CLOSE WINDOW

D4218
བོད་ཡིག

rgya gar gyi mkhan po chen po su b+hu ti shrI dang / sgra bsgyur gyi lo tsA ba dge slong dge ba'i blo gros kyis bsgyur ba'o// // @##/ /rgya gar skad du/ bA da n+yA ya nA ma pra ka ra Na/ bod skad du/ rtsod pa'i rigs pa zhes bya ba'i rab tu byed pa/ bcom ldan 'das 'jam pa'i rdo rje la phyag 'tshal lo/ /rtsod pa dag la rigs pa smra ba rnams kyang yang dag pa ma yin pa'i rnam par gzhag pa nye bar dgod pa'i sgo nas g.yo sgyu can tshar gcod par byed pa'i phyir de sun dbyung ba'i don du 'di brtsams so/ /sgrub pa'i yan lag mi brjod cing / /skyon mi brjod pa gnyis po dag /tshar gcad pa yi gnas yin gyi/ /gzhan ni mi rigs phyir mi 'dod/ /sgrub pa ni 'dod pa'i don sgrub pa'o/ /de'i sgrub par byed pa ni yan lag go/ /de brjod pa ni sgrub pa'i yan lag brjod pa'o/ /de mi brjod pa'i rgol ba ni tshar bcad pa'i gnas yin no/ /de khas blangs nas rgol ba ni spobs pa med pas mi smra bar 'dug pa'i phyir ram/sgrub pa'i yan lag la nus pa med pa'i phyir ro/ /rtags rnam pa gsum nyid ni mngon sum ma yin pa sgrub pa'i yan lag ste/ rang bzhin dang / 'bras bu dang / mi dmigs pa'o/ /de la nus pa ni/ bsgrub par bya bas khyab pa rab tu bsgrubs nas/chos can la yod pa sgrub par byed pa ste/ 'di ltar gang yod pa'am byas pa de thams cad mi rtag pa ste/ dper na bum pa la stsogs pa lta bu'o/ /sgra yang yod pa'am byas pa'o zhes bya ba lta bu'o/ /'di la yang go rims kyi nges pa 'ga' yang yod pa ma yin te/'dod pa'i don sgrub par gnyi ga bye brag med pa'i phyir ro/ /chos can la dang por yod pa nyid rab tu bsgrubs nas/ phyis kyang khyab pa rab tu bsgrubs pa nyid ni/ dper na sgra ni yod pa'am byas pa yin la de lta bu gang yin pa de thams cad ni mi rtag pa yin te/dper na bum pa la sogs pa lta bu'o/ /'dir khyab ba sgrub par byed pa ni bsgrub par bya ba la bzlog pa la gnod pa can gyi tshad ma nye bar bstan pa ste/ gal te dngos po yod pa'am/ byas pa thams cad skad cig ma re re la 'jig par ma gyur na/skad cig ma ma yin pa ni rim dang cig car gyis don byed pa mi rigs pa'i phyir/ yod pa nyid kyi mtshan nyid ni don byed nus pa yin la/ de las ldog pa'i phyir/ med pa kho nar 'gyur te/ nus pa nye bar brjod pa thams cad dang bral ba'i mtshan nyid ni/ nye bar brjod pa med pa'i phyir ro //de ltar sgrub par byed pa'i bsgrub par bya ba las bzlog pa la gnod pa can gyi tshad ma nye bar ma bstan na/ 'di bzlog pa la yod pa ma mthong du zin kyang yod pa'am/ byas pa rtag ces bya ba la 'gal ba med pa'i phyir/ ldog pa med pa nyid du the tshom za la /de las ldog ba la the tshom za ba'i phyir ma nges par 'gyur te/ gtan tshigs ltar snang ba'o/ /ma mthong ba tsam gyis kyang ldog pa ma yin te/ bskal pa dag la thams cad gzigs pa ma yin pa'i ma mthong ba ni med pa sgrub par byed pa ma yin pa'i phyir te/ tshu rol mthong bas ni yod pa yin du zin kyang don 'ga' zhig ma mthong ba'i phyir ro //gnod pa can gyi tshad ma yang gang la rim dang cig car 'brel ba med pa de ni 'ga' zhig tu yang nus pa med de/ de ni skad cig ma ma yin pa la yod pa'i phyir 'di ltar rab tu 'jug pas nus pa med pa yod pa ma yin pa'i mtshan nyid 'dren par byed do//de'i phyir gang yod pa'am byas pa de ni mi rtag pa kho na yin no zhes grub bo/ / de tsam gyis kyang sgrub par byed pa'i chos tsam gyi rjes su 'gro ba yin te/ bsgrub par bya ba'i chos kyi rang bzhin gyi gtan tshigs kyi mtshan nyid 'grub par 'gyur ro/ / gal te 'dir yang ma mthong ba tshad ma ma yin na gang gi phyir rim dang cig car mi rigs pa nyid la nus pa med pas khyab pa mi 'grub pa'i phyir/ sngar gyi gtan tshigs la yang khyab pa med do/ /'di la yang gzhan sgrub par byed pa nye bar sbyor na ni thug pa med par thal bar 'gyur ro zhe na/ ma yin te/ med pa sgrub par byed pa la ma mthong ba ni bkag pa med pa'i phyir te/ ma mthong bas ni bsgrub par bya ba bzlog pa la gtan tshigs ldog pa sgrub par byed pa gang yin pa de ni/ 'dir 'gal ba nye bar 'god pa'i phyir/ gnod pa can gyi tshad ma zhes bya'o/ /de ltar na ni gtan tshigs de bsgrub bya med pa la gang gi tshe tshad ma dang ldan pa rang 'gal bas gnod pa'i phyir med pa bsgrub par bya'o //rnam pa gzhan du na de la 'di gnod pa can ma grub na the tshom za ba ni bzlog par dka'o / /dngos po ma dmigs pa thams cad ni gnod pa can ma yin te/de la nus pa ni rim dang cig car gyis khyab pa grub pa yin te/ rnam pa gzhan ni med pa'i phyir ro/ /de'i phyir khyab par byed pa'i chos ma dmigs pas skad cig ma ma yin pa la nus pa la gnod pa can yin pa'i phyir rim dang cig car mi rigs pa la ni/ nus pa med pas khyab par grub pa'i phyir/thug pa med par thal bar mi 'gyur ro/ /de ltar na rang bzhin gyi gtan tshigs kyi sbyor ba dag ni sgrub pa'i yan lag bsgrubs pa yin gyi/ de la bsgrubs pa med pa ni sgrub pa'i yan lag mi smra ba'i rgol ba de ni pham pa'i gnas yin te/ rtsom pa'i don rab tu ma bsgrubs pa nyid kyi phyir ro//dngos po la sgrub pa'i gtan tshigs khas len du zin kyang nus pa rab tu ma bstan pa'i phyir ro/ /'bras bu'i gtan tshigs kyang sgrub pa'i yan lag tu bsgrubs pa ni/ 'bras bu'i rtags rgyu bsgrub par bya ba'i phyir/ nye bar blangs pa gang yin pa de dang lhan cig rgyu dang 'bras bu'i dngos por sgrub pa ni/dngos po dang dngos po med pa dag sgrub par byed pa'i tshad ma dag gis rab tu grub ste / dper na 'di yod na 'di 'byung bar 'gyur la/ de las gzhan pa'i nus pa'i rgyu dag yod du zin kyang de med na med par 'gyur ba lta bu'o// de ltar na ni 'di'i 'bras bu nyid du the tshom med par bsgrubs par 'gyur ro/ /rnam pa gzhan du na de med na med do zhes bya ba 'ga' zhig nye bar bstan na/ de las gzhan yod na yang 'di yod do zhes bya ba 'di'i nus pa la the tshom za zhing de la gzhan gyi nus pa med na de mi 'byung ba ni/de ldog na yang ldog pa 'dod rgyal bar 'gyur te ma pag mar len pa'i yul du phin Da khar rdzur skye'i/ ma bag mar len pa med pa'i yul gzhan du med pa lta bu'o/ /de ltar bsgrubs na de de'i 'bras bur grub pa yin no/ /grub pa yang rang yod na de yod par sgrub par byed pa ni/rgyu dang 'bras bu 'khrul pa med pa'i phyir ro/ /ma 'khrul par yang rang gi rgyu dang 'bras bu thams cad 'dra ba ni rigs pa yin no/ /de ltar ma bsgrubs na 'bras bu'i gtan tshigs kyi'ang sgrub pa'i yan lag kyang mi brjod pa'i rgol ba de ni pham pa'i gnas yin no/ / ma bsgrubs shing 'bras bu ma grub par de ni 'bras bu'i gtan tshigs der ma grub pas/ don gzhan de'i dngos po dang 'brel ba med pa'i rang bzhin la ni/ yod na de yod pa'i nges pa med pa'i phyir ro/ /brtsams pa'i don ma grub pas dngos su 'bras bu'i rtags khas blangs pa yang ma bstan pa'i phyir ro//mi dmigs pa la yang rtogs pa pos dmigs pa'i rig byar gyur pa'i don ma dmigs pa ni sgrub par byed pa bsgrubs pa yin no/ /de 'dra ba kho na'i mi dmigs pa las ni med pa 'grub pa yin gyi/ dmigs pa'i rig byar ma gyur pa sgrub pa po'i mngon sum log pas kyang med pa mi 'grub pa'i phyir ro//de la dmigs pa'i rig byar gyur pa'i don ni/ rang bzhin khyad par khyad par can dang rgyu gzhan tshogs pa'o/ /rang bzhin khyad par can ni gang bskal pa rnam pa gsum gyis ma bskal pa bdag nyid kyi ngo bo ma yin pa'i snang ba dang bral pa/sgrub pa po'i mngon du snang ba'i ngo bo de 'dra ba yod pa dmigs pa'i rgyur gyur pa gzhan dag de ltar ma dmigs pa ni med pa'i tha snyad kyi yul yin no/ /de las rnam pa gzhan yod pa ma yin pa'i rtags ni the tshom yin la/ 'dir yang rnam pa de lta bu yod pa thams cad ni med pa'i thams cad kyi yul yin no zhes bya bas khyab pa yin te/'ga' zhig med par khas blangs pa la gzhan de'i mtshan nyid khyad par med pa can yin pa'i phyir ro / /rnam pa de lta bu'i med pa khas mi len na gzhan du de'i 'brel pa med de/ de lta bu'i rnam pa yod cing gzhan dmigs pa'i rkyen dag yod na ma dmigs pa med do//'di 'dra ba ma dmigs pa ni med pa yin pa'i phyir/ med pa'i tha snyad kyi rgyu mtshan ni de tsam yin te/ gzhan de'i rgyu mtshan med pa'i phyir ro/ / gal te nus pa thams cad kyis dben pa rgyu mtshan yin no zhe na/ de ni de ltar yin na nus pa thams cad kyis dben pa de de ltar rtogs pa yin gyi/de rtogs pa'i thabs gzhan med pa'i phyir ro/ /de rtogs pa yang yod na med pa'i tha snyad du 'gyur ba'i phyir 'di ni de'i rgyu mtshan du brjod pa yin no/ /gal te blo dang sgra dang don byed pa dag yod pa'i tha snyad yin la/bzlog pa ni med pa'i tha snyad yin no zhe na/ ci skad du bshad pa'i blo'i snang ba las ni yod pa'i tha snyad yin la/ bzlog pa de'i yul ni med pa'i tha snyad yin no/ /mngon sum gyi yul ma yin pa rtags 'ga' zhig las skyes pa las kyang yod pa'i tha snyad du 'gyur la/med pa'i tha snyad ni de bzlog pa la ma nges pa yin te/ bskal pa'i don la rtogs pa po'i mngon sum mam/ gzhan gyi tshad ma log na the tshom yin no blo dang sgra thams cad kyi de tha dad pa'am tha dad pa med pas/ dngos po yod pa'am/ dngos po tha dad pa'am/ tha dad pa med pa yod pa sgrub par byed pa ni ma yin no //ci ltar yang 'das pa dang ma 'ongs ba la sogs pa med pa dag dang / sna tshogs pa'i don gyi bya ba dang / gcig gi don gyi bya ba byed pa dag la/ sna tshogs pa dang / gcig gi bdag nyid kyi dngos po med kyang de nyid gsal bar bya ba'i don du/sna tshogs pa dang gcig pa'i bdag nyid kyi dngos po med kyang de nyid gsal bar bya ba'i don du/ sna tshogs pa dang gcig pa'i bdag nyid kyi rang bzhin dag 'jug pa'i phyir ro/ /dper na rgyal po mang pos bkur ba rgyal rigs rab tu skrun par byed pa mang pos bkur bas sprul pa'i mchod sdong 'khor los sgyur ba dung gis 'degs par 'gyur ba nyid dang /ri bong gi rwa dag dang / gzugs bstan du yod pa dang / thogs pa dang bcas pa dang / bum pa zhes bya ba lta bu'o/ /bstan du yod pa la sogs pa'i sgra ni/ dngos po sna tshogs pa'i yul can ma yin te/gcig la nye bar 'dus pa'i phyir ro/ /gal te yul sna tshogs su zin kyang gcig la nye bar bsdu ba de'i rgyu mtshan ni/ de dang 'brel pa'i phyir ro zhe na/ e ma'o dka' thub sdug bsngal gyi dngos po la zhen pas 'brel pa can du ma nye bar byed cing bdag nyid kyi sgra sna tshogs pa de dag las 'dod cing de nus pa'i bye brag gang gis 'brel pa can sna tshogs byed pa bas de nyid kyis sgra sna tshogs ci'i phyir skyed par mi byed/de ltar na 'dis brgyud pas 'jug pa'i dub pa yongs su spangs par 'gyur ro/ /sgra sna tshogs skyed par byed pa'i nus pa med na ni/'brel pa can sna tshogs nye bar byed par yang mi 'gyur ro/ /de dag la nye bar byed pa med pa yin na yang de'i 'brel pa can nyid kyang mi 'grub po/ /bum pa zhes bya ba 'di la yang gzugs la sogs pa nyid don gyi bya ba gcig byed pa la bum pa'i sgra gcig brjod par 'gyur ba yin te don gzhan la rtog pa ci zhig dgos/mang po yin du zin kyang don gyi bya ba gcig byed par 'gyur te/ mig la sogs pa bzhin no/ /de'i nus pa bstan pa'i phyir de la sgra gcig nges par sbyor bar yang 'gyur ro zhes bya ba'i rigs pa yang mthong ngo / /'jig rten pa ni dgos pa med par don la sgra sbyor bar mi byed do//de la don gang yin pa lhan cig gam tha dad pa de dag gi dgos pa gcig pa de'i dngos po gsal bar bya ba'i phyir gang gi tshe sgra gcig sbyor ba na cir 'gyur/ de rnams kyi don gcig byed pa'i nus pa bstan pa'i phyir/ sgra de rnams nges par sbyor ba spyi'i sgra tshig gcig pa 'gal ba yod pa ma yin no//lhan cig pa de dag gi nus pa de yang gcig yin gyi/ so so'i ni ma yin no zhe na / tshogs pa'i sgra'am / tshogs pa gcig gi brjod bya la tshig gcig pa yin te/ bum pa zhes bya ba lta bu'o/ /rigs kyi sgra rnams la don rnams re re dang lhan cig pa'i nus pa ste/gcig dang du ma'i nus pa zhes bya ba la gcig dang du ma'i nus pa brjod par 'dod na mang po'i tshig can dang / gcig gi tshig can 'dod pas/ shing rnams zhes bya bar 'gyur ro/ /gang la 'di'i nges pa ni mang po dag la mang po'i tshig dang gcig la gcig gi tshig sbyar bar bya na /kho bo cag gi brdar btags pa'i don dag la brda'i dbang gis rab tu 'jug pa'i phyir mngon par zhen pa med pa kho na'o/ /gal te gzugs la sogs pa gcig dang sna tshogs pa la sgra gcig kun nas snang ba'i nus pa yod do zhe na/ skyes bu'i 'jug pa la ltos pa med par don gyis sgra kun nas snang bar byed pa yin nam/'on te skyes bu dag gis don dag la tha snyad kyi don du sgra sbyor ba yin/ rang kun nas slong bar byed pa ni dngos po la nus pa yod dam med bsam par bya ba yin na/ de yang rigs pa ma yin no/ /skyes bus de dag la nye bar sbyor na de dag ji ltar 'dod pas nges par sbyor ba yin pa'i phyir de la skyon ci yod/rgyu mtshan yang nges par sbyor ba bstan pa nyid do/ /gzhan yang 'di ltar gzugs la sogs pa dag sgra gcig dang 'grel pa ma yin na/ de dag gi rten du mngon par 'dod pa'i rjes gcig dang ji ltar 'brel ba yin te/ don med pa'i zhe na pa kho na'o//kho bo ni gcig dang 'brel pa 'gal ba'i phyir sgra gcig mi 'dod pa ni ma yin te/ 'on kyang bum pa dang la bal stsogs pa gzugs la sogs par tha dad pa med pa dag ni don tha dad pa byed pa dang sgra 'gal ba'i phyir ro/ /de rnams rang bzhin gcig pa rnams tshogs pa gzhan yod pa la don gyi bya ba byed ba nyid ma yin no//de'i phyir de bstan pa'i ched du sgra gcig gis brjod par mi bya'o zhe na/ tshogs pa thams cad dag gi gzugs la sogs pa rang bzhin gcig dag tu 'gyur ro zhes 'dir 'ga' zhig 'dod par 'gyur na/ phan tshun 'gal ba tshogs pa'i gzugs snang ba mngon sum du mthong na ci ste btang snyoms su byed/'di yang yod pa ma yin te/ gzugs la sogs pa dag gi tshogs pa so so'i rang bzhin tha dad par khas blangs pa'i phyir ro/ /'di ltar gzugs la sogs pa dag las gzhan bum pa zhes bya ba gcig nyid du 'gyur na cir 'gyur/'gyur na de mngon sum du yod de/ gzugs la sogs pa ma yin pa'i rang bzhin tha dad pa blo la rang gi ngo bor snang la rag na cis bsgribs pa yin/ so sor snang ba tha dad par mngon sum la yul tha dad pa med kyang dri dang ro la sogs pa'i don dang /de bzhin du grang ba dang tsha ba'i reg bya la sogs pa dbang po gcig gi yul yin du zin kyang tha dad par snang bar 'gyur te/ bdag nyid kyi ngo bo ma yin pa tha dad pas rang gi ngo bo blo la gzhag pa 'di nyid kyang mngon sum gyis mngon sum nyid yin no/ /bum pa 'di yang rin byin pa med par 'tshang ba ni rang gi ngo bo ston pa med par yang mngon sum nyid du khas len par 'dod do//de dag gis blo dang sgra tha dad pa la sogs pa yin yang sngar bshad pa yin no/ /gal te de dag gis de sgrub par 'dod na/ mngon sum nyams pa med par gzugs ma mthong ba ma yin te/gang gis de sgrub par byed pa'i rtags brjod par bya'o / /mngon sum nyid med pa la/ mngon sum nyid med du zin kyang blo dang sgra tha dad pa dang ldan pa'i gzugs la sogs pa dag la gzhan bum pa dag ces bya ba ni ma yin te/ sngar sun phyung ba nyid kyi phyir ro/ / de ltar na de srid du blo dang sgra dag gis yod pa'i tha snyad dam/ yod pa nyid tha dad pa dang / tha dad pa ma yin pa'i tha snyad du mi 'gyur te/ de ldog pa las de ldog pa ni ma yin no/ /don byed pa las ni yod pa'i tha snyad du 'gyur gyi/ de tha dad pa dang tha dad pa ma yin pa'i tha snyad du mi 'gyur te/gcig la yang don du ma byed pa mthong ba'i phyir te/ dper na mar me gcig gis rnam par shes pa dang / sdod bu'i rnam par 'gyur ba dang / 'bar ba gzhan bskyed pa lta bu dang / mig la sogs pa du mas kyang rnam par shes pa gcig bskyed pa mthong ba'i phyir ro//don byed pa tha dad pa tsam gyis yod pa nyid tha dad pa zhes smra bar ni mi bya'i/ 'on kyang mthong ba'i don byed pa tha dad pa'i sgo nas don byed pa de la ma mthong ba yang de las gzhan du mthong ba gang yin pa de ni yod pa nyid tha dad pa sgrub par byed de dper na snam bu la chu 'dzin pa la stsogs pa'i don gyi bya ba ma mthong la/bum pa la mthong ba dang snal ma dag la gos la sogs pa'i bya ba ma mthong la/ snam bu la mthong ngo zhes bya ba yod pa nyid tha dad pa'o zhe na/ de ltar don gzhan grub pa ni yod mod kyi/ de ltar yang yan lag can ni grub pa ma yin te/ dper na rkyen gyis 'dus byas pa'i rgyun gyi rang bzhin tha dad pa skyed par byed pa'i phyir ro//don byed pa tha dad pa yin te/ gtsub shing gtsubs pa'i gnas skabs tha dad pa las me spra ba dang / rta spangs dang / rtswa dang / shing bsregs pa'i nus pa tha dad pa de bzhin du rkyen ji lta ba bzhin du rang bzhin tha dad pa skyed pa'i phyir/snal ma la sogs pa de dag gi don gyi bya ba tha dad pa'o/ /de dag gis blo dang sgra'i tha dad pa bshad pa yin no/ /de la don byed pa las yod pa nyid kyi tha snyad sgrub par smras pa gang yin pa la log pas kyang ldog pa yin no zhes bya ba de ni bden no/ /log pa de nyid kyis dmigs pa'i rig byar ma gyur pa dag gis ma grub par 'gyur ro//der 'di yod du zin kyang mi 'dod na yang grub pa yin te/ nus pa 'di dmigs pa'i rig byar gyur pa dmigs par ma gyur na de ni med pa'i tha snyad kyi yul yin te/ yod pa zhes bya ba ni/ nus pa'i mtshan nyid yin pa'i phyir ro//de ltar na yang snga ma las 'di khyad par ci yod/ de rang bzhin las don gzhan ni nus pa ma yin no/ /de dmigs pa'i rig byar gyur pa de mi dmigs pa gang yin te/ snga ma kho na mi dmigs pa 'di yin no/ /de'i phyir 'dis 'ga' zhig tu med pa'i tha snyad khas len na/ ma dmigs pa las khas blang bar bya ba'am / 'ga' zhig tu yang ma yin te khyad par med ba'i phyir ro/ /de gzhan du yang de lta bu'i rnam pa'i khyad par med pa'i phyir de yang de ltar yod do zhes bya ba ni khyab pa ste/ mi dmigs pa'i rnam pa de lta bu thams cad ni med pa'i tha snyad kyi yul yin no zhes bya'o / / gal te 'ga' zhig tu rnam pa ji ltar ma dmigs su zin kyang / med pa'i tha snyad kyi yul ma yin no zhe na/thams cad thams cad kyi tshe gzugs thams cad thams cad du thams cad kyi tshe don byed pa yin te/ 'di ni 'di las yin la 'di las ma yin/ 'di ni 'di na yin gyi 'di na ma yin 'di'i tshe yin gyi 'di'i tshe ma yin/'di ni de lta bu yin gyi/ 'di ma yin zhes bya ba 'dir yang mi 'gyur te/ gzugs 'ga' zhig tu 'ga' zhig gi tshe rnam pa ji ltar yang tha dad pa'i rgyu med pa'i phyir thams cad rjes su 'gro ba dang ldog pa med par 'gyur te/ dngos po la tha dad pa med pa'i phyir ro //gnas skabs ldog pa dang / rab tu 'jug pa tha dad pa dag gis rnam par gzhag pa yin no zhe na de nyid yul thams cad la med pa'i tha snyad med pa'i phyir de yang med par 'gyur ba ste/ gang gi phyir de dag las rnam par gzhag par 'gyur/ yul 'ga' zhig la med pa'i tha snyad khas len na/de gang gis byas pa yin no zhes brjod par bya/ mi dmigs pa las gzhan rnam par gcod pa'i gtan tshigs ni yod pa ma yin no/ /bsgrub pa dang dgag pa dag gis rnam par gcod pa ni thams cad mi dmigs pa kho nas sgrub par byed pa nyid kyi phyir ro/ /mi dmigs pa nyid las de khas len pa de gang na yod pa de thams cad med pa'i tha snyad kyi yul yin no zhes brjod par bya ste/khyad par med pa'i phyir ro/ /gal te tshad ma thams cad log pa'i mi dmigs pa de gang na yod pa de med pa'i tha snyad kyi yul yin par 'dod do zhe na/ shes rab shin tu gzhon pa lha rnams dga' ba tshad ma rnam par dpyod pa'i nyon mongs pa mi bzod pa gang gis 'di la gus par mi byed pa can gyi rjes su dpag pa la sogs pa ldog pas med pa khong du chud pa med de 'khrul pa'i phyir ro//thams cad kyi mngon sum log pa ni ma grub pa'i phyir ram/ bdag nyid kyi mngon sum log pa yang ma yin te/bskal pa dag la yang the tshom za ba'i phyir ro/ /de'i phyir rang bzhin gyi khyad par de tshad ma gang las mngon sum du yod pa'i tha snyad thob par 'gyur la/ de ldog pa nyid ni/ de ldog pa nyid kyis de med pa'i tha snyad sgrub par byed do/ /de'i rang bzhin yod pa de la/tshad ma yod pas khyab pa'i phyir ro/ /dmigs pa'i rig byar gyur pa'i don gyi mngon sum las gzhan gyis dmigs pa yin te/ gang gis na rjes su dpag pa'i dmigs pas yin/ de'i rang bzhin gzhan du ma gyur na mngon sum du mi 'gyur ba ma yin gyi/ rnam pa gzhan du yod na yang de nyid du mi 'gyur ro//gzhan yang sman dang sngags med par mig 'phrul mkhan gyis 'di dngos por slob pa ni gang gi 'dir ma skyes shing 'jig pa med pa'i ngo bo'i khyad par chod pa med pa dang / ring po ma yin pa gnas pa can nyid ni skyes bu de nyid kyi dbang po la sogs pa de bzhin du gnas pa 'ga' zhig gi tshe mngon sum dang /mngon sum ma yin par 'gyur/ gang gis 'ga' zhig gi tshe/ 'di rjes su dpag pas dmigs shing 'ga' zhig tu mngon sum yin la/ 'ga' zhig gi tshe lung yin na khyad par med pa de nyid la/ rnam pa de dag 'gal ba'i phyir ro//khyad par med pa ni ma yin te/ khyad par gcig ldog pa dang khyad par gzhan skye bas tha snyad kyi bye brag nye bar khas len pa'i phyir ro/ /khyad par de de'i bdag nyid du gyur pa rjes su 'gro ba med pa ldog pa dang / 'jug pa yin na/ ji ltar dngos po'i rang bzhin sna tshogs pa 'dren par mi byed/bde ba dang sdug bsngal lta bu'o/ /rjes su 'gro ba dang bcas pa nyid yin na yang / gang gi ci rab tu 'jug pa'am/ ldog par 'gyur ro zhes bya ba de ni gang yang ma yin no/ /gzhan yang 'di ltar rang bzhin 'ga' zhig rang nyid rab tu 'jug pa dang /ldog pa rjes su shes pa yin pa de'i tshe/ gzhan de nyid smra ba la ci'i phyir khas mi len/ gal te de'i rjes su 'gro ba med pa skye ba dang 'jig par khas len pa'i phyir ro zhe na/ 'dir rjes su 'gro ba gang gang yin/ /dngos po skye dang 'jig pa dag la'o/ /nus pa'i ste/ de skye pa'i sngar dang 'jig pa'i phyis kyang yod pa de'i phyir/snga na med pa skye ba yang ma yin pas/ snga na med pa 'jig pa yang ma yin no zhe na/ gal te thams cad du khyad par med pa yin na 'dir khyad par dang ldan pa gang yin/ tha snyad kyi rnam par dbye ba 'di gang gis byas/ gal te gnas skabs khyad par dang ldan pa yin no zhe na/gnas skabs de dang nus pa de yang / ci ngo bo gcig yin nam/ 'on te du ma yin/ gal te gcig yin na 'dir skye ba dang mi skye ba dang / 'jig pa dang / mi 'jig pa dang / gcig nyid dang du ma dang mngon sum nyid dang mngon sum ma yin pa nyid dang /don byed pa dang 'brel pa dang 'brel ba med pa dag la stsogs pa gcig la rnam par dbye ba med pa'i bdag nyid la/ rnam grangs med pa la/ phan tshun 'gal ba dag ci ltar rigs par 'gyur/ gal te gnas skabs dang / nus pa la dbye ba yod pa de'i phyir 'gal ba med do zhe na/brjed ngas pa'i ngang tshul can lha dga' ba gnas skabs mi shes pa yin no/ /nus pa dang gnas skabs zhes bya ba ngo bo gcig pa rnam par dbye ba med pa zhes bya ba'i phyogs 'di la 'gal ba brjod pa yin no/ /'on te 'di la rnam par dbye ba yod na 'gal ba 'ga' yang med la/dngos po rjes su 'gro ba dang bcas pa skye ba dang / 'jig pa dag yin no zhes bya ba 'ba' zhig tu mi 'gyur ro/ /gang gi phyir gang la rjes su 'gro ba de'i skye ba dang 'jig pa dag ma yin pa dag la/ gang de dag rjes su 'gro ba ma yin no / /gal te de dag la tha dad pa med pa'i phyir skyon med do zhe na/e ma'o lan med par skyon dka' zhing dog pa khyed lta ba la zhen pas 'jug pas kyang bdag nyid yang dag par rig pa med pa yin no/ /tha dad pa med pa zhes bya ba ni gcig nyid yin la de dag ces bya ba tha dad pa brten pa ni yod pa'i tha snyad yin no//ldog pa dang rab tu skye ba dag la/ ldog pa med pa dang / rab tu skye ba med pa dag gi gnas pa dang mi gnas pa zhes bya ba la sogs pa sna tshogs pa'i bdag nyid ji ltar na rigs pa yin te/ de dag ni dngos po rnams kyi tha dad pa dang / de dag dang bral ba ni tha dad pa med pa yin te/ dper na bde ba la sogs pa dang /nus pa'i gnas skabs dag bdag nyid gcig pa lta bu yin la/ rnam pa gzhan du na ni tha dad pa dang tha dad pa med pa'i mtshan nyid med pa'i phyir dang / tha dad pa dang tha dad pa med pa dag gi rnam par gzhag pa med par 'gyur te/ gal te de'i bdag nyid kyi rab tu skye ba ni tha mi dad pa yin la/de las bzlog pa dag ni tha dad pa yin te/ dper na bum pa ni 'ji ba'i bdag nyid las skye ba de'i phyir tha dad pa ma yin pa dang / bzlog pa tha dad pa yin no / /bde ba dang sdug bsngal lta bu'o zhes bya ba 'di ni tha dad pa dang tha dad pa med pa'i mtshan nyid yin pa de bas na 'gal ba med do zhe na/bum pa'i rab tu skye ba 'ji ba'i bdag nyid ma yin gyi/ 'on kyang 'ji ba'i bdag nyid 'ga' zhig bum pa'i rang bzhin yin no/ /'jig rten gsum na 'ji ba'i bdag nyid gcig ma yin te/ rnam par rig pa so sor snang ba tha dad pa'i phyir dang / gnas skabs tha dad pa dang so so'i don gyi bya ba tha dad pa'i sgo nas rdzas kyi rang bzhin tha dad pa'i phyir ro//de ltar na ni 'di yang bde ba la sogs pa dag dang / sems dang ldan pa dag tha dad par khas blangs par 'grub bar 'gyur te/ ci ste de ltar tha dad pa yin par 'gyur ro/ /gal te bden mod kyang bdag nyid 'ga' zhig rjes su 'gro ba yin pa'i phyir gzhan gcig nyid yin no zhe na/bde ba la sogs pa dag dang / sems dang ldan pa dag la yang 'dir thal bar 'gyur ba ste/ bum pa la sogs pa dag kyang thams cad kyi bdag nyid du gyur pa'i rjes su 'gro ba ma yin te/ rang bzhin sna tshogs pa min pa dang lhan cig skye ba la sogs par thal bar 'gyur ba'i phyir ro//bum pa dang 'ji ba'i bdag nyid tha dad pa 'jig rten pas nye bar mtshon pa med de/ gang gis 'di ltar 'dir 'di rab tu skye bar 'gyur zhes bya bar 'gyur/ rten dang rten pa'i tha dad pa mi dmigs pa ni de ltar mi 'gyur te/nus pa las nus pa'i bdag nyid rab tu skye ba med pa'i phyir de'i rang gi bdag nyid las tha dad pa med par mi 'gyur ro/ /de dag gis ni yongs su 'gyur ba'i lan bstan pa yin no/ /gang yang kun du rtog par 'gyur ba gang gang gi yongs su gyur pa de de las tha dad pa ma yin no zhe na/nus pa'i bdag nyid ni yongs su ma gyur pa ma yin na/ yongs su gyur pa zhes bya ba 'dis ci zhig bstan par 'gyur/ rdzas kyi gnas skabs kyi chos gzhan ldog pa dang / chos gzhan rab tu 'jug pa yongs su gyur pa yin no zhe na/ chos gzhan gang yin pa de ldog pa dang rab tu skye bar 'gyur ba de rdzas de nyid kyi gnas skabs yin nam/de las don gzhan yin/ rnam par brtag pa gzhan med pa'i phyir ro/ /gal te de de nyid yin na de gnas pas ldog pa'am/ rab tu 'byung ba med pa de ni de dag yin pa brjod par bya ste/ gnas skabs can gyi chos gzhan zhes bya ba yang 'grub par mi 'gyur ro//de nyid ltos pa med pa de ni de'i ltos pa tha dad pa'i chos gzhan du mi 'gyur ro/ /yang na rdzas las chos don gzhan yin na chos de'i ldog pa dang rab tu skye ba dag rdzas kyi yongs su 'gyur pa ma yin na/ don gzhan du gyur pa ldog pa dang rab tu skye ba dag ni/don gzhan gyi yongs su gyur pa ma yin te/ sems dang ldan pa la yang thal bar 'gyur ba'i phyir ro/ /rdzas kyi chos zhes bya ba'i 'brel pa'i sgra'i tha snyad mi 'grub ste/ 'brel pa med pa'i phyir ro/ /rgyu dang 'bras bu'i 'brel pa las dngos po'i 'brel pa gzhan yod pa ni ma yin te 'di la yang rgyu dang 'bras bu nyid med pa yin te/rang nyid de'i bdag nyid ma yin pa de'i rgyu nyid ma yin pa de'i phyir dang / rdzas las chos kyang don gzhan nyid ma yin pa'i phyir ro/ /don gzhan nyid yin du zin kyang chos kyi rgyu nyid yin na/ chos gzhan 'bras bu skye bas rdzas yongs su gyur pa zhes bya ba de yang 'dod par 'gyur na/gzhan la yang de 'gal ba med de/ rgyu dang 'bras bu'i rgyun ni/ rgyu 'ji ba'i gong bu'i rdzas snga ma las 'bras bu bum pa'i rdzas phyi ma skye ba na 'ji ba'i rdzas yongs su gyur pa zhes bya ba'i tha snyad khas len pa'i phyir ro/ /chos la rdzas de nyid dang gzhan dag las gzhan rnam par brtag par yod pa ma yin no//'on kyang rdzas kyi bkod pa ni gnas skabs gzhan yin te/ tha dad pa nyid du mi dmigs pa'i phyir ro zhe na/ ma yin te/ khu tshur ni sor mo dag gi khyad par can yin pa'i phyir ro/ /sor mo kho na 'ga' zhig khu tshur yin gyi/ thams cad ni ma yin zhing / khu tshur ni sor mo brkyang pa las khyad par med pa'i rang bzhin ma yin te/khu tshur dang sor mo'i gnas skabs gnyig la yang / gnyi gar gtogs par thal bar 'gyur ba'i phyir ro/ /tha dad pa gang yin pa de nyid kyi rang bzhin du gyur pa de nyid dngos po'i tha dad pa'i mtshan nyid yin te/ bde ba dang sdug bsngal lta bu'o //gzhan du gyur pa'i khyad par skyen yang brkyang pa'i sor mo nyid dmigs par 'gyur te/ rang bzhin 'pho ba med pa'i don gzhan bskyed na ni/ rnam pa gzhan dmigs pa med par thal bar 'gyur ba'i phyir ro/ /rdzas kho na tha dad pa med pa'i gnas skabs ma yin zhing rdzas las don gzhan yang ma yin na zhes smras pa ma yin nam/smras su zin kyang 'di rigs pa ma yin te/ yod pa nyid kyi dngos po de nyid gzhan nyid dang bral pa'i rnam pa gzhan yod pa ni ma yin no/ /de dag ni dngos po phan tshun spangs pas gnas pa'i mtshan nyid can yin pa'i phyir/ gcig spangs pa gzhan med na med pa'i phyir ro//skad cig ma re rer 'jig pa'i sor mo dag gi brkyang pa nyid kyang gzhan yin la/ khu tshur yang gzhan yin no/ /de la khu tshur la sogs pa'i sgra ni khyad par gyi yul can yin la/ sor mo'i sgra ni spyi'i yul can yin zhing / sa bon dang myu gu la sogs pa'i sgra dang /'bru la sogs pa'i sgra lta bu yang ngo / /de'i phyir sor mo brkyang ba nyid ni khu tshur ma yin no/ /de la gal te snga ma med pa nyid rgyu las 'bras bur 'gyur na/ ci'i phyir thams cad las thams cad ma yin / 'ga' zhig tu med pa nyid du bye brag med pa yin no zhe na/ thams cad la thams cad yod pa nyid yin na yang skyon 'di mtshungs pa nyid ma yin nam/ 'ga' zhig yod pa nyid du bye brag med pa yin no/ /bye brag yod na yang khyad par de yon tan gsum las cha tha dad par 'gyur te/ de yod du zin kyang khyad par rjes su 'gro ba med pa'i phyir ro/ /yod pa nyid kyis yin na yang bdag nyid thams cad grub pa'i gnas skabs bzhin du ci zhig skye bar 'gyur ro //sgrub par byed pa 'bras bu med pa yin te/ bsgrub par bya ba 'ga' yang med pa'i phyir ro/ /khyad par 'ga' zhig gi der ci zhig ltar med pa skye ba yin na 'dir med pa'i khyad par de ci ltar skye bar 'gyur/ skye na yang thams cad las thams cad skye bar 'gyur ba'i phyir brgal zhing brtag pa mtshungs pa yin no//gal te khyad par de la rnam pa thams cad du yod pa ma yin pa ma yin te/ rnam pa 'ga' zhig yod pa nyid yin pa'i phyir ro zhe na/ 'di ltar med pa'i rnam pa de de la med pa'i phyir rnam pa ci ltar skyed par 'gyur/ rnam pa thams cad du yod pa nyid yin na ni skye ba don med pa nyid yin no zhes bstan to/ /rgyu las 'bras bu med pa skye ba yang gang yang gang gi skyed par byed pa'i rang bzhin na/ de nyid las de skye ba yin gyi/ gzhan las ma yin no zhes bya ba ni nges pa'o/ /de yang rang bzhin med pa der rang gi rgyu yin no zhes bya ba ni thog ma med pa nas dngos po'i rang bzhin gyis nges pa yin no//gzhan yang ji ltar 'ji ba'i gong bu la bung pa yod pa yin na/ ji ltar de'i gnas skabs na phyis bzhin du dmigs pa'am don byed pa med/ gal te gsal bar rab tu skye ba med pa'i phyir ro zhe na/ de nyid kyi bya ba byed pa'i bum pa yod pa nyid kyi phyir dang /de'i gzugs sngar med pa nyid kyi phyir ji ltar bum pa yod pa yin/ dngos po'i rang bzhin gzhan gzhan la yod pa ma yin te/ rang bzhin gyi snang ba tha dad pa yod na/ dngos po'i tha dad pa med pa rigs pa ma yin no zhes thal bar 'gyur ba'i phyir ro/ /de'i phyir gang gang du dmigs pa'i rig byar gyur pa'i rang bzhin mi dmigs pa de ni/yod pa nyid ma yin la/ de de'i rang bzhin du gnas pa dag la mi dmigs pa med la mi gnas pa de nyid ma yin te/ rang bzhin phan tshun du gnas pa dag ma yin pa ni bde ba dang / sdug bsngal lta bu'o zhes bya ba mi dmigs pa'i khyad par med pa'i tha snyad nges pas khyab pa yin no//de'i phyir mi dmigs pa 'ga' zhig rnam par gcod pa sgrub par byed pas ji skad bshad pa'i dmigs pa'i rig byar gyur pa nye bar bstan par bya ba bstan nas/ rang bzhin mi dmigs pa bstan par bsgrubs pa yin no/ /khyab par byed pa mi dmigs pa yang khyab par bya ba dang /khyab par byed pa nyid du chos dag rab tu bsgrubs nas khyad par byed pa ldog pa sgrub par yin no/ /rgyu mi dmigs pa yang / rgyu dang 'bras bu nyid du rab tu bsgrubs na/ rgyu ldog pa sgrub par bsgrubs pa yin no/ /de dang 'gal ba mi dmigs pa dag kyang /'gal ba gnyis po dag las 'gal ba gcig nye bar bstan pas bsgrubs pa yin no/ /de ltar na mi dmigs pa'i sgrub pa'i yan lag ma bsgrubs pa ni/ sgrub pa'i yan lag mi brjod pa'i rgol ba de dag tshar bcad pa'i gnas yin te/ de ltar ma bsgrubs na/ bsgrub par bya ba mi 'grub pa'i phyir ro//yang na 'dis sgrub par byed pa ste/ rang gis rtogs pa'i don gzhan dag la zhes bya ba tshul gsum pa'i tshig gi tshogs ni sgrub par byed pa'o/ /de'i yan lag phyogs kyi chos la sogs pa'i tshig las de gcig ma brjod na yang sgrub par byed pa'i yan lag ma brjod pa yin la/de yang rgol ba tshar bcad pa'i gnas yin te/ ma brjod pa ni gtan tshigs kyi rang bzhin ma brjod pa yin pas sgrub pa med pa'i phyir ro/ /yang na sgrub par byed pa de nyid kyi yan lag ma yin pa dam bca' ba dang / nye bar sbyar ba dang / mjug bsdu ba la sogs pa sgrub par byed pa'i yan lag ma yin pa ste/sgrub pa'i ngag tu nye bar sbyor ba'i rgol ba dag tshar bcad pa'i gnas yin te/ don med brjod par byed pa'i phyir ro/ /rjes su 'gro ba'am/ ldog pa dag gi chos mthun pa nyid can sgrub par byed pa'i sbyor ba la re re brjod na grub pa nyid kyi phyir/ gnyis pa yang don med pa'i phyir/de yang sgrub par byed pa'i yan lag ma yin pa brjod pa'i rgol ba tshar bcad pa'i gnas yin te/ don med pa nyid rjod par byed pa yin pa'i phyir ro/ /yul bstan pa'i phyir dam bca' ba'i tshig sgrub par byed pa'i yan lag ma zin tu zin kyang blang bar bya ba kho na ma yin na ma zhe na/ ma yin te don med pa'i phyir ro//dam bca' ba'i tshig med du zin kyang ji skad du bshad pa'i sgrub par byed pa'i las 'dod pa'i don nyid 'grub par 'gyur ba'i phyir/ de 'god pa don med do/ /gal te 'di ltar yul nye bar bstan pa med pas rtogs pa mi skye ba yin na/ ci ltar dam bca' ba sgrub par byed pa'i yan lag ma yin/phyogs kyi chos la sogs pa'i tshig la yang rtog pa'i rgyu nyid las yin pa'i phyir sgrub par byed pa'i don gzhan ni ma yin na/ dam bca' ba'i tshig de yang mtshungs pa ci ltar na sgrub par byed pa ma yin/ yan gar ba la nus pa med pa'i phyir/ sgrub par byed ba'i yan lag nyid ni ma yin no zhe na/phyogs kyi chos la sogs pa la yang de mtshungs pa'i phyir de yang sgrub par byed pa'i yan lag tu mi 'gyur te/ phyogs kyi chos brjod pa 'ba' zhig gis rtogs pa mi bskyed de/ de dag gis ni the tshom bskyed pa'i lan yang bstan pa yin te/ 'brel ba ma bstan par phyogs kyi chos 'ba' zhig brjod pas kyang the tshom skye ba'i phyir ro/ /de'i phyir dam bca' ba'i tshig la yang rtogs pa'i rgyu nyid las yin pa'i phyir/ sgrub par byed pa'i don gzhan ni ma yin/ dam bca' ba'i tshig de yang mtshungs pa'i phyir ci ltar na sgrub par byed pa ma yin/yan gar ba la nus pa med pa'i phyir/ sgrub par byed pa'i yan lag nyid ni ma yin no zhe na/ phyogs kyi chos la sogs pa la yang de mtshungs pa'i phyir de yang sgrub par byed pa'i yan lag tu mi 'gyur te/ phyogs kyi chos brjod pa 'ba' zhig gis rtogs pa mi bskyed de/de dag gis ni the tshom bskyed pa'i lan yang bstan pa yin te/ 'brel pa ma bstan par phyogs kyi chos 'ba' zhig brjod pas kyang the tshom skye ba'i phyir ro/ / de'i phyir dam bca' ba'i tshig nye bar 'god bsgrub par byed pa'i ngag la ni don med pa yin te/de nye bar 'god pa'i rgol ba yang tshar bcad pa'i gnas yin no/ /yang na sgrub par byed pa grub pa'i yan lag ma yin pa ni/ ma grub pa'am/ 'gal ba'am/ ma nges pa'i gtan tshigs ltar snang ba'o/ /de brjod pa'i rgol ba yang tshar bcad pa'i gnas yin te/ nus pa med pa nye bar 'god pa'i phyir ro//de bzhin du bsgrub par bya ba la sogs pa med pa/ rjes su 'gro ba med pa/ rjes su 'gro ba ma bstan pa la sogs pa yang dpe ltar snang ba sgrub par byed pa'i yan lag ma yin pa brjod pa'i rgol ba tshar bcad pa'i gnas yin te/ nus pa med pa nye bar 'god pa nyid kyi phyir ro//de dag gis gtan tshigs kyi 'grel pa bstan par mi nus te / nus pa rab tu bstan pa'i phyir yang na sgrub par byed pa'i grub pa de'i yan lag chos don gang gi rtsod pa'i gzhi rtsod pa'i gnas skabs kyi rgyu grub par byed pa yan lag go bar nas gzhan shes par 'dod pa ma yin pa'i khyad par bstan bcos la brten pa'i g.yo la sogs pa dag gis nye bar 'god pa dang /rjod par byed pa yang gzhan rmongs pa dang / rjes su brjod pa'i nus pa rnam par bcom pa la sogs pa'i phyir sgrub par byed pa'i yan lag brjod pa ma yin pa de yang tshar bcad pa'i gnas yin te/skabs su bab pa'i don ma yin brjod par byed pa'i phyir dang / de bzhin du don khyad par can dang bcas pa'i phyir rgol bas shes par 'dod pa nyid ma yin pa'i phyir ro/ /shes par 'dod pa skyon med la/ /shes par 'dod pa'i don bkod nas zhar la byung ba gzhan dang gzhan brjod pa dag ni phyir rgol ba dang /rigs pa smra ba'i dbang po dag gis gzung bar 'os pa ma yin te/ de dag gis smra ba rnam par gcod par byed pa kho na yin no/ /don 'ga' zhig tu byed pa na zhar la 'ongs pa ma yin te/ bdag med par smra ba de sgrub par byed pa na de la glu dang gar la sogs pa dag kyang der zhar la 'ongs pa'i phyir ro//dper na dam bca' ba brjod pa sngon du 'gro ba 'ga' zhig smra ba ni/ kho bo cag sangs rgyas pa bdag yod pa ma yin no zhes smra bar 'gyur ba la/ sangs rgyas pa gang yin/ sangs rgyas bcom ldan 'das kyis bstan pa khas len pa gang yin pa'o/ / sangs rgyas bcom ldan 'das gang yin/ gang gi bstan pa la btsun pa rta dbyangs rab tu byung ba'o/ /btsun pa rta dbyangs gang yin/ gang yul 'khor skyong zhes bya ba'i zlos gar mkhan no zhes bya ba'i zhar la 'ongs pa byas nas/ dga' byed ma'i mthar byas te/ /de nas mdo 'dzin pa zhes bya ba la sogs pa 'don pa dang /gar byed pa dang / glu len pa la rab tu 'jug par 'gyur ro/ /phyir rgol bas kyang zhar la 'ongs pa de thams cad rjes su zlo par nus pa ma yin pa'i phyir pham par 'gyur ram/ e ma 'o mkhas pa dam par 'dod pa dag gi de kho na nyid 'di lta bu brtag pa ni rnam pa 'di 'dra ba de ltar na yang rgol ba'i gnyug ma mthar thug pa nus pa med pa yin no zhes bya ba 'bras bu nges pa med pa'i phyir/rtsod pa brtsam par bya ba ma yin pa de ltar na yang rgol ba rgyal ba dang pham pa dag ma yin te/ phyir rgol ba mi smra ba nyid kyang rgol ba rnam pa 'di lta bu rgyas pa zhar la 'ongs pa thol gyi rjes su smra ba yod pa'i phyir dang /mthar thug pa ma yin pa'i phyir ro/ /de'i phyir dam bca' ba'i tshig nyid de srid du mi rigs pa dang / ci'i rgyus yang 'di shes par 'dod pa'i khyad par ma yin pa zhar la 'ongs pa bkod cing de 'chad pa zhar la 'ongs pa dang / de nyid ma yin pa brjod pa 'di rnam pa thams cad kyang blo gros ngan pa g.yo sgyus/rigs pas grub pa'i don ston pas mi nus pa'i sgo nas 'jug pa yin no/ /dper na skyes bu'i khyad par sngon du 'gro ba can rnams kyi lus dang dbang po dang / gnas zhes bya ba dam bcas nas lus dang dbang po dang /gnas dag /zol gyis bye brag pa'i bstan bcos 'ba' zhig smra ba lta bu'o/ /sgra rtag pa dang / mi rtag pa zhes rnam par rtsod pa la mtshan nyid bcu gnyis rgyas par bstan bcos rtsom pa po rgyal dpog pas dam bcas pa'i de kho na nyid rtag pa nyid kyi rten sgra dang bum pa las gang yang rung ba de bum pa gnyis pa dang bcas pa'o zhes bya ba /dam bca' ba khas blangs nas mtshan nyid bcu gnyis la sogs pa 'chad pa lta bu ste/ 'di thams cad blo gros ngan pa rnams kyi nus pa med pa sgrib pa'i thabs la gzu po btang snyoms su bya ba mi rigs so//de kho na nyid brtag pa la ni dor thabs la sogs pa rjes su 'brang bar bya ba ma yin pa'i phyir dang / g.yo sgyu dang gzhan la brten pa dang dam pa'i sbyor ba la sogs pa dag ni rigs pa ma yin pa nyid kyi phyir ro/ /gal te zlos gar mkhan la sogs pa brjod pa na/ don gzhan khong du chud pa'i phyir pham par 'gyur ro zhe na/gzhan shes par 'dod pa ma yin pa'i khyad par brjod pa las kyang ci'i phyir mi 'gyur/ de yang 'ga' zhig brjod par 'dod pa'i bsgrub par bya ba'i chos grub pa la med na/ med pa nyid ma yin te/ ji ltar rgyu dang rkyen gyis gzhan gyi dbang gi mtshan nyid can gyi 'du byed kyi sdug bsngal nyid du grub pa med par mi rtag pa nyid du grub pa ma yin no//de ltar na yang dngos po'i chos logs shig tu ma smras su zin kyang / bsgrub par bya ba'i chos kyi nang du 'dus pa'i phyir dang / phyogs nyid du byas pa nyid yin pas/logs shig tu 'di nye bar 'god pa'am/ bshad pa ma yin no/ /de'i phyir rnam pa de lta bu yang de'i tshe phyir rgol bas shes par 'dod pa'i don ma yin pa/ dam bcas pa dngos po gzhan nye bar 'god pa dang 'chad pa ni don gzhan go bar byed pa yin pa'i phyir tshar bcad pa'i gnas nyid yin pa de bas na shes par 'dod pa'i chos tsam kho na sgrub par byed pa'i yan lag tu brjod kyi zhar la 'ongs pa khas blang bar mi bya ste/de khas len na ni shin tu thal bar 'gyur ba'i phyir ro/ /de ltar sgrub par byed pa'i yan lag mi brjod pa'i rgol ba ni tshar bcad pa'i gnas yin na //phyir rgol bas de'i dngos po go bar byas na 'gyur gyi/ gzhan du na gnyis po gcig kyang rgyal ba dang pham par mi 'gyur ro/ /phyir rgol bskyon mi brjod pa ni tshar bcad pa'i gnas yin no/ /rgol bas sgrub par byed pa rab tu sbyor ba la/phyogs phyi ma khas blangs pa'i yul gang la gang gi tshe phyir rgol ba skyon mi brjod pa de'i tshe pham par brjod par bya'o/ /sgrub par byed pa'i skyon yang ma tshang ba nyid dang / ma grub pa dang / ma nges pa nyid dang / rgol ba sgrub par byed pa nyid du 'dod pa'i don las bzlog ba'i sgrub par byed pa dang /dpe'i skyon de dag mi brjod pa ste/ mi ston cing gzhan rnams la go bar mi byed pa'i phyir rgol ba ni pham pa'i rten yin no/ /de yang sgrub par byed pa la skyon med pa nyid kyi phyir dang / skyon dang bcas pa nyid yin na yang / phyir rgol bas skyon ma bstan na pham pa'i rnam par gzhag pa rigs pa ma yin te/de dag nyid phan tshun nus pa nye bar 'joms pa la ltos nas rgyal pa dang pham par rnam par 'jog par byed pa'i phyir ro/ /sgrub par byed pa ltar snang ba 'ba' zhig las kyang yod pa rtogs pa med pa'i phyir rab tu ston par byed pa ma yin pa'i rgyal ba yang yod pa nyid ma yin zhing /de kho na nyid dpyod pa la ni tshig gi dor thabs kyi tha snyad cung zad kyang med do/ /gang gi tshe de ltar yin ci'i phyir pham pa ma yin/ de kho na nyid grub pa las nyams pa'i phyir ro zhe na/ ma yin te sun ma phyung ba'i phyir ro / /sun phyung ba na de bzhin gyis pham pa yin zhing ma grub pa tsam nyid ma yin te/phyir rgol ba la ltos pa'i phyir ro/ /sgrub pa nyid med pa ni/ sgrub par byed pa'i dngos po nyid med pa ste/ phyir rgol ba med kyang yod pa'i phyir dang / phyir rgol bas kyang de sun 'byin par nus pa'i phyir dang / pham pa ma byung ba'i phyir pham pa ma yin no//de'i phyir sgrub par byed pa nus pa med par brjod pa yang gzhan gyis de ltar gyur pa ma bstan pa ni pham pa yin par brjod par bya'o/ /gal te g.yo sgyu'i tha snyad yin na yang rgyal bar 'dod pa rnams kyi rtsod pa yin no zhe nam yin te/ skye bo ngan ba'i log par rtogs pa la brten nas dam pa dag gi bstan bcos la mi 'jug pa'i phyir ro//gzhan rjes su 'dzin pa la 'jug pa brdzun smra ba dang / dam pa dang / bdag bstod cing gzhan la smod pa la sogs pa yang dag pa ma yin pa'i tha snyad ston par mi byed do/ /gzhan la smod pa'i sgo nas rnyed pa dang /bkur sti dang / tshigs su bcad pa dang / nye bar mtshon pa'i dam pa dag gi spyod pa ma yin te/ dam pas bsngags pa rnams kyi bstan bcos byed pa'i tshogs kyi nang na 'dug pa dag la ni/ de ltar 'jug pa dag la gnang ba gsol pa'i sgo nas srog chags rnams nye bar gdung bar byed pa/dam pas bsngags pa ma yin pa rigs pa ma yin zhing / dam pa rnams ni rnyed pa la sogs pa nye bar bsags pa'i phyir rigs pa'i bstan bcos byed par mi 'gyur ro/ /de'i phyir rigs pas byed pa ma yin pa 'ba' zhig rgyal bar 'dod pa dag gi rtsod pa yin no zhes bya'o //dam pa gzhan rjes su 'dzin pas 'jug pa dag ni log par rtogs pa dag gis khong du chud par byed pa na/ yang dag pa'i sgrub par byed pa brjod pa'am/ yang dag pa'i skyon brjod pa'i sgo nas/ rigs pa'i rjes su 'jug par 'gyur te/ dbang po'i mngon sum nyid du go la bya ba'i phyir ro//de ltar na dam pa rigs pa'i rjes su 'brang ba'i rtsod pa'o/ /gang gi tshe rigs pas bstan pa na de kho na'i don rtogs par 'dod na/ des rtogs te/ de rtogs pa med pa gzhan gyis kyang mi rtogs pa ma yin no/ /gal te de kho na nyid bsrung ba'i don du dam pa rnams kyang rgyal bar 'dod pa rgyu la sogs pa dag gis tshar gcad par bya ba yin no zhe na/ma yin te khu tshur dang / thal lcag dang / mtshon chas bsnun pa dang / me la sogs pa dag gis kyang zhes brjod par bya na/ 'di de kho na nyid bsrung ba'i thabs dam pa ma yin te/dam pa rnams kyis sgrub par byed pa rab tu ston par byed pa dang sgrub par byed pa ltar snang ba sun 'byin par byed pa ni de kho na nyid bsrung ba'i thabs yin no/ /de med par brdzun pa dang / dam pa dang / gzhan gdung bar byed pa brjod du zin kyang / de kho na nyid rab tu gnas pa med pa'i phyir ro//rnam pa gzhan du mkhas pa dag la rigs pa ston pa dag ni rab tu gnas pa yin pa'i phyir ro/ /de'i phyir rgol bas gzhan rjes su gzung ba'i phyir/ de kho na nyid rab tu ston pa ni rgyal ba yin la/ yang dag pa'i skyon brjod pa'i sgo nas log pa'i 'jug pa ldog pa ni phyir rgol ba rgyal ba yin no//yang na sgrub par byed pa la skyon ma yin pa brjod pa gang yin pa de yang / rgol bas sgrub par byed pa nyid du 'dod pa'i don grub pa la gnod pa med pa'i phyir ro/ /de rjod par byed pa'i phyir rgol ba tshar gcad pa'i rten yin te/ log pa'i lan rjod par byed pa'i phyir ro//dper na rgol ba'i chos bsgrub par bya ba nyid du 'dod pa ma yin pa yang bstan bcos khas blangs pa'i phyir bsgrub par bya ba yin no zhes bya ba de bzlog pa'i sgo nas 'gal ba brjod pa yin no/ /bdag med do zhes bya ba'i dam bca' ba'i tshig 'gal ba yin no zhes bya ba dam bca' ba'i skyon brjod pa'o//brtsal ma thag tu byung ba nyid kyi phyir zhes bya ba'i gtan tshigs chos can gyi bye brag nyid yin pa'i phyir dam bcas pa'i skyon gyi phyogs gcig yin no zhes bya ba ni ma grub pa nyid rjod par byed pa lta bu ste sgrub byed dang chos mthun pa la sogs pa thams cad du lan ltar snang ba yin no//de lta bu la sogs pa skyon ltar snang ba brjod pa ni skyon mi brjod pa'o/ /rgol bas de'i skyon ltar snang ba brjod pa nyid du rab tu ston pa ni/ phyir rgol ba pham par brjod par bya ste/ phyogs snga ma'i sgrub par byed pa skyon med pa nyid la'o/ /skyon dang ldan pa yin na yang sgrub par byed pa la gnyi ga las gcig kyang rgyal ba dang pham pa dag ma yin te/de kho na nyid khong du chud par byed pa med pa nyid kyi phyir dang / skyon brjod pa med pa nyid kyi phyir ro/ /gnyen po'i phyogs med cing rang gi phyogs grub par byas pa dag ni rgyal ba yin par 'gyur ro/ /de'i phyir shes par 'dod pas rang gi phyogs sgrub pa dang /gzhan gyi phyogs sun dbyung bar bya'o/ /rgol bas skyon med pa'i sgrub par byed pa brjod pa la/ phyir rgol bas skyon lta bur snang bar brjod na sun 'byin pa ltar snang ba nyid brjod pa'i phyir rgyal ba dang pham pa dag yin gyi rnam pa gzhan du ni mi 'gyur ro//dngos po'i de kho na nyid brjod du zin kyang gnyen po'i phyogs kyis sun dbyung ba'i sgo nas de kho na bstan par mi nus pa'i phyir/ phyir rgol ba yang 'dir rgyal bar 'gyur ba ma yin te dngos po log par ston par byed pa'i phyir ro/ /gzhan ni mi rigs phyir mi 'dod/ /gang du 'dir ji skad bshad pa'i tshar bcad pa'i gnas kyi mtshan nyid med pa gang yin pa de ni tshar bcad pa'i gnas nyid du rigs pa ma yin pa'i phyir/kho bo cag gis ma bstan to zhes smras pa yin no/ /de la mi mthun pa'i dpe'i chos rang gi dpe la khas len na dam bca' ba la gnod pa yin te/ tshar bcad pa'i gnas yin no zhes bya ba 'di la 'grel pa byed pa'i bsam pa sun phyung nas/ rnam 'grel byed pa la gnas pa'i phyogs la smras pa de nyid bstan par bya'o/ /mi mthun pa'i dpe'i chos gang yin pa de gang gi tshe rang gi dpe la khas len par byed pa de'i tshe/ tshar gcad par bya ba yin par brjod do//de la mthong ba yang de yin la/ /mthar yang rnam par gnas pa yin pa'i phyir mthong ba'i mtha' ste/ mthong ba'i mtha' ni rang gi phyogs so/ /mi mthun pa'i dpe ni mi mthun pa'i phyogs te/ mi mthun pa'i phyogs kyi chos rang gi phyogs la khas len pa pham pa ste/dper na sgra mi rtag ste/ dbang pos gzung bar bya ba nyid yin pa'i phyir ro zhes smras pa la phyir rgol ba spyi'i sgo nas phyir bzlog pa na/ gal te de tshe spyi dbang pos gzung bar bya ba yin pas/ sgra yang rtag par 'gyur ro zhes bya ba smra ba ni/ dam bca' ba la gnod pa ste/ sngar sgra mi rtag pa nyid du dam bca' ba btang ba'i phyir ro/ /'dir dam bcas pa khas blangs pa btang pa'i phyir/ dam bcas pa la gnod pa yin na/ rnam pa 'di lta bu'i sgo nas dam bcas pa btang ba las / dam bca' la gnod pa yin no zhes bya ba'i khyad par nges pa 'di sus byas/rnam pa gzhan gyi sgo nas kyang gtan tshigs kyi skyon brjod pa la stsogs pa dang srid pa nyid de/ gnyen po'i phyogs sgrub par byed pa brjod pas kyang rang gi phyogs btang ba dang / gzhan gyi phyogs khas blangs par 'gyur ro/ /'di nyid kyang dam bcas pa la gnod pa'i gtso bo'i rgyu mtshan nyid yin no//de ltar bstan pas dam bcas pa la gnod par byas pa nyid yin la/ gnod pa yang pham pa'o/ /'di yang spyi rtag ste/ dbang pos gzung bar bya ba yin no zhes bstan pa la/ sgra yang 'gyur ro zhes bya ba 'brel pa nyid de rang bzhin du gnas pa/ rang nyid dbang pos gzung bar bya ba nyid yin pa'i phyir/sgra ni mi rtag ste/ bum pa lta bu zhes smra ba/ gang gis spyi nye bar bstan pa tsam gyis sgo nas sgra rtag pa khong du chud par byed/ spyi rtag pa nyid kyang dbang pos gzung bar bya ba nyid de ni / bum pa mi rtag pa nyid la yang mthong ba'i phyir the tshom bskyed par 'gyur gyi/'di ni mi mthun pa'i phyogs khas blangs pa ma yin no/ /gal te mi shes pa nyid kyi phyir khong du chud pa nyid kyang yin no zhe na/ de ltar yin na yang / spyi bstan pas ci zhig bya/ 'di ltar sgra rtag pa yin par gzung bar bya ste zhes brjod par bya ste/ mi shes pa'i rtogs pa dag la ni/rnam par dpyod pa med pa'i phyir ro/ /rtag par spyi nye bar bstan pa'i sgo nas/ de'i chos sgra la khong du chud par byed pa ste/ gnyen po'i phyogs khas blangs par mi 'gyur ro/ /sgra mi rtag ces bya ba brjod pa la/ sgra rtag go zhes bya ba gnyen po'i phyogs kyi gtso bor 'gyur ba yin gyi/spyi rtag pa yin no zhes bya ba ni ma yin no/ /de'i phyir dbang pos gzung bar bya ba nyid ni/ rtag pa dang mi rtag pa'i phyogs la 'jug pas 'khrul pa'i phyir ro/ /sgrub par byed pa'i yan lag ma yin pa khas len pa tshar bcad pa'i gnas yin gyi/ mi mthun pa'i phyogs khas len pa ni/ ma yin te/rnam pa 'dis ni dam bcas pa la gnod pa yin pa'i phyir ro/ /dam bcas pa'i don bkag pa la/ chos rnam par brtags nas de'i don ston pa ni/ dam bcas pa gzhan no/ /dam bcas pa nyid kyi don ni sgra mi rtag ste/ dbang pos gzung bar bya ba yin pa'i phyir zhes bya ba'i gtan tshigs de nyid 'khrul par bstan nas/dgag pa byas pa la chos kyi bye brag rnam par brtags nas/ spyi dang bum pa dag ni thams cad du 'gro dang thams cad du 'gro ba nyid ma yin pa'i chos rnam par brtags pa'i sgo nas dam bcas pa gzhan byed de/ dper na bum pa thams cad 'gro ba ma yin pa de bzhin du sgra dang thams cad du 'gro ba ma yin pas mi rtag pa zhes pa'o//de ni dam bcas pa gzhan zhes bya ba tshar bcad pa'i gnas yin te/ sgrub par byed pa'i nus pa yongs su mi shes pa'i phyir ro/ /de ni dam bcas pa sgra mi rtag ces bya ba dam bcas pa sgrub pa'i phyir/sgra ni thams cad du 'gro ba ma yin pa zhes bya ba dam bcas pa phyi ma de'i don ston pa zhes bya ba smras pa yin te/ sngar bstan pa'i bsgrub par bya bsgrub pa'i don gyis dam bcas pa ston pa ni/ de'i don ston pa yin te/ dam bcas pa dam bca' gzhan gyi sgrub par byed pa nus pa ma yin pa ni tshar bcad pa'i gnas yin no zhe na/'dir yang de skad du smras pas dam bcas pa gzhan/ sngar dam bcas pa sgrub pa'i phyir ro/ /bstan par 'gyur ba ma yin gyi/ /'on kyang gtan tshigs khyad par du byed pa yin te/ dbang pos gzung bar bya ba'i gtan tshigs spyi la 'jug pas 'khrul par brjod pa la thams cad du 'gro ba ma yin te/dbang pos gzung bar bya ba nyid yin pa'i phyir zhes bya ba ni gtan tshigs khyad par byed pa khas blangs pas 'khrul pa spangs pa yin gyi/ dam bcas pa gzhan yang smras pa ma yin te/thams cad du 'gro ba ma yin pa ni sgra la grub pa'i phyir dang / dam bca' ba yang bsgrub bya bstan pa'i phyir ro/ /gang yang sngar dam bcas pa bsgrub pa'i phyir/ phyis kyi dam bcas pa smras pa yin no zhes dam bcas pa bstan pa de yang rigs pa ma yin te dam bcas pas sgrub par byed pa'i phyir zhes bya ba brjod pa yis/dam bcas pa gzhan du 'gyur ba ma yin gyi/ 'on kyang gtan tshigs la sogs pa gzhan du bsgrub par bya ba pa'i ched du khas blangs pa'i phyir/ sgrub par byed pa bstan par 'gyur gyi/ bsgrub par bya ba bstan pa ni ma yin no//dper brjod pa dang chos mthun pa nyid la sogs pa'i gtan tshigs kyi mtshan nyid thams cad du 'gro ba nyid ma yin pa la yod pa'i phyir dang / thams cad du 'gro ba ma yin pa gtan tshigs nyid du rigs kyi/ dam bca' ba nyid du ma yin no/ /shin du yang dam bcas pa dam bcas pas sgrub pa'i ched du smras pa yin no zhes bya ba 'di 'brel pa med pa nyid do//gang gis sngar dam bcas pa smras nas/ gtan tshigs dang dpe la sogs pa dag brjod ces pa gang yin pa des rnam pa 'ga' zhig gis sgrub par byed pa'i go rims shes pa yin na nang gi dbang po nyams pa med par dam bcas pa kho na/dam bcas pa sgrub par byed pa'i ched du khas blangs pa'i sgo nas 'dir dam bcas pa tsam gyis grub par 'dod pa de'i phyir dang por gtan tshigs smra bar bya ba ma yin te/ de lta bu'i rnam par 'brel pa yongs su bgrang bar mi nus pa nyid kyi phyir/dam bcas pa gzhan rjod par byed pa la dam bcas pa gzhan mtshan nyid nges pa'i 'brel pa med pa nyid de/ tshar bcad pa'i gnas yin no zhes pa yang / rigs pa med par rjod byed pa tshar bcad pa'i gnas yin zhes bya ba rnam pa de lta bu'i mtshan nyid gcig brjod par bya'i/ mkhas pa'i rgol ba dag ni de lta bu'i rnam pa'i tha snyad 'ga' zhig kyang sngar ma mthong ba gang gis de'i don rtsol bas byed/ byis pa'i brjod pa la brten nas kyang bstan bcos la 'jug par mi 'gyur la/ 'jug na yang mthar thug pa med de/ de dag la mthar thug pa med pa nyid kyi phyir ro//mkhas pa dag gis kyang shin tu rnam par dpyad pa ma byas pa'i phyir/ ma grub pa la sogs pa rjod par byed pa zhes bya ba mthong zhing tha snyad du byed de tha snyad kyang mthong ba'i phyir de 'dra ba'i pham pa'i rten du rnam par 'jog par byed do/ /de'i phyir 'dir rgol ba'i 'dod pa ldog pa gang gi tshe gzhan ma nges pa nyid du brjod par 'gyur ba de'i tshe sgrub par byed pa'i yan lag ma yin pa ma nges pa rjod par byed pa'i phyir rgol ba tshar bcad pa'i gnas yin no//gal te phyir rgol bas spyi yod pa dang / dbang pos gzung bar bya ba yin pa dang / rtag par tshad mas sgrub par nus na 'gyur ro//tshad ma ma yin pa'i bstan bcos la brten nas khas len pa'i don de dag tshad mas ma bstan pa/ yang dag pa'i skyon brjod pa med pas 'ga' zhig pham pa ma yin te/ khas blangs pa tsam gyis dngos po grub pa yang med pa'i phyir dang / phyir rgol ba'i skyon ma bstan pa nyid kyi phyir ro//tshad mas ma bsgrubs pa'i sgrub par byed pa rjod pa las rgyal bar yang mi 'gyur ro/ /rgol ba'i 'dod pa'i don ma log na yang skyon 'ga' yang med do / khyad par brjod pa'i sgo nas gtan tshigs nus pa nye bar ma bsgrubs pa'i phyir ro / /dam bca' ba dang gtan tshigs 'gal ba ni/dam bca' ba dang 'gal ba ste/ dper na yon tan las ma rtogs pa'i rdzas zhes bya ba ni dam bca' ba'o/ /gzugs la sogs pa las don mi dmigs pa'i phyir ro zhes bya ba ni gtan tshigs yin te/ de ni 'dir dam bca' ba dang gtan tshigs dag tu 'gal ba'o/ / de nyid kyis ni dam bcas pa dang 'gal ba yang bstan te/ gang la dam bca' ba rang gi tshig dang 'gal bar 'gyur ba ni dper na dge sbyong ma sbrum ma'am/ bdag med do zhes bya ba lta bu'o/ /gtan tshigs la 'gal ba yang / gang la dam bcas pa gtan tshigs la gnod pa ni dper na thams cad tha dad pa yin te/tshogs pa la dngos po'i sgra sbyor ba'i phyir ro zhes bya ba lta bu'o/ /de dag gis ni dam bca' ba dang dpe'i 'gal ba dang / gtan tshigs dang dpe la sogs pa'i 'gal ba dang / tshad ma'i 'gal ba dam bca' ba dang gtan tshigs dag la yang brjod par bya'o//gzhan gyi phyogs la ba lang nyid la stsogs pa rang la grub pa'i sgo nas ma nges par bstan pa'i phyir 'gal ba ste/ gzhan gyi phyogs la rang la grub pa'i ba lang nyid la sogs pas 'khrul par brjod pa gang yin pa de ni 'gal ba yin par rig par bya'o/ /rang gi phyogs la ltos pa med pa yang ste/gang rang gi phyogs la ltos pa med par yang gtan tshigs sbyor ba ste/ sgra mi rtag ste dbang pos gzung bar bya ba nyid yin pa'i phyir ro zhes bya ba la/ de'i rang la grub pa ba lang nyid la sogs pa mi rtag pa dang 'gal ba'i phyir 'gal ba yin zhing gnyi ga'i phyogs kyis khas blangs pa yin na ni ma nges pa yin te/gang gnyi ga'i phyogs kyis khas blangs pa'i dngos po yin pa de'i phyir ma nges par brjod do/ /'dir yang dam bcas pa la sgrub par byed pa'i tshig sbyor ba bkag pa'i phyir ro/ /de rten nam des byas pa'i gtan tshigs dang dpe dag la 'gal ba med pas dam bca' ba dang gtan tshigs dag 'gal ba zhes bya ba'i tshar bcad pa'i gnas cung zad kyang yod pa ma yin no//gal te de ltar ni 'gyur ba sbyor ba med du zin kyang go bar bya ba yin na dam bca' ba dang / gtan tshigs dang 'gal bar 'gyur te/dper na gzugs la sogs pa dag las don gzhan rdzas ma dmigs pa gang yin pa de ni/ yon tan las tha dad pa gzugs la sogs pa dag las don gzhan rdzas ma dmigs so zhes bstan zin kyang bsgrub par bya ba dang sgrub par byed pa dag 'gal ba nyid du khong du chud par 'gyur te/de las don gzhan mi dmigs pa dang / de tha dad pa yin no zhes bya bar ji ltar 'gyur zhe na/ bden mod kyi gal te gtan tshigs kyi bsgrub par bya ba'i chos las bzlog pa sgrub par byed pa na 'gal bar 'gyur te/ 'di ltar dmigs pa'i rigs byar gyur pa nyid kyis/rdzas yod pa nyid khas blangs pa gzugs la sogs pa'i snang ba las tha dad pa rang gi snang ba mi dmigs pa de ni/ de las tha dad pa yod pa ma yin te/ tha dad pa 'dod pa las bzlog pa sgrub par byed pa'i phyir dang / 'gal ba'i gtan tshigs su kho bo cag gis smras pa nyid kyi phyir/'di ltar dam bca' ba dang / gtan tshigs kyi 'gal ba de lta bu 'dod na/ 'di tshar bcad pa'i gnas su 'gyur ro/ /yang na dmigs pa'i rig byar gyur pa mi 'dod pa de'i tshe/ dam bca' dang gtan tshigs 'gal ba cung zad kyang yod pa ma yin te/ tha dad pa dag kyang dngos po 'ga' zhig las bskal ba dag tha dad pas mi dmigs pa yang tha dad pa'i dngos po nyid kyi phyir ro//gang de skad du dam bca' ba rang gi tshig dang 'gal ba yang 'di nyid dam bca' ba dang 'gal ba yin no zhes bstan pa/ de la 'di nyid tshar bcad pa'i rten du gyur pa yin te sgrub pa'i yan lag ma yin pa dam bca' sgrub par byed pa'i tshig gi sbyor ba'o//'gal ba med de de'i rten nyid yin pa'i phyir ro/ /gal te de dam bca' la ma ltos par yang 'gal ba yin na rten du yang 'gyur ro//dam bca' ba'i rten nyid gang yin pa de yang / sbyor ba byas pa de nyid kyis pham pa skyes te/ skabs su bab pa nye bar bsdu ba'i mtha' yin pa'i phyir ro / /'gal ba brjod pa don med pa can nyid yin te/ pham pa la pham pa med pa'i phyir thal bar byas pa rab tu sbyor ba bzhin no//gang du gang zhig rnam par dpyad pa'i zhar la bsgrub par bya ba gcig la gtan tshigs mang po brjod pa dag ni/ rnam par rtog pa'i sgo nas de bsgrub par bya ba sgrub pa'i ched du 'jug pa'i phyir nus pa yin te/ rnam pa gzhan du na gnyis po don med pa'i phyir ro //gal te de la yang sbyor ba gcig med par gzhan du yang mi 'gyur ba de'i tshe/ gnyis pa sgrub par byed pa 'ga' zhig kyang yod pa ma yin te/ khong du ma chud pa bstan pa med pa'i phyir ro/ /de'i phyir dam bca' ba dang rang gi tshig dang 'gal ba zhes bya ba'i tshar bcad pa'i gnas 'ga' yang yod pa ma yin no//bdag med do zhes bya ba de la yang 'gal ba yod pa ma yin te/ med do zhes bya ba'i bdag gi sgra'i don dngos po nye bar len pa nyid bkag pa'i phyir ro/ /sgra'i don 'gegs na ni 'gal bar 'gyur na/ rang gi mtshan nyid sgra'i don yang ma yin no//gang yang dam bcas pas gtan tshigs la gnod pa'i phyir gtan tshigs dang 'gal bar ston te/ dper na thams cad tha dad pa yin te/ tshogs pa la dngos po'i sgra rab tu sbyor ba'i phyir ro zhes bya ba lta bu 'di la dam bca' ba'i sbyor ba yang med cing gtan tshigs ci yang med na ci yis 'gal bar 'gyur/'on kyang bstan pa'i don nye bar bshad pa'i sgo nas nye bar bsdu ba'i tshig ni de yin te/ gtan tshigs gzhan dag nyid kyis sgra ni khyad par can gcig par rjod par byed pa ma yin pa dang / sna tshogs pa'i don gyi spyi brjod par yang bstan pas/ sgra'i don thams cad sna tshogs pa'i ngo bo nyid kyis dngos po gcig gi rang bzhin med par bstan nas 'ga' zhig la brten nas thams cad tha dad pa yin no zhes smras so/ /de dag gis ni 'gal ba bsal ba'o/ /gzhan yang dpe nye bar ston pa yang yin te/dper na sgra ni mi rtag ste/ byas pa dag ni mi rtag pa'i phyir ro zhes bya ba lta bu'o/ /don 'ga' zhig la log par rtogs pa la don sna tshogs pa'i spyi rab tu grags pa'i sgra sbyor ba nye bar bstan nas/ log par rtogs pa'i gnas bstan nas spyir thams cad tha dad pa yin no zhes bya ba mjug sdud par byed do//gal te dpe'i sbyor ba spyi'i phyir drang po kho nar de'i sbyor ba'i go rims bzhin du mi sbyor ba dang / log par rtogs pa'i yul yang mi ston zhes na/ ma yin te bsdus nas bstan pa'i phyir dang / sgrub par byed pa'i tshig nyid ma yin pa'i yang phyir ro//de nyid kyi phyir dam bca' bas gtan tshigs la gnod pa med pa dang / gcig nyid ni cung zad kyang med do zhes 'ga' zhig smra ba na/ de bsdus pa'i rang bzhin gyi tshogs pa gcig mi 'dod na/ gang gis na 'gal bar 'gyur/ gang yang drug gis cig car sbyar ba la stsogs pas rdul phra rab tha dad smra ba yin te/de'i gcig tshogs pa'i rang bzhin du bsgrub par 'dod pa ma yin gyi/ 'on kyang dngos po'i rang bzhin med pa nyid la gcig dang du ma dgag pa'i phyir ro/ /de'i phyir de yang de'i tshogs pa 'dod pa ma yin zhing /de la sgra yang ma yin pa'i phyir 'gal ba med do/ /'di sngar gyi dam bca' dang gtan tshigs 'gal ba las tha dad pa med na gang gis tha dad par brjod/ gal te der ni gtan tshigs dang / dam bca' ba la gnod pa yin no/ /'dir dam bca' ba dang gtan tshigs la yin pas tha dad pa yod do zhe na/don la 'gal ba yod na ni gtan tshigs dang / dam bca' ba dag gnod byed kyi dngos por 'gyur na/ don 'gal ba de yang gnyis la brten pa'i phyir ro/ /gnyi ga la yang phan tshun gnod byed yin te/ don gcig yod na don gzhan med pa'i phyir ro//de la gtan tshigs dang dam bca' ba dag gis 'gal ba'i dpe brjod pa/ lhan cig gam tha dad pa dag la don tha dad pa ni cung zad med do/ /gzhan yang 'di la 'gal ba dang mi 'gal ba sems pa yod pa ma yin te/ gtan tshigs kyi sbyor ba yod na rten tha dad pa nyid kyi phyir/ma grub pa zhes bya ba gtan tshigs ma grub pa nyid ni 'dir tshar bcad pa'i gnas yin no/ /de nges par brjod par 'gyur ba nyid de'i chos gzhan gyis chos de nyid rtogs par bstan pas pham pa 'dren par byed do/ /pham pa de la de'i don dang 'gal ba'i dpyod pa cung zhig kyang yod pa ma yin no//gzhan yang thams cad du dam bca' ba dang / gtan tshigs kyi 'gal ba 'dir 'gyur na/ gtan tshigs kyi skyon gyi rigs rnam pa gnyis po 'gal ba nyid dang ma grub pa de las mi 'da'o/ /chos can la yod pa'i gtan tshigs 'gal ba grub pa des/ bsgrub par bya ba'i chos bzlog pa yin te/dam bca' ba'i don dang 'gal ba'i phyir ro/ /bsgrub pa nyid kyang chos can la dam bca' ba'i don grub na gcig de la 'gal ba'i rang bzhin dag mi srid pa'i phyir ro/ /rnam pa gzhan ltar na ni 'gal ba yod pa ma yin no/ /gal te chos can rang bzhin ma grub pa la gtan tshigs dang dam bcas pa brjod pa dag la 'gal ba yod pa yin no zhe na/chos can la tshad ma dang 'brel ba med na yang / gnyi ga the tshom du gyur pa de ltar na yang / chos can la gtan tshigs yod par the tshom za ba'i ma grub pa nyid kyang gtan tshigs kyi skyon ma yin no//ma grub pa dang 'gal ba dag las gzhan dam bcas pa gtan tshigs 'gal ba zhes bya ba'i pham pa'i rgyu yod pa ma yin no/ /ma grub pa dang 'gal ba ni / gtan tshigs ltar sdang bar brjod pa nyid du bstan pa'i phyir/ dam bcas pa dang gtan tshigs kyi 'gal ba tha dad du brjod par mi bya'o//gal te 'gal ba gnyi ga la brten pa yin pa de'i phyir/ smra bar 'dod pas cig shos ston par 'dod pa yin zhe na/ dam bca' ba dang gtan tshigs 'gal ba zhes bya ba/ dam bca' ba dang gtan tshigs la brten pa gnyi ga la yang brten par 'gyur ba de ni bden te/de la gang gi tshe dam bca' ba dang 'gal bar 'dod pa de'i tshe / gtan tshigs 'gal ba zhes bya'o/ /de bas na dam bca' ba dang 'gal ba dang gtan tshigs 'gal ba yin no zhes bya ba'i skyon med par brjod par bya'o//de la gtan tshigs dpe ni/ sgra rtag ste skye ba'i chos can yin pa'i phyir ro zhes bya ba dang / dam bca' ba dang 'gal ba ni bdag med ces bya ba dang / dam bca' ba dang gtan tshigs phan tshun 'gal ba'i dpe ni/ yon tan las tha dad pa zhes bya ba la sogs pa dang /dam bcas pa gtan tshigs la 'gal ba'i dpe ni dngos po gcig yod pa ma yin no zhes bya ba la sogs pa lta bu'o zhe na/ ma yin te/ ji skad du sngar bshad pa'i gtan tshigs la ltos pa'i 'gal ba ni/ thams cad la gtan tshigs ltar snang ba las ma 'das pa'i phyir ro//ltos pa med pa rang nyid 'ba' zhig dam bca' ba dang 'gal bar 'dod pa la/ dam bca' bas gtan tshigs 'gal ba zhes bya ba gtan tshigs smos pa dang 'brel ba med cing / skye ba'i chos can yin pa'i phyir rtag pa'o zhes bya ba 'di la yang gtan tshigs 'gal bar rigs pa ma yin te/dam bcas pas gtan tshigs la gnod pa ni/ gtan tshigs 'gal ba yin pa yin na/ 'dir ni gtan tshigs kyi dam bca' ba la gnod pa'i phyir/ dam bca' ba dang 'gal bar mi rigs so/ /gnyis ka la brten pa'i 'gal ba yang /gnod par bya ba la ltos nas/ 'gal bar gzhag pa'i phyir ro/ /ji skad du bshad pa de dag gis kyang bzhad ged pa ri mo 'dri ba'i tshul du dam bca' ba dang dpe 'gal ba la sogs pa yang brjod par bya'o/ /de la yang phyogs su byas pa'i chos bzlog pa dang ldan pas dpe la 'gal bar 'gyur na/'gal ba'i dpe la/ phyogs kyi chos yod cing gzhan dang thun mong du ma gyur pa rab tu bsgrubs pa de'i tshe 'gal ba'i gtan tshigs ltar snang ba yin no/ /rab tu ma bsgrubs pa nyid thun mong du 'jug pa'i nges pa'am/ 'jug pa med na thun mong dang thun mong ma yin pa'i ma nges pa'o//gal te 'gal ba'i dpe la mi 'jug cing ldog pa la 'jug pa'i gtan tshigs la/ gtan tshigs kyi skyon cung zad kyang med cing dam bca' ba dang dpe'i 'gal ba cung zad yod pa yin no zhe na/ ma yin te / de yang the tshom za ba'i gtan tshigs nyid ldog pa med pa'i phyir ro/ /dpe dang 'gal ba'i dam bca' ba dang mthun pa'i skyon yin gyi/ chos mi mthun pa'i ni ma yin te/ mngon par 'dod pa nyid yin pa'i phyir ro/ /chos mthun pa nyid can gyi dpe la phyin ci log pa'i chos dang ldan pa ni/ dngos po la bsgrub par bya ba la 'khrul ba ma yin pa dang / gtan tshigs 'khrul ba med pa'i chos nyid ston par mi nus pa'i phyir/ gtan tshigs 'brel pa ma bstan pa las nges pa ma yin te/ de bas na/ dam bca' ba dang dpe'i 'gal ba yang / gtan tshigs ltar snang ba las 'das ba ma yin no//gal te rnam pa gnyi ga ltar na yang skyon yod pa yin no zhe na/ ma yin te/ khyad par du bsgrub pa'i yan lag gi go rims kyi nges pa'i rgol ba ni gtan tshigs kyi skyon sngar chags pa'i sgo nas pham pa ni skyon gzhan la ltos pa med pa'i phyir ro/ /dpe dang chos mthun pa nyid gtan tshigs kyi mtshan nyid yin la/'gal ba dpe la yod pa ma yin pas/ sngar bstan pa'i gtan tshigs kyi skyon gyis pham pa yin pa'i phyir/ phyis dpe la ltos pa'i 'gal ba dpyod pa rigs pa ma yin no/ /gtan tshigs kyang dpe dang 'gal ba/ gal te thun mong ma yin pa ni gnyi ga la mi 'jug pa dang 'gal ba nyid kyang /gal te chos mi mthun pa la 'jug na'o/ /gtan tshigs tshad ma dang 'gal ba ni/ dper na mi sreg par byed pa ma yin te/ grang pa'i phyir ro zhes bya ba ma grub pa'i gtan tshigs ltar snang ba'o/ /dam bca' ba dang tshad ma 'gal ba ni/rang gi tshig gi sgo nas bshad pa yin no/ /sgrub par byed pa de dag thams cad gtan tshigs ltar snang ba dag gi nang du 'dus pa'i phyir ro/ /gtan tshigs ltar snang ba'i tshig nyid kyi sgo nas bstan to/ /gang yang rgol ba'i lan gzhan gyi phyogs la/ ba lang nyid la sogs pa rang la grub pa'i sgo nas ma nges pa de ni/'brel yod pa nyid ma yin te/ gang gi tshe ba lang nyid la sogs pa rang la grub pa'i sgo nas gzhan la 'khrul bar sgrub par 'dod par 'gyur na/ de rang gi phyogs dang 'gal bar mi 'dod pa'i phyir/ 'gal bar rigs pa ma yin no/ / gang gi phyir de rang nyid khas len pa'i ba lang nyid la gtan tshigs 'jug pa'i phyir/ the tshom du gyur pa'i bdag nyid kyis rtogs pa med pa de ltar ston par byed do/ /gtan tshigs de yang / ba lang nyid la sogs pa yod pa'am/ med pa gang yang rung ba sgrub par byed pa'i nus pa rab tu ma bsgrubs pa ni /the tshom gyi rgyu nyid yin pa de'i phyir/ ma nges pa nyid yin la/ nus pa rab tu bsgrubs na ni/ /ba lang nyid la gtan tshigs rab tu mi 'jug pas the tshom med pa nyid yin te/ the tshom rnam pa thams cad du bsal ba'i sgo nas bsgrubs pa'i phyir ro/ /de dag gis rang gi phyogs la mi ltos pa'i gtan tshigs kyi sbyor ba ni ma nges pa nyid du bshad pa yin no//de yang rang mngon par 'dod pa/ rtag pa ba lang nyid la 'jug pa'i gtan tshigs mi rtag pa nyid du brjod pa na/ sgrub par byed pa'i yan lag bsgrubs pa med pas/ gtan tshigs the tshom za ba nyid smras pa yin no//gang yang gnyi ga'i phyogs khas len pa'i sgo nas dngos po la ma nges pa brjod par byed pa yin no zhes bstan pa/ de la yang gdon mi za bar gtan tshigs la the tshom za ba'i sgo nas ma nges pa brjod par bya'o/ /de ma bsgrubs pa yin na gzhan la mtshungs pa'i phyir gnyi ga la grub pa dang gang yang rung ba la/ma nges pa nyid yin par khyad par med de/ gang yang dpe ltar snang ba ni gtan tshigs ltar snang ba sngon du 'gro ba can nyid yin pa'i phyir/ de brjod pa nyid kyis bstan pa'i phyir/ logs shig tu tshar bcad pa'i gnas su ma brjod do zhes bstan pa/de yang yan lag gzhan smra bas rigs pa ma yin la/ gang yang gtan tshigs las dpe yan lag logs shig tu smra ba de ni gtan tshigs ltar snang bar bstan pas/ dpe ltar snang ba bstan par rigs pa ma yin te/ de'i tshig gi sgo nas khong du chud par bya ba de bas sgrub par byed pa gzhan med par thal bar 'gyur ro //dpe ltar snang ba dag /gtan tshigs ltar snang ba dag gi nang du 'dus na/ dpe yang gtan tshigs kyi nang du 'dus par 'gyur ro/ /de ltar na yang dpe logs shig tu sgrub par byed pa'i yan lag tu mi 'gyur te/logs shig tu 'jug pa med pa'i phyir ro/ /dpes bsgrub par bya ba'i don gyi gang yin pa de ni gtan tshigs kyi nang du 'dus pa'i phyir gtan tshigs bsgrubs pas/ dpe logs shig tu bsgrubs pa ni med do/ /gzhan yang rgol ba phyogs snga ma gtan tshigs ltar snang ba 'brel pa med pa tshar bcad pa'i gnas su rigs pa ni cung zad kyang yod pa ma yin pa'i phyir/gtan tshigs ltar snang ba de dang 'brel pa thams cad tshig gi sgo nas bstan pas logs shig tu bshad par bya ba ma yin no/ /don gzhan go bar byed pa la sogs pa gtan tshigs la nus pa med pa nyid yod pa'i phyir ro//'ga' zhig gtan tshigs la nus pa nyid kyang / bsgrub par bya ba la don gzhan khong du chud pa rtsom par mi byed de/ nus pa med pa'i log pa'i 'jug pa yin pa'i phyir ro/ /phyogs dgag pa la dam bca' ba'i don sel ba ni/ dam bca' ba'i don sel ba ste/gang gi dam bca' ba'i don ni sgra mi rtag pa ste/ dbang pos gzung bar bya ba nyid yin pa'i phyir zhes bya ba/ spyi la 'jug pas 'khrul par bstan pas dgag pa bya ba la/ su zhig 'di ltar mi rtag par smra zhes nas/ yongs su dor bar byed pa de'i dam bca' ba bsal ba de ni tshar gcad pa'i gnas ma yin no//'dir yang gang gi tshe gtan tshigs 'khrul pa brjod pas kyang mthun pa'i phyogs yongs su btang ba ma yin nam/ ci'i phyir tshar bcad pa'i gnas ma yin/ gal te gtan tshigs ltar snang ba brjod pas tshar bcad pa'i gnas yin no zhe na/'dir da ni dam bca' ba bsal ba'i lan la ltos pas ci zhig bya/ de'i de nyid thog mar tshar bcad pa'i gnas yin pa'i phyir/ gzhan yongs su bgrang mi nus shing / rmongs pa rab tu smra ba'i byed pa nye bar 'dod pa dag gis ci de lta bu byed pa ni shin tu thal bar 'gyur te/phyogs bkag pa la mi smra bar gyur na/ mi smra ba zhes bya ba tshar bcad pa'i gnas dang / bros par gyur pa la/ rab tu bros pa zhes bya ba'i tshar gcad pa'i gnas su 'gyur ro zhes bya ba de lta bu la sogs pa yang brjod par 'gyur te/ de'i phyir 'di yang 'brel pa med pa'o//gtan tshigs khyad par med pa bkag pa bstan nas/ khyad par 'dod pa nyid ni gtan tshigs gzhan yin te/ dper na gsal ba 'di dag ni rang bzhin gcig pa yin la/ tshad yod pa'i phyir te/ 'di lta bu'i 'khrul ba sun dbyung ba la gnas pas smras pa/rang bzhin gcig dang 'brel ba'i yongs su gyur pa'i tshad mthong ba'i phyir ro/ /'ji ba'i rang bzhin can gyi kham phor la sogs pa dag la tshad mthong ba'i phyir / bde dang sdug bsngal dang / ma rig pa dang 'brel ba'i rang bzhin gcig dang 'brel pa yongs su 'gyur ba'i tshad yod pa'i phyir ro//gsal ba 'di dag thams cad dang ldan pa 'dzin par 'gyur ro/ /de'i rang bzhin sna tshogs pa de rang bzhin gcig dag la tshad mthong ba'i bya bas/ rang bzhin gcig dang 'brel pa yongs su gyur pa'i tshad mthong ba'i phyir ro/ /'khrul pa de lta bu sun phyung nas/de'i rang bzhin gyi ngo bo dang 'brel ba med pa'i rang bzhin gcig yin zhes smras la/ de 'dir khyad par med par bstan nas/ gtan tshigs dgag pa la khyad par smra na ni/ / gtan tshigs gzhan yod na yang gtan tshigs snga ma sgrub par byed pa nyid yin pa'i phyir/tshar bcad pa'i gnas yin no zhe na/ 'di la yang gtan tshigs snga ma nyid ma nges par brjod pa'i phyir/ sun phyung ba'i rgol ba la gtan tshigs gzhan dpyod pa'i nye bar sbyor bas ci zhig bya/ 'di ltar rgol ba sngar sgrub par byed pa gtan tshigs ma nges pa nyid du bstan pa/lan gyi skabs 'byed pa de nyid kyis sun byung bar 'gyur la/ 'on te skabs mi 'byed de gtan tshigs gzhan rjod par byed na yang tshar gcad pa'i 'os yin te/ rdzogs pa med pa'i phyir ro/ / rnal ma'i don las 'brel ba med pa'i don gzhan yin te/ ji skad du bshad pa'i mtshan nyid kyi phyogs dang gnyen po yongs su gzung zhing gtan tshigs kyis bsgrub bya sgrub par byed na yang slar smra ba ni sgra rtag ste reg par bya ba ma yin pa'i phyir ro zhes bya ba ni gtan tshigs so/ /gtan tshigs zhes bya ba yang skad kyi byings la ho no ste tu'o rkyen bya ba'i mtha' can gyi tshig ni ming dang /A khyA ta dang nye bar bsgyur ba dang / ni ba ta zhes bya ba skabs ma yin pa'i ming la stsogs pa 'di/ don gzhan zhes bya ba tshar bcad pa'i gnas yin no zhes bya ba ni khas blangs pa'i don 'brel ba med pa nyid kyi phyir phyogs snga ma dang /phyi ma'i rgol ba tshar gcad pa'i gnas yin no zhes bya ba de rigs pa yin te/ skyon ston par byed pa gnyug ma bor nas sgrub par byed pa'i yan lag brjod pa med pa'i phyir dang / skyon brjod pa med pa'i phyir ro/ /sgrub pa smra bas sgrub pa bkod pa ste/ bsgrub par bya ba yin pa la de ma byas par gzhan zhar la 'ongs pa'am/zhar la 'ongs pa ma yin pas/ de med na med pa ma yin pa can rjod par byed pa ni pham pa'i gnas so/ /rgol ba phyi ma'i skyon brjod pa tsam las gzhan nye bar brjod pa yang ngo / /yi ge'i go rims ston pa dang 'dra bar don med pa yin te/ dper na sgra rtag ste/dza ba ga Da da nyid kyi phyir ro/ /dz+ha b+ha g+haD+ha d+ha/ lta bu'o zhes bya ba sgrub par byed pa ma bstan pa'i phyir/ tshar gcad par bya ba yin no / /'brel ba med pa nyid de 'di yang yi ge'i go rims bstan pa nyid 'dod pa'i don grub pa la don med pa nyid ma yin te/ gang la sgrub par byed pa'i yan lag ma yin pa brjod pa de nyid kyang don med pa yin te/bsgrub bya sgrub pa la nye bar sbyor ba brjod par bya ba don med pa'i phyir dang / dgos pa med pa'i phyir dang / khyad par gyi rnam pa khas len pa ni 'brel pa med pa yin no/ /gal te 'dra ba khas blangs pa'i phyir skyon yod pa ma yin no zhe na/yi ge'i go rims bstan pa dang 'dra ba 'dir khas blangs pas de gzhan las kyang med pa 'dzin pa'i phyir skyon med do zhes bya ba de ltar ni 'gyur te/ do na gzhan la sogs pa tshar gcad par bya ba'i gnas su ma brjod par thal bar 'gyur ba yin pas de ltar ni logs shig tu brjod par bya ba ma yin te/don med pa nyid du brjod pa'i phyir ro/ /gal te bsgrub par bya ba sgrub pa la/ 'di don med pa can ma yin te/ gang la don cung zad med pa de nyid don med par 'dod pa yin no zhe na/ gang rgol ba ma yin pa 'ga' don med par brjod pa ci'i phyir tshar gcad par bya ba ma yin te/tshar gcad pa'i rgyu mtshan du bye brag med pa'i phyir ro/ /gal te de ni ma yin te/ 'dir gnas skabs ma yin pa'i phyir ro zhe na/ 'di don med par smra ba gang yin pa de de nyid kyis tshar gcad par bya ba yin no zhes bya ba thob par 'gyur ro/ /sgrub pa'i yan lag mi brjod pa'i rgol ba thams cad ces bya ba de dang mtshungs pa'i phyir don med par sna ba thams cad tshar bcad pa'i gnas yin no//yi ge'i go rims bstan pa thams cad du don med pa nyid ma yin / rnam pa 'ga' zhig la yang don dang ldan pa nyid kyi phyir ro/ /de'i phyir 'dir 'di nyid kyi don med pa'i ngang tshar gcad pa'i gnas yin no//gzhan yang yi ge'i go rims bstan pa tshar gcad pa'i gnas yin no/ /yi ge zhes bya ba 'di shin tu myur bar rjod par byed de/ mkhur tshos la rdeg pa dang / mchan khung 'tshir ba zhes bya ba de lta bu la sogs pa dag kyang brjod par bya ba yin pa'i phyir ro// tshogs dang phyir rgol ba dag la lan gsum brjod kyang / mi shes pa nyid ni don mi shes pa nyid de/ tshogs dang phyir rgol ba la lan gsum brjod na/ rnam par mi shes te dri ma can gyi shab shib kyi sgra sbyor ba/ rtogs pa ma yin pa/ shin tu myur du brjod pa zhes bya ba de lta bu la sogs pa'i rgyus ngag sbyor ba gang yin pa de'i don mi shes pa'i phyir nus pa med pa sgrub pa'i phyir/rab tu sbyor ba ni tshar gcad pa'i gnas yin no zhes bya ba 'di la/ 'di ni don med pa nyid las tha dad pa med de gang gi tshe de'i rnal ma dang 'brel pa'i go bar byed pa nyid smra bar 'gyur gyi/'di la nus pa med pa ni ma yin no/ /de la tshogs ba la sogs pa blun po dag gis khong du chud pa med pa'i phyir mkhas pa tshar gcad pa'i 'os ma yin no/ /gal te tshogs pa'i shes rab yongs su chod pa med par smra ba'i phyir tshar gcad par bya ba nyid yin no zhe na/rgol bas rigs pa bstan pas blun po mi shes pa la ci'i phyir/ phyir rgol ba tshar gcod par mi byed/ blun pos tshogs la sogs pas mi shes pa'i phyir dang / rgol bas bstan par mi nus pa'i phyir rgyal bar 'gyur ba ma yin gyi/ tshar gcad par 'os pa ni ma yin no//'brel ba med par don brjod pa ni/ don med pa nyid yin pa'i phyir/ don mi shes pa nyid ces bya ba logs shig tu tshar gcad pa'i gnas ma yin no/ /snga phyi 'brel pa med pa'i phyir 'brel pa med pa ni don dang bral ba yin te/ gang la tshig dang ngag du ma snga phyi 'brel ba yod pa ma yin pa'i phyir/'brel pa med pa'i don nyid du gzung bar bya ste/ de ni tshogs pa'i don dang bral ba'i phyir don dang 'brel ba ste/ se'u bcu zhes bya ba la sogs pa'i dag lta bu'o/ /'di ni yi ge ma 'brel pa don med pa dag las logs shig tu bstan te/ tshig dag la 'brel pa med pa'i phyir ro//de ltar na ni 'brel pa med pa'i ngag kyang logs shig tu brjod par 'gyur ba ma yin nam/ gnyi ga bsdus pa'i phyir don dang bral ba nyid ni ma yin te/ don med pa yang bsdus par thal bar 'gyur ba'i phyir ro/ /de lta bu'i rnam pa'i khyad par la brten pa'i phyir/ logs shig tu tshar gcad pa'i gnas kyi mtshan nyid du bstan na/ shin tu thal bar 'gyur ba yang bstan pa yin no/ /gang du bsdus pa bstan pa la skyon nam/ rab tu dbye ba la yon tan gzhan ma mthong ba'i phyir/ gang de ni ci yang ma yin no/ /yan lag go bzlog pas brjod na dus la ma bab pa yin te/dam bca' ba la sogs pa dag gi mtshan nyid ji lta ba bzhin du don gyi dbang gis rim pa yin la/ de la yan lag go bzlog pa'i sgo nas brjod pa tshar gcad pa'i gnas yin no/ /gal te de ni ma yin te/ de lta bus kyang grub pa'i phyir ro zhe na/ ma yin te sgra'i sbyor ba dang bral bar mtshungs pa nyid kyi phyir ro//dper na ba lang zhes bya ba'i tshig 'di'i don la/ go ni zhes bya ba'i tshig rab tu sbyor bar byed pa na/ nog la sogs pa dang ldan pa'i don ston par byed pa'i phyir/ sgra rjes su 'chad pa don med pa ma yin te/ tshig 'dis ba lang gi sgra nyid khong du chud par 'gyur zhing /ba lang gi sgra las nog la sogs pa dang ldan pa'i don yang / de bzhin du dam pa la sogs pa'i yan lag bzlog pas go rims dang / go rims las don khong du chud par 'gyur ro/ /de ltar yang 'jig rten na dang po las dang / de nas dbyug pa la sogs pa'i byed pa nye bar ston pa lta bu'o zhe na/sgra'i sbyor ba dang bral ba mtshungs pa nyid kyi phyir zhes bya ba dang / de ni smyon pas smyon pa la bstod pa'o/ /gal te go ni'i sgra las/ nog la sogs pa dang ldan pa'i don khong du chud na/ sgra rjes su sbyor ba'i rtsol ba las don mthong ba med do//go ni'i sgra don bstan par mi nus pa nyid kyi phyir/ ston par byed pa po bstan par bya ba'i don du bshad pa yin no zhe na/ go ni'i sgra las kyang 'jig rten pa khong du chud pa mthong ba ma yin nam/ mthong ba bden te/ dngos su ni ma yin no/ / de bstan du zin kyang rigs pa ma yin te/bud med dang dmangs rigs dag la gnyi ga rtogs pa med pa'i phyir ro/ /sgra dang zur chag gnyi ga gang yin pa de nyid ni shes par 'gyur na/ na ka'i sgra dang / mu ka'i sgra rig pas ni/ sna'i sgrar shes pa ma yin pa gang yin pa des/ ji ltar na sgra zur chag pa las sgra khong du chud cing de las don khong du chud par 'gyur/gnyi ga rig pa ma yin pas kyang rtogs pa mthong ba'i brgyud pas rtogs pa yang ma yin pa dang / don la nus pa med pa sgra yang rtogs pa bskyed pa nus pa med pa'i phyir ro/ /don yang rjod par byed pa nyid ces bya ba gzhan nyid ma yin te/gzhan de'i yul khong du chud pa skyed par byed pa las so/ /gal te sgra zur chag gis sgra khong du chud pa bskyed par 'gyur na / ci'i phyir don skyed par mi byed/ 'di don las 'jigs pa cung zad ma mthong na gang gis de yongs su 'dor bar byed/ brdar ma byas pa'i sgra yang rtogs pa bskyed pa ma yin pa'i phyir ro//sgra zur chag gis sgra 'di la yang rang bzhin gyis rtogs pa skyed par byed pa yin te/ mthong ba med pa'i phyir ro/ /brdar byas pa nyid yod na yang bskyed par 'gyur ro/ /brda'i dbang gis 'jug pa yin na ci'i phyir don nyid la 'jug par mi 'gyur/de ltar na rtog pa po'i brgyud pas dub pa yongs su spangs pa yin te/ bzlog pa mthong ba'i phyir ro/ /sgra dag gis don bstan pa med pa la/ sgra zur chag nyid kyis 'jig rten mang pos rtogs par gyur pa mthong ba'i phyir sgra rjes su 'chad pa don med pa yin no//gal te don med pa ma yin te/ sgra legs par sbyor ba sgrub pa'i don yin pa'i phyir ro zhe na/ sgra'i legs par sbyar ba 'di gang yin/ de dag la shes rab dang / mang du thos pa la sogs pa legs par sbyar ba ni ma mthong ngo //de dag la yang gcig tu thos pa la sogs pa med cing ston par bya ba khyad par 'ga' zhig med pa dang / chos sgrub par byed pa nyid ni ma yin no/ /log par 'jug pa'i bskul ba rnams/ legs par sbyar ba yin pa dag las chos ma yin pa skye ba'i phyir gzhan las kyang bzlog pa'i chos skye bas/sgra'i sbyor ba kho na mtho ris sgrub par byed pa ma yin te/ de nyid tshig tu brjod pa tsam nyid do/ /rigs pa shes pa ni/ de lta bu'i rnam pa'i lus la gus par mi 'gyur zhing / sbyin pa la sogs pa'i chos sgrub par byed pa bsgral bas stong pa sgra 'ba' zhig rab tu sbyor ba'i phyir/dmyal bar ltung ngo zhes bya ba smra ba 'ga' zhig kha yon por mi 'gyur ba de'i phyir legs par sbyar ba zhes bya ba'i sgra ni cung zad kyang med do/ /gal te khyad par can gyi sbyor ba yin pa'i phyir legs par sbyar ba yin no zhe na/ khyad par can gang yin/ gang rig par bya ba/ rig pa la sogs pa'i yon tan dang ldan pa'o/ /gang yang de dag yon tan rab kyi mthar thug pa la ltos pa med pa brdzun la zhen pa gang yin pa de/ de lta bu nyid kyis sbyor bar byed kyi gzhan ma yin no/ /'dir dad par bya ba 'ga' zhig gi ngag la dbang po med na/ gang las 'di de lta bu'i nges pa bya/khyad par can rab tu sbyor bar byed ces bya ba de lta bu nged cag gis yon tan gyi khyad par mthong bar/ legs par sbyor ba'i sgra zhes bya ba 'ga' zhig la yang gus par mi byed pa de bas na de'i rjes su bshad par rigs pa nyid ma yin te/ yon tan khyad par du byed pa nyid med pa'i phyir ro//rig byed bsrung ba la sogs pa yang dogs pa med pa nyid de/ de'i brdar byas pa gnas pa ma yin pa la'o/ /yon tan gyi khyad par yod du zin kyang de lta bu'i rjes su bshad pa'i rtsol pa mi bya ste/ de'i rang bzhin gzhan las kyang grub pa'i phyir/ tha mal pa dang /zur chag pa dang / 'gro lding ba dang / a 'dra'i skad bzhin no/ /yul so so'i skad dag ni/ mtshan nyid yod pa ma yin te/ 'on kyang brgyud pa'i tshig gi dbang gis de dag 'jig rten pas de bzhin du shes shing de'i sbyor ba dang nyams pa yang shes pa de bzhin du legs par sbyar ba'i sgra yang shes par 'gyur ro//sgra'i mtshan nyid la 'jug pa gang yin pa de nyid ni rmongs pa'i 'jug pa yin no/ /yan lag go bzlog pa la yang gang gi tshe/ tshig dag gi 'brel pa shes na ni bzlog pa ma yin la/ don rtogs pa'i nus pa med pa yang ma yin te/ 'di'i nges pa cung zad kyang med cing /shes par byed pa'i khyad par yang de lta bu nyid kyi yan lag rab tu sbyar bar bya'o/ /de dag gi rim pa nyid ji ltar gnas pa dag las don rtogs par 'gyur ro/ /bzlog pa las ni rtogs pa ma yin te/ de las go rims rtogs pa khong du chud pa yin no zhe na/ 'brel pa shes pa med pa las kyang go rims rtogs par mi 'gyur te/sgra de dag gi 'brel pa yin no zhes bya bar shes pa med na 'brel pa med pa de dag go rims gang gis snga ma dang phyi ma gang dang gang rnam par 'jog par 'gyur/ 'brel pa rtogs na de dag gi 'brel pa nyid ji ltar gnas pa bzhin du 'brel pa rtogs par 'gyur gyi/ngag la ni tshig gi go rims kyi nges pa cung zad kyang yod pa ma yin te/ dper na rgyal po'i skyes bu'i 'am / skyes bu'i rgyal po zhes bya ba lta bu'o/ /ji srid du tshig gi sa bon yongs su rdzogs par gyur pa'i bar der ni ngag gcig yin te/ dper na lha sbyin pa nag mo khyer te shog ces bya ba lta bu'o//'dir tshig dag gi go rims ji lta ba bzhin sbyor ba med na yang / don rtogs pa khyad par med pa'i phyir ro/ /go rims kyi mngon par zhen pa cung zad kyang yod pa ma yin te/ dam bca' ba'i tshig med par yang don ji lta ba bzhin du rtogs par 'gyur ro zhes bstan to/ /rtogs par bya ba'i don gyi sgra yang rab tu sbyor na shin tu thal bar 'gyur zhing /lhag ma dag gi yang 'brel ba nye bar bstan nas/ chos can la yod pa nyid bstan par bya ba zhes bya ba'i nges pa cung zad kyang med de/ gnyi ga ltar yang rtogs pa skye bar 'gyur ro zhes bstan to//tshig gi 'brel pa shes pa med pa la yang / de dag las go rims shes par mi 'gyur bas/ 'di'i don med pa las tha dad pa med pa'i phyir/ dus la ma bab pa logs shig mi brjod do/ /yan lag gang yang rung ba med na ma tshang ba yin te/ ngag gang la dam bca' ba la sogs pa rnams kyi yan lag gcig med na ngag de ni ma tshang ba yin te/sgrub par byed pa med na/ bsgrub par bya ba mi 'grub pa'i phyir ro/ /dam bca' bde na ma tshang ba ma yin te/ de med na yang rtogs pa yod pa'i phyir ro zhes bstan to/ /gzhan na re med pa de nyid mtshan nyid yin na yang tshar gcad par bya ba yin no zhe na/rtogs par bya ba'i don gyi sgrub par byed pa la/ sgra med par sbyor ba gang yin pa de ni tshar bcad par 'os par 'gyur ro/ /don dang ldan par brjod pa dag ni ma yin pa'i phyir ro/ /yang dag par ma dpyad par rjod par byed pa de nyid ni/dam bca' ba sgrub par byed pa'i yan lag ma yin no/ /gtan tshigs dang dpe lhag pa ni lhag pa ste/ byas pa nyid kyi phyir ro zhes bya ba gcig las/ cig shos ni don med pa yin no zhes bya ba la/ nges pa khas blangs pa yod na de dang de yin par rig par bya'o/ /sgrub par byed pa'i ngag gcig sbyor ba sngon du 'gro ba can gyi rnam par dpyod pa gang yin pa la don med pa yin no zhes bya bar tshar gcad pa'i gnas yin gyi/gtam rgyud sna tshogs pa dag la ni skyon cung zad kyang med de/ nges pa med pa'i phyir ro/ /rjes su smra ba las gzhan/ sgra dang don yang yang smra ba ni/yang brjod pa ste/sgra yang brjod pa ni/ sgra mi rtag sgra mi rtag ces bya ba lta bu dang / don yang yang brjod pa ni sgra mi rtag /sgra 'gog pa'i chos can yin no zhes bya ba lta bu'o/ /'dir sgra yang yang brjod pa logs shig mi bya ste/ don yang yang brjod pa'i tshig nyid las rtogs pa'i phyir ro//don tha dad la sgra mtshungs pa la skyon cung zad kyang med de/ dper na/ bdag po rgod par gyur na drag por rgod 'gyur du ni shin tu 'gyur / /chas su zhugs shing rdul gyis skyug ldan rgyug na rab tu rgyug par 'gyur/ /yon tan ldan zhing skyon bral can la gnod na rab tu smod par 'gyur//'khrul 'khor nor nyung ba yis nyos nas gar byed na ni gar byed 'gyur/ /zhes bya ba lta bu'am/ gang gang la yod na yod par 'gyur zhing med na med par 'gyur ba de ni de'i rgyu yin la/ cig shos ni 'bras bu yin no zhes bya ba lta bu'o/ /rtogs pa'i don yang bzlas pa ni yang bzlas pa ste/dper na dam bca' pa'i tshig lta bu'o/ /don yang brjod pa nyid kyis khong du chud pa nyid kyi phyir logs shig brjod pa mi bya'o/ /'dir yang nges pa sgrub par byed pa'i ngag gi skyon du brjod par bya'o/ gtam rgyud rgyas pa ni ma yin te/ 'chad par byed pas ni 'ga' zhig gi tshe thos pa dang rtogs pa yang dag pa ma yin par dogs pa na/dbang po la sogs pa la yang brjod du zin kyang dor thabs ma yin no/ /ma yin te yul ma yin pa nyid kyi phyir zhe na/ 'di ni bla ma yang ma yin/ slob ma yang ma yin pas na/ gang gis yang yang brjod cing / 'bad pas bstan par bya ba ma yin pas yang zlos pa tshar gcad par bya ba yin no zhe na/ ma yin te dbang po rnams la 'bad pas bstan par bya ba nyid kyi phyir dang / de ma bstan na skyon du rjod par byed pa'i phyir dang / bstan par bya ba slob ma nyid yin pa'i phyir dang / rtsod pa rgyal bar 'dod pa dag dgag par bya ba yin pa'i phyir dang /lan gsum gyi bar du brjod pa'i tshig yod pa'i phyir dang yang zlos pa zhar la 'ongs pa la brdar byas pa'i nges pa med pa'i phyir ro/ /'di ni lhag pa las tha dad pa med pa'i phyir/ logs shig tu mi brjod do/ /sgrub par byed pa'i ngag la tshig nges par sbyor ba la ni lhag pa'i skyon yod do//yang zlos pa la yang rtogs pa'i don gyi tshig lhag pa nyid yin no/ /gtam rgyud sna tshogs pa'i don gcig sgrub par byed pa'i rten dpyod pa med pa'am don sna tshogs sgrub par 'dod pa na/ sgrub par byed pa sna tshogs 'dod pa'i nyan pa po la/gtan tshigs la sogs pa yang brjod pa mang po la skyon med pa nyid kyi phyir dang / rtogs pa la rtogs par bya ba med pa'i phyir dang / gtan tshigs la sogs pa mang po dang / tshig mang po sgrub par byed pa'i ngag gi skyon yin pas lhag pa yang zlos pa'i skyon yin pa'i phyir lhag pa dang /yang zlos pa dag ni skyon mtshungs pa'i phyir 'dus pa nyid du rigs pa yin te/ skyon med pa'i phyir dang / tha dad pa la yang yon tan med pa'i phyir ro/ /de ltar na tha dad pa'i rnam pa dag gi tshig ni shin tu thal bar 'gyur ro zhes bstan zin to//rnam grangs kyi sgra bzhin du brjod pa ni gtan tshigs gcig bstan pa'i yul la/ gtan tshigs gzhan 'jug pa bstan pa bye brag med pa'i phyir ro/ /don yang bzlas pa'i phyir ro/ /don yang bzlas pa'i phyir tha dad par 'gyur ba med do/ /gang yang brjod pa'i rjes su smra ba ni yang brjod pa ma yin te/sgra goms pa yod na don la khyad par srid pa'i phyir te/ ji ltar gtan tshigs bstan pa las dam bcas pa yang smra ba ni mjug bsdu ba'o zhe na/ de la dam bca' ba nyid rtogs par bya ba'i phyir don gyi tshig yin na/ ci yang 'di yang gi tshig yin no zhes mjug bsdu ba'i rigs pa ma yin no// tshogs pa lan gsum brjod pa shes shing lan brjod pa de med pa de ni rjes su smra ba med pa yin te/ tshogs pas rgol ba lan gsum brjod pa'i ngag gi don shes bzhin du phyir rgol bas lan brjod pa med pa gang yin pa de ni rjes su smra ba med pa zhes bya ba tshar gcad pa'i gnas yin no//lan brjod pa med par ci la brten nas gzhan gyi phyogs dgag pa smra bar byed/ gal te lan gyi sgo nas nges pa'i phyir 'di ni tshar gcad pa'i gnas ma yin no zhe na/ de ltar ni 'gyur na/ lan gyi sgo nas yon tan dang skyon dang ldan pa rmongs pa ma yin pa nyid du shes pa'i phyir brjod pas ci zhig bya/ma yin te lam gyi yul mi shes pa'i phyir te/ gal te 'di lan rjod par mi byed na lan gyi yul med pa yin la/ 'on te lan brjod na ji ltar lan rjod par mi byed/ brjod pa med pa la yang lan brjod pa de dang / 'di ni 'gal bar smra ba yin no zhe na/ 'ga' zhig la lan gyi nus pa yod na yang lan brjod pa med na/ de de srid du tshar gcad pa'i 'os pa ma yin no zhe na/ dam bcas pa med pa'i phyir/ 'di yang dang por thams cad brjod par bya zhing / phyis lan brjod par bya'o zhes bya ba'i dam bcas pa ni de med do/ /'on kyang ji lta ji ltar yang rung lan brjod par bya'o//lan yang rten med par rigs pa ma yin pa'i phyir/ lan ma brjod pa zhes bya ba tshar gcad pa'i gnas su rigs pa yin no / /gal te rgol ba rang gi sgrub pa don gyi rten bshad pa na zol gyi zhar la 'ongs pa gzhan dang gzhan smra bar 'gyur ba ni/ rtsod pa'i rten shes par 'dod pa'i don tsam brjod nas dam bca' ba la sogs pa don gyi khyad par brgyud cing gzhan don med pa khas blangs nas brjod pa rgyas par byed/gang gi tshe de yang phyir rgol bas thams cad zlos mi nus pa de'i rtsod pa'i rten gyi don tsam la lan gyi tshig gi nus pa la gnod pa ci yod/gang gis na rgol ba'i tshig la rjes su smra ba med pa tshar gcad pa'i gnas yin no zhes brjod/ de'i phyir rgol ba'i tshig thams cad kyi rjes su smra ba med pa lan la nus pa med pa ma yin te/ gang gi tshig med na mi 'gyur bas shes par 'dod pa'i don grub pa ste de nyid dper na phyogs kyi chos nyid dang khyad pa rab tu sgrub pa tsam ste/phyogs kyi chos nyid kyi brjod pa ni gtan tshigs ma grub pa bsrung ba'i phyir dang khyab pa rab tu sgrub par byed pa'i tshig ni rjes su 'gro ba dang ldog pa bstan pa'i phyir ro zhes bya ba la rjes su 'gro ba smra bar bya ba nyid yin no//de la yang zhar las byung ba gzhan bstan par mi bya zhing de gdon mi za bar sgrub par byed pa'i yan lag yul yin pa'i phyir/ sun 'byin pas nye bar bstan par bya ba nyid yin zhing / de la yang thams cad gong du go rims bzhin dang / phyis su na 'byin pa'i tshig brjod par mi bya ste/lan gnyis brjod par thal bar 'gyur ba'i phyir ro/ /sun 'byin pa'i yul nye bar bstan pa'i don du rjes su smra ba la rgol ba'i tshig gis go rims bzhin du brjod pa ni don med pa yin te/ dgos pa med pa nyid yin no/ /sun 'byin par byed pa'i yang 'di skyon yin no zhes bya ba/med na mi 'byung ba nyid yin pa'i phyir ro/ /skyon gyi tshig re re'i yul bstan par bya bar nyid yin gyi/ yul thams cad bstan par byas nas/ cig car skyon brjod par nus pa ma yin te/ don so so'i skye ba tha dad pa'i phyir ro//de'i phyir don sun 'byin par byed pa gang yin pa de nyid sun 'byin par byed pa'i yul yin pas de'i tshe/ bstan par bya ba yin gyi gzhan ma yin te/ de sun 'byin pa na gzhan bstan pa ni 'brel pa med pa'i phyir ro/ /de ltar sun 'byin pa de la yang don gzhan gyi skyon//gzhan gyi yul yin pa'i phyir ro / /rjes su smra ba dang / sun 'byin pa 'di nyid ni rigs pa'o/ /thams cad cig car rjes su smra bar byed pa na yang skyon brjod pa'i dus su yul bstan par bya ba nyid yin te/ yul ma bstan pa'i skyon ni brjod par mi nus pa nyid kyi phyir ro//de ltar na yang rjes su smra ba lan gnyis byas par 'gyur ro/ /de la thog mar thams cad go rims bzhin du smra ba ni dgos pa med pa nyid yin no/ /sun 'byin par byed pa'i rgol bas sun 'byin pa brjod par bya ba gang de la rigs pa ma yin pa de rjod par byed pa yin te skyon brjod pa med par lan gnyis brjod pa'i phyir/cig car thams cad rjes su smra ba ni/ pham pa'i rten can du brjod par bya'o/ /gal te de ltar 'gyur ro / /de ltar ni 'gyur na don gzhan tshar gcad pa'i gnas yin no zhes bya ba de bstan zin to//de la zhar la 'ongs pa 'ga' zhig la rgol bas/ sgrub par byed pa med na mi 'byung ba ma yin pa brjod pa ni/ don gzhan go bar byed pa nyid ma yin pa'i phyir tshar gcad par 'os pa yin gyi/ 'ga' zhig 'ga' zhig tu zhar la 'ongs pa byed pa med pa ni ma yin no/ /des de'i rjes su smra ba ni ma yin te/kho bo cag gis thams cad thog mar brjod par bya zhing phyis sun dbyung bar bya'o zhes bya ba khas blangs pa ni med kyi 'on kyang sun 'byin par byed pa'i tshig gi yul bstan par bya ba yin te/ rnam pa gzhan du na ni sun 'byin pa mi 'jug pa'i phyir ro zhe na/de lta yin na ni rjes su smra ba med pa spobs pa med pa las logs shig tu tshar gcad par bya ba'i gnas su brjod par bya ba ma yin te/ spobs pa med pa nyid kyi nang du 'dus pa'i phyir ro/ /lan rtogs pa med pa ni spobs pa med pa yin te/ lan gyi yul ma bstan pa na yang / lan bstan par nus pa ma yin no//lan rtogs pa med pa/ 'dren pa ma yin pa ma yin te/ de bas na rjes su smra ba med pa'i khyad par byed pa'i spobs pa med par tshar gcad pa'i gnas su brjod pas/ rjes su smra ba med pa nyid yin te/ ba lang la brjed pa bzhin du lkog shal la sogs pa dang ldan pa'i khra bo nyid do//de'i phyir spobs pa med pa nyid tshar gcad pa'i gnas nyid yin par brjod par bya ba'i rjes su smra ba med pa ni ma yin no/ /lan gsum brjod pa la rjes su smra ba med pa yin no zhes bya ba'i brda'i nges pa 'di sus byas/ gal te re zhig gzhan la bstan par bya ba'i don du 'jug pa la lan gsum brjod par bya ba ci yin/ji ltar 'dis rtogs par 'gyur ba de ltar de gzung bar bya ba yin no/ /gal te gzhan nye bar gdung bar byed pa'i don yin na yang ci'i phyir lan gsum rjod par byed/ dbang po dag gi rna ba la gshub pa dang / dka' bas rtogs pa med pa myur ba mdor bsdus pa la sogs phyir rgol ba la nye bar 'tshe bar bya ste/ 'di ltar lan rtogs par byed pa/ rmongs pas mi smra bar 'gyur ba'o/ /gzhan nye ba ra gdung bar byed pa'i rim pa rigs pa ni cung zad kyang yod pa ma yin no/ /gang gis dri ma can rtogs pa med pa'i sbyor ba dang /myur du brjod pa bzlog cing lan gsum rjod par byed pa yin te/ gzhan nye bar gdung bar bya ba'i phyir dam pa 'jug pa'am/ bstan bcos byed par mi 'gyur ro zhes bya ba la sogs pa yang bstan zin to/ /de'i phyir ji srid 'dis ma bzung ba de srid du brjod par bya ba ma yin gyi/lan gsum nyid du ma yin te/ sngar nyid du 'dzin pa'i nus pa yod pa yongs su bcad pas nus pa med pa gzhan la khong du chud par byas nas dor bar bya'o/ /don rnam par mi shes pa yang mi shes pa yin te/ dbang pos rnam par shes na yang phyir rgol bas rnam par shes pa gang yin pa de ni/mi shes pa zhes bya ba tshar gcad pa'i gnas so/ /don rnam par mi shes pa de la/ dgag pa smra bar bya ba ma yin te/ de yang rjes su mi smra ba dang 'dra bar spobs pa med pa'i nang du 'dus pa'i phyir/brjod par mi bya ste/ dper na rjes su smra ba med pa yul ma bstan pa nyid yin pa'i phyir/ de la lan khong du chud par mi nus pa lan rtogs pa med pa nyid tshar gcad pa'i gnas yin te/ lan gyi yul bstan pa'i zhar la 'ongs pa med par rjes su smra ba don med pa'i phyir ro//de bzhin du mi shes pa nyid kyang lan khong du chud pa med pa nyid tshar gcad pa'i gnas nyid do/ /ji ltar na lan dang lan gyi yul mi shes pa la lan smra bar 'gyur/ yul mi shes pa dang lan mi shes pa tshar gcad pa'i gnas nyid yin te/ rnam pa gzhan du na spobs pa med pa can yin pa'i phyir ro/ /don nges par gzung ba med pa ni rjes su smra ba med pa yul ma bstan pas lan khong du chud mi nus pa'i phyir/ lan khong du chud pa med de/ lan dang de'i yul shes pa can la lan khong du chud pa mi srid pa'i phyir ro//gnyi ga la yang de'i lan de mi rtogs pa'i rgyu yin no/ /de med pa la lan rtogs par 'gyur ba'i phyir de dag tha dad pa'i tshig yod na/ spobs pa med pa'i yul gang yin zhes brjod par bya zhing / yul med pa can nyid yin pa'i phyir/ brjod par bya ba ma yin par 'gyur ro//lan mi shes pa ni mi shes pa ma yin gyi/ 'on kyang yul mi shes pa mi shes pa yin te/ yul shes pa la lan shes pa med pa'i phyir ro / /de rtogs pa med pa'i phyir spobs pa med pa yin no zhe na/ de ltar yin na ni rjes su smra ba med pa'i yul med pa yin te/mi shes pa'i nang du 'dus pa'i phyir ro/ /yul yang dag par khong du chud pa su zhig rjes su smra ba med pa des na rjes su smra ba med pa logs shig tu brjod par mi bya ste/ lan mi shes pa'i nang du 'dus pa'i phyir ro/ /yul mi shes pa nyid kyis lan mi shes pa yang nang du 'dus ba yin te/yul shes pa med par lan shes pa med pas spobs pa med pa nyid yod pa ma yin no/ /gal te yul shes pa yod na yang / lan shes pa med na yang spobs pa med pa'i yul yin no zhe na/ de lta na yang yul dang lan mi shes pa dag gi rab tu dbye ba yang tshar gcad pa'i gnas gzhan du brjod na/dper na mi shes pa la yul mi shes pa dang / lan mi shes pa zhes bya ba'i rab tu dbye ba la yon tan gyi khyad par med na tshar gcad pa'i gnas gzhan du bzhag pa yin na/ de ltar mi shes pa dag la yang / thams cad mi shes pa dang /phyed mi shes pa zhes bya ba la sogs pa rab tu dbye ba tshar gcad pa'i gnas gzhan du ci'i phyir mi brjod/ gnyi ga yang mi shes par 'dus par brjod pa la skyon cung zad kyang med la/ yon tan ni yod par gyur pa'i phyir 'dus par brjod par rigs pa yin no/ / de'i phyir rjes su brjod pa med pa mi shes pa dag ni spobs pa med pa'i yul nyid yin pa'i phyir/ logs shig tu ma brjod de/ gzhan yang phyogs snga ma dang phyi ma'i rgol ba dag gtan tshigs ltar snang ba dang / spobs pa med pa dag las gzhan tshar gcad pa'i gnas yin pa la rigs pa ma yin no//de gnyi ga'i tshig nyid kyis thams cad bstan pa'i phyir/ de gnyi gar 'dus pa'i rab tu dbye ba yod na yon tan gyi khyad par med pa'i tshig las shin tu thal bar 'gyur ba'i phyir/ rab tu spros pa don med yin no/ /lan rtogs pa med pa ni spobs pa med pa ste/gzhan gyi phyogs 'gags pa la yang gang gi tshe lan shes par mi 'gyur ba de'i tshe tshar gcad par bya ba yin par rig par bya'o zhe na/ sgrub par byed pa'i tshig gi de ma thag pa yul so so'i lan brjod par bya ba la don med pa dang / de nyid go rims bzhin du smra ba dang /tshigs su bcad pa 'don pa la sogs pas dus 'da' bar byed cing / bya ba khong du chud par byed pa ni tshar gcad pa'i 'os pa yin no zhes bya ba'i rigs pas tshar gcad pa'i gnas so/ /bya ba la chags nas rtsod pa rnam par gcod pa rnam par g.yeng bar byed pa ste/de'i tshe yang gang cung zad bya ba la chags nas/ rtsod pa rnam par gcod par byed pa ni bdag gi bya ba 'di yin na yongs su 'dor zhing / 'dir gnas pas phyis bya'i nad la sogs pa'i zol dang / bdag gi rkan 'di lta bu la sogs pas gtam gcod pas de ni rnam par g.yeng ba zhes bya ba tshar gcad pa'i gnas so//gang yang rung ba cig tshar gcad par bya ba'i mtha'i rtsod pa rang nyid kyis mtha' rtogs par 'gyur ro/ /gal te 'di yang rgol ba phyogs snga ma byed pa na g.yo sgyu byed pa tsam gyi sgo nas yin gyi/ yang dag pa'am ji lta bar rtsod pa'i ngor byas pa'i dgos pa'i dngos po la ma yin la/ rang gis sgrub par byed pa nus pa yongs su gcod par byed pa nyid kyi phyir/ rnam par g.yeng bar 'gyur na/ de ltar na 'di ni gtan tshigs ltar snang ba'am/ don gzhan gyi rjes su 'brang ba'i nang du 'dus par 'gyur te/sgrub par byed pa nus pa med pa rjod par byed pa'i phyir ro/ /sgrub par byed pa'i rang bzhin gyi 'brel pa rtogs pa med pa'i phyir/ don med pa dang don dang bral ba dag las tha dad pa med pa la de lta bu'i 'brel pa rtogs pa med pa'i rnam pa dag logs shig tu tshar gcad par bya ba rnam par gzhag pa ni/shin tu thal bar 'gyur ba rab tu smras pa yin no/ /yang na rgol ba'i phyogs phyi ma rnam par g.yeng bar byed pa des kyang sgrub par byed pa'i de ma thag tu lan bstan par bya ba de rtogs pa med par rnam par g.yeng ba ston par byed pa ni spobs pa med pa'o //don gzhan gyi nang du 'dus par 'gyur ro/ /gal te gdon mi za bar sgrub par byed pa dang sun 'byin pa dag kho na la rtsod pa thams cad 'jug pa ma yin la/ rgol ba dang phyir rgol ba thams cad yang dag par 'jug pa ma yin pa gtan tshigs ltar snang ba'am/spobs pa med pa'i nang du 'dus par mi 'gyur gyi 'brel ba med pa'i rtsod pa sna tshogs pa'i sgo nas kyang rnam par 'gyur ro zhe na/ ma yin te mi srid pa'i phyir ro/ /gcig gi rten la 'gal bar khas len na/ rnam par 'gyur gyi/ 'gal bar khas mi len pa dang /khas blangs pa med pa dag la ni rnam par rtsod pa med pa'i phyir ro/ /de la gdon mi za bar gcig sngar brjod na 'jug par 'gyur gyi/ cig car rtogs pa po phan tshun smras ba nyan pa dang nges par 'dzin pa dang / lan dag ni mi srid pa'i phyir/ 'jug pa 'bras bu med pa nyid do//rang bzhin du gnas pa'i bdag nyid mi 'jug pas na/ de rang gis khas blangs shing bkod pa nges par sgrub par byed par brjod par bya'i/ rnam pa gzhan du na gzhan dag gis khong du chud par mi 'gyur zhing / gzhan gyis kyang de dang 'brel pa sun 'byin pa'o//gnyi ga dag gi yang dag pa ma yin pa gtan tshigs ltar snang ba dang / spobs pa med par thal bar 'gyur ba'i phyir/ rigs pa 'jug pa thams cad phyogs snga ma dang phyi ma bkod pa gnyis po dag ni shin tu rgal ba ma yin no/ /de dag gis ni sgrub pa dman pa rgol ba'i lan bstan pa yin te/khas blangs pa med par rtsod pa mi 'gyur ba'i phyir ro/ /gang gi tshe rtsod pa khas blangs nas zhum pa'i sgo nas cung zhig mi smra ba'am/ gzhan cung zad smra bar byed pa de'i tshe ji ltar gtan tshigs ltar snang ba'i nang du 'dus par 'gyur zhe na/bsgrubs pa med pa'i sgrub byed du brjod pa ni/ de skad du bstan pa brjod pa med pa dang / gzhan brjod pa dag kyang pham pa yin no zhes bstan pa ni rtsod pa khas blangs pa la sgrub par byed pa'i yan lag ma brjod pa'i phyir ro/ /de dag gis ni lhag pa dang / yang yang brjod pa dang / dam bca' ba la sogs pa'i tshig tshar gcad pa'i gnas nyid du bshad pa yin no/ /sgrub par byed pa ni ma rtogs pa rtogs par byed pa'i mtshan nyid kyi yul can yin pa'i phyir/ sgrub par byed pa'i yan lag ma brjod pa zhes bya ba tshar gcad pa'i gnas nyid yin no//rang gi phyogs kyi skyon khas blangs nas/ gzhan gyi phyogs kyi skyon zhar la 'jug par byed pa ni 'dod pa khas len pa ste/ gzhan gyis brjod pa'i skyon sun 'byin pa med par khyod kyi 'di yang skyon yin no zhes smra bar byed de/ dper na khyod kyi rkun ma yin te/ skyes bu nyid yin pa'i phyir ro zhes smras la/ des de la slar khyod kyang ngo zhes smra ba lta bu'o/ /des rang gi phyogs kyi skyon khas blangs nas gzhan gyi phyogs kyi skyon de la rab tu sbyor bar byed pa ni/ gzhan gyi 'dod pa khas len par byed pa yin pa'i phyir ro//'dod pa khas len pa ste/ tshar gcad pa'i gnas yin no/ /'dir yang gang gi tshe skyes bu nyid yin pa'i phyir khyed kyang 'gyur la/ khyed bdag nyid de ltar mi 'dod pa de'i phyir 'di ni rkun ma la gtan tshigs ma yin no zhes bya ba'i bsam pa 'di yin pa de'i tshe skyon cung zad yod pa ma yin te/bdag nyid rkun ma nyid du mngon par 'dod pa med cing gtan tshigs rab tu ston pa'i sgo nas sun 'byin par byed pa'i phyir ro/ /rab tu sbyor ba med par 'gal ba drang po nyid kyis ci'i phyir 'khrul ba ma yin no / /gang de ni cir yang mi rung ste/de lta bu'i rnam pa'i tha snyad ni 'jig rten na yod pa yin no/ /de ltar na de nye bar 'jog pa khas len pa yin na yang de'i tshe lan mi shes pa sgrub par byed pa la de nyid tshar gcad par 'os pa yin te/ gzhan la rang gi skyon ni nye bar 'jog pa'i phyir ni ma yin/ sgrub par byed pa de skyon med pa nyid du de khas len pa nyid lan mi shes pa yin pa'i phyir/de nyid ni sngar tshar gcad par bya ba thob pa yin te/ gzhan gyi skyon nye bar 'jog pa la ltos pa med pa nyid kyi phyir ro/ /tshar bcad par thob pa la tshar mi gcod pa ni brgal zhing brtag pa 'dor bar byed pa ste/ brgal zhing brtag pa zhes bya ba ni tshar gcad pa'i rigs pa bstan pa yin la/ de 'dor bar byed pa ni tshar gcad pa thob par 'gyur ba la rjes su sbyor ba mi byed pa'o/ /de yang 'khor dag la gang pham pa yin zhes 'dri ba brjod par bya ba yin gyi/ rang gi skyon tshar gcad pa thob par 'gyur ba rnam par 'grel par ni mi 'gyur ro//gal te 'dir yang rgol ba'i sgrub par byed pa tshar gcad pa thob pa la phyir rgol ba brgal zhing brtag pa mi sbyor ba ni spobs pa med pa nyid yin te/ 'di'i lan mi shes pa'i phyir brgal zhing brtag pa 'dor ba ni logs shig tu tshar gcad pa'i gnas ma yin te/rigs pas dpyad na yang gnyis las gcig la yang 'dir rgyal ba dang pham pa dag yod pa ma yin no / /sgrub par byed pa ltar snang bas ma bstan pa'i phyir dang / yang dag pa'i skyon brjod pa med pa'i phyir ro/ /skyon cung zad rjod par byed cing / cung zad ma yin pa de'i tshe tshar gcad par 'os pa ma yin te lan rtogs pa'i phyir ro//gal te 'os pa nyid yin te skyon yod pa thams cad ma brjod pa'i phyir ro zhe na/ yod do zhes byas nas gdon mi za bar skyon thams cad brjod par bya ba'am/ ma brjod pas tshar gcad par bya ba ni ma yin te/ gcig kyang sgrub par byed pa de la gnod par byed pa nyid yin pa'i phyir ro/ /sgrub par byed pa gcig lta bu'o/ /dper na don gcig la sgrub par byed pa gcig kho nas de 'grub pa'i phyir / thams cad blang bar mi bya'o/ /skyon brjod pa nyid kyis gzhan gyi mi brjod pa med pa'i phyir tshang gcad par bya ba ma yin no//de bas na phyogs snga ma smra ba dang phyogs phyi ma smra ba tshar bcad pa thob pa tshar gcod par mi byed pa de ltar na yang rigs pas byas na de dag las gcig kyang snga ma bzhin du rgyal ba dang pham pa dag ma yin no/ /lan smra ba skyon ltar snang bar byed la rang gi sgrub par byed pas spangs pa med pa yin te/sgrub par byed pa nyid sgrub par mi nus pa'i phyir/ rgol ba rgyal ba ma yin la/ skyon thams cad med par rab tu bstan pas sgrub par byed pa'i yan lag ma bsgrubs pa yin pa'i phyir ro/ /phyir rgol ba yang yang dag pa'i skyon ston par byed pa med pa'i phyir ma yin no//de'i phyir de lta bu yang brgal zhing brtag pa dor ba zhes bya ba pham pa'i rten ma yin no/ /gnas ma yin pa la tshar gcad pa'i gnas su rjes su sbyor ba ni/ rjes su sbyor ba med pa la rjes su sbyor ba ste/ tshar gcad pa'i gnas kyi mtshan nyid la log par nges pa'i phyir/gzhan tshar gcad pa'i gnas ma yin pa la tshar gcad par bya ba ma yin par khyed smra ba ni rjes su sbyor ba ste/ tshar gcad par bya ba nyid yin par rig par bya'o/ /'dir yang gal te rgol ba las / phyir rgol bas sgrub par byed pa yang dag pa ma yin pa'i skyon mngon par sbyor bar byed cing /des gnas ma yin pa dang skyon ma yin pa la tshar gcod pa'i gnas mngon par sbyor zhing rjod par byed par 'gyur na/ de ltar na yang dag pa'i skyon brjod pa'i mtshan nyid kyi lan rtogs pa med pa'i phyir/cig shos kyi lan ltar snang ba nyid bstan pa na spobs pa med pa nyid tshar gcad par bya ba nyid yin no zhes bya ba/ 'di las 'di tshar gcad pa'i gnas gzhan ma yin no/ /'on kyang phyir rgol ba sgrub par byed pa'i yang dag pa'i skyon brjod pa la gzhan gyis skyon ltar snang ba'i tshig gis mngon par sbyor zhing de yang dag pa'i skyon bstan pa la sgrub par byed pa ltar snang ba'i tshig nyid kyis tshar gcad par bya ba yin pa'i phyir ro//de lta bu 'di yang gtan tshigs ltar snang ba dag las tha dad pa med pa ste nges par yul gzhan khyad par bde ba'i don du gtan tshigs ltar snang ba tshar gcad pa'i gnas nyid du brjod par bya ste/de bstan na gzhan ston par byed pa don med pa can yin no/ /grub pa'i mtha' khas blangs nas nges pa med pa'i phyir/ tshig zhar la 'ongs pa ni grub pa'i mtha' med pa ste/de'i don 'ga' zhig kyang yod par dam bcas nas/ dam bcas pa'i don gyi yul las zlog pa'i tshig zhar la 'ongs pa byed pa grub pa'i mtha' med par byed pa ni/ grub pa'i mtha'i med par shes pa ste/ dper na yod pa ni 'jig par mi 'gyur zhing /med pa'am skye bar mi 'gyur ro/ /grub pa'i mtha' khas blangs nas phyogs rnam par 'jog par byed de/ rang bzhin gcig gis gsal ba 'di 'gyur ba'i rjes su 'gro ba mthong ba'i phyir te/ 'ji ba'i rjes su 'gro ba kham phor la sogs pa mthong ba ni rang bzhin gcig nyid yin te/de ltar na yang bde ba dang sdug bsngal dang ldan pa'i gsal ba 'di'i dbye ba 'dzin pa na/ de bde ba la sogs pa dag gi sgo nas rang bzhin gcig yin no/ /des de skad du brgal zhing brtag pa rjod par byed do//de la gzhan du rang bzhin gyi 'gyur ba zhes ji ltar mtshon par bya/ chos gzhan ldog pa na chos gzhan 'jug par 'gyur ba'i gnas skabs gang yin pa de ni de'i rang bzhin yin no / /chos gzhan gang yin pa de ni de'i 'gyur ba yin no//de'i rang bzhin gyi don ldog pa las nges pa med pa'i tshig la sbyor ba'i phyir ro/ /'dis dam bcas pa med pa skye bar mi 'gyur zhing / yod par 'jig par mi 'gyur ba yin no zhes so/ /yod pa dang med pa dag kyang mi mngon pa dang mngon pa dag med par par 'ga' zhig gis 'jug pa chad pa med pa dang /'jug par 'gyur ba ma yin no zhes bya ba de ltar rnam par gzhag nas/ 'di ltar yod pa'i bdag nyid 'jig pa dang / med pa'i yang bdag nyid thob pa khas blangs pas 'grub pa'i mtha' med par 'gyur ro//'on te khas mi len na ni phyogs 'grub par mi 'gyur ro/ /'di la yang cung zad nges pa med pa'i phyir tshig zhar la 'ongs pa gang des med pa ni skye bar mi 'gyur zhing / yod pa ni 'jig par mi 'gyur zhes smras pa de bsgrub par bya ba'i phyir rang bzhin gcig po gsal ba 'di rjes su 'gro ba mthong ba'i phyir ro zhes bya ba 'di smras pa de la bde ba dang sdug bsngal dang /gti mug ni rang bzhin gcig skye gnas tha dad pa med pa de'i gsal ba 'di'i rjes su 'gro ba mthong ba'i phyir/ gsal ba de'i rang bzhin tha mi dad pa dmigs pa'i phyir ro//bde ba la sogs pa dag la ni skye ba dang 'jig pa med pa'i phyir/ de'i bdag nyid can thams cad la skye 'jig med pa yin no zhes bya ba sgrub par 'gyur ro zhes bya ba 'di la gtan tshigs kyi skyon de mi brjod par bdag nyid 'dir rang bzhin 'gyur ba'i mtshan nyid 'dra zhing /rang bzhin dang 'brel ba med pas nges pa med pa'i phyir/ tshig la 'jug par byed do/ /de la gsal ba zhes bya ba'i 'jug pa dang ldog pa'i chos can 'dir 'gyur bar brjod par bya ba yin na bde ba la sogs pa ni de lta ma yin no//gsal ba dang bde ba la sogs pa'i rjes su 'gro ba bde ba la sogs pa'i rang bzhin yin na/ 'jug pa dang ldog pa'i chos kyi mtshan nyid nyams par 'gyur ro/ /de dang bral ba yin na ni/ bde ba la sogs pa'i rang bzhin ma yin te/ gsal ba'i mtshan nyid 'gal ba'i phyir ro/ /bde ba la sogs pa'i rjes su 'gro ba mthong ba'i phyir zhes bya ba'i gtan tshigs ma grub pa yin na ni des sgrub par byed pa'i skyon brjod pa'i phyogs sun 'byin par 'gyur ro//sgrub par byed pa'i skyon nye bar brjod pa med par brjod pa rgyas par byas nas rang gi skyon gzhan la 'gel bar byed do/ /gal te rnam pa 'di nyid kyis skyon 'di brjod pa yin no zhe na/ de ni sgyu skar mkhan gyi yul yin gyi/ 'jig rten pa sgras ma bstan pa'i don rtogs par mi nus pa'i phyir ro//de nyid ni 'dir glu gar mkhan gyi ri mo 'dri ba'i tshul yin no/ /'di yang 'di skad du bshad pa'i rigs pas/ sngar sgrub par byed pa'i yan lag ma grub pa'i gtan tshigs 'di brjod pa nyid kyi phyir tshar gcad par 'os pa yin gyi nges pa med pa'i phyir tshig zhar la 'ongs pa'i phyir ni ma yin no//'di yang gtan tshigs ltar snang ba dag nyid kyi nang du 'dus pa'i phyir ro / /logs shig tu brjod par bya ba ma yin no/ /ji skad du bshad pa'i gtan tshigs ltar snang ba yang tshar gcad pa'i gnas yin no//mtshan nyid gzhan dang 'brel bas gtan tshigs ltar snang ba tshar gcad pa'i gnas su 'gyur ba'am/ dper na tshad ma dgag ma gzhal bya nyid kyis 'gyur ba lta bu'o/ /de'i phyir ji skad du bstan pa gtan tshigs ltar snang ba'i mtshan nyid kho na tshar gcad pa'i gnas su 'gyur ro zhes smras so//'dir yang ji skad du bshad pa smos pa dpyad par bya ba nyid yin te / ci de dag ji skad du mtshon par byed pa'i rab tu dbye ba de lta bu nyid dam/ 'on te rnam pa gzhan yin zhes te dpyad par bya ba yin na yang /'di shin tu thal bar 'gyur ba'i phyir de ma spros/ ci ltar rigs par gtan tshigs ltar snang ba tshar gcad par bya ba'i gnas yin no zhes bya ba de tsam 'dir 'dod par bya ba yin no/ /de nyid mthong la 'jig rten dag gi ma rig rab rib tshogs dag gcod byed pa'i//rtsod pa'i rigs pa 'di ni dam pa gzhan la phan par dgyes pa dag gis gsungs/ /gang phyir 'gro ba mi shes pa yis de nyid mthong ba dag la sgrib byed pa'i/ /de phyir de la yang dag gsal bar bya phyir bdag gis 'bad pas 'di byas so//slob dpon chen po d+harma kIrti'i zhal snga nas kyis mdzad pa rtsod pa'i rigs pa zhes bya ba'i rab tu byed pa rdzogs so// //dpal lha btsun pa zhib 'od kyi zhal snga nas dang / dpal lha btsan po khri bkra shis mnga' bdag rtse lde btsan gyi zhal snga nas kyi bkas/rgya gar gyi mkhan po chen po dz+nyA na shrI b+ha dra'i zhal snga nas dang / dge slong dge ba'i blo gros kyis bsgyur cing zhus te gtan la phab pa / slad kyis kyang paN+Di ta chen po dI paM ka ra dang / lo tsA ba dge slong dar ma grags kyis zhus shing gtan la phab pa'o/