang zhes bya ba'i sgras ni slob dpon byang chub sems dpa' dang 'dra ba la cung zad cig zhe sdang ba yang phung bar 'gyur ba'i rgyu yin te/de bas na bdag gis slob dpon gyi lugs phyin ci ma log par rab tu bstan pas/ slob dpon la gus pa bskyed nas phung bar 'gyur ba'i rgyu de las bzlog par bya'o snyam pa de lta bu sdug bsngal ba dang bral bar 'dod pa'i rnam pa'i snying rje ba yang yin zhes bya ba yin no//phyir 'di la dga' ba skyes zhes bya ba la/ phyir zhes bya ba'i sgra gnyis pas ni sems pa dang / snying rje dag rgyu nyid yin par bstan te/ sems pa dang snying rje 'di gnyis kyis na sems yun ring zhing dus ring po nas tshad ma kun las btus pa'i rnam par bshad par gyur pa gzhung 'grel bya ba 'di la dga' ba skyes te/'dod pa rgyun chags par byung ba yin no/ /gal te slob dpon chos kyi grags pa tshad ma kun nas btus pa 'chad par bzhed na/ ci'i phyir rang dgar rjes su dpag pa 'di rnam par 'jog snyam pa'i the tshom bsal pa'i phyir/don dang don ma yin pa zhes bya ba la sogs pa smos te/ don ni phan pa'o/ /don ma yin pa ni mi phan pa ste/ de dag rnam par 'byed pa'o/ /de ni rjes su dpag pa la brten pa'i phyir te/ gang la brten rjes su dpag pa yod pa zhes bya bar tshig rnam par sbyor ro//rjes su dpag pas ni don dang don ma yin pa dag gtan la phab nas/ rjes su dpag pa'i rjes la 'byung ba'i shes pa rgyun chags par 'jug pas don dang don ma yin pa dag go rims bzhin du theb pa dang spang bar bya ba'i phyir bye brag tu rnam par 'jog par byed de/de lta bas na don dang don ma yin pa rnam par 'byed pa ni rjes su dpag pa la brten pa yin no/ /de la log par rtog pas zhes bya ba ni rjes su dpag pa de la log par rtog pas de rnam par gzhag pa'i phyir bshad pa yin no zhes kha cig ni de skad du 'chad do//'dir 'di ni bsam par bya ba yin te/ re zhig gal te 'di skad don dang don ma yin pa rnam par 'byed pa kho na rjes su dpag pa la brten pa yin pa'i phyir zhes bya bar nges par gzung na ni de ni mi rung ste/ don dang don ma yin pa dag las gzhan pa gsum po btang snyoms su bya ba'i yul rnam par 'byed pa gang yin pa de yang rjes su dpag pa la brten pa yin pa'i phyir ro//don dang don ma yin pa rnam par 'byed pa yang ma nges pas mngon sum la brten pa nyid yin pa ma bzlog pas gang gis na de dang por bstan par bya ba rjes su dpag pa khyad par du 'phags par brjod pa yang ci zhig yod/'on te yang 'di skad du don dang don ma yin pa rnam par 'byed pa ni rjes su dpag pa la brten pa kho na yin pa'i phyir zhes bya bar nges par gzung na/ de lta na yang nges par gzung ba'i rigs pa ma yin te/ don dang don ma yin pa rnam par 'byed pa ni mngon sum la brten pa yang yin no//'di ltar don dang don ma yin pa rnam par phye ba'i ngo bo dag ni mngon sum la snang ba nyid yin la/ mngon sum de yang shin tu goms te/ gsal bar gyur pas 'khrul pa'i rgyu spangs na don dang don ma yin pa rnam par 'byed pa'i rnam par rtog pa phyis 'byung ba skyed par byed do//don dang don ma yin pa so sor nyams su myong nas ji ltar nyams su myong ba bzhin de la nges pa bskyed pa gang yin pa de nyid mngon sum don dang don ma yin pa rnam par 'byed pa'i rten byed pa nyid yin no/ /phyis 'byung ba'i rnam par rtog pa kho nas don dang don ma yin pa dag rnam par phye'o zhes brjod par yang mi nus te/rnam par rtog pas ni dngos po'i rang gi ngo bo mi 'dzin pa'i phyir ro/ /'on te 'dzin na ni rnam par rtog pa nyid nyams te rnam par rtog pa dang 'brel pa la don gsal bar snang ba nyid 'gal ba'i phyir ro//yul 'ga' zhig la gsal ba med pa'i phyir/ mngon sum gyi 'khrul pa'i rgyu bsal bar mi nus pa de la ni/ rjes su dpag pa las nges par 'gyur gyi/ thams cad pa la ni ma yin no/ /de lta bas na mngon sum gyi tshad ma nyid ni rang dang gzhan las nges pa yin te/ don 'di ni le'u gnyis pa las gtan la 'bebs pas 'dir mi spro'o/ /'khrul pa'i rgyu spangs pa'i mngon sum ni ji ltar nyams su myong ba bzhin nges pa skyed pa'i phyir gdon mi za bar rang gis don dang don ma yin pa rnam par 'byed pa'i rgyu nyid yin par 'dod par bya dgos so/ / de lta ma yin na rjes su dpag pa yang rnam par gzhag par mi 'gyur te/ du ba la sogs pa'i rtags gtan la ma phebs pa'i phyir ro/ /du ba la sogs pa yang rjes su dpag pas rtogs na ni thug pa med par 'gyur te/ de la yang rjes su dpag pa gzhan gyis rtags gtan la dbab pa'i phyir ro//yang gal te mngon sum don dang don ma yin pa rnam par 'byed pa'i rten ma yin na de'i tshe bstan bcos mdzad pas rab tu byed pa gzhan las phan pa dang mi phan pa 'thob pa dang / spang ba dag ni gdon mi za bar yang dag pa'i shes pa sngon du 'gro ba can yin pa'i phyir zhes bshad pa gang yin pa de dang yang 'gal bar 'gyur la/de bzhin du 'di gnyis kyis don yongs su bcad nas zhes bya ba la sogs pa dang / yang de dag mthong ba nyid mthong nas myong ba'i mthu las byung ba'i dran pa las zhes bya ba la sogs pa bshad pa gang yin pa de dang yang 'gal bar 'gyur ro//de lta bas na gzhan du rnam par bshad par bya ste/ don ni slob dpon phyogs kyi glang pos mdzad pa'i tshad ma'i mtshan nyid la sogs pa yin te rigs pa dang ldan pa'i phyir ro/ /don ma yin pa ni mu stegs kyis byas pa yin te/rigs pa dang mi ldan pa'i phyir ro/ /de gnyis rnam par 'byed pa ni rigs pa dang ldan pa dang / rigs pa dang mi ldan pa nyid du rnam par 'jog pa'o/ /de ni rjes su dpag pa la brten pa yin pa'i phyir te/ rjes su dpag pa kho na la brten nas mtshan nyid kyi tshig rnams rigs pa dang ldan pa dang /rigs pa dang mi ldan pa nyid du rnam par gzhag par bya ba yin gyi/ mngon sum la brten nas ni ma yin te/ de ni rnam par dpyod par byed pa ma yin pa'i phyir ro/ /gal te rjes su dpag pa'i mtshan nyid ni bshad zin to zhe na/ de las log par rtog pas zhes bya ba smos te/rjes su dpag pa de la rmongs pas de rnam par gzhag pa'i phyir rjes su dpag pa de log par rtog pa bsal bas rnam par gzhag pa'i phyir bstan bcos mdzad pas bshad pa'o/ /'di skad du gang gi phyir rjes su dpag pa la brten nas/ tshad ma kun nas bsdus pa'i don bshad par bya ba yin na de la yang log par rtog pa yod pa de'i phyir re zhig de nyid rnam par gzhag go zhes bshad pa yin te/de skad du rab tu byed pa gnyis pa rtsom pa na yang slob dpon gyis tshad ma'i mtshan nyid bshad pa'i rgyu rjes su dpag pa rnam par gzhag nas zhes bya ba la sogs pa 'chad par 'gyur ro//gal te rjes su dpag pa rnam par gzhag par bya ba yin na ci'i phyir/ phyogs chos zhes bya ba la sogs pas gtan tshigs kho na rnam par 'jog ce na/ de ni nyes pa med de gtan tshigs bye brag tu bshad pa'i sgo kho na nas de rnam par gzhag par bya ba yin pa'i phyir ro//tshigs su bcad pa 'di las ni rtags kyi mtshan nyid dang / grangs nges pa dang / nges pa'i rgyu dang mi mthun pa'i phyogs las ldog pa bshad de/ phyogs chos de'i chas khyab pa ni/ /zhes bya ba ni mtshan nyid do/ /phyogs de'i cha ni bsgrub par 'dod pa'i chos te/des khyab pa kho na zhes nges par gzung ba yin no/ /rnam gsum zhes bya ba ni grangs nges pa'o/ /med na mi 'byung nges phyir ro/ /zhes bya ba ni grangs nges pa'i rgyu ste/ med na mi 'byung ba ni gsum kho na la nges pa'i phyir ro zhes bya ba'i tha tshig go/ /gtan tshigs ltar snang de las gzhan//zhes bya ba ni mi mthun pa'i phyogs las ldog pa ste/ gtan tshigs gsum po de las gzhan pa ni gtan tshigs ltar snang ba dag yin no/ /mdo las phyogs chos zhes bshad pa/ phyogs ni chos dang chos can gyi spyi la bya na/ gtan tshigs ni spyi'i chos nyid yin par phyir rgol ba la ma grub po//'on te grub na ni rjes su dpag pa don med do zhe na/ phyogs ni chos can no zhes bya ba smos te/ nye bar btags pa'i phyir ro snyam du bsam pa yin no/ /gal te dgos pa med pa'i phyir/ /zhes bya ba la sogs pa ni pha rol po'i the tshom gyi bsam pa yin no//ma yin te zhes bya ba la sogs pas ni 'gog par byed de dgos pa med pa ma yin no/ /ji ltar zhe na/ chos can gyi chos thams cad yin pa dgag pa'i phyir te/ nye bar gdags pa ni zhes bya ba zhig khong nas drang ngo / /nye bar gdags pa bor na ni chos can gyi chos zhes bstan par bya ba yin no//de lta na ni sgra ni mi rtag pa yin te/ mig gis gzung bar bya ba yin pa'i phyir zhes bya ba 'di yang dpe'i chos can gyi chos yin pa'i phyir/ gtan tshigs nyid yin par 'gyur ro/ /nye bar btags na ni chos can thams cad kyi chos yin pa bkag par 'gyur ro//gal te ji ltar zhe na/ de'i phyogs gcig yin pa'i phyir zhes bya ba la sogs pa smos te/ 'di ltar spyi yan lag dag la nye bar 'dogs pa'i rgyu ni de'i phyogs gcig nyid yin no/ /de lta ma yin na thams cad la nye bar 'dogs par 'gyur ro/ /bsgrub par bya ba'i chos can yang de'i phyogs gcig yin pa'i phyir/phyogs kyi phyogs gcig yin pa'i phyogs su nye bar gdags su rung ba yin te/ de'i chos gang yin pa de yin par rtogs par bya ba'i phyir/ nye bar gdags pa byed pa yin no/ /de lta yin dang zhes bya ba ni nye bar gdags su rung ba'i chos can yin par rtogs na'o//mig gis gzung bar bya ba yin pa'i phyir zhes bya ba la sogs pa spangs pa yin no zhes bya ba la sogs pa zhes bya ba'i sgras ni tshos par bya ba nyid yin pa'i zhes bya ba la sogs pa bsdu'o/ /chos zhes brjod pas kyang zhes bya ba la sogs pas ni chos de'i chas khyab pa zhes bya ba 'ba' zhig brjod pas kyang 'brel ba can gyi sgra yin pa'i phyir/chos can yin par gzhi ste yin par yongs su gzung ba'o/ /de ltar grub ste chos can gyi chos zhes chos can smos pa de'i shugs kyis 'dir nye bar bya bar brjod par 'dod do zhes bya bar mngon no//khyab pa yin par brjod par 'dod na ni chos can zhes smos pa don med par 'gyur ro/ /gal te chos can zhes ma smos na/ de'i chas khyab pa zhes bya ba 'dir de zhes bya ba'i sgra gang zhig dang sbyar zhe na/ chos zhes smos pas 'phangs pa'i chos can tsam gang yin pa de dang ngo //de lta bas na chos can zhes smos pa'i shugs kyis nye ba yin par sgrub pa gang yin pa'i nye ba yin pa de'i phyir bsgrub par bya ba'i chos can yin par yongs su gzung bar 'gyur te/ de ni bsgrub par bya ba nyid kyi skabs yin pa'i phyir nye ba yin no zhe na/de ni de lta ma yin te dpe'i chos can yang sgrub pa nyid kyi skabs yin pa'i phyir nye ba yin pa'i phyir ro/ /de'i phyir the tshom yod pas gcig kho nar bsgrub par bya ba'i chos can yin par yongs su gzung bar mi 'gyur ro snyam du bsam pa yin no/ /de'i chas khyab pa zhes bya ba la sogs pas ni lan 'debs te/phyogs chos de'i chas khyab pa ni/ /zhes bya ba 'dis de'i chas khyab par bshad pa gang yin pa des dpe'i chos can la yod pa grub ste/ dpe'i chos can la gtan tshigs med pa ni de'i chas khyab par mi srid do/ / de lta bas na chos can zhes smos pa ni dpe'i chos can yin par yongs su gzung ba'i phyir ma yin te don med pa'i phyir ro/ /'on kyang chos can zhes smos pa'i shugs kyis bsgrub par bya ba'i chos can yin par yongs su gzung ngo / /grub bzhin du zhes bya ba la sogs pas ni lan 'debs te/de'i chas khyab pa zhes bya bas dpe'i chos can la yod par grub mod kyi/ 'on kyang grub bzhin du de'i chas khyab pa zhes bya bas dpe'i chos can la yod par grub pa'i ngo bo nyid kyi chos gang yin pa gal te dpe'i chos can kho na la yod pa yin na yin no zhes brnan pa'i phyir yang smos pa yin par dogs par 'gyur ro//yang ci rtogs pa'i bstan bcos la la las grub bzhin du brnan pa'i phyir yang smos pa lta mthong ngam zhe na/ mthun pa kho na la zhes bya ba la sogs pa smos te/ slob dpon phyogs kyi glang po'i mtshan nyid ni phyogs kyi chos gang zhig mthun pa la yod la de med pa la med pa de ni gtan tshigs yin no zhes bya ba yin no//de la ni mthun pa kho na la yod pa zhes bya ba'i nges par gzung ba 'di kho nas gtan tshigs mi mthun pa las ldog pa grub mod kyi/ de med pa la med pa zhes bsgrub par bya ba med pa la med pa smos pa gang yin pa de ni med pa kho na la med pa yin gyi 'gal ba la yang ma yin la de las gzhan pa la yang ma yin no zhes brnan pa'i phyir yin te/de lta bas na brnan pa yin par dogs pa bstsal ba'i phyir nye bar btags pa yin no/ /bsgrub par bya ba'i chos can ni gtso bo yin te/de ni thabs kyis bsgrub par bya ba yin pa'i phyir ro/ /dpe'i chos can ni thabs yin pa'i phyir gtso bo ma yin no/ /phal pa dang gtso bo nye na gtso bo bya ba yin par shes pas shes bya'i shugs 'di dang de bzhin du bya ba dang / nges pa yod na bya ba kho na gtso bo yin par bya zhes bya ba'i shugs kyis na bsgrub par bya ba'i chos can kho na yin par yongs su gzung bar 'gyur ro zhe na de'i phyir shugs kyis zhes bya ba la sogs pa smos te/bshad ma thag pa'i shugs rnam pa gnyis kyis bsgrub par bya ba'i chos can yin par yongs su gzung ba'i mtshan nyid kyi don go zhing khong du chud pa yin na rtogs par dka' bar 'gyur te/sgra med pa'i don la bdag nyid kyis rjes su 'brang ba ni rtogs par dka'o/ /de bas na rtogs par dka' ba yongs su spang ba'i phyir yang phyogs zhes smos pa yin no/ /yang zhes bya ba'i sgras ni shugs khas mi len na sngar bshad pa lta bu brnan par bya ba yin par dogs pa yongs su spang ba'i phyir dang /mig gis gzung bar bya ba yin pa'i phyir zhes bya ba la sogs pa yongs su spang ba'i phyir yang zhes bshad zin pa bsdu bar bya ba yin no/ /yang na yang zhes bya ba'i sgra ma bshad pa bsdu ba'i don yin te/gal te pha rol po nye bar gdags pa yang mi bya la chos can zhes smos par yang mi bya'o/ /'o na ci zhe na shes par 'dod pa'i chos can gyi chos zhes brjod par bya'o zhes smra bar 'gyur na/ de lta na yang gzhung mangs pa dang tshig le'ur byas pa nyams par 'gyur te/de lta bas na phyogs gzhan la 'chel na gzhung mangs pa dang tshig le'ur byas pa nyams par 'gyur ba yongs su spang ba'i phyir yang zhes ma bshad pa bsdu bar bya ba yin no/ /phyogs kyi chos nyid yin na zhes bya ba ni gtan tshigs zhes bya ba khong nas drang ngo //'di ltar re zhig 'di la phyogs kyi chos yod par zhes bya bar 'bru mang po pa ni ma yin te/ chos can zhes bya ba phyogs dang chos zhes bya bar gzhi mthun pa med pa'i phyir ro/ /de nyid kyi phyir las kyi gzhi yang ma yin no/ /phyogs dang chos zhes bya bar zlas dbye ba yang ma yin te/phan tshun ldan pa yin na ni gnyis kyi tshig yin pa dang / gcig tu bsdu ba yin na ni ma ning nyid yin par thal bar yang 'gyur la phyogs dang chos de la de'i chas khyab pa yang med do/ /de lta bas na phyogs chos zhes bya ba ni drug par tshig bsdu ba yin la de la yang phyogs kho na'i chos yin gyi/gzhan gyi ni ma yin na zhes phyogs kyi chos khyad par du byed pa yin na/ /de'i phyir ji skad bshad pa'i rnam pas phyogs de'i khyad par la ltos pa yin pas/ de'i khyad par la ltos pa ste de gzhan dpe'i chos can la mi 'jug pa'i phyir thun mong ma yin pa nyid yin no//mi ldan pa ni ma 'brel pa ste/ de rnam par bcas pa'o/ /des khyad par du byas pa'i phyir/ thun mong ma yin pa nyid ma yin no zhes bya bar sbyar te/ phyogs kyi chos kho na zhes de skad du khyad par du byas pa'i phyir zhes bya ba'i tha tshig go / /gang la chos chos can dang 'brel par the tshom za ba de la ni gang gi tshe chos yod par sgrub pa de'i tshe mi ldan pa rnam par bcad pa yin no//gang gi tshe chos can dang 'brel pa grub la chos can gzhan la yod par dogs pa bzlog pa'i phyir chos sbyor ba de'i tshe na/ gzhan dang ldan pa rnam par bcad pa yin no/ / phyogs kyi chos kyi dpe'i rnam pa dang po dper na nag pa zhes bya ba la sogs pa smos te nag pa 'phong skyen pa nyid yin par the tshom za ste/ de'i phyir 'di 'phong skyen pa kho na yin no zhes mi ldan pa rnam par bcad pa yin no/ /nges par gzung ba gang la nyes pa yod pa de bstsal ba'i phyir/ gzhan dang ldan pa rnam par bcad pas ni ma yin te zhes bya ba smos te/khyad par du byas pa'i phyir zhes bya bar skabs dang sbyar ro/ /chos can gzhan dang ldan pa ste/ de rnam par bcad pas khyad par du byas pa'i phyir zhes bya ba'i tha tshig go/ /'di'i dpe yang dper na srid sgrub ces bya ba la sogs pa yin te/srid sgrub ni 'phong skyen pa nyid yin par grub pa kho na yin la ci de 'dra ba gzhan la yod dam zhes bsam pa de la srid sgrub kho na 'phong skyen pa yin gyi gzhan ni ma yin no zhes gzhan dang ldan pa rnam par bcad pa yin no/ /bshad par bya'o zhes bya ba ni le'u bzhi pa las bstan par bya'o//de'i cha ni de'i chos yin gyi zhes bya ba la de zhes bya ba'i sgra ni chos kyi ched yin pas gtso bor gyur pa ma yin yang phyogs dang sbyar ro/ /phyogs de'i cha ni de'i cha ste de kho na'i bsgrub par bya ba'i chos yin no/ /gal te cha zhes bya ba'i sgra ni phyogs gcig la bya bar grags na ji ltar chos ston par byed ce na/smra ba po'i bsam pa'i dbang gis zhes bya ba smos te/ sgra rnams rjod par byed pa nyid yin pa ni dngos po'i stobs kyis ma yin no/ /'on kyang smra ba po'i brjod par 'dod pa'i dbang gis te de'i cha zhes bya ba de'i phyogs gcig ni ma yin no zhes bya bar skabs dang sbyar ro//yang gal te ci ste de lta yin zhe na/ phyogs zhes bya ba'i sgra spyi la mi bya ba'i phyir ro zhes bya ba smos te/ gal te phyogs zhes bya ba'i sgra spyi la bya ba yin par gyur na ni/ de'i tshe cha chos dang chos can gyi spyi'i bdag nyid kyi phyogs gcig chos kyi bdag nyid yin par gyur na/phyogs zhes bya ba'i sgra nye bar btags pa ni chos can kho na la bya ba yin pas/ bdag nyid gcig pa de la phyogs gcig ga la yod/ khyab pa zhes bya ba'i tshig ni zhes bya ba la sogs pas ston te/ de ni khyab par bya ba dang khyab par byed pa'i chos yin pa nyid kyis gnyi ga la yod pa yin no//de la khyab par byed pa'i chos nyid yin par brjod par 'dod pa ni khyab pa khyab par bya ba gtan tshigs de la khyab par byed pa bsgrub par bya ba'i chos yod pa kho na yin no/ /mi ldan pa rnam par bcad pas nges par gzung ba yin te/mi srid pa'i phyir de la khyab par byed pa kho na yod pa yin no zhes nges par gzung bar ni mi nus so/ /gang la bsgrub par bya ba'i chos gcig pu kho na yod pa de lta bu'i phyogs kyi chos ni yod pa ma yin no/ /de kho na la khyab par byed pa yod pa yin no zhes bya ba nges par gzung ba yang ma yin te/de lta na ni mthun pa'i phyogs gcig la yod pa bstsal ma thag tu 'byung ba nyid gtan tshigs ma yin par 'gyur ro/ /khyab par bya ba bstsal ma thag tu 'byung ba kho na la khyab par byed pa mi rtag pa nyid yod pa ni ma yin te/ bstsal ma thag tu 'byung ba ma yin pa glog la sogs pa la yang yod pa'i phyir ro//gang gi tshe khyab par bya ba'i chos nyid yin pa de'i tshe ni khyab pa yang na de kho na la khyad par bya ba yod pa yin no/ /de kho na la zhes bya ba ni khyab par byed pa kho na la ste/ gzhan dang ldan pa rnam par bcad pas nges par gzung ba yin no//'dir yang mi srid pa'i phyir de la khyab par bya ba kho na la yod pa yin no zhes bya ba de lta bu ni nges par mi gzung ste/ thams cad chos du ma dang ldan pa'i phyir bsgrub par bya ba'i chos dang ldan pa'i gtan tshigs chos gcig kho na dang ldan pa ni med do/ / mthun pa'i phyogs gcig la yod pa gtan tshigs ma yin par 'gyur du 'ong bas de la khyab pa bya ba yod pa kho na yin no zhes bya bar nges par gzung ba yang ma yin no/ /bstsal ma thag tu 'byung ba nyid mi rtag pa la gdon mi za bar yod pa ma yin te/ glog la sogs pa la med pa'i phyir ro//phyogs chos zhes tshul gcig brjod nas/ de'i chas khyab ces bya ba tshul gnyis pa bshad pa ma yin nam/ de'i phyir rtags ni tshul gnyis pa kho na yin par 'gyur ro zhe na/ de'i phyir 'dis ni zhes bya ba la sogs pa smos te/ 'dis zhes bya ba ni phyogs chos de'i chas khyab pa ni zhes bya ba'i tshig 'dis so//de la khyab pa zhes smos pas rjes su 'gro ba dang ldog pa dag bshad de khyab pa ni de lta bu yin pa'i phyir ro/ /de gnyis nges pa dag kyang shes par byed pa'i gtan tshigs kyi skabs yin pa'i phyir bdag nyid ci lta ba'i tshad mas bshad la/phyogs kyi chos nges pa yang phyogs chos zhes smos pa kho nas bshad pa yin no/ /de ltar na rtags ni tshul gsum pa kho nar bshad pa yin pas 'gal ba med do/ /bdag nyid ji lta ba zhes bya ba ni gang gis sgrub par byed pa'i tshad ma gang yin pa ste/ de yang 'og nas bye brag tu 'chad par 'gyur ro//de dag ni zhes bya ba la sogs pas ni/ de ni rnam gsum ste zhes bya ba de ston te/ de dag ces bya ba ni phyogs kyi chos nyid dang / ji skad bshad pa'i khyab pa dang ldan pa dag go/ /'di la 'bras bu dang rang bzhin dang mi dmigs pa'i mtshan nyid de'i ngo bo nyid yod pas na de dag la de skad ces bshad do//du ba las zhes bya bas ni 'bras bu'i gtan tshigs bstan to/ /'di na me yod do zhes bya bas ni bsgrubs pa'i 'bras bu bstan te/ 'di phyogs kyi sbyor ba ni ma yin no/ /shing sha pa yin pa'i phyir zhes bya bas ni rang bzhin gyi gtan tshigs bstan te/shing sha pa ni shing gi khyad par kho na zhig yin pa'i phyir ro/ /phyogs zhes bya ba la sogs pa ni mi dmigs pa bstan te/ phyogs kyi khyad par zhes bya ba ni gzung ba'i mtshan nyid du gyur pa'o/ /'ga' zhig na zhes bya ba ni bum pa dang bral ba na'o//mi dmigs pa tsam gyis ni dgag pa mi 'grub pas/ dmigs pa'i mtshan nyid kyir gyur pa zhes bya bas gtan tshigs khyad par du byed de/ dmigs pa'i rgyu gzhan mig la sogs pa nus pa thogs pa med pa dag ni/ dmigs pa'i mtshan nyid do/ /de dag gir gyur pa ni dmigs pa'i mtshan nyid kyir gyur pa ste/rang snang ba'i shes pa bskyed par gyur pa'i ngo bo nyid kyi khyad par ro/ /de mi dmigs pa'i phyir ro/ /de lta bu'i mi dmigs pa ni de med par 'khrul pa med do zhes ldog pas bstan pa'i phyir gal te yod na zhes bya ba la sogs pa smos te/gal te bum pa dang bral ba'i phyogs na yang ji skad bshad pa'i bum pa yod na ni de'i tshe dmigs pa kho nar 'gyur te gzung ba kho nar 'gyur ro/ /gzhan du ni ma yin no zhes bya ba ni nam yang gzung ba ma yin par mi 'gyur te/ de lta bus ni gdon mi za bar shes pa 'khrul pa med do zhes bya ba'i tha tshig go//gang gi phyir de lta yin pa'i rgyu des na dmigs pa'i mtshan nyid kyir gyur pa zhes khyad par bshad pa gang yin pa de ni shugs kyis na dmigs pa'i mtshan nyid kyir gyur pa'i yod pa can zhes bshad pa yin no/ /'dir ni tshig gi don 'di yin te/'dis ni mtshon par byed pas na mtshan nyid de dmigs pa nyid mtshan nyid yin no/ /de yir gyur pa ni dmigs pa'i mtshan nyid kyir gyur pa ste/ shes pa dang 'brel pa 'khrul pa med pa zhes bya ba'i tha tshig go/ /gang la de lta bu'i yod pa yod pa de ni de skad ces bya ste/ de lta bu'i yod pa can ni shes pa log na gdon mi za bar ldog go zhes bya bar bsam pa yin no/ /yod pa dang dgag pa dag gis ni bsgrub par bya ba thams cad la khyab la/ de gnyis kyang gtan tshigs gsum la rag las pa yin no zhes bstan pa'i phyir/ de las zhes bya ba la sogs pa smos te/gtan tshigs gsum po de las rang bzhin dang 'bras bu'i gtan tshigs gnyis ni dngos po sgrub pa ste/ dngos po sgrub pa ni yod pa sgrub pa yin no/ /gnyis kho na zhes nges par gzung bar bya ba'i dngos po sgrub pa kho na zhes bya bar ni ma yin te/ 'di gnyis kyis dgag pa yang 'grub pa'i phyir ro//gcig ni dgag pa'i gtan tshigs yin pa'i zhes bya ba ni bshad pa'i mtshan nyid kyi mi dmigs pa ni dgag pa'i gtan tshigs kho na yin no/ /gcig kho na zhes bya bar nges par gzung ba ni ma yin te/ snga ma gnyis kyis kyang rnam par bcad pa rtogs pa'i phyir ro//yang ci ste dngos po sgrub pa gnyis kho na yin zhe na/ rang bzhin dang 'brel pa zhes bya ba la sogs pa smos te/ rang bzhin bsgrub par bya ba'i dngos po dang 'brel pa ni de la rag las pa nyid de de yod na'o/ /don gyis zhes bya ba ni rtags kyis so/ /don zhes bya ba ni rtags can te/'khrul pa med do/ /rang bzhin dang 'brel pa de yang de'i bdag nyid dang de las byung ba'i mtshan nyid kho na ste/ gsum pa med pa'i phyir ro/ /de la dang po de ni de'i bdag nyid yin pa'i phyir zhes bya ba smos te/ de ni zhes bya ba ni rang bzhin dang 'brel pa'o/ /de'i bdag nyid yin pa'i phyir zhes bya ba ni bsgrub par bya ba'i rang bzhin yin pa'i phyir ro//de'i bdag nyid yin na zhes bya ba ni gal te sgrub pa bsgrub par bya ba'i bdag nyid yin na bsgrub par bya ba gang yin pa de nyid sgrub pa yin pas bsgrub par bya ba dang sgrub pa'i bye brag med do zhe na/ de ni de lta ma yin te/ bsgrub par bya ba dang sgrub par gyur pa'i chos kyi bye brag rnams ni ldog pa'i bye brag gis kun brtags pa yin pa'i phyir ro/ /'di ni gzhan sel ba'i skabs su bshad par bya'o/ /'di ni slob dpon gyis kyang bshad do zhes bya bar de skad du zhes bya ba la sogs pa smos te/thams cad ces bya ba ni gang la bsgrub par bya ba dang sgrub pa me dang du ba dag gi bye brag dngos po las gyur pa yod pa yang rang gi mtshan nyid kyis tha snyad 'dogs pa med pa'i phyir ro/ /blo la yod pa zhes bya ba ni rnam par rtog pa'i blo la snang ba'o/ /gal te blos brtags pas rjes su dpag pa yin na/'o na ni de'i bdag nyid dang de las byung ba dag rtags kyi mtshan nyid ma yin te/ blos brtags na de gnyis med pa'i phyir ro zhe na/ chos can dang chos nyid du tha dad pa zhes bya ba la sogs pa smos so/ /'di skad du bshad pa yin te/ don kho nas don go bar 'gyur te/'di ni blo'i rnam par byas pa yang ma yin no/ /'on kyang phyi rol gyi don de lta bu yod bzhin du rmongs pa la bstan pa'i thabs su gyur pa chos can dang chos nyid tha dad pa gang yin pa de blo'i rnam pas byas te/ de ma byas par ni gzhan la bstan par mi nus so//don kyang blo'i rnam pas byas pa ni ma yin te/ de ni ngo bo nyid kyis grub pa'i phyir ro/ /ci'i phyir rnam par rtog pa'i rgyu mtshan can gyi rtags kho nas don rtogs par mi 'gyur zhe na/ blo'i bye brag ces bya ba ni rnam par rtog pa'i rnam par 'dod pa tsam dang 'brel pa nyid kyis rang dga' ba rnams ni don gyi rten ma yin pa'i phyir te/don dang ma 'brel pa'i phyir ro/ /'di ni don gyi rten ma yin pa'i rnam par rtog pa de dag gis brtags pa yang yin la yul yang yin pas/ de dag gis brtags pa'i yul lo/ /gtan tshigs de lta bu des ni don mi 'thob pa kho nar 'gyur te/don 'thob pa kho nar mi 'gyur ro/ /gnyis pa'i 'brel pa'i mtshan nyid 'bras bu yang zhes bya ba la sogs pa smos te/ de'i rang bzhin zhes bya ba ni 'bras bu'i rang bzhin no/ /de las byung ba'i phyir ro zhes bya ba ni rgyu las byung ba'i phyir ro/ /gang zhig rjes su dpag pa tshad ma nyid yin par mi 'dod pa de la 'di gnyis zhes bya ba la sogs pa smos te/rjes su dpag par bya ba shes pa 'di nyid ni tshad ma yin zhes bya bar sbyar ro/ /'di gnyis zhes bya ba'i rang bzhin dang 'bras bu'i rang bzhin rtags las skyes pa dag ste/ mi dmigs pa ni rang bzhin gyis gtan tshigs kyi nang du 'dus pa'i phyir gnyis zhes bshad do//rjes su dpag par bya ba'i rang bzhin dang rgyu dag shes pa yin pas/ rjes su dpag par bya ba shes pa'o/ /de snang ba nyid ma yin yang zhes bya ba ni rjes su dpag par bya ba'i ngo bo nyid kyi mtshan nyid snang ba ma yin yang ngo //de mi snang ba nyid ni de dngos las ma skyes pa'i phyir ro/ /'o na ji ltar mi 'khrul zhe na/ de las skyes pa'i phyir zhes bya ba smos te/ brgyud de rjes su dpag par bya ba rang bzhin dang rgyu dag las skyes pa'i phyir ro/ /der 'khrul pa med pa dag yin zhes bya ba ni rjes su dpag par bya ba 'khrul pa med pa dag go//rgyu des na tshad ma yin te/ ci dang 'dra zhe na/ mngon sum bzhin no/ /mngon sum gyi tshad ma nyid kyang zhes bya ba la sogs pas ni khyab pa ston te/ don med na med pa nyid yin pas mngon sum gyi tshad ma ni don 'khrul pa med pa kho na yin no/ / de lta ma yin na de med par te/ don med par mngon sum 'byung ba ni der 'khrul pa'i phyir te/ don la slu ba'i phyir ro/ /gzhan gyis mi 'khrul pa yang de las skye ba las gzhan ci zhig yod ces bya ba ni/ gzhan rang bzhin du gyur pa ma yin pa'i rang gzhan dang lhan cig mi 'khrul pa gang yin pa de yang de las skye pa las gzhan ci zhig yod/med pa kho na ste mi 'khrul ba ni de las skye ba kho nar zad do zhes bya ba'i tha tshig go/ /ci'i phyir zhe na/ rag ma las shing 'brel pa med pa'i ngo bo nyid rnams ni/ lhan cig 'byung bar nges pa med pa'i phyir te/ mi 'khrul par nges pa med pa'i phyir ro//de lta bas na mngon sum gyi ma nor ba ni don las skye ba kho na yin pas tshad ma nyid yin la de ni rjes su dpag pa la yang yod pas gnyi ga mtshungs so snyam du bsam pa yin no/ /pha rol pos go ba ste de las skye ba'i phyir zhes bya ba la sogs pa smos te/ bsgrub par bya ba las skye ba'i phyir 'bras bu rgyu'i go bar byed pa yin na zhes bya ba khong nas 'byung ngo / /rnam pa thams cad du go bar bya ba dang go bar byed par thal bar 'gyur te/ me'i khyad par gsal ba la sogs pa yang go bar bya ba yin par 'gyur la du ba'i rdzas nyid la sogs pa yang go bar byed pa yin par 'gyur ro//ci'i phyir zhe na/ rnam pa thams cad du bskyed par bya ba dang skyed par byed pa yod pa'i phyir te/ cha 'ga' zhig gis me skyed par byed pa ma yin pa'am/ du ba bskyed par bya ba ma yin pa ni med do/ /rnam pa thams cad du bskyed par bya ba dang /skyed par byed pa yod pa ni ma yin no/ /ci'i phyir zhe na/ de med par te/ me med par rdzas nyid la sogs pa 'byung ba ste/ 'di ltar rdzas nyid la sogs pa ni du ba ma yin pa gzhan la yang yod pas khyad par med pa'i rdzas nyid la sogs pa de las me rjes su dpag tu mi rung ngo //de bzhin du de med par te/ me la yod pa'i gsal ba la sogs pa'i khyad par de med par du ba tsam 'byung ba ni de las skye bar nges pa med pa'i phyir te/ me la yod pa'i khyad par de las skye bar nges pa med pa'i phyir ro/ /de lta bas na du ba tsam gyis me'i khyad par shes par bya ba ma yin no//gang gi phyir de lta yin pa de'i phyir/ rgyu la rang bzhin ji snyed cig/ ces bya ba la sogs pa smos te/ rgyu la zhes bya ba ni gzhi'i bdun pa yin no/ /rang bzhin zhes bya ba'i sgra ni chos kyi rnam grangs yin te/ rgyu la yod pa'i chos spyir gyur pa ji snyed cig med na mi 'byung ba'i 'bras bu du ba la sogs pa ni de dag gi go bar byed pa'i gtan tshigs yin no zhes bya ba'i tha tshig go//khyad par rnams kyis ni ma yin no/ /ci'i phyir zhe na/ de dag gi 'bras bu nyid du nges pa'i phyir te/ du ba ni du ba la khyab par byed pa'i chos de dag kho na'i 'bras bu nyid du nges pa'i phyir te/du ba ni me la yod pa'i spyi'i chos de dag kho na la ltos nas 'bras bu nyid yin pa'i phyir ro zhes bya ba'i tha tshig go/ /re zhig de ltar na go bar bya ba ni rgyu la yod pa'i chos spyi dag yin no zhes bshad pa yin no//go bar byed pa ni 'bras bu la yod pa'i chos khyad par dag yin no zhes bya bar bstan pa'i phyir/ gang dag de dag med na mi 'byung ba de dag kho nas yin no zhes bya ba smos te/ 'bras bu ni 'bras bu la yod pa'i chos khyad par du ba nyid la sogs pa gang dag rgyu la yod pa'i spyi'i chos de dag med na ni mi 'byung ba 'bras bu la yod pa'i chos de dag kho nas rgyu la yod pa'i chos rnams kyi gtan tshigs yin no//gal te rgyu la yod pa'i spyi'i chos rnams 'bras bu la yod pa'i chos khyad par dag dang / med na mi 'byung ba yin pa'i phyir/ go bar bya ba dang go bar byed pa'i dngos po yin na ni de'i tshe cha shas kyis bskyed par bya ba dang /skyed par byed pa'i dngos por 'gyur te/ me ni spyi'i chos dag kho na skyed par byed pa yin la/ du ba ni chos khyad par kho na bskyed par bya ba yin pa'i phyir ro zhe na/ de ni de lta ma yin te/ 'di ltar des bskyed par bya ba'i khyad par gzung na ste/me la yod pa'i khyad par des bskyed par bya ba du ba la yod pa'i khyad par ni des bskyed par bya ba'i khyad par ro/ /de gzung zhing nges na rgyu la yod pa'i khyad par rnams go bar bya ba nyid yin par 'dod pa'i phyir dang / rtags kyi bye brag ni du ba'i ngo bo nyid do//rdzas nyid la sogs pa gang dag la khyad par bye brag de yod pa de dag gzung na go bar byed pa nyid yin par 'dod pa'i phyir te/ du bas khyad par du byas pa'i rdzas nyid la sogs pa ni me la 'khrul par mi 'gyur ro/ /de la du ba kho na go bar byed pa yin gyi des khyad par du byas pa'i rdzas nyid la sogs pa ni ma yin te/dper na byas pa nyid yin na gzhal bya yin pa'i phyir zhes bya ba la/ byas pa nyid kho na go bar byed pa yin gyi gzhal bya nyid ni ma yin pa lta bu zhig ma yin nam zhe na/ de ni bden te mi 'khrul pa tsam zhig rab tu bstan pa'i phyir de skad du brjod pa yin no//de'i phyir rnam pa gzhan du na rnam pa thams cad du go bar bya ba dang go bar byed pa yod pa'i phyir cha shas kyis bskyed par bya ba dang / skyed par byed pa'i dngos po ma yin no/ /'o na gang gi tshe rtags la yod pa'i spyi'i chos rnams go bar byed pa nyid ma yin zhe na/spyi khyad par du ma byas pa zhes bya ba la sogs pa smos te/ rdzas nyid la sogs pa khyad par du ma byas pa dag brjod par 'dod pa de'i tshe ni 'khrul pa'i phyir de dag go bar byed pa nyid du mi 'dod do / /rang bzhin gyi gtan tshigs kyi dbang du byas nas rang bzhin yod tsam dang zhes bya ba la sogs pa smos te/gtan tshigs yin zhes bya bar sbyar te bya bar sbyar zhes bya ba ni/ de dag gi gtan tshigs yin zhes bya ba de ltar ro/ /de lta bas na bsgrub par bya ba'i rang bzhin gyi ste/ ji lta bu zhig gis she na/ yod tsam dang 'brel ba can gyi gtan tshigs yod pa tsam dang 'brel ba can gyi ngo bo ni gtan tshigs te/rang bzhin gyi gtan tshigs yin no/ /tsam zhes bya ba smos pa ni don gzhan la mi ltos par bstan pa'i phyir ro/ /ci'i phyir rang bzhin gyi gtan tshigs de tsam dang 'brel pa can kho na yin zhe na/ de'i bdag nyid ni zhes bya ba la sogs pa smos so//de tsam dang 'brel pa can kho na'i yin zhes bya ba ni gang gi bdag nyid de yin pa de yod na yod pa kho na'i yin gyi/ gzhan la rag las pa ni ma yin te/ rgyu gzhan la rag las shing phyis 'byung ba can gyi ni de'i bdag nyid ma yin no/ /gal te ci'i phyir zhe na/ de yod na zhes bya ba la sogs pa smos te/ rgyu de yod na yod par ma gyur pa rgyu gzhan la rag las pa'i chos kyi phyis 'byung ba gang yin pa de ni nges pa med pa'i phyir ro/ /rgyu gzhan la rag las shing phyis 'byung ba ni gdon mi za bar 'byung ba ma yin no/ /ci'i phyir zhe na/ rgyu rnams ni 'bras bu la 'khrul pa yod pa'i phyir ro zhes bya ba smos te/rgyu rnams la ni gegs byed par srid pa'i phyir de dag las 'bras bu gdon mi za bar 'byung bar lta ga la 'gyur/ mi dmigs pa'i dbang du byas nas/ tshad ma rnams ni mi 'jug pa/ /zhes bya ba la sogs pa smos te/gang dag mi 'jug pa yin zhe na tshad ma rnams so/ /mang po'i tshig smos pa ni gsal ba'i bye brag gi tshad ma rnams mang ba'i phyir ro/ /yang na lung la ltos pa yin te/ 'di skad du 'og nas kyang lung log pa yang dngos po med pa sgrub par byed pa ma yin no zhes 'byung ngo //tshad ma rnams ldog pa'i mi dmigs pa de nyid med la mi 'jug 'bras bu can te/ yul la sogs pas bskal pa'i dngos po ni yod par tha snyad gdags pa las med pa'i phyir med pa zhes pa'o// //bam po gnyis pa/ mi 'jug 'bras bu can zhes bya ba ni yod pa'i shes pa dang sgra dang tha snyad rnams ni 'jug pa'o//de bkag pa ni mi 'jug pa ste/ gang la 'bras bu de yod pa la de skad ces bya'o/ /de bstan pa'i phyir yod pa'i shes pa dang / sgra dang tha snyad dgag pa'i 'bras bu can yin te zhes bya ba smos te / tha snyad ni sgrub pa'o/ /ci'i phyir zhe na/ yod pa'i shes pa la sogs pa de dag ni dmigs pa sngon du 'gro ba can yin pa'i phyir ro/ /de bas na rgyu med na 'bras bu yang med do snyam du bsam pa yin no/ /yod pa'i shes pa la sogs dgag pa'i 'bras bu nyid 'di ni 'dra ba'i ngo bo yin te zhes bya bar sbyar ro/ /yod pa'i shes pa la sogs pa ni yod pa zhes bya ba'i sgrar brjod do//med pa'i shes pa la sogs pa ni med pa zhes bya ba'i sgrar brjod do/ /yod pa dang med pa ni yod pa dang med pa dag go/ /de gnyis go rims bzhin du dgag pa dang / sgrub pa ni yod pa dang / med pa dgag pa dang sgrub pa ste/ de gnyis kyi gtan tshigs dag go/ /yod pa dgag pa'i gtan tshigs ni bltar mi rung ba mi dmigs pa'o/ /med pa sgrub pa'i gtan tshigs ni dmigs pa'i mtshan nyid kyir gyur pa mi dmigs pa'o/ /de dag ni 'dra ba'i ngo bo yin te/ 'di ltar dmigs pa'i mtshan nyid kyir gyur pa/mi dmigs pa yang yod pa'i shes pa la sogs pa dgag pa sgrub par byed pa kho na yin no/ /ji ltar mi dmigs pa gnyi ga yod pa'i tha snyad dgag pa'i 'bras bu nyid can yin par 'dra ba de bzhin du yang bstan pa'i phyir/ 'di ltar zhes bya ba la sogs pa smos so/ / dmigs pa nyid yod pa yin la de yang gnyis te/ re zhig gang gi tshe las la yod pa'i bya ba yin par brjod pa de'i tshe ni dmigs pa dngos po rung ba'i mtshan nyid yin te/ gang la mtshan nyid dngos po rung ba'i mtshan nyid yod pa de la de skad ces bya'o/ /gang gi tshe byed pa po la yod pa'i bya ba yin pa'i phyogs de la ni de'i rten can gyi shes pa 'jug pa yin te/shes pa 'jug pa gang la rten dngos po rung ba de yod pa de la de skad ces bya'o/ /de ni nye bar btags pa'i phyir yod pa zhes bya'o/ /ci'i phyir zhe na/ de las yod pa'i shes pa dang sgra dang tha snyad dag 'jug pa'i phyir te/de las zhes bya ba ni dmigs pa las so/ /mi dmigs pa ni med pa rnams kyi med pa yin no zhes bya ba ni mi dmigs pa ni de ltar dngos dang nye bar btags pa'i bye brag gis dngos po yod pa'i mtshan nyid kyi dmigs pa las bzlog pa yin te/ bum pa la sogs pas dben pa'i sa gzhi'i mtshan nyid dam de shes pa'i mtshan nyid yin no//de ni med pa rnams kyi med pa yin no/ /de ltar na bltar rung ba mi dmigs na/ dngos po'i dbang gis yod pa log pa rang gi rgyu mtshan can kyi shes pa dang sgra la sogs pa zlog par byed pas dmigs pa'i mtshan nyid kyir gyur pa dag mi dmigs pa kho na med pa rnams kyi med pa yin par rigs na/rang bzhin gyis bskal pa dag go/ /ji ltar te the tshom yod pa'i phyir de dag ni mi dmigs su zin kyang med pa ma yin no zhe na/ de ni bden mod kyi 'on kyang rtogs par byed pa'i dbang gis med pa zhes brjod kyi dngos po'i dbang gis ni ma yin te/rtogs par byed pa ni mi dmigs pa brjod par 'dod pa'i don mi byed pa'i phyir yod kyang med pa dang 'dra bar sems so/ /de bas na don ni 'di yin te/ med pa dang 'dra ba'i med par rang bzhin gyis bskal pa dag mi dmigs pa ni med pa yin pas de'i phyir 'di la yang rtogs par byed pa'i bsam pa'i dbang gis yod pa log pa rang gi rgyu can gyi yod pa'i shes pa la sogs pa zlog par byed do zhes bya ba yin no//gtan tshigs bye brag la ltos nas/ /la la med shes 'bras bu can//zhes bya ba la sogs pa la gtan tshigs ni mi dmigs pa'o/ /de'i khyad par ni gtan tshigs bye brag ste de la ltos pa des na mi dmigs pa la la med pa'i shes pa'i 'bras bu can yin te/ shes pa zhes smos pa ni nye bar mtshon pa yin pas med pa shes pa la sogs pa'i 'bras bu can yin no zhes bya ba'i tha tshig go//la la zhes bya ba ni bltar rung ba mi dmigs pa'o/ /yang gtan tshigs ni gang yin de'i bye brag ni ci zhig ce na gtan tshigs ni zhes bya ba la sogs pa smos so/ /mi dmigs pa de'i bye brag ni khyad par ro/ /de yang dmigs pa'i mtshan nyid kyir gyur pa'i yod pa can yin te/dmigs pa'i mtshan nyid kyir gyur pa'i yod pa can mi dmigs pa'i phyir zhes khyad par du byed pa'i phyir ro/ /yang cis te mi dmigs pas med pa'i shes pa la sogs pa sgrub kyi/ med pa kho na ni ma yin zhe na/ mi dmigs pa'i rtags kyis zhes bya ba la sogs pa smos so//med pa bsgrub par bya ba yin par khas len na yul gang zhig med par sgrub par byed pa de dmigs pa med pa yang mi dmigs pa gzhan gyis bsgrub par bya dgos par 'gyur te/ de yang med pa'i ngo bo nyid yin pa'i phyir ro/ /ji ltar don dmigs pa med pa mi dmigs pa gzhan gyis sgrub par byed pa de bzhin du/dmigs pa dmigs pa med pa yang mi dmigs pa gzhan gyis bsgrub par bya dgos pas thug pa med par thal bar 'gyur ba'i phyir rtogs par byed pa ma yin par 'gyur ro/ /'on te nyes pa der gyur na mi rung zhes te/ dmigs pa med pa ni mi dmigs pa med par rang kho nas 'grub par 'gyur ro zhe na/de bzhin du yod pa med par yang 'gyur te/ yul med par rang rang gis 'grub par 'gyur ro zhes bya ba'i tha tshig go/ /de'i phyir med pa grub par bya ba la mi dmigs pa don med pa yin no/ /ji ste gzhan dmigs pas zhes bya ba ni gzhan bum pa la sogs pas dben pa'i sa gzhi dmigs pas ma dmigs pa 'grub pas mi dmigs pa mngon sum gyis grub ste/gzhan dmigs pa'i mngon sum kho nas grub pa'i phyir ro zhe na/ gal te de lta na ji ltar gzhan dmigs pas mi dmigs pa 'grub pa de bzhin du gzhan yod pas te/don gzhan bum pa la sogs pas dben pa'i sa gzhi la sogs pa yod pas/ grub pas kyang dgag par bya ba'i don med pa ci ste mi 'grub/ de ltar na shes pa med pa bzhin don med pa yang mngon sum gyis sgrub pa'i phyir mi dmigs pa'i rtags kyis dngos po med pa grub par byed pa ni ma yin no//'o na ci zhe na med pa'i tha snyad kho na'o/ /de nyid gsal bar bya ba'i phyir gang gi tshe zhes bya ba la sogs pa smos te/ de lta bu zhes bya ba ni don med pa rnams kyi med pa dmigs su rung ba dmigs pa kho na yin pa de'i tshe med pa'i tha snyad kyi yul mngon sum gyis grub tu zin kyang rmongs pas yul can shes pa dang /sgra dang tha snyad dag khong du mi chud pa'i mi yul rab tu bstan pas med pa'i tha snyad kyi yul med pa bsnyad pas brda ste/ tha snyad la 'jug par byed do/ /dper bstan pa dper na zhes bya ba la sogs pa smos so/ /ba lang ni lkog shal la sogs pa 'dus pa'i bdag nyid kho na yin te/de'i phyir de la ba lang nyid ni mi sgrub kyi 'on kyang tha snyad sgrub po/ /de lta yin dang zhes bya ba ni/ gang gi phyir tha snyad sgrub pa de kho nas dpe ma grub par rgol ba yang bstsal cing spangs pa yin no/ /mi dmigs pa'i rtags kyis med par bsgrub par bya ba yin na/phyogs kyi chos gang gis bsgrub par bya ba de kho nas dpe'i chos can yang bsgrub par bya ba yin na ni de la dpe gzhan dgos pas thug pa med par 'gyur ro/ /tha snyad bsgrub par bya ba'i chos can med pa bsgrub par bya ba'i de kho nas bdag nyid ji lta ba'i yul la sngon du zhugs pa'i tha snyad thams cad dpe nyid yin no//yul rtogs na yul can yang rtogs pa kho na nyid yin te/ de'i phyir tha snyad kyang ji ltar bsgrub par bya ba nyid yin zhe na/ yul rtogs su zin kyang zhes bya ba la sogs pa smos te/ 'jig rten na yang gang dag yul rtogs su zin kyang yul can mi rtogs par de lta bu dag snang ngo //de ltar na zhes bya ba la sogs pas mjug sdud de/ de ltar bshad pa'i rim pas na bltar rung ba dang bltar mi rung ba'i mi dmigs pa 'di gnyis ni yod pa'i tha snyad dgag pa'i 'bras bu can nyid du 'dra'o/ / ji ltar zhe na rang dang bzlog pa'i gtan tshigs med pa dang yod pa dag gi phyir te/ rang zhes bya ba'i sgras ni yod pa'i shes pa la sogs pa bstan to/ /bzlog pa zhes bya ba'i sgras ni med pa'i shes pa la sogs pa'o/ /rang dang bzlog pa ni rang dang bzlog pa dag go/ /de gnyis kyi rgyu ni rang dang bzlog pa'i rgyu dag ste/yod pa'i shes pa la sogs pa'i rgyu dang / med pa'i shes pa la sogs pa'i rgyu'o/ /de la rang gi rgyu ni dmigs pa'o/ /bzlog pa'i rgyu ni bltar rung ba'i yul mi dmigs pa'o/ /de gnyis med pa dang yod pa ni rang dang bzlog pa'i rgyu med pa dang yod pa dag ste/de dag gi phyir ro/ /gcig la ni zhes bya ba'i bltar mi rung ba'i yul gyi mi dmigs pa la ste/ rang bzhin la sogs pas bskal pa'i don ni the tshom yod pa'i phyir rang gi rgyu med pa yin no/ /de'i phyir 'di la rgyu med pa'i phyir yod pa'i tha snyad med pa yin no/ /gzhan la ni zhes bya ba ni bltar rung ba mi dmigs pa la'o//bzlog pa'i phyir te med par nges pa'i phyir bzlog pa ste/ yod pa'i tha snyad las bzlog pa med pa'i tha snyad kyi rgyu yod do/ /de'i phyir 'di la yod pa'i tha snyad las bzlog pa med pa'i tha snyad kyi rgyu yod pas na yod pa'i tha snyad med par 'grub po/ /gal te bltar mi rung ba mi dmigs pa la the tshom yod na de ji ltar tshad ma yin zhe na/de la dang po ni zhes bya ba la sogs pa smos te/ de la zhes bya ba ni mi dmigs pa gnyis kyi nang nas so/ /dang po zhes bya ba ni bltar mi rung ba'i yul mi dmigs pa'o/ /yod pa'i tha snyad dgag par dgos pa'i phyir ro zhes bya ba ni yod pa'i tha snyad 'gog pas 'bras bu dang bcas pa nyid kyi phyir zhes bya ba'i tha tshig go//ldog pa mthong ba ni med pa shes pa'o/ /stsogs pa zhes bya ba smos pas ni sgra dang tha snyad bsdu ba'o/ /gnyis pa ni zhes bya ba ni bltar rung ba'i yul mi dmigs pa'o//de la zhes bya ba ni ldog pa mthong ba la sogs pa la'o/ /yul bltar rung ba mi dmigs pa de yang sbyor ba'i bye brag gis ni rnam bzhi zhes bya ba de dang sbyar ro/ /'gal ba dang 'gal ba'i 'bras bu zhes bya ba yin te/ mi 'dra ba dag la gcig lus par byas pa yin no//grub pa ni dmigs pa ste bltar rung ba'i bdag nyid dag ces bya ba ni 'dir yang sbyar bar bya'o/ /'dis ni rang bzhin 'gal ba dmigs pa dang 'gal ba'i 'bras bu dmigs pa dang gnyis bstan to/ /rgyu dang ngo bo bltar rung ba'i bdag nyid dag ni ma grub pa zhes bya ba dmigs pa'i mtshan nyid kyir gyur ba'i rgyu dang rang bzhin dag mi dmigs pa zhes bya ba'i tha tshig go//'dis kyang rgyu mi dmigs pa dang / rang bzhin mi dmigs pa dang gnyis bstan pas rnam pa bzhi yin no/ /med don can zhes bya ba ni med pa'i yul can dang / med pa'i tha snyad kyi yul can zhes bya ba'i tha tshig go//'gal ba dang 'bras bu grub pa dang zhes bya ba 'dir mi dmigs pa zhes bya ba mi grag pa yin nam ji ltar na 'di gnyis pa mi dmigs pa nyid yin zhe na dgag pa gang ji snyed pa zhes bya ba la sogs pa smos so/ /'di ltar de ni zhes bya ba ni dgag pa ste/don 'ga' zhig sgrub pas sam/ don 'ga' zhig dgag pas so/ /sgrub par byed na ni 'gal ba'am mi 'gal ba bsgrub par 'gyur te/ mi 'gal ba sgrub na ni dgag par bya ba dang bsgrub par bya ba dag lhan cig yod par 'gal ba med pa'i phyir/ dgag par 'dod pa bkag pa ma yin no/ /'gal ba la yang zhes bya ba la sogs pa 'byung ba ni gal te de na rang dang 'gal ba mi dmigs par gyur na de lta na 'di 'gal ba yin no/ /'di ltar zhes bya ba la sogs pas ni de nyid bstan te/ rgyu ma gtugs pa can zhes bya ba ni rgyu ma zad pa can no//'byung ba ni skye ba ste 'gal ba nye ba'i sngon rol na zhes bya bar shes par bya'o/ /gzhan yod na de 'gal ba yod par gyur na med pa'i phyir/ de gnyis phan tshun 'gal bar rtogs so/ /'di ltar de nye ba kho nas de'i rgyu ma tshang bar 'gyur ro zhes bya bar shes so//de yang zhes bya ba ni gzhan yod na med pa yang mi dmigs pa las yin te/ 'di ni lhan cig mi gnas pa'i mtshan nyid kyi 'gal ba bstan to/ /gnyis pa bstan pa'i phyir phan tshun dmigs pa zhes bya ba la sogs pa smos te/ phan tshun dmigs pa ni phan tshun rtogs pa'o//de spangs pa ni dben pa ste/ gang dag la de lta bur gnas pa'i mtshan nyid yod pa de dag la de skad ces bya'o/ /de dag gi ngo bo ni phan tshun dmigs pa spangs te gnas pa'i mtshan nyid yin te de yang 'gal ba yin no/ /kyang zhes bya ba'i sgra ni bsdu ba yin no/ /rtag pa dang mi rtag pa bzhin no zhes bya ba ni dpe'o//gal te 'gal ba dang po la yang phan tshun spangs pa yod pa kho na la/ gnyis pa la yang lhan cig mi gnas pa yod pa kho na ma yin nam/ 'di ltar chos gang dag kho na lhan cig mi gnas pa de dag kho na 'gal ba gnyis pa yin te/ 'di ltar gzugs dang ro dag la ni 'di mi 'dod na de ci'i phyir 'gal ba gnyis bshad ce na/bden mod kyi yul rnam par dbye ba'i phyir te/ 'gal ba snga ma ni bltar rung ba'i dngos po'i yul can kho na yin la/ gnyis pa ni dngos po med pa'i yul can yang yin la bltar mi rung ba'i yul can yang yin no//de la yang zhes bya ba ni bshad ma thag pa'i 'gal ba la yang ngo / /gcig dmigs pas te/ zla bo gcig dmigs pas na gzhan mi dmigs pa kho nar te/ dgag par bya ba mi dmigs pa kho nar shugs kyis brjod do/ /de lta ma yin na zhes bya ba ni gal te gcig dmigs pas gzhan mi dmigs par mi brjod na de'i tshe gcig dmigs su zin kyang dgag par bya ba dmigs pa ma bkag pa can gang yin pa de med pa mi 'grub pa'i phyir ro//de lta bas na 'gal ba gnyis ka yang mi dmigs pas byas pa'i phyir 'gal ba mi dmigs pa la sogs pa bsgrub pa'i sgo nas rab tu sbyar kyang mi dmigs pa'i rang bzhin kho na yin no//gang la gcig bkag pas gzhan 'gog pa de la ni mi dmigs pa nyid gsal ba kho na yin pas/ /gcig bkag pas zhes bya ba la sogs pa smos so/ /ci'i phyir zhe na/ dgag pa ni zhes bya ba la sogs pa smos so/ / don gzhan dgag pa bsgrub par bya ba de la yang rgyu dang 'bras bu dag dgag pa'i gtan tshigs yin par 'gyur ba'am/ gnyi ga ma yin pa ste/ rgyu yang ma yin 'bras bu yang ma yin pa zhig dgag pa'i gtan tshigs yin par 'gyur te/ de la zhes bya ba ni tshig gi phrad dam dmigs kyis bstsal ba'o//gnyi ga ma yin pa ste rgyu yang ma yin la 'bras bu yang ma yin pa'i bdag nyid ni dgag par bya ba dang lhan cig 'brel pa med pa'i phyir de med na ste 'brel pa med pa med na gzhan zhes bya ba ste/ dgag par bya ba 'dod pa med par 'gyur ro zhes bya ba der lta ga la 'gyur/ 'bras bu mi dmigs kyang de med par lta ga la 'gyur zhes bya bar sbyar te/de med par zhes bya ba ni rgyu med par ro/ /ci'i phyir med pa ma yin zhe na/ gdon mi za bar de dang ldan pa ma yin pas zhes bya ba la sogs pa smos te/ de dang ldan pa zhes bya ba ni 'bras bu dang ldan pa ste/ ma tshang ba dang gegs byed pa srid pa'i phyir ro//'di ni rgyu tsam smos nas bshad par zad de rgyu nus pa thogs pa med pa ni/ 'bras bu med pa las med par rtogs par 'gyur ba kho na'o/ /gang gi phyir gnyi ga ma yin pa dang 'bras bu mi dmigs pa go bar byed pa ma yin pa de'i phyir zhes bya ba la sogs pa yin te/ 'brel pa'i phyir rgyu mi dmigs pa kho na 'bras bu med pa go bar byed pa yin no zhes bya bar shes so//gal te rang bzhin mi dmigs pa yang med pa'i gtan tshigs yin pa'i phyir nges par gzung ba rigs pa ma yin no zhe na/ bshad pa rang bzhin mi dmigs pa ni rang gi ngo bos med pa kho na ste/ 'di la don gzhan med par sgrub par mi byed do//rang bzhin gzhan dgag pa bsgrub par bya ba la ni rgyu mi dmigs pa kho na yin no zhes nges par gzung ste/ de'i phyir gnod pa med do snyam du bsam pa yin no/ /'o na de la ci zhig sgrub par byed ce na 'ba' zhig tu zad do zhes bya ba la sogs pa smos te/de la zhes bya ba ni rang bzhin mi dmigs pa la'o/ /yul can zhes bya ba ni med pa'i shes pa la sogs pa'o/ /'di la yang zhes bya ba ni rang bzhin mi dmigs pa la ste/ gang gi tshe khyab par byed pa'i chos gang yin pa de mi dmigs pas khyab par bya ba med par ston te/dper na 'di na shing sha pa med de shing med pa'i phyir ro zhes bya ba lta bu yin pa de'i tshe ni khyab par bya ba med pa yang sgrub par byed pa yin no/ /yang zhes bya ba'i sgras ni tha snyad kyang sgrub par byed do/ /yang 'di la ji ltar med pa sgrub par byed/ 'di ltar gang zhig gis shing gis dben pa'i sa gzhi dmigs pa las shing med par rtogs pa des ni/shing sha pas dben pa'i sa gzhi dmigs pa las kyang shing sha pa med pa yang rtogs so zhe na/ phyogs gcig tsam na shing dang shing sha pa dmigs pa'i mtshan nyid kyir gyur pa dag yin pa de kho na tsam na shing mi dmigs pas shing sha pa med par sgrub par byed do zhes pa ni mi smra'o//'on kyang gang na shing tsam nges par gzung bar nus kyi/ khyad par shing sha pa la sogs pa ni ma yin pa'i phyogs de tsam na gang gi tshe shing sha pa med par rtogs par 'dod pa de'i tshe shing mi dmigs pas shing sha pa med par sgrub par byed do//der shing sha pa ni rang bzhin mi dmigs par rnam par gzhag par mi nus te/ de na shing sha pa dmigs pa'i mtshan nyid kyir gyur pa ma yin pa'i phyir ro/ /gzhan dag na re mi rtag pa nyid dang byas pa nyid dag ni khyab par bya ba dang khyab par byed pa'i ngo bor grub pa yin la/gang gi tshe ldog par bstan par bya ba las khyab par byed pa mi rtag pa nyid med pas byas pa nyid med par ston pa de'i tshe/ khyab par byed pa mi dmigs na med pa 'grub po zhes bya bar sems so/ /'di ni zhes bya ba la sogs pas ni/ me don can zhes bya ba la sogs pa'i tshig le'ur byas pa'i cha ston to//'gal ba grub par zhes bya ba ni rang bzhin 'gal ba dmigs pas so/ /rang bzhin 'gal ba dmigs pa dper brjod pa 'dis ni khyab par byed pa 'gal ba 'grub pa yang bshad par rig par bya'o/ / dper na zhes bya ba la sogs pa ni dper brjod pa yin te/ ba mo ni kha ba dang ldan pa'i grang ba'i reg pa'i khyad par kho na yin no/ /de la khyab par byed pa ni grang ba yin no/ /de dang 'gal ba ni me yin te de la mes 'gal ba grang ba zlog par byed pa na des khyab par bya ba ba mo'i reg pa yang zlog par byed pas don gyis na 'di rang bzhin 'gal ba dmigs par 'dus pa yin no//'di ni grang ba'i reg pa med de du ba yod pa'i phyir ro zhes bya ba ni grang ba dang 'gal ba ni me'o/ /de'i 'bras bu ni du ba'o/ /des ni me nye bar 'jog par byed la/ des kyang grang ba sel bar byed do//re zhig de ltar na de ni 'gal ba dang 'bras bu dag grub pa zhes bya ba rnam par bshad pa yin no/ /de ni rgyu dang ngo bo dag ma grub pa zhes bya ba de dpe brjod pa'i tshul gyis ston te/ rgyu ma grub pas zhes bya ba ni rgyu mi dmigs pas so/ /'di na du ba med de me med pa'i phyir ro zhes bya ba ni du ba'i rgyu ni me'o//me med pa ni des dben pa'i sa gzhi la sogs pa'o/ /'di la yang phyogs gang na me dang du ba dmigs pa'i mtshan nyid kyir gyur pa dag mi dmigs pa de na me med pa bzhin du/ du ba med pa yang rang bzhin gyis mi dmigs pa kho nas nges pa yin pas de la rgyu mi dmigs pa sbyor ba ni ma yin no//'on kyang mtsho chen po la sogs pa gang na rlangs pa 'thul ba la sogs pa du ba dang 'dra bas bslus pa dang rang bzhin mi dmigs pa las du ba med par nges par gzung mi nus la/ me med par ni nges par zin pa de kho nar rgyu mi dmigs pa med par bsgrub pa yin no//rang bzhin ma grub pas zhes bya ba ni rang bzhin mi dmigs pas so/ /'di na du ba med de mi dmigs pa'i phyir ro zhes bya ba ni/ dmigs pa'i mtshan nyid kyir gyur pa zhes bya bar blta bar bya'o/ /'dis ni zhes bya ba ni/ rang bzhin mi dmigs pa'i sbyor bas so//khyab par byed pa yang yin la rang bzhin yang yin te/ de ma grub pa'i mi dmigs pa yang bshad de/ dper na 'di na shing sha pa med de shing med pa'i phyir ro/ /shing gi dngos pos ni shing sha pa la khyab pa ste/ shing sha pa ni shing gi khyad par kho na yin pa'i phyir ro//med pa sgrub pa zhes bya ba la med pa dang med pa'i tha snyad ni med pa'i sgrar bshad med pa sgrub pa dang med pa'i tha snyad bsgrub pa zhes bya ba'i tha tshig go/ /thams cad la yang zhes bya ba ni bsgrub pa'i sgo dang dgag pa'i sgo nas sbyar ba'o//de dag dang 'gal ba dag grub pa dang ma grub pa zhes bya ba ni go rims bzhin du sbyar ba ni ma yin no/ /'on kyang ci rigs par te/ gang dag med pas med pa sgrub par byed pa/ rgyu la sogs pa bltar rung ba'i bdag nyid de dag kho na ma grub pa dang / de dag dang 'gal ba ste/dgag par bya ba'i don dang 'gal ba rang bzhin 'gal ba la sogs pa bltar rung ba'i bdag nyid dag kho na grub pa'i rtags nyid yin par rig par bya'o/ /'dir yang bltar rung ba'i bdag nyid dag ces bya ba dang / de dang 'gal ba dag ces bya ba'i drug pa dag gzhi mthun pa ni ma yin te/grub pa zhes bya ba'i sgra kho nas bltar rung ba'i bdag nyid du grub pa'i phyir ro/ /bltar mi rung ba'i bdag nyid rnams ni dmigs pa med do/ /'on kyang 'di skad du gal te de dang 'gal ba dag dgag par 'dod pa bltar rung ba'i bdag nyid rnams dang mi mthun pa yin na de dag grub pa'i rtags nyid yin no zhes bya bar sbyar bar bya'o//ci'i phyir zhe na/ rgyu la sogs pa bltar mi rung ba'i bdag nyid gzhan dag ni med pa yang mi 'grub pa'i phyir la/ dgag par 'dod pa bltar mi rung ba'i bdag nyid rnams ni rang bzhin 'gal ba la sogs pa dang /'gal ba yang mi 'grub pa'i phyir ro/ /gzhan gyis gal te zhes bya ba la sogs pa smras te/ grang ba dang 'gal ba me'i 'bras bu du ba ste/ de dmigs pas kyang grang ba med pa 'grub na/ de'i rgyu dmigs pas te grang ba dang 'gal ba me de'i rgyu shing la sogs pa gang yin pa de dmigs pas grang ba med pa ci ste 'grub par mi 'gyur zhe na slob dpon gyis de dang 'gal ba'i zhes bya ba la sogs pa smos te/grang ba'i reg pa de dang 'gal ba me'i rgyu mtshan shing la sogs pa de dmigs pa sbyor ba gang yin pa de ni 'khrul pa can yin no//nam zhe na rgyu mtshan dag ni 'gal ba nyid med na ste/ me dang grang ba'i rgyu mtshan dag 'gal ba med pa yin na'o/ /dper brjod pa dper na zhes bya ba la sogs pa smos te/ ji ltar me'i rgyu shing tsam yin pa ltar grang ba'i yang de dang 'dra bas rgyu mtshan la 'gal ba med do//me skyed par byed pa'i shing nus pa thogs pa med pa gang yin pa de ni grang ba'i rgyu mtshan dang 'gal mod kyi/ 'on kyang shing de lta bu de ni 'bras bu mthong ba kho nas nges pa'i phyir 'bras bu 'gal ba kho nar 'gyur ro/ /rgyu mtshan dag 'gal na ni rgyu dmigs pa go bar byed pa kho na yin te/dper na skyes bu 'di la ba spu langs pa la sogs pa khyad par med de/ stsogs pa zhes bya ba'i sgras ni so thams thams byed pa dang 'dra ba la sogs pa bsdu'o/ /khyad par zhes bya ba smos pas ni grang ba'i 'bras bu rnams bsdu ba'i phyir te/ de dag sha za la sogs pas 'gyur ba'i byas pa yang yod pas so//skyes bu gang la me'i khyad par nye bar yod pa de la de skad ces bya'o/ /de'i ngo bo ni nyid de de'i phyir ro/ /'dir yang khyad par zhes bya ba smos pas ni me ji lta bu zhig gis ba spu langs pa la sogs pa sel bar byed nus pa de lta bu bsdu ba'i phyir ro//'dir ni tsha ba'i rgyu mtshan med dang / ba spu langs pa la sogs pa'i rgyu grang bar 'gal ba yod de/ de lta bas na rang dang 'gal ba'i grang ba sel ba ni de'i 'bras bu ba spu langs pa la sogs pa yang sel bar byed do/ /rgyu 'gal ba dper brjod pa 'dis ni de'i 'bras bu las kyang zhes bya ba ni 'gal ba'i 'bras bu gang yin pa de las kyang de dang 'gal ba'i 'bras bu med par rtogs par bshad pa yin te/'gal ba gang zhig gi 'bras bu dmigs na de dang 'gal ba zla bo gnyis pa gang yin pa de ni de dang 'gal ba yin te/ de'i 'bras bu gang yin pa de med par rtogs par bshad pa yin no/ /dper na zhes bya ba la sogs pa ni dper brjod pa yin te/ phyogs gang la grang bas byas pa'i ba spu langs pa la sogs pa'i khyad par gang yin pa de dang ldan pa'i skyes bu gang yin pa de yod pa de la de skad ces bya'o//phyogs smos pas ni du ba yod pa'i phyir zhes bya ba 'di phyogs kyi chos nyid yin par bstan pa'i phyir te/ skyes bu chos can yin na ni phyogs kyi chos gtan tshigs ma yin par 'gyur te/ du ba ni phyogs kyi chos yin pa'i phyir te/ 'di la ni grang ba dang 'gal ba me'i 'bras bu dmigs pas me dang 'gal ba grang ba'i 'bras bu spu langs pa la sogs pa med par rtogs par 'gyur te/du bas ni me 'jog par byed cing des ni grang ba zlog par byed la de bzlog pa na rang gi 'bras bu ba spu langs pa la sogs pa zlog par byed pas don gyis na 'di ni rgyu 'gal ba dmigs pa yin no//de dang 'gal ba grub pa 'di yang zhes bya bar sbyar te/ rgyu 'gal ba dmigs pa zhes bya ba'i tha tshig go/ /gong du zhes bya ba ni mod las rab tu dbye ba rnam pa bzhi bstan par ro/ /rgyu ma grub pa kho nas zhes bya ba ni rgyu mi dmigs pa kho na ste/'di ltar rgyu 'gal ba dmigs pas ni dgag par bya ba'i rgyu med pa kho nar ston par byed do/ /phyogs 'di nyid kyis na rgyu ma grub pa kho nas rgyu 'gal ba'i 'bras bu dmigs pa yang bshad pa yin no/ /de ltar na mi dmigs pa 'di ni zhes bya ba la sogs pa ni rtsa ba'i rab tu dbye bas rnam pa bzhi yin yang /bar skabs kyi sbyor ba'i rab tu dbye bas rnam pa brgyad du 'gyur te/ 'di ltar rang bzhin 'gal ba dmigs pa'i rab tu dbye ba ni khyad par byed pa 'gal ba dmigs pa yin par bshad do/ /rang bzhin mi dmigs pa'i ni khyad par byed pa mi dmigs pa'o/ /rgyu mi dmigs pa ni rgyu 'gal ba dmigs pa dang rgyu 'gal ba'i 'bras bu dmigs pa'o//'gal ba'i 'bras bu dmigs pa ni rnam pa gcig ste/ de ltar na rnam pa brgyad yin no/ /re zhig 'dir rnam pa brgyad du bshad kyi mi dmigs pa 'di ni rnam pa bcu gcig yin no/ /mal khang la sogs pa ni me shi nas ring mo zhig lan pa'i du ba yang yod pa yin nam/ji ltar 'gal ba'i 'bras bu dmigs pa mi 'khrul zhe na/ de'i phyir de la zhes bya ba la sogs pa smos te/ 'gal ba'i 'bras bu de la yang yul dang dus la sogs pa la lhos par 'dod do/ /nam mkha' la du ba 'thul bas 'di na grang ba med de gang gi tshe/med ltar gyi yin par gyur pa'i dus 'ga' zhig na'o zhes bya ba ni dus la ltos pa'o/ /'di na grang ba med de gang na gang las du ba 'di byung ba'i me nye ba'i yul 'ga' zhig na'o zhes bya ba ni yul la ltos pa yin no/ /stsogs pa zhes bya ba'i sgras ni gnas skabs kyi khyad par bsdus te/me nye ba'i du ba ni gnas skabs kyi khyad par gang zhig mthong ba de la ltos te/ yang da ltar gyi dus su grang ba med par rjes su dpog bar byed do/ /yang zhes bya ba'i sgra ni 'di na me yod de du ba yod pa'i phyir ro zhes bya ba lta bu 'bras bu'i gtan tshigs la yang yul dang dus la sogs pa la ltos pa 'di kho na bsdu ba'i phyir ro//gzhan du zhes bya ba ni gal te yul dang dus la sogs pa la ltos pa ma yin na de'i tshe 'gal ba'i 'bras bu 'khrul par 'gyur ro/ /ci dang 'dra zhe na mi grang ba bsgrub pa la ni thal ba bzhin/ dper na mi grang ba bsgrub pa la ste grang ba med par bsgrub par bya ba la yul dang dus la sogs pa la mi ltos pa'i thal ba 'khrul pa yin pa de dang 'dra'o//gzhan gyis 'o na rgyu tshogs pas zhes bya ba li sogs pa smras te/ tshogs pas zhes bya ba ni nye ba ma nyams pas so/ /dper na rgyu spun gyis gnas skabs kyi skud pa byed pa dang ldan pa'i skyes bus zin pa dag mthong nas 'bras bu ras yug 'byung bar rjes su dpog par byed pa lta bu'i rgyu zhes bya ba'i gtan tshigs de ji ltar gtan tshigs rnam pa gsum po rang bzhin dang 'bras bu dang rang mi dmigs pa zhes bya ba'i nang du 'du/re zhig mi dmigs pa'i nang du ni ma yin te/ yod pa bsgrub pa yin pa'i phyir ro//'bras bu'i gtan tshigs kyi nang du yang ma yin te/ rgyu'i rang bzhin yin pa'i phyir ro/ /rang bzhin gyi gtan tshigs kyi nang du yang ma yin te/ rgyu don gzhan gyis 'bras bu don gzhan rjes su dpog pa'i phyir ro zhe na/ nang du bsdu ba bstan pa'i phyir/ rgyu tshogs pas 'bras bu skye bar rjes su dpog pa gang yin pa zhes bya ba la sogs pa smos te/'di skad du de la 'bras bu 'byung ba kho na rjes su dpog pa ma yin gyi 'on kyang rgyu tshogs pa rnams kyis 'bras bu skyed par rung ba nyid kyi khyad par ro/ /tshigs su bcad pa las 'bras bu skye zhes bya ba 'byung ba yang rgyu'i rung ba nyid kho na la bya ste/'di la 'bras bu skye bar 'gyur bas so/ /de'i phyir de ni rang bzhin yin par brjod/ rung ba nyid kyi mtshan nyid kyi chos de ni rgyu tshogs pa de'i rang bzhin yin par brjod do/ /ci'i phyir rang bzhin yin par brjod ce na/ don gzhan la ni mi ltos phyir rgyu tshogs pa de ni rgyu gzhan la mi ltos pa'i phyir ro//de nyid bstan pa'i phyir 'di yang zhes bya ba la sogs pa smos te/ 'di yang zhes bya ba ni rgyu tshogs pa'o/ /rgyu'i tshogs pa ji ltar nye ba las rgyu gzhan la mi ltos te/ gtan tshigs des na de'i de tsam dang 'brel pa ste/rgyu tshogs pa tsam dang 'brel pa'i rang bzhin yin no/ /gang gi yin zhe na ngo bo'i ste rgyu tshogs pa'i yin no zhes bya ba'i tha tshig go/ /'di ltar de la ni rgyu dag tshogs na rtags rgyu tshogs pa las 'bras bu 'byung bar srid pa rjes su dpog par byed do/ /'di las srid pas na srid pa ste/ 'bras bu skyed par rung ba nyid rjes su dpog par byed de zhes bya ba'i tha tshig go//de nyid gsal bar bya ba'i phyir tshogs pa rnams kyis 'bras bu bskyed par rung ba nyid rjes su dpog pa'i phyir ro zhes bya ba smos so/ /rung ba nyid kyang tshogs pa tsam dang 'brel pa yin pas zhes bya ba ni rgyu gzhan la mi ltos pa'i phyir ro//de la 'dir tshogs pa 'bras bu ma bskyed pa rnams ni rung ba nyid du bsgrub par bya ba yin no/ /tshogs pa yin pa'i phyir zhes bya ba ni spyi'i gtan tshigs yin no/ /'bras bu bskyed zin pa rnams ni dpe yin no/ /sbyor ba ni rgyu zad par tshogs pa gang dang gang yin pa de dang de ni skad cig ma phyi ma phyi ma yongs su gyur pas 'bras bu bskyed par rung ba nyid yin te/dper na rgyu tshogs pa 'bras bu bskyed zin pa dag lta bu'o/ /'di yang rgyu zad par tshogs pa yin pas rang bzhin gyi gtan tshigs yin no/ /gzhan gyis yang ci'i phyir zhes bya ba la sogs pa smras te/ tshogs pa las 'bras bu kho na ji ste rjes su dpog par mi byed/'di la ni brtag pa gnyis yod de/ nus pa thogs pa med pa'i rgyu las 'bras bu rjes su dpag gam byed rgyu'i rgyu las rjes su dpag /re zhig phyogs dang po ni ma yin te/ de la ni dus su sdod pa med pa'i phyir 'bras bu byung ba mngon sum kho nar 'gyur ro//gnyis pa la yang 'khrul par bstan pa'i phyir/ tshogs pa'i 'bras bu'i nus pa rnams zhes bya ba la sogs pa smos te/ de dag ni tshogs pa'i 'bras bu yang yin la nus pa yang yin pas/ tshogs pa'i 'bras bu'i nus pa rnams so/ /'di ltar tshogs pa snga ma las phyi ma nus pa'i mtshan nyid skye la de'i bdag nyid phul du byung ba yang nus pa yin pas tshogs pa'i 'bras bu nus pa yin no//de rnams 'gyur ba ni phyi ma phyi ma rgyun gyis 'byung ba ste/ de dang 'brel cing de la ltos pa'i 'bras bu rgyus rjes su dpag par bya ba ni nges pa nyid yin no/ / ci'i phyir zhe na/ gegs byed pa dag srid pa'i phyir ro/ /de bstan pa'i phyir rgyu'i rdzas zhes bya ba la sogs pa smos te/ rgyu'i rdzas tshogs pa dag kho na ste/ nye ba dag kho na rang gi 'bras bu skyed par byed cing 'byin par byed pa ni ma yin no/ /ci'i phyir skyed par byed pa ma yin zhe na/ tshogs pa las skye ba can gyi zhes bya ba la sogs pa smos te/nus pa gang dag la tshogs pa las skye ba yod pa de dag gi 'gyur ba ni skad cig ma snga ma snga ma las skad cig ma phyi ma phyi ma khyad par du 'phags pa 'byung ba ste/ 'bras bu skye ba ni de la ltos pa'i phyir ro/ /bar 'dir zhes bya ba ni rgyun 'gyur ba'i tshe gegs byed pa srid pa'i phyir ro//rung ba nyid kyang skad cig ma phyi ma phyi ma 'gyur ba la rag las pa ma yin nam/ de la yang gnod pa srid pa'i phyir ji ltar de rjes su dpag ce na/ rung ba nyid ni zhes bya ba la sogs pa smos so/ /rdzas gzhan la mi ltos pa'i phyir te/ rgyu'i tshogs pa nye ba la ma gtogs pa rgyu gzhan la mi ltos pa'i phyir ro//de nyid gsal bar bya ba'i phyir nus pa phyi ma phyi ma 'gyur bas zhes bya ba la sogs pa smos te/ skad cig ma snga ma snga ma rgyur byas nas/ nus pa'i skad cig ma phyi ma phyi ma skye ba ni nus pa phyi ma phyi ma 'gyur ba'o/ /rnam pa des na rgyu tshogs pa 'di 'bras bu bskyed par nus pa yin no//ci'i phyir zhe na/ nus pa 'gyur ba'i rkyen zhes bya ba la sogs pa smos te/ nus pa 'gyur ba'i lhan cig byed pa'i rkyen gzhan gang yin pa de la ltos par bya ba med pa'i phyir ro/ /'o na nus pa 'gyur ba ci zhig las skye zhe na/ rang gi rigs snga ma zhes bya ba la sogs pa smos te/rang gi rigs snga ma ni rgyu'i tshogs pa snga ma 'dra ba ste/ nus pa skye ba gang la rgyu de tsam yod pa de la de skad ces bya'o/ /de'i ngo bo ni nyid de de'i phyir ro/ /de'i phyir na rung ba nyid ni gzhan la mi ltos pa zhes bya'o/ /'o na rgyu dang 'bras bu zhes bya ba la sogs pas ni yang de ni rnam gsum nyid ces bya ba 'di 'gal bar ston te/rgyu dang 'bras bur ma gyur pa/ rjes su dpag par bya ba'i don las gzhan pa ro la sogs pas so/ /sogs pa zhes bya ba'i sgras ni dri la sogs pa bsdu'o/ /gzugs la sogs pa rtogs pa ste/'dir yang sogs pa zhes bya ba'i sgras ni rig pa la sogs pa bsdus te/ mun khung nam du lung ga la sogs pa'i ro myangs pa dang / me tog tsam pa ka la sogs pa'i dri bsnams pa dang / me'i reg pa nyams su myong nas de dag gi gzugs spyi rjes su dpag par byed pa de bzhin du me'i gzugs mthong nas de'i reg pa yang rjes su dpog par byed na de ji ltar gtan tshigs rnam pa gsum gyi nang du 'du zhes bya bar skabs dang sbyar ro//'bras bur gyur pa ma yin pas rjes su dpog pa'i phyir 'bras bu'i gtan tshigs kyi nang du ni ma yin no/ /rgyur gyur pa ma yin pa'i phyir rang bzhin gyi gtan tshigs kyi nang du yang ma yin te/rgyu las rjes su dpog na ni rung ba nyid rjes su dpog pa'i phyir rang bzhin gyi gtan tshigs nyid du 'gyur ro/ /rjes su dpag par bya ba'i don las gzhan pas rjes su dpog pa'i phyir rang bzhin gyi gtan tshigs kyi nang du yang ma yin no zhe na/ grub pa'i mtha' smra bas/de yang zhes bya ba la sogs pa smos te/ rtogs pa de yang zhes bya bar sbyar ro/ /gzugs la sogs pa zhes bya bar khyad par ji lta bu can zhig ce na/ tshogs pa gcig la rag las pa ste/ ro skyed par byed pa'i tshogs pa gang yin pa'i tshogs pa de kho na la rag las pa rtags ros rtogs pa gang yin pa de ni rgyu'i chos rjes su dpag pas te/ro'i rgyu nye bar len pa snga ma gang yin pa de'i chos gzugs bskyed par bya ba lhan cig byed pa'i rgyu thogs pa med pa nyid gang yin pa de rjes su dpag pas yin no/ /'di skad du ro las dngos su gzugs rjes su dpog pa ni ma yin no/ / 'on kyang ro'i rgyu kho na gzugs kyi lhan cig byed pa'i rgyu nus pa thogs pa med pa nyid rjes su dpog par byed pa de de'i phyir 'bras bu las rgyu rjes su dpog pas 'bras bu'i gtan tshigs kyi nang du 'du'o zhes bshad pa yin no/ /du bas bud shing 'gyur ba bzhin/ /zhes bya ba ni du ba las bud shing gi 'gyur ba rjes su dpog pa bzhin no//'di la du ba dang bud shing gi 'gyur ba ni tshogs pa gcig la rag las pa dag yin te/ mes bskyed par bya ba yin pa'i phyir ro/ /ro de la du bas rang gi rgyu me kho na rjes su dpog par byed pa na/ bud shing gi 'gyur ba skyed par nus pa rjes su dpog par byed pa yin no//de la zhes bya ba la sogs pas ni 'chad par byed de/ de la zhes bya ba ni ro las gzugs rtogs pa la'o/ /rgyu de lta bu kho na zhes bya ba ni ro'i rgyu gzugs kyi lhan cig byed pa'i rgyur gyur pa'o/ /'di ltar gang la nus pa zhugs shing thogs pa med pa can yod pa de ni nus pa zhugs pa can no//de ni de lta bu yang yin la gzugs kyi nye bar len pa'i rgyu yang yin pas de skad ces bya ste ro de'i rgyu ni de'i lhan cig byed pa'i rkyen yin zhing / ro skyed par byed do/ /rgyu de lta bu rjes su dpag pa na shugs kyis gzugs kyang rjes su dpag pa yin te/ gzugs dang ro dag ni tshogs pa gcig la rag las pa yin pa'i phyir ro//bud shing 'gyur ba ni tsha ba'o/ /de'i nye bar len pa'i rgyu ni shing ngo / /de'i lhan cig byed pa de'i rkyen ni me ste de kho na du ba bskyed pa dang 'dra zhing de dang mtshungs so/ /gzugs dang ro dag kyang tshogs pa gcig la rag las pa nyid kho na yin no// //bam po gsum pa/ 'di ltar zhes bya ba la sogs pas ni gzhung 'dzugs par byed do/ /nus pa 'dzug pa zhes bya ba ni mdo yin no/ /'di'i rnam par bshad pa ni/ rang gi rgyu zhes bya ba la sogs pa yin te/ rang gi rgyu zhes bya ba ni ro'i'o/ /'bras bu bskyed par bya ba la zhes bya ba ni ro bskyed par bya ba la'o//mngon du phyogs shing bar du ma chod pa med pa ni ro med do/ /de nyid ces bya ba ni nus pa 'jug pa'o/ /gzhan gyi rgyu zhes bya ba 'di'i rnam par bshad pa ni/ gzugs kyi nye bar len pa zhes bya ba la sogs pa ste/ gzugs kyi nye bar len pa'i rgyu gzugs kyi rdul phra rab skad cig ma snga mas bsdus pa gang dag yin pa de dag gzugs bskyed par bya ba la mngon du 'jug pa de'i rgyu yin no//gzugs kyi nye bar len pa'i rgyu ni ro'i rgyu lhan cig byed pa kho nas rang gi 'bras bu bskyed pa la mngon du phyogs pa'i phyir ro/ / ro'i nye bar len pa'i rgyu 'jug pa de yang gzugs kyi nye bar len pa'i rgyu gzugs bskyed par bya ba la 'jug pa gang yin pa ste/ ro'i nye bar len pa'i rgyu 'jug pa gang la de dang lhan cig byed pa'i ngang tshul yod pa de la de skad ces bya'o/ /gang gi phyir de lta yin pa de'i phyir rgyu ji lta bu las zhes bya ba ni gzugs kyi nye bar len pa'i rgyu nus pa zhugs pa can dang /lhan cig pa'i ro skad cig ma snga mas bsdus pa las rtags nyid du mngon par 'dod pa 'byung ba'i ros/ 'bras bu'i rtags nyid kyis rang gi rgyu de lta bu ste/ gzugs kyi nye bar len pa'i rgyu ji skad bshad pa dang lhan cig pa rjes su dpog par byed pa na/rgyu'i chos rjes su dpog pa'i mtshan nyid kyi shugs kyis rang dang dus mnyam pa'i gzugs rjes su dpog par byed cing rtogs par byed pa yin te/ ji ltar ro'i nye bar len pas ro bskyed pa de bzhin du gzugs kyi nye bar len pas kyang ro dang dus mnyam du 'byung ba'i gzugs bskyed pas na/rang gi nye bar len pa'i rgyu gzugs kyi nye bar len pa'i rgyu nus pa zhugs pa can dang lhan cig pa nyid du rjes su dpag pa'i phyir dngos su rtags nyid yin pas ni ma yin te/ 'brel pa med pa'i phyir ro/ /de nyid kyi phyir/ de ltar 'das dus gcig rnams rtogs/ / zhes bya ba 'das pa'i dus ni ro'i nye bar len pa dang dus mnyam du byung ba rnams so / /dus gcig pa ni rtags su gyur pa'i ro dang lhan cig 'byung ba rnams so/ /de dag rtogs kyi ma 'ongs pa rnams ni ma yin te 'khrul pa'i phyir ro/ /gang zhig 'khrul zhe na/ 'gal ba'i rkyen nye bas rgyun 'chad kyang srid pa'i phyir ro'i nye bar len pa ma 'ongs pa kho na yin gyi gzugs dang ro'i rgyu dag phan tshun lhan cig byed pa nyid du 'khrul pa ni ma yin no//gal te yin na ni 'das pa'i dus dang dus gcig pa dag la yang ji ltar rjes su dpag par 'gyur/ de lta bas na ro'i sgo nas gzugs la sogs pa rtogs pa 'di yang 'bras bu'i rtags las skyes pa yin no//'das pa'i dus rnams kyis ni 'bras bu'i rtags las skyes pa yin la rag na dus gcig pa rnams kyi go ji ltar zhe na/ 'di ni nyes pa med do/ /'di ltar 'bras bu'i rtags las skyes pa zhes bya ba 'di la don gnyis te re zhig gang gi tshe 'das pa rnams rtogs pa yin pa de'i tshe ni de ni 'bras bu yang yin rtags kyang yin pas/'bras bu'i rtags te de las skyes pa zhes bya ba yin no/ /gang gi tshe dus mnyam pa rnams rtogs pa yin pa de'i tshe ni rgyu rjes su dpog pa gang la 'bras bu'i rtags yod pa'i 'bras bu'i rtags yin la de las skyes pa ste/de'i sgo nas 'ong ba zhes bya ba yin no/ /gtan tshigs de'i phyir gtan tshigs rnam pa gsum las go bar byed pa'i gtan tshigs gzhan ni med do/ /ci'i phyir zhe na/ de'i bdag nyid dang de las byung ba dag gi rtags can dang / rang bzhin ma 'brel pa ni med na mi 'byung bar nges pa med pa'i phyir ro//'dis ni zhes bya ba ni ro las gzugs rjes su dpag pa bshad pas so/ /grog ma 'pho ba ni de dag sgo nga khyer nas gzhan du 'pho ba'o/ /nya 'phar ba ni nya rnams gyin du mchong ba'o/ /sogs pa zhes bya ba'i sgras ni glog 'gyu ba dang sbal ba skad 'byin pa la sogs pa bsdu'o//char pa la sogs pa rjes su dpog pa zhes bya ba 'dir yang sogs pa zhes bya ba'i sgras rlung la sogs pa bsdu ste/ ji ltar de dang rgyu'i chos rjes su dpog pa yin pa'i phyir/ 'bras bu'i gtan tshigs la skyes pa yin pa ltar bshad pa yin no/ /de nyid bstan pa'i phyir de la yang zhes bya ba la sogs pa smos te/grog ma 'pho ba la sogs pa de la yang ngo / /char pa'i rgyu 'byung ba 'gyur ba kho na zhes bya ba ni kho na zhes bya ba 'byung ba 'gyur ba char pa'i rgyu kho na grog ma la sogs pa 'khrugs pa la sogs pa ste/ 'pho ba la sogs pa'i mtshan nyid kyi rgyu yin no zhes rim pa bzhin du sbyar ba yin no//de lta bas na char pa'i rgyu 'byung ba gyur pa ji lta bu las grog ma la sogs pa 'khrugs par gyur pa'i rgyu de lta bu rjes su dpag pas char pa rjes su dpag pa yin no/ /'di la ni rung ba nyid rjes su dpog par byed kyi char pa kho na ni ma yin te/ gegs byed pa srid pas 'khrugs pa'i phyir ro//de lta bas na rgyu tshogs pa las kyang 'bras bu rjes su dpag pa med kyi rung ba nyid 'ba' zhig tu zad do/ /dpyod pa can la sogs pa gang dag rgyu ma tshogs pa las kyang 'bras bu rjes su dpog par byed pa de dag rigs pa las shin tu phyi rol du gyur pa yin no zhes bya ba de bstan pa'i phyir rgyu ma tshogs pas zhes bya ba la sogs pa smos te/ma tshogs pa ni ma tshang ba'o/ /rjes su dpag pa lhag ma dang ldan pa ni ma nges pa yin no zhes bya ba'i tha tshig go/ /ci'i phyir zhe na/ nus pa med pa'i phyir ro/ /'di'i rnam par bshad pa ni rung ba nyid kyang rgyu tshogs pa dag kho nas zhes bya ba la sogs pa yin te/kyang zhes bya ba'i sgras ni 'bras bu lta re zhig rnam pa thams cad du rjes su dpog par mi byed kyi rung ba nyid rjes su dpog par byed na yang tshogs pa kho nas rjes su dpog par byed do zhes bya ba de ston to/ /ma tshogs pa la ni shin tu nus pa med pa'i phyir zhes bya ba ni skad cig ma phyi ma phyi ma yongs su gyur pas kyang mi nus pa'i phyir ro//lus la 'dod chags rjes dpog bzhin/ /zhes bya ba ni dper brjod pa yin no/ /'di'i rnam par bshad pa ni dper na lus dang dbang po zhes bya ba la sogs pa yin te/ lus dang dbang po rnams dang blo zhes zlas dbye ba yin no//skyes bu 'di ni 'dod chags la sogs pa dang ldan pa yin te lus dang ldan pa'i phyir ro/ /dbang po dang ldan pa'i phyir ro/ /blo dang ldan pa'i phyir ro zhes bya ba de ltar lus la sogs pa las 'dod chags la sogs pa rjes su dpog par byed pa lta bu'o/ / sogs pa zhes bya ba'i sgras ni zhe sdang dang gti mug la sogs pa bsdu ste/ mdo las lus dang 'dod chags smos pa ni nye bar mtshon par zad do/ /'dod chags la sogs pa'i rgyu ni dbang po la sogs pa kho na ma yin no/ /ci'i phyir zhe na/ 'dod chags la sogs pa ni bdag dang bdag gir mngon par zhen pa sngon du 'gro ba can yin no//'dod chags la sogs pa gang dag la sngon du 'gro ba ste/ rgyu bdag dang bdag gi la nga'o nga'i'o snyam du mngon par zhen pa gang yin pa de yod pa de dag la de skad ces bya'o/ /nyon mongs pa thams cad skye ba'i sngon du 'gro ba ni tshul bzhin ma yin pa zhes bya ba la sogs pa ni de nyid gzhung 'dzugs pa yin te/tshul bzhin ni dngos po rnams kyi mi rtag pa dang sdug bsngal ba dang bdag med pa la sogs pa ste/ yang dag pa'i lta ba skye ba dang mthun pa'i phyir ro/ /de dag la 'dzin cing dmigs pa ni tshul bzhin du'o/ /de ni de lta bu yang yin la yid la byed pa yang yin pas tshul bzhin du yid la byed pa ste/bdag med pa'i ye shes so/ /de dang 'gal ba bdag la sogs par shes pa ni tshul bzhin ma yin pa yid la byed pa ste/ 'dod chags la sogs pa nyes pa thams cad skye ba'i sngon du 'gro ba ni de yin pa'i phyir ro//lus dang dbang po dang blo dag kyang 'dod chags la sogs pa'i rgyu ma yin nam/ de dag med pa la ni 'dod chags la sogs pa ma mthong ba'i phyir ro zhe na/ lus la sogs pa rgyu nyid yin mod kyi zhes bya ba smos te/ 'ba' zhig pa rnams la zhes bya ba ni tshul bzhin ma yin pa yid la byed pa dang bral ba rnams la'o//'dod chags la sogs pa bsgrub par bya ba la mi mthun pa'i phyogs ni 'dod chags la sogs pa med pa rdo ba'i dum bu la sogs pa ste/ de dag la gtan tshigs lus la sogs pa dang ldan pa 'jug pa gang yin pa de du ma mthong du zin kyang bzlog na gnod pa can gyi tshad ma med pa'i phyir rjes su dpag pa 'di lhag ma dang ldan pa yin no//de'i phyir the tshom du 'gyur gyi nges pa ni ma yin no/ /ji ltar bshad ma thag pa de tshad ma ma yin pa de bzhin du/ mi mthun phyogs la gtan tshigs ma mthong ba tsam gyi 'bras bu spyi mthong ba las rgyu khyad par can rjes su dpog pa'i/gtan tshigs shes pa tshad ltar snang / /tshad ma ltar snang ba yin te ma nges pa yin no zhes bya ba'i tha tshig go/ /ci dang 'dra zhe na/ tshig las chags can la sogs bzhin/ /g.yo ba dang tshig la sogs pa ni zhes bya ba la sogs pas ni 'chad par byed do/ /g.yo ba ni mchu gnyis 'gul ba ste de ni smra ba'i tshe gdon mi za bar 'byung ba'i phyir ro//sogs pa zhes bya ba'i sgras ni de las gzhan pa smra ba'i tshig 'byung ba bzhin 'gyur ba la sogs pa bsdu'o/ /brjod par 'dod pa spyi ni brjod par 'dod pa tsam khyad par med pa ste/ g.yo ba la sogs pa gang dag la rgyu de kho na yod pa de dag la de skad ces bya'o//de'i ngo bo ni nyid de de'i phyir ro/ /gal te brjod par 'dod pa de nyid 'dod chags yin no zhe na 'dod pa'i phyir cung zad kyang gnod par mi 'gyur te/ de lta yin na grub pa sgrub par byed pa yin no zhes bya ba'i tha tshig go/ /yang khyed kyis 'dod chags gang zhig yin par shes she na/'dod chags ni zhes bya ba la sogs pa smos te/ mkhas pa rnams ni 'dod chags sems kyi mngon par zhen pa rtag pa dang bde ba dang bdag dang bdag gi rnam par lta ba gang yin pa des 'phangs shing bskyed pa zag pa dang bcas pa'i chos kyi yul can zhes bya ba ste nye bar len pa'i phung po lnga la dmigs pa can yin par smra'o//ji ste 'dod chags dang bral ba rnams la ni byams pa dang snying rje la sogs pa yod par 'dod pa de dag kyang sems can la dmigs pa'i phyir bdag la sogs par lta bar zhugs pa yang yin la sems can la rjes su chags par zhugs pa'i phyir mngon par zhen pa'i ngo bo nyid kyang yin te/de'i phyir 'dod chags dang bral ba dag kyang chags pa can yin no snyam du sems na/ de'i phyir snying rje la sogs pa ni de lta bu ma yin te zhes bya ba smos te/ 'dod chags dang bral ba rnams kyi snying rje la sogs pa ni sems can la dmigs pa ma yin no//gzhan du yang srid pa'i phyir ro zhes bya ba ni chos la dmigs pa dag kyang srid pa'i phyir te/ 'di ni mjug thogs su bstan par bya'o/ /de la tshig las 'dod chags rjes su dpog par byed na tshig tsam las ni mi rtogs so zhes bya ba 'di dang sbyar te 'di ltar ji ltar chags pa smra ba ltar 'dod chags dang bral ba/'dod chags spangs pa yang de dang 'dra bas so/ /tshig tsam las 'dod chags rjes su dpog pa ni ma yin no/ /'o na ci zhe na 'dod chags kho nas bskyed par bya ba gang yin pa'i tshig khyad par can las so zhe na/de'i phyir khyad par las kyang ma yin te zhes bya ba smos so/ /ci'i phyir zhe na bsam pa ni rtogs par dka' ba'i phyir te/ 'dod chags dang bral ba yang chags pa can bzhin du g.yo la chags pa can yang 'dod chags dang bral ba bzhin du g.yo bas bsam pa rtogs par dka'o//de bas na tha snyad 'chol bas rtags su nye bar bkod pa'i tha snyad thams cad 'khrul pa'i phyir khyad par las kyang 'dod chags rjes su dpag tu mi rung ngo / /'dod chags dang bral ba yang de dang 'dra bar smra'o zhes gang bshad pa de la lan 'debs par dogs nas gal te dgos pa med pa'i phyir zhes bya ba la sogs pa smos te/smra ba ni tshig tu brjod pa'o/ /'dod chags dang bral ba'i tshig tu brjod pa la ni 'bras bu med do/ /de lta yin na 'dod chags dang tshig dag la 'khrul pa med do snyam du bsam pa yin no/ /slob dpon gyis ma yin te zhes bya ba smos te/smra ba ni gzhan gyi don yin pa'i phyir dgos pa med pa ma yin no/ /gzhan gal te 'dod chags dang bral ba'i phyir zhes bya ba la sogs pa smra na ste/ 'dod chags dang bral ba ni gzhan dag la yang ma chags pa yin la chags pa med par ni gzhan gyi don la 'jug pa yang med do snyam du bsam pa yin no//de ni de lta ma yin te snying rjes kyang 'jug pa'i phyir ro/ /gal te snying rje de nyid 'dod chags yin no zhe na snying rje la 'dod chags zhes ming du 'dogs na de ni 'dod pa yin no/ /gal te snying rje yang sems can du lta ba'i phyir phyin ci log las byung ba'i phyir 'dod chags kyi bdag nyid kyi nyes pa yin no zhe na/phyin ci ma log pa las zhes bya ba la sogs pa smos so/ /phyin ci ma log pa las byung ba nyid bstan pa'i phyir snying rjes ni bdag tu 'dzin pa med kyang zhes bya ba la sogs pa smos so/ /sdug bsngal gyi khyad par mthong ba tsam gyis zhes bya ba ni 'du byed kyi sdug bsngal la nges par rtog pa tsam gyis so//goms pa'i stobs las skye ba zhes bya ba ni snying rje'i skad cig ma rigs mthun pa snga ma snga ma las skyes pa kho na yin no/ /lung dang yang sbyar bar bya ba'i phyir 'di ltar zhes bya ba la sogs pa smos so/ / byams pa la sogs pa ni byams pa dang snying rje dang dga' ba la sogs pa'o/ /sems can la dmigs pa ni so so'i skye bo rnams kyi'o/ /chos la dmigs pa ni 'phags pa rnams kyi'o/ /sogs pa zhes bya ba'i sgras ni dmigs pa med pa dag bsdu ste/ dmigs pa med pa ni sangs rgyas dang byang chub sems dpa' gzung ba dang 'dzin pa mngon par zhen pa dang bral ba rnams kyi yin no//'dod pa ni grub pa'i mtha' las so/ /de dag kyang zhes bya ba ni byams pa la sogs pa'o/ /rigs mthun pa la goms pas 'byung ba can zhes bya ba ni skad cig ma snga ma snga ma'i stobs kyis 'byung ba'i phyir ro//'dod chags la ltos pa can ma yin zhes bya ba ni sems can dag la rjes su chags pa'i dbang gis 'byung ba ni ma yin no zhes bya ba'i tha tshig go/ /sdug bsngal gyi khyad par mthong ba tsam gyis goms pa'i stobs las skye ba yin te zhes don 'di bshad ma thag pa kho na ma yin zhe na/bden na de ni snying rje kho na la brten nas yin la da ni thams cad la brten pa kho nas yin pas khyad par yod do/ /gal te 'dod chags la sogs pa yang de dang 'dra'o zhe na/ 'dod chags la sogs pa ni de ltar 'du byed mthong ba tsam gyis 'jug pa ma yin te/bdag la sogs par phyin ci log med na med pa'i phyir ro/ /gal te snying rje can gyi rtsom pa byams pa la sogs pa'i dbang gis sems can rnams la 'byung ba 'bras bu med pa yang phyin ci log las yin te/ 'dod chags dang bral ba la ni rang gi don 'ga' yang med pas so/ /'bras bu ni rang gi don kho na yin no snyam du sems na 'di ni nyes pa ma yin te/gzhan gyi don kho na 'bras bu nyid du 'dod pa'i phyir ro/ /gal te gzhan gyi don 'dod pa la ni rag na 'on kyang 'bras bu nyid go ji ltar yin snyam du sems na/ 'bras bu'i mtshan nyid ni 'dod pa zhes bya ba la sogs pa smos te/ 'dod pas mtshon par byed pas na 'bras bu'i mtshan nyid ni 'dod pa'o//'dod pa'i yul yin pa'i phyir ro zhes bya ba'i don te 'dod pa gang yin pa de 'bras bu yin no zhes bya ba'i tha tshig go/ /rnam pa thams cad du zhes bya ba ni mjug sdud pa yin te/ gal te tshig las 'dod chags dang bral ba la brjod par 'dod pa'am/'on kyang snying rje yod par sgrub par byed la/ de dag kyang 'dod chags zhes bya bar rjod par byed kyang rung ste/ rnam pa thams cad du yang dag pa ma yin par sgro 'dogs pa ma yin pa'i phyir/ 'dod chags dang bral ba la sogs pa la nyes pa med do/ /de las gzhan pa ste/ 'dod chags la sogs pa las gzhan pa brjod par 'dod pa nyid la sogs pas 'dod chags dang bral ba la nyes pa dang ldan pa nyid du bsgrub pa ni mi 'dod pa cung zad kyang med do/ /ji ste smra ba po bdag la 'dod chags la sogs pa mthong ste/ de'i phyir mthun pa'i phyogs la yod pa nyid mthong ba tsam gyis 'dod chags dang bral bar 'dod pa rnams la yang rjes su dpag par 'gyur ro snyam du sems na smra ba po bdag la zhes bya ba la sogs pa smos so//gzhan la de rjes su dpog na ni zhes bya ba ni 'dod chags dang bral bar 'dod pa rnams la 'dod chags la sogs pa rjes su dpog na/ha cang thal bar 'gyur te/ smra ba po bdag la khyad par gang ji snyed mthong ba de thams cad gzhan la rjes su dpag par thal bar 'gyur ro/ /bdag la mthong ba sngo bsangs dang dkar sham la sogs pa'i mtshan nyid kyi khyad par ni 'khrul pa'i phyir gzhan rjes su mi dpog na ste/'dod chags las gzhan pa bdag la yod pa'i khyad par rjes su mi dpog na ni/ 'di la zhes bya ba ni bsgrub par bya bar 'dod pa 'dod chags la sogs pa la yang mi 'khrul lo zhes bya ba'i nges pa ci zhig yod/ 'dod chags dang smra ba dag 'brel pa med pa'i phyir 'ga' yang med pa nyid do//'di ltar tshig gis ni tshig gang dag kho na dang 'brel pa byed pa'i yon tan dang brjod par 'dod pa nyid de dag kho na rjes su dpog par byed do/ /byed pa'i yon tan ni dkan byang ba la sogs pa'o/ /de dang brjod par 'dod pa nyid ces bya bar zlas dbye ba yin te/ 'di ni gnyis pa gnyis kyi tshig yin no/ /'dod chags bskyed par rung ba nyid dang bral ba rdo'i dum bu la sogs pa la smra ba ma mthong ba'i phyir de kho na tshig las rjes su dpog par byed do zhe na/ 'dod chags bskyed par rung ba nyid ces bya ba la sogs pa smos so/ /de rjes su dpog na ste/'dod chags bskyed par rung ba nyid rjes su dpog na ha cang thal bar 'gyur ro/ /'di ltar ji ltar rdo ba'i dum bu la sogs pa la 'dod chags bskyed par rung ba nyid med pa de bzhin du skyes bu'i chos thams cad kyang med do/ /de'i phyir gal te de lta bu la tshig smra ba ma mthong bas/'dod chags bskyed par rung ba nyid rjes su dpog na skyes bu'i chos thams cad de dang 'dra'o/ /'on te 'dod chags bskyed par rung ba nyid ni tshig gi rgyu nyid du phan 'dogs pa yin pas de'i phyir de kho na rjes su dpog gi/ skyes bu'i chos thams cad ni ma yin no zhes bya bar 'dod na/'dod chags kyis zhes bya ba la sogs pa smos so/ /bsam pa ni 'di yin te 'dod chags kyis bskyed par byed pa'i nus pa ni 'dod chags kho na yin te/ rgyun gyis 'jug pa na gang gi tshe 'dod chags las 'dod chags 'byung ba lta bu zhig yin nam/ 'dod chags kyi bag chags rnam par shes pa'i khyad par gyi rten can zhig yin grang de la phyogs dang po ltar na/'dod chags kyis sngar bshad pa'i tshul du tshig la phan mi 'dogs na ji ltar de'i nus pa 'dod chags kyi nus pa 'dod chags de nyid kyi bdag nyid khyad par can gyi mtshan nyid kyis phan 'dogs par 'gyur te/ 'dod chags dang tha mi dad pa'i phyir 'dod chags bzhin du phan 'dogs par mi 'gyur ba nyid do//'on te nus pas phan 'dogs par 'dod na ni de'i tshe 'dod chags dang nus pa dag tha mi dad pa'i phyir/ nus pas phan 'dogs na ni 'dod chags nyid kyis phan btags par 'gyur ba zhig na 'dod chags kyis phan 'dogs pa ni med do zhes sngar bshad zin to//de'i nus pa gang gi tshe 'dod chags kyi bag chags rnam par shes pa'i rten can yin pa de'i tshe yang don ni 'di yin te/ tshig gang la 'dod chags kyis brjod par 'dod pa dang mtshungs par ldan pa nyid kyis phan 'dogs pa srid pa de yang re zhig rtags su gyur pa tshig spyi la phan 'dogs pa med de/de kho na la rjes su 'gro ba dang / ldog pa mthong bas tshig gi rgyu ni brjod par 'dod pa spyi yin pa'i phyir ro/ /tshig gi khyad par ni rtogs par dka' ba'i phyir rtags nyid du mi rung ngo zhes sngar bshad zin to/ /de ltar na bshad pa'i tshul gyis tshig bskyed pa gang la 'dod chags nyid brjod par 'dod pa dang chod pas phan mi thogs pa de la 'dod chags kyi nus pa shin tu chod pas ji ltar phan 'dogs par 'gyur te/'bras bu bsgrub par bya ba'i 'bras bu gang la 'bras bu nyid kyang phan mi 'dogs pa de la ji ltar 'bras bu'i nus pa phan 'dogs par 'gyur/'on te nus pa chod pas kyang phan 'dogs na de lta na nus pas phan 'dogs na ni 'dod chags de nyid kyis phan btags par 'gyur te/ de'i sgo kho na nas nus phas phan 'dogs pa'i phyir ro/ /'bras bu'i nus pas 'bras bu bsgrub par bya ba'i 'bras bu la dngos su phan 'dogs pa ni med de mes bsgrub par bya ba'i tshogs pa lta bu'o//gtsub shing gis gtsubs pa'i 'bras bu'i 'bras bu ni nus pa la nye bar phan 'dogs par byed na/ 'dod chags tshig la phan 'dogs pa nyid de ni med do/ /zhes brjod par 'dod pa spyi'i rgyu can nyid yin pa'i phyir ro zhes bya ba de'i bar skabs su bshad zin to//de lta bas na zhes bya ba la sogs pas ni mjug sdud par byed do/ /med na mi 'byung ba'i 'bras bu kho nas zhes bya ba ni rgyu med na mi 'byung ba kho nas so/ /de la rag las pa yin pa'i phyir ro zhes bya ba ni rgyu de la rag las pa yin pa'i phyir ro//rag las pa ma yin pa gzhan ni mi mthun pa'i phyogs la gtan tshigs ma mthong ba yang ma yin te/ tshu rol mthong ba'i ma mthong ba tsam gyis nges pa med pa'i phyir ro/ /thams cad gzigs pa'i gzigs pa log pas ni nges par 'gyur te/de'i ye shes ni shes bya thams cad la khyab pa yin pas so/ /de nyid bstan pa'i phyir thams cad gzigs pa'i zhes bya ba la sogs pa smos so/ /yang ci'i phyir ma mthong ba tsam gyis med par ma nges she na/ la la na de ltar zhes bya ba la sogs pa smos te sngar rnam pa de lta bu mthong ba rnams so//yang yul dang dus dang 'du bya ba'i khyad par las zhes bya ba la khyad par zhes bya ba'i sgra ni re re dang sbyar ro/ /'du bya ba ni 'o mas bcu ba la sogs pa'o/ /sngar mthong ba'i rnam pa las gzhan du snang ba'i phyir ro/ /ji lta bu zhe na dper na skyu ru ra'i shing dag ces bya ba smos te/de ni 'du bya ba'i dper brjod pa yin no/ /yul dang dus dag gi ni gzhan du brjod par bya'o/ /phal cher ni de ltar mi snang zhes bya ba ni 'bras bu phal cher mngar por mi snang ba ste/ 'bras bu phal cher bska bar snang ba'i phyir ro/ /de ni 'bras bu phal cher mngar por mi snang ba'i phyir la la ni 'bras bu mngar por srid pa spang du ni mi rung ngo //de bzhin du 'dod chags med pa 'ga' zhig la tshig smra ba ma mthong du zin kyang de tsam gyis 'dod chags dang bral ba thams cad la smra ba med do zhes bya bar ni nges pa med do/ /de bas na tshig tsam ldog par ma nges pa las ni 'dod chags la sogs pa rjes su dpag tu mi rung ngo //gang gi phyir de lta yin pa'i gtan tshigs des na 'di skad du bdag lta bu'i smra ba po ste/ gang zhig bdag dang 'dra bar tshul bzhin ma yin pa yid la byed pa dang ldan pa ni/'dod chags can yin no zhes brjod par rigs par 'gyur ro/ /de nyid bstan pa'i phyir 'dod chags skye bo'i zhes bya ba la sogs pa smos so/ /de yang gang zhig ce na bdag tu lta ba zhes bya ba la sogs pa smos te/ bdag tu lta ba ni 'jig tshogs la lta ba'o/ /tshul bzhin ma yin pa yid la byed pa ni rtag pa dang bde ba la sogs par phyin ci log pa yin te/'di ni zlas dbye ba'i tshig bsdu ba yin no/ /yang na bdag tu lta ba nyid tshul bzhin ma yin pa yid la byed pa yin no zhes khyad par gyi tshig bsdu ba yin no/ /de'i tshe yang zhes bya ba ni bdag lta bu'i smra ba po ni zhes khyad par du byed na yang smra ba dper brjod pa ni don med do//smra ba'i phyir zhes bya ba'i gtan tshigs 'di brjod pa don med pa yin no zhes bya ba'i tha tshig go/ /'di ltar gang zhig bdag lta bur tshul bzhin ma yin pa yid la byed pa dang ldan pa de ni 'dod chags can yin te/ dper na bdag lta bu'o zhes bya ba 'di kho na gtan tshigs yin par 'gyur ro//gang gi phyir de ltar ma mthong ba tsam gyis nges pa med pa de'i phyir mi mthun pa'i phyogs la ma mthong ba ste/ mi mthun pa'i phyogs la gtan tshigs ma mthong ba ni rtags ldog pa nges par bya ba la gtan tshigs mi rung ngo / /ji ste mi mthun pa'i phyogs la mthong bas gtan tshigs 'khrul pa yin na 'dod chags dang bral ba la ni smra ba'ang ma mthong ste/de lta bas na ma mthong ba'i phyir bsgrub par bya ba med pa las ldog pa grub bo snyam du sems na/ de'i phyir mi mthun phyogs las ma mthong ba tsam gyis 'khrul pa med pa min zhes bya ba smos te/mi mthun pa'i phyogs la gtan tshigs 'khrul pa med pa'o/ /de ci'i phyir zhe na/ 'khrul pa srid pa can nyid phyir/ /gang la 'khrul pa srid pa yod pa de la de skad ces bya'o/ /de'i ngo bo ni nyid de de'i phyir ro/ /mi mthun pa'i phyogs la ma mthong du zin kyang 'on kyang de la yod pa mi 'gal bas 'khrul pa srid do//phru ba'i 'bras ni phru ba'i nang na 'dug pa'i 'bras te/ de dag tshos pa bzhin no/ /de nyid bstan pa'i phyir mang mo zhig ces bya ba la sogs pa smos te/ phru ba'i nang na 'dug pa phal cher tshos pa mthong la/ de bzhin du ma tshos pa dag la gtan tshigs phru ba'i nang na 'dug pa nyid ma mthong ba tsam yang yod du zin kyang /'on kyang phru ba'i nang na 'dug pa tsam gyi gtan tshigs kyis ni 'bras lhag ma tshos par mi 'grub po/ /'di lta bu'i rang bzhin yin la zhes bya ba ni tshos par mthong ba gang dag yin pa de dag dang rang bzhin 'dra ba yin la/ gang dag la tshos pa de dag kho na dang rgyu 'dra ba yod pa de dag ni tshos so zhes bya bar ni rung ngo //de lta ma yin na zhes bya ba ni phru ba'i nang na 'dug pa nyid tsam gyis thams cad tshos pa sgrub na ni/ rjes su dpag pa de lhag ma dang ldan pa zhes bya ba'i 'khrul pa can yin no/ /rigs pa can gyis rjes su dpag pa'i mtshan nyid snga ma dang ldan pa dang lhag ma dang ldan pa dang spyir mthong ba zhes pa smras pa de la rgyu las 'bras bu rjes su dpag pa ni snga ma dang ldan pa ste/rgyu ni snga na yod pa'i phyir ro/ /rgyu las lus pa ni lhag ma ste 'bras bu'o/ /de gang la yod pa de ni lhag ma dang ldan pa ste/ 'bras bu las rgyu rjes su dpag pa yin no zhes zer ro//de ltar gzhan dag gis lhag ma dang ldan pa'i mtshan nyid gzhan du rnam par gzhag pa'i phyir/ yang lhag ma dang ldan pa zhes bya ba 'di ci yin zhes 'dri bar byed do/ /mtshan nyid bstan pa'i phyir/ gang zhig ces bya ba la sogs pa smos te/lhag ma dang ldan pa zhes bya ba'i sgra 'di ni ma nges pa'i rnam grangs yin no/ /de'i don ni 'di yin te/ mi mthun pa'i phyogs 'ga' zhig las gtan tshigs log tu zin kyang / gang la lhag ma 'khrul par the tshom za ba'i yul yod pa de ni lhag ma dang ldan pa yin no snyam du bsam pa yin no//gtan tshigs gang zhig ma mthong ba tsam tshad ma ma yin pas mi mthun pa'i phyogs las ldog par rab tu sgrub par byed pa de ni lhag ma dang ldan pa yin no zhes bya bar sbyar ro/ /gtan tshigs de'i ldog pa de ni ma nges pa'i phyir mi mthun pa'i phyogs la yang 'jug par the tshom za bar 'gyur ro//ci ste ma nges she na ldog pa sgrub ces bya ba la sogs pa smos so/ /ma mthong ba ni mi dmigs pa yin la/ de yang ldog pa sgrub par byed pa yin nam zhe na/ de'i phyir mi dmigs pa thams cad ni zhes bya ba la sogs pa smos te/ bltar rung ba mi dmigs pa kho na rtogs par byed pa yin no//gang gi phyir de ltar ma mthong ba tsam gyis ldog pa ma yin pa de'i phyir gcig log par bsgrub par bya ba log pas/ gzhan log par sgrub pa ldog par 'dod pas ni bsgrub par bya ba dang sgrub pa de gnyis de'i bdag nyid dang / de las byung ba'i mtshan nyid kyis 'brel pa 'ga' zhig kyang 'dod par bya dgos te/ ldog pa tsam 'ga' zhig gis ni mi chog go/ /de lta ma yin te 'brel par mi 'dod na/ gtan tshigs go bar byed pa ma yin par 'gyur te/ khyab pa ma nges pa'i phyir ro/ /gang gi phyir de lta yin pa'i rgyu des na gtan tshigs kyi tshul phyogs kyi chos dang rjes su 'gro ba dang /ldog pa gsum la'ang slob dpon gyis tshad ma kun nas btus pa la sogs pa las/ gnyi ga la yang rab tu grub pa ni sgrub pa yin no zhes bya ba la sogs pas nges pa brjod pa mdzad pa yin no/ / gang zhig gi gnyen por zhe na/ ma grub pa bzlog don zhes bya ba la sogs pa smos te/ de ma grub pa'i gnyen por ni phyogs ni phyogs kyi chos nges pa brjod do/ /bzlog don ni 'gal ba ste de'i gnyen por ni rjes su 'gro ba'o/ /'khrul pa can ni ma nges pa ste/ de'i gnyen por ni ldog pa nges pa'o//rjes su 'gro ba dang ldog pa nges pa brjod par mdzad pas ni don gyis na 'brel pa yang bstan pa kho na yin te/ 'di ltar 'brel pa med par ni rjes su 'gro ba dang / ldog pa nges pa med do/ /gtan tshigs des na de'i bdag nyid dang de las byung ba'i mtshan nyid kyi 'brel pa de nyid ston par mdzad pa na nges par bshad pa yin no//nyes pa gang zhig gi gnyen por tshul gang zhig nges par bshad ce na/ de bstan pa'i phyir/ de la zhes bya ba la sogs pa smos so/ /'gal ba dang de'i phyogs dang mthun pa rnams zhes bya ba ni 'gal ba rnams dang /de'i phyogs dang mthun pa rnams te/ 'gal ba'i phyogs dang mthun pa ni gang dag mi mthun pa'i phyogs la yod pa ni nges la/ mthun pa'i phyogs la med par ni the tshom za ba'o/ /de dag ni the tshom za ba'i ma nges pa kho na yin te/ gzhan dag la grags pas de skad du brjod par zad do//ldog pa nges pas ni zhes bya bar skabs dang sbyar ro/ /ma nges pa zhes bya ba ni thun mong gi ma nges pa'o/ /de'i phyogs dang mthun pa ni ma nges pa'i phyogs dang mthun pa ste/ lhag ma dang ldan pa la sogs pa'o/ /sogs pa zhes bya ba'i sgra ni mthun pa'i phyogs dang mi mthun pa'i phyogs dag la the tshom za ba bstsal ba bsdu'o//gang zhig gis mthun pa'i phyogs la yod la mi mthun pa'i phyogs la ni ma mthong ba tsam gyis ldog pa de ni lhag ma dang ldan pa yin no/ /gnyi ga la zhes bya ba ni gcig la grub pa dgag pa yin no zhes bya ba ni gnyi ga la yang rab tu grub pa ni zhes bya ba 'dis ni rgol ba'am/phyir rgol ba gcig la grub pa gang yin pa de bkag pa yin no/ /rab tu grub pa zhes smos pas te/ rab tu grub pa ni zhes bya ba 'dis ni/ lhag ma dang ldan pa dang thun mong ma yin pa'i the tshom za ba dag kyang bkag go zhes bya bar sbyor ro//gang la the tshom za ba dag ce na/ mthun pa'i phyogs dang mi mthun pa'i phyogs dag la zhes bya ba smos te/ lhag ma dang ldan pa ni mi mthun pa'i phyogs la the tshom za ba'o/ /thun mong ma yin pa ni mthun pa'i phyogs dang mi mthun pa'i phyogs dag la'o//de lta bas na slob dpon gyis kyang nges pa smos pa'i phyir 'brel ba bzhed pa kho na yin no/ /de lta ma yin te/ slob dpon bsgrub par bya ba dang sgrub pa dag 'brel pa med par ma mthong ba tsam gyis mi mthun pa'i phyogs la ldog par bzhed na ni/ 'khrul pa can gyi gnyen por ni//ma nges pa yi gnyen por 'dod/ /mi mthun chos brjod gang yin pa/ /dam bcas pa de don med do/ /zhes bya ba de kho nas drang ngo / /slob dpon gyis gang du dam bcas she na/ re zhig ces bya ba la sogs pa smos te/ rigs pa'i sgo nas de skad du bshad do//gnyi ga brjod par bya ba gang yin pa zhes bya ba ni chos mthun pa dang chos mi mthun pa'o/ /gang zhig gi gnyen por ci zhig bshad ce na/ chos mi mthun pa smos pa ni zhes bya ba la sogs pa smos so/ /chos mthun pa smos pa ni 'gal ba'i gnyen por ro/ /gal te ma mthong 'bras can te//'bras bu ma mthong ba can tsam zhig yin na'o/ /de zhes bya ba ni chos mi mthun pa smos pa'o/ /de nyid bstan pa'i phyir gal te zhes bya ba la sogs pa smos so/ /des zhes bya ba ni chos mi mthun pa smos pas so / /mi mthun pa'i phyogs la gtan tshigs ma mthong ba ston par byed na'o//de zhes bya ba ni ma mthong ba'o/ /chos mi mthun pa ma smos kyang rtogs par 'gyur te/ mthong ba med pa'i mtshan nyid kyi ma mthong ba ni chos mi mthun pa smos pa'i sngon rol na grub zin pa'i phyir ro/ /de lta bas chos mi mthun pa smos pa ni don med pa yin no/ /gal te mi mthun pa'i phyogs la gtan tshigs mthong ba'i 'khrul pa yod de/de bzlog pa'i phyir chos mi mthun pa smos pa yin no zhe na/ de la zhes bya ba la sogs pa smos so/ /de la zhes bya ba ni go bar bya ba la'o/ /chos mi mthun pa'i sngon rol na chos mi mthun pa brjod pas ldog par 'gyur ba mi mthun pa'i phyogs la mthong ba'i 'khrul pa gang yin pa de ni med do//'di ltar 'khrul pa ni log par rtog pa yin na byas pa nyid la sogs pa mi mthun pa'i phyogs la med pa yang dag pa gang yin pa de bzlog nas yod par 'khrul pa'i rgyu ni yod pa ma yin no/ /'khrul pa med pa'i phyir ma mthong ba grub pa yin no/ /gal te de ni bden na 'on kyang chos mi mthun pa rjod par byed pa'i tshig gis ma mthong ba la dran par byed do zhe na/'di ltar yul 'ga' zhig la mthong ba ma rtogs shing mi dran pa ni yan lag ma yin zhing sgrub pa ma yin pas mthong ba de la ni dran pa gzhag cing dran pa skyed par rigs na ma mthong ba ni mthong ba med pa yin te/de la ni mi mthun pa'i phyogs la gtan tshigs mthong bas gnod par 'gyur ro/ /de med na ste/ mi mthun pa'i phyogs la gtan tshigs mthong ba med na ma mthong ba grub pa kho na yin pas de grub par bya ba'i phyir te/ mthong ba med pa grub par bya ba'i phyir chos mi mthun pa brjod pa don med do//gal te mi dmigs pa'i skyes bu'i de tsam gyi zhes bya ba ste ma mthong ba tsam gyis mi mthun pa'i phyogs la gtan tshigs med do zhes bya ba de lta bur nges pa ma yin pa nyid de ma mthong ba tsam ni the tshom gyi rgyu yin pa'i phyir ro/ /de'i phyir zhes bya ba ni nges pa bskyed pa'i phyir chos mi mthun pa brjod do zhe na/de ni ma yin te/ 'di ltar med ces bya ba'i tshig tshad ma ma yin pas kyang spang bar bya ba de med pa kho na yin no/ /'o na ji ltar na med do zhes bya bar rtogs par 'gyur zhe na smras pa/ gal te ji ltar med rigs de brjod na ste/ gal te ji ltar rang bzhin 'brel pa'i mtshan nyid kyi rnam pa gang gis med pa de ltar rigs pa de brjod na/de tshe med ces bya bar rtogs/ /gal te zhes bya ba la sogs pas ni tshig le'ur byas pa'i cha dang po 'chad de/ gal te mi dmigs pas mi dmigs pa tsam gyis med do zhes bya bar mi rtogs na/ de'i tshe chos mi mthun pa brjod pa tshad ma ma yin pas kyang mi rtogs pa kho nar 'gyur te/'di ltar khyod kyi gzhung lugs kyis chos mi mthun pa smos pa de yang mi dmigs pa kho na rjod par byed pa yin gyi khyad par lhag pa ni ma yin no/ /ji ste chos mi mthun pa smos pas na gtan tshigs med pa bsgrub par bya ba med pas byas pa brjod pa med de/de'i phyir khyad par yod do zhe na/ de'i phyir gcig mi dmigs pa zhes bya ba ni bsgrub par bya ba mi dmigs pa'o/ /gzhan med pa zhes bya ba ni bsgrub pa med pa ste/ 'brel pa med na zhes bya bar bsams pa yin no/ /ha cang thal bar 'gyur ba'i phyir ro zhes bya ba ni 'brel pa med par ldog na ni ba lang log pas kyang rta gdon mi za bar ldog par 'gyur ro//ji ste rgol ba'i tshig gang yin pa de ni phyogs kyi chos nyid la sogs pa la mi slu bar mthong la/ mi mthun pa'i phyogs la gtan tshigs med do zhes bya ba yang rgol ba'i tshig yin te/ de'i phyir nges par 'gyur ro zhes bya bar 'dod na/de'i phyir nges med do zhes brjod pas zhes bya ba la sogs pa smos te/ rgol ba des med do zhes brjod par byas pa gang yin pa des de ltar 'gyur ba zhes bya ba dngos po med pa nyid kho nar 'gyur ba ma yin te ha cang thal bar 'gyur ba'i phyir ro//de'i tshe tshad ma nyid gcig yin na ni dam bcas pa tsam gyis kyang thams cad grub par 'gyur ro/ /de bas na zhes bya ba ni de lta bas na ji ltar chos mi mthun pa smos pas ma nges pa spangs pa yin te ma yin pa nyid do/ /de lta bas na mi mthun pa'i phyogs las gtan tshigs ldog par 'dod pas ldog pa de la gang gis na zhes bya ba ni rigs pas so//'di la zhes bya ba ni rtogs par bya ba la rigs pa brjod par bya dgos te/ bsgrub par bya ba dang sgrub par byed pa dag 'brel pa brjod dgos so/ /gzhan gyis de med pa la zhes bya ba smras te/ de med pa la bsgrub par bya ba med pa la mi dmigs pas gtan tshigs ldog pa grub pa ma yin nam 'di nyid rigs pa yin no snyam du sems pa yin no//'di ni mi mthun phyogs la ma mthong ba tsam gyis 'khrul pa med pa min ba zhes bya ba des lan btab zin pa nyid yin te/ khas blangs nas brjod pa 'ba' zhig tu zad do/gal te ma mthong bas gtan tshigs ldog par 'gyur na de'i tshe ste gtan tshigs lhag ldan 'khrul can yin te/ 'khrul pa can ma yin pa kho nar 'gyur ro/ /de yang ci 'dra ba zhig ce na dper na zhes bya ba la sogs pa smos so/ /'bras bu 'di dag ni zhes bya ba ni zos pa las gzhan pa dag ste/'di ni chos can bstan pa yin no/ /smin pa'am ro 'di bro ba zhes bya ba'i bye brag gis ni bsgrub par bya ba'i chos gnyis bstan te/ ro 'di bro ba zhes bya ba ni mngar ba'am skyur ba'o/ /gzugs khyad par med pa'i phyir zhes bya ba ni 'bras bu zos pa'i gzugs dmar ba la sogs pa gang yin pa de dang gzugs 'dra ba'i phyir ro//gcig las skyes pa'i phyir zhes bya ba ni shing gcig las skyes pa'i phyir te/ bye brag 'di dag gis ni gtan tshigs gnyis bstan to/ /zos pa dang 'dra'o zhes bya ba ni dpe'o/ /ci'i phyir ma mthong ba tsam gyis ldog par 'dod na lhag ma dang ldan pa yang 'khrul pa med pa can nyid du 'gyur zhe na/'di la yang zhes bya ba la sogs pa smos te/ lhag ma dang ldan pa'i rjes su dpag pa 'di la yang brjod par 'dod pa ste/ zos pa las gzhan pa'i 'bras bu gzugs kyi khyad par la sogs pa dang ldan pa de ma lus par phyogs su byas na bsgrub par bya ba med pa zhes bya ba ste/smin pa la sogs pa med pa gtan tshigs gzugs kyi khyad par la sogs pa mi dmigs pa yod pas mi mthun pa'i phyogs las ldog pa ma yin no/ /de'i 'khrul pa med pa nyid du 'gyur ro/ /'di ltar phyogs su byas pa brjod par 'dod pa'i 'bras bu gang yin pa dang /mthun pa'i phyogs nyid du gzung ba zos pa gang yin pa de la ma gtogs pa mi mthun pa'i phyogs su gyur pa phung po gsum pa la ni ji skad bshad pa'i gtan tshigs 'jug pa med do/ /kha cig na re mngon gsum gyis gnod pa zhes bya ba la sogs pa ni kha cig re res 'ga' gcig las skyes pa'i 'bras bu la yang ma smin pa'am/de mi bro ba mngon sum du nyams su myong ba srid pa'i phyir/ mngon sum gyis gnod par dogs te/ de nyid lhag ma dang ldan pa'i 'khrul pa yin no zhes zer ro / /de ni de lha ma yin te/ro la sogs pa mngon sum du ma byas pa la ni rjes su dpag pa kho na 'jug pas phyogs su byas pa'i yul bsgrub par bya ba nyid du gzung ba la mngon sum gyis gnod pa med pa'i phyir ro/ /ji ste mngon sum zhugs pas gnod par dogs pa ni ma yin no/ /'on kyang gal te na mngon sum gyis gnod par 'gyur zhe na/de lta bus zhes bya ba la sogs pa smos te/ de lta bus dogs na zhes bya ba ni gal te mngon sum gyis gnod par 'gyur bar dogs na ha cang thal bar 'gyur ro/ /'di ltar mi 'khrul par mngon par 'dod pa'i gtan tshigs gzhan la yang mngon sum gyis gnod par nges pa med pa'i phyir te/pha rol po 'brel pa khas mi len na gnod par dogs pa mi ldog go snyam du bsam pa yin no/ /de lta bas na tshad ma zhugs shing rab tu zhugs pa gnod par byed pa yin par 'dod par bya'o/ /ma zhugs par gnod na ste/ tshad ma ma byung ba kho nar gnod na ni thams cad la yid brtan du mi rung ngo //lhag ma dang ldan pa la ni tshad ma zhugs pa'i gnod par byed pa yang yod pa ma yin te/ de lta bas na ma mthong ba tsam gyis ldog pa yin na lhag ma dang ldan pa yang 'khrul pa med pa nyid du 'gyur ro zhes bya ba 'di gnas pa yin no//gal te ma mthong ba ni mthong ba med pa yin pas/ de la ni dran pa bskyed pa la ltos mi dgos so zhe na/ 'o na ni khyod kyis bshad pa ldog pa la yang de dang 'dra bar 'gyur ro zhe na/ de'i phyir bzlog pa ni zhes bya ba la sogs pa smos te/ mi mthun pa'i phyogs las gtan tshigs ldog pa gang yin pa de ni grub pa kho na ste nges pa kho na sgrub pa yin no//gtan tshigs de'i phyir de lta bu'i ngo bo ni nges pa la ste/ ldog pa'i ngo bo ni nges pa la ltos so/ /de ni 'di skad du kho bo cag gi ldog pa ni khyod kyi lta bur mthong ba med pa tsam ni ma yin no/ /'on kyang bsgrub par bya ba dang /sgrub pa dag 'brel pa yod la/ bsgrub par bya ba med na gtan tshigs mi mthun pa'i phyogs las log pa rang la yod pa'i chos nyid yin no/ /gtan tshigs kyi ngo bo nyid gang yin pa de yang gdon mi za bar rang nges pa la ltos te/ shes par byed pa yin pa'i phyir ro/ /gal te khyod kyi gzhung lugs ltar na yang ji ltar lhag ma dang ldan pa 'khrul pa nyid yin zhe na/mi dmigs pa'i sgo nas ni zhes bya ba la sogs pa smos te/ lhag ma dang ldan pa la ji skad bshad pa lta bu'i ldog pa ni med do/ /'o na ci zhe na mi dmigs pa tsam du zad do/ /de lta bas na mi dmigs pa'i sgo nas ni mi mthun pa'i phyogs kyi phyogs 'ga' zhig la gtan tshigs med par grub tu zin kyang /gtan tshigs bsgrub par bya ba dang 'brel pa med pa ni sgrub par byed pa de med kyang mi mthun pa'i phyogs su gyur pa'i dngos po thams cad la med par mi 'grub pa'i gtan tshigs kyis na the tshom za ba yin no/ /de'i phyir mi mthun pa'i phyogs las ldog pa med pa gang yin pa de nyid lhag ma dang ldan pa'i 'khrul pa yin no//gzhan yang zhes bya ba ni nyes pa gzhan bsags pa yin te/ gal te ma mthong bas ldog pa yin na/ de'i tshe ldog pa can yang gtan tshigs 'gyur/ ji lta bu zhig ce na/ gson po'i lus 'di ni zhes bya ba la sogs pa smos te/'di ni thal bar 'gyur pa'i sgo nas bshad pa yin no/ /sbyor ba ni gson po'i lus ni bdag dang bcas pa yin te/ srog la sogs pa dang ldan pa'i phyir ro zhes bya ba lta bu yin no/ /'di ltar bdag med pa ni bdag dang bral ba'o/ /'di yang ma mthong ba tshad mar byas nas gzhan gyi gzhung lugs su bshad pa yin no//de lta ma yin na bum pa la sogs pa yang ji ltar bdag med pa yin/ mthong ba dang ma mthong ba dag la srog la sogs pa ma mthong ba'i phyir zhes bya ba ni srog dang dbugs rngub pa dang / 'dzums pa dang 'byed pa ma mthong ba'i phyir ro//mthong ba dag la ni rang bzhin mi dmigs pa kho nas ma mthong ba yin te/ srog la sogs pa ni dmigs pa'i mtshan nyid kyi gyur pa yin pa'i phyir ro/ /ma mthong ba dag la yang de dang rigs mthun pas so/ /de las log pas zhes bya ba ni bdag med pa de las srog la sogs pa ma mthong ba tsam gyis log pas gson pa'i lus la bdag yod par rtogs par 'gyur ro// //bam po bzhi pa/ gal te khyod kyi ltar na ji ltar the tshom gyi rgyu yin zhe na/ bltar mi rung ba mi dmigs pas zhes bya ba smos te/ bdag bltar mi rung ba mi dmigs pas bum pa la sogs pa la med par ma grub na/bum pa la sogs pa bdag med par ma grub pa'i gtan tshigs kyis bdag med pa las srog la sogs pa ldog pa med do/ /bum pa la sogs pa las srog la sogs pa log tu zin kyang / 'on kyang bdag med pa las log go zhes bya ba ni med do zhes bya ba'i tha tshig go//gal te sangs rgyas pas bdag med par khas blangs te/ de bas na khas blangs pa'i phyir bum pa la sogs pa bdag med pa nyid du 'grub bo zhe na/ gal te sangs rgyas pas khas blangs pa tshad ma yin na/ da ni ji ltar na gson po'i lus la bdag 'grub ste/sangs rgyas pa ni de yang bdag med par 'dod do/ /gson po'i lus la bdag med par khas len pa ni tshad ma ma yin pas de'i phyir 'di ni bdag med par mi 'dod do zhe na/ gal te de lta na gzhan te/ gson po'i lus las gzhan pa bum pa la sogs pa bdag med pa tshad ma ma yin pa yang ji ltar 'grub par 'gyur/sangs rgyas pa'i khas blangs pa kha cig tu ni tshad ma yin la kha cig tu ni ma yin no zhes bya ba ni mi rung ngo / /ji ste gson po'i lus ni bdag dang bcas par kho bo 'dod pas de'i phyir 'di ni bdag med pa ma yin no//bum pa la sogs pa ni gnyi gas kyang bdag med par khas blangs so zhe na/ de'i phyir khas blangs pas zhes bya ba la sogs pa smos so / /bdag dang bcas pa dang bdag med pa dag rnam par phye nas zhes bya ba ni gson po'i lus ni bdag dang bcas pa'o/ /bum pa la sogs pa ni bdag med pa'o zhes rnam par dbye ba byas nas so//bdag med pa bum pa la sogs pa de la srog la sogs pa med pas rtogs par byed pa nyid yin par rjod par byed pa gzhan gyis kyang bdag lung las byung ba nyid de lung gis grub pa nyid du khas blangs par 'gyur gyi/ rjes su dpag par bya ba ni ma yin no/ /de lta bas na bum pa la sogs pa la bdag bltar mi rung ba'i rang bzhin ma mthong du zin kyang bdag ldog pa ma grub pa'i phyir bdag med pa gang las kyang srog la sogs pa ldog pa med pas rtogs par byed pa ma yin pa nyid de/ de ltar na re zhig bdag ni gang las kyang ldog pa ma grub pa yin no//khas blangs te yang brjod par bya ste/ 'ga' zhig la bum pa la sogs pa mthong pa la'o/ /de log ste bdag log ste srog la sogs pa log kyang 'brel pa med pa'i phyir/ bdag dang lhan cig 'brel ba med pa'i phyir thams cad la ste/ bum pa la sogs pa ma mthong ba la yang bdag log pas srog la sogs pa ldog pa mi 'grub pas/ldog pa la the tshom za ba yin pa'i phyir rtogs par byed pa ma yin pa nyid do / /ma mthong ba tsam gyis ldog par khas len na nyes pa gzhan 'di yang yod pas gang yang mi 'grub pa'i sbyor ba zhes bya ba la sogs pa smos so//de yang ji lta bu zhig ce na/ de bzhin du mthun pa'i phyogs la yod pa dang / med pa zhes bya ba la sogs pa smos te/ 'di ni slob dpon gyi gzhung yin no/ /de las ni phyogs kyi chos ni rgol ba dang phyir rgol ba la nges par gzung ngo zhes bshad de/ des ni gnyi ga'am gang yang rung ba la ma grub pa dang /the tshom za ba dang / gzhi ma grub pa bsal ba yin no/ /ji ltar phyogs kyi chos nges pa ma grub pa rnam pa bzhi bsal ba de bzhin du mthun pa'i phyogs la yod pa dang med pa zhes bya ba la sogs pa la yang rjes su 'gro ba dang ldog pa nges pas ma grub pa'i rnam pa bsal ba yin no//ci rigs par brjod par bya'o zhes bya ba ni/ ma grub sbyar ba de yang brjod bya min/ /de bstan pa'i phyir mi dmigs pa kho nar zad na zhes bya ba la sogs pa smos te/ mi dmigs pa tshad ma ma yin pa kho nar zad pa yin na mi mthun pa'i phyogs la gtan tshigs the tshom za ba'i phyir ro/ /ji lta zhe na dmigs na de med pa'i phyir te/mi mthun pa'i phyogs la gtan tshigs dmigs na the tshom de med pa'i phyir ro/ /de lta bas na mi dmigs pa'i phyir/ mi mthun pa'i phyogs la gtan tshigs ldog go zhes byas na/ don gyi ldog pa la the tshom za ba'i gtan tshigs 'dod pa kho na yin no/ /de bas na the tshom du gyur pa yang ma bzlog par 'gyur te/the tshom gyi yul du byas shing the tshom du gyur pa'i ldog pa yang ma bzlog par 'gyur ro/ /gal te ci rigs par brjod par bya'o zhes byung bas ci rigs par zhes smos pa'i phyir/ the tshom du gyur pa ma bzlog pa de kho na yin no zhe na/ de ni de lta ma yin te/de'i mjug thogs te kho nar brjod pa gang zhig gnyi ga la nges pa kho na zhes bya ba la sogs pa 'byung ba'i phyir te/ sgra gang zhig gnyi ga la nges pa'i tshul gsum pa dang ma grub pa nyid la sogs pa rjod par byed pa de kho na ma grub pa dang / sun 'byin pa yin no zhes 'byung ba'i phyir ro//gal te ldog pa la the tshom za ba gtan tshigs yin par bzhed ba zhig tu gyur na ni/ nges pa zhes bya ba smos par mi 'gyur ro/ /ci rigs par zhes bya ba smos pa ni mi mthun pa'i phyogs la chos can ma grub pa'i nyes pa spangs pa'i phyir mdzad pa yin no/ /gang gi phyir mi dmigs pa tsam gyis nges pa med pa de'i phyir/slob dpon gyis mi mthun pa'i phyogs la gtan tshigs mi dmigs kyang the tshom za bas mi mthun pa'i phyogs las ldog pa med par de dgongs te dgag par the tshom du gyur pa dgag par nges pa zhes smos pas bshad pa yin no/ /gzhan yang gal te ma mthong bas ldog par 'dod pa de'i tshe/khyad par te mnyan par bya ba nyid la sogs pa thun mong ma yin pa rnam par gcod pa'i gtan tshigs su 'gyur ro/ /ci'i phyir zhe na/ rtag pa dang mi rtag pa dag lam mthong ba'i phyir ro/ /da mnyan par bya ba nyid kyang zhes bya ba la sogs pas bstan te/ de ltar ma mthong ba tsam las ldog par 'dod na rtag pa dang /mi rtag pa dag la yang mnyan par bya ba nyid ma mthong ba yod pas/ de dag rnam par gcod pa'i gtan tshigs nyid du 'gyur te/ rtag pa dang mi rtag pa dgag pa'i gtan tshigs nyid du 'gyur ro/ /rtag pa dang mi rtag pa dag las mnyan par bya ba nyid log tu zin mod/de dag rnam par gcod pa go ci'i phyir rtogs par byed ce na rnam par gcod pa ni zhes bya ba la sogs pa smos te/ rnam par gcod pa ste/ rtag pa dang mi rtag pa rnam par gcod pa ni de dag las log pa las te/ rtag pa dang mi rtag pa las ldog pa las gzhan ma yin no//gal te 'ga' zhig la de log pa'i chos yod la de dag rnam par gcod pa dang ldan pa ma yin par gyur na ni de'i tshe de las ma log pa kho nar 'gyur ro/ /gal te khyod kyi ltar na yang mnyan par bya ba nyid ji ltar rnam par gcod pa'i gtan tshigs ma yin zhe na/ rnam par gcod pa ma yin pa ni zhes bya ba la sogs pa smos so/ /gang las kyang zhes bya ba ni rtag pa dang mi rtag pa las te ma mthong ba tsam gyis ldog pa nyid nges pa med pa'i phyir ro/ /de ni gdon mi za bar de lta yin no/ /de ltar ma yin na chos can 'ga' zhig la chos gang zhig gang la med do zhes bya bar nges pa de yod na ji ltar de med par te/gang la med do zhes bya ba nges pa de med par rtogs par mi byed/ mnyan par byed pa nyid ni byas pa nyid la sogs pa bzhin du dngos po'i chos yin pa'i phyir gnod par byed pa'i mtshan ma 'jug pas rtag pa las ldog pa yod pa de kho na ma yin nam zhe na/bden na 'on kyang gzhan dag rtag pa yang dngos por 'dod de/ de'i phyir thun mong ma yin pa dngos po'i chos yin pa gdon mi za bar dngos po la khyab par byed pa'i khyad par 'ga' zhig la 'jug pas 'di ni gzhan gyi lta ba la ltos nas brjod pa yin no/ /gal te mnyan par bya ba nyid rtag pa dang mi rtag pa dag las ldog kyang gnyi ga rnam par gcod pa bsgrub byar tshad ma gzhan gnod par dogs so//'di nyid kyi rnam par bshad pa ni ji ste zhes bya ba la sogs pa yin te/ mnyan par bya ba nyid kyis gnyi ga rnam par gcod pa yin na ste/ rtag pa dang mi rtag pa rnam par gcod pa bsgrub par bya ba yin na/gnod par byed pa'i tshad ma gzhan yod do/ /gnod par byed pa de gang zhe na/ phan tshun zhes bya ba la sogs pa smos te/ gang dag la phan tshun rnam par gcod pa'i ngo bo yod pa de dag la de skad ces bya'o/ /'di ltar mi rtag pa nyid ni rtag pa nyid rnam par gcod pa rtag pa nyid kyang de rnam par gcod pa yin no//de dag ni gcig rnam par bcad pas gzhan bsgrub pa'i phyir te/ zla bo gnyis pa sgrub pa'i phyir dgag pa ma yin no/ /gal te mnyan par bya ba nyid rtag pa las log pas de rnam par gcod par byed pa de nyid kyi tshe mi rtag pa nyid sgrub par 'gyur la/de nyid kyi tshe mi rtag pa las kyang log par mi rtag pa dgag pa dang mi rtag pa sgrub par yang byed pa yin pa'i phyir gcig la dus gcig tu dgag pa dang / bsgrub pa dag tu 'gyur ro/ /de yang rigs pa ma yin te/ gcig la dgag pa dang bsgrub pa dag ni 'gal ba'i phyir ro//gnod par byed pa'i tshad ma yang 'di ltar sbyar bar bya ste/ 'gal ba gang yin pa de ni gcig la cig car mi srid de/ dper na grang ba dang dro ba dag lta bu yin la/ ji skad bshad pa'i tshul gyis na rtag pa dang mi rtag pa dag rnam par gcod pa yang dus gcig tu chos can gcig la 'gal lo zhes bya ba ni khyab par byed pa 'gal ba yin no//grub pa'i mtha' smra bas/ da ni zhes bya ba la sogs pa smos te/ da ni zhes bya ba ni gnod pa yod pa yin na'o/ /ma mthong ba las te mthong ba med pa las ni mi mthun pa'i phyogs la gtan tshigs med pa yin no//gal te 'di ltar gnod pa srid pa'i phyir ma mthong ba tshad ma ma yin na mnyan par bya ba nyid kho na tshad ma ma yin par zad kyi/ gzhan la ni ma yin no zhe na/ de bzhin du ni gzhan la yang zhes bya ba la sogs pa smos te/ gtan tshigs gzhan la yang ldog pa bsgrub pa ma mthong ba la tshad ma gzhan gyis gnod pa srid do//ci'i phyir zhe na/ mtshan nyid dang zhes bya ba la sogs pa smos te/ gtan tshigs ma mthong pa ni mi mthun pa'i phyogs las ldog pa'i rgyu'o zhes bya ba'i mtshan nyid gang yin pa'i mtshan nyid de dang ldan pa mnyan par bya ba nyid kyi ma mthong ba gang yin pa de la gnod pa srid pa yin na ni/de'i mtshan nyid de ldog pa sgrub pa de'i mtshan nyid yul thams cad pa sun phyung ba kho nar gyur pas thams cad la yid brtan du mi rung ngo / /gal te de ltar na rjes su dpag pa'i yul yang kha cig la mngon sum dang rjes su dpag pa dang 'gal ba mthong ba mthong ste 'di ltar sgra ni rtag pa ste mnyan par bya ba yin pa'i phyir sgra nyid lta bu'o zhes byas na rtag pa nyid rjes su dpag pas gnod pa dang /de bzhin du sgra ni mnyan par bya ba ma yin te/ yod pa'i phyir bum pa lta bu'o zhes byas na mngon sum gyis gnod do/ /de'i phyir thams cad la de dang mtshan nyid khyad par byed pa'i rjes su dpag pa la yang yid brtan du mi rung bar thal bar 'gyur ro zhe na/de ni de lta ma yin te/ 'bras bu rang bzhin dang mi dmigs pa'i rtag pa las skyes pa'i rjes su dpag pa ji skad bshad pa lta bu la mngon sum dang rjes su dpag pa dang 'gal ba mi srid pa'i phyir ro//mngon sum la sogs pa dang 'gal ba srid na ni de'i mtshan nyid kyang ma yin pa'i phyir te/ rjes su dpag pa'i mtshan nyid kyang ma yin pa'i phyir ro/ /gal te ji ste ji skad bshad pa'i mtshan nyid kyi rjes su dpag pa la gnod pa med na de'i tshe slob dpon gyis gtan tshigs kyi mtshan nyid dang ldan pa 'gal ba 'khrul pa med pa can te phan tshun 'gal ba'i don sgrub par byed pa gtan tshigs gnyis chos can gcig la zhugs pa bshad pa de mi brjod par 'gyur ro zhe na zhes bya ba 'dis ni khas blangs pa nyams par bstan pa yin no//rjes su dpag pa'i yul la 'gal ba 'khrul pa med pa can ma brjod pa'i phyir 'dod pa kho na yin pas khas blangs pa nyams pa ga la zhig yod/'o na slob dpon gyis gang la bshad ce na/ 'di'i yul ni zhes bya ba la sogs pa smos te/ 'di'i zhes bya ba ni 'gal ba 'khrul pa med pa can gyi'o/ /gzhan yang gal te ma mthong bas ldog pa zhig yin na de'i tshe bye brag pa rnams kyis ma mthong ba'i phyir/ma mthong ba'i gtan tshigs kyis grang ba yang ma yin dro ba yang ma yin pa'i reg pa mthong ba dang mi ldan pa ste/ mthong ba sa la sogs pa dang ma 'brel par brjod pa gang yin pa//slob dpon gyis ni reg pa ma yin pa nyid du bshad pa gang yin pa de yang 'khrul pa med pa can rigs pa kho nar 'gyur ro zhes bya ba'i tha tshig go/ /de bstan pa'i phyir gal te zhes bya ba la sogs pa smos te/ slob dpon gyis rlung gi rab tu dbye ba las gal te bye brag pas ma mthong ba tsam gyis mthong ba sa la sogs pa las reg pa 'gog par byed na de yang rigs pa ma yin no zhes bshad pa gang yin pa/gal te slob dpon yang ma mthong ba tsam gyis ldog par bzhed na de'i tshe reg pa 'gog pa ji ltar rigs pa ma yin te/ rigs pa kho nar 'gyur ro/ /ci'i phyir zhe na gtan tshigs 'di la yang mi dmigs pas med pa grub par khas blangs pa'i phyir ro//pha rol pos reg pa dmigs pa'i zhes bya ba la sogs pa smos te/ grang ba yang ma yin dro ba yang ma yin pa'i rigs pa ni dmigs pa'i mtshan nyid kyir gyur pa yin pa'i phyir sa la sogs pa la mi dmigs pa 'di dgag par rigs pa kho na ma yin nam zhe na/grub pa'i mtha' smra bas/ rigs pa ma yin zhes bya ba smos so/ /gtan tshigs su snang ba dang zhes bya ba la sogs pa smos te/ sa la sogs pa gang zhig grang ba yang ma yin dro ba yang ma yin pa las gzhan pa'i reg pa grang ba la sogs pa dang ldan pa mngon sum pa de ni snang ba yin no//de'i tshe mngon sum pa ma yin yang gal te grang ba dang dro ba'i rig pa dang ldan pa kho na yin na de ni de'i rang bzhin yin no/ /snang ba dang de'i rang bzhin zhes zlas dbye ste/ de nyid yul yin no/ /de tsam la reg pa 'gog pa ma yin pa'i phyir te/de la 'gog na ni nyes par 'gyur ba nyid do/ /'di ltar bye brag pa des ni sa la sogs pa gang cung zad ci yod pa de thams cad ni grang ba yang ma yin dro ba yang ma yin pa dang bral ba'o zhes chos can du gyur pa sa la sogs pa khyad par med pa kho nar spyir bzung nas reg pa dgag pa smras so//sa la sogs pa tsam la ni reg pa dmigs pa'i mtshan nyid kyir gyur pa yang med la sa la sogs pa la reg pa gcig tu nges pa yang med de/ 'di ltar sa la sogs pa de la yang shing bal dang rdo ba dang lo ma la sogs pa'i bye brag dag la de yod kyang /sa la sogs pa yod kyang reg pa tha dad pa mthong ba'i phyir ro/ /'di ltar shing bal gyi reg pa ni 'jam pa nyid kyi mtshan nyid yin la/ rdo ba la sogs pa'i ni gzhan yin no/ /'di yang zhes bya ba ni dro ba yang ma yin grang ba yang ma yin pa'i reg pa yang sa las gyur pa'i rdzas kyi khyad par 'ga' zhig la srid par dogs par 'gyur ba'i phyir/sa la sogs pa thams cad la ni ma mthong ba tsam gyis dro ba yang ma yin grang ba yang ma yin pa'i reg pa dgag par rigs pa ma yin no/ /de lta bas na slob dpon rjes su 'gro ba dang ldog pa dag nges pa dang ma mthong ba tsam gyis dgag pa med pa gsungs pa na 'brel pa bzhed pa zhes bya ba 'di gnas pa yin no//'on te 'o na su zhig gis de skad du klan ka btsal zhe na/ de ltar na zhes bya ba la sogs pa smos te/ slob dpon pa slob dpon gyi slob ma slob dpon gyi gzhung mngon par ma shes pa mi dmigs pas med pa smra ba 'ga' zhig gis de ltar bshad ma thag pa'i 'thad pa dag gi klan ka btsal ba yin no//gzhan yang mi dmigs pa las med pa khas len na rigs pas gnod pa gzhan 'di yang yod de 'di ltar yul la sogs pa'i khyad par la sogs pa zhes bya ba'i sgras ni dus dang legs par bya ba'i khyad par las te/rdzas rigs gcig pa dag la yang nus pa tha dad pa sna tshogs kyi ngo bo ro dang nus pa dang khyad par du smin par byed pa la sogs pa'i mtshan nyid dag snang ngo / /rdzas nus pa du ma dang ldan pa de la gcig mthong bas te/ 'ga' zhig la rdzas kyi ngo bo gcig cig mthong bas yul la sogs pa gzhan na de yod par nges par byar ji ltar rdzas mthong ba'i ngo bo nyid nges pa ltar byar ni rigs pa ma yin no//gal te zhes bya ba la sogs pas ni de nyid ston te/ gal te mi mthun pa'i phyogs la gtan tshigs ma mthong ba tsam gyis bsgrub par bya ba dang 'brel pa med pa'i yang bsgrub par bya ba der 'khrul pa med par 'dod na ni de'i tshe 'ga' zhig tu rdzas mthong ba'i ngo bo dmigs pa gang yin pa de de'i rdzas dang 'dra ba'i phyir/de thams cad na gnas pa la rjes su dpag par 'gyur te/ de la yang de'i dus na mi mthun pa'i phyogs la gtan tshigs ma mthong ba tsam ni yod do//de yang rigs pa ma yin te 'di ltar yul 'ga' zhig na rdzas kha cig ci zhig ltar ro la sogs pa so sor nges pa nyid du mthong ba yang yul gzhan na gzhan du yang zhes bya ba ji ltar mthong ba'i rnam pa dang mi mthun par yang snang ngo //dper na zhes bya ba la sogs pas ni de nyid ston te/ nus pa ni nad sel ba'i mthu'o/ /khyad par du smin par byed pa ni yongs su 'ju bar byed pa ste/ gang dag la ro dang nus pa dang khyad par du smin par byed pa khyad par can yod pa zhes tshig rnam par sbyar ro/ /gzhan las ni ma yin no zhes bya ba ni zhing khyad par can las gzhan pa las te/yul khyad par can las ji lta bar dus dang legs par bya ba'i khyad par las kyang de dag 'dra bar ro dang nus pa dang khyad par du smin par byed pa khyad par can du 'gyur ro/ /legs par bya ba ni 'o mas bcu pa la sogs pa'o/ / yul de pa rnams kyis zhes bya ba ni skyes bu gang dag la yul de yod pa de dag gis de ltar ro la sogs pa khyad par can dang ldan par mthong zhes te/ yul de'i ma yin pa thams cad kyang de nyid du ste/ gzugs la sogs pa mtshungs pa nyid du de lta bu yin par ji ltar gzung ba'i ngo bo nyid dang 'dra bar ni 'grub par ni mi 'gyur ro//ci'i phyir zhe na/ ro la sogs pa yon tan gyi khyad par rnams ni rgyu'i khyad par la ltos pa'i phyir ro/ /rgyu'i khyad par med na ni/ ngo bo nyid gcig pa nyid du rjes su dpag tu rung ngo / /rig byed kyi tshig gang la byed pa po ma mthong ba de la de skad ces bya'o//de yang skyes bu'i 'du byed pa sngon du 'gro ba can yin zhing skyes bu'i rtsol ba'i rgyu can yin te/ 'di ni bsgrub par bya ba'i 'bras bu yin no/ /skyes bus byas pa dang skyes bus byas pa ma yin pa nyid du 'dod pa'i tshig la khyad par med pa'i phyir te/ 'dis ni gtan tshigs bsnyad do//sbyor ba ni dngos po gang zhig gang dang rigs tha dad pa med pa de ni de dang rgyu mtshungs pa can yin te/ dper na du ba 'ga' zhig du ba gzhan dang rigs mthun pa lta bu'o/ /skyes bus ma byas par 'dod pa'i tshig rnams kyang skyes bus byas pa'i tshig dag las ngo bo nyid tha dad pa med do zhes bya ba ni 'bras bu'i gtan tshigs so//gtan tshigs ma grub pa yang ma yin no/ /'di ltar dug sel ba la sogs pa'i rnam pa gang dag gis rig byed rnams kyi khyad par du 'dod pa'i rnam pa de dag thams cad skyes bu dag gis byed par mthong ba'i phyir te/'di ltar lo ma can la sogs pa'i gsang tshig dag kyang dug la sogs pa sel ba la sogs par snang ngo / /gal te sgra'i ngo bo nyid mthun pa'i phyir byed pa po ma mthong ba yang skyes bus byas pa nyid rjes su dpog par byed na 'o na de ltar na ni smra ba po nyid du mtshungs pa'i phyir/skyes bu rnams las skyes bu 'ga' zhig la thams cad mkhyen pa ma yin pa nyid la sogs pa'i chos mthong na yang thams cad la ci'i phyir rjes su mi dpag ce na legs par bya ba'i bye brag las zhes bya ba la sogs pa smos te/ legs par bya ba'i bye brag ni shes rab la sogs pa dang mthun pa'i goms pa ste/de shes rab la sogs pa'i khyad par rtogs pa'i phyir te/ shes rab dang yid gzhungs pa la sogs pa'i yon tan thams cad la skyes bu'i so so'i khyad par mthong bas so/ /tshig la sogs pa nyid cung zad tsam chos mthun pas te rtags des rnam pa thams cad rjes su dpag par 'gyur pa ji ltar tshig dag la rgyu'i khyad par med pa de lta bu'i skyes bu dag ni rgyu'i khyad par med pa can yin pa nyid do//gal te bstan bcos dang bzo dang sgyu rtsal la sogs pa kho na la legs par bya ba ji lta ba bzhin du shes rab la sogs pa khyad zhugs par 'gyur grang gi thams cad mkhyen pa nyid la sogs par ni mi srid do zhe na/smras pa/ de bzhin du gzhan thams cad mkhyen pa nyid la sogs pa la yang khyad par srid pa'i phyir ro/ /sbyor ba ni gang la legs par bya ba'i khyad par las khyad par rtogs pa yod pa de la legs par bya ba ci lta ba bzhin du shin tu khyad par du 'gro ba yang yod de/dper na bud shing gi yul gyi me lta bu'o/ /shes rab la sogs pa la yang 'du bya ba'i khyad par las khyad par rtogs pa yod do zhes bya ba ni rang bzhin gyi gtan tshigs so/ /de ltar sgrub par byed pa'i tshad ma bstan nas gnod pa can yang med do zhes bstan pa'i phyir mi srid par rjes su dpag pa la yang zhes bya ba la sogs pa smos te/'di ni rgyu mtshan gyi bdun pa ste/ pha rol pos shes rab la sogs pa srid par rjes su dpag par bya ba la de'i rgyu mtshan gnod par byed pa'i gtan tshigs med pa'i phyir ro//gal te 'dod chags dang bral ba la sogs pa la gnod par byed pa'i gtan tshigs shig yod na ni des na de dag mi srid par rjes su dpag par 'gyur ro/ /'dod chags dang bral ba zhes bya ba la sogs pas ni gnod par byed pa med par bstan te/'dod chags dang bral ba ma mthong zhing mthong ba med pa'i phyir ro/ /'dod chags dang bral ba smos pa ni nye bar mtshon pa'o/ /'dod chags dang bral ba ma mthong ba gnod par bya ba dang gnod par byed pa'i dngos po mi 'grub pa'i phyir/ gal te gang gis na gnod par byed pa'i gtan tshigs tshol bar 'gyur ba 'dod chags dang bral ba la sogs pa dngos su mi srid par rjes su dpog pa ni ma yin gyi/'on kyang 'dod chags dang bral bar 'dod pa dag la 'dod chags la sogs pa rjes su dpog par byed do/ /de dag rjes su dpag na shugs kyis 'dod chags dang bral ba la sogs pa bkag par 'gyur ro zhes bya bar 'dod na de'i phyir/'dod chags la sogs pa'i zhes bya ba la sogs pa smos te/ 'dod chags la sogs pa'i rtags 'bras bu 'khrul pa med pa can ni med do/ /ji ste gal te shes rab la sogs pa shin tu khyad zhugs pa yod na ci'i phyir mi snang zhe na/de'i phyir srid kyang zhes bya ba la sogs pa smos so/ /khyad par rnams zhes bya ba 'dod chags dang bral ba la sogs pa ste/ rang bzhin gyis bskal pa rnams tshu rol mthong bas lta bar mi nus pa'i phyir ro/ /gal te mi dmigs pa de nyid kyi phyir de spong ngo zhe na/de lta bu dag ni zhes bya ba la sogs pa smos so/ /de lta bu dag ces bya ba ni bskal pa dag ste/ mi dmigs pa tsam gyis spangs par 'os pa ma yin pa'i phyir ro/ /gal te ji ltar shes rab la sogs pa'i khyad par bltar mi rung ba ltar rig byed kyi tshig dag kyang de dang 'dra'o zhes tshig rnams ni de lta bu ma yin te zhes bya ba la sogs pa smos so//ci'i phyir zhe na/ khyad par bltar rung ba'i phyir te/ 'di ltar rig byed kyi tshig rnams kyi khyad par ni bltar rung ba kho nar 'dod do/ /'on te mi 'dod na ni de lta na khyad par bltar mi rung ba nyid gcig tu khas len na yang khyad par mi dmigs pa des na rig byed kyi tshig khyad par ma mthong ba rnams 'jig rten pa'i tshig dag las rigs mi mthun pa nyid du khas len pa 'gal ba'i phyir ro//gal te rig byed rnams kyi khyad par mnyan dka' ba dang smra dka' ba nyid la sogs pa bltar rung ba kho na ste/de dag ni skyes bus byas pa rnams dang / tha dad par 'gyur bar 'dod na/ de'i khyad par rnams ni zhes bya ba la sogs pa smos so/ /gzhan la yang zhes bya ba ni skyes bus byas pa dag la yang ngo / /khyad par ma mthong ba rnams rigs mi mthun pa nyid du khas len pa 'gal ba'i phyir/khyad par rnams bltar mi rung ba nyid du mi rigs pa 'ba' zhig tu ma zad kyi/ mngon sum pa rnams la mngon sum ma yin pa 'gal ba 'di'i yang phyir te/ gcig la ngo bo nyid 'gal ba gnyis ni mi rung ngo / /gal te khyad par rnams ni mngon sum pa kho na yin la 'khrul pa'i rgyu mtshan yod pa'i phyir dug la sogs pa ni nus pa bzhin du nges par mi zin pa 'ba' zhig tu zad do zhe na/'khrul pa'i rgyu mtshan med pa'i phyir zhes bya ba smos te/ dug la sogs pa la ni gzugs 'dra ba snang ba 'khrul pa'i rgyu mtshan yin la/rig byed rnams la ni de lta bu med do/ /gal te ji ltar shes she na/ gnod par byed pa med pas 'khrul pa mi 'grub pa'i phyir ro zhes bya ba smos te/ gal te rig byed rnams kyi khyad par 'khrul pas/ mi dmigs pa las yang khyad par la dmigs pa'i tshad ma 'khrul pa la gnod par byed pa skyed na ni/de'i tshe 'khrul pa dang de'i rgyu mtshan yang nges par 'gyur ba zhig na de de ni med do / /de lta bas na rig byed rnams 'jig rten pa'i sgra dag dang khyad med par bsgrub par bya ba la gnod par byed pa'i tshad ma med do/ /'o na skyes bu dag la gang gis na rnam pa thams cad du yon tan 'dra ba nyid du sgrub pa la skyon du 'gyur ba gnod pa ci zhig yod ce na/skyes bu dag la ni zhes bya ba la sogs pa smos te/ shes rab la sogs pa ches khyad zhugs pa mthong ba gang yin pa de gnod par byed pa yin pa'i mtshungs pa ma yin no/ /rig byed kyi tshig rjes su dpag par sgra mngon sum pa rnams la mngon sum ma yin pa'i ngo bo nyid med pa'i yang phyir ro zhes bshad pa gang yin pa gal te khyad par rang gi ngo bor gyur pa zhig yin na ni nyes pa 'dir 'gyur ba zhig na/'o na gzhan gyi ngo bor gyur pa yin no zhe na/ de'i phyir tshig gi khyad par gzhan gyi ngo bor gyur pa ni zhes bya ba smos te/gzhan gyi ngo bor gyur pa ni gzhan gyi ngo bor red pa ste/ gzhan gyi ngo bo nyid ces bya ba'i tha tshig go/ /de'i khyad par ma yin pa'i phyir ro zhes bya ba ni tshig khyad par ma yin pa'i phyir ro/ /de'i phyir zhes bya ba la sogs pas ni mjug sdud de gang gi phyir tshig rnams la khyad par med pa de'i phyir khyad par med pa'i rang bzhin skyes bus byas pa dang skyes bus byas pa ma yin par 'dod pa thams cad skyes bus byed cing skyes bu dag gis byed do//yang na ni 'ga' yang ma yin zhes bya ba ni 'jig rten pa yang skyes bus mi byed do zhes bya ba'i tha tshig go/ /de ltar slob dpon pa ma mthong ba tsam gyis mi mthun pa'i phyogs las gtan tshigs ldog par 'dod pa la phan tshun 'gal bar bshad nas/mu stegs can rnams la yang bdag dang zhes bya ba la sogs pa smos so/ /sa la shes yod pa ni sa la shes pa yod pa ste 'di ni 'jig rten rgyang pan pa'i lta ba yin no//bdag dang sa la shes pa yod pa zhes zlas dbye ba yin no/ /sogs pa zhes bya ba'i sgras ni 'o ma la sogs pa la zho la sogs pa yod pa bsdu'o/ /de dag med pa bsgrub par bya ba la gzhan gyis mi dmigs pa smras kyang / bdag la sogs pa smra ba dag gis mi dmigs pa tsam zhig ni tshad ma yin pa'i phyir ro zhes med pa de rab tu bsgrub pa ma yin par 'dod pa gang yin pa'i mi dmigs pa bdag la sogs pa dgag pa la tshad ma nyid du mi 'dod pa de ci gtan tshigs med pa ste/mi mthun pa'i phyogs las ldog pa sgrub par byed pa yin nam/ ji ltar 'di bdag la sogs pa med par sgrub pa bsgrub par bya ba la tshad ma ma yin pa ltar/gtan tshigs med pa la yang de dang 'dra'o/ /'on te 'di gtan tshigs med pa la tshad ma nyid du 'dod na ni de mi dmigs pa tshad mar byed pa bye brag pa la sogs pa 'di'i bdag tu smra ba yang dmigs pa med cing rten med par 'gyur te/de la yang med pa sgrub par byed pa mi dmigs pa srid pa'i phyir ro/ /'di ltar bdag mngon sum ma yin pa'i phyir bdag mngon sum du ni mi dmigs so/ /bdag ni tshu rol mthong ba'i dbang po'i shes pa'i yul ma yin te/ de ni rang bzhin bskal pa yin pa'i phyir ro//dbang po'i shes pa'i mjug thogs su 'byung ba yid kyi mngon sum gang yin pa de yang dbang po'i shes pa'i yul gyi de ma thag pa'i yul la dmigs pa yin no/ /rang rig pa'i yang ma yin te/ de'i yul ni rang gi ngo bo yin pa'i phyir ro/ /gang zhig bdag ni nga'o snyam pa'i shes pa'i mngon sum yin no zhes zer ba de yang rnar mi 'ong ste/nga'o snyam pa'i shes pa ni rnam par rtog pa dang bcas pa nyid kyis mngon sum ma yin pa'i phyir dang / bdag skem mo sbom mo zhes bya ba la sogs pas lus kyi gnas skabs la kun du reg pa'i phyir te/bdag la ni skem pa la sogs pa nyid yod pa ma yin no/ /shes pa rnam pa gzhan dang ldan pa'i yul gzhan yin pa ni med de ha cang thal bar 'gyur ba'i phyir ro/ /mngon sum ma yin pa nyid kyis bdag la rang bzhin du gyur pa'i rtags kyang med do/ /'bras bu ma grub pa'i phyir 'bras bu'i rtags kyang med de/bdag mngon sum ma yin pa la mngon sum dang mi dmigs pa bsgrubs pa 'bras bu dang rgyu'i dngos po med do/ /de bas na rtags med pa'i phyir bdag ni rjes su dpag pa'i yul yang ma yin no/ /gal te mig la sogs pa mngon sum ma yin pa rnams ji ltar 'bras bu rnam par shes pas rjes su dpog ce na/dbang po la sogs pa ni zhes bya ba la sogs pa smos te/ sogs pa zhes bya ba'i sgras ni dran pa'i sa bon la sogs pa bsdu'o/ /rnam par shes pa nyid 'bras bu ste/ de res 'ga' ba yin pa'i phyir ro//'di ltar gzugs dang snang ba dang yid la byed pa dag yod du zin kyang mig btsums pa la sogs pa'i gnas skabs na rnam par shes pa med pa'i phyir dang / yang mig phye ba la sogs pa'i gnas skabs na yod pa'i phyir 'bras bu rnam par shes pa rgyu gzhan la ltos pa dang bcas pa nyid du 'grub bo//de bas na 'di ltos pa dang bcas par grub pas dbang po la sogs pa rab tu 'grub par brjod de/ gang gi phyir rnam par shes pa 'di ltos pa dang bcas shing res 'ga' bar 'gyur ba de'i phyir rnam par shes pa 'di la rgyu ci zhig yod do zhes bya ba'i rnam pa 'dis de nyid dbang po yin no zhes bya bar tha snyad 'dogs so//'di lta bur gyur pa zhig yin no zhes bya bar ni ma yin no zhes bya ba ni gzugs can nyid la sogs pa gzugs kyi khyad par du ni ma yin no zhes bya ba'i tha tshig go/ /'bras bu bde ba la sogs pa rab tu bsgrub pa ni de ltar don chung zad kyang rgyas par mi byed de zhes bya ba la de ltar zhes bya ba ni rnam par shes pa ltar ro//rgyu tsam la ltos pa dang bcas pa nyid kyis 'bras bu bde ba la sogs pa bdag gi yon tan du 'dod pa rab tu bsgrub pa ni bdag tu smra ba'i don cung zad kyang rgyas par mi byed de bde ba la sogs pa rgyu gang yang rung ba khyad par ma bstan pas rgyu dang ldan par khas blangs pa'i phyir ro//bdag ni de lta bur gyur pa ma yin te/ rtag pa dang byed pa po dang za ba po nyid la sogs pa'i mtshan nyid du khas blangs pa'i phyir ro/ /gang gi phyir ji ltar khas blangs pa'i bdag la 'bras bu'i rtags med pa de lta yin dang /bdag mi dmigs pa kho nar 'gyur na/ sangs rgyas pa la sogs pas bdag med de mi dmigs pa'i phyir ro zhes mi dmigs pa des bdag de sel ba na ci ste/ bdag tu smra bas mi dmigs pa tsam gyis bdag med pa yin no zhes bsal zhing spangs/mi dmigs pa 'di bsgrub pa ma yin na ni mi mthun pa'i phyogs las gtan tshigs srog la sogs pa dang ldan pa la sogs pa ldog pa ji ltar sgrub par byed/ rgyang pan pa rnams ni shes pa yod pa na 'byung ba rnams kho na'i mthu yin la/sa yang 'byung ba'i rang bzhin no zhes bya bar 'dod de de ltar 'jig rten rgyang pan pa sa la shes pa yod par mi dmigs par 'dod bzhin du yang ma mthong ba/ tshad ma ma yin pa de nyid kyis tshig la sogs pa thams cad mkhyen pa nyid ma yin pa la sogs par bsgrub pa'i phyir rtags nyid du nye bar bkod pa mi mthun pa'i phyogs las ldog par smra'o//gzhan zhes bya ba ni grangs can te yang de nyid 'o ma la sogs pa zho la sogs pa mi dmigs par 'dod bzhin du yang mig la sogs pa ni gzhan gyi don yin te/ 'dus pa yin pa'i phyir ro zhes smras nas/gzhan gyi don ma yin pa ri bong gi rwa la sogs pa la 'dus pa nyid ma mthong bas ldog pa smra'o/ /de ltar re zhig 'di'i phan tshun 'gal ba yin te/ ma mthong ba tsam gyis kyang gtan tshigs 'di'i khyab pa mi 'grub bo/ /'di la gang gis na mig la sogs pa 'dus pa yin pa'i phyir/gzhan gyi don du 'grub pas grangs can gyi bdag gi don nyid du 'grub par 'gyur ba 'dus pa dag ni gdon mi za bar gzhan gyi don yin par 'gyur ro zhes bya ba'i nges pa ci zhig yod/ 'o ma la sogs pa la zho la sogs pa mi dmigs pa 'dod pa bzhin du yang zhes bshad pa gang yin pa de mi rung ste/'di ltar 'o ma la sogs pa la zho la sogs pa dmigs pa yod pa kho na'o/ /de gang yin zhe na/ rjes su dpag pa zhes bya ba smras so/ /rjes su dpag pa yang mi nus pa las mi 'byung ba'i phyir ro zhes bya bar bstan te/ gal te 'o ma la sogs pa la zho la sogs pa'i nus pa med na/'o ma la sogs pa nus pa med pa de las zho la sogs pa 'byung bar mi 'gyur ro/ /sbyor ba ni gang gis gang zhig bskyed par mi nus pa de ni de las mi 'byung ba ste/ dper na/ sA lu'i sa bon las nas kyi myu gu lta bu'o/ /'o ma la sogs pa las ni zho la sogs pa 'byung ste/de lta bas na 'o ma la sogs pa la zho la sogs pa'i nus pa yod do zhes bya ba ste/ 'bras bu'i gtan tshigs dang 'dra ba chos mi mthun pa'i sbyor ba yin no/ /nus pa nyid zho la sogs pa yin te/ rgyu dang 'bras bu dag tha mi dad pa'i phyir ro snyam du bsam pa yin no//grub pa'i mtha' smra bas yang nus pa 'di ci zhig yin zhes bya ba la sogs pa smos te/ ci zhig la sogs pa'i dngos po phyis dmigs pa yod pa de nyid nus pa yin nam/ 'on te zho la sogs pa las don tha dad pa gzhan nyid cung zad cig yin/ de kho na bzhin du zhes bya ba ni zho la sogs pa grub pa bzhin du 'o ma la sogs pa'i gnas skabs na dmigs par 'gyur te khyad par med pa'i phyir ro//ji ste gzhan zhig yin no zhe na zhes bya ba ni gal te nus pa zho la sogs pa las don tha dad pa zhig yin no zhe na de'i tshe/ ji ltar gzhan yod na ste gzhan nus pa zhes bya ba yod na/zho la sogs pa de yod de med pa kho na'o snyam du bsam pa yin no/ /zho la sogs pa bskyed pa'i mthu yod pa'i phyir/ 'o ma la sogs pa la zho la sogs pa las nye bar gdags pa tsam du ni 'gyur ro/ /mi dmigs pa tshad mar ma byas la/ yang de nyid tshad mar byed pa 'di ni phan tshun 'gal ba yin no//'di dag gi zhes bya ba ni bdag tu smra ba rnams kyis te mjug sdud pa yin no/ /gang gi phyir ma mthong ba tsam gyis ldog pa med pa de'i phyir de tsam dang 'brel pa ste/ gtan tshigs tsam dang 'brel pa'i ngo bo nyid bsgrub par bya ba nyid du 'dod pa bdag nyid ldog pa na ngo bo nyid rang gi ngo bor gyur pa nyid gtan tshigs nyid du nye bar bkod pa zlog par 'gyur ba'am zhes bya ba'i sgras ni 'chad par 'gyur ba'i rnam par rtog pa la ltos pa yin no//dper na shing ldog pa na shing sha pa ldog pa lta bu'o/ /ci'i phyir zhe na/ yal ga la sogs pa dang ldan pa'i khyad par 'ga' kho na zhig la de skad du shing sha pa zhes grags pa'i phyir shing de ni shing sha pa zhes bya ba de'i rang gi ngo bo yin no//rang gi ngo bo shing yongs su bor nas kyang ji ltar shing sha pa zhes bya ba yod par 'gyur/ ci'i phyir zhe na/ rang gi ngo bo kho na shing gi rang gi bdag nyid kho na ngo bo yin pa'i phyir te/shing sha pa'i ngo bo yin pa'i phyir ro/ /gtan tshigs de'i phyir sgrub pa shing sha pa la sogs pa bdag nyid du gyur pa de ni rang bzhin 'brel pa kho na'i phyir te/ rang bzhin bsgrub par bya bar 'dod pa shing la sogs pa dang ji skad bshad pa'i rnam pas 'brel pa kho nas 'khrul pa med do//rgyu yis ni zhes bya ba ldog pa na zhes bya ba khong nas dbyung ngo / /'bras bu zlog par 'gyur zhes bya ba skabs dang sbyar ro/ /ci'i phyir zhe na/ 'khrul pa med pa'i phyir te/ 'bras bu ni rgyu la 'khrul pa med do zhes bye ba'i tha tshig go/ /rgyu zhes bya ba la sogs pas ni 'chad do//gzhan du na zhes bya ba ni gal te rgyu log pa na 'bras bu mi ldog na de'i tshe 'bras bur 'dod pa de ni rgyu de'i 'bras bu nyid ma yin par 'gyur ro/ /de lta bas na rgyu dang 'bras bu'i dngos po grub pa yin na rgyu ldog pa ni 'bras bu gdon mi za bar zlog par byed do/ / de nyid rgyu dang 'bras bu'i ngo bo grub pa ni zhes bya ba la sogs pa ston te/ rgyu dang 'bras bu'i dngos po grub pa ni rgyu la 'bras bu'i ngo bo nyid nges par byed de/ der 'khrul pa med par byed do/ /de bas na bshad ma thag pa'i tshul gyis gnyi gar zhes bya ba ni de'i bdag nyid dang / de las byung ba'i mtshan nyid kyis rang bzhin 'brel pa kho nas bsgrub par bya ba log pas gtan tshigs ldog go//de lta min na gcig log pas zhes bya ba ni bsgrub par bya ba ma 'brel pa log pas/ ji ltar gzhan mi ldog par 'gyur sgrub pa'i chos ma 'brel pa ldog par 'gyur mi 'gyur pa kho na ste 'di ltar mi la mi dag la rta mi bdog ces te/rta med ces te phyugs kyang bdog pa min nam ci/ de bzhin gcig cig nye ba'i phyir/ /zhes bya ba ni/ bsgrub par bya ba dang ma 'brel pa'i gtan tshigs nye ba'i phyir/ ji ltar gzhan bsgrub par bya ba'i chos nye bar 'gyur nye bar mi 'dod pa nyid de/'di ltar mi la phyugs ni bdog /ces te/ de bzhin rta yang bdog gam ci gang gi phyir de lta yin pa de'i phyir rang bzhin 'brel ba kho nas bsgrub par bya bar 'dod pa'i dngos po dang 'brel pa kho nas gtan tshigs kyis bsgrub par bya ba go bar byed do/ /de yang zhes bya ba ni rang bzhin 'brel pa'o//de'i ngo bo'i mtshan nyid ces bya ba la sogs pa ni bsgrub par bya ba'i rang bzhin gyi ngo bo'i mtshan nyid dam/ de las byung ba'i mtshan nyid yin no/ /rang bzhin 'brel pa med na mi 'byung ba zhes bya ba de nyid chos mthun pa dang chos mi mthun pa'i dpe dag gis rab tu ston to//de bas na chos mi mthun pa'i dpe'i 'bras bu ni bsgrub par bya ba med pa'i rgyu mtshan gyis gtan tshigs med par ston to/ /de ltar na bsgrub par bya ba dang sgrub pa dag med na mi 'byung bar bsnyad pa yin no/ /de'i phyir chos mi mthun pa'i dpe la/ nges par 'di la gzhi chos can dngos por gyur pa mi 'dod do//'di la zhes bya ba ni rang bzhin dang 'bras bu'i gtan tshigs la'o/ /rang bzhin mi dmigs pa la ni 'dod pa kho na ste/ de la ni bzlog ste dmigs pa bstan par bya ba yin no/ /ci'i phyir gzhi mi 'dod ce na de dag med na'ang zhes bya ba la sogs pa smos te/de dag med na zhes bya ba rang bzhin dang rgyu dag med na/ rang bzhin dang 'bras bu zhes bya ba'i rtags de med ces bya ba yod pa ma yin no zhes bya ba de ltar chos mi mthun pa brjod pa las kyang de rtogs phyir/ ldog pa rtogs pa'i phyir ro/ /de nyid bsgrub pa'i phyir 'di ltar zhes bya ba la sogs pa smos te/rang bzhin gyi gtan tshigs la bsgrub par bya ba de'i ngo bo sgrub pa'i rang gi ngo bo nyid dang / 'bras bu'i gtan tshigs la bsgrub par bya ba rgyu'i dngos po rgyu nyid du ston to/ /de dag mi shes la zhes bya ba ni de'i ngo bo dang rgyu'i dngos po mi shes pa'i mi la'o//de ni dpe la ni zhes bya ba la sogs pas ston te/ bsgrub par bya ba chos ni de'i ngo bo nyid du ston to/ /rnam pa gang gis ston ce na/ de tsam dang 'brel pa ste/ byas pa tsam dang 'brel pas byas pa grub pa nyid na grub pa'i mi rtag pa nyid kyis de'i rang gi ngo bo nyid sgrub pa'i rang gi ngo bo nyid gang yin pa de lta bu des de'i ngo bor ston gyi/ji ltar kha cig log par rtog pa lta bu phyis rgyu mtshan gyis 'byung ba'i mi rtag pa nyid kyis ni ma yin no/ /de nyid bstan pa'i phyir/ byas pa'i ngo bo nyid ces bya ba la sogs pa smos te/ byas pa'i ngo bo nyid skyed par byed pa'i rgyu gang yin pa de ni mi rtag pa'i ngo bo gnyid yin na skyed par byed do zhes bya ba ni mi rtag pa'i ngo bo kho na skyed par byed de zhes bya ba'i tha tshig go//tshad ma de lta bu de yang dpes ston gyi ma mthong ba tsam ni ma yin no/ /sbyor ba ni 'og nas bshad par bya'o/ /de lta ma yin na zhes bya ba ni gal te de ltar tshad ma mi ston na de'i tshe/chos gcig yod pa'i phyir sgrub pa'i chos yod pa'i phyir/ de las gzhan pa yang zhes bya ba bsgrub par bya ba'i chos kyang yod par 'gyur ro zhes bya bar nges pa med pa'i phyir ro/ /sgrub pa bsgrub par bya ba la 'khrul par dogs par 'gyur ro//de lta bas na dpes tshad ma nye bar bstan par bya'o/ /tshad ma des kyang bsgrub par bya ba'i chos kyi de tsam dang 'brel ba zhes bya ba ni bsgrub pa'i chos tsam dang 'brel pa'o/ /ji ltar ston ce na/ rang gi rgyu kho na las zhes bya ba la sogs pa smos te/ byas pa'i rgyu gang yin pa de kho na las byas pa 'jig pa'i ngang can dang skad cig mar gnas pa'i chos gang yin pa de lta bu skyes te/skad cig ma nyid kyis 'jig pa'i ngang can yin gyi/ dus gzhan du gnas pa nyid ni ma yin no zhes bya ba'i tha tshig go/ /yang ji ltar rang gi rgyu kho na las skyes she na/gzhan las zhes bya ba smos te/ rang gi rgyu las gzhan pa 'jig pa'i rgyu las byas pa de'i yod pa bkag pa'i phyir ro/ /mi rtag pa'i ngo bo nyid bkag pa'i phyir te/ de yang 'og nas ston par 'gyur ro/ /yang na sgrub pa la bsgrub par bya ba'i chos rgyu'i dngos por te/ yang na dpe la bsgrub par bya ba'i de yod pa nyid yin na sgrub pa yod pa'i phyir ro zhes bya ba'i rnam pa 'dis rgyu nyid du rab tu ston to/ /yang na zhes bya ba'i sgra ni rang bzhin gyi gtan tshigs kyi ngo bo ston pa la ltos nas so/ /yang bsgrub par bya ba gang zhig rgyu'i dngos por rab tu ston ce na/ don gzhan zhes bya ba smos te/sgrub pa las don gzhan du gyur pa bsgrub par bya ba ste/ 'bras bu'i gtan tshigs la rnam pa 'di yin no zhes bya ba'i tha tshig go/ /de ltar dpe nye bar bstan pa'i tshad mas de'i ngo bo dang rgyu'i dngos po rab tu bsgrub na ste/ bsgrub par bya ba rang bzhin de'i ngo bo sgrub pa'i ngo bo nyid dang /rgyu'i dngos por rab tu grub pa yin na'o/ /me med na yang du ba med do zhes bya ba skabs dang sbyar ro/ /ci'i phyir zhe na/ 'di ltar mi rtag pa'i ngo bo nyid dang me de'i go rims bzhin du byas pa nyid dang / du ba de'i rang gi ngo bo dang rgyu yin te/ dang zhes bya ba'i sgra ni bsdu ba'i don to//gang gi phyir de ltar yin na ji ltar byas pa dang / du ba 'di'i rang gi ngo bo mi rtag pa dang rgyu me med par yod par 'gyur te mi 'gyur ba kho na'o/ /de lta bas na de ltar ldog pa yul ma bstan pa'i ngo bo brjod pa la gzhi med par yang chos mi mthun pa'i dpe la ldog par rab tu 'grub po/ /de ltar na re zhig de'i ngo bo dang rgyu'i dngos po bstan pa'i phyir/de dag mi shes pa la dpe brjod par bya'o/ /gang dag la de'i ngo bo dang rgyu'i dngos po dag rang gi tshad ma ji lta bas rab tu grub la/ phyogs kyi chos tsam ma nges pa'i mkhas pa de rnams la ni/ de'i ngo bo dang rgyu'i dngos po'i phyir gtan tshigs 'ba' zhig ces bya ba ste/phyogs kyi chos kho na'o/ /gang gi don du zhes bya ba ni rjes su 'gro ba dang ldog pa nges par bya ba'i don du'o/ /bstan par bya ba'i don de rang nyid kyis grub pa kho na yin pas de'i tshe zhes bya ba rjes su 'gro ba dang ldog pa nges pa'i tshe/ de brjod pas dpe brjod pas ci zhig bya/yang gang gi tshe blun po la dpe rab tu bstan par bya ba de'i tshe/ de rab tu bstan na yang chos mi mthun pa'i dpe la gzhi med par yang ji skad bshad pa'i tshul gyis ldog pa 'grub pa kho na ste/ de'i phyir slob dpon chos mi mthun pa'i dpe'i gzhis ci zhig bya snyam du dgongs shing rigs pa'i sgo la sogs pa las gzhi spong bar mdzad do//'di ltar der 'di skad du 'o na gang gi tshe phyir rgol ba nam mkha' la sogs pa rtag pa khas mi len pa de'i tshe/ ji ltar rtag pa las byas pa nyid ldog ces brgal ba dang / de la slob dpon gyis gzhi spangs pa'i phyir/de'i the tshom nyid kyang med de/ de med pas de la mi 'jug pa'i phyir ro zhes bshad do/ /gang gi phyir dpe dag gis 'brel ba brjod pa'i rgyu de nyid kyi phyir/ gtan tshigs 'brel bar shes na chos mthun pa dang chos mi mthun pa gnyis las gang yang rung ba smras pas/ don gyis go bas cig shos la'ang de gnyis kho na las gang yang rung ba ma smras pa la yang dran pa yang dag skye bar 'gyur/de yang slob dpon gyis tshig dang sbyar ba'i phyir/ yang na don gyis go bas zhes bya ba smos te/ gzhung 'di ni rigs pa'i sgo las 'byung ba yin no/ /yang zhes bya ba'i sgra ni 'di nyid las rnam par rtag pa snga ma 'byung ba la ltos pa yin te/'ga' zhig rab tu grags par 'gyur bas gang yang rung ba smras pa yang sgrub pa yin no zhes bshad nas/ yang don gyis go ba zhes bya ba la sogs pa 'byung ba'i phyir ro/ /gang yang rung bas zhes bya ba ni chos mthun pa'am/chos mi mthun pas so/ /gnyi ga rab tu bstan pa'i phyir ro zhes bya ba ni gang yang rung ba smras pa yang sgrub pa yin pas so/ /gzhung der yang slob dpon dpes rang bzhin gyi gtan tshigs dang 'bras bu'i gtan tshigs la go rims bzhin du de'i ngo bo dang rgyu'i dngos po rab tu ston par byed kyi/mthong ba dang ma mthong ba tsam ni ma yin no snyam du dgongs te/ don gyis go bas dpe gcig brjod pas dpe cig shos 'grub par bshad do// //bam po lnga pa/ yang gal te ji ltar na don gyis go bas cig shos 'grub par 'gyur zhe na/ 'di ltar zhes bya ba la sogs pa smos te/gang zhes bya ba ni ril smos pas byas pa thams cad yongs su bsdus pa yin no/ /byas pa gang ci yang rung ste de ni mi rtag pa kho na'o zhes smras na/ gsal bar gdon mi za bar mi rtag pa zhes bya ba'i chos 'di ni byas pa nyid 'di'i ngo bo nyid de tsam dang 'brel par byas pa nyid tsam dang 'brel pa tshad mas mthong ba zhes bya ba tshad mas nges pa kho na yin no zhes bya bar nges par 'gyur ro//'bras bu la yang rgyu gdon mi za bar yod pa ma yin nam/ de ni de'i rang bzhin yang ma yin no zhe na/ de'i phyir don tha dad pa med na zhes bya ba smos so/ /tshad ma gang gis mthong ba de bstan pa'i phyir de yod par nges pa'i phyir ro zhes bya ba smos te/byas pa yod na gdon mi za par mi rtag pa nyid yod pa'i phyir ro zhes bya ba'i tha tshig go/ /sbyor ba ni rgyu dang 'bras bu'i dngos po ma yin la/ gang zhig yod na gang zhig gdon mi za bar yod pa de ni de'i rang bzhin yin te/dper na de nyid kyi ngo bo lta bu'o/ /byas pa yod na yang gdon mi za bar mi rtag pa nyid yod pas rang bzhin gyi gtan tshigs so/ /de ltar na de'i ngo bor shes pas ni byas pa nyid mi rtag pa nyid kyi ngo bo nyid yin par shes pa'i mis ni don gyis go bas bsgrub par bya ba mi rtag pa nyid med na byas pa nyid med do zhes bya ba de ltar nges par 'gyur ro//'di ltar bdag nyid du gyur pa'i rang gi ngo bo mi rtag pa nyid med par de'i bdag nyid du gyur pa byas pa nyid yod par ni mi 'gyur ro/ /ci'i phyir zhe na/ bsgrub par bya ba dang sgrub pa tha dad pa med pa'i phyir ro//de ltar na re zhig chos mthun pas sbyor ba la shugs kyis chos mi mthun pa rtogs par bshad pa yin no/ /chos mi mthun pa'i sbyor ba la yang chos mthun par rtogs par 'gyur bas de bzhin du zhes bya ba la sogs pa smos te/ de med na zhes bya ba mi rtag pa nyid med na byas pa nyid gdon mi za bar med do zhes smras na chos mi mthun pa brjod pa de kho nas de'i ngo bo nyid du rig pa la/sgrub pa bsgrub par bya ba'i ngo bo nyid yin par rig pa'i mi la rjes su 'gro ba dran pa 'byung ngo zhes 'chad par 'gyur pa dang sbyar ro/ /gal te ji skad bshad pa'i chos mi mthun pa brjod pas ji ltar de'i ngo bo nyid du rigs par 'gyur zhe na/'di ltar zhes bya ba la sogs pa smos te/ mi rtag pa zhes bya ba'i chos 'di ni byas pa nyid 'di'i ngo bo nyid yin no/ /des na de med na mi rtag pa nyid med na byas pa nyid med do/ /de lta ma yin na zhes bya ba ni gal te mi rtag pa nyid kyi ngo bo nyid yin par ma gyur na de'i tshe de med na byas pa nyid yod par mi 'gyur ro zhes bya ba mi rung pa'i phyir ro//rgyu de'i phyir de'i ngo bo nyid du rtogs pas byas pa nyid mi rtag pa'i ngo bo nyid yin par rtogs pas rjes su 'gro ba dran pa 'byung ngo / / rang bzhin gyi gtan tshigs la gang la gang yang rung ba'i sbyor bas gnyi gas rtogs par bshad nas/ 'bras bu'i gtan tshigs la yang de bzhin du zhes bya ba la sogs pa smos te/ gang na zhes bya ba ni ril brjod pas thams cad bsdus pa yin no/ /de ni gdon mi za bar me yod do zhes smras na/rjes su 'gro ba smos pa de kho nas/ du ba ni me'i 'bras bu yin no zhes bya ba de ltar nges par 'gyur ro/ /ci'i phyir zhe na/ des na du ba yod na gdon mi za bar me yod do/ /de lta ma yin na gal te me de du ba'i rgyu ma yin na de'i tshe don gzhan me ni de dang 'brel bar nges pa med pa'i phyir te/du ba dang 'brel ba khyab pa gang der nges pa med pa'i phyir ro/ /de bas na ngo bo du ba'i ngo bo nyid rang dbang can du 'gyur ro/ /rang dbang can yin pa des na de med kyang me med kyang du ba'i rang gi ngo bo ma tshang ba med pa'i phyir med par mi 'gyur gyi yod pa kho nar 'gyur ba zhig na/de lta yang ma yin no/ /de lta bas na du ba ni 'bras bu yin par 'dod par bya'o/ /'di ltar du ba 'bras bu yin par khas len na ni gdon mi za bar de'i rgyu me yod do/ /'di kho na zhes bya ba la sogs pa ni 'di nyid gzhung 'dzugs pa yin no//don gzhan yod na zhes bya ba ni 'bras bur 'dod pa yod na rang gi ngo bo nye bar 'jog cing bdag nyid ngo bo so sor nye bar 'jog pa yin no/ /'bras bu 'bras bu nyid yin pa yang de yod pa nyid na rgyu yod pa de nyid na yod pa yin no/ /rgyu yod pa nyid na yod pa de yang du ba la yod de/de lta bas na du ba ni 'bras bu yin no zhes de ltar rjes su 'gro bas de'i 'bras bu nyid shes pa'i mis me med na du ba med do zhes bya bar shugs kyis rtogs par 'gyur ro/ /de ni chos mi mthun pas rjes su 'gro ba rtogs pa de bzhin du zhes bya ba la sogs pa smos te/ me med na du ba med do zhes smras na/ldog pa brjod pa 'dis me las du ba gdon mi za bar 'byung ngo zhes/ zhes bya ba de ltar rgyu dang 'bras bu'i dngos bo nges par 'gyur ro/ /me las gdon mi za bar 'byung ngo zhes bya bar sbyar te/ me kho na las 'byung ngo zhes bya ba'i tha tshig go/ /de ltar na de las 'byung bar nges na/shugs kyis rjes su 'gro ba rtogs par 'gyur ro/ /de lta ma yin na gal te chos mi mthun pa smos pas du ba ni me'i 'bras bu yin no zhes bya ba de mi brjod na de'i tshe de med na du ba ji ste yod par mi 'gyur te/ yod pa kho nar 'gyur bas ldog pa nges pa nyid du mi 'gyur ro/ /de lta bas na don gzhan nyid yin la gang zhig med na gang zhig gdon mi za bar med pa de ni/de'i 'bras bu yin te/ de'i phyir ldog pa brjod pas rjes su 'gro ba rtogs so zhes bya ba 'di gnas so/ /'dir gzhan gyis 'khrul pa rtag pa dang zhes bya ba la sogs pa smras te/ rtag pa dang mi rtag pa dag gi don dag gi 'bras bu ni rtag pa dang mi rtag pa'i don gyi 'bras bu'o//de'i ngo bo ni de nyid de de ma yin yang ngo / /'di ltar nyan pa'i shes pa ni sgra kho na'i chos yin pa'i phyir thun mong ma yin pa yin na de la ci nyan pa'i shes pa sgra rtag pa zhig gi 'bras bu yin nam/ 'on te mi rtag pa zhig gi yin zhes bya ba ni mi shes so//de'i phyir nyan pa'i shes pa ni rtag pa'i don gyi 'bras bu nyid kyang ma yin la/ mi rtag pa'i don gyi 'bras bu nyid kyang ma yin/ 'on kyang de dag med na rtag pa dang mi rtag pa'i don med na nyan pa'i shes pa med de/ de dag log na ldog go zhes bya ba'i tha tshig go//re zhig rtag pa'i don med pa la ni med de/ bum pa la sogs pa mi rtag pa la med pa'i phyir ro/ /mi rtag pa'i don med pa la yang med de nam mkha' la sogs pa la rtag pa med pa'i phyir ro zhe na/ grub pa'i mtha' smra bas med pa nyid ma yin te zhes bya ba smos te/ mnyan par bya ba nyid 'di ni rtag pa dang mi rtag pa med na med do zhes bya bar de ltar shes par mi nus so//gal te de dag med na med do zhes bya ba de ltar nges par gyur na ni de'i tshe de 'bras bu nyid yin par nges par 'gyur ba zhig na/ 'on kyang de dag med na med do zhes bya ba nyid ni med do/ /de ci'i phyir zhe na/ mnyan par bya ba nyid de las rtag pa dang mi rtag pa'i don de dag nyid la the tshom za ba'i phyir ro/ /de bas yin na rtag pa dang mi rtag pa'i dngos po la med pas mnyan par bya ba nyid las nges pa'i phyir ji ltar de dag gi ngo bo la ltos nas/ rtag pa dang mi rtag pa'i ngo bo nyid la ltos nas/ sgra la the tshom du 'gyur/ de lta bas na mnyan par bya ba nyid ni rtag pa dang mi rtag pa dag las ldog pa nyid med do/ /'o na ji ltar mnyan par bya ba nyid thun mong ma yin pa'i phyir rtag pa dang mi rtag pa dag la med do zhes brjod ce na/ yod par nges pa med pa'i phyir zhes bya ba la sogs pa smos te/rtog pa dang mi rtag pa dag la mnyan par bya ba nyid yod par nges pa med pa'i phyir/ rtag pa dang mi rtag pa dag la mnyan par bya ba nyid med do zhes brjod do/ /de lta bas na 'bras bu'i gtan tshigs la dpe dag gis bsgrub par bya ba dang sgrub pa dag rgyu dang 'bras bu'i dngos por brjod par bya'i mthong ba dang ma mthong ba tsam ni ma yin no//de ltar na don gyis go bas gang yang rung bas cig shos rtogs par 'gyur gyi gzhan du ni ma yin pas/ gang gi tshe zhes bya ba la sogs pa smos so/ /gang na du ba yod pa de na me yod do zhes bya ba nyid du yang mi 'gyur na zhes bya ba ni 'brel pa med pa'i phyir rjes su 'gro ba nyid du mi 'gyur ba'o//gang gi tshe rjes su 'gro ba nyid ma grub pa de'i tshe/ me med na du ba med do zhes shugs kyis ldog pa 'grub pa lta ga la 'gyur/ de bzhin du chos mi mthun pas ma mthong ba tsam brjod pas bsgrub par bya ba med na gtan tshigs med pa mi 'grub pa'i phyir de'i sgo nas rjes su 'gro ba dran par lta 'gyur re skan/de med na ji skad bshad pa'i 'brel pa med na/ gcig yod na gzhan rab tu 'grub pa mi srid pas/ gcig yod na 'bras bu dang rang bzhin gyi gtan tshigs yod na gzhan rab tu grub par bya ba'i phyir rtags can rgyu dang rang bzhin rab tu grub par bya ba'i phyir ro//ji skad bshad pa'i zhes bya ba ni de'i bdag nyid dang de las byung ba'i mtshan nyid do/ /de'i phyir zhes pa ni bshad ma thag pa'i phyir ro/ /rgyu dang rang bzhin dag med pa zhes bya ba ni rgyu med pa dang rang bzhin khyab par byed pa med pa'o/ /'bras bu dang khyab par bya ba 'ga' zhig dgag pa'i'o//yang zhes bya bas ni dgag pa'i tha snyad bsgrub pa'i yang ngo / /gtan tshigs ni rtags so/ /ci'i phyir zhe na/ 'di ltar rgyu dang khyab par byed pa de dag kho na ldog pa na/ rang dang 'brel ba 'bras bu dang rang bzhin khyab par bya bzlog par byed pas/rgyu de'i phyir don 'bras bu'am khyab par bya ba 'ga' zhig dgag pa yang sgrub par 'dod pas so/ /yang zhes bya ba'i sgras ni tha snyad kyang ste/ 'dis ni yang zhes bya ba'i sgra'i don yang brjod pa yin no/ /rgyu byed rgyu 'am rang bzhin khyab par byed pa'i ldog pa'i gtan tshigs nyid du brjod par bya'o//ci'i phyir de gnyis kho na ldog pa nyid du brjod par bya'i/ gzhan yang ni ma yin zhe na/ ma 'brel na ni zhes bya ba smos te/ de gnyis las gzhan pa la 'brel ba med do snyam du bsam pa yin no/ /gang la dmigs par rigs shing rung ba yod pa la de skad ces bya ste/ bltar rung bzhes bya ba'i tha tshig go/ /de mi dmigs pa yang zhes bya ba ni bltar rung ba'i rang bzhin mi dmigs pa yang dgag pa'i gtan tshigs yin no/ /'di ni dgag pa nyid kyi gtan tshigs ni ma yin no/ /'on kyang dgag pa'i yul can gyi tha snyad gang yin pa de'i gtan tshigs yin pa'i phyir/de'i gtan tshigs te/ dgag pa'i gtan tshigs zhes bshad do/ /ci'i phyir dgag pa'i gtan tshigs ma yin zhe na/ de lta bu mi dmigs pa na bltar rung ba mi dmigs pa ni/ rang nyid kyi 'gog pa'i ngo bo yin pa'i phyir ro/ /rgyu dang khyab par byed pa mi dmigs pa zhes bya ba ni rgyu mi dmigs pa dang /khyab par byed pa mi dmigs pa'o/ /gnyi ga'i yang zhes bya ba ni dgag pa dang dgag pa'i tha snyad kyi'o/ /de ltar zhes bya ba ni de ltar na ste mi dmigs pa 'di mdor bsdus nas rnam pa gsum du bshad kyang yang rnam pa du mar bshad de/ 'di gnyis las gong du rnam pa brgyad du ji ltar phye ba lta bu'o//rnam pa gang gis shi na/ de dang de 'gal la sogs pa/ /zhes bya ba la sogs pa smos te/ de zhes bya ba'i sgras ni gong du thal ba rang bzhin dang / rgyu dang khyad par byed pa gsum gzung ngo / /rang bzhin la sogs pa gsum po de dag 'gal ba ni de 'gal te rang bzhin dang 'gal ba dang rgyu dang 'gal ba dang khyab par byed pa dang 'gal ba'i bye brag gis rnam pa gsum kho na yin no//gang la de dang de dang 'gal ba yod pa de ni de dang de dang 'gal ba la sogs pa ste/ sogs pa zhes bya ba'i sgras ni 'gal ba'i 'bras bu dang /rgyu 'gal ba'i 'bras bu bsdu'o/ /de dang de dang 'gal ba la sogs pa ni de dang de dang 'gal ba la sogs pa dag go/ /de dag mi rtogs pa dang rtogs pa dag ste/ de mi rtogs pa dang / de dang 'gal ba la sogs pa rtogs pa zhes bya ba'i tha tshig go/ /de dag gi dbye ba ste des sbyor ba'o//de lta bas na sbyor ba'i sgo nas rnam pa du mar bshad do/ /de la de mi rtogs pas ni mi dmigs pa rnam pa gsum po rang bzhin mi dmigs pa dang / rgyu mi dmigs pa dang / khyab par byed pa mi dmigs pa bsdus so/ /de dang 'gal ba rtogs pas ni/rang bzhin 'gal ba dmigs pa dang / rgyu 'gal ba dmigs pa dang / khyab par byed pa 'gal ba dmigs pa gsum bsdus so/ /sogs pa'i sgras ni 'gal ba'i 'bras bu dmigs pa dang / rgyu 'gal ba'i 'bras bu dmigs pa bsdus te/ de ltar na sngar bshad pa'i mi dmigs pa rnam pa brgyad bsdus pa yin no//dgag pa'i gtan tshigs ni rnam pa gsum kho na ste zhes bya ba la sogs pas ni tshig le'ur byas pa'i don 'chad do/ /rgyu dmigs su yod pa dmigs su rung ba mi dmigs pa'o zhes bya bar sbyar ro/ /khyab par byed pa dang rang gi bdag nyid dmigs su yod pa zhes bya bar sbyar ro//dgag pa'i gtan tshigs rnam pa gsum po de ni sbyor ba'i dbang gis rnam pa du mar bshad de zhes bya bar sbyar ro/ /sbyor ba'i dbang gis ji lta bu zhe na/ de dang de dang 'gal ba la sogs pa ma rtogs pa dang / rtogs pa'i dbye ba'i sbyor ba'i sgo nas zhes bya ba smos so//de nyid de ma rtogs pa dang zhes bya ba la sogs pas rnam par 'byed de/ de ma rtogs pa zhes bya ba ni rang bzhin dang rgyu dang khyab par byed pa mi dmigs pa'o/ /de dang 'gal ba rtogs pa zhes bya ba ni rang bzhin dang rgyu dang khyab par byed pa dang 'gal ba dmigs pa'o//'gal ba'i 'bras bu rtogs pa zhes bya ba ni 'gal ba'i 'bras bu dmigs pa'o zhes bya ba la sogs pa'i dbye ba'i sbyor ba dag gis zhes bya ba ni/ rgyu 'gal ba'i 'bras bu dmigs pa la sogs pa'i dbye ba'i sbyor ba dag gis so/ /ji skad bshad pa bzhin no zhes bya ba ni gong du mi dmigs pa'i rab tu dbye ba bsam pa'i skabs su'o//gang gi phyir de ltar 'brel ba'i dbang gis rtogs par byed pa nyid yin pa de'i phyir/ rgyu dang 'bras bu'i dngos po nges par byed pa'i bsgrub par bya ba dang sgrub pa dag mi 'khrul bar sgrub par byed pa'am rang bzhin nges par byed pa de'i bdag nyid kyi mtshan nyid las 'bras bu dang rang bzhin gyi rtags bsgrub par bya ba med na mi 'byung bar nges pa yin no//ma mthong ba las min zhes bya ba ni bsgrub par bya ba med na gtan tshigs ma mthong ba tsam las med na mi 'byung bar nges pa ni ma yin pa'o//mthong las min zhes bya ba ni bsgrub par bya ba dang / sgrub pa dag lhan cig yod par mthong ba las kyang ma yin pa'o/ /de lta bas na de las byung ba kho nas don gzhan med na mi 'byung ba yin te/ ji ltar gzhan du na ste de las byung ba ma yin na/ gzhan dag nyid du gyur pa ma yin pa'i rtags gzhan dag dang ste/bsgrub par 'dod pa'i don gzhan dag dang / nges par yod pa'i nges pa gang de ltar na re zhig gzhan du gyur pa'i rtags mdun du byas te bshad pa yin no/ /don gzhan ma yin pa'i rtags la ni bsgrub par bya ba'i chos de tsam dang 'brel ba nyid du 'dod par bya'o//de lta ma yin te mi rtag pa nyid gang zhig la byas pa nyid kyi rgyu mtshan skyed par byed pa gang yin pa de las don gzhan pa tho ba la sogs pa'i rgyu mtshan yod par 'dod na chos de las/ nges par yod pa'i nges pa gang ci dang 'dra zhe na/ gos la tshon bzhin no/ /ji ltar gos grub zin pa la le brgan rtsi la sogs pa'i rgyu mtshan can gyi tshon phyis 'byung ba gang yin pa de la gdon mi za bar 'byung bar ma nges pa de dang 'dra'o//mi rtag pa nyid kyi rgyu don gzhan yin pa nyid du 'dod pa la nyes pa 'di 'ba' zhig tu ma zad kyi/ nyes pa gzhan 'di yang yod pas/ gzhan yang zhes bya ba la sogs pa smos te/ mi rtag pa nyid ces bya ba'i chos don gzhan gyi rgyu mtshan can yin par gyur na de rang gi ngo bor gyur pa byas pa la sogs pa de las gzhan nyid yin no/ /'di ltar bsgrub par bya ba'i chos don gzhan gyi rgyu mtshan can nyid du khas len na/ sgrub pa'i chos grub na ma grub pa dang rgyu tha dad pa can dang gnyis su 'dod pa yin no//de yang rang bzhin tha dad pa med par mi rung ste/ 'di ltar grub pa'i ngo bo de grub kyang bsgrub par bya ba'i chos ma grub pa'am/ rgyu tha dad pa can ni de'i rang bzhin du rigs pa ma yin te/ rtags sngar grub pa dang rgyu tha dad pa can gyi rang bzhin du rigs pa ma yin no//'di ltar dngos po rnams kyi tha dad pa ni 'di kho na yin te/ chos 'gal ba gnas shing chos 'gal ba dang ldan pa yin te/ grub pa dang ma grub pa dag ni 'dir chos 'gal ba dag yin no/ /de bzhin du rgyu tha dad pa ni 'di kho na yin te/tha dad pa skyed par byed pa'i rgyu tha dad pa gang yin pa'o/ /rgyu tha dad pa ni 'dir tshogs pa tha dad pa yin par blta bar bya ste/ 'dis ni tha dad pa'i rang gi ngo bo dang / tha dad pa'i rgyu yang bshad do/ /gal te chos 'gal ba gnas pa dang / rgyu tha dad pa de dag kyang tha dad par byed pa ma yin par 'dod na/de'i tshe dngos po gang yang don gang las kyang tha dad pa med pas 'gro ba ril rdzas gcig tu 'gyur ro/ /gal te yon tan gsum khyad par med pa'i phyir thams cad gcig pa nyid du 'dod pa kho na'o zhe na/ des na zhes bya ba la sogs pa smos te/des na zhes bya ba ni gcig pa'i phyir ro/ /lhan cig skye ba dang 'jig pa dag na/ gcig skye na yang thams cad skye la/ 'jig na yang 'jig par 'gyur ro zhes bya ba'i tha tshig go/ /'bras bu thams cad la thams cad nye bar sbyar te/ rgyu nyid du 'gyur ro/ / de lta ma yin na zhes bya ba ni lhan cig skye ba la sogs par khas mi len na thams cad gcig ces bya ba nyid du mi 'gyur ro/ /'on te nye bar sbyar ba la sogs pa'i bye brag gis phan tshun tha dad pa'i bdag nyid du 'dod na/ de'i tshe ming tha dad par 'gyur bar zad de/ mang po rnams la gcig ces ming du btags pa'i phyir ro//ci'i phyir zhe na/ phan tshun tha dad pa'i don khas blangs nas/ de skad du brjod pa'i phyir te/ gcig ces brjod pa'i phyir ro/ /gzhan gyi rgyu don tha dad pa nyid med kyang zhes bya ba la sogs pa smras te/ khyed kyi gzhung lugs kyis mi rtag pa nyid kyi rgyu don tha dad pa nyid med cing 'jig pa'i rgyu la mi ltos pa nyid yin yang /dngos po'i dus na mi rtag pa nyid ma grub pa'i phyir dngos po yod pa'i dus na mi rtag pa de ma grub pa'i phyir te/ dngos po'i 'og rol gyi dus su mi rtag pa nyid du 'gyur ro snyam du bsam pa yin no/ / de'i rang bzhin ma yin par mtshungs pa ma yin nam zhes bya ba ni ji ltar kho bo cag gi ltar na mi rtag pa nyid don gzhan la ltos pas byas pa'i ngo bo nyid ma yin pa de bzhin du rgyu med par smra ba khyed kyi ltar na yang / 'jig pa byas pa'i ngo bo nyid du mi 'gyur ro zhes bya ba'i tha tshig go/ / mi rtag pa nyid ces bya ba la sogs pas ni lan 'debs so/ /skad cig mar gnas pa'i chos zhes bya ba ni skad cig mar gnas pa'i ngo bo nyid do/ /gal te dngos po nyid mi rtag pa nyid yin na/ 'o na ji ltar chos can sgra'i chos mi rtag pa nyid ces tshig tha dad ce na/ de'i phyir chos dang zhes bya ba la sogs pa smos te/chos dang chos can gyi tshig tha dad pa rjod par byed pa tha dad pa nyid gang yin pa de la yang rgyu mtshan 'og nas bshad par bya'o/ /ji ste gal te dngos po nyid mi rtag pa nyid yin na/ dngos po mngon sum du byed pa na/ ci'i phyir de mngon sum du mi 'gyur/ gang gis na rtags las go bar 'gyur zhe na/bden te 'dzin pa kho na yin na dngos po 'di'i rang bzhin skad cig mar gnas pa'i chos de nyid mi rtag pa nyid ces bya ba de ni mthong ba bzhin du yang mngon sum du byas su zin kyang mi rtogs pa 'ba' zhig tu yang zad do zhes bya ba 'di dang sbyar ro//ci'i phyir dngos po'i rang bzhin skad cig mar gnas pa'i chos nyid yin zhe na/ rang gi rgyu kho na las de ltar skye ba'i phyir zhes bya ba smos te/ dngos po'i rgyu kho na las skad cig mar gnas pa'i chos nyid du skye ba'i phyir ro/ /gal te mthong bzhin du yang ci ste mi rtogs she na/blo zhan pa zhes bya ba la sogs pa smos te/ gang la blo zhan cing g.yer bag med pa zhes tshig rnam par sbyar ro/ /rtag tu zhes bya ba'i sgra ni de ltar yod par dogs pas bslus pa zhes bya ba 'di dang sbyar te/ dus res 'ga' ni yod pa dmigs pa yod pa nyams su myong ba'i rgyus rtag tu de ltar yod par dogs pas bslus te/'di ni skad cig ma gcig la ji lta bu dmigs pa ltar dus thams cad du de kho na lta bu yin no zhes rtag tu de ltar yod par dogs shing gcig pa nyid du sgro 'dogs par byed pa'i 'khrul par 'gyur ro/ /dogs pa zhes bya ba'i sgras 'dir 'khrul pa kho na la bya'i the tshom ni ma yin no//des bslus shing bri ba ni skad cig mar gnas pa'i chos nyid de mngon sum gyi tshad mas mthong bzhin du yang ji ltar nyams su myong ba mi rtogs shing nges par mi 'gyur ro/ /ma nges pa'i rgyu gnyis pa/ 'dra ba gzhan 'byung bas bslus pas zhes bya ba smos te/yang na skad cig ma dang po dang 'dra ba skad cig ma gnyis pa la sogs pa 'byung ba des bslus pas mthong bzhin du yang mi rtogs so zhes bya bar sbyar te/ kha cig ni de skad du 'chad do/ /'di ni 'dir bsam par bya ba yin te/ gal te dngos po'i rang bzhin yin pa'i phyir skad cig mar gnas pa'i chos nyid dngos po bzhin mngon sum pa yin na/sngon po la sogs pa'i rang gi ngo bo ltar de yang ji ltar myong ba bzhin ci'i phyir nges par mi 'gyur zhes de skad du brgal ba'i lan du rtag tu de ltar yod par dogs pas bslus pa'i phyir ro zhes bya ba 'di bshad pa gzhan gyis gal te skad cig ma nyid mngon sum pa yin na/ci'i phyir rtag tu yod pa nyid du dogs par 'gyur/ nyams su myong ba'i shes pas gzung ba'i sngon po la ni ser por sgro 'dogs par byed pa'i 'khrul par mi 'gyur ro zhes 'di lta bu nyid rgol ba ma yin nam/ de ltar ni brgal ba gang yin pa de nyid lan du byas par 'gyur ro//de lta bas na rtag tu de ltar yod par sgro 'dogs par byed pa 'khrul pa de nyid kyi rgyu mtshan brjod dgos so/ /yod pa dmigs pas zhes rgyu bshad pa nyid ma yin nam zhe na/ de skad du ni bshad mod kyi rigs pa ni ma yin te/ 'di ltar dngos po skad cig ma nyams su myong ba nyid yod pa dmigs pa yin la de nyid la brten nas/gzhan gyis gal te skad cig ma nyid mngon sum gyis bzung na/ ci'i phyir de la phyin ci log tu rtogs zhes brgal ba dang / yod pa dmigs pas zhes de nyid gtan tshigs nyid du brjod de/ brgal ba'i gtan tshigs gang yin pa de nyid lan gyi gtan tshigs su ni mi rung ngo //'on te skad cig ma snga ma dang 'dra bar skad cig ma gnyis pa la sogs pa'i yod pa gang yin pa de dmigs pas/ 'di ni yod pa dmigs pa zhes bya ba'i sgra'i don yin te/ des na 'di skad du skad cig ma dang po dang 'dra ba skad cig ma gnyis pa la sogs pa yod pa dmigs pa'i phyir/skad cig ma snga phyi dag gi bye brag dbye bar mi nus pas mi rtogs so zhes bshad pa yin no zhes bya bar 'dod na/ de yang shin tu rnar mi 'ong ba yin te/ 'dra ba gzhan 'byung bas bslus pa zhes bya ba 'dis 'di'i don bshad zin pa'i phyir zlos par 'gyur ro//gzhan yang bslus pa'i rgyu 'di nyid la khyad par ci zhig yod pa 'di yang brjod dgos so/ /'di ltar yod pa dmigs pa na yang skad cig ma 'dra ba gzhan 'byung ba yod la/ skad cig ma gcig kho na la yod pa dmigs pa gang yin pa de ni 'dir brjod par 'dod pa ma yin te/'di ni tshu rol mthong ba'i tha snyad du btub par rung ba ma yin pa'i phyir dang / mi srid pa'i phyir ro/ /yod pa de lta bu dmigs pa ni 'khrul pa'i rgyu mtshan yang ma yin no/ /'on kyang 'dir ni rgyun chags pa'i dmigs pa kho na brjod par 'dod de/ de la ni 'dra ba gzhan 'byung ba yod pa kho na'o//de bzhin du 'dra ba gzhan 'byung ba na yang dmigs pa yod de/ 'dra ba gzhan 'byung ba mi dmigs pa ni 'khrul pa'i rgyu ma yin te/ rtag tu thams cad 'khrul par thal bar 'gyur ba'i phyir ro/ /de lta bas na phyogs 'di gnyis la khyad par 'ga' yang med do/ /'di la kha cig snga ma la ni yod pa dmigs pa bshad do//gnyis pa la ni 'dra ba gzhan 'byung ba dmigs pa'o zhes khyad par 'chad par byed do/ /de yang rigs pa ma yin te/ yod pa dmigs pa yang ji skad bshad pa'i tshul gyis 'dra ba gzhan 'byung ba dmigs pa yin pa'i phyir ro/ /gzhan dag na re yod pa dmigs pa na yang 'dra ba gzhan 'byung ba yod kyang brjod par mi 'dod la/'dra ba gzhan skye ba na yang yod pa dmigs pa yod kyang brjod par mi 'dod do zhes zer ro/ /de yang yang dag pa ma yin te/ yod pa dmigs pa la 'dra ba gzhan 'byung ba brjod par mi 'dod na 'khrul pa'i rgyu mtshan nyid ma bsnyad par 'gyur la/'dra ba gzhan 'byung ba yang dmigs pa med na 'khrul pa'i rgyu mtshan nyid du mi 'gyur ba'i phyir de dag brjod par mi 'dod pa ni rigs pa ma yin no/ /de lta bas na gzhan du rnam par bshad par bya ste/ 'khrul pa'i rgyu mtshan dang pos ni mu stegs can rnams kyi 'khrul pa'i rgyu mtshan lta ba ngan pa la mngon par zhen pa'i bag chags kyi sa bon nang na yod pa bstan to//'di la tshig gi don ni 'di yin te/ rtag tu de ltar yod par dogs pas bslus pa zhes bya ba ni skad cig ma ma yin pa nyid du mngon par zhen pa'i 'khrul pas bslus pa zhes bya ba'i don te/skad cig ma ma yin par smra ba skad cig ma ma yin par mngon par zhen pa'i phyir mthong bzhin du yang mi rtogs so zhes bya ba'i tha tshig go/ /gal te rtag tu de ltar yod par dogs pas bslus pa nyid du yang ji ltar 'gyur zhe na/ yod par mi dmigs pas zhes bya ba smos te/dmigs pa zhes bya ba'i sgra ni lhag pa ste/ skad cig ma ji ltar gnas pa bzhin yod pa las lhag par skad cig ma ma yin pa nyid la sogs pa'i rnam par dmigs par byed/ 'dzin par byed pas yod pa dmigs pa ni skad cig ma ma yin pa nyid la sogs pa 'khrul pa'i sa bon yin te/de'i dbang gis de ltar 'khrul pa 'byung ba'i phyir ro/ /'di skad du thog ma med pa nas lta ba ngan pa la mngon par zhen pa'i sa bon nang na yod pas bskyed pa skad cig ma ma yin pa nyid du 'khrul pa gang yin pa des bslus pas mi rtogs so zhes bshad pa yin no/ / 'khrul pa'i sa bon nang na lta yod du zad mod/ nyams su myong ba'i shes pa de nyid kyis ji ltar gzung ba'i rnam pa go ci'i phyir nges par mi byed ce na/ blo zhan pa zhes bya ba smos so/ /skad cig ma ma yin par lta ba la mngon par zhen pa rnams ni bstan bcos ngan pa'i lta ba la goms par byed pa'i phyir/ nang gi nyes pas skad cig ma nyid mthong ba yang ji lta ba bzhin gtan la mi phebs grang na/sangs rgyas pa rigs pa dang lung dag gis skad cig ma nyid du gtan la phebs pa rnams la go ji ste mngon sum gyi stobs kho nas skad cig ma nyid du nges pa mi skye ste/ de dag la bstan bcos ngan pa la mngon par zhen pa ni med do zhe na/de'i phyir 'dra ba gzhan 'byung bas bslus pas zhes bya ba smos te/ de'i 'khrul pa'i rgyu spyi yin no/ /yang ji skad bshad pa'i 'khrul pa'i rgyus mthong bzhin du yang mi rtogs kyi dngos po nyid skad cig ma ma yin pa'i phyir ni ma yin no zhes bya ba 'di ji ltar shes she na/ de'i phyir skad cig ma tha ma zhes bya ba la sogs pa smos te/ skad cig ma 'dra ba gzhan dang mtshams mi sbyor ba'i skad cig ma ni skad cig ma tha ma ste/ de mthong ba rnams la zhig go zhes bya bar nges pa'i phyir/ 'di ni sngar yang skad cig re re kho na la 'jig ste/ ji skad bshad pa'i bslus pa'i rgyus gtan tshigs la mi phebs pa 'ba' zhig tu zad do zhes bya bar rtogs so//gal te skad cig ma ma yin par gyur na ni phyis kyang 'gyur ba kho na ste khyad par med pa'i phyir ro/ /'jig pa'i rgyu ni mi rung ba'i phyir ro/ /skad cig ma tha ma mthong ba na yang ji ltar 'jig pa'i dad can nyid du nges te/'di ltar de'i tshe yang yod pa dmigs pa ni yod de/ yod pa nyid dmigs na de med par rtogs pa ni ma yin no zhe na/ phyis zhes bya ba la sogs pa smos te/ skad cig ma tha ma mthong ba tsam gyis nges par 'gyur ro zhes ni mi smra'o/ /'on kyang skad cig ma tha ma mthong nas/ phyis rgyun chad pa na/'di zhes bya ba skad cig ma gzhan dang mtshams mi sbyor ba'i bum pa la sogs pa mi dmigs pas zhes bya ba de dang mi 'dra ba'i dngos po gzhan dmigs pas dang / mi gnas pa rtogs pa'i phyir de'i tshe 'di zhig go zhes bya bar nges pa'i dus yin pas/ nges pa'i dus de nyid na de mngon sum gyi stobs kyis mi rtag pa nyid du rnam par gzhag ste/rjes su dpag pas ni sngar yang rnam par gzhag pa nyid do/ /dpe yang 'bras bu bskyed pa'i zhes bya ba la sogs pa smos te/ 'bras bu bskyed pa'i nus pa ni 'bras bu bskyed pa'i nus pa'o/ /de ni rgyu'i ngo bo nyid yin yang yin te/ nus pa ni rgyu las tha dad pa ma yin no/ /des na rgyu gzung ba na de gzung ba kho na'o snyam du bsam pa yin no/ /'on kyang de'i 'bras bu ma mthong ba zhes bya ba mi gang gis rgyu de'i 'bras bu ma mthong ba rgyu mthong du zin kyang de'i ngo bo ma rtogs pas/ nus pa'i rang gi ngo bo ma rtogs pa'i mi des phyis gang gi tshe rgyu de las 'bras bu byung ba de'i tshe/'bras bu mthong bas rtogs pa bzhin te/ rgyu'i nus pa rtogs pa bzhin no/ /de lta bas na byas pa grub pa'i dus na/ byas pa'i rgyu kho na las byas pa'i bdag nyid du gyur pa mi rtag pa nyid grub po zhes bya ba de ltar 'dod par bya'o/ /de lta ma yin na gzhan gyi rgyu mtshan can nyid yin nam zhes bya ba ni yod pa'i rgyu las gzhan pa'i rgyu de'i rgyu mtshan can yin yang rung ba'o//rgyu mtshan med pa can nyid yin yang rung zhes bya ba ni/ rgyu la mi ltos pa kho nar mi rtag pa nyid du 'gyur ba yang rung ba ste/ de ni kha cig gi gzhung lugs kyis dus gzhan na'o zhes 'byung ba de dag gi lta bas 'di bshad do//mi rtag pa nyid don gzhan kho nar 'gyur ro zhes bya ba ni/ chos don gzhan gyi rgyu mtshan can yin par gyur na de bzhin nyid ces bya bas don 'di bshad zin pa nyid de/ nyes pa gzhan brjod pa'i phyir yang nye bar bkod do/ /de lta na ni zhes bya ba ni mi rtag pa nyid don gzhan yin na'o//dngos po de dang ldan par mi rtag pa nyid dang ldan par mi 'gyur te 'brel pa med pa'i phyir ro/ /de nyid bsnyad pa'i phyir de la mi dgos pa'i phyir ro zhes bya ba smos te/ dngos po de la mi rtag pa nyid dam/ de la dngos po mi dgos pa'i phyir te/ phan par byed pa med pa'i phyir ro//'on te 'brel pa grub par bya ba'i phyir/ dngos po la mi rtag pa nyid kyis byas pa'i dgos pa ngang gis 'jig pa nyid kyi mtshan nyid khas len na/ de'i tshe dngos po'i rang gi bdag nyid du gyur par 'dod par bya ste/ gzhan du na de la yang 'brel par mi 'gyur ro/ /mi rtag pa nyid kyis byas pa'i dgos pa ji skad bshad pa khas len pa de'i tshe yang dgos pa de nyid dngos po'i rang gi bdag nyid du gyur pa'i mi rtag pa nyid yin pas/don gzhan du gyur pa'i mi rtag pa nyid gzhan gyis ci zhig bya ste/ gal te mi rtag pa nyid las ngang gis 'jig pa'i ngo bo nyid 'byung bar khas len na/rang gi rgyu kho na las de ltar 'byung du zad mod/ mi rtag pa nyid ni don med do zhes bya ba'i tha tshig go/ /gzhan yang dngos po rang bzhin gyis g.yo ba'am mi g.yo ba zhig yin grang na/ phyogs dang po la ni mi rtag pa nyid don med do/ /gnyis pa la yang rang bzhin gyis mi g.yo ba ni don gzhan mi rtag pa nyid dang ldan yang /de'i ngo bor mi 'thad pa'i phyir te/ mi rtag pa'i ngo bo nyid du mi 'thad pa'i phyir/ mi rtag pa nyid don med do/ /bsgrub par bya ba'i chos sgrub par 'dod pa mi rtag pa nyid ces bya ba'am/ sdug bsngal nyid la sogs pa chos gzhan de yang don gzhan las 'byung ba na rtags gang gis de bsgrub par bya ba de'i rgyu yin pa'am/'bras bu nyid yin pa zhig tu 'gyur grang ste/ 'am zhes bya ba'i sgras ni rgyu dang 'bras bu yin pa'am zhes bsdu ba yin no/ /de la rnam par brtag pa gsum la skyon rgyu dang 'bras bu ma yin pa ni zhes bya ba la sogs pa smos so//yang na rgyu'am 'bras bu zhig yin grang zhes rnam par brtag pa gnyis byas pa la/ gzhan rnam par brtag pa gsum pa rgyu dang 'bras bu ma yin pa yang ji ste dgos par ma byas zhes smra na/ de'i phyir rgyu dang 'bras bu ma yin pa ni zhes bya ba la sogs pa smos te/shin tu rnar mi 'ong ba'i phyir phyogs de ni dogs par ma byas te/ de ni bsdus pa'i don yin no rgyu yang ma yin la 'bras bu yang ma yin pa ni bsgrub par bya ba'i rtags dang 'brel pa med pa'i phyir de la rtags dang ldan pa'i chos can de la bsgrub par bya ba'i chos de yod par rjes su dpag par te/yod pa nyid du rjes su dpag par mi srid pa'i phyir ro/ /phyogs gsum pa bstsal na rnam par brtag pa nyid gnas te de la yang mi rung bar bstan pa'i phyir/ de la zhes bya ba la sogs pa smos so/ /byas pa'i ngo bo nyid pas don gzhan gyi rgyu mtshan can gyi chos phyis 'byung ba'i phyir byas pa sngar grub pa'i rgyu nyid yin no//phyis 'byung ba de 'bras bu yin par khas len na yang ga la nges te/ nges pa med pa kho na'o/ /de zhes bya ba ni mi rtag pa la sogs pa'i chos de byas pa'i dngos po grub nas so/ /ji ltar de'i zhes bya ba ni dngos po pa'o/ /'bras bu yang rgyu mtshan gzhan la ltos pa ni rgyu byas pa nyid la yod par gdon mi za ba ma yin te/rgyu mtshan rnams ni 'bras bu rtsom pa la ma nges pa'i phyir ro/ /'bras bur gyur pa'i chos de shes par byed pa'i gtan tshigs ni de go bar byed pa'i gtan tshigs te/ byas pa nyid bsgrub pa bya ba'i chos de go bar byed/ rtogs par byed pas na de go bar byed pa'o/ /'di ni de lta bu chos yang yin la gtan tshigs kyang yin pas zhes khyad par gyi tshig bsdus te de ma nges pa nyid yin no/ /de'i phyir zhes bya ba la sogs pas ni mjug sdud de/ de'i phyir zhes bya ba ni de lta bas na'o/ /don gzhan gyi rgyu mtshan gyis bsgrub par bya ba'i chos ni byas pa la sogs pa'i ngo bo nyid kyi dngos po la gdon mi za bar yod pa ma yin pas/de rjes su dpag tu med do/ /gzhan gyis 'o na gal te zhes bya ba la sogs pa smras te/ med na mi 'byung nges pa ste/ /ma mthong las min mthong las min/ / zhes smras pas/ mthong ba dang ma mthong ba dag rjes su 'gro ba dang ldog pa rtogs pa'i rten ma yin no zhes smras pa yin no/ /gal te de lta yin na ji ltar du bas me mi 'khrul lo zhes bya bar rtogs te/ me yod na du ba mthong la de med na du ba ma mthong ba ma rtogs rnam pa gzhan gyi du bas mi 'khrul pa ni med de/rgyu dang 'bras bu'i dngos po yang mthong ba dang ma mthong ba dag kho nas rtogs so snyam du bsam pa yin no/ /'di ltar zhes bya ba la sogs pas ni lan 'debs te/ me yod na du ba mthong la/ de med na ma mthong ba zhes bya ba de tsam gyis du bas mi 'khrul par ni mi smra'o//'on kyang me'i 'bras bu du ba ste ji lta zhe na/ 'bras bu'i chos kyi rjes 'jug phyir/ /'bras bu'i chos kyi rjes su 'jug pa de yang mthong ba dang ma mthong ba tsam las ni ma yin no/ /'on kyang mngon sum dang mi dmigs pa zhes bya ba'i tshad ma khyad par can las yin no//mngon sum dang mi dmigs pa zhes bya ba'i sgra dag gis kyang mngon sum tshad ma kho na bstan te/ rgyu dang 'bras bur mngon par 'dod pa'i dngos po'i rnam pa can ni mngon sum mo/ /de dag gis dben pa'i dngos po gzhan gyi rnam pa can ni dmigs pa'o/ /mngon sum dang mi dmigs pa de dag kyang phan tshun grogs byed na bsgrub pa yin gyi 'ba' zhig ni ma yin te/res 'ga' ni mi dmigs pa sngon du 'gro ba'i mngon sum bsgrub pa yin la/ res 'ga' ni mngon sum sngon du 'gro ba'i mi dmigs pa'o/ /de la re zhig dang po de'i mtshan nyid kyir gyur pa zhes bya ba la sogs pa smos so//de'i mtshan nyid ni mi rtag pa'i mtshan nyid de rgyur 'dod pa rnams nye ba'i sngon rol na mi dmigs pa las so/ /dmigs pa'i mtshan nyid kyir gyur pa mi dmigs pa 'dis ni de na me nye ba'i sngon rol na yang yod pa dang yul gzhan nas 'ongs pa dang me nye ba'i sngon rol na re lde dang rtsig pa la sogs pa gang dag yod pa de dag rgyu nyid yin pa bkag ste/de dag rgyu nyid yin na ni/ me nye ba'i sngon rol na yang du ba dmigs par 'gyur ro/ /me nye ba'i sngon rol na yang yul de na yod pa'am/ yul gzhan nas 'ongs pa'am/ gzhan gyi rgyu can yin pa'i rnam pa 'di tsam gyis na du ba mes bskyed par bya ba ma yin par 'gyur na/de dag thams cad ni ji skad bshad pa'i mi dmigs pas bsal to/ /dmigs pa'i mtshan nyid kyir gyur pa de nyid snga na mi dmigs pa las gang dag dmigs na dmigs pa de ni de dag gi 'bras bu yin no zhes bya bar nges par byed de/de ltar na mi dmigs pa grogs byed pa'i mngon sum rgyu dang 'bras bu'i dngos po grub pa nyid dag tu bshad dam/ gang dag rta snga na mi dmigs pa las ba lang mthong ma thag tu dmigs pas 'khrul par smra ba de dag bsal ba yin te/ gal te de na yang rta snga na med pa dang / yul gzhan nas ma 'ongs pa dang rgyud gzhan gyi rgyu can ma yin pa nyid du nges par bya bar nus na der yang rgyu dang 'bras bu'i dngos por 'gyur ro//de bas na 'khrul par lta ga la 'gyur ba zhig na/ de nyid nges par bya ba ni mi nus so/ /de ltar na re zhig mi dmigs pa sngon du 'gro ba'i mngon sum sgrub pa nyid du bshad pa yin no//da ni mngon sum sngon du 'gro ba mi dmigs pa de las gcig ces bya ba la sogs pa smos te/ gang dag nye bas 'bras bu de 'byung bar mthong ba de dag gi nang nas gang gi tshe gcig med par gyur pa de'i tshe mi dmigs pa de ni/ de'i 'bras bu yin no/ /me dang shing la sogs pa nye na yod pa'i du ba rta la sogs pa med na mi dmigs pa med kyi/me la sogs pa med na ni mi dmigs par 'gyur ro/ /de ltar na phan tshun lhan cig pa'i mngon sum dang / mi dmigs pa dag ni mngon par 'dod pa'i rgyu rnams la rgyu nyid du the tshom med par sgrub par byed pa yin no//de yang zhes bya ba ni 'bras bu'i mtshan nyid ji skad bshad pa ste/ du ba la yod do/ /de bas na me kho na las du ba 'byung ngo / /gal te de las gzhan pa las kyang 'byung na ni de'i tshe/ de med par ni me med par du ba de yod na/ rgyu dang ldan pa las 'das 'gyur/ /rgyu med pa can du 'gyur ro//gal te me la sogs pa'i tshogs pa gcig las kyang du ba gcig cig lan cig mthong bar zad kyi/ phyis mthong ba gang yin pa de ni gzhan kho na yin na de ji ltar lan cig mthong bas me'i 'bras bu 'grub snyam du sems na/ de'i phyir lan cig de ltar mthong bas kyang zhes bya ba la sogs pa smos te//de ltar mthong bas zhes bya ba ni mngon sum dang mi dmigs pa ji ltar bshad ma thag pa lta bus so/ /ci'i phyir zhe na/ 'bras bu nyid ma yin na rgyu ma yin pa las lan cig kyang mi mthong ba'i phyir te/ bye ma dag las ni 'bru mar lan 'ga' yang mi 'byung ngo //'bras bu yang zhes bya ba la sogs pas ni tshig le'ur byas pa'i don ston to/ /gang zhig ces bya ba la sogs pas ni de nyid gzhung 'dzugs te/ 'dis ni khyab pa bsnyad do/ /'khrul par smra bas me med par yang du ba yod de zhes bya ba la sogs pa smos te/ 'dis ni phyogs kyi chos bstan to//des na zhes bya ba ni me med par du ba yod pa de'i phyir ro/ /de'i rgyu ma yin par 'gyur ro zhes bya ba ni me du ba de'i rgyu ma yin par 'gyur ba ste/ 'di ni bsgrub pa'i 'bras bu yin no/ /sbyor ba ni gang zhig gang med par yod pa de ni rgyu ma yin te/ dper na rta'i ba lang lta bu'o//me med par yang du ba yod pas zhes bya ba ni khyab par byed pa 'gal ba yin no/ /de lta na ni rgyu med par 'gyur ro snyam du bsam pa yin no/ /gal te gzhan gyi rgyu can yin pa'i phyir zhes bya ba ni gal te du ba ni me las gzhan pa brgya byin gyi spyi bo la sogs pa gang yin pa de'i rgyu can yin pa'i phyir rgyu med pa can ma yin no zhes zer na/de lta na ni ma yin te rgyu don gzhan du brtags pa de la yang mtshungs pa'i phyir te/ 'di ltar de med na yang rgyu gzhan po med na yang me yod na yod pas rgyu gzhan po de yang rgyu ma yin par 'gyur ro/ /gzhan yang me gang yin pa de dang / de las gzhan pa'i rgyu gang yin pa de yang ci du ba bskyed pa'i rang bzhin zhig yin nam 'on te ma yin/gal te rang bzhin ma yin na ni de'i tshe me de'am brgya byin gyi spyi bo la sogs pa gzhan yang rung ste/ bstan pa'i rang bzhin ma yin pa las du ba bskyed pa'i rang bzhin ma yin pa las ji ltar du ba 'byung bar 'gyur/ci'i phyir zhe na/ rang gis de'i rang bzhin ma yin pas/ du ba bskyed pa'i rang bzhin ma yin pas mi skyed pa'i phyir/ du ba de rgyu med pa nyid du 'gyur ro/ /'on te du ba bskyed pa'i rang bzhin zhig yin na ni/ de'i tshe gnyis ka yang me nyid yin te/ me'i mtshan nyid ni du ba bskyed pa'i rang bzhin yin pa'i phyir ro//de ni 'og nas bshad par bya'o/ /'khrul par smra bas/ de nyid ni ma yin te zhes bya ba la sogs pa smras te/ du ba gang zhig mes bskyed pa de kho na gzhan las 'byung ngo zhes de skad ni mi zer te/ gal te de nyid gzhan las 'byung na ni rgyu med pa can nyid du 'gyur ba zhig /de dang 'dra ba mes bskyed pa'i du ba'i rang bzhin dang 'dra ba zhig gzhan las 'byung ba'i phyir ro zhe na/ grub pa'i mtha' smra bas/ mi 'dra ba las zhes bya ba la sogs pa smos te/ me dang mi 'dra ba du ba bskyed pa'i rang bzhin ma yin pa las 'byung ba ji ltar de dang 'dra ba yin/mes bskyed pa'i du ba'i rang bzhin yin/ ma yin pa nyid de 'di ltar 'khrul pa'i yul du 'dod pa de ni de dang 'dra ba las me dang 'dra ba'i rgyu las 'byung ba'i phyir/ skye ba'i phyir de dang 'dra bar 'gyur te/ du ba dang 'dra bar 'gyur ro/ /mi 'dra ba las kyang me dang mi 'dra ba las kyang de dang 'dra bar 'byung na ni mes bskyed pa'i du ba'i rang bzhin dang 'dra ba 'byung na ni de dag gi nus pa ma nges pa'i phyir/rgyu 'dra ba dang mi 'dra ba dag gi nus pa gang yin pa de'i nges pa gang yin pa dang 'dra ba kho na bskyed la/ mi 'dra bas ni mi 'dra ba kho na bskyed pa zhes bya ba de med pa'i phyir rgyu'i tha dad pa 'bras bu'i tha dad par byed pa ma yin pas mtha' dag gi sna tshogs nyid rgyu med pa can du 'gyur ro//gal te rgyu gang las skye yang rung ste/ rgyu med pa can nyid ma yin no zhe na/ thams cad las thams cad ces bya ba la sogs pa smos te/gal te mi nus pa las kyang skye na ni thams cad las thams cad skye bar 'gyur ba zhig na de ltar yang ma yin no/ /de lta bas na zhes bya ba la sogs pa la de bas na zhes bya ba ni de'i phyir te/ du ba gang las 'byung bar mthong ba de ni mthong ba'i rnam pas te me'o/ /de dang rigs mi mthun pa'i don las zhes bya ba ni me ma yin pa las zhes bya ba'i tha tshig go//de lta yin na zhes bya ba ni du ba rgyu med pa can nyid yin na rtag tu yod pa'am/ med par 'gyur/ ci'i phyir zhe na/ dngos po rgyu med pa ni rang 'grub par bya ba la mi ltos pa'i phyir te/ rgyu gzhan la mi ltos pa'i phyir ro//gal te rgyu gzhan la mi ltos pa nyid yin du zin kyang res 'ga' bar 'gyur ro zhe na/ dngos po rnams ni res 'ga' zhig /ces bya ba la sogs pa smos so/ /du ba de zhes bya ba la sogs pas ni de nyid ston te/ nam yang mi 'byung bar mi 'gyur gyi dus thams cad du 'byung bar 'gyur ro//ci'i phyir zhe na/ de 'byung ba la du ba'i rang gi ngo bo 'byung ba las rgyu la mi ltos pa nyid kyis ma tshang ba med pa'i phyir 'dod pa'i dus bzhin te/ gang gi dus na du ba 'byung bar 'dod pa'i dus bzhin no/ /yang na ni de'i tshe yang zhes bya ba ni 'dod pa'i dus na yang du ba 'byung bar mi 'gyur te/du ba med pa'i dus na khyad par med pa'i phyir ro/ /phyed 'og ma rnam par dbye ba'i phyir dngos po ltos pa rnams ni zhes bya ba la sogs pa smos te/ 'di ltar rung ba'i yul dang du ba la ltos nas/ 'bras bu yod pa dang med pa gang dag yin pa'i yod pa dang med pa'i dus de dag ni go rims bzhin du de 'byung bar 'bras bu 'byung bar rung ba dang mi rung ba nyid/gang dag yin pa de dag dang ldan pa'i phyir ro/ /dus smos pa ni mtshon pa ste/ yul dang rdzas dag la yang de bzhin du brjod par bya'o/ /'on te de ltar mi 'dod na ni 'bras bu yod pa dang med pa dang ldan pa'i yul dang dus gang dag la rung ba dang mi rung ba 'dra ba nyid yod pa de dag la ni de dang ldan pa dang cig shos dag tu nges par mi rung ba'i phyir te/'bras bu'i dus nyid de dang ldan pa ste/ 'bras bu dang ldan pa'o/ /de las gzhan pa ni cig shos te/ 'bras bu dang mi ldan pa'o/ /'di dag nges par mi rung ba'i phyir yang na ni rung ba nyid du 'dra ba'i phyir 'bras bu yod pa dang med pa'i dus de gnyi gar 'bras bu dang ldan par 'gyur ro//yang na ni mi rung ba nyid du 'dra ba'i phyir 'bras bu dang ldan par mi 'gyur ro/ /de lta bas na de yod pa'i dus kho na rung ba nyid yin la dngos po rnams kyang de la ltos nas res 'ga' bar 'gyur ro//'dod pa'i yul dang dus la sogs pa bltar rung ba nyid yin du zad mod de tsam gyis rgyu'i dngos po ni ma yin no zhe na/ de'i phyir rung ba nyid de yang zhes bya ba la sogs pa smos so/ /gang gi phyir de ltar rgyu med pa nyid gcig yin na rtag tu yod pa'am med par 'gyur ba zhig na/ma gyur pa de'i phyir zhes bya ba la sogs pa smos te/ gang zhig spangs nas yod pa de la ni mi ltos la/ gang la yod pa de la ni ltos pa dang bcas pa yin no/ /gal te yul la sogs pa 'ga' zhig na yod du zin kyang 'on kyang ji ltar de dag la ltos pa dang bcas pa yin zhe na/'di ltar zhes bya ba la sogs pa smos te/ de ltar yod pa zhes bya ba ni gcig spangs nas gzhan na yod pa'o/ /gal te dngos po ni yul la sogs pa la ltos pa kho na yin gyi yul la sogs pa des ni de la phan pa mi byed do zhe na/ de dag gis byas pa'i phan pa zhes bya ba la sogs pa smos te/der nges par mi rung ba'i phyir ro zhes bya ba ni yul la sogs pa de kho na yod do zhes bya bar nges par mi rung ba'i phyir ro/ /de bas na zhes bya ba ni de lta bas na'o/ /yul dang dus zhes smos pa ni mtshon pa ste rdzas kyang gzung ngo / /gang na zhes bya ba ni yul la sogs pa na'o//lan cig mthong la zhes bya ba ni ji skad bshad pa'i mngon sum gyis te gang dag nye na mthong ba de dag las gang yang rung ba zhig ma tshang na'o/ /gzhan du na zhes bya ba ni gal te 'di des bskyed par bya ba'i rang bzhin ma yin na'o/ /de zhes bya ba ni du ba'o/ /der nges pa yin na me la sogs pa'i tshogs pa la yod par nges pa yin na ji ltar me las gzhan pa las 'byung bar 'gyur te/'byung bar mi 'gyur ba nyid do/ /'byung na ni du ba ma yin par 'gyur te/ 'di ltar du ba ni des bskyed pa ste/ mes bskyed pa'i rang bzhin gyi khyad par yin no/ /de bzhin du rgyu yang 'bras bu de lta bu bskyed pa'i rang bzhin yin te/du ba bskyed par rung ba'i rang bzhin no/ /rgyur gyur pa la ni du ba dang bral ba'i gnas skabs na yang rung ba nyid yod de des na ma khyab pa'i mtshan nyid ma yin no/ /de ltar me dang du ba dag phan tshun ltos pa nyid du nges pa'i rang bzhin du gnas pa las gal te du ba me las gzhan pa las kyang 'byung bar 'dod na ni de'i tshe me de du ba bskyed pa de'i rang bzhin ma yin te/'di ltar gang gi tshe du ba me ma yin pa las 'byung ba de'i tshe du ba bskyed pa na me kho na'i rang bzhin ma yin par gyur to/ /me'i rang bzhin ma yin pa de yang ji ltar me'i yin par 'gyur/de bas na du ba bskyed pa'i rang bzhin ma yin pa'i phyir mes lan 'ga' yang du ba bskyed par mi 'gyur ro/ /du ba yang du ba'i rang bzhin du mi 'gyur bar yang na du ba zhes bya ba la sogs pa smos te/ yang na me las gzhan pa las 'byung na ni de du ba ma yin no//ci'i phyir zhe na/ du ba bskyed pa'i rang bzhin ma yin pa me las gzhan pa las byung zhing mthong ba'i phyir ro/ /'on te du ba'i rgyu nyid du 'dod pa me las gzhan pa yang me kho na bzhin du du ba bskyed pa'i rang bzhin yin par khas len na ni de'i tshe de'i rang bzhin nyid yin na ni du ba bskyed pa'i rang bzhin nyid yin na ni de nyid me yin pas du ba 'khrul pa med do//don 'das pa nyid gzung ba bde bar bya ba'i phyir tshigs su bcad pa/ gal te brgya byin spyi bo me'i/ /zhes bya ba la sogs pa smos so/ /me'i rang bzhin yin na zhes bya ba ni gal te du ba bskyed pa'i rang bzhin min na zhes bya ba'i tha tshig go//bla chos su de skad bshad do/ /brgya byin gyi spyi bo de nyid me yin te/ mer tha snyad gdags pa'i rgyu ni de tsam du zad pa'i phyir ro/ /'on te de me'i rang bzhin min zhes bya ba ni du ba bskyed pa'i rang bzhin ma yin te/ de zhes bya ba ni brgya byin gyi spyi bo'o//de las zhes bya ba ni brgya byin gyi spyi bo las so/ /ci'i phyir mi 'byung zhe na/ du ba'i rgyu'i rang bzhin me zhes bya ba la sogs pa smos te/ gang la du ba'i rgyu'i rang bzhin yod pa zhes tshig rnam par sbyar nas/ me kho na yin no zhes nges par gzung ngo / /de yi nus pa'i bye brag ldan//zhes bya ba ni du ba bskyed pa'i nus pa can gyi rgyur gyur pa nyid kyis dngos po gzhan las bye brag ldan pa ste/ mi 'dra ba yin no/ /du ba du ba'i rgyu min las/ /zhes bya ba ni/ du ba me'i rang bzhin ma yin pa las 'byung zhing 'thon par khas len na du ba de ni rgyu med par 'gyur te//ji skad bshad pa bzhin no/ /gzhan gyis 'o na da ni ji ltar zhes bya ba la sogs pa smras te/ 'o na zhes bya ba ni mi bzod pa'o/ /da ni zhes bya ba ni du ba la sogs pa gcig rigs mi mthun pa las 'byung bar khas mi len na/ ji ltar lhan cig byed pa tha dad pa las phan tshun rigs mi mthun pa las 'bras bu gcig skye/ji lta bu zhe na/ dper na zhes bya ba la sogs pa smos te/ sogs pa zhes bya ba'i sgras ni snang ba dang / yid la byed pa dag bsdu'o/ /klan ka pa'i bsam pa ni de lta yin na ni rnam par shes pa mig gi rang bzhin las kyang skye/ mig gi rang bzhin ma yin pa gzugs dang yid la byed pa las kyang skye ba la 'di rgyu med pa yang ma yin pa de bzhin du du ba yang me las kyang 'byung me las kyang 'byung me ma yin pa brgya byin gyi spyi bo las kyang 'byung la/rgyu med par yang mi 'gyur ro snyam pa yin no/ /de'i rang bzhin gcig pus skyed par byed pa zhes bya ba la sogs pa las ni len 'debs te/mig la sogs pa'i nang na de'i rang bzhin skyed par byed pa'i rang bzhin yin pa las phan tshun mi ltos par re res skyed par byed pa ni med do/ /gal te yod pa zhig tu gyur na ni de'i tshe rgyu so sor 'khrul pa'i phyir rgyu med pa can du gyur pa zhig na/ 'on kyang tshogs pas skyed par byed pa de'i rang bzhin yin te skyed par byed pa'i rang bzhin yin no//de'i rang bzhin ma yin pa las skyed par byed pa nyid mi rung ba'i phyir/ tshogs pas skyed par byed pa zhes bya ba de tsam kho nas de'i rang bzhin yin te zhes bya ba nyid du gyur zin na de ci ste/ de'i rang bzhin yin te zhes logs shig tu brjod ce na/bden mod kyi 'on kyang tshogs pa'i gnas skabs kho na na de'i rang bzhin nyid yin gyi sngar yang ma yin phyis kyang ma yin/ re re yang ma yin no zhes nges par gzung ba'i phyir bshad par zad do/ /bsdus pa'i don ni rgyu ni 'bras bu gcig la rang gi rgyu'i nus pa nges pa nye ba na byed rgyu so sor nges pa mtha' dag yin no zhes bya ba yin no//kha cig ni tshogs pas skyed par byed pa'am/ de'i rang bzhin na rang bzhin yin te zhes bya ba'i sgra 'don te/ 'dir ni 'am zhes bya ba'i sgra cung zad kyang mi dgos pas 'di ni gdon par mi bya ba nyid do//gal te tshogs pa de bor nas tshogs pa gzhan las kyang mig gi rnam par shes pa bskyed na ni de'i tshe gzhan las skye ba'i phyir rgyu med pa nyid du 'gyur ro/ /'bras bu tshogs pa de kho na rjes su dpag gi rgyu so so ni ma yin pas de'i phyir 'khrul pa med do snyam du bsam pa yin no//gal te 'di snyam du me la sogs pa'i tshogs pa ni/ du ba'i skad cig ma dang po kho na bskyed na de yang rtags nyid ma yin te/ de mi 'dzin pa'i phyir ro/ /du ba'i rgyu 'dzin pa gang yin pa de ni du ba snga ma snga ma'i rgyun 'dzin pa'i rgyu can kho na yin na/ ji ltar de las me la sogs pa'i tshogs pa rjes su dpag snyam du sems na/de'i phyir tshogs pa de nyid ces bya ba la sogs pa smos te/ 'bras bu'i rgyun gyi rang gi ngo bo gnas pa'i rten rgyu dang po'i tshogs pa de med na/ du ba'i rgyun nyid med pa'i phyir de bas na du ba'i rgyun me'i 'bras bu nyid du gcig tu byas nas rgyur gyur pa sreg pa la sogs pa'i rgyun rjes su dpag ste/tshu rol mthong ba la skad cig ma rnam par dbye bas tha snyad du byed pa ni mi srid do/ /'dis ni gal te 'di snyam du me 'das pa kho na rjes su dpog par byed la/ de ni don byed pa don du gnyer ba la cung zad kyang mi dgos so snyam du sems na de yang yongs su spangs pa yin no//de'i tshe don ni 'di yin te me la sogs pa'i skad cig ma snga ma snga ma la brten nas/ du ba'i skad cig ma phyi ma phyi ma 'byung ba'i phyir tshogs pa rgyun gyi 'jug pa de nyid 'bras bu rang gi ngo bo gnas shing / 'bras bu'i rgyu 'jug pa'i rgyu yin no/ /du ba'i skad cig ma cig kho na mes bskyed par bya ba yin gyi gzhan ni ma yin no zhes bya ba gang yin pa de'i nges pa 'di ni med kyi ji srid du bud shing rnam pa thams cad du thal ba ma lhag pa de srid du du ba'i skad cig ma rnams 'byung ba mi 'gal lo//de lta bas na bsdus pa'i don ni sreg pa'i skad cig ma phyi ma phyi ma skyed par nus pa'i rgyun 'jug pa'i mes du ba'i rgyun 'jug pa 'dug pa skyed par mngon sum gyis nges par gzung la de lta bu gzhan du nges par bzung nas/de don du gnyer ba la sreg pa'i rgyun don byed par nus pa rjes su dpag pa mi 'gal lo/ /sreg pa'i rgyun ma chad pa'i du ba'i khyad par yang gzhan yin la/sreg pa'i rgyun 'gags pa gnas khang la sogs pa na yod pa'i du ba'i yang gzhan kho na yin te/ de gnyis kyi khyad par yang gsal bar 'jig rten nges par 'dzin to zhes bya ba yin no/ /de ni de lta bu yin no/ /yang na rnam pa gzhan du bshad par bya ste/ tshogs pa ni mang po rnams la bya bas/ mang po las gcig 'byung na rgyu'i tha dad pa tha dad par byed pa ma yin par 'gyur ba ma yin nam/ 'on te rgyu so so'i nye bar sbyor ba'i khyad par 'dod na/ de'i tshe nye bar sbyor ba tha dad pa dag dang 'bras bu tha mi dad pa'i phyir du ma nyid du 'gyur ba'am/ 'bras bu gcig dang tha mi dad pa'i phyir nye bar sbyor ba rnams gcig pa nyid du 'gyur ro zhe na/de'i phyir tshogs pa de nyid ces bya ba la sogs pa smos te/ rang gi ngo bo gnas pa'i 'bras bu'i rang gi ngo bo gnas pa'i rten yin no/ /de nyid bstan te gang gis na de'i sgo nas 'bras bu du ma nyid du 'gyur ba lhan cig byed pa dag las nye bar sbyor ba dum bur 'gyur ba ni ma yin no//'on kyang tshogs pa dag las 'bras bu skye ba na/ gang gis na rigs mthun pa dang rigs mi mthun pa las log par gyur pa de lta bu gcig kho na skye ste/ 'di ltar mig dang gzugs dang yid la byed pa dag las mig gi rnam par shes pa skye ba na mig gi skad cig ma mig tsam gyi rgyu can dang /gzugs kyi skad cig ma gzugs tsam gyi nye bar len pa can dang / de bzhin du rnam par rtog pa dang bcas pa'i rnam par shes pa yid la byed pa tsam gyi rgyu can las tha dad par skye'o/ /'bras bu la nye bar sbyor ba tha dad par ni rigs mthun pa dang rigs mi mthun pa las log pa nyid gang yin pa 'di kho nar zad la de yang tshogs pa dag kho na las skye ba yod kyi gzhan du ni ma yin no//'di ni brjod par bya ba mang bas re zhig gzhag go/ /gang gi phyir tshogs pa skyed par byed pa yin pa de nyid kyi phyir lhan cig byed pa rnams kyang rnam grangs med par byed pa yin te/rim gyis skye ba med de zhes bya ba'i tha tshig go/ /gang yang zhes bya ba la sogs pas rigs mi mthun pa las skye ba'i dogs pa bsu bar lan 'debs so/ /sogs pa zhes bya ba'i sgras ni ba lang gi rwa las smyug ma dang /ba lang gi spu dang lug gi ba la dag las rtswa dUr ba skye ba bsdu'o/ /de la yang zhes bya ba ni rigs mi mthun pa las 'bras bu skye ba la yang ngo / /de skad du brjod kyang zhes bya ba ni ut+pal la sogs pa rigs mi mthun pa las skye pa la ut+pal la sogs pa zhes brjod kyang ngo //ut+pal la sogs pa gang la rang gi sa bon ut+pal la sogs pa'i mtshan nyid las rab tu 'byung zhing skye ba yod pa rang gi sa bon las rab tu 'byung ba can yin pa de'i phyir rang gi ngo bo tha dad pa yod pa kho na'o/ /ci'i phyir zhe na/ rgyu'i rang gi ngo bo tha dad pa'i phyir te/rgyu tshogs pa gnyis kyi mtshan nyid kyi rang gi ngo bo tha dad pa'i phyir ro/ /chu shing gang la sa bon dang sdong bu las skye ba yod pa de la de skad ces bya ste/ de yang rgyu tha dad pa las phan tshun tha dad pa yin no/ /tha dad pa 'di ni bsgrub mi dgos so zhes bya bar de lta bu ni zhes bya ba la sogs pa smos te/rnam par 'byed do zhes bya ba ni tha dad par rtogs pa'o/ /shin tu rnam par phye ba'i rnam pa can ni 'khrul pa'i rgyu 'dra ba'i rnam pa dag las rnam par phye bas nges pa'i rnam pa can no/ /rjes su 'gro ba ni yod pa nyid na yod pa'o/ /ldog pa ni de med na med pa'o//rjes su 'gro ba dang ldog pa ni rjes su 'gro ba dang ldog pa ste/ de las 'bras bu'i rang bzhin gang zhig rjes su 'gro bar bya ba rgyu gang gi rjes su 'gro bar byed par mthong ba rjes su 'gro bar byed pa de'i rang bzhin ni de'i rgyu can te/ gang la rgyu rjes su 'gro bar bya ba de yod pa zhes bya bar tshig rnam par sbyar ro//gang gi tshe rgyu la ltos nas brjod pa de'i tshe ni rjes su 'gro bar bya ba me la sogs pa de'i rang bzhin ni de'i rgyu yin te/ 'bras bur 'dod pa du ba la sogs pa de'i rgyu yin no/ /gang gi phyir de ltar phan tshun ltos pas rgyu dang 'bras bu dag gi rang bzhin nges pa de'i phyir/ rgyu dang rigs mi mthun pa las mi 'byung ngo //de lta bas na lan cig mthong ba dang ma mthong ba dag gis kyang zhes bya ba ni ji skad bshad pa'i mngon sum dang / mi dmigs pa dag gis rgyu dang 'bras bu'i dngos po grub pa'i phyir/ rgyu dang 'bras bu grub pa des de rtogs te rjes su 'gro ba dang ldog pa rtogs so//gzhan du ni ma yin te zhes bya ba ni rgyu dang 'bras bu'i dngos po nges pa ma rtogs pa mthong ba dang / ma mthong ba 'ga' zhig gis rjes su 'gro ba dang ldog pa dag rtogs pa ni ma yin pa'o/ /ci'i phyir zhe na/ rjes su 'gro ba dang ldog pa rtogs pa mthong ba dang ma mthong ba tsam la rag las pa ni ma lus par mthong ba dang ma mthong ba dag la rag las pa'i phyir te/mthong ba yang gal te mthun pa'i phyogs ma lus pa la gtan tshigs mthong bar gyur na de lta na rjes su 'gro ba sgrub par byed la/ de bzhin du ma mthong ba la yang gal te bsgrub par bya ba ldog pa ma lus pa la gtan tshigs ma mthong bar gyur na de lta na ldog pa sgrub par 'gyur ro//ji ltar du ba gsal ba gcig la lan cig mthong bas kyang 'bras bu nyid du grub pas thams cad la de lta bu yin pa de bzhin du mthun pa'i phyogs dang mi mthun pa'i phyogs 'ga' zhig la mthong ba dang ma mthong ba las thams cad la rjes su 'gro ba dang ldog pa nges par 'gyur ro snyam na yang ldog pa yin te/'di ltar nam mkha' la sogs par gtogs pa lus can ma yin pa nyid 'ga' zhig la rtag pa nyid mthong yang ste 'di ni gzhan la grags pa brjod pa yin no// //bam po drug pa/gzhan la zhes bya ba ni bde ba la sogs pa la'o/ /gzhan du zhes bya ba ni mi rtag pa nyid la gtan tshigs lus can ma yin pa nyid mthong ba'i phyir gcig la mthong ba thams cad la de lta bu yin par bsgrub pa ma yin no/ /de'i phyir mthong ba ni rjes su 'gro ba la 'khrul pa can yin no//de bzhin du bum pa la sogs pa rtag pa nyid med pa 'ga' zhig la lus can ma yin pa nyid ma mthong ba yang bde ba la sogs pa rtag pa nyid med pa kho na la mthong ba'i phyir te/ de bas na mi mthun pa'i phyogs gcig la ma mthong ba ldog pa nges par byed pa'i sgrub pa ma yin no/ / de lta bas na rgyu dang 'bras bu'i dngos po nges pa kho na las rjes su 'gro ba dang ldog pa dag nges pa yin no/ /gzhan gyis 'bras bu ni zhes bya ba la sogs pa smos te/ de zhes bya ba ni rgyu dang 'bras bu med na mi 'byung bar ni bsgrubs zin na/ de rang bzhin gyi gtan tshigs la ji ltar med na mi 'byung ba yin zhes bya ba'o//rang bzhin yod pa tsam dang 'brel pa can gyi ngo bo yang gtan tshigs yin zhes bya ba la sogs pas rtag pa nyid du rang bzhin gyi gtan tshigs kyi med na mi 'byung ba bsgrubs zin pa ma yin nam zhe na/ bden na gzhan 'di snyam du rang bzhin de tsam dang 'brel pa ji lta ba bzhin du gyur pa de la med na mi 'byung ba brjod pa de la dam bcas pa'i don gyi phyogs gcig gtan tshigs su 'gyur ro snyam du sems la/grub pa'i mtha' smra ba yang gzhan sel ba rab tu bsgrub pa mjug thogs su 'byung bas/ dam bcas pa'i don gyi phyogs gcig pa nyid yin pa yongs su spangs par sems shing /de tsam dang 'brel pa kho na la med na mi 'byung ba sngar bshad pa bzlas te/ rang bzhin la yang med na mi 'byung ba zhes bya ba la sogs pa smos te/ rang bzhin la yang rang bzhin gyi gtan tshigs la yang med na mi 'byung ba'o/ / bsgrub par bya ba gang yin zhe na/ yod pa tsam dang 'brel pa'i yin/ /gang zhig ces bya ba la sogs pas ni 'di nyid rnam par 'chad do/ /yod pa med na mi 'byung bar 'dod ces bya ba ni yod pa mi rtag pa nyid la sogs pa ste/ 'di ltar de med na bsgrub par bya ba'i chos yod pa tsam dang 'brel pa med na gtan tshigs nyid du smos pa'i yod pa med par 'gyur ro//ci'i phyir zhe na/ bsgrub par bya ba dang sgrub pa dag tha dad pa med pa'i phyir ro/ /tha dad pa med pa nyid ngo bo gang kho na zhes bya ba la sogs pa ston to/ /mi rtag pa nyid la sogs pa'i ngo bo gang kho na byas pa yod pa tsam la rag las pa'i rang bzhin yin par brjod pa de kho na rgyu mtshan gzhan la mi ltos pa'i phyir rang gis dngos su don dam par yod pa yin te byas pa nyid yin no//yod pa de yang bdag nyid rang gi ngo bor gyur pa mi rtag pa nyid bor nas ji ltar yod par 'gyur/ gzhan gyis 'o na ni zhes bya ba la sogs pa smas te/dam bcas pa ni phyogs bstan pa'o/ /de'i don ni chos dang chos can spyi'o/ /de'i phyogs gcig po bsgrub par bya ba'i chos kyi bdag nyid gtan tshigs su 'gyur te/ 'di ltar sgra ni mi rtag ste/ mi rtag pa'i phyir ro zhes bya ba dang / mi rtag ste byas pa'i phyir ro zhes bya ba ni rtsis mgo gcig la de lta yin na ni gtan tshigs ma grub po snyam du bsams pa yin no//grub pa'i mtha' smra bas de ni nyes pa med do zhes bya ba la sogs pa smos te/ rang bzhin gyi zhes bya ba ni ngo bo nyid kyis so/ /rang rang gi ngo bo ni rang gi ngo bo ste de la gnas pa'i phyir ro/ /mthun dngos gzhan gyi dngos dag las//zhes bya ba la mthun dngos zhes bya ba'i sgras ni rigs mthun par bstan to/ /gzhan gyi dngos po ni rigs mi mthun pa'o/ /de dag las te de ltar yang rigs mthun par 'dod pa dang zhes rnam par 'grel par 'gyur ro/ /gang dag rang dngos gzhan gyi dngos dag gis/ /zhes 'don pa de dag gis kyang rang dngos zhes bya ba'i sgra ni rigs mthun pa'i don du bshad dgos so//sten pa ni sten par byed pa'o/ /de gang dag la yod pa de dag la de skad ces bya ste/ ldog pa dang ldan pa yin no zhes bya ba'i tha tshig go/ /de'i rgyu can gyi zhes bya ba ni ldog pa'i rgyu can gyi'o/ /rigs dbye zhes bya ba ni chos kyi bye brag ste mi rtag pa nyid la sogs pa'o//de'i khyad par gyis rtogs 'gyur ba dag ces bya ba ni ldog pa'i rang gi ngo bo'i khyad par bye brag byas pa nyid la sogs pa gang yin pa de'i sgo nas sgra dang rtags dag gis brgyud pas dngos po de lta bu rtogs pa'i phyir ro/ /gang gi phyir de lta bu yin pa de'i phyir ldog pa'i khyad par brtags pa las ldog pa la ltos te/rnam par gzhag pa mi rtag pa nyid gang zhig mi rtag pa zhes bya ba'i sgra can gyi chos gang gis go bar 'gyur ba khyad par de ni de las gzhan gyis mi rtag pa zhes bya ba'i sgra las gzhan pa byas pa zhes bya ba'i sgras te/de bzhin du thams cad la brjod par bya'o/ /rgyu des na tha dad rnam par gnas te/ sgra'i don rnam par gnas pa tha dad pa yin no/ /dngos po thams cad ni zhes bya ba la sogs pas ni tshig le'ur byas pa'i don ston te/ gang dag la rang gi ngo bo la rang gi bdag nyid la gnas pa yod pa de dag la de skad ces bya'o//rang gi ngo bo la gnas pa'i dngos po de dag ni rang dang gzhan du ste/ rang gi ngo bo las gzhan pa dang 'dra zhing gcig tu mi byed de/ ci'i phyir zhe na/ 'dre bar bya ba gzhan de gzhan ma yin pa nyid du thal bar 'gyur te/ bdag nyid yin par thal bar 'gyur ro/ /gal te bum pa la sogs pa'i bye brag rnams la yon tan gsum po rang gi bdag nyid du gyur pa yod de/ des na 'dres pa kho na yin no snyam du sems na/ de'i phyir gang yang 'di dag gi zhes bya ba la sogs pa smos te/ 'di dag gi zhes bya ba ni dngos po dag gi'o//rang gi bdag nyid du gyur pa zhes bya ba ni tha mi dad pa'o/ /ngo bo ni rang gi ngo bo'o/ /tha mi dad pa zhes bya ba ni gcig pa'o/ /ngo bo de ni bye brag de dag gi yin no zhes bya bar tha snyad gdags par nus pa ma yin no/ /ci'i phyir zhe na/ yon tan gsum po gcig gi bdag nyid du gyur pa/ de'i tshe bum pa la sogs pa'i khyad par de dag med pa'i phyir ro/ /gal te dngos po rnams ngo bo gcig tu gyur na de'i tshe/ de kho na dngos po rnams tha mi dad pa yin par 'gyur te/ tha mi dad pa yin pa'i phyir zhing yod pa'i phyir dang / de la ma gtogs pa tha dad pa'i bdag nyid de la ma gtogs pa tha dad pa yang med pa'i phyir ro//gal te yon tan gsum po tha mi dad kyang bum pa la sogs pa'i bye brag 'phel ba dang 'grib pas byas par 'gyur ro zhe na/ de nyid ces bya ba la sogs pa smos te/ yon tan gsum po tha mi dad pa nyid kyang 'phel ba la sogs pas tha dad par 'gal ba'i phyir ro//de lta bas na dngos po rnams phan tshun rjes su 'gro bar khas len na/ ngo bo gcig pa kho nar gnas pa yin no/ /ngo bo gcig pa de yang bdag nyid la rang gi ngo bo nyid la rnam par gnas pas skyes bu'i ngo bo dang ma 'dres pa kho na yin te/de lta na yang gzhan sel ba grub pa kho na'o/ /yang bye brag pa rnams ni spyi don gzhan gyis dngos po rnams mtshungs par 'dod de/ de yang bsal ba'i phyir don gzhan yang zhes bya ba la sogs pa smos te/ yod pa nyid dang ba lang nyid la sogs pa don gzhan yang don du ma dang 'brel du zin kyang gsal ba'i khyad par de dag gi spyi ma yin no//ci'i phyir zhe na/ de'i ngo bo ma yin pa'i phyir te/ gsal ba'i khyad par dag dang mtshan nyid mi 'dra ba'i phyir ro/ /'on te de'i ngo bo ma yin yang gcig ma yin pa dag dang ldan pa de tsam gyis de dag gi spyi yin na ni de'i tshe gnyis nyid la sogs pa dang ldan pa dang 'bras bu'i rdzas dag la yang spyi'i ngo bo nyid du thal bar 'gyur ba'i phyir te/gnyis nyid kyang rdzas gcig ma yin pa dang ldan no/ /sogs pa zhes bya ba'i sgra ni mang po nyid la sogs pa bsdu'o/ /de bzhin du ldan pa yang rdzas gcig ma yin pa'i rten can yin no//'bras bu'i rdzas ni yan lag can zhes bya ba ste/ rtsom par byed pa'i rdzas du ma dang ldan pa yin no/ /gal te khyad par yod de 'di ltar gnyis nyid la sogs pa dang 'brel du zin kyang gsal ba rnams mtshungs pa'i ngo bor mi 'gyur gyi ba lang nyid la sogs pa dang 'brel na ni 'gyur ro/ /de bas na ba lang nyid la sogs pa kho na spyi yin no snyam du sems na/de'i phyir 'brel pa can gzhan gyis kyang zhes bya ba la sogs pa smos so/ /'di skad bstan pa yin te/ ba lang nyid la sogs pa dang 'brel du zin kyang gsal ba'i khyad par rnams kyi thun mong ma yin pa'i ngo bo 'dor ba ni med na/de ji ltar ba lang nyid la sogs pa dang 'brel kyang mtshungs pa'i ngo bo nyid yin/ de bas na 'brel pa can ba lang nyid la sogs pa gsal ba dang ldan pa gnyis nyid la sogs pa dang 'dra ba gzhan gyis kyang gsal ba'i khyad par gzhan dag mtshungs pa ni ma yin gyi khyad par rnams de dang ldan pa spyi dang ldan pa dag tu ni 'gyur te/'byung po'i mgul chings lta bu'o/ /'byung po ni gza' dang rgyu skar dag ste/ de dag gi mgul bar phreng ba ring pos bcings pa de ni 'byung po'i mgul chings so/ /ji ltar 'byung po'i mgul chings gcig po des 'byung po rnams de dang ldan pa yin gyi mtshungs pa ni ma yin pa ltar gsal ba rnams kyang de dang 'dra'o//gang gi phyir gcig dang 'brel du zin kyang gsal ba rnams mtshungs pa ma yin pa de nyid kyi phyir shes pa tha mi dad pa'i yul yang ma yin zhing / shes pa rnam pa gcig pa can ma 'khrul pa'i yul yang ma yin te/'byung po bzhin no/ /ji ltar 'byung po chings ma'i rang bzhin ma yin pa rnams chings ma'i rnam pa gcig pa can gyi yul ma yin pa de dang 'dra'o/ /de ltar na re zhig don gzhan ni du ma dang 'brel du zin kyang de dag gi spyi ma yin no/ /spyi 'dzin par byed pa'i shes pa yang med de/'di ltar blo ni de dag gis bdag nyid kho na khyad par de dag gi bdag nyid kho na la 'di gnyis ni ngo bo gcig go zhes bsre zhing spyi'i yul can du snang ngo / /gcig dang 'brel pa can dag gi zhes bya ba ni ma yin te zhes bya ba ni 'di dag ni spyi gcig dang 'brel pa can dag yin no zhes bya bar snang ba ni ma yin te/gal te gcig dang 'brel ba can dag yin no zhes bya bar 'dzin par byed na ni/ de'i tshe spyi'i blos spyi gzung bar 'gyur ro/ /'byung po ltar zhes bya ba ni chos mi mthun pa'i dpe ste/ ji ltar 'byung po rnams chings ma gcig dang 'brel pa yin no zhes 'dzin pa de lta bur ma yin no zhes bya ba'i tha tshig go//gal te blos ni spyi 'ba' zhig pa mthong ba kho na ste/ gsal ba rnams la gcig pa nyid du 'dzin pa gang yin pa de ni de mthong ba'i spyi mthong ba'i 'khrul pa yin no zhe na/ de mthong ngo zhes bya ba ga las blo de spyi mthong ba yin no zhes bya ba ga las nges/gal te 'di ni gsal ba rnams kyi spyi yin no zhes bya ba de lta bur spyi'i blo zhig skyes par gyur na ni/ de'i tshe de mthong ba yin no zhes bya bar nges par 'gyur ba zhig na/ 'di ltar spyi'i blo ni dus thams cad du gsal ba'i bdag nyid kho na bsre ba yin par yid ches so//'di la sa bon med pa yod pas na sa bon med pa can no/ /de ni de lta bu yang yin la 'khrul pa yang yin pas na de skad bshad do/ /gal te de mi rung ba'i phyir te/ 'khrul pa skye ba ni rgyu mtshan med pa can du mi rung na/ ma 'dres pa rnams bsre zhing skye pa 'di yang 'khrul pa yin pas 'di'i rgyu mtshan zhig yod par 'gyur la/rgyu mtshan gang yin pa de ni spyi yin no zhes gang dag la 'bras bu spyir shes pa de gcig yod pa 'bras bu gcig pa can de dag 'khrul pa'i sa bon yin no/ /de dag kho na zhes bya ba ni khyad par rnams te 'di ni 'og nas ston par 'gyur ro//spyi'i mthus gsal ba rnams la rnam pa gcig pa can gyi 'khrul par yang rigs pa ma yin te/ 'di ltar 'khrul pa'i rgyu ni 'dra ba yin no/ /spyi ni gsal ba dag dang mtshan nyid shin tu mi 'dra ba yang yin te/ de ni kha dog dang / dbyibs kyi rnam pa ma yin pa'i phyir la gsal ba rnams ni kha dog dang dbyibs kyi rnam par nges pa'i phyir ro//'on te gcig dang 'brel pa can dag kho na yin pa'i phyir 'khrul pa'i rgyu mtshan med par yang rnam pa gcig pa can gyi 'khrul pa'i yul du 'gyur ro zhe na/ de'i tshe grangs dang ldan pa dang 'bras bu'i rdzas te/sogs pa zhes bya ba'i sgras ni rnam par dbye ba la sogs pa bsdu'o/ /gang dag la dngos po gcig cig yod pa de dag ni de dang ldan pa ste de dag la'o/ /'byung po chings ma gcig pa dag la yang rnam pa gcig pa can gyi 'khrul par 'gyur ba zhig na mi 'gyur te/de bas na grangs dang ldan pa dang 'bras bu'i rdzas la sogs pa dang ldan pa dag dang 'byung po la sogs pa la yang 'dra bar 'khrul pa med pa'i phyir/ spyi gcig dang 'brel pa'i sgo nas spyi dang ldan pa rnams la 'dra bar 'khrul pa ni ma yin no/ /de bas na zhes bya ba la sogs pas ni mjug sdud de/de bas na zhes bya ba ni de lta bas na'o/ /spyi ni ji ltar gsal ba dag dang tha dad par 'dod pa de ltar spyi'i blo la zhen pa med pa'i phyir te/ snang ba med pa'i phyir spyi ni gzhan ma yin no/ /khas blangs nas kyang brjod par bya ste/ spyi yod du chug na yang spyi de yang gsal ba bzhin du rang gi bdag nyid la rang gi ngo bo nyid la rnam par gnas pa'i phyir/gsal ba'i ngo bo gzhan dang ma 'dres pa yin no/ /gzhung 'dis ni tshig le'ur byas pa'i cha/ rang rang ngo bo la gnas phyir/ /zhes de skad ces bya ba la thug pa'i bar rnam par bshad do//de lta bas na zhes bya ba ni rang rang gi ngo bo la gnas pa'i phyir ro/ /gzugs la sogs pa'i dngos po thams cad ni rigs mthun par 'dod pa rnam pa mthun pa nyid du 'dod pa dang gzhan las zhes bya ba rigs mi mthun pa las log pa yin te/ tha dad par gyur pa yin no//'dis ni mthun dngos gzhan gyi dngos dag las zhes bya ba de rnam par bkrol to/ /ci'i phyir log ce na/ rang gi ngo bo rang bzhin gyis ngo bo gcig pa'i phyir te/ rang rang gi ngo bo la gnas pa'i phyir ro zhes bya ba'i tha tshig go/ /gang dang gang las zhes bya ba la sogs pas ni tshig le'ur byas pa gnyis pa'i don ston te/dngos po rnams gang dang gang las tha dad pa de dang de la tha dad pa ste shes par bya ba'i phyir/ tha dad pa so so la tha snyad du byas shing brdar btags pa'i sgra rgyur gyur pa dag gis ngo bo nyid tha mi dad kyang byas pa nyid dang mi rtag pa nyid la sogs pa dang ldan pa'i chos du ma shes par byed kyi chos can gcig la ngo bo nyid du ma yod pa ni ma yin no//'o na ji ltar chos du ma nyid yin zhe na/ de dang de las tha dad pa rgyur byas nas zhes bya ba smos te/ gang dang gang las log pa de dang de las tha dad pa rgyur byas shing brten nas so//tha dad pa de dang de bstan pa'i phyir te/ tha snyad du byas pa'i sgra gang dang gang yin pa de dag kyang rang rang gi tha dad brjod par byed pa nyid du nges pa yin te/ de bas na sgra gcig gis tha dad pa thams cad mi 'phel mod kyi 'on kyang tha dad pa gcig brjod pas/ldog pa'i tha dad pa gang la tha snyad du byas pa de brjod pas de'i rang gi mtshan nyid dpyis phyin pa kho nar 'gyur te/ ldog pa'i rten rang gi mtshan nyid gang yin pa de dpyis phyin pa kho na ste/ de rtogs pa'i mthar thug pa kho nar 'gyur ro/ /ci'i phyir zhe na/de gcig las kyang ste/ de'i rgyu can ma yin pa dang / de'i 'bras bu can ma yin pa de gcig las kyang de log pas de'i phyir tha dad pa yod pas so/ /de'i phyir zhes bya ba la sogs pas ni tshig le'ur byas pa gnyis pa'i don ston te/ gang gi phyir rigs mthun pa dang / rigs mi mthun pa las log pa de'i phyir/ dngos po gcig la gzhan gyi ngo bo ji snyed pa de la ltos nas/ gzhan gyi ngo bo dag las ldog pa de snyed yod do/ /ci'i phyir zhe na/ brjod par 'dod pa'i chos can gang la de la med pa'i ldog pa'i mtshams su gyur pa'i chos can la med pa'i rgyu dang 'bras bu yod pa de ni de la med pa'i rgyu dang 'bras bu can/de ni de la tha dad pa'i phyir te/ de'i rgyu can ma yin pa dang / de'i 'bras bu can ma yin pa de las tha dad pa'i phyir ro/ /ldog pa ji snyed pa de'i rgyu dang 'bras bu can ma yin pa yongs su spangs par tha snyad kyi don can gyi sgra tha dad du byas pa dag kyang de snyed do//gang la brjod par 'dod pa de'i rgyu dang 'bras bu yod pa de ni de'i rgyu dang 'bras bu can te/ dper na sgra ni rgyu btsal ba can dang 'bras bu rna ba'i rnam par shes pa can yin pa lta bu'o/ /gang zhig de lta bu ma yin pa de ni de'i rgyu dang 'bras bu can ma yin pa ste/ de yongs su ma spangs par tha snyad kyi don can te/gang dag la 'bras bu 'jug pa dang ldog pa'i mtshan nyid kyi don yod pa zhes bya bar tshig rnam par sbyar ro/ /dper na sgra ni btsal ma thag tu 'byung ba can dang zhes bya ba la sogs pas ni dpe ston to/ /gang la rgyu btsal ba yod pa de ni/ btsal ma thag tu 'byung ba can zhes bya ba'o//des na sgra btsal ma thag tu 'byung ba can ni de'i rgyu can ma yin pa ste/ btsal ba'i rgyu can ma yin pa glog la sogs pa yongs su spangs pa'i don yin no/ /gang la 'bras bu rna ba'i rnam par shes pa yod pa de ni/ nyan pa can te/ des na sgra nyan pa can ni de'i 'bras bu ma yin pa can yongs su spang ba'i don yin no//tha snyad thams cad ni don byed pa'i rgyu mtshan yin pa'i phyir la/ don byed pa yang rgyu dang 'bras bu'i dngos po'i mtshan nyid yin pa'i phyir/ bum pa la sogs pa'i sgra la yang de'i rgyu dang 'bras bu can ma yin pa yongs su spangs pa'i don sbyar bar bya'o//de'i phyir zhes bya ba la sogs pas ni tshigs su bcad pa gsum pa ston to/ /gang gi phyir ldog pa'i bye brag dag kyang tha dad la/ mnyan pa dag kyang tha dad pa la bdag nyid ji lta ba bzhin nges pa de'i phyir chos can gcig la ngo bo nyid tha dad pa med du zin kyang ngo / /khyad par zhes bya ba 'di ni rnam par dbye ba ni tha dad pa gang zhig ces bya ba yin te/ldog pa'i tha dad pa gang zhig go/ /chos gang gis zhes bya ba 'di'i rnam par 'grel pa ni/ ming zhes bya ba 'di yin no/ /sgra zhes bya ba'i don te brjod par 'dod pa'i dbang gis chos zhes bya ba'i sgra ni sgra la bya'o/ / de ni gzhan gyis brjod par 'dod pa'i sgra de las gzhan pa'i sgras go bar mi nus so/ /de lta bas na mi rtag pa dang byas pa zhes bya ba'i sgra dag tha dad pa'i phyir/ dam bcas pa'i don gyi phyogs gcig gtan tshigs ma yin no/ /gzhan gyis yang sgra dang zhes bya ba la sogs pa smras te/ rtags kyang sgra dang 'dra bar gzhan rnam par gcod pas rang gi bsgrub par bya ba rtogs par byed pa'i phyir rtags zhes bya ba smos so/ /sgra dang rtags ni sgra dang rtags dag ste de dag gis rnam par bcad pa rtogs par byed kyi/ rnam par bcad pa la mi ltos pa'i sgrub pas dngos po'i rang gi ngo bo kho na rtogs par byed pa ni ma yin na zhes bya ba 'di ji ltar shes te/rnam par bcad pa ni gzhan bzlog pa'o/ /tshad ma gzhan dang zhes bya ba la sogs pas ni lan 'debs te/ chos can mngon sum gyis rtogs kyang mi rtag pa nyid la sogs pa bdag nyid ji lta ba bzhin bsgrub pa'i phyir tshad ma gzhan gyi rjes su dpag pa 'jug go//de bzhin du chos can ro la sogs pa rtogs kyang chos ma grags pa'i khyad par rtogs par bya ba'i phyir/ sgra gzhan ro mngar ro/ /grang ngo / /'jam mo/ /lci'o zhes bya ba 'jug go/ /gal te rtags kyis kyang sgrub pas dngos po kho na rtogs par byed na ni de'i tshe mngon sum gyi dngos po cha shas med pa'i rnam pa thams cad kyang gzung ba'i phyir/de la gang zhig rtogs par bya ba'i phyir/ tshad ma gzhan rjes su dpag pa 'jug par 'gyur ba dngos po'i cha shas ma bzung ba gzhan ci zhig yod/ de bzhin du sgra gzhan yang ma grags pa rtogs par bya ba'i phyir sbyor bar mi 'gyur te/tshad ma dang sgra dang po kho nas bsgrub pas thams cad rtogs pa'i phyir ro/ /gang gi tshe chos gzhan sgro 'dogs pa rnam par bcad pa'i phyir tshad ma gzhan dang sgra gzhan 'jug pa de'i tshe ni tshad ma gcig gis sgro 'dogs pa gang zhig gsal ba ma byas pa de bsal ba'i phyir tshad ma gzhan dang sgra gzhan 'jug par 'gyur ro//de bas na tshad ma gzhan dang sgra gzhan 'jug pa'i phyir/ sgra dang rtags dag gis gzhan rnam par bcad pa rtogs par byed do/ /de nyid bstan pa'i phyir 'di ltar zhes bya ba la sogs pa smos te/don gyi rang gi ngo bo ni don gyi bdag nyid do/ /gcig ni cha shas med pa ste bdag nyid rang gi ngo bos mngon sum yin pa la rjes su dpag pa zhes bya ba'i tshad ma rnams kyis brtag par bya ba gang yin pa ma mthong cha gzhan pa ci zhig yod mngon sum du mthong ba'i ngo bo nyid las gzhan pa ma mthong ba'i ngo bo nyid gzhan ci zhig yod de/ngo bo nyid la cha shas med pa'i phyir thams cad mthong ba kho na yin no/ /de lta bas na tshad ma gzhan gyis brtag par bya ba ma yin par 'gyur ro/ /tshad ma rnams kyis zhes bya ba ni gsal ba'i bye brag gis mang ba'i tshig tu byas pa yin no//don gyi bdag nyid gcig pa zhes bya ba la sogs pas ni rnam par 'grel te/ don gyi bdag nyid gcig pa ni cha shas med pa'o/ /gang la rjes su dpag pa 'jug pa de ni re zhig mngon sum pa yin par khas blangs dgos so/ /ci'i phyir zhe na/ sngar tshad mas chos can ma grub na sgrub pa mi srid pa'i phyir te/gzhi ma grub pa nyid kyis rtags mi srid pa'i phyir ro/ /de lta bas na chos can rab tu grub pa dgos te/ dper na sgra mi rtag par bsgrub par bya ba la sgra mngon sum gyis grub pa lta bu ste/ de'i phyir rang gi ngo bo mngon sum kho nas grub pa'i phyir/ rnam pa thams cad 'grub po//ci'i phyir zhe na/ de las gzhan pa sgra sgrub pa'i ngo bo nyid las gzhan pa ma grub pa'i ngo bo nyid med pa'i phyir ro/ /'on te ma grub pa'i ngo bo nyid gcig yod na ni grub pa dang ma grub pa dag ngo bo nyid gcig pa nyid du 'gal ba'i phyir de'i ngo bo nyid ma yin te/sgra'i ngo bo nyid ma yin no/ /de nyid gang zhig gang dang zhes bya ba la sogs pas ston te/ grub pa ni chos ma thob pa las 'brel pa'o/ /bde ba ni thob pa rjes su 'jug pa'o/ /gang la grub pa dang bde ba gcig pa yod pa de la de skad ces bya ste/ chos nyid mtshungs pa zhes bya ba'i tha tshig go//ngo bo nyid gang zhig gang dang lhan cig grub pa dang bde ba gcig pa can ma yin zhing grub pa dang bde ba tha dad pa can de ni de'i ngo bo nyid yin par gang dang grub pa dang bde ba tha dad pa de'i ngo bo nyid yin par rigs pa ma yin zhes bya bar sbyar te/ tha dad pa'i tha snyad tha dad pa nyid du rnam par gzhag pa'i rgyu ni de tsam du zad pa'i phyir ro//de lta ma yin na zhes bya ba ni gal te tha dad pa'i rgyu 'di mi 'dod na de'i tshe tha dad pa'i tha snyad med par thal bar 'gyur ro zhes tha dad pa'am/ rgyu tha dad pa ni 'di zhes bya ba'i skabs su bshad zin to//gang gi phyir de lta yin pa de'i phyir chos can sgra la sogs pa mngon sum pa la de'i ngo bo nyid mtha' dag yongs su gcad pa'i phyir chos can de la tshad ma gzhan rjes su dpag pa 'jug pa'i go skabs med cing yul med do/ /gal te khyod la yang nyes pa mtshungs so zhe na/gzugs chos mthun pa mthong ba las zhes bya ba la sogs pa smos te/ nya phyis la dngul gyi rnam pa lta bur sbyor bar mi byed na ste/ ltar zhes bya ba'i sgra ni lta bur zhes bya ba'i don yin no/ /ji ltar zhe na/ dngul gyi gzugs dang nya phyis kyi gzugs chos mthun pa gang yin pa de mthong ba las te/nya phyis kyi gzugs khyad par nges par ma zin pa kho na 'dra bar shes pa'i rgyu yin pa'i phyir gzugs kyi chos mthun pa nyid du bshad kyi/ chos mthun pa zhes bya ba ni cung zad kyang med do/ /gal te zhes bya ba la sogs pa ni 'khrul pa'i rgyu mtshan 'dra ba gzhan 'byung ba la sogs pa'i rgyus rnam par rtog pa'i blos yon tan gzhan brtan pa nyid la sogs pa sbyor bar mi byed cing sgro 'dogs par mi byed na'o//'di skad du gal te 'khrul pa'i rgyu mtshan gyis yon tan gzhan sbyor bar mi byed na ni kho bo la yang nyes par 'gyur ba zhig na/ 'on kyang sgro 'dogs par byed de/ de bas na sgro 'dogs pa rnam par bcad pa'i phyir gzhan sel bar smra ba ltar tshad ma gzhan 'jug go/ /gal te zhes bya ba la sogs pas na rnam par 'grel te/ gang la de kho na nyid rang gi ngo bo thams cad mthong ba yod pa zhes tshig rnam par sbyar te/ji ltar nya phyis gzugs khyad par can du gzung ba la yang dkar po'i chos mthun pas dngul gyi rnam pa sbyor bar byed pa de ltar nges pa'i gegs su gyur pa ji ltar mthong ba nges pa'i gegs byed pa 'khrul pa'i rgyu mtshan 'dra ba gzhan 'byung ba la sogs pa'i mtshan nyid kyi yon tan gzhan bstan pa nyid la sogs pa sbyor bar mi byed cing sgro 'dogs par mi byed na'o//gal te nya phyis la gzugs khyad par can bzung nas dngul lo zhes sgro 'dogs pa ni ma yin gyi/ 'on kyang nya phyis la dngul gyi gzugs kyi spyi gang yin pa de mthong nas so snyam du sems na/ de'i phyir nya phyis la ni zhes bya ba la sogs pa smos te/nya phyis la ni dngul dang mtshungs pa dang khyad par can thun mong ma yin pa dang / ngo bo gnyis yod pa ni ma yin no/ /ci'i phyir zhe na/ de ltar spyi dang khyad par gyi ngo bor 'dren mar snang bar rtogs par thal bar 'gyur ba'i phyir ro/ / bye brag tu ma rtogs na ni zhes bya ba ni 'di ni spyi'o/ /'di ni khyad par ro zhes de ltar bye brag tu rnam par dbye bar mi rtogs na ni gnyis nyid du brtags pa mi rung ba'i phyir te/ dngul la ngo bo gnyis yod do zhes brtags pa mi rung ba'i phyir ro/ /snang ba tha dad pa med na gnyis nyid du brtags pa ha cang thal bar 'gyur ba'i yang phyir te/gcig pa nyid du 'dod pa gzhan la yang gnyis nyid du brtags par 'gyur ro/ /de lta bas na nya phyis la ngo bo gnyis mi rung ba'i phyir nya phyis kyi gzugs mthong ba'i skyes bus khyad par kho na rang gi mtshan nyid kho na mthong gi spyi ni ma yin no/ /nges pa'i rkyen ni goms pa la sogs pa ste/de dag ma tshang ba'i phyir nya phyis kyi gzugs kyi khyad par gtan la ma phebs pas de spyi dngul gyi gzugs kyi spyi mthong ngo snyam du rlom par byed do/ /de'i phyir zhes bya ba ni dngul gyi gzugs kyi spyi 'dzin par mngon pa'i nga rgyal byed pa'i phyir lta ba po 'di nya phyis la dngul du sgro 'dogs shing /ji ltar nya phyis la dngul du sgro 'dogs pa de ltar chos can sgra la sogs pa mthong ba la 'khrul pa'i rgyu mtshan 'dra ba gzhan skye bas/ skad cig ma 'dra ba gnyis pa skye bas skad cig ma snga phyi dag tha dad pa nyid du ma 'phrigs pa'i skyes bu de'i ngo bor sgro btags pa'i phyir/skad cig ma snga ma des kyang phyis kyang ngo bor sgro btags shing yod par sgro btags pa'i phyir gnas par 'khrul lo/ /de lta bas na sgra la sogs pa skad cig ma dang bdag med pa la sogs pa'i ngo bo nyid 'di la gzhan gyi dngos po brtan pa nyid la sogs pa ji snyed pa rang gi rgyu mtshan ji lta ba las 'byung ba'i ste/gzhan zhig gang gi rgyu mtshan du 'tsham pa las 'byung ba'i sgro 'dogs par yang de snyed kho na yin pas de rnam par gcod par byed pa/ sgro 'dogs pa de rnam par gcod par byed pa'i tshad ma rnams 'byung zhing skye ba'i 'bras bu dang bcas par 'gyur te/don dang bcas par 'gyur ro/ /tshad ma rnams zhes bya ba ni gsal ba'i bye brag gis mang po'i tshig tu smos pa yin no/ /rnam par gcod pa'i 'bras bu can sgro 'dogs pa 'gog pa'i 'bras bu can gyi tshad ma de dag ni dngos po'i cha shas dngos po'i cha ma rtogs pa rtogs par bya ba rab tu gsal bar bya ba'i phyir/'jug pa ma yin te chos can bltar rung ba cha shas med pa la dngos po'i cha shas de ni mthong zin pa'i phyir ro/ /ci'i phyir zhe na/ cha shas med pa la phyogs gcig mthong ba mi rung ba'i phyir ro/ / gang gi phyir de lta yin pa de'i phyir dngos po mngon sum gyis mthong ba'i yon tan mtha' dag ste ngo bo nyid ril mthong ba nyid do/ /'on kyang 'khrul pa'i rgyu nges par mi byed pa'i phyir/ bsgrub pa zhes bya ba 'khrul pa sel bar byed pa'i rjes su dpag pa rab tu 'jug pa yin/ rjes su dpag pa las zhes bya ba la sogs pa las kyang zhes bya ba ni mngon sum la ltos nas bsdu ba'i don yin te/rjes su dpag pa'i gtan tshigs kyang bsgrub pa'i ngo bor dngos po 'dzin par khas len na/ me la sogs pa chos can gyi chos gcig nges par gyur pas/ chos can la cha shas med pa'i phyir chos kun 'dzin te/de lta yin na tshad ma gzhan don med do snyam du bsams pa yin no/ /sel ba'i sgro 'dogs pa rnam par gcod pa ste/ de rjes su dpag pas rtogs par byed pa khas len na bshad ma thag pa'i nyes pa 'dir thal bar mi 'gyur ro/ /'ga' zhig ces bya ba la sogs pas ni rnam par 'grel pa yin no//chos can 'ga' zhig mngon sum gyis mthong ba la zhes bya bar sbyar te/ mngon sum du mthong ba'i chos can 'ga' zhig ces bya ba'i tha tshig go/ /chos can thams cad mngon sum du mi 'gyur ba 'ga' zhig la zhes bya ba smos te/ bshad ma thag pa'i tshul gyis tshad ma gzhan mi 'jug pa'o/ /gang gi tshe rjes su dpag pas kyang bsgrub pas/ me la sogs pa'i dngos po rtogs par byed do zhes bya bar 'dod kyi/ sgro 'dogs pa rnam par gcod par byed pa ni ma yin pa'o/ /de'i tshe zhes bya ba ni bsgrub pa'i tshul gyis shes par byed pa'i tshe/chos gcig nges na de dang tha mi dad pa'i phyir nges pa'i chos dang tha mi dad pa'i phyir chos thams cad nges pas tshad ma gzhan mi 'jug ste/ rjes su dpag pa gzhan mi 'jug go/ /gal te tha mi dad pa yin du zin kyang chos thams cad nges pa ni ma yin no zhe na/de nges na zhes bya ba la sogs pa smos te/ de zhes bya ba ni rjes su dpag pa dang pos nges pa'i chos te/ de'i bdag nyid ces bya ba nges pa'i chos kyi bdag nyid yin pas/ ma nges pa ni rigs pa ma yin no/ /sel ba la nyes pa 'di ni thal bar mi 'gyur zhes bya ba 'di'i rnam par 'grel pa ni/gang gi tshe zhes bya ba la sogs pa smos te/ de'i tshe na rjes su dpag pa gcig gis sgro 'dogs pa gcig rnam par gcad pas sgro 'dogs pa gzhan rnam par gcad pa byas pa ma yin pa'i phyir/ de'i don du sgro 'dogs pa gzhan rnam par gcad pa'i don du'o//gzhan zhes bya ba ni rjes su dpag pa bzhin no/ /gzhan gyis ma rtogs pa zhes bya ba la sogs pa smras te/ sngar de las bzlog pa'i rnam par sgro 'dogs pa'i phyin ci log 'jug pa la phyis der phyin ci log sngon du 'gro ba can gyi don mi shes pa rtags las nges par 'gyur ro zhes bya ba'i nges pa 'di ni med de/phyin ci log dang bral ba la yang rjes su dpag pa srid pa'i phyir ro/ /de nyid dper na zhes bya ba la sogs pas ston te/ du ba glo bur ba las zhes bya ba ni phyogs 'ga' zhig na ma bsams pa las du ba glo bur du byung ba las me rtogs pa lta bu'o/ / de la ni zhes bya ba ni glo bur ba las me rtogs pa las me ma yin par sgro 'dogs pa mi srid do/ /de bas na zhes bya ba ni de lta bas na rjes su dpag pas thams cad la rnam par gcod par byed pa ni ma yin no zhe na/ slob dpon gyis 'di la zhes bya ba la sogs pa smos te/ rjes su dpag pa bsgrub pa'i tshul du 'jug pa 'di la lan bshad zin te/mngon sum gyis chos can rtogs na/ de'i chos rnams chos can las tha mi dad pa'i phyir thams cad rtogs par 'gyur bas rjes su dpag pa don med do zhes bya ba dang 'on te chos can las chos tha dad par khas len na ni tha dad par khas blangs pa'i phyir chos can dang lhan cig de'i bdag nyid kyi mtshan nyid kyi 'brel pa ma yin no//mi rtag pa nyid la sogs pa yang chos can gyi rang gi ngo bo las 'byung ba yang ma yin la/ chos can yang mi rtag pa nyid la sogs pa las 'byung ba yang ma yin no/ /de bas na chos ma 'brel pa ni chos can de la rtogs pa med do zhes bya ba 'di yang rgyu dang 'bras bur ma gyur pa ni de la rjes su dpag pa mi srid pa'i phyir ro zhes bya ba'i bar skabs der bshad zin to//gang gi phyir de lta yin pa de'i phyir du ba glo bur du mthong ba las me rtogs pa de la yang de mthong ba la phyogs mthong ba'i skyes bu la de'i rang gi ngo bo ma nges pa me dang ldan pa'i rang bzhin gyi ngo bo ma nges pa ni yod pa kho na'o//ma nges pa de yang ga las she na/ phyin ci log kho na las yin te/ me dang ldan pa ma yin pa'i sa phyogs dang 'dra ba nyid du 'dzin pa kho nas yin no//de nyid de yang zhes bya ba la sogs pas ston te/ de yang zhes bya ba ni skyes bu'o/ /phyogs de me dang ldan pa yin yang blo ji lta bu zhig gis she na/ me dang ldan par 'dzin pa dang bral bas te/ me dang ldan par sems pa med pa des dben pa zhes bya ba mes dben pa ste ngos dben pa'i ngo bor nges pa byed pa na/de ma yin pa la der 'dzin pa'i phyir ji ltar phyin ci log pa ma yin phyin ci log pa kho na yin te/ 'di ltar ji srid dus phyogs der du ba ma mthong ba de srid du/ de yang me med pa'i sa phyogs gzhan dang 'dra bar 'dzin to/ /rjes su dpag par bya ba 'ga' zhig la/phyin ci log gi shes pa med du zin kyang 'on kyang de la the tshom yod par 'gyur la the tshom yang gnyi ga'i cha la brten pa yin pas/ phyogs la der 'khrul pa la reg par 'gyur ro/ /de'i phyir the tshom bsal ba la yang rtags kyis rnam par gcad par bya ba kho na yin no//rtags kho nas rjes su dpag par bya ba rtogs par byed pa ni rjes su dpag par bya ba de la gdon mi za bar phyin ci log dang / the tshom dag dang ldan par 'gyur te/ 'di ltar de'i rnam par sgro 'dogs pa dang / the tshom dang bral bar me'i rnam par sgro 'dogs pa dang /the tshom dang bral ba'i skyes bu ni de rtogs par bya ba la rtags kyi rjes su 'brang bar yang mi byed de phyogs kyi chos la brten par mi byed la/ de bzhin du rtags de'i rjes su 'gro ba dang ldog pa dag la gus par yang mi byed pa zhig na/ 'di ltar rjes su 'brang bar yang byed gus par yang byed de/de lta bas na rtogs par byed pa po de'i rnam par sgro 'dogs pa dang / the tshom dang ldan pa ni rjes su dpag par bya ba 'ga' zhig la rtags kyi stobs kyis sgro 'dogs pa dang / the tshom sel bar byed pas de bas na thams cad la sgro 'dogs pa rnam par gcod par byed do//de'i phyir de ltar bshad pa'i rnam pas sel ba'i yul can yin te/ rnam par gcod pa'i yul can yin no/ /gzhan du zhes bya ba ni rnam par gcod pa la mi ltos par rtags las dngos po rtogs par 'gyur na ni/ tshad ma 'ga' zhig gis chos can grub par gyur na de las grub pa'i ngo bo nyid las chos can de'i ngo bo ma grub pas gang zhig rtogs par bya ba'i phyir rtags 'jug par 'gyur ba gzhan ci zhig yod/re zhig sgro 'dogs pa yod na ni de rnam par bcad pa'i phyir 'jug pa'i rtags gzhan sel ba'i yul can yin grang na/ mngon sum gyi rjes su 'byung ba rnam par rtog pa can gyi shes pa gang yin pa de go sgro 'dogs pa med na ji ltar gzhan rnam par gcod pa'i yul can yin/ de yang gdon mi za bar gzhan sel ba'i yul can du ni 'dod par bya dgos te/ khyed kyi lta ba spyi'i yul can yin pa'i phyir la/spyi'i yang gzhan sel ba'i mtshan nyid yin pa'i phyir ro zhe na/ de'i phyir mthong ba 'ga' la'ang zhes bya ba la sogs pa smos te/ gzugs la sogs pa mngon sum du mthong ba 'ga' la'ang de'i rjes la 'byung ba'i shes pa gang yin pa spyi'i don zhes bya ba ni spyi'i yul can te/de nyid kyi phyir rnam par rtog pa'o/ /rnam pa gang la gzhan gyi cha ste/ zla bo rnam pa sgro ma btags pa de ni gzhan gyi cha sgro ma btags pa'o/ /de la 'jug pa de yang de tsam sel ba'i spyod yul can cha sgro ma btags pa gang yin pa de tsam gyi rnam par gcod pa'i yul can yin no//'di skad du mngon sum gyi rjes la 'byung ba'i shes pa rnam par rtog pa can gyis sgro 'dogs pa sngar zhugs pa sel bar mi byed mod kyi/ 'on kyang de ni sgro 'dogs pa'i yul la med pa'i phyir de rnam par gcod pa'i yul can kho na yin no zhes bya bar shes so//gal te yang rnam par rtog pa can gyi shes pa de dngos po la bsgrub par 'jug par 'gyur na ni/ rnam pa thams cad la nges par 'gyur ro zhes bshad pa yin no/ /gzugs la sogs pa zhes bya ba la sogs pas ni tshigs su bcad pa ston te/ sogs pa zhes bya ba'i sgras ni sgra la sogs pa bsdu'o//'di la rtags med pas na rtags can ma yin pa ste/ 'di ni gzugs la sogs pa'o/ /zhes nges pa'i shes pa'o/ /sgro 'dogs pa med na zhes bya ba ni gzugs la sogs pa mngon sum du mthong ba la ni de'i tshe phyin ci log gi rnam par sgro 'dogs pa med na de ji ltar rnam par gcod pa'i yul can du 'gyur 'di tsam gyis ni tshigs su bcad pa'i phyed gong ma phyogs snga ma'i tshul du rnam par bshad pa yin no//sgro ma btags pa'i yul la yod pa'i phyir ro zhes bya ba la sogs pas ni lan yin te/ nges pa'i shes pas te sgro btags pa'i yul la med pa'i phyir de rnam par gcod pa'i yul can yin no zhes bya ba rnal ma dang sbyar ro//de nyid gang la zhes bya ba la sogs pas sel bar byed de/ khyad par gang la 'di'i zhes bya ba ni skyes bu'o/ /sgro btags pa'i yul gyi khyad par de la mi brten pa'o zhe'am bdag med pa'o snyam du nges par mi 'gyur ro//ci'i phyir zhe na/ nges pa dang ni sgro 'dogs yid/ /gnod bya gnod byed ngo bo'i phyir/ /nges pa'i shes pa dang de las bzlog pa sgro 'dogs pa'i shes pa ni gnod par bya ba dang / gnod par byed pa'i ngo bo yin pa'i phyir ro/ /dngos po thams cad las zhes bya ba la sogs pas ni gnod par bya ba ni gnod par bya ba dang /gnod par byed pa'i ngo bo kho na sgrub par byed de/ dngos po rigs mthun pa dang rigs mi mthun pa thams cad las tha dad pa mthong yang de kho na bzhin du zhes bya ba ji ltar mthong ba bzhin rnam pa thams cad du mngon par shes shing nges pa ni ma yin zhes bya bar sbyar ro//ci'i phyir zhe na/ skad cig ma nyid la sogs pa'i khyad par 'ga' zhig la bar du gcod pa srid pa'i phyir te/ 'khrul pa'i rgyu mtshan srid pa'i phyir ro/ /dper na nya phyis thams cad las log pa mthong yang nya phyis nyid la 'khrul pa'i rgyu mtshan dngul dang chos mthun pa srid pa'i phyir mi nges pa lta bu'o//rnam pa gang la 'khrul pa'i rgyu mtshan med pa de kho na la ni de mthong ba khyad par med kyang rnam pa thams cad la mngon sum khyad par med kyang rtogs pa po 'di'i dran pa nyams su myong ba'i dus kyi 'og rol du 'byung ba nges par 'gyur ro//gang gi phyir mngon sum la khyad par med kyang sgro 'dogs pa dang bral ba'i yul kho na la nges par 'gyur ba de'i phyir/ sgro 'dogs pa dang nges pa dag gnod par bya ba dang gnod par byed pa'i ngo bo yin par shes so/ /gnod par bya ba dang gnod par byed pa'i ngo bo nyid yin pa rgyu de'i phyir nges pa/'di ni sgro 'dogs dben pa la sgro 'dogs pa dang bral ba la 'jug ces bya bar shes pa yin sgro 'dogs pas dben pa la 'jug tu zad mod/ 'on kyang gzhan sel ba'i yul can nyid ma yin no zhe na/ de dben pa nyid gzhan sel bar yin no zhes bya ba smos te/sgro 'dogs pas dben pa nyid do/ /de lta bas na sgro 'dogs pa dang bral ba la 'jug pa'i phyir/ nges pa'i shes pa mngon sum gyi rjes la 'byung ba de yang de tsam gyis sel ba'i spyod yul can yin gyi/ sgrub pas dngos po rang gi ngo bo nges par byed pa ni ma yin no//ci'i phyir zhe na/ 'di ltar gzugs nyid la sogs pa'i rnam pa 'ga' zhig nges pa la yang skad cig pa nyid la sogs pa rnam pa gzhan ma gtogs pa mthong ba'i phyir ro// //bam po bdun pa/ gal te nges pa'i shes pa mngon sum gyi rjes la 'byung bas sgrub pa kho na nas dngos po'i rang gi ngo bo nges par byed na ni/de'i tshe de'i rang gi ngo bo nges pa la ni dngos po la cha shas med pa'i phyir de mi rung ba'i phyir te/ rnam pa gzhan mi nges pa mi rung ba'i phyir ro/ /gang gi phyir nges pa dang sgra sgro 'dogs pa rnam par gcod pa kho nar 'jug go/ /sgrub pa ma yin pa de'i phyir dngos po gcig la cha shas sgro 'dogs pa ste/ngo bo gzhan sgro 'dogs pa ji snyed pa/ de bsal ba'i phyir sgro 'dogs pa bsal ba'i phyir nges pa de snyed kho na dang sgra yang de snyed kho na 'jug go/ /rgyu des na nges pa dang sgra de dag spyod yul tha dad pa can yin no/ / gzhan du zhes bya ba ni blo dang sgra dag gis rnam par bcad pa la mi ltos par dngos po'i ngo bo gsal bar byed na ni/ dngos po gcig pu gcig cig la/ sgra'am blo gcig gis khyab na rnam pa thams cad du yul du byas na/ nges pa'i bdag nyid kyis khyab pa'i phyir/ gzhan yul ma yin no/ /'di ni gzhan yang yin la yul te rnam pa yang yin pas gzhan yul te/ ma bzung ba'i rnam pa med pa'i phyir dngos po de'i rnam pa gzhan yul yin no zhes bya ba'i tha tshig go/ /yang na dngos po de shes par byed pa'i sgra dang blo gzhan gyi yul ma yin pa'o/ / rgyu de'i phyir rnam par rtogs zin pa de kho na la 'jug pa'i sgra dang blo rnams ni rnam grangs pa ni nyid du 'gyur yul gcig pa can nyid du 'gyur ro/ /gang gi ltar zhes bya ba la sogs pas ni phyogs snga ma nye bar 'god de bye brag pa gang gi ltar na'o/ /bum pa la sogs pa'i don gang la phan tshun dang rten las tha dad pa'i phyir/khyad par bye brag sna tshogs tha dad pa yod pa de ni khyad par sna tshogs pa can te/ blo ni don khyad par gyi bye brag de kho na las tha dad pa de sgrub pa kho nas 'dzin cing nges par byed pa'i bdag nyid yin no/ /de yang khyad par re re la tha dad de blo'i yul gyi bye brag bstan pas/sgra rnams kyi yang don gyis bstan pa kho na yin no/ /de nyid gang zhig ces bya ba la sogs pas ston te/ khyad par rnams ni rdzas nyid la sogs pa ste/ phan tshun gcig las gcig tha dad pa yin no/ /rten las zhes bya ba ni khyad par can las tha dad pa yin pa'o//de'i rgyu can ni khyad par tha dad pa'i rgyu can no/ /mnyan pa smos pa ni nye bar mtshon pa ste/ blo dag kyang de dang 'dra'o/ /de dag gi rten zhes bya ba ni khyad par de dag gi rten to/ /de dag kho na la zhes bya ba ni khyad par dag kho na la 'jug pa ste/ rjod par byed pa nyid du 'jug go//de bas na zhes bya ba ni de lta bas na ste/ sgra dang zhes pa gzhan dag rnam grangs pa nyid du 'gyur ba'i mtshan nyid kyi thal ba'i 'dir mi 'gyur ro/ /lan du de'i ltar na yang zhes bya ba la sogs pa smos te/ khyad par rnam pa sna tshogs la phan pa'i yan lag ste//rgyu nus pa gang dag yin pa de ga las mi gzhan pa'i bdag nyid khyad par can nges pa'i shes pa gcig gis bdag nyid kun du gzung ba byas na phan bya'i ste khyad par gyi tshogs kyi bye brag gang khyad par gyi bye brag gang zhig ma nges par 'gyur te/ thams cad nges pa kho na yin no/ /de bstan par khyad par zhes bya ba la sogs pa smos te/khyad par tha dad pa dag kho na don khyad par can la sgra dang shes pa gzhan dag 'jug pa'i rgyu mtshan yin par khas lan du zin kyang de dang ldan pa khyad par dang ldan pa'i don gcig pu nyid de ni sgra dang shes pa de dag gis nye bar len cing yul du byed do/ / khyad par can khyad par sna tshogs la phan pa'i rten nus pa gang dag yin pa de'i ngo bo nyid de ni bdag nyid la ste rang gi ngo bo la tha dad pa med do/ /de'i phyir khyad par gcig gi sgo nas bzung na yang bdag nyid thams cad du gzung ba yin no/ /de lta yin na de'i khyad par gyi bye brag ma nges pa gang zhig yod de nges pa kho na yin no//ci'i phyir zhe na/ khyad par thams cad la phan 'dogs par byed pa nyid du gzung ba'i phyir ro/ /gal te khyad par gcig gi sgo nas khyad par can gyi rang gi ngo bo kho na gzung gi/ khyad par la phan par byed pa nyid ni ma yin no zhe na/ rang gi ngo bor zhes bya ba la sogs pa smos so/ /phan par byed pa nyid ni rang gi ngo bo las tha mi dad pa'i phyir rang gi ngo bor gzung ba'o/ /de'i zhes bya ba ni khyad par can gyi ste/ phan par byed pa nyid ma bzung ba gzhan ni med pa kho na'o zhes bya ba 'di dang sbyar ro/ /gang gi phyir de lta yin pa rgyu de'i phyir ro//'di'i zhes bya ba ni khyad par can gyi ste/ rang gi ngo bo rang gi bdag nyid du gzung ba gang yin pa de nyid phan par byed pa nyid du yang gzung ba yin no/ /khyad par gcig gi sgo nas khyad par can gyi khyad par thams cad la phan par byed pa nyid rang gi ngo bor gyur pa 'dzin du zad mod/de dang tha dad pa khyad par rnams ko ji ltar 'dzin ce na/ de'i phyir de dag ces bya ba la sogs pa smos te/ khyad par tshogs dang khyad par can phan par bya ba dang phan par byed pa por gyur pa dag ni bdag nyid la rang gi ngo bo la 'brel pa'i phyir de phan par bya ba dang / phan par byed pa po 'brel pa ni bdag nyid du gyur pa yin no zhes bya ba'i tha tshig go//de'i phyir phan par byed pa'i ngo bo gcig shes na/ 'brel pa'i phyir gnyi ga gzung ste/ khyad par dang khyad par can dag gzung ba yin no/ /de nyid khyad par zhes bya ba la sogs pas ston te/ 'di ltar re zhig khyad par can gzung na/ de'i bdag nyid du gyur pa phan par byed pa'i ngo bo gzung ba yin no/ /de gzung na khyad par rnams kyi bdag nyid du gyur pa phan par bya ba'i ngo bo yang gzung ba yin te/ phan par byed pa'i ngo bo 'dzin pa ni de 'dzin pa med na med pa'i phyir ro/ / de'i phyir gcig shes na khyad par dang khyad par can gnyi ga gzung bas/ khyad par can de khyad par gcig gis khyad par du byas pa gzung na yang khyad par thams cad gzung ba yin no/ /de 'dzin pa med na med pa'i phyir ro zhes bya ba ni khyad par 'dzin pa med pa na med pa'i phyir ro/ /gzhan du na zhes bya ba ni khyad par rnams mi 'dzin na'o//de ltar yang 'dzin par mi 'gyur ro zhes bya ba ni khyad par can ni khyad par rnams la phan par byed pa po yin no zhes bya ba de ltar yang 'dzin par mi 'gyur ba'o/ /gal te khyad par can la de'i tshe shes pa dang sgra 'jug pa'i rgyu mtshan gyi khyad par gang yin pa de kho na la phan par byed pa nyid du gzung gi khyad par gzhan la phan par byed pa nyid du ni ma yin no zhe na/gzhan la phan par byed pa zhes bya ba la sogs pa smos te/ gzhan la phan par byed pa zhes bya ba khyad par gzhan la phan par byed pa po'i ngo bo nyid gang zhig ma bzung ba ni med de/dngos po la sha chas med pa'i phyir thams cad gzung ba kho na yin no/ /gal te khyad par can 'brel pa can la mi ltos pa la phan 'dogs par byed pa po yin no zhes bya ba kho nar 'dzin gyi 'di la phan par byed pa po yin no zhes bya bar ni ma yin pas/ de'i phyir khyad par rnams mi 'dzin to snyam du sems na/de'i phyir phan par byed pa zhes bya ba la sogs pa smos te/ de ltar gzung na zhes bya ba ni phan 'dogs pas byed pa po yin no zhes de ltar gzung na phan par bya ba khyad par ma bzung ba yang med do/ /ci'i phyir zhe na/ phan par byed pa po de la yang phan pa po yin no zhes de ltar ma bzung bar thal bar 'gyur ba'i phyir ro//'di skad du 'brel pa can yin pa'i phyir 'brel pa can gnyis pa gzung ba med par phan par byed pa po la phan par byed pa po yin no zhes bya bar 'dzin pa yang med do zhes bshad pa yin no/ /de lta bu'i dper yang rje khol bzhin no zhes bya ba smos te/khol po gzung ba med par rje bo nyid du 'dzin pa ni med do/ /gang gi phyir de ltar khyad par gcig gi sgo nas shes pa dang / sgra gcig zhugs na yang khyad par thams cad dang / khyad par can bdag nyid thams cad du gzung ba yin pa de'i phyir khyad par don gzhan yin par smra ba la yang ste/khyad par rnams don gzhan du gyur pa yin no zhes de skad du smra ba la yang sgra dang shes pa gzhan rnams rnam grangs pa nyid du 'gyur ro zhes bya bar thal bar 'gyur bar mtshungs so/ /nus pa dang ldan pas nus pa gang dag gis khyad par la phan 'dogs pa'i nus pa de dag nus pa dang ldan pa las tha dad pa yin no//de'i phyir thal ba 'dir mi 'gyur ro zhes bya ba ni khyad par gcig la phan par byed pa po nus pa'i bye brag gzung na/ nus pa thams cad gzung ba yin la/ de dag gzung bas kyang khyad par thams cad gzung ba yin no zhes bya ba'i thal ba 'dir 'gyur ba med pa'o//lan du chos phan zhes bya ba la sogs pa smos te/ chos ni khyad par rnams te/ de dag la phan par byed pa po'i nus pa gang dag yin pa de dag nus pa dang ldan pa la tha dad par khas len na nus pa can de'i ci yin par 'gyur te/ci yang ma yin zhing de dang 'brel pa can dag ma yin no zhes bya ba'i tha tshig go/ /gang gi tshe zhe na/ gal te nus pa can de las nus pa de dag las phan pa med pa na'o/ /'on te 'brel pa grub par bya ba'i phyir phan par byed pa por 'dod na de'i tshe nus pa gang dag gis nus pa la phan par byed pa nus pa la phan 'dogs pa'i nus pa tha dad pa gzhan dag khas blang dgos shing de dag la yang 'brel pa grub pa'i phyir phan gdags par bya dgos la/de la yang nus pa gzhan rtog na de lta yin na thug med 'gyur de nyid gal te zhes bya ba la sogs pas ston te/khyad par dang khyad par can ni khyad par re re'o/ /phan par byed pa nyid dag ces bya ba ni nus pa dag ste/ khyad par can de'i rang gi bdag nyid du gyur pa ma yin zhing ngo bo nyid du gyur pa ma yin gyi/ 'on kyang tha dad pa kho na yin no/ /khyad par can de las phan pa nyams su myong ba yang med cing bdag nyid kyir byed pa yang med na ci ste de'i de dag yin zhes bya ste/'brel pa med pas ci'i phyir khyad par dang ldan pa'i nus pa dag ces bya/ 'on te 'brel pa grub par bya ba'i phyir khyad par can las khyad par la phan 'dogs pa'i nus pa de rnams la phan pa khas lan na ni khyad par can 'dis nus pa gang dag gis khyad par la phan 'dogs pa'i nus pa la phan 'dogs pa de dag gal te de'i bdag nyid du gyur pa yin par 'dod na ni/de'i tshe khyad par can cha shas med pa 'di gcig pus rang gi bdag nyid du gyur pa'i nus pa dag gis khyad par la phan 'dogs pa'i nus pa la phan par byed pa na'o//'di ltar zhes bya ba la sogs pas ni bdag nyid thams cad du gzung ba sgrub par byed de/ khyad par gcig gzung na de la phan 'dogs pa'i khyad par la phan 'dogs pa'i nus pa tha dad par gzung ba yin no/ /de gzung na zhes bya ba ni khyad par la phan 'dogs pa'i nus pa gzung na'o//de la phan par byed pa po ni khyad par la phan 'dogs pa'i nus pa la phan par byed pa'o/ /ji lta bu zhig ce na/ nus pa la phan pa rang gi bdag nyid du gyur pa mtha' dag dang ldan pa ste/ gang la khyad par la phan 'dogs pa'i nus pa rnams la phan pa'i nus pa rang gi bdag nyid du gyur pa mtha' dag yod pa de ste dngos po de lta bu gzung bas khyad par thams cad la phan 'dogs par byed pa'i nus pa 'dzin par byed pa la nus pa gzung ba de dag gis kyang rang gis kyang phan gdags par bya ba'i khyad par rnams 'dzin par byed pas bye brag ma nges pas gang zhig yod ces bshad pa gang yin pa'i thal bar 'gyur ba so na 'dug pa yin no//'on te nyes pa 'dir 'gyur du 'ong zhes te/ nus pa la phan 'dogs pa'i nus pa de dag kyang khyad par can gyi dngos po las tha dad pa kho na yin par 'dod na ni de'i tshe de la phan 'dogs pa'i nus pa tha dad pa dag kyang brtag dgos la/de bzhin du de la phan 'dogs pa dag kyang brtag dgos pas de lta na thug pa med pa'i phyir khyad par dang / de'i nus pa rnams te khyad par la phan pa'i nus pa rnams nus pa gzhan dang gzhan dag kho na la mthar thug pa med cing thug pa med par sbyor ba'i phyir te 'brel pa'i phyir ro//'di ltar khyad par rnams ni nus pa tha dad pa dag dang / 'brel pa de dag kyang tha dad pa dag kho na dang 'brel te/ de bzhin du nus pa snga ma snga ma rnams nus pa tha dad pa phyi ma phyi ma dag kho na dang thug pa med par 'brel gyi/khyad par can dang ni ma yin no/ /de bas na de la phan pa'i bdag nyid ces bya ba ni nus pa la phan pa'i bdag nyid do/ /khyad par la phan 'dogs pa'i nus pa rnams kyi nus pa gang dag yin pa de'i bdag nyid ces bya ba'i tha tshig ste/ nus pa rnams ni de dang tha mi dad pa'i phyir ro//khyad par can de gcig pu nam yang khyad par la phan 'dogs pa'i nus pa de dag dang lhan cig ma bzung bas de dang ldan pa nyid du khyad par la phan 'dogs pa'i nus pa dang ldan pa nyid du 'dzin par mi 'gyur ro/ /der mi 'dzin pa'i phyir khyad par can nyid du yang 'dzin par mi 'gyur bas de'i phyir khyad par du rtogs pa don med pa kho na'o snyam du bsams pa yin no//re zhig de ltar gang gi tshe khyad par can la shes pa dang / sgra dag 'jug pa de'i tshe nyes pa bshad pa yin no/ /gang gi tshe khyad par kho na la 'jug pa de'i tshe yang nyes pa brjod dgos pas de brjod pa'i phyir/yang gal te zhes bya ba la sogs pas khyad par gyi phyogs nye bar 'god de/ gal te sgra dang shes pa rnams kyis khyad par bye brag gi khyad par dag nyi tshe la zhes bya ba rten dang bral ba la nye bar sbyor bar 'gyur zhing shes par byed pa nyid du rten par 'gyur na/ khyad par can de sgra dang shes pa dag gis ma 'brel pa'i phyir yul du ma byas pa'i phyir de rtogs pa'i sgo nas sgra dang shes pa gcig gis kyang khyad par thams cad rtogs par mi 'gyur ro zhe na/ 'di la yang nyes pa de'i tshe yang zhes bya ba la sogs pa smos te/ de zhes bya ba ni khyad pa can no//ma 'phangs pa'i phyir zhes bya ba ni ma bstan pa'i phyir ro/ /de la zhes bya ba ni khyad par can la'o/ /ji ltar don med ce na/ sgrub pa dang dgag pa zhes bya ba la sogs pa smos te/ don bya ba la gtad nas 'jug pa'i phyir tha snyad gdags pa gang la rten dmigs pa don byed pa yod pa de la de skad ces bya'o//thams cad ces bya ba ni rtogs pa sngon du gtong ba rnams kyi tha snyad phan pa dang mi phan pa'i yul can ji snyed pa'o/ /de yang rnam pa gsum pa mi srid pa'i phyir ro/ /rnam pa gnyis kyis yin pas/ sgrub pa dang dgag pa dag gis zhes bya ba smos te/'di ni de lta bur gyur pa'i mtshan nyid kyi gsum pa yin no/ /ba lang nyid la sogs pa khyad par rnams kyis ni don bya ba der mi nus la nus pa la gsal ba'i bye brag ni sgra rnams kyis mi brjod pas sgra sbyor ba 'bras bu med pa dag gis ci zhig bya/ gang gi phyir de ltar sgra dag gis don byed par nus pa gsal ba'i bye brag mi brjod pa de'i phyir khyad par rnams su 'dod pa ba lang nyid la sogs pa ni khyad par ma yin par 'gyur zhing bye brag ma yin par 'gyur te/'di ltar khyad par can 'ga' zhig la khyad par gyi sgo nas sgra'am shes pa zhugs par gyur na ni gtso bo khyad par gyi gzhi khyad par can 'ga'i yan lag tu gyur pa'i phyir/khyad par du gyur pa'i phyir de la ltos nas gtso bo la lhos nas de skad ces brjod ces bya ba khyad par dag ces brjod de/ 'di ni khyad par rnam par gzhag pa'i rigs pa yin no/ /gang gi tshe sgras khyad par dag kho na brjod pa de'i tshe ni sgra dag gis khyad par can de mi 'phen cing /mi ston pa'i phyir khyad par de dag gtso bo gang gi yang yan lag tu gyur pa ma yin pas/ ji ste khyad par dag yin te/ ma yin pa kho na'o zhes bya ba'i tha tshig go/ /yang gal te khyad par can mi brjod du zin kyang / 'on kyang sgra dag gis shes par byas pa'i khyad par gang dag yin pa de dag gis khyad par can mtshon pa'i phyir nyes pa med de/ sgra sbyor ba don med pa'i nyes pa med do zhe na/ khyad par thams cad 'dzin pa'i thal bar 'gyur bar mtshungs so/ /de nyid re zhig ces bya ba la sogs pas ston te/med na med pa'i phyir zhes bya ba ni khyad par ni khyad par can la 'khrul pa med pas so/ /de zhes bya ba ni/ khyad par can te khyad par gcig gi nye par mtshon na yang cha shas med pa'i phyir bdag nyid thams cad nye bar mtshon pa yin pas khyad par thams cad 'dzin pa'i thal bar 'gyur ba son 'dug pa yin no//gal te gang la sgras mngon sum du khyad par can brjod pa de la thal ba 'dir 'gyur gyi/ gang la don gyi dbang gis brjod pa de la ni ma yin no snyam du sems na de'i phyir 'di sgras nye bar mtshon par byed kyang rung zhes bya ba la sogs pa smos te/khyad par can 'di sgras mngon sum du ston par byed kyang rung khyad par can 'di des nye bar mtshon pa'i sgras nye bar mtshon pa'i khyad par dag gis nye bar mtshon par yang rung ste/ 'di la khyad par ci zhig yod khyad par 'ga' yang med de/ 'di ltar re zhig khyad par gyi stobs kyis mtshon pa'i dus de'i tshe khyad par can de dag thams cad la phan par byed pa po yin no zhes khyad par thams cad la phan par byed pa po yin no zhes bya bar nges par byed do//de lta yin na ni snga ma bzhin du khyad par thams cad 'dzin pa'i thal bar 'gyur bas shes par byas pas mtshon pa'i phyir zhes smras pa gang yin pa de ni gyi na ste/sngar bshad pa'i nyes pas mi rung ba'i phyir ro/ /gang gi phyir khyad par la phan 'dogs pa'i nus pa rnams tha dad na thug pa med par 'gyur bas de las nus pa rnams tha mi dad pa de'i phyir khyad par can de khyad par gcig la phan par byed par gzung bar khas len na/khyad par gcig la phan 'dogs pa'i rang gi ngo bo de las khyad par can de mthong na ma mthong bar gyur pa gang dag yin pa khyad par gzhan rnams la phan pa nus pa'i bye brag rnams gzhan min zhing gzhan dag tu mi 'gyur ro//'on kyang gzhan ma yin pa nyid de/ rgyu de'i phyir de gzung na khyad par can de gzung bas khyad par thams cad la phan 'dogs par byed pa'i ngo bo nyid gzung ba yin no/ /gal te zhes bya ba la sogs pas ni gzhan gyi bsam pa'i dogs pa bsu bar byed de nges pa'i shes pa des dngos po'i bdag nyid thams cad gzung ba la yang gzhan zhes bya ba ni tshad ma bzhin no//gal te 'di snyam du zhes bya ba la sogs pas ni de nyid ston te/ gal te dngos po cha med cing cha shas med par gzung na de'i tshe zhes bya ba dngos po cha med pa'i gzung ba'i tshe/ma bzung ba zhes bya ba'i cha gzhan ci zhig yod de/ thams cad du gzung ba kho na yin na de ni bzung yang 'khrul pa nges par mi zin pas so/ /tshad ma gzhan zhes bya ba ni rjes su dpag pa gzhan no/ /sgrub pa'i mtha' smra bas gal te de lta na zhes bya ba la sogs pa smos te/'khrul pa bzlog pa'i phyir tshad ma phyi mar 'dod pa gang yin pa de rnam par gcod pa'i yul can te/ gzhan sel ba'i yul can du grub po/ /dus phyis 'byung ba'i tshad ma de las gzhan pa zhes bya ba dus sngar 'byung ba nges pa'i shes pa de dang 'dra ste/tshad ma phyi ma dang 'dra bar rnam par gcod pa'i yul can yin no/ /ci'i phyir zhe na/ sgro 'dogs med pa'i yul la ni/ /'jug phyir zhes bya ba smos so/ /'khrul pa bzlog pa'i phyir zhes bya ba la sogs pas ni tshigs su bcad pa ston te/rnam pa gzhan sgro 'dogs pa gang yin pa de rnam par gcod pa'i 'bras bu can yin pa'i phyir/ gzhan sel ba'i yul can du grub la/ gzhan nges pa'i shes pa snga ma yang de dang 'dra bar gzhan sel ba'i yul can yin no/ /gtan tshigs su sgro 'dogs pa med pa'i zhes bya ba la sogs pa smos te/sgro 'dogs pa med pa'i yul la 'jug pa'i phyir ro/ /'di nyid kyi rnam par bshad pa gang la 'di'i zhes bya ba la sogs pa smos te/ rnam pa gang la 'di'i zhes bya ba ni rtogs par byed pa po'i'o/ /rgyu de'i phyir sgro 'dogs pa la 'jug par nges pa'i shes pa sngar 'byung ba ni/gzhan sel ba'i yul can du grub po/ /gzhan yang nges par gzung ba'i don la yang 'khrul pa bzlog pa'i phyir tshad ma gzhan 'dod pas ni nges pa'i yul yang yin la nges pa yang ma yin no zhes bya bar khas blangs par 'gyur te/gzhan du na 'khrul pa mi rung ba'i phyir ro/ /de yang rigs pa ma yin pas gzhan yang zhes bya ba la sogs pa smos te/ ngo bo gang zhig nges pa rnams kyis ma nges pa'i ngo bo de ji ltar nges pa de dag gi yul yin te/ yul ma yin pa kho na'o/ /ci'i phyir zhe na/ 'di ltar nges pa rnams kyis rang gi don rtogs pa ni/'di lta ste/ don de nges pa gang yin pa 'di kho na yin na gal te nges pa'i yul du 'dod pa de rnam pa gzhan bzhin du nges pa'i yul nyid du mi 'dod pa gang yin pa de bzhin du'o/ /de dag gis zhes bya ba ni nges pa dag gis so/ /gzhan gyis da ni ji ltar zhes bya ba la sogs pa smras te/mngon sum gyis gzung ba la sgro 'dogs pa rnam par bcad pa'i phyir tshad ma gzhan 'dod pa gzhan sel bar smra ba yang rnam pa ma nges pa mngon sum gyis gzung ba nyid du ni 'dod na/ gal te nges pa'i dbang kho nas 'dzin pa yin na kod ji ltar ma nges pa'i mngon sum gyis kyang gzung ba yin te/de bas na thal bar 'gyur bar mtshungs so zhe na/ mngon sum ni zhes bya ba la sogs pas len 'debs te/ rtogs pas dben pa'i phyir ro snyam du bsams pa yin no/ /des zhes bya ba ni mngon sum gyis so//sngon po la sogs pa'i rnam pa gang zhig 'dzin pa zhes bya ba'i 'dzin pa de yang nges pas ni ma yin no/ /'o na ci zhe na/ der snang bas te dngos po cha shas med pa'i rnam pa thams cad snang bas/ rnam pa thams cad 'dzin pa yin no/ /de bas na zhes bya ba ni de lta bas na'o//nges pa dang ma nges pa'i dbang gis go rims bzhin du mngon sum gyis 'dzin pa dang / mi 'dzin pa dag ma yin gyi/ 'on kyang snang ba dang mi snang ba'i dbang gis yin no/ /de lta bas na nges pa ma yin na snang ba tsam gyis mngon sum gyis gzung bar rnam par gzhag pa mi 'gal lo//nges pa rnams kyis ni de ltar mngon sum bzhin du rnam pa ma nges pa yang snang ba tsam gyis 'dzin pa ni ma yin no/ /gal te ci'i phyir zhe na/ 'ga' zhig ces bya ba la sogs pa smos te/ dper na skyes bu mthong nas skyes bu nyid du nges kyang / chom rkun la sogs pa gzhan la ma nges pas 'jug pa tha dad cing tha snyad tha dad pa lta bu'o//'di ltar skyes bu nyid du nges pas ni skyes bu nyid dang 'tsham pa'i tha snyad yid gcugs pa la sogs par snang la/ chom rkun pa nyid du ma nges pas ni de dang 'tsham pa'i tha snyad 'jigs pa la sogs par mi snang ngo //de'i phyir gang la nges pa dang 'tsham pa'i 'jug pa tha dad pa yod pa de ni nges pas 'dzin pa yin la/ gang la nges pa dang 'tsham pa 'jug pa'i tha dad pa med pa de ni/ mi 'dzin pa yin no/ /gang gi phyir de lta yin pa de'i phyir zhes bya ba la sogs pa smos te/'di zhes bya ba ni rnam pa'o/ /de lta ma yin na zhes bya ba ni gal te nges pa'i dbang gis de 'dzin par rnam par mi gzhag na de'i tshe/ rnam pa gcig la yang nges pa nyid du 'dod pa'i rnam pa la yang der zhes bya ba nges par 'dzin par mi 'gyur ro/ /gzhan gyis yang ci'i phyir zhes bya ba la sogs pa smras te/thams cad las tha dad pa zhes bya ba ni rigs mthun pa dang / rigs mi mthun pa las log pa'o/ /de kho na bzhin du zhes bya ba ni/ ci'i phyir ji ltar nyams su myong ba bzhin du khyad par thams cad las dran pa'i nges pa mi 'byung ste/gang gis na gzhan sel bar smra bas rnam pa gzhan rnam par bcad pa'i don du khyad par gzhan la tshad ma gzhan 'jug par 'dod ce na/ grub pa'i mtha' smra bas/ lhan cig byed pa ma tshang ba'i phyir ro zhes bya ba smos te/ nges pa'i rgyu ni nyams su myong ba tsam du zad do//'on kyang goms pa la sogs pa lhan cig byed pa rnams kyang yin te/ gang la de dag yod pa'i rnam pa de kho na la nges pa 'byung gi/ gzhan la ni ma yin no/ /de nyid de bas na zhes bya ba la sogs pas ston te/ thams cad las log pa sngon po la sogs pa rang gi mtshan nyid kyi khyad par cha shas rnams spangs pa cha med pa/mngon sum gyis bdag nyid thams cad du gzung ba la'ang / khyad par gang la rtogs pa'i lhan cig byed pa'i rkyen yod de ni rtogs par 'gyur nges par 'gyur ro/ /thams cad las tha dad pa zhes bya ba la sogs pas ni 'chad par byed de/de tsam gyis zhes bya ba ni nyams su myong ba tsam gyis so/ /khyad par thams cad la zhes bya ba ni skad cig ma nyid la sogs pa la ste/ nyams su myong ba'i shes pa ni nges pa bskyed par bya ba la rgyu gzhan la ltos pa'i phyir ro/ /rgyu gzhan la ltos pa nyid nyams su myong ba ni zhes bya ba la sogs pas ston par byed de/rnam par rtog pa la ji ltar goms pa bzhin zhes bya ba ni/ gang la rnam par rtog pa la goms pa ji lta bu yod pa'i lhan cig byed pa nges bskyed do zhes bya ba'i don to/ /dper brjod pa dper na zhes bya ba la sogs pa smos te/bud med shi ba'i gzugs mthong ba la khyad par med kyang / kun du rgyu dang 'phyon ma dang khyi rnams la go rims bzhin du/ rnam par rtog pa la ji ltar goms pa bzhin ro myags pa dang / nyal po bya ba dang / bza' bar bya ba'i rnam par rtog pa dag 'byung ba lta bu'o//lhan cig byed pa ni rnam par rtog pa la goms pa 'ba' zhig tu yang ma zad kyi/ 'on kyang gzhan yang yod pas de la ni zhes bya ba la sogs pa smos te/ de la zhes bya ba ni gzugs mthong ba la khyad par med pa la yang ngo / /blo gsal ba ni rno ba nyid do/ /dper na rnal 'byor pa rnams kyi blo gsal bas mthong ba tsam gyis skad cig ma nyid la sogs par nges pa lta bu'o//de'i bag chags goms pa ni nges pa'i shes pa de'i bag chags de goms shing rgyun chags su 'jug pa ste/ dper na skyes bu 'ga' zhig la yon tan du ma yod du zin kyang ji ltar goms pa bzhin du yon tan nges pa lta bu'o//'dis ni rnam par rtog pa la ji ltar goms pa bzhin zhes bshad pa gang yin pa de kho na'i gtan tshigs bskang bar bya ba'i phyir yang bzlas pa yin no/ /skabs ni skabs su bab pa ste/ dper na sman pa la sogs pa'i gtam gyi skabs su bab pa na/de mthong ba las skyes bu chos du ma yod du zin kyang sman pa la sogs pa nyid du nges pa lta bu'o zhes bya ba la sogs pa zhes bya ba ni de lta bu la sogs pa ste/ stsogs pa zhes bya ba'i sgras ni don du gnyer ba nyid dang shugs la sogs pa yongs su bsdu'o//nye bar len pa'i rgyu nyams su myong ba mngon sum las khyad par nges pa bye brag nges pa skye ba'i lhan cig byed pa dag yin no/ /'o na gang gi tshe nges pa mang po dag la ji skad bshad pa'i rgyu dag yod pa de'i tshe nges pa de rnams kyi go rims ji ltar 'byung zhe na/ de dag kho na zhes bya ba la sogs pa smos te/de dag ces bya ba ni nges pa'i rgyu rnams so/ /shin tu dang ches shin tu nye ba la sogs pa'i bye brag gis zhes bya ba ni/ nges pa gang zhig gis nges pa'i rgyu ches shin tu nye ba de ni re zhig dang por skye'o/ /sogs pa zhes bya ba'i sgras ni/ shin tu dang ches shin tu che ba nyid la sogs pa'i bye brag gis nges pa rnams snga phyi nyid du 'gyur ba bsdu'o//dper na zhes bya ba la sogs pa ni dper brjod pa ston te/ gang gi tshe pha nyid mkhan po yin pa de'i tshe skyes bu gcig la skyed par byed pa dang / 'dod du 'jug par byed pa nyid du khyad par med kyang pha 'ongs pa mthong nas bdag gi pha 'ong ngo snyam du nges par byed kyi/mkhan po 'ong ngo snyam pa ni ma yin pa lta bu ste/ pha nyid du nges pa'i rgyu ches shin tu nye ba'i phyir ro/ /skad cig ma nyid yin la/ bdag med pa nyid du rnam par rtog pa la goms pa'i lhan cig byed pa yod du zin kyang /de kho na nyid ma mthong ba rnams la/ mngon sum gyi skad cig ma nyid la sogs par nges par mi 'gyur ba ma yin nam zhe na/ de'i phyir nges pa der yang 'gyur ba na zhes bya ba la sogs pa smos te/ 'khrul pa'i rgyu med na 'gyur gyi/ nges pa'i rgyu rkyen tsam gyis ni ma yin no/ / gang gi phyir de ltar 'khrul pa'i rgyu yang med la/ lhan cig byed pa'i rkyen yang tshang na mngon sum las nges pa skye'i/ 'ba' zhig las ni ma yin pa de'i phyir nyams su myong ba kho nas ni zhes bya ba la sogs pa smos te/ de lta bas na sgra dang rtags dag gis gzhan rnam par gcod pa grub po zhes bya ba 'di gnas pa yin no//yang gang gi tshe rta las ba lang gi rdzas kyis ldog pa dang / rta las ba lang ldog pa zhes brjod pa'am/ shes pa de'i tshe ci ldog pa dang / ldog pa dang ldan pa dag dngos su tha dad pa yod dam 'on te med/ rnam par rtog pa dang po ltar na ni spyi kho na la ldog pa'o zhes ming gzhan du brjod par 'gyur ro//gnyis pa la yang shes pa dang / /sgra dag tha dad par mi 'gyur ro zhe na/ de'i phyir de la yang zhes bya ba la sogs pa smos te/ sgra gzhan sel ba'i don can de la yang gzhan las ldog pa dang / gzhan las 'di log pa zhes bya ba'i sgra chos dang chos can rjod par byed pa dang /nges pa gnyi ga'i yul can gang dag yin pa de dag ni/ brda'i rjes su byed pa yin/ brda dang mthun par 'di dag gi yul chos dang chos can rnam par dbye'i/ don dam par ni ldog pa dang ldog pa dang ldan pa dag tha dad pa med do zhes bya ba'i tha tshig go//de nyid gzhan sel ba de la yang zhes bya ba la sogs pas ston te/ rta las ba lang gi ldog pa yang gzhan la rta las ba lang log pa yang gzhan pa nyid do zhes bya ba 'di ni med kyi/ 'on kyang log pa gang yin pa de nyid ldog pa yin no/ /gal te rta las ldog pa rta ma yin pa nyid ba lang gi rdzas las gzhan pa zhig tu gyur na de'i tshe/tha dad pa'i phyir rta las ldog pa las ba lang gi rdzas kyang log par 'gyur ro/ /de bas na de las log pa las rta las ldog pa/ rta ma yin pa nyid las log pa ba lang las de yod par thal bar 'gyur ba'i phyir te/ rta yod par thal bar 'gyur ba'i phyir ro/ /gal te 'di rta nyid du gyur na de lta na rta las ldog pa rta ma yin pa nyid kyi mtshan nyid las ba lang log pa yin no/ /de lta yin na ni ba lang la rta yod par 'gyur ba'i phyir/ rta las ba lang gi ldog pa gang yin pa de med do/ /gang gi phyir de lta yin pa de'i phyir zhes bya ba la sogs pa smos te/'di ni phyi rol gyi rang gi mtshan nyid la gtan nas ldog pa dang ldog pa dang ldan pa dag gi de kho na nyid bshad pa yin te/ log pa'i rang gi mtshan nyid kho na log pa'i ngo bo yin pa'i phyir ro/ /'di ni dngos su sgra'i don ma yin mod kyi/'on kyang smra ba po dang nyan pa po rnams snang ba dang / rnam par brtag par bya ba don dag gcig tu byas nas de la yang sgra'i don nyid du mngon pa'i nga rgyal byed pas de yang skabs 'dir bstan to/ /nam zhig phyi'i don la brten nas rnam par rtog pa la yod pa'i chos can chos sna tshogs kyi rten nyid du yongs su rtog par byed pa na de nyid sgra'i don yin pas de kho na la gzhi mthun pa la sogs pa yod la/sgra'i don du gyur pa chos can de las kyang ldog pa rnams de nyid dang gzhan nyid du brjod par bya ba ma yin te/ 'di ni 'og nas 'chad par 'gyur ro//gal te ldog pa dang de dang ldan pa dag tha dad pa med pa ji ltar sgra dang shes pa tha dad de 'di ltar de'i rta ma yin pa nyid ces bya ba'i sgra yang gzhan yin la/ rta ma yin pa zhes bya ba'i sgra yang gzhan yin no/ /de bzhin du shes bya yang tha dad de/ rta ma yin pa nyid ces smra na ni chos tsam shes par 'gyur la/rta ma yin pa zhes smra na ni chos can shes par 'gyur ro zhe na de'i phyir/ sgra dang zhes bya ba la sogs pa smos te/ chos dang chos can rjod par byed pa'i sgra las rtogs pa gang yin pa de ni sgras rtogs pa'o/ /sgra dang sgra rtogs pa zhes mi 'dra ba gcig lus par byas pa yin te/sgra'i tha dad pa dang / sgra las rtogs pa gang yin pa de'i tha dad pa zhes bya ba'i tha tshig go/ /brda ni ming dang ming can 'brel par byed pa ste/ de'i bye brag gis yin no/ /brda'i bye brag kyang 'og nyid nas khyad par gzhan ni spong ba dang zhes bya ba la sogs pas ston par 'gyur ro//brjod par bya ba la ni tha dad pa med do zhes bya ba ni dngos su na chos dang chos can gyi sgra dag gis zhes bya ba kho nas drang ngo / /gzhan gyis brjod par bya ba tha dad pa med pa'i phyir zhes bya ba la sogs pa smras so/ /gal te brjod par bya ba khyad par med kyang brda tha dad pa ci ste mi rung zhe na/gnyi gas zhes bya ba la sogs pa smras te/ chos dang chos can gyi sgra gnyi gas don gcig brjod pa'i phyir ro zhes bya ba'i tha tshig go/ /gal te gnyi gas brjod par bya ba gcig yin na ni des brda don med pa yin no/ /de lta na zhes bya ba ni chos dang chos can dag tha mi dad na'o//tha dad par 'byed pa zhes bya ba ni tha dad par brjod pa ste/ ba lang gi ba lang nyid ces bya ba drug pa'o/ /de ni zhes bya ba ni tha dad par 'byed pa'i rnam par dbye ba ste/ tha dad pa la brten pa'i phyir ro/ /gzhi tha dad pa la brten nas 'jug pa'i phyir/dper na lha sbyin gyis ril ba spyi blugs zhes bya ba lta bu'o/ /de ltar brda med pa dang tha dad par 'byed pa'i rnam par dbye ba med par brgal ba la re zhig rnam par dbye ba med pa'i nyes pa spangs pa'i phyir gnyi gas zhes bya ba la sogs pa smos te/ chos dang chos can rjod par byed pa'i sgra dag gis don gcig cig brjod mod kyi/brjod par bya ba la brdas tha dad par byas pa'i shan tsam gyi khyad par yod pa gang yin pa'i rgyu de yin gyi don dam par dngos po tha dad pa'i sgo nas ni ma yin te/ rnam dbye tha dad 'byed pa yis tha dad par rjod par byed pa'i drug pas bzhin zhes bya ba'i sgra rim pa bzhin du sbyar ba ste/don tha dad pa bzhin du sgrub par byed cing ston par byed do/ /de nyid sgra rnams kyi 'jug pa zhes bya ba la sogs pas ston te/ yul gyi rang gi ngo bo la rag las pa zhes bya ba ni phyi rol gyi rang gi mtshan nyid la rag las pa'o//ci'i phyir zhe na/ med pa dag la yang 'dod pas skyes bu'i 'dod pa'i dbang gis 'jug pa med par thal bar 'gyur ba'i phyir ro/ /de dag ces bya ba ni 'dod pa la rag las te 'jug pa'i sgra dag go/ /tha dad pa la ni dper na rgyal po'i mi zhes bya ba lta bu'o/ /tha dad pa ma yin pa la ni dper na bdag gi lta ba po bdag nyid do zhes bya ba lta bu'o//ji ltar zhes bya ba ni tha dad par ston par byed pa'i rnam pa gang gis so/ /de ltar sbyar ba zhes bya ba ni don tha dad med kyang tha dad pa lta bu la brten nas sbyar ba ste/ don de dngos po'i rang gi mtshan nyid la tha dad pa med kyang tha dad pa lta bur gegs byed pa med par rab tu ston par byed do//gang gi phyir de lta yin pa rgyu de'i phyir ro/ /ba lang zhes bya ba chos can rjod par byed pa bstan to/ /ba lang nyid ces bya ba ni chos rjod par byed pa bstan te/ 'di gnyis kyi don gcig brjod mod kyi/ khyad par 'ga' zhig shes par bya ba'i phyir zhes bya ba ba lang ma yin pa las ldog pa'i mtshan nyid ba lang nyid rab tu bstan pa'i phyir ba lang nyid kyi sgras ba lang nyid ma yin pa las ldog pa tsam bstan par bya ba yin no zhes de ltar brdas khyad par du byas na/ don gzhan ma yin yang zhes bya ba chos tha dad pa ma yin yang tha dad pa'i don can gyi rnam par dbye bas/'di'i ba lang nyid ces bya ba'i drug pas te/ gang la don tha dad pa yod pa zhes tshig rnam par sbyar ro/ /chos can las chos don tha dad pa lta bur ston par snang ngo / /ci'i phyir zhe na/de ltar sbyor ba mthong ba la goms pa'i phyir te/ lha sbyin gyis ril ba spyi blugs zhes bya ba la sogs pa dngos po tha dad pa la drug pa sbyor ba mthong ba la goms pa'i phyir ro/ /'di skad du dngos po tha dad yin yang rung / 'on te ma yin yang rung ste/ yang tha dad par 'byed pa'i rnam par dbye ba'i 'dod pa tsam gyi dor byed pas ni sbyor ba mthong ba goms pa las sgra'i don tha dad pa lta bur ston par byed pa 'ba' zhig tu zad do zhes bshad pa yin no//de tsam gyis zhes bya ba ni rnam par dbye ba'i sbyor ba tsam gyis so/ /thams cad la zhes bya ba ni don tha mi dad pa la yang ngo //ba lang gi ba lang nyid ces bya ba la sogs pa la don dam par chos dang chos can dag tha dad par yang med de/ 'di ltar don tha mi dad pa gzhan la yang skyes bu'i 'dod pa'i dbang gis tha dad par rjod par byed pa'i sgra 'jug pa la gegs byed pa med pa'i phyir ro//phyi rol gyis brjod par bya ba de lta bur med bzhin du yang skyes bu'i 'dod pa'i dbang gis sgra rnams 'jug pa la yang mthong bas/ dper na zhes bya ba la sogs pa smos te/ dngos po gcig la skabs 'ga' zhig tu gcig gi tshig ston te/ dper na khyod ces bya ba lta bu'o//der khyad par med kyang gcig pa nyid du khyad par med kyang dngos po de nyid la mang po'i tshig gis ston te/ dper na khyed ces lta bu'o/ /de bas ni gcig la yang mang po'i tshig mthong ba'i phyir sgra rnams 'jug pa nyid don ji lta ba bzhin ma yin no zhes bya bar shes so/ / kha cig ltar na bla ma khyed la zhes bsgre ba'i tshig las gcig la yang mang po'i tshig sbyar ro zhe na/ 'di ni bsam par bya ba yin te/ ci bsgre bas gcig la mang po nyid du byed dam 'on te ci'i mang po'i tshig tsam ma thob pa thob par byed/ re zhig phyogs dang po ni ma yin te/ tshig tsam gyis dngos po rnams byed pa mi srid pa'i phyir ro//phyogs gnyis pa ltar na yang 'dod pa tsam gyis sgra rnams 'jug go zhes bya ba grub pa kho na yin te/ re zhig de ltar na tha dad par byed pa'i rnam par dbye ba med pa'i nyes pa yongs su spangs pa yin no/ /brda'i bye brag med pa'i nyes pa yongs su spangs pa'i phyir de nyid nye bar 'god par dgos pa med pa'i phyir zhes bya ba la sogs pa smos te/chos dang chos can gyi sgra dag gis gcig cig brjod pa'i phyir dgos pa med do zhe na dgos pa de yang yod pa kho na ste/ ba lang nyid la ltos nas rdzas nyid dang sa las gyur pa nyid la sogs pa ni khyad par gzhan no//de dag spong ba ni rang gir mi byed pa'o/ /mi spong ba ni rang gir byed pa ste/ spong ba dang mi spong ba de dag ni go rims bzhin du chos dang chos can rjod par byed pa'i sgra de gnyis kyi brda'i bye brag khyad par ji lta bu can zhig gi zhe na/ rtog pa po'i 'dod pa'i rjes su byed pa rtog par byed pa'i 'dod pa'i rjes su byed pa gang yin pa de'i gzhi de rgyu yin no//'di skad du ril po gcig la rta ma yin pa nyid dang / ma he ma yin pa nyid la sogs pa khyad par gzhan dag nges par yod mod kyi khyad par gzhan la mi ltos par rta rnam par gcod pa'i mtshan nyid rta ma yin pa nyid tsam ni rta ma yin pa nyid kyi sgra chos rjod par byed pa'i brda'i bye brag gi rgyu yin la/rta ma yin pa de kho na khyad par gzhan yongs su ma spangs pa ni rta ma yin pa nyid kyi sgra chos can rjod par byed pa'i brda'i bye brag gi rgyu yin no zhes bshad pa yin no/ /de nyid 'grel pas gsal bar bya ba'i phyir gang gi tshe zhes bya ba la sogs pa smos te/rtog par byed pa zhes bya ba ni nyan pa pa'o/ /rta de las gzhan pa ma he la sogs pa gang yin pa de las rnam par gcad pa ni ma he ma yin pa nyid la sogs pa'o/ /de yod pa la mi ltos par te yod pa la ltos pa med par ro//gong bu'i khyad par la zhes bya ba'i ba lang la ste/ ci 'di la rta ma yin pa nyid dam zhes rta rnam par gcad pa tsam shes par 'dod pa na'o/ /de lta bur shes par bya ba'i phyir zhes bya ba ni rtog par byed pa po di ltar shes par 'dod par de'i ngor rta las tha dad pa tsam de lta bu shes par bya ba'i phyir ro//de ltar brdar byas pa'i sgras zhes bya ba ni rta rnam par gcad pa tsam khyad par gzhan spangs pa la brdar byas pa'i rta ma yin pa nyid kyi sgras gong bu 'di la rta ma yin pa nyid yod do zhes rab tu shes par byed cing rab tu ston par byed do//rta las rnam par gcad pa rta ma yin pa nyid kyang yin pa de la ltos nas ma he la sogs pa ldog pa na rnam par gcad pa gzhan no/ /de dag mi 'dod pa med par zhes bya ba ni ltos pa dang bcas par te/ rtog par byed pa'o/ /de zhes bya ba ni ba lang gi ril po ste/ rta rnam par gcad pa khyad par gzhan ma spangs pa dang ldan pa'i ba lang gi rdzas shes par 'dod pa zhes bya ba'i tha tshig go//de ltar rab tu bstan pa'i phyir rnam par gcad pa gzhan yongs su ma spangs pa la 'di ni rta ma yin pa yin no zhes sgra rab tu sbyar ro zhes bya ba ni gang gis ma he la sogs pa rnam par gcad pa gzhan dag yongs su ma spangs pa'i khyad par gzhan dag yongs su ma spangs pa de la ste/rta rnam par gcad pa de nyid la smra ba pos 'di ni rta ma yin pa yin no zhes chos can rjod par byed pa'i sgra rab tu sbyor ro/ /ci'i phyir rab tu sbyong bar byed ce na/ de ltar rab tu bstan pa'i phyir zhes bya ba smos te/rta rnam par gcad pa khyad par gzhan ma spangs pa rab tu bstan pa'i phyir ro/ /gzhan dag ni de ltar rab tu bstan pa'i phyir rta rnam par gcad pa khyad par gzhan ma spangs pa de nyid rab tu sbyar ro zhes 'don to/ /de'i tshe yang don ni 'di yin te/ 'di ni rta ma yin pa yin no zhes bya ba chos can brjod pa'i sgra 'dis rta rnam par gcad pa khyad par gzhan ma spangs pa de nyid rab tu sbyor ro//gang gi phyir zhe na/ de ltar rab tu bstan pa'i phyir te khyad par gzhan ma spangs pa rab tu bstan pa'i phyir ro/ /gang gi phyir chos rjod par byed pa'i sgra khyad par gzhan spangs pa yin pa de nyid kyi phyir snga ma las zhes bya ba ni chos brjod pa'i sgra la'o//sgra rgyu mtshan tha dad pa can dag gzhan gcig la 'jug pa ni gzhi mthun pa nyid do/ /rnam par gcad par bya ba dang / rnam par gcod par byed pa'i ngo bo ni/ khyad par dang khyad par gyi gzhi'i dngos po'o//dper brjod pa 'di'i ba lang nyid dkar po'o zhes bya ba lta bu'o zhes bya ba smos te/ de ltar na chos tsam la 'jug pa 'di dag dang gzhi mthun pa nyid kyang ma yin la khyad par dang khyad par gyi gzhi'i dngos po yang ma yin no/ /ci'i phyir gzhi mthun pa nyid ma yin zhe na/ de tsam gyi zhes bya ba la sogs pa smos so//'di skad du bstan pa yin te/ blo la snang ba'i don kho na la gzhi mthun pa nyid la sogs pa yod kyi/ phyi rol gyi rang gi mtshan nyid la ni ma yin te/ de ni brjod par bya ba ma yin pa'i phyir ro/ /gal te chos gnyis dang ldan pa'i chos can gcig snang ba sgra gnyis kyis bskyed pa'i blo gcig skye na ni gzhi mthun pa nyid du 'gyur ba zhig na/'di la ni de tsam gyi khyad par gyis khyad par gzhan spangs pa/ ba lang nyid tsam gyi khyad par gyis nye bar bsgrub pa'i blos ba lang nyid ces bya ba'i sgra de las byung ba de'i rten du gyur par zhes bya ba gzhi mthun pa nyid kyi rten du gyur par gcig pa nyid du mi snang ba'i phyir te blo ba lang nyid dang dkar po nyid dag dang ldan pa'i chos can gcig 'dzin pa nyid du mi snang ba'i phyir ro zhes bya ba'i tha tshig go//'di ltar 'di la ba lang nyid ces bya bar sbyor ba ni blo chos dkar po'i ngo bo shes par byed par skye ste/ de'i phyir gzhi mthun pa nyid ma yin no//chos gzhan spangs pa kho nas blo de las gzhan pa'i khyad par 'dod pa med pa'i phyir khyad par dang khyad par gyi gzhi'i dngos po yang ma yin no/ /gnyis pa chos can brjod pa'i sgra'i phyogs la ni gzhi mthun pa nyid dang / khyad par dang khyad par gyi gzhi'i dngos po yod de ba lang dkar po'o zhes bya ba lta bu'o//gzhi mthun pa nyid kyi gtan tshigs su de lta bu'i zhes bya ba la sogs pa smos te/ de lta bu'i brda'i rjes su 'brang ba'i phyir zhes bya ba ni rnam par gcad par khyad par gzhan ma spangs pa la chos kyi sgrar brdar gdags pa'i rjes su 'brang ba'i rgyus so//rnam par gcad pa'i chos ni rnam par gcad pa'i bdag nyid kyi chos so/ /bsdus pa ni chos can gcig la sbyor ba ste/ de dag ni rnam par gcad pa'i chos mtha' dag kyang yin la bsdus pa yang yin pas zhes las 'dzin pa can du bya ste/ chos rgyur gyur pa de dag gis so//rnam par dbye ba dang ldan pa zhes bya ba ni chos du ma rnam par dbye ba dang ldan pa'i chos can no/ /gcig pa lta bur ston cing rab tu ston par blo snang ba'i phyir te/ blo chos can du ma dang ldan pa'i chos can gcig pa lta bur ston par snang ngo zhes bya ba'i tha tshig go//blo la snang bas bstan pa'i chos can dngos su gcig pa ni ma yin te/ rnam par rtog pas sprul pa'i chos dang chos can rnam par dbye ba ni brdzun pa'i phyir ro/ /gzhan dag ni gcig kho nar zhes 'don te/ der yang rtog par byed pa po'i bsam pa'i dbang gis de skad du bshad do zhes bya bar khong du chud par bya'o//de'i phyir gzhi mthun pa nyid du grub pa yin no/ /gang gi phyir chos can gyi sgra khyad par gzhan ma spangs par 'jug pa de'i phyir blo khyad par gzhan ma spangs pa la ltos pa'i phyir khyad par dang khyad par gzhi'i dngos por yang 'gyur te/ ci ba lang dkar ram sngo zhes bya ba lta bu'o/ /kun la zhes bya ba ni spyi dang spyi dang ldan pa dang yon tan dang yon tan dang ldan pa dang / bya ba dang bya ba dang ldan pa'i yul thams cad la'o/ /rdzas brjod pa ni chos can brjod pa'o/ /dngos po brjod pa ni chos brjod pa ste/ rdzas dngos po brjod pa'i sgra dag gi khyad par ni chos gzhan spong ba dang mi spong ba'i mtshan nyid 'di nyid yin no//gang gi phyir de lta yin pa'i rgyu de'i phyir don dam par rdzas dang dngos po'i sgra de dag gis brjod pa la khyad par 'ga' yang yod ma yin te de nyid de lta bas na zhes bya ba la sogs pas ston te//nges pa'i shes pa'i yul gyi rgyu nyid du khyad par 'ga' yang med de 'di ltar ji ltar ba lang nyid ces brjod na/ ba lang ma yin pa rnam par gcad pa de kho nar nges par 'gyur ba ltar ba lang zhes brjod na yang de dang 'dra'o/ /ba lang ma yin pa rnam par gcad pa khyad par gzhan ma spangs pa brjod mod kyi/'on kyang ba lang ma yin pa rnam par gcad pa tsam du nges par 'gyur gyi/ khyad par gzhan rnams kyi mi spong ba tsam du zad do/ /sgra las gang du nges par 'gyur ba de nyid sgra'i don yang yin pas/ dngos po dang rdzas brjod pa'i sgra dag gis brjod bar bya ba la ni khyad par med kyi khyad par gzhan spong ba dang mi spong ba tsam zhing tha dad par zad do//de nyid gcig gis ni zhes bya ba la sogs pa ston te/ gcig gis zhes bya ba ni chos can zhes bya ba'i sgras so/ /de nyid ces bya ba ni ba lang ma yin pa rnam par gcad pa'o/ /chos zhes bya ba'i sgra gang gis khyad par gzhan spang ba de la de skad ces bya'o//gzhan gyis zhes bya ba ni chos can gyi sgras so/ /gang gi phyir thams cad du khyad par gzhan spong ba dang mi spong ba tsam gyis byas pa'i khyad par gyi bag tsam gyis chos dang chos can du rnam par gzhag gi dngos po tha dad pa'i sgo nas ni ma yin pa de'i phyir khyad par gzhan spong ba dang mi spong ba'i mtshan nyid kyi don de shes par byed 'dod pas shes par bya bar 'dod pas de la phan pa'i rkyen gyis mtha' can nam byed pa dang ldan pa byed pa dang ldan pa zhes bya ba'i rkyen gyis mtha' can nam gal te byed pa dang ldan pa dang /de la phan pa la ma gtogs pa gzhan yin byed kyi mtha' can nam sgra bye brag tu bshad du med pa gzhan dkar po zhes bya ba la sogs pas brjod kyang rung ste khyad par gzhan spong ba dang / mi spong ba'i mtshan nyid kyi khyad par de las khyad par gzhan med do/ /de nyid khyad par de tsam de kho na zhes bya ba la sogs pa ston te/de tsam zhes bya ba ni khyad par gzhan spangs pa'i mtshan nyid do/ /de lta bu shes par bya ba'i phyir zhes bya ba ni khyad par gzhan spangs pa shes par bya ba'i phyir ro/ /byed pa dang ldan pas ston kyang rung zhes bya bar sbyar ro/ /gang gi tshe 'tshed ces bya ba byed pa po la gnas pa'i bya ba rten 'dzugs pa la sogs pa gnas la/de nyid la thogs byed kyi rkyen sbyor ba de'i tshe ni 'tshed pa zhes bya ba'i sgra gcad pa nyid kyi sgra dang gzhi mthun pa yin pas de gnyi ga yang 'tshed pa ma yin pa rnam par gcad pa khyad par gzhan spangs pa ston par byed pa yin no//gang gi tshe 'tshed ces bya ba'i don las gnas par 'gyur ba yin pa de'i tshe ni 'tshed pa nyid dang 'tshed pa zhes bya ba'i sgra dag don tha dad pa yin no/ /rang gis byas pa'i gzhung lugs byed pa dang ldan pa dang de la phan pa la ma gtogs pa gzhan yin byed kyi mtha' can la sogs pas ston kyang rung zhes bya bar sbyar te/dper na lha sbyin gyis nyal zhes bya ba dang / ras yug gi dkar po zhes bya ba 'di la yang nyal ba po zhes bya ba'i sgra'i don gang yin pa de nyid nyal ba zhes bya ba khyad par gzhan spangs pa'i don yang yin la de bzhin du ras/ yug dkar po zhes bya ba'i don dkar po ma yin pa rnam par bcad pa khyad par gzhan ma spangs pa gang yin pa de nyid ras yug gi dkar po zhes bya ba khyad par gzhan spangs pa'i don yang yin pa lta bu'o/ /de skad du brjod pa tsam gyis ni zhes bya ba ni chos can gcig la yod pa'i rnam par gcad pa khyad par gzhan spangs pa dang ma spangs pa brjod pa tsam gyis te/dngos po gcig po de don dam par don gzhan pa nyid du chos dang chos can gyi ngo bor rnam par phye ba nyid du ni mi 'gyur zhes sbyar ro/ /de ci'i phyir zhe na/ de lta bu kho na la khyad par gzhan spangs pa dang ma spangs pa cig kho na shes par bya ba'i phyir chos dang chos can gyi sgra brdar byas pa'i phyir ro//gzhan gyis 'tshed pa nyid ces bya ba ni 'grel pa la bya ba ma yin nam zhes bya ba la sogs pa smras te/ 'brel pa la zhes bya ba ni 'tshed pa'i bya ba dang / 'tshed par byed pa'i byed pa po 'du ba'i mtshan nyid kyi 'brel pa yin te/'di ltar byed pa dang ldan pa'i mtha' can las ni dngos po'i rkyen 'brel pa rjod par byed par 'dod de/ ji skad du tshig bsdu ba dang byed pa dang ldan pa dang de la phan pa dag la ni 'brel pa brjod do zhes bshad pa de lta bu ste/ 'tshed pa zhes bya ba'i sgra yang /byed pa dang ldan pa'i mtha' can yin no/ /'tshed pa zhes bya ba'i bdag nyid kho na 'chad pa nyid ces bya ba'i sgras brjod pa ma yin no/ /'di skad du bya ba yang byed pa po la ma gtogs pa gzhan kho na yin zhing byed pa po yang gzhan yin la de gnyis kyi 'brel pa yang gzhan kho na yin no//de'i phyir 'tshed ces bya bas byed pa po la gnas pa'i bya ba brjod du zin kyang 'tshed pa dang 'tshed pa nyid kyi sgra dag gis don 'dra ba ma yin no zhes bshad pa yin no// //bam po brgyad pa/ ji skad du zhes bya ba la sogs pas ni lan 'debs pas te/'tshed pa po zhes bya ba'i sgras ni bye brag pa rnams kyis ji skad du gang la bya ba dang byed pa po 'brel pa dngos por gyur pa yod pa byed pa po bya ba la ma gtogs pa rang dbang can yod do zhes brjod pa lta bur 'tshed pa byed pa po la gnas pa'i bya ba dngos por gyur pa dang ldan pa'i byed pa po gzhan 'ga' kho na zhig rjod par byed pa ni ma yin te/bya ba la ma gtogs pa'i byed pa po rang dbang can de dgag par bya ba yin pa'i phyir ro/ /gal te bya ba'am byed pa po tha dad pa med na gang zhig dngos po'i rkyen gyis brjod par bya ba 'brel pa lta zhig yod re skan snyam du bsams pa yin no//'di'i brjod par bya ba gang yin pa zhes bya ba ni 'tshed pa po zhes bya ba'i sgra'i brjod par bya ba'i 'tshed pa po ma yin pa rnam par gcad pa khyad par gzhan ma spangs pa'i dngos po tsam mo/ /'tshed pa po zhes bya ba'i sgras brjod par bya ba de nyid 'tshed pa nyid ces bya bas kyang brjod do zhes bya ba kho nas drangs te/de nyid khyad par gzhan spangs pa brjod pa'i phyir ro/ /'brel pa brjod pa ni ma yin te de ni med pa'i phyir ro/ /'tshed pa nyid ces bya ba'i sgras brjod par bya ba ji skad du bshad pa de nyid 'tshed pa zhes bya ba'i sgras kyang rjod par byed do/ /rnam par 'chad pa gzhan ni gzhan sel bar smra ba'i phyogs la ni gzhan gyis ji skad du brjod pa lta bur 'tshed pa zhes bya ba 'tshed pa zhes bya ba'i sgras 'tshed pa po bya ba gzhan gyi rten du gyur pa gzhan 'ga' kho na zhig brjod par bya ba ni ma yin te/bya ba dang byed pa po 'brel pa'i rkyen du gyur pa gang yin pa de ma grub pa'i phyir ro//'on kyang khyad par gzhan spong pas 'tshed pa po ma yin pa las ldog pa kho na brjod do/ /de nyid 'di'i brjod par bya ba gang yin pa zhes bya ba la sogs pa ston te/ 'di'i zhes bya ba ni 'tshed pa zhes bya ba'i sgra'i'o/ /brjod par bya ba gang yin pa zhes bya ba ni 'tshed pa po ma yin pa las ldog pa'i mtshan nyid khyad par gzhan ma spangs pa'o//de ni bstan ma thag pa yin te/ 'tshed pa po'i sgras brjod par bya ba de nyid 'tshed pa nyid kyi sgras kyang brjod kyi 'brel pa ni ma yin te/ de ma grub pa'i phyir ro/ /rting mi tshugs pa ni dngos po'i stobs kyis 'ongs pa ma yin pa ste/de nyid kyi phyir log pa rnam par rtog pa'o/ /yang bya ba tha dad pa'am/ de dag gi 'du ba med pa ji ltar shes she na/ de'i phyir ji ltar zhes bya ba la sogs pa smos te/ de dag gi 'du ba zhes bya ba ni bya ba dang byed po'i'o/ /gang gi phyir ldog pa dang ldog pa dang ldan pa dag tha dad pa ma yin pa'i rgyu de'i phyir gzhan sel yul la ni/de dang ldan pa'i phyogs sgra dag gis rigs dang ldan pa brjod do zhes bya ba de la skyon yod pa gang yin pa de bzhin sel ba la yod do zhes bya ba de ldan phyogs la brjod pa bsal te/ 'di ltar rigs dang de dang ldan pa dag tha dad pa nyid du khas len na de dang ldan pa'i phyogs la brjod pa'i nyes par 'gyur ro//des khyad par du byas pa zhes bya ba ni gzhan sel bas khyad par du byas pa'i don sgra dag gis brjod pa'i phyir ro/ /de dang ldan pa'i phyogs la brjod pa zhes bya ba ni de dang ldan pa'i phyogs la brjod pa gang yin pa ste/ji ltar spyi brjod nas de dang ldan pa la 'jug pa'i sgra rang dbang med par 'gyur ro/ /des na sgra 'jug pa'i rgyu mtshan du gyur pa spyis dbang du byas pa'i sgras bsal ba la yod pa'i khyad par gzhan ma 'phangs pa'i phyir de dag dang gzhi mthun pa nyid du yang mi 'gyur la/de dang ldan pa la sgra 'jug pa la yang nye bar btags pa yin no zhes bya ba la sogs pa'i nyes par 'gyur ba de bzhin du ldog pa brjod nas/ de dang ldan pa la 'jug pa'i sgra yang rang dbang med pa yin no zhes bya ba la sogs pa thams cad du thal bar 'gyur ro zhes grags pa gang yin pa de dang ldan pa'i phyogs la brjod pa de yang 'dis zhes bya ba la ldog pa dang ldog pa dang ldan pa dag gzhan ma yin pa nyid kyis bsal cing spangs pa yin no 'di ltar de dag dang ldan pa'i phyogs de la ni don gzhan la brten nas spyi dngos por gyur pa la brten nas/de dang ldan pa'i don gzhan la'o/ /spyi dang ldan pa dngos su mi brjod pa'i phyir rang dbang med pa yin te/ sogs pa zhes bya ba'i sgras ni gzhi mthun pa nyid ma yin pa dang / nye bar btags pa'i nyes pa bsdu'o/ /gzhan pa sel ba'i phyogs la ni ldog pa dang ldog pa dang ldan pa dag gcig pa'i phyir don gzhan la brten nas don gzhan la sgra 'jug pa ma yin te/de'i phyir rang dbang can ma yin pa la sogs pa'i nyes pa med pas gzhan las ldog pa ni zhes bya ba la sogs pa smos te/ dngos po gzhan las ldog pa gang yin pa de ni log pa las gzhan ma yin te/chos dang chos can brjod pa'i sgra gnyi gas ldog pa'i khyad par gcig brjod pa'i phyir ro zhes gong nyid du bshad zin to/ /gzhan gyis da ni zhes bya ba la sogs pa smras te/ da ni zhes bya ba ni ldog pa dang de dang ldan pa dag gcig pa nyid yin na'o//rang gi mtshan nyid ldog pa gcig gzhan gyi rjes su mi 'gro ba'i phyir ro/ /don gzhan dang ma 'brel pa'i phyir ji ltar gzhan las ldog pa rang gi mtshan nyid kyi bdag nyid du gyur pa rang gi mtshan nyid bzhin du rjes su 'gro ba'i ma yin pa spyi yin par 'gyur te/ mi 'gyur ba nyid ni spyi yin par ni 'dod do//grub pa'i mtha' smra bas de'i blo la zhes bya ba la sogs pa smos te/ spyi'i blo rnam par rtog pa can la de ltar rnam pa gcig tu snang ba'i phyir ldog pa la spyi zhes bya'o/ /'di skad du log pa rang gi mtshan nyid kyi bdag nyid du gyur pa'i ldog pa ni spyi ma yin gyi/log pa rang gi mtshan nyid nyams su myong ba'i 'og rol gyi dus su 'byung ba'i rnam par rtog pa ni rang bzhin gyi dngos po 'bras bu gcig pa rnams la rnam pa gcig tu ston pa lta bur skye ste/ rnam par rtog pa de'i dbang gis spyi'i dngos po/ med bzhin du yang spyir 'jog par byed do zhes bshad pa yin no/ /de nyid gsal bar bya ba'i phyir spyi zhes bya ba la sogs pa smos te/ dngos por gyur pa snyam du bsams pa yin no/ /'o na ji ltar spyi dang gzhi mthun pa nyid la sogs par tha snyad 'dogs she na/ sgra'i rten can gyi zhes bya ba la sogs pa smos te/gang la rten sgra lhan cig byed pa'i rgyu nyid du yod pa'i blo rnam par rtog pa can de nye bar len pa'i rgyu thog ma med pa'i bag chags kyi mthus chos ma 'dres pa dag kyang bsre zhing rnam pa gcig pa lta bur byed cing skye'o/ / blo de rnam pa gcig tu snang ba'i dbang gis spyir rnam par gzhag la chos gnyis dang ldan pa'i chos can gcig tu snang ba'i dbang gis gzhi mthun pa nyid rnam par bzhag ste spyi la sogs pa'i tha snyad 'di ni don 'di ni don med pa bzhin du yang rnam par gzhag go//gal te ci'i phyir don med ce na/ don rnams la zhes bya ba la sogs pa smos te/ rang gi mtshan nyid rnams la 'brel pa med pa'i phyir spyi'i don med do/ /rang gi mtshan nyid gcig la tha dad pa med pa'i phyir gzhi mthun pa nyid kyi don med do/ /de'i tha dad pa sngon du 'gro ba can yin pa'i phyir ro//gal te log pa'i dngos po spyi la sogs pa'i tha snyad kyi yul du mi byed na/ ji ltar sgra'i tha snyad gzhan sel ba'i yul can yin zhe na/ de'i phyir de thams cad kyi zhes bya ba la sogs pa smos te/ spyi la sogs pa'i tha snyad de dag thams cad kyi rten ni don rnams yin zhes bya bar sbyar ro//gang dag la de'i 'bras bu dang de'i rgyu mthun pa yod pa de dag ni de'i 'bras bu dang rgyu can no/ /de'i ngo bo nyid de rgyur gyur pa de'i phyir ro/ /gzhan dag las zhes bya ba ni de'i 'bras bu dang rgyu can ma yin pa dag las tha dad pa'i don rnams ni spyi la sogs pa'i tha snyad thams cad kyi rten yin no//'di skad du log pa rang gi mtshan nyid de lta bu nyams su myong ba'i mthus byung ba'i blo rnam par rtog pa can gang yin pa de la spyi la sogs pa'i tha snyad 'dogs pa na brgyud pas/ log pa rang gi mtshan nyid kyi rten can yin pas/rgyu des na dgra'i tha snyad gzhan sel ba'i yul can du bshad do zhes bshad pa yin no/ /gang gi phyir sgra rab tu sbyar bas kyang mi 'dod pa spangs te/ mi 'dod pa las log pa rang gi mtshan nyid la skyes bu 'jug par byed pa'i rgyu de'i phyir yang gzhan sel ba'i yul can du bshad de/'dis ni nye bar btags pas sgra rnams rang gi mtshan nyid du gtogs pa'i gzhan sel ba'i yul can nyid yin par bsgrub pa bstan to/ /log pa rang gi mtshan nyid mthong ba las 'ongs pa rnam par rtog pa la snang ba'i rnam pa gang yin pa rnam pa gzhan las log pa'i phyir gzhan sel bar gyur pa de ni nye bar btags pa ma yin pa'i ngo bo kho nas sgra'i yul yin te/de kho na sgra'i shes pa la snang ba'i phyir ro/ /de'i tshe ni tha snyad gzhan sel ba'i yul can nyid du grub po/ /de nyid de lta bas na zhes bya ba la sogs pas ston te/rnam par rtog pa can gyi blo la snang ba'i chos can gang zhig phyi rol gyi don gyi de kho na nyid la mi ltos pa de la de skad ces bya'o/ /blo snang ba'i dbang gis gcig pu du ma las log pa zhes bya ba ni blo du ma las log pa'i chos can la gcig pa lta bur ston par snang ba'i phyir de'i dbang gis du ma las log pa'i chos can gcig tu rnam par bzhag ste/gang gi phyir du ma las log pa de'i phyir de la log pa'i chos kyi khyad par rnams brtag go snyam du bsams pa yin no/ /chos can de lta bu de ni sgra rnams kyi yul du byed cing zhes bya bar sbyar te smra ba po rnams kyi rnam par rtog pa snang ba de lta bu bskyed pa'i phyir sgra brjod pa'i phyir ro/gang gi phyir gzhan las log pa'i rnam par rtog pa'i snang ba'i sgra rnams kyi yul du byed pa de'i phyir/ gzhan sel ba'i yul can nyid du grub po snyam du bsams pa yin no/ / sgra 'ba' zhig tu ma zad kyi rnam par rtog pa rnams kyis kyang yul du byed pas/ de nyams su myong ba'i zhes bya ba la sogs pa smos te/ rang gi mtshan nyid de nyams su myong ba ni de nyams su myong ba'o/ /des gzhag pa'i bag chags te nus pa'o/ /de sad pa ni 'bras bu bskyed pa dang mthun pa ste/rnam par rtog pa gang dag la de la skye ba yod pa de dag gis yul du byed cing zhes sbyar ro/ /khyad par ji lta bu can dag gis she na/ de'i dngos po nges pa'i don can rnams kyis te rnam par rtog pa snang ba gang la de'i dngos po phyi rol gyi dngos po nges pa yod pa de ni de'i dngos po nges pa'o//rnam par rtog pa gang dag la don de lta bu yod pa de dag la de skad ces bya ste/ snang ba dang rnam par brtag par bya ba'i don dag gcig tu byas nas 'jug pa rnams kyis zhes bya ba'i tha tshig go/ / gzhan las ni de'i dngos po nges pa'i don zhes 'byung ste/ de'i tshe de'i dngos po nges pa yang yin la don yang yin pa zhes las 'dzin par bya ste/ de'i dngos po nges pa'i don gcig yin yang du ma las log pa zhes sbyar ro/ /blo snang ba de nyid la chos dang chos can gyi tha snyad ces bya ba ni tha snyad du gdags par bya ba yin pas tha snyad de chos dang chos can dag nyid tha dad yin no//'di zhes bya ba ni khyad par gzhan spong ba dang mi spong ba'i mtshan nyid do/ /'di skad du blo snang ba la chos dang chos can du rnam par gzhag pa gang dag yin pa de dag ni phan tshun de nyid dang gzhan dag tu brjod par bya ba ma yin no zhes bshad pa yin no//de lta ma yin na ji ltar blo la snang ba'i don gyi khyad par las sgra'i bdag nyid kyi tha snyad de nyid dang / gzhan dag tu brjod par bya ba ma yin par 'gyur/ de nyid dang gzhan nyid dag las nyes pa chos ni chos can las zhes bya ba la sogs pa smos te/chos ni chos can las gzhan pa ma yin no/ /ci'i phyir zhe na/ don gzhan mi brjod pa'i phyir te/ chos dang chos can gyi sgra dag gis rnam par bcad pa gcig brjod pa'i phyir/ chos ni chos can gang yin pa de nyid kyang ma yin no//ci'i phyir zhe na/ de brjod pa dag bzhin du chos can brjod pa'i sgra dag bzhin du chos brjod pa rnams kyis kyang rnam par gcod pa gzhan 'phen par thal bar 'gyur ba'i phyir ro/ /de lta na ni 'dod pa shes par mi 'gyur ba'i phyir chos zhes bya ba'i sgras 'dod pa khyad par gzhan spong ba'i khyad par gzhan shes par mi 'gyur ba'i phyir/brda'i khyad par mi bya bar 'gyur te/ chos zhes bya ba'i sgras rnam par gcad pa'i khyad par gzhan spangs pa ston to zhes bya ba'i brda'i khyad par 'di mi bya bar 'gyur ro/ /chos dang chos can dag de nyid dang gzhan nyid dag tu brjod par bya ba bshad ma thag pa 'di ni sgra'i don blo la snang ba bshad pa yin no//dngos po la ni zhes bya ba ni phyi rol gyi la ste/ med pa kho na'i phyir de nyid dang gzhan dag tu brjod par bya ba ma yin no/ /gzhan gyis chos dang chos can dag ces bya ba la sogs pa smos te/drug pa ni ba lang gi ba lang nyid ces bya ba'o/ /sogs pa zhes bya ba'i sgras ni ba lang la ba lang nyid gnas so/ /zhes bya ba dang / ba lang nyid kyi rgyu mtshan gyis ba lang la sgra 'jug go zhes bya ba la sogs pa'i rnam par dbye ba bsdu'o/ /mthong ba dang zhes bya ba ni sbyor ba dag la dmigs pa dang ngo //ba lang nyid la sogs pa'i chos mang po'i phyir chos mang po de la mang po'i tshig gi bye brag ba lang nyid dang / rdzas nyid dang sa las gyur pa nyid rnams zhes bya ba mthong ba gang yin pa de yang chos can gcig la'ang mi rung ste/chos rnams chos can las tha mi dad pa'i phyir ro/ /mang po'i tshig 'di ni khyod ni gzhung lugs kyi chos can kho na la sbyar na/ chos can yang gcig yin pa'i phyir de la mang po'i tshig mi rung ngo / /grub pa'i mtha' smra bas/ 'di la bshad zin to zhes bya ba smos te/ sgra rnams kyi 'jug pa yul gyi rang gi ngo bo la rag las pa ni/ 'ga' yang med de zhes bya ba la sogs pas bshad zin to/ /yang rnon gyi don du bya ba bstan pa'i phyir gzhan yang zhes bya ba la sogs pa smos te/ smra ba gang dag gi ltar na tshig dngos po'i dbang dngos po la rag las pa yin gyi lhur brjod 'dod pa la mi rten pa/tshig gang dag lhur gtso cher brjod par 'dod pa la mi rten yang de dag ni lhur brjod par 'dod pa la mi rten pa ste/ dngos por smra ba de dag la'o/ /drug par mi 'gyur ro/ /tshig dbye ba la sogs par mi 'gyur ro zhes de skad du drug pa dang /tshig dbye ba la sogs pa la klan ka btsal ba ni/ drug pa dang tshig dbye ba la sogs pa klan ka'o/ /sogs pa zhes bya ba'i sgras ni/ /ba lang gi dngos po ni ba lang nyid du zhes bya ba la sogs pa de la phan pa'i rkyen med par klan ka btsal ba bsdu ste/rigs pa dang ldan no/ /drug pa la sogs pa'i sgra 'di dag skyes bu rnams kyis 'ga' zhig la zhes bya ba dngos po tha mi dad pa la yang bya bar 'dod du zin kyang du ba la sogs pa bzhin du me dang 'brel pa'i du ba me go bar byed pas de las bzlog pa chu la sogs pa shes par bya ba la sbyar bar mi nus pa bzhin du/dngos po dang 'brel pa'i phyir dngos po tha dad pa la rag las pa'i phyir bya bar mi nus na/ sgra rnams dngos po dang 'brel pa de'i tshe/ tha dad pa med na ji ltar drug pa la sogs par 'gyur zhes bya ba'i klan ka 'di 'gyur ba zhig na/de nyid med pas gang gi tshe zhes bya ba la sogs pa smos so/ /tshig gang zhes bya ba la khyad par ji lta bu zhig ce na/ phyi rol don la mi ltos pa ste smra ba po rnams kyis ji lta bur zhes bya ba la tha dad pa'am/ tha dad pa ma yin pa shes par bya ba'i phyir rnam pa gang gis rjod par byed pa'i ngo bo nyid du nges par byed cing sbyor bar byed pa'i tshig de ni de bzhin du zhes bya ba sbyor ba ji lta ba bzhin du rjod par byed pa yin no//de nyid tha dad pa la ni zhes bya ba la sogs pas ston te/ brda sprod pa pa rnams kyis rnam par gzhag pa ldog pa'i dngos po tha dad pa la ni drug pa'o//mang po la ni mang po'i tshig byed pa po rnams so zhes bya ba la sogs pa'i rkyen can du 'gyur ro zhes bya ba de yang skyes bu'i 'dod pa la mi ltos pa nyid du dngos po nye ba tsam gyis rang nyid zhugs pa ni ma yin te/ brda'i stobs kho na zhugs pa yin no zhes bya ba'i tha tshig go/ /de nyid de dag ni zhes bya ba la sogs pas ston to/ /brda sprod pa la sogs pa de dag ni tha dad pa dang mang po de la de ltar zhes bya ba drug pa dang mang po'i tshig tu brda ji lta ba bzhin du sbyor bas na drug pa la sogs pa de las de ltar go bar 'gyur te/gzhan dag gis kyang de lta bu'i tha snyad dmigs pa'i sgo nas tha dad pa la sogs pa go bar ni 'gyur na de tsam gyis dngos po'i stobs kyis tha dad pa dang mang po'i la drug pa la sogs par nges par ni ma yin no/ /de bzhin du gzhan la yang zhes bya ba ni chos dang chos can dag tha dad pa ma yin pa la yang ste byas pa nyid dang /mi rtag pa nyid la sogs pa dngos su gcig pa nyid la yod/ smra ba po de dag gis khyad par gzhan spong ba dang mi spong ba'i mtshan nyid ji ltar yang ste/ chos dang chos can tha dad pa la yang rten byas pa nyid la sogs pa la ldog pa'i khyad par brtags pa'i mang po nyid la yang brten nas go rims bzhin du drug pa dang mang po'i tshig la sogs pa rab tu sbyar bas de kho na bzhin du sbyor ba ji lta ba bzhin du go ba'i rgyu dag tu 'gyur ro//de ltar sgra rnams 'dod pa tsam gyi rgyu can nyid du gnas pa yin pa de la ni skyes bu'i 'dod pa'i dbang gis 'jug pa'i phyir skyes bu la rag las te 'jug pa sgra'i sgo nas rang gi mtshan nyid mi snang ba'i phyir/dngos po yang dag par mi ston par ji ltar goms pa'i bzhin gang gis brda la goms pa ci 'dra ba de bzhin du rnam par rtog pa sad cing rnam par rtog pa skye ba de'i rgyur gyur pa rnams te/nyan pa po'i rgyud la brda dang mthun pa'i rnam par rtog pa'i rgyur gyur pa rnams zhes bya ba'i tha tshig go/ /brda sprod pa pa la sogs pa sgra de lta bu rnams brjod par bya ba'i don dag la/ 'jug pa sems pa tha dad pa la ni drug pa'o//zhes bya ba la sogs pa gang yin pa dang / de'i dbang gis zhes bya ba sgra'i dbang gis dngos po rnam par 'jog pa dngos po tha dad pa khas len pa gang gi phyir/ ba lang gi ba lang nyid ces bya ba drug pa yin pa de'i phyir spyi tha dad pa yin no zhes bya ba la sogs pa ni blun par te/sgra'i don rnam par gzhag pa mngon par mi shes par ston pa 'ba' zhig tu zad do/ /gzhan gyi chos dang zhes bya ba la sogs pa smras te/ chos dang chos can la sogs pa la sgra dag de ltar rnam par byas kyi zhes bya ba ni chos dang chos can la khyad par gzhan spong ba dang mi spong ba dag gis chos dang chos can zhes bya ba la sogs par rnam par gzhag pa byas pa'o//sogs pa zhes bya ba'i sgras ni ldog pa'i bye brag gis rdzas nyid dang / sa las gyur pa nyid la sogs pa rnams zhes mang po'i tshig gis sgra rnam par gzhag pa byas pa bsdus te/chos dang chos can dag ldog pa dngos po las gyur pa'i sgo nas drug pa dang dngos po tha dad pa'i sgo nas rdzas nyid la sogs pa'i chos rnams don dam par tha dad pa'i sgo nas mang po'i tshig tu gyur pa ma yin no zhes bya ba 'di ga las she na/de lta na zhes bya ba la sogs pas lan 'debs te/ de lta na tha snyad mi rung ba'i phyir zhes bya ba ni tha snyad kyi yul chos dang chos can dag ldog pa yang dngos po las gyur pa yin la chos rnams kyang phan tshun don dam par tha dad pa yin na spyi la sogs pa'i tha snyad mi rung ba'i phyir ro//mdor bzhag pa'i tshig de nyid chos dang chos can dag ces bya ba la sogs pas ston te/ tha snyad kyi yul chos dang chos can dag dngos po nyid gcig yin na/ dngos po la rnam pa gzhan mi srid pa'i phyir phan tshun de nyid dam gzhan nyid gcig yin pas khas blangs dgos te phyogs gnyis ka la yang skyon brjod pa'i phyir tha dad pa'am de nyid kyi ngo bo yin pa'am zhes phyogs gnyis nye bar bkod do//de lta ma yin na gzhan gyi ldog pa dang dngos po tha dad pa'i phyir ro zhes tha dad pa'i phyogs la 'chel na/ de nyid ces bya ba'i phyogs nye bar bkod pa skabs dang mthun pa ma yin par 'gyur ro//de dag gi 'brel pa zhes bya ba ni spyi dang de dang ldan pa dag gi 'brel pa'o/ /sgra rnams dngos po ji lta ba bzhin zhugs pa yin par khas len na yang spyi la sogs pa mi rung ste/ 'di ni 'og nyid nas 'chad par 'gyur ro//sgra 'jug pa'i khyad par ni gcig gi tshig dang mang po'i tshig la sogs pa 'jug pa'i khyad par ro/ /dngos pos byas pa zhes bya ba ni dngos po rnams kyis gcig dang du ma nyid kyis byas pa'o/ /btsun mo zhes bya ba'i sgra ni rtag tu mang po'i tshig gi mtha' can dang /pho'i rtags can yin par 'dod do/ /de la gang gi tshe btsun mo zhes bya ba'i sgra bud med gcig gi yul can yin pa de'i tshe tha dad pa rnam par gzhag pa'i rgyu'i phyi rol pa ci zhig yod de med pa nyid do/ /sogs pa zhes bya ba'i sgras ni bye ma rnams zhes bya ba dang khang bzangs kyi phreng ba zhes bya ba la sogs pa la/tha dad tha dad min gzhag pa'i rgyu ci yod ces bya ba bsdu'o/ /nam mkha'i rang bzhin mkha' nyid ces bya ba nam mkha'i rang bzhin zhes tha dad par 'byed pa'i drug pa 'di la rgyu ci yod/ yang mkha' nyid ces brjod pa 'dis ci zhig bya/gal te nam mkha'i rang bzhin zhes bya ba'i tshig 'di mkha' nyid ces bya ba yin pas de la phan pa 'di 'jug go zhes bya ba de ston to zhe na/ de ni ma yin te rang bzhin zhes bya ba'i don 'di la dngos po'i rkyen sbyor ba ma yin gyi/ 'o na ci zhe na/ ngo bo'i don la yin no//de la phan pa 'jug pa bstan pa yang cir yang mi dgos so/ /de lta bas na kha cig na re so sor sbyor ba gnyis te/ nam mkha'i rang bzhin zhes bya ba dang / de bzhin du nam mkha'i mkha' nyid ces bya ba sbyor ba gnyi ga la yang drug pa ni tha dad pa'i rgyu can du mi 'gyur ro zhes bya ba yin no zhes zer ro//'di la yang sbyor ba gnyi gas drug pa med pa 'ba' zhig gleng bas gnyis smos pa don med do/ /de bas na gzhan dag ni gzhan du 'chad de nam mkha'i rang bzhin zhes bya ba tha dad par byed pa la ni rgyu ci yod/ de bzhin du mkha' nyid ces bya bar tha dad par brjod pa'i sgra dngos po'i rkyen can la ni rgyu ci yod ces bya ba yin no zhes zer ro//gang gi tshe zhes bya ba la sogs pas ni 'chad par byed de dus gang gi tshe'o/ /gzhan dag ni gang gi phyir zhes bya ba'i sgrar 'don te 'di ltar zhes bya ba'i don yin no//gang gis ni de lta bur 'gyur ba zhes bya ba ni btsun mo rnams zhes bya ba la sogs pa mang po'i tshig tu 'gyur ba ste/ gcig yin pa'i phyir gcig gi tshig kho nar 'gyur ro snyam du bsams pa yin no/ /gal te bud med dang bye ma gcig la yang nus pa du ma gcig yod de de'i phyir nus pa tha dad pa mang po'i tshig gi rgyu yin no zhe na/thams cad du zhes bya ba ni shing zhes bya ba la sogs pa gang la gcig gi tshig tu 'dod pa la yang ngo / /don nus pa gcig pa med pa'i phyir te thams cad kyi nus pa du ma yin pa'i phyir ro/ /de lta yin na ni gcig la gcig gi tshig yin no zhes bya ba'i 'bad pa 'di yang don med par 'gyur ro//gal te nus pa tha dad kyang dngos po tha mi dad pa'i phyir nus pa'i rten tha mi dad pa'i phyir gzhan la zhes bya ba gcig gi tshig gi yul shing zhes bya ba dang ras yug ces bya ba la sogs pa la gcig gi tshig tu 'gyur ro zhe na/btsun mo rnams zhes bya ba la sogs pa 'di la yang gcig gi tshig tu 'gyur te bud med gcig la dngos po tha dad pa med pa'i phyir ro/ /gang gi phyir de ltar sgra 'jug pa'i bye brag dngos po'i rten can nam nus pa'i rten can ma yin pa de'i phyir sgra 'jug pa'i nges pa dngos po ma yin zhing dngos po la brten pa ma yin pa 'di byed pa na sgra sbyor ba la skyes bu'i 'dod pa rang dbang can du ston pa yin no//gal te grong khyer drug po dag la sdud pa zhes bya ba bya ba'i bdag nyid dam yon tan gyi bdag nyid gcig cig yod de des na gcig gi tshig tu 'gyur ro zhe na/grong khyer nyid kyang chung kyang med na zhes bya ba smos te/ grong khyer zhes bya ba yan lag can gyi rdzas khas mi len pa'i phyir grong khyer de rnams la de skad du brjod par 'gyur ba bya ba'i bdag nyid dam yon tan gyi bdag nyid kyi sdud pa lta ci zhig ga la yod de bya ba dang yon tan gyi rdzas la brten pa'i phyir ro//ci ste rdzas ma yin zhe na/ khang bzangs dang zhes bya ba la sogs pa smos te/ grong khyer na khang bzangs la sogs pa'i spyi yin na khang bzangs la sogs pa rigs mi mthun pa rnams kyis kyang rdzas rtsom par khas mi len pa'i phyir ro de rnams kyi spyi lta zhig khang bzangs la sogs pa'i spyi grong khyer lta zhig rdzas yin par ga la 'gyur/khang bzangs dang rta babs dang skyes bu la sogs pa ji tsam gyi spyi la grong khyer du 'dod pa/ khang bzangs la sogs pa de dag ril la ldan pa med pa'i yang phyir grong khyer rdzas ma yin te/ldan pa grogs byed pa'i rdzas rnams rdzas rtsom par byed pa nyid yin par 'dod na khang bzangs dang skyes bu la sogs pa bral ba rnams la ni gang gis na khang bzangs la sogs pa spyi'i grong khyer rdzas yin par 'gyur ba ldan pa ni med do//gal te khang bzangs la sogs pa ril la ldan pa med du zin kyang grong khyer ni khang bzangs dang skyes bu la sogs pa gang dag la phan tshun ldan pa yod pa de dag gis ldan pa'i bdag nyid yin par 'gyur bas de lta na yang grong khyer rdzas nyid du grub ste ldan pa ni yon tan gyi dngos po yin pa'i phyir ro snyam du sems na de'i phyir ldan pa ma yin te zhes bya ba la sogs pa smos so//grong khyer ni ldan pa'i ngo bo nyid ma yin te 'di ltar shing dang so phag la sogs pa rigs mi mthun pa rnams kyis 'bras bu'i rdzas mi rtsom pa'i phyir ro/ /khang bzangs kyang rdzas kyi bdag nyid ni ma yin te 'on kyang ldan pa'i ngo bo nyid yin par 'dod do//ldan pa yang yon tan rnams yon tan med pa yin pas khang bzangs la gang gis ni de'i ldan pa'i bdag nyid grong khyer yin par 'gyur ba ldan pa lta zhig yong re skan/ de nyid khang bzangs rang nyid ces bya ba la sogs pas ston te/gzhan dang zhes bya ba don gzhan mi ldan pa'i yang phyir ldan pa grong khyer ma yin no/ /yang zhes smos pas ni khang bzangs la sogs pa bral ba rnams la ldan pa med pa bstan ma thag pa'i yang phyir ldan pa grong khyer ma yin no zhes bya ba 'di sdud de de ltar na khang bzangs la sogs pa la yang ldan pa med pas grong khyer ldan pa'i ngo bo nyid yin pa bsal ba yin no//gal te grong khyer ni khang bzangs la sogs pa'i grangs gang yin pa de'i bdag nyid yin par 'gyur ro zhe na/ de nyid kyi phyir grangs kyang med do zhes bya ba smos te/gang gi phyir khang bzangs ldan pa'i bdag nyid yin pa rgyu de'i phyir yon tan rnams la yon tan med pa'i khang bzangs la grangs kyang med de/ grangs kyang yon tan gyi ngo bo nyid yin no/ /'di ni ldan pa yang yin la de yang yin pas ldan pa de ste khang bzangs kyi bdag nyid kyi ldan pa zhes bya ba'i tha tshig go//gal te grong khyer ni ldan pa de dang skyes bu dag gis khyad par du byas pa'i yod pa yin no zhe na/ gcig pa nyid yin pa'i phyir dang rtag pa yin pa'i phyir yod pa bogs dbyung du med pa 'di la khyad par ci zhig yod khang bzangs dang skyes bu la sogs pas ni yod pa khyad par du mi byed do bogs dbyung du med pa'i phyir ro//de lta bas na yod pa la khyad par med pas de grong khyer nyid yin na thams cad grong khyer du 'gyur ro snyam du bsams pa yin na/ /yod pa yang gcig yin pa'i phyir zhes bya ba ni yod pa ni rdzas dang yon tan dang las dag la khyab pa gcig pu kho na yin no//grong khyer mang po nyid yin yang zhes bya ba ni grong khyer du rnam par gzhag pa'i rten khang bzangs la sogs pa'i tshogs rnams mang po nyid yin yang zhes bya ba'i tha tshig go//de lta ma yin te yod pa'i bdag nyid kyi grong khyer gyi skabs shig yin na ji ltar grong khyer mang po nyid du 'gyur/ gal te gnyis zhes bya ba ni khang bzangs dang skyes bu la sogs pa dang yod pa/ phan tshun grogs byed pa nyid grong khyer yin no zhe na ste/ gzhan gyi bsam pa ni de lta bu yin na thams cad la khang bzangs la sogs pa med pa'i phyir thams cad la grong khyer gyi blo yang mi 'byung la/khang bzangs la sogs pa'i phyir mang po'i tshig kyang grub po snyam pa yin no/ /phan par bya ba dang zhes bya ba la sogs pas ni lan 'debs te yod pa dang khang bzangs phan par bya ba dang phan par byed pa po ma yin pa dag la grogs byed pa'i dngos po ci zhig yod/'di ltar grogs byed pa'i don ni rnam pa gnyis te phan tshun bogs 'byin par byed pas rgyud la skad cig ma khyad par can bskyed pa'i mtshan nyid dang rang gi rgyu snga ma'i nus pa kho na las byung ba rnams 'bras bu gcig byed pa'i mtshan nyid do//de la re zhig snga ma ni ma yin te yod pa la bogs dbyung du med pa'i phyir ro/ /gnyis pa yang ma yin te 'di ltar ji ltar yod pa 'ba' zhig gis grong khyer gyi blo bskyed par mi nus pa ltar khang bzangs la sogs pa grogs byed pas kyang de dang 'dra'o//'on te nus na ni 'ba' zhig gis kyang bskyed par 'gyur ro/ /yang gal te de gnyis phan tshun grogs byed pa nyid grong khyer yin na de'i tshe grong khyer gcig pu yang du ma'i bdag nyid du 'gyur te/ khang bzangs la sogs pa'i bdag nyid yin pa'i phyir ro//de bas na skyes bu dang ldan pa dang yod pa rnams kyang med pa'i phyir/ grong khyer zhes bya ba gcig pu'i tshig tu mi 'gyur ro/ /ldan pa zhes bya ba'i sgras ni khang bzangs kyi bdag nyid kyi ldan pa bstan to/ /gal te de lta bu rnams zhes bya ba ni skyes bu dang ldan pa dang yod pa phan tshun grogs byed pa rnams so//don 'ga' zhig la zhes bya ba ni grong khyer zhes bya ba'i shes pa dang sgra bsgrub par bya ba la ste/ nus pa tha mi dad pa gcig yod pas so/ /de zhes bya ba ni nus pa tha mi dad pas te/ de gcig gi tshig gi rgyu mtshan yin no zhe na/ma yin no/ /ci'i phyir zhe na nus pa ni dngos po'i ngo bo las tha mi dad pa'i phyir te/ skyes bu la sogs pa'i dngos po'i ngo bo las tha mi dad pa'i phyir de dag dang 'dra bar du ma nyid yin pas de'i rten can gyi gcig gi tshig tu lta ga la 'gyur/ 'on te nus pa dngos po'i ngo bo las tha dad par khas len na ni nus pa'i ngo bo skyes bu dang ldan pa'i ngo bo dang yod pa rnams kyi phan par bya ba ma yin pa la skyes bu la sogs pa'i gzhan gyi dbang du mi 'gyur te/des na skyes bu la sogs pa'i nus pa'o zhes 'brel par mi 'gyur ro snyam du bsams pa yin no//'on te nus pa tha dad pa la yang skyes bu la sogs pa'i gzhan gyi dbang grub par bya ba'i phyir skyes bu la sogs pas byas pa'i phan pa 'dod na ni de'i tshe nus pa la skyes bu la sogs pas byas pa'i phan pa 'dod na ni skyes bu la sogs pas nus pa gang gi nus pa dang po la phan 'dogs par byed pa nus pa dang po la phan 'dogs pa'i nus pa yang nus pa dang po bzhin du tha dad de/nus pa la phan 'dogs pa'i nus pa yang tha dad tha dad na ni de kho na bzhin du skyes bu la sogs pas phan mi 'dogs pa'i phyir 'brel pa med pas de la phan 'dogs par rtog na ni nus pa tha dad pas gzhan zhig tu 'gyur bas/thug pa med pa'i phyir nam yang skyes bu la sogs pas bdag nyid du gyur pa'i nus pas nus pa dang po la phan 'dogs par mi byed pas skyes bu la sogs pa'i de la phan 'dogs par byed pa nyid du rtogs pa med do/ /gal te nus pa dang po kho na tha dad kyi de la phan 'dogs par ni tha mi dad do zhe na de'i phyir 'on te de dang tha mi dad na ni zhes bya ba smos te/'on te nus pa la phan 'dogs pa'i nus pa de tha mi dad na ni nus pa dang po gcig gi tshig rgyu nyid du 'dod pa la yang tha mi dad par thal bar 'gyur ro/ /tha mi dad pa'i phyir dngos po dang 'dra ba kho nar mang po yin pas mang po'i tshig tu thal bar 'gyur ba so na 'dug pa'i phyir nus par yongs su rtog pa de ni gyi na'o//nam mkha'i rang bzhin zhes tha dad pa'i rten can gyi drug par yang mi 'gyur ro/ /drug pa'i rgyu yin pa'i phyir dngos po rkyen kyang nye bar gdags pa'i sgo nas drug pa'i sgra bshad de/de na mkha' nyid ces de la phan pa tha dad pa'i rten can 'byung bar mi 'gyur ro zhes bya ba 'di don gzhan yin te nam mkha'i ngo bo ni nam mkha'i nyid do zhes bya ba'i bye brag tu bshad pa 'dis dngos po'i rkyen 'byung ba ni tha dad pa'i rten can nyid yin no//yang na mkha' nyid ces tha dad pa'i rten can du yang mi 'gyur te/ de la phan pa 'byung bar zhes bya ba kho nas drang ngo / /nam mkha'i rang bzhin zhes drug par yang mi 'gyur zhes ci rigs par sbyar ba dang tshig kyang dbye bar bya ste/ nam mkha'i sgras brjod par bya ba'i don las gzhan pa rang bzhin nam ngo bo gang zhig go rims bzhin du tha dad pa'i drug pa dang de las phan pa'i rgyur 'gyur ba ni med do//gal te nam mkha'i nyid ces bya ba spyi yod do de ni tha dad pa'i rgyu yin no/ /zhe na de la spyi ni zhes bya ba la sogs pa smos te/ nam mkha'i bdag nyid ni gcig pa'i phyir nam mkha'i spyi med do//nam mkha'i la yang yod pa nyid dang rdzas nyid yod mod kyi 'on kyang de dag ni nam mkha'i rang bzhin ni ma yin te/ bum pa dang ras yug la sogs pa dang thun mong yin pa'i phyir ro/ /yod pa nyid dang rdzas nyid dag ni nam mkha' nyid ces bya ba 'di ltar dngos po'i rkyen gyi rgyu yang ma yin te de dag ni nam mkha' zhes brjod pa dang /shes pa'i rgyu ma yin pa'i phyir ro/ /dngos po'i rkyen rgyu yin pa ni rang dang mthun pa'i shes pa dang brjod pa'i rgyu yin no/ /khyab pa nyid la sogs pa'i yon tan rnams zhes bya ba la sogs pa zhes bya ba'i sgras ni gcig nyid dang gzhan nyid la sogs pa bsdu'o//de skad du brjod pa zhes bya ba ni nam mkha'i rang bzhin zhes bya bar ro/ /rdzas las don gzhan pa khyab pa nyid la sogs pa yon tan ni de'i rang bzhin yin pa nyid du mi rung ba'i phyir/ nam mkha'i rang bzhin yin pa nyid du mi rung ba'i phyir te don gzhan gyi ngo bo nyid don gzhan dang gzhan yin par rigs pa ni ma yin no/ /yang gal te khyab pa nyid la sogs pa nam mkha'i rang bzhin yin na de'i tshe khyab pa nyid la sogs pa de dag kyang nam mkha'i rang bzhin nyid yin na rang bzhin med pa nyid du thal ba'i phyir te 'di ltar de dag gi yon tan gyi rang bzhin gang yin pa de ni nam mkha' kho nar 'gyur gyi ngo bo nyid gzhan ni med pas ngo bo nyid med par 'gyur ro//de dag gi ngo bo nyid med na ni nam mkha'i ngo bo nyid tha dad pa med do snyam du bsams pa yin no/ / gal te khyab pa nyid la sogs pa'i rang bzhin yang don gzhan yin no zhe na de yang zhes bya ba la sogs pa smos te/ de yang zhes bya ba ni khyab pa nyid la sogs pa ste/ gang la rang bzhin don gzhan pa yod pa zhes tshig rnam par sbyar ro/ /ha cang thal bar 'gyur ro zhes bya ba ni khyab pa nyid la sogs pa'i rang bzhin nyid du 'dod pa don tha dad pa gang yin pa de'i rang bzhin yang don gzhan du 'gyur ba ste de lta ma yin na de yang khyab pa nyid la sogs pa las tha mi dad pa'i phyir de dag kho na dang 'dra bar rang bzhin med par 'gyur ro//de lta na yang rang bzhin gzhan dang gzhan yongs su tshol bas thug pa med pa'i phyir rang bzhin rting tshugs pa gcig kyang med pas nam mkha'i rang bzhin dang po rtogs pa med de de'i phyir de nyid tha dad pa med pa yin no snyam du bsams pa yin no//de bzhin du dngos po drug po rdzas dang yon tan dang las dang spyi dang khyad par dang 'du ba rnams kyi tshogs dang /sogs pa zhes bya ba'i sgras khang bzangs la sogs pa'i phreng ba zhes bya ba la sogs pa la yang tha dad pa med na ji ltar drug par 'gyur zhes brjod par bya'o/ /dngos po drug po de la tshogs kyi sgras brjod par bya ba gang yin pa spyi ni med de rdzas dang yon tan dang las rnams kho na la spyi khas blangs pa'i phyir ro//de bzhin du grangs dang ldan pa yang mi srid de de gnyis ni yon tan gyi dngos po yin pa nyid kyis rdzas kho na la yod pa'i phyir ro/ /gzhan gyis da ni zhes bya ba la sogs pa smos te/ da ni zhes bya ba ni rang bzhin don gzhan yin par khas mi len pa'o//nam mkha' zhes bya ba'i sgras brjod par bya ba dang / rang bzhin zhes bya ba'i sgras brjod par bya ba'i don la khyad par med na ji ltar nam mkha' rang bzhin zhes tha dad par ston gyi nam mkha' zhes bya ba kho na ni ma yin te/tha dad pa'i rgyu med pa'i phyir tha mi dad pa kho nar bstan pa'i rigs so zhes bya ba'i tha tshig go/ /nam mkha'i don gzhan zhes bya ba la sogs pas ni lan 'debs te/ nam mkha' zhes bya ba ni nam mkha'i sgras brjod par bya ba'i don gyi'o/ /sa la sogs pa'i don gzhan dang thun mong ba'i ngo bo ma zin pa'i khyad par gang yin pa de la mi ltos par bor te nam mkha' zhes bya ba'i sgra 'jug pa'i rgyu'i ngo bo rdzas gzhan dang thun mong ma yin pa de lta bur shes par 'dod pa la don gzhan gyi ngo bo dang ma 'brel pa shes par 'dod pa la ci nas kyang nam mkha'i rang bzhin ni 'di yin gyi gzhan ni ma yin no zhes shes par bya ba'i phyir nam mkha'i rang bzhin zhes bya ba dang /de bzhin du mkha' nyid ces de skad du brjod do/ /'di skad du nam mkha'i rang bzhin ston par byed pa na rang bzhin gyi sgras rang bzhin ma yin pa las log pa tsam gyi ston par byed kyi rang bzhin gzhan spangs te de ni ma yin no//mkha' nyid ces bya ba'i sgras ni de nyid ngo bo gzhan spangs nas ston par byed do/ /de bas na rang bzhin gzhan spong ba dang mi spong ba'i khyad par gyi bag tsam gyis nam mkha'i rang bzhin zhes tha dad par ston to zhes bshad pa yin no//gzhan gyis 'di snyam du don gzhan dang thun mong ba'i ngo bo la mi ltos par nam mkha' zhes bya ba'i sgra 'jug pa'i rgyu'i ngo bo la zhes de skad du smras pas ni rang gi mtshan nyid kho nar brjod par bya ba yin par smras so snyam du bsams nas thams cad las ldog pa'i zhes bya ba la sogs pa smras so//grub pa'i mtha' smra bas ngo bo nyid ces bya ba la sogs pa smas te/ thams cad nyid las log pa'i ngo bo rang gi mtshan nyid kyi bdag nyid gang yin pa de nyid sgras bslang ba'i blo la sgra rnams kyi 'jog pa ni ma yin te zhes bya bar sbyar ro/ /ci'i phyir zhe na/rang gi mtshan nyid de'i dbang po'i blo la ji lta ba bzhin du sgra'i shes pa la yang snang na ni dbang pos mi sod pa nyid ma yin par thal bar 'gyur ba'i phyir te mngon sum nyid du thal bar 'gyur ba'i phyir ro/ /gal te 'o na sgras ci zhig byed ce na/ 'di ni zhes bya ba la sogs pa smos te/'di ni zhes bya ba ni ston pa po'o/ /snang ba dang rnam par brtag par bya ba'i don dag la gcig pa nyid du zhen pas bslus pa ni thun mong ma yin pa'i don de lta bu shes par bya'o snyam du de ltar sems shing sgra rgyur gyur pas nyan pa po la rnam par rtog pa gang yin pa de'i gzugs brnyan rnam par gtod par byed pa 'ba' zhig tu zad do//ci lta bu zhig ce na/ de'i rang gi ngo bo dang ma 'brel pa ste dngos po'i ngo bo ma bzung ngo / /'di ni slob dpon phyogs kyi glang po yang bzhed do zhes bya bar 'di ltar zhes bya ba la sogs pa smos te/don ma mthong ba mtho ris zhes bya ba la sogs pa'i sgra brjod pa la ni nyan pa po la don gyi rnam par rtog pa tsam 'byung gi dngos po la reg pa ni ma yin no/ /don mthong ba la yang rnam par rtog pa tsam yin mod kyi don mthong ba'i brda'i dus na nyams su myong ba'i phyir tha snyad 'dogs pa'i dus na rang gi mtshan nyid la zhen pa 'byung yang don ma mthong ba'i sgra la ni de yang med pas de'i phyir don mthong ba smos pa 'ba' zhig tu zad do//sgras nyan pa po la rnam par rtog pa'i gzugs brnyan bskyed pa de ltar na rtogs par bya ba dang rtogs par byed pa dag gis go rims bzhin du rang gi mtshan nyid rtogs pa dang bstan pa ni ma yin no//gal te sgras rang gi mtshan nyid rtogs par 'gyur na ni de'i tshe mtho ris zhes bya ba la sogs pa'i sgras thos pa la yang de nyams su myong ba dag dang 'dra bar mtho ris la sogs pa mngon sum du myong ba dang 'dra bar snang ba tha dad pa med par thal bar 'gyur ba'i phyir te nyan pa pos kyang mtho ris la sogs pa'i rang gi mtshan nyid kyi rnam par rtog par 'gyur ro zhes bya ba'i tha tshig go//gang gi phyir sgra las rang gi mtshan nyid mi rtogs pa de'i phyir nyan pa po 'dis sgra las dngos po'i rang gi ngo bo ma rtags su zin kyang rnam par rtog pa'i gzugs brnyan de lta bu kho na la dngos po'i rang gi ngo bo dang ma 'brel pa kho na la der lhag par zhen pas/rang gi mtshan nyid du lhag par zhen pas bdag gis rang gi mtshan nyid kho na rtogs so zhes mgu bar 'gyur ro/ / ci'i phyir zhe na/ sgra'i don rtogs pa ni de lta bu kho na yin pa'i phyir te rang gi mtshan nyid ma bzung yang rang gi mtshan nyid du lhag par zhen pa'i mtshan nyid ngo bo yin pa'i phyir ro/ /gang gi phyir rang gi mtshan nyid du lhag par zhen pas sgra'i don rtogs pa yin pa des na sgras rang gi mtshan nyid bstan to zhes de skad du brjod de don gzhan dang thun mong ba'i ngo bo la mi ltos par nam mkha' zhes bya ba'i sgras 'jug pa'i rgyu thun mong ma yin pa'i ngo bo la de skad du brjod do zhes smos pa'i phyir ro//rang gi ngo bo snang ba'i rnam par shes pa kho na bskyed pa'i phyir/ rang gi mtshan nyid bstan to zhes brjod pa ni ma yin no//gzhan gyis da ni 'o na zhes bya ba la sogs pa smras te/ gang dag la gcig tu log pa'i ngo bo yod pa zhes tshig rnam par sbyar ro/ /dngos po de dag ma 'brel pa'i phyir te/ gzhan yang zhes bya ba ni dngos po dag la ma gtogs pa'i spyi'o//grub pa'i mtha' smra bas spyi ji lta bu yin pa ni bshad zin te zhes bya ba smos so/ /ji lta bu zhig yin par bshad ce na ma 'dres pa rnams kyi zhes bya ba la sogs pa smos te/ ma 'dres pa phan tshun log pa rnams kyi cig shos rigs mi mthun pa dang 'brel pa ni dper na ba lang gi gsal ba rnams kyi rta dang 'brel pa lta bu'o//ma 'brel pa de nyid de las log pa can rnams kyi rta de las log pa can ba lang gi khyad par rnams kyis 'dra ba nyid yin zhing rta ma yin pa nyid yin te/ spyi gzhan yang de dang 'dra bar brjod par bya'o/ / 'di skad du rang gi mtshan nyid ni rigs mthun pa dang rigs mi mthun pa las log pa dag yin mod kyi 'on kyang rigs mi mthun pa las log pa'i ngo bor bltas pa rnams la spyi zhes nye bar btags te thams cad rigs mi mthun pa las log pa'i phyir ro/ /de yang / mthun dngos gzhan gyi dngos dag las//ldog pa de ni rten pa can/ /zhes bya bar gzhan gyi dngos po la log pa bsnyad bas bshad zin par khong du chud par bya'o zhes bshad pa yin no/ /de ltar na re zhig rang gi mtshan nyid dag kho na la rnam grangs gzhan gyi spyi zhes nye bar gdags so zhes bshad pa yin no//rnam pa gcig tu na rang bzhin gyi rnam pa gcig tu snang ba'i rgyur gyur pa'i dngos po rnams la brten nas rnam par rtog pa'i blo rnam pa gcig pa can skye ba na rnam pa gcig pa 'di dngos rnams la sgro 'dogs par byed par blo'i rnam par sgra 'jug pa'i yan lag tu gyur pa de kho na spyi yin no//de nyid gzhan yang zhes bya ba la sogs pas ston te/ tha dad pa dngos rnams la brten nas zhes bya ba ni log pa rang gi mtshan nyid rnams la brten nas blo don gcig tu snang ba can skye ba/ gang gis rang gi ngo bo yis/ rang snang bas gzhan gyi ngo bo log pa rang gi mtshan nyid sgrib par byed cing 'gegs par byed pa'o//des zhes bya ba ni blos so/ /khyad par ji lta bu can zhig gis she na kun rdzob kyis te 'dis rang gi mtshan nyid sgrib par byed pas so/ /bdag nyid kyis tha dad pa yin yang tha dad pa bsgribs shing tha dad pa nyid bkab pa rnams ngo bo rigs mi mthun pa las ldog par nye bar btags pa ba lang nyid la sogs pa'i ngo bo 'ba' zhig gis/tha dad pa min zhing 'dres pa lta bur snang ngo / /blo de la bsam pa'i dbang gis na rnam pa gcig tu sgro 'dogs pa'i dbang gis ni spyi yod do zhes bya bar rab tu bsgrags te/blos btags pa'i rnam pa kho na la spyi zhes bshad do zhes bya ba'i tha tshig go/ /blo des ji ltar kun btags pa sgro btags pa de ltar spyi/ de ni dam pa'i don du med/ /rnam par rtog pa can gyi zhes bya ba la sogs pas ni 'chad de/rnam par rtog pa can zhes bya ba ni blo zhes bya ba 'di dang sbyar ro/ /gang rnams la rigs mthun pa de dag las gzhan pa de las ldog pa de yod pa'i de rnams ni de dag las gzhan pa las ldog pa can te/ rigs mi mthun pa las ldog pa rnams zhes bya ba'i tha tshig go///bam po dgu pa/ rang gi bag chags kyi rang bzhin ni rnam par rtog pa'i bag chags kyi rang gi ngo bo ste tha dad pa dag las yang tha mi dad pa'i shes pa bskyed pa'i mthu'o/ /de'i rjes su byed pa ni mthun par byed pa ste gal te tha dad pa dag la yang rnam pa gcig pa can skye na de lta na des rang gi rgyu dang mthun par byas pa yin no//de dag gi zhes bya ba ni dngos po dag gi'o/ /zhen par byas te zhes bya ba ni 'di ni dngos po rnams kho na'i ngo bo gcig pa yin no zhes dngos po rnams la sgro btags te'o/ /dngos po de rnams 'dres shing tha mi dad pa lta bur byed par kun du ston te/ngo bo gcig par ston to zhes bya ba'i tha tshig go/ /yang ci'i phyir blo de rang gi ngo bo gzhan la sgro 'dogs par byed pa'i snang zhe na/ de'i phyir bsgrub par bya ba dang zhes bya ba la sogs pa smos te/ dngos po gang dag la bsgrub par bya ba dang sgrub pa 'dra ba cig yod pa dper na bum pa rnams kyis bsgrub par bya ba chu 'dzin pa la sogs pa dang sgrub par 'dzin pa'i gong bu la sogs pa gcig pa lta bu de dag ni bsgrub par bya ba dang /sgrub pa gcig pa can no/ /de'i dngos po ni nyid do/ /de rgyur gyur pas gzhan de'i bsgrub par bya ba dang /sgrub pa ma yin pa dag las tha dad pa'i dngos po rnams kyi rang bzhin rang gi ngo bo mang pos kyang rang bzhin gyi rnam par rtog pa'i blo rnam pa gcig pa can skyed pa'i mtshan nyid kyang de yin la/ rnam par rtog pa de lta bu'i bag chags kyi rang bzhin yang de dag las skye ba can de gang la rnam par rtog pa'i bag chags dang /tha dad pa'i dngos po rnams las grangs bzhin du dngos su dang / brgyud pas skye ba yod pa de la de skad ces bya ste/ blo 'di de lta bur rang gi ngo bo gzhan la sgro 'dogs par snang ba gang yin pa de yin no//de ni zhes bya ba ni blo ste kun rdzob ces bya'o/ /ji ltar zhe na blo 'dis rang gi ngo bos rang snang bas gzhan gyi ngo bo dngos po'i ngo bo sgrib pa'i phyir ro/ /dngos po de dag ni des zhes bya ba blos tha dad pa bsgribs shing tha dad pa nyid bkab pas ngo bo 'ga' zhig gis zhes bya ba/rnam par rtog pa can gyi blos sgro btags pas rnam par rtog pa'i blo la snang ngo / /de nas ni zhes bya ba la sogs pa ni rjes su byed pa rtag pa po rnams kyis blo'i snang ba la zhes bya ba rnam par rtog pa can gyi rnam pa la ste blo nye bar gzhag pa'i ngo bo gcig pa la spyi yin par brjod do zhes bya ba 'di dang sbyar ro//gang dag gis spyi zhes brjod ce na blo la snang ba rnams kho na'i ste blo la snang ba de dag kho na'i zhes bya ba dang sbyar ro/ /rang gi mtshan nyid nyams su myong nas ji ltar nyams su myong ba bzhin 'di yang bum pa'o/ /'di yang bum pa'o zhes rnam par rtog pa'i blo mi gsal ba bum pa la sogs pa'i rnam pa can de dag ni blo la snang ba'i dngos po ste/spyi 'di ni dngos su de dag gi yin gyi rang gi mtshan nyid rnams kyi ni ma yin gyi/ de rnams spyi'i blo la mi snang ba'i phyir ro/ /phyi rol lta bur kun du 'phro ba zhes bya ba ni blo la snang ba zhes bya ba kho na'i khyad par yin te/phyi'i lta bur snang ba zhes bya ba'i don to/ /phyi rol lta bur 'phro ba'i rgyur yang rnam pa'i khyad par yongs su 'dzin pas zhes bya ba smos te/ phyi rol gyi don gyi kha dog dang dbyibs mi gsal ba'i rjes su byed pa'i phyir ro/ / gal te rnam par rtog pa can gyi blos bstan pa'i ngo bor blo la snang ba rnams kho na'i spyi yin na de ni ji ltar gzhan sel ba/ rang gi mtshan nyid rnams kyi rigs mi mthun pa las ldog pa de dag gi bdag nyid du gyur pa kho na spyi yin zhes brjod de/ 'di ltar gong nyid du cig shos dang ma 'brel pa ni/de las ldog pa can rnams kyi 'dra ba nyid yin no zhes ni bshad do zhe na grub pa'i mtha' smra bas/ de nyid ces bya ba la sogs pa smos te/ rnam par rtog pa can gyi blo la rnam par gzhag pa'i snang ba'i de nyid gzhan sel ba yin te/ gzhan las tha dad pa'i dngos po mthong ba'i sgo nas 'ongs pa'i phyir ro//de nyid dngos su sgra'i spyod yul yin gyi cig shos dang ma 'brel pa 'dra ba nyid du bshad pa gang yin pa de ni nye bar btags pas yin te/ rgyu mtshan 'di tsam kho nas gsal ba rnams la 'dra ba nyid nye bar btags so zhes bstan pa'i phyir ro//rnam par rtog pa can gyi blo de ni/ de kho na zhes bya ba'i blo la snang ba 'dzin pa na dngos po 'dzin pa lta bur snang ngo / /ci'i phyir zhe na rnam par rtog pa rnams ni rang bzhin gyis 'khrul pa'i phyir te/ rang gi ngo bo kho nas rang snang ba la don med kyang /don du 'dzin par 'khrul pa'i phyir ro/ /rnam par rtog pa can gyi blo de ni lhag par zhen pa'i dbang gis de las gzhan pa las tha dad pa'i dngos po rang gi mtshan nyid rnams kho na las skye ba na 'bras bu'i sgo nas tha dad pa'i yul can no zhes bya bar shes kyi dngos po'i rang gi ngo bo yul du byed pa'i phyir ni ma yin no//gzhan gyis bsam pa ma rig nas phyi rol pa rnams zhes bya ba la sogs pa smras so/ /spyi las phyi rol pa rnams ni rang gi mtshan nyid rnams zhes bya ba'i don te/ de ltar na nang gi dang phyi rol pa rnams bsdu ba byas par 'gyur ro//tha dad pa ni phan tshun mtshan nyid mi mthun pa'o/ /de dag las ni rnam par rtog pa mi 'jug pa yin nam zhes bya ba ni rang gi mtshan nyid rnams la ste/ ji ltar de dag la rnam par rtog pa can gyi blo skye zhe na/ 'chad par byed pa rnams zhes bya ba la sogs pas lan 'debs te/dngos po ji ltar gnas pa bzhin rnam par 'jog pa de rnams ni rnam par rtog pa'i blo las snang ba yang gzhan yin la rang gi mtshan nyid kyang gzhan yin no zhes de ltar rnam par 'byed par byed do/ /tha snyad 'dogs par byed pa rnams ni de ltar rnam par 'byed par byed pa ma yin te/tha snyad 'dogs par byed pa de dag ni rang gi dmigs pa kho na zhes bya ba rnam par rtog pa can gyi blo la snang ba kho na'o/ /snang ba ni rang gi mtshan nyid do/ /rnam par brtags par bya ba'i don ni spyi snang ba ste/ de dag gcig tu byas nas rang gi mtshan nyid kho na rnam par rtog pa can gyi blo yul du byed cing sgras kyang brjod do zhes de ltar mos par byas nas don bya ba byed pa'i don la 'jug go//tha snyad 'dogs par byed pa de dag gi bsam pa'i dbang gis tha dad pa'i dngos po rnams la rnam par rtog pa'i blo skye ba na zhes de skad ces brjod do//de bzhin du zhes bya ba la sogs pa la de bzhin du zhes bya ba ni bsdu ba ste/ de dag gi bsam pa'i dbang gis rang gi mtshan nyid rnams la rnam par rtog pa can gyi skye ba na zhes brjod pa 'ba' zhig tu ma zad kyi de bzhin du smra ba po sgras de byed pa rgyur gyur pa nyid kyis byed pa ma yin pa dag las ldog pa'i don rnams ston par byed do zhes kyang brjod do//gal te 'byed par byed pa rnams kyis kyang snang ba dang rnam par brtag par bya ba'i don dag gcig pa nyid do zhes bya bar ci ste rtog par mi 'gyur zhe na/ de kho na nyid sems par byed pa rnams ni zhes bya ba la sogs pa smos te/de kho na nyid sems pa ni rigs pa'i rjes su 'brang ba'i 'chad par byed pa rnams so/ /snang ba tha dad pa la sogs pa'i sgo nas zhes bya ba ni snang ba ni gsal bar snang gi rnam par brtag par bya ba ni ma yin te rnam par rtog pa dang 'brel pa la bsal ba nyid mi rung ba'i phyir ro//sogs pa zhes bya ba'i sgras ni snang ba 'gags kyang rnam par brtag par bya ba mi 'gag pa dang / don bya ba byed pa dang mi byed pa bsdu ste snang ba dang rnam par brtag par bya ba dag tha dad pa med par mi sems so zhes bya bar rnal ma dang sbyar ro/ / klan ka pas gal te zhes bya ba la sogs pa smras te/ phyi rol gyi rnams la spyi rnam par gzhag pa'i phyir rtogs pa po'i bsam pa'i rjes su byed na/ de'i tshe gzhan sel ba yang spyi yin par mi 'gyur ro/ /ci'i phyir zhe na/ de ltar zhes bya ba la sogs pa smras te/ tha snyad 'dogs par byed pa rnams la sgras gzhan sel ba brjod do zhes bya ba de ltar rtogs pa ni med do zhe na/slob dpon gyis kyang nyes pa mtshungs pa nyid du bstan pa'i phyir de ltar zhes bya ba la sogs pa smos te/ de ltar mi rtogs pa zhes bya ba ni gzhan sel ba'i ngo bor ro/ / khyod kyis kyang spyi ji ltar gsal ba las tha dad pa la sogs pa'i rnam par 'dod pa de ltar yang mi rtogs pa nyid do/ /bye brag pa rnams kyi ltar na ni spyi rten las tha dad pa yin no/ /grangs can pa rnams kyi ltar na ni tha mi dad pa yin no/ /sogs pa zhes bya ba'i sgras ni re re la yongs su rdzogs pa nyid la sogs pa bsdu'o//gal te spyi dngos por gyur pa dang gzhan sel ba gnyi ga rtogs pa med par mtshungs na ci'i phyir tha snyad la gzhan sel ba kho nar brjod ce na/ blo rnam pa tha mi dad pa can zhes bya ba la sogs pa smos te/ rang gi mtshan nyid rnams kyi rigs mi mthun pa dang bral ba nyid gzhan sel ba yin pas de blo rnam pa tha mi dad pa can gyi rgyu mtshan nyid du brjod pa 'ba' zhig tu zad do/ /ci'i phyir zhe na/ rigs mi mthun pa dang bral ba'i mtshan nyid kyi gzhan sel ba de ni dngos po tha dad pa thams cad la yang yod pa'i phyir dang /gzhan sel ba de lta bu spyi'i blo'i rgyud nyid du 'gal ba med pa'i yang phyir te 'di ltar ji ltar shing gcig shing ma yin pa las log par mthong ba ltar gzhan yang de dang 'dra bas de'i phyir de la blo rnam pa gcig pa can skye la 'di la ni gnod pa can gyi tshad ma yang med do//gtan tshigs gsum pa sgra'i rten can gyi tha snyad kyang zhes bya ba la sogs pa smos te/ de ltar snang ba'i phyir ro zhes bya ba ni gzhan sel ba'i rgyu can nyid du snang ba'i phyir te/ 'di ni de las gzhan pa yongs su spangs nas/ 'jug 'gyur zhes kyang sgra brjod de zhes bya ba la sogs pa ston par 'gyur ro//'di zhes bya ba ni rnam par rtog pa can gyi blo'o/ /ji ltar zhe na bya ba ni rnam pa gcig pa can du snang ba ltar te/ de ltar phyi rol gyi spyi de med do zhes bya bar tshig khong nas drang ngo / /de bas na rnam par rtog pa can gyi mthong ba'i rten spyi dngos por gyur pa ni med do snyam du bsams pa yin no//spyi med pa'i gtan tshigs su 'di ltar zhes bya ba la sogs pa smos te/ gsal ba rang gi mtshan nyid rnams ni rjes su mi 'gro zhing 'dre bar mi 'gyur te 'dis ni spyi tha mi dad par khas len pa gsal to/ / tha dad pa gsal ba'i phyir rjes 'gro gzhan ni zhes bya ba la sogs pa smos te/ spyi'i ngo bo rjes su 'gro bar 'dod pa gang yin pa khyad par dag las gzhan pa de na mngon sum gyi blo la snang ba med do/ /rjes su 'gro ba ma yin zhes bya ba ni 'dre ba ma yin te/ gal te phan tshun rjes su 'gro ba zhig tu gyur na ni de'i tshe ngo bo gcig tu gyur pas tha dad pa med do//rgyu des na spyi nyid med par thal bar 'gyur ba'i phyir te/ khyad par mtshungs pa rnams kyi shes pa rnam pa gcig pa can gyi rgyu nyid kyi chos ni spyi yin na de ni khyad par med na med par 'gyur ro zhes bya ba'i tha tshig go//de rnams las zhes bya ba ni gsal ba rnams las so/ /gzhan zhes bya ba 'di'i 'grel pa ni tha dad pa zhes bya ba yin no/ /de lta bu'i blo la zhes bya ba ni mngon sum gyi blo la'o/ /'di skad du nyams su myong ba'i 'og rol gyi dus su 'byung ba rnam par rtog pa can gyi blo la 'khrul pa'i dbang gis rnam pa gcig tu snang ba rjes su 'gro mod kyi 'on kyang de tshad ma ma yin pa'i phyir de'i dbang gis dngos po rnam par mi gzhag ste/rnam par rtog pa tshad mar gyur pa ma yin pas dngos po rnam par gzhag na ha cang thal bar 'gyur ro zhes bshad pa yin no//'di ni spyi dmigs pa'i mtshan nyid kyir gyur pa med pa'i tha snyad bsgrub par bya ba la rang bzhin mi dmigs pa bshad pa yin no/ /spyi mi dmigs pa'i mtshan nyid kyir gyur pa ma yin pa ni khas blang du yang mi rung ste 'di ltar spyi mi snang na ji ltar bdag nyid du/ spyi'i rang gi ngo bor gzhan zhes bya ba spyi dang ldan pa 'dzin pa'am ji ltar rang gi ngo bor gzhan tha snyad 'dogs par byed pa zhes bya bar skabs dang sbyar ro//bsdus pa'i don ni spyi'i stobs kyis gsal ba rnams la shes pa dang / brjod pa 'jug par 'dod de/ de lta bas na spyi ni dmigs pa'i mtshan nyid kyir gyur pa kho nar 'dod do zhes bya ba yin no//de ltar na re zhig gzung ba'i mtshan nyid du gyur pa mi dmigs pa'i phyir du ma dang 'brel pa can gcig ni med do/ /du ma dang 'brel pa can gcig cig yod du chug na 'on kyang spyi'i ngo bo nyid du rigs pa ma yin pas de dag dang 'brel pa zhes bya ba la sogs pa smos te/de dag dang zhes bya ba ni gsal ba'i khyad par dang ngo / /bshad zin to zhes bya ba ni gnyis nyid la sogs pa dang 'bras bu'i rdzas dag kyang spyi'i ngo bo nyid du 'gyur ro zhes bshad zin pa'i phyir ro/ /gal te gcig cig du ma dang 'brel ces te de'i phyir spyi yin pa ni ma yin no//'on kyang tha mi dad pa'i brjod pa dang blo'i rgyu mtshan du gyur pa gcig spyi yin gyi/ gnyis nyid la sogs pa thams cad ni ma yin no/ /de ni sgra dang shes pa ji skad bshad pa'i rgyu mtshan ma yin pa'i phyir ro zhe na/ji ltar gzhan gyi sgo nas spyi'i sgo nas gzhan la gsal ba'i khyad par spyi'i ngo bo nyid gcig par ma byas pa la shes pa 'jug cing shes pa rnam pa gcig pa can 'jug /gzhan gyis de dang 'brel pa'i phyir ro zhes bya ba la sogs pa smras te/ gsal ba de dag dang 'brel pa'i phyir gzhan spyi'i sgo nas kyang gzhan la shes pa 'jug go zhe na/slob dpon gyis grangs dang zhes bya ba la sogs pa smos te/ 'di ni yod pa'i mtshan nyid kyi bdun pa yin no/ /bsdus pa'i don ni grangs yod pa dang / 'bras bu'i rdzas yan lag can la sogs pa yod pa dang sogs pa zhes bya ba'i sgras ldan pa la sogs pa zhig yod na yang /spyir 'gyur ro zhes bya ba yin no/ /gal te grangs la sogs pa ni spyi'i bdag nyid ma yin pa'i phyir de'i stobs kyi rdzas la shes pa rnam pa gcig pa can mi 'jug go zhe na/ spyi'i bdag nyid 'di gang yin zhes de nyid spyod pa ma yin nam zhes bya ba smos te/grangs la sogs pa la ma gtogs pa'i spyi'i mtshan nyid nyid mi shes pa'i phyir 'di ni rigs pa ma yin no/ /zhes bya ba'i tha tshig go/ /de nyid de la 'brel pa zhes bya ba la sogs pas ston te spyi'i bdag nyid 'di gang yin zhes dris pa de la khyod kyis gcig cig du ma dang 'brel pa yod na gsal ba rnams la tha mi dad pa'i shes pa 'jug ste des na zhes bya ba shes pa 'jug pa'i rgyus na du ma dang 'brel pa gcig ni spyi yin no zhes/spyi'i mtshan nyid smras pa spyi'i mtshan nyid de la kho bos bshad pa 'bras bu'i rdzas la sogs pa gang dag la du ma dang 'brel pa yod pa ste/sogs pa zhes bya ba'i sgras ni gnyis nyid la sogs pa bsdu'o/ /de dag las kyang de dag gi rten gyi rdzas rnams la shes pa rnam pa gcig pa can 'jug par 'gyur ro/ /ci'i phyir zhe na rgyu mtshan srid pa'i phyir te/ 'di ltar spyi du ma dang 'brel pa kho na las gcig tu shes pa skye bar 'dod na/ gcig tu shes pa'i rgyu mtshan du ma dang 'brel pa nyid ni 'bras bu 'bras bu la sogs pa la yang yod do/ /gcig tu shes pa 'jug pa de'i phyir grangs la sogs pa yang spyi'i bdag nyid yin no/ /de lta ma yin na zhes bya ba ni gal te spyi'i mtshan nyid ji skad bshad pa dang ldan yang grangs la sogs pa la spyi'i bdag nyid du mi 'dod na gzhan spyir 'dod pa la yang mi 'gyur te/ci'i phyir zhe na/ khyad par med pa'i phyir ro/ /de ltar rdzas la sogs pa yang spyi'i nyid du gyur na ni rdzas dang yon tan la sogs pa'i ngo bo 'chol ba yin no//blo'i snang ba kho na zhes bya ba ni rnam par rtog pa can gyi blo la rnam pa gcig tu snang ba ste/ da ni shes pa'i ngo bo yin pa'i phyir/ shes pa bzhin du yod pa nyid pas spyi yin no zhe na zhes bya bar sbyar ro/ /de ni ma yin te zhes bya ba la sogs pas ni 'gog par byed de/spyi shes pa'i ngo bor 'dod pa gang yin pa shes pa'i rang gi mtshan nyid bzhin du/ shes pa dang tha dad pa ma yin pa ste/ ji ltar don gzhan phyi rol gyi la 'brang bar 'gyur te/ de dag gi spyi ma yin no zhes bya ba'i tha tshig go/ /de nyid shes pa'i ngo bo zhes bya ba la sogs pas ston te/shes pa'i ngo bo de ni don de rnams la med pa'i phyir ro/ /gal te shes pa'i ngo bo gsal ba rnams kyi rjes su mi 'gro ba ni bden na 'on kyang blo'i snang ba de la de'i ngo bor zhen pa'i phyir/ phyi rol gyi dngos por sgro btags pa'i phyir de ltar 'khrul pas zhes bya ba 'di ni dngos po rnams kyi mtshungs pa'i ngo bo yin no zhes 'khrul pas spyir tha snyad 'dogs so zhe na/'di ni grub pa'i mtha' smra bas yang 'don pa kho na yin na/ bstan bcos mdzad pa ni gsal ba rang bzhin gyi 'bras bu gcig pa can de'i 'bras bu can ma yin pa las log pa rnams blo de lta bu'i rgyu mtshan nyid yin pas blo de gzhan sel ba'i rten can du bzhed la/gzhan ni rgyu mtshan de lta bu mi 'dod pa 'ba' zhig tu zad do/ /de nyid kyi phyir grub pa'i mtha' smra bas rgyu mtshan kho na dri bar de la zhes bya ba la sogs pa smos te/ gsal ba'i khyad par spyi dngos por gyur pa'i chos dang bral ba de la'o//gsal ba'i rang bzhin gyi rigs mi mthun pa la sogs pa rnams 'bras bu gcig pa can nyid du mi 'dod na de ltar shes pa skye ba'i mtshungs so zhes bya ba de ltar shes pa skye ba'i rgyu gang zhig yin/ cung zad kyang med pa nyid de 'di ltar gzhan khyad par rigs mi mthun pa las log pa rnams ni shes pa gcig gi rgyu nyid du mi 'dod la spyi dngos por gyur pa yang med do/ /rten med par zhes bya ba ni spyir shes pa rgyu mtshan med par skye na ni thams cad la 'gyur ro zhes bya ba shing dag la yang ba lang ngo snyam pa'i shes pa rnam pa gcig pa can 'byung bar 'gyur ro//shes dang tha dad ma yin pa/ /zhes bya ba la sogs pa'i don gzhan rnam pa gcig tu na zhes bya ba la sogs pa smos te/ sngar ni don gzhan zhes bya ba'i sgras phyi rol gyi yin par bshad do/ /da ni shes pa gzhin yin par bstan te/de nyid kyi phyir ji ltar shes pa gzhan zhes bya ba la sogs pa smos so/ /shes pa khyad par ji lta bu can zhig ce na/ gsal ba gzhan la 'byung ba'i ste ba lang gi gsal ba gcig la rnam par rtog pa can gyi shes pa skyes pa gang yin pa de las gzhan pa ba lang gi gsal ba gzhan la rnam par rtog pa can gyi shes pa skyes pa'i zhes bya ba'i don to//'di ltar shes pa'i khyad par du ma la khyab pa'i phyir ram phyi rol gyi gsal ba la khyab pa'i phyir spyi yin pa zhig tu 'gyur grang na shes pa'i snang ba la ni gnyi ga yang med do/ /de nyid de'i phyir zhes bya ba la sogs pas ston te gsal ba gzhan zhes bya ba ni phyi rol gyi'o//de ltas zhes bya ba la sogs pas ni mjug sdud do/ /de nyid don rnams ni zhes bya ba la sogs pas 'chad de/ bdag nyid gang gis kyang zhes bya ba ni spyi'i ngo bos so / de rnams la de ltar 'dzin pa zhes bya ba ni don rnams la mtshungs pa'o zhes bya bar 'dzin pa'o//grub pa'i mtha' smra bas kyang rnam par rtog pa 'di'i rgyu brjod dgos te/ rten med par skye na ni thams cad la thal bar 'gyur ro zhe na/ ming don gang ldan zhes bya ba la sogs pa smos so/ /ming ni brdar byed pa'o//de don gang dang ldan pa ste gang la rtogs par bya ba nyid kyi don 'bras bu phan tshun tha dad pa gang yin pa yod pa ni zhes bya ba yin pa'i phyir/ ming brdar byed pa'o/ /don gang dang ldan pa ni 'bras bu phan tshun tha dad pa gang zhig rtog pa dang ldan pa ste/ phan tshun du tha dad pa dngos po rnams kyi rigs mi mthun pa la ldog pa'i mtshan nyid de lta bu de ni nor ba'i rnam par rtog pa 'di'i yang sa bon yin no//bsgrub par bya ba zhes bya ba la sogs pas ni 'chad de/ de'i bsgrub par bya ba can ma yin pa dag las zhes bya ba de'i 'bras bu can ma yin pa dag las bsgrub par bya ba tha dad pa can bsgrub par bya ba so so ba can gyi dngos po rnams tha dad par shes par bya ste/de dag yongs su spangs nas/ de'i 'bras bu can dag la 'jug par 'gyur ba'i phyir brdar byed de/ phan tshun tha dad pa gang zhig shes par bya ba'i phyir brdar byed pa yin no/ /phan tshun tha dad pa'i ji skad du bshad pa/de ni log pa'i rnam par rtog pa gcig gi bdag nyid du snang ba can rnam pa gcig pa can de'i sa bon yin te/ rgyu yin no/ /rnam par rtog pa 'di ni zhes bya ba ni spyi'i rnam pa can gyi rnam par rtog pa'o de kho na 'dzin pa na zhes bya ba ni khyad par te/ 'di yang lhag par zhen pa'i dbang gis brjod kyi rnam par rtog pa la dngos po 'dzin pa ni med do//rang gi bag chags kyi rang bzhin las zhes bya ba ni rnam par rtog pa'i bag chags kyi ngo bo nyid las te/ de ltar zhes bya ba rnam pa gcig pa can nyid du snang ngo / /yang ji ltar na 'bras bu gcig byed pa nyid gang gis na de ma yin pa dag las de'i 'bras bu can ma yin pa dag las log pa'i rgyus gsal ba rnams tha mi dad pa zhes brjod pa tha dad pa rang gi mtshan nyid rnams kyi 'bras bu tha mi dad pa rnam par rtog pa'i bdag nyid rnam pa gcig pa can yin te/cig shos dang ma 'brel pa ni de las ldog pa can rnams kyi 'dra ba nyid yin no zhes smos pa'i phyir ro zhe na/dngos po rnams kyi rang bzhin zhes bya ba la sogs pas lan 'debs te rang bzhin ni ngo bo nyid do/ /gcig rtogs pa ni rnam pa gcig tu mngon par shes pa'o/ /don shes pa ni nyams su myong ba'i shes pa ste/gcig rtogs pa dang don shes pa zhes zlas dbye ba yin no/ /sngar smos pa'i mtshan nyid ma nges pa'i phyir don shes pa'i zhes bya ba'i sgras ches nyung ba nyid yin yang sngar smos pa ma byas so/ /gang la de dag la sogs pa yod pa zhes tshig rnam par sbyar te/sogs pa zhes bya ba'i sgras ni me dang khyim la sogs pa'i bya ba bsdu'o/ /gcig rtogs pa don shes pa la sogs pa nyid don gcig yin pas zhes las 'dzin pa yin no/ /de bsgrub cing grub par bya ba la kha cig ni tha dad pa yin yang / sna tshogs pa nyid yin yang rang bzhin gyis ngo bo nyid kyis nges te dbang po la sogs pa bzhin/de la gcig rtogs pa'i don gcig bsgrub pa la nges pa zhes bya ba 'di ni dngos nyid du nye bar bkod pa yin no/ /don shes pa la sogs pa don gcig bsgrub pa la nges pa zhes bya ba 'di ni dpe nyid du nye bar bkod pa yin te/gnyi ga la grub pa'i phyir ro/ /de nyid kyi phyir dpe nyid dang por rnam par dbye ste/ ji ltar dbang po dang zhes bya ba la sogs pa la ji ltar dbang po dang yul dang snang ba dang yid la byed pa rnams kyis gzugs kyi rnam par shes pa gcig skyed par byed do zhes bya bar sbyar te/ 'di ni dngos po'i stobs kyis grub pa'i dper brjod pa yin no//bdag dang zhes bya ba la sogs pa ni gzhan gyi grub pa'i mtha' la brten nas te/ yid ni brtag pa yul phra mo la gnas pa yin no/ /de rnams phrad pa zhes bya ba ni bdag dang dbang po dang don rnams phrad pa ste bdag ni yid dang sbyar ro//yid ni dbang po dang ngo / /dbang po ni don dang ngo zhes 'byung ba'i phyir ro/ /bdag dang dbang po dang yid dang don rnams dang phrad pa zhes zlas dbye ba yin te/ bdag dang dbang po dang yid dang don bdag nyid ji lta ba bzhin du phrad pa grogs byed pa can rnams ni rnam par shes pa bskyed do zhes khas len to//de'i ngo bor nges pa'i spyi med kyang zhes bya ba ni 'bras bu gcig pa can nyid du nges pa ste/ gzhan mig la sogs pa mig gi rnam par shes pa la sogs pa skyed par byed pa nyid ces bya ba spyi ni mi 'dod do/ /da ni dngos nyid du nye bar bkod pa de ston to/ / shing sha pa la sogs pa zhes bya ba ni shing sha pa dang / seng ldeng dang n+ya gro d+ha la sogs pa'o/ /phan tshun rjes su mi 'gro yang / /zhes bya ba ni shing du gcig pa nyid kyis spyi med par yang ngo / /shing sha pa la sogs pa ni shing zhes rnam pa gcig tu mngon par shes pa skyed par byed pa'am/ mngon par shes pa la gzhan me dang khyim la sogs pa shing gis bsgrub par bya ba'i don bya ba bskyed do zhes bya bar skabs dang sbyar ro/ /sogs pa zhes bya ba'i sgras ni shing rta la sogs pa'i bya ba yongs su bsdu'o/ /rkyen ji lta ba bzhin du zhes bya ba ni re zhig gang gi tshe/ me'i lhan cig byed pa'i rkyen dang phrad pa de'i tshe ni me skyed par byed la/khyim dang mthun pa'i rkyen dang phrad pa'i tshe ni khyim skyed par byed do/ /tha dad par khyad par med kyang chu la sogs pa ni shing gis bsgrub par bya ba'i don byed par nus pa ma yin te/ de dag ni rang bzhin gyis 'bras bu de dag dang ldan pa ma yin pa'i phyir ro//'dir yang dper na gzugs la sogs pa'i rnam par shes pa la rna ba la sogs pa lta bu'o zhes bya ba smos te/ dper na rna ba dang sgra la sogs pas gzugs kyi rnam par shes pa bskyed par mi nus pa lta bu'o/ /sogs pa zhes bya ba'i sgras ni ro la sogs pa la rnam par shes pa bsdu'o//dper na rims la sogs pa zhi bar bya ba la sogs pa'i don gcig la sman dag mthong ba lta bu ste/ lhan cig pa zhes bya ba ni gsal ba gzhan dang lhan cig pa'o/ /so so yis zhes bya ba ni re re'i ngo bos so/ /'am zhes bya ba'i sgra ni dpe snga ma la ltos nas bsdu ba'i don yin no//gzhan gyis ma yin pa ni zho dang ga gon la sogs pa'i gsal ba rnams kyis so/ /yang na dper na zhes bya ba la sogs pas ni 'chad par byed de rims la sogs pa zhi bar bya ba la sogs pa de la sman nyid ces bya ba'i spyi la ltos pa ni med do/ /ci'i phyir zhe na/ tha dad kyang de'i rang bzhin yin pa'i phyir te/rims la sogs pa'i 'bras bu zhi bar byed pa la sogs pa'i ngo bo nyid yin pa'i phyir ro/ /gal te tha dad pa rnams la spyi zhig yod na ni spyi la ltos par 'gyur ro/ /der khyad par med kyang zhes bya ba ni tha dad par khyad par med kyang ngo / /zho dang ga gon la sogs pa zhes bya ba ni zhor ma ded pa ni zho nyid ma langs pa'o//gzhan dag na re zho dang ga gon zhes zlas dbye ba yin no zhes zer ro/ /de lta bu zhes bya ba ni 'bras bu gcig byed pa'o/ /de dag las zhes bya ba sle tres la sogs pa gsal ba rnams la'o//spyi de kho na las rims zhi ba la sogs pa'i mtshan nyid kyi 'bras bu gcig pa der 'gyur te/ des na dpe ma grub po snyam du bsams pa yin no/ /grub pa'i mtha' smra bas de ni rigs pa ma yin te zhes bya ba smos te spyi khyad par med phyir zhes bya ba spyi ni gcig pa'i phyir dang rtag pa'i phyir khyad par med do//'bras bu de byed par zhes bya ba ni rims zhi ba la sogs pa'i 'bras bu byed pa'o/ /gzhan du ni spyi la khyad par med pa'i sle tres la sogs pa gsal ba de dag gi zhing la sogs pa tha dad kyang rims zhi ba la sogs pa'i 'bras bu de yang / khyad par med par thal 'gyur phyir te/gcig pa nyid du 'gyur ba'i phyir ro/ /zhi ba myur ba dang bul ba zhes bya ba la sogs pa ni zhing khyad par can las 'khrungs pa rnams kyis ni zhi ba myur ro/ /bzlog pa rnams kyis ni zhi ba bul lo/ /sogs pa zhes bya ba'i sgras ni ches myur ba dang ches bul ba la sogs pa bsdu'o//zhing dang legs par bya ba la sogs pas tha dad pa'i sle tres la sogs pa nye bar sbyar ba las lus nad med pa la sogs pa'i mtshan nyid kyi yon tan mchog dang ches mchog tu yang mi 'gyur te/ spyi gcig pa'i phyir ro/ /'on te zhing la sogs pa tha dad pas/ spyi la khyad par yod par 'dod na ni de'i tshe spyi la khyad par yod par 'dod na ngo bo nyid tha dad par 'gyur te/tha dad pa'i mtshan nyid ni khyad par yin pa'i phyir ro/ /des na rang gi ngo bo nyams pa yin te/ spyi'i ngo bo gcig pa nyid nyams par 'gyur ro/ /spyi brten pa'i rgyu'i 'bras bu la phan 'dogs pa med pa'i phyir yang spyi 'bras bu mi byed do zhes bya bar sbyar ro//gal te spyi phan 'dogs par byed na ni de'i tshe rtag pa nyid kyis lhan cig byed pa rnams kyis bogs dbyung du med pa ni gzhan la mi ltos pa'i phyir lhan cig byed pa la mi ltos pa spyi des rang gi 'bras bu thams cad cig car bskyed par 'gyur ro//'on te mi skyed na ni de'i tshe de skyed pa'i rang bzhin ma yin te/ de mi skyed pa'i gnas skabs dang khyad par med pa'i phyir 'bras bu'i dus na yang bskyed par mi 'gyur ro zhes bya ba'i tha tshig go/ /gsal ba mi rtag pa rnams 'bras bu byed pa nyid la ni nyes pa 'di med pas gsal ba zhes bya ba la sogs pa smos te/legs par bya ba ni 'o mas bcu ba la sogs pa'o/ /gang dag la khyad par 'byung ba yod pa de dag la de skad ces bya'o/ /'di la khyad par yod pas na/ 'bras bu khyad par can te rims zhi ba la sogs pa'i mtshan nyid do/ /de bzhin du zhes bya bas ni dngos nye bar dgod de/don kha cig kyang zhes bya ba ni rigs mthun pa dag go/ /gcig tu mngon par shes pa la sogs pa zhes bya ba la sogs pa zhes bya ba'i sgras ni gcig ces bya ba'i sgra dang chu bcu ba la sogs pa bsdu'o/ /de mi byed pa can dag las zhes bya ba ni mngon par shes pa la sogs pa mi byed pa can dag las tha dad pa'i phyir/tha mi dad pa zhes bya ba'i spyi gcig dang ldan pa'i phyir ni ma yin no/ /'bras bu'i sgo nas tha mi dad par bstan nas/ rgyu'i sgo nas bstan pa'i phyir/ gcig gis zhes bya ba la sogs pa smos te/ dper na rtsol ba gcig gis bum pa'i khyad par rnams lta bu'o//des bskyed par bya ba ma yin pa dag las zhes bya ba ni bstsal bas bskyed par bya ba ma yin pa dag las tha dad pa zhes bya'o/ /bum pa re re zhing rtsol ba tha dad mod kyi 'on kyang gcig tu mngon par shes pa'i rgyu nyid kyis de yang gcig pa nyid yin te 'di ni 'og nas gtan la 'bebs par 'gyur ro//gzhan gyis yang ci zhes bya ba la sogs pa smras te/ gang la mtshan nyid tha dad cing ldog pa yod pa'i spyi de de'i 'bras bu can ma yin pa dag dang de'i rgyu can ma yin pa dag las log pa rang gi mtshan nyid dang mtshungs so zhes bya bar shes par bya'am/'on te gzhan kho na dang yin zhe na zhes bya ba mtshan nyid tha dad pa can gyi spyi de rang gi mtshan nyid las gzhan pa rnam par rtog pa'i blo la snang ba'i ngo bo don bya ba mi byed pa'i dang mtshungs so zhes bya bar shes par bya zhe na/ de bas na rjes su byed pa rnams kyis/ blo'i snang ba la blo'i snang ba'i dngos po rnam pa'i khyad par yongs su 'dzin pas phyi rol lta bur kun du 'phro ba de dag kho na'i spyi yin par brjod do zhes bya ba bshad pa'i phyir the tshom za bar mi 'thad pa nyid ma yin nam zhe na/bden mod kyi 'on kyang nyes pa gzhan brjod pa'i phyir nye bar bkod do/ / nyes pa'i dmigs shes par bya ba'i phyir de las cir 'gyur zhes bya ba smos so/ /cig shos kyis gal te zhes bya ba la sogs pas dris pa'i bsam pa smras te/ gal te rang gi mtshan nyid dang shes par bya ba yin na ni/ ji ltar rnam par rtog pa'i yul yin 'di ltar de la bsam pa'i dbang gis na/spyi yod par ni rab tu bsgrags zhes smos pa'i phyir rnam par rtog pa can gyi blo'i bsam pa'i dbang gis mtshan nyid tha dad pa can gye spyi rnam par 'jog ste/ gal te spyi de lta bu rang gi mtshan nyid mtshungs par shes par bya na ni/ de'i tshe rnam par rtog pa'i yul du 'gyur ba zhig na de yang rigs pa ma yin no//'on te blo la snang ba'i ngo bo gzhan kho na dang mtshungs so zhes bya bar shes par bya ba yin no zhe na/ 'di la yang skyon yang na ni zhes bya ba la sogs pa smras te/ yang na ni gzhan gyis ji ltar don byed do blo la snang ba'i ngo bo ni don byed par mi srid do/ /de bas na de mi byed pa can dag las tha dad pa'i phyir tha mi dad pa zhes bya'o zhes 'bras bu'i sgo nas spyi rnam par gzhag pa mi rung ngo //gang gi phyir spyi blo la snang ba'i ngo bo yin pa de'i phyir rang gi mtshan nyid la yang spyi mi rtag pa nyid la sogs pa mi rtog pa'i phyir de ngo bo ma yin te/ rang gi mtshan nyid mi rtag pa las sogs pa'i ngo bo nyid du mi 'gyur la rang gi mtshan nyid la mi rtag pa nyid la sogs pa mi 'jug pa'i phyir mi rtag pa nyid la sogs pa de dag kyang dngos po'i chos nyid ma yin no zhe na/de ni nyes pa med do zhes bya ba la sogs pas len 'debs te/ blo la snang ba'i ngo bo kho na la spyi la sogs pa'i tha snyad 'dogs so zhes bya ba'i phyogs 'di gzung ba yin no//de nyid shes pa la snang ba zhes bya ba la sogs pas ston te/ 'di ni mdor gzhag pa'i tshig yin no/ /'di nyid kyi rnam par bshad pa ni dngos po'i zhes bya ba la sogs pa yin te/ rnam par rtog pa'i zhes bya ba ni shes pa skye ba gang yin pa 'di ni zhes bya ba 'di dang sbyar ro//de'i yul can ma yin yang dngos po'i rang gi ngo bo'i yul can ma yin yang / de'i yul can lta bu ste rang gi mtshan nyid kyi yul can lta bu'o/ /gang la rang gi ngo bor de'i ngo bor lhag par zhen cing phyi rol gyi dngos por sgo btags pa yod pa de la de skad ces bya ste gang gi phyir de'i dngos por lhag par zhen pa can yin pa de'i phyir rang gi mtshan nyid kyi yul can lta bu yin no snyam du bsams pa yin no//gal te de'i dngos por lhag par zhen pa'i rang gi ngo bo nyid ji ltar yin zhe na/ de nyams su myong bas gzhag pa'i bag chags las skye ba'i rang bzhin yin pa'i phyir zhes bya ba smos te/rang gi mtshan nyid de nyams su myong ba gang yin pa des gzhag pa'i bag chags de las skye zhing 'byung ba de'i rang bzhin ngo bo nyid ni gang gis na dngos po'i rang gi ngo bor lhag par zhen par 'gyur ba yin no zhes bya ba'i don to/ /bum pa la sogs pa 'bras bu tha mi dad pa'i dngos po rnam pa gcig pa mngon par shes pa'i rgyu gang dag yin pa de dag las brgyud de skye ba'i phyir don tha mi dad pa 'dzin pa lta bu yin kyi/spyi tha dad pa'am tha mi dad pa yin pa yang rung rngu bar bya ba'i dngos por gyur pa gang yin pa de ni cung zad kyang med do/ /don dam par ni de las gzhan pa las tha dad pa dang rnam pa mtshungs pa can yin te/rigs mthun par 'dod pa de las gzhan pa ni de las gzhan pa ste rigs mi mthun pa'o/ /gang la don dam par de las tha dad pa kho na dang rnam pa mtshungs pa yod pa zhes tshig rnam par sbyar te/ brgyud pas de kho na las skye ba'i phyir dang /de'i mthar thug pa yin pa'i phyir/ de'i rnam pa de las gzhan pa las tha dad pa dang mtshungs pa zhes bya'o/ /de la zhes bya ba ni bshad ma thag pa'i shes pa la'o/ /phyi rol lta bu zhes bya ba ni gsal ba thams cad kyi rjes su song ba lta bu'o/ /de byed pa lta bur zhes bya ba ni don bya ba byed pa lta bur ro//yang gal te ci ste de dag ltar snang zhe na/ tha snyad 'dogs pa rnams zhes bya ba la sogs pa smos te/ de ltar lhag par zhen nas zhes bya ba ni tha snyad 'dogs pa rnams rnam par rtog pa'i cha kho na la phyi rol nyid dang / gcig pa nyid dang / don bya ba byed pa nyid du lhag par zhen nas 'jug pa'i phyir ro//gzhan du na zhes bya ba ni gal te rnam par rtog pa'i cha la phyi rol du lhag par zhen pa zhig tu ma gyur na de'i tshe rnam par rtog pa de lta bu skyes kyang don bya ba byed pa la 'jug par mi 'gyur ro/ /de ni zhes bya ba ni rnam par rtog pa'i gzugs brnyan te/tha snyad 'dogs par byed pa'i skyes bu'i lhag pa'i dbang gis don bya ba byed pa nyid du snang bas de'i phyir de mi byed pa dag las tha dad pa lta bu yin no/ /gal te rnam par rtog pa'i gzugs brnyan kho na ci'i phyir de kho na nyid ma yin zhe na/ de yang zhes bya ba la sogs pa smos te/rnam par rtog pa'i gzugs brnyan de ni de kho na yin zhing dngos po ma yin no/ /ci'i phyir zhe na/ don bya ba mi byed pa nyid kyis brtag cing dpyad pa'i yan lag ma yin pa'i phyir ro/ /don bya ba mi byed pa ni de kho na nyid ma yin te/ 'di ni 'og nyid nas bshad par bya'o/ /de la rang gi mtshan nyid kyi sgo nas 'ongs pa don gyi rnam pa rnam par rtog pa'i blo la snang ba gang dag yin pa rnam par rtog pa'i blo la gnas pa'i don de dag ni/mtshan nyid tha dad pa can gyi spyi de dang mtshungs so zhes bya bar 'dzin to/ /'ga' zhig las log par zhes bya ba ni rigs mi mthun pa las log par te/'di ltar rnam par rtog pa la snang ba'i shing gi khyad par rnams kyang / phyi rol la lhag par zhen pa'i ngo bo yin pa'i phyir/ shing ma yin pa rnams las log pa lta bur snang ste/ gzhan dag kyang de dang 'dra'o/ /rang gi mtshan nyid ni de dang mtshungs so zhes bya bar 'dzin pa ma yin te/ ci'i phyir zhe na/spyi snang ba'i rnam par rtog pa de la rang gi mtshan nyid mi snang ba'i phyir ro/ /de ltar na re zhig blo la snang ba'i don la spyi'i tha snyad 'dogs par bshad pa yin no/ /da ni gzhi mthun pa nyid kyi tha snyad gdags pa'i phyir de dag nyid ces bya ba la sogs pa smos te/ rnam par rtog pa la snang ba'i don de dag nyid 'ga' zhig las log pa lta bur 'dug pa na ste/dper na at+pa la ma yin pa las log pa at+pa la'i khyad par de dag nyid gzhan sngon po ma yin pa las kyang log pa ldan pa lta bur ldog pa gnyis dang ldan par yang snang la/ chos can gcig gi ngo bor tha mi dad par yang snang ngo //de bas na log pa gnyis dang ldan pa'i chos can gcig kho nar snang ba'i phyir gzhi mthun pa nyid yin no/ /blo la snang ba'i don rnams la spyi dang gzhi mthun pa'i tha snyad 'dogs pa bshad ma thag pa 'di yang nor ba'i don kho na la 'dogs pa yin no/ /ci'i phyir zhe na/ rnam par rtog pa'i rnam pa rnams bdag nyid kyis med kyang rnam par rtog pa can gyi blos de ltar rnam pa gcig dang ldan pa dang /ldog pa gnyis dang ldan pa'i chos can gcig gi ngo bor ston pa'i phyir te/ rnam pa gcig tu snang ba'i phyir spyi'i tha snyad 'dogs la/ ldog pa gnyis dang ldan pa'i chos can gcig gi ngo bor snang ba'i phyir/gzhi mthun pa'i tha snyad 'dogs so/ /gal te rnam par rtog pa 'di thams cad nor ba'i don kho na la yin na/ ci'i phyir byas pa nyid la sogs pa 'ongs pa mi rtag pa dang / bdag med pa la sogs pa'i rnam par rtog pa ni tshad ma yin la/ rtag pa la sogs pa'i rnam par rtog pa ni ma yin zhe na/'di thams cad ces bya ba la sogs pa smos te/ 'di zhes bya ba ni rtag pa la sogs pa'i rnam par rtog pa'o/ /thams cad bslad pa yin no zhes bya bar sbyar te/ bslad pa'i rnam par rtog pa'o/ /rang gi mtshan nyid dag kho na mthong ba gang yin pa des gzhag pa'i bag chags des byas pa yin te/rnam par rtog pa thams cad ni dngos po mthong ba'i sgo nas brgyud de 'ongs pa'i phyir ro/ /'di ltar rtag pa la sogs pa'i rnam par rtog pa yang dngos po mthong ba kho na las byung ba yin te/ 'dra ba gzhan 'byung ba la sogs pas 'khrul pa 'ba' zhig tu zad do//de la rnam par rtog pa thams cad dngos po mthong ba'i sgo nas 'ongs pa nyid du 'dra ba las de dang 'brel pa las skye ba mi rtag pa la sogs pa'i rnam par rtog pa rnams ni de snang ba nyid ma yin yang / rang gi mtshan nyid snang ba nyid ma yin yang mi rtag pa nyid la sogs pa'i ngo bo de dngos po la yod pa'i phyir dngos po la mi slu ste/mi rtag pa la sogs pa'i rnam par rtog pa ni rang gi mtshan nyid kyi ngo bor mi snang bas 'khrul pa zhes bya ba 'ba' zhig tu zad do/ /rang gi ngo bor ma bzung yang nor bu'i 'od la nor bur 'khrul pa slu ba lta bu ste nor bu'i 'od ni nor bu dang 'brel pa'i phyir la/'khrul ba ni 'od la brten nas skye ba'i phyir ro/ /rtag pa la sogs pa'i rnam par rtog pa ni de lta ma yin te/ de dag ni dngos po mthong ba'i sgo nas 'ongs pa nyid yin yang dngos po la med pa kho na'i rnam par sgro 'dogs pa'i phyir ro/ /de nyid gzhan dag ni ma yin te zhes bya ba la sogs pas ston te/gzhan rtag pa la sogs pa'i rnam par rtog pa ni dngos po la mi slu ba ma yin zhes bya ba de ltar sbyar ro/ /de khyad par las rab tu skye ba yin yang zhes bya ba'i don gyi khyad par las skye ba yin yang zhes bya ba'i don to/ /ji ltar mthong ba'i khyad par mi rtag pa nyid la sogs pa'i mtshan nyid gang yin pa de'i rjes su 'brang ba nges pa yongs su bor nas 'dra ba cung zad tsam gzung bas 'dra ba gzhan 'byung ba'i mtshan nyid kyi 'dra ba yongs su gzung bas khyad par gzhan sgro 'dogs pa'i phyir te brtan pa nyid la sogs par sgro 'dogs pa'i phyir mar me'i 'od la gsal bar 'dra ba'i sgo nas nor bu'i blo zhugs pa nor bu'i dngos po la bslu ba lta bu ste brgyud pas kyang mar me dang 'brel pa'i phyir ro//gang gi phyir rnam par rtog pa rnams log pa'i don kho na yin pa de'i phyir rnam par rtog pa'i don gyi yul rnams la don bya ba byed pa nyid med do/ / des na yang na ni gzhan gyis ji ltar don byed ces smras pa gang yin pa de yongs su spangs so/ /gal te 'o na ji ltar rnam par rtog pa'i don gyi yul la spyi'i de'i 'bras bu can ma yin pa rnam par gcod pa'i mtshan nyid can du rnam par gzhag ce na/ don bya ba byed pa lta bur snang ba'i phyir te/ de nyid kyi phyir de ni don bya ba byed pa nyid du snang ba'i phyir de mi byed pa dag las tha dad pa lta bu ste zhes bshad pa yin no//gang yang rang gi mtshan nyid la yang mi rtag pa la sogs pa mi rtogs pa'i phyir de'i ngo bo ma yin la zhes smras pa de yongs su spangs pa'i phyir rang gi mtshan nyid la zhes bya ba la sogs pa smos te/'di ltar gang zhig dang 'brel pa'i phyir rang gi mtshan nyid mi rtag pa nyid dang mi ldan par 'gyur ba dngos po g.yo ba la ma gtogs pa mi rtag pa nyid ces bya ba ni cung zad kyang med kyi/ 'on kyang rang gi mtshan nyid kho na mi rtag pa'i ngo bo yin pa'i phyir dngos po g.yo ba nyid mi rtag pa yin te/bdag med pa la sogs pa yang de bzhin du blta bar bya'o/ /gal te rang gi mtshan nyid kho na mi rtag pa nyid yin na/ de rnam par rtog pa rnams la mi snang ba'i phyir ji ltar don 'di ni mi rtag pa'o/ /don 'di'i mi rtag pa nyid do snyam du rnam par rtog pa rang gi mtshan nyid la rag par 'jug par 'gyur zhe na/de'i phyir de de lta bu zhes bya ba la sogs pa smos te/ de zhes bya ba ni rang gi mtshan nyid do/ /de lta bu la zhes bya ba g.yo ba'i ngo bo la skad cig mar gnas pa'i chos nyid du skad cig ma gcig tu gnas pa'i ngo bo nyid du gzung ba'i phyir/ dus phyis skad cig ma tha ma mthong ba rnams la 'di snyam du 'di ni mi rtag pa'o zhes bya ba la sogs par sems pa 'byung ste/khyad par gzhan gnyi ga mi spong bar brjod par 'dod na ni 'di ni mi rtag pa'o zhes bya bar gzhi mthun par sems la/ khyad par gzhan spong ba brjod par 'dod na ni 'di'i mi rtag pa nyid do snyam du sems so//rnam par rtog pa rnams ni de'i chos nyid de rang gi mtshan nyid dang chos kho na la ldog pa'i bye brag gis brdar btags pa'i sgra'i rjes su 'brang bas 'jug pa na'o/ /ngo bo du ma dang ngo bo gcig pa dag ni chos du ma dang gcig pa'o/ /de dag dang tha dad pa zhes zlas dbye ba ste mi rtag pa dang byas pa nyid la sogs pa'i chos du ma dang bum pa la sogs pa mang po rnams kyi mi rtag pa nyid kyi chos gcig pa dang bum pa'i mi rtag pa zhes tha dad par yang ston te dngos po rnams zhes bya ba khong nas drang ngo //rnam par rtog pa dngos po 'dzin pa ma yin pa'i phyir rnam par rtog pas rnam par gzhag pa'i chos du ma la sogs pa de kho na nyid yin te de nyid kyi phyir ston par byed do zhes bshad do//gal te 'o na ni dngos po mi 'dzin pa'i phyir rten med par 'gyur ro zhe na/ de rnams rten med pa yang ma yin te zhes bya ba la sogs pa smras te/ de rnams zhes bya ba ni chos du ma la sogs pa ston par byed pa'i rnam par rtog pa rnams so//rnam par rtog pa rnams kyi rten ni dngos po'i khyad par mi rtag pa nyid la sogs pa'i mtshan nyid mthong ba nyams su myong ba de yin pa'i phyir te/ 'di ltar don dam par mi rtag pa nyid la sogs pa'i ngo bo rang gi mtshan nyid mthong nas mthong ba'i mthus 'byung ba'i rnam par rtog pa dag mthong ba'i rnam par lhag par zhen pas 'jug go//gang gi phyir mi rtag pa la sogs pa'i rnam pa can gyi rnam par rtog pa rnams ji ltar mthong ba'i rnam pa kho nas mngon par brjod cing 'jug gi rtag pa la sogs pa'i rnam par rtog pa bzhin du don gzhan gyi rjes su 'brang ba ni ma yin pa de'i phyir te/de dag kyang dngos po'i chos nyid ma yin no zhes smras pa gang yin pa de yang yongs su spangs pa yin pas dngos po med pa'i chos nyid kyang zhes bya ba la sogs pa smos te/ mi rtag pa nyid la sogs pa de dag dngos po'i chos nyid ma yin pa yang ma yin no//ci'i phyir zhe na/ de'i rang gi ngo bo kho na dngos po'i rang gi kho na de ltar mi rtag pa nyid la sogs pa'i chos nyid du snang zhing so sor snang ba'i phyir te/ dngos po mi rtag pa nyid la sogs pa'i ngo bo yod pa'i phyir de skad du bshad kyi/ rnam par rtog pa la dngos po'i chos snang ba ni ma yin no//gal te mi rtag pa nyid la sogs pa dngos po'i chos kho na snang na/ 'o na ci ste rnam par rtog pas byas pa 'khrul pa yin zhe na/ dngos po la zhes bya ba la sogs pa smos te/ dngos po gcig la du ma'i ngo bor 'dzin pa dang / mang po rnams la gcig pa nyid dang chos dang chos can dag tha dad par 'dzin pa ni 'khrul pa ste nor pa'o zhes bya ba'i tha tshig go//yang ci'i phyir gcig pa nyid la sogs pa 'khrul pa yin zhe na/ don gcig dang zhes bya ba la sogs pa smos te/ don gcig byed pa bum pa la sogs pa'i khyad par gyis chu bcu ba la sogs pa'i don gcig byed pa la/de ltar shes par 'dod na/ don gcig byed pa nyid du shes par 'dod na de lta bu'i ngo bo bstan pa'i ched du/ don gcig byed pa nyid bstan pa'i ched du de ltar gzhag par bya ba'i phyir de tha snyad gdags pa bla chos su bya ba'i phyir bum pa nyid ces bya ba la sogs pa ngo bor gcig tu rnam par gzhag pa'i phyir ro//de bzhin du gcig gis kyang don du ma byed pa dper na bum pas mig gi rnam par shes pa dang / chu bcu ba dang shes pa la sogs pa'i don bya ba byed par res 'ga' bar byed pa lta bu la de ltar shes par 'dod na/ don du ma byed pa nyid du shes par 'dod na/de lta bu'i ngo bo bstan pa'i ched du don du ma byed pa nyid du bstan pa'i ched du de ltar gzhag par byas pa'i phyir te mig gis gzung bar bya ba nyid dang / sa las gyur pa dang / mi rtag pa nyid la sogs pa'i ngo bor rnam par gzhag pa'i phyir ro/ /de bzhin du gzhan dag la yang ci rigs par brjod par bya'o//dngos po'i khyad par gyi sgo nas/ dngos po gcig la chos du ma rnam par gzhag pa ni ma yin te/ ci'i phyir zhe na/ dngos po gcig pu de la du ma mi rung ba'i phyir ro/ /de bas na gcig la du ma nyid du 'dzin na 'khrul pa'o zhes bshad do/ /de bzhin du du ma la gcig nyid du rnam par gzhag pa yang de'i 'bras bu can ma yin pa las ldog pa'i sgo kho na nas yin gyi dngos po'i khyad par las ni ma yin pas du ma la yang gcig nyid mi rung ba'i phyir zhes bya ba smos te/de ltar na du ma gcig 'dzin pa 'khrul pa yin no/ /de bzhin du chos dang chos can tha dad par 'dzin pa yang 'khrul pa kho na yin no//ci'i phyir zhe na/ gsal ba rnams ni rjes su mi 'gro zhes bya ba la sogs pa spyi tha dad pa yang gong nyid du bkag pa'i phyir ro/ /chos rnams ni chos can las tha dad pa kho na ste/ des na sgra'i don dngos po ji lta ba bzhin yin par 'gyur ro zhe na/de'i phyir de rnams kyi zhes bya ba la sogs pa smos te/ mi rtag pa nyid la sogs pa'i chos de rnams kyi rang bzhin ngo bo nyid tha dad pa'i phyir sgra'i don dngos po ji lta ba bzhin yin par khas len na/ ut+pal sngon po'o/ /sgra mi rtag go zhes bya ba'i gzhi mthun pa nyid mi rung ba'i phyir/ sngon po la sogs pa yon tan rnams dang ut+pa la la sogs pa rigs rnams phan tshun tha dad pa'i phyir de dag rjod par byed pa'i sgra rnams gzhi gcig la 'jug pa med pas gzhi mthun pa nyid mi rung ste/ de lta bas na sgra'i don dngos po ji lta ba bzhin rnam par gnas pa ma yin no snyam du bsams pa yin no//gal te zhes bya ba la sogs pa ni gzhan gyi bsam pa'i dogs pa bsu bar byed de/ rdzas gang la sngon po la sogs pa'i chos kyi khyad par de dag yod pa de gcig yon tan dang rigs kyi sgra gnyis kyis brjod pa'i phyir nyes pa med de gzhi mthun pa nyid med pa'i nyes pa med do zhe na lan du phan mi 'dogs pa la zhes bya ba la sogs pa smos te/rdzas ni khyad par du 'dod pa sngon po la sogs pa la phan par byed pa ma yin te/ rdzas kyi yon tan sngon po'am rigs ut+pal nyid la phan pa ni 'ga' yang mi byed do/ /de bas na rdzas phan mi 'dogs pa la rag ma las par 'jug pa sngon po la sogs pa gzhan gyi dbang nyid mi rung ba'i phyir/sngon po la sogs pa'i chos rnams khyad par ma yin te/ khyad par nyid ni gzhan gyi dbang nyid kyis rab tu phye ba'i phyir ro/ /de lta ma yin na 'di ni 'di'i khyad par ro zhes bya ba nyid du yang mi 'gyur ro/ / 'on te chos rnams kyi gzhan gyi dbang nyid rdzas kyi yul can du 'dod na/ de'i tshe gzhan gyi dbang nyid yin na ni bskyed par bya ba dang skyed par byed pa'i dngos po yin par khas blang dgos te/ khyad par rnams ni bskyed par bya'o/ /rdzas ni skyed par byed pa'o/ /gzhan du na gzhan gyi dbang nyid mi rung ba'i phyir ro//skyed par byed pa yang skad cig mar 'dod par bya dgos te skad cig ma ma yin pa la ni rim dang cig car dag gis don byed pa 'gal ba'i phyir ro/ /de bas na 'bras bu 'dod pa khyad par rnams dang / rgyur 'dod pa rdzas lhan cig mi gnas pa'i phyir dus gcig tu khyad par dang khyad par gyi gzhi dngos por gyur pa gnyis su brjod par bya ba ma yin te/de'i tshe rgyur 'dod pa khyad par gyi gzhi 'gags pa'i phyir ro/ /gcig ces bya ba ni khyad par dang ldan pa 'gags pa'o/ /sgro gdags pa ni nye bar ston pa'o/ /de'i tshe sgra dngos po'i yul can du mi 'gyur te sgra blos sgro btags pa'i khyad par gyi gzhi kho na brjod pa'i phyir ro//gal te khyad par gyi gzhi 'gags pa gang yin pa de'i yul can gyi sgra ni blo la snang ba'i yul can yin du zin kyang khyad par nye ba gang yin pa de kho na rjod par byed pa'i sgra ni dngos po'i yul can nyid yin par 'gyur zhe na/blo la snang ba'i yul can nyid ces bya ba la sogs pa smos te/ brjod par gang la yul blo la snang ba yod pa de la de skad ces bya'o/ /de'i ngo bo ni nyid de de yin na ni khyad par gyi yul can du 'dod pa'i brjod par thams cad kyang de kho na dang 'dra bar rnam par rtog pa'i blo la snang ba'i yul can kho nar 'gyur ro//ci'i phyir zhe na/ 'dzin pa la zhes bya ba la sogs pa smos te/ 'dzin pa'i blo la de lta bu'i khyad par tha dad pa dang ldan pa zhes bya ba dngos po'i ngo bo sna tshogs pa'i khyad par dang ldan pa'i khyad par gyi gzhi gcig pu mi snang ba'i phyir ro/ /'di ltar khyad par ldan pa 'gags pa sgro 'dogs par byed pa'i blo ni rnam par rtog pa can yin la/dngos por gyur pa'i khyad par la dmigs pa'i blo ni gzhan de nyams su myong ba'i rnam pa can kho na yin par khas blang dgos te/ dngos po dang dngos po med pa la dmigs pa'i blo ni gcig yin par mi rung ngo / / khyad par tha dad pa dang ldan pa gcig pu mi snang na yang gzhi mthun pa nyid ga la zhig yin/ gang gi tshe khyad par dang khyad par gyi gzhi gnyi ga yang rnam par rtog pa can gyi blo la snang ba nyid yin par 'dod pa de'i tshe ni ldog pa gnyis kyis nye bar zin pa'i chos can gcig snang ba'i blo gcig kho na skye bas gzhi mthun pa nyid mi 'gal lo//gal te khyad par dang zhes bya ba la sogs pas ni gzhan gyi bsam pa'i dogs pa bsu ste blo gcig sgro btags na ni zhes bya ba la sogs pas bshad pa'i nyes pa 'di med do zhe na/ khyad par dang ldan pa dang dus mnyam du grub pa'i khyad par las gzhan gyi dbang med pa'i phyir khyad par nyid ma yin no//gal te grub pa'i snga rol na gzhan gyi dbang nyid yin pas de kho na'i tshe khyad par nyid yin no zhe na/ ma grub pa yang ma yin zhes bya ba la sogs pa smos te/ ma grub pa ri bong gi rwa 'dra ba yang gzhan gyi dbang ngam khyad par nyid ma yin no// //bam po bcu pa/ rnam pa thams cad du yod pa dang med pa la gzhan gyi dbang med pa'i phyir khyad par rnams kyi gzhan gyi dbang nyid rtogs pas sgro gdags pa byas nas/ gzhan gyi dbang nyid du tha snyad 'dogs na ni/ thams cad du zhes bya ba rnam pa thams cad du ji ltar gzhan gyi dbang nyid du tha snyad gdags pa la blo'i rjes su byed pa bzhin du khyad par dang khyad par gyi gzhir tha snyad gdags pa la yang sgro 'dogs par byed pa'i blo de kho na ji ste mi sbyor/de sbyar bar ni rigs te blos bstan pa'i don du snang ba rnams la ma brten par tha snyad gdags par mi nus pa'i phyir ro//dngos po sgra gcig dang tshad ma gcig gis yul du byas na dngos po stobs kyis dngos po'i rang gi ngo bor gyur pa'i khyad par ma lus pa 'phangs pa'i phyir de las gzhan pa'i sgra la sogs pa don med pa gang yin pa sngar don gyi rang gi ngo bo gcig /bdag nyid mngon sum yin pa la zhes bya ba la sogs pas dngos por smra ba'i phyogs la bshad pa der yang blo la snang ba'i rjes su byed pa la mi 'gyur ro/ /ci'i phyir zhe na/ blo la snang ba ni dngos po med pa'i phyir dngos po'i mthu las 'byung ba'i nyes pa rnams su thal ba med do//mang po'i tshig gis ni 'di skad du de las gzhan pa don med pa'i nyes par thal bar mi 'gyur ba 'ba' zhig tu ma zad kyi/ de bzhin du spyi tha dad pa med pa dang / khyad par rnams kyi gzhan gyi dbang nyid mi rung ba'i phyir khyad par dang / khyad par gyi gzhi nyid med pa dang / blo la khyad par tha dad pa dang lhan cig mi snang ba'i phyir gzhi mthun pa nyid med par bshad pa gang yin pa de dag kyang 'di la mi srid do zhes bya ba yin no//de nyid tha mi dad pa dang zhes bya ba la sogs pas ston te/ 'di ltar blo la snang ba'i ngo bo de tha mi dad par snang bas de'i phyir ci ji ltar shes pa bzhin mi 'gal lo zhes 'og nas 'byung ba dang sbyar ro//sngon po zhes brjod pa na rnam par rtog pa'i blos sngon po ma yin pa las log par rnam pa gcig yul du byas kyang sngon po'i rnam pa de nyid la rnam pa gzhan la the tshom log pa ni ma yin no/ /de bas na blo la snang ba'i ngo bo de rnam pa gzhan ma nges pa ste ut+pa la ma yin pa las log pa ut+pa la'i rnam pa ma nges pa'i phyir ro//rnam pa gang la nges pa ma skyes pa de ni rnam pa gzhan te de la re ba dang bcas pa blo ut+pa la'i sgra sbyor ba las skyes pa gzung bar bya ba snang bas zhes bya bar sbyar te 'dis ni khyad par dang khyad par gyi gzhi'i dngos po'i rgyu mtshan bshad do//gzhi mthun pa nyid kyi rgyu mtshan sgra'i don tha dad pa zhes bya ba la sogs pa smos te/ sgra'i don tha dad pa sngon po ma yin pa dang / ut+pa la ma yin pa las ldog pa'i mtshan nyid sgrub cing ston pa yang blo la snang ba'i ngo bo ldog pa gnyis kyis nye bar zin pa de ni chos can gcig pa nyid du tha mi dad par rnam par rtog pa can gyi blo la snang bas so//spyi la sogs pas ji ltar shes pa bzhin te ji ltar grags pa bzhin mi 'gal lo/ /blo la snang ba 'dis chos dang chos can gyi khyad par dag kyang ji ltar shes pa bzhin mi 'gal lo zhes bya bar sbyar ro/ /de nyid don du ma las zhes bya ba la sogs pas ston te/blo la snang ba don du ma las tha dad pa srid pa las so/ /blo la snang ba brdzun pa'i phyir don du ma las tha dad pa lta ga la yod de/ skyes bu'i mngon par zhen pa'i dbang gis 'di skad du brjod pa 'ba' zhig tu zad do/ /blo la snang ba de'i don gcig cig las tha dad pa gang yin pa de ci sgra mi rtag pa nyid dang /mig gis gzung bar bya ba ma yin pa nyid yin nam zhes bsgrub pa dang dgag pa shes par 'dod pa la blo la snang bar gyur pa'i dngos po kho na rab tu ston to zhes bya bar sbyar ro/ /rnam pa gang gis she na/ chos zhes bya ba'i sgra khyad par gzhan spangs pas zhes bya ba la sogs pa smos te tha dad par brjod nas so//chos tha dad pa lta bur rnam par gzhag nas zhes bya bar sbyar te/ 'di ltar mi rtag pa nyid dang mig gis gzung bar bya ba ma yin pa nyid ces chos kyi sgras brjod pa byas na/ mi rtag pa nyid la sogs pa'i chos tha dad lta bur rnam par gzhag pa yin no//ci'i phyir zhe na/ blo la de ltar snang ba'i phyir te/ chos zhes bya ba'i sgras brjod na chos 'dzin pa'i blo la tha dad pa lta bur snang ba'i phyir ro/ /bye brag tu ma phye bar zhes bya ba ni khyad par thams cad ma spangs par te/ blo la snang ba 'di'i ngo bo nyid gzhan khyad par gzhan ma spangs pa/chos can nyid du rnam par gzhag nas/ sgra'i dngos po de kho na rab tu ston to/ /'di skad du mi rtag pa nyid dang / mig gis gzung bar bya ba ma yin pa nyid do zhes chos kyi sgras brjod do/ /chos tha dad pa lta bur bstan nas yang sgra mi rtag go zhes chos can gyi sgras brjod de ngo bo nyid gzhan chos can du rnam par gzhag nas dngos po de nyid rab tu ston to zhes bshad pa yin no//de tsam gyi chos zhes bya ba ni khyad par gzhan spangs pa dang / ma spangs pas chos dang chos can dag tha dad pa'i phyir rnam par rtog pa'i blo tha dad pa dang ldan pa lta bur rnam pa tha dad pa can lta bur snang gis dngos su tha dad pa dang ldan pa nyid ma yin te/de'i rnam pa ni brdzun pa'i phyir ro/ /dngos po tha dad pa'i phyir tha dad pa dang ldan pa ni ma yin no/ /ci'i phyir zhe na/ dngos po tha dad pa yin na/ ji skad bshad pa'i nyes par 'gyur ba'i phyir te spyi dang gzhi mthun pa nyid la sogs pa med pa'i nyes par 'gyur ba'i phyir ro//gal te dngos po la tha dad pa med na ji ltar gcig la tshig tha dad pa dang de bzhin du mi rtag pa nyid ni bsgrub par bya ba'o/ /byas pa nyid ni bsgrub pa'o zhes bsgrub par bya ba dang sgrub pa tha dad par yang ji ltar 'gyur zhe na de'i phyir tha dad pa de lta bu zhes bya ba la sogs pa smos te/chos tha dad pa khyad par gzhan spangs pa de lta bu mang po brjod pas tshig tha dad pa dang bsgrub par bya ba dang sgrub pa tha dad par byed do zhes bya bar sbyar ro/ /gang dag la bstan de dang de la log pa'i dngos po de'i rang gi ngo bo yod pa chos snang ba'i khyad par de dag gis te/ rnam par rtog pa'i blo la gnas pa'i chos kyi ngo bor snang ba'i khyad par dag gis zhes bya ba'i tha tshig go/ /ci'i phyir byed ce na de'i rang gi ngo bo zhes bya ba la sogs pa smos te/ log pa'i dngos po'i rang gi ngo bo de kho na rtogs par bya ba'i phyir te/ de dag ni brgyud pas dngos po dang 'brel pa'i phyir ro//skabs su bab pa'i don nyid gzung bde bar bya ba'i phyir bsdu ba'i tshigs su bcad pa/ rang bzhin de 'dzin rnam rtog blo/ /zhes bya ba la sogs pa smos te/ dngos po'i rang bzhin de nyams su myong ba'i 'og tu skye ba rnam par rtog pa can gyi blo gang yin pa'o/ /de'i don can 'dra ba ni lhag par zhen pa'i dbang gis dngos po'i yul can lta bu'o//de'i 'bras bu can ma yin pa dag las tha dad pa gang yin pa de'i mthar thug pa ste/ de nyams su myong ba'i stobs kyis skye ba'i phyir dang / log pa'i dngos po thob par byed pa'i phyir de'i mthar thug pa zhes bya'o/ /blo de lta bu de la ngo bo gang yin pa zhes bya ba ni don gyi rnam pa gang yin pa ste/snang ba dang rtag par bya ba dag gcig tu byed pa'i phyir phyi rol lta bu'o/ /gsal ba rigs mthun pa dag la mtshungs par snang ba'i phyir gcig lta bu'o/ /rigs mi mthun pa gzhan las log pa lta bur snang ba yin gyi log pa nyid ni ma yin no//blo la snang ba'i ngo bo de ni de kho na nyid ma yin no/ /ci'i phyir zhe na/ brtag pa'i yan lag med pa'i phyir te/ don byed nus pa kho na brtag pa'i yan lag yin no/ /de bas na brtag pa'i yan lag med pa nyid kyis don byed mi nus pa'i phyir ro zhes bshad pa yin no/ /gang gi phyir blo la snang ba'i ngo bo de kho na nyid ma yin pa de'i phyir de'i yul can gyi tha snyad ni nor ba'i don kho na la 'jug pa yin te/de bas na shes pa la yod pa'i don de rnams zhes bya ba la sogs pa smos so/ /shes la yod ces bya ba ni rnam par rtog pa'i blo la snang ba ste shes pa la yod pa de rnams/ 'di ltar ldog pa'i ngo bo can ldog pa'i ngo bo dang ldan pa ste/dper na ut+pa la ma yin pa las log pa'i ngo bo can ut+pa la'i don dag pa lta bu'o/ /des na zhes bya ba gzhan las ldog pa can gyi ngo bo'i ut+pa la nyid kyis tha dad pa ma yin pa lta bur snang gi don dam par ni ma yin te/ blo la snang ba'i ngo bo brdzun pa'i phyir ro/ / 'dis ni spyi'i tha snyad kyi rgyu mtshan bshad do/ /de nyid gzhan las log par yang snang ste zhes bya ba ni blo la snang ba'i don gzhan las log pa'i ngo bo can de dag nyid gzhan rigs mi mthun pa las log par yang snang ste dper na ut+pa la'i khyad par de dag nyid sngon po ma yin pa las log pa lta bu'o/ / de'i phyir ldog pa gnyis kyis nye bar zin pa'i don gcig snang ba'i phyir gzhi mthun pa nyid kyi sa bon bshad do/ /de nyid de las zhes bya ba la sogs pas ston te/ de la zhes bya ba ni blo la snang ba'i don de rnams la tha snyad rgyas par byed ces bya bar sbyar ro/ /khyad par ji lta bu can zhig ce na/ nor ba'i don can no//gang dag rgyur gyur pas zhe na/ spyi dang ni zhes bya ba la sogs pa smos te/ spyi'i yul can dang gzhi mthun pa'i yul gyi shes pa dang ni brjod pa yis spyi'i spyod yul can gyis ni spyi'i tha snyad rgyas par byed la/ cig shos kyis ni gzhi mthun pa nyid kyi tha snyad rgyas par byed do//tha snyad ni 'dir sgra dang shes pa'i bdag nyid kho na yin mod kyi 'on kyang byed pa dang bcas pa la brten nas shes pa dang sgra dag gis byed pa'i ngo bo nyid brjod par 'dod pas de gnyis kho nas don rab tu ston pa'i mtshan nyid kyi byed pa la tha snyad nyid du brjod par 'dod pa'i phyir nyes pa med de/dper na shes pa tshad ma nyid dang 'bras bu nyid yin pa lta bu'o/ /dngos po rnams kyi de kun yang / /zhes bya ba ni dngos po rang gi mtshan nyid rnams kyi tha snyad shes pa dang brjod pa'i mtshan nyid ni phan tshun med cing phan tshun rnam par gcod pa gang yin pa de la brten pa ste/ ldog pa'i dngos po nyams su myong ba'i sgo nas 'byung ba'i phyir ro/ /des na zhes bya ba ni phan tshun med pa la brten pa de nyid kyi tha snyad de gzhan sel ba'i yul can zhes bya'i/ ldog pa'i rang gi mtshan nyid 'dzin pa'i phyir ni ma yin no/ /tha snyad de ni dngos po rnyed cing dngos po 'thob pa'i rten yang yin no//thams cad ni ma yin gyi 'on kyang tha snyad gang la brgyud pas dngos po de lta bu dang 'brel pa yod pa'o/ /dper brjod pa/ rjes dpag ji skad bshad ji bzhin/ /zhes bya ba smos te/ ji bzhin zhes bya ba ni rjes su dpag pa ji skad bshad pa lta bu ste/ sngar rjes su dpag pa rnam par rtog pa can bshad pa lta bu yin no//rjes su dpag pa rnam par rtog pa can dang cig shos ni rang la snang ba'i don du lhag par zhen pa'i phyir 'khrul par smra yang gzhan brten pa la sogs pa'i rnam par rtog pa la ni ma yin no/ /de la ni rgyud las kyang dngos po dang 'brel pa med pa de dngos po ni mi brten pa la sogs pa'i ngo bo yin pa'i phyir ro//mar me'i 'od la nor bu bzhin/ /zhes bya ba ni ji ltar nor bu'i 'od la nor bu'i blo 'khrul pa ltar mar me'i 'od la yang de dang 'dra de 'khrul pa nyid du mtshungs mod kyi nor bu'i 'od nor bu nyid du gzung ba ni nor bu rnyed par bya ba rtog par byed pa yin gyi mar me'i 'od ni ma yin no/ / de dang 'dra bar brten pa la sogs pa'i rnam par rtog pa'i yang thob par bya ba ma yin no zhes bya ba'i tha tshig go/ /spyi'i tha snyad kyi sa bon bstan pa de la zhes bya ba la sogs pa smos te/ de la zhes bya ba'i sgra ni tshig gi phrad dam/ gsal ba de dag las 'bras bu gcig pa can gyi gsal ba rnams mi gsal ba'am/spyi dang gzhi mthun pa la sogs pa de dag las re zhig spyi'i tha snyad kyi sa bon brjod do zhes nges par gzung ba yin no/ /du ma'ang 'bras bu gcig pa can ni dper na bum pa'i khyad par rnams chu bcu ba la sogs pa 'bras bu gcig pa lta bu'o/ /shes pa dang brjod pa gang dag la rten de'i 'bras can min zhes bya ba 'bras bu de lta bu mi byed pa gang dag yin pa de dag las gzhan pa ldog pa de yod pa de dag gi dngos po du ma yin yang gcig nyid/tha snyad rab tu 'jug par byed spyi'i tha snyad thob par byed do zhes bya ba'i tha tshig go/ /blo la snang ba'i don kho na la de ltar rgyas par byed de/ snang ba dang rnam par brtag par bya ba dag gcig tu byas nas du ma yin yang gcig byed pa zhes brjod pa 'ba' zhig tu zad do/ /de bzhin zhes bya ba ni spyi 'das ma thag pa la ltos nas so/ /gcig kyang du ma byed pa ni dper na bum pas mig gi rnam par shes pa dang / chu chu ba la sogs pa'i 'bras bu byed pa lta bu'o//de'i dngos yongs su bstan pa'i phyir zhes bya ba ni 'bras bu du ma byed pa nyid rab tu bstan pa'i phyir ro/ /de'i 'bras bu can ma yin pa'i don dag las tha dad pa'i rgyus/ bum pa ni mig gis gzung bar bya ba dang sa las gyur pa'o zhes bya ba la sogs pa chos sna tshogs su shes par byed do/ / 'dis ni gzhi mthun pa nyid dang khyad par dang khyad par gyi gzhi'i dngos po'i sa bon bshad do/ /sgra don 'di zhes bya ba ni blo la snang ba'i don/ brjod dang zhes pas gcig nyid du/ /tha snyad rab tu 'jug par byed/ /ces bya ba la sogs pas bshad pa gang yin pa'o/ /gzhi mthun pa nyid ces bya ba ni/ grags pa bzhin du brjod pa ste zhes bya bar sbyar te/don dam par yod pa min yang ji lta bur grags pa bzhin du brjod pa ste/ zhes bya ba ni rnam par rtog pa can gyis blo'i ngo bor brjod pa yin te/ 'di ltar dngos po la sgra'i don dang gzhi mthun pa 'di ni mi srid do/ /grags pa bzhin du brjod pa ste zhes bshad pas de'i phyir/de nyid bstan par chos dang zhes bya ba la sogs pa smos te/ 'di ni chos so/ /'di ni chos can no zhes rnam par gzhag pa'o/ /tha dad tha dad min ci 'dra/ /zhes bya ba ni gcig kyang 'bras bu du ma byed pa nyid kyis de'i 'bras bu can ma yin pa dag las ldog pa'i sgo nas tha dad do/ / du ma yang 'bras bu gcig byed pa ni de'i 'bras bu can ma yin pa las log pa nyid kyis tha dad min pa'o/ /'di ni rnam par rtog pa'i blos sgro btags pa'i phyir/ de nyid don ni ma brtags pa ste gang gis de kho na nyid kyi dngos po'i don la ma ltos pa zhes tshig rnam par sbyar te/ 'jig rten na ji ltar blo la snang ba la yang de'i ngo bor lhag par zhen pa nyid kyis grags pa ste/chos la sogs pa rnam par dbye ba de la'o/ /de bzhin kho nar zhes bya ba ni 'jig rten la grags pa bzhin du'o/ /bsgrub bya sgrub pa kun gzhag pa/ /mkhas pa rnams kyis byas pa yin/ /zhes bya bar sbyar ro/ /ci'i phyir zhe na dam pa'i don la 'jug bya'i phyir mi rtag pa la sogs pa'i rang gi mtshan nyid rtogs par bya ba'i phyir ro//yang ci'i phyir gcig pa nyid la sogs pa'i tha snyad dngos po la mi srid ce na/ de'i phyir dam pa'i don gyi don rnams ni zhes bya ba la sogs pa smos te/ don dam pa pa'i dngos po rnams ni rang gi 'dre ba med pas de'i phyir dngos po la spyi'i tha snyad med do//dngos po de la du ma nyid mi rung ba'i phyir byas pa nyid la sogs pa'i chos dag gis so sor tha dad pa med de/ de'i phyir dngos po de dag la ngo bo gcig pa dang / don gcig la du ma'i ngo bor lhag par zhen pa gang yin pa de ni rnam par rtog pa can gyi blo'i bslad pa yin te 'khrul pa yin no//gang gi phyir don dam pa pa'i dngos po rnams 'dre ba yang med tha dad pa yang med pa rgyu des na 'di ni chos mang po rnams kyi spyi'o zhes bya ba dang / de bzhin du chos mang po rnams kyi khyad par ro zhes bya ba'i bye brag tha dad pa nyid kyi tha snyad gang yin pa de ni blo'i don la yin gyi phyi rol gyi rang gi mtshan nyid la ma yin no//gal te blo la snang ba brdzun pa'i phyir ji ltar de la byas pa nyid la sogs pa'i chos tha dad pa yin zhe na/ de nyid la zhes bya ba la sogs pa smos te/ blo'i snang ba nyid la'o/ /'di skad du phyi rol dang gcig pa nyid du lhag par zhen pas ji ltar rang gi mtshan nyid gzhan las log pa ltar/de mthong ba las 'ongs pa rnam par rtog pa la snang ba la yang de bzhin du lhag par zhen to zhes bshad pa yin no/ /de nyid kyi phyir rab tu brtag ces bya ba smos so/ /ji ltar mngon sum rang gi mtshan nyid kho na 'dzin pa de bzhin du bsgrub par bya ba'i chos mi rtag pa nyid la sogs pa bsgrub pas rjes su dpag pas khyad par du byas pa'i rang gi mtshan nyid kho na ci'i phyir mi 'dzin zhe na/de'i phyir bsgrub bya zhes bya ba la sogs pa smos te/ 'di ni bsgrub par bya'o/ /'di ni sgrub pa'o snyam pa'i rtog pa la dngos por mthong ba nyams pa'i phyir rang gi mtshan nyid snang ba nyid nyams pa'i phyir spyis khyad par du byas pa'i rang gi mtshan nyid 'dzin pa lta ga la yod/slob dpon phyogs kyi glang po la sogs pas gzhan sel bas khyad par du byas pa'i khyad par 'dzin te zhes bshad pa'i phyir rang gi mtshan nyid spyi dang 'brel pa 'dzin par dam bcas so snyam du dogs pa bsal ba'i phyir khyad par zhes bya ba la sogs pa smos te/khyad par spyi dang 'dres pa shes so zhes bya ba'i tshig 'di la yang / rang gi mtshan nyid gzung bya min rang gi mtshan nyid kho na yin par bstan to zhes bya ba de ltar khong du chud par ni mi bya ba'i tha tshig go/ /'on kyang der ni blo la snang ba'i khyad par dag kho na gzhan sel ba'i mtshan nyid kyis spyi de dang 'dres par 'dzin to zhes bya bar rtogs par bya'o//gal te yang ci'i phyir de la de ltar rtog par bya zhe na/ de ni zhes bya ba la sogs pa smos te/ du ma la gcig pa nyid kyi rnam pa ni spyi'i rnam pa'o/ /gcig la khyad par mang po nyid ni khyad par gyi rnam pa'o//sogs pa zhes bya ba'i sgras ni chos dang chos can gyi rnam pa la sogs pa yongs su bsdu ste/ rang gi mtshan nyid de ni de dag spyir yang gzung bya min no/ /ci'i phyir zhe na/ byas pa nyid dang mi rtag pa nyid la sogs pa'i ngo bo'i chos kyi bye brag khyad par ji lta bu can zhig ce na/ khyad par te dngos po'i ngo bo mang po rnams rang gi mtshan nyid de gcig la ste/rang gi mtshan nyid de gcig pu la mi rung ba'i phyir ro/ /dngos po gcig cig la dngos po'i ngo bo mang po ni mi rung ste/ rang gi mtshan nyid la cha shas med pa'i phyir ro/ /de'i ngo bo zhes bya ba ni rang gi mtshan nyid do/ /kun las log pa ni thun mong ma yin pa ste/de de bzhin du rtogs par byed pa'i sgra yod pa ma yin zhes bya ba ni rang gi mtshan nyid de thun mong ma yin pa'i ngo bor 'dzin par byed pa'i sgra med pa'o/ /rtog pa yang yod pa ma yin zhes bya bar skabs dang sbyar te/ rang gi mtshan nyid thun mong ma yin pa'i ngo bor 'dzin par byed pa'i rnam par rtog pa yang med do zhes bya ba'i tha tshig go//ci'i phyir zhe na/ sgra dang rtog pa ni spyi nyid du ni 'jug phyir ro/ /de rtogs par byed pa'i sgra med do zhes smra bas rang gi mtshan nyid la sgra rnams mi sbyor ro zhes bshad pa yin pas de'i phyir yang ci'i phyir zhes bya ba la sogs pa gleng ba byed do/ /spyi nyid du ni 'jug phyir ro//zhes bshad ma thag pa'i phyir gleng ba mi rigs pa ma yin nam zhe na/ de ni bden na lan lhag par brjod pa'i phyir nye bar bkod do/ /brdas yul du byas pa ni brdar btags pa ste/ sgra rnams kyis ni de ston to/ /de ni tha snyad ched du byas/ /zhes bya ba ni brda'o/ /tha snyad kyi dus de'i tshe rang gi mtshan nyid gang la brdar 'dogs so zhes bya bar 'dod pa'i rang gi mtshan nyid med do//brdar 'dogs pa'i dus na rang gi mtshan nyid mthong ba gang yin pa de nyid tha snyad kyi dus su rjes su 'gro ba ni med de/ gsal ba gzhan gyi ngo bo ni gsal ba gzhan la mi srid pa'i phyir ro/ /gang yang gsal ba gcig cig brda'i yul nyid du 'dod pa gang yin pa de yang skad cig ma nyid yin pa'i phyir dus gzhan na/de nyid kyis ngo bo rjes su 'gro ba med na/ yul dang dus kyis tha dad pa'i gsal ba la lta smos kyang ci dgos/ rgyu des na rang gi mtshan nyid de la brdar ma yin te 'dogs pa zhes bya ba khong nas dbyung ngo //sgra rnams kyis ni zhes bya ba la sogs pas ni 'chad par byed de/ sngar zhes bya ba ni brda'i dus na'o/ /rang gi mtshan nyid gcig la brdar bya ba'i sgra zhes bya bar sbyar te/ phyis zhes bya ba ni tha snyad kyi dus na'o/ /ci'i phyir rigs pa ma yin zhe na/ de ni zhes bya ba la sogs pa smos te/de ni zhes bya ba ni brda'i dus na mthong ba'i rang gi mtshan nyid ni tha snyad kyi gnas skabs na yod pa'i gsal ba yul dang dus kyi tha dad pa la mi 'bral ba'i phyir zhing rjes su mi 'gro ba'i phyir te/ gcig la mthong ba'i khyad par ni gzhan la mi srid do/ /'dis ni de'i tshe rang gi mtshan nyid med ces bya ba 'dis rnam par bshad do//spyi tha dad pa zhes bya ba ni bye brag pa'i lta ba yin no/ /grangs can pa'i lta ba ni tha mi dad pa yin to/ /gsal ba rigs mthun pa la khyab pa'i phyir khyab pa'o/ /gang gi phyir spyi brjod pa des na de'i phyir tha snyad kyi dus na med pa'i nyes pa med cing tha snyad kyi dus na sgra'i don med pa'i nyes pa med de/sgra'i don ni spyi yin pa'i phyir la/ de yang gcig pa nyid kyis brda dang tha snyad kyi dus gnyi ga na yod pa'i phyir ro/ /ci nas zhes bya ba'i sgra'i don ni ci nas kyang zhes bya ba'i don 'di yin te/ ci nas kyang skyes bu tha snyad kyi dus su sgra brjod pa las don byed par nus pa'i don shes nas de bsgrub pa'i phyir don byed pa bsgrub pa'i phyir 'jug par 'gyur snyam pa'i bsam pa 'dis/don rnams la rjod par byed pa'i sgra rnams sbyor bar byed do/ /'di nyid kyi rnam par bshad pa ni 'jig rten la zhes bya ba la sogs pa yin te/ mi 'di brda mi byed cing brdar mi 'dogs pa'am/ brdar btags pa'i don la sgra mi sbyor bas te nyam nga ba ni 'bras bu la mi lta bar 'ga' zhig la gtsigs cher 'dzin pa'o//rtsom pa ni tha snyad do/ /'bras bu'i don can ni 'bras bu med pa ma yin pa'o/ /ril zhes bya ba'i sgra'am/ gzhan yang rung ba'o/ /mkho ba kho nar brtsi ba ni gzung bar 'os par ro/ / ci'i phyir zhe na/ rtsom pa 'bras bu med pa rtsom pa 'bras bu dang bral ba ni rtog pa sngon du gtong ba rnams kyis yal bar dor bar bya ba yin pa'i phyir te/ gzung bar bya ba ma yin pa'i phyir ro/ /de bas na zhes bya ba ni de lta bas na'o/ /'ga' zhig la zhes bya ba ni mngon par 'dod pa'i don la ste/ sbyor ba ni brdar byed pa'o//'dis kyang zhes bya ba ni rtogs par byed pa pos so/ /'bras bu 'ga' kho na la lta ba'i rigs so zhes bya ba ni dgos pa kho na la ltos pa'i rigs so zhes bya ba'i tha tshig go/ /de ni zhes bya ba ni 'bras bu ste/ 'dod pa thob pa'i mtshan nyid do/ /mi 'dod pa 'dor ba'i mtshan nyid ces ci rigs par sbyar ro//gang gi phyir skyes bu'i don 'dod pa dang mi 'dod pa 'thob pa dang spong ba'i ngo bo kho na yin pa de'i phyir sbyor ba po'i skyes bu 'dis 'dod pa dang mi 'dod pa'i 'bras bu de dag gis bsgrub pa dang sgrub pa ma yin pa'i don shes par byas nas/ 'dod pa bsgrub pa de la 'jug pa dang /mi 'dod pa bsgrub pa la ldog pa dag bya ba'am/ gzhan dag byed du gzhug pa'am/ nyan pa po rnams kyang sbyor ba la gus par 'gyur snyam pa'i bsam pa 'dis sgra rnams sbyar bar bya'o/ /re zhig sgra sbyor ba ni gzhan gyi yan lag yin pa'i phyir gzhan la tha snyad du bya'o zhes sgra sbyor bar ni rigs nas/rang nyid 'jug pa dang ldog par bya ba la go sgra ci zhig dgos she na/ bden te sgra sbyor ba goms pa las bdag nyid kyang rtogs par byed pa na re 'ga' de ltar rtogs par 'gyur ba nye bar bkod par byas pa 'ba' zhig tu zad do/ /de lta ma yin na yal bar 'dor bar bya ba yin pa'i phyir ro zhes bya ba ni sgra sbyor ba 'bras bu med na btang snyoms su gzhag pa yin pa'i phyir ro//gal te rigs kyang don bya ba byed pa yin te/ de bas na rigs la sgra sbyor bar yang 'gyur la/ 'bras bu med pa yang ma yin no snyam du sems na de'i phyir de la zhes bya ba la sogs pa smos te/ de la zhes bya ba rigs sgra'i don yin par 'dod pa la rigs de ni don byed par rung ba ma yin no/ /de nyid rigs ni zhes bya ba la sogs pa ston te/ rigs ni bzhon pa dang bzho ba la sogs pa byed par nus pa ma yin te/ de bas na bzhon pa dang bzho ba don du gnyer ba la rigs brjod pa don med pas de'i don du sgra sbyor ba ma yin no//gal te 'o na gang gi tshe bzhon pa dang bzho ba la sogs pa'i skabs ma yin pa de'i tshe rigs la sgra sbyor ro zhe na/ de lta bu zhes bya ba la sogs pa smos te/ de lta bu zhes bya ba ni bzhon pa dang bzho ba la sogs pa'i skabs te/ 'bras bu med pa'i sbyor ba ni yal bar dor bar bya ba yin no zhes bshad zin pa'i phyir ro//gal te spyi ni don bya ba mi byed kyi 'on kyang gsal ba kho na'i don byed na/ gsal ba bstan par mi nus pa'i phyir spyi la sbyar ba'i sgras spyi mtshon par byed la/ sgras mtshon pa'i spyi des de dang 'brel pa'i phyir gsal ba yang mtshon par byed de/ de bas na mtshon zin pas mtshon par bya ba'i rigs brjod do zhe na/'brel pa yod du zin kyang zhes bya ba la sogs pas lan 'debs te/ rigs dang de dang ldan par 'brel pa yod du zin kyang 'on kyang gsal ba'i khyad par sgras ma brjod pa la ji ltar 'jug par 'gyur te/ mi 'gyur ba nyid do/ /de nyid bsgrub par 'ga' zhig la zhes bya ba la sogs pa smos te/'khar ba dang 'khar ba thogs pa 'brel pa yod du zin kyang rtog pa sngon du gtong ba 'ga' zhig la 'khar ba chod cig ces smras na 'khar ba thogs pa gcod pa ni med de sgras ma brjod pa'i phyir ro/ /de bzhin du rigs brjod kyang gsal ba la mi 'jug go zhes bya ba'i tha tshig go//gal te rigs la bzhon pa dang bzho ba la sogs pa mi srid pa'i phyir/ sgras ma brjod du zin kyang gsal ba la 'jug par 'gyur ro zhe na/ mi srid pa'i phyir zhes bya ba la sogs pa smras te/ smra ba pos bsgo bar bya ba la don gzhan la yod pa'i 'bras bu mi srid pa'i don la brjod na/rnar mi 'ong ba smra bar 'gyur ba 'ba' zhig tu zad kyi mi nus pa brjod pa de las gzhan nus pa la 'jug pa ni ma yin no/ /ci dang 'dra zhe na/ glang 'jo ba brjod pa bzhin te/ 'ga' zhig gis glang zhos shig ces smras na/ de la bzho ba mi srid pa'i phyir nyan pa po glang las gzhan pa nus pa ba 'jo ba la 'jug pa ni med kyi de 'di snyam du 'dis rnar mi 'ong ba zhig smras so snyam du sems pa 'ba' zhig tu zad do//gal te glang brjod na 'brel pa med pa'i phyir ba 'jo bar 'jug par mi 'gyur gyi rigs brjod na ni 'brel pa'i phyir gsal ba la 'jug go snyam du sems na/don gzhan zhes bya ba la sogs pa smos te/ 'brel pa spyi don gzhan brjod kyang gzhan zhes bya ba gsal ba mtshon pa ni ma yin no/ /'brel pa yod du zin kyang sgras ma brjod pa la zhes bya ba la sogs pas don 'di bshad zin pa kho na ma yin nam zhe na/ bden mod kyi don lhag mar brjod pa'i phyir yang gleng ngo //de nyid kyi phyogs snga ma dgod pa'i phyir/ gal te zhes bya ba la sogs pa smos te/ 'khar ba gang la 'brel pa ma nges pa yod pa de la de skad ces bya ste/ 'di ltar 'khar ba ni 'khar ba thogs pa med kyang yod do/ /de'i ngo bo nyid ni de'i phyir de la zhes bya ba 'khar ba thogs pa la mi 'jug ste/'khar ba brjod na 'jug par mi 'gyur ro zhes bya ba'i tha tshig go/ /rigs brjod na ni 'brel pa nges pa can nyid kyi phyir gsal ba la 'jug par 'gyur ro snyam du sems na/ grub pa'i mtha' smra bas de ni zhes bya ba la sogs pa smos te/ de ni zhes bya ba ni 'brel pa ma nges pa can nyid de/rigs la yang mtshungs so/ /gal te ji ltar zhe na/ gsal ba rnams zhes bya ba la sogs pa smos so/ /gal te ji ltar 'khar ba thogs pa la 'khrul pa de bzhin du 'khar ba thogs pa yang 'khar ba la 'khrul gyi rigs ni gsal ba med par yod du zin kyang gsal ba ni rigs la mi 'khrul te/de'i phyir gzhan la 'jug go snyam du sems na/ de la yang log pa yin te/ gal te gsal ba'i sgo nas rigs mtshon par 'dod pa zhig tu gyur na ni de'i tshe gsal bas rigs mi 'khrul lo zhes bya ba 'di rung ngo / /gal te ji ltar pha la sogs pa 'brel pa can cig shos med du zin kyang de las gzhan pa spun drung la sogs pa rjod par byed pa'i sgra rnams kyis 'brel pa cig shos 'phen par byed pa ltar phyi yang de dang 'dra'o//zhe na spun drung zhes bya ba la sogs pa'i sgra rnams zhes bya ba la sogs pa smos te/ sogs pa zhes bya ba'i sgras ni bu zhes bya ba la sogs pa'i sgra bsdu ste/de dag ni 'brel pa can gyi sgra yin pa'i phyir/ 'brel pa can gzhan la ltos pa kho nas rnam par gzhag pa'i phyir ro zhes bya ba'i tha tshig go/ /gzhan 'phen par 'gyur zhes bya ba ni spun drung la sogs pa'i zla bo'o/ /'phen pa yang 'brel pa can cig shos kyi rnam pa can gyi rnam par rtog pa skyed pa yin gyi nye bar 'jog pa nyid ni ma yin te/'brel pa can med kyang rnam par rtog pa skye ba'i phyir ro/ /de ltar zhes bya ba la sogs pa ni chos mi mthun pa bsnyad pa yin no/ /gal te 'brel pa can rjod par byed pa yin na/ de'i tshe nyes pa 'dir 'gyur ro zhes bya bar rigs gsal ba zhes bya ba la sogs pa smos te/rigs gang dag la gsal ba dang bral ba yod pa de dag gis kyang de'i sgra dag las rigs rjod par byed pa'i sgra dag las rtag tu 'jug pa'i yul du gyur pa gsal ba rjes su 'gro bar thal bar 'gyur te/ rigs gsal ba zhig pa can gyis kyang gsal ba don bya ba byed pa 'jog par 'gyur ro zhes bya ba'i tha tshig go//gal te zhes bya ba la sogs pas ni gzhan gyi dogs pa bsu bar byed de/ dus thams cad du zhes bya ba ni gsal ba yod pa dang med pa'i dus dag tu'o/ /de dang 'brel par rung ba nyid du shes pa'i phyir te/ gsal ba dang 'brel par rung ba nyid du shes pa'i phyir gsal ba rjes su dpag par 'dod pa kho na'o zhe na/'di skad du ji ltar spun drung zhes bya ba la sogs pa'i sgra 'brel par rung ba'i phyir/ spun drung ni gang gi yin pa 'ga' zhig ni yod do zhes de lta bu'i shes pa skyed par byed kyi 'brel pa can bye brag phye ste 'jog par byed pa ni ma yin pa de bzhin du rigs zhes bya ba'i sgra yang rigs 'di ni gsal ba 'ga' zhig gi rung ba nyid yin no zhes de ltar rung ba nyid 'phen par byed do zhes smras pa yin no//'o na ni zhes bya ba la sogs pas ni lan 'debs te/ dus thams cad du zhes bya ba gsal ba yod pa dang med pa'i dus dag tu ba lang zhes bya ba'i sgra las bzhon pa dang bzho bar rung ba gsal ba'i khyad par la 'jug par mi 'gyur ro//gal te ci'i phyir zhe na/ lhan cig byed pa dang zhes bya ba la sogs pa smos te/ rigs kyi gsal ba dang lhan cig pa dang / lhan cig pa ma yin pa'i gnas skabs dag tu gsal ba'i khyad par don byed nus pa khyad par du ma 'phangs pa'i phyir ro//'di skad du ji ltar rigs gsal ba dang bral ba brjod na rung ba nyid tsam 'phen pa ltar rigs gsal ba dang bcas pa brjod na yang de dang 'dra ste/ gnyi gar 'brel par rung ba nyid du khyad par med pa'i phyir zhes bshad pa yin no/ / gal te rigs 'ba' zhig brjod pa ni ma yin gyi/ 'on kyang gsal ba dang 'brel pa can gyi rigs brjod pa'i phyir gsal ba la 'jug par mi 'gyur ro zhes bya ba'i nyes pa med do zhe na/ de ltar yin la ni rag na 'on kyang gsal ba de yang de'i khyad par nyid du zhes bya ba rigs kyi khyad par nyid du gnas pas rigs brjod pa na 'phangs pa kho na'i phyir/rigs 'ba' zhig brjod par byas pa ni ma yin gyi/ 'on kyang de dang ldan pa brjod par bya ba yin no zhes phyogs gzhan yongs su gzung bar 'gyur te/ de la 'og nyid nas nyes pa bshad par bya'o snyam du bsams pa yin no/ /rigs dang de dang ldan pa dag 'brel pa khas blangs nas de skad du bshad kyi 'brel pa nyid ni med pas rigs zhes bya ba la sogs pa smos te/phan tshun zhes bya ba la sogs pas ni 'brel pa med pa ston to/ /rigs dang gsal ba phan tshun phan 'dogs pa med pa'i phyir te/ gsal ba la yang rigs kyis byas pa'i phan pa med la/ rigs la yang gsal bas byas pa'i phan pa med do/ /phan pa med pa nyid rgyu gang gis she na/ bskyed par bya ba dang skyed par byed pa nyid du zhes bya ba smos te/ mtshan nyid tha dad pa dag ni phan pa med na 'brel pa yod pa ma yin no/ /de'i phyir zhes bya ba ni 'brel pa med pa'i phyir te/ rigs brjod pas rdzas mtshon par yang rigs pa ma yin no//de lta bas na zhes bya ba ni mjug sdud pa ste/ 'bras bu med pa'i phyir ro zhes bya ba ni don byed pa med pa'i phyir ro/ /de lta na ni zhes bya ba la sogs pas ni phyogs gzhan smas te/ de ldan zhes bya ba ni rigs dang ldan pa'o/ /nus pa zhes bya ba ni phod pa'o//de la zhes bya ba ni rigs dang ldan pa la ste/ de la sgra sbyor ro zhes smra ba ni rigs kyi sgo nas rdzas la sgra sbyor bar 'dod kyi dngos su ni ma yin pas/ de ltar na mtha' yas pa'i nyes pa yongs su spangs par 'gyur ro zhes so/ /de nyid kyi phyir grub pa'i mtha' smra bas de nyid la brgal bar de yang ni zhes bya ba la sogs pa smos te/'di nyid kyi rnam par bshad pa ni sgra de zhes bya ba la sogs pa yin no/ /de la bar du gcod par byed pa gzhan gyis ci zhig bya zhes bya ba ni gsal ba de la bar du gcod par byed pa spyi gzhan brtag pas ci zhig bya zhes bya ba'i tha tshig go//gal te mtha' yas phyir zhes bya ba ni gzhan gyi dogs pa bsu ba'o/ /'di mtshungs zhes bya ba ni lan to/ /'di nyid kyi rnam par bshad pa ni gal te zhes bya ba la sogs pa yin te/ de dang ldan pa yang mtshungs so zhes bya ba ni de dang ldan pa'i brjod par bya ba la yang 'dra ba'o/ /gal te ci'i phyir zhe na/rigs kyis zhes bya ba la sogs pa smos te/ rigs kyi khyad par du byas pa rnams kyis gsal ba'i ngo bo thun mong ma yin pa nyams pa pa ni med do/ /de lta bas na rigs kyi khyad par du byas pa'i gsal ba dag kyang brjod par bya ba kho na yin pa'i phyir gdon mi za bar de la zhes bya ba la gsal ba rnams la sgra 'brel pa bye dgos na zhes bya bar sbyar ro//ci'i phyir zhe na/ 'brel ba ma byas pa can ni brjod du mi rung ba'i phyir te/ sgra gang la 'brel pa ma byas pa yod pa des brjod du mi rung ba'i phyir byed pa po drug pa'am/ sgra'i don gang don gang la 'brel pa ma byas pa yod pa de ni brjod du mi rung ba'i phyir las kyis drug pa yin no//sgra'i de dang ldan pa dang lhan cig 'brel pa de yang bya bar mi nus te/ mtha' yas pa'i phyir ro/ /de lta bas na phyogs de yongs su gzung ba ni rigs pa yin no snyam du bsams pa yin no/ /gal te de dang 'brel pa can la gsal ba dang 'brel pa can spyi la sgra'i 'brel pa byas pa'i phyir rigs dang 'brel pa can gyi gsal ba de la yang byas pa kho na yin no zhe na/'di la bshad zin te/ spyi gsal ba dang 'brel pa can yod du zin kyang rigs gcig la brdar byas pas gsal ba gzhan la rtog pa ni med de/ dper na 'khar ba la byas pas 'khar ba thogs pa mi rtog pa bzhin no//rigs dang de dang ldan pa dag 'brel pa yang med do zhes de skad du yang bshad zin te/ 'brel pa yod du zin kyang 'khar ba zhes bya ba'i sgras 'khar ba thags pa ni med do zhes bya ba dang / de bzhin du rigs dang gsal ba dag 'brel pa 'ga' yang med do zhes bshad ma thag pa'i phyir ro//de byed pa brjod par 'dod pa'i don byed pa rnams de byed pa ma yin pa brjod par 'dod pa'i don bya ba byed pa ma yin pa gang dag yin pa de las log pa gang yin pa des de byed pa thams cad mtshungs so/ /de'i phyir log par mtshungs pa gzhan sel ba'i mtshan nyid de la cis ma byas te ci ste brdar ma byas/de nyid don byed pa gang gi zhes bya ba la sogs pas ston te/ sreg pa dang 'tshed pa la sogs pa'i mtshan nyid kyis don byed cing sgrub pa gang gi dbang du byas shing ched du bsams nas mngon par 'dod pa'i don bya ba byed pa'i don rnams la sgra sbyor ba zhes bya ba rab tu sbyor ba'i skyes bu 'di'i de byed pa'i don mngon par 'dod pa'i don byed pa rnams gzhan dag las zhes bya ba de byed pa ma yin pa dag las tha dad pa'i phyir de dag byed pa thams cad ni rigs mi mthun pa las log par tha mi dad pa yin no//de bas na 'dri ba'i bsam pa ni don de dag gi tha mi dad pa gzhan las ldog pa'i mtshan nyid de kho na la sgra ci ste mi sbyor/sgra'i don gzhan spyi brtags pas ci zhig bya snyam pa yin no/ /gal te de ldan zhes bya ba la sogs pa ni sgra'i don dngos po yin par smra ba rnams kyi ltar na brjod par bya ba'i phyogs ni khyad par dang rigs dang de dang ldan pa dag 'brel pa dang /rigs dang ldan pa zhes bya ba gzhi yin pa de la/ bzhi pa de dang ldan pa'i phyogs la slob dpon phyogs kyi glang pos/ de ldan rang dbang med pa'i phyir/ /zhes bya ba la sogs pas nyes pa bshad pa de dang ldan pa'i nyes pa gang yin pa de dang mtshungs pa'i phyir te/ nyes pa de 'di la yang 'byung bar 'gyur ba'i phyir gzhan las ldog pa'i mtshan nyid kyi tha mi dad pa la sgra mi sbyor ro zhe na/ nyes pa 'dir 'gyur kyang bla zhes khas len par byed de/ ji ltar nyes pa 'di med pa de ltar ni 'og nyid nas 'chad par 'gyur bas khas blangs nas de skad du smras par zad do//rigs gzhan mi dgos so zhes bya ba ni rigs gzhan yin par ni rigs pa ma yin no zhes bya ba'i tha tshig go/ /'di nyid kyi rnam par bshad pa ni/ gal te 'di snyam du zhes bya ba la sogs pa yin te gzhan pa de byed pa ma yin pa las ldog pa'i dngos po sgra'i don yin par khas len pa la yang ngo //de dang ldan pa zhes bya ba ni ldog pa dang ldan pa'o/ /de'i phyogs las ldog pa'i phyogs 'di khyad par med do/ /khyad par med pa nyid log pa dang zhes bya ba la sogs pas ston te/ 'di ltar khyod kyis ldog par zhes smras la gzhan gyis rigs zhes smras pa dang /khyod kyis ldog pa dang ldan pa brjod do zhes smras la/ gzhan gyis rigs dang ldan pa zhes smras la/ brjod par bya ba 'di la khyad par ci zhig yod de sgra tha dad pa la ma gtogs pa khyad par gzhan 'ga' yang med do zhe na/ grub pa'i mtha' smra bas de dang ldan pa'o zhes bya ba la sogs pa smos te/rigs gzhan zhes bya ba dngos por gyur pa ste/ 'di ni rigs gzhan mi dgos so zhes bya ba'i mdo 'di'i 'grel pa yin no/ /yang nyes pa mtshungs pa las ji ste/ ldog pa khas len par byed kyi/ spyi dngos por gyur pa ni ma yin zhe na/ rigs khas len pas kyang zhes bya ba la sogs pa smos te/de med na zhes bya ba ni ldog pa med na'o/ /de yang zhes bya ba ni rigs dngos por gyur pa ste/ rigs ni tha dad pa rnams la shes pa rnam pa tha mi dad pa can gyi rgyu yin par rtogs pas tha dad pa med na/ der rtogs pa don med par 'gyur ro/ /dngos po rnams kyang phan tshun tha dad pa med na thams cad gcig nyid du gyur pa'i phyir/gang zhig gang dang mtshungs te/ de ni don du ma dang ldan pa'i ngo bo yin pa'i phyir ro/ /de lta bas na gdon mi za bar tha dad par khas blang dgos so/ /de'i 'bras bu can ma yin pa gcig las tha dad pa de las gzhan pa'i 'bras bu can ma yin pa de las gzhan pa de'i 'bras bu can rnams kyis tha mi dad pa de nyid des khyad par du byas pa rnams la rtogs pa'i dmigs pa yin pa'i phyir rtogs pa zhes bshad kyi/de nyid rtogs pa ni ma yin no/ /yang na rtogs pa zhes bya ba'i sgra byed par bsgrub pa yin te/ ldog par byed par gyur pa des dngos po rnams rtogs pa'i phyir ro//rnam pa thams cad du zhes bya ba ni gal te brjod par bya ba'i don ldog pas khyad par du byas pa'ang rung / rigs kyis khyad par du byas pa'ang rung ste/ de dang ldan pa'i phyogs la mtha' yas pa la sogs pa'i nyes pa bshad pa gang yin pa de yongs su spangs par bya bar mi nus pa'i phyir ro//gal te cis te nyes pa 'dra na go rims kho na ci'i phyir khas mi blang zhe na/ don gzhan zhes bya ba la sogs pa smos te/ don gzhan ni rigs dngos por gyur pa'o/ /gal te rigs kyi dngos po ni tha dad pa rnams la tha mi dad pa'i blo bskyed pa yin no zhe na/don de ni zhes bya ba la sogs pa smos te/ de ni zhes bya ba ni rigs kyis bsgrub par bya'o/ /gzhan gyis zhes bya ba ni de'i 'bras bu can ma yin pa las ldog pa'i mtshan nyid kyis tha mi dad pas so/ /khyod ni ldog par brtags pas rigs kyis don grub par byed la/ kho bo ni rigs su rtogs pas byas pa'i khyad par 'ga' yang med do zhe na/ de'i phyir de zhes bya ba la sogs pa smos te/ de khas blang ba zhes bya ba ni ldog pa khas blang pa ste/ de khas mi len na rigs su rtogs pa nyid kyang mi rung ngo zhes bshad zin to/ /de ltar na re zhig gzhan sel ba nges par khas blang ba nyid bsgrub pa yin no//da ni sgra gdon mi za bar ldog pa brjod par bya ba yin pas de bstan par gzhan yang zhes bya ba la sogs pa smos te/ brjod par 'dod pa'i don las gzhan pa ni de las gzhan pa ste/ de yongs su spangs nas nyan pa po 'jug par 'gyur zhes te ston par byed pas sgra brjod do//kyang zhes smos pa ni tshig snga ma la ltos nas bsdus pa'i don yin no/ /yang na kho na'i don dang rim pa gzhan du sbyar ba yin pas/ de las gzhan pa yongs su spangs zhes bya ba'i mjug thogs su blta bar byas te/ de las gzhan pa pa yongs su spangs pa kho nas zhes bya ba'i tha tshig go//de yis zhes bya ba ni sgras so/ /de dag rnams las zhes bya ba ni mngon par mi 'dod pa rnams las so/ /mngon par 'dod pa'i don ni/ rnam par mi gcod cing rnam par gcod pa brjod par mi byed do zhes bya ba'i tha tshig go/ /sgra de ji ltar te/ ji ltar sbyar bar 'os pa yin/ mi 'os pa nyid de de'i tshe sgra sbyor ba don med pa nyid do zhes bya ba'i tha tshig go/ /de nyid 'di don rnams las zhes bya ba la sogs pas ston te/ sbyor bar byed pa pos 'di mngon par 'dod pa'i don bya ba byed pa'i don rnams la sgra sbyor ba na ci nas kyang nyan pa po mi 'dod pa yongs su spangs nas zhes bya ba mi 'dod pa'i don rnam par bcad pas 'jug par 'gyur snyam pa'i bsam pa 'dis sbyor ro//gal te sgras gzhan rnam par bcad pa brjod par mi byed na de'i tshe rtogs par 'dod pa de dang gzhan la yang zhes bya ba mngon par mi 'dod pa la yang 'jug tu snang ba yin no/ / de lta yin na ni mngon par 'dod pa'i don gyi ming brjod pa gang yin pa de smos pa don med par thal bar 'gyur ba'i phyir ro/ /'di ltar khyer te shog cig ces smras nas/ dngos po tsam 'phangs pa yin pas/ de la mngon par mi 'dod pa rnam par bcad pa'i phyir me khyer te shog cig ces me'i sgra sbyor bar byed do//gal te de sbyar kyang me ma yin pa khyer te 'ongs pa rnam par mi gcod na ni de'i tshe me zhes bya ba'i sgras brjod pa cung zad kyang dgos pa med do/ /khyer te shog cig ces bya ba 'dis kyang khyer te mi 'ong ba ma spangs pa'i phyir khyer te 'ongs pa dang / khyer te mi 'ong ba gnyi ga snang bar 'gyur ro//de'i phyir 'jug pa dang ldog pa la yang 'jug tu snang ste/ de lta yin na ni de'i ming smos pa don med par thal bar 'gyur ba'i phyir ro zhes bya ba kho nar sbyar ro/ /de ltar gzhan las ldog pa mi brjod na ni me la sogs pa mngon par 'dod pa gcig dang khyer te shog cig ces bya ba la sogs pa'i mtshan nyid kyi bsgrub pa/gcig brjod pa gang yin pa de la mi gus pa'i phyir sgra brjod par bya ba ma yin pa kho nar te/ bsnyad par bya ba ma yin pa kho nar 'gyur ro/ /yang na 'jug pa dang ldog pa la yang 'jug tu gnang na ni zhes bya ba 'og nas 'byung ba dang sbyor te/ji skad bshad pa'i tshul gyis 'jug pa dang ldog pa la 'jug tu gnang na ni/ gcig brjod pa la mi gus pa'i phyir zhes bya ba 'jug pa'i mtshan nyid dang / ldog pa'i mtshan nyid kyi byed pa gcig brjod pa la mi gus pa'i phyir ro/ /lhag ma ni snga ma bzhin du rnam par bshad par bya'o//de lta na ni sgra'i tha snyad chad par 'gyur ba zhig na/ de lta yang ma yin pas de lta bas na zhes bya ba la sogs pa smos so/ /de yang zhes bya ba ni gzhan rnam par bcad pa'o/ /de las gzhan pa dag la zhes bya ba ni de byed pa ma yin pa de las gzhan pa 'bras bu gcig pa can dag la tha mi dad pa yin te/thams cad de'i 'bras bu can ma yin pa las log pa'i phyir ro/ /rnam par bcad pa la rigs kyi chos du ma la 'jug pa nyid kyang yod do/ /de zhes bya ba ni rnam par bcad pa'o/ /khyad par ji lta bu can zhig ce na/ nges par zhes bya ba la sogs pa smos te/rnam par bcad pa gang la nges par khas blangs pa yod pa de la de skad ces bya ste/ de khas mi len na rigs med par thal bar 'gyur ba'i phyir ro/ /gang la gdon mi za bar brjod pa yod pa de la de skad ces bya ste/ de ma brjod na sgra sbyor ba 'bras bu med par 'gyur ro/ /gsal pa rnams la blo dang sgra dag rjes su 'gro ba'i mtshan nyid kyi rigs kyi don de rab tu sgrub pa 'di rab tu bsgrub pa'i phyir ro//rnam par bcad pa de lta bu de yongs su bor nas spyi don gzhan du rtog pa ni don med pa la gcig po cher 'dzin pa 'ba' zhig tu zad de/ dngos po med pa la mngon par zhen pa nyid 'ba' zhig tu zad kyi rgyu gzhan ni cung zad med do zhes bya ba'i don to//ci'i phyir zhe na/ rtag pa dang / khyab pa la sogs pa'i rnam pa dag tu ji ltar brtags pa bzhin du spyi de mi rung ba'i phyir ro/ /gzhan gyis rnam par gcod par zhes bya ba la sogs pa smras te/ sgras rnam par gcod par mi byed pa nyid ni ma yin gyi/'on kyang byed pa kho na'o/ /'o na ji ste/ rigs brjod ce na/ de'i phyir 'jug pa'i zhes bya ba la sogs pa smos te/ don byed pa don du gnyer ba'i 'jug pa gang yin pa de'i yul ni rigs yin pas kho bo de brjod pas rigs smras so zhe na/ grub pa'i mtha' smra bas gal te zhes bya ba la sogs pa smos te/ gal te sgra 'di la brjod par bya ba rnam par bcad pa yod do zhe'am/ gal te rigs dang ldan pa 'di la sgra'i brjod par bya ba rnam par bcad pa yod do zhe na/ sgra rnams kyi dgos pa ni gzhan rnam par bcad pas 'dod pa la 'jug pa de tsam du zad pa ma yin nam/khyed la der zhes bya ba gzhan rnam par bcad pas 'dod pa la 'jug pa de la spyi gzhan gyis ni ci zhig bya ste/ khyod la spyi cung zad kyang mi dgos so zhes bya ba'i tha tshig go/ /gzhan gyis 'jug pa'i yul zhes bya ba la sogs pa smras pa dang /slob dpon gyis da skad ni zhes bya ba la sogs pa smos so/ /'di ltar zhes bya ba la sogs pas ni rigs pa ma yin pa nyid ston pa yin te/ de ni zhes bya ba ni rigs so/ /rigs ni don byed par nus pa ma yin pa'i phyir ro/ /'jug par rung ba nyid ma yin no zhes de skad du rigs don byed rung min zhes bya ba la sogs pas bstan zin to//gal te rigs rung ba ma yin yang / 'on kyang de brjod na shugs kyis rdzas ma brjod pa skyes bu 'jug par 'gyur ro zhe na/ de'i sgo nas zhes bya ba la sogs pa smos te/ rigs kyi sgo nas rdzas ma brjod pa la 'jug pa yang 'brel pa yod du zin kyang sgras ma brjod pa la ji ltar 'jug par 'gyur te zhes bya ba la sogs pas stsal zin to//gal te rigs kyi sgo nas de dang ldan pa kho nas brjod do zhe na/ de dang ldan pa brjod na ni zhes bya ba la sogs pa smos te/ de la spyis bar du chod par 'gyur bas na/ de yang ni ci'i phyir dngos sbyor mi byed ces bya ba dang de la bar du gcod par byed pa gzhan gyis ci zhig bya zhes bya ba la sogs pas bsal zin te/gal te rigs sam gsal ba 'ba' zhig ni sgra'i rten can gyi 'jug pa'i rten ma yin te/ rigs 'ba' zhig gis don byed par mi nus pa'i phyir dang / gsal ba 'ba' zhig kyang brjod par mi nus pa'i phyir ro//de lta bas na rigs dang de dang ldan pa bsdongs pa dag ni 'jug pa'i rgyu yin te/ de dag tshogs pa kho na'i don nyid yin no zhe na/ de'i phyir rigs dang de dang ldan pa zhes bya ba la sogs pa smos te/ 'jug pa'i yul nyid yin na zhes bya ba ni sgra'i rten can gyis 'jug pa'i yul nyid yin par khas len na/ldog pa dang de dang ldan pa dag yin par ji ste/ mi 'dod 'jug pa'i yul nyid du zhes bya bar khong nas dbyung ngo / /ldog pa dang ldog pa dang ldan pa dag ni tshad ma grub po snyam du bsams pa yin no/ /gal te ldog pa'i sgra'i yul du gyur pa ni/blos kun brtags pa'i phyir dngos po med pa nyid yin no/ /rgyu des na bzhon pa dang bzho ba la sogs pa'i don bya ba la/ sgrub pa ma yin pa'i phyir ldog pa dang de dang ldan pa dag 'jug pa'i yul nyid du mi 'dod do zhe na/ sgrub pa ma yin pa nyid de ni rigs la yang mtshungs te/ de yang bzhon pa dang bzho ba la sogs par nus pa ma yin no// //bam po bcu gcig pa/ gal te de dang ldan pas zhes bya ba ni rigs dang ldan pas don bya ba bsgrub pa'i phyir nyes pa med do 'di skad du rigs kyis don bya ba mi byed mod kyi/ 'on kyang de dang 'brel pa'i rdzas kyis don bya ba byed de/de'i phyir de'i sgo nas rigs dang de dang ldan pa dag 'jug pa'i yul du mi 'dod do zhes smras pa yin no/ /grub pa'i mtha' smra bas de ni zhes bya ba la sogs pa smos te/ don byed pa sgrub pa nyid de ni ldog pa dang ldan pa la yang mtshungs so/ /de bas na de'i sgo nas ldog pa dang ldog pa dang ldan pa dag sgra'i don du ci ste mi 'dod do snyam du bsams pa yin no//de ltar na re zhig mgo mnyam pa'i tshul du bshad pa yin no/ /gal te ldog par smra ba yang gzhan gyi ltar sgra'i don dngos po kho na yin par 'dod pa zhig tu gyur na ni ldog pa bsgrub pa ma yin pa'i phyir sgra'i don nyid du rigs pa ma yin no zhes bya ba'i klan ka 'dir yang 'gyur ba zhig na/'on kyang ldog pa smra ba rnams kyi ltar na zhes bya ba la sogs pa smos te/ nyid ces bya ba'i sgra ni nges par gzung ba'i don to/ /gal te dngos po'i yul can ma yin na/ ji ltar don byed pa don du gnyer ba 'jug par byed ce na/ de ni 'khrul pa'i zhes bya ba la sogs pa smos te/ de ni zhes bya ba ni sgra'i shes pa'o/ /rnam par rtog pa la snang ba'i don med pa la don du lhag par zhen pa ni 'khrul pa ste/ de'i dbang gis mthus rang snang ba byed pa po ma yin pa las yang byed pa por lhag par zhen pas 'jug par byed de/ skyes bu zhes bya ba khong nas dbyung ngo //'khrul pas 'jug pa la ni rag na/ 'on kyang gzhan gyi rjes su dpag pa la gang byas pa de ni mi rtag pa'o zhes bya ba la sogs pa tshul gsum pa'i rtags ston par byed pa'i sgra las byung ba rtags dang rtags can gyi shes pa rnams kyis go ji ltar dngos po 'thob ce na/ de'i phyir dngos po 'thob pa ni zhes bya ba la sogs pa smos te/ brgyud de dngos po las skye ba'i rgyur gyur pas dngos po de dang 'brel te/ de lta yin na dngos po 'thob par 'gyur gyi zhes bya bar sbyar ro/ /'di skad du gzhan gyi don gyi rjes su dpag pa la rtags dang rtags can gyi shes pa yang brgyud pas dngos po dang 'brel pa'i rtags kyi sgo nas 'ongs pa'i phyir dngos po 'thob par byed pa yin no zhes bshad pa yin no//gzhan du na zhes bya ba ni 'brel pa med pa na sgra'i shes pas dngos po 'thob par mi 'gyur ba kho na'o/ /gal te sgra ni byas pa'i phyir mi rtag pa'o zhes bya ba'i sgra'i shes pa yang dngos po ji lta ba las skyes pa'i phyir mngon sum bzhin du mi 'khrul par 'gyur ro zhe na/sbyor ba ni gang zhig dngos po las skyes pa de ni mi 'khrul pa ste/ dper na mngon sum lta bu'o/ /sgra'i shes pa dngos po 'thob pa yang dngos po las skye bas zhes bya ba ni khyab par byed pa 'gal ba dmigs pa yin no snyam du sems te/dngos po las mi skye bas 'khrul pa la khyab pa'i phyir dang / dngos po las skye ba yang de dang 'gal ba'i phyir ro/ /de ni de lta ma yin te/ dngos po las skye ba yin du zin kyang / de mi snang bar dngos po'i ngo bo mi snang bar der lhag par zhen pa'i phyir 'khrul pa nyid yin no//de lta bas na dngos po las skye ba dang / 'khrul pa dag 'gal ba med pa'i phyir gtan tshigs ldog pa la the tshom za ba can nyid yin no snyam du bsams pa yin no/ /yang na ldog pa la the tshom za ba nyid kyis ci zhig bya/ gtan tshigs 'di ni thun mong gi ma nges pa can yin par mngon par shes so zhes bya bar bstan pa'i phyir 'od la nor bur 'khrul pa zhes bya ba la sogs pa smos so//nor bu'i 'od la nor bur 'khrul pa snang bas 'khrul pa'i yang phyir te/ nor bu'i 'od la nor bur 'khrul pa'i nor bu'i dngos po las skyes kyang 'khrul pa snang ngo / /gal te 'khrul pa'i phyir zhes bya ba la sogs pa ni smig rgyu la chur 'khrul pas dngos po 'thob par mi byed pa ltar rjes su dpag pa'i rtog pas kyang de dang 'dra'o snyam du bsams pa yin no//ma yin te zhes bya ba la sogs pas ni lan 'debs te/ ji skad bshad pa lta bur kho nas zhes bya ba ni nor bu'i 'od la nor bur 'khrul par snang ba lta bu ste/'di ltar nor bu'i 'od la nor bur 'khrul pa ni nor bu thob par byed pa nyid do/ /'khrul pa nyid gzhung gzugs pa'i phyir/ 'khrul pa'i mtshan nyid ni zhes bya ba la sogs pa smos te/ 'di skad du gal te 'khrul pa dang thob par byed pa 'gal ba zhig tu gyur na ni de'i tshe 'khrul pa dngos po thob par byed pa ma yin pa bsgrub par bya ba la 'khrul ba med zhig na/de ni med de 'di ltar 'khrul pa'i mtshan nyid ni ldog par snang ba yin gyi thob par mi byed pa ni ma yin no/ /de med na mi 'byung ba nyid kyis zhes bya ba ni dngos po med na mi 'byung ba nyid kyis de las skye ba'i phyir ro snyam du bsams pa yin no//thob par byed pa nyid snang ba la ltos pa ma yin zhing dngos por gtogs pa'i snang ba la ltos pa ni ma yin te/ dngos po dang 'brel pa kho nas de mi snang bas kyang 'thob pa'i phyir ro/ /de lta bas na sgra'i shes pa log par snang yang dngos po dang 'brel pa yod na de thob par byed pa yin no zhes bya ba 'di gnas pa yin no//'on te yang sgra'i shes pa dngos po ji lta ba bzhin kho na yin par 'dod na/ de'i tshe phyi rol gyi dngos po la ngo bo ji lta ba bzhin dngos po ji lta ba bzhin sems gtad cing shes pa bskyed pa ste/sgra'i stobs kyis dngos po ji lta ba bzhin du shes pa skyes pas zhes bya ba'i tha tshig go/ /de ltar 'jug pa khas len na ni sgra'i shes pa de'i gzung bar bya ba spyi yin par 'dod par bya dgos te/ rang gi mtshan nyid ni sgras mi brjod pa'i phyir ro/ /gzung bar bya ba'i spyi de don byed par mi rung ba'i phyir rnam par rtog pa'i shes pa'i yul gyi spyi de la 'jug par mi 'gyur ro//gzhan la yang zhes bya ba'i ni spyi las gzhan pa sgras ma brjod pa gsal ba la yang 'jug na ni ha cang thal bar 'gyur te/ ba lang gi sgras rta la yang 'jug par 'gyur ro/ /gal te ba lang nyid kyi spyi dang rta'i gsal bar ni 'brel pa med pa'i phyir de ltar mi 'gyur ro zhe na ma yin te/'brel pa yod du zin kyang sgras ma brjod pa la 'jug par mi rung ba'i phyir ro/ /de lta ma yin na 'khar ba chod cig ces smras na/ 'khar ba thogs pa la yang 'jug par 'gyur ro/ /'khar ba dang 'khar ba thogs pa dag 'brel pa nges pa ma yin no zhe na/rigs dang de dang ldan pa dag la yang mtshungs so zhes de ni gong nyid du bshad zin to/ /'on te rigs 'ba' zhig sgras brjod pa ni ma yin te/ 'on kyang de dang ldan pa yang yin no zhe na/ de'i tshe de dang ldan pa 'dzin par khas len na ni spyi don med pa la sogs par bshad zin te gsal ba rnams kho na la dngos su sgra sbyor 'dod cing /spyis ci zhig bya zhes spyi don med par bshad do/ /sogs pa zhes bya ba'i sgras ni mtha' yas pa la sogs pa'i nyes pa yongs su bsdu'o/ /sgras ni rigs kho na brjod na/ rigs de ni gsal ba dang ldan pa'i phyir ro//yan gar du gzung ba mi nus pas de'i phyir gsal ba'i ngo bo gcig tu gyur pa 'dzin to snyam na/ de kho na'i dogs pa bsu bar gal te rigs zhes bya ba la sogs pa smos te/ 'dres par snang ba zhes bya ba rang dang spyi'i mtshan nyid dag 'dres pa snang ba'i blos don bya ba byed pa gsal ba la 'jug par byed do zhe na/de'i tshe rigs kyang ma yin la de dang ldan pa yang ma yin te/ rang gi ngo bor gzung ba zhes bya ba khong nas dbyung ngo / /ci'i phyir zhe na spyi'am/ de dang ldan pa gcig gi yang rang gi ngo bor gnas pa ma 'dres pa'i ngo bo gang yin pa de 'dres par snang ba 'khrul pa'i blos ma bzung ba'i phyir ro//de bas na 'khrul pa'i blo 'jug par khas blangs pa'i phyir gzhan gyi smra ba kho na la ste/ gzhan sel bar smra ba'i lta ba kho na la brten par 'gyur ro/ /gzhan gyi de lta na ni zhes bya ba la sogs pa smras te/ rjes su 'gro ba zhes bya ba ni gsal ba du ma dang ldan pa'i spyi'o//grub pa'i mtha' smra bas nyes pa med de zhes bya ba smos te/ tha dad kyang zhes bya ba ni phan tshun log pa nyid yin yang ngo / /sogs pa zhes bya ba'i sgras ni chu bcu ba la sogs pa bsdu'o/ /dngos po'i chos nyid kyis shes pa la sogs pa don bya ba 'dra ba de dang de byed pa ni/don rnams mthong nas gzhan mthong ba yang ste/ sngar mthong ba las gzhan pa mtshan nyid mi 'dra ba mthong yang ngo / /sgra gang dag la yul de las gzhan dang zhes bya ba de'i 'bras bu can ma yin pa dag dang bral zhing rnam par gcod pa yod pa'i sgra nang gi brjod pa'i ngo bo rnams kyis de nyid 'di yin no zhes don rnams lhan cig sbyar te/skyes bu don bya ba 'dra bar byed pa nyid kyis bslus pas gcig pa nyid du sgro btags nas ngo shes par byed do zhes bya ba ni bsdus pa'i don yin no/ /yang ji ltar tha dad pa rnams don bya ba tha mi dad pa dag byed ce na/de'i phyir 'di ni bshad zin te zhes bya ba la sogs pa smos te/ gong du/ gcig rtogs don shes la sogs pa/ /don gcig bsgrub la kha cig ni/ /zhes bya ba la sogs pas bshad zin to/ /de dag la zhes bya ba ni don tha dad pa rnams la ste/ gcig ces bya ba 'dra ba de mthong ba'i skyes bu la gzhan dag las zhes bya ba de byed pa ma yin pa ldog pa'i dngos po rnams kyi chos nyid kho nas dngos po'i rang gi ngo bo kho nas de nyid 'di yin no snyam pa de lta bu'i rnam pa can nor bu'i shes pa skyed par byed do zhes bya bar sbyar ro//khyad par ji lta bu can zhig ce na/ de las ldog pa'i zhes bya ba la sogs pa smos te/ sgra gang la yul don gcig bya ba byed pa'i don rnams de'i 'bras bu can ma yin pa dag las ldog pa gang yin pa de yod pa'i sgra de dang 'brel cing 'dres pa ste/ brjod pa dang bcas pa zhes bya ba'i tha tshig go/ /khyad par bsres pa zhes bya ba ni rang gi snga phyir mthong ba'i gsal ba dag gis khyad par bsres shing gcig tu byas pa de la de skad ces bya'o//gal te dngos po'i chos nyid kyis skyed par byed na ji ste rtag tu mi skyed ce na/ rang nyams su myong ba'i zhes bya ba la sogs pa smos te/ dngos po de dag gi rang nyams su myong ba sngar skyes pa des ngo shes pa skye bar byed pa'i bag chags nus pa'i mtshan nyid gzhag pa gang yin pa de sad pa ni 'bras bu bskyed pa la mngon sum du phyogs pa ste/de sad pa yang de dang 'dra ba'i dngos po nyams su myong ba las 'gyur la/ de lta bu'i mtshan nyid kyi sad pa yang dus thams cad du ma yin pas de'i phyir rtag tu ngo shes 'byung ba yin no snyam du bsams pa yin no//de lta ma yin na zhes bya ba ni gal te 'bras bu gcig byed pa nyid du 'dra bas tha dad pa dag la yang gcig pa nyid du sgro btags nas ngo shes pa'i 'khrul par mi 'dod kyi/ 'on kyang spyi gcig dang ldan pa'i phyir ro zhe na/ de'i tshe blo khyad par bsre ba can du mi 'gyur te/khyad par rnams bsre ba ni ngo bo gcig tu byed pa'o/ /blo de dang ldan par 'gyur te/ mang po dag la ngo bo gcig pa'i blor mi 'gyur ro zhes bya ba'i tha tshig go/ /ltung gcig dang ldan pa'i ltung la brgyus pa rnams kyang gcig nyid du 'dzin pa ni med do//de nyid bstan pa'i phyir dper na ltung ba la brgyus pa dag lta bu'o zhes bya ba smos so/ /de la zhes bya ba la sogs pas ni de nyid gsal bar byed de/ de la zhes bya ba ni ltung la brgyus pa rnams la'o/ /gzhan la zhes bya ba ni ltung la brgyus pa gcig las gzhan pa'i ltung la brgyus pa la'o//de 'di la yod do snyam mo zhes bya ba ni ltung la brgyus pa gcig la mthong ba'i ltung gi rdzas gang yin pa de cig shos 'di la yang yod do snyam pa de lta bur sems par 'gyur ro/ /de bzhin du gsal ba gcig la mthong ba'i spyi gang yin pa de gsal ba gzhan 'di la yang yod do snyam pa de lta bur sems par 'gyur gyi/gsal ba rnams ngo bo nyid gcig go snyam pa ni ma yin no/ /gal te de lta yin du zin mod ce na/ ngo shes zhes bya ba la sogs pa smos so/ /de bas na zhes bya ba la sogs pas ni mjug sdud de/ gcig cig zhes bya ba ni spyi'o//gsal ba du ma la mthong ba skyes bu la yang khyad par bsre ba dang ldan par te/ khyad par rnams bsre ba ni rnam pa gcig pa nyid de/ shes pa de dang ldan par rigs pa ma yin no/ /gzhan sel bar smra ba la ni nyes pa med pas/ 'khrul pa'i dbang gis zhes bya ba la sogs pa smos te/'khrul pa'i mthus zhes bya ba'i tha tshig go/ /de ltar zhes bya ba ni ngo bo gcig pa nyid du'o/ /gal te ngo shes pa'i rgyu mtshan ni spyi dngos por gyur pa yin na/ de med pa'i phyir 'khrul par mi rigs so zhe na/ dngos po don med de gcig byed par zhes bya ba la sogs pa smos te/ shes pa la sogs pa don de gcig byed pa ni byed pa'i ngang tshul can no//de dag nyid ces bya ba ni log pa'i dngos po rnams so/ /nyams su myong ba nyid sgo ste rgyu yin no/ /des na rang bzhin gyi ngo bo nyid kyis 'khrul pa'i 'bras bu can gyis rnam par 'khrul pa'i 'bras bu can gyi rgyu yin pa'i phyir 'khrul pa'i rgyu mtshan yin no//de lta bas na 'dis ni ngo shes par 'khrul pa'i rgyu ni brgyud pa'i sgo nas khyad par de dag kho na yin gyi spyi ni ma yin no zhes bshad pa yin no/ /'o na ni smig rgyu la sogs pa la chur 'khrul pa 'byung bar mi 'gyur te/ rgyu mtshan med pa'i phyir ro/ /re zhig chu'i rang gi mtshan nyid ni ma yin te/de ni med pa'i phyir ro/ /chu'i ngo bo ma yin pa rlangs pa la sogs pa yang ma yin te/ ha cang thal bar 'gyur ba'i phyir ro/ /smig rgyu la sogs pa chur 'khrul pa ni mthong ste/ de lta bas na smig rgyu la sogs pa chu'i ngo bo ma yin pa dag las yang gang zhig mthong ba'i sgo nas chur 'khrul par 'gyur gyi/rang gi mtshan nyid kyi sgo nas ma yin pa/ chu dang ngo bo mtshungs pa cung zad cig ni yod do zhe na/ de'i phyir smig rgyu la sogs pa zhes bya ba la sogs pa smos te/ sogs pa zhes bya ba'i sgra dang pos ni thag pa la sogs pa bsdu'o/ /gnyis pas ni sbrul la sogs par 'khrul pa bsdu ste/'khrul pa'i rgyu yang tha dad kyang rnam pa tha mi dad par 'di ni chu yin no zhes de ltar bsnyems pa'i shes pa'i rgyu mtshan du gyur pa nyams su myong ba gang yin pa de skyed par byed pa'i ngo bo de dag nyid ces bya ba chu dang smig rgyu'i dngos po'i ngo bo dag yin no/ /'di skad du bshad pa yin te/nyams su myong ba'i shes pas ni re zhig chu'i rnam par bsnyems pa'i bag chags 'jog par byed pa la/ bag chags de ni yang chu yi rang gi mtshan nyid ji ltar nyams su myong bas kyang sad par byed la/ de bzhin du smig rgyu zhes bya ba'i dngos po nyams su myong bas kyang sad par byed de/de ni rang bzhin gyis de lta bu'i ngo bo nyid yin pa'i phyir ro/ /de lta bas na ji ltar chu nyams su myong ba las chu'i rnam par bsnyems pa 'byung ba ltar/ smig rgyu zhes bya ba'i dngos po nyams su myong ba las kyang de dang 'dra'o/ /de'i phyir chu dang smig rgyu zhes bya ba de dag ni dngos po nyams su myong ba'i sgo nas chur 'khrul pa'i rgyu mtshan yin no//ha cang thal bar yang mi 'gyur te/ chu'i ngo bo ma yin par mtshungs pa las dngos po'i mthus smig rgyu dag kho na chur bsnyems pa'i rgyur gyur pa'i phyir ro/ /de lta bas na thams cad du chu la sogs par bsnyems pa'i rgyu mtshan nyid brgyud pas rang gi mtshan nyid kho na yin gyi spyi dngos por gyur pa ni ma yin no//de nyid de la gang zhes bya ba la sogs pas ston te/ de la zhes bya ba ni smig rgyu dag la'o/ /de ltar zhes bya ba ni chu'i ngo bor ro/ /gzhan zhes bya ba ni chu dang smig rgyu dag gi mtshungs pa rang gi mtshan nyid las tha dad pa'o//'on te spyi yod khas len na ni spyi dngos por gyur pa 'dzin pa nyid kyis don yod pa'i 'dzin pa'i blos 'khrul par mi 'gyur ro/ /gal te yang dag pa ma yin pa'i zhes bya ba la sogs pa ni 'di skad du smig rgyu dag la spyi 'dzin pa'i phyir blo 'khrul par brjod pa ni ma yin gyi/'on kyang chu'i rnam par sgro 'dogs pa'i phyir yin no zhes smras pa yin no/ /grub pa'i mtha' smra bas 'o na ni zhes bya ba la sogs pa smos te/ des zhes bya ba ni smig rgyu la chu'i blo byung bas te/ chu dang smig rgyu de dag gi spyi gang yin pa de 'dzin pa ma yin zhes bya bar sbyar bar bya'o//ci'i phyir zhe na/ des rnam pa kho na zhes bya ba la sogs pa smos te/ chu'i rnam pa gang kho na zhes bya bar bsams pa yin no/ /blo 'dis yul ni de kho na yin gyi spyi dngos por gyur pa ma yin te/ sgro gdags par bya ba la ma gtogs pa de mi 'dzin pa'i phyir dang /yang dag pa dang yang dag pa ma yin pa dag gcig tu 'dzin pa 'gal ba'i yang spangs phyir ro/ /sgro gdags par bya ba yang ci'i phyir yul nyid yin zhe na/ yul nyid du ma byas pa la zhes bya ba la sogs pa smos te/ rnam pa gzhan bzhin pa ni rnam pa gzhan me la sogs pa ni de la sgro 'dogs pa ma yin te/de ni de'i tshe yul ma yin pa'i phyir ro/ /de yang zhes bya ba ni chu'i rnam pa sgro gdags par bya ba de yang smig rgyu de la med pas spyi ma yin no/ /gal te ji ltar chu la chu'i ngo bo yod pa de bzhin du smig rgyu dag la yang yod na ni de'i tshe spyi yin par 'gyur gyi/ rta'i gsal ba dag la med pa'i ba lang nyid ni de dag gi spyi ma yin no/ /gal te zhes bya ba la sogs pas ni chu dang smig rgyu dag gi spyi ni chu'i rnam pa sgro gdags par bya ba ma yin gyi/ 'on kyang de las gzhan pa chu dang smig rgyu dag gi 'dra ba'i mtshan nyid kho na spyi yin la/ spyi de 'dzin pa yod na der zhes bya ba chur sgro 'dogs kyi gzhan du ni ma yin te/gal te smig rgyu la chu dang 'dra ba dngos por gyur pa zhig 'dzin par mi 'gyur na/ de la chur sgro 'dogs pa lta ga la yod/ de 'dzin pa med par chur sgro 'dogs par khas len na ni/ ha cang thal bar 'gyur te me la sogs pa'i ngo bo 'dzin pa la yang chur sgro 'dogs par 'gyur ro zhe na/chu dang smig rgyu zhes brjod pa'i rang gi mtshan nyid gang dag la 'bras bu chur bsnyems pa de dag gcig byed pa'i ngang tshul yod pa de dag 'dzin pa yod na ci ste chur sgro gdags par mi 'dod/ ji skad du chu'i spyi dang bral bar 'dra ba las smig rgyu dag kho na la chur sgro 'dogs kyi/gzhan la ni ma yin te/ rang bzhin gyis de dag kho na de bskyed pa'i ngo bo yin pa'i phyir ro zhes bshad pa yin no/ /gal te spyi med na tha dad pa rnams kyi 'bras bu gcig byed pa'i nus pa nyid kyang med do zhe na/ spyi 'dod pas kyang zhes bya ba la sogs pa smos te/'di ni/ gcig rtogs don shes la sogs pa/ /don gcig bsgrub la kha cig ni/ /zhes bya ba'i bar skabs su bstan zin to/ /de'i phyir ni zhes bya ba ni 'bras bu gcig byed par nus pa'i phyir ro/ /gzhan dag la zhes bya ba de'i 'bras bu can ma yin pa dag las tha dad pa ste/de dag kho nas zhes bya ba ni ji skad bshad pa'i nus pa dang ldan pa'i gsal ba dag kho nas yin gyi/ spyis ni ma yin no/ /de lta bu zhes bya ba ni rnam pa gcig pa can yin no/ /dngos po ji lta ba bzhin zhes bya ba ni dngos po la ma 'das pa ste/ rnam par rtog pa can gyi shes pas rang gi mtshan nyid spyi dang bral ba ji ltar gnas pa de las mi 'da' bar ci ste mi rtogs/ci'i phyir de las spyi yang dag pa ma yin pa sgro 'dogs par byed dngos po ji lta ba bzhin zhes bya ba 'di nyid kyi don ni khyad par ma 'dres pa can zhes bya ba la sogs pa yin te/ dngos po gang la khyad par phan tshun tha dad pa ma 'dres shing ngo bo gcig pa nyid du ma gyur pa yod pa de la de skad ces bya'o//rnam par rtog pa rnams la mtshan nyid ji ltar gnas pa bzhin 'dzin pa'i nus pa 'di med do/ /ci'i phyir zhe na ma rig pa'i mthus te yang dag pa'i don 'dzin pa ni ma rig pa'o/ / rnam par rtog pa ni de dang 'gal ba'i phyir mi rig pa kho na yin no/ /mthu zhes bya ba'i sgras ni mthu stobs kho na brjod do/ /rnam par rtog pa'i mthus zhes bya ba'i don to/ /rnam par rtog pa'i rang gi ngo bo ni dngos po ji lta ba bzhin mi 'dzin pa yin te/ de ni rang bzhin gyis 'khrul pa'i phyir ro//gal te phyi dngos por gyur pa med na/ rnam par rtog pa'i 'khrul pa de nyid rigs pa ma yin no zhe na/ phyi rol gyi zhes bya ba la sogs pa smos te/ rnam par rtog pa'i rang gi ngo bo kho na 'dir nang gi bslad pa yin par bshad de/ rnam par rtog pa kho na'i rang gi ngo bo ni gang gis na 'di phyi rol gyi chos 'dra ba la mi ltos par 'khrul par gyur pa de yin no zhes bya ba'i tha tshig go//skra la sogs par 'khrul pa ni skra la sogs pa'i rnam par 'khrul pa ste/ don ni 'dir ji ltar de phyi rol gyi don la mi ltos par yang dag pa ma yin pa'i rnam pas nye bar zin pa'i mtshan nyid kyi nang gi bslad pa la brten nas 'khrul par 'gyur ba de bzhin du/rnam par rtog pa yang yang dag pa ma yin pa'i spyi'i rnam par 'dzin pa'i phyir 'khrul par 'gyur ro zhes bya ba 'di yin par bsams pa'o/ /re zhig 'dir nang gi bslad pa ni 'khrul pa'i sa bon yin la/ de las byung ba'i phyir zhes bya ba de lta bu'i don du bsam pa ni ma yin te 'di ni 'og nas gsal bar byed do/ /klan ka bas ni ma rig pa'i mthus zhes bya ba 'dir ma rig pa zhes bya ba'i sgras sgrib pa ma spangs pa'i rgyud la gnyis su snang ba'i sa bon yod pa kho na yin par bshad la/ de'i mthus zhes bya ba ni de las skye ba'o//de bzhin du nang gi bslad pa zhes bya ba yang sa bon de kho na yin pas/ ma rig pa las byung ba de lta bu ni rnam par shes pa thams cad la yod do snyam du bsams nas/ mig la sogs pa la yang zhes bya ba la sogs pa smos so/ /ma yin te zhes bya ba la sogs pas ni rang gi bsam pa ston te/de'i zhes bya ba ni ma rig pa'i mtshan nyid ni spyi'i rnam pa can gyi shes pa'i rnam par rtog pa yin pa'i phyir ro/ /de nyid rnam par rtog pa nyid ces bya ba la sogs pas ston te/ de ni zhes bya ba ni ma rig pa'o/ /ngo bo nyid kho nas zhes bya ba ni rang bzhin gyis so//dbang po'i shes pas zhes bya ba la sogs pas ni ha cang thal ba spong bar byed de/ de dag ni rang gi mtshan nyid kyi rnam pa can nyid kyis rnam par rtog pa ma yin pa'i phyir ro/ /de lta bas na de dag ni rnam par rtog pa bzhin du ngo bo nyid kyis 'khrul pa ma yin gyi/ dbang po la sogs pa gyur pas ni kha cig 'khrul pa nyid du yang gyur to//phyi rol gyi don gyis tshul du bshad nas/ da ni shes bya yang na zhes bya ba la sogs pa smos so/ /'di skad du bshad pa yin te/ klan ka tshol bas ma rig pa'i sgra'i don ji lta bu btags pa ltar yin du chug na yang / 'on kyang 'dod pa'i phyir ha cang thal ba'i nyes pa med pas mig la sogs pa'i rnam par shes pa de dag la yang 'khrul pa nyid 'di nyes pa med de de dag kyang bslad pa yin pa'i phyir ro//de nyid gnyis med pa zhes bya ba la sogs pas ston te/ mig la sogs pa'i rnam par shes pa rnams kyi rang rig pa nyid gnyis med pa yin te/'di la gnyis med pa'i phyir ro/ /'di ltar rnam par shes pa dang dus snyam du rnam par chad par snang ba gzung ba nyid du 'dod pa sngon po la sogs pa ni gcig dang du mar dpyad ni mi bzod pa nyid kyis don dam par med la/ de la ltos nas rnam par shes pa 'dzin pa nyid du byed pa po'i ngo bo gang yin pa de yang med kyi/rang rig pa nyid ni med pa ma yin te/ de ni mngon sum yin pa'i phyir ro/ /ji ste gal te rang rig pa nyid gnyis med pa yin na/ rang rig pa de ni mngon sum yin pas thams cad de kho na nyid mthong bar 'gyur ro zhe na/ ma yin te mngon sum pa nyid yin yang 'khrul pa'i rgyu mtshan srid pas mi nges pa'i phyir ro//de bas na de ltar ji ltar bshad pa'i gzung ba dang 'dzin pa gnyis dang bral ba'i phyir mig la sogs pa'i rnam par shes pa ni gnyis med pa yin no/ /gnyis med pa de dag gnyis su snang ba'i phyir te/ gzung ba dang 'dzin pa'i ngo bor snang ba'i phyir de dag kyang 'khrul pa yin no zhes le'u gsum pa las bshad par bya'o//gal te tshad ma dang tshad ma ma yin pa ji ltar rnam par dbye zhe na/ thams cad ces bya ba la sogs pa smos te/ bslad pa ni 'khrul pa'o/ /der snang ba ni tshad ma ltar snang ba'o/ /tshad ma dang der snang ba de dag gi rnam par gzhag pa ni rnam par dbye ba'o//gnas pa ni kun gzhi rnam par shes pa'i 'khrul pa'i sa bon can no/ /gnas gyur pa ni sgrib pa dang bral ba'o/ /bar du zhes bya ba ni mtshams te gnas gyur pa'i sngon rol du rtag tu don byed par rung ba dang 'dod pa thob par byed pa'i phyir tshad ma rnam par gzhag go zhes bya bar sbyar ro//don byed pa ni sreg pa dang 'tshed pa la sogs par snang ba'i rnam par rig pa'i mtshan nyid do/ /der rung ba dang der 'dod pa ste/ skyes bu'i 'dod pa yin pa'i phyir ro/ /de thob par byed pa'i phyir ro zhes bya bar tshig rnam par sbyar te/'dod pa kho na thob par byed pa'i phyir zhes nges par gzung gi thob par byed pa kho na'i phyir zhes bya bar ni ma yin te/ tshad ma las kyang res 'ga' rkyen ma tshang bas thob par byed pa mi srid pa'i phyir ro/ /don byed par rung ba dang 'dod pa thob par byed pa'i phyir ro zhes bya ba ni nye bar mtshon pa ste/de bzhin du 'dod pa'i don thob par mi byed pa'i phyir ro zhes bya bar yang blta bar bya'o/ /de ltar na tshad mar snang bar gzhag pa'i rgyu bshad par 'gyur gyi/ de lta ma yin na tshad ma dang der snang bar rnam par gzhag pa'i skabs yin pa'i phyir gcig bstan pa rigs pa ma yin pa'i ngo bor 'gyur ro//rnam par shes pa tsam du zad pa'i lta ba la phyi rol gyi med pa'i phyir ji ltar don byed par rung ba dang 'dod pa thob par byed pa yin zhe na/ de ni nyes pa med de/ me dang chu la sogs par snang ba sreg pa dang / 'tshod pa la sogs pa'i rnam par shes pa bskyed par nus pa nyid rung ba'i sgrar brjod pa'i phyir ro//de ltar na re zhig mig la sogs pa'i rnam par shes pa dang / du ba la sogs pa'i rtags las skyes pa me la sogs par snang ba tshad mar rnam par gzhag pa bshad pa yin no/ /byas pa la sogs pa'i rtags las skyes pa bdag med pa la sogs pa'i shes pa tshad mar rnam par gzhag pa'i phyir/log pa nyid yin yang zhes bya ba la sogs pa smos te/ bdag med pa la sogs pa'i shes pa ni spyi'i rnam par zhugs pa'i phyir nor pa yin mod kyi/ 'on kyang rab tu zhi ba dang mthun pa'i phyir tshad ma yin no/ /rab tu zhi ba ni 'dod chags la sogs pa spangs pa ste/dngos po bdag med pa la sogs pa spyi'i rnam par gzung nas sgom par byed pa'i sgom pa grub na/ 'dod chags la sogs pa'i rang gi mtshan nyid mngon sum du mi byed pas 'dod chags la sogs pa spong ba'i phyir ro/ /yang gang zhig nor pa nyid yin yang rab tu zhi ba dang /mthun par mthong zhe na/ de'i phyir ma la sogs par 'du shes zhes bya ba la sogs pa smos te/ ma ma yin pa las mar 'du shes pa nor ba yin yang / 'dod chags mi skye ba'i rgyu yin pa lta bu'o/ /chos mthun pa 'di tsam gyis 'di dper bstan gyi/ma la sogs par 'du shes pa tshad ma ni ma yin no/ /sogs pa zhes bya ba'i sgras ni sring mo la sogs par 'du shes pa yongs su bsdu'o/ /phyi rol gyi don du lta ba la yang spyi dngos por gyur pa med pa'i phyir gal te rnam par rtog pa thams cad 'khrul pa yin na/ de la ji ltar smig rgyu la sogs pa'i rang gi mtshan nyid chu'i spyi dang bral ba las chu'i rnam par rtog pa skyes pa 'khrul pa yin pa ltar/chu yang dag pa chu nyid kyis stong pa las chu'i rnam par rtog pa skyes pa yang de dang 'dra ste/ de yang de med pa la der 'dzin par zhugs pa'i phyir 'khrul pa nyid yin no/ / de lta bas na gcig ni don thob par byed pa yin la/ cig shos ni ma yin no zhes bya ba 'di ga las shes na/ smig rgyu la zhes bya ba la sogs pa smos te/ gzhan zhes bya ba ni chu yang dag pa la chur shes pa ste/ chu nyid kyi spyi med pa'i phyir ro/ /smig rgyu dag dang chu ni dngos po tha dad pa'o//de las skye ba ste/ der khyad par med par zhes bya bar sbyar ro/ /'khrul par khyad par med kyang zhes bya ba ni ji ltar smig rgyu chu nyid dang bral ba la chu'i spyir sgro 'dogs pa'i phyir chur rnam par rtog pa 'khrul pa ltar/ chu yang dag pa la yang de dang 'dra ste/ de med pa la der 'dzin pa'i ngo bo yin pa'i phyir/mngon par 'dod pa'i don bya ba ni ltung ba la sogs pa ste/ der rung ba ni chu'i rang gi mtshan nyid do/ /mi rung ba ni smig rgyu dag ste/ de las skye ba'i phyir chu yang dag pa dang smig rgyu dag la chu rnam par rtog pa ni go rims bzhin du thob par byed pa dang cig shos dag yin te/cig shos zhes bya ba ni thob par mi byed pa'o/ /mi rung ba'i smig rgyu'i rang gi mtshan nyid las te/ chu'i ngo bo nyid ma yin pa ni chu'i rnam pa can gyi shes pa skyed par byed pa ma yin no snyam du bsams pa yin no/ /rnam par rtog pa rnams zhes bya ba la sogs pas ni lan 'debs te/don dang 'brel pa ni don gyi rnam pa'i rjes su byed par skye ba'o/ /de nyid rnam par rtog pa zhes bya ba la sogs pa ston te/ don ji lta ba bzhin du zhes bya ba ni dngos po las mi 'da' bar ro/ /gal te 'o na ji ltar smig rgyu'i shes pa dngos po tha dad pa las skye bar bshad ce na/smig rgyu zhes bya ba la sogs pa smos te/ dang por smig rgyu dag la mig gi rnam par shes pa ma 'khrul pa skye ba'o/ /de yod na chur 'khrul pa yang dag pa ma yin pa'i rnam par sgro 'dogs par 'gyur bas brgyud pas de las skye ba ste/ smig rgyu las skye ba zhes bya ba'o//bum pa la sogs pa chur 'khrul pa skyed mi nus pa la ni chu ma yin pa zhes bya ba'o/ /de dang bral ba la ni chur 'khrul pa skyed nus pa'i don ces bya ba'i tha tshig go/ /rang gi ngo bo ji lta ba bzhin zhes bya ba ni dngos po'i ngo bo las mi 'da' ba ste/ smig rgyu zhes bya ba'i don de lta bus rang gi ngo bo ji lta ba bzhin bskyed pa'i phyir de las skye pa zhes bya ba ni ma yin no zhes bya bar sbyar ro//rang gi ngo bo ji lta ba bzhin zhes bya ba 'di nyid kyi don ni rang gi ngo bo'i rjes su byed pa zhes bya ba la sogs pa yin no/ /rang gi ngo bo'i rjes su byed pas na/ rang gi ngo bo'i rjes su byed pa ste/ rang gi mtshan nyid dang mthun pa'i gzugs brnyan no//de shes pa la 'jog cing gtod pas bskyed pa'i phyir ni ma yin no/ /yang de dngos su gang gis skyed ce na/ de'i phyir de ni zhes bya ba la sogs pa smos te/ de ni zhes bya ba ni 'khrul pa'o/ /chu dang smig rgyu'i khyad par gang yin pa de mtshon cing bye brag tu nges par gzung ba de la mi gsal ba'i phyir ro//rang gi bag chags ni chur 'khrul pa'i sa bon no/ /de sad pa ni skyed pa dang mthun pa des skyed do/ /khyad par ji lta bu can zhig gis she na/ rkyen la ltos pas te rkyen ni smig rgyu mthong ba dang / chu dang chos mthun pa dran pa la sogs pa'o//de lta bas na zhes bya ba la sogs pa mjug sdud pa ste/ 'khrul pa nyid rnam par rtog pa yin te zhes bya bar tshig rnam par sbyar ro/ /spyi med pa'i phyir dngos po tha dad cing rang gi mtshan nyid tsam du zad de/ rnam par rtog pa'i 'khrul pa'i gang la de las skye ba yod pa de la de skad ces bya'o//spyi tha dad pa mthong ba la ni ma yin te/ de ni gsal ba las ma gtogs pa mi dmigs pa'i phyir ro snyam du bsams pa yin no/ /spyi tha mi dad pa mthong ba las kyang ngo shes pas ma yin zhes bya bar rnal ma dang sbyar te/ gsal ba bzhin rjes su 'gro ba med pa'i phyir ro zhes bya ba ni gsal ba'i bdag nyid yin na/de dang 'dra ba kho nar de la rjes su 'gro ba med pa'i phyir spyi'i ngo bo nyid med pa yin no/ /gzhan gyi ltar na'ang zhes bya ba ni spyi'i ngo bor lta ba'i ltar na'o/ /de ni zhes bya ba ni spyi'i rnam pa can no/ /'ba' zhig nyid las zhes bya ba ni gsal ba la mi ltos pa las so//gzhan gyis zhes bya ba la sogs pa ni rnam par 'grel pa yin no/ /ci'i phyir rigs pa ma yin zhe na/ rtag tu zhes bya ba la sogs pa smos te/ de tsam rnam par shes nas zhes bya ba ni spyi tsam 'dzin na'o/ /gal te zhes bya ba la sogs pas ni rnam par 'chad par byed do//'dis zhes bya ba ni spyi'i rnam pa can gyis so/ /shes pa 'dis zhes bya ba ni spyi la 'chel pas so/ /de'i tshe na zhes bya ba ni spyi 'dzin na'o/ /de ldan zhes bya ba ni spyi'i rten to/ /'brel pa ni spyi dang ldan pa'o/ /de dang ldan pa ni spyi dang ldan pa ste/ gal te shes pa des spyi dang de'i rten 'dzin na ni de'i tshe de gnyi ga 'dzin pa sngon du 'gro ba'i de dang ldan pa nges par 'gyur ro//spyi 'dzin pa de las ji ltar gsal ba la tha snyad 'dogs pa 'jug ste mi 'jug pa nyid do/ /gang gi tshe zhes bya ba la sogs pas ni 'chad par byed de/ de dag ces bya ba ni spyi dang de dang ldan pa dag ste/'di ni khyad par 'di'i spyi'o zhes bya bar ro/ /de lta na ni zhes bya ba ni spyi de dang ldan pa dag 'brel par ma rtogs na ste/ de rtogs pas te spyi rtogs pas de dang ldan pa la ste/ spyi dang ldan pa la'o/ /don gzhan bzhin no zhes bya ba ni rta rtogs pa'i dus na de'i ngo bor ma/ bzung ba ba lang gi rdzas la rta rtogs pas ni 'jug pa ni med do/ /gal te dngos gcig grogs byed pa'i/ /zhes bya ba'i ni spyi grogs byed pa'o/ /'di nyid kyi rnam par bshad pa ni gal te 'di snyam du zhes bya ba la sogs pa yin te/ de'i zhes bya ba ni shes pa'o//gcig lhan cig byed pa yod pa zhes bya ba ni spyi lhan cig byed pa yod pa zhes bya ba'i tha tshig go/ /de dang lhan cig tu zhes bya ba ni spyi dang lhan cig tu ste/ de ltar na spyi dang ldan pa gnyi ga gzung ba'i phyir mi rtogs pas spyi dang ldan pa rtogs par grub po snyam du bsams pa yin no//slob dpon gyis dngos po gcig des zhes bya ba la sogs pa smos te/ dngos po gcig ni spyi'o/ /gsal ba de rnams kyi tha dad pa nyid sel cing 'dor ram ci/ yang ji ste de rnams kyi tha dad pa nyid sel bar 'dod ce na/ de'i phyir tha dad phyir ni zhes bya ba la sogs pa smos te/ni zhes bya ba'i sgra ni gang gi phyir zhes bya ba'i don yin no/ /de dag la zhes bya ba ni gsal ba dag la'o/ /gcig pu des zhes bya ba la sogs pas ni 'chad par byed de/ gcig pu des zhes bya ba ni spyis so/ /khyad par rnams kyis tha dad pa nyid gang yin pa de ni khyad par de dag la gcig gis rnam par shes pa mi skyed pa nyid kyi rgyu yin par brjod do//de bas na tha dad pa'i phyir gsal ba rnams kyis gcig gi rnam par shes pa mi 'dzin pa'i phyir/ spyi gcig dang 'brel du zin kyang gal te khyad par rnams tha dad pa nyid la mnyam na/ de dag la rnam par shes pa rnam pa gcig pa can mi skye bas snga ma bzhin du gsal ba rnams mi 'dzin par 'gyur ro//gal te gsal ba'i ngo bo du ma'ang gcig ces bya ba la spyi la'o/ /tha dad pa'i phyir zhes bya ba la sogs pas ni 'chad par byed de/ gal te khyad par gyis skyes par 'gal ba zhig tu gyur na ni/de'i tshe spyi yod du zin kyang khyad par rnams kyis gcig gi rnam par skyed par mi byed do/ /de dag ces bya ba ni gsal ba dag go/ /ci ril gyis med par ram zhe na/ ma yin te re re med par yang zhes bya ba smos te/ 'di ltar khra bo med kyang khu yul ba lang gi blo 'byung la/ de med na gzhan la yang 'byung ngo / /de ltar na gsal ba thams cad re re zhing med kyang spyi/ de gcig gis kyang bskyed par bya'i/ blo mngon par shes pa'i bdag nyid la gsal ba de rnams nus pa med do/ /rgyu de'i phyir/ blos spyi'i blo gsal ba de rnams 'dzin pa med pa yin no/ /de nyid de ni ji ltar zhes bya ba la sogs pas ston te/shes pa de la zhes bya ba ni spyi'i rnam pa can la'o/ /de yod pa'i phyir zhes bya ba ni spyi'i shes pa yod pa'i phyir te/ 'dis ni ldog pa med par bshad do/ /sbyor ba ni gang zhig gang med kyang yod pa de ni de'i rgyu mtshan can ma yin te/ dper na sA lu'i sa bon med kyang nas kyi myu gu yod pa lta bu'o//khra bo med kyang khu yu la ba lang gi blo 'byung bas khyad par byed pa 'gal ba yin te/ de med na med pas de'i rgyu mtshan can la khyab pa'i phyir dang / de med kyang yod pa ni de dang 'gal ba'i phyir ro/ /de bzhin du gsal ba gzhan la yang phyogs kyi chos spangs nas brjod par bya'o//spyi ni de la nus pa yod pas spyi med na zhes bya ba la sogs pa smos te/ spyi med na spyi'i blo med pa'i phyir te/ 'dis ni ldog pa bshad do/ /gzhan du na zhes bya ba ni spyi yod na spyi'i blo yod pa'i phyir te/ 'dis ni rjes su 'gro ba bshad do/ / sbyor ba ni gang zhig gang med kyang yod na yod la med na med pa de la mi ltos par de tsam gyi byed rgyu can yin te/ dper na nas kyi sa bon med kyang sA lu'i sa bon yod na yod la med na med pas sA lu'i myu gu lta bu'o/ /khra bo med kyang spyi yod na spyi'i blo yod la/ med na yang med pas rang bzhin gyi gtan tshigs su thal bar 'gyur ba yin no//gal te spyi dang lhan cig pa'i gsal ba rnams kho na'o/ /spyi'i blo la nus par 'dod na/ de'i tshe ji skad bshad pa'i tshul gyis spyi kho na la nus pa yod kyi/ gsal ba rnams la ni ma yin no/ /de lta bas na gsal ba rnams kho na tha dad kyang rang bzhin gyis rnam par shes pa gcig tu snyems pa can bskyed do//de lta ma yin na spyi med pa'i phyir spyi'i blo de rjes su 'gro ba dang ldog pa'i rjes su byed pa ma grub po/ /'di ni nyes pa med de zhes bya ba la sogs pas ni lan 'debs te/ re re bsal kyang zhes bya ba ni re re nas kyang bsal kyang zhes bya ba'i don to//'di ltar gang gi tshe mig gi rnam par shes pa sngon po la sogs pa'i tshogs la dmigs pa skye ba na/ de la sngon po la sogs pa re re bsal kyang kha dog gi tshogs lhag ma la mig gi rnam par shes pa skye ba kho nar 'gyur la/de tsam gyis sngon po la sogs pa'i tshogs la yang nus pa med pa ma yin gyi/ 'on kyang sngon po la sogs pa'i tshogs la so sor nus pa yod pa kho na'o/ /de bzhin du bsal ba 'di la yang so sor re re bstsal na zhes bya ba bsal ba re re nas bsal na yang spyi'i rnam par shes pa skye ste/'di tsam gyis ni dus thams cad du bsal ba rnams so sor nus pa med pa ma yin no zhes bya bar sbyar ro/ /'di skad du khra bo med na khu yu lhan cig byed pa'i spyis bskyed par bya ba'i rnam par shes pa la khra bo'i nus pa med mod kyi/ 'on kyang rang gi bdag nyid lhan cig byed pas 'byung ba'i rnam par shes pa skye ba la nus pa yod pa kho na yin la de bzhin du khu yu la sogs pa la yang rang gi rten gyi sgo nas 'byung ba'i rnam par shes pa la nus pa yod do/ /de bas na gang zhig gang med na zhes bya ba'i sbyor ba ma nges pa yin no zhes smras pa yin no//slob dpon gyis mi mthun par nye bar bkod pa ste zhes bya ba smos te/ nye bar bkod pa yin pas na/ nye bar bkod pa ni sngon po la sogs pa'i dpe ste/ de skabs su bab pa dang 'dra ba med do zhes bya ba'i tha tshig go/ /gsal ba la ji ltar yang ni de ltar min zhes bya ba ni gsal ba rnams la ni so sor yang nus pa med la/tshogs pa las yang med do zhes bya ba'i tha tshig go/ /de nyid sngon po la sogs pa zhes bya ba la sogs pa ston te/ so so'i nus pa yang mthong zhes bya ba ni sngon po la sogs pa ji ltar rang rang gi ngo bos tha dad pa de bzhin du mig gi rnam par shes pa rnams kyang rnam pa tha dad pa'i phyir te/de la sngon po dang lhan cig pa'i tshogs kyis bskyed par bya ba'i mig gi rnam par shes pa gang yin pa de ni med na med la/ skyed pa gang yin pa de ni gzhan kho na yin no/ /de lta bas na tshogs kyi rnam pas nye bar bsgyur ba'i rnam par shes pa sngon po la sogs pa so so'i rjes su 'gro ba dang ldog pa'i rjes su byed pa'i phyir de rnams la ni so sor nus pa yod par mngon pas tshogs la yang nus pa mi 'gal lo//nam yang zhes bya bas ni so sos kyang ma yin la tshogs pas kyang ma yin pa'o/ /'di skad du bshad pa yin te/khra bo dang lhan cig pas bskyed par bya ba'i ba lang gi shes pa yang gzhan khu yu dang lhan cig bskyed par bya ba yang gzhan yin pa zhig tu gyur na ni/ de'i tshe gsal ba rnams la rang gi rten gyi sgo nas 'byung ba'i rnam par shes pa la so sor nus pa yod par shes par 'gyur ba zhig na 'on kyang gsal ba thams cad la mngon par shes pa gcig kho nar zad do//de ni thams cad la rnam pa gcig pa can yin pa'i phyir ro/ /de bas na khra bo yod na ba lang gi shes pa skye ba gang yin pa de nyid khra bo med na yang / khu yu lhan cig byed pa'i spyi las skye bas gsal ba rnams la so sor nus pa yod par rtogs pa ma yin no//gal te spyi la mi ltos par rjes su 'gro ba'i rnam par shes pa skyed na/ de lta na de dag la nus pa yod par 'gyur ba zhig na de yang med de/ de lta bas na gsal ba rnams kyis spyi'i mtshan nyid shes pa de la mi nus pa'i kho na yin pa'i phyir spyi'i shes pa des de rnam par mi 'dzin par 'gyur ro//gal te gsal ba de dag gi nang nas 'ga' zhig la ltos nas te/ gsal ba cung zad gcig la ltos nas zhes bya ba'i tha tshig go/ /des zhes bya ba ni spyis so/ /'ba' zhig min zhes bya ba ni gsal ba la ma ltos pas so//'on te zhes bya ba la sogs pas ni 'chad par byed de/ tha ga pa ni thags 'thag pa'o/ /thags zangs mang po zhig gi nang nas thags zangs re re med kyang thags zangs gang yang rung ba 'ga' zhig gis ras yug 'thag pas thams cad la 'khrul du zin kyang / de kho na la tha ga pa thags zangs dang bral ba de kho na las ras yug 'byung ba zhes brjod par nus pa ni ma yin te 'di ltar spyil pos ras yug brtag pa mi nus pa'i phyir tha ga pa thags zangs dang ma bral bar ras yug 'thag go/ /slob dpon gyis de lta yin na zhes bya ba la sogs pa smos te/spyi ni de dag gi nang nas gang yang rung ba zhig la ltos nas nus so zhes smras pas spyi gsal bas phan par bya ba yin par 'dod de/ phan mi 'dogs pa la ltos pa mi rung ba'i phyir ro/ /gal te de lta yin na ni gsal ba de dag gis spyi de gcig la phan 'dogs na go//ji ltar blo gcig nyid la min ji ltar mngon par shes pa'i bdag nyid kyi blo gcig kho na la phan 'dogs par mi byed de/ de la yang phan 'dogs par 'gyur ro zhes bya ba'i tha tshig ste/ nyid ces bya ba'i sgra ni kho na zhes bya ba'i don to/ /don tha dad pa rnams zhes bya ba la sogs pas ni 'chad par byed de/tha dad pa mtshan nyid mi mthun pa rnams don gcig la sbyor ba ste/ ngo shes pa la sogs pa'i don gcig byed pa 'gal bas 'di thams cad spyi grub par bya ba'i phyir brtsams pa yin na'o/ /de rnams la zhes bya ba gsal ba rnams la mngon par shes pa zhes bya ba'i rnam par shes pa gang gis na rnam par shes pa de mi skye ba'i nyes pa ci zhig byas cung zad kyang ma byas te/da lta bas na de nyid bskyed do snyam du bsams pa yin no/ /de lta yin na de la bar ma do'i lhag mas ci zhig bya ste/ spyi bo dang yan lag gi bar na sha lhag yod pa ni bar ma do'i lhag pa ste/de dang 'dra ba la de skad ces bya ste/ de lta bu'i don med pas zhes bya ba'i tha tshig go/ /gal te tha dad pa rnams la spyi gcig pa la phan 'dogs pa'i nus pa yod de de'i phyir de dag spyi kho na la dngos su phan 'dogs kyi rnam par shes pa la ni ma yin no zhe na/ de'i phyir ji ltar zhes bya ba la sogs pa smos te/ de gcig kho na zhes bya ba spyis bskyed par bya ba'i rnam par shes pa gang yin pa de kho na skyed pa la rag mod spyi la phan 'dogs pa mi dgos pas ci zhig bya/ 'di snyam du rnam par shes pa gsal ba rnams rang gi rnam pa nye bar 'jog pas zho sha 'bul ba ni ma yin te/spyi'i rnam pa can gyi shes pa la rang gi mtshan nyid mi snang ba'i phyir ro/ /'on kyang bdag po tsam gyis yin na de ni spyi la ji lta bar rnam par shes pa yang de dang 'dra bas mtshungs so snyam du bsams pa yin no/ /gzhan yang gal te gsal ba de dag gis spyi la phan 'dags na de'i tshe spyi'i bdag nyid 'di'i gsal ba de rnams kyi 'bras bur gyur te/'di ltar phan 'dogs pa nyid skyes pa yin no/ /de nyid gsal bar bya ba'i phyir sngon rol bzhin du zhes bya ba la sogs pa smos te/ phan 'dogs par byed pa nye ba na yang phan 'dogs par byed pa nye ba'i sngon rol bzhin du'o//bogs ni khyad par ro/ /de med pa'i phyir bogs med pa'i bdag nyid rang gi ngo bo 'dzin pa'i spyi 'di la ni phan pa zhes bya ba 'ga' yang med de zhes bya bar sbyar ro/ /ha cang thal bar 'gyur ba'i phyir te/ de lta na ni thams cad kyang thams cad la phan par byed par 'gyur ro//de lta bas na phan par byed pa pos phan par bya ba'i bogs shig skyed do zhes bya bar khas blangs dgos so/ /bogs de yang phan gdags par bya ba'i bdag nyid du gyur pa yin pas phan 'dogs pa nyid la skyed pa yin no/ /spyi las don gzhan du gyur pa kho na'i bogs shig gsal bas skyed do zhe na/de'i phyir don gzhan zhig ces bya ba la sogs pa smos te/ phan pa don gzhan des phan par bya ba'i spyi de la ci zhig byed/ yang na gang gis na spyi des phan pa 'di yin no zhes 'brel par 'gyur ba spyi des phan pa don gzhan de la ci zhig byed spyi dang 'brel pa'i phan pa byed pa'i phyir gsal ba rnams kyang phan par byed pa yin la phan pa'i rten ni spyi yin pas de'i phyir de dag rten dang brten pa'i mtshan nyid kyis 'brel to zhe na/de'i phyir de de'i rten nyid ces bya ba la sogs pa smos te/ gang la rten spyi de yod pas zhes phan pa de de'i rten can nyid yin du'am/ yang na phan pa de'i rten yin pas na spyi de de'i rten nyid yin du'o/ /phan par byed pas na phan 'dogs pa'o/ /de med pa'i phyir phan 'dogs pa med pa ste spyi'o/ /phan pa 'di la spyis byas pa'i phan pa yod pas na phan 'dogs pa'o/ /de bkag pa'i phyir phan 'dogs pa med pa ste/ brjod pa gcig gis don gnyis smos pa yin no//des na don ni spyi dang phan pa phan 'dogs pa med pa la/ go rims bzhin du rten dang brten pa'i dngos po 'di ci zhig yod ces bya ba 'di yin no/ /yang na ni ha cang thal bar 'gyur ro zhes bya ba ni phan 'dogs pa med pa la rten dang brten pa'i dngos po yod na ni de thams cad la thal bar 'gyur ba'i phyir ro//phan 'dogs na yang zhes bya ba ni spyis byas pa'i phan pa khas len na spyi de kho na la phan pa de 'brel pas phan pa de byed pa'i phyir spyi de la phan par byed pa gsal ba'i khyad par gzhan ci dgos te mi dgos pa kho na'o zhes bya ba'i tha tshig go//de la ltos pa zhes bya ba ni gsal ba la ltos pa'o/ /rten gyis zhes bya ba spyis te phan pa'i rten yin pa'i phyir ro// //bam po bcu gnyis pa/ de la sbyor na ni zhes bya ba ni phan pa de la nye bar sbyor bar rtogs na ni skyi rtag pa'i phyir phan par bya ba ma yin pa nyid la gsal ba la ltos pa zhes bya ba 'di ci zhig yod de med pa kho na'o//'o na gang zhig ltos she na/ de las skye ba zhes bya ba la sogs pa smos te/ ltos par bya ba de las skyes pa ni de las skye ba'o/ /gang la chos de'i ngo bo nyid yod pa de ni de las skyes ba'i chos can gyi dngos po'o//rang bzhin 'brel cing rag las pa'i phyir phan par byed pa la ltos pa zhes bya ste/ bya zhes bya ba'i sgras ni grags pa ston par byed pa yin no/ /gal te spyi mi skye ba'i chos can la yang ltos par 'gyur ro zhe na/ bogs dbyung du med pa zhes bya ba la sogs pa smos te/gang la bdag nyid phan par byed pa gzhan dag gis bogs dbyung du yod pa med pa de la de skad ces bya ste/ gang la de lta bu'i bdag nyid yod pa zhes yang 'bru mang po par bya'o/ /spyi dngos po ni de lta bu yang yin la gzhan dag la yang ltos so zhes bya ba 'di ni khyab par byed pa 'gal ba dmigs pas nyams pa yin te/'di ltar ltos pa ni bogs dbyung du yod pa nyid kyis khyab la bogs dbyung du med pa nyid ni de dang 'gal ba'i phyir ro/ /gang cung zad dngos po 'ga' zhig rten la lar 'brel pa dngos po las gyur pa de thams cad ni bskyed par bya ba ste/ 'bras bu kho na'i khongs su gtogs so//gal te rten gyis brten pa'i bdag nyid du ma gyur pa kho na'i phan pa zhig byed do zhe na/ gzhan gyi dngos po zhes bya ba la sogs pa smos so/ /de la phan pa med pa'i phyir zhes bya ba phan gdags par bya ba de la phan pa med pa'i phyir te/ gzhan la byas na gzhan la phan gdags par bya ba ni ma yin no//de de'i rten nyid du phan 'dogs pa med pa la brten pa dang brten pa'i dngos po 'di ci zhig yod ces bya ba thams cad kyang brjod par bya'o/ /zlos pa nyid kyis nyes pa yang med do/ /sngar ni spyi dang de dang ldan pa dag la phan par bya ba dang phan par byed pa'i ngo bo'i sgo nas bshad/da ni 'brel pa dngos po las gyur pa thams cad kyi yul la brten nas bshad do/ /de lta bas na don gzhan byed pa'i phyir rten du 'dod pa ni cung zad kyang mi byed pa yin no/ /gal te de lta bu yang phan par byed pa'i yin par 'dod de zhe na/ cung zad kyang zhes bya ba la sogs pa smos so//de'i phyir zhes bya ba 'jug sdud pa ste/ gang gi phyir de lta yin pa de'i phyir ro/ /rnam par shes pa bskyed na zhes bya ba ni rjes su 'gro ba'i rnam par shes pa bskyed na ste/ spyi 'di 'bras bur 'gyur bar gsal lo/ /ji skad bshad pa'i nyes pas 'jigs pas spyi gsal ba la mi ltos pa 'ba' zhig gis spyi'i rnam par shes pa bskyed par nus par khas len na ni gsal ba rnams kyi dus nam yang rjes su 'gro ba'i rnam par shes pa gang la yang nus par ma grub pa'i phyir gsal ba rnams gzung bar bya ba nyid ma yin te/rgyu ma yin pa la yul nyid mi rung ba'i phyir ro//rnam par shes pa la snang ba'i phyir zhes bya ba ni nus pa med pa ri bong gi rwa la sogs pa ni rjes su 'gro ba'i rnam par shes pa la snang ba med kyi/ gsal ba rnams ni snang ste/ de lta bas na spyi dang 'dra bar de rnams kyis kyang nus so snyam pa'o/ / gsal ba gang dag la spyi'i rnam par shes pa la phan 'dogs par ma grub pa yod pa de dag ni phan 'dogs par ma grub pa can rnams te/ de rnams ji ltar spyi'i rnam par shes pa la snang ste/ mi snang ba nyid do/ /gal te phan 'dogs pa nyid ji ltar ma grub ce na/ de nyid ces bya ba la sogs pa smos te/de nyid ces bya ba ni phan pa'o/ /spyi khas len na/ de nyid kyis de la nus kyi gsal ba rnams kyis ni ma yin te/ ji skad du/ de dag re re med pa yang / /de gcig gis kyang bskyed bya ba'i/ /zhes bya ba la sogs pa bshad pa lta bu'o/ /gsal ba rnams spyi'i rnam par shes pa la mi phan du zad mod/yul nyid du lta ji ste/ mi 'gyur zhe na/ 'di ltar zhes bya ba la sogs pa smos te/ ha cang thal bar 'gyur ba'i phyir ro zhes bya ba ni phan 'dogs par byed pa ma yin pa yul nyid yin na ni/ thams cad kyang rnam par shes pa thams cad kyi yul du 'gyur ro//gal te yul ma yin du zin kyang snang bar go ji ste mi 'gyur zhe na/ yul ma yin pa ni zhes bya ba la sogs pa smos te/ gal te zhes bya ba la sogs pa la sogs pa zhes bya ba'i sgras ni gtso bo dang dbang phyug la sogs pa lung ji bzhin du brtags pa rnams bsdu'o//med pa rnams zhes bya ba ni nus pa'i rgyu med pa'i phyir ro/ /grub pa'i mtha' smra bas de dag gis zhes bya ba la sogs pas grub pa'i grub pa yin par ston te/ de dag gi shes pa rnams zhes bya ba ni 'das pa la sogs pa'i shes pa rnams so/ / yul med pa nyid yin na ji ltar de dag la byung bar 'gyur ro zhes bya ba de lta bu la sogs pa'i don gyi rjes su byed par snang zhe na/ don med du zin kyang zhes bya ba la sogs pa smos te/ de'i rjes su byed pa zhes bya ba ni don gang nyams su myong ba 'das pa de'i rjes su byed pa'o/ /don 'das pa kho na la mi gsal ba'i ngo bo rjes su byed pa'i phyir te/gang zhig gis rjes su byed par 'gyur ba 'das pa zhes bya ba la sogs pa ni cung zad kyang med do/ /snang ba de yang rnam par shes pa'i bdag nyid du gyur pa kho na yin te/ phyi rol gyi la mi gsal ba'i ngo bo med pa'i phyir ro/ / de'i rjes su byed pa nyid kyi rgyur nyams su myong ba lta bus zhes bya ba la sogs pa smos te/ de ltar gyis don nyams su myong ba ji lta bu skyes pa des gzhag pa'i bag chags gang yin pa de las skye ba'i rnam par shes pa ni nyams su myong ba'i don gyi rnam par skye'o zhes bya ba'i don to/ /da lta'i gnas skabs na don nyams su myong ba'i phyir 'das pa la ni don nyams su myong ba de lta bu las skye bar rigs grang na/ma 'ongs pa la go ji ltar te/ de la don nyams su myong ba ni med do zhe na/ de la yang don 'di lta bu zhig 'byung bar 'gyur ro zhes bya ba de lta bu'i sgra las brjod pa dang 'dres ba'i rnam par rtog pa skye ba gang yin pa de nyid rang rig pa yin pa'i phyir nyams su myong ba de lta bu yin la des gzhag pa'i bag chags las skye ba'i phyir nyes pa med do//de bzhin du dbang phyug la sogs pa'i rnam par rtog pa la yang lung ji lta ba bzhin du sgra'i rnam pa can gyi rnam par rtog pa nyams su myong ba'i bag chags las skye ba rnam par bshad par bya'o//de ltar na 'das pa la sogs pa yul ma yin pa'i phyir phan par byed pa ma yin pa ni yul ma yin te zhes bshad pa gang yin pa de nges pa nyid yin no/ /de lta yin na gsal ba phan 'dogs par ma grub pa can rnams yul ma yin pa'i phyir spyi'i shes pa la snang ba med do//de bas na rnam par shes pa la snang ba'i phyir gsal ba'i rnams kyis nus so zhes smras pa gang yin pa de ma nges pa nyid du bshad pa yin no/ /da ni snang ba khas blangs nas ma nges pa nyid du bstan pa'i phyir yod pa dang med pa'i zhes bya ba la sogs pa smos so//rnam par shes pa don yod na ni yod la de med na ni med pa ni yod pa dang med pa'i rjes su byed pa ste/ de'i phyir rnam par shes pa la don gyi nus pa yod par mngon no/ /snang ba'i phyir ni ma yin te/ 'di ltar dngos po'i tshul gyis ni spyi rnam par rtog pa can gyi rnam par shes pa la mi snang yang nus pa khas len pa'i phyir ro//de nyid gsal ba la ma gtogs pa zhes bya ba la sogs pas ston te/ gsal ba la ma gtogs pa spyi snang ba ni med do/ /spyi snang ba can rnam par rtog pa'i shes pa gang yin pa de yang kha dog dang dbyibs la sogs pa'i rnam pa can kho na yin te/de la ni kha dog la sogs pa'i rnam pa ma gtogs pa spyi'i rnam pa gzhan ni mi snang ngo / /spyi ni kha dog dang dbyibs la sogs pa'i bdag nyid kyang ma yin te/ de lta bas na dngos po'i tshul gyis na rnam par shes pa la spyi mi snang ngo / /'on kyang khyed kyi gzhung lugs kyis rnam par shes pa la mi snang ba de la byed pa yod cing nus pa yod pa'i phyir te/'dis 'bras bu byed cing bskyed pas na byed pa ni nus pa la bya'o/ /de ltar na snang ba med du zin kyang nus pa khas blangs par bstan pa yin no/ /snang ba yod du zin kyang nus pa med par bstan pa'i phyir skra la sogs pa zhes bya ba la sogs pa smos te/dngos po nyid las nyams shing bral bas na nyams pa'o/ /sgra la sogs pa nyid nyams pa yin pas zhes tshig rnam par sbyar te/ de dag ni rab rib can la sogs pa'i shes pa la snang na 'on kyang de rnams la byed pa med pa'i phyir ro//byed pa zhes bya ba'i sgra ni snga ma bzhin du bye brag tu bshad pa'i phyir byed pa med pa zhes bya ba'i sgras ni nus pa med pa brjod de/ rnam par shes pa skyed par mi nus pa'i phyir zhes bya ba'i don to/ /de ltar na nus pa med kyang snang ba'i phyir/snang ba'i phyir nus pa yod do zhes bya ba ma nges so zhes bshad pa yin no/ /de dag de gcig la phan na/ /ji ltar blo gcig nyid la min/ /zhes bshad pa gang yin pa de la gzhan gyi lan gyi dogs pa bsu bar gal te tha dad min zhes bya ba la sogs pa smos te/ rnam pa gcig pa can zhes bya ba'i tha tshig go//tha dad rnams la zhes bya ba ni rang gi mtshan nyid rnams la'o/ /du ma las zhes bya ba la sogs pas ni 'chad par byed de/ mtshan nyid mi mthun pa de dag gi rnam par ni de dag gi rnam pa'o/ /blo gang la de gzhag cing gtad pa yod pa de la de skad ces bya ste/gal te mtshan nyid mi mthun pa rnams kho na las skye na ni/ de lta bur ni tha mi dad par snang bar mi 'gyur ba zhig na snang bar 'ang 'gyur te/ de lta bas na mtshan nyid mi mthun pa rnams kho na las skye ba ni ma yin gyi 'on kyang spyi ni dngos po las skye'o zhe na/ spyi'i 'dzin pa rnams la zhes bya ba la sogs pas ni lan 'debs so//'di skad du bshad pa yin te/ gal te rang gi mtshan nyid rnams rang gi rnam par 'jog pas spyi'i rnam pa can gyi blo rnams skyed par byed pa yin par 'dod na ni de'i tshe ji ltar tha dad pa rnams la tha mi dad pa snang ba zhes bya ba 'di rung bar 'gyur ba zhig na de ni med de/'di ltar spyi 'dzin pa'i blo rnams la ni rang gi mtshan nyid mi snang ba nyid do/ /'di ltar spyi 'dzin pa'i blo rnams la rang gi mtshan nyid snang ba zhig tu khas len na rnam par brtag pa gsum te/ mig la sogs pa'i blo la gsal ba rnams ngo bo gang gis snang ba de nyid spyi'i blo rnams la yang snang ba'am/spyi'i blo la snang ba'i ngo bo gang yin pa de nyid rang gi mtshan nyid rnams kyi yin pa'am/ gang gis na ngo bo gcig ni mig gi rnam par shes pa la snang ba cig shos ni rnam par rtog pa can gyi blo la snang bar 'gyur ba khyad par gcig la ngo bo gnyis yod pa yin pa zhig tu khas blang grang /de la phyogs dang po ltar yin na ni mig la sogs pa'i blo bzhin du rang gi mtshan nyid med na spyi'i blo rnams kyang med par 'gyur ba zhig na de ltar yang ma yin te/ de med kyang rang gi mtshan nyid med kyang spyi'i blo de dag yod pa'i phyir ro/ /phyogs gnyis pa med par bstan pa'i phyir/rang gi rnam par shes pa la zhes bya ba la sogs pa smos so/ /rang gi rnam par shes pa ni mig la sogs pa'i rnam par shes pa ste/ de dag ni gsal ba thun mong ma yin pa snang ba can yin pa'i phyir rang gi rnam par shes pa yin no/ /spyi'i rnam pa las rnam pa gzhan du thun mong ma yin pa'i rnam par snang ste/gal te spyi'i rnam pa can gyi shes pa la snang ba'i ngo bo kho na gsal ba rnams kyi yin pa zhig tu gyur na/ de'i tshe rang gi rnam par shes pa la rnam pa gzhan du snang bar mi 'gyur ro/ /gal te gsal ba rnams la ngo bo gnyis yod ce na/gcig la rnam pa du ma mi rung ba'i phyir zhes bya ba smos te/ gcig dang du ma nyid dag 'gal ba'i phyir/ gcig la du ma nyid ni rigs pa ma yin no/ /'dis ni phyogs gsum pa med par bshad do/ /ha cang thal bar 'gyur ba'i yang phyir ro zhes bya ba ni/gcig la du ma nyid du rtog na gang la yang gcig pa nyid du mi 'gyur ro zhes bya ba'i tha tshig go/ /de lta bas na rang gis mtshan nyid kho na khyad par gyi bdag nyid yin gyi/ spyi ni khyad par gyi bdag nyid ma yin la/ khyad par yang spyi'i blo la mi snang ngo / /gang gi phyir de lta yin pa de'i phyir spyi'i rnam pa can gyi blo 'di ni de las byung zhing /don tha dad pa las 'byung zhing don tha dad pa 'dzin pa yin na/ rang gi mtshan nyid kyi rnam pa can yin na ni tha mi dad cing rnam pa gcig pa can du snang bar mi 'gyur ro/ /'on kyang 'di ni rang gi mtshan nyid 'dzin pas nyams su myong bas gzhag pa'i bag chags la brten nas rang bzhin gyis 'khrul pa kho nar skye la brgyud pas ni gsal ba rnams rgyu yin par brjod do//gal te spyi'i blos rang gi mtshan nyid snang ba ma yin na/ ji ltar sgra'i shes pa dang / rang gi don gyi rjes su dpag pa las 'jig rten tha snyad la 'jug ce na/de'i phyir de mi snang bas kyang zhes bya ba la sogs pa smos so/ /rang gi mtshan nyid mi snang bas kyang rang la snang ba don med pa la don du lhag par zhen pa'i 'khrul pa'i rgyus 'jig rten tha snyad 'dogs par byed cing 'jug par byed de/ snang ba dang rnam par brtag par bya ba'i don dag gcig tu byas nas 'jug par byed do zhes bya ba'i tha tshig go//gal te tha mi dad pa'i ngo bo nyid med na tha mi dad pa'i rnam pa can gyi blo mi rung ba yin nam/ de lta bas na don rnams tha mi dad pa'i rnam pa yang yod dgos so zhe na/ de la snang ba'i zhes bya ba la sogs pa smos te/rnam par rtog pa can gyi blo de la snang ba'i spyi'i rnam pa de ni don rnams la med de de spyi tha dad pa gsal ba la ma rtogs pa mi dmigs pa'i phyir dang tha mi dad pa ni gsal ba bzhin du rjes su 'gro ba med pa'i phyir ro/ /tha mi dad pa'i ngo bo nyid med na tha mi dad pa'i rnam pa can gyi rnam par rtog pa 'brel pa med do zhes smras pa yin zhe na/de'i phyir tha dad pa'i tha mi dad pa ni ma gtogs so zhes bya ba smos te/ tha dad pa ni gzhan sel ba'o/ /de nyid tha mi dad pa yin te/ 'di ltar ji ltar ba lang gi gsal ba gcig la ba lang ma yin pa las ldog pa ltar gzhan yang de dang 'dra'o//de bas na rnam pa 'dis ni tha dad pa'i tha mi dad pa rang gi mtshan nyid rigs mi mthun pa las ldog pa rnams kho na la bya'o/ /ma gtogs so zhes bya ba'i sgra'i don ni 'dun pa ma yin pas rnam par dbye ba brgyud do/ /des na tshig gi don ni 'di yin te/ ji skad bshad pa'i rnam pas na rang gi mtshan nyid kyi bdag nyid kyi tha dad pa'i tha mi dad pa las gzhan pa snang ba'i rnam pa ni don rnams la med kyi/'on kyang mtshan nyid kyi bdag nyid kyi tha dad par rigs mi mthun pa las log pas tha mi dad pa kho na thams cad la yod la/ de yang rang bzhin gyis brgyud pas spyi'i rnam pa can gyis mngon par shes pa'i sa bon yin no snyam du bsams pa yin no//rang gi mtshan nyid kyi bdag nyid kyi gzhan sel ba 'di yang brgyud pas rnam par rtog pa'i bdag po tsam yin gyi snang bas ni ma yin no/ /gal te rnam par rtog pa la snang ba'i rnam par yang ji ste/gsal ba rnams la med ce na/ de ni med pa'i ngo bo yin te zhes bya ba smos so/ /ni zhes bya ba ni 'di ltar zhes bya ba'i don te/ rnam par rtog pa la snang ba'i rnam pa de ni gsal ba rnams la de nyid dang gzhan nyid du de'i rang gi ngo bo rnam par gzhag pa mi nus pa'i phyir ngo bo nyid med pa kho na yin te/gsal ba las gzhan pa nyid gcig yin na ni/ nyams su myong ba'i blo sna tshogs su snang bar 'gyur la/ de nyid yin na ni gsal pa bzhin du rjes su 'gro ba med pa'i phyir mtshungs pa ma yin pa nyid do/ /gsal ba zhig na yang de dang tha mi dad pa'i phyir zhig pas gsal ba zhig pa las spyi'i rnam pa can gyi blor yang mi 'gyur ro//de lta bas na rnam par rtog pa la snang ba'i rnam pa 'di ni 'khrul pa kho na yin no/ /blo des de kho na 'dzin pa na ste/ de'i rnam par skye ba nyid 'dzin pa yin no/ /de ltar zhes bya ba ngo bo med pa'i rnam par 'dzin pa'i phyir bslad cing 'khrul par 'gyur ba'i snga ma rig pa'i mthus rnam par rtog pa rnams la mthu 'di med do zhes bya ba la sogs pas bshad zin to//nyes pa yongs su spangs pa bshad nas/ de ni mtshungs pa nyid du bsgrub pa bstan pa'i phyir/ gzhan yang zhes bya ba la sogs pa smos so//gzhan gyis mtshungs pa ma yin zhes bya ba smras te/ de la zhes bya ba ni gsal ba tha dad pa rnams la yang ngo / /spyi de kho na la blo rnam pa mtshungs pa can du 'gyur bas klan ka mtshungs pa ma yin no zhe na/ grub pa'i mtha' smra bas de la zhes bya ba la sogs pa smos so//gsal ba de la spyi de yod kyang gsal ba rnams nyams su myong ba'i blo dag gis snang ba'i rnam pa mi rtogs te/ mig la sogs pa'i blos gsal ba'i rnam pa dang spyi'i rnam pa gnyi ga rtogs par myong ba ni med pas spyi rtogs pa med pa'i sgo nas kyang ji ltar gsal ba rnams la rnam pa gcig pa can gyi blor 'gyur/gal te mig la sogs pa blo la spyi'i rnam par rtog pa kho na'o zhe na/ de ni zhes bya ba la sogs pa smos te/ gsal ba rnams la nyams su myong ba'i blo de ni kha dog dang dbyibs su snang ba dang ldan par yid ches shing nyams su myong ngo //gal te kha dog la sogs pa'i rnam pa kho na spyi yin no zhe na/ spyi ni zhes bya ba la sogs pa smos so/ /de lta bu zhes bya ba ni kha dog dang dbyibs kyi rnam pa ste/ kha dog dang dbyibs la sogs pa ni yin la spyi ni yon tan tha dad pa'i phyir ro/ /de la ma gtogs pa zhes bya ba ni kha dog dang dbyibs las ma gtogs pa'o//de ltar na re zhig spyi tha dad par smra ba bye brag pa dang rigs pa can la sogs pa la tha mi dad pa'i shes pa mi rung ste/ spyi med pa'i phyir ro/ /spyi tha mi dad par smra ba grangs can la yang rigs pa ma yin par bstan pa'i phyir rnam pa spyi yin par zhes bya ba la sogs pa smos pa te/rnam pa ni rang gi mtshan nyid rnams kyi bdag nyid du gyur pa kho na'i 'dra ba yin no/ /de nyid spyi yin te grangs can gang la der smra ba yod pa'am/ gang la der smra ba'i ngang tshul yod pa de la de skad ces bya'o/ /spyi de khyad par bzhin du rang gi mtshan nyid las tha mi dad pa'i rgyus don gzhan gsal ba gnyis pa la sogs pa la mi 'jug ste/de'i phyir spyi de yang tha dad cing rang gi mtshan nyid kho nar gyur to/ /tha dad pa de'i phyir 'dra ba de'i sgo nas kyang tha mi dad par snang ba mi rung ste/ gsal ba rnams la zhes bya ba khong nas drang ngo / /de ltar na spyi tha dad pa dang tha mi dad pa mi rung ba'i phyir gsal ba rnams pa gcig tu snang ba 'di ni 'khrul pa kho na'o zhes bshad pa yin no//da ni gsal ba rnams la gcig tu snang ba nyid med do zhes bstan pa'i phyir yang na yin du zad de zhes bya ba smos te/ tha dad mi snang blo/ tha dad pa rnams la mi 'dod ces smras pa gang yin pa de yin du zad de de ni 'dod pa kho na'o zhes bya ba'i tha tshig go//'di ltar gsal ba la dmigs pa'i blo snang ba tha dad de/ ci'i phyir zhe na/ gsal ba de dag mtshungs zhes 'dzin pa'i phyir ro/ /de dag la zhes bya ba la sogs pas ni 'chad par byed de de dag la zhes bya ba ni gsal ba dag la'o//gal te gcig tu snang yang mtshungs pa'o zhes 'dzin par 'gyur ro zhe na/ gcig tu snang ba la zhes bya ba la sogs pa smos so/ /'o na ci zhe na de nyid yin no snyam mo zhes bya ba ni sngon mthong ba gang yin pa de nyid snang ba 'di yin no zhes de snyam du sems par 'gyur gyi/snga ma dang 'di mtshungs so zhes snyam pa ni ma yin te/ spyi'i tha snyad tha dad pa'i rten can ni rigs pa ma yin no zhes bya ba'i tha tshig go/ /gal te gnyi ga zhes bya ba la sogs pa ni gal te spyi 'ba' zhig kho na de dag gis 'dzin na ni de'i tshe nyes pa 'dir 'gyur ro/ /'on kyang spyi'i blos spyi dang rang gi mtshan nyid gnyi ga 'dzin pa de'i phyir nyes pa med de 'di ltar spyi de kho na dang ldan pa'i gsal ba rnams la mtshungs so snyam du 'dzin to zhe na/slob dpon gyis 'on kyang zhes bya ba la sogs pa smos te/ gnyi ga 'dzin par brtag pa na yang de 'di la'o snyam par 'gyur zhing sngar gsal ba zhig la mthong ba'i spyi gang yin pa de gsal ba gzhan 'di la snang ngo zhes de snyam du sems par 'gyur gyi mtshungs so snyam pa ni ma yin no//'di skad du spyi yang gsal ba dang mtshan nyid shin tu mi 'dra la gsal ba rnams kyang de dang shin tu mi 'dra'o/ /de bas na de ltar spyi dang de dang ldan pa dag phan tshun mi mthun na spyi 'byung po'i mgul chings bzhin du gsal ba rnams la gnas su zin kyang 'o na ji ltar de rnams la mtshungs so snyam du rtogs par 'gyur/mgul chings gcig dang 'brel ba'i phyir/ 'byung po rnams la spyi'i rnam par 'dzin pa ni med do zhes bshad pa yin no//gal te de nyid ces bya ba ni ba lang nyid la sogs pa don gzhan du gyur pa ni gsal ba de dag gi mtshungs pa yin te/ des de dag mtshungs so zhe na/ ji ltar spyi'i bdag nyid gzhan dang rang gi mtshan nyid gzhan du mtshungs pa yin pa rnam pa gang gis mtshungs te/gang gis kyang ma yin no snyam du bsams pa yin no/ /'di ltar gsal ba'i ngo bo'i rjes su byed pa'i phyir spyi gsal ba rnams kyis mtshungs pa yin par brtag grang na de ni med de spyi gsal ba dag dang rang gi mtshan nyid shin tu mi mthun pa'i phyir ro/ /gal te gsal ba'i rjes su byed pa'i phyir mtshungs pa ni ma yin no//'on kyang de dag dang 'brel ba'i phyir gsal ba dag dang 'brel pa'i phyir spyi gsal ba rnams kyis mtshungs pa yin no zhe na/ de ni de lta ma yin no/ /ci'i phyir zhe na/ rag ma las pa la gsal ba la rag ma las pa la ste/de dag gis phan ma btags pa la zhes bya ba'i tha tshig go/ /spyi don gzhan dang 'brel pa gsal ba rnams kyi mtshungs pa yin na ni de'i tshe/ ha cang thal bar 'gyur te/ thams cad kyang thams cad kyi mtshungs par 'gyur ro/ /don rnam pa gcig tu na spyi gsal ba dag dang 'brel du zin kyang 'on kyang ha cang thal bar 'gyur ba'i phyir de tsam gyis gzhan dang gzhan du mtshungs pa ni ma yin te/'khar ba yang 'khar ba thogs pa rnams dang 'brel pa'i phyir de rnams kyi mtshungs pa yin par 'gyur ro/ /gzhan gyis gal te zhes bya ba la sogs pa smras te/mtshungs pa'o snyam du 'dzin pa'i phyir gsal ba rnams la snang ba tha dad par sgrub par ni byed na de yang 'gal te 'di ltar gal te gsal ba de dag mtshungs na ni ji ltar tha dad pa'i blos gzung bar bya ba kho na yin no zhes nges par gzung bar bya ba bcas pa yin te tha mi dad pa'i blos gzung bar bya ba ma yin par yang 'gyur ro zhes bya ba'i yang tha tshig go//'di ltar gang la spyi yang cung zad cig yod la khyad par yang cung zad cig yod pa de la mtshungs so snyam du 'dzin gyi/ gang la shin tu tha mi dad pa'am tha dad pa yod pa de la ni ma yin no/ /de nyid du mtshungs pa'o zhes bya ba la sogs pas ston to//gsal ba 'di dag la ste/ 'dis ni khyad par gyi ngo bo bstan to/ /tha mi dad par snang ba ma yin nam zhes bya ba ni grub ces bya ba'i khong nas dbyung ste/ 'dis ni spyi'i ngo bo bshad do/ /de ltar thun mong dang thun mong ma yin pa'i ngo bo gzung ba'i phyir gsal ba rnams la mtshungs so snyam du 'dzin to zhes bya ba ni bsdus pa'i don yin no//slob dpon gyis de mthong ba la zhes bya ba la sogs pa smos te/ de mthong ba la zhes bya ba ni gsal ba 'dzin pa'i shes pa la'o/ /tha dad pa dang tha mi dad pa dag ces bya ba ni khyad par dang spyi dag go/ / 'bras bu gcig 'dra zhes bya ba la ji ltar gsal ba mtshan nyid mi mthun pa rnams kyis kyang 'bras bu gcig byed pa de ni bstan zin te/ 'bras bu gcig pa de nyid de dag gi 'dra ba yin pas 'dra ba de kho nas mtshungs pa dag tu shes kyi tha dad pa dang tha mi dad pa dag 'dzin pa'i phyir ni ma yin no//ci'i phyir zhe na/ kho bos ni zhes bya ba la sogs pa smos te/ don gyi shes pa la zhes bya ba ni nyams su myong ba'i shes pa la'o/ /rnam pa gnyis pa la zhes bya ba ni tha dad pa dang tha mi dad pa dag go/ /gnyis rab tu brtags pas zhes bya ba ni mtshungs pa dang mi mtshungs pa'i ngo bor rab tu brtag pa'o//rtogs pa'i yul nyid du zhes bya ba ni gcig pa nyid du sgro 'dogs par byed pa'i rnam par rtog pa'i yul nyid du'o/ /'dis zhes bya ba ni rnam par rtog pa'i blos so/ /de ltar zhes bya ba ni mtshungs pa'i ngo bo nyid du'o/ /gzhan gyis de dag gis zhes bya ba la sogs pa smras te/gsal ba de dag gi 'bras bu ni blo yin na de yang tha dad do zhes bya ba 'di tsam ni tshig le'ur byas pa'i cha yin no/ /dngos po re re zhes bya ba la sogs pas ni rnam par 'grel te/ dngos po dang dngos po la de snang ba'i rnam par shes pa yang / gsal ba snang ba'i rnam par shes pa yang de dang 'dra bar gsal ba dang 'dra bar tha dad pa'i phyir/ji ltar rang gi mtshan nyid thams tha dad pa ltar de dag nyams su myong ba'i shes pa de dag kyang de dang 'dra ba yin na ji ltar gsal ba rnams 'bras bu gcig pa nyid yin te ma yin pa nyid do/ /gal te nyams su myong ba'i rnam par shes pas gsal ba rnams 'bras bu gcig pa can ni ma yin gyi 'on kyang rnam par rtog pa can gang zhig gi ngo bor sgro 'dogs par 'jug pa de la ltos nas yin no zhe na/de'i phyir de dag gi zhes bya ba la sogs pa smos te/ gsal ba de dag gi 'bras bu ni nyams su myong ba'i shes pa de yin gyi rnam par rtog pa can gyi shes pa ni ma yin te/de ni gsal ba med kyang yod pa'i phyir ro/ /mtshungs so snyam du de ltar rnam par rtog pa skye ba de nyid kyang gsal ba rnams la ci zhig mtshungs na/ gang gis na gsal ba kha cig la mtshungs pa'o snyam du 'dzin gyi thams cad la ni ma yin no zhes bya ba 'di la 'bras bu gcig pa nyid kyi 'dra ba nges par byed pa yin par brjod de/de la rnam par rtog pa can gyi shes pa de kho na la ltos nas 'bras bu gcig pa nyid du rnam par gzhag pa rigs pa ni ma yin no/ /de lta bas na nyams su myong ba'i shes pa kho na dngos su gsal ba rnams kyi 'dra ba yin na de yang tha dad do//gal te 'o na chu chu ba la sogs pa'i 'bras bu gcig pa yin no zhe na/ bum pa la sogs pa'i zhes bya ba la sogs pa smos te/ bum pa la sogs pa'i 'bras bu chu chu ba la sogs pa zhes bya ba la sogs pa zhes bya ba'i sgras ni ras yug rnams kyis grang ba sel ba zhes bya ba de lta bu la sogs pa bsdu'o//rdzas re re'i zhes bya ba ni rdzas dang rdzas kyi khyad par de'i sgo nas tha dad pa yin pas zhes bya ba'i tha tshig go/ /slob dpon gyis de ni zhes bya ba la sogs pa smos so/ /'di skad du bshad pa yin te/ gsal ba rnams ni nyams su myong ba'i shes pa la ltos pa kho nas 'bras bu gcig pa nyid yin la rang gi mtshan nyid shes pa de dag ni 'bras bu gcig pa nyid kyi 'dra bas gcig ces bya ba'i rang gi mtshan nyid tha mi dad pas ni ma yin te/ ji ltar gsal ba rnams kyis dngos su rnam pa gcig tu rtogs pa'i shes pa mi skyed mod kyi de dag la dmigs pa rang gi mtshan nyid shes pa rnams ni gcig tu rtogs pa'i rgyu yin no//de'i phyir rang gi mtshan nyid 'dzin pa'i blo ni tha dad kyang 'bras bu gcig pa nyid kyis tha dad pa med pa yin no/ /de ltar nye bar btags pa'i gcig pa nyid kyis gcig pa nyams su myong ba'i blo gcig pu gang yin pa blo gcig pu de'i rgyu'i dngos pos gsal ba rnams kyang tha mi dad/ci'i phyir nye bar btags pa'i gcig pa nyid khas len gyi dngos po ni ma yin zhe na/ ji ltar zhes bya ba la sogs pa smos te/ gang phyir dngos kun rang bzhin gyis//rang rang ngo bo la gnas phyir/ /zhes bya bar der bshad zin pa'i phyir ro/ /de la zhes bya ba ni khyad par ma 'dres pa rnams te/ rnam pa gcig pa can gyi blo ni de ma yin pa las de 'dzin pa'i phyir 'khrul pa kho na yin no/ /gal te 'khrul pa de gang dag gis skyed par byed/de rgyu med ba can du ni rigs pa ma yin no zhe na/ de ni zhes bya ba la sogs pa smos pa te/ 'khrul pa de ni dngos po tha dad pa rang gi mtshan nyid log pa rnams kyi rim gyis bskyed kyi dngos su ni de ma yin no/ /rim gyis zhes bshad pa gang yin pa de'i rnam par bshad pa ni rnam par rtog pa'i rgyur gyur pa rnams kyis zhes bya ba yin te/nyams su myong ba'i shes pa ni rnam par rtog pa'i rgyu yin pa'i phyir rnam par rtog pa zhes bya ste/ rnam par rtog pa'i rgyus nyams su myong ba'i shes pa'i rgyu rnams kyis zhes bya ba'i tha tshig go/ /'dir rim pa'i don ni gsal ba rnams kyis ni nyams su myong ba'i shes pa bskyed la des ni rnam pa gcig par 'khrul pa bskyed do zhes bya ba 'di yin no//ngo bo nyid kyis zhes bya ba ni rang bzhin gyis so/ /kyang zhes bya ba 'di yang bshad zin zhes bya ba'i rjes snyeg phyir te 'di yang skabs de nyid du bshad zin to/ / 'di dag gis zhes bya ba la sogs pas ni tshig le'ur byas pa'i don te/ de ni zhes bya ba ni dngos po 'di dag gi tha dad pa ste gzhan sel ba'o/ /ngo bo nyid ji lta bu zhig ce na/ de byed pa ma yin pa'i ngo bo nyid las tha dad pa ste/ de ni 'di dag gi tha mi dad pa zhes bya'o/ /ci'i phyir zhe na/shes pa la sogs pa'i don dbang po'i shes pa dang / chu chu ba la sogs pa gcig byed pa'i phyir ro/ /'ga' zhig ces bya ba ni rang gi ngo bo dang 'tshams pa ste/ de ni phyed 'og ma'i rnam par bshad pa yin no/ /de yang zhes bya ba la sogs pa ni phyed gong ma'i rnam par bshad pa ste/shes pa la sogs pa 'bras bu de yang tha mi dad par snang ngo zhes bya bar sbyar ro/ /rang bzhin gyis zhes bya ba ni ngo bo nyid kyis so/ /tha mi dad par snyems pa'i zhes bya ba ni tha mi dad par lhag par zhen pa'i'o/ /rtogs pa de lta bu'i zhes bya ba la sogs pas ni gsal ba rnams kyang brgyud pas rnam par rtog pa'i rgyu nyid yin par bstan to//shes pa la sogs pa'i zhes bya ba nyams su myong ba'i shes pa dang / chu chu ba la sogs pa'i don gyi rgyu yin pa'i phyir gsal ba rnams kyis kyang rim gyis gcig gi shes pa bskyed do zhes bya bar sbyar ro//khyad par ji lta bu can zhig ce na/ rnam pa bsres pa zhes bya ba la sogs pa smos te/ gang gis gsal ba rnams la rnam pa gcig bsres shing sgro btags pa de la de skad ces bya'o/ /gang la rten rang gi ngo bo'i khyad par gzhan las log pa'i ngo bo de nyid don dam pa yin gyi nye bar btags pa'i ma yin pa yod pa zhes tshig rnam par sbyar te/rnam par rtog pa ni brgyud pas rang gi mtshan nyid log pa'i sgo nas 'ongs pa'i phyir ro/ /de ni dngos po tha dad pa zhes bya ba la sogs pas don 'di bshad ma thag pa kho na ma yin nam zhe na/ bden na 'on kyang 'dis ni rim gyis rnam par rtog pa'i rgyur gyur pa rnams kyis zhes bya ba'i don 'di kho na gsal bar byas pa yin no//'bras bu gcig pa nyid spyi dngos por gyur pa yin par 'gyur ro zhe na/ de de'i phyir zhes bya ba la sogs pa smos te/ de'i 'bras bu can ma yin pa dang bral zhing ldog pa de kho na 'bras bu gcig pa can nyid yin gyi/spyi dngos por gyur pa ni ma yin no/ /ci'i phyir zhe na/ gsal ba la ma gtogs pa de las gzhan pa rang gi mtshan nyid las gzhan pa rjes su 'gro ba'i dngos po ma mthong ba'i phyir dang bkag pa sngar bshad pa'i phyir ro/ /ltar rung ba zhes bya ba la sogs pas ni 'chad par byed de/ltar rung ba ni dmigs pa'i mtshan nyid kyir gyur pa'o/ /rnam par dbye bar zhes bya ba ni gsal ba dag las tha dad par ro/ /spyi yod na yang brtags pa'i phyir bogs dbyung du med pa nyid kyis gsal ba'i khyad par gang la yang mi rten na ji ltar shes pa'i rgyu yin/ma yin pa nyid des rten gyis gsal bar bya ba de ni shes pa'i rgyu nyid du 'dod do/ /de yang bshad zin to zhes bya ba 'di dang sbyar te/ 'di yang sngar bshad zin pa'i phyir ro/ /gang gi phyir de ltar spyi dngos por gyur pa med pa de'i phyir/ brda ni yang zhes bya ba la sogs pa smos te/de zhes bya ba ni gzhan sel ba yin par sbyar ro/ /de yang rnam pa gnyis te gzhan las log pa rang gi mtshan nyid dang / de mthong ba'i sgo nas 'ongs par rtogs pa la snang ba'i rnam pa ste/ de ni sngar rnam par bkrol zin pa nyid do/ /de la sgra'i don ni rnam par rtog pa la snang ba'i rnam pa'i mtshan nyid kyi gzhan sel ba yin te/sgra'i shes pa la snang ba'i phyir ro/ /rang gi mtshan nyid ni ma yin te/ de ni sgra'i sgo nas 'jug pa'i skyes bu'i yul yin te/ rang gi mtshan nyid la 'jug pa'i phyir ro/ /de la gang gi tshe rnam par rtog pa la snang ba'i rnam pa gzhan sel ba yin pa de'i tshe ni rig pa shes pa'i don yin te/rnam par rtog pa la snang ba de rig pa ni de rig pa'o/ /de nyid don te 'bras bu yin par shes khyad par gyi tshig bsdu'o/ /brda gang la de yod pa zhes ldan pa'i drug par byas te bsdus pa'i don ni rnam par rtog pa la snang ba'i rnam par shes par bya ba'i don can yin no zhes bya ba'i tha tshig go//gang gi tshe rang gi mtshan nyid gzhan las log pa kho na gzhan sel ba yin pa de'i tshe ni rig pa thob pa'i don yin no/ /rang gi mtshan nyid log pa de rig pa ni de rig pa ste/ de 'thob pa zhes bya ba'i tha tshig go//de nyid don yin pas shes las 'dzin pa dang / ldan pa'i drug par yang byas te/ bsdus pa'i don ni de 'thob pa'i don can yin no zhes bya ba yin no/ /don 'di gnyis ni tshig le'ur byas pa las tshig zur gnyis su smos pa'am/ bzlas pa smos pas bstan par blta bar bya'o//de la rigs pa shes pa'i don yin par bzung nas/ brda zhig tu byas na yang zhes bya ba la sogs pa smos te/ dngos po rnams kyi phan tshun tha dad pa ni gzhan sel ba ste/ rnam par rtog pa'i rnam par shes pa la snang ba zhes bya bar bsams pa yin no/ / de kho na shes par bya ba'i phyir te/ de kho na nges par bya ba'i phyir byed na mdzes te rigs pa dang ldan pa'i phyir ro/ /rnam par rtog pa la snang ba'i ngo bo ni dngos po med pa ma yin nam/ de ji ltar dngos po rnams kyis zhes bya ba la/ don bya ba mi byed pa rtogs pa de yang cir dgos na/ gang gi phyir de kho na shes par bya ba'i phyir zhes brjod na/ de ni nyes pa med de phan tshun tha dad pa'i dngos po mthong ba'i sgo nas 'ongs pa'i phyir dang / skyes bu'i lhag par zhen pa'i dbang gis de rnams kyi zhes brjod do/ /'di ltar tha snyad 'dogs par byed pa ni rnam par rtog pa la snang ba dang /phyi rol gyi ngo bo gcig tu byas nas tha snyad 'dogs par byed pas de bas na skyes bu'i lhag par zhen pa'i dbang gis dngos po de rnams kyi phan tshun tha dad pa zhes brjod do/ /rigs pa'i sgo nas sgra'i brjod par bya ba rnam par 'jog par byed pa rnams ni rnam par rtag pa la snang ba'i rnam par 'jog par byed do//gal te rnam par rtog pa snang ba'i rnam pa ni don bya ba mi byed pa yin na/ don bya ba byed pa don du gnyer ba rnams kyis ci'i phyir de shes par bya ba'i phyir brdar byed ce na/ de'i phyir de mi byed pa las zhes bya ba la sogs pa smos so/ /'di skad du bshad pa yin te/rnam par rtog pa la snang ba'i rnam pa dang / phyi rol gyis gcig nyid du lhag par zhen pa'i phyir te/ 'di ltar brdar 'dogs par byed pa yang phyi rol gyi kho na la bya'o snyam du sems la/ rtogs par byed pa pos kyang de kho na bzhin du shes so/ /de'i phyir tha snyad 'dogs pa'i dus na yang sgra'i sgo nas de mi byed pa las tha dad pa gcig pa nyid du lhag par zhen pa de kho nas rang gi mtshan nyid la 'jug par grub te/'dis ni rigs pa'i don 'thob pa'i don yin par bshad do/ /don 'di nyid log pa'i sgo nas brtan por byas pa'i phyir gal te zhes bya ba la sogs pa smos te/de shes par bya ba'i don du zhes bya ba'i sgras brjod du rung ba'i phyir rol gyi dang lhan cig gcig pa nyid du lhag par zhen pa'i rgyu ji skad bshad pa'i rnam par gcod pa de shes par bya ba'i don du brdar 'dogs pa ma yin na/ de'i tshe rnam par gcod pa de tha snyad kyi dus su yang mi reg pa'i phyir ro//reg pa ni sgra'i stobs kyis de'i rnam par rtog pa skye ba ste/ de la brdar ma btags pa'i sgra'i sgo nas tha snyad kyi dus su de'i rnam par rtog par rigs pa ni ma yin no/ /de bas na skyes bu gzhan spangs nas rigs mi mthun pa rnam par bcad nas/ de dang rigs mthun pa'i dngos po la snang ba dang rnam par brtag par bya ba dag gcig tu byas nas 'jug par mi 'gyur te/ sgra las byung ba'i don rtogs pas gcig pa nyid du lhag par zhen pa'i rgyus sgra brjod par bya ba gzhan sel ba la ma reg pa'i phyir ro/ /ma reg pa nyid bsgrub pa'i phyir de rnams kyis zhes bya ba la sogs pa smos te/de 'bras bu can de rnams kyi dag las zhes bya ba de'i 'bras bu can ma yin pa dag las tha dad pa rnam par gcod pa de tha snyad kyi dus su smra ba pos sgras brjod pa ma yin no zhes bya bar sbyar te/ de zhes bya ba ni tha dad pa ste/ gal te de shes par bya ba'i phyir brdar byas pa zhig tu gyur na de lta na tha snyad kyi tshe yang sgras brjod par 'gyur la brjod pa'i sgo nas kyang rtogs pa pos sgra las byung ba'i blos de las reg par 'gyur ro//de lta yin na gzhan spangs nas 'jug par 'gyur bas thams cad la 'jug par 'gyur ro/ /gal te sgras rnam par rtog pa can gyi blo kho na bskyed pas de la snang ba'i rnam pa kho nas sgra'i yul yin na/blo de yang don med pa kho na yin pas/ ji ltar blo de lta bu skyed par byed pa'i mnyan pa rang gi mtshan nyid gzhan las log pa la mi slu ba yin te/ gang gis na de mi byed pa las tha dad pas 'jug pa nyid du zhes brjod/yang na ji ltar dngos po rnams gzhan sel ba'i yul nyid yin te/ rnam par rtog pa can gyi blo la gnas pa'i rnam pa ni phyir rol gyi rnams la med do zhe na/ de'i phyir mnyan pa de ni zhes bya ba la sogs pa smos te/ gzhan sel ba rtogs par bya ba'i phyir brdar gdags pa'i mnyan pa gang yin pa de ni blo skyed par byed pa yang mi slu ba yin par 'dod do zhes bya bar sbyar ro//khyad par ji lta bu can zhig ce na/ de byed min la zhes bya ba smos te/ rang la snang ba la bskyed pa'o/ /de byed pa dang 'dra ba'i ngo bor don bya ba byed pa dang 'dra ba'i ngo bor snang zhing lhag par zhen pa zhes de lta bur gyur pa'i gsum par tshig bsdus nas phyis de gang la yod pa zhes ldan pa'i don du byas te/rang la snang ba don bya ba mi byed pa la yang don bya ba byed pa lta bur lhag par zhen pa can zhes bya ba'i tha tshig go/ /'dis ni sgra snang ba dang rnam par brtag par bya ba dag gcig pa nyid du lhag par zhen pa bskyed pa'i phyir 'jug pa'i yan lag nyid du bshad do//gal te spyi dngos por gyur pa'i med na de las skye re skan zhe na/ dngos po zhes bya ba la sogs pa smos te/ dngos po rnams kyi tha dad pa'i dngos po ni phan tshun tha dad pa'i ngo bo'o//gang la brgyud pas sa bon byed rgyu de tsam yod kyi rjes su 'gro ba'i ngo bo ni ma yin pa de la de skad ces bya'o/ /rang la snang ba ni dngos po la med pa'i phyir don dam pa ste blo de skyed par byed pa'i sgra'i don la mi slu ba yin no/ /ci'i phyir zhe na/ de mi byed/yongs spong yan lag ngo bo'i phyir/ /rigs mi mthun pa rnam par gcod pa'i rgyu'i ngo bo yin pa'i phyir ro/ /'di ltar gzhan las log pa'i dngos po dang / sgro btags pa'i gcig pa nyid du byed pa'i blo skyed par byed pa'i mnyan pas gzhan las log pa rang gi mtshan nyid kho na la 'jug par byed kyi thams cad la ni ma yin no//mnyan pa de ni dngos po tha dad pa'i rten can yang yin te/ 'di ltar brda'i dus na mnyan pa'i rten phan tshun tha dad pa kho na yin te/ de la nye bar sbyor ba'i phyir ro/ /de ltar na brgyud pas/ dngos po tha dad rten can phyir//don la mi slu yin par 'dod/ /tha snyad kyi dus na yang gzhan las log pa'i dngos po kho na thob par byed pa'i phyir ro/ /gang gi phyir sgra de mi byed pa yongs su spong ba'i yan lag gi ngo bo yin pa dang / dngos po tha dad pa'i rten yin pa rgyu/ de'i phyir gzhan sel yul can te//gnyis po de nyid bstan pa'i phyir/ /de byed rten pa'i ngo bo'i phyir/ /zhes bya ba smos te/ gzhan sel ba de la byed pa po'i ngo bo yin pa'i phyir dang / rten pa'i ngo bo yin pa'i phyir ro/ /'di ltar sgra ni tha snyad kyi dus na gzhan sel bar byed pa'i phyir de mi byed pa yongs su spong ba'i yan lag gi ngo bo'i sgo nas gzhan sel ba de la byed pa po'i ngo bo yin la/brda'i dus na dngos po tha dad pa la brten pa'i sgo nas 'jug pa'i phyir gzhan sel ba de la brten pa'i ngo bo yin no/ /ngo bo nyid gcig dang zhes bya ba la sogs pas ni tshig le'ur byas pa'i don ston to//de zhes bya ba ni rang la snang ba rnam pa gcig pa ste/ don rnams la sgro btags shing gang nas skye ba'i blor rang la snang ba de yang phyin ci log tu snang ba'i phyir bya ba byed pa ma yin no/ /de lta bu la yang bya ba byed pa lta bur lhag par zhen pa ste/ 'dis ni/ de byed min la de byed dang //zhes bya ba la sogs pa rnam par bshad de/ blo gang la sa bon dngos po tha dad pa'i ngo bo tsam/ gzhan rnam par gcod pa'i ngo bo tsam yod pa zhes tshig rnam par sbyar ro/ /mtshungs pa nyid du lhag par zhen pa ni/ rnam pa gcig tu lhag par zhen pa'o/ /rnam pa gcig pa de yang brdzun pa'i phyir phyin ci log pa ste/de skyed par byed pa'i mnyan pa yang de las gzhan pa yongs su spong ba'i brjod par 'dod pa'i don las gzhan pa yongs su spong ba'i yan lag gi ngo bo yin pa'i phyir te/ rnam par gcad pa'i rten gyi ngo bo yin pa'i phyir te/ rnam par gcad pa'i rten gyi ngo bo yin pa'i phyir ro/ /don dam par dngos su de las tha dad pa'i don dag la de'i 'bras bu can ma yin pa las tha dad pa dag la mi slu ba zhes bya'o//'di ltar mi rtag pa nyid dang byas pa nyid ces bya ba la sogs pa'i mnyan pa rtag pa las log pa'i dngos po yang dag pa ji lta bu bzhin gyi ldog pa la brten nas brdar btags pa pa rnams ni tha snyad kyi tshe yang de lta bu'i gzhan yongs su spong ba'i yan lag gi ngo bos 'thob pa'i rgyu dag tu 'gyur ro//rnam par bcad pa yang dag pa ji lta ba bzhin pa las mnyan pa de brdar btags pa la sogs pa'i dngos po rnams la yod pa don dam par yod pa yin pas 'di tsam gyi shan gyis mi slu ba yin gyi sgra rnams la du ba la sogs pa bzhin du dngos po dang 'brel pa nges pa ni med de/de dag ni 'dod pa tsam las rag las pa yin pa'i phyir ro/ /de nyid bstan pa'i phyir 'di ltar zhes bya ba la sogs pa smos te/ tha dad pa rnam par gcod pa de ni dngos po de dag la yang dag pa yin zhing bden pa yin no//ci'i phyir zhe na/ rnam pa thams cad du zhes bya ba la sogs po smos te/ gal te spyi khas len kyang rung / 'on te mi len kyang rung rnam pa thams cad du rnam par bcad pa de las 'da' bar bya ba ma yin pa'i phyir ro/ /tshad ma yang gang phyir dngos kun rang bzhin gyis bya ba'i bar skabs der bshad zin to//gal te spyi'i bdag nyid kyang de la yang dag pa yin no zhe na/ tha dad pa'am zhes bya ba la sogs pa smos te/ bye brag la sogs pa dag gi ltar spyi'i dngos po gcig gsal ba las tha dad pa'am grangs can pa rnams kyi ltar tha mi dad pa'ang rung ste/de rnams la yang dag pa ma yin te zhes bya bar sbyar ro/ /ci'i phyir zhe na/ rnam pa thams cad du gnod par byed pa'i tshad ma 'ong bas tha dad pa dang tha mi dad par mi rung ba'i phyir te mi srid pa'i phyir ro/ /gnod pa can gyi tshad ma ni sngar yang bshad zin la 'chad par yang 'gyur ro//yang gal te spyi de lta bu yang sgras brjod na ni de'i tshe spyi yod pa ma yin pa de dngos po la 'god cing sgras yul du byed par khas len na ni dngos po thag bsring ba kho nar te shin tu rgyangs bcad pa kho nar 'gyur ro/ /gang las she na sgra dang shes pa dag las te sgra dang des bslang ba'i shes pa las zhes bya ba'i tha tshig go//ci'i phyir zhe na/ de'i yul du 'dod pa sgra dang shes pa'i yul du 'dod pa de zhes bya ba spyi'i dngos po rnams la med pa'i phyir dang spyi la ma gtogs pa dngos po'i chos gzhan yang 'ga' la yang reg pa med pa'i phyir ro//gzhan sel bar smra ba'i ltar na ni sgras log pa brjod pa'i phyir dang / de yang dngos po rnams la yang dag pa yin pa'i phyir sgra dang shes pa dag las dngos po thag bsring ba ma yin no/ /de byed pa dang de la brten pa'i ngo bo yin pa'i rgyu de nyid kyi phyir ro/ /gzhan las log cing rigs mi mthun pa las log pa'i don rnams la bye brag med par zhes bya bar ni rigs mi mthun pa las log pa thams cad la yod pa'i phyir te/khyad par med par de la brtan nas so/ /ldog pa'i khyad par rigs mi mthun pa rnam par gcod pa'i mtshan nyid la brten nas gsal ba rigs mthun pa thams cad la sgra 'god pa'i phyir te/brdar byed pa'i phyir ro/ /'dis ni mnyan pa gzhan sel ba la brten pa'i phyir gzhan sel ba la brten pa nyid du bshad do/ /gzhan spangs nas zhes bya ba rigs mi mthun pa spangs nas te/ 'dis ni mnyan pa gzhan sel ba'i byed pa po'i ngo bo yin par bshad do//shing ma yin pa las log par ni zhes bya ba la sogs pas ni gzhan gyi dogs pa bsu bar byed de/ gzhan sel bar smra ba'i ltar na sgrub pa'i ngo bor ni shing yang mi 'dzin la shing ma yin pa yang mi 'dzin gyi/ 'on kyang gzhan rnam par gcod pas 'dzin to zhes grag go//de la shing ma yin las 'dog par ni shing don 'dzin na shing zhes bya ba'i sgra'i don gang yin pa de 'dzin par khas len na shing dang shing ma yin pa 'dzin pa gnyis po ni phan tshun rten pa yin zhing gcig la gcig brten pa yin te 'di ltar shing ma yin pa rnam par gcod pas ni shing gi don 'dzin pa yin/shing 'dzin pa shing ma yin pa 'dzin pa sngon du 'gro ba can yin par khas blangs pa yin te/ shing ma yin pa ma bzung ba ni rnam par bcad par mi nus pa'i phyir ro// //bam po bcu gsum pa/ shing ma yin pa yang shing rnam par bcad pas 'dzin na de la yang shing ma yin pa 'dzin pa ni shing 'dzin pa sngon du 'gro ba can yin par 'gyur te/shing ma bzung bar de rnam par bcad pas shing ma yin pa'i don rnam par gzhag par mi nus pa'i phyir ro/ /de ltar na shing dang shing ma yin pa dag gi nang nas shing dang shing ma yin pa gcig 'dzin pa med na gnyis mi 'dzin gang gi phyir gnyi ga yang mi 'dzin pa'i phyir rgyu de'i phyir gzhan rnam par gcod pa'i don la sgra brdar gdags par bshad pa gang yin pa de mi srid do zhes gzhon nu ma len la sogs pa kha cig smra ste/de lta bas na de ni spyi gang la bsgrub pa'i ngo bo kho nar brdar gdags pa dngos por gyur pa zhig 'dod par bya'o snyam du sems so//kha cig na re zhes bya ba la sogs pas ni 'chad par byed do/ /de ni zhes bya ba ni shing ma yin pa las tha dad pa'i mtshan nyid kyi shing te/ de ltar na re zhig shing 'dzin pa med do//shing ma yin pa 'dzin pa yang med par shing ma shes pa can gyis zhes bya ba la sogs pa smos te/ skyes bu gang la shing ma shes pa yod pa des so/ /de rnam par gcod pa'i ngo bo zhes bya ba ni shing rnam par gcod pa'o/ /blo la mi gnas pa'i don la zhes bya ba ni gal te shing dang shing ma yin pa dag blo la gnas pa zhig tu gyur na ni de'i tshe shing ma yin pa yongs su spangs nas shing gi don la brdar 'dogs par 'gyur ro zhe'o//de dag ni zhes bya ba la sogs pas ni gzhan la yang nyes pa mtshungs pa nyid du bsten te/ des na de'i lan gang yin pa bdag gis yang de kho na yin no snyam du bsams pa yin no//gang dag de ltar zhes bya ba la sogs pas ni 'chad par byed de/ smra ba gang dag de ltar spyi dngos po gcig khas blangs nas gzhan rnam par gcod pas brdar 'dogs par byed pa la phan tshun brten pa'i nyes pa yin par rgol ba de dag gi shing nyid kyi spyi de lta bu de la yang brdar byed pa na shing ma yin pa rnam par gcod dam 'on te ma yin zhes bya ba rnam par brtags pa gnyis so//gal te rnam par gcod pa yin na de'i tshe mi shes pa rnams la rnam par gcod pa mi srid pa de'i phyir de dag shes par khas blang dgos na de dag shes pa de yang med do//de nyid gal te rnam gcod shing gi don/ /zhes bya ba la sogs pas ston te/ shing gi don 'dzin pa med na ji ltar zhes bya ba 'di tsam ni tshig le'ur byas pa'i cha yin no/ /mdun na zhes bya ba'i sgra ni spel mar bshad pa las ma smos te/shing gi don 'dzin pa med par shing 'dzin pa'i mdun rol na shing ma yin pa dag ji ltar shes zhes bya ba'i don to/ /gang dag tshig le'ur byas pa la mdun na zhes bya ba'i sgra 'don pa de dag gis ni don ces bya ba'i sgra 'don par mi bya'o/ /shing ma yin pa nges pa'i dus na shing gi don 'dzin pa med de shing 'dzin pa ni shing ma yin pa 'dzin pa sngon du 'gro ba can yin pa'i phyir ro//shing nges pa med par shing ma yin pa'i don 'dzin par yang rigs pa ma yin te/ de yang shing 'dzin pa sngon du 'gro ba can yin pa'i phyir ro/ /de nyid de'i tshe zhes bya ba la sogs pas ston te/ de'i tshe zhes bya ba'i tha snyad kyi dus su'o/ /rtogs pa pos zhes bya ba ni gang gi ched du brdar byed pas so/ /ci'i phyir mi shes she na/ de shes par bya ba zhes bya ba la sogs pa smos te/ shing dang shing ma yin pa de shes par bya ba kho na'i phyir ji ltar na brda las dus phyis shing dang shing ma yin pa dag shes par 'gyur snyam na/de don du gnyer ba nyid du brda don du gnyer ba nyid du nye bar 'gro ba'i phyir te sgrub pa'i phyir ro/ /des na tha snyad kyi dus na rtogs pa po la shing dang shing ma yin pa shes pa med do/ /shing dang shing ma yin pa mi shes pa des ji ltar brda la shing ma yin pa rnam par gcad pa rtogs par 'gyur te rtogs par 'gyur ba nyid do//shing ma yin pa rnam par gcad pa mi rtog pa yin na yang ngo / /shing gi don gang la de las gzhan pa shing de las gzhan yongs su ma spangs pa rnam par ma bcad pa yod pa de ni de las gzhan pa yongs su ma spangs pa can no//de la 'god cing brdar 'dogs pa ste/ sgra gang la de yod pa zhes ldan pa'i don du bya'o/ /yang na 'di la de las gzhan pa yongs su ma spangs pa can la 'god pa'i ngang tshul yod pa zhes bya bar tshig bsdu ste/ shing yin pa las rnam par ma bcad pa'i the tshom can gyi ngo bo la brdar btags pa can las zhes bya ba'i tha tshig go//rnam pa gzhan du na de las gzhan pa ni shing las gzhan pa'o/ /de la 'god pa brdar 'dogs pa ste/ 'di ni de las gzhan pa la 'god pa yang yin la yongs su ma spangs pa yang yin pas shes las 'dzin par bya'o/ /de shing zhes bya ba'i sgra gang la yod pa zhes snga ma bzhin du bya ste/bsdus pa'i don ni shing gi don shing ma yin pa las rnam par ma bcad pa'i phyir de la brdar gdags pa'i sgra shing gi khyad par dag la gzhan du shing ma yin pa la yang 'god par thal bar 'gyur ro zhes bya ba yin no/ /shing zhes bya ba'i sgra de lta bu las ni tha snyad 'dogs par byed pa'i skyes bu rnams tha snyad 'dogs pa'i dus na de yongs su spangs nas shing ma yin pa yongs su spangs nas/yal ga la sogs pa dang ldan par nges pa la 'jug par ni mi 'gyur gyi 'on kyang khyad par shing dang shing ma yin pa dag la 'jug par 'gyur ro//ci dang 'dra zhe na/ shing gi khyad par bzhin te/ shing zhes bya ba'i sgra skabs la sogs pa dang bral ba las ni/ shing gi khyad par seng ldeng la sogs pa la de las gzhan pa'i shing gi khyad par yongs su spangs nas 'jug par mi 'gyur te/ brda'i dus na de dag rnam par ma bcad pa'i phyir ro//brda'i tshe zhes bya ba la sogs pas ni 'chad par byed de/ brda zhes bya ba'i sgras ni brda'i dus yin par bstan to/ /gzhan rnam par ma bcad par zhes bya ba'i ni gzhan shing ma yin pa las shing gi don rnam par ma bcad par ro/ /rnam par bshad pa gnyis pa la gzhan shing ma yin pa la shing zhes bya ba'i sgra rnam par ma bcad par zhes bya bar bshad par bya'o//bkod pa ni brdar btags pa'o/ /de yongs su spangs nas zhes bya ba ni shing ma yin pa yongs su spangs nas so/ /shing gi khyad par bzhin zhes bya ba 'di'i rnam par bshad pa ni shing sha pa la sogs pa khyad par bzhin no zhes bya ba yin te/shing sha pa la sogs pa nyid khyad par yin no zhes khyad par gyi tshig bsdu'o/ /mdo las shing gi khyad par bzhin zhes drug pa'i tshig bsdu ba byas pa shing sha pa la sogs pa nyid shing gi khyad par yin pas 'grel pa dang mthun pa kho na yin te/de dag la ji ltar shing zhes bya ba'i sgra las phan tshun rnam par gcod pas mi 'jug pa de ltar ni mdo rnam par dbye ba nyid las bshad zin to/ /'on te zhes bya ba la sogs pas ni gzhan gyi dogs pa bsu bar byed de/ kha cig ni brdar gdags pa'i yul yang mi sgrub la/de las gzhan pa yang mi dgag par zhes bya ba yin par gal te mi bsgrub gzhan mi dgag ces dgag pa gnyis 'don to/ /de ni rigs pa ma yin pa lta bur snang ste/ sgrub pa dang dgag pa dag ma gtogs par sgra 'jug par mi srid pa'i phyir ro/ /gzhan yang /mdun gnas gcig cig rab bstan nas/ /zhes bya ba 'di yang nyams te/ de ston par smra bas ni bsgrub pa khas blangs pa yin no/ /de bas na sgrub par yang mi byed par rab tu bstan pa yang byas na zhes bya ba'i tshig gnyis 'gal bar 'gyur ro/ /de lta bas na mi bsgrub par zhes bya ba 'di kho na la dgag pa lta bar bya ba yin pas/gal te gzhan bkag mi bsgrub par zhes gdon par bya'o/ /sngar gzhan bkag nas de rnam par bcad pas brda'i yul gzhan mi sgrub par te/ dgag pa sngon du 'gro ba'i sgrub pa ma byas par bsgrub pa tsam 'ba' zhig byas nas zhes bya ba'i don to//de nyid kyi phyir/ mdun gnas gcig cig rab bstan nas/ /zhes bya ba smos te/ 'grel pa las kyang / 'ga' zhig rnam par bcad pas cung zad gcig brjod pa ni ma yin no zhes gzhan dgag pa sngon du 'gro ba can gyi bsgrub pa kho na 'god cing bsgrub pa 'ba' zhig khas blangs pa yin no//gcig ces bya ba ni spyi ste/ 'di ni spyi la brdar byas pa'i phyir gsal ba thams cad la brdar byas pa yin no zhes bstan to/ /'di shing yin zhes bya ba'i ni brda'i rang gi ngo bo ston pa yin no/ /dngos po gang zhig rab tu bstan nas brdar byas pa ni/tha snyad 'dogs pa'i tshe na yang de rtogs par 'gyur te rgyu de'i phyir spyi dngos por smra ba la bshad ma thag pa'i nyes pa 'di med snyam na'o/ /de ltar mthong ba'i don kho na zhes bya ba ni gang la brdar byas pa yin pa'i spyi'o/ /de dang 'brel pa can ni spyi dang 'brel pa can gyi rten no//de la yang zhes bya ba bsgrub pa 'ba' zhig gis brdar byed pa la yang brtags pa gnyis te/ 'di ni shing yin no zhes brdar byed pas 'di yang shing yin zhes brjod pa'am/ 'di kho na shing yin zhes brjod grang / phyogs dang po ltar na ni gzhan yang shing nyid yin pa ma bkag pas tha snyad kyi tshe nges pas 'jug par mi 'gyur ba'i phyir thal ba de nyid yin no//'on te 'di kho na shing yin no zhes brjod na ni de'i tshe de nyid shing ma yin pa rnam par gcad par khas blangs pa yin no/ /de bas na tha snyad kyi tshe brtan par bya bas shing dang shing ma yin pa dag ji ltar shes te/ thal ba de'i so na 'dug pa yin no/ /de nyid bstan par thal ba ldog pa med ces bya ba smos so/ /gcig rab tu bstan nas zhes bya ba la sogs pas ni 'chad par byed de/ 'di yang shing yin no zhe'am/ 'di kho na shing yin no zhes bya ba ste/ tshul ni rnam pa'o/ /de dag la yang zhes bya ba ni rnam pa gnyi ga la yang ngo //gzhan gyis mthong ba las zhes bya ba la sogs pa smos te/ rnam pa gang zhig mthong zhing nyams su myong ba de las bzlog pa de dang mtshan nyid mi mthun pa ni shes par sla ba'i phyir ro/ /mdor gzhag pa'i tshig 'di nyid gcig 'ga' zhig ces bya ba la sogs pas 'chad de/shing nyid la sogs pa'i spyi gcig 'ga' zhig mthong zhing / spyi de dang bral ba'i mtshan nyid mi mthun pa'i dngos po gzhan la de'i rnam pas dben pa'i ji ltar yongs su mthong ba'i don dang mtshan nyid mi mthun pa'i rnam pa can gyi blo nyams su myong ba'i skyes bu la ji ltar nyams su myong ba bzhin/ji ltar yongs su mthong ba de las gzhan no snyam pa/ de lta bu'i chos mi mthun pa nges pa mtshan nyid mi mthun pa gtan la 'bebs pa skye ste 'dis ni chos mi mthun pa nges pa'i rang gi ngo bor bshad do/ / de las 'byed pa zhes bya bas ni las bstan to/ /sngon mthong ba'i don las rnam par 'byed cing tha dad pa'i dngos por rnam par 'jog par byed pa yin no/ /de las gzhan no snyam pa 'di kho nas de las 'byed pa nyid du grub pa las yang smos pa ni ci nas kyang sgra'i byed pa med par de'i ngo bor nyams su myong ba'i sgo nas de ngo bo ma yin pa'i dngos po rnam par 'byed par byed pa chos mi mthun pa'i nges pa skye bar go bar 'gyur ba lhur byas pa'i phyir ro//rim pa de ltar 'dug pa dang / ji ltar nyams su myong ba gzhan chos mi mthun pa nges pa dang ldan pa'i rtogs pa po des ni yal ga la sogs pa dang ldan pa'i don spyi khyad par can dang ldan pa rnam pa gzhan las rnam par dbye bar bya ba gang yin pa de mngon du byas te/'di kho na shing yin no zhes rab tu bstan nas/ bye brag shes par byas shing brdar gzung ste/ gang kho na la brda dang mthun pa'i spyi'i bdag nyid de mi snang ba de kho na shing ma yin par rang nyid kyis sgra'i byed pa med par rtogs par 'gyur ro//de ltar na rang nyid kyis rnam pa gzhan las phye ste/ nges par gzung ba'i spyi'i bdag nyid la brten nas brdar byas na gsal ba rigs mthun pa thams cad la brdar byas par 'gyur te/spyi ni thams cad la rjes su 'gro ba'i phyir ro/ /'dis kho na zhes nges par gzung bas brdar byas na mthong ba las zlog pa shes par sla ba'i phyir de las gzhan pa la shing ma yin no snyam pa'i nges pa 'byung bas ji skad bshad pa'i nyes pa med do/ /gal te gzhan sel bar smra ba la yang de dang 'dra'o zhe na rnam par gcod par smra ba la zhes bya ba la sogs pa smras te/brda'i dus gcig na thun mong ma yin pa mthong ba'i ngo bo ni gang la yang rjes su 'gro ba'i phyir ro/ /de bas na brda'i dus na shing yin no zhes de ltar gzung ba'i khyad par gang yin pa de gzhan na mthong ba med do//de la brda'i dus na mthong ba dang / phyis snang ba'i rang gi mtshan nyid la tha dad pa snang ba'i mthong ba skyes pa gang yin pa de'i rgyus shing dang shing ma yin pa dag rtogs par byed pa ni gsal ba gzhan la yang shing gi khyad par gzhan la yang de ltar shing yin no zhes bya bar rtogs par mi 'gyur te//'di ltar ji ltar brda'i dus na shing gi khyad par mthong ba gang yin pa de las bum pa la sogs pa mtshan nyid mi mthun pa ltar/ shing gi khyad par gzhan yang de dang 'dra bas ji ltar bum pa la sogs pa la shing yin no snyam pa'i rtogs pa mi 'byung ba de bzhin du shing gi khyad par dag la yang mi 'byung gi/'on kyang shing ma yin no snyam pa de ltar rtogs par 'gyur ro zhes bya ba'i tha tshig go/ /slob dpon gyis de lta na 'o na ni zhes bya ba la sogs pa smos te/ phan tshun brten pa'i nyes pa'i lan 'di ni de la yang zhes bya ba gzhan rnam par gcod pa'i yul can gyi brda la yang mtshungs so//gcig rtogs zhes bya ba ni gsal ba rigs mthun pa rnams la rnam pa gcig tu mngon par shes pa'o/ /gang la ming de skad ces bya ba yod pa de la de skad ces bya ste/ 'dis ni gsal ba tha dad pa dag la yang rnam pa gcig tu mngon par shes pas 'bras bu gcig pa nyid kyi 'dra bas gcig pa nyid du sgro 'dogs par byed do zhes bshad do//de bas na rnam par rtog pas gcig pa nyid du sgro btags pa'i gsal ba rnams las gang yang rung ba zhig la brdar byas na thams cad la brdar byas par 'gyur bas 'di'i sa bon bshad pa yin no//gcig la gnas pa zhes bya ba 'di ni rigs mi mthun pa'i dngos po 'dzin pa'i rnam pas stong pa nyid kyis rtogs pa'i rnam pa so sor nges pa nyid bstan te/ dngos po rigs mi mthun pa'i rnam pa las log pas rigs mthun pa thams cad la gcig par rtogs pa'i shes pa gang yin pa de la gnas pa zhes bya ba'i tha tshig go//'dis kyang dngos po rigs mthun pa dang rigs mi mthun pa rnam par 'byed pa'i sa bon bshad do/ /de nyid de dang de min rgyu don rnams/ /zhes bya ba la sogs pas ston te/de zhes bya ba 'dis ni rtogs pa gcig bsdus so/ /de min zhes bya ba'i sgras ni de las bzlog pa'o/ de dang de ma yin pa ni de dang de min dag go/ /de dag gi rgyu rnams ni de dang de min rgyu ste/ de dag brda'i mdun rol du yang bdag nyid rnam par 'byed par byed/yal ga la sogs pa dang ldan pa'i rnam pa can gyi rtogs pa gcig gi rgyu de dang de las bzlog pa tha dad du 'byed do/ /'di ni gong du/ gcig rtogs don shes la sogs pa'i/ /don gcig bsgrub la zhes bya ba'i bar skabs der bshad zin to//spyi tha dad pa dang tha dad pa ma yin pa bkag pa dang 'gog par 'gyur ba'i phyir dngos po 'di dag rang bzhin gyis tha dad cing ngo bo nyid kho nas mtshan nyid mi mthun pa yin no/ /kha cig kho nas byed kyi gzhan dag ni ma yin te/ de dag ni rang bzhin gyis de dang de ma yin pa bskyed pa'i ngo bo nyid yin pa'i phyir ro//shes pa la sogs pa zhes bya ba la sogs pa zhes bya ba'i sgras ni chu chu ba la sogs pa bsdu'o/ /rtogs pa po 'dis de la dngos po de rnams sgra'i byed pa med par bdag nyid kyis rnam par phye zhing bye brag tu phye nas/ de'i rgyu dang de'i rgyu ma yin pa dag rtogs par 'gyur ro//rtogs pa po de'i ste/ blo de la ni yod pa'i zhes bya ba la sogs pa ni de'i rgyu ma yin pa dag las de'i rgyu rnams rnam par phye nas 'jog par byed pa'i blo gang yin pa de ni blo de ste/ de la yod pa ni de la snang ba'o/ /rnam par rtog pa can gyi blo'i rgyu nyid snang zhing mngon pa ste/'og nas 'dra bar zhes 'byung ba dang 'brel pa'i phyir rgyu nyid 'dra bar snang ba zhes bya bar blta bar bya'i/ rnam par rtog pa la snang ba de rnams rgyu nyid du ma yin te de rnams phyi rol na med pa'i phyir rtogs pa po de ltar lhag par zhen pa kho nas de skad du bshad par zad do//rgyu min dngos po bral ba dang / /zhes bya ba 'dir yang 'dra bar zhes bya ba dang / snang zhes bya ba'i sgra sbyar ba yang snga ma bzhin du sbyar te/ gang dag rnam pa gcig tu rtogs pa'i blo'i rgyu ma yin pa de dag gi ngo bo dang bral ba 'dra bar snang ba'o//snang ba dang rnam par brtag par bya pa dag gcig tu byed pa'i phyir phyi rol gyi dang lhan cig ngo bo gcig pa 'dra bar te 'dir yang snang zhes bya bar sbyar ro/ /brda'i 'og rol gyi dus su yang bdag nyid kyis/ dngos po de rnams de mi byed pa dag las/ tha dad par ni shes 'gyur bar bya ba'i phyir tha dad pa rnam par rtog pa la snang ba'i gzhan sel ba rigs mthun pa thams cad la gcig pa nyid du sgro btags pa la skad ces bya ba sgra sbyor zhing brdar 'dogs so//skad de las tha snyad kyi tshe ji skad bshad pa'i gzhan sel ba de rtogs shing khong du chud par 'gyur ba'i blo de ni 'khrul pas dngos po gcig ltar rtogs rnam par rtog pa can gyi blo la snang ba de nyid phyi rol gyi gsal ba rigs mthun pa rnams la sgro btags nas dngos po gcig pa lta bur rtog go//de'i phyir gcig tu rtogs pa'i rgyu thams cad la shing ngo zhes bya bar rtogs par 'gyur ro//'dis ni mthong bas rtogs na ni gsal ba gzhan la yang de ltar rtogs par mi 'gyur ro zhes smras pa gang yin pa de spangs pa yin te/ gang gi phyir de'i rgyu ma yin pa dag las rnam par phye ba de'i rgyu rnams la gcig pa nyid du sgro btags pa'i shing la brdar byas pa de'i phyir de'i rgyu ma yin pa rnams ni shing ma yin no zhes bya bar bdag nyid kyis rtogs par 'gyur ro//de bas na phan tshun brten pa'i nyes pa med do/ /de rnams ni zhes bya ba la sogs pas ni tshig le'ur byas pa'i don ston te/ de rnams zhes bya ba ni rigs mi mthun pa'i dngos po las tha dad pa rnams te/rang bzhin kho nas ngo bo nyid kyis yin gyi spyi gcig dang ldan pa ni ma yin no/ /'o na ci'i phyir dus thams cad du rtogs pa skyed par mi byed ce na/ rkyen gyi dbang gis zhes bya ba la sogs pa smos te/ rkyen ni nyams su myong ba'i shes pa ste/de'i sgo nas de dag la rnam par rtog pa skyed pa'i phyir ro/ /gcig tu rtogs pa'i bdag nyid kyi rnam par rtog pa de lta bu'i rgyu rnams kyi rjes su 'gro ba'i phyir te/ ji ltar shing gi khyad par gcig rang bzhin gyis rnam par rtog pa de lta bu'i rgyu yin pa ltar gnyis pa la sogs pa yang de dang 'dra bas rnam pa 'dis rjes su 'gro ba yin gyi/spyi'i bdag nyid kyi dngos po gcig cig yod pa ni ma yin no/ /rjes su 'gro ba de'i phyir te/ 'bras bu gcig pa nyid kyis gcig pa nyid du lhag par zhen par rung ba rnams kun du brtan nas zhes bya ba'i tshig lhag ma yin no//de mthong ba zhes bya ba ni gsal ba rnams la 'bras bu gcig byed pa'i rgyu mthong ba'i'o/ /blo la yod pa ni snang ba'o/ /shes pa de yi rgyu nyid dang / /zhes bya ba rnam par rtog pa can gyi shes pa de'i rgyu nyid dang /de las gzhan pa las ldog pa rnam pa gcig tu mngon par shes pa'i rgyu rnams las gzhan pa rnam par rtog pa'i de lta bu'i rgyu ma yin pa gang dag yin pa de dag las ldog pas de lta bu ma yin yang ste/ rnam par rtog pa la snang ba de dag ni phyi rol na med pa'i phyir de'i rgyu ma yin no//de nyid kyi phyir rgyu ma yin pa'i ngo bo dang bral ba nyid kyang med de/ de dag dngos po med pa'i phyir ro/ /'on kyang de lta bur lhag par zhen cing shes pa de'i rgyu nyid dang de las gzhan pa la ldog par sgro btags pa ste/ 'dis ni/ blo'i rgyu nyid du snang ba dang //rgyu min ngo bo bral ba dang / /zhes bya ba rnam par bshad do/ /phyi dang nang gi khyad par rnam par ma phye ba can rnams zhes bya ba 'dis ni ngo bo gcig 'drar zhes bya ba 'di bshad de/ gang dag la phyi'i dang nang gi khyad par rnam par ma phye ba yod pa zhes tshig rnam par sbyar te/snang ba dang rnam par rtog par bya ba dag gcig tu byed pas gzung ba rnams zhes bya ba'i tha tshig go/ /gang gi ched du brdar bya ba'i rtogs pa po rnam par rtog pa la rnam par gnas pa des rtogs pa'i rjes su 'brangs te zhes bya ba ni brda'i dus na de'i rtogs pa ci 'dra ba ste/dngos po rgyu ma yin pa'i ngo bo dang bral ba rnam pa gcig cing ngo bo tha dad pa 'di dag la shing zhes bya ba'i sgra 'di brdar brtags pas de lta bas na 'di dag ni shing yin no snyam pa de lta bu'i rnam pa can de'i rjes su 'brangs shing dran par byas nas tha snyad kyi dus na yang 'di dag ni shing yin no zhes bya ba'i sgra thos pa'i sgo nas kyang ji skad bshad pa'i dngos po de dag rnam par shes pa de'i rgyu yin par de las ldog pa dag las tha dad par shes par 'gyur snyam pa'i bsam pa 'dis de'i rgyu ma yin pa dag las tha dad cing rnam par gcod pa blo la snang ba'i mtshan nyid ji skad bshad pa la brdar 'dogs pa po skad sbyor ro//ji ltar sbyor zhe na/ rang dang gzhan gyis zhes bya ba la sogs pa smos te/ rang dang gzhan rtogs par bya ba'i rnam par rtog pa la 'bras bu gcig byed pa'i mtshan nyid kyi 'khrul pa'i rgyu mtshan gyis rnam pa gcig tu snang ba'i brda'i yul kun tu bstan nas te ji ltar rtogs par byed pa po la de dang rigs mi mthun pa las log pa rnam pa gcig tu rtogs pa'i rgyur gyur pa rnams la rnam pa gcig pa nyid du sgro 'dogs par byed pa'i rnam par rtog pa skye ba ltar rtogs par bya ba la yang de dang 'dra ba ji ltar sbyor bar byed pa po gcig pa nyid du sgro 'dogs pa'i sgo nas thams cad la brdar gdags so snyam du sems pa ltar rtogs pa po yang de kho na bzhin du sems so//de las zhes bya ba ni sgra las so/ /de zhes bya ba ni gzhan rnam par gcod pa ste/ sgra spyi dngos por gyur pa dang bral ba de kho na las rang bzhin gyis gcig byed pa'i don dmigs nas bdag nyid kyis de'i 'bras bu can ma yin pa dag las rab tu rnam par dbye ba byas te/tshoms gnyis su rnam par 'jog par byed pas de'i phyir gcig la gcig brten pa'i nyes pa med do/ /spyi dngos por gyur pa la brten nas shing dang shing ma yin pa rnam par dbye ba ji ltar mi rung ba de ltar bstan pa'i phyir de la zhes bya ba la sogs pa smos te/ji ltar shing gi khyad par dag las bum pa la sogs pa tha dad pa ltar shing du ba la sogs pa yang de dang 'dra bas phan tshun tha dad pa de mthong yang spyi gang zhig mthong ba dang ma mthong ba dag gis gang la spyi 'di snang ba des ni shing yin la/gang la mi snang ba de ni shing ma yin no zhes shing dang shing ma yin pa 'di rnam par dbye bar byed pa'i spyi dngos po ltar rung ba dmigs pa'i mtshan nyid kyir gyur pa gcig ni med do/ / ci'i phyir med ce na/ de ni zhes bya ba la sogs pa smos te/ spyi tha dad pa ni yal ga la sogs pa snang ba las tha dad par mi 'dzin pa'i phyir te/ shing la sogs pa la blo yal ga la sogs pa'i rnam pa can gcig dang / yal ga la sogs pa'i rnam pa can ma yin pa cig shos dang gnyis su snang ba ni mi dmigs so//khar ba thogs pa la khar ba bzhin du zhes bya ba ni chos mi mthun pa'i dpe ste/ ji ltar khar ba thogs pa la khar ba tha dad par 'dzin pa ltar spyi ni de lta ma yin no/ /yal ga la sogs pa dang ldan pa'i khyad par gzhan las tha dad par ma bzung ba'i spyi yang gsal ba rnams la mi mngon pa'i phyir te/gzhan zhig rang gi ngo bor dmigs pa ni mngon pa yin na de yang bdag nyid du ma bzung ba la ji ltar yod par 'gyur spyi don gzhan ma yin par smra ba'i ltar na yang / rnam pa gsal ba'i gcig la mthong ba yang rang gi mtshan nyid las tha mi dad pa'i phyir de kho na dang 'dra bar gsal ba'i khyad par gzhan la blta bar mi nus pa'i phyir ro//de bas na tha snyad kyi dus na 'dra ba gcig cig mthong ba gang yin pa de dang ldan pa ni shing yin la de ma yin pa dang ldan pa ni shing ma yin no zhes bya bar gyur to//de dag go rims bzhin du shing dang shing ma yin pa nyid na gsal ba gcig kho na zhes bya ba brda'i dus nas mthong ba kho na shing yin par 'gyur ro/ /tha snyad kyi dus na snang ba ni ma yin te/ brda'i dus na snang ba'i rnam pa gzhan mi snang ba'i phyir ro//sgra'i don gzhan sel ba la gzhan dag gis ma khyab pa nyid du gleng ba gang yin pa de yongs su spang bar 'dod nas/ re zhig phyogs snga ma phyogs tsam zhig dgod par bum pa la sogs pa zhes bya ba la sogs pa smos so zhes bya ba la sogs pa zhes bya ba'i sgras ni thams cad dang /ril dang brjod bya dang / gzhal bya zhes bya ba'i tshig rnams bsdu'o/ /ci'i phyir de dag la don gzhan rnam par gcod pa med ce na/ gang las zhes bya ba la sogs pa smos te/ gang las zhes bya ba ni shes bya ma yin pa las so//gal te ci'i phyir shes bya ma yin pa med ce na/ de las zhes bya ba la sogs pa smos te/ rnam par gcod par smra bas ni shes bya ma yin pa las shes bya tha dad par yul du byed par khas blangs dgos so/ /de lta ma yin na ni ji ltar shes bya ma yin pa la shes bya rnam par gcod/des na shes bya ma yin pa las shes bya tha dad par yul du byed pa nyid kyis shes bya ma yin par 'dod pa de shes bya ma yin pa'i phyir te/ yul du ma byas pa las rnam par gcod pa bstan par mi nus pa'i phyir ro zhe na/ de ni nyes pa med de 'di ltar the tshom dang ldan pa'i skyes bu'i blo'i the tshom can don 'ga' las rnam par bzlog nas blo de nyid rnam par nges pa'i don 'ga' zhig la 'jug pa'i phyir ston par byed pa pos sgra 'ga' zhig rab tu sbyor bar byed do//'ga' zhig la 'jug pa'i phyir zhes bya ba 'dis ni rjes su 'gro ba bshad la/'ga' las rnam par ldog nas zhes bya ba 'dis ni ldog pa bshad do/ /ci'i phyir sgra 'ga' zhig las bzlog pas 'ga' zhig la 'jug par byed kyi/ sgrub pa kho nas ni ma yin no zhe na/ de'i don zhes bya ba la sogs pa smos te/sgra'i don nges par gzung ba'i phyir ro/ /gzhan du na ste/ gal te sgra des 'ga' yang rnam par gcod par mi byed na sgra sbyor ba don med par 'gyur ro/ /gang gi phyir de lta yin pa des na de'i phyir zhes bya ba la sogs tshig ces bya ba la sogs pa zhes bya ba'i sgras ni thams cad dang ril zhes bya ba la sogs pa'i tshig bsdu'o//khyad par ji lta bu can zhig ce na/ tha snyad du ni gtogs rnams la'ang / /zhes bya ba smos te/ tha snyad ni sgras bsgrub pa dang dgag pa'i mtshan nyid do/ /de'i don du gtogs pa rnams la ste/'jig rten pa'i sbyor ba la gnas te rnams la zhes bya ba'i tha tshig go/ /tha snyad kyis na yan lag ces bya ba la sogs pa de dag la rnam par gcod pa ni 'ga' zhig yod do/ /sgra rab tu sbyor bar byed pa zhes bya ba la sogs pas ni 'chad par byed de/thams cad la ni skyes bu'am 'jig rten pa'i rtog pa po'o/ /ci'i phyir mi 'da' zhe na/ de ni zhes bya ba la sogs pa smos so/ /sgra de'i 'bras bu ni 'jug pa dang ldog pa yin pa'i phyir te 'ga' zhig las bzlog nas 'ga' zhig la 'jug pa'i don yin no zhes bya ba'i tha tshig go//de lta ma yin na sgra sbyor ba don med par 'gyur ro/ /de nyid bstan pa'i phyir gal te zhes bya ba la sogs pa smos te/ smra ba po 'dis bstan par bya ba 'ga'i blo yang mi 'dod pa 'ga' las kyang ldog par mi byed pa'am/ de las bzlog nas kyang 'dod pa 'ga' zhig la 'jug par mi byed na de'i tshe ji lta ba bzhin du snang ba'i phyir te/ sgras ni ji ltar sgra sbyor ba'i sngon rol na rtogs pa po la don la the tshom za ba'i ngo bo yod pa de lta bur snang ba'i phyir te/ don ci 'dra bar yang rung bar snang ba'i phyir zhes bya ba'i tha tshig go//tha snyad thams cad la tshig 'ga' yang tha snyad gdags shing brjod par mi 'gyur te/ ci'i phyir zhe na/ sgra'i tha snyad ni nges par gzung ba med na med pa'i phyir ro/ /de nyid bsgrub pa'i phyir te/ dper na zhes bya ba la sogs pa smos so/ /'dir chu 'on cig ces bya ba 'dis byed pa tsam 'phangs pa la byed pa'i khyad par rtogs par bya ba'i phyir bum pa zhes bya ba brjod de/bum pa zhes bya ba'i sgra 'di ni snyim pa la sogs pa rnam par gcad pas rnam par nges pa'i don la blo skyed par byed na 'bras bu dang ldan par 'gyur ro//gal te bum pa zhes bya ba'i sgra sbyor ba yod du zin kyang / gzhan rnam par gcad par mi 'dod pa'i phyir bum pa dang snyim pas zhes bya ba 'di ni mtshon par zad de/ de bzhin du byed pa gzhan gyis chu len pa yang bsdu'o/ /ci 'dra yang rung ba zhig ces bya ba ni chu'i tshad nyung ngu mang po zhes bya ba de la mi ltos par zhes bya ba'i tha tshig go//chu zhes bya ba'i sgra yang gal te las gzhan rnam par gcod pa las khyad par can la 'jug par byed pa ma yin no/ de'i tshe de sbyor ba yang don med pas de bzhin du zhes bya ba la sogs pa smos te/'on cig ces bya ba 'ba' zhig brjod par bya bar 'gyur ro/ /ji lta bu zhig ce na/ byed pa dang las ma 'phangs pa can te 'on cig bya ba 'di tsam gyi tshig gang la byed pa bum pa zhes bya ba dang las chu zhes bya ba ma 'phangs shing bye brag tu ma brten pa de la de skad ces bya'o//de bzhin du khyer te mi 'ong ba'am/ byed pa gzhan la mngon du phyogs pa'i skyes bu la/ gal te 'on cig ces bya ba 'dis khyer mi 'ong ba'am/ byed pa gzhan rnam par gcod par mi byed na 'on cig ces bya ba yang brjod par mi bya'o//de bstan pa'i phyir de bzhin du zhes bya ba la sogs pa smos te/ gal te bsgrub par bya ba 'on cig ces bya bas zas la sogs pa bsgrub par bya ba la rung bsgrub par bya ba yin pa gzhan cung zad cig ces bya ba 'bad par bya ba ma yin pa dang / blang bar bya ba ma yin pa ril yin par 'dod par gyur na ni de'i tshe byed pa'i tshig 'on cig ces bya ba yang brjod par mi 'gyur ro/ /de lta bas na bum pa la sogs pa'i sgra tha snyad du 'dogs pa rnams la rnam par gcod pa yod do/ /de dag la ji lta ba de bzhin du zhes bya ba la sogs pa'i sgra tha snyad du 'dogs pa rnams la yang rnam par gcad par bya ba shes bya ma yin pa nyid la sogs pa 'ga' zhig yod par 'gyur ro//gzhan du dogs pa med pa na sbyor ba mi rung ba'i phyir ro zhes bya ba ni shes bya ma yin pa nyid la sogs par dogs pa ni gzhan du dogs pa'o//de med par ni gzhan du dogs pa ste/ shes bya ma yin pa nyid du dogs pa med na zhes bya ba'i tha tshig go/ /'di ltar sgra mi rtag pa la sogs pa'i ngo bor shes bya yin no zhes bya ba la the tshom za ba la mi rtag pa la sogs pa'i rnam par shes bya yin no zhes bya ba 'di rab tu sbyor ba de la ni mi rtag pa la sogs pa'i rnam par shes bya ma yin pa nyid du the tshom za ba gang yin pa de nyid rnam par gcad par bya ba yin no//de bzhin du chos thams cad ni thams cad mkhyen pa'i shes bya yin no zhes bya ba de dag la yang thams cad mkhyen pa'i ye shes la ltos nas shes bya ma yin pa nyid du the tshom za ba gang yin pa de nyid du rnam par gcad par bya ba yin no//de bzhin du 'ga' zhig na re dngos po med pa ni med pa'i phyir de la shes pa 'jug pa med do//de lta bas na de dag ni shes bya ma yin no zhes zer ba de la yang shes bya ma yin pa nyid du sgro btags pa de nyid rnam par gcad par bya ba yin no/ /yod pa ma yin no zhes bya ba de lta bu kho nar med pa yang yul du byed pa'i phyir ro/ /de bzhin du shes bya'i sgra sbyor ba gzhan la yang brjod par bya ste/gzhal bya'i sgra la yang de dang 'dra'o/ /yang de bzhin du 'du byed thams cad ni skad cig ma'o zhes bya ba 'di la yang kha cig gis thams cad ma yin pa skad cig ma nyid du brtags kyi/ thams cad ni ma yin pa de rnam par gcad par 'du byed thams cad skad cig ma nyid yin par brjod do//de bzhin du ci 'ga' zhig 'ongs sam/ thams cad lhags snyam du the tshom za ba la grong ba thams cad lhags so zhes bya bas/ 'ga' zhig kho na'i lhags pa la the tshom za ba gang yin pa de nyid rnam par gcad par bya ba yin no//de bzhin du sgra'i sgra tha snyad du gtogs pa gzhan dag la yang skabs kyi dbang gis ci rigs par rnam par gcad par brjod par bya'o/ /'dir bsdus pa'i don ni blo tha dad pas gzung bar bya ba'i zla bo dngos por gyur pa zhig tshoms gnyis su rnam par gzhag nas gzhan sel ba'i sgras brjod do zhes bya ba ni ma yin no//'on kyang nyan pa pos de lta bu ma yin pa la yang de lta bu'i rnam pa sgro btags pa gang yin pa de yang sgras rnam par gcad par bya ba kho na yin no zhes bya ba yin no/ / de nyid gsal bar bya ba'i phyir de la ni zhes bya ba la sogs pa smos te/ bstan par bya ba blo gros rmongs pa'i gnas gang yin pa de nyid ces bya ba la sogs pa'i sgra rnams kyis bzlog par bya ba ma yin no/ /gal te nyan pa po ni 'ga' la yang the tshom med pa kho na'o zhe na/'on te dogs pa med na ni zhes bya ba la sogs pa smos te/ gal te 'di 'ga' la yang dogs pa med cing yang dag pa ji lta ba bzhin nges pa dang ldan pa yin na ni de'i tshe smra ba po gzhan gyis gdams pa la ci zhig ltos par 'gyur te mi 'gyur kho na'i snyam du bsams pa yin no//nyan pa po'i 'byang bar byed pa ni the tshom sel ba'o/ /tshig gang la de med pa de ni nyan pa po'i 'byang bar byed pa med pa can te/ tshig de lta bu smra ba'i smra ba po yang ltar smyon pa ma yin pa 'gyur ba de lta bas na smra ba po ni nyan pa po the tshom dang ldan pa byang bar bya ba kho nar 'dod pas sgra sbyor bar byed do//ci'i phyir zhe na/ de 'byang bar bya ba kho na'i phyir nyan pa po 'byang bar bya ba kho na'i phyir sgra rnams brdar byas pa'i phyir ro zhes bya ba la sogs pa'i tshig dag la gnas pa tha snyad kyi don du gtogs pa rnams la ni ji skad bshad pa'i rnam par gcod pa yod grang na zhes bya ba la sogs pa'i sgras tha snyad du gtogs pa ma yin pa yan gar ba gang dag yin pa de dag la go ji ltar yod de de dag la ni rtogs pa po'i dogs pa'i gnas med do zhe na zhes bya ba la sogs pa smos so//ngag rnams kyi khongs su ma gtogs pa'i rjod par byed pa'i sgra ni med do zhes bya ba'i don te/sgra rnams ni sbyor ba'i dbang gis don dang ldan par shes la/ sbyor ba yang dag la gnas pa rnams kho na'i yin no/ /de nyid bstan pa'i phyir/ ngag tu gtogs pa'i tshig gis zhes bya ba la sogs pa smos te/de kho na la don yod pa'i phyir ro snyam du bsams pa yin no/ /brda sprod pa pa rnams tshar dag gi nang du thams cad dang ril ces bya ba la sogs pa 'don pa'am/ gzhi po dang rkyen rnam par dbye bas sal gyis dag par byed pa dang / de bzhin du nges pa'i tshig gi byed pa rnams sal gyis dag par byed pa gang dag yin pa de dag kyang ba men ri mor bris pa lta bur tshig la gnas pa rnams kho na'i rtogs par byed pa'i thabs yin par blta bar bya'i/de dag la 'jig rten pa'i don ni 'ga' yang med do/ /de lta bas na ngag la gnas pa'i tshig gi don dag kho na don dang ldan pa yin la/de kho na la gnas pa rnams kyi don sems par byed do/ /de nyid bstan pa'i phyir/ gang la zhes bya ba la sogs pa smos te/ de dag ces bya ba ni ngag la gnas pa gang dag yin pa ste sbyor ba'i yul bsam par bya ba la sgra'i don ni gzhan sel ba zhes brjod de/shes bya la sogs pa'i sgra'i sbyor ba la mi gnas pa gang dag yin pa de dag ni don mi srid pa'i phyir bsam pa nyid kyang med pas/ sbyor ba bstan pa med pa la zhes bya ba la sogs pa smos so/ /'di ni sbyor ba yang yin la de bzhin du bstan pa yang yin pas zhes las 'dzin par byas nas phyis med pa zhes bya ba dang sbyar te/sbyor ba smos pa med pa la shes bya zhes bya ba'i sgra dag tu nye bar ma sbyar ba yan gar ba'i don ci yin zhes 'dri ba ni zhes bya ba'i tha tshig go/ /gal te ci'i phyir shes bya'i sgra yan gar ba la don med ce na/de las zhes bya ba la sogs pa smos te/ shes bya zhes bya ba'i sgra de las dngos po 'ga' la yang rtogs pa med pa'i phyir ro/ /sgrub pa dang dgag pa'i 'bras bu can gyi tha snyad la shes bya zhes bya ba'i sgra yan gar ba sbyor ba med pa'i phyir de las don rtogs pa lta zhig ga la yod/gang gi tshe sgra mi rtag pa la sogs pa'i ngo bor shes bya yin nam/ 'on te shes bya ma yin pas zhes bya ba de lta bu'i skabs su shes bya zhes bya ba'i sgra yan gar du sbyor ba de'i tshe yang don rtogs pa gang yin pa de'i sgra la sogs pa'i tshig skabs su bab pa la ltos te/yin pas dag kho na las 'byung bar 'gyur te/ tshig gzhan dang lhan cig pa'i tshig ni ngag yin pa'i phyir ro/ /de lta bas na tshig gzhan la mi ltos pa'i tshig yan gar ba las ni don rtogs pa med do/ /ji ltar shes bya la sogs pa'i tshig yan gar ba rnams la brjod par bya ba cung zad kyang med pa ltar bum pa la sogs pa'i sgra yan gar ba rnams la yang de dang 'dra'o//ci bum pas chu blangs sam/ 'on te snyim pas zhes bya ba'i skabs su bum pas so zhes rab tu sbyar ba de la skabs shes pa dang mi ldan pa gang yin pa'i rtogs pa po des kyang bum pa zhes bya ba'i sgra yan gar ba thos pa las bum pa'i rnam par rtog pa 'byung ba kho na ma yin nam/gal te yan gar ba la don med na de'i tshe thos pa las ji ltar don rtogs she na/ skabs 'ga' zhig tu zhes bya ba la sogs pa smos te/rtogs pa gang la shes par 'dod pa'i don de yongs su ma rdzogs pa yod pa de ni de'i don yongs su ma rdzogs pa can yin no/ /ji ltar de ni don yongs su ma rdzogs pa can yin zhe na/ sbyor ba mthong ba'i yul gyi rjes su 'brang bas zhes bya ba la sogs pa smos te/phar khyer ba dang tshur khyer ba la sogs pa'i bya ba gleng ba la zhugs pa'i ngag ji snyed pa des bum pa zhes bya ba'i sgra sbyor ba mthong ba de'i rjes su 'brang bas ngag gi don snga ma de snyed las rtog pa the tshom dang ldan par 'gyur te/ji don 'di brjod par 'dod dam/ 'on te ci don 'di yin zhes de ltar the tshom dang bcas pa'i phyir gtol med pa'i ngo bo nyid kyis don ma rdzogs pa tsam yin pas bslang ba kho na yin te/ 'khrul pa kho na yin no/ /'di skad du sgra yan gar ba las thos pa tsam las don rtogs pa ni med pa kho na'o//'on kyang gang la dmigs pa'i tshig don dang ldan pa dang 'dra bas blo phrag pa can la sgra yan gar ba thos pa las don rtogs pa'i mngon pa'i nga rgyal 'byung ngo zhes bshad pa yin no/ /ji ltar sbyor ba mthong ba'i rjes su 'brang bas bum pa la sogs pa'i tshig yan gar ba thos pa las don rtogs pa bslad pa de 'dra ba ni zhes bya ba la sogs pa'i sgra la yang ji ltar mthong ba las ji ltar sbyor ba dmigs pa las ngag ji snyed la shes bya'i sgra rab tu sbyor bar mthong ba de'i rjes su 'brang bas shes bya'i sgra yan gar ba thos pa'i tshig don rtogs pa bslad pa yod pa nyid do//'dis ni bum pa la sogs pa'i sgra rnams dang / shes bya la sogs pa'i sgra rnam pa thams cad du mtshungs pa nyid du bstan to/ /gang gi phyir ngag thams cad nges par gzung ba dang bcas pa yin la/ngag la gnas pa'i tshig dag kho na don dang ldan pa yin pa de'i phyir sgra sbyor ba thams cad ni zhes bya ba la sogs pas mjug sdud par byed de/ de ni 'bras bu dang bcas pa'i phyir ro zhes bya ba'i sgra sbyor ba de 'bras bu dang bcas pa'i phyir ro//de ltar ji skad du bshad pa'i tshul gyis sgra thams cad kyi brjod par bya ba gzhan sel ba yin pa la gsal bar byed kyi ci gzhan sel ba brjod par bya ba'i don yin nam/ 'on te brjod par bya ba ma yin pa zhig yin/ gal te brjod par bya ba yin na de ci bsgrub pa'i ngo bor ram/'on te rnam par gcod pa'i ngo bor yin/ de la phyogs dang po ltar na ni mnyan pas gzhan sel bar byed do zhes bya ba nyams te/ sgrub pa'i ngo bor gzhan sel ba ston pa'i phyir ro/ /gnyis pa ltar na yang gzhan sel ba yang gzhan rnam par gcad pas ston na de la yang gzhan sel ba gzhan dgos pas thug pa med par 'gyur ro zhes smras pa gang yin pa de ni des legs par ma brtags par smras pa yin no//'di ltar re zhig gal te bum pa la sogs pa'i sgras brjod par bya ba'i gzhan rnam par gcod pa gzung nas de skad du rgol na ni de'i tshig tu mi rung ste/'di ltar bum pa ma yin pa rnam par gcod pa'i ngo bo kho nar bum pa'i sgras brjod par bya ba'i gzhan sel ba yin na/ de la gang gis na thug pa med par 'gyur ba'i gzhan sel ba gzhan ci zhig dgos/ bum pa zhes bya ba'i sgras de ston pa na yang gzhan rnam par gcod pa'i ngo bo kho nas ston pas ji ltar sgra'i don bsgrub pa can yin/'on te gzhan sel ba zhes bya ba 'di kho na'i brjod par bya ba gang yin pa gzhan sel ba yin la/ de la brten nas rgol na ni tha snyad du gtogs pa de la yang gzhan rnam par gcod pa yod pa kho na ste/sgras ni gzhan sel bar mi byed kyi/ 'on kyang bsgrub pa kho nas don brjod do zhes de snyam du/ blo gros rmongs pa'i dogs pa gnas rnam par gcad par bya ba yin pa'i phyir ro/ /de lta bu la sogs pa klan ka ngan pa rnams yongs su spangs pa kho nar/gang zhig gang las tha dad pa zhes bya ba la sogs pa smos te/ shing gi don gang zhig shing ma yin pa bum pa la sogs pa gang las tha dad pa shing ma yin pa de rnam par ldog nas shing zhes bya ba'i sgra 'god cing brdar byed par lta bar bya'o/ /des ni las gzhan pa bzlog pa ma bsdus pa'i sgra kho na 'god do zhes bya bar bshad do//yang de gang du 'god ce na/ khyad par gyis zhes bya ba la sogs pa smos te/ shing gi khyad par rnams kyi de las tha dad pa ni shing ma yin pa de las tha dad pa gang yin pa'o// // bam po bcu bzhi pa/ ji ltar shing gi khyad par gcig shing ma yin pa de las tha dad pa ltar shing gi khyad par thams cad kyang de dang 'dra bas/ de'i phyir shing de rnams las tha dad pa 'dis blos gcig pa nyid du sgro 'dogs par byed pas rnam pa ni mtshungs par snang ba dang ldan pa yin te/tha dad pa rnam pa mtshungs pa can de la sgra 'god do/ /de nyid ces bya ba la nyid ces bya ba'i sgra ni nges par gzung ba'i don to/ /rnam par rtog pa can la blo la snang ba'i rnam pa de nyid slob dpon phyogs kyi glang pos rab tu bshad do//ji skad du bshad ce na/ smras pa gzhan las ldog pa yis/ /dngos po de yi cha 'ga' zhig /rtogs 'gyur zhes bya ba'i tshig 'dis te/ 'di'i ste 'di'i don ni 'grel pa las gsal bar bye'o/ /tha dad pa 'di la'ang ngo bo rang gi ngo bo ni 'khrul pa ma gtogs pa cung zad kyang med do//de bas na gsal byed kyis gal te gzhan las ldog pa thams cad la mtshungs shing rjes su yod pa yin na ming la mi 'dum par zad de/ spyi la ming gzhan du brjod pa'i phyir ro zhes smras pa gang yin pa de gsal ba yin no/ /sgra rnams las de nyid rtogs nyid kyis tha dad pa ji skad pa de rtogs pa nyid kyis gzhan bzlog pas ni rtogs par 'gyur/tha dad pa de ni gzhan zlog par byed pa 'phangs pa yin pa'i phyir ro/ /de la ni zhes bya ba'i sgra'i don gzhan sel ba de la ni gzhan bzlog pa'i mtshan nyid kyi spyi 'gas khyad par du byas pa'i rtogs par 'gyur ba gzhan zhes bya ba gzhan las bzlog pa'i don ni 'ga' yang med do//sgras ni gnyis byed pa'ang ma yin te/ rang gi don brjod pa dang / gzhan bzlog pa ni gnyis byed pa ni ma yin no/ /ci'i phyir zhe na/ phan tshun yod pa min phyir ro//phyir zhes bya ba'i sgra ni gtan tshigs te/ gang gi phyir phan tshun med pa nyid kyis shing gi don yang shing ma yin pa med pa yin la shing ma yin pa yang de med pa yin pa de'i phyir shing gi don rtogs pa kho nas shugs kyis shing ma yin pa'i don bzlog par 'gyur bas sgra la byed pa gnyis ni med do//gang la sgras brjod par bya ba'i tha dad pa ni don byed pa don du gnyer bas brjod par bya ba yin pa'i phyir dang / sa rtogs par byed pas kyang rtogs par bya ba yin pa'i phyir dngos po dang ldan pa yin no snyam du dogs pa de la de dngos med ces bya ba la sogs pa smos te/de zhes bya ba'i sgras brjod par bya ba'i don to/ /dngos med ces bya ba ni ngo bo nyid med pa'o/ /dngos po med pa de la smra ba po dag gi snang ba dang rnam par brtag par bya ba dag gcig tu byas nas dngos po dang ldan pa nyid du mthong ba gang yin pa de ni blo'i bslad pa yin te/'khrul pa yin no zhes bya ba'i don to/ /smra ba po dang nyan pa po dag gis rnam par rtog pa can gyi blos sgro btags pa kho na go rims bzhin du sgras kyang go bar byed cing de dag snang ba dang rnam par brtag par bya ba dag gcig tu byas nas 'khrul pa'i dbang gis 'jug go zhes bya ba'i tha tshig go//dgod par bya ba'i sgra zhes bya ba la sogs pas ni 'chad par byed do/ /sgra gang dag gis de las gzhan pa bzlog pas 'phangs pa zhes bya bar tshig rnam par sbyar te/ shing la sogs pa'i don gang zhig gang las tha dad pa de bzlog nas 'god do zhes bya bar sbyar ro//gang la zhe na/ khyad par rnams kyang zhes bya ba la sogs pa smos so/ /don 'di ni tshig le'ur byas pa las rnam par phye zin to/ /tha dad pa'i ngo bo mtshungs par snang ba de nyid slob dpon phyogs kyi glang pos don gzhan ldog pas dngos po de'i cha 'ga' zhig rtogs par 'gyur ro zhes bya ba dang /de bzhin du sgras ni don gzhan las ldog pas khyad par du byas pa'i dngos po dag kho na brjod do zhes bya ba la sogs pas bstan cing bshad do//stsogs pa zhes bya ba la sogs pa'i sgras ni sgra dang / don gzhan sel bar byed cing rang gi don rjod par byed do zhes bya bar bsdu'o/ /de ni zhes bya ba la sogs pa ni 'di nyid gzhung 'dzugs pa yin te/ shing zhes bya ba'i sgra de ni rnam par rtog pa la snang ba'i tha dad pa de brjod pa na don tha dad pa shing ma yin pa rnam par gcod pa 'phen pa lta bur 'jug go//ci'i phyir zhe na/ gcig la yod pa zhes bya ba la sogs pa smos te/ ji ltar shing gi khyad par seng ldeng la sogs pa kho nas shing ma yin pa dag las tha dad pa ltar shing ma yin pa rnams kyang shing dag las de dang 'dra ste/tha dad pa ni gnyis la gnas pa'i phyir ro/ /de la shing zhes bya ba'i sgras gcig la yod pa'i shing gi don la yod pa'i tha dad pa rnams gcig pa can gyi rnam par rtog pa la snang ba brjod pa gang yin pa de ni de las gzhan pa bzlog pa 'phen pa de med pa yin pa'i phyir ro//de bas na shing gi don las gzhan pa shing ma yin pa bzlog pa gang yin pa de med pa yin pa'i phyir te/ gal te de las shing ma yin pa'i don bzlog pa rtogs par gyur na de lta na shing ma yin pa las zlog pa'i ngo bo shing gi don brjod par 'gyur ro//gzhan las tha dad pa ni bya ba'i tha dad pa rnam par rtog pa can gyi blo la snang ba de nyid ni de las ldog pa las don gzhan las ldog pas ji skad bshad pa'i tshul gyis shugs kyis go bas cha rtogs shing khong du chud pa yin te/ dngos po zhes bya ba khong nas dbyung ngo //log pa'i dngos po mthong ba'i sgo nas 'ongs pa'i phyir dngos po'i cha zhes brjod do snyam du bsams pa yin no/ /'di skad du bshad pa yin te/ sgras ni der snyems pa skyed par byed pa yin pa dag las log pa'i ngo bor snyems pa skyed par byed pa la gcig pa nyid du sgro btags pa rnam par rtog pa can gyi blo la snang ba'i rnam pa gcig kho na ston par byed de/sgra'i shes pa la de kho na snang ba'i phyir ro/ /de ston pa na gzhan ldog pa ni shugs kyis 'phen par 'gyur te/ de bas na slob dpon gyis bsams pa 'dis/ de nyid gzhan las ldog pa yis//dngos po de yi cha 'ga' zhig /rtogs 'gyur zhes rab tu bshad kyi/ gzhan ldog pa sgra'i don du gyur pas phyi rol gyi dngos po'i cha 'ga' rtogs pa ni med do/ /de ltar na re zhig /de nyid gzhan las ldog pa yis/ /dngos po de yi cha 'ga' zhig /rtogs 'gyur zhes pas rab tu bshad/ /ces bya ba de gzhung 'dzugs pa yin no/ /da ni sgra'i don gzhan las ldog pas khyad par du byas pa'i dngos po dag kho na brjod do zhes bya ba de gzhung gzugs pa'i phyir/ de rtogs pa ni zhes bya ba la sogs pa smos te/tha dad pa ji skad bshad pa de rtogs shing khong du chud pa ni de'i khyad par can yin pa'i phyir de rtogs pa gang la khyad par de yod pa de la de skad ces bya ste/ de las gzhan pa bzlog pa 'dzin pa med pa nyid de'i khyad par can yin no/ /'di skad du sgras blo la snang ba'i tha dad pa de kho na rtogs par byed pa na don gzhan ldog pa shugs kyis 'phen pa gang yin pa de med na med pa yin pa'i phyir ro//slob dpon gyis don gzhan zlog pas khyad par du byas pa rtogs par byed do zhes bshad pa yin no/ /'khar ba thogs pa bzhin du zhes bya ba ni chos mi mthun pa'i dpe ste/ji ltar 'khar ba thogs pa'i sgo nas 'khar ba thogs pa'i sgo zhes brjod pa ltar zlog pa'i sgo nas bzlog pa dang ldan pa zhes bya ba ni ma yin no/ /gang zhig gang gis khyad par du byas pa'i phyi rol gyi don rnams sgra dag gis brjod par 'gyur ba don gzhan ldog pa sgra 'jug pa'i rgyu mtshan du gyur pa yod pa ni ma yin no//gang gi phyir ji ltar rnam par phye ba'i tshul gyis na sgra gzhan gyis don gzhan ldog pas khyad par du byas pa'i dngos po rnams mi brjod pa de'i phyir gsal byed la sogs pas gal te sgras don gzhan bzlog pas khyad par du byas pa'i dngos po dag brjod na de dang ldan pa tsam gyi phyogs la nyes par bshad pa gang yin pa de gzhan sel ba yang yod do zhes smras pa de gsal ba yin no//kha cig khyad par ni bye brag yin pas de la rnam 'grel byed pa 'di'i khyad par can yin pa'i phyir zhes smras par bzlog pa bye brag nyid du 'dod pa ma yin nam/de ji ste don gzhan bzlog pa bye brag tu gyur pa yod pa ni ma yin no zhes bshad pa snyam du dogs par 'gyur bas de'i phyir dbye bar bya ba gnyis kyis zhes bya ba la sogs pa smos te/ dbye bar bya ba shing dang shing ma yin pa gnyis ka tha dad pa gang yin pa de ni shing dang shing ma yin pa gnyis ka la yod pa'i phyir yod pa'i tha dad pa brjod na yang shing ma yin pa la ltos nas shing la yod pa'i tha dad pa gang yin pa de sgras brjod na yang de las gzhan pa 'phen pa med pa yin te/shing ma yin pa la ltos nas shing las yod pa'i tha dad pa de las gzhan pa shing la ltos nas shing ma yin pa'i tha dad pa yang 'phen pa yin no//gal te shing las kyang shing ma yin pa tha dad par gyur na/ de lta na shing ma yin pa las shing tha dad pa yin no/ /de bas na zhes bya ba ni gtan tshigs te/de'i phyir khyad par can yin pa'i phyir bshad do zhes bya ba khong nas dbyung ngo / /de dag la zhes byang ni gcig la yod pa'i tha dad pa dang de las gzhan pa bzlog pa la ste/ khyad par gyi gzhi'i dngos po ni med do/ /yang gal te gang gis na sgra las gcig pa yod pa'i tha dad pa gzhan bzlog pa med na med pa rtogs par 'gyur ba gcig la yod pa'i tha dad pa 'di ni gang zhig yin/de las gzhan pa bzlog pa yang gang zhig yin zhe na/ bshad pa re zhig shing gi sgras brjod par bya ba ni rnam par rtog pa can gyi blo la snang ba yal ga la sogs pa dang ldan pa ni rnam pa shing thams cad la ngo bo tha mi dad pa lta bu dang /de'i ngo bo ma yin pa dag las tha dad pa lta bur snang ste/ ma yin pa'i tshul gyis gcig la yod pa'i tha dad pa yin no/ /de bzhin du bum pa la sogs pa'i sgras brjod par bya ba gcig la yod pa'i tha dad pa yang khong du chud par bya'o//de nyid sgras ston pa na rigs mi mthun pa bzlog pa med par dgag pa'i mtshan nyid shugs kyis go bar byed de/ de ni de las gzhan bzlog pa yin no/ /sgras ni ji ltar rnam par dbye ba'i tha dad pa gang yin pa de gcig kho na brjod de/de rtogs pa nyid rjes su 'gro ba rtogs pa yin no/ /gzhan ldog pa shugs kyis grub pa gang yin pa de ni ldog pa rtogs pa yin te/ de ltar rjes su 'gro ba dang ldog pa rtogs pas sgra don dang ldan pa yin no//de nyid gsal bar bya ba'i phyir tha dad pa gcig ces bya ba la sogs pa smos te/ rnam par rtog pa can gyi blo la snang ba'i mtshan nyid kyi tha dad pa rtogs pa'i phyir go rims bzhin du sgras rjes su 'gro ba dang ldog pa brjod pas byas pa yin te/rjes su 'gro ba ni dngos su brjod la ldog pa ni shugs kyis brjod par blta bar bya ba'o/ /brjod pa des slob dpon phyogs kyi glang pos sgra rnams tha snyad kyi yan lag nyid du ston pa na de las bzlog pas dngos po'i cha rtogs par 'gyur ba'am/ de bzhin du des khyad par du byas pa rtogs par 'gyur ro zhes bshad de/ bzlog pa zhes bya ba'i sgras ni ldog pa bshad la/ dngos po'i cha zhes bya ba'i sgras ni rjes su 'gro ba bshad do/ /'dis ni sgras ni sgra dang don gzhan sel bar byed cing rang gi don byed par brjod do zhes bya ba 'di yang rnam par bshad pa yin te/de la rang gi don ni gcig la yod pa'i tha dad pa rnam par rtog pa can gyi blo la snang bar bshad pa gang yin pa de kho na yin no/ /de la don gzhan bzlog pa ni don gzhan sel ba ste/ med pa dgag pa'i mtshan nyid yin no//de med cing zhes bya ba ni shugs kyis go bar byed cing zhes bya ba'i tha tshig go/ /gang gi phyir tha dad pa gcig brjod na yang gzhan bzlog pa shugs kyis rtogs pas/ de nyid kyi phyir zhes bya ba la sogs pa smos te/ rang gi don ni tha dad pa'i ngo bo yin pa'i phyir ro zhes bya ba ni shing gi sgra'i don yang yal ga la sogs pa dang ldan pa rnam par rtog pa la snang ba gang yin pa de ni tha dad pa'i ngo bo yin te/bdag nyid kyis de ma yin pa'i rnam pa dag las log pa'i phyir ro/ /de'i phyir rang gi don tha dad pa'i ngo bo brjod pa kho nas shugs kyis gzhan bzlog pa rtogs te gal te shugs kyis de la shing ma yin pa'i don bzlog par 'gyur na/de lta na shing ma yin pa las tha dad pa'i ngo bo shing gi don rtogs par 'gyur ro/ /de lta bas na sgra'i byed pa ni rang gi don brjod pa kho na yin la/ gzhan bzlog pa ni shugs kyis yin pas sgra la bya ba gnyis ni med do/ /de bas na gzhon nu ma len pa la sogs pas sgra gcig gis bya ba gnyis mi nus pa'i phyir thams cad du sgra gnyis brjod par thal bar 'gyur ro zhes smras pa gang yin pa de spangs pa yin no/ /gal te rang gi don tha dad pa'i ngo bo yin la ni rag na 'on kyang gang gi tshe rang gi don khyad par can 'di bsgrub pa gtso bor brjod pa de'i tshe sgra las rjes su 'gro ba kho na rtogs par zad kyi ldog pa ni ma yin no//gang gi tshe dag dgag pa gtso cher byed pa dper na chang btung bar mi bya'o zhes bya ba lta bu 'di la yang bzlog pa btung bar sgrub pa ni ma yin gyi 'on kyang chang 'thung bar thal ba dgag pa tsam byed par zad do//de bas na rjes su 'gro ba dang ldog pa brjod pas sgra rnams tha snyad kyi yan lag nyid du ston pa na zhes smras pa gang yin pa de ni rigs pa ma yin no zhe na/ldog pa med pa tsam gyi zhes bya ba la sogs pa smos te/ so sor nges pa'i don bsgrub pa ni rjes su 'gro ba ste/ dper na shing chod cig ces bya ba lta bu'o/ /de la shing ma yin pa shugs kyis bzlog pa ni ldog pa'o/ /gang la de med pa de ni ldog pa med pa can te/de lta bu'i rjes su 'gro ba yang med kyi/ 'on kyang thams cad ldog pa dang bcas pa kho na yin no/ /rjes su 'gro ba med pa can gyi ldog pa med na yang de'i dngos po'i so na 'dug pa la cung zad kyang mi byed pas de bzhin du dmigs pa la sogs pa la yang thal bar 'gyur ro//ngo bo nyid gzhan ni 'di'i sgrib pa yang ma yin te/ de'i so na 'dug pa de la sgrib par yang mi rung ba'i phyir ro/ /'jig pa'i rgyus dngos po myong bar byed pa yang ma yin te/ med pa'i tshul du khas len pa ma yin par rnam par rtog pa las 'das pa'i phyir ro//dngos po dgag pa'i ngo bo nyid gcig yin na ni dngos po mi byed ces bya bar 'gyur ro/ /de ltar na byed pa po ma yin pa ni rgyu nyid ma yin pas 'jig pa'i rgyu 'ga' yang med do/ /don med pa'i yang phyir te/ gal te dngos po rang gi ngo bo'i sgo nas 'jig pa yin na de la 'jig pa'i rgyu cung zad kyang mi dgos te/de'i ngo bo nyid yin pa kho nas bdag nyid 'jig pa'i phyir ro/ /gang zhig gang gi ngo bo nyid yin pa de ni rang gi rgyu kho na las skye ba na de lta bur 'gyur gyi de'i ngo bor bya ba la rgyu gzhan la mi ltos te/gsal ba dang / gsher ba dang dro ba la sogs pa'i rdzas dang 'dra'o/ /gsal ba la sogs pa de dag gi bdag nyid du 'byung ba rnams ni yang gsal ba la sogs pa'i ngo bor bya ba'i phyir rgyu gzhan la mi ltos te/ de'i bdag nyid la de'i bdag nyid med na bdag nyid med par thal bar 'gyur ba'i phyir de dang 'dra bar 'gyur ro//gal te mi gnas pa'i chos can zhig yin na ni ngo bo nyid kyis ngo bo grub pas yang de'i bdag nyid du bya ba'i phyir rgyu gzhan la mi ltos so/ /gal te sa bon la sogs pa bzhin du ma nges pa yin no snyam du ste/ 'di snyam du sa bon la sogs pa bskyed pa'i rang bzhin yin yang chu la sogs pa rgyu gzhan la ltos pa'i phyir 'ba' zhig gis skyed par mi byed do//dngos po 'jig pa yang de dang 'dra bar 'gyur ro snyam du sems na ma yin te/ de'i ngo bo nyid ni skyed par byed pa yin pa'i phyir la skyed par byed pa ma yin pa yang de'i ngo bo nyid ma yin pa'i phyir ro//de nyid kyi phyir gnas skabs de gnyis dngos po tha dad par nges te/ dngos po rnams kyi ngo bo nyid gzhan du 'gyur ba nyid med pas de'i ngo bo nyid med na phyis bzhin du sngon yang mi skyed par thal bar 'gyur ba'i phyir ro//de lta bas na gnas skabs kyi bye brag tha ma gang yin pa de nyid myu gu la sogs pa bskyed pa'i ngo bo nyid yin no/ /sngon gyi gnas skabs na yod pa'i bye brag rnams ni rgyu'i rgyu dag nyid yin pas ma nges pa nyid yin no/ /dngos po skad cig ma rnams la gzhan dang gzhan skye bas gcig nyid med pa'i phyir ro//gal te lhan cig byed pa de dag tha ma dag nus pa yin na ci'i phyir skyed par mi byed ce na/ skyed par byed pa kho na'o/ /'di la gzhan du 'gyur ba med de/ ngo bo nyid zlog pa med pa'i phyir ro/ /gal te lhan cig byed pa de dag thams cad nus pa'i ngo bo yin la gzhan gyi nye bar sbyor ba ci zhig dgos she na/dngos po rnams la ni gang gis na 'di gcig pus kyang nus pa na bdag gis ci zhig bya zhes gzhan dag ldog par 'gyur ba rtogs pa sngon du gtong zhing byed pa can dag ni 'ga' yang med pa kho na ste/sems med par byed pa can rang gi rgyu yongs su gyur pas 'du ba'i chos can dag yin la/ de'i rang bzhin las de lta bur 'gyur bas klan ka btsal bar 'os pa ma yin no/ /gal te nus pa dag ci'i phyir gzhan dang gzhan skyed par mi byed ce na ma yin te/ de kho na la nus pa'i phyir ro/ /gcig po de nyid bskyed par bya bar nus kyi gzhan dang gzhan bskyed pa ma yin no/ /gal te mig la sogs pa lhan cig byed pa'i ngo bo nyid tha dad pa dag las 'bras bu gcig skye na rgyu'i bye brag las 'bras bu'i bye brag tu 'gyur ro zhe na ma yin te/'bras bu nyid ji lta ba'i ngo bo nyid kyi bye brag gis de'i khyad par la nye bar sbyor ba'i phyir de'i nye bar sbyor bas bya ba'i khyad par 'chol ba med pa'i phyir ro/ /rdza mkhan dang / skud pa la sogs pa dag las bum par 'gyur ba las/ 'ji ba'i gong bu las ni 'ji ba'i gong bu ma yin pa shing la sogs pa las gzhan pa'i ngo bo nyid/rdza mkhan las ni 'ji ba'i bdag nyid ma yin pa de nyid dbyibs kyi bye brag gi bdag nyid de las gzhan pa dag las tha dad pa/ skud pa las ni 'ji ba dang dbyibs kyi bye brag gi bdag nyid can de nyid 'khor lo la sogs pa las rnam par phye ba'i bdag nyid du 'gyur ba lta bu ste/de ltar na rdza mkhan las ni 'ji ba'i ngo bo nyid ma yin la 'ji ba las kyang dbyibs kyi bye brag ma yin no/ /gnyis kyis nus pa'i bye brag gi yul tha dad kyang des bskyed pa'i khyad par gyi bye brag ma yin no//'bras bu'i ngo bo nyid ni tha dad pa ma yin te/ 'ji ba dang dbyibs dag phan tshun gyi bdag nyid ma yin pa nyid kyis de gnyis dbyibs dang 'ji ba'i ngo bo dag tu mi snang bar thal bar 'gyur ba'i phyir ro/ /gal te yon tan dbyibs ni rdzas las gzhan pa kho na yin te/de bas na rdza mkhan dang 'ji ba'i nye bar sbyor ba'i yul ngo bo nyid tha dad pa yin no zhe na/ 'di la bshad zin to/ /gzhan yang 'ji ba las dbyibs tha dad pa zhig yin na rdza mkhan gyis ci'i phyir logs shig tu mi byed/ gal te yon tan ni rdzas kyi gzhan gyi dbang yin pas logs shig tu mi byed do/ /gal te rang bzhin rdzas de dbyibs de'i rten gyi bdag nyid can yin pa'am/ dbyibs de la rag las pa'i bdag nyid can zhig yin na rdza mkhan la ltos ci dgos she na ma yin te/ de las phan tshun 'brel du rung ba nyid 'thob pa'i phyir ro//de lta ma yin te/ dngos po'i chos nyid kho nas sngon yang 'ji ba'i gong bu dbyibs kyi khyad par dang 'brel du rung ba nyid gcig yin na ni dbyibs kyi khyad par 'brel pa'i khyad par du thal bar 'gyur ro/ /de lta yin na ni 'o na rdzas 'ji ba'i rung ba de rdza mkhan las 'gyur bar 'di gnyis ngo bo nyid tha dad pa yang ma yin no//tha dad pa yin na ni snga ma bzhin du thal bar 'gyur ba'i phyir ro/ /re zhig ngo bo nyid gcig pa nyid la yang rkyen du mas khyad par du bya ba 'ga' yod pas 'ji ba dang dbyibs dag ngo bo nyid du bsgrub par mi 'bad do//de bas na dngos su 'bras bu gcig pa nyid yin yang lhan cig byed pa'i rkyen dag nye bar sbyor ba'i yul gcig pa ma yin no/ /ji ltar 'dir rgyu tha dad pa'i nye bar sbyor ba'i yul tha dad pa'i phyir 'bras bu gcig pa ma yin pa de bzhin du mig la sogs pa las mig gi rnam par shes pa skye ba la yang rigs par bya ste/'di ltar mtshungs pa de ma thag pa'i rkyen las ni mig gi rnam par shes pa dmigs pa'i bdag nyid yin la dmigs pa'i bdag nyid de nyid mig gi dbang po las ni gzugs 'dzin du rung ba nyid du so sor nges pa yin na/yul las ni de dang 'dra ba'i ngo bo can nyid ces bya ba yin no/ /dngos su 'bras bu tha dad pa nyid ma yin yang rgyu'i ngo bo tha dad pa dag las khyad par tha dad pa kho na dag tu 'gyur bas rgyu tha dad pa yin yang des byas pa'i khyad par tha mi dad pa ma yin no//rgyu'i nus pa tha dad pa de dag kho na skad cig pa yin pa'i phyir bdag nyid ji lta ba bzhin so so'i khyad par can gyi 'bras bu bskyed par nus pa tshogs pa nyid du nye bar gnas pa'i tshogs pa'i 'bras bu'i ngo bo nyid gnas pa'i gzhi dag yin zhes bya ste/'di ltar de ni de mtha' dag las dmigs pa'i bdag nyid dang / gzugs 'dzin par so sor nges pa dang / yul gyi ngo bo can zhes bya ba so so'i khyad par can gyi ngo bo nyid cig skyes so/ /gal te nus pa 'gog pa med pa 'bras bu mjug thogs skad cig pa khyad par du bogs dbyung du med pa dag gi rkyen rnams la phan tshun byed pa'i don ci zhig yin zhe na/lhan cig byed pa ni thams cad du bogs 'byin pa bskyed pa 'ba' zhig kyang ma yin no/ /'o na ci zhe na/ mang po dag don gcig byed pa gang yin pa de yin te/dper na tshogs pa tha ma lta bu'o/ /'di nyid dngos su lhan cig byed pa rnams kyi lhan cig byed pa nyid yin te/ tha ma de nyid rgyu yin pa'i phyir ro/ /skad cig ma de la ngo bo nyid gcig la dbye ba med pas khyad par du bya bar mi nus pa'i phyir te/khyad par du 'byung ba'i mtshan nyid ngo bo nyid gzhan las 'byung ba'i phyir ro/ /ngo bo nyid gzhan 'byung ba ni tha mar mi 'gyur te/ de'i phyir mngon sum gyi rgyur mi 'gyur ro/ /de lta bas na lhan cig byed pa rnams las rgyu'i khyad par 'byung ba ma yin no/ /gang dag la sngon dang phyis dang tha dad pa'i ngo bo med pa gang gi mjug thogs su 'bras bu 'byung ba'i rkyen tha ma ngo bo nyid kyis nus pa skad cig pa de dag lhan cig skye ste/de la bya ba gcig pa kho na lhan cig byed pa nyid yin no/ /gal te nus pa de dag ga las byung zhe na/rang gi rgyu dag las so/ /gal te de dag gis 'di'i rkyen gzhan dang nye ba med pa kho nar ci ste mi skyed de/ de res 'ga' gzhan du yang mi 'gyur ro/ /de'i phyir la lar gcig pus kyang bskyed par 'gyur ro zhe na/ 'du byed brgyud ma gzhan dang gzhan gyi rkyen dang ldan pas skad cig ma re re la nus pa can dag 'ga' zhig gis mtshungs pas ngo bo 'dra bar shes mod kyi de la 'di dag gi ngo bo nyid tha dad pa kho na yin no//des na 'ga' zhig kho na 'ga' zhig gi rgyu yin no/ /de la gzugs dang dbang po la sogs pa'i tshogs yul chod pa med pa la sogs pa dag dang ldan pa can gang yin pa de ni rnam par shes pa bskyed par nus pa'i rgyu yin no//de dag phan tshun nye bar 'gro ba la sogs pa'i rkyen gyi khyad par gang yin pa de ni de'i rgyu bskyed par nus pa ma yin no/ /de dag kyang sngon yang med phyis kyang med/so so na yang med pas nus kyang sngon dang phyis dang so so na yod pa las 'byung ba'i nyes pa dag gis mi gos so/ /des na 'di dag phan tshun nye bar 'gro ba la sogs pa'i rgyu gang yin pa de'i nus pa'i rgyu yin pas de la nam yang gzhan du 'gyur ba med do//tshul 'dis thams cad la rgyu dang 'bras bu'i ngo bor so sor nges par khong du chud par bya'o/ /dngos po'i nus pa skad cig ma re re la ngo bo nyid kyis bye brag gzhan dang gzhan gyi rjes su 'gro ba can dag la yin gyi/ dngos po brten pa gcig pu'i ngo bo nyid can dag la ni ma yin te/ngo bo nyid gzhan du gyur pa med pas nus pa dang mi nus pa'i ngo bo nyid dag la byed pa dang mi byed pa mi rung ba'i phyir ro/ /gal te lhan cig pa byed kyi 'ba' zhig ni ma yin no zhe na/ ci 'ba' zhig gis 'bras bu bskyed par nus sam/mi nus so/ /ci'i phyir mi skyed ce na/ mi skyed na ji ltar nus/ gal te thag pa la sogs pas ras yug la sogs pa bya bar nus mod kyi thams cad du mi byed do zhe na/ rtse ba'i ngang tshul can blun po lha rnams dga' ba skyid de bar bskyed pa skyed pa ni byas shing byas pa la yang dang yang du 'jug ste/'di ltar 'di ni sa bon la sogs pa nye bar 'god par dpyad zin to/ /de lta bas na ngo bo nyid gzhan du 'gyur ba med pa'i phyir de'i chos can gyi ngo bo de lta bu ni tha ma'i gnas skabs bzhin du ldog tu mi rung ngo / /tha ma'i gnas skabs na rkyen nus pa med pa las nus pa skye na nus pa de'i ngo bo nyid yin na ni sngon med pa skye ba kho na yin no//de'i ngo bo nyid ma yin na ni de byed pa po mi yin pa nyid de/ nus pa zhes bya ba'i dngos po las 'bras bu skye ba'i phyir ro/ /gzhan yang re zhig de nyid lhan cig byed pa mtha' dag dang ldan pa 'bras bu ji ste skyed/skyed pa mthong ste des na bskyed do zhes smra'o/ /mthu chen po can gyi mthong ba dngos po de'i mtha' nyid ma yin pa dag kyang rang gi ngo bo tsam gyis bya ba sna tshogs pa rnams la sbyor ba ni nus pa chen po can yin no/ /brgya zhig la 'ga' zhig ci zhig ltar 'dir khyod kyi mthong ba'i lam las 'das na kye ma mi bskyed pa'i chos can yin te/rgyu med pa can du 'gyur bas bsam pa 'di ni sems la gdung ngo / /kho bo ni de'i ngo bo nyid ma yin pa las bdag gis mthong bas 'bras bu bskyed do zhes mi zer ba nyid do//'o na ci zhe na/ de dag nyid kyis de bskyed pa'i chos yin la de dag mthong na 'di dag ni skyed pa po yin no zhes bya bar shes par zad do/ /'di yang yod bden na de dag 'bras bu bskyed pa'i chos kyi ngo bo nyid yin pa des na rkyen mtha' dag dang ldan pa rnams ma bskyed par btang snyoms su 'god do zhes bya ba ni ma yin no//ci de dag gi mi sdod par bskyed pa'i chos can gyi ngo bo nyid de tha ma'i gnas skabs de kho na'i gnas de tshe 'byung ngam/ 'on te sngon yang yod/ ma nyams ma byung ba brten pa gcig pu'i ngo bo nyid can rnams la rnams kyang ngo bo nyid 'ga' yang med pa 'gal ba'i phyir ro//de ni ci de ma yang yin mo gsham yang yin nam/ mi sdod par skyed pa'i chos kyi ngo bo nyid kyang yin la mi skyed pa yang yin no zhes smras pa 'di'i chos ci yin/ gal te de'i ngo bo nyid ni lhan cig pa yin gyi 'ba' zhig ni ma yin no zhe na/'o na ni 'ba' zhig kyang gzhan la lhan cig pa yang gzhan yin te/ dngos po tha dad pa'i mtshan nyid ni ngo bo nyid tha dad pa yin pa'i phyir ro/ /lhan cig pa nyid yin yang gzhan gyi ngo bos byed pa po ni ma yin la/ 'di'i rang gi ngo bo ni sngon yang de kho nar zad la/ji ltar res 'ga' bskyed pa dang bral/ gang gi phyir dngos po skad cig pa yin pa de'i ltar na yang ji ste 'ba' zhig gis mi skyed/ gal te yin na ni bskyed pa kho na'o/ /ji ltar de ma yin/ skad cig ma yin pa'i phyir ro/ /ji lta bu zhig bskyed pa ni bshad zin te/skad cig ma de las 'byung ba can de ltar gzhan du 'gyur/ gang zhig 'gyur ba de ni de nyid ma yin pas thal ba 'dir mi 'gyur ro/ /byed pa po dang byed pa po ma yin pa dag gi ngo bo nyid dang / de'i rgyu dag 'gal ba'i phyir ro/ /gang zhig de'i ngo bo nyid de ni mi skye ba'i chos can kho na yin pas de ni lhan cig pa nyid la mi ltos so//'bras bu ni rkyen gzhan la ltos pas lhan cig pa kho na las skye'i 'ba' zhig las ni ma yin no snyam du sems na/ de'i ltar na yang ji ltar de 'ba' zhig gis kyang bskyed pa kho na yin la/ 'bras bu yang de las mi skye ste zhes bya ste/gnas skabs de ni 'gal lo/ /gal te 'ba' zhig gis bskyed pa kho na ni ma yin no zhe na/ da ni ji ltar na mi sdod par skye ba'i ngo bo nyid yin te/ 'di skad du bskyed pa kho na'o zhes yongs su bstan pa ma yin nam/ 'ba' zhig kyang nus pa yin na 'bras bu gzhan la ltos na ji ltar btang snyoms su 'jog ste/gzhan la mi 'chol ba 'di gsal bar bskyed par 'gyur ro/ /de ltar na 'dis bdag nyid kyi nus pa bstan pa yin no/ /'bras bu gzhan la ltos so zhes bya ba ni de 'ba' zhig gis kyang mi skye bar smras pa yin la/de 'ba' zhig gis kyang nus pa'i ngo bo nyid yin no zhes bya ba ni de las skye bar smras pa gang yin pa 'di dag gcig la ji ltar 'gyur te/ de lta bas na phrag dog gi zug rngus gnad du brgyab pa can 'di 'chal cing mkhang bar zad pas btang snyoms su 'dor bar 'os so//de lta bas na gcig skyed pa'i mtshan nyid kyi lhan cig byed pa nyid ni dngos po skad cig pa rnams kho na'i yin gyi skad cig pa ma yin pa so so na yod pa srid pa can rnams kyi ma yin te/ so sor bskyed pa srid pas lhan cig byed pa nyid du nges par mi rung ba'i phyir ro//gang rgyun gyis phan 'dogs pas dngos po rnams rkyen nyid du ston pa dper na 'bras bu thug po che dang / sa bon la sogs pa las 'bras bu can dang / myu gu la sogs pa 'byung ba la me dang chu dang sa la sogs pa lta bu de la de ni rgyun la brten nas khyad par 'byung ba la rkyen rnams kyis lhan cig byed par bshad kyi/rdzas la brten nas ni ma yin te/ rdzas skad cig ma khyad par 'byung ba med pa'i phyir ro/ /'bras thug po che la sogs pa me la sogs pas rim gyis ngo bo nyid khyad par gyur pa mi 'byung na 'bras chan la sogs pa 'grub pa'am/snang ba nas mun khung du zhugs pa'i dbang po la rang gi phan 'dogs pa dag las rgyun gyis khyad par mi 'byung na don rtogs pa skye ba med do/ /thogs pa med par skyed pa'i dbang po la sogs pa la ni phan tshun las khyad par 'byung ba med de/ der ni phan tshun nye bar 'gro ba la sogs pa'i rten bdag nyid ji lta ba'i rkyen rnams kyis rung ba'i yul la sogs par gnas pa can skyes pa de dag lhan cig ngo bo grub pas shes pa'i rkyen nyid du shes pas don gcig byed pa kho na lhan cig byed pa nyid yin no//gang du khyad par skyed pas lhan cig byed pa rnams rkyen nyid yin pa der rgyu'i rgyun rkyen la ltos pa yin pas de las gzhan 'thob po zhes bya'o//de la rgyu dang rkyen rnams kyis skad cig ma snga ma rang gi dang gis log na de dag kho na las skad cig ma khyad par can 'byung ba'i phyir rim gyis khyad par du gyur pa dang ldan pa rgyu'i tshogs las 'bras bu'i bar du 'byung ngo //lhan cig byed pa las khyad par yang dag par 'byung ba'i rgyu las 'bras bu skye na ni khyad par nyid 'byung bar mi rung ngo / /khyad par can ma yin pa las khyad par skye na ni 'bras bu yang 'gyur te/lhan cig byed pa phan tshun khyad par 'byung ba la mi ltos pas kyang 'bras bu bskyed par mi 'gyur ro/ /des na skad cig pa ma yin pa lhan cig byed pa las mi ltos pa rnams kyang rgyu nyid du 'gyur la/ ltos par bya ba rnams las ngo bo nyid khyad par du 'byung ba ni med do//'on te khyad par 'byung na yang lhan cig byed pas byas pa'i khyad par kho na nye bar gnas par 'gyur te/ de ltar na thug pa med par 'gyur ro/ /lhan cig byed pa rnams ni gang gis na 'di dag phan tshun nas byas pa'i khyad par dang rtag tu rjes su 'brel par 'gyur ba phan tshun nas 'bras bu skye ba dang mthun pa'i khyad par skyed par rung ba rtag tu gnas pa can yang ma yin te/de yod pa dang med pa dag gis 'bras bu gsal ba dang bral ba mthong ba'i phyir ro/ /des na khyad par dang po ni lhan cig byed pa dag gis phan ma btags pa'i yin par mi 'thad do zhe'o//kho bo ni yang dang yang du smra ba la skyon 'ga' yang med de/ gal te de lta na yang 'jig rten gyis rigs pa go bar 'gyur ba ltar na yang dang yang smra bar bya'o/ /lhan cig byed pa rnams ni gang gis na de med pa'i phyir khyad par skyed pa la lhan cig byed pa dag tu mi 'gyur ba khyad par bskyed pa kho nas lhan cig byed pa nyid yin pa yang ma yin no//'o na ci zhe na/ don gcig byed pas kyang yin no/ /gal te phan tshun nas khyad par med pa rnams la de yang med do/ /'on te yod na ni so so la yang 'gyur ro//de lta na ni khyad par de las 'byung ba can gyi 'bras bu yang 'ba' zhig las 'byung bar 'gyur ro zhe na/ skad cig re re la rkyen gzhan dang gzhan dag gis ji ltar dngos po'i rgyun la khyad par skye ba dang / yul rung ba can nyid la sogs pa'i gnas skabs kyi bye brag pa dag 'bras bu bskyed pa de dag kyang gang las skye ba dang /so sor nus kyang ji ltar 'ba' zhig gis mi bskyed de/ byed pa po'i khyad par so so na yod pa dang med pa'i phyir dang / 'bras bu rnam pa gnyis po lhan cig byed pas bskyed pa'i khyad par 'byung ba'i chos can dang /gzhan te myu gu la sogs pa lta bu dang / mi sdod par bskyed pa'i dbang po'i rnam par shes pa lta bu ste/ 'bras bu dang rgyu'i ngo bo nyid tha dad pa'i phyir ro zhes bya ba thams cad bshad zin to/ /de lhan cig byed pa dag las rgyun gyis phan 'dogs pa la ltos pa'i 'bras bu'i rgyu skye ba la lhan cig byed pa'i khyad par dang po ni lhan cig byed pas khyad par las skye ba can ma yin 'bras bu mjug thogs can lta bu'o//de phan chad kyi khyad par gang yin pa de dag ni de las skye ba can yin te/ de dang de dag ni de'i rang bzhin can yin pa'i phyir thug pa med pa ma yin no//gal te khyad par dang po'i rgyu bzhin du skad cig pa ma yin pa'i dngos po khyad par du gyur pa ma skyes pas kyang 'bras bu bskyed par 'gyur ro zhe na/ skyed pa ni rag ste/ gal te 'di'i ngo bo nyid de mi sdod par skyed par byed pa'i chos can zhig yin na ni so so na yod pa srid pas 'ba' zhig gis kyang de ltar 'gyur ro zhes bshad zin to//de'i ngo bo nyid ma yin na ni de'i tshe yang skyed par byed pa ma yin pa nyid do/ /de lta bas na yang rjes su 'gro ba dang bral ba can yang med ces bya bar sbyar te/ de la bye brag 'gog pa ni ldog pa yin la/de la shugs kyis lhag ma rtogs pa ni rjes su 'gro ba yin no/ /gcig rjes su 'gro ba la zhes bya ba la sogs pa ni de nyid gzhung 'dzugs par byed de/ gcig rjes su 'gro ba la zhes bya ba ni gcig bsgrub pa la yongs su spang bar bya ba med cing rnam par gcad par bya ba med na brjod pa 'bras bu med pa'i phyir te/gal te shing chod cig ces smras na/ de la shugs kyis shing ma yin pa rnam par mi gcod na de'i tshe shing zhes bya ba'i sgra sbyor ba 'bras bu med par 'gyur ro/ /de lta bas na ldog pa dang bral ba can gyi rjes su 'gro ba ni med do//de bzhin du gcig yongs su spangs pa la yang zhes bya ba ni gcig dgag pa la yang dgag pas yul du ma byas pa'i dngos po 'ga' zhig la gnas pa med na brjod pa 'bras bu med pa'i phyir te/ 'di ltar chang gi yul can gyi btung ba bkag pa la/gal te chang las gzhan pa la yang btung ba mi gnas par gyur na ni de'i tshe yul thams cad la btung ba bkag pa la khyad par du 'god pa don med pa yin no/ /de la chang mi btung ngo zhes chang btung ba tsam dgag pa la tshig gi don dpyad zin pa'i phyir de las bzlog pa btung bar sgras mi bsgrub mod kyi 'on kyang chang las gzhan pa la btung ba gnas par gzung ba yin pas shugs kyis rjes su 'gro ba rtogs so//tha dad pa de yang zhes bya ba la sogs pa la re zhig tha dad pa gcig ni ldog pa rang gi mtshan nyid kho na yin te/ rigs mthun pa dang rigs mi mthun pa las tha dad pa'i phyir ro//tha dad pa 'di ni rang gi mtshan nyid yin pa'i phyir bdag nyid ji lta ba bzhin du dngos po dang ldan pa nyid yin no/ /yang rnam par rtog pa la snang ba'i rnam pa ngo bo gcig lta bu sgra'i brjod par bya ba nyid du rnam par gzhag pa log pa'i dngos po mthong ba'i sgo nas 'ongs pa'i phyir tha dad pa zhes brjod pa de yang rnam par rtog pa can gyi shes pa de las tha mi dad pa nyid bsams pas rnam par shes pa bzhin du rang rig par bya ba yin pa'i phyir dngos po dang ldan pa kho na yin te/'di skad du zhes 'chad par 'gyur ro//'dis ni sgras brjod par bya ba'i rnam pa kho na yin te/ rigs mi mthun pa la sogs pa rigs mthun pa rang gi mtshan nyid rnams la rnam par rtog pa can gyi blos sgro btags pa der lhag par zhen pa'i dbang gis phyi rol gyi dngos po rnams kyi spyir gyur pa'i chos nyid du gzung ba'i tha dad pa yin no//de ni phyi rol gyi dngos po la ltos pa nyid kyis dngos po med cing ngo bo nyid med pa yin te/ phyi rol gyi la de lta bu med pa'i phyir ro/ /'di la dngos po dang ldan pa nyid du phyi rol gyi dngos po'i ngo bo nyid du mthong ba'i blo'i bslad pa kho na yin no//'ba' zhig tu zad do zhes smos pa ni phyi rol gyi rgyu mtshan dgag pa'i phyir ro/ /blo'i bslad pa nyid yin pa 'ba' zhig tu zad kyi/ dngos po nyid du bya ba'i phyi rol gyi rgyu ni cung zad kyang med do zhes bya ba'i tha tshig go/ /de'i phyir zhes bya ba ni blo'i bslad pa nyid kyi phyir ro//don dam pa min na ni dngos po med pa'o/ /de nyid ces bya ba ni ji skad bshad pa'i tha dad pa nyid yin gyi/ rang gi mtshan nyid kyi bdag nyid ni ma yin te/ de ni don dam par yod pa nyid kyi phyir ro/ /gzhan du zhes bya ba ni de ltar mi 'dod na'o/ /dngos po ni rang gi mtshan nyid yin la/ldog pa ni rnam par rtog pa'i blos sgro btags pa yin pas ni dngos por mi 'gyur ro/ /gal te rang gi mtshan nyid rigs mthun pa dang rigs mi mthun pa las ldog pa rnam par rtog pa'i blos 'dra ba nyid du spyir 'gyur ba nyid kyi sgro btags pas dngos por gyur pa de'i tshe dngos por 'gyur ba ldog pa'i ming can gyi spyi'i sgo nas dngos po de dag rigs mi mthun pa las log par 'dod par bya'o//de la shing thams cad kyi tha dad pa shing ma yin pa las ldog pa spyir gyur pa gang yin pa 'di ni dngos po nyid du 'dod pa de ni gal te shing pa la sha gcig gi tha dad pa las gzhan ma yin pa de'i tshe pa la sha gcig pu nyid shing ma yin pa las ldog par 'gyur gyi/shing d+ha pa la sogs pa ni ma yin te/ ldog pa spyir gyur pa gang gis shing d+ha pa la sogs pa ma lus pa shing ma yin pa las ldog par 'dod pa de ni shing pa la sha las tha mi dad pa nyid kyi phyir gzhan dag la ni mi 'gyur ro zhes bya ba'i dbang du byas pa'o//'on te pa la sha las gzhan yin na/ de la yang shing ma yin pa las ldog pa pa la sha las gzhan nyid yin pa'i phyir shing ma yin pa las ldog pa de las kyang pa la sha ldog par 'gyur la/shing ma yin pa las ldog pa las kyang pa la sha ldog par 'gyur ba ni shing ma yin pa las tha dad pa nyid de zhes bya bar mi 'gyur ro/ /tha dad par 'dod pa de dag kyang 'di 'di las tha dad ces bya ba la sogs pa smos pa yin te/ 'di ni pa la sha'o/ /'di las ni shing ma yin pa las so//tha dad ces bya ba ni de ltar brjod pa'i phyir te/ smras pa'i phyir zhes bya ba'i don to/ /dngos po ni zhes bya ba la sogs pas ni 'chad pa yin te/ rang gi ngo bo ni don dam pa zhes bya ba'i don to/ /gal te tha dad pa ni gal te rnam par rtog pas sgro btags pa'i ldog pa'o//dngos por gyur pa ni rang bzhin du 'gyur ba'o/ /de zhes bya ba ni shing ma yin pa las ldog pa'i dngos po'o/ /de'i dngos po'am zhes bya ba ni ldog pa gang yin pa de ni pa la sha'i rang gi mtshan nyid de'i bdag nyid do//de'i dngos po ma yin par 'gyur zhes bya ba ni de las gzhan zhes bya ba'i don te/ dngos po de nyid dang gzhan nyid las ma 'das so zhes bya ba'i tha tshig go/ /de'i dngos po nyid yin na zhes bya ba la sogs pas phyogs dang po'i nyes pa smras pa yin te/ spyir gyur pa'i ldog pa gang gis shing thams cad kyi tha dad pa shing ma yin pa las ldog par 'dod pa de ni de'i dngos po pa la sha las gzhan ma yin pa nyid du khas blangs pas na/de nyid pa la sha'i rang gi mtshan nyid kho na ldog pa yin no zhes bya ba'i dbang du byas nas shing ma yin pa las pa la sha kho na tha dad pa thob pa yin no//gzhan ni shing d+ha pa la sogs pa'o/ /de las zhes bya ba ni shing ma yin pa las tha dad pa med pa'o/ /de ci'i phyir zhe na/ de'i dngos po zhes bya ba la sogs pa smos te/ pa la sha ni shing ma yin pa las ldog pa pa la sha nyid kyi dngos po yin gyi de'i dngos po d+ha ba la sogs pa gzhan gyir ni mi 'gyur ro//de nyid ni ma yin te zhes bya ba la sogs pas ni phyogs gnyis pa nye bar 'god pa yin no/ /de nyid ma yin pa ni pa la sha'i rang gi mtshan nyid ma yin pa'o/ /de ni tha dad pa'i dngos po yin na'o//dngos po yang zhes bya ba ni 'dir rang bzhin yang ste tha dad par 'dod de bas na gzhan nyid ni pa la sha las ldog pa'i ngo bor 'gyur ro/ /de bas na zhes bya bas ni gzhan nyid kyi rgyu'i phyir ro/ /dngos po ni pa la sha'i bdag nyid do/ /de las bya ba ni shing ma yin pa las ldog pa'i ngo bo las ldog par 'gyur ba'o//de'i phyir ni rgyu de'i phyir ro/ /'di las zhes bya ba ni shing ma yin pa las so / 'di ni pa la sha ste/ tha dad pa yin no zhes bya bar mi 'gyur ro/ /gang gi phyir dngos po gang zhig gang las tha dad pa ni gang yin pa de las ldog par 'gyur ba de nyid der 'gyur ba ste/shing ma yin pa la ldog pa las shing nyid kyi mtshan nyid ldog pa ni pa la sha'i rang gi mtshan nyid ni shing ma yin pa nyid du 'gyur ro zhes bya ba'i don to/ /gal te yang shing ma yin pa las tha dad pa 'di ni pa la sha las gzhan du 'gyur ba de'i tshe/de ste 'di shing ma yin pa las tha dad pa dang pa la sha 'di 'brel pa dang ldan pa zhes bya bar mi 'gyur ro/ /gzhan gzhan gyis zhes bya ba la sogs pa 'di nyid kyi gzhung 'god pa'o/ /'brel pa yod pa yin na yang zhes bya ba ni 'brel pa khas blangs par 'gyur ba'o//'brel pa ni rgyu dang 'bras bu'i dngos po khas blang bar bya ste/ tha dad pa dag la rgyu dang 'bras bu'i dngos po ma gtogs par 'brel pa gzhan mi 'thad pa'i phyir ro/ /de ldog pa can ni rgyu yin la ldog pa 'bras bu'o/ /yin pas zhes bya ba ni gtan tshigs so//de las skyes pa ni rang gi mtshan nyid ldog pa can des bskyed pa'o/ /dngos po ni dngos po gzhan nyid do/ /tha dad pa zhes bya ba ni tshig gi don gzhan gyi ming du byas par gyur pa'o/ /de bas na 'bras bu nyid du 'dod pa tha dad pa zhes bya ba tshig gi don las gzhan yang bye brag med pa'i phyir rgyu rnams kyi 'bras bu gang yin pa de ni ldog pa ste/tha dad par 'gyur na de ltar yang ma yin te/ de ltar gzhan du yang tha dad par 'dod pa'i tha dad pa'i tha snyad du mi 'gyur ro/ /tha dad pa'i don gzhan yin par khas blangs pa 'di ni don gzhan yin no//de las ldog pa dang ldan pa las kyang tha dad pa 'di tha dad par yod pa yin gyi/ rnam pa gzhan du na tha dad pa'i don gzhan nyid du mi 'gyur ro/ /de bas na shing ma yin pa las tha dad pa gang yin pa de ni pa la sha las gzhan yin zhes bya ba'i dbang du byas nas/shing ma yin pa las tha dad pa pa la sha dang 'brel ba can pa la sha las tha dad pa bdag nyid dang 'brel pa can gyi khyad par te bye brag yin pa'i rgyu de'i phyir shing ma yin pa las 'di tha dad pa yin gyi/ rdzas gzhan dang 'dra bar pa la sha ni tha dad par mi 'gyur te/dper na rdzas gzhan bum pa ma yin pa la sogs pa la ltos nas tha dad pa gang yin pa de'i khyad par nyid yin pa'i phyir pa la sha'i tha dad pa nyid ma yin la/ de bzhin du shing ma yin pa las tha dad pa yang pa la sha las tha dad pa'i khyad par nyid yin pa'i phyir pa la sha tha dad par mi 'gyur ro//tha dad pa'i khyad par kho na zhes bya ba ni gzhung 'di nyid kyi gzhung 'dzugs pa yin no/ /'di ni shing ma yin pa las tha dad pa'o/ /'di las zhes bya ba ni shing ma yin pa las so/ /'di zhes bya ba nyid la ltos pa yin pas na 'di lta ste/ pa la sha tha dad pa 'di ni shing ma yin pa 'di las zhes bya ba de ltar khyad par bstan pa'i phyir ro//de skad du gal te pa la sha'i shing ma yin pa las tha dad pa gang yin pa de ni dngos po nyid yin pa'i phyir ro/ /pa la sha las kyang tha dad pa yin no zhes bya ba tha dad pa'i khyad par dang ldan pa yin te/de ltar na bum pa la sogs pa dang 'dra bar don gzhan de nyid skyes pa kho na yin na shing ma yin pa las pa la sha 'di tha dad pa 'di ni zhes bya ba shing ma yin pa las tha dad pa gang yin pa 'di ni/ de bzhin du pa la sha yin zhing / de las kyang gzhan nyid yin pa'i phyir ro zhes bstan par 'gyur ro//de bas na 'di ltar bzlog pa'i phyogs tha dad pa'i yang tha dad pa gang yin pa de yang dngos po can du 'gyur ro/ /de yang rang gi rten las tha dad pa nyid du 'gyur ba de ltar na tha dad pa thams cad ni ngo bo nyid dang tha dad pa'i khyad par gyis bdag nyid tha dad pa'i ngo bo med pa'i phyir 'ga' zhig kyang tha dad par mi 'gyur ro//de nyid ni de bas na zhes bya ba la sogs pa smos pa yin te/ khyad par gyi dngos po med pa la zhes bya ba ldog pa'i mtshan nyid chos su gyur pa'i khyad par gyis dngos po med par gyur pa ste/ thams cad kyi rang bzhin gzhan du gyur pa nyid kyis chos can nyid yin pa'i phyir tha dad pa nyid ni dngos po med par 'gyur la/de ni chos kyi ngo bo nyid yin pa'i phyir ro zhes kha cig smra'o/ /gzhan dag ni tha dad pa'i khyad par bzhin du tha dad pa med pa'i zhes bya ba'i gzhung gzhan du 'chad de/ gal te khyad par dang / khyad par dang ldan pa dang / phyogs gzhan nyid la nyes pa brjod pa na/ gzhan dag la de ltar na yang khyad par de dang ldan pa dag gcig nyid yin pa de bas na 'di la nyes pa med do zhes smras pa de'i phyir tha dad pa'i khyad par kho na zhes bya ba la sogs pa smos te/ tha dad pa'i khyad par de dang ldan pa de nyid tha dad par 'gyur ro//de ci'i phyir zhe na/ 'di ni 'di las zhes bya ba'i khyad par bstan pa'i phyir ro/ /'di las zhes bya ba ni dang po nyid la sogs pa nyid kyis phyir drug pa'i don gyi lnga pa yin te/ 'di lta ste khyad par dang ldan pa yin la 'di ni tha dad pa'i zhes bya ba'i khyad par bstan pa'i phyir de dag kyang gcig pa nyid du mi 'thad do zhes bya bar bsams pa yin no//de bas na khyad par dang de dang ldan pa dag gcig pa nyid ma yin pa de ltar na sngar bshad pa'i nyes pa de'i gnas skabs su 'gyur ba de bas na khyad par gyi dngos po med pa zhes bya'o//gzhung ni snga ma bzhin du bshad par bya'o/ /gal te spyir gyur pa ldog pa dag ni spyi'i dngos po nyid dam/ gzhan gyis kun btags pa spyi nyid du yang mi 'dod pa de lta na spyi'i dngos po nyid brjod par bya ba yin par 'gyur ro/ /de la yang skyon ni 'o na ji ltar zhes bya ba smras te/tha dad pa med pa zhes bya ba ni cha med pa'i dngos po sgras brjod na'o/ /de ni nye bar mtshon pa yin pa de ltar rtags kyi sgo nas khong du chud par byed pa na yang ngo / /de nyid ni dngos po tha dad pa med pa gcig las tha dad pa ni gzhan dag las kyang tha dad pa'i phyir ro//de ltar na rang gi ngo bo gang gis sgra ma byas pa nyid las tha dad pa de nyid lus can yin pa dang rtag pa las kyang tha dad pa yin te/ de ni cha med pa'i phyir ro/ /cha med pa'i dngos po yang byas pa'i sgras ma byas pa las tha dad pa gcig brjod pa na/de bzhin du rtags kyi sgo nas khong du chud par byed pas na tha dad pa thams cad rtogs pas de la cha med pa dngos po sgra dang tshad ma gzhan don med par ji ltar mi 'gyur te/ sgra gcig gis brjod pa na sgra gzhan dag dang rtags gcig gis khong du chud par byed pa na tshad ma gzhan don med par 'gyur ro//gang gi phyir zhes bya ba la sogs pas ni lan 'debs par byed do/ /de'i phyir khyad par gang zhig chos/ /gang gis go bar gyur pa de/ /zhes bya ba la sogs pas gang rgol ba 'di nyid kyi lan btab nas don lhag par brjod pa'i phyir yang bkod pa yin no//don rnams la rnam pa gzhan du sgro btags pa ni 'dres pa'i don to/ /de la 'dres pa'i don gcig rnam par gcod pa ni gsal ba yin te/ sgra gcig gi bya ba'o/ /de la zhes bya ba ni blo so sor snang ba'i chos can yin te/de nyid sgra'i brjod par bya ba nyid yin pa'i phyir te gzhi mthun pa la sogs pa yang de nyid la srid pa'i phyir ro/ /phyi rol gyi dngos po'i mtshan nyid kyang gang dang 'dres pa med la/ 'dres pa dang tha dad par gyur pa yang med de/ ji skad du/ dam pa'i don gyi don rnams ni//rang gi 'dre dang tha dad med/ /ces bstan pa'o/ /'dres pa'i don gcig rnam par gcod pa ni rtags kyi yang bya ba yin no/ /de la sgro btags pa gzhan rnam par gcod pa na sgra dang tshad ma gzhan dag 'bras bu dang bcas pa yin no/ /dngos po ste phyi rol gyi brjod par bya ba gcod pa rnam par shes pa las bzlog pa ci yang med do//dngos po gang gi rjod par byed pa las dngos po'i ngo bo ma lus par 'gyur ro/ /dngos po'i nus pa'i dngos po ni stobs las so/ /dngos po'i cha med pa la gzung ba dang 'dzin pa mi rigs so//gang gi phyir rnam par gcod pa brjod par bya ba yin pa'i rgyu de'i phyir rnam par gcod pa byed pa ni sgra 'bras bu du ma can dang rten gcig par 'gyur ro/ /'dis ni gzhi mthun pa nyid ni sgra'i don gzhan sel ba nyid la rigs so zhes smras pa yin no//dper na zhes bya ba la sogs pa 'chad par byed de/ blo la yongs su gnas pa phyi dang nang tha dad pa 'dres pa ste/ gcig tu gyur pa lta bu'i rnam par rtog pa'i blo gang la yod pa de la'o/ /rang nyid kyi snang ba la sgra'i don te/ sgra'i brjod par bya ba nye bar sbyor bar byed cing rnam par 'jog par byed do zhes sbyar ro//tha snyad kyi yul ji lta bur gyur pa zhe na/ spyi dang gzhi mthun pa nyid dang khyad par dang khyad par gyi gzhi'i dngos po'i tha snyad du rung ba'o/ /ji ltar zhe na don byed par rung bar nges par byas nas te/ don gyi bya ba mi byed pa yin du zin kyang don gyi bya ba byed pa nyid du bzung nas so//de nyid la zhes bya ba ni rnam par rtog pa'i rnam par shes pa'i yul la'o/ /ji lta bur gyur pa na zhe na/ 'khrul pa'i rgyu de dang de dag gis 'dres pa'i ngo bo lta bur snang ba ste/ 'dra ba gzhan dang gzhan 'byung ba la sogs pa 'khrul pa'i rgyus brtags pa la sogs pa'i rnam par 'dres pa'i ngo bo lta bur snang bar 'gyur ba na'o//brda ji lta ba bzhin du gang la rnam par gcod par byed pa'i brdar byas pa gang yin pa de ni 'gal ba rnam par gcad pa'i phyir mi rtag pa la sogs pa'i sgra de dag gi byed pa gang yin no//brda dang rjes su mthun par bstan par bya ba'i phyir gcig gis bsgrub pa na yang zhes bya ba la sogs pa smos pa la/ yang gi sgra ni gang gi phyir gyi don te/ gang gi phyir brdar ji lta ba bzhin du byed pa de'i phyir sgra gcig gis sgrub pa na sgras gzhan rnam par gcod par mi byed do//ci'i phyir zhe na/ brda so sor nges pa'i phyir te/ gcig cig rnam par gcod pa la sgra 'jug pa'i phyir/ tha snyad la yang rnam par gcod pa de dang de nyid khong du chud par byed do zhes bya ba'i don to/ /sgra smos pa ni nye bar mtshon pa nyid yin pas rtags kyis kyang zhes bya bar blta bar bya'o//gzhan rnam par gcod pa tsam brjod par bya ba ma yin gyi/ 'on kyang de dngos po khyad par can yin pa de bas na sgra'i don gzhan sel ba'i dngos po'i stobs kyis ma lus par brjod pa de'i gnas skabs su 'gyur ro zhe na/dngos po rnam par gcad pas zhes bya ba la sogs pa smos pa la/ yang gi sgra ni nges par gzung ba'i don te/ sgra'am rtags kyi dngos po cung zhig rnam par gcad pa 'phangs pa med pa kho na yin mod kyi/ dngos po gang gi rjod par byed pa dang /dngos po'i stobs kyis te/ dngos po 'phangs pa ni dngos po'i cha med pa nyid kyi phyir chos thams cad rtogs par 'gyur te/ chos rnams de las ma log pa'i phyir ro/ /khyad par rnam par bzlog pa yang / /khyad par sna tshogs la phan pa'i/ / yan lag nus las mi gzhan pa/ /bdag nyid kun tu bzung ba zhes bya ba la sogs pas thams cad gzung ba bsgrub pa'i phyir ro/ /ci'i phyir sgra dag gis dngos po 'phangs pa med pa yin zhe na/ sgra rnams ni zhes bya ba la sogs pa smos te/ rnam par rtog pa'i blo snang ba'i rnam pa dngos po med pa'i phyir blo bslad pa'i yin no//gal te ci'i phyir blo'i bslad pa'i brjod par bya ba'i dngos po'i stobs kyis ma lus par rtogs par mi 'gyur zhes bya ba la sogs pa smos so/ /snang ba'i rnam par yang shes pa las tha mi dad pa nyid kyi phyir/ shes pa dang 'dra bar dngos po de brjod pa na dngos po'i stobs kyis ma lus par rtogs pa 'thob pa ma yin nam/ thob pa ma yin te/ gang gi phyir gang gi tshe shes pa de las tha mi dad pa nyid kyis rang gi mtshan nyid yin te/ shes pa dang 'dra bar rang rig pa yin pa de'i tshe/de ni phyi rol rang gi mtshan nyid bzhin du brjod par bya ba ma yin no/ /de ni phyi rol gyi don nyid du zhen par byas nas phyi rol gyi spyi zhes bya bar snang ba na sgra las skyes pa'i blo la snang ba'i phyir sgra'i brjod par bya ba ma yin la/ shes pa'i ngo bo nyid kyi sgo nas de ni de brjod par bya ba ma yin te/de skad du yang / don la rnam par rtog pa'i phyir/ /rang rig nyid la rtog mi 'dod/ /ces gsungs so/ /gal te sgra thams cad blo'i bslad pa'i yul can nyid yin na/ ji ltar byas pa dang mi rtag pa la sogs pa'i sgra dag yang dag pa'i don la ma 'khrul pa yin zhe na/de'i phyir tha snyad 'di ni zhes bya ba la sogs pa smos te/ ma byas pa dang rtag pa la sogs pa de de las don tha dad pa nyams su myong ba'i sgo zhes bya ba'i don to/ /'di ni tha snyad ces bya bar sbyar ro/ /ji lta bu zhe na/ chos du ma dang zhes bya ba la sogs pa smos te/du ma yang yin la gcig kyang yin pas na du ma dang gcig go/ /de yang yin la chos kyang yin pas na zhes bya ba ni las 'dzin pa'o/ /de nas tha dad pa dang tha mi dad pa ma yin pa'i sgra dag tshig gsum zlas dbye ba ste/ chos du ma dang gcig dang tha dad pa dang tha dad pa ma yin pa nyid de/blo la so sor snang ba'i phyir snang ba'o/ /de nyid 'khrul pa ste/ bslad pa nyid kyi phyir ro/ /de'i rjes su 'brang ba ni rnam pa des 'jug pa'o/ /phyir ni gtan tshigs so/ /de ste tha snyad der 'brel par gyur pa de lta bur gyur pa'i rang gi mtshan nyid der brgyud pas 'byung ba'i 'brel pa yod na de ma 'khrul te/dngos po la ma 'khrul pa yin no/ /ji ltar byas pa la sogs pa'i rnam pa can gyi sgra la ma bslad pa yin pa de ltar/ dngos po dag kyang byas pa la sogs pa'i ngo bor don dam par yod pa yin zhes bya ba'i rnam pa 'dis ma 'khrul par blta bar bya ba'i sgra la 'jug pa na gdon mi za bar dngos po dang phrad pa ni ma yin te/dngos po med par yang 'dod pa'i rgyu can gyis sbyor ba srid pa'i phyir ro/ /de nyid gsal bar bya ba'i phyir de bzhin du ma yin pa de las kyang zhes bya ba la sogs pa smos te/de bzhin du ma yin pa zhes bya ba ni 'khrul pa las so/ /de las zhes bya ba ni blo'i bslad pa'i yul sgra las byung ba'i tha snyad gzhan gyi rjes su dpag pa la sogs pa'i mtshan nyid las so//'jug pa'i mthar te/ 'jug pa yongs su rdzogs na yang dag pa nyid kyi dngos po yin gyi ma byas pa la sogs pa'i ngo bo ni ma yin te/ 'dis ni ma 'khrul pa'i rang gi ngo bo bstan to/ /shes pa ma bslus pa'i phyir te/ rang gi mtshan nyid 'dzin pa'i shes pa bskyed pa'i phyir ro//sgra'i don gzhan sel ba 'di nyid kyang gzhi mthun pa'i sgrub par byed pa nyid yin gyi dngos po ni ma yin no zhes bstan pa'i phyir/ rnam pa tha dad par 'dzin pa zhes bya ba la sogs pa smos te/ rnam pa tha dad pa ni yon tan dang rigs la sogs pa sgra 'jug pa'i rgyu mtshan du gyur pa de 'dzin pa'i shes pa dang sgra dag ni dngos po gcig gi yul can nyid yin pa'i phyir ro//gal te rnam pa tha dad pa can gyi shes pa dngos po gcig gi yul la 'jug pa de bas na de'i rjes su 'brangs nas sgra yang de bzhin du 'gyur ba da ltar na/sgra 'bras bu du ma can rten gcig pa ste/ gzhi mthun pa nyid du 'gyur na de yang med de 'gal ba'i phyir ro/ /de ltar na ut+pal dang sngon po'i sgra dag dngos po gcig gam du ma brjod par 'gyur grang na/ phyogs dang po ni gcig kho nas dngos po cha med pa bdag nyid thams cad brjod pa'i phyir sgra gnyis mi 'jug pa'am 'jug pa rnam grangs nyid yin pa'i phyir 'bras bu du ma can nyid ma yin no//phyogs gnyis pa la rten gcig pa med de bum pa dang snam bu la sogs pa'i sgra bzhin du sna tshogs pa'i yul can nyid yin pa'i phyir ro//ci ste sngo ba'i sgras sngon po'i yon tan khyad par can gyi rdzas dang ut+pal la'i sgras ut+pal nyid rigs khyad par can gyi rdzas de yang smras pa yin no/ /de bas na khyad par dag tha dad pa 'bras bu du ma'i sgra khyad par gzhi tha dad pa med pa'i phyir rten gcig pa yin no zhes 'dod pa de yang bden pa ma yin no//de ltar na sngon po'i yon tan khyad par can gyi rdzas sngo ba'i sgras brjod par 'gyur ba na bdag nyid thams cad bstan par 'gyur te cha shas med pa nyid kyi phyir ro/ /de bas na rdzas ut+pal nyid kyi rigs kyis khyad par du gyur pa'i bdag nyid ma brjod pa ci zhig yod/gang ut+pala'i sgras brjod pa'i phyir de ltar na rnam grangs nyid du 'gyur ro/ /'on te khyad par tha dad pas khyad par gyi gzhi rdzas tha dad pa de lta na yang rten gcig pa nyid du mi 'gyur ro//gzhan sel ba smra ba la ni nyes pa med do zhes bstan pa'i phyir ji skad du bshad pa zhes bya ba la sogs pa smos te/ sgra'i don gang la blo'i snang ba la brten pa de la de skad ces bya'o/ /ji ltar nyes pa med pa de ltar bstan pa'i phyir/ gcig cig rnam gcod ces bya ba la sogs pa smos te/sgra gcig gis sngon po ma yin pa gcig cig rnam par gcad pa ston pa na gzhan ut+pal ma yin pa rnam par gcod pa spong ba la mi 'jug pa ste/ sel bar mi byed ces bya ba'i don to/ /des ni ste sngo ba'i sgras so/ /de ni ut+pa la ma yin pa rnam par gcod pa khyab pa ste/gnod par gyur na ut+pal ma yin pa'i sgra'i sbyor ba la ni blo gcig nyid du snang bar 'gyur te/ rnam par gcod pa gnyis dang ldan pa'i chos can gcig nyid rnam par rtog pa'i blo la snang ba'i phyir/ gang gi tshe de ltar gyur pa de'i tshe blo'i ngo bor byas nas gzhi mthun pa nyid du 'gyur ro//de skad du sngon po'i sgra'i sbyor ba la blos so sor snang ba can gyi chos can sngon po ma yin pa las ldog pa'i ngo bo nyid snang bar 'gyur te/ sngon po'i sgras ut+pal ma yin pa rnam par gcod pa sgrub par yang mi byed spong bar yang mi byed do//ut+pala'i sgra'i sbyor ba las kyang ut+pal ma yin pa ldog pa'i ngo bo nyid snang bar 'gyur te/ sgras sngon po ma yin pa rnam par gcod pa sgrub par yang mi byed 'dor bar yang mi byed do/ /ut+pal sngon po zhes bya ba'i sgra'i sbyor ba gnyis pa las kyang /sgro btags pa gnyi ga ldog pa gcig snang ba can gyi rnam par rtog pa'i blo skye bar 'gyur ba de bas na/ sgra 'bras bu dum can dang / rten gcig par 'gyur ba na/ de ltar blo'i ngor byas nas gzhi mthun pa nyid du bstan par 'gyur ro/ / gzhan yang sgra ni sgro btags pa rnam par gcod par byed par khas blangs par gyur pa na/ dngos po chos tha dad pa'i ngo bo'i chos rig par 'gyur ro/ /ci'i phyir zhe na/ de ni de la yod do zhes bya ba smos te/ de yod pa ni tha dad pa'o/ /de la zhes bya ba ni dngos po ste/ngo bo nyid kyis dngos po thams cad rigs mthun pa dang rigs mi mthun pa las ldog pa'i phyir ro/ /spyi'i dngos po gcig rjod par byed pa'i sgra khas blangs pa na dngos po'i chos yang reg pa ma yin te/ spyi'i dngos po gcig ni yod pa ma yin pa nyid kyi phyir ro//ci'i phyir zhe na/ blo la snang ba zhes bya ba smos te/ dmigs pa'i mtshan nyid kyir gyur pa mi dmigs pa'i phyir med do zhes bya ba'i bar du'o/ /gang gi phyir de ltar sgra'i don dngos po la skyon yod pa de'i phyir gzhan sel ba'i yul te/rnam par rtog pa'i blo'i snang ba'i yul can sgra dag dang blo dag slob dpon phyogs kyi glang pos bstan to/ /blo ji lta bur gyur pa zhe na/ spyi'i spyod yul can bstan te/ rnam par rtog pa zhes bya ba'i don to/ /khyad par de dag ni blo dag gi yin gyi sgra dag gi ni ma yin te/de dag ni spyi'i yul nyid du 'khrul pa med pa'i phyir ro/ /ci'i phyir zhe na/ dngos po la de dag ste/ sgra dang rnam par rtog pa dag mi srid pa'i phyir ro/ /gal te zhes bya ba la sogs pas 'chad par byed de/ de ni 'dir zhes bya ba ni bstan ma thag pa'i don thams cad rnam pa thams cad du dngos po stobs kyis rtogs par thal bar 'gyur ro//sogs pa'i sgra ni khyad par dang khyad par gyi gzhi'i dngos po med pa dang / tshad ma gzhan mi 'jug pa la sogs pa gzung ngo / /mdzad pa po slob dpon phyogs kyi glang po'o//de dag ces bya ba ni blo dang sgra'o/ /'di ltar rnam pa thams cad 'dod pa dag gis dngos po gcig yul du byed pa de ltar sgras kyang brjod par bya ba yin gyi de'i tshe sgra 'bras bu tha dad pa can dag rdzas gcig la 'jug pa'i phyir gzhi mthun par 'gyur na/de ni mi srid par 'gyur te/ 'di ltar sgra'i brjod par bya ba de spyi'i mtshan nyid gsal ba las tha dad pa'am tha mi dad par 'gyur grang na/ de la phyogs dang po ni dngos po ngo bo gcig nyid yin pa'i phyir/ gang las tha dad pa'i ngo bo ste/ spyi'i phyir khyad par gyi rnam pa tha dad par 'dod/rang gi mtshan nyid las kyang spyi'i mtshan nyid tha dad pa ma yin na/ khra bo'i bdag nyid can gyi khyad par khu yu'i bdag nyid can gyi khyad par gang las ldog pa de nyid/ khra bo'i bdag nyid can gyi spyi ba lang nyid rjes su 'gro ba de ltar na/don gcig la rjes su 'gro ba dang ldog pa gzhi gcig pa can yin pa de yang rigs pa ma yin par bstan pa'i phyir gcig la rjes su 'gro ba dang zhes bya ba la sogs pa smos te/ rjes su 'gro ba dang ldog pa gang la don gcig pa'i spyod yul yod pa de la de skad ces bya'o//de ni zhes bya ba la sogs pa 'chad par byed de/ gcig nyid yin pa nyid kyi phyir cha med pa yin te/ gcig la cha'i dngos po med pa'i phyir ro/ /kun btags nas byas pa'i phyir na rnam pa ste blo'i snang ba'o/ /de'i tha dad pa ni de la brten pa nyid kyi phyir ro/ / tha dad pa la zhes bya ba ni dngos po sna tshogs pa nyid la'o/ /gal te rnam pa tha dad pa'i blo dag gis gzung na tha dad par 'gyur na de ltar yang ma yin te/ dngos po de yang tha mi dad pa'i phyir ro/ /gal te sngon po nyid dang ut+pal nyid la sogs pa spyi tha dad pa gcig kyang tha dad pa'i rnam pa'i blos gzung ba nyid yin no zhe na/spyi ni de'i bdag nyid ces bya ba la sogs pa smos te/ rang gi mtshan nyid kyi bdag nyid de ni grub pa dang bde ba gcig pa'i phyir te/ de dang 'dra bar kho nar tha dad pa med pa nyid kyi phyir ro/ /de bas na zhes bya ba de'i phyir ro/ / 'di ni gzhi mthun pa nyid la sogs par mi 'gyur ro zhes bya bar sbyar ro/ /ci'i phyir zhe na/ phan tshun spangs pa ni gcig la gcig spangs pa dang / tha dad par 'jug pa'i rgyu mtshan gyis zhes bya ba'i bar du'o/ /rdzas gcig la brten pa'i don yul gcig la sgra 'jug pa mi srid pa'i phyir ro//gcig la rjes su 'gro ba dang zhes bya ba la sogs pa'i tshigs su bcad pa'i cha dngos po'i bdag nyid ces bya ba la sogs pas 'chad par byed de/ gang gi tshe dngos po'i bdag nyid gcig kho na rang gi mtshan nyid kho na spyi'i mtshan nyid yin pa de'i tshe/khra bo'i rang gi mtshan nyid kyi ba lang nyid spyi'i mtshan nyid yin pa'i phyir khu yu de nyid la 'jug pa dang / rang gi mtshan nyid kyi bdag nyid yin pa'i phyir de nyid la yang mi 'jug pa thob pa de'i tshe/ de yang mi rigs so/ /'gal ba nyid kyi phyir ro zhes bya ba ni tshad mas gnod pa nyid kyi phyir ro//gal te gcig ni gcig la 'jug pa dang / mi 'jug par 'gyur ba de ltar na spyi ni rang gi mtshan nyid las tha mi dad pa'i phyir gzhan du mi 'jug pa de'i phyir gzhan du mi 'jug pa na yang spyi nyid du mi 'gyur ro zhes smos so/ / gal te spyi'i zhes bya ba la sogs pa la/ de bas na gcig la 'jug pa dang mi 'jug pa med do zhes bya bar la sems pa'o/ ma yin te zhes bya ba la sogs pa ni slob dpon gyis te/ grangs can gyis 'dod pa la spyi dang khyad par dag tha dad pa med pa'i phyir ro/ /ngo bo gcig pa zhes bya ba la sogs pa ni 'di nyid kyi gzhung 'dzugs pa'o//de ni ut+pal la sogs pa'i dngos po ngo bo gcig pa ste/ bdag nyid gcig par 'gyur ba spyi'am khyad par du 'gyur grang na ste khyad par ni spyi las tha mi dad pa'i phyir spyi nyid du 'gyur ba'am/ spyi khyad par can las tha mi dad pa'i phyir khyad par kho nar 'gyur na/gcig la 'gal ba'i ngo bo ni yod pa na gang gi phyir ngo bo tha dad pa med pa 'di la ni rab tu dbye ba ste/ spyi dang khyad par zhes bya ba'o/ /spyi dang khyad par dag gis rab tu dbye ba yod na yang tha dad pa med par mi 'gyur ro zhes sngar bstan pa yin no//de bas na zhes bya ba ni de'i phyir ro/ /dbye ba med pa zhes bya ba ni cha med pa'o/ /'di ni zhes bya ba ni dngos po'i bdag nyid do/ /gal te spyi nyid yin pa de'i tshe rjes su 'gro ba ste/ gsal ba gzhan la 'gro bar 'gyur zhing / 'on te khyad par gyi bdag nyid yin pa de'i rjes su 'gro ba ma yin te/gcig pa 'gal ba'i chos gnyis po de mi srid do zhes bya ba'i bar du'o/ /de nyid ni rjes su 'gro ba med pa yang zhes bya ba la sogs pa smos so// //bam po bco lnga pa/ gang yang zhes bya ba ni bye brag pa la sogs pas sgra brjod par bya ba spyi ni rdzas las tha dad pa nyid yin par smra ste/spyi dag gsal ba las tha dad par khas blangs par gyur na/ tha dad pa med pa'i tha snyad de gzhi mthun pa'i tha snyad dag rgyu med par 'gyur ro/ /bdag nyid ji lta ba bzhin zhes bya bar ni zlos pa'i don gyi zad par mi 'gyur ba'i bsdu ba'o//de ltar ut+pal dang sngon po la sogs pa'i sgras ut+pal dang sngon po la sogs pa bdag nyid ji lta ba bzhin du phan tshun tha dad pa spyi brjod pa yin no/ /gang gi tshe sngon po'i yon tan brjod par 'dod pa de'i tshe don tha dad pa kho na'o//don de yul dang gcig ste/ chos can blo gang la yod pa de ni don gcig pa'o/ /don gcig pa yang de yin la blo yang yin pas na zhes bya ba ni las 'dzin pa'o/ /de'i rten te rgyur ji ltar 'gyur/ de bas na gzhi mthun pa nyid du mi 'gyur ro zhes bya bar dgongs so//gal te ut+pal dang sngon po la sogs pa'i sgra dag gis khyad par gnyis dang ldan pa'i chos can gcig gi yul can gyi blo skyed par gyur pa de'i tshe/ don gcig ston pas gzhi mthun pa nyid du 'gyur na de yang med do//gsal ba la don gzhan ni spyi yin te/ de brjod pa na yang de rtogs pas tha dad pa dag la ltos pa med pa ste/ de yongs su spangs pa'i sgo nas 'jug pa ni ltos pa'o/ /ci'i phyir zhe na/ the tshom med pa'i phyir ro/ /gang gi tshe shing gi sgras shing nyid rjod pa de'i tshe de'i khyad par med pa nyid kyi phyir 'di la 'dod pa med pa'i phyir ji ltar shing d+ha pa la sogs par gzung bar 'gyur/ma bzung na yang ji ltar shing gi sgra'i don tha dad pa d+ha ba la sogs pa yin/ tha dad pa med pa de las kyang ji ltar shing dang shing sha pa zhes bya ba khyad par dang khyad par gyi gzhir 'gyur/de'i phyir ji ltar zhes bya ba la sogs pa smos so/ /gal te spyis khyad par du gyur pa'i rdzas brjod pa'i phyir ji skad du brjod pa'i nyes pa med do zhe na ma yin te/ khyad par can du 'gyur ba'i rdzas brjod pa na yang dngos po'i stobs kyi sgra gcig gis kyang ma lus par rtogs pa'i phyir sgra gzhan de la 'jug pa'am mi 'jug pa rnam grangs su 'gyur ro zhes lan bstan pa nyid kyi phyir ro//de bas na 'di ltar dngos po'i sgra don brjod pa la gzhi mthun pa nyid la sogs pa ji ltar yang mi srid la/spyi yang de dag la mi srid do zhes bstan te/ de ltar na gang gi tshe re zhig rang gi mtshan nyid las spyi tha dad pa ma yin pa de'i tshe rang gi mtshan nyid bzhin du gsal ba gzhan gyi rjes su mi 'gro ba'i phyir spyi ma yin la/ tha dad na yang ji ltar na gzhan gyi spyir 'gyur te/shin tu thal ches pa'i phyir ro zhes bya ba la sogs pa sngar bstan pa'i yin no/ /ldog pa smra ba la yang nyes pa med dam zhe na/ ldog pa kun las zhes bya ba la sogs pa smos te/ nyes pa de dag ces bya ba ni spyi dang gzhi mthun pa nyid med pa la sogs pa'o//ci ltar zhes bya ba la sogs pa gcig po ni ba lang gi khyad par te khra bo'o/ /de las de ba lang ma yin pa'i rang bzhin las tha dad pa de bzhin du gzhan dag kyang ste/ khu yu la sogs pa yin pa de bas na rigs mi mthun pa las ldog par thams cad du 'dra ba de ltar na ldog pa'i mtshan nyid kyi tha dad pa rnam par rtog pa'i blos thams cad du ngo bo 'dra ba nyid du sgro btags pa la spyi med pa'i nyes pa'ang yod pa ma yin no//nyes pa lhag ma pa zhes bya ba ni gzhi mthun pa nyid med pa la sogs pa med pa'o/ /sngar bstan pa zhes bya ba ni/gcig cig rnam gcod ston pa na/ /gang tshe gzhan slong mi 'jug pa/ /zhes bya ba la sogs pas so/ /ldog pa thams cad la 'dra bar 'gyur ro zhes bya ba de lta na yang dngos po yod pa ma yin te/ dngos por 'gyur ba'i spyi gcig pu ma gtogs pa mang po dag la sgra gcig mi 'dod do zhes bya ba de'i phyir 'on kyang zhes bya ba la sogs pa smos te/de'i 'bras bu yongs su bstan pa'i phyir te/ 'bras bu gcig yongs su bstan pa'i phyir ro/ /tha dad 'bras bu gcig dag la ngo bo nyid gcig dang bral ba dag la'o//mkhas pa brda shes pa rnams kyis sgra 'dra ba gcig brdar byas pa'o/ /de'i 'bras bu dag ste tha dad pa'o/ /de'i 'bras bu med pa can dag las ldog pa gang yin pa de'i rgyu can yin no/ /ci'i phyir so sor gsal ba smos pa tha dad pa nyid kyi brdar ma byas she na/dka' pa zhes bya ba la sogs pa smos te/ dka' ba dang mi nus pa dang / 'bras bu med pa nyid kyi phyir ro/ /tha dad pa dag bstan pa ni tha dad pa mnyan pa'o/ /de yang 'grel pas gsal bar bya'o/ /dngos po med pa ste spyi'i dngos por gyur pa 'dra ba mnyan pa'o//ci'i phyir zhe na/ dngos po thams cad ni rang gi ngo bo'i rang bzhin la gnas pa'i rgyu'i phyir ro/ /khra bo'i ngo bo'i gang zhes bya ba la sogs pas rang gi ngo bo nyid la gnas pa bstan pa de'i phyir spyi tha mi dad pa ma yin no/ /tha dad pa yin na yang rang nyid kyi ngo bo la gnas pa de ltar na ji ltar gsal ba rnams kyi spyi'i ngo bo yin te/gzhan gyis kyang gzhan dag mtshungs pa ma yin gyi zhes bshad do/ /spyi'i rnam pa can gyi shes pa'i rgyu ma yin pa de ni de'i 'bras bu can ma yin pa ste/ de dag las ldog pa'o/ /gnyis po zhes bya ba ni khra bo dang ser skya dag go//de bas na de'i 'bras bu can ma yin pa las ldog pa tha dad pa dag kyang 'gal ba med pa'i phyir de nyid don tha dad pa med pa na/ sgra tha dad pa med pa'i rgyu yin par 'dod de gang gi phyir/ don gyi tha dad pa med par yang / sgra'i tha dad mi rigs te spyi dngos por gyur pa med pa'i phyir ro/ /gang gi phyir spyi dngos por gyur pa yod pa ma yin pa de'i phyir de'i 'bras bu nyid 'di yang gang 'bras bu gcig nyid yin pa gang bstan par bya ba'i phyir mang po dag la mnyan pa gcig ces bstan pa'i phyir 'dod pa ni de'i 'bras bu can ma yin pa las tha dad pa nyid du blta bar bya'o//de'i 'bras bu nyid ces bya ba'i spyi yang yod pa ma yin no/ /spyi dngos por gyur pa med du zin kyang ji ltar rigs mi mthun pa dag sgra gcig 'jug pa 'gal ba med pa de ltar bstan pa'i phyir dper na zhes bya ba la sogs pa smos te/mig la sogs pa gang la gzugs la sogs pa'i rnam par shes pa'i 'bras bu gcig yod pa zhes bya bar sbyar ro/ /gang tshe zhes bya ba ni rnam par shes pa skyed par nus pa gang gi tshe'o//yang na dus 'ga' zhig du brda las byung ba bsnyad par bya zhes bya bar sbyar ro/ /dus de nyid bstan pa'i phyir khyad par med de zhes bya ba la sogs pa smos te/ spyi de'i 'bras bu can mig gi rnam par shes pa'i 'bras bu gcig gis rgyu'i tshogs pa ston par srid par gyur pa gang gi tshe mig la sogs pa dag gis thun mong ma yin pa'i 'bras bu nyid ston par byed pa de'i tshe mnyan pa gcig gis de dag la brdar byed pa ma yin no zhes bya ba'i don to//cig car te dus gcig tu rgyu'i tshogs thams cad rtogs par bya ba'i phyir ro//de'i ngo bo zhes bya ba la sogs pa la/ mig la sogs pa de dag gi spyi'i 'bras bu gcig pa can gyi mtshan nyid tha dad pa med du zin na yang zhes bya ba'i don to/ /gal te de dag gi spyi yod pa kho na yin no zhe na/ de la khyad par med pa'i phyir mig gi rnam par shes pa dus thams cad du yod par thal bar 'gyur ba'i phyir ro//don tha dad pa med par zhes bya ba ni spyi dngos por gyur pa med par ro/ /mang po dag ni khra bo la sogs pa dag la'o/ /de dag ces bya ba ni khra bo la sogs pa'i khyad par dag go/ /gal te de dag la spyi yod par 'gyur ba de'i tshe spyi de la sgra 'jug pa'i phyir khyad par thams cad la 'jug par 'gyur ro//spyi gcig pu med par yang mang po dag la sgra gcig 'god par mi rigs so/ /de bas na sgra 'di brdar byas pa ni khyad par gcig kho na la brdar byas par 'gyur ba de lta na yang gcig la 'jug pa ste/khyad par du byas pa gcig la 'jug pa can gyi sgra ni khyad par can gyi mtshan nyid med pa gzhan la shes pa mi skye ba'i phyir te/ ba glang gi ba gnyis pa sgra de las ba lang zhes bya ba de ltar rtogs par mi 'gyur te/ de la spyi so sor nye ba'i rgyu med pa'i phyir ro//gal te rang gi ngo bo'i rjes su 'gro ba med par yang khra bo la sgra 'god par so sor nye ba ma yin pa ser skya la shes pa skye bar 'gyur ro zhe na/ so sor nye ba med par zhes bya ba la sogs pa smos te/ shin tu thal bar 'gyur te/ ba lang gi sgra las rta yang rtogs par 'gyur ro//de ltar na re zhig spyi gcig med par mang po dag la sgra gcig 'god pa med par bstan nas/ da ni khas blangs pa don med pa nyid ni de dag la yang zhes bya ba la sogs pa smos te/ 'di ltar du ma las log pa'i don gcig gam/ tha dad pa de nyid la 'dre ba med par bstan pa'i phyir mang po dag la mnyan pa gcig 'god par 'gyur na'o//de la dang po la dngos po med pa ni don gcig la sbyor ba med pa'i phyir zhes bya ba smos te/ gal te don gcig la sgra sbyor bar 'gyur ba de'i tshe don gcig ston par 'gyur ro/ / gnyis pa la dngos po med pa ni tha dad pa dag la zhes bya ba la sogs pa smos te/ tha dad pa'i rang gi ngo bo ma 'dres pa khra bo dag khong du chud par bya ba'i phyir zhes bya ba khong nas dbyung ngo / /so sor zhes bya ba ni gcig la gcig gi khyad par ro/ /sgra gcig gi sbyor ba brdar byas nas phyis tha snyad kyi dus su de ltar ston pa dag gis zhes bya ba ma 'dres par rtogs par bya ba'i don du ston pa dag gis rnam par dbye ba yongs su mi shes par de'i phyir de dag la sgra sbyor ba'i don dang ldan pa ma yin no//'di ltar gal te sgra de las rang gi mtshan nyid 'dre ba med par rtogs par 'gyur na rang gi mtshan nyid dag la sgra so sor sbyor ba 'bras bu dang ldan par 'gyur la mang po dag la sgra gcig sbyor ba yang byed pa de bas na spyi'i dngos por 'gyur snyam du bsams pa'o//de la yang zhes bya ba ni slob dpon gyi ste/ spyi dngos po gcig kho nar yod do zhes bya ba'i dbang du byas nas/ dgos pa med du zin na yang 'jig rten pas sgra dgod par bya ba yin zhes bya ba ni rnam par rtog pa gcig yin no/ /gnyis pa ni gcig po des zhes bya ba la sogs pa smos te/ des zhes bya ba ni spyi'o//dngos po'i nus pa nyid ces bya ba ni skyes bu'i byed pa la ltos pa med pa'o/ /mnyan pa 'di slong bar byed pa ni sgra slong bar byed pa'o/ /gnyis po de yang yod pa ma yin te/ dgos pa dang skyes bu'i bya ba med par sbyor ba med pa'i phyir ro//de nyid ni 'on kyang zhes bya ba la sogs pa smos te/ dgos pa 'ga' zhig gis zhes bya ba ni tha snyad kyi dus su sgra de dag las bsgrub pa'i don rtogs shing khong du chud pa zhes bya ba 'dis ni rnam par rtog pa dang po med par bstan to/ /'god par byed do zhes bya ba 'dis ni gnyis pa bstan te/tha snyad byed par 'dod pa dag gis 'god par byed cing brdar byed ces bya ba khong nas dbyung ngo / /'bras bu gcig la rgyu du ma nye bar sbyor bar byed pa na'o/ /de ni zhes bya ba ni du ma'o/ /rgyu'i tshogs pa gang yang 'byung ba yin na/de ltar tha snyad byed par 'dod pas 'bras bu gcig po de la gdon mi za bar bstan par bya ba yin te/ rgyu du ma de yang de'i 'bras bu ma yin pa las ldog pa'i mtshan nyid can gyi 'bras bu gcig nyid la brten nas sgras du ma brjod par bya'o/ /du ma brjod pa'i nyes pa ni de las zhes bya ba la sogs pa smos te/so so so sor zhes bya ba ni sgra'i tha dad pa dag gis so/ /de dag gis kyang rang gi mtshan nyid la sgra dgod pa khas blangs pa bstan nas/ de nyid mi srid par bstan pa'i phyir/ gzhan dang thun mong ma yin pa zhes bya ba la sogs pa smos te/'di ni dngos po'o/ /gzhan dang thun mong ma yin pa'i ngo bo zhes bya ba la/ gzhan dang thun mong du med pa ni gzhan dang thun mong ma yin pa ste/ rang gi mtshan nyid ces bya ba'i don to/ /'di la yang zhes bya ba ni sgra du ma la 'god pa la'o//de dag kyang / dka' dang mi nus 'bras med phyir/ /zhes bya ba'i go rims bzhin du rnam par 'grel pa yin no/ /ci'i phyir 'bras bu med pa yin zhe na/ 'on kyang zhes bya ba la sogs pa smos te/ sbyor ba po 'dis 'bras bu gcig po 'di la don de dag gi rgyur gyur pa bstan par bya ba yin no zhes bya ba ni de tsam ni dgos pa'o//rgyur gyur pa'i dngos po de dag sgra gcig gam du mas brjod par 'gyur zhes bya ba'i brjod pa 'di la/ smra ba po rang rgyud kyis yin no/ /gang gi phyir de ltar yin pa de bas na de'i phyir brjod par bya ba mang po dag la smra ba po'i bsam pa'i dbang gis rgyu yis 'jug par 'gyur ba na mnyan pa gcig pu 'di la klan ka rigs pa ma yin no//gal te mang po dag la mnyan pa gcig pu 'jug par mi nus so zhe na/ 'di la zhes bya ba smos te/'di la zhes bya ba ni thos pa gcig ste/ gang la 'jug pa'i nus pa med pa zhes bya ba tshig rnam par sbyar ro/ /ci'i phyir 'jug par nus she na/ smras pa 'dod pa la rag lus pa nyid kyi phyir te/ 'dod pa la rag lus pa 'ga' zhig la 'jug pa'i nus pa yod pa yin no//'dod pa la rag lus pa nyid bsgrub pa'i phyir gal te zhes bya ba la sogs pa smos te/ 'di ltar gzhan gyis kun brtags pa spyi gcig nyid la yang dngos po'i nus pas thos pa gcig 'jug pa ni med la/ 'on kyang smra ba po'i 'dod pa'i dbang gis yin na de med par gcig la yang mnyan pa gcig pu 'di ji ltar 'jug par 'gyur te/mi 'gyur ba kho na yin no zhes bsams pa'o/ /de la gcig la yang 'jug pa nyid du 'dod pa gang gi tshe/ rgyu'i dngos po'i nus pas ma yin pa de'i tshe mang po dag las yang gdon pa 'ga' zhig kyang med par bstan pa'i phyir 'dod pa'am zhes bya ba la sogs pa smos te/gcig la yang 'jug pa nyid du 'dod pa rgyu nyid du brtag par gyur pa'o/ /'di lta ste mnyan pa gcig la'o/ /gal te dgos pa med pa'i phyir zhes bya ba la sogs pa la/dngos po gcig la ma gtogs par mang po dag la sgra gcig dgod pa 'bras bu med pa bzhin no/ /gong du bstan pa ci zhig bstan zhe na/ de'i dgos pa med pa can zhes bya ba la sogs pa smos te/ de'i dgos pa med pa can gyis tha dad pas tha dad pa khra bo la sogs pa'i tha dad pa dag ni ba lang gi sgra gcig las khong du chud par 'gyur ro//rta la sogs pa gang yin pa de dag la ba lang gi khyad par gyi bsgrub par bya ba rmo ba dang ba bzho ba la sogs pa'i 'bras bu dgos pa med par 'gyur ba'i tha dad pas so//dngos po rang gi ngo bo gcig nyid kyang ci'i phyir mi brjod ce na/ smras pa rang gi ngo bo nyid la yang gcig pa nyid med pa'i phyir te/ spyi'i dngos por gyur pa nyid la yang gcig pa nyid med pa'i phyir ro/ / spyi de nyid ldog pa dang ldog pa med pa dang mi ldan pas/ mang po dag la mnyan pas gcig nyid yin no/ /spyi tha dad par 'gyur ro zhe na/ de lta na yang rang rang gi ngo bo la gnas pa ma 'dres pa kho na yin te/ de nyid ni bdag nyid ji lta ba bzhin du zhes bya ba la sogs pa smos te/gang zhig gang gi mtshan nyid de gnas pa can gyi rang gi ngo bo dag phan tshun ngo bo 'dres pa med pa'i phyir/ ji ltar tha dad pa dag sgra'i rang bzhin gcig pa'i rgyu mtshan can spyi'i rgyu can du 'gyur te/ mi 'gyur ba kho na'o zhes bsams pa'o/ /gzhan ni gzhan dang mtshungs par 'gyur ba ma yin te/de skad du/ gang phyir dngos kun rang bzhin gyis/ /rang rang ngo bo la gnas phyir/ /zhes bya ba'i skabs su bstan to/ /gzhan sel ba smra ba la ni nyes pa med do zhes bstan pa'i phyir/ de'i dgos pa med pa can zhes bya ba la sogs pa smos te/de'i dgos pa med pa can dag las ldog pa ni tha dad pa dag la yang 'gal ba med do zhes bya ba'i dbang du byas nas/ de'i dgos pa med pa can dag las tha dad pa de nyid don tha dad pa de'i dgos pa can dag yin pa ni ldog pa la tha dad pa med pa'i phyir sgra'i tha dad pa med pa'i rgyur 'gyur ro//gang gi phyir spyi dngos por gyur pa ji ltar yang mi 'thad pa de bas na ba lang gi khyad par 'di de'i dgos pa can/ rmo ba dang bzho ba'i dgos pa can zhes bstan pa gang yin pa de ni dgos pa can ma yin pa rta la sogs pa dag las tha dad pa nyid du bstan gyi/de dag ni gzhan du de'i 'bras bu can yang ma yin te/ gzhan du gzhan las tha dad pa'i phyir te/ gzhan dag las log pa kho na rigs mthun pa gzugs dang ro la sogs pa gzhan dag las tha dad par khyad par med du zin kyang / de'i dgos pa yan lag nyid de chu la sogs pa 'dzin pa'i 'bras bu khyad par can gyi yan lag nyid kyis de gzhan dag las zhes bya ba 'bras bu de byed pa'i nus pa med pa dag las so//'di skad du bstan te/ ji ltar gzugs la sogs pa chu 'dzin pa la sogs pa nus pa gcig cig bum pa'i sgras brjod par bya ba de ltar gzhan dag kyang bum pa'i sgras brjod par bya ba yin te/thams cad 'bras bu gcig pa'i phyir ro/ /de bas ni de'i 'bras bu can ma yin pa dag las thams cad kyi tha dad pa gang yin pa de nyid de dag gis tha dad pa med pa'o//tha mi dad pa de las zhes bya ba ni tha dad pa med pa de las zhes bya ba'i don to/ /bum pa zhes bya ba'i sgras gcig las khyad par med pa ste/ spyir gzugs la sogs pa thams cad rtogs par 'gyur ro/ /gzugs la sogs pa 'ba' zhig kho na yin gyi de las ma yin gtogs pa'i rdzas ni med do//gal te bum pa'i gzugs zhes bya ba la sogs pa ldog pa ji ltar rung zhe na/ de la zhes bya ba la sogs pa smos te/ bum pa'i gzugs zhes bya ba la sogs pa 'di la yang ldog pa gang yin pa de'i don ni bum pa'i rang bzhin dag gzugs la sogs pa la yin gyi snam bu la sogs pa'i rang bzhin dag ni ma yin no zhes bya ba 'di yin no//de nyid 'chad pa ni chu zhes bya ba la sogs pa ste/ chu 'dzin pa'i khyad par bum pa las gzhan gyis bsgrub par bya ba nyid ma yin pa'o//stsogs pa'i sgras ni bum pa'i bsgrub par bya ba'i 'bras bu gzhan dag kyang yongs su gzung ngo / /'dir don ni 'di yin te/ gzugs la sogs pa'i sgra thams cad kyi gzugs la sogs pa bsgrub par bya ba'i 'bras bu tsam gyis nus pa dang ldan pa'i gzugs la sogs pa khyad par med par bstan cing /bum pa'i sgras kyang khyad par du byas pa'i 'bras bu dang ldan pas/ snam bu la sogs pa'i rang bzhin dag las tha dad pas khyad par du byas pa'i gzugs la sogs pa bstan to//de bas na bum pa'i gzugs la sogs pa zhes bya ba la sgra gnyis kyi bya bas spyi dang khyad par gyi rnam pa'i blo skye ba'i spyi dang khyad par gyi dngos po la tha dad pa'i rten can gyi drug pa sbyor ba yin no/ /de nyid ni spyi zhes bya ba la sogs pas bstan te/spyi'i 'bras bu ni gzugs la sogs pa tsam du bsgrub par bya'o/ /de bsgrub pa ni bsgrub pa'o/ /de dag nyid kyi ngo bos rab tu grags pa'o/ /de lta bur gyur pa'i mtshan nyid dam/ gtan tshigs kyi gsum pa yin te/ ngo bor de lta bur gyur pas sam gtan tshigs kyis so//gzugs la sogs pa'i sgra rnams byed par 'gyur ba rnams kyis rab tu grags pa yod na khyad par du byas pa'i 'bras bu bum pa kho na'i bsgrub par bya ba chu 'dzin pa la sogs pa ni 'dis sgrub par byed pa'i phyir ro/ /gang la ming de lta bur gyur pa zhes bya ba yod pa de la de skad ces bya ste/des khyad par byas pa'o/ /de ni zhes bya ba ni gzugs la sogs pa ste/ de skad ces brjod do/ /'di la zhes bya ba ni gzugs la sogs pa'i tshogs sam/ bum pa zhes bya ba'i tha snyad la'o/ / ji skad du bshad pa'i mtshan nyid can zhes bya ba gzugs la sogs pa las bzlog pa'i rdzas so/ /de 'dra ba zhes bya ba ni gzugs la sogs pa las bzlog pa'o/ /de ni yan lag can no/ /pha rol po dag gis yan lag can dmigs pa'i mtshan nyid kyir gyur par yang 'dod de/rdzas ni mthong ba dang reg pa dang ldan pa yin no zhes smra ba'i phyir ro/ /dmigs pa'i mtshan nyid kyir gyur pa de bas na khas blangs pa gzugs la sogs pa ldog pa mi dmigs pa'i phyir ro zhes bya ba ni ngag gi don yin no/ /ji ltar yan lag can med par yang rdul phra rab kho na mngon sum gyi yul yin par de ni le'u gsum pa la 'chad par 'gyur ro//gal te gzugs la sogs pa'i tshogs de dag kho na yin na/ ji ltar na de dag tha dad pa med pa kho na'o zhes bya ba'i bar du'o/ /de dag gis ni de'i phyir de 'bras can nyid ces bya ba la sogs pa tshig le'ur byas pa'i cha bshad pa yin no//dper na zhes bya ba la sogs pas ni/ dper na mig la sogs pas ni/ /gzugs kyi rnam shes 'bras gcig can/ /zhes bya ba la sogs pa 'chad par byed do/ / bdag dang dbang po dang yid dang / don dag phrad par 'gyur ba dag ni zhes bya ba ni gzhan la rab tu grags pa bstan to/ /gang dag la gzugs kyi rnam par shes pa'i 'bras bu gcig yod pa de dag ni 'bras bu gcig pa can te/ de dag gi thun mong ni khyad par med par 'bras bu gcig byed pa'i nus pa'o//de ston pa ni gsal bar byed pa ste/ de'i srid par 'gyur ba'o/ /skabs gang du de ston pa yang srid pa yin zhe na/ gang las gzugs kyi rnam par shes pa zhes bya ba smos te/ bye brag med pa'i tshogs par 'gyur ba'i dri ba yod na zhes bya ba'i don to//tha snyad tshogs chung bar bya ba'i don ni gcig gis mang po bstan par bya ba'i don to/ /gzugs kyi rnam par shes pa'i rgyu ni mig la sogs pa'i tshogs te/ ya nas ra'i bar ram/ sha nas sa'i bar zhes bya ba mnyan pa 'god par 'gyur te zhes bya bar sbyar ro//de'i rgyu zhes bya ba la sogs pas tha snyad zor yang ba nyid 'chad par byed de/ de'i rgyu ni mig gi rnam par shes pa rgyu dag go/ /'di la yang zhes bya ba ni mig la sogs pa ste/ rjes su 'gro ba'i ngo bo gang gis mig gi rnam par shes pa gcig gis skyed par byed pa de lta bur gyur pa'i spyi ni mig la sogs pa dag la yod pa ma yin no//gal te yod pa nyid yod do zhe na/ de thams cad bye brag med pa'i phyir thams cad la mig la sogs pa'i rnam par shes par 'gyur ro/ /'brel pa can tha dad pas yod pa nyid kyang tha dad pa yang ma yin te/rtag pa'i phyir shin tu khyad par du bya bar mi nus pa nyid kyi phyir ro/ /'on kyang de'i don gzugs kyi rnam par shes pa 'bras bu gcig pa nyid kyis so/ /de'i don ma yin pa gzugs kyi rnam par shes pa skyed par byed pa ma yin pa dag las mig la sogs pa'i dngos po dag tha dad pa zhes bya ba'i dbang du byas nas/de'i 'bras bu can ma yin pa dag las ldog pa nyid tha dad pa kho na yin no/ /de dag ni mig la sogs pa zhes bya ba'i don te thams cad dag la de'i 'bras bu can ma yin pa dag las ldog par mtshungs pa nyid kyi phyir ro//dper na spyi gcig po med par yang 'bras bu gcig pa nyid bstan par bya ba'i phyir/ ming dang gzugs la sogs pa dag la sgra dgod pa ltar tshogs dang zhes bya ba la sogs pa la/ tshogs dang rgyu dang gnas skabs khyad par can rjod par byed pa'i sgra ni tshogs dang rgyu dang /gnas skabs khyad par can gyi sgra'o/ /de la tshogs brjod pa'i sgra'i dbang du byas nas ma lus pa zhes bya ba la sogs pa smos te/ ma lus pa dag gi ste gzugs dang dri dang ro la sogs pa'o//'bras bu ni chu la sogs pa 'dzin pa la sogs pa'o/ /de dag ni gzugs la sogs pa'o/ /thams cad dag gi 'bras bu gcig yin no zhes bya ba'i dbang du byas nas/ 'bras bu de la byed pa khyad par med pa'i phyir ro/ /'bras bu gcig byed pa de bas na khyad par med pa zhes bya'i/rang gi mtshan nyid kyi khyad par med pa'i phyir ni ma yin te/ de dag ni 'bras bu gcig byed pa'i nus pa ston pa tsam byed pa yin la/ khyad par brjod pa don med pa can sgra tha dad pa gzugs la sogs pa so sor brjod pa'i 'bras bu med pa can yin pa'i phyir cig car te dus gcig tu thams cad kyi 'bras bu 'ga' zhig la sbyor bar bya ba'i don du 'jig rten pa tha snyad 'dogs pa'o//bum pa zhes bya ba'i sgra gcig gzugs la sogs pa'i khyad par chu 'dzin pa la sogs pa nus pa dag la sbyor bar byed do//gal te bum pa so so la gzugs la sogs pa tha dad pa yin no/ /ji ltar bum pa'i sgra gcig la khyad par med par rtogs par 'gyur zhe na/ de dag kyang zhes bya ba la sogs pa smos te/ mang po dag la bum pa la sogs pa'i tshig gcig yin zhe na/tshig gcig yod du zin kyang zhes bya ba smos te/ ji ltar mang po dag la sgra gcig gi nus pa gcig yin pa'i don yin pa de ltar tshig gcig gis kyang gzugs la sogs pa de dag gi ni chu 'dzin pa la sogs pa'i 'bras bu gcig la nus pa gang yin pa de bstan pa'i phyir ro//'bras bu gcig byed pa nyid kyis de dag gcig nyid du sgro btags nas tshig gcig bya ba'i don to/ /gcig pa nyid du sgro btags pa la brten nas kyang tshig gcig pa nyid du mi 'gyur mod kyi/ 'on kyang phyi'i don la ltos pa med par brda'i gzhan dbang gis kyang yin te/gang dag gi tshig dngos po'i dbang lhur brjod 'dod pa mi rten pa zhes bya ba la sogs pa sngar bstan zin to/ /rgyu brjod pa'i dbang du byas nas/ de bzhin du zhes bya ba la sogs pa smos te/ rgyu dang 'bras bu ni rgyu dang 'bras bu'o//de'i khyad par rgyu dang rgyur bcas pa'i dngos pos rgyud gcig gi gnas skabs la brten pa nyid do/ /de ltar gyur pa na thob pa'o/ /thob pa ni tshig tu 'gyur ba'i las dang bcas pa'o ste/ sgrub par byed pa byed pa dang ldan par zhes bya ba ni gnyis pa de'i skyes bu'am/gang la rgyu dang 'bras bu'i khyad par du 'gyur ba grub pa yod pa zhes bya ba ni 'bru mang po pa'o/ /gyur pa sgra 'og tu sbyar ba ni spyod pa la sogs pa'i tshogs pa nyid kyi bar du gtogs pa nyid kyi phyir ro/ /gcig 'ga' zhig sgrub par byed pa'am zhes bya ba ni dper na zhes bya ba la myu gu dang sdong bu dang /'dab ma la sogs pa'i 'bras bu gcig yin pa lta bu'am bsgrub par bya ba ste/ dper na rgyur gyur pa'i sa bon gcig gis de dag nyid lta bu'o/ /skad cig ma du ma'i bdag nyid myu gu la sogs pa de dag kyang /gcig car rtogs pa'i don du 'bras bu gcig pa nyid dam/ rgyu gcig pa nyid kyi spyi des 'bru la sogs pa'i sgra rgyud brjod pa rnams kyi brda'i dus su brdar byas pa dag phyis tha snyad kyi dus su tha snyad zor yang bar bya ba'i phyir bstan par bya'o//tha dad pa de dag rgyun shes par 'dod pa ni sa bon dang myu gu la sogs pa tha dad pas sgra du ma sbyor ba la 'bras bu med pa'i phyir ro/ /sogs pa smos pas ni mig la sogs pa'i sgra bzung ste/ de dag gis kyang byis pa dang gzhon nu la sogs pa'i khyad par gyi tha dad pa'i rgyun brjod pa ma yin pa'i phyir ro//'bru la sogs pa'i sgra yang gzugs la sogs pa'i sgra gzugs gcig la sogs pa'i tshogs pa nyid yin pa'i phyir tshogs pa'i sgra ma yin nam/ bden te 'on kyang rgyu dang 'bras bu'i khyad par gyi rgyun rjod par byed pa yin pa'i phyir/de skad du brjod pas nyes pa ma yin no/ /ji ltar bum pa'i gzugs la sogs pa la bum pa zhes bya ba'i tshig gcig pa'i rgyu gang gis bstan pa de ltar 'bru'i gzugs la sogs pa la 'bru zhes bya ba'i tshig gcig pa ltar byed pa de'i phyir snga ma bzhin du brjod par bya'o zhes smos pa yin no//gnas skabs kyi sgra'i dbang du byas nas gang yang zhes bya ba la sogs pa smos te/ gang yang zhes bya ba ni sngon po la sogs pa'i rdul phra rab dag go/ /so so zhes bya ba ni sngon po dang ser po la sogs pa phan tshun ltos pa med pa dag go//sdud pa zhes bya ba ni gcig la gcig 'dus pa dag go/ /'ga' zhig ces bya ba ni mig gi rnam par shes pa'am/ rang gi yul du gzhan 'byung ba'i gegs byed pa la'o/ /cig car shes pa nyid kyi don du zhes bya ba ni sgra gcig gis mang po dag nges par bya ba'i phyir ro//de la mig gi rnam par shes pa la nye bar sbyor ba gang dag yin pa de dag ni gnas skabs khyad par can gyi tshig gis bstan du yod pa zhes brjod la rang gi yul du gzhan 'byung ba'i gegs byed pa gang yin pa de dag la ni thogs pa dang bcas pa zhes bstan to//sngon po dang ser po la sogs pa dag ni shin tu tha dad pa ma yin nam/ de dag bstan du yod pa la sogs pa'i sgra gcig gis ji ltar brjod ce na/ de'i phyir de dag gzhan dag las tha dad pa'i spyi nyid du zhes bya ba la sogs pa smos te/de ni gzhan bstan du med pa dang thogs pa med pa dag las tha dad pa gang yin pa de nyid dag gi spyi yin te/ thams cad de dag las zlog pa nyid kyi phyir ro/ /gtan tshigs de bas na'o/ /gal te bstan du yod pa la sogs pa'i sgra yang rdul phra rab kyi tshogs brjod pa'i sgra kho na yin nam ma yin snyam na/rdul phra rab gcig kyang thogs pa dang bcas pa la sogs pa'i sgra rnams kyis brjod par bya ba yin pa'i phyir ro/ /'bras bu'i sgo nas sgra'i 'jug pa bstan nas/ rgyu'i sgo nas bstan pa ni ji ltar 'bras bu gcig pa can ni gzugs la sogs pa'o//de'i 'bras bu brjod pa'i phyir te/ gzugs la sogs pa gang chu 'dzin pa la sogs pa'i nus pa de'i 'bras bu gcig po yod pa de brjod pa'i phyir te/ nus pa gcig bstan par bya'o zhes bstan par bya ba'i don to//de bum pa ma yin pa la sogs pa gzhan las tha dad pa bum pa la sogs pa'i sgra rnams kyis so/ /sogs pa smos pas ni 'bru la sogs pa'i sgra yongs su gzung ngo / /brdar byas pa bstan to zhes bya ba'i skabs yin no/ /de bzhin du rgyu la ltos pa dag kyang zhes bya ba'i don to//sgra gcig cig brdar byas pa bstan ces bya ba'i tshig rnam par bsgyur bar byas nas sbyar ro/ /tha snyad du byas pa'i don kho na ni tshegs chung bar zhes bya bar shugs kyis blta bar bya'o/ /ba lang khra mo'i bu thams cad dag kho na la rgyu gcig gis khra mo'i bu'i sgras brjod cing /ser skya'i bu dag la ser skya'i bu'i sgras brjod la/ skyes bu 'bad pa'i rgyus skyed pa'i ji tsam pa'i sgra de thams cad ni rgyu mtshungs pas bskyed pa nyid kyi phyir btsal ma thag tu byung bar bstan te/ bya'o snyam du sems ni btsal ba'o/ /de'i de ma thag pa ni bar chad med pa'o/ /der byung bas na btsal ma thag tu byung ba'o/ /de dag gis ni rgyu'i khyad par la sogs pa bstan to/ /rgyu tsam la rten gyi sgo nas byas pa zhes bya ba smos te/ sgra la btsal ma thag tu byung ba dang /rgyu la ltos pa'i rkyen can la byas pa zhes brjod pa'i phyir ro/ /de ltar re zhig sgrub pa'i sgo nas bstan nas/ dgag pa'i sgo nas bstan pa'i phyir/ de bzhin du zhes bya ba la sogs pa smos te/ sngon po la sogs pa mig gis gzung bar bya ba de'i 'bras bu mig gi rnam par shes pa de bkag pas/sgra ni mig gis gzung bar bya ba ma yin te/ mig gi rnam par shes pa la nus pa ma yin no zhes bya ba de ltar na/ spyir mig gis gzung bar bya ba ma yin no zhes bya ba'i sgras brjod do//mi rtag pa'i sgra yang rtag pa rnam par gcod pas rnam par gzhag par bya ba yin pa na/ de 'bras bu bkag pa kho nas so/ /'di ltar gzhan dag gis rtag pa dngos por 'dod gyi/ med pa tsam ni ma yin te/ de yang bsgrub par bya ba dang / sgrub par byed par 'gyur ba ma yin na/tha snyad kyi lam mi 'jug pa'i phyir bsgrub par bya ba'am/ sgrub par byed pa khas blang bar bya ste/ de la rtag pa nyid kyi phyir bsgrub par bya ba ni ma yin la/ de sgrub par byed pa nyid yin no de ltar gzhan dag gis kyang 'dod par bya ba'o//de ltar na rtag tu bdag nyid gnas sgrub par byed pa'am/ gzhan bdag nyid la brten pa'i 'bras bu gang yin pa de rtag tu sgrub par byed pa de bas na/ de'i 'bras bu de rnam par gcad cing de rnam par bzlog cing mi rtag pa'i sgrar 'gyur ro/ / 'bras bu 'ga' zhig rang rgyud du bstan par bya ba'i phyir/ bdag gi sgrar yang byas pa yin pa de ltar na de'i 'bras bu ma yin pa rnam par gcad pas bdag med pa'i sgrar 'gyur ro/ /de ltar na 'bras bu dgag pa'i sgo nas bstan nas/ rgyu dgag pa'i sgo nas bstan pa'i phyir/de'i zhes bya ba la sogs pa smos te/ bdag po dang bcas pa stong pa nyid ma yin pa de'i rgyu gang yin pa de bkag pas sgra la sogs pa'i dngos po 'di ni bdag po med pa dang / stong pa nyid ces bya ba'i tha snyad kyi don bstan to zhes bya bar sbyar ro//'di ltar bdag la sogs pa'i rang rgyud kyis bdag gir byas pa gang yin pa de ni bdag po dang bcas par gzhan dag 'dod de/ bdag gir 'dod pa de ltar na/ stong pa ma yin du zin kyang de lta bur gyur par bdag gi byed pa pos bdag gir byas pa nyid kyi phyir ro//bdag gi byed pa nyid kyang bdag gir bya ba'i rgyu yin gyi/ rnam pa gzhan du na bdag gir byed pa nyid mi rigs pa'i phyir ro/ /de bas na gzhan dag gis bdag po dang bcas pa'i sgra ni rgyu'i sgo nas 'jug pa yin no/ /dngos po skad cig ma re re la rnam par 'jig pa'i tshogs pa tsam la rag lus pa dag la/rang gi ngo bos gnas pa'i bdag gi byed pa po 'ga' zhig yod pa ma yin te/ gang la rag las pa'i 'du byed 'jug pa yin pa de bas na/ bdag med pa dang / stong pa nyid dag ni ji skad du bshad pa'i rgyu bkag pas rnam par gzhag pa yin no//de ltar gzhan dag la yang zhes bya ba ni sdug bsngal ba dang / mi gtsang ba dang / mgon med pa dang / mi ston pa la sogs pa la yang ngo / /ci rigs par zhes bya ba ni 'bras bu 'ga' zhig dgag pa dang / rgyu 'ga' zhig bkag pa zhes bya ba'i don to//sdug bsngal dang mi gtsang ba la sogs pa ni 'bras bu bkag pas yin te/ bde ba dang gtsang ba la sogs pa'i mi mthun pa'i 'bras bu rnam par gzhag pa nyid yin pa'i phyir dang / 'dus byas thams cad ni log par smin pa'i chos can du rjes su mthun pa nyid kyi phyir ro//mgon med pa dang mi ston pa la sogs pa'i rgyu bkag pas yin te/ rang gi rgyud la mgon la sogs pa'i dngos po med pa'i phyir ro/ /de bas na 'di ltar rgyu dang 'bras bu dag ni sgrub pa dang dgag pa'i sgo nas sgra rnams kyis 'jug pa'i yan lag bzhi dang ldan par bstan pa yin no//gal te mi stong ba dang rtag pa la sogs pa rnam par gcad par bya ba med pa'i phyir stong pa nyid la sogs pa'i sgra dag la gzhan rnam par gcod pa rjod par byed pa med pa ma yin nam ji ltar brjod ce na/stong pa zhes bya ba la sogs pa smos te/ brtag pa ji lta ba bzhin du zhes bya ba ni gang gi grub pa'i mtha' la brten nas brtag pa ci 'dra ba des sbyar cing bkod pa'i mi stong pa dang / rtag pa la sogs pa'i rnam pa rnam par rtog pa'i blo gang yin pa de la sgro btags pa de rnam par gcad pa'i mi stong pa la sogs pa'i rnam pa kun tu brtag pa rnam par gcad nas stong pa la sogs pa'i tha snyad du byed do//ci'i phyir zhe na/ sgra'i zhes bya ba la sogs pa smos te/ blo'i rtogs pas ni don 'di sgro btags par bya'o zhes kun du rtog pa'o//de bstan pa rnam par 'byed pa 'dres pa med pa'i sgra'i don gang la yod pa de la de skad ces bya'o/ /de'i dngos po yin pa de'i phyir ro/ /thams cad smos pas ni 'dir dngos por gyur pa gang la yang mi mthun pa'i phyogs yod do zhes smras pa yin no//'di skad du sgra rnams kyi dngos po'i rang gi mtshan nyid sgrub pa dang / dgag pa ni ma yin gyi/ 'on kyang sgrub pa dgag pa'i tha snyad thams cad ni rnam par rtog pa'i blo kho nas bstan pa yin no zhes bstan par 'gyur ro//de bas na mi rtag pa la sogs pa sgra dag la mi rtag pa la sogs pa mi mthun pa'i phyogs rtag pa la sogs pa rnam par gcad par bya ba yod pa ma yin no zhes bya ba ni/ mi mthun pa'i phyogs med pa'i nyes pa'o/ /de brjod pa ni ston pa'o/ /sogs pa'i sgras ni bdag med do zhes 'gog pa las/'gog pa med do zhes bya ba de lta bu la sogs pa yang brjod pa yin no/ /blo ngan pa gsal byed pa la sogs pa dag gi rnam par spyod pa dag ste/ rnam par bsgyings pa dang / 'brel pa med pa zhes bya ba'i bar du'o//rigs pa'i rjes su 'brangs ba'i blo can ni 'brel pa med pa brjod par mi 'gyur ba de bas na/ nyes pa brjod pa de dag btang snyoms su bya ba yin gyi/ bsam par 'os pa ni ma yin no zhes bya ba'i tha tshig go/ /de la zhes bya ba la sogs pa la/ kyang gi sgra ni rim pa gzhan du sbyar te/spyi'i dngos po gcig gnas pa'i yang rgyu'i phyir ro/ /mang po dag ni gsal ba'i khyad par ro/ /mnyan pa yang yin la gcig kyang yin pas na mnyan pa gcig go/ /don du ma 'di la rjod par byed pa yod pas na de ni mnyan pa gcig dang ldan pa ste/gal te sgra gcig gis brjod par 'gyur na zhes bya ba'i don to/ /'bras bu gcig pa can nyid kyis sam/ spyi gcig gi sgra gcig gi don mang po dag la khyad par cung zhig kyang med do snyam du sems so/ /de nyid ni de gzhan dag las zhes bya ba la sogs pa 'chad par byed do//de'i 'bras bu can ma yin pa gzhan dag las tha dad pa gang yin pa de nyid de'i 'bras bu can thams cad la khyad par med pa de'i phyir sgra gcig gis brjod do/ /'on kyang gcig gi gnas pa ste/ gcig gis 'jug pas kyang ngo / / sgra gcig gis dngos po du ma brjod pa de ltar na 'gal bar 'gyur ba ci yod/ ji ltar 'bras bu gcig pa nyid kyis mang po dag la sgra gcig pa nyid 'jug pa la 'gal ba yod pa ma yin no/ /de ltar spyi dngos por gyur pas kyang ngo / /de bas na spyi dngos por gyur pa rtogs pa yang / rigs pa kho na yin no zhes bsams pa'o/ /'dir zhes bya ba la sogs pa ni slob dpon gyi yin te/ dmigs pa'i ngo bor 'dod pa ni dmigs par 'dod pa ste/ dmigs par 'dod pa nyid ni rgyu nyid brjod par 'dod ces bya ba ni/ byed pa po dang byed pa dag byed pa dang ldan pa zhes bya ba kho na bsdu'o//dmigs pa'i mtshan nyid kyir gyur pa'i spyi ni gsal ba ma gtogs par mi dmigs pa'i phyir yod pa ma yin no zhes bya ba ni ngag gi don yin no/ /mi dmigs pa nyid du khas blangs pa ni de mthong ba la brten pa ste/ spyi mthong ba la brten pa'o/ /sgra dang ngo bo shes pa la sogs par mi 'gyur ro zhes bstan to zhes bya bar sbyar ro//don mang po dag la brjod pa gcig gi sgra yin la/ rnam pa 'dra bar shes pa ni ngo shes pa'o/ /sogs pa'i sgras ni spyi rten gsal ba la 'jug par mi 'gyur ro zhes bya ba la sogs pa gzung ngo / / bdag nyid ma dmigs par gyur na dmigs pa'i rgyur 'gyur na sgra dang ngo shes pa ni gzhan la 'jug pa ni ma yin no/ /mi 'gyur ro zhes bya ba la sogs pa la/ sogs pa'i sgra 'dis kyang sngar bshad pa'i nyes pa gzhan dag kyang gzung ba yin te/ gzhan gyis kyang gzhan dag dang mtshungs pa ni ma yin gyi/de dang ldan pa dag tu ni 'gyur te zhes bya ba dang / de bzhin du rigs ni bzhon pa dang bzho ba la sogs pa 'ga' la yang nye bar gnas pa ma yin no zhes bya ba la sogs pa gang bstan pa yin no/ /'dis ni 'di skad du/ rigs kyi rnam par rtog pa dag la gnod pa can gyi tshad ma yod pa de bas na/de'i rgyu can gyis sgra la sogs pa ni ma yin gyi/ 'bras bu gcig pa can nyid la ni 'gal ba med pa'i phyir des byas pa nyid kyi sgra dang ngo shes pa la sogs pa rigs pa yin no/ /sun 'byin pa gzhan la bstan pa'i phyir 'on kyang zhes bya ba la sogs pa smos te/spyi dngos por gyur pa 'dod pas bdag nyid kyis rten du ma la de gnas par 'dod par bya ste/ de bas na gnas pa med pa dag ni rten gyi sgra la sogs pa dag gi rgyur mi rigs so/ /rang gi rten la gnas pa'i spyi de yang brten pa ma yin par 'gyur te/ de'i stobs kyis gnas pa'i phyir ro/ /rten gyi stobs kyis dmigs pa ni gsal ba yin te/ de la gnas par 'gyur na de gnyis ka yang spyi de la mi rigs so/ /gang gcig po de ni zhes bya ba la sogs pa 'chad par byed de/ gang gcig po de yang spyi dngos por gyur pa'o//du ma la ste rten la gnas pa na'o/ /mnyan pa gcig 'jug par byed pa ni rang gi rten la 'jug par byed pa'o/ /de ni spyi'o rten gcig la 'jug pa 'di gang yin zhes dri ba bkod nas bdag nyid brtan pa gnyis byed pa ni/ dper na zhes bya ba la sogs pa smos te/yang na spyi'i sgra ni spong bar byed/ 'jug pa 'di la 'ga' yang med do zhes bya ba'i don to/ /de ltar gnas pa ni rang gi rten la brten pa yin par 'gyur te dper na 'khar gzhong ste rten la rgyu shug gi 'bras bu gnas pa lta bu'am/ spyi de'i rten la gnas pa ni gsal ba yin par 'gyur te/rten de rnams kyis gsal bar bstan pa'i phyir ro/ /de la gal te gnas pa brten pa nyid yin par 'dod pa de'i tshe gsal ba de'i rten nyid du 'dod par bya'o/ /rtag pa yang spyir khas blangs pa de'i phyir rten rnams kyi phan btags pa med pa'i gtan tshigs kyis rten du 'dod pa'i gsal ba dag ni rtag pa'i rten ma yin no//rtag pa zhes bya ba la sogs pas 'chad par byed de/ 'on te brtag par mi 'dod pa de'i tshe yang mi rtag pa nyid ni gzhan dang gzhan las skyes pa ste/ cig shos dang cig shos las skyes pa'i phyir dang /spyi du ma nyid ni du ma nyid kyi phyir dang / khyad par bzhin du ste/ khyad par rnams dang 'dra bar spyi de la shes pa gcig dang mi ldan pa'i phyir te/ shes pa gcig dang mi ldan pa'i rgyu'i phyir rtag pa ni spyir 'dod de zhes bya ba 'di dang sbyar ro/ /rtag pa la yang ci zhig byed pa na/rten de gzhir 'gyur ba med pa kho na yin no zhes bsams so/ /phan 'dogs par byed pa nyid kyi phyir ni rten ma yin gyi 'on kyang rten de la spyi de'i 'phrod pa 'du ba yin pa'i phyir ro// //bam po bcu drug pa/ phan gdags par bya ba dang phan 'dogs par byed pa nyid med pa la ni 'phrod pa 'du ba mi srid pa bstan pa'i phyir/'phrod pa 'du ba zhes bya ba la sogs pa smos te/ rten dang zhes bya ba la sogs pa ni pha rol po'i yin te/ yul tha dad pa med par grub pa ni tha mi dad par grub pa dag ste/ de dag gi rten dang brten pa'i dngos po gang yin pa de'i 'phrod pa 'du ba'o//phan 'dogs par mi byed ces bya ba la sogs pa ni grub pa'i mtha' smra ba ste/ phan 'dogs par mi byed pa'i rten te/ gzhi de nyid ni 'dir bsam par bya ba yin no/ /ci'i phyir zhe na/ shin tu thal bar 'gyur ba'i phyir ro//gal te phan 'dogs par byed pa ma yin pa yang rten nyid du 'dod na/ de'i tshe thams cad thams cad kyi rten du 'gyur na/ de ltar yang ma yin no/ /de'i phyir 'phrod pa 'du ba dang zhes bya ba la sogs pa la/ tha mi dad par grub pa dag ni 'phrod pa 'du ba dag yin te/dper na brtsam par bya ba dang / rtsom pa po dag lta bu'o/ /tha dad par grub pa dag ni ldan pa yin te/ dper na me dang du ba dag lta bu'o/ /don gcig pa 'phrod pa dang ldan pa ni don gcig la 'phrod pa dang ldan pa ste/dper na rdzas gcig la gzugs dang ro dag lta bu'am/ rdzas gcig la rgyu dag ni 'phrod pa dang 'du ba yin te/ dper na lus la rkang pa dang lag pa lta bu dag go/ /sogs pa'i sgra ni rje khol nyid kyi 'brel pa la sogs pa yongs su gzung ngo / /dngos por gyur pa'i 'brel pa'am/dngos po dag gi 'brel pa zhes bya ba ni go rims bzhin du khyad par gyi bsdu ba'am/ drug pa'i bsdu ba'o/ /dngos po smos pa ni rtog pas byas pa bzlog pa'i phyir ro/ /rgyu dang 'bras bu'i dngos po las tha dad pa ma yin no zhes bya ba de nyid bsgrub pa'i phyir/ gcig la gcig gam zhes bya ba la sogs pa smos te/gcig la gcig te/ phan tshun nam rten du mngon par 'dod pa gzhan gyis phan btags pa med pa'o/ /phan btags pa med pa ni rag lus pa med pa'i phyir te/ ltos pa med pa'i rgyu'i phyir dngos po thams cad kyi 'brel pa dag kyang rgyu dang 'bras bu'i dngos po las tha dad pa ma yin no zhes bya ba'i skabs dang sbyar ro//rten gyis phan btags pa yod du zin kyang brten pa dag ni gcig phan gdags par bya ba dang / phan 'dogs par byed pa'i dngos po med pa nyid ma yin nam/ ci'i phyir zhe na/gcig la gcig gam gzhan dag gi ces gnyi ga bkod ce na/ de ni bden te 'on kyang gal te gzhan mngon sum du phan 'dogs par byed pa ma yin pa de ltar na yang / rgyu gcig la ltos pa nyid las brgyud pas kyang 'brel pa kun du rtog pa yin pa'i phyir bkod pa yin no//gal te yang phan tshun phan gdags par bya ba dang / phan 'dogs par byed pa'i dngos po ni/ don gcig la 'phrod pa 'du bdag tu mi 'dod ce na/ gal te yang zhes bya ba la sogs pa smos so/ /de bas na rten gcig gis phan 'dogs par byed pa'i dngos po med pa la/ji skad du bshad pa'i nyes pa thal bar 'gyur ba'i phyir ro zhes bya ba ni shin tu thal ches par 'jigs pa'i phyir ro zhes bya ba ni nyes pa bstan pa yin no/ /gang gi phyir rang gi rten las don gcig la 'phrod pa 'du ba dag ni gdon mi za bar phan 'dogs par byed pa'i rang gi rten gyis byas pa yin pa de bas na/'phrod pa 'du ba dag ni bdag nyid la phan par byed pa ste/ rang nyid la phan par byed pa gang yin pa de'i sgo nas blos gzhan 'phrod pa 'du ba gnyis pa la yang 'brel nas/ ston pa pos 'di dang 'brel pa ni 'phrod pa 'du ba brjod pa yin no//gang gi phyir de lta yin pa de bas na/ don gcig dang 'phrod pa 'du ba de la yang rgyu dang 'bras bu'i dngos por byas pa kho na ste/ rten dang bcas pa'i rgyu dang 'bras bu'i dngos po gang yin pa des byas shing des sbyar ba kho na rag lus pa'i 'brel pa yin no//gang gi phyir phan 'dogs pa'i sgo nas rten la sogs pa'i dngos po yin pa de bas na/ khra bo la sogs pa'i rten 'di ni spyi ltos pa med par rang gi bdag nyid spyi'i rang bzhin la phan par mi byed pas na rten zhes bya ba des ni g.yar por byas pa'i rgyan lta bu'o//'dis brgyan pas na zhes bya ba'i dbang du byas nas rgyan ni spras pa'o/ /de dang g.yar po byas pa'i sgra las 'dzin pa'i bsdu ba bya'o/ /dper na dbul po bdag nyid la med par gzhan dag las 'phral du g.yar po byas pa'i rgyan lta bur spyi'i rten yang spyi'i don gyi rten yin pa de dang 'dra'o//yang na rgyan gyi sgra gsum pa'i bsdu ba dang ngo bo bsgrub pa yin te/ ji ltar g.yar por byas pa'i rgyan lta bur brgyan par byas pa de bzhin du/ spyi rten ni gzhan la g.yar po byas pa dang 'dra bar rten gyi dngos po bstan pa yin gyi/dngos por gnas pa ni ma yin te/ des phan btags pa med pa'i phyir ro/ /'on te zhes bya ba la sogs pa ni pha rol po'i yin te/ 'khar gzhong ni rgya shug gi 'bras bu dag gis skyed par byed pa ma yin te/ de dag ni rang gi rgyu kho na las skyes pa'i phyir ro//de bas na 'brel pa thams cad kho na ni rgyu dang 'bras bu'i dngos po las tha dad pa ma yin no zhes bstan pa gang yin pa de ni ma nges pa kho na yin snyam du sems pa'o/ /ltung ba'i tshul can gyis zhes bya ba la sogs pa ni grub pa'i mtha' smra ba yin te/yul gzhan du rnam par 'pho ba'i ngang tshul can gyi ltung ba'i tshul can rgya shug gi 'bras bu la sogs pa'i de'i yul skyed pa rgya shug gi 'bras bu'i skad cig ma nye bar len par 'gyur ba'i 'khar gzhong dang 'brel pa'i yul gang yin pa'i yul de nyid du skyed pa ni gzhan du 'gro bar mi byed pa'i phyir/'di ni rgya shug gi 'bras bu la sogs pa brten pa dag la rten du 'dod pa'i 'khar gzhong la sogs pa dag gi nus pa yin no/ /rdzas lci ba zhes bya ba la sogs pas 'chad par byed de/ ngo bo nyid ni rang bzhin nyid kyis so//yul mi 'dra ba can gang yin pa de la de skad ces bya te/ rang bzhin gyis sgra la ltos par gyur pa na yang go bar byed pa nyid yin pa'i phyir 'bru mang po pa yin no/ /de lta bur gyur pa yang yin la 'bras bu yang de yin pas zhes bya ba ni las 'dzin pa'o//'bras bu yang rgya shug gi 'bras bu la sogs pa ste/ skad cig ma phyi ma phyi mas bsdus pa'o/ /de skye ba de nyid kyi chos kyi ngo bo gang la rdzas lci ba rgya shug gi 'bras bu la sogs pa'i skad cig ma snga mas bsdus pa yod pa'i yul 'dra bar 'bras bu skyed pa nyid ni rten gyis byas pa ste/bdag nyid la yang tshul mtshungs pa'i 'bras bu skye ba ni rten gyis byas pa yin no zhes bya ba'i don to/ /gang gi phyir de lta yin pa de bas na rgya shug gi 'bras bu phyis 'byung ba'i nye bar len pa'i rgyur gyur pa'i skad cig ma gang yin pa de'i lhan cig byed pa'i 'khar gzhong ni de nyid la ste/nye bar len pa'i yul gyi skad cig ma nyid la rgya shug gi 'bras bu skyed pa na 'khar gzhong la brten zhes bya'o/ /gzhan du na gal te 'khar gzhong gis rgya shug gi 'bras bu dag la ji skad du bshad pa'i phan pa mi byed pa de'i tshe/'khar gzhong 'di la 'bras bu dag ces bya ba de lta bu'i tha snyad du mi 'gyur te/ rten nges pa'i tha snyad ni rgyu mtshan med par mi rung ba'i phyir ro/ /de ni 'dir 'khar gzhong 'di la rgya shug gi 'bras bu dag ces bya ba'i phan pa byed pas byas pa'i tha snyad ni ma yin no//'o na ci yin 'khar gzhong dang 'bras bu dag gi ldan pa gang yin pa des byas pa yin no zhe na/ de dag nyid kyi zhes bya ba ni grub pa'i mtha' smra ba'o/ /de dag nyid kyi zhes bya ba ni 'khar gzhong dang rgya shug gi 'bras bu dag gi'o/ /ldan pa zhes bya ba ni/ yang tha snyad kyi rgyu mtshan yod pa ma yin te/ phan gdags par bya ba dang / phan 'dogs par byed pa nyid med pa'i phyir ro zhes bya bar dgongs so/ /'di dag gis zhes bya ba ni pha rol po dag gi ste/ 'khar gzhong dang rgya shug gi 'bras bu de dag gis ldan pa bskyed pa'i phyir de dag la ldan pa zhes bya ba'am/'phrod pa 'du ba yin pa'i phyir zhes bya ba ni rgyu gnyis pa ste/ 'khar gzhong dang rgya shug gi 'bras bu dag ni ldan pa'i 'phrod pa 'du ba yin pa'i phyir de dag la ldan pa zhes bya'o/ /gnyis po kho nas ldan pa bskyed pa dang / gnyi ga la 'phrod pa 'du bar pha rol pos bstan pa na/grub pa'i mtha' smra bas mi bzod pa de zhes bya ba la sogs pa smos pa de ni ldan pa'o/ /gcig nyid la ni 'khar gzhong dang rgya shug gi 'bras bu la'o/ /'phrod pas 'du ba ci mi skyed dam zhes bya ba ni/ 'khar gzhong dang rgya shug gi 'bras bu gcig gis so//gal te 'khar gzhong dang rgya shug gi 'bras bu zhes bya ba'i dngos po dag ni ldan pa skyed pa'am/ rten gyi dngos por nye bar 'gro bar nus pa'i rang bzhin so so ba de'i phyir ci'i phyir gzhan dang gzhan la ltos zhes bya ba 'di ni 'dri ba po'i bsams pa'o/ / gal te so so'i nus pa med la de gnyis phan tshun bcas pa nyid ni nus pa yin no zhe na/ tha dad pa zhes bya ba la sogs pa smos te/ 'khar gzhong rgya shug gi dngos po tha dad pa'i nus pa med pa de ni phan tshun bcas pa yin du zin kyang / de 'dra ba kho na nus pa med pa de nyid de skad cig ma nyid ma yin pa'i phyir zhes bsams pa'o//skad cig ma so so tha dad pa ni nus pa med pa yin la/ phyis lhan cig byed pas byas pa'i khyad par dang bcas pa dag ni nus pa yin pa'i phyir 'gal ba med do/ /de bas na 'khar gzhong dang rgya shug gi 'bras bu'i dngos po la phan 'dogs pa med pa'i phyir ldan pas de dang ldan par mi 'gyur ro//pha rol pos bcas pa la zhes bya ba la sogs pa smos te/ bcas pa la zhes bya ba ni 'khar gzhong dang rgya shug gi 'bras bu la'o/ /gzhan de las phan pa byed pas zhes bya ba ni 'khar gzhong de las gang gzhan pa ni rgya shug gi 'bras bu'i bdag nyid de/de las 'khar gzhong la phan par byed pa'i phyir ram/ rgya shug gi 'bras bu las gzhan pa ni 'khar gzhong yin la/ de las rgya shug gi 'bras bu la phan pa byed pas khyad par du 'byung ba'i rgyu'i phyir/ 'khor gzhong rgya shug gi 'bras bu dang bcas pa dag ni ldan pa bskyed pa'am/rten gyi ngo bo la nye bar 'gro ba la nus pa yin gyi yan gar ba dag la ni ma yin no/ /bskyed par bya ba zhes bya ba la sogs pas ni slob dpon gyi yin te/ rgya shug gi 'bras bu dag bskyed par bya ba ma yin pa nyid 'khar gzhong la sogs pa dag ni skyed par byed pa ma yin pa nyid yin na/phan par byed pa 'di yang ci yin te/ yod pa yin pa kho na'o/ /gal te ji ltar bskyed par bya ba dang skyed par byed pa nyid kho na nyid ma yin zhe na/ rang gi ngo bo zhes bya ba la sogs pa smos te/rgya shug gi 'bras bu'i rang gi ngo bo rang gi rgyu gzhan kho na las grub pa'i phyir dang / 'bras bu ma yin pa'i phyir rgya shug gi 'bras bu dag ni skyed par byed pa ma yin la/ 'khar gzhong yang skyed par byed pa nyid ma yin no zhes bya bar dgongs so/ / gzhan dag ni 'khar gzhong la sogs pa la rgya shug gi 'bras bu la sogs pa'i rang gi ngo bo ni skye bar mi 'dod de/ de dag ni rang gi rgyu kho na las skyes pa'i phyir ro/ /'khar gzhong gis rgya shug gi 'bras bu'i ngo bo byed pa ni ma yin mod kyi 'on kyang de las ngo bo gzhan yin no snyam pa de bas na gzhan gyi ngo bo zhes bya ba la sogs pa smos te/de la zhes bya ba ni brten pa la'o/ /don gzhan gyis byas pa la ni don gzhan gyis phan par byas par 'gyur ba med do/ /rnam pa gnyi ga yang zhes bya ba ni rang gi ngo bo dang gzhan gyi bya ba dag bdag gis bstan ma thag pa'i rnam par 'khar gzhong la sogs pa ni cung zhig kyang byed pa med pa'i phyir ro zhes bya ba de dag kyang mang du bstan to//mang ba'i sgra ni phal che ba'i tshig yin te/ phal cher bshad pas na mang du bstan pa'o/ /don 'di yang 'di de rnams de rnams kyi 'bras bur 'gyur/phan 'dogs gang yin bskyed pa yin/ /zhes bya ba la sogs pa rgyas par bshad do/ /gzhan dag ni mang po'i sgra 'dra ba'i don du smra ste/ bshad pa dang 'dra bas na 'dra bar bstan pa te/ gong du bshad pa'i rten gyis byas pa'i spyi'i rang gi ngo bo la phan 'dogs par byed pa dang /brten pa la phan 'dogs par byed pa 'khar gzhong la sogs pa byas pa 'di ni mtshungs pa yin no zhes bya ba'i don to/ /de bas na dngos po thams cad ces bya ba la sogs pa mjug sdud pa yin te/ dngos po thams cad kyi 'brel pa ni rgyu dang 'bras bu'i dngos po ni rgyu'i phyir rnam par gzhag par bya'o zhes bya bar sbyar ro/ /gal te de dag gi rnam par dbye bar mi 'gyur ro zhe na/ bskyed par bya ba kho na la zhes bya ba la sogs pa smos te/ rgyus byas pa'i 'bras bu las phan 'dogs pa'i khyad par gang yin pa de'i stobs la zhes bya ba'i don to//'di ltar rgya shug gi 'bras bu la sogs pa rnam par ltung ba'i tshul can gyis chos can rang gi nye bar len pa'i yul la bskyed pa'i mtshan nyid can gyi nye bar mkho bas rten dang brten pa'i ngo bo yin no//sgron mas phan par byas pa rnam par shes pa skyed par byed pa'i nus pa rang gi ngo bo bskyed pa'i mtshan nyid can yin pa'i phyir/ bum pa dang sgron ma la sogs pa dag ni gsal bar bya ba dang / gsal bar byed pa'i 'brel pa yin te/de ltar 'brel pa gzhan dag la yang ci rigs par sbyar ro/ /gang gi phyir rgyu dang 'bras bu nyid ma gtogs par dngos po'i 'brel pa yod pa ma yin pas/ de bas na zhes bya ba la sogs pa smos pa la/ de'i phyir zhes bya ba'o 'khar gzhong ni rgya shug gi 'bras bu la sogs pa skyed par byed pa'i nus pa kho na rten yin no zhes bya bar sbyar ro//gal te spyi'i rten la yang skyed par byed pa'i nus pa nyid kyi rten du yod pa yin no zhes/ de yang zhes bya ba la sogs pa smos te/ de zhes bya ba ni skyed par byed pa'i nus pa'o/ /'di la zhes bya ba ni spyi la'o bskyed par bya ba'i zhes bya ba la sogs pas 'chad par byed de/rang gi nye bar len pa'i byed pa'i yul kho na la skyed par byed pa ste/ rten ngo bo gang la skyed par byed pa'i khyad par gyi mtshan nyid yod pa de la de skad ces bya'o/ /de ni bskyed par bya ba nyid ma yin pa'i phyir ro zhes bya ba ni spyi ni rtag pa nyid kyis bskyed par bya ba nyid ma yin pa'i phyir ro//de med na yang ste/ rten med na spyi gnas pa'i gtan tshigs kyis so/ /rten gyi dbang gis gnas min zhes bya ba ni spyi'o/ /'on kyang zhes bya ba la sogs pas 'chad par byed do//de ni zhes bya ba ni spyi na'o/ /de med na zhes bya ba ni gsal ba med na yang ngo / /spyi ni gsal bas stong pa'i yul gnas pa'i phyir ro/ /gal te gsal bas stong pa'i yul na spyi med par 'gyur ba de'i tshe/ der snga na med pa'i gsal ba skye ba la spyi 'brel par mi 'gyur te/de la gzhan las 'ong ba med de/ bya ba med pa'i phyir ro/ /yul tha dad pa na gnas pa'i gsal ba yang spyi de'i rten yin te/ yul tha dad pa nyid kyi phyir ro/ /gal te spyi ni gcig nyid yin pa'i phyir yul tha dad pa ma yin no zhe na/ 'on te gsal ba thams cad rigs gcig dang ldan pa yin pas yul gcig pa thob par 'gyur ba'am/thams cad rigs dang ldan par mi 'gyur ro/ /gal te gcig cig ji ltar tha dad pa yin zhe na/ 'di ni 'di'i nyes pa gzhan yin no/ /dngos po ltung ba'i chos can zhes bya ba la sogs pas gtan tshigs kyi don ston pa ste/kyang gi sgra ni khas blangs pa ston pa'i don to/ /khas blangs su zin kyang spyi la rnam pa 'di rnam par gzhag par mi nus te/ spyi ni ltung ba'i chos can nyid ma yin pa'i phyir ro zhes bya ba de lta bu ni don nye bar dgod pa'o/ / skyed par byed pa yin pa ni 'jog par byed pa nyid ma yin pa de nyid ni 'di la yang zhes bya ba la sogs pa smos te/ ltung ba'i gegs byed pa 'jog par byed par khas blangs pa 'di la yang gal te rigs pa 'ga' zhig ltung ba'i gegs byed pa la brgal zhing brtag par mi byed pa de'i tshe/skyed par byed pa ma yin du zin kyang 'jog par byed pa yin te/ rang gi brda'i ngor byas nas zhes bya ba bsams pa yin no/ /'dir 'jog pa pos byas pa'i gegs byed pa yin pa de na gzhag par bya ba'i bdag nyid du 'gyur ba'am/ de las don gzhan nam/ltung ba med pa tsam zhes bya ba'i brgal zhing brtag pa srid par 'gyur na/ re zhig bdag nyid du gyur pa ni ma yin te/ de'i rang bzhin gzhan las grub par khas blangs pa'i phyir ro/ /don gzhan yang ma yin no zhes bstan pa'i phyir/ 'jog pa pos zhes bya ba la sogs pa smos te/don gzhan nyid khas blangs par 'gyur na ltung ba'i gegs byed pa'i don gzhan du 'gyur ba de nyid la rten 'di nye bar sbyor ba'i phyir rgya shug gi 'bras bu la sogs pa ltung ba'i gegs byed pa ci yin te/ gnod pa byed pa 'ga' zhig kyang yod pa ma yin no//de bas na 'khar gzhong la sogs pa la gnas pa'i rgya shug gi 'bras bu la sogs pa mi ltung bar 'gyur ro zhes bya bar bsams pa'o/ /gal te rten gyis byas pa'i ltung ba gegs byas pas rgya shug gi 'bras bu la sogs pa ltung ba med pa yin no zhe na/gegs byed pa las mi ltung ba yin na zhes bya ba la sogs pa smos te/ gegs byed pa zhes bya ba ni dngos po las rgya shug gi 'bras bu la sogs pa mi ltung bar khas blangs pas na/ brgal zhing brtag par mtshungs pas te/ gegs byed pa zhes bya ba'i dngos pos mi ltung bar byas pa gang yin pa de ni ci rgya shug gi 'bras bu la sogs pa'i bdag nyid du gyur pa'am don gzhan nyid yin na/de nyid la 'di nye bar sbyor ba'i phyir zhes bya ba la sogs pa thams cad mtshungs pa yin no/ /'on te mi ltung ba zhes bya ba'i don des rgya shug gi 'bras bu la sogs pa mi ltung bar byas pa de la yang brgal zhing brtag pa mtshungs pa ni/thug pa med par 'gyur ba zhes bya ba smos so/ /de bas na zhes bya ba la sogs pa ni phyogs gsum pa nye bar bkod pa yin te/ ltung ba med pa de gang zhig gis ji ltar byed de/gang gis kyang byas pa med de med pa zhes bya ba med pa nyid kyi phyir ro zhes bya ba bsams so/ /'o na gal te ji ltar dngos po med pa byed ces bya ba bstan ce na/ dngos po med pa zhes bya ba la sogs pa smos te/ dngos po med pa byed ces bya ba'i sgra la dngos po med pa zhes bya ba 'ga' zhig kyang yod par mi 'dod do//ci'i phyir zhe na/ de ni zhes bya ba la sogs pa smos te/ de ni zhes bya ba dngos po med pa bya ba nyid yin pa'i phyir dngos po nyid du 'gyur ro snyam du bsams pa'o//gang gi phyir de lta yin pa de bas na dngos po med pa byed pa ni dngos po'i bya ba gang yin pa de 'gog pa ston pa yin no/ /de nyid gsal ba'i phyir dngos por mi byed ces bya ba smos te/ dngos por mi byed ces bya ba'i dag 'di'i don ni dngos po med pa byed ces bya ba 'di'i yang de tsam kho na'o zhes bya ba'i don to//de ltar na zhes bya ba ni ltung ba'i gegs byed pa med pa tsam nyid do/ /'di ni 'khar gzhong la sogs pa'o/ /de'i phyir ni rgyu de'i phyir ro/ /'di ni zhes bya ba ni 'khar gzhong la sogs pa'o/ /'khar gzhong la sogs pa'i rten 'ga' zhig gis ltung ba las gegs ma byas shing ma bzlog pa gang gi tshe/gnas med de rtag tu ltung bar 'gyur ba kho na zhes bya ba'i don to/ /de bas na zhes bya ba la sogs pa ni mjug sdud pa ste/ yang gi sgras brten pa'i zhes bya ba'i sgra 'dis kyang dngos po skad cig ma can dag gi skad cig ma snga mas bsdus pa'i nye bar len pa'i yul 'dra ba las skad cig phyi mas bsdus pa 'byung ba dag la bya'o//de'i phyir spyi la yang rnam pa 'di med do zhes bstan pa'i phyir khas blangs nas 'di skad du skyed par byed pa ma yin du zin kyang ltung ba'i gegs byed pa'i phyir 'jog par byed pa yin no zhes bstan to//de nyid mi srid par bstan pa'i phyir skyed par byed pa zhes bya ba la sogs pa smos te/ ltung ba'i ngang tshul can dang rgya shug gi 'bras bu la sogs pa de'i gegs byed pa ste/ ltung ba'i gegs byed pa skyed par byed pa'i rang bzhin can gyis kyang bla'o/ /de byed pa'i phyir ro zhes bya ba ni ltung ba'i gegs byed pa'i phyir ro/ /rdzas 'gro ba dang ldan pa zhes bya ba ni bya ba dang ldan pa'o/ /spyi yang lus can nyid ma yin pa'i phyir/ bya ba med pa'i mtshan nyid can la gnas pa ci zhig byed pas 'jog pa ste/rten du 'gyur zhing gang gis spyi ltung ba med pa de'i gegs byed par gnas par 'gyur/ 'on kyang gnas na ni de'i rang gi ngo bo 'pho ba med pa kho na zhes bya'o/ /rang gi ngo bo 'pho ba med pa de yang rten la rag lus pa ma yin te/spyi ni rtag pa nyid kyi phyir ro/ /khas blangs nas kyang brjod pa ni rten la rag lus pa de yang spyi la gnas pa de'i tha dad pa dang tha dad pa med pa'i rnam par spyod pa ste/ gzhan nyid dang gzhan nyid ma yin pa rnam par spyod par byed pa na spyi'i gnas pa mi rigs pa kho na yin no//rten gyi rgyu can zhes bya ba la sogs pas 'chad par byed de/ rten gyi rgyu can zhes bya ba ni rten la rag las pa nyid do/ /de zhes bya ba ni gnas pa'o/ /de nyid ni spyi las gzhan du gnas pa de'i rten byed pa yin gyi spyi byed pa ni ma yin no//gnas pa de ni spyi la rag lus pa de bas na 'brel ba las spyi la yang phan btags pa kho na yin snyam pa de bas na/ de la yang zhes bya ba la sogs pa smos pa la/ de zhes bya ba ni gnas pa don gzhan du 'gyur ba'o//de la spyi la rag lus pa'i rgyu cung zhig kyang yod pa ma yin no/ /spyi'i rten gyis spyi la ci zhig byed par 'gyur zhes bya bar khong nas dbyung ngo / /gal te gnas pa ni spyi la rag lus par khas blangs pa kho na yin no zhe na/ rag las pa kho na zhes bya ba la sogs pa smos te/rag lus pas yang khas blangs pa'o/ /gal te gnas par byed pas so zhe na zhes bya ba ni rten gyis bskyed pa'i gnas pa gang yin pa'i gnas pa de'i gnas pa ni spyis byas pa de bas na/ rten gyis bskyed pa'i gnas pa de ni spyi la rag las pa zhes bya ba'o//de la yang ste gnas pa'i gnas byed pa las thal bar 'gyur ba mtshungs pa yin no/ /rten la rag lus pa'i gnas pa'i de spyis byas pa gang yin pa de la rten gyi rgyu can gyi gnas pa'i bdag nyid du 'gyur ba'am tha dad par 'gyur grang na/bdag nyid du 'gyur ba yin na ni rten kho nas de byas pa de yin pa'i phyir ci ltar na spyis byas pa yin/ tha dad pa nyid yin na yang gnas pa de nyid ni spyis byas pa'i phyir rten gyis bskyed pa'i gnas pa dang po la spyis ci zhig byas par 'gyur/ 'on te spyis gnas pa gnyis pa byas pa gang yin pa de ni rten gyis bskyed pa'i gnas pa la rag las pa de'i tshe/rag las pa zhes bya ba de ji lta bu zhig brjod par bya/ spyis bskyed pa'i gnas pa la rten gyis bskyed pa'i gnas pas gnas pa gzhan gsum pa byed pa yin no zhe na/de la yang thal bar 'gyur ba dang thug pa med par mtshungs par 'gyur ro/ /thug par 'gyur ba de bas na rten gyis bskyed pa'i gnas pa la spyis byas pa'i phan par byed pa nges par mi gzung ba'i phyir/ 'di'i ste spyi'i 'brel pa dang ldan pa 'di ni rten gyis bskyed pa'i gnas pa yin no zhes bya bar shes par mi 'gyur ro//gal te skyed par byed pa yin no zhe na zhes bya ba ni/ rag lus pa zhes bya ba'i skabs yin te/ spyis rten gyis bskyed pa'i gnas pa'i gnas pa gzhan byas pa'i ni ma yin gyi/'on kyang de nyid kyis dang po'i gnas pa bskyed pa de'i tshe/ spyi yan gar ba'i nus pas gnas par byed par 'gyur bas gnas pa byed pa'i phyir khra mo la sogs pa'i rten la ltos pa ci zhig bya ste/ phan mi 'dogs pa la ltos pa ni mi rung ngo //gang gi phyir ltos pa zhes bya ba ni de la rag lus pa ste/ dngos po 'di la 'di ltos pa zhes bya ba la ltos pa gang yin pa de ni ltos par bya ba 'di dang 'brel cing de la rag lus pa nyid do/ /rag lus pa de yang rtag pa nyid kyi phyir khyad par du byar med pa la mi rigs pas spyi yan gar bas gnas bskyed pa'i phyir gnas pa'i rgyu gzhan te/rten yod pa ma yin no/ /de bas na gnas pa byed pa'i phyir spyi'i gzhi ni rten yin no zhe na bya ba de ni rigs pa ma yin no zhes bsams pa'o/ / de ltar de yang tha dad tha dad med/ rnam par spyod pa zhes bstan pa gang yin pa de las re zhig tha dad pa'i phyogs gsal nas gnyis pa la phyogs brten pa ni/ spyi las zhes bya ba la sogs pa smos te/ spyi la gnas pa tha dad pa med par khas blangs pa na yang /gnas pa'i ngo bo de ni spyi de'i rang gi ngo bo kho na yin te/ spyi'i rang gi ngo bo de yang rtag tu yod pa'i phyir spyi 'di ni rten 'ga' zhig gis kyang gnas par byed pa ma yin no/ /gang gi phyir de lta yin pa de'i phyir zhes bya ba la sogs pa la/ de'i phyir zhes bya ba la sogs pas mjug sdud pa yin te/ de'i phyir zhes bya ba ni de bas na'o/ /'di'i zhes bya ba ni spyi'i'o/ /de bas na 'di skad du/ gnas pa rten dang gsal ba yin/ /zhes bya bas phyogs gnyis bshad pa de la dang po sun phyung nas phyogs gnyis pa brten pa ni/'on kyang zhes bya ba la sogs pa smos te/ 'on kyang gsal ba ma yin pa/ /zhes bya ba ni gsal bar gyur pa ma yin pa'o/ /gsal ba zhes bya ba ni rten gyis so/ /shes pa'i rgyur gyur pa'i phyir de'i gsal ba la rten des gsal ba gang yin pa de nyid rten de la spyi gnas par 'gyur na'o//slob dpon gyis de ltar zhes bya ba la sogs pas bstan to/ /bdag nyid rang gi yul la rnam par shes pa skye ba de la rung ba nus pa de'i phyir/ gzhan gyi ngor byed pa rgyu gzhan la ltos pa dang bcas pa'i dngos po gang yin pa de ni gsal bya yin par grags pa/rang gi yul las shes pa bskyed par rung ba de'i yang sgron ma la sogs pa byed pa po gang yin pa de ni gsal bya'i rgyu de nyid de skyed pa po kho na yin te/ bum pa la sogs pa sngar rung ba ma yin pa'i phyis rnam par shes pa bskyed pa'i phyir ro//gal te sgron ma la sogs pa nye ba las kyang bum pa la sogs pa dang po nyid nas kyang rang gi rnam pa can gyi rnam par shes pa bskyed par rung ba de'i tshe/ dang po nyid nas bum pa la sogs pas 'di rung ba nyid de la ltos pa zhes bya ba sgron ma la sogs pa la ltos pa'o//'gyur ba med pa'i spyi ni rtag pa nyid kyi phyir ro/ /de ni zhes bya ba ni ji skad du bshad pa'i gsal bya'i mtshan nyid do/ /spyi dang ldan pa zhes bya ba ni rten te gnas gang kho na las zhes bya ba'i don to/ / gzhan zhes bya ba ni rang gi rgyud la gzhan pa'i dngos po nyid skyed par byed pa la gsal bar byed pa zhes bya'o/ /ci 'dra ba zhig ce na rang gi yul la rnam par shes pa bskyed pa'i nus pa rigs mthun pa nye bar len pa la ltos pa zhes bya ba la rang gi rgyud kyis bsdus pa'i skad cig ma snga ma la ltos pa dang bcas pa ste/dper na mun pa na gnas pa'i bum pa skad cig ma la ltos pa rnam par shes pa bskyed nus pa'i bum pa skad cig ma phyi ma skyed par byed pa'i gsal bar byed pa yin pa lta bu'o/ /ltos pa med pa zhes bya ba ni dper na sgra rigs mthun pa'i nye bar len pa la ltos pa med par rang gi yul la rnam par shes pa skyed par byed pa ni gnas dang byed pa'i tshogs pa yin no//snga na sgra yod pa ni ma yin na gang gis na rigs mthun pa'i ltos pa'i sgra yod par 'gyur/pha rol po dag gi sgra ni gsal bar 'dod pa'i phyir de skad du bstan to/ /gal te byed pa po kho na gsal bar byed pa yin no/ /'o na ni byed pa po dang gsal bar byed pa'i rgyu dag la khyad par ci zhig yod snyam pa de bas na/ gzhan dag tu ni zhes bya ba la sogs pa smos te/gsal bar byed pa las gzhan du byed pa po nyid du 'dod do zhes bya ba'i don to/ /bskyed par bya ba la shes pa bskyed pa'i nus pa phangs pa med pa zhes bya ba ni rang gi yul la rnam par shes pa bskyed par nus pa kho na'i 'bras bu sa bon la sogs pa'i byed pa pos skyed pa ma yin pa de'i phyir/skyed par byed pa tsam gyi rgyu nyid de/ rang gi yul la rnam par shes pa skye ba'i nus pa'i 'bras bu bskyed pa'i mtshan nyid kyi khyad par gyis gsal bar byed pa nyid yin no/ /gal te yang gsal bar byed pa las gsal bar bya ba rnam par shes pa skyer rung ba nyid so sor thob pa de lta na yang skyed pa ma yin no zhe na/gal te gang las zhes bya ba la sogs pa smos pa la/ gang las zhes bya ba ni gsal bar byed pa las so/ /de zhes bya ba ni gsal bar ba ba'o//de'i zhes bya ba ni gsal bar byed pa'i'o/ /de ni zhes bya ba ni rung ba nyid do/ /'di'i zhes bya ba ni gsal bar bya ba'o/ /gsal bar byed pa nye ba'i phyir dang po nyid nas yod pa ste/ gang gi phyir de ni gsal bar bya ba'i rang bzhin du gyur pa yin no//ji ltar gsal bar bya ba'i dang po nyid nas yod pa de ltar de'i rang bzhin du gyur pa rung ba nyid kyang yod pa yin no/ /de la ltos pa ma yin zhes bya ba ni gsal bar byed pa la'o/ /gal te rung ba ni gsal bar bya ba las tha dad pa nyid du gsal bar byed pas byas pa yin no zhe na/'di gzhan du zhes bya ba la sogs pa smos pa la/ 'di ni zhes bya ba ni rung ba nyid na'o/ /de nyid ces bya ba ni rung ba nyid do/ /de la zhes bya ba ni gsal bar byed pa las so/ /gnas pa bzhin du thal bar 'gyur ba ni gal te gzhan yin pa de nyid de'i rten byed pa yin la zhes bshad pa gang yin pa de 'dir yang thob par 'gyur ro//de zhes bya ba ni gsal bar bya'o/ /gzhan yang byed pa ma yin pa ni gsal bar bya ba las gzhan te byed pa la gang gsal bar bya ba ni cung zhig kyang med pa'i phyir ro//ltos par bya ba yin no zhes bya ba 'dis ni phan 'dogs pa nyid bstan la/ cung zhig kyang mi byed pas ni de 'gog pa ma yin pa de bas na de ni 'gal ba yin no/ /skyed par byed pa kho na gsal bar byed pa yin no zhes bshad pa gang yin pa de la/'bras bu nyid yin pa'i phyir zhes bya ba la sogs pas 'khrul pa bstan pa ni/ du ba ni me'i skyed par byed pa nyid ma yin mod kyi/ 'on kyang de'i 'bras bu nyid yin pa'i phyir gsal bar byed pa yin no/ /sogs pa'i sgras ni chu la chu skyar la sogs pa'o//gsal bar byed pa yin pa ni zhes bya ba la sogs pa ni lan yin te/ du ba'i rtags la ltos pas me ni rang ste/ bdag nyid kyi mtshan nyid la rnam par shes pa skyed par byed pa ni ma yin no/ /ci'i phyir zhe na/de lta bur gyur pa rjes su dpag par bya ba nyid du 'dod pa'i me ni mngon sum du skyed par byed pa nyid ma yin pa'i phyir ro/ /gzhan du na me'i rang gi mtshan nyid kyi rnam pa can nyid yin pa'i phyir mngon sum kho nas de shes par 'gyur te/ brgyud pas 'brel pa ni yod pa yin te/de skad du me'i rang gi mtshan nyid ni du ba skyed par byed pa yin la/ du ba dang du ba shes pa de las ni shes par 'gyur ro zhes bya ba yin pa de nyid kyi mngon sum du zhes bstan to/ /de la zhes bya ba la sogs pas nye bar len pa'i rgyu de nyid de mngon sum du skyed par byed pa yin no zhes ston par byed do//nye bar len pa ni brtags shes pa'o/ /yul gyi stobs kyis ni ma yin te zhes bya ba ni me'i rang gi mtshan nyid kyi stobs kyis ni ma yin no/ /ci'i phyir zhe na/ med du zin kyang de la ste me shi nas yun ring zhig lon du zin kyang me shes pa yod pa'i phyir ro//ji ltar zhe na/ brgyud pas zhes bya ba la sogs pa la/ rtags kyi rjes su 'brang ba ni rjes su dran pa'i rnam par rtog pa ste/ de'i sgo nas so/ /'di ltar 'ga' zhig du ba mthong bar 'gyur ba'i skyes bu 'ba' zhig la/du ba dang me med du zin kyang der rnam pa 'ga' zhig gi du ba rjes su dran pa'i rnam par rtog pa skye la/ phyis rjes su 'gro ba dang ldog pa rjes su dran pa las 'di na du ba yod pa de bas na 'di na yang me yod do snyam pa de lta bu'i brgyud pas me'i shes pa skye ba kho na yin no//spyi zhes bya ba la sogs pa sngar bshad pa 'di nyid la sbyor bar byed de/ spyi'i rnam par snang ba can gyi rjes su dpag pa'i shes pa'i yul skye ba can ma yin pa ni yul zhig pa dang ma skyes pa la yod pa'i phyir ro/ / gang gi tshe yul nye ba yin pa de'i tshe yang / yul gyi stobs kyis skye ba ma yin no zhes bya ba de ni gong du rnam par rtogs rnam pa don dang 'brel par nges pa med pa'i phyir rnam par rtog pa ni don ji lta ba bzhin du skye ba med do zhes bya ba dang / yod pa dang med pa'i phyir rjes su byed pa'i nus pa yin gyi/snang ba'i phyir ni ma yin te zhes bya ba la sogs pas bstan pa dang / le'u gsum pa las rnam par mi rtog pa sgrub pa'i skabs su yang ston par 'gyur ro/ /mngon sum du sbyor ba ste rang gi ngo bo la phan 'dogs pa rnam par shes pa skyed pa'i nus pas so//'dir zhes bya ba ni rang gi yul la rnam par shes pa skye ba la'o/ /gzhan la zhes bya ba ni sgron ma la sogs pa la'o/ /de las zhes bya ba ni sgron ma la sogs pa ltos par bya ba las so/ /'di skad du gsal bar byed pa thams cad la skyed par byed pa zhes bya ba ni mi bya'o//'on kyang rang gi rnam pa can gyi shes pa skye ba'i grogs su bstan pa gang yin pa de nyid yin pas de bas na ma 'khrul pa yin no zhes bstan par 'gyur ro/ /spyi yang rang gi rnam pa can gyi shes pa bskyed pa'i phyir rten la rag lus pa de ltar gsal bya yin par 'dod pa de bas na/des rten las bdag dmigs su rung ba thob par bya ba yin no/ /bdag nyid thob pa 'di ni spyi gang las kyang yod pa ma yin te rtag pa nyid du khas len pa'i phyir ro//de ni zhes bya ba ni spyi'o/ /pha rol pos ni spyi ni zhes bya ba la sogs pa smos pa la/ rang gi rten la 'phrod pa 'du ba gsal bar smra ba'o zhes bya bar sbyar ro/ /gal te rang gi rten la 'phrod pa 'du ba ji ltar gsal ba yin zhe na/ rang gi rten la zhes bya ba la sogs pa smos pa la/de ni zhes bya ba ni spyi'o/ /gzhan la zhes bya ba ni rang gi rten la'o/ /slob dpon gyis 'dir zhes bya ba la sogs pa smos te/ phan 'dogs par mi byed pa'i rten de nyid 'dir bsam par bya ba la sogs pas bshad pa nyid kyi phyir ro/ / rang gi rten la 'phrod pa 'du bas 'brel pa de ni bdag nyid dam gzhan la rnam par shes pa skye ba'i rgyu yin no zhes smra bas rang gi rten gyi 'du ba 'phrod pa la ltos pa spyi dngos po ni rnam par shes pa'i rgyu yin par 'dod pa de bas na/ rang gi rten la 'phrod pa 'du ba des spyi ni bdag nyid skyed par byed pa kho nar 'gyur ro//ci'i phyir zhe na/ rgyu de ste shes pa'i rgyu'i ngo bo rang gi rten la 'phrod pa dang 'du ba las snga na med pa'i phyir dang / rang gi rten la 'phrod pa dang 'du ba de las rnam par shes pa rgyu'i ngo bo yod pa'i phyir ro/ / gal te spyi ni rnam par shes pa skyed pa'i ngo bo nyid yin pa'i phyir rtag pa yin te/ de ma grub pa yin no zhe na de'i ngo bo zhes bya ba la sogs pa smos pa la/ de'i ngo bo yod pa yin na zhes bya ba ni rnam par shes pa skyed pa'i ngo bo yod pa yin na'o/ /sngar yang zhes bya ba ni rang gi rten la 'phrod pa 'du ba las te gsal bas stong pa'i yul la yang spyi 'ba' zhig las zhes bya ba'i tha tshig go//spyi'i rnam pa can gyi rnam par shes pa skye bar thal ba'i phyir ro/ /gsal ba ni zhes bya ba la sogs pa ni pha rol po'i yin te/ gsal ba ni rten no/ /spyi legs par byas pa ni rung ba nyid du byed pa ste/ gtan tshigs de'i phyir spyi ni gsal bar byed pa ma yin pa gang yin pa des spyi bskyed par bya ba yin par 'gyur ro/ /'o na ci yin zhe na/ de 'dzin pa'i zhes bya ba ni spyi 'dzin pa ste/ legs par byas pas gsal bar byed pa ni zhes bya ba'i skabs yin no/ /slob dpon gyis de yang zhes bya ba la sogs pa smos pa la/ mig sman sogs bzhin zhes bya ba ni chos mi mthun pa'i dpe yin te/ ji ltar mig sman la sogs pa las dbang po legs par byas pa rigs pa yin pa de ltar gsal ba la ni ma yin no//ci'i phyir zhe na/ de ni gsal bar byed pa nyid du 'dod pas gsal bar bya'o/ /de yod med pa'i dus rtag tu/ /zhes bya ba ni bdun pa'i tshig gnyis pa'o/ /rtogs pa ni shes pa'o/ /mig sman la sogs pas zhes bya ba la sogs pa ni 'chad par byed de/mig sman la sogs pas dbang po legs par byas pas bdag du gyur pa 'ga' zhig khyad par du thob par byed do/ /rtogs pa'i phyir te/ rtogs pa'i rgyu mtshan dang shes pa khyad par can bskyed pa'i phyir zhes bya ba'i bar du'o//las dang 'brel pa'i rgyu mtshan gyis/ /zhes bya ba 'dir bdun pa yin te/ 'di ltar rtogs pa rgyu mtshan du gyur pa dang / phul du byung ba las su gyur pa'i rgyu 'bras kyi 'brel pa yod pa yin no/ /gal te de nyid ci'i phyir zhe na gsal ba dang zhes bya ba la sogs pa smos te/rtogs pa'i zhes bya bar rnam par dbye ba bsgyur nas sbyar ba'o/ /de ltar na dbang po rab rib la sogs pas nyams par byas pas rnam par shes pa mi gsal ba skyed par byed de/ de nyid mig sman la sogs pas legs par byas na gsal por gyur par shes pa de bas na/dbang po legs par byas pas rtogs pa'i don du phul du byung ba thob par byed do zhes bya'o/ /gang gi tshe mig sman la sogs pas rtogs pa khyad par med pa de'i tshe/ de mi byed pa yang ste rtogs pa tha dad pa med na yang mig sman la sogs pa ni de nyid dbang po legs par byas pa legs par byed pa nyid ma yin pa'i phyir ro//ji ltar mig sman la sogs pas dbang po legs par byas pa de ltar gsal ba las ni ma yin no/ /ci'i phyir zhe na/ de yod pa dang med pa'i dus rtag tu zhes bya ba la sogs pa smos te/gal te sngar de med pa'i dus su shing la sogs pa dag la rnam par shes pa mi gsal ba skye zhing / phyis gsal ba ba lang nye ba na gsal ba de'i tshe/ dbang po legs par byas pa gsal bar byas pa yin par rtogs na/ji ltar gsal ba ba lang gsal bar byed pa yod pa'i dus na/ shing las ci 'dra bar skye ba de ni med pa na shing la sogs pa la/ de kho na 'dra ba skye ba yin no/ /gal te yul legs par byas pa yod na yang yul gzhan du rtogs pa'i khyad par yod pa ma yin pa de bas na/de yang rigs pa ma yin no zhe na/ yul zhes bya ba la sogs pa smos te/ dri la sogs pa'i yul 'ga' zhig gis legs par byas pa gang yin pa des dbang po khyad par du byed pa yang / gzhan du yul gzhan la dbang po rtogs pa la gal te khyad par yod pa ma yin pa de lta na yang de khyad par du byas pa'i phyir te/yul so sor nges pa de yang khyad par du byas pa'i phyir phan 'dogs par 'gyur te/ gsal bar byas pa'i dbang po legs par byas pa ni phan 'dogs par 'gyur ba ma yin no zhes bya bar sbyar ro//de skad du so sor nges pa'i yul de dag ni rang gi rnam pa can gyi rnam par shes pa sgrub par byed kyi rnam pa gzhan dang ldan pa ma yin pa de bas na/ yul legs par byas pas ni so sor nges pa nyid yin pa'i phyir rang gi yul kho na rtogs pa khyad par can kho na skyed par byed pa yin pas 'gal ba med la/dbang po ni rang gis gzung bar bya ba'i yul gyi khyad par 'dra ba sgrub par byed pa de bas na/ de legs par byas pa ni de'i gzung bar bya ba thams cad la rtogs pa khyad par med pa thob par 'gyur ro zhes bstan par 'gyur ro//gal te gsal ba'i khyad par gyi dbang pos gzung bar bya ba mthong ba'i yul thams cad la shes pa'i rnam pa gsal bar bskyed pa'i phyir dbang po legs par byas pa byed pa ni ma yin gyi 'on kyang gsal ba skye ba las sngar spyi ma mthong ba dbang po'i mthong ba'i nus pa byed pa ste/bya ba'i phyir gsal ba'i khyad par gyis phan 'dogs par byed pa yin no zhe na/ dbang po las 'das pa mthong ba nyid kyi phyir ro/ /dbang po legs par byas pa gsal por shes te/ gsal ba nye ba las gong du nus pa med pa yin la/phyis nye ba na nus pa de lta na gsal ba'i khyad par de ni dbang po las 'das pa spyi zhes bya ba'i don mthong bas ji ltar rtogs pa thams cad du khyad par med par 'gyur te/ khyad par can kho nar 'gyur ro zhes bya ba'i don to/ /'di skad du bstan par 'gyur te/re zhig mi gsal ba mthong du zin kyang rnam par gsal ba mthong ba'i nus pa byed pa'i phyir mig sman la sogs pas byas pa'i legs par byas pas thams cad du dbang po 'di'i gzung bar bya ba'i yul rtogs pa la khyad par du byed par snang na/gang dbang po las 'das pa'i don mthong ba yang ci'i phyir ma yin/ de ltar rdul phra rab la sogs pa dbang po las 'das pa gzhan dag kyang mthong bar 'gyur ro zhes bsams pa'o/ /gal te spyi kho na mthong ba'i phyir dbang po la legs par byas pa byed pa yin pa de bas na ha cang thal bar 'gyur ba med do zhe na/gcig so sor nges pa zhes bya ba la sogs pa smos te/ spyi blta bar bya ba gcig la dbang po legs par byas pa'i so sor nges pa ni gcig so sor nges pa ste/ de khas len na gsal ba'i khyad par khra bo la sogs pa de nyid dang 'phrod pa bas 'brel pa'i spyi gzhan yod pa nyid dang rdzas nyid la sogs pa gang yin pa de mthong ba po legs par byas pa mi 'gyur na yang 'dod de/gal te rang gi bdag nyid kyi 'phrod pa 'du bas 'brel pa'i spyi thams cad mthong ba'i phyir legs par byas pa ni gcig kho na'i ma yin no zhe na/gsal bas kyang zhes bya ba la sogs pa smos pa la/ de dag mthong ba na zhes bya ba ni gsal ba la 'phrod pa 'du bas 'brel pa'i spyi de dag mthong ba na'o//des gsal bar bya ba ni gsal ba des gsal bar bya ba'o/ /mthong ba yang ring nas rdzas tsam mthong ba na rdzas nyid dang yod pa nyid dag nges pa yin du zin kyang ba lang nyid la sogs pa ni ma nges pa yin no/ /gal te ma nges pa gang yin pa de nyid ni mthong ba'i phyir legs par byas pa ma yin no zhe na/smras pa gcig kyang nges par mi 'gyur ro zhes bya bar sbyar ro/ /gcig gi sgra ni gzhan gyi don yin te/ ma nges pa las gzhan nges par 'dod pa'i rdzas nyid la sogs pa yang nges par mi 'gyur ro/ / ci'i phyir zhe na/ dbye ba med pa gsal ba de ni rang gi nyid kyi 'phrod pa 'du bas 'brel pa'i spyi de dag la khyad par med pa'i phyir ro/ /de ni 'ga' zhig dang nye ba ma yin zhing 'ga' zhig dang ring ba yang ma yin pa de bas na/ spyi thams cad ni nges pa'am/ 'ga' zhig kyang nges par mi 'gyur ro//de ltar re zhig gsal bas dbang po legs par byas pa mi 'thad do zhes bstan nas/ da ni khas blangs nas kyang brjod pa'i phyir gal te gsal ba zhes bya ba smos pa la/ gsal bas phyogs gnyi ga la yang rnam par shes pa skye ba'i rang bzhin no zhes bya ba dbang du byas pa'i phyir rnam par shes pa bskyed pa'i rang bzhin las mi 'da' ba'i rgyu'i phyir nus pa ni lhan cig byed pa la ltos pa rigs pa ma yin no//spyi gang la dbang po legs par byas pa'i lhan cig byed pas yod pa de la de skad ces bya'o//de'i ngo bo ni de nyid kyi phyir ro/ /rtag pa nyid kyi phyir byed pa med pa phul du byung ba spyi 'di'i lhan cig byed pa'i don gang yin te/ 'ga' yang med do/ /khyad par du byas pa'i zhes bya ba la sogs pas ldog pa bstan pa yin te/ lhan cig byed pa las khyad par du byas pa'i bdag nyid thob pa'i phyir ro//de la zhes bya ba ni lhan cig byed pa la'o/ /ci'i phyir zhe na/ skad cig ma de dag gis skyed par byed pa'i bdag nyid lhan cig byed pa nye ba las sngar med pa gang yin pa de'i tshe ste lhan cig byed pa de kho na las gyur pa'i phyir ro//de dag nyid ni skad cig ma dag go/ /gzhan gyis ma bsgrubs pa zhes bya ba ni lhan cig byed pas so/ /rang bzhin de ni nus pa'i rang bzhin no/ /spyi yan gar ba lhan cig byed pa dang bral ba de ni snga na rnam par shes pa'i skyed pa'i rang bzhin med par 'gyur ba gang yin pa de ji ltar yang mi 'gyur ro zhes bya bar sbyar ro//rtag pa nyid yin pa'i phyir ro zhes bsams pa'o/ /gzhan yang gsal ba spyi legs par byas pa yod na des bskyed par bya ba yin par 'gyur ba'i phyir/gzhan gyis dbang po legs par byas pa khas len na de lta na yang gsal bas bskyed par bya ba nyid thob pa'i phyir gsal bas zhes bya ba la sogs pa smos pa la/ de'i lhan cig byed pa can gyis zhes bya ba ni gsal bas dbang po legs par byas pa'i lhan cig byed pa can gyi spyi ni rnam par shes pa'i rgyu yin pa de ltar khas len pa ni yang gsal ba'i 'bras bu dbang po'i 'bras bu nyid yin pa'i phyir spyi ni brgyud pas gsal ba'i 'bras bu nyid du bstan par 'gyur ro// //bam po bcu bdun pa/re zhig gsal ba ni spyi'i gsal bar byed pa yin kyang bla ste/ de ni rigs dang ldan pa nyid du rigs pa ma yin te/ ha cang thal bar 'gyur ba'i phyir/ gzhan yang zhes bya ba la sogs pa smos te/ gal te rigs te spyi rnams dang / gsal ba'i khyad par gsal bar byed pa ni rigs dang ldan pa nyid du 'dod pa de'i tshe/ba lang nyid la sogs pa gsal bar byed pa sgron ma la sogs pa gsal bar byed pa nyid yin pa'i phyir/ ba lang nyid la sogs pa des de dang ldan pa ba lang nyid la sogs pa dang ldan pa thob ste/khra bo la sogs pa dang 'dra bar ba lang gi rten thob par 'gyur ro zhes bya ba'i tha tshig go/ /gang zhig ces bya ba la sogs pas 'chad par byed de/ ba lang nyid la sogs pa gsal bya dag la sgron ma la sogs pa la yang rnam par shes pa'i rgyu nyid yin no//gal te ji ltar zhe na snang bas zhes bya ba la sogs pa smos te/ de bas na snang ba la rnam par shes pa'i rgyu nyid du yod pa yin no/ /de bas na zhes bya ba ni rnam par shes pa'i rgyu nyid yin pa'i phyir ro/ /sgron ma la sogs pa ni zhes bya ba la sogs pa'i sgras ni dbang po dang yid la byed pa la sogs pa gzung ste/de dag kyang rnam par shes pa'i rgyu nyid yin pa'i phyir ro/ /gal te gsal ba las spyi ni mngon par gsal ba khyad par can kho nar 'gyur gyi/ sgron ma la sogs pa las ni de ltar ma yin no zhe na gsal ba las kyang zhes bya ba la sogs pa smos te/ gsal ba las kyang rnam par shes pa'i rgyu nyid ma gtogs pa gzhan mngon par gsal ba 'ga' zhig kyang yod pa ma yin te/ gal te gsal ba spyi phul du byung bar byed pa byas pa yin gyi/sgron ma la sogs pas ma yin pa de'i tshe/ khyad par yod par 'gyur na/ de yang med de spyi phul du byung ba'i rang gi ngo bo nyid bya bar mi nus pa nyid kyi phyir ro zhes bya bar bsams pa'o/ /gal te 'phrod pa 'du ba zhes bya ba la sogs pa gsal ba la 'phrod pa 'du bas 'brel pa ba lang nyid yin gyi sgron ma la sogs pas ni ma yin no zhes bya ba ni spyi'o//bskyed par bya ba dang skyed par byed pa med pa dag la 'phrod pa 'du ba zhes bya ba 'di ci zhig yin zhes bya ba bshad zin pa nyid kyi phyir ro//'phrod pa 'du ba yod pa de lta na yang spyi 'di ni gsal ba dang lhan cig 'phrod pa 'du ba tsam du skyes pa yin gyi/ gzhan rnam par shes pa'i bskyed pa'i mtshan nyid kyi khyad par 'ga' zhig kyang ma yin no/ /snga ma bzhin du zhes bya ba ni gsal ba dang 'phrod pa 'du ba las snga ma bzhin du'o//phyis kyang zhes bya ba ni gsal ba las 'phrod pa 'du ba la yang ngo / /gal te 'di ltar spyi ni khyad par 'ga' zhig kyang med pa de lta yang 'phrod pa 'du ba'i stobs las rang gi yul gyi rnam par shes pa skyes pa yin no zhe na/'phrod pa 'du ba kho na zhes bya ba la sogs pa smos te/ spyi shes pa'i rgyu nyid du khas len na/ rang gi rten gang la 'phrod pa 'du bas 'brel pa de la spyi las gzhan 'phrod pa 'du ba dag kyang ste gzugs la sogs pa'i rdul phra rab la sogs pa 'phrod pa 'du ba 'brel ba dag kyang mthong bar thal bar 'gyur te/thams cad la 'phrod pa 'du ba ni gcig nyid du khyad par med pa'i phyir ro/ /ji ltar 'phrod pa 'du ba yan gar pas spyi dbang po las 'das pa yang mthong ba med pa ltar gzugs la sogs pa rdul phra rab dag kyang ci'i phyir mthong bar byed par mi 'gyur/gang gi phyir 'phrod pa 'du ba'i phyogs la skyon 'di yod pa de bas na gsal ba spyi'i yul la gsal bar byed pa nyid ni rnam par shes pa'i rgyu nyid yin no/ /de lta bur gyur pa'i gsal bar byed pa de yang sgron ma la sogs pa dang yang 'dra ba'i phyir ro//ba lang nyid sogs de ldan thob/ /ces bya ba la sogs pa'i thal bar 'gyur ba de nyid du 'gyur ro/ /de bas na zhes bya ba ni de'i phyir ro/ /spyi rang gi rten la gnas pa ni rten ma yin zhing /spyi rang gi rten la gnas pa yang rang gi rten gyis gsal ba ste/ mngon par gsal ba ma yin pa de bas na du ma byas pa la shes pa rnam pa gcig pa can gyi rgyu ma yin te/ mi gnas pa'i rgyu'i phyir/ gang zhig gang la mi gnas pa de ni de la bdag nyid gnas pa'i sgo nas shes pa'i rgyur mi rigs so//du ma la spyi gcig mi gnas pa de nyid kyi phyir/ gal te rigs gsal ba las gzhan yin pa'am/ gzhan ma yin par smra ba gang yin pa de dag ni sngar ma byung ba'i phyir gsal ba ste/da ltar byung ba'am phyis mthong bar 'gyur ba dag la'o/ /de nyid kyi sgra ni yod pa'i sgra'i 'og tu nges par gzung ba'i 'og tu blta bar bya'o/ /de nyid kyi phyir yod pa kho na'o zhes bya ba la sogs pa smos te/ gang dag gi rigs ni don dam par yod do zhes bya ba'i don to//rang gi nus pa nyid kyis zhes bya ba ni rang gi rtogs pa'i sgo nas so/ /gzhan gyi zhes bya ba ni gsal ba'i khyad par la blo skyed par byed pa na'o/ /khyad par ji lta bu zhe na/ rang gi ngo bo rjes su byed pa can te/ ngo bo gcig pa'i rjes su zhugs pa'o//gang la blo skyed par byed pa der 'brel pa rag lus pa yin te/ 'brel pa med par ni rang gi rnam pa can gyi blo bskyed par ha cang thal bar 'gyur ba'i phyir ro/ /de yang zhes bya ba ni gsal ba gzhan dang 'brel pa ste/ spyi ni de nyid kyi phyogs dang gzhan nyid kyi phyogs la yod pa ma yin no//ci'i phyir zhe na/ gsal ba'i khyad par gcig la skye ba'i blo gcig tu 'byung ba can de ni/ gsal ba gzhan la yang spyi'i rnam par 'dzin par 'gyur ro zhes bya ba'i don to/ /gal te gsal ba'i khyad par gcig po de la spyi don dam par gyur pa cung zhig mthong na/gzhan du zhes bya ba gsal ba'i khyad par gang la des 'gro bar bya ba gzhan du mthong ba de yang yod pa zhes bya ba spyi dngos por gyur pa ni mi srid do zhes bya bar sbyar ro/ /ci'i phyir zhe na/ rten las gzhan nyid min par khas blangs pa na rjes su 'gro ba med pa'i phyir te/gcig las ldog pa med par de'i bdag nyid du 'gro ba med pa'o/ /spyi rten las gzhan nyid yin na yang gsal ba la mi rten pa'i phyir te/ rten ni brten pa la sogs pa'i dngos po dgag pa bshad ma thag pas bkag pa nyid kyi phyir ro//gal te spyi tha dad pas 'brel pa med pas gsal ba gzhan la/ rang gi rnam pa can gyi shes pa skyed par mi byed pa de ltar gsal ba dang po la yang de mtshungs pa'i phyir/ sngon min gsal ba dag la ni/ /zhes ci'i phyir brjod de/gsal ba dag la ni zhes brjod par bya'o/ /de bzhin du gcig la yod pa ma mthong na ni/ gzhan la mthong ba mi srid phyir/ /zhes bya ba yang brjod par mi bya ste/ gsal ba'i khyad par gcig la yang 'brel pa med pa mthong ba mi srid pa'i phyir ro//de ni bden te khas blangs pas/ /de skad du bshad pa'i phyir nyes pa med pa'o/ /de ltar spyi de nyid dang gzhan nyid la gzhan du mthong ba mi srid cing / de nyid las rnam pa gzhan du yang mi srid par bstan pa'i phyir/ rang bzhin gyi zhes bya ba la sogs pa smos te/rang bzhin gyi las de nyid dam gzhan nyid 'das pa ma yin zhes sbyar ro/ /ci'i phyir zhe na/ ngo bo ste rang bzhin der gyur pa ma yin zhing de'i ngo bo ma yin pa ni gzhan nyid las ma 'das pa'i phyir te/ de las gzhan nyid yin pa'i phyir ro zhes bya ba'i don to//de'i ngo bo nyid ma yin kyang bla ste/ ci'i phyir gzhan nyid yin zhe na/ de'i phyir gzugs kyi zhes bya ba la sogs pa las/ gang yin pa de nyid ma yin te zhes bya ba ni/ de'i ngo bo ma yin no zhes bya ba'i don to/ /'di tsam kho na'i gzhan nyid kyi mtshan nyid yin zhes bya ba'i tha tshig go//rnam pa gzhan bzhin du zhes bya ba ni drug pa'i don gyi 'dra ba'o/ /'di ltar bde ba las sdug bsngal nyid gzhan yin pa yang sdug bsngal ni bde ba'i ngo bo ma yin pa nyid kyi phyir ro/ /'di tsam gyi ni de'i ngo bo ma yin pa gzhan nyid kyi khyad par bstan to//gzhan nyid kyi mtshan nyid 'di yang mngon par 'dod pa'i phyir khyad par med pa'i phyir ro/ /des ni phyogs kyi chos bstan to/ /sbyor ba ni dngos po nyid du yod pa de'i ngo bo ma yin pa gang yin pa de ni de las gzhan nyid yin te/dper na bde ba las sdug bsngal ba lta bu'o/ /dngos po nyid du yod pa'i spyi yang gsal ba'i ngo bo ma yin par 'dod do zhes bya ba ni rang bzhin gyi gtan tshigs yin te/ de'i ngo bo nyid ma yin pas gzhan nyid kyi tha snyad bya ba bsgrub par bya ba nyid yin pa'i phyir ro//de ltar re zhig spyi de'i ngo bo nyid ma yin pa ni gzhan nyid du bsgrub pa yin no/ /'on te gzhan nyid du mi 'dod pa de'i tshe de nyid thob par 'gyur ro zhes bstan pa'i phyir/ gal te zhes bya ba la sogs pa smos te/gsal ba las gzhan nyid du ma yin na gsal ba'i ngo bo de nyid spyi de nyid du 'gyur ro/ /de nyid ma yin pa zhes bya ba ni gsal ba ngo bo nyid ma yin pa'o/ /dngos po gzhan dang 'dra bar gzhan nyid du thal bar 'gyur ba'i phyir ro zhes bya ba de yang bshad ma thag pa kho na yin no//spyi gzhan nyid ma yin pa de lta na yang gsal ba gzhan gyi rjes su 'gro bar mi 'gyur ro zhes bya ba de lta na/ gsal ba'i rang bzhin zhes bya ba la sogs pa smos te/ gsal ba'i rang bzhin gcig ni gsal ba gzhan la rjes su 'gro zhing rjes su 'jug pa ma yin te/gsal ba gzhan gyi rang bzhin nyid ces bya ba'i don to/ /ci'i phyir zhe na/ rjes su 'gro bar bya ba gsal ba gzhan nyid med par thal bar 'gyur ba'i phyir ro/ /gal te khra bo'i bdag nyid can gyi spyi ser skya'i bdag nyid du gyur pa de'i tshe/khra bo'i bdag nyid can gyi las tha dad pa med pa'i ser skya'i khra mo kho nar gyur pa yin no/ /khra bo dang 'dra bar zhes bya ba 'di ci'i phyir gsal ba gzhan nyid yin/ de bas na zhes bya ba ni de'i phyir spyi tha dad pa med pa las zhes bya ba ni gsal ba las so/ /rjes su 'gro bar mi 'gyur zhes bya ba ni rjes su zhugs pa ste/spyi tha dad pa med pa las kyang blo rjes su 'gro bar mi 'gyur zhing zhes bya ba'i skabs yin no/ /ci'i phyir zhe na/ spyi tha dad pa de ni gsal ba khyab pa 'ga' zhig la yang rten pa med cing gnas pa med pa'i phyir te/'brel pa med par gnas par mi rung ba'i phyir ro/ /gnas pa rten dang gsal ba ni/ /de ltar de la mi rigs so/ /zhes bya ba la sogs pas gsal bar bya ba dang / gsal bar byed pa dang / rten dang brten pa'i 'brel pa bkag pa'i phyir ro//gal te 'on kyang spyi dang de dang ldan pa dag gi 'brel pa ni gzhan yod par 'gyur ro zhe na/ 'ga' zhig ces bya ba la sogs pa smos pa la/ gang la gsal bar byed pa dang gsal bar bya ba'i ngo bo la zhes bya ba ni lnga pa'o/ /sogs pa'i sgras ni rten dang brten pa'i dngos po gzung ngo //sngar bkag pa'i 'brel pa gnyis po de las gsal ba ba lang spyi'i dngos po gzhan ci yang med pa'i phyir ro/ /ci'i phyir zhe na/ rtag pa nyid kyis gsal ba'i khyad par 'ga' zhig gis phan btags pa med pa'i spyi rag lus pa med pa'i phyir ro//rag lus pa med pa'i 'brel pa 'ga' zhig kyang yod pa ma yin no/ /de dag gis ni/ gzhan nyid min na rjes 'gro med/ /gzhan nyid ni yang mi rten phyir/ /zhes bya ba'i tshigs su bcad pa'i cha bshad do/ /gal te gsal ba dag la spyi 'brel pa med du zin kyang rang gi ngo bo'i rjes su byed pa'i shes pa skyed par byed pa yin no zhe na/'brel pa med pa can zhes bya ba la sogs pa smos pa la/ 'di la 'brel pa yod pa yin pas na zhes bya bar tshig rnam par sbyar ro/ /thams cad kyi shes pa thams cad la skye bar 'gyur zhes bya ba'i don to//de bas na zhes bya ba ni de'i phyir ro/ /'di zhes bya ba ni spyi yod par smra ba'i'o/ /spyi gcig mthong bas zhes bya ba ni gtan tshigs so/ /gsal ba'i khyad par khro bo gcig la gnas pa gang yin pa de ni gzhan te gsal ba gzhan la gnas shing rjes su 'jug par 'dod pa'i spyi'i dngos po 'dod pa ni gsal ba las de nyid dang gzhan gang yin pa de las ma 'das pa yin te/dngos po rnam pa gzhan med pa'i phyir ro/ /de la yang nyes pa bshad zin pa'i phyir spyi dngos por gyur pa la rjes su 'gro ba'i shes pa zhes bya ba de ni rigs pa ma yin no//gang gi phyir de lta yin pa de'i phyir don phan tshun tha dad pa rnams la ngo bo gcig ste/ rnam pa gcig tu rtogs pa 'di la 'khrul pa kho na yin te/ tha dad pa dag la tha dad pa med par sgro 'dogs par 'jug pa'i phyir ro//'on kyang de gang las skyes pa yin zhe na/ rnam par rtog pa zhes bya ba la sogs pa smos te/ rigs mi mthun pa las log pa'i dngos po nyams su myong bas de lta bur gyur pa'i rnam par rtog pa skyed par byed pa'i bag chags bsgos pa gang yin pa des kun nas bslang ba nyid do//de yang gong du bshad zin pa'i phyir ro/ /dngos po tha dad pa zhes bya ba la sogs pa smos te/ dngos po de'i 'bras bu can/ de'i 'bras bu can ma yin pa las tha dad pa de lta bur gyur pa dag nyams su myong bas bsgos pa'i bag chags gang yin pa de'i rang bzhin te ngo bo nyid ni de'i rten yin no zhes bya ba de ni sngar dpyad zin to//de la dngos po tha dad pa ni brgyud pa'i rgyu yin zhing / bag chags kyi rang bzhin ni mngon sum gyi rgyu yin pa'i phyir gnyis bkod pa yin no//gal te gzhan sel ba kho na sgras brjod par bya ba yin snyam pas 'o na da ni zhes bya ba la sogs pa smras pa la/ gtso bo dang dbang phyug la sogs pa'i 'bras bu'i sgra dag ni zhes bya ba ni/ 'gro ba ni gtso bo'i 'bras bu dang dbang phyug gi 'bras bu zhes bya'o//sogs pa'i sgras ni sgra'i tshangs pa yongs su gyur pa zhes bya ba la sogs pa'i sgra dag yongs su gzung ngo / /dngos po ni phyi dang nang gi'o/ /tha dad pa gang dag la gtso bo la sogs pa'i 'bras bu'i bdag nyid du gyur pa med pa de dag la de skad ces bya'o//gal te de dag gtso bo ma yin pa la sogs pa'i 'bras bu las tha dad par 'gyur ba de'i tshe/ gtso bo la sogs pa'i 'bras bu'i bdag nyid tha dad par 'gyur na/ de nyid kyang thams cad la tha dad pa med pa yin te/tha dad pa med pa'i rgyu mtshan de thams cad la 'jug par 'gyur na/ gzhan sel ba smra ba'i gzhung gi dngos po dag la de yang yod pa ma yin te/ gtso bo ma yin pa la sogs pa'i 'bras bu'i bdag nyid can yin pa'i phyir ro//de bas na ji ltar na de lta bur gyur pa ni tha dad pa med par 'jug par 'gyur te/ med pa kho na'o zhes bsams pa'o/ /de ltar na gzhan sel ba'i gnas skabs kyis ma khyab pa yin no zhes 'dod do/ /de dag kyang bya ba la sogs pas lan 'debs par byed do//gtso bo la sogs pa'i 'bras bu'i sgra de dag kyang rnam par rtog pa'i rnam par shes pa'i snang ba'i don la 'jug par 'gyur gyi zhes bya bar sbyar ro/ /ji ltar zhe na/ brda ji lta ba bzhin du zhes bya ba la sogs pa smos te/ dngos po de lta bur gyur pa ma yin du zin kyang 'dod pa'i dbang gis 'gro ba ni gtso bo'i 'bras bu yin no zhes brda ji lta ba bzhin du byas pa des shes pa'i rgyud bag chags bsgos pa'i nus pa'i skad cig ma phyi ma phyi ma yongs su gyur pa des/legs par byas pa nyid kyi phyir phyi nang gi don thams cad mthong ba ste nyams su myong ba yod du zin kyang /ci de dngos po'i chos kyi gtso bo ma yin pa'i 'bras bu'i don dag mthong ba de lta na yang / gtso bo ma yin pa'i 'bras bu de las tha dad pa dngos por yod pa la ltos pa med pa yin te/dngos po'i rang gi ngo bo la mi ltos par zhes bya ba'i tha tshig go/ /de ltar nges par byas pa ste/ brda ji lta ba bzhin du gtso bo ma yin pa'i 'bras bu'i dngos po la yang / gtso bo'i 'bras bu nges par byas pa las/ de lta bu ma yin pa'i rnam par rtog pa'i gtso bo'i 'bras bu ma yin pa nyid kyis sems dang ldan pa brtags pa ste/de rnam par gcad nas so/ /gtso bo'i 'bras bu'i dngos po'o zhes bya ba'i rnam par rtog pa'i rnam par shes pa gang yin pa de'i snang ba'i don la rigs mi mthun pa'i rnam par rtog pa rnam par gcod pas de nyid gzhan sel ba'o zhes bsams pa'o/sgra de dag kyang ji lta bur gyur pa zhe na/ nye bar len pa zhes bya ba la sogs pa smos te/ rnam par rtog pa'i rgyu bag chags brtan po ni nye bar len pa'i stobs so//de las byung zhing skye ba rnam par rtog pa gang la yod pa ste/ des kun nas bslang ba dag go/ /'di skad du gal te dngos po de lta bur gyur pa'i tha dad pa med du zin kyang / de lta na yang rnam par rtog pas sgro btags pa'i gzhan sel ba kho na sgra 'jug pa'i yan lag yin pa de bas na ma khyab pa'i nyes pa yod pa ma yin no zhes bstan par 'gyur ro//gal te gtso bo la sogs pa'i 'bras bu'i sgra dag tha dad pa med par 'jug na dngos po de dag la spyi dngos por gyur pa mi 'dod ce na/ de ltar zhes bya ba la sogs pa smos te/gtso bo'i 'bras bu nyid du sgro btags pa dang gtso bo'i 'bras bu ma yin pa de dag gnyi ga la yang spyi bkag pa'i phyir ro zhes bsams pa'o/ /gzhan sel ba smra bas nyes pa med pa bstan pa'i phyir ro/ /de lta bur gyur pa zhes bya ba la sogs pa smos te/ gtso bo la sogs pa'i 'bras bu nyid du brtag pa zhes bya ba'i tha tshig go/ /de gzhan las te/ gtso bo la sogs pa'i 'bras bu ma yin pa nyid du brtag pa dag las/ gtso bo la sogs pa'i 'bras bu nyid du sgro btags pa dag gis tha dad pa ni/ rtogs pa po'i zhen pa'i dbang las gyur pa'o//gal te de'i bsam pa'i dbang kho na ste/ rtogs pa po'i bsam pa'i dbang kho na las gtso bo'i 'bras bu ma yin pa nyid du 'dod pa'i dngos po dag gi rjes su 'gro ba can gyi shes pa'i rgyu mtshan gyi spyi ci'i phyir med ce na/ de ni yod pa ma yin te/gang gi phyir smras pa sbyor ba btags pa des ni gtso bo'i 'bras bu nyid du 'dod pa'i dngos po 'di gdon mi za bar med na mi 'gyur ba nyid kyi phyir/ gtso bo'i 'bras bu ma yin par 'dod pa las tha dad par 'dod pa yin/ gal te skyes bu gtso bo'i 'bras bu ma yin pa las/gtso bo'i 'bras bu tha dad pa med pa de'i tshe/ skyes bu yang gtso bo'i 'bras bu nyid du 'gyur te/ brda'i ngo bor rnam par btags pa'i tha dad pa de nyid kyang sgra gcig 'jug pa sogs pa'i mtshan nyid can gyi spyi'i 'bras bu'i nus pa ste stobs yin no//de lta bur gyur pa'i tha dad pa ma yin pa dag la ji ltar spyi'i blo 'khrul pa yin pa bzhin du de lta bur gyur pa'i tha dad pa la yang khyad par med par bstan pa'i phyir/ gal te zhes bya ba la sogs pa smos pa la/ gal te'i sgra ni rang bzhin gsal bar byed pa'i don te/gal te 'di ni thams cad du yul med pa'i ngo bo yin na/ de la kho bo cag gis ci byar yod ces bya ba'o/ /yod pa'am zhes bya ba ni dngos po yod pa ba lang ma yin pa las ldog pa dag go/ /med pa dag la zhes bya ba ni don dam par gtso bo dang dbang phyug la sogs pa'i 'bras bu nyid du yod pa ma yin pa'i dngos po dag la/ji ltar spyi'i blo 'khrul pa yin pa bzhin du de lta bur gyur pa tha dad pa 'di ni don dang ldan pa ma yin te/ des ji ltar tha dad pa med pa'i rnam par sgro btags pa'i phyi rol dag la med pa'i phyir ro//de bas na med pa 'dzin pa'i phyir bslad pa kho na te/ 'khrul pa nyid yin pa'i phyir spyi'i blo yul med pa can 'di'i yul dpyod pa la gus pa cung zad kyang med do/ /gal te spyi'i blo thams cad 'khrul pa kho na yin na 'o na ji ltar rjes su dpag pa don la mi bslu ba yin zhe na/'ga' zhig la zhes bya ba la sogs pa smos te/ dngos po 'ga' zhig la 'di la blo las mi bslu ba gang yin pa de ni/ rgyu dang 'bras bu'i 'brel pa las yin te/ de yang nor bu sgron ma'i 'od dag las/ nor bu'i blo yis 'gro ba'i zhes bya ba la sogs pa le'u gsum pa las bstan par bya ba dang /gang la dngos po dang 'brel pa yod pa dngos po med pa'i rten yin te/ rjes dpag ji skad bshad ji bzhin/ /zhes bya ba la sogs pas bstan zin pa yin no/ /dngos po'i bdag nyid de lta bur gyur pa'i gzung ba nges par gzung ba byas pa las/rjes su dpag pa'i rnam par rtog pa ni dngos po la mi bslu ba ni yin te/ mngon sum gyis nyams su myong ba bzhin no zhes bya ba ni/ chos mi mthun pa'i dpe'o/ / ci'i phyir zhe na/ de ltar yod pa ma yin yang zhes bya ba ni/ de'i dngos po med du zin kyang rtags kyi rjes su 'brang zhing brgyud pas yod pa'i phyir ro/ /de yang phyis bstan par bya ba dang sngar yod pa dang med pa rjes su byed pa zhes bya ba la sogs pas bstan zin to//gal te spyi'i blo yul med pa can 'di ci ltar gzhan sel ba'i yul can nyid bstan ce na/ de'i phyir tha dad pa zhes bya ba la sogs pa smos te/ spyi'i blo 'di ni dngos po tha dad pa mthong ba'i stobs kyis zhes bya ba rigs mi mthun pa las ldog pa rang gi mtshan nyid nyams su myong ba'i nus pas bskyed pa zhes bya ba khong nas dbyung ngo //phal cher smos pa ni dngos po med du zin kyang ri bong gi rwa la sogs pa la rnam par rtog pa'i blo 'jug pa bstan pa'i phyir ro/ /gzhan yang de dag la dngos por nges pa'i phyir te/dngos po tha dad pa'i de dag la rang gi snang ba'i dngos po nyid du sgro btags pa'i phyir te/ snang ba dang rnam par rtog pa'i don gcig tu byas nas 'jug pa'i phyir ro zhes bya ba'i tha tshig go/ /de skad du gang gi phyir dngos po tha dad pa mthong ba'i stobs kyis bskyed pa nyid skyes nas rang gi snang ba la dngos po tha dad pa dag tu sgro btags nas 'jug pa de'i phyir/tha dad pa'i yul la yang 'di bshad pa yin no zhes bstan par 'gyur ro/ /de dag kyang gong du/ de phyir gzhan sel yul can te//de byed brten pa'i ngo bo'i phyir/ /zhes bya ba 'dis bstan zin to/ /de ltar re zhig kha cig 'thad pa gnyis byas nas 'chad par byed la/ gzhan dag ni 'thad pa 'di ni gcig kho na yin no zhes bya bar rtogs te/ dngos po tha dad pa mthong ba'i stobs kyis rang gi snang ba de dag la dngos por nges pa'i phyir te/rang gi snang ba kho na dngos po tha dad pa yin no zhes de ltar nges par bya ba'i phyir/ tha dad pa'i yul can zhes bya'o zhes bya ba'i don to/ /re zhig rigs pa ni mi rtag pa la sogs pa'i rnam par rtog pa dag ni/de lta bur gyur pa'i dngos po mthong ba'i stobs kyis bskyed pa'i phyir tha dad pa yul can nyid yin la/ de lta bur gyur pa'i dngos po tha dad pa ma yin pa rtag pa la sogs pa'i dngos po'am/ dngos por yod pa ma yin pa ri bong gi rwa la sogs pa'i rnam par rtog pa dag la ji ltar 'gyur zhe na/de lta bu'i ngo bor zhes bya ba la sogs pa smos te/ dper na dngos po tha dad pa'i ngo bo gzung zhing nyams su myong ba'i stobs kyis bskyed pa'i mi rtag pa la sogs pa'i blo dag ni rang gi snang ba la tha dad pa'i ngo bo sgro btags nas 'jug pa ltar/gtso bo'i 'bras bu rtag pa nyid la sogs pa'i blo dag kyang de lta bu'i ngo bor brtags pa nyid de/ rang gi snang ba la tha dad pa'i ngo bor brtags pa kho na yod na gzhan la zhes bya ba yod pa ma yin/ gtso bo'i 'bras bu rtag pa nyid la sogs par brtags pa dag la de'i blo dag 'jug pa'i phyir tha dad pa'i yul can zhes bya ba la ri bong gi rwa la sogs pa'i rnam par rtog pa dag kyang rnam par rtog pa gzhan rnam par gcad nas tha dad pa nyid du sgro 'dogs pa'i phyir/tha dad pa'i yul can nyid du yod pa yin no/ /rang gi rten de gsal ba'i yul tsam kho na yod pa'am/ gsal bas stong pa'i yul thams cad na yod cing gnas pa yin te/ gsal bas stong pa'i yul na yang yod pa nyid kyi phyir/bum pa la sogs pas stong pa'i yul du sngon med pa'i bum pa byung ba yin na/ phyis byung ba'i bum pa la sogs pa las yul tha dad pa can gyi rdzas gang yin pa de la yod pa'i spyi ni ji ltar phyis 'byung ba'i bum pa la sogs pa de dag la yod par 'gyur/gal te spyi ni rdzas snga ma de las phyis byung bar gyur pa'i rdzas la 'gro ba yin na/ de yang med par bstan pa'i phyir/ gang gi phyir zhes bya ba la sogs pa smos te/ de ni zhes bya ba ni spyi'o/ /rdzas snga ma las zhes bya ba la de 'phrod pa 'du ba'i 'brel pa de las skye bar 'gyur ba'i rdzas te/skye bar 'dod pa'i bum pa la sogs pa la snga na med pa la mi 'gro ste/ spyi ni lus can ma yin pa nyid kyis byed pa med pa nyid kyi phyir ro/ /gal te me long dang gzugs brnyan dang 'dra bar rdzas snga ma las mi g.yo ba nyid du zin kyang /yul tha dad pa dang ldan par 'gyur ro zhe na/ gang gi phyir zhes bya ba la sogs pa smos pa la/ gzhan la gnas pa'i spyi zhes bya ba ni/ skyed par 'gyur ba'i rdzas las yul tha dad pa'i rdzas la gnas pa'i spyi'i dngos po zhes bya ba ni/rten snga ma de las mi g.yo ba de gnyi ga'i bar na khyab pa ma yin te/ snga phyir byung ba'i rdzas gnyi ga'i bar la khyab pa ma yin pa ni/ rang gi rten las yul tha dad pa'i rdzas dang ldan par rigs pa ma yin no zhes bya bar sbyar ro//gzugs brnyan ni yul tha dad pa can gyi me long dang 'brel pa yin no zhes smras pas ji ltar na 'khrul par mi 'gyur/ de la tshogs pa'i stobs las skyes pa'i me long la snang ba'i gzugs brnyan gyi rjes su 'gro ba can gyi shes pa 'khrul pa yin te/rdo rje me long dkyil la sogs/ /'gal ba yi ni dbyibs can la/ /ri bo la sogs dngos po yi/ /rang bzhin yod pa srid pa min/ /zhes gang bshad pa yin no/ /de la gang dag gis dngos po gzhan skye bar 'dod pa de dag gi yang gzugs brnyan dang 'brel pa yod pa ma yin pa'i phyir/de ni cir yang mi rung ngo / /skye bar 'gyur ba'i rdzas las snga ma spyi'i bdag nyid de yang skye bar 'gyur ba'i rdzas kyi yul de na yang gsal bas stong pa'i yul na yod pa min te/ de'i gnas khas ma blangs pa'i phyir ro//spyi de ni gsal ba skye ba la/ phyis yod pa min na yang / spyis stong pa'i gsal ba ni khas ma blangs pa'i phyir ro/ /yul de yang gsal ba dang / lhan cig skye ba med pas gsal ba'i khyad par snga ma 'ga' zhig las kyang 'ongs pa med pa de ltar na mi 'gro zhes bshad pa gang yin pa de nyid mjug bsdu ba'i sgo nas brjod pa yin no//rnam pa ci tsam gyis spyi gsal ba gzhan la yod pa'i rnam pa de ni mi 'dod de/ de la yang spyi 'dod na zhes bya ba ni 'gal ba yin la/de yang shes rab dang ldan pa dag gis rtogs par dka' ba nyid kyi phyir/ khur bzhin no/ /de nyid bshad pa'i phyir/ 'degs par zhes bya ba la sogs pa smos so/ /blun po ni mi shes pa'i phyir/ rigs pa dang / mi rigs pa dpyad mi bzod pa brtag nus pa yin du zin kyang /shes rab dang ldan pas ni nam rigs pa ma yin pa/ ji ltar bzod nus zhes blun po las gzhan du zhes bya ba smos so/ /spyi byed pa dang bcas pa yin kyang bla ste/ de lta na yang de ni gsal ba snga na med pa la yod par rigs pa ma yin no//gal te 'di ltar de ni cha med pa can du 'gyur ba de'i tshe/ rten snga ma la cha gcig gis gnas sam/ rten snga ma spangs nas/ cha med pa'i cha gzhan gyis skye bar 'gyur ba'i rdzas la 'gro bar 'gyur na/de gnyi ga yang yod pa ma yin no zhes bstan pa'i phyir/ cha can min zhes bya ba la sogs pa smos pa la/ rten snga ma'i zhes bya ba'i mdo'i cha dang / skye bar 'gyur ba'i yul las tha dad pa'i yul te zhes bya ba spel mar gsal bar byed pa yin no//de dag la zhes bya ba ni sngar byung ba dang / phyis 'byung ba'i rdzas dag la'o/ /yul tha dad pa zhes bya ba la sogs pas 'chad par byed de/ yan lag gzhan dang gzhan dag ste/ phan tshun tha dad pa dag gis/de dang 'brel pa ste/ yul tha dad pa de dag dang 'brel pa'i phyir ro/ /snang ba la ni yan lag dang bcas pa nyid kyi phyir yan lag gzhan gyis bum pa gzhan gyi snam bu la sogs pa dang 'brel par 'gyur ro//thag pa dang dbyig pa dag gis/ rang gi 'brel pa yang de dang 'dra'o/ /yan lag dang bcas pa zhes bya ba la sogs pa ni/ de nyid du gzhung 'dzugs par byed pa'o/ /ci'i phyir rigs pa ma yin zhe na/ de la zhes bya ba la sogs pa smos pa la/dngos po cha shas med pa de la rdzas gcig dang 'brel pa'i bdag nyid gang yin pa de bzlog nas/ bdag nyid gnyis pa med pa'i phyir ro/ /spyi de'i bdag nyid gcig pa yang yul der gnas pa'i 'brel pa can gyi ngo bo nyid yin pa'i phyir te/bum pa la sogs pa las skye bar 'gyur ba'i yul las bum pa la sogs pa'i rdzas snga ma'i yul las gnas pa gang yin pa de ni 'brel pa can gyi ngo bo nyid yin pa'i phyir/ yul tha dad pa dang cig car 'brel pa yod pa ma yin no//gzhan du na zhes bya ba ni sa phyogs der gnas pa'i 'brel pa can gyi ngo bo nyid yod na de dang 'brel pa mi rung ste/ rdzas snga ma dang 'brel pa mi rung ba'i phyir te/ de bas na rdzas gcig la nges pa'i bdag nyid can gyi spyi ni dus de nyid na yul tha dad pa'i rdzas dang 'brel pa yod pa ma yin no//'brel pa yod na yang spyi ni gsal ba snga ma dang bdag nyid gcig pa nyid du nges pas gsal ba snga ma las gnas pa'i dus de nyid na gsal ba'i yul tha dad par 'gro bas gnas pa med pa de yang 'gal bar bstan pa'i phyir/rten pa gcig po zhes bya ba la sogs pa la/ gang la gnas pa zhes bya ba ni de nyid kyi tshe ste/ dus de nyid la gsal ba gzhan la 'gro bar khas blangs pa'i phyir/ gsal ba snga ma'i nges pa'i bdag nyid des spyi de'i gsal ba snga ma de nyid la gnas pa ma yin no zhes bya ba de ni rigs pa ma yin no//ci'i phyir zhe na/ gcig po de la zhes bya ba la sogs pa smos te/ spyi gcig gis gsal ba snga ma de nyid la gnas pa dang mi gnas pa'i bdag nyid de/ rang bzhin dag cig car 'gal ba'i phyir ro//thams cad la ste/ gsal ba skye bar 'gyur ba'i rdzas la'o/ /thams cad du ste skye bar 'gyur ba'i rdzas las snga ma yang 'dir gang la rdzas bskyed par bya ba'i yul de la/ spyi sngar yod pa kho na yod pas de na yang yod pa min zhes bshad pa gang yin pa de ma grub pa yin no zhes bsams pa'o//rnam pa thams cad kyis gnas pa'i bdag nyid can zhes bya ba ni spyi ni rnam pa gang gis gsal ba la gnas pa de nyid kyis skye bar 'gyur ba'i rdzas la yang yin no/ /shes pa gang la spyi'i rang bzhin mthong ba'i rten yod pa de ni rigs tha dad pa'i rdzas thams cad rnam pa thams cad du 'gyur ro//de ltar yin na yang ba lang la rta zhes bya ba smos so/ /ci'i phyir zhe na/ rta la zhes bya ba la sogs pa smos te/ rdzas gang rta la gnas pa'i bdag nyid yod pa de de ni zhes bya bar tshig rnam par sbyar ro//go bar byed pa nyid yin pa'i phyir gzhi tha dad pa'i 'bru mang po pa'o/ /yang na rta la gnas pa zhes bya ba ni sgrub par byed pa dang ldan pa'i bsdu ba yin te/ phyis bdag nyid kyi sgra dang tshig gnyis pa'i 'bru mang po pa yin no//de'i rang bzhin rtogs pa ste/ ji skad du bshad pa'i rdzas nyid kyi mtshan nyid kyi rtogs pas so/ /de ltar zhes bya bas ni rta'o/ /rdzas nyid dang 'brel pa'i phyir ba lang gi rdzas yin no zhes de ltar shes par 'gyur ba ni ma yin te/ de yang gzhan gyis 'dod pa kho na yin te rta zhes bya ba ni ma yin no snyam na/rta'i shes pa'i rdzas nyid kyi rgyu mtshan nyid ni ma yin gyi 'on kyang rta'i rgyu mtshan yin te/ de yang ba lang la rta nyid yod pa ma yin te/ gsal ba rigs mthun pa kho na dag la thams cad du rnam pa thams cad kyis gnas pa'i bdag nyid can yin par khas blangs pa'i phyir ro//der re zhig rta ni rta'i blo'i yul yin la/ de la rta'i blo'i yul gyi rdzas gnas pa nyid kyi rang bzhin can du rang bzhin gang gis rta la gnas par 'gyur ba de nyid kyis ba lang la sogs pa la yang gnas pa yin no//de ltar na ba lang dag kyang rta'i blo'i yul nyid thob cing / gzhan du na rdzas ni rta'i blo'i yul gyi rdzas gnas pa nyid kyi rang bzhin du mi 'gyur ro/ /gcig la rang bzhin gnyis yod pa ni ma yin gyi gang gis rta la gzhan du gnas shing ba lang la gzhan du gnas pa yin te/ba lang la gnas pa'i rdzas nyid tsam du snang la rta'i blo'i yul gyi rdzas gnas pa'i rang bzhin nyid yod du zin kyang / mi snang ba de bas na ba lang la rta yin no zhes shes par 'gyur ba yod pa ma yin no zhe na/de'i phyir gcig po de la bya ba smos pa la/ de la zhes bya ba ni spyi la'o/ /gcig po zhes bya ba cha med pa gzung du zin kyang 'khrul pas nges par ma byas pa yin no zhes bya ba yang log pa yin te/ pha rol po'i mngon sum nges pa'i bdag nyid la 'khrul pa mi rung ba'i phyir te/gong du ji skad bshad pa lta bu'o/ /de'i phyir zhes bya ba la sogs pas mjug sdud pa yin te/ spyi cha med pa bum pa la sogs pa'i yul du ma la cig car brten pa ma yin te/ rten pa thob pa ma yin no/ /'di tsam gyis ni cha can min//zhes bya ba bshad pa yin no/ /rten snga ma ni spong mi byed ces bya ba de ni rten snga ma zhes bya ba la sogs pas 'chad par byed do/ /de yang zhes bya ba ni spyo'i rten snga ma spangs par 'dod pa ma yin no/ /gzhan la zhes bya ba gsal ba snga ma la spyi gnas par gyur pa ni/rang gi rten gyi yul snga ma las mi g.yo ba de las gnas pa gzhan du skyes pa'i rdzas yod pa de la gnas pa zhes bya ba shin tu rigs pa dang ldan pa yin no zhes bya ba ni bsting ba'i tshig go/ /gal te gsal ba'i yul snga ma las spyi mi g.yo ba yin du zin kyang de las yul gzhan na yod pa'i rdzas la khyab pa yin no zhe na/gang du zhes bya ba la sogs pa smos te/ yul gang du phyis 'byung ba can gyi dngos po de gnas par 'gyur ba yul de dang spyi 'brel pa ni ma yin te/ gnas pa snga ma yongs su mi spong bar khas blangs pa'i phyir ro//yul gang du spyi gnas pa dus phyis byung ba'i dngos po de'i yul dang ldan pa dag kyang khyab pa yin no zhes bya ba rigs pa las shin tu 'das pa nyid kyi phyir/ de yang ci shin tu ngo mtshar che'o zhes bya ba rnam pa gzhan gyis dpyad pa yin no/ /yul gang du gnas pa ma yin pa de ni de'i yul la khyab pa yin no zhes bya ba ni rigs pa'i rjes su 'brang bas nges par byar mi rung ngo //thams cad na yod pa nyid du rtogs pa dag kyang gsal ba'i phyir spyi thams cad na yang zhes bya ba la sogs pa smos te/ spyi thams cad na yang yod par smra ba de'i yang /gal te rigs ni kun la yod pa de'i tshe/ khra bo la sogs pa gcig po rigs de'i gsal bar byed pa'i rgyur gyur pa gang yin pa des/ gsal ba stong pa'i yul dang gsal ba khyad par rigs mi mthun pa kun la gsal ba nyid de rab tu gsal ba nyid du tha dad pa med pa ste/gcig pa nyid kyi phyir gsal bas stong pa'i yul kun la yang mthong bar 'gyur ro/ /rigs rtag pa ni phul du byung ba byar med pa nyid kyis gsal ba 'ga' zhig kyang yod pa ma yin no zhes bya ba de ni/gnas pa rten dang gsal bar ni/ /de ltar de la mi rigs so/ /zhes bya ba'i skabs su bkag zin to/ /gang gi phyir de bas na rigs de rtag tu gzhan gyis legs par byas pa ltos pa med de/ phul du byung bar byar med pa nyid kyi phyir ro/ /gal te de lta bur gyur pa'i ngo bos rang gi rnam par shes pa bskyed par rung ba de'i tshe/rtag tu gsal ba de las snga ma dang phyi ma mthong bar gyur pa 'am/ 'on te mi rung ba de'i tshe nam yang mthong bar mi 'gyur ro/ /ci'i phyir zhe na/ rnam par shes pa skye bar rung ba de'i rang bzhin nam de las bzlog pa'i gnas pa'i phyir te dus thams cad du ngo bo nyid gcig pa yin pa'i phyir ro zhes bya ba'i tha tshig go//gsal ba thag nye ba ma yin pa dag las ni mi nus la/ de thag nye ba las ni nus par 'gyur ba de bas na rigs rtag tu mthong ba dang mi mthong ba ma yin no zhe na/de'i phyir rang bzhin zhes bya ba la sogs pa smos te/ rtag pa nyid kyis phul du byung bar byar med pa nyid kyi phyir zhes bsams pa'o/ /gal te gsal ba ni rigs la yod pa yin na de ni gcig de gsal bas gsal ba nyid ces bya ba la sogs pa ci'i phyir brjod ce na/gsal ba khas blangs su zin kyang zhes bya ba la sogs pa smos te/ rigs khyab par byed pa yang rten gcig gsal bas rigs gcig gsal bas na/ rigs gcig gsal ba nyid ni tha dad pa med pa'i phyir gsal bas stong pa'i yul dang gsal ba'i khyad par rigs mi mthun pa kun la'o//gsal bas stong pa'i sa phyogs dag la yang zhes bya ba'i yang gi sgras ni gsal ba'i khyad par rigs mi mthun pa dag kyang ngo / /spyi gsal bar byed pa gsal ba gang yin pa de dang spyi 'dzin pa'i dbang po 'brel pa gang yin pa de la rigs 'dzin pa ltos pa yin na/gsal ba stong pa'i yul na gsal bar byed pa'i gsal ba yod pa ma yin la rigs mi mthun pa'i gsal ba'i khyad par dag kyang rigs gsal bar byed pa ma yin pa de bas na khyab pa nyid yin du zin kyang /thams cad la mthong ba ma yin no zhe na/ /de'i phyir de yang zhes bya ba la sogs pa smos te/ yang gi sgras ni 'di skad du rigs gang la ltos pa yin pa de lta na yang 'di ni thams cad du mthong bar 'gyur ba kho na yin te/'di ltar re zhig gang du gsal bar byed pa gsal ba thag nye ba der rigs de mthong ba thob na/ thams cad de la de'i ngo bo nyid kyang yin no zhes bstan te/ gzhan yang rigs de gsal pa la ltos pa min te gsal bar byed pa'i gsal ba la mi ltos pa yin te/gsal bas ni de'i gsal bar byed pa nyid du yang mi 'gyur ro zhes zur gyis bstan pa yin no/ /gal te gsal ba la ltos pa can du 'gyur na te/ gal te gsal ba ni rigs gsal bar 'gyur zhes bya ba'i tha tshig go//de ltar rigs dang gsal ba dag go rims bzhin du gsal bar byed pa'i ngo bo khas blangs pa na/ 'dir rigs pa mthong ba gang yin pa de ni khas blangs par bya ba yin pas 'dir rigs pa yang gang yin zhe na/ gsal byed rtogs pa ma yin na zhes bya ba la sogs pa smos te/ spyi dang de dang ldan pa yang ci'i phyir gsal bar bya ba dang / gsal bar byed pa zlog pas 'dod/ 'di ltar khyad par gzung ba med par khyad par gyi gzhi'i blo mi 'jug ces bya ba'i nges pas thog ma kho nar spyi 'dzin cing de'i sgo nas kyang khyad par 'dzin par 'dod pa de bas na/gsal bar byed pa gzung ba med pa yang spyi gsal bar 'dod pa rtogs par 'dod pa'i phyir phyin ci log yin no/ /rang gi rten gyis zhes bya ba la sogs pa 'chad par byed de/rang gi rten gang la spyi 'phrod pa 'du ba las 'brel pa dang rigs 'dzin par byed pa'i dbang po dang ldan pa gang yin pa de la ltos pa rtogs pa ste/ khong du chud pa spyi gang la yod pa de la de skad ces bya'o/ /sgra ni sgra dang rna ba'i dbang po dag las 'phrod pa 'du ba gang yin pa de la ltos pa'i rtogs pa can nyid yin pa'i phyir ro//ldan pa smos pa ni 'brel pa nye bar mtshon pa'i don bstan pa'o/ /rten gyis stong pa'i sa phyogs dag ste/ gsal ba rigs mthun pa dang ldan pa gsal bas stong pa de la mthong ba ma yin te/ji skad du bshad pa'i ldan pa med pa'i phyir ro/ /de skad du smra ba de'i yang 'ga' zhig du gsal ba mthong ba yod na/ rang gi rten dang dbang po ldan pas rigs thams cad du gnas pa phan 'dogs pa yod pa nyid kyi phyir ro/ /rang gi rten dang dbang po ldan pa'i rgyu de la de mthong ba can te/'ga' zhig du gsal ba'i khyad par la rigs mthong ba can gyis ji ltar yul thams cad la khyad par can du gnas pa'i rigs mthong bar 'gyur ro/ /gal te gsal ba gsal bar byed pa de kho na la/rigs kyi rang gi ngo bo snang ba yin gyi/ gzhan la ni ma yin no zhe na/ snang bar 'gyur ba zhes bya ba la sogs pa smos pa la/ de ni zhes bya ba ni rigs te/ gsal ba 'ga' zhig la snang bar 'gyur ba'o/ /de 'dir zhes bya ba ni spyi dang 'brel ba can ni gcig la mthong ba dang ma mthong ba nyid 'gal ba'i phyir ro//de ltar na re zhig gsal ba ni gsal bar byed pa nyid du khas blangs te/ yang gi sgras gzung ba'i don bshad nas da ni gsal ba ltos min zhes bya ba la sogs pa bshad pa'i phyir spyi ni zhes bya ba la sogs pa smos te/de yang log pa nyid du bshad ma thag pa kho nas bstan to/ /gcig la mthong ba dang ma mthong ba'i ngo bo yod pa ma yin no zhes bya ba de bas na/ 'di ni phyogs snga ma kho na yin te/ 'on kyang nyes pa gzhan brjod pa'i don du glang po che'i lta stangs su byas nas bkod pa yin no//de lta bur gyur pa zhes bya ba ni rigs pa dang ldan pa'o/ /de la zhes bya ba ni rigs dang de dang ldan pa'o/ /gsal bar bya ba dang gsal bar byed pa'i dngos po rigs dang ldan pa ni sgron ma zhes bya ba la sogs pas rab tu bstan to//rang gi ngo bos stong pa ste sgron ma la sogs pa dang bral ba'i yul la'o/ /gsal bar bya ba dang rang nyid ni bum pa la sogs pa'o/ /de ltar te ji skad du bshad pa'i rigs pas gsal ba ni spyi'i gsal bar byed pa ma yin no/ / ci'i phyir zhe na/ phyin ci log tu gyur pa'i phyir ro/ /gang gi phyir gzhan ni gsal ba ma bzung du zin kyang spyi dang por 'dzin par 'dod do/ /de spyi'i gzung ba'i sgo nas gsal ba 'dzin pa khas len pa'i phyir ro/ /de bas na gsal bar byed pa khong du ma chud du zin kyang gsal bar bya ba 'dzin pa'i phyir/gsal ba ni gsal bar byed pa'i chos las shin tu 'das pa yin no/ /'di nyid ni ji ltar na zhes bya ba la sogs pa smos pa la/ de zhes bya ba ni gsal ba ste/ spyi'i gsal bar byed par yang sbyar ro/ / de rtogs pa'i sgo nas zhes bya ba spyi khong du chud pa'i sgo nas gsal ba de snang bar 'gyur ba zhes bya ba de ni 'gal ba yin na/ de ltar na zhes bya ba ni spyi mthong ba'i stobs kyis gsal ba mthong bar khas len pa na/ gsal ba de ni spyi'i sgo nas gsal bar bya ba yang thob par 'gyur ro zhes bya ba khong nas dbyung ngo //sgron ma dang bum pa dang 'dra bar zhes bya ba ni dper na sgron mas bum pa gsal bar bya ba yin pa de dang 'dra bar/ gsal ba ni spyis gsal bar bya ba yin pa thob par 'gyur ro zhes bya ba'i tha tshig go/ / de rtogs pa med pa ste/ spyi khong du chud pa med pa gsal ba la snang ba'i ngo bo nyid med pa'i phyir ro/ /gzhan du yang bstan par bya ste/ de ltar na de ni gsal bar bya ba yang thob par 'gyur te zhes bya ba 'di yang sgra spyi yang gsal bar byed par 'gyur ro zhes bya ba de gzung ba yin no//de bas na sgron ma dang bum pa dag dang 'dra bar zhes bya ba zlas dbye ba dang 'dra ba'i rkyen yin par blta bar bya'o/ /sgron ma dang 'dra bar spyi ni gsal bar byed pa dang / bum pa dang 'dra bar gsal ba ni gsal bar bya ba thob par 'gyur ro zhes bya ba'i tshig gi don yin no//'dis zhes bya ba spyi smra bas spyi med par dgos pa mi rigs pa ci zhig mngon par spyad nas so/ /de ltar zhes bya ba ni bshad pa'i rnam pas so/ /dub pa mang po ni mi nus pa bsgrub pa can nyid kyis sdug bsngal mang po'i rgyu nyid yin no//gzhan gyis phan tshun zhes bya ba la sogs pa smra ste/ tha dad pa'i phyir te mtshan nyid dang bral ba'i gtan tshigs nyid kyi phyir ro/ /ldog pa can te rjes su 'gro ba med pa can dag la rjes su 'gro ba can gyi shes pa rnam par gcig pa can no//shes pa smos pa ni de bzhin du sgra'i nye bar mtshon pa yin te/ spyi med par mi rung ba'i phyir spyi smra ba la brten pa yin no zhes bya bar sbyar ro// //bam po bco brgyad pa/ slob dpon gyis don ji ltar zhes bya ba la sogs pa smos te/gang dag 'tshed pa la sogs pa'i sgra bya ba'i rgyu mtshan can dag 'god pa de dag la 'di skad ces brjod par bya'o/ /spyi zhes bya ba'i sgra'i don tha dad pa med par yang / 'tshed pa po la sogs pa dag la ji ltar na 'tshed pa po'i sgra gcig yin/'tshed pa po'i sgra smos pas rjes su 'gro ba can gyi shes pa yang gzung ba kho na yin te/ de med par ni sgra mi 'jug pa'i phyir ro/ /de nyid kyi phyir 'grel pa las sgra dang shes pa 'jug pa yod pa yin no zhes bstan to//de dag la ni zhes bya ba ni 'tshed pa po la sogs pa dag la ni'o/ /gzhan zhes bya ba ni rdzas la tha dad pa gcig po de'o/ /gsal ba thams cad la tha dad pa med pa gcig po gang gis 'tshed pa po la sogs pa de dag tha dad pa dag yod du zin kyang /de ltar tha dad par shes pas rtogs par 'gyur/ de dag nye bar mtshon pa yin te/ 'tshed pa po dag gi ni rten 'dzugs pa la sogs pa'i mtshan nyid dang / klog par byed pa dag ni 'don par byed pa'i bdag nyid can yin te/ de ltar gzhan dag la yang ci rigs par brjod par bya'o//gal te shes pa gcig la sogs pa'i rgyu mtshan gyi las yod pa yin no zhe na/ de yin yang zhes bya ba ni rjes su 'gro ba can yin yang ngo / /shes pa smos pa ni nye bar mtshon pa ste/ sgra la yang de bzhin no/ / gzhan gyis zhes bya ba ni las kyi rgyu rtsol ba la sogs pa'o/ /tha dad pa zhes bya ba la sogs pas de nyid sgrub par byed do/ /de zhes bya ba ni gang dgod par byed pa'am las de zhes bya bar sbyar ro/ /las tha dad pa ni 'tshed pa po so so'i las tha dad pa'i phyir ro//nyes pa gang gis gsal ba de ltar te tha dad pa med pa'i shes rgyu nyid du'o/ /gal te nye ba 'ga' zhig kyang yod pa ma yin te/ 'on kyang gsal ba de dag ni ngo bo nyid gcig pa'i phyir ro/ /gal te 'di ltar rdzas ngo bo gcig pa ni cha med pa'i phyir/de nyid tha dad pa med pa'i shes pa'i rgyu yin pa na de las bzlog pa'i chos gzhan med pa de'i tshe/ 'tshed pa po'i 'tshed pa po nyid ces bya ba'i ldog pa rtogs par mi 'gyur te/ de nyid de la ldog par rigs pa ma yin no/ /gsal ba de'i rnam pa ni de'i rnam pa'o/ / de las gzhan pa ni de'i rnam pa ma yin pa ste de nyid khyad par ro/ /gang la de la yod pa de ni de'i rnam pa can ma yin pa'i khyad par dang ldan pa ste/ rdzas kyi rnam pa las rnams gzhan zhes bya ba'i tha tshig go/ /'di skad du rdzas kho na'i shes pa ni rdzas shes pa'i rnam pa kho na yin la/de las gzhan pa'i rnam pa las 'tshed pa po'i shes pa yin na/ de ni gal te rdzas kyi rgyu mtshan can kho nar 'gyur ba de'i tshe rdzas tsam shes pa yin pas khyad par can ma yin par 'gyur ro zhes bstan par 'gyur ro/ /'o na ci'i phyir de'i rnam pa ma yin pa'i khyad par dang ldan pa zhes bya ba gnyi ga smras pa/de'i rnam pa ma yin pa zhes bya ba kho na'am/ khyad par dang ldan pa zhes bya ba kho na brjod par bya'o zhe na/ smras pa de'i rnam pa ma yin pa zhes bstan pa na rdzas med pa zhes bya ba dgag pa shes pa yang / de'i rnam pa ma yin pa zhes bstan par nus mod kyi/ de ni gzhan gyi dngos po gzhan gyi rgyur 'dod pa yang ma yin te/ khyad par shes pa dag kho na'i rgyu chos gzhan nyid yin pa'i phyir ro/ /khyad par 'ba' zhig smos pa byas na yang nag pa'i shes pa ni grogs po la ltos pa yin pas khyad par dang ldan pa yin mod kyi/de'i rnam pa ma yin pa ni ma yin te/ nag pa la sogs pa'i brjod pas rdzas kho na bstan pa'i phyir ro/ /gnyi ga smos pas ni shes pa dang ldan pa de nyid rdzas kyi rnam pa yin pa dang / dngos po la reg pa'i phyir khyad par dang ldan pa'i zhes bya ba'i don 'dir 'gyur ro//de bas na de la rdzas las ldog pa'i rgyu mtshan gzhan gyis 'gyur ro/ /bshad do zhes bya ba ni slob dpon gyis te/ ldog pa ji lta ba bzhin du ste/ ba lang gi ba lang nyid dang /'tshed pa po'i 'tshed pa nyid ces bya ba dang / bstan ma thag pa'i khyad par shes pa ji lta ba de ltar ni bshad do zhes bya bar sbyar ro/ /ji ltar bshad ce na/ bdag nyid ji lta ba bzhin du zhes bya ba la sogs pa smos te/ don gzhan rnam par gcad pa ni don gzhan rnam par 'byed pa'o//bdag nyid ji lta ba bzhin zhes bya ba ni sgra gang gis brda ji lta ba bzhin du gang rnam par gcad pa ste/ de'i phyir ro zhes bya ba'i don to/ /'di ltar 'tshed pa'i sgra ni chos can brjod pa ste/ khyad par gzhan mi spong bar 'tshed pa po ma yin pa rnam par gcod pa tsam ston pa'o//'tshed pa po nyid kyi sgra ni chos can brjod pa ste/ khyad par gzhan spangs nas de nyid rnam par gcod pa ston pa yin no/ /de bas na chos dang chos can gyi khyad par rtogs pas/ 'tshed pa po'i 'tshed pa nyid ces bya ba tha dad pa'i rnam par dbye bar sbyar bar bya'o//de ltar rdzas kyi sgra yang rdzas ma yin pa rnam par gcad pa tsam la brdar byed pa nyid kyi phyir/ de'i rjes su 'brangs nas rdzas ma yin pa rnam par gcad pa'i rjes su byed pa can gyi blo skye'o/ /'tshed pa'i sgra/ las kyang 'tshed pa po ma yin pa rnam par gcad pa'i rjes su byed pa can gyi blo skye ba de bas na rnam par gcad pa ji lta ba bzhin du brda'i rjes su 'brangs nas khyad par dang ldan pa'i blo gcig la yang 'gal ba med do/ /de dag kyang khyad par gzhan ni spong ba dang / mi spong ba dag de gnyis kyi zhes bya ba la sogs pa'i skabs su bstan to/ /de bas na zhes bya ba la sogs pas ni [(]mdug [,]mjug [)]sdud pa yin te/ ji ltar gsal ba dag tha dad pa de bzhin du las kyang tha dad pa'i gtan tshigs kyis 'tshed pa po la sogs pa tha dad pa med pa'i shes pas de'i las rgyu min zhes bya bar sbyar ro//'tshed pa po de dag gi 'tshed pa po zhes bya ba'i las gang yin pa de'i las de la rigs 'phrod par 'du bas 'brel pa nyid tha dad pa med pa'i phyir/ 'tshed pa po la sogs pa tha dad pa med pa'i shes pa'i rgyu yin no zhe na/las dang zhes bya ba la sogs pas 'gog par byed de/ rigs rgyu min zhes bya ba ni skabs yin no/ /las dang 'brel phyir te las 'phrod pa 'du bas 'brel pa nyid kyi phyir ro/ /don gzhan dang zhes bya ba ni rdzas las don gzhan te/ las dang 'brel pa'o//don gzhan la zhes bya ba ni rdzas kyi la'o/ /ba lang nyid bzhin du zhes bya ba ni dpe'o/ /khra bo la sogs pa dang 'brel pa'i ba lang nyid ni 'gro ba la sogs pa'i khyad par dag la ba lang gi shes pa'i rgyu ma yin no/ /'tshed pa po'i las 'tshed pa zhes bya ba la/'phrod pa 'du bas 'brel pa'i las kyi rigs yin no/ /las de dag kyang zhes bya ba ni 'tshed pa zhes bya ba'o/ /'tshed pa po'i sgra zhes bya ba la/ sgra smos pa ni mtshon pa yin te/ de ltar na 'tshed pa po'i shes pas yongs su gcad pa ma yin no//'o na ci yin zhe na/ 'tshed pa zhes bya ba'i las de'i rten gyi rdzas 'tshed pa po'i sgras brjod pa yin gyi/ rdzas de la las kyi rigs 'phrod pa 'du bas 'brel pa ni ma yin no/ /de ltar na re zhig don gzhan dang 'brel pa can gyi las kyi rigs la brten nas rdzas kyi yul can 'tshed pa po la sogs pa'i brjod pa dang shes pa dag gi rgyu mtshan nyid ma yin par bstan to//da ni rnam pa gzhan gyis bstan pa'i phyir las kyi zhes bya ba la sogs pa smos pa yin te/ 'tshed pa'i sgra las mnyan pa gzhan ni sgra gzhan no/ / mnyan pa smos pa ni nye bar mtshon pa yin te/ de bzhin du shes pa gzhan gyi rgyu mtshan nyid yin pa'i phyir ro/ /mnyan pa gzhan nyid ni 'tshed pa zhes bya ba la sogs pa smos pa la/ de las zhes bya ba ni las kyi rigs las so/ /las kyi rigs ni las kyi yul gyi brjod pa dang shes pa'i rgyu nyid yin pa'i phyir ro zhes bsams pa'o//'dod par gyur na las kyi rigs ni 'tshed pa po'i shes pa skyed par ni mi byed kyi/ 'on kyang las kyi rigs la brten nas las kho na yin no zhe na/ de ni zhes bya ba la sogs pa la/de ni zhes bya ba 'tshed pa po la sogs pa tha dad pa med pa'i shes pa 'di las kyi rgyu mtshan yod pa zhes bya ba tshig rnam par sbyar ro/ /gsal ba dang 'dra bar tha dad phyir las 'di'i rgyu min zhes bya ba la sogs pas rab tu bshad zin to/ / rigs la brten pa'i phyir las tha dad pa yin du zin kyang tha dad pa med pa'i shes pa'i rgyur bshad pa ma yin nam zhe na/ bshad pa 'di ni rigs pa ma yin te/ rigs dang 'brel pa yod du zin kyang las ni de lta na yang tha dad pa nyid kyi phyir ro/ / gzhan yang zhes bya ba la sogs pas ni gtan tshigs kyi don bstan pa ste/ las skad cig ma ni gnas pa med pa'i rgyu'i phyir 'tshed pa po la sogs pa tha dad pa med pa'i shes pa ni las kyi rgyu mtshan can ma yin no/ /las mi rtag pa ni zhes bya ba la sogs pas 'chad par byed de/'tshed pa po la sogs pa tha dad pa med pa'i shes pa de'i yang las rgyu mtshan nyid yin par khas len na/ las 'gags pa la skyes bu 'tshed pa po zhes brjod par mi bya'o/ /rung ba nyid tsam du ni brjod de/ de bas na tha snyad 'di ni dngos por gyur pa'i dbye ba'i rgyu mtshan ni ma yin no//gal te las 'das pa yang yod pa'i phyir nyes pa med do zhe na/ 'tshed pa na zhes bya ba la sogs pa smos so/ /gal te 'das par yod par gyur na da ltar dang 'dra bar dmigs par 'gyur te/ las ni dmigs pa'i mtshan nyid kyir gyur par yang 'dod do//gal te las kyi rigs ni 'phrod pa 'du bas 'brel pa yin la las kyang rdzas la 'phrod pa 'du ba de bas na/ rag las pa dang 'brel pa'i phyir las kyi rigs ni rdzas kyi yul can 'tshed pa po'i shes pa'i rgyur 'dod par 'gyur ro zhe na/de nyid kyi phyir zhes bya ba la sogs pa smos pa la/ de nyid kyi phyir zhes bya ba ni las ni zhig pa nyid kyi phyir dang / spyi ni las dang dngos su 'brel pa med pa'i phyir dang / las kyi sgo nas brgyud pas kyang 'di la rdzas dang 'brel pa med pa'i rgyu'i phyir ro//spyi ni 'tshed pa po la sogs pa'i brjod pa dang shes pa'i rgyu min no/ /gal te 'brel pa med kyang rgyu yin no zhe na/ thal 'gyur zhes bya ba la sogs pa smos pa la/ 'brel med ces bya ba ni 'brel pa dang mi ldan pa'o/ thal 'gyur phyir zhes bya ba ni ba lang nyid kyang rta'i shes pa'i rgyur 'gyur ba'o//sgra smos pa ni nye bar mtshon pa yin te/ spyi 'brel pa med pa ni shes pa dang sgra'i rgyu ma yin no zhes bya ba'i tha tshig go/ /las zhig pa zhes bya ba la sogs pa 'chad par byed de/ de'i spyi zhes bya ba ni las kyi spyi na'o//las ni 'phrod pa 'du bas 'brel pa ma yin te/ de ni med pa'i phyir ro/ /las med pa nyid kyi phyir yang byed pa ste/ byed pa po la brgyud pas kyang 'phrod pa 'du ba ma yin pa de'i phyir rag lus pa'i 'brel pa spyi 'di la yang rdzas dang lhan cig yod pa ma yin no//gzhan du na ni zhes bya ba ni 'brel ba med pa nyid kyang shes pa la sogs pa'i rgyu nyid yin na'o/ /las ni gnas pa med phyir dang zhes bya ba la sogs pa bshad pa gang yin pa de la 'das pa dang zhes bya ba la sogs pa phyogs gzhan du rtogs pa la 'das pa ni las zhig pa yin la/ma 'ongs pa ni las gang 'byung bar 'gyur ba'o/ /de dag ces bya ba ni shes pa dang sgra dag go/ /'das pa dang ma 'ongs pa'i las med pa yang shes pa dang brjod pa dag gi min te/ rgyu mtshan ma yin no zhes bya bar sbyar ro/ / ci'i phyir zhe na/ de dag ni zhes bya ba la sogs pa la/ de dag ni shes pa dang brjod pa dag go/ /med pa ste zhes bya ba la sogs pas 'chad par byed de/ 'dis dngos po ston par byed cing gsal bar byed pas na nus pa ste/ don byed par nus pa'o/ /med pa gang la bral ba de la de skad ces bya'o//gang gi phyir med pa ni don byed pa'i nus pa dang bral ba ste/ de lta bur gyur pa de ji ltar sgra dang shes pa dag gi rgyu mtshan du 'gyur zhes bya ba'i don to/ /ci ste med pa yang rgyu mtshan nyid du 'dod na de'i tshe/ de ni dngos po nyid kho nar 'gyur te med pa nyid ma yin no/ /ci'i phyir zhe na/ dngos po de'i de nyid ni zhes bya ba la sogs pa smos pa la/ mtshan nyid can ni sgra'i rang bzhin gyi tshig go/ /de bas na zhes bya ba ni de'i phyir ro/ /'das pa ni 'gag pa'i ngo bo yin la/ ma 'ongs pa ni ngo bo ma thob pa can yin no//las las gsal ba la sogs pa gzhan dag kyang shes pa dang brjod pa dag ni rgyu mtshan nyid du spyi smra bas mi 'dod de/ gsal ba ni las kyi rten gyi rdzas so/ /sogs pa'i sgras ni brda'i bag chags dang / de yongs su smin pa dag gzung ngo //de dag ni zhes bya ba'i sgra dang shes pa'o/ /de ltar na zhes bya ba ni rjes su 'gro ba can 'tshed pa po la sogs pa'i sgra dang shes pa dag rgyu mtshan med pa yin na rigs grub pa ma yin no/ /kyang gi sgras ni sgra dang shes pa dag tu yod pa'am med par 'gyur ro//gal te ci'i phyir rigs grub ce na/ de ni zhes bya ba la sogs pa smos pa la/ tha dad pa med pa'i shes pa dang brjod pa ste/ sgra'i rgyu mtshan nyid du 'dod pa'i phyir ro/ /ji ltar sgra 'tshed pa po la sogs pa'i yul la de dag rgyu mtshan med par 'jug par 'gyur ba de ltar gzhan dag la yang yin pa'i phyir rgyu ni ci rigs su rtogs/gal te zhes bya ba la sogs pas phyogs gzhan dag rtogs par byed de/ nus pa ni las kyi rten gyi'o/ /sgra smos pa ni nye bar mtshon pa yin te/ 'tshed pa po la sogs pa'i shes pa'i yang rgyu mtshan nus pa yin no//rjes 'gro med phyir zhes bya ba la sogs pas ni 'gog par byed de/ 'tshed pa po la sogs pa'i nus pa ni 'tshed pa po la sogs pa'i sgra'i rgyu mtshan min/ ci'i phyir zhe na/ rdzas dang 'dra bar nus pa ni rdzas las ldog pa med pas rjes 'gro med pa'i phyir ro/ / don rjes su 'gro ba med pa can yang / rjes su 'gro ba'i shes pa dang brjod pa'i rgyu mtshan nyid du khas ma blangs pa'i phyir ram/ khas len na rigs su rtags pa'i rgyu med pa can du thal ba'i phyir ro/ /gal te nus pa tha dad pa kho na yin no zhe na/ 'tshed pa po zhes bya ba la sogs pa smos pa la/yod pa ma yin te zhes bya ba ni rdzas las gzhan pa'i nus pa nyid do/ /gal te yod par 'gyur ba de'i tshe/ de nyid de nus pa ni 'tshed pa po la sogs pa don gyi bya ba la nye bar sbyor ba'i rgyu'i phyir nus pa'i rten gyi rdzas ni nye bar sbyor ba ma yin par thal ba'i phyir ro//'tshed pa la sogs pa la sgrub par byed pa'i nus pa de ni rdzas de'i nye bar sbyor ba yin te/ de ltar na brgyud pas kyang 'tshed pa la sogs pa la rdzas kyang nye bar sbyor bar 'gyur ro zhes bsams pa'o/ /da ni zhes bya ba la sogs pa ni grub pa'i mtha' smra ba ste/nus pa don gzhan du gyur pa la dgos pa cung zad kyang yod pa ma yin no/ /'di ltar 'tshed pa la sogs pa sgrub pa'i nus pa dngos po la yang rdzas nus pa gang gis sbyor bar byed pa'i nus pa de yang gal te tha dad par khas len pa de'i tshe/ 'tshed pa la sogs pa'i sgrub pa'i nus pa la rdzas nye bar sbyor ba'i phyir/nus pa gzhan rdzas las tha dad par khas len na ha cang thal bar 'gyur ba'i phyir te/ nus pa de la yang nye bar sbyor ba'i phyir nus pa tha dad pa gzhan brtag par bya zhing de la yang gzhan zhes bya ba thug pa med par 'gyur zhes bya ba'i tha tshig go//de bas na nus pa tha dad pa med pa rdzas kho na 'tshed pa la sogs pa'i sgrub pa'i nus pa dang po la nye bar sbyor ba yin no zhes brjod par bya'o/ /de ltar na rdzas de ni nus pa la nye bar sbyor bar 'dod na/ rdzas de ni 'tshed pa la sogs pa'i don gyi bya ba'i mtshan nyid kho na la nye bar sbyar bar ci'i phyir de ltar mi 'dod de/rdzas de dang don gyi bya ba'i bar du nus pa don med pa brtag pas ci zhig bya/ gang gi phyir de lta ma yin pa de bas na/ 'tshed pa la sogs pa'i don gyi bya ba la nus pa zhes bya ba 'dis rdzas kho na brjod pa yin no//ji lta bur gyur pa zhe na/ de'i 'bras bu can de 'tshed pa la sogs pa de'i 'bras bu gang la yod pa'o/ /rdzas de yang gsal ba gzhan gyi rjes su 'gro ba med pa'i phyir rdzas de las 'tshed pa po zhes bya ba'i rjes su 'gro ba can gyi sgra dang shes par mi 'gyur ro//sgra smos pa ni nye bar mtshan pa yin no/ /gal te 'tshed pa po la sogs pa'i rdzas la 'tshed pa po nyid la sogs pa spyi yod pa de'i rjes su 'gro ba can gyi sgra dang shes pa'i rgyu yin no zhe na/ gal te zhes bya ba la sogs pa smos te/gal te 'tshed pa po nyid la sogs pa spyi yin par 'dod pa de'i tshe/ 'tshed pa po la sogs pa'i bya ba sgrub nus pa'i gnas skabs dang por te/ rdzas 'byung ba dang dus mnyam kho nar de'i rdzas la 'phrod pa 'du bas 'brel par 'gyur ro zhes bya ba'i don to/ /de ltar na byis pa de dang po skyes pa yang 'tshed pa la sogs pa'i shes pa dang brjod pa'i yul du 'gyur ro zhes bsams pa'o//dang po'i ci ste min pa de'i tshe phyis kyang mi 'gyur te rdzas de la khyad par med pa'i phyir ro/ /rdzas la ni dus thams cad du 'tshed pa po nyid la sogs pa kho na yin mod kyi/'on kyang dang por mngon par mi gsal ba de bas na/ sgra dang shes pa dag gi rgyu mtshan ma yin no zhe na/ yod nyid sogs zhes bya ba la sogs pa smos pa la/ gsal 'gyur zhes bya ba ni dang po kho nar gsal bar 'gyur zhes bya ba'i don to/ /yod nyid sogs bzhin du ste/dper na yod pa nyid dang rdzas nyid la sogs pa lta bur ji srid rdzas yod pa dang don byed pa'i dbang po nyid na rung ba'i yul na gnas pa gsal bar 'gyur ro/ /ci ste yang zhes bya ba la sogs pas 'chad par byed de/ yod pa'i don la ste rigs kyi rten la'o//'phrod pa 'du ba de'i ni 'phrod pa 'du ba spyi'o/ /res 'ga' ba nyid ma yin pa'i phyir zhes bya ba ni/ dus thams cad du yod pa nyid yin pa'i phyir ro/ /de nyid brtan par bya ba'i phyir/ don la zhes bya ba la sogs pa smos pa la/ don la ste rigs kyi rten la 'phrod pa 'du ba'i chos can 'brel bar rung ba spyi de dag ni don 'di'i skye ba gang yin pa de dag dang lhan cig tu 'phrod pa 'du ba dag yin no//spyi'i rten 'di la zhes rnam par dbye ba bsgyur nas sbyar bar bya ste/ skye ba dang dus mnyam pa kho nar rdzas dang sbyor bar bya'o zhes bya ba'i tha tshig go zhes bya ba ni gzhung yin la zhes bya ba ni spyir smra ba'i grub pa'i mtha' yin no//ci ste grub pa'i mtha' las 'das nas spyi phyis 'byung ba nyid du rtogs pa de'i tshe/ de las 'das pa ste grub pa'i mtha' las 'das pa spyi'i rten gyi rdzas de ni khyad par med pa'i phyir phyis kyang de dang 'phrod pa 'du bar 'gyur ba ma yin te/spyi de dang 'phrod pa 'du bar mi 'gyur ro/ /dper na 'bras bu ni rang bzhin gcig pa nyid yin du zin kyang / dang po dmar po nyid du mi 'gyur zhing phyis 'gyur ba de bzhin du skyes bu'i 'tshed pa po nyid la sogs pa'i spyi yin no zhe na/de'i phyir de dang 'brel pa'i zhes bya ba la sogs pa smos te/ de dang 'brel pa'i rang bzhin dang mi mthun pa'i ste/ 'tshed pa po nyid la sogs pa'i spyi'i 'brel pa'i rang bzhin dang mi mthun pa'i phyir ro/ /de ni zhes bya ba ni spyi'i 'phrod pa 'du ba'o//de'i zhes bya ba ni skyes bu'i'o/ /rang bzhin mthun pa la gnas pa ni de dang 'brel par mi 'gyur ba ma yin no/ /spyi 'phrod pa 'du ba de nyid kyang rang bzhin mi mthun pa la gnas pa rdzas 'dis de'i spyi 'phrod pa 'du bar 'gyur ro zhes bya ba ni rtogs par dka' ba ste khong du chud par dka'o gal te a mra la sogs pa'i 'bras bu dag gis yang snga ma dang phyi ma rang bzhin gcig pa nyid yin pa de la yang brgal zhing brtag pa mtshungs so//rdzas rtag tu spyi dang 'brel pa kho na phan 'dogs pa'i bya ba la ltos pa ni spyi gsal bar byed pa yin la/bya ba de sngar yod pa ma yin pas na sngar spyi mngon par gsal ba ma yin no zhe na/ de'i phyir bya ba phan 'dogs zhes bya ba la sogs pa la/ 'tshed pa la sogs pa'i mtshan nyid kyi bya ba de byed pa'i phan 'dogs pa gang yin pa de la ltos pa'i rdzas ni spyi gsal bar byed pa nyid du khas len na/rdzas de ni skad cig ma nyid ma yin pa'i phyir lhan cig byed pa la 'gyur ba med ltos pa med/ ci ste rnam par 'gyur pa de'i tshe yang / 'di ni phul du byung ba yod na'ang ste/rdzas ni skad cig ma nyid thob par 'gyur ro/ /skad cig nyid phyir skyes ma thag tu 'jig pa can gyi bya ba gang las te/ gang gis de la phan 'dogs pa la ltos pa'i rdzas rigs kyis gsal bar byed par 'gyur/ gal te zhes bya ba la sogs pas 'chad par byed de/las ni rten 'dzugs pa la sogs pa'i mtshan nyid kyi bya ba'o/ /de la phan 'dogs par byed pa ni des byas pa'i phul du byung ste/ de la ltos nas so/ /rang bzhin brtan pa ni snga ma'i rang bzhin las ma bskyod pa'o/ /phul du dbyung du med pa'i phyir zhes bya ba ni rang bzhin gzhan bskyed pa med pa'i phyir ro//khyad par du byed pa med pa la ste/ las la ltos pa ci zhig yod de/ med pa kho na'o/ /phul du dbyung du yod na yang ste/ rdzas kyi bya ba byed pa khas len pa na phul du dbyung ba med pa po'i las ni skad cig ma nyid yin pa'i phyir rdzas phan gdags par bya ba de yang phul du byung ba'i rang bzhin du 'gyur ba gzhan gyis bskyed par bya ba yin no//gal te phul du byung ba'i byed pas byas pa rdzas kyi rang bzhin du gyur pa ma yin na/ de las don gzhan byed pa'i phyir rdzas kho na la phan 'dogs par mi 'gyur ro//de bas na skad cig re re la phul du byung ba'i rang bzhin du 'gyur ba gzhan dang gzhan 'byung ba'i phyir/ lhas sbyin la sogs pa'i rdzas de dag kyang skad cig mar 'gyur ro/ /de bas na zhes bya ba ni skad cig nyid kyi phyir ro/ / rang gi skye ba'i gnas 'jig pa can te/ rang nyid skye ba'i yul 'jig pa can skyes bu'i yul gzhan du 'pho ba'i mtshan nyid can gyi bya ba gang la ltos pa ste/ bya ba gang la ltos pa 'tshed pa po la sogs pa'i rdzas ni spyi'i gsal bar byed par 'gyur/ de bas na dngos po ji lta ba bzhin du rigs de ni yod pa ma yin no zhes bya bar gnas so//'dir gzhan gyis 'o na ji ltar zhes bya ba la sogs pa smras pa yin no/ /dper na zhes bya ba la sogs pas ni grub pa'i mtha' smra ba yin te/ ji ltar 'tshed pa po la sogs pa'o 'tshed pa po nyid la sogs pa'i spyi yod pa ma yin pa de ltar rab tu bsgrubs pas yin no//'on kyang de la rjes su 'gro ba can gyi shes pa dang sgra 'jug pa de bzhin du med pa gzhan dag la yang 'gyur ro/ /gzhan gyis de nyid ces bya ba la sogs pa smras pa la/ 'tshed pa po la sogs pa de dag la yang spyi med par ji ltar rjes su 'gro ba can gyi shes pa dang sgra dag 'jug par 'gyur/de bas na rjes su 'gro ba can gyi shes pa dang sgra 'jug pa'i phyir/ 'tshed pa po la sogs pa dag la yang / 'tshed pa nyid la sogs pa spyi yod pa yin no zhe na/ji ltar de dag la 'tshed pa po nyid la sogs pa'i spyi yod pa ma yin no zhes 'das ma thag tu de dpyad zin to/ /gal te rjes su 'gro ba can gyi ngo bo yod pa de ma yin pa de bas na/ da ni ci'i phyir sgra dang shes pa dag rgyu mtshan med pa can du mi 'gyur zhe na/ grub pa'i mtha' smra bas rgyu mtshan med pa yin no zhes bya ba smos te/de dag la rgyu mtshan ni yod mod kyi gang yang gzhan gyis 'dod pa de ni spangs pa yin no/ /de nyid ni 'o na ci yin zhes bya ba smos te/ phyi rol gyi dngos por gyur pa spyi de nyid rgyu mtshan du 'gyur ba ma yin no/ /'o na de dag gi rgyu mtshan ci yin zhe na/'di ltar zhes bya ba la sogs pa smos te/ gang gi bdag nyid kyi bag chags rab tu sad pa gang yin pa de las rjes su 'gro ba can gyi rnam par rtog pa skye bar 'gyur la/ rnam par rtog pa las skyes pa de las rnam par rtog pa ji lta ba bzhin gyi/rnam par rtog pa dang brjod pa dag gi dngos po yod pa nyid la ste/ rjes su 'gro ba can gyi dngos po yod pa nyid la brten pa yang ma yin no zhes de ni bshad zin to/ /de yang stobs kyis 'dod par bya ste/ 'di ltar bdag nyid kyi gzhung lugs ji lta ba'i bag chags kyi dbang gis te/grub pa'i mtha' la brten pa'i rnam par shes pa'i bag chags dang mthun pas so/ /'gal ba'i ngo bo gcig tu sdud pa phan tshun 'gal ba'i ngo bo sgro btags pa ste/ dper na 'gro ba gtso bo'i 'bras bu dang / dbang phyug gi 'bras bu dang rgyu med pa can dang kun rdzob ces bya ba lta bu'o//rjes su 'gro ba can ni de lta bu'i khyad par thams cad la'o/ /de dag ces bya ba shes pa dang brjod pa dag go/ /gzhan dang gzhan mthong ba na yang zhes bya ba ni don phan tshun tha dad pa dag mthong ba na yang ngo //de la zhes bya ba ni gtso bo la sogs pa'i 'bras bu nyid phan tshun 'gal ba'i ngo bor brtags pa'i don dag la'o/ /de'i rgyu ni shes pa dang sgra de dag gi rgyu'o/ /ci'i phyir yod pa ma yin zhe na/ phan tshun 'gal ba ni zhes bya ba la sogs pa smos so//gzhan gyis 'o na ni zhes bya ba la sogs pa smras te/ thams cad du rjes su 'gro ba can gyi shes pa dang brjod pa thams cad ma nges par 'gyur ro/ /de nyid bsgrub pa'i phyir rgyu mtshan med par zhes bya ba la sogs pa smos so/ /bdag nyid ji lta ba'i bag chags rab tu sad pa las rnam par rtog pa skye ba la sogs pa de dag rgyu mtshan med pa bkag pa ma yin nam/rgol ba'i skabs med do zhe na/ 'di ltar de dag gi nang gi mtshan nyid 'dod la/ rgyu mtshan de yang 'ga' zhig dang nye ba dang skal ba med pa'i phyir thams cad rnam par rtog pa thams cad kyi rgyu nyid du 'gyur ro snyam sems so//rgyu mtshan med par yod pa ni zhes bya ba ni 'dir phyi rol gyi rgyu mtshan med pa'i phyir rgyu mtshan med pa zhes bya bar blta bar bya'o/ /de dag rgyu mtshan med pa can ni ma yin te zhes bya ba ni grub pa'i mtha' smra ba yin te/khyad par can yin pa ni rgyu mtshan dag tu 'gyur ba ma yin no zhes bya ba'i tha tshig go/ /de bas na bag chags kyi khyad par rgyu mtshan nyid yin no zhes bya ba smos te/ ji lta ba bzhin du mthong ba'i sgo nas 'ongs pa'i bag chags gang yin pa de ni de nyid la de'i dngos por nges pa can gyi rnam par rtog pa skye bar byed kyi thams cad du ma yin no zhes bya ba ni bsdus pa'i don to//de lta bur gyur pa zhes bya ba ni rjes su 'gro ba can gyi phyi rol gyi rgyu mtshan yod pa ma yin pa de la rnam par rtog par mi 'gyur ba ma yin te/ 'gyur ba kho na yin no//de nyid ni rmi lam dang zhes bya ba la sogs pa sgrub par byed de/ rmi lam dang rab rib can de dag gis dmigs pa'i don te/ de go rims bzhin du ba lang la sogs pa dang / skra shad 'dzings pa dang sbrang ma la sogs pa dag dang / ri bong gi rwa la sogs pa dngos po med pa dag dang /gzhung lugs kyi bag chags te/ bdag nyid ji lta bu'i grub pa'i mtha'i brda'i bag chags de'i stobs kyis sgro btags pa'i ngo bo'i khyad par gtso bo'i 'bras bu nyid la sogs pa dag la de lta bu'i rnam par rtog pa skye ba ste/ rjes su 'gro ba can gyi rnam par rtog pa skye ba'i phyir ro/ /ji skad du bshad pa de dag la phyi rol gyi rjes su 'gro ba'i ngo bo yod pa ma yin te/ rmi lam dang rab rib can dag gis dmigs pa'i don ni med pa nyid kyi phyir ro/ /de dag gi med pa nyid kyang le'u gsum pa las bstan par 'gyur ro//grub pa'i mthas sgro btags pa med pa nyid kyis kyang phan tshun 'gal ba ni gcig la cig car zhes bya ba la sogs pas bstan pa kho na yin no/ /rnam par rtog pa de dag ni rmi lam la sogs pa dmigs pa yod pa ma yin pa dag la dngos por gyur pa'i rjes su 'gro ba can gyi ngo bo med par yang skye ba'i phyir don thams cad la rnam pa thams cad du 'gyur ba yang ma yin gyi/'on kyang so sor nges pa kho na yin no/ /so sor nges pa'i rgyu nyid ni rnam par phye ba nyid kyis zhes bya ba la sogs pa smos pa la/de ltar dmigs pa dag la zhes bya ba ni rnam par phye ba dmigs pa dag la rnam par phye ba nyid du rnam par rtog pa'i phyir ro/ /re zhig rmi lam dang rab rib kyis 'khrul pa'i shes pa la gnas pa'i don dag dang / bdag nyid kyi grub pa'i mtha' ji lta ba bzhin du mnyan pa'i dus grub pa'i mtha' sgro btags pa dag dang /ri bong gi rwa dang mo gsham gyi bu zhes bya ba la sogs pa tha snyad skye ba'i dus kyi ri bong gi rwa la sogs pa med pa dag la yang rnam par phye ba'i dmigs pa yin te/ tha snyad kyi bag chags dag ni thog ma med pa nyid ma yin pa'i phyir ro//kho bo cag gis zhes bya ba la sogs pa ni gcig rtogs don zhes bya ba la sogs pa don gcig bsgrub pa la kha cig ni zhes bya ba 'dir bstan to/ /gzhan yang ji ltar d+ha ba dang seng ldeng la sogs pa phan tshun tha dad pa de la ba lang la sogs pa tha dad par mtshungs pa la/gzhan gyis ji ltar shing nyid ni d+ha ba la sogs pa kho na la 'jug pa la/ ba lang la sogs pa la ni ma yin zhes dri ba de nyid la/ dper na d+ha ba la sogs pa dag ni gang gis de dag nyid shing nyid dang nye ba yin gyi/ ba lang la sogs pa dang ma yin no zhes brjod par bya ba yin pa de'i tshe/ tha dad pa mtshungs pa yin na rigs dngos po'i nus pa'i mtshan nyid can gyi nye bar gang gis 'ga' zhig la ste/ don gyi tshogs rten du mngon par 'dod pa la rab tu 'jug ste/ khyad par gnas pa'i nus pa de nyid ni rjes su 'gro ba can gyi sgra dang shes pa'i rgyu yin no//de bas na rnam par rtog pa'i blos nges pa'i dbang las dngos po dag la rjes su 'gro ba'i ldog pa kho na yin gyi/ dngos por gyur pa ni ma yin no zhes bya bar de gnas so/ /'dir grangs can gyis gal te ldog pa zhes bya ba la sogs pa smos pa la/dngos po'i rjes 'gro ni dngos po rnams kyi ngo bo gcig pa nyid do/ /gzhan zhes bya ba ni dngos por gyur pa'o/ /de'i tshe gcig gi 'bras bu gang yin pa de ni gzhan la sogs pa'i ru mi 'gyur ro//ci'i phyir zhe na/ sa bon dang sa de dag ni shin tu tha dad pa'i phyir ro/ /gal te zhes bya ba la sogs pas 'chad par byed pa la/ de dag ni zhes bya ba ni dngos po dag ste/ dper na sa bon dang chu la sogs pa dag gi myu gu zhes bya ba'i 'bras bu gcig lta bu'o/ /de'i zhes bya ba la sogs pas de nyid sgrub par byed pa de sa bon de'i myu gu skyed par byed pa'i rang bzhin gang yin pa de ni sa la sogs pa gzhan la med cing blos sgro btags pa'i bzlog pa'i mtshan nyid can la yod pa gang yin pa de ni skyed par byed pa yin no//ci'i phyir zhe na/bzlog pa ste gzhan ldog pa'i mtshan nyid kyi rang bzhin med pa nyid kyi phyir ro/ /de bas na sa bon gyi rang bzhin mtshan nyid kho na skyed par byed pa yin zhing skyed par byed pa'i ngo bo gang yin pa de nyid dngos po yin no/ /skyed par byed pa de yang zhes bya ba ni myu gu skyed par byed pa'i rang gi mtshan nyid do//gzhan la zhes bya ba ni sa la sogs pa la'o/ /sa la sogs pa'i gzhan gyi myu gu bskyed par mi 'gyur ro/ /gal te de ni zhes bya ba la sogs pa la ni sgra kho na'i don to/ /de'i ni zhes bya ba ni sa bon gyi'o/ /gzhan gyir yang zhes bya ba ni sa la sogs pa'i'o//sa la sogs pa de ni myu gu skyed par byed pa'i sa bon gyi rang bzhin des sa bon de las tha dad par mi 'gyur ba'i phyir rang bzhin gyi rjes su 'gro ba yod do/ /de bas na rang bzhin tha dad pa 'ga' zhig la yang ngo bo nyid kyi 'bras bu gcig byed pa yin te/dbang po la sogs pa dang 'dra'o zhes bstan pa ni rigs pa ma yin no zhe na/ grub pa'i mtha' smra bas gal te zhes bya ba la sogs pa smos pa la/ bdag gcig la zhes bya ba ni rgyu tshogs pa tha dad pa med pa'i bdag nyid gang gis skyed par byed pa nyid du 'dod pa'i bdag nyid de ni rgyu de dag gi nang nas rgyu gcig la yang yod pa'i phyir te/gcig po de nyid kyis 'bras bu byas pa'i phyir lhan cig byed pa don med par 'gyur/ ldog pa smra ba la yang gnas skabs tha ma la thams cad bskyed pa nyid kyi phyir rgyu gzhan don med pa ma yin nam zhe na/de ni yod pa ma yin te/ tshogs pa de dag ni gnas skabs tha ma kho na la de 'dra bar nus pa yod do/ /skad cig ma dag ni rgyu rkyen las pas nye ba can nyid yin pa'i phyir ro/ /gzhan rtag par smra ba dag la ni rtag tu de'i ngo bor yod pa'i phyir rgyu gzhan don med par 'gyur ro//de nyid kyi phyir/ gcig la'ang de yod phyir zhes bshad de/ rgyu gzhan dang bral ba'i gnas skabs la yang zhes bya ba'i don to/ /gal te zhes bya ba la sogs pa smos pa 'chad par byed de/gal te rang bzhin gcig pa nyid kyi phyir dngos po du ma 'bras bu gcig byed pa ste/ skyed par byed pa yin na rgyur mngon par 'dod pa'i don de dag gi tha dad pa med pa skyed par byed pa'i rang bzhin de ni rgyu gcig nye ba la yod do/ /de bas na gnas skabs thams cad du rgyu dang ma bral ba'i phyir/gang la gnas pa de la gcig kyang skyed par byed par 'gyur ro/ /de nyid bstan par bya ba'i phyir 'di ltar zhes bya ba la sogs pa smos te/ tha dad pa med pa'i ngo bo de spyi 'bras bu skyed par byed pa de ni sa bon la sogs pa nye ba gcig las kyang byed mi nus so//tha dad pa rnams kyi khyad par rnams dang bral ba'o/ /tha dad pa'i rang bzhin de las sa bon las don gzhan sa la sogs pa'i khyad par yod pa ma yin no/ /ci'i phyir zhe na/ khyad par yod na tha dad pa med pa nyams pa'i phyir tha dad pa med pa'i phyir ro//tha dad pa med pa skyed par byed par 'dod pa'i rang bzhin de yang sa bon 'ba' zhig po de la yang yod pas sa bon gcig gi gnas pa la yang de'i zhes bya ba tha dad pa med pa'i ngo bo skyed par byed par 'dod pa'i 'bral ba ste/ 'jig pa yod pa ma yin te/yon tan gsum ni bdag nyid thams cad thams cad kyi tshe yod pa nges pa'i phyir/ gang khyad par gyi gnas kyi khyad par de dag lhan cig gnas pa nges pa med pa'i phyir bral bar 'gyur ro/ /de dag kyang khas blangs nas bshad kyi gzhan du na gnas pa po ni rtag pa nyid kyi phyir ldog pa med pa'i khyad par dag kyang ji ltar bral bar 'gyur ro//de dag skyed par byed pa zhes bya ba ni khyad par ro/ /ci'i phyir mi 'dod ce na/ lhan cig byed byed pa dag ni zhes bya ba la sogs pa smos so/ /de bas na sa bon la sogs pa'i gnas pa'i gcig la yang skyed par byed pa'i bdag nyid gnas pa'i phyir ro//gnas pa med pa ni zhes bya ba ni khyad par ni'o/ /gnas pa gcig gis kyang zhes bya ba sa bon la sogs pa gzhan gnas pas kyang 'bras bu bskyed par 'gyur ro/ /'gyur ba yang ma yin pa ni 'bras bu bskyed par 'gyur ba'o//de bas na spyi gnas na yang lhan cig byed pa'i nang nas khyad par gcig dang bral na'ang 'bras med phyir/ khyad par rnams las de dag 'byung ste/ 'bras bu de dag 'byung gi spyi las ni ma yin no/ /'bras bu de ni myu gu la sogs pa'o//ji lta bur gyur pa zhe na/ lhan cig byed pa du ma'i thun mong du gyur pa ste/ lhan cig byed pa du mas bskyed pa zhes bya ba'i don to/ /khyad par gcig dang bral na yang zhes bya ba ni lhan cig byed pa'i khyad par gzhan dang bral na yang ngo / /'dis ni ldog pa bstan to//khyad par thams cad dang zhes bya ba la sogs pas ni rjes su 'gro ba yin no/ /de bas na khyad par kho na dag la 'bras bu'i rjes su 'gro ba dang ldog pa yin gyi spyi la ni ma yin no/ /de ni ma bral na yang zhes bya ba la sogs pa smos te/ khyad par gcig gnas pa la ma bral na yang tha dad pa med pa'i ngo bo las 'bras bu de 'gyur ba ma yin no//'bras bu ni zhes bya ba la sogs pas de nyid rnam par 'byed par byed de/ 'ga' zhig las 'byung zhing skye ba de nyid chos nyid yin te de gang la yod pa de ni de las byung ba'i chos can 'ga' zhig tu mi 'gyur ba gang yin pa de ni skyed par byed pa de dang bral ba'i phyir ro//tha dad pa med pa'i ngo bo skyed par byed par 'dod pa lhan cig byed pa'i nang nas gcig gnas pa la yang bral ba nyid yod pa yin la/ gang gis na nyes pa 'dir 'gyur/ 'on kyang bdag nyid gcig pa yin pa du ma skyed par byed pa yin no zhes smras so zhe na/'dir gang tshogs pa dang zhes bya ba la sogs pa smos te/ khyad par gang tshogs pa dang bral ba dag las 'bras bu yod pa med pa 'dra bar khyad par de nyid las 'bras bu skye'o/ /de la yod na zhes bya ba ni rgyu'i dngos por rung ba'i khyad par yod na 'bras bu yod par 'gyur ro//de las gzhan las zhes bya ba ni khyad par las gzhan pa spyi las so/ /ha cang thal bar 'gyur ba'i phyir zhes bya ba ni thams cad thams cad kyi rgyur 'gyur ba'o/ /gang gi phyir de ltar yin pa de bas na khyad par kho na skyed par byed pa yin no//de'i phyir de skyed par byed pa de nyid kyi phyir khyad par de kho na dngos po yod de/ don dam par yod pa zhes bya ba'i tha tshig go/ /ci'i phyir zhe na/ 'di ltar don byed nus pa gang yin pa de nyid don dam par yod pa ste/ dngos po don dam par yod pa yin no zhes bya ba'i don to/ /dngos po dang zhes bya ba la sogs pas 'chad par byed de/ don byed par rung ba nyid ni dngos po'i mtshan nyid yin la mi rung ba nyid ni dngos po med pa'i mtshan nyid yin no zhes bya bar sbyar ro/ /don byed nus pa gang yin te/'dir ni don dam pa yod pa yin zhes bya ba la sogs pas 'chad par 'gyur ro/ /don byed par rung ba'i don de khyad par gyi bdag nyid de yang rjes 'gro med pa ste/ khyad par ni gsal ba gzhan gyi rjes su mi 'gro ba nyid kyi phyir ro/ /gang zhig rjes 'gro ste spyi'i bdag nyid de las 'bras bu yod min de bas na zhes bya ba la sogs pas mjug sdud par byed de/don byed par rung ba med pa nyid kyi phyir zhes bya ba ni don byed par mi rung ba nyid kyi phyir zhes bya ba'i don to/ /de kho na nyid las zhes bya ba ni khyad par nyid las so/ /de grub pa ni don byed par grub pa'i phyir ro//de bas na de ltar gzhan dag gis brtags pa'i rjes su 'gro ba can gyi ngo bo skyed par byed pa nyid ma yin par bstan pa yin no/ /da ni gzhan gyis gcig gi 'bras bu gzhan gyir ni/ mi 'gyur shin tu tha dad phyir/ /zhes bshad pa gang yin pa de gsal bar bya ba'i phyir rgol ba de nyid 'on kyang rang bzhin gyi rjes su 'gro ba med pas zhes bya ba la sogs pas zlog par byed de/lhan cig pa'am so so yis/ /rims la sogs pa zhi byed la/ /zhes bya ba la sogs pas ji ltar de gong du yongs su btsal ba de lta na yang lhag par bya ba'i don du yang bkod pa yin no//sa bon la sogs pa gcig gis skyed par byed pa'i ngo bo gang yin pa de ni gzhan sa la sogs pa la med pa'i phyir lhan cig byed pa gzhan bskyed par mi 'gyur ba'am/ skyed par byed pa'i rang bzhin las rang bzhin tha dad pa skyed par byed pa nyid du khas blangs pa yin na tha dad par khyad par med pa'i phyir nas kyi sa bon la sogs pa thams cad kyang sA lu'i myu gu skyed pa por 'gyur ro//de ni ma yin te zhes bya ba la sogs pas len 'debs par byed de/ sA lu'i sa bon skyed par byed pa bdag nyid des sa la sogs pa dang nas kyi sa bon la sogs pa shin tu tha dad kyang sa la sogs pa 'ga' zhig sA lu'i myu gu'i rgyu yin gyi/nas kyi sa bon la sogs pa gzhan pa'ang yin no/ /'ang gi sgra ni tshigs su bcad pa kha bskang ba'i don nam/ kho na'i don yin no/ /ci'i phyir zhe na/dngos po rnams kyi rang bzhin 'di yin no/ /gcig gis skyed par byed pa'i bdag nyid gang yin pa de las te/ bdag nyid kyi rang bzhin las thams cad tha dad par 'gyur ba mtshungs pa ste/ 'dra ba skyed par byed pa thob par 'gyur ba'am/ tha dad khyad par med pa'i phyir 'ga' zhig kyang bskyed pa ma yin no zhes bya ba der 'gyur na zhes brgal ba'o//ji ltar gcig skyed par byed pa bdag nyid las tha dad pa de dag la de dang de'i 'bras bu ma yin pa skyed par byed pas so sor nges pa'i mtshan nyid can gyi khyad par yod par mi 'gyur ba zhig na 'on kyang yod pa kho na yin no//de bas na zhes bya ba ni khyad par yod pa'i phyir ro/ /tha dad pa'i khyad par yod na yang 'ga' zhig las bdag nyid phul du byung ba ste/ khyad par can gyi 'bras bus so sor nges pa'i mtshan nyid can yin pa'i phyir/ sa la sogs pa 'ga' zhig sA lu'i myu gu skyed par byed pa yin gyi nas kyi sa bon la sogs pa gzhan ma yin no//ci'i phyir zhe na/ sA lu'i myu gu skyed par byed pa'i khyad par de ni sa la sogs pa de'i lhan cig byed pa'i rang bzhin yin gyi nas kyi sa bon la sogs pa gzhan gyi ni ma yin no/ / gal te rnam par 'byed pa 'dis ci zhig bya zhe na/ dngos po'i zhes bya ba la sogs pa smos pa la/ ci'i phyir me ni sreg par byed pa'am dro ba yin gyi/ chu ni sreg par byed pa'am dro ba ma yin zhes brgal zhing brtag par 'os pa ma yin no/ /ji skad du bshad pa'i rang bzhin 'di dag rgyu gang las 'gyur zhes bya ba dri ba de tsam ni rigs par 'gyur te/gdon mi za bar rang bzhin tha dad pa rgyu las 'gyur gyi/ gang gi phyir rgyu med pa can rgyu la ltos pa med pa ni yul la sogs pa nges pa med pas ha cang thal bar 'gyur te/ thams cad la thams cad kyi tshe bdag nyid thams cad 'byung bar thal ba'i phyir ro//de bas na rgyur 'dod pa'i rang bzhin ni rang gi rgyu las 'byung bar 'gyur ro zhes brjod par bya'o/ /rang gi rgyu de yang des bskyed pa'i bdag nyid de/ de lta bur gyur pa'i rang bzhin skyed par byed pa'i bdag nyid de las rang gi rgyu gzhan las zhes bya ba'i rgyu'i brgyud pa thog ma med pa can yin no//dngos po tha dad pa dag gi rgyu'i rab tu dbye ba la gnod pa can gyi tshad ma yin no/ /de nyid ni tha dad pa dag gis zhes bya ba la sogs pa smos pa la/ rang bzhin yin pa'i phyir zhes bya ba ni dngos po gnas pa'i phyir ro/ / gcig nyid la ni gnod pa can yod pa yin no zhes bstan pa'i phyir/ tha dad min zhes bya ba la sogs pa smos te/ phan tshun tha mi dad pa'i phyir gcig 'jig pa na cig car thams cad 'jig pa dang / skye ba na thams cad skye bar 'gyur ro zhes bya ba'i don to/ /rang bzhin zhes bya ba la sogs pas 'chad par byed de/sna tshogs pa ste/ dngos po'i tshogs thams cad kyi rang bzhin la tha dad pa med pa'i phyir ro/ /rnam par dbye ba skye ba zhes bya ba la sogs pa la gcig skye ba na gzhan skye ba dang gnas pa na gzhan 'gog pa zhes bya ba de lta bu'i rnam par dbye bas skye ba la sogs par mi 'gyur gyi/'on kyang cig car nyid du 'gyur ro/ /rang gi bdag nyid bzhin du zhes bya ba ni dper na gcig gi gnas skabs kyi khyad par rnam par dbye ba la sogs pa ma yin pa lta bu ste/ de dang 'dra bar zhes bya ba'i don to/ /sogs pa'i sgras ni gcig gzung ba na gzhan ma bzung ba zhes bya ba la sogs pa'o//mdo las skye 'jig smos pa ni nye bar mtshon pa yin te/ de ltar ni rnam par dbye ba med pa'i skye ba la sogs pa nyid kyis tha dad pa nye bar mtshon cing nges pa'i phyir ro/ /gzhan du na tha dad pa dang tha dad pa med par gang gis mtshon par bya/ rnam pa gcig la yang zhes bya ba ni rnam pa mtshungs pa la yang ldog pa ste/rnam par dbye ba so sor skye ba la sogs pa dang ldan pa de ni tha dad pa'i mtshan nyid yin no/ /ldog pa med pa ste rnam par dbye ba med pas so sor skye ba la sogs pa dang ldan pa de ni tha dad pa med pa'i mtshan nyid do/ /rnam par dbye bas skye ba la sogs pa dang ldan pa yin du zin kyang /ci'i phyir tha dad pa yin zhe na/ bdag nyid ces bya ba la sogs pa smos te/ bdag nyid gcig la 'gal ba ste/ skye ba dang mi skye ba la sogs pa cig car 'gal ba'i phyir ro/ /don rnams ni tha dad pa med pa nyid ma yin te/ 'on kyang gal te tha dad pa yang yod de rgyu des de ltar min te/cig car skye ba la sogs par thal bar mi 'gyur ro/ /rnam pa thams cad kyis zhes bya ba la sogs pas 'di nyid rnam par 'chad pa yin te/ rnam pa thams cad kyis tha dad pa med pa ste/ gcig pa smra ba ma yin na gang gis de ltar 'gyur te/cig car skye ba dang 'jig par 'gyur ro/ /'on kyang phyi dang nang gi tha dad pa 'di'i bdag nyid 'ga' zhig ste/ gnas skabs kyi khyad par gyi mtshan nyid tha dad gzhan ma yin pa yon tan gsum gyi bdag nyid bde ba dang sdug bsngal ba dang rmongs pa'i bdag nyid du thams cad la khyad par med pa'i phyir ro zhes bya ba la sogs pa bshad pa'i gnas skabs kyi mtshan nyid las tha dad pa'i phyir ro// //bam po bcu dgu pa/ de ltar te spyi rtag pa nyid kyi phyir thams cad la gnas la khyad par rnams ni ma yin te/ khyad par rnams kyang 'jig pa yin no zhes khas len na'o//de bas na khyad par gcig 'jig pa na spyi bdag nyid gnas pa gang yin pa de ni khyad par de'i rang bzhin min te/ chos 'gal ba gnas pa'i phyir spyi dang khyad par dag ni tha dad do zhes bya ba'i tha tshig go/ /gzhan du na gnas pa dang gnas pa ma yin pa dag ni rten gyi bdag nyid gcig yin par khas len na/bdag nyid gcig la yang 'gal ba'i chos dag khas blangs pa yin no/ /de bas na tha dad pa can gyi chos gzhan ci zhig yod de 'ga' zhig kyang med do/ /gcig la chos 'gal ba dag khas blangs pa byas pa med de gang gi phyir so sor skye ba la sogs pas khyad par ni rnam pa thams cad du tha dad pa dang ldan pa yin zhing /spyi yang tha dad pa la sogs pa skye ba med pa'i phyir thams cad la tha dad pa med pa can yin no zhe na/ de'i phyir don dag ces bya ba la sogs pa smos pa la/ khyad par dang spyi'i don dag gi go rims bzhin du rnam pa thams cad du tha dad pa dang tha dad pa med pa can khas blangs pa'i phyir ro//ming 'ba' zhig ces bya ba khyad par dang spyi tha dad pa zhes bya ba de ni brjod pa tsam ste/ 'dod par mi 'gyur zhing dngos por yang mi 'dod pa ma yin no/ / khyad par dang spyi'i bdag nyid can gyi dngos po phan tshun tha dad par 'dod pa kho na yin no/ /de yang ming tha dad par zad de don khas blangs nas de skad brjod pa'i phyir ro zhes bya ba la sogs pa gong du bshad zin to/ /de bas na zhes bya ba ni de'i phyir ro/ /dngos po 'di ni zhes bya ba ni khyad par dang spyi phan tshun tha dad pa kho na yin no//ji lta bur gyur pa yin zhe na/ grub pa dang bde ba gcig pa ma yin te/ chos 'gal ba gnas pa nyid yin no zhes bya ba'i don to/ /rgyu de ni spyi dang khyad par blor mi 'gyur te/ spyi dang khyad par dag ni phan tshun 'brel pa can gyi blor mi 'gyur ro zhes bya ba'i don to//blo med pas kyang sgra yang spangs pa kho na yin no/ /de ni blo'i rgyu can nyid yin pa'i phyir ro/ /de nyid kyi phyir 'grel pa las sgra rigs pa ma yin no zhes sgra med pa kho na bshad do/ /de med pa ni blo'i med pa med na mi 'byung ba nyid kyi phyir ro/ /blo med pa la yang shugs kyis brjod pa kho na yin no//de bas na zhes bya ba ni de'i phyir te/ spyi 'di ni khyad par dag las don gzhan du gyur pa khyad par dag la ltos pa med pa yin no/ /ci'i phyir zhe na/ khyad par de dag gis spyi de ni ma skyes pa nyid kyi phyir ro/ /don gnyis pa ni de bas na spyi las don gzhan khyad par gyi bdag nyid can gyi dngos po 'di ni spyi de la ltos pa med pa yin te/des ma skyes pa nyid kyi phyir te/ rtag pa la don bya bar mi nus pa'i phyir ro/ /khyad par 'di'i spyi 'di zhes bya ba'am spyi 'di'i khyad par 'di zhes bya ba'i sgra rigs pa ma yin no/ /gzhan sel ba la yang zhes bya ba ni spyi la gcig ni 'jig na gnas pa'i bdag nyid gang yin pa de de min zhes bya ba la sogs pa de nyid du thal bar 'gyur ro//de ltar d+ha ba'am seng ldeng 'jig pa na shing ma yin pa las ldog pa shing gzhan la gnas pa kho na yin no/ /mtshungs pa ma yin no zhes bya ba la sogs pas len 'debs par byed de/'dir ni gzhan sel ba ni rnam pa gsum yin te/ re zhig gcig ni 'di las gzhan dang gzhan sel bar byed pa'i phyir rang gi mtshan nyid bzlog pa kho na yin no/ /gang gi dbang du mdzad nas/ mthun dngos gzhan gyi dngos dag la/ /ldog pa la ni brten pa can//zhes bya ba gsungs so/ /'di yang sgra dang rtags la brten pa'i tha snyad kyi rten nyid du rnam par gzhag pa yin gyi sgras brjod par bya ba nyid du ni ma yin no/ /gnyis pa ni gzhan gcod pa'i phyir gzhan rnam par gcod pa tsam yin zhing / gang sngon gyi slob dpon dag gis thams cad la khyad par med pa rnam par gzhag pa yin te/thams cad la dgag pa tsam la khyad par med pa'i phyir ro/ /gsum pa ni 'dis gzhan sel bar byed pa'i phyir rnam par rtog pa'i blo la snang ba'i phyir te/ gang bstan bcos mdzad pas sgra'i brjod par bya ba nyid du bzhed pa zhes bya ba 'di yin no//de la gal te rang gi mtshan nyid ldog pa'i dbang du byas nas brjod pa de mi rigs te/ de'i bdag nyid du 'gyur ba yin na de zhig pa 'jig pa kho nar 'gyur te/ tha dad pa med pa'i phyir ro/ /rang gi mtshan nyid gnas pa gang yin pa de yang de las gzhan nyid du 'dod do//dgag pa tsam gang yin pa de yang rang bzhin med pa nyid yin pa de'i phyir de ni rtsod pa ma yin no/ /de ni ldog pa'i ngo bo nyid med pa'i zhes bya ba smos so/ /gnas dang gnas min rtog pa min/ /khyad par gcig zhig pa na ci gzhan sel ba gnas sam 'on te log ces bya ba'i gnas dang gnas pa ma yin pa'i rtog pa 'di ni rigs pa ma yin no//de yang zhes bya ba gzhan sel ba ni rang bzhin gyis rjes su song ba can te dngos po'i rjes su 'jug pa can no/ /rnam par rtog pa'i blo'i rnam pa mtshan nyid can gzhan ldog par 'gyur ba gang yin pa de ni spyi'i blo ste rnam par rtog pa can blo yang bslad cing 'khrul pa yin no//de bas na 'on kyang de yang yod pa ma yin no/ /gang gi phyir de lta yin pa de'i phyir te/ bslad pa'i rgyu'i phyir ldog pa de ni sun phyung ba yang med pa ste/ 'di la ji skad du bshad pa'i sun dbyung ba yod pa ma yin no zhes tshig rnam par sbyar ro//rnam par rtog pa'i shes pa rnam pa gcig pa 'di ni yul med pa can kho na yin te/ 'di ltar log pa'i shes pa yin no/ /gal te ji ltar na log pa kho na yin zhe na/ du ma la zhes bya ba la sogs pa smos te/ 'di ltar du ma la gcig gi rnam pa can de ni yul te rnam par shes pa'i rnam par rtog pa'i yul spyi ni gnas pa'am mi gnas pa ma yin no//ci'i phyir zhe na/ log pa'i shes pa'i yul de ni med pa'i phyir ro/ /nyes pa mtshungs pa nyid gsal nas yang rnam pa gzhan gyis rgol ba 'das pa yongs su gsal ba'i phyir gang yang zhes bya ba la sogs pa smos te/de'i skyed pa po ste sA lu'i myu gu de skyed pa po ni sA lu'i sa bon de'i rang bzhin yin na/ sA lu'i sa bon de'i sA lu'i myu gu skyed par byed pa'i ngo bo gang yin la skye bar byed pa'i ngo bo de las sa la sogs pa gzhan ji ltar skyed byed yin/ de la zhes bya ba ni ngag nye bar dgod pa'am/ rgol ba de la lan 'debs pa yin te/ sA lu'i sa bon las gzhan sa la sogs pa la ni de skyed par byed pa ste myu gu skyed par byed pa'i ngo bo med do zhes ni mi smra'o/ /'o na ci yin zhe na/ sA lu'i sa bon gcig gis skyed par byed pa'i rang gi ngo bo gang yin pa de ni gzhan sa la sogs pa ni ma yin no zhes smras te/dngos po rnams la phan tshun rjes su 'gro ba med pa'i phyir ro/ /gzhan dag kyang zhes bya ba la sogs pa'o/ /gzhan gyi ngo bos ni ma yin te zhes bya ba ni sA lu'i sa bon gyi ngo bo ni ma yin no/ /ci'i phyir zhe na/ de nyid med pa'i phyir te/ de'i rang gi ngo bo nyid med pa'i phyir ro//'di la gnod pa can gyi tshad ma ni med do snyam nas smras pa/ de dag ni sa la sogs pa'o/ /bdag nyid ji lta ba bzhin du zhes bya ba ni gang gi rang gi mtshan nyid gang yin pa'i ngo bo nyid de/ rang bzhin des phan tshun tha dad pa dang 'bras bu gcig skyed par byed pa 'di la 'gal ba ci yod de/gnod pa can gyi tshad ma ni med pa'i phyir 'ga' zhig kyang med do/ /sa la sogs pa ni sA lu'i myu gu skyed par 'dod pa'i sA lu'i ngo bo dang bral ba ma yin nam/ sA lu'i myu gu'i 'bras bu can nyid yin pa ni 'gal lo zhe na/ de'i phyir ngo bo gcig dang zhes bya ba la sogs pa smos te/sA lu'i sa bon gcig gis skyed par byed pa'i ngo bo gang yin pa de dang sa la sogs pa bral ba ni de'i ngo bo ste/ sA lu'i sa bon gyi rang bzhin du mi 'gyur ro/ /de'i 'bras bu can ma yin pa ma yin te/ 'on kyang de'i 'bras bu can kho na yin te/ 'di la sA lu'i 'bras bu yod pas zhes tshig rnam par sbyar ro//gal te sa bon kho na myu gu skyed par byed pa yin par 'gyur na 'gal bar 'gyur te de yang yod pa ma yin no/ /de nyid ni de nyid kyis zhes bya ba la sogs pa smos pa la/ de nyid kyis zhes bya ba ni sA lu'i sa bon nyid kyis so/ /de'i 'bras bu ni myu gu zhes bya'o//gzhan yang zhes bya ba la sogs pas sngar bshad pa dran par byed pa yin te/ gcig dang bral na 'bras med phyir/ /khyad par rnams las de dag byung / /zhes bya ba'i tshad ma'i stobs kyis khyad par skyed par byed pa yin no zhes gong du bshad zin to/ / bdag nyid des zhes bya ba ni skyed par byed pa'i ngo bo des so/ /sa bon gcig gis skyed par byed pa'i ngo bo gang yin pa de ni sa la sogs pa gzhan la yod pa ma yin no/ /de tsam gyis zhes bya ba ni sa bon gyi ngo bo dang bral ba tsam gyis sa la sogs pa skyed par byed pa ma yin pa ni ma yin no//gal te de dag ces bya ba la sogs pa de dag ste/ khyad par dag la tha dad med pa yang yod do zhes bya ba'i don to/ /de ltar gyur pa ni zhes bya ba la sogs pas 'chad par byed de/ de dag kyang zhes bya ba ni khyad par dag go/ /tha dad pa med pa'i ngo bo de nyid ni nus pa gcig po de dag ldan pa'i phyir ro//des zhes bya ba la sogs pas ni slob dpon gyi yin te/ tha dad pa med pa'i ngo bo des khyad par de skyed byed min par bshad de/ spyi'i zhes bya ba la sogs pas 'chad par byed de/ khyad par dag gi spyi'i ngo bo nyid yod du zin kyang spyi'i ngo bo des khyad par de dag skyed par byed pa ma yin no//ci'i phyir zhe na/ spyi'i ngo bo de las 'jig pa med pa'i phyir ro/ /rgyu gcig la gnas pas kyang 'bras bu skyed par rab tu thal ba'i phyir zhes bya ba de yang / tha dad med pa'i ngo bo de/ /bya min khyad par rnams dang bral/ /zhes bya ba la sogs pas gong du bshad zin to//cig car skye 'jig 'gyur zhes bya ba la sogs pas 'gal ba'i chos gnas pas tha dad pa rab tu bsgrubs na/ snang ba tha dad pas kyang bsgrubs pa'i phyir/ gzhan yang zhes bya ba la sogs pa smos so/ /snang ba khyad par ji lta bu zhig ce na/ gzhan mi brten pas te so sor gsal ba dang tha dad pa'o//yang gi sgras ni skye ba la sogs pa'i tha dad par byed pa'o/ /de yang sngar bshad pa kho na sdud par byed pa yin no/ /des ni zhes bya ba ni tha dad pa med par smra ba'o/ /blo'i snang ba tha dad pa ni blo'i rnam pa tha dad pa'o/ /chos 'gal ba gnas pa zhes bya ba ni skye ba dang 'jig pa la sogs pas na tha dad pa'o//de la yod de snang ba la sogs pa tha dad pa'o/ /dngos po tha dad pa khas len na ni 'ga' zhig ste bde ba dang sdug bsngal ba dang / rmongs pa dang sems dang ldan pa rnams kyang tha dad par mi 'gyur ro/ /de ltar na zhes bya ba ni tha dad pa med pa yin na'o/ /rnam par dbye ba 'dir zhes bya ba ni snang ba la sogs pa'i rnam par dbye ba'o//gcig gi bdag nyid dang 'dra bar zhes bya ba ni dper na bde ba'i bdag nyid gcig la snang ba la sogs pa tha dad pa med pa de dang 'dra bar ro/ /de bas na phyi dang nang gi tha dad pa 'di ni khyad par kho na yin te/ phan tshun mtshan nyid mi 'dra ba kho na yin no//ji lta bur 'gyur zhe na/ tha dad par snang ba la sogs pa ste/ gang la tha dad par snang ba la sogs pa yod pa ni zhes tshig rnam par sbyar ro/ /gal te tha dad pa med pa can 'di la yang snang ba yod pa de bas na tha dad pa med pa la yang yin no zhe na/ 'dir zhes bya ba la sogs pa smos pa la/'dir zhes bya ba ni tha dad pa la'o/ /gzhan zhes bya ba ni gnyis pa'o/ /gang gi stobs kyis tha dad pa med pa can gyi stobs kyis so/ /de bas na khyad par te rang gi mtshan nyid kho na yin gyi spyi ni ma yin no/ /khyad par de nyid don te dngos po yin no/ /shing nyid la sogs pa spyi'i chos gzhan gang dag yin pa de dag ni de nyid kyi ldog par brtags pa yin no//de ni rgyu dang zhes bya ba la sogs pa la khyad par gyi ngo bo nyid ni rgyu dang 'bras bu bshad cing de nyid rang gi mtshan nyid du brjod do/ /de spong len pa'i 'bras bu can yin zhes bya ba ni dor bar bya ba dang blang bar bya ba'i khyad par de nyid la go rims bzhin du spong ba dang len pa'i 'bras bu la 'jug pa gang yin pa de la de skad ces bya'o//don gyi bya ba byed pa de la yang khyad par kho na yin te/ gang la yang spyi rnam par gzhag pa de ni de nyid ces bya ba khyad par gzhan te rigs mthun pa las ldog pa tha dad pa tsam yin gyi/spyi zhes bya ba dngos por gyur pa de ni cung zad kyang yod pa ma yin no/ /gal te gyur na de dmigs pa'i mtshan nyid kyir gyur pa yin te/ khyad par ma rtogs par dmigs par 'gyur ro/ /gang gi phyir spyi de ni don te dngos po nyid du yod na snang bar 'gyur te/ de'i ngo bo dmigs pa'i mtshan nyid du mi 'gyur zhing rang gi ngo bo mi 'dzin par rigs pa ma yin no//ci'i phyir zhe na/ de dmigs pa'i mtshan nyid du byas pa nyid kyi phyir te/ khyad par dag la tha dad pa med pa'i shes pas spyi nges par byas pa nyid kyi phyir ro/ /bdag nyid gzung ba med pa gzhan gyi shes pa'i rgyu yin no/ / ji ltar grangs can bas tha dad pa med par khyad par med pa yin na thams cad sgrub byed min/ de ltar sangs rgyas pas kyang tha dad pas khyad par med pa yin na yang ngo / /lan 'di yang rgol ba gang yin zhe na/ ji ltar zhes bya ba la sogs pa smos pa la/ skyed par byed pa'i rang bzhin las zhes bya ba la sA lu'i myu gu skyed par byed pa'i rang bzhin las sa la sogs pa tha dad pa'o//'di zhes bya ba ni myu gu'o/ /ji ltar skyed par byed par 'gyur/ skyed par byed pa nyid du khas len na yang tha dad pa khyad par med pa'i phyir thams cad skyed par byed par 'gyur ro zhes gang bshad pa yin no/ /'dir brgal ba'i lan bstan nas/da ni gnyis pa brjod pa yin no/ /yang ci zhig rtog ce na/ gal te zhes bya ba la sogs pa smos pa la/ gal te zhes tha dad pa mtshungs pa yin du zin kyang so sor nges pa'i 'bras bu skyed par byed pa dang / skyed par mi byed pa'i mtshan nyid can gyi khyad par med par 'gyur ba de ltar 'gyur na ni zhes bya ba ni brgal ba'o//ji ltar zhes bya ba la sogs pas tshigs su bcad pa'i don ston to/ /bdag nyid tha dad pa med par smra ba grangs can 'di'i tha dad pa med par khyad par med pa yin na yang yin la ji ltar thams cad thams cad kyi skyed par byed pa ma yin pa de ltar sangs rgyas pa'i tha dad pa khyad par med pa yin na yang thams cad thams cad kyi skyed par 'gyur ba ma yin no zhes sbyar ro//dngos chos nyid kyis zhes bya ba ni dngos po'i nus pa nyid kyis so/ /dngos po rnams tha dad pa med par khas len na yang thams cad du tha dad pa med par khas blangs pa gcig po de'i bya ba gcig la byed pa 'gal bar 'gyur ro//tha dad pa tsam zhes bya ba la sogs pas 'chad par byed de/ rgyu ste nye bar len pa'i rgyu dang rkyen de lhan cig byed pa'o/ /rang gi rgyu dang rkyen de de dag gi khyad par gyis 'bras bu grub par byed nus pa nges par byas pa'i rang bzhin gang la yod pa de la de skad ces bya ste/de'i dngos po ni de nyid de'i phyir ro/ /gzhan ni ma yin no zhes bya ba de ni skyed par byed par 'dod pa las gzhan ni byed pa por mi 'gyur ro/ /ci'i phyir zhe na/ de'i rang bzhin can nyid ma yin pa'i phyir te/ de'i 'bras bu skyed par byed pa'i rang bzhin can nyid ma yin pa'i phyir ro//de ni zhes bya ba ni yon tan gsum po gcig na'o/ /de nyid la zhes bya ba ni 'bras bu gcig nyid la'o/ /'di ltar zhes bya ba ni tha dad pa'i rnam pa de nyid kyis so/ /gal te 'di ltar sA lu'i sa bon sA lu'i myu gu skyed par byed pa de nyid kyi tshe nas kyi sa bon ni ma yin la/nas kyi sa bon gang yin pa de nyid sA lu'i sa bon gyi bdag nyid yin pa de ltar na gcig la gcig ni byed pa dang byed pa med pa thob par 'gyur ro/ /gal te sA lu'i sa bon la sogs pa nye bar gnas pa de dang des yon tan gsum la tha dad pa yang yod pa'i tha dad pa de'i phyir byed pa 'ga' zhig kyang med la/gal te tha dad na yang byed pa med pa'i gtan tshigs kyis lhan cig byed pa byed par mi 'gyur te/ de dag kyang phan tshun tha dad pa'i phyir ro/ /rnam pa zhes bya ba la sogs pas 'chad par byed de/ rnam pa thams cad du tha dad pa med pa ste/ rnam pa thams cad du gcig pa nyid ma yin te/tha dad pa yang yod pa'i phyir ro/ /de ltar na yang zhes bya ba ni tha dad pa'i phyir byed pa po nyid ma yin no/ /rnam pa 'ga' zhig gis tha dad pa'i phyir zhes bya ba ni rnam pa 'ga' zhig gis kun du brtags pa'i gnas skabs tha dad pa'i phyir ro/ /de ltar ma yin na ni grangs can de kho na nyid smra ba'i gnas skabs tha dad pa yang rnyed par dka'o//gang gi tshe sA lu'i sa bon gyi bdag nyid de yongs su gyur pa nyid du gzhan du nas kyi sa bon kyang sA lu'i myu gu'i rgyu byed pa'i rim pas thams cad la thams cad nye bar sbyor ba'i phyir/ byed pa po nyid med pa ma yin no zhe na/de'i phyir 'on te rim bzhin zhes bya ba smos te/ rim pa de spyi dngos po gcig po de nyid yin nam zhes bya ba'i don to/ /rim pa ni tha dad pa la brten pa nyid kyi phyir ro zhes bya bar bsams pa'o/ /'on te yang zhes bya ba la sogs pas 'chad par byed de/ tha dad pa thams cad ni 'bras bu thams cad la go rims te/rim bzhin du nye bar sbyor ba'i phyir ro/ /de yang gang gi tshe gtso bo'i nus pas bskyed pa'i tha dad pa'i dngos por yod pa de dag nyid ni nus pa gcig dang ldan zhing don gyi bya ba byed pa yin no zhes brten pa de'i tshe bstan to/ /gang gi gtso bo'i nus pa kho na dngos po yod pa yin zhing de nyid don byed pa la nye bar sbyor ba yin gyi/tha dad pa dag ni gnas skabs 'ba' zhig tsam gyi rgyu yin te/ don dam par yod pa nyid ma yin no zhes ston pa de'i tshe/ der nye bar gnas pa'i zhes bya ba la sogs pa brjod par bya ste/ nus pa ni yon tan gsum gyi mtshan nyid can no//der nye bar gnas pa ni sngar skyed par byed pa ma yin par 'dod pa'i don la nye bar gnas nas des/ phyis ngo bo gzhan du yongs su 'gyur ba la nye bar sbyor ba'i phyir 'ga' zhig kyang byed pa po ma yin pa ni med par 'gyur te zhes bya ba 'di dang sbyar ro/ / gcig ste gtso bo ni'o/ /go rims gang la tha dad pa'i rten yod pa de la de skad ces bya'o/ /de dag gi ni de spyi dngos de nyid yin nam zhes bya ba de rnam par 'grel pa yin no/ /nus pa zhes bshad pa gang yin pa de la yongs su 'gyur ba'am zhes smos pa la tha dad pa med pa ste rnam par dbye ba med pa'o//yongs su 'gyur ba ni tha dad pa'i gnas skabs snga ma las te/ yongs su 'gyur ba'i nus pa'i gnas skabs gzhan ji ltar thob par 'gyur/ ci ste gnas skabs snga ma las phyis yon tan gsum gyi khyad par 'dod pa na/ khyad par rnam pa 'ga' zhig khas len pa yin pa de bas na/gtso bo gcig pa nyid nyams pa'i phyir ro/ /gzhan ni spyi dang khyad par dang ldan pa'i dngos po gcig 'dod de/ spyi dang khyad par dag kyang phan tshun tha dad pa med par 'dod do/ /de lta yin na ni spyi dang khyad par dang ldan pa de ni de ldan dngos po'o/ /shin tu ni tha dad tha dad med par 'gyur ba ste/khyad par las spyi tha dad pa med pa'i phyir spyi yang khyad par gyi bdag nyid yin no zhes bya ba ni shin tu tha dad pa yin te/ spyi med pa'i phyir ro/ /spyi las khyad par rnams tha dad pa med pa'i phyir gcig yin no zhes bya ba ni shin tu tha dad pa med pa yin te/ rnam pa thams cad du khyad par med pa'i phyir ro//khyad par dang spyi'i bdag nyid can gyi dngos po gcig ni yod pa yin zhes bya ba'i tha tshig go/ /ci ste spyi dang khyad par dag rnam pa 'ga' zhig gis tha dad par 'dod na rnam pa 'di la yang / 'dra dang zhes bya ba la sogs pa smos pa la/ 'dra dang mi 'dra ba'i bdag nyid can zhes bya ba ni spyi dang khyad par dag go//gal te tha dad pa'i dngos po dag ni zhes bya bar sbyar ro/ /tha dad pa med pa'i bdag nyid de gtso bo zhes bya ba'am/ tha dad pa de dag gi bdag nyid du gyur pas de dang ldan par 'gyur ba ste/ tha dad pa med pa'i rang bzhin dang ldan par 'gyur ba yin no//tha dad gang la tha dad pa med pa'i ngo bo gtso bo zhes bya ba'i bdag nyid kyi rang bzhin de yod pa de ni des tha dad pa med pa'i rang bzhin gyi bdag nyid can te/ de'i dngos po ni de nyid yin pa'i phyir ro/ /tha dad pa la yang gang las phan tshun tha dad pa yin te/ med pa kho na'o/ / 'dis ni shin tu tha dad pa med pa rnam par bshad pa yin no/ /ci ste de'i spyi gcig pa'i bdag nyid du mi 'gyur te/ khyad par du ma'i bdag nyid can yin pa'i phyir ro/ /de ltar na ni de'i bdag nyid de tha dad pa'i rang bzhin yod pa nyid do/ /des kyang ste spyis so/ /de ltar zhes bya ba ni spyi'i bdag nyid du 'gyur ba'i rigs pa ma yin te/spyi ni khyad par tha dad pa pa med pa nyid kyi phyir te mtshungs pa nyid du yod pa ma yin zhes bya ba'i don to/ /des ni shin tu tha dad pa rnam par bshad pa yin no/ /de lta bu'i ngo bo yin na ni zhes bya ba ni gtso bo spyi'i bdag nyid can du 'dod na/ de'i chos su mi 'gyur te/ gtso bo bdag nyid tha dad pa'i chos su mi 'gyur te/ tha dad pa med pa'i gnas skabs kyi chos kyis de dang 'dra bar mi 'gyur zhes bya ba'i don to/ /gnas skabs de dang ldan pa dag ni phan tshun tha dad par 'gyur ro zhes bya ba'i tha tshig go/ /de nyid bsgrub par bya ba'i phyir gcig po 'di ni zhes bya ba la sogs pa smos te/rang bzhin gcig po 'di ni 'jig pa dang ldog pa can du rigs pa ma yin no zhes bya bar sbyar ro/ /gnas pa 'jug pa yin la zhig pa ni ldog pa yin no/ /de ltar na nus pa gnas na gnas skabs dag ldog par 'dod do/ /des ni de dag phan tshun tha dad par 'gyur zhes bya ba la sogs pa bshad pa yin no//bdag nyid ces bya ba la sogs pas ni gzhan gyi bsam pa'i dogs pa bsu ba yin te/ spyi dang khyad par dag ni bdag nyid thams cad kyi tha dad pa med pa kho na ni ma yin no/ /'on kyang gal te de yang ste/ khyad par dang spyi dag kyang ngo / /tha dad 'gyur zhes bya ba ni spyi dang khyad par dag go//'ga' zhig la yang ste/ spyi dang khyad par yang ngo / /grangs can 'di tha dad pa dang tha dad pa med pa la ma nges pa yin te zhes bya bar sbyar ro/ /gzhan ni gcig tu smra ba nyid kyi phyir tha dad pa ni nges pa yod pa ma yin no zhes khong du chud nas/ tha dad pa med pa ni ji ltar nges pa med pa yin zhe na/'dir rgyu ni spyi dang zhes bya ba la sogs pa smos te/ spyi nus pa dang khyad par te gsal ba zhes bya ba de ltar tha dad pa rnam par gzhag pa'i phyir ro/ /gal te zhes bya ba la sogs pas ni slob dpon gyi yin te/ gal te bdag nyid gang gis de ste/ spyi dang khyad par dag gi nang nas 'di ni khyad par yin la 'di ni spyi yin no zhes de ltar rnam par gzhag pa'i bdag nyid des spyi dang khyad par dag tha dad pa'i tshe/shin tu tha dad pa nyid yin no/ /gal te zhes bya ba la sogs pas 'chad par byed de/ bdag nyid gang la zhes bya ba la gal te nus pa dang gsal ba'i bdag nyid can la bdag nyid des spyi dang khyad par dag la tha dad pa yin no//de nyid gsal bar bya ba'i phyir gang gi phyir zhes bya ba la sogs pa smos pa la/ de dag ni tha dad pa rnam par 'jig par byed pa'i bdag nyid dag ni'o/ /de dag gi zhes bya ba ni spyi dang khyad par dag gi'o/ /rang gi bdag nyid yin te rang bzhin du gyur pa yin na'o//gal te tha dad pa can de dag phan tshun tha dad pa can yin pa de'i tshe/ tha dad pa kho na ste ldog pa kho na yin no/ /ci'i phyir zhe na/ rang bzhin tha dad pa'i phyir ro/ /'dod par ni 'gyur na gnas skabs dang gnas skabs can tha dad pa rnam par 'jog pa'i rang gi ngo bo'i khyad par du byed pa yin gyi dngos po ni ma yin no zhe na/rang gi ngo bo ni zhes bya ba la sogs pa smos te/ rang gi ngo bo kho na dngos po yin no zhes bya ba'i don to/ /de ltar na yang zhes bya ba ni spyi dang khyad par shin tu tha dad pa yin te/ khyad par spyi med pa can dang spyi khyad par med pa can du 'gyur zhes bya bar sbyar ro//spyi ni khyad par dang ldan pa nyid dang khyad par spyi dang ldan pa nyid du mi 'gyur te/ 'brel pa med pa'i phyir ro zhes bya ba'i don to/ /dper na bum pa la sogs pa tha dad pa dag 'brel pa med pa'i phyir phan tshun de dang ldan pa nyid med pa yin no/ /khyad par dang zhes bya ba la sogs pas don 'chad pa yin te/spyi dang khyad par dag las bskyed bya skyed byed kyi 'brel pa med pa'i phyir te/ des spyi khyad par blor mi 'gyur zhes bya ba'i skabs su bshad pa yin no/ /yang gzhan dag gis brtags pa'i spyi rang gi mtshan nyid las ci dad pa yin nam zhes bya ba'i 'bad pa 'di ni gnas pa med pa la byed pa yin no//da ni gzhan gyis brtags par 'dod de de bas na/ ri bong gi rwa dang 'dra bar don gyi bya ba mi byed pa nyid kyi phyir/ de la don byed pa don du gnyer ba dag gis tha dad pa tha dad pa med par dpyad pas ci zhig bya/ don gyi bya ba byed pa'i ngang tshul can nyid ni de dpyad pa'i yul yin na/ji ltar kun du brtags pa'i ldog pa las gzhan du de ni rnam pa 'ga' zhig gis kyang mtshungs pa yin no zhes de ltar bstan par bya ba'i phyir/ gzhan yang zhes bya ba la sogs pa smos so/ /don byed pa'i rung ba'i bdag nyid gang gis mdun du byas nas te/dmigs par byas nas so/ /des bsgrub 'bras bu 'dod pa can te/ bdag nyid de bsgrub par bya ba'i 'bras bu gang yin pa de mngon par 'dod pa can gyis/ skyes bu 'di ni 'jug par 'gyur/ de'i gnas dag ste/ de rten tha dad tha dad med/ /dpyad bya don byed par rung ba de'i yang rang gi ngo bos/rang bdag nyid tha dad pa shin tu yod pa kho na yin no/ /rnam par rtog pa'i blo'i snang ba'i ngo bor byas nas de'i ngo bor nges pa ni/ ldog pa mtshungs pa nyid dag ni/ /yod nyid de 'di tsam kho nas don byed pa don du gnyer ba dag gis tha dad pa dang tha dad pa med par dpyod pa rdzogs pa yin no/ /de bas na spyi don gyi bya ba mi byed par rang gi bya ba mi byed pa rang gi mtshan nyid las tha dad pa dang tha dad pa med pa dpyad pas ci zhig bya/spyi ni dngos po nyid ma yin kyang bla ste/ kun du brtags pa'i ldog pas ci zhig bya zhe na/ dngos po rjes 'gro med ces bya ba smos te/ rang gi mtshan nyid dag ni phan tshun tha dad pa'i phyir ro//gal te bum pa'i dngos po snam bur 'gyur na/ chu la sogs pa len par 'dod pa snam bu la yang 'jug par 'gyur ba de bas na/ 'jug pa la sogs pa zhes bya ba smos so/ /sogs pa'i sgras ni cig car skye ba dang 'gog pa la sogs par thal bar 'gyur ba'i phyir ro//ba lang zhes bya ba la sogs pa 'chad par byed de/ don byed par rung ba'i khyad par kho na la rang gi ngo bo yin no zhes bya ste/ bdag nyid du gyur pa zhes bya ba'i don to/ /gang zhe na dngos po ste/ dngos po lhag par byas nas 'jug par 'gyur ro/ /de nyid la zhes bya ba ni don gyi bya ba byed pa can te khyad par la'o//de skad ces bya ba ste/ ba lang zhes bya ba la sogs pa'i sgra rnams kyis so/ /don byed pa don du gnyer ba dag ni rang gi mtshan nyid bstan pa'i bsam pas sgra sbyor zhing / rtogs pa po yang snang ba dang rnam par brtag pa'i don gcig tu byas nas de kho na bzhin du rtogs par 'gyur ba de bas na/tha snyad 'dogs pa po dag gi zhen pa'i dbang gis sgra'i bya ba la ltos pas de skad du bshad do/ /sgra las byung ba'i shes pa la yang rang gi mtshan nyid snang ba med pa'i phyir/ rang gi mtshan nyid brjod par bya ba ma yin par bshad pa la 'gal ba med do//rdzas nyid la sogs pa la ni 'dis zhes bya ba ni ba lang zhes bya la sogs pa'i sgra rnams kyis ba lang la sogs pa brjod pa na'o/ /ci'i phyir zhe na/ bdag nyid ji lta ba bzhin du rdzas nyid la sogs pa'i sgra rnams kyis de dag ni ba lang gi rdzas nyid ces bya ba la sogs pa tha dad par brjod pa'i phyir ro//'o na ji ltar ba lang zhes bya ba la sogs pa la sbyor ba na yod pa nyid dang ba lang nyid la sogs pa rtogs par 'gyur zhe na/ don la ni zhes bya ba la sogs pa smos te/ ba lang la sogs pa'i don la ni ba lang nyid la sogs pa spyi der ma 'khrul pa'i phyir ro//don gyi shugs de las spyi rtogs par 'gyur gyi/ khyad par gyi sgra ni spyi'i bya ba byed pa ma yin no/ /de dag ni slob dpon phyogs kyi glang pos spyi brtag pa la sogs pa las 'di khyad par sgra dag ni spyi la 'jug pa yin pa lta bur dpyad zin to/ /'dir yang spyi gang zhig khyad par gyis ma 'khrul pa yin/re zhig gzhan gyis yongs su brtags pa gang yin pa de ni med pa kho na yin la/ gzhan la ldog pa'i mtshan nyid med par dgag pa tsam gang yin pa de yang med pa kho na yin no/ /rnam par rtog pa'i blo la snang ba yang phyi rol gyi rdzas dang ma 'khrul par yod pa ma yin te/des ni rang brgyud pa nyid yin pa'i phyir ro/ /smras pa rang gi mtshan nyid kho na rigs mthun pa las ldog pa ni khyad par yin la/ de nyid rigs mi mthun pa las log pa la ltos nas tha dad par byas pa ni spyi zhes bya'o/ /de bas na spyi dang khyad par dag ni dngos su gcig nyid yin pa'i phyir byas pa nyid dang mi rtag pa nyid bzhin du don dam par ma 'khrul pa yin pas 'gal ba med la/sgra'i bya ba'i tha dad pa yang 'ga' zhig tu sgra las byung ba 'ga' zhig la rtogs par 'gyur zhing / 'ga' zhig tu don las zhes bya ba yin no/ /de bas na zhes bya ba ni de'i phyir ro//'dis ni skyes bu'o/ /ba lang la sogs pa'i sgra nye bar byas pa ste ba lang la sogs pa'i sgra thag nye bar byas pa'o/ /don ni don byed pa'i rten du 'gyur ba'o/ /don gzhan te spyi nye bar dgos pas spyi dang khyad par gyi rnam pa dag gis blo gnyis gang yod pa de la de skad ces bya'o//ba lang la sogs pa 'di'i bdag nyid de/ rang bzhin gang zhig gzhan brten pa dang thun mong ma yin pa rang gi ngo bo de nyid bdag nyid ji lta bu'i sgras brjod pa yin gyi zhes 'chad par 'gyur ba dang sbyar ro/ /gang zhig ste lkog shal la sogs pa dang ldan pa'i don to/ / mdun du byas nas zhes bya ba ni dmigs par byas nas/ khyad par can gyi don byed par don du gnyer ba'o/ /de nyid ni dper na zhes bya ba la sogs pa smos te/ dper na ba lang gi rmo ba dang bzho ba la sogs pa don du gnyer ba dag gis ba lang nyid mdun du byas nas 'dug pa lta bu'o/ / gzhan la srid pa'i zhes bya ba ni ba lang las gzhan pa rta la srid pa'i don la ni don du gnyer bas ba lang la mdun du byas nas mi 'jug par 'gyur ro zhes ngag gi don la sbyar bar bya'o/ /gzhan la srid pa'i don yang ci zhig yin zhe na/ dper na g.yul du 'jug pa lta bu'o zhes smras so//bdag nyid ji lta bu zhes bya ba ni ngag gi sgra gang zhig rjod par byed pa yin gyi/ rdzas nyid la sogs pa brjod pa ni ma yin no zhes rtags rnam par bsgyur bar byas nas sbyar bar bya'o/ /ba lang la sogs pa'i tha dad pa ba lang la sogs pa'i sgras de brjod cing bstan pa na/de'i tshe zhes bya ba'i don byed pa don du gnyer ba 'jug pa'i dus su thob par mngon par 'dod pa nyid med pa'i phyir te/ ba lang nyid la sogs pa'i spyi la zhes rnam par dbye ba rnam par bsgyur nas sbyar bar bya'o/ /bden te don byed pa don du gnyer ba dag gis ba lang la sogs pa'i khyad par brjod pa na/khyad par de dag kyang rdzas nyid la sogs pa'i ngo bor tha dad pa med pa de bas na/ gnyi ga'i bdag nyid can gyi dngos po brjod pa yin no zhe na/ de'i phyir ba lang la sogs pa la rjes su zhugs pa'i phyir zhes bya ba smos te/ grangs can dag tha dad pa med par smra bas ba lang la sogs pa'i khyad par dag la spyi rjes su zhugs shing /de'i bdag nyid kyis gnas pa'i phyir te/ ba lang la sogs pa'i rang bzhin nyid yin pa'i phyir ro zhes bya ba'i don to/ /gal te khyad par gyi rang bzhin nyid spyi yin par 'dod do zhe na zhes bya ba la sogs pa smos pa la/de'i bdag nyid du gyur pa dag gis zhes bya ba ba lang la sogs pa'i rang bzhin gyi spyi dag ni/ ba lang la sogs pa dang 'dra bar rjes su ba med pa'i gtan tshigs kyis ba lang la sogs pa'i khyad par brjod pa de la gnyi ga'i ngo bo nyid med pa ste/spyi dang khyad par gyi ngo bo nyid med pa'i phyir te/ khyad par gyi ngo bo nyid yin pa'i phyir zhes bya ba'i don to/ /de bas na khyad par kho na brjod pa yin no/ /de nyid ni 'di yang zhes bya ba la sogs pa smos te/ don byed pa don du gnyer ba'i skyes bu 'di yang gzhan dang thun mong ma yin pa'i dngos po de'i bdag nyid du 'gyur ba dag la yang tha dad pa dang tha dad pa med pa'i rnam pa rnams kyis brgal cing brtags pa yin no//gzhan sel ba smra ba dag kyang rang gi mtshan nyid la yang ldog pa'i mtshan nyid rdzas nyid la sogs pa tha dad pa med par 'dod pa de bas na/khyad par dang shin tu tha dad pa 'gal lo zhe na/ de'i phyir de ni zhes bya ba la sogs pa smos te/ don gyi bya ba byed pa'i don de ni ngo bo nyid kyis tha dad par gnas pa yin du zin kyang ldog pa'i mtshan nyid can gyi rdzas nyid la sogs pa tha dad pa med pa dang khyad par 'di la 'gal ba med pa kho na yin te/de ni brtags pa nyid yin pa'i phyir ro/ /de'i phyir rang gi mtshan nyid rnams ni don dam par tha dad pa yin zhing gcig pa nyid du nye bar brtags pa yin te/ rnam pa 'di nyid kyis kyang kho bo cag tha dad pa dang tha dad pa med par 'dod do/ /de nyid bstan par bya ba'i phyir ldog pa zhes bya ba la sogs pa la smos te/log pa'i mtshan nyid can gyi khas blangs so zhes bya bar sbyar ro/ /gal te ldog pa'i ngo bo spyis tha dad pa med pa ni ma yin gyi/ 'on kyang spyi dngos por gyur pa kho nas yin no zhe na/ spyi'i rang bzhin du gyur pa zhes bya ba la sogs pa smos te/spyi dngos por gyur pa'o/ /tha dad pa med pa zhes bya ba gsal ba dag las don gzhan du 'gyur ba med pa'o/ /bshad zin to zhes bya ba ni khyad par dag ni spyi las tha dad pa med pa'i phyir gcig pa nyid dam khyad par dang 'dra bar yang du ma nyid du 'gyur ro zhes gong du bshad zin to//spyi khas blangs nas khyad par dag gcig nyid du ni brjod pa ma yin gyi 'on kyang khyad par gang yin pa de tha dad pa med pa yin no zhe na/ rang gi bdag nyid kyis zhes bya ba la sogs pa smos te/ khyad par gyi ngo bo rang gi bdag nyid kyis ba lang la sogs pa tha dad pa med pa la/ ba lang gi rdzas de'i rgyu gang la don byed pa rmo ba dang bzho ba la sogs pa'i mtshan nyid yod pa de la don du gnyer ba ste skyes bu'o//gnyi ga la yang zhes bya ba ni ba lang dang rta zhes bya ba'o/ /mtshungs par zhes bya ba ni gnyi ga la de'i ngo bor nges pa'o/ /'di ltar ba lang gi dngos po gcig kyang rgyu nyid du 'dod na de'i ngo bo nyid yin pa'i phyir te/don gyi bya ba byed pa'i ngo bo nyid yin pa'i phyir/ de'i ni don gyi bya ba rmo ba dang bzho ba'i rang bzhin byed pa yin la/ de las gzhan la yang ste ba lang gi rdzas de las gzhan pa rta yang rmo ba bzho ba la sogs byed pa'i rang bzhin can du mtshungs pa'i phyir/rta de yang ba lang gi bsgrub par bya ba'i don gyi bya ba ci'i phyir mi byed/ de nyid kyis ni zhes bya ba ni don thams cad tha dad par bsgrubs pas so/ /mkha' gos can ni ngo tsha dang bral zhing ngo tsha med pa ste/ nam mkha'i gos can no/ /mi rigs pa brjod pa ni smad par bya ba nyid yin pa'i phyir ci yang zhes bya ba smos so//rigs min grong ba yin te/ thams cad thams cad kyi ngo bo nyid yin no zhes smra ba gang yin pa de dag thams cad kyi rang bzhin ma yin te gsal ba yin na'o/ /ci'i phyir zhe na/ mtha' gcig pa nyid srid phyir ro/ /mtha' gcig nyid ni shin tu tha dad pa'i rnam pa'o//rnga mo ni zhor 'gyur te rang gi mtshan nyid gcig pa nyid kyi phyir ro/ /zhor mi 'gyur ba ni gnas skabs tha dad pa'i phyir ro/ /mi rigs pa'i rnam par bshad pa mi 'tsham pa zhes bya ba de ni rigs pa med pa nyid kyi phyir mkhas pa'i skye bor mi rung ba nyid kyis grong ba yin no zhes bsams pa'o//mi rigs zhes bya ba ni grong ba'i rnam grangs yin pa'i phyir blang bar bya ba dang dor bar bya ba med pa ste/ dor ba med pa dang blang ba med pa'o/ /ci'i phyir zhe na/ yongs su mthar phyin pa med pa'i phyir ro/ / gal te cung zhig bde ba sgrub par byed pa nyid du nges shing gzhan yang sdug bsngal grub par byed pa nyid du nges pa de'i tshe/ go rims bzhin du blang bar bya ba dang dor bar bya ba nyid du 'gyur na/ de yang yod pa ma yin te thams cad thams cad kyi rang bzhin nyid yin pa'i phyir la thams cad thams cad kyi rang bzhin nyid kyang ma yin no//de bas na 'khrul pa ste/ mtha' gcig gzung ba nyid du mi nus pa'i phyir ro/ /de'i rjes su 'gro ba yang ste/ rang bzhin tha dad pa'i phan tshun rjes su 'gro ba'i ngo bo yin yang / thams cad gnyi ga'i ngo bo nyid de gnyi ga smos pa ni du ma nyid nye bar mtshon pa'o//de lta yin na de'i khyad par te rnga mo ni rnga mo kho na yin gyi zho ma yin la/ zho ni zho kho na yin gyi rnga mo ma yin no zhes bya ba de ltar mtshan nyid spangs pa'i phyir ro/ /skyes bu 'di skad du/ zho 'thung zhes ni brjod pa na/ /ci'i phyir rnga mo bza' ba'i phyir 'gro bar mi byed/rnga mo yang rnam pa 'ga' zhig gis zhor 'gyur zhing rnga mo de nyid kyang rnga mor 'gyur ba ma yin no zhes bya ba ni mtha' gcig tu smra ba yin no/ /gang gis zho la sogs pa gzhan yang rnga mor 'gyur ro/ /de bzhin du zho yang rnga mor 'gyur na zho de nyid kyang zho ma yin te/gang gis rnga mo la sogs pa gzhan yang zhor 'gyur ro/ /des ni thams cad gnyi ga'i ngo bo nyid yin pa bshad pa yin no/ /de'i khyad par gsal ba'i phyir zhes bya ba de ni de bas na 'di dag ni zhes bya ba la sogs pas 'chad par byed de/ zho dang rnga mo dag gi khyad par rnam pa gnyis su 'gyur te/gal te zho'i ngo bo med pa rnga mor 'gyur ba'am/ rnga mo'i rang gi ngo bo zho la ni mi srid kyi/ rnga mo'i rang gi ngo bo kho na la nges par 'gyur ro/ /de bzhin du zho la yang brjod par bya'o/ /re zhig dang po ji srid pa de ni de bas na zhes bya ba la sogs pas ston par byed de/de bas na 'di ltar zho dang rnga mo dag la khyad par cung zad kyang med par zhes bya bar sbyar ro/ /gcig la yang zhes bya ba ni zho'am rnga mo la'o/ /de'i ngo bo 'ga' zhig med pa ste/ zho'i ngo bo med pa ma yin pa'i phyir ro/ /rnam pa gnyis pa yang med pa ni der zhes bya ba la sogs pa smos te/der 'gyur ba ma yin pa ni rnga mo'i rang gi ngo bo zhor 'gyur ba ma yin pa'am/ zho'i rang gi ngo bo rnga mor 'gyur ba ma yin pa ste/ rnga mo'i rang gi ngo bo la nges pa dang zho'i rang gi ngo bo la nges pa med pa'i phyir ro/ /ci ste zho dang rnga mo dag la phul du 'byung ba 'ga' zhig yod la/phul du byung ba gang gis zho 'thungs shig ces brjod pa na/ skyes bu khyad par gyis 'jug par 'gyur ba ste/ rnga mo yongs su spangs nas zho nyid la 'jug par 'gyur ro/ /phul du byung ba de nyid zho yin te/ gzhan la zhes bya ba ni rnga mo la med pa'i phyir ro//gnyi ga med pa ste/ dngos po thams cad kyi rang gi ngo bo rnam par phye ba'o/ /de nyid ni mchog ste/ don dam gcig nyid du brtags pa'o/ /zho las rnga mo la sogs pa gzhan yin te/ gnyi ga'i ngo bo med pa zhes bshad par bya'o/ /'di dag la zhes bya ba ni zho dang rnga mo dag la'o//'di skad du brjod pa ni zhes bya ba ni zho 'thungs shig ces brjod pa na'o/ /'o ma ni rnam par 'gyur ba zho la yin gyi/ gzhan la zhes bya ba rnga mo la ma yin te/ phul du byung ba de nyid ni zho yin no/ /ji lta bur gyur pa zhe na/ don byed pa don du gnyer ba'i 'jug pa'i yul te/don byed zho bsgrub pa gang yin pa des skyes bu don du gnyer ba la de 'jug pa'i yul lo/ /ci'i phyir zhe na/ de 'bras bu zhes bya ba la sogs pa la/ zho nyid kyis bsgrub par bya ba nyid yin pa'i phyir/ 'bras bu'i khyad par te de yang yin la 'bras bu'i khyad par yang yin pas zhes tshig rnam par sbyar ro//de'i nye bar len pa'i skyes bu'i ngo bo ste/ rgyu'i ngo bos mtshon pa'i rang bzhin dngos po gang la yod pa de nyid zho yin pa'i phyir ro/ /de 'dra'i rang bzhin zhes bya ba ni bshad ma thag pa'i zho'i rang bzhin no/ /gzhan la zhes bya ba ni rnga mo la'o//ci'i phyir zhe na/ zho don du gnyer ba ni rnga mo la 'jug pa med pa'i phyir ro/ /blo sgra ste shes pa dang brjod pa ni don nges pa can gyis tha dad par mi 'gyur ro/ /de med pa'i phyir te blo dang sgra tha dad pa med pa'i phyir gcig tu byed par smra ba 'di la srid pa ma yin no//tha dad par gzung zhing mnyan pa dag ni rnga mo ni zhor 'gyur zhes bya ba la sogs pa gcig tu bsdus pa na nye bar 'gyur ro zhe na/ de ni ji ltar zhes bya ba la sogs pas 'chad par byed de/ 'ga' zhig la yang zhes bya ba ni zho'am rnga mo la ste/ so so'i nges pa'i rnam pa gcig mthong ba'i ji ltar blos don la mos pa'am brjod par 'gyur zhes bya bar sbyar ro//blo khyad par ji lta bu can zhig ce na/ rnam pa gzhan dang zhes bya ba la sogs pa smos te/ don gang la rnam pa gzhan dang 'dre ba med pa de la de skad ces bya'o/ /blo gang la de yod cing de rnam pa gzhan dang 'dres pa med pa dang ldan pa can no//don tha dad pa 'dzin pa can zhes bya ba'i tha tshig go/ /ji ltar brjod par 'gyur ba'i don so sor nges pa'i sgras zhes bya bar bsams pa'o/ /ci'i phyir mos par mi byed ce na/ dngos po rnams kyis rnam par dbye ba med pa'i phyir zhes bya ba smos so//des bsdus pa smra ba zhes bya ba ni tha dad pa bsdus pa smra ba rnga mo zhor 'gyur ro zhes bya ba la sogs par mi 'gyur ro/ /gzhan yang zho dang rnga mo ma 'dres pa dag rtogs nas rnga mor 'gyur zhing zhor 'gyur ro zhes sdud par byed pa de'i tshe yang / rnga mo'i ngo bo'am zho'i ngo bo gcig dang 'dres pa can gyi blo ste/rnam par 'dres pa med pa can ni zho dang rnga mo 'ga' zhig la so sor nges pa'i phyir ro/ /de'i snang ba'i khyad par gyis byas pa nyid kyis te/ blo la snang ba'i khyad par gyis byas pa nyid kyis zho dang rnga mo'i ngo bo de dag ni rang bzhin tha dad par 'gyur ro//ci'i phyir zhe na/ gcig dang du ma'i zhes bya ba la sogs pa la/ snang ba tha dad pa ni du ma'i tha snyad kyi yul yin la snang ba tha dad med pa la ni gcig gi tha snyad kyi yul yin no zhes sbyar bar bya'o/ /snang ba tha dad pa'i yul dag kyang zho dang rnga mo dag yin no/ /de ltar na gcig po ste/rnga mo la ni zho ni de gnyi ga'i ngo bo ma yin te/ zho dang rnga mo'i bdag nyid kyi ngo bo gang la gnyi ga yod pa zhes bya bar tshig rnam par sbyar ro/ /de ni log par smra ba yin te/ 'gyur bar smra ba'o/ /tha dad pa'i mtshan nyid ces bya ba ni ldog pa'i mtshan nyid do/ /ngo bo nyid ni rang bzhin gyis so//sogs pa'i sgras ni chu la sogs pa 'dzin pa la sogs pa'i 'bras bu gcig pa can no/ /dngos po rnams kyi zhes bya ba gzhan gyi dngos po rnams kyi rang gi ngo bo tha dad pa ni ngo bo nyid kyis gzhan las ldog pa yin no/ /de la zhes bya ba ni nus pa med pa zhes bya ba dag la'o/ / ji ltar bzhin tha dad pa'i yul can te/ ldog pa'i yul can gyi sgra gzhan sel ba smra bar brjod par mi nus la/ nye bar brjod pa med pa dag la sgra rnams 'jug par mi 'gyur ro snyam na/ gang gi phyir de dag la yang gdon mi za bar sgra 'jug par 'gyur ro/ /ci'i phyir zhe na/ shes pa dang sgra'i yul nyid du rnam pa 'ba' zhig gis rnam par ma bzhag pa dag la ste/nye bar brjod pa med pa zhes bya ba'i don thams cad la sgrub pa dang dgag pa mi rung ba'i phyir gal te 'ga' zhig tu med pa'i rnam pa bkag pas shes pa brjod par 'gyur ba de'i tshe/ bkag pa'i rnam pa spangs pa'i don ni bsgrub par 'gyur ro zhe na/de ltar zhes bya ba sgrub pa dang dgag par 'gyur ro/ /rjes su 'gro ba dang ldog pa dag ni sgrub pa dang dgag pa'i rten gyi tha snyad gang la yod pa de la de skad ces bya'o/ /tha snyad de nyid med pa ni me ni zhes bya ba la sogs pa ston te/ me ni dro ba'i rang bzhin ni yin no zhes bya ba rjes su 'gro ba'i rten pa can gyi tha snyad yin no/ /dro ba med pa ni ma yin no zhes bya ba ni ldog pa'i rten can no/ /tha snyad 'di yang 'jig rten la rab tu grags par 'gyur ba ma yin no zhes bstan pa'i phyir yang gi sgra smos te/ dro ba'i tha snyad ni dro ba med pa rnam par gcad pas/dro ba med pa'i mtshan nyid de yang rnam pa 'ga' zhig rnam par gzhag pa med pa'i phyir ro/ /de rnam par bcad nas ji ltar dro ba rnam par gzhag pa yin zhe na/ de ni rang bzhin gzhan zhes bya ba la sogs pa smos te/ dro ba med pa kho na dro ba'i rang bzhin las don gzhan mtshan nyid med pa yin te/de spangs pa'i tshul gyis zhes bya bas rang bzhin bshad pa yin no/ /de nyid kyi phyir med pa zhes bya ba de 'thad kyi/ rang gi ngo bo khyad par gyi rang bzhin gzhan ni ma yin no/ /rnam pa 'ga' zhig gis kyang rnam par rtog pa'i blo dang sgra'i yul nyid du rnam par gzhag pa med pa yin pa'i phyir ro//rnam pa thams cad du me med pa rtogs pa med pa'i phyir/ rnam par gcod pa'i mtshan nyid me'i rang bzhin rtogs pa med pa ste/ dper na me'i rang bzhin ji lta ba bzhin du dngos po thams cad la yin pa de bas na 'gro ba rmongs shing nges pa med pa'i ngo bor 'gyur ro//de ltar gyur na me la sogs pa de la 'ga' zhig med pa ma yin pa gang gis med du zin kyang gdon mi za bar sgra 'jug par 'gyur ro zhes brgal ba yin te/ 'on kyang dro ba ma yin pa'i reg bya zhes bya ba'i dngos po yod pa kho na me las don gzhan du 'gyur ba dgag pa yin no//dro ba ni me yin gyi dro ba med pa ni ma yin pa'am/ me la dro ba ma yin pa'i reg pa med do zhes de ltar bkag pa'i phyir ro// //bam po nyi shu pa/ da ni ji ltar zhes bya ba la sogs pa yod pa kho na zhes bya ba'i tshig las yod pa nyid du 'dod pa yin la/'gog par byed ces bya ba med pa nyid yin na/ ji ltar gcig la yod pa dang med pa zhes bya ba yin zhe na/ thams cad la zhes bya ba la sogs pas lan 'debs par byed de de la me la dro ba med pa med do zhes bya ba 'dis thams cad la dro ba med pa med pa nyid do zhes mi smra la/de skad du smras pa na yod pa nyid du khas blangs pa yin te/ yang thams cad la yod pa nyid bkag pa ni chos thams cad bkag pa ste/ gcig la yod pa dang med pa nyid khas blangs par 'gyur ro/ /me de 'ba' zhig la dro ba med pa med do zhes smra'o/ / de bas na gzhan la yod pa dang gzhan la med pa nyid ni 'gal ba yod pa ma yin no/ /'di nyid kyi rigs pa yang dngos po zhes bya ba la sogs pa la/ yul 'gog pa ni 'di na med do zhes bya ba yin no/ /dus ni da lta yod pa ma yin no zhes bya ba'o/ /chos ni rnam pa 'dis yod pa ma yin no zhes bya ba yin no//chos can 'gog pa ni ma yin te/ ci'i phyir zhe na/ de bkag na ste chos can bkag na/ de'i yul te chos kyi yul can gyi sgra yul med pa can nyid kyis 'jug pa med pa'i phyir ro/ /de bas na chos can gyi sgra 'jug pa med pa'i phyir gang la yul ma bstan pa la dgag pa'i sbyor ba med pa'i phyir ro//'di na 'di med do zhes bya ba gdon mi za bar 'di na zhes bya ba la sogs pa'i tshig gis dgag pa'i yul la nye bar dgod par bya'i/ gzhan du na yul gang la 'di dgag pa yin zhes bya ba shes par mi 'gyur ro/ /des kyang gsal bar byed pa la sogs pa'i gzhung thams cad phyogs snga mar byas pa'i sgo nas sun dbyung bar bya ba'i phyir dgod pa yin no//'o na zhes bya ba la sogs pa ni 'dri bar byed pa'o/ /de la zhes bya ba ni yul dang dus dang chos bkag pa'o/ /yul la sogs pa dag ces bya ba la sogs pa'i sgras ni dus gzung ngo //gsal ba tha dad pa'i phyir mang po'i tshig yin no/ /don yang ma yin no zhes bya ba ni chos yin gyi don gyi sgras chos can bstan pa ni ma yin te/ gzhan yang chos can 'gog par mi 'dod pa nyid kyi phyir ro/ /ri bong gi rwa la sogs pa'i chos can 'gog par mi byed cing yul la sogs pa yang ma yin te/'on kyang ri bong gi rwa med do zhes ri bong gi rwa dang lhan cig 'brel pa gang yin pa de bkag pa yin no zhe na/ de bkag na yang zhes bya ba ni 'brel pa bkag pa na yang nyes pa mtshungs pa yin te/ chos can dang 'dra ba'i 'brel pa yang bkag pa'i phyir ro//de nyid ni med pa'i phyir zhes bya ba la sogs pas sgrub par byed de/ 'brel pa med pa'i sgra 'jug par mi 'gyur ro/ /sogs pa'i sgras ni yul ma bstan pa la dgag pa'i sbyor ba med pa'i phyir ro/ /yang na nyes pa mtshungs pa yin te/ ji ltar zhe na bkag pa yin te med pa gang yin pa de khyed nyid kyis bkag pa'i phyir ro zhes bshad par bya'o//ji ltar bkag pa yin zhe na/ med pa 'di zhes bya ba la sogs pa smos te/ med pas 'brel pa 'di bkag pa de dang 'dra ste/ 'brel pa dang 'dra bar chos can yang bkag pa yin no//'brel ba zhes bya ba la sogs pa la 'brel pa yod pa ma yin no zhes bya ba de ltar rang gi sgras 'brel pa bkag pa ni ma yin no/ /'o na ci yin zhe na/ sa phyogs 'di na dus da lta ni de lta bu'i bum pa med do zhes bstan pa na yul lam dus 'di dang bum pa 'brel pa yod pa ma yin no zhes rtogs so//de ltar na de lta bu med pa'i rnam pa 'dis bum pa med do zhes bstan pa na/ de dang ldan pa'i chos nus pa med do zhes rtogs par 'gyur ro/ /de ltar na zhes bya ba ni de ltar rtogs pa yod na'o/ /ji srid ces bya ba la sogs pa smos pa la 'di na zhes bya ba la sogs pa las 'di na bya ba la sogs pas kyang ji srid skyes bu 'di la 'brel pa'am chos yod pa ma yin no snyam pa'i blo ste/'di na 'di med do zhes bya ba'i dgag pa la 'brel pa med do snyam pa'i blo dang / de lta bu med do zhes bkag pa la chos med do snyam pa'i blor mi 'gyur na/ ji ltar bkag pa yin/ chos bkag pa na yang 'brel pa bkag pa kho na yin te/ chos dang chos can gyi 'brel pa bkag pa'i phyir ro/ /bden te ldan pa dang 'phrod pa 'du ba'i mtshan nyid tha dad pa ni 'brel pa'am chos zhes tha dad pa bstan to/ /rnam pa 'ga' zhig yod pa ste yod pa nyid yin na yang 'brel pa yod pa ma yin no zhes bya ba 'di ni srid pa ma yin no//ci'i phyir zhe na/ med pa dag la zhes bya ba la sogs pa smos te/ de lta bu'i sgra ni ci lta bu'i don gyis phangs pa yin te/ gang dang de ni rtag tu 'brel pa'i phyir ro/ /yul la sogs pa na yod pa dag la med do zhes bya ba ji ltar med pa ni yod pa'i ngo bo'i blo dang 'gal ba'i phyir ro//de dang 'dra ba med pa dag la med pa'i blo khas ma blangs pa'i phyir ro/ /de bas na 'brel pa med pa rtogs pa las 'di 'di na med do zhes bya ba dang por rtogs pa de ni de med pa ste/ 'brel pa med pa rtogs pa med par mi 'gyur ba'am/ de med pa ste 'brel pa med par rtogs pa na 'brel pa med pa rtogs pa ci 'dra ba skyes bu gang la yod pa de ni rtogs par 'dod pa ji lta ba bzhin du ste/'brel pa med par rtogs pa de las byung ba can te skye ba'i bdag nyid kyi sgra 'brel pa med pa'i yul can gang gis ldog par byed/ gal te rnam par rtog pa nyid kyi yul ni 'brel pa med pa yin te/ sgra rnams kyis ni ma yin no zhe na/rnam par rtog pa zhes bya ba la sogs pa smos so/ /rnam par rtog pa rnams kyi yul ma yin pa de nyid ni sgra rnams kyi yul ma yin te/ rnam par rtog pa'i yul nyid ni gdon mi za bar sgra'i yul yin no zhes bya ba'i tha tshig go/ /gal te de dag 'jug pa yin na zhes bya ba ni rnam par rtog pa'o//mdun na gnas pa'i sngon po la sogs pa la sngon po la sogs pa'i rnam par rtog pa'i rnam pa rang gi mtshan nyid kyi yul can ma yin nam/ rang gi mtshan nyid sgra'i brjod par bya ba ma yin no zhe na/ de'i phyir brjod par bya ba ma yin pa'i zhes bya ba la sogs pa smos te/ brjod par bya ba ma yin pa'i don zhes bya ba ni rang gi mtshan nyid do//rnam par rtog pa'i skabs yin pa'i phyir rnam par rtog pa'i blo gzung ngo / /dmigs pa ni nye bar dmigs par byed pa'o/ /spyi'i rnam pa can kho na rtag tu rnam par rtog pa'i blo yin la/ gang yang rang gi mtshan nyid thag nye ba na rnam par rtog pa dang bcas pa dang /rnam par rtog pa med pa dag ni cig car skye ba'i phyir blo dman pa de dag ni rnam par rtog pa rang gi mtshan nyid kyi rnam pa can yin no zhes mngon pa'i nga rgyal byed do/ /de dag ni bstan bcos mdzad pas tshad ma rnam par nges pa las rnam par dpyad zin pas 'dir ma smos so/ / gal te rnam par rtog pa'i blos yul du byas pa nyid kyi phyir 'brel pa brjod par bya ba yin na/ 'o na ji ltar phyogs kyi glang pos de brjod par bya ba nyid ma yin par bshad ce na/ de'i phyir 'brel pa zhes bya ba la sogs pa smos pa la/ rang gi ngo bos zhes bya ba ni 'brel pa'i ngo bos so/ / 'brel pas na 'brel pa zhes bya ba ni phan tshun ltos pa'i mtshan nyid dngos po tsam rdzas su yod pa de'i rang gi ngo bos te/ ngo bo des de'i brjod par bya ba'i sgra yod pa ma yin no/ /'brel pa'i sgra ni de'i rjod par byed pa yin par 'dod par bya ste/ de la rab tu sbyor ba na gang dag gi zhes bya ba ni 'phel bar byed pa yin no//de bas na rgyal po'i skyes bu'i 'brel pa brjod pa na/ rgyal po'i skyes bu dag ces bya ba'i 'brel pa ni ldog pa'i rgyu yin pa de'i tshe 'brel pa'i tshul du rtogs pa yin no zhe na/ de'i phyir brjod pa yin na ni 'brel pa nyid du zhes bya ba la sogs pa smos te/ rgyal po dang skyes bu dag gi 'brel pa zhes bya ba brjod pa yin na ni/rgyal po dang skyes bu phan tshun ltos pa dag las byung ba dang 'brel pa'i ngo bo nyid ni 'brel pa nyid du blo la gnas pa'i phyir/ bsam pa ji lta ba bzhin du rtogs pa ma yin pa ste/ rgyal po'i skyes bu zhes bya ba phan tshun ltos pa'i mtshan nyid kyi 'brel pa ji ltar shes par 'dod pa'i tshul gyis de ltar rtogs pa ma yin no//de bas na zhes bya ba ni de'i phyir te/ 'brel pa 'di 'brel pa'i sgra las rtogs par 'gyur na yang / ji skad du bshad pa'i rnam pas 'brel pa'i ngo bo nyid yin pa'i phyir rang gi ngo bos brjod par bya ba ma yin no//de bas na med pa dang 'dra bar 'brel pa la yang thal bar 'gyur ba med do zhes bya ba la/ med pa ni ji ltar blos yul du byas pa'i phyir brjod par bya ba yin par 'dod pa de ltar 'brel pa la yang brjod par bya ba nyid ma yin no zhes bya ba'i don to/ /med pa ni rang gi ngo bo blo'i yul du byas pa de ltar sgras kyang brjod par bya ba yin la 'brel pa ni rang gi ngo bor gzung bar byas pa ma yin zhing brjod par bya ba yin te/'brel pa'i ngo bo thob pa nyid ni yul nyid du byed pa'i phyir dang brjod pa'i phyir ro/ /de skad du yang / 'brel pa rdzas yod ma yin pas/ /de yi ngo bo gzung du med//'brel pa'i rang gi ngo bor ni/ /brjod par ji ltar yod pa min/ /de bas na rnam par rtog pa'i yul 'di gdon mi za bar brjod par bya ba yin no zhes bya bar de gnas so/ /de'i phyir gal te 'brel pa med do zhes bya ba'i blor 'gyur ba de'i tshe de las byung ba'i sgra yang 'jug par 'gyur ba kho na yin te/de ltar na yang med pa'i yul can gyi sgra thob pa kho na yin no/ /ci ste nyes pa 'dir ma gyur cig snyam pas 'brel pa med do zhes bya ba blos yul du byed par mi 'dod na/ de'i tshe 'di na bum pa med do zhes bya ba 'di la gang 'gog par byed pa de la yul la sogs pa ni ma yin te/de ni yod pa nyid kyi phyir ro/ /'brel pa ni ma yin te/ de'i byed pa mi 'dzin pa'i phyir gang de ni ma yin no/ /gzhan yang med pa brjod par bya ba smra ba gang yin pa de brjod pa ste/ med par brjod par smra ba 'di med par brjod par bya ba ma yin zhes lan 'debs pa ni mi smra ba na ji ltar lan gdab par bya ste/med pa'i sgra brjod pa med par ni de brjod par bya ba nyid ma yin par bstan par mi nus so/ /'on te med pa'i tshig 'dod pa de'i tshe med pa'i tshig 'di la yang ji ltar med pa brjod pa ma yin te/ med pa ni brjod par bya ba yin zhes bya ba med pa'i sgra 'di nyid kyis bstan pa yin no/ / gal te med pa nyid ni yod pa ma yin pa de bas na/ med pa ni yod pa nyid ma yin pa'i phyir brjod pa ma yin no zhe na/ 'on te med pa nyid ces bya ba la sogs pa smos pa la/ de bas na zhes bya ba ni yod pa ma yin pas na'o/ /de nyid de med pa yod pa ma yin no zhes bya ba'i tshig ji lta bu yin/ med pa yod ma yin zhes bya ba med pa'i sgra 'di nyid sbyor bar mi 'gyur ro//ji ltar mi 'gyur zhe na/ med pa nyid khas ma blangs pa'i phyir te/ med pa ni 'di'i de brjod par bya bar yang khas ma blangs pa nyid yin no/ /gal te gzhan gyis kun du brtags pa'i med pa bkag pa yin no zhe na/ re zhig med pa'i yul can gyi sgra 'dod pa de bas na ji ltar yang med pa'i tha snyad la 'jug pas na gdon mi za bar med pa'i yul can gyi shes pa dang sgra dag 'dod par bya'o//gang yang de skad du bya ba bstan pa'i don bkag pa yin na don med pa'i sgra mi sbyor ba'i rgyu'i phyir/ yul med pa'i dgag pa'i sbyor ba med do zhes bya ba 'di 'og nas/ thog med bag chags las byung ba'i/ /rnam par rtog pas mthar phyin pa/ /zhes bya ba la sogs pas 'chad par 'gyur ro/ /de bas na zhes bya ba ni mjug sdud pa yin te/ gzhung 'di tsam gyis ni gdon mi za bar sgra 'jug par 'gyur zhes bshad pa gang yin pa de nyid slob dpon gyis gzhung 'dzugs pa yin no//'dir gzhan gyis smras pa/ gal te med pa dag gis sgra yod du zin kyang med pa de dag ji ltar rang bzhin tha dad pa ste/ sgra 'jug pa'i rgyu gang gis sel ba'i yul can med pa sgrub par byed pa dag tu 'gyur/ 'dir lan du slob dpon gyis de la yang zhes bya ba la sogs pa smos te/ med pa'i ngo bo med pa'i phyir ngo bo brjod pa can te/rang bzhin brjod pa can gyi sgra rnams la the tshom med do/ /gang gi phyir med pa'i yul can gyi sgra de dag rnam par gcod pa ste/ gzhan sel ba rjod par byed pa sgrub pa nyid du'o/ /sgra rnams gang yin pa de dag dngos po'i bya ba ste/ 'jug pa dag la ji ngo bo brjod pa ste/ sgrub pa'i tshul du dngos po brjod pa'am 'on te tha dad pa ste/ gzhan rnam par gcod pa brjod pa zhes dogs par 'gyur ba la/ med pa ni dben pa'i mtshan nyid kho na yin te zhes bya ba rang bzhin dang bral ba'i mtshan nyid do/ /ci'i phyir zhe na/ rgyu mtshan du byas shing yul du bya ba'i ngo bo 'ga' zhig kyang med pa'i phyir ram de'i ngo bo ste/gzugs su yod pa la med pa mi rung ba'i phyir ro/ /de'i gzugs kyi ngo bo ni de'i ngo bo'o/ /ngo bo gang la de nyid kyi mtshan nyid yod pa de la de skad ces bya'o/ /'di nyid dngos su dben pa ste/ gzhan [(]sal [,]sel [)]ba dngos po thams cad kyi stobs yin no//dben pa de ni de lta bu'i ngo bo rjod par byed pa ste/ dben pa'i ngo bo rjod par byed pa'o/ /dben pa'i yul zhes bya ba ni gzhan sel ba'i yul can no/ /rnam par rtog pa dag kyang dben pa'i yul can zhes bya bar sbyar ro/ /dngos po gcig ni ldog pa la brten par 'gyur ro/ /gang gi rjes su 'brangs shing brten pa'i sgra dang rnam par rtog pa de dag la de skad ces bya'o//de dag ni sgra dang rnam par rtog pa dag go/ /'di ltar ma byas pa rnam par bcad nas/ dngos po byas pa'i sgra'am rnam par rtog pa gang yin pa de nyid mi rtag pa dang bdag med pa la sogs pa'i sgra'am rnam par rtog pa dag kyang /de dag de lta bur gyur pa yin na yang tha dad pa'i yul can kho na yin no zhes bya bar sbyar ro/ /ci'i phyir zhe na/ bdag nyid ji lta ba bzhin du zhes bya ba la sogs pa smos te/ gang zhig ldog pa gang las rnam par gzhag pa de ni de'i khyad par yin te/ dper na byas pa zhes bya ba rnam par gcad pa'i ma byas pa'i lta bu dang /de bzhin du mi rtag pa nyid la sogs pa rnam par gcad pa'i rtag pa nyid la sogs pa lta bu'o/ /bdag nyid ji lta ba bzhin du khyad par dag ni tha dad pa ni/ tha dad pa de dag gis nye bar btags pa mi rtag pa nyid la sogs pa'i dben pa dag phan tshun tha dad pa'i khyad par de rnams kyis tha dad pa can dag bzhin du rnam par rtog pa'i blo la so sor snang zhing so sor gsal ba'i dben pa de dag la sgra dang rnam par rtog pa dag nye bar gnas pa'i phyir/go rims bzhin du brjod nyid dang / /'dzin pa po nyid du nye bar 'dren pa'i phyir ro/ /de bas na zhes bya ba ni ldog pa'i khyad par ji skad du bshad pas rang bzhin gyi gtan tshigs kyi rang bzhin nyid ni bsgrub par bya ba dang sgrub par byed pa'i ngo bo yin du zin kyang bsgrub par bya ba dang sgrub par byed pa dag gcig pa nyid du 'dres par byed pa ma yin no//de bas na rang bzhin grub par bya ba dam bcas pa'i don gyi phyogs gcig gtan tshigs su 'gyur ro zhes gang smras pa la/nyes pa de yod pa ma yin no zhes bstan par bya ba'i phyir/ de bas na zhes bya ba la sogs pa smos pa la/ de bas na zhes bya ba ni de'i phyir ro/ /de'i rang bzhin zhes bya bar sbyar ro/ /gtan tshigs nyid du bstan pa ni brjod pa na'o/ /khyad par bye brag la ltos pa ste/ khyad par tha dad pa ltos pa can la brjod par bya'o/ /'ba' zhig las zhes bya ba ni khyad par la yang ltos pa med pa la'o/ /ci'i phyir brjod par bya zhe na/ bsgrub par bya ba bsgrub pa'i phyir ro/ /gnyi ga dpe yang 'ga' zhig la zhes bya ba la sogs pa smos te/ mi rtag pa nyid du bsgrub par bya ba la byas pa nyid de'i 'bras bu nyid de ni byed pa'i bye brag la ltos pa can yin la/de la ltos pa med pa ni yod pa nyid yin no/ /rang gi ngo bo zhes bya ba la sogs pas byas pa nyid ni khyad par gyi bye brag la ltos par bstan to/ /dngos por gyur pa'i rang gi ngo bor grub pa las gzhan te/ gtan tshigs nyid du mngon par 'dod pa'i skyed par nus pa kho na gzhan gyi byed pa yin la/ rjes su 'gro ba dang ldog pa'i rjes su byed pa nyid ni ltos pa yin no/ /rang gi ngo bo bsgrub par bya ba'i phyir te/ rang gi ngo bo bsgrub par bya ba'i rgyu mtshan gyi phyir ngo bo gang gis gzhan gyi byed pa la ltos pa de ni byas pa yin no//gang gi phyir de ltar yin pa de bas na byas pa'i sgra 'dis gzhan gyi khyad par can gyis rang bzhin brjod pa yod pas kyang rang gi ngo bo 'di 'phangs pa yin no/ /des ni zhes bya ba ni byas pa nyid kyi khyad par bye brag la ltos pa nyid du bstan pas ni rkyen te rkyen rnams kyi bye brag yin pa des tha dad pa'i ngang tshul can du 'gyur ba'i ngo bo gang yin pa de ni/rkyen gyi bye brag gis tha dad pa can nyid de/ gnas dang stsol ba la sogs pa'i rgyu'i bye brag gi tha dad pa can gyi sgra'o/ /sogs pa'i sgras ni bstsal ma thag tu byung ba nyid la sogs pa bshad pa yin te/ de dag kyang gtan tshigs kyi bya ba'i khyad par la ltos pa can gyi rang bzhin no/ /de ltar na zhes bya ba la sogs pa ni mjug sdud pa yin te/ 'ga' zhig tu ste sbyor ba la khyad par gyi bye brag la ltos pa med pa yin pa de nyid kyi phyir spyir zhes bya ba smos te/ rgyu dang 'bras bu'i ngo bos tshig gnyis yin la/dper na mi rtag pa nyid du bsgrub par bya ba la yod pa nyid du lta bu'o/ /rang bzhin du 'gyur ba yang de yin la chos kyi bye brag kyang yin pas na zhes tshig rnam par sbyar ro/ /de yongs su gzung ba'i sgo nas 'ga' zhig tu rang bzhin gyi gtan tshigs brjod par bya ba'i skabs yin no/ /dper na de nyid la zhes bya ba ni mi rtag pa nyid du bsgrub par bya ba la skyes pa lta bu'o//'di ltar skye ba'i rang bzhin du gyur pa nyid du zin kyang / skye ba ni chos kyi bye brag nyid du khong du chud pa'i phyir chos kyi bye brag nyid du rtogs kyi/ yod pa nyid dang 'dra bar dag pa'i rang gi ngo bo tsam ni rtogs pa ma yin no/ /'di yang khyad par la ltos pa nyid kyi rang bzhin du blta bar bya'o//byas pa nyid la sogs pa ni gzhan du 'gyur ba'i khyad par yin la/ 'dir ni bdag nyid du 'gyur ba nyid kyi chos kyi bye brag yin no zhes bya ba de tsam ni khyad par ro/ /phyogs 'dis zhes bya ba ni khyad par la ltos pa dang mi ltos pa'i gtan tshigs kyis rab tu dbye ba'i phyogs kyis so/spyir chos can grub pa khyad par 'ga' zhig bsgrub par bya ba yin la/ chos can yang yod pa nyid du bsgrub par bya ba ma yin no zhes bya ba ni rigs pa'o/ /de la gal te yod pa nyid ces bya ba'i rang bzhin ni yod pa kho na zhes bya ba'i bar du'o/ /byas pa nyid la sogs pa yang rang bzhin yin pas/de ldog pa'i don du yod pa nyid smos so/ /'ga' zhig ldog pa yod pa nyid du 'dod pa'i phyir rang bzhin smos te/ bdag nyid du 'gyur ba'i yod pa nyid ces bya ba'i tha tshig go/ /gal te gtan tshigs yod rang bzhin yin na/ ci ltar yod pa bsgrub bya min te/ bsgrub byar yang 'gyur ro//'dod na yod pa nyid spyi bsgrub par bya ba yin na ni grub pa la sgrub pa nyid du 'gyur ba de bas na/ yod pa nyid kyi khyad par bsgrub par bya ba yin la/ bsgrub par bya ba de yang khyad par la rjes su 'gro ba med pa'i phyir/ dpe bsgrub par bya bas stong par 'gyur ba de'i phyir yod pa nyid bsgrub par mi 'gyur ro//de'i tshe gtan tshigs yod pa nyid yang khyad par gyi rjes su 'gro ba med pa'i phyir dpe gtan tshigs kyis stong par 'gyur ro/ /de'i khyad par zhes bya ba la sogs pa smos pa la/ khyad par te bye brag rnams nyams shing nyes pa dang bcas par 'gyur ro/ /gtan tshigs bsgrub bya dag la yang //zhes bya ba yang 'dun pa'i tshig gnyis pa yin te/ gtan tshigs dang bsgrub par bya ba dag la zhes bya ba'i don to/ /gzhan gyis ni bdag med pa la sogs pa'o/ /de zhes pa ni yod pa ma yin no/ /de ltar rab tu sgrub pas na/ /zhes bya ba ste/ gtso bo yod do zhes bya ba la sogs pas gtso bo la sogs pa'i mtshan nyid dang ldan pa'i khyad par du 'gyur na/khyad par yang bsgrub par nus pa ma yin no/ /ci'i phyir zhe na/ khyad par de la rjes su 'gro ba med pa'i phyir ro/ /de skad du zhes bya ba la sogs pa ni slob dpon phyogs kyi glang po ste/ grangs can gyi gtso bo yod do zhes bya ba 'dis gtso bo'i rang gi mtshan nyid sgrub par 'gyur ro zhes gang smra ba de nyid dang ldan pa'i khyad par du 'gyur na zhes ston to//rjes su dpag pa ni spyi'i yul can yin gyi rang gi mtshan nyid kyi yul can ni ma yin no/ /skyon ni nyes pa yin te 'on kyang gtan tshigs la yang skyon mtshungs pa nyid kyi phyir ro//de nyid ni gtan tshigs zhes bya ba la sogs pa smos pa la/ gtan tshigs 'di la rjes su 'gro ba med pa na rjes su 'gro ba med pa can no/ /grub pa'i zhes bya ba ni bsgrub par bya ba sgrub par byed pa'o/ /ci'i phyir yan lag ma yin zhe na/ de las zhes bya ba la sogs pa smos te/thun mong ma yin pa'i gtan tshigs de las so/ /yod pa nyid ni yod pa nyid do/ /chos can gang la khyad par te bye brag de yod pa de la de skad ces bya'o/ /tsam gyi sgra ni nges par gzung ba ste/ yod pa nyid kyi khyad par zhes bya ba yin no/ /de lta bur gyur pa'i bsgrub bya spyi'i chos can la/grangs can la don 'ga' zhig kyang bsgrub par mi 'gyur/ yon tan gsum la sogs pa'i mtshan nyid grub pa'i phyir ro/ /des ni 'di skad du rang gi phyogs la ma grub pas/ bsgrub par bya ba 'bras bu med par bstan to/ /gzhan gyi 'dod pa nyid kyang bsgrubs pa yin no zhes bstan pa'i phyir de 'dra ba yang bkag pa med ces bya ba smos te/de 'dra ba zhes bya ba ni spyi'i tsam mo/ /'dis ni grub pa la sgrub pa bstan to/ /yang na/ don 'ga' zhig kyang 'grub mi 'gyur/ /de 'dra ba yang bkag pa med/ /yang gi sgra ni gang gi phyir gyi don te/ gang gi phyir de 'dra ba bkag pa med pa de'i phyir grub pa sgrub pa'i nyes pa yin pas don 'ga' zhig kyang 'grub par mi 'gyur ro/ /rnam pa thams cad du zhes bya ba la sogs pas 'chad par byed de/ yod pa nyid grub pa ni yod pa nyid du grub pa'o/ /yod pa tsam khyad par can zhes bya ba ni yod pa nyid tsam khyad par can no//gang la rang gi ngo bo'i khyad par ma bstan pa yod pa zhes tshig rnam par sbyar ro/ /'dir zhes bya ba ni dngos po tsam sgrub par byed pa la/ yod pa nyid bsgrub pa 'gog pa ni ma yin no/ /'on kyang rgol ba de 'di ltar spyi 'ga' zhig yod do zhes chos can 'di la khyad par te/ bye brag gzhan 'ga' zhig la reg pa med pa ste/gzung ba med na'o/ /'dis zhes bya ba ni rgol bas so/ /gzung ba'i khyad par zhes bya ba ni gzung ba'i bye brag ste/ yon tan gsum gyi bdag nyid can rtag pa nyid la sogs pas so/ /khyad par gzung ba bsgrub bya 'dir te/ gtso bo la sogs pa'i chos can la/gtan tshigs rjes su 'gro ba med pa can 'gyur ba ste/ 'di la bsgrub par bya ba'i khyad par dang dpe la rjes su 'gro ba yod pa ma yin pas rjes su 'gro ba med pa can te/ dpe bsgrub par bya bas stong pa zhes bya ba'i don to/ /gang gi phyir de ltar yin pa des yod pa bsgrub par bya ba yin na ste gdon mi za bar khyad par dag ni bsgrub par 'gyur/chos can zhes bya ba la sogs pas 'chad par byed de/ bde ba la sogs pa'i bdag nyid can nam zhes bya ba ni bde ba dang / sdug bsngal dang / rmongs pa bdag nyid can te/ de lta bur gyur pa yang gzhan gyis gcig pu yan lag med pa can du 'dod pa'o//gzhan yin zhes bya ba ni byed pa po la sogs pa dang ldan pa'o/ /ji ltar rnam pa 'ga' zhig gis kyang ji skad du bshad pa'i bsdus pa dang rgyas pa'i chos dag gis khyad par du byas pa'o/ /de'i rang gi ngo bo zhes bya ba ni ji skad du bshad pa khyad par gyi bye brag tu byas pa rang gi ngo bo'o//de yang zhes bya ba ni chos can no/ /de ltar zhes bya ba ni rang gi ngo bo khyad par can gyis mthun pa'i phyogs kyi rjes su 'gro ba ma yin zhing rjes su zhugs pa ma yin te/ de lta bur gyur pa'i dpe'i chos can ni ma grub pa'i phyir ro/ /grub pa des zhes bya ba ni yod pa nyid tsam gyis te/yod pa tsam nyid la brjod pa med pa'i phyir ro/ /de ltar zhes bya ba la sogs pas ni gzhan gyi yin te/ de ltar thal bar 'gyur zhes bya ba ni gang spyi dang khyad par gyi rnam par rtog pa yod pa nyid du bstan pa'o/ /'di ltar khyad par can gyi rten gyis khyad par du ma byas pa'i me la sogs pa yod pa nyid tsam mam/rten gyi khyad par du byas pa bsgrub par bya ba yin grang na/ phyogs dang po ni grub pa sgrub pa nyid yin te/ de la yang zhes bya ba la sogs pa smos pa la/ de la yang zhes bya ba ni me la sogs pa bsgrub par bya ba la'o/ /phyogs gnyis pa ni dpe bsgrub par bya bas stong pa yin te/rten gyis khyad par byas pa can zhes bya ba gang smos pa ste/ me la sogs pa ni bsgrub par bya ba khyad par du byed pa yod pa de ni khyad par can rten yin la/ khyad par can gyi rten gyis me la sogs pa gang la khyad par du byas pa yod pa de ni khyad par du byas pa can te bsgrub par bya ba nyid du 'dod pa de la'o//mthun pa'i phyogs la rjes su 'gro ba med pa'i phyir ma grub pa yin no/ /rten gzhan dang 'brel pa'i me ni rten la 'jug pa ma yin no/ /rten des zhes bya ba la sogs pa ni slob dpon gyi yin te/ rten bsgrub par bya ba'i chos can nyid du 'dod pas/ me la sogs pa la de khyad par du byed pa ni ma yin te/gang na du ba yod pa de ni me'i spyi yod de/ 'di na yang du ba yod pa de bas na 'di na yang me'i spyi yod do zhes bya ba de lta bu ni me'i spyi nyid khong du chud pa'i phyir ro/ /gal te rten gyi khyad par byas pa med na/ 'o na ji ltar phyogs kyi chos shes de ltar khyad par du byas she na/de mi ldan pa zhes bya ba smos te/ chos de chos can de la ma 'brel par dogs pa gang yin pa de rnam par bcas pas khyad par du byas pa'i phyir ro/ /gong du phyogs chos de'i chas khyab pa ni zhes bya ba'i 'brel par phyogs kyi chos nyid ces bya ba yin gyi/ phyogs nyid kyi chos zhes bya ba ni ma yin no zhes bshad zin cing le'u bzhi pa las kyang 'chang bar 'gyur ro//de bas na zhes bya ba la sogs pa yin no/ /der zhes bya ba ni sa phyogs la sogs par ro/ /de mi ldan par rnam par bcad pas zhes bya ba ni sa phyogs la sogs pa'i chos can de la bsgrub par bya ba'i chos dang mi ldan pa rnam par bcad pas so//de bas na spyi sgrub par byed pa'i phyir rjes su 'gro ba med pa'i nyes pa yod pa ma yin pa dang / de mi ldan pa rnam par bcad pas sgrub par byed pa'i phyir grub pa la sgrub pa ma yin no zhes bya bar dgongs so/ /gal te gtso bo la sogs pa'i chos la mi ldan pa rnam par gcad pa na yang yod pa nyid tsam bsgrub par bya ba yin no zhe na/de ltar 'dir yang zhes bya ba la sogs pa smos pa la/ 'ga' zhig la zhes bya ba ni gtso bo la sogs pa'i chos can la'o/ /ci'i phyir zhe na/ gtso bo la sogs pa'i sgra'i brjod par bya ba'i don yon tan gsum la sogs pa'i mtshan nyid can med pa'i phyir yod pa nyid du khyad par med pa can kho na yin te/khyad par du gyur pa'i rten med pa'i phyir ro/ /ji ltar zhes bya ba la sogs pa ni gzhan gyi yin no/ /chos can re re la yod pa nyid dang shes bya nyid la sogs pa chos ma yin pa yod pa yin no//de la gal te yang gtso bo la sogs pa ni yod pa'i chos kyi ngo bor ma grub pa de ltar na yang shes bya dang brjod bya gzhal bya dag tu dngos po dang dngos po med pa'i chos nyid du 'dod pas gtso bo la sogs pa de yang grub pa kho na yin te/ de la yod pa nyid spyi bsgrub par bya ba yin no//re zhig 'dir yang chos can zhes bya ba la sogs pa'i tshul du rtogs pa na bde ba la sogs pa'i bdag nyid du gcig ni rtag pa la sogs pa'i khyad par dag tu grub par rtag pa nyid du mi nus te/ khyad par de nyid bsgrub par bya ba yin pa'i phyir ro/ /de de bas ni 'di ni shes byas 'ga' zhig yod do zhes bya ba ni bsgrub par bya'o//de bas na da ci zhes bya ba ni khyad par med pa yod do zhes bya bas don 'di 'grub pa ste/ gtso bo la sogs pa grub pa yin yang bla ste/ med pa kho na zhes bya ba'i tha tshig go/ /shes bya yod pa nyid tsam brjod pa ni ma yin te/ de nyid ni de ltar na yang zhes bya ba smos te/mngon par 'dod pa cung zad kyang grub par mi 'gyur ro zhes bya ba'i don to/ /'o na me rjes su dpag pa na yang me tsam grub pa'i phyir bsgrub par bya ba ma yin par 'gyur ro zhe na/ gzhan du zhes bya ba smos so/ /'di na du ba yod pa'i phyir me yod do zhes bya ba la sogs pa sbyor ba la'o//me'i spyi de nyid ces bya ba gang gis de la khyab pa'o/ /de la zhes bya ba ni phyogs kyi bye brag la'o/ /de yang de dang mi ldan pa bral ba can gyi zhes bya ba phyogs dang mi ldan pa de ni de mi ldan pa ste/ de dang bral ba'i phyogs dang ldan pa zhes bya ba'i tha tshig go/ /spyi gang la yod pa de la de skad ces bya ste/phyogs khyad par can 'brel pa can zhes bya ba'i don to/ /rjes su 'gro ba ma grub pa kho na ni khyad par gyi phyogs dang 'brel ba can gyi spyi gzhan la 'jug pa med pa'i phyir ro zhe na/ 'ga' zhig ces bya ba la sogs pas lan 'debs par byed de/ 'ga' zhig ces bya ba ni rigs pa shes pa'o//de lta bur gyur pa'i don gyis zhes bya ba ni khyad par can gyi rten gyis khyad par du byas pa can gyi spyis so/ /'on kyang gzhan te khong du chud par bya ba la khong du chud par byed pas du ba ni me med na mi 'byung ba ste/ me med par 'byung ba ma yin par bstan par bya ba yin no/ / ci 'dra ba'i tshig gis she na/ gang na zhes bya ba la sogs pa smos te/ gang 'ga' zhig du ba yod pa de na me yod do zhes bya ba lta bu'o/ /de ltar na zhes bya ba ni thams cad la khyab par nye bar sbyor ba bstan pas so/ /de ni du ba'o/ /me tsam gyis khyab pa grub pas phyogs can gang nas/ bdag nyid de du ba'i ngo bor 'khrul pa'i rgyu gsal ba can du snang bar 'gyur ba'i phyogs de nyid du phyogs 'di ni me dang ldan pa'o zhes me'i blo skyed par byed do//de la ste shugs kyis rjes su dpag par bya ba khong du chud par de la'o/ /bsgrub par bya ba bstan pas cir yang mi rung zhing dgos pa med de de med par yang bsgrub par bya ba grub pa'i phyir ro//de nyid ni de ni de la zhes bya ba la sogs pa smos pa la/ bsgrub par bya ba'i chos can de la rtags mthong ba de la bstan pa tsam dang bsgrub par bya ba'i chos can dang rtags kyi 'brel pa ste/ rjes su 'gro ba dang ldog pa'i mtshan nyid gang yin pa de bstan pa tsam gyis dogs pa 'dod pa ste/bsgrub par bya ba grub pa'i phyir ro/ /gang gi tshe chos can ma bstan pa de'i tshe/ de ma bstan par yang ji ltar de khyad par du byas pa ste/ bsgrub par byas pa'i chos kyi rjes su 'gro ba yin pas/ gang gi phyir rjes su 'gro ba med pa'i nyes par 'gyur te/de bas na zhes bya ba ni de'i phyir te/ du ba 'di ni bsgrub par bya ba'i chos me med na mi 'byung bar grub pa'i phyogs gang yin pa de ni mi ldan pa rnam par gcad pa yin te/ phyogs me dang ldan par sgrub byed ces bya ba'i don to/ /phyir ni gtan tshigs so/ /de ni phyogs so/ /de ltar na zhes bya ba ni me dang ldan pa nyid du bsgrub par bya ba zhes bya'o//tshad ma'i bya ba'i phyogs 'byung ba nyid kyis yin gyi/ 'di ltar nye bar dgod pa sngon du 'gro ba can te/ phyogs khyad par can dang 'brel pa can gyi me tsam nye bar dgod pa sngon du 'brel pa can gyi rjes su 'gro ba can gyi rjes su 'gro ba yang ma yin no//ci'i phyir zhe na/ bsgrub par bya ba bstan pa 'dir te/ sgrub par byed pa'i sbyor ba'i tshe yan lag nyid ma yin pa'i phyir ro/ /gzhan yang phyogs nye bar dgod pa sngon du 'gro ba can kho na rjes su 'gro ba yin pa de'i tshe de sngon du song ba can te/ phyogs nye bar dgod pa sngon du 'gro ba can gyi rjes su 'gro ba ni rigs pas grub pa yin na/dam bcas sgrub par byed pas ci zhig sel bar byed de/ phyogs bstan pa de'i tshe yang sgrub par byed pa nyid yin pa'i phyir ro/ /de ltar yang ma yin pa de'i tshe na de'i phyogs bstan pa med par bsgrub par bya ba'i chos kyi spyis rtags la khyab par bstan par bya'o zhes bya bar gnas so//slob dpon phyogs kyi glang po yang de dag bzhed do zhes bya ba bstan par bya ba'i phyir/ de skad du yang zhes bya ba la sogs pa smos pa la/ gzhan la yang zhes bya ba ni khyad par gyi chos dang 'brel pa btang nas/ gzung ba med pa can gyi rten gyi khyad par gyi chos can tsam gzhan la'o//gzhan dag ni bsgrub par bya ba'i chos can las gzhan pa ste/ dpe'i chos can la zhes bya ba 'chad par byed de/ de yang mi rigs te thams cad la khyab par nges pa bstan pa'i phyir ro/ /bsgrub par bya ba'i chos dang gtan tshigs te du ba la sogs pa ni ma 'khrul ba yin no//ci'i phyir ma 'khrul pa bstan ce na/ de la zhes bya ba la sogs pa smos te/ rtsod pa'i gzhir 'gyur ba'i chos can de dag la bsgrub par bya ba'i chos can med na mi 'byung ba nyid du bstan pa'i rtags rab tu grub cing nges pa de dang ldan pa ste/ khyad par du bya ba'i chos dang ldan pa'i bsgrub par bya ba'i chos can khong du chud par byed pa yin no//de bas na zhes bya ba la sogs pa ni mjug sdud pa yin no/ /ji ltar yod pa nyid bsgrub par bya ba la rjes su 'gro ba med pa'i nyes pa yod pa de ltar gtan tshigs la yang zhes gang smra ba de'i lan ni/ gzung ba med pa zhes bya ba la sogs pa la/gzung ba med pa can ni nye bar gzung ba yod pa nyid kyi bye brag de'i khyad par dngos po tsam ste/ yod pa nyid tsam gang yin pa de ni sgrub par byed pa yin na/ yod pa tsam de ni de'i dpe'i chos can gyi rjes su 'gro zhing 'jug pa la 'gal ba yod pa ma yin no/ /dngos po tsam grub par byed pa yin na bsgrub par bya ba ji lta bu zhig yin zhe na/de tsam khyab byed ces bya ba smos te/ yod pa nyid tsam khyab par byed pa'o/ /rang gi ngo bo zhes bya ba la sogs pas 'chad pa la dngos po tsam khyab par byed pa dang / sgrub par byed pa'i chos la yang rang gi ngo bo khyad par yongs su gzung ba med pa sgrub par byed pa yod pa nyid byed pa yin na yang rjes su 'gro ba la 'gal ba med do//dpe sgrub par byed pa stong pa ma yin no zhes bya ba'i tha tshig go/ /de la zhes bya ba ni sgrub par byed pa yod pa nyid la'o/ /ci'i phyir zhe na/ yod pa nyid tsam la brten pa yang zhes bya ba smos te/yod pa tsam la brten pa ni yod pa nyid tsam la brten pa ste/ gtan tshigs nyid du brten pa la yang zhes bya ba'i don to/ /bsgrub par bya ba nyid kyang ma yin te/ yod pa nyid kyi khyad par gyi rten ma yin no/ /ci'i phyir zhe na/ yod pa tsam nyid bsgrub par bya ba yin na/ sgrub par byed pa 'bras bu med pa'i phyir ro//yod pa nyid bsgrub par bya ba'i skyon bsgrub par bya ba'i sgo nas bstan nas/ sgrub par byed pa'i sgo nas bstan pa'i phyir/ gzhan yang zhes bya ba la sogs pa smos te/ yod pa nyid bsgrub par bya ba la gtan tshigs yod pa'i chos sam med pa'i chos sam yod pa dang med pa'i chos shig ston na/de la ma grub pa la ste gtso bo la sogs pa'i chos can la yod chos min zhes bya ba'i gtan tshigs ma grub pa yin no/ /gnyi ga la ste/ yod pa dang med pa'i chos la brten pa de ni yod pa nyid bsgrub par bya ba la 'khrul pa ste/ ma nges pa yin no/ / med pa'i chos gang yin pa de yod pa nyid bsgrub par bya ba la 'gal ba yin te/ med pa nyid kho na bsgrub pa'i phyir ro/ /yod pa nyid bsgrub par bya ba gang la yang ma grub pa la sogs pa'i skyon yod pa'i phyir gtan tshigs nyid yod pa ma yin na/ ji ltar yod pa nyid de bsgrub par 'gyur/ gtan tshigs de zhes bya ba ni yod pa nyid sgrub par byed pa'i gtan tshigs so//skyon gyi rnam pa gang la skyon gyi rigs kyi yan lag gsum pa yod pa de ni gsum dang ldan pa yin te/ de ni ci rigs par ma 'das pa yin no/ /nyes pa gsum po de yang ma grub pa dang zhes bya ba la sogs pa bstan te/ 'gal ba zhes bya ba ni 'gal ba nyid do//de la zhes bya ba la sogs pas ni de nyid rnam par 'byed pa yin te/ gtan tshigs yod pa'i chos shig ston na de 'bras bu'i bdag nyid du 'gyur ba'am/ de'i rang bzhin du 'gyur ba zhig grang na/ re zhig phyogs dang po ni ma yin te/ rgyu dang 'bras bu'i dngos po nyid ma grub pa'i phyir ro/ /rgyu'i khyad par gyis rgyu 'bras bu'i dngos po grub pa ni mngon sum dang mi 'gal ba yin te/rgyu dang 'bras bu'i dngos po'i 'bras bu'i ldog pa'i mtshan nyid can rgyu tsam rtogs par byed pa yin gyi khyad par ni ma yin no/ /ci ste phyogs gnyis pa yin pa de'i tshe/ yod pa nyid bsgrub par bya ba la/ gal te chos can gyi rang bzhin gyi chos can gtan tshigs su ston na/gtso bo la sogs pa ji ltar yod pa ma grub pa can du 'gyur/ gang gi rgol ba 'ga' zhig gtso bo la sogs pa'i chos su gtan tshigs 'dod na de ji ltar gtso bo la sogs pa'i dngos por mi 'dod de/ dngos po'i rang bzhin gyi ngo bo nyid de chos nyid yin pa'i phyir ro//gal te 'o na ji ltar rang bzhin gyi chos 'di ni zhes ldog pa'i sgo nas brjod ce na/ rang bzhin ni zhes bya ba la sogs pa smos pa la/ 'ga' zhig la ltos nas zhes bya ba ni khyad par gzhan spong ba dang mi spong ba'i mtshan nyid can gyis so/ /'di ltar khyad par gzhan mi spong bas chos can rnam par gzhag nas de nyid la yang khyad par gzhan spangs nas chos nyid du rnam par gzhag la de ltar brda byas nas/chos can las tha dad pa can bzhin te bzlog pa dang 'dra bar rtogs pa po'i 'dod pa'i ngor byas nas bstan pa yin no/ /de yang gong du nges par byas zin to zhes bstan pa'i phyir chos dang zhes bya ba la sogs pa smos te/khyad par gzhan ni spong ba dang / mi spong ba dag de gnyis kyi zhes bya ba la sogs pas bshad zin to/ /ci ste yang gnyi ga'i chos gtan tshigs yin par smra na/ ji ltar na dngos po'i chos dngos po med pa'i chos su 'gyur/ gang gis gnyi ga'i chos gtan tshigs su 'gyur ba bstan pa'i phyir dngos po la mi rten pa ma yin pa zhes bya ba la sogs pa smos te/de ni gal te bsgrub pa'i sgo nas dngos po'i bdag nyid kyi chos khas blangs nas med pa'i chos brjod pa'am gcig dgag pa'i sgo nas de la bzlog pa'i dngos po la brten pa'i bdag nyid can ma yin par dgag pa 'jug pas dngos po'i chos khas blangs nas med pa brjod na yang 'gal bar 'gyur na de yang med do zhes bstan zin to//gang gi phyir ldog pa tsam ste/ gzhan bkag pa tsam chos nyid du brtags pa ni med pa la yang 'gal ba med pa'i phyir ro/ /de ldog pa smos pa ni bsgrub pa'i sgo nas gzung ba'i chos gsal ba yin no//tsam smos pa ni dgag pa'i thabs kyi thob pa 'di dngos po la brten pa'i bdag nyid can gsal ba yin no/ /ci'i phyir ldog pa tsam kho nar 'gyur zhe na/ ma yin par dgag pa ma yin pas zhes bya ba dgag pa gtso bo ma yin pa can gyi sgrub pa ma yin par dgag pa yin te/ de yang mi rten pa tsam yin no//de'i phyir ma yin pa dgag pa kho na mi rten pa yin zhe na/ dngos po la mi rten pa can zhes smos te/ dgag pa tsam la dngos po mi rten pa de la de skad ces bya'o/ /gang la gzhan rnam par gcad nas dngos po la brten pa de ni ma yin pa rnam par dgag pa'i yul yin/ 'dis dngos po 'ga' zhig la brtan pa ma yin no//rnam par gcad pa tsam de nyid ni dper na zhes bya ba la sogs pa smos te/ gzugs can du mi 'gyur ro zhes bya ba gzugs can ma yin pa yin pa de de nyid de/ gzugs can bkag pa'i mtshan nyid med pa na/ yod pa rten rnam par shes pa dang nye bar brjod pa med pa ste med pa la yang 'gyur ba lta bu'o//gal te nye bar brjod pa med pa ni zhes bya ba la sogs pa gzhan gyi yin te/ yod pa bkag pa 'di ni bzlog pa yin la de yang bya ba yin na bya ba'i rten ma gtogs par bya ba mi rung ngo / /de bas na med pa dgag pa'i yul ma yin no/ / dgag pa'i yul nyid du med na yang ji lta ba ni chos kun du brtags pa yin zhes bya bar bsams pa'o/ /med pa dag ni sgra dag kyang yod par 'gyur ro zhes bya ba'i skabs su nye bar brjod pa med pa'i dgag pa'i yul nyid kyang bstan pa nyid ma yin nam/ bden te 'on kyang yul med pa dgag pa'i sbyor ba med pa'i phyir ro zhes bya ba 'dis phyogs snga ma'i sgo nas bstan la/de ni bya ba dang byed pa po'i 'brel pa'i sgo nas zhes bya ba ni khyad par ro/ /gal te nye bar brjod pa med na ni dgag pa'i yul nyid ma yin pa de bas na da ni spyi'i nye bar brjod pa med pa'i bsgrub pa'i yul yin na yang bla'o/ /gal te yang ste med pa bsgrub pa'i yul nyid ma yin no zhe na/da ci lta med pa dgag pa'i yul nyid ma yin/ ci'i phyir zhe na/ dgag pa ni zhes bya ba la sogs pa la bsgrub pa log pa gang yin pa de nyid dgag pa yin te/ bsgrubs pa dang dgag pa dag las gzhan med pa'i phyir ro/ /log pa zhes bya ba'i dngos por gyur pa'i chos kyis bya ba 'ga' zhig kyang yod pa ma yin pa gang gis med pa dag la yang mi 'gyur/de bas na bshad ma thag pa'i rnam par gcad pa tsam yod pa de dang med pa gnyi ga yang yod pas bsgrub par bya ba yod pa nyid du ji ltar bdag gir byed/ gang gi phyir mi mthun pa'i phyogs la 'jug pa'i dogs pa rnam par gcad pa'i sgo nas rnyed par byed pa de ni go bar byed pa nyid yin no//mi mthun pa'i phyogs la 'jug pa ni rab tu spyod pa ste/ de la dogs pa de rnam par gcad pa'i sgo nas so/ /yod pa nyid bsgrub par bya ba la yang mi mthun pa'i phyogs med pa nyid yin na/ gtan tshigs gnyi ga'i chos kyang mi mthun pa'i phyogs med pa nyid las log pa nyid ma yin no//rgol ba de yang rang gi tshig ste rang gi brjod pa yod pa nyid sgrub par byed pa'i gtan tshigs su gnyi ga'i chos nyid smra ba na yod pa nyid las gzhan pa yang ste/ med pa la yang gtan tshigs gnyi ga'i chos 'di 'jug par brjod pa na'o/ /gal te yod pa dang med pa la yang gnas pa de ltar na yang gnyi ga'i chos nyid du 'gyur ro//yod pa nyid la gtan tshigs nyid du smra ba na/ yod pa de la ma 'khrul par brjod pa'i phyir ji ltar 'khrul pa ma yin/ yod pa nyid la med pa'i chos kyi gtan tshigs su brjod pa na yang rgol ba 'di'i gtan tshigs su 'gyur te yod pa nyid las ldog pa med pa nyid sgrub par byed pa'i phyir ro//med pa nyid kyi chos su 'gyur ba gang zhe na/ dngos po tsam zhes bya ba la sogs pa smos pa la/ dngos po tsam khyab par byed pa'i don byed nus pa byas pa nyid la sogs pa'i mtshan nyid can gyi don gang yin pa de rnam par gcod pa'i nges pa med pa nyid kyi chos yin te/dngos po thams cad 'gog pa ni med pa kho na la yod pa'i phyir ro/ /de ni zhes bya ba la sogs pas ni 'gal ba nyid ston par byed de/ de ni zhes bya ba dngos po tsam khyab par byed pa'i don rnam par gcod pa yin te/ 'di ni mthun pa'i phyogs la med pa nyid bstan to/ / med pa ni zhes bya ba la sogs pas ni mi mthun pa'i phyogs nyid la yod pa nyid do/ /de bas na zhes bya ba ni de'i phyir te/ ji skad du bshad pa'i gtan tshigs rnam pa gsum po 'di yang yod pa nyid sgrub par byed pa la ste/ yod pa nyid bsgrub pa la ji skad du bshad pa'i gtan tshigs gsum las rnam pa gzhan ni yod pa ma yin no//yod pa nyid 'di'i phyir te/ khyad par gzung ba med par sgrub par byed pa nyid de rtags nyid yin no/ /yod pa nyid grub pa can te/ bsgrub par bya ba'i chos can la ma grub pa yin no/ /bsgrub par bya ba'i chos khyad par ji lta bu can de'i sgrub par byed pa nyid yin zhe na/ de tsam la zhes bya ba la sogs pa smos pa la yod pa tsam la khyab par byed pa mi rtag pa nyid la sogs pa dngos po'i chos kyi'o//de ni ma grub pa nyid kyi skyon gsal ba yin no/ /'gal ba dang ma nges pa nyid spangs pa'i phyir gal te zhes bya ba la sogs pa smos te/ gal te bsgrub par bya ba'i chos des rtags la khyab pa rnam pa 'ga' zhig gis rjes su 'gro ba'am ldog pa'i sgo nas nges par byas pas 'gal ba dang 'khrul pa dag med pa ste/'gal ba nyid dang ma nges pa nyid yin pa'i phyir yod pa nyid bsgrub par bya ba la/ ma grub pa la yod chos med/ /ces bya ba la sogs pa bshad ma thag pa'i thal bar 'gyur ba 'di ni med do bsgrub par bya ba ni chos kyi rtags la khyab pa'am/chos can la brten pa ste phyogs kyi chos nyid la nges par ma byas pa can yod na yang de'i rang bzhin can nyid du ste/ khyad par dang chos can la brten pa nges par byas pa'i rang bzhin can nyid du go bar byed par 'dod pa ni go bar byed pa 'ga' zhig tu yang mi 'gyur ro//gtan tshigs de nyid kyi phyir/ bsgrub par bya ba'i chos can la rang gi chos kyis khyab pa'i gtan tshigs ni grub pa'i rang bzhin go byed yin par brjod par bya ste/ tshul gsum pa nyid du nges par byas pa yin no zhes bya ba'i tha tshig go//de nyid bstan par bya ba'i phyir/ gsal bar bya ba nyid kyis zhes bya ba la sogs pa smos te/ gsal bar byed pa nyid kyis te/ 'od gsal ba nyid kyis sgron mas bum pa la sogs pa gsal bar byed pa yin na/ de lta bur gyur pa de 'ga' zhig gi tshe bum pa la sogs pa'i nang na gnas pa de'i ngo bo rtogs par byed pa ma yin pa ni rang gi don bya ba ka ba la sogs pa gsal bar byed pa'i mtshan nyid can mi byed do//go bar byed pa'i rang bzhin ci 'dra ba de lta bu ni bshad zin to/ /'on kyang go bar bya ba ci 'dra ba zhig yin zhe na/ de la khyab byed nges pa ni zhes bya ba la sogs pa smos pa la/gang de go bar byed pa khyad par byed pa'i rang bzhin gang yin/ des khyab byed nges pa yin te/ khyab par byed pa zhes bya ba de ltar nges pa ni/ rtogs par bya ba'i rang bzhin yin/ de'i chos zhes bya ba la sogs pas 'chad par byed de/ chos can gyi chos go bar bya ba ci 'dra zhig ce na/go bar byed pa nyid du 'dod pa de'i khyab par byed pa nyid du nges pa'o/ /ji ltar na khyab par byed pa nyid du nges pa yang yin zhe na/ de'i chos su nges pa kho na'i phyir zhes bya ba smos te/ go bar byed pa de'i chos nyid kyi rang bzhin du nges pa ni de'i chos su nges pa ste/ sgrub par byed pa ni bsgrub pa'i rang bzhin du nges pa'i phyir ro zhes bya ba'i don to//'di tsam gyis ni rjes su 'jug pa dang rjes su 'jug par byed pa'i ngo bo bshad nas/ ldog pa dang ldog par byed pa'i ngo bo ni 'di ldog pa na yang zhes bya ba la sogs pa smos pa las/ 'di zhes bya ba ni khyab par byed pa'i chos te/ bdag nyid log pa yod na khyab par bya ba de ldog par byed pa yin na/bdag nyid ces bya ba la sogs pas 'chad par byed pa la/ khyab par byed pa'i chos kyi bdag nyid ldog par gyur pa na/ khyab par bya ba de ldog par byed pa yin no zhes bya bar sbyar ro/ /ci'i phyir zhe na/ gang gi phyir gal te khyad par byed pa 'di med na khyab par byed pa mi 'byung ba de ltar na/bsgrub par bya ba'i chos 'di ni 'di'i khyab par byed pa grub par 'gyur ro/ /de bas na zhes bya ba ni tshig nye bar dgod pa'o/ /'dis ni zhes bya ba ni bshad ma thag pa'i rjes su 'jug pa dang rjes su 'jug par byed pa'i ngo bo dang / ldog par byed pa'i ngo bor rab tu bstan pas so/ /sgrub par byed pa'i sbyor ba rnam pa gnyis kyang zhes bya ba chos mthun pa nyid can dang chos mi mthun pa nyid can te/go rims bzhin du go bar byed pa'i mtshan nyid de/ bsgrub par bya ba dang bsgrub par bya ba'i mtshan nyid du bshad par rig par bya'o// //bam po nyi shu rtsa gcig pa/ sbyor ba rnam pa gnyis po de nyid ni sbyor ba rnam pa gnyis ni zhes bya ba la sogs pa smos so//gang gzhan dag ni zhes bya ba ni rigs pa'o/ /chos mthun pa nyid can gyi sbyor ba ni rjes su 'gro ba can yin la/ chos mi mthun pa nyid can yang ldog pa can yin no/ /de dag gi rjes su 'gro ba dang ldog pa rnam par gzhag pa ma yin nam/gang la mi mthun pa'i phyogs med pa'i phyir ldog pa med pa mthun pa'i phyogs kho na la yod pa 'ba' zhig yin te/ de ni rjes su 'gro ba can la/ gang la mi mthun pa'i phyogs las gcig tu ldog pa yod pa ni mthun pa'i phyogs med pa'i phyir rjes su 'gro ba med pa can ni ldog pa can yin no zhe na/rnam par gzhag pa ni bden mod kyi/ de ltar rnam par gzhag pa ni rigs pa ma yin te/ ldog pa med par rjes su 'gro ba dang / rjes su 'gro ba med par ldog par mi rung ba'i phyir ro/ /de bas na gtan tshigs thams cad rjes su 'gro ba dang ldog pa dang ldan pa yin no/ /'on kyang sbyor ba'i bye brag las rjes su 'gro ba can dang /ldog pa can zhes brjod pa de ltar na dngos po'i dbang gis kyang khas blang bar bya'o/ /de nyid bsgrub pa'i phyir/ sbyor ba'i bye brag ces bya ba la sogs pa smos pa la/ 'di gnyis la zhes bya ba ni rjes su 'gro ba can dang ldog pa can gyi gtan tshigs dag la don du ste/rang gi ngo bo nyid du bye brag cung zad kyang med de/ gnyi ga dag kyang rjes su 'gro ba dang ldog pa dang ldan pa nyid kyi phyir ro/ /sbyor ba'i bye brag ma gtogs par zhes bya ba ni/ rjes su 'gro ba dang ldog pa de dag la 'ga' zhig tu rjes su 'gro ba nyid can gyi sbyor bas ston par byed la/'ga' zhig tu ldog pa dang ldan pa nyid kyis zhes bya ba sbyor ba tsam tha dad pa yin na/ gal te chos mthun pa nyid can gyi sbyor ba la chos mthun pa nyid dang / chos mi mthun pa nyid can la chos nyid mi mthun pa nyid can rtogs par 'gyur ba de bas na/ don gyi bye brag kyang yod do zhe na/ de ni med de gang gi phyir chos mthun pa nyid can gyi sbyor ba la yang / don gyis te shugs kyis bsgrub par bya ba'i mi mthun pa'i phyogs las gtan tshigs ldog pa ni chos mi mthun pa nyid can rtogs par 'gyur ba'o/ /nus pa de nyid de med na zhes bya ba la sogs pa smos pa la/ de zhes bya ba ni chos mi mthun pa nyid can te/gal te sgrub par byed pa med na mi 'byung ba de ltar na bsgrub par bya ba dang ldan pa'i gtan tshigs su 'gyur ro/ /de bzhin du chos mi mthun pa nyid can gyi sbyor ba la/ de zhes bya ba ni rjes su 'gro ba ste/ gal te bsgrub par bya bas gtan tshigs la khyab par 'gyur ba de ltar na/ de log pas de ldog par 'gyur ro//ldog pa'i gtan tshigs de dag dpyad pa yang rgyas par 'chad par 'gyur ro/ /dper na mi rtag pa nyid la byas pa'am zhes bya ba ni mi rtag pa kho na byas pa nyid ces bya ba'i don to/ /de ni rjes su 'gro ba can gyi dpe brjod pa yin no/ /'jig pa med pa la byas pa lta bu'o zhes bya ba la/'jig pa yod pa ma yin pa ni 'jig pa med pa ste/ de bas na 'jig pa med pa 'jig pa med pa'i ngo bo yod na ma byas pa ste/ 'bras bu ma yin pa zhes bya ba'i don 'dir 'gyur ro/ /de ni ldog pa can gyi dpe brjod pa'o/ /de nyid ni 'dis ni zhes bya ba la sogs pa smos pa la/ 'di gnyis kyis zhes bya ba ni rjes su 'gro ba dang ldog pa can gyi'o//gang cung zad ces bya ba ni thams cad bsdus nas khyab pa rjod par byed pa'o/ /de bas na don gyis byas pa nyid ni rtag pa nyid las ldog pa yin no zhes ldog pa rtogs par 'gyur ro/ /gal te cung zad kyang rtag par mi 'gyur ba de ltar na byas pa ni mi rtag par 'gyur ro//gal te gang rtag pa nyid med pa de las ldog pa yod ce na/ de'i the tshom nyid yod pa ma yin te/ de med pas de la 'jug pa med pa'i phyir ro/ /sgra yang byas pa yin pa zhes bya ba ni phyogs kyi chos brjod pa'o/ /ci'i phyir phyogs ma bstan ces dogs pa la byas pa nyid la zhes bya ba la sogs pa smos so//sgra yang byas pa nyid du brjod pa'i zhes bya ba ni gang gi tshe/ sgra la byas pa nyid mi rtag pa nyid kyis khyab pa brjod pa na/ de la nges par bdag nyid khyab par byed pa yin par nye bar 'jog par byed pa'i phyir/ shugs nyid las sgra mi rtag ces bya bar 'gyur ro/ / de bas na 'dir gdon mi za bar zhes bya ba la sogs pa la/ gdon mi za bar bstan par bya ba ma yin no zhes bya bar sbyar ro/ /'dir zhes bya ba ni chos mthun pa nyid can gyi sbyor ba la'o/ /chos mi mthun pa nyid can gyi sbyor ba ni ldog pa yang zhes bya ba la sogs pa smos te/ mi rtag pa nyid kyi ngo bo med pa la byas pa nyid med de zhes bya bar sbyar ro//de yang 'jig pa med pa la ma byas pa lta bu'o zhes bya ba 'di rnam par 'grel pa'o/ /sgra yang byas pa yin pas zhes bya ba ni phyogs kyi chos brjod pa'o/ /'dir yang dam bcas pa'i tshig ma byas pa yin te/ gang gi phyir de'i rang bzhin nyid du grub pa yin te zhes bya bar mi rtag pa nyid kyi rang bzhin du ste/rgyur gyur pa nyid du grub pa yin no/ /de med na zhes bya ba la/ mi rtag pa nyid med par 'gyur na byas pa nyid mi 'byung bas sgra la yod pa nyid du bstan pa ste/ sgra yang byas pa yin pas zhes bya ba nyid du brjod par byas pa yin no/ /de'i bdag nyid yod pa nyid kyi zhes bya ba mi rtag pa'i rang bzhin byas pa sgra la yod pa nyid kyi ngo bo yin pas/shugs kyis sgra mi rtag ces bya bar grub pa'i phyir ro/ /snga ma bzhin du zhes bya ba ni chos mthun pa nyid can gyi sbyor ba dang 'dra bar ro/ /mi rtag pa nyid med pa la byas pa nyid med de zhes bya ba'i sbyor ba la chos mi mthun pa tsam gyi rjes su 'gro ba med pa bstan pa ma yin nam zhe na/rjes su 'gro ba ni zhes bya ba la sogs pa smos te/ rjes su 'gro ba med par chos mi mthun pa nyid mi 'thad do/ /de nyid ni de'i bdag nyid ma yin pa zhes bya ba la sogs pas bstan pa'i phyir/ de'i bdag nyid ma yin pa nges pa ni zhes bya ba smos te/ mi rtag pa'i rang bzhin nyid la rag lus pa med pa zhes bya ba'i don to/ /de log pa na zhes bya ba ni mi rtag pa'i rang bzhin nyid du nges pa nyid de log pa na ldog go zhes bya ba'i don to/ /gang gi phyir de lta yin pa de'i phyir nges pa ste/ de'i bdag nyid kyi mtshan nyid can gyi 'brel pa tshad mas rab tu bsgrubs pas bsgrub par bya ba log pas gtan tshigs ldog pa brjod par bya'o//gal te nges par rab tu bsgrub pa'i phyir bsgrub par bya ba log pas ldog pa brjod pa yin nam/ tshad ma gzhan gyis nges par bsgrubs na ldog pa'i tshig don med pa'am/ ji ltar nges pa khong du chud pa na de log pa na de ldog pa yang ma yin te/gang gi nges par rab tu bsgrubs nas phyis ldog pa ston par byed ce na/ 'dir 'ga' zhig smras pa gang yin pa de re zhig brjod par bya ste/ nges par bstan par bya ba'i phyir ldog pa brjod pa yin no zhes bya ba de ni ma yin te/ gang gi phyir ldog pa'i tshig ni mi mthun pa'i phyogs la 'jug pa'i dogs pa ldog pa'i don yin gyi nges 'brel pa brjod pa ni ma yin te/bsgrub par bya ba med pa la gtan tshigs med pa ni sgra la khong du chud pa'i phyir ro/ /de'i bdag nyid kyang gzhan yin la/ mi mthun pa'i phyogs la med pa nyid kyang gzhan nyid yin na/ gang mi mkhas pa 'ga' zhig de'i bdag nyid bstan du zin kyang /mthun pa'i phyogs dang / mi mthun pa'i phyogs dag la yod pa dang / med pa nyid dran pa ni yod de/ de la 'di skad du/ gang gi phyir tshad mas mi rtag pa'i bdag nyid du byas pa grub pa'i phyir de log pa na de ldog par 'gyur ro zhes brjod par bya'o/ /gal te grub na zhes bya ba ni nges par grub pa'i dus phyis 'byung ba can gyi ldog pa grub pa na ste/de'i bdag nyid nges pa ni mthun pa'i phyogs kho na la yod pa nyid ces bya ba'i don to/ /don gyis bstan pa'i phyir zhes bya ba ni mi rtag pa yod pa nyid du mi 'gyur ba ma yin no/ /gzhan dag ni gzhan du 'chad de/ bsgrub par bya ba kho na la/ sgrub par byed pa yod pa nges pa ste/ rab tu sgrub pa'i sgra yang don gyis 'phangs pa'i tshig yin no//de bas na de'i phyir nges par rab tu bsgrub pa ste/ nges pa'i don gyis 'phangs nas ldog pa brjod par bya'o zhes don 'di yin no/ /de ltar gyur pa'i tshig gis ldog par brjod par bya ba gang yin pa'i shugs las nges par 'phangs pa yin no/ /de nyid kyi phyir gal te de zhes bya ba smos pa la/de zhes bya ba ni nges pa 'phen par byed pa'i ldog pa'o/ /grub pa na zhes bya ba ni gzhan la de lta bur gyur pa'i tshig gis ston pa na'o/ /de'i bdag nyid du nges pa ni bsgrub par bya ba'i bdag nyid du nges pa'o/ /don gyis te bshad pa'i shugs kyis te 'phangs pa yin no//phyir ni gtan tshigs te/ rjes su 'gro ba grub pa yin no/ /gzhan gyis da ni ji ltar zhes bya ba la sogs pa smras te/ gzhan dag ni byas pa ni dus gzhan du gnas pa dang nges par 'jig par 'dod pa de bas na/ byas pa ni skyes ma thag tu 'jig pa nyid kyis gdon mi za bar mi rtag pa yin zhes ji ltar khong du chud par bya/dus gzhan du gnas nas 'jig par 'gyur ro zhes bya ba de ci'i phyir mi 'gyur te/ gang gis de skad du brjod par bya zhes bya ba ni/ byas pa thams cad skyes ma thag tu 'jig pa zhes brjod pa'o/ /'di ltar byas pa nyid kyi phyir mi rtag pa nyid grub pa na yang bla ste/ skad cig ma ni ma grub pa yin no zhes bya ba 'di ni 'dri ba'i don yin no//lan 'di ltar zhes bya ba la sogs pa smos pa la/ rang bzhin yin phyir zhes bya ba 'di ni/ rang nyid byas pa'i ngo bor byung zhing skye ba'i phyir rjes su 'brel ba nyid byas pa'i rang bzhin grub pa yod na/ mi rtag pa nyid kyi rang bzhin grub pa'i phyir ro zhes bya ba'i don to//de bas na byas pa ni mi rtag pa yin no/ /de gang las she na/ rgyu min phyir te gang gi phyir skyed par byed pa'i rgyu las gzhan pa 'jig pa'i rgyu ma yin pa de'i phyir rang bzhin dang rjes su 'brel pa yin no/ /de nyid ni dngos po zhes bya ba la sogs pa smos pa la/ de'i ngo bo ni mi rtag pa nyid kyi ngo bo'o/ / 'on te de dag gi de'i rang bzhin nyid gang las yin zhe na/ rang gi rgyu nyid las zhes bya ba smos te/ skyed par byed pa'i rgyu nyid las 'jig pa'i ngang tshul can te/ mi rtag pa'i rang bzhin dag tu skye ba'i phyir ro/ /des kyang / rang bzhin yin phyir rjes 'brel nyid/ /ces bya ba 'di rnam par 'brel ba'o/ / gang gi phyir de lta yin pa de bas na zhes bya ba la sogs pa smos pa la/ rang bzhin gyis zhes bya ba ni ngo bo nyid kyis so/ /gal te rgyu dang bcas pa 'jig pa yin pa de bas na/ gdon mi za bar 'gyur ba can du mi 'gyur ba de bas na de nyid bstan pa'i phyir/ dngos po ltos dang bcas rnams ni/ /zhes bya ba la sogs pa smos pa la ni zhes bya ba ni gang gi phyir te/dngos po ltos dang bcas rnams ni/ /nges par 'gyur ba can mi mthong / /de phyir dngos po 'jig pa ni yang ltos pa med pa'i rang bzhin yin no/ /yang gi sgra ni nges par gzung ba'i don to/ /ltos pa dang bcas pa yin na ni zhes bya ba la sogs pas tshig le'ur byas pa'i don 'chad pa la/'ga' zhig rtag pa nyid du yang 'gyur ba ste/ gang dag gis 'jig pa rgyu thag nye ba na med pa'i'o/ /gal te 'jig pa'i rgyu mang po yod pa nyid kyi phyir 'ga' zhig tu yang thag nye ba na med pa ma yin no zhe na/ gang gis zhes bya ba la sogs pa la gang gis zhes bya ba ni gang gi phyir ro//de rgyu zhes bya ba ni 'jig pa'i rgyu ste/ 'jig pa'i rgyu de dag rnams kyang gdon mi za bar thag nye ba ma yin pas na zhes bya bar sbyar ro/ /ci'i phyir zhe na/ rang gi rkyen la ltos pa thag nye ba can nyid yin pa'i phyir te/ rang gi rgyu la rag las pa thag nye ba can nyid yin pa'i phyir ro/ /'jig pa'i rgyu rnams kyi rgyu dag ni thams cad du thag nye ba dag ma yin pa de bas na/'jig pa'i rgyu thag nye ba ma yin pas na/ 'ga' zhig kyang 'jig par mi 'gyur ro/ /rgyu nye ba ni yod du zin kyang nges par 'jig pa ma yin te/ gang gi phyir rgyu dag ni gdon mi za bar 'bras bu dang ldan pa ma yin te/ 'jig pa zhes bya ba'i 'bras bu dang ldan pa'o//ci'i phyir zhe na/ ma tshang ba zhes bya ba la sogs pa la ma tshang ba ni lhan cig byed pa nye ba can med pa dang / gags byed pa ni 'gal ba nye bar 'gyur ba'o/ /de bas na zhes bya ba ni ltos pa dang bcas pa'i gdon mi za bar 'gyur ba med pa nyid kyis/ 'khrul pa nyid du bshad pa yin no/ / 'jig pa'i rgyu ni thams cad dag ste/ 'jig pa'i rgyu gang yin pa de dag rtags nyid du bstan pa yin no/ /ci'i phyir zhe na/ 'bras bzhag med pa'i phyir te 'jig pa'i rgyu las 'jig pa'i rang bzhin gyi 'bras bu 'byung bar nges pa med pa'i phyir ro/ /rgol ba gang dag la 'di thal bar 'gyur ba de dag yin zhe na/ 'jig pa rgyu ldan zhes bya ba la sogs pa smos te/'jig pa rgyu dang ldan par smra ba gang yin pa de rnams la'o/ /de bas na zhes bya ba la sogs pas mjug sdud pa yin no/ /de bas na zhes bya ba ni de'i phyir ro/ /'jig pa la rgyu med pa nyid kyi phyir/ byas pa'i ngo bo 'di de'i ngo bo la ste/ 'jig pa'i ngo bo la ltos pa med pa can te/'dis ni gtan tshigs bstan to/ /de'i ngo bo la nges pa ni 'jig pa'i ngo bo la nges pa yin te/ 'dis ni sgrub par byed pa'i 'bras bu'o/ /tshogs pa'i tha ma gang las gags byed pa mi srid pa yod pa de la de skad ces bya'o/ /gags byed pa can mi srid pa yang gang yin zhe na/ rgyu ma lus pa zhes bya ba smos te/lhan cig byed pa dag gyur pa ste/ yongs su rdzogs pa zhes bya ba'i don to/ /'dis ni dpe bstan to/ /sbyor ba ni ngo bo gang ltos pa med pa de dag ni de'i ngo bo la nges pa dag yin te/ dper na rgyu'i tshogs la 'bras bu bskyed pa la gags byed pa can mi srid pa lta bu'o/ /gzhan la ltos pa med par byas pa'i ngo bo yang mi rtag pa yin no zhes bya ba ni rang bzhin gyi gtan tshigs so//'ga' zhig ces bya ba la sogs pa smos pas ma nges par gyur pa dogs pa ste/ 'bras bu 'ga' zhig la ltos pa med du zin kyang / gdon mi za bar de'i ngo bo med pa zhes bya ba gang la ltos pa de'i ngo bo la nges pa yod pa ma yin no zhes bya ba'i don to//de dag kyang zhe na/ sa dang zhes bya ba la sogs pa smos te/ de'i 'bras bu skyed par byed pa na ltos pa med pa de lta bu yin du zin kyang / gags byed pa'i dus 'ga' zhig tu myu gu mi skyed pa'i phyir ro/ /de yang rgyun la gcig nyid du nges par byas nas smra ba yin no/ /ma yin te zhes bya ba la sogs pas ni lan 'debs par byed de/de la ji skad du bshad pa'i tshogs pa la ma ngos pa yod pa ma yin te/ 'bras bu bskyed pa ni rgyun gyur pa la ltos pa nyid kyi phyir ro/ /de bas na ltos pa med pa nyid kyi phyir zhes bya ba ni gtan tshigs de ni de la 'jug pa ma yin na/ /'jig pa la byas pa yod du zin kyang dus gzhan la ltos pa de bas na gtan tshigs ma grub pa yin no zhe na/'di ltar zhes bya ba la sogs pa smos te/ byas pa'i ngo bo 'jig pa la 'ga' zhig tu ste/ dus gzhan la ltos pa med pa yin no/ /gal te gyur na ni rang gi ngo bo la khyad par med pa'i snga ma bzhin du phyis kyang 'jig par mi 'gyur ro//sa dang sa bon la sogs pa ni rang gi ngo bo nyid gcig pa yin na/ gang las de dag rgyun gyur pa la ltos pa nyid yin/ de bas na gtan tshigs 'khrul pa kho na yin no zhe na/ de la yang zhes bya ba la sogs pa smos te/ sa dang sa bon la sogs pa ni rang gi ngo bo gcig pa ma yin te/phyi ma dang 'dra bar sngar yang 'bras bu bskyed pa thal bar 'gyur ba'i phyir ro/ /'on kyang phyi ma phyi mar 'gyur bas tha dad pa dag yin no/ /de la zhes bya ba'i rgyun gyur pa las tha dad pa'i tshogs de la'o/ /tshogs pa tha ma ste phyis byung ba 'bras bu bskyed pa'i phyir skad cig ma gzhan gyis bar chad pa gang yin pa de ni 'bras bu dang ldan pa kho na yin pa'i phyir/gang gis gtan tshigs 'khrul pa yin/ /de nyid kyang zhes bya ba ni bshad ma thag pa'i tshogs la'o/ /de'i zhes bya ba ni tshogs par gyur pa de dag gi nang nas so/ /'o na ci'i phyir sngar gyur pa'i don ji ltar na rgyu zhes brjod ce na/gzhan zhes bya ba la sogs pa smos te/ skyed par byed par 'dod par gyur pa tha ma de las gzhan no/ /de las gzhan pa gzhan yang yod do zhe na/ sngar gyur pa zhes bya ba smos so/ /de'i don zhes bya ba ni nus pa'i skad cig ma'i don to/ /de bas na rgyu'i rgyu nyid yin pa'i phyir nye bar btags nas/ rgyu'i tha snyad du byas pa yin no zhes bya bar dgongs so/ /skad cig ma tha ma la yang gags byed pa yod pa'i phyir 'bras bu skyed par byed pa la nges pa yod pa ma yin pa de bas na dpe bsgrub par bya bas stong pa yin zhe na/ der zhes bya ba la sogs pa smos pa la/ der zhes bya ba ni tshogs pa tha ma la'o/ /de la zhes bya ba ni rgyu'i gyur pa'i srid gcig pa tha ma la'o//'gyur ba bskyed na skad cig ma de'i gcig pa nyid nyams pa'i phyir snga ma 'phos pa'i phyir dang / gnyis par 'gyur ba zhes bya ba bskyed pa'i phyir ro/ /de bas na de'i tha mar mi 'gyur ro/ /ji ste nyes pa der ma gyur cig snyam pas skad cig ma de'i skyed par byed pa'i rang bzhin yin pa'i phyir 'pho sar mi 'dod pa de'i tshe/de'i bdag nyid la ste/ skyed par byed pa'i bdag nyid las skad cig ma tha mas bsdus pa'i rgyu 'pho ba med pa ni de skyed par byed pa la ste/ 'bras bu skyed par byed pa la gags byed pa'i rgyu mi mthun pa mi byed pa ni gags byed pa nyid ma yin zhing gnod pa byed pa ma yin pa'i phyir ro//nas kyi sa bon la sogs pa 'bras bu sA lu'i myu gu skyed pa gang la ltos pa dang bcas pa med pa yin no/ /ci'i phyir zhe na/ de skyed par byed pa'i sa dang chu la sogs pa rkyen dag ni 'ga' zhig tu nas kyi sa bon la sogs pa de la yang nye ba'i phyir ro//de dag ltos pa med du zin na yang sA lu'i myu gu skyed par mi byed pa de bas na de'i gnas skabs can ni ma nges pa yin no zhe na/ grub pa'i mtha' smra bas ji ltar zhes bya ba smos te/ ltos pa dang bcas pa kho na yin no zhes bya ba'i don to/ /de dag la zhes bya ba nas kyi sa bon la sogs pa dag la sA lu'i sa bon gang yin pa de nyid skyed par byed pa ste/sA lu'i myu gu skyed par byed pa'i rang bzhin nyid dag med do zhes bya bar sbyar ro/ /de'i rang bzhin la ltos pa yin no zhes bya ba ni sA lu'i myu gu skyed par byed pa'i rang bzhin la ltos pa'o/ /de bas na de la gtan tshigs mi 'jug pa'i phyir ma nges pa ma yin no//'on te de ltar yin na zhes bya ba la sogs pa ni gzhan gyi yin te/ khyad par la ltos pa dang dag pa'i gtan tshigs kyi dbang du byas nas/ 'ga' zhig byas pa'am yod pa nyid la yang zhes bya ba smras te/ de la yang zhig ces bya bar sbyar ro/ /'jig pa'i rang bzhin gang yin pa de nyid yod pa ma yin te skad cig ma re rer 'jig pa zhes bya ba'i don to//de bas na de'i rang bzhin la ltos pa nyid kyi phyir te/ 'jig pa'i rang bzhin la ltos pa nyid kyi phyir 'jig pa dag ma yin no/ /'dis ni ltos pa med pa'i phyir zhes bya ba'i gtan tshigs 'di la ma grub pa nyid smras pa yin no/ /sA lu'i sa bon zhes bya ba la sogs pas lan 'debs par byed de/sogs pa'i sgras ni nas kyi sa bon la sogs pa bsdu'o/ /rang bzhin de ni zhes bya ba mngon par 'dod pa dang cig shos te/ 'bras bu skyed par byed pa dang skyed par mi byed pa'i rang bzhin yin no/ /rang gi rgyu yin pa'i phyir nas kyi sa bon la sogs pa gang yin pa de ni sA lu'i sa bon de'i rgyu ma yin te/gang gi rgyur mi 'gyur ba'o zhes bya ba'i don to/ /de de'i rang bzhin du mi 'gyur ro zhes bya ba de ni/ sA lu'i myu gu skyed par byed pa'i rang bzhin 'byung ba dang 'byung ba las gyur par bye brag med pa'i phyir rgyu'i rab tu dbye ba yin no zhe na/ de'i nus pa zhes bya ba la sogs pa smos te/rang gi ngo bo ste rang bzhin gyi rnam par dbye bas mngon sum gyis khong du chud pa yin no/ /rjes su dpag pas kyang nges pa yin no zhes bstan pa'i phyir/ rang bzhin zhes bya ba la sogs pa smos pa la rang bzhin nges pa zhes bya ba ni rab tu dbye ba'i rang bzhin nyid do/ /don rnams la ni zhes bya ba ni dngos po rnams la'o//glo bur du zhes bya ba ni rgyu med par ro/ /ci'i phyir rigs pa ma yin zhe na/ ltos pa med pa ni zhes bya ba la sogs pa smos te/ rgyu la ltos pa med pa ni yul 'ga' zhig kho na la yin gyi thams cad la ma yin zhing / dus 'ga' zhig tu yin gyi thams cad kyi tshe ma yin la/nas kyi sa bon la sogs pa rdzas 'ga' zhig la yin gyi thams cad la ma yin pa de lta bu/ gang 'di yul dang dus dang rdzas nges pa de la mi rung ba'i phyir ro/ /nges pa yang de'i phyir yul la sogs pa la ltos nas yod pa ni rgyu dang ldan pa zhes bya bar rtogs so/ /de tsam ni rgyu dang ldan pa tha snyad kyi rgyu yin pa'i phyir rang bzhin pa'i rgyu ni rgyu'i khyad par yin no//ji ltar sA lu'i sa bon la sogs pa dag rgyu tha dad pa'i phyir rang bzhin nges pa yin pa de ltar 'di la yang byas pa'am yod pa dag gi nges pa'i rgyu brjod par bya'o/ /gang gi phyir te nges par byed pa'i rgyu'i phyir byas pa'am yod pa 'ga' zhig 'di ni 'jig pa'i bdag nyid can du 'byung ba dag yin gyi gzhan du ni ma yin la/'dir 'ga' zhig nges par byed pa'i rang bzhin ni yod pa ma yin no/ /ci'i phyir zhe na/ skye ba dang ldan pa thams cad ni mi rtag pa nyid du grub pa'i phyir te/ skye ba gang la yod na thams cad ni skye ba dang ldan pa thams cad rgyu tsam dag las skyes pa dag la khyad par med par 'jig par grub pa'i phyir ro zhes bya ba'i don to//de yang gzhan la dus gzhan du 'jig par rab tu grags pa kho nas gzung nas bshad pa yin no zhes shes par bya'o/ /skad cig mar 'jig pa ni ma yin te/ de nyid ni grub pa'i skabs nyid yin pa'i phyir ro//dus gzhan du 'jig par grub pa na yang de 'jig pa'i bdag nyid du grub par 'gyur te/ de lta ma yin na snga ma dang 'dra bar phyis kyang 'jig par mi 'gyur te/ khyad par med pa'i phyir ro/ /de bas na 'jig pa med pa'i bdag nyid du rgyus skyed par byed pa yin no zhes 'dod pas/dus thams cad du gnas pa'i ngang tshul can du skyed par byed do zhes khas blang bar bya'o/ /de lta bur gyur pa'i byas pa'i dngos po ni yod pa ma yin te/ thams cad dus gzhan du 'jig par grub pa'i phyir ro/ /re zhig nang gi bdag nyid can blo dang dbang po dang lus rgyun chad ba can dag dmigs la/ phyi rol gyi shing la sogs pa yang dmigs so//ri la sogs pa dag kyang de la brten pa'i shing la sogs pa 'jig pa'i phyir 'jig pa kho nar 'gyur ro/ /de lta ma yin na brten pa yang 'jig par mi 'gyur ba'i phyir ro/ /gzhan dag kyang 'ga' zhig tu tha na rnam par shes pa'i 'bras bu yang mi skyed pa'i phyir/ rdo rje la sogs pa dag kyang de'i rigs can nyid yin pas na 'jig pa grub pa yin no/ /'jig pa dang 'jig pa med pa'i rnam par dbye ba ni rgyus byas pa ma yin gyi/ 'on kyang gal te skye ba dang ldan pa'i zhes bya ba la sogs pa la/ 'di la skye ba yod pas na skye ba dang ldan pa yin la de'i rang bzhin ni skye ba dang ldan pa'i rang bzhin te/'jig pa dang ldan pa de nyid 'jig pa can yin no/ /de skad du 'ga' zhig de la de 'dra ba'i skye ba yod pa nyid gang gis 'ga' zhig 'gag par 'gyur gyi gzhan ni ma yin no zhes bstan par 'gyur ro/ /gzhan ni skye ba ni 'jig pa can gyi rang bzhin gyi rgyu ma yin te/ skye ba zhes bya ba cung zad tha dad pa ni cung zhig ma yin na gang gis 'jig pa can gyi rang bzhin ci zhig byed par 'gyur/dngos po rnams kyi rang bzhin nyid skye ba yin te/ de nyid las gang las skye ba 'di 'dra ba zhes gtan tshigs kyi rnam par dbye ba dpyod par byed do/ /rgyu med pa can gyi skye ba'i rang bzhin nges pa yod pa ma yin te/gang gi phyir skye ba dang ldan pa thams cad ni 'jig pa grub pas skye ba 'jig pa can gyi rang bzhin gyi rgyu ma yin pa de'i phyir byas pa'am yod pa 'di las rgyu las 'jig pa dang / 'jig pa med par skyed par byed pa nyid du 'dod pa rang gi ngo bo'i rnam par dbye ba med do/ /de med pa'i phyir te gtan tshigs kyi rnam par dbye ba med pa'i phyir 'bras bu byas pa'am yod pa nyid la 'jig pa dang /'jig pa med pa nyid du rnam par dbye ba yod pa ma yin pas na/ nas kyi sa bon la sogs pa dang mtshungs pa yin no/ /byas pa nyid la ltos nas de skad du skye ba dang ldan pa thams cad ni 'jig pa grub pas zhes bya ba la sogs pas bstan to//yod pa nyid la yang ltos par mi rigs te/ rtag pa dag ni gzhan gyis yod pa nyid du khas blangs pa nyid kyi phyir ro/ /de ni yod pa ma yin te/ byas pa ma yin pa la yod pa nyid mi rung ba'i phyir ro/ /yod pa nyid thams cad ni yul dang dus dang dngos po la nges pa yin na/rgyu med pa can nyid ni de la nges par mi rung ba'i phyir ro/ /gzhan gyis rdul phra rab dag dang yid ni lus can nyid yin pa'i phyir yul nges pa khas blangs pa yin na/ des byas pa'i phan btags pa med pa la yul 'di na rdul phra rab yod kyi gzhan na med la de bzhin du bdag gi phyogs 'di na yid yod la gzhan na med do zhes bya ba'i yul nges par mi 'gyur ro//yul thams cad la rdul phra rab la sogs pa thams cad yod par 'gyur ro/ /de bas na zhes bya ba la sogs pas gang dag yod pa la ltos pa med pa zhes bya ba la sogs pa'i sbyor ba'i don mjug sdud pa yin no/ /'jig pa la ltos pa med pa 'dis dngos po zhes 'ga' zhig la/dus 'ga' zhig gi tshe/ 'jig pa yod pa gang de dang 'gal ba can ci zhig byed de med pa ste 'ga' zhig la 'ga' zhig gi tshe 'jig pa de med pa'i rang bzhin de yod pa nyid du grub par byed de/ thams cad la dus thams cad du 'jig pa yod par grub par byed ces bya ba'i don to//ci'i phyir zhe na/ gang gi phyir zhes bya ba la sogs pa smos pa la/ yul dang rdzas de la ltos pa can yin pa'i phyir te/ dus gang la'am rdzas gang 'gyur ba'i dus dang rdzas de la ltos pa can te/ ltos pa med pa nyid du mi 'gyur ro zhes gong du bshad zin to/ /'on te zhes bya ba la sogs pa ni gzhan gyi yin no//rgyu med pa can ni ma yin te zhes bya ba ni yod pa nyid kyi rgyu'i ngo bo nyid las de ltar skye ba'i phyir te/ 'jig pa'i rang bzhin du skye ba'i phyir ro/ /de nyid gsal bar bya ba'i phyir yod pa nyid ces bya ba la sogs pa smos pa la/ yod pa nyid du 'gyur ba zhes bya ba ni/ yod pa nyid thob par 'gyur ba ni de 'dra ba nyid de/'jig pa'i rang bzhin can gyi ngo bo yin pa'i phyir ro/ /gal te gdon mi za bar dngos po yod pa nyid ni rgyu 'ga' zhig las kyang byung ba ma yin no zhes bya ba 'di bsam pa ni yod pa thams cad ni rgyu la rag lus pa ma yin gyi/ phyogs dang dus dang rdul phra rab la sogs pa nyid 'ga' zhig bsags pas brtag pa yin pa de bas na yod pa nyid kyi phyir zhes bya ba'i gtan tshigs ni/de dag gis ma nges pa yin no zhes bya ba yin no/ /'on te bstan pa nyid du 'dod pa dag gi yod pa nyid ni blo bur ba ste/ rgyu med pa can yin pa'i yod pa 'di don 'ga' zhig la dus 'ga' zhig gi tshe yul 'ga' zhig tu ldog par mi 'gyur te/rdzas dang yul dang dus nges par mi 'gyur ro zhes bya ba'i don to/ /de nyid bstan par bya ba'i phyir de ni zhes bya ba la sogs pa smos te/ dngos po de ni rten du gyur pa 'ga' zhig la 'brel pa ste brten par 'gyur ba'am/ gang gang la skyed par byed pa po la sogs pa la cung zhig rag lus pa ste ltos pa'am/'brel pa med pa ma yin zhing gang gang la rag lus pa ma yin no/ /gal te yod pa nyid de 'di ni 'ga' zhig la rag lus pa can ma yin no zhe na/ rdzas dang yul dang dus la ltos par nges pa can du mi 'gyur te/ 'di ltar nam mkha' la 'di yod pa nyid yin gyi bdag la ma yin la/bdag la yod pa nyid yin gyi dus la yod pa nyid ma yin no zhes bya ba la sogs par mi 'gyur ro/ /'di ltar yul 'di la rdul phra rab yod kyi gzhan la ma yin la/ bdag gi phyogs 'di la yid yod pa nyid yin gyi zhes bya ba la sogs pas yul nges par mi 'gyur ro/ /yul thams cad la rdul phra rab la sogs pa thams cad dang phyogs la sogs pa dag la yang 'gyur te/bdag nyid ji lta ba bzhin du 'bras bu med pa la dus dang rdzas la ltos par mi 'gyur te/ dus 'ga' zhig gi tshe lhan cig byed pa 'ga' zhig dang lhan cig 'bras bu med pa'i phyir ro/ /gzhan du de la rag las pa'i 'bras bu cig car bskyed par 'gyur ro//gang zhig la ltos pa de ni de las skye ba dang ldan pa yin te myu gu la sogs pa bzhin te/ de bas na yod pa nyid 'di ni 'ga' zhig tu rtag par mngon par 'dod pa yin du zin kyang blo bur ba ma yin no/ /gal te yod pa nyid kyi rgyu kho na las 'jig pa 'byung ba yin no/ /'o na da ji ltar 'jig pa rgyu med pa can du bstan zhes bya ba 'gal ba ston pa'o//skyes pa zhes bya ba la sogs pas ni lan 'debs par byed pa ste/ yod pa nyid kyi rgyu las 'jig pa'i rang bzhin skyes pa de'i ngo bo ste/ 'jig pa'i rgyu gzhan la yang ltos pa med pa'i phyir 'jig pa rgyu med par bshad do/ /gang du 'dir yang 'jig pa zhes bya ba dngos po las gzhan 'ga' zhig kyang med de dngos po nyid 'jig pa yin no zhes bshad do//zhig nas med pa 'jig pa ma yin nam/ de de ltar dngos po'i ngo bor 'gyur zhe na/ de nyid skad cig mar gnas pa'i tshul can du skyes pa yin pa'i phyir ro zhes bya ba smos te/ rang gi rgyu kho na las skad cig mar gnas pa'i ngang tshul can du skyes pa'i phyir 'jig pa zhes bya ste/skad cig mar gnas pa kho na 'jig pa yin par 'dod kyi/ zhig nas med pa ni ma yin no zhes bya ba'i don to/ /gal te skad cig mar gnas pa can gyi ngo bo de nyid 'jig pa yin na yang ci'i phyir rgyun chad pa las sngar yang de ltar mi 'dzin/ma bzung ba de'i phyir skad cig mar gnas pa can gyi ngo bo ma yin no zhes bya bar rtogs par 'gyur ro zhe na/ de'i phyir blun po dag gis zhes bya ba la sogs pa smos te/ blun po ste mthong ba gsal po dang bral ba dag gis bum pa la sogs pa dngos po 'di'i rang bzhin skad cig mar gnas pa can de ni/rgyun chad pa'i dus phyis dngos po 'di 'jig pa can yin no zhes nges pa ste/ gsal bar gyur gyi sngar yod pa nyid kyi dus su ni ma yin no/ /mthong na yang zhes bya ba ni 'jig pa'i rang bzhin mthong ba yod na yang mthong ba'i dus su nges pa yod pa ma yin te/ ma rig pa'i mun pa nyid kyi phyir dang gzhan rgyun 'dra ba skye ba'i phyir ro//mthong ba gsal ba med pa'i phyir ro/ /de'i dbang gis te phyis nges pa'i dbang gis mi rtag go zhes bya bar rnam par 'jog par byed de/ dpe bstan pa'i phyir mi mkhas pa zhes bya ba la sogs pa smos te/ dper na skyes bu mkhas pas dug gi rdzas gzung du zin kyang 'khrul pa'i rgyu mtshan yod pa'i phyir sngar nges par ma bzung la/phyis dug gis byas pa'i 'gyur ba kha chu 'dzag pa la sogs pa mthong nas dug tu 'jog pa de bzhin no/ /de bas na zhes bya ba ni de'i phyir te/ 'jig pa 'di ni zhes bya bar sbyar ro/ /dngos po'i yod pa nyid gang yin pa de ma gtogs par 'jig pa'i rgyu cung zad la yang ltos pa med pa'i phyir/de la khyab par byed pa ste yod pa nyid la khyab par byed pa yin no/ /'jig pa la ltos pa med pa zhes bya ba la sogs pa ni gzhan gyi'o/ /de'i rgyu nus pa med pa'i phyir yang zhes bya ba ni lan gyi tshig go/ /de rgyu zhes bya ba ni 'jig pa'i rgyu'o/ /med pa zhes bya ba la dngos po grub pa'i phyis med pa zhes mngon par 'dod pa gang yin pa de'i bya ba dgag pa'i phyir dang /gtan tshigs gzhan bsdu ba'i phyir yang gi sgra smos pa yin no/ /ji ltar zhes bya ba la sogs pa ni gzhan gyi'o/ /slob dpon gyis dngos po grub pa la ni zhes bya ba smos te/ dgongs pa ni 'jig pa'i rgyu'i dngos po de nyid dam de las gzhan byed ces bya ba 'di yin no//re zhig phyogs dang po ni ma yin te/ gang gi phyir dngos po grub pa la ni byed pa ste/ 'jig pa'i rgyu ni dngos po de la mi byed de/ des ni rang gi rgyu kho na las grub pa'i phyir ro/ /phyogs gnyis pa yang ma yin te/ gang gi phyir gzhan la byed pa ni dngos po de la cung zhig kyang ma yin te/de'i gnas skabs can nyid yin pa'i phyir ro/ /de dang de ma yin pa'i ngo bo zhes bya ba la sogs pa la/ ji skad du bshad pa'i rnam pa dngos po'i ngo bo dang de las gzhan pa'i ngo bo la mi byed pa'i phyir zhes bya ba'i don to/ /kyang gi sgras ni med pa rnam pa gsum sdud par byed pa'o//de bas na 'jig pa'i rgyu cung zad kyang mi byed pa ni 'jig pa la ltos pa med pa'i phyir nus pa med pa grub pa yin no/ /bya ba dgag pa'i phyir yang zhes bya ba'i yang gi sgras bsdus pa gang yin pa de gsal bar bya ba'i phyir/ ji ltar bya ba 'gog ce na zhes bya ba la sogs pa smos pa la 'jig pa zhes bya ba ni/'jig pa rgyu dang ldan par smra ba de dag gis dngos po'i ngo bo med pa yin par sems so/ /de bas na zhes bya ba ni de'i phyir te/ 'jig pa'i rgyu 'di ni med pa'i ngo bo byed do zhes bya ba thob po/ /de ltar gnas pa de la gal te med pa zhes bya ba 'ga' zhig 'jig pa'i rgyus 'bras bu'i rang bzhin du 'gyur ba de'i tshe myu gu la sogs pa dang 'dra bar 'bras bu nyid yin pas na/de nyid dngos po yin pa'i phyir med pa'i ngo bor mi 'gyur ro/ /de bas na gang dngos po 'di med pa 'jig pa'i rgyus byed do zhes smra ba des/ dngos po mi byed do zhes 'jig pa'i rgyu 'di'i bya ba 'gog pa byed par mi 'gyur ro//bya ba 'gog pa de lta na yang cung zhig kyang mi byed pa'i 'jig pa'i rgyu 'di ci'i phyir/ dngos pos 'jig pa la ltos par bya ba yin te/ de ltar na dngos po ni 'jig pa la ltos pa med par grub pa yin no/ /ltos pa med pa de nyid kyi phyir/ gang zhes de nyid rang bzhin gyis 'gyur/dngos po 'ga' zhig la mthong bar 'gyur ba de la 'jig pa'o/ /de las gzhan pa dag la yang / rang bzhin nyid kyis 'gyur ba yin/ rang bzhin tsam gyis ngo bo 'di las dngos po gzhan dag las ma mthong na yang zhes bya ba shes par bya'o/ /de 'di zhes bya ba la sogs pas 'chad par byed pa la/'di zhes bya ba ni 'jig pa'o/ /de ltar gzhan dag la yang zhes bya ba ni ma mthong ba la yang ngo / /dngos po'i yul can gyis zhes bya ba ni bsgrub pa'i yul can no/ /'bras bu'i ngo bo des zhes bya ba ni gzhi mthun pa nyid du sbyor ro/ /de yang lnga pa'i tshig gnyis pa yin te/'bras bu dang ngo bo de dag gis byas pa'o/ /gang la 'bras bu'i rtags kyi rjes su dpog pa yod pa de la de skad ces bya'o/ /de bzhin du gang la rang bzhin rtags kyis zhes bya bar tshig rnam par sbyar ro/ /bdag nyid ji lta ba bzhin du khyab par byed pa bsgrub par bya ba zhes bya ba la/ 'bras bu'i rgyu khyab par byed pa bsgrub par bya ba yin la/rang bzhin gyi yang rang bzhin khyab par byed pa bsgrub par bya ba yin te/ bsgrub par bya ba rtags can de la 'bras bu dang / rang bzhin gyi rtags de dag de nyid rag lus pa'i phyir ro/ /mi dmigs pa'i dbang du mdzad nas/ 'jug pa zhes bya ba la sogs pa smos te/ yod pa nges pa dang sgra dang tha snyad kyi mtshan nyid can gyi 'jug pa blo sngon can nyid kyi phyir/tshad ma sngon du 'gro ba can nyid kyi phyir ro/ /de'i ngo bo mi dmigs na/ 'jug pa'i yul de'i ngo bo mngon sum dang rjes su dpag pa dag gis mi dmigs na'o/ /rtog pa dang ldan pa 'jug par mi bya zhes bya bas zhes bya ba'i cha 'di tsam gyis ma mthong ba'i yul can la yang mi dmigs pa ni tshad mar bshad/gsum pa mi dmigs pa'i gtan tshigs ni go bar byed pa yin no zhes brjod do zhes bya bar sbyar ro/ /bye brag med par zhes bya ba ni mthong ba'i yul zhes bya ba'i khyad par 'di spangs nas/ spyir bsgrub par bya ba'i don 'ga' zhig gi'o//yod par nges pa zhes bya ba la sogs pas don de nyid ston par byed do/ /yod pa'i sgra ni re re la yang sbyar bar bya'o/ /tshad ma'i phyis 'byung ba can gyi yod pa zhes bya ba'i rnam par rtog pa ni yod par nges pa'o/ /de'i phyis 'byung ba can kho na'i yod pa zhes bya ba'i sgra ni yod pa'i sgra'o/ /de kho na bzhin du yod do zhes bya ba'i 'jug pa ni yod pa'i tha snyad do//thams cad kho na zhes bya ba'i sgra ni mthong ba'i yul can dang ma mthong ba'i yul can no/ /mdo las 'jug pa'i sgrar gsungs la/ /'grel pa las kyang yod par nges/ /zhes bya ba la sogs pa gsungs na/ de ci ltar don 'brel pa med pa can ma yin zhe na/yod par nges pa las ni zhes bya ba la sogs pa smos te/ mngon sum gyis nyams su myong ba'i phyis 'byung ba can blang bar bya ba dang dor bar bya ba dang / btang snyoms su bya ba'i don la blang ba dang dor ba dang btang snyoms su byed pa'i rnam par rtog pa yod par nges pa de las/ sgra dang tha snyad dag 'jug par 'gyur ba de'i phyir yod par nges pa dang sgra dang tha snyad gsum po de dag kyang ci rigs par 'jug pa'i yan lag nyid kyi phyir dang /'jug pa'i rang bzhin nyid yin pa'i phyir/ mdo las 'jug pa zhes bya bar bshad do/ /de'i phyir mdo dang 'grel pa dag la 'gal ba med do/ /ci'i phyir shes pa log pa na yang yod pa'i tha snyad ldog par 'gyur/gang gi phyir shes pa de nyid yod pa nyid yin la de med pa ni med pa nyid yin te/ de ltar na mi dmigs pa nyid rnam pa gnyi ga la yang bye brag med par med pa yin no zhes gong du bshad zin to/ /med pa nyid de yang bskal pa'i yul can gyi mi dmigs pa rtogs pa'i dbang gis bshad pa yin te/rtogs pa pos ni dmigs par mi 'gyur bas na med do zhes bya bar nges par byed kyi/ dngos po'i dbang gis ni ma yin no/ /'di ltar bskal pa'i don la yod pa nyid dang med pa nyid the tshom du 'gyur te/ gang gi phyir ji srid 'di la rtogs pa med pa de srid du 'di la bskal pa'i dngos po de'i rtogs pa yod pa ma yin no//ci'i phyir zhe na/ yod pa nyid du zin kyang bskal pa'i don mi dmigs pas des de'i don mi byed pa ste/ skyes bu de'i don mi byed pa'i phyir ro/ /yod du zin kyang rtogs pa po la med pa dang 'dra'o/ /dngos su ni mi dmigs pa yin yang med pa dang yod pa ma yin no//ci'i phyir zhe na/ yod pa nyid yin na yang rang bzhin la sogs pas bskal pas 'ga' zhig tu mi dmigs pa de'i phyir/ med pa nyid nges pa yang ma yin la/ yod pa nyid du nges pa yang ma yin te/ mi dmigs pa de ni med pa dag la yang mtshungs pa nyid kyi phyir ro/ /yod pa nyid de zhes bya bar sbyar ro//dmigs pa'i mtshan nyid can ci 'dra ba zhig ce na/ dmigs pa'i rang bzhin can gyi yod pa nyid kyi ldog pa zhes bya ba'i don yin gyi/ dngos su yod pa nyid ldog pa ni ma yin te/ de ni the tshom du 'gyur ba'i phyir ro/ /gang gi phyir de lta yin pa de bas na dmigs pa'i mtshan nyid kyir gyur pa 'ga' zhig mi dmigs pa gang yin pa 'di yang dngos su med pa nyid kyi ngo bo yang yin no//yang gi sgras ni rtogs pa po'i dbang gis kyang ngo / /ci'i phyir zhe na/ 'jug par mi rung ba nyid de yod pa'i tha snyad du mi rung ba de nyid kyi phyir ro/ /de yang zhes bya ba mi dmigs pa ni yod pa'i tha snyad du 'gog pa'i yul 'di la yod pa'i tha snyad 'gog pa'i 'bras bu can nyid du de tshad mar mtshungs pa yin no//dmigs pa'i mtshan nyid kyir gyur pa'i mi dmigs pa gang yin pa de ni med par nges pa'i 'bras bu can yang yin te/ gang la med par nges pa'i 'bras bu can yod pa zhes tshig rnam par sbyar ro/ / yod pa nyid ma yin du zin kyang zhes bya ba la sogs pas gsal bar byed pa la yod pa nyid ma yin zhes bya ba ni med pa'i tha snyad do/ /ci'i phyir zhe na/ gang dmigs su rung ba'i ngo bo la dmigs pa'i rgyu gzhan tshogs pa dag yod cing snang ba ni mi dmigs pa srid pa ma yin no/ /bskal pa'i yul mi dmigs pa snga ma ni med pa nyid sgrub par byed pa yang ma yin te/'di ltar mngon sum dang rjes su dpag pa dang lung ldog pa'i mtshan nyid can kho na yin na/ de la bstan bcos kyi dbang du byed pa'i skabs gang yin pa de la 'brel pa med cing med na mi 'byung ba can yin te/ bstan bcos skabs dang 'brel pa med pa'i rang bzhin la sogs pa bskal pa'i don mang po dag ste/bstan bcos kyi dbang du ma byas pa zhes bya ba'i don to/ /de dag mngon sum gyis yul yang ma yin no zhes bstan pa'i phyir/ dbang po las 'das pa zhes bya ba smos te/ rjes su dpag pa yang ma yin te/ 'di ltar rtags can la min te/ de dag la 'bras bu'i rtags med pa'i phyir ro//tshad ma gsum gyi yul las 'das pa de dag la ni tshad ma gsum ldog pa'i mtshan nyid can yin na/ ji ltar mi dmigs phyir na med de ma yin no/ /de med pa nyid ces bya ba la sogs pas 'chad par byed pa la/ de zhes bya ba ni rgol ba'o/ /don thams cad la zhes bya ba ni yul dang dus dang rang bzhin gyis bskal pa dag la yang ngo //tshad ma gsum ldog pas zhes bya ba ni mngon sum dang rjes su dpag pa dang lung ldog pa las so/ /lung gi tshad ma khas blangs nas de skad du bshad do/ /de ni zhes bya ba bstan bcos ni dbang du byas pa med pa ste/ dbang du byed pa med par skyes bu'i don la te bar mkho ba med pa'i don 'ga' zhig la 'jug pa med pa'i phyir ro//de nyid bstan pa'i phyir/ bstan bcos zhes bya ba la sogs pa smos pa la/ gzhan du na zhes bya ba ni skyes bu'i don la nye bar mkho ba ma yin pa'i don la brten nas bstan bcos 'jug pa na'o/ /'brel pa med pa'i brjod pa ste/'brel pa med pa'i mngon par brjod pa'i bstan bcos ni tshad mar mi 'gyur ba'i phyir ro/ /skyes bu'i don la nye bar mkho ba nyid la bstan bcos 'jug pa ni bden te/ 'on kyang skyes bu'i don la nye bar mkho ba'i skabs de la/ nye bar mkho ba'i don thams cad ni dngos su'am brgyud pas bstan par bya ba yin pa de'i phyir/bstan bcos ni don thams cad yul du byed pa yin no zhe na/ de'i phyir skabs de la zhes bya ba smos te/ skyes bu'i don dpyod pa'i skabs su mang po dag gdon mi za bar bstan par bya ba ma yin no/ /de bstan par bya ba'i phyir dper na zhes bya ba la sogs pa smos pa la/so sor nges pa'i bdag nyid ces bya ba ba ni skyes bu so sor tha dad pa dag go/ /de ni skyes bu dag mtha' yas pa'i phyir sems kyi 'jug pa mtha' yas par bstan to/ /nges pa'i rgyu mtshan las 'byung ba ma yin pa'i ngang tshul gang la yod pa zhes bya bar tshig rnam par sbyar ro/ /'dis ni skyes bu gcig la yang rgyu mtshan tha dad pa'i phyir mang po nyid dang go rims nges pa med pa nyid bstan to//skyes bu'i don la nye bar mkho ba nyid yod du zin kyang / de lta bur gyur pa'i sems kyi 'jug pa ma lus par tshig re re nas/ gdon mi za bar bstan par bya ba ma yin te mi nus pa nyid kyi phyir ro/ / yul dang dus kyis chod pa'i skyes bu'i don gyi skabs la nye bar mkho ba med pa'i rdzas kyi bye brag gdon mi za bar bstan par mi bya'o de bas na de bstan bcos kyi yul du byed pa ma yin no/ /de zhes bya ba ni sems kyi 'jug pa yin la/ de zhes bya ba ni rdzas kyi bye brag de dag kyang ngo / /de zhes bya ba ni skyes pa'i rtags su bstan te/skyes pa bud med dang zhes bya ba skyes pa lhag par ma byas pa'o/ /mngon sum ldog pa yang med pa sgrub par byed pa ma yin no zhes bstan pa'i phyir/ de ltar zhes bya ba la sogs pa smos pa la/ de ltar bskal pa dag la zhes bya ba yul la sogs pas bskal pa dag la rang gi nus pa nye ba'i phyir te/rang gi rnam par shes pa gtod par byed pa'i phyir/ shes pa skyes pa'i nus pa de yod pa ma yin no/ /des ni dbang po las 'das zhes bya ba'i tshig de rnam par bshad pa yin no/ /rjes su dpag pa'i yang de dag yul ma yin par bstan par bya ba'i phyir/de dag gi zhes bya ba la sogs pa smos pa la/ de dag gi zhes bya ba ni yul la sogs pa dag gi'o/ /gang gis zhes bya ba ni 'bras bu mi dmigs pas so/ /de ni rtags can min zhes bya ba'i tshig de rnam par bshad pa yin no/ /de dag gi ni zhes bya ba ni bskal pa dag ni'o/ /gang gi phyir de ltar yin pa de bas na yul la sogs pas bskal pa'i yul mi dmigs pa thams cad kyang /ldog pa nges pa ste med pa nges par sgrub par byed pa ma yin no zhes bya ba ni mjug sdud par byed pa'o/ /yod pa'i tha snyad 'gog pa yang 'dir tshad mar khas blangs nas bshad kyi/ dngos su de la yang tshad ma med do zhe na/de bas na 'di ni zhes bya ba la sogs pa smos pa la/ 'di ni zhes bya ba ni mi snang ba'i yul can gyi mi dmigs pa ni'o/ /yod med nges pa'i 'bras can min/ phyir na ste yod par nges pa'i 'bras bu can du mi 'gyur te/ yod pa'i tha snyad kyi rgyu mtshan med pa'i ngo bo can nyid yin pa'i phyir ro//med par nges pa'i 'bras bu can du yang mi 'gyur te the tshom za ba'i phyir ro/ /phyir ni gtan tshigs so/ /mi dmigs pa 'di ni tshad ma nyid mi 'gyur/ mi dmigs pa zhes bya ba la sogs pas 'chad par byed do/ /ci'i phyir zhe na/ tshad ma dag ni nges pa'i 'bras bu can te yid ches pa'i 'bras bu can nyid yin pa'i phyir ro//mngon sum gyi tshad ma yang rnam pa kun 'dzin pa na 'jug pa'i yul gyi rnam par nges par byed pa gang yin pa de dag la tshad ma yin gyi/ mi dmigs pa 'di ni 'ga' zhig yod pa dang med pa nges par byed pa ma yin no/ /de ltar mi 'gyur mod kyi/ 'jug pa 'gog pa la tshad mar 'gyur ro zhe na bden te/'on kyang 'di 'jug pa 'gog pa yin yang sems la the tshom yongs su gcod pa can ma yin no/ /sems gang la the tshom yongs su gcod pa yod pa zhes bya bar tshig rnam par sbyar ro/ /the tshom za ba yod na gdon mi za bar 'dug par mi bya'o zhes de ltar sems la nges pa med do zhes bya ba'i don to//the tshom las kyang 'ga' zhig la zhing pa la sogs pa'i skyes bu 'jug pa'i phyir ro/ /'o na ji ltar 'jug pa med pa'i 'bras bu can nyid kyis 'di tshad mar bshad ce na/ de'i phyir gal te zhes bya ba la sogs pa smos te/ de bzhin kho na yin pa la 'jug par byed pa kha na ma tho ba med pa yin no/ / gal te rtog pa sngon du gtong ba can nges pa sngon du 'gro ba'i tha snyad du byed pa can yin pa de'i phyir nges par ji lta ba bzhin du 'jug pa don du gnyer bar 'dod pa la'o/ /mi snang ba'i yul mi dmigs pa de ni mi 'jug 'bras bu can zhes bshad zin to/ /rtags kyi phul du byung ba yod pa can zhes bya ba la mi dmigs pa'i rtags de phul du byung ba'i khyad par dmigs pa'i mtshan nyid kyir gyur pa de yod pa ste/yod pa de nyid de gang la yod pa de la de skad ces bya'o/ /rtags kyi khyad par ldan pa zhes bya ba'i don to/ /dmigs pa'o mtshan nyid kyir gyur pa mi dmigs pa zhes bya ba'i tha tshig go/ /rtags kyi khyad par las yod pa ste/skye ba gang la yod pa ste skye ba gang la yod pa zhes bya ba'i don ni ma yin te/ dmigs pa'i mtshan nyid kyir gyur pa'i zhes bya ba'i khyad par 'di las mi dmigs pa skye ba ma yin no/ /'dir zhes bya ba la sogs pas 'chad par byed pa la/ 'dir zhes bya ba med pa'i tha snyad la/ gtan tshigs bye brag la ltos nas//la lar mer shes 'bras bu can/ /zhes bya ba la sogs pa ji ltar gong du dper byas pa lta bu'o/ /gang yang mi dmigs pa tshad ma yin no zhes bshad pa ni bye brag med par khong du chud par mi bya'o/ /'on kyang rang bzhin zhes bya ba la sogs pa bskal pa can ni rang bzhin yin la shes byed ni rtags yin te/de dag mi shes pa ni rang bzhin shes byed mi shes la/ de la med pa nyid bsgrub par bya ba la tshad ma yod pa ma yin no zhes bya ba'i rigs pa 'di brjod pa yin/ rang bzhin mi shes pa ni mngon sum log pa yin la/ shes byed mi shes pa ni rjes su dpag pa las log pa yin no/ / mi snang ba'i yul can gyis mngon sum dang rjes su dpag pa log pa la rigs pa 'di brjod pa yin no zhes bya ba ni bsdus pa'i don to/ /gang zhes bya ba la sogs pas 'chad par byed de/ gang bskal pa'i don 'ga' zhig gi rang gi ngo bo mngon sum gyis mi dmigs te/ yul la sogs pas bskal pa'i rgyu'i phyir ro//rang bzhin de ni mi dmigs pa tsam ste de'i yul can gyis mi dmigs pa tsam mngon sum log pa tsam des med pa zhes bya ba ma yin no/ /gang du ji skad bshad pa lta bu zhes bya ba ni de ltar bskal pa dag la rang gi nus pa nye ba'i phyir shes pa bskyed pa'i nus pa yang yod pa ma yin no zhes bya ba la sogs pas so//rang bzhin mi shes pa zhes bya ba de bshad nas shes byed mi shes pa la zhes bya ba de bshad pa'i phyir/ shes par byed pa zhes bya ba la sogs pa smos pa la/ shes par byed pa zhes bya ba'i 'grel pa ni rtags las zhes bya ba'o dbang po las 'das pa'i don rnam pa thams cad du dper na sems 'dod chags dang bral ba med do zhes bya ba la sogs pas spong bar byed do//de bzhin du shes par byed pa rtags la med pa'i phyir rang bzhin gyis khyad par spong bar byed do/ /dper na sbyin pa zhes bya ba la sogs pa 'dir ni khyad par spong ba yin gyi chos can yod pa nyid tsam ni ma yin no//sbyin pa dang 'tshe ba la sogs pa ni zlas dbye ba'o/ /de'i yul can gyi sems de la de skad ces bya'o/ /sbyin pa'i sems dag la 'tshe ba la sogs pa las ldog pa'i sems dag ces bya ba'i don to// //bam po nyi shu rtsa gnyis pa/ mngon par mtho ba'i rgyu nyid ni ma 'ongs pa'i 'bras bu khyad par can gyi rgyu nyid du 'dir sems pa dag gi rang gi ngo bo spong ba ni ma yin te/de dag ni mngon sum nyid yin pa'i phyir ro/ /'on kyang mngon par mtho ba'i rgyu nyid de rang bzhin gyi khyad par zhes bya'o/ /sems pa dag ni mngon sum nyid yin pa'i phyir de'i bdag nyid du gyur pa mngon par mtho ba'i rgyu nyid kyang mngon sum nyid yin pa de bas na 'khrul pa 'di gang las yin zhe na/de'i phyir mngon sum gyi don la zhes bya ba la sogs pa smras te/ mngon sum gyi don la phyin ci log pas zhes bya ba 'di dang sbyar ro/ /mngon par mtho ba'i rgyu med do zhes de ltar skur pa 'debs par byed na yang ngo / /ci ltar phyin ci log pas zhe na/de'i 'bras bu med pa can dang zhes bya ba la sogs pa smras te/ de'i 'bras bu med pa can te mngon par mtho ba'i 'bras bu med pa can sems pa'i khyad par lung du ma bstan par mtho ba gang yin pa de dag dang chos mthun pa nyid kyi phyir ro/ /gal te ji ltar chos mthun pa can yin zhe na/'bras bu de ma thag pa med pa'i phyir zhes bya ba smras te/ de'i 'bras bu med pa can gzhan gang las 'bras bu'i de ma thag pa ma mthong ngo / /de tsam gyis zhes bya ba ni 'bras bu de ma thag pa mthong ba tsam gyis de med pa nyid de 'bras bu med pa ma yin no/ /ci'i phyir zhe na/ 'bras bu zhes bya ba la sogs pa smos te/'bras bu dus gzhan phyi ma phyi ma gnas skabs gyur pa'i mtshan nyid can gyis chos pa dag ni rgyu las skyes pa mthong ba'i phyir ro/ /byi ba dang khyi smyon pa zhes bya ba zlas dbye ba'o/ /byi ba dang khyi smyon pa dag gi sos bzung ba'i dug gang yin pa'i sngar 'gyur ba ma mthong ba de las/ dus gzhan du brgyal ba la sogs pa'i mtshan nyid can gyi 'gyur ba mthong ba'i phyir ro//byi ba'i dug la sogs pa'i phyis 'gyur ba mthong ba las de 'bras bu'i nus pa rjes su dpag par rigs pa yin no/ /sbyin pa la sogs pa'i sems pa'i ma 'ongs pa'i 'bras bu gang yin pa de ni shin tu mi rigs pa'i phyir med pa nyid rigs pa yin no zhe na/ de zhes bya ba la sogs pa smos te/de la sbyin pa la sogs pa'i sems pa dag las ma 'ongs pa'i 'bras bu 'byung ba 'gal ba med pa ste/ gnod pa can gyi tshad ma med pa'i phyir/ bsgrub par bya ba 'bras bu 'byin pa'i nus pa med pa 'di la mi dmigs pa tsam ni tshad ma ma yin no/ /gal te gnod pa can gyi tshad ma med pa'i phyir spong ba ni yod pa ma yin na/yod pa nyid la tshad ma gang yin te/ tshad ma med pa de bas na yod pa nyid du nges pa yang rigs pa ma yin no zhe na/ gnod pa can dang sgrub par byed pa'i tshad ma med pa de'i phyir the tshom za ba yin yang bla ste zhes bya ba smos te/ spong ba ni rnam pa thams cad du rigs pa ma yin no/ /sems 'dod chags dang bral ba dang thams cad mkhyen pa la tshad ma yang srid pa'i phyir mi spong ngo //srid pa'i tshad ma de yang le'u gnyis pa las bsgrub par 'gyur ro/ /de ltar ni 'gyur mod kyi/ 'di ltar sbyin pa dang 'tshe ba las ldog pa'i sems pa dag la mngon par mtho ba'i rgyu'i rang bzhin yod pa de'i tshe de dag gzung ba na de yang gzung bar 'gyur na gang bzung ba na gang ma bzung ba gang yin pa de ni de'i rang bzhin du rigs pa ma yin te/de nyid gnod pa can gyi tshad ma yin la lha nyid kyi khyad par la sogs pa yang ci ste yod na/ de dag gis gdon mi za bar don gyi bya ba 'ga' zhig byed na/ mi snang ba de bas na don gyi bya ba mi byed pa'i phyir yod pa nyid ma yin pa de nyid gnod pa can gyi tshad mar 'gyur ro zhe na/de bas na zhes bya ba la sogs pa smos pa la/ de bas na zhes bya ba ni dag nye bar dgod pa'o/ /'dir zhes bya ba ni nges par gzung ba ste/ bskal pa'i don 'das ma thag pa de dag gi nang nas so/ /don nam rang gi ngo bo 'ga' zhig la zhes bya ba ni ji ltar gzhung gi rim pa yin pa de ltar na ci rigs par sbyar te/sbyin pa la sogs pa'i sems pa'i rang bzhin 'ga' zhig la shes pa med pa ma grub par 'gyur ro/ /ci ltar zhe na/ mthong ba gsal ba med pa'i phyir te/ yul de nyams su myong ba la ji ltar gzung ba'i rang bzhin gyi ngo bo nges par bskyed pa'i nus pa med pa'i phyir ro//rang bzhin la sogs pas bskal pa'i don 'ga' zhig la shes par byed pa 'bras bu de med pa'i phyir/ shes par byed pa ma grub par 'gyur ro/ /ci'i phyir 'bras bu nyid med pa yin zhe na/ rgyu rnams ni zhes bya ba la sogs pa smos te/ rgyu rnams kyis ni dus thams cad du skyes bu thams cad kyis gzung bar bya ba bdag nyid shes par byed pa 'bras bu gdon mi za bar brtsam par bya ba ma yin no zhes bya ba ni nges pa'o//rang bzhin la sogs pas bskal pa de dag ni don byed pas stong pa ma yin te/ tshu rol mthong ba'i yul du gyur pa ma yin pa ni don gyi bya ba byed pa'i phyir ro//'di tsam gyis zhes bya ba ni ji skad du bshad pa'i shes par byed pa med pas/ de med par byed pa ma yin te zhes bya ba ni/ dbang po las 'das pa lha nyid kyi khyad par dang / mngon par mtho ba'i rgyu la sogs pa rang bzhin gyi khyad par dag med pa yin te/ mngon sum dang rjes su dpag pa dag log pa tsam gyis med pa nyid mi 'gal ba'i phyir ro//ji skad du bshad pa'i dbang po las 'das pa dag la shes par byed pa med do zhes bstan par mi nus so/ /ci'i phyir zhe na/ yang go rims bzhin du 'ga' zhig la mngon par gsal ba'i phyir ro/ /'di ltar ji ltar yang la lar mtho ba dang dman pa'i phyir mthong ba'i rang bzhin nges pa med pa la yang de gsal ba la sogs pa 'byung ba'i phyir mthong ba nges par byed de/dper na drug la sogs pa'i rdzas goms pa lta bu'o/ /de bzhin du sbyin pa la sogs pa thams cad la yang rab tu gsal bar byed pa 'byung ba can dag mngon par gsal bar bsam par bya'o/ / rnal 'byor sgrub pa las srid pa'i tshad ma 'chad par 'gyur ro/ /de bzhin du sa bon 'bras bu rtsom pa med pa 'ga' zhig gi dus gzhan du 'bras bu tshad ma mngon par gsal bar snang ba de ltar dbang po las 'das pa dag la yang bsam par bya'o/ /'di ltar 'dra ba la sogs pa 'ga' zhig la bdag gi yul can gyi shes pa'am/rims la sogs pa'i 'bras bu skyed par byed do/ /de bas na bskal pa dag la rang bzhin mi dmigs pa ni med pa nyid/ sgrub par byed pa ma yin zhing 'bras bu mi dmigs pa yang ma yin no/ /de la rgyu mi dmigs pa ni med pa sgrub par byed pa yin no zhes bstan pa'i phyir/ rgyu mi shes pa zhes bya ba la sogs pa la/rgyu mi shes pa ste/ rgyu mi dmigs pa ni 'bras bu rang bzhin gyis bskal pa can gyi yang / med pa nyid ni sgrub byed yin/ /rang gi ngo bo zhes bya ba la sogs pas 'chad par byed de/ bskal pa'i yul gyi ngo bo med pa bsgrub par bya ba la rang bzhin mi dmigs pa nyid ni tshad mar mi brjod kyi/rgyu mi dmigs pa kho na tshad ma yin no/ /bskal pa'i yul la rgyu mi dmigs pa nyid kyis nges par mi nus pa ma yin nam/ rang bzhin la sogs pas bskal pa dag ni 'ga' zhig dang lhan cig byed pa rgyu dang 'bras bu'i dngos po nyid nges par mi byed pa'i phyir ro/ /de ni bden te 'on kyang ma bstan pa'i yul med pa tsam rtogs pa'i phyir rgyu med pa rang bzhin la sogs pa bskal pa'i 'bras bu yang gdon mi za bar 'gyur ba ma yin no zhes de tsam du bstan par nus te/cha 'di tsam gyis rgyu nye bar bkod pa yin no/ /de nyid kyi phyir spyi gang zhes bya ba la sogs pa smos te/ 'di ltar bskal pa dag la rang bzhin mi dmigs pa ni ma bstan pa'i yul can yin du zin kyang /rnam par gzhag par nus pa ma yin no/ /la lar zhes bya ba la sogs pa ni gzhan gyi yin te/ gnas khang la sogs par me shir zin kyang du ba mthong ba'i phyir ro/ /de ltar na rgyu zhig tu zin kyang / 'bras bu mthong ngo zhes bya ba ni 'khrul pa yin no//rgyu med par 'bras bu mi 'gyur ro zhes bya ba'i tshig 'dis ni rgyu gnas pa'i dus na 'bras bu yod pa ste/ ji srid rgyu yod pa de srid du 'bras bu yod pa nyid ces bya ba'i don to/ /de skad du mi smra ste/ gang gi rgyu zhig na yang zhes bya ba la sogs pas thal bar 'gyur te/ rgyu las cig car skyes pa'i 'bras bu ni rgyu zhig na yang dus gzhan na gnas pa'i phyir ro/ /'o na tshig 'dis ci brjod ce na/ rgyu med par zhes bya ba la sogs pa smos te/ 'di ltar gzhung 'dis dngos po de ltar zhes bya ba la sogs pa'i gzhung gis chod pa de ltar na yang / don gyi dbang gis de ltar sbyar ba yin no//de ltar re zhig bstan pa nyid du khas blangs nas bshad pa yin no/ /dngos po skad cig ma yin pa de bas na rgyu zhig pa'i 'bras bu gnas pa dag med do zhes bya ba gang la 'khrul pa the tshom za/ 'di ltar mes bskyed pa'i du ba'i skad cig ma gang yin pa de me zhig pa na gnas pa yod pa ma yin te/ mes bskyed pa'i du ba'i skad cig ma gnyis pa yod pa de nyid kyi tshe/rgyur gyur pa'i me'i skad cig pa gsum pa la du ba'i skad cig ma yang 'jig pa de ltar na/ gang las rgyu las rgyu 'jig pa'i phyis 'bras bu gnas pa yin/ gang yang phyis 'bras bu gzhag pa can gyi du ba ni du ba'i rtags can nyid kyi me'i rtags can ma yin pa de nyid bstan pa'i phyir/dngos po de ltar zhes bya ba la sogs pa smos pa la/ de ltar gnas pa can zhes bya ba ni dang po'i rgyu zhig na yang dus phyis gnas pa can te/ de'i rgyu can ni rgyu sngar 'gag pa'i nye bar len pa can ni ma yin pa'o/ /'o na ji ltar du ba phyis 'byung ba me'i rgyu can yin zhes brjod ce na/brgyud pas zhes bya ba la sogs pa smos te/ re zhig du ba'i skad cig ma dang po ni me nyid kyis skyed par byed la du ba'i skad cig ma des kyang gzhan zhes bya ba de ltar brgyud pas so/ /de nyid gsal bar bya ba'i phyir rgyun la phan 'dogs pa'i phyir zhes bya ba smos te/ thog mar rgyun skyed par byed pa'i phyir de 'bras bu bstan pa te/rgyu dang po de'i phyi ma dag kyang 'bras bu yin no zhes de ltar tha snyad du byas pa'o/ /gal te rgyu'i tshad ma rnam pa 'ga' zhig gis med pa grub pa de'i tshe de'i 'bras bu ste/ rgyu bkag par gyur pa de'i 'bras bu yod do zhes nges par mi 'gyur ro/ /'di ni/ gal te gtan tshigs 'ga' zhig gis//de med pa ni rtogs par 'gyur/ /zhes bya ba'i tshigs su bcad pa'i cha 'chad par 'gyur ba yin te/ 'di ni don gyi sbyor ba'o/ /des kyang bstan pa'i yul can gyi med pa sgrub par byed par 'dod pa bstan pa yin no/ /ma bstan pa'i yul can ni de ltar ltos par bya ba ma yin te/gal te rgyu med na yang 'bras bu yang gdon mi za bar 'gyur ba ma yin te/ rgyu med par dngos po 'byung ba mi srid pa'i phyir zhes bya ba de tsam ni bstan pa'i phyir ro/ /de yang de ma thag pa nyid du bshad zin to/ /don gyi zhes bya ba la sogs pa la don zhes bya ba khyab par byed pa'i rang bzhin rtags can te med pa nyid du bsgrub par bya ba la/rang bzhin mi dmigs pa yang ste/ khyab par byed pa mi dmigs pa yang med pa sgrub par byed pa yin no zhes bya ba'i skabs yin no/ /rang bzhin nyid kyi zhes bya ba la sogs pas 'chad par byed pa la 'ga' zhig ces bya ba ni khyab par byed pa mi dmigs pa'o/ /gal te khyab par byed pa mi dmigs pa na khyab par bya ba 'dod pa 'di'i rang bzhin grub par 'gyur ba de'i tshe tshad mar 'gyur ro//gal te gtan tshigs 'ga' zhig gis te rang bzhin mi dmigs pa zhes bya bas/ de med pa ni rtogs par 'gyur/ /gal te zhes bya ba la sogs pas don 'chad pa yin te/ gal te rgyu 'di med pa grub par 'gyur ba zhes bya bar sbyar ro//khyab par byed pa'i rang bzhin go bar byed pa gtan tshigs 'ga' zhig las med par 'gyur ro/ /dmigs pa'i mtshan nyid kyir gyur pa las mi dmigs pa'i phyir ro/ /de ltar na dgag pa la go bar byed pa'i gtan tshigs ni mi dmigs pa tsam ma yin no//rgyu'am khyab par byed pa de ni go bar byed pa'i gtan tshigs las med pa nyid du grub pas go rims bzhin du 'bras bu'am khyab par bya ba ldog par byed de/ de med par ma grub na ste/ rgyu dang khyab par byed pa ma grub na 'bras bu dang khyab par bya ba ldog pa la yang the tshom za ba'i phyir ro/ / de yang gong du ji skad du bshad pa'i bstan pa'i yul can gyi med pa sgrub par byed pa yin par blta bar bya'o/ /gal te rang bzhin med pa nyid bsgrub par bya ba la de mi dmigs pa nyid tshad ma yin par ma brjod dam/ ji ltar na de bum pa la sogs pa'i dngos po'i bdag nyid mi dmigs pa las med pa grub ce na/len du mthong ba zhes bya ba la sogs pa smos te/ bskal pa'i yul nyid la rang bzhin mi dmigs pa tshad ma ma yin gyi/ snang ba la ni yin zhes bya ba bsdus pa'i don to/ /snang ba zhes bya ba 'dis ni rang bzhin la sogs pas ma bskal pa bstan to/ /de lta bu'i rnam pa can gyi dngos po de ni mi dmigs pa yod pa'i dngos po med pa ste yod pa nyid rtogs par 'gyur ro//gang gi tshe zhe na mthong ba med pa dag gi rgyu mi srid par ni 'gyur ba na mthong ba med pa'i rgyu ste rgyu gzhan ma tshang ba de mi srid par 'gyur ba na ste/ dmigs pa'i rkyen gzhan tshogs par gyur ces bya ba'i don to//gal te zhes bya ba la sogs pas 'chad par byed de/ bdag nyid go bar byed cing rtogs par byed pas na dngos po'o/ /gal te rang bzhin la sogs pas ma bskal pas rang bzhin gyi khyad par du 'gyur na/ bdag nyid ji lta ba bzhin du 'dzin par byed pa po ste/ gang zhig gang gis 'dzin pa po'i dbang po des dmigs pa nyid du 'gyur ro//'dis ni snang ba'i zhes bya ba de rnam par bshad pa yin no/ /de yang ji skad du bshad pa'i dngos po mthong ba'i gegs byed pa can te/ rnam par shes pa skyed par byed pa'i rgyu la gnod par byed pa can no/ /bar chad la sogs pa dag ces bya ba'i sogs pa'i sgras ni ma tshang ba gzung ngo //gags byed pa la sogs pa med pa ste dmigs pa'i rkyen dag yod na zhes bya ba'i don to/ /dmigs pa kho nar 'gyur te/ rnam pa gzhan du ni ma yin no/ /de lta bur gyur pa mi dmigs pa ni med do zhes nges par 'gyur ro/ /ci'i phyir zhe na/ de 'dra bar 'gyur ba ste/ dmigs pa'i mtshan nyid kyir gyur pa yod na dmigs pa la 'khrul pa med pa'i phyir ro//gang 'di nyid ni rang gi ngo bo med par nges pa na mthong ba med pa dag gis zhes bya ba la sogs pas gtan tshigs 'di nyid bshad par bya ba rigs par bya'o/ /bsgrub par bya ba gang la zhe na/ rgyu dang khyad par byed pa dag med pa'i bsgrub par bya ba la yang ngo //dngos po 'gal ba yod na yang / /zhes bya ba la sogs pa la/ yang gi sgra ni rim pa gzhan dang sbyar te/ de dang 'gal ba dmigs na yang zhes bya bar blta bar bya'o/ /gang med pa bsgrub par bya ba de dang 'gal ba gang yin pa de dmigs pa med pa nyid de dgag par bya ba med par 'gyur ro/ /ci'i phyir zhe na/ dngos po 'gal ba yod na ni/ /de yod pa la gnod byed phyir te/ /dgag par bya bar 'dod pa de nyid yod pa nyid la gnod par byed pa'i phyir te/ gnyi ga lhan cig mi gnas pa'i phyir zhes bya ba'i don to/ /dngos po zhes bya ba la sogs pas 'chad par byed de/ dngos po gang zhig bdag nyid 'gal ba gang dang lhan cig mi gnas te/dper na grang ba dang dro ba'i reg pa lta bu'o/ /ci'i phyir mi gnas she na/ de dag gi nye bar len pa zhes bya ba la sogs pa smos pa la/ 'gal ba de dag gi nye bar len pa gang yin pa de dag ni phan tshun gcig la gcig mi mthun pa gang yin pa de'i rten yin pa nyid kyis te/ dro ba'i nye bar len pa ni grong ba'i nye bar len pa dang mi mthun pa'i rten yin pas so//de bas gcig gis kyang cig shos kyi zhes bya ba'i don to/ /rgyu des grang ba dang dro ba 'gal ba dag gis 'bras bu dag ni gcig la yang cig car rtsom pa 'gal ba'i phyir ro/ /sngar mi dmigs pa'i rab tu dbye ba 'di na grang ba'i reg pa med de me yod pa'i phyir ro zhes bya ba la sogs pa ji skad bshad ma thag pa'i rnam pa grang ba dang dro ba 'gal ba de dag ni gcig yod na yang gzhan med pa rtogs par 'gyur ro//ci ste yang 'dir mi dmigs pa zhes ma thos pa de ltar na yang rang bzhin 'gal ba zhes bya ba'i rtags ni mi dmigs pa las tha dad par brjod par mi bya'o/ / ci'i phyir zhe na/ mi dmigs pa de nyid las 'gal ba rtogs pa'i phyir dang / 'gal ba las kyang med pa bsgrub pa'i phyir ro/ /'gal ba yang ji ltar nges par 'gyur/ gal te dmigs pa na cig shos mi dmigs par 'gyur gyi/ de lta ma yin na cig shos dmigs pa ma bkag pa can med pa mi 'grub pa'i phyir ro/ / de ltar na don gyis 'gal ba grub pa na mi dmigs pa kho na rab tu sbyor bar 'gyur ro/ /de lta bu'i rnam pa ste snang ba'i yul mi dmigs pa las med pa rtogs par 'gyur ba de bas 'di tshad ma yin pa ni bla ste/ de yang ji ltar rjes su dpag pa nyid ma yin gyi 'on kyang tshad ma gzhan kho na yin no zhes bsams pa'o//ji ltar yang mi 'gyur zhes bya ba ni slob dpon gyi'o/ /dpe la ltos pa med pa'i phyir te zhes bya ba ni gzhan gyi yin te/ rjes su dpag pa ni dpe la ltos pa yin te rjes su dpag pa 'gro ba dang ldog pa nyid kyi phyir ro/ /de ltar mi dmigs pa ni ma yin pa de bas na rjes su dpag pa'i mtshan nyid dang mi ldan pa'i phyir rjes su dpag pa ma yin no//dpe la ltos pa med pa nyid 'di la ni zhes bya ba la sogs pa smras te/ 'di la zhes bya ba ni mi dmigs pa la'o/ /ci'i phyir zhes bya ba la sogs pa ni slob dpon gyi yin te/ dpe nyid yin zhes bya ba'i don to/ /de zhes bya ba la sogs pa smos pa ni gzhan gyi yin te/ de ni nam mkha'i me tog la sogs pa'o//med pa zhes bya ba ji ltar tshad ma gang gis khong du chud par bya zhing gang gis de ltar 'gyur te/ mi dmigs pa'i rtags kyis med pa bsgrub par bya ba la dper 'gyur zhes bya ba'i don to/ /gal te mi dmigs pa'i rtags kho na las nam mkha'i me tog la sogs pa khong du chud par bya ba yin no zhe na/de la zhes bya ba ni nam mkha'i me tog la sogs pa la'o/ /ji ltar dpe med pa can dag ste/ med pa nyid ma grub pa can gang la dpe yod pa ma yin zhes bya bar tshig rnam par sbyar ro/ /ci ste 'di la yang dpe gzhan yod pa de'i tshe nam mkha'i me tog la sogs pa med pa nyid ma grub pa de dpe dang bcas pa nyid yin na ni thug pa med par thal bar 'gyur te/de la yang dpe gzhan dang dpe gzhan yod pa'i phyir ro/ /thug pa med pa yin pa de lta na/ gcig kyang ma grub na thams cad la rtogs pa med par 'gyur ro/ /de bas na thug pa med pa'i nyes pa spangs pa'i phyir dpe 'gyur ba nye bar brjod pa med pa med par grub pa dpe med pa can bya'o//de bas na gzhan la yang ste 'di na dmigs pa'i mtshan nyid kyir gyur pa'i bum pa mi dmigs pa'i phyir zhes bya ba'i sbyor ba la yang / dpe la ltos pa med pa'i phyir mi dmigs pa ni rjes su dpag pa ma yin no/ /slob dpon gyis thos su zin kyang zhes bya ba la sogs pa smos te/'di ltar rang bzhin mi dmigs pa la med pa bsgrub pa ni ma yin gyi/ 'on kyang med pa'i tha snyad yin no zhes mang du bshad zin to/ /de bas na thos su zin kyang ngo / /glen pa'i ming ni lha dang lhar 'gyur skye dgu'i bdag ces bya ba gsum gsungs pa de bas na/ lha rnams dga' ba ste glen pa dag gis nges pa gzung ba gsal ba med pa gang gis dpe yod du zin kyang de ma grub par rgol te/gal te 'dir med pa grub par bya ba la dpe ma grub par ni 'gyur na/ 'on kyang med pa'i tha snyad bsgrub pa yin no/ /med pa'i tha snyad de nyid bsgrub byar bstan pa'i phyir sgra dang zhes bya ba la sogs pa smos te med pa'i tha snyad kyi rgyu mtshan te/rgyu dmigs pa mi dmigs pa snang ba mi dmigs pa gang yin pa de ni bdag nyid thag nye ste/ rang nyid thag nye ba'i phyir bdag mi dmigs pa'i ngo bor rgyu mtshan gang la yod pa de dag ni rang gi rgyu mtshan can te/ med pa'i tha snyad de dag bsgrub par bya ba'i phyir thams cad ni 'dir dpe yin no//rang gi rgyu mtshan gyi tshogs pa rung ba thag nye ba can ji lta bur gyur pa zhig ce na/ myu gu la sogs pa gang la rang gi rgyu mtshan gyi tshogs pa rung ba thag nye ba de yod pa dang ba lang gi tha snyad la sogs pa gang la lkog shal la sogs pa gong bu'i rgyu mtshan yod pa de la de skad ces bya'o/ / sbyor ba yang gang la gang gi rgyu mtshan gyi tshogs pa gags med pa can yod pa de la der 'gyur te/ dper na gang cung zhig rgyu mtshan tshogs pa gags med pa can gzhan lta bu'o/ /dmigs pa'i mtshan nyid kyir gyur pa'i mi dmigs pa'i rgyu mtshan yod na yang med pa'i tha snyad du 'gyur ro zhes bya ba ni rang bzhin gyi gtan tshigs so//'dir yang ci'i phyir med pa'i tha snyad kho na sgrub par byed kyi med pa nyid kyang ma yin zhe na/ med pa nyid ces bya ba la sogs pa smos te/ sngar ji skad bshad pa bzhin du snang ba mi dmigs pa 'di la med pa nyid mi dmigs pa kho na yin no/ /de bas na 'dir med pa bsgrub pa ma yin te/bsgrub par bya ba dang sgrub par byed pa dag la khyad par med pa'i phyir ro/ /gang gis 'di med pa'i tha snyad bsgrub pa yin pa de nyid kyi phyir snang ba mi dmigs pa 'di ni rang bzhin gyi gtan tshigs kyi nang du 'du bar 'gyur ro zhes sbyar ro/ /snang ba mi dmigs pa'i rgyu las med pa'i tha snyad kyi 'bras bu rjes su dpag pa ste/de nyid kyi mtshan nyid gang la yod pa zhes spyir gzhan gyi tshig can du bstan nas/ phyis dngos po'i rkyen bya'o/ /de lta ma yin na 'bras bu rjes su dpag pa'i mtshan nyid can yin pa'i phyir ro zhes bya ba bud med kyi rtags su 'gyur ro/ /rgyu tshogs pa las 'bras bu rjes su dpag pa rung ba nyid rjes su dpag pa yin pa'i phyir/rang bzhin gyi gtan tshigs kyi nang du 'du bar 'gyur ba le'u bzhi pa las 'chad par 'gyur ro/ /snang ba mi dmigs pa ni dpe grub par 'gyur na mi snang ba mi dmigs pa ji ltar 'grub ce na/ yod pa'i sgra dang zhes bya ba la sogs pa smos te/ yul la sogs pa bskal pa dag la tshad ma log pas yod pa'i sgra dang tha snyad 'gog pa la/rgyu med pa'i phyir 'bras bu med par bsgrub par bya ba yin pas na/ 'dir nye bar brjod pa med pa 'ba' zhig dpe ma yin gyi/ 'on kyang rgyu mtshan te rgyu ma tshang bas myu gu la sogs pa med pa yang dpe yin no/ /sbyor ba ni rgyu mtshan ma tshang ba can gang yin pa de ni mi 'gyur te/dper na sa phyogs sa bon gyis stong pa'i myu gu lta bu'o/ /mi dmigs pa yang yod pa'i sgra dang tha snyad kyi rgyu ma tshang ba yang yin no zhes bya ba ni rgyu mi dmigs pa'o/ /gang yang nye bar brjod pa med pa de med pa ji ltar khong du chud par bya zhes smras pa de la yang /nye bar brjod pa med pa dper gyur pa la mi dmigs pa nyid kyi phyir/ yod pa'i shes pa dang sgra dang tha snyad kyi mtshan nyid can gyi 'jug pa 'di nyid 'gog pa yin gyi/ med pa bsgrub pa ni ma yin no/ /gang gi sgra ni rim pa bzhin du sbyar te/ 'gog pa yang zhes bya bar blta bar bya'o/ /yang gi sgras ni la lar med pa'i shes pa la sogs pa'i mtshan nyid can gyi 'jug pa sgrub par byed do//de dag gi med pa nyid kyang ji ltar grub ce na/ mi dmigs pa zhes bya ba la sogs pa smos te/ rwa la sogs pas dben pa'i ri bong gi mgo bo la sogs pa/ dmigs pa'i mtshan nyid can mi dmigs pa ste/ ma yin par dgag pa'i 'jug pas gang la mtshan nyid de nyid yod pa med pa nyid du grub ste/ri bong gi rwa la sogs pas dben pa'i mgo bo la sogs pa grub pa yin te/ ri bong gi rwa la sogs pa med pa nyid du grub ces bya ba'i tha tshig go/ /de ltar mi 'gyur na snang ba mi dmigs pa la med pa nyid yul du 'gyur ba grub na/ de'i rgyu mtshan can gyi med pa'i tha snyad kyang sgrub pa kho na yin na de bsgrubs pas ci zhig bya/mi snang ba mi dmigs pa la yang med pa'i tha snyad kyi rgyu mtshan med pa'i phyir yod pa'i tha snyad log par grub pa de ltar na/ de dgag pa bsgrubs pas ci zhig bya/ de ltar na mi dmigs pa la sngar rab tu grags pa'i yul nye bar mtshon par byed pa'i mtshan nyid can gyi dpes dgos pa cung zhig kyang med pa yin no zhe na/rgyu mtshan dang zhes bya ba la sogs pa smos te/ rmongs pa la bsgrub par bya'o zhes bya ba'i tha tshig go/ /snang ba mi dmigs pa la med pa'i tha snyad kyi rgyu mtshan te med pa nges pa khas blangs shing / mi snang ba mi dmigs pa la de med pas te/med pa'i tha snyad kyi rgyu mtshan gyi tshad ma med pa khas blangs pas so/ /gang med par nges pa la med pa'i tha snyad bya ba de la mi byed pa'i phyir 'jug pa lugs las ldog par byed pa'o/ /mi snang ba'i mi dmigs pa la gang the tshom du gyur pa'i don la med do zhes bya ba'i tha snyad bzlog par bya ba de la/ med pa'i tha snyad 'jug pa'i phyir/ zlog pa lugs las ldog par byed pa'o/ /de ltar smos pa de la ji ltar khas blangs pa bzhin du bstan to zhes bya bas ni/ snang ba mi dmigs pa gang la 'dis med pa'i rgyu mtshan khas blangs pa de la med pa'i tha snyad la 'jug par bya'o zhes de ltar ston to/ /mi snang ba mi dmigs pa gang la med pa'i tha snyad kyi rgyu mtshan med par khas blangs pa de med pa'i tha snyad ma byed cig ces de ltar bstan to//dpe bstan pa'i phyir nye bar brjod pa med pa zhes bya ba la sogs pa smos te/ nye bar brjod pa med pa bzhin nye bar brjod pa dang 'dra ba ste/ ji ltar nye bar brjod pa med pa ri bong gi rwa la sogs pa la med pa'i tha snyad kyi rgyu mtshan mi dmigs pa srid pa'i phyir med pa'i tha snyad yin pa de ltar 'di la yang ngo //gzhan dang 'dra bar zhes bya ba la gzhan gyi dang 'dra ba ste/ ji ltar rgyu mtshan thag nye ba can gyi myu gu la sogs pa'i 'jug pa de ltar med pa'i tha snyad kyi yang yod pa yin no/ /mi snang ba mi dmigs pa la ltos nas dpe gnyi ga la yang grub pa don gyi 'dra ba yin te/ji ltar rgyu med par ri bong gi rwa las nye bar brjod pa med pa'i med pa'am/ rgyu ma tshang ba'i myu gu la sogs pa'i gzhan gyi med pa de dang 'dra bar yul la sogs pa bskal pa dag la med pa'i tha snyad do zhes bya ba'i dpe grub par bstan te/ gal te re zhig dmigs pa med pa ste/mi dmigs pa zhes bya ba de nyid ji ltar tshad ma gang gis grub pa ste/ ma grub pa yang rtags ma yin no snyam du bsams pa'o/ /de ni 'og nas/ de la khyad par can dmigs pa/ /de'i phyir de yang mi dmigs te/ /des na mi dmigs pa 'di ni/ /mngon sum bdag nyid kho nar rtogs//zhes bya ba la sogs pas 'chad par 'gyur ro/ /gang yang mi dmigs pa la sngar rab tu grags pa'i yul nye bar mtshon par byed pa'i mtshan nyid can gyi dpe nye bar bstan pas ci dgos zhes smras pa 'dir/ dri ba'i tshul du rjes su dpag pa gzhan la yang zhes bya ba la sogs pa smos te/yod pa sgrub par byed pa'i rjes su dpag pa yang / khyab par byed pa'i bsgrub par bya ba'i chos kyis khyab par bya ba'i chos byas pa nyid la sogs pa sgrub par byed pas te/ go bar byed pa bstan par 'dod na ci'i phyir dpe rtogs par bya ba yin zhing khong du chud par bya ba yin te/ shes par bya ba ma yin no//ci'i phyir zhe na/ bdag nyid ji lta ba bzhin du bsgrub par bya bas khyab par bya ba gtan tshigs bstan pas/ khyab par byed pa'i bsgrub par bya ba'i chos grub pa'i phyir ro/ /gal te don nges su zin kyang ste/ 'brel pa gzung du zin kyang rjes su dpag pa 'di la dpe ni dran pa'i don yin te/ji ltar gzhan la khyab par bya ba thag nye ba na khyab par byed pa rtogs par 'gyur ba de ltar 'di la yang rtogs par 'gyur ro zhes pa ltar rmongs pa dran pa bskyed pa'i phyir ro/ /de ni dpes rmongs pa dran pa bskyed pa de'o/ /cig shos la zhes bya ba ni mi dmigs pa la'o/ /de nyid bstan pa'i phyir de ni zhes bya ba la sogs pa smos te/bstan par bya ba de ni med pa'i tha snyad du rung ba'i ri bong gi rwa la sogs pa gzhan mi dmigs pa tsam las med pa'i tha snyad rtogs su zin kyang / dngos por gyur pa spyi'am yan lag can gyi rdzas la sogs pa dmigs pa'i mtshan nyid kyir gyur pa mi dmigs pa dang ldan pa'i tha snyad du rung ba 'di la yang rmongs pa'i phyir dpe nye bar bstan pas yul can dran par bya ba yin no//gal te snang ba'am mi snang ba'i yul can la mi dmigs pa thams cad la ci rigs par med pa'i tha snyad dam yod pa'i tha snyad 'gog pa bsgrub par bya ba yin na/ ci ste gang 'di slob dpon phyogs kyi glang po la sogs pas gtso bo la sogs pa ni yod pa ma yin te mi dmigs pa'i phyir ro zhes sbyor ba mdzad de/mi dmigs pa'i sbyor ba de la ji ltar med pa'i tha snyad bsgrub pa'am yod pa'i tha snyad de 'gog par 'gyur te/ brgal ba smras ma thag pa blo la bzhag nas gnyi ga yang mi 'thad do zhes bsams pa'o//grub pa'i mtha' smra bas kyang re zhig 'dir rtsod pa smrar bcug la de nas rjes su mthun pa'i lan brjod par bya'o snyam pas ci ltar mi 'gyur zhes smos so/ /rtsod par byed pa'i bsam pa ni de'i don zhes bya ba la sogs pa smras te/ gtso bo la sogs pa'i sgra de'i yon tan gsum la sogs pa'i mtshan nyid can gyi don 'gog pa yod na/rjod par byed pa gtso bo la sogs pa'i chos can gyi tshig mi sbyor ba'i phyir te/ brjod par bya ma gtogs par rjod par byed pa'i sbyor ba ni yod pa ma yin no/ /gang gi tshe gtso bo la sogs pa sgra dag mi sbyor ba de'i tshe med do zhes bya ba'i 'gog pa brjod pa kho na'i sgras khyad par du byed do//de yang dgag par bya ba'i don bstan pa med par yul med pa can gyi dgag pa zhes bya ba dgag pa'i tshig gi sgra mi rung ba'i phyir ro/ /de ltar na gtso bo la sogs pa med do zhes bya ba'i dam bcas pa'i tshig gnyi ga yang sbyor bar mi rung ba'i phyir gang la gcig bsgrub par bya ba yin pa de ltar na/mi dmigs pa zhes bya ba'i sgrub par byed pa'i sbyor ba don byed pa yin te/ gtso bo la sogs pa'i phyogs su gyur pa dag kyang med pa'i phyir phyogs kyi chos ma yin pa gtan tshigs su 'gyur ba'am/ dam bcas pa'i tshig dag phan tshun 'gal bar 'gyur ro//'di ltar gtso bo la sogs pa zhes sbyor ba'i phyir de'i don thag nye ba yin na yod pa yang ma yin no zhes brjod pa'i phyir thag nye ba ma yin te/ thag nye ba dang thag nye ba ma yin pa gcig la cig car 'gal bar 'gyur ro zhes bya ba ni rgol ba'i bsam pa'o/ /nyes pa de ni med de zhes bya ba la sogs pas len 'debs par byed de/'di skad du ji ltar gzhan dag gi phyi rol gyi ngo bo yon tan gsum gyi bdag nyid can gtso bo la sogs pa brtags pa de nyid gal te sgra rnams kyi brjod par bya ba yin pa de'i tshe/ phyi rol gyi gtso bo la sogs pa med pa'i phyi ro gtso bo la sogs pa'i sgra mi sbyor ba'i phyir ro zhes bya ba la sogs pa brgal ba smra bar 'gyur ro//'di ltar phyi rol gyi sgra'i don yin par ma zad kyi/ 'on kyang thog ma med pa zhes bya ba la sogs pa la rnam par rtog pa snga ma snga mas rnam par rtog pa phyi ma phyi ma bskyed pa'i phyir/ bag chags kyi nus pa gzhag cing rnam par rtog pa snga ma de yang bag chags gzhan las skye ste de yang gzhan las zhes bya ba 'khor ba thog ma med pa can nyid yin pa'i phyir thug pa med pa'i nyes pa yang yod pa ma yin pa de nyid kyi phyir thog ma med pa zhes bya ba smos so//thog ma med pa yang de yin la bag chags kyang yin pa de las byung ba ni/ thog med bag chags las byung ba//de lta bur gyur pa yang de yin la rnam par rtog pa yang yin pa des yongs su bsgrubs pa ste/ de lta bur gyur pa'i rnam par rtog pa'i gzung ba'i rnam pa zhes bya ba'i tha tshig go/ /de ni sgra don te de yang chos ni rnam pa gsum ste rang bzhin rnam pa gsum mo/ /ji ltar zhe na/ yod med ces bya ba la sogs pa smos te/yod pa dang med pa dang gnyi ga zhes zlas dbye bar byas nas de la brten pa zhes bya ba gnyis pa de'i skyes bu'o/ /de la dngos po mthong ba'i bag chags las byung ba ni yod pa la brten pa ste/ dper na skye ba la sogs pa'i rnam par rtog pa lta bu'o/ /med pa'i rnam par rtog pa'i bag chags las byung ba ni med pa la brten pa ste/ri bong gi rwa la sogs pa skye ba med pa'i rnam par rtog pa'o/ /yod pa dang med pa'i rnam par rtog pa'i bag chags kyi sgo las byung ba ni gnyi ga la brten pa ste/ shes bya nyid la sogs pa'i rnam par rtog pa'o/ /de bas na gtso bo la sogs pa'i rnam par rtog pa dag gis yongs su bsgrubs pa'i gzung ba'i rnam pa gtso bo la sogs pa'i sgra'i brjod par bya ba de nyid ni chos can yin la/dngos po nye bar len pa med pa ni bsgrub par bya ba ste/ 'di la pha rol gyis kun du brtags pa'i gtso bo la sogs pa'i dngos po nye bar len pa can med pas na/de dngos nyer len can med pa bsgrub la'o/ /de zhes bya ba ni blo la gnas pa'i gtso bo la sogs pa chos can no/ /mi dmigs pa ni/ de ltar zhes bya ba ni phyi rol gyi gtso bo la sogs pa'i nye bar len pa can nyid du mi dmigs pa ste/ de ni rjes su 'gro ba dang ldog pa'i rjes su byed pa mi dmigs pa ni gtan tshigs yin no zhes bya ba'i don to//re zhig gtso bo la sogs pa med na rnam par rtog pa med pa ma yin te/ rtag pa nyid kyis gtso bo la sogs pa med pa nyid ma yin pa'i phyir ro/ /de yod na yang yod pa ma yin te/ rtag tu yod par thal bar 'gyur ba'i phyir ro/ /gang zhig gang gi rjes su 'gro ba dang ldog pa rjes su mi byed pa de ni/ji ltar de'i nye bar len pa can du 'gyur/ de ltar gtso bo la sogs pa yod pa ma yin te/ mi dmigs pa'i phyir ro zhes bya ba'i don ni gtso bo la sogs pa ste/ gtso bo la sogs pa'i rnam par rtog pa de dag ni gtso bo la sogs pa'i rgyu can nyid du yod pa ma yin gyi/de dag ni rang gi nye bar len pa kho na la rag lus pa yin no/ /ci'i phyir zhe na/ mi dmigs pa'i phyir te/ rnam par rtog pa ni phyi rol gyi gtso bo la sogs pa'i rjes su 'gro ba dang ldog pa'i rjes su byed par mi dmigs pa'i phyir ro zhes bya ba 'di yin no/ /de bas na 'di ltar rnam par rtog pa ni phyi rol gyi nye bar len pa can nyid du 'gog pa yin gyi/rang gi ngo bo nyid du nges pa ni ma yin pa de bas na/ de nyid ces bya ba la sogs pa smos pa la/ rnam par rtog pas yongs su sgrub pa de nyid kyi chos can med pa ma yin no/ /ci'i phyir zhe na/ gtso bo la sogs pa'i sgra sbyor ba'i phyir te/ de bkag na ni yul med pa nyid kyi phyir sgra sbyor ba nyid du mi 'gyur ro/ /de bas na 'di ltar blo'i snang ba khas blangs nas gtso bo la sogs pa'i sgra dag sbyor ba dang / yul yod pa'i phyir dgag par brjod pa'i sgra yang yod par mi rung ba ma yin pas/ phyogs kyi chos can nyid ma yin pa'i gtan tshigs kyang ma yin pa ste/blo'i snang ba nyid phyogs nyid yin pa'i phyir ro/ /dam bcas pa'i tshig la 'gal ba yod pa ma yin te/ yod pa dang med pa dag ni yul tha dad pa can nyid yin pa'i phyir te/ blo snang ba nyid du yod pa nyid dang phyi'i nye bar len pa can nyid du med pa nyid yin no zhes bya bas thams cad bsal ba yin no//ji ltar zhes bya ba la sogs pas 'chad par byed de/ ji ltar sgra de dag ni rang gi mtshan nyid kyi yul can ma yin no zhes sngar bshad zin to/ /'on kyang thog ma med pa'i bag chags la rnam par rtog pa gang las byung zhing skye ba yod pa de la so sor snang ba'i ngang tshul can gyi don gang yin pa de yul nyid du bdag gir byed do//rgyu gzhan yang rnam par rtog pa zhes bya ba la sogs pa smos te/ rnam par rtog pa de la brten pa'i 'chad pa po zhes bya bar sbyar ro/ /'di dang 'di bstan par bya'o zhes bya ba yin pa de ltar rnam par rtog pa spyi'i rnam par brten pa'o/ /dngos po ji ltar snang ba bzhin du ni spyi'i rnam par ro//dngos por snang ba de ston par 'dod pa ste/ brjod par 'dod pa des sgra sbyor ba'i phyir te/ gnas skabs de la rang gi mtshan nyid so sor snang ba ni yod pa ma yin no/ /nyan pa po la de'i rnam pa can gyi rnam par rtog pa bskyed pa'i phyir te/ ji ltar 'dod pa bzhin du spyi'i rnam pa can gyi rnam par rtog pa bskyed pa'i phyir ro//sgra la nyan pa po'i rang gi mtshan nyid kyi rnam pa nyams su myong ba ni skye ba ma yin te/ long ba la sogs pa med par thal bar 'gyur ba'i phyir ro/ /'dod par mi 'gyur na gal te 'chad pa'i don ston par 'dod pa de'i tshe nyan pa po'i yang sgra las byung ba'i rnam par rtog pa'i shes pa la rang gi mtshan nyid snang ba ma yin pa de ltar na yang rang gi mtshan nyid kho na sgra'i don yin no zhe na/de'i phyir nye bar len pa zhes bya ba la sogs pa smos te/ nye bar len pa dang 'bras bu ni nye bar len pa dang 'bras bu'o/ /de dag nyid kyi shes pa ste/rtog pa de la snang ba'i ngo bo ma yin pa ste/ med pa nyid ni de'i yul can te/ sgra'i yul can nyid du nges par nus pa ma yin no zhes bya bar sbyar ro/ /de la nye bar len pa'i shes pa ni 'chad pa po'i bstan par 'dod pa'i dus na yod pa'i rnam par rtog pa'i sgra'i rgyu nyid yin pa'i phyir ro/ / 'bras bu'i shes pa ni sgra las byung ba'i nyan pa po'i rnam par rtog pa'o/ /de'i sgra'i don ma yin te/ gang sgra las byung ba'i shes pa la so sor snang ba med do zhes bya ba ni bsdus pa'i don to/ /'di tsam gyis ni/ thog med bag chags las byung ba'i/ /rnam par rtog pa yongs bsgrubs pa/ /sgra don zhes bya ba de rnam par 'grel pa yin no//rnam par rtog pa de yang zhes bya ba la sogs pas ni tshig le'ur byas pa lhag ma'i cha 'chad par byed de/ yod pa dang med pa dang gnyi ga can gyi rnam par rtog pa ni yod pa dang med pa dang gnyi ga'i shes pa ste/ des bsgos shing 'phangs pa'i bag chags kyi nus pa de las rnam par rtog pa gang las byung zhing skye ba yod pa de la de skad ces bya'o//'dis kyang yod med gnyi ga la brten pa zhes bya ba'i tshig rkang de rnam par phye ba yin no/ /phyir te gtan tshigs kyis yod pa dang med pa dang gnyi ga'i chos zhes brjod do/ /de la yod pa'i shes pas bsgos pa'i bag chags las byung ba ni yod pa'i chos yin la/med pa'i shes pa'i bag chags las byung ba med pa'i chos yin zhing gnyi ga'i shes pas bsgos pa'i bag chags las byung ba'i gnyi ga'i chos zhes bya'o/ /der snang ba'i rnam par shes pa zhes bya ba la sogs pa la/ rnam par rtog pa de nyid la snang ba'i rnam pa gang yin pa de ni yod pa dang med pa nyid du nges pa de'i dbang gis yod pa dang med pa dang gnyi ga chos zhes brjod do//de skad du rang nyid rnam pa dngos po nyid du rnam par rtog pas nges par byas pa'i rnam pa de ni yod pa'i chos zhes bya'o/ /de bzhin du med pa dang gnyi ga'i chos dag la yang blta bar bya'o zhes bshad par 'gyur ro//de bas na blo la snang ba'i chos can 'di la brten nas te/ skyes bu dag chos can de la dpyod pa'i gnas nyid du brten nas/ phyi rol gyi nye bar len pa can nyid du yod pa med pa nyid spyod par byed do/ /ci zhes bya ba la sogs pa la gtso bo'i sgra brjod pa las nyan pa po'i rnam par rtog pa la snang ba'i don gang yin pa de gtso bo'i sgra las snang ba ste/ci dngos po nye bar len pa can nam ma yin zhe'o/ /gtso bo la sogs pa'i rnam par rtog pa'i snang ba de ni dngos po nye bar len pa can med pa nyid du bsgrub par bya ba la/ rnam par rtog pa'i snang ba de nyid blo'i rang bzhin nyid du so so rang gi rig pa nyid de/rang rig pa'i mngon sum nyid yin pa'i phyir spong bar 'os pa ma yin pa ni chos can yin no/ /gal te blo la snang ba de nyid phyi rol gyi gtso bo la sogs pa'i mtshan nyid la de yang spong bar 'os pa ma yin no/ /'o na ni gtso bo la sogs pa yang 'grub par 'gyur ro//ci ste gtso bo la sogs pa'i rang gi mtshan nyid spong ba de'i tshe snang ba de nyid spong bar 'gyur te rang gi mtshan nyid dang rnam par rtog pa'i snang ba dag ni gcig pa nyid kyi phyir ro zhe na/ de nyid kyang zhes bya ba la sogs pa smos te/ rnam par rtog pa'i blo la snang ba'i don de nyid kyang rang gi mtshan nyid yin no zhes brjod par mi nus so//ci'i phyir zhe na/ ma thob pa dang 'gags pa'i zhes bya ba la sogs pa smos te/ rang gi mtshan nyid la ma skyes pa dang 'gags pa dag yod na yang rnam par rtog pa'i snang ba de dang ma bral ba'i phyir ro/ /gal te phyi rol gyi rang gi mtshan nyid kho na rnam par rtog pa'i snang bar 'gyur na ma thob pa dang 'gags pa de ni so sor snang ba dang bral bar 'gyur ro//dngos po la phyin ci log pa yang de yin la/ rnam pa yang yin pa de la mngon par zhen pa'i ngang tshul can gzhan mu stegs pa'i shes pa ste rnam par rtog pa gang yin pa de dag la sgra'i don snang ba yod pa'i phyir/rnam par rtog pa'i snang ba de nyid rang gi mtshan nyid ma yin no zhes bya ba'i skabs dang sbyar ro/ /'di skad du gal te rang gi mtshan nyid kho na rnam par rtog pa'i snang bar 'gyur ba de'i tshe rang gi mtshan nyid ni gcig nyid yin pa'i phyir grub pa'i mtha' thams cad la rnam pa gcig kho na skye bar 'gyur te/rtag pa dang mi rtag pa dang gnyi ga dang gnyi ga ma yin pa'i khyad par gyi tha dad par mi 'gyur ro zhes bstan par 'gyur ro/ /tshigs su bcad pa gnyis kyis don 'di nyid bsdus par mdzad pa la/ don dam pa ni rang gi mtshan nyid do//gcig phyogs nyid yod ces bya ba'i sgra ni mthar phyin pa'i tshig tu grags pa yin te/ dper na bsam gtan la rtse gcig par gyur ces bya ba lta bu'o/ /rang gi mtshan nyid la phyogs pa ni rang gi mtshan nyid gcig tu yul nyid ces bya ba'i tshig go/ /gzhan dag ni sgra sgrub pa sngon du song ba can 'chad par byed de/gang gis rnam par shes pa rgyas par byed cing skyed par byed pa de ni rgyas par byed de yul zhes bya ba'i don to/ /gang la yul don dam pa gcig rgyas byed yod ces bya ba tshig rnam par sbyar ro/ /de'i dngos po ni de nyid de/ sgra rnams kyi khas blangs par 'gyur ba de yod na don rnams la ni sgra de dag gi rgyu med pa can rten med pa can 'jug par mi 'gyur te/de lta bur gyur pa'i rang gi mtshan nyid med pa'i phyir ro/ /ji lta bur gyur pa dag la zhe na/ mthong ba'i bye brag dag tha dad pa ste/ grub pa'i mtha' khyad par tha dad pa phan tshun 'gal ba dag gi la'o/ /'das dang ma skyes pa la yang //zhes bya ba ni 'das pa dang ma 'ongs pa rnams la sgra 'jug par mi 'gyur ro zhes bya ba gong ma dang sbyar te rang gi mtshan nyid med pa'i phyir ro/ /gzhan yang tshig 'ga' zhig kyang brdzun pa'i don can nyid du ste/ brdzun pa'i don can kho nar mi 'gyur te/ gang thams cad ni rang gi mtshan nyid la gcig tu phyogs pa nyid yin pas na bden pa'i don du 'gyur ro//phyir te ji skad du bshad pa'i gtan tshigs kyis tshig de dag blo'i yul can 'dod do/ /de ni zhes bya ba gtso bo la sogs pa rnam par rtog pa la snang ba ni ji ltar 'dod pa'i ngo bo nye bar len pa can med pa bsgrub par bya ba la ste/'di la ji ltar 'dod pa ste ji ltar kun tu brtags pa'i phyi rol gyi gtso bo la sogs pa'i ngo bo nye bar len pa yod pa zhes bya ba tshig rnam par sbyar ro/ /rnam par rtog pa'i snang ba 'di la 'dod pa'i ngo bo nye bar len pa can de'i rjes su 'gro ba dang ldog pa'i rjes su byed pa de ltar mi dmigs pa ste/sgrub par byed pa'i chos yod pa'i phyir sgrub par byed pa'i chos ma grub pa ma yin te/ phyogs kyi chos ma yin pa ni gtan tshigs ma yin no zhes bya ba'i don to/ /sbyor ba 'di la sgra las te/ /rnam par rtog pa snang ba'i don 'di nyid ni bsnyon par nus pa ma yin te/ sgra las byung ba'i rnam par rtog pa'i snang ba'i don zhes bya ba'i tha tshig go//ci'i phyir zhe na/ rnam par rtog pa snang ba'i don de nyan pa po'i blo la bskyed pa'i phyir/ sgra sbyor ba'i phyir ro/ /de med na ste rnam par rtog pa la snang ba'i don med na ni de rung ba ste sgra sbyor bar mi rung ba'i phyir ro// //bam po nyi shu rtsa gsum pa/gzhan yang gal te sgra'i don nyid la bsnyon pa sgrub pa de'i tshe/ sgra don bsnyon na bsgrub bya'i chos de'i rten sgra dang don gyi mtshan nyid can gyi chos de ni bstsal ba'i phyir ro/ /chos dang chos can gyi bdag nyid can gyis bsdus pa bsgrub byar mi 'gyur zhing med do zhes bya ba de tsam gyis chos tsam lus par 'gyur ba de yang yan gar chos kyang grub pa yin te yod pa ma yin no zhes bya ba de tsam gyis ni ma grub pa ma yin no//gal te zhes bya ba la sogs pas 'chad par byed pa la/ gtso bo'i sgra'i brjod par bya ba zhes bya ba ni gtso bo'i sgras bstan par bya'o/ /de bas na zhes bya ba ni de'i phyir ro/ / 'di ni bsgrub par bya ba'i chos so/ /gang rten gyis rnam par gcod pa ste khyad par 'di la 'di med pa nyid do/ /de la ltos pa med pa can zhes bya ba ni de la ltos pa med pa de ltar na rtsod pa'i gzhi ma yin pa ste med pa nyid can du 'grub pa nyid kyi phyir ro zhes bya ba'i gtan tshigs kyis grub pa'i dus su nye bar 'dod par bya ba nyid du mi 'gyur ro//sgra don bsnyon pa med pa rnams kyis zhes bya ba ni nye bar mtshon pa yin te/ de ltar na sgra'i don grub par mi byed pa dag gis zhes brjod par bya ste/ sgra'i don sgrub par mi byed pa dag gis sgra'i don bsgrub pa nyid kyi phyir dang bsnyon pa mi nus pa nyid kyi phyir go rims bzhin du yod pa nyid dang med pa nyid du dngos po nyid la brjod par bya'o zhes bya ba'i tha tshig go//yod med phyogs kyi bye brag gis/ /zhes bya ba ni yod pa dang med par dam bcas pa'i khyad par gyis/ dngos po nyid ni dpyad par bya'o/ /ci'i phyir zhe na/ 'di ltar dngos po 'di la 'bras bur ga las phyir sgra'i don la ni ma yin no//gal te de ltar na yang sgra'i don dpyad par bya ba yin no zhe na/ don zhes bya ba la sogs pa smos te/ sgra'i don byed nus pa ma yin la/ don byed par 'dod pa dag ni/ de 'dod brtag pas ci zhig bya/ /dpe bstan pa'i phyir ma ning zhes bya ba la sogs pa smos te/skyes pa'i dbang po dang bral ba ni/ ma ning gzugs bzang mi bzang zhes/ /yul de la 'khrig pa mngon par 'dod pa'o/ /'dod ldan rnams kyis brtags ci phan/ /sgra don zhes bya ba la sogs pas 'chad par byed de/ sgra'i don med pa ni skyes bu'i don byed cung zad kyang nye bar dgag pa ste dgag pa mi byed pa'am/yod pa ni yang dag par byed pa ste sgrub par byed pa ma yin no zhes ci rigs par sbyar ro/ /ci'i phyir zhe na/ mngon par zhen pa ji lta ba bzhin du ste ji ltar skyes bu'i sgra'i don la don byed pa'i nus pa nyid du mngon par zhen pa de ltar de kho na nyid du mngon par zhen pa de ltar kho na nyid du med pa ste/yod pa nyid ma yin pa'i phyir ro/ /de kho na nyid ji lta ba bzhin du ste/ ji ltar rang gi mtshan nyid gnas pa ste de ltar sgra'i don mi gnas pa nyid kyi phyir ro/ /gang gi phyir de ltar yin pa de bas na skyes bu 'di thams cad du ste/ dus thams cad du yod pa dang / med pa dpyad pa la 'jug pa na/rnam par rtog pa'i snang ba la ltos pa med par/ dngos po gang la skyes bu'i don 'di rag lus pa'i dngos po nyid la dmigs par byed cing yul du byed de/ dpe ni dper na zhes bya ba la sogs pa smos pa la/ me ni zhes bya ba ni me'i rang bzhin gyi mtshan nyid can nyid ni'o/ /sogs pa'i sgras ni sreg pa dang 'tshed pa la sogs pa gzung ngo //grang ba ldog par byed pa la sogs pa 'di la sgra'i don la nus pa yod pa ma yin no/ /ci'i phyir zhe na/ de nyams su myong bar 'gyur ba yin du zin kyang ste/ sgra'i don de ni rnam par rtog pa'i bdag nyid can yin pa'i phyir rang rig pas nyams su myong bar 'gyur kyang de med pa ste/grang ba la zlog par byed pa la sogs pas de med pa'i phyir ro/ /de bas na zhes bya ba de'i phyir skyes bu'i don byed par 'dod pa de ni mi nus pa la ste/ don byed pa de mi nus pa'i sgra'i don la gus pas rjes su sbyar zhing gus par byed par 'gyur ba rigs pa ma yin no/ /'dod ldan rnams kyi ste 'khrig par 'dod pa rnams kyis ma ning gzugs bzang ba dang gzugs mi bzang ba yongs su brtag pa la gus par mi 'gyur ro//gang yang 'di skad du slob dpon gyis brtags pa'i chos zhes bya ba la sogs pa gsungs pa la/ mu stegs byed kyis kun du brtags pa'i phyi rol gyi gtso bo nyid la sogs pa mi dmigs pa chos yin no zhes slob dpon gyis bshad na/khyod kyis sgra'i don dngos po nye bar len pa can nyid du mi dmigs pa chos su rnam par gzhag pa de ltar na 'gal ba med ces bya ba 'di ni 'dri ba po'i bsam pa'o/ /'dod pa gcig pa bstan pa'i phyir rtog pa'i zhes bya ba la sogs pa smos te/rtog pa'i shes pa'i yul nyid kyi phyir/ gtso bo la sogs pa'i rnam par rtog pa'i snang ba'i rnam pa sgra'i don ni brtags pa yin par 'dod kyi/ mu stegs byed kyis kun brtags pa'i phyi rol gyi gtso bo la sogs pa ni ma yin no/ /dngos po la rten par byed pa ni dngos po rten te/dngos po'i nye bar len par byed pa can nyid yin na/ der ma grub pa ni mi dmigs pa'o/ /sgra'i don 'di dngos po'i nye bar len pa med pa can du bsgrub par bya ba'i rtags su gyur pa'i chos su rigs par smra ba'i slob dpon phyogs kyi glang pos bshad pa yin no/ /gzhan dag ni bshad pa yin zhes bya ba bud med kyi rtags 'chad de/dngos rten ma grub bshad pa yin/ /zhes bya bar sbyar ro/ /ci zhig bshad ce na/ chos te sgrub par byed pa'i chos so/ /rtog pa'i zhes bya ba la sogs pas 'chad par byed pa la/ de ni zhes bya ba ni sgra'i don to/ /dngos rten ma grub ces bya ba'i rnam par 'grel pa ni/dngos po la brten pa mi dmigs pa zhes bya ba yin no/ /gzhan gyis tshad ma gsum zhes bya ba la sogs pa smras pa la/ tshad ma gsum log pa zhes bya ba mngon sum dang rjes su dpag pa dang lung log pa na dngos po med par ma grub pa yin no zhes bshad pa gang yin pa de/tshad ma gzhan log pa na zhes bya ba mngon sum dang rjes su dpag pa log pa na yul la sogs pas bskal pa'i dngos po dag ni log par mi 'gyur ro/ /ci'i phyir zhe na/ mngon sum dang rjes su dpag pa de dag ni ma lus pa'i yul can nyid ma yin pa'i phyir ro/ /lung gis ni ci zhig kyang ma khyab pa med de zhes bya ba ni thams cad la khyab par byed pa de log pa ste/lung gi log pa de ji ltar go bar byed pa ma yin te/ bskal pa can dag gis med pa go bar byed pa kho na yin no zhes bsams pa'o/ /slob dpon gyis 'dir zhes bya ba la sogs pa smos te/ rtsod pa 'di la bshad zin to//ci zhig bshad ce na/ lung dag tu zhes bya ba la sogs pa smos so/ /ci'i phyir nye bar sbyar bar ma byas she na/ skabs su bab pa nyid ma yin pa'i phyir te/ skyes bu'i don dpyad pa'i skabs la nye bar sbyar ba nyid ma yin pa'i phyir ro/ /bstan bcos skabs dang 'brel med dang / / dbang po las 'das rtags can min/ /zhes bya ba'i skabs su bshad zin to/ /gal te 'o na ci'i phyir yang phyogs snga mar byas she na/ lung ni phyi rol gyi don la tshad ma nyid yin pa bsal ba'i phyir ro/ /sngar ni khas blangs nas tshad mar bshad pa de nyid tshad ma nyid ma yin par bsgrub pa'i phyir gzhan yang zhes bya ba la sogs pa smos te/sgra rnams dngos po ste rang gi mtshan nyid dang lhan cig tu/ med na mi 'byung nyid med phyir/ /sgra de la don grub min te phyi rol gyi dngos po nges pa ma yin no/ /'o na de gang dag la tshad ma yin zhe na/ de dag ces bya ba la sogs pa smos te/ smra ba po brjod par 'dod pa'i don 'ga' zhig rnam par gnas pa ston par byed pa ste go bar byed pa yin no//de bshad par bya ba'i phyir/ sgra ni zhes bya ba la sogs pa la/ dngos po ji lta ba bzhin du zhes bya ba ni rang gi mtshan nyid ji lta ba bzhin du'o/ /gang gi phyir zhes bya ba ni dngos po ji lta ba bzhin du 'jug pa'i phyir sgra de dag la don gyi rang bzhin te/dngos po ngo bo nyid nges par gyur na sgra de dag ni smra ba po brjod par 'dod pa la rag lus pas 'jug pa can dag ste/ de la rag lus pa skye ba can zhes bya ba'i don to/ /de med na mi 'byung ba ste/ rjod par byed pa med na mi 'byung ba'o/ /de nyid ces bya ba brjod par 'dod pa kho na ni go bar byed pa yin par 'gyur gyi phyi rol gyi rang gi mtshan nyid kyi ni ma yin no//sgra dag ni brjod par 'dod pa'i go bar byed pa yin yang de'i phyi rol gyi rang gi mtshan nyid med par mi 'byung ba de bas na/ sgra rnams dang dngos po dag lhan cig 'brel pa yod pa yin no zhe na/ de'i phyir skyes bu zhes bya ba la sogs pa smos te/don ji lta ba bzhin te dngos po ji lta ba bzhin du 'gyur ba'i ngang tshul gang la yod pa de la de skad ces bya'o/ /nyes pa zad pa brtse ba dang ldan pa ni don ji lta ba bzhin du 'gyur ba can yin pa'i phyir/ skyes bu'i 'dod pa thams cad ces bya ba smos so/ /gal te don la rag lus pa med kyang sgras don go bar 'gyur ro zhe na/de la rag lus pa med pa'i zhes bya ba la sogs pa smos te/ dngos po de la rag lus pa med pa'i rang bzhin gyi sgra'i bdag nyid can gyi dngos po gang la yod pa zhes bya bar tshig rnam par sbyar ro/ /gang la rag lus pa med pa ni gzhan de'i go bar byed pa ma yin no zhes bya bar sbyar ro//gal te phyi rol gyi dngos po la sgra tshad ma nyid yod pa ma yin na/ 'on kyang gang 'di yid ches tshig ni mi slu ba spyi las te gang dang gang nyes pa zad pa'i tshig de dang de ni mi slu ba yin te/ dper na 'dus byas thams cad ni skad cig ma zhes bya ba la sogs pa lta bu'o//shin tu lkog tu gyur pa'i don la nyes par zad pa'i tshig 'di yang yin no/ /de bas na 'di yang mi slu ba yin no zhes bya ba de lta na nyes pa zad pa'i tshig ni mi slu ba spyi las rjes su dpag pa nyid yin pa de ltar na/ slob dpon gyi lung ni phyi rol gyi don la rjes su dpag pa nyid du gsungs pa yin no//ji ltar zhes bya ba la sogs pa 'dis ni khas blangs la gnod par smras pa'o/ /skyes bu 'di zhes bya ba la sogs pas ni lan 'debs par byed de/ 'di skad du slob dpon gyis dngos su tshad ma nyid du brjod pas lung rjes su dpag pa nyid du gsungs pa ni ma yin gyi/ 'on kyang skyes bu'i 'jug pa la ltos nas bstan pa yin no//gang gi phyir skyes bu 'jug par 'dod pa 'di lung gi tshad ma la ma brten par gzhag par nus pa ma yin no/ /ci'i phyir zhe na/ 'bras bu mngon sum du 'gyur ba ma yin pa lkog tu gyur pa gang dag la yod pa de dag la ste/ la la dag gis 'jug pa dang ldog pa zhes bya bas ci rigs par sbyar ro//'tsho ba la sogs pa'i sems pa'i khyad par ldog pa'i mtho ris la sogs pa'i 'bras bu nyid kyis phan yon chen po thob pa'i phyir dang / 'tshe ba la sogs pa'i sems pa la sogs pa'i khyad par dag gis 'jug pa'i dmyal ba la sogs pa nyid kyis ngan song chen po thos pa'i phyir ro//'di la yang dngos po'i stobs kyis zhugs pa'i gzhan sgrub par byed pa'i tshad ma yod pa ma yin na/ gang gi lung ltos pa med par tshad ma gzhan la 'jug par 'gyur zhing / gnod pa can yang yod pa ma yin la gang la ltos par 'gyur gnod pa can med pa nyid na de yod pa la zhes bya ba la sogs pa smos te/ji skad du bshad pa'i 'jug pa dang ldog pa las 'bras bu 'dod pa dang mi 'dod pa yod pa la 'gal ba ma mthong ba'i phyir ro/ /'di lung gi dbang gis 'jug par 'dod pa de bas na/ 'jug par bya ba yod na 'di ltar lung yongs su brtags nas 'jug pa yin pa'i phyir/slob dpon gyis lung brtags nas tshad mar gsungs so/ /bstan bcos thams cad yongs su brtags pa'i dbang du byas pa ma yin gyi/ 'on kyang de yang zhes bya ba la sogs pa la/ de yang zhes bya ba ni bstan bcos so/ /tshig gi don dag phan tshun 'brel pa'i phyir 'brel pa dang /bsgrub par bya ba'i phyir nus pa 'bras bu sgrub par byed pa'i rjes su mthun pa'i thabs gang yin pa de ni rjes su mthun pas thabs te/ 'brel pa yang de yin la rjes su mthun pa'i thabs kyang yin pas na zhes bya ba ni khyad par gyis bsdus pa'o/ / gzhan dag ni 'brel pa'i sgra ni dbang du byed pa'i rkyen gyi mtha' can yin par brjod de/ de yang / ngag gi tshig don 'brel pa med/ /ces bya ba dbang du byed pa sgrub pa yin par blta bar bya'o/ /de ltar na ngag gi sgra dang gzhi mthun par 'gyur ro/ /gal te de lta bur gyur pa yin yang skyes bu'i don ni rjod byed yin pa de'i tshe/ngag yongs su brtags pas dbang du byas pa yin no/ /ji skad du bshad pa'i rang bzhin de las gzhan pa yongs su brtags pas dbang byas min no/ /'brel pa ni zhes bya ba la sogs pas 'chad par byed de/ ngag rnams gtso bo dang gtso bo ma yin pa nyid kyis/sgrub pa dang dgag pa dang btang snyoms su bya ba'i don gcig la sdud pa ste/ 'phrod par byed pa des phan 'dogs par byed pa ste/ ston par byed pa ni ngag rnams kyis 'brel pa yin no/ /gang dag bsdur med pa yang yin zhe na/ se'u bcu zhes bya ba la sogs pa smos te/ se'u bcu dang / khur ba drug dang 'khar gzhong dang / pags pa dang / sha zhes bya ba de lta bu la sogs pa'i ngag rnams so/ /de dag ni don gcig la bsdur med pa yin te/ phan tshun ma 'brel pa'i phyir ro/ /de lta ma yin na zhes bya ba 'brel pa nyid yin na 'chad pa po ste bstan bcos byed pa mi mthun pa ste 'brel pa med pa brjod pa nyid ston par 'gyur ro//skyes bu 'bras bu 'dod pa 'bras bu gang la thabs nus pa med pa yod pa de ni thabs nus pa med pa can no/ /bstan bcos gang la de lta bur gyur pa'i 'bras bu yod pa de ni dpyad par bya ba'i phyir gus par mi 'gyur ro/ /de yang rjes su mthun pa thabs zhes bya ba de'i chos mi mthun pa nyid kyi sgo nas rnam par 'grel pa'o//bstan bcos gang la skyes bu'i don gyi 'bras bu yod pa de la de skad ces bya'o/ /de las gzhan pa skyes bu'i don gyi 'bras bu med pa can dpyad par bya ba'i phyir gus par mi 'gyur ro/ /thabs nus pa med pa can gyi 'bras bu can gyi dpe ni dug zhi bar bya ba'i phyir zhes bya ba la sogs pa yin te/gal te 'di ltar klu'i rgyal po 'jog po'i spyi gtsug na yod pa'i rin po ches rgyan byas na 'di dug gzhi bar byed do zhes bya ba de yang bsgrub par mi nus pa yin no/ /skyes bu'i don gyi 'bras bu med pa can gyi dpe ni/ bya rog gi so brtag pa lta bu'o zhes bya'o//de bzlog pa de ji skad du bshad pa'i gsum po de dag bzlog nas so/ /sdud pa dang ldan pa zhes bya ba 'dis ni 'brel pa dang zhes bya ba de dang / thabs nus pa can dang zhes bya ba 'dis ni rjes mthun thabs zhes bya ba bshad pa yin no/ /'brel pa la sogs pa gsum dang bral ba gzhan la gus par bya ba nyid ces bya ba dad pa ni'o//de ni zhes bya ba la sogs pa ji skad du bshad pa'i yon tan gsum dang ldan pa'i bstan bcos de ni yongs su brtag par byas pas na slu ba bsten par mi 'gyur ro/ /slu ba bsten pa med pa'i bstan bcos de la 'jug pa na skyes bu mdzes par 'gyur ro//bstan bcos 'di'i mi slu ba yang gang zhe na/ mthong ba dang zhes bya ba la sogs pa smos te/ don gyi sgra dang po ni brjod pa yin la gnyis pa ni yul brjod pa yin pa de bas na/ don ni mthong ba dang ma mthong ba'i dngos po mngon sum dang rjes su dpag pa'i yul gyi don de dag la go rims bzhin du mngon sum dang rjes su dpag pas gnod pa med pa bstan bcos 'di'i mi slu ba zhes bya ba 'di yin no//ci dngos po'i stobs kyis zhugs pa'i rjes su dpag pa kho nas gnod pa byed pa yin nam zhe na/ ma yin no zhes bstan pa'i phyir rnam pa gnyis kyang zhes bya ba smos te/dngos po stobs kyis zhugs pa dang lung la brten pa zhes bya ba'i don to/ /mngon sum gyis zhes bya ba la sogs pas 'chad par byed de/ bstan bcos la mngon sum du 'dod pa ste/ mngon sum nyid du khas blangs pa'i don dag la de bzhin nyid du 'gyur ba ste mngon sum du 'gyur ba ni mngon sum gyis gnod pa med pa'o//dper na zhes bya ba la sogs pas rang gi grub pa'i mtha' la mngon sum du 'dod pa'i don phung po lngas bsdus pa ston par byed do/ /sngon po la sogs pa zhes bya ba 'dis gzugs la sogs pa yul lnga bstan to/ /'dis ni gzugs kyi phung po bshad pa yin no bde ba dang sdug bsngal zhes bya ba ni tshor ba'i phung po ste/nyams su myong ba gsal ba nyid kyi phyir bde ba dang sdug bsngal gzung gi 'dir btang snyoms kyang blta bar bya'o/ /rgyu mtshan ni skyes bu la sogs pa'i rtags de 'di nye bar mtshon par byed pa'o/ /'dis ni 'du shes kyi phung po'o/ /'dod chags la sogs pa smos pas 'du byed kyi phung po'o//sogs kyi sgras ni zhe sdang dang gti mug la sogs pa gzung ngo / /blo smos pas ni rnam par shes pa'i phung po'o/ /sngon po la sogs pa dang bde ba dang sdug bsngal dang rgyu mtshan nye bar mtshon par byed pa dang 'dod chags la sogs pa dang blo dang zhes bya ba ni zlas dbye ba'o//bstan bcos la mngon sum du 'dod pa de dag ni mngon sum kho na yin te/ sngon po la sogs pa dag ni mig gi rnam par shes pa la sogs pa'i mngon sum nyid yin pa'i phyir ro/ /bde ba la sogs pa dag kyang rang rig pa'i mngon sum nyid yin pa'i phyir ro/ /rang rig pa'i mngon sum yang 'og nas bsgrub par 'gyur ro//de ltar mngon par 'dod pa ma yin pa dag ni mngon sum du 'dod pa ma yin pa'i don kyang mngon sum nyid ma yin te/ mngon sum gyis gnod pa med pa zhes bya ba'i skabs yin no/ /mngon sum du 'dod pa ma yin pa dag kyang dper na zhes bya ba la sogs pas bstan to//gzhan dag gis mngon sum nyid du bstan pa gang dag yin pa de dag ni sangs rgyas pa'i grub pa'i mtha' mngon sum dag ma yin te/ rnam par dpyad par gyur pa'i de dag kyang mngon sum nyid ma yin pa kho na'o/ /bde ba la sogs pa ste sdug bsngal dang gti mug gang dag la sgra la sogs pa'i ngo bor zhen pa'i ngang tshul gang yin pa de dag ni mngon sum nyid ma yin no//nang gi dga' ba dang yongs su gdung ba'i ngo bo bde ba dang sdug bsngal du myong bar 'gyur gyi/ gzhan sgra la sogs pa'i ngo bo zhen pa'i bde ba la sogs pa'i ngo bo 'ba' zhig ma yin no/ /de ltar grangs can gyi 'dod pa spong ba'i sgo nas bshad nas/bye brag pa la sogs pa'i 'dod pa spangs pa'i phyir rdzas dang zhes bya ba la sogs pa smos te/ rdzas ni yan lag can gyi ming ngo / /las ni 'degs pa la sogs pa'o/ /spyi ni yod pa nyid dang ba lang la sogs pa'o/ /sogs pa'i sgras ni rnam par phye ba la sogs pa gzung ngo //sngon po la sogs pa'i yul ma gtogs par gzhan mngon sum nyid du yod pa ma yin te/ de ma gtogs par mi dmigs pa'i phyir dang spyi mngon sum nyid ma yin pa ni bshad zin to/ /rdzas la sogs pa dag kyang le'u gsum pa las ston par 'gyur ro/ /dngos po'i stobs kyis zhugs pa'i rjes su dpag pa ni lung la ltos pa med pa'i rjes su dpag pa yin te/de'i yul nyid du 'dod pa dag la de bzhin du 'gyur pa ste/ rjes su dpag pa'i yul du 'gyur ro/ /de'i yul du 'dod pa rjes su dpag pas gnod par byed pa ni dper na zhes bya ba la sogs pa smos te/ de yang 'og nas le'u gnyis pa las ston par 'gyur ro//rjes su dpag par bya ba ma yin pa dag ni de ltar 'gyur te zhes bya ba ni rjes su dpag par bya ba ma yin pa nyid do/ /gang dag ce na/ dper na bdag la sogs pa lta bu'o zhes bya ba smos te/ sogs pa'i sgras ni gtso bo dang dbang phyug la sogs pa gzung ngo / / de dag ni gang gi rjes su dpag par bya bar 'gyur ba'i rtags cung zhig kyang yod pa ma yin no/ /re zhig rang bzhin gyi rtags ni ma yin te de'i rang bzhin nyid ni bsgrub par bya ba'i rang bzhin nyid yin pa'i phyir ro/ /'bras bu'i rtags kyang ma yin te rtag pa dag gi 'bras bu mi rung ba'i phyir ro/ / dngos po stobs kyis zhugs pa'i tshad ma gnyis kyis lung rnam par dag pa'i dus phyis tshad ma khas len pa can gyi bstan bcos kyi chos can rnam par gzhag nas/ snga phyi 'gal ba rjes su dpag pa'i phyir/ gang gi tshe khyad par dpyod pa la 'jug pa de'i tshe lung la ltos pa'i rjes su dpag pa ste/lung la ltos pa'i rjes su dpag pa de la gnod pa med pa zhes bya ba'i skabs yin no/ /de la gnod pa med pa yang ci 'dra ba zhig ce na/ dper na 'dod chags zhes bya ba la sogs pa smos te/ 'dod chags la sogs pa'i ngo bo ste/ 'dod chags dang / zhe sdang dang / gti mug gi rang bzhin chos ma yin pa khas blangs pa dang /de las byung ba ste 'dod chags la sogs pas kun nas bslangs pa'i lus dang ngag gi las chos ma yin pa khas blangs nas/ de spangs pa ste chos ma yin pa de bsal ba'i phyir khrus dang me la sbyin sreg la sogs pa dang / 'bab stegs kyi khrus kyis sdig ba zad par 'gyur zhing /gang gi ched du me la mar la sogs pa'i sbyin sreg byas pas sdig pa zad par 'gyur ro zhes bya ba de lta bu la sogs pa ma bstan to/ /sogs pa'i sgras ni zas gcod pa la sogs pa gzung ngo / /de ltar na khrus la sogs pas sdig pa ldog par byed pa ma yin te/ sdig pa'i nye bar len pa 'dod chags la sogs pa dang 'gal ba med pa'i phyir ro//gang zhig gang gi rgyu la gnod pa mi byed pa de ni de'i gnod pa can ma yin te/ dper na bad kan can gyi nad la mngar ba dang bsil ba dang snum pa'i rdzas dag gnod pa can ma yin pa dag lta bu'o/ /khrus la sogs pa ni sdig pa'i rgyu la gnod pa byed pa ma yin no zhes bya ba ni khyab par byed pa 'gal ba dmigs pa'o//bshad ma thag pa'i mngon sum dang rjes su dpag pa rnam pa gnyis kyis yongs su gcod par nus te/ yongs su gcod par nges pa'i gnod pa med pa'i mtshan nyid can gyi rnam par dag pa de ni mi slu ba yin no//nyes pa zad pa'i tshig de ni mi slu bar mtshungs pa'i phyir te/ ci ltar mngon sum dang rjes su dpag pas mi slu pa'i don yongs su gcod par nus pa la nyes pa zad pa'i tshig mi slu ba de ltar shin tu lkog tu gyur pa yang yin te/ nyes pa zad pa'i chog nyid yin pa'i phyir ro/ /de bas na don la mi slu ba nyes pa zad pa'i tshig gi mtshan nyid can gyi rtags las byung ba'i blo ni rjes su dpag pa nyid du slob dpon gyis brjod do//yul gang la zhe na/ 'di'i lkog tu gyur pa'i yul la zhes bya ba smos te/ bstan bcos 'di'i lkog tu gyur pa zhes bya ba shin tu lkog tu gyur pa'i yul te spyod yul la yang ngo //de yang go skabs med de rnam pa gzhan gyis shin tu lkog tu gyur pa la 'jug pa med pa'i phyir ro/ /'jug pa yod na de ltar 'jug par bya'o/ /de lta bur gyur pa zhes bya ba la sogs pas 'chad pa la/ de dang 'di zhes bya ba ni ming thams cad pa gnyis kyis ni chod pa dang thag nye ba'i tshig yin te/'di skad du slob dpon phyogs kyi glang pos bstan pa'i rjes su dpag pa nyid can de dang / kho bo cag gis 'brel pa dang ni rjes mthun thabs zhes bya ba la sogs pas rnam par dpyad par bya ba 'di ni zhes ston par byed do/ /de nyid kyi phyir de lta bur gyur pa'i zhes bya ba smos te/ 'brel pa la sogs pa'i yon tan ldan pa zhes bya ba'i don to//mngon sum dang rjes su dpag pas go bar bya ba'i dngos po de la mi slu bar mtshungs pa'i rgyu'i phyir ma mthong bar 'khrul pa med pa can te/ nyes pa zad pa'i tshig mngon sum dang rjes su dpag pas go ba ma yin pa'i don te yul nyes pa zad pa'i tshig las byung ba'i rtogs pa ni mi slu ba'i rjes su dpag par bya ba yin no//ci'i phyir zhe na/ de la brten pa nyid kyi phyir te nyes pa zad pa'i tshig la brten pa nyid kyi phyir ro/ /de las gzhan pa'i rtogs pa dang 'dra ba ste/ shin tu lkog tu gyur pa las gzhan pa ste/ mngon sum dang rjes su dpag pas go bar bya ba'i yul rtogs pa lta bu'o//sbyor ba yang gang dang gang ji skad du bshad pa'i lung gi khyad par la brten pa'i rtogs pa de dang de ni mi slu ba can yin te/ dper na mngon sum dang rjes su dpag pas go bar bya ba'i don ma lus par rtogs pa lta bu'o/ /shin tu lkog tu gyur pa'i don rtogs pa yang ji skad du bshad pa'i lung gi khyad par la brten pa yin no zhes bya ba ni rang bzhin gyi gtan tshigs so//mngon sum dang rjes su dpag pas go bar bya ba'i gnas bshad pa gang yin pa de nyid kyis gnas gsum pa bshad pa yin no zhes gang la nges pa yin/ de bas na 'dir shin tu lkog tu gyur pa'i rtogs pa yang ji skad du bshad pa'i lung gi khyad par la brten pa zhes bya ba gtan tshigs la the tshom za ba'i ma grub par 'gyur ro zhe na/nyes pa 'di ni med de/ re zhig bstan pa thag nye ba can gyi nyan pa po gang yin pa de dag ni ston pa gcig gis gnas gsum pa yang bstan par 'gyur ba na/mngon sum nyid du khong du chud pa'i phyir/ de lta bas kyang nyes pa zad par byas pa las kyang yin te/ nyes pa zad pa'i tshig gi mtshan nyid can yin pa'i phyir ro/ /de skad du bcom ldan 'das kyis mdo sde la sogs pa 'jug pa ste/ 'dus byas thams cad ni skad cig ma/ chos thams cad ni bdag med pa/mya ngan las 'das pa ni zhi ba'o zhes bya ba'i chos rnam pa gsum la lugs las bzlog pa med pa gang yin pa de ni/ nga 'das nas kyang khyed cag gis sangs rgyas kyi bka' nyid du gzung bar bya'o zhes gsungs so/ /gnas gsum pa yang chos nyid lugs las ldog pa med par gnas pa yin te/skad cig ma dang bdag med pa la sogs pa med pa dang ldan pa'i gnas gsum pa bstan pa'i phyir dang / chos nyid dang 'gal ba'i nyes pa zad pa'i tshig lo khas ma blangs pa'i phyir ro/ /gal te nyes pa zad pa'i tshig gi mtshan nyid nyes pa zad par byas pa de nyid yin no zhes gang las nges she na/rigs pa dang ldan pa nyid kyi phyir ro/ /gang gi phyir yul thams cad la rigs pa dang ldan par smra ba po yin pa de nyid ni 'jug par 'dod pa yid ches par bya ba yin te/ zhar la 'ongs pas chog go/ /shin tu lkog tu gyur pa'i don la ji skad du bshad pa'i don la mi slu ba des na/ ji skad du bshad pa'i lung la brten pa'i blo'i sgras rab tu bshad pa can yin du zin kyang ste/gang la sgra las byung zhing skye ba yod pa zhes bya bar tshig rnam par sbyar ro/ /sgra las byung ba 'dra bar zhes bya ba ni ji ltar sgra las byung ba'i rkyen gzhan tsam ston par byed pa de bzhin du blo 'di ni bsam pa nyid ston par byed pa ni ma yin no//de ltar mngon sum dang rjes su dpag pas rtogs pa'i don la bstan ma thag pa'i tshul du mi slu ba'i phyir rjes su dpag pa yang yin te/ skyes bu 'jug par 'dod pa'i bsam pa'i dbang gis so/ /blang bya dang ste nyon mongs pa thams cad spangs pas mya ngan las 'das pa dang dor bya ni sdug bsngal thams cad do//de dag gi de nyid ni phyin ci ma log pa'i ngo bo ste/ sdug bsngal gyi bden pa dang 'gog pa'i bden pa zhes bya ba'i don to/ /blang bar bya ba dang dor bar bya ba'i de kho na nyid thabs dang bcas par 'jug pa gang yin pa de ni thabs bcas so/ /dor bar bya ba'i thabs ni kun 'byung gi bden pa'o//blang bar bya ba'i thabs ni lam gyi bden pa'o/ /blang bar bya ba dang dor bar bya ba de nyid thabs dang bcas par bcom ldan 'das kyis bstan pa 'di ni dngos po'i stobs kyis 'ongs pa'i tshad mas rab tu nges pa ste rab tu grub pa'i rgyu'i phyir ro/ /bcom ldan 'das kyis bstan pa'i bden pa bzhi'i mtshan nyid can gyi gtso bo'i don las mi slu ba ste/bden pa bzhi'i don gyi gtso bo de khong du chud pas mya ngan las 'das pa thob pa'i phyir ro/ /gtso bo'i don la slu ba med pa de'i phyir shin tu lkog tu gyur pa'i don gzhan la bcom ldan 'das kyi bka' las skyes pa'i shes pa ni rjes su dpag pa yin no//'ang gi sgra ni rab tu dbye ba snga ma la ltos nas rnam par rtog pa'i don to/ /blang bar bya ba dang dor bar bya ba dag gi thabs ni de'i thabs te/ blang bar bya ba dang dor bar bya ba'i thabs zhes bya ba ni zlas dbye ba'o/ /des bstan pa dag la ste/ yid ches pa des bstan pa de dag la rjes su dpag pas brtags pas na yang phyin ci log med cing de kho na bzhin yin pa ni mi slu ba yin te/dper na sdug bsngal la sogs pa'i 'phags pa'i bden pa bzhi po dag le'u gnyis pa las 'chad par 'gyur ba'i tshul te dpyad pa lta bu'o/ /de dang 'di ni zhes bya ba ni bcom ldan 'das kyis gong du bstan pa de dang de ni rnam par 'chad pa nyid kyi phyir bden pa bzhi'i mtshan nyid can 'di'o//ji lta bur 'gyur zhe na/ skyes bu'i don la nye bar mkho ba can te/ skyes bu'i don ni mya ngan las 'das pa yin la/ de nye bar mkho ba ni rgyu nyid de/ de gang la yod pa de ni skyes bu'i don la nye bar mkho ba can no/ / de nyid kyi phyir goms par bya bar 'os pa ste/ mngon par sbyar bar 'os pa ni mi slu ba'i phyir mngon sum dang rjes su dpag pas go bar bya ba ma yin pa'i yul gzhan la yang kho na bzhin du khas blang bar bya ba zhes bya ba mi slu bar khas blang bar bya ba'i phyir ni ma yin te/ gtso bo ma yin pa'i don la slu ba'i phyir rtag pa ni ma yin no zhes bya ba'i don to//ci'i phyir zhe na/ 'gal ba med pa'i phyir te/ skyes bu'i gtso bo'i don la tshad mas slu ba med pa can la gnod pa med pa'i phyir ro/ /gnas gsum pa la khas blangs pa'i mi slu ba'i tshig ni skyes bu'i don gyi skabs dang 'gal ba cung zad kyang yod pa ma yin no//bden pa bzhi phyin ci ma log par ston par mdzad pa ni gtso bo'i don la 'jig rten slu ba ma yin te/ gtso bo'i don la skyes bu ma bslus pas gnas gsum pa la yang 'chad pa po yang dgos pa med par ldog par ston pa gang yin pa de ni 'bras bu med pa'i phyir ro/ /gal te skyes bu gtso bo'i don la slu bar byed pa yin la/gzhan la phan pas 'jug pa dbang po las 'das pa'i don mthong ba can yin na/ gdon mi za bar 'ga' zhig la gzhan mi slu bar 'gyur ba yin pa de'i dbang po las 'das pa'i don mthong ba nyid ni nges par nus pa ma yin no/ /de bas na rigs pas bgrod par bya ba'i skyes bu'i don la mi slu ba yin gyi mi shes pa nyid kyis na shin tu lkog tu gyur pa la slu bar yang 'gyur ro zhe na/nges par mi nus pa can gyi don 'di nyid ni bden te/ 'on kyang skyes bu'i 'jug pa la ltos nas de ltar rnam par gzhag pa yin no/ /de nyid bstan pa'i phyir de dang zhes bya ba la sogs pa smos pa la/rnam pa gnyi gas kyang zhes bya ba ni tshigs su bcad pa gnyis bstan pa rnams so/ /de dang de go skabs med pas lung ni rjes su dpag pa nyid du brjod pa yin no zhes bya bar sbyar ro/ /rjes su dpag pa'i rgyu nyid yin pa'i phyir rjes su dpag pa nyid yin zhes bya bar blta bar bya'o//lung la 'jug pa yod na de lta bu'i lung gi 'brel pas 'jug par bya ba'i don kho na nyid la mi slu bar byed pas ni ma yin no/ /de ltar na ste/ bshad pa'i rnam pas kyang lung la brten pa'i shes pa nyes pa med pa ma yin te skyon dang bcas pa yin no/ /ci'i phyir zhe na/ sgra dag ni don rnams la med na mi 'byung ba nyid ma yin te/'brel pa med pa'i phyir ro zhes bya ba ni/ sgra rnams dngos dang lhan cig tu/ /med na mi 'byung nyid med phyir/ /zhes bya ba la sogs pas bstan zin to/ /skyes bu'i phul du byung ba nyid ni nyes pa zad pa nyid la sogs pa'o/ /de la ltos pa'i tshig gang yin pa de ni ji bzhin don du gzhan gyis shes te/rab tu shes par 'gyur ro/ /don ji lta ba bzhin du dngos po ji ltar gnas pa de bzhin du mthong ba ste shes pa ni don ji lta ba mthong ba'o/ /gang la de dang bar byas pa'i rtse ba dang 'dod chags dang bral ba la sogs pa yod pa de ni don ji lta ba bzhin du mthong ba la sogs pa'o//de nyid yon tan yin te/ de dang ldan pa'i skyes bu ni nyes pa zad pa'o/ /des byas pa ni nyes pa zad pa des sbyar ba ste/ lung ni mi slu ba zhes bya'o zhes bya ba ni gzhan dag gi'o/ /grub pa'i mtha' smra bas gal te zhes bya ba la sogs pa smos te/ bshad ma thag pa'i don gang yin pa de nyid ni kho bo cag 'dod pa kho na yin te/kho bo cag ni de lta bur gyur pa spong bar ni mi byed do/ /'on kyang gal te don ji lta ba bzhin du mthong ba la sogs pa'i mtshan nyid can gyi phul du byung ba de skyes bus nges par shes par nus na de yang shes par mi nus so/ /rtog pa zhes bya ba la sogs pas 'chad par byed de/rtog pa sngon du gtong ba thams cad ni lung ngam lung ma yin pa tshol bar byed pa ste dpyod par byed do/ /lung ma yin pa btang nas lung gi sgo nas 'jug pa can te/ lung gi don la nan tan du byed par 'dod pa yin gyi/ phongs pa ste chags pas ni ma yin no/ /'jug pa 'dod pa can de nyid kyang ji ltar zhes bya ba la sogs pas ston par byed do//ji ltar yang zhes bya ba ni srid par gyur pa'o/ /'di la zhes bya ba ni lung las so/ /nan tan du byas pa ste/ mngon sum byas pa'i don shes nas 'jug pa na don dang ldan par 'gyur te/ 'bras bu dang ldan par 'gyur ro/ /de ltar skyes bu tshol bar byed pa na mthong bar nus pa can te nges pa mngon sum dang rjes su dpag pas shes par bya ba'i don gang yin pa de la/mngon sum dang rjes su dpag pa dag gis gnod pa med pa ni slu ba med pa ste/ de nyid rkyen de dmigs pa des mngon sum dang rjes su dpag pas shes par bya ba ma yin pa'i don gzhan dag la yang 'jug nus par 'gyur ro//ci'i phyir zhe na/ 'jig rten gyi tha snyad ni de ltar phal che ba can nyid kyi phyir ro/ /de ltar zhes bya ba ni yul gcig la mi slu ba mthong bas 'jig rten pa'i tha snyad gang la gzhan la 'jug pa phal che ba yod pa de la de skad ces bya'o/ /gal te skyes bu nyes pa zad pa gang yin pa de'i tshig las 'jug par bya'o zhes de ltar 'dod pa de'i tshe/skyes bu yongs su brtags nas 'jug par khas len par 'gyur ba na mi 'jug pa kho nar 'gyur ro 'jug pa nyid du mi 'gyur ro/ /ci'i phyir zhe na/ de lta bur gyur pa'i don ji lta ba bzhin du mthong ba la sogs pa'i yon tan dang ldan pa'i skyes bu de shes par mi nus pa nyid kyi phyir ro//'jug pa med par brgal ba yin gyi/ don ji lta ba bzhin du mthong ba la sogs pa'i yon tan dang ldan pa'i skyes bu dag mi 'dod pa'i phyir yang ma yin no/ /de lta bur gyur pa nyid ni yod pa ma yin no zhes kho bo cag 'dod pa kho na yin te/de dag kyang bden pa smra ba yin no/ /ci'i phyir zhe na/ don ji lta ba bzhin du mthong ba la sogs pa'i yon tan dang ldan pa'i skyes bu de 'dra ba dag ni phyin ci ma log par ston pa'i phyir te/ dngos po ji ltar gnas pa bzhin du ston par mdzad pa nyid kyi phyir ro/ / de lta bur gyur pa'i skyes bu shes par mi nus pa yang / ci'i phyir zhe na/ tshad ma rnams ni zhes bya ba la sogs pa smos te/ skyes bu 'di ni 'di ltar nyes pa dang ldan pa'am/ min te nyes pa dang ldan pa ma yin te 'on kyang nyes pa med pa can ni zhes bya ba ni de ltar te/ gzhan nyes pa med kyang rtogs dka' zhes ni gzhan gyis shes nyes med kyang zhes bya ba de la ltos nas rtogs dka' ba'i zhes bya ba bud med kyi rtags tshig gcig par bstan te/gzhan nyes pa zhes bya ba de la ltos nas rtogs dka' zhes bya ba rnam par bsgyur la skyes pa'i rtags kyis mang po'i tshig rnam par sbyar bar bya'o/ /ci'i phyir zhe na/gzhan gyi yon tan dang nyes pa nges par byed pa dag gi/ tshad ma rnams ni rnyed dka'i phyir te/ thob par dka' ba nyid kyi phyir ro/ /skyes bu dag ces bya ba la sogs pas 'chad par byed de/ skyes bu gang dag la yang dag pa dang log par 'jug pa'i lus dang ngag gi las kyi mtshan nyid can yod pa de dag ni yang dag pa dang log par 'jug pa can yin no//sems las byung ba ni sems las byung ba ste/ yon tan dang skyon dag go/ /sems las byung ba'i yon tan snying rje dang 'dod chags dang bral ba dang rtogs pa la sogs pa'i rgyu dag las yang dag par 'jug pa can dang / sems las byung ba'i skyon zhe sdang la sogs pa'i rgyu las log par 'jug pa can yin no zhes bya ba'i don to/ /dgongs pa 'ga' zhig gis blo sngon du song ba can gyi bsam pa log par ston pa las/ lus dang ngag gi las la yang dag par log par 'jug pa can dag ma yin no zhes bsams pa'o/ / de yang zhes bya ba gzhan dag gi sems las byung ba'i yon tan dang skyon dbang po las 'das pa ste/ mig gi dbang po la sogs pa dag las shin tu 'das pa de bas na mngon sum gyis yongs su gcad par bya ba ma yin no/ /rjes su dpag par bya bar 'gyur na yang rang bzhin gyi rtags kyis ni ma yin te/rang bzhin nyid ni bsgrub par bya ba nyid yin pa'i phyir ro/ /'on kyang rjes su dpag pas rang ste yon tan dang skyon gyi rang bzhin las byung zhing skyes pa'i lus dang ngag gi las gang la yod pa'i 'bras bu'i rtags des rjes su dpag par bya ba dag yin na/ de yang yod pa ma yin te/ gang gi phyir lus dang ngag gi mtshan nyid can gyi tha snyad kyang phal cher mang du blo sngon du gtong ba zhes bya ba so sor brtags pa bsam pa las rnam pa gzhan du yang bya bar nus te/'di ltar 'dod chags dang bcas pa yin yang 'dod chags dang bral ba bzhin du bdag nyid ston par byed cing 'dod chags dang bral ba yang 'dod chags dang bcas pa bzhin du ston par byed do//ci'i phyir zhe na/ tha snyad dag ni skyes bu'i 'dod pas 'jug pa can nyid yin pa'i phyir ro/ /gang la skyes bu'i 'dod pas 'jug pa yod pa zhes bya bar tshig rnam par sbyar ro/ /gal te skyes bu'i 'dod pas 'jug pa can yin pa de ltar na yang ci'i phyir rnam pa gzhan byed ce na/de dag kyang zhes bya ba smos te/ skyes bu gang dag la tha snyad 'dogs par 'jug pa can yin pa de dag kyang bsam pa sna tshogs pa nyid de/ 'dod pa tha dad pa can yin pa'i phyir ro/ /de bas na ji ltar 'dod pa bzhin du tha snyad la 'jug pa'i phyir/ yon tan dang skyon las byung ba'i tha snyad dag ni tha dad pa'i nges pa yod pa ma yin no//de bas na zhes bya ba ni de'i phyir te/ rjes su dpag pa'i skyes bu 'di ni gtan tshigs 'chol ba ste/ gtan tshigs 'khrul pa'i phyir skyes bu nyes pa zad pa nges pa med pa yin no/ /ji ltar lung byed pa po'i rtogs par 'gyur te ma yin no zhes bya ba ni mjug bsdu ba'o//mi 'dod pa'i phyir ni ma yin te de 'dra ba ni phyin ci ma log pa ston pa'i phyir ro zhes bya ba la sogs pas nyes pa ma lus pa zad par 'dod pa zhes bya ba de khas blangs nas srid pa'i tshad ma bstan pa'i sgo nas de bsgrub par 'dod pa'i phyogs snga ma ci ste gang zhes bya ba la sogs pas 'god par byed do//gang nyes pa med pa ni nyes pa dang bral pa ste/ /de 'dra ba'i skyes bu yod pa nyid ma yin nam zhe na/ yod do zhes bstan pa'i phyir 'grib pa zhes bya ba la sogs pa smos te/ gnyen po'i phyogs mngon sum du 'gyur ba na 'grib pa ste ma bsags pa dang /gnyen po'i phyogs mngon sum du ma gyur pa na phul du byung ste/ nye bar bsags pa bstan pa'i 'dod chags la sogs pa'i dngos po gang yin pa de dag 'grib pa dang phul du byung ba bsten pa dag go/ /de dag kun mi mthun phyogs dang bcas pa nyid phyir te/ gang gi mngon sum du gyur pa dang mi 'gyur ba 'grib pa dang phul du byung ba brten pa de dag de nyid mi mthun pa'i phyogs te gnod pa can yin no//de dang bcas pas 'jug pas na mi mthun phyogs dang bcas pa ste/ de'i dngos po yin pa de nyid kyi phyir ro/ /gnod pa can dang bcas pa nyid kyi phyir zhes bya ba'i don to//gnod pa byed pa can gang gis nyes pa dag gi mi mthun pa'i phyogs dang bcas pa nyid kyis gnod pa can de goms pa yang dang yang du rgyun mi 'chad par skyes pa las bdag gyur pas te/ der 'dod cing de'i bdag nyid du gyur pa nyid de gnod pa can gyi bdag nyid du gyur pa de'i phyir/ nyes pa'i gnyen po'i phyogs kyi bdag nyid du gyur pa'i rgyud la lar zag pa 'dod chags la sogs pa zad cing nyams par 'gyur ro/ /nyes pa thams cad kyi gnod pa can ni/ bdag med pa'i shes pa yin no zhes le'u gnyis pa las ston par 'gyur ro/ /de bas na de lta bur gyur pa'i skyes bu ni 'dod pa ma yin gyi/skyes bu ston pa po zag pa zad pa de yang shes par dka' ba yin no zhes de tsam zhig smra'o/ /nyes pa ni zhes bya ba la sogs pas tshig le'ur byas pa'i don ston pa yin te/ nyes pa ni 'dod chags la sogs pa'o/ /ci lta bur gyur pa zhig ce na/ 'grib pa dang phul du byung ba'i chos can te/khyad par du byed pa dang mi byed pa'i rang bzhin can du yod pa mi mthun pa'i phyogs zil gyis gnon pa khyad par du byed pa dang mi byed pa ste/ /mi mthun pa'i phyogs kyis byas pa'i zil gyis non cing gsal ba gang yin pa de'i khyad par du byed pa dang mi byed pa sgrub par byed cing go bar byed do//'grib pa'i chos can gyis mi mthun pa'i phyogs zil gyis gnon pa'i khyad par du byed pa sgrub par byed cing gnod pa can gyis zil gyis gnon pa'i khyad par du byed pas nyes pa dag 'grib pa'i phyir ro/ /phul du byung ba'i chos can gyis zil gyis gnon pa'i khyad par du byed pa sgrub par byed de/gnod pa can gyis zil gyis gnon pa smos pas de dag phul du byung ba'i chos can nyid yin pa'i phyir ro/ /me la sogs pa dang 'dra bar zhes bya ba la sogs pa'i sgras ni grang ba dang dro ba'i reg pa la sogs pa gzung ngo / /dper na me la sogs pa dag ni chu la sogs pa gnod pa can khyad par du gyur pa dang /khyad par du gyur pa med pa yod na 'phel ba dang 'grib pa'i chos can dag gis go rims bzhin du chu la sogs pa zil gyis gnon pas khyad par du gyur pa dang khyad par du gyur pa med pa sgrub par byed pa de dang 'dra'o/ /'dod chags la sogs pa dag ni phyi rol gyi don la rag las pa yin la/phyi rol gyi dngos po yang dpyad par mi nus pa ma yin nam/ bcad par mi nus pa de'i phyir nyes pa dag bcad par mi nus pa yin zhe na/ de'i phyir de dag ni zhes bya ba smos pa la ni'i sgra ni gang gi phyir gyi don to/ /'dod chags la sogs pa de dag ni rnam par rtog pa las byung ba can dag ste/ tshul bzhin ma yin pa yid la byed pa'i mtshan nyid can gyi rnam par rtog pa las skyes pa de dag la zhes tshig rnam par sbyar ro//'di ltar tshul bzhin ma yin pa yid la byed pa med pa'i phyi rol gyi don yod na yang 'dod chags la sogs pa skye bar mi 'gyur la/ de sngon du bya ba yod na don med par yang skye bar 'gyur ba de bas na/rjes su 'gro ba dang ldog pa'i rjes su byed pa'i phyir 'dod chags la sogs pa ni rnam par rtog pa las byung ba can yin no/ /gang gi phyir rnam par rtog pa las byung ba de'i phyir ji skad du bshad pa'i mtshan nyid can gyi rnam par rtog pa nye bar len pa yod na yang / bdag med par ston pa'i mtshan nyid can gyi yad kyi yon tan 'ga' zhig goms pa la nang gi nye bar len pa la gus pa med par khyad par du gyur pa med pa ste/'phel ba med pa can du 'gyur ro zhes bya ba'i don to/ /de skad du re zhig 'di ltar gnyen po'i phyogs shin tu gsal ba med pa'i phyir/ nyes pa'i rgyu rnam pa thams cad du gcad pa med pa de lta na yang /gnyen po'i phyogs goms pas nus pa nyams par byas pa can gyi zhu nye bar len pa las khyad par du gyur pa med par byed de nyung zhing ches nyung bar 'gyur ro 'dis ni gtan tshigs bshad pa yin no/ /gang gi tshe ji skad du bshad pa yin gyi yon tan bsgoms pa rab kyi mthar phyin pa la gnas pas gsal por gyur pa de'i tshe/de gsal ba na ste/ yid kyi yon tan gsal ba na yod na'o/ /'di rgyu mtshan gyi bdun pa'o/ /rjes su 'gro ba ni nyon mongs pa'i sa bon te/ 'di las nyes pa dag skye ba'i phyir rjes su 'gro ba zhes bya'o/ /'jig pa gang la rjes su 'gro ba yod pa ma yin pa de ni rjes su 'gro ba med pa can gyi 'jig pa'o//nyes pa gang dag la chos de yod pa de dag ni rjes su 'gro ba med pa can gyi 'jig pa'i chos can te/ bag chags dang bcas pa'i 'jig pa'i chos can zhes bya ba'i don to/ /me la sogs pa dang 'dra ba ste/ dper na me la sogs pa ni chu la sogs pa mi mthun pa'i phyogs shin tu khyad par gyur pa yod na/shin tu 'jig pa'i chos can yin pa de dang 'dra'o/ /sbyor ba yang gang dang gang nye ba las khyad par du gyur pa med pa'i chos can de dag ni de shin tu 'phel bar gyur pa na de dag zil gyis gnon pa'i phyir rjes su 'gro ba med pa can gyi 'jig pa'i chos can yin te/dper na me la sogs pa ni chu la sogs pa zil gyis gnon pa 'phel ba lta bu'o/ /nyes pa dag kyang bdag med pa mthong ba nye ba las kyang nyes pa khyad par du gyur pa med pa'i chos can yin no zhes bya ba ni rang bzhin gyi gtan tshigs so/ / gang gi phyir de lta yin pa rgyu de bas na nyes pa cung zad kyang med par 'gyur ro/ /nyes pa med pa zhes bya ba la sogs pa gzhan gyi yin te/ nyes pa med pa 'ga' zhig kyang yod pa ma yin no zhes bya ba'i don to/ /ci'i phyir zhe na/ 'di ltar zhes bya ba la sogs pa smos pa la/ 'di ltar zhes bya ba ni rnam par dbye ba ltar bcos pa'i tshig gi phrad yin te/gang gi phyir zhes bya ba ni don 'di la 'jug go/ /nyes pa'i bdag nyid du 'gyur ba'i mi mthun pa'i phyogs skye ba dang 'dra bar zhes bya ba ni/ ji ltar thog ma med pa'i dus nas goms pa'i phyir skyes bu nyes pa'i bdag nyid du gyur pa'i mi mthun pa'i phyogs skye ba ste/bdag med par mthong ba skye ba de bzhin du nyes pa'i mi mthun pa'i phyogs kyi bdag nyid du gyur pa nyid yod na yang rkyen ji lta ba bzhin te byed pa'i rgyu thag nye ba ji lta ba bzhin du nyes pa yang 'byung ba yin no/ / ji ltar nyes pa'i bdag nyid du gyur pa la yang lam gyis gnod par 'gyur ba de ltar/ nyes pa'i bdag nyid du gyur pa'i gnyen po'i phyogs la nyes pa gnod par gyur te gnyis ka 'gal bar 'dra ba nyid kyi phyir ro// //bam po nyi shu rtsa bzhi pa/ nyes pa 'di ni med do zhes bya ba la sogs pas lan 'debs par byed de/ 'tshe ba med pa ni 'khor ba'i nye bar 'tshe ba thams cad dang bral ba'i phyir ro//'di la mi rtag pa la sogs pa'i rang gi mtshan nyid kyi don gyi yul yang dag pa 'di phyin ci ma log pas na yang dag pa'i don no/ /yang dag pa'i don smos pa yang lam gyi sems kyi rang bzhin no/ /yang dag pa'i don smos pa ni sems kyi don yin te/ de la sgro btags pa'i rnam pas 'jug pa de ni 'khrul pa yin no//de yang sems kyi rang bzhin ma yin pa de nyid kyi phyir nyes pa ni glo bur ba dag yin te/ sgro btags pa'i rnam pas 'jug pa nyid kyi phyir ro/ /re zhig goms par ma byas pa'i lam gyi gnas skabs la yang lam gyi sems ni tshad ma'i grogs nyid yin pa'i phyir rang bzhin nyid du rigs na ci goms par byas pa'i lam la yang ma yin/de yang le'u gnyis pa las/ sems 'di ngo bo nyid kyis ni/ /'od gsal dri ma glo bur ba/ /de yi rang bzhin thog ma nas/ /nus med pa'ang phyis nus med/ /ces bya ba la sogs pas gsal bar byed par 'gyur ro/ /'tshe ba med par yang de yin la yang dag pa'i don sems la/de lta bur gyur pa yang de yin la/ rang bzhin yang yin pas na zhes bya ba ni las 'dzin pa'i snying po can gyi las 'dzin pa'i bsdu ba'o/ /nye bar 'tshe ba med pa yang dag pa'i don sems kyi rang bzhin nyes pa'i gnyen por gyur pa ni yang dag pa'i don nyid du goms pa'i phyir dang bdag nyid du gyur pa thob pa'i phyir phyin ci log ste/ji skad du bshad pa gsum pa'i mtshan nyid dang bral ba rnam par 'tshe ba dang yang dag pa'i don ma yin pa dang rang bzhin ma yin pa'i nyes pa dag gis mi ldog ste/ lam goms par gyur pa zil gyis mnan pas nyes pa dag mi 'byung ngo zhes bya ba'i don to//ci'i phyir zhe na/ 'bad du zin kyang zhes bya ba la sogs pa smos te/ de ni lam goms par gyur pa can la nyes pa bskyed pa'i phyir rtsol ba nyid yod pa ma yin pa de lta na yang khas blangs nas brjod par bya'o/ /nyes pa bskyed pa'i phyir 'bad du zin kyang / blo ni de phyogs 'dzin phyir ro//nyes pa'i gnyen po'i phyogs su gyur pa yon tan dang ldan pa bdag med pa'i lam de'i phyogs 'dzin pa'i phyir te/ nyes pa bskyed pa'i rtsol ba bzlog nas yon tan gyi phyogs 'dzin pa nyes pa'i gnyen po'i phyogs kho na la 'bad rtsol byed pa'i phyir ro zhes bya ba'i don to/ / re zhig dang por rang bzhin 'chad par byed de/ rang bzhin te bdag med pa'i mtshan nyid ni skyes bu'i gnyen po'i phyogs la gnas pa'i 'bad rtsol med par zlog par byed par nus pa ma yin no/ /gtsang sbra can thod pa can la 'dod pa dang 'dra'o zhes bya ba ni/ dper na gtsang sbra can du gyur nas thod pa can du gyur pa gang yin pa de'i gtsang sbra can gyi gnas skabs las 'dod pa gang yin pa de la 'bad rtsol med par ldog mi nus pa de dang 'dra'o//lam gyi rang bzhin bzlog pa'i phyir 'bad rtsol byed pa na yang thob pa'i rang bzhin yon tan thob pa dang ldog pa'i rang bzhin skyon mthong bar byas pa yin no/ /skyon mthong ba de yang mi mthun pa'i phyogs kyi bdag nyid can du gyur pa ste/skyon gyi gnyen po'i phyogs kyi goms pa can gyi skyes bu'i nyes pa'i gnyen po'i phyogs la yod pa ma yin no/ /de bzhin du yon tan mthong ba de yang mi mthun pa'i phyogs goms pa can gyi skyon dag la yod pa ma yin no/ /ci'i phyir gnyen po'i phyogs la yang nyes pa mthong ba yod pa ma yin zhe na/de ni zhes bya ba la sogs pa smos te/ gnyen po'i phyogs de ni nye bar 'tshe ba med pa nyid yin pa'i phyir ro/ /gang la rnam par 'tshe ba rnam pa gsum med pa'i phyir lam ni rnam par 'tshe ba med pa nyid yin no/ /'di ltar sems rnam par 'ching ba'i rgyu ni nyes pa'i rnam par 'tshe ba yin te/ gang gis sems rnam par bcings pa na yang dag pa'i don mthong ba la mi 'jug pa dang /lus dang sems kyi gdung ba'i rgyu ni sdug bsngal dang yid mi bde ba'i rnam par 'tshe ba dang zag pa dang bcas pa'i bde ba rab tu zhi ba nyid ma yin pas de'i nye bar longs spyod pa na ro myong ba nyid kyis skyo ba'o/ /de la rnam par 'tshe ba dang po med pa ni nyes pa ma lus pa spangs pa'i phyir zhes bya ba smos te/'dod chags la sogs pa'i nyes pa thams cad spangs shing bral ba'i phyir ro/ /kun nas dkris pa zhes bya ba la sogs pas gnyis pa med par ston to/ /'dod chags la mngon du rgyu ba ni kun nas dkris pa'o/ /kun nas dkris pa dang skye ba ni kun nas dkris pa dang skye ba dag ste/de dag la rag lus pa'i sdug bsngal gang yin pa de dang bral ba'i phyir ro/ /'dod chags la sogs pa'i skye ba'i tshe lus dang sems yongs su gdung ba'i mtshan nyid can gyi sdug bsngal gang yin pa de ni kun nas dkris pa la rag lus pa'o/ /skye ba dang rga ba dang na ba'i sdug bsngal ni skye ba la rag lus pa'o//rnam par 'tshe ba gsum pa med pa ni rab tu zhi ba'i bde ba zhes bya ba la sogs pa smos te/ rab tu zhi ba ni 'dod chags la sogs pa dang bral ba'i mtshan nyid can gyi mya ngan las 'das pa'o/ /de'i zag pa med pa'i bde ba gang yin pa de'i ro myang ba de la skyo ba med pa ste/rgyab kyis phyogs par mi byed pa'i phyir ro/ /yang dag pa'i don can ma yin pa ni yang dag pa'i yul can ma yin pa ste/ 'dod chags la sogs pa'i ngo bo'o/ /'dis ni phyi rol gyi rgyu mtshan med par bstan to/ /'o na de ji ltar skye ba yin zhe na/ nye bar len pa'i stobs las byung ba can zhes bya ba smos te/phyin ci log gi rnam par rtog cing bag chags kyi stobs las byung ba can no/ /de lta bur gyur pa de ni 'dod chags la sogs pa'i sa bon gyi rnam par shes pa'i rgyu la phyin ci log tu gyur pa'i phyir te/ 'dod chags la sogs pa las bzlog pa'i mtshan nyid can gyi gnyen po'i phyogs yongs su gzung ba'i phyir mi 'gyur ro//phyin ci log gi rnam par sgro btags nas 'jug pa'i nyes pa dag ni yang dag pa'i don 'dzin pa gnyen po'i phyogs gnod pa can yongs su gzung ba'i phyir skye bar mi 'gyur ro zhes bya ba'i tha tshig go/ /yang dag pa'i don can te/ phyin ci ma log pa'i yul can ni mi 'gyur ba ma yin te 'gyur ba kho na yin no//ci'i phyir zhe na/ dngos po'i stobs kyis skye ba'i phyir te/ ji ltar gnas la sogs pa'i dngos po'i nus pa bskyed pa'i phyir ro/ /re zhig nyes pa'i bdag nyid can du gnas na yang mi rtog pa la sogs pa yang dag pa'i rnam par 'dzin pa'i tshad ma dag gis gnyen po'i phyogs kyi lam skyed par byed na/'on kyang lhag mthong goms pa la gnas pa lta ci smos/ 'dod chags la sogs pa'i nyes pa yang dag pa'i don ma yin pa can te/ bden pa'i don can ma yin pa yang dag pa'i don can gnyen po'i phyogs kyi bdag nyid can du 'gyur ba ste/rang bzhin du 'gyur ba gang yin pa de la gnod pa byed par mi 'gyur ro/ /gang gi phyir de lta yin pa de bas na nyes pa spangs pa can dag gi nyes pa yang skye ba ma yin no/ /nyes pa skyed par byed pa'i 'bad rtsol yod na yang blo ni yon tan gyi phyogs 'dzin pa'i rgyu'i phyir 'dod chags la sogs pa'i gnyen po'i phyogs nyid las rtsol bar byed pa ste/rab tu brtson par byed pa'i phyir ro/ /gang zhe na/ rtogs pa dang ldan pa'i ste/ re zhig nyes pa'i bdag nyid can du gnas na yang rigs pa dpyod par byed pa'o/ /khyad par du ste phul du byung bar skyon med pa'i bdag nyid can te/ gnyen po'i phyogs kyi bdag nyid la gnas pa yon tan dag la rtsol ba byed pa'i phyir ro//'dod chags la sogs pa'i nyes pa de dag skyed par byed pa ni skyed par byed pa'i rgyu ste 'di las skye zhing 'byung ba'i phyir ro/ /nyes pa'i rgyu gang gis gnyen po'i phyogs goms pa las de'i bdag nyid du gyur pas nyes pa spong bar 'gyur ba yang gang zhe na/nyes pa'i zhes bya ba la sogs pas nyes pa'i rgyu smos te/ nyes pa'i rnam pa thams cad dag ste/ nyes pa'i rigs ni 'jig tshogs lta bas skye ba yin te/ bdag dang bdag gir mngon par zhen pa dag las byung ba yin no/ /lung las nyon mongs pa dag ni ma rig pa'i rgyu can du gsungs pa ma yin nam/de la ji ltar gnod pa ma yin te/ de ma rig ces bya ba smos te/ 'jig pa'i tshogs su lta ba de nyid ma rig pa yin pa de bas na 'gal ba yod pa ma yin no/ /go rims gang gis nyes pa rnams 'jig tshogs su lta ba las skye ba yin zhe na/ der chags zhes bya ba smos te/bdag dang bdag gi nyid du mngon par zhen pa can gyi yul de la der chags pa ste bdag gir chags pa'o/ /bdag dang bdag gir chags pa de las zhe sdang la sogs pa 'byung zhes bya ba ni go rims yin no/ /nga ma yin zhes bya ba la sogs pas 'chad par byed pa la/ nga ma yin zhes bya ba ni bdag gi rnam pa 'gog pa'o//nga'i ma yin zhes bya ba ni bdag gi ba'i rnam pa 'gog pa ste/ bdag med pa'i rnam pa dang bdag gi med pa'i rnam par skyes bu lta ba'o/ /'dzin pa med pa zhes bya ba ni bdag dang bdag gi nyid dang de'i rjes su 'dzin par byed pas kun du brtags pa'i 'dzin pa ni yongs su 'dzin pa ste/de med par yul 'ga' zhig la yang chags pa med do/ /rjes su chags pa med pa ste/ bdag dang bdag gi la sogs pa'i chags pa med pa 'ga' zhig la yang zhe sdang med de/ rjes su chags pa med pa de med pa'i phyir ro/ /gal te ji ltar zhe na/ bdag dang zhes bya ba la sogs pa smos te/bdag dang bdag gi la nye bar gnod pa med pa can te/ mi mthun par gnas pa med pa'i ngang tshul can bar ma'i phyogs la de med pa'i phyir te/ zhe sdang med pa'i phyir ro/ /nye bar gnod pa 'joms par byed pa zhes bya ba ni/ bdag dang bdag gir 'dzin pa nye bar gnod pa ste/'tshe ba gang yin pa de 'joms par byed cing de 'gog par byed pa mdza' bo'i phyogs la de med pa'i phyir te/ zhe sdang med pa'i phyir ro/ /'on kyang bdag dang bdag gir chags pa'i yul du gyur pa la 'gal bar gnas pa mi mthun par 'jug pa gang yin pa de la zhe sdang yod pa yin pa de bas na/ bdag dang bdag gir chags pa med par zhe sdang med pa yin no//de bas na zhes bya ba la sogs pas mjug sdud par byed de/ gang gi phyir de lta yin pa de bas na/ de dag gis kyang zhes bya ba dang bdag gir 'dzin pa dag gis chags pa skyed par byed do zhes tshig rnam par bsgyur nas sbyar ro/ /'dod chags des zhe sdang la sogs pa skyed cing skrun par byed do//'on kyang bdag tu lta ba dang bdag gir lta ba de dag gi rgyu gang yin zhe na/ rnam pa mtshungs pa zhes bya ba la sogs pa smos te/ rigs mtshungs pa ni bdag tu lta ba de nyid de/ de goms te thog ma med pa'i dus nas yang dang yang du skye ba dang /de'i bag chags de las skyes pa'i bdag tu lta bas bdag gir 'dzin pa skyed par byed do/ /de bas na nyon mongs pa thams cad ni 'jig tshogs su lta ba las skyed pa yin no/ /grub pa'i mtha' las 'jig tshogs su lta ba de nyid kyang mi shes pa ste ma rig pa'o zhes gsungs so//gang gis ji ltar 'jig tshogs su lta ba kho na ma rig pa yin pa de'i phyir/ 'dod chags la sogs pa nyes pa rnams kyi gtso bo'i rgyu ni gti mug yin te/ mdo las nyon mongs pa thams cad ni ma rig pa'i rgyu can yin zhes gsungs so/ /mdo gzhan las nyes pa rnams kyi rgyu ni 'jig tshogs su lta ba yin par gsungs so//ci'i phyir zhe na/ de spangs pa na ste/ 'jig tshogs su lta ba spangs pa na nyes pa rnams spangs pa'i phyir ro/ /sangs rgyas bcom ldan 'das kyis gti mug de ni nyes pa'i rgyu ste/ nyes pa'i byed rgyur gsungs so/ /ci'i phyir zhe na/ rmongs pa med pa ste/ mi shes pa dang bral ba la nyes pa dag ni skye ba'i phyir ro/ /phyogs gzhan dag tu ni 'jig tshogs su lta ba nyes pa'i rgyur gsungs pa yin no/ /gti mug dang 'jig tshogs su lta ba'i rgyu de dang de nyid rgyu'i gtso bor bstan pa yin na 'gyur gyi rgyu tsam bstan pa la ni ma yin no/ /ci'i phyir zhe na/ dbang po dang yul dang tshul bzhin ma yin pa yid la byed pa'i tshogs du ma las skye ba can gyi nyes pa gang yin pa de dag ni gti mug dang 'jig tshogs su lta ba gcig las skyes pa 'gal ba'i phyir ro//de bas na rgyu gzhan yod na yang gtso bo gzung nas gti mug dang 'jig tshogs su lta ba dag rgyu nyid du gsungs pa yin no zhes khong du chud par bya'o//gal te gti mug kyang gzhan yin zhing 'jig tshogs su lta ba yang gzhan yin la/ de dag kyang gtso bo yin pa de'i tshe/ gti mug dang 'jig tshogs su lta ba gnyi ga'i gtso bo yin na ni re re bstan pa ste/ la lar gti mug dang la lar 'jig tshogs su lta ba bstan pas zhes bya ba'i tha tshig go//mdzes pa la brten pa ma yin pa ste/ 'chad pa po mkhas pa nyid ma yin par ston par byed ces bya ba'i tha tshig go/ /gang gi tshe de dag gi rang bzhin dbye ba ma yin pa de'i tshe/ gti mug gi sgra dang 'jig tshogs su lta ba'i sgra rnam pa gnyis ka yang don gcig gis rnam grangs su bstan pas gtso bo la 'gal ba med do//'jig tshogs su lta ba gtso bo yin pa yang nyes pa de dag gi nye bar len pa nyid de rgyu nyid kyis yin no/ /de nyid kyang 'das ma thag tu bstan cing le'u gnyis pa las ston par 'gyur ro/ /'jig tshogs su lta ba de spangs pa na nyes pa rnams spangs pa'i phyir gtso bo yin no//gang gi phyir de lta yin pa de bas na/ 'jig tshogs su lta ba las skye ba can gyi nyes pa gang yin pa de rnams ni 'jig tshogs su lta ba de'i gnyen po'i phyogs bdag med pa mthong ba de goms pa las spangs pa yod par 'gyur ro/ /skyes bu ched du bya ba nyes pa zad pa can rtogs dka' ba ste/khong du chud par dka' ba de nyes pa zad pa gang gis bstan pa las 'jug par 'dod pa can 'dis rtogs pa ste/ des bstan pa'i don nan tan du byed par 'gyur ro/ /skyes bu la brten pa can te skyes bu'i rgyu can gyi tshig ni lung ma yin no/ /ci'i phyir zhe na/ bshad ma thag pa'i tshul gyis lung byed pa po rtogs dka' ba nyid de khong du chud par dka' ba nyid kyi phyir ro//yang na rtogs pa ni bsam pa yin te/ 'dod chags la sogs pa'i nyes pa yod pa de la zhes tshig rnam par sbyar ro/ /bsam pa dka' ba nyid kyi phyir ro zhes bya ba'i don to/ /tshig rnams log pa nyid kyi rgyu nyes pa rnams skyes bu la brten phyir te/log pa'i don gyi 'dod chags la sogs pa'i rgyu nyes pa gang yin pa de rnams kyis te/ 'di ni byed pa po'i drug pa yin no/ /rten par byed pas na brten pa ste skyes bu la brten pa'o/ /skyes bu la zhes bya ba ni las kyi drug pa'o/ /de bas na don ni log pa nyid kyi rgyu nyes pa rnams kyis skyes bu yongs su gzung ba nyid kyi phyir zhes bya ba 'di yin no//yang na nyes pa rnams zhes bya ba las kyi drug pa yin te/ nyes pa rnams skyes bu la brten phyir te/ skyes bu rnams kyis yongs su gzung ba'i phyir ro/ /skyes bus ma byas pa'i tshig ni bden pa'i don can yin te/log pa nyid kyi rgyu nyes pa med pa'i phyir ro zhes bya ba ni la la ste dpyod pa po rjod par byed do/ /skyes bus byas pa'am ma byas pa'i lung thams cad ni 'khrul par mi srid pa ma yin te/ 'khrul pa ste slu ba gang la srid cing dogs pa yod pa zhes bya bar tshig rnam par sbyar ro/ / 'on kyang skyes bus byas pa kho na 'khrul pa srid pa kho na yin no/ /ci'i phyir zhe na/ 'khrul pa'i rgyu ste/ slu ba'i rgyu nyes pa rnams ni skyes bu la brten pa nyid kyi phyir ro/ /skyes bus ma byas bden don can/ /zhes bya ba gang yin pa de ni gzhan dag gi yin te/ skyes bus ma byas pa'i ngag la skyes bu ldog pas de la brten pa'i nyes pa ldog pa nyid kyi rgyu rnams med pa yin la/rgyu med pas ni 'bras bu med pa ste ldog pa nyid med pa sgrub par byed pa'i phyir bshad ma thag pa'i tshul gyis skyes bus ma byas bden don can yin no/ /de skad du smra ba'i dpyod pa de nyid la gzhan gyi sgo nas bstan bcos mdzad pa nyid kyis bstan to//ci zhig brjod ce na/ tshig rnams zhes bya ba la sogs pa smos te/ tshig rnams bden pa nyid kyi rgyu yon tan de rnams ni skyes bu la brten pa'i phyir te/ skyes bus ma byas pa'i ngag la skyes bu ldog pas bden pa nyid kyi rgyu yon tan log pa'i phyir 'bras bu bden pa nyid kyang ldog pas skyes bus ma byas pa'i ngag log pa'i don du ci'i phyir mi 'gyur zhes gzhan dag rjod par byed do//ji ltar zhes bya ba la sogs pas 'chad par byed de/ 'dod chags la sogs pa dang ldan pa'i skyes bu brdzun du smra ba de ltar brtse ba ste/ snying rje'i bdag nyid can du gyur pa'i chos nyid kyang yin no//stsogs pa'i sgras ni shes rab dang dad pa la sogs pa gzung ngo / /de dag dang ldan pa bden pa smra ba mthong ngo / /de bas na zhes bya ba ni de'i phyir ro/ /ji ltar tshig ni skyes bu la brten pa'i phyir log pa'i don nyid yin pa de ltar bden pa'i don yang skyes bu la brten pa yin pa'i phyir/skyes bu log pa na bden pa'i don de yang ldog par byed do/ /yang gi sgra ni ldog pa'i don yang zhes bya ba yin no/ /skyes bus ma byas pa don med par 'gyur ro/ /ci ste bden pa'i don log pa de lta na yang don med par mi 'dod pa de'i tshe bden pa'i don can nyid dam phyin ci log pa ste/log pa'i don can nyid du 'gyur te/ don gyis bden pa'i don can ldog pa na rnam pa gzhan med pa'i phyir ro/ /bsam pa 'dis kyang log pa'i don ci min zhes bya ba'i tshig le'ur byas pa bshad pa yin no/ /gzhan du na ni don med pa nyid du thal bar 'gyur ro/ / 'dod par ni 'gyur na skyes bu la ltos pas sgra rnams don dang ldan pa ni ma yin gyi/ 'on kyang ngo bo nyid kyis yin no zhe na/ sgra rnams kyi zhes bya ba la sogs pa smos te/ ngo bo ste rang bzhin gyis don dang ldan pa ma yin no/ /ci'i phyir zhe na/ brda brdas byas pa skyes bus byas pa nyid ma yin te/ 'di ltar skyes bus legs par byas pas don gsal bar byed pa yod du zin kyang /rig byed ni skyes bus byas pa nyid yin par mi 'gyur ro zhes bya bar bsams pa'o/ /de ltar yang don shes byed pa dag gi rgyu ste/ don gsal bar byed pa'i rgyu brda ni rang nyid kyis don rtogs pa'i phyir ro/ /de yang brda ni skyes bu la brten pas te/skyes bu'i 'dod pa'i rjes su byed kyi dngos po ji lta ba bzhin gyi dbang gis 'jug pa ma yin pa'i phyir/ tshig rnams skyes bus byas min yang ste/ khas len pa na brda skyes bu'i 'dod pa rjes su 'jug pa las de phyir log pa nyid du srid/ 'di zhes bya ba la sogs pas 'chad par byed de/rig byed 'di skyes bus ma byas pa nyid du brtags pas ci zhig bya ste/ dgos pa cung zad kyang yod pa ma yin no zhes bya ba'i don to/ /ci'i phyir zhe na/ brda gang las te/ gang gi phyir brda las skyes bus ma byas pa'i ngag ni don rtogs pa ste/ don gsal bar byed pa'i brda de skyes bus byas pa yin pa de'i phyir phyin ci log ste/brdzun par yang 'gyur te rang dbang can nyid yin pa'i phyir ro/ /de bas na tshul khrims sgrub par byed pa ste/ rgyu mtho ris 'di la yod pa de ni tshul khrims sgrub par byed pa can yin no/ /de ltar gyur pa yang de la mtho ris kyang yin pas na de skad ces bya'o/ /rig byed kyi tshig gang yin pa de dang de la skyes bu 'di ni mngon par 'dod pa'i don las brda rnam pa gzhan gyis phyin ci log tu 'gyur te/don phyin ci log pa nyid byed par 'gyur ro/ /rgyu des na don ci lta ba bzhin ma yin pa yang ston par byed pa srid pa'i phyir de nyid ston pa yin te/ skyes bus byas pa dag la skyes bus byas pa ni skyes bus nyes pa las 'khrul pa srid pa can yin no zhes bshad zin to//skyes bu rnams kyis sgra rnams don dang lhan cig 'brel pa ma byas su zin kyang / sgra'i rang gi ngo bo dang 'dra bar rig byed pa'i sgra rnams don dang 'brel pa yin na yang skyes bus ma byas pa yin no zhe na/ 'brel pa skyes bus ma byas min na zhes bya ba smos te/ rig byed pa'i sgra rnams don dang lhan cig 'brel pa gang yin pa de ni skyes ma byas pa nyid du khas len na/ don rtogs pa ni brda rig pa med par rtogs par 'gyur te/ brda shes pa ni brda'i rig pa'o/ /de gang la med pa de ni brda rig pa med pa ste/brda mngon par mi shes pa can zhes bya ba'i don to/ /de ltar ni 'gyur na zhes bya ba la sogs pas 'chad pa la sgra gang dag la skyes bus ma bskyed cing 'brel pa ma byas pa yod pa de dag la de skad ces bya'o/ /sgra de dag ni don rnams la skyes bu dag gi rang bzhin du gnas pa'i don las phyin ci log pa ma yin par 'gyur te/'khrul pa'i rgyu byed pa ma yin no/ /phyin ci ma log pa'i rgyu de bas na skyon yod pa ste/ slu ba'i mtshan nyid can gyi nyes pa yod pa ma yin no/ /grub pa'i mtha' smra bas da ni zhes bya ba la sogs pa smos te/ da ni zhes bya ba ni 'brel ba skyes bus byas min na brda la dgos pa ci zhig yod de/cung zad kyang yod pa ma yin no/ /gang las zhes bya ba la sogs pa la/ gang las don rtogs pa de nyid ni sgra dang don dag gis 'brel pa yin no/ /gal te don rtogs pa'i rgyu'i 'brel pa ste/ skyes bus ma byas pa yin pa de'i tshe/ skyes bu 'di ni ngo bo nyid kyis grub pa'i 'brel pa can gyi sgra las don rtogs par byed pa na sgron ma la sogs pa dang 'dra bar brda la ltos pa med pa nyid yin no//rig byed pa'i sgra las kyang don rtogs pa'i phyir skyes bu brda la ltos bde bas na/ sgra rnams don te gdams pa las yin te/ sgra de las don rtogs pa ste/don khong du chud pa'i phyir ro/ /lus kyi brda la sogs pa lta bu ste/ lus kyi 'gyur ba dang mig 'dzums pa la sogs pa ni lus kyi brda'o/ /dper na de la brda las don 'ga' zhig rtogs pa de dang 'dra'o/ /gang gi tshe rang bzhin nyid kyis sgra rnams rab tu gsal bar byed par 'gyur ba de'i tshe/ brda la ltos par mi 'gyur ba de bas na/ sgra rnams ni ngo bo nyid kyis don rtogs par rung ba nyid ma yin gyi/ 'on kyang rjes su mthun par yang rung ba nyid yin te/ sgra rnams ni sgra ji lta ba bzhin du 'jug pa nyid du rung ba nyid yin no/ /gal te ji ltar rtogs par 'gyur snyam na/ brda ste gdags pa'i tshe skyes bu de'i gang la sbyar bar 'dod pas sgra rnams ji ltar 'dod pa bzhin du brdar byas shing brtsams pa nyid kyi phyir ro//gal te yang ngo bo nyid kyis grub pa ni don 'ga' zhig la sgra rnams 'gyur ba de'i tshe/ kho bo nyid kyis grub pa dag la skyes bu 'dod pa'i dbang gis te/ ji ltar 'dod pa bzhin du brdas don bstan par mi rung ba'i phyir ro//de bas na ngo bo nyid kyis don med pa yin te/ de dag kyang don med pa can du gyur par skyes bus legs par byas pa ste/ skyes bu'i brda las don dang ldan par 'gyur gyi/ ngo bo nyid kyis don gsal bar byed par nus pa ni sgron ma la sogs pa dang 'dra bar skyes bu'i brda la ltos par 'gyur ba ni ma yin no//ci ste don med pa can du ma gyur cig snyam pas rig byed pa'i sgra rnams ni skyes bus legs par byas pa nyid du 'dod pa de'i tshe skyes bus byas pa nyid du 'gyur ro/ /gang gi phyir sgra de dag kyang de dag gis legs par byas pa ste/ skyes bus legs par byas pa kho na skyes bus byas pa nyid du rigs kyi skyes bu las skyes pa ni ma yin no//ci'i phyir zhe na/ skyes bu'i brda de nyid las don las 'khrul pa ste slu ba'i phyir ro/ /'di ni mi slu ba'i phyir skyes bus ma byas par 'dod do/ /gal te ma skyes pa yang skyes bus legs par byas pa las 'khrul par dogs na ma skyes pa nyid kyis skyes bus ma byas pa nyid ni don med pa yin te/'di ltar skyes bus legs par byas pa nyid las sgra rnams ni skyes pa dang ma skyes pa dag gis log pa dang bden pa'i don can du mi 'gyur ro/ /de ltar na skyes pa yang rnam pa gzhan du brdar byas pas zhes bya ba log pa'i don can nyid dang 'gal bas dngos po ji lta ba bzhin du brdar byas shing brdar btags pas/de las gzhan pa'i skyes bu'i chos dang 'dra ba ste/ dper na sgra las gzhan pa skyes bu'i chos mig 'byed pa dang 'dzums pa la sogs pa'i ngo bo nyid kyis don med pa can yin na yang / dngos po ji lta ba bzhin du skyes bu brdar byas pa mi slu ba yin pa de dang 'dra bar 'gal ba med pa can te/'khrul pa med pa yin no/ /ji ste 'khrul pa yod par ma gyur cig snyam pas skyes bus legs par byas pa mi 'dod pa de'i tshe/ bya rog gi skad la sogs pa dang 'dra bar don med pa can du 'gyur ro//de bas na zhes bya ba la sogs pa smos pa la/ de bas na zhes bya ba de'i phyir skyes bu 'di ldog pas rang gis byas pa'i brda las byung ba can te/ gang la skyes pa yod pa'i don gyi blo ste don du spobs pa de ldog par 'gyur ro/ /de bas na zhes bya ba ni de'i phyir te/ de ldog pa ste ldog pa'i don can gyi rgyu mtshan gyi skyes bu de log pas gang las bden pa'i don can nyid yin te/'on kyang don med pa can kho nar 'gyur ro/ /ci ste yang skyes pa kho na skyes bus byas pa nyid yin gyi/ brdas byas pa ma yin na ste/ dag la 'brel pa ni skyes bus ma byas pa ma yin te/ rgyal mtshan gyi rtags la sogs pa dang 'dra'o zhes bya bar dgongs so//'dod par ni 'gyur na sgra dang don dag gis 'brel pa ni skyes bus ma byas pa nyid kho na yin te/ de yang rtogs pa la brten pa ma yin pa de'i phyir skyes bus brda la ltos pa yin no zhe na/ rtogs pa la brten pa ma yin na zhes bya ba smos te/ don rtogs pa la brten pa ma yin pa yang ci ltar na 'brel pa yin te/rtogs pa la brten pa nyid ni sgra dang don dag gis 'brel pa yin gyi/ de lta ma yin na gang yang rung ba'i tshig dang don dag gi 'brel par 'gyur ro/ /ci ste 'dod mod kyi/ don rtogs pa'i rgyu kho na 'brel pa yin zhing skyes bus ma byas pa yang yin la/de la yang brdas gsal bar byas nas don rtogs pa yin no zhe na/ brdas zhes bya ba la sogs pa smos pa la/ brda'i rgyus 'brel pa de dag gsal bar bya ba yin na brda las gzhan 'brel pa'i don rtogs pa don med par 'gyur te nus pa med par 'gyur ro/ /'brel pa yod na yang zhes bya ba la sogs pas 'chad par byed de/'brel pa yod na yang gsal bar byed pa med na ste/ rab tu gsal bar byed pa med na rtogs pa'i rgyu ma yin no/ /brdas 'brel pa 'dis gsal bar byed pa yin no/ /'on te 'brel pa de brda las don rtogs pa grub pa yin la/ grub pa yod na de la nye bar gnas pa'i ngang tshul gang la yod pa de ni/grub pa nye bar gnas pa can rgyu ma yin pa 'bras bu med pa can gso zhing yongs su skyong bas ci zhig bya/ 'bras bu med pa nyid bstan par bya ba'i phyir/ 'brel pa zhes bya ba la sogs pa smos te/ 'brel pa'i bya ba ni don rtogs pa skyed par byed pa ste/shes pa skyed par byed pa de tsam mo/ /rtogs pa skyed par byed pa de ni brda kho nas byas zin pa'i phyir 'brel pa ni 'bras bu med pa can yin no/ /gal te rtogs pa la rung ba ma yin pa ste/ sgra nus pa med pa'o/ /brda ste tha snyad kyi nus pa ma yin pa'i phyir sgra'i rung ba nyid 'brel pa yin no zhe na/de bas na ci sgra 'brel pa yin pa ni bla ste/ de nyid 'brel pa can yin zhing de nyid 'brel pa yin pa ni rigs pa dang ldan pa ma yin no/ /gal te rung ba nyid 'brel pa ma yin par khas blangs nas ci'i phyir sgra'i rang bzhin nyid 'brel par khas len par 'gyur zhe na/ rgyu dang zhes bya ba la sogs pa smos te/rgyu dang 'bras bu'i rung ba nyid dang 'dra bar sgra'i nus pa'i ngo bo kho na rung ba nyid yin gyi/ de las gzhan pa ni ma yin no/ /'bras bu med pa'i rgyu'i rung ba nyid gang yin pa de ni dper na rgyu'i bdag nyid du 'gyur ba de dang 'dra bar sgra'i rung ba nyid dam/ yang na rgyu dang 'bras bu dag gi rung ba nyid ces blta bar bya ste/'di nyid kyis 'di ni 'bras bu yin no zhes bya ba'i 'bras bu'i rung ba nyid do/ /'di'i 'di nyid rgyu yin no zhes bya ba 'di'i rgyu'i rung ba nyid de'i de yang de dag gi bdag nyid du gyur pa kho na'o/ /ci ste 'brel pa can nyid 'brel pa'i rang bzhin thob par ma gyur cig snyam pas gal te rung ba nyid de sgra de las don gzhan yin pa de'i tshe/don gzhan du 'gyur ba'i rung ba nyid 'di'i sgra'i zhes bya ba'i sgra dang rung ba dag gi 'brel pa brjod pas ci zhig bya/ gzhan du na sgra'i rung ba nyid 'di zhes bya ba grub par mi 'gyur ro/ /gal te tha dad pa'i rung ba nyid dang gang yin pa de la sgras phan 'dogs par byed pa yin te/sgras rung ba nyid la phan 'dogs par byed ces bya ba'i don to/ /sgras bskyed par bya ba nyid yin pa de'i phyir sgra'i rung ba nyid ces brjod par rung ba yin no zhes bsams pa'o/ /sgras rung ba nyid la phan btags pa ma yin no/ /ci'i phyir zhe na/ rtag pa nyid de rung ba nyid ni phul du byung du med pa nyid kyi phyir ro//ci ste rung ba nyid la yang sgras tha dad pa nyid kyis phan 'dogs par byed pa de'i tshe/ sgras byas pa'i phan 'dogs par byed pa dang rung ba nyid kyis 'brel pa gang yin pa zhes brjod par bya'o/ /ci ste phan 'dogs pa dang rung ba de dag la yang phan 'dogs par byed pa gzhan yod pa de'i tshe/ de la yang ji skad bshad pa'i rnam pas phan 'dogs par byed pa gzhan dang gzhan rtogs pa na/shin tu thal bar 'gyur ba'i phyir ro/ /thug pa med pa des na tha dad pa la phan 'dogs pa ma yin no/ /de ltar phan 'dogs par ma grub pa nyid ni rung ba nyid dang lhan cig 'brel pa'i 'brel pa ma grub pa yin no//'on kyang rung ba nyid tha dad pa la phan 'dogs par byed pa na/ sgra dang rang gi ngo bos phan 'dogs par byed kyi gzhan gyi ngo bos ni ma yin te/ sgra ni phan 'dogs pa'i byed pa nyid ma yin par thal bar 'gyur ba'i phyir ro/ /de'i tshe rung ba nyid la yang sgra'i ngo bo nyid kyi rung ba nyid de/sgra'i rang bzhin nyid kyis don la rtogs pa bskyed par rung bar ci'i phyir mi 'dod/ ji ltar rung ba nyid la phan 'dogs par byed par 'dod pa de ltar rung ba bdag nyid gyur pas don rtogs pa kho na byed pa yin no zhes 'dod par bya'o/ /brgyud pas ci zhig bya zhes bya ba'i tha tshig go/ /de bas na rung ba nyid ces bya ba'i 'brel pa tha dad pa 'ga' zhig kyang yod pa ma yin te/de ni don rtogs pa'i rgyu ma yin gyi brda kho na las don rtogs pa'i phyir ro/ /'o na sangs rgyas pa khyed kyi yang brda ni ji ltar sgra dang don dag gi 'brel pa yin/ ci ltar na mi 'gyur te/ skyes bu rnams la 'jug pa'i phyir te/ don 'di'i sgra rjod par byed pa yin no zhes bya ba'i bsam pa rjod par byed pa ni brda yin la/ de yang skyes bu rnams la 'jug par 'gyur gyi/ sgra dang don dag la ni ma yin te/ chos ni gzhan gyi 'brel pa ma yin te/ rta'i chos pa lang dag ma yin pa bzhin no/ /slob dpon gyis brda 'ba' zhig 'brel pa ma yin par ma zad kyi/sgra dang don dag gi 'brel pa gzhan don dam pa pa yang yod pa ma yin no zhes bstan pa'i phyir ma 'dres pa zhes bya ba la sogs pa smos te/ 'di ltar dngos po rnams kyi rang gi ngo bo 'dres pa'am/ gzhan gyi dbang ngam phan tshun ltos pa'i 'brel par 'gyur grang na/ ma 'dres pa phan tshun tha dad pa rnams la de'i ngo bo ma 'dres pa'i mtshan nyid can gyi 'brel pa yod pa ma yin te/de dag tha dad pa med par thal bar 'gyur ba'i phyir te/ gcig nyid du 'gyur ba'i phyir ro/ /de bzhin du grub pa rnams te/ rang gi ngo bo mthar phyin pa rnams la gzhan gyi dbang gi mtshan nyid can gyi 'brel pa 'ga' zhig kyang yod pa ma yin te/grub pa la gzhan gyi dbang mi rung ba'i phyir ro/ /phan tshun ltos pa can gyi 'brel pa yang yod pa ma yin pa ni/ ltos pa med pa'i phyir zhes bya ba smos te/ grub pa ni gzhan thams cad la ltos pa med pa'i phyir ro/ /de yang 'brel pa rtag pa las rgyas par bshad zin pa'i phyir 'dir ma spros so//'o na gal te sgra dang don dag gi 'brel pa yod pa ma yin na/ ji ltar sgra byung ba rjes su dpag pa'i nang du 'du bar 'gyur zhing / de'i tshe brda la yang dgos pa ci zhig yod par byed ce na/ de'i phyir don gyi khyad par zhes bya ba la sogs pa smos te/ don gyi khyad par ni smra ba po'i rnam par rtog pa'i blo la gnas pa de ston par byed cing brjod par 'dod pa des 'phangs shing bskyed pa'i ngag gis rang gi rgyud la snang ba'i don te/tshig rang gi rgyu brjod par 'dod pa de la snang ba ston cing gsal bar byed do/ /rtogs pa po gang la ston par byed ce na/ 'di las 'di'i zhes shes pa'i ste/ brjod par 'dod pa 'di las tshig 'di 'ongs pa yin no zhes rtogs pa gang yin pa de la'o/ /phyir ni de ltar te/ brjod par 'dod pa'i mtshan nyid can gyi rang gi ngo bo dang ngag gi rnam par rig byed dag ni skyed par bya ba dang skyed par byed pa'i ngo bo'i 'brel pa yin te/ blo skyed par byed pa dang sgra bskyed par bya ba yin pa'i phyir ro//de bas na sgra las rtogs pa ni med na mi 'byung ba'i phyir te/ bskyed par bya ba dang bskyed pa'i ngo bo yin pa de bas na/ blo la yod pa'i don med na sgra mi 'byung ba yin la/ med na mi 'byung ba'i rgyu'i phyir sgra las don rtogs par 'gyur ro/ /de bas na ji ltar na sgra las don rtogs pa dang /ji ltar sgra las 'byung ba'i shes pa rjes su dpag pa'i nang du 'du bar 'gyur zhes bshad pa gang yin pa de lan btab pa yin no/ /de'i tshe brda la dgos pa ci zhig yod ce na zhes smras pa gang yin pa de la yang de gsal bar byed pa ni zhes bya ba la sogs pa smos te/de gsal bar byed pa ni med na mi 'byung ba gsal bar byed pa brda yin te/ 'dis gsal bar byed pa'i phyir ro/ /ji skad du rjod par byed de/ ji skad du bshad pa'i sgra dang don dag gis 'brel pa ni ldog par mi byed de/ de med na mi 'byung ba'i mtshan nyid can gyi 'brel pa khas blangs pa'i phyir ro//'on kyang gang zhig don dam pa'i 'brel pa don gzhan 'dod pa de bkag pa yin no/ /de las zhes bya ba ni brda las shes par byed pa ste/ don rtogs par byed pa'i yan lag ni med na mi 'byung ba'i mtshan nyid can gyi 'brel pa grub pa'i phyir ro//'brel pa gsal bar byed pa'i phyir brda la nye bar btags nas 'brel pa'i tha snyad du byas pa yin te/ phyogs la lar 'brel pa'i tha snyad du byas pa la 'gal ba med do zhes bya ba khong nas dbyung ngo / /brda de nyid kyang yongs su 'brel pa ni ma yin no/ /ji skad du bshad pa'i mtshan nyid can gyi 'brel pa las gzhan nyid sgra dang don dag gis 'brel pa rtag pa nyid yin pa ni bla ste/des ni tshig ste sgra rnams don gcig la nges pa yod na brda'i dbang las kyang gang la sgra 'di ma nges pa de la don gzhan rtogs par mi 'gyur khong du chud par mi 'gyur ro//ci'i phyir zhe na/ gang gi phyir don gcig la so sor nges pa'i 'brel pa des 'brel pa med pa'i don rtogs par rigs pa ni ma yin no/ /ci'i phyir zhe na/ 'brel pa de ni don med pa can du thal bar 'gyur ba'i phyir ro/ /'dod par mi 'gyur na 'brel pa des 'brel pa med pa'i don rtogs pa nyid yod pa ma yin no zhe na/'dod pa'i dbang gis zhes bya ba la sogs pa smos te/ skyes bu 'dod pa'i dbang gis brdar byas pa can gyi sgra thams cad kyis don thams cad gsal bar byed pa ste/ rab tu gsal bar byed par mthong ngo / /gal te don gcig la sgra ni dngos su 'brel pa ma yin gyi/'on kyang don du ma la sgra 'ba' zhig gis don de dang de la gnas pa tsam byed do zhe na/ don du ma dang zhes bya ba la sogs pa smos te/ don du ma dang mngon par 'brel par sgras khas len na don du ma la so sor nges pa'i rig byed pa'i sgra gang gi tshe don gcig la nges pas brda byed pas mngon par gsal bar byed pa de'i tshe mngon par 'dod pa'i don kho na byed kyi/gzhan 'gal ba nyid ni ma yin no zhes nges pa yod pa ma yin pa de bas na/ 'gal ba gsal bar byed pa srid de/ mngon par 'dod pa'i don las 'gal ba'i don gsal bar byed pa srid par 'gyur ro//ci ste zhes bya ba la sogs pas 'chad par byed de/ don gcig la so sor nges pa yin na brda'i dbang gis don du ma ston par byed pa mthong ba dang 'gal ba de bas na mthong ba de dang 'gal bar ma gyur cig snyam pas sgra thams cad don thams cad kyi rjod par byed pa yin no//de ltar na zhes bya ba la sogs pas 'gal ba gsal bar byed pa srid pa ston par byed de/ ji ltar thams cad thams cad kyi rjod par byed par 'dod pa de ltar 'di la yang 'dod par bya ste/ don thams cad ni 'bras bu thams cad kyi sgrub par byed pa ma yin no zhes bya ba'i rigs la thob pa nyid kyi phyir ro//rigs la ni rgyu dang zhes bya ba la sogs pa smos te/ rgyu dang 'bras bu so sor nges pa nyid kyi phyir ro/ /de las te rigs pa de yod na so so'i nges pa khyad par can gyi dngos po sgrub par byed pa'i rgyu mngon par 'dod pa'i don mtho ris la sogs pa gang la yod pa de'i yul du gyur pa la/sgra ni 'dod pa'i don mngon par gsal bar byed pa nyid de mngon par 'dod pa'i don nyid mngon par gsal bar byed pa brda byed pas byas pa yin no zhes bya ba de gang las yin/ sgra khyad par lta bu zhig ce na/ bsgrub par bya ba dang sgrub par byed pa thams cad kyi thun mong ste/bsgrub par bya ba 'bras bu thams cad dang / bdag nyid ji lta ba bzhin du sgrub par byed pa'i rgyu rang gi mtshan nyid gang yin pa de dag ni rjod par byed pa nyid du thun mong du gyur pa'o/ /'di skad du me la sbyin sreg sbyin par bya'o zhes bya ba la sogs pa'i sgra ni don thams cad kyi rjod par byed pa yin na yang /gang me la sbyin sreg gi sgras bstan pa'i don 'ga' zhig po de nyid ni sgrub par byed pa ma yin te/ thams cad thams cad kyi sgrub pa ni ma yin no zhes bya ba la sogs pa bkag pa nyid kyi phyir ro/ /de la khyad par can gyi don 'ga' zhig ni mtho ris sgrub par byed pa yin te/rang bzhin nyid yin pa'i phyir ro/ /de la don 'ga' zhig dngos po'i gnas thams cad kyis mtho ris grub par byed pa nyid la brda'i rnam pa 'dis/ me la sbyin sreg gi sgra gsal bar byed pa yin nam/ ci mtho ris dang 'gal ba'i don gzhan la yin zhes blo dman pa the tshom du 'gyur ro zhes bstan par 'gyur ro//me la sbyin sreg sbyin zhes bya ba la sogs pa la/ me la mar la sogs pa 'dzud pa nye bar mtshon pa tsam gyi ngag gi don de ni mtho ris grub par byed pa nyid tshad ma ma yin gyi/ lung las grub pa yin na yang de ni du ma can nyid yin pa'i phyir yid ches pa ma yin no//de skad du me'i sbyin sreg las mtho ris thob pa 'gal du zin kyang blo dman pa'i phyir 'dis shes par mi 'gyur ro zhes 'chad par 'gyur ro/ /sgra de brjod par bya ba thams cad la ma nges par 'gyur ba don 'ga' zhig la nges pa skyes bu ste skyes bu'i brda las thob par 'gyur ro//skyes bu des kyang mi shes pa'i phyir/ don 'gal ba yang brda byed par 'gyur ro zhes bshad zin to/ /'di ltar 'gal ba gsal bar byed pa 'ba' zhig ni ma yin gyi/ rig byed skyes bus ma byas pa nyid kyi 'dod pa gang yin pa de yang / kun du rtog pa yang don med par 'gyur/ ci ltar yang zhes bya ba'i tshogs pa 'di ni mngon par 'dod pa'i don la sems pa'o/ /don ma tshol ba ste mi 'dod pa dang ma 'dres pa'i 'dod pa'i don kho na skyes bus ma byas pa'i sgra dag la rtogs pa'i phyir 'dod pa dang mi 'dod pa 'dres mar byed pa skyes bus rgyur 'tshol ba gsal ba ste/rig byed pa dag las phyi rol du byas pa yin no/ /de ltar gnas pa de las skyes bu rnams kyis ci 'dra ba ste/ skyes bus byas pa nyid du mngon par 'dod pa'i sgra rnams rjod par byed pa'i sgra 'ga' zhig la rab tu sbyar ba 'chol bar 'gyur ba ste/ 'khrul par 'gyur ba de 'dra ba nyid skyes bus ma byas par mngon par 'dod pa'i sgra rnams kyang / don thams cad dang thun mong du 'gyur ba yod na 'ga' zhig la skyes bu de rnams kyi 'dod pa'i rgyu can gyi brda 'dod pa ji lta ba bzhin du nges pas byas pa yin no/ /ci'i phyir zhe na/ skyes bu de rnams la de kho na nyid yongs su shes pa med pa'i phyir ro//gal te rig byed pa'i sgra ni ngo bo nyid de rang bzhin gyis mngon par 'dod pa'i don la nges pa nyid yin pa de bas na skyes bus legs par byas pa'i nyes pa yod pa ma yin no zhe na/ de lta yin na rigs pa'i sgra ni don gsal bar byed pa na bstan pa la rag las pa med par 'gyur na/rag las par yang 'gyur ba yin te/ ngo bo nyid de dag las don rtogs pa med pa'i phyir ro/ /gal te yang ngo bo nyid kyis so sor nges par 'gyur ba yin pa de'i tshe gang du don 'ga' zhig dus gcig gi tsher rdar byas pa yang rnam pa 'ga' zhig gis de las brda rnam pa gzhan gyis don gzhan ston par mi 'gyur na/rab tu gsal bar byed pa yang yin pa de bas na ngo bo nyid kyi don gcig la nges pa ma yin no/ /gal te yang ngo bo nyid kyi don gcig la nges pa yin na ni don gcig la so sor nges pa med pa'i phyir/ rig byed pa'i ngag rnams la 'chad pa po rnams kyi 'chad pa po'i rnam par rtog pa ste/ 'chad pa'i khyad par gzhan dang gzhan gang yin pa 'dir yang mi 'gyur na/ 'gyur ba gang yin pa de bas na/ de bas gzhan pa'i skyes bus byas pa'i ngag dang 'dra bar byed pa'i sgra rnams ni don gcig la nges pa nyid ma yin no//'chad pa'i khyad par yang yod pa yin te/ rig byed pa'i ngag rnam par rtog par nus pa can yin te/ don sna tshogs pa nyid du rnam par rtog pa nus pa yod pa 'di la yod pa'i phyir ro/ /rnam par rtog pa nus pa can rig byed pa'i ngag de la ston pa ste/'chad pa gang yin pa de'i 'dod pa la mi slu ba med pa yin te/ 'di yang 'ga' zhig tu'am gzhan dag tu 'gyur ro zhes bya ba nges pa med pa'i phyir ro/ /phyir te gtan tshigs kyis skyes bus ma byas pa nyid ni don med pa can nyid du 'gyur te/ de brtags su zin kyang 'khrul pa'i dogs pa mi ldog pa'i phyir ro//rig byed pa'i sgra rnams don dang lhan cig 'brel par 'dod pa gang yin pa des kyang / 'brel pa yang rnam par gzhag pa'i phyir gtan tshigs brjod par bya'o/ /gang dag gi zhe na/ tha dad pa rnams kyi ste sgra dang don dag gi rang bzhin rnams kyi'o/ /rang bzhin tha dad pa can nyid yin pa'i phyir de'i bdag nyid kyi mtshan nyid can gyi 'brel pa yod pa ma yin no zhes bstan pa'i phyir phyi rol gyi zhes bya ba la sogs pa smos te/phyi rol gyi don bum pa dang snam bu la sogs pa ni sgra'i ngo bo ma yin zhing rang bzhin ma yin te/ sgra ni bum pa dang snam bu la sogs pa'i ngo bor 'gyur na sgra'i rang bzhin nyid nyams par thal bar 'gyur ba'i phyir ro//sgra ni don rnams ni ngo bo ma yin te/ don rnams ni sgra'i rang bzhin du gyur pas bum pa la sogs pa'i rang bzhin nyid nyams par thal bar 'gyur ba'i phyir ro/ /tha dad pa med pa'i bdag nyid can gang gis med na mi 'byung ba nyid du 'gyur ba ste/med na med par 'gyur ro/ /gnas skabs tha dad pa yang zhes bya ba ni ldog pa'i bye brag la brten nas bsgrub par bya ba dang sgrub par byed pa tha dad pa yang ngo / /ci 'dra bar zhe na/ byas pa nyid dang mi rtag pa nyid dag ni ldog pas tha dad pa yin na yang bdag nyid gcig nyid kyis med na mi 'byung ba nyid yin pa de dang 'dra'o//de las byung ba'i mtshan nyid can gyi 'brel pa yang yod pa ma yin no zhes bstan pa'i phyir/ sgra de dag kyang zhes bya ba la sogs pa smos so/ /de nyid ni sgra rnams kyi de las byung ba'i mtshan nyid kyi 'brel par gyur nas brjod par 'dod pa la brten pa'i don nam phyi rol gyi don las 'gyur grang na/re zhig phyogs dang po ni ma yin te/ 'di ltar rig byed pa dag gi sgra de brjod par 'dod pa las skye ba can du 'dod pa yang ma yin no/ /brjod par 'dod pa las skyes shing 'byung ba gang la yod pa zhes tshig rnam par sbyar ro//ci'i phyir zhe na/ rtag pa nyid du khas len pa'i phyir ro/ /skye ba med pa can te 'byung ba med pa can yin na yang brjod du 'dod pas gsal bar bya ba dag ma yin te/ rtag pa nyid nyams pa'i phyir ro/ /gsal bar bya ba ma yin na yang / bskyed par bya ba nyid yin par 'gyur ro zhes gong du bshad zin to/ /phyogs gnyis pa yang ma yin te/ don la rag las pa ma yin no zhes bya ba smos te/ phyi rol gyi don la rag las pa nyid ma yin te/ rtag pa nyid kyi phyir ro/ /gzhan dag gis ni gzhung gcig tu byas nas 'chad par byed de/gang gi phyir brjod par 'dod pa las skye ba can yang ma yin zhing / des gsal bar bya ba yang ma yin pa de'i phyir/ rnam pa gnyi ga ltar na don la rag las pa ma yin te/ phyi rol gyi dngos po la lhos pa ma yin no/ /brjod par 'dod pa'i sgo nas don rnams la sgra sbyor ba'i phyir/ don yod na de bstan par 'dod pa de las sgra 'byung ba'i phyir ro//de bas na zhes bya ba ni ngag nye bar dgod pa'am de'i phyir gyi don to/ /de zhes bya ba ni 'brel pa med pa'o/ /de'i rjes su 'gro ba'i don gyi rjes su 'gro ba yod par 'gyur ba sgra de dag gis ji ltar bsgrub par 'gyur/ ji lta bur gyur pa zhig ce na/de la so sor nges pa bsgrub par bya ste/ don de la sgra rnams kyi de'i bdag nyid de las byung ba dag gi 'brel pa so sor nges pa gang yin pa des bsgrub par bya'o/ /don gang la rag las pa med pa de ni sgrub par byed pa'i rigs pa ma yin no// //bam po nyi shu rtsa lnga pa/don bshad zin pa tshigs su bcad pas sdud par byed de/ skyes bus legs par byas pa la ltos pa'i sgra rnams ni bden pa'i don can nam log pa'i don dag yin la/ skyes bu de dag gis rig byed pa'i sgra rnams ni legs par ma byas par khas len pa de bas na/ skyes bus legs par ma byas pa ste/gtan tshigs su gyur pas rig byed pa'i sgra rnams ni bden pa'i don can nam brdzun pa'i don can nyid de/ rnam pa kun du don med par 'gyur/ don med par gsal ba'i phyir skyes bus legs par byas pa khas len par byed na/ skyes bu spong bas log pa'i don can ldog pas sems la dri ma med par byas nas/yang legs par byas pa 'dod pas dri ma de nyid phyir 'jog par byed pa'i phyir/ dngos su glang po khrus 'drar 'gyur te/ glang po che ni dri ma bsal bar bya ba'i phyir khrus byas nas yang 'dam gyis bdag nyid la gos par byed do/ /gzhan yang sgra dang don dag gi 'brel pa yod par 'gyur na/rtag pa'am mi rtag par 'gyur te/ dngos po la rnam pa gzhan med pa'i phyir ro/ /gal te mi rtag pa yin na de la yang brtag pa gnyis bya ste/ skyes bu'i 'dod pas 'jug pa can yin te/ brkyang bskum la sogs pa dang 'dra bar skyes bu'i 'dod pa'i dbang gis 'byung bar 'gyur ba'am/mi 'jug pa can yin te/ 'di ni myu gu la sogs pa dang 'dra bar skyes bu'i 'dod pa'i dbang gis 'jug pa ma yin/ de la mi rtag pa yin na gal te skyes bu la rag las pa ma yin pa de'i tshe/ de ni skyes bu la rag las pa ma yin pa nyid yod na/yul la sogs pa gyur pa ste/ yul la sogs pa rnam pa gzhan nyid du gyur pas so/ /sogs pa'i sgras ni dus dang gnas skabs gzung ngo / /skyes bu'i bsam pa ji bzhin du ste skyes bu gang gis ji ltar bstan par 'dod pa de ltar sgra des ston par mi 'gyur zhes bya bar sbyar ro//ci'i phyir zhe na/ skyes bus ston par 'dod pa yod na yang rag lus pa med pa'i sgra ni 'ga' zhig tu yang mi rung ba'i phyir te/ skyes bus sbyar ba 'ga' zhig tu yang mi nus pa nyid kyi phyir ro zhes bya ba'i don to/ /ri bo la sogs pa dang 'dra ba ste/ dper na ri bo la sogs pa skyes bu la rag las pa ma yin pa dag ni 'dod pa yin du zin kyang ji ltar 'dod pa bzhin du sbyor ba nus pa ma yin pa de dang 'dra'o//yul la sogs pa gzhan du gyur pa bsam pa ji lta ba bzhin du ston pa ni mthong ste/ yul gzhan la sogs pa la don gzhan pa can gyi sgra de nyid ni/yul la sogs pa don gzhan du ston pa dmigs pa'i phyir ro/ /de bas na skyes bu rnams la 'brel pa rag las pa med pa ma yin no/ /'brel pa mi rtag pa skyes bu la rag las pa nyid ma yin pa de'i nyes pa bshad ma thag pa gang yin pa'i nyes pa 'di nyid ni 'brel pa rtag pa'i yang skyon yin no//ci'i phyir zhe na/ 'brel pa de'i rtag pa'i ngo bo ste/ rten pa'i rang bzhin yul la sogs pa gzhan du gyur pas gzhan du gyur pa mi rung ba'i phyir te/ nam mkha' dang 'dra bar rnam pa gzhan nyid du mi rung ba'i phyir ro/ /gal te don gcig la nges par 'brel par gyur na nyes pa 'dir 'gyur mod kyi/'on te don thams cad la 'brel pa mtshungs par gnas pa yin no zhe na/ gnas skabs zhes bya ba la sogs pa smos te/ 'brel pa'i gnas skabs la don rtogs par gyur pa'i don thams cad la mtshungs shing 'dra ba yin te/ 'dod pa'i don gang yin pa de la so sor nges pa med pa'i phyir ro//de nyid la nges pa med pa'i phyir/ don thams cad dang thun mong du gyur pa de las mngon par 'dod pa'i don gyi khyad par rtogs par mi 'gyur ba'i phyir/ don du ma dang 'brel pa can gyi sgras kyang skyes bus legs par byas pa las 'dod pa'i don la so sor nges pa ston pa yin no zhes khas blang bar bya'o//de yang snga ma bzhin te/ don du ma dang mngon 'brel na/ /'gal ba gsal bar byed pa srid/ /ces bya ba la sogs pa des thar par 'gyur ba bshad zin to/ /re zhig de ltar 'brel pa rtag pa dang mi rtag pa dag skyes bu la rag las pa nyid ma yin pa'i skyon bshad zin to//'brel pa skyes bu'i 'dod pas 'jug pa yin na yang skyes bus byas pa nyid yin pa'i phyir 'khrul par dogs par 'gyur te/ skyes bu 'khrul pa'i rgyu khas len pa'i phyir ro/ /'brel pa rtag pa nyid kyi skyon gzhan ni gzhan yang zhes bya ba la sogs pa smos te/ brjod par bya ba'i don 'brel pa can rnams mi rtag phyir/ de dag 'jig pa can yin na de la brten pa 'brel pa yang 'jig pa yin pa de ltar na/ 'brel pa la rtag yod ma yin/ /gzhan la brten pa zhes bya ba la sogs pas 'chad par byed/ gzhan la brten pa can 'brel pa yin te/ 'brel pa 'di la gzhan la brten pa yod pa'i phyir ro//ni'i sgras ni nges par gzung ba'o/ /ci'i phyir zhe na/ 'brel pa can la 'brel pa rag las pa med pa yin na 'brel pa can de dag gi 'brel pa nyid mi rung ba'i phyir ro/ /rta ba lang dang 'dra bar ltos pa med pas don 'ga' zhig de dang ldan par mi 'gyur ro//sgra dang don gyi 'brel pa'i rten de yang mi rtag pa yin te/ don rnams mi rtag pa nyid kyi phyir ro/ /rten de zhig cing nyams pa dang / 'brel pa brten pa yang zhig par 'gyur te/ sgron ma 'jig pa na de la brten pa'i 'jig pa lta bu'o/ /de lta ma yin na ste/ gal te rten 'jig pa na yang brten pa mi 'jig pa 'dod pa de'i tshe/rten du mngon par 'dod pa de la 'brel pa brten par mi 'gyur ro/ /gang zhig gang 'jig pa na mi 'jig pa de ni de la brten par rigs pa ma yin te/ dper na bum pa 'jig pa na snam bu mi 'jig pa lta bu'o/ /rten 'jig pa na 'jig par 'gyur ba de bas na 'brel ba rtag pa ma yin no//de'i rten gyi don yang brjod par bya ste zhes bya ba ni 'brel pa de'i 'brel pa can ci'i rten yin zhes rten brjod par bya'o/ /rten gyi don ni phan 'dogs pa'i don yin na de la yang 'di la yod pa ma yin no/ /ci'i phyir zhe na/ 'brel pa rtag pa la phan gdags su med pa nyid kyi phyir te/phul du byung bar byar med pa nyid kyi phyir ro/ /phan 'dogs par mi byed pa'i rten du mngon par 'dod pa yang rten ma yin par 'gyur ro/ /gal te/ 'brel pa can rnams mi rtag phyir/ /'brel pa la rtag yod ma yin/ /zhes gang bshad pa gsal bar brjod par bya bar 'gyur na skyon der 'gyur te/'on kyang rigs brjod par bya ste/ rigs rtag pa de brjod par bya ba nyid yin pa'i phyir/ 'brel pa can zhig pas 'brel pa mi rtag pa nyid kyi skyon yod pa ma yin no zhe na/ ma yin te zhes bya ba la sogs pas 'gog par byed de/ lan ni de ltar yin na gal te rigs brjod par bya ba grub na rigs ni brjod par bya ba ma yin te/de brjod pa la dgos pa'i phyir ro zhes bya ba ni ci nas skyes bu don byed par nus pa shes nas de bsgrub phyir/ 'jug par 'gyur zhes don rnam la/ /rjod par byed pa sbyor bar byed/ /de la rigs don byed rung min/ /zhes bya ba gzhan sel ba'i skabs su dpyad cing brtags zin to//brjod pa thams cad la rigs med pa'i rgyu'i phyir/ rigs brjod pa mi rung ba'i phyir ro/ /gang la rigs med pa yin zhe na/ 'dod rgyal zhes bya ba la sogs pa smos te/ phyi rol gyi rgyu mtshan med par sgra sbyor bar 'dod pa na 'dod rgyal nyid de/ pha rol gyi rgyu mtshan med par gsal ba rnams la sbyor bar byed ces bya ba'i don to/ /lha sbyin la sogs pa'i sgra gsal bar brjod pa rnams la/ sgra rnams kyi 'jug pa rnam pa bzhis ston la gang yin pa de dag gi 'dod pas 'di skad du/ rigs kyi sgra dang / yon tan gyi sgra dang / byed pa'i sgra dang /'dod rgyal gyi sgra zhes brjod do/ /'dir lha sbyin la sogs pa spyi'i sgra brjod par bya ba yod pa ma yin no/ /gal te rnam pa thams cad du rigs brjod pa de'i tshe thams cad du rigs brjod par khas len pa na khyad par gzhan spangs pa ste/ gsal ba gzhan yongs su btang nas gsal ba gzhan mngon par 'dod pa 'ga' zhig la 'jug par mi rung ba'i phyir ro//spyi brjod pa na khyad par gzhan spangs nas khyad par gzhan la 'jug par rigs pa ma yin no/ /ba lang gsad par mi bya zhes brjod pa na/ gsal ba 'ga' zhig yul du byed pa ni ma yin gyi/ 'on kyang bye brag med par thams cad kho na yin no//khyad par gzhan 'ga' zhig la 'jug pa yang mthong ste/ 'di ltar ba'i bdag pos khugs shig ces brjod pa na/ bdag po gzhan dang ldan pa'i bor nas ba rnam par nges pa ded nas 'ongs par 'gyur ba de bas na thams cad du rigs brjod par bya ba ma yin no/ / gang gi phyir de ltar ngo bo nyid kyis tha dad pa dag gi 'brel pa don dam pa pa mi 'thad pa de'i phyir rjes su 'gro ba dang ldog pa can gyi zhes bya ba yod pa dang ldan pa'i dngos po ste/ 'bras bu mngon par 'dod pa'i rgyur mngon par 'dod pa yod pa dang med pa'i sgo nas/ yod pa dang med pa gang yin pa de dag ni 'brel pa pa yin te/bskyed par bya ba dang skyed par byed pa'i dngos po nyid ni tha dad pa rnams kyi 'brel ba yin no zhes bya ba'i don to/ /gang gi phyir de lta yin pa rgyu de'i phyir rgyur gyur pa don rnams dang lhan cig 'bras bu'i bdag nyid can gyi sgra rnams kyi 'brel pa de byed pa po skyes bu'i blo ste shes pas legs par byas shing rnam par gzhag pa yin no//don yod na sgra yod pa'i phyir dang med na mi sbyor ba'i phyir don yod pa dang med pa'i sgo nas sgra yod pa dang med pa gang yin pa de dag la brten nas blos don dang sgra dag gi 'brel pa rnams gzhag pa yin no zhes bya ba ni ngag gi don to//de nyid yod pa dang zhes bya ba la sogs pas 'chad par byed de/ don gyi sgo nas sgra yod pa dang med pa gang yin pa de dag la brten nas/ rang bzhin gyi 'brel pa can gyi don dang sgra dag ma 'dres su zin kyang thog ma med pa'i dus nas tha snyad la goms pa las skyes bu la 'dres par snang ba ste/rnam par rtog pa'i blo la snang bar 'gyur ro/ /phyir ni gtan tshigs kyi dngos po rnams kyis 'dres pa dang 'brel pa ni skyes bus byas pa yin te/ tha snyad kyi bag chags kyi stobs kyis gzhag par 'gyur ba nyid kyi phyir ro/ /'brel pa don dam par yod par 'gyur ba khas len pa la skyon gzhan bstan pa'i phyir/gzhan yang zhes bya ba la sogs pa smos te/ brjod par bya ba nyid du 'dod pa'i rten zhig pa las 'brel pa zhig par gyur pa na/ de'i rjod par byed pa nyid du 'dod pas 'brel pa med pa can gyi sgra de yang / 'di la 'brel pa med pa de ltar na de'i dngos po ste/'brel pa med pa'i phyir/ 'di ni snga na med pa'i brjod par bya ba dang 'brel pa ma yin no/ /de ni brjod par bya ba dang sngar ngo bo nyid kyis 'brel par rnam par gzhag pa gang yin pa de ni/ rten zhig pa las zhig par 'gyur la 'brel pa gzhan ni yod pa ma yin pas na med pa dang 'brel par mi 'gyur ro//gal te brjod par bya bar mngon par 'dod pas gsal bya rnams mtha' yas pa can yin pa'i phyir/ gsal ba re re zhig na yang gsal ba gzhan srid pas/ 'brel pa zhig pa ma yin no zhe na/ gdon mi za bar 'brel pa zhig par khas blang bar bya'o//de lta ma yin na gsal ba 'brel pa'i rten du mi 'gyur te/ zhig na yang 'brel pa la 'jig pa med pa'i phyir ro/ /skyes shing 'byung ba zhes bya ba ni sngar ma byung ba yin te/ gang dang gang dag skyes pa de rnams la re zhig skyes pa las sngar 'brel pa gnas pa ma yin te/ gnyi ga la gnas pa ni 'bral ba can med par gnas par mi rung ba'i phyir ro//'brel pa gnas pa med pa de'i phyir de dag ni 'brel pa can ma yin par 'gyur ba de bas na brjod par bya ba ma yin par yang 'gyur ro/ /gal te yang de la 'brel pa gnas pa med pa de ltar na yang don de rnams dang lhan cig 'brel pa skye bar 'gyur ba de bas na skyon 'di med do zhe na/de la yang zhes bya ba la sogs pa smos te/ skyes shing byung ba'i dngos po de yang 'brel pa don dang lhan cig skyes pa na ste rtogs par 'gyur/ sgra rnams la ni rang bzhin dag /rnam par ldog par mi rigs so/ /gang 'di phyis don dang lhan cig 'brel pa skyes par 'gyur na/sgra la sngar de dang 'brel pa can gyi rang bzhin nyid yod pa ma yin te/ 'brel pa med pa'i phyir ro/ /phyis 'gyur ro zhe na/ sgra rnams kyi rang bzhin rnam par bzlog par gyur na de yang rtag pa nyid kyi phyir mi rigs so/ /ci ste zhes bya ba la sogs pas 'chad par byed de/sngar 'brel pa can zhig nas sgra gang la 'brel pa zhig yod pa de la don gzhan te phyir 'byung ba la 'brel pa med cing bral ba'am/ de bzhin du don rnams te/ phyis 'byung ba rnams brjod par bya ba yin par ma gyur cig snyam pas skyes shing 'byung ba'i don 'brel pa dang ldan pa skye bar 'gyur ba de'i tshe/'brel pa skyes bus zin kyang sgra la mi 'gyur te/ 'brel pa de dang ldan par mi 'gyur ro/ /ci'i phyir zhe na/ phyis skyes pa de dang 'brel pa med pa can gyi rang bzhin gyi sgra de ni ste/ sgra la sngar yang 'brel pa med pas de dang 'brel pa'i rang bzhin can nyid yod pa yin no zhes brjod par mi nus so//sgra ni rtag pa nyid kyi phyir 'brel pa med pa can gyi rang bzhin ldog pa yod pa ma yin pa de bas na/ rang bzhin bzlog pa med pa ste/ sngar 'brel pa med pa'i rang bzhin can yin pa dor ba med pa'i de'i ngo bo mi rung ba'i phyir te/ 'brel pa de dang 'brel pa can gyi ngo bo mi rung ba'i phyir ro//de bas na sgra 'brel pa can ma yin par 'gyur zhes bstan to/ /ci ste sgra phan 'dogs par byed pa ma yin pa yang 'brel pa'i rten du 'gyur ba de bas na/ 'dir don dang lhan cig ces bya ba la sogs pa smos pa la/ gzhan las grub pa zhes bya ba ni sgra las gzhan pa'i don las grub pa sgra phan 'dogs pa med pa la de mi rten pa'i phyir ro//ci ste sgra ni 'brel pa skyed pa la lhan cig byed pa nyid du 'dod pa de'i tshe/ sgra de yang de skyed par byed pa'i lhan cig byed pa nyid de/ 'brel pa skyed par byed pa'i lhan cig byed pa nyid yin na sgra'i nus pa nyid rtag tu skyed par thal bar 'gyur ba ste/dus thams cad du 'brel pa skyed par thal bar 'gyur ro/ /ci'i phyir zhe na/ ltos pa med par thal bar 'gyur ro/ /ci ltar gzhan la lhan cig byed pa la ltos pa med pa yin zhe na/ sgra rtag pa la yang lhan cig byed pa rnams kyis phan gdags su med pa'i phyir ro//gal te sngar 'brel pa skyed pa la 'di nus pa med pa yin pa de bas na rtag tu 'brel pa skyed pa ma yin no zhe na/ nus pa med pa yin na yang zhes bya ba la sogs pa smos te/ sngar 'brel pa skye ba la nus pa med pa yin na yang / phyis kyang 'brel pa'i dus su yang nus pa yod pa ma yin no//ci'i phyir zhe na/ sngar gyi nus pa med pa'i rang bzhin mi 'dor ba'i phyir ro/ /don dam pa'i 'brel pa'i skyon gang yin pa 'di ni rnam brtags te/ blo la snang ba yod pa ma yin no/ /dngos po zhes bya ba la sogs pas 'chad pa la skyes bu goms pa ste/ rnam par rtog pa'i blo de la snang ba'i ngang tshul gang la yod pa de ni skyes bu goms pa la snang ba can no//de nyid kyi phyir de la ltos pa'i mtshan nyid can te/ blo de la goms pa la ltos pa'i rgyu mtshan 'ga' zhig gis sbyar ba'i rgyu mtshan can de yang / skyes bus byas pa'i 'brel pa yin gyi/dngos po 'dres pa la ltos pa can ni ma yin zhing / dngos po rnams 'dres shing gcig tu gyur pa de la ltos pa can du 'gyur ba ma yin te/ dngos po thams cad kyi rang bzhin tha dad pa'i rang gi ngo bor gnas pa'i phyir ro/ /'on kyang skyes bu des rtag tu zin kyang rang bzhin te/ bdag nyid gzhan du bsgyur ba med pa ste/'brel pa can ma yin pa'i rang bzhin bstan pa ma gsal zhing / gzhan 'brel pa can gyi rang bzhin byas pa med pa 'ga' zhig las zhes bya ba ni gang gi de lta bur gyur pa'i bag chags yongs su smin pa las so/ /rang nyid kyis dpyad nas zhes bya ba ni 'di la 'brel pa ma yin no zhes sbyor bar byed pa'i phyir te/skyes bu'i tha snyad goms pa'i phyir rtag pa nyid du mngon par 'dod pa de dag kyang de ltar 'gyur te/ skyes bus nye bar btags pa'i 'brel pa can du 'gyur na yang de tsam gyis snga ma'i gnas skabs 'brel pa med pa can gyi rang bzhin las 'jig pa'i chos can ma yin no//'di skad du blos kun du brtags pa'i 'brel pa de ni kun du brtags pa dag rtag pa yin du zin kyang 'gal ba yod pa ma yin pa de bas na/ de nyid brten par bya bar rigs kyi don dam par ni ma yin no zhes bstan par 'gyur ro/ /rten zhig pas zhes bya ba la sogs pa gzhan gyi bsam pa la dogs par byed pa yin te/gang du rten nyams pa'i rgyus brten pa 'jig pa'i phyir 'brel pa mi rtag pa yin no zhes bshad pa gang yin pa de la ste/ sun 'byin pa 'di la gal te rten ni 'jig na yang 'brel pa ni 'jig min rtag phyir rigs dang 'dra zhes bya ba brjod de/ 'di ltar 'brel pa ni rigs rtag pa nyid kyi phyir ro//rten zhig na yang mi 'jig pa de dang 'dra'o zhes bya ba ni len yin no/ /de la yang sun 'byin pa smos te/ rtag rnams te/ rigs la sogs pa 'gyur ba med par mngon par 'dod pa rnams la rten gyi nus pa gang / cung zhig kyang byed pa med pa gang gis rten de 'dod pa yin/'di skad du zhes bya ba la sogs pas tshig le'ur byas pa'i don 'chad par byed pa la/ thos mod kyi zhes bya ba 'di ni rab tu grags pa tsam de ni dngos po med pa can yin no zhes bstan pa'i phyir/ rigs rtag pa de yang gsal ba rnams la brten pa yin na yang / rten dang lhan cig 'jig pa yin no zhes thos mod kyi/'on kyang rigs la sogs pa rtag pa rnams la rten gyis byas pa'i phan 'dogs pa'i rten gyi nus pa ma mthong na/ gang gis na 'di rten mngon par 'dod pa'i rten yin/ ci'i phyir zhe na/ byas pa ste grub pa'i rang bzhin la byed pa med pa'i phyir dang / rten byed pa po ma yin pa yang mi ltos pa nyid kyi phyir ro/ /gal te rigs dang 'brel pa ni rten las gsal ba ste/ mngon par gsal ba dmigs su rung ba nyid du 'gyur ba de nyid rten gyis byas pa'i phan 'dogs pa'i rgyu yin pa de bas na dngos po la rten zhes bya'o zhe na/ lan du shes pa zhes bya ba la sogs pa smos te/shes pa skyed byed lhan cig byed/ sgron ma la sogs pa la rgyu rnams tshogs par 'gyur ba las te/ yul rung ba'i gnas skabs las so/ /de skyed par ni rung nyid phyir te/ rang dang rjes su mthun pa'i rnam par shes pa skyed pa'i nus pa dang rjes su mthun pa'i phyir ro//rigs pa shes pa ste rigs pa la mkhas pas gsal bya bum sogs kyi/ gsal ba skye ba la yang 'dod/ /khyad med 'gyur ba med rnams kyi ste/ gsal ba dag las shes pa skyer rung ba nyid skye bar mi byed/ rigs la sogs pa gsal bya dag rtag pa nyid kyi phyir ro/ /rigs la sogs pa de rnams kyi gsal byed rang gi don ci byas te phan gdags pa cung zad kyang yod pa ma yin no//gang gi phyir rigs la sogs pa de dag gsal byed des gsal ba ste mngon par gsal bar 'dod/ lhan cig byed pa ste zhes bya ba la sogs pas 'chad par byed de/ lhan cig byed pa snang ba ste/sgron ma la sogs pa las so/ /ci lta bur gyur pa zhe na/ nye bar len pa la ltos pa las te/ bum pa la sogs pa skad cig ma snga ma ni shes pa bskyed pa'i nus pa med pa yin la/ bum pa la sogs pa'i skad cig ma'i nus pa ni nye bar len pa'i rgyu yin te/ de la ltos pa las rang gi yul la shes pa skyed par rung ba'i skad cig ma gzhan skye ba kho na bum pa la sogs pa mngon par gsal ba ma yin no//de lta ma yin na gal te sgron ma la sogs pa las shes pa skyed par rung ba nyid bum pa la sogs pa thob par mi 'gyur ba de'i tshe de la phan 'dogs pa ste/sgron ma la phan 'dogs pa dag shes pa bskyed par thal bar 'gyur ba'i phyir ro/ /ci ste sgron ma la sogs pas sngar gsal ba nus pa med pa ni nus pa byed par 'dod pa de'i tshe/ nus pa byed pa sgron ma la sogs pa ni bum pa la sogs pa la shes pa skyed par byed pa nyid yin pa'i phyir ro//ci'i phyir zhe na/ nus pa de ni de'i bdag nyid can nyid de/ gsal ba'i bdag nyid can yin pa'i phyir ro/ /de skyes pas bum pa la sogs pa nyid bskyed par 'gyur ro/ /ci ste nyes pa der ma gyur cig snyam pas/ sgron ma la sogs pas byas pa'i nus pa ni gsal bya las don gzhan nyid du 'dod pa de'i ste/nus pa'i don gzhan du khas len na ni bum pa la sogs pa'i dngos po la sgron ma la sogs pa phan 'dogs par byed pa ma yin par thal bar 'gyur ba'i phyir ro/ /gzhan la byas pa ni gzhan la phan btags par 'gyur ba ma yin te/shin tu thal ches pa'i phyir ro/ /gang yang sgron ma la sogs pa'i nus pa don gzhan yin pa des kyang bum pa la sogs pa'i shes pa bskyed pa'i phyir dus thams cad du nus pa kho na gzung bar bya ba yin pas/ rang gi yul la shes pa bskyed pa ma yin pa bum pa la sogs pa dag ni mi 'dzin par 'gyur ro//bum pa la sogs pa 'dzin par 'dod pa de'i tshe/ yang snang ba la ltos pa med pa can 'dzin par thal bar 'gyur ba'i phyir te/ snang ba la ltos pa med pa'i bum pa la sogs pa 'dzin pa thob par 'gyur zhes bya ba'i don to/ /gal te ji ltar na snang ba la ltos pa med pa yin zhe na/ltos pa med pa ni zhes bya ba la sogs pa smos te/ bum pa la sogs pa snang ba la ltos pa med pa thob pa gang yin pa de ni bdag nyid la phan 'dogs pa med pa ste/ sgron ma la sogs pas bum pa la sogs pa'i bdag nyid la phan 'dogs pa med pa'i phyir ro/ /nus pa tha dad pa yin na bum pa la sogs pa dag cung zad kyang phan 'dogs pa ma yin no//de bas na zhes bya ba ni de'i phyir ro/ /gsal bya 'di dag ni rang gi yul la rnam par shes pa skyed par byed pa'i phyir te/ de'i rgyu mtshan zhes bya ba'i don to/ /gzhan bum pa la sogs pa yang ltos par gyur pa na/de las zhes bya ba gzhan las rang gi ngo bo phul du byung ba ste/ shes pa skyed par rung ba'i rang gi ngo bo bdag gir byed do/ /rgyu des na sgron ma la sogs pa 'di'i gsal byar mngon par 'dod pa de dag bskyed par bya ba kho na yin no/ /gal te bskyed par bya ba la ci'i phyir gsal bya zhes de ltar ston par byed ce na/shes bya'i zhes bya ba la sogs pa smos te/ gsal byed sgron ma la sogs pa las shes pa'i ngo bo ste/ gzung ba'i ngo bo thob pa ste/ rnyed pa'i rgyu'i phyir ro/ /gdon mi za bar de'i yul can gyi shes par 'gyur ba de bas na/ shes pa'i dbang gis te 'bras bu'i khyad par du brjod pa kun nas 'dzin pa'i shes pa ni/'bras bu'i khyad par du brjod pa gsal bya la sogs pa'i sgras kun nas ma bzung ba'i shes pa can gyi 'bras bu rnams las khyad par du bya ba'i phyir/ gdon mi za bar shes pas gzung bar bya ba gang yin pa de bskyed par bya ba yin du zin kyang gsal bya zhes brjod do//de ltar gyur pa yin pa gang yin pa de ni 'bras bu nyid ces brjod de/ de ltar rab tu grub pa'i don du gsal bya brjod pa yin no zhes bya ba'i tha tshig go/ /de ltar rigs dang 'brel pa la sogs pa dag ni zhes bya ba ni rigs dang 'brel pa dang / de dag dang por byas pa gang la yod pa de dag ni rigs dang 'brel pa la sogs pa dag go//sogs pa'i sgras ni gzhan rtag pa la mngon par 'dod pa'i rten yang yongs su gzung ngo / /rten du 'dod pa rnam pa 'ga' zhig gis phan gdags par bya ba ma yin pa nyid yin pa'i phyir ro/ /phan 'dogs par byed pa ma yin pa des de ltar/gsal bar rigs pa ma yin no zhes bya bar sbyar ro/ /gal te yang sgra dang don dag gi 'brel pa dngos po nyid yin par 'gyur ba nyid yin pa de'i tshe/ 'brel pa dngos po nyid yin na yang 'brel pa can dag las 'brel pa ni tha dad phyir te/ 'brel pa zhes bya ba dngos po gsum skye bar 'gyur la/de yang gal te dmigs pa'i mtshan nyid kyir gyur pa de'i tshe/ tha dad phyir blo sna tshogs 'gyur pa ste/ don gsum dmigs pa nyid kyis so/ /'brel pa zhes bya ba la sogs pas 'chad par byed de/ sgra dang don dag gi 'brel pa de yang dngos por 'gyur na/des par sgra dang don dag las tha dad pa dang tha dad pa med pa las 'das pa ste brgal ba ma yin no/ /de nyid dang gzhan nyid las dngos po rnam pa gzhan mi srid pa'i phyir ro/ /de bas na gal te 'brel pa can dag las de tha dad pa yin pa de'i tshe/ de las gzhan ma yin te/gang gi phyir ngo bo ste rang bzhin dngos po yin na rang bzhin de'i ngo bo nyid ma yin pa nyid de/ de nyid ma yin pa ni gzhan nyid yin no zhes ngo bo der gyur pa ma yin pa ni gzhan nyid las ma 'das pa'i phyir ro zhes bya ba'i skabs su bshad zin to/ /'brel pa de yang mig gis gzung bar bya ba yin na/rang gi blo ste 'brel pa la dmigs pa can gyi blo las de las gzhan pa dag las ngo bo tha dad pa can zhes bya ba'i 'brel pa gzhan pa de las ngo bo tha dad pa can de nyid 'brel pa'i bdag nyid can yin te/ 'brel pa can gyi ngo bor snang ba med pa zhes bya ba'i don to/ /ji ltar na de ltar 'gyur ba ste/ de las gzhan pa dag las ngo bo tha dad pa can du ji ltar 'gyur/ci'i phyir zhe na/ gnas skabs kyi don la snang ba tha dad pa med pa ste bye brag med cing khyad par med pa dang / ma mthong ba gang yin pa de dag ni snang ba tha dad pa med pa dang / ma mthong ba dag ste go rims bzhin du tha dad pa dang yod pa nyid bzlog pa dag gi brten pa can nyid yin pa'i phyir ro//tha dad pa bzlog pa ni tha dad pa med pa ste/ de mthong ba dang tha dad pa med pa rten yin zhing / yod pa nyid bzlog pa ni med pa yin te/ snang ba ma mthong ba rten pa yin no/ /gang las khyad par dmigs pa gang yin pa de las gzhan ma yin te/ snang du zin kyang mi dmigs pa gang yin pa de ni yod pa ma yin no zhes bya ba'i don to//de lta ma yin pa gang zhig gang las don gzhan yin no zhes khas len pa dang / snang ba de las tha dad pa med pa dang / ma mthong ba yod pa ma yin pa la/ gal te tha dad pa dang yod pa nyid du brtags pa de'i tshe/ de dag gis gnas pa ste/tha dad pa med pa dang ngo bo med pa dag gi gnas skabs ni med par thal bar 'gyur ro/ /'di ltar gal te snang ba tha dad pa med pa dang ma mthong ba de dag ni gnas 'di'i rgyu mtshan yin na/ tha dad pa med pa dang ngo bo med pa dag ni sgrub par byed par 'dod pa ma yin pa de'i tshe/ de'i gnas skabs rgyun chad par 'gyur ro//gal te 'brel pa ni dbang po las 'das pa nyid yin pa'i phyir tha dad pa blo la mi snang du zin kyang dbang po la sogs pa dang 'dra bar ji skad du bshad pa'i skyon yod pa ma yin te ji ltar mig la sogs pa'i dbang po gzugs la sogs pa las tha dad pa blo la snang ba med pa de lta na yang /tha dad pa yod pa de dang 'dra bar 'brel ba yang 'gyur zhes bya ba'i don to/ /ma yin te zhes bya ba la sogs pas 'gog par byed de/ 'brel pa dbang po las 'das pa ma yin no/ /ci'i phyir zhe na/ dbang po las 'das pa'i 'brel pa de las don mi rtogs par thal bar 'gyur ba'i phyir ro/ / ci'i phyir zhe na/ rab tu ma grub pa ste rang gi ngo bor ma nges pa ni shes par byed pa nyid ma yin pa'i phyir/ gang zhig gang na lhan cig 'brel pa ma bzung ba de'i sgo nas de rtogs par rigs pa ma yin no/ /de ltar ni 'gyur na gsal bar byed pa thams cad ni rang gi bdag nyid kyi shes pa la ltos nas/ gsal ba'i don gsal bar byas pa ma yin gyi/'on kyang dbang po dang 'dra ba thag nye ba tsam gyis yin no zhe na/ thag nye ba tsam gyis zhes bya ba smos te/ yod pa tsam gyis don shes par bya ba nyid yin par khas len na ni sgra dang don gyi 'brel pa la blo ma byang ba rnams kyis kyang don 'di rjod par byed pa don 'di'i yin no zhes rtogs par 'gyur ro//'dod par ni 'gyur na 'brel pa tha dad par dmigs pa nyid ni yod pa de yang mngon sum las 'das pa ma yin gyi/ 'on kyang rjes su dpag pa las yin no zhe na/ de'i phyir rjes su dpag pa las zhes bya ba la sogs pa smos te/ 'brel pa rjes su dpag pa las rtogs pa ma yin no//ci'i phyir zhe na/ rtags med pa'i phyir te 'brel pa sgrub par byed pa'i rtags ni cung zad kyang yod pa ma yin no/ /'bras bur gyur pa'i don khong du chud par brtags pa yin par brjod na/ de yang 'brel pa grub pa sngon du song ba can yin na de grub pa med par yod pa ma yin pa'i phyir rtags ma yin no//dpe ma grub pa'i phyir yang rjes su dpag pa las rjes su grub pa ma yin no/ /brjod par bya ba dang rjod par byed pa'i mtshan nyid can gyi 'brel pa log par rtogs pa de lta bur gyur pa'i 'brel pa 'ga' zhig kyang grub pa med na gang zhig dper 'gyur/ ci'i phyir zhe na/ dpe nyid du bstan par 'gyur ba de yang dbang po las 'das pa'i rgyu nyid kyis sgrub par byed pa la ltos pa'i phyir ro//sgrub par byed pa yang yod pa ma yin te/ de yang dpe ma grub pa'i phyir ro/ /gal te dbang po la sogs pa dag la yang ste/ dbang po las 'das pa nyid du yod pa dag la/ sgrub par byed pa rjes su dpag par byed na/dpe dang bral ba de dang de la mtshungs pa yin no zhe na/ mtshungs pa ma yin no/ /ci'i phyir zhe na/ dbang po la sogs pa de dag ni rnam pa gzhan gyi rjes su dpag pa'i phyir te/ dbang po mngon sum ma yin pa rnams kyi ngo bo 'ga' zhig 'dis sgrub par mi byed na gang gis skyon mtshungs par 'gyur/'on kyang snang ba la sogs pa 'ga' zhig yod pa na rjes su 'gro ba dang / ldog pa dang ldan pa ste/ yod pa dang med pa dang ldan pa zhes bya ba'i don te/ mig 'dzums pa la sogs pa'i gnas ni ldog pa dang ldan pa yin la/ bzlog pa'i gnas skabs ni rjes su 'gro ba dang ldan pa'o/ / shes pa ni mngon sum 'bras bur gyur pa'o/ /de lta bur gyur pa'i 'bras bu'i shes pa des de tsam la mi 'byung ba can te/ gang yod pa dag la yang med par ma mthong ba de tsam las mi 'byung ba can te/ mi skye ba'i bdag nyid sgrub par byed do/ /de las ldog pa la ltos pa ste/ ji ltar rgyu thag nye bar gyur pa las ldog pa'i rgyu la ltos pa sgrub par byed do//rgyu gzhan 'ga' yang yod pa ma yin pa de bas na/ ji skad du bshad pa'i rigs pas 'bras bu'i sgo nas dbang po grub pa yin no/ /'dir dpe yang myu gu la sogs pa rgyu ma tshang ba'i mi 'byung ba can dag yin no/ /'di ltar 'brel pa ni mig la sogs pa dang 'dra bar 'bras bu ldog pa'i sgo nas rjes su dpag pa ma yin te/'brel pa de ma grub na 'brel pa'i 'bras bu shes pa nyid med pa'i phyir ro/ /gal te sgra dang don nyid 'brel pa rjes su dpog pa'i rtags yin no zhe na/ de la zhes bya ba la sogs pa smos te/ 'brel pa de la ni sgra dang don gyi ngo bo ste/ rang bzhin rtags ma yin no/ /ci'i phyir zhe na/ sgra dang don dag ni thams cad rung ba nyid kyi phyir te/ sgra thams cad ni don thams cad kyi brjod par rung ba nyid kyi phyir dang / don thams cad ni sgra thams cad kyi brjod par bya ba nyid du rung ba'i phyir ro/ / don gyi khyad par rtogs pa'i rgyu mtshan ni 'brel pa yin la/ don gyi khyad par rtogs pa la brten pa'i 'brel pa ni sgra dang don ma nges pa dag las rtogs pa med pa'i phyir ram/ rtogs na khyad par med par 'brel pa med pa thams cad rtogs par 'gyur ba'i phyir don thams cad rtogs par 'gyur ro/ / de ltar yang ma yin pa de bas na sgra dang don dag las 'di rtogs pa ma yin no/ /gal te sgra dang don dag las 'brel pa'i khyad par dang lhan cig 'ga' zhig tu 'brel pa grub par 'gyur ba de'i tshe/ 'brel pa'i khyad par rtogs par 'gyur na/ 'brel pa'i khyad par gyi sgra dang don la rgyu mtshan med pa can nyid la 'brel pa'i khyad par rtogs par 'dod na/'brel pa rtogs pa de rgyu mtshan med pa can yin par 'dod na de'i khyad par rtogs pa nges pa dang 'dra ba ste/ 'brel pa'i khyad par rtogs pa'i nges pa dang 'dra bar sgra rnams kyis don bstan pa na yang rgyu mtshan med pa can du ci'i phyir mi 'dod/ sgra dang don gyi rang bzhin can gyi rtags de ni 'brel pa thams cad go bar 'gyur ro//de nyid kyi phyir khyad par med pa nyid du don thams cad rtogs par 'gyur ro/ /thams cad kyis te skyes bus bzung ba'i brda dang ma bzung ba'i brdas don thams cad rtogs par 'gyur ro/ /de bas na ji skad du bshad pa'i rigs pas 'brel pa grub pas don rtogs pa'i rgyu'i phyir/skyes bu 'ga' zhig gis don rtogs pa'i phyir yang dag pa'i man ngag ste/ gzhan gyi man ngag la ltos par mi 'gyur ro/ /gal te sgra yan gar ba ni 'brel pa bstan pa'i phyir rtag pa nyid ma yin gyi 'on kyang man ngag dang bcas pa'i sgra ni rtag pa nyid yin no zhe na/de bas na da ni brgyud pa 'dis ci zhig bya ste/ yang dag pa'i man ngag dang de las sgra rtags nyid dang de las don rtogs pa zhes bya ba brgyud pa 'dis ci zhig bya/ yang dag pa'i man ngag la ltos par sgra yan gar ba don dam pa'i 'brel pas stong pa de nyid don shes par byed par ci'i phyir mi byed de/gang gi 'brel pas gzhan rnam par rtog par byed/ sgra de yang gang la bsam pa can gyis te/ don gang zhig brjod pa'i bsam pa can gyi skyes bus rab tu sbyor bar byed pa brda'i dus su mthong gi gzhan du mi mthong ste zhes bya ba ni brjod par 'dod pa'i don las ldog par sbyor ba ni mi mthong ngo //'dis ni rjes su 'gro ba dang ldog pa bshad pa de ltar na/ ji skad du bshad pa'i mthong ba dang ma mthong ba dag las du ba la sogs pa dang 'dra bar don de rtogs pa skyed par byed do/ /mthong ba dang ma mthong ba dag gis bstan pa sgra dang don dag gi med na mi 'byung ba zhes bya ba de nyid 'brel pa yin no//don rtogs pa bskyed pa 'di la yang ji skad du bshad pa'i med na mi 'byung ba'i 'brel pa ma rtogs par/ gzhan don dam pa'i 'brel pa'i nus pa ma mthong zhing / 'brel pa'i don gzhan de bsgrub pa'i thabs te/ bsgrub pa'i rtags kyang cung zad tsam yang ma mthong ngo //de ltar re zhig 'brel pa tha dad pa'i skyon dag bshad nas/ tha mi dad par khas len pa'i skyon ni ci ste zhes bya ba la sogs pa smos te/ gal te sgra dang don dag gi 'brel pa gzhan nyid ma yin pa de'i tshe/ 'brel pa can de dag las 'brel pa tha dad min na/ 'brel pa can sgra dang don 'ba' zhig de nyid yin pa de ltar na/'brel pa zhes bya ba gang yang med do/ /gal te 'o na de nyid dang gzhan nyid dang bral ba'i 'brel pa yin no zhe na/ 'di las zhes bya ba la sogs pa smos te/ de nyid dang gzhan nyid kyi rnam par rtog pa 'di las/ dngos po gzhan yod pa ma yin te dngos po yang ngo bo med pa'i phyir/de nyid dang gzhan nyid las 'das pa yin no/ /gnas skabs zhes bya ba la sogs pas 'chad par byed de/ gnas skabs gzhan ni zhes bya ba ni rang bzhin gzhan gyi gnas skabs na'o/ /ngo bo tha dad pa'i rgyu can nyid yin pa de ni rang bzhin sna tshogs pa'i rgyu can yin pa'i phyir ro//gang yang tha dad pa'i ngo bo can ni ma yin gyi 'on kyang de'i ngo bo nyid can te/ 'brel pa'i ngo bo kho nar 'dod pa 'brel pa zhes bya ba'i dngos po de nyid yin par 'gyur te/ 'brel pa can gyi rang bzhin kho nar 'gyur gyi gzhan ni ma yin no/ /sna tshogs pa nyid ma yin du zin kyang khyod kyis byas pa dang mi rtag pa nyid tha dad par gzhag par byas pa yang ma yin zhe na/sngar bshad pa'i zhes bya ba la sogs pa smos te/ chos tha dad pa kun du brtags pa yin pa'i phyir ro/ /sngar bshad pa'i rim pas zhes bya ba ni gzhan sel bar byas pa'i ldog pas byas pa'i tha dad pa'i rten can gyis so//ldog par byas pa'i tha dad pa rtogs pas byas pa de yang gcig la 'gal ba med pa yin gyi/ dngos po tha dad pa ni gcig la 'gal ba med pa ma yin te/ 'on kyang 'gal ba kho na yin no/ /gcig la don dam par sna tshogs pa nyid mi rung ba'i phyir ro/ /tha dad pa dang tha dad pa med pa ma gtogs pa/dngos po rnam pa gzhan ni med do/ /ci'i phyir zhe na/ dngos po de ni ngo bo ste rang bzhin gyi mtshan nyid can nyid yin pa'i phyir ro/ /ngo bo yang rnam par rtog pa de las ma 'das pa'i phyir te/ tha dad pa dang tha dad pa med pa'i rnam par rtog pa las ma 'das pa'i phyir ro/ /gzhan yang ngo bo nyid kyi dngos po'i ngo bo tha dad phyir/ngo bo 'dres pa la sogs pa'i mtshan nyid can gyi de kho na nyid kyi 'brel pa ni med kyi/ 'on kyang 'brel pa rtogs pas byas pa yin zhes bya ba ni/ sngar yod pa dang med pa de dag la brten nas ma 'dres su zin kyang / tha snyad la goms pa'i skyes bu la 'dres par snang ba'i phyir ro zhes bya ba la sogs pas bshad zin to//gang gi phyir 'dres pa'i mtshan nyid can gyi 'brel pa ni dngos po ma 'dres pa ste mtshan nyid tha dad pa rnams la yod pa ma yin no/ /sgra'am don rnams kyi ngo bo 'dres pa las don gzhan nyid ni 'brel pa'i dngos po gsum pa yin no zhe na/de dag gi zhes bya ba la sogs pa smos so/ /dngos po yod par gyur pa don gzhan la rag lus pa ste/ 'brel pa can la rag lus pa dngos po gzhan gyi 'brel par ji ltar 'gyur/ ci ste yang 'gyur na ngo bo yang 'dres pa kho na 'brel pa yin na/ de yang 'brel pa'i rgyu rdzas gzhan gsum pa yod na 'gyur ro zhes bstan par bya ba de'i phyir/rdzas ni zhes bya ba la sogs pa smos te/ rdzas zhes bya ba don gzhan dngos po gsum pa ji ltar na gzhan gyi 'brel pa yin zhes sbyar bar bya ste/ 'brel pa'i rgyu'i 'brel pa'i ngo bor 'dres pa'i rgyur ji ltar 'gyur zhes bya ba'i don to//dngos po yod pa gzhan la rag lus pa'i 'brel pa zhes bya ba 'di ni/ dngos po gsum pa kho na 'brel pa yin no zhes bshad zin to/ /rdzas 'brel par 'gyur zhes bya ba 'dis ni dngos po gsum pa la ni ngo bo 'dres pa'i rgyu nyid du bshad de/ 'brel pa ni ngo bo 'dres pa'i rgyu yin no//'di gnyi ga yang mi rigs so/ /de la dang por rung ba ston te/ yod pa grub pa gzhan la ltos par mi 'gyur ba zhes bya ba grub pa la thams cad du 'dod pa nyid kyi phyir ro/ /ltos pa med par rang brgyud pa de lta bur gyur pa de ni gzhan gyi 'bral pa ma yin no/ /rung ba yin pa gnyis pa ni rdzas zhes bya ba la sogs pa smos te/rdzas zhes bya ba rang bzhin brjod pa ste/ dngos po gzhan kho na brjod pa yin na/ de ji ltar 'brel pa can gyi rang bzhin gyi dngos po gzhan la 'dres par 'gyur te/ 'dres pa'i rgyur ji ltar 'gyur zhes bya ba'i don to/ /rang bzhin gzhan yod pa nyid kyis gzhan 'brel pa can gyi rang bzhin 'dres pa ma yin no//gal te ma 'dres pa can te 'brel pa zhes bya ba'i 'brel pa med pa dang 'dres par 'gyur mod kyi 'dres pa can te 'brel pa dang 'dres par 'gyur ro zhe na de nyid de ltar ma yin no/ /ci'i phyir zhe na/ 'brel pa 'dres par 'gyur ba gang gis 'brel pa can de dag la 'dres par 'gyur ba'i 'brel pa zhes bya ba de nyid 'brel pa can de dag dang 'dres par ma grub pa'i phyir ro//de bas na zhes bya ba la sogs pa la/ gal te don 'brel pa can gzhan dag don gzhan gsum pa dang 'dres par gyur pa de'i tshe/ thams cad gsum pa 'ga' zhig dang 'dres par thal bar 'gyur te/khyad par med pa'i phyir ro/ /'brel pa mngon par 'dod pa dang / gzhan ni dngos po gzhan dang 'brel pa can nyid du khyad par cung zhig kyang yod pa ma yin no/ /gzhan yang re zhig dpyod pa la yi ge ste/ dngos po yod pa gang yin pa de dag don med pa can yin no/ /de bas na de dag rjod par byed pa ma yin pa de'i phyir/de la brjod par bya ba dang rjod par byed pa'i 'brel pa gnas pa ma yin no/ /'o na tshig la sogs pa don dang bcas pa can nyid yin pa'i phyir de la 'brel pa gnas par 'gyur ro zhe na/ tshig sogs kun brtags zhes bya ba smos so/ /sogs pa'i sgras ni ngag kun du brtags pa yin te/yi ge bkod pa kho na tshig dang ngag kun du brtags pa de ni rjod par byed par 'gyur ro/ /blos kun nas brtags pa'i tshig dang ngag de yang / dngos med la ste dngos po med pa'i rang bzhin la ji ltar don dam par te/ dngos po'i rang bzhin gyis brjod par bya ba dang rjod par byed pa'i mtshan nyid can gyi 'brel pa 'di ni gnas par gyur pa yin te ma yin no//rjod par byed pa ni zhes bya ba la sogs pas 'chad par byed de/ rjod par byed pa ni tshig gi yan lag ste/ 'brel pa zhes bya ba'i rgyus de dang ldan te/ 'brel pa dang ldan par 'gyur na'o/ /yi ge yod de snang du zin kyang rjod par byed pa ma yin te/don med pa can nyid yin pa'i phyir ro/ /de bas na zhes bya ba ni de'i phyir te/ yi ge de dag la brjod par bya ba dang rjod par byed pa'i 'brel pa yod pa ma yin te/ de dag la gnas pa ste/ rjod par byed pa ma yin pa'i yi ge de dag 'brel pa gnas pa yod na/'brel pa rjod par byed pa'i rang gi ngo bo gang yin pa de nyams par thal bar 'gyur ba'i phyir ro/ /rjod par byed pa ma yin pa dag la gnas pa ni rje khol gyi 'brel pa dang 'dra bar rjod par byed par 'gyur bar rigs pa ma yin no/ /gal te bkod pa'i khyad par te mthar gyis pa'i khyad par gyis yi ge nyid rjod par byed pa yin pa de bas na/ji skad du bshad pa'i skyon 'di yod pa ma yin no zhe na/ de nyid ni de lta ma yin te/ 'di ltar yi ge rnams las bkod pa don gzhan nyid ma yin pa'am/ don gzhan nyid du 'gyur grang na/ de la phyogs dang po ni yi ge rnams las bkod pa ni don gzhan ma yin pa nyid kyi rgyus tha dad pa med pa nyid kyi phyir te/bye brag med pa nyid kyi phyir ro/ /gang zhig gang las don tha dad pa med pa de ni/ de las rang bzhin tha dad pa can du mi 'gyur ro/ /de bas na yi ge'i bdag nyid can gyi bkod pa de'i ngo bo can no zhes bya ba'i ngo bo gang yin pa de las bkod pa gzhan 'tsho zhes bya ba de yang /yi ge rnams las khyad par med pa'i phyir don rtogs pa mtshungs par 'gyur ro/ /'on te yi ge rnams las bkod pa tha dad pa yin no zhe na/ de'i phyir don gzhan nyid yin na zhes bya ba la sogs pa smos te/ yi ge rnams las bkod pa don gzhan nyid yin na yang 'og nas 'gog par 'gyur ro//de bas na zhes bya ba ni ngag nye bar dgod pa'am de'i phyir gyi don te/ yi ge rnams rjod par byed pa nyid ma yin na yang tshig la sogs pa rjod par byed pa yin par 'gyur ro snyam na/ tshig la sogs pa de ni ci yang mi rung ngo / /ci'i phyir zhe na/ yi ge rnams las tshig la sogs pa de tha dad pa dang tha dad pa med pa dag kyang 'gal ba'i phyir ro//tha dad pa yin na ni snang ba tha dad par dmigs par 'gyur la/ mi snang ba nyid yin na yang rjod par byed pa nyid ma yin te/ ma bzung bar shes par byed pa nyid du mi rung ba'i phyir ro/ /tha dad pa med pa yin na yang yi ge nyid dang 'dra bar brjod pa nyid ma yin par thal bar 'gyur ro//gang gi phyir de ltar yi ge rnams las tshig la sogs pa tha dad pa dang tha mi dad pa 'gal ba de bas na/ tshig la sogs pa dngos por gyur pa ma yin no/ /dbang po'i rnam par shes pa khyad par can te/ yi ge bkod pa 'dzin pa la gsal ba'i rna ba'i rnam par shes pa de'i rjes su 'jug pa zhes bya ba des nyams su myong ba'i sgo nas 'ongs pa/ rigs mthun pa'i bag chags rigs gcig pa'i rnam par rtog pa'i nus pa nye bar len pa rnam par rtog pa gang la yod pa de la de skad ces bya'o/ / rigs mthun pa'i bag chags kyi nye bar len pa can yang de yin la rnam par rtog pa yang yin pa de bas na zhes bya ba ni khyad par gyi bsdu ba'o/ /de la snang ba'i tshig dang ngag la gcig tu snang bas snang bar 'gyur ba na/ gcig tu 'khrul cing rnam par 'khrul par 'gyur ro/ /'di skad du rna ba'i rnam par shes pa khyad par can gyi phyis 'byung ba'i yid rnam par shes pa rtogs pa dang bcas pa/tshig dang ngag la gcig tu sgro 'dogs par byed do zhes ston par 'gyur ro/ /'khrul pa'i dbang gis sgro 'dogs pa de nyid kyi phyir/ tshig la sogs pa gcig tu snang ba can de yang log pa kho na yin no//ci'i phyir zhe na/ de ltar snang ba can gyi tshig la sogs pa don dam par gcig dang du ma nyid du mi rung ba'i phyir ro/ /re zhig tshig la sogs pa gcig ma yin no/ /ci'i phyir zhe na/ blos yi ge bkod pa du ma rim par 'dzin par mi rung ba'i phyir ro/ /gcig nyid yin na ni blo gcig nyid kyis thams cad du gzung bar 'gyur ro//gcig la bzung ba ma bzung ba'i rang bzhin mi rung ba'i phyir ro/ /gal te blo gcig gis tshig la sogs pa 'dzin pa yin no zhe na/ de ni ci zhig gis zhes bya ba la sogs pa smos te/ tshig la sogs pa de ni blo gcig gis gzung bar bya ba ma yin te/yi ge'i tshogs go rims ji lta ba bzhin du 'dzin pa'i phyir ro// //bam po nyi shu rtsa drug pa/ re zhig yi ge gcig rdzogs pa'i dus na blo du ma 'das pa yin na/ yi ge mang po rnams la lta ci smos zhes bstan pa'i phyir yi ge gcig ces bya ba la sogs pa smos te/yi ge gcig 'dzin pa'i dus na blo du ma 'gag pa'i phyir ro/ /ci'i phyir zhe na/ blo rnams ni skad cig ma yin pa'i phyir ro/ /de lta ni bden na/ dus ji srid tshig la sogs pa 'dzin pa'i dus de srid ni skad cig ma gcig yin pa de bas na/ blo gcig kho nas tshig la sogs pa 'dzin par 'gyur ro zhe na/skad cig ma ni zhes bya ba la sogs pa smos te/ skad cig ma ni dus ji srid kyi rdul phra rab gzhan las 'das pa dus de srid pa nyid yin pa'i phyir te/ skad cig ma ni cha dang bral ba'i dus can yin pa'i phyir ro//skad cig ma ni cha dang bral ba'i dus can gyi mthar thug pa'o/ /de yang rdul phra rab gcig las 'das pa'i dus can kho na yin par rigs so/ /ji skad bshad pa'i dus las skad cig ma lhag pa yin par khas len na ni/ cha can te skad cig ma char che ba la dus kyi mtha' mi rung ba'i phyir ro//yi ge shin tu tshad chung ba gcig kyang skad cig ma du mas rdzogs pa yin no zhes bstan pa'i phyir/ rdul phra rab tu ma 'das pa can de 'das pa'i mig 'byed pa gang la yod pa de ni rdul phra rab du ma 'das pa can gyi mig 'byed pa de dang dus mtshungs pa can nyid yin pa'i phyir/a la sogs pa'i yi ge zung du ste shin tu tshad chung ba yongs su rdzogs pa yin no/ /gal te ji ltar nyams su myong ba'i shes pa yi ge bkod pa'i tshig la sogs pa la 'jug pa de lta na yang yi ge'i go rims nyams su myong ba'i stobs las dran pa gang yin pa de ni tshig la sogs pa bkod pa med pa 'dzin to zhe na ma yin no//de ci'i phyir zhe na/ ji ltar nyams su myong ba bzhin du dran pa'i phyir ro/ /ji ltar sgra'i go rims bzhin du nyams su myong ba ji ltar dran pas kyang yin te/ de ltar dran pa yang rim gyis 'byung ba can yin pa de lta na/ de'i dus can te nyams su myong ba'i dus can kho na yin no//ji ltar nyams su myong ba'i go rims bzhin du yin pa de ltar sgra rjes su dran pa'i go rims kyang srog chags thams cad kyi rang rig pa'i ngo bo can nyid yin pa de ltar na/ nyams su myong ba dang 'dra ba'i go rims 'di la khyad par brtags pa med do//de bas na nyams su myong ba'i dran pa'i go rims dag gi khyad par rtogs pa med pa'i phyir ro/ /dran pa gcig gis tshig dang ngag 'dzin pa ma yin no/ /tshig la sogs pa du ma yang ma yin te/ ci'i phyir zhe na/ blo la tha dad pa med par blo la tha dad par mi snang ba'i phyir te/ tshig dang ngag gi rnam pa can gyi blo la tha dad pa med par gcig nyid du snang ba'i phyir ro//blo la snang ba'i dbang gis gcig nyid dang du ma nyid rnam par 'jog par 'gyur te/ blo la tshig la sogs pa snang ba gcig gi ngo bo can nyid yin pas tshig dang ngag gcig go zhes gcig nyid du sgro 'dogs pa'i rnam par rtog pa skye ba'i phyir ro//re zhig yi ge rnams kyi bkod pa'i sgo nas nyams su myong ba'i blo skye zhing / de la gcig tu snang ba yod pa ma yin la dran pa yang ji ltar nyams su myong ba bzhin skye bar 'gyur zhing de yang gcig par 'dzin pa ma yin no zhes bshad pa ma yin nam de la gang la tshig dang ngag tha dad pa med par snang ba'i blo gzhan ci zhig yod ce na/de la kha cig ni nyams su myong ba dang dran pa go rims bzhin du skyes nas phyis 'byung ba can gcig tu zhen pa'i blo skye ba'i dbang du mdzad nas de skad du bshad par 'dod do/ /dper na/ gzhan dag sgra yis bsgos pa'i sa bon can//tha ma'i sgra dang bcas par ni/ /yongs smin skye ba can gyis ni/ /blo la ming dag nges par byed/ /ces bya ba lta bu'o/ /de lta bur gyur pa'i blo'i dbang gis kyang phyi rol la tshig dang ngag gi gcig pa nyid khas blang bar rigs pa ma yin te/ gcig tu sgro 'dogs pa'i blo de ni 'khrul pa nyid kyi phyir ro//gzhan dag ni blo las zhes lnga pa brjod do/ /tshig dang ngag gi rnam pa can gyi rnam par rtog pa'i blo la tshig dang ngag dag tha dad pa med par snang ba'i phyir te/ blo gcig las tha dad pa med pa'i phyir ro zhes bya ba'i don to/ /blo gcig las tha dad pa med pa yin na ni ji ltar na du mar 'gyur zhe na/de'i du ma nyid de tshig la sogs pa'i du ma nyid ni 'og nas 'gegs par 'gyur ba nyid phyir ro/ /de zhes bya ba ni gcig dang du ma nyid du mi rung ba de'i phyir/ tshig la sogs pa dngos po ma yin no/ /yang na de ni zhes bya ba ni tshig la sogs pa dang sbyar te/ tshig la sogs pa ni dngos po ma yin te/gcig nyid dang du ma nyid mi rung ba'i phyir ro zhes bya bar dgongs so/ /ci'i phyir zhe na/ dngos po de'i rnam par rtog pa de las ma 'das pa'i phyir te/ gcig dang du ma'i rnam par rtog pa las ma 'das pa'i phyir ro/ /gzhan gyis 'dod pa'i sgra dang don dag gi 'brel pa dngos po yin na yang /de ji ltar de'i rten can du 'gyur te/ tshig dang ngag dngos por 'gyur ba ma yin pa de'i rten can du 'gyur/ gang la tshig dang dag de'i rten yod pa zhes bya bar tshig rnam par sbyar ro/ /ci'i phyir zhe na/ tshig la sogs pa med pa nyid kyi phyir rten du bya bar mi rung ba'i phyir ro/ /de ltar na zhes bya ba rten du gyur par bya ba med pa yin na 'brel pa brten pa ma yin par 'gyur ro//de ltar rten med pa can nyid yin pa de'i phyir 'brel pa ma yin par 'gyur te/ 'brel pa ni rtag tu gzhan dbang nyid yin pa'i phyir ro/ /gang gi phyir de ltar yin pa de bas na sgra dang don dag gi 'brel pa ni rang bzhin can nyid ma yin no//de'i bsam pa can gyis zhes bya ba la sogs pas sgra dang don dag gi 'brel pa ci 'dra bar rigs pa dang ldan pa yin pa de ston par byed do/ /de'i bsam pa can gyi zhes bya ba ni don ston par byed pa'i bsam pa can gyi sbyor ba ste/ nang gi g.yo 'gul la sogs pa gang yin pa de las byung ba'i sgra'o//de ni rigs pa dang ldan pa'i stobs kyis bshad do/ /mngon par gsal ba'i sgra ni gzhan gyi bsam pa'i sgo nas de skad du bshad do/ /der 'khrul pa med pa zhes bya ba ni don bstan pa'i bsam pa la 'khrul pa med pa'i phyir ro/ /sgra'i 'brel pa 'di ni de kho na nyid de don bstan pa la 'khrul pa med pa nyid yin te/don bstan pa'i bsam pas sgra sbyor ba'i phyir ro/ /sgra'i 'byung ba dang mngon par gsal ba de yang don bstan pa la 'khrul pa med pa la brten pa ste/ 'khrul pa med pa'i rgyu mtshan de yang skyes bu'i sbyor bas byas pa nyid kyi phyir skyes bus byas pa yin pas na/sgra dang don dag gi 'brel pa ni skyes bus byas pa kho na yin no/ /de'i sgo nas te ji skad du bshad pa'i 'brel pa'i sgo nas ni/ don rtogs pa la nges pa yin pa de ltar na/ sgra rnams skyes bus ma byas pa nyid yin par brjod par 'gyur ba na yang de nyid 'khrul pa ste bla ba yin te/skyes bus byas pa'i 'brel pa ni 'khrul pa'i rgyur khas len pa'i phyir ro/ /de ltar na skyes bus ma byas pa nyid du rtog pa ni don med pa yin no zhes bya bar dgongs so/ /dpyod pa pa rnams kyis rig byed kyi ngag rnams skyes bus ma byas kyang 'dod lo/ /rig byed kyi rtsom pa po rnams byed pa po rnams mi dran phyir te/rtags kyi phyir ro/ /gang 'di zhes bya ba la sogs pas 'chad par byed de/ don mang po dag gis byed pa po mi dran pa de tsam gyis ma byas pa dag ma yin te/ dper na khron pa rnying pa la sogs pa lta bu'o/ /de ltar na gtan tshigs 'khrul pa'i phyir/ rig byed pa'i ngag rnams byed pa po mi dran pa'i phyir skyes bus ma byas pa 'di ni rigs pa'i tshul can ma yin pa rgyal dpog pas rjod par byed do//de ltar yang de lta bu'i rnam pa'i dngos po 'di la yang rjes su brjod pa yod do/ /'di la ci zhig brjod par bya ste/ gcig tu de ltar ngan pa mun khyab byed/ de ltar na re zhig byed pa po mi dran pa'i phyir skyes bus ma byas pa nyid du smra ba'i rgyal dpog gang yin pa de nyid shes rab 'tshal ba de 'dra ba ste/shin tu rmongs pa ji ltar skye zhing 'byung snyam pas/ kho bo cag gi sems ngo mtshar dang rjes su brtse ba dang bcas par 'jug pa'i phyir ro/ /sems ngo mtshar dang rjes su brtse ba dang bcas pa'o//thob pa can yin du zin kyang de dang 'dra ba'i ma rig pas rnam par 'tshe ba'i phyir ro/ /ngo mtshar dang bcas pa dang ma rig pa'i 'ching ba brten pos sems can rnams gdung bar byed pa'i phyir rjes su brtse ba dang bcas pa'o/ /'di la 'dir gzhan dag kyang ste/da ltar de'i gzhung gi rjes su 'brang ba rtog pa dang ldan pa snyam sems pa de ni 'di ltar yin no zhes rjes su rjod par byed pas/ srid pa ste 'gro ba brtse ba med cing snying rje med pas gnod pa can du mun pa gang gis gnod pa de ni/ srid pa brtsab med pas gnod pa can ngan pa mun pa khyab pa yin no//'dir mi shes pa nyid la ngan par brjod par rigs kyi srog chags ni ma yin no/ /'di ltar srog chags de skad du smra na yang phan 'dogs pa ste/ phan pa thob par 'dod pa de/ des slu bar byed cing 'khrul par byed pa la nyes pa ci zhig yod/ 'on kyang nyes pa 'di ni mi shes pa kho na yin no/ / ci'i phyir de ltar smra ba de yang shes rab 'tshal ba yin snyam na/ 'di ltar sgrub par byed pa 'di ni ma grub pa dang ma nges pa can yin pas so/ /de la ma grub pa'i dbang du mdzad nas/ 'di ltar zhes bya ba la sogs pa smos te/ bde bar gshegs pa pa dag gis rig byed kyi byed pa po brgyad la sogs pa dran no//sogs pa'i sgras ni mi thung mi thung lha dang / sna tshogs bshes gnyen la sogs pa'o/ /gzegs zan te bye brag dag gis dbyig gi snying po can ni tshangs pa ste/ rig byed kyi byed pa por dran par byed do/ /de bas na byed pa po mi dran pa ma grub pa yin no/ /gal te bde bar gshegs pa pa dag dang gzegs zan de dag rig byed kyi byed pa po dran pa smra ba de log par smra ba yin pa de bas na gtan tshigs grub pa yin no zhe na/da ni rig byed las gzhan pa'i sgra gang skyes bus byas pa yin te/ 'ga' zhig kyang skyes bus byas pa med do zhes bya ba'i don to/ / de ltar zhes bya ba ni byed pa po dran par smra ba log pa po nyid yin no/ /de nyid gsal bar bya ba'i phyir/ gzhon nu 'byung ba can zhes bya ba la sogs pa smos te/ gang gi tshe gzhon nu 'byung ba can la sogs pa'i gzhung nag mo'i 'bangs la sogs pa bdag gam gzhan rtsom pa po yin par ston par byed pa de'i tshe/khyed cag gi log par smra ba yin te/ khyed cag ni rtsom par byed pa ma yin no zhes de ltar gzhan dag spong bar byed par 'gyur ro/ /gal te gzhon nu 'byung ba can la sogs pa de la byed pa po spong ba la khas blangs pas gnod pa ste/ gzhon nu 'byung ba can la sogs pa skyes bus byas pa nyid kyi phyir ro zhe na/byed pa po mi dran pa 'di nyid skyes bus ma byas par khas blangs pa'i yan lag ste/ sgrub par byed pa de yang gzhon nu 'byung ba can la sogs pa la yod pa yin no zhes bya ba ji skad du bshad pa'i rigs pa 'dis ji ltar na gzhon nu 'byung ba can la sogs pa skyes bus byas par 'dod pa ma yin nam/gang la gang gis gnod pa yin/ ci ste rigs pa mtshungs pa yin du zin kyang gzhon nu 'byung ba can la sogs pa spong ba khas blangs pa dang 'gal bar 'dod na/ khas blangs pas gnod pa de rig byed smra ba gzhan la yang rig byed kyi ngag rnams kyi rtsom pa po spong bar mtshungs pa kho na yin no//gal te rig byed smra ba de'i ma byas pa nyid 'dod pa yin pa'i phyir/ byed pa po skyon yang med pa ste/ khas blangs pa la gnod pa'i skyon yod pa ma yin no zhe na/ rig byed smra ba 'di'i rig byed skyes bus ma byas pa yin no zhes 'dod cing khas blangs pa 'di tshad ma med pa can te/tshad ma dang bral ba lung mtshon pa'i rgyu mtshan gyi brtag pa gang las thog ma nas yod par 'gyur/ de ltar rig byed skyes bus ma byas pa nyid du khas len pa na/ byed pa po mi dran par tshad mar 'chad pa de la skyon bstan ma thag pa yin pa de ltar na/'di ni tshad ma med pa can 'dod pa yin te/ ci ste tshad ma med par rig byed smra bas rig byed skyes bus ma byas pa nyid du khas len pa de'i tshe glo bur du 'dzin pa can te/ rigs pa med par 'dzin pa can gyi dpyod pa pa 'di yang / skyes bus ma byas pa nyid la sogs pa 'ga' zhig tu sgrub par byed pa ste/tshad ma la ltos pas ci zhig bya/ gang gis skyes bus byas pa dang skyes bus ma byas pa dpyod pas zhes bya bas skyes bus byas pa dang skyes bus ma byas pa nyid sgrub par byed pa nye bar dgod pas bdag nyid dub par byed do/ /rigs ma yin pa 'dzin pa gang yin pa de ni thams cad du de kho na bzhin du 'jug par 'gyur na/'ga' zhig la tshad ma 'god pa'i sgo nas bdag nyid sdug bsngal bar byed pas ci zhig bya zhes bya ba ni bsdus pa'i don to/ /de nyid kyi phyir rig byed skyes bus ma byas pa nyid du tshad ma med pa can de nyid 'dod pa'i gtan tshigs kyis rig byed smra ba'i rig byed kyi byed pa po spong ba la khas blangs pas gnod pa med par 'dod na de las gzhan pa ste/dpyod pa pa de las gzhan pa'i skyes bu gzhon nu 'byung ba can la sogs pa skyes bus byas pa nyid du 'dod pas/ de byed pa po spong ba khas blangs pa la yang gnod pa med par mtshungs pa'i phyir klan ka btsal du med do//de la spong ba la khas blangs pa la yang gnod pa yin no zhes bya ba klan ka 'di yod pa ma yin no zhes bya ba'i don to/ /phul du byung ba mthong ba med pa can zhes bya ba la sogs pa la skyes bus byas pa dang skyes bus ma byas pa nyid du mngon par 'dod pa'i ngag rnams rnam pa de lta bur te/byed pa po mi dran pa'i phyir zhes bya ba de lta bu la sogs pa skyes bus ma byas pa nyid du sgrub par byed pa rnams ni phul du byung ba mthong med can zhes bya bar sbyar ro/ /de ltar na skyes bus byas pa byed pa du ma byed pa po dus ring por 'das pa can dag kyang byed pa po dran pa med pa yod pa de ltar na/gang las rig byed kyi ngag rnams phul du byung ba mthong ba de yod pa ma yin te/ gang rig byed la skyes bus ma byas pa rnams la byed par mi nus pa can gyi rnam pa 'ga' zhig kyang yod pa ma yin no/ /skyes bu'i 'bras bu'i sgra'i chos rnams ni 'bras pu'i chos rnams te/skyes bu'i rjes su 'gro ba dang ldog pa'i rjes su byed pa can nyid la sogs pa 'bras bu'i chos de rnams las khyad par mthong ba can ma yin no/ /ji ltar skyes bus byas pa skyes bu'i rjes su 'gro ba dang ldog pa'i rjes su byed pa can yin pa de ltar rig byed pa'i yin na yang de bzhin du phul du byung ba mthong ba can du 'gyur na rig byed kyi sgra 'ga' zhig las phul du byung ba ste/skyes bus ma byas pa'i mtshan nyid can khas len zhing gzhan la ni ma yin pas na/ khas blangs pa la sgrub par byed pa cung zhig kyang yod pa ma yin pa de ltar na/ rig byed smra ba 'di'i 'jug pa rigs pa med pa ste tshad ma med pa kho na yin no//de bas na 'di ltar ji skad du bshad pa'i rnam pas byed pa po mi dran pa'i phyir zhes bya ba ni gtan tshigs ma grub pa yin no/ /'dir ma nges pa yang yin no zhes bstan pa'i phyir byed pa'i zhes bya ba la sogs pa smos te/ man ngag gcig nas gcig tu brgyud pa ni yang dag pa'i man ngag go//byed pa'i yang dag pa'i man ngag ste/ skyes bus byas pa nyid kyi yang dag pa'i man ngag rgyun chad pa n+ya gro la rnam thos zhes bya ba la sogs pa'i sgra gang dag la yod pa de dag ni byed pa'i yang dag pa'i man ngag rgyun chad na/'dis ni byed pa po nyid mi dran pa can bstan to/ /byas pa ni skyes bus byas pa'o/ /de bas na skyes bus byas pa'i ngag la yang byed pa po mi dran pa gnas pa'i phyir gtan tshigs ma nges pa yin no/ /gal te byed pa'i yang dag pa'i man ngag rgyun chad pa can gyis byas pa de 'bad rtsol dang ldan pa'i skyes bus 'di dag byas pa yin no zhes dmigs pa de bas na/gtan tshigs mi mthun pa'i phyogs la gnas pa can ma yin no zhe na/ de ni de ltar ma yin no/ /ci'i phyir zhe na/ 'bad rtsol dang ldan du zin kyang byed pa po dran par mi byed par nges pa'i phyir ro/ / 'bad rtsol yod du zin kyang gdon mi za bar byed pa po dmigs pa med pa'i phyir the tshom kho na yin no/ /gzhan yang skyes bus ma byas par mngon par 'dod par gzhan la yang sgra'i byed pa po dmigs pa med pa'i phyir mi dmigs pa dang / 'di'i byed pa po dmigs pa'i phyir dmigs pa ni tshad ma gang las kyang nges pa med do//'on kyang gzhan gyis bstan pa las so/ /ci lta bur gyur pa zhe na/ yid ches par bya ba ma yin pa ste/ tshad ma can ma yin pa las so/ /de lta bur gyur pa'i bstan pa las dad par byed pa po dmigs pa dang mi dmigs pa nges par rigs pa nyid ma yin pa'i phyir ro//gal te rig byed kyi ngag rnams ni kho bos byas pa dag yin no zhes de skad du smra ba mi dmigs pa des na rig byed kyi ngag rnams byed pa po med par nges pa yin no zhe na/ de ni ma yin no/ /ci'i phyir zhe na/ sgra rnams bdag nyid kyis byas pa la yang bsnyon pa mthong ba'i phyir ro//sgra'i bdag nyid kyis byas su zin kyang / kho bos de dag ma byas so zhes de ltar bsnyon par byed pa ste/ rjod par byed pa mthong ngo / /de la ci 'dis de dag byas pa'am spyi gzhan gyis zhes nges pa la brten pa ste/ mtha' la brten pa mi nus pa'i phyir ro/ /de bas na de ltar byed pa po mi dran pa'i phyir zhes bya ba'i gtan tshigs 'dis ma grub pa dang ma nges pa dag gi sgo nas sun phyung ba yin no//da ni rig byed skyes bus ma byas pa nyid du rab tu bsgrub pa'i phyir gzhan gyis smras pa'i gtan tshigs gzhan dag kyang sun dbyung ba'i phyir nye bar dgod par byed de/ ji ltar skyes bu 'di ste/rig byed 'don pa de lta bas gzhan las thos pa med par rig byed 'di'i yi ge dang tshig gis bkod pa'o/ /de yang yi ge'i bkod pa ni tshig yin la tshig gi bkod pa ni ngag yin te/ 'don pa'i phyir brjod nus med do/ /de ltar gzhan la yang ste rig byed kyi byed pa por mthong bar 'dod pa de yang gzhan gyis bstan pa la ltos pa yin la/de yang gzhan gyis zhes bya ba thog ma med pa nyid kyi skyes bus ma byas pa nyid du grub pa zhes bya ba 'ga' smra'o/ /dang po nyid du mngon par 'dod pa'i rig byed 'don pa ni rig byed 'don par byed pa nyid yin pa'i phyir/rig byed 'don pa sngon du song ba can yin te/ da ltar ba'i rig byed 'don par byed pa dang 'dra'o zhes bya ba ni sbyor ba'o/ /de skad du smra ba de yang gang byed pa po mi dran pa'i phyir zhes bya ba der bshad pa de nyid lan yin no/ /de ltar bshad ma thag pa'i rnam pas de ni skyes bus ma byas pa yin na/gang skyes bus ma byas pa yin par 'gyur te/ gzhan gzhon nu 'byung ba can la sogs pa 'don par byed pa sngon du song ba can nyid yin pas na thog ma med pa can nyid du rab tu grub pa'i phyir ro/ /de la gal te rab tu sgrub par byed pa khas blangs pa la gnod pa yin no zhe na/'di nyid khas blangs pa'i yan lag ces bya ba la sogs pa nas klan ka btsal du med do zhes bya ba'i bar thams cad brjod par bya ste/ de dag bsdu ba'i phyir sogs pa'i sgras rab tu sbyar ro/ /thal ches pa nyid du bstan pa'i phyir de ltar na zhes bya ba la sogs pa smos te/skyes bu gzhon nu 'byung ba can la sogs pa'i gzhung du bkod pa gzhan dag tu yang dag pa'i man ngag dang bral ba ste/ man ngag med pa gzhan rnams kyis brjod pa ci mthong na ste cung zad kyang mthong ba med par ro/ /rgyu gang gis de yang ste rig byed las gzhan pa'i sgra'o//de ltar zhes bya ba ni skyes bus ma byas par ci'i phyir rjes su dpog ste rjes su dpog par mi byed/ da ltar ba rnams zhes bya ba la sogs pas 'chad par byed de/ da ltar ba rnams man ngag med par klog par mi nus pa las gzhan du skyes bus ma byas pa nyid kyi rten cung zad kyang yod pa ma yin te/skyes bus ma byas pa nyid du bsgrub pa'i rgyu mtshan no/ /gzhan gyi man ngag med par rig byed klog par nus pa med pa de ltar na/ rig byed kyi ngag rnams skyes bus ma byas pa nyid du 'dod do/ /man ngag med par klog par mi nus pa de ni gcig gis te/skyes bu 'ga' zhig gis sbyar ba'i gzhung skyes bus byas pa nyid du mngon par 'dod pa gzhan la yang 'don par byed pa gzhan gyi dang mtshungs so/ /de'i rjes su 'brangs nas zhes bya ba ni man ngag med par klog par mi nus pa skyes bus ma byas pa nyid kyi rtags kyi sgo nas ngag gi rjes su 'brang bar byed pa des/'jig rten pa'i sgra thams cad de ltar zhes bya ba skyes bus ma byas pa nyid rjes su dpog cing rjes su dpyod pa'am 'ga' zhig kyang ma yin te khyad par med pa'i phyir ro/ /ci ste gzhan gyis 'jig rten pa'i sgra rnams skyes bus ma byas pa nyid du 'dod na/de la skyes bus ma byas pa nyid du rjes su dpog pa na khas blangs pa la sogs pa'i skyon yod do zhe na/ de ni zhes bya ba la sogs pa smos te/ 'jig rten pa'i ngag de ni de ltar zhes bya ba skyes bus ma byas pa nyid du mi 'dod pa nyid kyis zhes bya ba la sogs pa'o/ /sogs pa'i sgras ni khas blangs pa la gnod pa la sogs pa gzung ngo //'dod pa ni de'i rten nyid yin pa'i phyir te/ skyes bus ma byas pa nyid du sgrub par byed pa'i rten nyid yin pa'i phyir zhes bya ba la sogs pa de ma thag tu bshad zin to/ /gzhan yang rigs gang ste/ rdzas su mtshungs pa'i rigs gang yin pa rgyu gang la rjes su mtshungs pa'i ldog pa grub pas/rgyu ma mthong ba can gzhan la gang gi rigs can nyid du bye brag med par rgyu de las grub pa yin no zhes de dag yang dag par shes so/ /ci dang 'dra bar zhe na/ me shing bzhin te/ dper na shing las me gcig mthong ba de dang mtshungs pa'i rang bzhin can rgyu ma mthong ba can gzhan yang de dang mtshungs pa'i rgyu can nyid yin pa kho nar yang dag par shes pa lta bu'o//rgyu zhes bya ba la sogs pas 'chad par byed de/ rgyu ma mthong ba'i phyir te/ de'i rgyu ma mthong ba zhes bya ba de tsam gyis rgyu med pa can zhes bya ba ma yin no//dngos po rgyu ma mthong ba can yin na yang ste/ de dag gi rgyu ma mthong bar yod pa zhes bya bar tshig rnam par sbyar ro/ /dngos po de lta bur gyur pa yin na yang de las gzhan pa rgyu mthong ba can dag gis rang bzhin tha dad pa nyams su myong ba med pa ste/ rang bzhin mtshungs pa can zhes bya ba'i don to//de lta bu rnam pa zhes bya ba rgyu mtshungs pa can yang dag par rjes su dpog par 'gyur ro/ /'di ltar 'jig rten pa'i sgra dang mtshungs pa'i chos can rig byed pa'i sgra rnams kyang 'jig rten pa dang 'dra bar skyes bu'i rgyu can du 'gyur ba'am/ 'ga' zhig kyang ma yin no zhes bya ba 'di ni bsdus pa'i don to//ci ste rgyu'i ngo bo rang bzhin ldog tu zin kyang de'i ngo bo ste/ rgyu mthong ba can skyes bus byas pa'i sgra dang mtshungs pa'i ngo bo rig byed pa'i sgra gang gi tshe ldog pa ma yin par 'dod pa de'i tshe/ 'bras bu'i chos las 'das pa ste/ 'bras bu'i chos 'di'i rgyur mngon par 'dod pa gang yin pa ldog pa yin na/gang gi tshe rgyu log tu zin kyang 'bras bu mi ldog pa de'i tshe/ de'i 'bras bu'i chos las 'das par 'gyur ro/ /'bras bu'i chos las 'das pa de'i phyir skyes bu de las ngag cung zad kyang 'gyur ba med pas/ 'jig rten pa'i sgra cung zhig kyang de ltar te/skyes bus byas pa nyid du brjod par bya ba ma yin par 'gyur ro/ /ci ste 'jig rten pa dag gi las rig byed pa dag gi bye brag yod pa yin te/ khyad par gang gis 'jig rten pa kho na'i skyes bus byas pa yin gyi rig byed pa'i ni ma yin par 'dod do zhe na/ de'i phyir ngo bo'i zhes bya ba la sogs pa smos te/ rig byed pa rnams dang thun mong ma yin pa'i skyes bus byas pa dag gi ngo bo'i bye brag bstan par bya ba yin na ni ngo bo'i bye brag gang kho nas skyes bu zhes bya ba rgyu de'i rjes su byed par 'gyur ro/ /khyad par 'di lta bu dang ldan pa ni skyes bus byas pa yin la/de dang bral ba yang skyes bus ma byas pa yin no zhes de nyid bstan pa'i phyir/ gang gis zhes bya ba la sogs pa smos te/ khyad par gang gis rig byed skyes bus ma byas pa nyid du 'dod pa dang / 'jig rten pa mi 'dod pa ni 'dod pa phyin ci log tu mi 'gyur ba dag ste/go rims bzhin du skyes bu nyid dang / skyes bus ma byas pa nyid du mi 'gyur na/ rig byed pa dag gis 'jig rten pa dag gi las gang yang skyes bus byas par mi nus pa can du khyad par cung zad kyang yod pa ma yin te/ khyad par thams cad ni skyes bu dag gis byas par nus pa can nyid yin pa'i phyir ro//de bas na skyes bu'i ngag rnams kyis sbyar ba la sogs pa'i bye brag can du mtshungs pa nyid kyi phyir/ rig byed pa'i sgra dag kyang skyes bus byas pa kho na yin no/ /dngos po rnams kyis tha dad pa ni rgyu tha dad pas byas pa'i phyir ro/ /ci ste ngag rnams tha dad pa med pa'i rgyu skyes bu gang yin pa de ni rig byed la log tu zin kyang skyes bus byas pa'i sgra dang rig byed pa dag gi mtshungs pa nyid du khas len par byed pa de'i tshe/rgyu'i rang bzhin ldog pa las kyang ste/ ngag rnams tha dad pa med pa'i rgyu skyes bu gang yin pa de'i rang bzhin gang yin pa de ldog pa las so/ / 'di ni ma gus pa brjod par 'dod pa'i drug pa yin te/ tha dad pa med pa nges pa'i rgyu'i rang bzhin ldog pa ma gtogs par yang rig byed pa'i dngos po rnams skyes bus byas pa'i ngag rnams dang tha dad pa med par mtshungs pa nyid du khas len pa na 'jig rten pa de dag gi tha dad pa skyes bus byas pa'i khyad par de ni go bar 'gyur te/skyes bu med par yang rig byed pa rnams la yang khyad par yod pa'i phyir ro/ /de ltar na 'ga' zhig tu yang ldog par mi 'gyur te/ thams cad du thams cad kyi tshe bdag nyid thams cad 'gyur na de ltar ni ma yin no/ /de bas na rang bzhin gang las skyes pa can te/gang la gang las skyes pa yod pa zhes tshig rnam par sbyar te/ gang las 'byung ba mthong ngo zhes bya ba'i don to/ /de'i rgyu ma mthong ba can gzhan la yang tha dad par mi byed pa ste/ rgyu mthong ba can gyi 'bras bu dang tha dad par nyams su myong ba med par rang gi bdag nyid de/rang gi ngo bo nyid kyis de'i 'bras bu ste/ gang las byung ba mthong ba de'i 'bras bu nyid las 'das pa ma yin no/ /ci dang 'dra bar zhe na/ shing dang me bzhin shing dang me ni shing dang me ste/ de dang mtshungs shing de dang 'dra'o/ /dper na rgyu ma mthong ba can gyi me yang rgyu shing mthong ba can gyi me dang tha dad pa med par nyams su myong ba yin te/shing gi 'bras bu nyid las ma 'das pa de dang 'dra'o zhes bya ba'i don to/ /rigs de las 'jig rten pa dang rig byed pa'i ngag gang dag gi khyad par ma bstan pa ste/ khyad par bstan par yang mi nus so/ /ci'i phyir zhe na/ de las 'bras bu mtshungs pa mthong ba'i phyir te/ 'bras bur gyur pa'i 'jig rten pa'i dang mtshungs shing 'dra ba nyid du mthong ba'i phyir ro/ /de ltar na 'jig rten pa dag gi 'bras bu'i chos gang yin pa de dag rig byed pa dag la yang mthong ngo / /de bas na khyad par de ltar ma bstan par 'jig rten pa dag las tha dad par rig byed pa dag gi skyes bus ma byas pa nyid du bsgrub par bya ba'i phyir/gtan tshigs rab tu spros pa gang de dag thams cad 'khrul pa yin te ma nges pa dag yin no/ /dper na zhes bya ba la sogs pa smos so/ /yang de la 'bras bu mtshungs pa mthong ba'i phyir zhes bya ba'i don 'di rnam pa gzhan du 'chad par byed de/ji ltar da ltar rig byed 'don par byed pa sngon du song ba can yin pa de ltar thog ma nyid du mngon par 'dod pa'i dbyig gi snying po la sogs pa rig byed 'don par byed pa yang rig byed 'don pa sngon du song ba can yin pa de ltar na rig byed 'don par byed pa'i mtshan nyid can gyi 'bras bu mtshungs par mthong ba'i phyir/gtan tshigs rab tu spro ba gang ste/ rgyas par bstan pa de dag thams cad 'khrul pa yin/ dper na thog mar 'gron pos btang ba'i me bskyed pa'i bye brag ma mthong ba can yang me gzhan gyi rgyu mtshan can yin gyi/gtsub shing gtsubs pa sngon du song ba can ni ma yin te zhes bya ba ni dam bcas pa'o/ /ci'i phyir zhe na/ 'gron pos btang ba'i me nyid yin pa'i phyir ro/ /ci 'dra ba zhe na de ma thag pa'i me bzhin te/ me gzhan las kun 'byung bar 'gyur pa'i me lta bu'o/ /'khrul pa nyid du bsgrub pa'i phyir 'di nyid ji ltar na zhes bya ba la sogs pas rtsod pa dgod par mdzad de/me gzhan sngon du song ba can dang gtsub shing gtsubs pa sngon du song ba can gyis ci ltar 'gron pos btang ba'i 'khrul pa yin/ me sngon du song ba can nyid ci'i phyir mi 'dod/ me las byung bas zhes bya ba la sogs pas ma 'khrul pa smra ste/'bar ba las byung ba'i nus pa la brten nas 'gron pos btang ba'i me'i rgyu gzhan gtsub shing gtsubs pa spong bar byed do/ /dang po yang 'gron pos btang ba'i me ni gtsub shing gis gtsubs ba sngon du song ba can ni ma yin no/ /ci'i phyir zhe na/gal te zhes bya ba la sogs pa smos te/ gal te me 'di me med par 'gyur na gzhan la yang ste/ de ltar ba'i 'gron pos btang ba'i me'i gnas su mngon par 'dod pa la yang me med par 'gyur ro zhe na/ de la ste sgrub par byed pa de yang ma nges pa nyid du brjod do/ /ci ltar zhe na/ me dang cig shos las byung ba dag ste/me las byung ba gang yin pa dang / cig shos gtsub shing gtsubs pa las byung ba gang yin pa de dag la me'i spyi phan tshun gnod par bya ba dang / gnod par byed pa dag med pa nyid kyi phyir/ 'dir me yang yin la me gzhan sngon du song ba can yang ma yin pa la 'gal ba ci zhig yod/de ltar na gnod par bya ba dang gnod par byed pa nyid yod na yang / me las byung ba can gyi me'i ngo bo ni gzhan dag la yang 'gyur te/ gtsub shing gtsubs pa las kyang 'gyur ro zhes bya ba'i don to/ /ci'i phyir zhe na/ me dang cig shos las byung ba 'gal ba'i chos nyid dag me'i spyi'i don gcig la phan tshun gnod par bya ba dang gnod par byed pa med pa nyid du srid pa'i rgyu'i phyir ro//'gron pos btang ba'i me las byung ba can de'am/ rig byed 'don par byed pa la sogs pa gzhan ni gcig la so sor nges pa ste/ sngon du song ba can nam/ rig byed 'don par byed pa sngon du song ba can yang yin no zhes bya ba 'gal ba med pa'i phyir de ltar dgongs pa yin no//'don par byed pa la sogs pa skyes bus ma byas pa nyid du sgrub par byed pa'i gtan tshigs ni 'khrul pa yin te/ 'gal ba med pa'i phyir ro/ /rig byed 'don par byed pa yang yin la/rig byed 'don par byed pa'i sngon du song ba can yang ma yin no zhes bya ba gang yin pa 'di la 'gal ba ci zhig yod de/ dper na da ltar ba dag bdag nyid rtsom par byed la/ tshangs pa la sogs pa yang byed pas gcig la so sor nges pa yod pa ma yin pa lta bu dang dper na me 'ga' zhig me sngon du song ba can yin la/'ga' zhig gtsub shing gtsubs pa sngon du song ba can yin pas na gcig la so sor nges pa lta bu'o/ /me las byung ba can nyid dang gtsub shing gtsubs pa las byung ba can gyi chos gnyis po de ni phan tshun 'gal ba ma yin nam/ ci ste me gcig la gnas pa na gang gis 'gal ba'i chos gnyis gcig la gnas pa brjod ce na/brjod par bya ste/ 'on kyang phan tshun tha dad pa can te/ gcig la gcig spangs pa'i ngo bo can gyi chos gnyis me las byung ba can dang / gtsub shing gtsubs pa'i mtshan nyid can 'jug cing gnas pa de yang dngos po'i spyi ste/ me'i spyi de la 'gal ba med do zhes brjod par bya ba'i gnas skabs tha dad pa can gyi me'i khyad par me las byung ba can nam/gtsub shing gtsubs pa las byung ba can nyid la ni 'gal ba med par mi brjod do/ /'on kyang de las 'gal ba yod pa kho na yin no/ /ci'i phyir zhe na/ cha med pa'i bdag nyid la ste cha med pa'i rang bzhin la de nyid dang de nyid ma yin pa 'gal ba'i phyir ro//me las byung ba can ni sngon du song ba can nyid dang / de sngon du song ba can ma yin pa nyid ni 'gal ba yin la/ gtsub shing las byung ba can dag kyang de sngon du song ba can nyid dang de sngon du song ba can ma yin pa nyid ni 'gal ba yin zhing /'gron pos btang ba'i me'i spyi la ni gnyi ga 'gal ba med do zhes bstan pa'i phyir ro/ /'gron pos zhes bya ba la sogs pa smos te/ 'gron pos btang ba'i me ste/ 'gron pos btang ba'i me'i spyi la me dang cig shos kyis bskyed pa ste/ me las byung ba dang gtsub shing gtsubs pa las byung ba ni gnod bya gnod byed ma yin no//ci'i phyir zhe na/ 'gron pos btang ba'i me tsam de ni mes bskyed pa med pa ste/ me las byung ba ma gtogs par gtsub shing gtsubs pa las kyang srid pa gang yin pa de med pa'i phyir te/ me med par gzhan la yang srid pa'i phyir ro zhes bya ba'i don to//me las byung ba can ci 'dra mthong ba de lta bur gyur pa gzhan la yang me las byung ba can du 'gyur gyi/ khyad par med par me thams cad la ni ma yin no/ /ci'i phyir zhe na/ rgyu tha dad pas tha dad pa can gyi me de la khyad par spong bar te/ gtsub shing gtsubs pa las byung ba'i khyad par bsnyon par byed mi nus pa nyid kyi phyir ro/ /me la rgyus byas pa'i khyad par yod pa yin pa de bas na/ khyad par yod pa can te/ gang la rgyus byas pa'i khyad par yod pa de ni khyad par yod pa can yin la/ de yang de'i gnas skabs nyid la nges pa med pa'i phyir ro//me las byung ba'i mtshan nyid can gyi gnas skabs la nges pa yod pa ma yin pa'i phyir ro zhes bya ba'i don to/ /gal te gang yang thog mar 'gron pos btang ba'i me med par yang 'gyur na ni gzhan dag la yang ste/ mes stong pa'i phyogs dag las 'gyur ro zhes bya ba smos so/ / de la lan rjod par byed de/ gal te gtsub shing gtsubs pa'i mtshan nyid can gyi tshogs pa gang gis 'gron pos btang ba'i me de btang bar 'gyur ba na tshogs pa de 'gyur te/ mes stong pa'i sa phyogs gzhan dag la yang 'gron pos btang ba'i me nyid 'gyur ba yin no/ /'di skad du me med pa'i phyir thog mar 'gron pos btang ba'i me med par 'gyur ba ma yin gyi/'on kyang rang nyid kyis gtsub shing gtsubs pa'i tshogs pa med pa'i phyir ro zhes bstan par 'gyur ro/ /gal te yang tshogs pa de yod pa bstan nas de med pa ste/ de med na med pa ston par 'gyur ro/ /ji skad du bshad pa'i tshogs pa yod par bstan pa de la me yod par ston par 'gyur ba de'i tshe me ni me sngon du song ba can kho na nyid yin par 'gyur na/de ltar ni ma yin no/ /de bas na 'gron pos btang ba'i me thams cad ni me sngon du song ba can du grub pa ma yin no/ /ji ltar 'gron pos btang ba'i me thams cad sngon du song ba can nyid du bsgrub par bya ba la gtan tshigs 'khrul pa yin pa de ltar rig byed 'don par byed pa thams cad ni rig byed 'don pa sngon du song ba can nyid du bsgrub par bya ba la gtan tshigs 'khrul pa yin no zhes bstan pa'i phyir/de bas na zhes bya ba la sogs pa smos te/ gang gi phyir da lta yin pa de bas na/de ltar ba rig byed byed pa'i nus pa dang bral ba gcig gis 'don par byed pa gzhan sngon du song ba can te/ lung ston pa'i skyes bu sngon du song ba can mthong ba gzhan sngon du song ba can de lta bu'i ngo bor dbyig gi snying po la sogs pa 'don par byed pa thams cad kyi yang sgrub par byed pa ma yin no//ci'i phyir zhe na/ dbyig gi snying po la sogs pa 'don par byed par 'dod pa de la rnam pa gzhan du ste/ gzhan sngon du song ba can med par mi srid pa gang yin pa de ni med pa'i phyir ro/ /gzhan sngon du song ba can med par yang bdag nyid kyis sbyar ba yod pa'i phyir ro zhes bya ba'i don to//dbyig gi snying po la sogs pa ni rig byed rtsom pa'i nus pa yod pa'i phyir/ da ltar ba nus pa dang ldan pa gang yin pa de ni de byed pa ste/ rig byed byed pa gang yin pa de la spobs pa gang yin pa de dang bral ba de ltar bdag nyid kyis byas nas/ rig byed 'don pa med pa'i rnam pa de lta bu la ste/rig byed byed pa'i nus pa'i blo dang bral ba zhes bya ba'i don to/ /skyes bu de ltar gyur pa'i rig byed 'don pa gang yin pa de ni de lta bur gyur pa ste/ 'don par byed pa gzhan sngon du song ba can gyi phyir ro/ /de lta bur gyur zhes bya ba rig byed byed pa'i nus pa dang bral ba'i 'don par byed pa gang yin pa de la de ltar brjod par bya bar 'gyur gyi khyad par srid pa can gyi yin no//skyes bu phul du byung ba yod pas bdag nyid kyis byas nas 'don par byed pa'i phyir khyad par srid pa can gyi 'don par byed pa de yang / bye brag med pa ste 'don par byed pa thams cad 'don par byed pa can gzhan sngon du song ba can yin no zhes brjod pa na/khyab pa ma grub pas 'khrul pa nyid yin pa'i phyir/ mdzes pa thob pa ma yin te/ brjod par 'dod pa'i bsgrub par bya ba sgrub par byed pa ma yin pa'i phyir/ sgrub par byed pa mdzes pa gso ba ma yin no zhes bya ba'i don to/ / gzhan gyis ji ltar zhes bya ba la sogs pa smos te/ rig byed kyi ngag rnams bdag nyid kyis brtsams nas 'don par byed pa de ji ltar khyad par srid pa yin te ma yin no zhes bsams pa'o/ /ci'i phyir zhe na/ gang gi tshe zhes bya ba la sogs pa la/ gang gi tshe skyes bu de dag ces bya ba rig byed kyi byed pa po nyid du mngon par 'dod pa'i tshangs pa la sogs pa dag kyang /rig byed rtsom pa'i nus pa med pa yin te skyes bu nyid yin pa'i phyir da ltar ba'i nus pa med pa'i skyes bu dang 'dra'o slob dpon gyis 'di la yang zhes bya ba smos te/ sbyor ba 'di la yang skyes bu dang nus pa dag la zhes bya ba rig byed byed pa'i nus pa dang skyes bu la phan tshun 'gal ba cung zad kyang mthong ba med do//de bas na tshangs pa la sogs pa dag la skyes bu nyid gtan tshigs nyid du bshad pa la 'gal ba med pa nyid kyi phyir rig byed byed pa'i nus pa ma bsal ba yin no/ /gang gi phyir mi 'gal ba bsgrub pa can te/mi 'gal ba bsgrub pa mi dmigs pa'i sbyor ba gang la yod pa zhes bya ba go bar byed pa nyid yin pa'i phyir gzhi tha dad pa'i 'bru mang po'o/ /yang na sgrub pa'i sgra ni bsgrub par bya ba yin pas na sgrub pa ste las sgrub par byed pa yin te/ mi dmigs pa'i sbyor ba gang la mi 'gal ba bsgrub pa yod pa zhes bya ba ni gzhi mthun pa kho na nyid yin no//de lta bur gyur pa'i mi dmigs pa'i sbyor ba ni go bar byed pa ma yin no/ /gal te rig byed byed pa'i nus pa dang skyes bu nyid la 'gal ba yod pa kho na yin no zhe na/ dbang po las 'das pa nyid la ni zhes bya ba la sogs pa smos te/dbang po las 'das pa shin tu lkog tu gyur pa dag la ni 'gal ba rtogs pa dag ni/ 'gal ba rtogs pa yod pa ma yin te/ lhan cig mi gnas pa'i mtshan nyid can dang / phan tshun spangs te gnas pa'i mtshan nyid can gyi 'gal ba rnam pa gnyi ga yang de la mi rung ba'i phyir ro//tshangs pa la sogs pa rig byed byed pa'i nus pa yang dbang po las 'das pa yin no/ /de bas na 'dir 'gal ba rnam pa gnyi ga yang 'gal bar mi rtogs so/ /skyes bu gang yin pa de ni rig byed la nus pa ma yin te/ dper na da ltar ba'i skyes bu lta bu'o zhes bya ba'i sbyor ba 'di la yang sbyor ba snga ma las te rig byed 'don par byed pa ni rig byed 'don par byed pa sngon du song ba can yin te/da ltar ba rig byed 'don par byed pa lta bu'o zhes bya ba'i sbyor ba snga ma de las ma nges pa nyid du tha dad pa ma yin te/ gang gis 'don par byed pa la khyad par yod pa la gnod par 'gyur/ gang yang gal te thog ma'i skyes bu'i rig byed bdag nyid kyis byas nas 'don par byed par nus par gyur na yang / da ltar bas kyang nus par 'gyur ro zhe na/ 'dir lan brjod par bya ste/ skyes bu rnams la khyad par med pa yin na ni bshad ma thag pa der 'gyur na/ skyes bu rnams la khyad par med pa de yang bsgrub par dka' ba ste/bsgrub par nus pa ma yin te/ gnod pa can ma yin pa'i phyir ro/ /de bas na gang la skyes bu gcig la nus pa med pa de la skyes bu thams cad nus pa med pa yin te/ skyes bu nyid du mtshungs pa'i phyir ro zhes bya ba'i sgrub par byed pa 'di la yang 'don par byed pa nyid la sogs pa snga ma bzhin du rtags skyes bu nyid ni 'khrul pa yin no//ci'i phyir zhe na/ skyes bus byas pa nyid du mngon par 'dod pa ba ra ta la sogs pa yang da ltar ba'i skyes bu rnams la nus pa med pa yin na yang rgyas pa la sogs pa 'ga' zhig la skyes bu phul du byung ba'i nus pas grub pa'i phyir ro//gang gi phyir de ltar yin pa de bas na rgyu rnams 'byed par byed pa ste/ 'di'i rgyu ni 'di yin la 'di'i ni 'di ma yin no zhes rnam par 'byed par byed pa don rnams kyi rang bzhin gyi khyad par bstan par bya'o/ /ci lta bur gyur pa dag gi zhe na de las byung ba can te/ rgyu de las de'i rgyu can ma yin pa zhes bya ba'i don to//rang bzhin gyi khyad par bstan par bya ste/ de dang 'dra ba'i rang bzhin ni rgyu de las byung ba can dang rgyu de las byung ba can ma yin pa dag ni de dang 'dra ba ma yin no zhes de ltar rang bzhin sna tshogs pa nyid bstan par bya zhing / de dang de las byung ba can ma yin pa rnam par 'byed pa gang gis shes par 'gyur/de med na ste rang bzhin gyi khyad par med na thams cad de'i bdag nyid can du 'gyur ba ste/ de dang mtshungs pa'i rgyu'i rang bzhin can du 'gyur ro/ /'ga' zhig kyang ma yin te/ de'i rgyu can gyi rang bzhin te/ sgra thams cad skyes bus byas par 'gyur ba'am 'ga' zhig kyang ma yin no zhes bya ba'i don to//'dod par gyur na 'jig rten pa dang rig byed pa dag gi rang bzhin gyi khyad par ni skyes bus byas pa nyid du nges pa yod pa yin no zhe na/ de'i phyir 'di la zhes bya ba la sogs pa smos te/ 'gro ba 'di la'am sgra'i sbyor ba 'di la 'jig rten pa dang rig byed kyi ngag dag skyes bus byas pa dang skyes bus ma byas pa nyid du rnam par 'jog par byed pa'i rang gi ngo bo sna tshogs pa nyid ni ma mthong ngo //rnam pa de lta bu'i rang bzhin gyi khyad par de la yod pa ma yin pa 'jig rten pa dang rig byed pa'i ngag de dag mtshungs pa nyid de 'dra ba'i ngo bo kho na'i yi ge'i go rims kyi mtshan nyid can mthong ba'i phyir 'jig rten pa dang rig byed kyi ngag gcig pa'i skyes bu'i byas pa nyid dam skyes bus ma byas pa nyid rnam par 'byed cing tha dad par 'jog par byed pa na skyes bu la 'khrul par dogs pa'i brjod pa can du byed do//skyes bu gang la 'khrul par dogs pa brjod pa de la de skad ces bya'o/ /gang gis byed ce na/ de'i rang bzhin srid pa des te/ 'jig rten pa dang rig byed pa'i dag srid pa'i yi ge dang tshig bkod pa'i mtshan nyid kyi spyi des so/ /skyes bus byas pa nyid du mtshungs pa'i chos can gyi rig byed ni skyes bus ma byas pa nyid du brjod pa na/'di brdzun du smra ba can du 'gyur ro zhes bya ba'i tha tshig go/ /rig byed dang rig byed ma yin pa dag la de nyid kyi mtshan nyid can te/ rig byed dang rig byed ma yin pa'i rang bzhin gyi mtshan nyid la rig byed pa'i sgra rnams ni rig byed kyi rang bzhin gyi phyir dang /'jig rten pa dag ni rig byed ma yin pa'i rang bzhin nyid yin pa'i phyir khyad par yod pa ma yin nam/ de bas na ji skad du bshad pa'i khyad par gyis go rims bzhin du 'jig rten pa dang rig byed pa'i ngag dang / skyes bus byas pa nyid dang / skyes bus ma byas pa nyid du 'gyur ro zhes bsams pa'o//slob dpon gyis yod pa bden te zhes smos te/ ji skad du bshad pa'i khyad par yod pa ni bden te/ khyad par de 'dra ba ni 'jig rten pa dang rig byed pa dag gi ngag dang / skyes bus byas pa dang skyes bus ma byas pa nyid du rnam par sgrub par byed pa ma yin no//gang gi phyir 'jig rten pa dang rig byed pa dag 'ba' zhig kho na'i khyad par ma yin no/ /'o na ci yin zhe na/ kha bya'i gna' gtam dang cig shos dag la yang ma yin te zhes bya ba smos te/ kha bya ste lo rgyus mkhan dag gis byas pa'i gna' gtam dang / cig shos yid ches par mngon par 'dod par byas pa la de 'dra ba'i khyad par yod pa yin no//de tsam gyis rang nyid kyi tha snyad kyi don du rang gi lo rgyus kyis bye brag gsal bar byed pa'i rang nyid kyi brdas tha snyad du byas pa nye bar btags pa'i ming gi khyad par gyis ni rig byed skyes bus byas pa la gnod pa ma yin no//ci'i phyir zhe na/ 'jig rten pa gzhan dag la yang rang nyid kyis nye bar sbyar ba ming tsam gyi khyad par gyis skyes bus ma byas pa nyid du thal bar 'gyur ba'i phyir ro/ /gal te rig byed kyi ngag dag la yi ge dang tshig bkod pa mthong ba gang yin pa de 'dra ba'i sbyor ba skyes bus rnam pa thams cad du byed par mi nus par 'gyur ba'am byas pa ste/yi ge dang tshig gi bkod pa rig byed kyi rjes su byed pa grub pa'i ngo bo la/ skyes bus ma byas pa'i brda thos pa tsam las/ 'di skyes bu tsam gyis byas pa 'phangs pa ma yin no zhes rnam par 'byed par 'gyur na/ rig byed de skyes bus ma byas par gsal ba yin gyi/de lta ma yin na gang las rigs mi mthun pa nyid khong du chud par 'gyur ro/ /de ltar 'gyur ba ni bden na/ skyes bu dag gis sngags ji ltar 'dod pa'i don sgrub par byed pa dang mi ldan pa de bas na/ rig byed ni skyes bus ma byas pa nyid yin no zhe na/ gal te de ltar 'gyur na ni de ltar 'gyur ba yin no//'on kyang sngags kyang skyes bus byas pa kho na yin no zhes de ni 'og nas skabs su bab pa dang rnam par dpyad par bya'o/ /gzhan yang sngags zhes bya ba gzhan cung zad kyang yod pa ma yin no/ /'o na ci yin zhe na/ bden pa dang zhes bya ba la sogs pa la/yang dag pa ji lta ba bzhin du ston pa ni bden pa yin pa la dbang po dang yid thul ba ni dka' thub yin no/ /de dag gi mthu ni dug bcom pa la sogs pa'i nus pa ste/ gang la de yod pa de dag ni bden pa dang dka' thub kyi mthu dang ldan pa'o/ /bden pa dang dka' thub kyi mthu dang ldan pa'i skyes bu de dag ni 'dod pa'i don sgrub par byed pa ste/rgyur gyur pa'i tshig gang yin pa de nyid sngags yin no/ /de 'dra bar gyur pa'i sngags kyi mtshan nyid kyi tshig de dang de ni da ltar nyid kyang skyes bu rnams la snang ba kho na yin no/ /ci'i phyir zhe na/ bdag nyid ji lta ba bzhin du bden pa'i byin gyi rlabs kyi stobs las me dang dug la sogs pa rengs par byed pa ste/'joms par byed pa'i nus pa mthong ba'i phyir ro/ /bden pa la sogs pa dang ldan pa 'dod pa'i don sgrub par byed pa'i tshig gi mtshan nyid can gyi sngags 'ba' zhig byed pa ni ma yin gyi/'on kyang da ltar yang ri khrod la 'ga' zhig rang gi nges pa la gnas pa dug la sogs pa sel ba'i nus pa dang ldan pa'i sngags byed pa'i phyir skyes bu sngags byed pa'i nus pa dang ldan pa nyid yin no/ /rig byed ma yin pa ni rig byed las gzhan pa dag go/ /sangs rgyas pa'i zhes bya ba la sogs pa'i sgras ni 'ongs pa nyid dang /nam mkha' lding dang dbang phyug chen po la sogs pa'i sngags dang sngags kyi rtog pa dag mthong ba'i phyir ro/ /rig sngags kyi yi ge rnams ni rig byed skyed par byed pa'i sngags so/ /de sgrub par byed pa'i cho ga ston par byed pa'i sngags kyi rtog pa yin no//sangs rgyas pa la sogs pa'i sngags dang rtog pa de dag kyang skyes bus byas pa ste/ skyes bus brtsams pa yin pa de'i phyir/ 'jig rten pa dag gi las rig byed pa dag gi rang bzhin tha dad pa yod pa ma yin no// //bam po nyi shu rtsa bdun pa/ de ltar na rig byed pa la sogs pa sngags dang rtog pa dag kyang skyes bus ma byas pa nyid du 'dod cing /sangs rgyas la sogs pa'i sngags dang rtog pa de la skyes bus ma byas pa nyid du rtogs pa na/ ji ltar na da skyes bus ma byas pa'i dag thams cad bden par 'gyur te/ 'on kyang log pa'i don can du yang 'gyur ro//'di ltar sangs rgyas pa dang cig shos pa dag gis zhes bya ba la sogs pa la/ sangs rgyas pa'i sngags dang rtog pa las 'tshe ba dang / 'khrig pa'i 'dod chags dang / bdag tu lta ba la sogs pa ste/ sogs pa'i sgras brdzun du smra ba la sogs pa mngon par mtho ba ma yin pa'i rgyu ste/ sdug bsngal gyi rgyur gsungs so/ /cig shos te sangs rgyas pa ma yin pa'i sngags las 'tshe ba la sogs pa de dag rnams gzhan du ste/ mngon par mtho ba'i rgyur brjod do/ /gal te sngags dang rtog pa thams cad skyes bus ma byas pa yin par 'gyur ba de'i tshe/ 'gal ba brjod pa'i ngag gnyis skyes bus ma byas pa gcig la ji ltar bden par 'gyur zhe na/de ltar mi 'gyur na sangs rgyas pa'i sngags dang rtog pa las 'tshe ba la sogs pa'i sgra rnams rab tu ma grags pa'i don gzhan gang yin pa de ni rig byed pa'i sngags dang rtog pa 'gal ba med pa yin no zhe na de'i phyir/ de la zhes bya ba la sogs pa smos te/sangs rgyas pa'i sngags dang rtog pa de la rab tu grags pa'i don las gzhan du rtogs na/ don gzhan du rtogs pa de ni sangs rgyas pa ma yin pa'i rig byed pa'i sngags dang rtog pa gzhan la yang mtshungs pa'i phyir sngags dang rtog pa thams cad la don gzhan du yongs su rtogs pa srid pas don la nges pa med pa'i phyir te/don gtan la ma phab pa'i phyir des bstan pa'i don 'ga' zhig kyang rtogs shing nan tan du byas par mi 'gyur ro/ /de ltar na zhes bya ba don nges par nan tan du byas pa med pa na/ skyes bus ma byas pa'i ngag yod du zin kyang skyes bu'i don la nye bar mkho ba ma yin no//gal te sangs rgyas pa la sogs pa'i sngags la sogs pa ma yin par 'gyur ro zhe na/ sangs rgyas pa zhes bya ba la sogs pa smos te/ sangs rgyas pa la sogs pa dag gi sngags nyid ma yin na de las gzhan pa la yang ste/ sangs rgyas pa la sogs pa dag gi sngags de las gzhan pa rig byed pa'i sngags kyang sngags nyid du bsgrub pa'i phyir mna' chu btung dgos par 'gyur te/gang gis sangs rgyas la sogs pa dag gi sngags nyid ma yin pa dang / rig byed la sogs pa'i sngags nyid du 'gyur ba'i rigs pa ni cung zad kyang yod pa ma yin no//sangs rgyas pa la sogs pa'i sngags ma yin no zhes bya ba'i mngon sum dang 'gal ba ma yin te/ 'di ltar sangs rgyas pa la sogs pa dag gi sngags kyis kyang dug gi las la sogs pa byed pa mthong ba ste/ dug gi las la sogs pa byed pa mthong ba des sangs rgyas la sogs pa'i sngags de la sngags nyid du bkag pa med de dug la sogs pa'i las byed pa'i sgo nas rig byed pa dag gi yang sngags nyid du rnam par gzhag pa'i phyir ro//sangs rgyas pa la sogs pa'i sngags rnams dug la sogs pa'i las byed pa la bsnyon bar mi nus te/mthong ba nyid kyi phyir ro/ /de la bsnyon na ni de la yang mtshungs pa nyid kyi phyir ro/ /rig byed pa'i ngag rnams dug la sogs pa sel bar nus pas dag gzhan las khyad par can yin pa ni bla ste/ de tsam gyis de rtag pa nyid du rigs pa ni ma yin no//gang gi phyir phyag rgya dang dkyil 'khor dang bsam gtan dag gis kyang zhes bya ba la phyag rgya ni srog chags dag gi sor mo rnams kyi dbyibs so/ /dkyil 'khor ni lha la sogs pa bkod pa'i khyad par ro/ /bsam gtan ni nam mkha' lding la sogs pa sems pa ste/ phyag rgya dang dkyil 'khor dang bsam gtan zhes zlas dbye ba'am/phyag rgya dang dkyil 'khor dang phyag rgya la sogs pa bya'o/ /de dag gi yi ge med pa can te sgra med pa'i rang bzhin can dag gis dug la sogs pa sel bar byed pa la sogs pa'i mtshan nyid can gyi las rnams byed par 'gyur te/ phyag rgya dang dkyil 'khor dang bsam gtan de dag ni skyes bus ma byas par rigs pa ma yin no/ /de ltar ni 'gyur na phyag rgya la sogs pa yi ge med pa'i rang bzhin rnams la skyes bu rnams kyi dug la sogs pa sel bar byed pa la sogs pa'i nus pa med pa'i nus pa yod pa yin gyi/ yi ge dang tshig gi go rims can gyi sngags la ni ma yin/de bas na sngags rnams kyis dug la sogs pa sel bar byed pa la sogs pa'i nus pa skyes bus byas pa ma yin no zhe na/ de'i phyir de dag gi zhes bya ba la sogs pa smos te/ phyag rgya la sogs pa de dag gi byed pa yod na/ skyes bu ste bden pa dang dka' thub kyi mthu dang ldan pa rnams la yi ge 'god par byed pa 'gal ba ci zhig yod de/khyad par med pa'i phyir ro/ /de bas na skyes bu de dag gi byed pa nus pa med par ni cir yang mi rung ste/ gang gis skyes bu dag gi nus pa med pa phul du byung ba nye bar bstan pas 'jig rten pa dag gi las rig byed pa dag gi rang bzhin tha dad pa rtogs par 'gyur ro//gal te sangs rgyas pa dang cig shos dag gi sngags dang rtog pa skyes bus byas pa gnyis po bden pa las byung ba can bden pa ston pa'i skyes bu las skyes pa de dag kyang / da ni ji ltar na bden pa las byung ba can sangs rgyas pa dang cig shos kyi sngags dang rtog pa de dag phan tshun 'gal ba dag tu mi rigs par 'gyur te/gcig la 'tsho ba la sogs pa dag ni mngon par mtho ba ma yin pa'i rgyu nyid dang gzhan dag tu bstan pa'i phyir ro/ /de dag ni zhes bya ba la sogs pas ni lan 'debs par byed de/ sngags dang rtog pa de dag ni thams cad du bden pa las byung ba can dag ma yin na/ gang gis 'di la 'gal ba yin/ 'on kyang skyes bu mthu dang ldan pa'i dam bcas pa'i mtshan nyid can dag la yang sngags dang rtog pa de dag 'gyur te/ skyes bu mthu dang ldan pas yi ge dang tshig bkod pa 'di goms par byed pa dang de'i cho ga rjes su sgrub par byed pa gang yin pa de'i ji ltar dam bcas pa'i don bdag gis bsgrub par bya'o snyam pa'i dam bcas pa gang yin pa de'i mtshan nyid can dag la yang sngags dang rtog pa dag 'gyur ro//de bas na gzhan du smra ba yin du zin kyang mthu dang ldan pas sngags dang rtog pa dag byas pa'i phyir 'gal ba yod pa ma yin no//gal te bden pa med pa'i phyir mthu de nyid gang las yin zhe na/ mthu de ni 'gro ba dang grub pa'i khyad par dag las kyang 'gyur ba ste/ bsod nams bya ba la sogs pas bsdus pa'i 'gro ba'i khyad par de dang 'dra ba rnyed pa'am/sngags grub pa'i khyad par gang gis de dang 'dra ba'i mthu dang ldan par 'gyur ro/ /gal te sngags skyes bus byas pa yin pa de'i tshe/ skyes bu nyid yin pa'i phyir/ skyes bu thams cad ci'i phyir sngags mi byed de/ byed pa yang ma yin no/ /de bas na mngon par 'dod pa'i skyes bu dag gis kyang sngags ma byas so zhes bsams pa'o//de zhes bya ba la sogs pa ni grub pa'i mtha' smra ba yin te/ sngags de dag byed pa'i sgrub par byed pa bden pa dang dka' thub dang mthu la sogs pa gang yin pa de dang bral ba'i phyir thams cad sngags byed pa ma yin no/ /gal te bden pa dang dka' thub la sogs pa sngags byed pa'i rgyu de dang 'dra ba dag dang skyes bu ldan par 'gyur ba de'i tshe sngags byed pa nyid du 'gyur ro//gzhan yang skyes bu snyan dngags byed pa'i spobs pa dang ldan pa byed pa'i phyir de byed pa'i spobs pa dang bral ba'i skyes bu thams cad kyang skyes bu nyid du mtshungs pa'i phyir snyan dngags brjod par 'gyur ro//'ga' zhig kyang mi byed na gzhan 'ga' zhig kyang mi byed pa de dang 'dra ba ste/ skyes bu snyan dngags byed pa'i nus pa med pa dang 'dra ba de ltar na rigs pa de dag ni snga nas med pa yin no/ /sngags byed pa'i zhes bya ba la sogs pa ni gzhan gyi yin te/sngags byed pa sgrub par byed pa dang bral ba'i skyes bu dag sngags mi byed pa ni bden te/ 'on kyang sngags byed pa'i sgrub par byed pa bden pa dang dka' thub la sogs pa'i tshogs pa de nyid kyang skyes bu 'ga' zhig la yang ma mthong ste/ skyes bu thams cad ni chos mtshungs pa can nyid kyi rgyu'i phyir ro//'dir zhes bya ba la sogs pa ni grub pa'i mtha' smra ba yin te/ brgal ba 'dir lan bshad zin to/ /ci zhig bshad zin ce na/ sngags zhes bya ba la sogs pa la/ tshig dam bcas pa zhes bya ba ni zlas dbye ba'o/ /bden pa la sogs pa dang ldan pa'i skyes bu rnams kyi 'dod pa'i don grub par byed pa'i tshig dang /de bzhin du 'gro ba la sogs pa dang ldan pa'i skyes bu khas blangs pa'i mtshan nyid can gyi dam bcas pa las sngags zhes bya ba gzhan cung zad kyang med do/ /bden pa dang dka' thub dang 'gro ba dang grub pa'i khyad par gyi mtshan nyid de dag kyang skyes bu 'ga' zhig la mthong ngo //de ltar ni 'gyur na gang dang gang skyes bu yin pa de ni sngags byed pa'i sgrub par byed pa dang bral ba yin te/ dper na lam po che'i skyes bu lta bu'o/ /sngags byed par 'dod pa'i skyes bu 'di yang skyes bu yin no zhe na/de bas na 'di la yang skyes bu thams cad de dang bral ba ste/ sngags byed pa'i sgrub par byed pa de dang bral ba de ltar yang nges pa yod pa ma yin te/ sngags skyed pa'i sgrub par byed pa de yod cing srid pa'i skyes bu dang lhan cig 'gal ba med pa'i phyir ro/ /gal te sngags byed pa'i sgrub par byed pa'i rang bzhin mi dmigs pa nyid kyi phyir skyes bu rnams la med par nges pa yin no zhe na/lkog tu gyur pa'i zhes bya ba la sogs pa smos te/ lkog tu gyur pa'i rang bzhin can dag ste/ gang la dbang po las 'das pa'i rang bzhin yod pa de dag ni shin tu lkog tu gyur pa zhes bya ba'i don to//mi dmigs pa ni med par nges pa'i gtan tshigs ma yin no/ /gal te bdag nyid la sngags byed pa'i sgrub par byed pa dran pa la sogs pa dag mi dmigs pas gzhan dag la yang med par nges pa yin no zhe na/ dran pa dang zhes bya ba la sogs pa smos te/ dran pa ni 'das pa'i skye bo la sogs pa dran pa'o//blo ni gzhan gyi sems pa'o/ /so sor rig pa ni dngos po mthong ba'i de kho na nyid mthong ba'o/ /bden pa ni rnam pa gzhan du ma yin par smra ba nyid do/ /nus pa ni mthu'i rang bzhin no/ /dran pa dang blo dang / so sor rig pa dang / bden pa dang nus pa zhes bya ba ni zlas dbye ba'o//thams cad la 'gyur ba ste/ skyes bu'i rgyud thams cad la 'gyur ba ma yin te/ gang gis de dag bdag nyid la ma mthong bas gzhan la yang spong bar 'gyur ba gang gis sngags byed pa'i sgrub par byed pa dang bral ba'i skyes bu rnams la nges par 'gyur ro/ /'di ltar de sgrub par byed pa'i yang dag pa'i man ngag gi khyad par dang 'dra ba ste/ji skad du bshad pa'i dran pa la sogs pa dag 'dis sgrub par byed pas na sgrub par byed pa ste/ skyed par byed pa'i rgyu gang yin pa de'i yang dag pa'i man ngag gdams ngag de'i khyad par gyi bye brag yid ches pa'i lung 'ga' zhig la yod pa yin gyi thams cad la ma yin pa de dang 'dra bar yon tan gzhan sgrub par byed pa dag kyang yod par 'gyur ro//sgrub pa sgrub par byed pa zhes bya ba ni dngos po grub par byed pa yin te/ sgrub par byed pa'i sgra ni grub pa'i tshig yin no/ /rgyu dran pa la sogs pa'i 'bras bur gyur pa'i yon tan gzhan dran pa la sogs pa de dag sgrub par byed pa ste/grub pa dag kyang skyes bu 'ga' zhig la yod par 'gyur ro/ /ji ltar de sgrub par byed pa'i yang dag pa'i man ngag skyes bu 'ga' zhig la yod pa de ltar nan tan du sgrub pa las/ dran pa la sogs pa dag kyang 'ga' zhig la yod par 'gal ba med do zhes bya ba'i tha tshig go//gal te dran pa la sogs pa de dag sgrub par byed pa yod par 'gyur na/ ci'i phyir mi snang zhe na yong du zin kyang zhes bya ba la sogs pa smos te/ yod pa ste snang du zin kyang rgyud gzhan la brten pa'i yid kyi yon tan skyes bu tsam gyis mthong bar nus pa ma yin no//gang gi phyir yod du zin kyang mthong bar mi nus pa de nyid kyi phyir rgyud gzhan la yod pa yid kyi yon tan ma mthong ba las bsnyon du med pa spang du med do/ /gal te skyes bu rnams la yid kyi yon tan thun mong ma yin pa skye ba na gnod pa can yod do zhe na/skyes bu rnams zhes bya ba la sogs pa smos te/ skyes bu rnams la yid kyi yon tan skye bar 'dod pa 'gal ba yod pa ma yin na gang gis de las gzhan pa'i yon tan phul du byung ba'i yon tan gang zhig med par 'gyur/ gal te skyes bu nyid la sogs pa'i chos gnod par byed pa yin zhe na/de ni ma yin no/ /ci'i phyir zhe na/ rgyud gzhan la yod pa'i gnod par bya ba yon tan de ni skyes bu tsam gyis ma mthong bas/ skyes bu nyid la sogs pa'i chos dang gnod par bya ba dang gnod par byed pa'i ngo bo ma grub pa'i phyir ro/ /gnod par byed pa nyid ma yin pa'i phyir dor bar bya ba ma yin no//bshad ma thag pa 'dis ni don thams cad mkhyen pa gang yin pa de 'gog pa dang / sogs pa smos pas 'dod chags dang bral ba la sogs pa'i lan nges par brjod cing lan btab pa yin te/ dper na smra ba nyid la sogs pa'i rtags kyis thams cad mkhyen pa nyid la sogs pa dag spong ba ma yin pa lta bu'o//'dod chags dang bral ba la sogs pa spong ba de la yang skyes bus de lta bur gyur pa 'dod chags dang bral ba la sogs pa'i yon tan dang ldan pa ma yin no zhes bya ste/ /mi 'gyur bar ro zhes bya bar rigs pa ste tshul yin no/ /skyes bu ji lta bur gyur pa zhig ce na/de sgrub par byed pa'i yang dag pa'i man ngag med pa 'di ci 'dra ba ste/ gang de la sgrub par byed pa'i yang dag pa'i man ngag 'dod chags dang bral ba la sogs pa sgrub par byed pa'i man ngag med pa zhes bya bar tshig rnam par sbyar ro/ /'dod chags dang bral ba la sogs pa sgrub par byed pa'i thabs dang bral ba gang yin pa de 'dod chags dang bral bar mi 'gyur ro zhes bya ba de ltar rigs pa ma yin no zhes bya ba'i don to//shes par byed pa ma mthong ba can de'i rang bzhin can la ma yin no zhes bya bar yang ma yin pa ste/ gang las 'dod chags dang bral ba la sogs pa'i rtags shes par byed pa ma mthong ba de ni shes par byed pa ma mthong ba tsam gyis de'i rang bzhin can ma yin na/'dod chags dang bral ba la sogs pa'i yon tan dang mi ldan pa'i rang bzhin can du 'gyur ro zhes bya ba yang brjod par rigs pa ma yin te/ shes par byed pa mi dmigs pa tsam gyis shes par bya ba med pa ni rigs pa ma yin no//ci'i phyir zhe na/ don 'ga' zhig yod du zin kyang rtags su gyur pa'i 'bras bu rtsom pa med pa'i phyir ro/ /bsam pa zhes bya ba dbang po las 'das pa'i don rnams kyi 'bras bu yin pa de lta na yang rang bzhin gyis bskal pa 'di rnams kyi 'bras bu 'di yin no zhes mthong bar mi nus pa nyid kyi phyir ro//de bas na sngags byed pa'i bsgrub par bya ba dang bral ba ni gcig la ji lta ba de bzhin du thams cad la zhes de ltar nges pa can du nus pa ma yin no zhes bya bar gnas so/ /gang gi phyir de yin pa de bas na 'don par byed pa ni 'don par byed pa gzhan sngon du song ba can yin no zhes bsgrub par bya ba la/'don par byed pa'i phyir zhes bya ba'i rtags ni 'khrul pa yin te/ skyes bus byas pa b+ha ra ta 'don par byed pa yang 'don par byed pa nyid yod pa'i phyir ro/ /rig byed kyi khyad par du byas pa'i phyir skyon med pa yin te/ gzhan gyis bsam pa ni 'don par byed pa tsam ni rtags ma yin na gang gis na de ltar 'gyur/'on kyang rig byed khyad par can 'don par byed pa ni 'don par byed la gzhan sngon du song ba can bsgrub par bya ba yin zhing / de la rig byed 'don par byed pa yin pa'i phyir zhes bya ba gtan tshigs khyad par can dang bcas pa ni mi mthun pa'i phyogs la 'jug pa ma yin no//rig byed 'don par byed pa zhes bya ba la sogs pa ni grub pa'i mtha' smra ba'i yin te/ rig byed 'don par byed pa la phul du byung ba yang ci zhig yod na gang gis rig byed 'don par byed pa rnams gzhan gyis zhes bya ba bdag gis sbyar nas 'don par mi byed pa yin na phul du byung ba nyid du cung zad kyang yod pa ma yin no//de bas na rig byed 'don par byed par 'gyur ba dang / 'don par byed pa gzhan sngon du song ba can ma yin pa zhes bya ba 'gal ba med pa'i phyir de nyid 'khrul pa yin no/ /'di ltar mi mthun pa'i phyogs te 'don par byed pa gzhan sngon du song ba can ma yin pa dang lhan cig byed kyi khyad par 'gal ba med pa mi mthun pa'i phyogs 'di las gtan tshigs ldog par byed pa ma yin no//ci'i phyir zhe na/ rig byed nyid dang 'don pa gzhan sngon du song ba can ma yin pa 'gal ba med pa dag ni/ rig byed kyi ngag gcig la srid pa'i phyir rig byed 'don par 'gyur ba yang yin la/'don par byed pa gzhan sngon du song ba can ma yin pa zhes bya ba 'di la 'gal ba ci zhig yod/ skyes bu da ltar ba rnams 'don par byed pa'i phyir te/ 'don par byed pa gzhan sngon du song ba can nyid kyi sgo nas 'don par byed pa'i phyir ro//gzhan gyis bstan pa med par 'don par mi nus pa nyid kyi phyir ro zhes bya ba'i don to/ /de'i lan ni b+ha ra ta 'don par byed pa la yang thal bar 'gyur ba'i phyir te/ de yang da ltar pa dag gzhan gyis bstan pa'i sgo nas 'don par byed pa'i phyir de yang dang po nyid du mngon par 'dod pa'i 'don pa byed pa gzhan sngon du song ba can yin pas na rig byed dang 'dra bar skyes bus ma byas pa yin par 'gyur ro zhes bshad zin to//gal te rig byed 'don par byed pa yin na ni rig byed 'don par byed pa sngon du song ba can yin te/ byed pa po ma mthong ba'i phyir ro zhe na/ 'di yang spangs zin pa ste/byed pa'i yang dag pa'i man ngag rgyun chad pa can gyis byas pa yang mthong ngo zhes bya ba la sogs pas gong du gsal ba yin no/ /gal te de ltar rig byed kyi byed pa po ma mthong ba de ltar sngon yang med pa yin no zhes nges par nus pa ma yin te/ gang gi phyir ma mthong ba tsam med pa go bar byed pa nyid kyi phyir/rig byed 'don par byed pa nyid kyi phyir zhes bya ba'i gtan tshigs 'di 'khrul pa kho na yin no/ /de bas na rig byed kyi khyad par 'don par byed pa'i gtan tshigs phul du byung ba la brten par mi 'gyur ba ste/ mi 'gyur ba'i phyogs dang 'gal ba med pas khyad par can du byed par 'gyur ba ma yin zhing mi mthun pa'i phyogs las ma log pa'i phyir khyad par bzung du zin kyang ma bzung ba dang mtshungs pa yin no//gang gi phyir khyad par ma bzung ba dang mtshungs pa yin pa de'i phyir/ gang cung zad rig byed 'don par byed pa de dag thams cad ni rig byed 'don pa gzhan sngon du song ba can yin no zhes bya ba la/rig byed kyis khyad par du byas pa gtan tshigs yin du zin kyang khyab par ma grub pa yin te/ bzlog pa la gnod pa can gyi tshad ma med pas rig byed 'don par byed pa thams cad de lta bu'i ngo bor ma grub pa'i phyir te/ 'don par byed pa sngon du song ba can nyid ma grub pa'i phyir ro//de'i rgyu mtshan can te 'don par byed pa gzhan gyi rgyu mtshan can bdag nyid 'don par byed par nus pa med pa ci 'dra ba mthong ba de ni de ltar zhes bya ba 'don par byed pa gzhan sngon du song ba can kho na zhes bya bar 'gyur ro/ /bdag nyid 'don par byed par nus pa med par 'don par byed pa gang yin pa de'i khyad par mthong ba ste/glen pa la sogs pa'i mtshan nyid can de dor bar zhes pa glen pa la sogs pa'i rgyu mtshan 'don par byed pa ji ltar yongs su mthong ba'i khyad par can de dor zhing de'i rgyu mtshan gzhan sngon 'don pa'i rgyu mtshan nyid kyis rig byed 'don par byed pa nyid kyi spyi smos pa ni nus pa dang mi nus pa thams cad rig byed 'don pa ni 'don par byed pa gzhan sngon du song ba can yin te/rig byed pa nyid du mtshungs pa'i phyir ro zhes bya ba ni 'khrul pa nyid yin no/ /bsreg za sgrub pa ste me grub pa las rdzas sngon po dang 'dra'o//me bsgrub par bya ba la du ba sngon po'i khyad par mthong ba gang yin pa de dor zhing rdzas sngon po'i spyi rjod par byed pa na/ ci ltar me la 'khrul pa yin pa de dang 'dra'o zhes bya ba'i don to/ /bshad ma thag pa'i 'khrul pa nyid du bstan pa 'dis na tshig la sogs pa ste/sogs pa'i sgras ni skyes bu nyid dang lag pa la sogs pa dad ldan pa la sogs pa'i gtan tshigs ji ltar 'khrul pa yin pa bzhin du lan btab pa yin no/ /bsgrub par bya ba gang la zhe na/ 'dod chags la sogs pa sgrub par byed pa la ste/ 'dod chags dang zhe sdang la sogs pa de dag la 'dod chags pa las byung ba'i tshig gi khyad par ci 'dra ba mthong ba de dor zhing /rjod par byed pa nyid kyi spyi brjod pa ni 'khrul pa yin pa'i phyir ro/ /rig byed 'don par byed pa 'di 'don par byed pa sngon du song ba can sgrub par byed pa yin pa yang bla ste/ kho bo cag shin tu zhen pas ci zhig bya/'on kyang de ltar byas nas kyang rig byed ni/ rnam kun thog med grub 'gyur te/ /thog ma spangs pa nyid tsam grub pa'i phyir ro/ /da ltar skyes min rten can min te/ skyes bus ma byas pa nyid du yang grub par mi 'gyur ro/ /ci ste thog ma med pa nyid yin pa de'i phyir skyes bus ma byas pa nyid du 'don na de'i tshe/thog ma med pa nas 'jug pa nyid yin pa de'i phyir/ 'jig rten gyi tha snyad gzhan yang mi min rten can du 'gyur te/ skyes bus ma byas pa nyid du 'gyur ro/ /skyes bu bdag nyid kyis brtags pa ste nye bar brtags nas 'don par byed pa'am/ gzhan slob dpon las 'don par byed pa na/byed pa'i bya ba med pa can gyi skyes bu de dag gi sgra rang nyid sgrogs par byed pa ste/ rang gi ngo bo gsal bar byed pa ma yin no/ /de bas na skyes bu'i bya ba'i sgo nas rig byed kyi sgra de dag sgrogs pa'i phyir/ de las gzhan pa'i ngag dang 'dra bar skyes bus byas pa nyid du 'gyur ro/ / bdag nyid sgogs par byed pa gang gis skyes bus ma byas pa nyid du 'gyur te/ gal te de dag rang nyid sgrogs par byed par 'gyur ba de'i tshe/ skyes bus ma byas pa nyid du 'gyur na de yang yod pa ma yin no/ /skyes bus ma byas pa nyid yin par yang 'gyur te/ gal te skyes bu dag las sngar yod pa nyid du rig byed grub par 'gyur na rig byed skyes bus ma byas par 'grub par 'gyur mod kyi/'on kyang skyes bu dag las sngar gnas pa nyid du rig byed de nyid ma grub pa yin no/ /skyes bu rnams la thog ma nyid yod la/ rig byed thog ma dang ldan pa nyid ma yin na de grub par 'gyur ro/ /'don par byed pa thog ma med pa can de yang 'don par byed pa gzhan sngon du song ba can nyid du bsgrub pa na/skyes bu rnams thog ma can nyid yin pa de'i tshe yang / dang po'i skyes bu 'don par byed pa gzhan sngon du song ba can te/ 'don par byed pa gzhan sngon du song ba can du mi 'grub bo/ /ci'i phyir zhe na/ 'don pa po gzhan med pa'i phyir ro//de'i dang po'i 'don par byed pa ste/ rig byed de'i dang po'i 'don par byed pa po bdag nyid kyis brtags nas rig byed 'don par byed pa'i phyir rig byed kyi byed pa por 'gyur ro/ /de bas na zhes bya ba de'i phyir rig byed 'don par byed pa'i mtshan nyid can 'di ni gcig gi tha dad las 'don par byas nas gzhan 'don par byed pa de ltar na snga ma snga ma mthong bas 'jug pa yin pas na skyes bu'i tha snyad thog ma med pa can du 'gyur gyi/skyes bus ma byas pa nyid ni ma yin no/ /ci dang 'dra ba zhe na/ byis pas rdul gyi rtsed mo dang 'dra bar te/ byis pa de dag gis rdul gyi rtsed mo ji ltar snga mas mthong ba 'jug pa nyid kyi phyir/skyes bu'i tha snyad thog ma med pa can yin pa de dang 'dra'o/ /sogs pa'i sgras ni zas la sogs pa gzung ngo / /gal te rig byed ni thog ma med pa can nyid yin pa'i phyir skyes bus ma byas pa nyid yin no zhe na/ thog ma med pa nyid kyi phyir zhes bya ba la sogs pa smos te/thog ma med pa nyid kyi phyir rig byed ni skyes bus ma byas pa nyid du khas len na/ da ni rig byed las gzhan pa shin tu mang po skyes bus ma byas pa nyid thob ste thog ma med pa nyid kyi phyir ro/ /de nyid ni de ltar na zhes bya ba la sogs pa bstan pa'i phyir/ kla klo la sogs tha snyad dang ste/ rang gi rigs kyi rim pa las 'ongs pa ma bag mar len pa la sogs pa'i mtshan nyid can dag ni thog ma med pa nyid kyi phyir rig byed dang 'dra bar skyes bus ma byas pa nyid du 'gyur ro//sogs pa'i sgras ni thog ma med pa'i 'phags pa'i tha snyad gzhan yang gzung ngo / /de bzhin du med par smra ba'i tshig rnams ni ste/ chos dang chos ma yin pa dang 'jig rten pha rol la sogs pa la skur pa 'debs par 'jug pa rnams thog med phyir na de bzhin 'gyur te/skyes bus ma byas pa nyid du 'gyur ro/ /gal te de dag gi thog ma nyid ji ltar yin zhe na/ sngon legs byas pa'i rgyun phyir ro zhes bya ba la sogs pa smos te/ sngon du byas pa'i dbang gis rgyun gyis 'jug pa'i phyir zhes bya ba'i don to//kla klo tha snyad ces bya ba la sogs pas 'chad par byed de/ kla klo'i tha snyad kyang thog ma med pa can yin no zhes bya bar sbyar ro/ /de dag kyang gang zhe na/ ma bag mar zhes bya ba la sogs pa smos te/ pha shi nas bu phos ma bag mar blang bar bya'o zhes bya ba ni kla klo la la dag gi tha snyad yin no//sogs pa'i sgras ni 'khor ba las thar bar byas pa'i phyir rgan rabs gsad par bya'o zhes bya ba la sogs pa'i tha snyad gzung ngo / /'di tsam gyis ni kla klo'i tha snyad rnam par bshad pa yin no/ /sogs pa'i sgras gzung ba gzhan ni 'dod pa'i dga' ston zhes bya ba la sogs pa gsungs te/'dod pas nye bar mtshon pa'i tshes bcu gsum gyi dus ston ni 'dod pa'i dga' ston no/ /'dir yang sogs pa'i sgras ni bu la sogs pa'i btsa' ston pa la sogs pa yang thog ma med pa can yin no/ /med par smra ba dag ste/ 'jig rten rgyang 'phen pa dag gi tshig kyang sbyar ro//ji lta bur gyur pa zhig ce na/ snga na med pa dang 'jig rten pha rol la sogs pa la skur par byed pa dag ste/ chos dang chos ma yin pa snga na med pa dang / 'jig rten pha rol la skur bar byed cing spong bar byed pa de dag kyang thog ma can yin no zhes brtags par bsgyur nas sbyar ro/ /ji ltar na kla klo'i tha snyad la sogs pa gzhan dag kyang thog ma med pa nyid can yin zhe na/de dag ni zhes bya ba la sogs pa smos te/ tha snyad de dag dang med par smra ba de dag ces bya ba ma ning dang ma ning ma yin pa las/ lus pa gcig gi tshig can du 'gyur ba'am 'byung ba yin no/ /de bas na don ni kla klo'i tha snyad dang med par smra ba'i tshig de dag ni sngon 'byung ba can gyi skyes bu gzhan rnams kyi legs par ma bsgos pa ste/blo ma sbyangs pa can da ltar ba dag 'jug par mi 'gyur gyi/ 'on kyang blo ma sbyangs pa can du 'gyur ro zhes bya ba 'di yin no/ /de dag kyang gzhan dag gis yin la de dag kyang gzhan dag gis yin pa'i phyir thog ma med pa nyid du 'grub po//snga na med pa'i snyan dngags la sogs pa gang yin pa de dag kyang gzhan gyis byas pa'i legs par byas pa kho na 'jug cing / des byas pa'i tha snyad kyang thog ma med pa can yin no zhes bstan pa'i phyir bdag nyid kyi zhes bya ba la sogs pa smos te/ re zhig bdag nyid kyi spobs pa ste gang dag gis rang nyid kyi blos bkod pa'i snyan dngags la sogs pa'i mtshan nyid can gyi tha snyad brdar byed pa'i skyes bu de dag kyang gzhan las mdor bsdus pa dang rgyas pa ltar thos pa de la rnam par rtog pa gang yin pa de dag gis bsdus pa na sbyar ba ste/sde tshan du byas zhes bya ba'i don to/ /rnam pa de nyid kyis gzhung la sogs pa 'jug pa'i rgyu'i phyir ro//bdag nyid kyi spobs pas gzhung brtsams su zin kyang dngos su gzhan sngon du song ba can nyid yin no/ /gal te 'o na ji ltar na de dag gzhan sngon du song ba can ma yin pa nyid du bstan zhe na/ de ni zhes bya ba la sogs pa smos te/ snyan dngags la sogs pa de ni gzhan sngon du song ba can ma yin no zhes brjod do zhes bya ba 'di dang sbyar ro//gzhan sngon du song ba can ma yin gyi/ 'on kyang lha sbyin la sogs pa 'di nyid kyis byas pa brjod do zhes bya ba'i don to/ /ci'i phyir zhe na/ ston pa 'ga' zhig las don gyi rnam pa cung zad 'ongs pa'i phyir de ston par byed pa gcig ni rgyun gyis med pa'i phyir ro//re zhig ji skad du bshad pa'i rnam pas bdag nyid kyi spobs pas bkod pa'i gzhung yang don dam par gzhan sngon du song ba can kho na yin na/ phal cher ji ltar mthong ba bzhin du 'jug pa can te/ gang dag la gzhan dag las ji ltar mthong ba bzhin du 'jug pa de dag la de skad ces bya'o/ / yang dag pa dang log par 'jug pa can dag ste/ 'jig rten gyi tha snyad gang dag la yang dag par log par 'jug pa yod pa de dag la de skad ces bya'o/ /de la yang dag par 'jug pa can ni mchod par bya ba la mchod pa la sogs pa'o/ /log par 'jug pa can ni 'dod pa dang nye bar ldan pa la sogs pa dag ste/de dag ni gsal ba kho nar gzhan sngon du song ba can yin no zhes bya ba'i don to/ /'di la 'khrul par dogs pa ni thog ma zhes bya ba la sogs pa smras te/ thog ma'i rtog pa ni dang po'i rtog pa dag ste/ de rnams la mthong ba med par tha snyad rnams las phyis 'jug par 'dod pa ma yin nam/de dag gi snga ma rnams las tha snyad dmigs pa ma yin te/ de dag nyid thog ma nyid yin pa'i phyir ro zhe na/ ma yin te zhes bya ba la sogs pas lan 'debs par byed do/ /legs par byas pa gzhan gyis bsgoms pas te/ sngon gyi skye ba'i rgyun rnams sngar mthong ba'i tha snyad kyis bag chags su bsgos pa'i dang por brtags pa'i skyes bu de dag kyang rkyen ji lta ba bzhin te/lhan cig byed pa thag nye ba ji lta ba bzhin du sad cing 'jug pa'i phyir/ de dag kyang gzhan sngon du song ba can ma yin pa dag ma yin no/ /gal te thog ma med pa can nyid yin pa'i phyir kla klo la sogs pa'i tha snyad skyes bus ma byas pa nyid du 'gyur ro zhe na/phyin ci log dang phyin ci ma log pa thams cad gang gi tshe/ rig byed dang 'dra bar skyes bus ma byas pa de'i tshe/ tha snyad thams cad thog ma med pa tsam de dang 'dra ba'i skyes bus ma byas pa nyid grub na'ang yon tan ci zhig 'gyur te cir yang mi rung ngo / / de ltar na rnam pa gang gis mi slu ba'i phyir skyes bus ma byas pa nyid du 'dod kyi rigs kyi chos bsrung ba'i phyir ni ma yin na/ gang gis skyes bus ma byas pa de ni slu bar byed pa la la dag la ste/ 'jig rten gyi tha snyad gang dag la yod pas skyes bus ma byas pa nyid de/ phyin ci ma log pa nyid sgrub par byed pa ma yin pa ni 'khrul pa'i phyir skyes bus ma byas pa nyid kyi brtags pa des ci zhig bya/de ltar 'jig rten pa dang rig byed pa'i ngag thog ma med pa can nyid yin pa'i phyir skyes bus ma byas pa nyid du mtshungs par 'gyur ba nyid du zin kyang / gal te rigs pa las 'das nas rig byed kyi ngag skyes bus ma byas pa nyid du 'dod pa de'i tshe/rig byed kyi ngag dag kho na skyes bus ma byas pa yin na yang de'i brjod par bya ba'i don rnams la the tshom dag kyang yin te/ /skyes bus ma byas pa nyid du rtog pa na yang the tshom kho nar 'gyur ro/ /ci'i phyir zhe na/ don ni 'dus byas khyad par rnams te/ rig byed kyi don 'chad par byed pa'i slob dpon dag gi rtog pa dag go//khyad par rnams mthong ba'i phyir ro/ /gal te zhes bya ba la sogs pas 'chad par byed de/ skyes bus ma byas pa nyid yin na yang de'i don spobs pa ste/ gal te rig byed kyi ngag gis 'jug par 'dod pa can gyi rig byed kyi ngag gi don la dmigs pa can gyi blo la bdag nyid ji lta ba bzhin du so sor nges pa bskyed par 'gyur ba de'i tshe/phyin ci log pa'i don srid pa med pa'i phyir yid ches par 'gyur te/ skyes bus yid ches pa rnyed par 'gyur na/ de ni yod par ma yin te/ 'di ji ltar 'don pa bzhin du sgro 'dogs pa dang skur pa 'debs pa dag gis te/don la lhag par 'jog pa dang don gzhan la bsnyon par byed ces bya ba'i don to/ /nges brjod kyi bstan bcos kyi tha snyad du byed pa na nges brjod pa'o/ /sogs pa'i sgras ni brda sprod pa la sogs pa gzung ngo / /rig byed kyi ngag rnams tha dad par byed pa ste/ don sna tshogs su byed pa mthong ngo //'chad pa tha dad pas brtags pa'i don rig byed kyi ngag rnams la yod pa ma yin no zhes bya ba yang log pa yin te/ gang gi phyir 'chad pa po tha dad pas nye bar byas pa'i phan tshun 'gal ba'i don de rnams kyang rig byed kyi ngag de dag la ni 'thad par 'gyur ba nyid ma yin te/ srid par 'gyur ro zhes bya ba'i don to//sgra de dag ni 'chad pa po tha dad pas nye bar brtags pa'i don thams cad rjod par byed pa ni srid pa'i phyir ro/ /rigs pa dang 'gal ba la sogs pa yang dbang po las 'das pa dag la mi 'jug pa'i phyir ro/ /de bas na re zhig rang gi don dag la the tshom za ba'i phyir rig byed kyi ngag rnams la yid ches pa nyid med do//rig byed kyi ngag rnams ni bdag nyid don dang ldan pa ma yin gyi/ 'on kyang brda'i dbang gis yin te/ gang zhig gang la 'jug par byed pa de ni don des don dang ldan pa yin no zhes bya ba'i don to/ /don la 'jug pa ste rjod par byed pa nyid dang 'jug pa ni brda gtso bo yin te/ brda la rag las pa'i rgyu'i phyir ro/ /ngag gcig la yang brda ji lta ba bzhin du don gyi rnam par rtog pa du ma srid pa'i phyir the tshom kho na yin no/ /rang bzhin dang rkyen gyi rjes su 'brangs nas rig byed kyi ngag dag bshad pa'i phyir de dag kyang don nges pa can nyid yin pas na/ rig byed kyi ngag rnams don gyi rnam par rtog pa du ma srid pa ma yin no zhes bya ba yang log pa yin no//ci'i phyir zhe na/ rang bzhin dang rkyen rnams ni don du ma brjod pa srid pa'i phyir ro/ /rang bzhin gcig ni don du ma dag rjes su brjod pa yin pa de bzhin du rkyen dag kyang yin pa'i phyir de'i gnas skabs can kho na yin te/ bsam pa ji lta ba bzhin du byas pa tha dad pa'i phyir the tshom za ba kho na yin no//de ltar ni 'gyur na grags pa la brten nas rig byed kyi don nges pa'i phyir sgro 'dogs pa dang skur pa 'debs pa dag gis bshad pa'i khyad par gyis de'i don the tshom za ba ma yin no zhes bya ba de yang snying po yod pa ma yin no/ /ci'i phyir zhe na/grags su zin kyang gcig nyid du bdag nyid du khas mi len pa ste/ khas ma blangs pa'i phyir ro/ /'di ltar mtho ris dang lha'i bu mo la sogs pa'i sgra 'jig rten pa la don gzhan nyid du grags la/ dpyod pa pa rnams ni don gzhan nyid du don dang ldan par brjod mod kyi/ 'on kyang ma grags pa'i sgra mang ba nyid kyi phyir ro//'jig rten la ma grags pa'i sgra nyid gang dag yin pa de dag nyid rig byed la mang du mthong ba de bas na de la grags pa'i dbang gis nges pa ma yin no/ /de la de'i don te/ ma grags pa'i sgra'i don nges par byed pa la skyes bu'i 'chad pa pos bstan pa la rag lus pa'i phyir ro//des bstan pa ni skyes bus bstan pa ste/ de'i 'dod pa'i rjes su 'jug pa'i phyir te/ skyes bu'i 'dod pa'i rjes su 'jug pa'i phyir/ rig byed kyi don rnams nges pa med pa kho na yin te/ /gzhan yang rig byed smra ba 'di skyes bus ma byas pa nyid du sgrub na/ yi ge rnams sam ngag sgrub par byed par 'gyur grang na ste/gang gi rnam par rtog pa nyid kyis tshig rtog pa nyid kyi phyir/ rnam par rtog pa gnyis nye bar bkod pa yin no/ /yi ge'i rnam par rtog pa'i dbang du mdzad nas de la zhes bya ba la sogs pa smos te/ 'jig rten pa'i yi ge dag las rig byed pa dag gi/ yi ge rnams gzhan las khyad par med phyir/yi ge rnams la ma byas pa nyid du sgrub par byed na 'bras bu cir 'gyur te cir yang mi 'gyur ro/ /'jig rten pa'i zhes bya ba la sogs pas 'chad par byed de/ gang gi phyir 'jig rten pa dang rig byed pa'i ngag dag gis yi ge dag tha dad pa ma yin no/ /'o na ci'i phyir zhe na/ ji ltar rig byed pa'i yi ge a la sogs pa med par de ltar 'jig rten pa'i yang yin te/gcig nyid du ngo shes pa nyid kyi phyir ro/ /ngo shes pa yod du zin kyang / gal te 'jig rten pa dag las rig byed pa tha dad pa de'i tshe/ 'jig rten pa dag las rig byed pa dag gi tha dad par khas len pa na 'jig rten pa dang rig byed pa dag gi yi ge dag tha dad pa yod du zin kyang ngo shes pa yod pa na/gnyi ga la yang gcig gi rnam pa can gyi shes pa thams cad skye pa de'i phyir/ tha dad du zin kyang ngo shes pa la khyad par med pa'i phyir ro/ /ngo shes pa de las gcig nyid ma grub par thal bar 'gyur ba'i phyir te/ ngo shes pa'i shes pa mtshan nyid 'dra ba can las rig byed kyi ngag gis ngag thams cad la yi ge rnams gcig nyid du 'dod par grub par mi 'gyur ro/ /ji skad du bshad pa'i rnam pas ngo shes pa 'khrul pa'i phyir ro zhes bya ba ni bsdus pa'i don yin no/ /de bas na rig byed so so'i ngag yi ge du ma'i ngo bo yin pa'i phyir byas pa dag las khyad par cung zad kyang med do zhes bya bar dgongs so//khyad par rtogs pa med pa'i phyir te/ gal te 'jig rten pa de dag gi las rig byed pa'i yi ge tha dad par 'gyur ba de bas na/ de dag khyad par dang bcas par rtogs par 'gyur na de ltar yang ma yin te/ khyad par rtogs pa med pa rgyu de'i phyir ro//rig byed pa'i yi ge rnams ma grub pa yin te/ 'jig rten pa dag las rig byed dag gi khyad par ma grub po zhes bya ba'i don to/ /de bas na 'jig rten dang rig byed dag gi yi ge du ma'i ngo bo yin no zhes bya ba de ltar gnas so/ /ci ste 'jig rten pa dag gi las rig byed rnams khyad par yod pa kho na yin mod kyi de yang de'i bye brag bzung du zin kyang phyis 'byung ba gcig gi rnam pa sgro 'dogs pa 'khrul pa can gyi ngo shes pas bsgribs pa de nyid kyi phyir ma nges pa yin no zhe na/de'i phyir ngo shes pa las rtogs pa med par thal bar 'gyur ba'i phyir zhes bya ba smos te/ bum pa la sogs pa dag gi skad cig ma re re tha dad par 'dzin pa nyid du zin kyang de la ngo shes pa 'khrul pa skye bar 'gyur ba de bas de la yang ngo shes las gcig nyid rtogs pa med par thal bar 'gyur ba'i phyir ro//khas blangs nas de skad du bshad nas 'jig rten pa dang rig byed pa dag gi ngag gi yi ge tha dad par dpyod pa pa rnams khas mi len to zhes bstan pa'i phyir khas mi len pa'i phyir ro zhes bya ba smos te/yi ge'i khyad par bdag nyid khas mi len pa'i phyir ro/ /'jig rten dang rig byed kyi yi ge tha dad pa skyes bus ma byas pa nyid du sgrub par byed pa na/ yi ge de dag 'jig rten pa dang rig byed thams cad la mtshungs pa'i phyir ro//dpyod pa 'dis de ltar skyes bus ma byas pa nyid du sgrub par byed pa la yang yongs su spangs shing lhag mar byas pa ci zhig yod de yi ge'i rnam pa gang zhig skyes bus ma byas pa med cing / cung zad kyang lhag mar byas par 'gyur ba med do/ /de ltar na 'jig rten dang rig byed dag gi yi ge thams cad skyes bus ma byas pa'i rten can du khyad par med pa'i phyir/'jig rten pa dang rig byed pa'i sgra'i tha snyad thams cad skyes bus ma byas pa nyid yin na thams cad bden pa ma yin pa ste/ thams cad phyin ci log ma yin pa ma yin no zhes bya ba'i don to/ /skyes bus ma byas pa nyid la yang don phyin ci log pa srid pa'i phyir ro//phyir te gtan tshigs kyi phyir skyes bus ma byas pa nyid du rtogs pa'i yongs su ngal ba don med pa yin no/ /de ltar don phyin ci ma log pa nyid skyes bus ma byas pa nyid yin pa'i phyir/ der rtogs par 'dod pa phyin ci ma log pa dag skyes bus ma byas pa nyid yin na de don med par 'gyur ro//ci ste zhes bya ba la sogs pas phyogs gnyis pa nye bar dgod pa yin/ ngag skyes bus ma byas par 'dod pa de ni bden pa ma yin te 'di ltar/ ngag ni yi ge las tha dad par yod min te'o/ /ci'i phyir zhe na/ ngag yi ge rnams las tha dad par mi dmigs pa'i phyir ro//kho bo cag gi zhes bya ba la sogs pas 'chad par byed de/ kho bo cag gis lha sbyin la sogs pa'i tshig dang ngag rnams kyi ste/ lha sbyin la sogs pa'i tshig rnams kyi ngag ba dkar mo skrod cig ces bya ba de lta bu la sogs pa gang yin pa de rnams kyi'o/ /yang na lha sbyin la sogs pa'i tshig rnams dang ngag rnams kyi zhes bya ba'i don du blta bar bya'o//yi ge da la sogs pa snang ba gang yin pa de ma gtogs par yi ge'i rnam pa can ma yin pa'i tshig dang ngag tu snang ba gzhan gyi blo la ma mthong ngo / /yi ge gnyis pa snang ba dang 'dra ba ste/ dper na yi ge da gcig snang bar gyur pa na de dang dus mtshungs pa nyid kyi yi ge gnyis par snang ba med pa de dang 'dra bar ro//yi ge dag las tha dad pa tshig dang ngag snang ba med pa de lta na yang tshig dang ngag yod pa yin la/ da yang yi ge dag las tha dad pa yin no zhe na/ 'dzin pa la zhes bya ba la sogs pa smos te/ 'dzin pa ste blo la snang bar 'gyur ba med na'o//ji lta bur gyur pa zhig ce na/ gzung bar 'dod pa ste/ dmigs pa'i mtshan nyid kyir gyur pa yod pa'i phyir nges par yod pa ma yin pa'am/ de bzhin du gzhan yi ge dag las shes par nus pa ma yin no/ /gal te yod pa nyid dgag pas gzhan nyid kyang bkag pa yin/ ci'i phyir gzhan zhes smos she na/de ni bden te/ 'on kyang gzhan dag yi ge dag las tshig dang ngag gzhan du yod par 'dod pa de bas na/ gang gi yod pa nyid bstan par dka' ba nyid yin na de'i gzhan pa nyid gang las yin zhes khyad par du bstan pa'i phyir de skad du brjod do/ /rnam pa gzhan bzhin te/ dper na rnam pa gzhan ci snang bar gyur pa na de la dmigs pa'i mtshan nyid kyir gyur pa'i rnam pa khyad par gzhan snang ba med pa de kho na bzhin no/ /gal te zhes bya ba la sogs pas gzhan gyi bsam pa'i dogs pa bsu ba yin no/ /gal te yi ge gzhan la mi srid pa can te/ don shes pa'i mtshan nyid kyi 'bras bu tshig dag tha dad par byed pa go bar byed pa yin no zhe na ste/'di ltar don rtogs pa'i lha sbyin la sogs pa'i tshig dang ngag rnams las mthong gi/ 'di yi ge rnams las ni ma yin te/ de dag so so don med pa can nyid yin pa'i phyir dang / yi ge gcig yod pa'i dus na yi ge gzhan med pas tshogs pa med pa'i phyir ro//de bas na tshig dang ngag gang yin pa de las don 'di rtogs par 'gyur ba shes pa yod do zhe na/ 'gyur na zhes bya ba la sogs pas 'gog par byed de/ yi ge de dag las don gzhan tshig la sogs pa 'gyur na/ gal te yi ge yod pa de dag la yang don rtogs pa'i mtshan nyid can gyi 'bras bu de gnyis par 'gyur na 'gyur ba nyid yin te/ji srid yi ge tshogs pa don rtogs pa'i phyir ro/ /brdas byas pa'i bsdus pa de tsam gyis don rtogs/ gal te zhes bya ba la sogs pa ni gzhan gyi yin te/ yi ge dag las don rtogs par 'gyur ba ma yin no/ /ci'i phyir zhe na/tshig dang ngag gzhan dag la yi ge de khyad par med pa yin na yang don rtogs pa med pa'i phyir ro/ /gal te yi ge dag las don rtogs par 'gyur ba de'i tshe/ mtsho zhes bya ba'i tshig 'di las don ci 'dra bar rtogs par 'gyur ba nyid do zhes bya ba 'di las kyang 'gyur te/ gnyi ga la yi ge dag mtshungs pa'i phyir ro//de bzhin du yi ge dang 'dra ba can gyi ngag snga mar 'gyur ba can gyi dag las kyang don rtogs par 'gyur ba bas phyi ma las kyang 'gyur na/ 'gyur ba ma yin pa de bas na yi ge dag las don rtogs pa'i mtshan nyid can gyi 'bras bu ma yin no zhe na/ ma yin te zhes bya ba la sogs pas lan 'debs par byed de/yi ge de dag ni ngag gzhan dag la khyad par med par ma grub pa'i phyir ro/ /de ltar na gang gcig gi yi ge gang yin pa de dag nyid ngag gzhan gyi ma yin te/ skyes bu'i 'bad rtsol gyi bye brag gis ngag so so la yi ge tha dad pa kho na 'byung ba'i phyir ro/ /gal te ngag gzhan la yang yi ge gcig gi rnam pa can gyi blos yi ge de nyid 'di yin no zhes ngo shes pa yin la/ngo shes pa'i rtags de las ngag rnams las yi ge'i khyad par yang grub pa yin no zhe na/ de ni de lta ma yin no/ /ci'i phyir zhe na/ ngo shes pa de ni 'khrul pa'i phyir te ngo shes pa ni gzugs mtshungs pa lus la sogs pa dngos su ngo bo tha dad pa can rnams la yang 'dra bas 'khrul pa la snang ngo //dpe med pa nyid kyi phyir te/ ngo shes pa la dpe nyid med pa'i phyir/ ngo shes par 'gyur ba gnyi ga la grub pa'i dpe gcig yod pa ma yin te/ ngo shes pa ni sngon mthong ba'i dran pa bskyed par 'gyur ba na/'ga' zhig gi tshe yang gcig las gyur pa ma yin te/ rtag tu tha dad pa rnams ngo shes pa'i phyir ro/ /de bas na ngag so so la yi ge tha dad pa de dge nyid kyi khyad par las don rtogs pa'i khyad par yin no zhes bya ba der gnas pa yin no/ /gal te yi ge'i khyad par las don 'di rtogs pa'i khyad par mi 'dod kyi/'on kyang yi ge'i khyad par med pa yin na yang de las tha dad pa'i ngag gi khyad par don rtogs pa'i khyad par de nyid ni 'bras bu'i khyad par yin par 'gyur na/ don rtogs pa de yang ngag las 'gyur ro/ /ngag de yang dbang po las 'das pa ste/ yi ge ma gtogs par blo'i dbang po la mi snang ba'i phyir ro//gang las 'gyur ba ste/ ngag la rtogs par mi 'gyur ro/ /gang gis 'bras bur gyur pa des tshig dang ngag rjes su dpog par 'gyur te/ tshig la sogs pa dmigs par ma gyur pa ni don rtogs pa'i yan lag ma yin no// //bam po nyi shu rtsa brgyad pa/de ltar mi 'gyur na dbang po dang 'dra bar ngag ma mthong du zin kyang thag nye ba tsam gyis rtogs pa skyed par 'gyur ro zhe na/ de ni 'di ltar ngag thag nye ba tsam gyis rtogs pa skyed par khas len na ni ma byang ba'i yang ste/ skyes bu brda la ma byang bas kyang ngag las don rtogs par 'gyur na/ de ltar ni ma yin no/ /de bas na ngag ces bya ba yi ge dag la don gzhan du 'gyur ba cung zad kyang med na gang skyes bus ma byas pa nyid du bsgrub par 'gyur/ de med pa'i phyir te/ ngag med pa'i phyir yi ge 'ba' zhig lhag mar byas par 'gyur ro/ /thams cad la khyad par med cing de dag kyang skyes bus ma byas pa nyid du sgrub par byed pa na/rig byed kyis khyad par du ma byas pa'i ngo bo cin du 'jig pa'i ngag la gnas pa'i yi ge rnams kyang skyes bus ma byas pa nyid du bsgrub par bya ba'i phyogs dang po ste/ yi ge skyes bus ma byas par sgrub pa'i phyogs 'di la yongs su ngal ba don med pa yin no zhes bya ba lan btab zin pa yin no//gzhan yang yi ge de ga las don gzhan du 'gyur ba'i ngag yod pa ni bla ste/ ngag don gzhan du 'gyur ba de rtogs par 'gyur na/ yan lag du ma'i bdag nyid can nam/ yan lag med pa can du 'gyur grang ste/ rnam pa gzhan mi srid pa'i phyir ro/ /ngag yan lag du ma can nyid du rtogs par 'gyur na/ngag gi bdag nyid du 'gyur ba'i yan lag de dag re re don dang mi ldan pa'am don dang ldan pa can du 'gyur grang na/ de la phyogs dang po la brten nas yan lag ces bya ba la sogs pa smos te/ gal te ngag yan lag du ma'i bdag nyid yin par rtogs pa na ngag gi bdag nyid du 'gyur ba'i yan lag de rnams tha dad don med nyid yin no//gal te zhes bya ba la sogs pas 'chad par byed de/ ngag de'i yan lag de dag kyang du ma yin na tha dad pa'i rang bzhin te/ ngo bo nyid don med pa can dag yin pa de'i tshe/ yan lag du ma tshogs pa'i yan lag can yang don med pa can de dang 'dra'o//de bas na don med pa can nyid kyi rjod par byed pa'i ngo bo ma yin pa can gyi yan lag 'dus pa de dngos po can min te/ dngos can te rjod par byed pa'i ngag gi ngo bo ste/ don dang ldan pa zhes bya ba'i tha tshig go/ /sgro btags par 'gyur ba brtags pa seng ge nyid sogs bzhin te/ dper na bram ze'i bu sang ge zhes bya ba la sogs pa bram ze'i bu la sogs pa la nye bar btags pa de'i ngo bo can ma yin pa rnams la seng ge nyid la sogs pa sgro btags pa de dang 'dra'o zhes bya ba'i don to//don dang ldan pa zhes bya ba'i tha tshig go bas/ 'chad par byed de don dang ldan pa'i bdag nyid rjod par byed pa'i rang bzhin kho na dag yin no//ngag gi yan lag de dag kyang bdag nyid don med pa can gyi yan lag de dag la ngag gi bdag nyid don dang ldan pa des rtogs pas sgro btags par 'gyur ro/ /bram ze'i khye'u la sogs pa la seng ge nyid la sogs pa dang 'dra ba yin pa rgyu'i phyir/ rjod par byed pa'i bdag nyid de rtogs pas sbyar ba nyid yin pa'i phyir/skyes bus byas pa kho na yin no/ /bshad ma thag pa'i nyes par ma gyur cig snyam pas ngag gi yan lag de dag so sor don dang bcas par 'dod pa de'i tshe/ yan lag rnams re re don dang bcas nyid yin na yang / du ma nyid rtogs log pa yin te/ ngag yan lag du ma can nyid du rtogs pa don med pa yin no/ /yan lag gcig kyang don yongs su rdzogs pa can nyid yin pa'i phyir gang gi tshe/ ngag gi don ma lus par rdzogs pa de'i tshe/ de lta bur gyur pa'i yan lag mang po brtags pa dag gis ci zhig bya zhes bya ba'i don to/ /gang gi tshe yan lag kyang don dang ldan pa yin pa de'i tshe/yan lag gcig ni rtogs pas kyang ste/ ngag gi yan lag gcig gzung bas kyang ngag gi don dag rtogs par 'gyur ro/ /don zhes bya ba la sogs pas 'chad par byed de/ sgra'i ngo bo gang la don yongs su rdzogs pa yod pa de la de skad ces bya'o/ /de ltar gyur pa'i sgra'i ngo bo ni ngag yin gyi gzhan ni ngag gi mtshan nyid ma yin no//ngag tu rtogs pa'i yan lag de dag kyang so so so sor te/ re re de lta bu'i rnam pa zhes bya ba'i don yongs su rdzogs pa can yin te/ ngag gi don rtogs pa skyed par byed ces bya ba'i don to/ /phyir te gtan tshigs kyi yan lag so so de dag ngag gi yin par 'gyur ro//de ltar yan lag du ma can ni ngag ma yin te/ yan lag du ma dang ldan pa ngag gcig tu mi 'gyur ro zhes bya ba'i don to/ /ngag tu ma thob pa dang ldan par 'gyur ro zhes bya ba'i don to/ /yan lag re re dag rjod par byed pa nyid yin na yan lag gcig rtogs pas kyang ngag gi don ma lus par rtogs pa'i phyir yan lag gzhan la nyan par ltos par mi 'gyur ro//yan lag gcig rtogs pas kyang ngag gi don rtogs pa yin na ni yan lag de dus la sdod par mi 'gyur ro/ /ci'i phyir zhe na/ cha shas med pa'i bdag nyid can te/ cha shas med pa'i rang bzhin can gyi yan lag dag de ni skad cig ma gcig gis rtogs par 'gyur ba'i phyir ro//ci'i phyir zhe na/ shes pa gcig skyed pas na yan lag cha med par ma lus par khong du chud pa'i phyir ro/ /de ltar ma yin na zhes bya ba ni gal te shes pa'i skad cig ma gcig gis thams cad 'dzin par mi 'gyur ba de'i tshe/bzung ba dang ma bzung ba'i rang bzhin dag gcig pa nyid du 'gal ba'i phyir te/ gcig la gnyis dag mi rung ba'i phyir ro/ ci ste ngag la yan lag du ma nyid du brtags pa nyams par ma gyur cig snyam pas yan lag thams cad cig car thos par 'dod pa de'i tshe/ yan lag thams cad cig car thos pa na yang dus kyi tha dad du mi rung ngo //yan lag ces bya ba la sogs pas 'chad par byed de/ yan lag gzhan la ltos pa med par yan lag gcig kho na las ngag gi don grub pa'i phyir te/ ngag gi don nges pa'i rgyu'i phyir ngag gi yan lag du ma nyams par ma gyur cig snyam pas ngag gi yan lag thams cad cig car thos par 'dod pa de'i tshe yang dus la sdod pa mi rigs pa yin no//ci'i phyir zhe na/ yan lag gcig rtogs pa'i dus nyid na yan lag so sor don dang ldan par 'gyur ba thams cad don gcig kho na las de'i don grub pa'i phyir yan lag gzhan ni don med pa can du 'gyur ba'i phyir ro//de yang bshad ma thag pa kho na yin no/ /yan lag thams cad cig car 'dzin pa la gzhan skyon 'di yod do zhes bstan pa'i phyir cig car zhes bya ba la sogs pa smos te/ cig car thos na yang ste yan lag thams cad cig car 'dzin par khas len pa na don tha dad pa dag la zhes bya ba brjod par bya ba so so ngag la yan lag tshogs pa rnams mthong ba'i nus pa med pa can dag gis don dang ldan pa nyid kyang mi 'grub po//de ni de ltar 'gyur na gal te yan lag tshogs pa rnams kyi don mthong ba ste/ don rtogs pa'i phyir yan lag tha dad pa rnams kyang don rtogs pa skyed pa'i nus pa yod pa de bas na skyon 'di med do zhe na de ni ma yin no//ci'i phyir zhe na/ tha dad pa ste/ yan lag so so dag la yod pa ma yin pa'i ngo bo don ston par byed pa'i rang bzhin ni tshogs pa rnams la yang mi srid pa'i phyir ro/ /yan lag tha dad pa'i ngo bo gang yin pa de las gzhan pa'i tshogs pa dag gi don ston par nus pa'i ngo bo gzhan 'byung ba de bas na skyon yod pa ma yin no zhe na/don gzhan gyi skye ba'i phyir ro zhes bya ba smos te/ nus pa med pa'i ngo bo snga ma las don gnas nus pa mi skye ba'i phyir te/ yi ge rnams ni rtag pa nyid kyi phyir zhes bya bar dgongs so/ /gal te mi rtag par smra ba la yang skyon 'di ci'i phyir med ce na/ re zhig ces bya ba la sogs pa smos te/ re zhig sgra skye bar smra ba gang yin pa de la bshad ma thag pa'i skyon 'di nyid yod pa ma yin no/ /ci'i phyir zhe na/ sgra skye bar smra ba de'i so sor nus pa med pa'i yan lag rnams kyang skyes bu'i 'bad rtsol la sogs pa'i phan 'dogs pa'i khyad par las tshogs pa'i gnas skabs kyi don ston par nus pa'i mtshan nyid kyis phul du byung ba dang ldan pa'i don rtogs pa'i mtshan nyid can gyi 'bras bu'i khyad par la nye bar sbyor ba'i phyir ro//rtag par smra ba'i yan lag re re dag gi nang nas yan lag gcig las kyang don rtogs pa'i phyir yan lag gzhan du rtogs pa don med pa'i phyir ro//re zhig de ltar ngag yan lag dang bcas pa'i skyon bshad nas/ da ni yan lag med pa'i phyogs kyi dbang du mdzad nas ci ste zhes bya ba la sogs pa smos te/ ngag gcig kho na yan lag med par 'gyur ba yin na de la ngag gcig nyid na yang tha dad pa med pa ste/tha dad pa med cing cha med pa'i go rims 'dzin par mi srid phyir dus tha dad pa nyid ni mi rung ngo / /gang gi phyir gcig la rim bzhin du rtogs par mi rigs so/ /ci'i phyir zhe na/ bzung ba dang ma bzung ba dag tha dad pa med pa'i phyir go rims bzhin du gzung bar 'gyur ba gang yin pa de ni bzung ba'i rang bzhin las gzhan ma bzung ba'i rang bzhin yod pa ma yin no//gal te ngag dag go rims med par 'dzin par 'gyur ro zhe na/ go rims bzhin du zhes bya ba la sogs pa smos so/ /ci'i phyir zhe na/ ngag thams cad kyi 'chad pa po'i tha snyad kyi dus dang nyan pa po'i thos pa'i dus dang dran pa'i dus gang yin pa de ni mig 'dzums pa'i skad cig ma du ma can gyi go rims kyis yongs su rdzogs pa'i phyir ro//mig 'dzums pa'i gang la skad cig ma du ma yod pa de ni mig 'dzums pa'i skad cig ma du ma can no/ /de'i go rims kyang rim pa bzhin du skye ba yin te go rims des so sor skyed pa'i phyir ro//skad cig ma du mar gyur pa'i mig 'dzums pa'i skad cig ma du ma can gyi go rims su 'gyur ba dag dang / ngag gcig gi tha snyad la sogs pa'i mtshan nyid mtshungs pa nyid kyi phyir ro/ /blo'i skad cig ma gcig gis ngag 'dzin pa ni ma yin gyi/ 'on kyang go rims su gyur pa du mas yin no zhes bya ba ni bsdus pa'i don to//gal te yi ge ngag gi go rims kyis 'di 'dzin pa yin gyi go rims bzhin du ma yin no zhe na/ yi ge'i ngo bo la zhes bya ba la sogs pa smos te/ yi ge'i ngo bo la ma reg pa can te yi ge'i ngo bo las tha dad pa dang blo'i skad cig ma la snang ba can gyi sgra'i bdag nyid ni mi snang ba'i phyir ro//ci'i phyir zhe na/ yi ge'i go rims kyis rtogs pa'i phyir te/ yi ge'i go rims kho nas ngag rtogs pa'i phyir ro/ /yi ges byas pa'i go rims med pa snang ba ni yang dag par rig pa med pa'o/ /de bas na yi ge'i go rims tsam gyis ngag tha dad par rigs pa ma yin no/ /de khyad par med pa yin na yang ste/yi ge rnams khyad par med par 'dod na yang ngag gi khyad par yi ge'i go rims bzhin du byas pa nyid kyi phyir go rims dang ldan par rtogs pa yin gyi cig car 'gyur ba ni ma yin no/ /gang gi tshe ngag gi yi ge'i go rims kyis byas pa la ltos pa med pa de'i tshe/ yi ge'i go rims kyis phan btags pa la ltos pa med pa'i phyir gang ci ltar yang rung ba'i yi ge de dag gi go rims gzhan dag gi go rims de'am/go rims gzhan dag tu yang rab tu sbyar ba dag gi ngag las rtogs par 'gyur te/ mtsho yod do zhes rab tu sbyar ba na ro yod par rtogs par 'gyur ro/ /yi ges phan btags la ltos pa med pa nyid kyi phyir yi ge med pa dag gis kyang ngag rtogs par 'gyur ro//yi ge'i phan 'dogs pa la ltos su zin kyang yi ge rnams kyis ngag la phan 'dogs par nus pa ma yin no/ /ci'i phyir zhe na/ go rims dang ldan pa'i yi ge de dag gis ngag gi go rims med pa la phan 'dogs par mi rung ba'i phyir ro//go rims dang ldan pa dag gis go rims dang ldan pa nyid la phan 'dogs par bya ba yin pa de ltar na phan gdags par bya ba'i go rims dang ldan pa nyid du 'gyur na/ de ltar ni ma yin te/ 'di ltar yi ge med par yang dag 'dzin par 'gyur ro//gal te yi ge go rims dang mi ldan pa nyid dag la phan 'dogs par mi 'gyur ro zhe na/ go rims med pa yang zhes bya ba smos te/ yi ge rnams kyi go rims med par brjod pa ste/ tha snyad du bya bar mi nus pa nyid kyi phyir ro/ /yi ge'i go rims med pa can yang dag la phan 'dogs par byed pa ma yin no//de bas na 'di ltar go rims med pa dag yin te/ go rims dang ldan pa nyid dang go rims dang mi ldan pa nyid dag las rnam pa gzhan yod pa ma yin pa de ltar na/ rnam pa gzhan med pa'i phyir yi ge dag la phan 'dogs par byed pa ma yin no zhes bya bar gnas so/ /ngag la yi ge dag yod pa ma yin te/ngag gi yi ge'i bdag nyid can ma yin pa gang gis yi ge'i go rims kyis phan btags pa'i phyir ro/ /go rims kyis ngag rtogs pas gcig pa nyid nyams pa yin no/ /'o na ci yin zhe na/ gal te yi ge dag la don gzhan du 'gyur ba sgra'i ngo bo dag ces bya ba gcig po nyid ni gsal byed yi ge dag ni go rims dang ldan pas gsal bar byed pas na gsal byed kyi go rims kyi dbang gis ngag gcig po de yang don dam par go rims dang yi ge rnam par 'byed pa dag dang bral du zin kyang /go rims dang ldan pa dang yi ge rnam par 'byed pa dang ldan par skyes bu la snang ngo zhe na/ lan du gsal byed ces bya ba la sogs pa smos te/ gcig la ni rim bzhin du rtogs par mi rigs te zhes bya ba la sogs pas gsal byed kyi go rims dang ldan pas gsal bya ngag go rims med pa spangs zin pa ste lan btab zin to/ /ci'i phyir zhe na/ gcig la gsal ba dang gsal ba ma yin pa'i ngo bo ma yin pa ni 'gal ba'i phyir ro//gsal ba'i rang bzhin las gzhan gsal ba'i ngo bo khyad par can gcig la yod pa ma yin na gang gis phyis gsal bar byed par 'gyur/ sun 'byin pa gzhan yang bstan pa'i phyir ngag ces bya ba la sogs pa smos te/ ngag gang la yi ge dang cha yod pa ma yin pa ste ngag yi ge dang cha med pa can de khas len na skyes bu ma lus par thos pa med na ni lus pa med par ma thos pa ste/yi ge'i go rims bzhin du mnyan pa'i phyir dum bur nyan par byed ces bya ba'i don to/ /'ga' zhig gi tshe yang dag cha med pa mnyan pa dang rtogs par mi 'gyur ro/ /ci'i phyir zhe na/ngag gcig la cha ste cha shas med pa'i phyir ro/ /gang zhig gang la yod pa ma yin pa de ni de la blo ma 'khrul pas gzung bar bya ba ma yin zhing / gsal bar byed pa go rims dang ldan pas phan btags pa'i phyir de 'khrul pa yin no zhes brjod par mi nus te/ go rims dang ldan pa de dag gi go rims med pa phan 'dogs par mi rung ba'i phyir ro zhes bshad pa nyid kyi phyir ro//ci ste go rims dang ldan pa'i gsal byed kyi rjes su byed pa rigs pa ma yin du zin kyang khas len pa de bas na cha med pa mnyan pa yin no zhe na/ yang 'ga' zhig kyang zhes bya ba la sogs pa smos te/ skyes bu 'ga' zhig gis cha med pa ste/ cha gzung ba dang bral ba'i ngag ma lus pa mnyan par mi 'gyur te cha rnams ni go rims bzhin du rtag tu thos pa'i phyir rtag tu cha nyid mnyan par 'gyur zhes bya ba'i don to/ /yi ge ma lus pas legs par byas pa gang yin pa de blo gang la yod pa de ni yi ge ma lus pas legs par byas pa dang ldan pa'o//yi ge tha ma'i de ma thag tu 'byung ba can ni blo tha ma ste ngag cha med pa nges par gzung ngo zhes bya ba'i rtogs pa yang legs pa yin no/ /ci'i phyir zhe na/ ji skad du bshad pa'i yi ge'i ngo bo la ma reg pa can yin te/ yi ge'i ngo bo la reg pa dang bral ba de la ste cha med pa zhes bya ba'i don to//skyes bu 'ga' zhig kyang 'ga' zhig gi tshe yang rtogs pa med pa'i phyir ro/ /'di ltar blo tha ma la yang dag nges par gzung ba na/ yi ge'i go rims dang ldan pa kho na nges par byed kyi cha med pa ni ma yin no/ /yi ge rnams kyi go rims med par mi 'dzin pa de bas na/ yi ge rnams kyang go rims med par rtogs pa med pa'i phyir/'on kyang go rims kho na bzhin du rtogs pa'i phyir ro/ /gsal byed go rims bzhin du nges par gzung ba'i phyir gang las ngag ces bya ba go rims med pa blo gcig gis gzung bar bya ba yin/ gal te yi ge tha ma rtogs pa'i dus phyis dag ma lus pa nges par gzung ba yod do zhe na/yi ge tha ma zhes bya ba la sogs pa smos te/ yi ge tha ma rtogs pa las phyis te/ yi ge tha ma rtogs par cha med pa gzhan te cha shas med pa'i dum bu med pa zhes bya ba'i don to/ /sgra'i bdag nyid lta bur gyur pa nye bar rtogs pa ma yin no zhes bya bar sbyar ro/ /smra ba po bdag nyid 'dis kyang ji skad bshad pa'i sgra'i bdag nyid nges par byed pa ste/nges par gzung ba ma yin no/ /smra ba po 'di gal te 'di ltar blo tha ma la ngag 'di sgra cha shas rdzogs pa yan gar ba snang bar 'gyur ro zhes kho bos smras pa gal te 'gyur na legs par 'gyur ba de ltar na dge ba 'dod pa na mngon par 'dod pa'i don la bsngags pas rmongs pa'i blo can rmi lam bzhin du spyod de gnyid ma log tu zin kyang rmi lam la gnas pa bzhin du bdag nyid la spyod par byed do//gal te nyams su myong ba'i shes pas tshig dang ngag go rims med par 'dzin par 'gyur ba ni ma yin gyi/ 'on kyang dran pa'i shes pas tshig dang go rims med pa gzung ba yin no zhe na/tshig dang zhes bya ba la sogs pa smos te/ dran par 'gyur ba'i tshig dang ngag gi 'brel pa can gyi yi ge dag kyang tshig dang ngag gi khyad par rnam par 'jog par byed pa na/ yi ge'i go rims kyis khyad par med par go rims med pa can gyi blo gcig la nges par 'gyur ba ma yin gyi/'on kyang nyams su myong ba dang 'dra bar dran pas kyang go rims kho nas yin no zhes bya ba'i don to/ /gal te blo tha ma go rims med pa can la yi ge'i go rims kyi khyad par med par nges par 'gyur ba de'i tshe/ blo go rims med pa can de la yang snga phyi med pa'i phyir yi ge cig car snang bar 'gyur bas na/des byas pa ste yi ge'i go rims dang bral ba'i tshig dang ngag gi khyad par de dag khyad par te bye brag med par gyur to/ /yi ge rnams kyi go rims kyi khyad par snang ba nyid kyi phyir tshig dang ngag dag phan tshun tha dad pa yin no/ /de med na de mi 'gyur ro zhes bya ba'i don to//yi ge'i go rims dang bral ba'i sgra'i ngo bo gzhan kho na tshig dang ngag tu 'gyur ro zhe na/ yi ge zhes bya ba la sogs pa smos te/ sgra'i ngo bo gang la yi ge'i go rims med pa de ni yi ge'i go rims med pa can gyi sgra'i ngo bo ste/ yi ge dag las gzhan ma mthong ngo zhes yi ge'i ngo bo la ma reg pa de'i tshe 'ga' zhig gi tshe rtogs pa med pa nyid dang /yi ge rnams kyang go rims med pa rtogs pa med pa'i phyir zhes 'das ma thag tu bshad zin pa'i phyir ro/ /gzhan sgra'i ngo bo tshig dang ngag gi bdag nyid can yi ge'i go rims med pa can yod na yang sgra'i ngo bo de mi rtag pa'am/ rtag par 'gyur grang na ste dngos po rnam pa gzhan med pa'i phyir ro//gal te mi rtag pa yin na/ de'i tshe skyes bu su'i 'bad rtsol gyi rjes su byed pa'i phyir rtsol ba las byung mi rtag na/ de ci skyes bus byas pa min te/ de ltar na skyes bus byas pa yin par 'gyur ro/ /mi rtag pa ni gdon mi za bar mi 'gyur rgyu 'ga' zhig las skyes pa dang ldan par 'gyur ba yin no//ci'i phyir zhe na/ de lta bas na yod pa nyid glo bur ba ste rgyu dang bral ba nyid du khas len na yul la sogs pa nges par mi 'gyur ro/ /sogs pa'i sgras ni dus dang dngos po nges par mi 'gyur te/ thams cad du thams cad kyi tshe dngos por 'gyur ro zhes gong du bshad zin to//ngag de yang skyes bu'i 'bad rtsol las sngar ma dmigs shing phyis yod pa ni 'bad rtsol gyis 'phangs pa byed pa'i yon tan skyes bu gang la yod pa de dag la mthong la gzhan du ste brjod par 'dod pa med pa dang / byed pa po'i yon tan dang bral ba dag la ma mthong ngo / /de ltar ngag la rjes su 'gro ba dang /ldog pa'i mtshan nyid can gyi rgyu'i chos skyes bu'i byed pa mthong ba'i phyir skyes bu'i byed pa nyid ngag gi rgyu yin pa de bas na rig byed kyi ngag dag kyang skyes bus byas pa yin par 'gyur ro/ /ci ste ngag de rtag pa yin pa de'i tshe/ ngag rtag pa nyid yin na yang ste/ khas len na'ang ngag rtag par ni dmigs par 'gyur ro//ci'i phyir zhe na/ rtag pa de la sgrib g.yogs med pa'i phyir te/ sgrib par byed pa med pa'i phyir zhes bya ba'i don to/ /ci ste zhes bya ba la sogs pas 'chad par byed de/ ci ste yi ge'i go rims dang bral ba'i tshig dang ngag gi bdag nyid can gyi sgra'i ngo bo rtag pa dang dmigs pa'i rang bzhin can du 'gyur na ste/gang la dmigs pa'i rang bzhin yod na zhes tshig rnam par sbyar ro/ /dmigs pa de'i rang bzhin rtag pa de ni 'ga' zhig gi tshe yang nyams shing 'grib pa med pa'i phyir rtag tu dmigs par 'gyur ro/ /gang gi phyir gal te shes pa skyed pa'i mtshan nyid can gyi nus pa 'ga' zhig las kyang 'pho ba med pa de ltar na de rtag par 'gyur ro//ci'i phyir zhe na/ shes pa skyed pa'i nus pa de'i bdag nyid can nyid yin pa'i phyir te/ rtag par mngon par 'dod pa'i sgra'i rang bzhin can nyid yin pa'i phyir ro/ /sgra la shes pa skyed pa don gzhan du 'gyur ba ma yin pa de bas na shes pa bskyed pa'i nus pa sgra las don gzhan du 'gyur ba ni don gzhan du gyur pa yin na/dngos po la phan mi 'dogs par thal bar 'gyur ba'i phyir ro zhes bya ba'i skabs su sngar bkag zin pa nyid kyi phyir ro/ /gal te bsgrib pa'i phyir brtag pa ma dmigs pa yin no zhe na/ dmigs pa'i zhes bya ba la sogs pa smos te/ngag dmigs pa'i bdag nyid can bzung ba'i rang bzhin can la dmigs pa'i sgrib g.yogs su gyur pa cung zad kyang yod pa ma yin te/ de sgrub pa'i tshad ma med pa'i phyir ro/ /khas blangs nas kyang brjod par bya ba ste/ sgrib g.yogs su brtag pa de yod cing snang du zin kyang ngo //ci lta bur gyur pa'i zhe na/ de'i bdag nyid nyams pa med pa ste sgra brtags pa'i bdag nyid 'pho ba med par nus pa zil gyis mnan par mi rung ste/ shes pa skyed pa'i nus pa zil gyis mnan par mi rung ba'i phyir ro/ /'di ltar sgra'i bdag nyid de phul du byung ba skyed par mi byed na ni sgrib par byed pa mngon par 'dod pa cung zhig byed pa zhes bya ba ma yin no//don cung zhig mi byed na yang gang la sgrub par byed pa ste shes pa skyed pa'i gags byed pa'am gzhan zhes bya ba rnam pa gzhan gyis gnod par byed pa ste ma yin no zhes bya ba'i don to/ /de ni mang du dpyad zin pa ste de ni sngar rnam par dpyad zin to//cung zhig mi byed pa yang sgrib par byed pa nyid du mthong ngo zhes brjod pa'i phyir gzhan gyis bum pa zhes bya ba la sogs pa smras te/ bum pa la sogs pa dag la rtsig pa la sogs pa dag gis phul du byung bar ci zhig skyed par byed pa'am/ nus pa phul du byung ba nyams pas ci zhig byed na gang gi sgrib par byed par 'dod/de bas ni ji ltar de dag gi phul du byung ba skyed pa med par yang bum pa la sogs pa dag la sgrib par byed par 'dod pa de ltar sgra rtag pa la cung zhig sgrib par 'gyur ro zhes bsams pa'o/ /de dag ces bya ba la sogs pas lan 'debs par byed pa rtsig pa la sogs pa de dag bum pa la sogs pa 'ga' zhig la phul du byung ba ste khyad par can gyi rang bzhin byed pa yin no zhes ni mi smra'o//'o na ji ltar sgrib par byed pa zhes brjod ce na/ 'on kyang zhes bya ba la sogs pa smos te/ bum pa'i skad cig ma thams cad skyes bu'i dbang po'i shes pa thams cad rgyu ma yin no/ /'o na ci yin zhe na/phan tshun 'dus pa yul dang dbang po dang snang ba rnams ni gcig la gcig khyad par can gyi skad cig ma gzhan skyed pa'i rgyu'i phyir ro/ /de ltar ni 'gyur na phan tshun phul du byung ba ma thob pa can nyid ci'i phyir skyed par mi byed ce na/ de ni ma yin no/ /ci'i phyir zhe na/ phan gdags par bya ba ma yin pa ste/gzhan gyi phul du dbyung ba ma yin pa ni gzhan phan 'dogs par byed pa la ltos pa mi rung ba'i phyir ro/ /gzhan dag gi phul du byung bar bya ba ma yin pa can rtag tu nus pa'i rang bzhin can nam/ nus pa med pa'i rang bzhin can du 'gyur grang na/ de nus pa'i rang bzhin can rtag tu 'bras bu skyed par byed pa'am skyed par mi byed pa'am gzhan zhes bya ba nus pa med pa'i rang bzhin can du 'gyur ro zhes sngar bshad zin to//yul dang dbang po la sogs pa de dag kyang thogs par byed pa rtsig pa la sogs pa des gang gi tshe chod par ma gyur pa de'i tshe phan tshun 'dogs par byed pa yin no/ / ci'i phyir zhe na/ bar du gcod pa med pa can gyi zhes bya ba la sogs pa la/ yul gang du bar du gcod par byed pa yod pa ma yin pa de ni bar du gcod pa med pa can gyi yul lo/ /de'i rung ba nyid de nus pa gang yin pa de'i lhan cig byed kyis yul la sogs pa de dag phan tshun phul du byung ba skyed pa nyid kyi phyir ro//snang ba la sogs pa de dag la yang rtsig pa la sogs pas byas pa'i bar chad yod na ni bar du gcod par byed pa can gyi yul rung ba nyid kyi mtshan nyid kyi rgyu med par nus pa'i skad cig ma gzhan mi skye ba'i rgyu'i phyir nus pa la sogs pa'i shes pa mi skyed pa yin no/ /gang gi phyir 'di ltar skad cig ma rnams ni dus thams cad du rang gi ngo bo gcig gi rjes su 'jug pa ma yin pa de bas na/sngar 'byung ba'i nus pa dbang po la sogs pa'i skad cig ma rang gi dang kho nas 'gags pa'i phyir sgrib g.yogs rtsig pa yod na yang nus pa'i skad cig ma gzhan skyed par 'dod pa ji skad du bshad pa'i rgyu med pas mi skyed pa'i phyir ro//shes pa'i rgyu bral ba ste rgyu dang bral ba de bas na rtsig pa la sogs pa yod pa'i yul bum pa la sogs pa'i shes pa mi skyed pa'i phyir/ rtsig pa la sogs pa la sgrib g.yogs zhes bya'o/ /sngar rnam par shes pa skyed par rung ba bum pa la sogs pa gegs byed pa'i phyir ni ma yin no//ci'i phyir zhe na/ rtsig pa la sogs pa thag nye ba na yod du zin kyang bum pa la sogs pa rung ba'i rang bzhin las ma 'phos pa'i phyir ro/ /nus pa gang yin pa de ni nus pa nyid yin la nus pa med pa gang yin pa de ni gzhan nyid yin te/ rang bzhin gcig la gnas pa ni nus pa dang nus pa ma yin par rigs pa ma yin no zhes bya ba'i don to//de bas na 'di ltar skad cig ma rnams la ji skad du bshad pa'i rnam pas phul du byung bar byed pa ma yin na yang sgrib par byed par rigs pa yin gyi/ sgra rtag pa la ni ma yin no/ /da ni rtsig pa la sogs pas kyang bum pa la sogs pa dag gi phul du byung bar byed do zhes brjod pa'i phyir yang na zhes bya ba la sogs pa smos te/dngos po bum pa la sogs pa la yod du zin kyang ngo / /ji lta bur gyur pa dag gi zhe na/ skad cig ma rnams phan tshun phan 'dogs pa ste/ rtsig pa la sogs pas byas pa'i phan 'dogs pa yod du zin kyang zhes 'dir don 'di brjod par 'dod pa yin gyi/lhan cig byed pas phan 'dogs pa la ni cung zad kyang yod pa ma yin no/ /gal te sgrib g.yogs kyis byas pa'i phan btags pa yang yod par 'gyur na ci'i phyir nye bar rtogs pa med/ nye bar rtogs par 'gyur ba med na yang yod pa ma yin pa de bas na med pa nyid yin no//tshul rol mthong ba rnams kyis nye bar rtogs pa med pa la de med pa ma yin no/ /ci'i phyir zhe na/ rgyu dang rkyen gyi nus pa bsam gyis mi khyab pa nyid kyi phyir ro/ /gang gis shes na thams cad shes pa ma yin te tshu rol mthong bas so//gang gi phyir de lta yin pa de bas na gal te dbang po dang yul gyi bar na gnas pa'i sgrib g.yogs des dbang po dang yul de dag la rnam par shes pa skyed par byed pa dang shin tu mi mthun pa'i bye brag rnam pa 'ga' zhig gis phul du byung ba can byed du zin kyang ngo / /yang gi sgras ni srid pa yin te 'di la gnod pa can med pa'i phyir ro//sgrib g.yogs kyis byas pa'i phan btags pa la rtags kyang yod do zhes bstan pa'i phyir ro/ /sgrib g.yogs kyi bye brag gis zhes bya ba la sogs pa smos te/ rna ba'i dbang po'am sgra'i sgrib g.yogs gang yin pa de'i bye brag gis te/ mang po dang nyung ngu'i mtshan nyid can gyis so//sgra la sogs pa'i sgra ni gzugs la sogs pa gzung ngo / /mnyan pa smos pa ni nyams su myong ba nye bar mtshon pa'i phyir ro/ /des ni mig gi rnam par shes pa dag gis gsal ba dang mi gsal ba mthong ba'i phyir ro zhes bya ba'i don to/ / de ltar na shes pa la sogs pas chod pa la ni mi gsal gos la sogs pas chod pa la ni mi gsal bar mthong ba yin no/ /gal te sgrib g.yogs srab pa la yang cung zad yin na yang gdon mi za bar gsal bar bsam par bya ba yin nam/ de ltar sgrib g.yogs yod du zin kyang thos pa gsal ba yin no zhe na/'di la skyon yod pa ma yin te/ sgrib g.yogs mthug pa mi gsal ba gang yin pa de la ltos nas gsal ba bstan pa nyid kyi phyir ro/ /gzhan dag ni sgrib g.yogs kyi bye brag gis zhes bya ba sgrib g.yogs yod pa dang med pa la 'chad de/ sgrib g.yogs yod pas mnyan pa mi gsal ba med pas gsal ba yin no//de lta ma yin na gal te sgrib g.yogs kyis khyad par mi byed pa de'i tshe cung zhig mi byed pa'i sgrib g.yogs de ni thag nye ba gang yin pa de thag nye ba nyid yin du zin kyang thag nye ba ma yin pa dang mtshungs pa'i rgyu'i phyir/ sgra 'di'i sgrib g.yogs 'di yin no zhes nye bar sbyar ba ste/'brel pa ni rnam par rtog pas sprul pa nyid yin gyi dngos po la brten pa can ni ma yin no/ /gal te rnam par rtog pas sgro btags pa yin du zin kyang don byed pa'i rten du 'gyur ro zhe na/ sgro btags pa zhes bya ba la sogs pa smos te/ sgro btags pa'i rjes su byed pa'i ngang tshul can te/rnam par rtog pas sgro btags pa'i don gyi rten can ni don byed pa ma yin te/ de dag ni dngos po la brten pa can yin pa'i phyir ro/ /bram ze'i khye'u zhes bya ba la sogs pas de nyid gzhung 'dzugs par byed do/ /bram ze'i khye'u la mer nye bar btags pa las te/bram ze'i khye'u la me zhes nye bar btags pa las bsgrub par bya ba 'tshed pa'i phyir rten pa ma yin pa lta bu'o zhes bya bar sbyar ro/ /gal te de ltar yin pa de bas na rtogs pa yod du zin kyang dngos po der yongs su 'gyur ba can ma yin pa dag ste/ gang dag la rtogs pas bsgyur ba'i yod pa de dag ni des yongs su bsgyur ba can no//de med pa'i phyir des yongs su gyur pa ma yin pa can dag go/ /'on kyang rang bzhin ji lta ba bzhin du gnas pa can nyid du 'gyur te/ gang la rang bzhin ji lta ba bzhin du gnas pa yod pa zhes bya bar tshig /rnam par sbyar ro/ /de bas na zhes bya ba ni de'i phyir ro/ / gang gi tshe sgrib g.yogs kyis khyad par du ma byas pa de'i tshe/ sgrib g.yogs yod du zin kyang dbang po la sogs pa dag gis shes par 'gyur na ste/ rnam par shes pa skyed par 'gyur na de ltar yang ma yin no/ /de bas na sgrib g.yogs des byas pa'i khyad par can te bskyed par bya ba khyad par can dbang po la sogs pa de ltar shes par 'gyur ro//de ltar na sgra rtag pa rnams sgrib g.yogs kyi khyad par 'ga' zhig yod na yang phul du byung ba nyams pa'am/ phul du byung ba skye bar 'gyur ro/ /de bas na zhes bya ba de'i phyir gal te rtag pa de rnams shes pa skyed pa'i rang bzhin yin na skyes bu thams cad kyi tshe rang gi yul gyi shes pa thams cad cig car skyed par 'gyur ba'am gal te rnam par shes pa skyed par byed pa ma yin pa de'i tshe/'ga' zhig gi tshe skyes bu 'ga' zhig rnam par shes pa cung zhig kyang skyed par mi 'gyur bar de nges pa yin no/ /sgra rtag pa yang dus thams cad du gal te lhan cig byed pa 'ga' dang bral ba'i phyir na/mnyan pa med do de ltar ni 'gyur na zhes bya ba la sogs pas 'chad par byed de/ sgrib g.yogs kyi rgyu las skyes bu thams cad kyi rtag tu sgra thams cad ma thos pa ni ma yin mod kyi/ 'on kyang sgra rtag pa de dag rtogs pa la ste rtogs pa'i rgyu mtshan lhan cig byed pa so sor nges pa 'ga' zhig gis dngos po'i gnas skabs kyis nges pa'i ngo bo cung zad ni yod do//lhan cig byed pa de ni 'ga' zhig gir 'gyur ro zhes bya ba sgra de dag 'ga' zhig gi tshe yul 'ga' zhig tu nges par byas pa ste lhan cig byed pas byas pa thos pa yin no zhe na/grub pa'i mtha' smra bas de ltar zhes bya ba la sogs pa smos te/ de ltar zhes bya ba ni khas len pa ste/ de lta yin na zhes bya ba'i don to/ /lhan cig byed pa gzhan ltos yin yang blo ste ltos pa yin du chug na yang mi ldog mod kyi/ 'on kyang de ltar yin na ni nges pa dag gi 'gal ba yin te/lhan cig byed pas phul du dbyung ba byas pa can nyid yin pa'i phyir/ sgra ni snga ma'i rang bzhin du gnas pa yin no zhes bya ba'i nges pa 'dir mi 'gyur ro zhes bya ba'i don to/ /kho bo cag ni zhes bya ba la sogs pas 'chad par byed de/ kho bo cag ni rgyu rnams kyi lhan cig byed pa dag spong ba ni ma yin mod kyi/'on kyang rgyu rnams lhan cig byed pa la ltos pa kho na yin no/ /ji lta bur gyur pa zhig la zhe na/ de'i gnas skabs la phan 'dogs par byed pa dag ste/ ji ltar mngon par 'dod pa'i 'bras bu skyed pa'i rang bzhin gyi gnas skabs la phan 'dogs par byed pa la'o/ / ci'i phyir zhe na/ lhan cig byed pa de las rnyed pa'i phul du byung ba'i 'bras bu la nye bar sbyor ba'i phyir te 'bras bu bskyed par bya ba byed pa'i phyir ro/ /de ltar na gal te rig byed kyi sgra dag kyang lhan cig byed pa 'ga' zhig la ltos nas 'bras bu ste/ bdag gi yul can gyi shes pa byed par 'gyur na byed la rag ste su zhig 'gog par byed/'on kyang snga ma'i rang bzhin snga ma nyid du gnas pa yin no zhes bya ba der mi 'gyur ro/ /ci'i phyir zhe na/ snga ma'i rang bzhin de ni 'phos pa'i phyir dang ltos par bya ba lhan cig byed pa las rang bzhin gzhan snga na med pa thob pa'i phyir ro/ /gal te yang ltos par bya ba lhan cig byed pa las sgras phul du byung ba thob pa med pa de'i tshe/lhan cig byed pa la ltos pa ma yin no zhes bshad zin to/ /ci ste lhan cig byed pa'i 'bad rtsol las sgras phan 'dogs par byed pa don gzhan du 'gyur ba thob pa yin na zhes khas len pa de'i tshe/ lhan cig byed pas byas pa'i'o/ / phan 'dogs sgra las don gzhan nyid yin par khas len na sgra de'i phan 'dogs par byed pa 'di yin no zhes 'brel pa med par ngas bshad zin to/ /sogs pa'i sgras ni gal te 'brel pa grub pa'i phyir lhan cig byed pas byas pa'i phan 'dogs par byed pa las sgras byas pa'i phan 'dogs par rtog pa de'i tshe de la yang gzhan dang de la'ang gzhan zhes bya ba'i thug pa med pa'i skyon la sogs pa yang bshad zin to//sgra de yang shes bya ma yin pa nyid thob par 'gyur ro/ /ci'i phyir zhe na/ lhan cig byed pas byas don gzhan du 'gyur ba'i phan 'dogs pa nyid las shes pa skyed pa'i phyir ro/ /gang gi phyir de lta yin pas sgra de dag rna ba zhes bya ba'i dbang po dang /don dag phrad pa dang / bdag nyid ces bya ba de dag ni gzhan la rab tu grags pas bshad pa yin no/ /gzhan zhes bya ba ni 'bad rtsol la sogs pa'o/ /ji lta bur gyur pa la zhe na/ rnam par shes pa skyed pa'i rten rnam par shes pa skyed pa'i lhan cig byed pa la'o//sgra rtag pa de la lhan cig byed pa thams cad ni nye bar mi sbyor ba'i phyir ro/ /gzhan yang yi ge la sogs pa'i ngo bo'i sgra de dag khyab par byed pa'am khyab par byed pa ma yin par 'gyur grang ste rnam pa gzhan med pa'i phyir ro/ /gal te de dag khyab byed min pa de'i tshe sgra de dag ni yul thams cad la ni dmigs par mi 'gyur ro//de ltar na yul gcig la gnas pa'i sgra des stong pa'i yul la gnas pa ste/ sgras stong pa'i yul la gnas pa'i skyes bus ji ltar dmigs par 'gyur te/ dmigs pa nyid du mi 'gyur ro/ /dpyod pa dag gis 'jig rten pa dang rig byed pa dag gi a la sogs pa gcig yin par khas blangs pa de gal te khyab pa ma yin na yul tha dad pa na gnas pas ji ltar dmigs par te/dmigs par mi 'gyur ro zhes bya ba'i don to/ /gal te ma phrad pa 'dzin pa'i phyogs la skyon 'di yod pa ma yin te/ sgra la phrad pa nyid rna bas 'dzin pa de bas na/sgras stong pa'i yul la gnas pas kyang sgra 'dzin par 'gyur ba'i phyir thams cad mi dmigs pa'i skyon du 'gyur ba ma yin no zhe na/ de ni de ltar ma yin no/ /ci'i phyir zhe na/ ma phrad pa'i 'dzin pa'i phyogs de la yang shin tu chod pas na gnas pa dmigs pa yod pa ma yin no//ci'i phyir zhe na/ yul rung ba nyid la gnas pa ste/ sgra de'i gnas pa de'i khyad par can la dbang po ltos pa'i phyir ro/ /ci dang 'dra ba zhe na/ rdo khab len dang sogs pa dang 'dra bas te/ dper na rdo khab len ma phrad par 'dren par byed pa nyid yin na yang / yul rung ba ma yin pa na gnas pa'i lcags 'dren pa ma yin pa de dang 'dra'o//sogs pa'i sgras ni sbrul gdug pa la sogs pa dag gis ma phrad pa dag gis sgron ma la sogs pa 'joms par byed pa yin du zin kyang / shin tu bskal pa'i sgron ma la sogs pa 'joms par byed pa ma yin no zhes bya ba la sogs pa gzung ngo / /de lta ma yin na zhes bya ba ni gang gi tshe sgra yul rung ba nyid na gnas pa de 'dzin par byed pa'i dbang po ltos pa med pa de'i tshe/yul rung ba nyid la gnas pa khyad par can gyi bye brag gis thos pa gsal ba dang mi gsal ba'i khyad par du mi 'gyur ba'i phyir/ de ni nye bar mtshon pa de yin pa de ltar na thos pa dang ma thos pa'i khyad par du mi 'gyur ro//de bas na/ gal te de dag khyab byed min/ /thams cad la ni dmigs mi 'gyur/ /zhes bya ba der gnas so/ /de ltar ni ma yin te 'di ltar sgra rnams kyi dmigs pa'i rkyen gnas dang byed pa'i bya ba la sogs pa'i mtshan nyid yod na yang yul thams cad la sgra mtshungs par dmigs par 'gyur ba de bas na khyab par byed pa ma yin par yin no//ci ste khyab par byed par 'dod pa de'i tshe sgra de dag gal te khyab na thams cad kyis te/ skyes bu thams cad kyi sgra thams cad kyis sgra thams cad cig car dmigs pa dag tu 'gyur ro/ /sgra 'ga' zhig yul 'ga' zhig la yang med pa ma yin te/khyab pa nyid kyi phyir ro/ /phyir te gtan tshigs kyi sgra thams cad cig car dmigs par 'gyur ba yang yul thams cad na gnas pa'i skyes bu dag gis cig car dmigs par 'gyur ro/ /ci'i phyir zhe na/ skyes bu dag dbang po rung ba can nyid yin pa'i phyir dang yul sgra rang bzhin can rtag par 'gyur ba khyab par byed pa nyid du thams cad la nye ba'i phyir ro//thag nye ba nyid kyi phyir dang rtag pa nyid kyi phyir dang phul du byung ba byar med pa can la gegs med pa'i phyir ro/ /sgra 'dus byas pa dbang po legs par byas pa dmigs pa de bas na ji skad du bshad pa'i skyon du mi 'gyur ro zhe na/'dus byas zhes bya ba la sogs pa smos te/ las byed pa po'i drug pa yin no/ /de bas na don ni sgra 'dus byas pa dbang po legs par byas pas dmigs par khas len pa na ji skad du bshad pa'i skyon du mi 'gyur ro zhes bya ba 'di yin no/ /lan du/ 'gyur med gang gis legs par byed/ / ces bya ba smos te/ sgra bsgyur du med pa gang gis legs par byed de/ 'ga' zhig gis kyang ma yin no/ /de ltar mi 'gyur na zhes bya ba la sogs pas 'chad par byed de/ dus thams cad na sgra thams cad du yod du zin kyang skyes bu thams cad kyis dmigs par 'gyur ba ma yin no/ /ci'i phyir zhe na/ sgra 'dus byas pa dbang po legs par byas pa kho nas dmigs pa'i phyir te/de'i tshe 'dus byas pa dmigs pa'i phyir sgra thams cad dmigs par mi 'gyur zhing thams cad cig car legs par byas pa med pa'i phyir dbang po legs par byas pas dmigs par 'gyur ro zhes bsams pa'o/ /de ltar 'dod pa de la re zhig sgra 'dus byas pa ni dmigs pa ma yin no//ci'i phyir zhe na/ bsgyur bar bya ba ma yin pa can gyi sgra ni 'dus byas par mi rung ba'i phyir ro/ /mi rtag pa nyid kyi phyir phul du dbyung bar bya ba yod pa can gyi dbang po ni legs par byas par 'gyur ba yin pa de la yang dbang po legs par byas 'gyur na/ dbang po legs par byas pa des kyang ma lus par thos par 'gyur te/ sgra ma lus pa dag go/ /de la zhes bya ba la sogs pas 'chad par byed de/ gal te dbang po legs par byas pas dmigs par 'gyur ba'i phyir/ dbang po legs par ma byas pa can gyi skyes bus dmigs par mi 'gyur ba de'i tshe thob par byed de/gang gi tshe dbang po legs par byas pa des sgra thams cad cig car thos par 'gyur ba de ltar na thal bar 'gyur ba snga ma nyid kyis ma log pa yin no/ /yul tha dad pa la ltos pa'i dbang po legs par byas pa'i khyad par so sor nges pa nyid yin pa de bas na yul so so la gal te legs byas khyad par las/dbang po tha dad phyir don gcig nges pa yin te sgra gcig nyid 'dzin pa yin na'o/ /de ltar gyur pa yin na ni/ sgra'i 'dus pa sna tshogs pa ste/ sgra'i tshogs sna tshogs pa'i bdag nyid can gyi sgra ca co ji ltar thos par 'gyur te/mi 'gyur na yang mthong ngo / /ci ste zhes bya ba la sogs pas 'chad par byed de/ dbang po legs par byas pa gang yin pa de dag ni sgra dag la so sor nges pa dag yin te/ legs par byas pa so sor nges pa de la 'ga' zhig gis dbang po legs par byas pas sgra 'ga' zhig 'dzin par byed pa'i phyir sgra thams cad cig car thos pa ma yin no zhe na/de ltar legs par byas pa'i khyad par las rna ba'i dbang po rnams kyis thos pa yin par khas len pas na sgra'i tshogs sna tshogs pa'i ca co thos par mi 'gyur ro/ /de ltar ni 'gyur na ca co'i sgra gcig kho na yin no zhe na/ ca co zhes bya ba la sogs pa smos te/ca co zhes bya ba ni sgra gcig ma yin no/ /ci'i phyir zhe na/ gling bu dang rdza rnga la sogs pa dang snyan dngags dang / 'dod pa dang glu'i rang sgra rang bzhin tha dad pa can dag gis ca co cig car thos pa'i phyir ro/ /rang bzhin tha dad pa can 'dzin pa la yang tha dad pa med pa ma yin te gang gi phyir tha dad par rnam par gzhag pa yang rang bzhin tha dad pa la brten pa can nyid yin pa'i phyir ro//ci ste de 'dzin par nus pa'i dbang po ci 'dra ba de 'dra ba kho na legs par byed cing / dbang po legs par byas pa de ji ltar thag nye ba'i sgra 'dzin par byed pa yin gyi/ rang bzhin tha dad pa can gyi ca co yang 'dzin par 'gyur ba ma yin no zhes 'dod de/gal te sgra thag nye ba'i dbang gis legs par byas pa yin pa de lta na ni/ rtag pa dang khyab par byed pa'i phyogs la sgra gang zhig gang la thag nye ba ma yin pa de ni cung zhig kyang yod pa ma yin pa de'i phyir/ sgra thams cad cig car thos par 'gyur ba'i thal ba de nyid du 'gyur ro// //bam po nyi shu rtsa dgu pa/ gal te ca co'i sgra cig car 'dzin pa ma yin gyi/ 'on kyang go rims bzhin du yin te/ de la sgra du ma thos pa de dag kyang sgra'i 'jug pa myur ba yin pa de bas na 'jug pa myur ba'i rgyu'i phyir go rims bzhin du 'jug pa de dag gi go rims bzhin du 'dzin pa na yang cig car thos pa 'khrul pa yin no zhe na/gal te de ltar 'jug pa myur ba las cig car thos par 'khrul pa de'i tshe/ gling bu'i sgra ni rgyun go bar byed pa ste/ skad kyi bye brag gang yin pa de dag gis go bar byed pa'i yan lag gang yin pa de dag la yang 'jug pa myur ba nyid kyis 'dus pa ste/gcig tu byed pa'i phyir 'dres par rtogs par byed par 'gyur gyi go bar byed pa'i yan lag 'dres pa med pa'i go rims can gyis ni mi 'gyur ro/ /de ltar na ring ba dang shin tu ring ba'i yan lag rnams la yang 'jug pa myur ba nyid kyis cig car thos par 'khrul pa nyid kyi phyir ring po la sogs pas shes par mi 'gyur ro//de bzhin du tshig dang ngag myur du brjod pa gzhan dag la yang snga phyi rtogs par mi 'gyur ro/ /'di 'gog par byed pa yang le'u gsum pa'i rnam par shes pa cig car 'jug pa dpyod par byed pa las 'chad par 'gyur ro//de bas na ca co la yang 'jug pa myur ba nyid kyi sgo nas cig car thos pa 'khrul pa ma yin gyi 'on kyang sgra mang po nyid cig car 'dzin pa nyid yin no/ /dbang po gcig nyid la so sor nges par 'dod pa de'i tshe sgra gcig rtogs shing khong du chud pa ni gcig rtogs pa yin la de ni nus pa so sor nges pa'i phyir ca co du ma'i bdag nyid can te sgra'i rang bzhin can thos pa ma yin na thos par yang 'gyur ro//de bas na gcig rtogs par so sor nges pa med par de ltar na/ dbang po legs par byas pas gcig car thams cad 'dzin pa zhes bya ba'i skyon de nyid gnas so//de la gal te sgra yan gar te ca co thos 'gyur rjod byed dag pa ma yin no/ /ca co la zhes bya ba la sogs pas 'chad par byed de/ ca co la rjod par byed pa'i yi ge dang tshig dang ngag dag gi thos pa ma yin no/ /ci'i phyir zhe na/ sgra tsam yan gar ba dag ste/rjod par byed pa ma yin pa de dag der thos pa'i phyir ro/ /gal te gcig rtogs par so sor nges pa la sgra tsam ngag kyang ji ltar cig car thos pa yin zhe na/ rjod par byed pa la zhes bya ba la sogs pa smos te/ rjod par byed pa'i sgra la dbang po so sor nges pa'i nus pa can la kho bo cag brjod kyi sgra tsam rjod par byed pa ma yin pa dag la ni ma yin no//de la zhes bya ba la sogs pas lan 'debs par byed de/ sgra tsam khyad par kho na rjod par byed pa yin te/ sgra tsam de dag las tha dad de don gzhan du 'gyur ba rjod par byed pa sgra'i ngo bo yod de zhes bya ba de ni yod par sgrub pa'i tshad ma med pa'i phyir/'di la shin tu ches dad par bya'o/ /ci'i phyir zhe na/ gang gi phyir kho bo cag gis sgra tsam rjod par byed pa ma yin pa dang / sgra rjod par byed pa'i ngo bo tha dad pa zhes bya ba sgra tsam las rang bzhin la tha dad par 'gyur ba ma mthong ngo / /'on kyang dus gcig gi tshe ste skad cig ma gcig la yi ge'i go rims thos pa na sgra'i bdag nyid de yi ge'i go rims kyi mtshan nyid kho nar nges so//sgra tsam zhes bya ba'am sgra zhes bya ba bstan pa 'di dngos po tha dad pa yod pa ni ma yin no zhes bya bar dgongs so/ /de bas na nges pa sngon du song ba can te/ zhen pa sngon du song ba can sgra tsam las bzlog pa'i bdag nyid yongs su bcad cing nges par 'gyur ba med par sgra tsam tha dad pa'i ngo bo yod do zhes bya ba'i tha snyad rgyu med pa can la ji ltar 'jug par 'gyur/de bas na sgra tsam gyi khyad par nyid yi ge a la sogs pa'i ngo bo'i go rims kyi khyad par gyis gnas pa ni yi ge la sogs pa zhes bya ba ste/yi ge dang pos byas pas gang la yod pa zhes tshig rnam par sbyar ro/ /sogs pa smos pas ni tshig dang ngag la sogs pa gzung ngo / /gzhan yang zhes bya ba la sogs pa smos te/ gal te sgra tsam ngag las gzhan pa'i rjod par byed pa de'i ca co yang thos pa ma yin te/der sgra tsam rjod par byed pa ma yin pa dag thos pa'i phyir ro zhes bya ba de rjod par byed do/ /ca co de la gang gi tshe mang po dag kha rog par gnas pa'i phyir ro/ /sgra gzhan dag ni gnas pa na skyes bu gcig smra bar byed pa gcig po de'i sgra rjod byed ci ltar thos pa yin te de ni de'i tshe nges par gzung ba'i phyir ro//rjod par byed pa 'di las sgra tsam tha dad pa'i ngo bo rjod par byed pa de dang lhan cig gam tha dad par ni thos pa ma yin no/ /gal te rjod par byed pa las sgra tsam gzhan yin par 'gyur na/ de yang de'i tshe thos par 'gyur ro/ /gcig brjod pa na sgra tsam nyid yod pa ma yin no zhes brjod par mi nus te mang po dag smra ba la yang de med par thal bar 'gyur ba'i phyir ro//de bas na ji ltar gcig smra bar byed pa na sgra tha dad pa med par thos pa de dag mang po dag la yin no de bas na rjod par byed pa'i sgra las sgra tsam gzhan ma yin no/ /gal te gcig smra bar byed pa na yang rjod par byed pa las tha dad par sgra tsam nges par gzung ba nyid yin no zhe na/de ni ma yin no/ /gang gi phyir mngon sum gyi don la gzhan gyis bstan pa chen por 'gyur ba ma yin na/ gang gis bdag nyid kyis tha dad pa thos pa med par yang khyod kyi tshig tsam tha dad par thos pa de ltar mang po dag la yang rtogs par 'gyur/de bas na zhes bya ba de'i phyir nyan pa po 'dis smra ba po gzhan dag 'dul bar 'gyur ba na sgra 'ba' zhig ste/ gcig nyid smra bar byed pa na sgra tsam tha dad pa'i don gzhan du 'gyur ba nyid thos pa de'i dmigs pa'i rkyen byed pa yon tan la sogs pa sgra dmigs pa'i rkyen dag nus pa med pa nges par byed de/ci zhig byed pa la zhe na/ de las gzhan pa sgrub pa la ste sgra gcig thos pa las gzhan sgra tsam grub pa la'o/ /ci'i phyir zhe na/ gal te dmigs pa'i rkyen dag gis de dag gis de dag las gzhan pa sgrub pa nus pa dag tu 'gyur na de'i tshe de sgrub par byed pa de'i tshe/sgra dmigs pa'i rkyen des sgrub pa sgra las tha dad pa'i sgra tsam gyi ngo bo de dmigs par 'gyur na dmigs par yang mi 'gyur ro/ /ji ltar smra ba po gcig gis sgra'i dmigs pa'i rkyen dag gis sgra tsam tha dad pa sgrub pa la nus pa med pa de ltar mang po dag la yang ngo //de bas na sgra smra ba po dag gis rjod par byed pa dag las ca co'i sgra tsam tha dad pa yod pa ma yin pa de nyid bstan par bya ba'i phyir/ de'i rang bzhin can nyid kyi zhes bya ba la sogs pa ste/ sgra tsam dang bral ba sgra gcig skyed pa'i rang bzhin nyid kyi sgra'i dmigs pa'i rkyen dag gis mang po dag smras pa dag la yang /ci ltar sgra'i bdag nyid rang gi 'bras bu gcig pu ma gtogs pa ca co'i sgra tsam 'bras bu gzhan du gyur pa rtsom par 'gyur te/ rtsom pa mi byed ces bya ba'i don to/ /gang gi phyir rgyu tha dad pa med pa ste/ rgyu'i ngo bo gcig nyid la 'bras bu tha dad pa ste/rgyu de nyid kyis 'ga' zhig gi tshe med pa dang 'ga' zhig gi tshe yod pa zhes bya ba de lta bu'i mtshan nyid can rigs pa ma yin no/ /ci'i phyir zhe na/ rgyu tha dad pa la ltos pa med pa'i 'bras bu tha dad pa med pa de ni rgyu med pa can nyid thal bar 'gyur ba'i phyir ro zhes sngar bshad zin to//ca co'i sgra tsam thos par 'gyur ba yin gyi/ rjod par byed pa'i sgra dag ma yin no zhes bshad pa gang yin pa de yang rigs pa ma yin pa de lta na/ ca co la rjod par byed pa ma thos pa ma yin te/ 'on kyang thos pa kho na yin no/ /ci'i phyir zhe na/ ca co smra ba'i tshig dag la tshig dang ngag rtogs pa'i phyir ro//gzhan yang dbang po gcig rtogs pa/ /yang na nus pa nges pa'i phyir sgra tsam tha dad pa rtogs par ci ltar 'gyur te/ sgra tsam mang po dag 'dzin par 'gyur na/ rjod par byed pa tha dad pa'i rang bzhin dag kyang ma yin no zhes bya ba 'di la nges pa ci zhig yod/de ltar na dbang po nges pa so sor nus pa can de dag gis cig car sgra tsam ngo bo sna tshogs pa can thos pa na'o/ /ci 'dra ba zhig ce na/ sgra so so la nges pa ste sgra las gsal byed nyid du nges pa yin gyi/ sgra dag nyid kyang cig car thos pa ma yin/ de ltar na rjod par byed pa'i sgra dag la dbang po de dag gis rgyab kyis phyogs pa ste/yid byung na gang gis de thos pa byed pa yin/ gal te 'di 'dra ba 'di ni dngos po'i nus pa ma yin te 'di la brjod par bya ba ci zhig yod ce na/ de ni de ltar ma yin te/ 'di ltar sgra tsam dag cig car 'dzin pa na yang rna bas gzung bar bya ba'i rang bzhin can dag dang yul du rung ba na gnas pa nyid kyi phyir 'dzin pa yin la/de lta bu'i rnam pa nyid ni rjod par byed pa dag la yang yod pa de ltar na de dag ci'i phyir mi 'dzin/ de bas na yan gar ba 'di ni brtags pa nyid yin no/ /sgra tsam dag ces bya ba la sogs pa ni gzhan gyi yin te/sangs rgyas pas rjod par byed pa'i tshig dang ngag gi ngo bo las tha dad par sgra tsam dag grub pa med do zhes bshad pa gang yin pa ji ltar na mi 'grub ste/ grub pa kho na yin no/ /ci'i phyir zhe na/ tshig las don rtogs pa'i phyir te tshig ste sgra brjod pa las brjod par bya ba rtogs pa'i phyir ro//don rtogs pa 'di yang sgra tsam dag las mi srid do zhes bstan pa'i phyir/ sgra tsam gyis zhes bya ba la sogs pa smos te/ cha dang bcas pa nyid kyi phyir rang skad cig ma nyid kyi phyir sgra tsam snga phyi can du gyur pa de la sgra tsam gyi cha yi ge gsal bar byed pa shin tu chung ba las ni don rtogs pa ma yin te/re zhig yi ge gcig kyang don dang ldan pa ma yin na de la gsal bar byed pa sgra tsam gyi cha shin tu chung ba lta ci smos/ lhan cig par gyur pa'i sgra'i cha de dag gis de rtogs pa skyed par 'gyur ro zhes bya ba de yang yod pa ma yin te/ gang gi phyir sgra tsam gyi cha shin tu chung ba de dus phyis 'byung ba'i ngang tshul can gyi sgra tsam gyi cha dang 'dres par bya ste/lhan cig pa ni ma yin te skad cig ma nyid ma yin pa'i phyir ro/ /de bas na zhes bya ba de'i phyir tshig dang ngag gi ngo bo rjod par byed pa gang la ma lus pa ste/ rdzogs pa yod pa de ni tshig dang ngag gi ngo bo ma lus pa can te/des bsgrub par bya ba'i don rtogs pa 'di ni sgra tsam dag la yod pa ma yin no/ /ci 'dra ba dag la zhe na/ cha ma lus pa can ma yin pa dag la ste/ sgra tsam gyi cha skye zhing 'byung ba skad cig ma gnyis pa la gnas pa med pa'i phyir cha ma lus pa yang ma yin pa ngag yin pa de nyid kyi phyir/don rtogs pa 'di sgra tsam dag la yod pa ma yin la 'di yang yod pa ma yin pa de bas na/ sgra tsam las tha dad pa gang gis de dag gi rtogs pa skyed par byed pa'i sgra go rims med pa can yod pa de ltar na/ gang la 'bras bur gyur pa'i don rtogs pas go rims med pa can yod ces tshig rnam par sbyar te/cha med pa zhes bya ba'i don to/ /sgra tsam gyi cha go rims dang ldan pa ste rjod par byed pa las tha dad pa grub pa yin te/ gang la cha go rims dang ldan pa yod pa zhes bya ba tshig rnam par sbyar ro/ /de ni ma yin te zhes bya ba la sogs pas 'gog par byed de/bstan ma thag pa de dang de ni yod pa ma yin no/ /ci'i phyir zhe na/ sgra go rims med pa can ni yi ge go rims dang ldan pa gang yin pa de las tha dad pa sngar kho bo cag gis lha sbyin la sogs pa'i tshig dang ngag dag las yi ge da la sogs pa snang ba ma gtogs par blo'i snang ba gzhan yang ma mthong ngo zhes bya ba la sogs pa bkag zin pa nyid kyi phyir ro//gal te sgra tsam ma lus pa can ma yin pa dag la don rtogs pa med pa'i phyir sgra'i ngo bo go rims med pa can yod pa nyid du rtogs pa de'i tshe/ de ltar rtogs pa na thal ches pa'i phyir ro/ /de ltar na lag pa la sogs pa'i brda ji lta ba bzhin du 'gro ba la sogs pa ston par byed pa'i las gang yin pa de dag gi cha gang yin pa de dag ni las kyi cha dag ste/skad cig gcig pa nyid yin pa'i phyir las kyi cha snga ma dang las kyi cha phyi ma la 'brel pa med pa'i phyir te mi 'thad pa'i phyir dang / cha gcig ste las kyi cha shin tu chung ba gcig las brda ji lta ba bzhin du 'gro ba dang 'ong ba la sogs pa'i mtshan nyid kyi don rtogs par mi 'gyur ba'i phyir de las tha dad pa can te/las kyi cha dag las gzhan pa lag pa 'debs pa la sogs pa'i brda ji lta ba bzhin ni lag gi brda yin no/ /sogs pa smos pas ni don rtogs pa'i phyir ro//brda ji lta ba bzhin du mgo g.yob pa la sogs pa gzung ngo / /de dag brda ji lta ba bzhin du las kyi de dag nyid can gyi ngo bo ma lus pa yang don rtogs pa'i rgyur khas blang bar bya ba yin par 'gyur ro/ /ci dang 'dra bar zhe na sgra dang 'dra bar te/ sgra tsam las bzlog pa'i sgra rtogs pa dang 'dra na de ltar yang ma yin no//de ltar na ji ltar las kyi cha dag las bzlog pa'i las kyis bdag nyid med pa de ltar sgra tsam gyi cha dag la yang sgra'i bdag nyid tha dad pa yod pa ma yin no/ /'o na ji ltar don ltos par 'gyur zhe na/ de'i phyir bdag nyid ces bya ba la sogs pa smos te/bdag nyid ji lta ba bzhin du gang zhig gang gis byed pa rkan la sogs pa de'i sbyor ba'i bya ba'i rgyu de las bya ba'i tha dad pa'am/ bdag nyid ji lta ba bzhin du byed pa'i sbyor ba'i las kyi rgyu'i sbyor ba las kyi bag chags go rims bzhin du 'byung ba can yin na zhes bya ba 'di la yang sbyar bar bya'o//ji skad du bshad pa'i yi ge'i rang bzhin nam las kyi cha de dag ni go rims bzhin du rnam par rtog pa'i yul dag gis zhes bya ba ni go rims bzhin du nyams su myong ba'i shes pa'i go rims kyi rjes su 'brang ba'i ngang tshul can gyi rnam par rtog pa ngag gi yul du gyur pa brda ji lta ba bzhin du don rtogs pa skyed par byed do zhes bya ba ni rigs pa dang ldan pa yin te/rigs pa dang ma bral ba nyid kyi phyir ro/ /sgra tsam las bzlog pa'i sgra'i bdag nyid yod pa yang bla ste/ de ltar na yang 'di sgra tsam ngag dang skyon mtshungs pa yin no zhes bstan pa'i phyir gzhan yang zhes bya ba la sogs pa smos te/nyes pa gang dang gang dag gis te/ sgra tsam gyi cha snga ma phyi ma tshogs pa med pa'i phyir zhes bya ba la sogs pas rgyur gyur pa gang dag gis rjod byed min te sgra tsam 'dod pa ste/ dpyod pa pa rnams 'dod de go rims bzhin du 'byung ba can gyi/sgra tsam dag gis gsal ba na sgra tsam las bzlog pa yin du zin kyang / ji ltar rjod byed de la de med pa ste/ sgra tsam gyi cha las byung ba can gyi skyon du mi 'gyur te/ 'gyur ba kho na yin no/ /de ltar na go rims bzhin du 'byung ba'i sgra tsam gyi cha rgyur 'gyur ba dag gis gsal ba ste/rab tu gsal ba'i sgra'i bdag nyid can gyi rjod par byed pas don rjod par byed pas don brjod pa yin gyi/ thag nye ba tsam gyi don ni ma yin no/ /sgra tsam las bzlog pa'i sgra'i bdag nyid de yang sgra tsam de dag gis cig car gsal bar byed pa ma yin no/ /de ci'i phyir zhe na/ sgra tsam gyi cha de dag la go rims yod pa'i phyir ro//sgra tsam gyi cha gcig gis kyang sgra gsal ba ma yin no/ /ci'i phyir zhe na/ de las gzhan pa ste gsal byed nyid du mngon par 'dod pa'i sgra tsam gyi cha don med par thal ba'i phyir ro/ /'dis kyang sgra tsam gyi cha gcig ni sgra ma lus pa'i gsal byed ma yin te/gang gi phyir yi ge'i cha gcig gi dus na rjod par byed pa'i ngo bo ma lus pa nye bar rigs pa med pa'i phyir ro/ /de bas na sgra tsam gyi cha go rims bzhin du yod pa can dag gis sgra mngon par gsal ba yang go rims bzhin du yin no/ /de'i sgra ltar sgra tsam gyi cha gsal bar byed pa snga ma dang phyi ma 'brel pa med pa can de ltar sgra'i cha gsal ba yang yin no//'di ltar gang gi tshe phyi ma phyi ma gsal ba yang yin te/ 'di ltar gang gi tshe tshogs pa med pa'i phyir ro/ /ci ste gsal byed 'gags su zin kyang gsal ba gang yin pa de gsal ba nyid du yod par 'gyur ro//de'i tshe gsal byed gcig tu zin kyang cig car gsal ba ma 'gags pa'i phyir rtag tu thos par 'gyur ro/ /gal te cha med pa'i phyir sgra'i bdag nyid can ji ltar go rims bzhin du mngon par gsal ba yin zhe na/ skyon ni gzhan yin yang bla ste/sgra tsam gyi cha re re dmigs pa'i dus na sgra ma lus pa dmigs pa ma yin no zhes bshad zin to/ /de bas na zhes bya ba de'i phyir sgra'i bdag nyid can 'dis ni sgra tsam gyi cha'i go rims yod pa can dag gis go rims bzhin du gsal bar byed pa nyid kyi phyir/ sgra'i bdag nyid gang la dmigs pa tshogs shing 'dus pas tshang ba dmigs pa de la'o//de lta bur gyur pa'i sgra'i bdag nyid can dag gis dmigs pa tshang bas bsgrub par bya ba'i don te/ rjod par byed pa'i bdag nyid gsal bar byed pa'i mtshan nyid can ji ltar sgrub par 'gyur te/ sgrub pa nyid du mi 'gyur ro/ / ci dang 'dra bar zhe na/ sgra tsam dang 'dra bar te/ ji ltar sgra tsam gyi cha dag gis khyed kyi 'dod pas snga ma snga ma phyi ma dang 'brel pa med pa'i phyir don gsal bar byed pa ma yin pa de dag dang 'dra'o/ /shin tu zhes bya ba la sogs pa de nyid kyi gzhung 'dzugs par byed de/ dmigs pas bsgrub par bya ba'i don dag la shin tu dmigs su med pa'i yod pa dang med pa dag las khyad par ci zhig yod de/khyad par cung zhig kyang yod pa ma yin no/ /ji ltar ma lus par dmigs pa can ma yin pa sgra tsam gyi cha skad cig ma dag ni cha phyi ma phyi ma'i gnas skabs na med pa nyid kyi phyir nus pa med pa dag yin pa de bzhin du go rims med pa can gyi sgra yod du zin kyang ma lus par dmigs pa can dag gis bdag gir ma byas pas nus pa nyid ma yin no//sgra tsam las tha dad par brtags pa'i sgra'i bdag nyid dmigs pa la ltos pa med pa 'di ni/ thag nye ba tsam gyis don rtogs pa sgrub par byed pa ma yin na yod tsam gang gis rtogs par 'gyur/ci'i phyir zhe na/ de ni gsal ba la ltos pa med pa'i phyir ro/ /yod pa dang med pa ste/ sgra'i bdag nyid yod pa dang sgra tsam gyi cha med pa gsal ba go rims bzhin du 'byung ba'i ngang tshul can de yang mtshungs par nye bar sbyor ba ste/ 'bras bu mtshungs pa'i phyir sgra tsam dag gis sgrub par nus pa ma yin no zhes bya ba don rtogs pa'i mtshan nyid can gyi 'bras bu gang yin pa sgrub par nus pa ma yin no//de ltar sgra tsam gyis gsal bar 'gyur ba'i sgra'i bdag nyid de la yang sgrub par mi nus pa de ltar na/ sgra tsam las tha dad par brtags pa'i sgra gzhan gyis ci zhig bya/de bas na yi ge rnams kyang skyes bus ma byas pa ma yin no zhes bya ba ni mjug bsdu ba'o/ /yi ge las bzlog pa ni ngag ma yin gyi 'on kyang gal te yi ge'i rig pa ngag de dag de yang skyes bus ma byas pa yin no zhe na/ de ni min no/ /ci'i phyir zhe na/ go rims las yi ge rnams tha dad pa med pa'i phyir ro/ /gal te zhes bya ba la sogs pas 'chad par byed de/ yi ge dag las don gzhan du gyur pa'i sgra'i ngo bo nyid kyi ngag ni skyes bus ma byas pa ma yin no/ /'o na ci yin zhe na/ kho bo cag gi yi ge'i go rims kyi mtshan nyid can ni ngag yin te/de skyes bus ma byas pa nyid du sgrub pa yin no zhe na/ ma yin te yi ge rnams kyi go rims khas len pa na yi ge dag las tha dad pa'i khyad par dmigs par thal bar 'gyur ba'i phyir ro/ /dmigs pa yang med do zhes rang bzhin mi dmigs pa brjod par bya'o/ /ci ste go rims su mi snang ba de'i tshe yang go rims de las don rtogs pa med par thal bar 'gyur ba'i phyir ro//gal te yang mngon sum gyis go rims tha dad par ma grub pa de lta na yang rjes su dpag pa las grub pa yin no zhes bya ba 'di yang log pa yin no/ /ci'i phyir zhe na/ rtags med pa'i phyir te/go rims de don gzhan du gyur pa nyid du grub pa'i rtags yod pa ma yin no/ /de de ltar na yi ge dag las go rims tha dad pa dang ldan pa yang med pa de'i tshe 'jig rten pa dang rig byed pa'i ngag thams cad las yi ge tsam lus pa'i phyir snga ma bzhin du ste/ 'dis lhag pa ci zhig byas zhes bya ba la sogs pas thams cad skyes bus ma byas par thal bar 'gyur ba bshad zin to/ /yi ge'i go rims skyes bus ma byas pa nyid du rigs pa yang ma yin no/ /ci'i phyir zhe na/ yi ge de dag rnam par gzhag pa'ang med pa ste/ rnam par gnas pa'i rim pa can nyid ma yin no//ci'i phyir zhe na/ rnam par gnas pa'i go rims gcig las/ go rims gzhan ni 'gal ba'i phyir ro/ /gal te zhes bya ba la sogs pas 'chad par byed de/ gal te yi ge rnams kyi go rims ma byas pa yin la/ yi ge dag rigs mtshungs pa mang po dag ma yin na gang gis rig byed ma yin te/'ga' zhig rnam par gnas pa'i go rims can du 'gyur 'jig rten pa gzhan ji ltar 'dod pa bzhin du gzhan du 'gyur ba can te/ gang la ji ltar 'dod pa bzhin du gzhan du gyur pa'i go rims gzhan gyis rnam par gnas pa yod ces bya bar tshig rnam par sbyar ro/ / 'o na ci zhe na/ 'jig rten gsum na yi ge a nyid de/ ji ltar yi ge a gcig yin pa de bzhin du yi ge g.yang yin no/ /gang gi tshe gcig nyid yin pa de'i tshe yi ge rnam par gnas pa'i go rims can nyid yin/ a ga ni zhes bya ba nyid du 'gyur gyi ga ga na zhes bya ba ni ma yin no/ /ci'i phyir zhe na/ yi ge a dang yi ge a dag ni snga phyi'i ngo bo rnam par gnas pa nyid kyi phyir te/yi ge a ni yi ge ga las snga ma nyid dang yi ge las phyi mar gnas pa yin no zhes bya ba'i don to/ /ga ga na zhes bya ba 'di las yi ge a ni yi ge ga las phyir 'gyur ba'i go rims gzhan du mi 'gyur ro/ /de nyid bstan pa'i rgyu zhes bya ba la sogs pa smos te/re zhig gang ma byas pa rnam pa 'ga' zhig gis kyang rnam pa gzhan du byar mi btub pa dpyad pa 'di gzhan la dngos po byas pa rnams kyang ngo / /ci 'dra ba zhig ce na/ rgyu yongs su gyur pa las nges pa dang ldan pa ste/ rgyu yongs su gyur pa rjes su mthun pa'i 'bras bu skyed par rung ba'i bdag nyid kyi gnas pa gang yin pa de las nges pa'i 'bras bu ni rgyu'i de ma thag pa khyad par can gyi rang bzhin du yod pa nyid du so sor nges pa de gang la yod pa de la de skad ces bya'o//de dag gi yang go rims bzlog par bya bar nus pa ma yin no/ /ci dang 'dra bar bya zhe na/ dper na sa bon dang myu gu dang lo ma la sogs pa ste/ sa bon gyi phyogs myu gu dang myu gu las sdong po dang / lo ma dang me tog la sogs pa bzlog tu med pa lta bu'o/ /dper na dus dang lo ma la sogs pa ste/ dus dgun la sogs pa'i mtshan nyid can dang / byi glang la sogs pa'i lo rnam par gnas pa'i go rims nyid lta bu'o//sogs pa'i sgras ni gza' dang rgyu skar la sogs pa gzung ngo / /yi ge'i gnas skabs dang rang bzhin bskyod pa tsam ste/ go rims la sogs pa'i gnas skabs dang rang bzhin ma bskyod pa ma byas pa gang la yod pa zhes tshig rnam par sbyar ro/ / rnam pa 'ga' zhig gis te go rims nges par gnas pa dag kyang ci smos te/ snga ma'i gnas skabs dor ba med par rnam pa gzhan du 'gyur ba mi rung ba'i phyir te/ /go rims gzhan gyi gnas skabs la mi rung ba'i phyir ro/ /ji skad du bshad pa'i skyon gnas par bya ba'i phyir du yi ge rnams snga ma'i rang bzhin dor bar khas len na yang de rnam par 'jig par thal bar 'gyur ba'i phyir ro//re zhig yi ge rnams kyang snga ma'i gnas skabs dor ba med par go rims bzlog pa med pa yin na/ khyad par du go rims rtag pa'i yang ngo / /tshig so so la yi ge gzhan nyid yin na go rims gzhan nyid de dang der 'gyur te/yi ge rnams rtag pa dang tshig so so la tha dad pa'i phyir ro/ /yi ge snga ma med pa dag tshig so so las 'byung ba'i phyir ro/ /yi ge mang po nyid yin pa de'i phyir rim pa gzhan nyid du 'gyur ro/ /phyogs gnyi ga la yang yi ge mang po nyid bstan gyi/ 'on kyang phyogs dang po la ni rtag pa rnams la phal cher ngo bo nyid grub pa dang gnyis pa la ni rgyus byas pa zhes bya ba de ni khyad par yin te/ de yang ste gnyi ga yang dpyod pa dag 'dod pa ma yin no/ /de ltar re zhig yi ge rnams kyi go rims khas blangs pas de skad du bshad pa de nyid mi srid do zhes bstan pa'i phyir/gzhan yang zhes bya ba la sogs pa smos te/ yi ge rnams la yul dang dus kyis byas pa'i go rims gang yin pa de ni med de/ khyab pa dang rtag pa brjod pa'i phyir te yi ge rnams khyab par byed pa brjod pa'i phyir yul gyis byas pa go rims med cing /rtag pa nyid du brjod pa'i phyir dus kyis byas pa med de nam mkha' bzhin no/ /yi ge rnams kyi zhes bya ba la sogs pas 'chad par byed de/ yi ge rnams kyi go rims de yang yul gyis byas pa ste dper na grog mo yul phan tshun 'phos te gnas pa dag rgyu ba lta bu'am/ go rims dus kyis byas pa ste dper na sa bon dang myu gu la sogs pa gang gi tshe sa bon yin pa de'i tshe myu gu ma yin pa la myu gu yin no zhes bya ba lta bu'o//yi ge rnams la yul dang dus kyis byas pa'i go rims rnam pa gnyi ga yang yod pa ma yin te/ yi ge rnams khyad par byed pa'i phyir dang rtag pa nyid kyi phyir ro//yul gyis byas pa yod pa ma yin te/ yi ge nyid khyad par byed pa nyid yin pa'i phyir ro/ /yul phan tshun spangs nas dngos po rnams 'jug pa ni yul gyi snga phyir gyur pa yin na de lta bur gyur pa'i snga phyi nyid ni yi ge rnams la yod pa ma yin no/ /ci'i phyir zhe na/ yi ge thams cad ni khyab par byed pa nyid du yul thams cad la mtshungs pa nyid kyi phyir ro/ /glegs bam la la las ni yul thams cad mtshungs pa nyid kyi phyir zhes 'byung ste/ de la yang yul thams cad mtshungs pa nyid kyi phyir zhes bya ba'i don to/ /ci dang 'dra ba zhe na/ rlung dang snang ba bzhin te 'di ni 'jig rten pa'i dpe yin no//bstan bcos pa'i ni bdag la sogs pa las zhes bya ba smos so/ /sogs pa'i sgras ni nam mkha' la sogs pa gzung ngo / /de yang gzhan dag gi 'dod pa'i sgo nas bshad do/ /de bzhin du phan tshun spangs nas 'jug pa dus kyis snga phyir 'gyur ba de nyid bstan pa'i phyir gang gi tshe zhes bya ba la sogs pa smos te/gang gi tshe gcig med pa de'i tshe gzhan yod pa'i phyir dus kyis snga phyir gyur pa de yang yi ge rtag pa dag la yod pa ma yin te/ thams cad kyi tshe yi ge thams cad yod pa'i phyir ro/ /dus kyis byas pa'i go rims las yi ge go rims rnam pa gzhan yod pa yang ma yin na yi ge'i snga phyir gyur pa'i ngag gang yin pa de khyed cag gis ci ltar skyes bus ma byas pa sgrub par byed de/ma yin no zhes bya ba'i don to/ /nyes pa der ma gyur cig snyam pas yi ge mi rtag pa dang khyab byed ma yin par rig byed smra bar 'dod na/de la mi rtag khyab byed ma yin pa'i/ khas len pa'i yang skyon yang sngar ni brjod pa yin/ ci ste zhes bya ba la sogs pas 'chad par byed de/ yi ge'i go rims med pa'i nyes pa der ma gyur cig snyam pas yi ge mi rtag pa dang khyab par byed pa ma yin par rig byed smra bar 'dod pa ste mi rtag pa nyid kyi phyir dus kyis byas pa'i snga phyir gyur pa dang khyab par byed pa nyid ma yin pa'i phyir yul gyis byas pa yid yin no snyam du sems na/mi rtag pa dang khyab par byed pa ma yin pa'i phyogs de dag kyang gong du rtsol ba las byung ba mi rtag na/ de ci skyes bus byas pa min zhes bya ba la sogs pa dang /gal te de dag khyab byed min/ /thams cad la ni dmigs mi 'gyur/ /zhes bya ba la sogs pas go rims bzhin du bstsal ba'i phyir lan ma yin no/ /yi ge rnams kyi mngon par gsal ba de'i gsal ba'i go rims kyang ngag min/ ci'i phyir zhe na/ rtag pa'i gsal ba bstsal phyir ro//yi ge'i zhes bya ba la sogs pas 'chad par byed de/ yi ge dag gi ngo bo go rims ngag ma yin na ngag gi skyon 'dir 'gyur/ 'o na ci yin zhe na/ de dag gi gsal ba ste yi ge'i ngo bo gsal ba'i go rims gang yin pa de dag yin no/ /de nyid bstan pa'i phyir de ni zhes bya ba la sogs pa smos te/gsal ba de ni bdag nyid ji lta ba bzhin du yi ge mngon par gsal ba'i rkyen dag ste/ yi ge gang gis mngon par gsal ba'i rkyen rkan la sogs pa gang yin pa dag gi go rims las byung ba'i go rims dang ldan pa'i phyir ro/ /de'i zhes bya ba la sogs pas 'gog par byed de/yi ge gsal ba de'i go rims ni de'i go rims te/ de dag yin no zhes bya ba yang log pa yin no/ /ci'i phyir zhe na/ rtag pa dag gis gsal ba de ni sngar spyi gsal ba dpyod pa'i skabs su bkag pa nyid kyi phyir ro/ /de nyid dran par bya ba'i phyir mngon sum zhes bya ba la sogs pa gsungs te gsal byed kyis byas pa mngon sum du shes pa skye bar nus pa de bas shes pa skyed par nus pa'i bum pa la sogs pa 'bras bu khyad par can nyid gsal ba yin no zhes de bshad pa yin no//gzhan yang byed pa rnams kyi bya nyid las te rgyu las te de grub phyir na ste/yi ge rnams dmigs pa'i phyir yi ge de rnams 'bras bu nyid thob pa yin no/ /'di ltar gang kho na las ngo bo dmigs pa gang yin pa'i ngo bo de la 'jig rten pa dag 'bras bu nyid du tha snyad 'dogs par byed do zhes bya bar sbyar ro/ /gang kho na las dmigs pa zhes bya gang gi sgra bstan pa gang yin pa de dmigs pa med na mi 'byung ba kho na dmigs pa la brten nas zhes bya ba kho na'i sgra'i rim pa gzhan du sbyor ro//ji skad du bshad pa'i dmigs pa de ni yi ge la yang yod de/ yi ge rnams kyi dmigs pa ni brtsal ma thag tu byung ba nyid kyi phyir ro//dmigs pa de nyid kyang 'bras bu nyid du rab tu grags pa'i dngos po gzhan dag gi yang de rten pa 'bras bu nyid du tha snyad 'dogs pa'i rten yin pa 'di las lhag par khyad par yod pa ma yin no de bas na 'bras bur khas len pa'i rgyu mtshungs pa yin na/ ji ltar na yi ge 'bras bu dag ma yin te/'bras bu kho na yin no zhes bya bar dgongs so/ /de zhes bya ba la sogs pa ni gzhan gyi yin te/ de dmigs pa'i rten can te/ gsal byed du mngon par 'dod pa'i rkyen gyi dbang gis dmigs pa gang yin pa de ni rten can 'bras bu nyid kyi tha snyad ma yin no/ /'o na ci yin zhe na/gang yod na 'gyur ba ste/ gang yod na gang 'bras bur gyur pa de ltar na 'bras bu'i tha snyad ni yod pa nyid kyi rten can yin no/ /yi ge dag rgyu rnams las yod par 'gyur ba nyid du ni ma yin gyi/ 'on kyang mi dmigs pa kho na yin no zhes bsams pa'o/ /yod pa nyid de zhes bya ba la sogs pa ni slob dpon gyi yin te/de ni bden te 'on kyang yod pa nyid de tshad ma gang las grub pa na/ gang gis yod pa nyid 'di 'bras bu nyid du grub par 'gyur/ 'di ma grub pa ste yod pa nyid 'di de ltar mi 'gyur te/ 'di yod na 'dir 'gyur ba de ltar mi 'gyur ro/ /de bas na yod pa nyid du grub na sgrub par byed pa ste/'bras bu nyid de sgrub par byed pa yin la yod pa nyid du 'grub pa de yang dmigs pa kho na yin no/ /grub pa ni shes pa'i rang bzhin nyid yin pa'i phyir ro/ /de bas na gang zhig med na mi 'byung ba nyid du yod pa nyid du dmigs pa gang yin pa de ni 'bras bu yin no zhes bya bar gnas so//de ni yi ge dag la yang mtshungs so/ /de ltar mi bden na zhes bya ba la sogs pa ni gzhan gyi yin te/ byed pa'i bya ba nyid las sgra dmigs pa de'i 'bras bu nyid 'gyur ba de ltar ni bden pa na/ gal te sgra de ni byed pa'i bya ba nyid las sngar yod pa nyid du grub par mi 'gyur gyi/ 'on kyang tshad ma gzhan gyis grub pa nyid yin no//grub pa sngon du song ba can gyi grub pa 'bras bu nyid grub pa ma yin gyi/ 'on kyang yod pa nyid du grub pa 'bras bu nyid du tha snyad 'dogs pa'i rgyu gang yin pa de ni ma grub pa sngon du song ba can yin te/ dper na bum pa sngar med pa rdza mkhan gyis bya ba las phyis grub pa lta bu'o//de lta bur gyur pa'i zhes bya ba la sogs pa ni grub pa'i mtha' smra ba yin te/ re zhig rtsol ba'i bya ba las sngar sgra yod pa nyid du grub pa ma yin te/ tshad ma med pa'i phyir dang / ngo shes pa la sogs pa de'i sgrub par byed pa nyid du rtogs na ni 'khrul pa'i phyir ro zhes brjod pa'i phyir khas blangs nas kyang brjod par bya'o//sngar sgra yod pa nyid du grub pa yin pa yang bla ste/ de lta na yang de'i ngo bo gang yin pa de ma grub pa nyid ma yin nam/ de'i ngo bo de gang zhe na/ de lta bur gyur pa zhes bya ba la sogs pa smos te/ de lta bur gyur pa ste gang la sgra rang gi mtshan nyid du snang ba'i rnam par shes pa ma chod pas nye bar sbyor ba'i ngang tshul yod pa zhes bya bar tshig rnam par sbyar ro//gal te de lta bur gyur pa'i ngo bo sngar grub par 'gyur na de'i tshe/ sgra rtag tu dmigs par 'gyur ro/ /gal te ji skad du bshad pa'i sgra'i ngo bo de ni grub pa yin mod kyi/ 'on kyang gzhan lhan cig byed pa'i rkyen dang bral bas rna ba'i rnam par shes pa'i rgyu nyid du nye bar sbyor ba ma yin no zhe na/gal te 'di ltar lhan cig byed pa thag nye ba na phyis rang gi shes pa la nye bar sbyor ba gang yin pa dang 'bad rtsol las sngar nye bar sbyor ba ma yin pa'i gnas skabs de dag ni phan tshun 'gal ba yin na/ da ni nye bar sbyor ba dang 'gal ba dag ci ltar tha dad pa med de/ 'on kyang tha dad pa kho na yin no//gnas skabs de gnyis kyang tha dad pa nyid ni bden te/ sgra'i bdag nyid du gyur pa nyid kyang ma yin te/ don gzhan yin no zhe na/ de'i phyir khyad par ni zhes bya ba la sogs pa smos te/ gnas skabs de dag gi khyad par te bye brag ni rang bzhin las bzlog pa ni ma yin no zhes bya ba'i don to//gal te tha dad par 'gyur ba de'i tshe phul du byung ba de nyid la sgra'i shes pa la nye bar sbyor ba grub pa ste rgyu nyid du grub pa'i phyir ro/ /'pho ba med pa can gyi sgra'i ngo bo de ni rgyu med pa nyid du thal bar 'gyur ba'i phyir ro/ /de ltar na gang kho na yod na bsgrub byar grub pa de nyid ni bsgrub par bya ba de la nye bar sbyor ba can du rigs kyi gzhan du ni ma yin no//sgra phul du dbyung ba dngos su shes pa la sbyor bar byed cing phul du dbyung ba la yang sgra nye bar sbyor bar byed pa de bas na brgyud pas sgra yang shes pa la nye bar sbyor ba yin no zhe na/ de'i phyir na phul du byung ba zhes bya ba la sogs pa smos te/ sgra 'di phul du byung ba de ni nye bar sbyor ba rtogs na yang de dang 'dra bar thal bar 'gyur ba ste/ rnam par shes pa dang 'dra bar thal bar 'gyur/ ji ltar rnam par shes pa'i bya ba la sgra phul du byung ba don gzhan du 'gyur ba'i sgo nas nye bar sbyor bar byed pa de dang 'dra bar phul du byung ba'i bya ba la yang / phul du byung ba don gzhan du gyur pa brtag par bya dgos pa de lta na thug pa med par 'gyur ro zhes bya ba ni bsdus pa'i don to//de bas na de las gzhan pa ste rang gi yul la shes pa skyed par byed pa ma yin pa'i sgra'i rang bzhin gyi khyad par gyis/ khyad par du byed do/ /gang gis zhe na/ nus pa bar du ma chod pas nye bar sbyor ba gnas skabs tha dad pa gang la yod pa zhes tshig rnam par sbyar ro//sgra'i rang gi ngo bo skyed par byed pa'i gnas skabs las gzhan skyed par mi byed pa'i gnas skabs kyi khyad par zhes bya ba'i don to/ /de lta ma yin na 'bad rtsol las sngar yang rnam par shes pa skyed par 'gyur ro//gal te lhan cig byed pa dang bral ba'i phyir skyed par mi byed do zhe na/ phul du dbyung du med pa can gyi zhes bya ba la sogs pa smos te/ 'di la lhan cig byed pas byas pa'i phul du byung ba yod pa ma yin pas na phul du dbyung du med pa can te/ rtag pa 'di la zhes bya ba'i don to/ /lhan cig byed pa la ltos pa yang sngar bkag zin to//sgra'i rang bzhin skyed par byed pa de yang byed pa'i bya ba nyid la grub pa'i phyir/ 'bras bu thams cad dang chos mtshungs pa nyid can te/ gang las 'bras bu thams cad dang chos mtshungs pa yin pa zhes tshig rnam par sbyar ro/ /'bras bu thams cad dang chos mtshungs pa can gyi sgra de 'dra ba de gsal ba yin par 'dod na/myu gu la sogs pa thams cad kyang gsal bya'am/ cung zhig kyang gsal bya ma yin te/ sgra yang 'bras bur 'gyur bar khyad par med par 'gyur ba'i phyir ro/ /de ltar ni rang shes pas te rgyus gzhan gyi shes pa'i rgyu de'i don te/ gzhan blo'i rgyu ni gsal byed 'dod/ gang gi tshe zhe na/ grub pa'i don la ste/ gang gi tshe byed pa po las gsal bya 'di'i yod pa nyid rnyed par 'gyur ba na'o/ /dper na sgron ma bzhin te/ rdza mkhan las grub pa'i bum pa la de'i shes pa'i rgyu gsal byed yin pa lta bu'o/ /gzhan du na'ang ste/ gang gi tshe gsal bya sngar ma grub par 'gyur ba de'i tshe byed pa po ste rgyu las gsal byed 'di la khyad par ci zhig yod/bdag nyid ces bya ba la sogs pas 'chad par byed de/ bdag nyid rtogs pa'i sgo ste thams cad rgyu des bum pa la sogs pa gzhan rtogs pa'i rgyu 'jig rten na sgron ma la sogs pa dang 'dra bar gsal byed du grags pa yin no//gal te 'di ltar gsal bya de gsal byed kyi byed pa las sngar grub par 'gyur ro/ /sgron ma la sogs pa yang dmigs su rung ba'i bum pa'i skad cig ma snga mar ma grub pa nyid las skyed par byed pa ma yin nam/ gal te der sngar grub pa zhes bya ba de gang la bya zhe na/de'i phyir rigs mthun pa zhes bya ba la sogs pa smos te/ sngar dmigs su rung ba ma yin pa'i bum pa'i skad cig ma rigs mthun pa'i nye bar len pa'i skad cig ma de ni gsal bar byed pa'i byed pa las sngar grub pa'i rgyu'i phyir/ gal te de sngar grub par gyur te zhes brjod do/ / gsal byed las rnyed pa'i shes pa'i rgyu phul du byung ba de ni sngar grub pa'i phyir grub pa zhes mi bya'o/ /ci'i phyir zhe na/ ji skad du bshad pa'i phul du byung ba de nyid na/ de'i tshogs pa'i rkyen can nyid yin pa'i phyir te/ gang gsal byed kyi tshogs pa'i rkyen de rgyu yod pa de ni zhes bya bar tshig rnam par sbyar ro//rgyu'i rang bzhin gyi byed pa las sngar ma grub pa dmigs pa gang yin pa de dag kyang byed pa po dag yin no/ /ci dang 'dra bar zhe na/ bum pa la sogs pa'i rdza mkhan la sogs pa lta bu'o/ /sgra'i dmigs pa'i rgyu dag kyang rdza mkhan la sogs pa dang mtshungs pa'i phyir ro//sgra yang bum pa la sogs pa gzhan du 'bras bu nyid yin no/ /yul dang dus la sogs pa tha dad du zin kyang sgra de nyid 'di yin no zhes shes pa skyed par 'gyur la ngo shes par 'gyur ba de nyid kyi phyir sgra gcig nyid du rtogs pa de ltar na rtag pa nyid yin no/ /mi rtag pa nyid yin na ni du ma nyid yin pa'i phyir ngo shes pa nyid du mi 'gyur ba ma yin nam/de ltar na gzhan gyi don la sbyor bar byed pa gang yin pa de sbyor ba la sngar yod pa yin te/ dper na ste'u la sogs pa'i gcod pa nyid bzhin no/ /des gzhan shes pa'i phyir sgra don gzhan la sbyor bar byed pa de yang sngar yod pa nyid yin no zhe na/ de'i phyir ngo shes pa zhes bya ba la sogs pa smos te/ grub pa'i rgyu dag gis zhes bya ba sgra yod pa dang med pa nyid du bsgrub pa'i rgyu de dag gis kyang rgyu'i mtshan nyid gso bar byed pa ma yin no/ /de ltar na mi rtag pa nyid yin du zin kyang sgron ma la sogs pa la ngo shes pa mthong ngo / /de bas na ngo shes pa ni ma nges pa yin no//sgra sbyor bar byed ces bya ba bstan pa gang yin pa de la yang / byed pa'i bya bas bskyed par bya ba zhes bya ba'i don 'di yin gyi/ yod pa rnam par gnas pa'i phyir te ste'u la sogs pa bzhin no zhes sbyor ba ni ma yin no/ /de ltar na ste'u la sogs pa'i sbyor ba ni don du brjod par 'dod pa'i gtan tshigs gnyis pa ni cig shos la ma grub pa yin no//rtags gang cung zad sgra gcig nyid du grub par bya ba'i phyir brjod pa phyis te/ phyis 'gyur ba'i ngang tshul can yi ge a rtogs pa gang yin pa de ni snga ma dang tha dad pa med pa'i yul can yi ge a snga ma rtogs pa dang yul gcig pa can te/ 'dis ni sgra gcig pa nyid du sgrub par byed pa nyid kyi phyir rtag pa nyid du sgrub pa yin no snyam du sems so//yi ge a rtogs pa'i phyir zhes bya ba ni gtan tshigs so/ /de dang 'dra'o zhes bya ba ni snga ma yin/ a rtogs pa dang 'dra'o zhes bya ba la sogs pa'o/ /stsogs pa'i sgras ni phyis yi ge i rtogs pa ni yi ge i rtogs pa'i phyir zhes bya ba la sogs pa gzung ngo //sbyor ba ni gang dang gang yi ge a rtogs pa de dang de ni sngar yi ge a rtogs pa dang tha dad pa med pa'i yul can yin te/ dper na yi ge sngar a rtogs pa lta bu'o/ /yi ge a rtogs pa yang phyis kyang yi ge a rtogs so zhes bya ba ni rang bzhin gyi gtan tshigs ltar bcos pa'o//sgrub par byed pa des kyang rang gi mtshan nyid snga phyi dag tha dad pa med par sgrub par nus pa ma yin no/ /de ltar na gtan tshigs 'di ni khyad par gyis te/ phyis yi ge a rtogs pa ni snga ma dang tha dad pa med pa'i yul can yin te/ yi ge a rtogs par 'gyur ro zhes bya ba'am/ phyis te yi ge a tsam rtogs pa nyid kyi phyir zhes bya ba la sogs par 'gyur grang na/ rtogs pa dang po ni gtan tshigs ma grub pa yin no/ /ci'i phyir zhe na/ de'i rang bzhin ma grub pa'i phyir te/ phyis kyi yi ge a rtogs pa ni sngar yi ge a rtogs pa'i rang bzhin nyid du ma grub pa'i phyir ro/ /yi ge a rtogs pa gnyis pa ni rang bzhin tha dad pa nyid yin pa'i phyir ro//ci ste spyi rtogs pa yin pa de'i tshe spyi rtags su brjod pa na/ sngar yi ge a rtogs pa na tha dad pa med pa'i yul can la yang 'gal ba med de/ ji ltar rtogs pa de dag la yi ge a rtogs pa nyid spyi nyid yin pa de ltar yi ge a'i yul can nyid yin pa la yang 'gal ba ci zhig yod/de ltar grub pa sgrub pa yin no zhes dgongs so// //bam po sum cu pa/ ci ste gtan tshigs spyis sngar gyi yi ge a'i rang gi mtshan nyid kyi yul can nyid phyis kyi yi ge a'i rtogs pa de'i tshe/ yul gcig pa can te/ gnas skabs snga ma'i yi ge a'i yul can gcig dus phyis 'byung ba can gyi rtogs pa snga ma dang phyi ma'i ngo bo ste/sngar dang phyis 'byung ba can dang 'gal ba yin no/ /ci'i phyir zhe na/ rgyu thag nye ba can dang thag nye ba can ma yin pa nyid kyis go rims bzhin du 'bras bu skyed pa dang mi skyed pa nyid kyi phyir ro/ /gang gi tshe snga phyir 'byung ba'i ngang tshul can gyi rtogs pa dag yi ge a gcig gi yul can nyid yin pa de'i tshe rgyu thag nye ba can nyid yin pa'i phyir cig car 'byung bar 'gyur ro//ci ste yi ge a rtogs pa dang po'i rgyu thag nye ba na yod du zin kyang / re zhig yi ge a rtogs pa gnyis pa mi skye ba de'i tshe/ yi ge a rtogs pa dang po'i rgyu thag nye ba yin du zin kyang yi ge a rtogs pa'i khyad par phyi ma phyi ma mi skye ba ni de'i rgyu can ma yin pa nyid kyi phyir te/yi ge a rtogs pa snga ma'i rgyu ni/ 'di'i rgyu ma yin no zhes bya ba'i don to/ /de bas na snga phyir 'byung ba'i ngang tshul can gyi rtogs pa de dag ni gang la rgyu ma lus pa tha dad pa yod pa zhes bya bar tshig rnam par sbyar ro//'dod par mi 'gyur na/ yi ge a rtogs pa de dag ni sgra gcig rtogs pa de dag kho na rgyu nyid du tha dad pa med mod kyi/ gzhan lhan cig byed pa tha dad pa de bas na cig car skye ba ma yin no zhe na/ de'i phyir de la zhes bya ba la sogs pa smos te/rgyu'i tshogs pa de la rgyu gcig tha dad pa med du zin kyang rtogs pa cig car 'byung ba nyid du 'gyur ro/ /ci'i phyir zhe na/ nus pa ste rgyu gcig po de ni rgyu gzhan la ltos pa med pa'i phyir ro/ /de'i tshe snga phyi rtogs pa dag ni yul gcig pa can nyid du rigs pa dang 'gal lo/ /de thams cad kyis ni yi ge a rtogs pa phyi ma ni yi ge a rtogs pa snga ma tha dad pa med pa'i yul can du bsgrub par bya ba la dam bcas pa la rjes su dpag pas gnod pa nyid bstan to//'dir rjes su dpag pa yang 'di 'dra bar brjod par bya ste/ go rims bzhin du 'byung ba de ni yul cig car ma yin te/ dper na mig dang rna ba'i rnam par shes pa rim bzhin du 'byung ba lta bu'o//yi ge a rtogs pa snga phyi yang rim bzhin 'byung ba yin no/ /yul gcig pa can nyid la ni rim bzhin du 'byung ba ma yin pas khyad par yin la/ de dang 'gal ba ni rim bzhin du 'byung ba yin no zhes bya ba ni khyab par byed pa 'gal ba'o/ /gzhan yang rtogs pa dus snga phyis 'gyur ba'i ngang tshul can gyi snang ba tha dad pa nyid du yod pa yin te/myur ba dang dal ba dang drag pa la sogs pa'i bye brag gi yi ge a snang ba'i gnas skabs tha dad pa nyid kyi phyir ro/ /snang ba tha dad pas kyang rang bzhin tha dad pa nyid yin na de la rtogs pa'i snang ba dang rang bzhin tha dad pa ste/yi ge a gnyi ga yang yi ge a rtogs pa zhes bya ba de ltar ming mtshungs pa'i phyir ro/ /yul gcig pa can nyid du yang rigs pa ma yin no/ /ci'i phyir zhe na/ bum pa la sogs pa dag la yang thal bar 'gyur ba'i phyir te/ bum pa rtogs pa snga ma gang yin pa bum pa gzhan rtogs pa phyi ma gang yin pa de dag kyang /bum pa rtogs pa zhes bya ba de ltar ming mtshungs pa'i phyir yul gcig pa can nyid yin na de ltar na bum pa gcig gis thams cad la khyab par 'gyur ro/ /gal te bum pa la sogs pa gcig nyid du bsgrub pa de la mthong ba 'gal ba ste/ bum pa la sogs pa du ma nyid du mthong ba nyid kyi phyir ro/ / de bas na gcig nyid sgrub par byed pa ma yin no zhe na/ yi ge gcig nyid du sgrub pa 'di mthong ba dang 'gal ba med pa tshad ma gang gis grub pa yin pa ste/ 'di la yang byed pa rnams skyes bu so so tha dad pas tha dad pa kho nar mthong ba yin no zhes bya ba'i don to/ /ming mtshungs pa'i phyir zhes bya ba'i gtan tshigs 'di yang ma nges pa yin no zhes bstan pa'i phyir/ji srid ces bya ba la sogs pa smos pa la/ de skad du brjod pa zhes bya ba'i yi ge a rtogs pa yi ge a rtogs pa zhes de ltar ming mtshungs pa brjod pa don tha dad pa med cing yul gcig pa can nyid kyis khyab pa ma grub pa de srid du ldog pa la the tshom za ba ste/ming mtshungs pa dang tha dad par 'gyur ba la'o/ /byed pa so so tha dad pas zhes bya ba skyes bu tha dad pas byed pa tha dad pa ste/ gang gi tshe byed pa so so tha dad pas sgra tha dad pa'i rang bzhin can mnyan pa ste/ rna ba'i rnam par shes pa la snang zhing 'byung ba na gcig sgrub par byed pa de'i tshe/ ci'i phyir bum pa la sogs pa yang gzugs gcig pa can du sgrub par mi byed de/ de dag kyang sgrub par byed pa'am khyad par brjod par bya'o/ /gal te sgra gcig nyid yin du zin kyang gsal byed tha dad pa las snang ba tha dad par gzhag par nus so zhe na/ de la yang zhes bya ba la sogs pa de la gsal byed tha dad pa las snang ba tha dad do zhes bya ba ste/bum pa la sogs pa ngo bo gcig pa can nyid yin mod kyi 'on kyang gsal byed tha dad pa las tha dad par snang bar 'gyur ro zhes lan btab pa nus pa kho na yin no/ /gzhan yang byed pa rnams kyi tshogs pa'i yongs su bskyod pa la sogs pa'i mtshan nyid can gyi bya ba yis ni nges par yang /sgra dmigs phyir 'bras bu nyid yin te thob par 'gyur/ ci'i phyir zhe na/ rgyu gsal byed mi srid pa'i phyir te/ nges pas gsal bya ba'i dmigs pa mi srid pa'i phyir ro/ /'ga' zhig gi tshe yang zhes bya ba la sogs pas 'chad par byed de/ byed pa'i bya ba ci 'dra bas sgra dmigs par bya ba de 'dra bas 'ga' zhig gi tshe yang byed pa'i bya ba rnams la sgra mi dmigs pa ni yod pa ma yin gyi 'on kyang dmigs pa kho na yin no//gdon mi za bar gsal byed kyi bya bas don la dmigs par byed cing 'dzin par byed pa ma yin no/ci'i phyir zhe na/ bum pa la sogs pas stong pa'i sa phyogs 'ga' zhig na sgron ma la sogs pa'i mtshan nyid can gyi gsal byed yod du zin kyang bum pa mi dmigs pa'i phyir ro/ /de bas na sgra de ni de'i bya ba ste/ byed pa'i bya ba las nges par dmigs pa des 'byung bar 'gyur ba ste/ byed pa'i bya ba las sgra skye ba yod par 'gyur ro//de bas na sgra ni bskyed par bya ba nyid yin gyi gsal bya ni ma yin no/ /ji ste byed pa po sgra'i byed pa po ma yin no de'i byed pa po ma yin pa'i bya ba yod na yang de grub pa ste/ sgra sgrub par mi rung ba'i phyir ro/ /gal te sgra khyab pa dang rtag pa yin pa de bas na/ sgra dag kyang khyab pa dang /rtag pa nyid kyi phyir gsal byed kyi byed pa'i bya ba las thams cad du dmigs pa yin gyi/ bum pa la sogs pa ni khyab pa dang rtag pa ma yin pa de bas na gsal byed kyi bya bas gdon mi za bar dmigs pa ma yin no zhe na/ gal te de lta yin na da ni bum pa la sogs pa dag nges pa ste/'bras bu yid ches pa ci zhig yod de/ dper na ji srid du de dag rtag pa ma yin zhing khyab par byed pa ma yin na/ de ltar na de dag khyab pa dang rtag par 'gyur ro/ /gal te ji ltar na thams cad du thams cad kyi tshe dmigs par mi 'gyur zhe na/ brgal ba de ni sgra la yang mtshungs te/de la lan btab pa gang yin pa de ni bum pa la sogs pa dag la yang 'gyur ro/ /gal te bum pa la sogs pa de dag de ltar khyab pa dang rtag pa nyid du mi 'dod pa'i phyir ro zhe na/ de dang chos mthun pa nyid can te/ bum pa la sogs pa dang chos mthun pa nyid can gyi sgra ci'i phyir 'dod/'di la phul du byung ba cung zhig kyang med do zhes bshad zin to zhes bya ba bum pa la sogs pa dag la yang thal bar 'gyur ro zhes bya ba la sogs pas 'gal ba med pa bshad zin pa nyid kyi phyir ro/ /sgra khyab par byed pa dang rtag pa nyid kyang gong du bkag zin pa de ltar na/ de ni cir yang mi rung ngo / / bum pa zhes bya ba la sogs pa ni gzhan gyi yin te/ byed pa po med par gsal bar byed pa gzhan srid pa'i phyir skyon yod pa ma yin pa ste/ sgra dang mtshungs pa nyid du thal ba'i nye bar yod pa ma yin no/ /gsal byed gzhan nyid bstan pa'i phyir de dag gi zhes bya ba la sogs pa smos te/ bum pa la sogs pa de dag gi gsal byed 'jig rten pa la rab tu grags pa yin gyi/rdza mkhan la sogs pa ni ma yin no/ /ji ste rdza mkhan la sogs pa yang gsal byed du 'gyur ba de'i tshe/ rdza mkhan la sogs pa dag gsal byed nyid yin na bum pa la sogs pa de dag de 'dra ba nyid du 'gyur ba ste/ ji ltar sgron ma la sogs pa dag ni byed pa po nyid yin te/lhag mar gyur pa'i phyir ro/ /de ltar rdza mkhan la sogs pas kyang 'gyur na de ltar yang ma yin no/ /rdza mkhan la sogs pas khyad par du byed par 'gyur ba ni gsal byed kyi khyad par las tha dad par 'jug pa'i phyir rdza mkhan la sogs pa byed pa po nyid yin no/ / ci'i phyir zhe na/ phan 'dogs par byed pa la rnam pa gzhan med pa'i phyir te/ byed pa po nyid dang gsal byed pa nyid las ma gtogs pa'i rnam pa gzhan med pa'i phyir ro/ /de la gsal byed nyid yin pa bkag pa na rdza mkhan la sogs pa dag ni byed pa po nyid yin te/ lhag mar gyur pa'i phyir ro/ /sgra'i byed pa ma gtogs par gsal byed kyi rnam pa gzhan grub pa med pa de ltar na/gang gis sgra byed pa nyid la byed pa por btags par 'gyur/ de bas na bum pa la sogs pa dang 'dra ba med pa'i phyir sgra gsal bya nyid yin no zhe'o/ /de dang de ni zhes bya ba la sogs pa ni grub pa'i mtha' smra ba'i yin te/ gsal byed gzhan yod pa de dang de ni sgra dag la yang mtshungs so//gang gi phyir sgra de la yang dbang po dang yul rung ba la sogs pa dag las te/ rna ba'i dbang po dang / rna ba'i yul du rung ba'i gnas skabs las so/ /stsogs pa'i sgras ni yid la byed pa las kyang byed pa rnam par phul du byung ba'i phyir ro/ /gal te phul du dbyung ba nyid ji ltar yin zhe na/byed pa dag la zhes bya ba la sogs pa smos te/ kyang gi sgra ni gtan tshigs kyi don te/ bum pa la sogs pa'i byed pa po rdza mkhan la sogs pa'i tshogs pa gang yin pa de dag gi nges pa rang gi 'bras bu dmigs pa'i chos gang yin pa de ni byed pa dag la mthong ba'i phyir ro//de dag kyang bya ba'i khyad par dang ldan pas sgra nges par dmigs par 'gyur ba de bas na bum pa la sogs pa dang 'dra bar byed pa po dag nyid yin no/ /kyang gi sgra sdud pa'i don du 'chad pa gang yin pa de dag gis ni dbang po la sogs pa dag las byed pa rnams phul du byung ba ni/byed pa po'i chos kyi rjes su 'jug pa nyid du bshad pa'i phyir ro/ /re zhig sgra'i gsal byed gzhan du ma gyur cig snyam pa de lta na yang gsal bya nyid du mi rigs te/ thal ches pa'i phyir ro zhes bstan pa'i phyir/ sgron ma zhes bya ba la sogs pa smos te/ sgron ma la sogs pa gsal byed de nyid dang ro la sogs pa'i yul gzhan 'ga' zhig la sgron ma la sogs pa'i gsal byed gzhan med pa ste/gsal byed gzhan med pa de'i phyir de dag gi rgyu ste/ sgron ma la sogs pa'i rgyu dag kyang sgron ma la sogs pa de dag gi gsal byed dag tu 'gyur ro/ /gang gi phyir de ltar yin pa de bas na sgra ni byed pa dag gis gsal ba ma yin gyi/'on kyang skyed pa nyid yin no/ /gsal ba nyid rnam pa gzhan gyis gsal ba'i phyir 'gyur na yang zhes bya ba la sogs pa smos te/ byed pa dag las gsal bar 'gyur na yang rnam pa gsum du 'gyur te/ sngar gyi gnas skabs nas phul du byung ba dang ldan pa nyid dam/ sgra dmigs pa'i sgrib par byed pa dang bral ba'am/sgra la dmigs pa'i rnam par shes pa'i sgra gsal ba yin par 'gyur te/ rnam pa gsum ma gtogs par rnam pa gzhan med pa'i phyir ro/ /re zhig de la phul du byung ba skyed pa ni sgra gsal ba ma yin no/ /ci'i phyir zhe na/ sgra mi rtag pa nyid du thal bar 'gyur ba'i phyir ro//gal te phul du byung ba skyed pa yin na ni bla ste ci ltar na mi rtag pa yin zhe na/ de ni zhes bya ba la sogs pa smos te/ phul du byung ba skyed pa de ni ngo bo snga ma nyams pa yin dang phyis te phyis 'byung ba can gyi ngo bo skyed pa ste/ 'byung ba gang yin pa de'i mtshan nyid can yin pa'i phyir ro/ /ci ste zhes bya ba la sogs pas phyogs gnyis pa nye bar dgod pa yin te/gal te dpyod pa la khyod kyi sgra de'i skyed par byed pa'i ngo bo gang yin pa de ni dmigs pa la thogs par byed pa'i sgrib byed gang dag yin pa dag dang bral ba gang yin pa de sgra'i gsal ba yin par 'dod na/ ji ltar byed pa'i tshogs kyis byas pa yin/gang gi phyir sgrib par byed pa dang bral ba yang med pa yin pa de'i phyir/ ci'i phyir med pa rnam pa 'ga' zhig kyang 'bras bu ma yin pa de la byed pa'i tshogs kyis te/ byed pa 'dus pa'i nus pa de rung 'gyur ba ste/ ma yin no zhes bya ba'i don to/ /sgrib par byed pa zhes bya ba la sogs pas 'chad par byed pa la/de ni re zhig sgrib par byed pa'i rang gi ngo bo la byed pa rnams kyi nus pa med pa gang yin pa'i phyir sgrib par byed pa grub pa'i ngo bo byed pa cung zad kyang mi byed par nus pa med pa dag ni sgrib par byed pa dag dang bral ba yin du zin kyang nus pa yod pa ma yin no/ /gang gi phyir bral ba yang med pa yin la med pa yang 'bras bu ma yin no zhes sngar spyi gsal bar dpyod pa'i skabs su brjod zin to zhes bstan to//sgrib par byed pa khas blangs nas de skad du bshad nas de nyid med do zhes bstan pa'i phyir sgra zhes bya ba la sogs pa smos te/ sgra rtag pa ma byas pa phul du byung ba nyid ma yin pa'i phyir sgrib par byed pa cung zad kyang yod pa yin na/gang gis sgrib par byed pa dang bral ba gsal bar 'gyur/ ci'i phyir zhe na/ sgrib par byed pa de ni dngos po rtag pa nyid la nus pa med pa'i phyir ro zhes bya ba yang bshad zin to/ /gang gi phyir de ltar yin pa de bas na sgrib par byed pa la byed pa dag nye bar dgod par bya ba ma yin pa ste/byed pa dag gis sgra sgrib par byed pa dang bral bar byed do zhes bya ba de ltar nye bar dgod par mi bya'o zhes bya ba'i byed pa de dag kyang sgra la nus pa med pa nyid ma yin no/ /ci'i phyir zhe na/ de dag gi bya ba med pa ste/ byed pa dag gi bya ba med par sgra mi dmigs pa'i phyir ro//de bas na byed pa'i bya ba de dag gis sgra byed par 'gyur ro/ /de ltar ma yin na ste/ gal te byed pa po ni ma yin gyi/ 'on kyang gsal ba byed pa nyid yin pa de'i tshe/ sgra dang khyad par med pa'i phyir rdza mkhan la sogs pa dag gis bum pa la sogs pa gzhan dag kyang gsal ba thob par 'gyur ro//ji ste rdza mkhan la sogs pas bum pa la sogs pa de dag gsal ba nyid du 'dod pa de'i tshe/ de bzhin du ni khas len na/ rgyu rnams kun ni don med nyid 'gyur te bya ba 'ga' zhig kyang med pa'i phyir ro/ /gal te zhes bya ba la sogs pas kyang 'chad par byed de/ gal te rgyu thams cad dang chos mthun pa nyid can gyi byed pa sgra gsal bar byed pa dag gis kyang ste/byed pa gang dag la rgyu thams cad dang chos mthun pa nyid yod pa zhes bya bar tshig rnam par sbyar ro/ /de'i tshe da ni 'ga' zhig kyang 'ga' zhig gi 'bras bur mi 'gyur te/ bum pa la sogs pa rnam par gzhag pa thams cad gsal ba nyid yin pa'i phyir ro//gal te med pa la skye ba med pa'i phyir thams cad gsal bye nyid du 'dod do zhe na/ de yang zhes bya ba la sogs pa smos te/ de zhes bya ba ni thams cad mngon par gsal bar rtogs pa'o/ /de ci'i phyir zhe na/ rgyu thams cad gsal bar byed pa nyid du mngon par 'dod pa dag don med par thal bar 'gyur ba'i phyir ro//de ltar gsal bar byed pa dag ni dngos po gsal bar bya ba phul du byung ba dang / sgrib par byed pa med pa dang / shes par byed pa'i phyir gsal byed du 'gyur ro zhes bya ba'i rtogs pa gsum du 'gyur grang na/ re zhig gsal bya phul du byung ba byed pa'i phyir ni ma yin no//ci'i phyir zhe na/ gnas pa'i ngo bo can gyi dngos po ni bya ba ma yin pa'i khyad par can nyid yin pa'i phyir ro/ /sgrib par byed pa dang bral ba'i phyir yang ma yin te/ sgrib par byed pa de ni 'bras bu nyid ma yin pa'i phyir ro/ /rnam par shes pa byed pa'i phyir yang gsal bar byed pa ma yin no//de ci'i phyir zhe na/ de'i yul can gyi shes pa yang dngos po dang 'dra bar 'bras bu yod par smra ba'i gzhung las grub pa'i phyir ro/ /ji ste shes pa la 'ga' zhig gi byed pa po nyid du 'dod na de la khyad par med pa'i phyir shes pa dang 'dra bar bum pa la sogs pa yang rdza mkhan la sogs pa rnams byed pa po nyid du 'gyur ro//de nyid ni de lta bur gyur pa zhes bya ba la sogs pa smos te/ shes pa'i byed pa por chos mtshungs pa can de lta bur gyur pa rdza mkhan la sogs pa gzhan dag la yang de lta bur gyur par thal ba ste/ bum pa la sogs pa la byed pa po nyid du thal ba'i sgo nas dngos po thams cad 'bras bu nyid du thal bar 'gyur ba'i phyir te/khyad par brjod par bya ba yang gang gis shes pa la byed pa po nyid yin gyi bum pa la sogs pa la ni ma yin no/ /thams cad 'bras bu nyid du 'dod pa ni ma yin te/ thams cad gsal ba nyid du mngon par 'dod pa'i phyir ro//gsal bya'i rnam pa gzhan yang yod pa ma yin pa de bas na don gyi tshogs bum pa la sogs pa'am/ gzhan byed pa por 'dod pa 'di bum pa la sogs pa'i gsal ba 'ga' zhig la nye bar sbyor ba ma yin te/ dngos po ni bya ba ma yin pa'i khyad par can nyid yin no zhes bya ba la sogs pa'i de ma thag tu gsal ba bkag pa nyid kyi phyir ro//med pa'i bya ba la yang nye bar sbyor ba ma yin te/ 'ga' zhig kyang 'bras bu nyid du khas mi len pa'i phyir don med pa nyid du 'gyur ro/ /de ltar na zhes bya ba byed pa po rnams 'bras bu med pa can yin na 'gro ba 'di byed pa med pa ste/ bya ba med par 'gyur ro//ji lta bur gyur pa zhig ce na/ phan gdags par bya ba dang phan 'dogs par byed pa can ma yin pa ste/ gang la phan gdags par bya ba dang / phan 'dogs par byed pa yod pa ma yin pa zhes bya ba tshig rnam par sbyar ro/ /gzhan yang sgra rtag pa nyid du bsgrub par bya ba la yang ngo shes pa dang yod sbyor stsogs/gang yin sgrub byed 'dod na ni ste/ khas len na dper na sgra rtag ste ngo shes par 'gyur ba nyid kyi phyir dang yod par sbyor ba'i phyir ro/ /gang rab tu sbyor bar byed pa de ni sngar yod pa yin te/ dper na ste'u la sogs pa'i gcod pa nyid lta bu'o/ /don ston pa'i phyir sgra sbyor bar byed pa de bas na de yang sbyor ba las sngar yod pa yin no//stsogs pa'i sgras ni phyis yi ge a rtogs pa ni snga ma dang tha dad pa med pa'i yul can yin te zhes bya ba la sogs pa'i sgrub par byed pa gzung ngo / /dpe med pa can yin te/ gang rtag pa 'ga' zhig la sgrub par byed pa de gnas pa yod pa ma yin pas na dpe med pa can yin no//ci'i phyir zhe na/ dngos kun ni skad cig gis ni 'jig phyir ro/ /re zhig tshig de nyid rnam par 'grel pa'i phyir/ dngos po zhes bya ba la sogs pa smos te/ 'jig pa'i rgyu med pa nyid kyi phyir zhes sngar bshad pa dang phyis 'chad par 'gyur ro/ /'jig pa'i sgo nas mi rtag pa nyid du bstan nas skye ba'i sgo nas kyang bstan pa'i phyir gzhan las zhes bya ba la sogs pa smos te/gzhan las te rgyu gzhan las dngos po thams cad skye ba can yang yin pa de bas na mi rtag pa nyid kyang yin no/ /ci'i phyir zhe na/ gzhan las skye ba yin gyi ci'i phyir glo bur ba nyid du 'gyur ba ma yin zhe na/yod pa nyid ni zhes bya ba la sogs pa smos te/ glo bur ba nyid la yul dang dus dang rdzas des pa med pa'i phyir ro/ /de nyid sngar bshad zin to/ /de bas na zhes bya ba de'i phyir ro/ /ngo shes pa dang yod par sbyor ba la sogs pa'i rtags ni mthun pa'i phyogs su 'gyur ba'i dngos po'i ngo bo gcig pa can 'ga' zhig la yang 'jug pa ma yin no//rgyun la brten pa nyid du brtag pa'i phyir yang gcig smos pa yin la/ skad cig ma gcig la yang ngo bo gcig pa nyid yod pa'i phyir brtan pa smos te/ dus thams cad du 'jig pa can ma yin no zhes bya ba ni bsdus pa'i don to//sgron ma la sogs pa gang dag la rang bzhin gzhan dang gzhan du ste/ phan tshun gyur pa'i skye ba yod pa de dag nyid la ngo shes pa la sogs pa'i rtags mthong ba'i phyir mi mthun pa'i phyogs nyid la yod pas na 'gal ba nyid yin no/ /ma yin te zhes bya ba la sogs pas ni gzhan gyi yin te ngo shes pa 'gal ba ma yin no//ngo shes pa gang la skye ba tha dad pa med pa bstan pa ngo bo gcig pa can yod pa ste/ 'khrul pa sgron ma la sogs pa dag la yod pa'i phyir ro/ /gal te 'khrul pa nyid ji ltar yin zhe na/ chos mthun pa nyid can du rnam par 'khrul pa'i phyir te/ skad cig ma snga phyi dag gis 'dra ba gang yin pa des rnam par 'khrul pa ste bslus pa'i phyir ro//de skad du ngo shes pa 'khrul pa med pa gtan tshigs nyid du gzung ba de yang sgron ma la sogs pa la gnas pa ma yin no zhes rjod par byed do/ /skye ba tha dad pa med pa can zhes bya ba la sogs pa ni slob dpon gyi yin te/ gang la brten nas te tshad ma gang gis skye ba tha dad pa med pa can ngo shes pa zhes brjod pa yin/brtan pa ngo bo gcig pa can las ngo shes pa skye ba yin no zhes bya ba'i tshad ma cung zhig kyang yod pa ma yin no/ /ci'i phyir zhe na/ tha dad pa med pa de ni rdo rje la sogs pa thams cad la yang snga phyir te/ dper na rdo rje la sogs pa'i sngar gyi rang gi ngo bo gang yin pa phyis kyang de nyid yin nam/'on te gzhan nyid yin/ 'on kyang sgron ma la sogs pa bzhin du 'du ba las gcig nyid du 'khrul pa yin no zhes dpyad par bya ba nyid yin pa'i phyir ro/ /gal te ji ltar rdo rje la sogs pa'i tha dad pa med pa de bzhin du de dag gi tha dad pa yang nges pa med pa yin no zhe na/ma yin te grang ba dang dro ba'i reg pa tha dad pa la sogs pa nges pa'i phyir ro/ /de ltar ni rdo rje la sogs pa 'ga' zhig tu grang bar 'gyur ba 'ga' zhig gi dro bar 'gyur ba de yang tha dad pa med par mi 'thad pa'i phyir ro/ /khas blangs nas kyang nges pa yod pa ma yin par brjod pa ni de nyid kyi the tshom yin pa yang bla ste/gcig tu tha dad pa med pa nyid yin no zhes rtogs par mi 'gyur ba de lta na yang ngo shes pa zhes bya ba'i gtan tshigs tha dad pa med pa'i go rims rigs pa ma yin no/ /de nyid ni the tshom zhes bya ba la sogs pas ston te mthun pa'i phyogs la the tshom za ba'i ngo shes pa'i rtags las sgra dag gcig nyid du grub pa ma yin no//gal te gnas skabs snga phyi dag tha dad pa ste so sor mthong ba med pa'i phyir rdo rje la sogs pa dag gcig nyid du grub pa yin no zhe na/ ma yin no zhes bya ba la sogs pas 'gog par byed de/ rdo rje la sogs pa dag la tha dad par mthong ba yod pa ma yin no/ /ci'i phyir zhe na/ shes pa snga phyis rdo rje la sogs pa'i shes pa dag go rims bzhin du 'byung ba can nyid kyi yod pa dang med pa nyid du grub pa'i phyir ro/ /de ltar na rdo rje la sogs pa la dmigs pa'i phyis kyi shes pa sngar med pas rang gi rgyu'i khyad par sngar med pa nyid sgrub par byed cing phyis yod pas kyang yod pa nyid do zhes bya ba de ltar na shes pa snga ma dang phyi mas rdo rje la sogs pa yod pa dang med pa nyid du grub pa'i phyir ro//rang bzhin tha dad pa srid pa'i phyir te tha dad pa yod pa'i phyir ro/ /de nyid gsal bar bya ba'i phyir gal te zhes bya ba la sogs pa smos te/phyis 'byung ba zhes bya ba dus phyis 'byung ba'i ngang tshul can gyi shes pa sngar te/ shes pa snga ma'i dus na rgyu thag nye ba can dag yin na shes pa snga ma dang 'dra bar skye ba nyid du 'gyur na de ltar yang ma yin no/ /de bas na shes pa de dag mi skye na ni sngar rang gi rgyu dang bral ba ston par byed do//de lta ma yin na ni gal te rgyu de dag sngar yod par 'gyur ba yin na yang nus pa'am nus pa med par 'gyur grang na/ gal te nus na ni sngar yang skye bar 'gyur ro/ /ci'i phyir zhe na/ nus pa ni skyed par byed pa yin pa'i phyir ro/ /ci ste nus pa med na yang phyis kyang skyed par mi 'gyur ro//ci'i phyir zhe na/ nus pa med pa ni phul du byung ba nyid du byar med pa nyid kyis gang las kyang nus pa rnyed pa med pa'i phyir/ ci ste phyis 'ga' zhig las nus pa rnyed pa de'i tshe nus pa rnyed pa nyid yin na ni brtag pa nyid mi rung ba'i phyir te/ sngar gyi nus pa med pa'i rang bzhin nyams nas nus pa gzhan skyed pa'i phyir ro//de bas na go rims bzhin du 'byung ba'i ngang tshul can gyi yul gyi shes pa dag gis rang gi yul gyi go rims kyang sgrub par byed pa de ltar na dngos po thams cad tha dad par grub pa'i phyir mi rtag pa nyid yin no/ /gang gi phyir de lta yin pa de bas na yod pa'i sbyor ba 'di yin pa de lta na yang ste/gtan tshigs gnyis pa brjod pa gang yin pa des kyang sbyor ba po'i nus pas sgra la sogs pa skyed pa gang yin pa de nyid brjod pa yin no/ /rgyu'i nus pa las yod pa'i sbyor ba zhes bya ba'i bshad pa 'dis yin gyi/ sbyor ba po'i bya ba las sngar yod cing snang ba'i rang gi 'bras bu'i bya ba la sbyor ba las bya ba ni ma yin no//de lta ma yin na sbyor ba po'i bya ba las sngar ste'u la sogs pa'am/ sgra rang gi 'bras bu la nus pa yod pa de'i tshe/ bdag nyid kyi nus pa la sbyor ba med pa nyid kyi phyir ro/ /de ltar na skyes bu la ltos pa med par ste'u la sogs pa bdag nyid 'jug par 'gyur ro//gal te sbyor ba'i sgras skye ba nyid brjod pa yin na/ ci'i phyir ste'u la sogs pa dang sgra'i skye ba zhes mi brjod par ci'i phyir sbyor ba smos she na/ sbyor ba zhes bya ba yang zhes bya ba la sogs pa smos te/ 'dod pa ste mngon par 'dod pa'i don gcod pa la sogs pa sgrub par byed pa grub pa de la ste'u la sogs pa nus pa'i rang bzhin skyed pa nyid yin par brjod do//nus pa nyid ji lta bur gyur pa zhig ce na/ rigs mthun pa ste nye bar len pa 'dra ba rgyur gyur pa'i skad cig ma la ltos pa can zhes bya ba rigs mthun pa'i nye bar len pa la ltos pa can no/ /ste'u la sogs pa'i sbyor ba bzhin te/ gcod pa la sogs pa'i sbyor bar byed pa'i ste'u la sogs pa ni rigs mthun pa'i skad cig ma snga ma la ltos pa'i phyir ro/ /nye bar len pa la ltos pa med pa can ni las la sogs pa'i sbyor ba bzhin no/ /stsogs pa'i sgras ni sgra la sogs pa yongs su gzung ngo / /las la sogs pa la dang por sbyor bar byed pa dag la 'dra ba'i skad cig ma snga ma la ltos pa ni yod pa ma yin no//gang yang sngar lan du ma mthong ba'i dngos po lkog tu gyur pa yin du zin kyang / phyis dran pa sad pa'i rgyu 'ga' zhig las de nyid 'di yin no zhes ngo shes pa'i lkog tu gyur pa ngo shes pa tshad mar gyur pa ni ma yin mod kyi mdun na gnas pa'i dngos po las skyes pa gang yin pa de mngon sum ngo shes pa de yang mngon sum gyi tshad ma nyid yin te/mngon sum gyi tshad ma de nyid las dngos po rnams kyi brtan pa sgrub pa yin no snyam du sems gang yin pa'i mngon sum du gyur pa'i ngo shes pa de yang 'og nas dgag par bya'o/ /phyogs 'dis brtan pa bsgrub pa'i phyir smras pa'o//rtags ngan gzhan yang sun dbyung bya/ /'di ltar brtan pa bsgrub pa'i phyir gang sgrub par byed pa'i chos 'ga' zhig kyang rigs mthun pa ste/ dngos po brtan pa'i rang bzhin gcig gi rjes su 'gro ba yod pa ma yin no/ /ci'i phyir zhe na/ chos thams cad de'i gnas skabs can nyid yin pa'i phyir te//rang bzhin gzhan dang gzhan nyams pa dang skyed pa'i rang bzhin can nyid yin pa'i phyir ro/ /brtan par dam bcas pa thams cad kyang rigs pa dang 'gal ba'i phyir te/ rjes su dpag pa dang 'gal ba'i phyir ro/ /ji lta zhe na/ ji skad du brjod pa ste ji skad du bstan bcos 'dir skad cig ma nyid du sgrub pa brjod pa dang brjod par 'gyur ba'am/rang gi sde pa dag gis bstan bcos gzhan la ji skad du brjod pa de'i rjes su 'brangs nas rigs pa dang 'gal ba'i rgyu'i phyir ro/ /gzhan gyis kun du brtags pa'i brtan pa sgrub par byed pa'i gtan tshigs gzhan dag kyang skyon can du brjod par bya'o//de ltar na re zhig gsal ba'i rim pa yang dag ma yin no zhes bya ba'i skabs su gsal ba sgra phul du byung ba skyed pa'am/ de'i sgrib par byed pa dang bral ba'am/ shes pa zhes bya ba rnam par rtog pa gsum ste/ de la sgra rtag pa nyid kyi phyir phul du byung ba skye ba ma yin pa dang /sgrib par byed pa med pa ni 'bras bu nyid ma yin pa'i phyir sgrib par byed pa dang bral ba gsal bar byed pa ma yin no zhes bya bas rnam par rtog pa gnyis spangs nas shes pa gsal ba yin no zhes bya ba lhag mar byas pa yin no/ /de'i tshe yang gsal ba'i go rims ngag yin na blo'i go rims ngag yin no zhes bya bar 'gyur ro//rig byed kyi ngag skyes bus ma byas par bsgrub par bya ba yin la/ de yang de'i rang bzhin yin pa de ltar blo nyid kyang skyes bus ma byas pa nyid du 'gyur ro/ /de la blo ni skyes bu'i rten can min te skyes bu la brten pa can ma yin pa bsgrub par bya ba dam bcas pa la gnod pa yin no//gang gis she na/ khas blangs mngon sum grags pa dang rjes su dpag pas cig car te dus gcig tu'o/ /khas blangs pas ni khas len pas so/ /rab tu grags pa nyid ni grags pas so/ /rjes su dpag pa nyid ni rjes su dpag pa'o//gal te zhes bya ba la sogs pas 'chad par byed do/ /gal te gsal ba blo yin na de'i go rims ngag yin la de yang blo las don gzhan du gyur pa ma yin pa'i phyir go rims de skyes bus ma byas pa nyid du sgrub par byed pa na/ blo nyid skyes bus ma byas pa nyid du sgrub par 'gyur ro/ /de yang grub pa'i mthar te/dpyod pa pa'i lung la gnod par 'gyur ro/ /ci'i phyir zhe na/ blo rnams ni rang gi grub pa'i mtha' la skyes bus yon tan nyid du khas blangs pa'i phyir ro/ /khas blangs pas gnod pa 'dis kyang rang gi tshig gis gnod pa bsdus pa'i phyir so sor ma smos so/ /mngon sum gyis gnod pa bstan pa'i phyir blo 'di ni zhes bya ba la sogs pa smos te/blo 'di ni yid la byed pa la sogs pa dag las 'gyur ro zhes bya ba gang yin pa de yang mngon sum yin no/ /stsogs pa'i sgras ni dbang po la sogs pa yongs su gzung ngo / /yid la byed pa la sogs pa ci 'dra ba dag las zhe na/skyes bur bgrang ba can te/ skyes bu zhes bya ba la sogs pa tha snyad zor yang bar bya ba'i phyir brdar btags pa can dag gis yin te/ skyes bu zhes bya ba logs shig na yod pa ma yin no/ /de ni rang gi 'dod pas bshad pa yin no/ /skyes bu'i yon tan zhes bya ba skyes bu tha dad pa'i yon tan yin te de ni gzhan gyi 'dod pas bshad pa yin no//de bas na yid la byed pa la sogs pa dag las skye bar 'gyur ba'i 'bras bu nyid du mngon sum du grub pa yin no/ /de skyes bus ma byas pa nyid du sgrub pa na mngon sum gyis gnod pa yin no/ /'dod pa ni 'gyur na 'bras bu nyid mngon sum ma yin pa de bas na mngon sum gyis gnod pa ma yin no zhe na/de'i phyir yod pa dang zhes bya ba la sogs pa smos so/ /rgyur mngon par 'dod pa yod na dngos po snga na yod pa ma yin pa nyid du 'byung ba dang / de med na mi 'byung ba zhes bya ba de ni yod pa dang med pa'i khyad par yin no/ /de dag las 'bras bu gzhan nyid med do//ji skad du bshad pa yod pa de yang mngon sum kho nas yin no/ /gal te de med par yang med pa ji ltar mngon sum gyis grub pa yin zhe na/ mi dmigs pa'i mtshan nyid can gyi med pa yang zhes bya ba smos te/ med pa gang la mi dmigs pa'i mtshan nyid kyi rang bzhin yod pa zhes bya bar tshig rnam par sbyar ro//de yang mngon sum gyi stobs kyis grub pa yin no zhes bya ba'o gnas 'chad par 'gyur ro/ /med pa dngos su yul gyi ngo bo'i sgo nas mngon sum gyis rtogs pa ma yin te/ de'i rgyu ma yin pa'i phyir ro/ /'on kyang de las gzhan pa'i ngo bo dben pa'i dngos po nyid bstan pa'i stobs kyis med pa khong du chud pa'i phyir stobs smos pa byas pa yin no//de lta ma yin na mngon sum gyis grub pa yin no zhes de skad bstan par bya'o/ /gang gi phyir yid la byed pa la sogs pa yod pa dang med pa dag la/ blo yod pa dang med pa dag yin la de yod pa dang med pa de nyid kyi phyir/ blo rnams ni skyes bu'i 'bras bu nyid du rjes su dpag par bya ba yin no//ci'i phyir zhe na/ 'bras bu nyid 'di ni rjes su 'gro ba dang ldog pa'i rtags can nyid yin pa'i phyir te/ 'bras bu'i tha snyad ces bya ba'i don to/ /rjes su 'gro ba dang ldog pa dag las 'bras bu gzhan ni med na gang gi rtags dang rtags can gyi dngos por mi 'gyur/ de bas na 'dis ni rjes su dpag pas gnod pa bshad pa yin no/ /mngon sum dang rjes su dpag pas grub pa'i don 'jig rten la grags pa nyid yin pa'i phyir/ grags pas gnod pa yang 'di nyid kyis bstan pa yin pa de ltar na logs shig tu ma bshad do/ /ci ste gsal ba'i go rims dag yin par mi 'dod kyi/'on kyang yi ge'i go rims yin la/ de yang yi ge dag las tha dad pa yang yin no zhe na/ gzhan yang zhes bya ba la sogs pa smos te/ yi ge rnams las tha dad pa'i go rims kyang gsal ba zhes bya bar sngar bshad pa'i spyod pa gsal pos sngar tha dad pa med pa yang bkag zin to//ci ste de nyid dang gzhan nyid du brjod par bya ba ma yin pa de'i tshe yang don dam par yod pa ma yin pa ni blos brtags pa yin no/ /de bas na go rims de rtogs sgro btags yin 'gyur na de'i tshe/ ji ltar skyes min rten can yin pa ste/ skyes bu la brten pa can nyid du 'gyur/ yi ge dag las zhes bya ba la sogs pas 'chad par byed de/ yi ge dag las tha dad pa can te tha dad par gyur pa'i go rims ni sngar bshad pa'i gsal ba rnam par dpyad pa'i go rims nyid kyis lan btab zin pa ste/ de la sgra'i ngo bo yi ge dag las tha dad par 'gyur na/ yan lag du ma'i bdag nyid can nam de yan lag med pa can du 'gyur grang na zhes bya ba la sogs pa'i sun 'byin pa bshad pa gang yin pa de 'di la yang mtshungs so zhes bya ba'i tha tshig go//de yang yi ge'i rang bzhin can ma yin te/ yi ge dang 'dra bar sngar bshad pa'i skyon du thal ba'i phyir te/ dngos po'i rang bzhin can yin na yang de la de nyid dang gzhan nyid du brjod par bya bar 'gyur ba ma yin no zhes brjod par yang mi nus so//ci'i phyir zhe na/ dngos po'i rang bzhin can ni de nyid dang gzhin nyid kyi rnam par rtog pa de las ma 'das pa'i phyir ro/ /de bas na de'i ngo bo can ma yin pa dag la ste dngos por gyur pa'i tha dad pa dang tha dad pa med pa'i go rims dang bral ba yi ge dag la de'i ngo bo sgro btags par snang ba can te/go rims su sgro btags par snang ba can gyi blo'i go rims 'di zhes 'khrul par 'gyur na/ 'di ltar blos sgro btags pa skyes bu la brten pa'i go rims de yang ji ltar na skyes bus ma byas pa yin/ci'i phyir zhe na/ blo'i sgrub pa ste bya bas so sor 'jog pa'i phyir te/ yang dag par ston pa nyid kyi phyir ro/ /gzhan yang gtan du rtag pa'i rang bzhin 'ga' zhig kyang med pa'i phyir/ sgra yod cing snang bas gdon mi za bar gtan du ma yin pa ste/ brten pa ma yin par 'gyur ro/ /sgra de yang rgyu med pa can nam 'di la skyes bu las bzlog pa'i gzhan gyi rgyu can yin par 'gyur grang na/re zhig rgyu med pa can ni ma yin no/ /ci'i phyir zhe na/ rgyu med pa can nyid ni gzhan la ltos pa med pa'i phyir rtag par 'gyur ro/ /gzhan gyi rgyu can yin na yang skyes bu'i byed pa las 'gyur ba ma yin no//de bas na skyes bus byas pa yin no zhes khong du chud par bya'o/ /sgra'am zhes bya ba la sogs pa ni gzhan gyi yin te/ sgra'am sa la sogs pa'i dngos po gzhan gtan du ma yin no zhes bya ba 'di ji ltar rtogs par 'gyur zhe na/ 'jig pa zhes bya ba la sogs pa slob dpon gyi yin te/ 'jig pa yod tsam 'brel pa can nyid kyi phyir sgra ni mi rtag pa nyid/yod pa nyid kyi phyir 'jig par 'gyur gyi rgyu gzhan la ltos pa ni ma yin te/ sgra yang yod pa yin pa de'i phyir mi rtag go zhes bya ba ni bsdus pa'i don to/ /dngos po rnams kyi 'jig pa zhes bya ba'i chos gzhan ni rgyu 'ga' zhig las kyang 'gyur pa ma yin no//gang gi phyir de lta yin pa de bas na zhes bya ba de'i phyir zhes bya ba'i don to/ /dngos po'i rang bzhin nyid kyis 'jig par 'gyur ro/ /ci'i phyir zhe na/ dngos po nyid ni rang gi rgyu las de'i chos can te/ 'jig pa'i chos can du 'byung zhing skye ba'i phyir ro/ /skad cig ma gcig gnas pa'i chos can kho na 'jig pa yin zhing de yang rang gi rgyu las skye ba yin no zhes bya ba'i don to//mi rtag pa nyid du mngon par 'dod pa'i dngos po gang yin pa de nyid 'jig pa yin gyi sgra la sogs pa rtag pa nyid du mngon par 'dod pa ni ma yin no zhe na/ dngos po'i zhes bya ba la sogs pa smos te/ dngos po'i khyad par gyi rang bzhin 'ga' zhig kyang 'jig pa ma yin no//ci'i phyir zhe na/ de ni 'og nas 'gog par 'gyur ba nyid kyi phyir ro/ /de bas na dngos po tsam gyi rang bzhin gyis te yod pa tsam rang bzhin gyis 'jig par 'gyur ro/ /rgyu des na sgra'am gzhan yod pa nyid brten pa ste/ yod pa'i rten du gyur pa'i dngos po thams cad ni gtan du ba ma yin no zhes bya bar grub po zhes bya ba'i tha tshig go//grub pa ma yin te zhes bya ba ni gzhan gyi yin no/ /ci'i phyir zhe na/ 'jig pa de nyid kyi gzhan las skye ba med par ma grub pa'i phyir ro/ /gzhan las skye ba'o/ /gzhan las skye ba ma yin pa ni gzhan las skye ba med pa ste/de ma grub pa'i phyir te/ 'jig pa rgyu med pa can nyid ma grub pa'i phyir zhes bya ba'i don to/ /de ltar na mes shing bsregs pa dang dbyug pas bum pa bcom pa zhes bya ba 'jig pa'i rgyu me la sogs pa shing la sogs pa'i dngos po rnams la mthong ngo / /de ltar na me la sogs pa yod na shing la sogs pa 'jig cing de med na 'jig pa med pa de ltar na 'jig pa la rjes su 'gro ba dang ldog pa'i rjes su byed pa yod pa yin no//de yang rgyu de dang ldan pa ste rgyu dang rgyu dang ldan pa'i mtshan nyid yin par smra'o/ /ma yin te zhes bya ba la sogs pas 'gog par byed de/ me la sogs pas shing la sogs pa 'jig par byed pa ni ma yin gyi 'on kyang skad cig ma snga ma rang gi ngag gis 'gag par 'gyur na mi 'dra ba gzhan te thal ba la sogs pa'i ngo bo phyi ma skye ba'i phyir me la sogs pa dag gis shing la sogs pa dag 'jig par tha snyad btags pa yin gyi/'jig par byed pa'i phyir ni ma yin no//de'i mi 'dra ba gzhan skye ba yang gang las she na/ khyad par can gyi zhes bya ba la sogs pa smos te/ khyad par can gyi rkyen me la sogs pa nyid la brten pa ste/ lhan cig byed pa'i rgyu de dang sngar rang gi ngang gis 'gog pa'i nye bar len pa zhes tshig khong nas dbyung bar bya'o/ /yang na nye bar len pa'i ngag la khyad par can gyi rkyen me la sogs pa la brten pa ste/lhan cig byed pa yod pa zhes bya ba 'bru mang po par bya'o/ /me shing 'jig pa'i rgyu yin pa ni bla ste/ me las skye ba can gyi 'jig pa ste gang la me la skye ba yod pa zhes tshig rnam par sbyar ro/ /ci shing nyid dam 'on te shing las don gzhan du gyur pa yin zhes bya ba yang khas blangs nas brjod pa'o//'jig pa rgyu med las don gzhan du gyur pa dag skye na shing ni mthong ba nyid du 'gyur/ ci'i phyir zhe na/ shing ni 'jig pa med pa'i phyir ro/ /ci'i phyir de ltar shing don gzhan du gyur pa las 'jig pa don gzhan du gyur pa yin na shing 'jig cing nyams pa zhes bya ste/'jig pa med pa zhes bya ba'i don to/ /gal te 'di ltar 'jig pa yin pa de ltar na yang don gzhan du 'gyur ba skye bas 'di mi snang ba yin no zhe na/ mi snang ba zhes bya ba smos te/ ci'i phyir de ltar mi snang ba kho na yin no/ /gal te don gzhan skyes pas don gzhan zhig pa'am mi snang ba de'i tshe de lta na shin tu thal bar 'gyur te/don gzhan du gyur pa gang la la 'ga' zhig skyes pa thams cad 'jig pa'am mi snang bar 'gyur ro/ /gal te de 'di 'jig pa yin zhes/ me las skyes pa'i don 'di shing 'di'i yin gyi thams cad kyi ma yin no zhes bya ba'i sdud par byed pa'i ngag de nyid gal te zhes bya ba la sogs pas 'chad par byed de/gal te don de nyid me las skyes pa can gyi shing med pa ste/ 'jig pa yin pa de bas na zhes bya ba de'i phyir shing gi 'jig pa nyid kyi phyir mi snang ba yin no zhe na/ de'i zhes bya ba la sogs pas 'gog par byed de/ me las skyes pa'i don de'i med pa zhes bya ba 'di yin pa ni bla ste/ming tsam yin pa de ltar na yang ji ltar gzhan ni gzhan 'jig yin/ gang gi phyir don 'ga' zhig la me las skyes pa can gyi 'jig pa zhes bya ba'i ming du byas pa tsam gyis shing mi snang ngo zhes bya bar rigs pa ma yin no/ /'jig rten la rab tu grags pa nyid kyi phyir de nyid 'jig pa ma yin nam/de'i 'jig pa zhes bya ba ming du byas pa tsam ni ma yin no zhe na/ de'i phyir gzhan ni zhes bya ba la sogs pa smos te/ dngos po gzhan ni gzhan gyi 'jig pa yang ma yin no/ /thal ches pa'i phyir te/ dngos po thams cad ni shing gi 'jig pa yin par 'gyur te/de yang bshad ma thag nyid kyis gsal bar byed do/ /ci'i phyir zhe na/ shing la don gzhan du gyur pa nyid kyis me las skye ba can gyi shing 'jig pa nyid du brtags pa dngos por gyur pa de ni de las gzhan pa ste bum pa la sogs pa dag la khyad par med pa'i phyir ro/ /gal te shing la mes byas pa'i rang bzhin gyis 'jig pa yin gyi bum pa la sogs pa thams cad kyi ni ma yin pa de bas na thal ches pa med do//shing la mes byas pa'i 'jig pa 'di yin no zhes bya ba'i shing dang 'jig pa dag gi 'brel pa gang yin/ phan tshun phan gdags par bya ba dang phan 'dogs par byed pa med pa'i phyir 'brel ba nyid yod pa ma yin no//gal te shing ni brten pa yin la gang la rten yod pas na brten pa ste/ 'jig pa yin pa de bas na rten dang brten pa'i 'brel pa yod do zhe na/ de ni de ltar ma yin te/ rten dang brten pa'i 'brel pa de ni dgag par bya ba nyid yin pa'i phyir ro/ /gal te 'jig pa ni bskyed par bya ba yin la/de skyed par byed pa ni shing yin pa de bas na 'jig pa dang shing dag las skyed par bya ba dang / skyed par byed pa'i dngos po'i 'brel pa yod do zhe na/ me las zhes bya bas ci zhig bya ste/ me las 'jig par 'gyur ba yin no zhes brjod pas ci zhig bya/ ci'i phyir zhe na/shing nyid las 'jig pa de 'byung zhing skye ba'i phyir ro/ /gal te de la ltos pa can te me la ltos pa can gyi shing las 'jig par byed pa skye ba'i phyir mes byas pa'i 'jig par 'gyur ba med do zhes skyon bshad pa gang yin pa'i skyon de med do zhe na/ me las phul du byung ba thob pa med pa can gyi shing ni me la ltos pa ci yod de/cung zad kyang yod pa ma yin no/ /me las shing phul du byung ba thob na yang shing gzhan te/ phul du byung ba'i ming can gnyis pa 'di skye bar 'gyur ro/ /de ltar na 'pho ba'i rgyu med pa can shing snga ma ste/ 'di la 'pho ba'i rgyu yod pa ma yin pas na zhes tshig rnam par sbyar ro//de kho na bzhin te sngar bzhin mthong ba skye bar 'gyur ro// //bam po sum cu rtsa gcig pa/ de ltar na 'gyur ba gal te me gang kho na las phul du byung ba dang ldan pa'i shing gnyis pa skyes pa'i me de nyid las shing snga ma 'jig pa yin no zhe na/ shing snga ma dang mes byas pa'i 'jig pa 'di'i 'brel pa gang yin/de ltar na tha mal par 'gyur ba de nyid shing la zhes bya ba'i 'brel pa gang yin zhes 'das ma thag nyid du bshad pa'o/ /gzhan yang rten pa'i ngo bo la sogs pa brten pa de'i tshe de ni dgag par bya ba nyid yin no zhes bya ba la sogs pa thams cad kyang zlos pa de ltar na thug pa med par thal bar 'gyur ro//de bas na zhes bya ba de'i phyir gdon mi za bar 'jig pa dang 'brel par rung ba'i shing phyis phul du byung ba nye bar byed pas/ me snga na med pa'i shing skyed par byed pa'i phyir snga ma'i gnas skabs can gyi shing de snang bar 'gyur ro zhes bya ba mjug bsdu ba'o/ /gzhan yang shing 'jig pa zhes bya ba yang shing med pa nyid rjod pa yin la med pa ni 'bras bu ma yin te/bya bas 'bras bu nyid du khas len na de ni dngos po nyid du thal bar 'gyur ba'i phyir ro/ /de bas na dngos po med pa byed kyi dngos po mi byed do zhes bya ba 'gog pa yin no/ /de ltar na de byed pa ste med pa byed pa yang byed pa po ma yin pa nyid de/bya ba 'gog pa tsam nyid yin pa'i phyir ro/ /shing 'jig pa yang me la sogs pa la ltos par bya ba ma yin no zhes bya ba ni spyi dang de dang ldan pa dag gis rten dang brten pa dpyod pa'i skabs su bshad zin to/ /gzhan yang rang gi ngo bo med pa ste/ shing la sogs pa'i rang bzhin med cing 'jig pa gang yin pa de ni shing la sogs pa'i rang bzhin de las tha dad par khas len na don gzhan du 'gyur ba'i me de yang shing la sogs pa bzlog pa'i dngos po yin gyi de lta ma yin na dngos po med pa de ni don gzhan du gyur pa mi rung ba'i phyir ro//med pa de las bzlog pa'i shing la sogs pa'i rang bzhin nyid grub par 'gyur bzlog pa med par ni yod pa nyid du bsgrub pa'i phyir/ji ltar na me la sogs pa'i 'jig pas shing la sogs pa 'jig pa zhes bya/ gang gi phyir de lta yin pa de bas na gzhan ni gzhan gyi 'jig pa ma yin te/ don gzhan du 'gyur ba don gzhan du gyur pa'i 'jig pa ma yin na zhes bya ba'i don to//khas blangs nas kyang smras pa ni gzhan 'jig pa yin kyang bla ste/ ci'i phyir zhe na/ don gzhan du gyur pa mes byas pa de la de'i gnas skabs can gyi shing mi snang / de nyid bsgrub pa'i phyir don gzhan zhes bya ba la sogs pa smos te/ don gzhan 'byung ba dang shing mthong ba zhes bya ba mes skyed pa'i don gzhan du gyur pa 'jig pa zhes 'byung zhing yod pa gang yin pa dang /shing mthong ba gang yin pa de dag la 'gal ba ci yod de cung zad kyang yod pa ma yin pa de ltar na de'i gnas skabs can gyi shing mthong bar 'gyur ro/ /gal te nges gzung phyir na'ang min te/mes byas pa'i don gzhan du gyur pas bdag gis byas pa'i phyir shing mi snang ba yin no zhe na/ de lta yin na ni don gzhan du gyur pa de shing gi sgrib par byed pa yin no zhes bya ba thob na de yang rigs pa ma yin te/ gang gi phyir des ni sgrib byed med/ don gzhan du gyur pa des shing la sgrib par byed pa de ni mi srid do//gal te zhes bya ba la sogs pas 'chad par byed de/ don gzhan te mes byas pa des so/ /de ni zhes bya ba mes byas pa'i don gzhan du gyur pa ni'o/ /sgrib par byed pa brtags pa de yang rigs pa ma yin no/ /ci'i phyir zhe na/ sgrib par phyed pa ni sgrib par gyur pa mthong ba ste/mig gi rnam par shes pa'i gegs byed par 'gyur gyi thogs par byed pa la sogs pa rdzas kyi nus pa dag la ni gegs byed pa ma yin te/ mun pas bsgribs pa'i bum pa la sogs pa dag la thogs par byed pa la sogs pa mthong ba'i phyir ro/ /de la rang gi yul du gzhan 'byung ba'i gegs byed pa ni thogs par byed pa'o//sogs pa'i sgras ni dri dang ro la sogs pa gzung ngo / /ci ste sgrib par byed pa'i shing gi nus pa thams cad la gegs byed par 'gyur ba de'i tshe thams cad la gegs byed par khas len na yang / 'jig pa zhes bya ba 'di nyid kyis shing 'jig par 'gyur ba ma yin nam/mes ni ma yin no/ /ci'i phyir zhe na/ de nyid kyis shing gi nus pa thams cad nyams par byed pa'i phyir ro/ /de ltar na mes byas pa don gzhan du gyur pa 'jig pa'i rgyu de la yang me dang 'dra ba ste/ shing 'jig pa la me'i skyon rgyas par bstan pa gang yin pa de mes byas pa'i don gzhan du gyur pas kyang shing 'jig par byed par thal bar 'gyur ro//de ltar na yang thug pa med par 'gyur te/ mes byas pa'i don gzhan du gyur pa'i 'jig pa zhes bya ba de byed cing des kyang gzhan zhes bya ba thug pa med par 'gyur ba'i phyir ro/ /ci ste skyon der ma gyur cig snyam pas shing gi thogs par byed pa la sogs pa'i bum pa la sogs pa nyams pa med pa nyid yin pa de'i tshe yang shing 'di thogs par byed pa'i nus pa la sogs pa nyams pa med pa las gzhan mes skyed pa'i yod pa des shing ci zhig 'jig par 'gyur zhing gang gis de sgrib par byed pa yin te/de ltar na shing snang bar 'gyur ro/ /gal te zhes bya ba la sogs pa la/ gang la me las 'byung ba yod pa zhes bya bar tshig rnam par sbyar ro/ / 'di yang byed pa po'i drug pa yin te/ me las byung ba'i 'jig pa zhes bya ba'i don gyis yongs su gzung ba'i phyir zhes bya ba ni ngag gi don yin no/ /'jig pa 'jig can 'gyur te/ dngos po nyid du brtags pa'i 'jig pa can nyid du 'gyur ro/ /ci'i phyir zhe na/ 'jig pa de skye phyir te/ skye ba dang ldan pa nyid kyi phyir 'jig pa can yin te/ shing la sogs pa bzhin no zhes bya ba'i don to/ /zhig pa 'jig pa yin pa de'i phyir shing yang mthong bar 'gyur ro/ /gdon mi za bar zhes bya ba la sogs pas 'chad par byed de/ skye ba dang ldan par 'gyur ba ni shing la sogs pa 'jig pa'i sgo nas gdon mi za bar 'jig par 'gyur ba yin no/ /me la sogs pa bskyed pa'i 'jig pa de zhig par gyur pa las kyang shing la sogs pa skye bar 'gyur ba ste 'byung bar 'gyur ro//gal te gsod byed ces bya ba la sogs pas gzhan gyi bsam pa'i dogs pa bsu ba yin te/ nag pa gsod par byed pa gang yin pa de gal te gsod byed bsad pa na/ dper na nag pa yang srid min te nag pa gsod par byed pa bsad pa'i rang bzhin ni ma yin no//'o na ci yin zhe na/ gsod pa po nyid yin no/ /de bas na de zhig pa na nag pa yang mi 'byung ba gang yin pa de ni rigs te bsad pa log pa ni yang 'byung bar 'gyur ro/ /gal te zhes bya ba la sogs pas 'chad par byed de/ 'jig pa zhig tu zin kyang dngos po phyir thob pa ma yin pa ste/ snga ma'i ngo bo thob pa ma yin no/ /gang gi phyir gsod par byed pa bsad du zin kyang des bsad pa ste/ skyes bu gsod pa des bsad pa'i phyir skye ba ma yin no zhe na lan 'di rigs pa ma yin no/ /ci'i phyir zhe na/ skyes bus gsod par byed pa ni de gsod par byed pa'i rgyu nyid yin pa'i phyir te/ nag pa de bsad pa'i rgyu nyid yin pa'i phyir ro//gsod pa po 'di ni bsad pa'i rang bzhin ma yin no/ /de nyid gsal bar bya ba'i phyir 'jig pa'i rgyu zhes bya ba la sogs pa smos te/ 'jig pa rgyu me dang / dbyug pa la sogs pa log pa na dngos po zhig pa yang 'gyur ro zhes ni mi smra'o/ /de skad du brjod na ni de la lan du 'gyur ro/ /'o na ci yin zhe na/ me la sogs pas shing la sogs pa'i dngos po med par byed pa gang yin pa de ji lta bur gyur pa zhe na/shin tu dmigs su med pa'i mtshan nyid can gyi ste/ las la yod pa'i bya ba 'di la dmigs pa de bkag pas shin tu mi dmigs pa nus pa thams cad dang bral ba la brjod do/ /de ltar gyur pa'i med pa de log par gyur pa na rang bzhin gnas pa las rnam pa gzhan ci zhig yod de/rang bzhin gnas pa kho na'i rnam pa yin no zhes bya ba'i don to/ /gsod pa po zhig pa yang 'byung bar rigs pa ma yin te/ gang gi phyir nag pa'i gsod par byed pa ni 'jig pa dang mtshungs pa ma yin no/ /'o na ci yin zhe na/ dbyug pa la sogs pa dang mtshungs pa yin te/ dbyug pa la sogs pa dang mtshungs par 'jig pa'i rgyu nyid yin pa'i phyir ro//'jig pa dang 'dra ba nag pa 'di bsad pa yin la de log pa na 'jig pa dang 'dra ba'i bsad pa 'di log pa na nag pa 'di 'byung ba nyid du yang 'gyur ro/ /de ltar na re zhig 'jig pa don gzhan du gyur pa nyid kyi skyon bshad nas/ don gzhan du gyur pa ma yin pa'i dbang du mdzad de 'jig pa zhes bya ba la sogs pa smos so//dngos po 'jig pa gzhan nyid ma yin na'ang shing nyid 'jig pa nyid du 'gyur zhing rang gi rgyu las skye ba de yod nyid phyir rgyu can min te me la sogs pa de'i rang bzhin gyi 'jig pa yang cung zad kyang byar med pas na rgyu med pa can yin no/ /dngos po chos mi rtag pa la de nyid dang gzhan nyid du brtags pa 'di las gzhan pa'i rnam pa'ang med/shing las zhes bya ba la sogs pas 'chad par byed de/ gang gi tshe shing las 'jig pa don gzhan du 'gyur pa nyid ma yin pa de'i tshe shing de nyid der te 'jig pa zhes bya ba'i dngos por 'gyur ro/ /shing smos pas ni nye bar mtshon pa yin no/ /shing la sogs pa de yang me la sogs pa nye ba las sngar yod pa nyid kyi phyir/shing la sogs pa 'jig par 'gyur ba 'di la me la sogs pa nus pas ci zhig bya/ gzhung 'di ni rigs pa yin te/ shing gi skabs nyid yin pa'i phyir ro/ /gzhung kha cig las dbyung ba la sogs pa'i nus pas zhes dbyung ba ste/ de yang bum pa la sogs pa sngar smos pa byas nas bshad par bya ba yin no//de bas na de la phan 'dogs pa med pa'i phyir te/ shing la sogs pa de la 'jig pa'i rgyu dag phan 'dogs pa med pa'i phyir/ shing la sogs pa de rnam pa 'ga' zhig gis kyang 'jig pa'i rgyu dag la ltos par 'gyur ba med do/ /shing la sogs pa 'di me la sogs pas 'di 'jig pa'i rgyu yin no zhes bya ba'i 'brel pa rigs pa ma yin no//ci'i phyir zhe na/ 'brel pa de ni phan 'dogs par byed pa'i rgyu can nyid yin pa'i phyir ro/ /de lta ma yin te/ phan 'dogs pa med par 'brel pa rtogs pa thal ches pa'i phyir te/ thams cad thams cad kyi 'brel pa can du 'gyur ro/ /de ltar ni 'gyur na shing la sogs pa la me la sogs pa dngos su phan 'dogs pa ma yin gyi 'on kyang de'i 'brel pa can du gyur pa la phan 'dogs par byed pa'i phyir ro zhe na/de'i phyir brgyud pas zhes bya ba la sogs pa smos te/ me la sogs pa shing la sogs pa'i 'brel ba can du gyur pa la phan 'dogs par byed kyi/ dngos su ma yin pa de lta na phan 'dogs par byed pa yin par rtogs pa na yang brgyud pas phan 'dogs par byed pa de yang ci don gzhan du gyur pa'am/'on te shing la sogs pa de nyid yin zhes gdon mi za bar rnam par rtog pa 'di'i rjes su 'jug pa ste/ rjes su 'brang ba yin no/ /de las zhes bya ba shing la sogs pa las phan 'dogs par byed pa don gzhan du gyur pa nyid na yang shing la sogs pa de'i phan 'dogs par byed pa 'di'i yin no zhes bya ba'i 'brel pa gang yin/de la shing la sogs pa la me la sogs pas phan 'dogs par byed pa de'i phan 'dogs par byed pa po nyid brgal zhing brtag par bya ba yin te/ de las gzhan pa'i 'brel pa med pa'i phyir ro/ /sogs pa'i sgras ni de las yang phan 'dogs par byed pa gzhan rtogs pa de ltar na thug pa med pa'i skyon la sogs pa gzung ngo //de ltar na phan 'dogs par byed pa de gzhan nyid ma yin na yang shing nyid 'jig pa nyid du 'gyur zhes bya ba la sogs pas bshad pa gang yin pa de'i gnas skabs kyis brgal zhing brtag par 'gyur ro/ /de bas na yod pa de snang ba nyid kyi ngo bo nyid las ma 'das pa'i phyir dang /dngos po de nyid dang gzhan de nyid las ma 'das pa yin du zin kyang 'jig pa'i rgyus byas pa'i phan 'dogs pa bskyed pa gang yin pa de ni dngos po ma yin no zhe na/ de'i phyir phan 'dogs pa zhes bya ba la sogs pa smos te/ ngo bo sgrub par byed pa'i mtshan nyid can te/dngos po sgrub par byed pa'i mtshan nyid can yin pa'i phyir ro/ /de bas na dngos po de 'jig par byed pa des sam gzhan gyis byas pa gnyi ga ltar yang nyes pa bshad pa de ltar na/ de dang de ma yin par byed pa dang bral ba'i 'jig pa'i rgyu byed pa po nyid ma yin pas na 'ga' zhig gi rgyu ma yin zhing dbyug pa la sogs pa rgyu ma yin pa la yang bum pa la sogs pa 'jig pa'i ngang tshul can yin pas na ltos par bya ba ma yin no//de bas na rang yod pa tsam gyis dngos po 'di de'i rang bzhin te/ 'jig pa'i ngang tshul can gyi rang bzhin yin no zhes bya bar grub pa zhig nas med pa'i 'jig pa bzung nas gzhan gyis brgal ba'i dogs pa bsu ba ni gal te zhes bya ba la sogs pa smos te/gal te'ang 'jig rgyu med pa can yin na rtag par 'gyur te/ bdag nyid phyir yod pa'i tshe na yang 'jig par 'gyur ba de ltar na/ dngos po 'jig pa dag lhan cig 'byung bar thal bar 'gyur ro zhe na/ skyon ni yod pa ma yin no/ /ci'i phyir zhe na/ zhig pa'i mtshan nyid can gyi 'jig pa gang las med nyid rtag nyid yin/de ltar ni 'gyur na zhes bya ba la sogs pas 'chad par byed de/ skad cig mar smra ba gang gis 'jig pa rgyu med can na yang de gdon mi za bar rtag pa yin pas na dngos po de med pa'i mtshan nyid can te/ 'jig pa med pa'i mtshan nyid can dang / 'jig pa de med pa'i mtshan nyid can te/dngos po bdog pa'i mtshan nyid can dag gcig la lhan cig 'byung bar 'gyur ro zhe na/ de ni de lta ma yin no/ /ci'i phyir zhe na/ med pa de la dngos po med pa nyid kyis rtag pa dang mi rtag pa'i chos mi rung ba'i phyir ro/ /med pa la rtag pa dang mi rtag pa'i rnam par rtog pa 'di ni yod pa ma yin te/rtag pa dang mi rtag pa de dag ni dngos po'i chos nyid yin pa'i phyir dang 'jig pa med pa'i mtshan nyid can ni ci yang ma yin pa'i phyir ro/ /gzhan yang 'byung zhing skye bar 'gyur ba ni 'ga' zhig dang lhan cig 'byung bar 'gyur zhing 'jig pa ni mi 'gyur ro/ /'on kyang dngos po skad cig mar gnas pa'i chos can bdag nyid mi 'gyur ro zhes bya ba de ni bya ba 'gog pa tsam yin pa de bas na bshad ma thag pa'i skyon 'di yod pa ma yin no//yang gzhan gyi bsam pa'i dogs pa bsu ba'i phyir yang med la zhes bya ba la sogs pa smos te/ gal te 'jig pa zhes bya ba'i dngos po'i chos mi 'dod pa de'i tshe 'jig pa med la dngos 'jig med nyid kyi ste/dngos po 'jig par mi 'gyur ro zhes bya ba 'di la yang thal bar 'gyur ba yang mi rung ste/ gal te phyir dngos po 'jig pas don gzhan du gyur pa'i rgyus 'jig pa dag mi 'dod do/ /ji ltar zhes bya ba la sogs pas 'chad par byed de/ ji ltar na med pa 'jig pas dngos po 'jig par 'gyur te/med pa nyid kyi bya ba mi rung ba'i phyir ro/ /gtan tshigs de bas na dngos po 'jig pa can du mi 'gyur ro zhes bya ba yang thal bar 'gyur ba nyid ma yin no/ /ci'i phyir zhe na/ 'jig pa don gzhan du gyur pa las dngos po zhig pa khas mi len pa'i phyir ro/ /'jig zhes bya ba la sogs pas de nyid kyi gzhung 'dzugs par byed de/'jig pa zhes bya ba don gzhan du gyur pa cung zad kyang med do zhes smras pa'i brgal ba gang yin pa de ji ltar 'jig pa rang bzhin med pa de las dngos po 'jig par 'dod/ da ni zhes bya ba gzhan gyi yin te/ da ni 'jig pa med pa ste/ chos gzhan yin na ni ji ltar dngos po 'jig pa zhes bya ba yin te 'jig pa med pa nyid du 'gyur ro//de ltar na da ltar byung ba'i gnas skabs 'jig pa med pa can te/ gang la 'jig pa med pa yod pa zhes bya bar tshig rnam par sbyar ro/ /de dag ni 'jig par mi bgrang ste/ gang gi tshe dngos po'i 'jig pa med pa de'i tshe des de ji ltar 'jig pa can yin zhes tha snyad du byed/gang zhig rang bzhin gang gis de dag ldan pa ma yin pa ste 'brel ba dang ldan pa ma yin pa'i dngos po de 'brel ba med pa can des de ltar tha snyad 'dogs pa ste de dang ldan pa zhes bya ba'i sgras tha snyad 'dogs pa'am/ shes pas shes pa ma yin te/ dper na rta la rwas tha snyad mi 'dogs pa bzhin no//'jig pa med pa nyid ma yin mod kyi zhes bya ba la sogs pas lan 'debs par byed de/ dngos po 'jig pa med pa nyid ma yin mod kyi 'on kyang 'jig pa yod pa kho na yin no/ /'o na ji ltar na med ces brjod ce na/ dngos po 'jig pa don gzhan du gyur pa gzhan 'jig pa'i rgyu las 'gyur bar 'dod pa gang yin pa de ni yod pa ma yin te/'di ltar dngos po nyid skad cig mar gnas pa'i chos can te/ skad cig ma gcig gi gnas skabs kyi rang bzhin can gyi 'jig pa yin no/ /gal te dngos po kho na 'jig pa yin na 'o na ji ltar na dngos po'i 'jig par 'gyur ba zhes bya ba 'jig rten pa mi brjod ce na/de'i phyir 'di'i zhes bya ba la sogs pa smos te/ dngos po 'di'i skad cig ma'i gnas skabs kyi rang bzhin 'dra ba gzhan dang gzhan 'byung bas 'khrul pa'i phyir rtogs pa med pa de dus phyis yod pa mi dmigs pas mi gnas par rtogs pa'i phyir phyis dngos po 'jig par 'gyur ba yin no zhes nges par byas pa ste/rtogs nas ji ltar shes pa bzhin du skyes bu tha snyad du 'dogs shing rjod par byed do zhes bya ba ni sngar bshad zin to/ /'di ltar dngos po grub pa'i 'jig pa zhes bya ba'i ngo bo'i khyad par ram gzhan cung zhig gi tshe yang 'gyur ba ma yin no/ /'on kyang dngos po de nyid rang gi rgyu dag las de lta bu dag tu 'gyur ba ste/ skad cig ma gcig gi gnas skabs can du 'gyur ro/ /de bas na zhes bya ba de'i phyir yod pa nyid 'jig pa zhes bya ba 'ga' zhig gis kyang dngos po de zhig pa ma yin no/ /'o na ci yin zhe na/ dngos po 'di'i rang bzhin nyid skad cig ma gcig gnas pa'i ngang tshul can gang gis dngos po de 'jig pa zhes bya ba yin gyi gzhan du na ni bdag nyid de'i rang bzhin can nyid ma yin na/gzhan thag nye ba yang mi 'jig pa'i phyir ro/ /gal te 'jig pa zhes bya ba cung zad kyang yod pa ma yin no/ /'o na da ji ltar na dngos po'i 'jig pa rgyu med pa can du 'gyur ro zhes khyed cag brjod de/ji ltar rang bzhin nyid med pa de'i rgyu dang bcas pa can gyi khyad par dpyod pa'am/ dngos po 'jig pa zhes bya ba tha dad pa ji ltar yin zhe na/ dngos 'jig ces bya bas lan 'debs par byed de/ dngos 'jig gzhan la ltos med phyir/ /de shes phyir na sems kyis ni/ / zhes bya ba gzhan la ltos pa med pa nyid du shes pa'i phyir rnam par rtog pa'i blos dngos po 'jig pa'i gnas skabs/ de yi tha dad sgro btags nas/ /kho bo cag gis 'jig pa yi/ /gnas skabs de rgyur med can bshad/ /dngos po zhes bya ba la sogs pas 'chad par byed de/dngos po skyes pas gyur pa 'jig pa'i rgyu gzhan las thob pa ma yin no/ /ci'i phyir zhe na/ de lta bur gyur pa nyid du ste/ 'jig pa'i ngang tshul can gyis rang bzhin nyid du rang nyid rgyu yod pa nyid las skyes shing 'byung ba'i phyir ro/ /gtan tshigs de ltar na gzhan te 'jig pa'i rgyu nyid du brtags pa gzhan la ltos pa zhes bya ba ni gzhan la ltos pa'o//de lta bur gyur pa yang de yin la chos kyang yin pas na 'jig pa zhes bya ba gzhan la ltos pa'i chos de dgag pa'i phyir te/ 'jig pa rgyu dang bcas pa dgag pa'i phyir zhes bya ba'i don to/ /de'i rang bzhin shes pa'i phyir zhes bya ba ni dngos po 'jig pa'i ngang tshul can gyi rang bzhin shes pa'i phyir te/rang bzhin nyid la de skad du brjod pa zhes bya ba 'di dang sbyar ro/ /de skad du brjod ces bya ba ni 'di'i 'jig pa'i rgyu med pa can du 'gyur ro zhes brjod pa'o/ /gang gi tshe zhe na de tsam shes par 'dod pa'i tshe ste/ci dngos po gzhan las 'jig par 'gyur ram 'on te ma yin no zhes de ltar shes par 'dod pa de'i che'o/ /rnam pa gang gis brjod ce na/ sems de rnam par rtog pa'i blos chos can las 'jig pa zhes bya ba'i chos don gzhan du gyur pa bzhin du rnam par phye ba ste dngos po'i 'jig pa zhes cha rnam par phye nas so//blo dman pa dag gis ji skad du bshad pa'i rnam pas de kho na nyid du na 'jig pa dngos po las tha dad pa med par gnas pa de dang de 'jig pa'i yon tan la sgro btags nas bdag nyid 'khrul par byed do zhes bya ba 'di dang sbyar ro/ /ci'i phyir de de ltar yang 'khrul par byed ce na/'ga' zhig tu zhes bya ba la sogs pa smos te/ rgyal po'i skyes bu zhes bya ba la sogs pa la tha dad pa'i rten can gyi rnam par dbye ba sbyor bas de ltar mthong ba ste/ 'brel pa can gyi rnam par dbye ba mthong ba las dngos po'i 'jig pa zhes bya ba 'di la yang sgra tsam 'dis 'khrul pa dag ni dngos po 'jig pa'i yon tan te/chos tha dad pa sgro btags pa dang / ji ltar btags pa'i yon tan de'i yod pa nyid du sgro btags pa dang / 'jig pa zhes bya ba'i yon tan de lta bu'i bye brag gis rgyu dang bcas pa can dang rgyu med pa can du sgro btags nas dngos po 'jig rten yod pa dpyod pas so//ji lta bur gyur pa zhig ce na/ de kho na nyid la gnas pa med pa can te/ sems pa gang la de kho na nyid la gnas pa med pa des bdag nyid 'khrul par byed do/ /gal te zhes bya ba la sogs pas gzhan gyis bsam pa'i dogs pa bsu bar byed do/ /bdag nyid 'jig pa rgyu med pa can du 'gyur ba gang yin pa de la yang gal te med pa rang nyid kyis 'jig pa yod par khas len na yang /de nyid dang gzhan nyid kyi rnam rtog 'di mtshungs so/ /gzhan las zhes bya ba 'chad par byed do/ /gzhan las 'byung ba nyid ma yin du zin kyang ste/ rgyu can ma yin du zin kyang zhes bya ba'i don to//dngos po'i 'jig pa gang yin pa de rang gi ngo bo nyid kyis yod pa yin na de nyid kyang gzhan nyid du rnam par rtog pa 'di'i ste/ ci dngos po 'jig pa don gzhan du 'gyur ba'am/ 'on te dngos po nyid yin zhes bya ba mtshungs pa ma yin nam/ de las gal te don gzhan yin pa de'i tshe don gzhan 'jig pa 'byung zhing yod pa na dngos po ci'i phyir mi snang ste/snang ba nyid du 'gyur ro/ /ci ste 'jig pa de na gzhan du ma yin pa de'i tshe don gzhan nyid ma yin yang bum pa la sogs pa de nyid 'jig pa zhes bya ba yin par 'gyur ro/ /de bas na te de'i phyir dngos po 'di'i skyes cung zad kyang med pa de ltar ji ltar na 'jig pa zhes bya ba yin/de la zhes bya ba la sogs pas ni lan 'debs par byed do/ /skabs 'di la dngos po de'i 'jig pa zhes bya ba'i chos gzhan cung zad 'gyur ba med do/ /'on kyang bdag nyid 'jig pa'i ngang tshul can yin pa'i phyir/'on kyang 'gyur ba med nyid ces sngar bshad pa ma yin nam/ de nyid gsal bar bya ba'i phyir 'di ni zhes bya ba la sogs pa smos te/ 'jig pa rgyu med pa can du smra ba 'di ni rgyu las grub pa'i dngos po 'jig pa'am/ gzhan te gnas pa rnam pa gzhan nyid la sogs pa'i chos su 'gyur ro zhes ni mi smra'o//'o na ci yin zhe na/ de nyid dngos por gyur pa ma yin no zhes bya ba dngos po ldog pa tsam smra ba ma yin no/ /gal te 'jig pa rjod par byed pas kyang chos gzhan 'ga' zhig dngos por te skye ba brjod pa na/brjod pa 'dis dngos po ldog par mi 'gyur te/ dngos po ldog pa ma brjod do zhes bya ba'i tha tshig go/ /de ltar na dngos po ldog pa'i skabs su gzhan gyi don gzhan du gyur pa brjod pa'i phyir/ skabs ma yin pa ni 'dir bshad par 'gyur ro/ /ci'i phyir zhe na/dngos por gyur pa 'ga' zhig 'byung bas dngos po yod pa 'jig pa zhes bya ba ma yin na/ gang gis na de brjod pas dngos po ldog par 'gyur/ de bas na gang gi tshe bdag nyid du gyur pa med pa de'i tshe dngos po 'jig pa ste ldog pa yin no/ /gzhan yang bzhin 'gyur ba med pa zhes bya ba de ni dngos po 'gag pa tsam gyi mtshan nyid can med par dgag pa yin gyi ma yin par dgag pa ni ma yin te/'di la dngos po rnam pa 'ga' zhig kyang bsgrub pa ni ma yin no zhes bya ba'i don to/ /gang du thob pa 'gog pa tsam byed pa'i sgo nas dngos po'i cha la mi reg pa 'di ni med par dgag pa yin la/gang du dgag pa'i sgo nas gzhung bsgrub pa ni ma yin par dgag pa yin no/ /de lta ma yin na ni med par dgag pa 'di la yang dngos po 'ga' zhig yod par sgrub na ni med pa dang ma yin par dgag pa dag gi ngo bo tha dad pa ste/ rang bzhin tha dad pa med par 'gyur ro//ci'i phyir zhe na/ med pa dang ma yin par dgag pa gnyi ga la yang sgrub pa gtso bo yin pa'i phyir ro/ /gang gi phyir med par dgag pa la yang sgrub par yod pa de'i tshe dgag pa yod pa ma yin pa de ltar na bkag pa med pa'i phyir 'ga' zhig du yang ma yin par dgag par mi 'gyur ro//ci'i phyir zhe na/ gal te 'ga' zhig la yang ldog par 'gyur ba de'i tshe de las bzlog pa ste/ bzlog par bya ba'i dngos po las bzlog pa de ma yin par dgag pa bzlog pa na/ ma yin par dgag pas reg par 'gyur te/ bram ze ma yin pa khyer la shog ces bya bas bram ze ma yin par dgag pas rgyal rigs la sogs pas reg pa'i phyir 'ga' zhig ldog par 'gyur ba de yang yod pa ma yin no//ci'i phyir zhe na/ thams cad du 'ga' zhig ldog par 'gyur ro zhes bshad pa na dngos po rnam par bcas pas 'ga' zhig rtogs par yang mi 'gyur na/ 'on kyang ldog pa'i skras kyang dngos po 'ga' zhig rtog pa'i phyir ro//de ltar na brjod pa 'dis ni dngos po ldog par brjod pas kyang ldog pa kho nar bshad pa ma yin/ 'on kyang don gzhan yod pa nyid bstan par 'gyur ro/ /de ltar na gang ma yin par dgag pas gang zhig gis dben pa brjod pas de dag ni phan tshun tha dad par grub pa med do//tha dad pas yod pa ma yin yang ma yin na ma yin te/ ma yin pa de ni de las gzhan pas dben pas gzhan nye bar len pa'i mtshan nyid can nyid yin pa'i phyir ro/ /de ltar ji skad du bshad pa'i rnam pas ldog pa med pa'i phyir rjes su 'gro bar yang mi 'gyur ro//ci'i phyir zhe na/ rjes su 'gro ba de ni gcig gi rang bzhin la gnas pa'i mtshan nyid can yin pa'i phyir ro/ /gnas pa de la yang ste/ gcig gi rang bzhin la gnas pa de las gzhan ldog pa ste spangs pa na yod par 'gyur la/de las gzhan ldog pa de yang yod pa ma yin pa'i phyir/ 'gro ba'i 'jug pa dang ldog pa med pa can du 'gyur ro/ /'di la 'jug pa dang ldog pa yod pa ma yin pas na zhes tshig rnam par sbyar ro/ /mi 'dod pa la ldog pa dang 'dod pa la 'jug pa med pa'i phyir 'jug pa med pa can du 'gyur zhing /'ga' zhig kyang ldog pa med pa'i phyir ldog pa med pa can du 'gyur ba de bas na/ dngos po gang 'jig par 'gyur ro zhes brjod pas de bdag nyid du 'gyur ba med do zhes bshad par 'gyur gyi/ 'di'i chos gzhan cung zhig kyang 'jig pa zhes brjod pa ma yin no//nag pa'i bu zhes bya ba 'di la ji ltar dngos po tha dad pa de ltar dngos po'i 'jig pa zhes bya ba de yang tha dad pa'i rten can gyi rnam par dbye ba mtshungs pa nyid kyi phyir ro zhe na/ de'i phyir zhes bya ba la sogs pa smos te/ nag pa'i bu zhes brjod tsam gyi sgra 'di dang mtshungs pa'i phyir yul gzhan la mthong ba'i bya ba ste/nag pa'i bu zhes bya ba 'di la mthong ba'i bya ba dngos su tha dad pa de thams cad la ste/ dngos po'i 'jig pa 'di zhes bya ba 'di la sbyar bar rigs pa ma yin te/ sgra tsam gyis dngos po la sbyor ba mi rung ba'i phyir ro//de nyid ni bong bu zhes bya ba la sogs pas ston te/ skyes bu la bong bu zhes bya ba'i ming du byas pa las mi la yang bong bu'i chos sbyar bar bya ba ma yin no/ /de ltar na nag pa'i bu zhes bya ba'i ngag 'di la tha dad pa'i rten can gyi drug pa sbyor ba dag ni/nag pa las bu dngos su tha dad do zhes de ltar mthong ba'i bya ba 'jig pa la yang sbyar bar bya ste/ dngos po 'jig par 'gyur ba zhes bya ba 'di la yang yod pa'i phyir 'jig pa tha dad pa ma yin no/ /ci'i phyir zhe na/ 'gal ba'i phyir te don gzhan du 'gyur ba dngos po'i 'jig pa ma yin no zhes bya ba la sogs pas 'gal ba bstan zin pa'i phyir ro//gal te 'jig pa don gzhan du gyur pa ma yin na/ ci'i phyir dngos po'i 'jig pa zhes de skad du bstan ce na/ de'i phyir de skad du zhes bya ba la sogs pa smos te/ dngos po'i 'jig pa zhes bya ba de skad du brjod pa'i dogs pa yang sems kyi chos can las chos gzhan du gyur pa bzhin du rnam par phye nas de tsam shes par 'dod pa'i tshe rang bzhin nyid la de skad du brjod do zhes bya ba la sogs pas bstan cing bshad zin pa nyid kyi phyir ro//de bas na med pa ni cir yang mi rung ba nyid kyi phyir ro//de nyid dang gzhan nyid kyi phyir de nyid dang gzhan nyid kyi rnam par rtog pa dang mtshungs pa ma yin no/ /de'i phyir yod pa ste/ dngos po 'byung ba las de nyid dang gzhan nyid kyi rnam rtog der 'gyur ro/ /ci'i phyir zhe na/ bya ba dngos po dang 'brel pa'i phyir ro//yod pa ni zhes bya ba la sogs pas 'chad par byed do/ /yod pa ste 'byung zhing skye ba zhes bya ba'i bar du'o/ /de gdon mi za bar skye ba dang ldan pa ste/ 'byung ba dang ldan pa rag lus pa yin te/ skye ba dang ldan pa med par yod pa mi rung ba'i phyir ro/ / yod pa de yang dngos po nyid kyi phyir rang bzhin nyid yin te/ de ltar na bum pa yod par 'gyur ro zhes brjod pa yin no/ /gal te de rang bzhin med pa yin na de'i tshe/ rang bzhin med pa ni bya ba 'ga' zhig tu 'gyur ro zhes bya ba la sogs pa dang 'brel pa'i phyir ro/ /bya ba zhes bya ba don gzhan du gyur pa ni med kyi 'on kyang bya ba zhes bya ba de lta bu'i rang bzhin yin na de rang bzhin med par ji ltar 'gyur/gal te rang bzhin med pa la bya ba'i 'brel pa yod pa ma yin na/ da ni ri bong gi rwa med do zhes bya ba la sogs pa ji ltar tha snyad du byed pa yin te/ ri bong gi rwa med do zhes bya ba 'byung ba'i mtshan nyid can gyi bya ba ji ltar na tha snyad du byed pa yin zhes bya ba'i don to//sogs pa'i sgras ni mo gsham gyi bu med pa la sogs pa gzung ngo / /ri bong gi rwa zhes bya ba la sogs pas len 'debs par byed de/ ri bong gi rwa med pa'i ma gzhan cung zad cig tu 'gyur ro zhes sgrub pa'i sgo nas ni mi rjod kyi 'on kyang ri bong gi rwa med do zhes bya ba'i ngag 'dis 'di ltar ri bong gi rwa de med pa ste/yod pa ma yin no zhes yod pa 'gog par byed pa nyid yin no/ /gzhan yang ri bong gi rwa la sogs pa med par 'gyur ba'am mi 'gyur ba zhes bya ba'i skabs skabs la brten pa'i rnam pa 'ga' zhig skyes bu tha snyad 'dogs pa pos ri bong gi rwa la sogs pa de 'di ltar med pa yin no zhes bya ba dang ldan pa bzhin du sgro btags nas ston par byed mod kyi/ri bong gi rwa la sogs pa de ni tha snyad tsam gyis de ltar bya ba dang ldan par 'gyur ba ma yin no//'di ltar ri bong gi rwa la sogs pa de kho na nyid ni don thams cad kyis dben pa ste/ don thams cad kyi rang bzhin dang bral ba yin gyi dngos por gyur pa'i bya ba 'ga' zhig dang ldan pa ni ma yin no//gal te 'jig pa rgyu las byung ba yin na yang don thams cad kyis dben pa'i mtshan nyid can yin no zhe na/ de lta bu'i zhes bya ba la sogs pa smos te/ de lta bu ste/ ri bong gi rwa la sogs pa bzhin du don thams cad kyis stong pa'i mtshan nyid can gyi 'jig pa ni gzhan gyis 'dod par bya ba ma yin no//de ci'i phyir zhe na/ dngos po ni 'jig pa de'i ngo bo yin pa'i phyir te rgyu las dngos po 'jig par 'gyur ro zhes de skad du brjod pa'i phyir ro/ /gal te 'chad pa po dag gis de skad du med pa de yang rang bzhin med pa nyid 'ba' zhig tu 'gyur ba yin no zhes bya ba dang ldan pa bzhin du bshad mod kyi/bdag nyid ni da lta ste bya ba dang ldan pa nyid ma yin te de ni ngo bo nyid med pa'i phyir ro/ /de ltar 'dod pa de'i tshe med par 'gyur ro zhes smra bas kyang cung zhig tu yang mi 'gyur ro zhes bya bar 'dod pa nyid yin te/ngag 'di ni bya ba 'gog pa tsam nyid yin pa'i phyir ro/ /de bas na bdag nyid sgro btags pa med pa'i rnam pas dngos po'i rang bzhin 'ga' zhig la de nyid dang gzhan nyid ces bya ba'i rnam par rtog pa gnyis las 'das pa ma yin te/ dngos por gyur pa gang la de'i rang bzhin nyid dam de las gzhan nyid yin pa las ma 'das pa ni rnam pa gzhan med pa'i phyir ro//gal te gzugs la sogs pa'i phung po'i rang bzhin gang zag tu gyur pa ma yin pa de lta na yang gzugs la sogs pa dag las gzhan ma yin pa de bas na/ rang bzhin de nyid dang gzhan nyid las 'das pa nyid yin no zhe na/de ni ma yin no/ /'di ltar de kho na nyid ma yin pa ste/ de'i rang bzhin can nyid ma yin pa nyid ni rang bzhin nyid yin no/ /gal te gang zag kyang phung po'i rang bzhin ma yin pa de'i tshe phung po dag las gzhan nyid yin te/ gang gi phyir gzugs dang ro dag kyang phan tshun gzhan nyid du gyur pa ni de kho na nyid ma yin pa ma gtogs par gzhan nyid ma yin pa lta bu'o//gal te rang bzhin la rag lus pa med pa ni gzhan nyid yin na gang zag gi rag lus pa de yang phung po dag la yod pa de bas na de'i rang bzhin ma yin kyang phung po dag las gang zag gzhan nyid ma yin no zhe na/rag lus pa zhes bya ba la sogs pas 'gog par byed de/ phung po dag la gang zag gi rag lus pa zhes bya ba 'di'i gang yin/ rag lus pa'i rgyu gang gis der yang mi 'gyur ba zhes bya ba gang zag phung po'i rang bzhin du mi 'gyur ba dang gzhan gyi rang bzhin can du mi 'gyur ba ste/gang la phung po las gzhan pa'i rang bzhin yod pa zhes tshig rnam par sbyar ro/ /gal te phung po dag las gang zag gi skye ba de nyid rag lus pa yin pa de ltar na 'bras bu nyid yin pa'i phyir phung po dag las gang zag de nyid dang gzhan nyid dang brjod par bya ba ma yin pa nyid du 'dod do zhe na/de ltar na ni rgyu dang 'bras bu thams cad phan tshun brjod par bya ba nyid ma yin par 'gyur ro/ /de ltar na zhes bya ba 'bras bu nyid yin pa'i phyir/ brjod par bya ba nyid ma yin na ni thams cad thams cad la rnam pa 'ga' zhig gis zhes bya ba mngon sum mam brgyud pas nye bar sbyor ba'i phyir te/thams cad la rgyu dang 'bras bu'i ngo bo yod pa'i phyir 'ga' zhig las gzhan du mi 'gyur ro/ /bshad ma thag pa'i brjod par bya ba nyid ma yin pa'i mtshan nyid can 'di brjod par bya ba nyid ma yin par smra ba de lta na yang rgyu dang 'bras bu'i ngo bo nyid sgra gzhan nyid kyis te brjod par bya ba nyid ma yin pa'i sgra bstan par 'gyur ro//don tha dad pa 'ga' zhig gis kyang ma yin zhing gzhan nyid kyang bkag pa ma yin te/ 'di ltar rang bzhin dag gis phan tshun rjes su 'gro ba ste 'dres pa med pa ni gzhan nyid yin par smra'o//rang bzhin gyis rjes su 'gro ba ma yin pa de yang dngos por gyur pa'i don rang bzhin dang ldan pa rgyu dang 'bras bu'i ngo bo dag dang de las gzhan pa dag gi gzhan du yod pa nyid yin pa de lta na dngos po thams cad gzhan nyid yin no/ /gal te skye ba'i mtshan nyid can gyi rag lus pas phung po dag las gang zag gzhan nyid du yod pa ni ma yin mod kyi 'on kyang rag lus pa gzhan nyid du yod do zhe na/de'i zhes bya ba la sogs pa smos te/ skye ba'i mtshan nyid can te/ skye ba'i dbang po can gyi rang bzhin gyi rag las pa las rag lus pa zhes bya ba gzhan yod pa ma yin no//ci'i phyir zhe na/ de las byung ba'i rag lus pa med pa de ni de la rag lus pa med pa de dang lhan cig 'khrul pa gang yin pa de la 'gal ba med pa'i phyir ro/ /gang zhig gang la rag lus pa med pa de ni der 'khrul pa'i phyir zhes bya ba'i tha tshig go//'khrul pa'i phyir rag lus pa yang ma yin no/ /de dang chos tha dad pa las gzhan nyid yin no zhes bya ba ni ji skad du bshad pa'i rag lus pa med pa de bas na phung po dag las gang zag gzhan nyid dang chos tha dad pa gzhan nyid yin no/ /de ltar na gang zag gi chos rnams brjod par bya ba nyid ma yin pa la sogs pa yin zhing phung po dag ni de las bzlog par bya ba nyid la sogs pa yin no//'di la yang sbyor ba gnyis su 'gyur te/ gang zhig gang la rag lus pa med pa de ni de las gzhan pa yin te/ rta las ba lang lta bu'o/ /phung po dag las gang zag kyang rag lus pa med pa zhes bya ba ni rang bzhin gyi gtan tshigs so//gang zhig gang las chos tha dad pa de ni de las gzhan yin te/ dper na rta las ba lang lta bu'o/ /phung po dag las gang zag kyang chos tha dad pa yin no zhes bya ba ni rang bzhin gyi gtan tshigs nyid do/ /gal te 'di ltar skye bas byas pa'i rag lus pa med pa de lta na yang phung po dag las gang zag gi shes pas byas pa'i rag lus pa yin no zhe na/de nyid ni de ltar ni 'gyur na zhes bya ba la sogs pas 'chad par byed de/ gang gi rtogs pas ni gang rtogs pa ste/ de med na mi 'byung ba ste med na med pa'i shes pa gang yin pa de nyid ji ltar 'gyur zhe na/ de rtogs pa la zhes bya ba la sogs pa smras te/med na mi 'byung ba'i don de rtogs shing khong du chud pa yod na nges par de snang ba'i phyir dngos po de de'i ngo bo ma yin du zin kyang ste rtogs pa med na mi 'byung ba'i shes pa de gang yin pa de dang 'bral du zin kyang brjod par bya ba ma yin te/ de las gzhan nyid ma yin no zhes bya ba ni lhag ma yin no/ / gzugs la sogs pa gzung ba nyid kyis kyang gang zag kyang gzung ba yin te de ni mig la sogs pa'i rnam par shes pas shes par bya ba nyid yin pa'i phyir ro/ /de bas na gzugs la sogs pa rtogs pa med na mi 'byung ba gang zag rtogs pa yin pa de ltar na gang zag phung po'i rang bzhin ma yin du zin kyang phung po dag las gzhan nyid du brjod par bya ba ma yin no zhe na/ma yin te zhes bya ba la sogs pas 'gog par byed de/ gang zag ni gzugs la sogs pa rtogs pa med na mi 'byung ba'i shes pa ma yin na gang gis de 'byung ba rigs pa yin par 'gyur/ ci'i phyir zhe na/ gang zag de ni bdag nyid gzugs la sogs pa'i rang bzhin dang bral bas rang bzhin med pa nyid yin pa'i phyir ro//gzugs la sogs pa dag dang ma 'dres pa'i ngo bo las gang zag gzhan ma yin gyi/ 'on kyang de nyid ni gzugs la sogs pa'i ngo bor snang ba gang yin pa de'i rang bzhin yin no/ /ci ste gzugs la sogs pa'i rang bzhin gang zag yin pa de'i tshe gzugs la sogs pa'i mtshan nyid dang bral ba'i rang bzhin dang ldan pa nyid de/dngos po yod pa nyid yin na gang zag 'di de dang 'dra ba ste gzugs la sogs pa 'dra bar snang bar thal bar 'gyur ba'i phyir ro/ /tha dad par snang ba yang ma yin no/ /de bas na gang zag yod pa nyid ma yin te/ gang gi phyir snang du rung ba ste/ dmigs pa'i mtshan nyid kyi gyur pa ni mi snang ba ni med pa'i phyir ro//'dis ni gang zag med par bsgrub pa'i phyir rang bzhin mi dmigs pa bshad pa yin no/ /ci ste snang du rung ba yin du zin kyang mi snang ba'i phyir med par ma gyur cig snyam pas gang zag mi snang bar 'dod na yang de'i ngo shes pa ste/ gang zag gi rang bzhin 'dzin pa'i shes pa ma yin pa de ltar na gang gang la rag lus pa yin te/gzugs la sogs pa'i shes pa med na mi 'byung ba gang gang zag shes pa ma yin no zhes bya ba'i don to/ /de ltar na shes par byas pa'i rag lus pa ma yin no zhes dgongs so/ /gal te gzugs la sogs pa la rag las pa'i rtogs pa can nyid yin pa'i phyir gang zag tha dad par snang ba ma yin no zhe na/gang la zhes bya ba la sogs pa smos te/ gang la rag lus pa shes pa can te/ gang la rag lus pa dmigs pa can gyi dngos po gang yin pa de'i rang bzhin snang ba nyid ni nyams pa ma yin no zhes bya bar sbyar ro/ /ci dang 'dra bar zhe na/ sngon po zhes bya ba la sogs pa smos te/ dper na sngon po la sogs pa snang ba la rag lus pa'i shes pa can dag ste/snang ba gsal du zin kyang sngar gyi so sor snang ba nyams pa ma yin te snang ba las tha dad par de dag snang ba'i phyir ro/ /de dang 'dra bar gang zag kyang 'gyur ro/ /gzhan yang phung po de la gang zag ces bya ba'i don de nye ba ste 'brel pa gang yin/ nye ba'i rgyu gang gis phung po'i tshogs de la bdag med pa'i ngo bo zhes bya ba gang zag med pa'i rang bzhin snang bar gyur pa na bdag nyid so sor nye bar gnas te bdag nyid 'dzin par byed ces bya ba'i don to//de ltar na shin tu thal bar 'gyur te/ rag lus pa med par snang ba na gal te nges par gang gang zag so so snang ba de'i tshe gang 'ga' zhig snang ba na gzhan shin tu 'brel pa med par yang rtogs pa nyid du 'gyur ro zhes bya ba'i don to//gal te gang zag rtogs par 'byung ba de dag gi nye bar len pa can te/ gzugs la sogs pa'i nye bar len pa can nye ba yin no zhe na/ nye bar len pa'i don 'di gang yin/ re zhig gzugs la sogs pa dag dang gang zag ni go rims bzhin du rgyu dang 'bras bu'i ngo bo yang ma yin te/de khas mi len pa'i phyir ro/ /rgyu dang bral ba'i ngo bo khas len na gzugs la sogs pa mthong bas nges par gang zag mthong ba ma yin no/ /ci'i phyir zhe na/ gang gi phyir rgyu dang 'bras bu dag gdon mi za bar phan tshun rtogs pa nye bar 'jog pa can gang yin te/rgyu dang 'bras bu gang dag la phan tshun rtogs pa nye bar 'jog pa ste/ rang gi ngo bo mthong ba yod pa zhes bya bar tshig rnam par sbyar ro/ /gal te gang zag gzugs la sogs pa med na mi 'byung ba nyid ni ma yin mod kyi/ 'on kyang gang zag shes pa gang yin pa de med na mi 'byung ba nyid de gzugs la sogs pa mi 'byung ba de nyid nye ba yin no zhe na/de med na mi 'byung ba'i shes pa de nyid ni gzugs la sogs pa gang zag rag lus pa med par rigs pa ma yin no zhes brjod pa ma yin nam/ gzugs la sogs pa gang zag rgyu dang 'bras bur gyur pa ma yin pa dag la rag lus par 'gyur ro zhe na/de'i phyir rgyu dang zhes bya ba la sogs pa smos te/ rgyu dang 'bras bur gyur pa ma yin pa dag la ni dngos su 'brel pa cung zad kyang yod pa ma yin no zhes mang du bshad zin to/ /'di ltar gang rtogs pa med na mi 'byung ba'i shes pa gang yin zhes brjod par shes pa ste/ gzugs la sogs pas dben pa'i gang zag gi shes pa yod par 'gyur na de yang yod pa ma yin no//gang gi phyir rnam par shes pa ste mthong ba'i blo la rang gi ngo bor gang zag snang ba ma yin no/ /ji ltar zhe na/ rang gi ngo bo ma yin pa dang 'dres pa med par te rigs mi mthun pa dang 'dres pa med pa zhes bya ba'i don to/ /gang yin pa de ni cung zhig kyang ma yin no zhes bya bar sbyar ro//de med pa'i phyir te/ ji skad du bshad pa shes pa med pa'i phyir/ gang zag don gyi ngo bo brjod par bya ba nyid ma yin pa'i mtshan nyid du grub pa ma yin no// // / @##/ /tshad ma rnam 'grel gyi 'grel bshad/ bam po sum cu gnyis pa/ de bas na zhes bya ba de'i phyir don dam pa'i rang bzhin nyid du 'ga' zhig la don 'ga' zhig tu yod pa nyid kyis de la de nyid dang gzhan nyid la brten par 'gyur te/dngos po la rnam pa gzhan med pa'i phyir ro/ /skad cig mar smra ba gang gi dngos po 'jig pa'i ngang tshul can ni cir yang mi 'gyur ba dngos po de bdag nyid 'ba' zhig mi 'gyur ro zhes 'dod pa des ni med par 'gyur zhes brjod pa na/dngos 'gyur min zhes bya ba ste/ dgag pa tsam nyid brjod pa yin gyi/ 'ga' zhig bsgrub pa ni ma yin no/ / de bas na skad cig mar smra ba'i de nyid dang gzhan nyid kyi rnam par rtog pa'i 'jug pa yod pa ma yin no zhes dgongs so/ /gal te zhes bya ba la sogs pas 'chad par byed de/ gal te skad cig mar smra ba 'dis dngos po med par 'gyur ro zhes bya ba sgrub pa la reg pa sgra nyid kyis brjod pa de lta na yang dngos por mi 'gyur ro zhes bya ba kho nar bstan par 'gyur ro//gal te cung zad sgrub par mi byed pa de lta na dngos po de ldog par 'gyur ro//ci'i phyir zhe na/ dgag pa dngos po tsam rnam par gcod pa la sgrub pa mi srid pa'i phyir ro/ /gang gi phyir dngos po 'jig pa'i ngang tshul can la dngos po'i chos cir yang mi 'gyur ro zhes bya ba de nyid kyi phyir dngos po'i 'jig pa la rgyu cung zad kyang yod pa ma yin no//de ltar na dngos po 'jig pa 'di'o/ /gal te bya ba cung zad cig ste las su bya ba cung zhig yod na/ dngos po 'jig pa'i rgyu gzhan la ltos par 'gyur na/bya ba cung zhig kyang yod pa ma yin no/ /de bas na 'jig pa'i rgyu cung zhig kyang mi byed pa yin no/ /dngos po gang cung zhig mi byed pa de la/ ci'i phyir 'ga' zhig gis ltos 'gyur te ltos par mi 'gyur ro/ /bya ba zhes bya ba la sogs pas 'chad par byed de/las su bya ba yod na byed pa por 'gyur te/ dngos po 'jig pa'i ngang tshul can la bya ba cung zad kyang med do zhes sngar bshad zin to/ /de bas na 'ga' zhig 'jig pa'i rgyu zhes bya ba gang yin pa de ni dngos po la cung zhig kyang mi byed pa de ltar na 'jig pa'i rgyu cung zad kyang mi byed pa la ltos par bya ba yin no//de ni zhes bya ba la sogs pa gzhan gyi yin te/ gal te 'jig pa'i ngang tshul can la phul du byung ba cung zhig kyang skye ba med na de ni phul du byung ba skye ba med pa can te/de'i gnas skabs can ji ltar dngos po snga ma'i gnas skabs can de 'jig pa zhes bya/ gang la phul du byung ba skye ba yod par zhes bya bar tshig rnam par sbyar ro/ /phul du byung ba zhes bya ba la sogs pa ni grub pa'i mtha' smra ba yin te/'jig pa rgyu las dngos po phul du byung ba skye ba yin par khas len par byed na yang / de nyid dngos po de'i 'jig pa/ /zhes bya ba phul du byung ba skye ba zhes bya ba ma yin nam/ dngos po de ji ltar na 'jig pa zhes bya ba ste/ gzhan 'byung ba gzhan 'jig pa ma yin no/ /gang gi phyir de lta yin pa'i rgyu des ni de'i gnas skabs can gyi dngos po 'di 'jig pa zhes bya ba ma yin no//'on kyang gang gis te gang gi phyir bdag nyid med par 'gyur ba de 'jig pa yin kyi/ don gzhan 'jig pa zhes bya ba skye ba las ni ma yin no zhes de ma thag tu bshad zin to/ /gang gi phyir phul du byung ba 'jig pa zhes bya ba skyed pa dngos po'i bdag nyid 'jig pa zhes bya ba ni ma yin no//ci'i phyir zhe na/ med pa ni phul du byung ba nye bar brjod pa thams cad de/ bstan pa ma yin pa de dag log pa de'i sgo nas te/ nus pa'i tha snyad thams cad ldog pa zhes bya ba'i don to/ / dngos po'i chos thams cad kyis dben pa ste bral ba gang yin pa de'i mtshan nyid can yin pa'i phyir ro/ /de bas na dngos po med pa la phul du byung ba cung zad kyang yod pa ma yin te/ phul du byung ba skye na ni med pa nyid nyams par 'gyur ro/ /gang gi phyir dngos po ni skye ba dang 'brel pa'i mtshan nyid can yin pa'i phyir te/gang 'ga' zhig gi phul du byung ba skye ba dang 'brel pa ste ldan pa yod pa ni dngos po de'i mtshan nyid can yin pa'i phyir ro/ /de bas na med pa ste 'jig pa la phul du byung ba gzhan 'ga' zhig dgod par bya ba ste/ sgrub pa nye bar dgod par bya ba ma yin no//des ni zhes bya ba la sogs pa smos pa la 'jig par rang bzhin med pa nyid du bstan pa'i rgyu 'dis na rgyu med can yin yang ste/ 'jig pa khas len na 'jig pa de dang po ma byung ba nyid nas skad cig ma gnyis par 'gyur ro zhes bya ba de ltar na/ ma byung nyid nas 'jig yod phyir/ / 'jig pa de myu gu la sogs pa dang 'dra bar yod pa dang / 'jig pa nyid du 'gyur zhes bya ba/ /yod pa nyid dang 'jig nyid skyon/ /gang yin pa de ni de nyid kyis thal bar 'gyur ba bsal ba yin no/ /gang yang zhes bya ba la sogs pas 'chad par byed de 'jig pa rgyu med pa can nyid yin na yang ma byung ba nyid nas 'jig pa 'di yod pa'i rgyu'i phyir ro//yod pa nyid dang mi rtag pa nyid bzlog par dka' zhing ma byung ba nyid nas 'gyur ba dang / 'jig pa rgyu med pa yang 'gal ba ste/ res 'ga' 'byung ba dang rgyu med pa nyid 'gal ba'i phyir ro/ / skyon nye bar bkod pa de yang 'jig pa ngo bo nyid med par bstan pa 'dis bsal ba yin no/ /ci'i phyir zhe na 'jig pa'i che dngos po 'ga' zhig ste/ 'jig pa zhes bya ba'i chos 'byung bar khas ma blangs pa'i phyir ro/ /ji ltar zhes bya ba la sogs pas gzhan gyi bsam pa'i dogs pa bsu ba yin te/dngos po nyid du mtshungs pa la ji ltar skye ba can 'ga' zhig ste/ skye ba dang ldan pa dag rang gi yul du gzhan 'byung ba'i gegs byed pa'i mtshan nyid kyi thogs pa nyid 'dod kyi gzhan ma yin pa de bzhin du gal te dngos rnams 'jig rang bzhin yin gyi zhes bya ba dngos po skye ba dang ldan pa nyid yin gyi/nam mkha' la sogs pa skye ldan min ma yin pa de ltar na yod pa nyid gang yin pa de skad cig ma yin no zhes bya ba de ni 'khrul pa yin no/ /ci ste zhes bya ba la sogs pas 'chad par byed de/ dngos po rnams kyi de'i rang bzhin du 'gyur ba ni bla'o//rang bzhin de yang gang zhe na skad cig mar zhes bya ba la sogs pa smos te/ dngos po gang la skad cig mar gnas pa yod pa zhes tshig rnam par sbyar ro/ /skad cig mar gnas pa'i chos can gyi rang bzhin de ni skye ba dang ldan pa nyid kyis dngos po rnams 'gyur ba yin gyi nam mkha' la sogs pa skye ba dang mi ldan pa nyid ni ma yin no//'di ltar rang gi ngo bo yin pa'i phyir thams cad thams cad kyi rang gi ngo bor 'gyur ba ni ma yin te/ thogs par byed pa'i bdag nyid can bzhin te/ dper na dngos po'i rang bzhin yin du zin kyang thams cad thogs par byed pa'i bdag nyid can du gyur pa ma yin pa de dang 'dra'o zhes bya ba'i don to//de ni bden te zhes bya ba la sogs pa ni slob dpon gyi yin te/ dper na thams cad thams cad kyi rang bzhin du 'gyur ba ma yin no zhes bya ba de ni bden te/ de ltar na yang 'jig pa'i ngang tshul can gyi rang bzhin can nyid la/'di ltar 'di ni thogs pa dang bcas pa skyed par byed pa yin la/ 'di ni ma yin no zhes bya ba'i rnam pa 'di rigs pa ma yin no/ /de ltar na rgyu'i rang bzhin nges pa las/ 'di ni thogs pa dang bcas pa yin la/ 'di ni ma yin no zhes/ 'bras la rang bzhin nges yin gyi//mi rtag ngo bo tha dad med pa ste/ gang gis na 'ga' zhig ni 'jig pa'i rang bzhin can du 'gyur la/ gzhan ni mi 'gyur/ ci'i phyir zhe na/ mi rtag pa'i rang bzhin gyi tha dad byed rnams med nyid phyir te/ rgyu thams cad kyis 'jig pa'i rang bzhin skyed pa'i phyir ro zhes bya ba'i don to//thogs par byed pa'am zhes bya ba la sogs pas 'chad par byed de/ gzhan zhes bya ba ni bstan du yod pa la sogs pa'o/ /glo bur ba zhes bya ba ni rgyu med par ro/ /so sor nges pa dang ldan pa ni dngos po 'ga' zhig nyid la'o/ /dngos po rnams kyis thogs pa la sogs pa'i chos skyed par byed pa'i rgyu'i nus pa'i gnas pa ste/nus pa'i nges pa so sor nges pa'i yul can ci 'dra ba de 'dra ba ste/ rgyu'i nus pa'i rjes su mthun pa 'bras bur gyur pa'i phyir/ rgyu'i rang bzhin gyi nges pa'i rgyu las 'bras bu'i rang bzhin nges par 'dod par bya'o/ / ci ste yang rgyu'i nges pa las rang bzhin gyis nges pa ma yin gyi 'on kyang glo bur ba yin pa de'i tshe 'di'i 'bras bu glo bur ba nyid yin par khas len na yang yul dang dus kyi nges pa mi rung ngo zhes skyon yang bshad zin to/ /de bas na thogs pa dang bcas pa'i rgyu las skye ba ni thogs pa dang bcas par 'gyur zhing /thogs pa med pas skyed pa'i phyir thogs pa med pa zhes bya ba'i rgyu'i nges pa las 'bras bu'i rang bzhin gyi nges par 'gyur ro/ /thogs par byed pa'i bdag nyid can gyi rgyu de'i tshogs pa'i rang bzhin de'i nges pa bzhin du 'jig pa'i rang bzhin skyed par byed pa'i nges pa'i rang bzhin can rgyur gyur pa'i dngos po 'ga' zhig 'jig pa skyed par byed pa yin gyi thams cad ni ma yin no zhes de lta bu ma mthong ngo //dngos po gang la 'jig pa skyed par byed pa nges pa'i rang bzhin yod pa zhes bya bar tshig rnam par sbyar ro/ / rgyu so sor nges pa gang gis de la skye ba dang ldan pa dang / 'jig pa skyed par byed pa'i rgyu las skye ba yod pa gang yin pa de ltar 'gyur ba ste/ 'jig pa'i ngang tshul can du 'gyur zhing gzhan te mtshan nyid mi 'dra ba can gyi rgyu las skye ba can gang yin pa de ni ma yin no/ /ci'i phyir zhe na/ rnam pa thams cad las skye ba can dag gis 'jig pa mthong ba'i phyir te/ gang dag la rgyu rnam pa thams cad las skye ba yod pa zhes bya bar tshig rnam par sbyar ro/ /de yang skye ba dang ldan pa thams cad ni 'jig par grub pa'i phyir ro zhes bya ba'i skabs su bkag zin to/ / skye ba dang ldan pa nyid 'jig pa'i rang bzhin can du 'gyur gyi skye ba dang ldan pa ma yin na ni ma yin pa ma yin nam zhes bya ba gzhan gyis brgal ba na rnam pa thams cad las skyes pa can dag 'jig pa'i rang bzhin can du gzhan yang khas len la/ grub pa'i mtha' smra bas kyang / / mi rtag ngo bo tha dad med/ /ces brjod pas skye ba dang ldan pa nyid 'jig par bsgrubs pa'i phyir brgal ba dang rjes su mthun pa'i lan ma yin no zhe na/ skye ba dang ldan pa ma yin pa ni yod pa ma yin no zhes de snyam du bsams pa'o/ /de lta na nam mkha' la sogs pa skye ba dang ldan pa ma yin pa nyid du 'dod pa gang yin pa de dag ni gdon mi za bar don gyi bya ba byed par khas blang bar bya ste/de dang 'brel pa ni yod pa nyid ma yin pa'i phyir ro/ /de dag ni don gyi bya ba byed pa yang 'ga' zhig gi tshe byed par 'gyur ro zhes khas blang bar bya ste/ de'i 'bras bu nyid du brtags pa dag thams cad kyi tshe mi dmigs pa'i phyir ro//de lta na de dag kyang lhan cig byed pa dag gis khyad par du byas pa can thob par 'gyur te/ ltos pa med pa 'ga' zhig gi tshe yang rgyu dang 'bras bu 'gal ba'i phyir ro/ /de bas na de dag kyang don gyi skye ba dang ldan pa thob par 'gyur ba de ltar na/skye ba dang ldan pa de dag nyid 'jig pa'i rang bzhin can ma yin par khas blang bar bya ba yin na/ de yang mi 'thad pa'i phyir de ni mi rtag ngo bo tha dad med ces bya ba 'dis bstan pa yin no/ /tshogs zhes bya ba la sogs pa ni gzhan gyi yin te/ rgyu rnam pa thams cad pa las dngos po rnams las skye ba yod pa gang yin pa de dag ni 'jig par 'gyur ro zhes bya ba 'di yang nges pa med pa nyid ma yin nam/ci'i phyir zhe na/ tshu rol mthong ba dag gis rgyu'i tshogs pa de dag ma lus pa mthong ba med pa'i phyir te/ ma lus pa gzung ba med pa'i phyir ro/ / gal te tshogs pa 'ga' zhig 'jig pa skyed par byed pa mthong ba'i phyir ma mthong du zin kyang de'i rigs can nyid kyis de ltar gyur pa nges pa yin no zhe na/ tshogs pa zhes bya ba la sogs pa smras te/ gang la nus pa sna tshogs yod pa zhes bya bar tshig rnam par sbyar ro/ /tshogs pa ste rgyu'i nus pa mthong bar 'gyur ba de las te/tshogs pa'i nus pa sna tshogs pa'i nang nas tshogs pa 'ga' zhig gyur na yang gang gis dngos po 'jig pa'i ngang tshul can ma yin pa'i bdag nyid skyed par 'gyur zhe na/ ma yin te zhes bya ba la sogs pas lan 'debs par byed de/ skyon 'di yod pa ma yin no/ /de ci'i phyir zhe na/ shes bya'i skabs yin pa'i phyir te dngos po shes bya nyid skad cig ma nyid du sgrub pa'i skabs yin pa'i phyir ro/ /de nyid bstan pa'i phyir 'ga' zhig gi tshe zhes bya ba la sogs pa smos te/ dus 'ga' zhig gi tshe yul 'ga' zhig tu skyes bu 'ga' zhig gis don shes par 'gyur ba yang shes par mi 'gyur ba gang yin pa de dag ni yod pa nyid rjes su 'brel pa can gyi 'jig pa yin no zhes brjod do//shes bya'i rang bzhin gang yin pa de nyid kyang byas pa ste/ don gyi bya ba byed pa nyid byas pa nyid yin pa'i phyir de dag nyid mi rtag pa nyid du sgrub par 'gyur ro//shes pa tsam gyi mtshan nyid can yin na yang don byed par mi nus pa ni dngos po nyid ma yin pa'i phyir/ mi rtag pa nyid du sgrub pas ci zhig bya/ shes bya nyid skad cig ma nyid du sgrub pa ni bla ste/ de lta na yang ji ltar rang bzhin dang rjes su 'brel ba can 'jig par 'gyur zhe na/gang zhig ces bya ba la sogs pa smos te/ gang zhig sngar shes pa skyed par byed pa'i rang bzhin can de dag 'jig pa med pa can te/ rang bzhin de nyid la rnam par gnas pas kyang skyed par mi 'gyur ba srid pa yod pa ma yin te/rang bzhin la rnam par gnas pa dag ni skyed par mi byed pa dang 'gal ba'i phyir ro/ /lhan cig byed pa la ltos nas 'ga' zhig gi tshe skyed par byed do zhes bya ba'i rtog pa yang len pa ma yin no/ /gang gi phyir gzhan la ltos par 'gyur ba srid pa yod pa ma yin no zhes bya bar sbyar ro/ / ci'i phyir zhe na/ de'i skyed par byed pa'i rang bzhin te/ shes pa skyed par byed pa'i rang bzhin ni rang gi rgyu nyid las grub pa'i phyir ro/ /ci ste ltos pa med pa de dag kyang 'ga' zhig gi tshe shes par 'gyur ro zhe na/ de'i phyir ltos pa med pa can zhes bya ba la sogs pa smos te/ yang gi sgra ni nges par gzung ba'i don to//ltos pa med pa can shes pa skyed par byed pa'i rang bzhin can du rnam par gnas pa de dag la dus 'ga' zhig gi tshe skyes bu 'ga' zhig gi shes pa 'ga' zhig kyang ldog pa kho na ma yin te/ thams cad kyi rang gi yul can gyi shes pa dag dus thams cad du skyed par 'gyur na de ltar ni ma yin te/'ga' zhig gi tshe shes pa med pa'i phyir ro/ /de bas na shes pa skyed par mi byed pa dag ni skyed par byed pa'i rang bzhin las nyams pa yin no zhes bya bar rtogs so/ /'jig pa yang rgyu med pa can yin no zhes bstan pa de bas na/ byas pa thams cad rang bzhin gyis 'jig pa dang 'brel pa can nyid du grub pa yin no//'on kyang byas pa shes bya ma yin pa de ltar mi 'gyur ro zhe na/ de'i phyir de ltar zhes bya ba la sogs pa smos te/ de lta bur gyur pa zhes bya ba ma yin pa ni cung zad kyang yod pa ma yin no/ /ci'i phyir zhe na/ don thams cad ni 'ga' zhig gi tshe skyes bu 'ga' zhig gis shes pa'i phyir ro//ci ste 'ga' zhig gi tshe don gyi bya ba mi byed pa tha na shes pa yang skyed par mi byed pa de 'dra ba yod pa de'i tshe/ shes pa tsam gyi don byed pa'i nus pa med na yang don byed pa'i nus pa thams cad dang bral ba de ni dngos po nyid du mi 'gyur ro//de ltar na de'i mtshan nyid can te/ don byed par nus pa'i mtshan nyid can dngos po yin no zhes phyis 'chad par 'gyur ro/ /don byed par nus pa'i mtshan nyid can gyi dngos po rim bzhin du don gyi bya ba byed pa de yang 'jig par 'khrul pa med pa'i phyir ro/ /'jig pa de yod pa nyid dang 'brel pa can du grub pa yin te/'jig pa rgyu med pa can nyid yin pa'i phyir ro/ /bshad ma thag par dngos po thams cad skad cig ma nyid du bsgrubs pa de'i phyir de rnams 'brel pa'i yang ste/ sgra'i don dag gis 'brel pa'i rtag pa nyid ni bsal bya yin te/sun dbyung bar bya ba yin no/ /'jig pa zhes bya ba la sogs pas 'chad par byed de/ 'jig pa ni ji skad du bshad pa'i dngos po tsam dang 'brel pa'i gtan tshigs de nyid kyi phyir/ sgra dang 'dra ba ste dper na sgra'i rtag pa nyid sun phyung ba de dang 'dra bar 'brel pa'i rtag pa nyid kyang bsal bar bya ba yin no//de ltar na re zhig sgra dang don dag gis 'brel pa tha dad par khas blangs nas 'brel pa mi rtag pa nyid du brjod kyi tha dad pa nyid du yang 'thad pa ma yin no/ /'di ltar spyod pa pa dag gis sgra'i nus pa nyid 'brel ba yin par sems te/ de nyid rgyal dpog pa dag gis zhes bya ba la sogs pa smras te/rgyal dpog pa dag gis sgra'i nus pa rung ba nyid ces bya bar rung ba nyid kyi ming can don rtogs pa'i rten du brjod pa gang yin pa rung ba nyid de ni/ sgra las don gzhan nyid du gyur pa ma yin no/ /de ltar na rung ba nyid ces bya ba dngos po rnams kyi phul du byung ba nyid de/brjod par 'dod pa'i don byed par nus pa yin no zhes sngar rgyu dang 'bras bu'i rung ba nyid dang 'dra bar sgra'i nus pa'i ngo bo nyid rung ba nyid yin no zhes bya ba sngar brjod zin to/ /sgra las tha dad pa nyid med pa'i phyir rung ba nyid ces bya ba 'brel pa ni sgra nyid dang 'dra bar mi rtag pa nyid du grub pa de'i phyir tha dad par bstan par bya ba ma yin no zhes dgongs so//sgra las rung ba nyid don gzhan yin pa yang bla ste/ de ltar na yang 'brel pa'i sngar bshad skyon rnams kyi don gzhan du gyur pa'i sgra'i nus pa'ang bsal ba yin par rig par bya'o/ /'brel pa zhes bya ba la sogs pas 'chad par byed de/'brel pa 'brel pa can dag las don gzhan du gyur pa yin no zhes de ltar 'brel pa don gzhan du gyur pa yin par smra ba la/ skyon rnam pa du ma 'brel pa can rnams mi rtag phyir/ 'brel pa la rtag yod ma yin/ /zhes bya ba la sogs pas bshad cing bstan zin to//sngar bshad pa'i skyon de nyid kyis sgra'i nus pa yang 'brel pa'i ngo bor tha dad par brtags pa bsal ba nyid kyi phyir ro/ /yang logs shig tu skyon mi brjod do/ /de de ltar na rig byed skyes bus ma byas pa ma yin no/ /skyes bus ma byas pa yin pa ni bla ste/de ltar na yang de ni bden pa'i don can nyid du nges par byas pa ma yin te/ 'di ltar skyes bus ma byas zhes bya ba nyid yin pa'i phyir rig byed kyi tshig dag /ji bzhin don shes sgrub byed min/ /don phyin ci ma log par shes pa'i rgyu ma yin no/ /'di ltar skyes bu'i skyon te/skyes bu'i nyes pas skyon med pa yin du zin kyang me sogs rnam pa gzhan du mthong ngo / /sogs pa'i sgras ni zla ba'i zer la sogs pa ste/ log pa'i shes pa'i rgyur mthong ngo zhes bya ba'i don to/ /rig byed pa'i zhes bya bas 'chad par byed de/ rig byed pa'i sgra skyes bus ma byas pa yin pa yang bla ste/de lta na yang khas blangs nas kyang rig byed pa'i don de dag don ji lta ba bzhin ma yin pa'i shes pa'i rgyu nyid yin par bsam par bya ba yin par brjod do/ /gang gi phyir skyes bu'i skyon gyis nye bar bsgyur ba ste/ skyes bu'i nyes pa 'dod chags la sogs pa dag gis nye bar sgyur zhing 'dus byas pa nyid las te/log pa'i bsam pas sbyar ba nyid las zhes bya ba'i don to/ /shes par bya ba'i don dag la shes par byed pa'i sgra rnams kyis shes pa 'khrul pa ste/ shes pa phyin ci log pa ma yin te/ log pa'i shes pa skyed par byed pa ma yin no zhes bya ba'i don to//ngo bo nyid kyis kyang log pa'i shes pa skyed par byed pa ni srid pa nyid kyi phyir ro/ /'di ltar de dang bral ba ste/ skyes bu'i skyon gyis nye bar sgyur ba dang bral ba dag gis kyang log pa'i shes pa rnam par shes pa skyed pa'i phyir ro/ /gang dag gis she na sgron ma la sogs pa de dag gis kyang ngo //sogs pa'i sgras ni zla ba'i zer la sogs pa gzung ngo / /don gang dag la zhe na/ ut+pal sngon po la sogs pa dag la'o/ /de ltar ni mtshan mo sgron ma ni ut+pal sngon po la dmar por snang ba'i shes pa'i rgyu zla ba'i zer ni gos ser po la dkar por shes pa'i rgyu yin no//de bas na zhes bya ba de'i phyir skyes bus 'dus byas pa la ltos pa med pa'i rig byed pa'i sgra 'di dag ni 'gyur te zhes bya bar sbyar ro/ /ngo bo nyid kyis te rang bzhin nyid kyi don rnams la spobs pa'i rgyur 'gyur ro/ /ci'i phyir zhe na/ rang bzhin gyi khyad par yin pa'i phyir te/de dag gi rang bzhin gyi khyad par de 'dra ba de ni rang bzhin nye ba tsam gang gi rang gi yul la shes pa'i rgyur 'gyur ba yin no zhes bya ba'i tha tshig go/ /ci dang 'dra bar zhe na/ log par bsal ba can dag kyang nges par 'gyur te/ me la sogs pa bzhin te sgra gang dag las log par bsal ba don rtogs pa yod pa ni zhes par tshig rnam par sbyar ro//de ltar na skyes bus ma byas pa nyid du brtags pa ni don med pa yin no zhes bya bar dgongs so/ /gal te rig byed pa'i sgra 'di ni log par bsal ba can nyid yin no zhes bya ba de'i nges pa'i rgyu med pa de bas na nges pa'i rgyu med pa'i phyir/rig byed pa'i sgra dag las log par bsal ba can nyid yin no zhes rtog pa mi rigs so zhe na/ dpyod pa pa khyed cag gi yang rig byed pa'i sgra dag phyin ci ma log pa'i shes pa'i rgyu yin no zhes bya ba 'di la phyin ci ma log pa pas la ba can gyi nges pa la rgyu ci zhig yod de cung zhig kyang yod pa ma yin no//de bas na khyod kyi gzhung gi don ji lta ba bzhin du bsal ba'i nges pa bzhin du ngo bo nyid kyis te/ rang bzhin nyid kyis don ji lta ba bzhin ma yin pa'i bsal ba'i nges par ci'i phyir mi rtog /ci ste log par bsal ba can gyi nges par ma gyur cig snyam pas 'on kyang me la sogs pa nyid dang 'dra bar don dag la ste/ji ltar me la sogs pa dag bum pa la sogs pa dang sngon po la sogs pa dag la go rims bzhin du bden pa dang brdzun pa'i rnam par shes pa'i rgyu yin pa de ltar na/ rig byed pa'i sgra rnams ni don dag las log pa dang cig shos kyi shes pa'i rgyu nyid kyis gnyi ga'i shes pa'i rgyu nyid du 'gyur ro//de nyid bsal bar bya ba'i phyir me zhes bya ba la sogs pa smos te/ me la sogs ba skyes bus ma byas pa yin du zin kyang / nyin par bum pa la sogs pa gcig la don ji lta ba bzhin du shes pa'i rgyur gyur pa yin na yang /mtshan mo ut+pal sngon po la sogs pa thams cad la de ltar de don ji lta ba bzhin du shes pa'i rgyur gyur pa ma yin gyi/ 'on kyang don ji lta ba bzhin du ma yin pa'i shes pa'i rgyur yang 'gyur ro/ / gal te me la sogs pa ni skyes bu'i bya bas bsgrub par bya ba nyid yin pa'i phyir/ skyes bu'i bya ba nyid yin no zhe na/ de ni de ltar ma yin te zla ba'i snang ba la sogs pa dag ni skyes bu'i bya ba la ltos pa med pa nyid kyi phyir ro/ /sgron ma la sogs pa dag skyes bu las skye ba dang ldan pa yin du zin kyang ste sgra dang 'dra bar skyes bu'i 'dod pa'i dbang gis don gsal bar byed pa ma yin pa de ltar na skyes bus ma byas par brjod do//de ltar rig byed pa'i sgra rnams kyang skyes bus ma byas pa nyid du khas len na yang gnyi gar 'gyur te/ don ji lta ba bzhin dang / don ji lta ba bzhin ma yin pa'i shes pa'i rgyu nyid du 'gyur ro//me la zhes bya ba la sogs pa ni gzhan gyi yin te/ me la sogs pa dag ni byas pa nyid kyi rgyu'i phyir rkyen ji lta ba bzhin du ste/ gang gi 'khrul pa'i rgyu gang yin pa de'i dbang gis gzhan la ste/ ut+pal sngon po la sogs pa la rnam pa gzhan nyid yin pa zhes bya ba phyin ci log gi shes pa'i rgyu nyid yin pa ni bla ste/sgra rtag pa dag la yang lhan cig byed pa'i rkyen gyi stobs kyis log pa'i shes pa skyed pa de yod pa ma yin te/ rtag pa rnams ni lhan cig byed pa'i stobs kyis rnam pa gzhan du 'jug pa med pa'i phyir ro//de lta bu zhes bya ba la sogs pa ni grub pa'i mtha' smra ba'i yin te ma yin nam zhes bya ba'i sgra ni rab tu grags pa bstan pa'i phyir ro/ /de lta bu'i rnam pa zhes bya ba lhan cig byed pa'i stobs kyi don dag la rnam pa gzhan du gyur pa'i mtshan nyid can gyi chos yod pa nyid yin no//de la yang zhes bya ba ni rig byed pa'i sgra dag la yang ngo / /ci'i phyir zhe na/ sgra de dag kyang brda'i stobs las rnam pa gzhan du 'jug pa'i phyir te/ skyes bu'i 'dod pa'i rjes su byed pa can gyi brda'i stobs kyis rnam pa gzhan du don rtogs pa skyed pa'i phyir ro zhes bya ba'i don to//ci ste brda'i stobs las de dag don dag la gzhan du gyur par ni mi 'dod mod kyi 'on kyang rtag pa nyid kyi phyir ngo bo nyid kyis rig byed pa'i sgra rnams ni rang gi yul la rnam par shes pa bskyed pa'i rang bzhin yin pa de'i tshe rang gi yul la shes pa'i 'bras bu skyed par byed pa'i rang bzhin gang yin pa de la gnas pa yin na yang rig byed pa'i sgra de dag brda la sogs pa ste/gdags pa la sogs pa ltos par bya ba med pa'i rgyu'i phyir dang / sogs pa'i sgras ni byed pa'i bya ba la sogs pa gzhan la yang ltos pa med pa'i phyir/ rig byed kyi sgra de las skyes bu'i thams cad kyis thams cad kyi tshe don rtogs pa ste shes par 'gyur na/thams cad kyis thams cad kyi tshe na yang rtogs pa yod pa ma yin no/ /de bas na rig byed pa'i sgra brda la sogs pa la ltos pa med pa rnams ni don rtogs pa skyed pa'i phyir gnas par rang bzhin ma yin gyi/ 'on kyang brda la sogs pa la ltos pa nyid yin no//de dag kyang log pa'i shes pa'i rgyu yin pa de ltar na/ de'i gnas skabs can gyi skyon yod do/ /gzhan yang sgra de ni ma byas par 'dod na ste sems par gyur na sgra ni shes pa nyid kyi rgyur mi 'gyur ro/ /ci'i phyir zhe na/ gang gi phyir rtag pa dag las dngos nus pa ste/rang gi ngo bo'i nye ba'i nus pa ste/ de'i rjes su 'gro ba dang ldog pa'i rjes su byed pas zhes bya ba'i don to/ /shes pa'am gzhan 'ga' yang skye ba yod ma yin/ /gal te zhes bya ba la sogs pas 'chad par byed de/ /gal te sgra ma byas pa yin na sgra de las don shes pa nyid du mi 'gyur ro zhes bya bar sbyar ro//ci'i phyir zhe na/ shes pa zhes bya ba la sogs pa la skye ba dang cig shos zhes bya bar tshig rnam par sbyar ro/ /dus dag ni skye ba dang cig shos kyi dus de dag tu'o/ /des na shes pa'i sgra dang drug pa'i bsdu ba ste shes pa skye ba dang mi skye ba'i dus dag tu zhes bya ba'i don to//rtag pa nyid kyi phyir mtshungs pa'i ngo bo ste/ rang bzhin gcig pa'i shes pa skyed pa la nus pa yod par mi rung ba'i phyir ro/ /shes pa mi skye ba'i tshe gang skyed par byed pa'i ngo bo ma yin pa de nyid la gnas pa de ni skyed bar byed pa nyid du 'gal ba'i phyir/rnam pa gzhan gyis skyed par byed pa dang rnam pa gzhan gyis skyed par byed pa ma yin no zhes brjod par mi nus so/ /ci'i phyir zhe na/ de ltar ngo bo 'dis rtag par mngon par 'dod pa 'di skyed par byed pa yin/ ngo bo 'di nyid kyis skyed par byed pa ma yin no zhes de ltar ngo bo'i khyad par te rang bzhin gyi bye brag gang rnam par phye zhing tha dad par rnam par gzhag pa yang med pa'i phyir te/rtag pa ni thams cad kyi tshe ngo bo gcig nyid yin pa'i phyir ro/ /gal te rang bzhin gcig pa yin du zin kyang sngar skyed par byed pa ma yin zhing phyis skyed par byed par 'gyur ba de ltar na gcig la yang rim gyis 'gal ba'i chos gnyis mi 'gal ba'i phyir ro zhe na/'di'i zhes bya ba la sogs pa smos te/ rtag pa 'di skyed par byed pa ma yin pa ci 'dra ba nyid ni skyed par byed par rigs pa ma yin te/ phyis kyang de'i gzhan skye ba ni med pa gang gis na skyed pa byed par 'gyur/gcig la yang rim gyis kyang 'gal ba'i phyir/ de gnas pa'i sgo nas kyang gcig pa nyid du 'gal ba'i phyir ro/ /lhan cig byed pa lhag par thob nas phyis skyed par byed pa yin no zhes bya ba yang log pa yin te/ 'di ltar gzhan la ltos pa yang ste/rtag pa'i lhan cig byed pa la ltos pa yang sngar bkag pa nyid yin no/ /gang gi phyir de lta yin ba de bas na sgra rtag pa ni 'ga' zhig tu yang skyes bu'i shes pa skyed par nus pa ma yin no/ /ci'i phyir zhe na/ 'ga' zhig gi tshe shes pa mi skyed pa yin na/ phyis kyang de nyid de dag gi rang bzhin nyid yin pas na rtag tu mi skyed par thal ba'i phyir ro//ci ste skyon der ma gyur cig snyam pas de dag 'ga' zhig gi tshe yang mi skyed par mi 'dod do zhe na/ de yang yod pa ma yin no/ /ci'i phyir zhe na/ rang gi yul gyi rnam par shes pa'i 'bras bu rtag tu ma mthong ba'i phyir ro//sgra de dag rnam pa 'ga' zhig gis kyang ste ji ltar yang byed pa po ma yin no zhes bya ba de mang du bshad zin to/ /de ltar ni 'gyur na nam mkha' la sogs pa rtag pa dag las kyang 'ga' zhig gi tshe 'ga' zhig gi blo dag skye bar 'gyur ro zhe na/ de'i phyir de dag gi zhes bya ba la sogs pa smos te/ rtag pa nyid du 'dod pa dag gi zhes bya ba'i 'dod pa smos pa ni de dag la dngos po'i gnas thabs kyis rtag pa nyid yod pa ma yin no zhes bstan pa'i phyir ro/ /nam mkha' la sogs pa la rtogs pa 'byung bar 'dod pa gang yin pa de yang de'i rang bzhin du 'gyur ba ma yin pa ste/nam mkha' la sogs pa'i rang bzhin la rag lus pa can gyi skye ba ma yin te/ rtag pa dang ni rim dang cig car don byed pa 'gal ba'i phyir ro/ /de dag gi skye ba'i rgyu mtshan yang gang yin zhe na/ de ltar na zhes bya ba la sogs pa smos te/ thog ma med pa'i rigs mthun pa'i kun rtog des bsgos pa'i bag chags kyi nus pa de las byung zhing skye ba'o/ /lung ji lta ba bzhin du nam mkha' la sogs pa'i rnam pa gang yin pa de'i sgro btags spyod yul can gyi blo dag /der snang ba can nyid ni de 'ba' zhig go/ /de ltar blo'i rnam par rtog pa'i rnam pa la phyi rol du nges par byas nas phyi rol nyid du btags pa'i nam mkha' la sogs pa de la skye 'gyur gyi zhes bya ba de ltar 'khrul pa 'ba' zhig tu 'gyur gyi//de don spyod yul can ma yin te/ rang gi mtshan nyid kyi yul can ma yin no/ /rang gi mtshan nyid kyi zhes bya ba la sogs pas 'chad par byed de/blo gang la rang gi mtshan nyid kyi yul yod pa'i blo de'i na nges par rang gi mtshan nyid de'i rung ba nyid de nus pa'o/ /de'i nye bar te thag nye ba de'i rjes su byed pa'i ngang tshul can de yod pas yod pa can yin pa'i phyir blo 'di'i rgyur rung zhing nus pa gang yin pa'i rgyu de las nus pa yod na blo der gyur pa nyid yin no//de ltar de rigs pa la gnas pa de ltar na gal te dngos po rtag pa rnams kyi rang gi mtshan nyid la skyes bu 'ga' zhig gi shes par 'gyur ba de'i tshe rgyu rtag pa nye ba'i phyir skyes bu thams cad kyi thams cad kyi tsher 'gyur te/rtag pa lhan cig byed pa la ltos pas 'ga' zhig gi tshe yang 'ga' zhig gi shes pa skyed par byed pa ma yin no/ /de ltar na 'bras bu bskyed par bya ba 'bras bu'i bya ba lhan cig byed pa dag gis khyad par du byas pa gsal ba gang dag la yod pa dag ni gsal ba can dag go//yul dang dus kyi gnas skabs nges pa'i rnam pa 'ga' zhig gis 'bras bu 'ga' zhig la nye bar sbyar ba na ste/ gtan tshigs nyid du bstan ba na 'bras bu de skyed par rung ba'i phul du byung ba'i bdag nyid du gyur pa gang yin pa de thob pa'i rgyu'i dngos po'i khyad par la ltos pa ste/lhan cig byed pa la zhes bya ba'i tha tshig go/ /de ltar zhes bya ba mi rtag pa dang 'dra bar rtag pa'i dngos po'i 'bras bu'i khyad par can ma yin pa phul du byung bar byar med pa can/ de'i rgyu la ltos pa can te 'dzin pa'i lhan cig byed ba'i rgyu la ltos pa can skyes bu 'ga' zhig gis gzung bar gyur pa na'o//gal te skyes bu 'di'i 'dzin pa skyed par 'gyur ba na skyes bu de nyid kyis gzung bar 'gyur gyi gzhan gyis ma yin no zhes bya ba gang yin pa de rigs pa yin te lhan cig byed pa so sor nges pa'i phyir ro/ /gzhan dag ni 'bras bu'i khyad par can zhes rjod par byed de/de'i tshe ni thal bar 'gyur ba sgrub pa yin no/ /lhan cig byed pa la ltos nas skyed par byed pa de yang rtag pa la srid pa ma yin no/ /ci'i phyir zhe na/ brtan pa'i rang bzhin nyid yin pa'i phyir te/ rtag pa ni lhan cig byed pas phul du byung ba nyid du byar med pa'i phyir zhes bya ba'i don to//de bas na rtag tu skyed par byed pa'i rang bzhin du gnas pa nyid kyi phyir skyes bu thams cad kyis cig car te/ dus gcig tu gzung bar 'gyur ro/ /ci ste rtag tu skyed par byed pa'i rang bzhin du gnas pa 'ga' zhig gi tshe mi skyed ba'i phyir ma yin na/de'i tshe yang mi skyed pa'i rang bzhin du 'ga' zhig gi tshe 'dod pa na 'di'i mi skyed pa'i rang bzhin de nyid ni phyis kyang yin pa de ltar na/ skyes bu 'ga' zhig gis kyang 'ga' zhig gi tshe bzung ba ma yin no zhes de ltar nges pa'i gtan tshigs kyi phyir ro/ /gal te skyes bu 'ga' zhig gis rnam pa 'ga' zhig tu rtag pa'i dngos po yod cing bdog ba dus gcig gi tshe mthong bar gyur pa de'i tshe rtag pa de 'ga' zhig gi yang dbang po las 'das par 'gyur ba ma yin zhing rtag tu dbang pos gzung bar bya ba nyid du 'gyur te//thams cad du skyes bu thams cad la rtag pa'i rang bzhin du khyad par med pa'i phyir ro//rtag pa de'i yang rtag pa'i shes pa skyed par byed pa yod pa yin no/ /de bas na don gyi nus pa la ltos pa med pa ste/ nam mkha' la sogs pa rang gi mtshan nyid can gyi nus pa la ltos pa med pa'o/ /sgro btags ba'i spyod yul can ni lung ji lta ba bzhin du sgro btags pa can te/nam mkha' la sogs pa'i rnam pa can du snang ba zhes bya ba'i don to/ /nang nyid kyi nye bar len pa ste rgyu la brten nas so/ /ci 'dra ba zhig ce na rnam par rtog pa'i bag chags sad pa ste/ nam mkha' la sogs pa'i rnam par rtog pa thog ma med pa can gyis bsgos pa'i bag chags de sad pa ni 'bras bu skyes pa'i phyir mngon du phyogs pa'o//don gyi nus pa la ltos pa med pa zhes bya ba 'dis phyi rol gyi stong pa dag yin mod kyi gang gi phyir phyi rol don gyi nus pa la ltos pa med pa de nyid kyi phyir/ phyi rol gyi don gyi stong pa dag ces bya ba'i tshig de nyid kyi 'bras bur gyur pa yin no/ /gzhan dag ni don gyi nus pa la ltos pa med pa zhes bya ba 'dis don gyi rang gi mtshan nyid kyi rnam pa gnyis bkag pa yin te/ don gyi nus pa ni rnam pa skyed pa'i mtshan nyid yin pa de la ltos pa med pa'o//de nyid kyi phyir sgro btags ba'i spyod yul can zhes smos so/ /'dod par ni 'gyur na gal te yang nam mkha' la sogs pa'i rjes su byed par 'gyur ba ma yin pa de lta na yang mig la sogs pa dang 'dra bar mig gi rnam par shes pa la sogs pa la/ phyi rol gyi nam mkha' la sogs pa'i rang gi mtshan nyid de yang bdag po tsam gyi nye bar sbyor ba yin no zhe na/de'i phyir phyi rol gyi don gyis stong pa dag ces bya ba smos te/ phyi rol gyi don bdag por gyur pa stong pa dag kyang zhes smra'o/ /nam mkha' la sogs pa la skyes bu thams cad kyi 'khrul pa de lta bu'i ngo bo can skye bar 'gyur te/rtag pa dag las 'bras bu skye ba med do zhes bya ba der gnas so/ /'ga' zhig gi tshe sgra rnams kyi 'bras bu shes pa snang ba de bas na/ sgra rnams ni gzhan du 'gyur ba ma yin pa'i chos can ma yin te/ gang la ngo bo nyid gcig las gzhan du mi 'gyur ba'i chos yod pa de ni zhes bya bar tshig rnam par sbyar ro//'on kyang brda'i stobs las rnam pa gzhan du 'gyur ba nyid do/ /ci ste sgra dag rnam pa gzhan du 'gyur ba can du mi 'dod kyi 'on kyang rtag pa'i ngo bo nyid gcig pa yin pa de'i tshe rig byed pa'i sgra rnams de kho na nyid yin par 'dod na/don phyin ci ma log par rtogs pa can rig byed pa'i sgra yin no zhes bya ba de gang las yin/ gang dag las don phyin ci ma log par rtogs pa yod pa zhes bya bar tshig rnam par sbyar te/ /don phyin ci log tu rtogs pa can du yang ci'i phyir mi 'gyur/'dod par ni 'gyur na me ni kha ba'i gnyen po yin no zhes bya ba la sogs pa'i rig byed pa'i ngag ni phyin ci ma log pa nyid yin pa'i phyir thams cad phyin ci ma log pa nyid yin no snyam pa de'i phyir/ me ni zhes bya ba la sogs pa smos te/ me ni kha ba ste grang ba'i gnyen po yin no zhes bya ba de lta bu la sogs pa rig byed kyi ngag rnams la yang me ni grang ba 'joms par nus pa rig byed kyi ngag las sngar yang brda ji lta ba bzhin du 'jig rten pa la grags pas bstan pas rig byed kyi ngag don la ma mthong ba thams cad kyang phyin ci ma log pa de ltar 'gyur ba yang ma yin no//'jig rten la rab tu grags pa'i don la 'jig rten pa ni rang gi brda'i rjes su 'brangs nas/ tha snyad 'dogs pa ma mthong ba de bas na 'jig rten ni rang gi 'dod pas byas pa'i brda gang yin pa'i rjes su ste/ phyis brda'i rjes su tha snyad 'dogs pa'i phyir the tshom za ba nyid yin no//'jig rten 'di rang gi brda'i rjes su byed cing rjes su 'brang bas me ni kha ba'i gnyen po yin no zhes bya ba'i ngag las ci de ltar me ni grang ba zlog par nus pa yin no zhes rtogs shing nges sam/ 'on te sgra'i rang bzhin gnas pa las te/ sgra'i rang bzhin 'jug pa'i nus pa'i nges pa las de ltar rtogs pa yin zhe'o/gang gi tshe rig byed pa'i sgra'i don mthong ba nyid la/ ngo bo nyid kyis don bstan par nus pa la the tshom za ba de'i tshe shin tu lkog tu gyur pa'i don la shin tu srid pa yin no zhes bya bar dgongs so/ /'jig rten pa'i grags pa'i rjes su byed pas rig byed pa dag gi yang don gsal bar byed pa yin du chug na yang 'jig rten la grags pa de ni sgra rnams kyi ji ltar gnas pa'i nus pa gsal bar byed pa yin pa'i phyir/thams cad la ngo bo gcig pa can nyid kyis bden pa'i don can yin pa de bas na thams cad la rig byed pa dag gi don phyin ci ma log pa can nyid du 'gyur ro zhe na de'i phyir 'jig rten gyis zhes bya ba la sogs pa smos te/sgra dag gzhan du gyur pa yin na ste/ brda ji lta ba bzhin du don dag la 'god par bya ba yin na'o/ /gzhan la ste yul gzhan la sogs par rnam pa gzhan du gyur pa la'o//rnam pa gzhan du zhes bya ba ni don gzhan dgod pas gzhan du gyur pa'o/ /snang ba'i phyir zhes bya ba'i gtan tshigs kyis 'jig rten gyi grags pa'i rjes su byed pas khas len pa la yang rig byed kyi sgra de dag rnam pa gzhan te/ log pa'i don can nyid du 'gyur ba srid de grags pa nyid du rnam par gnas pa nyid med pa'i phyir ro//de bas na me ni kha ba'i gnyen po yin no zhes bya ba la sogs pa'i rig byed kyi ngag 'ga' zhig phyin ci ma log pa mthong du zin kyang / mtho ris 'dod pas mchod sbyin bya'o zhes bya ba la sogs pa'i rig byed kyi ngag thams cad de lta bu'i ngo bo ste/bden pa'i don can du grub pa ma yin no/ /gal te ma byas pa'i rang bzhin can nyid yin pa'i phyir rig byed pa'i sgra dag ni ngo bo nyid kyis bden pa'i don can nyid yin no zhe na/ de dag ces bya ba la sogs pa smos pa la/ de dag ces bya ba rig byed pa'i sgra ni bden pa'i don can nyid du nges pa dang 'dra bar sgra 'ga' zhig log pa'i don can nyid du nges pas kyang 'gyur ro/ /phyir te gtan tshigs kyis rang bzhin yongs su shes pa med pas zhes bya ba 'dis ni log pa'i don can yin no zhes bya ba de ltar rnam par phye ba'i sgo nas sgra'i rang bzhin nges par byas pa med pa sgra thams cad la the tshom du 'gyur/rig byed pa'i ngag ni bden pa'i don can yin te ma byas pa'i phyir zhes bya ba'i sbyor ba 'di la gal te rjes su 'gro ba med pa de ltar na yang ldog pa tsam las bden pa'i don can nyid du grub pa yin no zhes bya ba ni kha cig gi yin no//de ltar ni bden pa'i don can nyid dang log pa'i don can nyid dag gis thams cad la khyab pa yin te/ rnam pa gzhan mi srid pa'i phyir ro/ /log pa'i don can nyid kyang byas pa nyid kyis khyab pa yin la/ gang du khyad par byed pa byas pa nyid log pa der log pa'i don can nyid log pas rig byed kyi ngag ma byas pa la yang /byas pa nyid log cing de log pas log pa'i don can nyid kyang log na de log pa'i tshe rig byed kyi ngag bden pa'i don can du grub pa de nyid phyogs snga ma dgod pa'i phyir/ gal te zhes bya ba la sogs pa smos te/gal te byas pa log pa nyid/ /mthong ba nyid kyi phyir na tshig /ma byas bden don can yin te/ /zhes bya bar sbyar ro/ /ci'i phyir zhe na/ log pas zhes bya ba la sogs pa smras te/ gtan tshigs ma byas pa nyid ldog pa byas pa nyid gang yin pa des so//'gal ba khyab phyir ro zhes bya ba bden pa'i don can nyid du bsgrub par bya ba gang yin pa de dang 'gal ba log pa'i don can nyid de de la khyab pa'i phyir ro/ /log pas zhes bya ba ni byed pa po'i drug pa yin te/ gtan tshigs ldog pa byas pa nyid kyis bsgrub par bya ba dang 'gal ba log pa de'i don can nyid la khyab pa'i phyir ro zhes bya ba'i don to//ci ste zhes bya ba la sogs pas 'chad par byed de log pa'i don can gyi tshig gang yin pa ma lus shing lus pa med pa ni byas pa'i phyir gtan tshigs ma byas pa nyid log pas byas pas bsgrub par bya ba log pa ste/bden pa'i don can gyi bsgrub par bya ba de log pa'i don can de la khyab pa'i phyir gzhan ma byas pa la yang log pa'i don can nyid mi srid pa'i rgyus ma byas pa ni bden pa'i don can yin no zhes bya ba rjes su 'gro ba med par yang 'gyur ro/ / rig byed kyi ngag ni bden pa'i don can yin te/ ma byas pa nyid kyi phyir zhes bya ba'i sbyor ba 'di la gal te rjes su 'gro ba med pa de lta na yang rjes su 'gro ba med par yang grub par 'gyur ro zhes bya ba'i don to/ /'di ltar khyab par bya bar 'dod pa'i don gang la khyab par byed par 'dod pa gang gis ma khyab na khyab par bya bar 'dod pa ldog pa de la khyab par byed pa ldog pa ste/rigs mi mthun pa'i chos 'di yang 'di la srid par 'gyur ro zhes dogs par bya'o/ /de skad du gal te log pa'i don can nyid la byas pa nyid khyab par mi 'gyur ba de'i tshe byas pa de ldog pa'i ma byas pa nyid log pa'i don can nyid la srid par 'gyur na de yang 'di la yod pa ma yin te/byas pa nyid kyis log pa'i don can nyid la khyab pa'i phyir ro zhes bya ba bstan par 'gyur ro/ /'gal ba khyab pa la 'gal ba yod pa ma yin te/ 'di ltar byas pa dang ma byas pa 'gal ba dag ni log pa'i don can gcig la yod pa ma yin no//log pa'i don can nyid la byas pa med na yang byas pa'i rigs mi mthun pa'i don la bden pa'i don can nyid dang log pa'i don can dag las rnam pa gzhan med pas gal te ji skad du bshad pa'i rnam pas ma byas pa las log pa'i don can log pa yang ma byas pa nyid bden pa'i don can du mi 'gyur ba de'i tshe ma byas pa de la rnam pa gzhan ci zhig tu 'gyur/de bas na rjes su 'gro ba med par yang 'dod pa'i don ma byas pa nyid bsgrub pa'i phyir dang / de sgrub par byed pa nyid yin pa'i phyir te/ rtags ni 'dod pa'i don sgrub pa nyid kyi phyir rjes su 'gro ba bstan pa don med pa yin no/ /ci'i phyir zhe na/ ji skad du bshad pa'i rnam pa'i ldog pa can nyid kyis bsgrub par bya ba grub pa'i phyir ro zhe na de ni bden te zhes bya ba la sogs pa slob dpon gyi yin te/ mi mthun pa'i phyogs la gtan tshigs ldog pa sgrub pa yod na bsgrub par bya ba grub par 'gyur ro zhes bya ba de ni bden te/gal te bsgrub par bya ba dang sgrub par byed pa bden pa'i don can dang ma byas pa nyid dag gi mi mthun pa'i phyogs log pa'i don can dang byas pa gang yin pa de dag gi khyab par bya ba dang khyab par byed pa'i ngo bo grub par 'gyur na ste/gal te byas pa nyid kyis log pa'i don can nyid la khyab pa grub par gyur na zhes bya ba'i don to/ /de'i tshe byas pa nyid kyis log pa'i don can la khyab pa las ma byas pa nyid log par gyur na/khyab par bya ba dang khyab par byed pa'i ngo bo de yang mi mthun pa'i phyogs dag la grub pa ma yin no// //tshad ma rnam 'grel gyi 'grel bshad/ bam po sum cu gsum pa/ ji ltar zhe na 'di zhes bya ba la sogs pa smos te/ bsgrub par bya ba'i mi mthun pa'i phyogs log pa'i don can nyid la med phyir te/mi srid pa'i rgyu mtshan no/ /gnod pa can gyi gtan tshigs ma bstan na'ang ste/ log pa'i don can dang ma byas par yang 'gyur ro zhes bzlog pa'i gnod pa can gyi tshad ma bstan pa med par zhes bya ba'i don to/ / de ni yod par dogs 'gyur te/ /log pa'i don nyid de la ji ltar log pa'i don can byas pa yin pa de ltar ma byas par yang 'gyur ro zhes ma byas pa nyid la yang ngo / /gal te ji ltar na byas pa nyid dang ma byas pa nyid 'gal ba dag log pa'i don can nyid kyi chos can gcig gis rjes su 'gro ba yin zhe na/'di la nyes pa ma yin no/ /ci'i phyir zhe na/ dngos po zhes bya ba la sogs pa smos te/ yang gi sgra ni rim pa bzhin du sbyar bar bya ba yin te/ dngos po 'gal ba dag la yang chos gcig khyab par byed pa mthong phyir ro/ /dper na brtsal ma thag tu byung ba ma yin pa'i mi rtag pa dag la byas pa nyid gcig gis khyab pa lta bu'o//gal te zhes bya ba la sogs pas 'chad par byed de bden pa'i don can nyid du sgrub par byed pa'i gtan tshigs ma byas pa nyid ni bsgrub par bya ba'i mi mthun pa'i phyogs log pa'i don can nyid la med par grub par 'gyur ba de'i tshe bden pa'i don can nyid du bsgrub par bya ba log pa ste/log pa'i don can nyid la gtan tshigs ldog pa byas pa nyid ces bya bas khyab par 'gyur na/ log pa'i don can de la ma byas pa nyid de med pa la gnod pa can gyi tshad ma yang ma mthong ngo //gal te skyes bus ma byas pa nyid kyi phyir rig byed pa'i ngag gis log pa'i don can nyid la 'jug pa ma yin no zhe na/ mi 'gal ba zhes bya ba la sogs pa smos te/ log pa'i don can nyid dang mi 'gal ba skyes bus ma byas pa nyid sgrub pa yang log pa'i don can dgag pa sgrub par byed par rigs pa ma yin no//ci'i phyir zhe na/ thal ches pa'i phyir te/ 'di ltar gang 'ga' zhig sgrub pas gang mi 'gal ba 'ga' zhig med pa rtogs par 'gyur ro/ /gal te byas pa nyid la log pa'i don can nyid mthong yang de dang 'gal ba ma byas pa nyid la ji ltar 'jug par 'gyur zhe na/'di la nyes pa med de gang gi phyir byas pa gcig la log pa'i don can mthong ba yang gzhan ma byas pa la med pa nyid ma yin te/ 'on kyang yod pa kho na yin no/ /gsal ba tha dad pas 'gal ba dag la yang chos gcig kyang yod pa'i phyir ro//de nyid bstan pa'i phyir tha dad pa zhes bya ba la sogs pa smos pa la tha dad pa zhes bya ba gsal ba tha dad pas 'gal ba dang lhan cig 'byung ba can dag ste/ 'gal ba'i don dag dang gcig tu 'byung ba dag kyang mthong ba'i phyir ro/ /brtsal ma thag tu 'byung ba nyid dang cig shos dag la mi rtag pa nyid bzhin te/cig shos ni brtsal ma thag tu 'byung ba nyid ma yin pa'o/ /mi rtag pa nyid brtsal ma thag tu 'byung ba dang lhan cig mthong zhing de dang 'gal ba brtsal ma thag tu 'byung ba ma yin pa dang lhan cig mthong ba lta bu'o//de ltar ni 'gyur na tshig ma byas pa ni 'ga' zhig tu log pa'i don la 'jug par mi snang ngo zhe na/ de'i phyir de lta bu'i zhes bya ba la sogs pa smos pa la/ de lta bu'i rnam pa zhes bya ba ma yin pa nyid du gyur pa'i log pa'i don can mthong ba med pa'i phyir med pa nyid kho na ma yin no//'di ltar sngar mi mthun pa'i phyogs la gtan tshigs thams cad du ni mi dmigs phyir/ med nyid mi grub ces ni bshad zin to/ /de bas na mi mthun pa'i phyogs la gtan tshigs kyi med pa nyid ma grub na/ mi mthun pa'i phyogs las ldog pa nyid la the tshom za/skyes bu zhes bya ba la sogs pas 'chad par byed pa la/ skyes bu tsam 'dis zhes bya ba tshu rol mthong bas dngos po thams cad mthong bar nus pa ma yin no/ /gang gis na skyes bu 'di'i mthong ba ldog pas de ltar 'gyur te dngos po med pa nyid du mi 'gyur ro zhes bya ba'i tha tshig go//tshu rol mthong ba'i shes pas shes bya la ma khyab pa'i phyir/ de'i shes pa log tu zin kyang shes bya med pa ma yin no zhes bya ba'i tha tshig go/ /'o na gang gi shes pa log par gyur pa na shes bya ldog ce na/ gang gi zhes bya ba la sogs pa smos te/gang gi ye shes shes bya yod pa nyid la 'khrul pa med pa yod pa nyid kyi phyir gang gi ye shes shes bya thams cad la 'jug par 'gyur ro zhes bya ba'i tha tshig go/ /de'i ye shes shes bya thams cad la khyab par byed pa log pa na shes bya log par 'gyur ro/ / de'i phyir de nyid kyis ma gzigs pa'i phyir med do zhes de skad du gsungs pa mdzes par 'gyur gyi thams cad ni ma yin no/ /de bas na zhes bya ba de'i phyir dngos po 'di yod du zin kyang rigs par mi 'gyur te/ gzung bar 'gyur ba ma yin no/ /ji ltar zhe na rang bzhin dang yul dang dus kyis bskal pa'i rgyus so//rang bzhin dang yul dang dus de dag gis bskal zhing chod pas zhes bya bar tshig rnam par sbyar ro/ /yul dang dus dag las thag nye ba 'ga' zhig rang bzhin nyid kyis bskal pa yin te/ 'dre la sogs pa lta bu'o/ /yul thag ring po na gnas pa ni yul gyis bskal ba yin no//dus yun ring por 'das pa ni dus kyis bskal pa'o/ /gal te snga ma gnyis la ni rigs pa yod pa nyid yin na/ dus kyis bskal pa dus yun ring por 'das pa ji ltar yod ces brjod ce na/ 'di la nyes pa med de dus gang kho na la de dag yod pa'i ngo bo can du skyes pa de nyid la ltos nas yod pa zhes brjod pa'i phyir ro//da ltar gyi dus la ltos nas ni ma yin no/ /de bas na ngag ma byas pa ni log pa'i don can nyid thams cad la med par nges par mi nus pa'i phyir ma byas pa'i gtan tshigs nyid ni ldog pa la the tshom za ba yin no/ / de ltar na zhes bya ba la sogs pas de nyid gzhung 'dzugs par byed de/ thams cad mthong ba'i ngang tshul can ma yin pa gang gis ma byas pa'i tshig dag ni shin tu lkog tu gyur pa'i don la mi slu ba'am/ cig shos kyi bya ba byas pa'i tshig ni shin tu lkog tu gyur pa'i don la'o/ / cig shos la nges pa ste/ gtan la dbab par nus te mi nus pa kho na yin no zhes go rims bzhin du sbyar ro/ /gzhan gyis de ltar khas blangs pa'i phyir de skad du bshad pa yin no/ /byas pa dang ma byas pa so so la yang mi slu ba dang cig shos sbyar bar bya'o zhes bya ba ni gzhan dag yin no//de la rig byed kyi ngag gcig gi mi slu ba mthong ba'i phyir de'i rigs can thams cad la mi slu ba der 'gyur ro zhe na/ de'i phyir la la na de ltar zhes bya ba la sogs pa smos te/ de yang lhag ma dang ldan pa'i rjes su dpag pa dpyod par bstan zin to/ /sngar bstan pa de nyid dran par bya ba'i phyir la la na zhes bya ba la sogs pa smos te/yul lam dus la la na de ltar zhes bya ba rnam pa gcig tu mthong ba'i don rnams kyang sngon mthong ba'i rnam pa las rnam pa gzhan du gyur pa ste bzlog pa nyid du 'gyur ro/ /de nyid ni dper na zhes bya ba la sogs pa smos te/'dus byas pa'i khyad par las te/ 'o ma dang sbrang rtsi la sogs pas bcus pa la sogs pa'i mtshan nyid las skyu ru ra'i 'bras bu yul la lar sngar chags par sbyar ro/ /de ltar ni de ltar ma mthong ba nyid kyis te/ nim pa'i 'bras bu la sogs pa mngar chags pa dag ma mthong ba nyid kyis nim pa la sogs pa'i 'bras bu mngar chags pa'i de dag ni spang bar bya ba ma yin pa de lta bu'o//de ltar na gal te rig byed kyi ngag dag log pa'i don can nyid du ma mthong ba de ltar na yang spong bar nus pa ma yin no/ /de bas na ma byas pa dang log pa'i don can du gyur pa zhes bya ba ma byas pa dang log pa'i don can dag yin pa la 'gal ba ma mthong ngo //'dir log pa'i don can la ma byas pa nyid ma mthong ba'i phyir mi dmigs pa'i tshad ma de yang yod pa ma yin nam/ de bas na ma mthong ba nyid gnod pa can du 'gyur ro zhe na/mi dmigs pa zhes bya ba la sogs pa smos te/ ma mthong ba tsam gyi mtshan nyid can gyi mi dmigs pa 'di ni mi snang ba'i bdag nyid can yin te/ mi snang ba'i ngo bo can gyi don dag ni sgrub par byed pa ma yin no zhes sngar bshad zin to/ /sgrub par byed pa bshad zin pa'i mtshan nyid can ci 'dra ba de yang 'di la yod pa ma yin no zhes bya bar dgongs so//gang gi phyir ma byas pa nyid ni log pa'i don can nyid las ldog pa'i tshad ma yod pa ma yin pa de bas na cung zhig log pa'i don can gang yin pa de dag thams cad ni skyes bus ma byas pa yin no zhes bya ba nges pa med pa'i phyir bsgrub par bya ba dang sgrub par byed pa'i mi mthun pa'i phyogs log pa'i don can nyid dang byas pa nyid dag la khyab pa med do //de ltar na ma byas pa nyid ni log pa'i don can nyid las log par nges pa med pa'i phyir ldog pa nyid la the tshom za ba yin no//gtan tshigs la the tshom za ba'i ngo bo ni go bar byed pa ma yin no/ /de ltar na gal te rjes 'gro ldog pa'am ste rang gi bsgrub par bya ba'i gtan tshigs la khyab pa'am mi mthun pa'i phyogs las ldog pa'am/ gtan tshigs de bsgrub bya'i chos can la yod nyid de/phyogs kyi chos nyid ces bya ba'i don to/ /tshul gsum po de dag /gal te tshad ma'i shes pa yis/ /grub par 'gyur na sgrub byed yin/ /ci 'dra ba zhig gis she na de nges 'bras can te/ gang la tshul gsum pa de'i nges pa'i 'bras bu yod pa zhes bya bar tshig rnam par sbyar ro//de'i tshe tshul gsum po de dag ni bsgrub par bya ba bsgrub pa'i skabs kyi sgrub par byed par 'gyur ro/ /de skad du slob dpon phyogs kyi glang pos kyang brjod pa gang zhig gnyi ga la nges pa ste/ rgol ba dang phyir rgol ba dag la nges pa'i don rjod par byed pa de kho na sgrub par byed pa'am sun 'byin pa yin no//de la gtan tshigs kyi mtshan nyid dang ldan pa'i don rjod par byed pa ni sgrub par byed pa yin no/ /ma grub pa nyid la sogs pa'i mtshan nyid dang ldan pa rjod par byed pa'i phyir rgol ba'i sun 'byin pa'i bsam pas brjod pa ni sun 'byin pa yin no zhes bya bar sbyar ro//brjod pa gang yang rung ba la grags pa dang the tshom za ba ni ma yin te/ rgol ba dang phyir rgol ba dag las gang yang rung ba la grags pa dang / gnyi ga'am gang yang rung ba'i the tshom za ba rjod par byed pa'i sgra gang yin pa de ni sgrub par byed pa ma yin zhing sun 'byin par byed pa yang ma yin no//ci'i phyir zhe na/ yang sgrub par byed pa la ltos pa nyid kyi phyir te/ ma nges pa ni nges par bya ba'i phyir yang tshad ma la ltos pa nyid kyi phyir ro zhes gsungs so/ /ma byas pa nyid kyi log pa'i don can nyid la yod pa la gnod pa can yod pa ma yin na/gang gis ldog pa nges par 'gyur te 'gal ba med pa'i phyir ro/ /'gal ba ma mthong ba can la yod pa ma yin par rigs pa ma yin no/ /gang gi phyir 'gal ba ma mthong ba can gang la yod pa la/ 'gal ba ma mthong ba de ni de la yod pa sems dang bcas pa gang gis spong bar byed de/log pa'i don can nyid la ma byas pa nyid ni yod pa la 'gal ba ma mthong ngo / /de bas na zhes bya ba de'i phyir gtan tshigs ma byas pa nyid kyi ji skad du bshad pa'i ldog pa 'di ni sgrub par byed pa yod pa ma yin no/ / ci'i phyir zhe na/ the tshom za ba'i phyir ro/ /de ltar re zhig rjes su 'gro ba med par yang ldog pa nges pa'i phyir gtan tshigs go bar byed par 'dod na/ rnam pa de yang bden pa'i don can nyid la ma byas pa nyid yod pa ma yin no zhes bya ba de khas blangs nas bshad pa nas/ da ni gtan tshigs ldog pa can yan gar ba ni yod pa ma yin no zhes bstan pa'i phyir/ gzhan yang zhes bya ba la sogs pa smos te/ yul gang la bsgrub bya'i mi mthun pa'i phyogs de/ bsgrub par bya ba bden pa'i don can de'i mi mthun pa'i phyogs log pa'i don can gyi'o//bzlog pa nyid brjod pa ste/ khyab par byed pa log pas khyab par bya ba log pa ste/ dper na gang byas pa ma yin pa de ni log pa'i don can du yang mi 'gyur ro zhes bya ba lta bu'o/ /gang log pa'i don can nyid rnam par bcad pa'i yul can gang yin pa de nyid ni gtan tshigs ma byas pa 'di'i phyogs mthun 'gyur de'i phyir te rgyu'i phyir gtan tshigs thams cad rjes 'gro can no//ldog pa thob pa nyid kyi phyir rjes 'gro can yang zhes bya ba sdud pa don gyis smos pa de ltar na gtan tshigs thams cad rjes su 'gro ba dang ldog pa dang ldan pa yin gyi ldog pa can kho na ma yin no zhes bya ba'i don to//gang cung zhig ces bya ba la sogs pas 'chad par byed de/ cung zhig log pa'i don can gang yang yin pa de thams cad ni skyes bus byas pa yin no zhes bya ba de ltar na/ gtan tshigs ma byas pa nyid kyi mi mthun pa'i phyogs de skyes bus byas pa nyid kyis so//skyes bus byas pa smos pa ni byas pa bstan pa'i phyir ro/ /bsgrub par bya ba mi mthun pa'i phyogs bden pa'i don can nyid rnam par gcod pa'i mtshan nyid can gyi log pa'i don can nyid kyi khyab pa gang yin pa de med na ste/skyes bus byas pa nyid med na log pa'i don can gyi med pa grub par 'gyur ro/ /ci'i phyir zhe na/ /skyes bus byas pa de med par yod na ni log pa'i don can nyid las skyes bus byas pa des khyab pa mi rung ba'i phyir ro/ /de bas na khyab par 'dod pas log pa'i don can nyid ni byas pa log pas ldog par 'dod par bya'o//bsgrub par bya ba dang sgrub par byed pa'i rigs mi mthun pa log pa'i don can nyid dang / byas pa nyid dag gis byas pa la log pas log pa'i don can ldog pa yin no zhes de lta bu'i mtshan nyid can gyis log pa grub pa gang yin pa de nyid gtan tshigs ma byas pa nyid ni bden pa'i don can nyid dang rjes su 'gro ba grub pa ste/rjes su 'gro bar rnam par gnas pa yin no/ /ci'i phyir zhe na/ bsgrub par bya ba'i mi mthun pa'i phyogs rnam par gcod pa'i mtshan nyid can yin pa'i phyir te/bsgrub par bya ba bden pa'i don can gyi mi mthun pa'i phyogs log pa'i don can nyid yin zhing byas pa log pas ma byas pa rnam par gcod pa zlog par byed pa gang yin pa de'i mtshan nyid can yin pa'i phyir ro/ /bden pa'i don can nyid dgag pa'i don can nyid yin zhing bden pa'i don can bkag pa'i log pa'i don can de yang gang gi tshe ma byas pa la dgag pa byas pa de'i tshe dgag pa gnyis skye'o//de ltar na bden pa'i don can nyid rnam par gcod pa'i mtshan nyid can gyi dgag pa gnyis kyis bden pa'i don can nyid kyi bya ba grub pa'i gtan tshigs kyi phyir/rjes su 'gro ba med cing rjes su 'gro ba dang bral bar sgrub par byed pa ldog pa byas pa nyid kyis bsgrub par bya ba log pa'i don can nyid kyi khyab pa grub pa ma yin no/ /rjes su 'gro ba med par khyab pa grub pa ma yin gyi/ 'on kyang rjes su 'gro ba 'phags pa can nyid kyis khyab pa grub pa yin no zhes bya ba'i don to//de bas na zhes bya ba de'i phyir gtan tshigs 'ga' zhig kyang rjes su 'gro ba med pa can zhes bya ba ma yin gyi/ 'on kyang thams cad rjes su 'gro ba dang ldog pa nyid dang ldan pa yin no/ /ci'i phyir zhe na/ gcig rnam par gcod pa ste/ma byas pa nyid log pa'i don can nyid rnam par gcod pa ni de'i rigs mi mthun pa grub pa med na mi 'byung ba nyid kyi phyir te/ log pa'i don can gyi rigs mi mthun pa bden pa'i don can grub pa med na mi 'byung ba nyid gang yin pa de ni 'khrul pa med pa'i phyir ro/ /gal te gcig rnam par gcod pa ni de'i rigs mi mthun pa grub pa med na mi 'byung ba de'i tshe mi rtag pa dang bdag med pa nyid la sogs pa rnam par gcod pa na yang ste/mi rtag pa nyid dang bdag med pa nyid do/ /sogs pa'i sgras ni sdug bsngal nyid la sogs pa'o/ /gang gi tshe ri bong gi rwa la sogs pa la yang rnam par gcod par byed pa de'i tshe de ltar 'gyur ba ste/log pa'i don can nyid rnam par bcad nas bden pa'i don can nyid grub pa bzhin du mi rtag pa nyid la sogs pa'i rigs mi mthun pa rtag pa dang bdag dang bcas pa dang bde ba nyid la sogs pa dag grub par 'gyur ro//de ltar na kho bo cag mngon par 'dod pa'i rtag pa nyid la sogs pa dag grub pa dang bdag nyid kyis khas blangs pa la 'gal ba kun du dpyod pa yin te/ gcig rnam par gcod pa ni de'i rigs mi mthun pa grub pa med na mi 'byung ba nyid yin pa'i phyir/ de ni mi 'thad de zhes gzhan dag gis bsams pa'o//ma yin no zhes bya ba la sogs pas lan 'debs par byed do/ /skyon 'di yod pa ma yin no/ /ci'i phyir zhe na/ ldog pa rnam par gcad pa ni dngos po'i ngo bo nyid yin pa'i phyir te/ ldog pa ni bral ba tsam dang med pa zhes bya ba'i don to//med pa'i mtshan nyid can gyi ldog pa gang yin pa de rnam par gcod pa ste/ bzlog pa'i dngos po'i ngo bo nyid yin pa'i phyir te/ med pa rnam par bcad nas yod pa rnam par 'jog pa zhes bya ba'i don to/ /de bas na 'dis dngos po'i mtshan nyid bshad cing tshig 'di nyid kyis kyang don gyis dngos po rnam par gcod pa ni med pa'i ngo bo nyid yin pa'i phyir ro zhes bya ba 'di yang bshad par 'gyur ro//de bas na re zhig dag 'dis ni dngos po dang dngos po med pa dag gi mtshan nyid bstan to/ /de la gang dngos po'i ngo bo rnam par gcod pa ni dngos po 'phen par byed pa ma yin zhing ngag rnam par 'gyur ba na/dngos po 'phen pa de bstan pa'i phyir dngos po'i zhes bya ba la sogs pa smos te/ dngos po yod pa tsam khyab par byed pa'i ngo bo zhes bya ba'i bar gyi tshig mi mngon pa can gyi bsdu ba mthong ngo / /dngos po tsam khyab par byed pa ma yin pa'i dngos po'i chos gang yin pa de rnam par bcad pa na yang dngos po 'phen par 'gyur te/bram ze ma yin par 'gyur ro zhes bya ba'i bram ze ma yin pa zhes bya ba ni rgyal rigs la sogs pa rjod par byed pa yin pa'i phyir ro/ /dngos po'i ngo bo de rnam par bcad pa yod na dngos po 'phen par byed pa ma yin pa ste/dngos po dang 'brel pa ma yin no/ /dngos por mi 'gyur ro zhes brjod pa na dngos bo nyid 'phen par 'gyur ba ma yin pa lta bu'o/ /med pa rnam par gcod pa rang bzhin dang bral ba tsam rnam par gcod pa gang yin pa des kyang nges par dngos po nye bar 'jog pa de dngos po nye bar bsgrub pa yin no//ci'i phyir zhe na/ dngos po dang dngos po med pa dag ni phan tshun dben pa ste/ bral ba'i ngo bo nyid yin pa'i phyir te/ de'i rang bzhin can nyid yin pa'i phyir ro/ /dngos pos dben pa ni dngos po med pa'i ngo bo can nyid yin pa'i phyir dang /dngos po med pas dben pa ni dngos po'i ngo bo can nyid yin pa'i phyir ro zhes bya ba'i don to/ /de ltar na re zhig dngos po dang dngos po med pa dag gi mtshan nyid dang / de dag gis ji ltar 'phangs pa de ltar spyir brjod nas ldog pa zhes bya ba la sogs pas rnam par sbyor bar byed de/bden pa'i don can gyi mtshan nyid gang yin pa de dngos po med pa'i ngo bo can bden pa'i don can las rnam par bcad pa tsam gyi mtshan nyid can log par gyur pa ste/ byas pa log pas ldog par gyur pas ma byas pa la bden pa'i don can nyid kyi mtshan nyid can gyi dngos po nye bar 'jog par byed de/bden pa'i don can nyid kyi med pa tsam gyi mtshan nyid can gyi log pa'i don can nyid spong ba na yang bden pa'i don can nyid nye bar 'jog pa'i phyir ro/ /gdon mi za bar gzhan gyis kyang log pa'i don can nyid rnam par bcad pa tsam log pa'i don can nyid du 'dod par bya'o//de lta ma yin na gal te de ltar khas blangs par mi byed kyi 'on kyang log pa'i don bstan pa'i phyir/ dngos po'i chos mi 'dra ba la log pa'i don can nyid du 'dod pa de'i tshe de rnam par bcad pa na ma byas pa log pa'i don can de nyid 'ba' zhig ldog par 'gyur gyi/bden pa'i don can nyid du grub pa ni ma yin no/ /dngos po rnam par bcad par gyur pas dngos po nges par 'phangs pa med pa'i phyir ro/ /gang gi tshe bden pa'i don can nyid med pa tsam log pa'i don can nyid yin pa de'i tshe de log pa na ma byas pa ni don can nyid du grub par 'gyur ro zhes mi 'dod pa bzhin du bden pa'i don can nyid rnam par bcad pa tsam log pa'i don can nyid du 'dod par bya'o//de ltar ma yin na dpyod pa 'di'i 'dod pa grub par mi 'gyur ro//gal te 'di ltar log pa'i don can bral ba tsam nyid de ni ji ltar na byas pa nyid kyis khyab pa yin te/ dngos po med pa la ni dngos po'i chos kyis ldog pa srid pa ma yin no zhe na/ 'di ni 'di'i skyon gzhan yin pa ni bla ste/ gzhan gyis byas pa nyid kyang ma byas pa rnam par gcod pa tsam yin par 'dod par bya'o//de ltar na bdag med pa la sogs pa ni bral ba tsam gyi mtshan nyid can ni ma yin no/ /ci'i phyir zhe na/ rang bzhin khyad par yin pa'i phyir te/ bdag med pa ni rang bzhin khyad par can yin no/ /de nyid bstan pa'i phyir bya ba dang zhes bya ba la sogs pa smos te/bya ba ni las su bya ba'o/ /longs spyod ni bde ba dang sdug bsngal nyams su myong ba'o/ /de dag bdag gir byed pa ni byin gyis brlabs pa'o/ /de la rang rgyud pa ma yin pa ste/ gzhan gyi dbang gi bdag nyid kyi rang bzhin ni bdag med pa'o//bdag nyid kyi sgra ni 'dir rang bzhin gyi rnam grangs so/ /ci'i phyir de lta bur gyur pa'i rang bzhin bdag med par 'gyur ba yin zhe na/ de la zhes bya ba la sogs pa smos te/ bya ba dang longs spyod dag bdag gir byed pa de la rang dbang du gyur pa gang yin pa de ni rang gi mtshan nyid can yin pa'i phyir te/de'i rang bzhin yin pa'i phyir gzhan dag gis brtags pa'i bdag nyid yin no/ /de bas na de dang chos mi mthun pa can nyid kyis rang rgyud pa ma yin pa'i rang bzhin ni bdag med par 'gyur ro zhes bya bar dgongs so/ /gang gi phyir de lta yin pa de bas na ngo bo ste rang bzhin bdag med pa yin gyi bdag ldog pa tsam ni ma yin no//yang na bdag med pa de'i dngos po'i ngo bo ste de'i ngo bos bdag med pa nyid dngos po'i ngo bo nyid du dngos po'i rkyen zhes brjod pa yin no/ /dngos po zhes bya ba tha dad pa spyi dang khyad par can gyi mtshan nyid can yang yod pa ma yin no zhes bya bar dgongs so//de lta ma yin na gal te ldog pa tsam bdag med par 'gyur ba de'i tshe rang bzhin nyid med pa yin pa'i phyir de nye bar brjod pa med par 'gyur ro/ /nye bar brjod pa de la yang byas pa nyid la sogs pa'i sgras brtsal ma thag tu 'byung ba nyid la sogs pa dngos po'i chos gtan tshigs su mi rung ba'i phyir byas pa nyid la sogs pa'i gtan tshigs de las bdag med pa grub pa ste bdag med pa nyid rtogs par mi 'gyur ro//gang byas pa de ni bdag med pa nyid yin no zhes bya ba la sogs pa'i sbyor ba la byas pa nyid la sogs pa'i gtan tshigs kyis bdag med pa nyid rtogs pa de bas na sangs rgyas pa ni med pa tsam gyis bdag med pa la sogs pa bdag med par mi 'dod do//gal te gang byas pa de ni bdag med pa yin no zhes bya ba la sogs pa'i sbyor ba la/ rnam par gcod pa tsam brjod par 'dod pa ma yin gyi 'on kyang bdag rnam par bcad nas bdag med pa'i ngo bo bdag med pa'i sgras rjod par byed pa'i phyir ro//byas pa la sogs pa las bdag med pa nyid kyi rtogs pa thob par mi 'gyur ba de ltar na skyon 'di yod pa ma yin no zhe na/ 'di ltar yang bdag nyid kyi ngo bo ma yin par bkag pas dngos po la reg pa'i phyir/kho bo cag gis bshad pa'i bdag med pa'i de nyid thob bo/ /de ltar na re zhig dpyod pa pa 'di'i bsgrub par bya ba log pa bral ba tsam ste/ rnam par bcad pas bsgrub bya grub pa'i phyir rjes su 'gro ba don gyis gzung ba nyid yin no//de'i phyir gtan tshigs thams cad ni rjes su 'gro ba dang ldog pa dang ldan pa yin no zhes bstan to/ /da ni rigs pa pa'i dbang du mdzad nas/ gang gi zhes bya ba la sogs pa smos te/ rigs pa pa gang gis dngos po med pa'i ngo bo rnam par bcad pa tsam ma yin pa ste/bsgrub par bya ba ldog pa ma yin gyi/ 'on kyang dngos po'i chos nyid yin no/ /de skad du brjod pa'i rigs pa pa de'i dngos po'i ngo bo rnam par gcod pa ste/ bsgrub par bya ba'i mi mthun pa'i phyogs kyi dngos po'i ngo bo log pa'i don can nyid rnam par gcod pa yin na yang bsgrub par bya ba'i rang bzhin grub par mi 'gyur ro//log pa'i don can nyid rnam par bcad pa na yang bden pa'i don can nyid ma yin no zhes bya ba'i don to/ /phyir te gtan tshigs log pa na rjes su 'gro ba 'phangs pa ma yin no//ji ltar ma byas pa nyid kyi phyir rig byed kyi tshig bden pa'i don can yin no zhes bya ba'i gtan tshigs 'di la bshad ma thag pa'i rigs pas rjes su 'gro ba 'phangs pa med pa de ltar na gson po'i lus ni bdag dang bcas pa yin no/ /srog la sogs pa dang ldan pa nyid kyi phyir ro zhes bya ba'i gtan tshigs ldog pa can 'di la yang srog la sogs pa dang ldan pa dag bdag med pa ma yin pa ste/bdag med pa log pa la yang ngo / /dngos po grub par mi 'gyur ba ste/ bdag gi mthun pa'i phyogs su grub par mi 'gyur te/rjes su 'gro ba 'phangs pa med pa'i phyir ro zhes bya ba'i don to/ /de nyid sbyor ba bstan pa sngon du song ba can gyis gsal bar bya ba'i phyir dper na zhes bya ba la sogs pa smos te/ gson po'i lus 'di ni bdag med pa ma yin te/ srog la sogs pa dang ldan pa nyid kyi phyir ro//srog ni dbugs 'byung ba'o/ /sogs pa'i sgras ni dbugs rngub pa la sogs pa gzung ngo / /sbyor ba 'di la bsgrub par bya ba ni gson po'i lus kyi bdag dang bcas pa nyid yin na/ mthun pa'i phyogs su gyur pa'i bdag gnyi ga la grub pa med pa'i phyir ro//rjes su 'gro ba ma dpyad par bsgrub par bya ba bdag dang gtan tshigs srog la sogs pa dang mi ldan pa nyid kyi rim bzhin du mi mthun pa'i phyogs bdag med pa nyid dang / srog la sogs pa dang ldan pa nyid ma yin pa gang yin pa de dag gis khyab par bya ba dang khyab par byed pa'i ngo bo 'ba' zhig dpyod par byed pa na'o//de byed pa na yang srog la sogs pa dang mi ldan pa nyid la bdag med pa nyid mthong ba dang / de med na ste khyab par byed pa srog la sogs pa dang mi ldan pa nyid med pa la khyab par bya ba bdag med pa ni srog la sogs pa dang ldan pa la med par rigs pa'i phyir/bdag med pa bdag nyid med du zin kyang srog la sogs pa gtan tshigs nyid du mngon par 'dod pa dag ni mthun pa'i phyogs su gyur ba'i bdag la grub pa nye bar 'jog par byed pa ma yin te/ bdag med pa dngos po'i ngo bo rnam par bcad du zin kyang bdag gi mtshan nyid can gyi rang bzhin 'phangs pa med pa'i phyir ro//de bas na log pa yin du zin kyang rjes su 'gro ba shugs kyis 'ong ba med pa'i phyir srog la sogs pa'i gtan tshigs ldog pa can nyid yin no zhes rigs pa pa'i 'dod pa sgrub pa'i gzhung de tsam gyis bstan to//khas blangs pa de la da skyon bstan pa'i phyir/ de ltar zhes bya ba la sogs pa smos te/ srog la sogs pa dag las srog la sogs pa dang mi ldan pa nyid log pas bdag med pa ldog par 'gyur bas kyang srog la sogs pa dag ni mthun pa'i phyogs su 'gyur ba'i bdag la grub par 'jog par byed pa ma yin pa de ltar gson po'i lus bsgrub par bya ba la gtan tshigs srog la sogs pa dag gis bdag med pa 'ba' zhig bsal bar 'gyur gyi bdag nye bar 'jog pa ni ma yin no//sdud par byed pa'i ngag de nyid bsal bar bya ba'i phyir bdag med pa nyid la med pa'i phyir zhes bya ba la sogs pa smos te/ bdag med pa nyid la sogs pa med pa'i phyir srog la sogs pa de bsal ba ste/ bdag med pa tsam rnam par gcod par byed pa yin gyi/bdag nye bar 'jog pa ni ma yin no/ /ci'i phyir zhe na/ bdag dang bcas pa de la srog la sogs pa yod pa ma grub pa'i phyir ro/ /de ltar 'gyur na bdag dang bcas pa nyid dang mi mthun pa'i bdag med pa nyid gson po'i lus las bsal ba na/ don gyis gson po'i lus ni bdag dang bcas par 'gyur ro zhe na/bdag med pa zhes bya ba la sogs pa smos te/ bdag med pa log pas kyang gson po'i lus la bdag grub pa ma yin no/ /ci'i phyir zhe na/ mi mthun pa'i phyogs bdag med pa las srog la sogs pa ldog par mthong bar 'dod na yang mthun pa'i phyogs bdag la yang srog la sogs pa grub par thal bar 'gyur ro//rnam pa gzhan du na bdag log tu zin kyang gal te srog la sogs pa bdag la rnam par gnas pa mi thob pa de'i tshe bdag med pa las ldog pa nyid du mi 'gyur te//rnam pa gzhan med pa'i phyir ro/ /gang gi phyir de lta yin pas de bas na bzlog pa'i khyab pa yod pa ma yin pa ste/ bdag dang bcas pa nyid dang srog la sogs pa dang ldan pa nyid kyi mi mthun pa'i phyogs bdag med pa nyid dang srog la sogs pa dang mi ldan pa nyid kyi khyab pa mi 'grub pa zhes bya ba'i don to//gang gi tshe zhe na bdag med pa las srog la sogs pa ldog pa ma grub na'o/ /gal te srog la sogs pa dag las bdag med pa nyid log par 'gyur ba de ltar na/ gtan tshigs kyi mi mthun pa'i phyogs srog la sogs pa dang mi ldan pa nyid kyis bsgrub par bya ba'i mi mthun pa'i phyogs bdag med pa la khyab par 'gyur ro//ldog pa de yang rjes su 'gro ba yod na 'gyur ba de zhes bya ba la sogs pa smos te/ ldog pa de grub pa nyid kyis rjes su 'gro ba grub pa yin te/ de ni de med na mi 'byung ba nyid kyi phyir/ldog pa grub pa nyid kyis rjes su 'gro ba grub par bstan to/ /ci ste rjes su 'gro ba grub par mi 'dod pa de'i tshe rjes su 'gro ba ma grub na ni de ldog pa grub tu zin kyang bdag de ldog pa de bdag med pa'o/ /de ni srog la sogs pa las bzlog pa grub tu zin kyang ngo //de ma grub pa ste bdag de'i mthun pa'i phyogs su gyur pa ma grub pa'i phyir bsgrub par bya ba gson po'i lus la yang bdag med pa log tu zin kyang bdag mi 'grub par thal bar 'gyur ro/ /de bas na zhes bya ba la sogs pas mjug sdud par byed do/ / de bas na zhes bya ba de'i phyir ldog pa'i khyab pa la rjes su 'gro ba med pa ma yin zhing bral ba ma yin te bsgrub par bya ba dang sgrub par byed pa'i mi mthun pa'i phyogs dag la khyab par grub pa ma yin no zhes bya ba'i don to/ /rigs pa pa'i srog la sogs pa dang mi ldan pa nyid kyis bdag med pa la khyab pa ni bla ste/gson po'i lus la rnam pa gzhan med pa'i phyir khas blangs nas kyang bden pa'i don can nyid sgrub par byed pa'i gtan tshigs ma byas pa nyid la rnam pa 'di yod pa ma yin no zhes brjod pa'i phyir/ log pa'i don can nyid ni zhes bya ba la sogs pa smos te/log pa'i don can nyid ni bsgrub par bya ba'i mi mthun pa'i phyogs dag ni skyes bus byas pa nyid kyis khyab par rgyur gyur pa'i sgras skyes bus ma byas pa las log tu zin kyang ma byas pa ni bden pa'i don can nyid du grub pa ma yin no/ /ci'i phyir zhe na/ bden pa'i don can dang log pa'i don ma gtogs par don med pa can gyi rnam pa gzhan yod pa'i phyir ro//gal te sgra rnams la bden pa'i don can nyid dang log pa'i don can nyid kyi phung po gnyis yod pa de'i tshe sgra rnams la phung po gnyis yod na de ltar 'gyur ba ste/ log pa'i don can nyid ldog na bden pa'i don can nyid du 'gyur ro//ci'i phyir zhe na/ gcig log pa na ste log pa'i don can nyid ldog pa na bden pa'i don can ma gtogs pa rnam pa gzhan med pa'i phyir ro/ /phung po gnyis kyang yod pa ma yin no/ /rnam pa gzhan yang srid pa'i phyir ro/ / de bas na sgra de dag don med pa can du yang 'gyur ba de ltar na 'dod pa'i don grub pa ma yin pa ste/ bden pa'i don can nyid grub pa ma yin no/ /gal te sgra las don rtogs pa'i rgyu'i phyir don med pa can ma yin no zhe na/ 'di ngo bo nyid kyis don shes pa ni ma yin te/ 'on kyang de dag ni skyes bu'i bya bas 'gyur ba ste/brda ni skyes bu'i bya ba de'i 'bras bu nyid yin pa'i phyir/ skyes bu'i bya bas zhes tha dad pa med par bstan to/ /skyes bu'i bya ba las 'gyur ro zhes bya ba'i don to/ /ci dang 'dra bar zhe na/ rab tu grags pa'i don gzhan las rnam par rtog pa bzhin no//de nyid ni dper na zhes bya ba la sogs pas 'chad de/ rgyal dpog pa dag gi 'dod pa'i don gyis ba ra ta dang / lha'i bu mo la sogs pa'i lugs la sogs pa ni de'i don can ma yin du zin kyang ngo / /sogs pa'i sgras ni lha'i khyad par gzhan dag gi lugs dang /sogs pa smos pa gnyis pa ni ba ra ta la sogs pa smos pa dag gi lugs las gnas skabs khyad par la sogs pa gzhan dag kyang gzung ngo / /don dpyod pa pa gzhan dag gis 'jig rten la rab tu grags pa las rnam pa gzhan du ste/ ba ra ta dang zhes bya ba mchod sdong dang /lha'i bu mo zhes bya ba snod dam gtsub shing zhes bya ba la sogs pa 'chad do/ /gal te 'chad pa pos rnam par brtags pa'i ngag las don rtogs par mi 'gyur ro zhe na/ de'i rjes su 'brangs nas zhes bya ba la sogs pa smos te/ 'chad pa po dag gis rnam par brtags pa'i don gyi rjes su 'brangs nas nyan pa po 'ga' zhig gis kyang rtogs pa nyid du 'gyur ro//de ltar zhes bya ba ni ba ra ta la sogs pa'i sgra'i bshad pa lta bu'o/ /ngo bo nyid kyis rig byed kyi ngag don med pa can dag yin du zin kyang don du rnam par rtog pa 'di ni skyes bus byas par 'gyur ba ma yin gyi/sgra'i rang bzhin gyis byas pa ni ma yin no/ /ci'i phyir zhe na/ rig byed pa dag gi las don rtogs pa ni rgyal dpog pa la sogs pa'i skyes bus bstan pa la rag lus pa'i phyir ro/ /ci dang 'dra bar zhe na/don gzhan bzhin te/ ba ra ta dang lha'i bu mo la sogs pa'i sgra rnams la don gzhan du rnam par rtog pa bzhin no zhes bya ba'i tha tshig go/ /rang bzhin nyid kyis don bstan pa yin du zin kyang skyes bus bstan pa la ltos par 'gyur ro zhes bya ba yang log pa yin te/ gang gi phyir ngo bo nyid de/ rang bzhin gyis me la sogs pa don gsal bar byed pa skyes bus bstan pa de la ltos pa ma yin no/ /skyes bus bdag nyid de rang nyid kyi brdas tha snyad du byas pa brjod pa na 'di ltar sgra 'di ni kho bos don 'di la sbyar ba yin no zhes/ gzhan la ston par byed pa zhes bya ba ni rigs kyi ngo bo nyid don gsal bar byed pa yin na ni skyes bus bstan pa rigs pa ma yin no//ci ste skyes bus brdar byas pa'i don dang 'dra bar rig byed kyi ngag ngo bo nyid kyis grub pa'i don kyang skyes bus bstan pa la rag lus pa de'i tshe skyes bus brdar byas shing tha snyad du byas pa gang yin pa dang /ngo bo nyid kyis te/ rang bzhin gyis grub pa gang yin pa de gnyi ga dag kyang skyes bus bstan pa la rag lus par bye brag med pa'i phyir dang / khyad par gzhan 'ga' zhig yod pa ma yin na/ gang gis ni 'di ltar 'di ni skyes bus brdar byas pa yin la/'di ni ngo bo nyid kyis grub pa yin no zhes bya bar rtogs pa med pa'i rgyu de'i phyir ro/ /rig byed pa'i don gcig ni ngo bo nyid kyis grub pa yin la/ 'jig rten pa'i dag gi don gzhan ni skyes bus byas pa yin no zhes nges par dka' zhing rtogs par dka' ba yin te/tha dad par sgrub pa'i tshad ma med pa'i phyir ro/ /gal te bye brag yod pa ste ngo bo nyid kyis grub pa'i rig byed pa'o/ /de gang zhe na tshad mas mi slu ste/ tshad ma gzhan gyi rjes su 'jug pa'o/ /de ltar mi 'gyur ba gang yin pa de ni skyes bus byas pa yin no zhe na/ de ni 'og nas shin tu lkog tu gyur pa'i don la tshad ma gzhan 'jug pa med do zhes bya ba la sogs pa'i gzhung gis 'gog par 'gyur ro/ /skyes bus bstan pa la ltos pa la sogs pa dang / 'jig rten pa dang rig byed pa dag gi don dag chos mthun pa yod pa'o/ / tshad mas mi slu ba tsam gyi khyad par gyis rig byed pa'i don gyi dngos po gcig pu la skyes bus ma byas pa nyid du rtogs pa na'o/ /da ni 'jig rten pa'i ngag tshad mas mi slu ba ches shin tu mang po dag kyang skyes bus ma byas par rtogs par 'gyur te/ 'di ltar skyes bus byas pa'i ngag gzhan 'ga' zhig ste/kye ma 'du byed rnams mi rtag /ces bya ba de lta bu la sogs pa yod par 'gyur ro/ /de lta bu'i rnam pa yin pa'i phyir te tshad mas mi slu ba yin pa'i phyir de dag la yang skyes bus ma byas pa nyid du thal bar 'gyur ro/ /ci ste 'jig rten pa'i tshad mas mi slu ba yin du zin kyang skyes bus byas pa nyid yin pa de'i tshe de dang 'dra bar rig byed pa'i sgra de dag gi yang mngon par 'dod pa'i don dang ldan pa nyid kyang skyes bus byas pa dang /tshad ma'i rjes su byed pa can du yang 'gyur ba'i phyir/ 'jig rten pa dag las rig byed pa dag gi khyad par dag ma mthong ngo //rig byed pa dag gi sgra dag sngags nyid yin pas skyes bus byas pa nyid du bstan pa'i phyir/ gzhan yang zhes bya ba la sogs pa smos te/ 'di ltar sngags dang skyes bus byas pa ma yin no zhes bya ba 'di la gnod pa ste/phan tshun 'gal ba mthong ngo / /de ltar ni sngags rnams skyes bu mthu dang ldan pa la la'i brdar byas pa nyid yin te/ dam bcas pa rnam par gnas pa nyid yod na/ sngags rnams 'bras bu sgrub byed yin te rgyur gyur pa yin no zhes bya bar rigs so/ /gal te zhes bya ba la sogs pas 'chad par byed de gal te sngags de dag byed pa po mthu dang ldan pa la lar brdar byas par gyur pa zhes bya ba 'chad par 'gyur ba dang sbyar ro//dam bcas pa rnam par gnas pa nyid kyi phyir brda zhes brjod kyi brda nyid ni sngags dag ma yin no//brda 'di yang ji ltar byas pa yin zhe na/ gzhan gyi don zhes bya ba la sogs pa smos te/ gzhan gyi don gtso bor gyur pa ni gzhan gyi don mchog tu gyur pa ste/ brtse ba dang ldan zhes bya ba'i don to/ /de'i ngor byas pa'am gzhan 'ga' zhig gi ste/grags pa la sogs pa'i rgyur byas par 'gyur ba'o/ /brda de ci 'dra ba zhig ce na 'di ltar zhes bya ba la sogs pa smos te/ kho bos ngag byas pa de nyid do/ /ji lta bur gyur pa zhig ce na/ mngon par 'dod pa'i don gyi rgyu can de/ ngag gang la sngags byed pa po'i mngon par 'dod pa don bya ba'i bye brag spyan drang pa dang gshegs su gsol ba la sogs pa'i mtshan nyid can gang yin pa de'i rgyu'i 'jug pa'i yan lag yod pa de la de skad ces bya'o//de ltar zhes bya ba ni rim pa 'dis so/ /sbyor bar byed pa na ni skyes bu rab tu sbyor bar byed pa na'o//don 'di ste skyes bu mngon par 'dod pa'i 'bras bus sbyar bar bya'o snyam pas brdar byas par 'gyur ba'o/ /de'i tshe sngags kyi sbyor ba las cho ga rdzogs pa 'ga' zhig gi tshe mngon par 'dod pa'i don grub par 'gyur ro/ /ci dang 'dra bar zhe na/ snyan dngags mkhan gyis brdar byas pa las don grub pa bzhin te/ dper na la las snyan dang gas byas nas/ kho bos byas pa'i snyan dngags 'don par byed pa gang yin pa de la kho bos 'di sbyin par bya'o zhes brdar byas pa de las des byas pa 'don par byed pa dag ji ltar dam bcas pa'i don grub pa de dang 'dra bar ro//ci ste'ang dngos po ni nus pa yin na ste/ sgra'i rang bzhin de 'dra ba de nus pa yin na/ gang gis mngon par 'dod pa'i 'bras bur 'gyur te/ mngon par 'dod pa ji lta bu bzhin du skyes bu'i brda las ni ma yin no/ /de'i tshe rnam pa ji ltar yang sbyar ba'i sngags las 'bras bu gzhan la yang 'gyur ro//ci'i phyir zhe na/ sgra'i rang bzhin la khyad par med pa'i phyir ro/ /skyes bu'i zhes bya ba la sogs pas 'chad par byed de/ skyes bu'i brda'i rgyu las sngags rnams kyi don grub pa ma yin no/ /'o na ci yin zhe na/sngags 'di cho ga sngon du song ba rnam pa 'ga' zhig gis 'bras bu la nges par sbyar ba na/ 'bras bu 'byin pa gang yin pa de dag ni rig byed pa'i sgra'i dngos po'i rang bzhin yin no/ /'o na ni zhes bya ba la sogs pas ni grub pa'i mtha' smra ba yin no/ /'o na ni sngags zhes bya pa'i yi ge rnams kyi ngo bo de thams cad du zhes bya ba cho ga brjod ba'i dus dang bzlog pa la sogs pa'i sbyor ba la khyad par med pa'i phyir/ji ltar rnam pa 'ga' zhig ste 'don pa'i rim pa dang cho ga las 'das pas sngags rab tu sbyar ba las kyang mngon par 'dod pa'i 'bras bur 'gyur ro//gal te yi ge ni thams cad du khyad par med pa ma yin gyi sngags yin no zhe na/ yi ge kho na zhes bya ba la sogs pa smos te/ yi ge kho na sngags yin gyi/ yi ge dag las tha dad pa gzhan cung zad kyang yod pa ma yin no/ /gal te de'i bkod pa ste/ yi ge'i bkod pa sngags yin gyi yi ge nyid ni ma yin no zhe na/de ni bden pa ma yin te/ 'di ltar yi ge dag las don gzhan nyid du gyur pa'i bkod pa'ang gal te yi ge'i go rims dag ces bya ba la sogs pa'i skabs su sngar ni gsal ba nyid yi ge dag las zhes bya ba la sogs pas 'chad par byed do//ci ste yi ge dag las bkod pa tha dad pa med na yi ge tha dad pa med pa de la yi ge nyid sngags yin la/ yi ge dag kyang lugs las bzlog pa'i klog pa la sogs pa thams cad la khyad par med pa'i phyir thams cad kyi tshe ste/ rnam pa ji ltar yang sbyar ba las 'bras bu 'byin par 'gyur na/'bras bu 'byin par yang mi 'gyur ro/ /cho ga'i rim pa nyams pas 'bras bu mi 'byin pa 'ba' zhig tu ma zad kyi don med pa byed pa nyid du yang 'gyur ro zhes bstan pa'i phyir/ bkod pa zhes bya ba la sogs pa smos te/ cho ga'i bkod pa ches nyung ba yang nyams pa las 'khrul pa ste/rnam par 'tshe ba yang mthong ngo / /yang gi sgras ni khyad par can gyi don to/ /de yang sngags rnams skyes bus brdar byas pa nyid yin na rigs kyi skyes bus ma byas pa nyid la ni ma yin no/ /gal te la las brdar byas pa yin du zin kyang ji ltar 'khrul par 'gyur ro zhe na/'ga' zhig ces bya ba la sogs pa smos te/ byed pa pos sngags kyi cho ga bstan pa gang yin pa de dag gi nang nas cho ga 'ga' zhig nan tan du byas pa las lha nyid thag nye bar 'gyur ro/ /thag nye ba de'i phyir dang khyad par gzhan tshogs pa med cing 'byor pa med pas lha mnyes par ma byas pa'i phyir rnam par 'tshe bar 'gyur ro//de la lha 'dod chags dang ma bral ba nyid mnyes par ma byas pas bdag nyid don med pa byed par 'gyur gyi/ 'dod chags dang bral ba dag ni bdag nyid mi byed mod kyi gzhan de la mngon par dad pa'i lha nyid la sogs pas byed par 'gyur ro zhes blta bar bya'o//sngags gang la cho ga 'ba' zhig byas pa med pa de la ji ltar 'gyur zhe na/ thams cad ces bya ba la sogs pa smos te cho ga thams cad nyams na ni sngags byed pa pos byas pa'i cho ga'i brda gang zhig kyang nan tan du byas pa med pas lha nyid thag nye ba na don med pa'i phyir don dang don med nyid ma yin no//gzhan yang zhes bya ba la sogs pas skyon gzhan ston te/ don gzhan du gyur pa nyid kyi bkod pa bzlog pa de ltar na yang kho bo cag gi zhe na bas ci zhig bya/yi ge dag las bkod pa don gzhan nyid dam don gzhan ma yin pa nyid du 'gyur grang na de la bkod pa don gzhan nyid ma yin na ni sngags yi ge'i bdag nyid can te/ yi ge'i rang bzhin can nyid dam don gzhan nyid yin na ni de'i bkod pa'i bdag nyid can te/ yi ge bkod pa'i bdag nyid can yin pas sngags de ni yi ge'i bdag nyid can nam de bkod pa'i bdag nyid can yin no/ /ci dang 'dra ba zhig ce na skyes bu don gyi rgyu rtag pa ni rgyus ma byas pa'i gtan tshigs kyi phyir dang / rtag tu nye ba'i phyir rtag tu de las don grub 'gyur te/ sngags de dag las skyes bu'i don 'grub par 'gyur ro//ci'i phyir zhe na/ gang gi phyir gang gi dngos po'i nus pa ste sngags zhes bya ba'i rgyu'i nus pa las sngags zhes bya ba'i 'bras bu bskyed na/ rtag tu nye ba'i phyir dngos po nus pa de ma tshang ba med pa'i phyir/ 'bras bu dang bral bar mi 'gyur ro//gang gi phyir rgyu'i tshogs pa yod na 'bras bu dang bral zhing med pa nyid mi rigs te/ rgyu ma tshang ba med pa ste 'bras bu mi byed na rgyu nyid ma yin par thal bar 'gyur ba'i phyir ro/ /gal te sngags rnams rtag pa nyid yin na yang sngags kyi sbyor ba yan gar ba zhes bya bar sngags kyi 'brel pa las 'dod pa grub pa ma yin no//ci'i phyir zhe na/ sngags de ni cho ga la ltos pa nyid kyi phyir ro zhe na/ de ni rigs pa ma yin te 'di ltar sngags ni rgyu la ltos pa yin na nus pa med par 'gyur te/ ltos par khas len na rgyu ltos par bya ba de ni sngags la nus pa med par 'gyur te/sngags ni phul du byung ba nyid du sbyar ba'i phyir ro/ /gal te zhes bya ba la sogs pas 'chad par byed de de la sngags kyi cho ga las zhes bya ba sngags kyi rtogs pa'i cho ga gang yin pa de las sam gzhan yang zhes bya ba lhan cig byed pa gnas kyi khyad par la sogs pa 'ga' zhig las rang bzhin phul du byung ba 'ga' zhig thob cing /rnyed par 'gyur ba de'i tshe sngags kyi rang bzhin phul du byung ba skyed pa de la lhan cig byed pa de'i nus pa la ltos par 'gyur na/ rtag pa la phul du byung ba skye ba de yod pa ma yin no zhes sngar bshad zin to//de bas na lhan cig byed pa phul du byung ba skyed pa la nus pa med pa 'di la ci'i phyir sngags dag ltos par 'gyur ro/ /mi ltos pa'i phyir sngags ltos pa med pa gal te byed pa po'i rang bzhin can yin na/ rtag tu 'bras bu byed pa'am/gal te ma yin na/ 'bras bu cung zhig kyang byed par mi 'gyur te/ khyad par med pa zhes bya ba sngags kyi rang bzhin dus thams cad du mtshungs pa nyid kyi phyir ro/ /rtag pa nyid kyi phyir thams cad kyi tshe byed pa 'ba' zhig tu ma zad kyi sdig pa la sogs pa dang ldan pa'i skyes bu thams cad kyi yang byed par 'gyur ro zhes bstan par bya ba'i phyir/gal te zhes bya ba la sogs pa smos te/ gal te dngos nus de 'dra na/ /zhes bya ba skyes bu'i byed pa la ltos pa med pa'i rang bzhin nyid rang gi 'bras bu bsgrub par nus pa yin na/sngags de dag kun gyi sgrub byed 'gyur te/ 'bras bu'i rgyur 'gyur ro/ /sngags legs byas min ni byed pa po'i khyad par la yang zhes bya ba sgrub par byed pa de'i khyad par mchod sbyin byed pa la sogs pa de la yang ltos mi rung ngo / /gal te dngos po'i nus pa nyid kyis skyes bu la ltos pa med par sngags rnams kyis 'bras bu ster bar 'gyur ba na/sngags de dag gis 'bras bu ster ba na skyes bu 'ga' zhig kyang spong bar mi 'gyur ro/ /gzhan yang zhes bya ba ni mchod sbyin byed pa las gzhan pa gdol pa la sogs pa dag kyang ngo // // tshad ma rnam 'grel gyi 'grel bshad/ bam po sum cu bzhi pa/ 'di ltar skyes bu mchod sbyin byed pa ma yin pa gzhan la ni rang bzhin te/ sngags rnams kyi 'bras bu byed pa'i rang bzhin gyis skyed par byed pa de'i ngo bo can ma yin par mi 'gyur ro/ /ci'i phyir zhe na/ gdol pa la sogs pa des skyed par byed pa'i rang bzhin de la smad pa med cing bshung ba med pa'i phyir dang /mchod sbyin byed pa la sogs pa gzhan gyis bstod pa med pa'i phyir ro/ /skyes bu 'ga' zhig kyang lhan cig sngags rnams rgyu dang 'bras bu'i ngo bor mi rung ba'i phyir dang /go rims bzhin du bram ze dang gdol pa la sogs pa dang / sngags rnams la nye ba dang bskal ba med pa'i phyir de dag kun gyis sgrub byed 'gyur ro/ /de nyid kyi sngags 'di legs par byed pa nyid ma yin pa'i phyir sbyor ba po ste/ 'bras bu la nges par sbyor bar byed pa bram ze'am gzhan 'ga' zhig kyang yod pa ma yin na'o//gang la sbyor ba'i bram ze sngags kyis bsgrub par bya ba'i 'bras bu thob cing rnyed par 'gyur gyi/ gzhan gyis ni ma yin no/ de ltar na ji ltar gdol pa la sogs pa 'don par byed pa ma yin pa cung zhig kyang mi byed pa'i phyir sbyor ba po ma yin pa de ltar bram ze dag kyang yin te/de las legs par byas pa thob pa med pa'i phyir ro/ /gzhan yang 'di ni bram ze yin la 'di ni dmangs rigs yin no zhes bya ba'i khyad par 'di ni 'jig rten gyi tha snyad tsam du byas pa yin gyi/ bram ze la sogs pa'i blo'i dbang po la sogs pa la/bram ze nyid la sogs par byas pa don dam pa'i khyad par ni yod pa ma yin no/ /de bas na brda tsam du byas pa yin pa'i phyir/ bram ze la sogs pa sbyor ba po'i khyad par 'bras bu'i dngos po'i khyad par yang rigs pa ma yin no/ /rtag pa'i smos kyang ci dgos zhes bstan pa'i phyir dngos po 'dus byas pa'i yang zhes bya ba la sogs pa smos te/dngos po mi rtag pa dag gi yang rgyu'i tha dad pa dngos po'i tha dad tha dad byed pa yin gyi bram ze la sogs pa'i khyad par brda tsam gyis byas pa ni ma yin no/ /de bas na sbyor ba po'i khyad par la nges pa ste/bram ze la sogs pa'i khyad par las nges par sngags kyi nus pa ma yin zhes bya ba yod pa ma yin na/ gang gis na bram ze nyid kyis sngags kyi 'bras bu thob par 'gyur gyi dmangs rigs kyis ma yin/ 'o na sbyor ba po'i khyad par gang la 'gyur zhe na/ brda la 'gyur zhes bya ba la sogs pa smos te/ bram ze la sogs pa'i sbyor ba po'i khyad par 'di ni 'jig rten gyi brda la 'gyur ro/ /dngos po zhes bya ba la sogs pas 'chad par byed de/ dngos po mi rtag pa gang dag la bskyed par bya ba'i khyad par te/ tha dad pa yod pa de dag ni/de'i rgyu'i khyad par las rang bzhin tha dad pa yod pa yin no/ /rgyu'i khyad par de las phul du byung ba thob pa nyid kyi phyir gcig la rnam pa gzhan du 'gyur zhing yang gzhan du ste/ rgyu gzhan las rnam pa gzhan du 'gyur la tha dad pa med na rnam pa gzhan du 'gyur ba ma yin no/ /ci'i phyir zhe na/rgyu'i khyad par med na 'bras bu'i khyad par med pa'i phyir ro/ /ci ste rgyu'i khyad par med par 'bras bu'i khyad par yin pa de'i tshe 'bras bu yod par khas len na ni khyad par de rgyu med pa can du thal ba'i phyir ro zhes mang du bshad zin to/ /de bas na zhes bya ba de'i phyir sngags 'di yin du zin kyang ste mi rtag pa yin du zin kyang ngo //rang bzhin phul du byung ba ste/ rgyus byas pa'i phyir 'bras bu 'byin pa yin no/ /dmangs rigs la sogs pa'i sbyor ba de la yang rnam pa gzhan du mi 'gyur ba ste/ 'bras bu med pa can du mi 'gyur ro//dmangs rigs la sogs pa'i sbyor ba la yang 'bras bu 'byin par byed do zhes bya ba'i tha tshig go/ /ci'i phyir zhe na/ dmangs rigs zhes bya ba dang / bram ze ste lan gnyis skyes zhes bya ba'i ming gis brjod pa'i skyes bu de dag gi blo dang dbang po dang lus dag la rang bzhin tha dad pa med pa'i phyir ro//gal te gsal ba so so'i rang gi mtshan nyid la tha dad pa yod do zhe na ma yin te/ de ni gsal ba so sor bram ze dag la yang yod pa'i phyir ro/ /rigs kyis byas pa'i tha dad pa yang yod pa ma yin no zhes brjod do/ / gal te 'di ni bram ze yin la 'di ni dmangs rigs yin no zhes bya ba'i 'jig rten gyi ming dang de bzhin du gus par byas pa la sogs pa'i tha snyad yod pa ma yin nam/ de bas na rang bzhin tha dad pa nges pa yin no zhe na/ skyes bu zhes bya ba la sogs pa smos te/ skyes bu 'dod pa'i rjes su byed pa can gyi bram ze la sogs pa'i ming dang /gus par byas pa la sogs pa'i tha snyad kyi khyad par las rang bzhin gyi khyad par dang 'brel pa can de/ rgyu ji lta ba bzhin du skye ba'i rang bzhin gyi khyad par dang 'brel pa can gyi don rnams gzhan ma yin te/rang bzhin tha dad pa yod pa ma yin no zhes bya bar sbyar ro/ /gal te bram ze dang dmangs rigs de dag gi rigs kyi bye brag yod do zhe na de ltar ma yin no/ /'di ltar de ni zhes bya ba la sogs pa la/ spyi bkag pas rigs bkag pa yin mod kyi 'on kyang khas blangs nas brjod par bya'o//rigs kyi khyad par de yod na yang dbyibs dang yon tan dang nus pa'i khyad par rnam pa gsum mthong ste/ ba lang dang rta bzhin no/ /ba lang dang rta dang 'dra bas na ba lang dang rta bzhin no/ /de la dbyibs kyi khyad par ni lus kyi khyad par te de ni gsal ba po'i khyad par dang ldan pa'i ba lang dag la rjes su 'gro ba yod kyi rta'i gsal ba dag la ni ma yin no//sha dang 'o ma la sogs pa dag gi ro dang rnam par smin pa la sogs pa'i khyad par gyi yon tan tha dad pa yin te/ de yang rigs mthun pa'i gsal ba dag la rjes su 'gro ba mthong gi rigs mi mthun pa dag la ni ma yin no//las su bya ba nus pa'i mtshan nyid can ni nus pa'i khyad par yin te/ dper na ba lang bzho ba la sogs pa'i nus pa'i nus pa yod kyi rta dag la ma yin pa lta bu'o/ /de bas na de ltar rigs mthun pa'i gsal ba'i rjes su 'gro ba can gyi dbyibs la sogs pa'i khyad par dag dmigs pa'i phyir ro//ba lang dang rta la sogs pa la rigs tha dad pa 'dod kyang bla ste bram ze la sogs pa dag la rigs la sogs pa so sor nges pa yod pa ma yin na/ gang gis na rigs tha dad pa rtogs par byed/ba lang dang rta la sogs pa dag la cig car goms pa'i 'jig rten gyi yul dang dus la sogs pa tha dad pa yang bstan pa med par rigs kyi khyad par 'di ni ba lang yin la 'di ni rta yin no zhes rtogs par 'gyur gyi de ltar bram ze la sogs pa'i khyad par ma bstan par rtogs par mi 'gyur ro//de dang 'dra bar zhes bya ba ni ba lang dang rta dang 'dra bar ro/ /bram ze dang dmangs rigs 'di dag la rigs mthun pa'i gsal ba dag la yon tan rnam pa cung zhig kyang gnas pa ma mthong ngo / /yon tan smos pa ni 'dir nye bar mtshon pa de ltar na rigs dang nus pa'i khyad par rnam par nges par ma mthong ngo //dbyibs la sogs pa'i khyad par ma mthong bar yang ji ltar dmangs rigs dang bram ze la sogs pa dag gi rigs kyi khyad par rtogs par 'gyur te/ ma yin no zhes bya ba'i tha tshig go/ /de ltar na 'don par byed pa dang gtsang sbra spyod pa la sogs pa'i khyad par thams cad ni 'khrul pa yin te/ser skya dang skra ser ba nyid la sogs pa'i rnam pa'i khyad par brtags pa gang yin pa de bram ze la la yang med la dmangs rigs la la ni yod pa'i phyir ro/ /gal te bram ze dang dmangs rigs dag la rigs kyi khyad par ni med na 'o na ji ltar bram ze la sogs pa'i sgra thos pa las tha dad par 'gyur zhe na/'jig rten gyi zhes bya ba la sogs pa smos te/ ming tha dad pa'i rjes su 'gro ba can bram ze la sogs pa'i ming can gyi khyad par gyi rgyu can 'di ni bram ze yin la 'di ni dmangs rigs yin no zhes rtogs pa'i khyad par gang yin pa 'di rigs kyi khyad par med du zin kyang bya ba'i khyad par nan tan du byed pa ste/bzlas pa dang sbyin sreg la sogs pa'i bya ba'i khyad par nan tan du byed pa'i phyir dang /rjes su 'gro ba'i phyir zhes bya ba de lta bur gyur pa'i bya ba nan tan du byed pa can gyi rigs las skyes pa'i phyir 'gyur ro/ /ci dang 'dra bar zhe na/ 'tsho byed dang tshong pa'i tha snyad la sogs pa bzhin te/ dper na rigs mtshungs pa dmangs rigs dag bya ba'i khyad par de dang de dag nan tan du byed pa'i phyir dang rjes su 'gro ba'i phyir 'tsho byed la sogs pa'i tha snyad 'jug par 'gyur ba de tsam rigs kyi khyad par ni ma yin te/de dang 'dra bar bram ze dag la yang 'gyur ro/ /de bas na zhes bya ba de'i phyir sngags 'di bram ze dang dmangs rigs la sogs pas khyad par med par sbyar bar gyur pa na/bram ze la sogs pa de las khyad par med pa'i rang bzhin nyid sgrub par byed de/ /rgyu des na khyad par med pa kho na gdol pa la sogs pa dag la 'bras bu 'byin par 'gyur ba ni mjug bsdu ba'o//de bas na 'di ltar sngags rnams dngos po'i nus pas 'bras bu 'byin pa skyon yin te gang gi tshe ji skad du bshad pa'i skyes bu'i brda las rig byed pa'am/ gzhan dag gi sngags de dag gi 'bras bu 'byin par 'dod pa de'i tshe/ khyad par med par 'bras bu 'byin par 'gyur ba de ltar na skyon 'di yod pa ma yin no//de ci'i phyir zhe na/ brda byed pa ste sngags byed pa'i 'dod pa las 'bras bu skye bar nges pa'i phyir te/ bram ze'i tha snyad bstan pa de lta bu'i cho ga nan tan du byed pa gang yin pa de nyid 'bras bu dang ldan par so sor gnas pa yin gyi gzhan ni ma yin no zhes brda byed pa de ltar mngon par 'dod pa las so//de ltar 'dod pa las 'bras bu nges pa la brgal zhing brtag pa ci zhig yod/ de lta na gang dag dngos po'i rang bzhin gyis gnas pa can dag ste/ skyes bu bya ba la ltos pa med pa ni dngos po'i gnas skabs nyid kyi rgyu dang 'bras bu yin no zhes bya ba'i tha tshig go//de dag ni de'i sgo nas te rang bzhin gyi sgo nas ji ltar rang bzhin gyi khyad par las 'gyur na 'di la yang ci'i phyir mi 'gyur zhes thal bar rigs pa yin gyis skyes bu 'dod pa can gyi dngos po dag ni thal bar 'gyur bar rigs pa ma yin no//ci'i phyir zhe na/ skyes bu rang gi 'dod pa'i rjes su byed pa de dag ni rnam pa 'ga' zhig gis 'jug pa'i phyir ro/ /gang yang khyad par can gyi sbyor ba pos sngags kyi 'bras bu thob bo zhes brjod pa de la yang ji ltar 'dod pa'i skyes bu'i don la rung ba'i sngags kyi rang bzhin gang yin pa de skyed par byed pa'am/skyes pa'i phyi ma phyi ma'i khyad par skyed pa'i sgo nas rgyud yongs su 'gyur ba ste/ rnam pa gzhan nyid du 'gyur ba de lta bu'i mtshan nyid can gyi sbyor ba mthong ngo / /skyed par byed pa dang yongs su 'gyur ba de gnyi ga ni khyad par skyed pa ste/khyad par skyed pa yod na 'gyur ro/ /de lta ma yin na ste khyad par skyed pa ma yin na/ sngags rnams khyad par byar med can yin na/ sbyor ba pos ni ci zhig byed de mi byed do/ /gang gis zhes bya ba la sogs pas 'chad par byed de/rgyu gang gis sngags kyi sbyor ba de yang sbyor ba po bram ze las 'bras bu thob kyi/ dmangs rigs la sogs pa gzhan gyis ni ma yin no/ /sbyor ba ni sngags rnams skyed pa ma yin gyi 'on kyang sngags mngon par gsal ba ma yin pa/ gal te sbyor ba mngon gsal yin par 'dod na de ni gang du bsal zin to zhes bya ba spyi dpyod pa'i skabs su bsal zin to/ /rtag pa rnams zhes bya ba la sogs pas 'chad par byed de rtag pa rnams 'ga' zhig kyang mngon par gsal ba ma yin no zhes spyi gsal ba dpyod pa'i skabs su bshad zin to//rgyu gang gi phyir sgra'i mngon par gsal bar byed pa ni sbyor ba por 'gyur ro/ /gzhan yang mngon par gsal ba yang bla ste/ de ni re zhig rtag pa nyid kyi phyir rung ba nyid skyed pa ni ma yin gyi 'on kyang gang las blo de gsal ba yin te/skyes bu sbyor ba po las sgra'i yul can gyi blo de gsal ba yin na/ de ni 'bras la'ang gal te sbyor/ /skyes bu sngags kyi 'bras bu la'o/ /nyan pa po yi 'bras 'brel 'gyur/ /sngags brjod ma thag pa 'di thos pa 'ba' zhig gang yin pa de yang sngags kyi 'bras bu dang 'brel par 'gyur gyi smra ba po nyid ni ma yin no//de ltar na smra ba po gsal rgyu yin pa ste shes pa'i rgyu yin pa de bas na 'bras bu dang ldan pa yin no/ /sngags kyi shes pa'i rgyu nyid yin pa de yang nyan pa po la mtshungs pa de lta na yang smra ba po nyid yin pas na ci'i phyir 'bras bu dang ldan pa yin sgra ni zhes bya ba la sogs pas 'chad par byed pa la/sgra rtag pa ni rgyu gzhan las rang gi ngo bor 'gyur ba ste/ rang gi ngo bo rnam pa gzhan nyid gsal ba ma yin pa dang sgrib par byed pa dang bral ba yang gsal ba ma yin te/ rtag pa'i sgrib par byed pa ni skye ba med pa'i phyir ro//'on kyang sgra de'i yul can gyi shes pa ste/ blo mngon par gsal ba yin no/ /ci'i phyir zhe na/ sgra thos pa med par gsal bar brjod pa med pa'i phyir te sgra dmigs par ma gyur pa mngon par gsal ba zhes mi brjod do/ / de ltar gnas pa de la gal te smra ba po sgra'i yul can gyi blo'i rgyur 'gyur ba de'i tshe smra ba po'i mtshan nyid sgra'i yul can gyi blo'i rgyu'i rang bzhin de ni nyan pa po yang yod pa'i phyir/ nyan pa po de'i sngags kyi sbyor ba las byung ba can gyi mngon par 'dod pa'i 'bras bu yang 'chad pa po dang 'dra bar thob par 'gyur ro//de'i blo'i rgyu nyid de'i sgra'i blo'i rgyu nyid las 'chad pa po las gzhan du 'chad pa po de'i ngo bo gzhan 'ga' zhig kyang yod pa ma yin pa de bas na 'chad pa po dang nyan pa po dag gi sgra'i shes pa'i rgyu nyid las khyad par med na de ltar na 'bras bu dang ldan par mtshungs par 'gyur ro//gal te nyan pa po'i blo gang la gzhan 'chad pa po'i khyad par te rgyu yod pa de ni gzhan gyi khyad par can yin gyi 'chad pa po'i blo ni gzhan gyi khyad par can ma yin pa'i gtan tshigs kyi phyir/ 'chad pa po dang nyan pa po la khyad par yod do zhe na/nyan pa po'i blo skyed pa la 'chad pa po'i nye bar sbyor ba ste/ nus pa ci zhig yod na nye bar sbyor ba gang gis 'chad pa po'i khyad par du 'dod/ gal te 'chad pa po de las sgra thos pa ste/ nyan pa pos sgra dmigs par 'gyur ba de bas na 'chad pa po de rgyu yin no zhe na/ji ltar 'chad pa po de las nyan pa pos sgra thos par 'gyur ro zhes bya ba'i brgal ba de nyid brgal zhing brtags pa ma yin nam/ ci ltar de las mi 'gyur zhe na 'brel pa med pa'i phyir te/ phan gdags par bya ba dang phan 'dogs par byed pa'i dngos po med pa'i phyir ro/ / de nyid med par bstan pa'i phyir yul zhes bya ba la sogs pa smos te/ yul nye bar 'jog pa las te yul nye bar 'jog pa las 'chad pa po 'di nyan pa po 'di'i thos par byed cing mnyan par byed par 'gyur na de yang 'jog par nus pa ma yin no/ /ci'i phyir zhe na/ sgra rtag pa de ni rnam pa 'ga' zhig tu yang 'gyur ba med pa'i phyir te/rnam pa gzhan 'ga' zhig nyid med pa'i phyir ro/ /gal te nyan pa po'i dbang po legs par byas pa'am/ sgra'i sgrib pa dang bral bar byed pa pos 'chad pa po nye bar sbyor ba yin zhe na/ de ni ma yin te gang gi phyir dbang po legs par byas pa la sogs pa yang /dbang po legs par byas gyur na'ang / des kyang ma lus thos par zhes bya ba la sogs pas bshad cing spangs zin to/ /gal te bdag 'chad pa po 'dis nyan par byas shes nyan pa po'i shes pa ste blo dang bdag gi nyan pa po 'di nyan du bcug go zhes bya ba'i 'chad pa po'i shes pa 'byung bar 'gyur ro//de bas na shes pa gnyis las go rims bzhin du 'chad pa po dang nyan pa po tha dad pa yin no zhe na/ 'khrul pa tsam zhes bya ba la sogs pas 'gog par byed do//bdag nyan par byas/ bdag gis nyan du bcug go zhes bya ba de ni 'khrul pa tsam yin no/ /ji lta bur gyur pa zhig ce na/ phan gdags par bya ba dang phan 'dogs par byed pa med pa can yin pa'o/ /'khrul pa tsam gang la phan gdags par bya ba nyan pa po dang phan 'dogs par byed pa 'chad pa por mi 'gyur ba de la de skad ces bya'o//sgra rtag pa la blo skyed pa'i phyir skyes bu'i bya ba rnam pa thams cad du med pas phan gdags par bya ba dang phan 'dogs par byed pa'i dngos po med par bstan to//de bas na de lta bur gyur pa'i 'khrul pa tsam las 'chad pa po dang nyan pa po tha dad pa de'i ngo bo ni shin tu thal bar 'gyur ba ste/ thams cad kyang nyan par byed pa po ma yin pa dang / nyan pa ma yin pa de dag kyang de lta bur 'gyur ro/ /ci'i phyir zhe na/sgra thos pa med par 'khrul pa smyon pa la sogs pa gzhan dag la yang bdag gis thos so zhes bya ba la sogs pa shes pa mthong ba'i phyir ro/ /sngags rtag pa dag las shes pa skye bar khas blangs nas 'khrul pa tsam phan gdags par bya ba dang phan 'dogs par byed pa ma yin pa'i phyir zhes bya ba de la sogs pa sun 'byin pa bshad nas rtag pa dag la shes pa skye ba nyid mi rigs so zhes bstan pa'i phyir rnam pa thams cad du sngags rtag pa dag la phan 'dogs pa med pa la yang de lta bu'i shes pa zhes kho bos mnyan du bcug ces bya ba la sogs pa'i shes pa rigs pa ma yin no//ci'i phyir zhe na/ phan gdags par bya ba dang phan 'dogs par byed pa ma yin pa dag phan tshun de ltar te/ kho bos 'di las mnyan par bya'o zhes bya ba la sogs par thal bar 'gyur ba'i phyir ro/ /gal te 'on kyang ji ltar smos pa dag la myos pa'i tha snyad kyi 'khrul pas shes pa skyed pa de ltar rtag pa dag la yang 'gyur ro zhe na/'khrul pa yang zhes bya ba la sogs pa smos pa la/ 'khrul pa zhes bya ba skyes bu smyos pa'i 'gyur ba gang yin pa de yang rang bzhin du gnas pa'i gnas skabs na skyes bu 'ga' zhig la phan 'dogs pa yod pa de ltar de'i shes pa skye ba de'i dbang gis myos pa'i gnas skabs na yang 'ga' zhig nye ba ste/'dra ba 'ga' zhig gis gzhan du zhes bya ba 'chad pa po med par yang 'gyur ro/ /'khrul pa de yang sngags rtag pa dag la shin tu brgyud pas kyang phan 'dogs pa med na mi 'gyur ro//de bas na zhes bya ba la sogs pas skabs su bab pa mjug sdud par byed de/ ji skad du bshad pa'i rnam pas 'chad pa po dang nyan pa po gsal ba'i rgyu nyid de/ sgra'i shes pa'i rgyu nyid du khyad par med pa'i phyir sngags kyi 'bras bu dang ldan par mtshungs par 'gyur ro//rtag pa dag la gsal ba'i rgyu nyid kyang don dam par byed pa ma yin mod kyi 'on kyang khas blangs nas de skad du brjod do/ /gzhan yang zhes bya ba la sogs pa la rna ba'i yul du ma gyur pa'i mngon par gsal min sgra dag gi ste/ rkan la sogs pa'i byed pa gang dag gis mngon par gsal ba ma yin pa'i sgra de dag gis byed pa rnams dgos pa'am zhes bya ba'i/byed pa de dag don med 'gyur/ /zhes bya bar sbyar ro/ /gang yang mchu la sogs pa bskyod pa tsam gyis gzhan dang bdag gi thos pa med pa shub bu'i bzlas pa de don med par 'gyur ro zhes bya ba de ni ngag gi don to//gang mchu la sogs pa bskyod pa yang med par 'di la sngags sems pa tsam de ni yid kyi bzlas pa'o/ /'am gyi sgra ni sdud pa'i don te/ yid kyi bzlas pa don med 'gyur ro/ /ci'i phyir zhe na/ gang gi phyir sgra ni rna ba'i yul yin te/ sgra rna bas gzung bar bya ba nyid yin zhing / sgra'i rang bzhin yang sngags yin no/ /shub bu dang yid kyi bzlas pa dag ni rna bas gzung du med pa'i phyir sgra nyid ma yin pa dang sgra nyid ma yin pa'i phyir sngags nyid kyang ma yin na sngags ma yin pa bzlas pas 'bras bu dang ldan par ji ltar 'gyur zhes bya ba ni ngag gi don to//gzung bar bya ba yin pas na gzung ba ste/ rna bas gzung bar bya ba zhes bya ba'i don to/ /sgra gang la de nyid kyi mtshan nyid yod pa de la de skad ces bya'o/ /de las bzlas na thal ches pa'i phyir te/rna bas gzung bar bya ba'i sgra ma gtogs pa yid kyi bzlas pa la sogs pa rnam par shes pa'i bdag nyid can sgra nyid du 'dod na ro la sogs pa dag kyang sgra nyid du 'gyur ro/ /rna ba'i spyod yul kho na sgra yin no zhes bstan bcos mdzad pa'i nges par gzung ba la gzhan dag ni sgra kho na rna ba'i spyod yul yin no zhes bzlog par nges par gzung ba gzung ba nas thal ches pa smra ba'i phyir de ltar zhes bya ba la sogs pa smras pa la/de ltar na zhes bya ba rna ba'i spyod yul ni sgra'i rang bzhin nyid yin na sgra nyid kyi spyi la sgra'i rang bzhin du thal bar 'gyur ba ma yin nam/sgra zhes bya ba la sogs pa grub pa'i mtha' smra ba yin te/ sgra kho na rna ba'i spyod yul yin no zhes ni mi smra'i/ sgra ni gdon mi za bar de'i mtshan nyid can yin no zhes smra'o/ /ci'i phyir zhe na/ de la rna bas gzung bar bya ba nyid las ma gtogs pa'i mtshan nyid gzhan med pa'i phyir ro//sgra'i mtshan nyid de la gal te skyes bu gang sbyor ba po gang 'bras bu dang ldan pa'i sgra'i bdag nyid can gyi sngags dag mngon par gsal ba'i rgyu zhes bya ba'i sgra'i rang gi ngo bo 'dzin pa'i shes pa'i rgyu yin par 'dod pa de'i tshe mngon par gsal ba ma yin pa thos pa'i yul can gyi ste/byed pa gang dag gis mngon par gsal ba ma yin pa thos pa'i yul sgra la yod pa de zhes bya bar tshig rnam par sbyar ro/ /sbyor ba po ste byed pa pos byed pa de rnams kyi mchu la sogs pa bskyed pa tsam gyis shub bu'i bzlas pa sngags kyi 'bras bu dang ldan pa ma yin zhing yid kyi bzlas pa yang sngags kyi 'bras bu dang ldan pa ma yin no//'di ltar de'i tshe zhes bya ba shub bu dang yid kyi bzlas pa nyid kyi dus su rna ba'i byed pas sgra zhes bya ba'i don cung zad kyang nges par byas shing gzung ba med do/ /yid kyi bzlas pa yang sngags yin no zhe na/sgra'i zhes bya ba la sogs pa smos te/ yid kyi rnam par rtog pa sgra'i bdag nyid can ma yin pa yang sngags ma yin te/ de ni rna ba'i dbang pos gzung bar bya ba nyid dang skyes bus ma byas pa nyid dang rtag pa nyid du khas blangs pa'i phyir ro/ / rnam par rtog pa ni de las bzlog pa nyid yin pa'i phyir ro/ /brgyud pa zhes bya ba la sogs pa ni gzhan gyi bsam pa'i dogs pa bsu ba yin te/ gang yang shub bu dang / yid kyi bzlas pa'i dus su gal te blo de'i gsal ba yin te/ sngags snang ba'i blo sgra de'i gsal ba ste shes pa yin na yang ngo //ci'i phyir zhe na/ brgyud pas de las skye ba nyid kyi phyir te sgra las skye ba nyid kyi phyir ro/ /de ltar na de'i sgra'i shes pa sngar skyes pa des legs par 'dus byas pa'i rim gyis yid kyi bzlas pa la sgra'i snang ba skye ba'i phyir ro/ /yid kyis zhes bya ba la sogs pas 'chad par byed de/zlos pa pos yid kyis bsams su zin kyang sgra thos pa med cing sgra thos pa ma gtogs par sngags snang ba can gyi blo gang yin pa de ni med do/ /de bas na sgra las 'byung ba nyid yin pa'i phyir te/ sgra las skye ba yin pa'i phyir/ yid kyi bzlas pa'i dus su blo de yang sgra'i gsal ba nyid yin te/sgra'i shes pa nyid yin no/ /de bas na sngags kyi rang bzhin nyid yin pa'i phyir yid kyi bzlas pa la sogs pa de'i sbyor ba po 'bras bu bstan par 'gyur ro zhes bsams pa'o/ /de ltar na zhes bya ba brgyud pas sngags nyid yin na thug pa med par 'gyur ro//de nyid bstan pa'i phyir sgra las zhes bya ba la sogs pa smos te sngags kyi mtshan nyid kyi sgra las don gyi rnam par rtog pa ni sgra la don gyi rnam par rtog pa'o/ /de ltar na me la swA hA zhes brjod pa na me 'bar zhing gsal ba la sogs pa'i ngo bo can yin no zhes bya ba la sogs pa'i rnam par rtog pa 'ga' zhig gi tshe skye bar 'gyur la/de dag kyang brgyud pas sgra la skye ba yod pa'i phyir rnam par rtog pa de dag kyang de ltar 'gyur te sngags kyi gsal ba'i mtshan nyid can gyi sbyor bar 'gyur ro/ /gal te don can yin te sgra gang la sgras rab tu phye ba'i don gyi yul gang yin pa de ni de'i don can yin zhes bya bar tshig rnam par sbyar ro//gal te blo de nyid sngags kyi gsal ba yin gyi sgra'i yul don gyi rnam par rtog pa ni ma yin no zhe na/ mi grub ces bya ba grub pa'i mtha' smra ba yin te/ sgra'i rnam par rtog pa yang sgra'i rang gi mtshan nyid kyi yul can nyid du grub pa ma yin no//ci'i phyir zhe na/ rtog pa'i rjes su 'gro ba'i phyir ro ste/ rigs mthun pa'i rnam par rtog pa rgyu nyid yin pa'i phyir ro/ /sgro btags pa'i rnam pa'i yul can nyid yid kyi rnam par rtog pa yin no//sgra las zhes bya ba la sogs pas 'chad par byed de sgra las 'byung ba can gyi blo thams cad ni de'i gsal ba ste/ sgra'i gsal ba yin par mi smra mod kyi 'on kyang de'i yul can te/ sgra'i yul can gyi rnam par rtog pa'i blo gang yin pa de ni sgra de'i gsal ba yin no zhe na/de dang de ni bden pa ma yin no/ /gang gi phyir yid kyi rnam par rtog pa ni de'i yul can nyid de sgra'i yul can du grub pa ma yin no/ /'di ltar rang gi mtshan nyid la rnam par rtog pa rnams mi 'jug go zhes le'u gsum pa la ston par 'gyur ro/ /gal te phyi rol gyi don rnams rnam par rtog pa rnams kyi rgyu ma yin na 'o na ji ltar skye bar 'gyur zhe na/de dag ni zhes bya ba la sogs pa smos te/ rnam par rtog pa de dag ni phyi rol gyi don nye ba la ltos pa med pa can te/ gang dag gi phyi rol gyi don thag nye ba la ltos pa med pa zhes tshig rnam par sbyar ro/ /bdag nyid ji lta ba bzhin du zhes bya ba gang gi bag chags sad pa'i rgyu gang yin pa'o//rnam par shes pa gnas pa nyid kyi nang gi rnam par rtog pa'i bag chags sad pa ste/ rnam par rtog pa snga ma snga mas bsgos pa'i nus pa sad pa las skye bar 'gyur ro/ /gang gi phyir de ltar don med par 'gyur ba de bas na de dag ni rgyu ma yin no//ci'i phyir zhe na/ phyi rol zhes bya ba la sogs pa la 'gags pa ni zhig pa'o/ /ma 'ongs pa ni ma skyes pa'o/ /phyi rol 'gags shing ma skyes su zin kyang rnam par rtog pa rnams yod pa'i phyir ro/ /gang gi phyir don med par 'gyur ba de'i phyir don gyi rgyu can dag ma yin no//ci'i phyir zhe na/ gang gi phyir gang yod pa de nyid nye ba ste/ yod pa'i khyad par la ltos pa med pa de ni ltos pa med pa de'i skyed par byed pa'i rgyu ma yin zhing / phyi rol gyi don rnam par rtog pa'i rgyu ma yin pa yang ji ltar na yul yin te/ rgyu ma yin pa ni yul yin par 'gal ba'i phyir ma yin pa kho na'o//gang gi phyir de ltar na rnam par rtog pa ni sgra'i yul can ma yin pa de bas na yid kyi rnam par rtog pa yid kyi bzlas pa la sogs pa'i mtshan nyid can sgra'i gsal ba nyid ma yin na gang las te/ rgyu gang gis de dang ldan pa zhes bya ba'i yid kyi bzlas pa dang ldan pa'i skyes bu sngags kyi sbyor ba bor 'gyur te/mi 'gyur ba kho na'o zhes bya ba'i don to/ /de bas na de ltar sgra las byung ba can dang / de'i don can gyi blo sgra'i gsal ba yin no zhes bya ba'i rtog pa de la yid kyi bzlas pa'i sgra'i mngon par gsal ba ma yin no zhes bya ba'i skyon sngar bshad pa yang 'di la yang skyon du 'gyur ro zhes bstan pa'i phyir de las zhes bya ba la sogs pa smos te/sgra de las 'byung ba'i sgra de'i yul can gyi blo sgra'i gsal ba yin zhing de'i rten te/ sgra'i gsal ba de'i rten skyes bu gang yin pa de ni zhes bya ba'i phyogs 'di la yang bshad zin to/ /ci zhig bshad zin ce na/nyan pa po la yang sbyor ba po nyid du thal bar 'gyur ro zhes bya ba ste/ nyan pa po la yang sgra las byung ba de'i yul can gyi blo rang gi rgyud la 'gyur ba'i ngang tshul can gyi rten yin pa de ltar na 'di yang sngags kyi 'bras bu dang ldan par 'gyur ro/ /gzhan yang sngags rtag pa dag ni phul du byung ba skyed pa la sbyor ba ma yin gyi 'on kyang de'i yul can gyi shes pa la yin na de'i shes pa la ste/sgra'i yul can skyes bu la brten pa'i shes pa la sgra sbyor ba yin par khas len na yang skyes bu la sgra byed pa yin no/ /ji lta zhe na skyes bu de'i shes pa skyed par byed pa'i phyir ro//sgra la skyes bu byed pa ni ma yin no/ /ci'i phyir zhe na/ de'i bdag nyid la zhes bya ba sgra'i bdag nyid rtag pa phul du byung bar byar med pa can la skyes bus phan gdags par byar med pa'i phyir ro/ /de ltar na yang sgra rnams kyi sbyor ba po ni phan 'dogs par byed pa ma yin pa'i skyes bu yin no zhes bya ba'i tha snyad 'di yang 'jig rten las 'das pa yin te/'jig rten pa dag ni gang la bya ba med pa gang yin pa de ni sbyor ba po yin no zhes brjod do/ /rnam pa thams cad du zhes bya ba la sogs pas mjug sdud par byed do//gal te dngos su sgra las byung ba'am ci ste brgyud pas byung ba'i blo sgra'i gsal ba rnam pa thams cad sgra'i rang bzhin can gyi sngags dag gi sbyor ba las te/ de'i yul can gyi shes pa skyed pa las 'bras bu thob par 'dod na ni yid kyi bzlas pa don med pa can yin no//ci'i phyir zhe na/ yid kyi bzlas pa'i mtshan nyid can gyi rnam par rtog pa ni sgra'i ngo bo la reg pa med pa'i phyir ro/ /gang gis brda las 'bras bu yin pa de'i yang yid kyi bzlas pa ji ltar na don med pa can ma yin zhe na/ rang spyi dang zhes bya ba la sogs pa smos te/rang spyi ni rnam par rtog pa la snang ba'i rnam pa can spyi'i rang bzhin yin la/ rang gi rang bzhin ni rang gi mtshan nyid de/ rang spyi dang ni rang bzhin rnams/ /de rnams kyi ngo bo gcig tu brjod 'dod pas zhes bya ba gcig tu sgro btags nas brjod par 'dod pa ste/snang ba dang rnam par brtag par bya ba gcig tu byas nas zhes bya ba'i don to/ /brda byed rnams kyis brjod pa'i phyir te sngags byas pa'i phyir yid kyi bzlas pa don med par 'gyur ro zhes bya ba 'di 'gal ba med do/ /de nyid ni ji ltar brda byed pas rang spyi dang rang gi mtshan nyid dag la gcig tu mngon par zhen pas sngags byed pa de ltar yid kyi bzlas pa byed pa yang rang gi mtshan nyid kho na bzlas pa bya'o snyam du 'dod pa de bas na brda byed pa'i bsam pa bsgrub pa'i phyir 'bras bu dang ldan par 'gyur ro zhes bstan to// dngos la ma yin no zhes bya ba dngos po la ni 'gal ba med pa ma yin gyi 'on kyang 'gal ba yod pa kho na'o/ /de ltar na dngos po rang gi mtshan nyid las 'bras bu thob pa yin na ni yid kyi bzlas pa don med pa can yin te/ de ni dngos po la reg pa med pa'i phyir ro/ /brda zhes bya ba la sogs pas 'chad par byed de sgra'i rang gi mtshan nyid ni rna ba'i dbang po'i yul yin zhing spyi'i mtshan nyid kyang rnam par rtog pa'i snang ba gzung ba'i rnam pa yin pas don med par tha dad du zin kyang ngo //brda ji lta ba bzhin du zhes bya ba ni brda dang rjes su mthun par ro//kun rdzob tu zhes bya ba ni rnam par rtog pa'i blos so/ /gcig tu byas nas zhes bya ba ni bsdus nas so/ /brda ji lta ba bzhin du don grub par 'gyur ro zhes brda gsal bar byed pa ste/ ngag dang yid kyis kho bos byas pa'i sngags brjod pa la nan tan du byed pa gang yin pa de ni sngags 'dis brda ji lta ba bzhin du don grub par 'gyur ro zhes brda gsal bar byed par 'gyur ro//de bas na sngags 'di dag yid kyis rjod par byed pa gang yin pa de ni brda ji lta ba bzhin du don grub par 'gyur ba de ltar na yid kyi bzlas pa la sogs pa la skyon yod pa ma yin no/ / sogs pa'i sgras ni shub bu'i bzlas pa la sogs pa gzung ngo / /dngos po'i rang bzhin te sgra'i rang bzhin las sngags kyi 'bras bu thob par 'dod na yang de'i rang bzhin la reg pa med par yid kyi bzlas pa la sogs pa las 'bras bur mi 'gyur ro/ /yi ge dag las zhes bya ba la sogs pas gzhan gyi bsam pa'i dogs pa bsu ba yin no//yi ge dag las gzhan gyi go rims yod pa ma yin no zhes bya ba yi ge kho na sngags yin gyi zhes bya ba ni skabs su bshad pa gang yin pa de la brjod par bya ste/ gal te go rims med na ni ro dang mtsho zhes thos pa la rtog pa tha dad pa'i 'bras bu tha dad pa zhes mi 'gyur ro//ro dang zhes bya ba la sogs pas de nyid 'chad par byed de/ ro dang mtsho zhes bya ba la sogs pa'i tshig dag la/ ro zhes bya ba'i tshig 'di la yi ge gang kho na yin pa de kho na mtsho zhes bya ba'i tshig la yang khyad par yang ni cung zhig kyang med na'o//yi ge las tha dad pa'i tshig gzhan med na/ tshig gang la 'bras bu tha dad pa ste/ blo tha dad par 'gyur/ 'bras bu'i tha dad pa yang yod na ni gang las mtsho dang ro zhes bya ba'i tshig de dag gi spobs pa blo ste tha dad pa yang mthong na'o/ / de dag gi go rims kyang mi 'dra ba ste tha dad par mthong na'o/ /yi ge dag kyang de dag kho na yin pas rgyu'i yi ge tha dad pa med par 'bras bu tha dad par rigs pa ma yin no/ /de bas na yi ge rnams tha dad pa med du zin kyang tha dad pa dang ldan pa ste tshig so so la tha dad pa yod kyang ngo / / go rims te tshig so so tha dad pa dang ldan pa'i go rims gang las ro zhes bya ba la sogs pa'i rtogs pa tha dad pa ste blo tha dad pa 'dir 'gyur ro/ /bden no zhes bya ba ni grub pa'i mtha' smra ba yin te/ tshig so so tha dad pa dang ldan pa la go rims yod mod kyi/ 'on kyang go rims de ni skyes bu'i rten can yin te skyes bus byas pa'i yi ge dag las tha dad pa med pa nyid yin no/ /rgyu tha dad pa med pa'i phyir yi ge dag kyang tshig so so la gzhan dang gzhan 'byung mod kyi/ 'on kyang blo dman pa dag de dag 'dra ba'i phyir gcig nyid du zhen par byed do//de nyid bstan pa'i phyir de ltar na zhes bya ba la sogs pa smos te/ 'dir 'chad pa po la gnas pa yi ge kun nas slong bar byed pa kun nas bslang bar bya ba yi ge so so tha dad pa go rims bzhin du 'byung ba can gyi shes pa dag ni shes pa snga ma snga ma'i de ma thag pa'i rkyen gyis skyed par 'gyur zhing go rims bzhin du 'gyur ba can gyi shes pa de dag gis kyang yi ge'i go rims can nyid dag skyed par byed par 'gyur ro//go rims bzhin du 'byung ba'i yi ge dag gis kyang rna ba'i rnam par shes pa rang gi yul can gyi go rims bzhin du 'bras bu nyid gang yin pa dang /rang gi yul can gyi go rims bzhin du 'byung ba'i ngang tshul can dngos po skyed par 'gyur zhing brgyud pas yi ge la dmigs pa can gyi dran pa go rims bzhin du 'byung ba'i ngang tshul can nyid kyang ngo / /de bas na yi ge rnams ni kun nas slong bar byed pa'i shes pa'i go rims las go rims bzhin du 'bras bu nyid gang yin pa dang /rang gi yul can gyi shes pa dag la go rims bzhin du rgyu nyid gang yin pa de nyid go rims su rnam par gzhag pa yin no zhes bya ba 'di ni bsdus pa'i don to/ /da ni yan lag gi don rnam par dbye ba la sgra gang skye ba zhes bya bar rnam par sbyar te/dper na sa ra zhes bya ba 'di la yi ge sa las phyis yi ge a lta bu'o/ /gang las skye zhe na/ yi ge gang kun slong shes pa las skyes pa'i shes pa las te/ dus sngar 'byung ba can gyi yi ge sa ni yi ge gang ngo //yi ge yang yin la gang yang yin pas na zhes bya ba ni gzhi mthun pa'i bsdu ba'o/ /yi ge gang kun nas slong ba ni rgyu yin te 'dis kun nas slong ba'i phyir ro/ /yi ge kun nas slong ba yang yin la shes pa yang yin pas na zhes bya ba ni las 'dzin pa'o/ /de la skyes pa'i shes pa gang yin pa de ni yi ge gang kun nas slong shes pa las skye ba'i shes pa de las skye bar 'gyur te/yi ge sa kun nas slong bar byed pa'i shes pa gang yin pa de las yi ge a kun nas slang ba'i shes pa skyes pa gang yin pa des a skyes ces bya ba'i don to/ /de ltar gzhan la yang yi ge snga ma snga ma kun nas slong bar byed pa'i shes pa las skyes pa phyi ma phyi ma'i shes pa las yi ge phyi ma phyi ma skye bar 'gyur ro zhes par sbyar ro//de ltar re zhig 'chad pa po'i rgyud la gnas pa'i kun nas slong ba'i shes pa'i go rims las yi ge rnams go rims bzhin du skye ba 'bras bu nyid du bstan nas yi ge dag go rims bzhin du skye ba yang nyan pa po'i rgyud la gnas pa'i rang bzhin yul can gyi shes pa rnams kyi go rims bzhin du rgyur 'gyur ro zhes bstan pa'i phyir/de'i khyad par can zhes bya ba la sogs pa smos te/phyi ma gang la yi ge snga ma'i khyad par te bye brag yod pa de la de skad ces bya'o/ /de ni yi ge phyi ma'o/ /rna bas zhes bya ba ni rna ba'i rnam par shes pas so/ /nges par 'gyur ba ni gzung bar 'gyur ba'o/ /yi ge snga ma snga ma yi ge phyi ma phyi ma'i dus su yod pa nyid ma yin na/ ji ltar na de'i khyad par can yi ge phyi ma dag gzung bar 'gyur zhe na/ shes pa des skyed shes pa can zhes bya ba smos te/ rang gi yul can gyi shes pa gang la yi ge snga ma'i yul can gyi shes pa des bskyed pa yod pa zhes bya bar tshig rnam par sbyar ro/ /de skad du gang gi tshe yi ge sa la dmigs pa can gyi rna ba'i shes pa skye ba'i dus de nyid kyi tshe yi ge a kun nas slong ba'i sems de nyid kyis yi ge a skyed cing des yi ge a dang yi ge sa la dmigs pa can gyi shes pa dus mtshungs pa yin no zhes bstan par 'gyur ro//de la yi ge sa la dmigs pa can gyi rna ba'i rnam par shes pa lhan cig byed pa dang yi ge as rang gi yul can gyi shes pa skyed pa na yi ge snga ma'i khyad par can rtogs par 'gyur ro zhes brjod do zhes bya ba'i don to//de bas na de ltar lhan cig byed pa'i shes pa snga mas bskyed pa'i bdag nyid kyi shes pa can de zhes bya ba ni yi ge phyi ma'o//ci 'dra ba zhig ce na thos pa mnyan pa'i dus kyi tshe'o/ /dal ba thos can zhes bya ba ni gang gi tshe yi ge dal ba ste/ rim gyis brjod par 'gyur ba de'i tshe thos pa dal zhing mi myur bar dpyod pa'i dang tshul can rab tu rnam par phye nas 'dzin pa'i ngang tshul can no//sgra gang la rna ba'i rnam par shes pas dal bar thos pa yod pa de la skad ces bya ste/ gnas skabs gang la yi ge rnam par dbye ba nges par gzung bar 'gyur ba zhes bya ba'i tha tshig go/ /shin tu myur bar brjod pa na yi ge rnam par dbye ba yongs su bcad pa med pa'i phyir/gang las go rims bzhin du dran pa skyed par byed/ de ltar na shin tu myur bar brjod pa na/ khyod kyis ci zhig brjod ces brgal zhing brtag par 'gyur ro/ /myur du brjod pa na yang yi ge dag go rims bzhin du 'gyur ba can yin mod kyi/'on kyang yi ge rnam par dbye ba snga phyi gsal ba ma yin no/ /gang du go rims nges pa gzung ba de bstan pa'i phyir dal ba thos can zhes bya ba smos so/ /de lta bur gyur pa'i yi ge ci zhig byed ce na/ de dran pa zhes bya ba la sogs pa smos pa la/de dran pa la ltos nas zhes bya ba yi ge snga ma dran pa la'o/ /phyis ni bdag nyid la dran pa byed pa ste/ bdag nyid de rang gi yul la brgyud pas dran pa skyed par byed cing blta bar bya'o/ /des ni rang gi yul can gyi shes pa'i yi ge rnams go rims bzhin du rgyu nyid bstan to//de ltar te de skad du bstan pa'i rim pa bzhin du yi ge rnams rgyu dang 'bras bu nyid de dag ces bya ba yi ge'i rten can te/ yi ge rnams kyi zhes bya ba'i don to/ /skyes bus byas pa nyid de skyes bus sbyar ba nyid la 'jig rten go rims dag ni yin zhes brjod do/ / yi ge rnams kyi rgyu dang 'bras bu nyid ci zhig la ltos pa zhe na/ de ni de rgyu 'dzin sems kyi zhes bya ba smos te/ rgyu dang 'dzin pa zhes ni zlas dbye ba'o/ /yi ge de dag gi rgyu dang 'dzin pa zhes bya ba ni drug pa'i bsdu ba'o/ /des na sems kyi sgra dang khyad par gyi bsdu ba bya'o/ / yi ge dag gi rgyu sems gang yin pa dang de dag dang 'brel pas yi ge rnams 'bras bu nyid yin te/ sems kyis yi ge dag bskyed pa nyid kyi phyir ro/ /yi ge 'dzin par byed pa'i sems dag ni de dag dang 'brel pas na yi ge rnams rgyu nyid yin te/ yi ge dag gis sems de dag yi ge 'dzin par skyed pa nyid kyi phyir ro//sems kyis zhes bya ba la sogs pas 'chad par byed de dag gi rnam par rig byed gang la sems kyis kun nas slong ba ste/ rgyu yod pa de la de skad ces bya'o/ /ngag nyid rnam par rig byed yin te/ gzhan shes par byed pa yin pa'i phyir ro//tha snyad la de'i dbye ba gsum ste/ yi ge dang zhes bya ba la sogs pa smos pa la/ yi ge dang tshig dang ngag ces bya ba gang la yod pa zhes bya bar tshig rnam par sbyar ro/ /de la yi ge dag gi rnam par dbye ba ni yi ge dag yin no/ /yi ge bsdus pa ni tshig go//tshig bsdus pa ni ngag go/ /de la zhes bya ba la sogs pa las ra zhes bya ba'i tshig 'di la yi ge lnga yod de/ yi ge sa dang / de'i 'og tu yi ge a dang / de nas yi ge ra dang / de nas yi ge a dang de'i 'og tu tsheg drag ces bya ba'o/ /yi ges kun nas slong bar byed pa'i rgyu'i sems gang yin pa'i sems de ma thag pa'i rkyen des de ma thag pa 'dzin pa dmigs pa'i rkyen rnam par bcad pa'i phyir ro//yi ge a kun nas slong ba'i sems de sems gang gis yi ge a kun nas slong ba skye bar byed pa bskyed par 'gyur ro/ / de bzhin du zhes bya ba bshad pa'i rim pas yi ge ra dang tshig drag dag sems gang gis kun nas slong bar byed pa de dag ni snga ma snga ma'i rkyen can te/ gang la sems snga ma snga ma'i rkyen te/ rgyu yod pa zhes tshig rnam par sbyar ro/ /de la yi ge a kun nas slong ba'i sems kyis yi ge ra kun nas slong ba'i sems rdzogs par 'gyur ro//yi ge ra kun nas slong bar byed pa de ma thag pa'i sems kyi rkyen gyis yi ge a kun nas slong bar byed pa'i sems dang yi ge a kun nas slong bar byed pa'i sems kyis tsheg drag skyed par 'gyur ro zhes bya ba'i kun nas slong ba'i sems kyi dag gi don to//de bas na zhes bya ba de'i phyir rgyu gzhan dang gzhan dag dang ldan pa'i yi ge dag ni zhes bya ba ni gang dag la kun nas slong bar byed pa'i sems kyi rgyu gzhan dang gzhan yod pa zhes bya ba'i don to//des ni yi ge rnams rgyu tha dad pa la rag lus pa'i phyir phan tshun ngo po tha dad pa nyid du bshad do/ /go rims bzhin du 'byung ba'i tshul can nyid bstan pa'i phyir rang gi rgyu zhes bya ba la sogs pa smos pa la/ rang gi rgyu ni kun nas slong bar byed pa nyid kyis rnam par shes pa dag go//gang la de dag gi go rims de bkod pa de las skye ba yod pa de dag la de skad ces bya'o/ /rgyu'i go rims las yi ge rnams ni go rims bzhin du 'byung ba'i ngang tshul can yin no zhes bya ba'i don to/ /rgyu gzhan dang gzhan dag dang ldan pa zhes bya ba ni yi ge'i rgyu snga ma snga ma dang ldan pa'o//de ltar na gang gi tshe yi ge a kun nas slong bar byed pa'i sems de ma thag pa'i rkyen gyis yi ge a skyed pa de'i tshe yi ge sa yang yin pa de bas na/ yi ge a dang yi ge sa ni dus mtshungs pa yin gyi/ yi ge sa kun nas slong bar byed pa'i sems lhan cig byed pa'i 'gyur pas yi ge a skyed pa ni ma yin no//de bzhin du yi ge 'og ma dag la yang rigs pa'i de nyid yin pa'i phyir rgyu gzhan dang gzhan ldan pa'i yi ge dag ces smra'o/ /yi ge snga ma 'das su zin kyang yi ge phyi ma skyed par nus pa yin pa de bas na/ji ltar na yi ge dag phan tshun rgyu can yin te/ de ni dpyad par bya ba yin no/ /'di tsam gyis ni yi ge gang kun nas slong ba shes pa las sgra gang skye zhes bya ba de bshad pa yin no/ /de ni rna bas nges par 'gyur ba yin zhes bya ba la sogs pa rnam par 'grel pa'i phyir thos pa'i zhes bya ba sogs pa smos te/thos pa'i dus ni tha snyad kyi tshe yang ngo / /gang gi tshe dal ba 'jug pa can zhes bya ba ni/ gang gi tshe shin tu myur bar brjod pa med pa zhes bya ba'i don to/ /yi ge snga ma la dmigs pa'i shes pa ni yi ge snga ma snga ma shes pa'o/ / de nyid lhan cig byed pa'i rkyen yin te/ yi ge gang dag de la ltos pa de dag la 'di skad ces bya'o/ /de lta bur gyur pa de dag ci zhig byed ce na/ rang gi shes pa ste rang gi yul can gyi rna ba'i rnam par shes pa skyed par byed do/ /de ltar na yi ge sa la dmigs par byed pa'i shes pa dus gang kho na la yin pa de nyid la yi ge a yang yi ge kun nas slong bar byed pa'i sems kyis skyed par byed pa des ni yi ge a dang yi ge sa la dmigs pa'i rnam par shes pa dus gcig pa yin no//de bas na yi ge a dang sa la dmigs pa'i lhan cig byed pas rang gi yul can gyi shes pa skyed par byed do//de ltar yi ge gzhan dag la yang tshul 'dis sbyar par bya'o/ /de'i tshe zhes bya ba ni gang gi tshe rang gi yul nyams su myong ba'i shes pa skyed par byed pa de'i tshe yi ge snga ma'i yul can dran pa gang yin pa de la ltos pa nyid kyis dran pa skyed cing 'dren par byed do//go rims gang gis nyams su myong par gyur pa'i go rims de nyid kyis 'dren par byed ces bya ba'i don to/ /bshad ma thag pa de nyid ni yi ge rnams kyi rang bzhin yin te zhes bya bar sbyar ro/ /ci 'dra ba zhig ce na/rgyu dang zhes bya ba la sogs pa smos te/ rnam par shes pa snga ma snga mas skyed pa nyid kyi phyir 'bras bu'i ngo bo tha dad pa can ni gzhan dang gzhan gyi rgyu nyid yin pa'i phyir rgyu'i ngo bo tha dad pa can no/ /yi ge sa la sogs pa kun nas slong bar byed pa'i shes pa gang dag la rgyu dang 'bras bu'i ngo bo tha dad pa yod pa de dag la de skad ces bya'o//de nyid rkyen te rgyu'o/ /rang bzhin gang la de dag las byung ba'i chos kyi mtshan nyid yod pa de nyid ni zhes bya ba tshig rnam par sbyar ro/ /des ni rgyu sems la ltos nas 'bras bu nyid du bshad do/ /de 'dzin pa'i sems la ltos nas rgyu nyid ni tha dad pa skyed pa'i zhes bya ba la sogs pa smos te/'bras bu rnam par shes pa tha dad pa skyed cing 'grub par byed pa'i chos kyi mtshan nyid rang bzhin gang la yod pa zhes bya ba tshig rnam par sbyar ro/ /de lta bur gyur pa'i yi ge rnams kyi rang bzhin de ni skyes bus 'dus byas pa'i khyad par gyi tha dad pa can te/skyes bu'i 'bad rtsol gyi khyad par gyis khyad par can du gyur pa la go rims zhes brjod do/ /gang gi phyir de lta yin pa'i rgyu de'i phyir 'dra ba las gcig tu nges pa'i yi ge'i ngo bo de tshig dang tshig la gzhan nyid yin no//ji ltar zhe na/ byed pa po'i 'dus byas las tha dad ces bya ba smos te/ kun nas slong bar byed pa'i sems nyid byed pa po yin la de'i nus pa'i khyad par las tha dad pa yin no/ /lhan cig byed pa ni yi ge snga phyi'i go rims bzhin du brjod pa'o/ / 'bras bu'i khyad par byed ces bya ba'i khyad par byed pa'o/ /gang gi phyir kun nas slong bar byed pa'i khyad par gyis tha dad pa de bas nas ra dang ra sa zhes bya ba la sogs pa'i tshig dag la yi ge rnams kyi rang bzhin gcig ma yin no/ /ci'i phyir zhe na/ byed pa po'i sems kyi 'dus byas pa'i khyad par gyis tha dad pa'i phyir te/byed pa po yang de yin la sems kyang yin pas na byed pa po'i sems kyi'o/ /'dus byas pa'i khyad par ni de ma thag pa'i rkyen gyi khyad par te nus pa'i khyad par ro/ /des yi ge rnams kyi rang bzhin tha dad pa'i phyir ro//yi ge rnams kyi rang bzhin de phan tshun lhan cig pa ste/ yi ge snga phyi'i go rims bzhin du brjod pa na'o/ /'bras bu'i khyad par te rang gi yul can gyi blo'i khyad par gyi rgyu yin no/ /de lta bas na de ltar go rims skyes bus 'dus byas pa nyid du bstan nas/ yang de nyid skyes bus byas pa nyid du rigs pas brtan por bya ba'i phyir yi ge zhes bya ba la sogs pa smos te/ji skad du bshad pa'i mtshan nyid can gyi yi ge rnams kyi go rims de yang mjug yin te skye ba yin no/ /gang las she na/ rtsom pa byed las te rtsom par byed pa'i phyir na rtsom par byed pa ste skyes bu de las so//ci'i phyir zhe na/ 'dod pas zhes bya ba la sogs pa smos te/ yi ge gang dag la skyes bu'i 'dod pas mi 'gal bar grub pa ste/ skyes bu de ni 'dod pas mi 'gal grub can gyi'o/ /yi ge de dag gi gnas pa'i go rims 'gal ba'i phyir ro//rgyu dang zhes bya ba la sogs pas rnam par 'chad de rgyu dang 'bras bur gyur pa yang yin la rkyen yang yin pas na zhes tshig rnam par sbyar ro/ /yi ge kun nas slong bar byed pa'i sems rnam par shes pa snga ma la ltos nas 'bras bur gyur pa dang /rnam par shes pa phyi ma la ltos nas rgyur gyur pa de la de skad ces brjod do/ /de dag las byung ba'i rang bzhin gyi khyad par go rims yin no zhes bshad zin to// //tshad ma rnam 'grel gyi 'grel bshad/ bam po sum cu lnga pa/ go rims de yang skyes bu'i rtog pa dang dpyod pa gang yin pa des byas pa yin pa'i phyir/gnas pa can gyi go rims yi ge ma yin no/ /yi ge 'di'am 'di brjod par bya'o zhes rnam par tshol ba'i rnam par rtog pa ni rtog pa'o/ /'di nyid ces bya ba'i des pa ni dpyod pa'o//ci'i phyir zhe na/ 'dod pas mi 'gal bar grub pa can gyi go rims can nyid yin pa'i phyir te/ go rims gang la 'dod pas mi 'gal bar grub pa de ni 'dod pas kyang mi 'gal bar grub pa can no/ /'dod pas mi 'gal bar grub pa can gyi go rims gang la yod pa de la de skad ces bya'o//'di'i dngos po yin bde'i phyir ro/ /de ltar na ji ltar 'dod pa bzhin du yi ge dag go rims rnam par 'jog pa yin no/ /ci dang 'dra bar zhe na/ las kyi khyad par gyi go rims bzhin te/ dper na las kyi khyad par bskum pa la sogs pa dag gi rang gi 'dod pas go rims 'jog pa bzhin no//chos mi mthun pa nyid can ni yul dang zhes bya ba la sogs pa smos te/ yul dang dus dang zhes bya ba la yul la gnas pa'i go rims can ni ri gangs can la sogs pa'o//gangs can dang 'bigs byed dang ma la ya zhes bya ba ni zlas dbye ba'o/ /dus la gnas pa'i go rims can ni sa bon dang myu gu la sogs pa ste/ rang bzhin gyi 'dod pas go rims kyi bkod par bya bar nus pa ma yin no zhes bya bar sbyar ro gangs can gyi gnas su 'bigs byed 'am/ma la ya'i gnas su 'bigs byed la sogs pa zhes bya ba'am/ de bzhin du sngar myu gu dang de skyed par byed pa'i sa bon phyis 'gyur ro zhes skyes bu'i 'dod pas zlog par byed par nus pa ma yin gyi/ yi ge dag ni 'dod pas ji lta ba bzhin du bzlog par nus pa yin no//de bas na rnam par gnas pa can gyi go rims ni yi ge dag ma yin no/ /skyes bu'i 'dod pa'i rjes su byed pa de nyid kyi phyir skyes bu'i chos su bgrang ba ste/ skyes bu'i yon tan gyi ming can rgyu dang 'bras bur gyur par bgrang ba'i rnam par rtog pa'i go rims yod na/yi ge'i go rims yod pa'i phyir dang rnam par rtog pa'i go rims med na yi ge'i go rims med pa'i phyir ro/ /'jig rten pa nyid rab tu grags pa dag la skyes bu dang yi ge'i go rims te/ skyes bu rgyu dang yi ge'i go rims 'bras bur grub pa de'i phyir/rgyu dang 'bras bu nyid grub pa'i phyir/ skyes bus yig kun go rims te/ /zhes bya ba gzhan rig byed pa'i yang 'gyur ro/ /ci dang 'dra bar zhe na/ me dang shing gi rigs bzhin no/ /me dang shing dag gi ni rgyu dang 'bras bu'i ngo bos rigs pa ste/ldan pa gang yin pa de dang 'dra ba'am/ yang na shing yod na me yod pa'i phyir dang med na med pa'i phyir ro zhes bya ba ni rjes su dpag pa'i rigs pa ste/ ji ltar me dang shing dag gi rgyu dang 'bras bu'i dngos po rtogs pa de ltar 'di la yang ngo zhes bya ba'i don te/shing yod na me mthong ba yod pa'i phyir dang / med na med pa'i phyir rgyu dang 'bras bu nyid [(]bgrub [,]'grub [)]pa na shing ma mthong ba can gyi me yang shing sngon du song ba can yin no zhes nges par 'gyur ro/ /de bzhin du 'jig rten pa'i ngag gi go rims skyes bus byas pa nyid du rig byed pa'i yang rjes su dpog go zhes bya ba'i don to zhes bya ba la sogs pa rnam par 'chad de/me skyed par rung ba'i rgyu ni shing yin la/ shing de yod na ni me 'byung ba'i phyir te me skye ba'i phyir zhes bya ba'i don to/ /shing med na me med pa'i phyir ro/ / la lar me dang shing dag rgyu dang 'bras bu'i dngos po grub pa yod na me shing ma mthong ba can yang ste me gang la shing mthong ba de yang shing med pa can yang ma yin gyi 'on kyang shing dang bcas pa kho na yin te de yang shing las skyes pa yin na zhes bya ba'i don to/ /de lta ma yin na ni gal te me shing la ltos pa med par 'gyur ba de'i tshe rgyu med pa can gyi me de'i yul nges pa dang dus nges par mi rung ba'i phyir te/thams cad la thams cad kyi tshe yod par 'gyur ro/ /ci ste yul la sogs pa la lar nges pa nyid du 'dod pa de'i tshe me yul la sogs pa'i nges pa yod par 'dod na ni yul la sogs pa de nyid shing nyid yin pa'i phyir te/yul gcig la sogs pa yongs su spangs nas yul la sogs pa gang du 'gyur ba'i yul la sogs pa de nyid shing yin no/ /ci'i phyir zhe na/ shing ni zhes bya ba la sogs pa smos te/shing gang la me'i nye bar len pa ste rgyu'i mtshan nyid kyi rang bzhin yod pa de nyid ni zhes bya ba'i tshig rnam par sbyar ro/ /me'i nye bar len pa ma gtogs par shing la mtshan nyid gzhan yod pa ma yin no/ /de ltar zhes bya ba ji ltar me ni shing la ltos pa med par yul dang dus kyi nges pa mi rung ba de bzhin du yi ge'i go rims 'di yang gal te skyes bu'i rnam par rtog pa rgyur gyur pa la ltos pa med pa yin te/gal te skyes bus ma byas pa yin na zhes bya ba'i don to/ /de'i tshe dmigs pa med pas zhes bya ba ni rten med pa ste/ skyes bu'i 'bad rtsol la ltos pa med par rang nyid gsal ba yin na/ yi ge'i go rims bskyed par bya'o zhes bya ba de lta bu'i skyes bu'i 'bad pas kyang yi ge'i go rims gsal bar nus pa ma yin no/ /ci'i phyir zhe na/ des rab tu phye ba ma yin pa nyid kyi phyir te/ skyes bu'i 'bad rtsol de las skye ba ma yin pa'i phyir ro/ /bdag nyid kyang gsal ba ma yin zhing skyes bu'i 'bad rtsol yod du zin kyang skyed par mi nus pa ma yin pa de'i phyir skyes bus ma byas pa ma yin no zhes bya bar dgongs so/ /ci ste 'jig rten pa'i yi ge'i go rims dag las skyes bu'i nus pa yod par 'dod na ni/rig byed pa'i yi ge'i go rims thams cad kyang de ltar 'gyur ba ste/ skyes bus byas par 'gyur ro/ /ci'i phyir zhe na/ 'jig rten pa dang rig byed pa'i yi ge'i go rims dag la khyad par med pa'i phyir ro/ / de ltar ni dug la sogs pa sel ba la sogs pa'i mtshan nyid can gyi khyad par ni 'jig rten pa dag gi la yang mthong ngo / /rig byed pa'i yi ge'i go rims la yang skyes bu'i 'bad rtsol yod na yod pa'i ngang tshul can du mthong ngo / /de ni yod pa'i ngang tshul can te skyes bu'i 'bad rtsol la yod na yod pa'i ngang tshul can no//de dang khyad par med pa zhes bya ba ni 'jig rten pa'i yi ge'i go rims dug la sogs pa sel ba la sogs pa dang rig byed pa'i yi ge'i go rims khyad par med par ro/ /des ma byas pa ni skyes bus ma byas pa yin na yang ngo //thams cad la zhes bya ba gang la skyes bus byas pa nyid du 'dod pa de la yang rgyu dang 'bras bu'i dngos po yang gsal bar 'gyur ro/ /de ci'i phyir zhe na/ de ni zhes bya ba la sogs pa la/ de ni zhes bya ba ni rgyu dang 'bras bu'i ngo bo ni'o/ de yod na yod pa ni rjes su 'gro ba yin la de med na med pa ni ldog pa yin te/ de'i mtshan nyid can nyid yin pa'i phyir ro/ /skyes bu'i 'bad rtsol dang rig byed pa dag gi la rjes su 'gro ba dang ldog pa yod du zin kyang gal te rgyu dang 'bras bu'i dngos por mi 'dod pa de'i tshe thams cad la yang spang bar 'gyur ro//rjes su 'gro ba dang ldog pa ma gtogs pa rgyu dang 'bras bu dngos po de'i mtshan nyid gzhan brjod par bya ba dgos na gang med pa'i rig byed pa dag ni skyes bu'i 'bad rtsol dang lhan cig tu rgyu dang 'bras bu'i dngos por mi 'gyur te//rgyu dang 'bras bu'i dngos po'i mtshan nyid gzhan ni yod pa ma yin no/ /ci ste rgyu dang 'bras bu'i dngos po mtshan nyid mtshungs pa yin na yang 'jig rten pa'i yi ge'i go rims ni bcos ma yin par 'dod cing rig byed pa'i ni bcos ma ma yin par 'dod pa de'i tshe 'bras bu mngon par 'dod pa'i bum pa la sogs pa'i dngos po thams cad kyang bcos ma dang bcos ma ma yin pa ste/mi rtag pa dang rtag pa thob par 'gyur ro/ /ci'i phyir zhe na/ de la yang zhes bya ba la sogs pa la bum pa la sogs pa de la yang de lta bu'i rnam par rtog pa de rig byed kyi sgra dang 'dra bar rtog pa srid pa'i phyir ro//ji ltar skyes bu'i bya bas rig byed kyi sgra yod pa nyid gsal bar byed pa yin no zhes rtog pa de ltar bum pa la sogs pa dag la yang ngo / /gal te rig byed pa'i sgra dag la yang khyad par yod pa gang gis de nyid bcos ma yin par rtog par 'gyur gyi bum pa la sogs pa ni ma yin no zhe na/khyad par med pa'i phyir ro zhes smos te/ skyes bu'i bya ba'i rjes su byed pa nyid yin na bum pa la sogs pa dang rig byed pa'i sgra la khyad par cung zad kyang yod pa ma yin no/ / gal te gzhan 'don par byed pa mthong ba sngon du song ba can gyi rig byed kyi sgra 'don par byed pa de bas na de dag gi khyad par yin no zhe na/ de dag kyang zhes bya ba la sogs pa de dag kyang rdza mkhan la sogs pa gzhan sngon du song ba can gyi bum pa la sogs pa'i byed pa ste rtsom pa'o//de mthong ba sngon du song ba nyid ni de mthong nas zhes bya ba'i don to/ /gzhan te phyis 'byung ba'i rdza mkhan la sogs pa byed pa bstan pa med par ma yin no zhes bya ba'i don to/ /de dag kyang sgra dag dang mtshungs so/ /de la gang la pha rol gyis bstan pa'i rtog pa sngon du song ba can gyi rtog pa yod pa de dag ni skyes bus ma byas pa nyid yin no zhes bya ba rigs pa yin na ni/bum pa la sogs pa dag kyang skyes bus ma byas pa nyid du 'gyur ro/ /ci ste byed pa po dran pa med pa'i phyir rig byed kyi tshig skyes bus ma byas pa nyid du 'dod na rtog pa de dag kyang bum pa la sogs pa dag la yang yod do//'di ltar bum pa la sogs pa 'ga' zhig gi byed pa po mi shes pa ste/ gang la byed pa po mi shes pa yod do zhes tshig rnam par sbyar ro/ /dus shin tu mang pos chod pa'i yul la bum pa la sogs pa mthong ba de dag gi byed pa po mi shes pa'o//de bas na skyes bu'i bya ba'i rjes su byed pa mtshungs pa yin na/ gal te sgra skyes bus ma byas pa yin pa de'i tshe/ bum pa la sogs pa thams cad byas pa ma yin par mngon par zhen par 'gyur ba ste/bum pa la sogs pa thams cad ma byas pa yin no zhes de ltar nges par byas par 'gyur ro zhes bya ba'i don to/ /ji ltar byed pa po dran pa med pa'i phyir rig byed pa'i sgra rnams ma byas pa yin pa de ltar na/ bum pa la sogs pa byed pa po dran pa med pa can 'ga' zhig kyang byas pa ma yin par mngon par zhen par 'gyur na de ltar ni ma yin no//de bas na 'jig rten pa dang rig byed pa'i yi ge'i go rims 'di thams cad ni skyes bus byas pa yin no zhes bya bar sbyar ro/ /ci'i phyir zhe na/ rab tu grags pa'i zhes bya ba la sogs pa smos te/dngos po gang dag la rab tu grags pa'i rgyu dang 'bras bu yod pa de dag ni rab tu grags pa'i rgyu dang 'bras bu yod pa can no/ /rab tu grags pa'i rgyu dang 'bras bu yod pa can yang de yin la dngos po yang yin pas zhes bya ba ni khyad par gyi bsdu ba'o/ /de dag gi chos ni rang gi rgyu'i rjes su 'gro ba dang ldog pa'i rjes su byed pa ste/de dag las ma 'das pa'i phyir ro/ /de ltar na yi ge'i go rims thams cad skyes bu'i 'bad rtsol gyi rjes su 'gro ba dang ldog pa'i rjes su byed pa yin no/ /gang gi phyir sngags kyi skyes bus byas pa de nyid kyi phyir skyes bu tha mal pa dag dang thun mong yin pa nyid grub ste khyad par med par ro//gang dag gi zhe na/ go rims byed tshul can skyes bu'i zhes bya ba la/ sngags zhes bya ba sngags kyi ming can yi ge'i go rims byed pa gang yin pa de dag gi'o/ /gang gi thun mong ma yin pa de nyid ce na/shes pa dang mthu dag gis so/ /de la shes pa ni ji ltar 'dod pa bzhin du 'bras bu sgrub par byed pa'i yi ge'i go rims yongs su shes pa'o/ /mthu ji ltar 'dod pa bzhin du don grub par nus pa'o/ /ci'i phyir gzhan dang thun mong ma yin pa nyid yin zhe na/ gzhan la zhes bya ba la sogs pa smos te/ skyes bu tha mal pa la gzhan la shes pa dang / mthu de dag med pa'i phyir ro/ /gal te zhes bya ba la sogs pas rnam par 'chad de skyes bu tha mal pa gzhan gyis kyang yi ge'i go rims 'di ni dug bcom pa la sogs pa nus pa yin gyi gzhan ni ma yin na zhes bya ba de lta bu'i rnam par dbye bas gal te shes par 'gyur ba de'i tshe yi ge'i go rims dug bcom pa la sogs pa nus pa de rnam par dbye ba de kho na bzhin du rtogs shing nan tan du byed par 'gyur na de ltar rtogs pa ni ma yin no//de bas na sngags zhes bya ba'i yi ge'i go rims 'di ni ngo bo nyid kyis te/gal te dpyad pa dag gis 'bras bu byed pa nyid du khas blangs pa de lta na yang skyes bu mang po dbang po las 'das pa nus pa'i khyad par dang ldan pa 'ga' zhig gis rnam par shes pa'i skyes bu lkog tu gyur pa mthong ba ste/ sngags dang nus pa dang de'i sgrub pa dang de'i sgrub pa rig pa'i skyes bu yod do//ngo bo nyid kyis 'bras bu byed pa nyid yin na yang zhes bya ba khas blangs nas brjod do/ /spyod pa pa sngags las don grub par 'dod pa'i skyes bus phul du byung ba bsgrub pa'i phyir sngags dag byas pa nyid yin no//de nyid kyi phyir tshig le'ur byas pa las/ shes mthu dag gi sngags shes pa'i/ go rims byed tshul can skyes bu'i thun mong min pa nyid ces bshad do/ /rtags kyi khyad par las skyes bu sngags dang sngags ma yin pa rnam par dbye bar byed kyi mngon sum gyis ni ma yin no//de bas na lkog tu gyur pa mthong ba'i skyes bu grub pa ma yin no zhe na/ de'i phyir 'dis ni zhes bya ba la sogs pa smos pa la/ don 'dis zhes bya ba ni yi ge'i go rims 'dis dug la sogs pa sel ba'i don byed par nus kyi 'dis ni zhes bya ba yi ge'i go rims 'dis nus pa ma yin no zhes bya ba de ltar rtags las shes par mi nus so//ci'i phyir zhe na/ sngags dang sngags ma yin pa'i rnam par dbye ba rtags kyi khyad par ma 'chol ba ma grub pa'i phyir ro/ /yi ge rnams ni tha mal pa'i mngon sum gyis rtogs par bya ba nyid yin pa'i phyir dang /sngags dang sngags ma yin pa dag ni de'i rang bzhin can yin pa'i phyir/ tha mal pa'i mngon sum nyid la nges par 'gyur na dbang po las 'das pa'i don mthong ba brtags pas ci zhig bya zhe na/ de'i phyir mngon sum gyis zhes bya ba la sogs pa smos te/yi ge mngon sum nyid yin pas na sngags dang sngags ma yin pa dag mngon sum gyis kyang 'di ni sngags yin la 'di ni sngags ma yin no zhes ma bstan pa ste de skad du ma brjod pa dag go/ /yongs su shes pa med pa'i phyir te/ 'dis ni dug sel bar nus pa yin la 'dis ni ma yin no zhes de ltar nges pa med pa'i phyir ro//rdzas dug mthong du zin kyang mi shes pa'i phyir gsod pa'i nus pa nges pa med pa'i phyir ro/ /gal te bstan pa las sngags dang sngags ma yin pa nges par 'gyur zhe na/ bstan du zin kyang zhes bya ba smos so//gal te 'ga' zhig gis sngags 'dis 'bras bu 'di lta bu zhig byed do zhes bstan par 'gyur ba de lta na yang ngo / /rnam pa 'ga' zhig gis te rnam pa ji ltar yang sngags kyi rang bzhin rnam par dbye ba gang yin pa de mi shes pa'i phyir ro/ /ston pa po yang skyes bu tsam nyid yin pa'i phyir/sngags dang sngags ma yin pa'i bye brag shes par mi nus na de'am/ gzhan gyi bstan pa gang las nges par 'gyur zhes bya bar dgongs so/ /gzhan du 'bras bu mi slu ba'i phyir gang gi tshe sngags kyi bsgrub par bya ba'i 'bras bu shes par 'gyur ba de'i tshe sngags 'di nges par 'gyur ro//sngags kyi bsgrub par bya ba'i 'bras bu de yang byed pa las sngar zhes bya ba sngags nan tan du byed pa las sngar mthong bar mi nus pa nyid kyi phyir ro/ /de'i tshe de med pa nyid kyi phyir ro zhes dgongs so/ /sngags nges pa med par yang sngags nan tan du byed pa yod pa ma yin no//de bas na skyes bu 'ga' zhig dbang po las 'das pa'i don mthong ba sngags dang sngags ma yin pa'i bye brag rig pa yod do zhes de mi 'dod na yang dpyod pa pas khas blang bar bya'o/ /sngags rnams ni ngo bo nyid kyis 'bras bu 'byin par nus pa nyid du khas blangs nas de skad du bshad pa de yang mi rigs so zhes bstan pa'i phyir/go rims zhes bya ba la sogs pa smos te/ sngags shes pa'i go rims 'di ni ngo bo nyid kyis zhes bya ba dngos po'i nus pas dug la sogs pa sel ba la sogs pa'i byed pa ste/ rgyu yang ma yin gyi 'on kyang skyes bu'i brda las yin no//ci'i phyir zhe na/ sngags nan tan du byed pa'i skyes bu 'ga' zhig gi sngags myur du grub pa'i phyir dang / sngags kyi bya ba nan tan du byed par mtshungs pa gzhan gyi dus ring po nas grub pa'i phyir ro/ /ngo bo nyid kyis 'bras bu 'byin pa la ni dus tha dad pa mi rigs te/sngags kyi rang bzhin rtag pa ni skyes bu thams cad la mtshungs pa nyid kyi phyir ro/ /skyes bu gzhan gyi sngags las 'bras bu grub pa ni brtul zhugs spyod pa la sogs pa la ltos pa nyid kyi phyir te/ brtul zhugs ni sngags kyi rtogs pa las brjod pa'i smyung ba'i nges pa'o//de la spyod pa ni nan tan du byed pa'o/ /sogs pa'i sgras ni sngags kyi cho ga sbyin sreg la sogs pa gzung ngo / /ngo bo nyid kyis 'bras bu 'byin pa yin na/ brtul zhugs spyod pa la sogs pa nan tan du byed pa la ltos pa ci zhig bya ste/sngags rtag pa ni brtul zhugs la sogs pa nan tan du byed pas khyad par du byar med pa nyid kyi phyir ro/ /de ltar na sngags kyi yul can bzlas pa dang sbyin sreg la sogs pa'i las/ gcig las kyang skyes bu 'ga' zhig gi cho ga nan tan du byed pa mtshungs su zin kyang gcig gi don mthong ba'i phyir dang /gzhan gyi don med pa mthong ba'i phyir/ ngo bo nyid kyis 'bras bu 'byin pa ma yin no/ /ngo bo nyid kyis 'bras bu 'byin pa yin na ni don dang ldan par mtshungs par 'gyur ro/ /sngags dag bya ba byed pa zhes bya ba pa ni dug la sogs pa'i sel bar byed pa yin du zin kyang ngo //yang ste dus gzhan du skyes bu de nyid kyis sbyar ba dag ni 'bras bu 'ga' zhig la slu ba'i rgyu'i phyir/ rnam pa 'di ni dngos po'i rang bzhin la rigs pa ni ma yin no/ /ci'i phyir zhe na/ rang bzhin ni skyes bu la sogs pa thams cad la khyad par med pa'i phyir ro//rang bzhin 'ga' zhig la rang bzhin ma yin par 'gyur ba ma yin no/ /gang gi tshe skyes bus byas pa'i brda las 'bras bur 'dod pa de'i tshe skyon 'di med do/ /de ltar na skyes bu sngags kyi brda byed pa rang gi 'dod pas 'jug pa can yin pa'i phyir skyes bu 'ga' zhig rjes su 'dzin gyi/gzhan ni ma yin no zhes bya ba ni rigs so/ /rgyu des na sems can skal ba mnyam pa la sogs pa'i dbang gis te/ sems can sngags kyi bya ba nan tan du byed pa po sngags rtsom pa dang lhan cig tshul khrims dang spyod pa la sogs pa mtshungs pas skal ba mnyam pa'o//sogs pa'i sgras ni rab tu sbyin pa gzung ngo / /de'i dbang gis ni de'i ngor byed pas so/ /bsnyen pa'i khyad par ni bzlas pa dang / sbyin sreg la sogs pas lha mnyes par byed pa ni bsnyen pa'o//des skyes bu 'ga' zhig rjes su 'dzin pa'i sems can skal ba mnyam pa nyid la sogs pa dang bral ba gzhan ni ma yin no/ /gal te zhes bya ba la sogs pas gzhan gyi bsam pa'i dogs pa bsu bar byed de/ brtul zhugs kyi spyod pa la ni nges pa la sogs pa nan tan du byed pa'o//brtul zhugs kyi spyod pa dang brtul zhugs kyi spyod pa nyams pa zhes bya ba ni mi 'dra ba las gcig lus pa'o/ /sogs pa'i sgra re re la sbyar bar bya ste/ brtul zhugs kyi spyod pa la sogs pa dang / brtul zhugs nyams pa zhes bya ba la sogs pa zhes bya ba'i don to//sogs pa'i sgra dang pos ni phyin ci ma log pa'i cho ga nan tan du byed pa'o/ /brtul zhugs kyi spyod pa la sogs pas chos 'phel ba grub pa yin no zhes bya bar sbyar ro/ /de ltar na chos kyi bdag nyid can gyis skyes bu'i ngo bo nyid kyis te/ rang bzhin gyis grub pa'o//brtul zhugs kyi spyod pa nyams pa la sogs pas kyang chos ma yin pa 'phel ba yod na skyes bu chos ma yin pa'i bdag nyid can gyi ngo bo ma grub pa yin no zhes ngag gi don sbyar bar bya'o/ /ngo bo nyid kyis kyang sngags la 'bras bu grub pa na ji skad du bshad pa'i rnam pas grub pa dang ma grub pa'i khyad par du 'gyur ro zhes gzhan sems so//ma yin te zhes bya ba la sogs pas 'gog par byed de/ chos la ltos pa'i sngags las 'bras bu grub pa ma yin no/ /ci'i phyir zhe na/ chos 'gal ba dag kyang ste/ sngags grub pa'i rgyu brtul zhugs dag mkha' 'gro ma dang sring mo la sogs pa'i rgyud dag las mthong ba'i phyir ro//mkha' 'gro ma'i rgyud dang sring mo'i rgyud ces bya ba ni zlas dbye ba'o/ /sogs pa'i sgras ni rku ba'i rgyud dang dung can ma'i rgyud la sogs pa la mthong ba'i phyir ro/ / chos 'gal ba de dag kyang gang zhe na/ srog gcod pa dang zhes bya ba smos pa la/ srog gcod pa ni srog chags gsod pa'o/ /rku ba ni 'phrog pa'o/ /'khrig pa ni dbang po gnyis kyis snyoms par 'jug pa'o/ /dman pa'i las ni byi la'i mi gtsang ba'i gdug pa'i sbyin pa la sogs pa'o//sogs pa'i sgras ni chos 'gal ba gzhan yang gzung ngo / /brtul zhugs gang dag la srog gcod pa la sogs pa mang zhing ches mang po dag yod pa de dag la de skad ces bya'o/ /de dag gis kyang ste ji skad du brtul zhugs dag gis kyang sngags kyi grub pa'i khyad par bsgrub pa'i phyir ro//de ltar na gang gi tshe mkha' 'gro ma'i rgyud la srog chags bsad nas zos pa de'i tshe sngags kyi dngos grub grub par 'gyur ro zhes dam tshig rnam par gzhag pa yin no/ /de bzhin du dung can ma'i rgyud la rku ba'i spyod pa la grub bo zhes smra ba dang /de bzhin du sring mo'i rgyud 'ga' zhig la 'khrig pa spyad pas/ lha 'ga' zhig dngos grub rab tu ster to zhes dam tshig rnam par gzhag go/ /gal te srog gcod pa la sogs pa nyid chos su 'gyur ba yin no zhe na/ de lta bu'i zhes bya ba la sogs pa smos te/de lta bu'i rnam pa ste srog gcod pa la sogs pa'i mtshan nyid can yang chos kyi rang bzhin ma yin no zhes bya ba ni skabs ji lta ba bzhin du ste/ ji ltar skabs la bab pa bzhin du phyis ston par 'gyur ro/ /de ltar re zhig chos ma yin pa las kyang grub pa mthong zhing chos las kyang grub pa mthong ngo zhes bstan pa'i phyir byams pa dang zhes bya ba la sogs pa smos pa la/byams pa ni sems can rnams la phan pa dang bde ba'i sems pa'o/ /gtsang sbra ni phyi dang nang gi rnam pa gnyis te/ phyi'i ni khrus la sogs pa'o//nang gi ni rku ba la sogs pa las ldog pa'o/ /chos ni sbyin pa la sogs pas gzhan la phan 'dogs pa'o/ /byams pa dang gtsang sbra dang chos la mchog tu gzhol ba gang la yod pa de la de skad ces bya'o/ /de ltar gyur pa'i skyes bu dag rgyu mtshan de nyid de/byams pa la sogs pa'i rgyu mtshan nyid kyis so/ /grub pa 'ga' zhig kyang zhes bya ba byams pa la sogs pa bzlog pas thob pa gang yin pa ste/ ma grub pa'i phyir ro/ /bzlog pa dag gis kyang ste zhe sdang la sogs pas kyang grub pa'i phyir ro/ /chos 'phel ba la ltos nas/sngags grub pa zhes bya ba ni ma yin gyi zhe sdang la sogs pas kun nas bslang ba'i srog gcod pa la sogs pa sngags kyi cho ga nan tan du byed pa chos nyid yin no zhe na/ de'i phyir las kyi zhes bya ba la sogs pa smos te/ rnam par 'tshe ba la sogs pa'i mtshan nyid can gyi las kyi ngo bo gcig las kyang de dang 'gal ba ste/chos ma yin pa dang 'gal ba'i chos rigs pa ma yin no/ /chos ma yin pa zhes bya ba ni sngags kyi cho ga rnam pa gzhan du nan tan du byas pa de nyid las kyang chos ma yin pa mi rigs te/ de nyid kyang mngon sum du gyur pa ma yin no//de skad du zhe sdang la sogs pa'i bsam pa gang gis sngags kyi cho ga las gzhan du 'tshe ba la sogs pa chos ma yin pa bstan par 'gyur zhing bsam pa de nyid kyis sngags kyi cho ga nan tan du byed du zin kyang 'tshe ba la sogs pa byed pa yin pa'i phyir ji ltar na de chos kyi yan lag tu gyur pa yin zhes bstan par 'gyur ro//gal te zhe sdang la sogs pas byas pa nyid kyi phyir srog gcod pa la sogs pa sngags kyi cho ga bzhin du nan tan du byas su zin kyang chos ma yin pa nyid yin na/ da ni ji ltar na chos ma yin pa'i bdag nyid can gyi brtul zhugs la sogs pa las chos kyi 'bras bu 'dod pa zhes bya ba sngar bshad pa'i srog chags gsod pa la sogs pa'i mtshan nyid can gyi brtul zhugs las so//sogs pa'i sgras ni gzhan dman pa mi gtsang ba la sogs pa'i mtshan nyid can las so//chos kyi 'bras bu 'dod pa ni/ longs spyod la sogs pa'i mtshan nyid can te ji ltar thob cing bstan par 'gyur/ 'bras bu zhes bya ba la sogs pas ni grub pa'i mtha' smra ba yin te/ 'bras bu 'dod pa des ni chos ma yin pa'i bdag nyid can gyi brtul zhugs la sogs pa de'i rnam par smin pa ste las kyi 'bras bu ma yin gyi/'on kyang sngon byas pa'i dge ba'i las kyi rnam par smin pa yin no/ /ci 'dra ba zhe na/ bram ze gsod pa zhes bya ba la sogs pa smos te/ bram ze gsod pa'i lung de nan tan du byas te/ bsgrub pa la yul rnyed pa bzhin no//dper na 'ga' zhig gi skyes bu la la la bram ze 'di gsod cing kho bos khyed la yul sbyin par bya'o zhes sbyar ba na/ des de'i bsgo ba nan tan du byas pa las grong rnyed pa de bram ze gsod pa'i 'bras bu ni ma yin gyi/ bram ze gsod pa'i spyod pas skyes bu mgu bar byas pa lhan cig byed pa rnyed pa sngon gyi dge ba'i las nyid kyis de ltar 'bras bu 'byin pa lta bu'o//'o na chos ma yin pa'i bdag nyid can gyi brtul zhugs de'i 'bras bu ci yin zhe na/ chos ma yin pa'i zhes bya ba la sogs pa smos te/srog gcod pa la sogs pa'i mtshan nyid can gyi chos ma yin pa'i bdag nyid can gyi brtul zhugs de'i ma 'ongs pa'i ste ma 'ongs pa na skye ba can gyi 'bras bu dmyal ba la sogs pa mi 'dod pa yin no/ /gal te 'di ltar dge ba'i las kyi 'bras bu 'dod pa yin na chos ma yin pa'i bdag nyid can gyi sngags la sogs pa'i sbyor ba de la ltos pa de ci zhig bya zhe na/'bras bu zhes bya ba la sogs pa smos te/ 'bras bu 'dod pa can gyis las de'i ste/ las gang la 'bras bu 'dod pa yod pa zhes bya bar tshig rnam par sbyar ro//chos ma yin pa'i bdag nyid can mkha' 'gro ma'i sngags la sogs pa'i sbyor ba de yang ngo / /sogs pa'i sgras ni srog gcod pa la sogs pa'i sbyor ba gzung ngo / /rnam pa 'ga' zhig gis phan 'dogs par byed pa'i phyir smin par byed pa ste/'bras bu 'byin par byed pa yin no/ /ji ltar na dge ba la mi dge ba phan 'dogs par byed par 'gyur zhe na/ phan 'dogs par byed pa'i zhes bya ba la sogs pa smos te/ phan 'dogs par byed pa'i nus pa ni lhan cig byed pa'i ngo bo sna tshogs pa'i phyir te/'ga' zhig gi tshe dge ba'i mi dge ba dang / mi dge ba'i yang dge ba lhan cig byed pa yin pa ni sna tshogs pa'o/ /dper na dge ba shin tu rgya chen po byed pa dag gi dmyal ba la sogs pa sdug bsngal gyi 'bras bu can mi dge ba las dag dge ba'i lhan cig byed pa thob pas skye ba 'di nyid la nad la sogs pa tsam byin nas zad par 'gyur ba lta bu'o//'bras bu 'dod pa can gyi las kyi chos ma yin pa bdag nyid can gyi sngags la sogs pa'i sbyor ba rnams 'ga' zhig gis phan 'dogs par byed pa yin no zhes bshad pa de la rnam pa gang gis phan 'dogs par byed pa ste/bstan pa'i phyir/ skyes bu'i zhes bya ba la sogs pa smos te/ skyes bu'i khyad par ni sngags rtsom pa po ste de nyid bsten pa yin no/ /des rnam par smin pa ni 'bras bu 'byin pa ste gang la de nyid kyi chos kyi rang bzhin yod pa de ni skyes bu'i khyad par gyi rten gyi rnam par smin pa'i chos can no//chos zhes bya ba ni bsod nams kyi khyad par ro/ /de zhes bya ba ni 'bras bu 'dod pa grub par byed ba'o/ /des zhes bya ba ni skyes bus so/ /byas pa ni skye ba snga mar ro/ /de ni de ltar mgu bar byas pas zhes bya ba la chos de ni srog gcod pa la sogs pa'i spyod pas de ltar mgu bar byas pas te/sngags rtsom pa po'i skyes bu mgu bar byas pas 'bras bu 'byin pa yin no/ /de nyid gsal bar bya ba'i phyir/ de'i zhes bya ba la sogs pa smos te/ de'i 'bras bu can te 'dod pa'i 'bras bu can gyi las sngags rtsom pa po'i skyes bu des brjod pas srog gcod pa dang ldan pa'i brtul zhugs la sogs pa'i sbyor ba po'o//sbyor ba des phan 'dogs par byed pa ni las yongs su gso bar byed pa'o/ /gang la de rnam par smin pa ste 'bras bu 'byin par byed pa de nyid kyi chos kyi rang bzhin yod pa de ni de lta bu'i chos can te/byas pa nyid yin pa'i rgyu'i phyir de mgu ba las 'bras bu 'byin pa yin no/ /gal te sngags rtsom pa po'i skyes bu med par yang des phan btags pa ste/ sngags de 'ba' zhig bzlas pa la sogs pa'i bya ba sngags kyis phan 'dogs par byed pa las 'bras bu 'byin pa yin no//de bas na skyes bu mgu bar byas pa las 'bras bu 'byin pa yin no zhes bshad pa gang yin pa de yang dag pa ma yin no zhes gzhan sems so/ /ma yin te zhes bya ba la sogs pa ni grub pa'i mtha' smra ba'i yin no//de ni de ltar ma yin no/ /ci'i phyir zhe na/ skyes bu'i zhes bya ba la sogs pa smos te/ skyes bu sngags rtsom pa po'i rnam pa ni kha dog dang dbyibs la sogs pa'o/ /rang bzhin ni zhi ba dang drag po la sogs pa'o/ /spyod pa ni lus dang ngag gi bya ba'i mtshan nyid kyi g.yo 'gul lo//rnam pa la sogs pa de dag gi mos pa ni lhag par smos pa ste/ de don med par thal bar 'gyur ba'i phyir te/ gal te sngags kyi byin gyis brlabs pa po'i skyes bu yod pa ma yin na/ ci'i phyir de'i rnam pa la sogs pa la lhag par mos par 'gyur/sbyor ba ni skyes bu gang la phan 'dogs par byed par mi 'gyur ba de ni de'i rnam pa la yang mos par bya ba ma yin te/ dper na dug la sogs pa'i las la phan 'dogs par byed pa ma yin pa'i lam po che pa'i skyes bu'i mos pa bzhin no/ /nam mkha' lding la sogs pa'i skyes bu nam mkha' lding gi sngags 'chang ba yang dug la sogs pa'i las la phan 'dogs par byed pa ma yin pa zhes bya ba ni khyab par byed pa 'gal ba dmigs pa'o//de ltar gyur pa ni ma yin te/ mos pa las 'bras bur gyur pa de bas na skyes bu phan 'dogs par byed pa yin no zhes bya ba ni ldog pa'o//gang dang gang skyes bu'i khyad par rnam pa dang rang bzhin dang spyod pa la mos pa las skye ba'i chos can de ni/ rnam pa dang rang bzhin dang spyod pa dang ldan pa'i skyes bu'i byin gyis brlabs pa sngon du song ba can yin te/dper na rgyal po sten pa can de'i rnam pa la sogs pa la gus pa dang ldan pa dag gi rgyal po dag las 'bras bu'i khyad par 'byung ba lta bu'o/ /dug la sogs pa zhi ba'i mtshan nyid can gyi 'bras bu'i khyad par yang skyes bu'i khyad par rnam pa dang / rang bzhin dang spyod pa dang mos pa las skye ba'i chos can yin no zhes bya ba ni 'bras bu'i gtan tshigs so//ci ste skyes bu de yang phan 'dogs par byed pa nyid du 'dod pa de'i tshe/ sngags rtsom pa po'i skyes bu de yang sngags las 'bras bu'i grub pa nyid la phan 'dogs par byed pa nyid yin par khas len na/skyes bu'i khyad par yon tan thun mong ma yin pa can grub ste/ gang la yon tan thun mong ma yin pa yod pa zhes bya bar tshig rnam par sbyar ro/ /ci'i phyir zhe na/ de dag la mos pa kho na ste/ skyes bu'i khyad par rnam pa dang rang bzhin dang spyod pa la mos pa kho nas dug gi las la sogs pa byed pa'i phyir ro//de bas na sngags skyes bus byas pa yin du zin kyang de'i nye bar sbyor ba la ltos pa med pa ste/ skyes bu'i khyad par gyi nye bar sbyor ba la ltos pa med par ro/ /rang bzhin gyis te ngo bo nyid kyis 'bras bu 'byin pa ma yin gyi skyes bu'i khyad par gyi nye bar sbyor ba la ltos pa dang bcas pa nyid yin no//gal te skyes bu sngags byed pa nyid yon tan thun mong ma yin pa can yin na/ ji ltar na mthu la sogs pa'i khyad par dang bral ba yang rgyud rig pa sngags dag byed par 'gyur zhe na/ de'i phyir gang la yang zhes bya ba la sogs pa smos te/bstan bcos sngags dang ldan pa ni rgyud yin te/ gang dag gi rig pa de dag ni gang yang rgyud rig pa'o/ /'ga' zhig gis te da ltar yang snga na med pa'i sngags cung zad byed par 'gyur ba de ni de dag 'ba' zhig gi nus pa yin gyi/ 'on kyang de dag gi de gang gi rgyud la brten pa de dag gi byed pa'i skyes bu phul du byung ba gang yin pa de gtso bo ste/ bdag po'o/ /mthu ni nus pa'o/ /ci'i phyir zhe na/ des bshad rigs pa 'jug phyir te/ /gtso bo des de dag gi dam tshig la sogs pa'i rigs pa bstan pa de'i rjes su 'jug pa'i phyir ro//gtso bo des mnyes pas de brtsams pa'i sngags kyang byin gyis rlob par byed do zhes bya bar dgongs so/ /lam po che'i skyes bu la zhes bya ba la sogs pa phyogs snga mar dgod pa sngon du song ba can gyi tshig le'ur byas pa'i don 'chad par byed do/ /lam po che'i skyes bu zhes bya ba ni tha mal pa'i skyes bu'o//'ga' zhig nam mkha' lding gi sngags kyi mtshan nyid can gyi rgyud shes pa la sogs pa bdag nyid kyis sngags byas pa dag gis dug la sogs pa zhi ba'i mtshan nyid can gyi las cung zhig byed par 'gyur ro/ /de dag kyang khyad par ma yin te/chang 'thung ba la sogs pa bstan pa'i phyir ro/ /de bzhin du gzhan dag kyang zhes bya ba ni sngags rtsom pa po mthu dang ldan pa nyid du mngon par 'dod pa dag kyang ngo / /phul du byung ba ma yin pa lam po che'i skyes bu dang 'dra bar phul du byung bas stong par 'gyur ba dang /sngags kyi byed pa por yang 'gyur ro/ /de ltar na mthu dang ldan pa'i skyes bu grub pa ma yin no snyam du sems so/ /ma yin te zhes bya ba la sogs pas lan 'debs par byed de/ mthu dang bral ba dag gis sngags kyi byed pa po ma yin te/ lam po che'i skyes bu nam mkha' lding la sogs pa'i sngags byed pa'i skyes bu gang yin pa de dag ni sngags rtsom pa po mthu dang ldan pa nyid kyis byin gyis brlabs pa'i phyir sngags byed par nus pa nyid yin no//de nyid bstan pa'i phyir des byas pa'i zhes bya ba la sogs pa smos te/ mthu phul du byung ba dang ldan pa'i skyes bu des byas pa'i dam tshig rjes su skyong zhing srung ba dang /de'i man ngag gi zhes bya ba mthu dang ldan pa'i skyes bu'i man ngag gi dam tshig nan tan du byed pa sngags byed par nus so/ /de la gang las 'das pa la yang dkyil 'khor du 'jug pa la sogs pa'i bya ba bskyed pa de ni dam tshig yin zhing de las gzhan pa'i cho ga ni man ngag yin no zhes bya ba dam tshig dang man ngag gi khyad par yin no//gal te de nyid ji ltar khong du chud par 'gyur zhe na/ de'i zhes bya ba la sogs pa smos te/ mthu dang ldan pa de'i dam tshig gang yin pa dang /man ngag gang yin pa de la ltos pa med pa'i skyes bu la sngags rtsol ba'i nus pa med pa'i phyir ro/ /gtan tshigs kyi don ni de la zhes bya ba la sogs pa smos te/ de la yang zhes bya ba lam po che'i skyes bus byas pa'i sngags dag la yang de'i rnam pa bsam gtan byed pa la sogs pa nyid ni skyes bu'i mthu dang ldan pa'i rnam pa bsam pa la sogs pa nyid du'o//sogs pa'i sgras ni rang bzhin dang spyod pa bsam gtan byed pa gzung ngo / /nam mkha' lding la sogs pa de dag gis rab tu sbyar ba'i phyir te/'jug par byed pa'i phyir ro/ /gang gi phyir de lta yin pa de bas na des byin gyis brlabs pa ste/ skyes bu mthu dang ldan pas byin gyis brlabs pa de dag nyid bdag nyid kyis byas pa'i sngags kyi bzlas pa byed par 'gyur ba de nyid de 'dra bar shes shing rtogs par bya'o//gzhan yang rgyud shes pa 'ga' zhig sngags byed pa yin no zhes brjod pa na/ skyes bu phul du byung ba nyid bsgrubs pa yin no/ /gang gi phyir de 'dra ba'i mthu dang ldan pa rgyud shes pa'i sngags byed pa de nyid kyang de nyid kyis de las gzhan pa rgyud shes pa ma yin pa'i skyes bu dang thun mong ma yin pa can gyi nus pa nyid yin pa'i phyir ro//gang gi phyir skyes bus byin gyis brlabs pa nyid kyi sngags dag 'bras bu 'byin pa de'i phyir/ 'bras bu 'dod pas sngags rnams ni byas dang ste rgyu dang rkyen gyis bskyed pa'o/ /skyes bus byas pa ni skyes bus byin gyis brlabs pa ste/sngags dag rtag pa ma yin gyi 'on kyang byas pa dag yin no/ /byas pa nyid yin du zin kyang 'bras bu 'byin pa na skyes bu la ltos pa med pa ma yin pa de ltar na don gnyi ga la bstan par bya ba'i phyir/ byas dang skyes bus byas brjod bya/ /zhes bya ba gnyi ga brjod pa yin no//ma byas pa dag gi zhes bya ba la sogs pas 'chad par byed de/ rig byed pa'i sngags rtag pa dag la rkan la sogs pa'i bya bas brjod pa'i mtshan nyid can gyi sbyor ba yod pa ma yin te/ rtag pa ni phul du byung ba nyid du byar med pa nyid kyi phyir ro//sbyor ba med pa dag las 'bras bu med pa'i phyir sbyor ba las 'bras bu 'dod pa nyid kyis sngags rnams byas pa dang / skyes bus byas par brjod pa ste skyes bus byin gyis brlabs pa nyid las 'bras bu 'byin par brjod par bya'o/ /ci'i phyir zhe na/ skyes bu'i byin gyi rlabs med par te/skyes bu'i byin gyis brlabs pa ma gtogs par dngos po'i nus pa la sogs pa gzhan las sngags kyi 'bras bu med pa can dag gi 'bras bu mthong ba'i phyir ro/ /'bras bu mthong ba de yang skyes bu'i byin gyi rlabs kho na yin gyi rnam pa gzhan du ni ma yin no//ji ltar skyes bus byin gyis brlabs pa la ltos pa med pa dag gi dngos po'i nus pa 'bras bu 'byin pa ma yin pa de ltar/ gal te dngos nus de 'dra na/ /de dag kun gyi sgrub byed 'gyur/ /zhes bya ba la sogs pa gong du bstan zin to// //tshad ma rnam 'grel gyi 'grel bshad/bam po sum cu drug pa/ dpe bstan pa'i phyir brdar zhes bya ba la sogs pa smos te/ kho bo'i snyan dngags la sogs pa 'di skad du klog par 'gyur ba de la kho bos don 'di bsgrub par bya'o zhes de skad du snyan dngags la sogs pa gang yin pa la brdar byas pa de la de skad ces bya'o//sogs pa'i sgras ni bzo'i gnas la sogs pa gzung ngo / /de ni brdar byas pa can gyi snyan dngags la sogs pa ste/ de dang 'dra bas na de bzhin no/ /ji ltar de la snyan dngags la sogs pa 'don par byed pa dag ni skyes bu'i byin gyi rlabs kyis 'byin pa de dang 'dra bar sngags dag gis yang zhes bya ba'i don to//skyes bu'i dbang po las 'das pa'i don mthong ba la nus pa med ces bya ba 'di ltar nus pa med pa'i sgrub par byed pa ste/ gang cung zad dpyod pa pas brjod pa ste/de thams cad ni sngags byed pa'i shes pa'i mthu phul du byung ba'i sgrub par byed pa 'di nyid kyis ni bsal ba yin te/ skyes bu'i phul du byung ba sgrub par byed pa dngos po'i stobs kyis 'ongs pa'i tshad mas dngos po'i stobs kyis 'ongs pa ma yin pa nus pa med pa'i sgrub par byed pa gang yin pa de tshad ma ma yin pa nyid du bsgrub pa yin te/nus pa med pa'i sgrub par byed par dam bcas pa thams cad la rjes su dpag pas gnod pa'i phyir ro zhes bya bar dgongs so/ /sngags rnams zhes bya ba la sogs pas 'chad par byed de/ sngags rnams skyes bus byas pa dang des byin gyis brlabs pa ste/skyes bus byin gyis brlabs pa las sngags rnams 'bras bu 'byin pa yin no zhes bya ba de yang bstan zin to/ /skyes bu thams cad sngags byed pa'am byin gyis rlob par nus pa ma yin pa de bas na zhes bya ba de'i phyir/ skyes bu sngags byed pa de phul du byung ba 'ga' zhig dang ldan pa de'i phyir skyes bu phul du byung ba de spong bar byed pa'i sgrub par byed pa dag kyang bsal zhing spangs pa yin no/ /des kyang gzhan gyis bshad pa'i phul du byung ba spong ba sgrub par byed ba 'gal ba mi 'khrul ba nyid bsal bar byed pa ni ma yin mod kyi 'on kyang skyes bu'i phul du byung ba spong ba sgrub par byed pa'i dngos po'i stobs kyis 'ongs pa yod pa ma yin no zhes bya ba'i zur 'dis brjod do//skyes bu'i phul du byung ba sel bar byed pa'i dngos po'i stobs kyis 'ongs pa'i sgrub par byed pa cung zad kyang yod pa ma yin no//skyes bu phul du byung ba can nyid du mngon par 'dod pa ni blo dang ldan pa nyid kyi phyir dang dbang po dang ldan pa nyid kyi phyir dang smra ba'i phyir dang / skyes bu nyid yin pa'i phyir phul du byung ba dang ldan pa ma yin te/ lam po che'i mi bzhin no zhes bya ba 'di yod pa ma yin nam zhe na/blo dbang zhes bya ba la sogs pa smos te/ blo dang dbang po dang smra ba dang skyes bu nyid ces bya ba ni zlas dbye ba'o/ /blo dang ldan pa nyid kyi phyir dang / dbang po dang ldan pa nyid kyi phyir dang smra ba'i phyir dang skyes bu nyid yin pa'i phyir ro/ /sogs pa smos pa ni lag pa la sogs pa dang ldan pa nyid kyi phyir zhes bya ba la sogs pa gzung ngo //skyes bu'i phul du byung ba spong bar byed pa'i sgrub byed gang brjod pa de dag thams cad tshad ltar snang yin te/ ma nges pa yin no zhes bya ba'i don to/ /ci'i phyir zhe na/ thams cad mi mthun pa'i phyogs la 'jug pa can gyi the tshom za bas lhag ma dang ldan pa nyid kyi phyir ro//lhag ldan las yod pa ma yin zhes bya ba ni nges pa las so/ /ji bzhin don zhes bya ba ni phyin ci ma log pa'o/ /rtogs pa ni rjes su dpag pa'i rtogs pa ste de yod pa ma yin no/ /blo dang zhes bya ba la sogs pas 'chad par byed de/skyes bu'i phul du byung ba spong ba sgrub par byed pa gang yin pa de go bar byed pa ma yin te zhes bya bar sbyar ro/ /sgrub par byed pa de yang gang zhe na/ blo dang dbang po dang ldan pa zhes bya ba la sogs pa smos so/ /ci'i phyir go bar byed pa ma yin zhe na/spong ba dang zhes bya ba la sogs pa smos te/ spong ba dang spyi ni spong ba dang spyi'o/ /de dag gi sgrub par byed pa de dag mi srid pa'i phyir ro/ /de ltar na blo dang ldan pa nyid la sogs pa'i sgrub par byed pas skyes bu'i phul du byung ba yod pa ma yin no zhes bya ba skyes bu'i phul du byung ba spong ba sgrub pa'am/skyes bu'i phul du byung ba gang yin pa de lam po che'i mi dang mtshungs pa zhes bya ba skyes bu cig shos kyi spyi bsgrub par bya ba yin grang na/ de la gnyi ga la yang srid pa ma yin no/ /dbang po zhes bya ba la sogs pas spong ba sgrub par byed pa med par ston pa yin te/dbang po las 'das pa'i don dag la de ma mthong ba ste/ dbang po las 'das pa'i don ma mthong ba'i spong ba yod pa ma yin no/ /ci'i phyir zhe na/ yod du zin kyang dbang po las 'das pa'i don de dag tshu rol mthong bas mi shes pa'i don gyi phyir//de bas na ma mthong ba tsam gyis spong ba ma yin no zhes bya bar dgongs so/ /'gal ba grub pa las skyes bu'i phul du byung ba spong ba yang ma yin te/ gang gi phyir dbang po las 'das pa de nyid kyi phyir skyes bu'i phul du byung ba ni blo dang ldan pa nyid la sogs pa'i gtan tshigs dang 'gal ba rnam pa gnyi ga yang ma grub pa'i phyir ro//'gal ba med pa ste smra ba nyid la sogs pa dang skyes bu'i phul du byung ba dang lhan cig gcig la yod pa 'gal ba med pa'i phyir ro zhes sngar bshad zin to/ /cig shos kyi zhes bya ba la sogs pas spyi sgrub par byed pa med par ston te/cig shos tshu rol mthong ba'i skyes bu dang de'i phul du byung ba dang ldan pa'i spyi yang 'grub pa ma yin no/ /ci'i phyir zhe na/ dbang po las 'das pa mthong ba la sogs pa'i mtshan nyid can gyi khyad par med pa gang yin pa de'i shes par mi nus pa nyid kyi phyir ro//rgyud gzhan la gnas pa skyes bu tsam mngon sum ma yin pa dbang po las 'das pa'i don mthong ba la sogs pa de 'dra ba dag la med pa grub par byed pa'i mi dmigs pa 'ga' zhig gis brjod pa mi dmigs pa de ni sngar gtan tshigs nyid yin pa spangs pa'i phyir ro//gzhan yang skyes bu la sogs pa'i spyi dag la yang / bdag nyid ji lta ba bzhin du 'dus byas pa las shes rab dang yid gzhungs pa la sogs pa 'ga' zhig kyang mthong ba'i phyir ro/ /de bzhin du phul du byung ba gzhan yang bsam par bya ba nyid yin pa'i phyir ro//de bas na khyad par yod pa can gyi skyes bu khyad par yod pa can skyes bu cig shos kyi yang spyi ma grub pa'i phyir zhes bya ba yang sngar bshad zin to/ /de bas na rjes su dpag pa la lhag ma dang ldan pa de ni skyes bu'i phul du byung ba med par bstan pa la nus pa med pa yin no//mi mthun pa'i phyogs la 'jug pa ma mthong du zin kyang ste/ gal te mi mthun pa'i phyogs la skyes bu'i phul du byung ba smra ba nyid la sogs pa 'jug pa ma mthong ba de ltar na yang gnod pa can med pas/ ldog pa la the tshom za ba'i rgyu'i phyir nus pa med pa yin no//gzhan yang de skad du brjod pa zhes bya ba dbang po las 'das pa'i don mthong ba'i skyes bu yod pa ma yin no zhes bya ba de skad du brjod pa rgyal dpog pa dag gi'o/ /rang nyid kyi tshig la zhes bya ba 'ga' zhig gis phul du byung ba dang ldan pa rgyal dpog pa la sogs pa las rig byed kyi don rtogs par 'gyur ro//zhes skyes bu'i phul du byung ba khas len pa'i tshig la'o/ /dbang po las 'das pa'i don shes pa'i skyes bu 'ga' zhig kyang yod pa ma yin no zhes bya ba'i rang gi tshig 'di dang 'gal bar byed pa ste gnod par byed do//skyes bu phul du byung ba dang ldan pa bsal bas rig byed kyi don rtogs pa mi srid pa'i phyir ro/ /de ltar na rig byed pa'i sgra ni kho bos 'di'i don dang / don min zhes bdag nyid rjod mi byed/ des na me la sbyin sreg ces bya ba la sogs pa'i sgra rnams kyis mngon par 'dod pa gang yin pa'i dpyod pa pa'i skyes bus don 'di brtags pa ste/de yang yod pa ma yin no/ /gang gi phyir skyes bu de yang 'dod chags la sogs pa dang ldan pa de'i phyir brtags pa de tshad ma ma yin no/ /ci ste rig byed kyi don de rgyal dpog pa la sogs pa 'ga' zhig kho nas rig byed nyid du brtags pa de gcig ste mngon par 'dod pa'i skyes bu'o//de nyid rig pa ni rig byed kyi don gyi de nyid shes pa'o/ /skyes bu gzhan min zhes bya ba'i khyad par gang gis byas/ dpyod pa pa'i 'di la rgyu cung zad kyang yod pa ma yin te/ skyes bu nyid du khyad par med pa'i phyir thams cad kyis rig pa'am 'ga' zhig gis kyang ma yin no zhes bya ba'i don to//ci ste skyes bu la sogs par mtshungs su zin kyang rgyal dpog pa la sogs pa thun mong ma yin pa'i nus pa dang ldan pa 'ga' zhig rig byed pa'i sgra rnams dbang po las 'das pa'i don dang lhan cig 'brel pa rig pa'i rgyu mtshan rtog pa de'i tshe de bzhin te/rgyal dpog pa la sogs pa bzhin du'o/ /skyes bu nyid yin par mtshungs pa yin na yang ngo / /rnam pa 'gas kyang zhes bya ba ni rgyu mtshan med par ro/ /gzhan yang shes pa phul du byung ba dang ldan pa khyod ci shes can 'ga' mi 'dod/rgyal dpog pa la sogs pa dang 'dra bar gzhan dag kyang shes pa dang ldan par 'gyur ro zhes bya ba'i don to/ /rig byed pa'i zhes bya ba la sogs pas 'chad par byed de/ rig byed pa'i sgra de dag bram ze khyod tshur shog kho bo'i don 'di khyed cag gis zung shig /gzhan ni ma yin no zhes de skad du rjod par mi byed na gang gis de dag las don rtogs par 'gyur/ 'ba' zhig ces bya ba ni nges par gzung ba ste/ mngon par gsal ba ma yin pa'i don gyi khyad par dang 'dra ba kho nas mnyan pa ste/rna ba'i rnam par shes pa skyed par byed do/ /gang la mngon par gsal ba ma yin pa'i don gyi khyad par lhan cig 'dres shing 'brel pa yod pa zhes bya bar tshig rnam par sbyar ro/ /mi shes pa nyid kyi don dang 'brel pa can gyi sgra mnyan pa skyes pa de la skyes bu gcig bdag nyid can gyi don cung zad cig rang gi 'dod pa dang rjes su mthun pa brtags shing skyes bu gzhan gyis kyang don gzhan brtags pa de ltar na rig byed kyi don ma nges pa yin no//sgra rnams rang gi ngo bo nyid kyis don dang 'brel ba de bas na/gcig la nges par 'gyur ba yin no zhe na/ sgra rnams kyi zhes bya ba la sogs pa smos te/ sgra rnams kyi rang bzhin so sor nges pa ni cung zhig kyang yod pa ma yin te zhes bya ba rang bzhin te/ ngo bo nyid kyi don dang 'brel pa ma yin no/ /gang gis don gcig tu brtag pa yod du zin kyang mngon par 'dod pa'i don gcig gi rjes su 'jug cing rjes su 'jug pa yin no//gzhan brtag par bya ba dag kyang ma yin te/ 'on kyang brda'i dbang gis don de dang de gzung ba na ste/ brjod par bya ba nyid du gzung ba na mthong bar 'gyur ro/ /rig byed pa'i sgra de dag kho na nyid du 'chad par byed pa yin la gzhan ni ma yin no zhes bya ba rigs pa ma yin no zhes bya bar sbyar ro//ci 'dra ba dag ce na don nges pa rig pa med pa can ma yin pa ste/ gang las don nges pa rig pa med pa zhes bya bar tshig rnam par sbyar ro/ /ci'i phyir zhe na/ lkog tu gyur pa goms pa'i phyir te/mtho ris la sogs pa dbang po las 'das pa'i don yul nyid du bdag gir byas pa'i phyir ro/ /dbang po las 'das pa can gyi sgra'i don nges pa tshu rol mthong bas shes pa'i nus pa med pa de la/ 'dod chags la sogs pas bslad cing mi mkhas pa rgyal dpog pa'am ri khrod pa'i bdag 'ga' zhig sgra de dag 'di'i don 'di ni 'di nyid yin gyi gzhan ni ma yin no zhes de kho na nyid du 'chad do//rgyal dpog pa la sogs pa las khyad par med pa'i skyes bu gzhan dag ni de kho na nyid 'chad pa ma yin no zhes bya ba'i khyad par rnam par gzhag pa rigs pa ma yin te/rigs pa dang ldan pa nyid ma yin pa'i phyir ro/ /ci ste ma bstan pa'i ngo bo 'ga' zhig las blo dang dbang po la sogs pa'i sgras goms pa phul du byung ba'i rgyu'i phyir/ rgyal dpog pa la sogs pa de nyid kyis rig byed kyi don rig pa yin gyi skyes bu tha mal pa gzhan gyis ni ma yin no zhes 'dod pa de'i tshe/rgyal dpog pa la sogs pa gzhan de kho na nyid rig pa yin pa de'i dbang po las 'das pa'i shes pa'i khyad par te/ dbang po las 'das pa'i rig byed kyi de kho na nyid kyi shes pa 'di gang las yin/ rgyal dpog pa la sogs pa'i skyes bu dbang po las 'das pa rig pa yin pa ni bla ste/rgyal dpog pa dang 'dra ba de bzhin du yul dang dus dang rang bzhin gyis bskal pa'i don dag mthong ba sangs rgyas pa mngon par 'dod pa'i skyes bu phul du byung ba gzhan dag kyang ci'i phyir med pa can mthong ba yin te gang gis spong bar byed par 'gyur/dbang po las 'das pa'i don mthong ba de yang yod do zhes bya ba gal te mi 'dod na rgyal dpog pa la sogs pa mngon par 'dod pa dag kyang ma gyur cig snyam pa gang gi phyir de spong bar byed pa'i sgrub par byed pa ste/ sangs rgyas pa la sogs pas mngon par 'dod pa'i skyes bu'i phul du byung ba spong bar byed pa dpyod pa pas kun brtags pa'i skyes bu nyid la sogs pa'i sgrub par byed pa gang yin pa 'ga' zhig kyang rgyal dpog pa la sogs pa rig byed kyi don gyi rnam par rtog pa shes pa de dag ni mi dmigs shing yul du mi byed pa ma yin gyi 'on kyang yul du byed pa kho na yin no//de dag la yang skyes bu nyid la sogs pa dang ldan pa'i phyir ro/ /ci ste skyes bu nyid la sogs pa bsal nas rgyal dpog pa la sogs pa rig byed kyi don gyi de kho na nyid mthong bar 'dod pa de'i tshe ji ltar de'i tshe sgrub par byed pa yod na yang zhes bya ba dbang po las 'das pa'i skyes bu spong ba'i sgrub par byed pa skyes bu nyid la sogs pa yod na yang ngo //dbang po las 'das pa'i rig byed kyi don rnam par 'byed pa'i mtshan nyid can 'di'i khyad par rgyal dpog pa la sogs pa 'di'i yin par 'dod pa de ltar na khyed kyis mngon par 'dod pa'i skyes bu las skyes bu gzhan gyi yang dbang po las 'das pa'i don mthong bar 'gyur ba 'di ltar na/rgyal dpog pa khyed cag gis mngon par zhen pa med par rigs pa ma yin no/ / dbang po las 'das pa'i don mthong ba'i phyir/ de rgyal dpog pa la sogs pas rig byed kyi don/ gang tshe gang tshig tshad ma yis/ /mi slu skyes bu de don rig yin par 'dod na'o/ /rgyal dpog pa la sogs pa'i rig byed kyi don rnam par 'byed pa na tshig tshad ma mi slu ba yin no zhes gzhan sems pa'o//shin tu zhes bya ba la sogs pa slob dpon gyi yin te/ lan 'di ni rigs pa ma yin no/ /ci'i phyir zhe na/ rig byed kyi don mtho ris la sogs pa shin tu lkog tu gyur pa la/ tshad ma srid pa yod pa ma yin te/ /de ltar ni zhes bya ba la sogs pas 'chad par byed de/kho bos skyes bu tshad mar gyur pa'i rgyu'i phyir rgyal dpog pa la sogs pa 'ga' zhig rig byed 'chad pa la mngon par zhen pa ma yin no/ /'o na ci yin zhe na/ tshad ma gzhan gyis mi slu ba'i phyir bshad pa la mngon par zhen to/ /de nyid 'chad pa po zhes bya ba la sogs pas rnam par gsal bar byed de/rig byed 'chad pa po mang po dag gi nang nas kyang rig byed 'chad par byed pa mngon sum la sogs pa ji skad du bshad pa'i don can gyi tshad ma ston par byed pa gang yin pa de 'dra ba de 'chad par byed pa yin par sems shing khas len gyi/ gzhan ni ma yin no zhes bya ba ni phyogs snga ma'o//de ni ma yin te zhes bya ba la sogs pas 'gog par byed de dbang po las 'das pa zhes bya ba la sogs pa la/ chos dang chos ma yin pa ma mthong ba la sogs pa ste/ chos dang chos ma yin pa la sogs pa'o/ /sogs pa'i sgras ni dbang po las 'das pa'i mtho ris la sogs pa bzung ste/mngon sum la sogs pa'i tshad ma mi 'jug pa'i phyir ro/ /rig byed kyi don la 'ga' zhig tshig tshad mas mi slu ba can ma yin no/ /de'i phyir dbang po las 'das pa'i don la tshad ma gzhan 'jug pa med do/ /gang gi phyir de 'jug pa med pa nyid kyi phyir te/shin tu lkog tu gyur pa la mngon sum la sogs pa'i tshad ma mi 'jug pa'i phyir ro/ /de rtogs par bya ba'i phyir ni dbang po las 'das pa de rtogs par bya ba'i phyir lung don du gnyer zhing nye bar tshol ba yin no/ /rnam pa gzhan du na zhes bya ba gal te lung gi rtogs pa'i don la tshad mas gzhan gyis mi slu ba nyid las don nges pa yin pa de'i tshe'o//de yod du zin kyang ste lung des rtogs pa'i don la gal te tshad ma gzhan 'jug pa med pa na lung yan gar ba las kyang don rtogs pa med pa'i phyir ro/ /yan gar ba las zhes bya ba ni lung ltos pa med pa'i phyir ro//de las zhes bya ba tshad ma gzhan las don rtogs pa'i phyir lung sgrub par byed pa nyid du mi 'gyur ro/ /tshad ma gzhan yod pa dang med pa nyid las don rtogs pa yod pa dang med pa yin pa'i phyir ro/ /de bas na lung rtogs pa don med pa yin no//gal te lung yang dbang po las 'das pa'i don rtogs pa'i grogs su 'gyur ba yod pa yin te/ 'di ltar mngon sum la sogs pa'i tshad ma gzhan lung la ltos pa med pa yan gar ba las kyang dbang po las 'das pa dag rtogs par mi 'gyur gyi/ 'on kyang lung dang bcas pa'i mngon sum la sogs pa'i 'jug pa yin no zhe na/ji skad du brjod pa na shin tu lkog tu gyur pa'i don la yang mngon sum la sogs pa'i 'jug par 'dod pa ma yin nam/ de ji ltar na dbang po las 'das pa zhes bya ba mtho ris la sogs pa dang / mngon sum la sogs pa'i yul yang yin/gal te mngon sum la sogs pa'i yul yin pa'i phyir shin tu lkog tu gyur pa ma yin zhing shin tu lkog tu gyur pa yin na de la mngon sum la sogs pa'i tshad ma mi 'jug go bya ba de nges pa yin no/ /de ltar shin tu lkog tu gyur ba'i don la 'ga' zhig gis/tshig tshad mas mi slu ba can ma yin no/ /gal te 'dod pa ni 'gyur na shin tu lkog tu gyur pa'i don la mngon sum la sogs pa'i sgrub par byed pa po nyid ni ma yin gyi/ 'on kyang mngon sum la sogs pa des kyang rang gi yul te/ bdag nyid dang rjes su mthun pa'i yul yang lung la ltos nas sgrub par byed pa nyid yin no//de ltar na lung nyid gtso bo yin no zhes gzhan dag sems pa'o/ /du ba zhes bya ba ni grub pa'i mtha' smra ba'i yin te/ du ba la sogs pa'i rtags las me la sogs pa'i shes pa 'di la lung yod pa ma yin pas lung med pa can mi 'gyur na yang 'gyur ro//de bas na lung la ltos pa'i mngon sum la sogs pa rang gi lung la go bar byed pa ma yin no zhes bsam par bya'o/ /gal te zhes bya ba la sogs pa ni gzhan gyi yin te/ lung dpyod pa las dus phyis dbang po las 'das pa'i don la 'jug pa na mngon sum la sogs pa'i tshad ma gzhan lung gi yul la tshol ba ma yin na/gang gis de bas na yan gar ba la rtogs pa'i lung sgrub par byed pa nyid du mi 'gyur ro zhes bya ba'i skyon 'dir 'gyur/ rtogs pa'i phyir lung yan gar ba nyid rang gi yul la sgrub par byed pa yin no zhes bsams pa'o/ /'on kyang lung dbang po las 'das pa'i don la 'jug pa de nyid ci 'di mi slu ba yin nam ma yin zhes mi shes so//des na lung gi 'jug pa dpyod pa la tshad ma gzhan btsal bar bya'o/ /gal te lung 'jug pa na mngon sum la sogs pa dang bcas par 'gyur ba de ni rang gi yul la tshad ma yin par bsam par bya'o snyam mo/ /rab tu sgrub pa la zhes bya ba la sogs pa ni lan yin no//dbang po las 'das pa'i don rab tu sgrub pa de'i tshe mngon sum la sogs pa 'di'i bdag nyid nus pa lung nye ba na ste/ lung yang yin la de yang yin pa ste nye zhing thag nye bar mngon sum la sogs pa'i phul du byung ba ci zhig gso bar byed na/ gang gis lung gi 'jug pa rab tu bsgrubs nas dbang po las 'das pa'i don rtogs par 'gyur/gal te dbang po la sogs pa las 'das pa'i don la yang mngon sum la sogs pa'i nus pa yin pa de bas na/ lung la ltos pa med par dbang po las 'das pa'i don bsgrub pa la lung ci zhig bya zhes bya ba'i tha tshig go/ /ci ste dbang po las 'das pa'i don la mngon sum la sogs pa nus pa med na ni nus pa med pa de nyid kyi phyir mngon sum la sogs pa lung 'jug tu zin kyang sgrub par byed pa nyid du mi 'gyur ro//ji ltar mtho ris la sogs pa dbang po las 'das pa mngon sum la sogs pas grub pa ma yin pa de ltar na dbang po las 'das pa'i don dang 'brel pa de yang de'i yul can zhes bya ba'i don lung gis 'jug pa dbang po las 'das par ji ltar mngon sum la sogs pa gzhan gyis grub pa yin te/ma grub pa nyid yin na gang gis de'i don mngon sum la sogs pa tshol ba gang yin pa de ni cir yang mi rung ngo / /'chad pa po mang po dag yod na yang mngon sum la sogs pa'i tshad ma ston par byed pa gang yin pa de'i bshad pa gzung bar bya'o zhes brjod pa na lung gi mtshan nyid skyes bus ma byas pa nyid kyi phyir gzhan yang de bzhin du lung gi mtshan nyid skyes bus ma byas pa nyid kyi mtshan nyid du 'gyur ro//de nyid bstan pa'i phyir de ltar na zhes bya ba la sogs pa smos te/ skyes bu gang gi tshig ni tshad ma yis//mi slu ba can des byas tshig /skyes bu des legs par sbyar ba'i tshig go/ /de lung zhes thob/ tshig legs par sbyar ba de'i don tshad mas gzung ba nyid du bstan pa'o/ /lung gi mtshan nyid gzhan de dag 'di yin pa de ltar na lung gi mtshan nyid skyes bus byas pa ni don med pa yin par 'gyur ro//lung smra ba zhes bya ba la sogs pas 'chad par byed de/ skyes bu'i tshig tshad mas mi slu ba can du brtags pa'i don gang yin pa dang cig shos kyis brtags pa'i don de dag lung smra ba mtshungs pa na yang ste/ lung gi sgo nas 'chad pa po dag gis mtshungs par gsal bar byas su zin nas kyang tshad ma'i stobs kyis lung gi tshad mas mi slu ba'i don la lar lung nyid yin par 'dod pa na'o//tshad mas mi slu ba me la sbyin sreg ces bya ba'i tshig lung gi mtshan nyid yin par 'gyur na/ skyes bus ma byas pa ste skyes bus byas pa ma yin pa ni lung gi mtshan nyid du 'gyur ba ma yin no zhes bya ba'i don to/ /ci'i phyir zhe na/ skyes bus ma byas pa mngon par 'dod pa ma yin pa skyes bus bstan pa'i don thams cad la mtshungs pa nyid yin na yang rtogs pa tshad mas gnod pa med pa'i rgyu'i phyir ro/ /don gang la slu ba med pa'i tshad ma gzhan khas len par byed pa de bas na lung de la rtogs par 'dod pa nyid kyi phyir zhes bya ba'i don to//de yod na ste skyes bu ma byas pa nyid du yod par mtshungs na yang gzhan du tshad ma gzhan gyis mi slu ba'i don la ni lung ni go bar byed pa nyid du mi 'dod pa nyid kyi phyir ro/ /gal te shin tu lkog tu gyur pa'i don la lung ni tshad ma gzhan gyis mi slu ba la ltos pa de'i tshe shin tu lkog tu gyur pa'i don la lung ltos pa med pa'i shes pa 'jug par 'dod pa de ltar na skyes bu'i phul du byung ba khas blangs par 'gyur ro zhes bstan pa'i phyir gzhan yang zhes bya ba la sogs pa smos te/gal te shin tu lkog gyur don/ /mtho ris la sogs pa la lung med shes pa la yod na ni lung la ltos pa med pa'i shes pa yod na ste/shes pa la lung med na zhes bya bar tshig rnam par sbyar ro/ /gang gi tshe de lta yin pa de'i tshe/ dbang po las 'das don rig 'ga'/ /de yod do zhes ni bdag nyid mngon 'gyur ro/ /gal te skyes bu rgyal dpog pa'am/ gzhan yang rig byed kyi don 'chad pa po lung la ltos pa med pa'i shes pa ji lta ba de lta bu nyid yin te/phyin ci ma log pa lkog tu gyur ba'i don mtho ris la sogs pa'i shes pa 'dod pa de'i tshe dbang po las 'das pa'i don mthong ba rgyal dpog pa la sogs pa dang 'dra bar skyes bu gzhan yang yod do zhes 'dod par 'gyur ro/ /de ltar ni 'gyur na dbang po las 'das pa'i don mngon sum nyid kyis shes nas ston par byed pa de lta na de'i don rig pa rgyal dpog pa la sogs pa yin par ni mi 'dod kyi 'on kyang rjes su dpag pas yin pa de ltar na/gang gis nyes pa 'dir 'gyur zhe na/ de ni ma yin te gal te dbang po las 'das pa'i don de ni mngon sum gyis mthong bar 'gyur ba de'i tshe de sngon du song ba can gyi rjes su dpag pa de la 'jug par 'gyur ro//ci'i phyir zhe na/ mngon sum sngon du song ba can gyi rjes su dpag pa la sogs pa'i tshad ma dag ni de mthong ba med pas/ dbang po las 'das pa de mngon sum gyis mthong ba med pa la mi srid pa'i phyir ro/ /mngon sum zhes bya ba la sogs bas da nyid gsal bar byed de/dbang po las 'das pa'i don de dag la mngon sum 'jug pa med pa'i rgyu'i phyir/ mngon sum sngon du song ba can gyi tshad ma gzhan mi srid pa'i phyir/ de la dmigs pa ma yin pa rtogs par bya ba zhes bya ba ni mngon sum la sogs pas dmigs pa ma yin pa rtogs pa'i rten du gyur pa ma yin no//don gang mngon sum la sogs pa'i yul ma yin pa zhes bya ba'i don to/ /de rtogs par bya ba la ste nges par bya ba'i don du lung tshol bar byed do zhes bya ba khong nas dbyung ngo / /rjes su dpag pa la sogs pa tshad ma gzhan dbang po las 'das pa'i don de la 'jug pas/dbang po las 'das pa'i yul can gyi mngon sum grub par byed cing rjes su 'dren par byed kyi mngon sum gyis 'jug pa med par tshad ma gzhan 'jug pa med pa'i phyir ro/ /gal te gtan tshigs kyis skyes bu'i phul du byung ba dag ste/ dbang po las 'das pa'i don dag mthong ba dpyod ba pa dag gis bzlog par mi 'gyur na bzlog pa yang yin no//de bas na dbang po las 'das pa'i don dag la tshad ma gzhan 'jug pa ma yin no/ /tshad ma gzhan 'jug pa med pa'i gtan tshigs de nyid kyi phyir lung rig byed mtho ris la sogs pa dbang po las 'das pa'i mtshan nyid can gyi don la don 'di nyid la sgra 'di 'jug go zhes bya ba'i 'jug pa gang yin pa ste nges pa med pa'i phyir/rgyal dpog pa'am gzhan ri khrod pa la sogs pa skyes bu 'dis ni'o/ /gzhan gyi man ngag la ltos pa med par bdag nyid rig byed don rig min/ ci'i phyir zhe na/ gang gi phyir 'dod chags la sogs pa ldan pa'am ste/ 'dod chags la sogs pa dang ldan pa dag ni mi shes pa'i rgyud nyid yin no/ /'o na gzhan gyi man ngag las rig go zhe na/ gzhan las zhes bya ba smos te/ rig byed kyi don gzhan las kyang rig pa ma yin te/ skyes bu gzhan de yang 'dod chags la sogs pa dang ldan pa nyid kyi phyir ro/ /rig byed bdag nyid kyis mngon par 'dod pa'i don khong du chud par byed pa yin no zhes bya ba log pa yin te/gang gi phyir rig byed rig par byed pa min na'ang go bar byed pa ma yin na rig byed don ni gang las rtogs/ bdag nyid don gsal bar byed pa ma yin no/ /nyes pa'i zhes bya ba la sogs pas 'chad par byed de 'khrul pa ni rnam par bslad pa'o//nyes pa ni 'dod chags la sogs pa'o/ /nyes pas byas pa'i rnam par 'khrul pa ni nyes pa'i 'khrul pa'o/ /gang la nyes pa'i 'khrul pa las ma 'das pa zhes bya bar tshig rnam par sbyar ro/ /rig byed dbang po las 'das pa'i don gyi khyad par so sor nges pa de bdag nyid kyis 'di nyid 'di'i don yin gyi 'di ni ma yin no zhes rig pa ma yin no//'dod chags la sogs pa dang ldan pa'i skyes bu de dag la skyes bu gzhan gyi rig byed kyi don rig par byed pa ma yin te/ gzhan de la yang thal bar 'gyur ba mtshungs pa nyid kyi phyir te/ 'dod chags la sogs pa dang ldan pa nyid kyis de yang mi shes pa nyid kyi phyir ro zhes bya ba'i don to//bdag nyid mi shes pa yang gzhan la ston par nus pa ma yin te/ gang gi bdag nyid kyis lam shes pa med pa'i phyir ro/ /long bas drang bar 'gyur ba'i long bas lam rtogs par mi 'gyur ba lta bu'o/ /rig byed pa dag nyid kyang bstan pa la ltos pa med par rang gi don gsal bar byed pa ma yin no//ci'i phyir zhe na/ bstan pa don med par thal bar 'gyur ba'i phyir te/ rgyal dpog pa la sogs pas rig byed kyi don rnam par bshad pa la 'bras bu med pa nyid du thal bar 'gyur pa'i phyir ro/ /skyes bu thams cad kyis rig byed thos pa tsam gyis don rtogs par 'gyur zhes bya ba'i tha tshig go//de bas na rig byed don yongs su shes pa yod pa ma yin no/ /gang gi phyir de lta yin pa de bas na yongs su shes par byed pa'i don can ma yin pa'i rig byed ces bya ba'i sgra'i lhag ma ste/ spyi bo dang ya mgal gyi bar la sha lhag yod pa ni lhag ma zhes bya'o//de yang 'bras bu med pa de bzhin du rig byed kyi sgra yang yongs su shes par byed pa'i don can ma yin pa'i phyir/ 'bras bu med pa de ltar na lhag ma de dang 'dra bas lhag ma'o/ /'di ltar zhes bya ba ci don 'di yin nam 'on te 'di ma yin zhes the tshom yod pa'i phyir ro/ / de la mngon par bsal dad pa'i zug rngur gyur pa ni sdug bsngal gyi rgyu'o/ /de'i phyir rig byed khas len par byed pa can skyes bu de la sdug bsngal 'jog par byed do/ /ci 'dra zhig ce na/ yang dag par mthong ba ma yin pa'i rtsa ste rgyu des bcings pa'o/ /de nyid kyi phyir thugs rje che ba 'ga' zhig gis kyang bsal bar sems pas dbyung bar dga' ba zhes co 'dri bar byed pa'o//yongs su shes par byed pa'i don can nyid ma yin pa des/ mtho ris 'dod pas me la ni/ /sbyin sreg sbyin zhes thos pa las/ /zhes bya ba rig byed kyi sgra las so/ /khyi sha bza' zhes bya ba de don min 'on kyang mngon par 'dod pa'i don gzhan yin no zhes 'dir tshad ma gang cung zad tshad ma cung zad kyang yod pa ma yin no don zhes bya ba la sogs pas 'chad par byed pa la mtho ris 'dod pas me la sbyin sreg sbyin par bya'o//'o na zhes bya ba la sogs pa la ngag brjod pa nyid du mngon par 'dod pa'i don la la la yang nye ba dang skal ba dang bral ba ste/dngos po'i 'brel pa btsal ba'i phyir gnyi ga med pa'o/ /de lta bur gyur pa'i ngag la 'byung ba'i khyad par te me la'o/ /ji ltar mngon par 'dod pa zhes bya ba la sogs pas sbyangs pa'i mar la sogs pa blugs par bya'o zhes bya ba 'di'i don yin la/ khyi'i sha bza' bar bya'o zhes bya ba 'di don ma yin zhes bya ba'i khyad par ma yin no//ji skad du bshad pa 'di skyes bus byas pa lung yin pa thams cad la thal bar mtshungs pa ma yin nam/ de nyid bstan pa'i phyir/ lkog tu gyur pa zhes bya ba la sogs pa smos te/ tshig gang la lkog tu gyur pa ston pa po yod pa de la de skad ces bya'o/ /de dag gi bsam pa ji lta ba bzhin gyi don la zhes bya ba ltar ston pa po mngon par 'dod pa'i don la'o//ston pa po ma mthong ba can gyi skyes bu da ltar bdag gis rtogs par 'gyur zhing yang dag par rtogs par 'gyur ba'am/ 'on te bzlog pa ste ston pa po'i bsam pa las rnam par bzlog pa zhes bya ba'i nges pa med pa'i phyir/thams cad la the tshom za ba yin no snyam du bsams pa'o/ /ma yin te zhes bya ba la sogs pas lan 'debs par byed de/ thams cad du thal bar 'gyur ba ma yin no/ /ci'i phyir zhe na/ 'chad pa po ste lung mdzad pa po'i dgongs pa gsal bar byed pas zhes bya ba thog mar gsal bar mdzad pa des dus der gnas pa'i nyan pa po dag la dgongs pa'i tshig 'di'i don ni 'di yin no zhes brjod par mdzad la/nyan pa po de dag kyang gzhan dag la ston par byed cing de dag kyang gzhan dag la zhes bya ba'i rnam pa 'dis yang dag pa'i man ngag ste slob dpon gyi man ngag /rgyud pa srid pa'i phyir ro//dgongs pa brjod par byed pa'i mtshan nyid can gyi don 'di ni ston pa po med pa zhes bya ba rig byed pa'i sgra dag la yod pa ma yin te/ ston pa po 'ga' zhig kyang khas mi len pa'i phyir ro/ /'dis kyang skyes bus byas pa dag la ji ltar rab tu grags pa'i don yod pa ni gang gi phyir lung mdzad pa po 'jig rten gyis shes par bya ba'i dgongs pa can gyis gsungs pa yin gyi dgongs pa med pas ni ma yin no//'jig rten gyis shes par bya ba'i dgongs pa can te/ 'jig rten kho bos go bar bya'o snyam pa de lta bu'i dgongs pa can gyis gsungs pa na/ don gang la 'jig rten gyi brdar byas pa'i sgra de rab tu grags pa rjes su skyong zhing bsrung bar mdzad do//de lta ma yin na de'i bstan pa 'bras bu med par 'gyur ro/ /'jig rten gyi brda'i rjes su skyong ba de las kyang de'i don rtogs par 'gyur te/ skyes bus byas pa'i lung gi don grub par 'gyur ro/ /kyang gi sgras ni sngar bshad pa'i yang dag pa'i man ngag kyang srid pa'i phyir ro//skyes bus ma byas pa'i sgra dag gis ji skad du bshad pa'i rnam pas don grub par 'gyur ba ma yin no/ /ci'i phyir zhe na/ rig byed pa'i sgra de la skyes bu 'ga' smra bar 'dod pa med pa'i phyir te/ tshig gi rgyu brjod par 'dod pa'i phyir ro/ /de ltar re zhig yang dag pa'i man ngag la sogs pa yod pas lung skyes bus byas pa thams cad kyi don yongs su shes pa yod pa'i phyir/thal bar 'gyur ba mtshungs pa yod pa ma yin no zhes bshad do/ /da ni rigs pa'i rjes su 'brangs nas lung gi mtshan nyid bzung nas gzhan yang zhes bya ba la sogs pa smos te/ rtog pa sngon du btang ba can gyi mkhas pa sangs rgyas pa rigs pa nyid de 'thad pa nyid rjes su skyong bar byed cing rjes su 'brangs nas dpyad pas khong du chud par bya ba dor ba la sogs pa la 'jug par 'gyur ro/ /dor bar bya ba rten dang bcas pa dor bar bya ba'i phyir dang / blang bar bya ba rten dang bcas pa blang bar bya ba'i phyir 'jug par 'gyur ro zhes bya ba'i don to//de la dor bar bya ba ni sdug bsngal lo/ /blang bar bya ba ni thar pa'o/ /de dag gi rten ni go rims bzhin du las dang nyon mongs pa dang de kho na nyid shes pa'o/ /de skad du sgra rnams ni don du ma can yin pa de bas na sangs rgyas pa dag gis rigs pa dang ldan pa'i skyes bu'i don la mkho ba nyid kyi don nges par byed cing gzhan gyis bstan pa tsam gyis ni de bas na skyon 'di med do zhes bstan par 'gyur ro//de nyid ni rab tu brjod pas ni ma yin no zhes bya ba smos te/ rgan rabs kyis rab tu brjod pa tsam gyis ni ma yin pa'i phyir thal bar mtshungs pa ma yin no/ /rigs pa rjes su skyong ba sngon du song ba can gyi lung la 'jug pa de yang skabs ji lta ba bzhin du phyis ston par 'gyur ro//mngon sum dang rjes su dpag pas rtogs par bya ba'i don ma yin pa shin tu lkog tu gyur pa yang lung las rtogs pa ma yin no/ /de la ji ltar na rigs pas rnam par dpyad nas don 'dzin pa de nyid la brgal ba'i phyir/'jig rten gyi zhes bya ba la sogs pa smos te/ 'jig rten gyi gnas pa la sogs pa zhes bya ba ni 'jig rten pa la sogs pa bkod pa la sogs te/ de la snod kyi 'jig rten gyi/ /gnas par 'dod pa'i 'og dag gi/ /rlung gi dkyil 'khor rngams su ni/ /sa ya drug 'bum grangs med do/ /zhes bya ba la sogs pa ji skad du bshad pa lta bu'o//sogs pa smos pa ni sbyin pa la sogs pa'i sems pa dag gi 'dod pa la sogs pa'i 'bras bu 'byin pa'o/ /yul dang rang bzhin la sogs pas bskal ba nyid kyi phyir rigs pa'i yul ma yin pa'i don la yang sangs rgyas pa khyed cag gis rtogs pa ma yin nam/ gang las she na skyes bu yid ches pa'i tshig las te/ gang gis mngon sum dang rjes su dpag pas rtogs par bya ba'i don la tshig mi slu ba can de'i tshig ni gnas gsum pa la yang bden pa'i don can nyid du nges pa yin no/ /de'i phyir skyes bu'i yid ches pa'i tshig las don rtogs par 'gyur ro/ /de ltar na rigs pa nyid rjes su spyod pa sngon du song ba can lung gi don la 'jug pa ma yin pa'i phyir thal bar 'gyur ba mtshungs pa nyid yin no snyam du sems so//ma yin te zhes bya ba la sogs pas lan 'debs par byed de/ shin tu lkog tu gyur pa'i don skyes bu'i tshig las rtogs pa ma yin no/ /ci'i phyir zhe na/ nges pa med pa'i phyir te/de'i yul can gyi tshad ma med pas nges pa med pa'i phyir ro/ /mngon sum dang rjes su dpag pas rtogs par bya ba'i don slu ba med pa'i phyir shin tu lkog tu gyur pa'i don la yang de bzhin du nges pa yin no zhes bya ba yang log pa yin te/ gang gi phyir blang bar bya ba dang / dor bar bya ba'i don la lar tshad mas mi slu bas 'khrul pa med par mthong ba'i phyir/des bstan pa gzhan rigs pa ma yin pa thams cad la yang de ltar 'gyur ba ste/ bden pa nyid du 'gyur ba ma yin no/ /ci'i phyir zhe na/ yul la lar skyes bu rnams mi slu bar mthong du zin kyang yul gzhan dag tu yang 'khrul pa mthong ba'i phyir ro//'dod par ni 'gyur na dbang po las 'das pa'i don dag la yang skyes bu'i phul du byung ba'i tshig gi 'jug pa ni de'i tshig 'jug pa nyid yin pa'i phyir/ mi slu ba can yin te/ tshad ma go bar bya ba'i yul la tshig 'jug pa bzhin no zhe na/ de'i phyir de'i 'jug pa zhes bya ba la sogs pa smos te/skyes bu phul du byung ba de'i tshig gi 'jug pa mi slu ba dang khyab pa ma grub pa'i phyir ro/ /gang dang gang yid ches pa'i tshig gi 'jug pa mi slu ba can gyi khyab pa yod pa ma yin te/ bzlog pa gnod pa can gyi tshad ma med pa'i phyir ro/ /de'i phyir de ni tshad ma dang ldan pa ma yin no/ / khyed cag kyang / mngon sum dang ni rjes su dpag pa dang / /rnam pa gnyis kyis gnod pa med pa'ang / /zhes bya ba la sogs pas phyogs gcig gis mi slu ba ni lung gi mtshan nyid du 'dod pa ma yin nam zhe na/ de'i phyir lung gi zhes bya ba la sogs pa smos te/ tshad mas rtogs par bya ba'i dngos po la rtag tu mi slu bas de de las 'das pa yang mi slu ba can gyi tshig yin no zhes bya ba'i lung gi mtshan nyid 'di ni skabs min pa nyid du 'dod do//lung las 'jug pa na de ltar 'jug pa rigs pa ma yin no zhes bya ba ji skad du bshad pa'i lung de las dbang po las 'das pa'i don nges pa ma yin te/ de ni tshad ma nyid ma yin pa'i phyir ro//de bas na zhes bya ba de'i phyir lung tshad ma ma yin no zhes sngar bshad zin to/ /de bas na 'di ltar skyes bus ma byas pa'i sgra dag gi don shes pa slob dpon gyi yang dag pa'i man ngag las ma yin te/ ston pa po med pa'i phyir ro/ /rigs pa las ma yin te shin tu lkog tu gyur pa'i don la tshad ma mi 'jug pa'i phyir ro//'jig rten gyi las kyang don rtogs pa ma yin te 'jig rten gyis shes par bya ba'i phyir sbyor ba med pas na/ 'jig rten gyis byas pa'i brda'i rjes su 'brang bar mi rung ba'i phyir rig byed pa'i sgra de la don rtogs pa med pa nyid rigs pa dang ldan pa yin no/ /rig byed pa'i sgra de la yang gal te 'jig rten tshig rab grags te/ji ltar me la sogs pa'i sgra sreg pa dang 'tshed pa la sogs pa'i nus pa'i 'jug pa zhes bya ba la sogs pa'i 'jig rten gyi tha snyad gang yin pa ste gal te 'jig rten gyi tshig rig byed kyi don rtogs pa'i rgyu yin no zhe na/ lan du de la zhes bya ba la sogs pa smos te/'dod chags la sogs pa dag dang ma rig pas zil gyis mnan pa'i 'jig rten de la sna tshogs don can sgra'i ste/ don gcig la so sor nges pa med pa'i phyir rig byed pa'i rtogs par 'gyur ba'i don gyi khyad par can dag gi'o/ /dbang po las 'das pa'i don mthong ba gang gis don 'di rnam par phye ba ste/ dbang po las 'das pa'i don 'di nyid yin gyi 'di ni ma yin no zhes rnam par dbye ba'o/ /dbang po las 'das pa'i don mthong gang ste/ skyes bu'o/ /rgyal dpog pa'am gzhan 'ga' zhig kyang bsam pa med pa sngon du song ba can gyi rig byed pa'i sgra dag ni don rnam par 'byed par 'gyur ro zhes bya ba gang yin pa de 'dra ba yod pa ma yin no zhes bya bar dgongs so//skyes bus zhes bya ba la sogs pas 'chad par byed de/ skyes bus ma byas shing byas pa ma yin pa'i sgra dang don 'brel pa la 'jig rten gyi tha snyad 'di 'gyur ba ni ma yin no/ /'o na ci yin zhe na/ bsam pa rjod par byed pa'i mtshan nyid can gyi brda las yin no/ / ci dang 'dra bar zhe na/ bstan bcos byed pa la sogs pa ba ni ni la sogs pa rang nyid kyi brda las te/ brdar byas pa las so/ /de'i brda'i rjes su 'brangs pa'i ngang tshul can pa ni ni'i slob ma la sogs pa 'phel ba dang yon tan gyi ming can la sogs pa'i tha snyad bzhin no/ /ci'i phyir zhe na/ bstan bcos la ltos pa nyid kyi phyir ro//gal te 'jig rten pa'i tha snyad kyang ngo bo nyid kyis grub par 'gyur ba de'i tshe gzhan gyis bstan pa la ltos pa med pa yin na ltos pa yang yin no/ /de'i phyir skyes bus ma byas pa'i sgra don dang 'brel pa las ni ma yin gyi 'on kyang brda las byung ba nyid las yin no/ /brdar byas pa'i sgra las byung ba'i tha snyad las kyang rig byed kyi don rtogs par rigs pa yang ma yin te/'di ltar 'jig rten pa'i bstan pa las rig byed kyi don rtogs par khas blangs par 'gyur na de yang rigs pa ma yin no/ /gang gi phyir skyes bus ma byas pa'i rig byed pa'i sgra dang don gyi 'brel pa gzhan gyis bstan pa rigs pa ma yin no//ci'i phyir zhe na/ rig byed kyi don de ni skyes bu 'ga' zhig gis kyang mi shes pa'i phyir ro/ /rig byed kyi don mi shes pa yang dbang po las 'das pa nyid kyi phyir ro/ /ci ste dbang bo'i gzung bar bya ba nyid du rig byed kyi don dbang pos gzung bar bya bar khas len pa de'i tshe rig byed kyi don dbang pos gzung bar bya ba nyid khas len na bstan pa med par bdag nyid rig byed kyi don thams cad rtogs par thal bar 'gyur ba'i phyir ro//dper na gzugs la sogs pa dag dbang pos gzung ba nyid yin pa'i phyir bstan pa med par rtogs par 'gyur ba de dang 'dra'o/ /ci ste de lta yin na yang rig byed kyi don nges par bya ba'i phyir skyes bus bstan pa la ltos par 'gyur ba de'i tshe rig byed kyi don nges par bya ba'i phyir/bstan pa la ltos pa yin na yang rig byed 'chad par byed pa po rang rgyud pa dag ces bya ba 'dod chags la sogs pas zil gyis mnan pas yang dag pa'i shes pa med pa'i phyir ji ltar 'dod pa bzhin du 'jug pa dag gi de kho na nyid ji lta ba bzhin du bstan pas mi slu ba mi 'grub pa'i phyir te/rig byed kyi don la yid brtan du med cing nges pa med do/ /mi shes pa'i ston pa na de kho na nyid ji lta ba bzhin du ston pa ma yin no// //tshad ma rnam 'grel gyi 'grel bshad/ bam po sum cu bdun pa/ gal te skyes bu rang gis 'dod pas ston par byed pa yin gyi/'on kyang rig byed dang 'dra bar rig byed rnam par bshad pa dang skyes bus ma byas pa thog ma med pa'i man ngag brgyud pa'i mtshan nyid can gyi yang dag pa'i man ngag rgyun ma chad pa las 'ongs pa ji skad du bshad pa de las rig byed kyi don grub pa yin no zhe na/ lan du de yang zhes bya ba la sogs pa smos te/rig byed rnam par 'chad pa de yang sgra'i bdag nyid can de sgra'i rang bzhin can yin na/ ji ltar na skyes bus ma byas pa'i rig byed rnam par 'chad pa 'di'i don rig pa yin zhes rig byed dang brgal zhing brtag pa mtshungs so/ /rig byed dang 'dra bar de'i rnam par bshad pa yang don ma nges pa can yin no//de bas na ji skad du rnam par bshad pa gang las rig byed kyi don nges pa yin no zhes dgongs so/ /re zhig skyes bus byas pa nyid kyi lung la skyon 'di yod pa ma yin te/ skyes bu de nyid kyis brdar byas shing tha snyad du byas pa'i sgra de nyid kyi don rwa las bzung bas zhes bya ba sgra 'di'i don 'di yin no zhes khyad par yongs su bzung bas kyang ngo //mi rtogs pa ste skyes bu mi shes pa rtogs par byed pa de ltar na skyes bus byas pa'i sgra dag gis don rtogs shing khong du chud thabs yod pa yin gyi skyes bus ma byas pa'i sgra rnams ni ma yin no/ /de ltar na skyes bus ma byas pa'i sgra rnams ni ji ltar don 'di nyid 'dod chags la sogs pa dang ldan pas gzung bar bya ba yin no zhes de ltar byed pa ma yin no//rgyal dpog pa'am gzhan 'dod chags la sogs pa dang ldan pa dang 'ga' zhig kyang dbang po las 'das pa'i don la lar skyes bus ma byas pa'i sgra 'di'i 'brel pa nges pa shes par mi nus pa'i phyir de'i don de rig byed kyi don rtogs pa nyid med do//gzhan yang rig byed dang de'i bshad pa skyes bus ma byas pa yin pa yang bla ste/ de lta na yang 'dod chags la sogs pa dang ldan pa'i skyes bus bstan par bya ba la bstan par 'gyur na yang / da ltar yang yang dag pa'i man ngag 'jig pa med pa can nyid rjes su 'jug go zhes bya ba 'di la yang nges par byed pa'i tshad ma cung zad kyang yod pa ma yin gyi 'on kyang mna' la sogs pa la brten par bya'o//ci'i phyir zhe na/ skyes bus lung 'jig par byed pa gang gis rnam pa gzhan du rtsom pa ste/ sngar brtsams pa las log par rtsom pa mthong ba'i phyir ro zhes bya bar sbyar ro//skyes bu'i rnam pa gzhan du rtsom pa'i rgyu yang ci yin zhe na/ bdag gis rlom pas zhes bya ba la sogs pa smos te/ bdag gis rlom pas zhes bya ba bdag tu nga rgyal ba nyid kyis ji ltar grangs can 'jig par byed pa can dregs pas grangs can gyi grub pa'i mtha' rnam pa gzhan du rtsom pa byas pa lta bu'o//de'i bstan pa la sdang bas rnam pa gzhan du rtsom pa mthong ba'i phyir te/ dper na theg pa chen po la rnam par sdang bas theg pa chen po'i gzugs brnyan gyi mdo rtsom pa lta bu'o/ /der zhugs pa smra dbab pa'i phyir zhes bya ba bstan pa der zhugs pa'i skyes bu gang yin pa de tshar bcad pa'i phyir rnam pa gzhan du rtsom pa srid do//der zhugs pa ji ltar sma dbab pa nyid yin zhe na/ g.yon can zil gyis mnan pa de ste gang gi phyir 'di sma dbab par bya'o zhes g.yon can spyang po 'di zil gyis mnan pas so/ /rgyu gzhan 'ga' zhig gis te rdzas rnyed pa la sogs pa dag gis kyang ngo //gzhan yang rig byed kyi don nges pa 'dir rig byed kyi smra ba khyod kyis rang gi tshig la rjes su chags pa'i rgyu'i phyir bdag nyid kyis khas blangs pa zhes bya ba bdag nyid kyis khas rjod par byed cing mdzes par byed pa de nges pa yin na/ gang gis na 'dod chags la sogs pas dri ma can du byas pa'i skyes bu dag las rig byed kyi don nges pa don du gnyer bar byed/de ltar na dpyod pa pa'i skyes bus byas pa'i tshig 'di tshad ma ma yin par khas blangs pa de 'dra ba ni 'dir skyes bu 'dod chags la sogs pa dag gis bslad cing rnam par 'phrul pa brdzun pa yang smra ba'i phyir skyes bu 'di'i tshig tshad ma ma yin no zhe'o//brdzun pa smra ba de nyid ni rig byed kyi don gyi yang dag pa'i man ngag khas len pa 'dir yang rgyal dpog pa la sogs pa dag gi phyogs su ltung ba'i blo dang bral bas rgyal dpog pa la sogs pa'i rig byed kyi don rnam par phye bar ji ltar ci yod dam med ces ci'i phyir dpyod par mi byed/de ltar 'dod chags la sogs pa dang ldan pa'i skyes bus gzhung nye bar sbyar nas brdzun smra bar 'gyur ro/ /de ltar na 'dod chags dang ldan pa'i skyes bu rgyal dpog pa la sogs pa de nyid rig byed dam rig byed kyi don ston pa na/ 'dod chags la sogs pas 'khrul pa'i rgyu'i phyir rnam pa gzhan du yang ston par 'gyur ro zhes bya ba log pa'i don gyi dogs pa ldog pa ma yin no//dogs pa'i rgyu gzhan bstan pa'i phyir/ skyes bu zhes bya ba la sogs pa smos te/ skyes bu rgyal dpog pa la sogs pa 'ga' zhig gi nub pa las byung ba ste/ nub par gyur pa las dran zhing dran pa las yang dag par brtsams pas byung ba'i rig byed kyi yal ga gzhan dag yod pa thos pa yin no//de bas na de dag gis yang dag pa'i man ngag rgyun chad pa'i yal ga gzhan te de kho na nyid ji lta ba bzhin du nye bar bkod pa zhes bya ba la yid ches pa ci yod da ltar yang rig byed kyi yal ga gzhan cung zad 'don par byed pa can 'ga' zhig kyang mthong ngo ste/nyung zhig 'don par byed pa pos sgro btags nas ston par byed pas ma yin no zhes bya ba la yid ches pa ci zhig yod/ ji ltar cung zad 'don par byed pa can dgyes par bya ba dang / rnam pa gzhan du srid pa can gyi yal ga gzhan mthong ba de bzhin du rgya cher 'don par byed pa can gzhan dag kyang mthong bar 'gyur ro//rgya cher 'don par byed pa de dag kyang dus 'ga' zhig gi tshe zhes bya ba 'das pa'i dus kyi tshe nub pa srid pa'i phyir te/ nyung zad 'don pa can yod pa srid pa'i phyir ro/ /de dag de'i tshe rgya cher 'don par byed pa can nyid ces nges par bya bar nus pa ma yin te/ tshad ma med pa'i phyir ro/ / 'o na da ltar ji ltar rgya cher 'don par byed pa can de dag yod pa yin zhe na/ de'i phyir yang zhes bya ba la sogs pa smos te/ dus gzhan du yang skyes bu yid ches pa nyid du srid pa'i phyir shes pa ste tshad mas so/ /de las gzhan pa'i skyes bu yid ches par srid pa ma yin pa 'don par byed pa las bzlog pa 'don par byed pa por 'dod pa rab tu mang po khas blangs pa ste/mang du khas blangs pa yod pa gang yin pa srid pa'i phyir nges pa med do/ /gzhan yang yal ga nyung zad du gyur pa dag rgya cher 'don par byed pa'i skyes bu gang yin pa de dag rgya chen por 'don par byed pa'i skyes bu de dag gi rnam pa gzhan du ston pa srid pa'i phyir ro//de ltar na nges pa ma yin no zhes bya bar dgongs so/ /rab tu 'don par byed pa po dag ci 'dra ba zhig ce na/ 'ga' zhig gi tshe 'don pa brjod pa ste 'don par byed pa gang dag gis 'don par yod pa las brjod pa'i 'don par byed pa yod pa de dag la de skad ces bya'o/ / dper na 'don pa brjed par gyur pa las rnam pa gzhan du yang rgyas par byed par 'gyur ro zhes bya ba'i don to/ /rgyu gang gis she na gzhan zhes bya ba la sogs pa smos te/ de la mngon par 'dod pa'i 'don par byed pa po gzhan dag gi 'don par byed pa de la che ba'i bdag nyid srid pa gang yin pa de nyams pa'i 'jigs pa ste/gal te bdag rnam pa gzhan du mi ston na/ de dag gis kho bo'i yid ches pa yod pa nyams par 'gyur ro zhes 'jigs pas so/ /sogs pa'i sgras ni sngar bshad pa'i bdag gis rlom pas zhes bya ba la sogs pa'i rgyus rnam pa gzhan du ston pa srid pa yin no/ /de dag gi rnam pa gzhan du rgyus par byed pa yin pa de lta na yang 'don par byed pas de ltar rtogs pa ma yin no zhe na/de zhes bya ba la sogs pa smos te/ srid pa de'i shes pa las kyang de las tha dad pa dag ste yid ches pa po'i rtsom pa po'o/ /skyes bu la mngon par dad pa dag kyang dpyod pa med par rig byed 'don par byed pa rtogs pa'i phyir ro//gzhan yang dag pa'i man ngag yod pa ma yin no/ /skyes bu tshad mar gyur pa nyid kyis 'jug pa nyid sgrub pa'i phyir 'don par byed pa po zhes bya ba la sogs pa smos te/ 'don par byed pa po mang po dag gi nang nas skyes bu yid ches par srid pa las 'jig rten mang po'i rtogs pa ma mthong ba'i phyir ro//yid ches pa las 'ga' zhig gis rtogs pa yod pa ni bla ste/ de lta na yang de 'dra ba'i skyes bu de nyid mi slu ba yin no zhe na/ de'i phyir de las kyang zhes bya ba la sogs pa smos te/ skyes bu yid ches par srid pa de las kyang rnam pa 'ga' zhig gis te/ srid pa nyams pa'i 'jigs pa la sogs pas 'khrul zhing slu ba srid pa'i phyir ro//gtan tshigs kyi don bstan pa'i phyir/ gzhan yang zhes bya ba la sogs pa smos te/ skyes bu yang de yin la 'chad par byed pa po yang yin pa zhes bya ba ni las 'dzin pa'o/ /nyung zad kyang yin la skyes bu 'chad par byed pa po yang yin pas na zhes bya ba yang las 'dzin pa nyid yin no//rig byed 'chad pa po'i skyes bu'i don rtogs pa de dag gi rgyud pa nyid rig byed kyi bshad pa 'di la dpyod pa pa khyed kyis kyang mnyan par bya ba yin no/ /de las te 'chad pa po nyung zad kyi nang nas rig byed pa 'di'i 'chad pa po rnam par sdang ba la sogs pa 'ga' zhig gang yang rung bar 'gyur ro//'ga' zhig rig byed kyi bstan pa la sdang ba de rnam pa gzhan du yang ston par 'gyur ro/ /de bzhin du mi shes pa dang spyang po 'ga' zhig kyang de bzhin du rig byed rnam par 'chad pa la yid brten par bya ba ma yin no/ /gang gi phyir de lta yin pa de bas na skyes bus ma byas pa'i rig byed kyi bshad pa las rig byed kyi don grub pa ma yin te/de'i bshad pa yang skyes bu tsam gyis shes pa'i don can nyid ma yin pa'i phyir ro/ /brda las byung ba ste brdar byas pa las byung pa'i 'jig rten gyi tha snyad las kyang rig byed kyi don grub pa ma yin te/ 'jig rten gyi 'dod chags la sogs pa'i rnam par 'tshe bas bslad pa nyid kyi phyir ro//rig byed kyi sgra ngo bo nyid kyis grub pa yin pas brda la ltos pa med pa yin pa ni sla ste/ 'di ltar brda las byung ba ma yin pa nyid du khas len par gyur pa na don sna tshogs can gyi sgra rnams kyi tha snyad mthong ba'i phyir ro/ /rig byed pa'i sgra thams cad yang de'i dogs pa mi ldog pa'i phyir ro zhes bya bar sbyar ro//don sna tshogs pa'i the tshom mi ldog pa'i phyir zhes bya ba'i don to/ /gal te 'jig rten pa dag gi don sna tshogs pa nyid yin gyi rig byed pa dag gi ni ma yin no/ /ma grub pa'i zhes bya ba la sogs pa la/ ma grub pa'i don can nam zhes bya ba sgra gang la ma grub pa'i don yod pa de ni ma grub pa'i don can gyi sgra'o//rig byed pa'i de 'ga' zhig gi de yang rgyal dpog pa'i la sogs pa gzhan gyis bshad pa rab tu bstan par bya ba yin no/ /de ltar na bshad pa mthong ba'i rgyus ci skyes bu rig byed pa'i don ji ltar gnas pa nyid ston par byed dam/ ci bzlog pa zhes bya ba'i dogs pa mi ldog pa'i phyir thams cad du don sna tshogs pa'i the tshom du 'gyur ro/ /rab tu ma grags pa zhes bya ba sgra gang las rab tu grags pa med pa de yang bshad pa mthong bas snga ma bzhin du de'i dogs pa mi ldog par thal bar 'gyur ba'i phyir ro/ /rig byed pa dag gis don gyi nges pa brjod par mi nus te/'di ltar 'jig rten pa dang rig byed pa'i sgra thams cad don ji lta ba bzhin du nges par sbyar ba na yang zhes bya ba ni/ zlos pa'i mi zad pa'i bsdu ba ste don gang dang gang la nges par sbyar zhing brdar byas pa de yod na yang rjes su mthun par don de dang de la brda ji lta ba bzhin du rtogs pa skyed pa'i phyir ro//gal te rig byed pa'i sgra mngon par 'dod pa'i don las gzhan du sbyar bas na/ don rtogs pa skyed par mi 'gyur ba de'i tshe don gcig pa can nyid du 'gyur na de yang yod pa ma yin te 'dod pa'i don la rnam pa gzhan du rtogs pa dang mi 'dod pa'i don la rnam pa gzhan du zhes bya ba yod pa ma yin no//gang gi phyir 'dod pa dang mi 'dod pa dag la nye ba dang bskal ba med pas shes pa skyed pa khyad par med pa'i phyir/ de bas na don thams cad la rig par byed pa'i sgra khyad par med pa dag ni gang gis don gcig yin khyad par ji lta bu dang ldan pa cig ce na/ lkog tu gyur pa dang 'brel ba can te/ gang la dbang po las 'das pa'i sgra dang lhan cig 'brel te ldan pa yod pa de la de skad ces pa'o/ /dbang po las 'das pa can dang 'brel ba can gyi zhes bya ba'i don to/ /lkog tu gyur pa mthong ba ma yin pa'i skyes bu tha mal pa la su zhig rnam par 'byed par 'gyur zhes bya ba tha dad par byed par 'gyur te/ 'ga' zhig kyang med cing gang gis 'jig rten gyi tha snyad las rtogs par 'gyur/gzhan yang dpyod pa pa bdag nyid kyang rig byed pa'i sgra thams cad la grags pa'i rjes su 'brang bar mi byed na/ gang gis ni 'jig rten gyi tshig grags pa las rig byed kyi tshig gi don rtogs par 'gyur/ ji ltar rjes su skyong bar byed pa ma yin zhe na/'di ltar rig byed kyi tshig 'di nyid kyis brjod par 'gyur ba na ste bshad par 'gyur ba na'o/ /grags min don brjod pa ste rab tu grags pa ma yin pa'i don brjod pa na'o/ /mtho ris dang lha mo la sogs sgra mthong ngo / /mtho ris kyi sgra dang lha mo'i sgra'o/ /sogs pa'i sgras ni dga' ba'i tshal la sogs pa'i sgra'o//de ltar na mi las phul du byung ba'i skyes bu'i khyad par gang yin pa de dag gi gnas te rten no/ /mi las 'das pa'i bde ba ni mi las khyad par du 'phags pa'o/ /mi las 'das pa'i bde ba de'i rten ni gzhi'o/ /gang la nye bar mkho ba ste longs spyod kyi dngos po yod pa de ni nye bar mkho ba rnam pa sna tshogs pa can te/mtho ris yin zhes 'jig rten brjod do/ /der gnas pa ste mtho ris na gnas pa'i lha'i bu mo la lha mo zhes 'jig rten na rab tu brjod do/ /'jig rten gyi rab tu brjod pa de la rten pa med par mi dag gi nang na khyad par du 'phags pa mtho ris yin no//lha mo ni gtsub shing ngam snod yin no zhes bya ba la sogs pas 'jig rten la rab tu grags pa'i don las don gzhan nyid la rnam par rtog par byed pa na'o/ /rgyal dpog pa la sogs pa 'di me la sbyin sreg ces bya ba la sogs pa'i sgra gzhan dag gi don nges pa la ji ltar rab tu grags pa tshad mar 'gyur te tshad mar mi 'gyur ro//me la sbyin sreg ces bya ba la sogs pa'i sgra dag rab tu grags pa ma yin pa nyid kyi don gyi rnam par rtog pa ci'i phyir mi byed ces bya ba'i tha tshig go/ /de la gal te me la sbyin sreg ces bya ba la sogs pa'i sgra dag la 'jig rten la rab tu grags pa'i don gyi rtog pa 'gal ba med pa'i phyir grags pa'i don nyid khas len gyi mtho ris dang lha mo la sogs pa'i sgra dag gis rab tu grags pa'i don khas len pa na tshad ma dang 'gal ba'i phyir grags pa ni khas mi len no snyam du gzhan dag sems so//ma yin te zhes bya ba la sogs pa ni grub pa'i mtha' smra ba yin te/ bstan ma thag pa 'di ni rigs pa ma yin te gang gi phyir mtho ris dang lha mo la sogs pa'i sgra dag 'jig rten la rab tu grags pa dbang po las 'das pa'i don yin par khas len pa 'di la yang tshad ma dang 'gal bar ma grub pa'i phyir ro//'di la mngon sum dang rjes su dpag pa'i gnod pa can gyi tshad ma yod pa ma yin no/ / gzhan dag la yang zhes bya ba me la sbyin sreg la sogs pa'i sgra dag la yang 'jig rten gyi rab tu grags pa'i don gyi rtog pa la 'gal ba med pa rtogs par dka' ba nyid kyi phyir te/ gnod pa can gyi tshad ma med par shes pa dka' ba nyid kyi phyir ro/ /de nyid sgrub par byed pa ni me la zhes bya ba la sogs pa smos te/ji ltar rab tu grags pa'i me la sbyin sreg las mtho ris thob pa 'gal du zin kyang blo dman pa'i phyir rgyal dpog pa la sogs pa 'dis shes par mi 'gyur yang 'ga' zhig gi tshe the tshom za bar 'gyur ro/ /gzhan yang 'gal ba dang 'gal ba med pa dag ni gzhan nyid ma yin no/ 'o na ci yin zhe na/gnod pa can dang sgrub par byed pa'i tshad ma 'jug pa ste/ ji skad du bshad pa'i mi dmigs pa zhes bya ba gnod pa can gyi tshad ma'i 'jug pa ni 'gal ba yin no/ /mngon sum dang rjes su dpag pa sgrub par byed pa'i tshad ma 'jug pa ni 'gal ba med pa yin no/ /'gal ba dang 'gal ba med pa'i rang bzhin can gnod pa can dang sgrub par byed pa'i tshad ma 'jug pa de dag kyang lkog tu gyur pa'i dbang po las 'das pa'i dngos po la mngon par 'dod pa ma yin te/yul la sogs pas bskal ba'i mtho ris la sogs pa dag la gnod pa can dang sgrub par byed pa'i tshad ma 'jug pa ma yin no/ /gang gi tshe de lta de bas na ji ltar na de'i dbang gis te 'gal ba dang mi 'gal ba'i dbang gis rig byed pa dag gi don rtogs pa yin te/gang la 'gal ba de la rab tu ma grags pa'i don gyi rtogs pa dang gang la mi 'gal ba de la rab tu grags pa'i don gyi rtogs pa yin no zhes bya ba'i rtogs pa ma yin no zhes bya ba'i don to//ci ste sgrub par byed pa'i tshad ma 'jug pa'i dbang po las 'das pa'i don la 'gal ba yod pa ma yin gyi/ lung gi ming can me la sbyin sreg la sogs pa'i tshig 'jig rten la rab tu grags pa'i don gyi rjod par byed pa nyid du 'jug pa 'gal ba med pa de'i phyir skyon 'di yod pa ma yin no zhe na/ de'i phyir tshig ces bya ba la sogs pa smos te/me la sbyin sreg la sogs pa'i tshig brjod par bya ba'i don la 'jug pa'i phyir 'gal ba med pa ma yin no/ /ci'i phyir zhe na/ mtho ris dang lha mo la sogs pa 'jig rten la rab tu grags pa'i don gzhan dag la yang mtho ris la sogs pa'i tshig 'jug pa'i phyir 'gal ba med par thal bar 'gyur ba'i phyir ro//de ltar na mtho ris dang lha mo la sogs pa'i sgra dag gnas dang lha'i bu mo'i khyad par la sogs pa dag la 'jug pa 'jig rten na mthong ngo / /de bas na khyad par med pa'i phyir gnyi ga la rab tu grags pa'i don yongs su gzung ba'am gcig la yang mi 'gyur ro//gzhan yang rig byed ces bya ba'i lung skyes bus ma byas pa yin la/ de yang don rang bdag nyid rab tu gsal bar byed pa ma yin pa'i phyir de bstan pa la ltos pa med par don mi rtogs kyi/ 'on kyang lung de ni 'jig rten gyi grags pa las don grub par khas len pa yin no/ / gang gi tshe de lta yin pa de'i tshe 'jig rten la rab tu grags pa kho na thams cad la nges par 'gyur na 'jig rten la rab tu grags par khas len pa de la yang 'gal bar dpyod pa byed pa na/ lung thams cad ni yid brtan du med par 'gyur te/ dbang po las 'das pa'i don la 'gal ba dang 'gal ba med pa dag ni nges par mi nus pa nyid kyi phyir ro//yid brtan du mi rung ba nyid sgrub pa'i phyir te yod du zin kyang zhes bya ba la sogs pa smos te/ skyes bus ma byas pa'i lung de yod du zin kyang mtho ris la sogs pa'i sgra dag ni 'jig rten la rab tu grags pa'i don yin la mtho ris la sogs pa'i 'jig rten la rab tu grags pa'i don de ni de bzhin du ma yin pa'i ngo bo yin pa'i phyir zhes bya ba de las bzlog pa rab tu grags pa ma yin pa nyid kyi rtogs pa yin pa'i phyir ro//phyin ci log gi rtog pa'i rgyu yang tshad ma mi 'jug pa zhes bya ba smos te/ mtho ris la sogs pa'i 'jig rten la rab tu grags pa'i don gyi rtogs pa la tshad ma mi 'jug go//de ltar na gzhan dag kyang me la sbyin sreg la sogs pa'i sgra ni ci 'di 'jig rten la rab tu grags pa'i don nyid dam/ ci mtho ris la sogs pa'i sgra dang 'dra bar gzhan nyid yin no zhes bya bar dogs par bya ba nyid yin pa'i phyir/ 'jig rten la rab tu grags pa'i don 'dzin pa 'di la yang tshad ma 'jug pa med do//mtho ris la zhes bya ba la sogs pa ni gzhan gyi yin te/ /me la sbyin sreg sbyin par bya'o zhes bya ba 'di la yang khyi'i sha bza' ba'i brjod pa smra ba de'i rnam par rtog par 'gyur ba ni gnas te zhes bya ba bshad pa gang yin pa'i skyon der mi 'gyur ro/ /ci'i phyir zhe na/ rig byed kyi yul gzhan du de ltar zhes bya ba 'byung ba'i khyad par la mar la sogs pa'i blugs pa zhes bya ba de ltar me la sbyin sreg la sogs pa'i ngag ni bshad cing bstan pa'i phyir ro//ma yin te zhes bya ba la sogs pa ni grub pa'i mtha' smra ba yin te/ lan 'di rung ba ma yin te/ yul gzhan gnas pa'i ngag de'i yongs su shes pa med pa'i phyir ro//de bas na yul gzhan dag tu ste bshad par gyur pa dag tu yang de lta bu'i don gyi rnam par rtog pa ni zhes bya ba ni khyi'i sha za ba zhes bya ba'i rtog pa ni bzlog pa med pa nyid kyi phyir ro/ /gal te zhes bya ba la sogs pa ni 'di nyid kyi gzhung 'dzugs par byed pa'o//gal te skyes bus ma byas pa'i rig byed kyi sgra'i phung po 'di phyogs gzhan dag la lar don rtogs pa can du gyur pa de'i tshe/ yul gzhan don rtogs pa de las don lhag ma rtogs par 'gyur ro/ /gang gi tshe rig byed kyi sgra de dag gi phal cher yongs su shes pa can nyid ma yin pas thams cad long ba nyid yin pa'i phyir skyes bus ji ltar 'dod pa bzhin du byed cing 'chad par byed do//gang gi phyir de lta yin pa de'i phyir/ de 'dra'i sgra gzhan dag la ni zhes bya ba me la sbyin sreg sbyin par bya'o zhes bya ba la sogs pa ngag dag gis bshad par gyur pa dag la de 'dra ba'i rnam rtog nyid du 'gyur ro//ci 'dra ba zhig ce na/ mtho ris 'dod pas zhes bya ba la sogs pa smos te/ mtho ris 'dod pas me la sbyin sreg sbyin par bya'o zhes bya ba'i ngag 'di rtog pas byas pa ci 'dra ba ste/ phyogs gzhan dag la yang khyi sha za ba'i rnam par rtog pa nyid du 'gyur ro zhes bya ba'i don to/ /gzhan yang grags pa dag kyang gzhan cung zad kyang ma yin no//'o na ci yin zhe na mi rnams kyi tshig yin no/ /khyod rab tu brjod pa ste tshad mar mi 'dod na ste/ skyes bu thams cad 'dod chags la sogs pas bsad pa nyid kyi phyir ro/ /'jig rten gyi tshig tshad ma ma yin pa nyid du sngar rnam par gzhag pa de las yang don rtogs pa zhes bya ba rig byed kyi ngag rtogs pa'o//cig car sdang 'dod des ni ci zhig bya ste/ dngos po gang tshad ma nyid du gyur pas sdang ba dang de nyid rtogs par byed pa'i rgyu nyid du yang 'dod cing mngon par 'dod pa zhes bya ba phan tshun 'gal ba yin no/ /skye bo'i zhes bya ba la sogs pas 'chad par byed de/skye bo'i rab tu brjod pa las gzhan du rab tu grags pa zhes bya ba gzhan ni med kyi 'on kyang skye bo'i rab tu brjod pa kho na rab tu grags pa yin no/ /skye bo'i de dag thams cad ji lta ba de lta bu can gyi tshig can du bsam par bya ba ma yin pa ste/ ji lta ba de lta bu can te phyin ci ma log pa nyid tshig gang la yod pa de ni ji lta ba de lta bu can gyi tshig go//ji lta ba de lta bu can tshig gang dag la ji lta ba de lta bu can gyi tshig yod pa zhes bya ba ni 'bru mang po pa'i snying po can gyi 'bru mang po pa'o/ /ci'i phyir zhe na/ 'dod chags la sogs pa dang ma rig pa dang ldan pa nyid kyi phyir te/'dod chags la sogs pas khyab pa nyid kyi phyir ro/ /de bas na zhes bya ba de'i phyir de dag gi rab tu brjod pa ni tshad ma ma yin no/ /skye bo mang po nyid kyis de'i tshig tshad ma ma yin no zhes bya ba yang log pa yin no/ /gang gi phyir skye bo mang po dag gi nang na skyes bu 'ga' zhig kyang yang dag pa'i 'jug pa med pa yin na 'jig rten phal cher don dang ldan par 'gyur ba ste dgos pa dang ldan par 'gyur ba ma yin no//ci dang 'dra bar zhe na/ par sig pa ma bag mar len pa'i spyod pa bzhin te/ ji ltar par sig pa phal cher ma la 'khrig pa spyod par byed na yang de la phal cher spyod pa'i phyir rigs pa nyid ma yin pa de bzhin du mang du zin kyang 'dod chags la sogs pa dang ldan pa dag gi tshig dbang po las 'das pa'i don la tshad ma nyid ma yin no zhes bya ba'i don to//de lta bu'i rnam pa can gyi skyes bu de dag nyid kyi tshig las kyang lkog tu gyur pa'i me la sbyin sreg la sogs pa'i sgras brjod par bya ba'i don rtogs pa de ltar na ji ltar na de bzhin du gcig la cig car sdang bar bya ba dang 'dod par bya ba yin par rigs/ci ste me la sbyin sreg la sogs pa'i sgra'i don gang 'jig rten la grags pa las rgal ba ste bor nas so/ /de las don gzhan khyi'i sha za ba la sogs pa'i rtog pa'i rgyu med pa nyid yin te/byed rgyu med pa nyid yin no/ /de bas na rab tu grags pa nyid gzung bar bya ba yin no zhe na/ de yang rigs pa ma yin te/ gang gi phyir rab grags tshad ma nyid min phyir/ /grags pa de 'dzin pa la rgyu zhig yod de cung zhig kyang yod pa ma yin no/ /grags pa yang 'dzin pa ma yin no/ /don no zhes bya ba'i don to//gal te zhes bya ba la sogs pas phyogs snga ma 'chad par byed de/ don dang phrad pa bzlog cing dor nas rab tu grags pa ma yin pa'i don gzhan la 'jug pa yon tan dang skyon mthong ba yod na rigs pa yin no/ /gal te don dang phrad pa na skyon mthong ba dang ma phrad pa na yon tan mthong bar 'gyur ba de'i tshe rab tu grags pa ma yin pa'i don gyi rtogs pa rigs kyi de lta ma yin na ma yin no zhes bya ba'i don to//me la sbyin sreg la sogs pa'i sgra dag ni rab tu grags pa'i don la skyon mthong ba de'am/ rab tu grags pa ma yin pa la yon tan mthong ba yod pa ma yin no/ / de bas na rab tu grags pa'i rjes su 'gro ba yin no zhe na/ ma yin te zhes bya ba la sogs pas 'gog par byed do/ /de yang phyogs phyi ma rnam par 'grel bar byed do/ /de ltar ni ma yin no/ /ci'i phyir zhe na/ phrad pa ni tshad ma 'jug pa'i mtshan nyid yin pa'i phyir te/ sgrub par byed pa'i tshad ma 'jug pa de ni phrad pa yin no//gal te 'di ltar 'di'i don de rigs pa thob par 'gyur ba de la tshad ma'i 'jug pas rab tu grags pa'i tshad mar gyur pa de'i tshe rab tu grags pa'i don de rigs pas thob pa yin par 'gyur ro/ /de bas na rab tu grags pa de dpyod pa pa'i tshad ma nyid ma yin pa de'i sgo nas te/ rab tu grags pa'i sgo nas me la sbyin sreg la sogs pa'i sgra'i brjod par bya ba'i don rtogs pa gang yin pa de gzung ba gang yin pa de cir yang mi rung ste tshad ma nyid ma yin pa'i phyir ro//ji ltar rnam pa 'ga' zhig gis gzung ba zhes bya ba'i don to/ /de bas na me la sbyin sreg la sogs pa'i sgra 'jig rten la rab tu grags pa'i don ni rigs pas thob par 'gyur ba ma yin te/tshad ma can nyid ma yin pa'i phyir de rigs pa las 'das pa'i kho bo cag gis me la sbyin sreg la sogs pa'i sgra dag gis 'jig rten la rab tu grags pa'i don thob pa 'gog par byed do/ /de bas na 'jig rten la rab tu grags pa'i don thob pa bkag pa'i rigs pa nyid kyi rgyu'i phyir/me la sbyin sreg la sogs pa'i sgra dag gi don 'dod pas brtag par bya ba yin no/ /de la me la sbyin sreg la sogs pa'i sgra'i don sreg par byed pa'i rdzas la sogs pa'i mtshan nyid can dpyod pa pa rang gis kun du brtags pa gang yin pa dang / gzhan gyis khyi sha za ba'i mtshan nyid kun du brtags pa gang yin pa de dag ni rang dang gzhan gyi rnam par rtog pa'o//rnam pa gnyi ga'i yang zhes bya ba gal te rab tu grags pa rjes su skyong ba'am 'on te rjes su mi skyong ba de lta na yang tshad ma med pa'i phyir 'dod pas yongs su bzung ba na 'jug pa mtshungs pa'i phyir rab tu grags pa'i rjes su byed pa ci zhig yod na/gang gis rab tu grags pa las don gyis rtog par byed/ gzhan yang grags pa nyid kyis sgra'i don gyi ste/ sgra thams cad kyi don 'di sna tshogs pa'i don can nyid du nges pa dogs pa skyed pa ni'o/ /ci'i phyir zhe na/ gang gi phyir rab tu grags pa de la me la sogs pa'i sgra rnams don sna tshogs 'jug pa can nyid mthong ngo //sgra rnams ni zhes bya ba la sogs pas 'chad par byed de/ rig byed kyi sgra rnams ni rab tu grags pa las don gcig tu nges pa ma yin no/ /rab tu grags pa de nyid las dogs pa skye ba'i phyir ro/ /de ltar 'jig rten la me la sogs pa'i sgra ni don sna tshogs pa can du snang ngo //don sna tshogs pa can du mthong ba de yang 'jig rten gyi brjod pa yin la 'jig rten gyi brjod pa yang grags pa yin no/ /'jig rten gyi brjod pa yin pa de nyid kyi phyir don sna tshogs can nyid yin pa'i phyir 'jig rten gyi brjod pa de las rig byed pa'i sgra rnams kyi don gyi nges par rigs pa ma yin no//don nges pa med pa can nyid bstan pa'i phyir/ nges byed ces bya ba la sogs pa smos te/ sna tshogs nus can sgra rang nyid de don sna tshogs bstan par rung ba'i sgra'i rang bzhin nyid do/ /rnam pa gzhan mi srid med phyir/ /mngon par 'dod pa las don gzhan la yang 'jug pa ni rnam pa gzhan no//don gzhan la 'jug pa de mi srid pa ni rnam pa gzhan mi srid pa'o/ /de med phyir te dgag pa gnyis kyis sgrub pa khas blangs pa'i phyir rnam pa gzhan du srid pa yang yod pa'i phyir ro/ /zhes bya ba'i ngag gi don to/ /de bas na dbang po las 'das pa'i don la 'jug pa can gyi rig byed pa'i sgra dag don du ma la 'jug pa can nyid du nges par dogs par bya ba yin no//gang dag gi zhe na/ skyes bu nges byed ma mthong ba dag gi ste yul so sor nges pa'i sgrub par byed pa'i tshad ma ma mthong ba'o/ /gang gi phyir de lta yin pa de bas na don gyi dbye ba rigs pa med pa can gyi rig byed pa'i sgra dag ste/gang la don gyi dbye ba rigs pa med pa zhes bya bar tshig rnam par sbyar ro/ /don gyi dbye ba rigs pa can gyi sgra de dag gi mngon par 'dod pa'i don gcig go/ /de lta bur gyur pa zhig ce na/ lkog tu gyur pa dang 'brel pa can te gang la lkog tu gyur pa dbang po las 'das pa dang 'brel pa ste sgra dang lhan cig ldan pa yod pa zhes bya bar tshig rnam par sbyar ro//dmigs pa ni tshad ma yin la de med pa'i phyir gang la dmigs pa med cing rten med pa'i sgro btags pa yod pa de la de skad ces bya'o/ /tshad ma med pa'i phyir 'dod rgyal du sgro btags pa zhes bya ba'i tha tshig go/ /de bas na de lta bur gyur pa'i don gcig nges par byas nas rgyal dpog pa 'chad par byed pa na/de'i zol gyis zhes bya ba rig byed de skad du smra'o zhes rig byed la 'phen pas bdag nyid kyis 'dod par smra ba'i phyir mu stegs byed bdag rang nyid kho na g.yo med par smra ba kho na yin no zhes bya ba gang yin pa'i mu stegs byed de las rgyal dpog pa 'di khyad par ma mthong ngo //khyad par med par bsgrub pa'i phyir de ltar na zhes bya ba la sogs pa smos te/ don yang yin la de yang yin pas na don de'o/ /de'i gsal bar byed pa ni tshig go/ /de'i bya ba ni nus pa'o/ /des stong pa ni bral ba'o/ /rig byed la bdag rang nyid don gsal bar byed pa'i nus pa med do//de lta bur gyur pa'i rig byed de der sgro 'dogs pas zhes bya ba don gsal bar byed pa'i bya bar sgro 'dogs par ro/ /rig byed kho na de skad du smra'o zhes brjod pa gang yin pa des rang gi tshig khyad par du byas pa med de de ni de'i rang gi tshig kho na yin zhes bya ba'i don to/ /de byed pa can te tshig gi bya bas stong pa'i rig byed don gsal bar byed par sgro 'dogs par byed pa can gyi rgyal dpog pas so//gdul bya nyid log pa 'ba' zhig bdag nyid gsal bar byed par 'gyur te/ lam drang po spangs skye bo'i tshogs slu ba'i phyir lam log pa la brten pas gdul dka' ba nyid du bdag nyid gsal bar byed par 'gyur gyi skyes bus byas pa'i tshig las 'di la khyad par yod pa ma yin no//de nyid gsal bar bya ba'i phyir de ltar zhes bya ba la sogs pa smos te/ 'di ltar grong khyer pa Ta la pu tra'i lam gang nas 'gro zhes dris pa na skyes bu 'ga' zhig gis bdag rang gis ni mi shes kyi 'on kyang lam ni 'di yin zhes sdong dum 'di ni smra 'gyur zhes de skad du gcig cig lam ston pa'i nus pas ston pa'i sdong dum gyi thol gyis lam ston par byed do//gzhan ni sdong dum la smra ba'i nus pa med kyi bdag nyid de rang nyid kyis shes par byas nas lam 'di yin no zhes smra ba de ltar na/ gal te de skad du brjod pa'i rang gi tshig la khyad par yod na de dag bye brag brtag par bya'o//gang gi phyir yod pa ma yin no/ /bsam pa dang zhes bya ba la sogs pas 'chad par byed do/ /bsam pa ni 'di dang 'di bya'o zhes sems pa'o/ /de sngon du song ba can gyi 'bad rtsol ni bya ba'o/ /gang la bsams pa dang bya ba dang tshig de dag med pa de la de skad ces bya'o//de lta bur gyur pa'i sdong dum de la lam ston par byed pa nyid du sgro btags nas skyes bu cig ston par byed pa'o/ /gzhan sdong dum la ltos pa med par rang rgyud pa lam ston par byed pa zhes sbyar ro/ /skyes bu gnyis po de dag gi rang gi tshig khas blangs pa bye brag cung zad kyang med do//sdong dum gyi sgo nas smra ba gang yin pa de'i yang bdag nyid kyi tshig dang g.yo med par smra ba gang yin pa de'i yang rang gi tshig nyid khas len pa na yin pa de ltar na khyad par yod pa ma yin no/ /blun po rtogs pa dman pa las gzhan du zhes bya ba blun po ni nyan pa po rtogs pa dman pa nyid khyad par du byed de/ gang gi phyir bsam pa la sogs pas stong pa'i sdong dum la sdong dum de skad du smra'o zhes tshig khong du chud par byed do/ /de bzhin du rgyal dpog pa'i rig byed kyi zol gyi sgo nas rang gi 'dod pa smra ba blun po rtogs pa dman pa'i phyir rig byed smra ba kho na yin no zhes khong du chud par 'gyur ro/ /gzhan yang rig byed pa'i sgra la don gcig tu so sor nges pa yin na ni don gcig la so sor nges pa de dag rgyal dpog pas shes par 'gyur ro//gang gi tshe rig byed pa'i sgra don thams cad la rjod par byed pa de nyid du rung ba'i don gcig gis gsal bar byed la nges pa gang las yin te med pa nyid do/ /sgra ni dngos su ste don dam par don 'ga' zhig gi de'i rang bzhin ngo bo nyid kyis grub pa'i nges pa yod pa ma yin no//ci'i phyir zhe na/ sgra ni brjod par bya ba'i don thams cad la rung ba nyid kyi phyir ro/ /ci ste sgra ni thams cad la rung ba nyid ma yin na yang de las 'phos pa med pa'i phyir te/ sgra rtag par rung ba nyid ma yin pa'i rang bzhin las 'phos pa med pa'i rgyu'i phyir ro//dbang du ma byas shing dbang sgyur ba ma yin pa ni don la lar nye bar sbyor ba ste/ rjod par byed pa nyid du nges par sbyar ba yang gsal ba ste/ da ltar sgra 'di ni 'di'i rjod par byed pa ma yin no zhes bya ba gang yin pa de mi srid pa'i phyir ro/ /ji ltar 'dod pa bzhin du nye bar sbyor ba'am bsam par mi 'gyur na/'gyur ba de bas na sgra'i thams cad la rung ba de lta na/ don gcig gsal bar byed pa ma yin no/ /rig byed pa dag gi don gcig la nges pa yin pa ni bla ste/ de brjod 'dod nges pa ma gtogs pa ste/ bshad pa po'i bsam pa brjod pa ma gtogs par skyes bu gang gis dbang po las 'das zhes brjod par 'dod pa zhes bya ba la sogs pas 'chad par byed do//skyes bu brjod par 'dod pa 'ga' zhig gis skyes bus byas pa ste/ brjod pa'i sgra'i don rig pa can yod na'o/ /skyes bu des brjod par 'dod pa ste nyan pa po 'ga' zhig la ngas brjod par bya ba nyid du brjod par 'dod pa 'di shes par byed par 'gyur ba'i yang phyir brjod par 'dod pa sngon du song ba can gyi don nges pa yang rtogs par 'gyur ro//sgra skyes bus ma byas pa 'ga' zhig gi brjod par 'dod pa sngon du song ba'i rab tu sbyar ba ma byas pa yod pa na yang don nges pa ji ltar rnam par shes par 'gyur te/ rnam pa 'ga' zhig gis kyang ma yin no//ci'i phyir zhe na/ rang bzhin tha dad pa med pa'i phyir ro/ /rig byed pa'i sgra la rang bzhin tha dad pa cung zad kyang yod pa ma yin no/ /gang mngon par 'dod pa'i don gcig la nges pa yin no/ /gang mthong ba las 'dod pa'i don rtogs par 'gyur ro/ /rang bzhin tha dad pa yod na yang rang bzhin tha dad pa de mngon sum ma ma mngon sum ma yin par 'gyur grang na re zhig mngon sum ni ma yin no//ci'i phyir zhe na/ mngon sum gyi rang bzhin bstan pa la ltos pa med pa bdag nyid kyis rtogs par thal bar 'gyur ba'i phyir ro/ /ci ste mngon sum ma yin no zhe na/ mngon sum nyid ma yin na yang tshad ma gzhan med pas tshu rol mthong ba 'ga' zhig gis kyang shes par mi nus pa nyid kyi phyir ro//de skad khas blangs nas bshad pa yin no/ /don gcig la so sor nges pa gang yin pa'i khyad par cung zhig kyang yod pa ma yin te/ sgra thams cad ni don thams cad dang nye ba dang bskal pa dang bral ba ste/sgra 'ga' zhig don 'ga' zhig la nye ba dang bskal pa med pa yin no/ /gang gi phyir de lta yin pa de'i phyir don thams cad la ngo bo nyid mtshungs pa'i sgra de dag ni don nges pa'i brjod 'dod rgyu yin zhing ste/ 'chad pa po brjod par 'dod pa'o/ /brda ni de'i gsal byed yin zhes bya ba brjod par 'dod pa de'i gsal bar byed pa ni brda yin no//de ltar na don 'dis brjod par 'dod pa zhes bya ba brda kho na las rtogs par 'gyur ro/ /brjod par 'dod pa des ni skyes min te skyes bus ma byas pa'i sgra la med pa'i phyir skyes bus ma byas pa de ji skad du bshad pa'i don gcig can de las yin te ma yin no//brjod par 'dod pa zhes bya ba la sogs pas 'chad par byed de/ brjod par 'dod pa rgyur gyur pas sgra ni don dag las don 'di'i rjod par byed pa 'di yin no zhes bya ba'i nges par bya ba nyid yin gyi ngo bo nyid kyis ni ma yin no/ /ci'i phyir zhe na/ de ni dngos po 'ga' zhig la rag lus pa med pa ste/ 'brel pa med par don thams cad la mtshungs pa nyid kyi phyir ro//gang la sgra'i rag las pa gnas dang byed pa dag gi yin te/ de la sgra rnams skye ba'i phyir ram rtag par smra ba'i gzhung gis mngon par gsal ba'i phyir ro/ /byed pa de dag gi yang sgra rnams kyi rjod par byed pa'i nges pa med pa'i phyir sgra thams cad byed pa rnams kyi rjod par byed pa ma yin no//cig shos ltar na bum pa la sogs pa thams cad kyis kyang byed pa rnam par rjod par byed par thal bar 'gyur ba'i phyir ro/ /byed pa rjod par byed pa can gang yin pa des byed pa dag ston par 'gyur na yang snyam pas thams cad smos pa yin no/ /gang gi phyir de lta yin pa de bas na brjod par 'dod pa gsal par bya ba'i phyir brdar byas pa yin no//ci 'dra ba zhig ce na/ bsam pa ston par byed pa'i mtshan nyid can te/ 'chad pa po'i bsam pa ston par byed pa'i mtshan nyid ston par byed do/ /skyes bus ma byas pa'i sgra la ni brjod par 'dod pa nges par byed pa med cing brda yang de'i gsal bar byed pa ma yin no//ci'i phyir zhe na/ skyes bus ma byas pa de la skyes bu 'ga' zhig gis yang bsam pa med pa'i phyir ro/ /rig byed pa'i sgra rnams ni don gcig la nges pa med do/ /khas blangs nas kyang don gcig la nges pa yin du zin kyang de shes pa med pa ste/ don gcig la so sor nges pa'i shes pa 'ga' zhig la yang med par bstan to//'on te rig byed pa'i sgra rnams ngo bo nyid kyis nges pa yin zhing de dag gi brjod par 'dod pa nges par byed pa ma yin no zhes 'dod pa de'i tshe rig byed kyi sgra rang bzhin gyis ni nges pa yin na ste/ 'dod na'o/ /don gzhan la des kyang mi rung ste brjod par 'dod pa'i sgra nges par sbyor ba mi rung ngo //gal te zhes bya ba la sogs pas 'chad par byed de/ gal te brda la ltos pa med par sgra ngo bo nyid kyis don dag la 'dres pa ste ldan par 'gyur ro zhe na/ 'dir lan ni dngos po 'ga' zhig la yang rag lus pa med pa'i phyir nges pa yod pa ma yin no zhes bshad zin to/ / gzhan yang ngo bo nyid kyis te rang bzhin gyis grub pa'i brjod par bya ba dang rjod par byed pa'i ngo bo nyid yin pas khas len na ni brjod par 'dod pas kyang ji ltar 'dod pa bzhin du sgra don gzhan la nges par sbyar du mi rung ngo / /gzugs gsal bar byed pa la mig ngo bo nyid kyis nges pa yin sgra mnyan pa la nges par sbyar bar mi nus so//ji ltar 'dod pa bzhin du sbyor ba de bas na lag pa'i brda la sogs pa bzhin du ngo bo nyid kyis nges pa ma yin no/ /de ltar re zhig brda khas blangs nas ngo bo nyid kyis nges pa yin na ni gzhan dag la ji ltar 'dod pa bzhin du brdar mi 'gyur ro zhes bstan nas da ni brda mi rigs so/ /brda yang zhes bya ba la sogs pa smos te/brda ste sgra'o/ /don med pa can nyid 'gyur te 'bras bu med par 'gyur ro/ /gang gi phyir rang bzhin tha dad pa ste rang bzhin gyi khyad par dbang po las rtogs par bya ba ni rang nyid rtogs pa'i phyir spyir btang ba la ltos pa med pa yin no/ /spyir btang ba zhes bya ba ni brdar byas pa'o/ / sogs pa'i sgras ni brda dran pa la sogs pa gzung ngo / /ci dang 'dra bar zhe na/ sngon po la sogs pa'i khyad par bzhin te/ dper na sngon po la sogs pa'i khyad par te sngon po la sogs pa'i bye brag ni rang nyid rtogs par bya ba'i phyir brda la sogs pa la ltos pa ma yin pa lta bu'o/ /de la ltos pa'i rtogs pa can gang yin pa de dag ni dngos po'i rang bzhin ma yin zhing /don dam par ngo bo nyid kyis grub pa'i khyad par ni ma yin no/ /'o na ci yin zhe na/ brdar byas pa ste brda las byung ba yin no/ /ci dang 'dra bar zhe na/ rgyal po'i rtags la sogs pa bzhin te/ dper na rgyal po rang nyid shes par bya ba'i phyir/rgyal mtshan la sogs pa'i brdar byas pa'i rtags kyi khyad par lta bu'o/ /sogs pa'i sgras ni lag pa'i brda la sogs pa gzung ngo / /brdar byas pa gang yin pa de ni ngo bo nyid kyis nges pa ste/ ngo bo nyid kyis grub pas rigs pa ma yin no/ /ci'i phyir zhe na/ brdar byas pa de ni skyes bu'i 'dod pas 'jug pa'i phyir ro//gal te rig byed pa'i sgra don la ngo bo nyid kyi rang bzhin gyi bye brag gis nges pa yin la de ni brda gsal ba'i yin no zhe na/ de nyid kyi phyir zhes bya ba la sogs pa smos te/ gang gi phyir brda ni 'dod pas 'jug pa yin pa'i rgyu de nyid kyi phyir/ brda de las rig byed kyi sgra rnams don gcig la so sor nges pa'i rang bzhin gyi khyad par gyi gsal ba'i nges pa yang gang las yin te med do//de nyid rnam par 'chad pa la rang gi 'dod pas 'jug pa'i brda de ni mngon par 'dod pa'i don 'di nyid la bya bar nus kyi gzhan la ma yin no zhes bya ba'i don yod pa ma yin no/ /de bas na brda skyes bu dag gis rang nyid kyi 'dod pas byas pa yin pas na don gcig la nges pa'i rang bzhin de nyid gsal bar byed kyi gzhan ni ma yin no zhes pa yod pa ma yin no// //tshad ma rnam 'grel gyi 'grel bshad/ /bam po bzhi bcu pa/ 'di ltar brda gang las 'dod pas rang rgyud pa/ 'dod pas nges pa de la nges pa zhes bya ba gang de nges pa nyid yod pa ma yin no zhes bya ba'i don to//nges pa nyid med pa'i rgyu des na brda ni 'di rung nyid de sgra 'di'o/ /mngon par 'dod pa'i yul can nyid kyis/ 'dod pa nyid ni gsal mi 'gyur/ /zhes bya ba ni bar skabs kyi tshigs su bcad pa'o/ /de bas na de ltar skyes bus ma byas pa ni lung gi mtshan nyid ma yin no zhes bstan to//da ni phyogs gcig las mi slu ba'i lung gi mtshan nyid sun dbyung bar bya ba'i phyir re zhig phyogs snga ma gang phyir zhes bya ba la sogs pa smos te/ lo'i sgra ni gsal ba med pa ston pa'o/ /gang phyir rig byed phyogs gcig phyir/ /zhes bya ba ni gtan tshigs so/ /gzhan yang de 'dra ba yin te/me la sbyin sreg sbyin par bya'o zhes bya ba la sogs pa'i ngag gzhan de 'dra ba ste/ phyin ci ma log pa de ni sgrub par byed pa'i 'bras bu'o/ /dper na/ me ni grang zlog ngag bden bzhin/ /zhes bya ba grang bzlog pa ste grang ba sel bar byed pa'o/ /des ni me ni kha ba'i gnyen po yin no zhes bya ba'i ngag de dpe nyid du bstan to//de skad du dpyod pa pa gzhan dag de skad du zer ba ste brjod do lo'o/ /gzhan dag ni zhes bya ba la sogs pas 'chad par byed de/ dpyod pa gzhan dag ni skyes bus ma byas pa'i lung gi mtshan nyid ji skad du bshad pa'i skyon sun dbyung ba nyid kyis yongs su btang bas rnam pa gzhan du rig byed tshad mar sgrub par 'dod pa gang la zhes bya ba la sogs pa smras te/gang la rtog pa med pa zhes bya ba rig byed kyi ngag gang dag phyin ci ma log pa sangs rgyas pas rtog pa med pa'i ngag de ni phyin ci ma log pa yin no zhes bya ba 'dis khyad par phyogs su byas pa'i phyir dang / rig byed kyi phyogs gcig nyid yin pa'i phyir zhes bya ba spyi gtan tshigs nyid du gzung ba'i phyir zhes dam bcas pa'i phyogs gcig gtan tshigs su 'gyur ba med do zhes smra'o//rig byed kyi phyogs gcig yin no zhes bya bas ni gtan tshigs smras pa'o/ /dper na me ni tsha ba ste grang ba'i gnyen po yin no zhes bya ba la sogs pa'i ngag 'dis ni dpe bstan to//sogs pa'i sgras ni zla ba bcu gnyis ni lo yin no zhes bya ba la sogs pa'i ngag yongs su gzung ngo / /lan ni de'i ni zhes bya ba la sogs pa smos te/ rgol ba de'i ni sgrub par byed pa 'di ni lhag ldan zhes bya bar ro/ /ci'i phyir zhe na/ 'khrul pa nyid yin pa'i phyir ro/ /ci dang 'dra bar zhe na/ro 'dra zhes bya ba la sogs pa smos te/ 'bras bu myang ba ma byas su zin kyang ste ro 'dra ste/ myangs pa dang mtshungs so zhes bya ba'i don to/ /myangs pa de nyid dang ngo bo mtshungs pa nyid phyir zhes pa gtan tshigs so/ /'bras tshos pa mthong du zin kyang snod gcig tu chud pa'i phyir 'bras tshos pa mthong ba dang 'dra ba de ltar na snod gcig la yang tshos pa bzhin no//ji ltar rjes su dpag pa gnyis po de dag lhag ma dang ldan pa yin pa de bzhin du dpyod pa pas smras pa dag kyang yin no/ /ngo bo mtshungs pa nyid kyis ro mtshungs pa dang snod gcig gi nang du chud pas 'bras thams cad tshos par bsam par bya'o zhes bya ba 'di la nges pa ci zhig yod/de bzhin du rig byed kyi ngag cung zad yod pa bden pa'i don can nyid yin pa'i phyir rig byed kyi ngag thams cad de bzhin du 'gyur ro zhes bya ba gang yin pa 'di la 'khrul pa med pa ci zhig yod/ slob dpon phyogs kyi glang po rigs pa shes pa de 'dra ste/rjes su dpag pa lhag ma dang ldan pa tshad ma kun las btus pa las spangs pa yin no/ /slob dpon zhes bya ba la sogs pas 'chad par byed de/ slob dpon bdag nyid kyis lhag ma dang ldan pa'i rjes su dpag pa sgrub par byed pa ma yin par gsungs so zhes bya ba 'chad par 'gyur ba dang sbyar ro//gang du gsungs she na/ rigs pa pa'i zhes bya ba la sogs pa smos te/ tshad ma kun las btus pa las rigs pa pa dag gis rjes su dpag pa lhag ma dang ldan pa gang yin pa de ni 'khrul pa bstan pa na'o/ /ci dang 'dra bar zhe na/ dper na zhes bya ba la sogs pa smos te/ dper na ngo bo mtshungs pa can nyid rgyur gyur pas 'bras bu rnams ma myangs su zin kyang 'bras bu myangs pa dang ro mtshungs pa sgrub pa bzhin no/ /snod gcig gi nang du chud pa'i phyir zhes bya ba'i gtan tshigs kyis mthong ba dang 'dra ba ste/ 'bras la sogs pa yongs su tshos pa dang mthong ba dang 'dra bar zhes bya ba'i dpes 'bras ma tshos pa tshos pa sgrub pa bzhin no//de sgrub par byed pa nyid ma yin pa'i rigs pa yang zhes bya ba rjes su dpag pa lhag ma dang ldan pa de ni sgrub par byed pa nyid ma yin pa'i rigs pa yang / /gang zhig ma mthong ba tsam gyis/ /ldog pa rab tu ston byed pa/ /zhes bya ba la sogs pas sngar bshad zin to//yid ches tshig ni mi slu ba/ /spyi dang rjes su dpag pa yin/ /zhes bya ba la sogs pas slob dpon phyogs kyi glang bos kyang lung gi mtshan nyid phyogs gcig la mi slu ba nyid yin nam zhe na/ lung gi mtshan nyid ni zhes bya ba la sogs pas smos te/ lung gi mtshan nyid phyogs gcig la mi bslu pa'i ngo bo can 'di ni kho bo cag gis skyes bu 'di ni lung gi tshad ma la brten par mi nus so zhes bya ba'i bar skabs der bshad zin to//lung gi mtshan nyid phyogs gcig la mi bslu ba la sogs pa de ni shin tu grags pa'i yul gcig yod pa pa tsam gyi rten can ma yin gyi 'on kyang lung gi mtshan nyid de ni tshu rol mthong ba'i tshad mas yul ma lus pa yongs su gcod par nus pa ma yin pa gang yin pa de ni dpyod par nus pa yin te/gang la dpyod par nus pa yod pa zhes bya bar tshig rnam par sbyar ro/ /bdag nyid ji lta ba bzhin du tshad mas grub pa dang dpag pa rnam par dag pa yin na zhes bya ba bstan bcos la mngon sum gyi yul nyid du mngon par 'dod pa dag gi mngon sum nyid yin te/dper na sangs rgyas pa'i grub pa'i mtha' la blo la sogs pa lta bu'o/ /lung la ma ltos pa'i rjes su dpag pa'i yul du mngon par 'dod pa dag la dngos po'i stobs kyis zhugs pa'i rjes su dpag pa'i yul nyid yin te/ dper na sdug bsngal gyi bden pa la sogs pa lta bu'o//lung la ma ltos pa'i rjes su dpag pa'i yul du mngon par 'dod pa dag kyang de lta bu'i ngo bo yin no/ /yul rnam pa gsum ni bdag nyid ji lta ba bzhin du tshad mas yod pa grub pa yin no/ /mngon sum la sogs pa'i tshad ma'i yul du mngon par 'dod pa ma yin pa dag ni mngon sum nyid la sogs pa ma yin te/bdag nyid ji lta ba bzhin du tshad mas dgag pa grub pa yin no/ /de ltar na grub pa dang dgag pa rnam par dag pa yin na/ lhag ma shin tu lkog tu gyur pa'i don dag la sgra rnams med na mi 'byung ba nyid med na ste 'brel pa med du zin kyang go skabs med par skyes bus the tshom za ba'i 'jug pa rigs pa yin no//de la zhes bya ba la ni dpyod pa nus pa can dngos po thams cad la mthong ba 'khrul pa med pa can gyi lung la'o/ /ci'i phyir zhe na/ de ltar gyur pa'i lung de la 'ga' zhig gi tshe mi slu ba srid pa'i phyir ro/ /gzhan du zhes bya ba lung gang la ji skad du bshad pa'i lung rnam par dag pa med pa de la 'jug pa mi rigs so zhes bya ba'i don to//kho bo cag gis dpyod par nus pa can gyi yul nyid la lung ni skyes bu gang gis tshad mas mthong ba dang 'gal zhing gnod pas tshad mas mthong ba dang 'gal ba can gyi 'jug pa ni rigs pa ma yin no zhes lung gi mtshan nyid bshad do/ / skyes bu tha mal pa'i yul me ste skyes bu tha mal pa'i yul gyi me gang yin pa de ni grang ba 'joms par nus pa gang yin pa de rjod par byed pa ste/ me ni kha ba'i gnyen po yin no zhes bya ba rig byed kyi phyogs gcig tu gyur pa'i ngag bden pa'i don can de dpe bstan nas/ rig byed kyi mtshan nyid can gyi bstan bcos thams cad bden pa'i don can zhes smra'o//bstan bcos ji lta bu zhig ce na/ yongs su gcod par nus pa can yin na yang ste/ yul tshad mas rtogs par bya ba yin na tshad ma dang 'gal ba'i phyir/ ches rigs pa yang tshad ma dang ldan pa yang ma yin pa dpyod pa pa sogs pa gang yin pa des de lta bur gyur pa'i bstan bcos bden pa'i don can khas len pa 'di'i dpyod pa pa la sogs pa de/g.yem ma mur cor gyis rgyal bzhin/ /zhes bya bar sbyar ro/ /ches rigs pa dang ldan pa ma yin pa zhes bshad pa de bstan par bya ba'i phyir/ skyes bu zhes bya ba la sogs pa smos te/ rjod byed pa zhes bya ba'i tshig de ni thams cad la sbyar bar bya'o//skyes bu rtag par byed pa yod pa yin no zhes bya ba de ltar na/ skyes bu rtag par byed pa po dang ste rjod par byed pa'i bstan bcos so/ /de bzhin du dngos po rnams rtag par rjod par byed pa po'i'o/ /dbang bo las 'das pa ste/ mngon sum ma yin pa'o/ /dbang po las gzung bya ste mngon sum du rjod par byed pa'i'o//de bzhin du dngos po rnams kyi rgyu 'gal ba med pa ste rigs pa dang mi ldan par rjod par byed pa dang / de bzhin du dngos po rnams kyi gnas pa 'gal ba rjod par byed pa dang / dngos po rnams kyi ldog pa 'gal ba rjod par byed pa'i'o/ /de dag kyang 'grel ba las gsal bar 'gyur ro//ji skad du bshad pa las spyod yul rnam par gsal ba'i dngos po gzhan dag go/ /gang la spyod yul te go skabs bsal zhing spangs pa de la de skad ces bya'o/ /spyod yul gang gis rnam par bsal ba yin zhe na/ tshad ma gnyis kyis zhes bya ba smos te/ mngon sum dang rjes su dpag pa dag gis bsal ba yod srid pa can zhes bya ba'i don to//dngos po de lta bur gyur pa de rjod par byed pa'i'o/ /de bzhin du lung la ltos pa'i rjes dpag dang / 'gal ba dag ni rjod byed pa'i'o/ /de bas na rgol ba 'di ltar don rigs pa ma yin pa du ma rjod par byed pa'i bstan bcos bden pa'i don can khas len pa g.yem ma mu cor gyis rgyal bzhin no//ci zhig ma byas par khas len pa yin zhe na/ des ni zhes bya ba la sogs pa smos te/ dngos po dpyad par nus pa can la bstan bcos kyis 'gal ba ma bsal ba ste lan ma btab par ro/ /skyes bu bstan bcos la 'jug pa'i rgyu mtshan/ 'brel pa dang ni rjes su mthun/ /skyes bu'i don ni rjod byed pa'i/ /mtshan nyid can gyi bstan bcos kyi don de ma bstan par khas len pa'o/ /skyes bu zhes bya ba la sogs pas 'chad par byed de/ ngo bo snga ma 'pho ba med pa dang ngo bo phyi ma len pa med pa gang la yod pa zhes bya bar tshig rnam par sbyar ro/ / 'dis ni sgra'i don rtogs pa'i don rnam par 'grel pa'o/ /skyes bu de 'dra ba'i go rims bzhin du legs par byas pa dang / nyes par byas pa'i las rnams kyi byed pa po dang skyes bu de 'dra ba de nyid las kyi 'bras bu rnams longs spyod pa po yin no/ /rnam pa gang gis byed pa po dang longs spyod pa yin zhe na/'phrod pa 'du ba can gyi rgyu nyid dang / byin gyis brlabs pa'i ngo bos so/ /sogs pa'i sgras ni sbyor ba'i ngo bos so/ /de la sems las byung ba bsod nams dang bsod nams ma yin pa de'i 'phrod pa 'du ba can gyi rgyu nyid kyis byed pa po yin te/ blo bdag la 'du ba dang ldan pa nyid kyi phyir ro/ / lus dang ngag gi las byin gyis brlabs pa'i ngo bo byed pa po yin te/ bdag nyid kyis brlabs pa'i lus dang ngag dag ni rang gi bya ba rnams la 'jug pa'i phyir ro/ /gang gi tshe gzhan gyi las rnams byed pa de'i tshe sbyor ba po'i ngo bos gzhan gyi bdag sbyor bar byed pa'i phyir ro/ /de bzhin du las kyi 'bras bu bde ba dang /sdug bsngal dag gi 'phrod pa 'du ba'i rgyu nyid kyi phyir za ba po yin te/ bde ba dang sdug bsngal ba dag ni bdag dang 'du ba dang ldan pa nyid kyi phyir ro/ /lus dang sdug bsngal sgrub par byed pa mngon par 'dod pa dang / mngon par 'dod pa ma yin pa'i yul rnams byin gyis brlabs pa'i ngo bo'i phyir zab po yin no zhes ci rigs par sbyar ro//de skad du rig byed kyi smra ba de dang de ni rigs pa ma yin no zhes bstan bcos mdzad pas/ rtag pa rnams la rgyu dang 'bras bu'i dngos po mi srid par bstan pa dang / rang gi sde pa dag gis rang gi bstan bcos gzhan du mang du bstan zin to/ /dngos po 'ga' zhig rtag pa nyid mi rigs pa rig byed kyis smras pa de ni zhes bya bar sbyar ro//ci'i phyir mi rigs she na/ skad cig ma ma yin pa ni rim dang cig car dag gis don gyi bya ba byed pa 'gal bas na dngos po'i chos las 'das pa nyid kyi phyir ro/ /dngos po ni don byed par nus pa yin la don byed par nus pa de yang skad cig ma ma yin pa la mi srid pa'i phyir de ni yod pa ma yin na de dngos po'i chos rtag pa nyid la sogs pa gang las yin/spyi la sogs pa mngon sum ma yin pa zhes bya ba la sogs pa'i sgras ni las dang yon tan la sogs pa'o/ /mngon sum dag yin par rig byed kyis smras pa de ni zhes bya ba la sogs pa dang sbyar ro//skyes bu gnas pa dang ldan pa ni dngos po rnams skye ba dang gnas pa dang 'jig pa 'gal ba dag rig byed kyis smras pa zhes bya ba la sogs pa dang sbyar ro/ /skye ba mi rigs pa nyid kyis dngos po rnams rgyur 'gal ba zhes de skad du bshad pa yin no/ /rgyur 'gal ba de nyid du gsal bar bya ba'i phyir khyad par du zhes bya ba la sogs pa smos te/khyad par du byar med pa can ni rtag pa nyid kyi phyir ro/ /sngar zhes bya ba byed pa'i dus ma yin pa'i gnas skabs su byed pa po ma yin pa'i phyis gzhan la ltos nas te/ lhan cig byed pa la ltos nas byed pa po nyid yin par rig byed kyis smra pa'o/ / de dang de mi rigs so zhes bya ba sangs rgyas par bstan zhing ston par yang 'gyur ro/ /grub pa'i phyir zhes bya ba la sogs pas gnas pa 'gal ba rjod par byed pa nyid rig byed kyis smras pa'o/ /rang gi rgyu las grub pa'i gtan tshigs kyi phyir 'bras bu'i ngo bo can ma yin te/ grub zin pa yang grub pa mi rung ba'i phyir ro//de lta bur gyur pa'i dngos po de'i rten gyi dbang gis gnas pa'i rig byed kyis smras pa'o/ /de dang de rigs pa ma yin te/ thams cad la ltos pa med par grub pa ni gzhan gyi stobs kyis gnas pa mi rung ba'i phyir ro/ /de yang sngar bshad zin to/ /'jig pa 'gal ba bstan pa'i phyir rgyu las zhes bya ba la sogs pa smos pa las/rgyu las te 'jig pa'i rgyu las dngos po rnams 'jig pa zhes bya ba rig byed kyis smras pa de yang rigs pa ma yin te/ 'jig pa ni rgyu dang ldan pa nyid du 'gal ba'i phyir ro/ /don zhes bya ba la sogs pa de yang sngar rgyas par bstan zhing rab tu byed pa gzhan dag tu yang bstan to/ / gzhan yang yod do zhes rig byed kyis smras pa'o/ /ci 'dra ba zhig ce na/ grags pa las phyin ci log pa can te med du zin kyang yod par phyin ci ma log pa can no/ /gang la rab tu grags pa las phyin ci log pa yod pa zhes bya bar tshig rnam par sbyar ro/ /gang gis grags pa las phyin ci log pa can yin zhe na/ mngon sum dang rjes su dpag pa dag gis rab tu grags pa med pa nyid gang yin pa de ni yod pa nyid du rig byed kyis smras pa zhes bya ba'i don to/ /des ni tshad ma gnyis kyi spyod yul te rnam par gsal ba gzhan dag gam zhes de rnam par bshad pa yin no/ /ci'i phyir zhe na/ me la sbyin sreg sbyin zhes bya ba la sogs pa la/sogs pa'i sgras ni 'bab stegs kyi khrus la sogs pa ni sdig pa sbyong bar nus pa nyid yin no zhes bya ba la sogs pa rig byed kyis smras pa'o/ /'dir yang sogs pa'i sgras ni chos 'phel ba la sogs pa'i nus pa nyid do/ /de yang lung la brten pa'i rjes su dpag pas gnod pa'o//de ltar 'dod chags la sogs pa'i rang bzhin chos ma yin pa dang / des rab tu phye ba can gyi las zhes bya ba lung la rnam par gzhag pa de gnyi ga yang med la sbyin sreg la sogs pa dang 'gal ba med pa'i phyir ji ltar na chos ma yin pa de dag pa'am/ ji ltar na chos 'phel bar 'gyur/ de bas na chos ni ma chags pa la sogs pa dang des rab tu phye ba can gyi las kyi rang bzhin yin pa'i phyir dang /'bab stegs kyi khrus la sogs pa ni de'i rang bzhin can nyid yin pa'i phyir ro/ /de yang bstan bcos gzhan du bstan zin pas 'dir ma smras so/ /sogs pa'i sgras ni de lta bu'i rigs pa can gzhan dag kyang rigs pa ma yin par brjod pa yin par blta bar bya'o//de skad du rigs pa ma yin pa de'i don smra ba de'i rig byed de'i bstan bcos kyi lugs te bstan bcos kyis bstan par bya ba'i dngos po mngon sum la sogs pa'i yul rnam pa gsum po thams cad la yang tshad ma dang 'gal ba ma bsal zhing lan ma btab par ro//bstan bcos la 'jug pa'i yan lag tu gyur pa'i chos ni bstan bcos kyi chos te/ de ma bstan par ro/ /bstan bcos de dag kyang gang zhe na/ 'brel pa dang zhes bya ba la sogs pa smos te/ tshig rnams kyi phan tshun 'brel pa'i don can nyid ni 'brel pa yin te/se'u bcu zhes bya ba la sogs pa bzhin du 'brel pa med pa ni ma yin no/ /bsgrub par nus pa'i thabs yin la de ni rjes su mthun pa'i thabs yin te/ gang gis bstan bcos la skyes bu'i don sgrub par byed pa'i thabs ston pa'o/ /skyes bus bsgrub pa nyid du nus pa zhes bya ba'i don to/ /skyes bu'i don ni mngon par mtho ba dang nges par legs pa'o//'brel ba dang rjes su mthun pa'i thabs dang / skyes bu'i don zhes bya ba ni zlas dbye ba'o/ /phyis de dag gi rjod par byed pa zhes bya ba ni drug pa'i bsdu ba'o/ /'gal ba ma bsal ba'i phyir bstan bcos gzung bar bya ba nyid ma yin par bshad pa ma yin nam/de bas na ci'i phyir bstan bcos kyi chos ma bstan par zhes bshad ce na/ 'dir mngon sum dang rjes su dpag pa'i yul la rnam par dag pa bstan nas/ 'ga' zhig gis tshe gzhan du 'brel pa la sogs pa dang bral ba brjod par 'gyur ba de'i don du bstan bcos kyi chos ma bstan par zhes bshad pa yin no zhes bya bar dgongs so//de ltar na 'brel ba la sogs pa brjod par byed pa bstan bcos kyi chos ma bstan par shin tu grags pa'i yul bden par brjod pa tsam gyis zhes bya ba la shin tu grags pa'i yul ni mes grags ba bzlog par nus pa'o/ /de'i bden pa brjod pa ste bden pa brjod pa tsam des so//shes rab kyis kyang sdug bsngal ba'i sgo nas rtogs pa de ltar shes rab kyis rtogs par dka' ba'o/ /de nyid kyi phyir thibs bo ste/ de lta bur gyur pa'i yul de la ste shin tu lkog tu gyur pa yang zhes bya ba'i don to/ /nyes pa med pa nyid ni bden pa'i don can nyid do//sgrub par 'dod pa ste dpyod pa pas so/ /g.yem ma mu cor gyis te/ 'brel pa med pas kyang rgyal ba lta bu'o/ /g.yem ma ci 'dra bas rgyal ba de nyid g.yem ma zhes bya ba la sogs pas 'chad par byed de/ g.yem ma ni spyod ngan can no/ /bdag nyid kyis bdag pos log par zhugs pa'i gnas mthong nas zhes bya ba log par zhugs pa'i gnas skabs mthong nas skyes bu gzhan dang khyod 'brel par byas so zhes klan ka btsal ba na/bdag po la lan du zer ba ste lan du brjod pa'o/ /ji ltar lan du zer zhe na/ de la zhes bya ba la sogs pa smos te/ ma zhes bya ba 'dis spyi par gnas pa'i bud med la 'bod pa'o//kye ma nga'i bdag po skyes bu'i phyin ci log la ltos shig ces bya bar sbyar ro/ /chos sgrub par byed pa'i rgyur 'gyur ba'i chung ma ni bar gyi tshig mi mngon pa'i bsdu ba ste/ mar gyi bum pa zhes bya ba la sogs pa lta bu'o/ /ma'i chos bzhin gyi chung mas yid ches pa med par bdag gi chu bur dang 'dra ba'i phyir mig gi chu bur dag ces bya ba'i ming gnyis kyi ming can gyis yid ches par byed ces bya ba'i skabs yin no//gang la mig ces bya ba'i ming yod pa zhes tshig rnam par sbyar ro/ /skyes bu gzhan dang 'brel pa ma byas pa'i rgyu ni grong pa zhes bya ba la sogs pa smos te/rgan po yang yin la zhar ba yang yin pas na rgan po long ba ste long ba rgan po zhes bya ba'i don to/ /de la rgan po smos pa ni na tshod dang bral bar ston to/ /gzugs kyi gnas kyi mchog mig yin pa de ltar na de dang bral ba'i phyir long ba smos pa ni gzugs ngan ston to/ / grong pa smos pa ni sgyu rtsal la mkhas pa la sogs pa'i yon tan dang bral ba ston to/ /shing skyed par byed pa smos pa ni dka' bas 'tsho ba nyid kyi phyir dbul ba nyid ston to/ /de bas na de ltar rgas pa la sogs pa'i yon tan dang ldan pa'i skyes bus 'brel bar bya ba'i phyir/ don du gnyer du zin kyang kho mos sngar de dang 'brel pha ma byas na'o//gzugs dang yon tan la rjes su chags pas gzugs ni mdzes pa nyid do/ /yon tan ni sgyu rtsal la mkhas ba'o/ /gzugs dang yon tan la rjes su chags pa ni mngon par 'dod pa'o/ /rgyu des blon po mchog gi khye'u dang kho mos 'dod pa spyod par byed dam zhes bya ba blon po'i gtso bo'i khye'u ni bu khye'u gzhon nu'o//blon po mchog kyang de yin la khye'u yang yin pas na zhes bya bas ni khyad par bsdu ba'o/ /de lta bur gyur pa'i khye'u dang kho mos 'dod pa spyod par byed pa zhes bya ba 'di ji skad du srid par 'gyur/ de la grong pa la sogs pa'i nyes pa bzhi bzlog pas blon po mchog gi khye'u la yon tan bzhi bstan pa yin te/gzugs smos pas ni mdzes pa'i nyid dang / yon tan smos pas ni sgyu rtsal la mkhas pa la sogs pa'i yon tan dang blon po'i mchog smos pas ni phyug po nyid dang / khye'u smos pas ni na tshod kyi yon tan yin no/ /de yang g.yem ma mur cor gyis 'phangs pa'i tshig 'ba' zhig yin gyi rigs pa dang ldan pa ni ma yin no//de ltar na gzugs dang na tshod dang yon tan dang / nor gyis 'byor pa ni skyes bu gzhan mngon par dga' ba'i rgyu yin no/ /de bas na g.yem ma gzugs la sogs pa dang bral ba shing skyed pa dang 'dod pa spyod par mi byed pa gang yin pa ni rigs pa yin te/de 'dod par bya ba nyid ma yin pa'i phyir ro/ /gzugs la sogs pa'i 'byor pa dang ldan pa'i blon po'i mchog gis khye'u dang yang 'dod pa spyod par mi byed pas 'di dad par bya ba ma yin no/ /de bzhin du gal te skyes bu tha mal pas rtogs par byed pa'i me grang ba sel bar byed par nus pa la rig byed kyi bden pa'i don can nyid de tsam ni shin tu lkog tu gyur ba la rig byed bden pa'i don can du 'gyur ro zhes bya ba'i nges par byed pa'i rgyu ni yod pa ma yin no//de skad du smra ba dpyod pa pa ni bdag nyid g.yem ma bzhin du mu cor nyid du rab tu gsal bar byed do//bud med kyi yul ni chags pa'i shas che ba nyid kyi phyir skyes bu gzhan ma rnyed pa na grong pa rgan po long ba shing skyed par byed pa dang / 'khrig pa spyod du zin kyang de mi sten pa'i phyir ro/ /g.yem ma 'khrul pa med pa yin no zhes bya bar shin tu chags pa can gyi bud med 'ga' zhig gi blo yang 'gyur ro//me grang ba sel bar byed pa tsam gyis rig byed la sems pa dang bcas pa 'ga' zhig yang dag pa'i blor mi 'gyur ro/ /de'i sgo nas dpyod pa pas rig byed thams cad du bden pa'i don can nyid du sgrub par byed pa ni g.yem ma'i mu cor bas kyang lhag pa yin pa de ltar na g.yem ma mu cor gyis kyang rgyal ba lta bu'o zhes bshad pa yin no//me ni zhes bya ba la sogs pas dpe'i don dpe can la sbyor bar byed pa yin no/ /de ni de lta bu'i rigs can te g.yem ma'i lan gyi tshig dang mtshungs pa yin no/ /de ni shin tu lkog tu gyur ba'i don la rig byed mi slu bar rjes su dpag pa'o//ji lta bur gyur pa zhig ce na/ dngos po dpyad par nus pa can la tshad ma dang 'gal ba mthong ba can te/ gang la tshad ma dang 'gal ba mthong ba yod pa zhes bya bar tshig rnam par sbyar ro/ /dpe gang gi rjes su dpag pa yin zhe na/ me ni grang ba'i gnyen po'i tshig gis te/dper na me ni kha ba'i gnyen po yin no zhes mi slu ba de bzhin du rig byed kyi ngag gzhan dag kyang mi slu ba yin no/ /de la chos bzhin gyi chung ma lta bu ni rig byed yin no/ /log par zhugs pa dang mtshungs pa ni skyes bu rtag par byed pa po dang zhes bya ba la sogs pa'i rjod par byed pa'o/ / mig dang mtshungs pa ni mngon sum dang rjes su dpag pa'o/ /de la g.yem ma grong pa la sogs sun phyung ba dang 'dod pa mi spyod pa de dag gis rigs pa ma yin no/ /de bzhin du gang rdzi mo'i bar la rab tu grags pa me ni grang ba 'joms par nus pa nyid rig byed kyi rjes su brjod pa gang yin pa de ni rigs pa ma yin te/yul 'di la mi shes pa med pa'i phyir ro/ /ji ltar g.yem ma 'dod pa'i yon tan dang ldan pa blon po'i mchog gis khye'u dang 'dod pa spyod pa zhes bya ba rigs pa de ltar rig byed kyang shes rab kyis rtogs par dka' ba'i thibs po las shes pa med pa'i phyir log pa'i don brjod pa yin no zhes bya bar srid par 'gyur ro//'khrul par mthong ba can gyi chung ma'i tshig skyes bu de la btsun pa ma yin na/ gang gis na bdag nyid kyis log par zhugs pa'i gnas mthong nas kyang rang gi mthong ba tshad ma ma yin par byas nas de'i tshig bden pa'i don can du byed par 'gyur/de bzhin rig byed las bstan pa'i don la gnod pa can gyi tshad ma dag tshad ma ma yin par byas nas rig byed chung ma lta bur 'khrul pa mthong ba can gyi tshig las shin tu lkog tu gyur pa rtogs par 'gyur ba ma yin no/ /'di nyid kyi skyon gzhan ni gal te zhes bya ba la sogs pa smos te/de ltar zhes bya ba ni de ltar mthong ba bzhin du bden pa cig rjod pa tsam gyes so/ /gal te rig byed thams cad tshad grub na de'i tshe skyes bu thams cad don thams cad la tshad mar 'gyur ro/ /'di ltar skyes bu mang du smra ba la/ bden don can gcig yod med min te/ 'on kyang yod pa nyid yin no//ji ltar zhes bya ba la sogs pas 'chad par byed de/ ji ltar 'di shin tu bden par brjod pa ste/ gcig tu bden par brjod pa nyid do/ /shin tu dka' ba ni sdug bsngal bas byas pa nyid kyi phyir ro/ /shin tu dka' ba smos pas ni de nyid ston par byed do/ /'dis shin tu mi srid pa ni ma yin gyi 'on kyang sgrib pa thams cad spangs pa can dang snying rje goms par gyur pa can gyis bsgrub par bya ba nyid yin pa'i phyir shin tu dka' ba zhes bya ba de bstan pa yin no//de bzhin du shin tu bden pa ma yin pa brjod pa yang dka' ba yin te/ thams cad kyi tshe don thams cad la skyes bu bden pa nyid ma yin pa nyid smra ba ni med do//de bas na skyes bu mang du smra ba la yang ngag gcig kyang bden pa'i don can yin no/ /ngag mang po'i nang de las tshig gcig rnam pa 'ga' zhig gis te/ bya rog dang ta la'i tshul du yang bden pa'i don can nyid du mi slu ba'i gtan tshigs des so//mi slu ba de las tshig gi tshogs lhag ma zhes bya ba gang gi tshig gcig la mi slu bar mthong ba'i skyes bu de'i tshig gi tshogs de ltar 'gyur na ste/ mi slu ba nyid du khas len na skyes bu 'ga' zhig kyang yid ches pa ma yin par mi 'gyur na de ltar yang ma yin no/ / de'i phyir phyogs gcig la mi slu ba'i phyir tshad ma yin no zhes bya ba gang gis de ni cir yang mi nus so/ /gzhan yang 'ga' zhig kyang 'ga' zhig gis go bar byed pa gang yin pa de ni de'i rang bzhin nam/ de'i bskyed byar yod pa yin na go bar byed par 'gyur gyi gzhan du ni ma yin no/ /sgra 'di ni brjod bya nyid du mngon par 'dod pa'i dus dngos po'i rang bzhin min no//ci'i phyir zhe na/ 'di ltar 'chad pa po la sgra gnas pa ste/ gzhan gyi rang bzhin gzhan la 'jug pa ma yin no/ /sgra 'di dngos po 'bras min no/ /ci'i phyir zhe na/ 'di ltar 'chad pa po ni yod na sgra 'gyur ro/ / zhes bya ba'i phyogs 'di la 'chad pa po yod na zhes bya ba'i rgyu mtshan gyi bdun pa yin te/ gang gi phyir 'chad pa po'i rgyu mtshan can ni 'dod pa tsam la rag lus pa yin gyi brjod bya'i dngos po la ltos pa ma yin no zhes bya ba'i don te/ /de las rnam par bzlog pa'i zhes bya ba rang bzhin dang 'bras bu bzlog pa'i 'khrul pa med pa bzlog pa ma yin no//re zhig ces bya ba la sogs pas 'chad par byed de/ re zhig gi sgra ni go rims yin te/ 'chad pa po la gnas pa'i tshig de ni re zhig brjod par bya ba'i don gyi rang bzhin ma yin zhing / dngos po de dag gi 'bras bu yang ma yin no//ci'i phyir zhe na/ de med du zin kyang zhes bya ba dngos po med du zin kyang 'chad pa po brjod par 'dod pa tsam gyis yod pa de skye ba'i phyir ro/ /rang bzhin dang 'bras bu dag las gzhan 'ga' zhig kyang 'ga' zhig gi 'khrul pa med pa can gyi gtan tshigs yod pa ma yin gyi/ 'on kyang 'khrul pa dang ldan pa kho na yin no//sgra ni brjod par bya ba'i don la 'khrul pa yin na yang de la rnam pa gzhan du brjod par bya ba'i don de las rnam pa gzhan du yang ste/ brjod par bya ba'i don med na yang zhes bya ba'i don to/ /de srid pa'i phyir te sgra de srid pa'i rgyu'i phyir ro/ /de yod pa'i phyir te/brjod par bya ba'i don la 'khrul ba can gyi sgra de yod pa'i phyir brjod par bya ba'i don de rtogs par rigs pa ma yin no/ /de ltar ni 'gyur na gal te brjod par bya ba'i dngos po las tshig don gzhan du gyur pa de lta na yang brjod par bya ba'i dngos po de'i 'bras bu nyid yin pa'i phyir go bar byed pa nyid yin te/'di ltar gal te rjod byed rnams kyi 'jug pa ste/ sgra rnams kyi skye ba mngon par gsal ba gang yin pa de ni brjod bya mthong bas byas yin zhes bya ba brjod par bya bar mthong ba gang yin pa des byas pa'o/ /brjod bya yod na mthong zhing de mthong ba las de brjod par 'dod pa las tshig yin pa de ltar na brgyud pas tshig ni don gyi 'bras bu yin no zhes bya ba ni phyogs snga ma'o//de ltar ni 'gyur na zhes bya ba la sogs pas 'chad par byed pa de tshig ni 'bras bu nyid yin no/ /ci'i phyir zhe na/ rjod par byed pa'i sgra ni brjod bya don mthong bas 'jug pa'i phyir ro/ /de lta yin na zhes bya ba la sogs pas len 'debs par byed de/de lta yin na zhes bya ba gal te don gyi dbang kho na tshig 'jug pa'i phyir tshig 'jug pa thams cad bden pa'i don can yin na ni'o/ /lung tha dad pa phan tshun dag ni 'gal ba'i don/ de ni gcig la ste brjod pa la tshig de 'jug pa ji ltar 'gyur te mi 'gyur ro/ / rab tu brjod pa thams cad ni don gcig pa nyid du 'gyur ro zhes bya ba'i don to/ /gal te zhes bya ba la sogs pas 'chad par byed de/ brjod par bya ba'i dngos po med pa ste/ brjod par bya ba'i dngos po las gzhan du sgra mi 'jug go zhes bya ba'i nges pa de yin pa de'i tshe phan tshun 'gal ba'i don brjod pa'i phyir brjod pa grub pa'i mtha' dad pa dag yod na dngos po gcig la phan tshun 'gal ba'i rang bzhin rtag pa dang mi rtag pa nye bar sbyor ba ste zhes bya ba sgro btags pas tshig 'jug par mi 'gyur na/'ga' zhig gi brjod pa la sgra rtag pa zhes bya ba dang gzhan gyi mi rtag pa zhes bya ba dang bdag dang bcas pa dang bdag med pa zhes bya ba la sogs pa yang snang ngo //de yang rigs pa ma yin te/ sgra gcig rnam grangs med pa zhes bya ba ni rnam pa gzhan med pa zhes bya ba'i don to/ /rtag pa dang mi rtag pa zhes bya ba gang yin pa 'di ni srid pa ma yin no/ /gal te rtag pa'i rnam pa yod pa nyid kyi rjes su 'jug pas rtag pa zhes bya ba dang skad cig ma la ltos nas mi rtag pa zhes brjod pa de'i tshe nyes pa med la rnam grangs med pa 'gal ba'i chos brjod pa ni gcig la 'gal ba yin no//de bas na sgra rnams ni brjod par bya ba'i don dang lhan cig 'brel pa yod pa ma yin no/ /gang gi phyir de lta yin pa'i rgyu des na lung gi dngos po rnams dang rtogs pa po'i rnam pa 'gas te/lung gi dngos po rnams dang lhan cig skyes bu rtogs pa po'i rnam pa 'gas kyang ngo / /med na mi 'byung grags min na/ /de dag las don nges pa gang yin zhes bya ba med par rab tu grags pa med na dngos po med par 'byung ba'i lung dag las don nges pa gang las yin nges pa ma yin no zhes bya ba'i don to//skye bo mi shes pa zhes bya ba la sogs pas 'chad par byed de re zhig lung gi tshad ma de nyid thams cad tshol bar ni mi byed kyi 'on kyang skye bo mi shes pa tshol bar byed do/ /ci'i phyir zhe na/ des kun nas bstan pa'i don rtogs pa'i phyir te/lung des kun nas bstan pa'i don rtogs pa'i don du'o/ /ci'i phyir mi shes pa kho na tshol bar byed kyi gzhan dag ma yin zhe na/ yang dag pa zhes bya ba la sogs pa smos te/ yang dag pa ji lta ba bzhin du phyin ci ma log pa'i don rnams gang dag gis rtogs par byed de/ rab tu gsal ba skye ba can de dag la gzhan gyis bstan pa la ltos pa med pa'i phyir ro/ /skyes bu gang la dbang po las 'das pa'i yon tan yod pa de ni dbang po las 'das pa'i yon tan can no/ /de nas skyes bu'i sgra dang khyad par gyi bsdu bar bya'o/ /'di ni thams cad shes pa yin gyi gzhan ma yin pa'am/'di phyin ci ma log par brjod pa yin gyi gzhan ni ma yin no zhes skyes bu de de ltar rnam par 'byed pa ste char 'byed par byed mi nus pa'i phyir ro/ /de lta bur gyur pa'i skyes bus byas pa'i tshig lung nyid du nges pa yod pa ma yin na tshig gang las rtogs par 'gyur/ thams cad kyi tshig thams cad ngag gi don ji lta ba bzhin du 'jug pa ma mthong ngo //de bas na 'di ltar 'dod pa ste mngon par 'dod pa'i don de'i yod pa nyid med pa'i tshig rnams kyi gang dag la dbang po 'jug pa mthong ba mi shes pa gang gis lung tshol bar byed cing rtogs par 'dod pa'i skyes bu rtogs pa po'i de ni tshig la ci 'di don ji lta ba can yin nam ma yin nam zhes the tshom du 'gyur ro//gang gi tshig la zhe na/ 'khrul pa ma mthong ba can gyi tshig can de gang dag la dpyad par nus pa'i dngos po 'khrul pa ma mthong ba can gyi tshig yod pa de dag gi tshig la yang ngo / /yang gi sgras ni 'khrul pa mthong ba can gyi tshig la shin tu the tshom du 'gyur ro zhes bshad do//the tshom gyi rgyu gang yin pa des na rtogs pa po mi shes pa des ni skyes bu 'ga' zhig gi tshig gis dngos po cung zad kyang nges par 'gyur bar rigs pa ma yin no/ /rtogs pa po 'di'i gang gi phyir nges pa med pa de'i phyir de ni log na yang ste lung log tu zin kyang ngo //dgag par 'dod pa'i dngos po med pa grub mi 'gyur/ /lung ni zhes bya ba la sogs pas 'chad par byed de/ lung ni thams cad kyi yul can nyid yin pa'i phyir dngos po yod na mi bslu bas lung 'di 'jug pa'i rgyu'i phyir/ de log pa'i mtshan nyid can te lung log pa'i mtshan nyid kyi mi dmigs pa rang bzhin la sogs pa bskal pa'i don med pa bsgrub par 'gyur ro zhes sngar bshad pa gang yin pa'o//de yang zhes bya ba ni med pa nges par byed pa nyid do/ /'di ni zhes bya ba ni lung ni'o/ /lung ni thams cad kyi yul can ma yin te/ skyes bu'i don dang 'brel pa med pa'i don dag yul du mi byed pa'i phyir ro//khas blangs nas kyang brjod par bya ste/ gal te lung thams cad kyi yul can nyid yin na yang / dngos po med pa ste dngos po dang bral bar mi 'jug par 'gyur ba de'i tshe dngos po med par mi 'jug pa yod na/ lung log pa'i mtshan nyid can gyi mi dmigs pa med pa nges par byed pa nyid du 'gyur na de yang yod pa ma yin te/dngos po med pa la yang lung 'jug pa'i phyir ro/ /de ltar na don med pa can gyi lung de las skyes bu khong du chud par 'dod pa'i mngon par 'dod pa'i don grub pa med do zhes bshad zin to/ /gang gi phyir rgyu nges med des 'bras bu can med pa zhes bya ba bskal pa dag la med pa'i tha snyad nges pa'i 'bras bu can/mi dmigs pa ni mi 'grub pa'o/ /de'i tshe tshad ma gsum po log tu zin kyang ste mngon sum dang rjes su dpag pa dang lung gi ming can gyi tshad ma gsum log tu zin kyang yul dang dus dang rang bzhin gyis bskal pa'i don dag med par nges pa ma yin no zhes bya ba ni mjug bsdu ba'o//de bas na 'di ltar don rigs pa ma yin pa smra ba can gyi mu stegs pa dag mi rigs pa de'i don brjod pa des mu stegs pa dag blun po ston pa phyogs tsam zhig kyang ston pa'i phyir/ rig byed tshad ma dang ni zhes bya ba la sogs pa smos te/sdig pa bcom phyir gdung ba rtsom zhes pa zhes pa'i/ zhes pa zhes bya ba'i sgra 'dir yang sbyar bar bya'o/ /rigs smras zhes bya ba 'di las smras pa'i sgra yang ngo / /de bas na ngag gi don 'di yin te/ rig byed ni tshad ma yin no zhes bram ze rnams kyis smras pa blun po'i rtags yin te/tshig 'dis bdag nyid ni shes pa nyid du ston par byed ces bya ba'i don to/ /ji ltar rig byed tshad ma yin par mi rigs pa de ltar ni rgyas par bstan zin to/ /yon tan dang drug pa'i bsdu ba bkag pa'i phyir rig byed ni tshad ma yin no zhes bya bar 'gyur ba ma yin nam/skyon 'dir mi 'gyur te 'jig rten la rab tu grags pa'i khyad par can gyi yon tan smos pa yin pa'i phyir ro/ /'dir shes par byed pa ni de tsam nyid kyi dbang du byas pa'o zhes bya ba la sogs pa'i mdo yin no/ /bdag la sogs pa rtag pa 'ga' zhig byed pa por smra ba yin no/ bdag lus la sogs pa'i byed pa po yin no zhes smra ba 'di yang blun po'i rtags yin no/ /rtag pa byed pa po nyid ma yin pa ni rgyas par bstan zin to/ /'bab stegs kyi khrus la chos su 'dod pa ni blun po'i rtags yin te mi rigs pa nyid kyi phyir ro/ /'di ltar chags pa med pa dang / zhe sdang med pa dang /gti mug med pa la sogs pa des bskyed pa'i lus kyi las ni chos yin zhing / de las bzlog pa chu dang 'brel pa tsam gyi mtshan nyid can ni khrus yin pa'i phyir/ ci'i phyir de las chos thob par 'gyur/ 'bab stegs kyi khrus smra ba 'di ni slob dpon dbyig gnyen la sogs pas rgyas par bsal zin pa'i phyir 'dir ma smras so//tshul khrims la sogs pa'i yon tan dang bral du zin kyang 'di ni bram ze yin no zhes rigs smra bas dregs shing khengs pa ni blun po'i rtags yin te/ mi rigs pa nyid kyi phyir ro//de ltar na/ bram ze nyid kyi spyi bzung nas lan gnyis skyes pa dag rigs smras pas dregs par 'gyur ram/ bram ze dang / bram ze mo'i mngal nas skyes pa gang yin pa de la brten nas rigs smra bas dregs par 'gyur grang na/ dngos por gyur pa'i spyi bkag pa'i phyir phyogs snga ma ma yin no//phyi ma yang ma yin te bram ze dang bram ze mo'i lus dag ni mi gtsang ba'i rang bzhin nyid du lus gzhan las khyad par med pa'i phyir ro/ /'di la yang rang gi sde pa dag gis zil gyis mnan pa'i phyir 'dir ma spros so/ /sdig pa bcom pa'i phyir zhes bya ba sdig pa spangs pa'i phyir du zas gcod pa la sogs pa lus gdung bar byed cing dub pa de rtsom pa ste/nan tan byed pa zhes smra ba 'di yang blun po'i rtags yin no/ /de ltar na sdig pa thams cad kyi rgyu 'dod chags dang zhe sdang dang gti mug yin la/ de la gdung ba rtsom pa zhes bya ba 'gal ba yod pa ma yin pa de ltar na des gang gis sdig pa spangs par 'gyur/de dag ni blun po'i rtags lnga yin no/ /blun po khyad par ji lta bu can zhig ce na/ shes rab 'chal pa ste/ tshad ma'i stobs las rnam par shes pa ni shes rab bo/ /blun po gang la de nyams pa yod pa de la de skad ces bya'o/ /rigs pa'i rjes su 'brang ba'i shes pa dang bral ba zhes bya ba'i don to//ji ltar rigs pa bzhin du gzung ba'i phyir/ nye bar mtshon pa tsam nyid du sngar bshad kyi/ mu stegs can dag gi blun bo'i rtags ni dpag tu med pa dag yin no/ /slob dpon shAkya blos nye bar sbyar ba/ tshad ma rnam 'grel gyi 'grel bshad las/rang gi don gyi rjes su dpag pa grub pa ste le'u dang po rdzogs so// //tshad ma rnam 'grel gyi 'grel bshad/ bam po bzhi bcu rtsa gcig pa/ rgol ba dang lan bstan pa'i zur gyis le'u dang po dang gnyis pa'i 'brel pa bstan pa'i phyir/ slob dpon gyis zhes bya ba la sogs pa smos te/de la gal te slob dpon chos kyi grags pa 'di bstan bcos tshad ma kun las btus pa rnam par bshad par bzhed pa yin pas de nyid bshad par bya ba yin na/ ci'i phyir dang por rang dbang gis rjes su dpag pa'i mtshan nyid rnam par gzhag pa mdzad ces bya ba ni brgal ba'o//slob dpon gyis tshad ma'i mtshan nyid kyi bstan bcos bshad pa'i zhes bya ba la sogs pa ni 'di'i lan yin no/ /'dir slob dpon ni phyogs kyi glang po yin par 'dod de/ de'i bstan bcos bshad par 'gyur ba nyid yin pa'i phyir ro/ /de'i don ni slob dpon gyi'o/ /bstan bcos gang gis mngon sum dang rjes su dpag pa'i tshad ma mtshon par byed pa de ni/tshad ma'i mtshan nyid kyi bstan bcos te/ tshad ma kun las btus pa zhes bya'o/ /mu stegs kyi dgra 'chos shing mi shes pa las skyob pa'i phyir nges pa'i tshig gi tshul gyi bstan bcos so/ /slob dpon gyi yang de yin la tshad ma'i mtshan nyid kyi bstan bcos kyang yin pas zhes bya ba ni khyad par gyi bsdu ba'o//slob dpon gyi 'dul ba'i TI ka la sogs pa yod mod kyi/ tshad ma'i mtshan nyid kyi bstan bcos ma yin no/ /de las gzhan pas byas pa'i tshad ma'i mtshan nyid kyi bstan bcos yod mod kyi/slob dpon gyi ma yin no/ /de bas na gnyi ga smos so/ /de'i sngar gyi TI ka byed pa'i rnam par bshad pa ngan pa dang / mu stegs byed kyi rtsod ngan bsal nas khyad par du bshad pa ni rnam par bshad pa'o/ /de'i rgyu ni rjes su dpag pa'o/ /de ltar na don dang don ma yin pa rnam par 'byed pa'i mtshan nyid can ni bshad pa yin no//de'i yang rjes su dpag pa rten yin te rnam par rtog pa dang bcas pa nyid kyi phyir ro/ /de bas na thabs su gyur pa nyid kyi phyir de nyid dang por rnam par gzhag pa yin no/ /gal te slob dpon phyogs kyi glang pos rjes su dpag pa'i mtshan nyid mdzad pa de lta na yang rgyas par rnam par dkrugs nas rnam par gzhag pa de lta na skyon yod pa ma yin no//tshad ma rnam 'grel gyi le'u dang por tshad ma kun las btus pa'i rang gi don gyi rjes su dpag pa'i le'u rtsod ngan lan btab pa'i sgo nas don gyis rnam par bshad nas/ de la ci'i phyir rim pa las rgal nas mdzad ces bya ba'i rtsod pa 'di la/de'i phyir slob dpon gyis zhes bya ba la sogs pa smos te/ bstan bcos gang gis phung po dang khams dang / skye mched mtshon par byed pa de ni mtshan nyid kyi bstan bcos so/ /mi slu ba nyid kyi phyir tshad ma yang de yin la/ mtshan nyid kyi bstan bcos yang yin pas na/tshad ma'i mtshan nyid kyi bstan bcos te/ sangs rgyas kyi bka' zhes bya ba'i don to/ /de'i bshad pa'i rgyu ni tshad ma'i mtshan nyid kyi bstan bcos bshad pa'i rgyu'o/ /slob dpon gyi yang de yin la tshad ma'i mtshan nyid kyi bstan bcos bshad pa'i rgyu yang de yin pas na zhes bya ba ni las 'dzin pa'o//de gang zhe na rjes su dpag pa ste/ rjes su dpag pa ston pa'i phyir tshad ma kun las btus pa'i rang gi don rjes su dpag pa'i le'u ni rjes su dpag pa'o/ /de skad du gang gi phyir rjes su dpag pa la brten nas/ bcom ldan 'das kyi bka' rigs pa dang ldan pa yin gyi/ gzhan mu stegs pa dag gi ni ma yin no zhes bstan par 'gyur ro//de skad du bshad pa ni rnam pa gzhan yin no/ /rjes su dpag pa de yang rang gi don gyi rjes su dpag pa'i le'ur rnam par phye ba de bas na tshad ma kun las btus pa'i rang gi don gyi rjes su dpag pa'i le'u de nyid rtsod ngan lan btab pa'i sgo nas sngar rnam par bshad pa nyid yin no//tshad ma zhes bya ba la sogs pas zhes bya ba ni tshad ma slu med can zhes pa zhes bya ba la sogs pas so/ /de la 'grel pa mdzad pa bdag nyid kyis tshigs su bcad pa'i 'grel pa mdzad cing / tshad mar gyur pa zhes bya ba de 'chad pa la/ tshad mar 'khrungs ba zhes bya bar gyur pa'i sgra ni 'khrungs pa'i don to//tshad ma yang de yin la gyur pa yang de yin pas na tshad mar gyur pa'o/ /de ltar na tshad ma rtag par rtog pa gsal ba yin no/ /mngon sum dang rjes su dpag pa ni tshad ma yin pa de bas na/ ji ltar na bcom ldan 'das de'i rang bzhin can ma yin pa la de skad du brjod ce na tshad ma dang 'dra bas na tshad ma ste zhes bya ba smos te/tshad ma'i sgra dpe nang du 'dus pa can yin no zhes bya ba'i don to/ /gal te bsgoms pa'i stobs las grub pa dri ma med pa rnam par mi rtog pa 'khrul pa med pa'i ye shes kyi bdag nyid can yin pa'i phyir bcom ldan 'das ni mngon sum gyi tshad ma'i rang bzhin can nyid du dngos su bzhugs pa nyid yin na nye bar btags pa la brten pas ci zhig bya zhe na/'di la skyon yod pa ma yin te/ rtog pa dang bcas pa'i shes pa'i gnas skabs la dgongs nas brjod pa'i phyir ro zhes bya ba ni gzhan dag gi yin no//'dir gal te bcom ldan 'das ni ji skad du bshad pa'i tshad ma'i bdag nyid can yin pa de lta na yang de ltar rab tu grags pa ma yin no/ /de bas na tha snyad du byas pa'i tshad mas dper mdzad pa yin no zhes bya ba 'di ni rigs pa yin no/ /tshad ma slu med can shes pa/ / zhes bya ba ni mi slu ba can nyid dang shes pa nyid mtshan gzhi rjes su bstan nas tshad ma nyid ni mtshan nyid brjod pa'o/ /tshad ma nyid de yang gal te spyi'i mtshan nyid yin pa de lta bas na slu bar byed pas na slu ba zhes bya ba la sogs pas de 'chad par byed do/ /tshad ma slu med can zhes bya ba de tsam gyi shes pa zhes bya ba thob par mi 'gyur te/yul la yang mi slu bar yod pa nyid kyi phyir ro/ /de'i phyir shes pa smos pa byas so/ /de nyid bstan pa'i phyir mi slu ba de yang don yongs su bcad nas 'jug pa zhes bya ba la sogs pa smos te/ mi slu ba de yang yul gyi chos dang zhes bya ba 'di dang sbyar ro/ /gang gi tshe 'dir 'gyur zhe na/don yongs su bcad nas 'jug pa zhes bya ba smos te/ ci rigs par tshad ma gnyis kyis yongs su bcad par blta bar bya'o/ /mngon sum ni rnam par rtog pa med pa nyid kyi phyir nges pa ma yin mod kyi 'on kyang der snang bar skyes pa tsam yin no/ /rjes su dpag pa ni nges pa nyid yin no/ / gal te mngon sum rtog pa med pas chu la sogs pa bden pa dang brdzun pa rnam par 'byed par mi nus pa nyid kyi phyir ji ltar de las don yongs su bkag nas 'jug ce na/ brjod pa mngon sum gyi rten can gyi 'jug pa ni rnam pa gnyis te dang po nyid dang goms pa can no/ /de la goms pa dang ldan pa gang yin pa de la shin tu goms pa gsal ba can gyi mngon sum skyes pa na ji lta ba bzhin du goms pa'i rnam par 'khrul pa'i rgyu mtshan spangs pa can nyid kyis yongs su bcad nas skye ba dang /de lta bur gyur pa'i phyis 'byung ba'i nges pa skyed par byed pa'i phyir de la skyes bu 'jug par byed do/ /de'i phyir de la rang nyid kyi tshad ma nges par byed pa'i phyir phyis kyi tshad ma 'jug pa la ltos pa med pa can yin pa'i phyir don yongs su bcad nas zhes bya ba'i tshig mi 'thad pa ma yin no//mngon sum thams cad ni gzhan la tshad ma nges par gzhag pa ma yin no/ /dang po nyid kyis 'jug pa gang yin pa de la yang rgyu mtshan nges par gzung ba med pa na the tshom nyid kyi sgo nas 'jug par byed do//gal te 'o na don yongs su bcad nas zhes bya ba'i tshig ji ltar rung zhe na/ de'i rnam par skyes pa tsam de skad du tha snyad gdags so zhes bya ba bshad zin to/ /gal te the tshom gyi sgo nas 'jug pa yin na ji ltar rtog pa sngon du song ba can zhes bya zhe na 'di la 'gal ba ci yod/gang kho na nges pa'i sgo nas 'jug par 'gyur ba de nyid rtog pa sngon du song ba can ma yin no/ /de ltar na 'jug par byed pa la don la the tshom za ba dang don nges pa dang rgyu rnam pa gnyis yin no/ /ldog pa yang don med pa la the tshom za ba dang / don med par nges pa gnyis kho na yin no//de la dang po nyid kyi rgyu gnyis kyis 'jug par 'gyur ba gang yin pa dang phyis bshad pa gnyis kyis ldog par 'gyur ba gang yin pa de ni rtog pa sngon du song ba can yin par 'jig rten dag brjod do/ /gal te nges pa nyid kyi sgo nas 'jug par byed par 'gyur ba ngo mtshar yin na/ 'o na ni zhing pa la sogs pa zhing la sogs pa la 'jug par byed pa 'gal bar 'gyur te de dag la ma 'ongs pa'i 'bru la sogs pa 'grub pa la nges par byed pa'i tshad ma yod pa ma yin no//mi slu ba yul gyi chos de mtshan nyid ci 'dra ba can zhig ce na ji ltar 'dod pa'i don de lta bu'i ngo bo'i zhes bya ba smos te/ ji ltar ngo bo gang gis don du gnyer ba'i me la sogs pa ni ji ltar 'dod pa ste/dngos po las ma 'das pa zhes bya ba ni mi zad pa'i bsdu ba'o/ /ji ltar 'dod pa yang de yin la don yang yin pas na ji ltar 'dod pa'i don to/ /de'i de lta bu'i ngo bo ni de'i ngo bo nyid de me la sogs pa'i ngo bo nyid ces bya ba'i don to/ /de'i rnam par gzhag pa yang ji ltar yin zhe na don gyi rang gi nus pa grub pas zhes bya ba smos te/me la sogs pa'i don gyi rang gi nus pa sreg pa dang 'tshod pa la sogs pa bsgrub par nus pa nyid do/ /de'i grub pa ni nges pa ste des don de lta bu'i ngo bor rnam par 'jog ces bya ba'i don to/ /nus pa'i grub pa yang 'bras bu rtsom pa can gyi 'bras bu mthong ba'i phyir ro//'bras bu rtsom pa can ma yin pa'i yang de'i rigs can nyid yin pas na 'khrul pa med pa'i khyad par nges par gzung ba'i phyir ro/ /shes pa'i chos mi slu ba ni rnam pa gnyis te/ de la 'dir mngon par 'dod pa ma yin pa gang yin pa dang mngon par 'dod pa gang yin pa de go rims bzhin du de'i zhes bya ba la sogs pa smos te de'i zhes bya ba'i don gyi'o//de lta bur gyur pa zhes bya ba ni ngo bo gang gis don byed par nus pa ste de'i ngo bo zhes bya ba'i don to/ /ji ltar gnas pa'i mtshan nyid rtogs pa na zhes bya ba ni bsdus pa'i don to/ / rjes su dpag pas don gyi rang gi ngo bo yongs su ma bcad pa'i phyir zhes bya ba ni spyi'i rnam pa la 'jug pa nyid kyi phyir ro/ /mngon par 'dod pa'i don ni gang ched du byas nas 'jug pa'o/ /mi slu ba gang la de dang phrad par byed pa'i mtshan nyid de rang gi ngo bo yod pa de la de skad ces bya'o/ /mngon sum dang rjes su dpag pa'i khyab par byed pa yin no zhes bya ba ni rjes su dpag pa la yang mngon par 'dod pa'i don dang phrad par byed pa yod pa'i phyir ro//don ni sreg pa la sogs pa'o/ /de'i byed pa ni skyed pa'o/ /de'i gnas pa ni rtogs pa ste khams kyi don sna tshogs pa nyid kyi phyir ro/ /de ni tshad mas yongs su nges pa zhes bya ba la sogs pas 'chad par byed pa la/tshad ma dang mngon sum dang rjes su dpag pa dag gis yongs su nges pa'i don me la sogs pa'o/ /des bsgrub par bya ba'i don byed pa ni sreg pa dang 'tshed pa la sogs pa'o/ /me sreg pa dang 'tshed pa la sogs pa'i nus pa zhes bya ba ni me thams cad sreg pa dang 'tshed pa la sogs pa'i nus pa med pa de ltar na khyad par gzung ba yin te/de lta bur gyur pa nyid la ni 'jug pa yan lag nyid yin no/ /dro ba'i reg pa la sogs pa'i yul can gyi zhes bya ba ni dro ba'i reg pa'i yul can lus kyi rnam par shes pa'i bdag nyid can gyi 'jug pa'o//sogs pa'i sgras ni sred pa dang 'tshed pa la sogs pa'i yul can gyi mig gi rnam par shes pa 'jug pa gzung ngo / /'jug pa de ni dang po mngon sum gyi mi slu ba yin no/ /mi slu bar nges pa'i rgyu nyid yin pa'i phyir mi slu ba yin no/ /de ltar na mi slu ba ni 'dir phrad par nus pa'o/ /de yang 'og nas 'jog par 'gyur ro//de lta ma yin na gal te phyis kyi tshad ma'i 'jug pa nyid sngar gyi mi slu ba yin par 'gyur na de yang tshad ma nyid yin pa de ltar na tshad ma las tha dad pa'i tshad ma thob par 'gyur ro/ /mngon sum gyi 'jug pa thams cad la phyis kyi tshad ma 'jug pa ma yin te la lar gags byed pa srid pa'i phyir ro//de bas na tshad ma'i mtshan nyid 'di yang khyab par byed pa ma yin par 'gyur ro/ /'ga' zhig gi tshe rjes su dpag pa'i zhes bya ba gdon mi za bar phyis kyi mngon sum gyi 'jug pa nyid snga ma'i mi slu ba ma yin mod kyi 'on kyang 'ga' zhig gi tshe rjes su dpag pa phyis 'byung ba can gyi 'jug pa yang dang po'i mngon sum gyi mi slu ba yin no//gal te gang gi gnas skabs nyid las shes/ ji ltar me nyid la zhes bya ba la sogs pa smos pa la/ rnam pa mtshungs pa la sogs pa 'ga' zhig gis zhes bya ba ni rnam pa mtshungs pa ste/ de bas gzhan pa kha dog mtshungs pa nyid do//sogs pa'i sgras ni de dang 'dra ba'i dngos po dran pas der sgro 'dogs pa gzung ngo / /de ltar na ci 'di rgya skyegs kyi me tog gi tshogs sam/ nor bu'i phung po yin zhes gang gi tshe mthong ba gsal ba med pa'i phyir 'khrul par 'gyur ro/ /'khrul pa'i rgyu mtshan gsal bar mi nus pa dang phyis kyi tshad ma'i 'jug pa la ltos pa med par de'i 'bras bur gyur pa'i du ba mthong ba de nges par byas nas gang gi tshe me nges par byed pa de'i tshe/rjes su dpag pa'i 'jug pa ni dang po'i mngon sum gyi mi slu ba yin no/ /de'i tshe mngon sum ni 'jug par byed pa nyid ma yin gyi 'on kyang rjes su dpag pa nyid yin no//mi slu ba nyid kyi mtshan nyid tsam ni mngon sum de la yang yod pa de ltar na 'ba' zhig tu brjod do/ /du ba mngon sum gyis gzung ba na de la yang 'khrul pa'i rgyu yod pa'i phyir rtags nges pa nyid med pa ma yin nam/ de ltar na ci 'di ni rnal 'byor pas sprul pa'i du ba'i rnam pa'i dngos po'am/ci brgya byin gyi spyi bo las byung ba yin zhes 'khrul pa'i rgyu yod do zhe na/ 'dir smras pa ji ltar shin tu goms pa bsal ba thob pa can gyi mngon sum 'khrul pa'i rgyu spangs pa can skye bar 'gyur ro/ /de ltar na nor bu dang gzugs su byas pa la sogs pa kha dog dang dbyibs mtshungs pa goms pa las de shes pas mthong ba tsam gyis rnam par 'byed par byed do//me las skyes pa'i du ba'i khyad par gang yin pa de ni rnal 'byor pas skyed par nus pa ma yin no/ /de ltar na rnal 'byor pas sprul pa na de dag nyid dam de dang 'dra ba sprul par 'gyur grang na/ re zhig de nyid ni ma yin te rgyu med pa can nyid du thal ba'i phyir ro/ /de dang 'dra ba yang ma yin te me'i rang bzhin ma yin pa las skye ba la de 'dra ba med pa'i phyir ro/ /de 'dra ba'i dngos po las 'byung ba ni de 'dra bar 'gyur gyi/ de 'dra ba ma yin pa las de 'dra bar 'byung na ni de dang de ma yin pa'i ngo bo can nyid yin te/dngos po rnams rgyu med pa can nyid du 'gyur ro/ /de bas na me las skye ba'i du ba'i rnam pa'i khyad par rnal 'byor pas sprul par mi nus pa'am sprul pa yin na ni de nyid me yan par 'gyur ba de ltar na 'khrul pa yod pa ma yin no/ /de skad du yang mkhas pa'i skye bo ma lus pa'i gtsug gi nor bu dbang phyug dam pas/gal te brgya byin spyi bo me'i/ /rang bzhin yin na de nyid me/ /'on te de me'i rang bzhin min/ /ji ltar de las du ba 'byung / /du ba rgyu yi rang bzhin me/ /de yi nus pa'i bye brag ldan/ /du ba du ba'i rgyu min las/ /byung na de ni rgyu med 'gyur/ / zhes bshad zin to/ /khyad par yang goms pa las nges pa yin te ji skad du/ nor bu gzugs byas la sogs la/ /de rig shes pa rjes dpag las/ /byung min gzhan rnams la brjod med/ /goms pa nyid las skye bar 'gyur/ /zhes bshad pa yin no/ /ji ltar mngon sum phyis kyi tshad ma 'jug par byed pa nyid kyi tshad ma yin pa de bzhin du rjes su dpag pa yang yin pa de bas na thug pa med pa'i phyir rjes su dpag pa dag la nges pa yod pa ma yin no zhe na/de'i phyir mngon sum nyid la zhes bya ba la sogs pa smos te dang po'i mngon sum gyi don ni de'i don to/ /de'i don byed pa'i yul tshad ma gang la yod pa de ni de'i don gyi don byed pa'i yul can gyi tshad ma'o//phyis kyi yang de nyid yin la de ni don gyi don byed pa'i yul can yin pas na zhes bya ba ni khyad par gyi bsdu ba'o/ /de ltar na zhes bya ba la sogs pas rjes su dpag pa phyis kyi tshad ma'i 'jug pa la ltos pa sel bar byed do/ / rjes su dpag par bya ba mi rtag pa nyid la sogs pa de'i rang bzhin rtags gang la yod pa de ni de'i rang bzhin can te byas pa nyid la sogs pa'i rtags sam 'bras bu du ba la sogs pa rtags can gyi shes pa'i rgyu yin no zhes bya ba 'di dang sbyar ro/ /de lta bur gyur pa ni dngos po med pa zhes bya ba ni rang bzhin du gyur pa dang /'bras bur gyur pa'i dngos po dang bral bar zhes bya ba'i don to/ /de bas na rjes su dpag pa ni rang nyid kyis tshad ma nyid du rnam par gzhag pa yin pa'i phyir thug pa med pa ma yin no/ /gzhan dag tu ni zhes bya ba ni mngon sum la'o/ /goms pa med par mthong ba gsal ba po med pa'i phyir khyad par nges pa med pa yin te/'dis ni dang po nyid kyi 'jug par byed pa'i gnas skabs bshad do/ /de'i tshe the tshom gyis kyang 'jug par byed do/ /goms pa las kyang khyad par nges par gzung ba yod na phyis kyi tshad ma'i 'jug pa la mngon sum yang ltos pa ma yin no zhes don gyis bshad par 'gyur ro//gal te phyis kyi tshad ma'i 'jug pas dang po'i mi slu ba yin par rig par bya ba yin na de rtogs pas ci zhig bya/ de ni de'i tshe 'jug par byed pa nyid ma yin te 'das pa nyid kyi phyir ro/ /bden te 'jug par byed pa nyid kyi de'i tshe/ de'i tshad ma nyid kyi nges pa la rtsol ba ni ma yin gyi 'on kyang tshad mas nges pa de la de'i rigs can nyid kyis mngon sum gyi gsal ba'i bye brag gzhan mi slu ba can nyid du nges pa'i don du yin no//gal te phyis kyi mngon sum yang zhes bya ba la sogs pas thug pa med par dogs pa yin te ji ltar na mngon sum snga ma dang khyad par med pa yin zhe na/ smras pa dngos po la 'jug pa ma yin par the tshom za ba ste/ji ltar me'i shes pa dang po me med par yang 'jug par the tshom za ba de ltar sreg pa dang 'tshed pa la sogs pa'i shes pa yang ci rmi lam dang 'dra bar me med par sreg pa dang 'tshed pa la sogs pa'i shes pa skye ba'am ci yod pa la zhes bya bar sbyar ro/ /ci ste de la yang mi slu ba gzhan ltos par 'gyur la de la yang gzhan zhes bya ba ni thug pa med pa yin no//ci ste shes pa 'ga' zhig mi slu bar rang nyid kyis 'dod na dang po'i yang de kho na bzhin du 'gyur ro/ /de skad du yang gzhon nu ma len gyis/ /ji ltar dang po'i shes pa nyid/ /de mi slu la ltos 'gyur na/ /de ltar mi slu nyid kyis kyang //mi slu ba yang btsal bar bya/ /gal te la lar rang nyid las/ /tshad ma nyid du 'dod na ni/ /dang po'i de lta'i dngos yin na/ /rgyu gang gis na rab tu sdang / /zhes smras so/ /ma yin te zhes bya ba la sogs pa lan 'debs par byed pa la/ gnyi ga zhes bya ba ni mer snang ba dang sreg pa la sogs pa snang ba dag go//mer snang ba ni dngos po med pa la yang 'jug mod kyi sreg pa la sogs par snang bar ni mi 'gyur ro/ /de nyid ni me med pa la zhes bya ba la sogs pa smos so/ /de ni dngos po'i rten can nyid yin pa'i phyir ro zhes bya ba ni sreg pa dang 'tshed pa la sogs pa'i don byed pa'i yul can gyi shes pa skye ba ni'o//skye ba na yang mi slu ba kho na yin te gal te de lta bur gyur pa'i 'jug par byed pa las kyang 'jug pa'i ji ltar mngon par 'dod pa'i don skye bar 'gyur ba na snga ma de'i mi slu ba nyid yin te/ de nyid tshad ma yin gyi 'khrul pa ma yin no zhes bya ba'i don to//dngos po ni de tsam gyi rgyu nyid yin pa'i phyir ro zhes bya ba ni sreg pa dang 'tshed pa la sogs pa'i don gyi rgyu nyid yin pa'i phyir me gang yin pa de nyid sreg pa dang 'tshed pa la sogs pa byed pa dang chu gang yin pa de nyid khrus dang btung ba la sogs pa byed de/ dngos po ni don byed par nus pa'i mtshan nyid yin pa'i phyir ro//gal te rmi lam la yang ji skad du bshad pa'i don la mi slu ba yod do zhe na/ de la yang dngos po yod pa ni bla ste gnyid ma log pa'i gnas skabs na yang dngos po rnam par gzhag pa'i rgyu gzhan ni med do/ /gal te rmi lam gyi shes pa tshad mar 'gyur ro zhe na 'dod pa nyid kyi phyir skyon med do//gal te 'o na ji ltar na tshad ma ma yin par bshad ce na/ 'khrul ba yin no snyam pa'i bsam pas so/ /de'i phyir don byed par nus pa'i yul can gyi mngon sum ni 'khrul pa'i rgyu mtshan med pa'i phyir tshad ma nyid kyi bdag nyid du gyur pas rang rig pas yongs su bcad pa yin no/ / ji ltar yongs su bcad pa bzhin du de la nges par skyed par byed pa de ltar na rang nyid kyis tshad ma yin pa de'i phyir thug pa med pa ma yin no/ /dang po'i me dang chur snang ba'i shes pa yang goms pa med pa na rang rgyud kyi tshad ma nyid kyis gzung du zin kyang 'khrul pa'i rgyu mtshan yod pa'i phyir nges pa bskyed pa'i nus pa med pa de bas na/de la phyis kyi tshad ma 'jug pas tshad ma nyid du rnam par gzhag pa/ de ltar na gzhan las tshad ma yin no/ /de yang goms pa yod cing gsol ba can thob pa na rang nyid las yin te/ sngar ji skad bshad pa lta bu'o/ /de bas na 'di ltar mngon sum ni rang dang gzhan la tshad ma yin la rjes su dpag pa ni rang nyid las yin no zhes bya bar gnas so//gal te sngar gzung ba'i don phyis zhes bya ba la sogs pa ni skad cig ma nyid la brten nas rgol ba yin no/ /ma yin te zhes bya ba la sogs pas lan 'debs par byed do/ /'di skad du rnam pa gcig rtogs pa'i rgyu nyid yin pa'i phyir 'jig rten dag don snga phyi gcig tu nges par byed cing de'i rjes su 'brangs nas de ltar rnam par 'jog pa yin te/tshad ma'i rnam par 'jog pa ni tha snyad can nyid yin pa'i phyir ro zhes bstan par 'gyur ro/ /tshad ma snga phyi dag gi don dam par yul tha dad pa yin yang bla ste ji skad bshad pa'i skyon med pa ma yin no zhe na/de ltar na phyis kyi zhes bya ba la sogs pa smos pa la tshad ma snga ma'i yul med na med pa'i phyir zhes bya ba ni tshad ma snga ma'i yul ni tshad ma phyi ma'i yul la rgyu nyid yin pa'i phyir ro/ /rgyu med par 'bras bu'i yod pa yang mi rung ste rgyu med pa can nyid du thal ba'i phyir ro/ /de yang zhes bya ba ni tshad ma phyi ma'o//de'i yul can nyid yin no zhes bya ba ni tshad ma snga ma'i yul can nyid yin no zhes nye bar btags pa ste/ 'bras bu la yang rgyu nye bar btags pa'i phyir ro/ /gal te 'on kyang tshad ma phyi ma 'jug par byed pas tshad ma snga ma ni tshad ma phyi ma 'jug pa'i dus nyid na de tshad ma yin gyi sngar ni ma yin no//med par de'i ngo bo byed par nus pa ma yin no/ /gzhon nu ma len gyis/ tshad ma thams cad rang nyid kyis/ /tshad ma nyid ces gzung ba yin/ /rang nyid nus pa med na ni/ /gzhan gyis byed par mi nus so/ /zhes ji skad bshad pa lta bu'o/ /de'i phyir de bas na zhes bya ba 'di smos te gang gi phyir tshad ma snga ma'i yul med par tshad ma phyi ma'i yul mi srid pa de bas na sngar dngos po grub pa'i phyir te don byed pa'i yul can gyi shes pa las sngar yang ngo //dang po nyid tshad ma yin te don byed pa'i yul can gyi shes pa phyi ma'i rgyur gyur pa dang po'i shes pa yang tshad ma yin te de yang dngos po'i yul can nyid yin pa'i phyir ro//de lta ma yin na ni de dngos po med pa'i yul can yin na de lta bur gyur pa'i shes pa phyi ma'i rgyu nyid du mi 'gyur ro/ /de nyid ni de las don byed pa la 'jug pa'i phyir ro zhes bya ba smos te de las zhes bya ba dang po'i shes pa nyid las te/ dang po'i shes pa ni don byed pa'i yul can gyi shes pa phyi ma'i rgyu nyid yin pa'i phyir ro zhes bya ba'i don to/ /'dis ni 'di skad du shes pa ni rang gi rgyu dag las skyes pa na tshad ma'i rang bzhin can nyid du skye bar 'gyur te/ dngos po ni cha med pa can nyid yin pa'i phyir ro/ /'on kyang 'khrul pa'i rgyu mtshan yod na ni nges pa tsam gzhan las rjod par byed do zhes ston par 'gyur ro//gal te de'i don gyi don byed pa'i yul can gyi tshad ma phyi ma'i rgyu nyid yin pas na snga ma tshad ma yin 'o na shes bya nang gi yin par smra ba'i tshad ma'i rnam par gzhag pa ji ltar yin zhe na/ de'i phyir gang gi phyi rol gyi don med pa zhes bya ba la sogs pa smos pa la tshad mas yongs su bcad pa'i don gyi yul ni zhes bya ba ni dang po'i tshad mas gzung ba'i don rgyur gyur pa yod na de'i rigs can don byed pa'i dus na yul skye bar 'gyur ba gang yin pa de ni tshad mas yongs su bcad pa'i don gyi yul yin no//'dir yang drug pa'i bsdu ba yin no//de ni tshad ma phyi ma gang yin pa'i tshad ma phyi ma de'i rgyu nyid yin par shes pa snga ma'i mi slu ba ma yin te phyi rol gyi don grub pa med pa'i phyir ro/ /don dam par mi slu ba la bye brag ci yang med do zhes bya ba ni gnyi ga la yang rnam par gzhag pa ni rigs pas mtha' gtugs pa can nyid yin pa'i phyir ro//gal te the tshom dang log pa'i shes pa las kyang 'ga' zhig gi tshe 'jug pa don la mi slu bar 'gyur ba yang ma yin nam/ de bas na de yang tshad mar thal bar 'gyur ro zhe na/ mi slu ba de dang de zhes bya ba la sogs pa smos pa la nges pa zhes bya ba ni 'dod pa'i don dang phrad pa nyid ces bya ba 'di ni nges pa'i don ma yin gyi 'on kyang 'dod pa nyid dang phrad pa yin gyi mi 'dod pa dang ni ma yin no zhes bya ba yin no//the tshom la sogs pa'i shes pa las ni mi 'dod pa dang yang phrad pa yin no/ /cig shos dag gis 'dod pa dang phrad pa nyid ces bya ba 'di ni 'di'i nges pa yin par 'dod do snyam pas/ gal te skyes bu'i zhes bya ba la sogs pa smras so//de'i tshad mas zhes bya ba la sogs pa ni grub pa'i mtha' smra ba'i yin no/ /'dod pa dang phrad pa nyid ces bya ba nges pa'i don yin pa ni bla ste/ de lta na yang skyon yod pa ma yin no zhe na/ 'jug pa yod na yang zhes bya ba la sogs pa smos te/ thams cad du gags byed pa'i rgyu med na zhes bya ba khong nas dbyung ngo //the tshom gyi shes pa la sogs pa dag la ni gags byed pa'i rgyu med par yang phrad pa med do/ /gal te 'dod pa'i don dang phrad pa mi slu ba yin zhing de yang tshad ma nyid yin na/ 'o na ni de ltar tshad ma las tha dad pa tshad ma nyid yin par 'gyur ba dang tshad ma thams cad la de yod pa ma yin pa de ltar na rnam par gzhag pa khyab pa med pa can yin no zhe na/de'i phyir phrad par nus pa tshad ma nyid yin gyi zhes bya ba smos te/ de yang la lar 'dod pa nyid la mi slu ba'i 'bras bu'i sgo nas shes par 'gyur zhing la lar de'i mtshan nyid kyis khyab pas so/ /sngar mi slu ba tshad ma nyid du bshad pa ma yin nam/da ni nus pa zhes bya ba bshad pa ji ltar na 'gal ba'i nyes pa med ce na/ de'i phyir nus pa de nyid 'di'i mi slu ba yin par zhes bya ba smos te/ mi slu ba'i rgyu nyid yin pa'i phyir mi slu ba yin par brjod do/ /'o na ji ltar na don byed nus par gnas pa ni mi slu ba yin te zhes bshad ce na/mi slu bar byed pa'i nges pa'i shes pa'i rgyu nyid yin pa'i phyir ro/ /ji ltar kho bo cag gis sngar bshad pa lta bu'o/ /phyi rol gyi don la sgra tshad mar nges par byas nas gal te zhes bya ba la sogs pa smos pa la/ de dang de zhes bya ba ni mi slu ba ni sgra las byung ba la yod pa ma yin te phyi rol gyi don dang sgra ni de'i bdag nyid dang de las byung ba'i mtshan nyid kyi 'brel pa med pa'i phyir ro//de'i bdag nyid ni ma yin te rang gi ngo bo tha dad pa'i phyir ro/ /de las byung ba yang ma yin te don med par yang yod pa'i phyir ro/ /'dod pa ni 'gyur na sgra las byung ba tshad ma nyid ma yin no zhe na/ 'dod pa zhes bya ba smras te sgra las byung ba tshad ma gzhan ma yin te rjes su dpag pa yin pa'i phyir ro//de ltar na sgra yod na sgras bslang ba'i shes pa dang sgras kun nas bslang ba'i shes pa ni tshad ma yin la/ de'i rgyu nyid yin pa'i phyir sgra yang tshad ma zhes brjod do/ /khyab pa med pa de ni ma yin no zhes bya ba la sogs pas lan 'debs par byed do//de bas na 'dis ni brjod par 'dod pa'i sgras ni tshad ma nyid du bshad do/ /gal te 'khrul pa las gzhan brjod par 'dod pas sgra gzhan brjod pa srid par 'gyur ba de lta na yang de dang de brjod par 'dod pa las skyes pa'i sgra dag la khyad par yod pa nyid yin no//de yang don gyi skabs la sogs pas rtogs par nus pa gang yin pa des brjod par 'dod pa'i khyad par dang khyad par nges pa med pa na don brjod par 'dod pa'i spyi'i rjes su dpog par 'gyur ro/ /bum pa'i rnam par rtog pa'i shes pa las zhes bya ba ni bum pa'i shes pa rnam par rtog pa dang bcas pa las zhes bsams pa'o//mtshan nyid 'khrul pa yin no zhes bya ba ni tshad ma slu med can shes pa zhes bya ba'i spyi'i mtshan nyid de 'khrul pa yin te rtog pa dang bcas pa'i shes pa mi slu ba can yin na yang tshad ma yang khas ma blangs pa'i phyir ro/ /de ltar na gzhan yang mi 'gyur ro/ / 'degs pa zhes bya ba la sogs pa'i sgras ni ldan pa dang rnam par phye ba la sogs pa gzung ngo / /gzung ba 'dzin pa'i zhes bya ba la tshad ma nyid ma yin pa'i rgyu'o/ /ji ltar mig gi rnam par shes pa gnas pa'i khyad par gyis khyad par du byas pa'i kha dog la dmigs pa na ji ltar gzung ba'i rnam pa nyid la bum pa zhes brjod pa'i dran pa'i rnam par rtog pa'i shes pa skye bar 'gyur ro//de bzhin du rang gi mtshan nyid yod pa'i ngo bo 'dzin pa na yod pa nyid ces bya ba dang / gsal ba grogs med pa yongs su bcad pa na gcig ces bya ba dang / grogs gzhan dmigs pa na gnyis zhes bya ba la sogs pa dang steng gi phyogs kyi cha la brten nas skyes pa'i dngos po gzung ba la 'degs pa zhes brjod pas skye bar 'gyur ro//de bas na bum pa dang yod pa nyid la sogs pa'i yul can gyi shes pa thams cad gzung ba 'dzin pa'i phyir tshad ma ma yin no/ /'dis ni 'di skad du/ tshad ma slu med can shes pa/ / zhes bya ba 'di'i tshad ma'i sgra dang po 'jal bar byed pa ni tshad ma yin no zhes 'brel pa'i don yin no/ /de bas na don ma rtogs pa nyid kyi rtogs pa po nyid yin pa na mi slu ba can gang yin pa de ni tshad ma yin no zhes mtshan nyid du byas pa'i phyir thal ches pa yod pa ma yin no zhes bya bar ston to/ /tshad ma slu med can shes pa//zhes bya ba'i mtshan nyid la shes pa smos pa byas pa gang yin pa de la gal te ci'i phyir zhes bya ba la sogs pa nges pa'i rgyu 'dri bar byed pa'o/ /de lta bu'i rnam pa can gyi zhes bya ba don ma rtogs pa nyid dang mi slu ba dang ldan pa'i'o/ /skyes bu'i don ces bya ba'i ming gang la yod pa de la de skad ces bya'o/ / chod pa zhes bya ba ni rnam par chod pa'o/ /de yang blang bar byed pa dang dor bar bya ba dag la len pa dang dor ba'i mtshan nyid can yin no/ /chod pa med pa zhes bya ba ni gang tshad ma tsam la rag lus pa yin gyi rgyu gzhan gyis ni chod pa ma yin te dper na gzhal bya rtogs pa lta bu'o/ /de yang khyad par can zhes brjod de gdon mi za bar 'gyur ba ni khyad par yin la des spyod pa'i phyir khyad par can no//tshad ma yod na gdon mi za bar gzhal bya rtogs par 'gyur te tshad ma las tha dad pa med pa'i phyir ro/ /chod pa'i 'bras bu ni ma yin te gags byed pa srid pa'i phyir ro/ /de la chod pa'i 'bras bu shes pas blang bar bya ba'i don shes nas zhes bya ba la sogs pas 'chad par byed do//dbang po la sogs pa zhes bya ba'i sogs pa'i sgras ni don dang bdag dang yid dang de dag phrad par yongs su gzung ngo / /de yod pa tsam gyis zhes bya ba ni dbang po la sogs pa yod pa tsam ltos pa med pa'i yul can gyi rtogs pas so//de bas na rtag tu 'jug par 'gyur ro zhes bya bar dgongs so/ /ji ltar rigs pa bzhin du zhes bya ba ni blang bar bya ba dang dor bar bya ba dor ba'o/ /bsam pa ni 'di dang 'di bya'o snyam du sems pa'o/ /dbang po la sogs pa bsam pa sngon du gtong ba can 'jug pa ni ma yin no/ /de bas na dang po'i shes pa nyid 'jug pa'i rgyu yin gyi dbang po la sogs pa ni ma yin no//bsam pa dang yul der 'gro ba la sogs pa bdag kyang 'jug par byed pa dag ma yin nam/ bden te de lta na yang de las gzhan du gyur pa tshad ma de las gzhan pa de'i stobs las byung ba can te/ tshad ma'i stobs las skye ba nyid kyi phyir ro//de bas na de ni dang po'i 'jug pa'i yan lag ma yin no/ /tshad mas mthong ba'i don gyi yul can de dag ni de'i yul can dag yin no/ /de bas na don ma rtogs pa nyid kyi rtogs pa po nyid kyang ma yin pa'i phyir dang po'i shes pa de nyid tshad ma yin te dang po 'jug par byed pa'i yan lag nyid yin pa'i phyir don ma rtogs pa nyid 'dzin pa'i phyir ro//des na blo ni zhes bya ba la sogs pa la/ de zhes bya ba ni blo yul dang 'dra ba nyid do/ /'di ni sngon po'i shes pa yin la 'di ni ser po'i shes pa yin no zhes bya ba ni don so so la tha dad par byed pa yin no/ / nyams su myong ba'i bdag nyid tha dad pa med du zin kyang zhes bya ba ni nyams su myong ba'i bdag nyid du blo yul so so la yul dang 'dra ba nyid las gzhan du tha dad pa yod pa ma yin no/ /'bras bu 'di zhes bya ba ni yul rtogs pa'o/ /de yod na yang 'ga' zhig gi tshe zhes bya ba ni zlog pa rjod par byed pa'o//de'i zhes bya ba ni yul dang 'dra ba nyid kyi'o/ /de ni yul rtogs pa ni'o/ /chod pa med pa de'i phyir gzhan la ltos pa med pa can yul dang 'dra ba nyid 'bras bu rnam par gzhag pa'i rten yin no/ /brjod pa'i zhes bya ba la sogs pas dpyod pa pa'i gzhung la dogs pas bsu ba'o/ /brjod pa'i yul la zhes bya ba ni/rig byed pa'i ngag gi yul la'o/ /grub pa'i sgra don tha dad par byas nas mngon par gsal ba'am skye ba zhes bya ba la sogs pas rnam par rtog par byed de gzhan las skye ba'i nges pa ni mngon par gsal ba'o/ /sgra grub pa zhes bya ba ni mngon par gsal ba yin no zhes rtogs par bya ste/rtag par smra ba'i gzhung gis 'dir dper byas pa yin no/ /'bras chan grub pa zhes bya bas ni skye ba zhes bya ba rtogs par 'gyur ro/ /gzhan gyis tshad ma dag ni rang las tshad ma nyid yin no zhes bya ba de tsam gyis smras kyi/ grub pa'i sgra rab tu sbyar ba med pa ma yin nam 'di ltar rang las tshad ma nyid ces bya ba las gdon mi za bar khong nas dbyung bar bya'o//de la gal te re zhig grub pa'i sgra khong nas dbyung ba de'i tshe/ de ltar rnam par rtog par bya ba dang / gang gi tshe khong nas mi 'byung ba de'i tshe yang rang nyid las tshad ma nyid yin no zhes brjod pa na ci nges pa'am skye ba zhes brjod par bya'o snyam du bsams pa'o//de la gal te sgra grub pa skye ba'i brjod pa yin pa de'i tshe tshad ma'i rgyu gzhan las skye ba spangs pa yin te/ bdag nyid kyi rang gi ngo bo nyid tshad ma skye bar brjod pa'i phyir ro/ /shes pa skyes pa'i tshad ma'i bdag nyid du gyur pa'i rgyu ma yin zhing ma skyes pa yang ma yin no zhes bstan pa'i phyir/ re zhig skye ba ma yin te zhes bya ba la sogs pa smos te skyes pa dang ma skyes pa zhes bya ba'i gnas skabs dag la zhes bya ba ni bdun pa'i tshig gnyis pa'o//tshad ma dang der snang bdag skye ba'i dus na khyad par nges par gzung ba med de zhes bya ba ni goms pa med pa zhes bya bar shes par bya'o/ /de skad du brjod pa des kyang zhes bya ba ni dpyod pa pas so//bstan bcos ni rmongs pa bzlog pa'i don yin gyi/ rang las tshad ma nyid nges pa na tshad ma'i yul can gyi rmongs pa yod pa ni ma yin no/ /rang nyid kyi brjod pa la gnod par byed do zhes bya ba ni mtshan nyid byed pa na mtshan nyid kyi ngag des tshad ma mtshon par bya ba yin no zhes gzhan las tshad ma nyid khas blang bar 'gyur ro//ngo bo des zhes bya ba la sogs pas de nyid ston te mtshan nyid byed pa yin na zhes bya ba 'di dang sbyar ro/ /ci'i phyir byed ce na ngo bo de ste mtshan nyid brjod pa'i ngo bos so/ /gzhan gyis te rtogs par bya bas tshad ma rig par bya ba'i phyir ro/ /de yang rigs pa ma yin no zhes bya ba ni de ltar khas len pa na gzhan las tshad mar rtog par thal ba'i phyir ro//log pa'i don can nyid kyi rgyu med par kun nas bstan pas zhes bya ba la sogs pa'i don can nyid kyi rgyu ni 'dod chags dang zhe sdang la sogs pa'o/ /de dag med par kun nas bstan cing brjod pas so/ /de skad du/ log pa nyid rgyu nges pa ni/ /skyes bu dag la rnam par gnas/ /skyes bus byas pa'i ngag ni log pa'i don can nyid du bsam par bya ba yin no/ /rig byed skyes bus byas pa min/ /de phyir 'di ni tshad ma yin/ /zhes brjod pa yin no/ /ci ste skyes bus ma byas pa nyid kyis tshad ma nyid ma yin pa 'dir bsal ba yin gyi tshad ma nyid sgrub pa ni ma yin no zhes 'dod na/'o na tshad mar yang de mi 'gyur ro/ /gal te gnyi ga sgrub pa de ni srid pa ma yin no zhe na 'o na ni gzhan du mi 'thad pa nyid kyis tshad ma nyid yin te khyed cag gi gzhan du mi 'thad pa yang don gyis go ba yin pa'i phyir gzhan las tshad ma nyid yin par 'gyur ro//rang rig par 'dod par 'gyur na dpyod pa pa rang rig pa yang mi 'dod do/ /de yang gzung ba nyid ni yin mod kyi zhes bya ba ni tshad ma nyid de/ shes pa cha med pa nyid kyi phyir rang rig par 'gyur ba na/ thams cad kyi bdag nyid du 'gyur ba zhes bya ba'i don to/ /'on kyang gzung du zin kyang ji ltar nyams su myong bzhin du nges pa ni ma yin no//de bas na de la mngon sum ni tshad ma nyid ma yin no/ /tshad ma'i phyis 'byung ba can gyi nges pa skyed pa'i phyir mngon sum ni gzung ba'i rnam pa dag la tshad ma nyid yin no/ /'on kyang gzung ba'i rnam pa dag la zhes bya ba la sogs pas de nyid ston pa'o//gal te gzung bar mtshungs pa yin na 'ga' zhig la nges pa'i rgyu yang ci zhig yin zhe na mthong ba la khyad par med na yang zhes bya ba la sogs pa smos te/ don du gnyer ba ni de mngon par 'dod pa nyid do/ /goms pa ni yang dang yang du mthong ba'o/ /skabs ni gnas skabs so/ /sogs pa'i sgras ni der 'khrul pa med pa'i don gzhan nye ba dang der 'phrod pa'i yul dang dus la sogs pa gzung ngo //tha snyad kyis ni tshad ma nyid/ /'jug pa las sngar zhes bya bar rtogs par bya'o/ /yang dag pa'i shes pa'i nye bar mtshon par byed par gyur pa'i chos ston pa'i mtshan nyid can gyi bstan bcos las zhes bya ba ni yang dag pa'i shes pa'i nye bar mtshon par byed par gyur pa'i chos gang yin pa de ston pa'i mtshan nyid kyi ngo bo de nyid bstan bcos gang la yod pa zhes bya bar tshig rnam par sbyar ro//yang na yang dag pa'i shes pa'i nye bar mtshon par byed pa yang dag pa phyin ci ma log pa'i chos de ston pa'o/ /lhag ma ni snga ma dang 'dra'o//tshad ma rab tu grags pa nyid dang zhes bya ba la sogs pa 'di skad du/ tshad ma dang ni tha snyad rnams/ /des byas pa ni rab grags na/ /tshad ma'i mtshan nyid bshad pa yi/ /dgos pa dag ni mi shes so/ /zhes smras so/ /ma shes don gyi gsal byed kyang / /zhes bya ba la sogs pa la/gzhan mtshan nyid gnyis pa zhes bya ba ni 'jig rten gyi rjod par byed pas 'di ni gcig yin la/ 'di ni gzhan rnam pa gnyis pa yin no zhes bya ba smos pa yin no/ /yang na gzhan med pa zhes bya ba 'dis khyab pa nyid ston te/ gzhan mtshan nyid gnyis pa yang byar yod pa ma yin te/ gang la 'dis ma khyab pa'i yul la mtshan nyid gzhan 'jug par 'gyur ro/ /'di nyid kyis tshad ma gnyis la khyab pa nyid kyi phyir ro/ /de skad 'di ni spyi'i mtshan nyid gnyis pa yin no zhes bstan par 'gyur ro/ /mi shes pa'i don gyis zhes bya ba'i rnam par 'grel pa ni dngos po'i de kho na nyid kyi'o/ /de dang de zhes bya ba ni mi shes pa'i don gsal bar byed pa'i mtshan nyid can gyi tshad ma nyid do//gal te mi shes pa gsal bar byed pa zhes bya ba de tsam gyis chog mod/ don gyi sgras ci zhig bya zhe na/ don smos pa ni zhes bya ba smos so/ /mi shes pa de zhes bya ba ni zla ba gnyis pa la sogs pa'o/ /de don ma yin pa'i phyir zhes bya ba la don ni don byed par nus pa yin na zla ba gnyis pa la sogs pa bsgrub bar bya ba'i don byed pa ma yin no//ldog pa'i yul can nyid ces bya ba ni med pa'i yul can gyi'o/ /don byed pas kyang zhes bya bas ni mi shes pa'i don gyi yod pa dang med pa nyid du gsal bar byed pa de ltar na mi shes pa'i don gsal bar byed pa'i sgra don 'di mngon par 'dod pa yin no zhes bya ba 'di bstan par 'gyur ro//mngon sum gyis ma bzung ba nyid kyi spyi zhes pa ni spyi tha dad pa sems la bzhag nas rjes su sbyor ba'o/ /de dang de las log pa'i zhes bya ba 'dis ni de'i rigs can ma yin pa thams cad la log pa ston to//ji lta ba yongs su mthong ba'i khyad par gyi yul can nyid ces bya ba ni mngon sum gyis ji ltar yongs su bcad pa'i rang gi mtshan nyid kyi yul can nyid de/ de nyid rjod par byed pa'i phyir ro/ /'dis ni phyi rol gyi spyi med de zhes bshad do/ /spyi khas blangs nas kyang ma rtogs pa zhes bya ba la sogs pa smos so//sgra'i rang bzhin gyi mi rtag pa nyid ces bya ba la/ 'di skad du re zhig sgra chos can mngon sum gyis rtogs par bya ba yin no/ /de lta ma yin na gzhi ma grub pa'i gtan tshigs su 'gyur ro/ /de ltar na sgra'i rang bzhin las tha dad pa med ba'i mi rtag pa nyid kyang gzung ba yin no snyam du sems so//nges pa la sogs pa zhes bya ba'i sogs pa'i sgras ni 'jug pa dang de nan tan du byed pa la sogs pa gzung ngo / /sngar bstan zin to zhes bya ba ni le'u dang po'i gzhan sel ba dpyod pa'i skabs su'o/ /gal te rang gi mtshan nyid ma rtogs pa shes pa gang yin pa de tshad mar 'dod pa de'i tshe//don byed par mi nus pa med pa gang yin pa'i yul can gyi mi dmigs pa de ni tshad ma nyid ma yin par thal bar 'gyur te med pa'i yul can nyid yin pas na rang gi mtshan nyid ma rtogs pa rtogs pa med pa nyid kyi phyir ro/ /'di la yang zhes bya ba la sogs pas lan 'debs par byed de/'di 'di na med do zhes bya ba'i tshul 'dis sngar rang gi mtshan nyid ma rtogs pa mi dmigs pas rtogs par gyur pa na mi dmigs pa de la mi shes pa don gyi yul can nyid yod pa nyid yin no/ /rang gi mtshan nyid kho na med pa nyid du zhes bya ba la sogs pa de nyid gsal bar byed de/bum pa la sogs pa don byed par nus pa dgag par bya ba med pa nyid du rtogs pa'i phyir/ don dam par mi dmigs pa yang rang gi mtshan nyid kyi rten can nyid yin no zhes bya bar sbyar ro/ /rang gi mtshan nyid dgag par bya ba nyid yin pa'i phyir 'dis ni med ba'i yul can nyid bstan to//phyogs la sogs pa des dben pa'i zhes bya ba la sogs pas ma yin pa ston te/ bum pa la sogs pa dgag par bya ba des dben zhing bral ba'o/ /de'i yul ni phyogs la sogs pa'o/ /des dben pa'i ngo bo ni bum pa la sogs pa dgag par bya ba des dben pa'i ngo bor ro//phyogs 'di ni gsal ba kho nar rang gi mtshan nyid kyi yul can nyid yin no// //tshad ma rnam 'grel gyi 'grel bshad/ bam po bzhi bcu rtsa gnyis pa/ gang du nam mkha' la sogs pa rnam par gcod pa na zhes bya ba la sogs pa'i sgras bdag la sogs pa rnam par gcod pa gzung ngo / / nam mkha'i rgyus stong pa zhes bya ba ni/ nam mkha' dngos por gyur pa'i rgyu dang bral ba'o/ /de'i rnam par rtog pa'i blo nyid ces bya ba ni nam mkha' med do zhes nam mkha' la dmigs pa'i rnam par rtog blo gang yin pa de nyid rten yin te/ phyi rol gyi dngos po'i rgyu can ma yin pa de nyid ni bsgrub par bya ba nyid yin pa'i phyir ro//rtogs pa pos skyes bu'i don bsgrub par bya ba zhes bya ba ni 'phags pa'i bden pa bzhi'i mtshan nyid do/ /glo bur bar yang zhes bya ba ni rgyu med pa can te/ rgyu med pa la ni yul dang dus dang rang bzhin gyi nges pa mi rung ba'i phyir ro/ /gang gis sgrub par byed pa zhes bya ba la sogs pa la des ni de thob par 'gyur te zhes bya ba gags med na zhes bya bar blta bar bya'o//tshad ma nyid kyi sgrub par byed pa phyin ci ma log ba bcom ldan 'das gang gis nan tan du bya ba de la de skad ces bya'o/ /tshad ma nyid kyi sgrub par byed pa yang 'chad par 'gyur ro/ /rang bzhin gyi gtan tshigs so zhes bya ba ni de'i sgrub par byed pa nan tan du byed pa'i rgyus des thob par bya ba'i 'bras bu skyer rung ba rjes su dpag par bya ba nyid yin pa'i phyir 'di ni rang bzhin gyi gtan tshigs yin te rung ba nyid du rjes su dpag pa'i phyir ro//ji skad du/ rgyu tshogs pa yis 'bras skye bar/ /rjes su dpog pa gang yin pa/ /don gzhan la ni mi ltos phyir//de ni rang bzhin yin par brjod/ /ces bshad pa yin no/ /bcom ldan 'das kyang tshad ma nyid kyi sgrub par byed pa phyin ci ma log par nan tan du mdzad pa can yin no zhes bya ba/ bcom ldan 'das nan tan du mdzad pa nyid nges par byed pa'i tshad ma med pa'i phyir gtan tshigs la the tshom za ba'i ma grub pa yin no//sgrub par byed pa nan tan du byed pa srid pa can gang yin pa de ni 'bras bu thob pa yang srid pa zhes bya bar bye brag med par de tsam zhig ni nus mod kyi/ tshad ma nyid du bstan pa rtogs par ni mi nus so/ /skyon 'di ni med de 'dir yang skyes bu'i nges pas tshad ma nyid kyi sgrub par byed pa nan tan du byed pa 'dod pa ni ma yin gyi/'on kyang spyir nan tan du byed pa nyid yod pa la gnod pa can gyi tshad ma yod pa ma yin no/ /de'i phyir tshad ma nyid kyi sgrub par byed pa phyin ci ma log pa nan tan du mdzad pa can srid pa gang yin pa de nyid kho bo cag gi bcom ldan 'das yin no/ /de nyid kyi bstod pa ni/ tshad mar gyur pa ston pa bde gshegs skyob//'gro la phan par bzhed la phyag 'tshal nas/ /zhes bya ba 'di yin no/ /gzhan dag ni gang gis dang por phung po dang / khams dang skye mched la sogs pa'i dngos po thams cad kyi rang dang spyi'i mtshan nyid kyi bye brag tha dad pa rnam pa thams cad tshad mas mi slu ba can dang / de dang 'gal ba med pa ston par mdzad pa'i ston pa po de ni tshad ma nyid kyi sgrub par byed pa nan tan du mdzad pa 'bras bur gyur pa nyid kyi ston pas rjes su dpog go/ /mngon sum du ma mdzad par rnam pa thams cad tshad ma dang mi 'gal bar ston pa mi srid do zhes smras so/ /ji skad du/ rang rtogs rjes su 'brang bas ni//ji tsam zhig ni rtogs par nus/ /zhes bshad pa yin no/ /ji skad du 'dir yang / blang bya de rgyu lkog gyur can/ /de bshad pa ni dka' ba yin/ /zhes 'chad par 'gyur ro/ /nam mkha' la sogs pa khyab par byed pa nyid yin pa de bzhin du zhes bya ba ni/ bye brag pa dag gis/ nam mkha' khyab par byed pa nyid//ces bya ba'i yon tan yin no zhes 'dod do/ /dngos po mthong ba'i yul yang yod pa ma yin no zhes bya bar sbyar ro/ /dus gang gi tshe zhe na dngos po'i snga na med pa dang / zhig nas med pa'i gnas skabs kyi zhes bya ba smos te/ dngos po zhes bya ba'i snga na med pa'i gnas skabs dang /zhig nas med pa'i gnas skabs kyi zhes bya ba'i don to/ /me mthong ba lta bu'o zhes bya ba ni me dang de mthong ba ni mi rtag pa nyid du gzhan yang 'dod pa'i phyir bsgrub par bya ba dang sgrub par byed pa'i rjes su 'gro ba'i dpe yin no/ /rang bzhin gyi gtan tshigs so zhes bya ba la/shes pa mi rtag pa nyid ni mi rtag pa'i yul nyid tsam gyi rgyu can nyid yin pa'i phyir ro/ /shol bar byed par 'gyur ba zhes bya ba ni rim bzhin byed par 'gyur ba'o/ /de ni de dang ldan pa nyid du zhes bya ba la de ni zhes bya ba ni phan 'dogs par byed pa med pa'o/ /de dang ni phan gdags par bya ba ma yin pa'i chos dang tha snyad du bya bar rigs pa ma yin te zhes bya bar sbyar ro//tha snyad du bya ba ji lta bur gyur pa zhig ce na de dang ldan pa nyid du zhes bya ba smos te phan gdags par bya ba'i chos dang ldan pa nyid du'o/ /gsum pa 'di ni de lta bur gyur pa'i mtshan nyid la sbyar ba yin no//gzhan 'ga' zhig 'ga' zhig dang zhes bya ba ni dper na ba lang rta dang ldan pa ma yin pa lta bu'o/ /de dang ldan pa nyid du tha snyad du bya bar rigs pa nyid la phan gdags par bya ba dang / phan 'dogs par byed pa'i ngo bos khyab pa yin na de ni 'di la med pa'i phyir khyab par byed pa mi dmigs pa yin no//'di'i sgrub par byed pa'i tshad ma yod pa ma yin pas na tshad ma med pa can no/ /de'i dngos po ni tshad ma med pa can nyid do/ /mi rtag pa ngo bo nyid kyis grub pa ste rang bzhin gyis grub pa'i tshad ma skyes bu gang la yod pa de la de skad ces bya'o/ /sdod nas 'jug pa'i phyir zhes bya ba la sogs pas dbang phyug sgrub par byed pa'i tshad ma gsum 'god par byed do//lus kyi dbang po la sogs pa dus gzhan du sdod nas 'jug pa'i phyir ro/ /lus ni sems can gyi lus so/ /gnas ni snod kyi 'jig rten no/ /byed pa ni dbang po'o/ /phul du byung ba dang ldan pa ste tshig gi don sna tshogs pa rtsom par nus pa'i blo gang la yod pa de ni phul du byung ba dang ldan pa'i blo can gyi skyes bu'o//lus dang gnas la sogs pa gang dag la de sngon du song ba yod pa de la de skad ces bya'o/ /skyes bu de yang dbang phyug yin no snyam du sems so/ /lus dang gnas dang byed pa zhes bya ba de la ltos nas 'jig rten gyi zhes bya ba drug pa yin no//lus dang gnas dang byed pa dag gis 'jig rten thams cad bsdus pa'i phyir thams cad phyogs su byas pa nyid yin no/ /de bas na gang gis na gzhan ste'u la sogs pa dper 'gyur zhe na gang la log par rtogs pa yod pa dag la yin no zhes bya ba smos so//de skad du thams cad phyogs su byas pa ni ma yin gyi/ 'on kyang phul du byung ba dang ldan pa'i blo can gyi skyes bus byin gyis brlabs pa sngon du song ba nyid gzhan gyis ma rtogs pa de nyid phyogs su byas pa yin la/ ste'u la sogs pa dag la ji skad du bshad ba'i sgrub par byed pa'i chos yod pa nyid kyi phyir de dag phyogs su byas pa ni ma yin no zhes smra'o//de dag sgrub par byed pa gzhan dag ces bya ba ni dbang phyug sgrub par byed pa dag ste/ gang sems med pa de ni skyes bu dang blo dang ldan pa sngon du song ba can yin te dper na ste'u la sogs pa lta bu'o/ /lus dang byed pa la sogs pa yang sems med pa yin no zhes bya ba de lta bu la sogs pa la'o//'dod pa grub pa'am zhes bya ba'i mdo 'di'i bshad pa ni grub pa la sgrub pa zhes bya ba yin no/ /gang gi tshe rtag pa nyid la sogs pa'i khyad par la ltos pa med pa skyes bu tsam gyis byin gyis brlabs pa sngon du song ba can nyid bsgrub par bya ba yin pa de'i tshe grub pa la sgrub pa yin no//de nyid ni dngos sam brgyud pas zhes bya ba la sogs pa smos te sems can thams cad kyi zhes bya ba ni lus dang gnas dang byed pa la sogs pa dag gi zhes bya ba la ltos pa dang sems pa'i khyad par la ltos nas 'brel pa'i drug pa yin no//lus dang gnas dang byed pa la sogs pa dag gi zhes bya ba 'di yang mngon par 'grub pa'i phyir zhes bya ba'i tshig la ltos nas drug pa yin no/ /sems can rnams kyi lus dang gnas dang byed pa gang yin pa de rnams ni sems can thams cad dang 'brel pa'i sems pa'i khyad par las mngon par 'grub pa'i phyir ro zhes bya ba'i don te//sems rnams khyad par ji lta bu can zhig ce na/ dngos sam zhes bya ba la sogs pa smos te/ gang gi tshe phan tshun bdag po nyid du chod pa med pa la brten nas 'jug pa de'i tshe dngos dang chod pa nyid la brten pa ni brgyud pas so//sems pa blo'i mtshan nyid can ma yin par grangs can 'dod pa'i phyir de bsal bar bya ba'i don du blo'i mtshan nyid can smos so/ /dbang phyug tu mngon bar 'dod pa de las gzhan pa de'i phan 'dogs par byed pa de la ltos pa med pa'o/ /des ni phul du byung ba nyid du byar med pa nyid kyi phyir rtag pa nyid dang gcig gi zhes bya ba 'dis grogs gzhan la ltos pa med pa nyid smras so//gal te grogs gzhan la ltos pa med pa skyes bu rtag pa'i blos byin gyis brlabs pa sngon du song ba can nyid bsgrub bya yin na zhes bya ba'i don to/ /dpe ma grub ces bya ba'i mdo 'di'i dpe bsgrub par bya bas stong pa zhes bya ba ni bshad pa yin no//de lta bur gyur pa'i zhes bya ba la sogs pas de nyid rnam par 'byed par byed do/ /de lta bur gyur pa'i skyes bus zhes bya ba ni gzhan phan 'dogs par byed pa la ltos pa med pa la sogs pa dang ldan pas so/ /skyes bu mi rtag pas byin gyis brlabs pa'i ste'u la sogs pa rnams kyi 'jug pa mthong ba'i phyir ro//des ni gang sdod nas 'jug pa zhes bya ba'i sbyor ba de'i dpe gang yin pa de la bsgrub par bya bas stong pa nyid bshad do/ /de bzhin du gzhal yas khang la sogs pa grub pa ni de lta bur gyur pa'i skyes bus byin gyis brlabs pa'i dbang gis ma yin no zhes bya bar sbyar ro//'dis ni sbyor ba bar ma'i dpe bsgrub par bya bas stong pa nyid bshad do/ /de lta bur gyur pa'i skyes bus byin gyis brlabs pa la sogs pa zhes bya ba 'di la yang ma yin no zhes bya bar sbyar ro/ /'dis ni sbyor ba gsum pa'i dpe bsgrub par bya bas stong pa nyid bshad do//de ltar re zhig skyes bu gzhan gyi phan 'dogs pa la ltos pa med pa skyes bu'i blo sngon du song ba can nyid kyis dpe ma grub pa brjod nas/ da ni skyes bu gcig gi khyad par gyi blo sngon du song ba can nyid kyi ni thams cad du zhes bya ba la sogs pa smos te thams cad du ste'u la sogs pa la'o/ / de bas na skyes bu gcig gi blo sngon du song ba can nyid ma grub pa yin no/ /ci ste skyes bu du ma nye bar sbyor ba nyid yin du zin kyang de la gcig ni gtso bo nyid yin te de nyid dbang phyug tu 'gyur bar 'dod do zhe na/ nye bar sbyor ba dag la yang zhes bya ba smos te/ gnas skabs gzhan thob pa gags bya bar mi nus pa can thams cad ni gtso bo nyid yin pa'i phyir ro//de nyid gsal bar bya ba'i phyir thams cad de la nye bar sbyor ba na zhes bya ba la sogs pa smos te/ 'bras bu de 'grub par bya ba'i phyir nye bar sbyor ba ni de la nye bar sbyor ba na'o/ /de lta bu'i rnam pa can gyi skyes bu de nyid kyis zhes bya ba ni dbang phyug gis so//de ltar na dbang phyug kyang sdod cing sdod nas lus la sogs pa la 'jug par byed na'o/ /sogs pa'i sgras ni byed pa dang gnas yongs su gzung ngo / /de lta bu'i rnam pa can gyi skyes bu gzhan gyis byin gyis brlabs pa zhes bya ba ni rang nyid kyis ma nges pa yin no/ /ci ste de la yang byin gyis rlob pa po 'dod na byin gyis rlob pa po gang yin pa des ma nges pa ma yin no//de la yang byin gyis rlob pa po gzhan khas len na thug pa med par thal bar 'gyur ro/ /de ltar re zhig sdod nas 'jug pa'i phyir zhes bya ba'i gtan tshigs ma nges pa nyid du bshad nas don byed par nus pa'i phyir zhes bya ba 'di ma nges pa nyid yin no zhes bstan pa'i phyir thug pa med pa'i skyon yod pa nyid kyi phyir de lta bu'i rnam pa can gyi skyes bus byin gyis rlob pa ste dbang phyug gis don gyi bya ba byed pa ni ma yin no zhes bya ba'i gtan tshigs 'di yang rang nyid kyis ma nges pa ma yin no//de ni sdod nas 'jug par byed pa nyid kyang ma yin no zhes bya ba la sogs pa la dbang phyug 'di ni rtag tu 'jug pa nyid yin no//de bas na de la gtan tshigs 'jug pa nyid yod pa ma yin pa'i phyir gang gis na ma nges pa ma yin snyam du bsams pa'o/ /de'i 'bras bu thams cad la zhes bya ba la rim bzhin du byed pa can nyid ma yin par khas len pa na cig car 'bras bu skyed par 'gyur ro//gal te rtag par rim gyis byed pa nyid yin na yang ji ltar 'gyur zhe na nyes pa gzhan 'dir 'gyur ro/ /rang bzhin nyams pa'i phyir ro zhes bya ba ni thams cad du don byed pa khas mi len na dngos po nyid nyams par 'gyur ro/ /gzhan yang zhes bya ba la sogs pa la sdod nas 'jug pa la sogs pa'i gtan tshigs ma grub pa yin no//khyab pa med pa'i phyir ma nges pa nyid kyang yin no zhes bya ba ni bsgrub par bya bas sgrub par byed pa la khyab pa med pa'i phyir ma nges pa yin no/ /sngar rang nyid kyi dang des ni rnam pa thams cad du ma nges par bstan to//sgo khang ni sgo'i bye brag go/ /de'i byed pa ma mthong du zin kyang ste gang gis khang bzangs la sogs pa de byed pa ma mthong na yang ngo / /gang las ri la sogs pa dag la de lta bu'i rnam pa can gyi dbyibs yod pa ma yin pa de'i phyir ma grub pa nyid yin no/ / de skad du sdod nas 'jug pa la sogs pa dag la yang brjod par bya'o zhes bya ba ni ci 'dra ba'i sdod nas 'jug pa dang don byed par nus pa blo sngon du song ba can ci 'dra ba de 'dra ba nyid gal te lus dang byed pa la sogs pa dag la yod par gyur na der 'gyur te/ gang las yod pa ma yin zhe'o/ / ci 'dra ba grub pa zhes bya ba ni bkod pa la sogs pa zhes bya ba 'chad par 'gyur ba dang sbyar ro/ /dbyibs kyi khyad par la sogs pa tha dad pa la zhes bya ba'i sogs pa'i sgras ni sdod nas 'jug pa dang don byed par nus pa gzung ngo / /rdzas sngon po'i khyad par ni du ba'o/ /gang kho na me las skye ba'i chos de la gzhan dang thun mong ma yin pa'i chos ni sngon po nyid do//de bas na spyi de 'dra ba zhes bya ba la sogs pas khyab pa med pa'i phyir dang gtan tshigs ma nges pa nyid kyang yin no zhes bshad pa gang yin pa de mjug sdud par byed do/ /ci ste yang zhes bya ba la sogs pas ma grub pa nyid bstan to//dbyibs kyi khyad par de nyid ces bya ba ni khang bzangs la sogs pa skyes bus byas pa nyid du grags pa gang yin pa'o/ /de'i 'bras bu nyid du zhes bya ba ni skyes bu'i 'bras bu nyid du'o/ /de bzhin du sdod nas 'jug pa la sogs pa'i khyad par ste'u la sogs pa dag la yang yin pa de ni ri bo la sogs pa dag la yang yod pa ma yin no zhes bya bar sbyar ro//des byas zhes bya ba de'i bshad pa ni rdza mkhan gyis byas par ro zhes bya ba yin no/ /gal te spyi gtan tshigs su byas pa la khyad par kun tu brtags pa'i phyir de ni 'bras bu dang mtshungs pa zhes bya ba'i ltag chod yin no/ /gal te bum pa'i byas pa nyid gtan tshigs yin na de ni sgra la yod pa ma yin te gzhan gyi chos gzhan la med pa'i phyir ro//spyi gtan tshigs yin na zhes bya ba ni dbyibs la sogs pa tsam yin no/ /khyad par gtan tshigs yin na ni ma grub pa yin no/ /rigs kyi khyad par ni rdzas kyi bye brag go/ / rigs kyi spyi bzung ba'i phyir zhes bya ba ni dbyibs kyi spyi gzung ba'i phyir ro/ /ngag la sogs pa zhes bya ba ni/ ngag phyogs pa dang 'od zer dang zhes bya ba la sogs pa'o/ /ba lang nyid kyi phyir ni ba lang gi sgra'i brjod par bya ba nyid kyi phyir ro/ /de thams cad kyis ni ma grub pa nyid dang ma nges pa nyid du zhes bya ba ni khyad par gtan tshigs yin na ma grub pa dang spyi yin na ma nges pa nyid du'o//ser skya la sogs kyi zhes bya ba'i sogs pa'i sgras ni 'ug pa pa gzung ngo / /sems med sogs zhes bya ba'i sogs pa'i sgras ni bde ba la sogs pa ni nang gi nyid ma yin pa'i phyir ro zhes bya ba gzung ngo / / blo dang bde ba la sogs pa'i chos can ni mi rtag pa nyid la sogs pa'i gtan tshigs las sems med pa la sogs pa'i bsgrub par bya ba'i dpyad pa yin no zhes bya bar sbyar ro/ /dper na blo dang bde ba la sogs pa ni mi rtag pa nyid kyi phyir dang / skye ba dang ldan pa nyid kyi phyir sems med pa dang nang gi nyid ma yin te gzugs la sogs pa bzhin no//yang gi sgra ni rim pa gzhan du sbyar ro zhes bya ba mi rtag pa la sogs pa phyir yang zhes bya ba 'di'i yang gi sgra rim pa gzhan du sbyar ba ni sems dang ldan pa yang zhes bya ba 'di dang sbyar ro/ /shun lpags thams cad bshus na 'chi ba'i gtan tshigs kyi phyir zhes bya ba 'di las shing rnams sems dang ldan par bsgrub par bya ba gang yin pa de yang dpyad pa yin no zhes bya ba ni ngag gi don to//'di ltar sangs rgyas pa la sogs pa zhes bya ba ni/ de dag gis gtan du 'jig pa can gyis 'jig pa khas blangs pa nyid kyi phyir ro/ /rang dang gzhan gyis mngon par 'dod pa'i mi rtag pa'i don zhes bya ba la/rang gis mngon par 'dod pa'i mi rtag pa'i don ni grangs can gyi nub pa tsam mo/ /gzhan gyis mngon par 'dod pa ni sangs rgyas pa'i gtan du 'jig pa'o/ /ci rigs par zhes bya ba ni rang gis mngon par 'dod pa'i mi rtag pa'i don bzung ba ni gzhan la ma grub pa yin no//gzhan gyis mngon par 'dod pa khas blangs pa ni bdag nyid la ma grub pa yin no/ /mi rtag pa'i spyi gtan tshigs su byas pa na rgol ba bye brag la khyad par du rtog pa ni ltag chod du 'gyur ro zhe na/ 'bras bu dang mtshungs pa'i zhes bya ba la sogs pa smos so//spyi nyid ma grub pa'i phyir ro zhes bya ba ni gal te grangs can gyis kun tu brtags pa nyid kyi mi rtag pa nyid kyi khyad par dang / sangs rgyas pas kun tu brtags pa nyid gcig la gcig grub par 'gyur ba de'i tshe gsal ba'i bye brag gis mi rtag pa nyid kyi khyad par gnyis gnas pa yod na de'i rten can gyi spyi grub par 'gyur te/dper na sgra dang bum pa yang byas pa yin na de dag gi byas pa nyid spyi gtan tshigs su 'gyur ba lta bu'o/ /'dir ni gsal ba nyid ma grub pa'i phyir gang las de'i rten can gyi spyi grub par 'gyur/ de yang tshad ma rnam par nges pa las rgyas par bshad zin to/ / de bas na tshad ma rnam par nges pa las khong du chud par bya'o zhes bya bar smos so/ /shun lpags bshus pas 'chi ba'i phyir/ /zhes bshad pa gang yin pa de yang ma grub pa ni shing rnams la zhes bya ba la sogs pa smos te/ shing rnams la zhes bya ba la sogs pa dgag pa'i mtshan nyid can gyi 'chi ba ni ma grub pa yin no//grub na yang sems pa yang grub pa'i phyir sgrub par byed pa don med do/ /gal te bskams pa tsam nyid 'chi ba yin par 'dod pa yin la de yang shing rnams la yod pa yin no zhe na 'chi ba'i sgra zhes bya ba la sogs pa smos so/ /mi 'jug na yang zhes bya ba ni sha skam la sogs pa la skam pa zhes bya ba mi 'jug go zhes khas len pa'i brjod pa 'di yin mod kyi de lta na yang gang zhig bskams pa dang ldan pa de la sems yod pa zhes bya ba'i khyab pa grub pa ma yin te bzlog pa la gnod pa can gyi tshad ma med pa'i phyir ro//'brel pa can tha dad pa'i rten gyis zhes bya ba ni ci'i sgra'i byas pa nyid dam 'on te bum pa'i byas pa nyid brjod par 'dod pa yin zhe'o//nam mkha'i yon tan nyid la sogs pa zhes bya ba'i sgras ni dngos por gyur pa'i ldan pa rnam par phye ba dag gis skyed pa nyid la sogs pa gzung ngo / /lus sogs sgrub byed ces bya ba'i sogs pa smos pas ni thogs pa dang bcas pa nyid la sogs pa gzung ngo //'di'i yang zhes bya ba ni bye brag pa'i'o/ /de'i rdzas ni rnam pa gnyis te phyogs dang bdag dang dus dang nam mkha' zhes bya ba ni thams cad du 'gro ba'o/ /sa la sogs pa ni thams cad du 'gro ba ma yin pa'o/ /de'i tshad tshig gi don gang yin pa de ni lus can yin no//phan tshun mngon par 'dod pa'i yul la zhes bya ba ni/ reg bya dang tshad la ste don la ma grub pa ni ma yin no zhes bya bar sbyar ro/ /lus can gyi sgra'i don reg bya'i mtshan nyid can brjod par 'dod pa gang yin pa de ma grub pa ma yin pa ste/ brjod par 'dod pa nyid yin no/ / de nyid ni gnyi gas zhes bya ba la sogs pa smos pa la reg bya ni sgrub par byed pa nyid yin no zhes rnam par dbye ba bsgyur nas sbyar ro/ /'gal ba ni bsgrub par bya ba bzlog pas khyab pa'o/ /sgra 'khrul pa tsam gyis sgrub par byed pa skyon dang ldan pa ma yin no zhes bya ba khong nas dbyung ngo / / gang la yang don 'khrul pa can yin zhing sgra 'khrul pa med pa can yin zhe na dper na zhes bya ba la sogs pa smos te/ khra mo rwa can nyid du bsgrub par bya ba'am glang po'i phrug gu'i khyad par la rwa can du zhes bya bar sbyar ro/ /ba lang nyid lag can nyid phyir/ /zhes bya ba ni go rims bzhin du gtan tshigs yin no//gtan tshigs 'di gnyis kyi don kyang go rims bzhin du 'gro ba'i phyir ram zhes bya ba la sogs pa smos so/ /ba lang gi sgra la sogs pa'i brjod par bya ba nyid grags pa brjod par 'dod pa ma yin pa zhes bya ba ni rigs tha dad par mi 'dod pa gang yin pa de dag ni grags pa nyid kyi dbyibs kyi khyad par gyis khyad par du byas pa'i rdzas la ba lang la sogs pa'i sgra 'jug par 'gyur ro//de dag ni ba lang la sogs pa brjod par bya ba nyid de rdzas dbyibs kyi khyad par gyis khyad par du byas pa brjod par 'dod pa ma yin no/ /de brjod par 'dod pa yin na ni don nyid 'khrul pa can ma yin no//ba lang gi rigs sam zhes bya ba ni rigs tha dad pa'i smra pa'i gzhung gis de skad du bshad do/ /rigs brjod par 'dod pa yin na ni don 'khrul pa med par 'gyur ro/ /de lta na yang grags pas nges pa nyid kyi phyir zhes bya ba ni gal te ba lang nyid dang glang po che nyid kyi sgra dag gis 'gro ba dang lag pa dang 'brel pa rjod par 'dod pa de lta na yang grags pas nges par byas pa nyid kyi phyir 'gro ba dang lag pa dang 'brel ba bzung nas ba lang dang glang po che'i sgra la 'jug pa na yang de'i rigs te ba lang dang glang po che'i rigs la 'khrul pa ma yin no//'gro bas na ba lang zhes bya ba'i brjod pa la yang rab tu grags pa nyid kyi ba lang la ba lang gi sgra gnas pa'i phyir ro//de bzhin du glang po che'i sgra yang yin no/ /'dis ni sgra 'khrul pa med pa can bshad do/ /brjod par 'dod pa'i don yang zhes bya ba ni 'gro ba dang lag pa dang 'brel pa'o/ /'khrul par byed pa ni rwa med pa'i mi dag la yang 'jug pa'i phyir ro//don de brjod par 'dod pas zhes bya ba la sogs pa la 'gro ba la sogs pa'i don brjod par 'dod pas ba lang nyid la sogs pa'i sgra sbyor bar byed pa'i'o/ /'khrul pa med pa can yin na yang zhes bya ba ni gal te grags pas nges pa nyid kyi phyir sgra 'khrul pa med pa can yin pa de lta na yang de la sgra ni gtan tshigs ma yin no//'o na ci yin zhe na/ don nyid de 'gro ba dang lag pa dang 'brel pa'i mtshan nyid can no/ /de yang 'khrul pa yin te/ mi mthun pa'i phyogs la yang 'jug pa'i phyir ro/ /de 'dra ba'i rnam pa ni ba lang nyid la sogs pa'o//de 'dra ba'i zhes bya ba ni 'gro ba la sogs pa'i don brjod par 'dod pa la'o/ /gal te ba lang dang glang po che'i sgra dag la ba lang dang glang po che gang dag gi 'gro ba dang lag pa dang 'brel pa'i khyad par can dag la bstan pa de'i tshe sgra dang 'dra ba'i don ni 'khrul pa med pa'i phyir go bar byed pa'i gtan tshigs nyid yin no//ci ste 'gro ba dang lag pa dang 'brel pa tsam gtan tshigs yin pa de'i tshe/ de ni skyes bu la yang yod pa nyid kyi phyir/ rang gi rgyu mtshan gyis rab tu sbyar ba'i sgra ni skyes bu la yang thal bar 'gyur ba de ltar na sgra yang 'khrul pa yin no zhe na/ de'i phyir brjod par 'dod pa'i zhes bya ba la sogs pa smos te/'gro ba la sogs pa'i spyi nyid sgra'i don nyid du brjod par 'dod kyi khyad par ni ma yin no/ /brjod par 'dod pa'i don gyi spyi'i mtshan nyid kyang skyes bu la yod pa yin no/ /de lta na yang ba lang gi sgra dang glang po che'i sgra ni skyes bu la yod pa yin no/ /'chad pa po 'di skyes bu la ba lang la sogs pa'i sgra 'dod pa yang ma yin te/ba lang la sogs pa'i yul nyid la 'gro ba la sogs pa'i spyi bstan pa'i phyir ro/ /spyi nyid sgra'i don nyid du brjod par 'dod pa dang / de ni gzhan la yang yod pa yin na de'i rgyu can gyi sgra ni 'di la 'jug pa yod pa ma yin na de nyid ji ltar thob par 'gyur zhe na/de ni zhes bya ba la sogs pa smos te/ ba lang dang glang po'i sgra dag ni 'gro ba la sogs pa'i spyi'i rgyu mtshan rung ba ma yin mod kyi 'on kyang smra ba po'i tshig la mkhas pa med pa'i phyir de skad du brjod do/ /smra ba po de de skad du brjod na yang ba lang la sogs pa'i sgra de ni 'gro ba la sogs pa'i spyi de'i rjod par byed par grags par 'gyur ba ma yin no//de'i phyir skyes bu la sogs pa gzhan la spyi de rjes su 'gro na yang sgra ni de'i rjes su 'brang ba med pa'i phyir 'khrul ba med pa nyid yin no/ /de skad du khyad par la sgra don dang ldan par grags pa ni spyir rab tu sbyar du zin kyang spyi'i dbang gis thams cad la 'jug par nus pa ma yin du zin kyang byed pa po nyid du de ltar na sgra ni 'khrul pa med pa yin zhing 'chad pa po 'dod pa'i don de ni 'khrul pa yin no zhes bstan par 'gyur ro//gang gi tshe dbang phyug byed pa por 'dod pa la gnod pa'i tshad ma la bstan pa de ni rgyur 'dod la zhes bya ba ni gang gi tshe byed pa po ma yin du zin kyang byed pa por mngon par 'dod pa la'o//khyab par byed pa mi dmigs pa zhes bya ba ni byed pa po ma yin pa'i gnas skabs las khyad par yod pa nyid kyis khyab pa nyid kyi phyir ro/ /cig shos ltar na yang de dang 'dra bar byed pa po nyid ma yin par 'gyur ro//khyab par bya ba dang khyab par byed pa'i ngo bo nye bar ston pa 'di nyid ni khyab par byed pa mi dmigs pa dag la bzlog pa na ci rigs par gnod pa can gyi tshad ma med pa yin par blta bar bya'o/ /rang bzhin du gyur pa'i phul du byung ba ni 'bras bu skyed par nus pa'o/ /ma thob pa zhes bya ba ni ma rnyed pa'o//rgyu med na 'bras bu med pa ni ldog pa yin te/ de yang rtag pa nyid kyi phyir dbang phyug la yod pa ma yin pa de ltar na ldog pa med pa nyid yin no/ /'gyur bar ni 'dod na rjes su 'gro ba tsam nyid las rgyu dang 'bras bu'i dngos por 'gyur ro zhe na/ dngos po la zhes bya ba la sogs pa smos te/ de la dngos po gzhan yang thag nye ba de ltar na the tshom du 'gyur zhing ldog pas ni nges par byed par 'gyur ro//de ni 'on kyang zhes bya ba la sogs pa smos te/ dper na 'bras bur mngon par 'dod pa'i du ba la sogs pa 'di ni me dang shing la sogs pa'i tshogs pa 'di ni me dang shing la sogs pa'i tshogs pa 'di nye ba na yod na yod par 'gyur ba dang /mngon sum gyi dmigs par 'gyur ro/ /yang yul lam dus de nyid la tshogs pa de las gzhan me la sogs pa gang yang rung ba bstsal ba na bstsal ba de las gzhan pa'i nus pa yod du zin kyang ngo / /de med na ste gsal ba gang yin pa de med na med par 'gyur ba ni de'i 'bras bu yin no zhes rtogs par 'gyur ro//de lta ma yin na 'bras bu 'jug pa na ci'i phyir rgyu med na med par 'gyur/ 'gyur bar ni 'dod na/ glang po dang rta la sogs pa'i dngos po dag med na yang de med do zhes bya bar the tshom za bar mtshungs pa yin no/ /de ni de lta ma yin te gal te glang po dang rta la sogs pa'i dngos po med pas de med par 'gyur na/tshogs pa tshogs pa can gyi du ba la sogs pa yang mi skyed par 'gyur te/ de'i glang po dang rta la sogs pa dag med pa'i phyir ro/ /rgyu dang 'bras bu'i dngos po'i sgrub par byed pa'i rjes su 'gro ba dang ldog pa'i rjes su grub pa med pa zhes bya ba ni/rgyu dang 'bras bu'i dngos po'i sgrub par byed pa yang de yin la rjes su 'gro ba dang ldog pa yin pas zhes bya ba ni khyad par gyi bsdu ba'o/ /rgyu dang 'bras bu'i dngos po'i tha snyad kyi sgrub par byed pa yang 'dir rgyu dang 'bras bu'i dngos po'i sgrub par byed par bshad do/ / de lta ma yin na bsgrub par bya ba dang sgrub par byed pa dag tha dad pa med par 'gyur ro/ /gal te sa la sogs pa dag ljang bu mi skyed pa'i gnas skabs las zhes bya ba la sogs pa ni/ skad cig ma nyid ma yin par nges par byas nas brgal zhing brtag par byed pa yin te/ des na gang zhig 'bras bu gang gi khyad par skyed pa na zhes bya ba la sogs pa'i sbyor ba la ma nges pa yin no zhes bya ba ni/gang zhig 'bras bu gang gi khyad par skyed pa na de mi skyed pa'i gnas skabs las khyad par can gyi rang bzhin du gyur pa'i bya ba'i phul du byung ba yod pa ma yin pa de ni de'i byed pa po ma yin te zhes bya ba la sogs pas sbyor ba bshad pa gang yin pa de la ma nges pa yin te/mi skyed pa'i gnas skabs las sa la sogs pa khyad par can gyi rang bzhin dang bral ba yin du zin kyang byed pa po nyid du mthong ba'i phyir ro/ /de ni ma nges pa ma yin te zhes bya ba la sogs pas skad cig ma nyid la brten nas/ lan 'debs par byed do//gal te sa la sogs pa phul du byung ba skyes na mthong bar 'gyur na zhes bya ba ni dmigs pa'i mtshan nyid kyir gyur pa nyid kyi phyir zhes bsams pa'o/ /sa la sogs pa de legs byas pa na zhes bya ba la sogs pa la/ khyad par skyed na yang 'dra ba gzhan dang gzhan skye bas 'khrul pa'i phyir nges par ma byas pa yin pa de bas na 'bras bu'i sgo nas rjes su dpog pa yin no zhes bya ba 'di'i bsdu ba'i don yin no//ji ltar zhes bya ba la sogs pas yang ma nges pa'i dogs pa bsu ba yin te zhes bya ba ni ji ltar yang sa la sogs pa dpyod pas 'dir yang mig la sogs pa legs par byas pa na rnam par shes pa'i khyad par mthong ba'i phyir de dpyad pa nyid yin pa de lta na yang rigs pa gzhan brjod par bya ba'i phyir nye bar dgod pa yin no//de nyid ni/ so so so sor nus med rnams/ /zhes bya ba la sogs pa smos pa yin no/ /ldan par skyed par byed pa ni/ /tshig gi don yon tan no//nus pa med na yang sngar ci'i phyir skyed par mi byed ces bya ba ni mi skyed pa'i gnas skabs na yang ldan pa ci'i phyir skyed par mi byed/ gal te de skyed pa'i las zhes bya ba ni ldan pa skyed pa'o/ /de ltar na gnyi ga'i las las skye ba dang gang yang rung ba'i las las skye ba ldan pa yin par 'dod do//ldan pa skyed par byed pa'i las de nyid ci'i phyir mi byed ces bya ba ni gal te gnas skabs gnyi ga la yang rgyu rnams khyad par med pa de'i tshe lhan cig pa ma yin pa'i gnas skabs na yang las ci'i phyir mi byed/ gal te las kyi rgyu 'phen pa la sogs pa de'i tshe med pa'i phyir ro zhe na/ de'i rgyu zhes bya ba la sogs pa smos te/ las de'i rgyu ni gang 'phen pa la sogs pa'o/ /'phen par byed pa'i 'bad rtsol gyi khyad par gyi 'bras bu 'phangs pa zhes bya ba yon tan gyi khyad par gang gi dbang gis steng dang phyogs su 'gro ba skye bar 'gyur ro/ /sogs pa'i sgras ni 'bad rtsol la sogs pa gzung ngo //gal te rdzas de dag nyid las kyi rgyu 'phen pa la sogs pa'i yang rgyu yin na/ de yang ci'i phyir skyed par mi byed ces brgal zhing brtag pa mtshungs pa yin no/ /dbang phyug la sogs ma yin khyad par med phyir ro zhes bya ba ni/ tshogs pa'i gnas skabs na yang tha dad pa med pa'i rang bzhin can nyid yin pa'i phyir ro zhes bya ba'i don to//de nyid kyi bshad pa bshad pa las bzlog pa'i mtshan nyid can gyi zhes bya ba ni/ so sor nus pa med pa gang zhig tshogs pa na rang bzhin du gyur pa'i yon tan skyed par byed pa de ni dngos po mi rtag pa rgyu yin no zhes bshad pa de las bzlog pa'i mtshan nyid can/dbang phyug la sogs pa'i gnas skabs gnyi ga'i khyad par la yang ngo / /'di ltar tshad ma nyid kyi sgrub par byed pa nyid yod pa ma yin no zhes bya ba ni thabs gang gi tshad ma nyid thob par 'gyur ba'i thabs de yod pa ma yin no zhes bya ba'i don to/ / rkang zha ni rkang pa zha ba can no/ /khyab par byed pa 'gal ba dmigs pa'o zhes bya ba ni de'i sgrub par byed pa nan tan du byed pa yod pa la/ de'i sgrub par byed pa nyid kyis khyab pa nyid kyi phyir de dang 'gal ba sgrub par byed pa med pa can dmigs pa'i phyir ro/ /gcig la 'gal ba dag lhan cig gnas par thal ba ni 'gal ba sgrub pa'i mtshan nyid can gyi mi dmigs pa thams cad la bzlog pa na gnod pa can gyi tshad ma yin par blta bar bya'o//shes bya ma lus pa la khyab pa'i ye shes dang ldan pa'i phyir ram/ nan tan du bya ba'i don gyi yul can gyi ye shes dang ldan pa'i phyir tshad ma nyid yin na de la dang po la ni snyam sems pa'i tshad ma yod du zin kyang 'di tshad mar 'gyur ba zhes bya ba 'di la 'dod pa ma yin gyi 'on kyang gnyis pa kho na yin no//de bas na de nyid la snyam sems pa'i tshad ma bstan pa'i sgo nas gtan tshigs ma grub par bstan par 'dod pas/ des bshad ces bya ba la sogs pa smos so//rtogs pa pos skyes bu'i don nan tan du bya ba ni bden pa bzhi'o/ /de mkhyen pa can zhes bya ba ni/ nan tan du bya ba'i don mkhyen pa can te skyes bu'i'o/ /gzhan gyi zhes bya ba ni sman pa 'di ni kho na'o/ /nad med pa shes sam mi shes zhes de ltar sman pa'i shes pa tshol bar mi byed do//rgyu mi dmigs pa'o zhes bya ba ni gang gi bshad pa nan tan du byed par 'dod pa ni de'i yul can gyi shes pa tshol bar byed pa la rgyu nyid yin pa'i phyir ro/ /rgyu mi dmigs pa thams cad la yang 'bras bu rgyu med pa can nyid du thal ba ni bzlog na gnod pa can gyi tshad ma yin no/ /de dang rjes su mthun pa ni sdug bsngal zhi ba'i thabs dang rjes su mthun par ston pa'o//ston pa po gang las zhes bya ba ni 'chad pa po gang las so/ /de'i yul can gyi ye shes zhes bya ba ni sdug bsngal zhi ba'i thabs su gyur pa'i yul can no/ /de yang yod pa tsam du btsal bar bya ba yin gyi/ skyes bu so sor nges pas ni ma yin te/ de ni shes pa mi rung ba nyid kyi phyir ro/ /de skad du yang bstan bcos mdzad pa nyid kyis gzhan dag tu skyes bu'i rtag pa la 'jug pa na mi rtag pa nyid du 'gyur ro zhes bshad do/ /dam bcas par byed pas na dam bca' ba ste/ bsgrub par bya ba yin gyi bsgrub par bya ba 'chad pa ni ma yin te/de ni sgrub par byed pa'i dus na shin tu med pa'i phyir ro/ /bsgrub bya ru gyur pa'i ye shes rnams dpyad bya'i zhes bya ba 'di 'dir dam bca' bar 'dod do/ /bsgrub par bya ba'i yul can ma yin pa ni ma yin no zhes bya ba 'di yang / de'i srin grangs ni yongs mkhyen pa//kho bo'i gang la nyer mkho min/ /zhes bya ba'i tshigs su bcad pa'i cha 'dis dgag par bya ba ni dam bca' ba gnyis pa yin no/ /'dir ni 'grel pa mdzad pas/ thal bar 'gyur ba'i phyir bshad pa yin no/ /de ltar na/ de yin grangs ni yongs mkhyen pa/ /zhes bya ba'i don 'chad pa na/ dam bca' ba gnyis pa'o zhes smos so/ /de nyid kyi phyir dam bca' ba gnyis la tha dad par sbyor ba gang zhig sdug bsngal gang gis zhes bya ba la sogs pa smos so/ /sdug bsngal de rab tu zhi ba'i thabs mkhyen pa gzhan gyi ye shes btsal bar bya ba yin gyi zhes bya ba ni bsgrub par bya ba gcig go/ / de la nye bar mkho ba can ma yin pa'i ye shes ni ma yin te zhes bya ba ni gnyis pa'o/ /rang bzhin gyi gtan tshigs so zhes bya ba ni/ de'i zhi ba'i thabs su gyur pa'i ye shes tshol ba nyid ni de'i sdug bsngal gyis gdungs pa tsam dang 'brel pa can nyid yin pa'i phyir ro/ /de la nye bar mkho ba can ma yin pa'i ye shes ni btsal bar bya ba ma yin no zhes bya ba ni bsgrub par bya ba gnyis pa yin te/de la ltos na de'i yul can gyi ye shes 'tshol bar byed pa la/ de la nye bar mkho ba can nyid kyis khyab pa yin la/ de dang 'gal ba yang nye bar mkho ba can ma yin pa nyid yin no zhes bya ba ni khyab par byed pa 'gal ba dmigs pa'o//sdug bsngal dang kun 'byung shes pa zhes bya ba la/ dor bya'i de kho na nyid rig par mdzad pa zhes bya ba 'dis sdug bsngal gyi bden pa shes pa dang / thabs dang bcas pa rig par mdzad pa zhes bya ba 'dis ni kun 'byung gi bden pa shes pa bstan to/ /gzugs dang / tshor ba dang /'du shes dang / 'du byed dang / rnam par shes pa ste/ 'bras bur gyur pa'i phung po lnga ni sdug bsngal gyi bden pa'o/ /de nyid rgyur gyur pa ni kun 'byung gi bden pa'o/ /gtsor ni sred pa la kun 'byung gi bden par gsungs so/ /de bzhin du blang bar bya ba'i de kho na nyid rig par mdzad pa zhes bya ba 'dis ni 'gog pa'i bden pa shes pa bstan to//'gog pa'i bden pa yang 'dod chags la sogs pa'i nyon mongs pa spangs pa'o/ /thabs dang bcas pa'i rig par mdzad pa zhes bya ba 'dis ni lam gyi bden pa shes par bstan to/ /lam gyi bden pa shes pa yang bsgoms pa'i stobs las grub pa dri ma med pa'i ye shes so//de'i sgrub par byed pa yod du zin kyang zhes bya ba de ni 'og nas bstan par bya'o/ /gnod pa can cung zad kyang yod pa ma yin na zhes bya ba ni dbang po las 'das pa la gnod pa can med pa'i phyir ro/ /gzung bar bya ba'i tshig ces bya ba ni blang bar bya ba'i tshig yin no/ / dud 'gro'i rigs mkha' la rgyu ba zhes bya ba ni/ bya rgod ma gtogs pa'i gzhan gang dag thag ring por mthong ba'am thos pa'o/ /rtogs byed ma ni mkha' 'gro ma'o/ /bya rgod smos pas ni nye bar mtshon pa'i don yin no/ /chos kyi 'khor lo la sogs pa dag la zhes bya ba ni/ ji ltar thugs su chud pa'i chos kyi 'khor lo ston par mdzad pa'i tshe'o//sogs pa'i sgras ni mi 'jigs pa la sogs pa rnam par 'jog par mdzad pa dag la'o/ /thugs rje yang ci zhig bzhed pa na'am/ gang la'am/ rnam pa gang gis sam/ ci'i rang bzhin can du 'jug par 'gyur zhe na/ phan btags pa'i lan la sogs pa la ltos pa med pa can zhes bya ba smos te/phan gdags pa byas pa dag las rnyed pa thob pa ni phan gdags pa'i lan no/ /sogs pa'i sgras ni grags pa dang bsnyen bkur la sogs pa gzung ngo / /de la ltos pa med pa de ltar na de skad ces bya ste/ sems can gyi don nyid bzhed pa na 'jug par 'gyur ro zhes bya ba'i don to//mdza' bo dang dgra bo dag la rjes su chags pa dang khong khro ba mi mnga' ba'i phyir/ khams gsum gyi khongs su gtogs pa'i sems can thams cad la snyoms pa'o/ /'dis yul chen po can nyid du bstan pa'i phyir thugs rje chen po bshad do/ /rnam pa dang rang gi ngo bo bstan pa'i phyir shin tu zhes bya ba la sogs pa smos te/de yang mi skye ba'i chos can nyid yin pa'i phyir shin tu sdug bsngal dang bral ba gang yin pa de 'dod pa'i rnam pa zhe sdang med pa de la de skad ces bya'o/ /ji ltar de nyid goms pa yin zhe na/ yon tan la chags pa las sam zhes bya ba la sogs pa smos te/yon tan dag la 'ga' zhig chags pas goms par byed pa'i phyir te goms pa la 'bad rtsol dang ldan par 'gyur ro/ /snying rje yang khyad par 'phags pa'i yon tan yin par dam pa rnams bzhed pa de bas na/ yon tan la chags pa las snying rje la 'jug par 'gyur ro/ / sems can gyi khyad par las zhes bya ba ni rang bzhin gyi khyad par las te/ 'ga' zhig rigs gang yin pa de 'dra ba nyid kyang gzhan gyi sdug bsngal bar 'gyur ro/ /'dis ni rgyu'i stobs bshad do/ /rkyen gyi stobs ni gzhan zhes bya ba la sogs pa smos te/ snying rje goms pa can gyi byang chub sems dpa' dag gis byed pa ste/snying rje la nges par sbyar ba'o/ /de bsnyen pa las sam zhes bya ba ni de dag gis nges par ma sbyar ba de lta na yang gzhan gyi don la 'jug pa rnams dang lhan cig gnas shing de bsnyen pa las de yon tan can du 'gyur ro/ /bdag 'dod pa las zhes bya ba ni de dag gis byed pa'am bsnyen pa las ma yin mod kyi/'on kyang bdag nyid de snying rje 'dod pa yin no/ /yon tan la chags pa las zhes bya ba 'di las 'di la khyad par ci yod ce na/ brjod par bya ste/ der ni yon tan yin no zhes shes nas 'jug pa yin la/ 'dir ni 'bras bu la ltos pa med pa de'i ngang tshul nyid kyis de snying rje 'dod pa yin no//rgyu de rnams kyis snying rje goms par byas nas shi nas kyang ngo / /mthar phyin pa ni 'phel ba'i mthar phyin pa'o/ /gal te blo ni lus rten phyir/ /zhes bya ba la sogs pas 'jig rten rgyang pan pa'i phyogs snga ma 'god par byed do/ /kha cig ni blo 'byung ba las don gzhan dag ni don gzhan ma yin par 'dod do//de la don gzhan yin pa'i phyogs la gnyis te/ lus kyi yon tan ma lus kyi 'bras bu blo yin pa'am/ don gzhan ma yin pa'i phyogs la yang 'byung ba chen po bzhi'i bdag nyid can gyi lus kyi bdag nyid du gyur pa'i nus pa yin no//de skad du yang / sa dang chu dang me dang rlung / /zhes bya ba ni de kho na nyid yin zhing / de dag las sems ni myos pa'i nus pa bzhin no zhes smra'o/ /gzhung gsum po 'di nyid blo ni lus kyi yon tan yin pa de ltar na zhes bya ba la sogs pas 'chad par byed do/ /blo ni yon tan nyid dang /'bras bu nyid dang nus pa nyid la ltos nas go rims bzhin du yon tan can gyi lus sam zhes bya ba la sogs pa tha snyad du byed pa yin no/ /blo'i mtshan nyid can gyi chos sam zhes bya ba ni yon tan no/ /de skad du brjod pa zhes bya ba ni/ gal te blo ni lus rten phyir/ /goms pa grub pa med ce na//zhes de skad du brjod pa'i 'jig rten rgyang pan pa'o/ /'chi ba'i dus na yang 'byung ba rnams gtan nas 'jig pa can gyi rgyun 'chad pa mi 'dod de gyur par smra ba'i phyir dang shi ba'i lus mi dmigs par thal bar 'gyur ba'i phyir dang / de la yang gyur pa yod pa na srog chags rnams tha dad pa med par thal bar 'gyur ba'i phyir ro//'o na ji ltar 'dod ce na/ 'on kyang zhes bya ba la sogs pa smos pa la bya ba'i sems pa can nyid ces bya ba ni mngon par gsal ba'i sems pa can nyid do/ /'gal ba'i rkyen las zhes bya ba ni dug dang mtshon bya la sogs pa'i rgyu las so/ /mngon par gsal ba ma yin pa'i sems pa can nyid ces bya ba ni mi gsal ba'i sems pa can nyid do//'tsho ba'i gnas skabs las rnam pa gzhan du gyur pa ni 'chi ba'i tha snyad du rung ba'o/ /yang rkyen ji lta bu bzhin du zhes bya ba la sogs pas ni 'dus byas kyi rgyun rgyun gyis rgyun mi 'chad par ston par byed do//rkyen ji lta ba bzhin du zhes bya ba ni sems gang gis rjes su mthun par sad pa'i rkyen gang yin pa'o/ /rab tu sad pa'i rkyen de yang rnam pa gnyis te/ rgyu dang rgyu ma yin pa'i bdag nyid can dang / gags byed pa med pa can gyi nus pa can no/ /bya ba'i sems pa can zhes bya ba 'di la don rnam pa gnyis te/gang dag las bya ba'i sems nyid 'byung bar 'gyur ba de dag la de skad ces bya'o zhes bya ba ni don gcig yin no/ /gang dag la bya ba'i sems nyid mngon du gyur pa yod pa zhes bya ba ni gnyis pa'o/ /de la bya ba'i sems pa can gyi don dang pos ni yongs su gyur pa dang / bya ba'i don gyi sems gnyis pas ni yongs su gyur pa thob pa'o//ji ltar goms pa nyid kyis yongs su gyur pa dag kyang zhes bya ba'i sngar gyur pa'i brtse ba dang blo la sogs pa dag la ci 'dra ba goms par byas pas 'dus byas pa'i khyad par dang ldan par 'gyur te/ sngar gyur pa'i gnas skabs su goms pa'i brtse ba dang blo la sogs pa 'dus byas pa'i rjes su 'gro ba'i phyir ro//gnyid log pa dang sad pa dag gi 'dus byas pa'i rjes su 'gro ba mi snang ba ma yin pa lta bu'o/ /khyad par du zhes bya ba ni 'chi ba'i dus na'o/ /de ltar zhes bya ba ni goms pa med pa'o/ /de bzhin du gzhan la yang zhes bya ba ni sangs rgyas pa la yang ngo //'du shes med pa'i snyoms par 'jug pa la zhugs pa zhes bya ba ni/ dus gzhan du sems dang sems las byung ba'i kun du gcod pa'i 'gog pa can gyi rnal 'byor gyi khyad par ni 'du shes med pa'i snyoms par 'jug pa'o/ /de la zhugs pa la sems rgyun chad med pa nyid yod pa yin no//gnyi ga la grub pa'i dpe bstan pa'i phyir/ legs par gnyid log pa la sogs pa'i gnas skabs lta bu'i zhes bya ba smos so// //tshad ma rnam 'grel gyi 'grel bshad/ bam po bzhi bcu gsum pa/ de lta ma yin pa ni bla ste zhes bya ba ni gal te ji skad du bshad pa'i mtshan nyid can gyi gyur pa 'byung ba dag la mi 'dod kyi/'on kyang lus zhig pa'i phyir blo ni shin tu 'jig pa nyid kyis blo'i rten lus yin par mi 'gyur ro/ /rten 'gog pa ni 'og nas 'chad par 'gyur ro/ /yon tan dang 'bras bu dang nus pa tha dad pas phyogs gsum bstan pa las phyogs gang la rten 'gog pa 'di brtag par bya zhe na/don gzhan nyid ma yin pa'i zhes bya ba la sogs pa smos te/ 'byung ba dag nyid ni sems nyid do/ /de bas na tha dad pa med pa'i phyir rten dang brten pa'i dngos po'i rtog pa yod pa ma yin no/ /de ni sems nyid la de med pa zhes bya ba smos te/rten dang brten pa'i dngos po ni tha dad pa la brten pa can nyid yin pa'i phyir ro/ /de bas na rten bkag pa'i sgo nas phyogs 'di dgag par bya ba ma yin gyi/ 'on kyang phyis rnam pa gzhan gyis 'gog par 'gyur ro/ /de bas na nus pa'i phyogs la sun 'byin pa 'di ma yin no zhes bstan par 'gyur ro//gtan nas rgyun chad pa dag ces bya ba ni bdag nyid thams cad kyis so/ /'byung ba'i bdag nyid can gyi lus las zhes bya ba ni/ lus nyid 'byung ba'i bdag nyid can yin te/ thams cad de kho na nyid gzhi'i bdag nyid can nyid yin pa'i phyir ro/ /rgyu'i bdag nyid phul du byung ba nyid nus pa yin no zhes bstan pa'i phyir/gzhan yang zhes bya ba la sogs pa smos te/ de'i ngo bo tsam shes par 'dod pa la zhes bya ba ni/ ldog par byas pa'i tha dad pas rgyur mngon par 'dod pa'i chos can de la chos du ma yod na yang 'bras bu 'grub par mi nus pa bzlog nas/ nus pa'i ngo bo gang yin pa de'i khyad par gzhan spong ba can gyi ngo bo tsam shes par 'dod pa la'o//de ltar brdar byas pa ste/ khyad par gzhan spong ba can gyi tha dad pa la brdar byas pa'o/ /de yang rgyu dang 'bras bu'i dngos por spyod par bya'o zhes bya ba ni ci 'byung ba dag nye bar len pa'i ngo bos sems nyid kyi rgyu yin nam/ 'on te bdag po tsam gyis shes par bya ba yin te/ji ltar nye bar len pa'i ngo bos ma yin pa de ltar ni 'og nas ston par 'gyur ro zhes bya bar dgongs so/ /gal te de lta yin na ji ltar na sa bon gyi nus pa zhes bya ba ni/ tha dad pa med pa la ldog pa'i rgyu can gyi tha snyad du mi 'gyur ro zhes bsams pa'o/ /de la yang zhes bya ba la sogs pa nus pa ni rgyu'i bdag nyid kho nar brtan por byed do//tha dad pa'i ngo bor brjod pa gang yin pa de la lan btab pa'i phyir/ 'di ni nus pa zhes bya ba la sogs pa smos te/ de ni myu gu bskyed pa'i rang bzhin gsal bar byed pa'i phyir zhes bya ba ni/ myu gu skyed par byed pa'i rang bzhin ni de yin gyi gzhan gyi ni ma yin no zhes bstan pa'i phyir ro//de nyid gsal bar bya ba'i phyir/ ji ltar 'di ni 'di'i nus pa yin no zhes smos te/ ji ltar sa bon 'di'i nus pa 'di yin gyi gzhan gyi ni ma yin no zhes shes par 'gyur ro/ /de skad du myu gu skyed par byed pa'i rang bzhin log pas skyed pa'i ngo bo gang yin pa khyad par gzhan spong ba can de tsam la nus pa'i sgra ni chos brjod pa yin zhing /sa bon gyi sgra yang khyad par gzhan mi spong ba can khyad par thams cad nang du bsdus pas 'jug pa na chos can brjod pa yin la/ cha de tsam gyis na chos can dang chos can gyi sgra rnam par dbye ba byas nas tha dad pa'i rten can gyi rnam par dbye ba byas pa yin no zhes bstan par 'gyur ro//rigs mthun pa'i rgyu ni skad cig ma snga mas bsdus pa'i dbugs dbyung ba dang / rngub pa dang dbang po dang blo dag go/ /dbyung rngub ni dbugs dbyung ba dang rngub pa'o/ /thal 'gyur phyir zhes bya ba la sogs pa ni sun 'byin pa'o//gyur pa nyid du brjod pa nyid kyi phyir 'byung ba chen po bzhi gsal ba'i khyad par thams cad la mtshungs pa dang / skad cig ma nyid ma yin par gang gi tshe gzhan khas len par byed pa de'i tshe khong du chud par bya'o/ /gang gi tshe gsal ba so so la de kho na nyid tha dad pa dang / skad cig ma yin pa de'i tshe sun 'byin pa 'di 'jug pa ma yin no/ /de la yang sel ba gzhan ni nye bar len pa'i rgyu dpyod pa'i skabs su ston par 'gyur ro/ /dper na da ltar ba'i lta bu zhes bya ba ni dbugs dbyung ba dang rngub pa la sogs pa rgyun gyi 'jug pa lta bu'o/ /de ltar na re zhig mi la sogs pa la dang por 'byung ba'i ngang tshul can gyi srog chags rnams kyi rang gi rigs la rag lus pa nyid bstan nas/bstan bcos mdzad pas skad cig ma ma yin pa'i phyogs 'das pa'i skye ba sgrub par byed pa bstan zhing / da ni phyogs 'di nyid la ma 'ongs pa'i skye ba grub pa'i phyir/ nying mtshams sbyor zhes bya ba la sogs pa smos so//gang med ces bya ba ni phyis kyang thams cad yod pa yin te/ 'chi ba'i dus na yang dbugs dbyung rngub dang / dbang po dang blo dag gi skal ba mnyam pa'i rgyu dag gi ngo bo rnams yod pa nyid kyi phyir ro/ /'chi ba la dus phyis zhes bya ba ni blo dang dbang po la sogs pa'i skad cig ma tha ma ni 'chi ba yin la de las dus phyis te 'ongs pa'i skye ba'i skad cig ma'o//dbang po la sogs pa'i bdag nyid kyi ngo bo la yang zhes bya ba ni/ bdag nyid skye ba la yang skad cig ma tha mas bsdus pa dbugs dbyung rngub dang dbang po dang blo rnams ni ma 'ongs pa'i skye bas bsdus pa'i dbugs dbyung rngub la sogs pa'i rgyu yin no//gal te dbugs dbyung rngub la sogs pa de dag gi tha ma yod na gang las rgyu dang bral ba yin/ 'bras bu mi skyed pa la rgyu dang bral bas khyab pa yin la/ de dang 'gal ba yang bral ba yin pa de ltar na khyab par byed pa 'gal ba dmigs pa'o//'gyur bar ni 'dod na gal te 'chi ba'i dus na dbugs dbyung rngub la sogs pa nyid grub par 'gyur ba de bas na/ 'chi ba'i dus phyis dbang po la sogs pa skyed pa la rgyu ma tshang ba med par 'gyur na/ dbang po la sogs pa yod pa nyid kyang de'i tshe yod pa yin pa de bas na gtan tshigs ma grub pa yin no zhe na/de'i phyir ma grub pa yang ma yin te zhes bya ba smos te/ lus yan gar ba las skye ba yin na rigs mthun pa'i rgyu dang bral bar 'gyur na/ 'on kyang de yod pa ma yin te thal bar 'gyur ba'i phyir ro/ /de bas na rigs mthun pa nyid ni nye bar len pa nyid kyi sgo nas/rigs mthun pa'i rgyu yin pa'i gtan tshigs de'i phyir/ skad cig ma tha ma'i dbang po la sogs pa'i rigs mthun pa'i snga mas dbang po la sogs pa skyed pa nyid yin pa de ltar na/ 'chi ba'i gnas skabs na dbang po la sogs pa yod pa nyid du grub pa yin no/ /de dag kyang glo bur ba nying mtshams sbyor ba'i nus pa dang bral ba yin par ni bsam par mi bya ste/gang gis sngar rigs mthun pa skyed par byed kyi phyis ni ma yin pa ma yin no/ /ji srid bdag tu chags pa dang ma bral ba de srid du gang las nying mtshams sbyor ba'i nus pa nyid dang bral ba yin/ de yang 'og nas rgyas par bstan par 'gyur ro//gzung bar bya ba ni gang char skyob pa zhes bya ba'am/ gzung bar bya ba yin pas na gzung ba ste/ lag pa gzung bar bya ba zhes 'ga' zhig la grags so/ /bzhus pa las zhes bya ba ni mes bzhus pa las so/ /dri ma ni bzhus pa'i dreg pa'o/ /de la zhes bya ba ni sa'i khams bzhus par gyur pa na'o//srog chags dang srog chags ma yin pa'i bdag nyid can gyi tha dad pa nyid ces bya ba ni ji ltar de las zlog pa dag las sa'i khams gser gyi rang bzhin gyi rdul phra rab rab tu tha dad pa nyid yin pa de ltar de las gzhan pa dag las sems kyi bdag nyid can rgyun mi 'chad pa can tha dad pa'i rang bzhin nyid du khas blangs pa'i phyir ro//lcags nyid du gyur pa'i rang bzhin gang la yod pa de la de skad ces bya'o/ /de las khyad par med pa ste/ thams cad lcags su gyur pa'i rang bzhin nyid yin pa'i phyir ro/ /de ltar ni ma yin te zhes bya ba la sogs pa ni grub pa'i mtha' smra ba'i'o//khyad par can ma yin pa'i rang bzhin mthong ba tsam du gyur pa'i rkyen sa la sogs pa gang la yod pa gzhan gyis khas blangs pa de la de skad ces bya'o/ /de ni ma yin te rang bzhin la sogs pa la khyad par med pa'i phyir zhes bya ba'i sogs pa'i sgras ni lhan cig byed pa khyad par med pa gzung ngo //de nyid ni chu yongs su btsags nas zhes bya ba la sogs pas ston par byed do/ /de ltar dar ba la sogs pa la spris ma la sogs pa'i tshul du de'i steng gi cha nyid la de'i rgyu yod pa ma yin gyi/ 'on kyang thams cad la srog chags kyi rgyu nyid yod pa yin no/ /gal te ci ltar rtogs par 'gyur zhe na/steng dang 'og dang bar dang zhes bya ba la sogs pa smos so/ /de las cir 'gyur zhe na/ chur khyad par med na yang zhes bya ba la sogs pa smos pa la/ khyad par med na zhes bya ba'i rang bzhin mtshungs pa la sogs pa'o/ /lhag ma ni chu gang srog chags dang ldan pa nyid du gyur pa'o//phyogs la la na srog chags yod pa'i phyir srog chags dang ldan pa'o/ /nye bar bkod pa mtshungs pa ma yin pa ni spris ma'i dpe dang 'di lhan cig mtshungs pa med pa'i phyir ro/ /don gzhan du gyur pa ni chang las so/ /skyes bu'i chos ni myos pa srog chags kyi chos nyid yin pa'i phyir ro/ / 'bras bu de med pa'i ngang tshul can ni myos pa zhes bya ba'i 'bras bu byed pa'i ngang tshul can no/ /de ltar na 'dir myos pa dang myos pa'i nus pa 'di yin no zhes tha dad pa'i rigs pa yin no/ /sems nyid la med do zhes bstan pa'i phyir sems kyi zhes bya ba la sogs pa smos te/ de ltar sems nyid kyi 'bras bu cung zad kyang ma yin te/sems ni 'byung ba'i bdag nyid can yin pa'i phyir ro/ /tha dad pa med pa la yang rgyu dang 'bras bu'i dngos po med pa'i phyir ro/ /de ltar na sems kyi 'bras bu cung zad kyang yod pa ma yin no/ /'byung ba dag gis sems la cung zad kyang byar yod pa ma yin te/tha dad pa nyid med pa'i phyir ro/ /ci ste myos pa dang 'dra bar 'bras bu'i bdag nyid can gyi sems nyid kyi sa la sogs pa'i 'byung ba'i rang bzhin rgyur gyur pa'i nus pa yod pa'o/ /ci ste 'byung ba rnams kyi zhes bya ba la sogs pa la sems kyi nus pa zhes ni mi brjod kyi 'on kyang sems nyid nus pa yin la de yang 'byung ba rnams kyi yin no//de'i tshe 'byung ba dag la de zhes bya ba la sogs pa ni grub pa'i mtha' smra ba'i'o/ /chos gzhan spong ba'i sgo nas zhes bya ba ni ma byas pa nyid las rnam par bcad pa'i sgo nas so/ /de'i rang bzhin zhes bya ba ni sgra'i rang bzhin no/ /de ni blo tha dad pas gzung bar bya ba nyid yin pa'i phyir ro zhes bya ba ni/'di ltar sems nyid ni rang gi rgyud kyi rang rig pas bde ba la sogs pa'i ngo bor gzung bar bya ba yin zhing / sa la sogs pa nyid ni sra ba nyid la sogs pa'i ngo bor rgyud gzhan du blos mngon sum du byed do/ /de ltar na 'byung ba dang sems dag ni tha dad pa kho nar 'gyur ro//de ltar na zhes bya ba ni blo tha dad pas gzung bar bya ba nyid yin pa'i phyir tha dad pa yin na/ nus pa dang nus pa dang ldan pa'i rnam par rtog pas ni ma yin te/ de ni tha dad pa med par gzhag pa nyid kyi phyir ro/ /'di yang zhes bya ba ni tha dad pa med pa'i phyogs la'o/ / dgag par bya'o zhes bya bar bshad zin to zhes bya ba ni/ sems nyid la de yod pa ma yin no zhes bya ba ni dgag par bya'o zhes sngar bshad pa nyid kyi phyir ro/ /yon tan la sogs pa'i ngo bo yin na zhes bya ba la sogs pa'i sgras ni 'bras bu'i ngo bo yid kyi gzung ngo / /mngal la sogs par dang por nying mtshams sbyor ba na de nyid yod pa'i phyir ro//de skad du/ chad dang mtshams sbyor 'dod chags bral/ /nyams dang 'chi 'pho skye ba rnams/ /yid kyi rnam shes kho nar 'dod/ /ces bshad pa yin no/ /gnod pa ni dbang po rnams kyi 'gyur ba'o/ /de ltar na mig la sogs par 'gyur ba na yang ji ltar sngar rnam par rtog pa'i blo skye ba nyid yin no//mig la gnod pa na zhes bya ba la sogs pas gzhan gyi dogs pa sel bar byed do/ /de yang bu la sogs pa dang 'brel pa can gyis dbang po la gnod pa na yang zhes bya ba ni yul gyi sgo nas kyang de lta bu'i mtshan nyid can gyi 'gyur ba yod pa yin no zhes bya ba'i don to//de skad du dbang po 'gyur ba'i sgo nas dngos su yid kyi blo 'gyur ba yod pa ma yin gyi/ brgyud pas yid gdung ba la sogs pa'i mtshan nyid can yin pa de ltar na/ don 'di brjod par 'dod pa yin no zhes bstan par 'gyur ro/ /de ltar na sngar dbang po'i rnam par shes pa nyid 'gyur ba skye zhing /phyis brgyud pas rnam par rtog pa nyid gdung ba la sogs pa'i mtshan nyid can yin no/ /de lta bur gyur pa'i 'gyur bas yid kyi blo lus la brten pa rigs pa ma yin te/ zlog pa la yang thal bar 'gyur ba'i phyir ro/ /nges par rtog pa'i shes pa ni rnam par rtog pa dang bcas pa'i rnam par shes pa'o//phyogs kyi chos spong bar byas nas zhes bya ba ni nye bar mtshon pa yin no/ /de ltar na dpe spong ba dang bsgrub par bya ba'i chos spong bar byas nas so/ /gang rna ba 'gyur ba'i rjes su mi byed pa de ni rna ba la brten pa ma yin te/ dper na mig gi rnam par shes pa lta bu'o/ /nges par rtog pa'i shes pa yang rna ba 'gyur ba'i rjes su byed pa ma yin no zhes bya ba la sogs pa brjod par bya'o//ji ltar dbang po yod na yod pa'i ngang tshul can nyid ni zhes bya ba ni ji ltar dbang po dang bcas pa can gyi lus nyid la yid kyi blo yod pa yin gyi/ dbang po med pa can gyi skra dang sen mo la sogs pa la med do//de ltar yid yod na yod pa'i ngang tshul can nyid kyang zhes bya ba ni/ lus shes pa dang bcas pa nyid la dbang po rnams yod kyi shes pa dang bral ba la ni ma yin no/ /da ni dbang po yod na yod pa'i ngang tshul can nyid bsal ba'i phyir/ gzhan yang zhes bya ba la sogs pa smos te/ tshor ba med pa zhes bya ba'i nad kyi bye brag gang gis lus khyab pa can gyi lus kyi phyi dang nang gi dbang po nyams par 'gyur ro//sogs pa'i sgras ni mig la sogs pa'i nyams pa'i rgyu gzung ngo / /gnas pa'i rten zhes bya ba ni rgyun phyi ma'i rgyu snga ma snga ma yin no/ /dbang po thams cad log pas zhes bya ba la sogs pa de ni shi ba'i lus la ltos nas 'jug pa yin no//tshor ba med pa la sogs pa'i dus na yang dbang po lnga yod na yang yid kyi blo yod pa yin no zhes bshad do/ /rten la gnod pa'i rjes su byed pa zhes bya ba ni de 'gyur ba na rnam par 'gyur ba nyid do/ /de ltar na rten nyid grub pa na de ldog pas ldog pa yang grub par 'gyur ro//de lta ma yin na ci nye bar len pa dang bral bas shi ba'i lus la blo mi skye ba'am/ ci mig la sogs pa med pa'i phyir zhes the tshom za bar 'gyur ro/ /de nyid ni de lta ma yin te log tu zin kyang zhes bya ba la sogs pa smos so/ /de ni rten yin no zhes bya ba ni yid kyi rnam par shes pa de ni dbang po rnams kyi rten yin no zhes bya bar sbyar ro//gzhan yang zhes bya ba ni dbang po med pa can gyi lus som bdag gam dbang phyug la sogs pa ste/ go rims bzhin du skra dang sen mo'i rtse mo la sogs pa la blo skyed pa'i phyir dang rgyu rtag pa nyid ni bkag pa'i phyir ro//de de ltar na 'byung ba rnams ni blo'i rten ma yin te/ dbang po dang bcas pa dang dbang po med pa nyid kyi gnas skabs gnyi ga dag kyang mi rung ba'i phyir ro/ /gang zhig gang gi rten du 'gyur ba ma yin pa de ni de'i nye bar len pa nyid kyi sgo nas skyed par byed pa ma yin te/ dper na mig ni rna ba'i rnam par shes pa lta bu'o//ji skad du bshad pa'i rnam pas 'byung ba rnams kyang yid kyi blo'i rten du 'gyur ba ma yin no zhes bya ba ni khyab par byed pa 'gal ba dmigs pa'o/ /glo bur ba yang ma yin pa zhes bya ba ni rgyu med pa can te/ rgyu med pa can nyid yin na/ rtag tu yod pa'am/ med par 'gyur/ nye bar len pa'i rgyu med par 'bras bu skye ba ma yin no zhes bya ba de ni rgyas par 'og nas bsgrub par 'gyur ro/ /de'i phyir blo nyid blo'i nye bar len pa yin par bstan pa'i phyir/ phyis kyi blo de grub par 'gyur zhes bya ba la sogs pa smos te/ phyis kyi blo 'grub par nus pa'i mtshan nyid bag chags gang la yod pa dang /de'i ngo bo ste rang bzhin blo snga ma gang la yod pa de la de skad ces bya'o/ /sbyor ba ni zhes bya ba la sogs pa la/ sbyor ba dang po ni chos can gyi rgyu yin la/ gnyis pa ni 'bras bu yin no zhes bya ba ni khyad par ro/ /phyis kyang zhes bya ba ni 'chi ba'i dus na'o//phan tshun rjes su byed pa can yin no zhes bya ba la sogs pas ni/ 'di lta ste dbang po dang bcas pa'i lus dang / rnam par shes pa ste gnyis ni phan tshun sa bon can yin no zhes chos mngon pa las gsungs pa'i phyir ro/ /de bas na dbang po rnams rten nyid yin pa 'gog pa la rjes su dpag pa bshad pa gang yin pa de la gnod par 'gyur ba ste/lung dang 'gal bar 'gyur ro/ /'gal ba tsam nyid gnod par bshad kyi de lta ma yin na dngos po'i stobs kyis zhugs pa'i rjes su dpag pa la ji ltar na lung gis gnod par 'gyur/ de bas na tshad ma dang 'gal ba gsung ba can nyid yin pa'i phyir/bcom ldan 'das ni tshad mar gyur pa ma yin snyam du sems so/ /lus la brten pa'i yul dag gis zhes bya ba ni dbang po dang bcas pa'i yul sa rnam par gnas pa'i dri dang ro dang reg bya la sogs pa dag gis so/ /gzhan dag gis zhes bya ba ni gnod pa byed pa dag gis so//dbang po dang rnam par shes pa dang bcas pa can gyi lus kyi las zhes bya bar sbyar ro/ /mi 'dod pa zhes bya ba ni rigs mthun pa'i rgyu la sogs pa'o/ /de lta ma yin na rgyu med pa can du thal ba'i phyir zhes bya ba ni rgyu go rims med pa can las 'bras bu go rims dang ldan pa 'byung na rgyu'i chos kyi rjes su byed pa ma yin pa'i phyir 'bras bu rgyu med pa can nyid du 'gyur ro//rgyu med pa can nyid yin na rang dbang nyid du 'gyur ba'i phyir lus ma gtogs par gzhan la yang rnam par shes pa yod par thal bar 'gyur ro/ /gang yang rtag pa zhes bya ba ni bye brag la sogs pa dag gis rdul phra rab la sogs pa go rims bzhin du byed pa'i ngang tshul can du 'dod do//'dis ni 'di skad du re zhig gzhung de yang rigs pa ma yin te/ tshad ma dang 'gal ba nyid kyi phyir ro/ /'di las kyang de kho na nyid du smra ba'i gzhung 'di ni shin tu dman pa yin no zhes ston par 'gyur ro/ /lus las rim bzhin zhes bya ba ni lus las rim pa bzhin du blo skye bar 'gyur na zhes bya ba'i don to//lus las zhes bya ba ni gang las 'ongs pa'i lnga pa yin te/ rab tu skye ba brjod pa nyid yin pa'i phyir ro/ /skye bar 'dod pa'i tshogs kyi zhes bya ba ni blo'i dbang bo'i tshogs kyi'o/ /rgyu mthong ba'i phyir zhes bya ba ni blo'i dbang po'i tshogs ji tsam pa 'tsho ba'i gnas skabs na rgyu nyid du mthong ngo //thams cad du zhes bya ba de ni phyis kyang zhes bya ba la sogs pas 'chad par byed do/ /'di'i bshad pa phyi ma ni 'chi ba'i 'og tu zhes bya ba yin no/ /sngar rgyu gang yin pa de ni phyis kyang yin no zhes bya ba 'di la nges pa ci zhig yod ce na/de'i phyir nying mtshams sbyor bar yang nus pa yin te zhes bya ba smos te/ sngar yang nying mtshams sbyor ba'i nus pa nyid dang ldan pa nyid kyi phyir/ de rgyu nyid yin na gal te de phyis kyang yod pa yin na ci'i phyir rgyur mi 'gyur/ gal te nying mtshams sbyor bar nus pa nyid ji ltar yin zhe na/phyis kyang ma tshang ba med pa'i phyir ro zhes bya ba smos te/ phyis kyang blo la sogs pa bdag tu chags pa nyams pa med pa de 'dra ba nyid yin no/ /phyis kyang ma tshang ba med pa nyid sgrub pa'i phyir grub pa'i mtha' smra ba'i gzhan la rgyu mtshan cis kyang srid pa'i zhes bya ba la sogs pa ni 'dri bar byed pa'o//ma 'ongs pa'i blo la sogs pa'i tshogs ni srid pa yin la/ de nying mtshams sbyor ba med pa ni 'chi ba'i sems kyi de ma thag tu skye ba med pa'o/ /'gal ba dmigs ltar bcos pa yin no zhes bya ba ni 'chi ba'i sems sems gzhan dang nying mtshams sbyor ba 'gal ba med du zin kyang 'gal ba nyid du brjod pa'i phyir ro//bsgrub par bya ba dang sgrub par byed pa dag la zhes bya ba ni bsgrub par bya ba sems gzhan dang nying mtshams sbyor ba dang / sgrub par byed pa 'chi ba'i sems nyid la'o/ /sems gzhan dang nying mtshams sbyor ba med pa ni gzhan gyi bsgrub par bya ba ma yin nam/nying mtshams sbyor ba ni ma yin no zhe na/ skyon 'di med de med do zhes bya ba'i tshul 'dis bsgrub par bya ba nyid yin pa'i phyir/ bsgrub par bya ba bstan te/ sgrub pa dang dgag pa dag gis dngos po nyid sgrub pa nyid yin pa'i phyir ro/ /yang na phyir rgol ba la ltos nas bsgrub par bya ba'i tha snyad du byas pa yin no//'gal ba rnam pa gnyi ga yang zhes bya ba ni lhan cig mi gnas pa'i mtshan nyid can dang / phan tshun spangs te gnas pa'i mtshan nyid can no/ /dgra bcom sems gang yin/ de yang zhes bya ba ni 'chi ba'i sems so/ /mtshams sbyor ba med pa ni 'di skad cig ma phyi ma dang / mtshams sbyor ba med pa de ltar na mtshams sbyor ba med pa'o//bdag la chags pa dang ldan pa/ /sems can gzhan gyis bkri min pa/ /bde sdug ngor thob 'dod pas na/ /dman pa'i gnas ni yongs su len/ /zhes chad par 'gyur ba'i tshul gyis srid pa gzhan du nying mtshams sbyor ba chags pas 'phangs pa nyid yin par bstan par 'gyur ro//bdag la chags pa 'di yang dgra bcom pa la yod pa ma yin pa de ltar na rgyu mi dmigs pa yod pa nyid yin la/ bdag tu chags pa la sogs pa spangs pa yang snyam sems pa'i tshad ma las grub pa ma yin nam/ de bas na tshad ma cis grub na zhes ci'i phyir brjod ce na/'di snyam du gzhan gyis de khas blangs pa ma yin la/ khas len na ni bdag tu chags pa spangs pa can dag 'chi ba'i 'og tu nying mtshams sbyor bar mi 'gyur ba grub pa nyid yin no/ /de bas na gzhan gyis khas ma blangs pa khas blangs nas brjod pa yin par dgongs so/ /tshad mas ma grub don can gyi//zhes bya ba la sogs pa smos pa yin no/ /gzhan gyi zhes bya ba ni dgra bcom pa ma yin pa'i sems kyi yang ngo / /de med na yod pa de ni 'bras bu ma yin pa nyid kyis khyab pa yin la/ de dang 'gal ba ni de'i 'bras bu nyid yin pa de ltar na/ khyab par byed pa 'gal ba dmigs pa yin no//gang de ni zhes bya ba ni rgyu dang bral ba'o/ /thams cad la khyad par med pa zhes bya ba ni/ dgra bcom pa'i 'chi ba'i sems dang lam bo che'i skyes bu'i 'chi ba'i sems khyad par med pa rgyu dang bral ba nyid du sgrub par byed pa yin no/ /gtan tshigs 'di ni ma grub pa nyid yin te zhes bya ba ni 'bras bu nyid yin pa'i phyir dang rgyu dang bral ba nyid kyi phyir zhes bshad ma thag pa gang yin pa de dag go//dbugs 'byung ba dang rngub pa la ltos pa'i yid kyi blo 'bras bu nyid du ma grub pa'am/ de dang bral bas rgyu dang bral ba de nyid ni 'di ltar zhes bya ba la sogs pa smos so/ /de blo bzhin zhes bya ba ni dbang po'i rnam par shes pa bzhin no//'gyur ba ni rnam pa gzhan du gyur pa nyid do/ /nyams pa ni zhig pa'o/ /'gyur ba dang nyams pa zhes bya ba ni zlas dbye ba'o/ /kun las kyang ni ma yin te/ /zhes bya ba ni dbang po'i tshogs kun las so/ /skyo ba med pa'i rgyu ni 'chad par 'gyur ro/ /shes skyed nus pa tha dad phyir//zhes bya ba de dang thag nye ba nyid du kyang gi sgra blta bar bya ste/ rim pa bzhin du sbyar bar bya ba nyid yin pa'i phyir ro/ /des na 'di ni gtan tshigs gzhan sdud pa'i don yin te kyang gi sgras ni zhes bya ba la sogs pa smos pa yin no/ /'byung ba med pa las myu gu la sogs pa bzhin no zhes bya ba ni/dper na 'byung ba phan tshun lhan cig byed pa nyid du mngon par 'dod pa rnams gcig nyams na/ yod pa ma yin pa dang mig la sogs pa gang yang rung ba nyams na shes pa med pa de dang 'dra'o/ /shes skyed nus pa tha dad phyir/ /zhes bya ba ni 'di ltar mig gi dbang po gzugs la dmigs pa can gyi rnam par shes pa skyed par nus pa nyid du rigs kyi sgra la sogs pa la dmigs pa can gyi rnam par shes pa skyed par nus pa nyid ni ma yin no//de bzhin du rna ba la sogs pa yang rang gi yul can gyi shes pa skyed par nus par rigs pa yin no/ /nus pa'i khyad par ni so sor nges pa 'di nyid kyis dbang po rnams du ma nyid du rtogs pa dang yid kyi rnam par shes pa rtog pa dang bcas pa don thams cad kyi yul can du rab tu grags pa yin no//de dbang po las dngos su skye ba yin na ni/ yul thams cad la gsal bar snang ba can nyid du 'gyur ro/ /de bas na yid kyi rnam par shes pa dbang po gcig gi sgo nas skye ba gcig po de nyid kyis kyang /bya ba thams cad rdzogs pa yin pa de ltar na dbang po gzhan rtog pa don med par 'gyur ro/ /de nyid ni de skad du gal te zhes bya ba la sogs pas ston par byed do/ /dbang po'i tshogs ma lus pa las skye bar 'dod pa gang yin pa de'i rten dbang po gcig gi sgo nas skye ba nyid med pa ma yin nam/rten dbang po gcig gis skyed pas yul thams cad kyi zhes bya ba la sogs pa de ci'i phyir rjod ce na/ 'di snyam du kun las skye ba yang khas blang bar bya ste/ de lta ma yin na dbang po gcig ma yin na skyed par mi 'gyur na mthong ngo zhes dgongs so//gzhan rnams ni med pa yin no zhes bya ba ni mig gi rnam par shes pa la sogs pa'o/ /yid kyi rnam par shes pa rtog pa dang bcas pa de yang gang gi tshe mig gi dbang po'i sgo nas skye ba de'i tshe/ gzugs kyi yul can dang / rna ba'i dbang po'i sgo nas skye ba ni sgra'i yul can dang /de bzhin du dbang po gzhan gyi stobs kyis skye ba na de dang rjes su mthun pa'i yul can yin no/ /de bas na dbang po gzhan med pa'i skyon yang yod pa ma yin no snyam du sems so/ /de'i blo dang 'dra bar zhes bya ba ni dbang po'i blo dang 'dra bar ro/ /de bas na gsal bar snang ba yin pa'i phyir rnams par rtog pa dang bcas pa nyid nyams pa yin no zhes bya bar dgongs so//ma chod pa'i yul dang lhan cig rung ba'i yul na gnas pa'o/ /sogs pa'i sgras ni ma tshang ba med pa la sogs pa gzung ngo / /yid kyi rnam par shes pa de la ltos pa med pa zhes bya ba ni/ dbang po dang yul ma chod pa la sogs pa la ltos pa med pa yin no//ma chod pa la sogs pa yod na yang skye ba'i phyir ro/ /yid kyi rnam par shes pa'i rten nyid la sems dang bcas pa nyid kyis khyab pa yin la de la yang de dang 'gal ba'i sems pa nyid yin pa de ltar na khyab par byed pa 'gal ba dmigs pa yin no/ /sems dang sems med pa'i nye bar len pa'i ngo bos 'gal bar bzlog pa na gnod pa can gyi tshad ma yin no//de bas na ldog pa la the tshom za ba ma yin no/ /de yang 'og nas ston par 'gyur ro/ /ming dang gzugs kyi zhes bya ba la ming ni sems dang sems las byung ba'o/ /gzugs ni dbang po dang bcas pa'i lus so/ /nges pa can ma yin pa zhes bya ba ni dbang po rnams phan tshun ma tshang ba srid pa'i phyir ro//'dis ni 'di skad du lhan cig gnas pa tsam ni gtan tshigs ma yin gyi/ 'on kyang nges pa yin te de mi mthun pa'i phyogs la 'jug pa med pa'i phyir ro/ /ma nges pa nyid ma yin no zhes brjod do/ /de ni gzhan la yang zhes bya ba la sogs pa la de ni lhan cig gnas pa nges pa dang bral ba nyid do//gzhan la yang zhes bya ba ni lus dang dbang po dag la yang ngo / /'di las gzugs dang bral ba las gzugs med pa de gzugs med pa'i khams zhes gang rab tu grags pa'o/ /der gzugs kyi 'dod chags dang bral ba skye bar 'gyur ro//de bas na gzugs 'phen par byed pa'i las med pa'i phyir lus dang dbang po med par yang yid kyi rnam par shes pa yod pa yin no/ /'ga' zhig gi tshe gzhan de lta bur gyur pa'i khams nged la ma grub po zhes zer na/ de'i phyir dpe gzhan ni de ltar na 'di la yang zhes bya ba la sogs pa smos te/gtan tshigs ni ma grub pa yin no zhes bya ba ni nges pa dang lhan cig gnas pa'i zhes bya ba gang yin pa 'di'o/ /gtan tshigs ma grub pa yin no zhes bya ba la 'di ltar dbang po dang bcas pa'i lus 'gyur ba'i sgo nas dngos su 'gyur ba nyid kyi rgyu nyid du bzung ba yin gyi/ rnam pa ji ltar yang rung ba ni ma yin na/dbang po 'gyur ba'i sgo nas dngos su yid kyi blo 'gyur ba ma yin no zhes sngar bstan zin to/ /de nyid ni 'di ltar kho bo cag gis zhes bya ba la sogs pa smos so/ /ci ste rnam pa 'ga' zhig gis de 'gyur ba'i rgyu nyid gzung bar 'dod do zhe na/ de'i phyir phan 'dogs par byed pa zhes bya ba la sogs pa brjod do//so gtang ba las skyes pa'i yon tan ni so gtang bar bya ba'i rdzas kyi rten can gzugs la sogs pa'o/ /me las zhes bya ba ni lnga pa'o/ /'dis zhes bya ba ni/ gang zhig yod nyid phan 'dogs byed/ /ces bya ba'i tshigs su bcad pa'i cha 'dis so/ /de ni 'dir rgyu dang 'bras bu'i dngos po rgyu la sngar 'byung ba can gyi 'bras bu'am/de dang lhan cig 'byung ba can nam/ gang phyis 'byung ba can de la rgyu'i skad cig mas chod pa skad cig ma gsum pa la sogs par 'byung ba can nam/ yang na rgyu'i skad cig mas chod pa skad cig ma gnyis par yod pa nyid du thag nye bar gnas pa'i mtshan nyid can te/rnam par rtog pa bzhir gyur na/ /de la re zhig dang po dag ni bstan bcos mdzad pa nyid kyis bstsal ba gsungs te/ rgyu las sngar grub pa'am/ de dang lhan cig 'byung ba'i dang tshul can ni 'bras bu ma yin no zhes gang smos pa yin no/ /rnam par rtog pa bar ma la yang 'bras bu rgyu med pa can nyid du 'gyur te/skad cig ma gsum par 'byung ba can nyid yin na zhig pa las skye bar thal bar 'gyur ba'i phyir ro/ /de bas na 'di la rnam par rtog pa bzhi pa srid par 'gyur ro/ /de lta ni gang kho nas skad cig ma dang po la rgyu yod pa nyid yin la gnyis pa la 'bras bu yin pa de nyid kyis rgyu ma zhig pa las 'bras bu skye ba yin te/skad cig ma dang po la rgyu ma zhig pa nyid kyi phyir ro/ /de ltar na rgyu yod pa sngon du song ba can ni 'bras bu'i yod pa yin par 'gyur te/ dper na zhig nas med pa skad cig ma gnyis pa la rnam par 'jog pa med pa na yang med pa sngon du song ba can ma yin pa lta bu'o/ / de nyid ni 'o na ci yin zhe na/ rgyu yod pa nyid nye ba las zhes bya ba la sogs pa ston par byed do/ /dus snga ma can dang lhan cig 'byung ba'i ngang tshul can gyi yod pa nyid ni 'bras bu nyid yod pa ma yin no zhes bya ba'i skabs dang sbyar ro/ /grub pa ni 'bras bu nyid ma yin pa'i phyir ro zhes bya ba ni rgyu las sngar 'byung ba can ni sngar yod pa nyid du grub pa dang /lhan cig 'byung ba can yang rgyu dang dus mnyam du grub pa yin te/ grub pa la cung zhig kyang byar yod pa ma yin no/ /tha dad pa dang tha dad pa med pa'i rgyun dag ni zhes bya ba la nye bar len pa'i rgyu ni tha dad pa med pa'i rgyun no/ /lhan cig byed pa ni tha dad pa'i rgyun no//rgyud gzhan phan gdags par bya zhes bya ba ni nye bar len pa ma yin par gyur pa'i rgyus phan gdags par bya ba yang zhes bya ba'i don to/ /rgyu mtshan gyi bdun pa brjod pa zhes bya ba ni 'di yod na 'di 'byung ngo zhes bya ba'i bdun pa gang yin pa 'di yin no/ /yod pa'i mtshan nyid can gyi bdun pa la rgyu mtshan gyi bdun par bstan pa yin no//de las skyes pa'i shes pa'i rgyu'i lnga pas zhes bya ba ni 'di skye bas 'di skye'o zhes bstan pa 'di la'o/ /de las zhes bya ba'i sgra rgyur brjod pa las lnga pa gang yin pa de rgyu yin la/ des rgyu snga na yod pa nyid du bstan pa yin no/ / phul du byung ba ci zhig bstan par 'gyur te/ 'ga' zhig kyang ma yin no/ /lhan cig byung ba can nyid la 'di yod na zhes bya ba'i rgyu mtshan gyi bdun pa nges par rigs la gzhag par nus pa ma yin te/ cig car skye ba yin na gcig rgyu mtshan nyid du rnam par 'jog par byed pa'i khyad par med pa'i phyir ro//de bas na 'di yod na 'di 'byung ngo zhes bya ba'i sbyor ba la yang cig car gnyi ga 'byung ba yin no zhes bya ba'i don 'dir 'gyur ro/ /de nyid ni de bas na 'di skad du zhes bya ba la sogs pa smos pa yin no/ /de ltar ni 'gyur na lhan cig 'byung ba nyid kyis rgyu dang 'bras bu'i ngo bo yin na/ nges pa med par rgyu dang 'bras bu'i dngos po 'dod pa nyid yin te/dper na sems dang sems las byung ba la sogs pa lta bu'o zhes bstan par bya ba de'i phyir/ gang la zhes bya ba la sogs pa smos te/ gang kho nas gcig nyid rgyu yin pa de nyid kyis 'bras bu ma yin te zhes bya bar sbyar ro/ /rgyu mtshan tha dad pas rnam par gzhag pa'i rgyu dang 'bras bu dag ni rgyu gcig gis rnam par gzhag pa 'gal ba'i phyir ro//rjes su 'gro ba'i nges pa de dang 'dra ba dag ni zhes bya ba ni snga phyir 'byung ba'i mtshan nyid can dag ni'o/ /'di la zhes bya ba ni 'jig rten pha rol la rnam par sdang ba la'o/ / gal te 'dis mngal la sogs par sngar lus 'ba' zhig dmigs la/ phyis de'i nus pa las skye ba'i blo dmigs pa de'i tshe 'di'i rjes su 'gro ba nges par 'gyur na/ rnam pa 'di srid ma yin te/ thams cad du bdag nyid med pa'i phyir ro/ /rang nyid kyi lus ldog pa ni shi ba las 'gyur zhing de la yang 'di rnam pa thams cad du yod pa ma yin pa de ltar na gang gi ldog pa mthong bar 'gyur/ci'i phyir lus de la zhes bya ba ni gzhan ni shi ba'i lus la'o/ /dus 'dir zhes bya ba ni gzhan ni shi ba'i lus kyi gnas skabs so/ /lus rten ma yin pa'i phyir zhes bya ba ni brjod pa dngos po gtso bor gyur pas rten ma yin pa'i phyir zhes rtogs par bya'o//blo tsam nyid kyis ni zhes bya ba ni blo'i khyad par 'dod pa nyid ni smra ba la sogs pa la rgyu nyid yin pa'i phyir ro/ /gang zhig gang gi 'bras bu yin pa zhes bya ba la sogs pa'i sbyor ba la/ ma grub pa zhes bya ba ni gang zhig gang gi 'bras bu yin pa de ni de na 'byung ba ma yin te/dper na sa bon la sogs pa med pa'i myu gu lta bu'o/ /yid kyi rnam par shes pa yang dbugs dbyung rngub dang / dbang po dang blo'i 'bras bu yin no zhes pa'i sbyor ba bshad pa gang yin pa de la'o/ /gang zhig gang gi rgyu can yin pa zhes bya ba la sogs pa la gzhan gang zhig ces bya ba ni 'bras bu ston pa'o//gang la gang gi rgyu yod pa zhes bya ba ni 'bru mang po pa'o/ /de ni 'bras bu'o/ /rgyu de ma lus pa yod na 'gyur ro zhes bya ba ni bsgrub par bya ba gcig go/ /gnas pa na ldog par mi 'gyur te zhes bya ba ni gnyis pa'o/ /yod pa'am gnas pa na sgron ma yod pa'am ldog pa med pa lta bu'o zhes bya ba la/yod pa na yod pa'am gnas pa na ldog pa med pa zhes bya bar sbyar bar bya'o/ /bsgrub par bya ba gnyis pa la ltos nas khyab par byed pa 'gal ba dmigs pa'o zhes bya ba ni 'bras bu ldog pa la rgyu ldog pas khyab pa'o/ /de dang 'gal ba ni rgyu ma log pa'o//gtan tshigs snga ma ni zhes bya ba la sogs pas gzhan gyi bsam pa'i dogs pa bsu ba yin no/ /gtan tshigs snga ma ni gang zhig gang gi tshe/ rgyu tshogs pa can yin pa de ni de'i tshe yod par 'gyur te zhes bya ba la sogs pa'o/ /'di ni grub pa la sgrub pa yin no zhes bya ba 'di dang sbyar ro//gal te ji ltar yin zhe na/ gson pa'i lus ni zhes bya ba la sogs pa smos so/ /gtan tshigs de nyid kyi phyir zhes bya ba ni dbugs dbyung ba dang rngub pa dag gsal bar byed pa yod pa ma yin pa'i rgyu de'i phyir ro/ /gnyis pa yang zhes bya ba ni gang zhig gang gi tshe rgyu tshogs pa can yin pa de ni de'i tshe yod par 'gyur te zhes bya ba la sogs pa'o//dbugs dbyung rngub kyi 'bras bu zhes bya ba de la yang rjes su 'gro ba dang ldog pa nges pa yod pa ma yin no/ /bdag nyid kyi mngon par 'dod pa'i 'thad pas zhes bya ba ni 'jig rten rgyang pan pa'i mngon par 'dod pa nyid kyi 'thad pas so/ / de ltar na de yod na yod pa'i rjes su byed pa'i phyir ro/ /'dis dbugs 'byung ba dang rngub pa dag ni sems kyi rgyu nyid du khas blangs pa yin na 'thad pa 'dis kyang sems nyid rgyu nyid yin par rtogs par 'gyur ro/ /de nyid dri ba sngon du song bas bstan pa'i phyir/ ci'i phyir zhe na zhes bya ba la sogs pas smos so//sbud pa ni mgar ba dag gi pags pa'i kha sbyar ro/ /gang de bum pa skyel ba dang len par byed pa 'di nyid sems kyi dbang po 'jug pa yin gyi/ bum pa'i rang gi ngo bo ni ma yin te/ de ni nye bar len pa snga ma snga ma la rag lus pa nyid kyi phyir ro/ /bskyel ba dang len par byed pa de nyid kyang 'bad rtsol bar byed pa de ltar na gang las ma nges pa nyid yin/bum pa'i rang gi ngo bo gang yin pa de ni sems kyi dbang gis 'jug pa ma yin pa de ltar na/ de la sems sngon du song ba can med na yang gtan tshigs mi mthun pa'i phyogs la 'jug pa ma yin no/ /don gzhan du 'gyur ba'i bya ba mi 'dod pa skad cig mar smra ba'i sangs rgyas pa'i bum pa'i yul gzhan du 'byung ba nyid 'gro ba dang 'ong ba ma yin nam/de yang 'bad rtsol las 'gyur ba yin na/ ji ltar na bum pa'i rang gi ngo bo 'bad rtsol las ma yin/ gang gis na rang gi ngo bo ni rang gi nye bar len pa'i rkyen las zhes brjod ce na/bum pa'i rang gi ngo bo 'gro ba la sogs pa'i gnas skabs su 'byung ba can ni 'bad rtsol las 'gyur ba de nyid ni bden te/ 'gro ba dang 'ong ba la sogs pa bum pa rang gi ngo bo las tha dad pa med pa'i phyir ro/ /rang gi ngo bo ni rang gi nye bar len pa'i rkyen las zhes bshad pa gang yin pa de ni bum pa'i rgyu la ltos pas yin no//bum pa'i rgyun thams cad 'gro ba dang 'ong ba 'grub par byed pa'i 'bad rtsol gyis skyed pa ma yin te/ de las sngar yang bum pa'i dmigs pa'i phyir ro/ /dbugs 'byung ba dang rngub pa yang sems nyid las dmigs pa yin no/ /de ni dbugs 'byung ba dang rngub pa dag gi zhes bya ba la sogs pa smos pa yin no//'dod pa med pa na zhes bya ba ni dbugs 'byung ba dang rngub pa dag gis kun nas slong ba 'dod pa med pa na 'ga' zhig gi tshe ldog pa med pa'i phyir te/ 'ga' zhig gi tshe bzlog pa med pa de yod pa ma yin no zhes bya ba'i don to/ /de nyid kyi phyir rang gi ngo bor zhes bya bar smos so zhes bya ba ni/gang zhig sems kyi dbang gis rang gi ngo bor 'jug par dang ldog pa de ni zhes bya ba'i sbyor ba brjod pa'i phyir ro/ /yod par rab tu grags pa can gyi zhes bya ba ni yod par 'jug pa can gyi'o/ /'jug par byed pa'i phyir zhes bya ba ni nus pa'i ngo bor gnas pa'i gsal ba'i ngo bo nyid thob pa ni 'jug pa yin te de byed pa'i phyir ro//sngar 'jug pa khas len na zhes bya ba ni gal te yod par rab tu grags pa can gyis gsal bar byed pa yin pa de'i tshe mngal la sogs pa dbugs 'byung ba dang rngub pa las sngar sems nyid kyi 'jug pa khas len pa yin te/ dper na sgron ma thag nye ba las sngar bum pa'i 'jug pa lta bu'o/ /de bas na yod pa nyid du khas blangs par thal bar 'gyur te/ yod pa nyid ni ji skad du bshad pa'i 'jug pa'i rang bzhin nyid yin pa'i phyir ro/ /de ltar na dbugs 'byung ba dang rngub pa med par yang sems nyid yod par khas len pa dang /shi ba'i lus la dbugs 'byung ba dang rngub pa gsal bar byed pa dag med pa'i phyir/ sems med pa yin no zhes bshad pa gang yin pa de gsal ba yin no/ /yang na 'jug par byed pa'i phyir zhes bya ba ni rnam par rtog pa gnyis pa 'chad pa yin te/ de la gal te de dag gis sems zhes bya ba la sogs pas skyon bstan pa yin no//'grib pa ni phri ba'o/ /de dag thal 'gyur mtshungs na yang / /zhes bya ba ni shi ba'i lus la dbugs 'byung ba dang rngub pa gsal bar byed pa dag med pa'i phyir sems nyid med do zhes bshad pa gang yin pa dang / shi ba'i lus la dbugs 'byung ba dang rngub pa dag kyang ci'i phyir med pa yin zhes brgal zhing brtag pa mtshungs pa yin no//ji ltar shi ba'i gnas skabs kyi zhes bya ba la sogs pas de nyid 'chad par byed do/ /rjes su 'chad par byed pa nyid kyi rgyu ni sems kyi skad cig ma snga ma snga ma'o/ /'phen par byed pa zhes bya ba 'di'i rnam par 'grel ba ni 'phen par byed pa zhes bya ba yin no//de skad du 'phen par byed pa'i las nyid kyi de lta bu'i sems kyi rgyun mi nus pa'i khyad par dgos pas gang dus de srid du lus de dang lhan cig sems gnas pa yin no zhes bstan par 'gyur ro/ /gal te sdong bu la sogs bzhin/ / zhes bya ba la sogs pa ni dper na sdong bu la sogs pa sgron ma la sogs pa'i rgyu yin pa de dang 'dra bar lus kyang sems kyi zhes bya ba'i don to/ /gal te sdong bu la sogs pa dang mtshungs pa'i yon tan ci zhig ston ce na/ gang gi tshe sdong bu la sogs pa'i zhes bya ba smos te/ shi ba'i dus na lus rlung dang mkhris pa la sogs pa dag gis nus pa med par byas pa des na/gang zhig gang rgyu tshogs pa can yin pa zhes bya ba la sogs pa'i sbyor ba la ma grub pa yin par 'dod pa zhes bya ba ni gang zhig gang gi tshe rgyu tshogs pa can yin pa de ni de'i tshe 'gyur te/ 'ga' zhig gi tshe rgyu ma tshang ba med pa can gyi myu gu 'byung ba lta bu'o zhes bya ba la sogs pa bshad pa gang yin pa de la ma grub pa'o//shi ba'i lus la nyes pa mnyam gyur tshe/ /zhes bya ba ni rims la sogs pa'i nyes pa gang gis srog chags shi ba na de rang nyid ldog par 'gyur zhing / nyes pa ldog pa yang mnyam par 'gyur ba yin no//nyes pa 'khrugs pa'i ngo bo can gyi nad med pa na yang zhes bya ba ni/ rlung la sogs pa'i nyes pa rnams 'khrugs pa nyid kyi ngo bo ste/ rang bzhin ga la yod pa zhes bya bar tshig rnam par sbyar ro/ /de nye ba tsam la rag lus pas 'jug pa can nyid la gags byed pa med na yod pas khyab pa yin te/de dang 'gal ba ni med pa yin pa de ltar na khyab par byed pa 'gal ba dmigs pa yin no/ /sems de ldog pa ni med ces bya ba ni yang 'ong ba med ces bya ba'i don to/ /yang 'ong ba ni ldog pa yin te/ dper na grong du song nas log /ces bya ba lta bu'o/ /'das ma thag pa'i gtan tshigs ma nges pa nyid du zhes bya ba ni/me nye ba tsam la rag lus pas 'jug pa can gyi shing sol bar gyur pa na yang me med pa na yang phyir shin tu 'gyur ba med pa'i phyir dang / gtan tshigs mi mthun pa'i phyogs la 'jug pa'i phyir ro/ /'tsho ba'i gnas skabs na yang rims la sogs pa'i gso ba byed par mi 'gyur na'o//cung zad tshig pa ni chung ba'o/ /de skad du phyir log pa srid pa can yod na gang zhig gang med na yang mi 'gyur ba de ltar na khyad par dang bcas pa'i gtan tshigs ni mi mthun pa'i phyogs la 'jug pa yod pa ma yin no zhes bstan par 'gyur ro//yang 'byung bar 'gyur ba rtsom pa nyid la gso bya ma yin pa'i 'gyur ba nyid kyis khyab pa yin te/ de dang 'gal ba gso bar bya ba nyid yin pa de ltar na khyab par byed pa 'gal ba dmigs pa'o/ /rang dang 'brel pa'i dus ni rang yod pa nyid kyi dus so/ /de lta yin na/ shi ba'i nyes pa mnyam 'gyur tshe//phyir yang skye ba dag tu 'gyur/ /zhes bya ba'i nyes pa 'di gnas pa nyid yin no/ /gzhan du gyur pa na zhes bya ba ni gang gi tshe mi nyid du de kho na nyid bzhir gyur pa de las dus gzhan du srog chags gzhan nyid du gyur pa na'o/ /khyad par med pa'i phyir ro zhes bya ba ni gzhan skad cig ma ma yin pa smra ba nyid kyi phyir/'byung ba rnams gzhan du gyur pa la yang khyad par yod pa ma yin no// //tshad ma rnam 'grel gyi 'grel bshad/ bam po bzhi bcu rtsa bzhi pa/ 'byung ba'i rang bzhin tsam las yang 'byung ba'i ngang tshul sems gang la yod pa de ni 'byung ba'i rang bzhin tsam las yang 'byung ba'i ngang tshul can no//de nyid kyi tshe zhes bya ba ni shi ba'i lus kyi gnas skabs de nyid kyi tshe zhes bya ba'i don to/ /'ga' zhig gi tshe yang ma yin no zhes bya ba ni gyur pa gzhan la yang 'gyur ba ma yin no/ /de ni gyur pa nyid mi 'thad pa ni 'byung ba'i bdag nyid kyi zhes bya ba la sogs pa smos te/'byung ba'i bdag nyid kyi rang bzhin las ma 'phos par gyur pa'i khyad par gang yin pa de ni mi rung ba'i phyir ro zhes bya ba'i don to/ /snga ma'i rang bzhin las 'phos pa med pa yang gyur par rigs pa ma yin no/ /nyes pa ni 'ba' zhig rims la sogs pa'i 'gyur ba'i rgyu khas len pa na/gang gi tshe nyes pa de dang rjes su mthun pa'i gnyen po bsten pa byas pa de'i tshe yod na/ gso bya med pa ma yin te/ 'di ltar las mi mthun pa gzhan mi 'dod pa'i tshe na'o/ /phyi rol gyi dngos po rnams kyang zhes bya ba ni sA lu la sogs pa rnams kyang ngo / /'jigs pa la sogs pas rgyu char mi 'bab pa la sogs pa mtshungs pa dag la yang ngo //de'i sos zin bcad pa las kyang zhes bya ba ni de'i sos bzung ba bcad pa las zhes bya ba ni drug pa'i bsdu ba'o/ /ji srid sos zin pa son pa de srid du lus la dug gis khyab par 'gyur la/ shi ba na bzung ba'i phyogs nyid du dug phyir log nas gnas par 'gyur ro zhes bya ba ni nges pa yin no//de nyid ni lus la khyab par byed pa zhes bya ba la sogs pas 'chad par byed do/ /de ltar na gzhan yang zhes bya ba ni dus ma yin par bzung ba yang ngo / /sos bzung ba bcad pa'am gnyen po la sogs pa'i sbyor ba las kyang dus su bzung ba de ci slar yang 'tsho mi 'gyur ro//bzung ba gcig nyid ces bya ba ni gang gi tshe zad pa can no/ /dus gzhan du 'tsho ba'i phyir zhes bya ba ni/ gang gi tshe dus su bzung ba'i lus skams pa la sogs par gyur pa thob pa na srog chags kyi khyad par 'byung bar 'gyur ro/ /gal te 'tsho ba ni 'gyur ba la ltos pa yin no zhes bya ba la dus ma yin par bzung ba ni 'byung bar gyur pa'i khyad par brten pa yin na/dus su bzung ba ni bzlog pa nyid kyi gyur pa gzhan la gnas pa yang yin no/ /de bas na ma mthong ba la ltos pa med pa rnams kyang skye ba dang mi skye bar 'gyur ro zhe na/ ma yin te de nyid ni gyur pa mi rung ba'i phyir ro zhes bshad zin to zhes bya ba ni 'byung ba'i bdag nyid kyi rang bzhin las ma 'phos par gyur pa'i khyad par ni mi rung ba'i phyir ro zhes sngar bshad zin to//chos can las chos tha dad pa'i phyir ram zhes bya ba la sogs pa la chos gzhan log pas chos gzhan 'byung ba ni gyur par brtags pa yin no//ldog pa dang 'jug par 'gyur ba'i chos de chos can las tha dad pa'am/ tha dad pa ma yin par 'gyur grang na/ gal te tha dad pa yin pa de'i tshe de'i gnas skabs can gyi chos can yin pa de ltar na re zhig chos can gyur pa ni ma yin no/ /chos snga ma rnam pa thams cad du ldog pa dang phyi ma 'byung ba yin pa de ltar na gang las gyur pa yin/gang las bdag nyid du gyur pa'i rang bzhin gcig rjes su 'jug pa dang gnas skabs tha dad pa de la gzhan gyur bar rnam par 'jog pa yin gyi/ chos can las chos dag tha dad pa yin na/ rang bzhin gcig gi rjes su 'jug pa yod pa ma yin no//de dag ni chos can gcig gi bdag nyid yin la/ de yang tha dad pa yin pa de ltar na bdag nyid du gyur pa'i rang bzhin gcig gi rjes su 'jug pa ma yin no/ /'ga' zhig gi yang rab tu 'jug pa dang ldog par gyur pa'i chos gnyis ma gtogs par dmigs pa'i mtshan nyid cir gyur pa mthong ba'i lam la 'jug pa ma yin pa de bas na/de 'dra ba de ni mkhas pa rnams kyi med pa'i tha snyad kyi yul nyid yin no/ /ci de chos tha dad pa med pa yin pa de ltar na yang chos can gcig gi rang bzhin las 'jug pa dang / ldog par 'gyur ba dag tha dad pa med pa'i phyir chos can dang 'dra ba gcig nyid yin pa de ltar na/ci la brten nas chos can nam chos gyur pa yin rung ba yang ma yin te/ yongs su gyur pa'i rten chos rnams ni tha dad pa dang tha dad pa med pa dag mi rung ba'i phyir ro/ /'byung ba rnams las tha dad pa yin na ni de kho na nyid gzhan nyid du thal ba dang /tha dad pa nyid ma yin na chos can dang 'dra ba rnams kyang tha dad par mi 'gyur ro/ /rtag tu mngon par mi gsal ba'am zhes bya ba ni 'gyur ba gzhan las yang mngon par mi gsal ba zhes bya ba'i don to/ /de nyid kyi tshe zhes bya ba ni nad dag gis byas pa'i mi mthun pa'i gnas skabs su yang ngo //gyur ba dang gsal ba yin te zhes bya ba la gyur pa ni 'byung ba rnams sems mngon par gsal ba dang rjes su mthun par gyur pa'o/ /gsal ba ni sems skye ba'o/ /khyad par med pa'i phyir ro zhes bya ba ni rgyur gyur pa gzhan dang de'i tshe rang bzhin mtshungs pa nyid kyi phyir ro/ /gal te de la chos gzhan nyid skye ba de bas na 'byung ba rnams gyur pa nyid yin no zhe na/gzhan nyid yin na zhes bya ba la sogs pa smos so/ /'byung ba dag las de kho na nyid lhag par gyur te/ chos tha dad pa khas len pa'i phyir ro/ /de kho na nyid gzhan du thal ba yang bla ste/ de ltar na yang re zhig chos dang 'brel pa'i chos can du gyur pa yin par 'gyur ro zhe na/de'i phyir de dang 'brel ba zhes bya ba smos pa la/ de dang zhes bya ba ni chos can dang ngo / /'byung ba las chos skye ba ma yin te khyad par can ma yin pa las skye na ni/ rtag tu skye bar thal ba'i phyir ro/ /de bas na de las byung ba'i mtshan nyid can gyi 'brel pa ma yin no//de'i bdag nyid kyang ma yin te tha dad pa'i phyir ro/ /nye bar len pa can gyi 'gyur ba la nye bar len pa'i 'gyur bas khyab pa yin la/ de 'gyur ba med pa 'dir dmigs pa de ltar na khyab par byed pa 'gal ba dmigs pa'o/ /'di ni thal ba sgrub pa'o/ /gal te lus nye bar len par 'dod pa de'i tshe lus 'gyur ba med par sems 'gyur bar mi 'gyur na/'gyur ba de bas na lus nye bar len pa ma yin no zhes bya ba ni bzlog pa'o/ /de yang phyis 'chad par 'gyur ro/ /'gyur bar ni 'dod na sbrul la sogs pa thag nye ba las sgron ma 'gyur ba med par yang 'od 'gyur ba de bas na sgron ma'i dpe bsgrub par bya bas stong pa yin no zhe na/de'i phyir sbrul la sogs pas kyang zhes bya ba smos te/ sogs pa'i sgras ni mthu dang ldan pas byin gyis brlabs pa la sogs pa gzung ngo / /de ltar ni 'gyur na zhes bya ba la sogs pa la/ chu la sogs pa'i 'gyur ba ni 'phel ba dang 'grib pa'o//gang zhig gang gi nye bar len pa yin pa de 'gyur ba med par de 'gyur bar nus pa ma yin no zhes sbyor ba bshad pa'i bsgrub par bya ba 'di la ma nges pa yod pa ma yin te/ gang gi phyir chu la sogs pa dag kyang nye bar len par 'gyur ba'i sgo nas/ sA lu la sogs pa'i 'gyur ba'i rgyu ma yin nam/gal te gang zhig 'gyur bas de'i nye bar len pa yin no zhes bya ba'i bsgrub par bya ba 'di yin pa de'i tshe chu la sogs pa nye bar bkod pas ma nges par 'gyur ro/ /'di snyam du nye bar len par 'gyur ba med par nye bar len pa can gyi 'gyur ba yod pa ma yin gyi/ 'on kyang nye bar len pa'i 'gyur ba nyid kyis zhes smra ba na/don gyis gang 'gyur bas gang zhig 'gyur ba de ni 'di'i nye bar len pa yin no zhes dam bcas pa yin no/ /gdon mi za bar nye bar len pa dang / nye bar len pa can dag gi 'gyur ba 'dod pas gang 'gyur bas gang zhig 'gyur ba de ni 'di'i nye bar len pa yin no zhes dam bca' bar bya'o//de bas na ma nges pa ston pa yin no snyam du dgongs so/ /de la chu la sogs pa lhan cig byed pa zhes bya ba la sogs pa ma nges pa sel bar byed do/ /yongs su nyams pa ni za ba'o/ /de skad du rgyur mngon par 'dod pa gang zhig yod pa dang med pa'i mtshan nyid can gyi 'gyur bas 'bras bu'i rgyun yod pa dang med pa'i mtshan nyid can 'gyur bar 'gyur ba de ni de'i nye bar len pa yin no zhes bya ba de ltar bsgrub par bya ba yin gyi/de lta bur gyur ba'i 'gyur ba chu la sogs pas byas pa yang sA lu la sogs pa la yod pa ma yin pa de bas na/ ma nges pa ma yin no zhes bstan par 'gyur ro/ /gal te gang zhig 'gyur bas 'ga' zhig gi rgyun chad pa de nye bar len pa yin pa de lta na ni/ me thag nye ba las sA lu la sogs pa'i rgyun chad pa nyid yin na/ me ni de dag gi nye bar len pa ma yin pa de ltar na ma nges pa nyid yin no zhe na/ de'i phyir me la sogs pa dag gis ni zhes bya ba la sogs pa smos pa la nye bar len pa nyid 'joms par byed pa de ltar na/de las nye bar len pa 'gyur ba'i sgo nas de dag 'bras bu rgyun chad par byed pa yin gyi dngos su ni ma yin no/ /dngos su gang zhig 'gyur ba de ni de'i nye bar len pa yin no zhes khas blang bar bya ba yin no//de bas na ma nges pa ma yin no/ /sogs pa smos pas ni gang zhig gang gi nye bar len pa ma yin pa de'i dpe brjod par bya ba zhes bya ba khong nas 'byung ngo / /de nyid ni dper na zhes bya ba la sogs pa smos te/ gang la 'gyur ba skye ba'i nus pa yod pa zhes bya ba ni 'bru mang po pa'o/ /de ni 'di'i nye bar len pa'i rgyu can ma yin te zhes bya ba ni de 'gyur ba med pa'i nye bar len pa'i rgyu gang la yod pa zhes 'dir yang 'bru mang po bya'o//de rgyu can zhes bya ba ni gang la lus de'i rgyu yod pa zhes bya bar tshig rnam par sbyar ro/ /de nyid ni lus kyi rgyu can zhes bya bar 'chad par byed do/ /de rgyu can gyi 'bras bu skyed pa ni zhes bya ba ni gzhi mthun pa'i drug pa'o//lus kyi rgyu can gyi 'bras bu skye ba gang yin pa de yang gang zhe na/ nur nur po la sogs pa'i ming can gyi zhes bya ba smos te/ nur nur po dang / mer mer po dang / nar nar po dang / mkhrang 'gyur dang / rka lag 'gyus pa la zhes bya ba la sogs pa'i lus kyi gnas skabs la nur nur po la sogs pa'i sgras bstan to//'bras bu skyed pa ni zhes bya ba 'di'i bshad pa ni/ lus kyi gnas skabs phyi ma'i mtshan nyid can gyi 'bras bu skyed pa zhes bya ba'o/ /de med par zhes bya ba ni yid kyi rnam par shes pa med par ro/ /'bras bu gcig la so sor nges pa'i phyir lhan cig gnas pa yin no zhes bstan par 'gyur ro//me dang zangs ma'i zhu nyid ces bya ba ni zlas dbye ba'o/ /dper na zangs ma zhu ba nyid du 'byung ba la me lhan cig byed pa yin pa'i phyir ro/ /de dang lhan cig gnas pa yin gyi nye bar len pa ma yin pa'i phyir ni ma yin pa de bzhin du lus dang sems dag kyang zhes bya ba'i don to//lus dang sems dag la yang de skad du zhes bya ba ni lhan cig gnas par nges pa med do/ /sngar bshad zin to zhes bya ba ni lus med par gzugs med pa'i khams kyi yid kyi rnam par shes pa yod pa'i phyir ro zhes bya ba la sogs pas bshad zin pa nyid kyi phyir ro//yon tan dang spyi la sogs pa zhes bya ba ni yon tan dang spyi dang de dag dang por byas pa ga la yod pa zhes bya ba zlas dbye ba snying po can gyi 'bru mang bo pa'o/ /sogs pa'i sgras ni las gzung ngo / /yod med dag rten med phyir ro/ /zhes bya ba ni byed pa dang ldan pa'i sbyor ba la byed pa po'i drug pa yin te/yod pa dang med pa dag ni gzhan gyi rten med pa'i phyir ro zhes bya ba'i don to/ /de ni yod pa'am zhes bya ba la sogs pas 'chad par byed do/ /rten nyid la brten pa phul du phyin pa byed pa nyid kyis khyab pa yin te/ de dang 'gal ba yang mi byed pa nyid yin pa de ltar na khyab par byed pa 'gal ba dmigs pa'o//med pa'i rten ma yin te zhes bya ba ni gzhan ni dngos po bsgrub pa'i gzhir mngon par 'dod pa rten du 'dod pa yin na/ ri bong gi rwa dang 'dra ba'i med pa yang rten du 'gyur te/ gal te 'o na ji ltar na rgyu tha snyad du byed ce na/ de yang rang gi rgyu las skye ba yin gyi zhes bya ba smos te/ skyed par byed pa nyid yin pa'i phyir de'i rgyu nyid yin no zhes brjod kyi/rten gyi dngos pos ni ma yin te rten med pa nyid kyi phyir ro zhes bya ba'i don to/ /rten gzhan rten du gyur pa la brten pa yod pa nyid kyis khyab pa yin la de dang 'gal ba ni med pa nyid yin pa de ltar na khyab par byed pa 'gal ba dmigs pa'o//yod pa'i rten yang sbyor ba dang po la zlog pa ma yin nam/ de ji ltar na rten nyid la yod pa nyid kyis khyab par 'gyur zhe na/ bden te 'on kyang gzhan rten dang brten pa'i dngos po'i sgo nas/ gzhi dang gzhi can gyi dngos po lhan cig par gyur pa dag 'dod pa'i phyir de'i bsam pas de skad du brjod do//gal te ma yin rten yod pa/ /gnas pa'i rgyu ni yin zhe na/ /zhes bya ba 'dis ni gzhan gyi bsam pa'i dogs pa bsu ba'o/ /de'i rten du mngon par 'dod pa zhes bya ba la sogs pas 'chad par byed do/ /snga ma ma grub pa yin zhing zhes bya ba ni gang zhig gang la cung zad kyang mi byed pa zhes bya ba la sogs pas gtan tshigs bshad pa gang yin pa'o//gzhan ni zhes bya ba ni gang med pa de rten med pa'i sgo nas 'ga' zhig rten du gyur pa ma yin te zhes bya ba'i sbyor ba ni'o/ /khas ma blangs pa'i phyir ro zhes bya ba ni med pa'i rten khas ma blangs pa'i phyir ro zhes bya ba'i don to//rten ni ma yin te zhes bya ba la sogs pa ni grub pa'i mtha' smra ba yin no/ /gnas pa po bdag nyid ces bya ba ni gnas pa po'i rang bzhin nyid gnas pa yin no zhes bya ba'i don to/ /tha dad na yang zhes bya ba ni mdo yin la/ de'i bshad pa ni gnas pa po las gnas pa don tha dad pa'i ngo bos yin na zhes bya ba yin no//don gzhan du gyur pa la don gzhan du byas pa zhes bya ba med do/ /de'i 'brel pa can gyi zhes bya ba ni rten mngon par 'dod pas brten pa la gnas tha dad pas byas pa gang yin pa de ni brten pa dang 'brel pa can yin no/ /de la brten pa dang 'brel pa can gyi gnas byed pa'i phyir ro//rten du mngon par 'dod pa'i de phan 'dogs par byed pa nyid rtogs pa yang rigs pa ma yin te/ gnas par byed pa dang 'dra bar gnas pa can gyi gnas pa'i rten nyid ma grub pa'i phyir ro zhes bya ba la/ dper na gnas par byed pa'i gnas par bya bar mngon par 'dod pa'i rten du grub pa ma yin te/phan 'dogs pa med pa'i phyir ro/ /de bzhin du gnas pa can gyi gnas pa'i rten nyid grub pa ma yin te/ gnas pa can gyi gnas par bya ba des kyang gnas pa cung zad kyang byas pa med de/ de ni gnas par byed pa nyid las skyes pa yin no/ /skyes pa la yang gnas par bya bas ci zhig byas na gang gis na rten du 'gyur/de bas na de dang 'brel pa can gnas pa ma yin no/ /ci ste gnas pa can gyis gnas pa cung zhig kyang byed pa ma yin gyi 'on kyang gnas pa nyid kyis 'di gnas par bya ba yin pa de bas na/ de'i 'brel pa can gnas par 'dod do zhe na/ gal te gnas par byas pa las zhes bya ba la sogs pa smos pa la gnas pa po rtag pa yin te/'jig pa med par thal bar 'gyur/ /zhes bya ba ni gnas pa po sems nyid yin la/ de 'byung ba rnams kyis gnas par bya ba yin na de ni rtag tu nye ba nyid yin te 'byung ba rnams rtag pa nyid kyi phyir ro/ /gal te de gnas par byed pa yin pa de bas na sems gnas pa por mngon par 'dod par 'jig pa med par 'gyur ro//de ni gnas par bya ba 'byung ba rnams zhes bya ba la sogs pa smos pa la gnas par byed pa zhes bya ba'i don to/ /gnas par byed pa nyid ni gnas pa'i dbang du byas pa yin no/ /bye brag pa yang zhes bya ba ni bum pa la sogs pa'i rdzas ni tshig gi don yon tan gyi gnas par byed pa 'dod do//dang po tshig pas sngo bsangs skye bar 'gyur ro/ /gal te de'i bum pa gnas par byed pa yin na de las ldog pa med par 'gyur ro/ /de bzhin du so btang ba las skyes pa'i yon tan phyi ma phyi ma'i nus pa 'joms par byed par 'gyur ro//de ltar na 'di'i gnas pa nyid du rtog par byed pa don dang ldan par 'gyur ro/ /'joms par byed par nus pa yang ma yin te/ 'jig pa'i rgyu thag nye ba can dngos po 'jig par khas len pa'i phyir ro/ /de las 'jig pa'i chos can zhes bya ba ni/ 'jig pa'i rgyu las 'jig pa'i chos can te/gzhan gyi khas blangs nas 'di skad du bstan to/ /de lta bur gyur pa de 'jig pa'i chos nyid sgrub par byed pa 'jig pa'i rgyu med na/ bdag nyid 'jig par mi 'gyur na de ltar gnas pa'i rgyus ci zhig bya ste cir yang mi rung ngo / /ci de las zhes bya ba ni gnas par bya ba'i rgyu las so/ / dus de srid du zhes bya ba ni 'jig pa'i rgyu nyid ma 'ongs pa'i dus su'o/ /'jig pa dngos chos nyid ces bya ba ni ci de las zhes bya ba snga ma dang sbyar bar bya'o/ /ci gnas pa'i rgyu de las 'jig rgyu dang phrad kyi bar du gnas pa yin par 'dod pa de'i tshe 'jig pa'i dngos po'i chos nyid thob par 'gyur ro//de ni ngo bo nyid kyis zhes bya ba la sogs pas 'chad par byed do/ /'di la gnod pa med can zhes bya ba ni gnas pa'i rgyus gnod par bya bar mi nus pa nyid kyi phyir ro/ /rnam pa gzhan byed pa na zhes bya ba ni 'jig pa'i rang bzhin las rang bzhin gzhan byed ba na'o/ /gzhan zhes bya ba ni 'jig pa med pa'i chos can no//de de ji ltar na zhes bya ba ni 'jig pa snga ma'i'o/ /gal te 'jig pa'i rang bzhin can ni rnam pa gzhan nyid du gnas par byed pa ni ma yin no zhe na/ rang bzhin las gzhan nyid ma yin na yang zhes bya ba la sogs pa smos so/ /yul gzhan dang gzhan du 'byung ba'i chos can gyi zhes bya ba ni/rang gi nye bar len pa'i yul las yul gzhan du 'byung ba'i chos can rnams ni zhes bya ba'i don to/ /'dir bsdus pa'i don ni chu la sogs pa ngo bo nyid kyis 'gro ba'i chos can snod la sogs pa'i yul dang 'brel pas 'byung ba'i lhan cig byed pa nyid du gyur pas na snod la sogs pas rten gyi tha snyad thob par 'gyur ro zhes bya ba 'di yin no//gzhan yang zhes bya ba ni khas len pa brjod pa'o/ /gzhan yon tan la sogs pa dag la 'gro bar mi 'dod de/ lus can ma yin pa nyid kyi phyir ro/ /tha mi dad par grub pa dag ni dbyer med par grub pa'o/ /rten dang brten pa'i dngos po'i mtshan nyid can 'phrod pa 'du ba dang zhes bya ba ni/rten dang brten pa'i bdag nyid can kho na 'phrod pa 'du ba yin no/ /de ltar na 'di ni 'dir blo'i rgyur 'dod do/ /gzhan las byung ba'i bde ba dang sdug bsngal la sogs pa'i yang 'phrod pa 'du ba can gyi rgyu ba dag la sogs pa yin par 'dod do/ / ba lang gi gong bu nyid yin gyi rta la sogs pa ni ma yin no zhes bya ba ni rigs rnam par gzhag pa nyid yin no/ /chos can 'di las chos 'di gnas pa zhes bya ba ni snam bu la dkar po zhes bya ba la sogs pa'o/ /'byung ba las gyur pa'i gzugs ni gzugs dang sgra dang dri la sogs pa ste/ 'byung ba rnams la brten nas gnas pa zhes bya bar sbyar ro//'di yang rang gi sde pa bye brag tu smra ba rnams kyi 'dod pa nyid yin no/ /bshad pa'i don bsdus nas zhes bya ba ni/ 'jig pa med par thal bar 'gyur/ /gal te de 'jig pa'i rgyu las 'dod ces bya ba la sogs pas sngar bshad zin pa nyid kyi phyir ro/ /'di la yang dngos po rnams ngo bo nyid kyis 'jig pa med pa nyid yin zhing /de 'jig pa'i rgyu 'ba' zhig gis 'jig par 'gyur ba'am/ ngo bo nyid kyis 'jig pa'i ngang tshul can te rtog pa gnyis su 'gyur grang na de la dang po'i rnam par rtog pa ni/ gal te gzhan las dngos 'jig na/ /zhes bya ba la sogs pa smos so//rnam par rtog pa gnyis pa'i dbang du mdzad nas/ dngos po de gzhan med par 'jig na yang zhes bya ba la sogs pa smos pa la/ de gzhan med par 'jig na zhes bya ba de 'chad par byed pa ni 'jig pa'i rgyu zhes bya ba la sogs pa'o/ /rang nyid 'jig pa'i bdag nyid can yin pa'i phyir ro//'jig pa'i rgyu thag nye ba can med par 'jig par 'gyur ro zhes bya bar sbyar ro/ /de ltar na/ gnas pa'i rgyu rnams nus med yin/ /zhes bya ba de 'chad par byed pa ni de gnas par bya ba'i phyir zhes bya ba la sogs pa'o/ /gzhan dag ni rang nyid 'jig pa'i bdag nyid can yin pa'am zhes bya ba'i sgra gzhung du byed mod kyi de 'brel pa yod pa ma yin te/'am gyi sgra med par yang don lhag pa 'ga' zhig mi thob pa med do/ /de thams cad gnas lhag par 'dod pa zhes bya ba 'chad par 'gyur ba dang sbyar ro/ /skye ba can yang yin la kun yang yin pas na zhes bya ba ni gzhi mthun pa'o//gang dag gi zhes bya ba ni gzugs la sogs pa'i'o/ /mi rtag pa nyid rten yin na zhes bya ba ni bum pa la sogs pa'o/ /de'i yang gzhan dang de'i yang gzhan yin pa zhes bya ba ni re zhig bum pa'i yan lag can gyi tha ma'i gyo mo rten yin zhing / de dag gi yang rang nyid kyi rtsom pa yin la de dag gi yang rang nyid rtsom pa po gzhan yin pa de ltar na yan lag can rdul gnyis kyi bar du'o//de'i yang rdul phra rab rtag pa'i bar du rten yin no/ /de bas na re zhig rdul gnyis pa ni rtag tu gnas pa yin zhing / de'i stobs kyis des brtsams pa dang / bum pa la sogs pa'i yan lag can gyis mthar thug pa'i bar du'o//dngos po 'ga' zhig gang yin pa/ /zhes bya ba la don 'di nyid sngar bshad pa ma yin nam/ bden te ci gzhan las 'jig pa yin nam/ ci ma yin zhes bya bas de ltar bshad pa yin la/ da ni ci bdag nyid 'jig pa'i ngang tshul can gyi bdag nyid yin nam/ci ma ma yin zhes bya ba'i rnam pa 'dis brjod pa yin no zhes bya ba ni khyad par ro/ /lus kyi phul byung 'grib pa zhes bya ba la lus smos pa ni lus kyi yon tan ser po nyid la sogs pa'i nye bar mtshon pa yin no/ /de nyid kyi bshad pas ni lus kyi yon tan zhes bya ba'o/ /de'i yon tan 'phel ba dang 'grib pa dag gis zhes bya ba ni/yid kyi yon tan thos pa dang bsams pa dang bsgoms pa la sogs pas 'phel ba dang 'grib ba dag gis zhes bya ba'i don to/ /byams pa ni bde ba dang phrad par gyur cig ces bde ba dang ldan par 'dod pa'o/ /snying rje ni lus can 'di sdug bsngal las thar bar gyur cig ces sdug bsngal dang bral bar 'dod pa'o//lus kyi byed pa'i khyad par gyis 'phel ba dang 'grib pa la ltos pa med pa yang yin la/ gang blo'i byed pa'i khyad par gyis 'phel ba dang 'grib pa yang yin no zhes bya ba ni khyad par gyi bsdu ba'o/ /de nyid sgo yin pa des shes rab la sogs pa'i phul du byung ba dang /'grib pa nyams su myong ba zhes bya bar sbyar ro/ /chos gang yin pa 'di ni mar me'i 'od la sogs/ sogs pa'i sgras ni grib ma dang myu gu la sogs pa gzung ngo / /de la ltos pa med pa'i don gyi zhes bya ba la sogs pa ni sgron me'i byed pa la ltos pa med pa'o//don ni myu gu la sogs pa ste/ de'i byed pa'i rjes su 'brang ba can ni ma yin no zhes bya ba'i don to/ /sbyor ba zhes bya ba la sogs pa la gang zhig byed pa'i khyad par gyis 'phel ba dang 'grib pa dag gis phul du byung ba dang / 'grib pa nyams su myong ba zhes bya bar sbyar ro/ /nyams su myong ba khyad par ji lta bu zhig ce na/ltos pa med pa zhes bya ba la sogs pa smos te/ gang zhig byed pa'i khyad par gyis 'phel ba dang 'grib pa zhes bya ba 'di la gang gi sgrar bstan pa yin no/ /'bras bu'i phul du byung ba dang 'grib ba zhes de la ltos pa med pa'i khyad par gyis 'phel ba dang 'grib pa don ga la yod pa de ni/ltos pa med pa'i byed pa'i khyad par gyis 'phel ba dang 'grib pa can no/ /de la ltos pa med par 'gyur na gang gi byed pa la ltos pa dang bcas pa dang gang gi byed pa ltos pa med do zhes bya ba ni bsdus pa'i don yin no/ /de'i nye bar len pa'i rgyu can zhes bya ba ni gang la phul du byung ba dang 'grib pa'i rgyu ste/nye bar len pa'i rgyu yod pa de ni zhes bya bar tshig rnam par sbyar ro/ /'di ni bsgrub par bya ba gcig yin no/ /de las gzhan pa'i nye bar len pa'i rgyu can du 'gyur ba ma yin te zhes bya ba ni phul du byung ba dang 'grib pa'i rgyu de las gzhan pa ni gang ltos pa med pa ni phul du byung ba dang 'grib pa nyams su myong ba yin te de ni nye bar len pa'i rgyu can du mi 'gyur ro zhes bya ba'i don to//'di ni bsgrub par bya ba gnyis pa'o/ /ltos pa med pa'i myu gu zhes bya ba ni phul du byung ba dang 'grib pa'i rgyu sgron ma'i byed pa la ltos pa med pa zhes bya ba'i don to/ /bsgrub par bya ba dang po la ltos nas rang bzhin gyi gtan tshigs yin te/dngos su de'i byed pas 'phel ba dang 'grib pa dag gis phul du byung ba dang 'grib pa nyams su myong ba tsam dang rjes su 'brel pa can nyid yin pa'i phyir/ nye bar len pa can nyid du rnam par gnas pa yin no/ /bsgrub par bya ba gnyis pa la ltos nas 'gal bas khyab pa dmigs pa yin no zhes bya ba ni/de nye bar len pa can nyid yin pa'i phyir/ de nye bar len pa can nyid ma yin pa ni 'gal ba yin zhing / khyab pa yin te de'i byed pa la ltos pa med par phul du byung ba dang 'grib pa nyams su myong ba'o/ /sems la phan 'dogs par byed pa nyid kyi sgo nas zhes bya ba ni/lus khyad par du byas pas khyad par can gyi lus la brten pa'i shes pa skyed par byed pa'o/ /de yang yid kyi rnam par shes pa khyad par du byed cing de las kyang shes rab la sogs pa'i khyad par du 'gyur ro/ /gtan tshigs ma nges pa yin no zhes bya ba ni bsgrub par bya ba dang po la ltos pa'i gtan tshigs gang yin pa 'di'o//de ltar na lus 'phel ba dang 'grib pa'i sgo nas kyang 'dod chags 'phel ba dang 'grib par 'gyur na/ sangs rgyas pa 'dod chags la sogs pa'i lus nye bar len par mi 'dod do/ /ci rigs par zhes bya ba ni rgyas pa las 'dod chags 'phel zhing gdung ba las zhe sdang 'phel bar 'gyur ro//so sor brtags pa ni 'dod chags la sogs pa nye bar len pa 'gog par byed pa'i shes rab kyi khyad par ro/ /sogs pa'i sgras ni dad pa'i stobs gzung ngo / /gang gi tshe rgyas pa la sogs pa yod na zhes bya ba tha snyad du byed pa zhes pa ni rgyas pa la sogs pa yod na 'dod chags la sogs pa'i bag la nyal ba kun tu rgyas par 'gyur ro zhes tha snyad du byed do zhes bya ba'i don to//sems nyid kyi rjes su phan 'dogs pa dang gnod pa byed pa zhes bya ba de dag ni yid bde ba dang yid mi bde ba'o/ /bde ba dang sdug bsngal ni lus kyi'o//bde bas lus la phan btags pa la yid bde ba dang sdug bsngal gyis lus gdungs pa ni yid mi bde ba skye bar 'gyur ro/ /de bas na bde ba dang sdug bsngal gyi sgo nas de dag skye bar 'gyur ro/ /reg bya'i khyad par rtog par byed pa pos reg bya'i rnam par shes pa la zhes bya ba ni gang gi reg bya'i khyad par 'dzin par byed pa'i lus kyi rnam par shes pa gang la zhes bya ba'i don to//yid gzhungs pa'i byed pa'i rdzas gang gis yid gzhungs par byed pa'o/ /bcud kyis len dang yid gzhungs par byed pa zhes bya ba ni zlas dbye ba'o/ /yul lam zhes bya ba ni reg bya'i khyad par las so/ / dbang po las zhes bya ba ni dbang po'i rten las de gzhi mthun pa'o/ /ji ltar mig la sogs pa la phan 'dogs pa dang gnod pa byed pa dag las de'i rnam par shes pa la phan 'dogs pa dang / gnod par byed par 'gyur ro zhes bya ba'i don to/ /de'i shes pa la phan 'dogs pa dang gnod par byed pa'i sgo nas kyang zhes bya ba ni dbang po'i shes pa la phan 'dogs pa dang gnod pa byed pa'i sgo nas so//dngos su de 'gyur ba'i rjes su byed pa ni mi mthun pa'i phyogs la 'jug pa med pa'i phyir ma nges pa ma yin no/ /dbang po yang de'i rnam par shes pa'i rten yin par gzung ste/ dbang po gang yin pa de yang de'i rnam par shes pa'i rgyu nyid du gzung ngo //nang don khyad par las skyes pa'i rang gi rten dbang po las skyes pa zhes bya ba de nyid ni rten des kyang zhes bya ba smos te/ rten ni dbang po'o/ /des ni nang gi don gyis so/ /gdon mi za bar 'byung ba zhes bya ba ni yid 'gyur ba'i rgyu nyid du 'byung ba yang ma yin te/'ga' zhig gi tshe 'dus pa la sogs pa yod na yang yid 'gyur ba med pa'i phyir ro/ /stag ni gcan gzan no/ /stag nyid dang khrag ces bya ba ni zlas dbye ba'o/ /mthong ba dang ni thos pa las/ /zhes bya ba ni stag thos pa dang / khrag mthong ba las zhes go rims bzhin du sbyar ro/ / de bzhin du tha dad par stag thos pa'i rgyu las zhes bya bas 'chad par byed do/ /blo ni de'i rjes su mi byed pa'i phyir ro zhes bya ba ni dngos su don de'i 'gyur ba'i rjes su mi byed pa'i phyir/ phyi rol gyi don nye bar len pa'i ma yin no zhes bya bar sbyar ro/ /ji ltar rjes su byed pa ma yin zhe na/ de'i phyir nges par zhes bya ba la sogs pa smos te/don gyi 'gyur ba de lta bur gyur pa 'dus pa la sogs pa'i mtshan nyid can gang yin pa de/ nges par rjes su 'jug pa ma yin pa de'i phyir/ blo de ni de'i rjes su 'jug pa can ma yin no/ /ji ltar blo snga ma snga ma la zhes bya ba ni chos mi mthun pa'i dpe'o//dngos su lhan cig byed pa'i rgyu lus ma yin no zhes bya bar sbyar ro/ /dngos su lhan cig byed pa'i rgyu ma yin du zin kyang de nyid rgyu nyid yin pa ni/ nges pa der 'dus byas pa'i yang zhes bya ba ni lus 'dus byas pa'i yang zhes bya ba'i don to/ /dngos su lan cig byed pa'i 'gyur ba yang nges par 'bras bu'i rjes su byed par 'gyur ro//de nyid ni dper na zhes bya ba la sogs pa smos pa la/ yul gyi rjes su 'jug pa zhes bya ba ni/ yul ni dngos su dbang po'i shes pa'i lhan cig byed pa yin la/ de yang dbang po'i shes pa'i rjes su 'jug pa yin te/ de gsal ba nyid rjes su byed pa'i phyir ro//gal te 'o na nye bar len pa dang lhan cig byed pa'i khyad par gang yin zhe na/ de ni 'og nas 'chad par 'gyur ro/ /dngos su nye bar len pa'i rgyu nyid ma yin pa ni 'gal ba yin la/ des ni de'i rjes su mi 'jug pa la khyab pa de ltar na 'gal bas khyab pa dmigs pa yin no/ /dngos su lhan cig byed pa'i rgyu ma yin te zhes bya ba'i bsgrub par bya ba gnyis pa de la ltos nas kyang 'gal ba khyab pas dmigs pa yin no//de ldog na ni nges par ldog pa la de'i nye bar len pa'i rgyu nyid dang / de'i dngos su lhan cig byed pa'i rgyu nyid yin pas khyab pa yin la/ de dang 'gal ba ni de'i nye bar len pa nyid ma yin pa dang /de'i lhan cig byed pa'i rkyen nyid ma yin pa de ltar na khyab par byed pa 'gal ba dmigs pa'o/ /dus gcig gi tshe sems la nges par ma bzung ba zhes bya ba ni gnyid log pa dang brgyal ba la sogs pa'i gnas skabs kyi tshe'o/ /'dus byas pa rkyen ji lta ba bzhin du mngon par gsal bar 'gyur ro zhes bya ba la/rkyen ji lta ba bzhin du zhes pa ni gang zhig gang sad par byed pa'i rkyen te/ dus gzhan la sdod pa la sogs pa'o/ /'dus byas pa mngon par gsal ba ni 'bras bu skye ba'i rjes su mthun pa'i mngon par gsal ba'o/ / 'dus byas pa de nyid las zhes bya ba ni thos pa la sogs pa'i dus su bsgos shing bar du sad pa'i bag chags kyi khyad par la zhes bya ba'i don to/ /yon tan mngon par gsal ba zhes bya ba ni shes rab dang yid gzhungs pa la sogs pa skye bo tha dad pa med pa'i rgyu'i phyir ro zhes bya ba ni lus dang blo'i yon tan gcig nyid yin pas so//de'i rang bzhin nyid la de 'dus byas par gyur pa nyid kyis khyab pa yin la/ 'dir de med pa da ltar khyab par byed pa mi dmigs pa'o/ /thos pa la sogs pa lus kyi 'dus byas pa yod pa de'i phyir gtan tshigs ma grub pa nyid yin no zhe na/ ma grub pa yang ma yin te zhes bya ba la sogs pa smos pa la/snang ba nyid las zhes bya ba ni lus kyi yon tan dmigs pa'i mtshan nyid kyir gyur pa nyid las so/ /gal te thos pa la sogs pa'i 'dus byas pas lus kyi yon tan byas pa yin par 'gyur la/ de yang dmigs par 'gyur na thos pa la sogs pas 'dus byas ba byed pa'i tshe dang mngon par gsal ba'i dus na yang mi dmigs te/gnas skabs gnyi ga la yang lus la khyad par med pa'i phyir ro/ /bag med pa zhes bya ba ni bag med pa rtsom pa can no/ /mi gtsang ba dang g.yang sa la sogs pa'i gnas su zhes bya ba la/ mi gtsang ba'i gnas dang g.yang sa'i gnas ni zlas dbye ba'o//de bas na dman pa'i gnas ni yongs su len na yang 'di bde ba dang sdug bsngal thob pa dang dor bar 'dod pa med pa de ltar na ma nges pa nyid du 'gyur ro zhe na/ de bdag nyid 'dod pa dang zhes bya ba la sogs pas lan 'debs par byed do/ / de ltar na gang mngon par chags pa sngon du song ba can gyi dman pa'i gnas ni yongs su len pa zhes bya ba khyad par dang bcas pa'i gtan tshigs mi mthun pa'i phyogs la 'jug pa med do/ /gal te dbang phyug la sogs pa 'phangs pa nyid yin pa'i phyir/ srog chags sems can gzhan gyis bkri bar bya ba nyid yin no zhe na/ma grub pa yang ma yin te zhes bya ba la sogs pa smos so/ /mngon par chags pa sngon du song ba can gyi srog chags mngal gyi gnas len pa zhes bya ba the tshom za ba ma yin nam/ gnas skabs 'di ni rang bzhin gyis bskal pa nyid yin pa'i phyir ro/ /de bas na gtan tshigs 'di ni the tshom za ba'i ma grub par 'gyur ro//'di ltar dman pa'i gnas yongs su len pa gang yin pa de ni re zhig 'byung ba rnams nye bar len pa nyid yin pa bkag pa'i phyir dang / 'gog pa'i 'byung ba nyid kyi phyir/ 'byung ba tsam gyur pa'i mtshan nyid can ni ma yin par dgongs so//nye bar len pa med par dngos po rnams skye bar mi 'gyur ro zhes ston par 'gyur ro/ /gzhan gyi dbang gis kyang dman pa'i gnas su 'gro ba ma yin te/ dbang phyug la sogs pa bkag pa nyid kyi phyir ro/ /rgyu med pa can yang ma yin te/ yul dang dus dang gnas skabs nges pa med par thal bar 'gyur ba'i phyir ro/yul dman par gnyid log pa ltung ba bzhin du yang 'gro ba ma yin te/ bya rog dang ta la'i tshul du 'gro ba yin na nges par mngal la sogs pa'i gnas yongs su len par mi rung ba'i phyir ro/ /gang yul la lar mi la sogs pa skye bar 'gyur ro/ / de bas na rang gi nye bar len pa sngon du song ba can gyi blo ni nges par dman pa'i gnas len par byed pa de ltar na de nges par byas nas len pa yin no/ /nges pa sngon du song ba can dman pa'i gnas len pa phyin ci log gi blos 'phangs pa'i mngon par chags pa med pa ma yin pa de ltar na the tshom za ba'i ma grub pa nyid ma yin no//rigs mthun pa'i nye bar len pa la rag lus pa nyid kyi blo yang 'og nas nges par bya ba yin pa na re zhig 'dir gzhag go/ /gang gi phyir dman pa'i gnas la mngon par chags pa ni zhes bya ba la sogs pa la/ mngon par chags pa'i rgyu nyid yin pa'i phyir/ nye bar btags nas sdug bsngal bde ba'i blo'i mtshan nyid can nyid du phyin ci log pa'i blo mngon par chags pa yin gyi/bde ba'i blo nyid ni mngon par chags pa ma yin no/ /sdug bsngal la bde ba'i blo'i rang bzhin can de nyid ni sdug bsngal mngal gyi gnas la phyin ci log pa'i blo yin no/ /de ni bde ba yin no zhes bya ba ni mngal gyi gnas de nyid ni bde ba yin no zhes de lta bu'i rnam par 'jug pa yin no//de'i rgyu can te zhes bya ba ni phyin ci log gi blo'i rgyu can no/ /yang de nyid ni sdug bsngal dang bde ba zhes bya ba la sogs pa smos te/ yul gyis yul can bstan pa'i phyir sdug bsngal dang bde ba dor ba dang thob pa'i mtshan nyid can yin zhes bya bar blta bar bya'o//dor ba dang thob pa'i rang bzhin ni sred pa ma yin no/ /sred pa'i sgo nas zhes bya ba ni bde ba dang sdug bsngal ba thob pa dang dor ba'i sred pa'i sgo nas bdag tu chags pa yang 'phangs pa yin te/ de med par yul la sred pa med pa'i phyir ro//ston par byed pa ni sbyor bar byed pa ste/ las dang ma rig pa dang srid pa yang srid 'byung ba can ni kun 'byung gi bden pa yin no zhes lung las gsungs pa'i phyir ro/ /phyin ci log pa'i blo smos pas ni ma rig pa bstan pa nyid ma yin no/ /ma 'ongs par zhes bya ba ni ma 'ongs pa'i skye bar ro//ci ste gzhan dag gis kyang ma mthong ba de ltar na gtan tshigs kyi don de nyid ma grub pa ma yin te zhes bya ba ni/ gzhan dag gis ma mthong ngo zhes bya ba ni gzhan gyis nges par nus pa ma yin no/ /'ga' zhig gis mthong ba nyid du 'gyur ro zhes bya ba ni/ rnal 'byor ba la sogs pas so//rnal 'byor pa'i srid pa'i tshad mas 'og nas bsgrub par 'gyur ro/ /yod pa'i tha snyad las rjes su dpag pa yang bshad zin to zhes bya ba ni/ sems ni rigs mthun pa'i nye bar len pa la rag las pa yin no zhes bya ba'i tshig gis 'ong ba la rjes su dpag pa bshad zin to/ /ci 'dra'i 'phen byed yod 'gyur na//phyis kyang de dang 'dra bar 'gyur/ /'phen byed du 'gyur te rgyu ma tshang ba med pa'i phyir zhes bya ba la sogs pa bstan pas 'gro ba la rjes su dpag par bshad zin to/ /dper na rang gi ngo bo nyid lta bu'o zhes bya ba ni g.yo bar gyur ba'i ngo bo gang yin pa de'i rang bzhin la g.yo bas khyab pa yin la 'di la med pa de ltar na khyab par byed pa mi dmigs pa'o//de bzhin du gzhan dag la yang sbyar bar bya'o/ /thal ba'i gtan tshigs ma grub cing / /zhes bya ba ni gang zhig gang las tha dad pa med pa zhes bya ba la sogs pas bshad pa gang yin pa de la rkang pa la sogs pa yang lag pa dang tha dad pa med pa'i bdag nyid can yin no zhes bya ba'i gtan tshigs gang yin pa de ni ma grub pa yin te/rkang pa la sogs pa phan tshun tha dad pa med pa'i phyir ro/ /gang zhig gang g.yo ba ni mi g.yo ba zhes bya ba la sogs pa zlog pa ste grub pa la sgrub pa yin te/ lag pa dang rkang pa la sogs pa tha dad par khas len pa'i phyir ro//tha dad par grub pa ni yul tha dad pa can nyid do/ /tha dad pa can nyid du 'gyur ro zhes bya ba ni so so nyid du grub par 'gyur ro/ /gang zhig gang las ldan pa can gyi yul tha dad pa can zhes bya ba la nam mkha' ni ldan pa can no/ /de'i yul ni ldan pa can gyi yul te/gang ldan pa can gyi yul tha dad pa yod pa zhes bya bar tshig rnam par sbyar ro/ /nam mkha'i yul tha dad pa can du mi 'gyur ro zhes bya ba'i don to/ /ma bsgribs pa yang bsgribs pa nyid yin no zhes bya ba ni yan lag gi rang bzhin gcig pa can nyid yin pa'i phyir ro/ /ji ltar sngar de mthong ba zhes pa ni ji ltar yan lag ma bsgribs pa mthong ba de ltar phyogs gcig gi bsgribs su zin kyang mthong bar 'gyur ro//phyogs gcig gi bsgribs su zin kyang khyod kyi gzhung gi yan lag can ma bsgribs pa nyid yin no/ /yan lag can gang la yan lag 'dzin pa'i thabs mthong ba de la de skad ces bya'o//de bsgribs pa na zhes bya ba ni yan lag bsgribs pa na'o/ /yan lag can thams cad mthong ba dang srid pas na zhes bya ba la gal te yan lag thams cad mthong bar 'gyur ba de'i tshe 'ga' zhig gi tshe yan lag can thams cad yongs su bcad par mi 'gyur te/ dbus dang tha ma'i cha cig car 'dzin pa'i phyir ro//yan lag can mthong ba yang khas len pa de bas na/ yan lag can thams cad ma mthong ba can de nyid khas blang bar bya'o/ /de ltar na phyogs gcig bsgribs pas kyang ma lus pa mthong bar 'gyur ro/ /gal te rdul gnyis pa zhes bya ba la sogs pas gsal byed la sogs pa'i phyogs snga ma'i dogs pa bsu ba'o//sngar dbang po las 'das pa yin na zhes bya ba ni ma tshogs pa'i gnas skabs na'o/ /sngar bzhin khyad par med pa'i phyir te/ dbang po las 'das pa'i gnas skabs khyad par med pa'i phyir ro/ /'di ni gtan tshigs gcig yin no//skad cig ma nyid ma yin par sgro btags nas 'di skad du phra phyir te zhes bya ba smos te/ gtan tshigs gnyis pa yin no/ /rdul phra mo gang yin pa de dang de dag ji ltar sngar rdul phra rab kyi rang bzhin yin pa de ltar tshogs su zin kyang rdul phran nyid yin no zhes bya bar sbyar ro/ /gtan tshigs de nyid kyi phyir dbang po las 'das pa nyid yin no//mi rtogs zhes bya ba ni mdo yin no/ /'di'i bshad pa ni 'ga' zhig gis kyang zhes bya ba la sogs pa'o/ /mi nus shing sngar gyi ngo bo las 'phos pa med pa zhes bya ba ni sngar gyi gnas skabs su 'gyur ba can mi nus pa ni sngar gyi ngo bo las 'pho ba med pa gang la yod pa zhes bya bar tshig rnam par sbyar ro//snga ma dang phyi ma zhes bya ba'i dang po dang gsum pa dag ces bya ba'i don to/ /rdul phra rab ni skad cig ma nyid yin pa'i phyir sngar nus pa med pa lhan cig byed pa'i rkyen dang phrad pa las gnas skabs de ni snang ba skye ba gzhan nyid yin te/des ni gtan tshigs dang po ma grub pa bshad do/ /nus pa skye ba gzhan nyid yin te zhes bya ba 'dis ni phyi ma yang ngo / /rdul phra rab dbang po las 'das pa zhes bya ba la sogs pas gtan tshigs gnyis pa ma grub par bstan to/ /sgrib byed ni mthong ba'i thabs la bsgribs g.yogs gzhan gyis bar du bcad pa nyid do//thogs pa ni rang gi yul du gzhan 'byung ba'i gags byed pa'o/ /de ltar byed pa zhes bya ba ni bsgribs pa la sogs pa byed pa'o/ /de ltar na gser dang dngul chu'i rdul phra rab rnams dang / rdul phran chu phan tshun chod pa'i phyir re zhig sngar brtsams pa'i yan lag can gyi rdzas 'jig par 'gyur la/gser dang dngul chu la sogs pa yan lag can gzhan rtsom par byed pa yang ma yin te/ rigs mi mthun pa rnams ni rtsom pa po nyid ma yin pa'i phyir ro/ /de nyid ni de las rigs mi mthun pa zhes bya ba la sogs pa smos so//phan tshun 'dres par gyur pa zhes bya ba ni phan tshun rnam par 'dres par gyur pa'o/ /de ltar na ldan pa skyed na yang zhes bya ba ni sngar bzhin du phyis kyang nus pa med pa yin no/ /de bas na rnam par shes pa'i ji ltar na byed pa po yin zhes bya ba ni lhag ma'o/ /phrad de tshogs pa rnams ni rgyu nyid yin par 'dod na/phrad pa de nyid kyang 'thad pa ma yin pa de ltar na byed pa por mi 'gyur te/ byed pa por yang 'dod pa de bas na ldan pa skyed pa zhes bya ba la sogs pa ni ldan pa skyed pa yin no/ /ji ltar na ro gzugs la sogs pa ldan pa zhes bya ba ni re zhig btung ba zhim po dang /gzugs bzang po dang dri zhim po can zhes pa tha snyad du byed pa las btung ba ro dang gzugs la sogs pa dang ldan pa bye brag pa la sogs pa'i gzhung la med cing / bu ram la sogs pa'i rigs mi mthun pa 'dres pa las kyang sngar gyi yan lag can zhig pa na rigs mi mthun pa rnams kyang 'bras bu'i rdzas mi rtsom pa'i phyir/btung ba zhes bya ba'i yan lag can yod pa ma yin gyi 'on kyang sge'u gsher dang bu ram la sogs pa phrad pa nyid btung ba yin la ldan pa yang tshig gi don yon tan yin no/ /de bzhin du gzugs la sogs pa dag kyang ngo / /yon tan rnams la yon tan med pa 'dod pa de ltar na/btung ba'i ro dang gzugs la sogs pa'i ldan pa yin par mi 'gyur ro/ /btung ba gzugs la sogs pa dang mi ldan par bstan nas da ni btung ba la gzugs la sogs pa dmigs pa rnams gzhan gyi gzhung gis mi 'dzin pa nyid du bstan pa'i phyir/ rdul phran rnams kyi gzugs la sogs pa zhes bya ba la sogs pa smos pa ste/ de ltar na re zhig gzugs la sogs pa de dag btung ba dang ldan pa can ma yin te/ yon tan rnams la yon tan med pa nyid kyi phyir ro/ /bu ram la sogs pa dag gi yang ma yin te/ de dag gi ldan pa zhig pas 'jig pa nyid kyi phyir ro//de la rigs mi mthun pa dang 'dres pa'i rdul phra rab gzugs la sogs pa yod pa gang yin pa de dag lus par 'gyur ro/ /rdul phra rab de dag gis 'bras bu rtsom pa yang ma yin/ gang la rgyur gtogs pa'i gzugs la sogs pas brtsams pa'i 'bras bu'i gzugs la sogs pa 'byin par 'gyur ro//de nyid ni rigs mi 'dra bas chod pa'i phyir 'bras bu rtsom pa can ma yin pa zhes bya ba smos so/ /'on kyang rdul phra rab tu gtogs pa'i gzugs la sogs pa'i gnas skabs nas bzung ba yin no zhe na/ de'i phyir bdag nyid kyang dbang po las 'das pa yin zhes bya ba smos te/de ltar na gzugs la sogs pa 'dzin pa ma yin te/ de'i rten shin tu lkog tu gyur pa nyid kyi phyir ro// //tshad ma rnam 'grel gyi 'grel bshad/ bam po bzhi bcu rtsa lnga pa/ blo yi tha dad yod bla ste/ /dngos dang nye bar btags pa'i shes pa'i tha dad pa yod du chug na yang zhes bya ba'i don to//sbyor ba ni zhes bya ba la sogs pa la dngos dang nye bar btags pa'i chos gcig gang la yod pa de la ni dngos dang nye bar btags pa de'i chos can no/ /shes pa gang la dngos dang nye bar btags pa'i rgyu mtshan yod pa de ni de'i rgyu mtshan can no//de'i rgyu mtshan can yang de yin la/ shes pa mtshungs pa yang yin no zhes tshig rnam par sbyar ro/ /de'i yul ni de dag ma yin no zhes bya bar ro/ /shes pa mtshungs pa'i yul nyid la dngos po ma yin pa dang nye bar btags pa ma yin pa de'i chos can yin pa nyid kyis khyab pa yin la de dang 'gal na yang dngos dang nye bar btags pa de'i chos can yin pa de ltar na khyab par byed pa 'gal ba dmigs pa'o//de ni bdag nyid yon tan nyid yin pa'i phyir dngar ba ni grangs dang ldan pa la yon tan nyid du khas len pa'i phyir ro/ /gang la 'du ba dang ldan pa nyid de/ dngar ba ni bya re re la dngar bar gyur pa'i ring po nyid yod pa ma yin no//brjod pa dag las zhes bya ba ni grangs la sogs pa rjod par byed pa'i sgra las so/ /tha dad pa med pa'am zhes bya ba ni sgrub pa'i ngo bo'i sgo nas bsgrub par bya ba dang po'o/ /bsgrub par bya ba gnyis pa la ltos nas ni mo gsham gyi bu dpe yin no//bsgrub par bya ba dang po la ltos nas ni/ gzugs de nyid kyi bdag nyid yin no/ /rnam grangs su 'gyur zhing zhes bya ba ni thams cad gzugs la sogs pa'i yul can nyid yin pa'i phyir ro/ /shes pa la sogs pa smos pas ni sgra gzung ngo / /sgra gang zhes bya ba ni dang po'i tshig gnyis pa'o//dngos po tha dad rjes su 'brang ba'i zhes bya ba la tha dad pa ni gzhan sel ba'o/ /'di nyid kyi bshad pa ni sdud pa zhes pa la sogs pa yin te/ sdud pa ni dngos po dngos po gzhan dang 'brel pa'o/ /de las ldog pa ni ma 'brel ba'i gnas skabs so/ /de tsam gyi yul can ni shes pa gcig yin no//yang dag par ldan pa'i dngos po las ldog pa rgyun mi 'chad par 'byung ba'i dngos po la brten nas ldan pa'i rnam par rtog pa yin no/ /de bzhin du gzhan dag la yang sbyar ro/ /des ni zhes bya ba'i ldog pa rjod par byed pas so/ /de ltar kun tu rtog pa'i zhes bya ba ni gcig la sogs par rtog pa'i'o//de la zhes bya ba ni gzugs la sogs pa la'o/ /yon tan du bgrang ba zhes bya ba ni yon tan gyi ming can no/ /rang nyid kyis ni rdzas ni khyad par can ma yin pa la grangs la sogs pa gang gis khyad par du byas pa de ni khyad par yin no/ /gal te tha dad pa'i khyad par yod pa de la de skad ces bya'o//de ni gang la tha dad pa'i chos zhes bya ba la sogs pas 'chad par byed do/ /de kho na nyid du nges pas 'jug pa shes pa gang la yod pa de la ltos pa med pas 'jug pa can no/ /de 'dra ba'i nye bar btags pa ma yin te zhes bya ba ni grangs la sogs pa'i tha snyad 'jug pa gang yin pa de 'dra ba nye bar btags par mi 'gyur ro zhes bya ba'i don to//yon tan rnams la yang shes pa gcig la sogs pa ltos pa med pas 'jug pa can nyid yin pa'i phyir ro/ /de nyid ni gzugs gcig dang zhes bya ba la sogs pa smos so/ / grangs la sogs pa tha dad pa ste/ bzlog pa'i chos dang ldan pa 'di la yod pas na grangs la sogs pa'i tha dad pa'i chos dang ldan pa can gyi'o/ /sgra la sogs pa zhes bya ba ni reg bya dang / gzugs dang ro la sogs pa ste/ sangs rgyas pa'i ni bum pa la sogs pa gzugs la sogs pa'i bdag nyid can yin no//don gcig gi yul can yin pa'am zhes bya ba ni gtan tshigs gcig go/ /don tha dad pa'i rgyu mtshan can du mi 'gyur zhes bya ba ni gnyis pa'o/ /de dag ni rnam grangs yin pa'am zhes bya ba ni bsgrub par bya ba gcig go/ /don tha dad pa'i yul can ma yin te zhes bya ba ni gnyis pa'o//bsgrub bar bya ba dang po la ltos nas rang bzhin gyi gtan tshigs yin par sems te/ rnam grangs su rnam par gzhag pa'i ni don gcig pa'i yul can nyid tsam gyi yul can nyid yin pa'i phyir ro/ /bsgrub par bya ba gnyis pa la ltos nas khyab par byed pa mi dmigs pa yin no zhes bya ba ni don tha dad pa'i yul can du rnam par gzhag pa la don tha dad pa'i rgyu mtshan can gyis khyab pa yin la/de 'di med pa de ltar na khyab par byed pa mi dmigs pa ltar bcos pa nyid du 'thad pa yin te/ dgag pa'i sgo nas sbyar ba'i phyir ro/ / don gcig pa'i yul can yin zhes bya ba'i sgrub par byed pa de ni bsgrub pa'i sgo nas yin de la ji ltar khyab par byed pa mi dmigs pa yin/ 'gal ba dmigs pa yin par rigs te/ don gcig pa'i yul can dang don tha dad pa'i yul can dag 'gal ba'i phyir ro zhe na/ ji ltar srid pa bzhin du bstan pa'i phyir skyon yod pa ma yin no//thal ba dang bzlog pa'i thal ba zhes bya ba ni/ yul gcig pa can nyid yin na yang yul can gcig la sogs pa'i sgra ni rnam grangs ma yin pa nyid kyi phyir thal ba la ma nges pa'i ma yin no/ /rnam grangs nyid ma yin na yang tha dad pa med pa'i yul can nyid yin pa'i phyir/bzlog pa'i thal ba la ma nges pa nyid yin no/ /tha dad ces bya ba'i mdo yin no/ /'di'i bshad pa nyid tha dad pa'i yul can nyid ces bya ba yin no/ /mdo mdzad pa ni tha dad pa ni yul tha dad pa can du bzhed do zhes bya ba'i don to/ /gang dag don gcig gi yul can yin pa'am zhes bya ba la sogs pas thal ba bshad pa gang yin pa de la ma grub pa nyid yin te/gcig la sogs pa'i sgra rnams ni don gcig pa'i yul can nyid ma grub pa'i phyir ro/ /de bas na sgra rnams nyid ma yin pa'i phyir sgra de dag ni tha dad pa'i yul can yin te zhes bya ba'i bzlog pa'i thal ba gang yin pa de ni grub pa la sgrub pa yin te/ldog pa'i tha dad pas gcig la sogs pa'i sgra rnams don tha dad pa'i yul can nyid du grub pa'i phyir ro/ /ldog pa'i sgo nas zhes bya ba ni gzhan gyis kyang las nyid ma yin pa la sogs pa'i ldog pa khas blangs pa yin no//de bas na ldog pa'i sgo nas de dag rnam par gzhag par bya'o/ /'dis ni zhes bya ba ni las ma yin pa la sogs pa nye bar dgod pas so/ /ma grub pa la sogs pa dang zhes bya ba la sogs pa'i sgras ni grub pa la sogs pas sgrub pa gzung ngo / /ma grub par yang thal ba bzlog na grub pa la sgrub pa nyid yin no//ji ltar na nye bar dgod pa 'dis kyang ma grub pa la sogs pa'i gzhung btsugs pa yin zhe na/ ldog pa tha dad pa'i phyir tha dad pa'i don can nyid kyi zhes bya ba smos te/ ji ltar las ma yin pa la sogs pa'i sgras ldog pa tha dad pa'i phyir tha dad pa'i don can yin pa de ltar gcig la sogs pa'i sgra yang yin no//de bzhin du las ma yin pa la sogs pa'i sgra don gcig pa'i yul can yin na yang rnam grangs ma yin par 'dod cing / rnam grangs yin na yang don tha dad pa'i yul can yin pa de ltar na ma nges pa nyid kyang yin no/ /chos gzhan rnam par gcod par byed pa yin no zhes bya ba ni/chos can de la rnam par gnas pa'i chos rnams spong bar byed pa yin no zhes bya ba'i don to/ /de ltar na bum pa'i ldan pa zhes bya ba ni ldan pa'i sgras bum pa la yod pa'i sra ba nyid la sogs pa spangs nas rdzas gzhan dang bar ma chod pa tsam ston par byed do//don gcig brjod kyang don dam par zhes bya ba ni de kho na nyid du'o/ /rnam pa gnyi ga dag gis zhes bya ba ni khyad par gzhan spong ba dang mi spong ba dag gis so/ /sgra 'di la zhes bya ba ni chos can rjod par byed pa dag la'o/ /tshogs pa rjod par byed pa dag ces bya ba ni bum pa la sogs pa'i sgra'o//de ni gzugs la sogs pa'i tshogs pa chu la sogs pa 'dzin par nus pa nyid la/ tha snyad zor yang bar bya ba'i phyir du brdar byas pa yin gyi/ yan lag can gyi rdzas ni ma yin te/ de ni sngar bkag zin pa nyid kyi phyir ro/ /so sor nges pa ni dper na mig gi rnam par shes pa zhes bya ba la sogs pa la/gzugs ni 'bras bu mig gi rnam par shes pa byed par nus pa yin la/ dri ni sna'i rnam par shes pa byed par nus pa yin no/ /de bzhin du gzhan dag gis yang rang gi rnam par shes pa la ltos nas brjod par bya'o/ /spangs nas zhes bya ba la brjod pa med par ro/ /de 'bras mtshungs pa zhes bya ba la sogs pa la/bum pa'i dbyibs can gzugs la sogs pa de dag gi 'bras bu mtshungs pa gang yin de'i rgyu min pa ste/ shing la sogs pa'i dbyibs can gyi gzugs la sogs pa de rnams gcod pa gang yin pa de la 'jug par 'gyur ro/ / de nyid ni rdzas du ma zhes bya ba la sogs pas 'chad par byed do/ /rdzas du ma yod na yang ste gzugs dang dri la sogs pa'i rdzas yod na yang ngo / /gal te bum pa la sogs pa'i sgra tshogs pa rjod par byed pa yin pa de bas na du ma'i yul can nyid yin pa'i phyir tshig gcig par mi 'gyur ro zhe na/ gzugs la sogs pa zhes bya ba la sogs pa smos te/ gzugs la sogs pa'i bdag nyid phul du byung ba nyid yin pa'i phyir/ gzugs la sogs pa'i rang bzhin can gyi nus pa yang du ma nyid ma yin pa de ltar na/ ngo bo nyid kyis 'bras bu gcig byed pa can yin no zhes kha cig brjod do/ / bum pa'i sgras 'bras bu mig la sogs pa'i rnam par shes pa byed pa'i mtshan nyid can gyi so sor nges pa'i don spang ba gang yin pa de brjod pa'i ngang tshul gang la yod pa de dag ni don spong ba brjod pa can te/ gzugs la sogs pa'i sgra rnams so/ /de dag dang lhan cig bum pa'i sgra gzhi mthun pa med pa'i phyir ro//rigs tha dad pa can brjod pa'i phyir rigs rjod par byed pa ni ma yin gyi 'on kyang shing gi khyad par shing sha pa la sogs pa la/ shing ma yin pa rnam par gcod pa tsam rnam par gcod pa yin pa'i phyir ro/ /de'i khyad par mi spong ba'i sgo nas zhes bya ba ni shing gi khyad par shing sha pa la sogs pa yongs su 'dor ba med par ro//de bas na shing gi sgras don yongs su ma spangs pa gang yin pa de la shing sha pa'i sgra rjod par byed pa nyid yin pa'i phyir shing sha pa shing yin no zhes bya ba gzhi mthun par 'gyur ro/ /rigs dang tshogs pa rjod byed pa'i/ /zhes bya ba la sogs pa la/rigs kyi sgra ni rang gi khyad par mi spang ba yin la/ tshogs pa'i sgra ni spang ba yin no/ /bum pa'i sgra yang bum pa'i khyad par la stos nas rigs rjod par byed pa ma yin nam zhe na/ de'i phyir rigs dang tshogs pa rjod byed pa'i zhes bya ba la sogs pa smos so/ /gzugs la sogs pa'i tshogs pa can la ltos nas yin gyi/tshogs pa'i khyad par la ltos pas ni ma yin no zhes bya ba'i don to/ /de nyid kyi phyir gzugs la sogs pa'i tshogs pa'i sgra nyid dang gzhi mthun pa med par sngar bshad zin to zhes bstan pa'i phyir des zhes bya ba la sogs pa smos so/ / tha dad pa la ltos nas kyang rigs brjod par 'dod pa nyid du 'dod do zhe na/ bum pa'i chu brjod pa de yang zhes bya ba la sogs pa smos te/ gser la sogs pa'i gnas skabs can gyi gzugs la sogs pa bum pa'i rnam par gnas pa'i tshogs pa'i khyad par de la ltos nas bum pa brjod pa yin te/thams cad la bum pa ma yin par rnam par bcad pa bstan pa'i phyir ro/ /de tshogs pa'i khyad par rnams mi spong bas zhes bya ba la rigs rjod par byed pa'i bum pa'i sgra des tshogs pa'i khyad par rnams mi spong bas/ tshogs pa'i khyad par rjod par byed pa gser las byas pa la sogs pa'i sgra de dag dang lhan cig gzhi mthun pa nyid du 'gyur ro//sogs pa'i sgra thams cad tshogs pa'i khyad par la ltos nas rigs kyi sgrar 'gyur ram/ 'on te ma yin zhe na tshogs pa'i sgra ni rnam pa gnyis te zhes bya ba la sogs pa smos so/ /rang gi tshogs pa can la ltos nas zhes bya ba ni gzugs dang dri dang ro la sogs pa la ltos nas so//des ni de spong ba ma yin no zhes bya ba ni gzugs la sogs pa'o/ /rdul phra rab gcig pa la yang gzugs la sogs pa'i sgra 'jug pa'i phyir tshogs pa'i bdag nyid ma yin pa'i rdzas la 'jug pa nyid 'gal ba yod pa ma yin no/ /'ga' zhig ni zhes bya ba ni bum pa la sogs pa'i sgra'o//yul gyi khyad par la ltos nas zhes bya ba ni rang gi tshogs pa can la ltos nas tshogs pa'i sgra'i ngo bo ni tshogs pa'i tha dad pa la ltos nas tshogs pa'i sgra dang tshogs pa'i tha dad la ltos nas rigs kyi sgra yin no/ /gnyi ga'i ngo bo ni rigs dang tshogs pa rjod par byed pa'i sgo nas so//gzugs la sogs pa'i de dag gi so sor nges pa'i nus pa'i khyad par ni 'bras bu mig gi rnam par shes pa'i rgyu la sogs pa de dag so sor nges pa'i ngo bo can gyi bum pa'i gnas su grub pa ci 'dra ba 'bras bu chu 'dzin pa la sogs pa de 'dra ba la bum pa'i zhes bya ba'i khyad par 'dis ston par byed do//ji srid du gzugs la sogs pa chu la 'dzin par nus par ston pa de srid du bum pa'i gzugs la sogs pa zhes brjod do/ /de nyid gsal bar byed pa'i phyir/ /bum pa la sogs pa zhes bya ba la sogs pa smos te/ / gzugs la sogs pa'i bdag nyid gang la mig gi rnam par shes pa la sogs pa'i 'bras bu so sor nges pa yod pa de la de skad ces bya'o/ /dri du ma'i bdag nyid can las zhes bya ba ni/ tsan+dan dang gur gum la sogs pa tha dad pa'i zhes bya ba'i don to/ /de dag las gcig med na 'byung ba las du ma'i 'bras bu ma yin pa nyid kyis khyab pa yin la/de dang 'gal ba ni ma lus pa'i 'bras bu nyid yin par khas len pa yin pa de ltar na/ khyab par byed pa 'gal ba dmigs pa'o/ /de ni ma yin te mang po dag la yang zhes bya ba la sogs pa la/ rim gyis mig gi rnam par shes pa la sogs pa med pa nyid du khas len pa'i phyir ro//de bas na rim gyis ma yin par de zhes bya ba ni phyis 'byung ba can gyi rnam par shes pa ste/ 'byung ba rnams la phyis dang 'dra bar sngar yang bye brag med pa nyid kyi phyir ro/ /'gyur ba ni 'dod na 'byung ba khyad par med pa can dag rim byed bzhin du 'byung ba can gyi lhan cig byed pa gnas skabs gzhan la ltos nas rim gyis rnam par shes par byed do zhe na/de'i phyir de ltar go rims bzhin du 'gyur ba can gyi gnas skabs gzhan dag kyang zhes bya ba smos te/ rim gyis ma yin par byed pa zhes bya bar sbyar te/ gnas skabs gzhan yang 'byung ba'i 'bras bu yin pa'i phyir ro//dbugs 'byung ba dang rngub pa dag kyang / du ma nyid du mtshungs nyid phyir/ /zhes bya ba ni dbugs 'byung ba dang rngub pa dag kyang / rlung gi rdul phra rab du ma'i bdag nyid can yin no/ /cha 'dzin pa la sogs pa'i phyir ro zhes bya ba 'di ni 'jug pa dang 'byung bar rim gyis yongs su gcod pa'i phyir/gcig la rim gyis 'dzin par rigs pa ma yin no/ /sogs pa'i sgras ni phyogs bsgribs pa la sogs pa gzung ngo / /gal te du ma rgyu min zhes/ /zhes bya ba la sogs pa la rnam par shes pa gcig la nus pa yod pa yin gyi zhes bya ba la sogs pas dogs pa bsu ba la lan btab zin pa ma yin nam/bden te sngar ni 'grel ba byed pa yin la da ni mdo mdzad pas bstan pa yin no zhes bya ba ni khyad par ro/ /gnas skabs phyi ma'i khyad par gags byed nus pa med pa can gang yin pa de ni 'dir dpe nyid du mngon par 'dod pa yin no//rim gyis 'byung ba la go rims can gyi rgyu nyid kyis khyab pa yin la/ de dang 'gal ba yang rim ma yin pa'i rgyu nyid yin pa de ltar na khyab par byed pa 'gal ba dmigs pa'o/ /gyur ba'i gnas skabs kyi khyad par dang yid kyi rnam par shes pa la sogs pa zhes bya ba ni zlas dbye'o//sogs pa'i sgras ni mig la sogs pa'i rnam par shes pa gzung ngo / /phyis skyed par byed par khyad par med par zhes bya ba ni phyis skyed par byed pa'i rang bzhin de las khyad par med pa 'byung ba'i bdag nyid ces bya bar sbyar ro/ /de'i 'bras bu nyid la de yod na 'byung bas khyab pa yin la/de med pa de ltar na khyab par byed pa mi dmigs pa'o/ /ji ltar gcig gi rgyu mtshan blo yin pa zhes bya ba ni byed pa sngon la 'byung ba can gcig gi rgyu mtshan ni gcig gi rgyu mtshan no/ /ji skad du bshad pa'i skyon gyis zhes bya ba ni/ cig car rnam par shes pa mang pos 'byung ba'i skyon gyis te/ dbugs 'byung ba gcig nyid yin par rtogs na skyon 'dir 'gyur ro/ /gal te 'byung ba mang skad cig /mang po nyid kyi rgyu skad cig ma nyid yin no/ /des ni dbugs 'byung ba bdag nyid gcig la gnod pa yod pa ni ma yin gyi/ 'on kyang rim bzhin 'byung ba yin no zhes ji skad du bshad pa yin no/ / skad cig ma nyid yin na yang 'ga' zhig gi tshe dbugs 'byung ba mang po skye bar 'gyur ro/ /de ltar na cig car rnam par shes pa mang po 'byung bar 'gyur ba nyid yin no zhe na de'i phyir/ rang rigs min pa'i dus can dang / /zhes bya ba smos te/ rang gi rigs kyi dus las gzhan pa ni rang rigs min pa'o/ /gang la yod pa de la de skad ces bya'o//de ni gang gi tshe zhes bya ba la sogs pas 'chad par byed do/ /rigs mthun pa gzhan yod pa ma yin zhes bya ba ni rgyud gcig la rag las pa'i dbugs 'byung ba snga ma yod pa ma yin te/ 'jig rten pha rol khas mi len pa'i phyir ro/ /khas len na yang 'jig rten pha rol grub pa yin pa de ltar na brtsad pa med do//pha ma la rag las pa'i dbugs 'byung ba yang de'i nye bar len pa'i rgyu ma yin te/ rgyud gzhan la rag las pa ni rgyud gzhan dang 'brel pa'i nye bar len pa nyid mi rung ba'i phyir ro/ /de lta ma yin na dbugs 'byung ba de ni de las gzhan pa pha ma la rag las pa'i dbugs 'byung ba dang 'dra ba'i pha ma'i rgyud la rag las pa nyid du 'gyur te/nye bar len pa'i rgyu gcig nyid yin pa'i phyir ro/ /'di ni 'og nas dpyod par 'gyur bas re zhig gzhag go/ /tha dad yul can phyir te zhes bya ba ni 'di ltar skad cig ma gcig la tha dad par gnas par dbugs 'byung ba mtshon par byed kyi gcig yul tha dad pa la gnas par rigs pa ma yin no//de bas na yul sna tshogs pa can gyi dbugs 'byung ba dag ni skad cig ma gcig la yang ldan pa yin no zhes rtogs par 'gyur ro/ /de ni yul tha dad pa zhes bya ba la sogs pa smos so/ / gcig ma tshang na yang rnam par shes par mi 'gyur ro zhes bya ba ni gcig gi tshe ji srid du dbugs 'byung ba rnam par shes pa'i rgyu yin pa de srid du thams cad kyi tshe yin pa de ltar na nges pa de la skyon 'di yin par blta bar bya'o/ /dper na kho bos bstan pa lta bu'o zhes bya ba ni nyams su myong ba'i bdag nyid can dang /yul gyi rnam pa can nyid la sogs par tha dad par bstan pa nyid kyi phyir ro/ /rang gi phyogs la yang nye bar sbyor ba rnams gcig nyid ma yin no/ /rnam par shes pa gcig las tha dad pa med pa'i phyir ro/ /tha dad pa ni rnam par shes pa la cung zad kyang byas par mi 'gyur ro/ /de bas na nye bar sbyor ba de tha dad par mi 'gyur ro zhe na/brjod pa 'di las 'bras bu gsal ba dngos por gyur pa gcig mngon du byas nas/ phan tshun ldog pa'i lus can rnams kyi khyad par gyis rnam par gzhag pa ma yin na/ gang gis na tha dad pa dang tha dad med pa'i dpyod pa 'jug par 'gyur/ 'on kyang nye bar sbyor ba tha dad pa ston par byed pa'i gzhung gi don ni/'bras bu ni rgyu du ma las 'byung bar gyur ba rgyu des byas pa'i rang bzhin du rnam par gnas pa can yin no/ /de'i phyir de'i rgyu can ma yin pa'i 'bras bu las ldog pa'i lus can du 'gyur ro/ /de ltar na gal te mig tsam la rag las pa ni de'i rnam par shes par gyur ba'am/gzugs tsam la rag las pa de'i tshe/ ji ltar mig gi skad cig ma gnyis la mig tsam gyis rten nye bar len pa can nam/ gzugs kyi skad cig ma gzugs tsam gyis nye bar len pa can gyi rtogs pa'i bdag nyid ma yin pa de ltar rnam par shes pa de yang mi 'gyur na/ rtogs pa'i bdag nyid du yang 'gyur ro//de bas na 'dir yid la byed pa yang nye bar sbyor ba yin no zhes rtogs par bya'o/ /gang gi phyir mig las nges pa'i yul can nyid dang / yul las gsal ba'i rnam pa can dang / rnam par rtog pa'i rnam par shes pa'i yid la byed pa tsam la rag las pa las rtogs pa'i bdag nyid ldog pa'i rang bzhin can skye ba de'i phyir/mig dang gzugs dag gi nye bar sbyor bas kyang bskyed pa yin par rtogs par bya ba yin pa de ltar na/ de dang de las ldog pa gang yin pa 'di dang 'di nyid kyi nye bar sbyor ba'i khyad par yin no zhes bya ba 'di yin no/ /gal te ldog pa rnams dngos po nyid med pa yin pa'i phyir ji ltar na 'bras bu nyid yin zhe na/ldog par rnam par rtog pa'i rnam par shes pas gzung bar bya ba 'bras bu yin zhes su zhig smra/ 'on kyang rgyu du ma las skyes pa de lta bur gyur pa'i rang gi mtshan nyid can gyi dngos po gang yin pa de ldog par brtags pa de tsam gyi rten du skyes pa yin pa de ltar na de nyid 'bras bu yin no//'di la brjod bya mang du yod mod kyi re zhig gzhag go/ /des sngar gyi rnam par shes pa'i rjes su byed pa med pa zhes bya ba ni rjes su byed na ni mi gsal bar 'gyur ro/ /de ltar na rnam par shes pa mi gsal ba'i phyi ma rnam par shes pa sngon du gsal ba ni/rnam par shes pa gsal ba 'bras bu yin pa de'i phyir ma nges pa yin no/ /de la phyis 'byung bas zhes bya ba ni rnam par shes pa nus pa dang bral ba de las phyis kyi rnam par shes pas so/ /phyis kyi rnam par shes pa dang rjes su mthun pas de bzhin du 'gyur ba zhes bya bar sbyar ro//snga ma'i rjes su mthun pas yang phyis kyi rnam par shes pa dang rjes su mthun pa'o/ /de ni de'i rgyu dang 'bras bu yin te zhes bya ba ni/ gang zhig rjes su mthun pa dang / rjes su mi mthun pa rjes su byed pa de ni rgyu yin la/ gang gis rjes su byas pa de ni 'bras bu yin no/ /dpe zlog pas sbyar ba yin te sa bon la sogs pa dang bral ba na skye bar mi 'gyur zhing ma bral bas skye bar 'gyur ba yin no//sa bon la sogs pa'i 'bras bu yin pa lta bu'o zhes bya ba ni/ 'bras bu bsgrub par bya ba la dngos dang rgyu la ni rtogs par bya ba'i dpe yin te/ sa bon la sogs pa'i 'bras bu yin pa lta bu'o zhes brjod pas don gyis sa bon la sogs pa rgyu nyid du bshad pa yin no//skyed par mi byed pa yang de yin la tha ma'i gnas skabs kyi rang bzhin yang yin pa de las khyad par med pa yin no zhes bya ba ni gzhi mthun pa'i snying po can gyi lnga pa'i bsdu ba'o/ / gal te lus ni sems kyi zhes bya ba la sogs pas gzhan gyi 'dod pa'i dogs pa bsu ba yin pa'o/ /gal te de'i zhes bya ba la sogs pas lan 'debs par byed do/ /'dir sems lus gzhan gyi yan lag gi ngo bo dang / lus tha ma lus phyi ma'i rgyu yin no zhes gnyis su bshad do/ / de bas na yang rnam pa gnyi ga la yang dgag pa'i dogs pa bsu ba yin te/ de'i yan lag dang rgyu nyid ces bya ba ni zlas dbye ba'o/ /de nyid so sor sems gnas pa'i rgyu las 'di'i yul zhes bya ba la sogs pas 'chad par byed do/ /mtshan nyid ces bya ba ni mi dmigs pa'i mtshan nyid do//de ltar na re zhig yod pa 'gal ba med do zhes bya ba ni tha ma'i lus gzhan yod pa 'gal ba med pa yin te/ gnod pa can gyi tshad ma med pa'i phyir ro/ /sgrub par byed pa yang yod do zhes bstan pa'i phyir/ 'di las tha ma'i skye mched lnga rgyu 'ba' zhig nyid du zhes bya ba la sogs pa smos te/'di las zhes bya ba ni 'gal ba med pa 'di 'ba' zhig las so/ /rang bzhin tha dad pa med pas na zhes bya ba ni skad cig ma nyid yin pa'i phyir snga ma dang phyi ma'i skye mched lnga gcig nyid yin no snyam du bsams pa'o/ /dpe la chos can ma grub pa yin no zhes bya ba ni/ skye mched skad cig ma snga ma ni dpe'i chos can yin zhing /skye mched lnga yang gcig nyid yin na phyogs su byas pa las tha dad pa'i sgo nas chos can gzhan yod pa ma yin te/ gcig la snga ma dang phyi ma med pa'i phyir ro/ /gnas gzhan du bshad pa dag gis kyang zhes bya ba ni 'di nyid kyi le'u dang po dang / tshad ma rnam par nges pa la sogs pa las bshad pa dag gis so/ /de las gzhan pa ni dbang po las skad cig ma ma yin par mngon par 'dod pa'o/ /rang bzhin rnam pa gzhan nyid la rgyu bstan pa ni ma spros so zhes bya ba ni gang phyir phyogs gzhan du rigs pa mang po bshad zin pa de'i phyir/ mdo mdzad pas ni 'dir rang bzhin rnam pa gzhan nyid bsgrub par bya ba la/ 'gyur ba mthong phyir zhes bya ba rgyu bstan pa ni ma spros pa ste/ de tsam zhig bstan gyi rgyas par ni ma yin no zhes bya ba'i don to/ /gzhan ni cir yang mi rung ngo zhes bya bar rnam par bcad nas 'dod par byed de/ gang gi phyir rang bzhin rnam pa gzhan nyid kyi rgyu bstan zin pas bshad ma thag pa'i skyon gyi rigs ni cir yang mi rung ngo zhes bya ba'i don to//gnas pa po las tha dad pa med pa'i phyir rang bzhin du gyur pa yin zhing phan tshun tha dad pa de lta bur gyur pa'i gnas skabs kyi khyad par dngos po ga la yod pa zhes bya bar tshig rnam par sbyar ro//gal te lus las de skye na zhes bya ba la sogs pas dpe bsgrub par bya bas stong pa nyid dogs pa bsu ba yin te/ skye mched lnga'i skad cig ma snga ma'i ni phyi ma'i skye mched lnga nying mtshams sbyor ba ma yin gyi/ 'on kyang lus nyid las dbang po rnams 'byung ba yin no zhe na/ dbang po las tha dad pa'i lus gang yin pa de yang yod pa ma yin gyi zhes bya ba ni gzhan gyi gzhung gis skra dang sen mo'i rtse mo la sogs pa ma gtogs pa/gson po'i lus dbang po'i bdag nyid can nyid 'gyur ba nyid yin pa'i phyir ro/ /gal te bye brag tu smra ba'i gzhung las dbang po las reg bya'i bdag nyid can gyi lus gzhan yod pa ma yin pa de ltar na yang /'di skad du dbang po las tha dad pa dbang po dang ma 'dres pa/ sgra dang sen mo la sogs pa spangs pa'i lus yod pa ma yin no zhes bshad par bya'o/ /dbang po las tha dad pa med pa yin na yang de la lus ni rgyu yin gyi/ dbang po dag nyid ma yin no zhes bya ba gang las yin/de bas na 'on kyang sen mo'i rtse mo la sogs pa'i mtshan nyid dbang po can ma yin pa/ rgyu yin par 'gyur grang na/ rnam par rtog pa 'di la snga ma bzhin du thal bar 'gyur zhes bya ba ni mdo yin no/ /de'i rjes su 'brangs nas 'grel pa yang 'di skad du dbang po du ma cig car thal bar 'gyur ro zhes bya bar rigs so//snga ma bzhin du zhes bya ba ni ji ltar lus go rims med pa can las rnam par shes pa skye ba yin na/ cig car mang po 'byung bar 'gyur zhes sngar bshad pa dang 'dra bar lus las dbang po skye ba yin na thal bar 'gyur ro/ / de bas na cig car dbang po du ma 'byung bar 'gyur ro zhes bya ba ni ngag gi don yin no/ /ches thal bar 'gyur ro zhes bya ba 'grel pa las 'byung ba gang yin pa de ni don dang rjes su mthun pa'i 'grel par mi 'gyur ro/ /de lta bas na gzhung 'di'i gzhung gzugs par bya ba de'i tshe/ shin tu thal ches pa nyid thal ba'i sgras bshad de mdo'i thal ches par gyur pa ni/shi ba'i lus la sogs pa dbang po thal bar 'gyur ba'i phyir snga ma bzhin du skyon du 'gyur ro/ /ci rigs par skyon brjod par bya'o zhes bya ba ni/ lus dbang po'i rgyu gang yin pa de ci yan lag can gyi rdzas gcig cig yin nam/ ci rdul phra rab rnam par phye ba yin grang na/re zhig gcig ni ma yin gyi de bkag zin pa'i phyir ro/ /du ma nyid las ci re re rgyu yin nam/ 'on te tshogs pa yin grang na/ phyogs dang po las ni dbang po tshad med pa can du thal bar 'gyur ro/ /gnyis pa la yang yan lag gang yang rung ba ma tshang na yang dbang po skye bar mi 'gyur zhing /nye bar sbyor ba'i khyad par yang bstan par bya'o zhes bya ba la sogs pa'i skyon ji ltar yod pa bzhin du brjod par bya'o/ /lus kyi 'byung ba'i rgyu dang bral ba'i phyir zhes bya ba la/ lus kyi bdag nyid can gyi 'byung ba gang yin pa de nyid rgyu yin la/ de dang bral ba'i phyir zhes bya ba ni ngag gi don to//so so'i skye bo dang dgra bcom par 'dod pa'i skyes bu zhes bya ba ni zlas dbye ba'o/ /lhag mar gyur pa sgrub byed lhag ldan yin par zhes bya ba ni/ dbang sogs kyang ni lhag ldan yin/ /zhes bya ba la sogs pa de lhag ma dang ldan pa bshad pa 'ba' zhig tu ma zad kyi/ de las lhag mar gyur pa 'di yang lhag ma dang ldan pa yin no//'jig rten gzhan du mngon par 'dod pa'i lus la gnas pa'i zhes bya ba ni/ sngon gyi skye ba'i lus la gnas pa can gyi'o/ /sems gzhan dang zhes bya ba ni skye ba 'di'i lus la gnas pa can gyi sems dang ngo / /de ltar na ma 'ongs pa'i skye ba la ltos nas skye ba 'di la gnas pa can gyi sems ni 'jig rten gzhan du mngon par 'dod pa'i lus la gnas pa can gyi sems te ma 'ongs pa'i skye ba'i sems gzhan dang nying mtshams sbyor ba ma yin no//skyes bu gzhan gyi sems bzhin no zhes bya ba ni/ dper na nag pa'i sems dang nying mtshams mi sbyor ba lta bu'o//gang gi phyir rang bzhin tha dad pa tsam gyis nying mtshams sbyor ba ma yin gyi/ 'on kyang rgyud tha dad pa la rag las pa nyid kyis yin pa bas na/ rgyud tha dad pa'i lus la gnas pa can ni nying mtshams sbyor bar 'gyur ba ma yin te dper na nag pa'i lus la gnas pa can byams pa'i lus la gnas pa can gyi sems dang /nying mtshams sbyor ba med pa lta bu'o/ /'dod par ni 'gyur na rgyud gzhan gyi lus la gnas pa can nyid gtan tshigs su 'gyur ro zhe na/ de'i phyir de yang ma grub pa yin te zhes bya ba smos te/ sems can gcig gi skye ba'i khyad par yang rgyud gzhan nyid ma grub pa'i phyir ro//de nyid ni skye ba thams cad la zhes bya ba la sogs pa smos so/ /du ma la mi 'jug pa'i phyir ro zhes bya ba ni rgyud du ma la mi 'jug pa'i phyir ro/ /lus la gnas pa bkag pa'i phyir zhes bya ba ni lus la sems gnas pa gang yin pa de sngar bkag pa'i phyir/ lus tha dad pa la gnas pa'i phyir zhes bya ba'i gtan tshigs 'di ma grub pa yin no zhes bya bar dgongs so/ /gal te 'di ltar lus la gnas pa nyid bkag na 'o na ji ltar dbang po'i rnam par shes pa dbang po la brten nas skye bar brjod/ dbang po la brten nas skye na ni lus la brten nas skye bar khas blangs ba nyid yin te/lus ni de'i bdag nyid can yin pa'i phyir ro/ /de ltar na lus la gnas pa nyid yin no zhe na/ dbang po'i rnam par shes pa zhes bya ba la sogs pa smos te/ gzhan ni brten pa nyid kyi sgo nas lus la sems gnas par 'dod de/ de lta bur gyur pa'i gnas pa yang bkag pa yin gyi/ de la brten nas skye ba ni ma yin pa de ltar na skyon yod pa ma yin no//ji ltar brtan pa nyid kyang mi rung zhe na yul na mi gnas pa'i phyir ro zhes bya ba smos so/ /'gyur ba ni 'dod na brten pa nyid kyi sgo nas lus la sems gnas pa ni ma yin gyi/ 'on kyang de la brten nas skye ba nyid yin no/ /de ltar gtan tshigs ma grub pa ma yin no zhe na/de'i phyir de las skyes pa yang gnas pa yin no zhes bya ba smos te/ gal te lus las skyes pa nyid de la sems kyi gnas par 'dod pa de'i tshe/ de lta bu'i rnam pa can gyi gnas pa ni lus yul du gyur pa la yang yod pa yin no/ /de ni skyes bu gzhan gyi zhes bya ba la sogs pa smos te/de bas na nag pa'i lus yul du gyur pa las byams pa'i sems skyes pa zhes nag pa'i lus la gnas par 'gyur zhing / de la gnas pa'i sems gzhan la nying mtshams sbyor ba'i phyir te/ rang gi rgyud la nying mtshams sbyor ba'i phyir ma nges par 'gyur ro/ /yul la ci 'dra bar gnas pa de las khyad par du bya ba'i phyir ro//gal te dbang por 'gyur ba na zhes bya ba la sogs pa smras so/ /gal te lus la gnas pa nyid bkag na sgrub par byed pa nyid gang yin pa zhe na/ sgrub par byed pa yang zhes bya ba la sogs pa smos so/ /rten yin pa bsal ba la sogs pas zhes bya ba ni/dngos po'i gtso bo nyid yin pa'i phyir rten nyid yin pa bsal ba la sogs pas zhes bya ba'i don to/ /dbang rnams re re la gnod na zhes bya ba la sogs pas brten bstsal ba bshad zin to/ /gtsang sbra can gyis rim bzhin du skyo ba med pa goms par byas pas thod pa can du gyur pa yin no/ / sbyor ba dang po la yid kyi yon tan nyid gtan tshigs yin zhing / sbyor ba gnyis pa la ni goms pa yod na khyad par can du 'gyur ba nyid yin no zhes bya ba ni khyad par ro/ /lhag pa zhes bya ba ni rgyang grags las gzhan du rgyang grags gnyis dang gsum la sogs pa'o/ /de skad du gzhon nu ma len gyis mkha' la 'dom bcu tshun chad du//mchongs nas 'gro ba zhes bya gang / /des ni lan brgyar goms na yang / /rgyang grags brgyar ni mchong mi nus/ /zhes smras pa yin no/ /dper na 'dod chags la sogs pa lta bu'o zhes bya ba ni chos mi mthun pa nyid can gyi dpe yin te/ 'dod chags la sogs pa goms pa can gyi de dag rang gi ngang gis 'jug par mi 'gyur ba lta bu'o//de skad bshad pa'i phul du byung ba zhes bya ba ni mchong ba la sogs pa'i mtshan nyid can no/ /gzhan dag gi kha na ma tho ba med pa'i yid bde ba nyid ni dga' ba'o/ /rjes su chags pa dang khong khro ba'i rgyu'i yul la 'dod chags dang khong khro ba dang bral ba nyid kyi btang snyoms yin no//me la sogs pa las zhes bya ba ni lnga pa'o/ /shing dag dang / dngul chu dang ni gser sogs bzhin/ /zhes bya ba ni drug pa'o/ /dper na me la sogs pa las shing la sogs pa'i thal ba la sogs pa 'byung ba de ltar na/ rang gi ngang gis 'jug pa de bzhin du sems kyi brtse ba la sogs pa yang yin no//dngul chu'i yang sbyor ba ni dngul chu mi 'thor bar bya ba de la sman blugs pa zad pa gang yin pa de spyod pa zhes bya bar brjod do/ /ji ltar de 'dra ba'i brtse ba la sogs pa'i blo de dag gis goms pa dang rjes su mthun par 'phel ba thob pa dag ces bya ba'i don to//'phel ba tshad nges pa can la rigs mtshungs pa'i sngar gyi sa bon 'jug pa dang bral ba nyid kyis khyab pa yin la de dang 'gal ba ni rigs mtshungs pa'i sngar gyi sa bon 'jug pa nyid yin pa de ltar na/ bsgrub par bya ba gnyis pa la ltos nas khyab par byed pa 'gal ba dmigs pa'o/ / phyis bzhin du zhes bya ba ni mdo'i tshig yin no/ /'di ltar goms pa'i dus phyis zhes bya ba 'dis bsres nas 'chad pa yin no/ /rang stobs nges pa yin zhes bya ba 'dis ni 'phel ba tshad nges pa nyid bstan to/ /sogs pa smos pas ni yid kyi yon tan gzhan yang zhes bya ba ni dga' ba dang btang snyoms la sogs pa'o//brtse ba dang chags bral blo sogs gzhan dag gi zhes bshad pa de la/ brtse ba la sogs pa ci 'dra ba zhig gi zhe na zhes 'dri bar byed de/ brtse ba dang 'dod chags dang bral ba dang / blo la sogs pa'i goms pa'i rtsa ba ci 'dra ba zhig gi yin zhe na/ lan du sems chos kyi'o zhes bya ba smos te/sems rang gi ngang gis 'jug pa zhes bya ba'i don to/ /yid kyi chos byas pa de khyad par du bya ba'i phyir/ goms pa ni yid kyi chos goms pa gang yin pa de ni'o/ /dper na sngar byas pa'i yid kyi chos kyi khyad par goms pa lta bu'o zhes bya ba ni bstan bcos dang bzo dang glu la sogs pa byas pa'i khyad par zhes bya ba'i don to//bde dang sdug bsngal dag la skyo ba dang / skyo ba med pa'i mtshan nyid can zhes bya ba la bde ba la skyo ba ni chags pa med pa nyid yin zhing / /zhe sdang la skyo ba med pa ni khong khro ba med pa ste/ ste'u dang tsan+dan la mtshungs par rtog pa bzhin no zhes bya ba'i don to//nyes pa spangs pa 'og nas bsgrub par 'gyur ba blo la grub par mdzad nas 'dir smos pa yin no/ /'gro phan par bzhed pa nyid bshad pa yin no/ /tshad ma kun las btus pa'i phyag 'tshal ba'i tshigs su bcad pa'i/ 'gro la phan par bzhed la zhes bya ba'i tshig rkang rnam par bshad pa yin no zhes bya ba'i don to//lung dang rigs pas zhes bya ba la/ rigs pa ni rjes su dpag pa yin la des rnam par dpyad pa ni rigs pa yin te/ rjes su dpag pas dpyad bzod pa nyid kyi phyir ro/ /lung dpyad pa'i skabs gang yin de dpyod pa ni dus phyis 'byung ba can yin zhe na/de'i phyir re zhig lung mang po de la dmigs nas zhes bya ba la sogs pa smos pa la/ des bstan pa'am zhes bya ba ni lung gis bstan pa'i thabs zhes bya ba ni khong nas dbyung ngo / /'am zhes bya ba'i sgra ni sdud pa'i don yin te/ lung gis bstan pa'i thabs dang thabs las byung ba rnam par dpyod pa yin gyi zhes bya ba'i don to//ci de dag 'thad dam ma yin zhe na/ de ltar na dpyad pa sngon du song bas 'jug pa'i phyir rigs kyi nyid kyis 'ga' zhig gi tshe 'jug par 'gyur ro/ /de dang 'dis ni 'di skad du rigs pa 'di nyid kyi sgo gnyis pa can brjod pa yin te/ 'ga' zhig ji ltar goms pa bzhin du nges pa nyid dang 'ga' zhig lung gi rjes su 'brangs nas 'jug pa yin no zhes bstan to//'di'i 'bras bu rtsom par mi nus so zhes bya ba ni skye ba'i mtshan nyid can no/ /de las dus phyis zhes bya ba ni rgyu nyid du nges pa las dus phyis so/ /mtshan nyid dang 'phel ba'i rgyu zhes bya ba ni rgyu 'di'i mtshan nyid dang /sdug bsngal 'phel ba'i rgyu 'di ci yin zhe'o/ /gang la rgyur res 'ga' yod pa zhes bya bar tshig rnam par sbyar te/ rgyu mi rtag pa zhes bya ba'i don to/ /rtag pa nyid kyang 'di'i rgyur mi 'gyur ro zhes bya ba'i sbyor ba 'di brjod par bya'o zhes bya ba ni/ gang zhig res 'ga' ba yin pa de ni rgyu rtag par 'gyur ba ma yin te/dper na myu gu la sogs pa lta bu'o zhes bya ba la sogs pas khyab par byed pa 'gal ba dmigs pa'i sbyor ba brjod par bya'o zhes bya ba'i don to/ /de bzhin du rnam pa gzhan dag gis kyang zhes bya ba ni/ sdug bsngal res 'ga' ba nyid kyi rnam pa las gzhan bdag med pa la sogs pa'i rnam pa dag gis kyang ngo //rgyu yod pa zhes bya ba ni yod pa nyid tsam mo/ /de'i rang bzhin zhes bya ba ni khyad par ro/ /de ltar na sdug bsngal bdag med pa yin/ bdag med pa gang yin pa de yang rang dgas 'jug pa can ma yin pa de bas na/ 'di ni rgyus 'gyur ba yin no/ /rgyu de yang bdag med pa can nyid yin te/rang dbang ni rgyu nyid yin pa mi rung ba'i phyir ro zhes bya ba la sogs pas yongs su brtags pa mdzad do/ /de ltar sdug bsngal gyi rgyu gnas pa zhes bya ba ni 'jig pa ma thob pa'o/ /dmigs pa ni yul yin la de'i 'dzin pa rnam pa yin no/ /bdag dang bdag gir 'dzin byas pa'i//zhes bya ba la sogs pas re zhig skye ba'i rgyu ni/ sdug bsngal phyin ci log blo dang / /srid pa kun nas 'ching ba'i rgyu/ /zhes bya bas bshad zin pa nyid kyi phyir ro/ /chags pa rgyu yin no zhes bya bar sbyar te de yang mdo yin no/ /chags pa zhes bya ba'i rnam par 'grel ba ni sred pa zhes bya ba yin no//sdug bsngal du gyur pa'i 'dus byas zhes bya ba 'dis ni sdug bsngal gyi rgyu'i yul bstan to/ /bdag rang dbang can tha dad pa'am tha dad pa med pa med pa'i phyir bdag dang bral ba'o/ /bdag med pa nyid kyis de dbang du byas pas sems can gyi ngo bos stong pa nyid kyi phyir bdag gi dang bral ba la'o//sngar bshad zin pa nyid kyi phyir zhes bya ba ni le'u dang por ro/ /gzhan yang zhes bya ba la sogs pa la/ 'dus byas spyod yul can chags pa'i/ /zhes bya ba 'dus byas kyi spyod yul can du bstan pas/ sdug bsngal gyi rgyu ni bdag med pa mthong ba las phyin ci log tu dmigs pa'i rnam pa yin par bstan te/sdug bsngal du gyur pa'i 'dus byas bdag gi dang bral ba la bdag dang bdag gi rnam par mngon par zhen pas 'jug pa zhes brjod pa'i phyir ro/ /rnam pa mang po zhes bya ba 'dis ni rgyun mi 'chad par goms pa bstan to/ /grogs med pa nyid kyis bse ru dang 'dra ba nyid kyi phyir rang sangs rgyas la bse ru zhes bshad do//rnam par ma phye ba can ni gang gis mi mthun pa'i phyogs spang bar bya ba'i skyon dang / gnyen po'i phyogs lam gyi yon tan gyi khyad par nges par ma bzung ste/ ci rigs par sbyar ro/ /de dag ces bya ba ni mi mthun pa'i phyogs dang gnyen po'i phyogs dag go//phyag 'tshal ba'i tshigs su bcad pa zhes bya ba ni/ ston pa tshad mar gyur pa bde gshegs skyob/ /'gro la phan par bzhed la phyag 'tshal nas/ /zhes bya bar sbyar ro/ /blang bar bya ba dang dor bar bya ba phyin ci log par ston par mdzad pa ston pa nyid yin gyi thabs goms pas ma yin pa ma yin nam/de nyid kyi phyir ci'i phyir zhe na zhes 'dri bar byed do/ /rgyu ni thabs goms pa yin la/ 'bras bu ni ston par mdzad pa nyid yin no/ /de las gzhan pa'i thabs las khyad par can du zhes bya ba ni mtho ris la sogs pa thob par byed pa'i thabs las khyad par can du bstan pa yin no//ci bde bar gshegs pa'i sgra don gsum kho na gsal bar byed pa yin nam/ gang gis bde bar gshegs pa nyid la khyad par rnam pa gsum gzhag pa yin zhe na/ de bas na su'i sgra ni zhes bya ba la sogs pa smos so/ /'di skad du gzhan yang 'jug pa mi 'gog mod kyi/ 'dir ni don gzhan gsum srid pa yin no zhes ston par 'gyur ro/ /sdug bsngal brten min phyir zhes bya ba ni zag pa dang bcas pa'i dngos po yang mi len pa'i phyir ro/ /de ltar na sdug bsngal ni bsngags pa ma yin no/ /de yongs su spangs nas gshegs pa'i bsngags par gshegs pa yin no//gal te de nyid ji ltar yin zhe na/ 'jig rten na yang zhes bya ba la sogs pa smos pa la/ de'i rgyu la zhes bya ba ni bde ba'i rgyur gyur pa'i dngos por 'dod pa'o/ /de las zlog pa zhes bya ba'i mi mthun pa'o/ /bdag tu lta ba ma spangs pa can ni phyi rol pa'i 'dod chags dang bral ba'o/ /de mi 'dod pa nyid kyis zhes bya ba ni bdag nyid mi 'dod pa nyid kyis so//de ltar na des sa 'og ma'i shu ba dang / nad dang zug rngu la sogs pa mi 'dod pa nyid kyis rtog pa spangs su zin kyang / sa gong ma nges par 'byung ba la sogs pa'i rnam par yongs su brtags na len par byed do/ /cig shos ni ma yin te zhes bya ba ni bdag med pa/mthong ba goms par gyur pas ni ma yin no/ /bshad ma thag pas zhes bya ba ni bdag med pa nyid mthong ba'i mtshan nyid kyis so/ /de 'jug pa na zhes bya ba ni skye ba dang skyon 'jug pa na ste/ skye ba 'jug pa dang nyes pa 'jug pa na 'khor ba dang / so so'i skye bo yang 'byung bar 'gyur ro//de bden tha dad bdag nyid kyis/ /zhes bya ba ni bdag med pa mthong ba'i de dag khyad par yin no/ /de la bden pa ni phyin ci ma log pa nyid kyi phyir ro/ /tha dad pa ni bdag tu lta ba dang 'gal ba nyid kyi phyir ro/ /bdag nyid ni sems rang gi ngang gis 'jug pa nyid kyis rang bzhin nyid yin pa'i phyir ro//tshig gsum zlas dbye ba byas nas dngos po'i rkyen bya'o/ /de nyid ni bden pa nyid kyis zhes bya ba la sogs pas 'chad par byed do/ /bden pa nyid yin pa'i phyir 'bad rtsol gyi rtsom pa mi byed pa zhes bya ba ni bdag med pa nyid kyi mthong ba yang dag pa yin na/ de bsal bar bya ba'i de goms par gyur pa ji ltar na 'bad rtsol rtsom par byed de yang sngar bcad zin to zhes bya ba ni/'tshe ba med dang yang dag don/ /rang bzhin la ni phyin log gi /brtson dang ldan yang gnod med de/ /blo ni de phyogs 'dzin phyir ro/ /zhes gsungs pa'i phyir ro/ /nyon mongs pa nyid med pa'i phyir nad med pa ste/yongs su gdung ba med pa'i phyir ro/ /de nyid ni gdung ba med pa zhes bya ba 'dis bshad pa yin no/ /ji ltar na gdung ba med pa yin zhe na/ yang 'khor ba'i sdug bsngal gyi zhes bya ba la sogs pa smos so/ /glegs bam la las skyon med pa zhes 'byung ste/ de ni 'thad pa ma yin no/ /mchong zhing 'gro ba la sogs pa zhes bya ba la 'di ltar spre 'ur gyur pa'i 'dod chags dang bral ba/sngon goms pa'i dbang gis bsod snyoms la sogs par rgyu ba'i dus na mchong zhing 'gro ba zhes bya ba ni lung yin no/ /dmangs rigs brjod pa la sogs pa'i kun tu spyod pa zhes bya ba ni/ dper na 'phags pa dgra bcom pa pi lin da'i bu skye ba mang por bram zer skyes pa'i phyir/de sngon goms pa'i dbang gis thams cad la dmangs rigs kyi tshig rab tu brjod pa lta bu'o/ /lung du ma bstan te/ dge ba dang mi dge ba dang bral ba'i sems kyi'o/ /smra ba po nyid la sogs pa'i zhes bya ba'i sogs pa'i sgras ni yod pa nyid dang zhes bya ba la sogs pa gzung ngo //de skad du yang / mngon pa'i nga rgyal can gang zhig /shes bya gzhal bya nyid dang / dngos po nyid sogs mtshan nyid can/ /gtan tshigs dag gis bsal nus na/ /de ni su zhig rtog par 'gyur/ /zhes smra'o/ /gzhan du 'gyur zhes bya ba ni yang phyir mi ldog pa la sogs par ro/ /gang gi cha 'phel ba dang 'grib pa med pa de ni ther zug tu gnas pa zhes brjod do//de rtag pa nyid ni ther zug tu gnas pa nyid kyis rtag pa nyid do/ /'gal ba dmigs pa zhes bya ba ni zad pa dang rtag pa dag 'gal ba'i phyir ro/ /res 'ga' 'byung ba dmigs pa la sogs pa'i sgras ni byas pa dang /rkyen gyi bye brag gis tha dad pa nyid la sogs pa 'byung ngo / /bdag tu lta ba sngon du song ba can gyi zhes bya ba la sogs pa la/ nyon mongs pa ni nga rgyal dang the tshom la sogs pa'o/ /nye ba'i nyon mongs pa ni ngo tsha med pa dang rgod pa dang ser sna la sogs pa'o/ /gtan tshigs gnyis pa yin no zhes bya ba ni gang zad pa'i thabs yod pa ma yin no zhes bya ba la sogs pas bshad pa gang yin pa'o//rgyu 'gal ba yang de yin la rang bzhin yang yin pa de goms pa 'di la yod pa zhes bya bar tshig rnam par sbyar ro/ /dper na gang me la sogs pa'i rgyu 'gal ba'i rang bzhin yod pa lta bu'o//de lta bur gyur pa ma yin pa'i chos rnams zhes bya ba la sogs pa ni sbyor ba gnyis pa'o/ /gtan tshigs snga ma ma grub pa ma yin la zhes bya ba ni rgyu 'gal ba'i rang bzhin goms pa can gang yin pa de ni zhes bya ba la sogs pas bshad pa'o/ /'di yang ma yin te zhes bya ba ni gnyis pa yang ngo //la lar 'ga' zhig bstan zin pa nyid kyi phyir dang zhes bya ba ni/ rgyu'i ngo bo rtogs pa'i phyir/ de'i mi mthun phyogs kyang des 'gyur zhes bya ba la sogs pas 'gal ba'i rkyen bstan par mdzad pa yin no/ /dus mang por yang rnam pa mang pos zhes bya ba la sogs pas rgyu 'gal ba'i rang bzhin goms pa yod pa can yang bstan pa nyid yin no//gal te 'bru'i rgyun tshig pa yang nus pa'i ngo bor gnas pa'i phyir sbyor ba dang po'i 'bru la sogs pa'i dpe ni bsgrub par bya bas stong pa yin no zhe na/ 'bru la sogs pa'i rgyun nus pa'i ngo bo'i zhes bya ba la sogs pa smos te/ 'bru la sogs pa'i rgyun nus pa'i ngo bo'i gnas skabs rgyun chad pa'i rgyu'i phyir bsgrub par bya ba dang bral ba nyid kyi rtsod pa de yang yod pa ma yin no zhes bya bar sbyar ro//'bru la sogs pa ngo bo dmigs pa'i mtshan nyid kyir gyur pa gang yin pa de shin tu rgyun chad pa nyid kyi phyir gang las bsgrub par bya ba dang bral ba nyid yin no/ /gal te de shin tu rgyun chad pa ji ltar rtogs pa yin zhe na/gang zhig gang la dmigs pa'i mtshan nyid kyir gyur pa zhes bya ba la sogs pa smos so/ /gang la rgyu'i rang bzhin rig pa'i mtshan nyid yod pa zhes tshig rnam par sbyar ro/ /rgyu'i rang bzhin ni de'i mtshan nyid do/ /de shes pa de nyid sgo yin la des bsgrub par bya ba ste/ nges pa bzlog pa zhes bya ba gnod pa can gyi phyogs kyi rang gi ngo bo gang la yod pa de la de skad ces bya'o/ /dper na rlung la sogs pa lta bu'o zhes bya ba ni rlung la sogs pa'i nad gzhi sel ba'i sgo nas de'i gnyen po til mar la sogs pa nges par byas pa lta bu'o/ /gtan tshigs gsum pa yang ma grub pa yin no zhes bya ba ni/gang zhig gang zad pa'i thabs rig pa ma yin pa zhes bya ba la sogs pas bshad pa gang yin pa'o/ /de nyid ni zhes bya ba ni kun ston par mdzad pa'o/ /rjes su ston pa'i cho 'phrul zhes grags pa nyid yin no zhes bya ba la cho 'phrul ni rnam pa gsum ste/ de la rdzu 'phrul mngon par shes pa ni rdzu 'phrul gyi cho 'phrul lo//gzhan gyi sems mngon par shes pa ni kun ston pa'i cho 'phrul lo/ /zag pa zad pa'i mngon par shes pa ni rjes su ston pa'i cho 'phrul lo/ /de'i 'bras bu nyid yin pa'i phyir kun tu ston pa la yang de skad ces bstan to/ /ji ltar na kun ston pa la skyob pa zhes brjod ce na/de'i phyir gang gis sems can rnams skyob par mdzad pa zhes bya ba smos so/ /rgyu snga ma snga mas zhes bya ba ni 'gro ba la phan par bzhed pa nyid dang / ston pa nyid kyis bde bar gshegs pa nyid dang / bde bar gshegs pa nyid kyis skyob pa nyid bsgrubs pa yin no/ /gang gi phyir 'gro ba la phan par bzhed pa de'i phyir thabs rnams la ni mngon sbyor mdzad do//de bas na bstan pa nyid brnyes pa yin no/ /thabs goms pa can thabs las byung ba bde bar gshegs pa nyid brnyes pa yin no/ /thabs las byung ba dang de'i rgyu mngon sum du mdzad nas de dag phyin ci ma log par bstan par mdzad pa'i phyir skyob pa nyid brnyes pa yin no//'bras bu phyi ma phyi ma rtog pa'i sgo nas rgyu phyi ma grub pa yang dag par ston pas zhes bya ba ni 'bras bu phyi ma phyi ma'i rgyu ni phyi ma phyi ma yin te/ snga ma snga ma zhes bya ba'i don to/ /de grub pa yang dag par ston pas zhes bya ba ni skyob pa nyid kyis bde bar gshegs pa nyid dang /bde bar gshegs pa nyid kyis bstan pa nyid ces bya ba la sogs pa sgrub par byed do/ /bstan pa'i ngo bo can gyi zhes bya ba ni srid pa'i rjes su dpag pas shin tu mi srid pa dgag pa bstan pa gang yin pa de ni/ de lta bur gyur pa nyid yin gyi/ 'di nyid ces bstan pa ni ma yin no zhes bya ba'i don to//yang na skyes bu'i don la nye bar mkho ba'i dngos po yongs su mkhyen pa'i mtshan nyid can gyi tshad ma nyid bstan pa'i ngo bo can yin gyi/ srog chags kyi grangs la sogs pa yongs su shes pa'i mtshan nyid can ni ma yin no/ /bden pa bzhi ni ston mdzad yin/ /zhes bya ba la sdug bsngal gyi bden pa ni nye bar len pa'i phung po lnga'o//kun 'byung gi bden pa ni gtsor sred pa dang ma rig pa'o/ /'gog pa'i bden pa ni sdug bsngal rab tu zhi ba'o/ /lam gyi bden pa de ni thob pa'i thabs bdag med pa nyid mthong ba'o/ /de la bden pa re re la zhes bya ba la sogs pa la de la skye ba dang 'jig pa can nyid kyi phyir mi rtag pa'o//mi mthun par gyur pa'i phyir sdug bsngal ba'o/ /bdag dang bral ba'i phyir stong pa'o/ /bdag nyid rang gi rang bzhin dang bral ba'i phyir bdag med pa'o/ /bsdus nas byed pa'i phyir kun 'byung ba nyid do/ /rgyu'i rtsa ba nyid yin pa'i phyir rgyu'o/ /rang dang rjes su mthun pa'i 'bras bu byed pa'i phyir rkyen no//'brel pa'i rgyu mtshan nyid kyi phyir rab tu skye ba'o/ /phung po zhig pa'i phyir 'gog pa'o/ /yongs su gdung ba thams cad zhi ba'i phyir zhi ba'o/ /phan pa nyid kyi phyir dang mngon par 'dod pa nyid yin pa'i phyir gyi nom pa'o/ /skyon thams cad dang bral ba'i phyir nges par 'byung ba'o/ /'khor ba las nges par 'byung ba'i thabs nyid yin pa'i phyir lam mo//rigs pa dang ldan pa'i phyir rigs pa'o/ /yang dag par grub pa'i don gyis na sgrub pa'o/ /shin tu yang dag par 'dra bar byed pa'i phyir nges par 'byin pa nyid do/ /sdug bsngal dang kun 'byung gi bden pa dag ni sgrub par byed pa'i ngo bor rab tu grub pa nyid kyis zhes bya ba ni/sdug bsngal phyin ci log blo dang / /sred pa kun nas 'ching ba'i rgyu/ /zhes bya ba la sogs pa'o/ /sdug bsngal bsgrub par bya ba nyid du rab tu bsgrubs pa yin no/ /sgrub par byed pa ni ji skad du bshad pa'i kun 'byung gi bden pa dag yin pa de bas na/ re zhig sdug bsngal gyi rnam pa dang / kun 'byung gi rnam pa go rims bzhin du rab tu bsgrubs pa yin te/ zag pa dang bcas pa 'bras bur gyur pa sdug bsngal dang / rgyur gyur pa kun 'byung gi zhes gsungs pa'i phyir ro/ /de bas na de'i rgyu can gyi dngos po'i khyad par dang / lhag ma kun 'byung gi rnam par grub par 'gyur ro/ /de'i zhes bya ba ni kun 'byung dang sbyar ro//gang la de'i rgyu yod pa de ni rgyu can no/ /de'i rgyu can yang de yin la de ni rgyu can gyi dngos po ste/ sdug bsngal gyi bden pa zhes bya ba'i don to/ /de'i khyad par ni mi rtag pa dang stong pa dang / bdag med pa'i rnam pa'o/ /lhag ma kun 'byung gi rnam pa ni rgyu dang rkyen dang rab tu skye ba'i rnam pa yin te/ de dag ni sdug bsngal dang kun 'byung gi rab tu dbye ba'i ngo bo yin pa'i phyir ro/ /bdag med pa nyid goms pas nyon mongs pa 'gog pa yod pa rab tu bsgrubs pas 'gog pa'i 'gog pa ni rnam par bsgrubs pa yin no/ /de yod na rnam pa lhag ma zhi ba la sogs pa grub par 'gyur ro/ /de bzhin du lam yang rgyu de yang gnod pa can nyid ni bdag med mthong ba zhes bya ba la sogs pas sdug bsngal rab tu zhi ba'i thabs bstan pa yin no//de bstan pas rnam pa lhag ma grub bo/ /'khor ba'i sdug bsngal dang rgyu dang rab tu zhi ba dang thabs zhes bya ba ni zlas dbye ba'o// //tshad ma rnam 'grel gyi 'grel bshad/ bam po bzhi bcu rtsa drug pa/ phung po ste gzugs la sogs pa zhes bya ba ni gzugs dang / tshor ba dang / 'du shes dang / 'du byed dang / rnam par shes pa zhes bya ba'o/ /sdug bsngal rnam pa gsum ni/ sdug bsngal gyi sdug bsngal nyid dang / 'gyur ba'i sdug bsngal nyid dang / 'du byed kyi sdug bsngal nyid do/ / de la tshor ba sdug bsngal ni dngos su sdug bsngal gyi sdug bsngal nyid kyis sdug bsngal yin te/ de'i rgyu de'i rkyen ni brgyud pa'i sgo nas yin no/ /tshor ba bde ba ni dngos su 'gyur ba'i sdug bsngal nyid kyis sdug bsngal yin te/ de'i rgyu de'i rkyen ni brgyud pa'i sgo nas yin no/ /tshor ba bde ba yang ma yin sdug bsngal ba yang ma yin pa ni dngos su 'du byed kyi sdug bsngal nyid kyis sdug bsngal te/de'i rgyu ni brgyud pa'i sgo nas yin no/ /'gro ba dang 'ong ba rab tu bsgrubs su zin kyang yang rnam pa gzhan gyi sgo nas rab tu bsgrubs pa'i phyir yang gal te sems can snga ma gzhan 'ga' zhig las zhes bya ba la sogs pas 'jig rten rgyang pan pa'i dogs pa bsu ba yin no//de la dang por zhes bya ba ni goms par ma byas pa'i rten dang byis pa'i gnas skabs na yang ngo / /gang la goms pa ma mthong ba can 'dis ni goms pa ma byas pa nyid ston pa sngon du song ba can nyid yin na gzhan la gsal ba bsgrubs pas/ skye ba 'di la goms pa mthong ba'i phyir shugs kyis 'jig rten snga mar goms pa sngon du song ba can nyid yin par 'gyur ba de ltar na skye ba snga ma grub pa yin no/ /de dang 'dra bar 'jig rten snga mar goms pa sngon du song ba can ma mthong du zin kyang zhes bya ba ni ji ltar skye ba 'di la sngar ji skad du bshad pa'i yon tan mig gsal ba gang yin pa de ni/'jig rten snga mar goms pa sngon du song ba can med na mi rigs de'i dbang gis goms pa sngon du song ba can du grub pa yin no/ /de bzhin du 'jig rten snga mar goms pa sngon du song ba can ma mthong du zin kyang ngo / /dang por 'dod chags la sogs pa la gsal bar khas len na/ byis pas goms par ma byas pa'i gnas skabs su 'jig rten snga mar goms pa sngon du song ba can med pa shugs kyis goms pa sngon du song ba can ma yin te/dang po thams cad gdon mi za bar gsal bar 'dod par 'gyur na/ goms pa mthong ba sngon du song ba can de yang 'gal ba yin te de ma mthong ba'i phyir ro//de yang sngon du rang bzhin mtshungs par byas pa nyid yin mod kyi zhes bya ba skye ba snga ma dang rang bzhin 'dra ba des byas pa yin na yang ngo / /de bas na tshe snga mar goms pa sngon du song ba can med pa bsgrub par bya ba la dpe bsgrub par bya bas stong pa nyid kyang sangs rgyas pa la brjod par bya'o/ /dpe bsgrub par bya bas stong pa ma yin nam zhes bya ba ni gzhan la dpe las 'jig rten snga mar goms pa sngon du song ba can nyid ma grub pa'i phyir ro zhes ma yin te/thog ma med pa can nyid bsgrub par bya ba nyid yin pa'i phyir ro zhes bya ba 'dis ni 'di skad du goms pa sngon du song ba can nyid spyi bsgrub par bya ba yin te/ bsgrub par bya ba de las yang bsgrub par bya bas stong pa nyid ma yin pa dang /grub pa la sgrub pa ma yin te/ dang po'i gsal ba goms pa mthong ba sngon du song ba can nyid med pa'i phyir ro/ /de ltar thog ma med pa can nyid grub par 'gyur ro zhes bstan te/ /gtan tshigs 'di'i zhes bya ba ni gsal ba'i zhes bya ba 'di'o/ /de'i rgyu nyid la khyab par byed pa ni de la ma 'khrul pa can nyid yin la/de dang 'gal ba'i yang 'khrul pa nyid yin pa de ltar na khyab par byed pa 'gal ba dmigs pa'o/ /de'i rang bzhin nges pa'i yon tan la brten pa yin la zhes bya ba ni bad kan gyi rang bzhin du nges pa'i yon tan gang yin pa de de la brten pa yin zhes bya ba'i don to//rang bzhin de'i zhes bya ba ni mkhris pa'i rang bzhin gyi'o/ /de tsam gyi rgyu can nyid la khyab par byed pa de ni de mtshungs pa yod na de mi mtshungs pa med pa nyid yin la de dang 'gal ba ni mi mtshungs pa nyid yin pa de ltar na khyab par byed pa 'gal ba dmigs pa'o/ /thal ba dang thal ba zlog pa dag ma nges pa yin no zhes bya ba ni rgyu mtshungs pa can zhes gang yin pa de ni mtshungs par 'gyur te zhes bya ba la sogs pa'i thal ba ma nges pa yin te/gzugs la sogs pa mtshungs pa med pa dag la yang rgyu mtshungs pa can nyid yod pa'i phyir ro/ /gang zhig gang mtshungs su zin kyang zhes bya ba la sogs pa zlog pa ma nges pa yin te/gzugs la sogs pa 'byung ba tsam gyi rgyu mtshungs pa yod kyang mtshungs pa ma yin pa dmigs pa'i phyir ro/ /gzugs la sogs pa 'byung ba'i rgyu can nyid yin par 'dod pa ma yin nam/ de ji ltar na thal ba dang bzlog pa las gzugs la sogs pa phyogs su byed ce na/ de tsam rgyu nyid yin pa gsal ba'i phyir ro zhes bya ba smos so//gal te thal ba la 'byung ba rnams kyang phyogs su byas pa'i phyir zhes bya ba la chos mngon pa las 'byung ba'i rgyu can nyid yin par mtshungs na yang gzugs la sogs pa'i khyad par khas len pa yin no/ /gal te thal ba 'byung ba la yang phyogs su byed na gzugs la sogs pa'i 'byung ba'i rgyu mtshan du mtshungs pa yang mtshungs pa thob par 'gyur ba de ltar na de'i tshe khas blangs pa las nyams par 'gyur ro//de ltar ni 'gyur na zhes bya ba la sogs pas lan 'debs par byed de/ gal te de la zhes bya ba ni rang gi grub pa'i mtha' la'o/ /bsdus pa'i don las 'dod pa dang mi 'dod pa bdag por gyur pa rnams kyis tha dad pa nyid du bsgrubs pa'i 'byung ba rnams ni gzugs la sogs pa tha dad pa rnams kyi rgyu yin zhes grub pa'i mtha' las khas blangs pa yin la/'byung ba tsam du smra ba'i 'byung ba tha dad pa med pa nyid dag las gzugs la sogs pa tha dad pa skye bar 'dod pa de'i tshe thal ba ni 'di med do zhes bya ba 'di yin no//'byung ba'i rang bzhin gyi khyad par las zhes bya ba ni gyur pa'i khyad par thob pa las zhes bya ba'i don to/ /gal te rang gi ngo bo nyid kyis gyur pa'i khyad par yin no zhe na/ rgyu mtshan med par zhes bya ba la sogs pa smos so/ /nges pa mi rung ba'i phyir te gyur pa thams cad la 'gyur ro zhes bya ba'i don to//brtags pa yang rigs pa yin no zhes bya ba ni rigs pa dang ldan pa nyid kyi phyir ro/ /de dag gi khyad par yin na zhes bya ba ni 'byung ba rnams kyi khyad par yin pa na ma nges pa yin te/ 'byung ba tha dad pa de dag nyid las gzugs la sogs pa'i khyad par skye ba'i phyir ro/ /de ltar ni 'gyur na nyes pa'i rgyu can nyid yin na yang zhes bya ba la sogs pa la/gang la nyes pa'i rgyu yod pa zhes tshig rnam par sbyar ro/ /skyon de'i gyur pa gzhan yod na yang zhes bya ba ni/ yon tan shes rab kyi rgyu'i nyes pa de'i gyur pa gzhan yod na yang ngo / /de las gzhan pa'i zhes bya ba ni dri nga ba dang khro ba la sogs pa'o/ /de bzhin du skyon gzhan dag la yang ci rigs par brjod par bya'o//ji ltar skyes bu de'i shes rab mkhris pa'i ngang tshul can du 'gyur ba de ltar na de las gzhan te/ rang bzhin de'i gcig tu nges par 'gyur ba can gyi dri nga ba dang / rdul la sogs pa'i chos kyang ci'i phyir mi mthong zhes bshad pa gang yin pa de bsal bar 'gyur ro/ / de ltar na yang zhes bya ba la sogs pa ni grub pa'i mtha' smra ba'i yin te/ bshad ma thag pa'i tshul gyis de'i rang bzhin gyi yon tan re re nyid du 'gyur ro/ /gal te zhes bya ba la sogs pa ni gzhan gyi yin te/ de dang de'i zhes bya ba ni shes rab kyi rgyu dang 'phro ba la sogs pa'i rgyu'o/ /de ni ji ltar shes rab la sogs pa'i rgyu mkhris pa'i gnas skabs de yongs su gyur pa de ltar khro ba'i rgyu dang rdul gyi rgyu yang yod pa yin no zhes smras pa yin te/tha dad pa zhes smra ba yin no/ /tha dad pa zhes bya ba ni gyur pa re re yon tan thams cad kyi rgyu nyid du khas blangs pa'i phyir ro/ /ltos pa'i bya ba gzhan med pa'i phyir ro zhes bya ba ni mthong ba tsam gyi rgyu la ma gtogs par skal ba mnyam pa'i rgyu ltos par bya ba gzhan khas ma blangs pa'i phyir ro//gtan tshigs ma grub pa yin no zhes bya ba ni/ 'dod chags la sogs pa yang rlung la sogs pa'i khyad par yod na yang khyad par du mi 'gyur ro zhes bya ba 'di'i'o/ /'dis ni skyon rnams khyad par yod na yang zhes bya ba'i gzhung btsugs pa yin no zhes bya ba ni skyon rnams khyad par yod na yang /khyad par med phyir grub nyid min/ /zhes bshad pa gang yin pa de bsgrubs pa yin no zhes bya ba'i don to/ /khams cha mnyam pa la sogs pa la zhes bya ba ni gtan tshigs kyi lnga pa yin te/ de las nang gi reg bya skye ba'i phyir ro//de las gzhan pa'i zhes bya ba ni gnod par byed pa'i'o/ /khu ba zad nas khrag 'dzag pa'o/ /de tsam gyi rgyu can nyid la de nges pa yod na/ nges par yod pas khyab pa yin la/ de dang 'gal ba yang yod par ma nges pa yin pa de ltar na khyab par byed pa 'gal ba dmigs pa'o/ /gzugs dang khu ba la sogs pa dag yod du zin kyang zhes bya ba ni bdun pa'i tshig gnyis pa'o//grub pa la sgrub pa nyid yin no zhes bya ba ni gzugs dang / khu ba tsam gyi rgyu can ma yin pa nyid ni 'dod chags la 'dod pa nyid kyi phyir ro/ /gzhan 'dod chags kyi rgyu nyid du bstan pa zhes bya ba ni/ khams cha mnyam pa la sogs pa'o//khro ba las bzlog pa 'dod chags kyi rang bzhin nyid las gnas pa zhes bya ba ni khro ba las bzlog pa ste/ 'gal ba 'dod chags kyi rang bzhin bad kan gyi bdag nyid can de la gnas pa zhes bya ba'i don to/ /de las skyes pa la de dang mi 'gal ba'i rang bzhin nyid kyis khyab pa yin la/ de las bzlog pa 'gal ba'i rang bzhin gyi gnas skabs yin pa de ltar na khyab par byed pa 'gal ba dmigs pa'o//de la gnas pa'i zhes bya ba ni 'dod chags kyi rang bzhin nyid la gnas pa'i'o/ /rang bzhin gnyi ga zhes bya ba la sogs pa la 'dod chags dang zhe sdang dag gi bad kan dang mkhris pa'i rang bzhin gang yin pa de 'dus pa las gnyis ga ste 'dod chags dang zhe sdang 'jug go//de bas na 'dod chags kyi rang bzhin nyid las zhe sdang 'byung ba ma yin no snyam du sems so/ /gnyis ka 'jug par rtog pa 'di yang bsal ba ste spangs pa yin no/ /ji ltar zhe na 'jug pa mtshungs par thal bas zhes bya ba smos te/ mkhris pa'i rgyu'i nyes pa dang /shes rab dang phrag dog la sogs pa'i yon tan gang yin pa de dag kyang mtshungs par 'jug pa can du thal bar 'gyur bas so/ /gal te ji ltar zhes bya ba la sogs pas mtshungs par 'jug par thal ba'i lan gyi dogs pa bsu ba yin te/ mkhris pa'i rang bzhin las 'byung ba can gyi gnas skabs kyi yul la sogs pas chos 'ga' zhig gi tshe 'jug pa dang ldog pa de dang 'dra bar rang bzhin gnyis su 'dus pa 'di la yang 'ga' zhig 'jug pa mtshungs pa'i rang bzhin yin gyi/shes rab la sogs pa thams cad ni ma yin no/ /de ni ma yin te zhes bya ba la sogs pas 'gog par byed do//rigs mthun bag chags khyad par las/ /rag las pas ni 'jug pa can/ /zhes bya ba ni rigs mthun pa gang yin pa de ni rigs mthun pa ste 'jig tshogs la lta ba'o/ /bag chags kyi khyad par ni sngon gyi 'dod chags la sogs pas bsgos pa sa bon yin no/ /rigs mthun pa dang bag chags kyi khyad par zhes bya ba ni zlas dbye ba'o//de la rag las pas 'jug pa ste/ skye ba gang la yod pa de la de skad ces bya'o/ /so so'i skye bo'i gnas skabs na 'dod chags la sogs pa gnyis ka la rag las pas 'jug pa can nyid yin no/ /gang 'phags pa'i lam las ldang ba'i 'phags pa'i thog mar nyon mongs pa'i sems skye ba ni de la nyon mongs pa gang yin pa de ni bag chags kyi khyad par la rag las pa yin te/'phags pa'i lam gyi dus na nyon mongs pa can gyi yid med pa'i phyir ro/ /de la re zhig bdag dang bdag gir lta ba rigs mthun pa la rag las pas 'jug pa can dang / rgyu'i khyad par zhes bya ba la sogs pas bag chags kyi khyad par la rag las pas 'jug pa nyid bstan to//de dag ni rnam par shes pa sna tshogs pa gzhan dang gzhan zhes bya ba la sogs pa la/ de dag ces bya bas ni 'dod chags la sogs pa dang / sna tshogs pa zhes bya bas ni rigs kyi khyad par dang / gzhan dang gzhan zhes bya ba la sogs pas 'di skad cig ma nyid bstan to//yang ji ltar na 'dod chags la sogs pa rlung la sogs pa'i chos nyid yin pa 'gog pa na 'byung ba'i chos nyid yin pa yang 'gog par 'gyur zhe na/ rlung la sogs pa'i nyes pa rnams ni 'byung ba'i rang bzhin can nyid yin pa'i phyir ro zhes bya ba smos te/ 'di ltar mkhris pa ni 'byung ba chen po me dang /bad kan ni 'byung ba chen po chu'i rang bzhin yin la rlung ni rang gi sgra nyid kyis bshad do/ /gzhan nam gzhan cung zad kyang med pa zhes bya ba ni/ gzugs la sogs pa las gzhan yod pa ma yin te/ tha dad par dmigs su med pa'i phyir ro/ /gzhan ma yin pa yang ma yin te gzugs la sogs pa dang 'dra bar du ma nyid du thal ba'i phyir dang gzhi nyid nyams pa'i phyir ro//gang las de rten yin/ gzugs la sogs pa'am/ 'dod chags la sogs pa'i rten yin no/ /de ltar khas len na yang zhes bya ba ni de kho na nyid mang po nyid khas len par 'gyur na'o/ /rnam par shes pa de tsam dag ces bya ba ni yid kyi rnam par shes pa dag ste/yid kyi blo nyid kyi rten bkag zin pa nyid kyi phyir ro/ /dbang po'i rnam par shes pa ni lnga nyid du 'dod pa yin no/ /rnam par shes pa skyed pa'i nus pa so so tha dad pa khas len na nyes pa 'di yin no/ /dbang po gcig gis gzung ba nyid la sogs pa'i skyon yod pa'i phyir ro zhes bya ba'i sogs pa'i sgras ni gcig skye na thams cad skye ba dang /gcig 'gog na thams cad 'gog pa la sogs pa gzung ngo / /khas blangs nas 'byung ba bzhi po rang rten dang zhes bya ba la sogs pa smos te/ so sor 'jug pa ma yin pas na tha dad pa med par 'jug pa can no//gang yin pa de ni rten dang brten pa'i ngo bor nges pa'i rang bzhin 'di yin pa zhes bya ba la 'byung ba'i rten du nges pa'i rang bzhin yin zhing gzugs la sogs pa'i brten par nges pa'i rang bzhin no/ /gal te de ltar na mi 'dod pa de'i tshe de dag gi rang bzhin nges pa med pa na zhes bya ba 'di nyid kyi bshad pa ni rten dang brten pa'i ngo bo med pas zhes bya ba yin no//rgyur byas pa'i gzugs nyid kyi nges pa mi rung ba'i phyir ro zhes bya ba ni 'byung ba dag rgyur byas nas/ gzugs la sogs pa gnas pa de'i phyir/ gzugs la sogs pa nyid rgyur byas pa'i gzugs yin no zhes bya ba de lta bu'i rgyur byas pa'i gzugs nyid kyi nges pa mi rung ngo //de bas na 'byung ba la sogs pa'i rten dang brten pa'i ngo bor nges pa'i rang bzhin yin par blta bar bya'o zhes bya bar dgongs so/ /de la yang de ltar rtog na ni zhes bya ba ni lus dang / 'dod chags la sogs pa dag 'byung ba dang / 'byung ba las gyur pa bzhin du rten dang brten pa'i dngos por rtog na yang zhes bya ba'i don to//brtan pa'i ngo bos lus kyi bdag nyid can gyi rten yod na zhes bya ba ni gzhan ni skad cig ma nyid ma yin par khas len pa'i phyir ro/ /lus brtan pa'i ngo bo yin no/ /de dag kyang zhes bya ba ni 'dod chags la sogs pa ma lus pa'o/ /de bzhin du zhes bya ba ni gzugs la sogs pa de bzhin du'o/ /tha dad pa med par 'jug par 'gyur te zhes bya ba ni dge ba dang mi dge ba dang /lung du ma bstan pa'i sems kyi gnas skabs thams cad kyang ngo / /de dag ni zhes bya ba ni lus dang 'dod chags la sogs pa dag ni'o/ /ci ste 'dod chags la sogs pa mi skye ba'i gnas skabs su lus rnam pa gzhan du 'gyur bar 'dod na/gang gis na 'dod chags la sogs pa mi skye ba'am/ nus pa med par 'gyur ba de'i tshe/ rnam pa gzhan du 'gyur ba ni de'i rten gyi rang bzhin med pa ste/ 'dod chags la sogs pa de la 'byung ba dag rten gyi rang bzhin de med pas 'jig par thal ba'i phyir ro/ /de ltar na skad cig ma nyid ma yin pa nyams par 'gyur ro zhes dgongs so//'jig pa med na ni zhes bya ba ni ji ltar 'dod chags la sogs pa ma skyes pa'i dus na yang 'byung ba dag sngar gyi ngo bo 'jig pa med pa de'i tshe sngar yang ste/ 'dod chags la sogs pa skyes pa'i dus na yang 'dod chags la sogs pa'i 'byung ba dag rten nyid ma yin par thal ba'i phyir ro//ji ltar 'dod chags la sogs pa ma skyes pa'i gnas skabs na/ 'byung ba dag rten ma yin pa de ltar skyes pa'i gnas skabs la yang khyad par med pa'i phyir ro/ /'dod par ni 'gyur na/ dus thams cad du tha dad pa med par 'dod chags la sogs pa 'jug pa nyid yin no zhe na/ de'i phyir de ltar yang ma yin te zhes bya ba smos te/ nyon mongs pa 'ga' zhig gi tshe skye ba yin gyi thams cad thams cad kyi tshe ni ma yin no/ /rten dang brten pa nyid du so sor nges pa de la tha dad pa med par gnas pas khyab pa yin la de dang 'gal ba yang tha dad par gnas pa yin pa de ltar na khyab par byed pa 'gal ba dmigs pa'o//tshwar gyur pa la zhes bya ba ni skyar bar gyur pa la'o/ /don dam pa'i zhes bya ba ni rjes su yod pa'i'o/ /gtan tshigs ma grub pa yin no zhes bya ba ni myos pa'i nus pa yang chang zhes bya ba'o/ /dngos 'jig 'gyur gyi zhes bya ba la sogs pa la dngos po de 'jig par 'gyur te/ gtan tshigs ma grub pa yin no zhes bya ba ni gang gzhan gyi myos pa'i nus pa'i tha dad pa sgrub par byed pa chang gnas pa na yang myos pa'i nus pa zhes bya ba la sogs pas bshad pa 'di ma grub pa nyid kyi phyir ro/ /gtan tshigs ma grub pa 'dod pa nyid yin te zhes bya ba ni bstan ma thag pa'i rnam pa 'dis kyang myos pa'i nus pa tha dad pa grub par byed pa'i gtan tshigs ma grub par gnas pa nyid yin no zhes bya ba'i don to//chang ma tshang ba med par gnas pa'i ngo bor gnas pa myos pa'i nus pa grub pa'i phyir ro/ /de ltar na gtan tshigs ni tha dad par grub pa yin no zhe na/ 'di ltar zhes bya ba la sogs pas smos so/ /gang gi tshe myos pa'i nus pa tha dad pa ma grub pa de'i tshe don dam pa'i rten dang brten pa'i dngos po btsal bar bya ba'i phyir/sangs rgyas pas bshad pa'i gtan tshigs grub pa nyid du bstan pa'i phyir gang zhig gang kho na yin pa de ni zhes bya ba la sogs pa smos so/ /snang ba tha dad pa can te rnam par shes pa gang la yul gyi rnam pa yod pa de la de skad ces bya ste/de dag gis brtags pa'i phyir ro/ /lus dang sems dag gi zhes bya ba la sogs pas yul gzhan 'dzin ba can gyi rang gi rnam par shes pa zhes bya ba ni rang gi yul las gzhan ba lang la sogs pa'i rnam par rtog pa'i yid kyi rnam par shes pa'o/ /yang dag par rig par byed pa ni sems can gyi rnam pa'i gnas skabs su gyur pa na rang gis rig pa'o//gal te rang gi rgyud la lus dang sems lhan cig dmigs pa'i phyir gcig nyid yin no zhe na/ lhan cig dmigs pa yang zhes bya ba la sogs pa smos pa la/ de yang zhes bya ba ni gzhan gyi lus so/ /dmigs par byed pa'i sems kyi zhes bya ba ni gzhi mthun pa dang /dmigs par byed pa'i skyes bu'i sems gang yin pa zhes bya bar sbyar ro/ /yang rnam pa gzhan du na zhes bya ba ni/ snang ba tha dad can rtogs phyir/ /zhes bya ba'i mdo de rnam pa gzhan du 'chad par byed do zhes bya ba'i don to/ lus kyang dbang po gzhan gyis zhes bya ba ni lus kyi dbang po'am mig gi dbang pos so//rnam par shes pa yang gzhan nyid kyis zhes bya ba ni yid kyi dbang pos so/ /gang gi tshe rnam par shes pa snga ma rnam par shes pa phyi mas dmigs pa na rang rig pa yin du zin kyang dbang po gzhan nyid yin pa de nyid yin te/ drug po 'gags ma thag pa yi/ /rnam shes gang yin de yid do//zhes yid kyi dbang pos rnam par gzhag pa'i phyir ro/ /me'i gzugs dang rlung gi reg bya zhes bya ba la/ me'i gzugs mig gi dbang pos sam/ rlung gi reg bya lus kyi dbang pos gzung ba lta bu'o/ /gal te mthong bas gzung bar bya ba dang / reg pas gzung bar bya ba bye brag la sogs pa rdzas gcig yin par 'dod pa de'i tshe/snang ba tha dad pa can gyis gzung bar bya ba yang gcig nyid yin pa'i phyir dang po ma nges pa yin no zhe na/ mthong ba dang reg pa dag gis zhes bya ba la sogs pa smos te/ yan lag can gyi rdzas sngar bkag zin pa nyid kyi phyir ro/ /gtan tshigs snga ma zhes bya ba ni nye bar mtshon pa yin gyi gnyis pa la yang rnam pa 'di nyid kyis ma nges pa ma yin no//gzhan yid kyi dbang po mi 'dod pa ma yin nam/ de bas na sems dbang pos gzung bar bya ba nyid ma yin nam/ de bas na lus dang sems dang 'dod chags la sogs pa'i tshogs kyang dbang po tha dad pas gzung bar bya ba yin no zhes bya ba'i gtan tshigs ma grub pa yin no zhe na/gal te yang dbang po drug pa mi 'dod na yang zhes bya ba la sogs pa smos so/ /de yang shes pa sgrub par byed pa tha dad pa can nyid yin pa'i phyir zhes bya ba ni dbang po'i sgra'i shes pa'i grub par byed pa nye bar mtshon pa'i don du brjod pa yin no zhes bya ba'i don to//shes pa'i sgrub par byed pa ni shes pa'i sgrub par byed pa ste gang la de tha dad pa yod pa zhes bya bar tshig rnam par sbyar ro/ /gal te dmigs pa'i mtshan nyid kyis gyur pa nyid med pa'i phyir sems bzung ba nyid ma yin no zhe na/ sems nyid ni gzung bar bya ba ma yin pa'i phyir zhes bya ba la sogs pa smos so//rang nyid kyi mkhal ma zug gzer nyams su myong ba dang zlos gar mkhan zhes bya ba ni zlas dbye ba'o/ /mkhal ma'i gzer ni bdag nyid kyi mngon sum du yin la/ zlos gar mkhan ni bdag dang gzhan gyi yin te/ de dag kyang tha dad pa yin no/ /de la brten pa'i gzugs sogs bzhin du zhes bya ba ni lus la brten pa'i gzugs sogs bzhin du'o//bshad ma thag pa'i tshul gyis zhes bya ba ni 'dod chags la sogs pa bad kan la sogs pa'i chos yin pa spangs pa'i sgo nas so/ /rnam shes min pa'ang rnam shes kyi/ /nyer len min phyir zhes bya ba ni 'byung ba rnam par shes pa'i rang bzhin ma yin pa'i rnam par shes pa'i nye bar len pa'i rgyu ma yin pa nyid kyi phyir ro//de ltar na phyi dang nang gi dngos po thams cad nyid ni tha dad pa dang / tha dad pa med par rnam par gzhag pa ni nye bar len pa'i rgyus byas pa nyid yin te/ dngos po rnams kyi skye ba ni nye bar len pa dang bral nas yod pa ma yin no/ /bsnun pa las 'byung ba dang ngag gi sgra dang /rlung gi khyad par dbugs 'byung ba la sogs pa'i sgra'i khyad par gang yin pa de dag tu brtags pa de dag kyang rigs mthun pa'i rgyu'i khyad par phra ba yod pa nyid yin no/ /gal te nus pa thams cad yod pa ni yin na/ tha ma'i gnas skabs na 'di ni lhan cig byed pa yin la/ 'di ni nye bar len pa yin no zhes bya ba'i tha dad pa 'di gang las yin zhe na/'jig rten snang ba dang bcas pa'i lam mtshungs pa la 'khrul pa ni ngo mtshar che ste/ 'di ltar nye bar len pa dang / lhan cig byed pa'i rnam par dbye ba 'di ni byis pa tshun chad la rab tu grags pa yin no/ /de ltar na mig dang gzugs dang snang ba dang / yid la byed pa'i tshogs phan tshun lhan cig byed pa snga ma las phyis kyi mig la sogs pa'i tshogs pa skye bar 'gyur ro//de la lhan cig byed pa dang nye bar len pa dag tha dad pa med na/ ci'i phyir rnam par shes pa yid kyi rnam par shes pa'i skye ba rjes su byed de/ mig dang gzugs dag gi ma yin/ mig gi skad cig ma gnyis pa mig nyid kyi rjes su byed kyi rtogs pa'i ngo bo'am phyi rol gyi gzugs kyi rgyun gyi rjes su byed pa ma yin/gzugs kyi skad cig ma gnyis pa yang gzugs kyi skye ba'i rjes su byed pas 'jug gi rtogs pa'i ngo bo nyid dam/ mig gi rang bzhin nyid kyi ma yin/ de ltar na gal te nye bar len pas byas pa mi 'dod na dri dang / ro dang reg bya ba la sogs pa phan tshun lhan cig byed pa rnams kyi rgyun gyi tha dad pa 'di gang gis byas pa yin/ gang gi tshe rgyud gzhan gyi rnam par shes pa bdag por gyur pa las rgyud gzhan la rnam par shes pa skye ba de ci'i phyir rgyud gzhan dang 'brel par mi 'gyur te/ de bzhin du sa la sogs pa dag las skyes par gyur pa'i myu gu sa bon gyi rgyun gyi rjes su 'jug pa'i rgyu brjod par bya'o//de bas na rigs mthun pa dang rigs mthun pa ma yin pa'i rgyun tha dad par rnam par gzhag pa ni nye bar len pas byas pa nyid yin no/ /rigs mthun pa nyid kyang rigs mthun pa nyid kyi rgyu yin no/ /de lta ma yin na tha dad pa dang tha dad pa ma yin pa'i rnam par gzhag pas rgyu med pa can du 'gyur ro//de bas na 'byung ba bzhi las tha dad pa'i sems nyid kyang rigs mthun pa'i nye bar len pas skyed par 'gyur ro/ /ji ltar 'byung ba de dag nyid tha dad pa med par 'jug pa yin du zin kyang tha dad pa'i rigs mthun pa'i nye bar len pas byas pa yin no/ /cig shos ltar na rtogs pa'i ngo bo ma yin pa'i nye bar len pa las sems 'byung bar 'gyur ba na/'byung bar gyur pa phyis 'byung ba dang 'dra bar rtogs pa'i rang bzhin ma yin pa nyid du 'gyur ro/ /ba lang gi lci ba la sogs pa las sha lu ka la sogs pa 'byung ba'i phyir nye bar len pa gnyis pa mthong ba ma yin nam/ de dang de ni ma dpyad par brjod pa yin no//de ltar na re zhig bye brag ba dag gi ba lang gi lci ba nye bar len pa ma yin gyi 'on kyang des drangs pa'i sha lu ka'i rdul phra rab yin par 'dod do/ /grangs can pa dag kyang ba lang gi lci ba'i yon tan gsum gyi bdag nyid can las yon tan gsum gyi bdag nyid can gyi sha lu ka'i rdzas skye bar 'gyur ro//bye brag tu smra ba la sogs pa dag gi gzhung gis kyang / ba lang gi lci ba zhes bya ba la sogs pa'i rdzas gcig yod pa ni ma yin gyi/ 'on kyang gzugs dang dri dang ro dang / reg bya la sogs pa rdzas brgyad 'dus pa yin no/ /de la gzugs kyi nye bar len pa las gzugs skye zhing de bzhin du ro las ro yin pa de lta na rigs mthun pa nyid nye bar len pa yin no//de kho na nyid bzhi tsam du smra ba dag kyang bzhi po nyid du gyur pa de ltar na rigs mi mthun pa'i nye bar len pa nyid las byung ba ma yin no/ /rnam par shes pa tsam du smra ba dag la yang phyi rol gyi don grub pa med pa nyid kyi phyir rnam par shes pa nyid las rnam par shes pa 'byung ba yin pa de ltar na de la ni dpyad pa nyid yod pa ma yin no//pha dang ma'i rnam par shes pa yang nye bar len pa ma yin te/ de nyid dang 'dra bar de'i rgyu dang 'brel par thal ba'i phyir ro/ /de ltar na de'i dran pa dang yid gzhungs pa la sogs pa dang ldan par thal bar 'gyur ro/ /lam 'di dpyad pa mang bas re zhig gzhag go//de bas na blo gang yin pa de rang gi rgyud las byung ba'i ngang tshul can blo snga ma'i nye bar len pa can yin te/ dper na da ltar gyi lta bu'o/ /mngal la sogs pa ni yod pa yang blo nyid yin no zhes bya ba ni 'bras bu'i gtan tshigs so/ /gzhan nye bar len pa'i rgyu nyid bsal ba dang /rgyu med par smra ba bkag pa ni bzlog pa la gnod pa can gyi tshad ma yin no/ /de ltar na ldog pa la the tshom za ba can nyid ma yin no/ /de ltar na 'byung ba rnams skad cig ma nyid du khas blangs nas/ 'jig rten rgyang pan pa rgol ba 'god pa de dag kyang 'byung ba nye bar len pa nyid yin pa bkag pa nyid kyi phyir bsal ba yin no//'ang zhes bya ba'i sgras ni zhes bya ba ni/ rnam par shes min pa'ang rnam shes kyis/ /nyer len min phyir zhes bya ba'i mdo'i 'ang gi sgra yin no/ /gzhan gyi gzhung gis lus la sogs pa go rims nyid med pa can yin pa'i phyir de'i 'bras bu 'dod chags la sogs pa cig car skye bar thal bar 'gyur ro//gal te yang sems zhes bya ba la sogs pas grangs can gyi 'dod pa'i dogs pa bsu ba yin no/ /grangs can gyis med pa skye ba med pa'i phyir dang thams cad du rim gyis rnam par shes pa gyur pa dmigs pa'i phyir/ thams cad la rnam par shes pa'i nus pa khas blang bar bya ste/ 'di ltar glang po che la sogs pa rtswa la sogs pa'i zas yongs su gyur pa thob pa can yin pa de bas na de dag gi nus pa ni rtswa mchog gi rtse mo la sogs pa la yang yod pa yin no//sems mngon par gsal ba ma yin pa can gyi ni 'byung ba rnams la snang ba'i bdag nyid can gyi gnas skabs kyi ngo bo'i sems gang yin pa de nyid yod pa yin no zhes bya bar sbyar ro//de bzhin du rtswa mchog gi rtse mo la snang ba'i bdag nyid can gyi gnas skabs kyi ngo bo gang yin pa de nyid yod pa yin no zhes sbyar ro/ /sems dmigs pa'i sgrub par byed pa g.yo ba la sogs pa'i 'bras bu med pa nyid kyi phyir ro/ /de ltar na gal te gson po'i lus bzhin du mngon par mi gsal gnas skabs na yang sems bdag nyid thams cad ma tshang ba med par 'gyur ba de'i tshe/'bras bu rtsom pa la gags byed pa ci zhig yod/ gags byed pa yod na yang de de nyid yin no zhes khas blang bar mi bya'o/ /gzhan yod na de yod do zhes bya ba ni glang po che la sogs pa'o//bde ba'i ngo bo ma yin pa can gyi zhes bya ba ni bde ba ma yin pa'i ngo bo can gyi sdug bsngal yin te/ de ni bde bar 'gyur ba ma yin no/ /de nyid yin na zhes bya ba ni/ nus par mngon par 'dod par glang po che brgya mngon par gsal ba dang sems nyid yin na'o/ /gzhan yin pas zhes bya ba ni mig la sogs pa ma tshang ba'o//khyad par 'di rten can gang yin zhes bya ba'i bshad pa ni 'byung ba phul du byung ba la brten nas zhes bya ba la sogs pa'o/ /rgyun chad pa'i chos yod pa can zhes bya ba ni/ gang rgyun chad pa'i chos yod pa de ni rgyun chad pa'i chos yod pa can no/ /'dod chags la sogs pa'i khyad par gyi 'bras bu can zhes bya ba ni/gang la 'dod chags la sogs pa'i 'bras bu yod pa zhes bya bar tshig rnam par sbyar ro/ /de lta na ni 'gyur mod kyi zhes bya ba la sogs pas ni/ gzhan gyi bsams pa'i dogs pa bsu ba yin te/ 'dod chags dang bral ba 'ga' zhig kyang skye bar 'gyur ro zhes bya ba de ni ma yin no/ / gang gi phyir 'dod chags la sogs pa'i rgyu 'phel ba dang 'grib pa tha dad kyang srog chags thams cad kyi rjes su 'gro ba bdag nyid mtshungs pa gang yin pa de mi zad pa'i phyir ro/ /gal te zhes bya ba la sogs pa ni de'i bshad pa yin no/ /bdag nyid 'dra zhes bya ba ni lnga pa'o/ /de nyid kyi phyir de ni rgyu mtshungs pa dag las zhes bshad pa yin te/'dod chags la sogs pa de dag rgyu mtshungs pa gang yin pa de las 'byung ba zhes bya ba'i don to/ /rgyu mtshungs pa'i bdag nyid las byung ba de ltar na bdag nyid mtshungs pa las byung ba'o/ /gal te bdag nyid mtshungs pa dang ches shin tu ba dang ldan pa zhes bya ba la sogs pa de las cir 'gyur zhe na/bdag nyid mtshungs pa yod na zhes bya ba la sogs pa smos so/ /bdag nyid mtshungs pa dang / ches shin tu ba gnyi ga yang cig car 'byung ba rnams la yod pa yin na ni/ de la mtshungs pa las 'dod chags la sogs pa 'chad par mi 'gyur zhing / ches shin tu ba las thams cad du 'dod chags la sogs pa mtshungs pa ma yin no zhe na/de'i phyir gcig la gnyi ga yod pa ma yin te zhes bya ba la sogs pa smos so/ /yon tan nam chos dro ba zhes bya ba la chos ni bye brag pa'i gzhung gis so/ /yon tan ni grangs can la sogs pa'i gzhung gis so/ /de yang zhes bya ba la sogs pa la de yang zhes bya ba ni dro ba nyid do//khyad par dang bcas pa'i gtan tshigs zhes bya ba ni gang zhig chos can gyi rigs sam/ yon tan can gyi rigs gang la zhes bya ba ni khyad par yin te/ dro ba la ma ltos par me chos can nyid ma yin zhing / dro ba nyid chos can nyid yin pa'i phyir ro/ /de bas na ma nges pa nyid ma yin no/ / de la yang dro ba'i khyad par zhes bya ba la sogs pa la/ de la dro ba nyid ni 'byung ba chen po me yin pa de'i phyir de nyid chos can yin no/ /'di ltar dro ba de las 'byung ba las gyur pa ste/ 'bar ba'i gzugs can me zhes bya ba skye ba de bas na rgyu dro ba nyid 'chad pa na de'i 'bras bu 'bar ba'i gzugs can rnam par 'chad pa yin te/rgyu med pa na 'bras bu med pa'i phyir ro/ /de bas na 'bar ba'i gzugs can gang yin pa yod na dro ba ldog pa srid pa ma yin no/ /de'i phyir 'bar ba'i chos can du gyur pa la dro ba'i chos phul du byung ba dang ldan pa nyid med na gang gis na de chad pa med pas ma nges par 'gyur/ gal te 'bar ba chos can yin yang bla ste/de gzugs dang reg bya las tha dad pa'i rdzas kyi bdag nyid can yin pa'i phyir ro zhe na/ reg bya dang gzugs la zhes bya ba la sogs pa smos so/ /ji ltar dro ba nyid kyi 'bar ba ni chos yin la/ dro ba nyid ni chos can dang rgyu yin pa de bas na 'bar ba yod na chos can du gyur pa'am/ rgyur gyur pa'i dro ba 'chad pa ma yin pa de ltar dkar po la sogs pa'i ba lang chos ma yin pa dang /bde ba la sogs pa'i lus chos ma yin zhing / dkar po la sogs pa dang bde ba la sogs pa ni/ ba lang dang lus kyi rgyu ma yin no zhes rnam par dbye ba bsgyur nas sbyar bar bya'o/ /cig shos ltar na ni gzhan lus rgyu nyid du 'dod pa de ltar na thal bar 'gyur/gal te lus sam ba lang chos su 'gyur zhing / dkar po la sogs pas dang / 'dod chags la sogs pa chos can dang rgyur gyur pa de'i tshe/ ba lang dang lus gnas pa yod na dkar po la sogs pa dang / 'dod chags la sogs pa 'chad par mi 'gyur ro/ / 'on kyang ba lang dang lus ni chos can nyid yin te/ yi ge dang ni rgyu yang zhes bya ba'i don to/ /gzhan ni de'i chos yin pa'i phyir zhes bya ba ni/ dkar po la sogs pa ni ba lang la sogs pa de'i chos yin pa'i phyir te/ gtan tshigs kyi chos can ba lang la sogs pa dang lus gnas pa na/ chos dkar po la sogs pa dang /'dod chags la sogs pa 'chad cing chos 'bar ba zhes bya ba gnas pa na/ chos can dro ba 'chad pa ma yin no/ /gzugs la sogs pa'i spyi'i nges pa gang yin pa de zhes bya ba ni/ 'byung ba thams cad tshogs pa na gdon mi za bar yod pa'i ngang tshul can no/ /spyi smos pa ni khyad par rnams ni 'khrul pa'i phyir ro//sngar 'dod chags la sogs pa tha dad pas bsgrub pas zhes bya ba ni/ snang ba tha dad can rtogs phyir/ /zhes bya ba 'dis lus dang sems dag tha dad pa bsgrubs pa'i phyir ro/ /lhan cig mi 'jug pa'i phyir zhes bya ba ni/ gnas skabs thams cad du 'dod chags la sogs pa med pa'i phyir ro//gal te 'dod chags la sogs pa'i nus pa rtag tu yod pa'i phyir/ lan cig 'jug pa yin no zhe na/ nus pa'i ngo bo yod na yang zhes bya ba la sogs pa smos te/ 'dis ni 'byung ba rnams dang lhan cig gnas par nges pa'i mtshan nyid can gyi tha dad pa med pa yin no zhes bshad pa gang yin pa de grub par bstan to//'dod par mi 'gyur mod kyi/ lus kyi bdag nyid can gyi 'byung ba'i gnas skabs thams cad la 'dod chags la sogs pa thams cad kyi cig car nus pa yod pa de bas na/ 'dod chags la sogs pa cig car skye bar thal ba ni grub pa la sgrub pa yin no zhe na/ nus pa'i rang bzhin yod na yang 'dod chags la sogs pa'i rang gi ngo bo 'jug pa can zhes bya ba la sogs pa smos te/nus pa 'byung ba'i bdag nyid kyi rang bzhin yin na yang 'dod chags la sogs pa'i rang gi ngo bo ste/ rang bzhin gsal ba'i ngo bo thob pa'i 'jug pa gang la yod pa de ni/ 'dod chags la sogs pa'i rang gi ngo bo 'jug pa can de yod pa bsal ba'i phyir ro//gzhan yod pa na gzhan yod pa rigs pa ma yin no zhes de ltar bkag zin pa'i phyir ro/ /'dod chags la sogs pa'i nus pa dang / gsal ba'i khyad par khas blangs te bshad nas/ da ni nus pa dang gsal ba'i khyad par nyid mi 'thad do zhes bstan pa'i phyir 'byung ba'i rang bzhin du khyad par med pa yin na yang zhes bya ba smos so//'byung ba rnams ni skad cig ma yin pa'i phyir/ rang bzhin gyi khyad par yod pa ma yin na/ de'i rang bzhin zhes bya ba 'byung ba rnams kyi rang bzhin du bdag nyid gcig pa dang / gsal ba'i khyad par mi rung ba'i phyir te/ gcig la gnyi ga'i ngo bo nyid yod pa ma yin te 'gal ba'i phyir ro/ /gal te 'byung ba'i rang bzhin tsam las 'dod chags la sogs pa skye ba ma yin gyi/ 'on kyang 'gyur ba'i khyad par las yin la/ de yang dus thams cad na yod pa ma yin pa de ltar na rgyu ma tshang ba med pa thag nye ba can yin pa nyid ma grub pa yin no zhe na/gyur ba'i khyad par 'jug med pas/ /zhes bya ba la sogs pa smos te/ gyur pa'i khyad par 'jug pa med pa ni mngon du phyogs pa med pa'o/ /yongs su gyur pa'i khyad par gcig la gnas pa zhes bya ba ni/ dus ji srid gyur pa de 'phos pa med pa'i de srid du rigs mtshungs pa ste/ rigs gcig pa gyur pas bsgrub par bya ba 'dod chags la sogs pa'i blo thams cad cig car ci'i phyir 'jug par mi 'gyur/'dod par ni 'gyur mod kyi 'dod chags la sogs pa'i blo re re la skad cig ma re re rim bzhin du 'gyur ba'i ngang tshul can gyi gyur pa tha dad pa yin no zhe na/ de'i phyir skad cig ma re rer gyur pa yang zhes bya ba la sogs pa smos te/gyur pa'i rgyu mtshan 'byung ba tsam cung zad gang yin pa de'i zhes bya ba la sogs pas/ de rgyu med pa can nyid du 'chad par byed do/ /'byung ba'i rang gi mtshan nyid ni ngo bo gcig pa yin pa'i phyir dang / de yang rtag tu nus pa nyid yin pa'i phyir/ gyur pa thams cad cig car 'byung bar 'gyur ro zhes bya ba ni bsdus pa'i don yin no//nyes pa yang zhes bya ba la sogs pa la bdag dang bdag gir mngon par chags pa ni de la zhen pa'o/ /sogs pa smos pas ni zhe sdang dang nga rgyal la sogs pa gzung ngo / /de bas na skye ba'i dus na zhes bya ba ni nyon mongs pa skye ba na bdag gi dngos po gdung bar byed do//dge ba la sogs pa'i las ni bya ba yin zhing de'i 'bras bu bde ba dang sdug bsngal ni longs spyod pa yin no/ /de dag gi rten ni gzhi'i dngos po'o/ /mtshan nyid de nyid gang la yod pa de la de skad ces bya'o/ /brjod par bya ba ma yin pa zhes bya ba ni de nyid du brjod par bya ba ma yin pa'i gang zag ces bya bas so//dngos por 'gyur ba'i rjes su byed pa can gang yin pa de ni zhes bya ba ni rgyu'i dngos por 'gyur ba'i rjes su byed pa'i ngang tshul can gang la yod pa zhes bya bar tshig rnam par sbyar ro/ /gal te reg bya yod na mig gi rnam par shes pa 'byung bar 'gyur te/ mig gi rnam par shes pa'i yul gzugs reg bya dang ldan pa'i tshogs pa nyid yod pa'i phyir ro//reg bya yod na mig gi rnam par shes pa 'byung bar sems pa yin no/ /de lta ma yin na bshad pa'i mtshan nyid can gyi ldog pa la zhes bya ba ni rgyu gcig thag nye ba bstan nas gnyis pa de la med par ston pa ni bshad pa'i mtshan nyid can gyi ldog pa yin te/de lta bur gyur pa'i ldog pa nyid la rgyu gzhan du grub pa yin no/ /de nyid ni de ltar na zhes bya ba la sogs pas ston to/ /srid pa la 'dod pa ni 'khor ba'i sred pa ste/ skye ba'i gnas dang zhes bya ba la sogs pas 'chad par byed do/ /skye ba'i gnas ni mngal la sogs pa'o//gnas skabs ni mi dang lha la sogs pa'o/ /nye bar mkho ba ni tsan+dan dang gur gum la sogs pa'o/ /sems can ni srog chags grogs su 'gyur ba'o/ /bde ba'i rgyu nyid kyis zhes bya ba ni byed pa'i gsum pa'o/ /bgrod par bya ba'i nyid kyis zhes bya ba ni/ de lta bur 'gyur ba'i mtshan nyid can gyi gsum pa yin te/bgrod par bya ba'i ngo bor yul du bya ba zhes bya ba'i don to/ /sngar yod pa zhes bya ba ni mngal gyi gnas yongs su len pa las sngar te/ blo ni rang gi nye bar len pa la rag las pa nyid kyis thog ma med pa can nyid du bsgrubs pa nyid kyi phyir/ sngar yod pa nyid du grub pa yin no//de la zhes bya ba ni lung nye bar 'god pa'o/ /'di las sdug bsngal 'byung bas na kun 'byung ba'o/ /sred pa ni spyir ma 'ongs pa'i skye ba don du gnyer ba'i rnam pa can ni de nyid kyi phyir yang srid pa 'byung ba can ni/ yang srid pa dgos pa nyid kyi phyir ro/ /dga' ba dang 'dod chags ni dga' ba'i 'dod chags te/de dag dang bcas pa ni rgyun gyi khyad par skye ba na rgyun la rnam par 'dres pa yin gyi mtshungs par ldan pas ni ma yin te/ 'dod chags gnyis mtshungs par ldan pa med pa'i phyir ro/ /de la dga' ba ni da ltar gyi dngos po la dmigs pa'i nyon mongs pa can gyi dga' ba'o/ /'dod chags kyang da ltar ba'i dngos po la dmigs pa'i mngon par chags pa nyid yin no//de skad du gang gi phyir da ltar ba'i yul 'dod pa can gyi dga' ba dang / mngon par chags pa skye ba de'i phyir de lta bur gyur pa'am/ de las khyad par du gyur pa can gyis ma 'ongs pa yang 'dod par byed do zhes bstan par 'gyur ro//da ltar ba'i yul 'dod pa can nyid la dga' ba'i 'dod chags dang bcas pa bshad pa gang yin pa de ji ltar ma 'ongs pa don du gnyer ba yin zhe na/ de dang de la mngon par dga' ba'i ngang tshul can zhes bya ba smos te/ srid pa dang longs spyod la sogs pa thams cad la khyad par med par don du gnyer ba'i rnam pa can yin no zhes bya ba'i don to//'dod ba'i khams don du gnyer ba ni 'dod pa'i sred pa'o gzugs dang gzugs med pa'i khams don du gnyer ba ni srid pa'i sred pa'o/ /sdug bsngal dang bral bar 'dod pa ni 'jig pa'i sred pa'o/ /bde ba'i sred pa 'jug pa'i rgyu mtshan gang yin pa de ni zhes bya ba ni 'jug pa'i rgyu mtshan gang yin pa ni bde ba'i sred pa zhes bya'o//'di las 'di bde ba yin no zhes bya ba ni/ dngos po dman pa bde ba'i rgyu nyid du gzung ba las so/ /la lar 'jug pa'i bdag tu chags pa nyid la rgyu yin te zhes bya ba ni 'di nyid kyi gnyi ga la grub pa'i bgrod pa la sogs pa 'jug pa'i'o/ /de bzhin du gzhan la 'jug pa'i yang bdag tu chags pa rgyu nyid yin pa'i phyir ro zhes bya bar sbyar ro//yul gang la zhe na/ kun la zhes bya ba smos so/ /brtse ba dang ldan pa las gzhan du zhes bya ba ni de'i 'jug pa brtse ba'i dbang gis yin gyi/ bdag tu chags pa'i rgyus 'jug pa ni pa yin no/ /dngos sam brgyud pas zhes bya ba ni/gang gi tshe lus snyoms pas rgyas par gyur pa la/ nang gi reg bya'i khyad par skyes pa'i bde ba la brten nas/ 'dod pa skye ba de'i tshe ni brgyud pa'o/ /gang gi tshe ni lus la brten nas zhen pa la sogs pa skye ba de'i tshe dngos yin no/ /phan 'dogs 'ga' zhig ces bya ba ni lus kyis byas pa'i nye bar sbyor ba'i khyad par ro//de ltar na de la dmigs pa byung ba yod pa de'i rnam pa can nyid 'dod chags la sogs pa phan 'dogs pa yin no/ /gang yang lus rgyas pa la sogs pa yod na brgyud pas 'dod chags la sogs pa skye ba de lta na yang de'i gnas skabs su 'byung ba can gyi phan 'dogs pa nyid yod pa yin no//de dag skye ba'i rgyun dang gags byed pa la sogs pa la zhes bya ba ni 'dod chags la sogs pa de dag skye ba'i rgyun rgyun gyis 'jug pa dang / gags byed pa ste 'gal ba'i rkyen bskyed pa la'o/ /ji ltar rigs mthun pa'i nye bar len pa nges par nye bar sbyor ba de ltar lus ma yin pa'i phyir nges par sbyor ba bkag pa yin no//'gal ba yod pa ma yin no zhes bya ba ni khas blangs pa dang 'gal ba dag ni yul tha dad pa can nyid yin pa'i phyir ro/ /'dod chags med par zhes bya ba la sogs pas gzhan gyi phyogs kyi skyon sdud par byed do/ /sangs rgyas pas 'dod chags med par skye ba ma mthong ba'i phyir/skye ba 'di'i 'dod chags rgyu yin no zhes bya ba bshad pa'i rigs gang yin pa 'di ni/ rigs 'di lus 'dod chags kyi rgyu nyid yin par 'dod pa na lus med par 'dod chags ma mthong ba'i phyir lus 'dod chags kyi rgyu yin par ro/ /rigs pa 'di nyid kyis zhes bya ba ni/ dus mnyam du 'byung ba can nyid yin pa'i phyir ro//rgyu med pa can yang ma yin te/ rtag tu yod pa dang med par thal ba'i phyir ro/ /yon tan dang bcas pa'i rdzas skye ba zhes bya ba ni 'dod chags la sogs pa'i lus kyi yon tan gyi yon tan dang bcas pa'i lus skye bar mi 'gyur ro zhes bya ba'i don to/ /phyin ci log pa'i blo ni rtag pa la sogs pa'i phyin ci log gi mtshan nyid can gyi ma rig pa'o//ji skad du bshad pa'i rgyu dang rang bzhin gyi zhes bya ba ni mi rtag pa la sogs pa'i rang bzhin gyi'o/ /ji skad du bshad pa'i rgyu rang bzhin zhes bya ba ni srid pa'i sred pa ste rgyu'i rang bzhin no/ /ma grub phyir yang zhes bya ba ni/ gtan tshigs ma grub pa'i phyir yang ngo //'khor ba'i chos can 'ga' zhig kyang / /zhes bya ba la sogs pas 'chad par byed de/ bdag la sogs pa bkag pa nyid kyi phyir ro zhes bya bar dgongs so// //tshad ma rnam 'grel gyi 'grel bshad/ bam po bzhi bcu rtsa bdun pa/ gal te 'khor ba pa 'ga' zhig ces bya ba ni bdag tu smra ba'o//cung zhig kyang mi snang ba ste/ lta ba po bdag med pa'i phyir ro zhes bsams pa'o/ /ci ste kho bo cag la sogs pa la brtsams pa yin pa de'i tshe ma grub pa yin te zhes bya ba ni kho bo cag la sogs pa la kho bo 'bad rtsol byed do zhes bya ba de lta bu'i nges pa skyed pa'i phyir ro//gal te yang bdag yod pa ma yin pa de lta na yang rnam par shes pa nyid bdag dang bdag gir sgro 'dogs pas 'khrul par skyes pa na/ shes pa bya ba dang bcas pa rgyur byas nas mthong ngo zhes brjod do/ /rnam par shes pa'i rgyu de nyid kyi sgro 'dogs pa la gnod pa'i phyir/ ji ltar bdag med du zin kyang thos pa dang bsams pa dang bsgoms pa la sogs pa'i rim gyis 'bras bu med par mi 'gyur ba de ltar de nyid ni thos pa las byung ba'i zhes bya ba la sogs pas 'chad par byed do//sbyor ba ni gang zhig gang la zhes bya ba la sogs pa 'dis bdag tu chags pa 'jug pa'i rgyu nyid yin par bstan te/ gang gi rnam par sgro 'dogs pas so/ /de la chags pas te mngon par chags pa de gang la yod pa de la de skad ces bya'o/ /sgro 'dogs pa'i chags pas byas pa'i 'jug pa de dang ldan pa'o/ /gang zhig gang la chags pa dang ldan pa de la mngon par chags pas byas pa'i 'jug pa dang ldan pa yang yin no zhes bya ba ni bsdus pa'i don to//mngon par chags pa tsam la rag las pa nyid kyis 'jug pa'i phyir rang bzhin gyi gtan tshigs so/ /re zhig bdag tu 'dzin pa zhes bya ba la sogs pa la gang la bdag tu 'dzin pa'i 'ching ba yod pa de la de skad ces bya'o/ /de'i don du zhes bya ba ni bdag la phan 'dogs pa'i don du ste/nyon mongs pa spangs pa'i de ma thag nyid du de dag phung po lhag ma med pa'i mya ngan las 'das pa thob par 'gyur ro zhes bsams pa'o/ /gnas par 'jug pa la zhes bya ba ni gnas pa la rag las pas 'jug pa'i don du'o/ /bdag la nye bar mkho ba mthong ba'i rgyu can ni gnas par 'jug pa yin la/'di la nye bar mkho ba mthong ba med pa de ltar na rgyu mi dmigs pa'o/ /gzhan la phan 'dogs pa sems can la chags pa'i phyir ma yin zhes bya bar sbyar te/ mngon par chags pa spangs pa'i phyir ro/ /nye bar len pa'i phung po lnga ni 'du byed yin la de nyid sdug bsngal yin te/mi mthun pa nyid yin pa'i phyir ro/ /gang la dmigs pa yod pa de la de skad ces bya'o/ /de la chags pa yi zhes bya ba la sogs pa dpe bstan pa yin te/ de bdag gi bde ba'i don du bstan pa yang ma yin zhing / chags pas kyang ma yin te/ 'on kyang brtse ba kho nas yin no/ /'di 'ching bar byed pa ma yin zhing zhes bya ba ni de 'jog par byed pa ma yin zhing ngo //gal te yang bar ma dor gags byed pa ni lhag ma med pa'i mya ngan las 'das pa yin pa'i phyir ro/ /gags byed par nus pa can gyi las kyis 'phangs pa'i srid pa yod na rigs pa 'di yin gyi/ de lta ma yin na nges pa'i las nges pas 'phangs pa'i dus nges pa can gyi srid pa la bar ma dor gags byed pa yod pa nyid ma yin no//gla dang rngan pa dang / gla ba'i rin zhes bya ba ni don gzhan nyid ma yin no/ /mi rtag pa la sogs pa'i bdag nyid la zhes bya ba ni mi rtag pa dang bde ba ma yin pa dang / bdag med pa la sogs pa'i rang bzhin zhes bya ba'i don to//phyin ci log gi shes pa ni rtag pa dang bde ba la sogs pa'i ngo bor 'dzin pa ste/ 'dis ni ma rig pa bstan to/ /bdag tu lta ba spangs pa can gang yin pa de la sems can du lta ba sngon du song ba can med pas khyab pa yin la/ de dang 'gal ba yang sems can du lta ba sngon du song ba can yin pa de ltar na khyab par byed pa 'gal ba dmigs pa'o//sbyor ba gnyis pa yang khyab par byed pa 'gal ba dmigs pa nyid yin te bdag tu lta ba spangs pa la bdag tu lta ba sngon du song ba can gyi blo dang mi ldan pa nyid kyis khyab pa nyid kyi phyir dang / bdag tu lta ba sngon du song ba can gyi snying rje'i sems dang ldan pa ni de dang 'gal ba nyid yin pa'i phyir ro//snying rje rnam pa gnyis te/ sems can la dmigs pa dang chos la dmigs pa'o/ /de la gal te snying rje snga ma la brten nas brjod pa de'i tshe sbyor ba snga ma ni grub pa la sgrub pa yin te/ 'dod chags dang bral ba dag la ni sems can la dmigs pa'i snying rjes khas mi len pa'i phyir ro//ci ste snying rje gnyis pa la brten nas brjod pa yin na ni de las gtan tshigs ma grub pa yin te/ chos la dmigs pa'i snying rje ni sems can la lta ba sngon du song ba can nyid du ma grub pa nyid kyi phyir ro/ /de ni sems can la dmigs pa can gyi zhes bya ba la sogs pa smos so//gang gi phyir 'dod chags dang bral ba rnams kyi chos la dmigs pa'i snying rje don dam pa yin gyi/ sems can la dmigs pa ma yin pa'i rgyu de nyid kyi phyir/ sbyor ba gnyis pa la yang gtan tshigs ma grub pa yin te/ grol ba rnams bdag tu lta ba sngon du song ba can gyi snying rje'i sems dang ldan pa nyid ma grub pa'i phyir ro//sdug bsngal shes la zhes bya ba ni sdug bsngal gyi bden pa shes pa rnam pa bzhi dag yin te shes pa'o/ /de nyid ni mi rtag pa dang sdug bsngal ba dang zhes bya ba smos so/ /'di ni yod pa'i bdun pa yin te/ sdug bsngal shes pa yod na zhes bya ba'i don to/ /zhe sdang spangs pa can gyi zhes bya ba ni zhe sdang can ni 'jig rten na gnod pa yin la de med pa'i phyir zhe sdang spangs ba can yin te/'gal ba med pa'i zhes brjod pa yin no/ /gal te yang sdug bsngal shes pas 'dod chags la sogs pa yang spangs pa yin pa de lta na yang zhe sdang smos pa byas pa gang yin pa de ni snying rje dngos su zhe sdang dang 'gal ba nyid yin pa'i phyir ro//'dus reg tsam zhes bya ba la tsam smos pa ni don lhag par sgro 'dogs pa spangs pa'i phyir ro/ /khro rgyu zhes bya ba ni zhe sdang gi rgyu'o/ /de nyid ni bdag dang bdag gi zhes bya ba la sogs pa smos so/ /'gal ba can ni zhe sdang gi yul du 'gyur ro/ /de med par khro ba'i rgyu zhe sdang ma yin gyi zhes/'on kyang bdag tu lta ba nyid yod na zhe sdang 'byung ngo zhes bya ba'i don to/ /de nyid ni des na bdag dang bdag gi rnam pa'i zhes bya ba smos so/ /de ltar na zhes bya ba la sogs pas grub pa la sgrub pa la sogs pa sngar bshad pa'i mjug sdud par byed do/ /de yang gong du rnam par phye zin to//gang 'du byed nus zad med can/ /zhes bya ba ni phung po'i rgyun skyon med pa skyed pa la/ 'dod chags dang bral ba gang dag la las kyi nus pa zad pa med pa yod pa zhes bya ba'i don to/ /dper na byang chub sems dpa' rnams kyi lta bu'o zhes bya ba ni/ byang chub sems dpa' rnams ni las kyi nus pa zad pa can ma yin te/tshogs thams cad mi gnas pa'i mya ngan las 'das pa'i 'bras bu can nyid yin pa'i phyir ro/ /nyes med can zhes bya ba ni sdig pa med pa can no/ /sems can gyi don yid la byed pas gnas pa zhes bya ba ni bsgrub par bya ba gcig go/ / yongs su mya ngan las 'das pa ma yin zhes bya ba ni gnyis pa'o/ /gnas pa ni snying rje'i 'jug pa tsam dang rjes su 'brel pa can nyid yin pa'i phyir rang bzhin gyi gtan tshigs so/ /yongs su mya ngan las 'das pa las snying rje ldog pas khyab pa nyid kyi phyir dang / gnas pa ni de dang 'gal ba nyid yin pa'i phyir/bsgrub par bya ba gnyis pa la ltos nas khyab par byed pa 'gal ba nyid dmigs pa'o/ /bsgom pa'i lam dang mi slob pa'i lam dang mi slob pa'i lam las sngar byung ba can nyid yin pa'i phyir mthong ba'i lam ni lam dang po'o/ /rgyun du zhugs pa la sogs pa zhes bya ba'i sogs pa'i sgras ni lan cig phyir 'ong ba dang /phyir mi 'ong ba gzung ngo / /sdug bsngal gyi bden pa mthong ba nyid kyis de dag gis 'jig tshogs su lta ba spangs pa yin no/ /kun du brtags pa ni bstan bcos sems pa la sogs pa'i sgo nas byung ba'o/ /lhan cig skyes pa ni thog ma med pa'i bag chags las byung ba'o//de dag nyid kyis spangs pa ma yin no zhes bya ba ni thog ma med pa'i bag chags las byung ba de ni bsgom pa'i lam nyid kyis spang bar bya ba nyid yin pa'i phyir ro/ /bdag tu chags pa khas len pa nyid kyi phyir/ rgyun du zhugs pa la lhan cig skyes pa'i mi shes pa phyin ci log yod pa yin no zhes bstan pa'i phyir/ gang gi phyir/ gang zhig nga zhes mthong med pa/ /zhes bya ba la sogs pa smos so/ /'bras bu'i gtan tshigs so zhes bya ba ni yang srid par nying mtshams sbyor ba ni bdag tu chags pa'i 'bras bu nyid yin pa'i phyir ro/ /gtan tshigs de gnyis ni ma grub pa yin te zhes bya ba ni 'khor ba yang 'ching ba yin no zhes bya ba dang /mya ngan las 'das pa yang thar pa yin no zhes bya ba de gnyis so/ /gal te ji ltar zhe na/ 'di ltar zhes bya ba la sogs pa smos te/ bdag tu sogs pa bkag pa'i phyir ro/ /'ga' zhig bcings pa dang / rang dbang ba 'ga' zhig kyang grol ba ma yin no/ /de med pa'i phyir de la ltos nas 'khor ba dang mya ngan las 'das pa dag 'ching ba dang thar pa nyid du brtags pa ma grub pa yin no zhes bya bar dgongs so//'o na kun nas nyon mongs pa dang / rnam par byang ba'i 'jug pa'i go rims ji ltar yin zhe na/ 'on kyang ma rig pa yod na zhes bya ba la sogs pa smos so/ /bar du zhes bya ba'i sgra ni 'du byed yod na rnam par shes pa dang /rnam par shes pa yod na ming dang gzugs zhes bya ba la sogs pa yin no/ /gang gi bdag la sogs pa med par yang ma rig pa la sogs pa ngo bo nyid kyis rgyu dang 'bras bu'i dngos por nges pa'i rang bzhin can 'jug bar 'gyur la/ de 'jug pa tsam yang 'khor ba zhes tha snyad gdags so//'gal ba'i rkyen nye ba las kyang rgyu bcom pa'i sgo nas/ ma rig pa ldog pa tsam la thar pa zhes tha snyad du byas pa yin no zhes bya ba ni bsdus pa'i don to/ /'ching ba la sdug bsngal skye ba'i rgyu nyid yin pas khyab pa yin te/ de dang 'gal ba nyid ni sdug bsngal skye ba dang bral ba nyid yin pa de ltar na khyab par byed pa 'gal ba dmigs pa'o//'gyur ba ni bden na sdug bsngal skye ba'i rgyu bdag nyid yin pa de'i phyir gtan tshigs ma grub pa yin no zhe na/ de'i phyir 'di ni ma grub pa yin bar bsam par mi bya ste zhes bya ba smos so/ /ji skad du bshad pa'i 'ching bas zhes bya ba ni sdug bsngal skyed pa'i rgyu'i mtshan nyid can gyis so//gnyi ga'i rnam pa ma yin pa'i zhes bya ba la sogs pa la rtag pa dang / mi rtag pa dag tu brjod par bya ba ma yin pa nyid kyi phyir/ gang zag ni rnam pa gnyi ga dang bral ba nyid yin par 'dod do/ /de lta bur gyur pa'i dngos po ni yod pa ma yin te/ dngos po ni rnam pa gnyi gas khyab pa nyid kyi phyir ro//de nyid ni rtag pa dang mi rtag pa dag ni zhes bya ba la sogs pa smos te/ phan tshun spangs pa ni phan tshun spangs pa ste de dang bral ba'o/ /des gnas pa'i mtshan nyid rtag pa dang mi rtag pa gang dag yod pa de dag la de skad ces bya'o/ /de'i dngos po yin pa de nyid kyi phyir/ rtag pa spangs te mi rtag pa'i mtshan nyid du gnas pa dang /mi rtag pa spangs te rtag pa'i mtshan nyid du gnas pa yin no zhes bya ba'i don to/ /gal te de las cir 'gyur zhe na/ dngos po la zhes bya ba la sogs pa smos so/ /gang zag la sogs pa'i dngos bo la rtag pa'am/ mi rtag pa gcig rnam par bcad pa dang / yongs su gcod pa gang yin pa de dag ni de las gzhan pa rtag pa'am mi rtag pa yongs su bcad pa dang /rnam par bcad pa gang yin pa de med na mi 'byung ba nyid yin pa'i phyir ro/ /de skad du dngos po yod na rtag pa rnam par bcad pa'am/ yongs su gcod pa ni go rims bzhin du mi rtag pa yongs su gcod pa med na mi 'byung ba can yin no//mi rtag pa rnam par bcad pa dang / yongs su gcod pa dang rtag pa yongs su gcod pa dang rnam par bcad pa med na mi 'byung ba can yin no zhes bstan par 'gyur ro/ /de bas na gal te gang zag la rtag pa rnam par bcad na mi rtag pa gsal bar bzung ba de'i phyir mi rtag pa nyid du brjod par bya ba yin par 'gyur ro//ci ste rtag pa yongs su gcod pa de'i tshe yang mi rtag pa rnam par bcad pa de'i phyir/ rtag pa nyid yin pas na rtag pa nyid du brjod par bya ba yin pa nyid du 'gyur ro/ /de bzhin du gal te mi rtag pa nyid rnam par bcad pa de bas na/ rtag pa bzung ba de'i phyir rtag pa nyid du brjod par bya ba yin par 'gyur ro/ /ci ste mi rtag pa yongs su gcod pa yin pa de lta na yang rtag pa rnam par bcad pa yin pa de ltar na/ nges par mi rtag pa nyid du brjod par bya ba yin pa nyid du 'gyur ro/ /mi rtag pa ste zhes bya ba 'di'i 'grel pa ni skad cig ma nyid du zhes bya ba yin no//de ni med pa nyid yin no zhes bya ba ni skad cig ma nyid ma yin pa ni don byed par nus pa dang bral ba nyid kyis med pa nyid yin pa'i phyir ro/ /de'i tshe ma bcings pa ni zhes bya ba ni 'ching ba med pas ma bcings pa'o/ /gal te rtag pa nyid du brjod par bya ba ma yin pa'i phyir skyon med do zhe na zhes bya ba ni gal te rtag pa nyid du gang zag brjod par bya ba yin pas khas blangs nas skad cig pa nyid du brjod par bya ba ma yin par smra bar 'gyur ba de'i tshe yod pa nyid ma yin par 'gyur te/rim dang cig car don byed pa 'gal ba'i phyir ro/ /gang gi tshe rtag pa nyid kyis brjod par bya ba ma yin pa de'i tshe/skyon 'di yod pa ma yin no zhe na/ rtag pa dang mi rtag pa zhes bya ba la sogs pa la rtag pa dang / mi rtag pa dag med pa'i ngo bo de nyid gang zag gang la yod pa de la de skad ces bya'o/ /rtag pa dang mi rtag par lung bstan du med pa'i phyir gang zag tu smra bar brjod par bya ba ma yin pa ste lung du ma bstan pa yin no//rten yongs su gyur pa gang zhe na/ nyes pa dang bcas pa zhes bya ba la sogs pa smos so/ /lam de'i bdag nyid la zhes bya ba ni lam gyi rang bzhin nyid la'o/ /de kho na nyid mthong ba'i bdag nyid can yin gyi zhes bya ba ni dngos po ji lta ba bzhin du gnas pa 'dzin pa'i bdag nyid can zhes bya ba'i don to//tshad ma dang 'gal ba'i rnam pa ni phyin ci log gi rnam pa'o/ /de dang rjes su 'brel pa ni nye bar bsgyur ba ste/ nyes pa gang yin pa de'i bdag nyid can du mi 'gyur ro/ /sems nyid nye bar nyon mongs par byed pas na nye ba'i nyon mongs pa ste 'dod chags la sogs pa'o//rgyu mtshan 'ga' zhig las bdag la sogs par sgro btags pas 'jug pa'i 'khrul pa'i shes pa ni glo bur gyi rkyen yin te/ de ni tshad ma'i grogs ma yin pa nyid kyi phyir ro/ /de la gnod pa yod na zhes bya ba ni glo bur ba'i rnam pas de'i rgyu can gyi nye ba'i nyon mongs pa bdag med pa'i lam gyis gsal ba yod na zhes bya ba'i don to//rang gis rang bzhin la gnas pa'i zhes bya ba ni bdag med pa'i lam de'i bdag nyid la gnas pa'i'o/ /dngos bo'i stobs kyis zhugs pa'i rang bzhin nyid yin pa'i phyir ro zhes bya ba ni dngos po ji ltar gnas pa bzhin du 'dzin pas zhugs pa'i bdag med pa'i lam ni sems kyi rang bzhin nyid yin pa'i phyir ro//bdag nyid de'i rten du gyur pa ma yin te zhes bya ba ni/ rnam pa gzhan du 'jug pa'i rten du gyur pa ma yin no zhes bya ba'i don to/ /'dres pa'i rkyen ni g.ya' la sogs pa 'dres pa'i rgyu'i'o/ /de shin tu med na zhes bya ba ni 'dres pa'i rkyen shin tu med na'o//'di lta ste zhes bya ba la sogs pa ni dpe gnyis pa'o/ /yang rnam pa gzhan du 'jug pa'i rten du gyur pa las/ de las zlog pa'i rnam pa de'i bdag nyid dang bral ba nyid kyis khyab pa yin la/ de dang 'gal ba yang bdag nyid du gyur pa yin pa de ltar na khyab par byed pa 'gal ba dmigs pa'o//gal te de kho na nyid mthong ba de'i bdag nyid sems la yod pa ma yin pa de bas na gtan tshigs ma grub par 'gyur ro zhe na/ ma grub pa ma yin te zhes bya ba la sogs pa smos so/ /don dam par rnam par shes pa ni don 'dzin par 'dod pas zhes bya ba ni/ don dam par rnam par shes pa don 'dzin pa nyid ni ma yin te/gzung ba ma grub pa'i phyir ro/ /'on kyang re zhig phyi rol gyi don yod par 'dod pa gang yin pa des 'di ltar 'dod par bya'o zhes bstan pa'i phyir de skad du brjod pa yin no/ /phyi rol lam zhes bya ba ni 'dra ba gzhan dang gzhan 'byung ba la sogs pa'i 'khrul par byed pa'i rnam pa'o//cig shos zhes bya ba ni nang gi bdag nyid can gyi phyin ci log gi rnam par rtog pa'i bag chags zhes bya bas bslad pa'o/ /de'i tshe yul 'dzin pa'i chos ma yin no zhes bya ba ni yod pa ma yin pa zhes bya ba yang yod pa ma yin pa'i rnam pa 'dzin pa'i phyir ro/ /de nyid ni de ltar na zhes bya ba la sogs pa smos so//'dod par ni 'gyur mod kyi phyi rol gyi don grub pa med mod/ rnam par shes pa ni rab tu grub pa yin na dngos po thams cad ma grub pa yin no zhes bya ba de ci'i phyir brjod ce na/ shes pa yang phyin ci log gi rnam pa la dmigs pa'i phyir ro zhes bya ba smos te/ gang gi tshe rnam par shes pa yul du gyur pa yang shes gzhan gyi yul du byed pa de'i tshe/ de la yang sgro btags pa'i rnam pa nyid kyi sgo nas yul du byed pa de ltar na/ shes pa thams cad log par 'dzin pa'i rang bzhin can du grub par 'gyur ro/ /de nyid ni de yul dang yul can gyi dngos po rnam par gzhag pa nyid kyi gnas skabs yin no zhes bya ba smos te/yul dang yul can nyid de shes pa'i gnas skabs ci 'dra ba zhig yin zhes bya ba'i yul dang yul can gyi dngos po rnam par gzhag pa 'di la/ ci rnam par shes pa'i chos yul 'dzin pa yin nam/ 'on te log pa 'dzin pa yin zhes bya ba de'i gnas skabs yin no//de la gal te log pa 'dzin pa 'di nyid chos yin no zhes rnam par gzhag pa de'i tshe/ shes pa'i shes pa yin na yang log pa 'dzin pa'i rang bzhin du 'gyur ba de ltar gang las shes pa grub pa yin/ de yang shes pa shes pa gzhan gyis nyams su myong ba yin no zhes bya ba'i gzhung der rtogs par bya'o//rang rig la ni skyon 'di yod pa ma yin no/ /de'i rang bzhin 'dzin pa'i shes pas shes pa nyid la de la de yod pa nyid kyis khyab pa yin la/ 'di la de yod pa ma yin no zhes bya ba ni khyab par byed pa dmigs pa'o/ /rang bzhin de la rnam pa gzhan du 'gyur ba can ni rang bzhin de las rnam pa gzhan du 'gyur ba can no//gang la glo bur ba'i rkyen gyis byas pa yod pa de ni zhes 'bru mang po pa'o/ /dper na thag par 'dzin pa zhes bya ba la sogs pa la/ gang la glo bur ba'i rkyen gyis byas pa'i 'khrul pa'i yul sbrul gyi rnam par zhugs ba'i rang bzhin las rnam pa gzhan du 'gyur ba yod pa de ni zhes bya bar tshig rnam par sbyar ro//ldog pa la ni zhes bya ba ldog pa'i rgyu mtshan la ni'o/ /de ni rang bzhin gnas pa gzhan du 'gyur ba'i ldog pa'i rgyu mtshan ni zhes bya bas 'chad par byed do/ /rang dang rigs mthun pa'i nye bar len pa'i zhes bya ba ni gzhi mthun pa'i 'jug pa'o//rigs mthun pa'i rgyu ni log pa'i shes pa'o/ /shin tu skyed nus med yin no zhes bya ba'i shin tu smos pas ni 'di skad du/ gal te rgyun du zhugs pa la sogs pa skye mod kyi ri mo la gnod sbyin du 'khrul pa dang 'dra bar de la 'di brtan par 'gyur ba ma yin no zhes bstan to//shin tu skye ba la de la gnod pa can skyed nus pa'i snying po can dang bral ba nyid kyis khyab pa yin la/ de dang 'gal ba yang gnod pa can skyed nus pa'i snying po can nyid yin pa de ltar na/ khyab par byed pa 'gal ba dmigs pa'o/ /mngon sum dang rjes su dpag pa rkyen ji lta ba bzhin du zhes bya ba ni/dper na rgyun rnam par 'chad pa'i dus na/ snga ma las shin tu mtshan nyid mi 'dra ba'i skad cig ma gzhan mngon sum du byed pa'i phyir/ mi dmigs pa zhes bya ba'i mngon sum gyis rgyu mi rtag pa nyid dang / de'i stobs kyis bdag med pa nyid rnam par 'jog par byed do//de nas bsgom pa'i rim pa yin pa de'i tshe/ mngon sum ni bdag med pa nyid mthong ba'i mtshan nyid can gyi gnod pa can rgyu mtshan nyid yin no/ /gang gi tshe byas pa nyid yin pa la sogs pa'i rtags kyis bdag med pa rnam par gzhag nas/ bsam pa dang bsgom ba la sogs pa rim bzhin rtsom pa de'i tshe/rjes su dpag pa yang rgyu mtshan nyid yin no/ /'gal ba ni gnyi ga yod pa'i phyir ro zhes bya ba ni/ ji ltar lam goms pa nyes pa skyes dang 'gal pa yin pa de ltar nyes pa'i bdag kyang lam skye ba dang 'gal ba yin no/ /de la gal te 'gal bar mtshungs pa yin na/nyes pa'i bdag nyid can la lam skye ba de ltar lam goms pa yang ci'i phyir nyes pa skye ba ma yin zhes bsams pa'o/ /lhag mthong yin la zhes bya ba ni bdag med pa la dmigs pa'i shes rab bo/ /'bad rtsol yang nyes pa mthong ba'i sgo nas byed par 'gyur zhes bya ba ni gal te gang zhig bzlog par bya ba'i phyir/'bad rtsol byed par 'gyur ba de la nyes pa mthong ba de'i tshe 'bad rtsol byed pa yin te/ nyes pa dang ldan pa nyid dor bar 'os pa yin pa'i phyir ro/ /nyes pa rnams ni phyin ci log yin pa'i phyir zhes bya ba ni yon tan dang ldan pa ma yin pa nyid kyi phyir ro//ci ste yang 'bad rtsol byed par 'gyur ba de lta na yang yon tan dang ldan pa nyid kyi stobs las gyur pa de lta ba yang yon tan dang ldan pa nyid kyi stobs las 'gyur ba yin no zhe na/ brtson dang ldan yang zhes bya ba smos so/ /lhag ma ni snga ma dang 'dra'o/ / tshigs su bcad pa 'di nyid kyi bshad pa ni ji ltar le'u dang por gzhung mdzad pa rnam par phye ba de ltar rtogs par bya'o zhes bya ba'i don to/ /'dod chags dang zhe sdang dag phan tshun 'gal ba yin du zin kyang zhes bya ba ni/ lhan cig mi gnas pa'i phyir 'di nyid 'gal ba yin par sems so/ / rgyu gcig nyid yin pa'i gtan tshigs kyis 'dod chags dang / zhe sdang ba de dag gi nang nas ji ltar 'jig tshogs su lta ba zhes bya ba'i rgyu de yod na/ 'dod chags sam zhe sdang gcig 'byung bar 'gyur ba de ltar na/ rgyu des de skyed pa na gdon mi za bar thag nye bas 'gyur ba yin no/ /de ltar na yod na 'bras bu de skye bar 'gyur ro//de nyid las zhes bya ba ni 'jig tshogs su lta ba zhes bya ba'i rgyu de nyid las so/ /gzhan dag kyang zhes bya ba ni 'dod chags dang zhe sdang dag las gang yang rung ba'o/ /gal te 'o na 'dod chags dang zhe sdang dag rgyu gcig pa can nyid yin pa ci'i phyir cig car 'jug par mi 'gyur zhe na/cig car mi 'jug pa yang zhes bya ba la sogs pa smos so/ /shing gi khyad par gcig las 'byung ba can gyi me dang du ba lta bu'o zhes bya ba ni gang gi tshe me'i skad cig ma snga ma dang dus mnyam du 'byung ba'i shing gi skad cig ma las phyis me dang du ba'i skad cig ma 'byung bar 'gyur ba de'i tshe/de dag ni shing gi khyad par gcig las byung ba can nyid yin no/ /gnod par bya ba dang gnod par byed pa'i dngos po la rgyu tha dad pa nyid kyis khyab pa yin la/ de dang 'gal ba yang rgyu gcig pa can nyid yin pa de ltar na khyab par byed pa 'gal ba dmigs pa'o/ / bdag tu lta ba dang bdag tu chags pa zhes bya ba zlas dbye ba'o/ /'jig tshogs la chags pa dang zhes bya ba ni zhig pas na 'jig pa ste/ rnam par 'jig pa zhes bya ba'i don to/ /tshogs pa ni nye bar len pa'i phung po lnga 'dus pa ste/ mi rtag pa'i phung po lnga la chags pa zhes bya ba'i don to//shin tu goms pa'i dbang gis phan tshun gnod pa byed pa gang yin pa de dag las rgyu dang / 'bras bu'i dngos po ma yin pas khyab pa yin la/ de dang 'gal ba yang rgyu dang 'bras bu'i dngos po yin pa de ltar na/ sbyor ba gnyis pa yang khyab par byed pa 'gal ba dmigs pa nyid yin no//byams pa dang mi gtsang ba la sogs pa ni zhes bya ba la/ mi gtsang ba ni 'dod chags kyi rten gyi dngos po la rnam par sun 'byin pa rnam pa can gyi shes rab po/ /sogs pa smos pas ni dbugs 'byung rngub dran pa la sogs pa gzung ngo / /'on kyang ji srid rigs mi mthun pa'i sems goms pa gnas pa'i zhes bya ba ni byams pa la sogs pa rigs mi mthun pa'i sems de bdag nyid do//bad kan can gyi nad kyi rgyu ni bad kan yin la de la gnod pa med pa ni mngar ba la sogs pa'o/ /nyon mongs pa skye ba'i rgyu yang de yin la/ 'jig tshogs su lta ba yang yin pa la gnod par byed pa ma yin no zhes bya bar tshig rnam par sbyar ro//'o na gal te byams pa la sogs pa 'dod chags la sogs pa'i gnyen po ma yin na/ 'o na ji ltar mdo las dge slong dag 'di lta ste/ rlung gi til mar sman chen po yin pa de bzhin du 'dod chags kyi mi gtsang ba dang / ji ltar mkhris pa'i mar sman chen po yin pa de bzhin du/ zhe sdang gi byams pa dang / ji ltar sbrang rtsi sman chen po yin pa de bzhin du/ gti mug gi rten cing 'brel par byung ba la dpyod pa yin no zhes gsungs she na/ de'i phyir rlung dang mkhris pa dang zhes bya ba la sogs pa smos te/ chos la dmigs pa la sogs pa'i byams pa la sogs pa la dgongs nas bshad pa yin no zhes bya bar sbyar ro//sogs pa'i sgras ni dmigs pa med pa'i byams pa la sogs pa gzung ngo / /de dag ni bdag med pa'i rnam par 'jug pa nyid yin pa'i phyir gcig tu gnyen po'i phyogs yin no//de bzhin du gzhan dag la yang zhes bya ba la sogs pa la gang gi tshe ma dang sring mo la sogs pa'i 'du shes 'dod chags la sogs pa'i gnyen po nyid du brjod pa yin no/ /de la yang dus de srid du gnod pa yin par rtogs par bya'o zhes bya ba'i don to/ /mig gsal ba'i ngo bo zhes bya ba ni rtogs pa med pa'i ngo bo'o//rang gi sde pa ni bye brag rab tu smra ba la sogs pa'o/ /phyin ci log par rtogs pa'i ngo bo can nyid yin par khas blang bar bya'o zhes bya ba ni mtshan nyid gzhan mi rigs pa nyid kyi phyir ro/ /de gti mug ces ma bshad pa ni log pa'i shes pa'i khyad par gti mug gi phyogs gcig tu gyur pa ste/gti mug ces bya ba spyi'i sgras chos mngon pa las ma bshad pa yin no/ /'on kyang 'jig tshogs su lta ba zhes bya ba yin te/ spyi'i sgras bstan pa na nyon mongs pa'i rgyu'i gtso bor bstan par mi 'gyur ro/ /de yang re zhig ces bya ba la sogs pas phyin ci log tu rtogs pa ngo bo nyid ma rig pa yin no zhes bstan pa'i phyir skabs byed pa yin no//gzugs la sogs pa yang de lta bur thal ba'i phyir ro zhes bya ba ni rig pa las gzhan nyid yin pas na ma rig par thal ba'i phyir ro/ /dngos po mtshan nyid kyi skabs yin pa'i phyir ro zhes bya ba ni ma rig pa zhes bya ba'i dngos po'i mtshan nyid kyi'o//de ltar na rnam pa gang zhes bya ba la sogs pa la 'di ltar rig pa'i gnyen po'i phyogs nyid du grub par 'gyur ro/ /de ltar ni 'gyur mod kyi 'on kyang zhes bya ba la sogs pa gzhan gyi yin no/ /yang dag pa'i don mthong bas zhes bya ba la sogs pa ni lan yin no//ci ste 'dod mod kyi yang dag par rtogs pa med pa tsam ni dben pa ma yin no/ /'o na ci yin zhe na/ rig pa'i mtshan nyid du brjod par 'dod pa'i ngo bo las gzhan yin no zhe na/ de'i phyir ma yin pas zhes pa la sogs pa smos te/ ma yin pa ni ma yin par dgag pas so//'on kyang de ni de kho na nyid mthong ba zhes bya ba'i 'bras bu dang 'gal bar brjod pa yin/ de yang ma rig pa'i mtshan nyid ci 'dra ba zhig yin zhes de nges pa med pa nyid yin no/ /de ni de'i mtshan nyid kyang zhes bya ba la sogs pa smos so/ /rig pas gzung bar bya ba'i rnam pa ni bdag med pa dang sdug bsngal la sogs pa'o//de las phyin ci log la sogs pa'o/ /de rtogs pa ni de 'dzin pa'o/ /ma rig pa gang la de nyid kyi ngo bo yod pa zhes tshig rnam par sbyar ro/ /gang gis rtog pa dang 'gal ba ni gang dang rtog pa 'gal ba'o/ /gang la de'i rang bzhin yod pa de la de skad ces bya'o//dper na bde ba'i 'du shes kyis zhes bya ba la sogs pa la sdug bsngal gyi 'du shes dang 'gal ba nyid kyi phyir bde ba'i 'du shes kyi gzung ba'i rnam pa las phyin ci log tu brtag pa'i ngo bo yin pa lta bu'o/ /rten dang dmigs pa dang dus dang / rdzas mtshungs pa dag gis mtshungs par ldan pa'i phyir zhes bya ba ni chos mngon pa las sems las byung ba mtshungs par ldan pa yin par bzhed do//de la gal te ma rig pa rtog pa med pa'i ngo bo nyid pa de'i tshe dmigs pa dang rnam par mtshungs par mi 'gyur ro/ /de la rten dang dmigs pa mtshungs pa ni mig la sogs pa'i rnam par shes pa dang /rten dang dmigs pa mtshungs pa'i phyir ro/ /rnam par mtshungs pa ni sems dang mtshungs pa nyid kyi phyir ro/ /dus mtshungs pa ni dus mnyam du 'byung ba can nyid yin pa'i phyir ro/ /ji ltar skad cig ma gcig la sems rdzas gcig yin pa de ltar na sems dang sems las byung ba yang rdzas re re'i bdag nyid can yin pa de ltar na rdzas mtshungs pa nyid yin no//de bas na sems las byung ba nyid yin pa'i phyir ma rig pa ni rtog pa med pa'i ngo bo nyid ma yin gyi 'on kyang rtog pa'i ngo bo yin no/ /de la rnam par rtog pa gnyis ni rtog pa'i ngo bo yin du zin kyang zhes bya ba la sogs pa smos so//'dod pa na spyod pa'i dge ba'i las ni bsod nams so/ /zlog ni bsod nams ma yin pa'o/ /gzugs dang gzugs med pa na spyod pa'i las ni mi g.yo ba'o/ /'du byed de bdag gis zhes bya ba ni bsod nams dag gis so//yongs su bsgos pa'i sems kyi sa bon la brten nas/ shes pa'i nus pa byed pa'i phyir ro/ /sa bon de yang zag pa dang bcas pa yin te/ de la dmigs pa'i nyon mongs pa rnams der rgyas par 'gyur ba'i phyir ro/ /sred pa la sogs pa'i grogs can ni 'bras bu 'byin pa'i phyir nye bar len pa dang bcas pa'o//skye ba dang rga shi dang ldan pa'i 'du byed kyi rgyun ni skye ba dang rga shi'i rang bzhin srid pa'o/ /de mngon par 'grub cing de 'byung ba ni de nye bar len pa'i nus pa las byung ba yin te/ de las byung ba yin pa'i phyir ro/ /der nye bar 'gro ba ni ldan pa'o/ /gzhung 'dis ji ltar na bdag tu lta ba ma rig pa nyid yin par bstan pa yin zhe na/'di nyid la yang ma rig pa'i yan lag ces bya ba la sogs pas smos pa la 'di nyid la zhes bya ba ni ma rig pa'i yan lag rnam par 'byed pa'i gzhung la'o/ /bdag tu lta ba bstan pa yin no zhes bya ba ni ji snyed pa de dag thams cad ni bdag tu mngon par zhen pa las zhes bya ba gsungs pa'i phyir ro//'dir yang zhes bya ba la sogs pas gzhan gyi dogs pa bsu ba yin no/ /'dir yang zhes bya ba ni shes par byed pa nyid du nye bar dgod pa'i mdor yang ngo / /ma rig pa dang mtshungs par ldan pa'i lta ba yin no zhes bya ba la/ma rig pa dang nyon mongs pa thams cad mtshungs par ldan pa'i phyir ro/ /de bas na bdag tu mngon par zhen pa zhes bya ba la sogs pas gsungs pa gang yin pa de ni ma rig pa'i rang gi ngo bo bshad pa ma yin gyi 'on kyang de'i sgo nas te ma rig pa dang mtshungs par ldan pa'i lta ba'i sgo nas/de las tha dad pa gzhan kho nas ma rig pa bstan pa yin no zhes rtog par yang mi bya'o/ /gal te ci'i phyir zhe na/ ma rig pa'i rang gi ngo bo brjod par bya ba zhes bya ba la sogs pa smos so/ /de skad du brjod pa la zhes bya ba ni lta ba'i sgo nas 'dir ma rig pa bstan pa yin gyi 'jig tshogs su lta ba nyid ma rig pa ma yin no zhes de skad du brjod pa la nges par byed pa med pa'i phyir te rigs pa med pa'i phyir ro zhes bya ba'i don to//gal te 'jig tshogs su lta ba'i rang bzhin nyid la 'dir ma rig pa nyid bstan pa yin no zhes bya ba 'di la nges par byed pa ci zhig yod ce na/ ji skad du bshad pa'i don rtogs pa yang zhes bya ba la sogs pa smos so/ /'di lta ste zhes bya ba la sogs pas re zhig 'gog pa ston par byed do/ /mtshungs par ldan pa'i don 'thad pa ma yin no zhes bya ba ni gzhan dang gzhan ldan pa yin la/ de yang lta ba dang ma rig pa gcig gi bdag nyid du rigs pa ma yin te/de nyid ni bdag nyid bdag dang zhes bya ba la sogs pa smos so/ /spyir btang ba'i mtshan nyid ma yin gyi zhes bya ba ni sems gcig la sems las byung ba gnyis mtshungs par ldan pa zhes bya'o/ /phyogs dang phyogs can gyi dngos po zhes bya ba la 'di la phyogs yod pas na phyogs can ni tshogs pa ste/yan lag dang tshogs pa'i dngos po zhes bya ba'i don to/ /de la spyir log par 'jug pa tsam nyid yin pa'i phyir nyon mongs pa thams cad kyi bdag nyid can gyi ma rig pa ni tshogs pa'o/ /'di'i phyogs gcig ni 'jig tshogs su lta ba la sogs pa'o//des na ngag gi don ni 'jig tshogs su lta ba dang mtshungs par ldan pa'i ma rig pa 'jig tshogs su lta ba zhes bya ba phyogs gcig pa ni phyogs gcig pa dang ldan par gyur pa yin pa de bas na/ phyogs gcig pa can gyi ma rig pa de'i 'jig tshogs su lta ba ni phyogs gcig pa yin no zhes bya ba 'di yin no//gzhan dag la yang de lta bur gyur pa'i mtshungs par ldan pa'i don mthong ngo zhes bstan pa'i phyir/ dper na pa la sha la sogs pa dang ldan pa'i nags zhes bya ba smos te/ pa la sha la sogs pa'i tshogs zhes bya ba'i don to/ /sbyor ba 'di la ldan pa yin gyi mi ldan pa ni ma yin nam/skabs 'di ni mtshungs par ldan pa'i don yin no zhe na/ de'i phyir de la 'dir ldan pa nyid la mtshungs par ldan pa zhes bya'o zhes bya ba smos te/ khams nyid la nye bar sgyur ba'i don nang du bsdus pa yin te/ 'on kyang nye bar sgyur ba ni gsal bar byed pa yin no zhes bya bar dgongs so//phyogs gcig pa'i ngo bo zhes bya ba ni ma rig pa'i phyogs gcig pa'i rang bzhin zhes bya ba'i don to/ /gal te ma rig pa dang lta ba'i mtshan nyid tha dad pa med na/ 'o na ci'i phyir de ltar 'bad rtsol gyi bshad pa ston par byed ce na de'i phyir de ltar bstan pa'i zhes bya ba la sogs pa smos so//de'i rang bzhin zhes bya ba la 'dir de'i sgras ni bdag tu lta ba dang sbyar ro/ /rang bzhin ni ngo bo nyid dam rgyu yin no/ /de nyid kyi phyir bdag tu lta ba'i rang bzhin gyi khyad par can dang zhes bya ba la sogs pa smos pa la/ bdag tu lta ba'i rang bzhin gyi khyad par can ni lta ba po dang za ba po dang bdag nyid du lta ba yin te/'di dag ni bdag tu lta ba'i rnam pa nyid yin pa'i phyir ro/ /'dod chags la sogs pa ni de las byung ba dag yin no/ /yang na zhes bya ba la sogs pa ni sbyor ba gnyis pa yin te/ snga ma la ni bdag med pa mthong ba nyid chos can yin la de ltar ni 'dod chags la sogs pa de'i rang bzhin yin no zhes bya ba ni khyad par yin no//sngar bshad pa'i grang ba'i rang bzhin gyi chos nyid ces bya ba ni ba mo la sogs pa'i reg pa'i khyad par spu long zhes byed pa la sogs pa 'jig tshogs su lta ba'i rang bzhin nyid du ma grub pa de bas na gtan tshigs ma grub pa yin no zhe na/ma grub pa yang ma yin te zhes bya ba la sogs pa smos te/ gnas skabs de'i zad pa la/ de'i chos ma yin pa nyid kyis khyab pa yin la/ de dang 'gal ba yang de'i chos yin pa de ltar na khyab par byed pa 'gal ba dmigs pa'o//gang la rkyen 'di yod pa de ni rkyen 'di pa'o/ /de'i dngos po ni rkyen 'di pa tsam nyid de dngos po'i rkyen gyi mthas rgyu dang 'bras bu'i 'brel pa brjod pa yin te/ de la phan pa dang byas pa dang / bsdu ba dag la 'brel pa bstan pa yin no zhes brjod pa'i phyir ro//rgyu dang 'bras bu'i dngos po tsam zhes bya ba'i don to/ /de bas na rkyen ma tshang ba'i phyir zhes bya ba ni bdag med pa nyid mthong ba goms pas bdag tu lta ba'i mtshan nyid ma tshang ba'i phyir ro/ /de la rag las pa can gyi skye ba zhes bya ba ni ji skad du bshad pa'i rkyen la rag las pa can gyi skye ba'o//'di la yang zhes bya ba la sogs pa 'dod chags la sogs pa ni srog chags kyi chos yin no zhes bya ba 'di la'o/ /rang bzhin nam zhes bya ba ni gang gi tshe chos kyi sgra rang bzhin du brjod pa na'o/ /de las byung ba la zhes bya ba ni gang gi tshe chos kyi sgra 'bras bu brjod pa na'o//rang bzhin gyis 'od gsal ba nyid kyis zhes bya ba ni srog chags kyi rang bzhin nyid du yang 'dod pas 'dod chags la sogs pa'i sems kyi rang bzhin nyid du yang khas blang bar bya ba na/ lus dang dbang po la sogs pa'i rang bzhin ma yin zhing sems kyi rang bzhin 'dod chags la sogs pa ma yin te rang bzhin gyis 'od gsal ba nyid du bstan zin to//de'i rang bzhin nyid la res 'ga' 'byung ba ma yin pa nyid kyis khyab pa yin la de dang 'gal ba yang res 'ga' 'byung ba can nyid yin pa de ltar na khyab par byed pa 'gal ba dmigs pa'o/ /nges par gdon mi za bar mngon du gyur pa gang la yod pa de ni nges par mngon du gyur pa'i chos can no//mngon du 'gyur ba med pa zhes bya ba ni me thag nye ba nyid kyis zhes bya ba'i don to/ /de med par na yang zhes bya ba ni me med pa na yang ngo / /gang zhig gang gi rang bzhin yin pa zhes bya ba la sogs pa'i sbyor ba la/ gang zhig gang gi rang bzhin yin pa de'i don gyis 'gal zla de dang lhan cig 'gal bar 'gyur te zhes bya ba la sogs pas gang sngar bshad pa la grub par ston par byed de/'dod chags la sogs pa dag bdag tu lta ba'i rang bzhin nyid du gzhung 'dis rab tu bsgrubs pa'i phyir ro/ /chags par khas len pa la rang gi yul gyi skyon mthong ba sngon du song ba'i sun 'byin pas khyab pa yin la/de 'di la med pa de ltar na khyab par byed pa mi dmigs pa'o/ /skyon dang ldan pa nyid du ma mthong ba'i yul der chags par byed pas na der 'dod chags so/ /bdag nyid mi 'dod pa'i phyir zhes bya ba ni bdag med pa nyid mthong ba ni mngon sum nyid du mi 'dod pa'i phyir ro//de med par yang bdag tu chags pa'i yul la skyon du mthong ba med pa'i phyir ro/ /skyon rnams yod pa zhes bya ba ni skye ba dang / rga ba dang na ba la sogs pa'o/ /yon tan 'dzin par byed ces bya ba ni gal te yon tan gyi ngo bor dngos po de yongs su gcod pa de ltar na skyon rnams sel bar byed par 'gyur ba ma yin no//bdag gi skyon nye bar mthong ba la bdag gi bde ba la yongs su sred pa dang ldan pa med pas khyab pa yin la de dang 'gal ba yang bdag gi bde ba la yongs su sred pa nyid yin pa de ltar na khyab par byed pa 'gal ba dmigs pa'o//bsgrub par bya ba gnyis pa la ltos nas rang bzhin gyi gtan tshigs yin no zhes bya ba ni yon tan du lta ba ni bdag gi bde ba la yongs su sred pa dang ldan pa nyid tsam dang rjes su 'brel pa'i phyir ro/ /skyes bu bdag tu mthong bas ni bdag tu chags pa la sogs pa'i sred pas zhes bya ba ni bdag tu chags pa'i dbang gis bdag gi nyid la bdag gir byas pa de ltar bdag tu chags pa la sogs pas bde ba'i tshor ba de la sred pa ni bdag tu chags pa la sogs pa'i sred pa ste/bdag tu chags pas sred pa'i zhes bya ba'i don to/ /de skad du rtsa ba'i tshigs su bcad pa las kyang / chags pas bde la sred 'gyur zhing / /sred pas skyon rnams sel bar byed/ /ces bshad pa yin no/ /don de nyid kyis 'di ni mjug sdud pa yin no/ /gzhan dag ni bdag tu chags pa la sogs pa dag la sred pa zhes 'chad par byed do/ /sogs pa'i sgras ni bde ba'i tshor ba la sogs pa gzung ngo //bdag gir yongs su 'dzin pa la sogs pa rtsom pa la sogs pa'i mtshan nyid can gyi 'khor ba zhes bya ba la bdag gi nyid du gzung ba'i srid pa'i longs spyod kyi mtshan nyid can gyi dngos po la mngon par chags pa sngon du song ba can gyi 'dzin pa ni yongs su 'dzin pa'o/ /rtsom pa ni mngon par bsgrub pa'o//sogs pa'i sgras ni mngon par grub pa gnas pa zhes bya ba de lta bu la sogs pa gzung ngo / /de ltar mi 'dzin pa gang yin pa dang / bdag ces de ltar mi 'dzin pa'o/ /'di dag dang ni zhes bya ba yongs su 'dzin pa dang sdang ba dag la zhes bya ba bdun pa'i tshig gnyis pa'o//de nyid ni 'dod chags dang zhe sdang dag yin te zhes bya bas rnam par phye bas gsal bar byed do/ /bdag tu lta ba med pa nyid kyi phyir de dag thams cad yod pa ma yin pa zhes bya ba ni bdag tu chags pa dang / bde ba dang sred pa dang / yon tan du lta ba la sogs pa de ma thag tu 'das pa gang yin pa de thams cad yod pa ma yin pa'o//bdag tu chags pa dang ldan pa dag gi dang 'brel ba tsam gyis byas pa'i chags pa yod pa yin no zhes bya ba ni bdag gi chags pa gang yin pa de bdag tu chags pa dang ldan pa dang 'brel pa tsam gyis byas pa yin gyi/ rgyu lhag pa la ltos pa ni ma yin no/ /'brel pa de yang dus thams cad du khyad par med pa yin no zhes bya bar dgongs so/ /de nyid ni sbyor ba'i sgo nas 'chad par byed do/ /'dod chags dang bral ba ni rgyab kyis phyogs pa'i sgo nas so/ /zhen pa med pa ni btang snyoms kyi sgo nas yin te/'di nyid kyi khyad par ni de yin no/ /de la 'dod chags dang bral ba dang / zhen pa med pa nyid la 'tshe ba med pa nyid la sogs pa 'dod pa dang bral ba nyid kyis khyab pa yin la/ de dang 'gal ba ni de la 'tshe ba med pa nyid la sogs pa 'dod pa yin pa de ltar na khyab par byed pa 'gal ba dmigs pa'o//de yod pa tsam du lta ba'i ngang tshul can nyid yin pa'i phyir ro zhes bya ba ni bdag tu chags pa ni bdag yod pa nyid du lta ba tsam las skyes pa can nyid yin pa'i phyir ro zhes bya ba'i don to/ /yul gyi yul can bstan pa yin te yon tan dang skyon gyi sgra dag gis yon tan dang skyon du lta ba bshad pa yin no//'dod sdang la sogs pa gang la de dang rjes su 'brel zhing de la rag lus pa'i ngang tshul can de la de skad ces bya'o/ /de nyid ni 'dod pa ni yul la la la yon tan mthong ba'i rjes su 'brel pas skye ba yin zhing zhes bya bas 'chad par byed do//bdag nyid ji lta ba bzhin du rgyu mtshan mthong bas phrag dog la sogs pa zhes bya ba la/ dngos po mi 'dod pa yang dag par ston pa ni phrag dog go/ /kun nas chags pa'i rten gyi dngos po ston pa ni ser sna yin zhes bya ba la sogs pa brjod par bya'o/ /spong ba'i thabs ni 'dir spong ba mngon par 'dod pa nyid yin no zhes bya ba ni rgyu la 'bras bu nye bar btags pa'i phyir ro//thabs de yang gang yin zhe na 'di lta ste/ skyon dang zhes bya ba la sogs pa smos pa la de dag ces bya ba ni skyon dang yon tan dag go/ /ma mthong ba tsam ni thabs su 'gyur ba ma yin te/ med pa ni rgyu ma yin pa'i phyir ro//'on kyang yon tan ma mthong ba dang skyon ma mthong bas 'dod chags dang zhe sdang mi skye ba de la go rims bzhin du yon tan mthong ba ma yin pa dang skyon mthong ba ma yin pa nyid ma yin par dgag pas mthong ba min pa'i sgras bshad pa yin no/ /'grel pa la yang yon tan mthong ba med pas zhes bya ba med pa'i tshig de las bzlog pa mthong ba nyid yin par blta bar bya'o//de la zhes bya ba ni phyi rol gyi don de la'o/ /de mthong ba yod na med pa la de mthong ba ma skyes pa nyid kyis khyab pa yin la de dang 'gal ba yang de mthong ba skyes pa nyid yin pa de ltar na khyab par byed pa 'gal ba dmigs pa'o//bdag tu chags pa la yon tan du lta ba nyid las bdag tu chags pa skye bar 'gyur la/ gang gi tshe bdag tu chags pa yon tan du lta ba ldog pa de'i tshe log pa yin no/ /de bas bdag tu chags pa la yon tan du lta ba'i sgo nas bdag tu chags pa skye ba de ltar na gtan tshigs ma grub pa yin no zhe na/de'i phyir gal te bdag tu chags pa la yon tan du lta ba las zhes bya ba la sogs pa smos so/ /gang zhig gang gi rgyu can yin pa de ni zhes bya ba la sogs pa la/ dngos po gang zhig gang gi rgyu can yin pa de'i rgyu can yin pa zhes bya ba ni 'bras bu nyid ston pa yin no//de ma tshang ba med pa yod na zhes bya ba ni rgyu'o/ /de ma tshang ba med pa yod na 'bras bu med pa la de'i rgyu can ma yin pa nyid kyis khyab pa yin la/ de dang 'gal ba ni de'i rgyu can yin pa de ltar na khyab par byed pa 'gal ba dmigs pa'o/ /gang las sam ji ltar zhes bya ba la sam gyi sgra ni ci dang 'dra ba'i don to//gang las zhes bya ba 'dis ni rigs pa 'dri bar byed pa'o/ /ji ltar zhes bya ba ni dpe 'dri bar byed pa'o/ /rang nyid mthong phyir zhes bya ba ni gtan tshigs brjod pa yin la/ dper na bdag bzhin zhes bya ba ni dper brjod pa yin no/ /'dod chags dang bral ba la rang gi blo dor bas khyab pa yin la/de dang 'gal ba yang zhes yongs su ma spangs pa yin pa de ltar na khyab par byed pa 'gal ba dmigs pa'o/ /de ltar ni 'gyur mod kyi zhes bya ba la sogs pa la 'di ltar bdag tu chags pa la sogs pa dang ldan pa la 'di chos dang chos ma yin pa rtsom zhing /de nas skye ba las ni de yod pa ma yin no/ /de bas na yan gar ba ni sdug bsngal gyi rgyu nyid ma yin no de ltar na chags pa la sogs pa yan gar ba sdug bsngal gyi rgyu ma yin no zhes tshig yongs su bsgyur nas sbyar bar bya'o/ /gzhan ni bdag med par chags pa la sogs pa las mngon par 'du byed pa sngon du song ba can gyi skye ba la sogs pa'i sdug bsngal sgrub par nus pa ma yin par 'dod do//nus pa nyid yin na yang tha dad par rtog pa don med pa nyid yin no/ /gtan tshigs ma nges pa yin no zhes bya ba ni phyis bdag dang ldan pa'i phyir chags pa la sogs pa sdug bsngal gyi rgyu nyid yin na bdag la skyon dang ldan pa nyid du yang khas mi len pa'i phyir ro//bshad ma thag pa'i gtan tshigs rang nyid ma nges pa yin no/ /de ltar gnyi ga yang mtshungs pa nyid kyis zhes bya ba bdag dang bdag gi la chags pa yang ji skad du bshad pa'i rnam pas mtshungs pa nyid kyis so//de ni med pa'i ngang tshul can zhes bya ba ni gang gis skyon mtshungs pa de la med pa'i ngang tshul can no/ /de tsam gyi rgyu mtshan can zhes bya ba ni gnyi ga la skyon mtshungs pa de tsam gyi rgyu mtshan 'dod chags dang bral ba gang la yod pa de la de skad ces bya'o/ /de med pa'i ngang tshul can 'dod chags dang bral ba gcig gi yul du byed pa de la nyes pa mtshungs pa med pas khyab pa yin la/de dang 'gal ba yang nyes pa mtshungs pa nyid yin pa de ltar na khyab par byed pa 'gal ba dmigs pa'o/ /sdug bsngal bsgom pa dang ldan pas spong bar byed pa zhes bya ba ni sbrul gyis bzung ba'i yan lag de la sdug bsngal bsgom pa dang ldan pas so//gtan tshigs ma grub pa yin no zhes bya ba ni 'dod chags la sogs pa'i yang bdag dang skyon mtshungs pa yin no zhes bya ba'i gtan tshigs 'di ma grub pa yin te/ 'di ltar bdag tu chags pa la sogs pa la sdug bsngal bsgom pa yin gyi bdag la ni ma yin pa'i phyir ro//longs spyod pa'i rten gyi blo zhes bya ba la longs spyod par bya bas na longs spyod de bde ba'o/ /de'i rten ni bde ba'i rgyu nyid de de la blo zhes bya ba'i don to/ /ma nges pa nyid du bstan to zhes bya ba ni gang zhig gang la sdug bsngal bsgom pa dang ldan pa de ni de la chags pa dang bral ba ma yin te zhes bya ba 'di'o//bdag gi blo yongs su dor ba med par sdug bsngal bsgom pa yod na yang dor ba med pa'i phyir ro/ /dbang po la sogs longs spyod pa'i/ /rten nyid du ni bzung ba la/ /rang nyid blo ni gang gis bzlog /de la chags bral de gang las//zhes bya ba'i tshigs su bcad pa de las/ dbang po la sogs longs spyod pa'i/ /rten nyid du ni bzung ba la/ /gang las yin zhes bya ba yi/ /tshig de rnam par 'grel pa yin no/ /lhag ma ni sbyor ba bstan pa'i sgo nas don brjod par bya'o/ /longs spyod pa'i rten nyid du ni zhes bya ba 'di'i bshad pa ni longs spyod pa'i rten sgrub par byed pa nyid du zhes bya ba yin no//longs spyod pa'i rten nyid kyis ni lus bzung ba yin no/ /rten ni de'i sgo nas bdag gi bde ba skye ba'i phyir ro/ /longs spyod sgrub par byed pas dbang po bzung ba yin te/ /de dag yul 'dzin pa'i sgo nas bde ba sgrub par byed pa nyid yin pa'i phyir ro//gang las yin te zhes bya ba'i bshad pa ni ma yin pa nyid do zhes bya ba'o/ /'dod chags dang bral ba zhes bya ba ni mdo brjod pa yin te/ gang las 'dod chags dang bral ba yin zhes bya ba'i don to/ /de 'dra ba zhes bya ba ni lus las skra la sogs pa'i yan lag ma thob pa ste/de dag dang mtshungs pa la zhes bya ba'i don to/ /de nyid 'ba' zhig la zhes bya ba la sogs pa phyi ma phyi ma bshad pa yin no/ /bdag gi nyid du kun nas bzung ba yod na zhes bya ba ni bdag gir byas pa yod na'o/ /bdag gi blo ldog pa'i rgyu longs spyod kyi rten nyid du ma bzung ba de dang 'gal ba ni longs spyod kyi rten nyid du bzung ba de ltar na rgyu 'gal ba dmigs pa'o//de las gzhan pa yod na yang med par 'gyur ba ma yin pa zhes bya ba ni gang yod na 'gyur ba zhes bshad pa de nyid la med pa ma yin no zhes blta bar bya'o/ / bdag la gnas pa'i zhes bya ba ni lus la gnas pa'i'o/ /de yod pa'i phyir khyad par med pa la yang zhes bya ba ni lus la gnas pa'i skra la sogs pa'i rang bzhin gang yin pa de las khyad par med pa dag la yang zhes bya ba'i don to/ /sa bon la sogs pa las myu gu skyes pa gang yin pa des skyed pa ni skyes shing 'byung ba zhes bya ba'i don to//yul gang la zhe na myu gu la'o/ /bskyed pa de gang yin zhe na/ de'i 'bras bu'i tha snyad kyi shes pa lta bu'o zhes bya ba smos te/ sa bon de'i 'bras bu myu gu zhes bya ba de lta bu'i tha snyad do/ /de'i shes pa gang yin pa zhes bya ba'i don to//de dang de yang zhes bya ba ni 'das ma thag tu bstan pa'i grangs can gyi gzhung ngo / /stsogs pa smos pas bsal ba yin no zhes bya ba ni de la rang blo 'phrod 'du ba la sogs pa 'brel pas skyed yin na zhes bya ba der sogs pa'i sgras so/ /de ltar na rang bzhin dang skyes bu dag la gcig tu shin tu bzhen pa'i rgyu nyid yod na/phyis kyang grol ba'i gnas skabs na yang khyad par med pa'i phyir ro/ /de bas na gcig tu zhen ba nyid du 'gyur ro/ /de la ltos pa med cing des byas pa yin te zhes bya ba ni gang zhig med na yang 'gyur ba'i dngos po de ni ltos pa med pa ste/ brten pa med cing des byas pa yin te/ gang yod na 'gyur ba ni des byas pa yin no zhes bya ba'i don to/ /yang na gang med na yang yod pa de ni 'bras bu gang la de ltos pa med pa can no/ /gang yod na 'gyur ba ni des byas pa yin te/ de la ltos pa med pa can yang de yin la/ des byas pa yang yin no zhes bya ba ni khyad par gyi bsdu ba'o// //tshad ma rnam 'grel gyi 'grel bshad/ bam po bzhi bcu rtsa brgyad pa/ des na gtan tshigs ma grub pa yin no zhes bya ba ni gang zhig gang gis rang gi nyid du bzung ba de la de'i chags pa dang bral ba ma yin te zhes bya ba la sogs pas gong du bshad pa'i gtan tshigs de ma grub pa yin no//rang gi blo la mi 'dod pa'i tshor ba'i rgyu nyid yin pas khyab pa yin la/ de dang 'gal ba yang mi 'dod pa'i tshor ba'i rgyu nyid yin pa de ltar na khyab par byed pa 'gal ba dmigs pa'o/ /gcig tu de ni sdug bsngal min/ /zhes bya ba la sogs pa ni grub pa'i mtha' smra ba'i'o//de skad du lus kyi dbang po la sogs pa'i tshogs mi 'dod pa'i tshor ba'i rgyu nyid yin pa yang gal te mi 'dod pa tshor ba'i rgyu yin no zhes nges par gzung ba 'dod pa de'i tshe gtan tshigs ma grub pa yin no zhes bstan par 'gyur ro/ /ci ste 'ga' zhig gi tshe mi 'dod pa'i tshor ba'i rgyu yin zhes bya ba de'i tshe/ma nges pa yin te 'ga' zhig gi tshe mi 'dod pa'i tshor ba'i rgyu yin na yang rnam grangs kyis rang gi blo bde ba'i rgyu nyid du mthong ba'i phyir ro/ /de nyid ni gang bdag tu chags pa bstan pa zhes bya ba la sogs pa'i sbyor bas bstan to/ /de sdug bsngal gyi rgyu nyid yin par shes na yang zhes bya ba ni bde ba'i rgyu de rnam grangs kyis sdug bsngal gyi rgyu nyid yin par shes nas yang ngo //bde ba nye bar byed pa'i blo can du 'gyur te zhes bya ba ni bde ba spyod pa'i blo can du 'gyur ba'o/ /de lta na yang de las gzhan pa'i srog la gnod pa mi byed pa'i zhes bya ba ni dug dang bcas pa la sogs pa las gzhan du dug dang bcas pa ma yin pa'o//de'i phyir srog la sogs pa dang bde ba'i longs spyod shin tu khyad par can zhes bya ba la sogs pa las/ khyad par can gyi bde chags las/ /rgyu de'i phyir zhes bya ba 'chad par 'gyur ba dang sbyar ro//srog la sogs pa'i sgras ni stobs dang kha dog la sogs pa gzung ngo / /srog la sogs pa dang bde ba'i longs spyod shin tu khyad par can ni zlas dbye ba'o/ /de dag de las thob par 'gyur ba de ltar na zhes bya ba ni srog dang rjes su 'brel pa can gyi bde ba sgrub par byed pa la sogs/ de las gzhan pa'i bde ba sgrub par byed pa 'byung ba'i ngang tshul can ni/ khyad par bde la sred pa yis/ /zhes bya ba ni phal cher sdug bsngal sgrub par byed pa de las shin tu gzhan pa'i de lta bur gyur pa yang de yin la/ bde ba sgrub par byed pa yang de yin pas na de las gzhan pa'i bde ba sgrub par byed pa'o//de las 'byung ba'i ngang tshul gang la yod pa de la de skad ces bya'o/ /de nas khyad par bde ba'i sgra dang las 'dzin pa bya ste/ de la sred pa des so/ /de las gzhan pa'i 'tsho ba rten med pa'i phyir zhes bya ba ni dug dang bcas pa'i zas las 'tsho ba'i rgyu gzhan med pa'i phyir ro zhes bya ba'i don to//chu bsil mo 'thung ba'am zhes bya ba 'jug par 'gyur te zhes bya ba dang sbyar ro/ /bkres pa'i sdug bsngal gyis zhes bya ba ni dpe gnyis pa'o/ /ci ste mya ngan las 'das pa'i gnas skabs na bde ba dang sdug bsngal thams cad nyams su myong ba'i rten gyi ngo bo dang bral ba nyid yin pa de bas na/de la bde ba'i srid pa yod pa ma yin na/ de ji ltar don du gnyer bar byed ces 'dod pa de'i phyir longs spyod la sogs pa'i rten thams cad zhes bya ba la sogs pa smos so/ /med par khyad par med pa'i phyir zhes bya ba ni 'di ltar gal te bde ba dang sdug bsngal la sogs pa bdag gi yon tan gyi rten bdag gi rang gi ngo bo de las nyams pa de bas na ngo bo med pa nyid du 'gyur te/rang gi ngo bo khas mi len pa'i phyir dang / ngo bo gzhan skye ba med pa'i phyir ro/ /ngo bo gzhan skye na ni bdag nyid mi rtag pa nyid du 'gyur ro zhes bya bar dgongs so/ / chags pa yis ni ji ltar 'dod/ /chags pa byed pa po nyid du'o/ /myong dang tha snyad yon tan dag /kun gyi rten ni ldog pa can/ /zhes bya ba ni mdo yin no/ /nyams su myong ba dang tha snyad dang / yon tan dag ces bya ba ni zlas dbye ba'o/ /de nas kun gyi sgra dang zlas dbye ba bya'o/ /de dag gi rten ni dngos po gtso bo yin te/gang la nyams su myong ba dang / tha snyad dang yon tan gyi rten nyid ldog pa yod pa zhes bya bar tshig rnam par sbyar ro/ /de nyid ni nyams su myong ba thams cad kyi rten ldog pa can dang zhes bya ba la sogs pas tha dad pa'i sgo nas 'chad par byed do/ /de ltar rang bzhin med pa las te ri bong gi rwa la sogs pa las zhes bya ba'i don to//rang bzhin gyi gtan tshigs so zhes bya ba ni bdag med pa nyid ni nyams su myong ba dang tha snyad dang yon tan thams cad kyi rten ldog pa can gyi bdag nyid tsam dang rjes su 'brel pa can nyid yin pa'i phyir ro/ /de ltar na don byed par nus pa'i mtshan nyid can ni yod pa nyid yin te/re zhig 'di lta ste/ nyams su myong ba skyed par byed pa'i don gyi bya ba 'di ni tha ma yin no/ /de las kyang de ldog pa yin na ji ltar na rang bzhin med par mi 'gyur zhing / nyams su myong ba dang tha snyad dang yon tan thams cad kyi rten ldog pa can du 'dod pa la thams cad med par 'dod pas khyab pa yin te/de yang med pa de ltar na khyab par byed pa mi dmigs pa'o/ /gang zhig gang yod na yang mi 'gyur ba zhes bya ba la sogs pa'i sbyor ba la gang yod na mi 'gyur ba zhes bya ba 'di la gags byed par nus pa nyid ces bya ba'i khyad par blta bar bya'o//de lta ma yin na sbyang na gnas pa'i sa bon yod na myu gu 'byung ba ma yin no/ /de ltar na de'i rgyu mtshan can zhes bya ba 'khrul par 'gyur ro/ /yang na khyad par du byas pa la dogs pa cung zad kyang yod pa ma yin te/ 'di ltar sbyang na gnas pa'i sa bon gyi rgyu mtshan can du myu gu mi 'gyur ba nyid yin te/de ni skad cig ma gzhan la rag lus pa'i skye ba can nyid yin pa'i phyir ro/ /rgyu'i rgyu nyid yin pa'i phyir nye bar btags nas de la rgyur tha snyad du byas pa yin pa de ltar na skyon yod pa ma yin no/ /de'i rgyu mtshan can nyid la de yod na yod par khyab pa yin la de dang 'gal bar yang med pa nyid yin pa de ltar na khyab par byed pa 'gal ba dmigs pa'o//de yang ldog pa med pa nyid yin pa zhes bya ba ni bdag tu chags pa'o/ /de las lhag pa'i 'bras bu'i khyad par grub pa med pa nyid kyi phyir ro zhes bya ba ni grub pas na grub pa ste/mngon sum gyi 'jug pa de las lhag pa'i 'bras bu'i khyad par grub pa med pa'i phyir ro/ /mngon sum gyi 'jug pa nyid bsgoms pa la sogs pa'i 'bras bu yin no zhes bya ba'i don to/ /de yod na yang zhes bya ba la sogs pa la so so'i skye bo'i gnas skabs na/ sdug bsngal mngon sum du byas pa yod na/yang 'dod chags dang bral ba mi 'byung ba ni'o/ /de sngar yang ni zhes bya ba ni 'dod chags dang bral ba ma yin pa'i gnas skabs na'o/ /de la 'dod chags dang bral ba thob pa'i rgyu ni de la chags pa med pa nyid yin la/ de dang 'gal ba ni chags pa dang ldan pa yin la/de ltar na rgyu 'gal ba dmigs pa'o/ /gtan tshigs ma nges pa'am zhes bya ba ni bdag tu chags pa dang bral ba la yod na yang skyon mthong ba'i yul la 'dod chags dang bral ba dmigs pa'i phyir ro/ /ci ste ma nges pa'i skyon bsal bar bya ba'i phyir skyon ma mthong ba yod na bdag tu chags pa dang ldan pa'i zhes bya ba khyad par dang bcas pa'i gtan tshigs la brten pa yin pa de bas na ma grub pa nyid yin no zhes smos te/thar pa'i gnas skabs na dor bar bya ba'i dngos bo la skyon du ma mthong ba nyid ma grub pa'i phyir ro/ /yul gzhan la 'byung ba can gyi 'dod chags kyi lhag ma ni zhes bya ba ni bud med gang la 'dod chags dang ma bral ba de la 'byung ba can gyi'o//bud med de la yang zhes bya ba ni gang la rnam pa 'ga' zhig gi 'dod chags dang bral ba'o/ /de nyid ni de ltar na zhes bya ba la sogs pa smos so/ /gang la bdag tu chags pa la sogs pa 'byung ba'i ngang tshul can de'i skyon yod pa zhes bya ba ni bdag tu chags pa la sogs pa la 'byung ba'i ngang tshul can gyi skyon gang yin pa'i skyon de nyid ni sdug bsngal gyi rgyu nyid yin no//chags pa de ni bdag yod na yang ngo / /bdag gi chags pa'i rgyu bdag gi blo la zhes bya ba ni gzhi mthun pa'i drug pa'o//de bas na nye bar zhi ba la de'i rgyu la gnod par byed pas khyab pa yin la/ de 'di la med pa de ltar na khyab par byed pa mi dmigs pa'o/ /ma grub pa yang rigs pa ma yin no zhes bya ba ni bdag gir chags pa'i rgyu yon tan du lta ba'i gnod par byed pa sdug bsngal bsgom pa yin pa de bas na bdag gir chags pa'i rgyu'i gnod par byed pa nyid skyon mthong ba yin pa de ltar na/bdag bshad ma thag pa'i gtan tshigs ma grub par dogs pa gang yin pa de rigs pa ma yin no zhes bya ba'i don to/ /bdag gi nyid yod na'ang / 'das sogs la ni zhes bya ba ni gang gi tshe sngar bdag gi nyid yod na yang 'das pa la sogs par 'gyur te/de la med pa ni bdag tu chags pa dang bral ba nyid kyi phyir zhes bya ba'i don to/ /de ni gang gi tshe bdag gi'i yang zhes bya ba la sogs pas 'chad par byed do/ /de la yon tan du mthong bas byas pa nyid la skyon dang ldan du zin kyang skyon med par mthong bas khyab pa yin la de dang 'gal ba yang skyon mthong ba nyid yin pa de ltar na/sbyor ba gnyis pas yang khyab par byed pa 'gal ba dmigs pa yin no/ /de ltar ni 'gyur mod kyi bdag gir chags pa'i zhes bya ba la sogs pas gzhan gyi bsam pa'i dogs pa bsu ba yin no//gtan tshigs ma grub pa yin no zhe na zhes bya ba ni dbang po la sogs pa yul la chags pa'i rgyu bdag gi blo la sdug bsngal bsgom pa gnod par byed pa yin pa de ltar na/ gtan tshigs su bshad pa de ma grub pa yin te/ sdug bsngal bsgom pa bdag gi blo la gnod par byed pa yin no zhes bshad ma thag pa'i tshul gyis so//gtan tshigs gang dag gis zhes bya ba ni/ byis stsogs la yang yod phyir dang / /skyon ldan pa yang yod phyir ro/ /zhes bya ba la sogs pa dag gis so/ /yon tan mthong ba'i rgyu can ma yin pa de'i phyir zhes bya ba ni gang la yon tan mthong ba'i rgyu yod pa zhes bya ba ni 'bru mang po pa'o//gang zhig gis gang gi rgyu la gnod pa byed pa ma yin pa zhes bya ba la sogs ba'i sbyor ba 'dir yang brjod par bya ste zhes bya ba ni/ gang zhig gang gi rgyu la gnod par byed pa ma yin pa de ni de las de nye bar zhi ba ma yin te/ dper na bad kan gyi nad kyi gzhi la gnod pa byed pa ma yin pa mngar zhing bsil la snum pa la sogs pa bad kan gyi nad rab tu zhi ba ma yin pa lta bu'o//sdug bsngal bsgom pa yang dbang po la sogs pa'i yul la chags pa'i rgyu bdag gi blo la gnod pa byed pa ma yin no zhes bya ba'o/ /ma grub pa yang ma yin no zhes bya ba ni 'di ltar bdag gi blo yon tan mthong ba'i rgyu can ma yin gyi/'on kyang bdag tu chags pa'i rgyu can yin la/ de la sdug bsngal bsgom pa gnod pa byed pa ma yin pa de ltar na ma grub pa yang ma yin no/ /mchog kyang de yin la gzhan yang yin pa zhes bya ba ni khyad par gyi bsdu ba'i khyad par du 'phags pa'i yin pa'i phyir mchog yin no//cig shos nyid yin pa'i phyir gzhan yin te/ cig shos khyad par du 'phags pa don du gnyer ba'i phyir zhes bya ba'i don to/ /de nyid ni gang gi phyir zhes bya ba la sogs pas 'chad par byed do/ /gzhan dang gzhan zhes bya ba ni sngar rnyed pa de las gzhan no//gal te nga'i bdag lha la sogs par gyur cig ces/ bdag gzhan don du gnyer ba yang yod pa yin no zhe na/ gang gi tshe yang nga'i bdag 'di lta bur gyur cig ces bya ba la sogs pa smos so/ /dper na lha sbyin ji skad du bshad pa'i rim pa zhes bya ba ni bdag las ba lang la sogs pa tha dad pa'i blo'i rgyu mtshan nyid kyis zhes bya ba'i don to//dpe 'di nyid kyis bsgrub par bya ba'i chos kyi rjes su 'gro ba bstan to/ /med pa can ma yin te zhes bya ba ni rtag tu thag nye ba nyid do/ /de yang zhe sdang yin te zhes bya ba ni yid mi bde bas byas pa'i khro ba ni zhe sdang ngo //gal te zhe sdang dang mtshungs par ldan pa'i yid mi bde ba tsam gyi yid byung ba de ji ltar na zhe sdang yin par 'gyur zhe na/ zhe sdang dang bral ba'i yid mi bde ba med pa'i phyir ro/ /yid mi bde ba rang gi yul la skye bar 'gyur ba na yongs su dor ba la ltos nas skye bar 'gyur zhing /yongs su spong ba'i rnam pa can yang zhe sdang yin no/ /lung la yang don 'di mthong ngo zhes bstan pa'i phyir/ dper na 'phags pa gnas brtan pa'i zhes bya ba la sogs pa smos to de nyid kyi phyir/ phyir mi 'ong ba dang dgra bcom pa la yid mi bde ba mi 'dod do//de dag gi lung gi khyad par gang la yang dgra bcom pa dag kyang yi rangs te zhes 'don pa de la yang yi rang ba las sdug bsngal la dmigs pa'i sems kyi 'jug pa yi rang ba med pa gzhan yin gyi/ yid mi bde ba ma yin zhes de dag gis khas blangs pa yin no/ / skyo ba dang skyo ba med pa'i mtshan nyid can nyid yin pa'i phyir ro zhes bya ba ni 'dod chags dang bral ba la zhe sdang dang rjes su chags pa med pa'i rang bzhin can nyid yin pa'i phyir ro zhes bya ba'i don to/ /gal te 'o na de bas na zhe sdang dang mtshungs par ldan pa yid mi bde ba nyid yin pa de bas na/mi dge ba nyid yin pa'i phyir de bsten par bya ba nyid du bstan par bya ba ma yin no/ /bcom ldan 'das kyis kyang dge slong dag yid 'byung ba'i phyir zhes bya ba la sogs pa bstan pa de ci ltar 'thad pa yin zhe na/ bcom ldan 'das kyis yid mi bde ba de 'dra ba zhes bya ba la sogs pa smos pa la/ dge ba'i chos skyed par byed pa nyid yin pa'i phyir zhes bya ba ni/ de las yid 'byung bas nges par de'i gnyen po'i phyogs kyi dge ba'i chos bstan pa'i phyir ro/ /gang gi tshe yang de 'jug pa'i rgyu dang 'gal ba'i rkyen zhes bya ba la sogs pa la/ sdug bsngal de'i 'jug pa'i rgyu gang yin pa de dang 'gal ba bde ba'i rgyu de nye bas zhes bya ba'i don to//bdag gi dngos po zhes bya ba nye bar len pa'i phung po'i tshogs sred pa las zhes bya ba ni gzhi mthun pa'i bdun pa'o/ /tsan+dan dang ste'u dag dang 'dra bar zhes bya ba la 'dra ba'i sgra ni mtshungs pa'i rnam grangs yin no/ /de nyid kyi phyir tsan+dan dang ste'u dag dang 'dra ba zhes bya ba smos so//de nyid ni de la skyas bu gcig sems dang ba can gyis zhes bya ba la sogs pas gsal bar byed do/ /de bzhin du tsan+dan dang ste'u dag la yin te zhes bya ba ni zhe sdang dang mngon par chags pa ma yin no zhes bya bar sbyar ro/ /ji ltar skyes bu byed pa po la rjes su chags pa dang khong khro ba med pa de ltar tsan+dan dang ste'u byed par gyur pa la yang ngo zhes bya ba'i don to//gal te sdug bsngal bsgom bas zhes bya ba la sogs pa la/ 'di ltar gzhung 'dis ni yon tan mthong ba las 'jug par brjod cing yang yon tan ma mthong bas spong ba brjod pa de bas na/rang nyid sdug bsngal bsgom pas 'dod pa spong ba'i thabs bstan par 'gyur ro/ /de dang mtshungs par ldan pa ni sems dang sems las byung ba'i tshogs so/ /de dang 'brel pa las ni sdug bsngal gyi nyams su myong ba'i 'gyur ba'i yul lo/ /rtog par 'gyur ro zhes bya ba mngon sum du byed pa'o//nga'i zhes bya ba ni bdag tha dad pa ste/ bdag gi rten du gyur to zhes bya ba'i don to/ /'di ni nga'i nga'o zhes bya ba ni bdag tha dad pa med par rtog pa'o/ /'di ni bdag go zhes bya ba ni gcig tu tha dad pa nyid yin mod kyi/ 'on kyang blo'i dbang po la sogs pa rnams kyi rten du gyur ba yin no//de ltar mi rtag pa dang sdug bsngal ba dag la gnas par 'gyur ro zhes bya ba la 'gyur bar ni 'dod mod kyi gdul bya'i khyad par gyis thabs mang po bstan par bya ba'i phyir rnam pa gzhan bstan pa yin no zhe na/ de ltar ni 'gyur mod kyi bdag med pa nyid mthong ba dang 'dra ba mi rtag pa la sogs pa mthong ba yang nyon mongs pa'i rgyu 'jig tshogs su lta ba dang /dngos su 'gal bar 'gyur na 'gal ba yang ma yin no/ /bya dang longs spyod bdag gi mtshan nyid can gyi'o zhes bya ba ni bya ba dang longs spyod kyi rten nyid yin pa bas na bya ba dang longs spyod kyi sgra dag gis bshad do/ /bya ba dang longs spyod kyi bdag nyid can gyi bdag gi rang gi ngo bo de dang 'gal ba yang bya ba dang longs spyod dang bral ba nyid yin pa de ltar na rang bzhin 'gal ba dmigs pa'o//yang na zhes bya ba ni sbyor ba gnyis pa ste/ 'di las byas ba'i 'bras bu longs mi spyod pa zhes brjod kyi/ rang gis byas pa'i zhes bya ba ma yin pa de ltar ni khyad par ni de yod do/ /de yang rgyas par bstan zin to zhes bya ba ni le'u dang por lung tshad ma ma yin par ro/ /sa dang chu'i chos yin gyi zhes bya ba la lci ba ni sa dang chu'i rdzas kyi chos yin gyi'o/ /lus dang ldan pa la la yang zhes bya ba ni me lce la sogs pa'o//gal te sdig pa lci ba'i mtshan nyid yin pa de'i tshe/ phyi rol gyi lci ba la yang 'gyur na yod pa ma yin no/ /de nyid ni tshwa la sogs pa'i bdag nyid rang bzhin nyid kyis lci ba zhes bya ba la sogs pa smos so/ /mig la sogs pa lnga dang yid ni skye mched de drug go//'byung ba dang 'byung ba las gyur pa dang sems las byung ba dang ni ci rigs de dang lhan cig 'byung ba'o/ /log par shes dang de las byung ba ni/ /log shes dang ni de las byung / /sred dang ngo / /de dag dang mtshungs par ldan pa'i sems pa de'i dbang gis so/ /de nyid ni sdug bsngal la phyin ci log pa'i blo dang zhes bya ba la sogs pas 'chad par byed do//de yang bstan zin to zhes bya ba ni/ sdug bsngal phyin ci log blo dang / /sred pa kun nas 'ching ba'i rgyu/ /gang gi skye ba zhes bya ba la sogs pas so/ /de'i phyir de bcad skye mi 'gyur/ /'khor bar skye bar mi 'gyur ro//bshad ma thag pa'i sems de gcod par byed pas na/ de bcad pa'i sems pa'i mtshan nyid can gyi las snga ma snga ma mngon par 'dus byas pa las zhes bya ba ni khyad par can gyi nus pa dang ldan pa'i skad cig ma phyi ma phyi ma skyed pa las zhes bya ba'i don to/ /de nyid ni phyi ma phyi ma zhes bya bas 'chad par byed do//tha ma'i zhes bya ba ni thams cad kyi phyi ma'o/ /nus pa ni gags byed pa med pa can no/ /gang de ma thag tu skye ba'o/ /ci rigs par rten yin te zhes bya ba ni/ byed pa ni rtogs pa'i rten yin zhing gnas gzhan thob pa gzugs la sogs pa'i 'bras bu rten yin no/ / rtogs pa dang mngon par 'dod pa'i gnas skabs su phyin pa sgrub par byed pa zhes bya ba ni rtogs pa dang mngon par 'dod pa'i gnas su phyin pa dag gis sgrub par byed pa ni zhes bya ba'i don to/ /dge ba dang mi dge ba nyi shu'i zhes bya ba ni dge ba dang mi dge ba re re la rnam pa bcu yin te tha dad pa'i phyir ro//de'i 'jug pas bskyed pa'i 'du byed ces bya ba ni bdag gi yon tan no/ /gtan tshigs ma grub pa yin no zhes bya ba ni skyes bu dbang dang ldan pa la yang skye ba'i rgyu tshang ba yod pa yin zhes bya ba 'di'o/ /gang 'bras bu dang byed pa'i tshogs pa dang bral ba can zhes bya ba ni gang la 'bras bu dang byed pa'i tshogs pa dang bral ba yod pa zhes tshig rnam par sbyar ro//skyes bu sngar dbang bskur ba phyis shi ba ni skyes bu dbang bskur ba phyis shi ba'o/ /yul gzhan las mngon par 'dod pa'i zhes bya ba la sogs pas lan 'debs par byed do/ /bdag gi yon tan la sogs pa'i khyad par la zhes bya ba ni bdag gi yon tan ma mthong ba'i'o//sogs pa'i sgra ni 'bras bu dang byed pa'i tshogs pa'i rang bzhin gang yin pa'i khyad par la ste/ dbang bskur gyis yang srid pa skyed pa'i nus pa ma bcom pa de la ltos nas zhes bya bar sbyar ro/ /ma nges pa yin no zhe na zhes bya ba ni sems pa gnyis dang mtshungs par ldan pa'i blo yod na yang ji skad du bshad pa'i lhan cig byed pa dang bral na yul gzhan du phyin par mi 'gyur ba'i phyir ro//byed pa la sogs pa'i rang bzhin la gnod pa med pa'i phyir zhes bya ba la sogs pa la/ gal te rang bzhin la gnod pa med pa nyid la ltos nas blo las byed pa la sogs pa 'phen par byed pa de'i tshe dbang bskur ba'i blo gang yin pa de khyed kyi gzhung gis byed pa rnams kyi rang bzhin la gnod pa med pa'i phyir blo de las sems kyi dbang gis byed pa la sogs pa 'phen pa la sogs par mi 'gyur ro zhes bya ba ni bsdu ba'i don yin no//blo'i khyad par dang ji ltar 'jug pa bzhin du byed pa'i rgyu yod na zhes bya ba blo'i khyad par 'dod pa dang ldan pa dang / ji ltar 'jug pa bzhin du byed pa'i rgyun yod na zhes bya ba ni zlas dbye ba'o/ /byed pa 'phen pa'i blo la zhes bya ba ni byed pa 'phen pa yang de yin la blo yang yin no zhes bya ba ni khyad par gyi bsdu ba'o//srid pa de ma 'ongs pa'i skye ba la byed pa rnams 'phen par byed pa ni blo yin no/ /dri ma rnams kyis blo mtshams sbyor bar byed cing skyed par byed ces bya bar sbyar ro/ /dbang bskur ba dri ma rnams la zhes bya ba la sogs pa rnams ni gzhan gyi yin te/dbang bskur ba dri ma rnams la gnod pa byed pa ma yin no zhes bya ba gang las yin/ bshad pa 'ga' zhig gi tshe zhes bya ba la sogs pa ni grub pa'i mtha' smra ba'i'o/ /gnyen po'i phyogs 'phel na 'grib pa dang rang gi phyogs 'phel ba na phul du byung ba yin no zhes bya bar sbyar ro//gnyen po'i phyogs bdag med pa zhes bya ba la sogs pa de'i bshad pa yin no/ /bud shing sngon du song ba can gyi me'i khyad par zhes bya ba ni bud shing sngon du song ba can gyi me'i khyad par 'phel ba na zhes bya ba'i don to/ /de bas na dus sngar byung ba can gyi dri ma rnams kyis zhes bya ba la sogs pa mjug sdud par byed do//byed pa 'phen par byed pa yang de nyid yin la blo yang yin pas zhes bya ba ni khyad par gyi bsdu ba'o/ /byed dang mi byed dus dag tu/ /bdag nyid dag ni 'dra ba dang / /zhes bya ba ni mdo yin no/ /'bras bu byed pa'i dus dang 'bras bu mi byed pa'i dus dag tu bdag nyid mtshungs pa yin no zhes bya ba'i don to//de nyid ni 'bras bu mngon par 'dod pa dang zhes bya ba la sogs pa smos te/ mngon par 'dod pa dang mngon par 'dod pa ma yin pa ni go rims bzhin du 'bras bu byed pa dang mi byed pa'i dus dag yin no/ /de bas na byed pa zhes bya ba ni mngon par 'dod pa'i don gyi 'bras bu byed pa'i dus yin la/mi byed pa zhes bya ba ni mngon par 'dod pa'i don gyi 'bras bu mi byed pa'i dus la zhes bya ba yin no/ /de'i 'bras bu yang zhes bya ba ni byed pa'i 'bras bu yin pa de bas na bdag las gzhan pa zhes bya ba'i don to//byed pa po mi 'dod pa gang yin pa des kyang zhes bya ba ni grangs can pa de skyes bu btang snyoms su byed pa 'dod do/ /skyes bu'i 'dod pa nyid las zhes bya ba ni skyes bu'i sred pas so/ /rang bzhin zhes bya ba ni gtso bo'o/ /de bas na sbyor ba gnyis pa tshad mar 'gyur ba gang yin pa de la gtan tshigs ma grub pa'am grub pa la sgrub pa ma yin no//yul longs spyod pa ni sems pa can no/ /rang bzhin 'gal ba dmigs pa ni rgyu dang 'bras bu dag phan tshun spangs te gnas pa'i mtshan nyid can yin pa'i phyir ro/ /de lta ma yin na rgyu dang 'bras bu'i dngos por mi 'gyur ro/ /gzhan gyi nyams su myong ba gzhan gyis dran pa'am zhes bya ba ni skad cig mar smra ba dag ni bdag mi 'dod pas de thob pa yin na de yang rigs pa ma yin te thal ches pa'i phyir ro//des 'ga' 'ang dran pa med phyir ro/ /zhes bya ba ni dran pa po rang dbang can gyi dran pa kho bo cag mi 'dod do zhes bya ba'i don to/ / phyis kyang nyams su myong ba la sogs pas de 'chad par byed do/ /nyams su myong las dran pa 'byung / /zhes bya ba 'dis ni skad cig ma nyid yin na yang rgyud gcig la nye bar len pa dang nye bar len pa can gyi dngos po gang yin pa de la dran pa skye bar 'gyur gyi rgyud gzhan la ni ma yin no zhes bstan pa yin no//gal te byed pa po rang dbang can yod pa ma yin na/ 'o na ci la ltos nas dran pa nyid ces bya ba'i dngos po rkyen yin/ yod pa ni yod par byed pa med par rigs so zhe na/ de'i phyir 'dir dngos po'i rkyen yin na yang zhes bya ba la sogs pa smos so/ /rnam pa 'ga' zhig la sgro btags pa zhes bya ba ni dran pa nyams su myong ba'i dngos po'i rnam par skyes pas bya ba dang bcas pa'i shes pa la brten nas byed pa po nyid du sgro btags pa dang yul rtogs pa'i ngo bo nyid yin pa'i phyir/sgro btags pa nyid yin pa de bas na dngos po'i rkyen yin no zhes bya ba'i don to//kun rdzob la zhes bya ba ni phyin ci log gi rnam pa can gyi blo la'o/ /tshad ma dang 'gal ba'i phyir ro zhes bya ba ni sgro 'dogs par byed pa'i blos rnam par gzhag pa ni ci rigs par mngon sum dang rjes su dpag pa dang 'gal ba'i phyir ro/ /de ltar na dngos po gcig la yang ci ltar brda ji lta ba bzhin du phan tshun 'gal ba'i tha snyad mthong ba yin no//de'i dbang gis dngos po gcig du ma nyid ma yin te bdag med pa nyid du thal ba'i phyir ro/ /de yang gzhan dag tu bshad zin pa nyid yin pa de ltar na 'dir ma smos so/ /gnyen po'i phyogs nyid yin par bya ba ni bdag med pa nyid kyi lam gnyen po'i phyogs nyid yin par ro//ji ltar de sdug bsngal gyi rgyu'i gnyen po'i phyogs nyid yin pa zhes bya ba ni bdag med pa'i lam nyid do/ /de yang ma rig pa las byung ba'am/ ma rig pa'i khyad par yin grang na zhes bya ba ni gang gi tshe 'jig tshogs su lta ba ma rig pa nyid yin pa de'i tshe ma rig pa las byung ba'o//gang gi tshe log pa'i shes pa tsam yin pa de'i ma rig pa'i khyad par yin no/ /rnam pa gnyi ga ltar yang bdag med pa nyid mthong ba tsam ni srid pa dang 'gal ba yin no zhes bya bar sbyar ro/ /bdag med pa nyid mthong ba ci 'dra ba zhig ce na/ma rig pa dang 'gal ba'i zhes bya ba smos so/ /'gal ba de yang zhes bya ba ni ma rig pa dang bdag med pa nyid mthong ba 'gal ba'o/ /dmigs pa'i rnam par phyin ci log pa'i sgo nas yin no zhes bya ba ni ma rig pa'i dmigs pa'i rnam pa 'dzin pa'i rnam pa'o/ / de las phyin ci log pa'i sgo nas yin no/ /bdag med pa nyid mthong ba'i dmigs pa'i rnam pa phyin ci log pa nyid bstan par bya ba'i phyir/ re zhig ma rig pa nyid kyi rnam pa ni ma rig pa des kyang zhes bya ba la sogs pa ston par byed do/ /sdug bsngal la zhes bya ba ni sdug bsngal gyi bden pa la rtag pa zhes bya ba'i rnam par 'dzin par byed pa'o//'dis ni mi rtag pa las log par sgro btags nas bshad pa yin no zhes bya ba ni rtag pa ni mi rtag pa las bzlog pa nyid yin pa'i phyir ro/ /mi rtag pa las bzlog pas rtag pa smos pa nyid gsal bar mdos bzung bar 'os pa ma yin nam/ci'i phyir bstan pa smos pa byas she na/ bzlog pas rtag pa zhes brjod par bya ba la sogs pa smos te/ 'di skad du bstan par byed de/ ther zug tu gnas pa'i rtag pa gang yin pa dang / skad cig ma gnyis pa la sogs par gnas pa'i ngang tshul can dus gzhan du gnas pa can gang yin pa de thams cad ni 'dir rtag par 'dod pa yin gyi/ther zug tu gnas pa nyid ni ma yin no zhes de bstan par 'gyur ro/ /mdo mdzad pas rtag pa'i don las brtan pa smos pas bstan pa yin no/ /de ltar na ji ltar rnam pa gnyi ga la yang brtan pa zhes brjod pa de ltar rtag pa la yang yin no//de bas na skad cig ma ma yin par smra ba gang yin pa de dag kyang rtag par sgro 'dogs nas 'jug pa nyid yin no/ /bde dang zhes bya ba ni zag pa dang bcas pa ma yin pa'am zhes bya ba la sogs pa la sdug bsngal gyi rnam pa las phyin ci log pas bde ba'i rnam pa'o//zag pa dang bcas pa nyid kyi sdug bsngal yin te/ nye bar len pa'i phung po lnga ni sdug bsngal yin no zhes bya ba dang rgyu'i gzhan gyi dbang gis gzhan dbang thams cad sdug bsngal yin no zhes gsungs pa gang yin pa'o/ /de bas na de las bzlog pa'i zag pa dang bcas pa ma yin pa'am/rgyu'i gzhan gyi dbang las phyin ci log pa ni bde ba'i rnam pa yin no/ /sogs pa smos pas ni zhes bya ba ni bden pa bzhi la brtan pa dang / bde ba dang nga dang nga'i zhes sogs zhes bya ba 'dis so/ /de bzhin du 'gog pa dang lam gyi bden pa dag la yang zhes bya ba la sogs pa la 'gog pa ma yin pa dang /zhi ba ma yin pa dang / gya nom pa ma yin pa dang / nges par 'byung ba ma yin pa'i rnam par sgro 'dogs pa'o/ /lam gyi lam ma yin pa dang / rigs pa ma yin pa dang / sgrub pa ma yin pa dang / nges par 'byin pa ma yin pa'i rnam par sgro 'dogs pa'o//de las byung ba dang de'i rang bzhin can gyi zhes bya ba ni ma rig pa las byung ba dang / ma rig pa'i rang bzhin can zhes bya ba'i don to/ /sgro btags nas ni yongs su sred/ /ces bya ba'i tshig gis log par sgro 'dogs pa sngon du song ba can gyi sred pa nyid gsal bar bstan pa yin no//sgro btags pa'i yul la 'jug pa'i sred pa de yang sgro 'dogs pa'i rnam pa nyid yin la/ sgro 'dogs pa'i rnam pa can gyi yul can gyi nyon mongs pa dang nye ba'i nyon mongs pa thams cad nyid ma rig pa nyid yin pa de ltar na de'i rang bzhin can nyid kyang bstan pa nyid yin no//sred pa yang don gyi 'gal ba nyid yin no zhes bya ba ni sred pa'i rgyu bdag tu lta ba dang / lam dngos su 'gal ba'i phyir ro/ /'bras bur gyur pa'i sred pa dang yang don dam par 'gal bar bstan to zhes bya ba'i don to/ /sdug bsngal gyi rgyu'i rang bzhin las phyin ci log pa yin pa'i phyir zhes bya ba ni ma rig pa dang sred pa ni sdug bsngal gyi rgyu nyid yin te phyin ci log pa'i rang bzhin can zhes bya ba'i don to//gnyen po'i phyogs ni med phyir dang / /zhes mdo mdzad pas bshad pa de ci ltar rung ste/ 'di ltar bdag med pa nyid kyi lam gyis nyon mongs pa spangs pa'i sgo nas/ma 'ongs pa'i las dang lus zad par byed pa'i rgyu tshad mas grub pa nyid yin no zhe na/ de'i phyir de de ltar na/ gnyen po'i phyogs ni med phyir dang / /zhes bya ba 'dis rtogs par mi nus pa nyid kyi phyir ro zhes bya ba khong nas dbyung bar bya ba yin pas na zhes bya ba smos so//'di skad du bstan par 'gyur te/ gnyen po'i phyogs ni med phyir ro/ /zhes bya ba'i mdo 'dis rtogs par mi nus pa nyid kyi phyir ro zhes bya ba'i ngag khong nas dbyung bar bya'o/ /des na ngag gi don ni bdag tu lta ba'i zhen pa 'dis nyon mongs pa zad pa'i thabs bor nas/ las dang lus zad pa tsam las grol bar smra bas gnyen po'i phyogs rtogs pa med pa'i phyir te/ mi nus pa nyid kyi phyir ro zhes bya ba 'di yin no/ /de bas na rtogs pa nyid med par bshad pa yin gyi gnyen po'i phyogs ni ma yin no/ /gang zhig rtog pa sngon du gtong ba can yin yang de'i rang bzhin mi shes pa can yin pa de ni zhes bya ba'i yang gi sgras ni ma lus pa gnyi ga yang gtan tshigs nyid du bstan te/gal te rtog pa sngon du gtong ba can yang yin zhing de'i rang bzhin mi shes pa can du yang 'gyur ba yin no/ /gang gis spang bar bya ba'i rang bzhin mi shes pa de ni de'i rang bzhin mi shes pa can no//don de rtogs par nus pa ma yin te zhes bya ba ni gang la nges pa med par 'jug pa yod na don med pa la the tshom za ba yin no zhes bya ba khong nas dbyung bar bya'o/ /de nyid kyi phyir dug ma yin pa nyid du ma brtags par zhes bya ba ni de lta bur gyur pa'i dpe nyid bstan pa yin no//de ltar na gang la don med pa'i the tshom za ba med cing don la the tshom za ba yod pa de la rtog pa dang ldan pa yang 'jug par bya ba nyid yin te/ de lta bur gyur pa la 'jug par byed pa ni rtog pa dang ldan pa ma yin pa ma yin no zhes bshad zin to/ /rtog pa sngon du gtong ba can ni ji skad du bshad pa'i yul la 'jug pa de'i rang bzhin shes pa can nyid kyis khyab la/de dang 'gal ba yang de'i rang bzhin mi shes pa can yin pa de ltar na khyab par byed pa 'gal ba dmigs pa'o/ /lus can shes rab ldan pa zhes bya bar sbyar ro/ /'ga' zhig kyang zhes bya ba ni nam mkha'i gos can 'phel byed la sogs pa'o//las byas pa dengs par gyur pa ni zad pa'o/ /'bras bu sna tshogs mthong ba'i phyir/ /zhes bya ba la sogs pa de'i rnam par 'grel pa bor nas rang gi sde pa 'ga' zhig gis nam mkha'i gos can la lan bshad pa gang yin pa de nye bar bkod nas re zhig 'grel pa byed pa bdag nyid kyis/de la 'dir kha cig ni gdung ba rtsom pa la zhes bya ba la sogs pa smos te/ gdung ba rtsom pa las te lus gdung ba la sogs pa'i mtshan nyid can las mi 'dod pa nyams su myong ba gang yin pa de ni sngon byas pa'i las kyi 'bras bu ma yin pa de bas na/gang las de'i 'bras bu longs spyod pa zhes bya ba gdung bas bskyed pa mi 'dod pa nyams su myong ba'i mtshan nyid can gyi 'bras bu de longs spyod pa las sam/ las de'i 'bras bu longs spyod pa las zad pa yin no/ /gal te rgyu gang gis de'i gdung ba rtsom pa las skyes pa'i sdug bsngal sngon gyi las kyis byas pa ma yin no zhe na/'dod pa'i dbang gis 'jug pa yin pa'i phyir ro zhes bya ba smos te/ 'dod pa'i dbang gis 'jug pa gang yin pa de ni las kyi rnam par smin pa ma yin te/ dper na dge ba'i las lta bu'o/ /de ltar na de dang de 'dod pa ma yin no zhes bya ba la sogs pa 'gog par byed do//skyes bu byed pa'i lhan cig byed pa la ltos pa ma yin zhes bya ba ni skra 'bal ba la sogs pa'i byed pa la ltos pa'o/ /skye mched lnga yi rkyen can gyi/ /zhes bya ba ni gzugs la sogs pa lnga'i dmigs pa can no/ /de bas na gtan tshigs 'di ma nges pa yin no zhes bya ba ni/'dod pa'i dbang gis 'jug pa yin pa'i phyir ro zhes bya ba'i gtan tshigs 'di ma nges pa yin no zhes bya ba'i don to/ /de ni/ /'bras bu sna tshogs mthong ba'i phyir/ /zhes bya ba la sogs pa ni tshigs su bcad pa longs spyod chen po dang zhes bya ba la sogs pas 'chad par byed pa la/longs spyod chen po nyid dang nad med pa dang yan lag dang nying lag la sogs pa tshang ba ni las dge ba gcig gi 'bras bu sna tshogs pa'o/ /nad dang dbul phongs pa dang yan lag dang nying lag la sogs pa ma tshang ba ni las mi dge ba gcig gi yang sna tshogs pa'i 'bras bu yin no//kun nas nyon mongs pa'i 'bras bu sna tshogs pa can gyi zhes bya ba ni nad la sogs pa'i mtshan nyid kun nas nyon mongs pa'i 'bras bu sna tshogs pa gang la yod pa de la de skad ces bya'o/ /nas la sogs pa'i sa bon spyir dpe nyid yin no/ /'bras bu'i ngo bo gcig 'byin par nus pa la 'bras bu sna tshogs pa can nyid ma yin pas khyab pa yin la/de dang 'gal ba yang 'bras bu sna tshogs pa can nyid yin pas khyab par byed pa 'gal ba dmigs pa'o/ /'bras bu'i ngo bo gcig 'byin par nus pas nus pa zad pa la 'bras bu gcig 'byin pa'i nus pa nyid kyis khyab pa yin la/de dang 'gal ba yang 'bras bu sna tshogs pa 'byin pa'i nus pa nyid yin pa de ltar na sbyor ba gnyis pa yang khyab par byed pa 'gal ba dmigs pa yin no/ /skra 'bal ba la sogs pa'i sdug bsngal nyams su myong ba las/ de'i 'bras bu can nyid kyi las mi 'dod pa zad pa ni bla ste/dge ba 'dod pa'i 'bras bu can gang yin pa de yang ci ltar yin te/ dge ba ni mi 'dod pa'i 'bras bu can ma yin no/ /las mi dge ba dag kyang mang po yod pa yin na de la skra 'bal ba la sogs pa'i sdug bsngal byed pas sdug bsngal gyi gnod pa mi dge ba'i las nges pa 'di ci ltar zad pa yin te/las gzhan gyi 'bras bu gzhan gyi 'gyur ba rigs pa ni ma yin no/ /de nyid bstan par bya ba'i phyir gal te lhan cig byed pa'i khyad par yod pa dang med pa dag las zhes bya ba la sogs pa smos so/ /de skyed ces bya ba la sogs pa ni lhan cig byed pa rgyas par byed pas skyed pa'o//rgyu 'dra ba las 'byung ba can zhes bya ba ni nye bar len par gyur pa rjes su mthun pa'i las las byung ba can no/ /snga ma de nyid kyi gzhung bcugs pa yin no zhes bya ba ni kun nas nyon mongs pa'i ngo bo gcig las las rnams zad pa ma yin no zhes bya ba de nyid kyi'o//ci ste'ang zhes bya ba la sogs pas bsam pa rnam pa gnyis su rtog par byed pa'o/ /nus pa 'dres pa can nyid ni 'bras bu gzhan la nges pa'i las kyang 'bras bu gzhan dang ldan pa nyid kyis so/ /las kyi nus pa sna tshogs pa de nyid ces bya ba ni rnam par rtog pa gnyis pa'o//gal te dka' thub can gyi zhes bya ba la sogs pa re zhig nus pa zad pa'i phyogs bstan pa yin no/ /sdug bsngal chung ba gang la yod pa de la de skad ces bya'o/ /sdug bsngal chung ba can yang de yin la/ lus kyi gdung ba nyams su myong ba tsam yang yin pas na zhes bya ba ni las 'dzin pa'o//de 'bras bu bsal zhing 'dra bar bya bar nus pa gang la yod pa de la de skad ces bya'o/ /las gzhan 'dod ces bya ba ni gal te dge ba'i rang bzhin can gyi dka' thub gzhan nyid 'dod par 'gyur na zhes bya ba'i don to/ /dka' thub de las 'bras bu yin zhes bya ba ni kun nas nyon mongs pa las kyi 'bras bu nyid du 'dod pa'i phyir de'i rang bzhin can gyi dka' thub kyang las kyi 'bras bur 'gyur ro//de las nus pa 'dres pa'am zad pa ma yin te zhes bya bar sbyar ro/ /dper na glang gi las kyi 'bras bu lta bu'o zhes bya ba ni dpe yin no/ /glang gi las kyi 'bras bu dka' thub tu 'gyur ba ma yin la/de las kyang glang gi las 'dres pa'am zad par 'gyur ba ma yin na/ bsgrub par bya ba dang po la dper na glang gi las kyi 'bras bu'o zhes rnam par dbye ba bsgyur nas sbyar ba yin no/ /dka' thub nyid dang nus pa 'dres pa dang zad pa'i rgyu nyid la las kyi 'bras bu ma yin pa nyid kyis khyab pa yin la/de dang 'gal ba yang las kyi 'bras bu nyid yin pa de ltar na khyab par byed pa 'gal ba dmigs pa'o/ /de ltar na las kyi 'bras bu ni lung du ma bstan pa yin la/ de dang dge ba dang mi dge ba dag dang 'gal ba yin na ji ltar dka' thub yin par 'gyur/dka' thub ni sdig pa zad par byed pa'i nus pa'i mtshan nyid can nyid yin pa'i phyir ci ltar na las kyi rnam par smin pa nus pa 'dres pa'i rgyur 'gyur/ de bas na ldog pa la the tshom za ba ma yin no/ /skye bar 'dod pa'i skyon gyis skyed pa'i las la nus par 'gyur gyi zhes bya ba ni de skye ba dang 'gal ba'i rten skyed pa nyid kyi phyir ro//sngar byas pa dag la ni ma yin no zhes bya ba ni de dag lam skyed pa las sngar byas pa nyid kyi phyir ro/ /ma grub pa yin la zhes bya ba ni lam yang las kyi rgyu sred pa la sogs pa la gnod pa yin no zhes bya ba'i gtan tshigs 'di'o//las 'das pa'i rgyu sred pa gang yin pa de la lam gnod par byed pa ma yin te/ de skye ba'i dus na de med pa'i phyir ro/ /bcom ldan 'das tshad ma nyid du sgrub pa/ lugs las bzlog pas sngar dam bcas nas/ de bden pa ston par mdzad pas na zhes bya ba la sogs pas sbyor bar byed do//blang bar bya ba dang dor bar bya ba'i de kho na nyid thabs dang bcas pa zhes bya ba ni/ sdug bsngal dang 'gog pa'i bden pa kun 'byung dang lam dang bcas pa zhes bya ba'i don to/ /'bras bur gyur pa'i skyob pa las zhes bya ba ni bde bar gshegs pa'i 'bras bu skyob pa'o/ /de nyid brtan pa dang /ma lus khyad par mkhyen pa sgrub/ /ces bya ba ni de kho na nyid dang / brtan pa dang / ma lus pa'i yon tan de dag gsum gyis khyad par du byed pas khyad par mkhyen pa ste de kho na nyid dang brtan pa dang / ma lus pa'i khyad par mkhyen pa'i bde bar gshegs pa nyid ces bya ba'i don to//de grub pa ni de kho na nyid dang brtan pa dang / ma lus pa'i khyad par mkhyen pa sgrub pa ste/ sgrub pa'i sgra'i ngo bo sgrub par byed pa yin pa'i phyir ro/ /de nyid kyi phyir grub pa sgrub pa yin no zhes bya ba smos so/ /sngar ni zhes bya ba lugs las bzlog pa bshad pa la'o/ /par gyi zhes bya ba smos pas ni slar ldog pa med par thugs su chud pa dang ldan pa zhes bya ba nang du bsdu ba ston to//de kho na nyid smos pas ni bsngags pa'i don bstan to/ /brtan pa'i tshig gis slar ldog pa med pa dang / ma lus pa'i don ni rang gi sgra nyid gzung bas bstan to/ /de kho na nyid mkhyen pa la sogs pas bcom ldan 'das yin par ci ltar rtogs par bya zhe na/de kho na nyid mkhyen pa ni zhes bya ba la sogs pa smos te/ de kho na nyid mkhyen pa ni tshad mas mi slu ba las rjes su dpag pa yin no zhes 'chad par 'gyur ba dang sbyar ro/ /gang gi phyir bcom ldan 'das kyi bka' tshad ma mi slu ba yin pa de'i phyir de'i mkhyen pa phyin ci ma log par rjes su dpog pa yin no//lam nges pa'am zhes bya ba ni nges pa ste/ the tshom med par ston pa las brtan pa'i mkhyen pa rjes su dpog pa yin te/ shes bya gang la brtan pa'i shes pa yod pa ma yin pa gang yin pa de ni rnam pa gsal ba'i sgo nas ston par nus pa ma yin no//bka' snga phyi 'gal ba med pa zhes bya ba'i rnam par bshad pa ni gnod pa med pas zhes bya ba yin no/ /rnam pa des 'gyur ba med pa lam brtan bstan pa las brtan pa'i mkhyen pa rjes su dpog pa yin no zhes pa'i skabs yin no/ /gal te 'gal ba med pa yang ci ltar yin zhe na/ston pa'i bstan pa yan lag dgu dang zhes bya ba smos te/ ston pa'i bstan pa ni bka' yin no/ /de ni mdo'i sde dang / dbyangs kyis bsnyad pa'i sde dang / lung bstan pa'i sde dang / tshigs su bcad pa la sogs pa'i khyad par gyi yan lag dgu yin no//lus pa yang gang yin gang gi mi shes pa spangs pas ma lus pa mkhyen pa yin zhe na/ lus pa ni 'dir zhes bya ba la sogs pa smos te/ bcom ldan 'das la de mnga' ba ma yin te/ thabs sna tshogs pas bden pa bzhi ston par mdzad pa'i phyir ro/ /de'i phyir ma lus pa mkhyen pa rjes su dpog pa yin no zhes bya bar sbyar ro//de'i rjes su slob pa yin no zhes bya ba ni bcom ldan 'das kyi rjes su slob pa'i phyir ro/ /lhan cig skyes pa'i 'jig tshogs su lta ba zhes bya ba ni mngon par 'dus ma byas so/ /de de ltar na 'bras bu skyob pa nyid yin pa'i phyir rgyu bde bar gshegs pa nyid bsgrubs nas/da ni bde bar gshegs pa 'bras bur gyur pa nyid kyis lam goms pa'i mtshan nyid can ston pa nyid bsgrub pa'i phyir de kho na nyid dang bstan pa dang ma lus pa'i khyad par mkhyen pa de'i phyir zhes bya ba la sogs pa smos so/ / rgyu'i gnas skabs su goms pa'i lam gang yin pa de gzhan gyi don yin gyi rang gi don ma yin no zhes ci ltar shes par 'gyur zhe na/ de'i phyir gang gis de ltar thugs su chud na yang zhes bya ba smos te/ gang bya ba byas pa yin na yang gzhan gyi don la 'jug pa ldog pa med pa ni sngon yang de la mnga' ba yin na zhes bya ba'i don to//de yang ston par 'gyur ro zhes bya ba ni/ grub phyir chags bral med phyir ro/ /zhes bya bas de ma thag tu bstan par 'gyur ba nyid yin pa'i phyir ro/ /gang 'di btang snyoms su bzhugs par ston pa la sogs pa'i rgyud pa zhes bya ba ni bcom ldan 'das mngon par rdzogs par sangs rgyas pa'i de ma thag tu thugs ngas zab pa'i phyir chos 'di rtog pa gzhan dag gis 'di rtogs par bya bar mi nus pas ni kho bo cang mi smra bas btang snyoms su bzhugs pa la dmigs par 'gyur ro zhes bya ba la sogs pa'i don 'byung ba'i phyir ro//sems can yongs su smin par byed pa'i rgyu nyid yin no zhes bya ba ni zab pa ston par mdzad pas/ mngon par 'dod chags pa ches lhag pa skyed pa'i sgo nas sems can rnams yongs su smin par mdzad pa'i phyir ro/ /de ni de'i 'bras bu de tsam 'dod pa ma yin te zhes bya ba ni thugs su chud pa'i 'bras bu tsam bzhed par 'gyur ba ma yin no zhes bya ba'i don to//'bras bu de tsam 'dod pa nyid la de rtogs pa yod na byed pa rdzogs pa can gyis khyab pa yin la/ de dang 'gal ba yang byed pa rdzogs pa can ma yin pa nyid yin pa de ltar khyab par byed pa 'gal ba dmigs pa'o//brtse bas zhes bya ba la sogs pa la gzhung des ni snying rje dang ye shes gnyis ni tshad ma nyid kyi sgrub par bshad do/ /gnyis po de yang go rims bzhin du 'gro ba la phan par bzhed pa nyid dang bde bar gshegs pa nyid kyi tshig dag gis bshad pa yin no/ / lam goms pa'i mtshan nyid can gyi bstan pa nyid gang yin pa de tshad ma nyid du nye bar sbyor ba ma yin na de ci'i phyir tshigs su bcad pa smos she na/ de'i phyir/ shes pa de yang sgrub byed bcas/ /zhes bya ba la sogs pa smos te/ yon tan gsum mkhyen pa de yang bde bar gshegs pa'i tshig gis bstan pa yin la/sgrub par byed pa dang bcas pas ni lam goms pa sgrub par byed pa nyid yin pa'i phyir ro/ /gal te 'o na skyob pa nyid kyi tshig ji ltar tshad mar sgrub pa yin zhe na/ de gsung bar ni zhes bya ba la sogs pa smos so/ /mngon par sbyor ba'i sgo nas gsung ba po de nyid kyang 'gro ba la phan par mdzad pa nyid dang bde bar gshegs pa'i tshig dag gis skyob pa yin zhes bstan pa'i phyir/gal te brtse ba dang ldan pa dang zhes bya ba la sogs pa smos so/ /ji skad du bshad pa'i yon tan dang ldan pa'i mkhan po ston par byed pa zhes bya bar sbyar ro/ /ji skad du bshad pa'i yon tan zhes bya ba ni legs pa dang bden pa 'chad pa dang de rtogs pa dang rjes su brtson pa'o//ston pa de lta'i dngos bstod ni/ /zhes bya ba ni ston pa ste/ de bzhin gshegs pa'i bka' de lta bu'i dngos po ston pa de lta'i dngos bstod de tshad mas bstod pa zhes bya ba'i don to/ / de ltar na bstod pa de lta bu'i ngo bo nyid kyis bcom ldan 'das tshad ma nyid yin pa de'i phyir tshad ma'i sgo nas bstod pa ni/ ston pa de lta'i dngos bstod ni/ /zhes bya ba'i don gcig tu gyur pa yin no/ /de nyid kyi phyir chos mngon pa las kyang bshad pa yin no zhes bya ba ni tshad ma rnam par nges pa bshad pa yin no//re zhig mngon sum gyi tshad ma zhes bya ba la sogs ba ni rnam par shes pa'i tshogs lnga bstan pa'i sgo nas de bstan cing bshad pa nyid kyi phyir ro/ /slob dpon shAkya blo gros kyis sbyar ba tshad ma rnam 'grel gyi 'grel pa'i dka' 'grel las/ le'u gnyis pa rdzogs so// //tshad ma rnam 'grel gyi 'grel bshad/ bam po bzhi bcu rtsa dgu pa/ mngon sum dang rjes su dpag pa dag la mi slu ba'i mtshan nyid gcig yod pa yin te/ dngos po la gnyi ga mi slu ba yin pa'i phyir ro/ /gang gi tshe de nyid mtshon par bya bar gyur pa zhes bya ba ni mi slu ba de nyid de/gang gi phyir mngon sum dang rjes su dpag pa gsal ba'i dbye bas mtshon par 'dod pa zhes bya ba'i don to/ /mi slu ba'i de nyid gsal ba'i dbye bas shes par 'dod na yang mtshan nyid gcig gis mtshon par bya ba yin nam/ khyad par gyi mtshan nyid kyis 'gyur grang na/ re zhig rnam pa dang po ni ma yin te mi slu ba nyid ma gtogs par mngon sum dang /rjes su dpag pa la khyab par byed pa gzhan mtshan nyid gcig med pa'i phyir te/ de las gzhan pa'i mtshan nyid gcig yod pa ma yin zhes bya ba gang smos pa yin no/ /de las zhes bya ba ni mi slu ba nyid las so/ / de nyid ni spyi'i mtshan nyid yin la des kyang khyad par rtogs par nus pa ma yin no/ /de dag ces bya ba ni mngon sum dang rjes su dpag pa'o/ /dbye ba ma byas par khyad par gyi mtshan nyid rnam par gzhag par mi nus pas na/ de dbye ba'i sgo nas bstan na zhes bya ba la sogs pa smos so//gang gi tshe yul ma yin pa 'dzin pa tshad mar 'gyur ba ste/ gang gi tshe rang gi mtshan nyid kyi yul can nyid mngon sum yin no zhes rnam par 'jog par mi byed pa de'i tshe/ ji ltar yul gyi dbye ba mi shes pa rab rib can la sogs pa'i shes pa la snang ba'i skra bshad la sogs pa gang yin pa yul ma yin pa de la yang mngon sum 'di tshad mar 'dzin par 'gyur ba de'i tshe/de la slu ba yin na de dang 'dra bar rang gi yul la yang ste/ sngon po la sogs pa'i mtshan nyid la de tshad ma ma yin par 'gyur ro/ /yul bstan na ni skyon 'dir mi 'gyur te/yul ma yin pa la slu ba'i phyir rjes su mthun pa'i yul la yang tshad ma ma yin par rigs pa ma yin no/ /re zhig 'bras bu gdon mi za bar don rtogs pa'i ngo bo nyid yin gyi zhes bya ba ni tshad ma byed pa nyid yin pa'i phyir 'bras bu bya ba'i mtshan nyid can du 'gyur ro/ /de yang rnam pa gnyis te/nges pa ni gang byed pa 'jug pa yod na gdon mi za bar 'gyur ba ste byed pa po gzhan gyis chod pa med pa'i phyir ro/ /ma nges pa ni 'dod pa dang mi 'dod pa dag thob pa dang spong ba zhes bya ba ste/ de la dang po nyid ni 'bras bu yin te byed par rnam par gzhag pa'i rgyu nyid yin pa'i phyir ro//de yang don rtogs pa'i ngo bo can yin te/ de nyid ni tshad ma 'jug pa na gdon mi za bar 'gyur ba can nyid yin pa'i phyir ro/ /ma nges pa gang yin pa de ni rgyu gzhan gyis chod pa'i phyir tshad ma 'jug pa na/ gdon mi za bar 'gyur ba can ma yin no/ /de bas na des byas pa ni byed par rnam par 'jog pa ma yin zhing byed pas byas pa nyid kyang 'bras bu de nyid ma yin pa de'i phyir de lta ma yin na 'bras bur mi rung ba nyid kyi phyir zhes bya ba smos so//mi shes pa'i ngo bo yang tshad mar mi rung ba'i phyir zhes bya ba ni mi shes pa'i ngo bo bum pa la sogs pa dang 'dra bar cung zad kyang shes pa ma yin te/shes pa las tha dad pa'i tshad ma thams cad la ches shin tu sgrub bar byed pa nyid yod pa ma yin te/ yul gyi rnam pas chod pa nyid kyi phyir ro/ /de ni rgyas par 'og nas 'chad par 'gyur ro/ /ut+pa la sngon po la sogs pa lta bu'o zhes bya ba ni sngon po ni spyi yin la/ut+pa la ni khyad par yin pa de ltar na gnyi ga'i bdag nyid can gyi yul gcig yin par sems so/ /dpe ma grub pa nyid sgrub par byed pa'i chos dang mi ldan pa nyid kyi phyir ro/ /de ni rang rig pa'i shes pa nyid du zhes bya ba la sogs pa la 'di skad du ston par 'gyur te/ 'dzin pa'i rnam pa las gzhan rig pa ma yin te gang gis na de 'dzin pa'i rnam pa yul du 'gyur/'on kyang 'dzin pa'i rnam pa rang rig pa'i bdag nyid can de skyes pa nyid na rig pa yin no/ /tha dad pa med na yul dang yul can gyi dngos po gang las yin zhing gang gis na dpe ma grub par 'gyur/ ci ste shes pa gzhan gyi zhes bya ba la sogs pa la gal te rang rig pa 'dzin pa'i rnam pa la tha dad pa med na yang shes pa gzhan gyi tha dad par brtags nas 'dzin pa'i rnam pa yul du rnam par gzhag pa de'i tshe/ rang rig pa yang 'dzin pa'i rnam pa las tha dad pa med pa'i phyir/ de bzhin du ste 'dzin pa'i rnam pa bzhin du yul nyid yin par 'gyur ro//'di ni yul yin la 'di ni yul can yin no zhes 'di shin tu ma 'chol bar brjod par nus pa ma yin no/ /rig pa yang yul nyid yin na gzhan yul can yang ci zhig yod/ gang la ltos nas yul nyid yin/ /de ltar na gcig la yul dang yul can gyi dngos po yod pa ma yin no//de nyid ni de bas na/ rnam pa tha dad pa med pa can ni zhes bya ba la sogs pa smos so/ /yul las rgyu mtshan gzhan zhes bya ba la sogs pa la rnam par shes pa snga ma shes pa de ma thag pa'i rgyu ni yid la byed pa'o/ /de nyid 'bras bu skyed pa la nus pa yod pa ni de dang rjes su mthun pa'o//sngon gyi brda dran pa ni brda 'dzin pa'o/ /de dag yod pa zhes bya ba ni de dag yod pa na ste/ phyi rol gyi don med par yang zhes bya ba'i don to/ /don gyi byed par nus pa la sogs pa'i mtshan nyid de nyid rang gi mtshan nyid la sogs pa la sbyar bar bya'o zhes bya ba ni/don byed nus dang mi nus phyir/ /zhes bya ba la sogs par de la don byed par nus pa gang yin pa dang / thun mong ma yin pa dang / sgra'i yul ma yin pa dang / rgyu mtshan gzhan yod na gang med pa las blo med par bshad pa gang yin pa de rang gi mtshan nyid la sbyar bar bya'o//de ltar na nus pa med pa gang yin pa dang / thun mong dang sgra'i yul zhes bya ba la sogs pa gang yin pa de ni spyi'i mtshan nyid la sbyar bar bya ste/ 'chad par 'gyur ba'i tshigs su bcad pas zhes bya ba'i don to/ /de nyid ni/ don dam par don byed nus gang / / zhes bya ba la sogs pas 'chad par byed do/ /mdor don byed nus pa smos pa ni nye bar mtshon pa yin no/ /de ltar ni 'gyur mod kyi gal te thams cad ces bya ba la sogs pas dbu ma pa'i 'dod pa'i dogs pa bsu ba yin no/ /de dag gis 'di ltar rtogs pa yin te re zhig rtag pa skad cig ma ma yin pa de ni don byed par nus pa ma yin te/rim dang cig car dag gis don byed par 'gal ba'i phyir ro/ /skad cig ma zhig zin pa yang don byed pa ma yin te/ de ni med pa nyid kyi phyir ro/ /ma zhig pa yang ma yin te rgyu dang 'bras bu cig car 'byung bar thal ba'i phyir ro/ /zhig pa dang ma zhig pa las ma gtogs pa yod pa yang ma yin no//re zhig 'bras bu yang yod pa skye ba ma yin te/ yod pa nyid skye ba 'gal ba'i phyir ro/ /med pa yang ma yin te de skye ba'i rten med pa'i phyir dang / med par khyad par med pa'i phyir rgyu gcig las kyang med pa ma lus pa cig car skye ba'i phyir ro//de lta na med pa skyed par byed pa nyid rgyu'i bdag nyid du 'gyur ba de yang / ji ltar mngon par 'dod pa'i myu gu la sogs pa'i 'bras bu la yin pa de ltar ri bong gi rwa la sogs pa la yang yin no/ /de bas na don dam par don byed par nus pa cung zad kyang yod pa ma yin no/ /sa bon stsogs ni myug sogs la//nus mthong zhes bya ba la mthong ba smos pa ni nye bar mtshon pa yin no/ /de ltar na 'bras bu ldog pa'i sgo nas mig gi rnam par shes pa la mig la sogs pa'i nus pa rjes su dpog pa yin no/ /bsod nams dang sdig pa dag ni 'dod pa dang mi 'dod pa'i 'bras bu 'byin pa la nus pa khas len pa dang /rgyu dang 'bras bu'i dngos po tha snyad 'jig rten las rab tu grags pa nyid kyi phyir nges pa yin no/ /de bas na dngos po don byed par nus pa khas mi len na mngon sum dang rjes su dpag pa dang khas blangs pa dang grags pa dang 'gal bar 'gyur ro zhes bya bar dgongs so//de ltar ni 'gyur mod kyi/ gal te de kun rdzob 'dod na/ /zhes bya ba ni kun rdzob tu rgyu dang 'bras bu'i dngos po khas blangs pa'i phyir/ mngon sum la sogs pa dang 'gal ba yod pa ma yin no zhes bya bar bsams pa'o/ /mtshon par bya ba khyab pa med pas mtshan nyid ma yin no zhes bya ba ni 'jug pa med pa nyid khyab pa med pa yin te/mtshon par bya ba 'ga' zhig la yang don dam par don byed pa med pa'i phyir ro/ /de bas na med pa nyid kyi phyir mtshan nyid ma yin pa nyid du 'gyur ro/ /spyi la yang de yod pa zhes bya ba ni don byed par nus pa ste/ des kyang rang gi rnam par shes pa kun rdzob tu skyed par byed pa yin no lo//shin tu khyab pa nyid kyi phyir ro zhes bya ba ni lhag pa nyid kyi phyir ro/ /mtshan nyid 'chol bar gyur pa ni spyi yang don gyi bya ba byed pa nyid kyis rang gi mtshan nyid du thal ba'i phyir ro/ /ji lta de ltar 'gyur zhes bya ba ni 'di ltar kun rdzob kyis kyang don byed par nus par khas len na/dngos po nyid du khas blang bar 'gyur ba yin no zhes bya bar dgongs so/ /'di ltar don byed par nus pa nyid kyis nye bar brjod pa dang bral ba las ldog pa kun rdzob kyi ming can de yang dbu ma pas kyang 'dod par bya ba yin te/ de tsam ni dngos po'i mtshan nyid yin no//kun rdzob dang don dam pa'i sgra dag gis brjod pa na don byed par nus pa sgra'i dbang gis tha dad pa nyid du dmigs pa ma yin no/ /zhig pa dang ma zhig pa la sogs pa'i rnam par rtog pa rnams ni/ bcom ldan 'das de bzhin gshegs pas gsungs pa'i rgyu dang 'bras bu'i dngos po la 'jug pa yod pa ma yin no//'di ltar bcom ldan 'das 'di yod na 'di 'byung zhes rgyu dang 'bras bu'i dngos po ston par mdzad pas/ rnam par rtog pa gsum bor nas rnam par rtog pa bzhi ba zhal gyis bzhes so/ /'di ltar yang rnam par rtog pa ni rgyu las 'bras bu sngon rol nas yod par 'gyur ba'am/rgyu dang lhan cig yod pa'am/ skad cig ma gzhan gyis chod pa ste/ skad cig ma gsum par 'byung ba can nyid yin pa'i phyir ro/ /ma chod par skad cig ma gnyis pa la yod pa zhes bya ba bzhi 'byung bar 'gyur ro/ /de la sngon gyi dus na yod pa ni rgyu yod na 'byung ba ma yin te/de ni dang bo nyid nas grub zin pa'i phyir ro/ /dus mnyam du skye ba yang rgyu yod na 'byung ba ma yin te/ de yang yod pa nyid kyi phyir ro/ /'di ltar dus mnyam pa nyid ni 'bras bu med pa'i dus na rgyu yang med la rgyu yod na 'bras bu yang yod pa yin no/ /skad cig ma gsum pa la sogs pa na yod pa yang rgyu yod na 'byung ba ma yin te/skad cig ma gnyis pa kho na la rgyu zhig pa nyid kyis med pa'i phyir ro/ /de lta bas na skad cig ma gnyis pa la yod pa'i 'bras bu nyid du 'gyur ro/ /de ltar na skad cig ma gnyis pa la yod pa'i mtshan nyid can nyid 'bras bu yin gyi sngar ma yin zhing lhan cig kyang ma yin la/skad cig ma gsum par yod pa yang ma yin no/ /skad cig ma gnyis pa la yod pa'i 'bras bu skye ba yang rgyu ma zhig pa nyid las 'byung ba yin te/ skad cig ma dang por rgyu ma zhig pa nyid kyi phyir ro/ /skad cig ma gnyis pa la 'bras bu yod pa'i dus na/skad cig ma nyid yin pa'i phyir rgyu gnas pa med pa de ltar na gang las lhan cig gnas pa yin/ gal te med pa skye bar 'gyur na/ med pa nyid du khyad par med pa'i phyir rta'i rwa la sogs pa yang 'gyur ro zhes bshad pa gang yin pa de yang phyin ci log pas skyug ldad byed pa yin te/shes pa nyid 'di tsam du smra ba 'di khas ma blangs pa nyid yin no/ /yod na bkag pa tsam nyid las gzhan med pa zhes bya ba cung zad kyang mi 'dod na gang skye ba dang 'brel bar 'gyur/ 'on kyang skad cig ma gcig gnas pa'i chos can yin pa'i rgyu'i phyir/ skad cig ma gcig gnas pa'i chos can ni rang gi mtshan nyid 'ba' zhig tu 'gyur ba yin la de nyid skye ba yin no//de yang sngar yod pa ma yin no zhes bya ba de tsam du brjod kyi/ 'ga' zhig skye bar 'gyur ba ni ma yin te/ dngos po la cha med pa nyid kyi phyir ro/ /de bas na 'di'i snga ma'i gnas skabs cung zad kyang yod pa ma yin pa de ltar na/de la ltos nas yod pa yang ma yin zhing med pa yang skye ba ma yin pa'i phyir gang las thal ba yin/ med pa nyid du khyad par med pa'i phyir zhes brjod pa gang yin pa khyad par med pa zhes bya ba 'di yang gang yin/ gal te rang bzhin gcig pa nyid yin na de ci ltar na med pa nyid du 'gyur te/tha dad pa dang tha dad pa med pa ni dngos po'i chos nyid yin pa'i phyir ro/ /ji ste khyad par 'gog pa tsam yin na de ni cir yang mi rung ba de ltar na ji ltar de'i dbang gis dngos po thams cad skye bar 'gyur/ de bas na ji skad du bshad pa'i rgyu dang 'bras bu'i dngos po la zhig pa dang ma zhig pa la sogs pa'i rtag pa 'jug pa ma yin no//gal te khyed cag gis 'jig pa la sogs par kun du brtags pa 'di skye ba la gnod par 'gyur ba de'i tshe kun rdzob tu skye ba la yang ci'i phyir gnod par mi byed de/ de la yang zhig pa dang ma zhig pa la sogs pa ma gtogs par rnam pa gzhan yod pa ma yin te/dngos po'i stobs las 'ongs pa'i gtan tshigs kyi yul ni skyes bu'i 'dod pa'i dbang gis rnam par dbye bar rigs pa ma yin na/ gang gis na don dam par skye ba nyid la gnod par byed pa yin gyi kun rdzob pa la ma yin/ gal te mngon sum la gnod par dogs pas de la gtan tshigs mi 'jug go zhe na/'o na de ni gtan tshigs ma yin te/ gnod par byar rung ba nyid kyi phyir ro/ /de ltar na gzhan la yang yid brtan du med par 'gyur ro/ /de skad du/ dngos rnams ngo bo gang dang gang / /don dam par ni bkag pa na/ / de la kun rdzob nyid kyis kyang / /mdor bsdus khyad par 'gyur yin nam/ /zhes bshad pa yin no/ /de dag thams cad blo la bzhag nas kho bo cag gi don byed nus pa'i mtshan nyid kyis khyad par med par zhes bya ba la sogs pas rnam par 'grel bar byed do/ /gal te bdag nyid thams cad kyis med pa zhes bya ba ni/gal te thams cad med pa kun rdzob kyi bden pa de lta bur 'gyur ba mthong ba log pa brdzun pa rigs pa ma yin ba zhes bya ba'i don to/ /yang na kun rdzob kyi sgras skye ba la sogs pa 'dod pa yin na/ gang gi tshe bdag nyid thams cad kyis med pa kun rdzob ma yin gyi 'on kyang dngos po yin te/kun rdzob ni rnam par gzhag pa thams cad kyi rten nyid yin pa'i phyir ro/ /de'i tshe dngos po ni skye ba la sogs pa'i rang bzhin nyid yin pa'i phyir ro/ /skye ba la sogs pa kun rdzob kyi sgras bstan par 'gyur ro/ /skye ba med pa la sogs pa ni don dam pa yin te/don dam pa'i sgra ni kun rdzob las bzlog pa nyid yin pa'i phyir ro/ /de bas na don dam par skye ba med pa ni skye ba med pa la sogs pas skye ba med pa zhes bya ba la sogs pa bstan par 'gyur ro/ /de ltar na kun rdzob tu skye ba ni skye ba la sogs pas skye ba zhes bya ba yin no/ /de la don dam pa'i sgra'i don bzung nas des kyang zhes bya ba la sogs pa smos so//kun rdzob kyi sgra'i don la brten nas 'on kyang zhes bya ba la sogs pa smos te/ des ni kun rdzob kyi don la rnam par rtog pa gzhan la yang brgal zhing brtag par byas pa yin no/ /gang kun rdzob kyi don mi rtag pa'i shes don yin nam/sgyu ma'i don yin nam/ 'jig rten la grags pa'i don yin par smra'o zhe na/ re zhig mi rtag pa gang yin/ gal te rtag pa med pa tsam zhig yin na de'i tshe ji ltar sed pa'i sgo nas 'gro ba la grags par 'gyur/ 'on te rtag pa las gzhan mi rtag pa yin na/ rtag pa yang rnam par rtog pa'i rnam par shes pa yin pa de'i tshe/rnam par mi rtog pa'i shes pas rtogs pa yod do zhes bstan par 'gyur ro/ /de lta yin na ji ltar dngos po'i ngo bo nyid khas ma blangs pa yin/ rjes su dpag pas rtogs pa yang spangs par 'gyur te/ de ni rnam par rtog pa dang bcas pa nyid yin pa'i phyir ro//'on te sgyu ma'i don yin na yang gal te thams cad med pa yin pa de'i tshe/ kun rdzob kyang thams cad med pa yin pa de ltar na ji ltar kun nas nyon mongs pa dang rnam par byad par 'gyur/ 'on te sgyu ma 'khrul pa'i shes pa yin pa de'i tshe/ shes bya nang gi yin pa'i tshul las khyad par ci yod kun rdzob kyi don 'jig rten la grags pa'i don yin no zhes bya ba 'di la yang 'jig rten zhes bya ba 'di bstan bcos byed pa'am 'on te skye bo phal pa yin zhes dpyad par bya ba yin no//rnam par rtog pa dang po ltar na dngos po la phan tshun 'gal ba'i rang bzhin du mar 'gyur te/ gcig la yang bstan bcos byed pa mang po rnams rnam pa du mar sgro 'dogs pa'i phyir ro//gnyis pa ltar na bdag med pa la sogs pa yang khas blang bar mi bya ste/ 'di dag ni skye po tha mal pa la grags pa ma yin no/ /kun rdzob tu smra ba 'di gzhan dag tu dpyad zin pa'i phyir 'dir ma spros so/ /'bad rtsol ni yid la byed pa snga ma'o//brda dran pa ni brda tsam gyi sgras bstan to/ /de'i 'di'i bum pa'i rnam par snang ba dang 'brel pa'i phyir zhes bya ba ni spyi dang 'brel pa can gyi bum pa'i rnam par snang ba dang 'brel pa'i phyir zhes bya ba'i tha tshig go/ /mthun pa'i 'bad rtsol dang brda 'dzin pa zhes bya ba la sogs pa ni zlas dbye ba'o//tsam gyi sgra ni nges par gzung ba'o/ /de las tha dad pa'i rgyu mtshan gzhan la ltos pa nyid la de yod na gdon mi za bar mi 'gyur ba nyid kyis khyab pa yin la/ de dang 'gal ba yang gdon mi za bar 'gyur ba nyid yin pa de ltar na khyab par byed pa 'gal ba dmigs pa'o/ /'gyur bar ni 'dod mod kyi gsal ba bum pas stong pa'i sa phyogs na yang bum pa'i spyi nyid yod pa nyid yin te khyab pa nyid kyi phyir ro//de bas na bum pa'i rnam par rtog pa de la de'i yang nus pa nyid yod pa yin pa de ltar na gtan tshigs ma grub pa nyid yin no zhe na/ de ni yod pa ma yin no/ /gal te 'bad rtsol dang brda 'dzin pa yod na yang la lar bum pa'i rnam par rtog pa mi skye ba de'i tshe/'bras bu ldog pa'i sgo nas spyi'i nus pa rtogs par 'gyur na/ ji skad du bshad pa'i 'bras bu'i ldog pa yod pa ma yin no/ /khyab pa nyid yin na yang spyi rtag pa thams cad la dus thams cad na yod pa de ltar na shin tu ldog pa ma yin na/gang gis na de ldog pa'i rjes su byed pas 'bras bu la de'i nus pa rtogs par 'gyur/ de nyid bstan pa'i phyir sbyor ba gnyis pa smos pa yin no/ /de nyid kyi phyir sbyor ba yongs su rdzogs pa las/ gtan tshigs snga ma ni ma grub pa ma yin no zhes bstan to/ /spyi bum pa nyid ces bya ba la sogs pa la de yang spyi thams cad du song bar smra ba'i gzhung ston pa ma yin te/thams cad du song bar smra ba'i ni snam bu la sogs pa la yang bum pa nyid yod pa de ltar na gang las ldog pa yin/ ldog pa de 'dra ba las zhes bya ba la sogs pa ni grub pa'i mtha' smra ba yin no/ /de 'dra ba las zhes bya ba ni gang la yul med pas byas pa nyid ni 'bras bu'i ldog pa ma yin gyi 'on kyang rgyu mtshan gzhan las yin no//de yang phyis 'chad pa yin no/ /'o na ci 'dra ba las grub pa yin zhe na/ ji ltar zhes bya ba la sogs pa smos pa la de mthong ba la zhes bya ba ni bum pa mthong ba'i phyir skye ba can gyi yang ngo //mthong ba grub pa ma yin pa zhes bya ba ni mig gi rnam par shes pa ma grub pa'o/ /gal te de ltar bum pas stong pa'i sa phyogs nyid la spyi shes par 'dod pa yod na yang de'i shes pa mi 'gyur ba de'i tshe/ de ldog pa las spyi yang spyi'i shes pa la nus pa nyid yod par 'gyur na de yang yod pa ma yin te/bum pas stong pa'i sa phyogs la yang 'bad rtsol dang brda dran pa tsam gyis bum pa'i rnam par rtog pa skye ba'i phyir ro/ /snam bu la sogs pa la bum pa'i rnam par rtog pa mi skye ba gang yin pa de spyi bum pa nyid med pa'i phyir ma yin gyi/ 'on kyang snam bu la sogs pa'i rnam pa can gyi rnam par rtog pas bsgribs pa nyid kyi phyir dang /rnam par rtog pa gnyis cig car mi skye ba'i phyir dang / rnam par rtog pa gcig la yang 'gal bar snang ba mi rung pa'i phyir ro/ /de nyid ni yang bum pa'i rjes su byed pa can gyi zhes bya ba la sogs pa smos so//de bas na ldog pa de 'dra ba las nus pa grub pa ma yin te zhes bshad pa gang yin pa de ni 'dis bstan pa yin no/ /spyi 'ba' zhig 'dzin pa med pa'i phyir ro zhes bya ba ni/ gsal ba 'dzin pa'i sgo nas de 'dzin pa khas len pa'i phyir ro/ /rten chod pa can la sogs pa zhes bya ba la sogs pa'i sgras ni rig pa'i rten can gzung ngo //brda yid la byed pa ni brda 'dzin pa'o/ /gzhan gal te don la ltos pa med pa zhes bya ba la sogs pas spyi'i mtshan nyid shin tu khyab par byed pa nyid smras te/ don la ltos pa med pa yang de yin la rgyu mtshan gzhan yod na 'byung ba yang yin pas na zhes khyad par gyi bsdu ba'o//skra bshad sogs pa ni spyi yin no zhes bya ba la sogs pas lan 'debs par byed do/ /de skad du gang zhig 'ga' zhig dang 'brel ba can du zhen pas shes bya nyid du tha snyad du byed pa de ni spyir 'gyur te/ 'di ltar mtshungs par yod pas na spyi yin gyi rab rib can la sogs pa'i mig gi rnam par shes pa 'khrul pa la snang ba'i ngo bo la/la lar sgro btags nas tha snyad du byed pa ma yin pa de ltar na spyi ma yin no zhes bstan to/ /de bas na ji skad du bshad pa'i khyad par gyis khyad par dang bcas pa nyid yin pa'i phyir spyi'i mtshan nyid la 'khrul pa yod pa ma yin no//'dis shes par bya ba yin pas na shes bya ste shes pa'i 'jug pa'i yan lag go/ /shes bya nyid kyang de yin la/ spyi yang yin pas na spyi la sogs pa ni shes bya ste las 'dzin pa'o/ /don 'ga' zhig la shes pa 'jug pa'i yan lag tu gyur pa spyi la sogs pa'i ngo bo gang yin pa der mngon par zhen pa zhes bya ba'i don to//de'i ngo bo nyid la de la spyi la sogs pa'i ngo bo nyid du zhen pas tha snyad du byed pa nyid kyis khyab pa yin la/ de 'di la med pa de ltar na khyab par byed pa 'gal ba mi dmigs pa'o/ /gal te shes pa gzhan gyis gzung bar bya ba nyid yin pas na/ rab rib can gyis mthong ba'i skra la sogs pa'i spyi'i ngo bo nyid yin na ji ltar na skra bshad sogs ni spyi min no zhes bya ba de bshad ce na/de'i phyir 'on kyang shes pa gang la zhes bya ba la sogs pa smos te/ rang gi shes pa la ltos nas spyi ma yin no zhes bya ba ni bsdus pa'i don yin no/ /gal te zhes bya ba la sogs pa ni gzhan gyi'o//de ldog pa la brten phyir te/ /mtshungs pa nyid do zhes bya ba ni sngar tha snyad 'dogs pa po rnams gsal ba thams cad la mtshungs par zhen pa'i ngor snang ba la spyi nyid du bstan nas/ da ni brgyud pas dngos po ldog pa'i 'bras bu nyid las so/ /ming dang mtshan ma zhes bya ba ni mang pos bkur ba'i gzhung yin no//bum pa dang snam bu la sogs pa'i ming sgra dang don dang shes pa las tha dad pa ni ming yin no/ /gang la brten nas don brjod pa de ni mtshan ma yin te/ sgra dang don dang shes pa dag las tha dad pa'o/ /de dag kyang sems dang sems las byung ba'i tshogs dang mi ldan par 'jug pa nyid kyi phyir mtshungs par ldan pa ma yin pa'i 'du byed kyi ming can no//'chad pa po dang nyan pa po dang 'brel pa can gyi ming dang mtshan ma rjod par byed pa can gyi sgra las zhes bya ba ni 'chad pa po dang nyan pa po dang 'brel ba can gyi ming dang mtshan ma de brjod pa can gyi'o/ /ming dang mtshan ma dag la don zhes bya ba ni ming dang mtshan ma dag la don zhes nye bar 'dogs pa zhes bya ba'i don to//gnyi ga la phan tshun nye bar 'dogs pa yin no zhes bya ba ni/ dus gcig la don la ming dang mtshan ma nye bar 'dogs pa'am/ ming dang mtshan ma la don nye bar 'dogs pa yin no zhes bya ba'i don to//phyi rol gyi don nyid la bsnyon par mi nus par zhes bya ba ni rang bzhin gcig tu gyur pa la ming dang mtshan ma'i rang bzhin can gyi don nam/ don gyi rang bzhin can gyi ming dang mtshan ma khas lan par 'gyur grang na/ de la phyogs dang po ltar na de ming dang mtshan ma'i rang bzhin du gyur pa'i phyir ro//de ltar na sngon po la sogs pa'i rang bzhin nyams par 'gyur te gcig la rang bzhin gnyis mi rung ba'i phyir ro/ /sngon po la sogs pa'i don mngon sum du grags pa la ci ltar na bsnyon par nus/ de bas na phyogs gnyis pa khas blang bar bya'o//de ltar na ming dang mtshan mar mi 'gyur te/ don gyi rang bzhin thob pas ming dang mtshan ma'i rang bzhin dor ba'i phyir ro/ /ji skad du bshad pa'i rnam pas phyi rol gyi don gyi rang bzhin gcig pur gnas so/ /de yang gal te sgra'i brjod par bya ba yin na dbang po 'bras bu med pa can gyi gnas skabs de nyid yin no zhes bstan pa'i phyir/de'i tshe yang sgra las zhes bya ba la sogs pa smos so/ /ming la sogs pa brjod par bya ba'i zhes bya ba la sogs pa la ming dang rgyu mtshan dag sgras bstan pa'i gnas skabs gang yin pa de nyams pas yin zhes bya ba'i don to/ / phyogs gnyis pa la yang zhes bya ba ni gang gi tshe/ don la ming dang mtshan ma dag nye bar 'dogs pa la'o/ /gang gi tshe don la ming la sogs pa la zhes bya ba la sogs pa la/ ming dang mtshan ma la gtso bor zhes bya ba ni de la sgra 'khrul pa med pa nyid 'jug pa med pa nyid kyi phyir ro/ /de'i tshe don la 'jug par mi 'gyur te zhes bya ba ni phyi rol gyi don la ste de ma brjod pa nyid kyi phyir ro//ming dang mtshan ma la don nyid du nye bar btags nas brjod pa yin gyi/ phyi rol gyi don ni gtso bo ma yin te/ de nyid ni dper na skyes bu zhes bya ba la sogs pas ston par byed do/ /phan tshun nye bar btags pa la yang ci rigs par dbang po 'bras bu med pa can dang 'jug par mi 'gyur ba zhes bya ba yang don dang ming dang mtshan ma dag nyid cig car phan tshun nye bar btags pa nas/gang gi tshe don la yang ming dang mtshan ma la don nye bar btags pa de'i tshe dbang po 'bras bu med pa can yin te dper na phyogs gnyis pa lta bu'o//gang gi tshe ming dang mtshan ma la don nye bar btags pa de'i tshe phyi rol gyi don la 'jug par mi 'gyur te/ dper na phyogs gsum ba lta bu'o/ /dper na tshe snga ma lta bu'o zhes bya ba ni de la gzugs mtshungs pa can la skyes bu 'khrul pas 'jug pa na 'ga' zhig gi tshe gcig la 'jug par 'gyur zhing /'ga' zhig gi tshe gzhan la 'jug par 'gyur ba de bzhin du ming dang mtshan ma la sogs pa la 'jug pa na yang 'khrul pas 'ga' zhig gi tshe don la 'gyur zhing 'ga' zhig gi tshe ming dang mtshan ma dag la 'jug par 'gyur ro zhes bya ba'i don to//don 'dra ba yod na yang zhes bya ba ni yul tha dad pa can gyi don gnyis gzugs mtshungs pa zhes bya ba'i don to/ /gal te gang gi yang zhes bya ba la sogs pas nyes pa mtshungs pa thob par dogs pa'i lan 'debs par byed do/ /min zhes bya ba ni shes pa 'ba' zhig brjod par bya ba yin no zhes rnam par dbye ba bsgyur nas sbyar bar bya'o//de ltar na sgra las nyan pa po rnams kyi don gyi spyi'i rnam pa nyid kyi rnam par rtog pa skye bar 'gyur la/ rnam par rtog pa la snang ba'i spyi'i rnam pa de nyid brjod par bya ba yin no/ /sgra las byung ba'i shes pa la snang ba gang yin pa de nyid sgra'i don yin no//rnam pa de yang shes pa las tha mi dad pa de ltar na shes pa brjod par bya bar bstan to/ /gal te 'di ltar shes pa las tha mi dad pa nyid kyis de rang gi mtshan nyid yin pa'i phyir rang gi mtshan nyid kho na brjod par 'gyur ro/ /skyon 'di yod pa ma yin te/'di ltar ji ltar rnam pa de shes pas rig par 'gyur ba de ltar shes pa'i bdag nyid brjod par bya ba ma yin gyi/ 'on kyang phyi rol du zhen pa yin la de la de yang spyi nyid yin gyi rang gi mtshan nyid ni ma yin te/ ji skad du don gyi ngo bo nyid kyis spyi zhes bya bas bshad pa lta bu'o//rnam pa de 'dra ba yi blo dag ni/ /skye phyir sgra'i nus pa las 'ongs pa rang gi snang ba la phyi rol gyi don gyi ngo bor zhen pa can gyi blo zhes bya ba'i don to/ /de dang de tshul 'dra ba las zhes bya ba la sogs pas 'chad par 'gyur ro/ /nyams su myong pas byas pa yin te zhes bya ba 'di'i rnam par bshad pa ni don gyi rnam pa ci 'dra ba zhes bya ba la sogs pa yin no//gang gis na de ltar mthong bar 'gyur zhes bya ba ni 'di nyid dngos su sgra la sogs pa'i dngos po yin no zhes mthong bar 'gyur zhes bya ba'i tha tshig go/ /nyams su myong ba'i rnam pa can gyi rnam par rtog pa'i blo zhes bya ba ni/nyams su myong ba'i rnam pa'i cha'i rjes su byed pa zhes bya bas de'i ngo bo nyid yin pa'i phyir nyams su myong ba'i rnam pa can zhes brjod do/ /dngos su de la nyams su myong ba'i rnam pa yod pa ma yin no/ /ming dang mtshan ma so sor rig pa'i ngo bo can gyi rnam par shes pa'i ngo bo nyid yin par zhes bya ba ni phyi rol gyi don du snang ba'i blo khas len pa de'i tshe rnam pa dang bcas pa'i blo khas blang par 'gyur ro//de bas na ming dang mtshan ma dag 'dzin par byed pa'i blo gang yin pa de yang ming dang mtshan ma'i rnam pa can du khas blang bar bya'o/ /de ltar na blo'i rnam pa'i bdag nyid can blo'i ngo bo rig pa nyid kyis rig pa'i ngo bo'i ming dang mtshan ma rnam par shes pa'i ngo bo nyid yin te/snang ba'i shes pa las tha dad pa ma yin pa'i phyir ro/ /'gyur bar ni 'dod mod kyi shes pa'i rnam pa'i ming dang mtshan ma dag rnam par shes pa'i ngo bo nyid yin pa ni bla ste/rnam par shes pa las tha dad pa rnam par 'jog par byed pa dag ni mi ldan pa nyid yin no zhe na/ de'i phyir rnam par shes pa las tha dad pa ni zhes bya ba la sogs pa smos so/ /ji ltar na don gyi rnam pa can gyi rnam par shes pa'i bdag nyid du gyur pa las zhes bya ba la sogs pa la/ rnam par shes pa rnam pa dang bcas pa la/ don gyi rnam pa sngon po la sogs pa rig pa gang yin pa de ni shes pa'i bdag nyid du gyur pa nyid yin te/ rtag tu shes ba'i cha rig pa yin pa'i phyir ro/ /don gzhan zhes bya ba ni phyi rol rnam par 'jog par byed pa'o/ /de las gzhan pa'i dbang po la sogs pa zhes bya ba ni don las gzhan pa'i dbang po dang yid la byed pa dang snang ba la sogs pa'o//'bras bu rnam par shes pa rgyu gzhan la ltos pa dang bcas par skye bar mi 'gyur bar zhes bya ba ni yul la lar ro/ /de dang 'dis ni 'bras bu ldog pa las phyi rol gyi don grub par shes so/ /de ltar ming la sogs pa grub pa'i phyir zhes bya ba ni 'bad rtsol dang brda dran pa tsam gyis ming la sogs pa'i rnam par rtog pa skye ba'i phyir ro//de yang gzugs la sogs pa ma yin na zhes bya ba ni gzugs la sogs pa'i don byed par nus pa sgra'i shes pa la snang ba mi rung ba'i phyir ro/ /snang na ni dbang po 'bras bu med pa can du 'gyur ro//spyi'i dngos po ni gzhan sel bar 'dod pas khas ma blangs pa yin no zhes bya bar dgongs so/ /de dang ni khyab pa med pa'i phyir zhes bya ba la sogs pa la shes pa gang yin pa de thams cad don dang ldan pa yin te zhes bya 'di la bzlog na/ gnod pa can gyi tshad ma med pa'i phyir ldog pa med pa la the tshom za ba yin no zhes bya ba'i tha tshig go//de ltar don gyis stong pa dang shes pa yin par 'gyur ba zhes bya ba 'di la 'gal ba ci zhig yod/ 'gyur bar ni 'dod mod kyi 'gal ba ni yod de/ 'di ltar gang gis de shes pas na shes pa yin na don med pa na yang des ci zhig shes/de bas na shes pa nyid du mi 'gyur ro zhe na/ de la 'di ni ma dpyad par brjod pa yin te/ de lta yin na phyi rol gyi don la ltos nas byed pa'i ngo bo nyid du rnam par gzhag pa gang yin pa de mi 'gyur ro/ /nye bar len pa snga ma la rag lus pa gzung pa dang 'dzin pa'i rnam par dbye ba can nye bar bstan pa rang rig pa'i bdag nyid can gyi shes pa gang gis bzlog par nus/de ni phyi rol gyi don la rag las pas gnas pa can ma yin no/ /rnam pa gzhan du na yang zhes bya ba la sogs pas nges pa kho nar mi mthun pa'i phyogs la 'jug pa nyid bstan to/ /gzhan yang zhes bya ba la sogs pa la/gzugs la sogs pa de ji lta bur gyur pa zhig ce na/ rmi lam gyi rnam par shes pas gzung bar bya'o/ /shes pa ni shes pa'i rang bzhin zhes bya ba'i don to/ /don min ni phyi rol gyi'o/ /yul rung ba mtshungs pa can zhes bya ba ni yul rung ba la sogs pa mtshungs pa gang la yod pa de dag ni yul rung ba mtshungs pa can la sogs pa'o//sogs pa smos ba ni dus mtshungs pa'i gnas skabs can gyi skyes bu gzung ngo / /gal te rmi lam gyi nang gi gzugs la sogs pa gnyid ma log pa'i gnas skabs na yod pa'i gzugs la sogs pa las khyad par med par 'byung bar 'gyur ba de'i tshe/yul dang dus der gnas pa gzhan dag gis kyang ci'i phyir dmigs par 'gyur/ gal te gnyid kyis 'dus byas pa'i rnam par shes pas de dag dmigs so zhe na/ 'o na gzhan dag gis kyang der rmi lam gyi nang gi sngon po la sogs pa gnyid ma log pa na ci'i phyir ma mthong /gal te de 'dra ba ni gnyis kyi khyad par nyid yin te/ gang gis gcig kho nas mthong ba nyid yin no zhe na/ 'o na de ltar na ni gcig nyid kyis so sor rig pa nyid yin pa'i phyir de ni shes pa'i ngo bo nyid du 'gyur te/ shes pa ni de tsam gyi mtshan nyid can nyid yin pa'i phyir ro//de nyid ni shes pa'i mtshan nyid yin no zhes bya ba smos so/ /yul rung ba can 'dzin pa'i phyir ro zhes bya ba ni gang dag la yul rung ba yod pa de dag 'dzin pa'i phyir ro zhes bya ba'i don to/ /de ltar na rnal 'byor pas sprul pa'i gzugs yul der gnas pa dag gis mthong bar 'gyur gyi/de lta ma yin na de yang shes pa'i ngo bo nyid du 'gyur ro/ /bum pa'i ngo bos sgyur bar byed pa zhes bya ba ni de la bum pa'i ngo bor sgro btags pa zhes bya ba'i don to/ /rnam par rtog pa rang dga' ba dngos po gzhan la yang zlog pa med pa'i phyir ro//snam bur mi rtog pa zhes bya ba ni snam bu yod du zin kyang bor nas yul de la rang dgar bum par rtog pa yin no zhes bya ba'i don to/ /'gyur bar ni 'dod mod kyi gang gi tshe snam bu la bum pa'i ngo bor sgyur bar byed pa'am/ snam bu bor nas de nyid la bum par rtog par byed pa de'i tshe/bum pa'i rnam pa'i rnam par rtog pa gang yin pa de yul med pa ma yin te/ yul gzhan na gnas pa'i bum pa'i yul can nyid yin pa'i phyir ram de la yod pa'i bum pa nyid kyi spyi'i yul can nyid yin pa'i phyir ro zhe na/ de'i phyir de nyid kyi phyir gsal ba yul gzhan na gnas pa'am zhes bya ba la sogs pa smos pa la/de nyid kyi phyir zhes bya ba ni snam bu'i yul can nyid la bum pa'i rnam par rtog pa skye ba'i phyir ro/ /de'i yul dang 'brel pa can nyid dam zhes bya ba ni/ snam bu'i yul dang 'brel pa can nyid kyis so/ /des ni snam bur mi rtog pas yul de la bum par rtog pa zhes bya ba'i phyogs 'di bstan pa yin no//snam bu der gyur pa'am zhes bya ba ni bum pa'i ngo bo des snam bu yongs su bsgyur ba ni snam bu de gyur pa ste/ snam bu de yang blos bum pa'i ngo bor sgyur bar byed pa zhes bya ba'i phyogs 'di bshad pa yin no/ /gang dag phyi rol gyi rgyu mtshan la ltos pa med par brjod bya la 'jug pa de dag ni 'dod rgyal gyi sgra'o//gang dag la gsal ba nyung zad de tshad nges pa yod pa'i spyi de dag la de skad ces bya'o/ /dper na g.yul ngor brtan pa la sogs pa lnga la skya bseng bu nyid du gnas pa lta bu'o/ /de bzhin du de lta bu'i rigs can gsal ba'i nges pa'i yul can gyi spyi gzhan dag la yang rtogs par bya'o//'dod rgyal gyi sgra'i yul gsal ba'i khyad par rnams sam/ gsal ba nyung zad pa can gyi spyi la rnam par rtog pa'i blo yod pa yin na don yod pa zhes bya ba 'di dang sbyar ro/ /de ltar na 'dod rgyal gyi sgra'i yul rang gi mtshan nyid du 'dod pa de srid du rnam par rtog pa'i blo'i yul ma yin te mi gsal ba'i rnam pa nyid du thal bar 'gyur ba'i phyir ro//sgra las byung ba'i shes pa yang rang gi mtshan nyid du snang bar khas len na dbang po 'bras bu med pa can gyi gnas skabs de nyid du 'gyur ro//de la yul du 'gyur ba gzhan gang yin pa de'i phyir khas mi len pa de'i tshe 'dod rgyal ba'i sgra med par thal ba'i phyir ro/ /gsal ba cung zad pa can gyi spyi gsal ba rnams tshogs pa zhig pa'i phyir dang / rten ma bzung ba'i spyi ni yul ma yin pa nyid kyi phyir rnam par rtog pa'i blo'i yul med pa can nyid yin no//grong dang grong khyer dang yul dang skyes bu dang khang bzangs la sogs pa zhig pa'i yul can gyi shes pa don yod pa zhes bya ba 'di dang sbyar ro/ /de med na yang zhes bya ba ni phyi rol gyi dngos po med na yang ngo / /rang gi 'dod pas sbyar ba'i ngo bo can te/ gang gi tshe nam mkha'i phyogs la rang gi 'dod pas skye bo'i tshogs rgyan rnam pa sna tshogs pas brgyan pa can rnam pa du ma med pa nyid dpyod par byed pa de'i tshe yang /de la blo 'gyur ba la don ci zhig yod ces bya ba ni rnam pa bzhi pa yin te/ 'bad rtsol tsam gyis zhes bya ba de dang sbyar bar bya'o//de las gzhan pa'i rgyu mtshan thag nye ba na yod na zhes bya ba ni/ 'bad rtsol dang brda dran pa thag nye ba na yod na zhes bya ba'i don to/ /gsal ba dang 'brel pa can ni de mtshungs te gsal ba dang 'brel pa can gyi spyi des zhes bya ba'i don to/ /de bkag pa ni de mtshungs min no/ /de dang gsal ba min pa zhes bya ba ni zlas dbye ba'o//rten la yang gsal ba'i sgras 'ga' zhig gi tshe rjod par byed pa de ltar na/ de rnam par bcad pa'i don du gsal ba ni gsal bar byed pa ste zhes bya bas ston par byed do/ /dbus ma'i gnas skabs kyi zhes bya ba ni gsal ba dmigs su rung ba thag nye ba'i gnas skabs kyi'o//gnas skabs snga phyi dag tu zhes bya ba ni gsal ba skye ba dang 'jig pa'i dus dag tu'o/ /gal te yang gsal las mngon sum phyir gsal yin zhes bya ba ni gsal ba spyi'i rten du gyur pa las spyi'i gsal ba ste mngon par gsal ba gang yin pa de ni spyi'i mngon sum gyi phyir te rgyu mtshan no//rten mngon par gsal ba nyid kyi spyi'i mngon sum nyid ces bya ba'i don to/ /de ni don gyi ngo bo zhes bya ba la sogs pas 'chad par byed do/ /gtan tshigs ma grub pa dag yin no zhes bya ba ni de ma thag pa gnyis pa'o/ /gal te rtag pa nyid kyi phyir zhes bya ba la sogs pa la/gal te'i sgra ni khas len pa'i tshig ston par byed pa'o/ /don dam par ni de yang 'di'i lan nyid du 'gyur ba ma yin te/ rtag pa gsal byed du rigs pa ma yin no/ skyon lhag ma dag ni 'di'i gnas skabs can nyid yin no zhes bya ba ni gang gi tshe rten gyi sgo nas gsal ba nyid spyir bzung ba de'i tshe de rang dbang gis 'dzin pa ma yin no//de bas na gsal ba la ltos pa dang bcas pa de nyid kyang sgra las 'dzin pa de ltar na/ dbang po'i tshogs 'bras bu med pa can gyi gnas skabs de nyid du 'gyur ro/ /ci ste dbang po la brten pa can gyi spyi'i shes pa gang yin pa de nyid rten 'dzin pa la ltos pa dang bcas pa yin na sgra la brten pa can ni spyi 'ba' zhig 'dzin pa can yin par 'dod de zhe na/de ltar na yang spyi yan gar ba brjod pa nyid kyi phyir gsal ba la mi 'jug pa'i skyon de'i gnas skabs can yin no/ /gang zhig gang gi rnam pa dang bral ba de ni de 'dzin pa na rnam pa der snang ba ma yin te zhes bya bar sbyar ro//sngon po la sogs pa ma yin pa 'dzin pa'i shes pa la spyi sngon po'i rang gi ngo bo dang bral ba sngon po'i rnam par snang bar gyur pa ma yin no zhes bya ba ni bsdus pa'i don yin no/ /de 'dzin pa'i ngang tshul can gyi shes pa la rnam pa der snang ba ni de'i rnam pa nyid kyis khyab pa yin la/de dang 'gal ba yang de'i rnam pa nyid ma yin pa de ltar na khyab par byed pa 'gal ba dmigs pa'o/ /sgra las spyi 'dzin pa na yang spyi rten dang bcas pa nyid gzung ba'i phyir/ sgra las byung ba'i shes pas gsal ba yang gzung ba yin no/ /de bas na dbang po rnams don med pa can yin no zhes bshad pa gang yin pa de la de ltar ni 'gyur mod kyi/gal te mngon sum zhes bya ba la sogs pas lan gyi dogs pa bsu bar byed do/ /'di skad du gal te sgra'i sgo nas kyang spyi'i rten dang bcas pa shes pa yin pa de lta na yang sgra las byung ba'i shes pa la gsal ba mi gsal ba'i ngo bor snang zhing /dbang po'i shes pa la ni gsal ba yin no zhes bstan par 'gyur ro/ /de nyid ni don gyi shes pa yang rnam pa gnyis te zhes bya ba la sogs pa smras so/ /ming la sogs pa brjod pa la yang lan 'di nyid yin no zhes bya ba ni/ don dang 'brel ba can gyi ming la sogs pa brjod pa na/gal te yang don rtogs pa sgra las yin pa de lta na yang rnam pa mi gsal ba yin pa de bas na dbang po rnams 'bras bu med pa can ma yin no zhes bya'o/ /don so sor nges pa ngo bo gcig pa zhes bya ba ni dngos su du ma nyid du 'gal ba'i phyir ro/ /tha dad snang ba can zhes bya ba 'di'i bshad pa ni gsal bar snang ba'i ngang tshul can no//de las gzhan pa'i zhes bya ba ni gzhan pa ste/ mi gsal bar snang ba'i ngang tshul can no/ /snang bar gyur pa'i ngo bo la ltos zhes yul du rnam par gzhag pa na/ shes pa rnams mngon sum dang mngon sum ma yin pa'i khyad par ldan pa nyid dang tha dad par snang ba nyid la yul tha dad pas khyab pa yin la/de dang 'gal ba yang yul gcig pa can nyid du khas len pa yin pa de ltar na khyab par byed pa ni dmigs pa'o/ /gang zhig gang gis cung zad kyang byar med pa'am grub pa gang yin pa zhes bya ba la sogs pa la/gang zhig gang gis cung zad kyang byar med pa de ni de la ltos par mi 'gyur ba zhes bya ba ni bsgrub par bya ba gcig yin no/ /grub pa gang yin pa de ni gzhan gyi dbang ma yin te zhes bya ba ni gnyis pa'o/ /de la bsgrub par bya ba dang po la ni khyab par byed pa mi dmigs pa yin te/de la ltos pa nyid la de la cung zad byar yod pas des khyab pa yin la de 'di la med pa'i phyir ro/ /gang la med par dgag pa gtso bo yin pa de la ni khyab par byed pa mi dmigs pa yin zhing / bsgrub pa gtso bor gyur pa'i gtan tshigs la ni khyab par byed pa 'gal ba dmigs pa yin no//de nyid kyi phyir bsgrub par bya ba gnyis pa la zhes bya ba la sogs pa smos te/ 'dir gzhan gyi dbang la ni ma grub pa nyid kyis khyab pa yin la/ de dang 'gal ba yang grub pa nyid sgrub pa'i ngo bo tsam yin pa'i phyir ro// //tshad ma rnam 'grel gyi 'grel bshad/bam po lnga bcu pa/ gzhan nyid yin na de 'brel med/ /ces bya ba ni mdo yin te/ de spel nas 'chad pa la gzhan nyid yin na/ don gzhan nyid gang las she na zhes bya ba ni 'dri ba'o/ /gsal ba las so zhes bya ba ni lan no/ /ci zhig ce na zhes bya ba ni gsal ba las gzhan nyid du yod na skyon ci yod ces 'dri ba'o//spyi de zhes bya ba la sogs pa ni lan yin no/ /de'i tshe rang bzhin med pa nyid kyi phyir 'ga' zhig kyang spyir mi 'gyur te zhes bya ba ni rang bzhin med pa 'ga' zhig kyang spyir gyur ba'i ngang tshul can du rigs pa ma yin no/ /'di ltar rta ma yin pa nyid ni zhes bya ba ni spyi dngos por smra ba'i ngang tshul can gzhan yang rta ma yin pa nyid ces bya ba cung zad kyang mi 'dod do//de ltar tshig gi don nyid kyang dngos por gyur pa de gzhan mi 'dod do/ /tshig gi don drug ni rdzas dang / yon tan dang las dang / spyi dang khyad par dang 'du ba'o/ /sgra de 'dis ni gang nges can//zhes bya ba ni mdo yin no/ /de ni mi 'dod pa spong ba'i sgo nas zhes bya ba la sogs pas 'chad par byed do/ /gzhan sel ba de'i ngo bor cir mi rung zhes bya ba ni dngos po rnams kyi ldog pa'i ngo bo la brten nas phyi rol gyi dngos po de dag la sgra'i brjod par bya ba nyid du rnam par gzhag pa'i gzhan sel ba gang yin pa de'i ngo bo cir yang mi rung ste/de ni ji ltar sgro btags pa bzhin du med pa nyid kyi phyir ro/ /phyi'i rang gi mtshan nyid ldog pa gang yin pa de'i ldog pa gang yin pa de ni rang gi ngo bo las gzhan pa ma yin pa de ltar na gzhan sel ba dngos po nyid yin gyi sgra'i brjod par bya ba nyid ni ma yin no/ / phan tshun tha dad pa'i don la brten nas skyes par gyur pa zhes bya ba ni brgyud pas zhes bya bar blta bar bya'o/ /de ltar na re zhig dang por rang gi mtshan nyid la 'dzin pa'i blo dang phyis rnam par rtog pa skye bar 'gyur ro/ /de nyid ces bya ba ni phan tshun tha dad pa'o/ /de de ltar na slob dpon phyogs kyi glang po la sogs pas/ji ltar phyi rol la gzhan las ldog pa'i ngo bo'i spyi'i sgra'i brjod par bya ba nyid du zhal gyis bzhes pa'am/ blo la snang ba'i spyi ji skad du kun la'ang ngo bo mtshungs pa'i phyir te zhes sngar bshad pa gang yin pa bzhed pa yin no/ /de nyid dang gzhan nyid du'o zhes bya ba ni gnyis pa gnyis kyi tshig go//de nyid dang gzhan nyid las ma 'das pa zhes bya ba'i don to/ /dngos po la go skabs gzhan med pa'i phyir ro/ /gal te tshig 'ga' zhig las kyang / dngos po 'dod na ni zhes bya ba ni gal te rang gi rten bum pa las spyi bum pa nyid de nyid dang gzhan nyid du brjod par bya ba ma yin pa de ltar na yang snam bu las gzhan nyid du brjod par bya ba nyid yin te/gzhan nyid du 'ga' zhig las brjod pa'i phyir spyi de ni dngos po yin no zhes bya ba ni bsdus pa'i don to/ /de nyid ni bum pa'i spyi zhes bya ba la sogs pas 'chad par byed do/ /snam bu las bum pa zhes bya ba ni chos can gyi chos nye bar mtshon pa'i phyir te/bum pa nyid ces bya ba'i don to/ /ji ltar dngos po 'ga' zhig las kyang brjod par bya ba ma yin pa zhes bya ba ni rang gi nye bar len par gyur ba las kyang gang brjod par bya ba ma yin pa zhes bya ba'i don to/ /de'i nye bar len pa'i sgo nas btags pa'i zhes bya ba ni gzugs la sogs pa dngos por gyur pa nye bar len pa'i sgo nas btags pa zhes bya ba'i don to//nye ba gang zhes bya ba 'di'i bshad pa ni sgra 'jug pa'i rgyu mtshan gyi chos zhes bya ba yin no/ /'di skad du gal te 'jug pa'i rgyu mtshan la la da ltar gyi bum pa sgra 'jug pa'i rgyu mtshan gang yin pa de dang 'dra bar 'das pa'i bum pa la sogs pa 'jug pa'i rgyu mtshan du gyur pa de'i tshe nye ba'i phyir bum par nye bar btags par 'gyur gyi/de lta ma yin na rgyu mtshan med pa yin na ni thams cad la nye bar btags pa thob par 'gyur ro zhes bstan par 'gyur ro/ /bum pa'i nye bar btags pa nyid kyis med pa la 'gyur zhes bya ba ni bum pa'i yul can gyi nye bar btags pa snam bu la sogs pa las ldog pa med pa la 'gyur te/'das pa la sogs pa'i bum pa med pa la 'gyur zhes bya ba'i don to/ /'jig rten pa nyid kyi ma yin no zhes bya ba ni 'jig rten gyis de lta bur gyur pa dngos kyi nye bar btags pa nyid shes pa ma yin no//'o na 'jig rten pa'i dngos kyi nye bar btags pa'i khyad par gang yin zhe na/ 'di ltar dngos dang sgro 'dogs pa la zhes bya ba la sogs pa smos so/ /seng ge'i sgra dang shes pa 'jug pa zhes bya ba ni seng ge'i sgra dang seng ge'i shes pa 'jug pa zhes bya ba'i don to//dus de'i tshe zhes bya ba ni skad cig ma de nyid kyi che'o/ /bum pa'i spyi la yang spyi'i rgyu mtshan can gyi shes pa ma yin zhes bya ba ni spyi rnams ni spyi can nyid ma yin pa'i phyir ro/ /gang shes pa ni gang gi rnam pa can gyi shes pa'o/ /gang shes pa yang de yin la 'khrul pa med pa yang yin pas na zhes bya ba ni las 'dzin pa'o//'ga' zhig las zhes bya ba ni smod pa la sogs pa brjod pa'i dgos pa lags so/ /rnam pa 'ga' zhig gis zhes bya ba ni rang gi bu la sogs pa'i nus pa nyid dang nus pa med pa nyid dpyod pa'i gnas skabs kyis so//bzlog pas zhes bya ba'i sgra ni lugs las bzlog pa'o/ /khyed kyi 'dod pas nye bar btags pa'i yul med na yang nus ba bzlog pas dngos yin no zhes bya ba'i don to/ /ji ltar brtag bzhin du zhes bya ba ni grangs can gyis byed pa po nyid la sogs pa rgyu mtshan 'dra bar sgro btags nas yon tan gsum gyi bdag nyid can gyi gtso bor brtag pa byed pa lta bu'o//rgyu mtshan de nyid kyi sgo nas tha mal par sgro btags nas skyes bur brtag pa byed pa yin no zhes bya ba'i don to/ /de la grangs can pa'i 'dod pa med na yang zhes bya ba la sogs pa la grangs can 'dod pa'i gtso bo dang skyes bu don dam par med na yang /gtso bo'i sgra dang skyes bu'i sgra 'jug pa ni dngos yin no/ /gzhan du zhes bya ba ni phal pa'o/ /mngon par 'dod pa zhes bya ba ni dngos por gyur pa'i gnas skabs su bab pa'o/ /gzhan ni phal pa yin no zhes bya ba ni gzhung gzhan yin no//de ni 'di skad du med par 'dod pa ni rnam pa gzhan gyis yod pa nyid du 'dod pa zhes bstan par 'gyur ro/ /skyes bu'i dbang po'i bya ba mi byed pa'i zhes bya ba ni/ mig la sogs pa'i dbang po'i yul la mi 'jug pa zhes bya ba'i don to/ /gzhan dang po 'jug pa'i dus na snang ba dang rnam par brtag par bya ba gcig tu byed pas tha snyad du byed pa'i phyir/sgra las byung ba'i shes pa yang 'ga' zhig gi tshe gsal bar snang bar sems pa de ltar na dbang po'i 'dzin pa'i bya ba mi byed pa yang de ltar snang ba yin no/ /bye brag tu smra ba la sogs pa'i 'dod pas 'das pa dang ma 'ongs pa dag yod pa nyid yin zhing de'i shes pa yang med pa'i don gyi yul can nyid ma yin no//de bas na med pa'i don can 'das pa dang ma 'ongs pa'i shes pa las khyad par med par snang ba can yin no zhes bya ba'i gtan tshigs ma grub pa dang / dpe sgrub par byed pa'i chos kyis stong pa yin no zhes de'i phyir/gang gi yang 'das pa dang zhes bya ba la sogs pa smos te/ snga phyi dag la zhes bya ba 'das pa dang ma 'ongs pa dag gi dpe ma grub pa ma yin no zhes bya bar sbyar te/ sgrub par byed pas stong pa ma yin no zhes bya ba'i don to/ /snga ma phyi ma dang bar ma'i gnas skabs dag tu zhes bya ba ni/'das pa dang ma 'ongs pa dang / da ltar byung ba zhes bya ba'i don to/ /tha dad pa med par 'dod na yang zhes bya ba ni dngos por gyur pa'i spyi'i gcig 'dod na yang ngo / /'di'i de'i rten can nyid yin pa'i phyir ro zhes bya ba ni/ spyi ni tha dad pa'i rten can nyid yin pa'i phyir ro//de ltar na spyi ni mang po yin gyi gcig nyid ma yin te dper na nam mkha' lta bu'o/ /de la nam mkha' nyid yod pa ma yin mod kyi/ rten tha dad pa yod na mang po nyid du 'gyur ro/ /sems dang ldan pa rnams phan tshun tha dad pa la 'dod pa nyid yin no zhes bya ba rjes su sbyar te/sems kyi mtshan nyid can gyi skyes bu mang po nyid khas len pa'i phyir ro/ /de ltar gzhan la yang rnam pa 'ga' zhig gis zhes bya ba ni/ gzugs dang sgra dang ro dang reg bya la sogs pa la yang 'phel ba dang 'grib pa la sogs pa'i khyad par khas len pa'i phyir ro/ /de bas na grangs can gyi yang dngos po rnams khyad par can yin no//de dag spyi'i bdag nyid du gyur pa mi 'thad par bstan pa'i phyir/ phan tshun khyad par can rnams dngos/ /zhes bya ba la sogs pa smos so/ /de 'dod na ni zhes bya ba ni spyi'i zhes bya ba'i dngos po'o/ /gzhan gyis kyang gzhan dag dang mtshungs pa ni ma yin no zhes bya ba ni don gzhan dang 'brel pa yin na yang de dag phan tshun mtshan nyid dang 'bral ba'i phyir ro zhes dgongs so//bstan zin to zhes bya ba ni le'u dang por ro/ /de las tha dad pa nyid yin no zhes bya ba ni mthe bo las so/ /de yang rnam par gcod pa'i ngo bo ma yin no zhes bya ba ni gang zhig sgra'i brjod bya nyid du sgro btags pa'o//de lta ma yin na dngos po med pa nyid du 'gyur ba'i phyir ro zhes pa ni/ rtag pa ni rim dang cig car dag gis don byed pa 'gal ba'i phyir/ dngos po med pa nyid du 'gyur ba'i phyir ro/ /ltos pa zhes bya ba'i 'bras bur brjod ces bya ba'i skabs su zhes bya ba ni/'di'i 'di zhes bya ba'i 'brel pa ni gzhan cung zad kyang yod pa ma yin no/ /'o na ci yin zhe na ltos par brjod pa'o/ /ltos pa yang 'bras bu yin no/ /rtag pa nyid kyi phyir rigs gsal ba'i 'bras bu ma yin no zhes bya ba la sogs pas sngar bshad zin to/ / dper na sgra'i don gtso bo'am zhes bya ba ni/ de grangs can gyis rnam par gzhag pa'i brda dran pa la ltos pa'i shes pa'i ngo bo yin gyi/ de dngos po ni ma yin te ji ltar dpyad na de med pa nyid yin par bstan zin pa'i phyir ro/ /dper na sgra'i don dngos po thams cad skad cig ma re rer mi gnas par 'jig pa'i ngang tshul can yin no zhes bya ba 'di yang dngos po thams cad gtan nas 'jig pa'i yul can nyid yin pa'i phyir de yang med pas na dngos po med pa yin no//sgra'i don 'phrod pa 'du ba la sogs pa yang bye brag pa la sogs pas kun du brtags pa'i brda dran pa la ltos pa'i shes pa'i ngo bo yin gyi yang dag pa'i dngos po ni ma yin no//ba lang gi tha snyad ma bzung ba'i zhes bya ba ni yul lam dus gcig la brda la ma byang ba'i'o/ /kho bos don gang yin pa de 'di sngar mthong ngo zhes mi 'gyur la zhes bya ba ni ba lang gi rnam pa rta la sogs pa la med pa'i phyir ro/ /brda la ltos pa med par rjes su 'jug pa'i spyi'i shes pa 'byung bar 'gyur ro zhes bya ba ni don dang 'dra ba tsam la dmigs pa'i ngang tshul can sgra'i rnam pas bris pa dang bral bas zhes bya ba'i don to//gtan tshigs ma grub pa yin no zhes bya ba ni/ /brda la byang ba la sogs ba lang la sogs pa spyi'i yul ba lang la sogs pa'i sgra'i don du 'gyur ba'i brda la ltos pa med par shes pa can nyid yin pa'i phyir/'dis ni phyogs kyi phyogs gcig la ma grub pa bstan to/ /'bras bu mtshungs pa can zhes bya ba'i blo gcig pa'i rgyu can yin no/ /dngos gnyis zhes bya ba ni khra bo dang khu yu la sogs pa'i mtshan nyid can no//don nye ba dang 'brel can yin zhes bya ba'i don ni ngo bo nyid kyi 'bras bu gcig byed pa nyid du nye ba yin no/ /'dis ni 'di skad du brda la byang ba dag ni ba lang la sogs pa'i sgra'i don gang brjod pa dang 'dres pa nyid du rtogs par 'gyur ba de la 'das ma thag pa'i gtan tshigs kyi phyogs su byas pa yin gyi/thams cad la ma yin pa de bas na phyogs kyi phyogs gcig la gtan tshigs ma grub pa ma yin no zhes bstan par 'gyur ro/ /brda la ltos pa'i spyi'i rnam pa can gyi shes pa gang yin pa de dag kyang gsal ba'i rgyu can nyid yin gyi spyi dngos por gyur pa'i rgyu can ni ma yin no//de 'dra ba'i zhes bya ba ni rnam pa gcig tu 'dzin pa'i rgyur gyur pa nyid du 'dra ba'i'o/ /rang gi yul can zhes bya ba ni nyams su myong ba'i rnam pa can mig la sogs pa'i blo'o/ /ci'i phyir de 'dra ba'i blo skyed par byed ce na/ 'bras bu gcig byed pa'i nus pa so sor nges pa'i phyir zhes bya ba smos te/rgyu rnams kyi nus pa 'dra ba de la so sor nges pa'i phyir ro/ /gang gis ngo bo nyid kyis rnam pa gcig ces bya ba la sogs pa la gang gis zhes bya ba ni nyams su myong ba'i blos so/ /rgyu gcig gi nus pa so sor nges pa'i phyir zhes bya ba ni de nyams su myong ba'i blo rnams kyang rnam pa gcig rtogs pa skyed pa la gtan tshigs nyid du sbyar bar bya'o//de ni 'bras bu gcig pa can nyid nye bar yin no zhes bya ba ni nyams su myong ba'i blo ni rnam pa gcig rtogs pa'i 'bras bu can nyid yin te/ nyams su myong ba gzhan dang 'dra ba zhes bya ba'i don to//'di nyid ni zhes bya ba'i ji skad du bshad pa'i nyams su myong ba'i blo'o/ /gang gis rnam par phye ba yis/ /rigs ni zhes bya ba ni gsal ba nang mi 'dra ba dag las/ tha dad pas rigs ni gsal ba 'dra ba'i rjes su 'gro bar byed do/ / gsal ba la yod pa'i nye ba gang yin pa'i nye ba de gcig gi rjes su 'jug pa'i blo'i rten yin no zhes bya ba 'di dang sbyar pa'o/ /ji ltar ba lang dang zhes bya ba la sogs pas de nyid 'chad par byed do/ /rta la sogs pa ni rta'i khyad par ro/ /'o na 'bras bu gcig par nus pa nyid tha dad par rjes su 'gro ba ni bla ste/de lta yang spyi dngos por gyur pa nyid grub pa nyid yin no zhe na/ de'i phyir 'bras bu gcig byed par nus pa yang zhes bya ba la sogs pa smos so/ /de'i rjes su 'gro na ni zhes bya ba ni nus pa'i rjes su 'gro na ni'o/ /nus pa gzhan gyi rjes su 'gro ba'i rgyu mtshan nyid kyis zhes bya ba ni gang la nus pa gzhan gyi rjes su 'gro ba rgyu mtshan yod pa zhes bya bar tshig rnam par sbyar ro//de ltar na ci'i phyir 'bras bu gcig byed par nus pas/ gsal ba thams cad rjes su 'gro ba ma yin la/ 'on kyang 'ga' zhig kho na yin/ de ltar na 'dir nus pa'i khyad par gzhan gyi rjes su 'gro ba yin pas/rjes su 'gro ba'i rgyu mtshan nus pa snga ma brtag par bya ba yin la/ de la yang gzhan yin pa de ltar na thug pa med par 'gyur ro/ /'gyur bar ni 'dod mod kyi spyi ni gzung ba kho na yin te/ de bzung du zin kyang nges pa ma yin no zhe na/ de'i phyir bzung du zin kyang zhes bya ba la sogs pa smos pa la/des byas pa ma yin zhes bya ba ni gsal ba la shes pa dang brjod pa 'jug pa spyis byas pa ma yin te/ bdag nyid nges pa ma yin pa de ltar na 'dir shes pa dang brjod pa'i rgyu mtshan du mi 'gyur ro/ /ji ltar dbang po'i ngo bo rang nyid mthong ba po yod na zhes bya ba ni/ dbang po las 'das pa'i don mthong ba bskal ba yod na'o/ /ji skad bshad pa las bzlog gang / /zhes bya ba ni spyi'i mtshan nyid la rnam pa ji tsam bstan pa de las bzlog pa zhes bya ba'i don to/ /de nyid ni brjod par bya ba ma yin pa gang yin pa zhes bya ba la sogs pas 'chad par byed do/ / dngos po med pa la dmigs pa'i blo'i nye bar len pa la/ dngos po med pa'i nye bar len pa can zhes brjod kyi/ dngos po med pa yang 'ga' zhig gi nye bar len pa ni ma yin no/ /snang ba'i don mi dmigs pa zhes bya ba ni dgag par bya ba 'dod pa ni yul de la gcig tu med par 'dod pa nyid kyi phyir ro//skye ba dang ldan pa med pa nyid ces bya ba la sogs pa zhes bya ba ni gcig tu dngos po med pa'i chos nyid yin pa'i phyir ro/ /mi dmigs pa tsam zhes bya ba ni dmigs pa'i mtshan nyid kyir gyur pa zhes bya ba 'dis khyad par du ma byas pa yin te/ de lta bur gyur pa ni yod na yang rang bzhin la sogs pas bskal pa yod pa srid pa de ltar na gnyi ga'i chos yin no zhes bya ba nyid la sogs pa la yang yod pa dang med pa srid pa de ltar na gnyi ga'i chos yin no//brjod bya yin pa'i phyir zhes bya ba ni gtan tshigs de dag gis gzhan gyi gtan tshigs 'gal ba mi 'khrul pa can du brjod do zhes 'ga' zhig dogs par 'gyur ba de bstsal ba'i phyir/des kyang 'gal ba mi 'khrul pa can nyid ma bstan to zhes smos so/ /brjod bya nyid la sogs pa dngos po'i stobs kyis 'ongs pa de'i phyir gzhan gyi gtan tshigs ni ma yin no/ /de ltar na gal te brgyud pas dngos po'i rten can spyi'i shes pa dngos po'i rjes su byed pa de ltar na yang de tsam gyi dngos su dngos po'i yul can du grub pa nyid ma yin zhing /dngos su gtan tshigs kyi don yod pa dang med pa'i rjes su byed par brjod par mi nus te/ de lta bur gyur pa ni phyir rgol ba la ma grub pa nyid kyi phyir ro/ /don byed par mi nus pa dang 'dra ba'i bdag nyid dang sgra'i yul dang zhes bya ba la sogs pas sngar dpyad pa 'jug pa nyid kyi phyir spyi la yang dpyad pa 'jug pa nyid ma yin nam/de yang rang gi mtshan nyid gcig pu dpyad par bya ba yin no zhes brjod na phan tshun 'gal bar 'gyur ro zhes bsams pa'o//de ltar na 'ga' zhig ces bya ba ni spyi dngos por smra bas spyi dngos po nyid du khas len pa na don gyis rang gi mtshan nyid yin par khas len pa yin no/ /de ltar dngos po nyid yin na/ de la lar gdon mi za bar rung ba nyid 'dod par bya ba yin pa de ltar na ngo bo nges de'i rang bzhin las ldog pa yin te/ngo bo de tsam yang rang gi mtshan nyid yin no/ /de bas na de la ci dngos po nyid yod pa yin nam/ 'on te ma yin zhes dpyod pa gang yin pa de ni rang gi mtshan nyid kyi sgo nas yin no/ /de nyid ni des na ci de 'ga' zhig la rung ba'am zhes bya ba la sogs pa smos so//de lta ma yin na med pa nyid du nges pa la zhes bya ba ni rtogs pa pos med pa'i sgo nas spyi nges pa la dpyod pa cir yang mi rung ngo / /yul rnam pa gnyis gsungs zhes bya ba ni slob dpon phyogs kyi glang pos 'di ltar mtshan nyid gnyis ni gzhal bya yin no zhes bya ba de'i bshad pa mdzad pa na rang dang spyi'i mtshan nyid dag las gzhan pa'i gzhal bya yod pa ma yin no zhes gsungs so//de skad du slob dpon gyis gsungs pas rang gi mtshan nyid las gzhan pa'i spyi'i mtshan nyid kyang gzhal bya nyid du 'dod do zhe na/ rang gi mtshan nyid las zhes bya ba la sogs pas lan 'debs par byed de/rang gi mtshan nyid las gzhan pa'i spyi'i zhes bya ba gzhal bya rang rgyud du yod do zhes bya ba'i dgongs pa 'dis slob dpon gzhal bya gnyis nyid bzhed pa ma yin no zhes bya bar sbyar ro/ /'dir bsdus pa'i don ni spyi yang de yin la mtshan nyid kyang yin pa de bas na spyi'i mtshan nyid de/de gzhal bya yin no zhes bya ba slob dpon gyi dgongs pa ni ma yin gyi 'on kyang mngon sum gyi rtogs pa'i dus na rang gi ngo bo dang mtshan nyid dang mtshan ma don byed nus pa gang yin pa de ni rang gi mtshan nyid yin no/ /de bzhin du rjes su dpag pa'i rtogs pa'i dus na de'i ngo bor zhen pa can gyis lkog tu gyur pa'i dngos po'i mtshan nyid dang mtshan ma'i don byed par nus pa gang yin pa de ni spyi'i mtshan nyid yin no zhes don gzhan gyi sgo nas gzhal bya rnam pa gnyis rnam par bshad pa yin no//de bas na mngon sum dang lkog tu gyur pa dag las gzhal bya gzhan yod pa ma yin no zhes ji srid du bshad pa de srid du rang dang spyi'i mtshan nyid can las gzhan ma yin no//de nyid ni rang gi mtshan nyid kyi rang gi ngo bo mngon sum gyi shes pas zhes bya ba la sogs pas gsal bar byed pa yin te/ mngon sum gyi shes pas rang gi ngo bo rtogs pa'i phyir rang gi ngo bo dang mtshan nyid ces bya ba'i dbang du byas nas/mngon sum zhes bya ba'i dngos po gcig rang gi mtshan nyid du bshad do/ /de nyid las zhes bya ba ni dngos po nyid la'o/ /spyi bshad do zhes bya ba la spyi'i mtshan nyid bshad do zhes khong nas dbyung ngo //mtshan nyid brjod pa'i rgyu ni de'i ngo bor zhen pas zhes bya ba smos te/ gang gi phyir spyi snang bar sgro btags pa de'i phyir nye bas de'i mtshan nyid du brjod pa yin no/ /don byed pa bsgrub par bya ba de nyid la zhes bya ba ni spyi bsgrub par bya ba la'o/ /'di ni khas blangs nas smras pa yin gyi bsgrub par bya ba cung zad kyang yod pa ma yin no//de'i yul gyi don rtogs pas zhes bya ba ni rjes su dpag pa'i yul gyi don spyi'i mtshan nyid rtogs pa'i phyir ro/ /dus phyis zhes bya ba ni spyi rtogs pa las dus phyis me'i rang gi mtshan nyid la 'jug par mi 'gyur ro zhes bya ba'i don to/ /'jug par mi 'gyur te zhes pa ni/sngar spyi la 'jug par khas blangs nas phyi rol gyi me la sogs pa la 'jug pa bkag pa yin la da ltar ni spyi la yang 'jug pa bkag pa yin no/ /dus phyis me la 'jug par mi 'gyur ba'am zhes bshad pa gang yin pa de la dpe ni bum pa yongs su bcad nas zhes bya ba la sogs pa yin te/ji ltar bum pa yongs su bcad nas bum pa yongs su bcad bar zhen pa dang ldan pa bsgrub par bya ba'i don snam bu la 'jug par mi 'gyur ba de dang 'dra bar spyi yongs su bcad nas/ bsgrub par bya ba'i don rang gi mtshan nyid la 'jug par mi 'gyur ro zhes bya ba ni dpes mtshon pa'i don yin no//rjes su dpag pa las kyang 'jug pa zhes bya ba ni bzlog pa bstan pa'o/ /gnyis pa gzhan gyi ngo bor rtogs pa 'khrul pa dag tu bzhed pa gang yin pa de ni zhes bya ba ni rang gi mtshan nyid kyi rnam par rtog pa las gzhan pa'i rtogs pa gnyis pa 'khrul pa ra bzhed pa gang yin pa de'o//rgyu gang gis de 'jug pa yin zhe na/ gzhan gyi ngo bor zhes bya ba smos te/ spyi'i ngo bos zhes bya ba'i don to/ /de'i gsal ba'i ngo bor zhes bya ba ni de'i rang gi mtshan nyid du ste/ rnam par rtog pa'i rjes su dpag pa'i gzung ba'i rnam pa'i sgo nas rang gi mtshan nyid du zhen pas rtogs pa gang yin pa de ni rang gi mtshan nyid yin no zhes bya ba'i don to//rtogs pa po'i zhen pa'i dbang gis de gsal ba'i ngo bor rtogs pa yin no zhes brjod kyi/ de rtogs pa ni de ma yin te/ yang dag par ma yin pa'i rnam pa 'dzin pa'i phyir ro/ /'khrul pa yang zhes bya ba'i mdo'i tshig de dang /smig rgyu la sogs pa zhes bya ba spel nas bshad pa yin te/ smig rgyu la sogs pa'i yul can gyi shes pa la smig rgyu la sogs pa'i sgras bstan to/ /de ltar na chur 'khrul pa'i rgyu 'byung ba'i khyad par la smig rgyu la sogs pa'i sgras brjod do/ /de skad du ji ltar smig rgyu la sogs pa'i yul can gyi shes pa 'khrul pa nyid yin pa'i phyir tshad ma ma yin pa de dang 'dra bar rjes su dpag pa'i shes pa yang yin no zhes bstan par 'gyur ro//'gyur bar 'dod mod kyi spyi don byed pa la nus pa med pa nyid kyi phyir de la don du zhen pas 'jug pa de tshad mar ni mi 'gyur na/spyi'i rnam pa des kyang rang gi mtshan nyid rtogs pa yin no/ /de bas na de nyid la de tshad ma nyid yin pa gang gis bzlog /de ltar na rtogs pa 'di bsal ba'i don du 'khrul pa'ang zhes bya ba'i 'ang gi sgra byas pa yin no/ /de nyid ni 'ang gi sgras ni spyi'i zhes bya ba la sogs pas 'chad par byed de/ rnam pa gzhan gyis gzhan rtogs pa 'gal ba'i phyir ro/ /de rtogs pas de rtogs pa la gzhan gyi ngo bo ma yin pas khyab pa yin la/ de dang 'gal ba yang gzhan gyi ngo bo nyid yin pa de ltar na khyab par byed pa 'gal ba dmigs pa'o/ /de bzhin du tshad ma nyid la ma 'khrul pa nyid kyis khyab pa yin la de dang 'gal ba yang 'khrul pa yin pa de ltar na/sbyor ba gnyis pa yang khyab par byed pa 'gal ba dmigs pa nyid yin la sbyor ba de dag kyang thal pa bsgrub pa yin no/ /rang gi mtshan nyid kyi bsam pa can gyi rjes su dpag pa ni tshad ma nyid yin pa zhes bya ba ni rang gi mtshan nyid du zhen pa dang ldan pa'o//de ltar na rang gi mtshan nyid rtogs pa'i bsam pa nyid kyi rjes su dpog pa po 'jug par 'gyur ro/ /bsam pa ji lta ba bzhin du 'jug pas kyang bsam pa dang mthun par rang gi mtshan nyid rtogs pa de'i phyir ci ltar na rjes su dpag pa tshad ma nyid du mi 'gyur/ gzhan dag ni sems par byed pas na bsam pa ste/phrad pa pa yin par smra ste/ rang gi mtshan nyid dang phrad pa'i phyir rjes su dpag pa tshad ma yin no zhes bya ba'i don to/ /de bas na tshad ma nyid yin pa'i phyir 'khrul pa ma yin no/ /gang gi phyir rang gi mtshan nyid kyi yul can rjes su dpag pa'i tshad ma nyid yin pa de'i phyir/rang gi mtshan nyid rtogs pa kho na rjes su dpag pa'i tshad ma yin no/ /de bas na rang gi ngo bo nyid du rtogs pa yin pa de ltar na bzlog pa'i sbyor ba byas pa yin no/ /gal te de 'dra ba de yod pa ma yin no zhes bsgrub pa zhes bya ba ni don gang la zhen pas skyes bu 'jug pa'i don de la 'khrul pa'i shes pa mi slu ba med do zhes bya ba de ltar na/'khrul pa gang yin pa de ni tshad ma ma yin par sbyor ba gnyis pa 'di la gal te sgrub par 'gyur na zhes bya ba'i don to/ /thal ba dang po nyid la zhes bya ba ni gang zhig gang las gzhan gyi ngo bo yin pa de ni rtogs pa na rtogs par mi 'gyur te zhes bya ba la sogs pa la ste/gal te ngo bo gzhan rtogs pa na ngo bo gzhan rtogs par zhen pa yod pa ma yin pa de ltar sgrub pa de'i tshe ma nges pa nyid yin te/ 'khrul par ngo bo gzhan 'dzin pa na yang ngo bo gzhan du zhen pa mthong ba'i phyir ro/ /de nyid ni 'di ltar de ni zhes bya ba la sogs pas ston to//bzlog pa'i sbyor ba dang po zhes bya ba ni gang tshad ma yin pa de ni 'khrul par mi 'gyur te zhes bya ba la sogs pa la ste/ nor bu'i 'od la nor bu'i blos ma nges pa yin te/ nor bu'i 'od la nor bu'i blo 'khrul pa nyid yin na yang nor bu'i dngos po la mi slu ba'i sgo nas tshad ma nyid yin pa'i phyir ro//de ltar na mi slu ba'i phyir tshad ma nyid yin no zhes bya ba'i tshad ma'i spyi'i mtshan nyid nor bu'i 'od la nor bu'i blo la yod pa yin no/ /de bas na de nyid tshad ma yin no/ /gal te de lta na ni mngon sum dang rjes su dpag pa ma gtogs pa'i tshad ma gsum pa thob par 'gyur ro//'di ltar re zhig nor bu'i 'od la nor bu'i blo mngon sum du gyur pa ma yin te/ 'khrul pa nyid kyi phyir dang rnam par rtog pa dang bcas pa nyid kyi phyir dang / mngon sum yang de las bzlog pa nyid yin pa'i phyir ro/ /rjes su dpag pa yang ma yin te rtags las skye ba med pa nyid kyi phyir ro//tshad ma nyid ma yin pa yang ma yin te/ dngos po la mi slu ba'i phyir ro zhe na/ 'dir brjod pa tshad ma gzhan du thal ba ma yin te/ rjes su dpag pa nyid kyi nang du 'du ba'i phyir ro/ /de ltar na rjes su dpag pa'i spyi'i mtshan nyid ni 'di yin te/lkog tu gyur pa'i don gzhan 'brel pa las rtogs pa ni rjes su dpag pa yin no zhes de ma thag tu rnam par 'jog par 'gyur ro/ /'dir yang nor bu la nor bu'i 'od kyi 'brel pa de'i 'bras bu nyid las nor bu'i 'od de la nor bu'i 'khrul pa skye bar 'gyur ro/ /de bas na 'bras bu'i rtags las skyes pa'i phyir rjes su dpag pa nyid yin no//de ltar na nor bu'i 'od la dang por mig gi rnam par shes pa skye ste/ gang gi phyir rang gi mtshan nyid kho na rtags yin pa de nyid kyi phyir 'bras bu'i rtags kyi rang gi ngo bo rtogs pa yin no/ /ji skad du don gyi don rtogs pa'i phyir phyogs dang gtan tshigs brjod pa'i nus pa don ma yin no zhes gsungs pa lta bu'o//de ltar na de'i bdag nyid dang de las byung ba go bar byed pa nyid du gnas pa yin gyi/ gzhan gyis kun du brtags pa'i rtags de'i bdag nyid dang de las byung ba'i don nyid du 'gyur ba ma yin no/ /gal te ji ltar na rang gi mtshan nyid kyis rjes su 'gro ba yin zhe na/de nyid kyis zhes bya ba ni mi smra'i/ 'on kyang de'i rigs can gyi rang gi mtshan nyid gzhan dang ngo / /de skad du de'i rigs can zhes bya ba yang khyad par du brjod par 'dod pa ma yin pa de nyid yin no zhes gsungs pa yin no/ /de bas na rigs mtshungs pa'i rang gi mtshan nyid rigs mi mthun pa la sogs pa'i khyad par can gyi spyi zhes brjod do//gang la yang byas pa nyid la sogs pa ldog pas tha dad par rnam par gzhag pa de la yang chos dang chos can gyi rnam par dbye ba ni rmongs pa la bstan pa'i thabs su brjod pa'i don yin gyi go bar byed pa ni rtags kyi rang gi mtshan nyid kho na yin no//de skad du chos dang chos can nyid du tha dad pa blo'i rnam pas byas pa yin gyi don kyang ni ma yin te zhes gsungs so/ /du ba'i rtags las rtags can gyi shes pa skye ba du ba nyid la mer sgro btags nas 'jug pa ni ma yin no/ /'o na ci yin zhe na/sa phyogs gzhan la'o/ /gal te nor bu la 'khrul pa yang nor bu'i 'od ces bya ba'i rtags de nyid la rtags can sgro 'dogs par byed pa ma yin zhe na/ de las cir 'gyur/ 'di tsam gyis 'brel ba las byung ba nyid nyams pa ni ma yin no/ /'dir yul la 'khrul pa lhag pa yod do zhes de tsam zhig brjod par bya ste/phyogs de nyid kho na la nor bu dang phrad par byed pa nyid kyis tshad mar ni mi 'gyur mod kyi/ nor bu tsam dang phrad par byed pa la rjes su dpag pa nyid yin pa gang gis bzlog rjes su dpag pa thams cad kyang 'khrul pa nyid yin par bzhed do/ /gal te nor bur 'khrul pa la rjes su 'phro ba dang ldog pa dran pa yod pa ma yin no zhe na/gal te yod pa ma yin pa de tsam gyi rjes su dpag pa nyid ma yin pa ma yin te/ gang rjes su 'gro ba dang ldog pa dran pa nyid med par mod la du ba las me rtogs par 'gyur ba de'i tshe/ ci shes pa de rjes su dpag pa'i shes pa yin par mi 'dod dam/de tshul gsum pa'i rtags las skyes pa yin pa de ltar na/ de tsam gyi rjes su dpag pa zhes smra'o/ /gal te nor bu'i 'od la nor bur 'khrul pa rjes su dpag pa nyid yin na/ ji ltar rjes su dpag pa tshad ma nyid du 'jog pa na/ nor bu sgron ma'i 'od dag la zhes bya ba la sogs pas dper byed/rjes su dpag pa spyir mi slu bar bsgrub par bya ba la rjes su dpag pa nyid dpe nyid du rigs pa ma yin no/ /'di ni skyon ma yin te 'di ltar nor bur 'khrul pa la 'khrul pa nyid yin na yang dngos po la mi slu ba tsam du 'dod cing / du ba la sogs pa'i rtags las skyes pa'i rjes su dpag pa 'di ni ma 'khrul pa nyid dang dngos por snang ba nyid yin te/de lta ma yin na mi slu ba nyid du mi 'gyur ro/ /de bas na nor bur 'khrul pa dpe nyid du bstan pa yin no/ /gnyis pa la yang ma grub pa yin te zhes bya ba ni gang zhig gang gi rtog pa yin pa de ni de'i ngo bo nyid du 'gyur te zhes bya ba'i bzlog pa'i sbyor ba gnyis pa de la gtan tshigs ma grub pa yin te/rjes su dpag pa yang rang gi mtshan nyid rtogs pa yin no zhes bya ba'i gtan tshigs ma grub pa nyid kyi phyir ro/ /brjod bya nyid phyir zhes bya ba'i gtan tshigs kyis bstan zin to zhes bya ba ni/rnam par rtog pa'i rnam par shes pa'i gzung ba brjod bya nyid yin pa'i phyir dang don byed par mi nus pa'i phyir zhes bya ba la sogs pas dngos po nyid du med pa bstan zin pa nyid kyi phyir ro/ /thal ba bzlog pa dag la de nyid ma nges pa nyid du ston par byed do zhes bya ba ni thal ba dang bzlog pa zhes bya ba ni zlas dbye ba'o//gang 'khrul pa yin pa de ni tshad ma ma yin te/ dper na mig ser can gyis ser por mthong ba lta bu'o zhes bya ba la sogs pa thal ba gnyis pa gang yin pa dang / gang tshad ma yin pa de ni 'khrul par mi 'gyur te zhes bya ba la sogs pa bzlog pa gang yin pa de dag ni ma nges pa nyid du ston par byed do zhes bya ba'i don to//de ltar na nor bu'i 'od la nor bu'i blo 'khrul pa nyid yin na yang tshad ma nyid yin pa'i phyir thal ba ma nges pa yin zhing / tshad ma nyid yin na yang 'khrul pa nyid yin pa'i phyir bzlog pa la yang ma nges pa yin no/ /'di las zhes bya ba ni rjes su dpag pa dang der snang ba dag gi nang nas so//nor bu dang 'brel pa'i zhes bya ba ni brgyud pas nor bu'i 'od la nor bu'i blo nor bu'i dngos po dang 'brel pa las so/ /de ltar na re zhig nor bu'i 'od ni nor bu dang 'brel pa yin te de las byung ba nyid kyi phyir ro nor bu'i 'od dang nor bu'i shes pa yang yin no//shes pa de las de la 'jug pa'i phyir ro zhes bya ba ni nor bu'i 'od la nor bu'i shes pa'i rgyud las skyes bu de nor bu de la 'jug pa'i phyir ro/ /de ltar na blo'i snang bas rjes su 'gro ba dang ldog pa'i rjes su byed pa gang yin pa zhes bya ba'i blo la snang bas rjes su 'gro ba dang ldog pa 'dzin par byed ces bya ba'i don to//de med na med pa nyid kyang ldog pa 'dzin pa zhes brjod do/ /de lta ma yin na ngo bo med pa la 'dzin pa ci 'dra ba zhig yod/ rtogs pa po'i da ltar gyi gnas skabs la ltos pas yin no zhes bya ba la/ rtogs pa po ni lta ba po'o/ /de'i yul rung ba na gnas pa'i khyad par 'dzin pa la mngon sum du phyogs pa'i gnas skabs ni/da ltar gyi gnas skabs te/ de la ltos pa ste de'i ngo bo la ltos pa zhes bya ba'i don to/ /de ltar na gang snang ba mthong ba tsam la sogs pa tshogs pa can gyi lta ba po dang thag nye ba'i de la rag lus pas gnas pa dngos po'i rnam pa can gyi shes pa skyes bu gang yin pa de ni mngon sum yin la de med pa'i phyir lkog tu gyur pa yin no//de skad du ci skad du bshad pa'i rtogs pa po'i gnas skabs nges par byas nas/ dus nges pa'i khyad par yongs su bcad nas/ sgog tu gyur pa la sogs pa rnam par gzhag pa yin gyi/dngos po'i rang bzhin dus thams cad du gnas pa gzung bas ni ma yin no zhes bstan to/ /dngos po las rnam par gzhag na ni lkog tu gyur pa gang yin pa de thams cad du lkog tu gyur pa yin zhing / mngon sum du gyur pa gang yin pa rtag tu mngon sum nyid du 'gyur ro/ /'chol par yang snang ba yin te mngon sum yang gzhan du lkog tu gyur pa nyid kyi phyir dang /lkog tu gyur pa yang mngon sum nyid du gyur pa'i phyir ro/ /de nyid ni de lta ma yin na lta ba po dang snang ba dag gi zhes bya ba la sogs pa smos pa la gnas skabs kyi khyad par gzhan du gyur pa ste/ rung ba mi rung ba nyid dam mi rung ba rung ba nyid du 'gyur ro//de de ltar na zhes bya ba la sogs pas mjug sdud par byed do/ /'di ltar don 'ga' zhig mngon sum yin pa de thams cad snang ba'i rang bzhin gyi gnas skabs yin par khas len pa'i phyir zhes bya ba 'chad par 'gyur ba tha snyad du byas pa'i tshig dang sbyar ro zhes bya ba ni ngag gi don yin no//lkog tu gyur pa la ji ltar tha snyad du byed ce na/ so sor nges pa'i ngo bor gzung ba ma yin pa zhes bya ba smos te/ spyi'i mtshan nyid can yin no zhes tha snyad du byas pa yin te/ gang la spyi'i mtshan nyid yod pa zhes bya ba'i don te/ /rnam par rtog pa'i shes pa'i gzung ba zhes bya ba la sogs pa la/de ltar rnam par rtog pa'i shes pa la snang ba'i ngo bo mi gsal ba gang yin pa de dngos po la yod pa ma yin pa de bas na/ rnam par rtog pa'i shes pas gzung ba de lkog tu gyur pa yin no sems so/ /de'i des de'i rang gi ngo bo zhes bya ba la sogs pa ni grub pa'i mtha' smra ba yin no//de'i ni rgol ba'i'o/ /des ni rnam par rtog pa'i shes pas so/ /dngos po'i de'i rang gi ngo bo 'dzin pas na rnam par rtog pa'i rnam par shes pa de'i yul don ni lkog tu gyur pa ma yin zhing mngon sum nyid du 'gyur te/ rang gi ngo bo'i shes pa skyed pa'i phyir ro//rang bzhin las ngo bo lhag pa zhes bya bar sbyar te/ rang bzhin kho na 'dzin pa zhes bya ba'i don to/ /rang bzhin de yang rnam par rtog pas kyang 'dzin pa de ltar na khyad par yod pa ma yin no/ /gang gis na de'i sgo nas zhes bya ba ni dbang po'i sgo nas so/ /gal te rnam par rtog pa dang dbang po'i shes pa dag rang bzhin rtogs par mtshungs pas yin na/dbang po'i sgo nas mngon sum rnam par 'jog pa de'i tshe gzhan la bde ba la sogs pa mngon sum du mi 'gyur te/ de la dbang po'i byed pa med pa'i phyir ro/ /bde ba la sogs pa 'dzin pa'i shes pas de dag gi rang gi ngo bo rtogs pa'i phyir mngon sum nyid du gzhan gyis 'dod de/bdag nyid 'phrod pa 'du ba can gyi shes pas bde ba la sogs pa nyams su myong bar khas len pa'i phyir ro/ /de nyid bstan par bya ba'i phyir dbang po'i sgo nas zhes bya ba la sogs pa smos so/ /dbang po don med par ni dgos pa med pa yin te/rnam par rtog pa'i shes pa nyid kyis gzugs la sogs pa'i dngos po thams cad kyi rang gi ngo bo gzung ba'i phyir ro/ /de bas na mngon sum dang lkog tu gyur pa tha dad pa med pa'i skyon 'ba' zhig tu ma zad kyi/ 'on kyang dbang po don med par thal ba'i mtshan nyid can gyi skyon 'di gzhan yin no//'gyur bar ni 'dod mod kyi gal te yang rnam par rtog pa'i rnam par shes pa dngos po'i rang gi ngo bo 'dzin pa de ltar na yang mi gsal ba'i rnam pas yin la/ dbang pos ni gsal ba yin pa de bas na dbang po don med pa ma yin no zhe na/ de'i phyir don de la zhes bya ba la sogs pa smos so//rnam par rtog pa gang gi rgyu yi brgyud pa nye ba na yod pa yin no zhes bya ba ni ji ltar byas pa nyid dang du ba'i rtags las/ sgra dang sa phyogs la sogs pa la mi rtag pa dang me dang ldan pa'i rnam par rtog pa de ni dngos po 'brel pa'i rang bzhin dang 'bras bu'i rtags kyis bskyed pa'i phyir ro//gzhan zhes bya ba ni dper na rtag pa nyid la sogs pa'i rnam par rtog pa lta bu'o/ /don mthong ba mngon du song ba can las skyes pa'i phyir zhes bya ba ni dngos po mthong ba las rtag pa nyid la sogs pa'i sgro 'dogs pa'i phyir ro/ /rtags las rtags can gyi rtogs pa gang yin pa de rtags can gyi rang gi ngo bo 'dzin pa ma yin na/ji ltar na rtags can de'i rtogs pa de yin zhes brjod ce na zhes dogs pa de la/ rtags can rtogs pa ni zhes bya ba la sogs pa smos pa la/ de'i mi slu ba'i phyir zhes bya ba ni rtags can dang phrad par byed pa'i phyir ro/ /rtags 'dzin pa bzhin du zhes bya ba ni rnam par rtog pa dang bcas pa rnam par 'jog par byed pa rtags 'dzin pa mngon sum gyi phyis byung ba gang yin pa de rtags kyi rang gi ngo bo nyid 'dzin par byed pa ma yin pa de lta na yang /rtags la mi slu ba'i phyir rtags rtogs pa zhes brjod do/ /'dis ni chos can dang 'brel pa can zhes bya ba ni phyogs kyi chos nyid do//'phen pa'am bzlas pa'i tshul gyis ston pa ni zur gyis bstan pa ste/ dang por de'i sgras ni chos bstan cing drug pa'i bsdu bas de'i rten zhes bya bas ni chos can bstan la/ da ni de'i sgras chos can brjod de/ de'i rten can zhes bya ba'i 'bru mang po pa 'dis ni bsgrub par bya ba'i chos bstan to//'di ltar 'ga' zhig las zhes bya ba ni 'brel pas stong pa las so/ /thams cad la zhes bya ba ni yul ji srid pa rjes su dpag par bya ba yod pa'o/ /thams cad kyi zhes bya ba ni don gang rjes su dpog par nus pa'o/ /thams cad kyi sgra ni 'dir brjod par 'dod pa ma lus pa brjod pa yin no//thal ba gnyis pa la yang thams cad kyi sgra ma lus par brjod par bya'o/ /de ltar na thal ba'i tshig la khyad par du 'gyur ro/ /don de 'dra ba las zhes bya ba ni tshul gsum pa'i rtags las so/ /so sor nges pa'i tshul gyis zhes bya ba ni rtswa las byung ba dang / lo ma las byung ba la sogs pa'i tshul gyis so//de med na yang zhes bya ba la sogs pa la rtswa'i me la sogs pa'i mtshan nyid med na yang rtags de yod pa'i phyir ro/ /de ltar na rtsa las byung ba'i me med na yang me gzhan la du ba yod pa de ltar na khyad par thams cad phan tshun 'khrul pa yin par sbyar ro//'on kyang de tshe go byed rjes 'gro ba/ /zhes bya ba la sogs pa la go bar byed pa rtags kyi rjes su 'gro ba khyad par byed pa'i spyi'i ngo bo me ma yin par rnam par bcad pa tsam gang yin pa me'i spyi de nyid du rtogs pa yin no zhes bya ba'i don to/ /rtags ni zhes bya ba la sogs pas de 'chad par byed do//rtswa dang lo ma dag las skyes pa ni rtswa las byung ba dang lo ma las byung ba'o/ /'brel pa can gyi chos dag la zhes bya ba 'di'i rnam par 'grel pa ni rjes su 'gro ba dang ldog pa zhes bya ba'o/ /chos can la zhes bya ba de tsam ni mdo yin no/ /chos de dang ldan pa zhes bya ba dang spel ma yin te/sgrub par byed pa'i chos dang ldan pa zhes bya ba'i don to/ /chos can la skye ba zhes bya ba 'dis ni chos can dang 'brel pa bstan to zhes bya ba ni/ 'di ltar 'brel pa can gyi chos dag la/ chos can la rtogs pa skye ba na zhes bshad pa na/ chos can gyi sgra 'brel pa can gyi sgra nyid yin pa'i phyir/'brel pa can gyi chos de nyid la ltos nas chos can zhes rtogs par 'gyur ro/ /de ltar na phyogs kyi chos nyid bshad pa yin no/ /gsum gcig grangs ni bsal ba'am/ /zhes bya ba la'am gyi sgra ni sngar gzhal bya gnyis nyid yin pa'i phyir tshad ma gnyis kho na yin no zhes bya ba 'dis gsum la sogs pa'i grangs bsal ba byas pa yin no zhes bshad nas/da ni gzhal bya gnyis nye bar bkod pa 'di nyid kyi rjes su dpag pa yang tshad ma nyid du bstan pa'i phyir/ gsum la sogs pa'i grangs bsal ba bzhin du gcig gi grangs bsal ba yang byas pa nyid yin no zhes bya ba'i khyad par 'dis phyogs gzhan ston par byed pa yin no//dpe bsgrub par bya bas stong pa yin no zhes bya ba ni med pa yang gzhal bya nyid yin la/ de la gzhal bya nyid ma yin pa'i bsgrub par bya bas stong pa'i phyir ro/ /ji ltar na rang nyid ces bya ba la sogs pa ni gzhan gyi yin te/ gzhan dmigs pa'i mtshan nyid can gyi mngon sum gyis dmigs pa'i mtshan nyid kyir gyur pa ji ltar med par grub par 'dod ce na zhes bya bar sbyar ro/ /de la yang zhes bya ba ni grub pa'i mtha' smra ba'i'o/ /rang bzhin gyi nges pa zhes bya ba ni de yang de las gzhan pa las ldog pa'i ngo bo rang gi mtshan nyid du gnas pa'o//'ba' zhig ces bya ba 'dis ni dmigs pa'i mtshan nyid kyir gyur pa dang ma 'dres pa can no/ /de yod pa nyid du nye bar 'jog pa las zhes bya ba ni mngon sum ste/ yod pa nye ba can ma yin pa ni sgrub par byed par mi rung ba'i phyir ro/ /khyod kyis kyang mi dmigs pa mngon sum gyis grub par 'dod pa ma yin nam/de'i phyir mi dmigs pa 'di ni/ rang nyid mngon sum nyid kyis rtogs/ /zhes gsungs pa'i phyir ro/ /mi dmigs pa yang med pa yin pa de bas na/ khyed kyis kyang med pa'i yul can gyi mngon sum 'dod pa yin no zhe na/ de'i phyir gang yang kho bo cag mi dmigs pa zhes bya ba la sogs pa smos te/de la med pa yul du byed pa'i phyir mngon sum gyi tshad mas mi dmigs pa bsgrub pa ma yin gyi zhes bya ba khong nas dbyung ngo / /de ltar 'jig rten pha rol la sogs pa zhes bya ba ni rang bzhin gyis bskal ba can de ni don 'ga' zhig dang shes pa gcig la 'dre ba med pa'i phyir ro//dngos po gang yang rung ba'i gnas skabs mtshungs pa 'ba' zhig rtogs pas 'jig rten pha rol med par rtogs pa zhes bya ba ni bsdu ba'i don yin no/ /rnam pa gzhan du yang snang ba'i phyir ro zhes bya ba ni dngos po yod pa yang yul la sogs pas bskal pas mngon sum ldog pa yang snang ba'i phyir ro//ci ste 'di'i 'khrul pa med pa zhes bya ba 'di ni khas blangs nas brjod pa'o/ /smra sogs la ni zhes bya ba ni brjod pa la sogs pa la'o/ /shing sha pa ni shing rtogs par byed pa'i rtags so/ /chu brtan pa ni rten rtogs par byed pa'o/ / tshad ma'i 'bras bu can nyid yin pa'i phyir tshad ma nyid ces brjod do// //tshad ma rnam 'grel gyi 'grel bshad/ bam po lnga bcu rtsa gcig pa/ gal te la la dag tu ni/ /'khrul phyir yid brtan med yin zhes/ /zhes bya ba ni skyu ru ra nyid yin pa'i phyir skyu ru ra ni bska ba yin te/ myangs pa'i skyu ru ra bzhin no zhes bya ba 'di ni 'khrul pa yin te/ 'o ma la sogs pas bcus pa la sogs pa byas pas la lar skyu ru ra'i 'bras bu mngar ba nyid kyang mthong ba'i phyir ro/ /de bzhin du gzhan la yang gnas skabs dang yul dang dus tha dad pa'i sgo nas 'khrul pa srid par 'gyur ro//de skad du/ gnas skabs yul dus tha dad phyir/ /nus rnams tha dad yod na ni/ /dngos rnams rjes su dpag pa yis/ /rtogs pa dag ni rnyed par dka'/ /don byed de dang de la ni/ /dngos po nus nges can gyi ni/ /rdzas khyad par can 'brel pa yis/ /nus pa so sor 'joms par 'gyur//zhes smras pa yin no/ /de gang la yod pa zhes bya ba ni gang la slu ba med pa ste/ de'i bdag nyid dang de las byung ba'i mtshan nyid yod pa'o/ /des ni ldog pa tsam rtags ma yin no/ /'o na ci yin zhe na/ gzhan dmigs pa yin no zhes ston par byed do zhes bya ba ni/'di ltar mthong ba'i rgyu gzhan yod na zhes bya ba 'dis ni mig la sogs pa'i 'jug pa'i byed pa nyid bstan to/ /de dag de la ji ltar nus par 'gyur/ gal te de la rnam par gnas pa'i phyogs la sogs pa yongs su gcod par byed pa de bas na/ bum pa la sogs pa dgag par bya bas dben pa'i sa phyogs la sogs pa dmigs pa nyid ma yin par 'jug pas mi dmigs pa yin no zhes ston par 'gyur ro//ji skad du bshad pa'i rang bzhin mi dmigs pa la sogs pa zhes bya ba'i sogs pa smos pas ni khyab par byed pa dang rgyu mi dmigs pa gzung ngo / /khyab par byed pa ni khyab par byed pa'i rang bzhin nyid yin pa'i phyir/khyab par byed pa mi dmigs pa yang rang bzhin mi dmigs pa de dang ldan pa zhes bya bas bstan to/ /ci rigs par zhes bya ba bum pa'i bdag nyid la sogs pa ni rang bzhin mi dmigs pa dang ldan pa yin zhing / shing sha pa la sogs pa ni khyab par byed pa mi dmigs pa dang ldan pa yin la/du ba la sogs pa ni rgyu mi dmigs pa dang ldan pa zhes bya ba'i don to/ /de la khas len na zhes bya ba ni ji skad du bshad pa'i mtshan nyid can gyi 'brel pa khas len na'o/ /de 'dra ba la zhes bya ba ni ji skad du bshad pa'i mtshan nyid can gyi 'brel pa la'o//bstan par nus pa ni ji skad du bshad pa'i mtshan nyid can gyi 'brel pa zhes bya ba'i skabs yin no/ /'dir zhes bya ba la sogs pa le'u dang bor bstan zin cing 'og nas kyang ston pa'i phyir ro/ /gal te yang gtan tshigs gsum gyi 'brel pa bsgrub pa yin pa de lta na yang / dpe'i khyad par la ltos nas gtan tshigs 'ga' zhig gi zhes bya ba smos so/ /de ltar de zhes bya ba la sogs pa la dbang pos mthong bar gyur cing ma mthong ba la gzung bar mi 'gyur ba gang yin pa nyid yin no/ /'di la nges pa yod pa ma yin no zhes bya ba ni 'di dbang po dag gis dus gzhan du yang mi 'dzin par nges pa yod pa ma yin te/goms pa las gsal ba skye ba can 'ga' zhig gis gzung ba nyid du srid pa la gnod pa can gyi tshad ma med pa'i phyir ro/ /gzung bar bya ba la dbang po las 'das pa nyid med pa'i phyir ro zhes bya ba ni/ skyes bu'i phul du byung ba 'di la ltos nas de gzung bar bya ba yin pa de la dbang po las 'das pa nyid med pa'i phyir ro zhes bya ba'i don to//mig la sogs pa'i dbang po rnams kyi gnas skabs kyi khyad par la ltos nas zhes bya ba ni gang gi tshe mig la sogs pa yul la sogs pas chod pa la sogs pa nus pa med pas rang gi yul 'dzin pa la rung ba ma yin no//de ni ji skad du bshad pa'i dbang po las 'das pa nyid do/ /gzhan la yang zhes bya ba ni 'jig rten pha rol la sogs pa las so/ /'dir gzhan nyid ni yul la sogs pas bskal pa'i gzugs la sogs pa'i khyad par ro/ /'o na gang 'di mi rtag pa la sogs pa'i rnam pas sam du mar kha dog la sogs pa 'dzin pa de ltar na zhes bya ba la sogs pa tshad ma kun las btus pa'i gzhung phyogs snga ma dang bcas pa bshad par bzhed pas/gzhal bya nges na kha dog gi /mi rtag pa ni rtogs mi 'gyur/ /zhes bya ba smos te/sgra mi rtag pa ces bya ba spyi dang rang gi mtshan nyid kyi rnam pa can gyi blo gcig nyid yin no zhes gzhan dag sems so/ /khyad par 'dzin pa'i phyir ro zhes bya ba ni/ rang gi mtshan nyid yin gyi sangs rgyas pa'i rjes su dpag pa ni rang gi mtshan nyid 'dzin pa ma yin no/ /du ma zhes bya ba de ni shes pa khyad par dag ni mthong ba gang zhes bya ba la sogs pas 'chad par byed do//'dir rjes su dpag par 'dod pa'i mtshan nyid de nyid ces bya ba ni spyi nyid mthong ba de nyid 'dir tshul gsum pa'i rtags smra ba'i gzhung la rjes su dpag pa yin par 'dod de/ spyi nyid bsgrub par bya ba la rtags kyi rjes su 'gro ba dang ldog pa yod pa'i phyir ro//dper na khyad par mthong ba'i tshad mas khyad par 'dzin pa lta bu'o zhes bya ba ni mngon sum gyis kyang khyad par 'dzin cing / khyad par mthong ba'i tshad mas kyang yin pa de bas na yul gcig la tshad ma du ma 'jug pa lta bu'o//de ltar na re zhig gzhal bya gnyis nyid yin pa'i phyir tshad ma gnyis yin no zhes rnam par gzhag pa gang yin pa de spangs nas gzhal bya mang ba nyid dam gzhal bya gcig la tshad ma du ma 'jug pa'i phyir tshad ma mang po nyid yin no zhes bya ba'i phyogs snga ma tshad ma kun las btus pa'i gzhung bshad pa yin no//yang na/ gsum gcig grangs ni bsal ba'am/ /gzhal bya gnyis ni mthong phyir ro/ /zhes bshad pa gang yin pa de sel bar byed pas na 'di phyogs snga ma yin no/ /de nyid ni 'o na zhes bya ba la sogs pa'i gzhung 'dis zhes bya ba la sogs pa smos so/ /kha dog spyi la sbyor phyir ro//zhes bya ba 'dis 'di skad du kha dog la sogs pa mi rtag go zhes ston par 'gyur ro/ /rnam par rtog pa 'dis ni kha dog la sogs pa'i rang gi mtshan nyid dang mi rtag pa'i spyi nyid sbyor ba ma yin gyi/ 'on kyang kha dog la sogs pa'i rgyun gyi mthar thug par 'jug pa can gyi skad cig ma mngon sum gyis bzung ba yin no//de nas rgyun chad pa na des dben pa gzhan dmigs pa'i mtshan nyid can gyi mi dmigs pa'i mngon sum skye bar 'gyur ro/ /de bas na ji skad du bshad pa'i mngon sum gnyis kyi stobs kyis skyed pa'i rnam par rtog pa'i rnam par shes pa kha dog la sogs pa'i spyi nyid kyi mi rtag pa'i spyi nyid la sbyor bzhin du skye ba yin te/rnam par rtog pas rang gi mtshan nyid la 'dzin par mi nus pa nyid kyi phyir ro/ /de'i phyir kha dog gi mi rtag pa nyid rtogs pa'i yul du gyur pa 'di nyid spyi nyid yin gyi/ rang dang spyi'i mtshan nyid gcig ma yin pa de bas na gzhal bya gzhan yod pa ma yin no//mi rtag pa la sogs pa'i rnam par grub pa dag gis bsgrub phyir ro zhes bya ba ni mi rtag pa la sogs pa'i rnam par dngos po nges pa gang yin pa de rab tu bsgrub pa'i phyir ro/ /gal te gzhan la gzhan grub min/ /zhes bya ba ni gzhan rang gi mtshan nyid las gzhan pa'i mi rtag pa la sogs pa grub pa gang yin pa de grub par mi 'gyur ro zhes bya ba'i don to//de ni spyi zhes bya ba la sogs pas 'chad par byed do/ /rgyu brgyud pa gzhan nye bar yod pa zhes bya ba ni de'i bdag nyid dang de las byung ba'i 'brel pa'i rtags kyi shes pa la sogs pa'i mtshan nyid do//de'i rgyu dang rnam par nges pa'i rang bzhin me la sogs pa'o zhes bya ba la/ mi rtag pa nyid la sogs pa'i khyad par du nges pa ni rnam par nges pa'o/ /rgyu dang rnam par nges pa'i rang bzhin gang yin pa de la de skad ces bya'o/ /rgyu'i rang bzhin ni me yin la rnam par nges pa'i rang bzhin ni sgra mi rtag pa dang ldan pa'o//de ltar na gnyi ga'i skabs yongs su bzung ba yin no/ /de'i yul can gyi sems zhes bya ba ni de 'dra ba'i rtags kyi yul can gyi sems so/ /de yang ci 'dra ba zhig ce na du ba la sogs pa zhes bya ba smos so/ /spyi la sogs pa tsam du zhes bya bas ni rang bzhin dag pa bstan to//khyad par gzhan du sgro btags pa zhes bya ba ni khyad par la ltos pa yin no/ /de'i dngos po med par zhes bya ba ni rgyur gyur pa'i rang bzhin du gyur pa med par ro/ /mi 'byung ba zhes bya ba ni mi skye ba'o/ /tshogs pa'i khyad par las skye ba can zhes bya ba ni me long la sogs pa'i rgyu las skye ba can no//gi wang la sogs pas bskyed pa'i thig le la sogs pa ni mtshan ma la sogs pa'o/ /'gyur bar ni 'dod mod kyi dngos po gnas pa nyid kyi rnam pa la rjes su dpag pa'i rnam par rtog pa mngon par zhen pa yin par ji ltar shes par 'gyur zhe na/ de'i phyir yod pa'i rnam par zhen pa zhes bya ba la sogs pa smos so//rjes su dpag pa phyis 'jug pa'i tshad ma la ltos pa ma yin no zhes sngar bshad pa ma yin nam/ da phyis 'jug pa'i tshad ma la ltos par bshad pa de ltar na ji ltar phan tshun 'gal ba ma yin zhe na/ 'gal ba yod pa ma yin no/ /ji ltar rjes su dpag pa ni rang nyid las tshad ma yin mod kyi/rnam pa 'dis kyang yod pa'i rnam par zhen pa bstan par nus pa de lta bu'i don du 'di nye bar bkod pa yin no/ /'o na gang gi tshe gags byed pa 'ga' zhig las dngos po dang phrad par mi 'gyur ba de'i tshe/ ji ltar na yod pa'i rnam par zhen pa'i shes pa yin zhe na/de'i phyir gang gi tshe skyes bu mi 'jug pa na yang zhes bya ba la sogs pa smos so/ /ji lta bur gyur pa'i rgyu'i tshogs pa dang 'brel pa'i zhes bya ba ni ji skad du bshad pa'i rtags dang 'brel pa zhes bya ba'i don to/ /de lta bur gyur pa'i rtags dang 'brel pa la rnam pa gzhan du 'gyur ba yod pa ma yin no//de nyid kyi phyir rjes su dpag pa ni rang las tshad ma yin par bzhed do/ /gtan tshigs kyi rgyud pa 'di tsam la zhes bya ba ni rtags shes pa dang 'brel pa dran pa la sogs pa la'o/ /sdod pa dang ldan pa yin na zhes bya ba ni dus gzhan gyis chod pa dang ldan pa yin no//dngos po rjes su dpag par bya ba la skad cig ma nyid du 'jig pa srid pa'i phyir ro/ /gal te dngos po la rag lus pa'i rtags kyi stobs kyis rjes su dpag pa byung ba yin na/ 'o na ji ltar na rang gi snang ba don med pa la don du zhen pa'i mtshan nyid kyi 'khrul pa can yin zhe na/de'i phyir de'i 'khrul pa yang zhes bya ba la sogs pa smos so/ /mngon sum gyi tshad ma'i phyis 'byung ba can du ba la sogs pa'i yul la rtog pa'i rjes su 'gro ba'i blos bzung nas rtags kyi blo rang gi mtshan nyid kyi snang bas stong ba nyid yin par bshad do/ /gal te rtags las skyes pa'i blo tshad ma yin pa zhes bya ba ni rtags las skyes pa rtags kyi yul can gang yin pa de yang /rtags las brgyud nas byung ba yin pa de ltar na rtags las skyes pa yin no/ /de ltar na blo gnyis kyang 'dra bar 'gyur ba yin no/ /rtags kyi yul can mngon sum gyi phyis 'byung ba can gang yin pa yang tshad mar tha snyad du byas pa yin te/tshad ma'i rgyu nyid yin pa'i phyir ro/ /khyab byed ni rgyu dang rang bzhin gnyi ga yang yin te/ 'bras bu dang rang bzhin gyi rtags dag la khyab par byed pa nyid yin pa'i phyir ro/ /khyab par byed pa de yang rnam pa gnyis yin no/ /khyab par bya ba yang rnam pa gnyis yin te/sems de rtags shes pa'i rgyu mtshan no/ /rgyu ni 'bras bu'i rtags la dmigs pa'i shes pa'i rgyu mtshan yin la/ rang bzhin ni rang bzhin gyi rtags la dmigs pa'i shes pa'i rgyu mtshan yin no/ /'gyur bar ni 'dod mod kyi/ de phyir dngos po'i rtogs bya yin//khyab bya rtags kyi khyab byed yin/ /zhes bya ba de skad brjod par bya ba'i sems smos pa zhig bya zhe na/ de'i phyir gang rtags kyi rgyu mtshan ni zhes bya ba la sogs pa smos te/ 'di skad du sems smos pa ma byas na de la dngos po la yod pa'i rgyu dang 'bras bu'i dngos po yin pa'i phyir 'bras bu'i gtan tshigs nyid bshad par 'gyur gyi rang bzhin gyi gtan tshigs ni ma yin no zhes bstan par 'gyur ro//gang la yang dngos su mi dmigs pa'i phyir ro zhes thos pa ma yin te zhes bya ba ni gang la 'gal ba gzhan bsgrubs nas dgag pa byed ces bya ba'i don to/ /des na tshad ma ldog pa khas len pa med na mi 'byung ba ni zhes bya ba la sogs pa la/dmigs pa'i mtshan nyid kyir gyur pa'i zhes bya bar blta bar bya'o/ /de dang zhes bya ba ni dgag byar 'dod pa grang ba la sogs pa dang ngo / /bsgrub par bya ba'i don des zhes bya ba ni brjod ma thag pa'i dgag par byed pa'i rang bzhin dang 'gal ba'am/de'i rgyu dang 'gal bas so/ /gzugs dang gong bu yod par brjod pa na zhes bya ba ni dper na 'di na grang ba'i reg pa med de/ gzugs yod pa'i phyir ram gong bu yod pa'i phyir ro zhes bya ba'i sbyor ba 'di la ma nges pa dang ma grub pa'i skyon gnyis kyi dogs pa bsu ba yin te/ de la gcig yod par brjod pa tsam gtan tshigs khyad par can ma yin pa la 'brel pa med pa'i phyir ma nges pa nyid yin no//ci ste gzugs dang gong bu yod par brjod pa 'gal ba med pa ci 'dra ba 'di na grang ba'i reg pa med de/ me yod pa'i phyir ro zhes bya ba yin pa de bas na ma grub pa nyid yin te/ me yod par brjod pa dang 'gal ba nyid kyi phyir ro//de la skyon dang po bsal ba'i phyir 'dir yang khyab par zhes bya ba la sogs pa smos pa la/ khyad par med pa'i phyir ro zhes bya ba ni 'gal ba sgrub par byed pa mi dmigs pa khas len par mi byad pas 'gal ba yod na yang rnam pa gzhan du nges pa mi nus pa nyid kyi phyir ro/ / yod na yang nges par ma byas pa ni med pa dang 'dra ba nyid kyi phyir ro/ /'gal ba dang 'gal ba med pa sgrub pa dag la khyad par med pa yin pa de ltar na gang las 'khrul par dogs/ gtan tshigs la khyad par yod na 'gyur ro zhes bya ba ni gal te 'gal ba nges par 'gyur na zhes bya ba'i don to//mi dmigs pa nyid las 'gal ba nges pa yang yin na/ ji skad du bshad pa'i rnam pas khyad par med pa'i phyir ro/ /ma grub pa'i skyon yang bsal ba'i phyir gang yang dgag pa'i phyir zhes bya ba la sogs pa smos so/ /khyad par med pa bstan par bya ba'i phyir/ gal te 'gal bas yin zhes bya ba ni gzhan gyi bsam pa'i dogs pa bsu ba yin no//ma grub pa nyid du khyad par med pa'i phyir zhes bya ba ni/ gang gi phyir ma grub pa nyid yin pa de'i phyir khyad par med pa yin no/ /rgyu ma gtugs pa can gyi zhes bya ba ni rgyu ma tshang ba med pa can yin pa de de nyid kyi phyir dmigs pa'i mtshan nyid kyir gyur pa nyid yin no//de lta bur gyur pa'i grang ba'i reg pa yod na mngon sum gyis yongs su gcod pa yin no zhes bya ba ni bsdus pa'i don to/ /me nye ba la sngar rgyu ma gtugs pa can nyid kyang khong du chud par bya'i de nyid na yod na rgyu rnams kyang ma tshang ba nyid yin no/ /de lta ma yin na me nye ba yod na yang rgyu ma tshang ba med pa can gyi grang ba'i reg pa dmigs par 'gyur ro//me dmigs na de las de la nye ba nyid ces bya ba la/ de las zhes bya ba ni grang ba dmigs pa las dus phyis med dmigs pa na/ de nye ba nyid yin te me nye ba nyid rgyu mtshan du byas nas grang ba ma mthong ba'i phyir na'o//de ni tshad nyid min zhes bya ba ni mdo yin no/ /mi dmigs pa yin no zhes bya ba ni de'i rnam par bshad pa yin te/ khyed kyis snang ba mthong ba med pa 'gal ba sgrub pa'i phyir bshad pa gang yin pa de nyid tshad ma nyid ma yin pa mi dmigs pa'i ming can gyi ming gi rnam grangs gzhan gyis bstan par 'gyur ro//de'i phyir rang sgras kyang brjod pa dper na mi dmigs pa zhes bya ba lta bu'o zhes bya ba 'di na du ba med de mi dmigs pa'i phyir dang / 'di na shing sha pa med de mi dmigs pa'i phyir ro zhes bya ba la sogs pa lta bu'o/ /mi dmigs pa'i sgra ni rang gi sgra nyid yin pa'i phyir ro/ / kyang gi sgra rim pa bzhin du sbyar ba las zhes bya ba ni/ kyang gi sgra rim par sbyar ba na don gzhan ston par byed par 'gyur ro/ /de ni med pa dang de'i tha snyad kyi ci rigs par sgrub byed yin no zhes bya ba ni/ rang bzhin mi dmigs pa ni med pa'i tha snyad sgrub par byed pa yin zhing khyab par byed pa mi dmigs pa la sogs pa ni med pa dang de'i tha snyad sgrub par byed pa yin no//des ni de dang 'gal don gyi/ /'bras bu brjod pa zhes bya ba ni dgag par bya ba'i rang bzhin de dang 'gal ba'i don gang yin pa de'i 'bras bu gang yin pa de brjod pa zhes bya ba'i don to/ /dper na 'di na grang ba'i reg pa zhes bya ba la sogs pa la/grang ba dang 'gal ba ni me yin la de'i 'bras bu ni du ba yin no/ /mi dmigs pa/ kun la sbyor ba 'ba' zhig dag /tha dad don la tha dad med/ /ces bya ba de la re zhig sbyor ba tha dad pa'i rgyu ni 'bras bu mi dmigs pa la sogs pa zhes bya ba la sogs pa smos te/sogs pa'i sgras ni rang bzhin 'gal ba la sogs pa gzung ngo / /de la rang bzhin 'gal ba la sogs pa la dngos su mi dmigs pa ston pa med do zhes bya ba de ni gsal ba nyid yin no/ /dgag pa'i sgo nas 'bras bu mi dmigs pa la sogs pa byed pa na gal te yang 'bras bu la sogs pa mi dmigs pa ston par byed pa de ltar na yang /dngos su dgag bya'i rang bzhin mi dmigs pa ston pa yod pa ma yin no/ /rgyu mi dmigs pa la sogs pa la ni rang gi sgras mi dmigs pa brjod pa'i phyir mi dmigs pa nyid du 'dod par 'gyur ro/ /rang bzhin 'gal ba dmigs pa la sogs pa la ji ltar yin zhe na/mi dmigs pa 'phen par byed pa'i don bsgrub pa'i sgo nas zhes bya ba la sogs pa smos so/ /rgyu dang khyab par byed pa 'gal ba brjod pa yang go bar byed pa nyid yin pa'i phyir ro zhes bya ba la/ rgyu 'gal ba brjod pa ni dper na 'di na spu long zhes byed pa'i bye brag yod pa ma yin te gdung ba'i bye brag nye ba'i phyir ro zhes bya ba lta bu'o//khyab par byed pa 'gal ba brjod pa ni 'di na ba mo'i reg pa med de me yod pa'i phyir ro zhes bya ba lta bu'o/ /de bas na 'di ni rang bzhin 'gal ba la sogs pa sgrub pa'i sgo nas don gzhan dgag pa byed pa gang yin pa de dag dang 'gal ba bstan pa yod na de brjod pa ni dgag pa bsgrub par bya ba la tshad ma nyid yin no//rang bzhin dang rgyu dang khyab par byed pa mi dmigs pas dgag pa sgrub pa gang yin pa de dag la/ gal te dmigs pa'i mtshan nyid kyir gyur pa dag mi dmigs par ston par 'gyur ba de'i tshe/rang gi sgras mi dmigs pa tshad ma nyid yin par brjod pa yin no zhes bshad do/ /gang gi tshe rang bzhin 'gal ba la sogs pa la 'gal ba ma bstan pa dang / rang bzhin mi dmigs pa la sogs pa la rang bzhin la sogs pa mi dmigs pa ma bshad pa'i tshe/ dgag pa la mi dmigs pa tshad ma nyid ma yin no zhes bstan pa'i phyir 'gal ba brjod pa med pa dang /de yang thabs bcas bsgrubs med par/ /zhes bya ba la sogs pa tshigs su bcad pa smos so/ /bsgrub par bya ba dgag la tshad/ /smra gang yin zhes bya ba la sogs pas 'chad par byed do/ / 'gal ba gnyis kyis zhes bya ba ni lhan cig mi gnas pa'i mtshan nyid can dang / phan tshun spangs te gnas pa'i mtshan nyid can gyis so/ /'dis ni rang bzhin 'gal ba dmigs pa ltar bcos pa bstan to/ /des ni rang bzhin 'gal ba'i 'bras bu mi dmigs pa la sogs pa'i sbyor ba la yang rtogs par bya'o zhes bya ba la sogs pa'i sgras ni rgyu dang khyab par byed pa 'gal ba dmigs pa'i sbyor ba yongs su gzung ngo //de dag kyang gang gi tshe 'gal ba'i don ston par mi byed pa de'i tshe/ gzugs brnyan nyid yin gyi yang dag pa'i tshad ma nyid ni ma yin no/ /de yang bsgribs med par zhes bya bar sbyar ro zhes bya ba la bsgribs med par zhes bya ba ni mdo yin no//de la 'gal ba ma brjod cing de yang bsgribs pa med pa zhes bya ba de ltar sbyar bar bya'o zhes bya ba'i don to/ /gang zhig rang bzhin mi dmigs pas med pa'i tha snyad bsgrub par bya ba'i don de bsgribs pa med pa zhes bya ba'i tha tshig go//bsgribs pa yang gang yin ci de dag dgag pa la bsgribs pa med pa zhes bya ba 'dis brjod ce na/ bsgribs med par zhes bya ba la sogs pa smos te/ bsgribs pa med par zhes bya ba'i dgag pa'i bsdu ba 'di la/ tshig gong ma bsgribs pa bstan par bya bas mi dmigs pa bstan pa yin no//gal te de nyid kyang ji ltar thob pa yin zhe na/ bsgribs pa'i don la mthong ba med pa'i phyir zhes bya ba la sogs pa smos so/ /nye bar btags nas zhes bya ba ni rgyu med pa la 'bras bu med pa nye bar btags pa'i phyir ro/ /de mi byed pa yin no zhes bya ba ni mi dmigs pa mi byed pa yin no//'jig rten pha rol yod pa ma yin te zhes bya ba ni ma 'ongs pa'i skye ba'o/ /snga na med pa zhes bya ba'i sgras ni chos dang chos ma yin pa brjod do/ /snga na med pa dang lha nyid dang mtho ris la sogs pa zhes bya ba ni zlas dbye ba'o/ /smra ba dang thams cad mkhyen pa nyid du zhes bya ba ni tshig dang thams cad mkhyen pa nyid la zhes bya ba'i don to//de ltar na snang ba'i dngos po zhes bya ba la sogs pa la/ de las gzhan dmigs pa'i rkyen yod na zhes bya ba ni/ mig dang gzugs dang snang ba la sogs pa 'jug par byed pa'i nus pa rnams yod na zhes bya ba'i don to/ /sgrub pa po'i mngon sum gyis 'dzin par rung ba nyid kyi phyir dgag par bya ba'i dngos po de dmigs pa'i mtshan nyid kyir gyur pa la sgrub pa po'i mngon sum bshad do//de ltar gal te yod na mngon sum du 'gyur zhing de las sgrub pa po'i mngon sum log na med pa'i tha snyad du 'jug par 'gyur te/ dmigs pa log pas nye bar mtshon pa'i bum pas dben pa'i sa phyogs la ldog pa'i sgras bstan to//sgrub pa po'i mngon sum de lta bu de'i khyad par ni ma rmongs par dran pa'i 'du byed 'das pa dang da ltar gyis zhes bya ba la/ mthong bas bsgos pa'i med pa'i tha snyad kyi dran pa'i sa bon ni dran pa'i 'du byed yin na/de sgrub pa po'i mngon sum gang la rmongs pa med pa de la de skad ces bya'o/ /sngar mthong ba bum pas dben pa'i sa phyogs 'das pa dang grub pa dang bde ba gcig pa nyid kyi phyir nye bar btags nas 'das pa zhes bstan to/ /de bzhin du da ltar mthong ba da ltar gyi bum pas dben pa'i sa phyogs dang grub pa dang bde ba gcig pa can shes pa gcig dang 'dre ba can nyid kyis nye bar btags nas da ltar du bstan to//de lta ma yin na de la dang po dang tha mar med pa'i bum pa la sogs pa med pa'i tha snyad kyi yul ci ltar na 'das pa'am da ltar du 'gyur/ sgrub pa po'i mngon sum ma 'ongs pa zhes bstan pa ni de log na nges par mi nus pa nyid kyi phyir ro//de ltar na re zhig gang gi tshe yul gyi chos dmigs pa yin pa de'i tshe/ sgrub pa po'i mngon sum gyi sgras bum pa dmigs pa'i mtshan nyid kyir gyur pa brjod cing / log pa'i sgras des dben pa'i sa phyogs bshad pa yin no//gang gi tshe yul can gyi chos nyid dmigs pa yin pa de'i tshe/ sgrub pa po'i mngon sum snang ba'i yul can gyi shes pa nyid yin no/ /de log pa yang des dben pa'i sa phyogs la sogs pa'i shes pa yin te/ de med pa'i tha snyad la 'jug par 'gyur ro/ /'das pa dang da ltar yang ci 'dra bar gyur pa zhig ce na/kho bos bum pas dben pa'i sa phyogs mthong ba de la bum pa med par gyur pa gang yin pa dang / da ltar snang ba gang yin pa de la bum pa yod pa ma yin pa zhes bya ba'o/ /skyes bu ci lta bur gyur pa med pa'i tha snyad la 'jug par 'gyur zhe na/ ma rmongs par dran pa'i 'du byed ces bya ba smos so//de ni de las grub pa yin no zhes bya ba ni mngon sum du 'dod pa'i yul mngon sum gyi tshad ma de las grub pa yin no/ /de yang gal te bzlog pa la gnod pa can gyi zhes bya ba la sogs pa la/ bsgrub par bya ba bzlog pa la gtan tshigs 'jug pa la gnod pa can gyi tshad ma gang yin pa de 'jug pa des sgrub par byed pa'i de'i bdag nyid kyi mtshan nyid can gyi 'brel pa rtags gang la yod pa de la de skad ces bya'o//de lta bur gyur pa'i rtags lkog tu gyur pa'i don gang la yod pa de ni de dang ldan pa yin no/ /des ni rang bzhin gyi rtags dang ldan pa nyid bshad do//'bras bu ldog pa'i sgo nas zhes bya ba ni 'bras bu mig la sogs pa'i rnam par shes pa gnas skabs 'ga' zhig tu mi skyed pa'i sgo nas so/ /de nyid ni dper na de las zhes bya ba la sogs pas gsal bar byed do/ /de'i 'bras bu nyid du 'dod pas zhes bya ba ni bdag gi 'bras bu nyid du'o//rigs pa dang ldan pa'i ldog pa med pas zhes bya ba ni/ 'di ltar rigs pa dang ldan pa'i ldog pa yin par 'gyur te/ gal te bum pa la sogs pa la blo la sogs pa yod cing bdag 'ba' zhig pa de'i tshe dbugs dbyung ba la sogs pa skye ba ma yin te/ bdag log pa'i phyir ro zhes bya ba'i rigs pa dang ldan pa'i ldog par 'gyur na/'on kyang blo la sogs pa la yod pa ma yin no/ /de med pa nyid kyi phyir de la dbugs dbyung ba la sogs pa log pa yin gyi bdag med pa nyid kyi phyir ma yin no/ /'gal ba med pa'i don de 'dra bas ldog pa sgrub par byed pa ma yin gyi zhes bya ba ni thams cad mkhyen pa nyid la sogs pa'i don dang /smra ba nyid la sogs pa 'gal ba med pa ni thams cad mkhyen pa nyid la sogs pa med pa sgrub par byed pa ma yin no zhes bya ba'i don to/ /skye ba 'jig pa dang ldan pa dag ni rtag pa las gzhan nyid du grub pa'i phyir ro zhes bya ba ni gal te gnas skabs gcig gis gnas skabs gzhan de dang des 'byung bar 'dod pa de'i tshe sngar gyi gnas skabs gzhan 'jig cing phyis 'byung ba ni skye ba yin no//skye ba dang 'jig pa dang ldan pa'i gnas skabs de dag ni rtag pa'i gnas skabs de las gzhan nyid yin par 'dod par bya'o//de lta ma yin na rtag pa nyid nyams par 'gyur ro/ /gnas skabs kyi khyad par dag gzhan nyid yin pas gnas pa po ther zug tu gnas par 'gyur ba de ltar na gang las 'byung ba dang 'jig par rtog pa yin/ gzhan gyi 'byung ba dang 'jig pa dag gis gzhan gyi 'byung ba dang 'jig pa rtog par nus pa ma yin no//de nyid ni de lta ma yin na thal ches par 'gyur ro zhes bya ba la sogs pa smos so/ /de nyid ces 'dod par yang mi 'gyur ro zhes bya ba ni bden pa ma yin pas na ngo bo 'gal ba la gcig tu bden pa nyid mi rung ba'i phyir ro/ /de'i 'dod pas zhes bya ba ni smra ba po'i 'dod pas so//gzhan nyid du rtogs par mi 'gyur na zhes bya ba ni dngos po la 'dod pa'i dbang gis 'jug par mi 'gyur na'o/ /de ltar na phyogs dang mthun pa'i phyogs las gang yang rung ba nyid yin pa'i phyir sgra mi rtag pa ste bum pa bzhin no/ /mi rtag pa nyid du nye bar bstan pas de nyid kyi tshe smra ba po'i bsam pa'i dbang gis phyogs dang mthun pa'i phyogs las gang yang rung ba nyid yin pa'i phyir/sgra rtag pa yin te nam mkha' bzhin no zhes rtag pa'i sgo nas kyang nye bar bstan nus pa yin no/ /'dis kyang rgyu dang khyab par byed pa mi dmigs pa 'dren mar bstan pa zhes bya ba ni rgyu la yang 'bras bu la khyab par byed pa nyid yin pa'i phyir khyab par byed pa'i sgras bstan pa yin no zhes bya ba'i don to//de bzlog pa la khyab par byed pa med na khyab par bya ba 'jug pa la gnod pa can gyi tshad ma gang yin pa de 'jug pas so/ /de tsam dang 'brel pas zhes bya ba ni khyab bya nyid tsam dang 'brel pas so//gang la khyab par byed pa'i dngos por grub pa yod pa de la de skad ces bya'o/ /'bras bu'i yang yin no zhes bya ba na ldog pa rtogs par byed pa zhes bya ba'i skabs yin no/ /don gyis khyab par byed pa yang mi dmigs pa bstan pa yin no zhes bya ba ni/ /don gyis khyab par byed pa yang de'i rang bzhin yin pa'i phyir rang bzhin smos pas gzung bar byas pa yin no zhes bya ba'i don to//de la mngon sum nyid kyis mi rtag pa nyid kyi rang bzhin rtogs pa'i phyir zhes bya ba ni/ rgyun chad pa'i dus na skad cig ma tha ma mthong ba dang ldan pas des dben pa'i dngos po gzhan gyi yul can la dmigs pa na kha dog la sogs pa'i mi rtag pa nyid rtogs pa'i phyir ro//de bzhin du rjes su dpag pas nges pa las kyang dus phyis zhes bya ba ni rjes su dpag pas nges pa skad cig ma dang por 'byung ba'i ngang tshul can gang yin pa de las dus phyis te/ skad cig ma gnyis pa dag la nges pa gang yin pa de dag kyang bzung zin pa 'dzin pa'i phyir tshad ma nyid ma yin no zhes bya ba'i don to//de bas na dngos po 'jig pa'i rang bzhin can du gyur pa zhes bya ba la/ de bas na zhes bya ba ni mi rtag pa nyid don gzhan du gyur pa nyid kyi phyir ro/ /de lta bas na gzhan gyis 'jig par byed pa na bdag nyid mi g.yo ba'i rang bzhin can la'am g.yo ba'i rang bzhin can la byed par 'gyur grang na/de la phyogs dang po ni bdag nyid g.yo ba med pa'i zhes bya ba la sogs pa smos so/ /gnyis pa yang ngo bo nyid kyis g.yo ba'i rang bzhin can yin na yang zhes bya ba smos so/ /'o na ji ltar na rang gi sde pa dag gis sdug bsngal nyid la sogs pa de nyid dang gzhan nyid du brjod par bya ba ma yin pa nyid du bstan zhe na/de'i phyir gang yang de nyid dang zhes bya ba la sogs pa smos pa la/ sgra'i don de blo la bzhag nas zhes bya ba ni chos gang yin pa de sgra'i brjod par bya ba nyid du brtags pa ste/ rang gi mtshan nyid la gnas pa'i mi rtag pa nyid gang yin pa de yang de nyid du brjod par bya ba nyid yin no//de yang zhes bya ba ni sgra'i don to/ /de'i ngo bo dang dben pas zhes bya ba ni de'i ngo bo nyid dang dben pas te/ 'di ni gtan tshigs kyi gsum pa yin no/ /de nyid dam gzhan nyid du zhes bya ba ni de lta bur gyur pa'i mtshan nyid kyi gsum pa'o/ /de'i ngo bos ni de nyid du rnam par gzhag pa yin la/des dben pa la ltos nas ni gzhan nyid du rnam par gzhag pa yin no/ /chos kyi sgra ni chos can las don gzhan ma yin pa ston pa'i phyir ro zhes bya ba la/ gal te chos can las chos gzhan yin par 'gyur ba de'i tshe bum pa las snam bu'i sgra bzhin du chos kyi sgra ni chos can las gzhan don gzhan du gyur pa nyid ston par 'gyur na de ltar yang ma yin no//gang gi phyir sgra'i brjod par bya ba de nyid dang gzhan nyid du brjod par bya ba ma yin pa nyid yin gyi rang gi mtshan nyid ni ma yin te/ ldog pa'i tha dad pa nyid kyi sgra tshogs pa nyid yin pa de'i phyir rang gi mtshan nyid kyi bdag nyid can gyi dngos po du ma can gyi ngo bo brjod bya ma yin no//dngos po du ma can zhes bya ba'i rnam par 'grel pa ni rang bzhin tha dad pa can gyi zhes bya ba yin te/ rang gi mtshan nyid ngo bo tha dad pa can nyid 'gal ba'i phyir ro/ /des na tha dad pa'i khyad par gcig gi sgo nas kyang sna tshogs pa'i bdag nyid du zhes bya ba la sogs pa la/gal te ba lang la sogs pa khyad par dang ldan pa tha dad pa yin pa de lta na yang / khyad par gcig gi sgo nas kyang khyad par dang ldan pa 'di bzung ba na/ khyad par de la phan 'dogs par byed pa'i rang bzhin nyid du gzung bar bya'o/ /khyad par dang ldan pa phan 'dogs par byed pa de nyid kyang khyad par thams cad la ltos nas gcig nyid yin no//de bas na bdag nyid tha dad pa nyid kyi khyad par ma lus pa rnams la phan 'dogs par byed pa'i rang bzhin nyid du bzung ba nyid yin no/ /de lta bur gyur pa de mngon sum gyis bzung ba na khyad par dang ldan pa de'i nges par yongs su ma bcad pa'i rang bzhin can mi rung ba'i phyir ro//zlos gar mkhan gyi rtsed mo'i don du kha dog dang dbyibs mtshungs pa'i gong bu la sgong gi sgras bstan to/ /rgyu'i nus pa'i dngos po las gzhan ma yin te zhes bya ba la sogs pa la/ nus pa dang ldan pa des nus pa de la phan mi 'dogs pa'i phyir nus pa dang ldan pa de'i nus pa de yin no zhes 'brel pa ma grub pa'i phyir/phan gdags par bya ba dang phan 'dogs par byed pa dag la 'brel ba cung zad kyang yod pa ma yin no/ /nus pa rnams la nus pa dang ldan pa phan 'dogs par byed pa yin par zhes bya ba la sogs pa la/nus pa tha dad pa gang gis sa bon la sogs pa myu gu la sogs pa skyed par byed na nus pa de dag la sa bon la sogs pa phan 'dogs par byed pa nyid du khas len par byed pa de'i tshe nus pa dang ldan pa gang gis nus pa la phan 'dogs par byed pa nus pa dang ldan pa las nus pa de las phan 'dogs par byed pa'i nus pa de myu gu la sogs pa 'grub par byed pa de'i nus pa dang 'dra bar tha dad pa yin no//nus pa rnams la phan 'dogs par byed pa'i nus pa yang tha dad pa yin na/ de dag dang lhan cig 'brel par mi 'gyur ro/ /de la yang phan 'dogs par byed pa rtogs par byed na/nus pa gzhan tha dad par thal ba'i phyir thug pa med par 'gyur ro/ /de nyid ni ji srid ji srid tha dad pa dag nyid kyis zhes bya ba la sogs pa smos so/ /'bras bu la yang nus pa tha dad pa med pa nyid du zhes bya ba ni/ ji ltar nus pa la phan 'dogs par byed pa'i nus pa bdag nyid du gyur pa yin pa de ltar myu gu la sogs pa'i 'bras bu la yang nus pa gang yin pa de nus pa dang ldan pa las tha dad pa med pa nyid nus pa yin par 'gyur ro//de yul du gyur pa yin na/ 'bras bu la rmongs zhes bya ba ni 'bras bu la nus pa gang yin pa de yul du gyur pa ste bzung ba zhes bya ba'i don to/ /de nyid ni rgyu mthong ba na zhes bya ba la sogs pas 'chad par byed do//blo gros chen pos zhes bya ba ni dbang po las 'das pa'i don mthong ba'o/ /ji skad du brjod ces bya ba ni brda ji lta ba bzhin du'o/ /blo ni spobs pa'o/ /shes pa med pa na zhes bya ba ni shes pa 'gags pa na'o/ /rigs pa la sogs pa ni gsal byed la sogs pa'o//mtha' gnyis chod yod dang / 'brel pa brjod pa'i ngang tshul can zhes bya ba ni 'dir mtha' gnyis ni snga na med pa dang zhig nas med pa'o/ /de la chod par byed pa ni da ltar gyi dngos po yod pa yin te/ 'dis de nyid la chod par byed pa'i phyir ro/ /mtha' gnyis chod pa yod ba dang 'brel pa zhes bya ba ni zlas dbye ba'o//'brel pa yang nye ba'i phyir ji skad du bshad pa'i yod pa nyid kyi 'phrod pa 'du ba yin par bstan to/ /mi rtag pa nyid kyi sgra gang la de dag brjod pa'i ngang tshul yod pa de la de skad ces bya'o/ /snga na med pa dang zhig nas med pa dag gis da ltar rnam par ma chod pa'i yod pa gang yin pa'am/de'i 'phrod pa 'du ba gang yin pa de ni mi rtag pa nyid kyi sgras brjod par bya ba yin no zhes bya ba'i don to/ /de nyid ni mtha' yang de yin la/ gnyis kyang yin pas na zhes bya ba la sogs pas 'chad par byed do/ /chod pa ni chod pa'o zhes bya ba'i don brjod pa tsam du byas kyi chod pa'i sgra 'di ni byed pa bsgrub pa yin no//de ltar na yod pa nyid dang gzhi mthun par bstan te/ da ltar dang 'brel pa can gyi chod pa yod pa nyid kyi mtshan nyid gang yin pa de ni mtha' gnyis kyi chod pa yin no zhes bya bar sbyar ro/ /da ltar dang 'brel ba can chod par byed pa des mtha' de dag la chod par byed pa'i phyir ro//yang na da ltar gyi mtha' gnyis gang yin pa de la chod pa zhes bya bar sbyar ro/ /sogs pa smos pas bdun pa la sogs pa'i rnam par dbye ba ni dngos po rnams la mi rtag pa nyid gnas pa dang / dngos po dag las mi rtag pa nyid tha dad pa yin no zhes bya ba la sogs pa'o//mtha' de ji ltar 'gyur zhes bya ba ni grub pa'i smra ba'i'o/ /gal te med pa'i phyir dngos po la drug pa la sogs pa mi rung ngo zhes bya bar sbyar ro/ /de yod pa nyid dam zhes bya ba ni dngos po yod pa nyid la sbyor ba na zhes bya ba 'di dang sbyar te/ dper na snga na med pa dang zhig nas med pa dag la chod par byed pa yod pa nyid lta bu'o//de dang 'brel pa'am zhes bya ba ni yod pa nyid 'phrod pa 'du ba la mtha' dag gi chod par byed pa ni yod pa nyid 'phrod pa 'du ba 'di yin no/ /gzhan la yang zhes bya ba ni yod pa nyid la brten pa'i dngos po la snga na med pa dang /zhig nas med pa de dag gi bar na gnas pa da ltar ba chod par byed pa yin no zhes bya ba la sogs pa'o/ /de ltar na mtha' de dag la drug pa la sogs pa sbyor ba mthong ba gang yin pa der mi 'gyur ro/ /dngos po bzhin du khyad par med pa'i phyir ro zhes bya ba ni ji ltar dngos po la dngos po med pa de tha dad pa'i rgyu nyid du yod pa ma yin pa de ltar dngos po med pa la yang dngos po tha dad pa'i rgyu nyid du yod pa ma yin te/gnyi ga la yang med par khyad par med pa'i phyir de bas na mtha' gnyis kyi chod pa yod pa nyid yin no zhes bya ba mi 'gyur ro zhes bya bar dgongs so/ / yang snga na med pa dang zhig nas med pa dag la zhes bya ba ni yod pa'i mtshan nyid kyi bdun pa yin te/ snga na med pa dang zhig nas med pa dag sbyor ba byed pas na/ de dang ldan pa las yod pa nyid dang de dang 'brel pa las drug pa la sogs pa sbyor bar mi 'gyur te/ mtha' dag la yod pa nyid dam 'phrod pa 'du ba khyad par med par gyur pa yin no//ci'i phyir zhe na/ dngos po bzhin du khyad par med pa'i phyir ro/ /ji ltar bum pa'i mi rtag pa nyid ces bya ba med pas tha dad pa ma byas pa de ltar yod pa nyid la sogs pa yang yin te/ med pa tha dad pa'i rgyu ma yin pa nyid du mtshungs pa nyid kyi phyir ro zhes bya ba'i don to//gdon mi za bar snga na med pa dang zhig nas med pa'i khyad par yod pa nyid la 'dod par bya'i/ de lta ma yin na ji ltar na nam mkha' la sogs pa'i yod pa nyid rnam par gcod par byas par 'gyur/ gzhan gyis khas blangs pa nyid kyi mtha' gnyis dag gis yod pa nyid du khyad par du byas pa sel bar byas nas/da ni dngos po'i gnas thabs nyid bsal bar bzhed nas gzhan yang zhes bya ba la sogs pa smos so/ /dngos po la snga na med pa dag dang lhan cig ces bya ba la sogs pa la/ gzhan gyi thams cad du dngos po nyid ldog pa'i rgyu nyid yin par 'dod na dngos po'i snga na med pa dngos po dang 'brel par mi 'dod do//de ltar na dngos po ni snga na med pa yin no zhes bya ba de nyid du mi 'gyur ro/ /ci ste 'bras bu yod par smra ba nyid yin pa'i phyir dngos po'i snga na med pa 'dod pa de'i tshe/ dngos po'i snga na med pa 'di yin no zhes rnam pa 'ga' zhig gis blo rnam par gzhag pa'i 'brel pa de ldog pa'i rgyu 'bras brjod pa gang gis bzlog par nus/de skad du rnam par rtog pa'i yul ma yin pa gang yin pa de nyid sgra rnams kyi yang ma yin no zhes bya ba la sogs pa bshad zin to/ /rnam pa 'ga' zhig gis 'brel pa yod na yang snga na med pa dang zhig nas med pa nyid mi rtag pa yin par 'gyur na/don gzhan kun du brtags pas ci zhig bya/ de byed pa yang yin pa de'i phyir bum pa'i snga na med pa khas blang par mi bya'o/ /de nyid bstan pa'i phyir/ de ltar na rigs pa de dngos po snga na med pa 'dod pa ma yin zhes bya ba smos so/ / de'i zhes bya ba'i don dam pa'i tha snyad rigs pa ma yin pa nyid la de dang lhan cig 'brel pa nyid kyis khyab pa ma yin la/ de 'di la med pa de ltar na khyab par byed pa mi dmigs pa'o/ /gang zhig snga na med pa yod pa ma yin pa de ni skye ba ma yin te zhes bya ba la sogs pa smos pa la/ skye ba snga na med pa nyid kyis khyab pa yin la/de dang 'gal ba yang snga na med pa dang bral ba nyid yin pa de ltar na khyab par byed pa 'gal ba dmigs pa'o/ /yod pa nyid dang rang gi rgyu nyid ni/ yod nyid rang rgyu ste/ de dang lhan cig 'bras bu 'brel par byed pa'i phyir ro/ /de nyid ni khyed kyis ci 'dra ba'i zhes bya ba la sogs pas 'chad par byed do//de nyid kyi phyir 'brel pa yang ma yin no zhes bya ba ni rtag pa nyid kyi phyir ro/ /'phrod pa 'du ba yang gzhan gyis rtag pa nyid du 'dod do/ /gang med pa de byas pa yin na/ 'bras bur 'dod pa gang yin pa snga na med pa rgyus bskyed par bya ba yin na zhes bya ba'i don to//de nyid ni bdag nyid yod pa ma yin pa gang yin pa zhes bya ba la sogs pas rnam par 'grel par byed do/ /gang 'bras bu ma yin pa de ni mi rtag pa ma yin te zhes bya ba la sogs pa ni sbyor ba gnyis pa'o/ /mi rtag pa nyid la 'bras bu nyid kyis khyab pa yin la/ de dang 'gal ba yang 'bras bu nyid ma yin pa de ltar na khyab par byed pa 'gal ba dmigs pa'o//sgra gang dag la tha dad pa med pa de ltar na/ tha dad med don mngon 'dod can/ /zhes bya ba ni thams cad la med par khyad par med pa yin na snga na med pa dang zhig nas med pa la sogs pa dag la don tha dad pa yod pa ma yin no//rgyas par zhes bya ba ni rnam par spros nas so/ /mthong ba gang yin pa de ni 'gags pa yin la zhes bya ba ni skad cig ma nyid yin pa'i phyir ro/ /khyad par la brten pa 'di tsam nyid kyis ni spyi nyams pa ma yin no zhes bya ba ni yul gyi khyad par dang 'brel pa yin na yang me ma yin par bcad pa'i spyi rtogs pa'i phyir ro//des skyed par byed pa'i zhes bya ba ni a ka ru'i du ba la sogs pa skyed par byed pa'o/ /de ltar na a ka ru'i du ba la sogs pa skyed par byed pa nyid kyi spyi nyid rtogs pa'i sgo nas mi shes par 'gyur ro/ /'di nyid kyis grub par 'gyur te zhes bya ba ni khyad par mthong ba'i shes pa'i yul gyi sgo nas so//mthong ba zhes bya ba 'di nyid kyi rnam par bshad pa 'di yin no zhes bya ba'i shes pa yul nyid yin pas na zhes bya ba la/ 'di yin no zhes bya ba'i shes pa gang yin pa de'i yul nyid du gnas so zhes bya ba'i don to/ /mthong ba'i yul can gyi mthong ba dran pa'i 'du byed ces bya ba la sogs pa la/mthong bas bsgos pa'i dran pa'i sa bon ni mthong ba dran pa'i 'du byed do/ /de yang nyams su myong ba'i yul la dran pa skyed par byed pa'i phyir mthong ba'i yul can zhes brjod do/ /de'i yang skyon bshad zin to zhes bya ba ni rang bzhin tha dad pa yin na/de nyid 'di yin no zhes bya ba'i shes pa 'khrul par 'gyur ro zhes so// //tshad ma rnam 'grel gyi 'grel bshad/ bam po lnga bcu rtsa gsum pa/ mngon sum cig shos la gcig phyir/ /zhes bya ba la sogs pa la/ mngon sum ni gang sngar mthong ba yin la/cig shos ni gang phyis de nyid 'di yin no zhes khyad par mthong ba'i sgo nas gzung ba yin te/ gcig la grub pa gang yin pa de gnyi ga la yang yin zhes bya ba'i don to/ /tshul gsum med pa'i phyir ro zhes bya ba ni khyad par mthong ba la khyad par gyi sgo nas rjes su 'gro ba yod pa ma yin na/ rjes su 'gro ba med na yang gang las tshul gsum nyid yin/ yul la sogs pa mthong ba dang 'dris pa kun brjod pa la sogs pas zhes bya ba ni zlas dbye ba'o/ /yul la sogs pa de ni de'i ma 'khrul pa'i rtags kyang ma yin pa zhes bya ba ni dran pa yang ji skad du bshad pa'i yul la sogs pa'i sgo nas skye ba'i phyir de ni ngo shes pa nyid kyi rtags ma yin no//de bas na dran pa yang la lar gyi phyi rol la ltos nas skye ba'i phyir ro/ /de la yang na yul la sogs pa de ni de'i ma 'khrul pa'i rtags kyang ma yin pa zhes bya ba ni yul la sogs pa dran pa med par yang la lar mthun pa'i 'bad rtsol gyi ngo shes pa skye ba'i phyir ro//de bas na dran pa la yang phyi dang nang gi rgyu mtshan la ltos pa de yod pa de ltar na ngo shes pa la dran pa nyid 'gal ba yod pa ma yin no/ /de'i phyir gal te sngar bshad pa dran par 'gyur ro zhes bya ba la sogs pa 'khrul pa yin no/ /mtshan gzhi bstan to zhes bya ba ni mngon sum ni mtshon par bya ba'i gzhi nyid yin pa'i phyir ro//rtog pa dang bral ba can zhes bya ba'i mtshan nyid kyis mngon sum mtshon par bya ba yin pa'i phyir ro/ /de nyid kyi phyir rtog pa dang bral ba nyid bstan nas mngon sum nyid ston par byed pa yin te/ rtog pa dang bral ba'i shes pa ni mngon sum gyi ming can yin no zhes ming dang ming can gyi 'brel pa byed pa'i phyir ro//rtog pa las bral ba zhes bya ba ni bye ba dang bral ba dang / grol ba zhes bya bas lnga pa de'i skyes bu yin te/ bral zhing bye ba zhes bya ba'i don to/ /'di la rtog pa dang bral ba can zhes bya ba ni 'bru mang po pa'o//rtog pas bral ba zhes bya ba ni gsum pa'i bsdu ba'o/ /so so rang gis rig bya yin/ /zhes bya ba ni rig pa'i rjes su 'brangs nas rang gi gzhung las bstan to/ /shes pa gzhan gyis zhes bya ba ni gzhan gyi gzhung gis yin te/ gzhan ni gzhan gyis shes pa nyams su myong bar 'dod pa'i phyir ro//gang gi tshe sgra las rnam par rtog pa skye ba de'i tshe/ gang la ming gi rten yod pa zhes bya ba don gzhan ston pa yin no/ /gang gi tshe rnam par rtog pa las sgra skye ba de'i tshe/ ming gi rten zhes bya ba drug pa'i de'i skyes bu yin no/ /de lta bu'i rnam par 'gyur ba yang gang zhe na/rnam par rtog pa brjod pa dang 'drer rung ba zhes bya ba la sogs pa smos te/ rnam par rtog pa'i spyi'i rnam pa can zhes bya ba ni bsdus pa'i don yin no/ /spyi'i rnam pa kho na brjod pa la 'drer rung ba snang ba yin gyi/ rang gi mtshan nyid kyi rnam pa ni ma yin no/ /des ni zhes bya ba ni de ma thag pa'i rnam par rtog pa'i mtshan nyid kyis so//mthong ba la zhes bya ba ni nyams su myong ba la ste gnyis su snang ba nyid yin na yang brjod pa dang 'drer rung ba snang ba med pa'i phyir ro/ /'dis med pa bsgrub par bya ba ma yin no zhes bya ba'i skabs yin no/ /gzhan du zhes bya ba ni tshad ma rnam par nges pa las/ de phyir de las khyad par can/ /dmigs pa de yang dmigs med yin/ /de phyir mi dmigs pa 'di ni/ /mngon sum nyid kyis grub pa yin/ /zhes bya ba la sogs pas dpyad zin to/ /mig gi blo nyid la nye bar btags nas mig ces brjod do/ /de nyid kyi phyir mig gi zhes bya ba de'i rnam par 'grel pa ni mig gi dbang po'i blo gang yin pas zhes bya ba yin no//yang na mig gis zhes bya ba de nyid ni byed pa'i gsum pa yin te/ mig gi dbang po'i blo gang yin pas zhes bya ba de khong nas phyung nas bshad pa yin no/ /mig byed par gyur pa'i sgo nas mig gi dbang po'i blo gang gis gzugs la lta ba de ni dbang po las skyes pa'i blo yin no zhes bya ba ni ngag gi don yin no//yang cung zad cig rnam par rtog pa/ kho bo'i rnam rtog de 'drar 'gyur/ /zhes bya ba la sogs pa la sems kyi gnas skabs 'das pa dran par byed pa na/ gnas skabs gang gis rnam par rtog pa skye ba de'i tshe kho bo'i rnam par rtog pa de 'dra bar 'gyur ro zhes bya ba de lta bu dran pa'i shes pas rig par 'gyur ro//de bas na rtog pa rang gis rig pa dang ji ltar rig pa bzhin du dran pa yin no zhes rtog par 'gyur te/ nyams su ma myong ba dran pa mi rung ba'i phyir ro/ /nyams su myong ba yang rang rig pas yin gyi/shes pa gzhan gyis nyams su myong ba ni ma yin te/ thug pa med par thal ba'i phyir ro/ /gal te rnam par rtog pa bsdus pa'i gnas skabs na yang ngo / /dbang po'i shes pa rnam par rtog par 'gyur ba de la yang rig pa dang ji ltar rig pa bzhin du dran par 'gyur ro/ / de nyid ni de gal te dbang po'i shes pa de yin par 'gyur na zhes bya ba smos so/ /sngar yang zhes bya ba ni rnam par rtog pa bsdus pa'i gnas skabs na yang rig pa dang de'i nus pa las byung ba'i ngang tshul can gyi dran pas nges par 'gyur na'o/ /sngar bshad ces bya ba la sogs pas bzlog pa ston par byed do//sngar bshad gnas skabs kyi zhes bya ba'i rnam par 'grel pa ni/ rnam par rtog pa bsdus pas gnas skabs kyi zhes bya ba yin no/ /de'i ming de dang 'dres pa'i shes pas gzung bar 'gyur na zhes bya ba ni gang la sgra sbyor ba'i don de'i ming de dang 'dres pas yul du gyur pa 'dzin par 'dod pa'i shes pas gzung bar 'gyur na'o//don sgra ma sbyar ba can brjod pa dang 'dres pa gzung bar mi nus pa nyid kyi phyir ro/ /'di sbyor ba yin na zhes bya ba ni sgra'o/ /'gyur ba ni 'dod mod kyi spyi dngos por gyur pa ste yod pa de yang dbang po'i shes pas gzung bar bya ba yin na de la yang sgra dgod pa'i phyir dbang po'i shes pa brjod pa dang 'dres pa nyid du 'gyur ro//de ltar na rang gi mtshan nyid la sgra 'god pa ma yin pas na 'di grub pa la sgrub pa yin no zhe na/ de'i phyir spyi la sgra 'god pa khas len pas kyang zhes bya ba la sogs pa smos so/ /snga ma nyid kyi gzhung btsugs pa yin no zhes bya ba ni/ khyad par gcig la mthong ba ni/ /zhes bya ba la sogs pa'i'o/ /mthong ba'i rnam par shes pa la snang ba'i sgra'i don zhes bya ba ni nyams su myong ba'i rnam par shes pa la snang ba ste/ rang gi mtshan nyid kyi bdag nyid ces bya ba'i don to/ /de dag la sbyor ba ma yin no zhes bya ba ni mthong ba'i rnam par shes pa la snang ba'i sgra'i don la sbyor ba ma yin no zhes bya ba'i skabs yin no//so sor nges pa'i yul can nyid yin pas na zhes bya ba ni rang gi mtshan nyid kyi yul can nyid yin pas na'o/ /de dag la 'brel pa shes pa med pas 'dzin pa med pa'i phyir ro zhes bya ba ni dpyod pa'i bdag nyid can gyi shes pa la rang gi mtshan nyid mi snang ba'i phyir ro//'di'i zhes bya ba ni don gyi'o/ /rta'i sgra dang don dag ces bya ba la/ rta'i sgra dang don dag ces bya ba ni zlas dbye ba'o/ /don gsal bar snang ba can zhes bya ba ni gsal bar snang ba can no/ /rang gi mtshan nyid la brda med pa nyid bstan pa'i phyir/de ltar na zhes bya ba la sogs pa nyid smos pa la/ mthong ba dang thos pa las 'das pa yin na yang zhes bya ba ni brjod par bya ba mthong ba las 'das pa dang / rjod par byed pa thos pa las 'das pa yin na zhes bya bar sbyar ro/ /gang gi tshe don gzhan zhig dmigs pa na/de la rjod par byed pa'i sgra sbyor bar byed pa de'i tshe/ sgra dang don dag gi 'brel pa rtogs pa med par phyis bdag nyid rgyu mtshan 'ga' zhig gis nye bar mtshon nas sgra dang don 'das pa dag gi 'brel pa med pa yin na/ de la gang las rang gi mtshan nyid snang ba yin zhing gang gis na brda byed pa yin/don nye ba la yang brda la byad pa'i tha snyad 'dogs pa pos sgra'i sbyor ba tha snyad kyi don du byas pa dmigs nas don de la sngar brdar ma byas pa can skyes bu rang nyid kyis dpyad nas brda byed pa'i phyir/ dpyod pa'i dus na yang rang gi mtshan nyid mthong ba yod pa ma yin na/ gang gis na de la brda byed par 'gyur/ dbang po bya ba med pa can gyi zhes bya ba ni rang gi yul la dbang po la sogs pa 'jug pa med pa can mun pa na gnas pas 'ga' zhig gis brda byed pa na rang nyid kyi yid kyis 'brel pa 'dzin pa'i phyir/ 'dis kyang rang gi mtshan nyid kyi yul la brda byed pa ma yin no//mthong bzhin du sgra shes par thal ba'i phyir ro zhes bya ba ni ji ltar mig gi rnam par shes pas 'dzin pa de ltar sgra las byung ba'i shes pas kyang 'dzin par 'gyur ro zhes bya ba'i tha tshig go/ /de ltar na long ba la sogs pa med par thal bar 'gyur ro zhes bya bar dgongs so//'gyur bar ni 'dod mod kyi gal te yang rnam par rtog pa'i rnam par shes pa mi gsal ba yin pa de lta na yang gsal bar snang ba dang 'brel pa'i rang gi mtshan nyid kho na de'i yul du 'gyur ro zhe na/ de'i phyir snang ba tha dad pa na yang zhes bya ba la sogs pa smos so/ /khyad par byed pa yin zhes bya ba ni tha dad pa rnam par 'jog par byed pa'o//gal te mthong ba dang mnyan pa las zhes bya ba la sogs pa la/ gang zhig 'das pa de ma thag pa yin pa de lta na yang brjod par bya ba dang rjod par byed pa mthong pa dang thos pa las 'das pa yin na yang / phyis 'ga' zhig las nye bar mtshon nas zhes bya ba la sogs pa de 'dis nye bar bkod pa yin no//gang gi tshe rtogs pa pos rtogs par bya ba la sogs pa la mdun na gnas pa'i dngos po bstan nas/ don 'di'i rtogs par byed pa 'di yin no zhes bya ba'i don to/ /gnyi ga la yang rang gi mtshan nyid ni brjod par bya ba dang rjod par byed pa'i ngo bo yin no zhes bya bar sbyar ro//de yang 'chad pa po dang nyan pa po'i rnam par shes pa'i yul yin te/ de dag gis kyang brjod par bya ba dang rjod par byed pa'i ngo bo yongs su gcod pa'i phyir ro/ /mig gi rnam par shes pa'i yul ni brjod par bya ba yin la/ rna ba'i rnam par shes pa'i yul ni rjod par byed pa'i ngo bo yin no//mig gi don snang ba la yang zhes bya ba la sogs pa la/ mig smos pa ni nye bar mtshon pa yin te/ de la rna ba la yang sgra'i rang bzhin snang ba'i phyir ro/ /de nyid kyi phyir mig gi dbang po dang rna ba'i dbang po zhes 'chad par byed do/ /de skad du gal te yang ji skad du bshad pa'i brda'i dus na/mig dang rna ba'i rnam par shes pa dag gis brjod par bya ba dang rjod par byed pa'i rang gi mtshan nyid 'dzin pa de lta na yang de las phyis byung ba'i yid kyi rnam par shes pa brjod par bya ba dang rjod par byed pa'i phyir snang ba can skye ba gang yin pa de ni spyi'i rnam pa 'dzin pa nyid kyis brdar byed pa yin gyi/rang gi mtshan nyid kyi ni ma yin no/ /de nyid ni gzhan shes par byed pas zhes bya ba la sogs pas 'chad par byed do/ /dbang po bya ba med pa can zhes bya ba 'di'i bshad pa ni bstan par bya ba mig 'dzums pa can no zhes bya ba'o/ /bstan par bya ba zhes bya ba ni gang la don de brjod par bya ba'o//gzhan zhes bya ba ni nye ba na gnas pa'o/ /mthong ba bzhin du zhes bya ba ni dbang po'i shes pa bzhin du'o/ /mthong ba'i sgra ni de'i nye bar mtshon pa nyid yin pa'i phyir ro/ /sgra dang don sbyor bar byed pa'i phyir sbyor ba byed pa'o/ /snang ba gsal ba nyid kyi phyir mthong bar byed pa'o//'jug pa rgyun chad pa med pa nyid kyi phyir rgyun 'byung ba'o/ /de lta ma yin na zhes bya ba ni gal te shes pa gcig snang ba gsal ba rnam par rtog pa rgyun gyis 'byung ba mi 'dod pa de'i tshe mthong ba rnam par chad par 'gyur te/ rnam par rtog pa'i dus na mthong ba med pa'i phyir ro//rnam par rtog pa rnam par chad par 'gyur te zhes bya ba rtags rnam par bsgyur nas sbyar bar bya'o/ /mthong ba'i dus na rnam par rtog pa med pa'i phyir dang / cig car shes pa gnyis mi rung ba'i phyir ro zhes bsams pa'o/ /mthong ba dang rnam par rtog pa rnam par chad pa de nyid bsgrub pa'i phyir rnam par rtog pa yin pas na mthong ba ma yin pa'i phyir dang zhes bya ba la sogs pa smras te/grub pa'i mtha' smra ba la gsal bar snang ba'i rnam par rtog pa mi 'dod pa de'i phyir rnam par rtog pa yin pas na ma mthong ba'i phyir ro/ /rnam par rtog pa'i dus na mthong ba rnam par chad pa de'i phyir mthong ba yin pas na rnam par rtog pa ma yin pa'i phyir/mthong ba'i dus na rnam par rtog pa rnam par chad pa yin no/ /gal te mthong ba dang rnam par rtog pa'i rnam par shes pa cig car skye ba'i phyir skyon yod pa ma yin no zhe na/ de gnyis lhan cig mi 'jug pa'i phyir ro zhes bya ba smos pa la/de gnyis zhes bya ba ni mthong ba dang rnam par rtog pa dag go/ /snang ba tha dad pas zhes bya ba ni rang bzhin tha dad pa'i rgyu ni snang ba tha dad pa yin pa'i gtan tshigs kyi rnam par rtog pa dang bcas pa dang / rnam par rtog pa med pa'i rang bzhin tha dad du zin kyang zhes bya bar sbyar ro//de ltar na sngon po dang ser po la sogs pa'i rnam pa gsal ba nyid ni rnam par rtog pa med pa'i shes pa yin la rtog pa dang rjes su 'brel pa ni brjod pa'i rnam par rtog pa rjes su 'brel pa mi gsal ba yin na/ shes pa gcig la sngon po la sogs pa'i snang ba dang sgra'i snang ba'i skabs yod pa ma yin te/snang ba tha dad pa ni shes pa tha dad pa nyid kyi rgyu nyid yin pa'i phyir ro/ /de lta ma yin na mig dang rna ba'i rnam par shes pa dag kyang gcig tu 'gyur ro/ /de ma mthong bar zhes bya ba ni rnam par rtog pa dang bcas pa dang rnam par rtog pa med pa dag gi khyad par ro/ / gang gi tshe 'di yin pa zhes bya ba ni mthong ba'o/ /ba lang la sogs pa thag nye ba'i yul la mngon sum du 'jug pa na zhes bya ba la sogs pa la/ thag nye ba'i zhes pa ni mdun na gnas pa'i'o/ /yul la zhes bya ba ni ba lang la sogs pa shes pa skyed par rung ba ste/ mngon sum la sogs pa'i 'jug pa gang yin pa de ni gzhan gyi rnam par rtog pa nyid yin par 'dod do//mngon sum gyi 'jug pa de yod na ba lang la sogs pa mdun na snang ba las don gzhan gang yin pa de'i yul can de'i rigs ni tha dad pa'i rnam par rtog pa de mngon du phyogs par 'gyur ba na ste/ gang gi tshe ba lang la sogs pa thag nye ba na mthong ba na gzhan 'ga' zhig la rnam par rtog par byed do zhes bya ba'i don to//don 'di rjod par byed pa ma yin pa'i ngo bo dang rjes su 'brel pa'i rnam par rtog pa gzhan mngon du gyur pa yod na yang zhes bya ba la don 'di zhes bya ba ni ba lang la sogs pa snang bar gyur pa'o/ /ba lang la sogs pa snang bar gyur pa ldog pa'i sgo nas dngos po gzhan dpyod pa gang yin pa de'i yul can rjod par byed pa de nyid don de'i rjod par byed pa ma yin pa'i ngo bo zhes bshad de/don gzhan du grags pa'i brjod pa yin pas na don gzhan brjod pa ma yin pa'i phyir ro/ /rjod par byed pa ma yin pa'i ngo bo de dang rjes su 'brel cing rjes su bsgyur ba'i rnam par rtog pa gzhan gang yin pa de mngon du gyur pa yod na ste/gang gi chos dngos po snang bar gyur pa'i rjod par byed pa bor nas/ rjod par byed pa gzhan gyis dngos po gzhan gcod par byed ces bya ba'i don to/ /gzhung 'dis ni rigs tha dad pa'i rnam par rtog pa mngon du phyogs par 'gyur ba zhes bya ba'i don 'di nyid gsal bar byed pa yin no//gzhan gyi yul gzhan la brten pa'i rnam par rtog pa mngon du gyur pa'i gnas skabs 'dir da ltar gyi yul 'dzin pa'i ngang tshul can ba lang la sogs pa thag nye ba la 'jug pa gang yin pa'i rnam par rtog pa'i rnam par shes pa gang yin pa de yang dngos po mthong bar khas len pa yin te/rnam par rtog pa nyid mthong ba nyid yin par khas blangs pa'i phyir ro/ /mngon sum nyid du 'dod pa de/ ji ltar min gzhan gyi yang chod pa ma yin rnam pa gnyis ni cig car yod pa ma yin no/ /de bas na don gzhan la rten yod kyi rnam par rtog pa yod na mdun na gnas pa'i dngos po la mthong ba rnam par chad pa ma yin par mi 'gyur ro//de nyid ni chod na yang zhes bya ba la sogs pa smos so/ /des stong pa'i dus na zhes bya ba ni mthong bas stong pa na'o/ /de gnyis kyis zhes bya ba ni mthong ba dag gi'o//de'i mtshams sbyor ba'i bar chad byed pa'am zhes bya ba ni mthong ba de dag 'joms par byed pa'o/ /rgyun gyis mthong ba rgyun gyis 'byung ba rtogs par 'gyur ro zhes bsams pa'o/ /dbus na gnas pa'am mthong ba med pas mthong ba gnyis pa nye bar bcom pa nyid yin na/lhan cig skye ba thob pa ma yin na gang las mthong ba dag gi mtshams sbyor ba yin zhe na/ de'i phyir mthong ba la gnod pa'i phyir zhes bya ba smos te/ mthong ba nyid skye ba la gags bya ba'i phyir nus pa yod pa ma yin no zhes bya ba'i don to/ /mgal me'i 'khor lo mthong bzhin no/ / zhes bya ba ni/ mgal dum rgyun mi 'chad par bskor ba ni mgal me'i 'khor lo yin no/ /mgal me'i 'khor lo'i cha la snga ma'i mthar gyis mig gi rnam par shes pa skye bar 'gyur zhing / de dag gi mtshams sbyor bar byed pa'i phyir/ phyis yid 'khor lo'i rnam par 'khrul pa yin no zhes gzhan dag sems so//de nyid ni dper na mgal me'i 'khor lo'i chas zhes bya ba la sogs pas ston par byed do/ /mtshams sbyor ba yang mthong ba las ma yin gyi zhes bya ba ni gal te mtshams sbyor ba mthong bas byas par 'gyur ba de'i tshe mthong bas yul gsal por yongs su gcod pa'i phyir/ji ltar yongs su gcod pa bzhin du 'khor lo'i rnam pa'i mtshams sbyor ba yang gsal bar 'gyur ro/ /'di ltar mtshams sbyor ba mthong bas byas pa ma yin te/ de'i yul nye ba can nyid yin pas snga phyi'i mtshams sbyor ba'i nus pa nyid dang bral ba'i phyir ro//'on kyang dran pas mtshams sbyor ba yin no zhes bya ba'i skabs yin no/ /gal te de ltar yang 'gyur mod ce na/ 'di yang zhes bya ba la sogs pa smos te/ dran pa 'di yang yul du byas pa la mtshams sbyor bar byed pa yin te/ yul du ma byas pa la mtshams sbyor bar mi nus pa nyid kyi phyir ro//de lta ma yin na thal ches par 'gyur ro/ /gsal ba ni ma yin te zhes bya ba ni rnam par rtog pa'i snang ba gsal bar snang ba nyid 'gal ba'i phyir ro/ /mthong ba'i yul bzhin no zhes bya ba ni chos mi mthun pa nyid can gyi dpe yin no/ /des na mthong ba dang dran pa'i yul dag gi rgyu gsal ba dang mi gsal ba nyid kyis dran pa'i yul dang mthong ba'i yul la mtshams sbyor bar byed pa'i phyir/'khor los snang ba yongs su gsal bar 'gyur ba ma yin gyi/ 'on kyang rim gyis gsal ba dang mi gsal bar 'gyur ro/ /de nyid ni de dag gi rnam pa tha dad pa can nyid yin pa'i phyir ro zhes bya ba la de dag ni zhes bya ba ni mthong ba dang dran pa dag ni'o//gal te 'khor lo'i snang ba gnyi ga'i rnam pa can du 'gyur ro zhe na/ de bzhin du myur du mthong ba 'jug pa dang chu'i thigs pa 'thigs pa la sogs pa'i zhes bya ba smos te/ myur du mthong ba la 'jug pa dang chu'i thigs pa 'thigs pa zhes bya ba la sogs pa ni zlas dbye ba'o//de ltar na ka ba la sogs pa rim pa bzhin du gnas pa dag la gang gi tshe/ mthong ba myur du 'jug pa na de la myur du 'jug pa nyid dang chu'i thigs pa rgyun mi 'chad par 'jug pa na yang myur du 'jug pa nyid yod pa de bas na sngon po la sogs pa gang yin pa de dag la gcig tu 'dzin pa'i zhen par 'gyur ro//gzhan yang zhes bya ba la sogs pa smos pa la/ dbang rnams zhes bya ba de ni mdo'i tshig yid la thug pa'i drug po rnams dang zhes bya ba 'di dang spel mar bshad pa yin no/ /yod na yang zhes bya ba de ni mdo'i tshig yin no/ /phyis kyi nye bar bkod nas yod na yang ste/yod par gyur na'o zhes bya ba 'dis 'chad par 'gyur ro/ /spyod yul du gyur pa'i rang gi yul can rnams so zhes bya ba ni da ltar gyi yul can rnams so/ /da ltar gyi yul can de yang yid kyi dbang po la bya ba ma yin te/ yid kyi dbang po de ni da ltar gyi yul can nyid ma yin pa'i phyir ro//de ltar na rnam par rtog pa dang bcas pa'i yid ni dngos su yul gyi rang gi ngo bo 'dzin pa ma yin gyi 'on kyang dbang po'i rnam par shes pa'i rjes su 'brangs nas 'jug par 'gyur ro/ /dbang pos nyams su myong ba yang skad cig ma nyid yin pa'i phyir de nyid kyi tshe 'jig pa yin pa de bas na yid ni nyams su myong ba'i rtogs pa ma yin no//de'i phyir rtag tu da ltar gyi yul can nyid ma yin no/ /'o na ji ltar na yid la thug pa zhes brjod ce na skyon 'di yod pa ma yin te/ 'di ltar da ltar gyi yul can nyid du bstan pa'i phyir yid smos pa ma yin gyi/ 'on kyang ji ltar dbang po lnga da ltar gyi yul la 'jug pa de ltar yid kyang rang dang rjes su mthun pa'i yul la 'jug pa de bstan pa'i phyir yid la thug pa zhes smos so//da ltar gyi yul can nyid kyang dbang po lnga la ltos pa nyid yin no/ /gnas skabs gang la yang dbang po don thams cad cig car 'dus pa can yin zhe na/ de'i phyir de de ltar na zhes bya ba la sogs pa smos so/ /cung zhig sems par byed pa zhes bya ba 'dis ni/ yid kyang rang gi yul la 'jug par ston par byed do/ /rnam par shes pa lnga po rnams kyis chod na yang zhes bya ba ni rnam par shes pa cig car ma yin par smra ba'i rnam par shes pa drug rim bzhin du skye ba na rnam par shes pa re re la lnga po dag gis chod pa yin no//rnam par shes pa gzhan 'jug pa med na zhes bya ba ni mig la sogs pa'i rnam par shes pa 'dis rgyun mi 'chad par yi ge 'dzin pa zhes mi brjod do/ /yi ge'i shes pa de chod pa yin no/ /ming gi mthar thug pa'i yi ge zhes bya ba la yi ge gcig ni ming gi mthar thug pa'i yi ge yin la/de tsam 'dzin par byed pa ni shes pa yin te/ yi ge so so'i shes pa tha dad pa nyid yin pa'i phyir ro/ /yi ge 'dzin pa'i bdag nyid can gcig tu 'dres par gyur pa ni zhes bya ba ni yi ge 'dzin pa'i bdag nyid can 'dres par gyur pa zhes bya ba'i don to//skad cig ma 'dzin pa la zhes bya ba ni shes pa'i skad cig 'dre phyir ro/ /sdod pa yod pa ma yin pas na zhes bya ba la sdod pa ni dus gzhan gyi gnas pa'o/ /gal te yi ge gcig 'dzin pa'i shes pa dus gzhan du gnas par 'gyur ba de'i tshe yi ge gzhan 'dzin pa'i shes pa dus gzhan gyis chod par 'gyur ro//bar med pa ni rnam par shes pa rigs mi mthun pas ma chod pa yin te rnam par shes pa drug gi nang nas zhes bya ba la sogs pa la/ mig la sogs pa'i rnam par shes pa dag gi nang nas gang gi tshe rnam par shes pa gcig rang gi yul la dus ji srid cig rgyun 'byung bas 'jug par 'gyur ba zhes bya ba'i don to//de ltar na gal te rnam par shes pa cig car skye bar mi 'dod na/ bar dang bcas pa dang / bar med pa snang ba tha dad par 'gyur na/ snang ba tha dad pa yang yod pa ma yin te/ dngos po gnyi ga'i yang bar med par snang ba mtshungs pa nyid kyi phyir ro//skra'i rtse mo la sogs pas bskyed pa la zhes bya ba ni yan lag shin tu phra bas kyang chod pa la/ chod pa dang ma chod pa'i snang ba tha dad par mthong ba yin no zhes bstan to/ /cig car rnam par shes pa 'jug par khas len pa zhes bya ba la sogs pas gzhan gyi rgol ba dogs pa bsu ba'o//yul gzhan gyi chod pa ni de la chags pa ste de dang bral ba'o/ /gtan tshigs de bas na don rnam par nges pa 'ga' zhig gi gnas skabs 'dzin par mi 'gyur te/ rtag tu don nye bar thams cad 'dzin par thob par 'gyur ro zhes bya ba'i don to//gal te rnam par shes pa cig car skye bar smra ba'i yid yul gcig la chags pa yin pa de lta na yang yul gzhan la rnam par shes pa gzhan yul gyi stobs kyis skye ba gang gis bzlog par nus/ gal te rim bzhin du smra ba la ji ltar na skyon 'dir mi 'gyur zhe na/ gang gi cig car zhes bya ba la sogs pa smras so//gal te yid rtog pa dang bcas pa yul gzhan la chags pa med pa de lta na yang dbang po'i shes pa rang gi yul la ci'i phyir 'jug par mi 'gyur zhe na/ de ltar rnam par rtog pa dang zhes bya ba la sogs pa smos te/ rnam par shes pa rnam par rtog pa yin na yang dbang po'i shes pa'i rgyu yin zhing /de yang yul gzhan la chags pas nus pa med pa'i phyir/ de ma thag pa'i rkyen dang bral bas na yul gzhan la yang shes pa gzhan skye ba ma yin no/ /de nyid kyi phyir rkyen ji lta ba bzhin gsungs so zhes bya ba ni/ lnga rnams rtsa ba'i rnam shes las//ji lta'i rkyen las 'byung ba ni/ /rnam shes lhan cig gam ma yin/ /chu las rlabs rnams ji bzhin no/ /zhes gsungs so/ /mgal me la sogs zhes bya ba ni las kyi drug pa yin te/ mgal me la sogs pa myur du 'jug pa la mig gi rjes su 'gro ba zhes bya ba'i don to//de nyid kyi phyir yul rung ba na gnas par byed pa der 'phen par byed pa zhes bya ba ni mgal me la sogs pas bskor bar bya ba yul rung ba na gnas pa la mig gis 'jug par byed pa'o/ /mngon sum rtog pa dang bral ba nyid du grub pa'i phyir/ tshad ma kun las btus pa'i 'grel bshad byed pas rab tu sbyar ba'i tshad ma rigs pa ma yin no zhes bstan par bya ba'i phyir/la la ste srid pa'i bdag bo zhes bya ba la sogs pa smos so/ /dpe grub pa na rgyu mi dmigs pa go bar byed pa yin no zhes bya ba ni sgra'i don ni brda 'dzin pa sngon du song ba can nyid yin pa'i phyir/ sgra dang lhan cig sbyor ba'i 'dzin pa ni 'brel pa ma bzung bar sbyor bar 'dzin par mi 'gyur ro/ /spyir don de tsam bsgrub par bya ba la khyab pa yod pa'i phyir/ rgyu mi dmigs pa 'di go bar byed pa yin no zhes smra'o/ /de ltar na 'di la brda la ma byang ba'i yang sgra dang sbyar nas don 'dzin pa na shin tu thal ches pa ni bzlog pa la gnod pa can gyi tshad ma yin no//'dis byis pa'i shes pa rtog pa med pa nyid yin par bsgrub par nus pa ma yin te/ ma grub pa nyid kyi phyir dang byis pa la yang brda 'dzin par rung ba'i rnam par rtog pa yod pa'i phyir ro/ /de yang de ma thag nyid du ston par 'gyur ro//gang dang gang dbang po'i shes pa gang yin pa de ni rtog pa med pa yin te/ dper na byis pa'i dbang po'i shes pa lta bu'o/ /brda la byang ba 'di'i yang dbang po'i shes pa yin no zhes bya ba 'dis ni rtsa ba'i sgrub par byed pa'o/ /de las bzlog pa la gnod pa can gyi tshad ma ma bstan pa de ltar na ldog pa la the tshom za bar 'gyur ro//de nyid ni 'on kyang bsgrub pa dang dgag pa la zhes bya ba smos so/ /dpe sgrub pa'i phyir rgyu mi dmigs pa bstan pa gang yin pa de yang 'dir ma grub pa yin no/ /gzhan yang byis pas zhes bya ba la sogs pa smos pa la/ gtan tshigs kyi khyab pa yang zhes bya ba ni spyir bsgrub par bya ba dang /sgrub par byed pa dag gi khyab pa ni ma grub pa yin te/ byis pa dag la rnam par rtog pa'i shes pa yang med pa'i phyir ro/ /de ltar de dag kyang myong ba'i dus phyis 'byung ba can don gyi spyi'i rnam pa can gyi rnam par rtog pa skye ba nyid yin no/ / rnam par rtog pa ni rnam pa gnyis te/ don gyi spyi'i rnam pa dang rjes su 'brel pa dang / sgra'i rnam pa dang 'brel pa'o/ /brda la ma byang ba la yang dang po'i rnam par rtog pa nyid yod pa yin te/ rnam par rtog pa de la gnas par brda byed pa de bas na/ rnam par rtog pa de ni brda 'dzin par rung ba yin no/ / rnam par rtog pa brda 'dzin par rung ba yod pa na byis pas kyang sgra dang don gyi 'brel pa 'dzin pa ma yin no zhes bya ba'i gtan tshigs 'di ma grub bar 'gyur ro/ /de nyid bstan par bya ba'i phyir de ltar na byis pa zhes bya ba la sogs pas skabs 'byed par byed do/ /rnam par rtog pa'i shes pa dang mi ldan pa nyid ces bya ba ni rnam par rtog pa'i shes pa dang 'dre ba med pa nyid do//'o na brda rtogs pa'i thabs med pa ni rnam par rtog pa'i rgyur mi 'grub po zhes bya ba ni rtog pa med pa bsgrub par bya ba la gtan tshigs ma grub pa yin te/ brda rtogs pa'i thabs rnam par rtog pa'i rnam par shes pa ni byis pa la yang yod pa'i phyir ro//byis pa dag gis sgra dang don gyi 'brel pa ma bzung ba zhes bya ba gzhan gyi gtan tshigs su brjod pa ma yin nam/ brda'i thabs dang bral ba ni ma yin no zhe na/ skyon 'di yod pa ma yin te/ 'di ltar sgra dang don gyi 'brel pa mi 'dzin pa de ni de 'dzin pa'i thabs dang bral ba nyid kyi phyir ro/ / gang gi phyir byis pas 'brel pa ma bzung ba zhes bya ba 'dis ni thabs dang bral ba nyid bstan to/ /brda'i thabs su gyur pa'i rnam par dpyod pa'i rnam par shes pa dang yang bral ba'i phyir/ skyes bu shi ba'i mthar thug par rnam par rtog pa'i rnam par shes pa dang mi ldan pa nyid thob par 'gyur ro zhes thal ba bsgrubs pa de la gzhan gyis ma grub par brjod pa'i phyir/gal te brda la ma byang ba'i yid ces bya ba la sogs pa smos so/ /'di skad du byis pa dag la yang brda'i thabs su gyur pa rnam par dpyod pa'i yid kho bo 'dod pa de bas na/ thams cad du brda med par thal ba med cing byis pa dag gi dbang po'i shes pa ngo bo nyid kyis dpyod pa dang bral ba nyid yin pa de'i phyir/dpe bsgrub byas stong pa ma yin no zhes bstan par 'gyur ro/ /ji srid du dbang po'i shes pa dpyod par byed pa nyid la gnod pa can gyi tshad ma ma brjod pa de srid du dbang po'i shes pa thams cad dpyod par byed pa nyid yin par dogs pas 'dzin pa nyid yin no zhes bstan par bya ba'i phyir/grub pa'i mtha' smra bas de'i tshe ji ltar de la yid brda la ma byang ba zhes bya ba la sogs pa smos so/ /bsgrub pa dang dgag pa dag la 'brel pa dang 'gal ba ma bsgrubs pa'i phyir ro zhes bya ba ni/ dbang po'i shes pa gang yin pa de ni rtog pa med pa yin no zhes sgrub pa ste/bsgrub par bya ba de la 'brel pa ma bstan pa'i phyir dang / gang dbang po'i shes pa yin pa de ni rtog pa dang rjes su 'brel par 'gyur ba yin no zhes bya ba'i dgag pa bsgrub par bya ba de la 'gal ba ma bstan pa'i phyir ro/ /de las gzhan pa'i dpe nyid yin zhes bya ba ni brda la byang ba'i dbang po'i shes pa rtog pa med pa nyid bsgrub par bya ba la dpe nyid yin/khyad par dang khyad par gyi gzhi la sogs pa 'dzin pa sngon du song ba can gyi sbyor ba'i rnam pa 'di dgag pa can la yod pa yin gyi/ rigs dang yon tan dang la sogs pa la ni ma yin no zhes bstan pa'i phyir gang gi tshe de lta yin pa zhes bya ba la sogs pa smos so//bdag nyid ji lta ba bzhin du snang bas zhes bya ba la sogs pa la/ dbyug par snang bas dbyug pa nye bar mtshon pa dang / lha sbyin du snang bas lha sbyin mtshon pa yin no/ /de dag gi 'brel ba la sogs pa zhes bya ba ni dbyug pa dang dbyug pa can gyi 'brel pa'o//sogs pa'i sgras ni 'jig rten pa'i gzhung lugs la sogs pa nye bar mtshon pa zhes bya bar sbyar ro/ /ba lang dkar po dang 'tshed pa po dang rwa can zhes bya ba la rigs dang yon tan dang / las dang rdzas kyi dbye bas sgra rnam pa bzhi la 'jug go zhes gzhan khas len pa'i phyir ro//de bas na rigs la sogs pa bzhi'i de ltar na 'di ni rigs yin la zhes bya ba la sogs pas dper byed do/ /rigs la sogs pa 'brel pa can dag de dang ldan pa las tha dad par mi 'dzin pa na de'i 'brel pa 'dzin pa yang thag ring du bsrings pa nyid yin no/ / de nyid ni 'brel pa can tha dad par rtogs pa med pa'i phyir ro zhes bya ba smos so/ /de yang zhes bya ba ni sgra'i rtog pa'o/ /ji skad du bshad pa'i rigs pas zhes bya ba ni rang gi mtshan nyid la sgra 'god pa ma yin no zhes bya ba la sogs pa'i bshad pa'i rim pas so/ /rang gi mtshan nyid kyi yul can ni dbang po'i shes pa yin zhing /de la sgra 'god pa med pa de bas na/ dbang po'i shes pa sgra la sbyor bas kyang rnam par rtog pa dang bcas pa ma yin te/ sgra sbyor ba yang khyad par dang khyad par gyi gzhi la sogs pa 'dzin pa'i sgo nas 'jug par 'gyur ro/ /byed pa 'di tsam gyis kyang dbang po'i shes pa byed par nus pa ma yin te/yul nye ba'i stobs las skye ba yin pa'i phyir dang / dus gzhan la sdod pa med pa'i phyir ro/ /yang na ji skad du bshad pa'i rigs pas zhes bya ba ni khyad par dang khyad par gyi gzhi zhes bya ba la sogs pa bstan ma thag pa'i rigs pa khyad par la sogs pa 'dzin pa'i rim gyis 'dzin pa'o//gal te ci'i phyir dbang po'i shes pa 'jug pa ma yin zhe na/ byed pa 'di tsam gyis kyang zhes bya ba la sogs pa smos te/ phyogs 'di las kyang gi sgra ni ni'i don du blta bar bya'o/ /gzhan gyi rigs tha dad pa bsgrub par 'dod pas rjes su 'gro ba can gyi spyi med na zhes bya ba la sogs pa smras so//de yang sgra dang gsal bar snang / /sgra dang gsal ba zhes bya ba zlas dbye'o/ /gsal ba ni ba lang la sogs pa'o/ /de dag tu snang ba'i ngang tshul can nam shes pa gang la de dag gi snang ba yod pa de la de skad ces bya'o/ /sgra'i rnam pa dang ba lang la sogs pa gsal ba'i rnam pa de'i rjes su 'gro ba can gyi shes pa rnam par nges pa yin gyi sgra dang gsal ba las tha dad pa'i rigs kyi rnam pa ni ma yin no zhes bya ba'i don to//de nyid ni sems de la ba lang gi kha dog dang zhes bya ba la sogs pas 'chad par byed pa la/ kha dog dang dbyibs zhes bya ba 'dis ni gsal bar snang ba can nyid bshad do//ming zhes bya ba la sogs pa 'dis ni sgrar snang ba can bshad do/ /rang gi bdag nyid la yang zhes bya ba la sogs pa la/ shes pa'i bdag nyid yin na yang gzugs brnyan nyid du gnas pa snang ba ma yin no zhes bya ba'i don to/ /mig gi rnam par shes pas kyang mig gi yul gsal ba'i ngo bo las tha dad par zhes bya ba ni mig gi rnam par shes pa'i yul gsal ba'i ngo bo gang yin pa de las tha dad par zhes bya ba'i don to//kha dog dang dbyibs dang yi ge'i rnam pa'i ngo bo can gyi zhes bya ba ni kha dog dang dbyibs dang sgra'i rang bzhin can no/ /de las khyad par can gyi don 'dzin pa ni des dben pa 'dzin pa'i 'bras bu yin la/de 'di la med pa de ltar na rgyu mi dmigs pa'o/ /kha dog la sogs pa'i rnam pa de las tha dad pa gsal ba'i ngo bo dag gis zhes bya ba ni spyir 'dod pa kha dog dang dbyibs dang sgra'i rnam pa gsal bar snang ba las gsal ba'i ngo bo kha dog la sogs pa tha dad pa mig gi rnam par shes pas gzung bar bya ba gang yin pa de dag gis zhes bya ba'i don to//shes pa de nyid ni de las tha dad pa'i gsal ba'i ngo bor snang ba nyid yin no zhes bya bar dgongs so/ /'phrod pa 'du ba dbang po las 'das pa nyid yin pas na zhes bya ba ni gzhan gyi 'phrod pa 'du ba ni rjes su dpag pa yin par 'dod do//chos can ma grub pa'i skyon bstan pa yin no zhes bya ba ni snal ma 'di la snam bu zhes bya ba de lta bu'i ngo bo can gyi blo chos can nyid du brjod pa ji skad du bshad pa'i rnam pas ma grub pa nyid kyi phyir ro/ /rmig pa zhes bya ba ni rmig pa'o/ /de bzhin du mthong ba'i zhes bya ba ni steng gi rwa 'brel pa mthong ba'i'o//de dag ni 'phrod pa 'du ba las ma yin no zhes bya ba ni gsal ba gzhan dang 'brel ba can gyi rwa chag pa dang gsal ba gzhan de dag ni'o/ /gal te ci'i phyir zhe na/ de la yan lag can zhes bya ba la sogs pa smos so/ / de 'khrul pa yin no zhes bya ba ni gzhan gyi blo gang yin pa ni gsal ba gzhan dang 'brel pa can gyi rwa la sbyor ba'i phyir ro/ /gzhan la yang zhes bya ba ni rang bzhin gyi rwa la yang ngo / /snam bu'i sgra rten zhes bya ba 'dis ni phan tshun 'brel pas khyad par can du 'byung ba'i snal ma nyid ni snam bu'i sgra'i rten yin gyi yan lag can gyi rdzas ni ma yin no zhes bstan par 'gyur ro//'jig rten ci'i phyir 'bras bu snam bu la rgyu sgro btags nas tha snyad 'jug par 'gyur zhe na/ de lta bur gyur pa zhes bya ba la sogs pa smos te/ sdud par byed pa'i tshig 'di nyid kyi rnam par 'grel pa ni de'i rnam pa yongs su gyur pa dag la zhes bya ba yin te/snam bu'i tha snyad gdags su rung ba zhes bya ba'i don to/ /ba lang zhes lhag yan lag rnams/ /rnam chad dmigs su med phyir ro/ /ba lang la rwa zhes bya ba'i blo yin gyi/ 'phrod pa dang 'du ba las ma yin pa da ltar na rgyu gcig bstan to/ / da ni rgyu gzhan bstan pa'i phyir 'dir ba lang la rwa zhes bya ba smos so/ /rnam par chad pa mthong med nyid/ /ces bya ba ni sngar bshad pa'i rgyu dran par byed pa'o/ /de nyid kyi phyir 'grel pa byed pas mang du bshad zin to zhes bstan to/ /de ltar ni 'gyur mod kyi zhes bya ba la sogs pas gzhan gyi bsam pa'i dogs pa bsu bar byed do//don gzhan gyi zhes bya ba la sogs pa ni lan yin te/ don gzhan ni rten las gzhan 'jug pa'i rgyu mtshan yin te/ gang la don gzhan gyi rten yod pa de ni rten can yin la/ de lta bur gyur pa yang de yin la/ tha snyad kyang yin zhing de'i spyod yul zhes bya bar tshig rnam par sbyar ro//dngos po gang la shes pa 'khrul pa med pa de la de skad ces bya'o/ /shes pa gang dang gang khyad par gyi rjes su 'gro ba can zhes bya ba ni rdzas kyi khyad par la'o/ /spyi la sogs pa tha dad pa'i khyad par grub par 'gyur ro zhes bya ba ni/ ji skad du bshad pa'i gtan tshigs kyis spyi la sogs pa'i khyad par rdzas las tha dad pa'i khyad par grub par 'gyur ro//de ltar na ba lang dkar po dang rwa can zhes bya ba la sogs pa la yang rigs la sogs pa'i shes pa dbyug pa can gyi shes pa dang 'dra bar khyad par gyi rjes su 'gro ba can yin no/ /de la zhes bya ba la sogs pa ni grub pa'i mtha' smra ba yin no//dngos po las ni tha dad can/ /rigs la sogs la ni ste dngos po dag las tha dad pa can no/ /de ni dngos po las tha dad pa'i zhes bya ba la sogs pas 'chad par byed de/ de ni don gzhan du gyur pa'i dbyug pa yan gar ba las ma yin te zhes bya ba ni phan gdags par bya ba dang phan 'dogs par byed pa'i dngos pos stong pa'i dbyug pa tsam las so//de yi bdag po med par yang / /zhes bya ba la dbyug pa 'chang ba med pa la yang ngo / /kun rdzob pa las zhes bya ba la/ blo spyi'i rnam par snang ba can sgro 'dogs par byed pa ni kun rdzob yin la/ des sgro btags pa ni kun rdzob pa'o//de nyid kyi phyir rnam par rtog pa'i blos sgro btags pa'i phyir ro zhes bstan to/ /de skad du dbyug pa dang dbyug pa can phan tshun 'brel pa'i gnas skabs kyi khyad par de las don gzhan du 'gyur ba ma yin pa skye bar 'gyur zhing / de yang rang gi mtshan nyid yin pa'i phyir sgra'i tha snyad kyi rgyu ma yin te/ rang gi mtshan nyid la sgra mi 'god pa'i phyir ro/ /'on kyang de la gnas skabs gzhan du sgro 'dogs par byed pa'i rnam par rtog pa'i blo skye bar 'gyur la/ de la snang ba sgro btags pa'i ngo bo gang yin pa de'i rgyu can gyi sgra yin gyi dbyug pa'i rang gi mtshan nyid la brten pa ni ma yin no/ /de'i phyir dbyug pa can gyi tha snyad kyang phyi rol gyi dngos po tha dad pa'i rgyu can ma yin pa de bas na/dpe bsgrub par bya bas stong pas na rigs la sogs pa tha dad pa sgrub par byed pa la rjes su dpag pa yod pa ma yin no zhes bstan par 'gyur ro/ /de nyid ni des ni dpe ma grub pas zhes bya ba la sogs pa smos so/ /dngos po khang bzangs phreng la sogs//sgra rnams kyang zhes bya ba la sogs pa la/ dngos po dang khang bzangs kyi phreng ba zhes bya ba ni zlas dbye ba'o/ /de dag rjod par byed pa'i sgra ni dngos po dang khang bzangs phreng ba la sogs pa'i sgra rnams so/ /sgra smos pa ni nye bar mtshon pa yin te/ shes pa yang de'i yul can du 'dod pa nyid kyi phyir ro//rdzas dang / yon tan dang / las dang / spyi dang / khyad par dang / 'phrod pa 'du ba drug po la yang dngos po'i sgras bstan pa'i phyir/ dngos po'i sgra ni tshig gi don thams cad brjod pa'i ngang tshul can yin no/ /de yang rjes su 'gro ba can yin te/ tshig gi don so so la 'jug pa'i phyir ro/ /khyad par can yin no zhes bya ba ni khyad par can te/ khang bzangs kyi phreng ba zhes bya ba la sogs pa'i sgra khyad par 'ga' zhig la 'jug pa'i phyir ro/ /gal te yang khang bzangs yan lag can gyi rdzas ma yin pa de lta na yang de dngos po nyid yin te ldan pa'i rang bzhin nyid yin no zhe na/de'i phyir ldan pa zhes bya ba la sogs pa smos so/ /yon tan yang ma yin te yon tan rnams la yon tan nyid med pa yin pa'i phyir ro zhes bya ba la/ khang bzangs ni gzhan gyi 'dod pas yon tan yin la/ gang las de la gzhan khang bzangs kyi phreng ba zhes bya ba'i yon tan yod par 'gyur ro//de sgra ni zhes bya ba ni khang bzangs kyi phreng ba'i sgra'o/ /sgra smos pa shes pa yang don gyis bzung ba yin te/ de med par sgra mi 'jug pa'i phyir ro/ /de nyid kyi phyir 'grel pa las khyad par gyi rjes su 'gro ba'i shes pa ston par byed do/ /'dir shes pa 'phrod pa 'du ba'i rgyu can yin no zhes bya ba yang log pa yin te/'phrod pa 'du ba ni 'di'i blo rgyu nyid yin pa'i phyir gang las rjes su 'gro ba can gyi rgyu nyid yin/ rgyu nyid yin na yang spyir kun du brtags pa log pa yin no/ /tshad ni yod pa ma yin no zhes bya ba la sogs pa la/ yon tan chen po dang chung ngu nyid la sogs pa ni tshad yin no//yon tan chen po nyid la sogs pa'i ngo bo tshad de ni khang bzangs kyi phreng ba la sogs pa dag la yod pa ma yin no zhes bya bar sbyar ro/ /khang bzangs kyi phreng ba la sogs pa'i sgras kyang gang brjod pa yin zhe na/ ldan pa'i mtshan nyid can gyi khang bzangs zhes bya ba la sogs pa smos so//tha dad pa'i khyad par med pa'i phyir ro zhes bya ba ni tha dad pa'i khyad par ni dngos po yin la/ de med pa'i tha snyad bar btags pa can yin no zhes gzhan dag sems so/ /khyed kyis kun du brtags pa'i nye bar 'dogs par byed pa gang yin pa de 'di la yod pa ma yin no zhes bstan pa'i phyir/ gzhan la rab tu grags pa'i dpe chos mi mthun pa nyid can gyi tshul gyis 'di ltar dper na zhes bya ba la sogs pa nye bar 'god par byed do/ /nags zhes bya ba 'di la grangs kyi mtshan nyid can gyi zhes bya ba ni nags zhes bya ba ni yan lag can khas mi 'dzin pa'i phyir ro/ /shing gi 'du ba dang ldan pa nyid kyi grangs la nags zhes bya'o zhes gzhan khas len to//de dag la ni rdzas la yod pa yin pa lta bu'o zhes bya ba ni me tog dag ste/ de nyid la de dag 'phrod pa 'du ba'i phyir ro/ /rdzas gcig la zhes bya ba ni shing la'o/ /dngos kyi yul can yang de dag yin la/ sgra dang shes pa yang yin pas na/ dngos kyi yul can gyi sgra dang shes pa'o//de bdag gis khyad par med pa'i shes pa gang yin pa de la de skad ces bya ste/ des gzung bar bya ba yin no/ /dngos su rnam par gzhag pa ni de tsam gyi rgyu can nyid yin pa'i phyir rang bzhin gyi gtan tshigs so/ /de 'dra ba ni rnam shes kyi/ /rgyu yin zhes bya ba 'di'i rnam par 'grel pa ni rjes su 'gro ba can gyi zhes bya ba la sogs pa yin no//gang la zhes bya ba 'di'i bshad pa ni dngos po gang dag la zhes bya ba'o/ /des zhes bya ba ni sgrub pa pos so// //tshad ma rnam 'grel gyi 'grel bshad/ bam po lnga bcu rtsa bzhi pa/ de ltar shes pa yin na yang //tha dad tha dad med rtogs phyir/ /zhes bya ba de tsam ni tshigs su bcad pa'i cha yin la/ de ni de ltar ni 'gyur mod kyi zhes bya ba la sogs pas phyogs snga ma nye bar bkod nas 'chad par byed do/ /ji ltar 'bras bu shes pa tha dad pa med pa de dag byed pa yin zhes bya ba ni gsal ba'i khyad par de dag gi 'bras bu dbang po'i shes pa de dag gal te gsal ba so so la tha dad pa yin na/ji ltar gsal ba dag 'bras bu'i shes pa tha dad pa med pa byed pa yin zhe na'o/ /tha dad med rtogs phyir zhes bya ba ni rgyu mtshan gyi bdun pa'o/ /de nyid kyi phyir gcig tu rtogs pa'i rgyu mtshan du zhes bya bas rnam par 'grel par byed do//de tsam gyis ngag gi don yongs su mi rdzogs pa'i phyir don de dag gis zhes bya ba la sogs pa smos te/ tha dad pa yod na yang dngos po de dag gis ngo bo nyid kyi gcig rtogs pa skyer rung ba'i dbang po'i shes pa de dag skyed par byed ces bya ba'i don to/ /de nyid gsal bar bya ba'i phyir de dag ni zhes bya ba la sogs pa smos te/de lta bur gyur pa'i gsal ba rnams kyi shes pa skyed pa de dag ni gang gis tha dad na yang rnam pa gcig rtogs pa skyed par byed do zhes bya ba ni bsdus pa'i don yin no/ /de yang shes pa tha dad pa med pa zhes bya ba ni rtogs par byed pa'i shes pa'o//de yang sngar zhes bya ba ni le'u dang por ro/ /de nyid dran par bya ba'i phyir 'grel pa byed pas gcig tu zhes bya ba la sogs pas ston par byed do/ /de'i 'bras bu rnams mthong ba zhes bya ba ni gsal ba'i 'bras bu rnams so/ /gcig tu rtogs pa'i rgyu yi phyir/ /blo ni tha dad med pa yin/ / blo gcig rgyu yi dngos po yis/ /gsal ba rnams kyang tha mi dad/ /ces bya ba der bstan zin pa nyid kyi phyir ro/ /de 'bras can min bral/ rjes 'gro zhes bya ba ni gcig rtogs pa la sogs pa'i 'bras bu can no/ /de'i 'bras bu can ma yin pa ni de 'bras can min te/ gang gis de lta bur gyur pa'i rtog pa nyams su myong ba'i rnam par shes pa'i sgo nas skyed pa ma yin no//de dag dang bral ba ni gzhan sel ba ste/ rnam pa gcig rtogs pa'i rgyu gsal ba de 'dra ba dag la de rjes su 'gro ba yod pa yin te/ thams cad ni de'i 'bras bu can ma yin pa las log pa'i phyir ro/ /de ldog pa'i bdag nyid du gyur pa'i phyir dngos po rnams phan tshun tha dad pa gang yin pa de'i bdag nyid du gyur pa yin te/ldog pa dang de dang ldan pa ni tha dad pa med pa'i phyir ro/ /de dang 'di 'gal lo zhes bya ba ni de ltar rang gi mtshan nyid kyi yul can nyid du khas blangs pa'i phyir ro/ /skyon de yod po ma yin te zhes bya ba la sogs pas lan 'debs par byed de/sgras rang gi mtshan nyid bstan pa'i phyir mnyan pa dngos po la gnas pa rnam par gcod pa la reg pa yin no zhes ma bstan te/ sgra las rang gi mtshan nyid kyi rnam pa can gyi shes pa mi skye ba'i phyir ro/ /skye na yang 'on long la sogs pa med par thal ba bshad zin to//de ni phyi rol nus pa rnam gcod la/ /reg pa med na yang zhes bya ba smos te/ phyi rol gyi rang gi mtshan nyid kyi de dang de'i 'bras bu can ma yin pa la so sor nges pa'i nus pa gang yin pa des rnam par gcad pa rang gi mtshan nyid kyi bdag nyid du gyur pa gang yin pa de phyi rol gyi nus pa rnam par gcod pa'o//de la nges pa ni reg pa ste/ khams ni don sna tshogs pa can nyid yin pa'i phyir ro/ /de med na yang ste/ sgras rang gi mtshan nyid la reg pa med na yang zhes bya ba'i don to/ /de ni phyi rol gyi dngos po zhes bya ba la sogs pas 'chad par byed do/ /de sgra ni zhes bya ba 'di'i rnam par 'grel pa ni/dngos po rnam par gcod pa brjod pa'i ngang tshul can gyi mnyan pa zhes bya ba yin no/ /rnam par rtog pa'i gzugs brnyan dag /ces bya ba ni rnam par rtog pa rnams gzung ba'i rnam par dag pa 'brel cing sbyor bar byed pa yin te/ rnam par rtog pa'i gzugs brnyan brjod par bya ba de dag la rjod par byad pa nyid du nye bar 'dre ba zhes bya ba'i don to//ji ltar rnam par rtog pa'i gzugs brnyan rnams dngos po la gnas pa can nyid yin zhe na/ rang gi mtshan nyid dang zhes bya ba la sogs pa smos so/ /ngo bo nyid kyis 'khrul pas zhes bya bas ni snang ba dang rnam par brtag par bya ba dag gcig tu byas nas 'jug pa ni 'khrul pa nyid yin no//rnam pa 'dis rnam par rtog pa'i gzugs brnyan dngos po la gnas pa can yin pa ni blo ste/ mnyan pa ji ltar na dngos po'i ldog pa ston par byed pa yin zhes brjod ce na/ de'i phyir blos snang ba dang rnam par brtag par bya ba'i don dag la tha dad pa med par zhen pa zhes bya ba la sogs pa smos te/blos snang ba dang rnam par brtag pa dag zhen pa'i gtan tshigs kyi phyir/ rnam pa 'dis mnyan pa des dngos po ldog pa can la skyes bu 'jug par byed pa de'i phyir dngos po ldog pa ston par byed pa zhes brjod do/ /'di skad du sgras snang ba dang brtag par bya ba gcig tu byas nas/dngos po la 'jug par byed pa de lta bur gyur pa'i blo gang yin pa skyed par byed do zhes bstan par 'gyur ro/ /rnam par rtog pa la gnas pa don gyi gzugs brnyan phyi rol nyid du snang ba rang gi mtshan nyid bzhin du don gzhan las ldog pa de bas na de nyid dngos po ma yin nam/gal te de sgras brjod par bya ba ma yin na don gyi phyi rol gyi dngos po sgra'i brjod par bya bar khas blangs par 'gyur ba'am/ rnam par rtog pa'i gzugs brnyan rjod par byed pa dang spyi dngos por gyur pa rjod par byed pas phyi rol sgra'i brjod par bya bar 'dod pa la khyad par ci zhig yod/'on kyang ming la rtsod pa yin no zhes bya ba'i rgol ba de'i dogs pa bsu nas/ de ltar na zhes bya ba la sogs pa smos so/ /'di skad du rnam par rtog pa'i gzugs brnyan ni rnam par rtog pa'i rang gi ngo bo las tha dad pa med pa nyid kyi phyir rnam par rtog pa'i rang gi ngo bo bzhin du nang na gnas pa nyid yin no//'di'i phyi rol du 'dzin pa dang don gzhan las ldog pa gang yin pa de ni 'khrul pas byas pa yin no/ /'khrul pa'i dbang gis kyang dngos po rnam par gzhag pa ma yin no zhes bstan par 'gyur ro/ /de nyid kyi phyir ldog pa bzhin du zhes bya ba la sogs pa smos te/ldog pa bzhin du snang gi ldog pa nyid ni ma yin no/ /don gyi bya ba byed pa'i ngang tshul can gyi dngos po ma yin no zhes bya ba'i rnam par rtog pa'i snang ba don gyi rnam pas phyi rol gyi don gyi bya ba cung zad kyang bsgrubs pa med do/ /don dam par de gzhan las ldog pa ma yin te zhes bya ba ni de'i phyi rol na med pa nyid kyi phyir gzhan las ldog pa nyid yod pa ma yin no//yod na yang ldog pa nyid dam ldog pa nyid ma yin par 'gyur ro/ /de sgra'i brjod par bya ba ni ma yin no zhes bya ba ni/ gzugs brnyan te de'i phyi rol na med pa nyid kyi phyir ro/ /gzhan gyis kun du brtags pa'i spyi dang 'dra ba brjod par bya ba nyid du yod pa ma yin no zhes bya bar dgongs so//yang na gal te rnam par rtog pa'i snang ba'i don gyi rnam pa brjod par bya ba phyi rol na yod pa ma yin mod kyi/ de shes pa nyid kyi dngos po nyid yin la/ de yang sgras brjod par bya ba ni ma yin pa de bas na/ sgras brjod par bya ba dngos po nyid du 'gyur ro zhe na/de'i phyir de sgra'i brjod par bya ba ni ma yin no zhes bya ba smos te/ gzugs brnyan de ni shes pa las tha dad pa med pa nyid kyi rang gi mtshan nyid kyi bdag nyid ni sgra'i brjod par bya ba ni ma yin te/ rang gi mtshan nyid la sgra mi 'god pa'i phyir ro/ /gal te rnam par rtog pa'i snang ba'i rnam pa phyi rol na med pa nyid kyi phyir ri bong gi rwa dang 'dra bar brjod par bya ba ma yin par ma zad kyi/nang yang ma yin te rang gi mtshan nyid yin pa'i phyir ro/ /de nyid kyis phyi rol gyi gsal ba rnams sgra'i brjod par bya ba yin pa thag ring du gsal ba yin no/ /spyi dngos por gyur pa ni mi 'dod do/ /'o na sgra'i brjod par bya ba ci yin zhe na/don dam par cung zad kyang med do zhes brjod do/ /'o na ji ltar na sgra las byung ba'i tha snyad gzhon nu'i bar la rab tu grags pa dang / ci ltar dngos po ldog pa ston par byed pa mnyan pa yin no zhes bstan zhe na/ brjod pa sgra las byung ba'i tha snyad ni 'khrul pa'i dbang gis yin pa de ltar na brda ci lta ba bzhin du sgra las rnam par rtog pa'i blo skye bar gyur pa de kho na nyid du na don gyis stong pa yin na yang ngo bo nyid kyis 'khrul pas rang gi cha la phyi rol gyi don dang gcig tu byas nas 'jug pa na sgras don brjod pa yin no zhes bya ba'i zhen pa 'dis nyan pa po rnams slu bar byed pa dang /de'i bsam pa'i dbang gis brjod par bya ba dang rjod par byed par rnam par gzhag go/ /blo de yang de'i ngo bo nyid du zhen pas skyes bu de las gzhan pa las ldog pa'i don la 'jug par byed do/ /de bas na cha de tsam gyis gzhan sel ba'i mnyan pa ni rjod par byed pa yin no zhes brjod do//de nyid kyi phyis bstan par bzhed nas/ de lta na yang don gyi rnam pa 'dzin pa zhes bya ba la sogs pas re zhig rang gi sde pa la brgal zhing brtag pa byed pa yin te/ gang dag rnam par rtog pa la snang ba'i ngang tshul can gyi rnam pa dngos su sgra'i brjod par bya ba yin no zhes de ltar zhugs pa'o/ / don gyi rnam pa zhes 'dzin pa ni/ /don gyi rnam pa 'dzin pa ste/ /rnam par rtog pa'i rnam par shes pa la snang ba'i gzugs brnyan no/ /don gyi zhes bya ba ni phyi rol gyi rang gi mtshan nyid kyi'o/ /gang gi tshe de las gzhan pa las ldog pa zhes bya ba ni dngos po la gnas pa'i gzhan sel ba'i rang gi mtshan nyid kyi bdag nyid can no//sgras don cha ni ci brjod ces bya ba ni don gyi cha'o/ /de'i bsgrub par bya ba'i sgrub par byed par gyur pa ma yin pa'i dngos po las ldog pa'i sgo nas 'jug par bya ba la zhes bya ba ni don byed pa don du gnyer bas rgyu 'dod pa gang yin pa de'i bsgrub par bya ba ni don du gnyer bas 'bras bu 'dod pa gang yin pa de'o//'bras bu de'i sgrub par byed pa ni de sgrub par byed pa'o/ /de'i bsgrub par bya ba'i sgrub par byed pa nyid thob pa ni de'i bsgrub par bya ba'i sgrub par byed par gyur pa'o/ /de las bzlog pa ni de'i bsgrub par bya ba'i sgrub par byed par gyur pa ma yin pa'o/ /de las bzlog pa'i sgo nas de'i bsgrub par bya ba'i sgrub par byed par gyur pa'i dngos po la 'jug par bya ba la'o//de zhes bya ba ni de las gzhan pa las rnam par gcod pa de ma brjod na/ don byed par nus pa nyid ma brjod par 'gyur ro/ /de bas na don byed pa don du gnyer bas sgra brjod pa don med pa can yin pa de'i phyir gdon mi za bar bya ba yin no//ci ste rnam par rtog pa'i snang ba de yang gsal ba rnams la so sor gnas pa yin la/ de brjod pa na dngos po'i cha kho na brjod par 'gyur ro snyam du sems na/ de'i phyir rnam pa de yang rnam par rtog pa'i yul zhes bya ba la sogs pa smos pa la/rnam par rtog pa la gsal bar snang ba yin gyi zhes bya ba ni/ gsal ba'i cha'i rjes su byed pa'i snang ba gang yin pa de ni rnam par rtog pa la rnam par gnas pa yin te/ de de'i bdag nyid can yin pa'i phyir ro/ /don la min te don ni phyi rol na gnas pa nyid kyi phyir dang snang ba ni nang na gnas pa yin pa'i phyir ro//sgra'i don yod pa nyid du khas len pa na'o zhes bya ba ni don dam par sgra'i don khas len par byed pa'i rang gi sde pa gang yin pa de la 'di thal ba yin no zhes bya ba'i don to/ /gal te 'o na don gyi gzugs brnyan rjes su 'gro ba can de nyid sgras don yin par 'gyur ro zhe na/don gyi gzugs brnyan zhes bya ba la sogs pa smos so/ /gal te 'o na dngos po brjod par bya bar khas len na sgra'i don mi rung na khyed cag ci ltar sgra'i don rnam par 'jog pa yin zhe na/ de yi ngo bo sgro 'dogs rtogs/ /zhes bya ba la sogs pa smos pa la/ rnam par rtog pa'i gzugs brnyan gyi ngo bo de la rang gi mtshan nyid du sgro btags nas de rtogs pa ni khong du chad pa'o//des snang ba dang rnam par rtog par bya ba'i don gcig tu byed pas 'jug pa na gzhan las ldog pa'i don rtogs shing thob pa'i phyir ro/ /de ni yang gal te zhes bya ba la sogs pas 'chad par byed do/ /nye bar 'dogs pa'i phyir zhes bya ba ni sgra'i don dngos ni ji ltar yang 'thad pa ma yin no//don gyi cha la 'di rjes su 'gro zhes bya ba'i rnam par 'grel pa ni dngos po dag la de las gzhan pa rnam par bcad nas zhes bya ba yin te/ de la 'jug par gyur pa na de rjes su 'gro bar 'gyur ro/ /gal te tha snyad 'khrul pa yin na don dang 'bral pa ji ltar yin de'i phyir don dang 'brel pa yod na yang gzhan gyi don gyi rjes su dpag pa rjes su dpag pa nyid du nye bar 'dogs par yang mi 'gyur ro//'khrul par mtshungs pa nyid yin na mi rtag pa la sogs pa'i sgra ji ltar na rtag pa la sogs pa'i sgra dag las khyad par du 'gyur zhe na/de'i phyir don dang 'brel pa yang zhes bya ba la sogs pa smos pa la rag las pas zhes bya ba ni brgyud pas de lta bur gyur pa'i dngos po mthong ba'i sgo nas 'ongs pa'i phyir ro/ /bstan zin pa ni le'u dang por ro/ /rang gi mtshan nyid la brda med pas rnam par rtog pa'i gzugs brnyan de nyid la brdar byed pas de'i phyir/ji ltar brdar btags pa bzhin du tha snyad kyi dus na yang rnam par rtog pa'i gzugs brnyan nyid rnam par rtog pa ma yin nam/ 'khrul pas snang ba dang rnam par brtag par bya ba gcig tu byed pas phyi rol la yang ma yin no zhe na/ de'i phyir gang gi phyir tha snyad 'dogs pa po tha snyad kyi dus su zhes bya ba la sogs pa smos so//'di skad du brda'i dus na yang snang ba dang rnam par brtag par bya ba dag la yang gcig nyid du zhen pas rnam par rtog pa'i gzugs brnyan la yang brda byed pa na/ 'khrul pas phyi rol rtogs par 'gyur ro/ /de bas na ji ltar brdar btags pa bzhin du zhen pa tha snyad kyi dus na yang zhen pa skye bar 'gyur ro zhes bstan par 'gyur ro//brjod par bya ba'i don rnam par bcad par gyur pa las zhes bya ba la shing ma yin pa gzhan las rnam par bcad pa na shing la sogs pa gang yin pa sgra'i brjod par bya ba yin pa de'i phyir/ shing la sogs pa ma yin pa gzhan la sgra ma mthong ba'i rgyu yis sgra la dngos po rtogs pa'i phyir te/gang la med pa de rnam par bcad nas dngos po ston par byed ces bya ba'i don to/ /skyes bu'i zhen pa'i dbang gis de skad du brjod kyi sgra las dngos po rtogs pa ni ma yin no/ /'dis ni ldog pa bshad do/ /la lar de mthong la ltos phyir/ / zhes bya ba 'dis ni rjes su 'gro ba pa bstan to/ /de ltar gyi shing la sogs pa zhes bya ba la da ltar smos pa ni don nye ba nyid yod pa nyid du bstan par nus pa nyid kyi phyir ro/ /phyogs gcig smos pas rjes su 'gro ba gtso bo ma yin pa bstan te/ ldog pa'i sgo nyid kyi don rtogs pa'i phyir ro/ /gang phyogs gcig la yang de las ldog pa la zhes bya ba ni shing ma yin pa la sogs pa las ldog pa zhes bya ba'i don to//de las rnam par gcod pa'i don de zhes bya ba ni shing ma yin pa la sogs pa rnam par bcad pa ni shing la sogs pa'i'o/ /gzhan rnam par gcod par byed pa ston pa 'dis ni sgra 'bras bu dang bcas par bstan to//de lta ma yin na sgra sbyor ba 'bras bu med par 'gyur ro/ /de lta ma yin na de ni dngos po la mi rung ngo zhes bya ba la sogs pa la brjod par bya ba'i don las rigs mi mthun pa ma mthong ba la ltos pa nyid kyi phyir zhes bya ba khong nas dbyung ngo / /shing la sogs pa'i don rnam par gcod par gyur pa phyogs gcig po la lar mthong ba la ltos pa nyid kyi phyir ro//'dis ni rjes su 'gro ba dang ldog pa snga ma nyid rjes su bstan to/ /'grel pa byas pa las zhes bya ba ni brdar byas pa las so/ /'brel pa'i rgyu mtshan du gyur pa des zhes bya ba ni/ rigs la sogs pa 'brel pa'i rgyu mtshan du gyur pas/gang kho na las don gang la mnyan par 'gyur zhes bya bar sbyar te/ rigs la sogs pas nye bar mtshon pa'i rdzas de nyid brjod par bya ba yin no zhes de skad du brjod pa'i drang srong la bya'i bu la sogs pa rdzas tshig gi don can gyi gzhung spong ba'i sgo nas bshad do/ / rigs la sogs pa de dag la gang kho na las mnyan par 'gyur zhes sbyar te/ rigs la sogs pa nye bar mtshon pa'i rdzas de nyid brjod par bya ba yin no zhes de skad du/ drang srong rta'i bu rigs tshig gi don can gyi gzhung spong ba'i sgo nas 'di bstan to/ /de dang 'brel pa dag la zhes bya ba ni rigs la sogs pa'i 'brel pa dag la ste/sgras 'brel pa brjod pa yin no zhes de skad du ston pa gang yin pa de dag bsal ba'i sgo nas bstan to/ /rigs la sogs pa'i rnam par rtog pa zhes bya ba ni rigs la sogs pa'i rnam par rtog pa dang 'brel pa'i rnam par rtog pa gnyis dang / sgra'i rnam par rtog pa dang bcas pa ste rnam par rtog pa rnam pa gsum mo//sngar bshad pa'i rgyu nyid kyis zhes bya ba ni/ khyad par dang ni khyad par gzhi/ /'brel dang 'jig rten gzhung lugs ni/ /zhes bya ba la sogs pa bstan pas so/ /mthong ba sre byed bdag nyid can/ /zhes bya ba ni brda'i dus na sgra dmigs pa gang yin pa de sbyor ba ni mthong ba sre bar byed pa'o//'dzin pa gang la de'i bdag nyid de/ rang bzhin yod pa de la de skad ces bya'o/ /de nyid ni mthong ba sbyor bar byed pa'i rang bzhin can no zhes bya ba la sogs pas 'chad par byed do/ /rtogs pa yang gang zhe na/ sngon nyams su myong ba rjod par byed pa zhes bya ba la sogs pa smos so//der zhen pas zhes bya ba ni 'das pa'i don du zhen pa ste/ don gang la sgra brdar btags pa de nyid da ltar gyi don 'di yin no zhes de ltar mngon par zhen pas zhes bya ba'i don to/ /de'i byed pa la de'i yul gyi byed pa'i nus pas khyab pa yin pa la de dang 'gal ba yang nus pa med pa gang yin pa de ltar na khyab par byed pa 'gal ba dmigs pa'o//rnam par rtog pa des zhes bya ba ni gnas skabs de las 'das pa la sogs pa'i don rtogs pa gang yin pa des so/ /don de zhes bya ba ni de ltar gyi don mig gis gzung bar bya ba gang yin pa'o/ /mthong ba'i rang bzhin yod na yang de zhes bya ba ni rnam par rtog pa gnyis pa'o//de brda zhes bya ba la brda ni sgra nyid brjod pa yin no/ /de nyid kyi phyir sang bar gyur pa'i don gyi ming 'dzin pas zhes bya bas 'chad par byed do/ brjod pa med pa can gyi don ni mig gis gsal bar 'dzin to zhes bya ba'i don to/ /de'i tshe des na sgra'i don gyi yul can nyid yin pa zhes bya ba ni gang gi tshe dbang po'i yul la yang sgra 'jug pa de'i tshe dbang po'i don yang sgra'i don yin te/dbang po las skyes pa gang la yul de yod pa de dag ni sgra'i don gyi yul can yin la/ de'i dngos po ni de nyid de des so/ /gal te dbang po'i don rang gi mtshan nyid la sgra 'jug pa de tsam gyis phyi rol gyi don nye ba la ltos pa dbang po las skyes pa'i shes pa ji ltar 'dod pa'i dbang gis 'jug par 'gyur/sgra'i don gyi yul can yin na yang spyi'i yul can gyi rnam par rtog pa'i shes pa gang yin pa de 'dod pa'i dbang gis 'jug par 'gyur gyi rang gi mtshan nyid kyi yul can gyi dbang po'i shes pa 'dod pa'i dbang gis 'jug pa mi rigs pa ma yin nam/'di skad du gal te rang gi mtshan nyid kyang sgra'i don yin pa de'i tshe de las gzhan pa'i sgra'i don bzhin du sgra'i shes pa la snang bar 'gyur zhing sgra'i shes pa la mi snang ba gang yin pa de ni sgra'i don ma yin no//sgra ni 'dod pa tsam gyi rgyu can nyid yin pa'i phyir shes pa de yang sgra bzhin du 'dod pa'i rgyu can du 'gyur ro/ /de lta bur gyur pa'i shes pa la sgra'i don nyid du dbang po'i don snang bar gyur pa na yang rnam par rtog pa'i gzugs brnyan bzhin du 'dod pa tsam gyi rgyu can du 'gyur ro//de lta bur gyur pa'i sgra don la 'jug par gyur pa na 'dod pa tsam gyi rgyu can du 'gyur ro snyam sems so/ /'das pa la sogs pa zhes bya ba ni sgra dang don 'das su zin kyang bdag nyid kyis dpyad nas brda byed par 'gyur ro zhes sngar ji skad bshad pa lta bu'o/ /sogs pa'i sgras ni don 'das pa dang chod pa bzung ngo //sgra 'god pa yang spyod yul gyi dngos po 'das pa dang zhig pa zhes bya ba la sogs pa la/ spyod yul gyi dngos po 'das pa dang zhig pa la sogs pa zhes pa ni zlas dbye ba'o/ /chod pa dang phra ba nyid kyi spyod yul gyi dngos po las 'das pa'o/ /sogs pa'i sgras ni ma skyes pa nyid bzung ngo //rnam pa 'dis ni dbang bo'i yul las 'das pa yin na ste/ dbang pos 'dzin par rung ba nyid dang bral ba yin na zhes bya ba'i don to/ /de la so sor nges pa nyid la de 'das pa nyid yod na mi 'gyur bas khyab pa yin pa de dang 'gal ba yang 'gyur ba yin pa de ltar na khyab par byed pa 'gal ba dmigs pa'o//gzugs la sogs pa 'dzin pa'i ngang tshul can gyi blo mthong ba ci zhig yin/ de'i yul can gyi rnam par rtog pa med pa'i phyir mthong ba nyid ma yin te/ mngon sum thams cad ni gzhan gyi rtog pa dang bcas par 'dod do/ /blo rtog pa med pa ni de ltar na zhes bya ba la sogs pas ston par byed do//de bzhin du zhes bya ba ni phyi rol gyi don bzhin du'o/ /de 'jug pa zhes bya ba ni rnam par rtog pa'i shes pa'o/ /gzugs bzhin du gzugs mthong ba la zhes bya ba la sogs pa la/ ji ltar gzugs dang gzugs zhes de lta bu'i rnam par rtog pa 'jug pa de bzhin du gzugs mthong ba la yod pa ma yin no zhes bya ba'i don to//de ltar na mthong ba la nyams su myong ba la ma grub pa zhes bya ba ni gal te gzugs mthong ba'i dus na mthong na yang nyams su myong bar mi 'dod pa de'i tshe mthong ba ste mthong ba'i yul la nyams su myong ba ma grub pas so/ /nga'i gzugs mthong ba ni de nyid yin zhing /nga'i gzugs mthong ba ni de nyid yin no zhes bya ba ni yul gyi khyad par gyis gzugs mthong ba du ma nyid yin par bstan pa'i phyir lan gnyis brjod do/ /yang na nga'i gzugs mthong ba ni de lta bu'i don gyi rnam pas nye bar bsgyur ba de nyid yin zhing nga'i gzugs mthong ba ni nang gi dga' ba la sogs pa dang ldan pa 'di yin no//'di skad du bshad pa 'di yang yul mthong ba'i yul can gyi shes pa dran pa nyid yin no/ /gzhan dag ni rtog pa dang bcas pa'i shes pa mngon sum nyid yin par 'dod pa de bas na de'i ngo bor khyod nyid 'dod pa'i mngon sum rtog pa dang bcas pa nyid 'jug par mi 'gyur na zhes bya ba smos te/gal te khyod nyid kyi gzhung gis gzugs mthong ba la nyams su myong ba ma yin na rtog pa dang bcas pa'i mngon sum yang 'jug par mi 'gyur na rnam par rtog pa de yang snang ste de ni rig par bya ba nyid yin pa'i phyir ro/ /rgyu de bas na de nyams su myong ba yod pa zhes bya ba la sogs pa smos so//de bas na zhes bya ba la sogs pa la/ ji skad bshad pa'i skyon yod pa'i phyir zhes bya ba ni gzugs 'dzin pa'i dus na blo'i yul can gyi rnam par rtog pa med na blo mi 'dzin par thal ba'i phyir ro/ /de bas na blo'i yul can gyi nyams su myong ba rtog pa med par 'gyur ro//gal te de'i gnas skabs na blo mngon sum nyid ma yin no zhe na/ de mngon sum nyid ma yin no zhes bya ba la sogs pa smos te/ gzugs 'dzin pa'i dus na gzugs mthong ba'i yul can gyi rnam par rtog pa yod pa'i phyir ro/ /gal te shes pa nyams su myong ba yang rtogs pa dang bcas pa nyid yin par 'gyur ro zhe na/rnam par rtog pa yang zhes bya ba la sogs pa smos so/ /de nyid kyis myong yin na ni/ /zhes bya ba la sogs pa smos pa la/ gzugs gzugs zhes bya ba 'dzin pa na gzugs kyi blo rnam par rtog pa dang rjes su 'brel pa'i myong ba nyid yod pa nyid yin na/ de yang shes pa gnyis pa'i bsgrub par bya ba ma yin no/ /'on kyang rnam par rtog pa dang rjes su 'brel pa nyams su myong bas gzugs mngon sum du byed pa'i blo gang yin pa de nyid rang gi bdag nyid kyang rtog pa dang rjes su 'brel pa nyid du nges pa nyid rtog par byed do/ /gzugs kyi blo gang gis zhes bya ba la sogs pas de rnam par 'grel par byed do//rnam par rtog pa de nyid mthong ba nyams su myong ba zhes bya ba ni gzugs mthong ngo gzugs mthong ngo zhes bya ba'i rnam par rtog pa nyid mthong ba nyams su myong ba yin no zhes bya ba mi 'thad do/ /lkog tu gyur pa nyid dang 'das pa med pa nyid do zhes bya ba ni ci rigs par sbyar bar bya ste/lkog tu gyur pa ni gzhan gyi rgyud la gnas pa'i ngang tshul can gyi blo yin la/ /'das pa ni rang gi rgyud la gnas pa'i ngang tshul can med pa nyid du'o/ /rnam pa gzhan du bdag nyid so so rang gis rig pas nyams su myong ba can gyi blo zhes bya ba ni so so rang gis rig pa ste/rang rig pas nyams su myong ba gang la yod pa de la de skad ces bya'o/ /mngon sum rtog pa med pa yang rang rig pa ma yin par smra ba zhes bya ba ni rang gi sde pa bye brag tu smra ba mngon sum rtog pa med pa yang rang rig par mi 'dod de/ shes pa shes pa gzhan gyis nyams su myong bar khas len pa'i phyir ro//'das pa'i gzugs la sogs pa mthong ba zhes bya ba ni gang gi tshe da ltar gyi gzugs mthong ba de'i tshe re zhig de mngon sum ma yin te/ gzhan gyi la gzugs dang shes pa la cig car rnam par rtog pa gnyis med pa'i phyir ro//rang rig pa ni rang gi sde pa khas mi len pa'i phyir ro/ /shes pa la shes pa cig car 'byung ba'i ngang tshul can gyi tshor ba med pa'i phyir ro/ /gang gi tshe phyis 'byung ba ste 'dzin par byed pa de shes pa'i shes pa skye bar 'gyur ba de'i tshe/ gzugs la sogs pa'i mthong ba 'das pa yin no/ / chos can shes pa la rjes su dpag par bya ba la/ de yod pa'i rtags thams cad kyi rten ma grub par 'gyur te/ chos can shes pa nyid ma grub pa'i phyir ro/ /chos can dang 'brel pa ni phyogs kyi chos nyid do/ /gzugs la sogs pa thag nye ba'i rjes su byed pa'i ngang tshul can zhes bya ba ni da ltar gzugs la sogs pa'i gzugs brnyan gyi rjes su 'gro bas so//de ltar na don 'gags par 'gyur bas rang gi rnam pa can gyi shes pa skyed par byed pa de'i phyir shes pa de la gzugs la sogs pa thag nye ba'i rjes su byed pa'i ngang tshul can zhes bstan to/ /gang gi tshe myur du mthong ba mang po zhes bya ba ni gang gi tshe dbang po'i shes pa nyid rgyun du skye ba na zhes bya ba'i don to//rang yul can rnam shes nyams myong zhes bya ba ni blo'i yul can no/ /de'i tshe de ltar yul 'dzin pa yin na yang zhes bya ba ni yul nyams su myong ba ni rang nyams su myong ba dang rjes su mthun pa nyid yin pa'i phyir ro//de gal te rtog pa dang bral ba rig pa yin pa de bas na yul nyams su myong ba yang de ltar grub pa yin no/ /sgra'i yul gang yin pa de ni rtog pa yin no zhes bya bar dgongs so/ /rtog pa rang gi mtshan nyid kyi yul can yin na ni snang ba gsal ba can du 'gyur na gsal bar snang ba can yin na ni rtog pa nyid yin par mi rigs so//rnam par rtog pa dang bcas pa dang rjes su 'brel pa la gsal bar snang ba can nyid 'gal bar snang ba'i phyir ro/ /de bas na rnam par rtog pa mi gsal bar snang ba can spyi nyid la dmigs pa yin no/ /de ltar ma yin na rgyu med pa can nyid yin na zhes bya ba ni spyi 'dra ba las kyang de 'dra bar 'byung na rgyu'i chos kyi rjes su mi byed pa'i phyir 'bras bu rgyu med pa can nyid yin par 'gyur ro//dngos po la yang brda byed pa ma yin pa zhes bya ba ni tha snyad kyi dus na dngos po nye bar mi gnas pa'i phyir dang / sgra las byung ba'i shes pa la snang ba med pa'i phyir de la brda byed pa ma yin no//de la zhes bya ba ni dngos po la'o/ /tha snyad kyi dus na sgra dang don sbyor ba'i brda dran pa ni rgyu yin pa de 'di la med pa de ltar na rgyu mi dmigs pa la de'i tshe nus par 'gyur zhes bya ba la sogs pa la/ brda dran pa la ltos pa yod na gzugs thag nye bar kyang re zhig dbang po'i shes pa skyed pa ma yin gyi/'on kyang dang por dran pa nyid skyed par byed do/ /de bas na don de ni dngos su dran pa'i rgyur 'gyur gyi shes pa'i ni ma yin no/ /dran pa las dbang po'i shes pa 'gyur bas gdon mi za bar bskyed par bya ba ma yin zhes bya ba'i dgongs pa 'di ni gang gi tshe dbang po'i shes pa dran pa'i rgyu can nyid yin pa de'i tshe don thag nye ba'i dbang gis bskyed pa can ma yin no//de bas na rnam par rtog pa tsam sngon du song ba'i shes pa 'dod pas 'jug pa dang ldog pa yod pa'i phyir gdon mi za bar bskyed par bya ba ma yin no zhes bya ba'o/ /ci'i phyir zhe na/tha dad med phyir ro zhes bya ba ni gzhan gyis skad cig ma nyid ma yin par khas blangs pa la brten nas bstan to/ /khyad par brdar btags med 'dzin na/ /zhes bya de ni mdo yin la/ /skad cig ma nyid dang skad cig ma ma yin pa'i phyogs dag gi skabs nyid yin pa'i phyir phyogs gnyi ga la sbyar nas 'chad par byed do//re zhig skad cig ma ma yin pa'i phyogs ni rtag pa'i phyogs la yang zhes bya ba la sogs pas sbyor bar byed do/ /yang na zhes bya ba la sogs pas kyang skad cig ma'i phyogs la skad cig ma snga phyi'i khyad par nyid kyi rnam pa gnyi ga sbyor bar byed do/ / de la khyad par gyi ngo bo ma bzung ba la brda yod pa ma yin no zhes bya ba ni 'di ltar dbang po'i shes pas skad cig ma gnyis pa 'dzin pa yin no zhes bshad pa de'i phyir skad cig ma dang po ma bzung ba la brda yod pa ma yin no/ /don bzung ba la 'di'i 'di rjod par byed pa yin no zhes bya ba'i brda 'thad pa yin no//khyad par gyi ngo bo zhes bya ba ni brda med pa'i rgyu gnyis pa yin te/ rang gi mtshan nyid la brda byed pa mi rung ba'i phyir ro/ /de yang rigs pa ma yin no zhes bya ba ni brdar ma byas pa'i don sngon gyi brda la dmigs pa'i dran pas 'dzin pa ma yin no/ /don gyi sgra ni yul brjod pa dang dgos pa brjod pa yin te/de phyogs kyi bye brag gis 'chad par byed pa la/ don can gang zhes bya ba ni spyi'i yul can no/ /phyogs gnyis pa zhes bya ba ni skad cig mar smra ba'i phyogs dang po la ste/ skad cig ma'i phyogs la skad cig ma dang po gang yin pa de dran pa skyed par byed par 'dod pa zhes bya ba la sogs pas gang 'chad pa'i de nyid skad cig ma ma yin pa'i phyogs la ltos nas gnyis par bshad do//phyogs de la dran pa yul med pa can yin te/ 'di ltar skad cig ma dang po'i yul can de khyad par gyi ngo bo ma bzung ba de la brda med pa'i phyir brdar ma byas pa la dran pa'i yul nyid med pa'i phyir ro//de'i yul skad cig ma gnyis pa yang ma yin te/ de ni rgyu ma yin pa nyid kyi phyir dang brdar ma byas pa nyid kyi phyir ro/ /gsum pa la zhes bya ba ni skad cig mar smra ba'i phyogs gnyis pa ste/ yang na phyis 'byung ba'i skad cig ma gang yin pa zhes bya ba la sogs pas bshad pa gang yin pa la'o//rtag pa'i phyogs la ltos nas de nyid gsum pa yin no/ /gang gis dgos pa yin zhes bya ba de la 'bras bu med pa can te/ 'di ltar phyis 'byung ba'i skad cig ma shes pas 'dzin par 'dod na/ des dran pa bskyed pa ma yin pa de bas na de dran pa'i yul ma yin pa de ltar na de la dran pa 'bras bu med pa can yin no//de yang de ma thag tu bshad zin to/ /gnyis ka yang ma yin no zhes bya ba ni yul yang ma yin zhing dgos pa yang ma yin no zhes bya ba'i don to/ /phyogs gsum pa'i skyon gang yin pa de nyid dang po'i phyogs la yang skyon du brjod par bya ba yin te/ don rtogs pa nyid kyi phyir tha dad par ma brjod do//khyad par yang 'dzin pa yin no zhes bya ba ni 'di ltar rang gi mtshan nyid kyi rnam pa can gyi dbang po'i shes pa rnam par nges par 'gyur ro/ /mngon sum rtog dang bral ba can/ /mngon sum nyid kyis 'grub par 'gyur/ /zhes bya ba la sogs pa nas/ de phyir mig dang gzugs dag la/ /brten nas mig blo skye bar 'gyur/ /zhes bya ba'i mthar thug pa'i rnam 'grel gyi gzhung gis tshad ma kun las btus pa'i gzhung ji tsam bshad pa de bshad pa yin no/ /mngon sum rtog dang bral ba can/ /zhes bya ba skabs su byas nas zhes bya ba la sogs pa la/mngon sum rtog dang bral ba can/ /ming dang rigs sogs sbyor bar byed/ /kha cig na re sgra ni don dang 'brel pa'i rgyu mtshan can yin no zhes zer ro/ /gzhan dag ni don gyis stong pa'i sgra dag gis khyad par can gyi don brjod pa yin no zhes zer ro/ /gang la rtog pa de dag med pa de ni mngon sum yin no zhes bya ba gzhung 'di tsam bshad pa yin no//de ltar na rtog pa rnam pa gsum ston par mdzad pa na/ rigs la sogs pa'i rtog pa rnam pa gsum ston par byed pa'i gzhung don gyis bshad pa yin no/ /de nyid kyi phyir don gyis bshad pa yin no zhes bya ba smos so//'on te ci'i phyir/ gnyi ga la rag las pas skye ba la zhes bya ba la sogs pas da bshad par bya ba'i gzhung 'chad par byed do/ /dbang po'i shes pa de'i go bar byed pa dbang po'i sgo nas tha snyad du byed pa yin nam/ 'on te yul gyi sgo nas yin zhes de ltar dbang po'i shes pa ston par byed pa'i skabs su go bar byed pa nyid de ni dbang po'i sgra las yod pa yin no//de ltar na dbang po'i rnam par shes pa zhes brjod pa na the tshom med par dbang po'i shes pa nyid shes par 'gyur ro/ /de skad du bstan pa na shes par 'dod pa'i don rtogs par 'gyur ro/ /de bas na mngon sum zhes bya ba'i tha snyad rigs pa yin gyi yul gyi shes pa zhes ni ma yin no//de ltar brjod pa na nges par dbang po'i shes pa rtogs par 'gyur ro/ /yid kyi rnam par shes pa yang yul gyi rnam par shes pa nyid yin pa'i phyir de ni yul la brten pa yin no zhes tha snyad du bya ba ma yin no/ / slob dpon phyogs kyi glang pos go bar byed pa nyid 'chad par mdzad pa na/ thun mong min pa'i rgyu nyid phyir/ /dbang po la de'i tha snyad byas/ /zhes bstan to/ /thun mong ma yin pa'i rgyu nyid yin pas na dbang po'i sgra la dbang po'i shes pa rtogs pa la go bar byed pa nyid du bstan to/ /de ltar na yul ni yid kyi rnam par shes pa dang rgyud gzhan gyi rnam par shes pa thun mong gi rgyu yin zhes bshad pa gang yin pas yul go bar byed pa nyid ma yin no//de'i chos kyang nges sbyor byed/ /ces bya ba ni go bar byed pa de'i rang bzhin du gyur pas chos nges par sbyor bar rigs so zhes bya ba'i don to/ / go bar byed pa khyab par byed pas sgra nges par sbyor bar 'os pa la zhes bya ba la sogs pas de 'chad par byed pa la/ sgra'i nges par sbyor bar 'os pa ni sgra nges par sbyor bar rigs pa ste/ brjod par bya ba dang rjod par byed pa nyid du nges par sbyor bar rigs pa nyid yin no/ /de la go bar byed pa khyab par byed pas khyab pa yin no//de ltar na rtog pa sngon du gtong ba can sgra sbyor ba gang yin pa de ni go bar byed pa nyid du gyur pa la yin te/ sgra sbyor ba ni brjod par 'dod pa'i don ston par byed pa'i yan lag nyid yin pa'i phyir ro/ /de yang go bar byed pa nyid du nus pa yin gyi cig shos kyis ni ma yin te/ go bar byed pa ma yin pa nges par sbyor na rtog pa sngon du gtong pa nyid nyams par 'gyur ro/ /de bas na gal te go bar byed pa ma yin par 'gyur na/ rtog pa sngon du gtong ba sgra nges par sbyor ba de nyid byed par mi 'gyur ro/ /de'i phyir bzlog na gnod pa can gyi tshad ma yod pa'i phyir rtog pa sngon du gtong ba can sgra nges par sbyor bar 'os pa tsam dang rjes su 'brel pa can gyi go bar byed pa nyid de'i khyab par byed pa yin par 'gyur ro//'dis ni sbyor ba'i don 'thad par byed pa yin no zhes bya ba la/ 'dir sbyor ba ni rnam pa gnyis te sgrub pa dang dgag pa'i sgo nas so/ /de la re zhig sgrub pa ni gang zhig tha snyad gang la rtog pa sngon du gtong ba can sgra 'god pa de ni de la go bar byed pa kho nar 'gyur te/dper na rnga'i sgra dang nas kyi myu gu'i tha snyad la rnga dang nas kyi sgra zhes nges par sbyor ba lta bu'o/ /dbang po'i shes pa'i tha snyad 'di la yang rtog pa sngon du gtong ba can sgra nges par sbyor ro zhes bya ba ni rang bzhin gyi gtan tshigs so//go bar byed pa nyid kyang dbang po'i tha snyad kho na yin par gnas so/ /dgag pa'i sgo nas kyang gang zhig go bar byed pa nyid kyi mi 'gyur ba de ni de la nges par sbyar bar 'os pa ma yin te/ dper na rnga'i sgra dang nas kyi myu gu'i tha snyad la go rims bzhin du dbyug pa'i sgra dang sa la sogs pa'i sgra mi 'gyur ba lta bu'o//dbang po'i rnam par shes pa ston par byed pa'i skabs la yang yul gyi sgra'i tha snyad la go bar byed par 'gyur ba ma yin no zhes bya ba ni khyab par byed pa mi dmigs pa'o/ /de la gang gi phyir 'di ltar de'i chos kyang nges sbyor byed pa go bar byed pas khyab pa zhes bya ba nas brtsams te/rang bzhin rtags ni nges par sbyor/ /zhes bya ba'i bar gyi gzhung 'dis sgrub pa sgrub par byed pa'i sbyor ba bshad do/ /go bar byed pa'i/ rang bzhin rtags ni nges par sbyor/ /zhes bya ba ni bsgrub par bya ba go bar byed pa nyid kyi rang bzhin zhes bya ba'i rtags sbyar bar bya'o zhes bya ba'i don to//rang bzhin zhes bya ba'i rtags nges par sbyar ba de ldog par 'gyur ro zhes bya ba la sogs pas dgag pa la gtan tshigs mi dmigs pa bstan to/ /de nyid kyi phyir de de ltar na go bar byed pa'i tha snyad kyi bshad pa yin gyi skabs su bab pa'i don rtogs par byed pa ma yin pa gzhan gyis ni ma yin no zhes bya ba la sogs pas sgrub pa dang dgag pa'i sgrub par byed pa rnam pa gnyis kyi sbyor ba'i sgrub par byed pa'i 'bras bu rnam pa gnyis ston par byed do//tshad ma kun las btus pa las ni sgrub pa'i sgo nas rang gi sgras sbyor ba bshad de/ thun mong ma yin pa'i sgo nas kyang tha snyad 'dogs pa mthong ste/ dper na rnga bo che'i sgra dang nas kyi myu gu lta bu'o zhes bstan to/ /de la yang don ni 'di yin te/ rtog pa sngon du gtong ba can dag brjod par 'dod pa'i don ston pa la tha snyad mthong ba gang yin pa de ni go bar byed pa thun mong ma yin pa nyid kyi sgo nas zhes bya ba'i don to/ /de'i phyir go bar byed pa nyid bsgrub par bya ba yin no//dgag pa'i sgo nas sbyor ba yang don gyis bstan to/ /de ltar na de la thun mong ma yin pa'i sgo nas kyang zhes bya ba'i kyang gi sgra ni nges par bzung ba yin no/ /thun mong ma yin pa kho na'i sgo nas yin gyi/ thun mong gi sgo nas ma yin no zhes bya ba'i nges par bzung ba'i 'bras bus go bar byed pa ma yin pa nges par sbyar bar 'os pa gsal ba yin no//'o na ci ltar na rnam par shes pa lnga'i zhes bya ba la sogs pas tshad ma kun las btus pa'i gzhung nye bar bkod pa de 'brel pa byed pas bstsags pa zhes bya ba la sogs pas 'chad par byed do//gzhung 'di yang gal te mngon sum rtog pa dang bral ba yin na/ ci ltar na mig la sogs pa'i rnam par shes pa lnga bsags pa la dmigs pa yin zhes bya ba'i skabs 'dis bstan to/ /rdul phra rab 'dus pa ni bsags pa yin la/ de yang tshogs ba can thams cad kyi spyi'i ngo bo yin zhing de la dmigs pa nyid kyi phyir dbang po'i rnam par shes pa ni rtog pa dang bcas pa nyid yin no zhes gzhan dag sems so//gal te de gcig tu rnam par shes pa ma yin na de ji ltar rung zhes bya ba 'di yang tshad ma kun las btus pa'i gzhung yin no/ /bsags pa de gal te gcig tu rnam par rtog pa ma yin na 'o na ji ltar na rnam par shes pa lnga'i dmigs pa bsags pa yin zhes bya ba 'di dang sbyar ro//skye mched kyi rang gi mtshan nyid de la rang gi mtshan nyid kyi yul can de dag rnam par shes pa'i tshogs lnga la 'dod kyi rdzas kyi mtshan nyid la ni ma yin no zhes bshad pa gang yin pa gzhan 'di yang tshad ma kun las btus pa'i phyogs snga ma'i gzhung yin te rtog pa dang bral ba dang 'gal ba nyid kyis so//slob dpon dbyig gnyen gyis kyang zhes bya ba la sogs pas spel mar bshad pa yin no/ /'ga' zhig gi tshe sngon po dang ser po la sogs pa'i nang nas sngon po la sogs pa so sor nges pa gcig gis mig gi rnam par shes pa la sogs pa skyed par 'gyur zhing /'ga' zhig gi tshe sngon po dang ser po la sogs pa'i tshogs pas zhes bya ba chos mngon pa'i bstan bcos su rnam par gzhag pa byas pa na/ gal te gzugs dang sgra la sogs pa'i tshogs pa rnam par shes pa'i tshogs lnga dmigs na yang ji ltar na de dag rang gi mtshan nyid kyi yul can nyid la gnod par mi 'gyur zhes brgal ba'o//de la slob dpon dbyig gnyen gyis 'di ltar de dag ni skye mched kyi rang gi mtshan nyid la rang gi mtshan nyid kyi yul can nyid du 'dod kyi rdzas kyi mtshan nyid la ni ma yin pas nyes pa 'di med do zhes bshad pa yin no//sngon po dang ser po dang dmar po la sogs pa thams cad so so'am bsdus pa bdag nyid ji lta ba bzhin du rnam par shes pa skyed par byed pa'i sgo'i don ni skye mched yin no/ /de dag ni rang gi mtshan nyid ni skye mched gzhan las bzlog pa yin no//gzugs dang sgra la sogs pa'i rab tu dbye ba rigs mthun pa dag gi ni bdag nyid ji lta ba bzhin du dbang po'i rnam par shes pa skyed par byed pa'i ngo bo yin no/ /de thun mong ma yin pa yin na yang skye mched gzhan las bzlog nas rigs mthun pa thams cad la bye brag med par rang gi mtshan nyid ces brjod do//rdzas kyi rang gi mtshan nyid la ni ma yin no zhes bya ba la gzugs dang sgra la sogs pa'i rab tu dbye ba dag la ngo bo so so ni rdzas kyi rang gi mtshan nyid yin zhing de la ni de dag rang gi mtshan nyid kyi yul can ma yin te/ gzugs la sogs pa'i dbye ba re re la nges pa'i sgo nas de dag rang gi mtshan nyid kyi yul can ni ma yin no//'on kyang rigs mthun pa rnams la khyad par med par rang gi mtshan nyid du 'dzin pa'i phyir ro zhes bya ba ni bsdus pa'i don yin no/ /rgol ba ni mig gis gzung bar bya ba nyid la sogs pa'i spyi'i ngo bo la skye mched kyi rang gi mtshan nyid kyi sgras bshad pa yin no snyam du sems so//bsags pa dag ni zhes bya ba la sogs pa'i tshigs su bcad pas/ mdo mdzad pas phyogs snga ma'i bsam pa ston par mdzad do/ /rnam par shes pa skyed par byed pa'i nus pa'i rang bzhin skyed pa'i rkyen nye ba'i phyir zhes bya ba ni rnam par shes pa skyed par byed pa rdul phra rab kyi rang bzhin skyed pa gang yin pa de'i rkyen te/lhan cig byed pa gang yin pa de nye ba'i phyir zhes bya ba'i don to/ /de dag phan tshun nye bar 'gro ba la sogs pa la brten pa can zhes bya ba la sogs pa'i sgras ni mchod pa dang yul rung ba na gnas pa zhes bya ba la sogs pa bzung ngo //rgyud snga ma yongs su gyur pa gang la phan tshun nye bar 'gro ba la sogs pa brten pa yod pa de la de skad ces bya'o/ /rgyud snga ma yongs su gyur pa yang nye bar len pa'i skad cig ma snga ma skad cig ma phyi ma'i nus pa skyed par byed pa'i nus pa skyed pa yin no/ /de 'dra ba ni zhes bya ba ni yul mchod pa na gnas pa rdul phra rab gzhan dang bral ba ste/shes pa de ni rdul phra rab mang pos bskyed par bya ba yin no zhes bya ba ni bsdus pa'i don to/ /de la thams cad kyis kyang 'dir de la don du mas skyed phyir/ rang don la spyi spyod yul can zhes bya ba'i tshad ma kun las btus pa'i gzhung 'di bshad pa yin no// //tshad ma rnam 'grel gyi 'grel bshad/ bam po lnga bcu rtsa lnga pa/ spyir de dag thams cad ni zhes bya ba la sogs pas gzhung rjod par byed pa ste/ rnam par shes pa gang la spyir ji ltar thag nye ba'i rdul phra rab du ma'i spyod yul yod pa de ni spyi'i spyod yul can zhes bya ba ni go bar byed pa nyid yin pa'i phyir gzhi tha dad pa'i 'bru mang po pa'o//yang na de ni tshig ston pa tsam yin pas na gzhi mthun pa'i 'bru mang po pa nyid yin no/ /tshad ma kun las btus pa las spyi'i sgra brjod pa ni rdul phra rab du ma rang gi mtshan nyid bstan pa'i phyir te gang la skyi ste rdul phra rab du ma'i spyod yul yod pa zhes bya bar tshig rnam par sbyar ro//rdzas kyi rang gi mtshan nyid ni ma yin no zhes bya ba'i tshig 'dis rang gi mtshan nyid kyi yul can nyid yin pa spangs pa na spyi'i yul can nyid yin par khas blangs par gyur pa ma yin nam/ de bas na/ de la don du ma bskyed phyir/ /rang don la spyi'i spyod yul can/ /spyi 'dzin pa'i phyir yang ma yin no zhes bya ba'i bshad pa de 'gal lo zhe na/de'i phyir rdzas kyi rang gi mtshan nyid kyis ni ma yin no zhes bya ba 'dis kyang zhes bya ba la sogs pa smos so/ /yul rnam par chad pa na gnas pa rnams rdzas gzhan gcig rtsom pa med pa'i phyir zhes bya ba ni ldan pa lhan cig byed pa yul rnam par 'chad pa'i gnas skabs na med pa'i phyir 'bras bu rdzas rtsom pa yod pa ma yin no//go rims med par zhen pa phyin ci log yin no zhes bya ba ni go rims med pa kho na phyi ci log yin no zhes bya bar sbyar ro/ /sngar bsal zin to zhes bya ba ni cig car rnam par shes pa skye ba sgrub par byed pa'i skabs su/'dir don kun dang cig car ni/ /'dus can dbang rnams yod na yang / /zhes bya ba la sogs pas bsal zin pa nyid kyi phyir ro/ /dus mtshungs can blo thams cad kyi/ /thams cad skad cig ma nyid du khas len pa'i phyir ro/ /gzhan myur du 'jug pa can yin no zhes bya ba ni blo gzhan myur du 'jug pa can ma yin no zhes bya ba'i skabs dang sbyar ro//'di ni rim min thal 'gyur ba'am/ /zhes bya ba ni don gcig 'dzin par zhen pa'o/ /phye ma leb khra ni zhes bya ba la sogs pa ni rma bya la sogs pa'o/ /tshon sna tshogs kyis bsgyur ba yang de yin la ras dang dar la sogs pa'i khyad par dag gi snal ma'i rigs sna tshogs pa las zhes bya ba ni khyad par gyi bsdu ba'o//de dag gis bsgrubs shing bskyed pa'i ras dang stan gang yin pa de dag dang por byas pa gang la yod pa de la de skad ces bya'o/ /snal ma rigs sna tshogs pa las bsgrubs pa smos pa ni rigs mi mthun pa'i 'bras bu'i rdzas mi rtsom pas yan lag can gyi rdzas med par bstan pa'i don to//yan lag can med na yang yan lag can de la brten pa'i gzugs gcig kyang yod pa ma yin no/ /de la yang yan lag gi gzugs kyi rigs du ma snang ba yin no zhes gzhan gyis kyang khas blang bar bya'o//gzugs gzhan la mi dmigs pa'i blos zhes bya ba la yongs su gcad par bya ba'i gzugs las gzhan pa'i gzugs ni gzugs gzhan no/ /de la mi dmigs pa ste yongs su gcad par bya ba'i gzugs gcig la dmigs pa'i rnam par rtog pa'i blos zhes bya ba'i don to/ /de dag la zhes bya ba ni sngon po dang ser po la'o//de rig pa zhes bya ba ni rnam par phye nas 'dzin pa'o/ /sngon po dang ser po la sogs pa'i khyad par blos rnam par phye nas 'dzin pa med pa ni gcig nyid la khyad par byed pa yin la de dang 'gal ba yang de ltar rnam par phye nas 'dzin pa yin pa de ltar na khyab par byed pa 'gal ba dmigs pa'o//'dis gtan tshigs ma grub par smra'o zhes bya ba ni rma bya la sogs pa'i gzugs kyang sngon po la sogs pa tha dad pa'i sgo nas blos rnam par phye nas gzung bar bya'o zhes bya ba ma grub pa nyid kyi phyir ro/ /de la yan lag can gyi gzugs rnam par phye nas mi 'dzin cing /yan lag gi gzugs gzung ba gang yin pa de ni du ma nyid du 'dod pa de phyogs su byed pa na grub pa la sgrub pa yin no zhes sems so/ /rigs tha dad pa'i rdzas kyi bsgrub pa sems dang mi ldan pa ni bcos ma'i phye ma leb de gang la yan lag can gyi rdzas gcig yod pa ma yin no//don rnams dus mtshungs can nyid du/ /zhes bya ba la sogs pa la don gyi rnam pa dang dus ni don gyi rnam pa dang dus so/ /blo gang la de dag mtshungs pa yod pa de la de skad ces bya'o/ /de'i dngos po ni de nyid do/ /des na don gyi rnam pa mtshungs pa can ni sngon po dang ser po la sogs pa tha dad par snang ba nyid kyi phyir ro//dus mtshungs pa can ni gnyi ga la yang go rims med par 'dzin pa so sor rig pa'i phyir ro/ /bcos ma'i phye ma leb pa zhes bya ba la sogs pas de nyid 'chad par byed do/ /gnyi ga yang zhes bya ba ni bcos ma dang bcos ma ma yin pa dag la'o/ / sngon po la sogs pa'i ngo bo sna tshogs pa can ma yin pa zhes bya ba ni phye ma leb khra bo la sogs pa'i ngo bo sna tshogs pa can ma yin gyi 'on kyang gal te yan lag can gyi gzugs sna tshogs pa gcig yin no zhes bya ba ni ngag gi don yin no/ /blo sna tshogs min zhes bya ba ni gzhan gyi gzhung gi de la yul med pa'i phyir ro//de ltar na de'i yul yan lag can gyi rdzas yin nam/ yan lag can 'du ba dang ldan pa gzugs sna tshogs pa can gcig gam/ yan lag gi gzugs so so'am ma lus pa yin no zhes bya ba'i rtog par 'gyur grang na/ re zhig dang po'i rnam par rtog pa ni ma yin te/ de la yan lag can gyi rdzas med pa'i phyir ro//de ni rigs mi mthun pa can de dag ni zhes bya ba la sogs pa smos so/ /de med pa'i phyir zhes bya ba la sogs pas rnam pa gnyis pa med par bstan te/ yan lag can gyi gzugs ni yan lag can gyi ngo bo ste gang de la 'du ba dang ldan pa'o/ /yan lag can gyi ngo bo yang yin la gcig kyang yin zhes bya ba ni las 'dzin pa'o//yang sna tshogs pa'i sgra dang las 'dzin pa nyid bya'o/ /de nas mi rtsom pa'i sgra dang drug pa'i bsdu ba bya'o 'di snyam du dgongs te/ gal te yan lag can gyi rdzas kyi yan lag gcig rtsom par 'gyur ba de bas na/ de'i rten can yan lag can gyi ngo bo yan lag gi yon tan gyis kyang rtsom par 'gyur te/rten med pa can gyi yon tan brtsam par mi nus pa nyid kyi phyir ro/ /sngon po la sogs pa'i don gang yin pa de dag kyang zhes bya ba la sogs pas rnam par rtog pa gsum pa 'gog par byed do/ /cig car don du ma 'dzin par khas mi len pa'i phyir rnam par rtog pa bzhi pa yod pa nyid ma yin no//de lta na de zhes bya ba ni ldan pa'o/ /'di ltar phye ma leb la yan lag can gyi ngo bo khra bo yod pa ma yin no zhes bya ba ni sngon po la sogs pa'i yan lag tu gtogs pa yongs su snang bar gyur pa ma yin pa yan lag can gyi ngo bo mi dmigs pa'i phyir ro zhes bya bar dgongs so//yang na don 'di khyod kyis kun du brtags pa'i yan lag can gyi ngo bo sna tshogs pa gang yin pa de yod pa ma yin te/ gcig dang sna tshogs pa nyid 'gal ba'i phyir ro/ /gal te gnyi ga'i yang ngo bo tha dad pa nye bar btags pa'i rgyu yin no zhes bya ba ni phye ma leb khra bo'i yan lag can gyi ngo bo gang yin pa dang stan khra bo la sogs pa'i yan lag gi ngo bo tha dad pa gang yin pa de dag gnyi ga'i yang gzugs sna tshogs pa gang yin pa de ni ldan pa la nye bar 'dogs pa'i rgyu yin no zhe na ma yin te zhes bya ba la sogs pa ni lan yin te/phye ma leb khra bo'i gzugs la sna tshogs pa nyid med pa'i phyir ro zhes bya ba ni/khyod kyis yan lag can gyi ngo bo gcig nyid du kun du brtags pa gang yin pa de la sna tshogs pa nyid med pa'i phyir ro/ /ri mo la sogs pa la yang sna tshogs pa'i ngo bo med pa'i phyir ro zhes bya ba ni de ltar de la re zhig yan lag can med pa'i phyir yan lag can gyi ngo bo sna tshogs pa gzhan mi 'dod do//'on kyang de la yan lag gi gzugs kho na snang bar 'gyur ro/ /de dag so so la yang sna tshogs pa nyid yod pa ma yin zhing / sna tshogs pa dag ni sna tshogs pa nyid nye bar btags pa la yan lag ma yin te/ cig car du ma 'dzin par khas mi len pa'i phyir ro//gal te sna tshogs par snang ba can gyi blo la snang ba de'i tshe nye bar 'dogs pa'i rgyur 'gyur ro/ /don gcig la 'phrod pa 'du ba'i phyir nye bar btags par 'gyur na zhes bya ba ni rdzas gang la gzugs nye bar btags pa'i rgyu 'du ba dang ldan pa de nyid la ldan pa yang 'du ba dang ldan pa yin no//spyi'i spyod yul can gyi rnam par shes pa zhes bya ba yang grub 'gyur zhes bya ba'i skabs dang sbyar ro/ /re zhig blo de gcig nyid la/ /ji ltar du ma snang bar 'gyur/ /zhes bya ba ni 'di snyam du sems te/ grub pa'i mtha' smra ba khyod kyang blo rnam pa dang bcas pa nyid 'dod do//de lta na sna tshogs pa'i rnam pa de blo'i bdag nyid du gyur pa yin pa de lta na blo sna tshogs pas snang ba can khas blangs pa yin no/ /de'i phyir ma nges pa yin no zhes bya ba ni gang zhig sna tshogs pa yin pa de ni gcig gi rang bzhin ma yin te zhes bya ba'i gtan tshigs ma nges pa yin te/ blo gcig gi rang bzhin nyid yin na yang sna tshogs par snang ba nyid kyi phyir ro//ji lta ji ltar don bsam pa/ /zhes bya ba ni phyi rol gyi sngon po dang ser po la sogs pa'o/ /don smos pa ni rnam par shes pa las tha dad pa 'gog par byed pa yin gyi rnam par shes pa gzhan gyi dbang gi bdag nyid ni ma yin no/ / de yang 'og nas ston par 'gyur ro/ /ji lta ji ltar zhes bya ba ni gcig dang du ma nyid kyis so/ /rang bzhin 'ga' zhig la zhes bya ba ni phyi rol la ma yin zhing rnam par shes pa'i bdag nyid la yang ma yin te/ chags par snang ba'i rnam par mi gnas so zhes bya ba'i don to/ /ji ltar rnam par mi gnas pa de ltar de ma thag nyid du ston par 'gyur ro//chos rnams bdag med pa zhes bya ba la sogs pa la/ thams cad med pa ni chos rnams bdag med pa nyid ma yin te kun nas nyon mongs pa dang rnam par byang ba'i phyogs med par thal ba'i phyir dang / sngar ji skad du bshad pa bzhin du kun rdzob rigs pa nyid kyi phyir ro//'on kyang kun du brtags pa'i gzung ba dang 'dzin pa'i ngo bos dben pa rang rig pa tsam de yang bstan bcos mdzad pa rang nyid kyis 'og nas rgyas par gsal bar mdzad par 'gyur ro/ /don dam par blo sna tshogs pa des dngos po yang sna tshogs par 'grub par 'gyur ro zhes bya ba la sogs pa la/ ji ltar dang por don dam par blo gcig sna tshogs pa'i rnam pa can de lta bur gyur pa'i don nyid kyis skyed par 'gyur ro/ /de nas 'dzin par byed pa'i blo de'i rnam par 'jog par byed pa'i phyi rol gyi dngos po yang 'grub par 'gyur ro/ /de bzhin du ste/ sna tshogs pa'i rnam pa can gyi blo gcig bzhin du bden par 'gyur ro zhe na/de'i blo la yang mi 'gyur ro zhes bya ba ni blo gcig la yang sna tshogs pa nyid de ni mi 'gyur te/ blo gcig dang tha dad pa med pa de yang mi 'gyur ro zhes bya ba'i don to/ /gcig dang zhes bya ba la sogs pas de 'chad par byed do/ /de ltar na de sna tshogs par snang ba nyid du 'dod pas gzhan gcig nyid yin par 'dod do//de bas na gcig nyid yin na ngo bo sna tshogs pa ma yin pa yang zhes bya ba rang bzhin sna tshogs pa ma yin na yang ste/ ngo bo sna tshogs pa nyid yin na gcig nyid 'gal ba'i phyir ro/ /'on kyang 'khrul ba'i dbang gis sna tshogs pa'i rnam pa nyid du snang bar 'gyur ro//gcig dang du ma dag gi gnas pa'i zhes bya ba la sogs pa la/ sna tshogs pa nyid dang gcig pa nyid du gnas pa ste/ rnam par gzhag pa gang yin pa de'i rten don dam par rnam pa tha dad pa dang tha dad pa med pa ma gtogs par rnam par gzhag pa gzhan 'ga' zhig kyang yang yod pa ma yin no zhes bya ba'i don to//de la don dam par rnam pa tha dad pa sna tshogs pa nyid du gnas pa'i rten yin zhing gcig nyid du gnas pa'i yang don dam par rnam pa tha dad pa med pa yin no/ /de la gal te blo la don dam pa'i rnam pa tha dad pa 'dod na/ 'o na ni gcig nyid ma yin pa'am/ gcig nyid yin na don dam par rnam pa tha dad pa yod pa ma yin no//de ltar mi 'dod na ril gcig tu 'gyur ro zhes bstan pa'i phyir/ de la gal te don dam par blo zhes bya ba la sogs pa smos so/ /de ltar na cig car skye ba la sogs pa'i skyon yod do zhes bya ba ni thams cad kyi rang bzhin gcig nyid yin na gcig gi skye ba gang yin pa de nyid thams cad kyi yin par 'gyur ro//sogs pa'i sgras ni cig car dgag pa dang thams cad thams cad la nye bar sbyor bar 'gyur ro/ /de'i phyir gcig nyid yin na rnam pa du ma can ma yin no zhes bya ba ni blo gcig yin na rnam pa du ma can du mi 'gyur gyi 'on kyang blo ni gnyis kyi ngo bos dben pa rang rig pa tsam gyi bdag nyid can kho na yin no zhes bya bar dgongs so//gal te phyi rol gyi dngos po sna tshogs pa med cing / blo sna tshogs pa'i rnam pa can gcig med na 'o na ji ltar yul dang dus nges pa can gyi phyi rol gyi gzugs nyid du snang ba yin zhes de skad du 'dogs pa la/'on kyang gal te 'di bdag don 'dod na zhes bya ba la sogs pa smos te/ sgrub pa po 'khrul pa'i ngo bor don du mngon par zhen pa las don zhes brjod kyi de dag don nyid ni ma yin te/ kun du brtags pa'i rang bzhin ni gtan nas med pa nyid yod pa'i phyir ro//'dod pa de yang gang yin zhe na/ de'i ngo bo can ma yin par 'gyur ba dag kyang de'i ngo bo'i sgo nas gsal ba zhes bya ba smos pa la/ de'i ngo bo can ma yin pa zhes bya ba ni phyi rol gyi ngo bo can ma yin par gyur pa dag kyang ngo / /de'i ngo bo'i sgo nas kyang de'i phyi rol gyi ngo bo'i sgo nas gsal zhing snang ba'o//de dang de'i don dam par gnas pa de kho na nyid yin na zhes bya ba ni de'i ngo bo can ma yin par snang ba de don dam par te dngos su gnas pa yin te/ sgrub par byed pa'i tshad ma yod pa'i phyir ro/ /de nyid kyi phyir de kho na nyid phyin ci ma log pa ma yin te/ 'dir phyi rol gyi don du rtogs pa ni tshad mas gnod pa nyid kyi phyir de kho na nyid ma yin no zhes bya bar dgongs so//gang gi tshe phyi rol gyi don mthong ba ni 'khrul pa nyid yin par rigs kyi ma 'khrul pa ni ma yin te/ rigs pa de la mi ston mod kyi/ kho bo tshad mas gnod pa'i log pa'i rnam par rtog pas ni ston pa 'gog par byed pa yin no//de bas na rab rib kyis 'khrul pa'i mig can la skra shad dang sbrang ma la sogs pa med pa snang ba bzhin du ma rig pa'i rab rib kyis khyab pa'i mig can la phyi rol gyi don 'di med na yang snang ngo zhes de skad du bstan pa rigs pa nyid yin pa'i phyir bstan bcos mdzad pa de ltar 'gyur ro zhes bya bar dgongs so//de la don dam par gnas pa de kho na nyid yin no zhes bya ba la/ de'i ngo bo can ma yin pa dag kyang de'i ngo bo can du snang ba tshad ma'i stobs las 'ongs pa gang yin pa de nyid 'khrul pa nyid ma yin gyi 'on kyang don dam par te/ dngos su phyi rol gyi ngo bor gnas pa de kho na nyid phyin ci ma log pa yin pa de ltar na phyin ci log tu rtog pa 'dis de la bdag gis rigs pas 'ongs pa'i don 'gog pas ci zhig bya/de bas na ji ltar rigs pa nyid du yang dag pa ma yin pa ston par 'gyur ba zhes bya bar dgongs so zhes bya ba rnam pa gzhan yin no/ /de bdag nyid ces bya ba 'di'i rnam par 'grel pa ni rags pa'i rnam pa de lta bu zhes bya ba yin no//tshogs pa la yang de'i ngo bo gcig yod pa ma yin na zhes bya ba ni rags pa'i ngo bo'o/ /rdul phra rab gzhan dang 'dres na yang rdul phra rab rnams kyi rdul phra rab kyi ngo bo nyams pa ma yin te/ tshogs pa na yang de dag rdul phra rab kyi ngo bo nyid yin na rags pa'i rnam pa can gyi shes pa'i rdul phra rab yul ma yin pa de ltar na 'khrul pa med pa'i sems kyis nges par mi nus te/rnam pa gzhan rtogs pas rnam pa gzhan 'dzin pa mi srid pa'i phyir ro/ /de lta ma yin na thal ches par 'gyur ro/ /mi mkhas pa gang dag rags pa'i rnam pa phyi dang nang du 'gyur ba ma yin zhing de rnam par shes pa'i yul ma yin te/rdul phra rab shin tu nye bar gnas pa yul ma chad par gnas pa rdul phra rab gzhan gyis bskor ba mngon sum gyi yul yin no/ /rdul phra rab de dag kyang phan tshun 'dres pa ma yin te/ 'dres pa ni gnyi ga ltar yang mi rung ba'i phyir ro//phyogs gcig gis 'du na ni cha can du 'gyur la/ bdag nyid thams cad kyi yin na ni gong bu rdul phran tsam nyid du 'gyur ro/ /de bas na shin tu 'dab nye bar gnas pa rigs mi mthun pas chod pa rdul phra rab bar dang bcas pa kho na yin no/ /gang yang shin tu brtan por 'dus pa rags pa'i rnam par snang ba gang yin pa de 'khrul pa yin te/bar chad phra bas chod par mi nus pa nyid kyi phyir ro des de skad du brjod pa'i rgol ba ni rmongs pa'i blo can yin te/ rang gi tshig nyid kyis rang gi tshig la bi Tam pa ya ti co 'dri bar byed de 'khrul par byed do/ /gal te rdul phra rab 'dzin par byed pa nyid du 'dod pa'i shes pa la rags pa'i rnam pa snang ba gang yin pa de 'khrul pa yin na/ci ltar de'i rnam pa can gyi shes pa'i rdul phra rab yul yin/ gzhan gyi rnam pa can gyi shes pa'i rnam pa gzhan yul ma yin te/ thal ches pa'i phyir ro zhes bshad zin to/ /rdul phra rab kyi rnam pa can gyi shes pa ni tshu rol ma mthong ba 'ga' zhig gis kyang yang dag par rig pa ma yin no//de bas na rdul phra rab mngon sum gyi yul ma yin zhing rjes su dpag pa'i yul yang ma yin te/ de la 'bras bu rnam par shes pa ldog pa'i rtags las brtag par bya ba yin no//gzhan dag de yang nang gi bag chags kyi byas pa yin par smra ba de ltar na de yang de'i rtags ma yin no/ /'gyur bar ni 'dod mod kyi mngon sum du 'dod pa'i rags ba'i rnam pa ni gcig dang du mas dpyad mi bzod pa'i phyir don dam par med pa nyid yin pa ni bla ste/ rdul phra rab kyi ngo bo 'di ji skad du bshad pa'i rnam pas shin tu lkog tu gyur pa gang yin pa de ni re zhig spong bar mi nus shing de la gnod pa can gyi tshad ma 'jug pa ma yin te/de ni cha med pa nyid kyis gcig gi rang bzhin yin pa'i phyir ro/ /gal te de la sgrub par byed pa yang med do snyam na/ de nyid kyi phyir the tshom za bar 'gyur ro//de ltar na yang the tshom med par thams cad du chos rnams bdag med par ma bstan par 'gyur ro zhe na/ 'dir brjod par bya ste/ de skad du smra ba des kyang gdon mi za bar rdul phra rab lus can nyid du 'dod par bya ste/ lus can ma yin pa ni rdul phra rab nyid du mi rung ba'i phyir ro/ /de lta ma yin na sems dang sems las byung ba dag la yang rdul phra rab nyid du ci'i phyir rtog par mi byed/lus can yin na ni gdon mi za bar phyogs dang cha tha dad par 'gyur te/ phyogs dang cha tha dad pa dang bral ba yang rnam par shes pa bzhin du lus can nyid du mi rung ba'i phyir ro/ /phyogs dang cha tha dad pa nyid yin na yang cha dang bcas pa nyid yin no//de'i phyir gcig dang du mas dpyad mi bzod pa nyid kyi phyir rags pa bzhin du rdul phra rab la yang gnod par 'gyur ro/ /'di yang slob dpon dbyig gnyen la sogs pa mthu che ba rnams kyis zil gyis mnan pa de'i phyir phyi rol gyi don yod pa ma yin no/ /nang gi yongs gcod ces bya ba la sogs pas re zhig ngo bo nyid rnam par phye nas ston par byed do//cha 'di gang las gzhan zhes bya ba ni nang du snang ba'i 'dzin pa'i rnam pa las gzhan ni sngon po dang ser po la sogs pa'o/ /byis pa smos pa ni 'khrul pa dag kho na la de ltar snang ba'i phyir ro/ /byang chub sems dpa' chos rnams bdag med par mkhyen pas ni gnyis kyis dben pa rang rig pa tsam kho na mkhyen to//nang dang phyi rol du snang ba'i rnam pa 'dis kyang phyi rol gyi don yod pa dang med kyang rung ste/ blo ngo bo gnyis pa can nyid yin no/ /de ltar na phyi rol gyi don yod na yang shes pa rnam pa dang bcas pa khas blang bar bya ste/rnam pa med pas 'dzin pa mi srid pa'i phyir ro/ /phyi rol gyi don med na yang shes pa nyid de'i rnam par skye ba de ltar na gsal ba kho nar ngo bo nyid gnyis pa can yin no/ /'on kyang ngo bo nyid gnyis pa can gyi shes pa de yang bden pa ma yin par 'khrul pa'i dbang gis rnam par gzhag pa yin te/ ji ltar mngon par zhen pa bzhin du tha snyad la dngos por rnam par gzhag pa'i phyir ro/ /de ltar ma yin na ji ltar na blo gcig la ngo bo gnyis bden par 'gyur/ de nyid bstan pa'i phyir blo gcig la zhes bya ba la sogs pa smos so/ /phyi rol gyi don yod na yang blo ngo bo gnyis pa can yin gyi zhes bshad pa gang yin pa de bsgrub pa'i phyir ro//rnam pa med par smra ba'i phyi rol gyi don la mngon par zhen pa la ci ste gang zhes bya ba la sogs pa smos pa la/ 'di'i shes pa 'di yin no zhes bya ba ni gzung bar 'dod pas sngon po dang ser po 'di'i shes pa 'di yin no zhes bya bar ro/ /de yang nang du 'dus pa na gzhan 'dra ba cig yod pa ma yin pa zhes bya ba la/snang ba'i rnam pa ste ji skad du bshad pa'i rnam pas nang du 'dus pa ste shes pa'i bdag nyid du gnas pa na'o/ /gzhan ni de las gzhan pa'o/ /'dra bar byed pa ni shes pa la gzugs brnyan 'jog par byed pa ste/ gzugs dang gzugs brnyan 'dra ba 'jog pa dang 'jog par byed pa gnyis yang dag par myong ba med ba'i phyir ro//de la 'di ltar 'gyur te gal te shes pa gcig la rnam pa gnyis de kho na nyid du 'gal ba yin na/ 'o na rnam pa de dag las gang yang rung ba bden par 'gyur ro zhe na/ de'i phyir shes pa bdag nyid gcig pa zhes bya ba la sogs pa smos so//'o na gal te gzung ba dang 'dzin pa gnyis kyang yod pa ma yin na shes pa gang yin pa de'i de kho na nyid du 'gyur ba gzhan ci zhig lus gzung ba dang 'dzin pa'i rnam pa ma gtogs pa'i ngo bo gzhan ni tshu rol mthong ba rnams kyis yang dag par myong ba med do/ /yang dag par myong na yang de kho na nyid mthong ba nyid du 'gyur ro//de ltar na lus can dag 'bad rtsol med par grol bar 'gyur ro/ /de ni rjes su dpag pa las kyang nges pa ma yin no/ /'di ltar re zhig rang bzhin gyi rtags las skyes pa'i rjes su dpag pa ni de la srid pa ma yin te/ de'i rang bzhin nyid bsgrub par bya ba'i phyir ro//'bras bu'i rtags las skyes pa yang ma yin te/ ngo bo gnyis su med pa dang rgyu dang 'bras bu'i dngos bo sgrub par byed pa'i mngon sum dang mi dmigs pa ma grub pa'i phyir ro/ /'bras bu ldog pa'i mtshan nyid can gyi rgyu dang 'bras bu grub pa yang yod pa ma yin te/ 'bras bu nyid ma grub pa'i phyir ro//de ltar na rnal 'byor spyod pa'i gnyis su med pa de kho na 'bras bur 'gyur ba zhig na de yang tshad mas grub pa ma yin no/ /gnyis su snang ba gang yin pa de ni ri bong gi rwa dang 'dra ba nyid kyi phyir 'bras bu ma yin no zhe na/ 'dir brjod par bya ste rmongs pas gnyis mi shes pa dag gis 'di brjod pa yin te/'di ltar 'dzin pa'i sgras nang rtogs pa'i ngo bo dga' ba dang mi dga' ba la sogs pa'i rnam pa du mar 'byung ba can rang rig par mi brjod na/ gang gis na de yang med par 'gyur/ 'on kyang de rnam par shes pa las phyi rol bzhin du sngon po la sogs par snang ba gang yin pa de gcig dang du mas dpyad mi bzod pa nyid kyi phyir de kho na nyid ma yin no//de bas na re zhig don dam par rnam par shes pa'i gzung ba tha dad pa yod pa ma yin te/ de med pa'i phyir de la ltos nas rab tu brtags pa'i rtogs pa'i ngo bo'i gzung ba 'di'i 'dzin pa'i ngo bo 'di yin no zhes bya ba'i 'dzin pa de yod pa ma yin no zhes brjod de/byed pa po dang las phan tshun ltos pas rab tu brtags pa nyid yin pa'i phyir ro/ /de nyid kyi phyir phan tshun ltos nas de dag rnam par gzhag pa'i phyir ro zhes bshad pa yin no/ /rtogs pa'i ngo bo rang rig pa tsam yang 'dzin pa'i sgras brjod pa ma yin no/ /rtogs pa'i ngo bo ni phan tshun ltos nas rab tu brtags pa ma yin te/rang gi rgyu nyid las de de ltar skyes pa nyid kyi phyir ro/ /rtogs pa'i ngo bo de nyid rang rig pa tsam du gnas so/ /ji skad du bshad pa'i gzung ba dang 'dzin pa dang bral ba nyid kyi phyir gnyis med pa zhes brjod do/ /de skad du yang / sngo dang ser sogs rnam shes las/ /phyi rol bzhin du snang 'gyur ba//de bden ma yin de phyir phyi/ /de nyid du ni med ces bya/ /de ltos byed pa po'i ngo bo/ /rig par 'dod pa gang yin pa/ /de yang de nyid min de'i phyir/ /myong ba gnyis med ces nges 'gyur/ /zhes bshad do/ /rtogs pa'i ngo bo yang rang rig pa'i mngon sum gyis grub pa na thams cad kyis de kho na nyid mthong ba'i thal ba med do//'di ltar rtogs pa'i ngo bo de la cha med pa nyid kyi phyir gzung du zin kyang 'khrul pa'i sa bon dang rjes su 'brel pa'i phyir/ ji ltar rtogs pa bzhin du gnyis med pa'i nges pa skye bar mi 'gyur ro/ /de bas na gnyis med pa'i ngo bo bzung du zin kyang ma bzung ba dang 'dra ba yin no//'di tsam gyis rtogs pa'i ngo bo yang spyir chos can tsam du ma grub pa ma yin no/ /de ltar na chos can rtogs pa'i khyad par ni gnyis dang gnyis med pa'i ngo bo nyid yin la/ bye brag gi ngo bor nges pa med pa'i phyir/ chos can tsam yang nges pa med pa yin no zhes sems dang bcas pas brjod par nus pa ma yin no//de ltar na sgra la sogs pa la yang spyir chos can grub pa la skad cig ma dang / skad cig ma ma yin pa'i khyad par gyi sgo nas brtsad pa na phyis rjes su dpag pa 'jug par 'gyur ro/ /rjes su dpag pa las sngar skad cig ma la sogs pa'i ngo bo'i khyad par ma grub ba nyid kyi phyir chos can tsam yang ma grub pa yin no zhes brjod par mi nus na/gang las gzhi ma grub pa'i gtan tshigs su 'gyur/ rjes su dpag pa thams cad la yang spyir chos can grub par 'dod par bya'o/ /de ltar yin na rtsod pa'i gzhir gyur pa'i chos kyang / gang gi tshe chos can nges pa'i dus nyid na nges par 'gyur ba de'i tshe tshul gsum pa'i rtags don du gnyer ba don med par 'gyur ro//de'i phyir 'dir yang spyir dga' ba la sogs pa dang ldan pa'i chos can rtogs pa mngon sum gyis rab tu grub mod kyi 'khrul pa yod pa'i phyir gnyis med pa'i ngo bo ma nges na yang de sgrub par byed pa'i phyir rjes su dpag pa 'jug par 'gyur ro//sbyor ba yang gang zhig gang gi ngo bo la gnod pa de ni de'i ngo bos dben pa yin te/ dper na grang ba'i ngo bo la gnod pa dro ba grang ba'i rang bzhin gyis dben pa yin pa lta bu'o/ /rtogs pa'i ngo bo yang ji skad du bshad pa'i rnam pas gnyis kyi ngo bo nyid la gnod pa yin no zhes bya ba ni khyab par byed pa 'gal ba dmigs pa'o//de bas na rang rig pa nyid tsam ji skad du bshad pa'i gnyis kyis dben pa'i chos rnams bdag med pa yin gyi dngos po thams cad kyis ni ma yin no zhes bya bar gnas so/ /'phags pa shes rab kyi pha rol tu phyin pa la sogs pa de dang der chos rnams gcig dang du ma'i ngo bo 'gog par ston pa dang /de bzhin du skye ba la sogs pa 'gog par byed pa gang yin pa de yang kun du brtags pa'i ngo bo nyid bzung nas yin gyi gzhan gyi dbang gi ngo bo gnyis med pa ni ma yin no/ /de ltar na gnyis su snang ba'i rnam par shes pa kho nas skye ba la sogs pa'i bye brag byed kyi rang rig pa tsam gyis ni ma yin no//gnyis su snang ba yang brdzun pa nyid yin pa'i phyir des rnam par gzhag pa'i ngo bo yang brdzun pa nyid yin no/ /de nyid rgyas par bstan pa'i phyir de ni bslad pa nyid yin na yang zhes bya ba la sogs pa smos so/ /gzugs dang tshor ba la sogs pa yul dang yul can gyi rnam pa'i rten gyi sgo nas zhes bya ba ni gzugs yul gyi rnam par gzhag cing /tshor ba la sogs pa yul can gyi rnam par ro/ /gang gis dmigs pa zhes bya ba ni sgro btags pa'i byed pa po'i ngo bos so/ /gang dmigs pas zhes bya ba ni phyi rol bzhin du snang bar 'gyur ba bzung ba'o//de'i tshe skye ba la sogs pa dmigs pa'i rten can ma yin pa zhes bya ba la gang gi tshe gzung ba dang 'dzin pa'i rnam par 'khrul pa yin pa de'i tshe de lta bur gyur pa'i skye ba la sogs pa dmigs pa'i rten can med do zhes bya ba'i don to/ /'dis ni brtags pa nyid med par bstan to/ / rnam par shes par byed pas na rnam par shes pa zhes bya ba la sogs pas 'dzin pa nyid du sgro btags pa'i mtshan nyid bstan to/ /gzugs la sogs pa cung zad yul du gyur pa zhes bya ba la gzhig cing gzhom du rung bas na gzugs so/ /mnyan par bya ba yin pas na sgra'o/ /'dis ni gzung ba nyid du sgro btags pa'i mtshan nyid bstan to//gzung ba dang 'dzin pa'i rnam pa las zhes bya ba ni gzung ba dang 'dzin pa'i rnam pa las bzlog pa ste/ gzung ba dang 'dzin pa'i 'brel pas dben pa'i mtshan nyid yod pa ma yin no/ /gzung ba'am 'dzin pa dang 'brel pas mtshon par bya ba rnam par gzhag pa yin pas na/ mtshan nyid yin te rnam pa gzhan du gzhag par mi nus pa nyid kyi phyir ro/ /de bas na mtshan nyid de rang bzhin gyis stong pa'i phyir zhes bya ba ni shes pa gzhan gyis mtshon par bya ba rnam par gzhag par bya ba'i ngo bo gang yin pa de ni mtshan nyid de/ de lta bur gyur pa'i rang bzhin des stong pa'i phyir zhes bya ba'i don to/ / de rang rig pa'i ngo bos ni ma yin te/ shes pa gzhan gyis mtshon par mi nus pa'i phyir ro/ /mched par byed pas na zhes bya bas ni sems dang sems las byung ba rnams kyi skye ba mched par byed pa zhes bya ba'i don to/ /nyon mongs pa can ma yin pa'i mi shes pa ni gzung ba dang 'dzin par mngon par zhen pa'o//ci'i phyir yul nges pa la sogs pa'i sgo nas 'jug par 'gyur zhe na zhes bya ba ni phyi rol gyi don la ltos pa med pa yin na yul dang dus la sogs pa thams cad du rnam par rig pa thob po snyam du sems so/ /sems dang sems las byung ba dang mtshungs pa'i ngo bo can nyid yin pa'i phyir ro zhes bya ba ni phyis 'byung ba'i ngang tshul can gyi sems dang sems las byung ba rnams rigs mthun pa ni sems dang sems las byung ba dang mtshungs pa ste/rang gi rgyud la rag las pa sems dang sems las byung ba'i skad cig ma snga ma'o/ /sa bon gang la de'i ngo bo nyid yod pa de la de skad ces bya'o/ /de skad du sa bon zhes bya ba gzhan cung zad kyang yod pa ma yin gyi 'on kyang rtogs pa'i ngo bo khyad par can snga ma snga ma nyid yin pa de bas na rang rig pa nyid yin pa'i phyir/'di 'di zhes bstan par mi nus so zhes bshad par 'gyur ro/ /gal te bstan par mi nus pa'i rang bzhin zhes bya ba la sogs pa la/ 'di 'di zhes bstan par mi nus so zhes smra bas de dpyad par mi nus pa'i rang bzhin nyid yin par khas blangs pa yin te/dpyad par nus pa'i rang bzhin nyid yin na ni ji ltar ston par mi 'gyur/ bstan par mi nus pa'i rang bzhin de ji ltar yod pa ma yin/ yod pa rnam par gzhag pa yang bstan pa sngon du song ba can nyid yin pa'i phyir ro zhes bsams pa'o//gal te de med par 'gyur ba zhes bya ba ni grub pa'i mtha' smra ba'i'o/ /'di skad du ston par 'gyur te bde ba la sogs pa so so rang gis rig pa ni 'di nyid du bstan par nus pa can nam tha snyad du 'os pa ma yin te/ de ni de tsam du med pa ma yin no/ / 'khrul pa'i sa bon yang rnam par shes pa nyid sngon du song ba can yin la de med na rtogs pa yang med par 'gyur ro/ /de bas na rang rig pa tsam yang med pa'i phyir dang phyi rol yang shin tu med pa'i phyir dang 'di thams cad ni ri bong gi rwa dang 'dra bar 'gyur ro/ /gang gi tshe de lta yin pa de'i tshe med par khyad par med pa'i phyir ji ltar rmi lam na dmigs pa'i skyes bu rnams kyi rmi lam na gang 'ga' zhig skye ba dang 'chi bar dmigs pa dang /de bzhin du gzhan dag gis dman pa dang khyad par can gyi gnas skabs thob par dmigs pa gang yin pa de dag ni rmi lam na dmigs pa'o/ / rmi lam na ste rmi lam gyi gnas skabs na ji srid du skyes bu mthong ba po de ma sad pa de srid du de la de ltar skye ba dang 'chi ba la sogs pa dmigs pa de ltar skyes bu mthong ba po sad pa na yang / de dag gi rmi lam na dmigs pa'i skye ba dang 'chi ba la sogs pa'i tha snyad thams cad 'jug par 'gyur ro/ /skyes bu mthong ba po bzhin te/skyes bu rmi lam mthong ba po de'i ji ltar sad pa'i gnas skabs na skye ba dang 'chi ba la sogs pa'i tha snyad 'jug pa de ltar rmi lam gyi skyes bu mthong ba po rnams kyang sad pa'i gnas skabs na yang 'gyur ro zhes bya ba'i don to/ /med pa 'di dag la zhes bya ba ni rmi lam na dmigs pa dang skyes bu mthong ba po dag gi la'o//mngon par 'dod pa'i skyes bu bzhin nam zhes bya ba ni/ gang skye ba dang 'chi ba la sogs par 'dod pa'o/ /'di yang ma yin te zhes bya ba ni mngon par 'dod pa'i skyes bu'o/ /'gyur bar ni 'dod mod kyi shes bya nang gi yin par smra ba la yang brgal ba 'di mtshungs pa yin te/'di ltar de'i sngon po dang ser po la sogs pa phyi dang nang na yod pa ma yin no/ /de skad du/ de'i phyir don dam shes pa la/ /rags snang ma yin zhes bya ba la sogs pas bshad pa yin no/ /phyi dang nang na med pa nyid kyi phyir ri bong gi rwa dang 'dra ba yin no/ /de la med pa nyid du mtshungs pa yin na ci'i phyir sngon po dang ser po la sogs pa yul dang dus nges pa can skye ba dang 'jig pa dang gnas pa rnam par phye ba'i ngo bo gsal bar snang bar 'gyur gyi ri bong gi rwa la sogs pa ni ma yin no zhe na/brgal ba 'di mtshungs pa ma yin te/ 'di ltar phyin ci log tu snang ba can gyi 'khrul pa'i sa bon sems dang sems las byung ba dang mtshungs pa'i ngo bo don dam par yod pa yin te/de yang nus pa so sor nges pa can yin no/ /nus pa so sor nges pa de las kyang phyin ci log gi 'khrul pa skye ba don dam par rang rig pa tsam gyi bdag nyid can yin na yang / nang gi bslad pa'i dbang gis sngon po dang ser po la sogs pa med du zin kyang phyi rol na gnas pa bzhin du skye ba dang 'jig pa la sogs pa dang ldan pa bzhin du ston gyi sngon po dang ser po la sogs pa la phyi rol gyi skye ba dang 'jig pa dang ldan pa ma yin no//de la sngon po la sogs pa yang de lta bur gyur pa ston par byed kyi ri bong gi rwa la sogs pa ni ma yin te/'khrul pa ni de lta bu'i rang bzhin can nyid yin pa'i phyir ro/ /de lta bur gyur pa'i rang bzhin nyid ni de lta bur gyur pa'i sa bon las skye ba'i phyir ro/ /med pa ston par byed pa'i 'khrul pa ni ji ltar 'ga' zhig med pa de ston par byed kyi thams cad ni ma yin te/ dper na rab rib la sogs pas bskyed pa'i 'khrul pa lta bu'o zhes bya ba de ni rab tu grags pa yin no//'di ni gang la 'khrul pa med cing 'khrul pa'i yul yang med do zhes thams cad med par smra ba la yod pa ma yin no/ /re zhig gzhan shes bya nang gi yin par smra ba kha cig gis de ltar khas blangs pa yin no/ /rnal 'byor spyod pa gzhan dag ni sngon po dang ser po la sogs pa thams cad med pa ma yin te/dga' ba la sogs pa bzhin du gsal bar nyams su myong ba nyid kyi phyir ro/ /'on kyang sngon po la sogs pa phyi rol gyi ngo bo nyid du yod pa ma yin zhing / shes pa 'dzin par 'dod pa gcig gi yang cha gnyis par gyur pa yod pa ma yin no//dgongs pa 'dis ni shes pa la rags pa'i rnam par snang ba zhes bya ba bshad pa yin no/ /de nyid kyi phyir shes pa la zhes bya ba'i 'dun pas 'dzin pa'i cha so sor bstan te/ ji ltar nang gi bde ba la sogs pa rang nyid rtogs pa'i rang bzhin ni 'dzin pa gzhan gyi char gyur pa ni ma yin te/nyams su myong ba tsam gyi bdag nyid can nyid yin pa'i phyir ro/ /kun du brtags pa'i gzung ba dang 'dzin pa'i rnam pa dang bral ba nyid kyis gnyis med pa yin no/ /de bzhin du sngon po la sogs pa yang rang nyid rtogs pa'i bdag nyid can yin gyi gzhan gyi char gyur pa ni ma yin te/ bde ba la sogs pa bzhin du rang rig pa'i bdag nyid can nyid yin pa'i phyir ro//ji skad du bshad pa'i rnam pas gnyis dang bral ba nyid kyi phyir gnyis su med pa'o/ /de skad du yang slob dpon chos kyi grags pas sngon po'i nyams su myong ba la sngon po nyams su myong ba zhes mi brjod do/ / 'o na ci yin zhe na/ sngon po kho na nyams su myong ba sngon po nyams su myong ba yin no zhes bya ba dang / shes las tha dad ma yin na/ /ji ltar don gzhan 'brang bar 'gyur/ /gal te spyi ni shes ngo bo'i/ /don nyid yin par thal bar 'gyur/ /de ltar 'dod phyir skyon yod min/ /zhes bya ba dang / cig car dmigs pa nges pa'i phyir//sngon po de blo tha dad med/ /ces bya ba la sogs pa gsungs pa yin no/ /tha dad pa dgag pa tsam de bsgrub par bya ba yin gyi tha dad pa med do zhes pa ni ma yin te/ de yang bshad na bstan bcos mdzad pa mi mkhas par ston par 'gyur ro/ /sngon po la sogs pa de dag kyang ri bong gi rwa dang 'dra ba yin na de'i tha dad pa bgag pa ci zhig bya/yod pa nyid ma yin no zhes brjod par bya'o/ /ji ltar na shin tu dmigs pa gcig dmigs pa yin zhe na/ slob dpon phyogs kyi glang pos kyang / /nang gi shes bya'i ngo bo ni/ /phyi rol ltar snang gang yin de/ /don yin rnam shes ngo bo'i phyir//zhes gsungs so/ /de bas na bde ba la sogs pa bzhin du sngon po la sogs pa yang rang dbang nyid du rtogs pa'i ngo bo yin no/ /gal te 'o na du ma cig car shes pa thob par 'gyur ro zhes 'dod pa nyid kyi phyir skyon 'di yod pa ma yin no/ /'o na ji ltar na sems can rnam par shes pa'i rgyud gcig pa can yin zhe na/rnam par smin pa'i rnam par shes pa la dgongs nas gsungs pa'i phyir 'gal ba med do/ /gal te 'o na shes pa gcig ces bya ba ci yin zhe na/ 'di ltar rnam par phye ba byas na yang shes pa gzhan nyams su myong ba ma yin pa de ni gcig yin no/ /de la shes pa gzhan yod do zhes brjod par mi nus te/shes pa nyams su myong ba med pa la yod pa nyid mi rung ba'i phyir dang / shes pa ni nyams su myong ba'i ngo bo nyid med pa'i phyir ro/ /go rims 'di phyi rol la yod pa ni ma yin te/ phyi rol nyams su myong ba med pa la yod yod pa nyid khas len pa'i phyir ro/ /gal te 'o na bde ba la sogs pa bzhin du sngon po la sogs pa yang shes pa'i ngo bo yin na/ci'i phyir phyi rol bzhin du snang zhe na/ 'di ni 'khrul pa'i bdag nyid can yin no/ /de ni 'di nyid rig can min/ /zhes bya ba la sogs pa la de kho na nyid gnyis su med pa nyid ngo bo rig pa ma yin zhing / mngon sum du byas pa ma yin pa de la de skad ces bya'o//gang dag gis zhes bya ba ni 'dri ba'o/ /gzung ba dang 'dzin par zhen pa yang dag par chad pa mchog mthong ste/ khyad par du 'phags pa nyid yin pa'i phyir ro/ /de'i mtshan nyid dang bral ba nyid kyi phyir gzung ba dang 'dzin par mngon par zhen pa ma spangs pa so so'i skye bo gang dag la mchog mthong ba med pa de la de skad ces bya'o//de nyid ni sangs rgyas las gzhan pa zhes bya ba la sogs pas 'chad par byed de/ thams cad smos pas ni nyan thos dang rang sangs rgyas dag gi yang de rnam pa thams cad du spyod yul ma yin no zhes bstan to/ /sangs rgyas bcom ldan 'das kyis zhes bya ba la sogs pa la sangs rgyas bcom ldan 'das kyis phyin ci log gi rnam par phye ba mnga' ba de la de skad ces bya'o//de skad du gang gi phyir sangs rgyas las gzhan pa bslad pa'i gnas skabs can yin pa de'i phyir/ mang po dag gi mthong ba'i ngor mdzad nas/ sangs rgyas bcom ldan 'das kyis ji ltar mthong ba bzhin du rnam par gzhag pa mdzad kyi/kho na nyid du ni ma yin no zhes bstan par 'gyur ro/ /de ltar 'khrul pas mthong ba'i ngor mdzad nas bstan pa mdzad pa yin no zhes bstan pa'i phyir zhen pa mi mnga' ba'i rgyu bstan par 'gyur ro/ /'di gnyis kyis dben pa'i mtshan nyid can yin pa'i phyir ro zhes bya ba ni gang gi phyir gnyis kyis dben pa de kho na nyid yin pa'i phyir/gnyis kyis dben pa'i shes pa'i bdag nyid nyams su myong ba de kho na nyid mthong ba yin no/ /de bas na gnyis kyis dben pa'i shes pa nyid skyes ba'i dus na de kho na nyid mthong bar 'gyur ro/ /ji ltar snang ba las bzlog pa la 'dzin par zhes bya ba ni bdag la sogs par 'dzin par ro//de ltar rnam par gzhag pa yang zhes bya ba ni phyi dang nang gi bdag nyid can gyi skye mched rnam par phye nas rnam par gzhag go/ /ril bor 'dzin pa la sogs pa bzlog pa'i zhes bya ba ni gzugs la sogs pa du ma nyid du bstan pa na/ de la gcig dang rtag pa nyid la sogs par 'dzin pa ldog par 'gyur ro//gzugs sna tshogs pa dang blo sna tshogs pa dag kyang skyon mtshungs pa yin na yang ste/ blo gcig tu 'gyur zhing sna tshogs pa dang / de bzhin gzugs gcig tu 'gyur zhing sna tshogs pa yin zhing sngar bshad pa'i rnam pas skyon mtshungs pa yin na'o//de thams cad kyis ni cig car snang bar gyur pa sngon po las shes pa'i bdag nyid can cig car dmigs pa'i sgo nas phan tshun tha dad pa sgrub par byed do/ /bstan bcos mdzad pa ni de nyid bsgrub par bzhed pa ma yin no/ /de ltar na phan tshun dben pa'i ngo bo sngon bo dang ser po la sogs pa dmigs pa gcig tu 'gyur mod kyi 'on kyang khas blangs nas kyang 'dir rnam pa 'ga' zhig gis gcig nyid du khas blangs par nus pa nyid yin gyi phyi'i ni ma yin te/rnam pa thams cad du 'gal ba'i phyir ro zhes bstan pa'i phyir 'di la nye bar bkod pa yin no/ / tshad ma rnam 'grel gyi 'grel bshad/ bam po lnga bcu rtsa drug pa/ shes pa'i bye brag yin te nyams su myong ba'i bdag nyid du gyur pa zhes bya ba la/ bdag nyid du gyur pa yang de'i bdag nyid du gyur pa ma yin pa las/ bdag nyid gcod par byed pa ma yin no zhes khyad par brjod pa yin no/ / gcig mi snang bas kyang gzhan yang mi snang ba'i phyir ro zhes bya ba ni cig car dmigs par gyur pa rnam par shes pa'i bdag nyid can sngon po la sogs pa'i nang nas gcig mi snang ba na yang gzhan mi snang ba'i phyir ro/ /gcig bsgribs pa na yang phyi ma snang ba nyid ma yin nam zhe na/ de ni yod pa ma yin te/'di ltar de'i tshe shes pa gzhan nyid skyes pa yin gyi snga ma'i cha bsgribs pa ni ma yin te shes pa lus can ma yin pa'i cha sgrib par mi nus pa nyid kyi phyir ro/ /go rims 'di ni phyi rol nyid la 'gyur te/ yul tha dad pa na gnas pa de la yul gcig gis bsgribs pa srid pa'i phyir ro/ /'gyur bar ni 'dod na shes pa sna tshogs su snang ba yang rnam par rtog pa dang 'brel pa'i shes pa gzhan gyis rnam par phye nas 'dzin par byed pa nyid yin no//de bas na gcig mi snang bas kyang gzhan yang mi snang ba'i phyir ro zhes bya ba ma grub pa yin no zhe na/ de'i phyir 'di ltar gang gi tshe zhes bya ba la sogs pa smos so//shes pa gzhan gyis zhes bya ba ni rnam par rtog pa de dang rjes su 'brel pas so/ /shes pa de tshol bar byed pa ma yin te zhes bya ba ni rnam par rtog pa'i gzugs brnyan gzhan nyid la der sgro 'dogs pa'i phyir te/ dbang po'i shes pa sna tshogs pa bdag gir mi byed ces bya ba'i don to/ /de ni de'i ngo bo nyid ma yin pa'i phyir zhes bya ba ni shes pa phyi mas 'di ni sngon po yin no zhes gzung ba nyid du rnam par phye ba gang yin pa de'i ngo bo can ni dbang po'i shes pa ma yin na zhes bya ba'i don to//rnam par phye ba de ni shes pa phyi ma gzung ba'i cha nyid du 'gyur gyi snga ma ni ma yin te/ rang rig pa tsam gyi ngo bo nyid yin pa'i phyir ro//de nyid kyi phyir don la 'jug par 'gyur zhes bya ba la sogs pa smos te/ don nyid la de'i shes pa 'jug par byed par 'gyur ro zhes bya ba ni rang gi cha nyid la 'jug par 'gyur ro zhes bya ba'i don to/ /chod pa zhes bya ba ni bsgribs pa'o/ /de yang phyi rol gyi don khas blangs nas gdon mi za bar de ltar khas blangs pa yin pa'i phyir brjod pa yin gyi dngos po'i stobs kyis ni ma yin te/phyi rol de kho na nyid du ma grub pa'i phyir ro/ /de ltar gcig gi ngo bor 'gyur/ /zhes bya ba la sogs pa la/ sems sna tshogs su snang ba gang yin pa de nyams su myong ba'i ngo bo rnam par shes pa'i bdag nyid du gyur pa ji skad du bshad pa'i rnam pa gcig tu 'gyur gyi phyi rol sna tshogs su snang ba gang yin pa de ni ma yin no zhes bya ba'i don to//blo sna tshogs pa'i rnam pa 'dzin pa bzhin du rnam par mi 'byed pa ma yin na yang rma bya la sogs pa zhes bya ba ni/ rma bya la sogs pa'i ngo bo gang yin pa de 'dzin pa gang yin pa de ni rnam par 'byed par mi 'gyur ro zhes bya ba'i don to//blo sna tshogs pa'i rnam par 'dzin pa bzhin du zhes bya ba chos mi mthun pa nyid can gyi dpe yin no/ /'o na de'i 'dzin pa ji lta bur gyur pa zhig ce na/ sna tshogs pa der zhes bya ba la sogs pa smos te/rma bya la sogs pa la brten pa'i sna tshogs pa der 'dzin pa ste/ rnam par phye ba dang ldan pa nyid 'dzin pa zhes bya ba'i don to/ /de la zhes bya ba la sogs pas rnam par phye nas 'dzin pa nyid ston to/ /phyi rol gyi ras dang zhes bya ba ni gzhan gyi yin no/ /'dis ni 'di skad du gal te yan lag gi ngo bo la ltos nas gang sna tshogs pa rnam par phye bar nus pa can de ni zhes bya ba 'di brjod pa de'i tshe/grub pa la sgrub pa'am/ ci ste yan lag can gyi ngo bo la ltos pa de'i tshe/ /gtan tshigs khyad par dang bcas pa ma grub pa yin no zhes smra'o/ /gal te de ltar zhes bya ba la sogs pa ni grub pa'i mtha' smra ba yin no//sna tshogs pa'i ngo bor snang ba ma tshang ba med pa can nyid du 'gyur ro zhes bya ba ni yan lag gi gzugs chod pa na yang yan lag can gyi ngo bo ma tshang ba med pa nyid kyi phyir zhes bya bar dgongs so/ /gzhan gyis zhes bya ba la sogs pas ni gsal byed la sogs pa'i gzhung 'god par byed do//'di la yang zhes bya ba la sogs pa ni lan yin no/ /so so tha dad pa la zhes bya ba ni tshogs pa'i gnas skabs ma yin pa la ste/ so sor nus pa med ces bya ba'i don to/ /gal te so sor skyes phul byung / /zhes bya ba ni mdo yin no/ /de la so so'i sgra zlos pa'i don yin par bstan pa'i phyir yang so so so sor zhes smos so//de'i don ni re re zhes bya ba yin te/ so so so sor skyes phul byung / /zhes bya ba 'di dang sbyar ro/ /'di skad du ma tshogs pa'i gnas na so so nus pa med pa yin zhing tshogs par gyur pa na nus pa skye ste/ rdul phra rab rnams skad cig ma yin pa'i phyir ro zhes bstan par 'gyur ro//de dag gi phul du byung ba yang gang las yin zhe na/ phan tshun nye bar 'gro ba'i rkyen las zhes bya ba smos te/ nye bar len pa snga ma snga ma rdul phra rab phan tshun mngon du phyogs pas 'gro ba ni nye bar 'gro ba'o/ /sogs pa'i sgras ni yul rung ba na gnas pa dang ma chod pa'i rkyen de nyid bzung ste/rdul phra rab gzhan gyis ma chod pa'i yul la gnas pa rang gi nye bar len pa de las zhes bya ba'i don to/ /gzhan dang gzhan las zhes bya ba ni lhan cig byed pa las khyad par de yin no zhes de skad du ston par byed do/ /rnam par 'jog par nus pa'i rgyu nyid ni yul yin no zhes bya ba la/ rdul phra rab kyi rnam pa can gyi shes pa nyid dmigs pa ma yin nam/ ji ltar na rdul phra rab rang gi rnam par 'jog par nus par 'gyur zhe na/ 'di ltar sngon po la sogs pa ni rdul phra rab kyi rnam pa yin gyi zlum po la sogs pa ni ma yin te/ rdul phra rab ma grub pa nyid kyi phyir ro/ /sngon po la sogs pa'i rnam pa yang shes pa yin pa de ltar na rdul phra rab yul nyid du 'gyur ro zhes dgongs so//du ma cig car 'dzin pa med do zhes bshad pa ma yin nam zhe na/ de'i phyir du ma cig car bzung ba ma yin zhes bshad pa zhes bya ba la sogs pa smos so/ /gang gi tshe yan lag khyad par du gyur pa gcig nyid kyis zhes bya ba ni gang gi tshe yan lag gcig gis khyad par du byas pa'i yan lag can yan lag rdzogs pa yang 'dzin par 'gyur ro zhes bya ba'i don to//khyad par du ma'i 'brel ba cig car zhes bya ba ni khyad par du ma yan lag can gyi 'brel ba gang yin pa de'i nges pa cig car byed par mi nus pa nyid kyi phyir ro/ / de ltar na khyad par phan tshun bye brag tu gyur pa ma yin pa de lta bu dag ni cig car 'dzin pa gzhan gyis mi 'dod do/ /de nyid ni de ltar na yan lag de dag ces bya ba la sogs pa smos so/ /'gyur bar ni 'dod mod kyi phan tshun yan lag rnams khyad par med pa nyid yin na yang / yan lag can gcig la khyad par nyid khas len pa'i phyir 'dzin par 'gyur ro zhe na/de phyir yan lag can yang zhes bya ba la sogs pa smos te/ de ltar na gang gi tshe yan lag khyad par du gyur pa gcig nyid kyis shes par 'gyur ba zhes bya ba 'di'i skabs yin no/ /yan lag rnams la yon tan la sogs pa rdzas zhes bya ba ni yan lag rnams la yan lag dang 'brel ba can gyi yon tan dang las la sogs pa 'du ba dang ldan pa'o//yan lag can gyi rdzas kyang yan lag re re la yin te/ 'phrod pa 'du ba khas len pa'i phyir ro/ /gang 'ga' zhig gis 'ga' zhig 'dzin par 'gyur te zhes bya ba ni rna ba la sogs pa 'du ba dang ldan pa'i yon tan gyi yan lag can du gtogs pa'i las kyang 'dzin par 'gyur gyi las kyi yon tan yang yin no//brgyud bas 'brel pa rtogs pa na/ /zhes bya ba ni 'di ltar yan lag can gyi las yan lag can la 'du ba dang ldan pa yin la/ yan lag can yang yan lag rnams la yin pa de ltar na brgyud pas yan lag can la gnas pa'i las kyang 'du ba dang ldan pa'i 'phrod pa 'du ba las yan lag la 'brel pa yin no//gang gi tshe rwa'i 'di nyid ces bya ba ni ba lang nyid do/ /cig car du ma 'dzin pa'i phyogs kyi skyon gzhan ni gang gi tshe cig car zhes bya ba la sogs pa smos so/ /cig car du ma mi 'dzin pa'i phyogs la snam bu la sogs par cig car 'dzin par gzhan mi 'dod pa nyid ma yin nam/gzhan dang gzhan mthong ba'i yang bum pa la sogs pa'i dngos po cig car zhes bya ba de ci'i phyir brjod ce na/ 'di skad du rang las bum pa la sogs pa'i tha snyad pa gzhan mi 'dod pa de bas na don gyis gcig nyid du 'gyur ba'i phyir cig car 'dzin par 'gyur ro zhes dgongs so//yang na cig car blo gcig 'gyur/ /zhes bya ba 'di dang sbyar ro/ /cig car smos pa ni ma lus pa mtshon pa'i don yin te rdzas thams cad la blo gcig tu 'gyur ro zhes bya ba'i don to/ /khyad par dang khyad par gyi gzhi dag kyang 'dzin par mi 'dod pa gang yin pa de la skyon 'di yod pa ma yin no//yon tan dang spyi la sogs pa rdzas tha dad pa'i 'phrod pa 'du ba can yang yin pa zhes bya ba ni gang la rdzas tha dad pa'i 'phrod pa 'du ba yod pa de la de skad ces bya'o/ /de ltar na gzhan la yon tan chen po 'du ba dang ldan pa dang gzhan dag la chung ba yin no//de lta bzhin du rdzas gzhan la ba lang gi spyi nyid dang gzhan la rta nyid la sogs pa yin no/ /sgra la sogs pa ngo bo nyid gcig tu 'dod pa'i zhes bya ba ni sgra la sogs pa yon tan gsum yongs su gyur pa nyid yin na yang bkod pa gcig tu gnas pa'i ngang tshul can nyid yin pa'i phyir grangs can gcig nyid du 'dod do//sna tshogs snang ba zhes bya ba'i tshig de ni mdo yin no/ /chos can gcig la yang zhes bya ba la sogs pas 'chad par byed do/ /des ni spyi dngos por yod pa bkag pa yin no zhes bya ba ni spyod yul nyid du yod pa yin na phyi rol gyi don nye bar mi ltos pa nyid yin par smra bas/spyi dngos po nyid ma yin par bstan par 'gyur ro/ /de ni spyi khas blangs nas/ gal te'ang dkar po nyid la sogs/ /zhes bya ba smos so/ /'di gnyis snang ba tha dad pa yin zhing zhes bya ba ni go rims bzhin du mi gsal ba dang gsal bar snang ba can nyid yin pa'i phyir ro//de'i rang bzhin nyid la de las tha dad pa med pa'i ngo bo can gyi shes par gzung bar bya ba nyid kyis khyab pa yin la/ de dang 'gal ba yang tha dad pa'i ngo bo can gyi shes pas gzung bar bya ba nyid yin pa de ltar na khyab par byed pa 'gal ba dmigs pa'o/ /gzhan gyi yid nyid yin pa zhes bya ba ni yid kyi blo ni yid kyi rten yin no//rnam pa 'ga' zhig gi rjes su byed pa'i phyir zhes bya ba la/ 'di ltar sngon po la sogs pa'i sgra las shes pa mi gsal ba skye ba na yang sngon po la sogs pa nyams su myong ba dang 'dra ba'i rjes su byed pa can skye bar 'gyur ro/ /gzhan ni sgra las 'byung ba yin te zhes bya ba ni ngo bo mi gsal ba'o//gal te sgra las byung ba dang dbang po'i shes pa dag gis zhes bya ba ni gzhan gyi yin te/ rwa la sogs pa dang ldan pa'i don gang yin pa de ba lang zhes bya ba de ltar sgra las byung ba'i shes pas rtogs pa po gang yin pas de lta bur gyur pa'i bstan pa las gang gi tshe rtogs pa de nyid sgra las byung ba'i rtog pa bsal ba'i bye brag mthong ba dang ldan pa skyes bu de'i mig gis mthong bar 'gyur ro//mthong ba las ni bzlog pa yin/ /mthong ba'i rang bzhin las ngo shes pa tha dad par byas pa yin te/ rnam par rtog pa'i rnam par shes pa'i bdag nyid nyid du sngar bstan zin to zhes bya ba'i don to//mthong bas de ltar shes par 'gyur/ /zhes bya ba ni don thos pa dang mthong bas zhes bya ba de ltar gang las shes par gyur/ ma yin pa kho na ste/ sgras rang gi mtshan nyid la reg pa med pa'i phyir ro/ /ci sgras don de zhes bya ba ni dbang po'i yul gyi don yin te/ ston par mi 'gyur ro zhes bya ba'i don to//sgras bsten par gyur pa'i don zhes bya ba ni ci dbang bo'i yul du gyur pa ngo shes pa'i rjes su byed par 'gyur ram zhes bya bar sbyar ro/ /rjes su byed par mi 'gyur ro zhes bya ba'i don te/ don yod pa sgra nyid kyis ma bstan pa nyid kyi phyir ro/ /rjes su 'gro ba can gyi rnam par rtog pa rjod pa'i spyi yul yin par khas blangs nas de dbang po'i yul nyid yin pa bkag nas/de ni de nyid bsal ba'i phyir rjes su 'gro ba can gyi rnam par rtog pa 'di la yang zhes bya ba la sogs pa smos so/ /yul de dang de shes par 'gyur ro zhes bya ba'i skabs dang sbyar te/ sgra dang dri la sogs pa'i yul de dang de nyams su myong bar 'gyur ro zhes bya ba'i don to//dbang po'i shes pa'i yul gyi don dang dus mtshungs par 'byung ba can nam zhes bya ba ni rang nyid 'dzin par byed pa'i shes pa dang dus mtshungs par 'byung ba can no/ /de ni bye brag tu smra ba'i gzhung gi rjes 'brangs nas brjod do/ /dus sngar 'byung ba'i ngang tshul can yin par zhes bya ba ni/mig la sogs pa'i rnam par shes pa las dus sngar 'byung ba'i ngang tshul can yin par ro/ /de ni mdo sde'i gzhung gi rjes su 'brangs nas brjod pa yin te/ de dag ni 'di skad du sngar mig dang gzugs dang phyis mig gi rnam par shes pa yin no zhes khas len to//rnam pa gnyi ga yang bskal pa yin pa'i phyir zhes bya ba ni/ re zhig gang gi tshe mig la sogs pa'i rnam par shes pa las sngar gzugs la sogs pa yin zhing skad cig ma yin pa de'i tshe skad cig ma dang por gzugs la sogs pa dang gnyis par mig la sogs pa'i rnam par shes pa dang gsum pa la yid kyi rnam par shes pa yin pa de ltar na skad cig ma gnyis pa 'das pa nyid kyi phyir dbang po'i yul gyi don bskal pa yin no//bye brag tu smra ba'i phyogs la skad cig ma dang po la mig dang gzugs dang / mig gi rnam par shes pa nyid yin la/ gnyis pa la yid kyi rnam par shes pa yin pa de ltar na yang skad cig ma gcig 'das pa nyid yin pa'i phyir dbang po'i yul bskal pa yin no//bye brag tu smra ba'i phyogs la dbang po'i yul 'gags par gyur ba rang gi rnam pa can gyi yid kyi rnam par shes pa bskyed nas 'gag par 'gyur ba de bas na shes pa la rnam par 'jog par nus pa'i rgyu nyid kyis yul nyid rigs pa ma yin nam zhe na de ni bden te/'on kyang bye brag tu smra ba de ni de ltar mi 'dod do/ /khas len na yang mig gi rnam par shes pa la sogs pa'i yul yang de ltar 'gyur na phyed rgas pa'i tshul du 'dis thob pa ma yin no/ /bya ba sgrub par byed pa la khyad par du byed pa nyid kyis khyab pa yin la de dang 'gal ba yang khyad par du mi byed pa yin pa de ltar na khyab par byed pa 'gal ba dmigs pa'o//brtan pa'i dngos po de las zhes bya ba ni skad cig ma yin pa las so/ /de yang res 'ga' ba yin pa zhes bya ba ni lhan cig byed pa'i rgyu'o/ /gang la 'bras bu ma yin te/ bya bar mi nus pa'i khyad par phul du byung ba'i nus pa'i mtshan nyid de la de skad ces bya'o//de nyid kyi phyir phul du byung bar byar med pa'o zhes bshad do/ /des ni zhes bya ba ni de ma thag pa'i rkyen gyi tshig gis so/ /de'i zhes bya ba ni dbang po'i shes pa'i dmigs pa'i rkyen nyid yin pa bsal lo/ /de'i rkyen gyis kyang zhes bya ba ni dbang po'i rnam par shes pa de ma thag pa'i rkyen gyis so//dbang po'i rnam par shes pa'i yul las yul gzhan nyid ces bya ba ni dbang po'i don gyi de ma thag tu 'byung ba'i ngang tshul can gyi gzugs la sogs pa'o/ /de ltar 'dir yang 'di'i don rtogs pa'i don ni dbang po'i shes pa yin no zhes bya ba ni gzugs la sogs pa'i skad cig ma gnyis pa'i yul can gyi yid de'i rten ni dbang po'i shes pa yin no//de yang long ba la sogs pa la yod pa ma yin pa de'i phyir rgyu ma tshang ba las long ba la sogs pa la de 'dra ba'i yid skye ba med do/ /de bas na de dag gis gzugs la sogs pa mthong bar thal ba'i skyon yod pa ma yin no zhes bya ba ni bsdus pa'i don yin no//gal te dbang po nyid sems kyi zhes bya ba la sogs pa'i tshigs su bcad pa ni phyogs snga ma'o/ /dbang po'i shes pa'i ngo bo gang la zhes bya ba la sogs pas 'chad par byed do/ /dbang po dang don gyi skad cig ma dang po dus mtshungs pa can nyid yin pa'i phyir skad cig ma dang po la dbang po'i rnam par shes pa dang /skad cig ma gnyis pa la yid kyi rnam par shes pa'i yul don gyi skad cig ma dang / de nas yid kyi rnam par shes pa'i yul dbang po'i rnam par shes pa mtshungs pa de ma thag pa'i rkyen du gyur pa dang byed pa'i dus mtshungs pa med pa can no//dus mtshungs pa med pa nyid bstan pa'i phyir rang shes dus can zhes bya ba smos te/ rang shes ni yid kyi rnam par shes pa'o/ /de ni dus kyi skad cig ma gnyis pa'o/ /gang la der 'byung ba yod pa de la de skad ces bya ste/ skad cig ma gnyis pa la byung ba'i ngang tshul can zhes bya ba'i don to//'di ni dbang po'i rnam par shes pa'i dus na yod pa ma yin te zhes bya ba ni yid kyi rnam par shes pa'i yul gyi don to/ /'gag pa nyid kyi phyir ro zhes bya ba ni yid kyi rnam par shes pa'i yul gyi dus na dbang po'i rnam par shes pa zhig pa nyid kyi phyir ro zhes bya ba'i don to/ /'di ltar dbang po'i rnam par shes pa dang don ni rgyu yin pa'i phyir sngar yod pa yin la zhes bya ba ni/yid kyi rnam par shes pa'i rgyu nyid yin pa'i phyir/ dbang po'i rnam par shes pa dang / yid kyi rnam par shes pa'i yul don de dbang po'i rnam par shes pa dang don de dag ni yid kyi rnam par shes pa las sngar yod pa yin no/ /de skad du skad cig ma dang po la mig dang gzugs dang /gnyis pa la mig gi rnam par shes pa dang yid kyi rnam par shes pa'i yul don yin pa de bas na dbang po'i rnam par shes pa dang yid kyi rnam par shes pa'i yul ni dus mtshungs pa nyid kyi phyir lhan cig byed pa nyid du rigs pa yin no zhes bstan par 'gyur ro//de lta ma yin na rgyur mi 'gyur zhing zhes bya ba ni gal te yid kyi rnam par shes pa'i yul don yid kyi rnam par shes pa nyid dang dus mtshungs par 'gyur ba de'i tshe rgyur mi 'gyur ro/ /de'i phyir de yul yang ma yin no zhes bya ba ni rgyu nyid ma yin pa'i phyir/ de yul du yang mi 'gyur ro zhes bya ba'i don to//ji ltar dus mtshungs pa rgyu nyid du mi 'thad pa de ltar bstan pa'i phyir de ltar na 'di la zhes bya ba la sogs pa smos so/ /'bras bu yang de dang mtshungs par zhes bya ba ni rgyu de dang cig car zhes bya ba'i don to/ /de'i rnam par skyes pa nyid don gzung bar bya ba nyid yin no zhes bstan par bya ba'i phyir gzhan yang zhes bya ba la sogs pa smos so//de med pa'am bde ba la sogs pa zhes bya ba ni de dag tha dad pa nyid ma yin pa'i phyir gcig 'gags pa na gnyi ga yang 'gags pa'i phyir ro/ /don dang lhan cig 'jug pa na/ /don bcas dang ni 'jug pa ste/ /don dang bcas pa'i dbang po rung ba nyid yod na zhes bya ba'i don to//'dus byas pa la sogs pa nges par byed pa yin pa'i phyir zhes bya ba ni shes pa las skyes pa dang shes pa'i rgyu ste bdag gi yon tan 'dus byas pa'o/ /sogs pa smos pas ni 'bad rtsol dang chos yin pa la sogs pa bzung ngo / /phan tshun bde ba la sogs pa de dag rang bzhin tha dad pa gang yin pa de tha dad par mi 'gyur ro zhes bya ba la/phan tshun zhes bya ba ni nye bar mtshon pa tsam yin te/ sems las kyang khyad par du mi 'gyur ro snyam du sems so/ /rang bzhin gang gis tshogs pa des sems dang sems las byung ba gcig skyed par byed pa de nyid kyis sems gzhan dag kyang yin no//gang gi phyir dngos po la cig car rang bzhin gnyis yod pa ma yin pa gang gis cig car rang bzhin gcig gis skyed par 'gyur zhing gzhan gzhan gyis yin/ de bas na rgyu tha dad pa las 'bras bu rnams tha dad pa yin no/ /gal te rgyu tha dad pa med na yang 'bras bu tha dad par 'gyur na rgyu med pa can du thal bar 'gyur ro//ji ltar bde ba dang sdug bsngal gyi ngo bo'am sems dang sems las byung ba tha dad par 'dod pa de ltar rtogs pa dang rtogs pa ma yin pas byas pa yang tha dad par 'dod par 'gyur ro zhe na/ nang gi rgyu'i khyad par gyis zhes bya ba ni dbang po dang yul dang yid la byed pa'i bdag nyid du gyur pa nyid las phul du byung ba'i phyir ro zhes bya ba'i don to//'di skad du bdag phul du byung ba gang gis tshogs pas bde ba'i bdag nyid can gyi rtogs pa skyed pa de las phul du byung ba gzhan gyis skad cig ma gzhan du rnam par gnas pas sdug bsngal gyi bdag nyid skyed pa de ltar rtogs pa gzhan yin te/skad cig ma re rer rang bzhin tha dad par gnas pa nyid kyi phyir ro/ /skad cig ma re re la tha dad pa yin na yang rtogs pa skyed pa'i thun mong gi nus pa las ma 'das par 'jug pas 'bras bu tha dad pa yang skyed par byed pa na rtogs pa'i ngo bo nyid skyed par byed kyi rtogs pa'i ngo bo ma yin pa dag ni ma yin te/dper na sA lu'i sa bon zhing la sogs pa'i khyad par gyis phul du byung ba dang ldan pas phul du byung ba dang bcas pa'i myu gu skyed par byed pa na yang sA lu'i myu gu nyid skyed par byed kyi nas kyi myu gu ni ma yin te/ nus pa mtshungs pa las ma 'das par 'jug pa'i phyir ro zhes bstan par 'gyur ro//de nyid ston par byed pa ni dper na zhes bya ba la sogs pas dpe 'god par byed pa yin no/ /gal te dus tha dad pa can gyi bde ba la sogs pa la 'di lan yin pa ni bla ste/ 'on kyang dus gcig la gnas pa'i ngang tshul can gyi sems dang sems las byung ba gang yin pa de dag ci ltar phan tshun tha dad pa yin zhe na 'di yang brjod bar bya ste/tshogs pa de nyid ni nang gi khyad par gyis byas pa nyid yin pa'i phyir ro/ /de ltar na tshogs pa rang bzhin tha dad pa skyed par byed pa nges pa'i bdag nyid kyis khyad par dang ldan pa de las rtogs pa tha dad pa skyed par 'gyur ba de ltar na 'gal ba ci zhig yod/ rgyu 'bras bu du ma las so sor nges pa'i rang bzhin can 'bras bu so so la tha dad pa'i rang bzhin du 'gyur ba yin no//'di ltar rgyu rang gi rang bzhin 'pho ba nas 'bras bu skyed pa ma yin no/ /gal te rgyu'i rang bzhin dor ba 'bras bur 'gyur ba de'i tshe ci ltar na rang bzhin gcig gis du ma skyed par 'gyur zhes bya ba'i brgal ba der 'gyur/ rang bzhin gcig 'bras bu gcig la 'phos pa gang yin pa de'i rang bzhin gcig po ci ltar 'bras bu gzhan las 'pho bar 'gyur/ 'pho ba nyid yin na 'bras bu rang bzhin gcig pa can du 'gyur ro/ /gang gi tshe rgyu 'bras bu gcig kyang skyed par gyur na de skyed bar byed pa'i rang bzhin nye ba tsam gyis skyed par byed pa yin pa de'i tshe 'bras bu du ma skyed par byed pa'i nges pa'i rang bzhin nye ba tsam gyis 'bras bu du ma skyed par 'gyur ba gang gis bzlog par 'gyur/rgyu'i rang bzhin tha dad pa dang tha dad pa med pa dag gi 'bras bu'i tha dad pa dang tha dad pa med pa gang yin pa 'di nyid tha dad pa dang tha dad pa med pa skyed par byed pa'i nges pa'i rang bzhin las 'bras bu tha dad pa dang tha dad pa med pa'i rang bzhin skye bar 'gyur ro//gal te tha dad pa skyed par byed pa'i nges pa'i rang bzhin las tha dad pa med pa'i skye ba de'i tshe rgyu med par 'gyur ro/ /gal te rang bzhin gcig ci ltar du ma skyed par byed pa yin zhe na/ de ni 'di lta bur gyur pa'i rang bzhin can yin pa'i phyir ro//de lta ma yin na gcig kyang ci ltar skye bar 'gyur 'dir yang ci ltar na rang bzhin 'phos nas rgyu 'bras bu skyed par byed pa ma yin zhes bshad zin to/ /gal te 'o na rtogs pa dang rtogs pa ma yin ba'i rang bzhin ci'i phyir tshogs pas skyed pa ma yin zhe na/ ma yin te de ni rtogs pa skyed par nges pa'i rang bzhin nyid yin pa'i phyir ro//gal te de lta bur gyur pa'i rang bzhin nyid gang las yin zhe na rang gi rgyu las yin no/ /de'i yang rang gi rgyu gzhan las yin pa de ltar na rgyu'i brgyud pa thog ma med pa can yin no/ /de bas na rtogs pa skyed par byed pa'i nges pa yod na rtogs pa tha dad par skyed pa'i rang bzhin gyi mtshan nyid gzhan gyi khyad par dang ldan pas rtogs pa tha dad pa nyid skye bar byed kyi/rtogs pa dang rtogs pa ma yin pa'i rang bzhin ma yin pa de ltar na nges pa nyid yin no/ /zhar la 'ongs pas chog go/ /blo dang ni/ bde sogs de nyid skyed yin na/ /zhes bya ba la blo dang bde ba la sogs pa zhes bya ba ni zlas dbye ba'o//rim gyis 'dzin zhes bya ba ni bde ba la sogs pa dang lhan cig skyes pa'i blos gzugs mngon sum du byed pa de las dus phyis yid kyi shes pas bde ba la sogs pa yongs su gcod par byed pa de ltar na rim gyis 'dzin pa zhes bya ba 'dis rim gyis 'dzin zhes bya ba'i mdo'i tshig bshad pa yin no//rgyu ma yin pa nyid kyi phyir bde ba la sogs pa dang lhan cig skyes pa'i rnam par shes pa'i yul ma yin no zhes bshad pa gang yin pa de ma yin te/ 'di ltar lhan cig 'byung ba'i rgyu nyid kyis rnam par shes pa skyed pa la bde ba la sogs ba nus pa nyid yin no/ /de bas na yul nyid du yang 'gyur ba ma yin pa de'i phyir ldog pa las kyang zhes bya ba smos te/de med na nges par med pa ni ldog pa yin no/ /yul 'dzin pa med par zhes bya ba la sogs pa la gal te sngo sogs bzhin/ dbang po'i rnam par shes pa skyed pa la bde ba la sogs pa nus pa nyid du 'gyur ba de'i tshe ji ltar bde ba la sogs pa myong ba med pa la sngon po la sogs pa 'ba' zhig gnas skabs 'ga' zhig tu myong bar 'gyur ba de bzhin du dbang po dang yul las skyes pa'i bde ba la sogs pa 'ba' zhig kyang rnam par shes pas myong bar 'gyur ro//de ltar na sngon po la sogs pa las bde ba la sogs pa'i nus pa tha dad par rtogs par 'gyur ro//nus pa tha dad pa nges pa na yang yul dang lhan cig pa'i nus pa rtog par byed pa na yang 'gal ba med do/ /sngon po dang ser po la sogs pa so so la yang nus pa dmigs pa'i phyir tshogs pa la yang nus pa 'gal bar mi 'gyur ro/ /de nyid ni sngon po la sogs pa re re la zhes bya ba la sogs pa smos so//gal te bde ba la sogs pa 'ba' zhig myong ba khas blangs pa nyid yin no zhe na/ de ltar na yang khas blangs pa zhes bya ba la sogs pa smos so/ /rtogs pa med par zhes bya ba ni gzung ba med par ro/ /de ltar na yang 'di las bde ba la sogs pa zhes bya ba ni don 'di las bde ba la sogs pa 'di'o//dbang po'i don rtogs pa'i dus na zhes bya ba la sogs pa la/ gal te dbang pos bde ba la sogs pa rtogs par mi 'gyur na dbang po'i don rtogs pa'i dus na bde ba la sogs pa rtogs par mi 'gyur ro zhes bya bar dgongs so/ /de yang zhes bya ba ni bde ba la sogs pa'o/ /bdag dang yid ldan pa las 'byung ba'i ngang tshul can gyi yid kyi rnam par shes pas zhes bya ba'i don to//dbang po'i yul nyid las skyes pa'i zhes bya ba ni phyi rol gyi gzugs la sogs pa'i stobs kyis skyed pa dbang po'i rnam par shes pa dang dus mtshungs par 'byung ba'i ngang tshul can no/ /de ltar na yul la dmigs pa yang bdag dang yul dang dbang po'i phrad pa las byung ba'i ngang tshul can gyi shes pa med par zhes bya ba ni dbang po'i rnam par shes pa med par zhes bya ba'i tha tshig go//shes pa de yang zhes bya ba ni dbang po'i rnam par shes pa'o/ /yid gnyis pa ni yod pa ma yin na zhes bya ba ni dbang po'i rnam par shes pa dang dus mtshungs pa dag dang yid ldan pa las 'byung ba'i ngang tshul can gyi rnam par shes pa gnyis cig car 'byung ba khas mi len pa'i phyir ro//dus phyis 'byung ba'i ngang tshul can gyi shes pa yod pa'i dus na zhes bya ba ni bde ba la sogs pa 'dzin par 'dod pa'i rnam par shes pa yod pa'i dus na'o//bde ba la sogs pa yod pa ma yin te dbang po'i rnam par shes pa dang lhan cig 'gags pa'i phyir ro/ /de dag las gcig ni zhes bya ba la de dag las zhes bya ba ni nges par gzung ba'i drug pa'o/ /gcig ni don 'dzin pa'i dbang po'i blos so/ /gzhan ni bde ba la sogs pa myong ba yin no zhe na zhes bya ba ni yid kyi blos so//gang zhig gang dang rigs mthun pa de ni de'i nye bar len pa yin na zhes bya ba de yang 'jig rten pha rol sgrub pa'i skabs su bstan zin to/ /de myong phyir na don yang dag par myong ba yin no zhes bya ba ni bde ba la sogs pa'i bdag nyid du gyur pa'i don dang 'dra ba myong ba'i phyir ro//'dis ni bde ba la sogs pa de kho na nyid du nyams su myong ba'i bdag nyid yin no zhes bya ba de bstan to/ /de ni phyi rol du gyur pa'i don dag la yod pa ma yin no zhes bya ba ni nyams su myong ba'i bdag nyid ni nyams su myong ba dag las tha dad pa'i don dag la yod pa ma yin no/ /de myong ba la yang zhes bya ba ni don gzhan du gyur pa myong bar khas len pa na myong ba'i mtshan nyid 'thad pa ma yin no//gal te ci'i phyir zhe na/ nyams su myong ba ni rang rig pa'i ngo bo nyid yin pa'i phyir ro zhes bya ba smos te/ rang rig pa'i bdag nyid ma gtogs par nyams su myong ba'i bdag nyid gzhan ni brjod par mi nus te/ de rtogs pa'i bdag nyid can nyid yin pa'i phyir dang / rtog pa yang rang rig pa'i ngo bo nyid yin pa'i phyir ro/ /gzhan myong ba yin na ni bdag myong bar mi 'gyur ro/ /gzhan myong ba nyid ni bdag myong ba ma yin te/ rang dang gzhan tha dad pa'i bdag nyid can nyid yin pa'i phyir ro/ /de nyid ni rang dang gzhan gyi bdag nyid rig pa 'gal ba'i phyir ro zhes bya ba smos te/shes pa la rang rig pa dang gzhan rig pa'i khyad par gyis ngo bo gnyis yod pa ma yin te/ shes pa ni gcig gi bdag nyid can nyid yin pa'i phyir ro/ /de la gzhan myong bar khas len na rang rig pa'i ngo bor mi 'gyur zhing de khas len par byed na gzhan myong ba yod pa ma yin no//gal te 'on kyang shes pa gzhan rig pa'i bdag nyid can nyid du yod pa yin no zhe na/ rang rig pa yang gdon mi za bar zhes bya ba la sogs pa smos so/ /gzhan nyams su myong ba nyid ni ma grub pa'i phyir ro zhes bya ba ni mngon sum ma yin pa'i dmigs pa can gyi don mthong ba mi srid pa'i phyir ro zhes bya bar dgongs so//'gyur bar ni 'dod mod kyi bde ba la sogs pa gzung ba dang 'dzin pa'i rnam pa dag gis shes pa bzhin du tha dad par snang bar 'dod do/ /de bas na gcig pa tha dad par snang ba'i gzung ba nyid gnas pa'i phyir ma nges pa yin no zhe na/ bde ba la sogs pa yang yul dang zhes bya ba la sogs pa smos pa la/yul gyi rnam pa ni gzung ba'i rnam pa'o/ /rab tu dga' ba'i rnam pa ni 'dzin pa'i rnam pa'o/ /kho bo cag gis rnam pa de dag ni don dam pa yin no zhes bya ba la gnyis med par bsgrub pa de yang rgyas par bstan pa yin no/ /'dod pa ni mngon par 'dod pa'o/ /mi 'dod pa ni rgyab kyis phyogs pa'o//btang snyoms su gnas pa ni bar mar gnas pa'o/ /'dod pa dang mi 'dod pa'i bye brag dang btang snyoms su gnas pa zhes bya ba ni zlas dbye ba'o/ /de dag nyid ni sems can rnams kyi rang bzhin yin la/ goms pa gang la rang bzhin de nyid kyi mtshan nyid yod pa de la de skad ces bya'o/ /der snang ba can ma yin te zhes bya ba ni phyi rol khyad par can ma yin par snang ba can du mi 'gyur ro zhes bya ba'i tha tshig go//phyi rol nyid dang de las khyad par med par snang ba can nyid la phyi rol khyad par med na sgom pa khyad par can yin na yang khyad par can nyid ma yin pas khyab pa yin la/ de dang 'gal ba yang khyad par can nyid yin pa de ltar na khyab par byed pa 'gal ba dmigs pa'o//'di la yon tan nyid med pa'i phyir ro zhes bya ba ni skyes bu de'i sems kyi ngo bo bde ba la sogs pa'i yon tan ma yin no/ /rgyu dang 'bras bu zhes bya ba ni yul gyi stobs las yul gyi rnam pa can du 'jug pa'i bdag nyid du gyur pa'i blor 'gyur ro/ /de bas na blo ni 'bras bu yin la yul ni rgyu yin no//de ni skyes bu la yang yod pa yin pa zhes bya ba ni yul gyi rnam par 'byung ba'o/ /de ltar na blo la gnas pa'i yul gyi rnam pa skyes bu la 'jog par byed do/ /de bas na de ni za ba po nyid yin pa de nyid kyi phyir skyes bus blo nges par byas pa'i don shes par 'gyur ro zhes bstan to//de bas na skyes bu yang blo dang 'dra bar yul yul rnams kyi 'bras bu yin zhing de dag las kyang rigs mi mthun pa yin pa de ltar na ma nges pa yin no/ /gal te de rang bzhin min la/ nyams su myong ba zhes bya ba ni bde ba la sogs pa ma yin pa'i rang bzhin can gyi sems nyid do/ / yul dang sems dag gi bar na yul gyi rnam pa can gyi don sems ma yin pa ni blo yin te de'i 'di ni blo gnas so/ /de zhes bya ba ni bde ba la sogs pa'o/ /bde ba la sogs pa'i zhes bya ba la sogs pas de 'chad par byed do/ /blo dang sems dag la yang tha dad pa yod pa ma yin no zhe na/ mngon sum dran pa'i rnam pa can zhes bya ba la sogs pa smos pa la/mngon sum dran pa'i rnam pa can zhes bya ba ni mngon sum gyi rnam pa can dang dran pa'i rnam pa can zhes bya ba'i don to/ /gsal bar snang ba'i ngang tshul can ni mngon sum gyi rnam pa yin la/ rnam par rtog pa dang rjes su 'brel pa ni dran pa'i rnam par rtog pa yin te/rnam par rtog pa'i shes pa thams cad ni dran pa'i ngo bo yin pa'i phyir ro/ /dga' ba dang mi dga' ba la sogs pa'i rnam pa can gyi zhes bya ba 'dis ni mngon sum gyi rnam pa can bshad do/ /dran pa'i rnam pa can te zhes bya ba myong ba myong bar 'gyur ro zhes bya bar sbyar ro/ /'dis ni dran pa'i rnam pa zhes bya ba de bshad pa yin no//ji ltar bde ba la sogs pa myong ba zhes bya ba la sogs pas dran pa'i rnam pa can dang mngon sum gyi rnam pa can ngo bo nyid kyis myong ba 'jug pa bsdus nas gnyis nyid du ston par byed do/ /yid bde ba la sogs pa'i mtshan nyid ces bya ba ni mngon sum gyi rnam pa can gyi mjug sdud pa yin no//bde ba kho na la yid bde ba'i sgras bstan te/ bde ba lus kyi rnam par shes pas rnam par gzhag pa nyid kyis rtogs pa med pa'i mngon sum gyi rnam pa can nyid yod pa'i phyir ro/ /lcags gong dang ni me bzhin no zhes bya ba ni zlas dbye ba'o/ /lcags shin tu 'bar ba'i gzugs la nag po yod pa nyid yin no//ma nges pa yin par smra'o zhes bya ba ni me las tha dad pa dmigs pa'i lcags gong gi ngo bo yang yod pa nyid du khas len pa'i phyir ro/ /gal te de ltar yin pa zhes bya ba ni grub pa'i mtha' smra ba'i'o/ /lcags gong la yang me dang 'brel ba las mdog nag po zhig nas gzugs gzhan du snang bar 'gyur ba na/de la mdog nag po yang med cing yod na yang 'dres pa'i phyir ma dmigs pa yin no zhes dgongs so/ /cig car sems las byung ba mang po zhes bya ba ni/ tshor dang sems pa 'du shes dang / /'dun dang reg dang blo gros dran/ /zhes bya ba la sogs pa cig car skye bar khas len pa'i phyir ro//nyi mas zhes bya ba ni 'od zer stong ldan gyis so/ /rkyen ji lta ba bzhin du zhes bya ba ni sems las byung ba gang gi rkyen yul la sogs pa'i mtshan nyid 'dod pa dang mi 'dod pa'o/ /ston ka'i mar ngo'i mtshan phyed kyi/ /zhes bya ba ni ston ka'i mtshan gyi cha phyi ma zhes bya ba'i don to/ /de'i tshe skar ma'i khyad par gsal bar rtogs par 'gyur ro//du ma nyid du snang bar 'gyur ro zhes bya ba ni 'di ltar sems mngon par 'du byed pa'i dus na sems pas rig pa yin no/ /'ga' zhig gi tshe dmigs pa brtan por 'dzin pa'i mtshan nyid can ni mos pa yin no/ /de bzhin du gzhan dag la yang rig pa ci rigs par brjod par bya'o//gcig tshe zhes bya ba 'di'i rnam par 'grel pa ni zil gyis gnon pa'i dus na zhes bya ba yin te/ de bas na gcig tshe gsal bas bsgribs pa yang zil gyis gnon pa'i dus na/ bde ba la sogs pa'i tha dad rnam gzhag grub pa yin zhes dang zhes bya ba 'chad par 'gyur ba dang sbyar ro//sogs pa smos pas ni myur du bskor ba dang / 'chi ltas la sogs pa bzung ngo zhes bya ba la/ 'di ltar 'khor lo bzhin du lus myur du bskor ba las dngos po g.yo ba med pa yang g.yo ba bzhin du gsal bar dmigs par 'gyur ba'ang 'chi ba'i dus na lus dang sems kyi gnas skabs 'ga' zhig 'chi ltas kyi ming can dngos po yang dag pa ma yin pa mthong bar 'gyur ro//de dang rjes su mthun par sgrub pa la zhes bya ba ni rnam par gsal ba dang rjes su mthun pa'i rtsom pa dang / dga' ba dang mi dga' ba'i mtshan nyid la'o/ /brda'i rten can ni rnam par rtog pa yin la zhes bya ba ni brda la ma byang ba'i rnam par rtog pa ni brda'i rten can yin no//de ltar spyi'i rnam pa can gyi rnam par rtog pa la gnas pa brda byed pa yin no/ /brda'i dus phyis 'byung ba'i ngang tshul can gyi rnam par rtog pa brda la byang ba dag gi ni 'di la brda'i rten yod bas na brda'i rten can no/ /don gnyis po de yang bzlas pas yin par blta bar bya'o//rmi lam na yang dran pa dran/ /de ni de 'dra'i don ldan min/ /rmi lam gyi gnas skabs na yang dran pa'i shes pa byung ba gang yin pa de sad pas dran par 'gyur ro/ /dran pa de yang rmi lam gyi gnas skabs na gsal bar snang ba'i shes pa skye ba don dang ldan par dran pa ji 'dra ba de 'dra ba'i don dang ldan pa dran par mi 'gyur te/gsal bar snang ba dran pa med/ /ces bya ba'i tha tshig go/ /rmi lam na yang zhes bya ba la sogs pas de 'chad par byed de/ rmi lam na dmigs pa yang de yin la/ gsal bar snang ba'i shes pa yang yin pas na zhes bya ba ni khyad par gyi bsdu ba'o//de dang mtshungs par snang ba dran pa gang la yod pa de la de skad ces bya'o/ /yang dag pa ma yin pa'i don goms pa las skyes pa zhes bya ba ni rus gong gi rnam pa la sogs pa bsgoms pa las skyes pa mi gtsang ba zhes bya ba'o/ /thams cad ces bya ba la sogs pa la goms pa las byung ba zad par sa la sogs pa'i ming can no//de nyid ni de kho na nyid yid la byed pa ma yin ba'i phyir/ khyed cag gi grub pa la sogs pa'i mtha' las gsal bar snang ba ma yin pa dang / rnam par rtog pa dang bcas pa nyid du bstan pa yin no zhes gzhan gyi dogs pa yin no/ /gang la 'bras bu de yod par zhes bya ba ni/sgom pa gzhan gyi tshig can nyid du bstan pa yin no/ /'khrul dang kun rdzob shes pa dang / /rjes dpag rjes su dpag las byung / /zhes bya ba la sogs pa tshad ma kun las btus pa las bshad pa'i mngon sum ltar snang ba de ni/ mngon sum ltar snang ba zhes bya ba la sogs pas 'chad par byed do//de bzhin du mang po rnam par gcod pa'i 'bras bu can la brten nas zhes bya ba la/ mang po ni du ma nyid do/ /de rnam par gcod pa'i 'bras bu de nyid gcig ces bya ba'i sgra gang la yod pa de la de skad ces bya'o/ /gcig tu mngon par zhen pa can/ /zhes bya ba rnam par rtog pa 'jug par 'gyur ro zhes bya ba'i skabs dang sbyar ro//de lta bur gyur pa ma yin par rnam par gcod pa la brdar byas pa la zhes bya ba ni steng du skye ba'i chos can ma yin pa rnam par gcod ba la brdar byas pa'o/ /yod pa nyid du ston par byed pa'i rnam par rtog pa 'gyur ro zhes bya bar sbyar ro/ /de ltar rab tu phye ba las brda'i rten can zhes bya ba la sogs pas ni 'di skad du sgra'i rnam par rtog pa ma gtogs par rnam par rtog pa'i shes pa gzhan gsum ni yod pa ma yin gyi/'on kyang sgra'i rtog pa nyid rnam pa 'ga' zhig gis phye ba na rnam pa gsum du rnam par gzhag pa yin no zhes bstan to/ /chu ma yin pa rnam par gcad na chu la brdar byas pa la brten nas zhes bya ba ni brda'i rten can gyi rdzas gang la chu la sogs pa'i brda byas pa nyid la bum pa la sogs pa'i rtog pa bzhin du de rtogs par 'gyur zhing /smig rgyu la sogs pa 'byung ba 'dus pa gzhan la yang 'gyur ro/ /de nyid kyi phyir yang dag pa ma yin pa'i chu la brten nas 'byung ba 'dus pa de la zhes bya ba la sogs pa smos pa la brda la brten nas zhes bya ba ni/bden pa'i chu la chu'i sgra'i brda gang yin pa de la brten nas so/ /'byung ba 'dus pa de la zhes bya ba ni chu'i brda'i rten ma yin pa smig rgyu la sogs pa la'o/ /de ltar na sngon nyams su myong ba'i chu dran pa sngon du song ba can de la 'khrul pa 'jug par 'gyur ro//gzhan dag ni 'di skad du 'chad de/ 'di la chu'i sgra'i brdar byed pas na bden pa'i chu'i brda'o/ /de dang mtshungs pa ni 'byung ba 'dus pa yin pa de ltar na de la brten pas bzung nas so/ /brda la brten pa de las chu la sogs pa dang chos mthun pa'i phyir ro zhes bya ba ni de dag gi don yin no//tshul gsum pa'i rtags shes pa ni rjes su dpag pa dang rtags can gyi shes pa la ni rjes su dpag pa la 'byung ba zhes bshad do/ /lkog tu gyur pa'i don sngar mthong ba la zhes bya ba ni 'brel pa 'dzin pa'i dus na don mthong ba'i sgo nas gcig tu sgro 'dogs pa la 'jug pa'i phyir de skad du tha snyad gdags so//rjes su dpag pa'i shes pa dang de'i 'bras bu shes pa'o/ /ci'i phyir sgra'i rtags pa kho na rnam pa gsum du rnam par phye zhe na/ de'i phyir de la/ dbang skyes min pa bsgrub don du/ /zhes bya ba la sogs pa smos pa la/ snga ma gnyis po las zhes bya ba ni brda la brten pa'i rnam par rtog pa'i shes pa dang don gzhan du sgro 'dogs pa'i rnam par rtog pa'i shes pa'o//de nyid rnam par gcod pa'i phyir/ /zhes bya ba ni smig rgyu'i shes pa rnam par gcod pa'i phyir ro/ /mngon sum gyi mtshan nyid kyi khyad par 'khrul pa med pa can zhes brjod do zhes bya ba ni dbang po dang don phrad pa las byung ba'i shes pa las mngon sum bstan du med pa 'khrul pa med pa can rtogs pa'i bdag nyid yin no zhes bya bar ro//'o na lkog tu gyur pa'i don la rtog pa'i shes pa rjes su dpag pa la sogs pa gsum ci'i phyir bshad ce na/ de'i phyir rjes su dpag pa la zhes bya ba la sogs pa smos so//nyid ni rim pa gzhan du sbyar ba'o zhes bya ba ni sgrub phyir zhes pa'i mdo'i cha de las drangs la/ snga ma gnyis nyid ces bya ba 'dir blta bar bya'o zhes bya ba'i don to/ /dran pa la sogs pa zhes bya ba'i 'grel pa ni ngo bo ste/ dran pa la sogs pa'i bdag nyid do/ /sogs pa'i sgras ni mngon par 'dod pa la sogs pa'i ngo bo gzung ngo //brda dran pa'i bum pa la sogs pa'i shes pa rgyu mtshan yin par zhes bya ba ni bum pa la sogs pa'i shes pa'i rgyu mtshan zhes bya bar tshig rnam par sbyar ro/ /mngon sum dang 'gal ba ni mngon sum ma yin pa nyid yin la/ des khyab pa ni sngon nyams su myong ba'i dran pa'i stobs kyis 'byung ba yin ba de ltar na 'gal bas khyab pa dmigs pa'o//dmigs kyis bkar ba yin par rig par bya ba'am zhes bya ba ni/ mngon sum rtog pa dang bral ba zhes bya ba spyir btang ba 'di la dmigs kyis bkar ba de byas shing yul de yongs su spangs pas spyir btang ba 'jug pas rtogs pa dang bral zhing 'khrul pa med pa'i shes pa ni mngon sum mo zhes don gyis bstan par 'gyur ro//dgongs pa 'di nyid kyis mtshan nyid lhag ma yin par rig par bya'o zhes bstan to/ /dbang po las skyes pa ma yin gyi 'on kyang yid kho na yin no zhes bya ba ni rnam par rtog pa yin no zhes bya ba'i tha tshig go/ /de ltar na rtog pa dang bral ba smos pa nyid kyis zla ba gnyis pa la sogs pa'i shes pa gsal ba nyid kyi phyir dmigs kyis bkar ba'i tshig ni cir yang mi rung ngo //ci snang ba gang la shes pa zhes bya ba ni gzugs la sogs pa la'o/ /de dag ni de la skabs su bab pa yin no/ /gang gis na dbang po la brten pa brjod pas 'gal bar 'gyur zhes bya ba ni tshad ma kun las btus par zla ba gnyis pa la sogs pa'i shes pa dbang po nyid la brten pa brjod pa ste/dbang po la brten pa nyid du brjod pas 'dir yid nyid du dam bcas pa dang 'gal ba yin// //tshad ma rnam 'grel gyi 'grel bshad/ bam po lnga bcu rtsa bdun pa/de lta ma yin na 'dir bzhi pa ni dmigs kyis bkar zhes bya ba la 'di la log par rtogs pa rigs pa ma yin no zhes bya ba ni gal te zla ba gnyis pa la sogs pa'i shes pa yid nyid yin na yang rtog pa med pa nyid du 'dod pa de'i tshe mngon sum rtog pa dang bral ba can zhes bya ba'i mtshan nyid 'di tsam gyis zla ba gnyis pa la sogs pa'i shes pa ma bkag pa'i phyir/'dir bzhi pa ni dmigs kyis bkar zhes bya ba'i tshig de gzhan gyis kyang khas blang bar bya ba yin pa de ltar na gang las log par rtogs pa yin/ de nyid kyi phyir/ 'khrul dang kun rdzob shes pa dang / /rjes dpag rjes su dpag las byung //zhes bya ba la sogs pa la zhes bya bas rnam par bcad nas zhes bya ba ni dran 'byung brjod pa las 'byung zhes bya ba dang / mngon sum ltar snang rab rib bcas/ /zhes bya ba'i sgra 'dis so/ /bya ba dang ni sgrub byed ces bya ba la/ bya ba zhes bya ba nyid dang / sgrub par byed pa zhes bya ba nyid ces bya ba'i don to/ / las kun gyis ni zhes bya ba 'di'i 'grel pa ni bya ba thams cad kyis zhes bya ba yin te/ mdo'i las kyi sgra bya ba'i tshig tu brjod par bya'o zhes ston to/ /tha snyad la brten pa'i sgo nas zhes bya ba ni don 'di'i rtogs pa 'di yin no zhes yul so so'i rnam par gzhag pa gang yin pa de la brten pa'i sgo nas yin gyi/ bskyed par bya ba dang skyed par byed pa'i dngos pos ma yin te mi rung ba'i phyir ro/ /de'i bya ba ni de nyid yin no zhes bya ba ni/ ci ltar bya ba de sgrub bar byed pa de nyid yin te/ gang las chod pa med par grub par 'gyur ba de ltar sgrub par byed pa de nyid kyi yang bya ba de nyid yin te de nyid las rnam par gzhag pa thob pa yin no//yul rnam par gzhag pa'i rten gzhan la ltos par 'gyur ba zhes bya ba ni don dang 'dra ba la ltos par 'gyur ba'o/ /des byas pa'i shes pa tha dad pa ni zhes bya ba ni/ dbang po la rtogs pas byas pa'i shes pa tha dad pa'i rtog pa'i mtshan nyid gang yin pa de ni sngon po dang ser po la sogs pa dag dang thun mong nyid yin pa'i phyir ro//ji ltar mthong ba'i shes pa dang / dbang bo dang don phrad pa dang / khyad par shes pa dag gzhan gyi tshad ma nyid du 'dod pa de bsal ba'i phyir/ gang gi phyir de ltar na gzhal bya'i ngo bo nyid bor nas zhes bya ba la sogs pa smos so/ /shes pa gnyis po de dag ces bya ba ni khyad par dang khyad par gyi gzhi shes pa dag ste/khyad par dang khyad par gyi gzhir gyur pa'i dngos po dmigs pa can nyid kyis de dag tha dad pa'i yul can nyid yin pa'i phyir ro/ /dus snga phyir 'byung ba'i shes pa yul gcig pa can zhes bya ba la sogs pas dus sngar byung ba'i ngang tshul can ni tshad ma nyid la/dus phyis 'byung ba'i ngang tshul can ni tshad ma'i 'bras bu yin no/ /'di ltar phrad pa'i rnam pa 'ga' zhig la 'jug pa ma yin na zhes bya ba ni dngos po cha med pa ni/ bdag nyid thams cad nye ba yin/ /zhes bya bar dgongs so/ /shes pa la skyes pa'i shes pa'i rgyu zhes bya ba ni shes pa snga ma las skyes pa ni phyi ma'i rgyu yin no zhes bya ba'i tha tshig go//dngos po la rten par byed ba zhes bya ba ni bya ba dang byed pa'i rnam par gzhag pa'o/ /shes pa de dang de la brten nas zhes bya ba ni sgro 'dogs par byed pa'i shes pa de dang de la brten pa zhes bya ba'i tha tshig go/ /de ltar na sta re'i rdzas steng 'og tu rgyun mi 'chad par 'byung ba dmigs na/steng 'og tu rgyu ba'i bya ba'i khyad bar la byed pa ni sgro 'dogs par byed pa'i shes pa skye bar 'gyur ro/ /da ltar sta re dang 'brel pas shing la sogs pa yul tha dad par dmigs nas bcad pa la sogs pa'i bya bar sgro 'dogs pa'i shes pa skye bar 'gyur ro//de'i dbang gis bya ba dang byed par rnam par gzhag pa yin no/ /don gzhan du gyur pa'i bya ba ni yod pa ma yin no zhes bya ba ni gcad par bya ba dang gcod par byed pa'i rdzas las tha dad par te/ de dmigs pa'i mtshan nyid kyir gyur pa las mi dmigs pa'i phyir ro/ /de med pa'i phyir te don gzhan du gyur ba'i bya ba med pa'i phyir ro//gang las byed pa yin zhes bya ba ni ma yin te byed pa por rnam par gzhag pa ni bya ba'i rgyu can yin pa'i phyir ro/ /de ltar na re zhig phyi rol gyi don khas blangs nas de rtogs pa ni 'bras bu yin la/ don dang 'dra ba ni tshad ma yin la phyi rol ni gzhal bya yin no zhes bshad do/ / da ni phyi rol gyi don 'gog pa sngon du song ba can yin gyi/ rang rig pa ni 'bras bu yin/ /zhes bya ba la sogs pa'i gzhung 'chad par bzhed nas/ rnam par shes pa nyid ces bya ba la sogs pa smos so/ /gzhal bya nyams su myong ba ma gtogs par nyams su myong ba yod pa ma yin par zhes bya ba la sogs pa ni phyi rol gyi don yod par smra ba'i'o//de nyid 'dir ni dpyad par bya/ /zhes bya ba la sogs pa ni bstan bcos mdzad pa'i'o/ /don dam par tha snyad 'di med pa'i phyir zhes bya ba ni nyams su myong bar bya ba ni 'di yin zhing 'di'i nyams su myong ba ni 'di yin zhes de lta bu'i tshul gyi tha snyad do/ /mtshan nyid ni yod pa can dang ldog pa can du 'gyur grang na zhes bya ba ni mtshan gzhi ma lus pa la khyab pa'i phyir yod pa can dang mngon par 'dod pa ma yin pa la 'jug pa med pa'i phyir ldog pa can te khyab pa med pa dang shin tu khyab ches pa dang bral ba zhes bya ba'i don to//du ma nyid kyi phyir dang rdul phran nyid kyi phyir ro zhes bya ba ni gang gi phyir du ma nyid yin pa de'i phyir 'dra ba byed pa ma yin te/rdul phra rab du ma'i rnam pa ni snang ba med pa'i phyir ro/ /rdul phran nyid yin pa'i phyir 'dra ba byed pa ma yin te/ rdul phra rab tu gtogs pa'i phra ba'i rnam pa ni shes pa la snang ba med pa'i phyir ro/ /de'i tshe don mtshungs can gyis zhes bya ba la sogs pa la yul mtshungs pa can zhes bya ba'i don to//de skad du gang gi tshe yul sngon po la nyams su myong ba'i rnam par shes pa skye ba mtshungs pa de ma thag pa'i rkyen 'dis sngon po nyams su myong ba de nyid la dran pa'i shes pa skyed pa'i dran pa de ni sngon po nyams su myong ba dang yul mtshungs pa can nyid yod pa'i phyir 'dra ba dang de las mtshungs pa yod pa yin te/mtshungs pa de ma thag pa'i rkyen nyams su myong bas skyed pa nyid kyi phyir ro/ /de bas na phyi rol gyi sngon po la sogs pa dmigs pa'i dran pa yang nyams su myong ba'i shes pa snga ma yul gyi ngo bo thob par 'gyur ro zhes bstan par 'gyur ro/ /rnam pa thams cad kyi rjes su byed pa ma yin pa ni 'di ltar nyams su myong ba'i shes pa ni gsal bar snang ba yin la dran pa ni mi gsal ba yin na mtshungs pa de ma thag pa'i rkyen du gyur pa de ma thag pa'i shes pa la de ltar yod pa ma yin no//'di mthong zhes bya ba ni bstan ma thag pa'i dran pa ni phyi rol gyi don la zhen pas 'jug pa'i phyir ro//de la brten nas 'byung ba zhes bya ba ni phyi rol gyi don la brten nas so/ /zhen pa de 'dra ba zhes bya ba ni mthong ngo zhes bya ba la sogs pa'o/ /de'i yul gyi mtshan nyid brten pa yin zhes bya ba ni mthong ba dang thos pa de dag yul gyi mtshan nyid brten pa ste/ rnam par 'jog par byed pa de ltar na de yul gyi mtshan nyid brten pa'o/ /gcig la gcig rten yin pa bstan to zhes bya ba ni 'di mthong ngo / /'di thos so zhes zhen pa la brten nas mthong ba dang thos pa dag yul dang 'brel pa grub pa yin te/ de la brten nas kyang 'di mthong ngo / /'di thos so zhes zhen pa yin no//de yi sngo sogs ngo bo yi/ /rang bzhin de nyams myong de yang / /zhes bya ba ni bde ba la sogs pa dang ldan par sngon po la sogs pa'i rang bzhin nyid nyams su myong ba skye bar 'gyur ro/ /de bas na sngon po la sogs pa'i rang bzhin nyid nyams su myong ba yin gyi sngon po'i nyams su myong ba ni sngon po'i nyams su myong ba ma yin no//'on kyang mthong ba'i dbang gis rnam par gzhag pa yin no zhes bya ba ni 'khrul pa'i dbang gis so/ /don nyams su myong ba yang de ltar rigs pa yin te zhes bya ba ni grub pa'i mtha' smra bas gsungs pa yin te/ shes pa'i bdag nyid nyams su myong ba na yang don nyams su myong ba yang nyams su myong ba'i bdag nyid rigs pa yin no zhes bya ba'i tha tshig go//blo ni rnam pa tha dad pa la ltos pa med pa nyid kyi phyir ro zhes bya ba ni phyi rol gyi don du smra ba yin te/ blo ni nyams su myong ba de don gyi rnam pa la ltos pa med pa yin te/ rang gi nye bar len pa la rag las pa nyid yin pa'i phyir ro//de la ltos pa med pa nyid yin na zhes bya ba ni don la ltos pa nyid yin no/ /de la zhes bya ba ni nyams su myong ba la'o/ /gal te blo ni de rnam can/ /zhes bya ba la sogs pa ni grub pa'i mtha' smra ba'i'o/ /gang la rnam pa'i khyad par yod pa de ni rnam pa'i khyad par can no//de nyid ni sngon po la sogs pa'i rnam pa dang ldan pa zhes bya bas rnam par 'grel par byed do/ /rnam pa des zhes bya ba ni sngon po la sogs pa'i rnam pa des so/ /snga ma bzhin du zhes bya ba ni ci ltar tshad ma'i rnam par gzhag pa bshad pa yin te/ thams cad la nyams su myong ba'i bdag nyid du khyad par med pa'i don dang 'dra ba med par las so so'i rnam par dbye bar mi 'gyur ro//ji ltar myong bar bya ba'i rnam pa las bzlog pa zhes bya ba ni shes pa'i rnam pa nyid rtag tu myong ba'i phyir ro zhes bya bar dgongs so/ /'di la don khyad par du byed pas na khyad par ro/ /shes pa nyid khyad par yin pas na mthong ba'i khyad par ro//shes pa la gzhag pa'i don rtag tu rtogs pa'i phyir de skad du bstan te/ tha dad pa med par dmigs pa'i phyir ro zhes bya ba'i don to zhes bya ba ni gtan tshigs kyi don gsal bar byed pa yin te/ gcig tu dmigs pa'i phyir zhes bya ba'i don to/ /shes pa la nyams su myong ba gnyis yod pa ma yin na/gang gis na bdag dang sngon po la sogs pa dmigs pa yin/ 'on kyang rang la dmigs pa kho na sngon po la sogs pa yin zhing / sngon po la sogs pa nyid kyang shes pa la dmigs pa yin te/ sngon po la sogs pa'i nyams su myong ba ma gtogs par gzhan mig la sogs pa'i rnam par shes pa yod pa ma yin no//de'i phyir tha dad par snang ba nyid yin na yang zhes bya ba ni ji ltar 'khrul pa bzhin du zhen pa la brten nas de skad du brjod do/ /de kho na nyid du ni bde ba la sogs pa myong ba nyid sngon po la sogs pa'i myong ba yang gnyis su med pa nyid yin no zhes rgyas par bstan zin to//gcig nyid du dmigs pa'i phyir zhes bya ba ni tha dad pa med par dmigs pa'i phyir ro zhes bya ba'i don to/ /de bas na rang gi sems las byung ba dang rgyud gzhan gyi sems dang sems las byung ba dag gi sgo nas 'khrul par brjod pa gang yin pa de dag ni gtan tshigs kyi don mi shes pa yin no zhes gsal bar rtogs par 'gyur ro//sems dang sems las byung ba dag la gcig tu dmigs pa yod pa ma yin te/ thams cad so sor tha dad par bdag nyid nyams su myong ba'i bdag nyid can yin pa'i phyir ro/ /gcig nyid du dmigs pa'i gtan tshigs la 'gal bar brjod pa yang ring du gsal ba yin no//cig car dmigs pa'i phyir zhes bya ba'i gtan tshigs kyi don la 'gal bar dogs par 'gyur te/ cig car ba la sna tshogs pa nyid 'khrul pa med pa'i phyir ro/ /'di la nges pa nyid kyang yod pa ma yin te bzlog na gnod pa can gyi mi srid pa'i phyir ro/ /'di ltar shes pa gcig la bdag nyams su myong ba dang gzhan nyams su myong ba mi rung ngo zhes bstan zin to//gcig la rang bzhin gnyis 'gal ba'i phyir ro/ /gtan tshigs ma grub pa yang 'di nyid kyis bsal ba yin no/ /kho bo cag gis don 'di yang gzhan du rgyas par dpyad zin pas re zhig gzhag go/ / zla ba gnyis pa bzhin no zhes bya ba ni/ dper na 'khrul pas zla ba gnyis par shes pas gcig tu dmigs pas de las tha dad pa med pa de dang 'dra'o zhes bya ba'i don to/ /dkar po snang ba'i ngang tshul can gyi shes pa dang 'bras bur gyur pa zhes bya bar tshig rnam par sbyar ro/ /'ga' zhig rnam par shes pa ni/ / zhes bya ba ni 'jug pa'i rnam par shes pa las gang yang rung ba'o/ /nang gi bag chags zhes bya ba ni kun gzhi rnam par shes pa la gnas pa'i nus pa'o/ /rab tu sad par byed pa ni khyad par can gyi rnam par shes pa bskyed par bya ba la nus pa thogs pa med pa skyed par byed pa'o/ /des na shes pa gang gi zhes bya ba ni sngon po la sogs pa'i shes pa skye bar 'dod pa'i lhan cig byed par gyur pa'i shes pa gang yin pa rab tu sad par byed pa 'byung bar 'gyur ba zhes bya ba 'di dang sbyar ro//skad cig ma re re'i nus pa'i rang bzhin gzhan dang gzhan gyis te/ skad cig ma khyad par can phyi ma phyi ma gzhan skyed par byed pas so//yongs su gyur pa zhes bya ba ni 'bras bu skyed pa'i mtshan nyid do/ /nye bar 'gro ba ni kun gzhi zhes bya ba'i rnam par shes pa'i bdag nyid du byed pa na'o/ /de'i phyir shes pa gcig la ma rig pas bslad pa'i phyir tshul gnyis yod ces bya ba la sogs pa la/ tshul gnyis bzhin du snang ba'i phyir tshul gnyis yod ces brjod de/ji ltar 'khrul pa bzhin du rnam par gzhag pa'i phyir ro/ /shes pa de tshul gnyis pa nyid ni ma yin te gnyis med pa nyid yin pa'i phyir ro/ /gang gi tshe grub pa de'i dngos zhes bya ba la sogs pa ni phyi rol gyi don khas blangs nas de skad du brjod do/ /rnam par rig pa de'i de ltar myong ba yin/'dod pa dang mi 'dod pa'i sgo nas yul nyams su myong ba zhes bya ba ni rnam par rig pa nyid yul nyams su myong ba yin no/ /'on kyang yul rtags par bya ba bzhin du sgro btags nas de la nyams su myong ba zhes tha snyad du byas pa yin no/ /de dang des phyi rol gyi don la phyi rol gyi gzhal byar rtogs pa ni 'bras bu yin gyi re zhig rang rig pa ni ma yin no zhes bshad do//phyi rol gyi don yod pa la 'bras bu'i rnam par rtog pa gnyis pa bshad pa yin no zhes bya ba ni shes bya nang gi yin par smra ba'i 'bras bu'i rnam par rtog pa la ltos nas gnyis pa zhes bstan te/ gang gi tshe grub pa de'i dngos zhes bya ba la sogs pa'i gzhung 'dis/byed dang bcas par rtogs nyid phyir/ /tshad ma'i 'bras bu nyid 'gyur ba'i/ /zhes bya ba la sogs pa tshad ma kun las btus pa'i mngon sum gyi le'u'i gzhung du ji lta bur gyur pa'i 'bras bu mngon par bzhed pa de bshad pa yin par blta bar bya'i rang rig pa'i 'bras bu ni ma yin no//de bas na 'og nas tshad ma kun las btus pa'i gzhung la phyi rol gyi don rtogs pa 'bras bu rnam par gzhag pa de 'dra ba yod pa ma yin no/ /tshad ma kun las btus pa'i gzhung gang yin pa 'di la gang gi tshe phyi rol gyi don gzhal bya yin pa de'i tshe/ yul snang ba 'di'i tshad ma yin zhes bya ba la sogs pa ni phyi rol gyi don yod par smra ba la yang rang rig pa 'bras bu yin par rigs so zhes 'bras bu'i rnam par rtog pa gsum pa ston par byed pa yin no/ /de yang 'og nas 'chad par 'gyur ro/ /phyi rol gyi don med pa la/ /rang rig pa ni 'bras bu yin/ / zhes brjod nas/ don nges pa ni de dngos yin/ /zhes bshad do/ /de'i 'brel pa ni gang gi tshe yul dang bcas pa'i shes pa don yin pa de'i tshe rang rig pa dang rjes su mthun pa de'i don rtogs pa 'dod pa dang mi 'dod pa zhes bya ba yin no/ /de nyid ni/ gang tshe yul bcas shes pa yi/ /zhes bya ba la sogs pa smos te/yul dang bcas par zhes bya ba la sogs pas 'chad par byed do/ /rnam par rig pa tsam nyid kyi 'bras bu'i rtog pa 'di bshad do zhes bya ba ni/ rang rig pa ni 'bras bu yin/ /zhes bya ba ni 'dis rang rig pa tsam gyi 'bras bu'i rnam par rtog pa gang yin pa de don nges pa ni de dngos yin zhes bya ba la sogs pa'i gzhung gis bshad cing rtogs pa bsgrubs zhes bya ba'i don to//rnam par rig pa tsam nyid kyi sngar bshad pa'i 'bras bu'i rnam par rtog pa las 'di 'bras bu'i rnam par rtog pa gzhan yin no zhes blta bar mi bya ste/ de nyid 'dis bstan pa'i phyir ro/ /de ltar na re zhig tshad ma kun las btus par 'bras bu'i rnam par rtog pa gnyis bshad pa la/phyi rol gyi don khas blangs nas phyi rol gyi don myong ba 'bras bu yin zhing don med pa la rang rig pa 'bras bu yin no/ /da ni phyi rol gyi don la rang rig pa 'bras bu yin no zhes bstan pa'i phyir/ phyi rol don dag yod na yang //zhes bya ba la sogs pa smos so/ /gcig la blo rnam pa du ma can du 'gyur bas na don yang rnam pa du ma can thob par 'gyur te zhes bya ba ni don gyi dbang gis blo rnam par gzhag pa na rtogs pa tha dad pa'i sgo nas blo la rnam pa ji srid snang ba de dag thams cad don la brten par thal bar 'gyur ro//de ltar na don yang rnam pa du ma can du 'gyur ro/ /'di ni lan nyid ma yin te/ /zhes bya ba la sogs pa ni grub pa'i mtha'i smra ba'i yin no/ /lus dang sems kyi 'gyur ba dbang po'i rnam par shes pa 'khrul pa'i rgyu 'chi ba ston par byed pa ni 'chi ltas yin no/ /mtshams sbyor ba med pa yang gang yin zhe na/rnam pa gzhan nyid du'o zhes bya ba smos so/ /srog chags kyi khyad par zhes bya ba ni dud 'gro'i bye brag ste/ rdzas gcig la rgyab kyis phyogs pa srid pa'i phyir ro/ /gal te de ni dbang po la gnod pa byas pa la yin no zhe na zhes bya ba ni 'di skad du srog chags kyi khyad par rdzas 'ga' zhig la rgyab kyis phyogs pa gang yin pa de dngos po de la sngar dbang po la gnod pa byas pas rgyab kyis phyogs pa de bas na de mthong ba las de'i dran pa sad pas yid kyi shes pa rgyab kyis phyogs pa dang 'brel pa skye bar 'gyur gyi/dbang po'i shes pa 'gyur ba ni ma yin no zhes smra'o/ / gal te de phyi rol gyi don la myong ba 'bras bu yin zhing don dang 'dra ba nyid tshad ma yin pa de'i tshe/ tshad ma dang tshad ma'i 'bras bu dag ni yul tha dad par 'gyur te/ myong ba'i bdag nyid yul nyid yin pa'i phyir dang / don dang 'dra ba'i don yul nyid yin pa'i phyir ro zhe na/ de'i phyir don dam par 'di rang rig yin yang zhes bya ba la sogs pa smos pa la/'on kyang cha 'di tsam gyis zhes bya ba ni gang gi phyir don nges pa ni rang gi rig pa'i bdag nyid yin pa de'i phyir cha 'di tsam gyis te/ don rnam par gzhag pa'i mtshan nyid kyi rgyu nyid kyis so/ /nye bar btags nas zhes bya ba ni don rnam par gzhag pa'i rgyu yin pa'i phyir don dang 'dra ba zhes nye bar btags pa yin no//tshad ma kun las btus pa gang gi tshe phyi rol gyi don gzhal bya yin te zhes bya ba la sogs pa 'dis ni 'bras bu'i rnam par rtog pa gsum pa bshad pa yin no/ /des ni 'di skad du gang gi tshe phyi rol gyi don ni gzhal bya yin pa de'i tshe/ yul snang ba 'di'i tshad ma yin/ /zhes bya ba de lta bur gyur pa'i tshad ma kun las btus pa'i gzhung gang yin pa'i gzhung de las 'di tha dad par rig par bya ste/ gang gi tshe phyi rol gyi don ni gzhal bya yin no zhes bya ba la/ ni'i sgra ni yang gi sgra'i don yin no/ /rang rig pa'i 'bras bu yin no zhes bya bar sbyar ro//de'i tshe sgra khong nas dbyung bar bya ba yin no/ /des na ngag gi don ni gang gi tshe phyi rol gyi don yang gzhal bya yin pa de'i tshe rang rig pa 'bras bu yin no zhes bya ba 'di yin no/ /de bas na 'di 'bras bu'i rnam par rtog pa gsum par 'gyur ro/ /ji ltar phyi rol gyi don la rang rig pa 'bras bu nyid du khas len pa de ltar 'dzin pa'i rnam pa tshad mar khas blang bar bya'o//shes bya nang gi yin par smra ba'i phyogs kyi dogs pa bsal bar bya ba'i phyir/ yul snang 'di yi tshad ma yin/ /zhes bya ba'i gzhung 'di yin no/ /phyi rol gyi don du smra ba rang rig pa 'bras bu yin pa la brten pa na yul du snang ba nyid shes pa 'di'i tshad ma nyid yin gyi 'dzin pa'i rnam pa ni ma yin no//ji ltar de las gzhan pa'i rkyen nye ba na zhes bya ba ni gzugs dang snang ba la sogs pa nye ba na'o/ /de med na zhes bya ba ni dbang po med na'o/ /de ltar re zhig don yang rgyu yin no zhes bya ba ni da ltar dbang po dang yid la byed pa nye ba na yang sngon po la sogs pa stong pa'i sa phyogs la shes pa skye bar mi 'gyur ro//sngar ji skad bshad pa bzhin du nang gi bag chags kyis byas pa la yang 'dir 'bras bu ldog pa brjod par nus mod kyi/ 'on kyang khas blangs nas de bstan pa yin no/ /ji ltar 'dzin pa'i rnam pa tshad ma nyid yin par 'dod pa 'chad par 'gyur ba zhes bya ba la/de dag tshad ma'i 'bras bu yang / /'dzin pa'i rnam pa myong ba yin/ /zhes bya ba 'di la 'dzin pa'i rnam pa ni tshad ma yin no/ /snang ba can gang de gzhal bya/ /zhes bya ba la sogs pa'i skabs dang sbyor bar byed pa zhes bya ba la/ tshad ma kun las btus pa la snang ba can zhes bya ba la sogs pa bshad par bya ba'i gzhung gi skabs gang yin pa de dang sbyor bar byed ces bya ba'i don to//gal te sngags la sogs pa yi/ /zhes bya ba la sogs pa la/ lag pa la sogs pa'i rang bzhin du 'byung ba'o/ /gang gi phyir de ltar yin pa de'i phyir don dam par yod pa min yang gzung ba dang 'dzin pa rig pa zhes bya ba ni don dam par shes pa'i bdag nyid gcig yod pa ma yin na zhes bya ba'i don to//dpag bya dpog pa'i 'bras gnas pa/ /zhes bya ba la gal te yod pa ma yin pa de lta na yang 'di gzhal bya dang 'jal byed la sogs pa'i rnam par gzhag pa byas pa yin no zhes bya ba'i don to//de ltar na yod pa'i khyad par nye bar mtshon par byed pa zhes bya ba ni dngos po gang la yod pa ste/ de kho na nyid du 'dod pa'i khyad par gyi bye brag nye bar mtshon par byed pa'i rtags dngos po gang la yod pa de la de skad ces bya'o/ /dper na bde ba dang sdug bsngal la sogs pa lta bu'o zhes bya ba ni de'i khyad par ni yod pa nyid kyi phyir ro//de ltar na rnam par shes pa gcig la yang gal te dpag par bya ba la sogs pa'i khyad par yod par 'gyur na/ bde ba la sogs pa'i blo bzhin du du ma nyid du rjes su dpag par bya ba yin no/ /gal te shes pa yod pa'i khyad par gyi rnam pa dang ldan pa yin na yang gcig nyid du 'dod pa de ltar bde ba la sogs pa la yang gcig nyid du 'gyur ro//de yang mi 'dod do de ni bde ba la sogs pa gzhan la zhes bya ba la sogs pa smos so/ /gcig nyid yin par yang rigs pa ma yin te zhes bya ba ni blo gnyis su med pa'i ngo bo la gcig nyid rigs pa ma yin te/ji ltar blos yongs su gcad pa de ltar ngo bo des de gcig yin par mi rung ngo zhes de skad du ston par 'gyur ro/ /ngo bo gcig mthong ba med pa'i rgyu'i phyir ro zhes bya ba la 'khrul pa'i phyir zhes bya ba khong nas dbyung ngo / /'dzin pa'i rnam pa de ni de'i bdag nyid kyi phyir yongs su gcod pa'i rang bzhin nyid yin pa'i phyir te rang nyid rtogs pa'i rang bzhin yin pa'i phyir ro zhes bya ba'i don to//rgyu de'i phyir bdag rig ste/ 'dzin pa'i rnam pa de rnam par gzhag pa yin no zhes bya bar khong nas dbyung ngo / /rnam pa 'dis ni rang rig pa 'bras bur gyur pa de rnam par 'jog par byed pa ni 'dzin pa'i rnam pa yin no zhes bya ba'i don to//de nyid ni nyams su myong ba'i bdag nyid de gsal ba yin no zhes bya ba la sogs pas 'chad par byed do/ /de'i bdag yul can dpog pa la/ /zhes bya ba la sogs pas 'dis bsdus pa'i don ni shes bya nang gi yin pa'i phyogs la/gzhal bya 'jal byed 'bras gnas pa/ /zhes bshad pa gang yin pa phyi rol gyi don du smra ba la yang 'dod chags la sogs pa rang rig pa'i mngon sum sngar bshad pa la sbyar bar bya ste/ rang rig pa'i mngon sum la shes bya nang gi yin par smra ba/ gzhal bya dang 'jal byed dang 'bras bu bzhag pa mtshungs pa yin no zhes bya ba 'di yin no//de nyid ni de la 'dir rnam par rig pa tsam gyis zhes bya ba la sogs pas 'chad par byed do/ /'ga' zhig 'ga' zhig gi tshe 'gal ba yin no snyam du sems pa'i zhes bya ba ni/ slob dpon phyogs kyi glang pos 'dod chags la sogs pa rang rig pa yin no zhes gsungs pas bya ba'i mtshan nyid can gyi rang rig pa 'bras bu'i bdag nyid can la tshad ma nyid du bshad do lo'o//da ni 'dzin pa'i rnam pa zhes bya ba rung ba nyid tshad ma nyid du bshad pa de ltar 'gal ba yin no snyam du sems te/ don la phyin ci log tu sgro 'dogs pa'i phyir ro/ /rang rig pa zhes bshad pa gang yin pa de yang zhes bya ba ni slob dpon gyis 'dod chags la sogs pa'i rang rig pa ni 'bras bu yin no zhes bshad pa gang yin pa'o//byed pa byed pa por byas nas/ /zhes bya ba ni 'dzin pa'i rnam pa'i mtshan nyid kyi rung ba nyid gang gis rang nyid kyi bdag nyid kyi ngo bo nyams su myong ba de rang rig pa yin pa'i phyir yin gyi myong ba'i sgra dngos po sgrub pa ma yin no//yul dag yul nyid yin 'dod de/ /zhes bya ba ni gzhan dbang po la sogs pa rnam par shes pa'i rgyu nyid du mtshungs pa na yang sngon po la sogs pa yul nyid yin par 'dod kyi dbang po la sogs pa ni ma yin no zhes bya ba'i don to//'das ma thag pa'i rnam pas blo tshul gnyis nyid du grub pa yin no zhes bya ba ni yul dag yul nyid du rnam par gzhag pas so/ /rnam pa med pa can gyi rnam par shes pa la yul so sor nges pa'i rnam par gzhag pa nyid mi 'gyur ro/ /de bas na yul gyi rnam pa can gyi shes pa dang de las nyams su myong ba'i rnam pa yin pa de ltar na tshul gnyis pa nyid grub pa yin no//de'i yul du snang ba'i zhes bya ba la sogs pa la de'i tshe zhes bya ba ni phyi rol gyi yul gyi rnam pa 'di yin gyi shes pa'i ni ma yin no zhes bya ba'i the tshom yod pa ma yin te/ de'i tshe yul 'gags pa nyid kyi phyir ro/ /gal te rnam par rtog pa'i rnam par shes pa dang dus mtshungs par 'byung ba'i ngang tshul can gyi rnam pa ni 'das pa'i yul gyi yin par 'gyur ro zhe na/de ltar yul gyi rnam par snang ba de ni zhes bya ba la sogs pa smos te/ shes pa dang dus mtshungs pa nyid kyis da ltar nyid du snang ba ni'o/ /don ldan pa yin zhing shes pa la yang don gyi rnam pa'i dogs pa dang bral ba nyid ma yin no zhes bya ba ni ji ltar mig la sogs pa'i shes pa don dang ldan pa la sngon po la sogs pa'i rnam pa 'di nyid phyi rol gyi don yin gyi rnam par shes pa ma yin no zhes de ltar dogs pa de bzhin du/'das pa la dmigs pa'i rnam par rtog pa'i shes pa 'di la yang don gyi rnam pa'i dogs pa dang bral ba nyid ma yin te/phyi rol na yod pa'i rigs de'i rnam pa can yin pa'i phyir ro/ /de ldan min zhes bya ba ni sngon po'i rnam pa dang ldan pa ma yin no/ /bya ba 'di la zhes bya ba ni rnam par rtog pa'i rnam par shes pa'i bya ba la'o/ /don gyi nus pa zhes bya ba ni phyi rol gyi yul gyi nus pa'o//'das pa la dmigs pa'i shes pa'i yul gyi zhes bya ba la sogs pa ni gzhan gyi yin te/ dran pa'i shes pa yul gyi rnam pa can tshul gnyis pa yin pa ni bla ste zhes bya ba'i don to/ /nyams su myong ba ste mig gi rnam par shes pa la sogs pa yul gyi rnam pa can yin no zhes bya ba de gang las yin/de rnam pa med par 'gyur ba yin pa de ltar na yang yul can gyi shes pa thams cad tshul gnyis par ma grub pa yin no snyam du sems so/ /'di ltar zhes bya ba la sogs pas lan 'debs par byed de/ don gyi rnam pa gang las yin/ /zhes bya ba ni dran pa gang yin pa 'di'i yul mi gsal ba'i rnam pa de gang las yin/yang gi sgra ni rim pa gzhan du sbyar ba yin te zhes bya ba ni don gyi rnam pa de yang med na zhes bya ba 'dir yang gi rnam pa gang yin pa de gsal ba'i rnam pas dben pa'i phyir yang zhes bya ba la sbyar bar bya bar rig par bya'o/ /des na ngag gi don ni gsal ba'i rnam pas dben pa'i phyir dang don med pa'i phyir yang zhes bya ba 'di yin no//don gyi rnam pa yod pa ma yin no zhes bya ba ni don gyi rnam pa'o/ /'dir bsdus pa'i don ni ji ltar mig la sogs pa'i yul gyi don gyi phyi rol gyi ngo bo gcig gis rtogs pa'i dus na gzhan gyis kyang 'dzin pa de bzhin du yid kyi rnam par shes pa'i yul yang gal te phyi rol gyi ngo bo yin pa de'i tshe skyes bu gcig gis rtogs pa'i dus na skyes bu yul mtshungs pa na gnas pa gzhan gyis kyang gzhan las thos pa med par yang bzung bar 'gyur na bzung ba yang ma yin te rtogs pa med pa'i phyir ro// de ltar na de ni phyi rol gyi nyid yin par rtogs par bya'o zhes bya ba 'di yin no/ /de nyid ni de la chod pa med pa'i phyir ro zhes bya ba smos so/ /brjod kyang rtogs par mi 'gyur ro zhes bya ba ni bstan bcos mdzad pas gsungs pa yin no/ /mig kyang chod pa yin pa'i phyir ro zhes bya ba ni gzhan gyi lus kyi nang na gnas pa'i dngos po 'dzin pa la mig gi dbang po rnam par chod pa yin pa'i phyir ro//bdag dang 'brel pa'i phyir 'dzin pa ma yin no zhes bya ba ni lan nyid ma yin no zhes bya ba ni brjod kyang rtogs par mi 'gyur ro zhes bya ba'i gzhung gis lan nyid ma yin par bstan pa'i phyir ro/ /skyes bu thams cad ces bya ba la sogs pa'i gzhan gyi bsam pa'i dogs pa bsu ba yin no//so so rang gis zhes bya ba ni so so rang gis yang dag par myong ba dang / skyes bu so so tha dad pa dang thun mong ma yin pa zhes bya ba'i don to/ /de'i phyir bdag dang 'brel pa'i don sgras bstan par bya ba skyes bus rig pa yin pa zhes bya ba ni gang gi tshe yid kyi yul gyi don 'chad pa pos mngon par dpyad nas gzhan la tshig gis ston par byed pa de'i tshe 'chad pa pos dpyad pa'i don nyan pa pos rtogs par 'gyur mod kyi/'on kyang bdag dang 'brel pa'i don rig pa yin no zhes bya ba'i don to/ /de bas na brjod kyang rtogs par mi 'gyur ro zhes bya ba la sogs pa bshad pa gang yin pa de grub pa la sgrub pa yin te/'chad pa pos dpyad pa'i don la nyan pa pos 'dzin pa med pa'i phyir ro zhes bya bar bsams pa'o/ /gal te da lta yin pa zhes bya ba ni gal te yid kyi rnam par shes pa'i yul don tha dad pa nyid du 'chad pa po dang nyan pa pos rtogs pa yin pa'o//bdag nyid ji ltar 'brel pa zhes bya ba ni bdag nyid so so tha dad pa zhes bya ba'i don to/ /gang la de'i rang bzhin yod pa ma yin pa zhes bya ba ni thun mong ma yin pa la thun mong gi rang bzhin yod pa ma yin no/ /der snang can ni ma yin pa/ /zhes bya ba ni yid kyi yul gyi rnam pa thun mong ma yin pa de dang bral ba ste/rnam pa gcig pa can zhes bya ba'i tha tshig go/ /'gyur bar ni 'dod mod kyi yid kyi yul gyi shes pa'i rnam pa nyid phyi rol gyi ma yin pa gang yin pa de'i yang shes pa'i rnam pa thun mong ma yin pa nyid yin pa'i phyir/ ji skad du bshad pa'i 'chad pa po dang nyan pa po dag gi sems mtshams sbyor bar byed pa ma yin no zhe na/de la shes pa'i rnam par smra ba dag la ni zhes bya ba la sogs pa smos so/ /tha snyad 'di thams cad ni blos bslad pa can gyi yin pa zhes bya ba ni rang snang ba med na yang rab rib can gnyis kyis zla ba gnyis mthong ba bzhin du 'khrul pas gcig tu zhen pa yin no zhes bya ba'i don to//yang gi sgras ni phyi rol gyi don la mngon par zhen pa la gal te yid kyi rnam par shes pas gzung bar bya ba don tha dad par gyur pa de'i tshe ji ltar skyes bu 'ga' zhig gis dran pa na de'i rnam pa rtogs par 'gyur ro/ /de'i rnam pa rtogs par 'gyur ba de ltar tha dad pa'i rnam pa de gzhan gyis kyang rtogs par 'gyur ro zhes sngar bshad pa de yang shes pa'i rnam par smra ba la skyon yod pa ma yin no zhes bstan par bya ba'i phyir bdag nyid ji lta ba bzhin gyi rnam par shes pa las tha dad pa med par zhes bya ba la sogs pa smos so//de yang nyams su myong zhes bya ba la sogs pas tshigs su bcad pa nye bar bkod nas tshigs su bcad pa 'ba' zhig bshad pa ma byas par re zhig /yul shes de yi shes pa yi/ /bye brag las ni tshul gnyis nyid/ /ces bya ba la sogs pa tshad ma kun las btus pa'i gzhung 'grel pa byed pa rang nyid yul shes pa ni gzugs la sogs pa 'dzin pa ste/mig la sogs pa'i rnam par shes pa'o zhes bya ba la sogs pas 'chad par byed do/ /yul shes pa dang de shes pa dag gi bye brag ces 'grel pa byed pa kha cig gi zlas dbye ba'i snying po can gyi de'i skyes bu'i drug pa yin par rtogs so/ /de yang rigs pa ma yin te gang gi phyir rnam pa med pa yin na yang rnam par rtog pa dang rtog pa med pa rang gi mtshan nyid tha dad pa'i sgo nas yul shes pa dang de shes pa dag gi bye brag gzhan gyis de'i tshe brjod par nus pa de'i phyir bsdu ba gzhan bstan pa'i phyir yul shes pa la de'i shes pa ni yul shes pa de'i shes pa ste/yul shes pa la de'i shes pa zhes bya ba ni sbyor ba'i bye brag las bdun pa zhes bya ba'i bsdu ba yin par bstan to//yul gyi shes pa dmigs par gyur pa'i rnam pa des yul gyi rnam par bsgyur ba nyams su myong ba'i shes pa 'di yin no zhes bya ba de lta bu'i mtshan nyid kyis 'jug pa phyis 'byung ba rtog pa dang bcas pa'i shes pa ni yul shes pa de'i shes pa zhes brjod do//de ltar bsdu ba la brten nas de'i sgra smos pa 'bras bu dang ldan par 'gyur ba ste/ yul gyi shes pa phyis 'byung ba'i shes pas bzung ba na/ yul gyi rnam pa dang rjes su 'brel pa yul gyi shes pa 'di yin no zhes bya ba'i rnam pa 'dis 'dzin par byed do zhes don de bshad pa'i phyir ro//de ltar na nga'i sngon po shes pa dang ser po shes pa 'byung ba yin no zhes yul gyi rnam pa dang rjes su 'brel pa'i yul gyi shes pa gang yin pa de 'dzin par byed pa'i shes pas gzung bar 'gyur ro/ /de nyid gsal bar bya ba'i phyir yul gyi rnam pa shes pa rtogs pa zhes bya ba smos te/ yul gyi rnam pa nyams su myong ba'i shes pa ni 'di yin no zhes bya ba'i rnam pa 'dis rig pa zhes bya ba'i don to//de nyid bye brag yin te zhes bya ba ni yul gyi shes pa ste shes pa nyid bye brag yin no zhes bya bas ni las 'dzin pa bstan to/ /yul gyi shes pa yul gyi rnam pa dang rjes su 'brel pa nyid du rang 'dzin par byed pa'i shes pas 'dzin pa gang yin pa de nyid bye brag yin te/yul shes pa'i shes pa bzung ba'i rnam pa nyid du yul gyi shes pa bye brag tu byed pa'i phyir ro/ /de nyid ni nyams su myong ba'i rnam pa'i khyad par las zhes bya ba'i don to zhes smos te/ yul gyi rnam pa nyams su myong ba'i shes pa yin no zhes bya ba'i rnam pa 'dis shes pa'i shes pa 'jug pa yul shes pa'i nyams su myong ba'i rnam pa 'dzin par byed pa zhes bya ba de las khyad par du gyur pa yin te/sngon po la sogs pa'i rnam pa bzung ba nyid kyi sgo nas yul gyi shes pa rnam par 'jog pa'i phyir ro/ /de bas na ji srid du yul gyi rnam pa nyid du yul gyi shes pa rang 'dzin par byed pa na/ yul gyi rnam pa can gyi yul shes pa yin pa'i phyir tshul gnyis pa yin no zhes bshad pa de srid du/ yul shes de yi shes pa yi/ /bye brag las ni tshul gnyis nyid/ /ces bya ba yin no/ /de bas na gtan tshigs kyi don phyis gsal bar byed par 'gyur ro/ /ci'i phyir yul gyi ngo bo sgrub pas shes pa de tshul gnyis nyid du bsgrub par bya ba yin gyi 'dzin pa'i rnam pa yang sgrub pa ma yin zhe na/de'i phyir de la 'dir blo ni/ /zhes bya ba la sogs pa smos te/ 'ga' zhig blo ni nyams su myong ba'i rnam pa mi 'dod de/ rtogs pa'i ngo bo nyid du khas mi len na blo nyid du mi 'gyur ro/ /de nyid kyi phyir zhes bya ba ni tshad ma kun las btus pa mdzad pa ston par byed do//don gyi rnam pa nyid kyis rang nyid rtogs pa'i ngo bo rtogs par 'gyur bar snang ba de ltar na don du rang snang ba yin no/ /de ltar na don gyi rnam pa nyid bya ba nyid yin pas na bsgrub par bya ba bshad par 'gyur ro/ /don du snang ba dang rang snang ba zhes bya ba ni bsdus pa'i don yin no//don du rang snang ba zhes bya ba ni dam bcas pa gsungs pa yin no zhes bya ba 'di dang sbyar ro/ /sgrub par byed pa'i 'bras bu ston par byed ces bya ba'i don to/ /sbyor ba'i dus na dam bca' ba sbyor ba yod pa ma yin no/ /yul shes pa'i shes pa gang yin pa de zhes bya ba ni zhes bya ba kun las btus pa'i gzhung yin no//'di'i bshad pa ni yul gyi rnam pa 'dzin pa'i ngang tshul can gyi rtogs pa'o zhes bya ba yin te/ yul gyi rnam pa nyams su myong ba'i shes pa zhes bya ba'i rnam pa 'dis 'dzin pa'i ngang tshul gang la yod pa de la de skad ces bya'o/ /de ni yul dang rjes su mthun pa'i shes pa snang ba can zhes bya ba ni/yul dang rjes su mthun pa ste/ yul gyi rnam pas nye bar bsgyur ba nyams su myong ba'i shes pa shes pa gang la snang ba ste/ gzung ba'i rnam pa yod pa de la de skad ces bstan to/ /de'i bshad pa ni yul gyi rnam pa can gyi rnam par shes pa la dmigs pa nyid kyi phyir ro zhes bya ba ni gtan tshigs kyi don yin no zhes bya ba yin te/yul gyi rnam pa nyams su myong ba'i shes pa la dmigs pa gang la yod pa de la de skad ces bya'o/ /de'i dngos po yin pa de'i phyir ro/ /gtan tshigs kyi don dngos ston par byed pas na gtan tshigs kyi don to/ /gtan tshigs kyi don ni dngos su 'di 'dra ba yin par rig par bya ste/rang 'dzin par byed pa'i shes pas yul gyi rnam pa nye bar bsgyur bas gzung ba nyid kyi phyir yul gyi shes pa bzung ba'i rnam pa dang rjes su 'brel pa yin no/ /sbyor ba ni 'chad par 'gyur ro/ /rang snang ba zhes bya ba ni kun las btus pa'i gzhung yin no/ /rang nyid rtogs pa'i ngo bor snang ba yin pa de ltar na rang snang ba'o//de nyid ni yul gyi rnam pa can gyi rnam par shes pa snang bar gyur pa ste zhes bya ba la sogs pas 'chad par byed do/ /'dis kyang shes pa'i shes pa yang gzung ba'i rnam pas bsgyur ba nyid yin par gtsor bstan to/ /de lta ma yin na gal te yul gyi ngo bo kho na shes par 'gyur ba yin gyi rang gi ngo bo ma yin pa zhes bya ba'i kun las btus pa'i gzhung 'di ni tshul gnyis las bzlog par bya ba'i phyir ro//de lta ma yin na gal te yul gyi ngo bo kho na 'ba' zhig yul gyi shes par 'gyur ba yin gyi/ rang gi ngo bo ma yin pa'am/ nyams su myong ba'i zhes bya ba la sogs pas spel nas 'chad pa yin no//yul gyi ngo bo kho na shes par 'gyur ba yin gyi zhes bya ba de ni tshul gnyis las bzlog pa tsam rab tu bstan pa'i phyir smos pa yin gyi 'ga' zhig kyang yul gyi ngo bo nyid shes pa yin par mi 'dod do/ /yul gyi ngo bo nyid 'ba' zhig yin na rtogs pa'i ngo bor gyur pa yul bzhin du shes pa ma yin pa'i rang bzhin du thal ba'i phyir ro//rang gi ngo bo zhes bya ba ni brtsad pa'i gzhir gyur pa nyid kyis nye bar bkod pa yin no/ /de ltar ni shes pa rnam pa med pa yin no zhes dpyod pa pa la sogs pas rtogs so/ /de'i tshe shes pa'i shes pa yang ste/ yul shes pa'i shes pa yang yul shes pa'i shes pa dang bye brag med par 'gyur te zhes bya ba ni mi 'dod pa ston pa yin no//de yang yul gyi shes pa ni nyams su myong ba'i bdag nyid yin gyi yul gyi rnam pa can ni ma yin no zhes bya ba de khas len pa la blta bar bya'o/ /bye brag med par 'gyur te zhes bya ba 'di'i bshad pa ni khyad par med na zhes bya ba yin no/ /yul gyi shes pa dmigs par gyur pas 'dzin par 'dod pa'i shes pa yul gyi rnam pa can gyi rnam par shes par snang ba dang bye brag med par 'gyur ro zhes bya ba'i don to//gal te nyams su myong ba'i rnam pa can 'ba' zhig yul shes pa yin pa de'i tshe rang 'dzin par byed pa'i shes pa yang yul shes pa 'di nyams su myong pa'i rnam pa can yin no zhes bya ba de tsam gyi sgo nas skye bar 'gyur gyi/yul gyi rnam pa 'di nyams su myong ba'i shes pa yin no zhes bya ba'i rnam pa 'dis ni ma yin no zhes bya ba ni bsdus pa'i don yin no/ /dmigs pas bdag la med pa'i rnam pa rang 'dzin par byed pa 'khrul pa med pa la 'jog par byed pa ma yin no//de nyid gsal bar bya ba'i phyir yul nyams su myong ba'i rnam pa'i yul can gyis skyed par mi 'gyur ro zhes bya ba ni sngon po la sogs pa'i yul nyams su myong ba zhes bya ba de lta bu'i rnam par shes pa'i shes pa gang la yod pa ni yul nyams su myong ba'i rnam pa'i yul can gyis skyed par mi 'gyur te/yul gyi shes pas skyed par mi 'gyur ro zhes bya ba'i tha tshig go/ /yul gyi shes pa ni de'i yul yin no/ /de bas na zhes bya ba la sogs pas 'grel pa byed pa nyid kyis skyon sdud par byed do/ yul gyi shes pas shes pa yul nyams su myong ba'i rnam par bskyed par bya ba ma yin pa 'ba' zhig tu ma zad kyi yul gyi shes pa de yang yul gyi rnam pa dang bral ba nyid yin na yul sngon po la sogs pa nyams su myong ba nyid 'grub par mi 'gyur te don dang 'dra ba med par yul nyams su myong bar mi 'gyur ro//'di ltar yul shes pa ni zhes bya ba la sogs pas de nyid gsal bar byed do/ /de shes pa ste zhes bya ba ni yul shes pa 'dzin par byed pa'i shes pa'o//yul gyi rnam pa shes pa 'dzin pa'i ngang tshul can du zhes bya ba ni yul gyi rnam pa nyams su myong ba'i shes pa zhes bya ba 'dzin pa'i ngang tshul gang la yod pa de la de skad ces bya'o/ /de ltar na dmigs pa dang rjes su mthun pa'i shes pa skye bar 'gyur ro//de lta ma yin na zhes bya ba ni yul gyi shes pa yul gyi rnam pa dang bral ba nyid yin par 'dod na shes pa'i shes pas yul gyi rnam pa nyid kyis yul gyi rnam pa can du yul gyi shes pa 'dzin par mi 'gyur te/ skad kyi dbyings ni don du ma can nyid yin pa'i phyir ro/ /yul gyi rnam pa ma yin pa'i gzung ba la yul gyi rnam pa nyid du 'dzin pa rigs pa ma yin no//yang na yul gyi rnam pa nyid kyis yul gyi shes pa bye brag tu mi 'gyur ba ste/ gzung ba'i rnam pa las tha dad pa'i gzung ba'i rnam pas yul gyi shes pa khyad par du gyur pa ma yin no zhes bya ba'i don to/ /sngon po la sogs pa nyams su myong ba'i ngo bo nyid de de yul gyi shes par mi 'gyur te don dang 'dra ba med pa'i phyir ro//des ni sngar bshad pa'i don rjes su bstan pa yin no/ /thal ba bzlog pa bstan pa'i phyir 'dzin pa dang 'gyur ba yang yin te/ de ji skad du bshad pa'i rang bzhin can yin pa zhes bya ba ni thal ba bzlog pa yin no/ / yul gyi rnam pa shes pa nyid du shes pa'i shes pa 'dzin par byed pa dang / nyams su myong ba'i shes par 'gyur ba de ni ji skad du bshad pa'i rang bzhin yang yin pa de ltar na yul gyi shes pa de ni sngon po la sogs pa'i nyams su myong ba'i rang bzhin du 'gyur ro/ /de'i phyir de la yang ste nyams su myong ba'i shes pa la yul gyi rnam pa yod pa yin no//cha gnyis dmigs pa can gyi zhes bya ba ni shes pa'i shes pa yul gyi rnam pas bsgyur ba nyams su myong ba 'di yin no zhes 'jug pa na yul gyi shes pa'i gzung ba'i cha dang 'dzin pa'i cha la dmigs pa yin gyi 'dzin pa'i cha 'ba' zhig la ni ma yin no/ /'di ni byed pa po'i gsum pa yin no//rnam pa gcig las khyad par can/ /zhes bya ba ni de lta bur gyur pa'i mtshan nyid kyi gsum pa yin no/ /nyams su myong ba'i rnam pa gcig las khyad par du gyur pa ni yul gyi rnam pa yin te zhes bya ba ni re zhig yul shes pa'i nyams su myong ba'i rnam pa gcig yin par 'dod pa de bzung nas de las gzhan pa'i gzung ba'i rnam pa'i mtshan nyid kyi rnam pa dang rjes su 'brel pa yin te/sngon po la sogs pa'i nyams su myong ba 'di yin no zhes de ltar yongs su gcod pa'i phyir ro// //tshad ma rnam 'grel gyi 'grel bshad/ bam po lnga bcu rtsa brgyad pa/ de la 'dir nyams su myong ba'i shes pa ni nye bar mtshon pa tsam yin te zhes bya ba ni tshigs su bcad pa'i nyams su myong ba'i shes pa gang yin pa smos pa'o//dpyod pa'i shes pa yang zhes bya ba ni rnam par rtog pa'i shes pa yang ngo / /de'i shes pas zhes bya ba ni dpyod pa'i shes pa 'dzin par byed pa'i shes pas so/ /ji ltar bsams pa'i don gyi rnam pa nyams su myong ba dang 'dra ba zhes bya ba ni ji ltar bsams pa'i don gyi rnam pa nyams su myong ba dpyod pa'i shes pa nyid rtogs pa'i ngo bo nyid yin pa'i phyir nyams su myong ba zhes brjod do//'dra ba ni ji ltar bsams pa'i don gyi rnam pa nyams su myong ba zhes bya ba'i mtshan nyid du snang ba zhes bya ba'i don to//de ltar na dpyod pa'i shes pa 'dzin pa'i shes pa dpyod pa'i shes pa yul du gyur pa dang 'dra bar 'gyur bas na 'dra bar 'gyur ro/ /gzhan dag ni rang gi ngo bo zhes 'don par byed de/ de la yang bsams pa'i don gyi rnam pa nyams su myong ba'i rang gi ngo bor skyes pa de nyid la de'i rang gi ngo bo yin par blta bar bya'o//rang gi yul can gyi zhes bya ba ni dpyod pa'i shes pa'i yul can gyi'o/ /de bas na dpyod pa'i shes pa 'dzin pa'i shes pa yang dpyad pa'i rnam pa dang rjes su 'brel pa nyid kyis bye brag tu gyur pa de ltar na dpyod pa'i shes pa yang yul gyi rnam pa can yin no//shes pa 'di 'dra ba'i don dang ldan par 'gyur ro zhes bya ba la don dang ldan pa zhes bya ba 'dis gzung ba'i rnam pa ston par byed do/ /shes pa zhes bya ba 'dis ni 'dzin pa'i rnam pa ston par byed do/ /de ltar na nga'i bsam pa 'di 'dra bar gyur to zhes bya ba ni don gyi rnam pa 'di 'dra ba ste/ 'dis ni gzung ba'i rnam pa brjod do//bsam pa zhes bya ba ni 'dzin pa'i rnam pa brjod do/ /gang gi phyir 'di ltar yul gyi rnam pa can yul gyi shes pa de'i shes pas dmigs par 'gyur ba zhes bya ba la/ de'i shes pas yul gyi shes pa 'dzin par byed pas dmigs shing 'dzin par 'gyur ro/ /gang zhe na/ yul gyi shes pa dmigs par 'dod pa'o//ci lta bur gyur pa zhig ce na/ yul gyi rnam pa can te/ sngon po la sogs pa'i rnam pas nye bar bsgyur ba'o/ /de'i phyir de yul gyi rnam pa can yin no zhes bya ba ni yul gyi shes pa'o/ /de'i rnam pa can la dmigs pa zhes bya ba la sogs pas 'bras bu'i gtan tshigs nyid sgrub par byed do//de ltar na de'i rnam pa can la dmigs pa'i phyir zhes bya ba 'di ni gtan tshigs kyi don yin no/ /de'i rnam pa can la dmigs pa zhes bya ba'i rnam par gzhag pa 'di ni rtags su gyur ba don de'i rnam pa can gyi rgyu mtshan can nyid yin te/ don la yod pa'i rnam pas de rnam par gzhag pa nyid yin pa'i phyir ro/ / de nyid ni don de'i rnam pa can gyi rgyu can nyid yin pa'i phyir ro zhes smos te/ don gyi rnam pa rgyur gyur pa bsgrub par bya ba de la ji skad du bshad pa'i phyogs kyi chos 'di ni 'bras bu'i gtan tshigs su 'gyur ro/ /gzhan gyi tshe ni rang bzhin gyi gtan tshigs so zhes bya ba ni gal te ji skad du bshad pa'i rgyu dang 'bras bu nyid du mi 'dod pa de'i tshe rang bzhin gyi gtan tshigs nyid yin te/de'i rnam pa can gyi shes pas dmigs pa ltar na de'i rnam pa can nyid du rnam par gzhag pa ni de tsam gyi rgyu can nyid yin pa'i phyir ro/ /ci'i phyir de ltar yang 'gyur ba yin zhe na zhes bya ba la sogs pas 'dri ba 'god pas bzlog na gnod pa can gyi tshad ma bstan pas gtan tshigs kyi khyab pa nyid sgrub par byed do//de'i tshe de mi 'dod par 'gyur ro zhes bstan pa'i phyir/ shes pa'i phyi ma phyi ma zhes bya ba la sogs pa ni tshad ma kun las btus pa mdzad pas bstan pa yin no/ /shes pa phyi ma phyi ma zhes bya ba la sogs pa ni thal ba'i gzhung yin te/gal te yul gyi rnam pa dang bral ba 'di yul gyi shes pa yin par 'gyur ba 'di'i tshe/ shes pa'i shes pa yul shes pas bye brag tu gyur pa ma yin no zhes bya ba'i skyon 'di 'ba' zhig tu 'gyur bar ma zad kyi/ 'on kyang skyon gzhan 'di yang yod pa yin te/ shes pa phyi ma phyi ma skyes par gyur pa yul snga ma bskal par snang ba can du mi 'gyur zhing thob par mi 'gyur ro zhes bya ba'i don to//de nyid ni phyi ma phyi ma ste/ nyams su myong ba'i shes pa la de'i shes pa la sogs pa phyi ma skye bar mi 'gyur ro/ /ci ltar na zhes bya ba la sogs pas gsal bar byed do/ /phyi ma phyi ma ste zhes bya ba ni bshad par bya ba'i gzhung nye bar 'god pa'o//'di'i bshad pa ni nyams su myong ba'i shes pa la de'i shes pa zhes bya ba la sogs pa yin no/ /nyams su myong ba'i shes pa la de'i shes pa zhes bdun pa'i bsdu ba yin gyi 'di zlas dbye ba ni ma yin te/ nyams su myong ba'i shes pa ni phyi ma nyid du brjod par 'dod pa ma yin pa'i phyir ro//shes pa'i shes pa phyi ma yin no/ /shes pa snga ma'i yul zhes bya ba ni shes pa dang po 'byung ba'i yul sngon po la sogs pa ni/ shes pa phyi ma la ltos nas bskal pa la'o/ /phyi ma phyi ma 'dzin par mi 'gyur ro zhes bya ba ni bskal pa'i yul la cha'i rjes su 'brang ba can du mi 'gyur zhes bya ba'i don to//bskal pa'i yul la de 'dzin par 'dod pa ma yin te/ de dag ni de ma thag pa'i shes pa'i yul nyid yin pa'i phyir ro/ /de'i yul nyid ma yin pa'i phyir ro zhes bya ba'i kun las btus pa'i gzhung de'i bshad pa ni don snga ma de ni shes pa phyi ma phyi ma'i yul ma yin pa'i phyir ro zhes bya ba yin no/ /de bas na phyi rol gyi yul gyi stobs kyis shes pa'i shes pa la bskal pa'i yul snang ba ma yin no zhes bya bar dgongs so//'di ltar zhes bya ba la sogs pa ni thal ba bzlog pa ston par byed pa yin no/ /de bas na yul gyi rnam pa can gyi yul shes pa yin par 'dod par bya'o/ /gang la dmigs par byed pa'i shes pa dag la snga ma bskal pa'i yul snang ba yin no zhes bya bar dgongs so//yul gyi shes pa las byung ba'i yul gyi rnam pa'i stobs nyid kyis shes pa'i shes pa bskal pa'i yul du snang bar rig pa yin gyi gzhan du ni ma yin no/ /rnam pa re res lhag pa zhes bya ba ni de ma thag pa nyid gsal bar byed do//thal ba bzlog pa bstan to zhes bya ba ni 'di ltar yul snga ma zhes bya ba las brtsams nas bzlog pa ston pa yin no/ /bum pa nyams su myong ba'i shes pa'i shes pas zhes bya ba ni bum pa'i rnam pa nyams su myong ba'i shes pa gang yin pa de dmigs par byed pas zhes bya ba'i tha tshig go/ / bum pa nyams su myong ba'i shes pa zhes brjod pas shes pa dang pos bum pa'i rnam pa gcig gzung ba yin no zhes bya ba la sogs pa bstan to/ /bum pa'i rnam pa can gyi shes pa yin no zhes rtogs par 'gyur ro zhes bya ba ni/ bum pa'i rnam pa can gyi zhes rtogs par 'gyur zhing shes pa yin no zhes rtogs par 'gyur ro//de bas na shes pa dang po'i gzung ba dang 'dzin pa'i rnam pa gang yin pa de dag shes pa gnyis pa'i gzung ba'i rnam pa yin par 'dod pa de ltar na dang po'i shes pa las shes pa gnyis pa rnam pa gcig gis lhag pa yin no/ /de shes pa'i shes pas bum pa nyams su myong ba de'i shes pa gang yin pa de'i shes pa ste gsum pas so//bum pa'i shes pa'i shes pa yin no zhes bya ba ni bum pa'i shes pa gang yin pa de'i shes par gyur pa yin no/ /de bas na bum pa'i rnam pa dang bum pa'i rnam pa shes pa'i rnam pa dang / bum pa'i shes pa shes pa'i rnam pa ste/ gsum po de dag ni shes pa gsum pa'i gzung bar 'gyur ro//de nyid ni bum pa'i rnam pa dang bcas par bum pa'i shes pa'i shes pa rtogs par 'gyur ro zhes bya ba smos so/ /de bzhin du gzhan dag la yang zhes bya ba ni shes pa bzhi pa la sogs pa la yang rnam pa re res lhag pa nyid yin par rig par bya'o zhes bya ba'i tha tshig go/ /de bas na rnam pa gang dang gang gis shes pa phyi ma phyi ma'i shes pa snga ma snga ma 'dzin par byed pa'i rnam pa des de dang ldan pa yin no zhes bya ba 'di ni nges pa yin no//de lta ma yin na de lta bu'i ngo bo ma yin pa'i shes pa skye bar 'gyur/ de ltar na bzlog na gnod pa can gyi tshad ma mthong ba'i phyir khyab pa grub pa yin no//bsams pa 'di nyid kyi mdo mdzad pas gtan tshigs kyi khyab pa bstan to zhes bya ba khong nas dbyung ngo / /shes pa gnyis pa de ni yul shes pa 'dzin pa'i shes pa ni'o/ /don gyi ngo bos zhes bya ba ni gzung ba nyid kyis so/ /de ltar na yul shes pa la yod pa'i gzung ba dang 'dzin pa'i rnam pa gnyis dag kyang shes pa 'dzin pa'i shes pa'i gzung ba'i rnam par 'gyur te/de la de dag gzung ba nyid du snang ba'i phyir ro/ /de'i sgo nas 'ongs pa zhes bya ba ni dmigs par gyur pa yul shes pa'i sgo nas 'ongs pa'o/ /yul du snang ba dang rang snang ba'i mtshan nyid can dag ni zhes bya ba na gzung pa dang 'dzin pa'i rnam pa'i mtshan nyid can dag go//yul nyid du ste gzung ba nyid du'o/ /don gyi ngo bos zhes bya ba 'di'i 'grel pa yin no/ /gsum pas so zhes bya ba ni shes pa'i shes pa 'dzin pa'i ngang tshul can gyi shes pa'o/ /de ltar na yul gyi rnam pa can gyi shes par snang ba 'di shes pa gsum par yul shes pa 'dzin pa'i ngang tshul can gyi shes pa gzung bar bya ba yongs su gcod par 'gyur ro//de la yul gyi rnam pa can gyi shes par snang ba zhes bya ba 'dis ni 'dzin pa'i rnam pa dang rjes su 'brel pa yongs su gcod par 'gyur ro/ /shes pa zhes bya ba 'dis ni rang snang ba nyid yin no/ /gal te yul gyi rnam pa can zhes bya ba la sogs pas gzhan gyi bsam pa'i dogs pa bsu ba yin no//skyes bu don des rnam pa dang ldan par sre bar byed pa yin no zhe na zhes bya ba ni don rgyur gyur pa'i rnam pa des rnam pa dang ldan par sre bar byed pa yin te/ shes pa rnam pa med pa yin na yang rnam pa dang ldan par 'dzin par byed ces bya ba'i don to/ /sgron ma yid byed ces bya ba ni snang ba dang mtshungs pa de ma thag pa'i rkyen der te dran par 'gyur ro zhes bya ba'i tha tshig go//ji ltar zhes bya ba la sogs pas de nyid 'chad par byed do/ /yul la nye bar sbyong ba la reg pa med par zhes bya ba ni yul la nye bar sbyor ba rnam par shes pa la rang gi rnam pa 'jog pa de la reg pa med par te/rnam pa 'jog par byed pa med pa'i shes pas zhes bya ba'i tha tshig go/ /de ltar na shes pa rnam pa med pa nyid yin na/ yul yang rnam pa 'jog par byed par mi 'gyur ro/ /de lta yin na yang yul dang snang ba la sogs pa rgyu nyid ma yin no zhes bya bar dgongs so/ /nyams su myong bar nges pa'i rnam par shes pa la rgyu'i ngo bo gang la yod pa de ni nyams su myong ba'i rnam par shes pa'i rgyu'i ngo bor gyur pa can no//don gyi rnam par zhen pa can gyi shes pa la zhes bya ba ni/ don gyi rnam pa med pa phyis 'byung ba'i shes pas zhen cing sgro 'dogs pa shes pa gang la yod pa de la de skad ces bya'o//yang na don gyi rnam par zhen pa 'khrul pas sbyar ba zhes bya bar tshig rnam par sbyar ro/ /dang po nyams su myong ba'i shes pa ni mig la sogs pa'i yul la'o/ /yul dang nyams su myong ba'i rnam pa dag gnyis med dngos yin na zhes bya ba ni gzung ba dang 'dzin pa dag ces bya ba'i don to/ /gal te de nyams su myong ba'i ngo bo nyid 'ba' zhig tu 'gyur na zhes bya ba'i tha tshig go//'dzin par byed pa zhes bya ba ni nyams su myong ba dang po 'dzin par byed ba'o/ /nyams su myong ba'i bdag nyid kyi ngo bo gcig tu gnas par 'gyur ba ste/ rang snang ba nyid du 'gyur ro zhes bya ba'i tha tshig go/ /de ltar na dang po'i shes pa rnam pa med pa yin na de bzhin du phyis kyi yang yin na phyis rgas pa'i tshul thob pa ma yin no zhes dgongs so//yul dang rjes su mthun pa'i shes pa'i snang ba ma yin no zhes bya ba ni yul dang rjes su mthun pa'i nyams su myong ba'i shes pa gang yin pa der snang bar mi 'gyur te/ nyams su myong ba la yod pa'i shes pa la yod pa'i gzung ba dang 'dzin pa gang yin pa de dag ni de la gzung ba'i rnam pa nyid du snang ba ma yin no zhes bya ba'i tha tshig go//rnam par 'byed pa ma yin zhes bya ba 'di'i rnam par 'grel pa ni/ yul gyi rnam pa can gyi shes pa la snang ba can tha dad par 'dzin pa ma yin te zhes bya ba yin no/ /yul gyi rnam pa can nyams su myong ba'i shes pa zhes bya ba de ltar snang ba gang la yod pa de la de skad ces bya'o//tha dad par zhes bya ba ni 'dzin pa'i rnam pa las tha dad par ro/ /'di ni 'dzin pa'i rnam pa nyid 'ba' zhig 'dzin pa de tsam 'dzin pa'i mtshan nyid can nyid yin pa'i phyir ro zhes bya ba'i don to/ /de nyid ni rang nyid snang ba'i ngo bo gcig pa can nyid yin pa'i phyir ro zhes bya ba smos so//don gyi rnam pa 'dzin pa zhes bya ba ni don gyi rnam pa yongs su gcod pa ste/ blo gnyis pa ni don gyi rnam pa yongs su gcod pa dang ldan pa yin no zhes bya ba'i tha tshig go/ /yang na don gyi rnam pa'i 'dzin pa ni don gyi rnam par 'dzin pa ste/ nyams su myong ba'i shes pa yin no//de nyid ni 'brel zhing ldan pa ste gzung ba'i rnam pa yin te/ 'brel zhing yang dag par sbyor bar byed pa'i phyir ro/ /blo gang la de yod pa de la de skad ces bya'o/ /yul gyi rnam pas bsgyur ba'i nyams su myong ba'i shes pa shes pa'i shes pa la gzung ba'i rnam pa nyid du snang bar 'gyur ro//dus phyis 'byung ba can gyi shes pa la sogs pa dang ni ma yin no zhes bya ba ni shes pa'i shes pa 'dzin pa'i ngang tshul can shes pa gsum pa la sogs pa'i zhes bya ba'i tha tshig go/ /rang dang 'brel pa can de dang sbyor bar byed kyi zhes bya ba ni don rgyur gyur pa dang ngo / /yul dang shes pa'i rnam pa yang zhes bya ba ni yul gyi rnam pa dang shes pa'i rnam pa dag ces bya ba'i tha tshig go//sbyor ba yang zhes bya ba la sogs pa la gcig tu nges par dmigs pa'i phyir zhes bya ba'i gtan tshigs 'di ni don ci 'dra ba ji ltar ma grub pa dang 'gal ba dang ma nges pa nyid la sogs par mi 'gyur ba de ltar kho bo cag gis sngar bstan pa de ltar na yang ma bshad do//bstan bcos mdzad pas kyang rab tu byed pa gzhan du khyab pa bstan pas na/ de ni khyab pa yang tshad ma rnam par nges pa las zhes bya ba smos so/ /don du snang ba can gyi blo med pa'i phyir zhes bya ba ni sngon po la sogs pas stong pa'i sa phyogs su zhes bya bar dgongs so//mngon par 'dod pa'i don snang ba can mig la sogs pa'i rnam par shes pa gang yin pa de'i skye ba gang yin pa de'i bag chags yongs su smin pa ste/ 'bras bu skye ba la nus pa yod pa'o/ /thams cad la drug pa'i bsdu ba bya'o/ /yongs su smin pa de nyid snying po ste/ nang gi sa bon yid la byed pa gang la yod pa de la de skad ces bya'o//de nas yid la byed pa'i sgra dang las 'dzin pa bya'o/ /bye brag med par zhes bya ba ni mig la sogs pa las tha dad pa'i rgyu gang yang rung ba yod do/ /de lta ma yin na ma grub pa zhes bya ba ni phyi rol gyi rgyu bsgrub par bya ba la gtan tshigs la the tshom za ba'i ma grub pa yin no//gal te yang gang gi tshe phyi rol gyi don med pa zhes bya ba la sogs pas gzhan gyi bsam pa'i dogs pa bsu ba yin te/ rnam par shes pa dmigs pa med par smra ba'i sa bon dang myu gu don dam par yod pa ma yin gyi 'on kyang sa bon dang myu gur snang ba'i blo'i gzung ba'i rnam pa las sa bon dang myu gu rnam par gzhag pa yin no//blo'i gzung ba'i rnam pa yang de kho na nyid du yod pa ma yin no/ /de nyid ni blo sa bon las myu gur snang ba 'khrul pa nyid yin pas na med pa nyid yin pa'i phyir zhes smos te/ blo'i sa bon dang myu gur snang ba gang yin pa de 'khrul pa nyid yin pas na med pa nyid yin pa'i phyir ro zhes bya ba'i don to//de ci ltar sa bon las myu gu zhes bya ba la sogs pa la myu gu skye ba zhes bya ba ni byed pa po'i rnam par gzhag pa de lta bu'i mtshan nyid can de ci ltar zhes bya bar sbyar ro/ /gal te de ci ltar na mi 'gyur zhe na/ sa bon dang myu gur snang ba dag la ni zhes bya ba la sogs pa smos te/sa bon du snang ba rgyu ma yin zhing myu gur snang ba 'bras bu ma yin te de med pa'i phyir ro/ /du ba rtogs pa'i dus na me yod pa de ma yin pa zhes bya ba ni rtags su gyur pa'i du ba snang ba'i dus na shes bya nang gi yin par smra ba'i du bar snang ba'i blo du ba yin la/ de nyid skye bar 'gyur ba de'i gnas skabs na phyi rol gyi me yod pa ma yin te/de khas mi len pa'i phyir ro/ /de'i tshe mer snang ba'i blo yang myong ba ma yin te/ de ni phyis 'byung ba'i ngang tshul can nyid yin pa'i phyir ro/ /dngos po rtogs pa la brten nas zhes bya ba ni phyi rol gyi dngos po med na yang dngos por snang ba'i blo dngos por rtogs pa yin zhing de la brten nas so//de nyid ni tshigs su bcad pa bshad pa'i sgo nas bstan pa'i phyir/ de'i ngo bor zhes bya ba la sogs pa smos so/ /sa bon la sogs pa bye brag tu snang ba'i blo la de ma thag tu 'byung zhing skye ba'i zhes bya ba 'dis ni sa bon dang myu gur snang ba dang 'brel pa can gyi blo rgyu dang 'bras bu'i dngos po sgrub par byed pa'i mngon sum dang mi dmigs pa bstan to//blo rang rig pa'i mtshan nyid can dag kyang dngos po nyid yin pa'i phyir rgyu dang 'bras bu'i dngos por 'gal ba med do snyam du dgongs so/ /ci ltar sa bon las myu gu zhes bya ba skye ba dngos po la zhes bya ba la sogs pa la myu gu zhes bya ba'i dngos po skye bar 'gyur ro zhes sbyar ro//so sor nges pa'i phyir zhes bya ba ni de'i rjes su 'gro ba dang ldog pa nges pa'i rjes su byed pa'i phyir ro/ /de ltar na zhes bya ba la sogs pas dpes bstan pa'i don 'god pa yin te/ sa bon du snang ba can gyi blo rgyur gyur pa yod na zhes bya ba 'dis rjes su 'gro ba dang ldog pa bstan to/ /myu gur snang ba can gyi shes pa 'byung bar 'gyur bar rtog pa na zhes bya ba ni 'bras bu nyid du rnam par gzhag pa la'o//'gal ba med pa nyid yin no zhes bya ba ni 'di la gnod pa can gyi tshad ma cung zad kyang yod pa ma yin zhing 'on kyang sgrub par byed pa ni yod de blo ni mngon sum gyi tshad mas sgrub par byed do/ /don ma grub pa'i phyir ro zhes bya ba ni mngon sum dang rjes su dpag pa dag gis phyi rol gyi don ma grub pa'i phyir ro zhes bya ba de sngar bstan zin to//rnam par gzhag pa gcig bor nas zhes bya ba la sogs pa la ci ltar phyi rol gyi don du smra ba'i rnam par shes pa'i rnam par gzhag pa bor nas gzhan phyi rol gyi don rnam par gzhag pa la brten nas phyi rol gyi don ma grub pa'i mtshan nyid kyi skyon yod pa de ltar shes bya nang gi yin par smra ba'i yang rnam par gzhag pa gcig bor nas te/phyi rol gyi don du rnam par gzhag pa yongs su btang nas rnam par gzhag pa gzhan la brten pa las 'byung ba can rnam par shes pa tsam du rnam par gzhag pa la brten pa las 'byung ba can yul dang dus nges pa med pa'i mtshan nyid can gyis nyes pa 'di la 'jug pa ma yin te/skyon sel ba ni rab tu byed pa gzhan la brjod pa nyid kyi phyir dang / 'di la yang sngar bshad zin pa'i phyir ro/ /du bar snang ba can gyi shes pa sngar 'byung bar 'gyur te/ dang por rtags yongs su gcod pa'i phyir ro//phyis rtags kyi rjes su 'brangs nas 'jug pa'i mer snang ba can gyi shes pa 'byung bar 'gyur ba de ltar na dang por 'bras bu nyid thob pa yin te/ du bar snang ba can gyi shes pa ni dang por 'bras bu nyid yin pa'i phyir ro/ /phyis rgyu yin te mer snang ba can gyi shes pa rgyu nyid du gzhan du khas blangs pa'i phyir ro//de ni rigs pa ma yin no zhes bstan par bya ba'i phyir snga ma ni 'bras bu ma yin zhing zhes bya ba'i lan smos so/ /de'i tshe zhes bya ba ni rtags su gyur pa du ba rtogs pa'i dus na'o/ /gang las du bar snang ba can gyi shes pa 'bras bur rtogs par 'gyur zhes bya ba la gal te rtags su gyur pa rtogs pa nyid las sngar mer snang ba'i shes pa nang na myong bar 'gyur ba de'i tshe phyis 'byung ba'i ngang tshul can gyi du bar snang ba'i shes pa'i rgyur rtogs par 'gyur ro//bag chags ni nang gi nye bar len pa shes pa snga ma'i bdag nyid du phul du byung ba'i mtshan nyid yin zhing gsal ba ni nus pa yin la sad pa ste/ skye ba blo gang la yod pa de la de skad ces bya'o//'dir bsdus pa'i don ni du bar snang ba can gyi blo ni shes pa thams cad las skye ba ma yin gyi/ 'on kyang rnam par shes pa mer snang ba'i blo rgyun yongs su gyur pas skyed par nus pa gang yin pa de nyid du bar snang ba'i rgyu yin no/ /mer snang ba'i blos rnam par shes pa rgyur gyur pa ma yin pa ni la lar du bar snang ba'i shes pa'i rgyu nyid du dmigs par mi 'gyur te/tshang mang la sogs pa mer snang ba'i blo dang bcas par du bar snang ba'i blo yang dag par dmigs pa'i phyir ro/ /gal te 'o na mer snang ba'i blo nyid du bar snang ba'i rgyu yin pa ni bla ste/ mer snang ba skyed par nus pa blo'i khyad par gzhan yod pa ma yin no zhe na/ma yin te rtags su gyur pa du bar snang ba'i blo ni sngar 'byung ba'i ngang tshul can mer snang ba'i blo med par yang 'byung ba'i phyir ro/ /de bas na gang gi tshe yang mer snang ba de ma thag du bar snang ba'i blo rig pa yin pa de'i tshe yang mer snang ba'i blo bskyed par nus pa kun gzhi rnam par shes pa zhes bya ba'i blo du ba'i rgyu yin no//de bas na rgyud gzhan gyur pa'i sgo nas mer snang ba skyed par nus pa'i rgyun gyi rnam par shes pa las du bar snang ba'i blo 'byung bar rgyun gyi rnam par shes pa rgyur gyur pa mer snang ba skyed par byed pa'i nus pa rjes su dpog par byed do/ /de ltar na 'bras bu las rgyu nyid dpog par 'gyur ro//mer snang ba'i blos rang gi nye bar len pa rnam par shes pa snga ma mer snang ba'i blo skyed par byed pa'i nus pa dpog par byed pa'i don gyis 'byung bar 'gyur ba'i me snang ba'i blo rjes su dpog par 'gyur te/ du bar snang ba'i blo'i rgyur gyur pa rgyun gyi rnam par shes pa skad cig ma phyi ma phyi mar gyur pas mer snang ba'i blo'i rgyu yin no zhes de ltar rjes su dpog pa'i phyir ro zhes bya ba 'di yin no//de nyid bstan pa'i phyir/ bag chags gsal bar sad pa can/ /blo nyid kyi go bar byed pas zhes bya ba smos te/ du bar snang ba'i blo'i rgyu mer snang ba'i bag chags gsal bar sad pa can de dang rjes su 'brel pa skad cig ma gzhan du yongs su gyur pas mer snang ba'i blo sreg pa dang 'tshed pa la sogs par snang ba'i shes pa skyed par byed par nus pa skyed par 'gyur ro zhes rjes su dpog pa'i phyir ro//de nyid kyi phyir 'grel pa byed pas 'gyur gyi zhes bye brag tu smos so/ /de ltar na don byed pa don du gnyer ba'i yang 'jug pa 'gal ba med pa yin te/ gags byed pa med pa na 'di na sreg pa dang 'tshed pa la sogs par snang ba'i rgyu mer snang ba'i blor 'gyur ro zhes bya ba'i de lta bu'i bsam pa can 'jug pa'i phyir ro//phyi rol gyi don du smra ba la yang de mtshungs pa ma yin te/ 'di ltar re zhig me gang gis du ba skyed pa 'bras bur gyur pa'i du bas dpog par byed pa gang yin pa de 'das pa nyid yin pa'i phyir sreg pa dang 'tshed pa la sogs pa'i nus pa nyid du mi 'gyur ro//'byung bar 'gyur ba gang yin pa des ni du ba skyed pa ma yin pa de ltar na ci ltar don byed pa don du gnyer ba 'jug par 'gyur/ de bas na des kyang 'di skad du 'bras bur gyur pa'i du ba las rgyur 'dod pa'i me don byed pa don du gnyer ba dag gis dpog par byed pa na 'di ltar dpog par bya'o//du ba'i rgyu me gang yin pa de gags byed pa med na me skyed par nus pa yin pa de bas na de las sreg pa dang 'tshed par nus pa'i me 'byung bar 'gyur ro zhes de ltar rtog pa dang ldan pa 'jug par 'gyur bas na gnod pa yod pa ma yin no zhes brjod par bya'o//me ni ma yin no zhes bya ba ni phyi rol gyi me'i go bar byed pa ma yin te/ de ni rnam par shes pa la tha dad par ma grub pa'i phyir ro/ /mer snang ba can gyi da ltar blo/ /zhes bya ba ni gsal bar snang ba can sreg pa dang 'tshed par nus pa'i blo da ltar gyi ste/ du bar snang ba dang dus mtshungs pa can de ni de'i tshe med pa'i phyir ro//'on kyang ji skad du bshad pa'i rnam pas rang gi nye bar len par gyur pa sems kyi rgyun mer snang ba'i blo bskyed par nus pa nyid kyi go bar byed pa nyid yin no zhes bya bar dgongs so/ /mer snang ba'i blo skyed par nus pa'i rnam par shes pa nyid la skyes pa du bar snang ba'i blo me las skyes pa yin no zhes brjod kyi phyi rol gyi me las kyang ma yin la/mer snang ba'i blo 'ongs kyang 'byung ba'i phyir yang ma yin no/ /gang gis na de'i tshe zhes bya ba ni rtags rtogs pa'i dus na'o/ /du bar snang ba can gyi shes pa ste dmigs par gyur pa na'o/ /de lta bu'i rnam pa can gyi blo ni mer snang ba'o/ /blo med pa'i phyir sems bskyed par bya ba nyid ma yin par 'gyur te skye ba med pa'i phyir ro//gal te mer snang ba'i blo las du bar snang ba'i blo skye bar 'dod par 'gyur ba de'i tshe skyon 'dir 'gyur ro/ /mer snang ba can gyi shes pa skyed par nus pa nyid kyi sems kyi rgyun gyis du bar snang ba'i blo skyed par byed pa yin gyi thams cad ni ma yin no zhe na/bstan pa'i phyir de lta na/ de rung bag chags snying po can/ /zhes bya ba la sogs pa smos te/ snying po'i sgra ni rnam par 'grel pa skye ba'i rgyu dang rten zhes bya ba rnam grangs yin no/ /mer snang ba skyed par rung ba'i bag chags sems kyi bdag nyid phul du byung ba'i bdag nyid can gyi snying po skye ba'i rgyu dang rkyen skad cig ma snga ma snga ma phyi ma phyi ma'i rgyun gang la yod pa de skad ces bya'o//skad cig ma phyi ma phyi ma gyur pas mer snang ba can gyi shes pa skyed par nus pa'i rgyun gyis du bar snang ba'i shes pa skyed par byed do zhes bya ba'i tha tshig go/ /rgyu de'i phyir me las du ba yin/ /me las zhes bya ba ni mer snang ba can gyi shes pa skyed par nus pa'i len pa'i rnam par shes pa nyid me yin te/de las byung ba na du bar snang ba can gyi blo me las 'byung ba yin no zhes brjod kyi phyi rol gyi me'am mer snang ba'i blo las kyang ma yin no zhes bya ba'i don to/ /gang gi phyir du bar snang ba'i blo dang lhan cig tshogs pa gcig la rag las pas de'i phyir rang gi rgyu nyid kyi mer snang ba can gyi shes pa skyed par rung ba nyid kyi chos rjes su dpog par byed pa de bas na 'bras bu nyid las rgyu rjes su dpag pa yin gyi/rgyu las 'bras bu rjes su dpag pa ni ma yin no zhes bstan pa'i phyir ro/ /bag chags gsal bar sad pa'i snying po can zhes bya ba la sogs pa smos te mir snang ba'i blos rgyu thag nye ba nyid rjes su dpog pa yin no zhes bya ba'i tha tshig go//dper na tshogs pa gcig la rag las pa gzugs la sogs pa ros te/ rgyus rtogs pa rgyu chos rjes su dpag pa ste zhes bya ba de dang 'dra bar 'dir yang ngo zhes bya ba ni bsdus pa'i don yin no/ /mkhas rnams zhes bya ba 'dis ni yang dag pa'i gzhung gi rjes su 'brang ba can rnam par shes par smra bar ston par byed do//yang dag pa'i rtsod pa la ltos pa med par zhes bya ba ni yang dag par brtsad pa ni yang dag par rtsod pa ste/ tshad ma'i grogs can nyid yin pa'i phyir rnam par rig pa tsam du smra ba ste/ de la ltos pa med par rngams te smra bas phyi rol gyi don la brten nas brjod pa yin no//brten nas zhes bya ba'i rnam par 'grel pa ni khas blangs nas zhes bya ba yin no/ /sogs pa smos pas ni zhes bya ba ni gsal ba mi gsal ba 'dren ma la sogs pa zhes bya ba 'di las so/ /phyin ci log pa'i kha dog tu snang ba'i khyad par zhes bya ba ni dung dkar po la sogs pa ci ltar snang ba bzhin gyi kha dog dkar po las phyin ci log la sogs par snang bar mig ser can dag gi shes pas rjes su rtogs pa'i phyir ro//gsal ba mi gsal ba dang 'dren ma la sogs pa'i khyad par kha dog mtshungs pa nyid la brjod pa yin no/ /sogs pa'i sgras ni kha dog gzhan bzung ba yin no zhes bya ba ni khyad par yin no//don dam par gcig pa nyid khas blang bar bya ba yin pa de yang lhag ma rnam par shes pa'i rnam pa yin pa de ltar na yul du snang ba'i rnam par shes pa grub pa yin no/ /de bas na rang las rtogs pa'i ngo bo'i 'dzin pa'i tshul gnyis pa can nyid grub pa yin no/ /de ni cha 'ga' zhig gis ni zhes bya ba ni dbyibs la sogs pa las so//de las gzhan pa'i rgyu yod na yang mi 'gyur ba zhes bya ba ni brjod par 'dod pa'i rgyu med na zhes bya bar blta bar bya'o/ /dbang po dang snang ba dang yid la byed pas bum pa la sogs pas stong pa'i yul sa phyogs 'ba' zhig la dmigs pa'i shes pa bum pa la sogs pa la med par skyed par byed do//de bzhin du bum pa la sogs pa'i shes pa la yang gal te de la ltos pa med par nus par 'gyur ba de'i tshe bum pa la sogs pa'i shes pa de yang bum pas stong pa'i sa phyogs la ci'i phyir skyed par mi 'gyur/ de ltar na de la ltos pa med pa dag gi shes pa gzhan la nus nyid mthong ba gal te de dag rnam pa thams cad du shes pa skyed pa'i nus pas stong pa nyid du 'gyur ba de'i tshe rgyu gzhan gyi nus pa nyid yod par mi 'gyur ro//gang gi phyir bum pas stong pa'i sa phyogs la bum pa'i shes pa skyed par mi byed cing de dang ldan pa'i sa phyogs la skyed par byed pa de'i phyir bum pa la sogs pa lhan cig pa de dag nyid kyi nus pa nyid yin no zhes rtogs par 'gyur ro//ltos par bya ba dang bcas pa dang nye ba dag gis de tsam gyi rgyu can yin par zhes bya ba ni gang med na gzhan dag nye ba na yod na yang 'bras bu mi skye ba ni gang gi tshe ltos par bya ba gzhan de dang bcas pa ste/ de las gzhan pa'i rgyu nye bar 'gyur ba de dang ldan pa de tsam gyi rgyu can gyi 'bras bu yin te/gzhan du rjes su 'gro ba dang ldog pa ma mthong ba'i phyir ro/ /zla ba la sogs pa med na zhes bya ba ni phyi rol gyi don du snang ba la grags pa'i zla ba la sogs pa'o/ /ci ltar 'di ni 'bras bu ldog pa'i phyir mthong bar nus pa can nyid yin pa zhes bya ba ni zla ba la sogs pa bden pa'o//'bras bu ldog pa zhes bya ba ni zla ba la sogs pas stong ba'i sa phyogs na de las gzhan pa'i rgyu dag yod na yang 'bras bu med pa'i phyir ro zhes bya ba'i don to/ /de bzhin du gzhan dkyil 'khor la sogs pa ni zhes bya ba ni mar me las gzhan pa ni'o/ /gal te mar me yod na yang mig mi gsal ba la sogs pa dag la dkyil 'khor du snang ba can gyi shes pa skye bar mi 'gyur ba de'i tshe mthong bar nus pa nyid yin par 'gyur ro//mar me tsam gyi blo yod phyir/ /gnyi ga dag kyang rgyur mi 'gyur ro zhes bya bar sbyar ro/ /sngon po dang ser po mthong ba bzhin no zhes bya ba ni sngon po dang ser po lhan cig mthong ba ste/sngon po dang ser po 'ba' zhig rjes su 'gro ba dang ldog pa'i rjes su byed pa ma yin no/ /'o na ci yin zhe na/ gnyi ga dag gi yang ngo / /gcig nyid kyi zhes bya ba 'di nyid kyi phyi ma tha dad pa med pa yin pa zhes bya ba bshad pa yin no/ /gnod pa ma byas par mtshungs pa'i dbang po la sogs pa dang ldan pa zhes bya ba la mtshungs pa yang de yin la/dbang po la sogs pa dang ldan pa yang yin pas na zhes bya ba ni las 'dzin pa'o/ /yang gnod pa ma byas pa'i sgra dang las 'dzin pa nyid bya'o/ /de nas skyes bu gang dag la de yod pa zhes bya ba ldan pa'i don can bya'o/ /nye ba dang shin tu nye bar gnas pa dag la zhes bya ba ni thag nye bar gnas pas nye ba dang shin tu nye bar gnas pa dag la ste/nye ba dang ches shin tu nye bar gnas pa dag la zhes bya ba'i don to/ /de ni nye bar mtshon pa tsam yin no/ /de ltar na gnas pa ches shin tu ring bar gnas pa dag la zhes bya ba la yang blta bar bya'o/ /de ltar na mdo mdzad pas nye ba dang ring ba'i khyad par gyis yang sbyar bar bya ba'i phyir don 'di brjod par bzhed pa yin no//gsal ba dang mi gsal ba dang ches gsal ba dang mi gsal bas zhes bya ba dag gis ches gsal ba dang ches shin tu gsal ba zhes bya bar blta bar bya'o/ /'di ltar 'di thag ring por gnas pas mi gsal ba dang /ches ring por gnas pas ches mi gsal ba dang / ches shin tu ring por gnas pas ches shin tu mi gsal bar zhes bya bar sbyar bar bya'o/ /de bzhin du thag nye ba na gnas pas gsal ba dang shin tu nye ba na gnas pas shin tu gsal ba zhes bya ba la sogs par sbyar ro/ /de chod ma chod pa yin na//zhes bya ba ni nges par gzung ba'i rnam par dbye ba ste/ re zhig de dag gi nang nas kyang ma chod pa'i phyogs kyi skyon bstan par bya ba zhes bya ba'i don to/ /snang ba zhes bya ba 'di'i rnam par 'grel pa ni snang ba zhes bya ba yin no/ /don bzhin du tha dad pa rnyed par dka' ba yin no zhes bya ba ni gal te snang ba yang gcig yin pa de'i tshe gsal ba dang mi gsal ba'i bdag nyid mi rung ngo //ci ste du ma nyid yin pa de lta na yang rdul phran tha dad pa nyid kyi bye brag med pa'i phyir gang las thag ring po na gnas pa'i lta ba bo'i gsal ba dang mi gsal ba dag yin/ snang ba la yang de yod/ nye ba na srab pa nyid yod pa zhes bya ba la/'di ltar snang ba'i don nye ba'i snang ba chung ba la chung ba nyid kyis srab pa nyid yin no/ /de lta ma yin na rdul la sogs pa yang nye ba na yod pa ji ltar na srab pa nyid yin par 'gyur/ thag ring po bzhin du nye ba la yang sgrib par byed par 'gyur ro zhes bya ba ni snang ba srab pa sgrib par byed pa'i rgyu yin pas na sgrib par 'gyur ro//gzhan la'ang zhes bya ba 'di'i rnam par 'grel pa ni snang ba la zhes bya ba yin te/ sgrib par byed pa dag las de gzhan nyid yin pa'i phyir ro/ /srab pa med ces bya ba ni phal cher srab pa med pa nyid yin no zhes bya ba'i don to/ /de tsam pa zhes bya ba ni nye ba dang ring ba la sogs pa'i lta ba po'i khyad par gyis tha dad pa rnams so//de ltar na chos dang chos ma yin pa ston par byed pa'am zhes bya ba la sogs pa la don yid bde ba skyed par byed pa'i sgo nas phan 'dogs pa gang yin pa'i don de ni chos su ston par byed do/ /yid mi bde ba skyed pa'i sgo nas gnod pa byed pa gang yin pa de ni rtsa bar bya ba yin pa de ltar na zlog pas chos ma yin par sbyar bar bya'o//de dag ni de lta bu'i mtshan nyid can gyi chos dang chos ma yin pa phan 'dogs pa dang gnod pa byed pa'i mtshan nyid can gyi rgyu dang 'bras bu nyid yin pa'i phyir ro/ /sems can thams cad la phan pa dang gnod pa zhes bya ba la sogs pa la sgrub par byed cing skyed par byed pas na sgrub par byed pa can te 'bras bu'o//las gang la phan pa dang gnod pa byed pa'i 'bras bu 'grub pa byed pa yod pa'am/ las gang la sems can la phan pa dang gnod pa sgrub par byed cing skyed par byed pa de la de skad ces bya'o/ /sems can thams cad la phan pa dang gnod pa sgrub par byed pa can gyi las gang yin pa de bdag por byas pa las byung ba'i rta'i kha'i me yin te/sems can dang snod kyi 'jig rten bsod nams dang bsod nams ma yin pa las byung ba nyid kyi phyir ro/ /thams cad la gnod par byed pa'am phan 'dogs par byed pa ma yin par 'gyur te/ yul bskal pa na gnas pa dag la gnyi ga med pa'i phyir ro//de bas na chos dang chos ma yin pa dag gnod pa byed pa dang phan 'dogs par byed pa ston par byed pa dag yin pa de ltar na 'di nges pa ma yin no snyam du sems so/ /'dir yang zhes bya ba la sogs pas lan 'debs par byed do/ /rim gyis byed pa yin pa zhes bya ba ni gnod pa byed pa dang phan 'dogs par byed pa ste/gang gi tshe skye ba brgyud pas ring por gnas pa yin na yang de yul rung ba na gnas par 'gyur ba de'i tshe gnod pa byed pa dang phan 'dogs par byed pa yod pa'i phyir ro/ /snang ba tha dad pa la sogs pa zhes bya ba la sogs pa la sogs pa'i sgras ni chos dang chos ma yin pa bzung ngo //mngon sum dang mngon sum ma yin pa zhes bya ba ni gang gi tshe rang gi ngo bo shes pa skyed par byed pa de'i tshe/ mngon sum gyi yin zhing rnam par rtog pa'i rnam par shes pa skyed pa na mngon sum ma yin pa'i yin no/ /shes pa dang sgra dang mar me smos pa ni de rnams ni gzhan dag kyang skad cig ma nyid du khas len pa'i phyir ro//dus mtshungs pa can ni 'bras bu bsgrub pa la nus pa med pas zhes bya ba ni gang gi tshe 'bras bu dang rgyu dus mtshungs pa can yin pa de'i tshe/ rgyu'i dus na 'bras bu yang grub pa de ltar na rgyu nus pa med pa nyid yin no/ /gang phyir shes las med gsal yin/ /zhes bya ba ni gang gi phyir shes pa las yul med pa gsal ba ste rab tu gsal ba yin par 'gyur/de bas na sgra la sogs pa'i de ma thag pa'i zhes bya ba la/ sgra la sogs pa'i rgyur gyur pa'i phyis 'byung ba'i ngang tshul can gyi shes pa'i rgyur gyur pa sgra la sogs pa'i skad cig ma snga ma gang yin pa des bskyed pa'o/ /gang gi rgyus bskyed pa de dang rigs mthun pa nyid gsal bar 'gyur ro zhes bya ba ni shes pa'i rgyu gang yin pa des bskyed pa'i shes pa'i rgyu de nyid dang rigs mthun pa de nyid gsal bar 'gyur ro//de'i rgyu'i de ma thag tu yod pa don dang lhan cig 'byung ba'i ngang tshul can gyi shes pa zhes bya ba ni shes pa de'i rgyu skad cig ma snga mar 'byung ba'i ngang tshul can gyi don de ma thag tu 'byung ba'i ngang tshul de dang rigs mthun pa'i skad cig ma gnyis pas bsdus pa'i don te/de dang lhan cig 'byung ba'i ngang tshul gang la yod pa de la de skad ces bya'o/ /'di ltar lhan cig skyes pa'i don/ /zhes bya ba ni shes pa dang dus mtshungs par 'byung ba skad cig ma gnyis par 'byung ba'i ngang tshul can gyi don to//rgyu gcig pa can gyis kyang zhes bya ba ni shes pa dang rgyu mtshungs pas so/ /dus sngar gyi skad cig ma las skad cig ma gnyis par 'byung ba'i ngang tshul can gyi don skyes pa dang shes pa 'dra ba skad cig ma gsum par byed pa gang yin pa de bas na dus snga ma skad cig ma gnyis pa bsdus pa'i don dang dus mtshungs pa yin no zhes bya ba'i don to//skad cig ma dang por 'byung ba'i ngang tshul can gyi don nyid las 'dra ba nyid skyes pa yin pa'i phyir ro/ /TI kA byed pa kha cig ni 'di ltar khas len te/ yul shes de yi shes pa yi/ /bye brag las zhes bya ba'i rigs pa 'dis yul du snang ba dang rang snang ba dag gis tshul gnyis nyid grub pa yin zhing /dus phyis dran pa las kyang yin/ /zhes bya ba 'dis rang rig pa'i bdag nyid du shes pa de nyid myong ba dang myong bar byed pa de nyid du grub pa yin no zhes rtogs so/ /de gsal bar bya ba'i phyir rigs pa 'dis ni zhes bya ba la sogs pa smos so//dus phyis dran pa las kyang yin/ /tshul gnyis pa nyid yin no zhes sbyor bar byed pa gang yin pa zhes bya ba ni tshad ma kun las btus pa mdzad pas so/ /de ltar na bsgrub par bya ba gcig la ltos nas gtan tshigs gzhan sdud pa 'thad pa yin no zhes dgongs so/ /de yang yul du snang bas zhes bya ba la sogs pas bstan pa yin no zhes bya ba ni gzhan gyi rnam pa mi 'dod pa de ltar na des tshul gnyis pa nyid rab tu grub pa yin no zhes bya ba la sogs pas bstan zin pa'i phyir ro//spyir bshad pa sngar yang yod pa zhes bya ba ni/ yul shes de yi shes pa yi/ /bye brag las ni tshul gnyis nyid//ces bshad pa 'dir tshul gnyis pa'i sgra ni spyi'i rgyu nyid yin pa'i phyir ro/ /zhar la 'ongs pa'i ngo bo zhes bya ba ni gtso bo ma yin pa'i ngo bo'o/ /de ltar ni de bas na shes pa'i tshul gnyis nyid ni yod pa ma yin no zhes gtso bo bstan nas rang rig pa nyid ni tshul gnyis pa nyid kyi zhar la 'ongs pa nyid yin pa'i phyir ro zhes bya ba'i don to//bsgrub par bya ba gzhan nyid yin na ni bshad pa rigs pa ma yin te/ gal te myong ba dang myong bar byed pa'i tshul gyis tshul gnyis pa nyid bzhed pa de'i tshe/ de'i phyir tshul gnyis pa nyid yod pa ma yin na zhes bya ba 'dis rang rig pa bshad par 'gyur ba de ltar na bsgrub par bya ba gzhan yin par mi 'gyur ro//myong med par ni de ma yin/ /zhes bya ba sgrub par byed pa gzhan 'chad par mi 'gyur ro zhes bya bar sbyar ro/ /gal te rang rig pa nyid bsgrub par bya ba gzhan nyid yin par 'gyur ba de'i tshe/ de'i tshul gnyis pa nyid kyi sgrub par byed pa dag gi don gyi grub pa nyid bstan nas/yang rang dbang du sgrub par byed pa'i sgrub par byed pa gzhan brjod pa yin na mdzes par 'gyur ro// //tshad ma rnam 'grel gyi 'grel bshad/ bam po lnga bcu rtsa dgu pa/ yul gyi rnam pa 'dzin pa'i ngo bo can gyi khyad par gyi zhes bya ba ni 'dzin pa'i rnam pa las bye brag tu gyur pas na khyad par ro//yul gyi rnam pa 'dzin pa ni bris pa'o/ /de nyid kyi ngo bo ste rang bzhin khyad par gang la yod pa de'i khyad par des so/ /phan tshun tha dad par zhes bya ba ni sngon po'i shes pa dang ser po'i shes pa zhes bya ba la sogs pa tha dad par ro/ /de ltar yin gyi de lta min/ / zhes bya ba ni sngon po'i shes pa yin gyi ser po'i shes pa ma yin no zhe'o/ /de lta na yang tha dad par/ /zhes bya ba ni skad cig ma re rer ro/ /rang rig pa nyid ces bya ba de bshad par bzhed pa de nyid kyi phyir bshad ma thag pa'i zhes bya ba la sogs pa smos so/ /ngo shes pa la sogs pa'i mtshan nyid kyis zhes bya ba ni/yul shes de yi shes pa yi/ /bye brag las shes bya ba de/ /ngo shes pa yi sgra bshad do/ /de ltar na yul shes pa'i yul gyi rnam pa nyid kyi shes pa'i shes pas ngo shes pa yin no/ /sogs pa'i sgras ni dus phyis dran pa las yin zhes bya ba 'di bzung ngo / /de yang myong ba yin pa zhes bya ba ni don dang 'dra ba'o//yul gyi rnam pa myong bar 'ga' zhig kyang mi 'dod pa ma yin no/ /gal te shes pa'i bdag nyid du gyur pa don dang 'dra ba myong ba yin pa de bas na shes pa yang myong ba yin no zhes bya bar 'gyur ro/ /de yang zhes bya ba la sogs pa la/ nges med par ni nges ma yin/ /zhes bya ba'i mdo'i tshig de yang nyams su myong ba med pa la dran pa med do zhes bya ba la sogs pa'i 'grel pa'i gzhung gis bshad cing kun las btus pa mdzad pas/shes pa gzhan nyid nyams su myong ba dgag pa gsungs so/ /gang gi tshe don dang 'dra ba'i bdag nyid du gyur pa'i tshul gnyis pa'i zhes bya ba la sogs pa la gang gi tshe shes pa'i tshul gnyis grub pa de'i tshe rang gi ngo bor gyur pa'i snang ba nyams su myong ba mthong ba'i phyir ro zhes bya bar sbyar ro//rang gi ngo bor gyur pa yang de yin la snang ba yang de yin pas na zhes bya ba ni khyad par gyi bsdu ba ste/ shes pa'i bdag nyid du gyur pa'i yul gyi rnam pa zhes bya ba'i tha tshig go/ /de nyid ni don dang 'dra ba'i bdag nyid du gyur pa zhes bya bas 'chad par byed do//gal te re zhig yul gyi rnam par shes pas myong ba de bdag nyid du gyur pa de'i tshe shes pa'i rang rig pa grub pa yin no/ /yul gyi rnam pa can gyi bdag nyid ces bya ba ni shes pas bdag nyid kyi rang gi ngo bo yul gyi rnam pas nye bar bsgyur ba nyams su myong ba ma yin no zhes bya ba'i tha tshig go//yul gyi blo zhes bya ba ni phyis 'byung ba'i blo'i gzung ba nyid du 'dod pa sngar byung ba'i blo 'gyur ba ni 'dod mod kyi/ shes pa snga ma 'gags pa nyid kyi phyir mngon sum du shes pa gzhan gyis myong bar mi 'gyur mod kyi/ de las ma 'ongs pa'i gzung ba'i rnam par gyur pa'i 'dra ba gang yin pa de phyis 'byung bas myong ba nyid yin zhing de myong ba'i phyir ro//don yang myong bar 'gyur ro zhe na/ de'i phyir bdag nyid bdag nyid kyis nyams su myong bar khas mi len pa'i phyir ro zhes bya ba la sogs pa smos so/ /don gang la nyams su myong ba med pa yod pa de la de skad ces bya ba'o/ /don du snang ba 'di la yod pas na don du snang ba dang ldan pa'o//gzhan la zhes bya ba ni sngon po la sogs pa'o/ /phyi rol du mngon du phyogs pa ste gzung ba nyid du snang bar 'gyur ro zhes bya ba ni dmigs pa rnam par chad pa'i rnam pa bdag nyid la bzhag pa yang rnam par chad pa bzhin du mthong bas gzung ba nyid du mthong ba de bas na gzung ba nyid du yongs su bcad pa ni rnam pa ni shes pa'i bdag nyid du gyur pa de ltar na shes pa gzung ba nyid du snang ba zhes brjod do//bshad ma thag pa'i rnam pas ji skad du bshad pa'i shes pa la snang bar gyur pa dmigs par mngon par 'dod pa'i shes pa'am gzhan la yul du ste sngon po la sogs par 'dzin par byed do//de bzhin du nyams su myong ba'i blo 'di yang zhes bya ba ni sngar nyams su myong ba'i 'dzin pa nyid du 'dod pa'i blo phyis 'byung ba phyi rol du mngon du phyogs par snang bar 'gyur te/ de las gzhan pa'i shes pa'i khyad par gyi blo bzhin no/ /de rtag tu bdag la zhes bya ba la sogs pa la/ nang mngon phyogs 'dzin pa'i rnam pa nyid kyis zhes bya ba ni nang rang rig pa'i ngo bo nyid du rung ba nyid kyi mtshan nyid du yin gyi/gzung ba'i rnam pa nyid du ni ma yin no zhes bya ba'i don to/ /de bas na blo 'di ni bdag nyid nyams su myong ba nyid yin gyi/ shes pa gzhan nyid nyams su myong ba ni ma yin zhes rtogs par bya'o/ /gal te rang gi blo nyid yin pa'i phyir phyi rol du kha bltas pas zhes bya ba ni blo gang yin pa de shes pa gzhan gyis nyams su myong ba de ni rang gi blo nyid yin pa'i rgyu'i phyir de 'dzin par byed pa'i blo phyi rol du kha bltas pas 'jug pa ma yin te rang gi blo dmigs pa nyid yin pa'i phyir phyi rol du kha bltas par mi 'gyur ro zhes bya ba'i don to//de'i tshe yang phyi rol du kha bltas pa la yin par mi 'gyur ro zhes bya ba ni rang gi blo la dmigs pa'i phyir dran pas kyang nyams su myong ba'i blo bzhin du gzung ba'i blo 'dzin pa'i rnam pa nyid du mthong bar 'gyur ro zhes bya ba'i don to/ /dran pa'i gzung ba'i blo 'dzin pa'i rnam pa nyid du snang ba yang ma yin te/ 'di ltar gzung ba nyid du snang ba yin no//gal te de 'dra las myong ba/ /zhes bya ba ni don dang 'dra ba tsam nyams su myong ba'i bdag nyid kyi ngo bo can gyi shes pa yin no zhes sems so/ /'dra ba thams cad phyi rol rnams kyang ngo / /'o na myong ba 'dra ba yin/ /zhes bya ba ni don dang 'dra ba tsam gyi mtshan nyid do/ / myong ba ni yul nyams su myong ba ste/ 'dra ba tsam yul nyams su myong bar 'gyur ba ma yin no zhes bya ba'i tha tshig go/ /gal te zhes bya ba la sogs pas de nyid 'chad par byed do/ /shes pa'i bdag nyid du gyur pa sngon po la sogs pa'i ngo bo myong ba gang yin pa de ni phyi rol gyi don dag la sgro 'dogs shing sgro 'dogs pa de las phyi rol gyi don gyi myong ba 'di yin no zhes 'khrul pa ste/bslad pas zhes bya ba yang phyis 'byung ba yin no zhes bya ba ni bsdus pa'i don yin no/ /de nyid kyi phyir sgro 'dogs pas kyang 'khrul par byed do zhes bya bas dus snga phyi'i tha dad par ston par byed do/ /thams cad kyi zhes bya ba ni bum pa la sogs pa chod pa dag gi yang ngo //gzhan gyi yul can gyi zhes bya ba ni sngon po la sogs pa'i yul can gyi'o/ /dkar sogs snang 'gyur ba rnam par 'chad pa'i ngo bo la'o/ /cig car skyes bu'i zhes bya ba ni dus gang gi tshe dkar po la sogs pa'i myong ba de nyid kyi tshe nang gi myong ba dkar po la sogs pa dmigs pa'i ngo bo can myong bar 'gyur ro//dkar po la sogs pa'i dmigs pa mngon sum nyid ma yin pa'i phyir ro zhes bya ba ni dkar po la sogs pa dmigs par 'gyur ba gang yin pa de mngon sum du 'gyur ba ma yin no zhes bya ba'i don to/ /srog chags thams cad kyi dkar po la sogs pa'i dmigs pa nang gi myong ba'i ngo bo gsal ba gang yin pa de gal te dkar po la sogs pa dmigs pa'i bdag nyid du gyur pa de'i tshe/mngon sum gyis myong ba'i don can gyi myong ba mngon sum yin par 'gyur ro/ /gang gi tshe dkar po la sogs pa dmigs pa las nang gi myong ba don gzhan du gyur pa nyid mngon sum yin par 'dod pa de'i tshe dkar po la sogs pa'i dmigs pa mngon sum ma yin te/gang gis gsal ba'i shes pa ni de las bzlog pa nyid yin pa'i phyir ro/ /mngon sum gzhan la gzhan mngon sum/ /zhes bya ba ma yin no/ /de bas na bdag nyid myong ba la ltos pa med pa'i dkar po la sogs pa phyi rol na yod pa nyid tsam gyis gsal ba thob par 'gyur na de yang 'thad pa ma yin no//de ltar na yul yod pa yin no zhes bya ba nyid kyis gsal bar mi 'gyur gyi zhes bya ba smos so/ /gsal ba nyid la gsal bar byed pa nyid kyis khyab pa yin la de dang 'gal ba ni gsal ba ma yin pa gsal bar byed pa nyid yin pa de ltar na khyab par byed pa 'gal ba dmigs pa'o//'di ni thal ba bsgrub pa yin te/ gsal ba ma yin pa gsal bar byed pa yang gsal ba nyid kyi thams cad kyis thams cad dmigs par 'gyur ba de'i phyir 'di nyid bzlog na gnod pa can gyi tshad ma yin no/ /de ltar ni dkar po la sogs pa snang bar gyur pa gsal ba ma yin pa ma yin no zhes bya ba la sogs pas thal ba bzlog pa bstan to//bzlog pas zhes bya ba ni thal ba bzlog pas rang rig pa grub pa yin te/ dkar po la sogs pa'i gsal ba ni gsal bar byed pa nyid du grub pa'i phyir ro/ /yul la dmigs pa'i dmigs pa zhes bya ba ni yul la dmigs pa'i dmigs pa shes pa gnyis pa gang yin pa de yang rang rig pa khas mi len pa'i phyir bdag nyid gsal ba ma yin no//de'i tshe ni yul la dmigs pa yongs su gcod pa'i dus na'o/ /la lar mthar thug pa yin na zhes bya ba ni gang la shes pa gzhan gyis shes pa nyams su myong bar mi 'dod pa de la shes pa'i bdag nyid gang yin pa dang /yul gyi bdag nyid gang yin pa dang / yul gyi bdag nyid gang yin pa'i yul de dag cig car mngon par gsal ba thob par 'gyur ro/ /de ltar 'gyur ba yin na sngar yod pa'i shes pa yang de ltar 'gyur zhes bya ba cig car don dang bdag nyid mngon par gsal bar byed pa dag tu 'gyur te bye brag med pa'i phyir ro//khyad par gang gis shes pa thams cad kyi tha ma la bdag nyid la yul dag cig car gsal bar 'gyur gyi shes pa snga ma dag kho na la ni ma yin te/ de lta bur gyur pa'i khyad par med pa'i phyir ro zhes bya ba'i don to/ /de bas na rang rig pa grub pa yin no zhes bya ba ni rang rig pa med par shes pa'i bdag nyid dang yul cig car mngon par gsal ba mi srid pa'i phyir ro//de dmigs pa zhes bya ba ni dkar po la sogs pa nyams su myong ba'o/ /de nyid shes par mi 'gyur ba zhes bya ba ni dkar po la sogs pa 'dzin pa'i dus na dmigs par mi 'gyur ro/ / don mthong bas ci ltar khyad par can du 'gyur zhes bya ba ni mig gi rnam par shes pas 'di mngon par gsal bar mthong zhing / 'di rna ba'i rnam par shes pas mngon par gsal ba thos so zhes bya ba la sogs pa'o/ /skyes bu gzugs mthong ba na de mthong ba yang rtogs pa ma yin no zhes bya ba ni rnam par chad pa'i gzugs 'dzin pa na gzugs la dmigs pa nang yin nam ma yin zhes rtogs pa ma yin te/rang rig pa khas mi len pa'i phyir ro/ /des khyad par du gyur pa gzhan 'dzin pa ni khyad par rtogs pa sngon du song ba can yin te/ khyad par rtogs pa med pa des khyad par du gyur pa'i khyad par gyi gzhi 'dzin par mi nus pa nyid kyi phyir ro//'di la khyad par rtogs pa med pa de ltar na rgyu mi dmigs pa ste thal ba yin no/ /cig car ram rim gyis zhes bya ba ni 'dir cig car mthong ba ni rigs pa'i rjes su 'brang ba can yin no/ /rim gyis kyang bshad pa gang yin pa de ni khas blangs nas yin te/ gal te yul dang de dmigs pa'i dus mtshungs par 'byung ba'i ngang tshul can 'brel par 'gyur ba de'i tshe rim gyis kyang 'dzin pa yod pa na 'di mthong ngo zhes bya ba der mi 'gyur ro//'on kyang dus mtshungs pa ma yin par 'byung ba'i ngang tshul can gyi don dang dmigs pa dag las 'brel pa nyid yod pa ma yin te/ shes pa'i dus na don med pa'i phyir ro//gsal bar byed pa ma yin te/ de'i tshe don zhes bya ba ni don dang 'dra ba'i shes pa gsal ba'i dus na'o/ /de yang zhes bya ba ni shes pa'i bdag nyid du gyur pa'i don dang 'dra ba'o/ /de rab tu myong ba can zhes bya ba ni nang gi bdag nyid du gyur pa'i don dang 'dra ba rab tu myong ba na'o//shes pa'i ngo bo dang yul ma bzung ba can yin na yang zhes bya ba ni shes pa'i ngo bo ni bdag nyid do/ /ngo bo dang yul ni ngo bo dang yul te/ de dag ma bzung ba gang la yod pa de la de skad ces bya ste/ rang rig pa khas mi len pa'i phyir ro/ /ngo bo ma bzung ba ni yul ni rnam par shes pa'i dus na 'gags pa nyid kyi phyir ro//gdon mi za bar 'di nyams su myong ba 'di yin no zhes bya ba ni shes pa 'di'i bzung ba 'di nyams su myong ba yin no zhe'o/ /de dag la zhes bya ba ni myong ba dang myong bar byed pa dag la'o/ /de ltar tha snyad 'dogs pa'i rgyu zhes bya ba ni 'di'i myong ba yin no zhes bya ba'i tha snyad 'di'i rgyu'o/ / 'di ltar 'dra ba las kyang myong / /zhes pa bdag nyid nyams su myong ba med pa'i rang bzhin can 'dra ba tsam las so/ /sngar ni zhes bya ba 'di'i rnam par 'grel pa ni dkar po la sogs pa mthong ba'i dus na zhes bya ba yin no/ /mthong ba rtogs pa'i dus la ltos nas dkar po la sogs pa mthong ba'i dus na zhes bya ba smos te/shes pa shes pa gzhan gyi mthong ba rtogs pa'i dus so/ /gzhan 'ga' zhig gis kyang ma yin te/ mi rung ba'i phyir ro zhes bya ba ni shes pa gzhan rang nyid myong ba ma yin pas kyang shes pa snga ma 'dzin pa mi rung ba'i phyir ro/ /de de ltar na nyams su myong ba gzhan gyi ngo bo yin pa'i skyon zhes bya ba ni nang gi gsal ba nyams su myong ba gang yin pa de ci dkar po la sogs pa'i gsal ba las gzhan gyi ngo bo yin nam/ci bdag nyid du gyur pa yin zhes phyogs gnyis bshad pa gang yin pa de las re zhig gzhan gyi ngo bo yin pa'i phyogs kyi skyon bshad pa yin no//ci ste zhes bya ba la sogs pas bdag nyid du gyur pa'i phyogs ston par byed pa yin no/ /tha dad par ni 'jug pa can/ /zhes bya ba 'di'i bshad pa ni yang dag par dga' ba la sogs pa'i rnam pas zhes bya ba yin te/ yang dag par dga' ba'i rnam pas bde ba la 'jug cing de las bzlog pas sdug bsngal dang don du gnyer ba'i rnam pas 'dod pa la 'jug par 'gyur ro//de yang gang las she na/ rten dmigs goms pa'i khyad par la/ /zhes bya ba smos te/ rten dang dmigs pa dang goms pa zhes bya ba ni zlas dbye ba yin no/ /goms pa ni yid la dbye ba nus pa dang ldan pa'o/ / dga' ba dang gdung ba'i bye brag 'dod pa la sogs pa'i bdag nyid can zhes bya ba la dga' ba'i khyad par gyi mtshan nyid ni bde ba'o/ /yongs su gdung ba'i khyad par gyi mtshan nyid ni sdug bsngal lo/ /mngon par 'dod pa'i mtshan nyid ni 'dod pa'o/ /de dag kyang zhes bya ba ni bde ba la sogs pa'o/ /sngar dmigs pa'i ngo bor rnam par gzhag pa yin pa zhes bya ba ni/rnam par shes pa tha dad pa'i rgyu nyid du dang por blo'i rang bzhin nyid gzhag pa yin no zhes bya ba'i don to/ /de ltar snang bar gyur pa ni bde ba la sogs pa'i ngo bor snang bar gyur pa'o/ /de dag kyang zhes bya ba ni blo dag go/ /bde ba la sogs pa de'i bdag nyid kyis zhes bya ba ni shes pa'i bdag nyid kyis so//skyes bu gzhan gyis dmigs pa gang yin pa zhes bya ba ni bde ba la sogs pa'i 'bras bu'i khyad par 'khrul pa med pa nges par byed pa can gyi rjes su dpog pa po'o/ /myong 'gyur zhes bya ba ni de ltar snang bar gyur pa'i bde ba la sogs pa'i ngo bo gsal bar nyams su myong ba zhes bya ba'i don to//de nyid kyi phyir bde ba la sogs pa myong ba po bzhin du zhes bya ba la sogs pa smos te/ de la dmigs pa can gyi shes pa dang ldan pa nyid kyi de'i longs spyod par byed pa po nyid yin pa'i phyir ro zhes bya ba ni 'di ltar gal te yang rgyud la bde ba la sogs pa skyes pa de bde ba la sogs pa'i longs spyod pa po nyid nyams su myong ba las 'dod pa ma yin gyi 'on kyang de la dmigs pa can gyi shes pa phyis 'byung ba yod pa'i phyir de la dmigs pa can gyi shes pa rjes su dpog pa po'i rgyud la yang yod pa de ltar na bye brag cung zad kyang yod pa ma yin no//gnyis 'di gdon mi za bar yod//bde ba la sogs pas bskyed pa dang der snang ba nyid ces bya ba ni skye ba dang 'dra ba dag gis dmigs pa rnam par gzhag pa'i phyir ro zhes bya bar dgongs so/ /spyi gang yin pa ni dngos por gyur pa zhes bya bar bsams pa'o/ /ci ltar sngar bshad pa de ltar dran par bya ba'i phyir de lta bur gyur pa nyid kyi gzhung nyid ci ltar gsal ba la ltos pa med pa zhes bya ba la sogs pa nye bar bkod pa yin no//mngon sum dang bdag rig ces bya ba ni zlas dbye ba'o/ /mthong med ni chos dang chos ma yin pa'o/ /don gcig ni bdag nyid de/ de la bde ba la sogs pa'i gzung ba dang shes pa 'dzin pa 'phrod pa 'du ba gang yin pa de ni don gcig la ldan pa'o//mthong ba med pa dang don gcig dang ldan pa dang por sbyar ba gang la yod pa de la de skad ces bya'o/ /dbang phyug dga' ba dang mi dga' ba la sogs pa zhes bya ba la/ dbang phyug dga' ba las bde ba gsal bar dmigs shing sdug bsngal mi gsal bar dmigs pa'o//mi dga' ba las ni bzlog pa'o/ /de lta na yang blo de ltar snang ba de zhes bya ba ma mthong ba la sogs pa'i sgrib g.yogs kyis gzhan gyi bde ba la sogs pa'i ngo bo mi 'dzin pa'i blo de ltar snang ba ste/ bde ba la sogs pa dang cha 'dra ba'i rjes su 'gro ba dang nang gi nye bar len pa'i stobs las byung ba de'o//gal te bdag dang gzhan gyi bde ba la sogs pa'i nyams su myong ba mtshungs par bsgrub par bya ba yin na/ mngon sum dang 'gal ba ma yin nam/ de skad du rgol bas gzhan gyi bde ba la sogs pa shes pa na mi gsal ba'i rnam par rtog par 'gyur ba yin na de yang khas mi len na de bas na 'di la khas len pa dang 'gal bar yang 'gyur ro//de bas na bdag dang gzhan gyi bde ba la sogs pa mtshungs par myong ba gzhan la bstan par bya ba ma yin no zhe na/ bde ba la sogs par 'dzin par zhes bya ba la sogs pa smos te 'di skad du 'di ni thal ba bsgrub pa yin te/gal te khyed kyi bde ba la sogs pa shes pa gzhan gyis 'dzin par 'dod kyi rang rig pa ma yin pa de'i tshe rang dang gzhan gyi rgyud dag gi myong ba thob par mi 'gyur te/ myong ba mtshungs par 'gyur ro/ /bde ba la sogs pa nyid ni rang rig pa'i ngo bo nyid yin gyi de rnam par shes pa gzhan gyis sam/rang gi rgyud la yod pa'am/ gzhan gyi rgyud la yod pas 'dzin pa ma yin no zhes bya ba'i phyogs 'di gnas pa yin no/ /de'i tshe rang gi rgyud kyi bde ba la sogs pa'i nyams su myong ba ni rang rig pa'i bdag nyid yin pa'i phyir ro/ /gzhan gyi rgyud kyi shes pa gzhan gyi bde ba la sogs pa'i yul nyid du 'dod pa don dam par bde ba la sogs pa'i rang gi ngo bo mi 'dzin pa'i yul med pa can ni mi gsal bar snang ba nyid yin pa'i phyir bdag dang gzhan gyi myong ba'i khyad par 'thad pa yin no zhes bstan par 'gyur ro//de ni gang gi tshe 'dzin pa med pa zhes bya ba la sogs pa smos te/skyes bu bde ba la sogs pa'i shes pa'i shes pas 'dzin pa ma yin gyi/ 'on kyang de ni rang rig pa nyid ma yin no/ /'dod pa nyid yin pa ni gzhan gyi bde ba la sogs pa nyams su myong ba yin gyi/ rang rig pa nyid las ni ma yin te/ gal te rgyud gzhan gyi rnam pa 'ga' zhig gis bde ba la sogs pa 'dzin par 'dod pa de'i tshe bde ba la sogs pa 'dzin par mtshungs pa yin pa na gnyis po de dag gi ste/bdag dang gzhan dag gi myong ba'i tha dad dag kyang kho bo cag gis bsal ba yin no/ /gang gi tshe gzhan gyi bde ba la sogs pa gzhan gyis mi 'dzin par 'dod pa de'i tshe gzhan gyi bde ba la sogs pa nyams su myong ba ma yin pa 'dod pa nyid yin pa de ltar na lan nyid ma yin te/mthong ba la sogs pa nye bar 'god pa'o/ /chos 'di pa zhes bya ba ni bye brag tu smra ba la sogs pa'o/ /gzhan dag gi zhes bya ba ni dpyod pa pa dag gi'o/ /gang gi tshe sdug bsngal du skyes pa nyid sdug bsngal nyams su myong ba ma yin gyi zhes bya ba ni rang rig par smra ba'i nang gi rig pa'i bdag nyid can kyi sdug bsngal skyes pa tsam nyid sdug bsngal nyams su myong ba yin gyi de la dmigs nas skyes pa ni ma yin no//kho bo cag gi sdug bsngal la sogs pa de rnal 'byor pa dag gis nyams su myong ba ma yin no zhes bya ba ni gzhan gyi rgyud la yod pa'i sdug bsngal la sogs pa de rnal 'byor pa dag gis nyams su myong ba ma yin no//de ltar na rang rig pa nyid sdug bsngal la sogs pa nyams su myong ba yin gyi shes pa der snang ba skyes pa ni ma yin no/ /gzhan gyi sdug bsngal la sogs pa rnal 'byor ba dag gi rgyud la 'byung bar mi 'gyur zhing 'byung ba ma yin pa yang ci ltar na rang rig pa'i bdag nyid kyi nyams su myong bas myong bar 'gyur/gal te 'o na ci ltar na bde ba la sogs pa rnal 'byor ba'i shes pa la ltos nas mngon sum du gyur pa yin zhe na/ 'o na ci yin zhe na/ sdug bsngal la sogs pa der snang ba skyes pas dmigs pa'i phyir de mngon sum du 'gyur ba yin gyi zhes bya ba smos te/bde ba la sogs pa gzhan gyi rgyud la gnas pa dmigs pa nyid du mngon par 'dod pa ni rnal 'byor pa'i shes pas dmigs pa'i phyir mngon sum du 'gyur ba yin no/ /der snang bar skyes pas zhes bya ba ni sdug bsngal du snang bar skyes pas so//de ltar na rnal 'byor ba'i shes pas gzhan gyi sdug bsngal nyams su myong ba med na yang rnal 'byor gyi stobs las der snang bar skyes pa de tsam gyi bde ba la sogs pa mngon sum nyid du rnam par gzhag pa yin gyi/ sdug bsngal du snang ba nyid sdug bsngal la sogs pa ma yin na gang gis de dag nyams su myong bar 'gyur te/sdug bsngal la sogs pa'i rang bzhin nyid du skyes pa nyid nyams su myong ba yin no/ /de nyid ni nyams su myong ba ni ma yin na zhes bya ba smos te/ der snang ba'i yid kyi rnam par shes pa skyes pa gang yin pa de sdug bsngal la sogs pa'i rang bzhin nyid du nyams su myong ba ma yin no zhes bya ba'i tha tshig go//bdag ni rang bzhin gyi bye brag nyid de sdug bsngal lo/ /'ga' zhig ces bya ba ni rang gi rgyud nyid las rtogs pa'i bdag nyid du skyes pa zhes bya ba'i don to/ /chos gzhan gyi khyad par dang bral ba zhes bya ba 'di'i gzung ba ni 'di yin zhing 'di'i 'dzin pa ni 'di 'dzin pa'am/shes pa gzhan 'ga' zhig gis 'dzin pa de lta bu'i mtshan nyid can gyi gzung ba dang 'dzin pa'i dngos pos chos gzhan gyi khyad par dang bral ba zhes bya ba'i tha tshig go/ /blo rang nyid dam zhes bya ba ni dpag par bya ba gang yin pa de nyid rtags nyid du 'ga' zhig gi tshe rtogs par byed ces bya ba'i tha tshig go//de'i bye brag ces bya ba ni dbang po'i khyad par ro/ /sgrib g.yogs med pa zhes bya ba la sgrib g.yogs ni rtsig pa la sogs pa'o/ /sogs pa smos pas ni ling tog dang mig sprin la sogs pas rjes su gnod pa gzung ngo / / shes par mi nus pa can nyid kyis zhes bya ba ni de la yod pa'i khyad par dbang po las 'das pa nyid yin pa'i phyir ro/ /de la blo las gzhan pa de gang yin pa zhes bya ba ni yul la 'jug pa'o/ /de yang ma grub pa zhes bya ba ni blo'o/ /nye ba dang bskal ba dag mi rung ba'i phyir zhes bya ba ni mngon sum ma yin par dmigs pa can gyi thams cad du khyad par med pa'i don 'ga' zhig dang lhan cig nye ba dang bskal ba dag med pa'i phyir ro//blo'i khyad par can gyi don gang la zhes pa ni don gang la blo'i khyad par yod pa de la de skad ces bya'o/ /de'i phyir don gsal ba zhes bya ba ni don gsal ba ste blo zhes bya ba'i tha tshig go//don rtogs pa gsal bar mi 'dod na zhes bya ba ni mi 'dod na zhes bya ba'i skabs yin no/ /don gyi bye brag 'ga' zhig de nyid bdag nyid du gyur pa'i zhes bya ba ni blo'i khyad par la ltos pa med pa nyid kyis zhes bya bar sems so/ /de shes pa shes pa med na 'di shes pa nyid yod pa ma yin no zhes bya ba ni don bye brag de shes pa gang yin pa de'i shes pa med na/de 'dzin pa'i dngos po med na don gyi bye brag 'di shes pa nyid yod pa ma yin no/ /yul dmigs pa la dmigs par byed na zhes bya ba ni yul 'dzin pa'i ngang tshul can gyi shes pa nyams su myong ba'o/ /de dang de yang zhes bya ba ni yul la dmigs pa'o//de lta na yang de la de shes pa nyid don dam par yod pa nyid yin pas na zhes bya ba ni don de las shes pa des shes pa nyid don dam par yod pa yin te shes par bya ba nyid kyi bdag nyid du gyur pa nyid yin pa'i phyir ro/ /ci ste shes pa ma yin pa rtags yin pa zhes bya ba la sogs pas phyogs gnyis pa bstan te/ci ste shes pa ma yin pa'i don gyi bye brag shes pa la rtags yin na'o/ /bdag nyid mngon sum nyid ma yin pa'i phyir ma mthong ba'o/ /mthong ba ste dmigs pa gang dag la yod pa de dag ni ma mthong mthong can dag gi don yin te/ mngon sum ma yin pa dmigs pa can zhes bya ba'i tha tshig go/ /lta ba por mngon par 'dod pa las gzhan gyi ni zhes bya ba ni gang zhig de'i yul can gyis mngon sum 'jug par 'dod pa gang yin pa mngon par 'dod pa de'o/ /lta ba po de dag las gzhan gyis te/ gang zhig de'i don de dag la shes pa mi 'jug pa'o//mthong ba la lar mthong ba med/ /ces bya ba la mthong ba ni dmigs pa yin la/ de ltar mthong ba med pa ni dmigs pa med pa zhes bya ba'i don te/ ci ltar de'i tshe gzugs la sogs pa dag shes pa ma skyes pas don ma mthong bar 'dod pa de ltar gang zhig de la shes pa 'jug pa des kyang yul la dmigs pa skyes su zin kyang mngon sum du khas mi len pas myong ba nyid ma yin pa'i phyir mngon sum ma yin pa'i dmigs pa can gyi don de dag ni ma mthong ba nyid du thal bar 'gyur te/rang nyid kyis kyang bdag nyid nyams su myong ba ma yin pa'i rang bzhin can gyi shes pa ni med par bye brag med pa'i phyir ro//gal te rnam pa de lta bu'i don nyams su myong bar dmigs pa can dag kyang skyes bu lta ba por mngon par 'dod pa gcig gis 'dzin par 'dod pa de ltar lta ba bor mngon par 'dod pa las gzhan pa'i skyes bus kyang mthong bar 'gyur te/ skyes bu gnyi ga yang yul la dmigs pa don myong ba med par mtshungs pa'i phyir ro//de nyid ni de lta bu'i rnam pa can dag ces bya ba la sogs pa smos te/ de bas na thal ches par ma gyur cig snyam pas skyes bu lta ba bor mngon par 'dod pas kyang skyes bu mngon sum ma yin pa'i yul dmigs pa can gyis don de mthong ba ma yin no zhes khas blang bar bya'o//de bas na gal te skyes bu lta ba po'i don gyi blo skye ba de lta na yang de mngon sum nyid ma yin pa de ltar na des don gyi khyad par de dmigs pa ma yin no/ /de ltar na yang don gyi khyad par ma shes na yang gal te blo la rtags nyid yin par skyes bu lta ba po mngon par 'dod pa la ltos pa de lta na yang don ma mthong ba can gyi skyes bu gzhan de dag la yang phyi rol gyi don gyi bye brag yod pa yin pas na de la blo rjes su dpog pa'i rtags su yang 'gyur ro//de nyid bstan par bya ba'i phyir don de mi shes pa'i bye brag ces bya ba smos te/ skyes bu gzhan mthong ba la yang zhes bya ba ni skyes bu lta ba por mngon par 'dod pa'i de'i yul can gyi shes pa skye ba na yang don gyi bye brag mi shes pa nyid yin te/mngon sum ma yin pa nyid du dmigs pa nyid kyi phyir ro/ /gzhan gyi yod de zhes bya ba ni lta ba po ma yin pa'i skyes bu gzhan gyi yang mi shes pa'i don gyi bye brag blo'i rtags su gyur pa yod pa yin no//rang gi chos la ltos med can/ /zhes bya ba la skyes bu rjes su dpog pa po'i rang gi chos te shes pa gzhan la ltos pa med pa can no/ /skyes bu rjes su dpog pa po'i zhes bya ba la sogs pa ni de'i bshad pa yin no/ /skyes bu rjes su dpog pa po'i bdag nyid du gyur pa'i shes pa zhes bya ba'i chos de la ltos pa med par zhes bya ba'i don to//rang chos rang gi yul zhes bya ba ni rang gi chos kyang yul gzhan la dmigs pa can du 'gyur ba khyad par du bya ba'i phyir yul smos pa yin no/ /blo rgyu ste rtags ni rang gi blo'i rtags so/ /'brel pa med pa'i phyir zhes bya ba ni tshogs pa tha dad pa la skye ba can nyid yin pa'i phyir 'brel pa med pa yin no//'bras bu blo ldog pa nyid las zhes bya ba ni 'bras bu blo zhes bya ba ldog pa las te/ rgyu gzhan yod na yang dbang po med na med pa'i phyir ro zhes bya ba'i don to/ /de mi 'grub pa zhes bya ba ni dbang po mi 'grub pa'o/ /de'i rtags ma yin zhing blo yang ma yin zhes bya ba ni blo de 'bras bu'i bdag nyid kyi rtags su grub pa ma yin zhing blo rgyu'i bdag nyid du yang grub pa ma yin no zhes bya ba'i don to//gal te 'gyur bar ni 'dod mod kyi/ ci ltar gzugs dang yid la/ byed pa la sogs pa yod na yang 'bras bu rnam par shes pa ldog pa 'ga' zhig las rgyu 'ga' zhig yod pa yin no zhes spyir dbang po sgrub par byed pa de ltar lus kyi g.yo 'gul la sogs pa'i 'bras bu gang yin pa 'ga' zhig ldog pa las rgyu 'ga' zhig kyang yod pa yin pa de ltar na spyir blo grub pa yin no zhe na/'bras bu 'ga' zhig ces bya ba la sogs pa smos te/ ci ltar gzugs dang yid la byed pa ma gtogs par rgyu 'ga' zhig yod pa de ltar spyir dbang po grub pa yin te/blo'i rgyu nyid dbang po yin par 'grub par 'gyur te/ de lta bur gyur pa'i rgyu nyid dbang po'i sgras brjod pa'i phyir ro/ /'di ltar 'bras bu 'ga' zhig ldog pa las spyir rgyu tsam 'grub pa na blo rgyu nyid yin par shes par bya ba ma yin no zhes bya ba'i don to//blo ni rgyu tsam du 'dod pa ma yin te/ de nyid ni 'on kyang blo'i ngo bo nyid kyis zhes bya ba la sogs pa smos te/ blo'i ngo bo nyid du grub pa na/ /blo 'di'i 'bras bu 'di yin no zhes shes par bya'o zhes bya ba'i tha tshig go/ /de de ltar na tshogs pa tha dad pa skye ba can yang zhes bya ba la sogs pa la/ blo'i tshogs pa gang yin pa de las tshogs pa tha dad pa skye ba can de yang rgyu dang 'bras bu'i dngos por yod pa yin la/blo'i rtags nyid du 'gyur ro/ /rnam pa gzhan mi srid pa'i phyir ro zhes bya ba ni tshogs pa gcig la rag las pa dang / tshogs pa tha dad pa la rag las pa ji skad du bshad pa'i rnam pas blo'i rtags nyid yin pa bsal ba yin te/rnam pa gsum pa ni yod pa ma yin no/ /de ltar ni 'gyur mod kyi rtags gang gis bdag nyid la blo zhes bya ba la sogs pa la rtags gang gis te/ lus kyi g.yo 'gul la sogs pas rjes su dpog pa po bdag la blo bsgrub par 'dod pa'i'o/ /rtags de nyid las gzhan la zhes bya ba ni mthun pa'i phyogs la blo 'grub par 'gyur te/dpe med par zhes bya bar sems so/ /de grub pas gzhan du zhes bya ba ni mthun pa'i phyogs las gzhan pa ste phyogs zhes bya ba'i tha tshig go/ /de bas na rjes su 'gro ba grub pa yin zhing rjes su 'gro ba de las bdag la yang rjes su dpog pa yin no//'dis ni 'di skad du mthun pa'i phyogs la dpe med par blo rjes su dpog par byed cing phyogs kyi chos bdag la ni dpe'i stobs kyis yin no zhes bstan par 'gyur ro/ /de de ltar na zhes bya ba la sogs pas 'gog par byed do/ /rtags gang gis bdag la blo rjes su dpog par 'dod pa'i rtags de nyid las sngar 'di ni rjes su 'gro ba bdag la rjes su dpag pa de las grub pa gang yin pa de ni bdag la blo rjes su dpag pa gang yin pa de las sngar grub pa yin no//de ltar na rjes su dpag pa grub pa'i dus phyis bdag la blo rjes su dpog pa grub pa yin no/ /re zhig /bsgrub par bya ba gzhan la yang / / zhes bya ba ni mthun pa'i phyogs la'o/ /de ltar na de la yang blo dpe nyid du brjod par bya'o/ /dpe med par ni mthun pa'i phyogs la yang blo'i mthun pa'i phyogs grub pa ma yin no/ /rjes su 'gro ba bsgrub pa'i phyir rtags nyid du brjod pa gang yin pa de'i yang dpe gzhan bsgrub par bya ba nyid yin pa 'dis ni thug pa med pa ring du song ba bstan to//de lta ma yin na gal te der zhes bya ba ni mthun pa'i phyogs la'o/ /'dir yang zhes bya ba ni bdag la'o/ /dpe med pa can zhes bya ba ni mthun pa'i phyogs la yang ngo / /de'i tshe 'brel pa bzung ba can de las zhes bya ba ni g.yo 'gul la sogs pa blo'i 'bras bu nyid du bdag la bzung ba las zhes bya ba'i don to//gal te de la gcig bdag nyid gsal bar 'gyur ba zhes bya ba ni blo snga ma 'dzin par byed pa phyis 'byung ba'i blo gzhan mi gsal ba zhes bya ba ni blo snga ma'o/ /sgron ma ni gsal bar byed pa yin zhing bum pa ni gsal bar bya ba yin no//tha snyad du yang mi 'gyur na 'gyur ba yang yin pa zhes bya ba ni tha snyad du'o/ /de ltar na don 'di nyid gsal ba yin na 'di la the tshom gyis ci zhig bya zhes bya ba la sogs pas don gsal ba'i tha snyad du 'gyur ro/ /yul ni ci ltar gsal ba yin/ /ma yin pa nyid do zhes bya ba'i gzhung 'di ni gzhan gyi yin no//'dis ni bdag nyid gsal ba nyid du zhes bya ba la sogs pa ni grub pa'i mtha' smra ba'i yin te/ 'on kyang de bdag nyid gsal ba'i bdag nyid yin pa de ltar na blo phyi ma bdag nyid gsal bar byed pa zhes bya ba'i don to/ /blo bzhin du blo dang 'dra ba nyid kyi phyir blo gsal bar byed par 'gyur ro zhes bya ba ni ji ltar blo dang 'dra ba nyid yin pa'i phyir gsal bar byed pa ma yin pa'i bdag nyid can yin na yang phyis 'byung ba'i blo snga ma gsal bar byed pa de ltar na/don yang gsal bar byed pa ma yin pa'i bdag nyid can nyid kyis blo de lta bur gyur pa dang 'dra ba yin pa de ltar na blo gsal bar byed par 'gyur ro zhes bya ba'i don to//gsal ba dang gsal ba'i ngo bo ma yin pa'i rten can/ gsal bya dang gsal byed khyad par gyis zhes bya ba ni gsal ba'i ngo bo'i rten can ni gsal byed kyi khyad par ro/ /gsal ba'i ngo bo ma yin pa'i khyad par ni gsal bya'i khyad par yin no/ /de zhes bya ba ni gsal bya dang gsal byed kyi ngo bor 'jig rten tha snyad du yod pa gang yin pa'o//mthong zhes bya bar nges pa med/ /ces bya ba ni don 'di mthong ngo zhes bya ba de lta bu'i rnam par nges pa ste/ de yang don mthong bar byed par 'thad pa ma yin no/ /de'i phyir gang las te don mthong ba las mthong ba nges par 'gyur ba 'di'o/ /de'i 'am zhes bya ba ni don gyi'o//don de las kyang don gyi yul can gyi shes pa gzhan gyi zhes bya ba'i don to/ /don mthong ba'i dus nyid ni don nyams su myong ba'i dus nyid mthong bas brjod par bya ste/ don gyi yul can gyi shes pa'i nyams su myong ba med par don mthong ba grub pa ma yin no zhes bya bar dgongs so//de yang zhes bya ba ni don mthong ba dang dus mtshungs pa don mthong ba'i yul can gyi shes pa'i mthong ba'o/ /slob dpon gyis des smras pa'i grub pa la sgrub pa'i lan zhes bya ba ni/ slob dpon phyogs kyi glang bos gzhan gyis smras pa'i grub pa la sgrub pa'i skyon bsal ba shes pa shes pa gzhan gyis nyams su myong ba yin na thug pa med par 'gyur ro zhes bya ba la sogs par bshad do//'di la lan sngar bshad zin mod kyi skyon lhag pa brjod par bya ba'i phyir yang nye bar bkod pa yin no/ /yun ring gnas pa med phyir ro/ /zhes bya ba ni dus ring por gnas pa med pa'i phyir ro/ /rdul phra rab gcig mngon par bsgres pa'i dus ni skad cig ma yin no zhes bya ba ni dus ji srid du rdul phra rab gzhan las 'das pa'i dus de srid ni skad cig ma zhes bya ba'i don te/dus de srid ni skad cig ma yin no zhes bya ba'i tha tshig go/ /skad cig ma du ma 'das pa'i dus kyi mtha' can ni mig 'byed pa dang 'dzums pa zhes bya ba la skad cig ma du ma 'das pa ni bsgres pa'o//gang la de nyid kyi dus kyi mtha' yod pa de la de skad ces bya'o/ /skad cig ma du ma 'das pa'i dus kyi mtha' can te/ yongs su rdzogs pa gang la yod pa de la de skad ces bya'o/ /mig 'byed pa gcig dang mig 'dzums pa gcig ces bya ba so sor sbyar ro//dus de tsam gyis zhes pa ni mig 'dzums pa gcig gi dus dang mig 'byed pa gcig gi dus kyis so/ /ches shin tu chung ba yang zhes bya ba gcig tsam la yang ngo / /yi ge grub pa'i dus na gnas pa yod pa ma yin no zhes bya ba ni skad cig ma gcig gis bsdus pa'i nyan pa po'i blo ni skad cig ma du ma'i bdag nyid can gyi yi ge grub pa'i dus na yod pa ma yin no//de bas na yi ge gcig gi dus na mi gnas pa'i blo gcig gi yi ge gcig 'dzin par mi 'gyur ro zhes bya bar dgongs so/ /'gyur bar ni 'dod mod kyi nyan pa po'i blo'i skad cig ma mang po rim gyis skye bar gyur pa dag gis rim gyis yi ge'i cha thams cad yongs su gcod par byed cing blo'i skad cig ma de dag gis kyang phyis yi ge gcig tu zhen par byed pa can gyi dran pa skyed par byed pa de bas na de las ring po la sogs pa'i yi ge 'dzin pa'i tha snyad du 'gyur ro zhe na/de'i phyir yi ge'i cha thams cad la yang zhes bya ba la sogs pa smos te/gal te blo de dag rang rig pa'i ngo bor 'gyur ba de'i tshe/ myong bar 'gyur zhing phyis yi ge gcig 'dzin pa'i bdag nyid can gyi dran par byed par 'gyur na de dag la myong ba nyid yod pa ni ma yin te/ rang rig pa nyid khas mi len pa'i phyir ro/ /'gyur bar ni 'dod mod kyi rang rig par mi 'gyur ba de lta na yang yi ge'i cha so so la skyes pa'i blo de dag rnams dang dus mtshungs pa can nyid kyi blo rnam par rtog pa 'dzin par byed pa 'byung bar 'gyur ba de bas na rnam par shes pa gzhan gyis nyams su myong ba'i blo dag 'dzin pa'i phyir/ji skad du bshad pa'i skyon yod pa ma yin no zhe na/ de'i phyir rtog pa dang bcas pa dang rtog pa med pa zhes bya ba la sogs pa smos te/sgra'i cha la dmigs pa can gyi rtog pa med pa'i blo dang / de la dmigs pa can gyi yid kyi blo dag cig car 'jug pa med do zhes bya ba'i don to/ /de bas na rang rig pa med par shes pa shes pa gzhan gyis nyams su myong bar 'dod pa khas blang bar bya'o zhes bya ba bstan pa'i phyir yi ge'i cha gcig la zhes bya ba la sogs pa smos te/ches shin tu chung ba zhes bya ba ni gang las gzhan du cha gzhan du rtog pa yod pa ma yin te/ de nyid la skad cig mas bsdus pa 'dzin par byed pa'i blo gang yin pa de'i skad cig ma tsam gyis 'jig pa yin na'o//de ma thag tu de myong ba'i blo zhes bya ba ni ches chung ba'i yi ge'i cha de 'dzin par byed pa'i blo ni nyams su myong ba'i blo'o/ /de ltar na shes pa shes pa gzhan gyis nyams su myong bar grub par 'gyur na blo'i yul can nyams su myong ba'i blo skye ba'i dus na gzhan yi ge'i cha gang yin pa de la 'dzin par byed pa'i blo yod pa ma yin te/blo gnyis cig car 'jug pa med pa'i phyir ro/ /de bas na blo la dmigs pa des de las gzhan pa'i yi ge'i cha'i shes pa chod pa yin pa zhes bya ba ni rang gi yul gyi yi ge 'dzin pa'i dus na shes pa mi skye ba nyid chod pa yin no/ /rim bzhin du sgra'i snang ba gnas par mi 'gyur ro zhes bya ba ni go rims med pa can la rim bzhin du snang ba 'gal ba'i phyir ro// //tshad ma rnam 'grel gyi 'grel bshad/ bam po drug cu pa/ de nyid bstan par bya ba'i phyir der snang ba de ni zhes bya ba smos te/ yi ge'i cha rim bzhin du gzung ba ma yin par snang ba'o/ /gal te blo rim bzhin du snang ba can du ni mi 'gyur ro zhe na/blo go rims med pa yin na zhes bya ba la sogs pa smos so/ /blo ni cig car snang ba'i phyir/ /zhes bya ba ni yi ge'i cha cig car snang ba'i phyir de la tha dad pa med pa'i yi ge rim med par 'gyur ro/ /yi ge ring mi 'gyur zhes bya ba ni rim ma yin par snang ba nyid kyis thung ba dang dus mtshungs pa can nyid yin pa'i phyir ro//gal te dus shin tu chung bar gcig 'dzin cing gzhan ni rgyun gyis 'dzin pa de'i tshe ring po dang thung ngu dag tha dad par 'gyur ro/ /de nyid ni de ltar na skad gsang mthon po zhes bya ba la sogs pa la cha du ma'i rim gyis rgyun du snang ba las yin no zhes bya ba ni cha du ma'i gang yin pa de nyid rgyun yin no//'gyur bar ni 'dod na yi ge'i cha snga ma rang nyid yod pa'i dus na blo skyed par byed pa ma yin gyi/ 'on kyang yi ge'i cha gnyis pa grub pa la ltos nas grub pa yod na de dang lhan cig skyed par byed pa yin no zhe na/ de'i phyir skyed na yang zhes bya ba la sogs pa smos te/yi ge snga ma rang yod pa'i dus na gal te skyed par mi byed pa de las phyis kyi yan lag gi dus na cha snga ma skad cig ma nyid yin pa'i phyir yod pa nyid ma yin pa'i rgyus na rgyu ma yin pa'i phyir ro/ /yi ge'i cha snga ma tha ma'i bar gnas na zhes bya ba ni tshigs su bcad pa'i cha'o/ /yi ge'i cha tha ma'i bar du gnas pa can yin no zhes bya ba ni yi ge'i cha tha ma'i bar du gnas pa gang la yod pa de la de skad ces bya'o//dus mtshungs du ma yang thos pa'i phyir ring po'i blo ma yin no/ /'o na ci yin zhe na/ rgyun gyis 'jug pa 'dzin pas yin no/ /rgyun mthong ba med par bstan pa'i phyir de phyis zhes pa smos so/ /tshigs su bcad pa'i cha 'di'i rnam par 'grel pa ni yi ge'i cha tha ma zhes bya ba la sogs pa yin no//gnas pa med ces bya ba 'di'i rnam par 'grel pa ni gnas pa yod pa ma yin na zhes bya ba yin no/ /dus mtshungs pa can gyi yul dang yul can gyi dngos po khas len pa la de skad ces bya ba'i/ yul gnas pa med pa'i phyir de'i blo gnas pa med par brjod pa gang yin pa de dus mtshungs pa can gyi yul dang yul can gyi dngos po khas len pa yod na rnam par shes pa la rnam par 'jog par nus pa'i rgyu nyid yul nyid yin pa gang yin pa de'i yul la 'gags pa na shes pa'i gnas pa yang 'gal ba med pa yin te/rgyu dang 'bras bu yang dus tha dad par gnas pa'i phyir ro/ /yi ge'i ring po dang tshad gsum pa'i zhes bya ba la rgyu zhes bya ba khong nas dbyung bar bya'o/ /gang yang zhes bya ba ni dpyod pa la sogs pa'o/ /sgra tsam dag gis zhes bya ba ni sgra dag gis so/ /rang gi shes pas chod pa blo du mas 'dzin par 'gyur ro zhes bya bas ni 'di skad du ches shin tu chung ba'i yi ge'i cha re re la 'dzin par byed pa skad cig ma tsam gyis 'jig pa yod pa de ma thag pa de nyams su myong ba'i blos de las gzhan pa'i yi ge'i cha'i shes pa chod pa ma yin te de ltar na ring po 'dzin par mi 'gyur ro zhes bya ba de bsal ba yin no snyam du sems par 'gyur ro zhes bstan par 'gyur ro//gal te yi ge'i cha 'dzin pa'i blo rgyun mi 'chad pa skye bar 'gyur na/ 'o na gang blo gzhan gyis kyang gang nyams su myong ba yin zhe na/ de'i phyir yi ge'i yan lag ces bya ba la sogs pa smos te/ nyams su myong ba des blo ring po la sogs par 'gyur ro zhes bya ba la/'di snyam du gang gi tshe yi ge'i cha tha ma 'dzin pa'i blo nyams su myong ba de bas na de nyams su myong ba'i shugs las yi ge'i cha go rims bzhin du nyams su myong ba bsdus nas/ yi ge gcig tu 'dzin par byed pa'i dran pa gang yin pa sgrub par byed do zhes bsams pa'o/ / rang nyid dam gzhan gyis nyams su myong ba ma yin pa'i rang bzhin zhes bya ba ni de 'dzin par byed pa'i shes pa gzhan rang rig pa de'i tshe khas mi len pa'i phyir ro/ /de bas na re zhig blo snga ma nyams su myong ba med pa'i phyir yi ge ring po 'dzin pa'i dran pa skyed par mi nus pa ma yin no zhes bya bar dgongs so/ /yi ge'i cha tha ma 'dzin par byed pa zhes bya ba de yang zhes bya ba ni yi ge'i cha tha ma ches shin tu chung ba 'dzin par byed pa'o//yi ge'i yul can ring blo dran mi 'gyur ba zhes bya ba ni kho bos yi ge ring po nyams su myong ngo zhes de ltar dran par mi 'gyur ro zhes bya ba'i don to/ /de ltar na zhes bya ba la sogs pas de nyid ston par byed do//yi ge'i cha 'dzin pa'i shes pa dag gis chod pa zhes bya ba la/ yi ge'i cha 'dzin pa ni snang ba'i shes pa yin la de la 'dzin pa'i shes pa dag gis so/ /de gzhan la yang mtshungs pa yin/ /zhes bya ba la sogs pas so zhes bya ba ni/ de gzhan la yang mtshungs pa yin zhing / yi ge cig car thos pa yin//zhes bya ba la sogs pas bshad zin pa nyid kyi phyir ro/ /chod ces bya ba ni yi ge'i chos so/ /yi ge thung gnyis dag ni brjod pa na/ /chod pa med par 'khrul par 'gyur/ /zhes bya ba ni yi ge a gnyis dang / yi ge i gnyis so sor brjod pa na rnam par chod pa med par yi ge gcig tu zhen pa'i 'khrul par 'gyur te/de la yang blo 'jug pa mgyogs pa nyid kyi phyir ro zhes bya bar dgongs so/ /dbang po las chod mthong na yang / /zhes bya ba ni dbang po'i sgras ni rna ba'i rnam par shes pa nyid bshad pa de nyid kyi phyir rna ba'i rnam par shes pa las zhes bya bas 'chad par byed do/ /dbang po las ni mi rung zhes bya ba ni rnam par chod pa dag la chod pa med par 'khrul pa dbang po'i shes pa las ma yin zhes bya ba'i don to//'di ni yid 'khrul pa nyid yin pa'i phyir ro/ /nyams su myong ba'i shes pa rnams kyi zhes bya ba ni shes pa 'dzin par byed pa nyid du 'dod pa'i shes pa rnams kyis so/ /de dag kyang shes pa gzhan gyis nyams su myong ba de la gzugs dang /ro dang dri la sogs pa'i blo re re las nyams su myong ba'i shes pa de ma thag tu 'gyur ba yin no zhes 'dod par bya'o/ /des na gal te nyams su myong ba'i shes pa chod par byed pas gzugs la sogs pa'i blo rnam par chod pa dag chod pa la chod pa med par 'khrul par dbang bo'i blo 'gyur na dbang po'i shes pa thams cad 'khrul par thal bar 'gyur ro//dus kyi mtha' mi rung ba'i phyir ro zhes bya ba ni dus kyi mtha' mi rung ba'i phyir ro/ /dus kyi mtha' ni skad cig ma yin te/ gang / gzugs ming dus mtha' rdul yig dang / /skad cig ces bshad pa yin no/ /rang 'dzin pa can gyi bar du chod pa yin pa zhes bya ba ni yi ge'i cha gcig la 'dzin pa'i blo'i de ma thag pa'i blo 'dzin par byed pa'i blo skye ba des/yi ge'i cha gnyis pa 'dzin par byed pa'i blo chod par byed pa yin no/ /de bzhin du yi ge'i cha so so la 'dzin pa chod pa yin no/ /yi ge rnams chod pa thos pa na yang zhes bya ba ni yi ge'i cha rnams so//chod pa med par 'khrul pa dbang po'i blo rnams yin pa de'i tshe zhes bya ba ni gal te dbang po'i blo 'khrul par 'dod na zhes bya ba'i tha tshig go/ /rim gyis yi ge mang bo dag la bar dang bcas par 'dzin par zhes bya ba ni ji ltar yi ge'i cha la 'dzin pa bar dang bcas pa de ltar lha sbyin la sogs pa'i tshig 'god pa can gyi yi ge mang po dag la 'dzin pa yang bar dang bcas pa yin te/blo la 'dzin par byed pa'i blos bar du chod pa nyid kyi phyir ro/ /de bas na 'dzin pa bar dang bcas pa snang ba na nyams su myong ba'i blos yi ge 'dzin pa'i blo chod pa yin na log pa'i don can du 'gyur ro zhes bya bar sbyar ro//yi ge rnams yongs su gcod par byed pa 'ba' zhig ni ma yin gyi/ 'on kyang gzugs la sogs pa la yang ngo / /sogs pa'i sgras ni dri dang ro la sogs pa gzung ngo / /skad cig ma'i blos 'dzin pa na gzhan gyis rnam par chod pa na yang zhes bya ba 'di'i rnam par 'grel pa ni/ de nyams su myong ba'i blos zhes bya ba yin te/ gzugs la sogs pa'i blo 'dzin par byed pa'i blo gzhan gyis zhes bya ba'i don to/ /gzugs la sogs pa'i blo yang bar du chod pa nyid yin par mtshungs pa yin te/ shes pa gzhan gyis nyams su myong ba'i phyir ro/ /yi ge 'dzin pa bzhin du zhes bya ba ni yi ge gcig yongs su gcod par byed pa bzhin du ste/de lta bur gyur pa nyid ni dpe nyid kyi skabs nyid yin pa'i phyir ro/ /rgyun gyis yi ge du ma 'dzin pa'i ngang tshul can ni don nyid yin par rig par bya'o/ /de bas na dbang po'i shes pa thams cad log pa'i don can nyid du mi 'gyur ba de ltar na dbang po'i shes pa dag chod pa med par 'khrul pa med par khas blang bar mi bya'o//de ltar na rgyun chad pa med par snang bar 'gyur na/ 'gyur ba yang yin pa de bas na shes pa dag rang rig pa yin par khas blang bar bya'o zhes bya bar dgongs so/ /skad cig ma dag la de nyid 'di yin no zhes ngo shes pa gang yin pa de yang yid 'khrul pa yin no zhes bstan par bya ba'i phyir dbang po 'khrul pa las gzhan du zhes bya ba la sogs pa smos te/dbang po'i 'khrul pa las gzhan zhes bya ba ni dbang po nus pa med pa la sre bar byed pa yod pa ma yin gyi/ 'on kyang don med par snang ba can gsal ba'i shes pa cig car skye bar 'gyur ro//de nyid ni dbang po'i 'khrul pa ni zhes bya ba la sogs pas 'chad par byed do/ /de'i khyad par mtshon pa med pas zhes bya ba la sogs pa ni/ dbang po 'khrul pa las skyes pa mgal me'i 'khor lo la sogs pa'i rnam par shes pa de'i khyad par mtshon pa med pas don sre bar 'khrul pa me yin gyi/'on kyang cig car don med par snang ba can sre ba med pa yin no/ /de nyid sdud par byed pa'i ngag ni ji ltar zhes bya ba la sogs pas gsal bar byed do/ /skad cig ma dang po skad cig ma gnyis pa'i dus na mi gnas pa'i chad pa'o/ /skad cig ma re re la gzhan nyid yin pa'i phyir gzhan dang gzhan no//chad pa yang de yin la gzhan dang gzhan yang yin no zhes bya ba ni khyad par gyi bsdu ba'o/ /de lta bur gyur pa'i don mthong ba yod na sre ba gang yin pa de nyid do shes pa'i ngo bo'i dran pa de bzhin du don gcig tu snang ba dang dbang po la brten pa ste/ dbang po'i 'bras bu dbang po'i shes pa'o//don gcig tu snang ba ste sre ba med par snang ba'o/ /de ltar na de la cig car gsal ba'i rnam pa gcig snang ba yin gyi snga phyi sre ba las ni ma yin no/ /gang gis na thos pa dang rang gi shes pas bsgribs pa yin na yang zhes bya ba ni/ shes pa 'dzin pa'i shes pas bsgribs pa yin na yang rtogs pa dang bral ba 'di sre bar byed pa ma yin no//shes pa la rjes su dpyod pa'i rnam par rtog pa'i rnam par shes pas zhes bya ba ni don gzhan dang gzhan dag nyams su myong ba'i shes pa gang yin pa de la 'dzin pa shes pa'i shes pa de'i rjes su dpyod pa ni/ de'i de ma thag tu skyes pa nyid kyi phyir shes pa la shes pa'i rjes su dpyod pa rnam par rtog pa'i shes pa gsum pa'o//de nyams su myong ba zhes bya ba 'di'i rnam par bshad pa ni/ 'dzin pa'i rnam pa bgrang ba'i don myong ba zhes bya ba yin te/ 'dzin pa'i rnam pa zhes bya ba de lta bur rab tu grags pa ni'o/ /de dag ni de'i nyams su myong ba'o zhes bya ba ni don dang don myong ba'o//shes pa'i shes pas chod pa med pa'i rnam pa gang yin pa der snang bar gyur ba dag go/ /de ltar na rgyun gyis 'jug pa can gyi dbang po'i shes pa la rgyun mi 'chad par don dang dbang po'i shes pa snang ba de yang mngon sum nyid yin no/ /rigs pa ni tshad ma'o/ /dam pa yang yin la rigs pa yang yin pa zhes bya ba ni/dngos po'i stobs kyis zhugs pa'i tshad ma nyid ces bya ba'i don to/ /de nyid ni ji skad du bshad pa'i mtshan nyid ces bya ba la sogs pas ston par byed do/ /gang zhig ji ltar snang ba'i zhes bya ba ni rnam pa gang dang gang gis snang ba'i shes pa'o/ /de ni de ltar tshad ma yin no zhes bya bar rigs te zhes bya ba ni gnod pa can med pa can zhes bya bar dgongs so//gal te de gang las she na shes pa'i dbang gis shes bya rnam par gzhag pa'i phyir ro zhes bya ba smos so/ /de la yang shes pa tsam tshad ma ma yin no zhes bstan pa'i phyir ro/ /de ltar na shes pas shes bya rnam par gzhag pa zhes bya ba la sogs pa smos so//de ni de la tshad mas gnod pa med pa zhes bya ba ni/ shes pa de shes bya gang la skyes pa de la tshad mas gnod pa ma yin no zhes bya ba'i tha tshig go/ /ci ste chod pa ma mthong na yang zhes bya ba la sogs pa la don dang de myong ba rnam par chod pa dag ma mthong na yang ngo / / dpyod pa las zhes bya ba la re zhig don mthong ba des bdag nyid myong ba ma yin pas na shes pa gzhan gyis myong ba ma yin no zhes de ma thag tu bstan pa las so/ /de zhes bya ba ni rnam par chod pa mthong ba'o/ /de'i tshe 'o na cig car blo ma mthong ba yang rgyu ma yin te/ cig car blo nyid mi skye ba'i phyir ro/ /de yang dpyod pa las rnam pa gzhan du grub pa'i phyir ro//de 'di nyid ni zhes bya ba la sogs pas rnam par dpyod pa nyid bstan to/ /gnas dang yod pa dang go skabs zhes bya ba ni rnam grangs yin te/ de med pa'i phyir gnas ma yin te go skabs med do zhes bya ba'i don to/ /de ni mdo sde dang mngon pa las gsungs so/ /ci ltar 'di la yin pa de ltar dbang po'i shes pa dag la yang zhes bya ba ni ci ltar rnam par rtog pa gnyis mi skye ba de ltar dbang po'i shes pa rigs mthun pa dag kyang skye ba med do zhes bya ba'i don to//rtog pa'i rjes su 'brang ba ngo shes pa cig kyang gzhan gyis ci ltar na gsal bar snang ba can nyid dang mngon sum nyid du khas blangs pa yin zhe na/de ltar na rigs mthun pa'i rnam par shes pa cig car mi 'byung zhing zhes bya ba smos te/ gal te yul gcig la rnam par shes pa rigs mthun pa gnyis 'gyur ba de'i tshe/ de la rnam pa gsal ba can mngon sum du 'gyur zhing cig shos sbyor bar byed pa'i bdag nyid can du 'gyur na de yang yod pa ma yin no//gzhan ni rtog pa med pa dang rnam par rtog pa'i shes pa dag cig car skye bar mi 'dod do/ /de ni rnam par rtog pa'i rnam par shes pa yang cig car 'jug pa ma yin no zhes bya ba ni rtog pa med pa'i shes pa dang lhan cig ces bya ba khong nas dbyung ngo / /gang gi phyir gang zhig ste/ ngo shes pa'i rnam par rtog pas de nyid 'di yin no zhes gsal bar snang ba can gyi dngos po de sre bar byed cing gcig tu byed pa'i rnam pa des ngo shes pa'i rnam par rtog pa de nyid gsal bar snang ba yin no snyam du gzhan du sems na'o//ngo shes pa gsal bar snang ba nyid dang gcig tu nges par bya ba mngon sum gyi tshad ma nyid du 'dod pa gang yin pa de gsal bar bya ba'i phyir/ngo shes pa gsal bar snang ba zhes bya ba la sogs pa smos so/ /gcig nyid la 'khrul pa'i phyir zhes bya ba ni 'di ltar gcig la yang 'dra ba'i 'khrul pa gzhan dang gzhan gyis ngo shes pa dag snang ngo / /de bas na gcig la 'khrul pa de ni gcig nyid du nges pa la tshad ma ma yin no//de de ltar na skra shad dang sgo nga la sogs pa shes pa tha dad pa can la yang de nyid 'di yin no zhes ngo shes pa'i blo gsal bar snang ba yod pa yin no/ /de la yang blo gzhan rtog pa med pa gzhan mi 'dod de/ cig car blo gnyis mi skye ba'i phyir ro/ /de bas na mar me la sogs pa dag la yang ngo shes pa gsal bar snang ba yin no zhes bya ba khas blang bar bya'o//gal te gsal bar snang ba'i rgyu'i phyir de nyid 'di yin no zhes ngo shes pa'i blo mngon sum nyid thob par 'gyur ba de'i tshe mar me la sogs pa'i ngo shes pa yang 'gyur ro/ /skra bregs pa yang skye ba la sogs pa 'dir yang don dam par tha dad par gsal bar snang ba'i rgyu nyid kyi phyir mngon sum yin par mi 'gyur te/mngon sum gyi tshad ma yin par mi 'gyur ro zhes bya ba'i don to/ /du ma la rnam pa gcig tu 'jug pa nyid kyis 'khrul pa nyid yin pa'i phyir ro zhes bya bar dgongs so/ /de 'drar 'gyur zhes bya ba ni 'khrul par 'gyur zhes bya ba'i don to/ / 'khrul pa nyid yin par bstan to zhes bya ba ni gcig nyid du bsgrub par 'dod pa'i ngo shes pa ni du ma la yang mthong ba'i phyir ro/ /de ltar re zhig gzhan gyi bsam pas ngo shes pa dbang bo la brten pa nyid yin par khas blangs nas 'khrul pa nyid yin par bstan cing / da ni dbang po la brten pa nyid ma yin no zhes bstan pa'i phyir ngo shes pa de yang dbang po la zhes bya ba la sogs pa smos so//de chos sgro 'dogs zhes bya ba ni da ltar la 'das pa'i chos de nyid 'di yin no zhes sgro 'dogs pa'o/ /gang las dbang skyes kyi shes pa yin te zhes bya ba ni dbang po'i shes pa ni snga phyi rtogs pas stong pa nyid kyi phyir ro zhes bya bar dgongs so//'gyur na yang zhes bya ba ni sngon nyams su myong ba dran pa chos der sgro 'dogs pa dbang po'i shes pa la 'gyur na yang ste/ khas len na yid kyi rnam par shes pa bzhin du don rtogs pa'i phyir/ ji ltar yid kyi rnam par shes pa snga phyi rtogs pas 'jug pa bzhin du dbang po'i shes pa yang zhes bya ba'i tha tshig go//de las tha dad pa med par 'gyur ro zhes bya ba ni yid kyi rnam par shes pa las tha dad pa med par ro/ /de'i shes pa la zhes bya ba ni don shes pa dang 'dzin par byed pa'i shes pa don shes pa dang dus mtshungs pa gang yin pa de la yang ngo / /don gyi rnam pa snang ba gzhan cig car rtogs par 'gyur na zhes bya ba ni don shes pa gzung ba nyid kyis de la gnas pa'i phyir ro//de la gzung ba nyid du don gyi rnam pa gzhan bshad pa gang yin pa de la snang bar 'gyur te/ de skad du ji ltar don gyi rnam pa snang ba de ltar shes pa'i shes pa la yang don gyi shes pa'i rnam pa dus gcig tu snang bar 'gyur ro zhes bstan par 'gyur ro//don du snang ba gnyis su zhes bya ba ni shes pa'i shes pa la yang don du snang ba can gyi shes pa nyid don du snang ba yin zhing don gyi shes pa ni phyi rol gyi don 'ba' zhig yin pa de bas na/ don du snang ba gnyis su cig car 'gyur ro/ /shes pa de dag gi zhes bya ba ni don gyi shes pa dang de nyams su myong ba'i shes pa'o//don du snang ba gnyis tha dad pa yin mod kyi zhes bya ba ni don gyi shes pa phyi rol gyi don du snang ba nyid kyi phyir ro/ /gzhan yang don dang don shes zhes bya ba la sogs pa la gal te don shes pa dang shes pa'i shes pa'i snang ba nyams su myong ba'i dus na tha dad par rtogs par 'gyur ba de'i tshe don gyi shes pa la snang ba gang yin pa de don dang don shes pa'i shes pa la snang ba gang yin pa de/don shes pa yin pa de ltar na tha dad par rnam par gzhag par 'gyur zhing / phyis yul gyi khyad par las dran pa yang tha dad par 'gyur ro/ /ci skad du bshad pa'i snang ba tha dad pas don dang don shes pa 'di nyams su myong ba'i gnas skabs su rtag tu 'dres par gyur pa dag yin no//de nyid ni nyams su myong ba'i dus na zhes bya bar bshad pa yin no/ /don dang don gyi yid dag gi / myong ba'i rim bzhin skye na yang / /zhes bya ba ni sngar dbang po'i shes pas don nyams su myong zhing phyis don gyi yid de don gyi shes pa yid kyi rnam par shes pas nyams su myong ngo zhes bya ba'i tha tshig go//don shes pa dang ma 'dres pa zhes bya ba ni don shes pa bzung bar gyur pa dang ma 'dres pa ste/ gzugs brnyan med pa'o/ /de nyid kyi phyir 'ba' zhig ste/ 'dzin pa'i rnam par grags pa/ myong ba gcig sngon po la sogs pa'i nyams su myong ba'i rang bzhin rtogs 'gyur gyi'o//de'i yul can zhes bya ba ni sngon po myong ba'i yul can no/ /de ltar dran pa'i sgo nas kyang yul gzhan la 'pho ba med pa'i skyon slob dpon gyis bshad pa gang yin pa zhes bya ba ni/ shes pa gang gis shes pa'i shes pa nyams su myong ba de la yang dran pa mthong /de bas na de yang shes pa gzhan gyis nyams su myong bas thug pa med pa dang de ltar yul gzhan la 'pho ba med par 'gyur na/ de yang mthong ba de ltar na slob dpon phyogs kyi glang pos dran pa'i sgo nas yul gzhan la 'pho ba med pa'i skyon bshad pa yin no/ /rtsa ba'i rnam par shes pa'i yul nyid yin pa'i phyir ro zhes bya ba ni/dbang po'i shes pa dang po gang yin pa de'i yul nyid yin pa'i phyir ro zhes bya ba'i don to/ /thams cad pa thams cad kyi tshe bdag nyid thams cad kyi zhes bya ba ni/ yul thams cad la dus thams cad dngos po thams cad skye bar thal ba'i phyir ro zhes bya ba'i tha tshig go//gzung ba'i mtshan nyid kyir gyur pa/ /nye ba skyed byed ces bya ba ni tshigs su bcad pa'i cha yin te/ thams cad kyis blo dmigs pa'i mtshan nyid kyir gyur pa nyid yin no/ /'gyur bar ni 'dod mod kyi yul yang dmigs pa'i mtshan nyid kyir gyur pa yin no zhe na/ de'i phyir nye ba ste zhes bya ba smos so//gal te nye ba nyid ci ltar yin zhe na/ skyed byed ces bya ba smos te/ mtshungs pa de ma thag pa nyid kyi skyed par byed pa nyid du 'dod pa'o/ /rgyud gcig la gnas pa'i mtshungs pa de ma thag pa'i rkyen yang sngar skyes ma thag pa yin par 'dod do/ /de lta bu'i mtshan nyid can gyi skyed par byed pa nyid kyis rang gi blo nye ba nyid yin par 'gyur ro//de ltar na rang gi blo nye bar len par bshad pa yin no/ /de nyid ni nye ba nyid skyed byed yin no zhes bya ba 'dis ni zhes bya ba la sogs pas 'chad par byed do/ /skyed byed ces bya ba 'das ma thag pa ston par byed pa'i tshig 'dis ni rgyud gcig la gnas pa nyid kyi zhes bya ba'i tha tshig go//skyes bu 'gas bdag gi blo myong bar mi 'gyur ro zhes bya ba ni/ thams cad du don nye ba'i phyir ro zhes bya bar dgongs so/ /'gyur bar ni 'dod mod kyi/ don gang nye bas blo snga ma rang gi blo skye pa la gags byed pa'i don gang yin pa de 'dzin par byed pa'i blo nges don dang blo snga ma nyams su myong bar 'gyur ro zhe na/de'i phyir don dang blo cig car blo gcig gi nyams su myong ba 'gog par 'gyur ro zhes bya ba smos so/ /srid par rgyu ba can lnga la/ /zhes bya ba la/ rgyu ba can zhes bya ba ni phung por grags pa'o/ /srid par rgyu ba lnga gang la yod pa ni srid par rgyu ba can no//de lta bu yang de yin la srid pa yang yin pas na srid par rgyu ba can lnga ste/ srid pa phung po lnga can zhes bya ba'i don to/ /blo'i zhes bya ba ni drug pa ste/ blo'i dran pa gang yin pa de rtsa nas bton pa can te/ blo nyams su myong ba med pa la dran pa skyed pa'i nus pa med pa'i phyir ro//'ang gi sgras ni nyams su myong ba'i blo rtsa nas bcom pa can 'ba' zhig ma yin gyi/ blo'i dran pa yang rgyun chad pa yin no/ /phyi rol gyi don la reg pa med pa'am nye ba la ltos pa med pa rnams la zhes bya ba la 'das pa dang / ma 'ongs pa dang / ri bong gi rwa la sogs pa'i rnam par rtog pa ni don la reg pa ma yin te don med pa nyid kyi phyir ro//bum pa la sogs pa nye ba dag la yang rnam par rtog pa gang yin pa de dag don yod na yang de la ltos pa med pa yin te/ de nye ba med par yang nang las skyes pa'i phyir ro/ /rnam par rtog pa yul med pa can nyid yin par bsgrubs zin to/ /shes pa 'dzin pa las gzhan du 'pho ba'i rgyu don yod pa ma yin no zhes bya ba ni shes pa snga ma snga ma 'dzin pa gang yin pa de las gzhan du ste phyi rol gyi don dpyod par byed pa la 'pho ba'i rgyur gyur pa'i don yod pa ma yin no//de'i tshe/ blo yi nus pa zad yin na/ /gang las don blo'i de nyid yin/ /zhes bya ba ni mthar gnas pa'i ngang tshul can gyi blo blo 'dzin par byed pa blo de ni phyis 'byung ba'i skyed pa la nus pa zad pa yin na don gzhan la 'pho ba'i ngang tshul can gyi blo de gang las yin zhes bya ba'i don to//'di snyam du 'di ltar blo snga ma rang gi blo skyed pa la nus pa med pa de ltar yul gzhan gyi blo skyed par byed pa la nus pa med pa yin na 'di la nges par byed pa'i gtan tshigs kyang yod pa ma yin na/gang gis na blo bdag nyid la shes pa skyed pa de'i nus pa zad pa yin gyi don gzhan gyi blo la ni ma yin no zhes rtogs par 'gyur/ de bas na spyir shes pa skyed pa de la nus pa zad pa yin no zhes dgongs so/ /yul gcig la skyes pa'i shes pa brgyud pa yin na zhes bya ba ni blo snga ma snga ma blos dmigs pa'i sgo nas blo phyi ma phyi ma rnams kyi blo'i yul can nyid shes pa'i brgyud pa yin na'o//de la chags pa yod na yang yul gzhan la shes pa 'jug par 'gyur na zhes bya ba ni yid kyi rnam par shes pa la chags pa yod na yang kun gzhi rnam par shes pa la nus pa yod pa nyid kyi phyir/yul gzhan la shes pa 'jug par 'gyur na'o/ /de ltar na/ nus pa med par byas pa can/ /kun gzhi las rnam par shes pa gzhan 'byung ba med ces bya ba la sogs pas zhar la 'ongs pa'i lan btab nas/ de de ltar na rnam par shes pa nus pa med pa ma yin na snga ma ni zhes bya ba la sogs pas rnal ma la sbyor bar byed do//mtshungs zhes bya ba 'di bshad pa ni nus pa yin no zhes bya ba yin te/ nus pa dang bral ba yin no zhes bya ba'i tha tshig go/ /de'i phyir mig gi rnam par shes pa la sogs pa zhes bya ba ni yid snga ma 'di las yin te nus pa med pa dang bral ba nyid kyi phyir ro/ /rkyen ji lta ba bzhin du zhes bya ba ni yul ji ltar nye ba bzhin du'o//yid kyi rnam par shes pa dag ni rim bzhin du skye bar 'gyur ro zhes bya ba ni rnam par rtog pa rnams te/ rnam par rtog pa gnyis ni cig car mi 'byung ba'i phyir ro/ /sems pa gang yin pa zhes bya ba ni bye brag la sogs pa'o/ /blo gcig po snga ma'i nus pa so sor nges pa las ma yin no zhe na zhes bya ba ni/mtshungs pa de ma thag pa'i rkyen las blo snga ma ni rigs mthun pa'i blo gcig skyed pa la nus pa nges pa las so/ /sngar yang rab tu bsgrubs zin pa yin no zhes bya ba ni/ 'dir don kun dang cig car ni/ /'dus can dbang rnams yod na yang //zhes bya ba la sogs pa'i skabs su'o/ /gang gi tshe yul shin tu gsal ba ma yin pa thag nye ba na yod pa zhes bya ba ni yul shin tu gsal ba thag nye ba na yod pa yul gyi stobs las dbang po gzhan dang 'brel pa'i yid nges par 'gyur ro/ /de'i sgo nas sam zhes bya ba ni yul gyi sgo nas so//bdag nyid ces bya ba ni skyes bu bdag nyid 'dod pas so/ /bdag yid dang ni ldan tsam las/ /skyes rnams zhes bya ba ni rnam par rtog pa dang bcas pa'i rnam par shes pa rnams so/ /yid kyi go rims kyi rgyu zhes bya ba la yid kyi 'di ni yid kyi ste/ de'i go rims kyi rgyu med pa'i phyir ro//de ltar na yid bdag dang ldan pa cig car 'gyur te/ bdag nyid gcig pa nyid kyi phyir ro/ /dbang rnams bzhin du bdag la yang rim bzhin du ldan pa khas len pa ma yin no/ /gang na yid kyi shes pa skye ba la go rims kyi rgyu 'ga' zhig kyang med pa'i phyir ro zhes bya ba ni ngag gi don yin no//byed pa gcig nyid kyis zhes bya ba ni byed pa po bdag nyid la ltos nas byed pa'i tha snyad yin no/ /ci phyir mar me du mas mthong / /zhes bya ba ni 'dis gzugs la sogs pa mthong bas na mthong ba'o/ /lta ba po du ma'i mthong ba'i rnam par shes pa skyes pa na ci ltar byed pa yin zhes bya ba'i don to//mar me skyes bu du mas zhes bya ba la sogs pas 'chad par byed do/ /ci ste yang lta ba po du ma'i dbang gis zhes bya ba la 'di snyam du byed pa dag gi bya ba bsgrub pa la rang rgyud du yod pa ma yin gyi/ de dag ni byed pa po'i dbang gis 'jug par 'gyur ro/ /de bas na gang la byed pa po gcig yin pa de la bya ba gcig skyed par 'gyur zhing gang la byed pa po du ma yin pa de la byed pa gcig gis kyang bya ba du ma skyed par byed do zhes bsams pa'o//'o na ni zhes bya ba la sogs pa ni grub pa'i mtha' smra ba'i yin te/ 'di snyam du gal te byed pa po'i dbang gis bya ba yin pa de'i tshe/ lta ba po'i ming can rnam par shes pa snga ma'i rgyud khyad par can gyi nus pa dang 'brel pa mthong bar nus pa can las rnam par shes pa rnams rim gyis skye bar 'gyur ba yin na nus pa mthong ba med pa can gyi yid tsam gyis ci zhig bya zhes bya bar dgongs so//de nyid ni 'on kyang rnam par shes pa rnams bdag nyid ces bya ba la sogs pa smos te rnam par shes pa'i rgyud ma gtogs par lta ba po gzhan yod pa ma yin no//de ltar na sems nyid ma yin na gzugs la sogs pa bzhin du lta ba po nyid ma yin no/ /rnam par shes pa dang 'brel pa yin na yang phul du dbyung bar byar med pa ni lta ba po nyid du mi rung ba'i phyir ro/ /bdag nyid sems yod pa nyid kyi ngo bo nyid yin na ni rnam par shes pa nyid lta ba po nyid yin pa thob par 'gyur ro//'bras bu skyed par nus pa'i bdag nyid kyi khyad par nyid bag chags yongs su smin pa ste/ 'bras bu skyed pa la mngon du phyogs pa'i bag chags de'i khyad par de'i ngo bo rnam par shes pa'i ngo bo gang la yod pa de la de skad ces bya'o//de ltar na de zhes bya ba ni yid tsam mo/ /yid kyi rtags ni cig car shes pa mi skye ba yin par brjod do/ /gang gi tshe rang gi nye bar len pa nyid las rnam par shes pa snga ma rnams mi skye ba de'i tshe/ 'dis yid tsam rjes su dpag par bya ba tsam ma yin no/ /gnas pa yod na zhes bya ba ni skad cig ma dag go//skyes bu bdag nyid la gnas pa yod na zhes bya ba 'du byed gnas pa yod na'o/ /de yod na 'byung ba'i ngang tshul can gyi zhes pa ni 'du byed kyi rgyu can rnams de la blo zhes bya ba ni blo las 'du byed gang yin pa 'byung zhing 'du byed de las blo yin no/ /de ltar ni 'gyur mod kyi zhes bya ba la sogs pa la phyis 'byung ba'i blo la nye bar len pa'i ngo bo tsam blo snga ma yin pa ni blo ste/gzhan gzung ba nyid du 'gyur ba ni ma yin no zhe na zhes bya ba phyis 'byung ba'i blo la blo snga ma chos gzhan gzung ba nyid du mi 'gyur ro/ /gzung ba'i mtshan nyid kyi dngos pos zhes bya ba la sogs pa la 'dzin pa'i mtshan nyid can gyi rnam par shes pa skyed par byed pa gang yin pa de nyid gzung ba'i mtshan nyid kyi gzung ba nyid yin no zhes bya ba'i don to//gzung ba'i mtshan nyid kyis skyed par 'gyur ba gzung ba nyid yin par 'gyur ro zhes bya ba ni dmigs pa'i mtshan nyid kyir gyur pa'i dngos pos rnam par shes pa skyed par 'gyur ba ni gzung ba nyid yin no//'dzin pa'i nye bar len pa'i ngo bo nyid yin pa'i phyir zhes bya ba ni phyis 'byung ba'i rnam par shes pa skyed pa la nye bar len pa'i ngo bo nyid yin pa'i phyir ring por gnas pa dang chod pa la sogs pa dang ldan pa la nye bar len pa'i ngo bo srid pa ma yin no/ /bdag nyid ji lta ba bzhin du 'dzin pa dag gis gzugs shes pa la sogs pa gzung ba'i mtshan nyid yin na/gzung ba nyid las skyed byed ni/ /gzhan min zhes bya ba la gzugs shes pa la sogs pa gzung ba'i mtshan nyid yin na zhes bya bar sbyar ro/ /gzugs dang sgra la sogs pa dang sems dang sems las byung ba'i tshogs zhes bya ba'i don to//gang gis gzung ba'i mtshan nyid yin zhe na/ bdag nyid ji lta ba bzhin du 'dzin pa dag gis zhes bya ba smos so/ /gzung ba'i mtshan nyid kyir gyur pa de lta bu de la gzung ba nyid las skyed par byed pa ni gzhan ma yin gyi/ 'on kyang rang gi shes pa skyed par byed pa nyid gzung bar byed pa yin no//gzung ba nyid mtshan nyid las yul la sogs pas bskal pa la sogs pa ma yin pa las zhes bya ba ni gzhi mthun pa can gyi lnga pa yin no/ /sogs pa'i sgra dang pos ni ma chod pa dang rang bzhin khyad par can dang / rgyu gzhan lhan cig byed pa mig la sogs pa gzung ngo //gnyis pas ni rang bzhin khyad par can mngon du phyogs pa dang tshogs pa dag gzung ngo / /des na ngag gi don ni yul gyis ma bskal ba dang / chod pa med pa dang rang bzhin khyad par can mngon du phyogs pa dang rkyen gzhan tshogs pa'i phyir ro zhes bya ba 'di yin no/ /'di lta ste 'dzin pa'i nyer len dang myong ba zhes bya ba la 'dzin par byed pas na 'dzin pa ste/'dzin pa'i rnam par shes pa zhes bya ba'i don to/ /'dzin pa'i nye bar len pa ste/ de nas myong ba'i sgra dang zlas dbye ba bya'o/ /nye bar len pa zhes bya ba ni dngos po gtso bor bshad pa yin no/ /dbang po yang gzung ba'i mtshan nyid kyi dngos por 'gyur ba'i phyir ro zhes bya ba la/dbang po de ni bdag po'i rkyen nyid yin pa'i phyir rnam par shes pa'i nye bar len par 'gyur ba ma yin nam/ de ni bden te gzhan gyis khas blangs nas de skad du brjod pa yin no/ /gzhan dag ni dbang po yang nye bar len par 'dod pa de ltar na sems med pa las rnam par ldang ba'i rnam par shes pa dbang po nyid kyi nye bar len pas skyed pa yin no zhes phyi rol gyi don yod par smra ba 'dod pa yin no//de'i nye bar len pa'i ngo bo la sogs pa ma yin pa'i phyir ro zhes bya ba la sogs pa'i sgras ni don gcig la 'phrod pa 'du ba nyid la sogs pa med pa gzung ngo / /nye bar len pa nyid 'dus pa yin no zhes bya ba nang du 'dus pa yin no//de bas na zhes bya ba ni nye bar len pa'i dngos po yin pa'i phyir ro/ /gal te 'di ltar rnam par shes pa tha dad pa'i nus pa ci ltar yin zhe na/ nye bar len pa'i nus pa gzhan yin zhing zhes bya ba smras te/ nye bar len pa dang gzung ba nyid dag gi phan tshun mtshan nyid mi 'dra ba nyid kyi phyir tha dad pa med par rigs pa ma yin no zhes bya ba'i don to//nus pa dngos por gyur pa phan tshun mtshan nyid mi 'dra ba dag gis gcig 'bras bu du ma byed cing du ma dag kyang nus pa dngos por gyur pa gcig dang ldan pa nyid kyi phyir 'bras bu gcig byed pa yin no zhes gzhan dag sems so//nus pa gcig dang ldan pa'am zhes bya ba la sogs pa ni grub pa'i mtha' smra ba'i yin te/ dngos por gyur pa'i zhes bya bar dgongs so/ /skabs gzhan du brjod pa zhes bya ba ni/ de ni gcig kyang du ma byed/ /de dngos yongs su bstan pa'i phyir/ /zhes bya ba la sogs pa'i skabs su bstan zin to//de la ro la sogs pa yang zhes bya ba ni rigs mthun pa'i gzugs skyed pa la ro la sogs pa lhan cig byed pa'i rkyen yin no/ /tshogs pa gcig po 'di la zhes bya ba ni gzugs dang ro la sogs pa'i tshogs pa'o/ /gnas pa ni gzugs zhes bya ba'i skabs yin no/ /de la yang rnam par shes pa ni nye bar len pa'i rgyu yin zhing zhes bya ba ni/tshogs pa gzhan la gnas pa'i gzugs kyis mig gi rnam par shes pa skyed pa de la rnam par shes pa skyed pa de nye bar len pa'i rgyu yin no zhes bya ba'i tha tshig go/ /de la gnas pa lta bu'o zhes bya ba la gzugs de mig la sogs pa'i tshogs pa de la gnas pa ste/de la lhan cig byed pa'i rkyen nyid yin pa'i phyir ro/ /de ltar na rtag tu shes pa gzhan dang gzhan skyes pas 'di yul gzhan la 'pho ba ma yin no zhes bya ba ni ci ltar shes pa snga ma gzung ba dran pa yin pa de ltar dran pa de yang dran pa gzhan nye bar len par gyur pa des bskyed par bya ba yin zhing de yang gzhan gyi yin pa de ltar na dran pa'i shes pa brgyud pa yin no//'di skad du shes pa'i nyams su myong bar gyur pa de ma thag pa'i shes pa gzhan gyis 'dod pa gang yin pa de la ltos nas bstan bcos mdzad pas ci'i phyir thug pa med pa'i rtsod pa mdzad kyi dran pa'i sgo nas kyang ma yin zhes ston par 'gyur ro//snga phyi snang ba can nyid phyir/ /zhes bya ba ni gang la don snga phyi snang ba'i tshul yod pa de ni snga phyi snang ba can te de'i dngos po yin pa de'i phyir ro/ /de nyid ni gang gi tshe zhes bya ba la sogs pas 'chad par byed do/ /yi ge a 'dzin pa'i ngang tshul can gyi shes pa 'dzin par byed pa phyi ma yi ge i la sogs pa 'dzin pa'i ngang tshul can gyi shes pa zhes bya ba ni gang gi tshe shes pa gcig nyid kyi shes pa snga ma dang yul gzhan 'dzin par 'dod pa de'i tshe/yi ge a 'dzin pa'i ngang tshul can gyi shes pa 'dzin par byed pa phyis 'byung ba yi ge i la sogs pa 'dzin pa'i ngang tshul can gyi shes pa yin no//de bas na yi ge i 'dzin pa'i ngang tshul can gyi shes pa de la yi ge i ni phyi rol gyi yul yang yin zhing / shes pa snga ma la yod pa'i yi ge a ni yi ge a 'dzin pa'i ngang tshul can gyi shes pa snang bar gyur pa na yi ge a yin no/ /de ltar na yi ge a 'dzin pa'i ngang tshul can gyi shes pa ni 'dzin par 'dod pa'i shes pa gnyis pa dang /yi ge a dang snang bar snang 'gyur ba de bas na yi ge a yang snang ba yin te/ de ltar na blo gcig la brjod pa gnyis su 'gyur na'o/ /yi ge 'dzin pa las gzhan du zhes bya ba ni byang bu la sogs par bris pa'i yi ge'i bkod pa mig gi rnam par shes pas cig car 'dzin par 'gyur ro zhes bya ba'i tha tshig go//la lar gzhan yin no zhes bya ba ni dri la sogs pa'o/ /gal te ci'i phyir zhe na/ yul la 'jug pa'i nges pa med pa can gyi shes pa dag ces bya ba smos te/ gang la yul la 'jug pa'i nges pa med pa de la de skad ces bya'o//mig gi rnam par shes pa 'dzin pa'i ngang tshul can gyi shes pa la gzugs kyi snang ba dang sgra'i snang ba ste zhes bya ba ni gang gi tshe mig gi rnam par shes pa'i de ma thag tu snang ba'i rnam par shes pa skye ba de'i tshe des sgra yongs su gcod cing gzugs su snang ba can gyi mig gi rnam par shes pa snga ma yongs su gcod pa yin no//de bas na mig gi rnam par shes pa nyid gzung ba yin pa'i phyir de la yod pa'i gzugs kyi snang ba dang / phyi rol gyi sgra snang ba 'di gnyis mig gi rnam par shes pa 'dzin pa'i ngang tshul can gyi rna ba'i rnam par shes pa la snang bar 'gyur na'o/ /gcig kyang gnyis gnyis snang ba ni//zhes bya ba gzung ba re re gnyis su snang ba 'di'o/ /bdag dang de blo snar phyir ro/ /zhes bya ba ni yul gyi rang gi ngo bo ni bdag yin pa de la dmigs pa'i shes pa ni de'i sgras bstan to/ /bdag dang de'i blo ni bdag dang blo dag la ste/ yul gyi shes pa dang shes pa'i shes pa zhes bya ba'i tha tshig go/ /de ni bdun ba'i tshig gi gnyis pa'o//dus gcig gi tshe zhes bya ba la sogs pa ni 'di'i bshad pa yin no/ /rang gi shes pa la yod par zhes bya ba ni yi ge a'i shes pa la yod par ro/ /de bzhin du gzugs la sogs pa gcig la zhes bya ba ni 'di ltar de yang ji skad du bshad pa'i rnam par rang gi shes pa'am shes pa'i shes pa la snang bar 'gyur ro//de bas na gnyi ga 'dzin pa ma yin no zhes bya ba ni shes pa gcig gis yul gzhan dang shes pa snga ma 'dzin pa ma yin no zhes bya ba'i tha tshig go/ /shes pa gang las 'pho ba de zhes bya ba ni yid kyi rnam par shes pa'i mthar gnas pa'i ngang tshul can shes pa gzhan gyis nyams su myong ba ma yin pa las yul gzhan du 'pho ba de ni rang rig par 'gyur ro//de'i phyir shes pa gzhan gyis myong bar 'gyur ba ma yin te/ shes pa snga ma dag kyang tha ma'i shes pa bzhin du'o/ /de'i tshe/ thams cad myong med thal bar 'gyur/ /zhes bya ba ni tha ma'i shes pa ni mngon sum nyid ma yin pa'i phyir yod du zin kyang med pa dang 'dra bar shes pa snga ma nyams su myong ba la nus pa med pa nyid yin no//des shes pa snga ma nyams su myong ba med pa de ltar na thams cad nyams su myong bar thal bar mi 'gyur ro/ /dper na gzhan gyi shes pa'am yul nyams su myong ba zhes bya ba ni ji ltar yul lam shes pa gzhan gyis nyams su myong ba bdag nyid mngon sum ma yin pa nyid kyi phyir nyams su myong bar 'gyur ba ma yin pa de ltar na rang gi shes pa yang gang gi tshe mngon sum nyid ma yin par 'gyur ba de'i tshe/de nyams su myong ba yang nyams su myong bar 'gyur ba ma yin te/ nyams su myong ba nyid la rang dang gzhan gyi shes pa dag bye brag yod pa ma yin no//lkog tu gyur pa dmigs pa can shes par dka' ba yin na zhes bya ba ni skyes bu gang la lkog tu gyur pa yod pa de la de skad ces bya'o/ /gsal ba'i rgyu ni zhes bya ba ni blo'i rgyu ni'o/ /gsal ba zhes bya ba 'di'i rnam par 'grel pa ni dmigs pa zhes bya ba yin no//de las zhes bya ba ni dmigs pa las so/ /gsal ba ni rab tu gsal ba ste don 'dod pa ni'o/ /tshad ma rnam 'grel gyi 'grel bshad/ slob dpon shAkya blos sbyar ba las mngon sum grub pa ste/ le'u gsum pa rdzogs so// // tshad ma rnam 'grel gyi 'grel bshad/ bam po drug cu rtsa gcig pa/ rang gi yin pas na rang gi don de/ /gang gis bdag nyid kyis rjes su dpag par bya ba khong du chud pa'o/ /gzhan gyi yin pa na gzhan gyi don te/ gang gis gzhan dag khong du chud par byed pa'o/ /tshad ma slu med can shes pa/ /zhes sngar bshad pa'i rjes su dpag pa yang tshad ma ma yin nam/de bas na de yang shes pa'i rang bzhin nyid du khas blangs pa des na gang la de gzhan gyi don nyid yin te/ gzhan gyi don ni brjod pa'i rang bzhin can nyid yin pa'i phyir ro/ /ci ste brjod pa'i rang bzhin yang tshad ma nyid yin par 'dod na des ni sngar bshad pa'i shes pa smos pa dang 'gal bar 'gyur zhing de bzhin du zhes bya ba dang yang 'gal bar 'gyur ro zhe na/skyon 'di yod pa ma yin te/ 'di ltar tshad ma dngos la brten nas de skad du bshad cing nye bar btags nas gzhan gyi don gyi rjes su dpag pa nyid yin pa'i phyir ro/ /de la 'dir rang gi don gyi rjes su dpag pa'i skabs su bab pa zhes bya ba ni mngon sum de ma thag tu bstan zin pa nyid kyi phyir rang gi don gyi rjes su dpag pa'i skabs su bab pa yin par 'gyur ro//de sngar bstan zin pa zhes bya ba ni le'u dang por ro/ /dgos pa ni sngar bstan zin to zhes bya ba ni le'u gnyis pa'i rnam par 'grel pa rtsom pa nyid du'o//gang gi tshe rnam 'grel gyi le'u dang pos tshad ma kun las btus pa'i rang gi don gyi rjes su dpag pa'i le'u bshad pa yin no zhes de skad du ston pa de'i tshe/ gzhung 'dir 'di skad du bshad par bya ba yin te/ rjes su dpag pa rnam gnyis te/ rjes su dpag pa'i le'u la rjes su dpag pa'i le'u zhes bya'o//de ni rnam pa gnyis te rang gi don dang gzhan gyi don to zhes bya ba yin te/ rang gi don gyi rjes su dpag pa'i le'u dang gzhan gyi don gyi rjes su dpag pa'i le'u nyid de/ rjod par byed pa la brjod par bya ba nye bar btags pa'i phyir ro/ /de la 'dir rang gi don gyi rjes su dpag pa'i skabs su bab pa zhes bya ba ni rnam 'grel gyi le'u gsum pas tshad ma kun las btus pa'i mngon sum gyi le'u bshad nas 'dir rang gi don gyi rjes su dpag pa'i le'u bshad par bya ba nyid kyi skabs su bab pa yin no zhes bya ba'i don to//de sngar bstan zin pa zhes bya ba ni le'u dang po nyid du bshad zin pa'o/ /da ni gzhan gyi don gyi rjes su dpag pa lus pas de zhes bya ba ni gzhan gyi don gyi rjes su dpag pa'i le'u bshad par bya ba nyid du lus par 'gyur ba'o//bdag nyid kyis zhes bya ba ni rgol ba gang gis bsgrub par dgod pa'o/ /mthong ba ni rnam par nges pa ste tshad mas khong du chud pa'o/ /don ni tshul gsum pa'i rtags yin no//gal te yang rjes su dpag par bya ba la yang rang gis mthong ba'i don yin par 'gyur ba de lta na yang dam bca' ba srid pa ma yin te/ bsgrub par bya ba sgrub par byed pa'i dus na sbyor ba nyid yod pa ma yin no zhes gsungs pa'i phyir de 'dir gzung ba ma yin no/ /nus pa bstan pa'i phyir tshig la rjes su dpag pa la nye bar btags pa yin gyi rjes su dpag par bya ba bstan pa la nus pa ni ma yin na gang gis na de yang don gyi sgras gzung ba'i phyir de'i tshig gzhan gyi don gyi rjes su dpag pa nyid yin par 'gyur/gal te brjod pa gang zhig gnyi ga la nges pa sgrub par byed pa dang sun 'byin pa nyid yin no zhes bshad pa ma yin nam de ci'i phyir/rang gis don mthong gsal byed yin/ /zhes brjod ce na/ skyon yod pa ma yin te/ rang gis mthong ba nyid kyis don gsal bar byed pa yin gyi/ ma mthong ba ni ma yin no zhes mi ldan pa rnam par gcod pas nges par gzung ba'i phyir ro/ /de ltar na bdag nyid kyis ma mthong na yang gzhan gyis mthong ba sgrub par byed pa yin no zhes bya ba 'di bstsal ba'i phyir rang gis mthong ba smos pa yin no//de la rang gis mthong ba nyid yin gyi ma mthong ba ni ma yin no zhes bya ba'i nges par gzung ba ni rjes su mthun par 'gyur ro/ /de kho na nyid du na ni rgol ba dang phyir rgol ba dag gis sngar tshad mas nges pa'i don sgrub par byed pa yin mod kyi/'on kyang phyir rgol bas gzung ba rnam par brjed pa yang tshig gi ngan pa'i yul nyid la 'jug par 'gyur ro/ /gang zhig gis rang nyid kyis mthong ba zhes de skad du nges par gzung bar byed pa des ni gzhan gyis mthong ba bzlog pa'i don du nges par gzung ba yin no//de'i tshe 'di dpyad par bya ba yin te/ gal te rgol bas tshul gsum pa'i rtags brjod pa las sngar rang nyid kyis mthong ba zhes bya bar nges par gzung ba yin na de yang dag pa ma yin te/ gnyis ka la nges pa'i don brjod pa sgrub par byed pa nyid yin pa'i phyir ro//ci ste sgrub par byed pa brjod pa'i dus na rang nyid kyis mthong ba yin gyi gzhan gyis ni ma yin te/ de'i tshe de gzung ba brjed pa nyid yin pa'i phyir ro zhe na/ nges par gzung ba'i don de yang 'bras bu med pa can yin te/ gsal bar byed pa'i sgra nyid kyis 'di thob pa nyid kyi phyir ro/ /de lta ma yin na gal te rgol ba bzhin du phyir rgol ba yang sgrub par byed pa brjod pa'i dus na tshig med par rtags nges pa yin zhing gzung ba rnam par brjed pa ma yin pa de'i tshe gsal bar byed pa nyid don med pa can du 'gyur ro//bdag mthong min yang zhes bya ba ni sgrub par byed pa rjod par byed pas ma nges pa yin na yang ngo //gzhan dag gis mthong ba zhes bya ba ni gang la sgrub par byed pa brjod pa de dag gis so/ /'di nyid kyi rnam par 'grel pa ni gzhan dag gis lung las shes pa gang yin pa zhes bya ba yin no/ /gal te lung las shes pa tshigs su bcad par smos pa med na ci ltar thob pa yin zhe na/ gzhan gyi sgra smos pa'i phyir te/lung la grub pa nyid gzhan dag gis mthong ba yin te/ tshad mas grub pa ni gnyi gas mthong ba nyid yin pa'i phyir ro/ /kha cig ces bya ba'i rnam par 'grel pa ni grangs can zhes bya ba yin no/ /de ltar na 'di skad khas blangs pa yin te/ blo dang bde ba la sogs pa ni sems med pa yin te skye ba dang ldan pa nyid kyi phyir ro//bstan par bya ba ni phyir rgol ba yin te/ de la yang rjes su dpag par bya ba bstan par bya ba yin no/ /de lta na yang lung las grub pa rtags ma yin no zhes bya ba ni lung tshad ma yin na ni rtags tshad mas grub pa nyid yin par 'gyur na lung grub pa ma yin no/ /de bas na skye ba dang ldan pa nyid la sogs pa tshad mas grub pa yin te/lung tshad mas grub pa nyid yin pa'i phyir ro/ /de bzhin du bde ba la sogs pa yang sems nyid yin pa lung gis grub pa yang tshad mas grub pa nyid yin te lung tshad mas grub pa'i phyir ro/ /de bas na sems nyid la gnod pa byed pa'i tshad ma brjod par bya ba ma yin no zhes bstan pa'i phyir 'di ltar lung gi yul 'di la zhes bya ba la sogs pa smos te/tshad mas khas blangs pa'i lung la'o/ /tshad mas grub pa la zhes bya ba la sogs pa la lung tshad mar gyur bas don grub pa'i phyir te/ lung gi tshad ma nyid kyis grub pa'i don la gnod pa med pa'i phyir ro/ / lung gis mthong ba'i don la sgrub par byed pa dang gnod pa can gyi tshad ma brjod pa de'i phyir lung tshad ma ma yin pa de bas na lung tshad ma ma yin pa'o/ /de bas na lung gis grub pa ma grub pa yin no zhes bya bar dgongs so/ /yongs brtags yongs su len phyir ro/ /lung tshad ma ma yin no zhes bya bar dgongs so//yongs su brtags pa las zhes bya ba la sogs pas 'chad par byed do/ /dang por tshad mas yongs su brtags pa 'jug par 'gyur zhing brtag pa de las dus phyis khas len pa dang 'dod pa dang lung yin no zhes bya ba'i tha tshig go/ /gal te lung yang rang rgyud kyis tshad mar 'gyur ba de'i tshe tshad mas yongs su brtags pa'i yul rnam par 'jog par mi 'gyur te/mngon sum dang rjes su dpag pa bzhin no/ /rang gi rgyud kyis tha dad pa nyid du 'jug par 'gyur ro zhes bya ba'i tha tshig go/ /gang gi phyir tshad ma gzhan gyis yongs su mthong ba la tshad ma gzhan 'jug pa ma yin zhing / yongs su brtags pa'i yul la rnam par gzhag pa yin pa de'i phyir tshad ma ma yin no//'dis kyang lung gis grub pa ma yin te/ rtags zhes bya ba'i skabs yin no/ /lung gis grub pa'i rtags ma yin no zhes bya ba'i tha tshig go/ /lung la gnod phyir gzhan la ni/ /sgrub par byed pa smra ba ni/ /zhes bya bar sbyar ro/ / de ltar na sems yod pa nyid la sogs pa'i lung gis grub pa la gnod pa'i phyir sgrub par byed pa brjod pa lung la gnod pa'i phyir bstan par 'gyur ro/ /'brel pa bsgrub pa'i tshad ma yod pa ma yin te zhes bya ba ni de'i bdag nyid dang de las byung ba gnyi ga dag kyang med pa'i phyir ro/ /de dang 'gal ba khas blangs pa zhes bya ba la sogs pa la lung dang 'gal ba khas blangs pa lung de nyid kyis ni ji ltar 'gyur/de ltar na bde ba la sogs pa sems med pa nyid sangs rgyas pa'i lung dang 'gal ba yin te/ lung la sems nyid khas blangs pa nyid kyi phyir ro/ /gal te lung gis grub pa mi rtag pa nyid la sogs pas lung des grub pa'i sems nyid med pa gzhan la bsgrub pa de'i tshe/de dang 'gal ba khas blangs pa/ /de nyid kyis ni ci ltar 'gyur/ /gang zhig lus dang zhes bya ba la sogs pas de nyid 'chad par byed de/ de la gnas pa'i skyes bu lung byed pa'am rgyu de nyid kyis so/ /de las gzhan pa khas len na zhes bya ba ni lung de la grags pa'i sems gang yin pa de las gzhan sems med pa khas len na'o//dor ba la brten zhes bya ba ni dor ba'i yan lag go/ /rang nyid kyis shes nas brjod par bya ba ni zhes bya ba ni gzhan nges pa ni bdag nyid nges pa sngon du song ba can yin pa'i phyir ro/ /rang dang gzhan gyis khas blangs pa nyid ces bya ba ni gnyi ga la grub pa'o//gal te kho bos zhes pa la sogs pa ni gzhan gyi dogs pa bsu ba yin no/ /lung la sogs pa'i sgras ni rjes su dpag pa la sogs pa gzung ngo / /sbyor bar byed pa ni 'brel par byed cing rab tu sbyor bar byed pa'o/ /grags pas zhes bya ba ni kho bo cag gi lung nyid du rab tu grags pa yin no zhes sngon rab tu grags pa'o//rigs pas 'dzin par byed pa nyid kyis lung sgrub par byed pa'i phyir ci ltar nus pa med pa yin zhe na/ sgrub par byed pa'i nus pa dang bral ba'i phyir ro/ /sgrub pa dang dbang po las 'byung zhes bya ba la sgrub pa ni dbang po las 'das pa'i yul gyi mngon sum du byed pa'i thabs yin pa de'i 'bras bu dbang po las 'das pa'i yul gyis mngon sum gyi skye ba'i dbang po las 'byung ba'o//'di nyid kyi rnam par 'grel pa ni go rims bzhin du byed pa dang mngon sum zhes bya ba yin no/ /de dag gi zhes bya ba ni sred pa dang ma rig pa'o//spyis kyang shes pa ma yin pa/ /zhes bya ba ni spyir shes pas brjod pa 'jug par mi 'gyur ro/ /'brel pa chad pa can ni zhes bya ba ni shin tu lkog tu gyur pa ste/ de lta bur gyur pa'i sems med pa nyid ces bya bar dgongs so/ /dper na me la kun du brtags pa'i du ba lta bu'o zhes bya ba ni du ba med du zin kyang rnam par rtog pa tsam gyis sgro btags pa'o//gnyis 'brel phyir zhes bya ba ni sgrub par byed pa'i chos gang yin pa gzhan gyis khas len pa des de mi 'dod pa yin yang bsgrub par bya ba'i chos dang 'brel pa'i phyir ro/ /gcig med na ni gzhan med phyir/ /zhes bya ba ni bsgrub par bya ba med na sgrub par byed pa'i chos med pa'i phyir ro//skabs 'ga' zhig tu zhes bya ba ni spyi la sogs pa 'gog pa'i skabs su'o/ /sgra las byung ba tshad ma nyid du bzhed pa yin na zhes bya ba ni sgra las byung ba ni rjes su dpag pa las tshad ma gzhan ma yin no zhes bya ba la sogs pa'o/ /gtan tshigs don gyi yul nyid kyis//zhes bya ba ni tshad ma kun las btus pa las bstan pas so/ /'dis ni zhes bya ba la sogs pa la sgrub par byed pa la bsgrub par bya ba grub pa'i phyir bsgrub par bya ba la nus pa med pa de zhes bya bar sbyar ro/ /'jug pa gcig pa can nyid yin gyi zhes bya ba ni the tshom dang shes par 'dod pa la sogs pa ni don gyi bdag nyid yin pa'i phyir dang /tshig ni de'i rang bzhin nyid ma yin pa'i phyir 'jug pa mtshungs pa ma yin no/ /ni'i sgra ni nges par gzung ba dang rim pa bzhin du sbyar ro zhes bya ba ni/ nang gi yan lag nus nyid ni/ /zhes bya ba de las blangs la tshul gsum dag ni zhes bya bar blta bar bya'o zhes bya ba'i don te//gal te 'o na ni don gyi bdag nyid can gyi tshul gsum pa nyid kyi rtags ni bsgrub par bya ba rtogs pa la nus pa yin na 'o na ci ltar rigs pa'i sgo la sogs par tshul gsum pa'i rtags kyi shes pa la rjes su dpag par bshad ce na/ de'i phyir de'i shes pa la nus pa'i tshig ces bya ba la sogs pa smos te/rtags shes pa'i nus pa nyid kyi tshig rjes su dpag pa nyid du brjod pa gang yin pa de ni de med na mi 'byung ba ste/ shes pa med na mi 'byung ba nyid kyis rtags mi shes pa go bar byed pa ma yin pa de ltar na shes pa tsam nyid ma yin no/ / de la dran pa skyed pa ni dran pa skyed par byed pa'o/ /gnyi ga zhes bya ba ni tshul gsum pa'i rtags dang de'i tshig go/ /phyogs kyi tshig sgrub par byed pa ma yin pa gang yin pa de ni zhes bya ba la sogs pa la 'di skad du gang gi tshe slob dpon gyis bsgrub par bya bar bshad pa dam bca' ba ste/ bsgrub par bya ba bstan pa dam bca' ba yin no zhes bye brag pa dang rigs pa can dag gis phyogs kyi mtshan nyid smras pa ni bsgrub par bya ba'i sgra grub pa bzlog pa la don yod pa can nyid yin pa'i phyir ro//gtan tshigs dang dpe ma grub pa brjod pa yang dam bca' bar 'gyur ro zhes bya ba de ni sgrub par byed pa'i yan lag lngar smra ba'i bsam pas bshad pa yin no zhes bya bar blta bar bya'o//sgrub par byed pa yan lag gsum pa nyid yin par smra ba de lta bur gyur pa'i mtshan nyid byed pa la yang ji skad du bshad pa'i skyon rten pa ma yin no zhes gang gis na ma grub pa'i tshig la yang dam bca' ba nyid du 'gyur zhes bya ba ni gtan tshigs dang dpe ma grub pa'i tshig la yang ngo //sgrub par byed pa nyid du brjod pa'i phyir sgrub par byed pa yin pa zhes bya ba ni sgrub par byed pa ltar snang ba nyid la sgrub par byed pa zhes bshad pa yin no/ /bum pa byed pa zhes bya ba ni bum pa ma grub pa byed pa la ste/ de lta bu'i rnam pa brjod pa na yang byed pa po dang sgrub par byed pa'i skabs su bstan pa na dam bca' bar 'gyur ro//gang yang / ltar snang bcas brjod sogs bkod pa'i/ /zhes bya ba la sogs pa la mang po len pa'i bu la sogs pa rigs pa'i sgo'i TI kA byed pa dag gis de ltar gzhan gyi phyogs snga ma'i dogs pa bsu nas phyogs kyi tshig sgrub par byed pa yin te/ltar snang ba dang bcas pa brjod pa sgrub par byed pa'i dus su brjod pa'i phyir gtan tshigs dang dpe'i tshig bzhin no/ /phyogs snga ma 'di la yang mngon sum gyis ma nges pa yin no zhes lan bshad pa yin te/ mngon sum ltar snang ba dang bcas pas de sgrub par byed pa ma yin no//de dag gi gzhan gyi bsam pa'i dogs pa bsu nas tshig nyid du bye brag yod pa ma yin na zhes bya ba la sogs pa bshad pa yin no/ /gal te tshig gi rang bzhin yin na ltar snang ba dang bcas par bshad pa yin no zhes bye brag tu byed pa de'i tshe mngon sum gyis ma nges pa ma yin te/ de ni tshig gi bdag nyid ma yin pa nyid kyi phyir ro//de ltar yang sun 'byin pas ma nges pa yin no zhes bya ba ni sun 'byin pa tshig gi rang bzhin dag ltar snang ba dang bcas par bshad pa yin na yang sgrub par byed pa'i rang bzhin nyid ma yin pa'i phyir ro/ /de lta na ni de dag rnams/ /zhes bya ba la sogs pas phyogs snga ma dgod pa bzhad gad nyid du bstan pa yin no//rigs pa dang ldan pa'i gtan tshigs kyi mtshan nyid ma brjod pa'i phyir ro zhes bya ba ni de'i bdag nyid dang de las byung ba'i mtshan nyid can gyi gtan tshigs ma brjod pa'i phyir ro/ /bzlog na gnod pa can gyi tshad ma med pas zhes bya ba ni tshig gi rang bzhin nyid yin na ltar snang ba dang bcas par bshad pa dang ldan pa nyid dang sgrub par byed pa'i rang bzhin ma yin par 'gyur ro zhes bya ba 'di la 'gal ba ci zhig yod/'dir sun 'byin pa nyid ma yin na zhes bya ba la sogs pas lan bzhad gad nyid du ston pa yin te/ 'dir lan yang dag par brjod pa'i nus pa med pa zhes bya ba 'di dang sbyar ro//sun 'byin pa nyid ma yin na ltar snang ba dang bcas pa brjod pa'i phyir zhes bya ba ni sun 'byin pas ma nges pa yin no zhes brjod pa na gal te gzhan tshig nyid dang sun 'byin pa nyid ma yin pa yin na/ ltar snang ba dang bcas par brjod pa yin no zhes de ltar bye brag brjod pa de'i tshe ma nges pa nyid yin par mi 'gyur ro//de ltar na gang la rigs pa'i sgo'i TI kA byed pas 'khrul par brjod pa de dang de la gzhan gyis kyang bye brag bstan par bya ba yin no/ /de lta bu la sogs pa'i khyad par brgyud pa dang 'gal ba mi 'khrul pa can 'god pa zhes bya ba ni phyogs kyi tshig sgrub par byed pa ma yin te/ma grub pa rjod pa'i phyir dpe ma grub pa'i tshig bzhin no/ /de bzhin du rigs pa'i sgo'i TI kA byed pas sgrub par byed pa bshad pa/ gal te gzhan gyis 'dir 'gal ba mi 'khrul ba can gyi gtan tshigs 'god par 'gyur ba de'i tshe/ gzhan gyis de 'god pa byed pa na nus pa med par 'gyur bas rigs pa'i sgo'i TI kA byed pa la lan yang dag par brjod pa'i nus pa med pa yin no//gang gis de ltar bkod pa yin no zhes bya ba ni mngon sum nyid kyis ma nges pa tshig nyid kyis bye brag tu byas pa'i phyir sun 'byin pas ma nges pa yin no/ /de lta ma yin na gal te nus par 'gyur ba de'i tshe gnod pa can gyi tshad ma med pa'i phyir dang por ldog pa med pa nyid sun 'byin pa rigs pa dang ldan pa ci'i phyir mi brjod/de bas na 'dis te rigs pa'i sgo'i TI kA byed pa gang gis phyogs snga ma'i lan ma btab pa de la de skad ces bya'o/ /de bas na lan bzhad gad du byas pa yin no/ /ma grub pa dang sgrub par byed pa nyid ma yin pa la sogs pa'i sgras ni don gyis bshad pa dang rgol bas khas blangs pa gzung ngo //snga ma gnyis kyi don la zhes bya ba ni rang gi ngo bo dang tshig phrad dag go/ /don gyis brjod pa zhes bya ba la sogs pa zhes bya ba ni 'dod pa'i sgra la sogs pa'o/ /gal te go rims bzlog pa la dgos pa ci zhig yod ce na/brjod bya mang ba nyid kyis zhes bya ba la sogs pa smos te/ don gyis brjod ba la sogs pa'i don brjod bya mang ba nyid kyi phyir ro/ /'dod pa'i sgra'i don bshad pa'i skabs su bab pa yin na yang / gal te bdag nyid kyis zhes bya ba la sogs pas re zhig zhar la 'ongs pa'i rgol ba la lan 'debs par byed do//gzhan 'dod pa thams cad ces bya ba ni bstan bcos byed pa rang nyid kyis sam gzhan gyis so/ /bstan bcos la ltos pa med par khas len par byed pa yin no zhes bya ba ni nye ba'i phyir sngar khas blangs pa bstan bcos bshad pa la ltos pa med par rtogs par 'gyur ro//de ci'i phyir sngar khas blangs pa'i bstan bcos la ltos pa nyid 'gog par byed/ log par rtogs pa yang mthong bar 'gyur zhes bya ba ni bstan bcos thams cad la mthong ba'i sngar bsgrub par bya ba de la gnod pa na gtan tshigs dang dam bca' ba la gnod pa yin no/ /de'i tshe chos kyi khyad par phyin ci log tu sgrub par byed pa la sogs pa zhes bya ba ni rgol bas bsgrub par bya ba nyid du 'dod pa'i chos gcig po de nyid bsgrub par bya ba yin gyi gzhan ni ma yin no//de ltar na de bzlog pa yin pa'i phyir gcig nyid 'gal bar 'gyur ro/ /de nyid ni gal te tshogs pa gcig ces bya ba la sogs pa smos so//ltos pas zhes bya ba ni 'di ltar gzhan gyi don nyid yin na/ de dag ni gzhan gyi don byed pa nyid 'dus pa'i yul can ma yin no zhes bya ba'i ltos pa 'di la chos kyi bye brag ste/ mig la sogs pa gzhan gyi don du gyur pa 'dus pa'i don can ma yin no/ /chos can gyi tshig gi sgras don bstan pa la ltos pa la chos can gyi bye brag yin no//de la phyogs dang po la brten nas chos kyi bye brag 'gal ba rnam par 'jog pa na 'ga' zhig gi tshe 'dod pas 'di skad du 'dis chos kyi bye brag ni ma yin gyi 'on kyang chos can gyi yin no zhes smra bar 'gyur ro/ /de bzhin du phyogs gnyis pa yongs su gzung zhing 'gal bar brjod pas 'di chos can gyi bye brag ni ma yin gyi/'on kyang chos kyi yin no zhes smra bar 'gyur ro/ /'gal ba'i khyad par ma nges pa byas pa ji lta ji ltar gzhan khyad par du byed pa de lta de ltar 'gal bar gzhag pa'i phyir thams cad du tshar gcad par bya ba yin par 'gyur ro/ /de nyid g.yo ba'i tha snyad ni khyad par ji lta ba bzhin du skyon bstan pa'i don to zhes bya ba smos pa yin no//'dod pa zhes bya ba ni bsgrub par bya ba nyid du ma bstan pa'i chos kyi yul can 'dod pa yis so/ /'dod pa ma brjod pa la gnod pa 'ba' zhig 'gal ba nyid kyi gtan tshigs kyi skyon ma yin gyi de bzhin du 'dod pas yul du byas pa dpe'i chos can la med pa'i phyir/dpe rjes 'gro med pa'i yang skyon yin no/ /mig la sogs pa ni gzhan gyi don yin te/ 'dus pa nyid yin pa'i phyir mal cha dang stan la sogs pa bzhin no/ /gzhan gyis brjod pa na slob dpon dbyig gnyen gyis mig la sogs pa ni gzhan gyi don yin te zhes bya ba 'di la gzhan ni bdag tu 'dod pa yin pa de'i tshe bdag gi don yin no zhes bya ba ngag gi don yin pa de bas na/gal te bdag gzhan de ma grub/ /dpe la'o zhes bya ba gsungs te/ mal cha la sogs pa bdag gi don nyid byed pa sangs rgyas pa la ma grub pa nyid kyi phyir ro//dpe de la rjes su 'gro ba med pa'i skyon zhes bya ba la/ dpe la rjes su 'gro ba med pa'i skyon yin na/ 'dod pa gnod byed yin te 'gal bar 'gyur ro/ /bzlog pas khyab pa yin no zhes bya bar blta bar bya'o/ /phyi rol gyi don nyid kyis don dang ldan pa nyid yin gyi nang gi ngo bos ni ma yin no zhes kho bo cag sgra'i ngo bo 'dod pa de'i don du sgra'i bstan bcos las sgra'i ngo bo don dang ldan pa yin te/rnam par dbye ba mthong ba'i phyir ro zhes brjod pa la rnam par dbye ba'i rtags kyi ming can gyi rgyu can yin pa de yang don dang ldan pa yin pa de ltar na rnam par dbye ba mthong ba ni don dang ldan pa'i rgyu yin no//sngar ming can dang 'brel pa las zhes bya ba 'dis ni rang gi ngo bo tsam gyi don dang ldan pa nyid du 'dod pa yin no zhes rtogs par 'gyur te/ gnas skabs de la phyi rol gyi don dang ldan pa nyid yod pa ma yin no/ /de la 'dir sgra'i ngo bo ni rang gi ngo bo tsam gyi don dang ldan pa ma yin na zhes bya ba ni rtsod pa'i gzhir gyur pa'i tshig ma brjod pa yang bsgrub par bya ba nyid du khas mi len pa'i phyir ro//don dang ldan par yang 'dod do zhes bya ba ni sgra'i ngo bo don dang ldan pa yin no zhes 'dod pa'o/ /lhag mar gyur pa nyid kyis de'i tshe phyi rol gyi don gyis don dang ldan pa yin te/ sgrub par byed pa smra ba bsgrub par bya bar mi 'dod pa nyid du 'gyur ro//ci ste phyi rol gyi don gyis don dang ldan par mi 'dod kyi 'on kyang spyir yin pa de'i tshe sgrub par byed pa 'bras med 'gyur ba nyid yin no/ /dper na spyir gzhan gyi don nyid bsgrub par bya ba lta bu'o zhes bya ba ni mig la sogs pa ni gzhan gyi don byed pa yin te/'dus pa nyid yin pa'i phyir zhes bya ba 'di la bdag gi don nyid bstsal nas dper na spyir gzhan gyi don tsam bsgrub par bya ba la sgrub par byed pa 'bras bu med par 'gyur te/ gzhan gyi don nyid spyir grub pa nyid kyi phyir ro/ /rjes 'gro dang ni 'gal ba dag /ces bya ba ni zlas dbye ba'o/ /de dag gi dngos po ni rjes su 'gro ba dang 'gal ba nyid do//de nyid ni go rims bzhin du dpe bsgrub par bya bas stong pa zhes bya ba la sogs pas 'chad par byed do/ /dper na bum pa chos can la/ /zhes bya ba la sogs pa la sbyor ba 'di ni 'byung ba tsam du smra ba dag gi yin no/ /de dag gis ni 'di ltar khas blangs pa yin te/sems yod pa nyid ces bya ba cung zad kyang yod pa ma yin gyi/ 'on kyang sems yod pa ni 'byung ba nyid kyi mngon par gsal ba'i bye brag yin te chang gi nus pa bzhin no/ /mngon par gsal ba sems yod pa nyid gang la yod pa de ni mngon par gsal ba sems yod pa can nyid yod do//de dag kyang de yin la lus can yin pas na zhes bya ba las 'dzin par bya'o/ /de lta bur gyur pa'i lus kyi rang bzhin skyes bu gang la yod pa de la de skad ces bya'o/ /de nas bum pa'i sgra dang zlas dbye ba bya'o/ /de ni nges par gzung ba drug pa'am bdun pa'i gnyis pa'i tshig gam yan lag dang yan lag can gyi 'brel pa ni drug pa yin no//de dag las gang yang rung ba ste bum pa dang skyes bu gnyis pa dang bcas par 'jug pa'i phyir gnyis pa dang bcas pa'o/ /re zhig at+pa la ma yin pa'i bdag nyid cig shos bum pa gnyis pa dang bcas pa nyid yod pa gcig dang yang gnyis pa yin na cig shos gnyis pa dang bcas pa nyid spyir grub pa yin pa de ltar na bsgrub par bya ba dang rjes su 'gro ba med pa nyid ma yin no//de ltar bsgrub par bya ba'i chos can bum pa la yang bum pa ma lus pa phyogs su byed na de nyid gnyis pa dang bcas pa nyid du rigs pa ma yin pa de ltar na spyir sgrub par byed pa la yang de lta bur gyur pa'i skyes bu gnyis pa dang bcas pa nyid yin par grub pa yin te/lhag mar gyur pa'i phyir ro zhes gzhan dag sems so/ /'di la rjes su 'gro ba zhes bya ba la sogs pas 'gog par byed do/ /skyes bu de 'dra ba gnyis pa dang bcas pa ma brjod du zin kyang 'dod pas khyab pa bsgrub par bya ba nyid yin pa'i phyir dang de yang ma grub pa'i phyir dpe la rjes su 'gro ba med pa'i skyon yod pa yin no//lus khas len med ces bya ba la khas len pa med pa ni dam bca' ba med pa'o/ /de nyid ni lus zhes bya ba la sogs pas 'chad par byed do//dpe la rjes su 'gro ba med pa'i skyon gyi dogs pa khas ma blangs pa yin no/ /gnyi ga la zhes bya ba ni ji skad du bshad pa'i skyes bu dang bum pa dag la'o/ /gnyi ga la don gzhan du gyur pa'i dngos po yod na zhes bya ba la sogs pa la ji skad du bshad pa'i skyes bu dang bum pa bsgrub par bya ba'i bum pa la ltos nas don gzhan du gyur pa yod pa gang yin pa de spyi gang yang rung ba nyid kyi rten du 'gyur te/spyi ni gsal ba tha dad pa la brten pa nyid kyi phyir ro/ /ji ltar na gnyi ga dag la don gzhan gyi dngos po yod pa ma yin zhe na/ bum pa la zhes bya ba la sogs pa smos te/ bum pa'i spyi phyogs su byas pa nyid kyi phyir ro zhes bya bar dgongs so//rjes su 'gro ba med pa'i dogs pas zhes bya ba ni bum pa la sgra mi rtag pa nyid ni med pa'i phyir rjes su 'gro ba med par dogs pa yin no/ /khas blangs la sogs pa dang 'gal ba'am zhes bya ba ni bum pa tha dad par rtogs pa na bum pa la yod pa'i mi rtag pa nyid sgra la dam bca' ba byed pa na khas blangs pa dang 'gal ba yin te/sgra la bum pa'i mi rtag pa nyid khas mi len pa'i phyir ro/ /sogs pa'i sgras ni rjes su dpag pa dang 'gal ba yang gzung ste/ gzhan gyi chos gzhan la bsgrub par bya ba nyid yin pa'i phyir ro/ /sgra tha dad par rtogs pa na bsgrub par bya bas stong pa yin no//'jigs pa grub pa yis zhes bya ba ni chos can gyi khyad par can yongs su ma bzung bas 'jigs pa spyi grub pa nyid kyi phyir ro/ /rnam pa gzhan nyid kyis gnyis pa dang bcas pa'i sbyor ba la ma tshang ba la sogs pa bshad pa la khyed cag gis rnam pa gzhan du kun du brtags nas skyon mtshungs par ston par byed pa yin no zhes bya ba de bstan par bya ba'i phyir/kho bo cag ni zhes bya ba la sogs pa smos te/ bsgrub par bya ba'i chos can bum pa dang rtsig pa la gang yang rung ba don gzhan nyid de spyi'o/ /gzhan gyis bsgrub par bya bar 'dod pa so sor gnas pa ma yin pa nye bar 'god pa'am/bsgrub par bya ba'i chos can la yod pa gang yang rung ba don gzhan nyid bsgrub par bya ba yin te/ dpe'i chos can la yod pa'am zhes bya ba'i don to/ /de yang ji skad du bshad pa'i chos can tha dad pas nye bar bkod pa gang yang rung ba sna tshogs pa'i rgyu nyid kyis brgyud pas rjes su 'gro ba med pa'i phyir kho bo cag bsgrub par bya bas stong pa la sogs pa yin par ni mi smra'o//de skad du brjod na skyon mtshungs par bstan par 'gyur ro/ /bsgrub par bya ba'i chos de 'dra ba nyid ces bya ba ni ji skad du bshad pa'i skyes bu dang bum pa la ltos nas gang yang rung ba don gzhan du gyur pa'i mtshan nyid sngar bshad pa'i tshul gyis dpyad pa na ma grub pa yin no//de ldan bum pa yang zhes bya ba 'di'i rnam par 'grel pa ni gang yang rung ba gnyis pa dang bcas pa'i bum par zhes bya ba yin no/ /ci ltar mi rtag pa nyid de spyis sgra de dang ldan pa de ltar gang yang rung ba gnyis pa dang bcas pa'i bum par 'gyur ro zhes bya ba dang sbyar ro//sgra mi rtag pa nyid du bsgrub par bya bas stong pa ma yin no/ /de lta ma yin na gcig la mi rtag pa gnyis su thal bar 'gyur ro zhes bya ba ni spyi'i mi rtag pa nyid dang khyad par gyi mi rtag pa nyid kyi bye brag gis so/ /gal te sgras zhes bya ba la sogs pa la sgra nyid mi rtag ces bya ba de ltar gzhan dang ldan pa rnam par gcod pas khyad par can gyi mi rtag pa nyid kyi rjes su mi 'jug go//sngar bshad zin pa yin no zhes bya ba ni/ phyogs chos de'i chas khyab pa ni/ /zhes bya ba 'di bshad pa'i skabs su'o/ /'gyur bar ni 'dod mod kyi mi ldan pa rnam par gcod pa'i khyad par gyis kyang sgra mi rtag pa nyid yin no zhes bya ba de lta bu'i rnam pa can gyi mi ldan pa rnam par gcod pa med pa'i phyir bum pa la rjes su 'gro ba med pa nyid du 'gyur ro zhe na/de'i phyir gang byas pa de ni mi rtag pa yin no zhes bya ba la sogs pa smos te/ 'di skad du khyab pa ston pa'i dus na chos can gyi bye brag yongs su 'dzin pa nyid yod pa ma yin pa de gang las chos can gyi sgo nas rjes su 'gro ba med par dogs pa yin/mi rtag pa nyid kyis spyi'i rjes su 'gro ba dang phyogs kyi chos brjod pa na khyab pa'i shugs nyid kyis sgra mi rtag pa nyid grub par 'gyur ro/ /phyis rjes su 'byung ba can gyi don 'di yang bsgrub par bya ba'i rjes su 'gro ba la gnod pa byed pa ma yin no zhes bstan par 'gyur ro//de bzhin du gtan tshigs 'dis chos can sgras khyad par du byas pa'i mi rtag pa nyid sgra la med do zhes sgrub par byed cing zhes bya ba ni gang gi phyir sgra'i mi rtag pa nyid bum pa la sogs pa byas pa la med pa de'i phyir/ byas pa zhes bya ba'i gtan tshigs 'dis chos can sgras khyad par du byas pa'i mi rtag pa nyid kyi med pa sgrub par byed do/ /des ni chos can gyi khyad par byas pa'i chos med pa ston pa brjod pa yin no/ /de yang gang byas pa de ni mi rtag pa yin te sgra yang byas pa yin no zhes bya ba de lta bu'i sbyor ba yin par blta bar bya'o//chos can gyis khyad par du byas pa'i chos can med par ston pa bshad pa'i phyir de bzhin du chos mi rtag pa nyid kyi chos kyis zhes bya ba la sogs pa smos te/ de yang gang byas pa de ni mi rtag pa yin no zhes bya ba de lta bu ni chos can gtso bor gyur pa'i sbyor ba yin par blta bar bya'o/ /chos can gyi sgra rnam par gzhag pa de la gzhan chos can gyi khyad par du byas pa'i chos kyi bdag nyid dam chos kyis khyad par du byas pa'i chos can gyi spyi bsgrub par bya ba ma yin no//de lta ma yin na zhes bya ba ni gal te mi rtag pa 'ba' zhig bsgrub par bya ba nyid yin pa de'i tshe sgra mi rtag par mi 'gyur te/ mi rtag pa 'ba' zhig dang ldan par mi 'gyur ro zhes bya ba'i don to//'o na ci yin zhe na/ sgra mi rtag pa sgra la sgrub par 'gyur ro zhes bya ba ni chos can sgra la chos kyis khyad par du byas pa'i chos can gyi spyi bsgrub par bya ba nyid yin pa'i phyir de ltar 'gyur ba'am/ gang gi tshe sgra la chos can gyis khyad par du byas pa'i chos bsgrub par bya ba yin pa de'i tshe sgra la sgra mi rtag pa nyid ces bya ba de ltar 'gyur ro//gcig smos pa ni nye bar mtshon pa'i don yin no/ /ji ltar khas blangs pa'i chos kyi tshogs las zhes bya ba ni sgra la sogs pa'i chos can de la bstan bcos byed pas nam mkha'i yon tan nyid la sogs pa'i chos kyi tshogs gang yin pa khas blangs pa de las so//de ltar na sgra mi rtag par bsgrub pa na zhes bya ba la sogs pa la 'di skad du gal te bstan bcos byed pa 'dod pa'i chos can de tsam la skabs su bab pa ma yin pa'i chos thams cad kyang bsgrub par bya ba yin zhing de la yang gang yang rung ba la gnod pa na gtan tshigs dang dam bca' ba'i skyon yin no//de'i tshe chos gzhan gyi skabs la bstan bcos byed pa'i 'dod pa byas pa'i chos la byas pa nyid la sogs pa'i gtan tshigs des gnod pa nyid kyi phyir bsgrub par bya ba skabs ma yin pa las yang gtan tshigs 'gal ba nyid du 'gyur ro zhes bstan par 'gyur ro//de ltar na bye brag pa'i bstan bcos byed pas ci ltar sgra nam mkha'i yon tan nyid du 'dod pa de ltar dri la yang sa'i yon tan nyid du 'dod pa yin no/ /gal te ci ltar na sa'i yon tan nyid la byas pa nyid kyis zlog par byed/ 'di ltar sa'i yon tan bzlog pas byas pa nyid la khyab pa med pa yin te/'gal ba med pa'i phyir ro/ /byas pa nyid dang sa'i yon tan nyid dag la 'gal ba 'ga' zhig kyang yod pa ma yin no zhe na/ brjod pa 'gal ba yod pa nyid yin no/ /de ltar na gzhan las grub pa'i yon tan sa la gnas pa'i phyir sa'i yon tan nyid yin par 'dod cing byas pa yang rang gi rgyu las skyes pa na bdag nyid thams cad kyis skye bar 'gyur ro//de ci'i phyir gzhan la ltos shing ltos pa med pa yin na yang ji ltar na 'ga' zhig la gnas par 'gyur/ skyes ma thag tu 'jig pa'i ngang tshul can gyis byas pa'i dngos po sems pa de ci'i phyir dngos po gzhan la brten pa'i sgo nas gnas pa yin de ltar na sgra'i nam mkha'i yon tan bzlog pa la yang byas pa nyid kyi gtan tshigs kyi 'brel pa brjod par bya'o//de bas na de bzlog par bya ba yin pa'i phyir zhes bya ba ni chos can sgra la nam mkha'i yon tan nyid bzlog par bya ba nyid yin pa'i phyir ro/ /chos can chos sogs sgrub byed kyis/ /zhes bya ba la chos can gyi chos ni chos can chos so//dngos po gtso bo nyid yin pa'i phyir chos can gyi chos nyid ces bya ba la sogs pa'i sgrub par byed pa dag gis zhes bya ba ni ngag gi don yin no/ /skabs 'ga' yis zhes bya ba la sogs pa la/ ci chos 'di chos can la yod dam med ces rtsod pa'i sgo nas 'ongs shing skabs su bab pa'i gtan tshigs dag gi rtsod pa'i gzhir gyur pa'i chos bsgrub par bya ba'i phyir rgol ba dag 'dod par 'gyur ro//de yang rgol ba'i rgyud du gtogs pa de yang ste 'dod pa de'i 'bras bu'i tshig med na gal te rtogs par bya ba ma yin pa de lta na yang skabs su bab pa de dag gis te rgyur gyur pa dag gis rtogs par 'gyur zhing phyir rgol bas rjes su dpag par bya bar 'gyur ro//de la yang rgyu tsam las rtogs pa ma yin no zhe na/ nus pa zhes bya ba la sogs pa smos te/ nus pa gags med pa can dag gis zhes bya ba'i don to/ /nus pa gags byed pa med pa can gyi rgyu skad cig mar 'byung ba'i ngang tshul can rgol ba'i rgyud la yod pa phyir rgol bas nges par nus pa ma yin no//de'i phyir de bas na rgyu las 'bras bu rtogs pa ma yin no zhes bya bar dgongs so/ /de de skad du gdon mi za bar bshad par bya ba yin no/ /de lta ma yin na rgyu las 'bras bu rtogs pa yin na rtags gzhan bzhi bar 'gyur ro//bstan bcos mdzad par rang nyid kyis kyang gzhan du rgyu las 'bras bu rtogs pa bsal ba yin no/ /rnam pa gzhan ni bsgrub par bya ba de dag gis bsal bar byed cing rab tu byed pas na rab tu byed pa ste/ bsgrub par bya ba rjod par byed pa la sogs pa'o/ /'bras bur gyur pa sbyor bar byed pa 'chad par 'gyur ba de dag gis de rgyur 'dod par 'gyur ro//de lta na 'di lta 'di ltar bsgrub par bya ba bstan par bya'o zhes bsgrub par bya ba la dmigs pa'i 'dod pa skye bar 'gyur ro/ /'bras bu la yang rgyu'i sbyong bar byed pa nyid du tha snyad du byed pa yin te/ de'i ched du rgyus 'phen par byed pa'i phyir ro//de lta bur gyur pa'i mtshan nyid gsum pa yin te/ rnam pa 'dis 'dod pa skye bar 'gyur ro zhes bya ba'i tha tshig go/ /de yang ste 'dod pa rtogs 'gyur zhing / rjes su dpag par bya bar 'gyur ro/ /gang gis she na 'bras bur gyur ba sbyor bar byed pa 'chad par 'gyur ba de dag gis de dag gi rgyur 'dod par 'gyur zhing 'dod pa 'phen par byed pa'i skabs su bab pa de dag gis te/bsgrub par bya ba rjod par byed pa la sogs pa dag gis so/ /rgyur gyur pa dag gis zhes bya ba ni 'dod pa rjes su dpag par bya ba shes pa gang yin pa de'i rgyur gyur pa ste/ rtags su gyur pa zhes bya ba'i tha tshig go/ /de nyid kyi phyir nus pa zhes bya ba smos te/rjes su dpag pa sgrub par byed pa'i phyir nus pa zhes bya ba'i don to/ /ji skad du bshad pa'i rab tu byed pa yod pa ma yin na gang gis na chos dang chos can gyi chos khyad par can du gyur pa nam mkha'i yon tan nyid la sogs pa'i yang 'dod pas rtogs par mi 'gyur te/de'i 'bras bu med pa'i phyir ro/ /de nyid kyi phyir/ 'bras bu'i rtags can min te brjod/ /ces bya ba smos so/ /bsgrub par bya ba'i chos med na mi 'byung ba ma yin pa la zhes bya ba ni bsgrub par bya ba nyid du 'dod pa'i chos ni med na mi 'byung bar 'gyur ba ma yin te/ nam mkha'i yon tan nyid med par mi rtag pa nyid med par 'gyur ba ma yin no//mngon sum la sogs pa'i yul gsum yin te zhes bya ba ni mngon sum dang rjes su dpag pa'i yul dang shin tu lkog tu gyur pa tha dad pa'i phyir ro/ /des bstan pa'i don mi rung ba'i phyir te zhes bya ba ni bstan bcos kyis bstan pa'i don mi rung ba'i phyir ro//rten med pa zhes bya ba ni bstan bcos la 'gal ba yod na de la rab tu grags pa'i chos can yang yod pa ma yin pa de bas na rten med pa'i dpyod pa mi 'jug go/ /dper na mi rtag pa nyid kyi bdag med pa nyid la sogs pa lta bu'o zhes bya ba ni bdag med pa nyid dang sdug bsngal ba la sogs pa med par mi rtag pa nyid yod pa ma yin zhes bya ba lta bu'o//skye bas lhan cig byas pa zhes bya ba ni cig car 'byung zhing lhan cig skyes pa'o/ /dper na rna ba la sogs pa'i yan lag la sogs pa lta bu'o/ /tshig dang dud sogs pas te rang gi bsgrub par bya ba med na med pa'i zhes bya ba'i ni ngag gi rang bzhin las rang gi bsgrub par bya ba sems yod pa nyid med na med pa'i rtags las sems yod pa nyid rtogs pa dang /du ba las rang gi bsgrub par bya ba sreg par byed pa de med na med pa'i rtags las me rtogs pa yin no zhes bya ba ni ngag gi don yin no/ /sgrub par byed pa'i byed pa po skyes bu las zhes bya ba la sogs pa la sems yod pa gang yin pa de tshig las zhes bya ba la sogs pa'i sgrub par byed pa'i skyes bu de las tha dad pa don dam pa'i skyes bu gzhan rtag pa nyid la sogs pa'i khyad par dang ldan pa'i skyes bu med pa yang sgrub par byed pa yin te/dper gyur pa'i sgrub par byed pa'i byed pa po'i skyes bu'i tshig la don dam pa'i skyes bu med pas khyab pa nyid kyi phyir ro//rtag pa ni tshig gi rgyu nyid yin pa mi rung ba'i phyir de lta bur gyur pa'i skyes bu'i tshig srid pa ma yin pa de ltar na khyab pa yod pa yin no/ /sems dang ldan par rtogs par 'gyur ba lta bu'o zhes bya ba ni brjod par 'dod pa la gnod pa med pa'i phyir ro/ /da ltar dang 'dir zhes bya ba la sogs pa la dus 'di dang yul 'dir zhes bya ba'i tha tshig go//de lta bur gyur pa'i yul dang dus nges pa'i me dang / gzhan na yod pa'i du ba'i 'brel pa mi rung ba'i phyir ro/ /de lta bur gyur pa'i me dang 'brel pa med na yang sgrub par byed do zhes bshad pa na yang shugs kyis me grub pa lta bu'o zhes bya ba ni me tsam sgrub par 'dod pa la gnod pa med pa'i phyir ro//yul la sogs pa'i nges pas 'ga' zhig khyab par byed pa ma yin zhing phyis 'byung ba'i ngang tshul can yul la sogs pa'i khyad par dang 'brel pa yin no zhes sngar bshad zin to/ /gal te dngos su bstan bcos kyi skyon gyis zhes bya ba la sogs pa ni gzhan gyi yin te/dngos su de gnod pa can gyi gtan tshigs yin no zhes sbyar ro/ /des byas pa ma yin pa zhes bya ba ni rgol bas so/ /'brel pa med pa ma grub pa'am zhes bya ba ni dgag pas mtshams sbyar du byas pa yin no/ /gal te de ltar nam mkha'i yon tan nyid la sogs pa zhes bya ba la sogs pa ni gzhan gyi yin no//de nyid la zhes bya ba ni chos can sgra la'o/ /mnyan par bya ba nyid la sogs pas rtag pa nyid la sogs pa sgrub par byed pa zhes bya ba ni sgra rtag pa yin te mnyan par bya ba nyid yin pa'i phyir sgra nyid bzhin no/ / sogs pa'i sgras ni nges par bsal bar bya ba nyid yin pa'i phyir ro zhes bya ba la sogs pa gzung ngo / /de grub pa na yang zhes bya ba ni rtag pa nyid do/ /de ni ma yin te 'ga' pa nges pa zhes bya ba la sogs pa la de dang de la skyon gyi rigs yod pa ma yin no zhes bya ba'i don to/ /gang gi phyir 'gal bar nges pa ni gnod pa byed pa ma yin pa de ltar na nam mkha'i yon tan nyid med par grub pa yin na yang mi rtag pa nyid la gnod pa yod pa ma yin no//de nyid ni 'gal ba mi 'khrul ba can zhes bya ba la sogs pas 'chad par byed do/ /de dag skabs su bab pa dang skabs su bab pa ma yin pa dag ces bya ba la sogs pa gzhan gyi bsam pa'i dogs pa bsu ba yin no//'brel med la zhes bya ba 'di'i rnam par 'grel ba ni skabs ma yin pa med na mi 'byung ba ma yin pa zhes bya ba yin no/ /gal te nam mkha'i yon tan nyid skabs su bab par 'gyur ba'am brjod par 'dod pa'i bsgrub par bya ba de med na mi 'byung ba yin pa de'i tshe nam mkha'i yon tan nyid skabs su bab pa'i bsgrub par bya ba'i chos dang 'brel par 'gyur na de yang yod pa ma yin no//gal te gnod par bya ba nam mkha'i yon tan nyid bsgrub par bya ba'i chos su 'dod pa dang 'brel pa yod pa yin na ni mi rtag pa nyid la sogs pa 'dod pa la yang gnod par 'gyur ro zhe na/de'i tshe bstan bcos bslad par 'gyur te zhes bya ba la sogs pa ni grub pa'i mtha' smra ba'i yin no/ /gal te nam mkha'i yon tan nyid la sogs pa zhes bya ba ni gzhan gyi yin te/ shin tu thal ches pa'i skyon 'di min no/ /gang gi phyir nam mkha'i yon tan la sogs pa de sgra nyid dang 'brel pa yod de/sgra ni nam mkha'i yon tan nyid du 'dod pa nyid kyi phyir sgra chos can mi rtag pa nyid du bsgrub pa'i skabs yin pa de'i phyir chos can gyi skabs nyid yin pa de dang 'brel ba nam mkha'i yon tan 'di dang skabs su bab pa nyid yin gyi chos can dri la sgra'i 'brel pa yod pa ma yin na gang gis na sgra skabs su bab par 'gyur/rgyu des de nyid la ste sgra la nam mkha'i yon tan nyid gnod pa'i phyir ro/ /byas pa nyid gtan tshigs nyid ma yin na gzhan dri la sogs pa la sa'i yon tan nyid bzlog pa'i phyir ma yin no zhe na de bden pa ma yin no zhes bya ba la sogs pa ni lan yin no/ /de dang gzhan zhes bya ba ni rgol bas 'dod pa mi rtag pa nyid la sogs pa'i bsgrub par bya ba rigs pa dang ldan ba gang yin pa dang /gzhan nam mkha'i yon tan nyid la sogs pa bstan bcos las khas blangs pa'i phyir bsgrub par bya ba yin no zhes bya ba khyod kyi rigs pa 'dis thob pa gang yin pa de thams cad rang gi bsgrub par bya ba yin zhing /de bzhin du dri la yang sa'i yon tan nyid bstan bcos las khas blangs pa nyid kyi phyir bsgrub par bya ba yin no/ /de nyid ni bstan bcos las khas blangs pa'i phyir der grags pa thams cad bsgrub par bya ba yin pa zhes bya ba smos so/ /bsgrub bya la zhes bya ba ni bdun pa bsgrub par bya ba'i chos kyi zhes drug pa bshad par bya'o//ldan pa dang rnam par phye ba dang 'phrod pa 'du ba'i rgyu ma yin pa nyid la sogs pa'i zhes bya ba ni ldan pa dang rnam par phye ba dag gis sgra grub pa'i phyir sgra ni ldan pa'i rgyu nyid dang rnam par phye ba'i rgyu nyid yin gyi sgra ni gzhan 'phrod pa 'du ba'i rgyu ma yin pa de ltar na sgra'i 'phrod pa 'du ba'i rgyu nyid ma yin no//bsgrub par bya ba nyid du 'dod pa zhes bya ba'i tshig mdzad cing gzhan du yang zhes bya ba ni tshad ma kun las btus par ro/ /gang zhig des rnam par gzhag pa tsam la gus par bya ba ma yin no zhes bya ba ni mtshan nyid byed pa'i tshig la'o/ /de ltar 'chad pa po bdag nyid 'dod pa kho na bsgrub par bya ba yin par 'gyur ro//phyogs mtshan phyi rol don can gyi/ /zhes bya ba ni phyogs kyi mtshan nyid phyi rol gyi don gang la yod pa de la de skad ces bya'o/ /gal te bdag nyid kyi sgras bstan bcos byed pa 'dod pa 'gog par byed pa de'i tshe rgol ba nyid kyis 'dod pa bdag nyid kyi sgras phyogs nyid du ston par byed cing phyogs kyi mtshan nyid kyi nang du 'dus par 'gyur ro//de ltar khas mi len na ni phyogs kyi mtshan nyid phyi rol gyi don can bdag nyid kyi sgrar 'gyur ro/ /de ltar na 'di don gyi khyad par gzhan yin par dogs pa de la gzhan nyid yin pa zhes bya ba la sogs pa smos so/ /mtshan nyid la 'khrul pa zhes bya ba ni gang rnam par gcod pa'i phyir bdag nyid smos pa mdzad pa'i phyir phyogs kyi mtshan nyid pa 'khrul pa yod pa yin no//tshad ma kun las btus pa'i TI kA byed pas bdag nyid kyi sgra don gzhan du rtogs pa byas pa la/ bstan bcos cung zad sngar khas blangs ba gang yin pa de zhes bya ba la sogs pa 'phangs nas sun 'byin par byed do//rang 'dod brtags pa'i khyad par can/ /dngos rnams la rtsod med phyir de/ /zhes bya ba ni rtsod pa'i gzhir gyur pa'i chos can gyi spyi nyid ma grub pa'i phyir ro/ /grags sgras te zhes bya ba ni 'dis brjod cing ston par byed pas na sgra ste rab tu grags pa'i sgra ston par byed pas so//de nyid ni rab tu grags pa'i tshig des zhes bya bas 'chad par byed do/ /bsgrub par bya ba de la khyad par sgrub par byed par 'gyur ro zhes bya ba ni bsgrub par bya ba yod pa nyid tsam la sgrub par byed pa 'bras bu med par 'gyur ro/ /de yang le'u dang por dpyad zin to/ /chos can la dpe med pa'i phyir zhes bya ba ni dpe yon tan dang ldan pa yang yod pa ma yin no zhes bya bar sbyar ro//ci'i phyir chos can la dpe med pa'i phyir zhe na/ chos can chos can gzhan la yod pa ma yin no/ /phyogs kyi chos la sogs pa yan lag phyi ma la ltos nas zhes bya ba la sogs pa'i sgras ni rjes su 'gro ba dang ldog pa yongs su gzung ngo //ma grub pa nyid la sogs pa'i skyon te zhes bya ba 'di la yang sogs pa'i sgras ni 'gal ba la sogs pa gzung ngo / /gtan tshigs dang dpe'i zhes bya ba la gtan tshigs kyi mtshan nyid ni gcig yin te phyogs kyi chos tsam la gtan tshigs nye bar btags pa'i phyir ro//dpe ni chos mthun pa nyid can gyi bye brag gis dang chos mi mthun pa nyid can gyi bye brag gis mtshan nyid gnyis yin no/ /de nyid kyi phyir rgyu sogs mtshan nyid kyis zhes mdor mang po'i tshig tu byas pa yin no/ /mtshan nyid la/ /byas pa med pa ldog pa dag /spangs pa'i don du'o zhes bya ba la/phyogs de la khyab pa med pa ni khyab pa yod pa ma yin pa'o/ /ldog pa ni shin tu khyab pa ste de dag spangs pa'i don du'o/ /gtan tshigs dang dpe'i mtshan nyid kyis spang bar bya ba'i skyon la ltos pa zhes bya ba ni gtan tshigs dang dpe dag gi mtshan nyid kyis spang bar bya ba'i skyon ma grub pa dang 'gal ba dang ma nges pa dang rjes su 'gro ba med pa la sogs pa gang yin pa de la ltos pa ste/de'i skyon yongs su spangs nas zhes bya ba'i don to/ /de'i tshe phyogs kyi mtshan nyid kyis gtan tshigs la sogs pa mtshon pa nyid yin pa'i phyir yul mtshon pa med pas gtan tshigs la sogs pa'i mtshan nyid yul med pa nyid du 'gyur ro//bdag nyid kho na zhes bya ba la sogs pa ni tshigs su bcad pa'i cha yin no/ /bdag nyid kho na dang ngo bo ste de dag gi sgra zhes bya ba ni zlas dbye ba'i snying po can gyi de'i skyes bu'i khyad par gyi bsdu ba yin no/ /bdag nyid ces bya ba la sogs pa ni ngo bo gtso bor gyur ba brjod pa yin no//de bas na sgra ste mnyan pa'i rnam grangs dang gzhi mthun pa nyid du 'thad pa yin no/ /de nyid kyi phyir bdag nyid ces bya ba'i sgra la sogs par zhes bya ba'i sgra sbyor bas rang gi ngo bor gtso bor gyur pa bstan pa yin no/ /kho na zhes bya ba ni tshig gi phrad do zhes bya ba la rang gi ngo bos zhes bya ba la phyogs kyi mtshan nyid kyi kho na gang yin pa de tshig gi phrad yin no zhes bya ba'i don to// //tshad ma rnam 'grel gyi 'grel bshad/ bam po drug cu rtsa gnyis pa/ ngo bo dang rang gi ngo bo'i sgra dag ni don mtshungs pa nyid kyi phyir rang gi ngo bos zhes bya ba'i sgra ngo bo'i sgrar bstan pa yin no/ /mdo zhes bya ba ni phyogs kyi mtshan nyid kyi mdo bstan bcos byed pa'i 'dod pa bsgrub par bya ba nyid thob pa bdag nyid kyi sgras bsal ba yin no zhes 'chad par 'gyur ba dang sbyar bar bya'o//sgrub par byed pa yang de yin la ma grub pa yang yin pas na sgrub par byed pa ma grub pa'o/ /de brjod pa ni bsgrub par bya ba nyid thob pa ste/kho nas bsal ba yin no zhes bya bar sbyar bar bya'o/ /de bzhin du gzhan dag la yang sbyar bar bya'o/ /rang gi ngo bos zhes bya ba ni rang gi ngo bo'i tshig gis so/ /rnam par phye nas mtshan nyid du byas pa bshad pa yin te/ log par rtogs pa rnams rang gi sgras bsal ba'i phyir ro zhes bya bar dgongs so//bsgrub byar khas blangs zhes bya ba ni de tsam nyid don dam par phyogs kyi mtshan nyid yin te/ de tsam nyid kyis khyab pa med pa dang khyab ches pa bzlog pa'i phyir ro/ /de nyid ni ci ltar zhes bya ba'i dri ba sngon du song bas ston par byed do/ /de'i tshe zhes bya ba ni sgrub par byed pa 'god pa'i dus na'o//de skad du khas len pa'i bya ba grub pa can gtso bo nyid yin pa'i phyir bsgrub par bya bar khas blangs pa yin gyi ma 'ongs pa ni ma yin no zhes bstan par 'gyur ro/ /'dod pa'i tshig gi don khas blangs pa'i sgras thob pa yin no zhes bya ba'i 'dod pa dang khas blangs pa mtshungs pa nyid kyi phyir ro/ /sgrub par 'os pa zhes bya ba la sogs pa la tshad mas bsal ba sgrub par byed par 'os pa'am/sgrub par byed pa'i phyir nus pa ma yin no/ /de nyid ni ji ltar bshad pa bzhin du/ de rnams la ni phyogs nyid med/ /ces bya ba la sogs pa'i mdo spel nas 'chad par byed do/ /bsgrub byar khas blangs phyogs mtshan nyid//ces bya ba bshad pa na/ rang gi ngo bo la sogs pa'i sgras bsal ba de dag la rnam par phye bas phyogs kyi mtshan nyid la rang gi ngo bo dang kho na dang bdag nyid dang 'dod pa dang ma bsal ba'i sgra lnga dag gis go rims bzhin du bstsal ba grub pa la sogs pa lnga ste/ bsgrub pa dang sgrub par byed pa ma yin pa dang /don gyis thob pa dang / bstan bcos byed pas 'dod pa dang / bstsal ba dag ni phyogs ltar snang ba de dag ni phyogs nyid ma yin te/ mngon sum la sogs pas gnod pa nyid kyi phyir ro/ /sgrub par 'os pa'am nus pas na/ /zhes bya ba de yang bshad pa 'di las thob pa yin no//lhag ma ni zhes bya ba ni bstsal ba ma gtogs par grub pa la sogs pa'i don bzhi bstan ma thag pa'i rnam pas slob dpon gyis phyogs kyi mtshan nyid rnam par phye nas bshad pa gang yin pa'i mtshan nyid 'jug pa med par blta bar bya'o/ /sgrub par byed pa zhes bya ba la sogs pas gzhan gyi bsam pa'i dogs pa bsu ba yin te/sgrub par byed pa ma grub pa rgol bas bsgrub bya nyid du 'dod pa ni da ltar sgrub par byed pa nyid du nye bar 'ged pa'i phyir ro/ /'dod pa'i sgra 'das pa'i rkyen 'das pa'i dus brjod pa gang yin pas 'chad par 'gyur ba'i phyogs nyid bstsal ba yin no zhes bya ba'i tha tshig go/ / dus gsum gyi yul can nyid kyis byed pa'i mtha' dang ste/ byed pa brjod pa na dus kyi bye brag yongs su bzung ba med pas dus gsum gyi yul can nyid yin pa'i phyir ro/ /bshad par bya ba'i sgra yang 'dir byed pa'i mtha' can yin te/ byed pa dang ldan pa'i rkyen gyi mtha' can nyid yin pa'i phyir ro/ /de skad du skad kyi dbyings dang 'brel ba'i rkyen byas pas byed pa'i mtha' can brjod pa 'das pa'i rkyen gyi mtha' can brjod pa'i dus kyi rjes su 'jug pa de bas na 'chad par 'gyur ba la yang thal bar 'gyur ro zhes bstan par 'gyur ro//bdag nyid kyi sgra'i 'brel pa byed pas kun du brtags pa'i don gang yin pa de'i sun 'byin pa gzhan bstan par bya ba'i phyir/gzhung lugs kyis byas zhes bya ba la sogs pa smos te/ gzhung lugs te bstan bcos kyis brdar byas pa'i khyad par can gyi chos can yongs su gzung ba'i don du bdag nyid kyi sgra byas pa yin no zhes kha cig smra'o/ /sogs pa'i sgras ni bstan bcos dag la 'dod pas 'jug pa'i ched du zhes bya ba la sogs pas yongs su gzung ngo //rjod byed ma yin phyir zhes bya ba ni ji skad du bshad pa'i don gyis bdag nyid kyi sgra rjod par byed pa ma yin no/ /gang gis sgra ni sngar bshad pa'i skyon sdud par byed pa'i don can yin no/ /gang gi tshe tshad mas de lta bu'i ngo bor sgrub ba zhes bya ba la sogs pa la/gal te gang gi ched du gtan tshigs smos pa de de lta bu'i ngo bo tshad ma gzhan gyis sgrub pa de'i tshe de la de lta bu'i ngo bo'i yul can gzhan sgrub par mi byed pa nyid kyis las bya ba bsgrub pa can bsgrub pa nyid du mi rung ba'i phyir ro/ /gang gi tshe gnod pa can gyi tshad mas de lta bu'i ngo bo 'gog pa de'i tshe yang gzhan de lta bu'i ngo bo'i yul sgrub par byed pa nyid yin par mi 'gyur ro//dngos po la tshul gnyis mi rung ba'i phyir tshad ma 'gal ba dag ni de la mi 'jug pa'i phyir ro/ /de'i phyir de lta bu'i ngo bor nges pa'am/ de lta bu'i ngo bor 'gog pa gnod pa can nam/ gnod pa med pa'i tshad ma la ltos pa med par 'gyur ro//gzhan dag gang gi tshe tshad mas de lta bu ma yin pa'i ngo bor bsgrub pa zhes 'don pa de'i yang don ni 'di yin te/ gnod pa can gyi tshad mas de lta bu'i ngo bo ma yin pas bsgrub pa'am/ sgrub par byed pas 'gog pa yin te/ de lta bu'i ngo bo ma yin pa bkag pa na de lta bu'i ngo bo bsgrubs par 'gyur ro//gzhung phyi ma ni ci rigs par sbyar bar bya'o/ /de'i tshe yul can gtan tshigs kyang mi 'jug pa zhes bya ba ni yul med par yul can mi srid pa'i phyir ro/ /yul can med na yang phyogs kyi tshig 'ba' zhig kyang yod pa ma yin te/ phyogs kyi tshigs ni gtan tshigs kyi yul bstan pa'i don nyid yin pa'i phyir ro//de dag kyang slob dpon gyis rigs pa'i 'dod pa la brten nas bshad pa yin no/ /de kho na nyid du ni yul rab tu bstan du yang phyogs kyi tshig brjod par bya ba ma yin te/ dper na gzhan dag tu bstan pa lta bu'o/ /de de ltar na gtan tshigs la phyogs ltar snang ba yod pa ma yin gyi/sbyor ba 'ba' zhig yin pa de ltar na phyogs ltar snang ba brjod pa 'bras bu med pa yin no/ /rjes su dpag pa rnam pa gsum yin pas zhes bya ba la rjes su dpag pa gcig ni dngos po'i stobs kyis zhugs pa yin la gzhan ni yid ches pa'i tshig dang rang gi tshig gi bdag nyid khas blangs pa'i sgra'i brjod par bya ba yin te/tshad ma kun las btus pa'i mdor yid ches pa'i sgras bstan pa gang yin pa dang / gzhan rab tu grags pa'i sgras brjod pa yin pa de bas na rnam pa gsum du 'gyur ro/ /de nyid kyi phyir yid ches pa dang / rang gi tshig gcig tu byas pas rjes su dpag pa'i gnod pa rnam pa gsum dang / mngon sum gyi gnod pa dang bcas pa ste rnam pa bzhir 'gyur ro/ /de lta ma yin na dngos po'i stobs kyis zhugs pa'i rjes su dpag pa dang yid ches pa'i tshig dang / rang gi tshig dang 'jig rten la grags pa ste 'gal ba rnam pa bzhi dang / mngon sum gyi 'gal ba gcig ste de ltar na rnam pa lngar 'gyur te/dper na rigs pa'i sgor rnam par bshad pa lta bu'o/ /'dir yang 'ga' zhig ces bya ba ni tshad ma kun las btus pa'i TI kA byed pa dag ste/ de dag ni tshig gsum zlas dbye ba byas nas rab tu grags pa'i sgra dang / gsum pa'i de'i skyes bur khas len cing grags pa'i sgra yang re re la mngon par sbyor bar byed do//yang dag nges zhes bya ba ni don ji lta ba bzhin du shes pa'o/ /ldan pa'i sgra ni 'jug pa'i tshig yin te/ skad kyi byings don sna tshogs pa yin pa'i phyir ro/ /de nyid kyi phyir rnam grangs gzhan gyi tshig rnam par sbyar ba ni don ji lta ba bzhin du shes na 'jug pa'i ngag gang la yod pa zhes bya bar tshig rnam par sbyar ro zhes smos so//de lta bu'i rnam pa can du khas len pa zhes bya ba ni don ji lta ba bzhin du shes pa dang ldan pa'i ngag ni khas blangs pa'i dbang gis de dag tshad mar gyur ba yin gyi dngos po'i stobs kyis ni ma yin no zhes bya bar dgongs so/ /de bas na de'i bstan bcos la brten pa zhes bya ba ni rten par byed pas na brten pa ste bstan bcos khas len pa zhes bya ba'i don to//tshad ma med pa'i dam bca' ba de bsal ba yin no zhes bya ba rjes su 'jug go/ /de bas na nyams su myong ba ma yin pa'i yul can dag kyang de'i rang bzhin can nyid yin pa zhes bya ba la don byed pa la mi slu ba'i sgo nas shes pa gang dag la yul nyams su myong ba med pa de dag kyang nyams su myong ba ma yin pa'i yul can gyi shes pa dang 'dra ba'i phyir de'i rang bzhin can de mi slu ba nyid dang tshad ma nyid ces bya ba'i tha tshig go//ma 'ongs la zhes bya ba ni ma 'ongs pa'i skye ba'o/ /chos ni chos la sogs pa'o/ / bde mi 'byin zhes bya ba'i bsgrub par bya ba'i chos 'di la chos zhes bya ba'i chos can bstan bcos la grags pa yin te/ mngon sum la sogs pa'i tshad ma de la mi 'jug pa'i phyir ro/ /rang bzhin gyis bskal ba'i phyir dang / de med na mi 'byung ba'i rtags nges pa med pa'i phyir ro/ /gang gi tshe bstan bcos pa zhes bya ba la 'di la bstan bcos yod pas na bstan bcos pa ste/de'i tshe khas blangs pa'i phyir ro/ /de nyid ni bstan bcos zhes bya ba la sogs pa smos so/ /dmigs par byed pas na dmigs pa ste brten pa'o/ /dngos su bstan bcos de la dmigs pa gang la yod pa de la de skad ces bya'o//de la dmigs pa yod pa ma yin pa ni de dmigs can min te/ bstan bcos la brten pa ma yin no zhes bya ba'i tha tshig go/ /de nyid kyi phyir ji ltar khas blangs pa'i bstan bcos kyis ma bstan pa'i zhes bya ba smos te/ ji ltar khas blangs pa'i bstan bcos kyis ma bstan pa ste/ tshad ma gzhan nyid kyis grub pa yin no zhes bya ba'i tha tshig go//bstan bcos des ma nges pa'i chos can zhes bya ba ni bstan bcos kyi dbang gis sgra nges pa ma yin gyi 'on kyang mngon sum gyi tshad kyi las yin no/ /gal te yang dpyod pa pas bstan bcos tshad ma nyid du khas len pa de lta na yang 'di dag ni tshig tsam du bye brag med pa'i phyir phan tshun gags byed pa nyid du 'gyur ro zhes bya bar sbyar ro//nus pa mtshungs phyir zhes bya ba ni stobs mtshungs pa nyid kyi phyir ro/ /sgra rtag ces bya ba'i bstan bcos kyi ngag 'di la yang stobs dang ldan pa nyid kyi tshad ma cung zad kyang yod pa ma yin no/ /rtag pa nyid du dam bca' ba tshad ma nyid ma yin pa'i phyir gnod pa can ma yin par rigs pa ma yin no//byas pa nyid kyi phyir mi rtag go zhes bshad pa tshad ma dang ldan pa de rtag pa nyid du dam bca' ba la gnod pa can yin pa de bas na de dag nus pa mtshungs pa nyid yin zhe na/ de ni bden te 'di ltar de dag tshig gnyis po dag gi nang nas tshig gcig la tshad ma yod pa zhes bya ba la sogs pas de ma thag tu 'chad par 'gyur ro//dpe'i phyogs bstan par bya ba'i phyir 'di nye bar bkod pa yin te gzhan du gang la bstan bcos dang cig shos gnyi ga dag kyang tshad ma nyid ma yin pa'i dpe nye bar bkod ba yin no/ /gang la yang bstan bcos la nye bar bstan pa ni chos can yin te/dper na ma 'ongs par bde ba 'byin par byed pa ma yin pa'i chos zhes bya ba de la yang bstan bcos dang / cig shos dag ni dam bca' ba tshad ma nyid ma yin pa'i phyir gags byed pa nyid rigs pa yin gyi gnod pa byed pa ni ma yin nam/ de bas na dngos po de la dmigs pa can ma yin pa zhes bye brag brjod par bya ba ma yin no zhe na/'di snyam du chos can rnam par gzhag pa ni bstan bcos la brten pa nyid kyi phyir rnam par dpyod pa'i skabs kyi bstan bcos rgyu mtshan nyid yin pa de ltar na bstan bcos kyi ngag la stobs dang ldan pa nyid yod do zhes bya bar dgongs so//de'i tshe de dag las tshig gcig la tshad ma dang ldan pa ma yin pa dang zhes bya ba la sogs pa la bstan bcos kyi ngag gang yin pa dang / tshig gang yin pa de dang 'gal ba de dag ni gcig la tshad ma dang ldan pa ma yin pa 'gal ba'i tshig yin te/ tshad ma dang bral ba zhes bya ba'i tha tshig go//tshad ma dang ldan pa yin na zhes bya ba ni gang gi tshe bstan bcos la ltos pa'i tshig tshad ma dang ldan par 'gyur ba ste/ dper na dpyod pa pas byas pa nyid kyi phyir mi rtag go zhes smras pa lta bu'o/ /bstan bcos las phyin ci log pa'i tshig rnam pa gnyis po 'di la bstan bcos gang yang rung ba'i tshig tshad ma nyid ma yin pa na yang gnod pa byed pa nyid yin par 'dod par 'gyur ro//bstan bcos kyi phyogs gcig tu gyur pa'i tshig de nyid kyi ming ste ming can gang la yod pa de la de skad ces bya'o/ /de nyid kyi phyir zhes bya ba ni rigs pa dang bral ba nyid kyi phyir ro/ /'dis ni tshig gcig ni tshad ma dang ldan pa ma yin no zhes bya ba de bstan pa yin no//tshad ma dang ldan pa yin na zhes bshad pa gang yin pa de ni tshig gcig la zhes bya ba la sogs pas 'chad par byed do/ /gnod pa byed pa ni tshad ma yin te/ de yang rtogs pa po khas len pa'i dbang gis yin no/ /de yang / de la khas blangs 'bras rtags dang //zhes bya ba'i skabs su dpyad zin to/ /rjes su dpag pa'i nang du 'du bar 'gyur ro zhes bya ba ni mngon sum nyid ma yin pa la tshad ma nyid du zhes blta bar bya ste/ mngon sum las gzhan pa'i tshad ma thams cad rjes su dpag pa'i nang du 'dus pa'i phyir ro/ /rjes su dpag pa'i rgyu nyid yin pa'i phyir bstan bcos rjes su dpag pa las phyi rol du gyur pa yin par brjod de/bstan bcos kyis kun nas slong ba'i rjes su dpag pa'i shes pa'i bstan bcos 'bras bu'i rtags yin no/ /gal te tha dad pa'i tshig yul gyi zhes bya ba la sogs pa khas blangs pas zhes bya ba ni lnga pa yin no/ / gal te ji skad du bshad pa'i yul tha dad pa bstan pa'i don du rjes su dpag pa dang 'gal ba las tha dad pa'i tshig ni khas blangs pa'i skabs nyid yin pa'i phyir ltos par bya ba yin pa'am khas blangs pas gnod pa las bya ba'i tshig de nyid drug pa rnam par bsgyur la sbyar bar bya'o/ /rang gi tshig kyang tha dad pa zhes bya ba'i mdo la drug pa'i don gyi bdun pa yin no//rang gi tshig ni rigs pa'i sgo las tha dad pa ste so sor byas pa yin no/ /de la rgyu ni 'di yin te/ tshig tu brjod pa tsam la rag las pa nyid ni 'ga' zhig gi tshe yang gnod pa ma yin no zhes bya ba'i don 'di bstan par bya ba'i phyir de nyid ni rang gi tshig kyang tha dad pa zhes bya ba la sogs pas 'chad par byed do//gags byed ba 'ba' zhig kho nar 'gyur gyi gnod pa byed pa ni ma yin no/ /bstan bcos la brten pa'i chos can ni rnam par dpyod pa'i rten nyid yin pa'i phyir bstan bcos sgrub par byed pa yin par yang 'gyur ro/ /de bas na tha dad pa'i rgyu mtshan yod pa yin no zhes bya bar dgongs so//rang gi tshig de dag kyang rtag tu gags byed pa nyid ma yin pa de ltar na de la de dag ces bya ba la sogs pa smos so/ /gang gi tshe gcig tshad ma dang ldan pa'i tshig ces bya ba ni dam bca' ba'i don gcig ston par byed pa'i tshig ste/ gal te tshad ma dang ldan par 'gyur na zhes bya ba'i tha tshig go/ / de'i tshe yang tshad ma'i stobs kyis gnod par byed pa'i phyir ro/ /ji ltar rigs par de mngon sum dang rjes su dpag pas gnod pa yin gyi rang gi tshig gis gnod pa ma yin no/ /gal te bstan bcos tshad ma nyid yin par khas len pa'i phyir gnod pa byed par skyes pa zhes bya ba ni tshad mar khas blangs pa'i phyir de las gnod pa byed pa skyes pa yin no zhes bya ba ni ngag gi don yin no//de yang yin la lung yang yin pas na lung de'o/ /de mi 'dod na ni bstan bcos gnod pa byed pa yin par mi 'gyur ro zhes bya ba'i skabs la ltos nas zhes bya ba khong nas dbyung bar bya'o/ /gal te sngar zhes bya ba la sogs pas gzhan gyi bsam pa'i dogs pa bsu ba yin no//snga ma des zhes bya ba ni sngar de dang por bstan bcos khas blangs pa rten pas so/ /tshig phyi ma la zhes bya ba ni bstan bcos khas mi len pa'i'o/ /'o na de lta yin na zhes bya ba la sogs pa la 'di ltar bstan bcos kyang rgol bas khas blangs pa nyid las tshad ma yin gyi dngos po'i stobs kyis ma yin pa de ltar na gal te rang gi tshig kyang yin pa de ltar na 'di dag la tha dad pa ci zhig yod/sngar ji skad bshad pa bzhin du zhes bya ba ni/ bdag gzhan yid ches 'dod pa yin/ /ci 'dra ba zhig ce na/ yang dag nges dang ldan pa'i ngag / ces bya ba'i skabs su bstan zin pa'i phyir ro/ /gal te rang gi tshig dang 'gal ba las bstan bcos kyi 'gal ba tha dad pa la skyon ci zhig yod ce na/ de ltar na gags byed pa nyid yin par 'gyur ro zhes bya ba smos te/ rang gi tshig dang 'dra bar bstan bcos gnod pa byed pa ma yin no zhes bya ba'i tha tshig go/ /rab grags don dag la zhes bya ba 'di nyid kyi rnam par 'grel pa ni gang gi tshe chos can dang rtags yin par zhes bya ba yin no//de yang don dam par rtogs pa'i rten ma yin pa zhes bya ba ni lung ni dngos po'i stobs kyis zhugs pa ma yin pa nyid kyi phyir ro zhes bya bar bsams pa'o/ /de bas na khrus zhes bya ba la sogs pa la gal te chags pa med pa la sogs pa'i rang bzhin khrus la sogs par 'gyur ba de'i tshe chags pa la sogs pa'i phyin ci log pa'i rnam par dmigs pa'i mtshan nyid can nyid yin pa'i phyir gnod par byed par 'gyur na de ltar yang ma yin te/gang dag nyon mongs pas sdig pa'i las spyod pa ngan pa'i gnas skabs yin te/de dag la tshul khrims kyi khyad par gnod pa can yin no/ /gang dag mngon du phyogs gyur na yang las ngan pa mi spyod pa de ni kun nas dkris pa yin te/ de dag la ting nge 'dzin gyi khyad par gnod pa can yin te/ ting nge 'dzin gyi stobs kyis de dag gi skye ba rnam par gnon pa'i phyir ro//sa bon gyi dngos po'i gnas skabs ni bag la nyal gyi gnas skabs yin te/ de dag la shes rab kyi khyad par gnod pa yin te/ bdag med pa nyid kyi byin gyi rlabs kyis nyon mongs pa'i sa bon rtsad nas 'don pa nyid kyi phyir ro/ /'dir zhes bya ba ni le'u dang por lung gi tshad ma spyod pa'i skabs su'o//sbyin pa la sogs pa'i sems pa 'jug pa las grub pa'i phyir ro zhes bya ba'i tha tshig go/ /gnod med tshig ces bya ba'i rnam par 'grel pa ni rang gi 'dod pa ston par byed pa'i zhes bya ba la sogs pa yin te/ rang gis 'dod pa ni rang 'dod pa ste/ tshig gang la de ston par byed pa'i yul yod pa de la de skad ces bya'o//rang gi 'dod pa ston par byed pa'i yul can gyi tshig gang la ma bkag pa yod pa de la de skad ces bya'o/ /de lta bu la sogs pa'i sgra'i tha snyad la skyes pa'i chos zhes bya ba ni gnas gzhan zlog pa'i sgo nas brtag pa'i chos sgra'i brjod par bya ba nyid yin pa de ltar tha snyad du byed pa yin gyi dngos po la sgra'i dbang gis chos 'ga' zhig kyang skye ba ni ma yin no//tha snyad de la skyes pa zhes bya ba ni 'dod pa'i sgras brjod par bya ba nyid de/ zla ba'i sgra'i tha snyad la skyes pa zhes bya ba'i tha tshig go/ /'dod pa'i sgras brjod par bya ba de nyid kyis rab tu grags pa'i rtags la brten nas thams cad la yod pa nyid du srid pas zla ba nyid ma yin par dam bca' ba la gnod par 'gyur ro//'dod pa'i sgras bstan par bya ba ni phyi rol gyi brjod par bya ba yin zhing rab tu grags pa ni 'jig rten gyi tha snyad ma yin nam de ji ltar na rang bzhin gyi rtags yin/ gang gis na/ 'gro la grags pa rang bzhin rtags//zhes brjod ce na/ de ni bden te/ 'on kyang rab tu grags pa ni 'dod pa tsam gyi rjes su 'jug pa can yin la/ 'dod pa tsam gyi rjes su 'jug pa can des 'dod pa'i sgras brjod par bya ba ni 'dod pa tsam gyi rjes su 'jug pa can rnam par 'jog pa gang yin pa de nyid nye bar btags nas grags pa'i sgras bstan pa yin no//de yang 'dod pa'i sgra'i brjod par bya ba nyid kyi bdag nyid du gyur pa de ltar na rang bzhin gyi rtags yin no/ /'dir sbyor ba yang 'di 'dra ba yin te/ gang zhig 'dod pa tsam gyi rjes su 'jug pa de ni thams cad yod pa yin te/ dper na yid kyi rtog pa rang rgyud pa 'ga' zhig lta bu'o//'dod pa'i sgra yis brjod par bya ba nyid kyang 'dod pa tsam gyi rjes su 'jug pa yin no zhes bya ba ni rang bzhin gyi gtan tshigs yin no/ /'jal byed sgra sgro btags pas zhes bya ba la 'dir mngon sum dang rjes su dpag pa dang lung dag yongs su gcod par byed par chos mthun pa'i phyir 'jal byed kyi sgras bstan to//de nyid kyi phyir mngon sum zhes bya ba la sogs pa gsum po dag kyang smos so/ /ri bong can zla ba'i sgrar grags pa nyid de/ slob dpon gyis dper bkod pa na sgra grags pa nyid du de grub par bstan pa ma yin nam/ de ci'i phyir grags pa med na yang sgra la dngos po de la ni zhes bya ba la sogs pa brjod ce na/de ni yod pa ma yin te/ grags pa dang 'gal ba la dpe gcig po 'di yod pa ma yin te/ dngos po thams cad la thams cad grags pa yod na grags pa ma yin pa'i brjod par bya ba bkag pa na yang grags pa dang 'gal ba srid pa'i phyir ro/ /dpe ni nye bar mtshon pa'i phyir brjod pa yin no//dper na 'tshod par byed pa zhes bya ba ni tshos pa mngon sum du gyur pa ma yin na yang rung ba nyid kyi stobs kyis 'tshed par byed pa zhes brjod do/ /de ltar ni 'gyur mod kyi thun mong ma yin pa nyid du ni mi 'gyur te zhes bya ba la sogs pa la ri bong can la zla ba'i sgras brjod par bya ba nyid 'gog pa bsgrub par bya ba la zla ba'i sgras brjod par bya ba nyid ni mi mthun pa'i phyogs yin te/ji skad du bshad pa'i rnam pas thams cad zla ba'i sgras brjod par bya ba yin pa de ltar na yod pa nyid kyi phyir zhes bya ba'i gtan tshigs 'di mi mthun pa'i phyogs nyid la 'grub par 'gyur ro/ /mthun pa'i phyogs dang mi mthun pa'i phyogs la the tshom za ba yod na thun mong ma yin pa yin no//ji srid du dngos po thams cad 'byung ba'i ngang tshul gang la yod pa de ni ji srid du dngos po thams cad 'byung ba'i ngang tshul can te/ dngos po thams cad 'byung ba'i ngang tshul can zhes bya ba'i tha tshig go/ /gzhan la yang zhes bya ba ni byas pa nyid la sogs pa'i rtags la'o//de bas na 'dir yang / grags pas grub par mi 'gyur na/ /zhes bya ba ni gal te byas pa nyid la sogs pa mtshan nyid mtshungs pa can yin na 'gal ba mi 'khrul pa can du 'gyur ba de'i tshe/ ri bong can ni zla ba ma yin no/ /zhes bya ba 'di la yang 'dod pa'i sgra'i brjod par 'dod pa nyid grags pas grub pa ma yin te/'di la yang dogs pa ldog pa med pa'i phyir ro/ /grags pa grub pa yang yod pa yin no/ /de ni yod pa ci zhig byed ce na/ rjes su dpag pa'i yul la zhes bya ba la sogs pa smos so/ /des na drug pa dang de la phan pa dang tshig tha dad pa la sogs pa dag ni nges pa'i don can ma yin no zhes bya ba 'di dang sbyar ro//gal te ci'i phyir zhe na/ 'chad pa po mngon par 'dod pa'i zhes bya ba la sogs pa smos te/ ba lang gi ba lang nyid ces bya ba'i drug pa'i sbyor ba las spyi tha dad pa yod do zhes gzhan dag sems so/ /rta nyid dang ba lang nyid ces bya ba'i de la phan pa'i sbyor ba las brjod pa dang shes pa'i rgyu mtshan gyi dngos po yod pa yin no//de bzhin du/ nye ba'i ba lang can gyi bu/ /zhes bya ba ni de la phan pa'i sbyor ba las bu dang ldan pa'i 'brel pa dngos su yod pa yin no/ /shing dag dang shing rnams zhes bya ba'i tshig tha dad pa las grangs dngos por gyur pa yod pa yin no//de bzhin du shing zhes bya ba'i tshig gcig pa las yan lag can gyi rdzas gcig yod pa yin no/ /de lta ma yin na gzugs la sogs pa mang po dag la tshig gcig rgyu med pa can ci ltar 'gyur/ yod pa nyid dang ldog pa dang / /zhes bya ba la sogs pa la bdag la sogs pa'i sgra'i sbyor ba las bdag la sogs pa tha dad par yod pa nyid grub pa ma yin zhing /grub pa'i dbang gis ba lang nyid la sogs pa'i drug pa grub pa ma yin la/ rigs kyi sgra gzhi mthun pa las rigs ni rdzas las tha dad pa med pa ma yin te/ rigs med pa nyid kyi phyir gnyi ga yang 'thad pa ma yin no//shing zhes bya ba la sogs pa tshig gcig pa'i sbyor ba las yan lag can gcig grub pa ma yin zhing tshig gnyis pa la sogs pa'i sbyor ba las kyang du ma nyid ma yin te/ sgra tsam las grub pa nyid yin na ni thams cad kyi thams cad 'grub par 'gyur ro/ /zla ba gcig yod pa nyid kyi zhes bya ba la sogs pa ni rigs pa'i sgo'i TI kA byed pa'i gzhung 'god pa yin no//de dang 'gal ba yang grags pa dang 'gal ba'o/ /de ltar da trig shing min zhes/ /zhes bya ba ni mdo yin la 'di'i rnam par 'grel pa ni da trig shing ma yin par zhes bya ba'o/ /de bas na de dngos su grub pa yin na ri bong can la yang zla ba nyid yod pa zhes bya ba la gal te zla ba nyid kyi rgyu mtshan gyi dngos po ri bong can du khas len par byed na zhes bya bar dgongs so//grags pa zhes bya ba'i rjes dpog ces bya ba ni 'dod pa tsam dang rjes su 'brel pa can gyi grags pa 'dod pa tsam gyi rjes su byed pa gang yin pa 'dod pa'i sgras brjod par bya ba nyid du rnam par gzhag pa yin no//de bas na rang bzhin gyi rtags las 'dod pa'i sgras brjod par bya ba thams cad la yod pa'i chos rjes su dpag par bya ba yin no/ /de'i yul can gyi shes pa ni 'dir rjes su dpag pa yin no/ /shes pa de nyid brgyud pas grags pas byas pa nyid yin pa'i phyir/grags pa'i rjes su dpag pa zhes brgyud pas bstan pa yin no/ /brda 'gog med la skyes pa yi/ /'di ltar 'dod pa'i sgras brjod par bya ba nyid ni brda tsam dang rjes su 'brel pa can nyid yin no/ /de bas na 'dod pa tsam dang rjes su 'brel pa'i phyir thams cad du srid pa'i rjes su dpag pa yin no//don 'di nyid ni sbyor bas gsal bar byed do/ /dang po'i don la brdar byas pa nyid yin pa'i phyir zhes bya ba ni rigs brjod pas rdzas la 'jug pa de bas na rigs dang po'i don yin te der yang rgyu mtshan gzhan la ltos pa med pa'i phyir 'dod rgyal gyi sgrar 'gyur ro//khas blangs pa dang grags pas gnod pa dag ces bya ba'i tshig gnyis pa ni rang gi tshig dang yid ches pa'i tshig gcig tu byas pa'i phyir ro/ /de dag gnod pa gnyis po'i zhes bya ba ni khas blangs pa dang grags pas gnod pa dag gi'o/ /dper na gzhal bya'i don can dag gi tshad ma zhes bya ba la sogs pas tshad ma kun las btus pa'i gzhung 'god pa yin no//dam bca' ba tsam gyis zhes bya ba lta bu'o zhes bya ba ni skabs la brten pa nyid kyi bstan bcos dang rang gi tshig dag rgol bas tshad ma nyid du dam bcas pa de tsam gyis zhes bya ba'i tha tshig go//de nyid ni bstan bcos dang rang gi tshig dag ces bya ba la sogs pas 'chad par byed do/ /gal te yang rang gi zhes bya ba la sogs pa la 'di ltar don la mi slu ba'i rtags kyis tshad ma nyid du grub pa de ltar na rjes su dpag pa grub pa nyid kyi phyir gnod par 'gyur ba yin no/ /de bzhin du yid ches pas gnod pa rgyu dang bcas pa ni sgra las byung ba'i grags pas zhes bya ba'i tshig 'dis bstan to//'di la gnyis yod pa ni ma yin pas na zhes bya ba ni rang gi mtshan nyid dang spyi'i mtshan nyid de 'on kyang rang gi mtshan nyid yin no/ /mngon sum don zhes bya ba 'di la zhes bya ba ni/ mngon sum don dang rjes dpag dang //yid ches zhes bya ba tshad ma kun las btus pa'i mdo 'di la'o/ /rna ba'i dbang po yul nyid du zhes bya ba ni sgra'i rang gi mtshan nyid nyid do/ /'di skad du ston par 'gyur te/ rna ba'i rnam par shes pas gzung bar bya ba sgra rang gi mtshan nyid rna ba'i yul nyid yin pa'i phyir mnyan pa yin la/ des kyang mnyan par bya ba ma yin par dam bca' ba bstsal ba yin no//de yang mngon sum nyid kyis nges pa nyid yin pa'i phyir mngon sum gyis gnod pa yin gyi/ rna ba dang sgra dag ni gzung ba dang 'dzin pa'i mtshan nyid kyi 'brel pa'i sgra'i don mnyan par bya ba ma yin no/ /de bas na gsal byed pa la sogs pa dag gis sgra mnyan par bya ba ma yin no zhes bshad pa gang yin pa rjes su dpag pa la gnod pa yin te 'brel pa bkag pa nyid kyi phyir ro//de ltar na rna ba dang sgra dag gis 'brel pa mngon sum gyis rtogs par bya ba yin pa de ltar na de ni sgra'i don mi shes pa dag gis brjod pa yin no zhes rtogs par bya'o/ /de nyid bstan par bya ba'i phyir rna ba dang lhan cig sgra zhes bya ba la sogs pa smos so//grub pa gang yin pa de lta bu'i ngo bor zhes bya ba ni rang gi ngo bo rnam par gnas pa zhes bya ba'i don to/ /de'i zhes bya ba ni sgra'i rang gi mtshan nyid do/ /de'i stobs kyis grub pa'i dngos po ni rna ba'i rnam par shes pa'i shugs nyid las grub pa'i dngos po'o//rang gi chos can zhes bya ba de zhes bya ba ni tshad ma kun las btus par rang gi chos can zhes brjod pa gang yin pa'o/ /de bas na gnod pa smos pas zhes bya ba ni chos la gnod pa smos pas kyang ngo / /mkha' sogs min zhes bya ba ni chos can ston pa'o/ /'di nyid kyi rnam par 'grel pa ni nam mkha' la sogs pa zhes bya ba yin no//sogs pa'i sgras ni phyogs dang dus la sogs pa gzung ngo / /dper/ sngon med ngo bo gzhan gyis bskyed bya min/ /zhes bya ba ni bsgrub par bya ba'i chos 'chad pa yin no/ /'di nyid kyi bshad pa ni lhan cig byed pa'i rkyen rnams kyi zhes bya ba la sogs pa yin no//'dir bsgrub par bya ba ni rnam par gcod pa tsam yin gyi bzlog pas phul du byung ba nyid ma yin no/ /de nyid ni gcig gi rang bzhin du gnas pa dang zhes bya ba la sogs pas gsal bar byed do/ /cig car sgra sogs rgyu min phyir/ /zhes bya ba ni sgra'i rgyu nam mkha' de gal te rtag par 'gyur ba de'i tshe rgyu rtag tu nye ba'i phyir cig car sgra rnams skye bar 'gyur na de ltar yang ma yin no//sogs pa'i sgras ni phyogs rnams cig car shar la sogs pa'i shes pa'i rgyu nyid ma yin pa'i phyir la dus kyang cig car dang yun ring po'i shes pa'i rgyu nyid ma yin pa'i phyir ro zhes bya ba la sogs pa gzung ngo / /gtan tshigs kyang rnam par gcod pa tsam yin gyi rim gyis 'bras bu byed pa ma yin te nam mkha' la sogs par dngos por gyur pa ma yin pa la ma grub pa'i phyir ro//de nyid kyi phyir rnam par gcod pa'i ngo bo'i gtan tshigs zhes bya ba smos so/ /mkha' sogs chos can dngos med kyi/ /ngo bo nyid kyang de dang 'dra//zhes bya ba la nam mkha' la sogs pa'i chos can dngos po'i rang bzhin nyid du gyur pa min par yang gtan tshigs 'dis sgrub par byed do zhes bya ba'i tha tshig go/ /de nyid ni nam mkha' la sogs pa'i chos can dngos po'i rang bzhin du gyur pa zhes bya ba la sogs pas 'chad par byed do//gal te ji ltar na/ cig car sgra sogs rgyu med phyir/ /zhes bya ba'i gtan tshigs 'di dngos po med pa sgrub par byed pa yin zhe na/ 'di snyam du ji ltar cig car sgra la sogs pa'i rgyu ma yin pa da ltar rim gyis kyang sgra la sogs pa'i rgyu nyid yin par mi 'dod de/ nam mkha' la sogs pa rtag pa yang mi 'dod pa nyid kyi phyir ro//de bas na don gyis rim dang cig car dag gis don byed par 'gal ba de ltar na gtan tshigs kyi don 'di nyid du gnas pa yin no/ /gtan tshigs rnam par gcod pa'i ngo bo ma grub pa nyid ma yin no zhes bya ba ni/ cig car sgra sogs rgyu min phyir/ /zhes bya ba'i gtan tshigs rnam par gcod pa tsam gyi ngo bo med par dgag pa tsam gyi mtshan nyid ma grub pa nyid ma yin te/dngos por gyur pa'i chos can med na yang tha snyad pa'i chos can rnam par gcod pa tsam la gnod pa med pa'i phyir ro/ /de'i tshe 'dir grangs can la zhes bya ba la sogs pa la/ cig car sgra sogs rgyu min phyir//zhes bya ba la sogs pa'i sgras ni reg bya dang / gzugs dang / ro dang dri rnams gzung ste/ de dag ni bde ba la sogs pa'i 'bras bu nyid du khas len pa'i phyir ro/ /'dir gtan tshigs ni rnam par gcod pa tsam ma yin gyi/ 'on kyang bzlog pas rim gyis sgra la sogs pa'i rgyu nyid yin pa de'i phyir rim bzhin byed pa gtan tshigs nyid du gzung ba zhes bya bas 'chad par 'gyur ro//shugs kyis bde ba la sogs pa mi rtag pa'i rang bzhin du zhes bya ba nyid rtag pa nyid bkag pa'i shugs kyis mi rtag pa nyid 'dod par 'gyur te/ dngos po la rnam pa gzhan med pa'i phyir ro zhes bya bar dgongs so//mi mthun pa'i phyogs las ldog pa la the tshom za ba yin no zhes bya ba ni bde ba la sogs pa mi rtag pa'i rang bzhin gyis chos can med pa bsgrub par bya ba la rtag pa'i rang bzhin mi mthun pa'i phyogs su 'gyur ba yin no/ /de bas na rim gyis 'bras bu byed pa'i phyir gtan tshigs 'di ldog pa la the tshom za ba yin no//rim gyis 'bras bu byed pa la mi rtag pa nyid kyis khyab pa nyid yin na ldog pa la the tshom za ba zhes de ci'i phyir mi brjod 'di skad du brjod par bya ste/ mi rtag pa nyid med pa mi mthun pa'i phyogs su gyur pa nyid kyis mi rtag pa nyid ldog pa ma yin nam zhe na/ de ni bden te/ gzhan dag de ltar mi 'dod pa de ltar na de'i ngor bshad pa yin no/ /gtan tshigs snga ma'i zhes bya ba ni dper/ sngon med ngo bo gzhan gyis bskyed bya min/ /zhes bya ba la sogs pas bshad pa de la rim gyis kyang don byed par mi 'dod cing cig car yang ma yin pa de ltar na don gyi bya ba dang bral ba'i phyir 'di nyid gtan tshigs kyi dngos po yin no//de yang skabs gzhan du lan du mar khyab pa bstan par bya ba yin no/ /khyad par ma grub pa la sogs pa zhes bya ba ni khyad par rab tu ma grub pa ni dper na sangs rgyas pas grangs can pa la sgra 'jig pa can yin no zhes bya ba lta bu yin te/sgra'i 'jig pa brjod par bya ba'i don nyid grangs can la ma grub pa nyid kyi phyir ro/ /khyad par gyi gzhi ma grub pa ni dper na bye brag pas sangs rgyas pa la bdag khyab pa yin no zhes bya ba lta bu'o/ /gnyi ga ma grub pa ni dper na bdag 'phrod pa 'du ba can gyi rgyu yin no zhes bya ba lta bu'o/ / sgrub par byed pa ma yin pa'i phyir zhes bya ba ni ji ltar mngon sum la sogs pas bstsal ba dag la sgrub par byed pa yod pa ma yin pa de bzhin du 'di la yang yin pa de bas na sgrub par byed pa yod pa ma yin pa'i rgyu'i phyir phyogs ltar snang ba brjod pa ste/ dga' byed bdag po la sogs pa'i brjod pa tshad ma kun las btus pa mdzad pas ci'i phyir ma bshad ce na zhes bya ba khong nas dbyung ngo //dpe bsgrub par bya bas stong pa la sogs pa skyon yin pa'i phyir zhes bya ba ni 'di ltar gal te khyad par ma grub pas bsgrub par bya ba'i chos can ma grub pa'i phyir brjod pa yin no/ /de ni ma yin te/ gang gi phyir bsgrub par bya ba'i chos can ma grub pa de nyid kyi phyir bsgrub par bya ba yin no//ci ste dpe ma grub pa yin pa de'i tshe dpe bsgrub par bya bas stong pa'i skyon yin zhing khyad par gyi gzhi ma grub na yang gzhi ma grub pa'i gtan tshigs kyi skyon yin no/ /gnyi ga ma grub pa yang de ma thag tu 'das pa'i skyon de dag yin no//de nyid kyi phyir/ dam bca' ba tsam nyid kyis zhes bya ba don gzhan 'di ston par byed pa'i tshig ces bya ba ni yid ches pa dang rang gi tshig tshad ma yin par dam bca' ba tsam gyis zhes bya ba la dam bca' ba tsam gyis zhes bya ba'i tshig 'di'i don 'di ni sngar bshad pa yin no/ /de la ltos nas gzhan 'di zhes dam bca' ba tsam gyis phyogs kyi skyon yod pa yin gyi/gtan tshigs la sogs pa'i skyon gyi sgo nas ni ma yin no zhes thams cad la khyab par byed pa yin no zhes bstan to/ /mngon sum la sogs pa dang 'gal ba thams cad la/ yan lag phyi ma la ltos skyon/ /gang yin pa de'i rjes byed pa//des min zhes bshad ce na bya ba la sogs pa'i tshigs su bcad pa de gang gi phyir de lta yin pa de'i phyir zhes bya ba la sogs pas bshad pa yin no/ /'dir 'brel pa ni rim pa tha dad pa can yin no/ /khyad par gyi gzhi ma grub pa la sogs pa'i skyon gang yin pa de phyogs kyi chos nyid la sogs pa yan lag phyi ma la ltos pa'i skyon des rjes su byed cing dam bca' ba yul du byed pa yin no//gtan tshigs la sogs pa'i skyon thams cad dang dam bca' ba 'gal ba'i phyir ro/ /de dag ni dam bca' ba tsam gyis yod pa ma yin no/ /chos kyi rang gi ngo bo bsal bas dam bca' ba'i skyon gang yin pa bshad pa zhes bya ba ni bum pa rtag ces bya ba'i dam bca' ba 'di'i rtag pa nyid rjes su dpag pas bgrod pa nyid kyi phyir tshad ma kun las btus par chos kyi rang gi ngo bo bsal bas dam bca' ba'i skyon bshad pa yin no//chos kyi khyad par dper zhes bya ba ni yan lag las yan lag can gzhan ma yin te/srang mda' dma' ba'i khyad par 'dzin pa med pa'i phyir ro zhes bya ba 'dis chos can gyi khyad par la sogs pa yang bsal ba yin no/ /sogs pa'i sgras ni rang gi ngo bo bsal ba dang / gnyi ga'i rang gi ngo bo'i khyad par bsal ba gzung ngo / /de bstan par bya ste zhes bya ba ni chos kyi khyad par de'i dpe bshad par bya'o zhes bya ba'i tha tshig go//gzhan dag ni de ston par byed pa ma yin te zhes 'chad par byed de/ de'i tshe chos can gyi khyad par la sogs pa bsal ba zhes bya bar sbyar ro/ /dam bca' ba byas pa na zhes bya ba ni bye brag pas so/ /'dir yang chos can yan lag can de yan lag dag las chos gzhan nyid yin pa bsgrub par bya ba yin zhing chos de'i khyad par lci ba la sogs pa ma bshad du zin kyang med na mi 'byung ba nyid kyis bsgrub par bya ba yin no//de yang de ma thag nyid du ston par 'gyur ro/ /chos can gyi khyad par lci ba la sogs pa de dag kyang srang mda' dma' ba'i khyad par 'dzin pa med pa'i phyir ro zhes bya ba 'bras bu mi dmigs pa'i mtshan nyid can gyi rjes su dpag pa 'dis bsal bar 'gyur ro//'di'i khyab pa yang rgyas par 'og nas sgrub par 'gyur ro/ /gzhan gyi khyad par bsal ba yin gyi zhes bya ba gzhan gyi khyad par ni lci ba nyid la sogs pa ste de bsal ba yin no/ / lci ba la sogs pa'i zhes bya ba'i sogs pa'i sgras ni 'og tu 'gro ba la sogs pa gzung ngo / /ldan yod ces bya ba ni yan lag ldan pa lhan cig byed pa can 'bras bu'i rdzas rtsom par khas len pa'i phyir ro/ /'di ltar zhes bya ba la sogs pa la rdul phra rab re re mthong ba'i 'bras bu yod pa ma yin te/ rdul phra rab rnams ni dbang po las 'das pa nyid kyis mi rung ba'i phyir ro/ /de'i 'bras bu yang mthong ba yin te/ de mthong nas yul gzhan la gnas pa'i sgrib g.yogs dang rang gi yul la gzhan gyi skabs mi 'byed pa ni thogs pa nyid yin no/ /yon tan med dang byed pa de dag gang la med pa de la de skad ces bya'o//yon tan med pa can nyid kyi phyir dang byed pa med pa can nyid kyi phyir zhes bya ba'i tha tshig go/ /rdul phra rab cha gnyis pa nas brtsams pa'i rdul phra mo cha gnyis pa ni yan lag can gyi rdzas yin no/ /phra mo de nyid rdul phran cha gsum pa la sogs pa chen po nyid du khas len pa'i phyir ro/ / srang mda' dma' ba'i khyad par de zhes bya ba ni ji skad du bshad pa'i rdzas kyi phreng ba lci bar byas pa 'bras bu'i rdzas thams cad lci bar byed pa ma yin pa de ltar na 'bras bu'i rdzas re re lci bar byed par mi 'gyur ro/ /'o na ci yin zhe na/ tshogs pas byas pa yin te/ re re la de lta bur gyur pa'i lci ba nyid med pa'i phyir tshogs pas byas pa yin no//tshogs pas byas pa srang mda' dma' ba'i khyad par de yang yan lag gzhan gyis byas pa'i khyad par yang chung ba nyid kyi phyir rtogs par mi 'gyur ro/ /de nyid ni de bas na 'bras bu gzhan gcig ces bya ba la sogs pa smos so/ /rdul cha gnyis pa la sogs pa'i 'bras bu'i rdzas du ma zhes bya ba ni rim gyis rdul phran la sogs pa sbyor ba na yan lag can gyi mthar thug pa'i 'bras bu'i phreng ba tha ma skye bar 'gyur ro zhes gzhan gyis khas blangs pa yin no//rdul gyi tshogs de tsam nyid cig car sbyor ba na rdul cha gnyis pa la sogs pa'i go rims yod pa ma yin gyi/'on kyang 'bras bu'i rdzas gcig yan lag can tha ma zhes bya ba'i ming can du 'gyur ro/ /gzhan yang lci ba'i khyad par de'i phyir zhes bya ba rdul gyi tshogs rim dang cig car sbyor ba gang yin pa de ma thag pa'i lci ba'i khyad par thob pa gang yin pa de'i phyir ro/ /ma sha la sogs pa so sor bkar ba zhes bya ba ni ma sha la sogs pa med par ma sha la sogs pa gcig la gcig ldan pa bkar ba zhes bya ba'i tha tshig go//de la ma sha ka la sogs pa'i rdzas las tha dad pa yan lag can gyi rdzas rtsom pa yod pa ma yin pa de bas na ma sha ka la sogs pa'i yan lag rnams der lci ba yin no//don 'di nyid ni de skad du zhes bya ba la sogs pas bstan to/ /lhan cig bkar ba'i tshe zhes bya ba'i mdo'i cha la rim bzhin zhes bya ba la sogs pa khong nas dbyung ba smos so/ /ma sha ka'i tshogs ji srid pa so sor bkar ba na de la gzhan bsnan zhing bkar ba dang gsum pa dang bzhi pa la sogs pa'i bar du'o//de la yang 'ol ma si gnyis la sogs pa'i 'bras bu'i rdzas tha ma yan lag can gyi mthar thug pa 'byung bar 'gyur ro/ /de bzhin du ma sha ka zhes bya ba ni so sor bkar ba de yang ma sha ka re re dang ldan par bkar ba na zhes bya ba'i tha tshig go/ /de ltar ma sha ka gnyis la sogs pa'i 'bras bu'i rdzas 'byung bar khas len pa'i phyir ro//'ol ma si stong gi lcid tsam du mi 'gyur gyi zhes bya ba ni 'ol ma si stong so so so sor bkar ba'i lci ba gang yin pa de 'ol ma si stong rim gyis cig car bkar ba na mi 'gyur ro zhes bya ba'i tha tshig go/ /de bzhin du ma sha ka stong so sor bkar ba'i lci ba gang yin pa de lhan cig bkar ba na mi 'gyur ro zhes bya ba de ci rigs par sbyar bar bya'o//'ol ma si stong smos pa ni nye bar mtshon pa'i don yin no/ /grangs mtshungs pa zhes bya ba ni lci ba'i grangs nyid gcal bar bya ba nyid du'o/ /rdzas kyi tshogs de tsam zhes bya ba ni ma sha ka gnyis la sogs pa 'bras bu'i rdzas rim gyis skye ba'o//nye ba ste de yang re re dang ldan par bkar ba gang yin pa dang de dang bral bar bkar ba na'o/ /ci ste zhes bya ba la sogs pas gzhan gyi bsam pa'i dogs pa bsu ba yin te/ /yungs kar gnyis la sogs pa'i tha ma'i yan lag can gyi mthar phyin pa thams cad kyi lci ba rtogs pa ma yin no zhes bya ba ni gzhan gyi bsam pa yin no//yungs kar zhes bya ba ni mtshams ston pa yin no/ /de nyid kyi phyir yungs kar las sngar zhes bya bas rnam par bshad pa yin no/ /yungs kar las gzhan pa'i zhes bya ba ni yungs kar gnyis la sogs pa'i yan lag can du gnas pa'o/ / rdul phra rab dag la lci ba nyid la sogs pa'i yon tan zhes bya ba la sogs pa'i sgras ni gzugs la sogs pa gzung ngo / /ras bal gyi 'dab ma bzhin no zhes bye brag pas smras pa gang yin pa de mtshungs pa ma yin par bstan pa'i phyir gal te yang ras bal zhes bya ba smos te/ ras bal lci ba zhes bya ba de dang sbyar ro//de'i 'bras bu ste zhes bya ba la yan lag can gyi 'bras bu dang lci ba dang gzugs dang sgrib pa zhes bya ba ni zlas dbye ba'o/ /sogs pa'i sgras ni thogs par byed pa la sogs pa gzung ngo / /dma' de mtshon pa zhes bya ba ni srang dma' ba'i khyad par gzung ba med pa'i phyir dma' ba yan lag can med par bstan pa'i phyir bshad pa gang yin pa de rtogs pa'o//de nyid ni dma' ba'i khyad par zhes bya ba la sogs pas 'chad par byed de/ dma' ba'i khyad par 'dzin pa med pa'i phyir ma sha ka la sogs pa lhag ma med pa yan lag can dang bral ba nyid yin no zhes bshad pa gang yin pa de nye bar mtshon pa tsam yin no zhes bya ba'i tha tshig go//'jim pa la sogs pa'i ri lu zhes bya ba la sogs pa ni so sor tha dad pa'i gnas skabs so/ /'dres pa'i gnas skabs kyi zhes bya ba ni 'jim pa la sogs pa'i ri lu gcig tu byas pa'i gnas skabs kyi'o/ /de la yan lag can gyi rdzas gsum pa 'byung ba'i gzugs lhag pa mthong bar 'gyur na yang yod pa yang ma yin no//ji ltar khas blangs pas gnod pa yod pa zhes bya ba ni tshig gi don las 'das pa ji ltar gyi sgra'am mi zad pa'i bsdu ba yin no/ /gang la gang gi dam bca' ba la gnod pa zhes bya ba'i tha tshig go/ /ji ltar bshad pa'i phyogs la ni//zhes bya ba ni tshad ma kun las btus pa las yan lag can ni gzhan ma yin no zhes bya ba la sogs pa'i phyogs dper bshad pa'o/ /de nyid ni ji ltar bsgrub par bya ba'i chos kyis zhes bya ba la sogs pas 'chad par byed do/ /bsgrub par bya ba'i chos gzhan nyid kyi khyad par lci ba nyid la sogs pa gang yin pa de'i zhes bya ba'i tha tshig go//med na mi 'byung ba nyid ni sngar bstan zin to/ /gzhan zhes bya ba ni 'dir yang med na mi 'byung ba yin no zhes blta bar bya'o/ /med na mi 'byung ba ma yin pa la gnod pa yang skabs su 'gyur ba yin no/ /blo gzhan no zhes bya ba ni dpe ma grub pa'i tshig gi dper brjod pa yin te/blo la mi rtag pa nyid ma grub pas bsgrub par bya bas stong pa nyid kyi phyir ro/ /shes byed skabs la ni zhes bya ba la shes byed ni bsgrub par bya ba ston par byed pa'o/ /skabs 'byed pa yin pas na skabs te shes par byed pa'i skabs la zhes bya ba ni drug pa'i bsdu ba'o/ /de'i don gyi drug par blta bar bya ste/shes par byed pa'i don du sgrub par byed pa'i skabs su byas pa zhes bya ba'i tha tshig go/ /de nyid kyi phyir shes pa'i phyir zhes bya ba la sogs pas 'chad par byed de/ sgrub par byed pa shes par byed pa'i skabs la zhes bya ba'i tha tshig go/ /shes par bya ba thams cad ma grub pa sgrub par byed pa nyid du brjod pa yang yin te/shes par bya ba'i sgra'i rnam grangs ni bsgrub par bya ba'i sgra yin no/ /shes par byed pa'i skabs las gzhan la thal ba med do zhes bya ba ni yan lag lngar smra bas shes pa'i phyir yan lag lnga skabs su byas pa yin no/ /de la skabs kyi dbang gis yan lag lnga po de dag gi ma grub pa bsgrub par bya ba nyid yin gyi gzhan gyi ma yin no zhes bya ba'i tha tshig go//sgrub par byed pa ni byed pa ste 'dis sgrub par byed pa'i phyir ro/ /rnam par gzhag pa dag yin zhing zhes bya ba ni ma 'dres pa'o/ /byed pa po ches shin tu 'dod pa zhes bya ba ni dang po nyid stobs dang ldan par byed pa'o//grub pa'i mtha' yang rnam pa bzhi ste zhes bya ba la sogs pa lan gnyis pa yin te/ thams cad kyi da ltar ba'i yul ni rgyud thams cad kyi grub pa'i mtha'o/ /de skad du rgyud thams cad dang 'gal ba med pa rgyud kyi skabs kyi don ni rgyud thams cad kyi grub pa'i mtha' yin no zhes bya ba ni mdo yin no//rgyud mthun pa la grub cing gzhan gyi rgyud la ma grub pa ni rgol ba'i rgyud kyi grub pa'i mtha'o/ /gang grub pa na gnas skabs gzhan grub pa ni skabs kyi grub pa'i mtha'o/ /ma brtags par khas blangs pa las/ de'i khyad par brtags pa ni khas blangs pa'i grub pa'i mtha'o// //tshad ma rnam 'grel gyi 'grel bshad/ bam po drug cu rtsa gsum pa/ khas blangs pa'i don ma brtags par mdor sbyar ba ni grub pa'i mtha' yin no zhes bya ba grub pa'i mtha'i spyi'i mtshan nyid yin no/ /gtan tshigs ma grub pa la sogs pa de'i tshe khas mi len pa de bas na grub pa'i mthar gyur pa ma yin pa de dag la ma grub pa nyid du thal ba yod pa ma yin no zhes bsams pa'o//de skabs su byas nas zhes bya ba ni grub pa'i mtha'o/ /dam bca' ba dang gtan tshigs dang dpe dang nye bar sbyar ba zhes bya ba la sogs pa ni lan gsum pa yin no/ /de la 'dir bsgrub par bya ba gang yin pa de ni las yin te zhes bya ba la sogs pa 'di ltar bsgrub par bya zhes bya ba ni las la byed pa'i rkyen yin no//gang gi phyir bsgrub par bya ba gang yin pa de las yin zhing / ma grub pa yang bsgrub par bya ba yin la ma grub pa de la yang rnam pa 'ga' zhig gis gtan tshigs la sogs pa yang yod pa yin no//de ni rnam pa 'ga' zhes bya ba la sogs pa smos te/ de ltar na sgrub par byed pa yang ji skad du bshad pa'i rnam pas las nyid yin par bstan to/ /byed pa po ches shin tu 'dod pa las yin pa zhes bya ba la sogs pa bshad pa gang yin pa de yang rigs pa ma yin te/ 'di ltar de la 'das pa'i dus brjod par 'dod pa ma yin te/ 'dod pa dang 'dod par 'gyur ba la yang las kyi ming can du khas len pa'i phyir ro/ /de lta ma yin na grong du song zhes bya ba 'di nyid la las kyi ming can du 'gyur gyi grong du 'gro ba dang 'gro bar 'gyur zhes bya ba 'di la mi 'gyur ro/ /de nyid bstan par bya ba'i phyir bsgrub par bya ba gang yin pa dang zhes bya ba la sogs pa smos so//sogs pa smos pas ni grub pa'i mtha'i skabs la sogs pa gzung ngo zhes bya ba ni grub pa'i mtha' rnam pa bzhi zhes bya ba la sogs pa sngar bshad pa gang yin pa gzung ngo / /ji ltar 'di la nus pa med pa de ltar 'og nas 'chad par 'gyur ro//sngar ma grub pa'i rang bzhin phyir zhes bya ba ni gal te yan lag gi mtshan nyid las sngar bsgrub par bya ba'i dngos po gnas pa nyid sgrub par byed pa las tha dad par 'gyur ba de'i tshe lan 'di 'thad pa yin no/ /rgol ba gang zhig bsgrub par bya ba dang sgrub par byed pa'i khyad par la rmongs pa de yan lag gi mtshan nyid brjod pa'i phyir bstan par bya ba yin no//de nyid ni rgol ba gang zhes bya ba la sogs pa smos so/ /sgrub par byed pa dang bsgrub par bya ba'i dbye ba ma bzung ba can gyis zhes bya ba ni bsgrub par bya ba ma grub pa ldog pa don can gyi sgra las bsgrub par bya ba dang sgrub par byed pa'i dbye ba ma bzung ba yin te/sgrub par byed pa la yang ma grub pa yod pa'i phyir ro/ /khas blangs mtshan nyid phyir zhes bya ba ni ji lta ji ltar khas blangs pa nyid grub pa'i mtha'i sgras brjod pa'i phyir ro/ /'gyur bar na 'dod mod kyi khas blangs pa'i don ni grub pa'i mtha' yin no zhes brjod pa'i phyir gtan tshigs la sogs pa ma grub pa de'i tshe de'i ngo bor khas blangs pa yin no zhe na/de'i phyir gal te yang ma grub pa la sogs pa zhes bya ba la sogs pa smos te/ byed pa dang ldan pa'i rkyen bshad pa nyid kyis grub pa'i mtha' nyid thob par 'gyur ro/ /bsam pa ni 'di yin te dam bca' ba dang khas blangs pa dang grub pa'i mtha' zhes bya ba ni de dag ni rnam grangs su rnam par gzhag pa yin pa de ltar na 'di ni kho bo cag gi grub pa'i mtha' yin la/'di ni kho bo cag gi dam bca' ba yin zhing 'di ni khas blangs pa yin no zhes bya bar rtogs so/ /bsgrub par bya ba ston pa yang dam bca' ba yin no zhes bya ba ni mtshan nyid yin no//des na ji srid du bsgrub par bya ba'i sgras don brjod pa de srid du dam bca' ba dang khas blangs pa dang grub pa'i mtha' sgra'i brjod par bya ba nyid yin zhing bsgrub par bya ba'i sgras kyang gsum 'phangs pa yin no/ /de bas na khas len par 'dod par 'gyur ba yang grub pa'i mtha' nyid yin par 'gyur ro//de nyid ni de ltar khas blang bar bya ba dag la zhes bya ba la sogs te/ bsgrub par bya ba'i sgra byed pa dang ldan pa'i rkyen gyis bshad pa'i phyir ro/ /bsgrub par bya ba dang chos mthun pa'i phyir de'i tshe chos yod pa can dpe yin no zhes bya ba ni rigs pa ba dag gi dpe'i mtshan nyid yin no//sgra mi rtag ste skye ba dang ldan pa nyid kyi phyir bum pa bzhin no zhes bya ba'i bum pa dpe yin te/ de'i bsgrub par bya ba dang chos mthun pa nyid ni skye ba dang ldan pa nyid yin no/ /de ltar na skye ba dang ldan pa yin zhing bum pa yang yin no/ /bsgrub par bya ba dang chos mthun pa nyid kyi rgyu de'i phyir de'i chos yod pa can te bsgrub par bya ba 'dod pa'i chos gang yin pa de dag dang ldan pa zhes bya ba'i tha tshig go//gal te chos tsam bsgrub par bya ba yin pa de'i tshe bsgrub par bya ba dang chos mthun pa nyid ces bya ba 'gal bar 'gyur ro/ /bsgrub par bya ba'i chos tsam gzhan yod pa ma yin na gang gi ni dpe dang chos mthun pa nyid can du 'gyur/de nyid ni de lta na zhes bya ba la sogs pas 'chad par byed do/ /de ni skye ba dang ldan pa la sogs pa'o/ /gang gi phyir bsgrub par bya ba'i chos la skye ba dang ldan pa la sogs pa'i chos med par 'gyur ba de'i chos bsgrub par bya ba'i chos des dpe la yang de'i chos yod pa can nyid yod pa ma yin no//'on te tshogs pa zhes bya ba ni chos sam chos can tha dad par bsgrub par bya ba nyid ma yin gyi 'on kyang de dag gi tshogs pa gang yin pa de bsgrub par bya ba yin no zhe na/ gnyis bsgrub par bya ba yin pa zhes bya ba ni chos can gyi khyad par du bya ba'i chos can bsgrub par bya ba'am chos kyis khyad par du byas pa'i chos can gnyis bsgrub par bya ba yin pa'o//de tshe gtan tshigs dang zhes bya ba la sogs pa la 'di nyid ni de nyid ltar na zhes bya ba la sogs pas 'chad par byed do/ /chos kyis khyad par du bya ba'i chos can bsgrub par bya ba yin no zhes bya ba'i phyogs 'di la brten nas de nyid de lta bu'i rnam pa can gyi chos can la zhes bya ba la sogs pa smos te/bsgrub par bya bas khyad par du byas pa'o/ /gzhan gyi zhes bya ba ni phyir rgol ba'i'o/ /gal te de lta bu'i rnam pa can gyi chos can la gzhan gyi gtan tshigs grub par 'gyur ba de lta na yang sgrub par byed pa brjod pa don med pa can du 'gyur ro/ /mi rtag pa can nyid kyis zhes bya ba la sogs pas dpe'i mtshan nyid kyi dngos po bstan pa yin te/mi rtag pa nyid kyi khyad par du byas pa'i chos can dang dpe chos mthun pa nyid gzhan la ma grub pa yin no/ /bsgrub par bya ba'i sgras bshad pa yin no zhes bya ba ni dpe'i mtshan nyid la chos kyis bsgrub par bya ba'i sgrar bshad pa yin no/ / gtan tshigs kyi mtshan nyid ni phyogs kyi sgrar bshad pa yin no zhes blta bar bya'o/ /tshig smos pa nyid yin pa zhes bya ba ni phyogs kyi tshig nyid yin te/ shes bar 'dod pa'i bye brag can nyid kyi chos can phyogs kyi phyogs gcig tu rung ba khyab pa med pa dang khyab ches pa spangs nas phyogs kyi mtshan nyid byas pa nyid kyi phyir ro//phyogs kyi phyogs gcig tu rung ba de'i chos can gzung ba na phyogs kyi chos nye bar btags pas gzhung btsugs pa nyid yin gyi bsgrub par bya ba'i sgra ni ma yin te/ de la ma grub yang dper thal ba'i phyir ro/ /bsgrub par bya ba yang gzhan gyis dam bca' ba'i mtshan nyid du brjod pa de bas na gzhan gyi phyogs kyi phyogs gcig la chos can rtogs pa'i phyir tshig brjod pa ma yin no//sngar nges par gzung ba'am zhes bya ba ni tshig snga ma la nges par gzung ba ni kho na ste/ nges par gzung ba'i 'bras bu can nyid yin pa'i phyir ro/ /'dir dam bca' ba nges par gzung ba yin no/ /de bzhin du phyis nges par gzung ba zhes bya ba 'di la yang blta bar bya ste/'dir ni bsgrub par bya ba 'chad pa nges par gzung bar bya ba yin no/ /sngar nges par gzung ba'i 'bras bu rnam pa gnyis te/ bsgrub par bya ba 'chad pa nyid dam bca' ba yin gyi grub pa 'chad pa ni ma yin no/ /de la re zhig ces bya ba la sogs pas 'bras bu dang po zlog par byed do//gzhan yang zhes bya ba la sogs pas gnyis pa yin no/ /mi ldan pa rnam par gcod pa'i 'bras bu can yin pa zhes bya ba ni bsgrub par bya ba bshad pa dam bca' ba nyid dam bca' ba ma yin no zhes bya ba ni mi ldan pa rnam par bcad pa'o/ /de bas na dam bca' ba nges pa med pa nyid kyi phyir thal ches par 'gyur ro zhes bstan pa'i phyir/gtan tshigs dang dpe ma grub pa zhes bya ba la sogs pa smos so/ /rigs pa bas dam bca' ba dang gtan tshigs 'gal ba yin no zhes bya ba la sogs pa smras pa'i gzhung gang yin pa slob dpon gyis dam bca' ba dang gtan tshigs dag gi 'gal ba ni zhes bya ba la sogs pas nye bar 'god par mdzad do//bsgrub par bya ba'i chos su 'dod pa dang lhan cig med pa can ni zhes bya ba ni chos can gang la bsgrub par bya bar 'dod pa'i chos de la med pa'i phyir bsgrub par bya ba'i chos dang lhan cig med pa can yin no zhes blta bar bya'o/ /de nyid kyi phyir 'di ltar/ 'dod dang med can ma grub yin/ /zhes bya ba smos te/ gang gi tshe chos can yod pa nyid la 'dod pa'i chos tsam dang 'gal bar 'gyur te/ sgra mi rtag ces bya bar dam bca' ba la byas pa bzhin zhes bya ba yin pa de'i tshe gtan tshigs 'gal bar 'gyur ro/ /de'i tshe yang phyogs kyi skyon ma yin no/ / gal te mi rtag pa nyid kyi gtan tshigs kyis zhes bya ba ni thams cad mi rtag ces bya ba la sogs pa 'dis so/ /'gal ba'i chos rtag pa nyid bshad pas zhes bya ba ni sgra rtag ces bya ba'i dam bca' ba 'dis so/ /spyi ni rjes su 'jug yin no/ /zhes bya ba ni thams cad kyi zhes bya ba'i tshig 'dis brjod pa dngos po tsam mi rtag pa nyid du rjes su 'jug pa ste/khyad par ston pa na yang ngo / /de bas na sgra mi rtag pa nyid yod pa ma yin na zhes bya ba ni mi rtag pa nyid ji skad du bshad pa'i rnam pas yod pa ma yin na'o/ /rang dang 'gal ba zhes bya ba ni rtag pa nyid do/ /gal te sgra mi rtag pa nyid du 'dod par 'gyur gyi/de las bzlog pa gzhan las ma yin pa de'i tshe sgra mi rtag pa nyid kyi phyir ro zhes bya ba de lta bu brjod par bya bar 'gyur ro/ /yod pa yin na ni sel bar 'gyur ro zhes bya ba ni gal te sgra mi rtag pa yin par dam bca' bar 'gyur ba de'i tshe sel bar 'gyur ba ste/ gags byed pa yin no zhes bya ba'i tha tshig go//de'i phyir zhes bya ba la sogs pas tshad ma kun las btus pa'i gzhung nye bar 'god pa yin no/ /de'i mtshan nyid kyi rjes su byed pa'i phyir ro zhes bya ba ni 'di ltar chos rtag pa dang gtan tshigs yod pa thams cad mi rtag pa nyid kyi phyir zhes bya ba 'di rjod par byed do/ /gal te 'dir gtan tshigs gang gi brjod pa yin zhe na/gtan tshigs kyang zhes bya ba la sogs pa smos so/ /ma lus pa brjod pa ni 'jig rten pa yin la/ brjod par 'dod pa ma lus pa brjod pa ni 'ga' zhig la grags pa yin te/ skyes bu'i 'dod pa'i dbang gis gnas pa'i phyir ro/ /de yang ste sgra thams cad las tha dad pa yod pa ma yin no zhes bya ba ni thams cad las tha dad pa ste mtshan nyid thams cad de la yang sgra la yod pa ma yin no//shing sha pa nyid shing ma yin no zhes bya ba ni shing sha pa ma gtogs pa'i shing gzhan zhes bya ba ni ngag gi don min par shes so/ / spangs pa ma yin te zhes bya ba la sogs pa ni grub pa'i mtha' smra ba'i'o/ /sgra la sgra nyid yod pa nyid yin pa zhes bya ba ni sgra nyid ni thams cad nyid ma yin la gal te yod na sgra nyid kyang yod pa ma yin no zhes gzhan dag sems so/ /shes par byed pa nyid du ma grub pa yin no/ /ci ltar zhe na shes par bya ba nyid yin pa'i phyir ro//sgra nyid ni gcig nyid yin la de yang zhes bya ba'i cha'i nang du 'dus pa yin pas gzhan sgra nyid kyang yod pa ma yin na gang gi shes par byed pa nyid yin par 'gyur/ shes pa la grub ste zhes bya ba ni rnam par rtog pa'i rnam par shes pa'i snang ba'o/ /de nyid ni ldog pa la zhes bya ba la sogs pas 'chad par byed de/de rang gi mtshan nyid de dang de las ldog pa ni 'dir ldog pa'i sgras bshad do/ /de ltar na rang gi mtshan nyid ldog pa nyams su myong ba'i sgo nas 'ongs pa'i rnam par rtog pa'i shes pa de ni gang la tha snyad kyi rten tha dad par snang bar 'gyur ro/ / de mthar phyin pa'i zhes bya ba ni tha dad pa'i mthar phyin pa'o/ /'dir ni tha snyad thob pa zhes bya ba ni mdo'i tshig yin no/ /de la bdun pa'i bsdu ba'am gsum pa'i bsdu ba yin pa de ltar na tha snyad kyis thob pa'i zhes bya ba la sogs pa smos te/ gang gi tshe 'bras bu'i ngo bo'i tha snyad bsgrub par bya ba nyid yin par brjod par 'dod pa de'i tshe bdun pa yin la gang gi tshe 'bras bu 'gos par byed pa nyid du brjod par 'dod pa de'i gsum pa'i bsdu ba yin no//blo ni ldog pa'i khyad par la dmigs pa can te dper na sgra mi rtag ste byas pa'i phyir ro zhes bya ba la sogs pa lta bu'o/ /de 'dra ba'i tha dad blo ni 'dres med can te gang gis thob pa med pa de la de skad ces bya'o//sgra rtag ste sgra nyid yin pa'i phyir ro zhes smras pa la chos can nam gtan tshigs ldog pa la brten pa tha dad pa'i blo yod pa ma yin no/ /sgra zhes brjod pa na khyad par gzhan mi spong ba'i chos can shes par 'gyur zhing sgra nyid yin pa'i phyir zhes bya bas khyad par gzhan spong ba ma yin nam zhe na/gal te de de lta yin na yang shes pa dang sgra gnyi ga la 'jug pa'i yul rnam par gcod pa la mtshungs pa nyid kyi phyir khyad par yod pa ma yin no/ /de nyid kyi phyir bsgrub par bya ba nyid thob pa'i rnam pa las zhes bya ba la sogs pa smos so/ /khyad par bsgrub par bya ba yin zhing zhes bya ba ni mig la sogs pa'i 'dus pa'i khyad par ro//'dus byas pa'i khyad par yang gang du mi rtag pa nyid du gzhan gyis khas ma blangs pa yin no/ /rtags dang rtags can yin zhes bya ba ni spyi ni rtags yin te/ shes par byed pa nyid yin pa'i phyir ro/ /khyad par ni rtags can yin te shes par bya ba nyid yin pa'i phyir ro//dper na dpe bstan pa'i phyir dper na zhes bya ba la sogs pa smos te/ sgra mi rtag ste brtsal ma thag tu 'byung ba'i phyir ro zhes bya ba de lta bu ste de lta na yang dam bca' ba'i don gyi phyogs gcig ma yin te/ 'di ltar sgra ni mi rtag ste rtsol ba las byung ba yin no zhes bya ba khyad par bsgrub par bya ba yin no//de ltar na zhes bya ba la sogs pas bsgrub par bya ba dang sgrub par byed pa dag gi khyad par dang spyi'i ngo bo nyid go rims bzhin du ston to/ /sgra ni sgra yin pas zhes bya ba ni sgra brtsal ma thag tu byung ba zhes bya ba gang yin pa 'di sgra yin no/ /smra ba gang yin pa zhes bya ba la sogs pa la sgra ni mi rtag ste brtsal ma thag tu 'byung ba yin no zhes bya ba'i brtsal ma thag tu byung ba nyid ni chos can gyi bye brag nyid yin par 'dod pa de bas na khyad par dang bcas pa'i chos can bsgrub par bya ba yin zhing de nyid kyi khyad par du gtan tshigs yin pa de ltar na dam bca' ba'i don gyi phyogs gcig yin par sems so// de yang ma yin te zhes bya ba ni grub pa'i mtha' smra ba yin te/ phyogs kyi bye brag brtsal ma thag tu byung ba gtan tshigs nyid du brjod pa la yang 'gal ba yod pa ma yin no zhes bya ba'i tha tshig go/ /chos can tha dad ces bya ba yang de yin tha dad pa yang yin pas na zhes bya ba ni zlas dbye ba'o/ /de skad du gal te brtsal ma thag tu byung ba chos can gyi khyad par yin pa de lta na yang khyad par de las chos can tha dad par shes pa de ltar na sgra sgra'i ngo bor rtogs pa na sgra ma yin pa ldog pa'i rgyu mtshan ldog pa yin gyi/brtsal ma thag tu byung ba nyid ma yin pa ldog pa ni ma yin no/ /de bas na brtsal ma thag tu byung ba nyid khyad par du 'gyur ba'am mi 'gyur ba yang bla ste/de gang gi tshe sgra'i rang gi ngo bo shes pa de nyid phyogs yin zhing khyad par brjod pa ni phyogs kyi phyogs gcig tu 'khrul pa bstsal ba'i don yin no/ /gang gi phyir brtsal ma thag tu byung ba nyid kyi khyad par du byung ba yin pa de'i phyir sgra bsgrub par bya ba yin no zhes bya ba'i nges pa 'di yod pa ma yin no zhes bstan par 'gyur ro//gang gi phyir ji skad du bshad pa'i rnam pas khyad par 'di yang bsgrub par bya ba'i nang du 'dus pa ma yin no/ /de nyid dpes gsal bar bya ba'i phyir ci dang 'dra bar zhe na zhes bya ba la sogs pa smos te/ 'dir yang gong bu gzhan du rnam par gcod pa'i 'bras bu can rwa can zhes bya ba'i khyad par yin la gong bu nyid ni rta nyid ma yin par bsgrub par bya ba yin no//yang na zhes bya ba la sogs pa la sngar bsgrub par bya ba'i dus na yan lag yin na yang khyad par gtso bo ma yin pa'i phyir phyogs kyi nang du 'dus pa ma yin no zhes bshad do/ /'dis ni sgrub par byed pa'i dus na brtsal ma thag tu byung ba nyid thal ba nyid du mi 'gyur ro zhes bstan to//mnyan par bya ba dang 'dra bar sgra yang thun mong ma yin pa nyid thob par 'gyur ro zhes gzhan gyis brgal ba ma yin nam/ mnyan par bya ba nyid dang dam bca' ba'i don du 'gyur ro zhes bya ba ni ma yin no/ /khyad par dam bca' ba'i don yin par mi rung ngo zhes de ci'i phyir brjod ce na/de ni bden te 'on kyang sgra nyid las mnyan par bya ba rnam pa thams cad du mtshan nyid mi 'dra bar bshad par bya ba'i phyir de skad du bstan to/ /'dir ni sgra sgra'i zhes bya ba ni sgra rtag ste sgra nyid yin pa'i phyir ro zhes bya ba 'dir ro/ /phyogs kyi khyad par la ltos pa zhes bya ba ni phyogs nyid khyad par yin te de la ltos pa ste gzhan dang ldan pa rnam par gcod pas khyad par du byas pa yin no zhes sems so//de'i tshe phyogs kyi chos nyid ma yin no zhes bya ba ni phyogs nyid kyi chos zhes bya ba 'dis gzhan dang ldan pa rnam par gcod pas phyogs kyi chos ma yin pa nyid ces bya ba'i don to//sgra'i ngo bo nyid du sbyor ba med na yang zhes bya ba ni sgra'i rang gi ngo bo dang sbyor ba med na yang ngo / /phyogs kyi chos zhes bya ba ni chos nyid khyad par du bya ba yin pa de bas na khyad par gyi gzhi dang bcas par tshig gi phrad gang yin pa brjod pa yin gyi/ khyad par dang ni ma yin te/ khyad par dang bcas pa brjod pa ni mi ldan pa rnam par gcod pa'i 'bras bu can nyid yin pa'i phyir ro/'di snyam du gal te yang sgra 'jug pa'i sgo nas chos khyad par gyi gzhi yin pa de lta na yang de na 'jug pa'i sgo nas chos can gtso bo nyid yin pa'i phyir khyad par gyi gzhi yin zhing chos khyad par yin no zhes sems so/ /zla bo phyogs rnam pa gnyis su zhes bya ba ni gang de rnam par gcad par bya ba'i zla bo de yod pa dang med pa gtan tshigs kyi sgo nas nye bar 'jog par byed do//de la nges par gzung bas yod pa dang med pa rnam par bcad par 'gyur ro/ /rtsod phyir tha dad spyi dag dang / /zhes bya ba ni gtan tshigs ldog pa can 'ba' zhig dang gtan tshigs rjes su 'gro ba can 'ba' zhig yin no zhes bya ba ni rigs pa pa'i yin no//de bas na rtsod pa'i phyir de dag gtan tshigs nyid ma yin par bstan pa'i ched du tha dad spyi dag dang tha dad pa dang spyi dag bshad pa yin no/ /phyogs kyi chos gsum bstan te zhes bya ba ni mi rtag pa nyid kyi phyir brtsal ma thag tu byung ba ma yin pa dang /reg par bya ba ma yin pa nyid kyi phyir rtag pa dang mi rtag pa nyid kyi phyir brtsal ma thag tu byung ba bsgrub par bya ba yin no zhes bya ba'o/ /'di mthun pa'i phyogs ni glog la sogs pa yin no zhes bya ba ni de mi rtag pa nyid kyi phyir ro/ /ci ste ldog pa med pa can gyi zhes bya ba ni brtsal ma thag tu byung ba ma yin pa nyid bsgrub par bya ba la brtsal ma thag tu byung ba mi mthun pa'i phyogs de bas mi rtag pa nyid ldog pa ma yin no//mthun pa'i phyogs thams cad la med pas zhes bya ba ni 'di ltar gzhan dag rdul phra rab rtag pa nyid du 'dod cing de la yang reg par bya ba ma yin pa yod pa ma yin no/ /mi mthun pa'i phyogs nam mkha' la sogs pa 'ga' zhig la zhes bya ba ni brtsal ma thag tu byung ba bsgrub par bya ba la nam mkha' la sogs pa dang glog la sogs pa brtsal ma thag tu byung ba ma yin pa thams cad ni mi mthun pa'i phyogs yin na nam mkha' la sogs pa la ni mi rtag pa nyid med la glog la sogs pa la ni yod pa yin no//de bas na rjes su 'gro ba yod pa tsam gyis zhes bya ba la sogs pa la gal te rjes su 'gro ba yod pa tsam gyis 'gyur na mi rtag pa nyid kyi phyir sgra ni brtsal ma thag tu byung ba ma yin no zhes bya ba de las kyang rtogs par 'gyur ro/ /ldog pa dang bcas pas zhes bya ba ni gal te ldog pa mtshungs pa nyid kyis 'gyur na reg par bya ba ma yin pa nyid kyi phyir rtag pa yin no zhes bya ba yang 'di las 'gyur te 'di'i mthun pa'i phyogs dang mi mthun pa'i phyogs dag la yod pa dang med par mtshungs pa yin no//rjes su 'gro ba gtso bos kyang / /zhes bya ba ni mthun pa'i phyogs gang yin pa thams cad la gtan tshigs 'jug cing mi mthun pa'i phyogs 'ga' zhig la med pa de la rjes su 'gro ba gtso bo yin pa des kyang rtogs pa ma yin no//gal te 'gyur na ni mi rtag pa nyid kyi phyir brtsal ma thag tu byung ba zhes bya ba 'dis kyang rtogs par 'gyur ro/ /de las kyang ci'i phyir rang bzhin nyid yin zhe na/gal te mthun pa'i phyogs la 'jug pa de tsam nyid kyis ji ltar rang bzhin nyid yin zhes bya ba'i tha tshig go/ /nus pa gags byed pa med pa can gyi rgyu'i skad cig mas 'bras bu la 'khrul pa med pa yin no zhe na/ rjes su dpag pa dang rjes su dpag par bya ba'i zhes bya ba la sogs pa smos so//gong du ji skad bshad zin pa lta bu zhes bya ba ni rig byed sun 'byin pa'i skabs su'o/ /thun mong du bstan pa'i dpe 'di nyid kyis zhes bya ba ni brtsal ma thag tu byung ba nyid kyi phyir mi rtag go zhes bya ba 'dis 'bras bu dang rang bzhin gnyi ga dag kyang thun mong du bstan pa yin te/brtsal ma thag tu byung ba'i shes pa skye ba la bstsal ma thag tu byung ba'i sgras brjod pa'i phyir ro/ /sgrub pa po gtan tshigs brjod mkhas don du zhes bya ba ni sgrub pa po mkhas pa'i ched du'o/ /gtan tshigs kyi tshig gi don bshad zin pa yin na yang zhes bya ba ni rang gi don gyi rjes su dpag par go bar byed pa'i mtshan nyid rjes su byed pa'i sgo nas tshig gi go rims bstan pa mdzad pa nyid kyi phyir ro//mtshan nyid tha dad mi 'gyur ro/ /rang gi don gyi rjes su dpag par gnyis po gang yin pa de nyid ces bya ba ni rang gi don gyi rjes su dpag pa la 'bras bu dang rang bzhin dag gi mtshan nyid gang yin pa ni rjes su dpag par bya ba la yod pa dang /de mtshungs med la med pa nyid/ /ces bya ba yin no/ /gnyi ga la khyab pa'i phyir thun mong du bstan pa'i mtshan nyid gang yin pa de nyid tha dad pa med pa de ltar na skyon yod pa ma yin no/ /'bras bu'i rtags kyis ni dpes ni zhes bya ba la sogs pa la brtsal ma thag tu skye ba yang mi rtag pa thams cad la yod pa ma yin pa de ltar na rang bzhin gyi gtan tshigs kyang mthun pa'i phyogs kyi phyogs gcig la brten pa yin no//re zhig ldog pa can gyi gtan tshigs la zhes bya ba ni gson po'i lus ni bdag dang bcas pa yin te/ srog la sogs pa dang ldan pa nyid kyi phyir ro zhes bya ba 'di'i/ srog sogs med pas bdag med la//khyab pa zhes bya ba de nyid ni 'di ltar zhes bya ba la sogs pas re zhig rnam par 'byed par byed do/ /gal te bsgrub par bya ba ldog pas sgrub par byed pa ldog pa yod na sgrub par byed pa med pas bsgrub par bya ba med pa ste mi mthun pa med pa la khyab par 'gyur ro/ /de yang de'i tshe ste srog la sogs pa med pa na bdag med pa la khyab par 'gyur na gson po'i lus gang la bdag nyid mi 'gyur ba de nyid la ste gson po'i lus las bdag med pa'i bdag nyid la khyab pa ldog par 'gyur ro zhes bya bar sbyar ro//khyab par byed pa nyid du zhes bya ba ni khyab par byed pa dag tu'o/ /de ltar na zhes bya ba la sogs pa ni rgyu dang 'bras bu nyid do//de ni bdag la dmigs pa na srog la sogs pa de dmigs pa yod do zhes bya ba 'dis ni rjes su 'gro ba bshad do/ /bdag rtogs pa med na ni zhes bya ba la sogs pas ni ldog pa bstan to/ /rgyu ma yin pa bkag pas zhes bya ba ni bdag la sogs pa de rgyu ma yin pa de bkag pa'i phyir ro/ /bdag ma rtogs pa'i srog la sogs pa'i rgyu gzhan nyid yod pa yin no zhes bstan pa'i phyir/de ltar na zhes bya ba la sogs pa smos te/ sems kyi g.yo 'gul ni blo'i phul du byung ba yin la srog la sogs pa dang rjes su mthun pa'i lus phul du byung ba'o/ /rtsol ba ni gnas rnams kyi byed pa'o/ /gzhal bya nyid phyir gtan tshigs kyi phyir/bum sogs rnams bdag dang bcas par te zhes bya ba ni gal te chos mthun pa nyid tsam gyis rtogs par 'gyur ba de'i tshe gson po'i lus bdag dang bcas pa dang gzhal bya nyid yin pa de bas na bum pa la sogs pa dang chos mthun pa nyid yin pa'i phyir bdag dang bcas pa nyid du ci'i phyir rjes su dpag par mi 'gyur/rlung 'phen par byed pa'i nang gi byed pa ni rtsol ba yin la dran pa dang 'dod pa dang rtsol ba zhes bya ba ni zlas dbye ba'o/ /srog la sogs pa zhes bya ba ni dbugs 'byung ba dang rngub pa dang dbang po'i 'gyur ba'i mtshan nyid mig 'byed pa dang 'dzums pa la sogs pa'o/ /ci rigs par zhes bya ba ni dbang po'i 'gyur ba 'gram chu ldang ba dag ni dran pa dang 'dod pa'i rgyu yin la srog dang mig 'byed pa la sogs pa ni rtsol ba'i rgyu yin no//de nyid ni dper na 'ga' zhig mthong ngam zhes bya ba la sogs pas ston to/ /sa bon gyis gang ba la sogs pa'i gzugs dang de'i dri mthong ngam bsnams na go rims bzhin du lce'i dbang po'i 'gyur ba gnas skabs rnam pa gzhan nyid du 'gyur ba ni 'gram chu ldang ba'o//de ni bdun pa'i tshig gcig pa yin te/ gcig bzhin du 'gyur ba'i zlas dbye ba yin no/ /de la dran pa dang 'dod pa la sogs pa'i rgyu nyid yin par rtogs par bya'o zhes bya bar sbyar ro//sogs pa'i sgras ni dbang po nus pa med pa gzung ngo / /de ltar na sa bon gyis gang ba'i gzugs dang dri mthong zhing bsnams pa'i de ma thag tu ro skyur ba'i dran pa dang 'dod pa dang de dag las lce'i dbang po'i 'gyur ba 'gram chu ldang ba 'byung bar 'gyur ro/ /lus kyi nus pa dang blo dang rtsom pa la sogs pa ni dbugs 'byung ba dang rngub pa dang mig 'byed pa dang 'dzums pa'i rgyu nyid yin par rtogs par bya'o zhes bya bar sbyar ro//sogs pa'i sgras ni ci rigs par skal pa mnyam pa'i rgyu gzung ngo / /mdo la sogs pa smos pas ni nye bar mtshon pa yin no/ /de bzhin du gzhan dag la yang zhes bya ba ni bde ba dang sdug bsngal la sogs pa gzhan dag la yang bdag nyid rtags nyid du brtags pa ni ci rigs par skal ba mnyam pa'i rgyu gzung ngo //mdo la sogs pa smos pas ni nye bar mtshon ba yin no/ /de bzhin du gzhan dag la yang zhes bya ba ni bde ba dang sdug bsngal la sogs pa gzhan dag la yang bdag nyid rtags nyid du brtags pa na ci rigs par rgyu yin par rtogs par bya'o//de dag 'byung zhes bya ba ni dran pa 'byung ba ste de nyid ni dran pa dang zhes bya ba la sogs pas 'chad par byed do/ /ci rigs pa'i don ni dran pa nyams su myong ba ste nyams su myong ba ni rig pa'o/ /bdag nyid ji lta ba bzhin gyi rkyen las zhes bya ba ni dus gzhan la sdom pa dang don 'dra ba mthong ba la sogs pa'i mtshan nyid can yin pa'i phyir dang /de bzhin du bstan bcos kyi 'bad rtsol nyams su myong ba'i phyir ji lta ba bzhin gyi rkyen las te/ mig la sogs pa'i blo'i 'bras bu ldog pa las mig la sogs pa'i nus pa zhes bya ba 'di dang sbyar ro//'bras bu ldog pa las zhes bya ba ni mig btsums pa la sogs pa dang long ba la sogs pa la 'bras bu la sogs pa'i rnam par shes pa med pa'i phyir ro/ /yul gzhan la g.yeng ba'i phyir rnam par shes pa phyi ma mi skye ba mthong ba dang thogs pa las rnam par g.yeng ba mthong ngo //sogs pa'i sgras ni log par rtog par gzung ngo / /rgyu de'i phyir yid la byed pa blo thams cad la nus pa yin te/ drug po dag la zhes bya ba'i tha tshig go/ /de dag dang 'brel pa can yin no zhes bya ba ni blo dang 'brel pa can yin no/ /gzhan yang mnyan bya nyid dang zhes bya ba la sogs pa la ji ltar mnyan par bya ba nyid rjes su 'gro ba dang ldog pa dag la the tshom za ba'i phyir 'khrul pa yin pa de bzhin du srog la sogs pa yang zhes pa'i tha tshig go//srog la sogs pa mi mthun pa'i phyogs nyid bum pa la sogs pa bdag med pa nyid las ldog par 'gyur gyi mthun pa'i phyogs dag las ni ma yin no//de ci'i phyir zhe na/ med pa la zhes bya ba la sogs pa smos te/ gang las ldog pa gzhan gyis bdag dang bcas par cung zad kyang khas blangs pa yod pa ma yin te med pa la bral ba mi rung ba'i phyir ro/ /gang gi phyir srog la sogs pa bdag las ldog pa ma yin pa de'i phyir 'di bdag med pa la 'jug pa'i dogs pa yod pa ma yin pa de ltar na 'di'i ldog pa 'khrul pa med pa can yin no//'on kyang mthun pa'i phyogs nyid las kyang zhes bya ba ni mthun pa'i phyogs rtag pa nyid las kyang ldog pa de bas na dngos po'i chos su gyur pa 'di la rnam pa gzhan med pa'i phyir mi mthun pa'i phyogs la yang 'jug pa'i dogs pa mi ldog pa de ltar na ldog pa la 'khrul pa can yin no//ldog pa gzhan ma yin zhing rjes su 'gro ba med pa yang gzhan ma yin no zhes bya ba ni mthun pa'i phyogs la rjes su 'gro ba med pa gang yin pa de nyid de las ldog pa yin zhing ldog pa med pa yang rjes su 'gro ba yin te/ dgag pa 'gog pa ni sgrub pa'i ngo bo nyid yin pa'i phyir ro/ /rtag pa dang mi rtag pa dag gi nang nas zhes bya ba la sogs pa la med pa ni rtag pa'i yul ma yin zhing mi rtag pa'i yul yang ma yin pa de ltar mi rtag pa'i yul yang rtag pa'i yul ma yin no/ /de bzhin du rjes su 'gro ba dang ldog pa dag gi yang gcig gi yul ma yin pa yang gzhan gyi yul du mi 'gyur ro zhes bya ba ni bsdus pa'i don yin no//ma yin te de dag gi zhes bya ba la sogs pas lan 'debs par byed do/ /rtag pa dang mi rtag pa de dag ni dngos po nyid kyi de nyid mtshan nyid yin pa'i phyir te/ gcig 'gog pa'i gnyis pa sgrub pa'i mtshan nyid can nyid yin pa'i phyir ro//'dis ni 'di skad du rtag pa med pa tsam mi rtag pa nyid kyang ma yin zhing mi rtag pa med pa tsam rtag pa nyid ma yin gyi 'on kyang de dag ni dngos po'i chos nyid yin no/ /de bas na de dag dngos po'i chos nyid yin pa na phan tshun spangs te gnas pa'i mtshan nyid can dag gcig med pa'i yul gyi dngos po de las gzhan pa yul du 'gyur ba yin gyi med pa ni ma yin no zhes bstan to//de nyid ni dngos po'i chos nyid yin pa'i phyir zhes bya ba la sogs pa smos te/ rjes su 'gro ba med pa tsam ni ldog pa yin la de rjes su 'gro ba med na gdon mi za bar yod pa yin no/ /med pa 'gog pa'i mtshan nyid ni grub pa yin la de med pa 'gog par mi 'dod par thob par 'gyur ro//de la yang rnam par gcod pa tsam brjod par 'dod pa yod na zhes bya ba ni gang gi tshe mi rtag pa nyid med pa tsam rtag pa nyid du brjod par 'dod pa yin gyi dngos po'i chos ma yin pa de'i tshe dngos po ma yin pa bkag pa la yang de'i mtshan nyid yod pa nyid yin no zhes bya ba rtag pa dang mi rtag pa dag gcig gi yul ma yin pa de las gzhan pa'i yul gyi mtshan nyid yin no//med pa'i sgra nyid ni dgag pa rjod par byed pa yin no/ /de ltar na dngos por gyur ba'i gtan tshigs zhes bya ba la sogs pa mthun pa'i phyogs med pa la las gtan tshigs ldog pa yod pa ma yin pa de ltar na gtan tshigs med pa la ston par byed do//gzhan dag kyang zhes bya ba ni sangs rgyas ba'o/ /mthun pa'i phyogs med pa rtag pa las gtan tshigs byas pa ldog par smra ba la rigs pa ma yin pa byed par bsam par mi bya'o/ /dngos po la reg pa med pa ste sangs rgyas pas mthun pa'i phyogs dang mi mthun pa'i phyogs las ldog pa'i mtshan nyid kyi dgag pa gang yin pa brjod par 'dod pa yin te/rnam par bcad pa tsam las gzhan ma yin no zhes bya ba'i tha tshig go/ /ci ste yang zhes bya ba la sogs pa la rnam par gcod pa'i rgyus rnam par gcod pa nye bar mtshon par byed pa'i chos gzhan dngos po'i khyad par 'gog pa ste ma yin par zhes bya ba'i tha tshig go//skabs su bab pa'i sgrub par byad pa zhes bya ba byas pa nyid de sgrub par byed pa'i chos ldog na'o/ /sgrub pa dang dgag pa dag gi sgra'i 'jug pa med pa'i phyir ro zhes bya ba ni khyed kyi gzhung gis sgrub pa dang dgag pa dag gis sgra'i 'jug pa gang yin pa de med pa dag la med pa'i phyir ro/ /ma yin par dgag pa'i ngo bo ma yin pa dag kyang zhes bya ba ni med par dgag pa yang ma yin pa dngos po'i chos nyid yin pa'i phyir med par mi 'dod do zhes bya bar dgongs so//de la yang zhes bya ba ni med pa de'i yang yul dgag pa ni bla ste/ ma yin pa'i yul ma yin zhing med pa dgag pa'i yang ma yin no zhes bya ba'i tha tshig go/ / yul dus 'gog ces bya ba ni med pa dgag pa nyid ma yin gyi 'on kyang yul dang dus yod pa nyid 'di la med cing dus 'dir med do zhes 'gog pa yin no/ /gal te de ltar ni 'gyur mod kyi zhes bya ba la sogs pas gzhan gyi bsam pa'i dogs pa bsu ba yin no/ /yod pa zhes bya ba ni dngos po yod pa'o/ / du ma dgag sgrub bzhin no zhes bya ba ni gzhi tha dad pa'i chos dag gi dgag pa dang sgrub pa bzhin no zhes bya ba'i tha tshig go/ /rna ba la sogs pa de'i 'bras bu can ma yin pa zhes bya ba ni mig gi rnam par shes pa'i 'bras bu can ma yin pa'o/ /bslad pa zhes bya ba ni sgra rnams kyis so/ /mi shes bslad can zhes bya ba ni mi shes pas 'khrul pa can no//de nyid ni rnam pa mi shes pa zhes bya ba la sogs pa smos te rnam pa mi shes pa gang la yod pa de la de skad ces bya'o/ /dngos po tha dad pa la brten pas 'jug pa gang la yod pa zhes bya bar tshig rnam par sbyar ro/ /de nas khyad par gyi bsdu ba bya'o/ /gang gi phyir dngos po tha dad pa la brten pas 'jug pa de'i phyir zhen pa'i rang bzhin nyid kyi mi shes pas bslad pa'i phyir ro//'dis kyang mi shes bslad pa can zhes bya ba bstan to/ /'brel pa yod na zhes bya ba la sogs pa la gzhan gyi don gyi ma yin pa'i rjes su dpag pa gang dang gang yin pa de dang de mi rtag pa yin no zhes bya ba'i sgra gang yin pa dag go//de ston par byed pa'i gnas skabs zhes bya ba la sogs pa la bdag gi rtog pa'i don du don khas len pa'i phyir ro/ /tshad ma dang cig shos 'gal ba'i phyir te/ med pa sgrub par byed pa dang yod pa sgrub par byed pa'i tshad ma dag las 'gal ba med pa'i phyir ro/ /yul gcig la 'jug pa na 'gal bar 'gyur gyi dngos po'i stobs kyis 'jug pa'i tshad ma 'gal ba yod pa ma yin no//des byas pa'i go bar byed pa dgag pa'i rten mthun pa'i phyogs de la tha tshom za ba'i phyir ro/ /bum pa la sogs pa bdag med pa 'ga' zhig la ma mthong ba zhes bya ba ni gzhan gyi bsam pas bdag med pa dag la zhes bshad pa yin gyi de lta ma yin na bdag rang bzhin gyis bskal pa yin pa'i phyir ji ltar na bum pa la sogs pa dag la yang med pa yin/gal te bum pa la sogs pa mdun na gnas pa bdag med pa 'ga' zhig la srog la sogs pa ma mthong ba de ltar na yang ma mthong ba de la yang ji ltar dmigs pa'i mtshan nyid kyir gyur pa'i bum pa la sogs pa ldog pa dngos po bdag med par gzhag pa ma mthong bdag la the tshom za bar 'gyur ro//de yod na ni der 'gyur na/ /zhes bya ba ni gal te dngos po phung po gsum pa yod par 'gyur na gang la bdag med pa ldog pa na yang bdag yod pa ma yin pa de dang der 'gyur ro/ /gson po'i lus la bdag med pa ldog pa na yang bdag gi dngos po yod pa yin no//'on kyang yod pa ldog pa med na yang zhes bya ba ni ji ltar srog la sogs pa ldog pa med pa'i mthun pa'i phyogs su brjod pa yin te/ srog la sogs pa'i mthun pa'i phyogs las mi ldog pa na med pa la ldog pa med pa'i phyir ro/ /de ltar na yang srog la sogs pa'i mthun pa'i phyogs yod pa ma bstan pa yin no//gal te ldog med rjes 'gro med/ /ces bya ba ni gal te mthun pa'i phyogs las ldog pa med pa dang bral ba yin na yang rjes su 'gro bar mi 'dod na'o/ /mthong ba dang ma mthong ba de dag rgyu dang 'bras bu nyid de'i sgrub par byed pa nyid yin pa'i phyir nye bar btags pa yin no//de ltar na bsgrub par bya ba nges pa la sgrub par byed pa zhes bya ba la sogs pa la bsgrub par bya ba nges pa la sgrub par byed pa nges pa'i rnam par nges par mi 'gyur te/ thams cad thams cad la sbyor bar 'gyur ro zhes bya ba'i tha tshig go/ /sogs pa'i sgras ni nges pa med par mi 'gyur ro/ / 'di'i tha dad byed tha dad min/ /zhes bya ba la sogs pa la de ni bdun pa'i tshig gcig pa yin no/ /'di'i zhes bya ba ni tshogs pa'o/ /'dis ni phyogs snga ma'i dogs pa bsu ba yin no/ /'dir 'di'i bsam pa ni gal te yang me la sogs pa'i tshogs pa las du ba skye ba de lta na yang brgya byin gyi spyi bo la sogs pa las kyang 'byung ba yod pa nyid yin no//de la 'dir 'gyur te/ me la sogs pa'i tshogs pa las nges par skye ba can gyi du ba ci ltar mtshan nyid dang bral ba'i tshogs pa las 'byung bar 'gyur zhe na/ de ni yod pa ma yin no/ /gang gi phyir me la sogs pa'i mtshan nyid dang bral ba'i tshogs pa gang yin pa de tha dad par byed pa dang tha dad par byed pa ma yin pa'i ngo bo gang gis me la sogs pa'i tshogs pas du ba skyed par byed/de ni mtshungs pa nyid kyi phyir tha dad par byed pa ma yin no/ /de bas na tshogs pa gzhan la rag las pa ci ltar tshogs pa gzhan las 'byung bar 'gyur ba'am/ 'byung bar 'gyur na 'bras bu rgyu med pa nyid yin no zhes bya ba'i skyon 'di yod pa ma yin no/ /gang gi phyir ngo bo tha dad pa med pa de bas na me las kyang du ba 'byung ba yod pa de ltar na 'bras bu'i rgyu 'khrul pa yin no zhes bya ba yin no/ /de ltar na tha dad par byed pa dang tha dad par byed pa ma yin pa khas len na tha dad pa'i ngo bo/ngo bo tha dad med nyid nyams/ /dngos po gcig la zhes bya ba ni lan gyi tshig yin no/ /de nyid ni de ltar ni 'gyur mod kyi du ba la sogs pa zhes bya ba la sogs pas 'chad par byed do/ /don gzhan du gyur pa'i tshogs pa ni brgya byin gyi spyi bo la sogs pa ni rang bzhin can no/ / ji ltar me las dngos su 'byung ba zhes bya ba la sogs pa ni mngon sum ste/ me'i yul can gyi mngon sum gyi shes pa yul can yin te me ni du ba'i rgyu nyid yin pa'i phyir ro/ /rgyu de yin par rtogs par 'gyur ro zhes bya ba ni du ba'i rgyu ni me yin te/ ji ltar mngon sum gyis slu ba med par rtogs pa de ltar rjes su dpag pas kyang ngo zhes bya ba'i tha tshig go//de dang 'brel pa can gyi rdzas/ /zhes bya ba ni 'o ma dang 'brel pa'i rdzas so/ /ci ste 'bras bu rul pa'i spyi la brten nas zhes bya ba ni rul pa tha dad pa la yang gcig nyid du zhen pa'o/ /gcig nyid yin zhes bya ba ni nus pa dag la yang gcig nyid du zhen nas gcig nyid kyi tha snyad la brten pa yin par brjod do//de kho na nyid du na rdzas ni bdag phul du byung ba'i mtshan nyid can nyid yin pa'i phyir nus pa rdzas bzhin du tha dad pa nyid yin no/ /de nyid ni rgol ba sngon du song bas bstan par bya ba'i phyir/ de ltar ni 'gyur mod kyi 'di bdag ci zhes bya ba la sogs pa smos so//bdag nyid du gyur pa'i zhes bya ba ni dngos po'i rang bzhin du gyur pa'i nus pa dang 'bras bu dag phan tshun 'dres pa ma yin no zhes bya ba de dang sbyar ro/ /gcig po des zhes bya bar dgongs so/ /yan lag gi dngos po'i rten zhes bya ba ni du ba dang bud shing gi 'gyur ba la yan lag ste rgyu nyid kyi dngos po'i rten yin no//'jig dang byas pa nyid gong du ji skad bshad zin to zhes bya ba ni zhes bya ba la sogs pas so/ /gang dag de go bar byed pa yin par mi 'dod pa zhes bya ba la sogs pa la de ni mnyan par bya ba nyid dang mtshungs pa'i ldog pa rgol ba gang dag go bar byed pa nyid du mi 'dod kyi/ srog la sogs pa mnyan par bya ba nyid dang mtshungs pa'i chos can go bar byed pa nyid yin par 'dod pa'o//rang bzhin gyi gtan tshigs kyi nang du 'dus par 'gyur ro zhes bya ba ni ji lta ba bzhin dben pa'i bdag nyid du gyur pas de med pa'i tha snyad du rung ba'i bdag nyid du gyur pa rab tu sgrub par byed pa'i phyir ro/ /brgyud pas zhes bya ba la sogs pa la 'di ltar rgyu dang khyab par byed pa ldog pas na 'bras bu dang khyab par bya ba med par ston par byed do//de la yang rang bzhin 'gog pa'i phyir ji skad du bshad pa'i rnam pas rang bzhin gyi gtan tshigs kyi nang du 'dus par 'gyur ro/ /de la yang skyes bu ma mthong las zhes bya ba la sogs pa la gang gi phyir skyes bu ma mthong ba de'i phyir skyes bu ma mthong ba'i rgyus skyes bu ldog pas srog la sogs pa ldog pa yod pa ma yin no//'di skad du gang gi phyir skyes bu ma mthong ba de'i phyir de ldog pas srog la sogs pa ldog par nges par 'gyur ba ma yin no zhes bstan par 'gyur ro/ /don 'di ni slob dpon phyogs kyi glang pos rigs pa brtags pa logs shig tu mdzad pa las bshad pa yin no//gzhung gang gis she na/ gzhan la ma mthong ba'i ngo bo zhes bya ba la sogs pas zhes bya ba smos te/ slob dpon gyi gzhung 'dis ldog pa can gyi gtan tshigs the tshom za ba'i gtan tshigs su bshad pa yin no/ /de nyid kyi phyir mi snang ba'i yul mi dmigs pa la yang the tshom za ba yin no zhes bya ba rtogs so//de bas na dmigs pa'i mtshan nyid kyir gyur pa nyid kyi khyad par slob dpon bzhed pa yin no/ /las la yod pa'am zhes bya ba ni las sgrub par byed pa la dmigs pa'i sgras las kyi bya ba brjod pa yin no/ /byed pa bsgrub pa ni byed pa po la yod pa yin no//khyab pa dang ldog pa med pa ni zhes bya ba ni dmigs pa'i mtshan nyid kyir gyur pa de 'dra ba'i don ni gang dang gang la de 'dra ba'i rang bzhin yin pa de dang de la de 'dzin par byed pa'i dmigs pa zhes bya ba ni khyab pa yin no/ /de lta bur gyur pa'i shes pa yang na yul med pa ma yin no zhes bya ba ni ldog pa med pa yin no//yul can dag ces bya ba ni med pa'i tha snyad do/ /mi dmigs pa de yang zhes bya ba ni dmigs su med pa ste/ dmigs pa'i sgras blos brjod pa'i phyir ro/ /med pa nyid kyi rang bzhin yin no zhes bya ba ni dgag pa las zlog pa yod pa nyid kyi rang bzhin nyid yin pa'i phyir med pa nyid kyi rang bzhin yin pa zhes brjod do//shes brjod the tshom za ba'i zhes bya ba ni gcig bzhin du 'gyur ba'i zlas dbye bas ma ning gi rtags yin no/ /de nyid yul can dag yin no/ /de nyid kyi phyir shes pa yod pa nyid dang zhes bya ba la sogs pas tshig gsum pa can gyi zlas dbye ba yin par bshad do/ /'di gnyis las zhes bya ba ni mthong ba dang ma mthong ba dag las yul can la yul bstan pa'i phyir rjes su 'gro ba dang ldog pa dag gzung ngo //med pa'i shes pa la sogs pa'i zhes bya ba la sogs pa'i sgras ni med pa'i sgra la sogs par rung ba de nyid 'bras bu grub pas na ste/ rung ba de yang bdag nyid du gyur ba yin pa de ltar na rang bzhin gyi gtan tshigs kyi nang du 'dus pa yin no//dgos pa gang gis nyams su myong ba ste bstan par bya ba'i phyir zhes bya ba 'di'i bsdus pa'i don ni shes pa ni rang rig pa'i bdag nyid can nyid yin gyi 'di'i shes pa gzhan gyis nyams su myong ba ni ma yin no zhes de bstan par bya ba'i phyir nyams su myong ba smos pa mdzad pa yin no zhes bya ba yin no//brjod par 'dod pa'i yul las yul gzhan gyis nye bar bsgyur ba gzhan dang 'dres pa can te/ rang rig pa'i bdag nyid du snang bar 'gyur ba de'i tshe tha dad pa shes pa 'di'i shes pa 'di las tha dad pa yin no zhes 'di rnam par 'jog pa'i phyir ro/ /dper na gos la tshon bzhin no//zhes bya ba ni dper na gos la tshon gzhan gyis bsgyur ba na rgyu gzhan la ltos pa'i phyir dmar por nges pa med pa lta bu'o/ /dngos po ni skyed par byed pa'i rgyu yin te/ de las 'gyur ba de ltar na/ dngos po rgyu las 'byung ba nyid na ste/ mi rtag pa nyid yin no/ /de'i dngos po de la'o/ /chos zhes bya ba ni tha dad pa'o//gang gis dngos po 'jig pa de nyid kyi phyir dngos po 'jig pa zhes bya ba smos so/ /brgyud pa 'dis ci zhig bya ba ni dngos po'i rgyus mi rtag pa nyid tha dad pa skyed par 'gyur zhing des 'di 'jig pa yin no/ /'jig ste zhes bya ba ni mdo yin la/ de nyid ni mi rtag pa nyid la sogs pa zhes bya ba la sogs pas 'chad par byed do//cir yang mi 'gyur mod kyi zhes bya ba la sogs pa ni gzhan gyi yin no/ /dngos po'i bdag nyid du gyur pa zhes bya ba la sogs pa la dngos po'i bdag nyid du gyur pa yang de yin la 'jig pa'i rang bzhin yang yin pas zhes bya ba ni khyad par gyi bsdu ba'o/ /de byed pas na gal te mi rtag pa nyid kyi phyir chos bdag la phan 'dogs par byed par yang 'gyur te/bum pa la sogs pa'i 'jig pa'i rang bzhin yang phan 'dogs par byed par 'gyur ro zhes bya ba'i tha tshig go/ /de zhes bya ba ni 'jig par byed pa nyid du mngon par 'dod pa mi rtag pa'i bdag nyid can gyi chos su 'gyur na 'ga' zhig kyang ma yin no/ /'byung 'jig can zhes bya ba ni gnas skabs gang la gzhan gyis kyang 'di 'jig par 'dod do zhes bya ba'i tha tshig go//don dam par ni skad cig ma re re la dngos po rnams 'byung zhing 'jig pa'i dpe yin no/ /de'i tshe/ de ltar med yod ji ltar rung / /gal te skad cig kyang ltos med/ /dngos po 'byung ba ma yin na/ /dngos po 'jig pa la ltos pa med pa nyid yin na skad cig kyang dngos po yod pa thob par mi 'gyur ro zhes bya ba'i tha tshig go//de ni de lta ma yin te zhes bya ba la sogs pa ni grub pa'i mtha' smra ba yin no/ /de'i tshe/ de ltar med yod ji ltar rung / /gcig la yang der 'di 'di'i yod pa dang med pa ji ltar rung zhes bya ba'i tha tshig go/ /de nyid ni dngos po mi rtag par zhes bya ba la sogs pas 'chad par byed do//slob dpon shAkya blos sbyar ba las tshad ma rnam 'grel le'u bzhi pa'i TI kA'o/ /mu stegs brdzun pa'i rtog ge thams cad 'joms nus bstan bcos lugs bzangs thams cad kyi/ /cha tsam bdag gis bshad pas mi g.yo shin tu brtan pa'i bsod nams skyes thob pa/ /des ni sems can tshogs 'di srid pa gsum pa'i rgya mtsho dag las yongs drangs nas//tshangs sogs kyis kyang thob min sangs rgyas go 'phang dri med rtag tu thob par shog /bcom ldan 'das 'jam pa'i dbyangs kyi zhabs sgom pa/ slob dpon shAkya'i blos sbyar ba tshad ma rnam 'grel gyi 'grel bshad rdzogs so// //'di ni lo tsA ba rma dge ba'i blo gros kyis bsgyur ba'o// //