CLOSE WINDOW

D4216
བོད་ཡིག

#/ /rgya gar skad du/ pra mA NA ba tA ra ti ka br-it+ti / bod skad du/ tshad ma rnam 'grel gyi 'grel pa/ bam po dang po/ thams cad mkhyen pa la phyag 'tshal lo/ /rtog pa'i dra ba rnam bsal zhing / /zab cing rgya che'i sku mnga' ba/ /kun tu bzang po'i 'od zer dag /kun nas 'phro bar phyag 'tshal lo/ /skye bo phal cher phal la chags shing shes rab rtsal med pas na legs bshad rnams/ /don du mi gnyer kho nar ma zad phrag dog dri ma dag gis sdang bar yang / /yongs gyur des na bdag la 'di ni gzhan la phan pa yin zhes bsam pa'ang med//sems ni yun ring legs bshad goms pas lhur len bskyed phyir 'di la dga' ba skyes/ /don dang don ma yin pa rnam par 'byed pa ni rjes su dpag pa la brten pa yin pa'i phyir la/ de la log par rtogs pas de rnam par gzhag pa'i phyir bshad pa/phyogs chos de'i chas khyab pa yi/ /gtan tshigs de ni rnam gsum ste/ /med na mi 'byung nges phyir ro/ /gtan tshigs ltar snang de las gzhan/ /phyogs ni chos can no/ /gal te dgos pa med pa'i phyir nye bar gdags par mi bya'o zhe na/ ma yin te/ chos can gyi chos thams cad yin pa dgag pa'i phyir te/ de'i phyogs gcig yin pa'i phyir/ de nye bar gdags su rung ba'i chos can yin par rtogs par bya ba'i phyir ro/ /de lta yin dang mig gis gzung bar bya ba yin pa'i phyir zhes bya ba la sogs pa spangs pa yin no//gal te chos zhes brjod pas kyang chos can yin par gzhi lta grub ste/ chos can zhes smos pa'i shugs kyis nye ba yin pa'i phyir bsgrub par bya ba'i chos can yin par grub bo zhe na/ ma yin te/ dpe'i chos can yang nye ba yin pa'i phyir ro/ /de'i chas khyab pa zhes bya bas dpe'i chos can la yod pa grub pas chos can gyi chos zhes smos pa'i phyir bsgrub par bya ba'i chos can yin par yongs su gzung ngo zhe na/grub bzhin du bsnan pa'i phyir yang smos pa yin par yang dgos par 'gyur te/ mthun pa kho na la yod pa zhes bya ba mi mthun pa las ldog pa grub mod kyi/bsgrub par bya ba med pa la med pa smos pa bzhin no/ /shugs kyis don go na rtogs par dka' ba yongs su spang ba'i phyir yang phyogs zhes smos pa yin no/ /gal te phyogs kyi chos nyid yin na de'i khyad par la ltos pa gzhan la mi 'jug pa'i phyir thun mong ma yin pa nyid yin no zhe na/ma yin te/ dper na nag pa 'phong skyen no zhes bya ba lta bur mi ldan pa rnam par bcad pas khyad par du byas pa'i phyir yin gyi/ dper na srid sgrub 'phong skyen no/ /zhes bya ba lta bur gzhan dang ldan pa rnam par bcad pas ni ma yin no //bshad par bya'o/ /de'i cha ni smra ba po'i bsam pa'i dbang gis de'i chos yin gyi/ de'i phyogs gcig ni ma yin te/ phyogs zhes bya ba'i sgra spyi la mi bya ba'i phyir ro/ /khyab pa ni de la khyab par byed pa yod pa kho na'am/ yang de kho na la khyab par bya ba yod pa yin no//'dis ni rjes su 'gro ba dang ldog pa nges pa dag kyang bdag nyid ji lta ba'i tshad mas bshad la/ phyogs kyi chos kyang bshad pa yin no/ /de dag ni 'bras bu dang / rang bzhin dang / mi dmigs pa'i mtshan nyid can gyi gtan tshigs gsum yin te/dper na du ba las ni 'di na me yod do/ /shing sha pa yin pa'i phyir 'di ni shing yin no/ /phyogs kyi khyad par 'ga' zhig na bum pa med de / dmigs pa'i mtshan nyid kyir gyur pa mi dmigs pa'i phyir ro zhes bya ba lta bu yin no/ /gal te yod na dmigs par rung ba'i yod pa can kho nar 'gyur gyi/gzhan du ni ma yin no/ /des na dmigs pa'i mtshan nyid kyir 'gyur ba'i yod pa can zhes bshad pa yin no/ /de las gnyis ni dngos po sgrub pa yin la/ gcig ni dgag pa'i gtan tshigs yin te/ rang bzhin dang 'brel pa yod pa don gyis don 'khrul pa med de/de ni de'i bdag nyid yin pa'i phyir ro/ /gal te de'i bdag nyid yin na bsgrub par bya ba dang / sgrub pa'i bye brag med do zhe na/ ma yin te/ chos kyi bye brag kun brtags pa'i phyir ro/ /zhes bshad par bya'o/ /de skad du rjes su dpag pa dang / rjes su dpag par bya ba'i tha snyad 'di thams cad ni blo la yod pa'i chos dang chos can gyi bye brag kho nas yin no zhes bshad do/ /chos dang chos can nyid du tha dad pa blo'i rnam pas byas kyi don kyang ni ma yin te/ blo'i bye brag rang dga' ba rnams ni don gyi rten ma yin pa'i phyir ro/ / de dag gis brtags pa'i yul gyis don go na ni don mi 'thob pa kho nar 'gyur ro/ /'bras bu yang rang bzhin dang 'brel pa yin te/ de'i rang bzhin de las byung ba'i phyir ro/ /rjes su dpag par bya ba shes pa 'di gnyis ni dngos las ma skyes pa'i phyir der snang ba nyid ma yin yang /de las skyes pa'i phyir der 'khrul pa med pa dag yin te/ des na mtshan ma yin te mngon sum bzhin no/ /mngon sum gyi tshad ma nyid kyang don 'khrul pa med pa kho na yin te/ de med par 'byung ba ni der 'khrul pa'i phyir ro/ /gzhan gyi mi 'khrul pa yang de las skyes pa las gzhan ci zhig yod de/rag ma las pa'i ngo bo rnams ni lhan cig 'byung bar nges pa med pa'i phyir ro/ /gal te de las skye ba'i phyir/ 'bras bu go bar byed pa yin na rnam pa thams cad du go bar bya ba dang go bar byed pa'i ngo bo yin te/ rnam pa thams cad du bskyed par bya ba dang skyed par byed pa yod pa'i phyir ro zhe na/ma yin te/ de med par 'byung ba ni de las skye ba nges pa med pa'i phyir ro/ /de lta bas na/ rgyu la rang bzhin ji snyed cig /med na mi 'byung 'bras bu ni/ /de dag gi gtan tshigs yin te/ de dag gi 'bras bu nyid du nges pa'i phyir ro//gang dag de dag med na mi 'byung ba de dag kho nas yin no/ /gal te cha shas kyis bskyed par bya ba dang / skyed pa yin par thal bar 'gyur ro zhe na/ ma yin te/ des bskyed par bya ba'i khyad par dang / rtags kyi bye brag gi khyad par can gyi spyi rnams gzung na yin par 'dod pa'i phyir ro//spyi khyad par du ma byas pa brjod par 'dod na ni 'khrul pa'i phyir mi 'dod do/ /rang bzhin yod tsam dang / 'brel pa can gyi ngo bo yang gtan tshigs yin zhes bya bar sbyar te/ gtan tshigs kyi de'i bdag nyid ni de tsam dang 'brel pa can kho na'i phyir ro//gzhan la rag las pa'i ni ma yin te/ de yod na yod par ma gyur pa'i phyis 'byung ba ni nges pa med pa'i phyir ro/ /rgyu rnams ni 'bras bu la 'khrul pa yod pa'i phyir ro/ /tshad ma rnams ni mi 'jug pa mi dmigs pa yin te/ med la mi 'jug 'bras bu can/ yod pa'i shes pa dang / sgra dang tha snyad dgag pa'i 'bras bu can yin te/ de dag ni dmigs pa sngon du 'gro ba can yin pa'i phyir ro/ /'di ni yod pa dang med pa dgag pa dang sgrub pa'i gtan tshigs dag gi 'dra ba'i ngo bo yin te/ 'di ltar dmigs pa nyid yod pa ma yin te/ dngos po rung ba'i mtshan nyid yin pa'am/ yang na de'i rten can gyi shes pa 'jug pa yin te/ de las yod pa'i shes pa dang sgra dang tha snyad 'jug pa'i phyir ro/ /mi dmigs pa ni med pa rnams kyi med pa yin no/ /gtan tshigs bye brag la ltos nas//la la med shes 'bras bu can/ /gtan tshigs ni mi dmigs pa'o/ /de'i bye brag ni khyad par te/ dmigs pa'i mtshan nyid kyir 'gyur ba'i yod pa can yin no/ /'dir mi dmigs pa'i rtags kyis med pa bsgrub par bya ba yin na/ dmigs pa med pa yang mi dmigs pa gzhan gyis bsgrub par bya dgos pas thug pa med par thal bar 'gyur ba'i phyir rtogs par byed pa ma yin par 'gyur ro//'on te dmigs pa med par yang mi dmigs par 'gyur na ni/ de bzhin du yod pa med par yang 'gyur te/ mi dmigs pa don med pa yin no//ci ste gzhan dmigs pas mi dmigs pa 'grub pas mi dmigs pa mngon sum gyis grub bo zhe na/ de bzhin du gzhan yod pas kyang med pa ci ste mi 'grub/ gang gi tshe med pa dag gi med pa de lta bu'i mi dmigs pa kho na yin pa de'i tshe ni yul grub tu zin kyang rmongs pas yul can shes pa dang /sgra dang tha snyad dag khong du mi chud pa yul rab tu bstan pas brda la 'jug par byed de/ dper na 'di ni ba lang yin te lkog shal la sogs pa 'dus pa'i bdag nyid yin pa'i phyir ro zhes bya ba lta bu'o/ /de lta yin dang dpe ma grub par rgol ba yang bsal ba yin no//yul rtogs su zin kyang yul can ma rtogs pa dag snang ba'i phyir ro/ /de ltar mi dmigs pa 'di gnyis ni rang dang bzlog pa'i rgyu med pa dang / yod pa dag gi phyir yod pa'i tha snyad dgag pa'i 'bras bu can nyid du 'dra ste/ gcig la ni the tshom yod pa'i phyir la/gzhan la ni bzlog pa'i phyir ro/ /de la dang po ni yod pa'i tha snyad dgag par dgongs pa'i phyir tshad mar bshad kyi/ ldog pa mthong ba la sogs pa la nye bar sbyor ba ni ma yin te/ the tshom yod pa'i phyir ro/ /gnyis pa ni de la tshad ma yin te/ nges pa'i 'bras bu can yin pa'i phyir ro/ /de yang sbyor ba'i bye brag gis/ /'gal dang 'bras bu dag grub dang / /rgyu dang ngo bor bltar rung ba'i/ /bdag nyid dag ni ma grub pa'i/ /med don can mi dmigs rnam bzhi/ /dgag pa gang ji snyed pa thams cad ni mi dmigs pas yin no//'di ltar de ni rnam pa gnyis kyis byed de/ 'ga' zhig sgrub pas sam/ dgag pas so/ /bsgrubs na ni 'gal ba'am/ mi 'gal ba bsgrub par 'gyur te/ mi 'gal ba bsgrubs na ni lhan cig yod par 'gal ba med pa'i phyir bkag pa ma yin no//'gal ba yang mi dmigs pa med par 'gal ba mi rtogs te/ 'di ltar rgyu ma gtugs pa can 'byung ba gzhan yod na med pa'i 'gal bar rtogs la/ de yang mi dmigs pa las yin no/ /phan tshun dmigs pa spangs te/ dmigs pa'i mtshan nyid kyang 'gal ba yin te/ rtag pa dang mi rtag pa bzhin no/ /de la yang gcig dmigs pas gzhan mi dmigs pa kho nar brjod do/ /de lta ma yin na dmigs pa ma bkag pa can med pa mi 'grub pa'i phyir ro/ /gcig bkag pas gzhan med par grub pa la ni mi dmigs pa grub pa kho na yin te/ dgag pa ni mi dmigs pa'i ngo bo yin pa'i phyir ro//don gzhan dgag pa de la yang rgyu dang 'bras bu dag gam/ gnyi ga ma yin pa zhig yin te/ de la gnyis ka ma yin pa ni 'brel pa med pa'i phyir te / de med na gzhan med par 'gyur ro/ /zhes bya ba der lta ga la 'gyur/ 'bras bu mi dmigs kyang /rgyu ni gdon mi za bar de dang ldan pa ma yin pas de med par lta ga la 'gyur/ de'i phyir rgyu mi dmigs pa kho na med pa go bar byed pa yin no/ /rang bzhin mi dmigs pa ni rang med pa kho na yin te/ de la ni yul can sgrub par byed pa 'ba' zhig tu zad de /'di la yang gang gi tshe khyab par byed pa'i chos mi dmigs pas khyab par bya ba med par ston pa de'i tshe ni med pa yang yin no/ /dgag pa'i yul can gyi mi dmigs pa 'di ni sbyor ba'i bye brag gis rnam pa bzhi yin te/ 'gal ba grub pas ni dper na 'di ni grang ba'i reg pa med de/me yod pa'i phyir ro zhes bya ba lta bu'o/ /'dis ni khyab par byed pa 'gal ba grub pa yang bshad par rig par bya ste/ dper na 'di na ba mo'i reg pa med de/ me yod pa'i phyir ro zhes bya ba lta bu'o/ /'gal ba'i 'bras bu grub pas ni/dper na 'di na grang ba'i rig pa med de du ba yod pa'i phyir ro zhes bya ba lta bu'o/ /rgyu ma grub pas ni dper na 'di na du ba med de med pa'i phyir zhes bya ba lta bu'o/ /rang bzhin ma grub pas ni dper na/ 'di na du ba med de mi dmigs pa'i phyir ro zhes bya ba lta bu'o//'dis ni khyab par byed pa'i rang bzhin ma grub pa yang bshad de/ dper na 'di na shing sha pa med de shing med pa'i phyir ro zhes bya ba lta bu'o/ /med pa sgrub pa'i mi dmigs pa 'di thams cad la yang bltar rung ba'i bdag nyid dag kho na de dag dang / 'gal ba grub pa dang ma grub par rig par bya ste/gzhan dag la ni med pa dang 'gal ba mi 'grub pa'i phyir ro/ /gal te 'gal ba'i 'bras bu dmigs pas kyang med pa 'grub na/ de'i rgyu dmigs pas ci ste 'grub par mi 'gyur zhe na/ de dang 'gal ba'i rgyu mtshan ni/ /dmigs pa sbyor ba gang yin te//rgyu mtshan dag ni 'gal ba nyid/ /med na 'khrul pa can yin te/ /dper na 'di na grang ba'i reg pa med de shing yod pa'i phyir ro zhes bya ba lta bu'o/ /rgyu mtshan dag 'gal ba na ni go bar byed pa kho na yin te/ dper na 'di na ba spu langs pa la sogs pa'i khyad par med de/me'i khyad par nye ba can nyid yin pa'i phyir ro zhes bya ba lta bu'o/ /'dis ni de'i 'bras bu las kyang de dang 'gal ba'i 'bras bu med par rtogs par bshad pa yin te/ dper na phyogs 'di na ba spu langs pa la sogs pa dang ldan pa'i skyes bu can yin te/ du ba yod pa'i phyir ro zhes bya ba lta bu'o/ /de dang 'gal ba grub pa de yang gong du rgyu ma grub pa kho nas bstan pa yin no/ /de ltar na mi dmigs pa 'di ni sbyor ba'i bye brag gis rnam pa brgyad do/ /de la 'gal ba'i 'bras bu dmigs pa bshad pa gang yin pa de la/ 'gal 'bras la yang yul dang ni//dus la sogs la ltos par 'dod/ /gzhan du 'khrul 'gyur mi grang ba/ /sgrub pa la ni thal ba bzhin/ /'o na rgyu tshogs pas 'bras bu skye bar rjes su dpog par byed pa gang yin pa de ji ltar gtan tshigs rnam pa gsum gyi nang du 'du zhe na/ rgyu tshogs pa yis 'bras skye bar//rjes su dpog pa gang yin pa/ /don gzhan la ni mi ltos phyir/ /de ni rang bzhin yin par brjod/ /'di yang ji ltar nye ba ra las gzhan la mi ltos te/ des na ngo bo'i de tsam dang 'brel pa'i rang bzhin yin no / /de la ni rgyu tshogs pa las 'bras bu skye bar srid pa rjes su dpog pa 'ba' zhig tu zad de/tshogs pa rnams kyi 'bras bu bskyed par rung ba nyid rjes su dpog pa'i phyir ro/ /rung ba nyid kyang tshogs pa tsam dang 'brel pas rang bzhin du 'gyur ba kho na rjes su dpog pa yin no/ /yang ci'i phyir tshogs pa las 'bras bu kho na rjes su dpog par mi byed ce na/tshogs pa'i 'bras bu nus pa na / /'gyur ba dang 'brel 'bras bu la/ /ma nges pa ni nyid yin te/ /gags byed pa dag srid phyir ro/ /rgyu'i rjes tshogs pa dag kho nas rang gi 'bras bu skyed par byed pa ni ma yin te/ 'bras bu skye ba ni tshogs pa las skye ba can gyi nus pa rnams kyi 'gyur ba la ltos pa'i phyir ro//bar 'dir gags byed pa srid pa'i phyir 'bras bu rjes su dpag pa ma yin no/ /rung ba nyid ni rdzas gzhan la mi ltos pa'i phyir/ rjes su dpag pa la 'gal ba med do/ /nus pa phyi ma phyi ma 'gyur bas rgyu tshogs pa 'di 'bras bu bskyed par nus pa yin te/nus pa 'gyur ba'i rkyen gzhan la ltos par bya ba med pa'i phyir ro/ /nus pa skye ba ni rang gi rigs snga ma tsam gyi rgyu can nyid yin pa'i phyir/ tshogs pa'i rung ba nyid ni gzhan la mi ltos pa zhes bya'o//'o na rgyu dang 'bras bur ma gyur pa gzhan ro la sogs pas gzugs la sogs pa rtogs pa gang yin pa de ji ltar zhe na/ de yang / tshogs pa gcig la rag lus pa'i/ /gzugs la sogs pa ros rtogs pa/ /rgyu'i chos rjes su dpag pas te/ /du bas bud shing 'gyur ba bzhin//de la ni rgyu de lta bu kho na rjes su dpog par byed do/ /ro'i rgyu de lta bu ni gzugs kyi nye bar len pa'i rgyu nus la zhugs pa can gyi lhan cig byed pa'i rkyen yin zhing ro skyed par byed de/ me bud shing 'gyur ba'i khyad par gyi nye bar len pa'i rgyu'i lhan cig byed pa'i rkyen yin zhing du ba bskyed pa dang 'dra'o//'di ltar nus pa 'jug pa ste/ rang gi rgyu'i 'bras bu bskyed par bya ba la mngon du phyogs pa med par ni/ ro med de nyid gzhan gyi rgyu/ /gzugs kyi nye bar len pa'i rgyu rnams kyi 'jug pa'i rgyu yin no/ /ro'i nye bar len pa'i rgyu 'jug pa de yang gzugs kyi nye bar len pa'i rgyu 'jug pa'i lhan cig byed pa can yin te/de'i phyir rgyu ji lta bu las byung ba'i ros de lta bu rjes su dpog par byed pa na gzugs rjes su dpog par byed pa yin no/ /de la yang / de ltar 'das dus gcig rnams rtogs kyi ma 'ongs pa rnams ni ma yin te/'khrul pa'i phyir ro/ /de lta bas na/ de ni 'bras bu'i rtags las skyes/ /de'i phyir go bar byed pa'i gtan tshigs gzhan ni med de rang bzhin ma 'brel pa ni med na mi 'byung bar nges pa med pa'i phyir ro/ /'dis ni grog ma 'pho ba dang / nya 'phar ba la sogs pa las char pa la sogs pa rjes su dpog pa yang bshad pa yin te/de la yang char pa'i rgyu 'byung bar 'gyur ba kho na grog ma la sogs pa 'khrug pa la sogs pa'i rgyu yin no/ /rgyu ma tshogs pas 'bras bu ni/ /rjes su dpog pa gang yin de / /lhag ma dang ldan nus med phyir//lus las 'dod chags rjes dpog bzhin/ /rung ba nyid kyang rgyu tshogs pa dag kho nas rjes su dpog par byed de/ ma tshogs pa la shin tu nus pa med pa'i phyir/ dper na lus dbang po dang blo dag las 'dod chags la sogs pa rjes su dpog pa bzhin no//'dod chags la sogs pa ni bdag dang bdag gir zhen pa sngon du 'gro ba can yin te/ nyes pa thams cad skye ba'i sngon du 'gro ba ni tshul bzhin ma yin pa yid la byed pa yin pa'i phyir ro/ /lus la sogs pa rgyu nyid ni yin mod kyi 'ba' zhig pa rnams la ni nus pa med pas mi mthun pa'i phyogs la 'jug pa ma mthong du zin kyang rjes su dpag pa lhag ma dang ldan pa'i phyir/the tshom za ba yin no/ /de bzhin du/ mi mthun phyogs la ma mthong ba/ /tsam gyi 'bras spyi mthong ba las/ /gtan tshigs shes pa tshad ltar snang / /tshig las chags can la sogs bzhin//g.yo ba dang tshig la sogs pa ni 'dod chags la sogs pa kho na'i 'bras bu ma yin te/ brjod par 'dod pa'i spyi'i rgyu can nyid yin pa'i phyir ro/ /gal te de nyid 'dod chags yin no zhe na/ 'dod pa yin pa'i phyir cung zad kyang gnod par mi 'gyur ro/ / 'dod chags ni sems kyi mngon par zhen pa rtag pa dang bde ba dang bdag dang bdag gir lta bas 'phangs pa zag pa dang bcas pa'i chos kyi yul can yin par smra'o/ /snying rje la sogs pa ni de lta bu ma yin te/ gzhan du yang srid pa'i phyir ro zhes bstan par bya'o/ /ji ltar chags pa smra ba ltar 'dod chags dang bral ba yang de dang 'dra bas tshig tsam las mi rtogs so//khyad par las kyang ma yin te/ bsam pa ni rtogs par dka' ba'i phyir/ tha snyad 'chol bas thams cad 'khrul pa'i phyir ro/ /gal te dgos pa med pa'i phyir mi smra'o zhe na/ ma yin te/gzhan gyi yod yin pa'i phyir ro/ /gal te 'dod chags dang bral ba'i phyir rigs pa ma yin no zhe na/ ma yin te/ snying rjes kyang 'jug pa'i phyir ro/ /ci ste de nyid 'dod chags yin no zhe na/ 'dod pa yin te/ phyin ci ma log pa las byung ba'i phyir nyes pa med do/ / snying rje ni bdag tu 'dzin pa med kyang sdug bsngal gyi khyad par mthong tsam gyis goms pa'i stobs las skye ba yin te/ 'di ltar byams pa la sogs pa ni sems can dang chos la sogs pa la dmigs pa yin par 'dod do/ /de dag kyang rigs mthun pa la goms pas 'byung ba can yin gyi/'dod chags la ltos pa can ni ma yin no/ /'dod chags la sogs pa ni de lta ma yin te/ phyin ci log med na med pa'i phyir ro/ /gal te snying rje can gyi rtsom pa 'bras bu med pa yang phyin ci log las yin no zhe na/ ma yin te/ gzhan gyi don kho na 'bras bu nyid du 'dod pa'i phyir ro/ /'bras bu'i mtshan nyid ni 'dod pa yin pa'i phyir ro/ /rnam pa thams cad du yang dag pa ma yin pa sgro 'dogs pa ma yin pa'i phyir nyes pa med do/ /de las gzhan pas nyes pa dang ldan pa nyid du bsgrubs na ni mi 'dod pa cung zad kyang med do//smra ba po bdag la 'dod chags la sogs pa mthong bas gzhan la de rjes su dpog na ni ha cang thal bar 'gyur ro/ /'khrul pa'i phyir gzhan rjes su mi dpog na ni 'di la mi 'khrul lo zhes bya ba'i nges pa ci zhig yod/ tshig gis ni byed pa'i yon tan dang brjod pas 'dod pa nyid dag rjes su dpog par byed do//'dod chags bskyed par rung ba nyid dang bral ba la smra ba ma mthong ba'i phyir / de rjes su dpog na yang ha cang thal bar 'gyur ro zhes bshad zin to/ /'dod chags kyis phan mi 'dogs na ni/ ji ltar de'i nus pas phan 'dogs par 'gyur/nus pas phan 'dogs na ni/ de nyid kyis phan btags par 'gyur ba zhig na/ de ni med do zhes bshad zin to/ /de lta bas na med na mi 'byung ba'i 'bras bu kho nas rgyu rjes su dpog par byed do / /de la rag las pa yin pa'i phyir ro/ /gzhan ni mi mthun pa'i phyogs la ma mthong ba yang ma yin no//thams cad gzigs pa'i gzigs pa log pas ni/ thams cad na med pa go bar byed do/ /la la na de ltar mthong ba rnams kyang dus dang 'du bya ba'i khyad par las gzhan du snang ba'i phyir te/ dper na skyu ru ra'i shing dag 'o mas bcus na 'bras bu mngar po chags la/phal cher ni de ltar mi snang ba lta bu'o/ /des na 'di skad du bdag lta bu'i smra ba po ni 'dod chags can yin no zhes brjod par rigs par 'gyur te/ 'dod chags skye ba'i rkyen gyi khyad par bdag tu lta ba dang / tshul bzhin ma yin pa yid la byed pa dang ldan pa'i phyir ro//de'i tshe yang smra ba dpe brjod pa ni don med de / de'i phyir mi mthun pa'i phyogs la ma mthong ba ni gtan tshigs su mi rung ngo / /mi mthun phyogs la ma mthong ba/ /tsam gyis 'khrul pa med pa min/ /'khrul pa srid pa can nyid phyir//phru ba'i 'bras ni tshos pa bzhin/ /mang po zhig tshos pa mthong du zin kyang phru ba'i nang du 'dug pa tsam gyis tshos par mi 'grub ste/ 'khrul pa mthong ba'i phyir ro/ /'di ltar 'di lta bu'i rang bzhin la/ 'di dang tshogs pa'i rgyu 'dra ba can dag ni tshos so zhes bya bar ni rung ngo //de lta ma yin na ni rjes su dpag pa de lhag ma dang ldan pa'i 'khrul pa can yin no/ /yang lhag ma dang ldan pa zhes bya ba 'di ci zhig ce na/ gang zhig ma mthong ba tsam gyis/ /ldog pa rab tu ston byed pa/ /de ni the tshom rgyu yin phyir/ /de la lhag ma ldan zhes brjod//de'i ldog pa de ni ma nges pas mi mthun pa'i phyogs la 'jug par the tshom za bar 'gyur te/ ldog pa sgrub pa ma mthong ba tsam ni the tshom gyi rgyu yin pa'i phyir ro/ /mi dmigs pa thams cad ni rtogs par byed pa ma yin no/ /de'i phyir gcig log pas gzhan ldog par 'dod pas ni de gnyis rang bzhin 'brel pa 'ga' zhig kyang 'dod par bya dgos so//de lta ma yin na gtan tshigs go bar byed pa ma yin par 'gyur ro/ /gtan tshigs kyi ni tshul gsum la'ang / /de yis ma grub bzlog don dang / /'khrul pa can gyi gnyen por ni//nges pa brjod par mdzad pa yin/ /'brel pa med par ni rjes su 'gro ba dang ldog pa nges pa med de/ des na de nyid ston par mdzad pa ni nges pa bshad pa yin no/ /de la rjes su 'gro ba nges pas ni 'gal ba dang de'i phyogs dang mthun pa rnams bsal lo//ldog pas ni ma nges pa dang de'i phyogs dang mthun pa lhag ma dang ldan pa la sogs pa'o/ /gnyi ga la zhes bya ba ni gcig la grub pa dgag pa yin no/ /rab tu grub pa zhes smos pas mthun pa'i phyogs dang / mi mthun pa'i phyogs dag la lhag ma dang ldan pa dang /thun mong ma yin pa'i the tshom za ba dag kyang ngo / /de lta ma yin te 'brel pa med par ma mthong ba tsam gyis ldog na ni/ 'khrul pa can gyi gnyen por ni/ /mi mthun chos brjod gang yin pa/ /re zhig 'gal ba dang ma nges pa'i gnyen por gnyi ga brjod par bya ba gang yin pa 'di ni rigs so zhes bshad pa gang yin pa ste/chos mi mthun pa smos pa ni ma nges pa'i gnyen por ro/ /gal te ma mthong 'bras can te/ gal te des mi mthun pa'i chos la ma mthong ba ston par byed na/ de ma smos kyang rtogs par 'gyur/ /de la sngon brjod pas log par 'gyur ba mthong ba'i 'khrul pa gang yin pa ni med do//gal te tshig gis ma mthong ba la dran par byed do zhe na/ mthong ba ma rtogs pa ni yan lag ma yin pas de la ni dran pa gzhag par rigs na/ ma mthong ba ni mthong ba med pa yin te/ de la ni mthong bas gnod par 'gyur ro//de med na grub pa kho na yin pas de grub par bya ba'i phyir brjod pa don med do/ /gal te mi dmigs pa'i tshe de tsam gyis med do zhes bya ba ma yin pas de'i phyir brjod do zhe na/ med ces bya ba'i tshig gis kyang / /de med kho na min gal te/ / ji ltar med rigs de brjod na/ /de tshe med ces bya bar rtogs/ /gal te ma dmigs pas med do ces bya bar mi rtogs na brjod pas kyang mi rtogs pa kho nar 'gyur te/ de yang mi dmigs pa kho na rjod par byed pa yin no/ /gcig ma dmigs pas ni gzhan med pa sgrub par byed pa yang ma yin te/ha cang thal bar 'gyur ba'i phyir ro/ /des med do zhes brjod pas kyang de ltar 'gyur ba ma yin te/ ha cang thal bar 'gyur ba'i phyir ro/ /de bas na ji ltar chos mi mthun pa smos pas ma nges pa spangs pa yin/ de lta bas na ldog par 'dod pas de la gang gis na 'di la ldog pa zhes bya bar 'gyur ba'i rigs pa brjod dgos so//de med pa la mi dmigs pas ldog pa grub pa ma yin nam zhe na/ gal te ma mthong bas ldog 'gyur/ /ci ste lhag ldan 'khrul can yin/ /dper na 'bras bu 'di dag ni smin pa'am ro 'di bro ba yin te/gzugs khyad par med pa'i phyir ram/ gcig las skyes pa'i phyir/ zos pa dang 'dra'o zhes bya ba lta bu'o/ /'di la yang brjod par 'dod pa ma lus pa phyogs su byas na bsgrub par bya ba med pa la gtan tshigs mi dmigs pa yod pas ji ltar 'khrul pa yin kha cig na re mngon sum gyis gnod par dogs pa'i 'khrul pa yin no zhes zer ro//ma yin te phyogs su byas pa'i yul la med pa'i phyir ro/ /ci ste gal te na 'gyur ro zhe na/ de lta bus dgos na ha cang thal bar 'gyur te/ gzhan la yang med par nges pa med pa'i phyir ro//tshad ma zhugs pa gnod par byed pa yin gyi/ ma zhugs par gnod na ni thams cad la yid brtan du med do/ /ldog pa ni grub pa kho na bsgrub pa yin te/ de'i phyir de lta bu'i ngo bo ni nges pa la ltos so/ /mi dmigs pa'i sgo nas ni 'ga' zhig la med pa grub tu zin kyang 'brel pa med pa ni de med kyang thams cad la med pa mi grub pas/the tshom za ba'i phyir ldog pa med pa ni lhag ma dang ldan pa'i 'khrul pa yin no/ /gzhan yang / ldog pa can yang gtan tshigs 'gyur/ /gson po'i lus 'di ni bdag med pa ma yin te/srog la sogs pa dang ldan pa dang ldan pa ma yin pa nyid du thal bar 'gyur ba'i phyir ro/ /bdag med pa bum pa la sogs pa mthong ba dang ma mthong ba dag la srog la sogs pa ma mthong ba'i phyir ro / /de las ldog pas bdag yod par rtogs pa'i phyir ro/ /bltar mi rung ba mi dmigs pas med pa ma grub na/bum pa la sogs pa bdag med par ma grub pa'i phyir srog la sogs pa ldog pa med do/ /gal te khas blangs pa'i phyir 'grub bo zhe na/ da ni ji ltar na bdag 'grub/ gzhan bdag med pa tshad ma ma yin pa yang ji ltar 'grub par 'gyur/khas blangs pas ni bdag dang bcas pa dang / bdag med pa dag rnam par phye nas de la med pas rtogs par byed pa nyid yin par rjod par byed pas kyang / bdag lung las byung ba nyid du khas blangs par 'gyur gyi/ rjes su dpag par bya ba ni ma yin no//de lta bas na ma mthong du zin kyang bdag ldog pa ma grub pa'i phyir ro/ /'ga' zhig la de log ste / srog la sogs pa log kyang 'brel pa med pa'i phyir/ thams cad las ldog pa mi 'grub pas rtogs par byed pa ma yin pa nyid do/ / gang yang ma grub pa'i sbyor ba de bzhin du mthun pa'i phyogs la yod pa dang / med pa zhes bya ba la sogs pa la yang ci rigs par brjod par bya'o zhes bya ba de lta bu la sogs pa/ ma grub sbyar ba de yang brjod bya min/ /mi dmigs pa kho nar zad na the tshom za ba'i phyir te/ dmigs na de med pa'i phyir ro/ /mi dmigs pa'i phyir ldog go zhes byas na the tshom du gyur pa yang ma bzlog par 'gyur ro/ /gal te ci rigs par zhes smos pa phyir ma ldog pa kho na yin no/ /zhe na/ ci yin te/ brjod pa gang zhig gnyi ga la nges pa kho na zhes bya ba la sogs pa 'byung ba'i phyir ro//de'i phyir mi dmigs kyang the tshom za bas ldog pa med par dgos te/ de dgag par bshad pa yin no/ /gzhan yang / khyad par rnam par gcod pa yi/ /gtan tshigs su 'gyur ma mthong phyir/ /mnyam par bya ba nyid kyang rtag pa dang mi rtag pa dag la ma mthong ba'i phyir ldog pas/de dag rnam par gcod pa'i gtan tshigs nyid du 'gyur ro/ /rnam par gcod pa ni de dag las ldog pa las gzhan pa yin no/ /rnam par gcod pa ma yin pa ni gang las kyang log pa nyid du ma nges pa'i phyir ro/ /gang zhig gang la med do zhes bya bar nges pa de yod na ji ltar de med par rtogs par mi byed de/gal te tshad ma gzhan gyis gnod/ /ci ste gnyi ga rnam par gcod pa yin na gnod par byed pa'i tshad ma gzhan yod do/ /phan tshun rnam par gcod pa'i ngo bo can rnams ni gcig rnam par gcod pas gzhan sgrub pa'i phyir dgag pa ma yin te/sgrub pa dang dgag pa dag ni 'gal ba'i phyir ro zhe na/ da ni ma mthong las med min/ /de ltar na ma mthong ba ni tshad ma ma yin te/ gnod pa srid pa'i phyir ro/ /de bzhin du ni gzhan la yang / /tshad ma gzhan gyis gnod pa srid//mtshan nyid dang ldan pa la gnod pa srid na/ de'i mtshan nyid sun phyung ba kho nar 'gyur bas thams cad la yid brtan du mi rung ngo / /gal te rjes su dpag pa'i yul la yang mngon sum dang rjes su dpag pa dang 'gal ba mthong bas yid brten du mi rung bar thal bar 'gyur ro zhe na/ma yin te/ ji skad bshad pa lta bu la mi srid pa'i phyir ro/ /srid na ni de'i mtshan nyid kyang ma yin pa'i phyir/ gal te 'gal ba 'khrul pa med pa can gyi brjod par 'gyur ro zhe na/ rjes su dpag pa'i yul la ma brjod pa'i phyir 'dod pa yin te/'di'i yul ni bstan par bya'o/ /gzhan yang / ma mthong phyir reg mthong ba dang / /mi ldan 'khrul pa med pa can/ /gal te mi dmigs pas ldog pa 'grub par 'gyur na/ gal te ma mthong ba tsam gyis mchong ba la las 'gog par byed na/ de yang rigs pa ma yin no zhes gang bshad pa ji ltar rigs pa ma yin te/ mi dmigs pas med pa grub pa'i phyir ro/ /reg pa dmigs pa'i mtshan nyid kyir gyur pa dgag pa rigs pa kho na ma yin nam zhe na/ rigs pa ma yin te/ snang ba dang de'i rang bzhin gyi yul tsam la 'gog pa ma yin pa'i phyir ro//des ni sa la sogs pa spyir bzung nas dgag pa smras so/ /de la shing bal dang rdo ba dang lo ma la sogs pa la de yod kyang reg pa tha dad pa mthong ba'i phyir ro/ /'di yang khyad par 'ga' zhig la srid par dgos par 'gyur bas thams cad la ni mthong bas dgag par rigs pa ma yin no//de ltar na slob dpon mi dmigs pas med pa smra ba 'ga' zhig gis klan ka btsal ba yin no/ /gzhan yang / yul la sogs pa'i khyad par las/ /rdzas la nus pa tha dad snang / /de la gcig mthong bas gzhan na de yod par nges par ni rigs pa ma yin no//gal te ji zhig ltar mi mthun pa'i phyogs la mthong ba tsam gyis 'brel pa med pa yang de 'khrul pa med do zhe na/ yul 'ga' zhig na rdzas kha cig ci zhig ltar mthong ba gzhan na gzhan du yang snang ngo //dper na sman kha cig zhing khyad par can las ro dang nus pa dang khyad par du smin par byed pa khyad par can du 'gyur la/ gzhan la ni ma yin pa lta bu ste/ dus dang legs par bya ba'i khyad par las kyang de dang 'dra'o/ /yul de pa rnams kyis de ltar mthong zhes te/thams cad de nyid du de lta bu yin par ni 'grub par mi 'gyur te/ yon tan gyi khyad par rnams ni rgyu'i khyad par la ltos pa'i phyir ro/ /rgyu'i khyad par med na ni rjes su dpag tu rung ste/ byed pa po ma mthong ba can gyi tshig kyang skyes bu'i 'du byed pa sngon du 'gro ba can yin te/tshig la khyad par med pa'i phyir ro zhes bya ba lta bu'o/ /rnam pa thams cad skyes bu dag gis byed par mthong ba'i phyir ro/ /legs par bya ba'i bye brag las khyad par rtogs pa'i phyir/ yon tan thams cad la khyad par mthong bas na gang gis na tshig la sogs pa cung zad tsam chos mthun pas rnam pa thams cad du mthun par rjes su dpag par 'gyur ba de lta bur skyes bu dag ni rgyu'i khyad par med pa can ma yin pa nyid do//de bzhin du gzhan la yang srid pa'i phyir ro/ /mi srid par rjes su dpag pa yang gnod par byed pa'i gtan tshigs med pa'i phyir te/'dod chags dang bral ba ma mthong ba'i phyir la/ ma mthong bar yang gnod par bya ba dang / gnod par byed pa'i dngos po mi 'grub pa'i phyir ro/ /'dod chags la sogs pa'i 'bras bu 'khrul pa med pa can med pa'i phyir ro/ /srid kyang khyad par rnams blta bar mi nus pa'i phyir ro//de lta bu dag ni spang bar 'os pa yang ma yin no/ /tshig rnams ni de lta bu ma yin te/ khyad par bltar rung ba'i phyir ro/ /bltar mi rung ba zhig yin na yang khyad par ma mthong ba rnams rigs mi mthun pa nyid du khas len pa 'gal ba'i phyir ro//de'i khyad par rnams ni gzhan la yang bya bar nus pa'i phyir ro/ /sgra mngon sum pa rnams la mngon sum ma yin pa'i ngo bo nyid med pa'i yang phyir ro/ /'khrul pa'i rgyu mtshan med pa'i phyir te/ gnod par byed pa med pas 'khrul pa mi 'grub pa'i phyir ro/ / skyes bu dag ni khyad par mthong ba gnod par byed pa yin pa'i phyir mtshungs pa ma yin no/ /tshig gi khyad par gzhan gyi ngo bor gyur pa ni de'i khyad par ma yin pa'i phyir ro/ /de'i phyir khyad par med pa'i rang bzhin thams cad skyes bus byed do/ /yang na ni 'ga' yang ma yin no/ / gzhan yang / /bdag dang sa la shes yod sogs/ /med pa rab sgrub byed min pa'i/ /mi dmigs gang yin de kho na/ /gtan tshigs med sgrub yin nam ci/ /mi dmigs pa tshad mar byed pa 'di'i bdag dngos su smra ba yang dmigs pa med par 'gyur te/ bdag mngon sum ma yin pa'i phyir dang /'bras bu ma grub pa'i phyir ro/ /dbang po la sogs pa ni 'bras bu rnam par shes pa res 'gag pa yin pa'i phyir ltos pa dang bcas pa nyid du grub pas rab tu 'grub par brjod de/ 'di la rgyu ci zhig yod do zhes bya ba yin gyi 'di lta bur gyur pa zhig go zhes bya ba ni ma yin no//'bras bu bde ba la sogs pa rab tu bsgrubs pa ni de ltar don cung zad kyang rgyas par mi byed de / gang yang rung bas rgyu dang ldan par khas blangs pa'i phyir ro/ /de lta yin dang / bdag mi dmigs pa kho nar 'gyur na/ des de sel ba na ci ste mi dmigs pa bsgrub pa ma yin no zhes bsal/ldog pa ji ltar sgrub par byed/ /yang la la ni sa la shes pa yod par mi dmigs par 'dod bzhin du yang ma mthong bas tshig la sogs pa ldog par smra'o/ /gzhan ni 'o ma la sogs pa zho la sogs pa ste/ gzhan gyi don ma yin pa dag la 'dus pa nyid ma mthong bas ldog pa'o//'di la 'dus pa dag ni gdon mi za bar gzhan gyi don yin par 'gyur ro/ /zhes bya ba'i nges pa ci zhig yod/ 'o ma la sogs pa la zho la sogs pa dmigs pa rjes su dpag pa kho na ste/ mi nus pa las mi 'byung ba'i phyir ro//zhe na/ yang nus pa 'di ci yin/ ci yod pa de nyid yin nam/ 'on te gzhan nyid cung zad cig yin/ /gal te de nyid yin na ni/ /de kho na bzhin du dmigs par 'gyur te/ khyad par med pa'i phyir ro/ /ci ste gzhan zhig yin no zhe na/ji ltar gzhan yod na de yod de/ nye bar gdags pa tsam du ni 'gyur ro/ /'di ni 'di dag gi phan tshun 'gal ba yin no/ /de phyir de tsam dang 'brel ba'i/ /ngo bo nyid kyis ngo bo nyid/ /bzlog par 'gyur ba'am/ dper na shing gis shing sha pa lta bu ste/ yal ga la sogs pa dang ldan pa'i khyad par 'ga' kho na zhig la de skad du grags pa'i phyir de ni de'i rang gi ngo bo yin no//rang gi ngo bo yongs su bor nas kyang ji ltar yod par 'gyur te/ rang gi ngo bo kho na ngo bo yin pa'i phyir ro/ /de'i phyir de ni rang bzhin 'brel pa'i phyir 'khrul pa med do//rgyu yis ni/ 'bras bu 'khrul pa med pa'i phyir/ /rgyu ldog pa las 'bras bu ldog par byed do/ /gzhan du na de ni de'i 'bras bu nyid ma yin par 'gyur ro/ /rgyu dang 'bras bu'i ngo bo grub pa ni ngo bo nyid nges par byed de/ de bas na gnyi ga rang bzhin 'brel pa kho nas ldog go//de lta min na gcig log pas/ /ji ltar gzhan ni ldog par 'gyur/ /mi la rta mi bdog ces te/ /phyugs kyang bdog pa min nam ci/ /de bzhin gcig cig nye ba'i phyir/ /ji ltar gzhan ni nye bar 'gyur/ /mi la phyugs ni bdog ces te/ /de bzhin rta yang bdog gam ci//de'i phyir rang bzhin 'brel pa kho nas gtan tshigs kyis bsgrub par bya ba go bar byed do/ /de'i ngo bo'i mtshan nyid dam/ /de las byung ba'i mtshan nyid yin no/ /med na mi 'byung ba nyid dpe de dag gis rab tu ston to/ /de phyir chos mi mthun dpe la//nges par 'di la gzhi mi 'dod/ /de dag med na'ang de med ces/ /brjod pa las kyang de rtogs phyir/ /'di ltar/ dpe la de yi ngo bo dang / /rgyu dngos de dag mi shes la/ /ston te/ dpe la ni bsgrub par bya ba'i chos ni de'i ngo bor de tsam dang 'brel pas de'i rang gi ngo bo nyid ston to//byas pa'i ngo bo nyid skyed par byed pa gang yin pa de ni mi rtag pa'i ngo bo nyid med na skyed par byed do zhes tshad ma dpes rab tu ston to/ /de lta ma yin na chos gcig yod pa'i phyir de las gzhan pa yang yod par 'gyur ro zhes bya bar nges pa med pa'i phyir 'khrul par dgos par 'gyur ro//tshad ma nges kyang bsgrub par bya ba'i chos kyi de tsam dang 'brel pa ston te/ rang gi rgyu kho na las byas pa 'jig pa'i ngang tshul can skad cig mar gnas pa'i chos gang yin pa de lta bu skyes te/ gzhan las de yod pa bkag pa'i phyir ro/ /yang na rgyu'i dngos por te/yod pa nyid yin na yod pa'i phyir ro zhes don gzhan rab tu ston to/ /[# de ltar de'i ngo bo dang rgyu'i dngos po rab tu grub na mi rtag pa nyid med na byas pa nyid med la me med na yang du ba ste/ 'di ltar de ni rang gi ngo bo dang rgyu yin na/ ji ltar rang gi ngo bo dang rgyu med par yod par 'gyur/de bas na gzhi med pa yang chos mi mthun pa'i dpe la ldog pa rab tu grub po/ /gang dag la de'i ngo bo dang rgyu'i dngos po dag rab tu grub pa'i mkhas pa rnams la ni/ gtan tshigs 'ba' zhig brjod par zad/ gang gi don du dpe brjod pa'i don de grub pa kho na yin pas de'i tshe de brjod pas ci zhig bya/de rab tu bstan na yang chos mi mthun pa'i dpe'i gzhis ci zhig bya snyam du dgongs shing gzhi spang bar mdzad do/ /de nyid kyi phyir 'brel shes na/ /gnyis las gang yang rung smras pas/ /don gyis go bas cig shos la'ang / / dran pa yang dag skye bar 'gyur/ /yang na don gyis go bas gang yang rung bas gnyi ga rab tu bstan pa'i phyir ro zhes bshad pa gang yin pa ste/ der yang dpes de'i ngo bo dang rgyu'i dngos po rab tu ston par dgongs te/ don gyis go bas gcig brjod pas cig shos 'grub par bshad do//'di ltar gang byas pa de ni mi rtog pa'o zhes smras na/ don tha dad pa med na/ gsal bar 'di ni 'di'i ngo bo nyid de tsam dang 'brel pa tshad mas mthong ba yin no zhes bya bar nges par 'gyur te/ de yod par nges pa'i phyir ro/ /de bas na de'i ngo bor shes pas ni don gyis go bas mi rtag pa nyid med na byas pa nyid med do//zhes bya bar 'gyur ro/ /rang gi ngo bo med par yod par mi 'gyur te/ tha dad pa med pa'i phyir ro/ /de lta ma yin na de yod do zhes bya ba nyid du mi 'gyur ro/ /de bzhin du de med na med do zhes smras na / de'i ngo bo nyid du rig pa las 'di ltar 'di ni 'di'i ngo bo nyid yin te/des ni de med na med do/ /de lta ma yin na mi rung ba'i phyir ro/ /de'i phyir de'i ngo bo nyid du rtogs pas rjes su 'gro ba dran pa 'byung ngo / /de bzhin du gang na du ba yod pa de na me yod do zhes smras na/ du ba ni me'i 'bras bu yin no//des na du ba yod na gdon mi za bar me yod do/ /de lta ma yin na don gzhan de dang 'brel par nges pa med pa'i phyir ngo bo rang dbang can du 'gyur ro/ /des na de med kyang rang gi ngo bo ma tshang ba med pa'i phyir med par mi 'gyur ro/ /'bras bu yin na ni gdon mi za bar rgyu yod do//rgyu rgyu nyid yin pa ni de kho na yin te/ don gzhan yod na rang gi ngo bo nye bar 'jog pa gang yin pa'o/ /'bras bu yang de yod pa nyid na yod pa yin no/ /de yang du ba la yod do/ /de lta bas na du ba ni 'bras bu yin no zhes rjes su 'gro bas de'i 'bras bu nyid shes pas me med na du ba med do zhes don gyis go bas ldog pa rtogs par 'gyur ro//de bzhin du me med na du ba med do zhes smras na/ me las du ba gdon mi za bar 'byung ngo zhes shugs kyis rjes su 'gro ba rtogs so/ /de lta ma yin na de med na ci ste yod par mi 'gyur/ rtag pa dang mi rtag pa'i don gyi 'bras bu nyid ma yin yang de dag med na nyan pa'i shes pa med pa ma yin nam zhe na/ med pa nyid ma yin te/ de las de dag nyid the tshom za ba'i phyir ro/ /de lta ma yin na med pas nges pa'i phyir/ ji ltar de dag gi ngo bo la ltos nas the tshom du 'gyur/ yod par nges pa med pa'i phyir med do zhes bya ba 'ba' zhig tu zad do/ /gang gi tshe dpes me dang du ba dag rgyu dang 'bras bu'i dngos por mi ston pa de'i tshe ni 'brel pa med pa'i phyir/ gang na du ba yod pa de na me yod do zhes bya ba nyid du yang mi 'gyur na / me med na du ba med do zhes shugs kyis ldog pa 'grub pa dang /de bzhin du chos mi mthun pas med pa mi 'grub pa'i phyir/ /rjes su 'gro ba dran par lta ga la 'gyur/ gang gi phyir de med ni mi srid pas gcig yod na gzhan rab tu grub par bya ba'i phyir/ dpes ji skad bshad pa'i rang bzhin 'brel pa 'di kho na rab tu ston pa/de'i phyir rgyu dang rang bzhin dag /med pa 'ga' zhig sgrub pa'i yang / /gtan tshigs yin te/ de dag kho na ldog pa na rang gi 'brel pa zlog par byed pas de'i phyir don gzhan 'ga' zhig dgag pa dang sgrub par 'dod pas/ rgyu'am rang bzhin khyab par byed pa ldog pa'i gtan tshigs nyid du brjod par bya'o/ /ma 'brel na ni ji ltar gcig log pas gzhan ldog pa sgrub par byed/ dmigs par ni/ rigs ldan de mi rigs par yang / /dgag pa'i gtan tshigs yin no/ /dgag pa'i yul can gyi tha snyad kyi gtan tshigs la de'i gtan tshigs zhes bshad de/de lta bu'i mi dmigs pa ni rang nyid kyis dgag pa'i ngo bo yin pa'i phyir/ rgyu dang khyad par byed pa mi dmigs pa ni gnyi ga'i gtan tshigs yin no/ /de ltar mi dmigs 'di rnam gsum/ /bshad kyang rnam pa du ma ste//de dang de 'gal la sogs pa/ /mi rtogs rtogs dbye'i sbyor sgo nas/ /dgag pa'i gtan tshigs ni rnam pa gsum kho na ste/ rgyu dang khyab par byed pa de ltar nges pa dang / rang gi bdag nyid dmigs su yod pa mi dmigs pa'o/ /de ni sbyor ba'i dbang gis de dang 'gal ba la sogs pa ma rtogs pa dang /rtogs pa'i dbye ba'i sgo nas rnam pa du mar bshad de/ de ma rtogs pa dang / de dang 'gal ba rtogs pa dang / 'gal ba'i 'bras bu rtogs pa zhes bya ba la sogs pa'i dbye ba'i sbyor ba dag gis sngar ji skad bshad pa bzhin no//rgyu dang 'bras bu'i dngos po 'am/ /rang bzhin nges par 'byed pa las/ /med na mi 'byung nges pa ste/ /ma mthong las min mthong las min/ /gzhan du gzhan ni gzhan dag dang / /nges par yod pa'i nges pa gang / /don gzhan rgyu mtshan can gyi chos/ / yin na gos la tshon bzhin no/ /bar skabs kyi tshigs su bcad pa dag go / /gzhan yang / chos don gzhan gyi rgyu mtshan can/ /yin par gyur na de gzhan nyid/ /de grub na ma grub pa'am rgyu tha dad pa ni de'i rang bzhin du rigs pa ma yin no/ / dngos po rnams kyi tha dad pa'am/ rgyu tha dad pa ni 'di kho na yin te/ chos 'gal ba gnas pa'am/ rgyu tha dad pa yin no/ /gal te de dag kyang tha dad par byed pa yin na gang yang gang las kyang tha dad par byed pa med pas ril rdzas gcig tu 'gyur ro/ /des na lhan cig skye ba dang 'jig pa dag dang thams cad la thams cad nye bar sbyar bar 'gyur ro//de lta ma yin na gcig ces bya ba nyid du mi 'gyur ba'am/ ming tha dad par zad de/ don khas blangs nas de skad du brjod pa'i phyir ro/ /rgyu don tha dad pa nyid med kyang dngos po'i dus na/mi rtag pa nyid ma grub pa'i phyir de'i rang bzhin ma yin par mtshungs pa ma yin nam zhe na/ mi rtag pa nyid ces bya ba gang phyis 'grub par 'gyur ba gzhan ni 'ga' yang med pa yin te/ dngos po skad cig mar gnas pa'i chos kho na mi rtag pa nyid yin no/ /chos dang chos can gyi tshig tha dad pa la yang rgyu mtshan bshad par bya'o//rang gi rgyu kho na las de ltar skye ba'i phyir 'di'i rang bzhin skad cig mar gnas pa'i chos nyid de ni mthong bzhin du yang blo gzhan pa yod pa dmigs pas rtag tu de ltar yod par dgos pas bslus pa'am/ 'dra gzhan 'byung bas bslus pas mi rtogs so//skad cig ma tha ma mthong ba rnams la nges pa'i phyir/ phyis 'di mi dmigs pas mi gnas par rtogs pa'i phyir de'i tshe nges pa'i dus yin pas mi rtag pa nyid du rnam par gzhag go/ /'bras bu bskyed pa'i nus pa rgyu'i dngos po nyid yin yang 'bras bu ma mthong ba rgyu mthong du zin kyang de'i ngo bo ma rtogs pas 'bras bu mthong bas rtogs pa bzhin no//de lta ma yin na gzhan gyi rgyu mtshan nyid yin nam/ rgyu mtshan med pa can nyid yin yang rung ste/ mi rtag pa nyid don gzhan kho nar 'gyur ro/ /de lta na ni dngos po de dang ldan par mi 'gyur te/de la mi dgos pa'i phyir ro/ /'on te dgos na ni de nyid 'di'i rang gi bdag nyid du gyur pa'i mi rtag pa nyid yin pas gzhan gyis ci zhig bya/ rang bzhin gyis mi g.yo ba ni don gzhan dang ldan yang de'i ngo bor mi 'thad pa'i phyir ro/ /mi rtag pa nyid dam chos gzhan de yang don gzhan las 'byung ba na rgyu yin pa'am/'bras bu yin pa zhig tu 'gyur grang na/ rgyu dang 'bras bu ma yin pa ni 'brel pa med pa'i phyir/ de la yod par rjes su dpag par mi srid pa'i phyir ro/ /de la/ phyis 'byung phyir na rgyu nyid min//'bras bu na yang ga la nges/ /de dngos po grub nas phyis don gzhan las 'byung na ji ltar de'i rgyu yin / 'bras bu yang rgyu la gdon mi za ba ma yin pas de'i go bar byed pa'i gtan tshigs ma nges pa nyid yin no/ /de'i phyir don gzhan gyi rgyu mtshan can gyi chos ni dngos po la gdon mi za bar yod pa ma yin pas rjes su dpag tu med do//'o na gal te mthong ba dang ma mthong ba dag rjes su 'gro ba dang ldog pa rtogs pa'i rten ma yin na ji ltar du bas mer 'khrul lo zhes bya bar rtogs she na/ 'di ltar/ me yi 'bras bu du ba ste//'bras bu'i chos kyi rjes 'jug phyir/ /de'i mtshan nyid kyir gyur pa mi dmigs pa las gang dag dmigs na dmigs la/ de las gcig med na yang mi dmigs pa gang yin pa de ni de'i 'bras bu yin te/ de yang du ba las yod do/ /de med par ni de yod na/ / rgyu dang ldan pa las 'das 'gyur/ /lan cig de ltar mthong bas kyang 'bras bu grub ste/ 'bras bu nyid ma yin na/ rgyu ma yin pa las lan cig kyang mi 'byung ba'i phyir ro/ /'bras bu yang rang gi rgyu med par yod na ni rgyu dang mi ldan pa kho nar 'gyur te/ gang zhig gang med par yod pa de ni de'i rgyu ma yin no//me med par yang du ba yod de / des na de'i rgyu ma yin par 'gyur ro/ /gal te gzhan gyi rgyu can yin pa'i phyir/ rgyu med pa can nyid ma yin no zhe na/ de lta ma yin te/ de la yang mtshungs pa'i phyir te/ de med na yang me yod na yod pas so//yang de'am gzhan yang rung / de bskyed pa'i rang bzhin ma yin pa las ni ji ltar 'byung bar 'gyur te/ de'i rang gis de'i rang bzhin ma yin pas mi bskyed pa'i phyir ro / /de rgyu med pa nyid du 'gyur ro/ /de nyid ni ma yin pa kho na ste/ de dang 'dra ba 'byung ba'i phyir ro zhe na/ mi 'dra ba las 'byung ba ji ltar de dang 'dra bas yin te/ de ni de dang 'dra ba la ma byung ba'i phyir de dang 'dra bar 'gyur ro/ /mi 'dra ba las de dang 'dra ba 'gyur na ni/ de dag gi nus pa ma nges pa'i phyir rgyu'i tha dad pa tha dad par byed pa ma yin pas/mtha' dag gi sna tshogs nyid rgyu med pa can du 'gyur ba'am/ thams cad las thams cad skye bar 'gyur ro/ /de lta bas na rgyu'i tha dad pa dang tha dad pa ma yin pa dag gis 'bras bu tha dad pa dang tha dad pa ma yin pa dag yin no/ /de bas na du ba ni mthong ba'i rnam pa dang rigs mi mthun pa'i don las mi 'byung ste/rgyu med pa nyid du thal bar 'gyur ba'i phyir ro/ /de lta ma yin te/ /rgyu med gzhan la mi ltos phyir/ /rtag tu yod pa'am med par 'gyur/ /dngos po rnams ni res 'ga' zhig /'byung ba ltos pa las yin no //du ba de rgyu med pa las 'byung na ni ltos pa med pa'i phyir nam yang mi 'byung bar mi 'gyur te/ de 'byung ba la ma tshang ba med pa'i phyir 'dod pa'i dus bzhin no/ /yang na ni de'i tshe yang 'byung bar mi 'gyur te/ med pa'i dus dang khyad par med pa'i phyir ro/ /dngos po ltos pa rnams ni res 'ga' bar 'gyur te/yod pa dang med pa'i dus dag na de 'byung bar rung ba dang mi rung ba nyid dang ldan pa'i phyir ro/ /yul dang dus rung ba dang mi rung ba nyid 'dra ba can dag la ni de dang ldan pa dang / cig shos dag tu nges par mi rung ba'i phyir ro/ /rung ba nyid de yang rgyu'i dngos po las gzhan yin nam ci/de'i phyir yul dang dus 'ga' zhig spangs nas yul dang dus gzhan dag na yod pa'i dngos po ni de dag la ltos pa dang bcas pa zhes bya ba yin te/ 'di ltar de ltar yod pa nyid ltos pa yin no/ /de dag gis byas pa'i phan pa la mi ltos pa ni der nges par mi rung ba'i phyir ro//de bas na yul dang dus nges pa'i phyir gang na du ba lan cig mthong la ma tshang na ma mthong ba ni 'di'i des bskyed par bya ba'i ngo bo nyid yin te/ gzhan du na don lan 'ga' yang med pa'i phyir ro/ /de der nges pa yin na ji ltar gzhan pa las 'byung bar 'gyur/'byung ba na ni du ba ma yin par 'gyur te/ du ba ni des bskyed pa'i rang bzhin gyi khyad par yin no/ /de bzhin du rgyu yang 'bras bu de lta bu bskyed pa'i rang bzhin yin no/ /de gzhan las kyang 'byung na ni de de'i rang bzhin ma yin bsal na 'ga' yang bskyed par mi 'gyur ro//yang na de du ba ma yin te du ba bskyed pa'i rang bzhin ma yin pa las byung ba'i phyir ro/ /de'i rang bzhin nyid yin na ni de nyid ma yin pas 'khrul pa med do/ /gal te brgya byin spyi bo me'i / /rang bzhin yin na de nyid me/ /'on te de me'i rang bzhin min//ji ltar de las du ba 'byung / /du ba'i rgyu yi rang bzhin me/ /de yi nus pa'i bye brag ldan/ /du ba du ba'i rgyu min las/ /'byung na de ni rgyu med 'gyur/ /zhes bya ba ni bsdu ba'i tshigs su bcad pa'o/ /'o na da ni ji ltar lhan cig byed pa tha dad pa las 'bras bu skye ste/dper na mig dang gzugs la sogs pa las rnam par shes pa lta bu'o zhe na/ de'i rang bzhin gcig pus skyed par byed pa ni cung zad kyang med do/ /'on kyang tshogs pas skyed par byed pa ni de'i rang bzhin yin te/ de kho na rjes su dpag go/ /tshogs pa de nyid 'bras bu'i rang gi ngo bo gnas pa'i rten yin no//de nyid kyi phyir lhan cig byed pa rnams kyang rnam grangs med par skyed par byed pa yin no/ /gang yang cung zad lci ba la sogs pa rigs mi mthun pa las ut+pal la sogs pa 'byung bar mthong ba de la yang de skad du brjod kyang rang gi sa bon las rab tu byung ba can yin pa'i phyir rang gi ngo bo tha dad pa yod pa kho na ste/rgyu'i rang gi ngo bo tha dad pa'i phyir dper na chu shing gi sa bon dang sdong bu las skye ba can lta bu'o/ /de lta bu ni 'jig rten na gsal ba kho nar rnam pa tha dad pa'i sgo nas rnam par 'byed do/ /de lta bas na shin tu rnam par phye ba'i rnam pa can gyi 'bras bus ni rgyu 'khrul pa med do//rjes su 'gro dang ldog pa las/ /gang zhig gang gi rjes 'gror mthong / /de yi rang bzhin de'i rgyu can/ /de phyir mi mthun las mi 'byung / /zhes bya ba ni bsdu ba'i tshigs su bcad pa'o//de lta bas na lan cig mthong ba dang / ma mthong ba dag gis kyang rgyu dang 'bras bu'i dngos po grub pa'i phyir/ des de rtogs kyi gzhan du ni ma yin te/ rjes su 'gro ba dang ldog pa dag ma lus par mthong ba dang / ma mthong ba la rag lus pa'i phyir ro//lus can ma yin pa nyid 'ga' zhig la rtag pa nyid mthong yang gzhan la gzhan du mthong ba'i phyir dang / rtag pa nyid med pa 'ga' zhig la ma mthong ba yang mthong ba'i phyir ro// // bam po gnyis pa/ 'bras bu ni de las skye ba'i phyir rgyu med na mi 'byung ba yin la rag na/da rang bzhin ji ltar med na mi 'byung ba yin no zhe na/ rang bzhin la yang med mi 'byung / /yod pa tsam dang 'brel pa yin/ /gang zhig yod pa tsam dang 'brel pa'i rang bzhin yin pa de la ni yod pa med na mi 'byung bar 'dod de/ de med par ni yod pa dag /med 'gyur tha dad med phyir ro / /ngo bo gang kho na yod pa tsam la rag las pa'i rang bzhin yin par brjod pa de kho na rang gis dngos su yod pa yin no/ /de yang bdag nyid bor nas ji ltar yod par 'gyur/ 'o na ni tha dad pa med pa'i phyir byas pa gang yin pa de nyid mi rtag pa yin pas dam bcas pa'i don gyi phyogs gcig gtan tshigs su 'gyur ro zhe na/de ni nyes pa med do/ / gang phyir dngos kun rang bzhin gyis/ /rang rang ngo bo la gnas phyir/ /mthun dngos gzhan gyi dngos dag las/ /ldog pa la ni rten pa can/ /de phyir gang dang gang las don//ldog pa de yi rgyu can gyi/ /rigs dbye de yi khyad par gyis/ /rtogs 'gyur ba dag rab tu byed/ /de phyir khyad par gang zhig chos/ /gang gis go bar 'gyur ba de/ /de las gzhan gyis nus ma yin/ /des na tha dad rnam par gnas/ / dngos po thams cad ni rang gi ngo bo la gnas pa can kho na yin no/ /de dag ni rang dang gzhan du 'dre bar mi byed de/ de gzhan ma yin pa nyid du thal bar 'gyur ro/ /gang yang 'di dag gi rang bdag nyid du gyur pa'i ngo bo tha mi dad pa de ni de dag gi ma yin te/ de'i tshe de dag med pa'i phyir ro//de kho na yin par 'gyur te/ tha mi dad pa yin pa'i phyir dang / de las ma gtogs pa tha dad pa yang med pa'i phyir ro/ /de nyid tha dad par ni 'gal ba'i phyir ro/ /de yang bdag nyid la rnam par gnas pas ma 'dres pa kho na yin no/ /don gzhan yang du ma dang 'brel du zin kyang de ni de dag gi spyi ma yin te/de'i ngo bo ma yin pa'i phyir ro/ /gnyis nyid la sogs pa dang ldan pa dang / 'bras bu'i rdzas dag la yang thal bar 'gyur ba'i phyir ro/ /'brel pa can gzhan gyis kyang gzhan dag mtshungs pa ni ma yin gyi de dang ldan pa dag tu ni 'gyur te/'byung po'i mgul chings lta bu'o/ /shes pa tha mi dad pa'i yul yang ma yin te/ 'byung po bzhin no/ / blo ni de dag gi bdag nyid kho na bsre zhing spyi'i yul can du snang gi gcig dang 'brel pa can dag go zhes bya ba ni ma yin te/ 'byung po lta bu'o/ / gal te de ni de mthong ba'i 'khrul pa yin no zhe na/ de mthong ngo zhes bya ba gang las/ gal te 'khrul pa sa bon med pa can mi rung ba'i phyir ro zhe na/ 'bras bu de gcig pa can de dag kho na sa bon yin no/ /grangs dang ldan pa dang / 'bras bu'i rjes la sogs pa dang ldan pa dag dang /'byung po la sogs pa la yang med pa'i phyir ro/ /de bas na de ltar spyi'i blo la zhen pa med pa'i phyir spyi ni gzhan ma yin no/ /yod du chug na yang de yang rang gi bdag nyid la rnam par gnas pa'i phyir gzhan dang ma 'dres pa yin no/ /de lta bas na dngos po 'di dag ni rigs mi mthun par 'dod pa dang gzhan las log pa yin te/rang gi ngo bos ngo bo gcig pa'i phyir ro/ /gang dang gang las tha dad pa de'i dbye ba shes par bya ba'i phyir/ tha snyad du byas pa'i sgra dag gis de dang de las tha dad pa rgyur byas nas ngo bo nyid tha mi dad kyang chos du ma shes par byed do//sgra de dag kyang tha dad pa thams cad mi 'phen yang tha dad pa gcig brjod pas de'i rang gi mtshan nyid dpyis phyin pa kho nar 'gyur te/ de gcig dang yang de tha dad pa yang bas so/ /de lta bas na dngos po gcig la gzhan gyi ngo bo ji snyed pa de la ltos nas ldog pa de snyed yod de/de la med pa'i rgyu dang 'bras bu can ni de las tha dad pa'i phyir ro/ /ldog pa ji snyed pa de'i rgyu dang 'bras bu can ma yin pa yongs su spang bar tha snyad kyi don can gyi sgra dag kyang de snyed de/ dper na sgra ni stsal ma thag tu 'byung ba can dang nyan pa can yin no zhes bya ba de'i rgyu dang 'bras bu can ma yin pa yongs su spang ba'i don yin pa lta bu'o//de'i phyir ngo bo nyid tha mi dad kyis kyang khyad par gyi bye brag gang zhig ming gi chos gang gis go bar 'gyur ba de ni gzhan gyis go bar mi nus pas sgra thams cad ni don gcig pa ma yin no/ / de bas na dam bcas pa'i don gyi phyogs gcig gtan tshigs ma yin no/ /yang sgra dang rtags dag gis rnam par bcad pa rtogs par byed kyi/ bsgrubs pas dngos po'i rang gi ngo bo kho na ma yin no zhes bya ba ji ltar shes she na/ tshad ma gzhan dang sgra gzhan 'jug pa'i phyir te/ 'di ltar/don gyi rang gi ngo bo gcig /bdag nyid mngon sum yin pa la/ /tshad ma rnams kyis brtag bya gang / /ma mthong cha gzhan ci zhig yod/ /don gyi bdag nyid gcig pa de ni mngon sum pa yin te/ chos can ma grub na sgrub pa mi srid pa'i phyir ro/ /dper na mi rtag pa bsgrub par bya ba la sgra lta bu ste/de'i mngon sum kho nas grub pas rnam pa thams cad 'grub ste/ de las gzhan pa ma grub pa med pa'i phyir ro/ /'on te yod na ni de'i ngo bo nyid ma yin no/ /gang zhig gang dang grub pa dang bde ba gcig pa can ma yin pa de ni de'i ngo bo nyid yin par rigs pa ma yin te/tha dad pa'i tha snyad kyi rgyu ni de tsam du zad pa'i phyir ro/ /de lta ma yin na med par thal bar 'gyur ro zhes bshad zin to/ /de'i phyir chos can mngon sum pa de'i ngo bo nyid mtha' dag yongs su bcad pa'i phyir/ de la tshad ma gzhan 'jug pa'i go skabs med par 'gyur ro//gzugs chos mthun pa mthong ba las/ /nya phyis la dngul rnam pa ltar/ /gal te 'khrul pa'i rgyu mtshan gyis/ /yon tan gzhan sbyor mi byed na/ /gal te dngos po de kho na nyid thams cad mthong ba can la yang ji ltar nya phyis la dngul gyi rnam pa lta bur de ltar nges pa'i gags su gyur pa'i khrul pa'i rgyu mtshan gyis yon tan gzhan sbyor bar mi byed na'o//nya phyis la ni mtshungs pa dang / khyad par can dang ngo bos gnyis yod pa ni ma yin te/ de ltar rtogs par thal bar 'gyur ba'i phyir ro/ /bye brag tu mi rtogs na ni gnyis nyid du rtag pa mi rung ba'i phyir dang /ha cang thal bar 'gyur ba'i phyir ro/ /de lta bas na nya phyis kyi gzugs mthong bas khyad par kho na mthong la/ nges pa'i rkyen ma tshang ba'i phyir gtan la ma phebs pas de'i spyi mthong ngo snyam du rlom par byed do//de'i phyir 'di dngul du sgro 'dogs shing de ltar 'dra ba gzhan skye bas tha dad pa nyid du ma 'khrigs pas de'i ngo bor sgro btags pa'i phyir gnas par 'khrul lo/ /'di la gzhan gyi dngos po ji snyed pa rang gi rgyu mtshan ji lta ba las 'byung ba'i sgro 'dogs pa yang de snyed kho na yin pas de rnam par gcod pa'i tshad ma rnams 'byung ba ni 'bras bu dang bcas par 'byung ngo //rnam par gcod pa'i 'bras bu can de dag ni dngos po'i cha shas ma rtogs pa rtogs par bya ba'i phyir 'jug pa ma yin te / cha shas med pa la phyogs gcig mthong ba mi rung ba'i phyir de ni mthong zin pa'i phyir ro//de phyir dngos po mthong ba yi/ /yon tan mtha' dag mthong ba nyid/ /'khrul pas nges par mi byed pas/ /sgrub pa rab tu 'jug pa yin/ /zhes bya ba ni bsdu ba'i tshigs su bcad pa'o/ /de lta bas na mthong ba la mthong ba gzung ba'i phyir/ tshad ma gzhan 'jug pa ni ma yin no/ /rjes su dpag pa las kyang dngos/ /'dzin na chos gcig nges gyur pas/ /chos can 'dzin te sel ba la/ /nyes pa 'dir ni thal mi 'gyur/ /gang zhig mngon sum gyis mthong ba la tshad ma gzhan mi 'jug pa 'ba' zhig tu ma zad kyi/ gang gi tshe rjes su dpag pas kyang bsgrubs pas dngos po rtogs par byed kyi rnam par gcod par byed pa ni ma yin pa de'i tshe/ chos gcig nges na de dang tha mi dad pa'i phyir chos thams cad nges pas tshad ma gzhan mi 'jug ste/ de nges na de'i bdag nyid ma nges pa ni rigs pa ma yin no //gang gi tshe rjes su dpag pas sgro 'dogs pa rnam par gcod par byed pa de'i tshe ni gcig gis sgro 'dogs pa rnam par bcad pas gzhan rnam par bcad pa byas pa ma yin pa'i phyir ro / /de'i don du gzhan 'jug par 'gyur ro/ /ma rtogs pa nges par 'gyur ba ni phyin ci log sngon du 'gro ba can kho na yin par nges pa ma yin nam/dper na du ba glo bur ba las me rtogs pa lta bu ste/ de la ni me ma yin par sgro 'dogs par mi srid do/ /de bas na thams cad la rnam par gcod par byed pa ni ma yin no zhe na/ 'di la chos can rtogs na tha mi dad pa'i phyir thams cad rtogs par 'gyur ro//'on te tha dad na ma 'brel pa ni de la rtogs pa med do/ /zhes bshad zin to/ /de'i phyir de la yang de mthong ba la de'i rang gi ngo bo ma nges pa ni ga las she na/ phyin ci log kho na las yin no/ /de yang phyogs de blo me dang ldan par 'dzin pa dang bral bas/des dben pa'i ngo bor nges par byed pa na ji ltar phyin ci log ma yin/ de'i rnam par sgro 'dogs pa dang the tshom dang bral ba ni de rtogs par bya ba la rtogs kyi rjes su 'brang bar yang mi byed/ de'i rjes su 'gro ba dang ldog pa dag la gus par yang mi byed do//de phyir de ltar rtags sel ba'i/ /yul can yin par rab tu bsgrags/ /gzhan du chos can grub gyur na/ /de las ma grub gzhan ci yod / /ces bya ba ni bsdu ba'i tshigs su bcad pa'o/ /mthong ba 'ga' la shes pa gang / /spyi yi don can rnam rtog pa//gzhan gyi cha sgro ma btags pa/ /de tsam sel ba'i spyod yul can/ /gzugs la sogs pa mthong ba'i mjug thogs su rtags can ma yin pa'i nges pa'i shes pa skye ba gang yin pa de sgro 'dogs pa med na ji ltar rnam par gcod pa'i yul can du 'gyur zhe na/sgro ma btags pa'i yul la yod pa'i phyir ro/ /gang la 'di'i sgro 'dogs pa dper na brten pa'o zhes pa'am/ bdag dang bcas pa'o snyam pa'i khyad par de la nges par mi 'gyur te/ /nges pa dang ni sgro 'dogs yid / /gnod bya gnod byed ngo bo'i phyir/ / dngos po thams cad las tha dad pa mthong yang de kho na bzhin du mngon par shes pa ni ma yin te/ khyad par 'ga' zhig la bar du gcod pa srid pa'i phyir/ dper na nya phyis kyi dkar po nyid lta bu'o/ /gang la rtogs pa po'i 'khrul pa'i rgyu mtshan med pa de kho na la ni de mthong ba khyad par med kyang 'di'i dran pa nges par 'gyur te/sgro 'dogs pa dang nges pa dag gnod par bya ba dang gnod par byed pa'i ngo bo yin pa'i phyir ro/ /nges pa/ 'di ni sgro 'dogs dben pa la/ /'jug ces bya bar shes pa yin/ /des dben pa nyid gzhan sel ba yin no/ /de lta bas na de yang de tsam gyis sel ba'i spyod yul can yin gyi dngos po'i rang gi ngo bo nges par byed pa'i bdag nyid ni ma yin te/de ltar nges pa la yang gzhan ma rtogs pa mthong ba'i phyir ro/ /de'i rang gi ngo bo nges pa la ni de mi rung ba'i phyir ro/ /cha shas sgro 'dogs ji snyed pa//de bsal phyir ni nges pa dang / /sgra yang de snyed kho na des/ /de dag spyod yul tha dad can/ /gzhan du dngos po gcig pu la/ /sgra 'am blo gcig gis khyab na/ /gzhan yul ma yin de yi phyir/ /rnam grangs pa ni nyid du 'gyur/ /zhes bya ba ni bar skabs kyi tshigs su bcad pa dag go//gang gi ltar blo khyad par ni / /sna tshogs can don tha dad 'dzin/ /gang zhig khyad par rnams ni phan tshun dang rten las tha dad pa kho na yin la/ de'i rgyu can gyi gnyen po dag ni de dag gi rten nam de dag kho na la 'jug go/ /de bas na thal ba 'dir mi 'gyur ro snyam du sems pa de'i ltar na yang //khyad par sna tshogs la phan pa'i/ /yan lag nus las mi gzhan pa'i/ /bdag nyid bdag nyid kun gzung na/ /phan bya'i bye brag gang ma nges/ /khyad par tha dad pa dag kho na don la sgra dang / shes pa gzhan dag gi rgyu mtshan yin du zin kyang de dang ldan pa gcig pu nyid de ni de dag gis nye bar len to//khyad par sna tshogs pa la phan pa'i rten nus pa'i ngo bo nyid de ni bdag nyid la tha dad pa med pa'i phyir/ bdag nyid thams cad du gzung na khyad par gyi bye brag ma nges pa gang zhig yod de/khyad par thams cad la phan 'dogs par byed pa nyid du gzung ba'i phyir ro/ /rang gi ngo bo gzung ba de'i phan par byed pa nyid ma bzung ba gzhan na ni med pa kho na'o/ /de'i phyir 'di'i rang gi ngo bor gzung ba gang yin pa de nyid phan par byed pa nyid du yang yin no/ /de dag bdag nyid la 'brel phyir //gcig shes na ni gnyi ga gzung / /khyad par de dang ldan pa phan par bya ba dang / phan par byed pa'i ngo bo bdag nyid du gyur pa gzung ba'i phyir gcig shes na gnyi ga gzung bas de khyad par du byas pa gzung na yang khyad par thams cad gzung ba yin te/khyad par dang ldan pa 'dzin pa ni de 'dzin pa med na de med pa'i phyir ro/ /gzhan du na de ltar yang 'dzin par mi 'gyur ro/ /gzhan la phan par byed pa gang zhig ma bzung bar gyur pa gzhan ni med pa nyid do/ /phan par byed pa de ltar gzung na phan par bya ba ma bzung ba yang med de/de la yang ma bzung bar thal bar 'gyur ba'i phyir rje khol bzhin no/ /de'i phyir khyad par don gzhan yin par smra ba la yang thal bar 'gyur bar mtshungs so/ /'on te gang dag gis khyad par la phan 'dogs pa'i nus pa dag ni tha dad pa kho na ste/ de'i phyir thal ba 'dir mi 'gyur ro snyam du sems na/chos phan nus rnams tha dad na/ /de dag de'i ci yin gal te/ /de las de dag la phan med/ /de lta yin ni thug med 'gyur/ /gal te khyad par re re la phan par byed pa nyid dag yin na ni de'i rang gi bdag nyid du gyur pa dag ma yin pa kho na ste/de las phan pa nyams su myong ba yang med na ci ste de'i de dag yin zhes bya/ 'on te phan na 'di gcig pus rang gi bdag nyid du gyur pa'i nus pa dag gis nus pa la phan pa byed pa na khyad par gcig gis gzung na yang bdag nyid thams cad du gzung ba kho na yin te/ 'di ltar khyad par gzung na de la phan 'dogs pa'i nus pa bzung ba yin no//de gzung na de la phan par byed pa'i dngos po nus pa la phan pa rang gi bdag nyid du gyur pa mtha' dag dang ldan pa gzung bas thams cad kyi nus pa 'dzin par byed la/ de dag gis kyang khyad par rnam par 'dzin par byed pas thal bar 'gyur ba so na 'dug pa yin no//'on te nus pa la phan 'dogs pa'i nus pa de dag kyang dngos po las tha dad pa kho na yin na/ de ltar na khyad par dang de'i nus pa rnams nus pa gzhan dag kho na la mthar thug pa med par sbyor ba'i phyir/ de la phan pa'i bdag nyid de gcig pu nam yang de dag dang ma bzung bas de dang ldan pa nyid du 'dzin par mi 'gyur ro//yang gal te sgra dang shes pa rnams kyi khyad par bdag nyi tshe la nye bar sbyor bar 'gyur la/ de'i tshe de dang ma 'brel ba'i phyir de rtogs pa'i sgo nas thams cad rtogs par mi 'gyur ro zhe na/de'i tshe yang sgra dag gis de ma 'phangs pa'i phyir/ de la sgra mi 'jug pas sgra sbyor ba de med par 'gyur te/ sgrub pa dang dgag pa dag gis tha snyad thams cad ni don byed pa'i rten can yin pas so/ /khyad par rnams kyis ni der mi nus la nus pa ni mi brjod pas sgra sbyor ba dag gis ci zhig bya/de'i phyir khyad par rnams ni khyad par yang ma yin par 'gyur te/ 'ga' zhig la zhugs na ni gtso bo 'ga'i yan lag tu gyur pa'i phyir/ de la ltos nas de skad ces brjod do/ /sgra dag gis de mi 'phen na ni de dag gang gi yang yan lag tu gyur pa ma yin pas ci ste khyad par dag yin/gal te shes par byas pas mtshon pa'i phyir nyes pa med do zhe na/ thal bar 'gyur bar mtshungs te/ re zhig med na med pa'i phyir khyad par de dag gis de nye bar mtshon pa na gcig gis nye bar mtshon na yang bdag nyid thams cad nye bar mtshon pa yin pas thal bar 'gyur ba so na 'dug pa yin no//'di sgras nye bar mtshon par byed kyang rung / des nye bar mtshon pa'i khyad par dag gis nye bar mtshon par byed kyang rung ste/ 'di la khyad par ci zhig yod/ re zhig de'i tshe de thams cad la phan par byed pa po yin no zhes bya bar nges par byed pas de ni gyi na'o/ /de'i phyir/ gcig la phan byed gzung na ni/ /de las mthong la ma mthong ba/ /phan pa gzhan min de yi phyir/ /de gzung na ni thams cad gzung //zhes bya ba ni bsdu ba'i tshigs su bcad pa'o/ /gal te 'khrul pa bzlog pa'i phyir/ /gzung ba la yang gzhan 'dod na/ /gal te 'di snyam du dngos po cha med pa gzung na/ de'i tshe ma bzung ba gzhan ci zhig yod de / de ni 'khrul pas nges par mi 'dzin pas tshad ma gzhan 'jug go snyam du sems na/gal te de lta na/ /de rnam gcod pa'i yul can grub/ /de las gzhan la'ang de dang 'dra/ /sgro 'dogs med pa'i yul la ni/ /'jug phyir/ 'khrul pa bzlog pa'i phyir zhugs pa'i tshad ma de ni gzhan sgro 'dogs pa rnam par gcod pa'i 'bras bu can yin pas/gzhan sel ba'i yul can du grub la/ gzhan yang de dang 'dra ste/ sgro 'dogs pa med pa'i yul la 'jug pa'i phyir ro/ /gang la 'di'i sgro 'dogs pa yod pa de la nges pa med pa de'i phyir sgro 'dogs pa med pa la 'jug pa ni gzhan sel ba'i yul can du 'grub bo//gzhan yang ngo bo gang / /nges pa rnams kyis ma nges pa/ /de ni ji ltar de dag yul/ /nges pa rnams kyis rang gi don rtogs pa ni nges pa gang yin pa 'di kho na yin na/ gal te rnam pa gzhan bzhin du ma nges na/ ji ltar de dag gis gzung ba yin/ da ni ji ltar ma nges pa mngon sum gyis kyang gzung ba yin zhe na/ mngon sum ni gang gi yang nges par byed pa ma yin te/ des gang zhig 'dzin pa de yang nges pa ni ma yin no/ /'o na ci zhe na/ der snang bas so/ /de bas na nges pa dang ma nges pa'i dbang gis mngon sum gyis 'dzin pa dang mi 'dzin pa dag ma yin no//nges pa rnams kyis ni de ltar ma yin te/ 'ga' zhig nges kyang gzhan la ma nges pas 'jug pa tha dad pas 'dzin pa dang mi 'dzin pa yin no/ /de'i phyir nges pa gang yin pa de nyid 'di 'dzin pa yin no/ / de lta ma yin na rnam pa gcig la yang der mi 'gyur ro/ /yang ci'i phyir thams cad pas tha dad pa'i dngos po'i ngo bo la nyams su myong ba skyes kyang de kho na bzhin du dran pa'i nges pa mi 'byung zhe na/ lhan cig byed pa ma tshang ba'i phyir ro/ /de bas na/ /khyad par cha shas rnam spangs pa//mngon sum gyis ni gzung ba'am / /khyad par gang la rtogs pa yi/ /rkyen yod de ni rtogs par 'gyur/ /thams cad las tha dad pa cha shas dang bral ba'i ngo bo nyid nyams su myong mod kyi 'on kyang de tsam gyis khyad par thams cad la nges par mi 'gyur te/ rgyu gzhan la ltos pa'i phyir ro/ /nyams su myong ba'i rnam par rtog pa la ji ltar goms pa bzhin nges pa'i shes pa skyed par byed do / /dper na gzugs mthong ba la khyad par med kyang / ro myang ba dang / nyal po bya ba dang / bza' bar bya ba'i rnam par rtog pa dag lta bu'o//de la ni blo gsal ba dang / 'di bag chags goms pa dang / skabs shes bya ba la sogs pa yang nyams su myong ba las khyad par nges pa skye ba'i lhan cig byed pa dag yin no/ /de dag kho na shin tu nye ba dang / ches shin tu nye ba la sogs pa'i bye brag gis snga phyi nyid du 'gyur te/dper na skyed par byed pa dang / 'don du 'jug par byed pa nyid du khyad par med kyang pha 'ong ba mthong nas bdag gi pha 'ong ngo snyam gyi mkhan po 'ong ngo snyam pa ni ma yin pa lta bu'o/ /nges pa der yang 'gyur ba na 'khrul pa'i rgyu med na mi 'gyur ro/ /de'i phyir nyams su myong ba kho nas ni rnam pa thams cad ces pa ma yin no//de la'ang gzhan las ldog pa dang / /gzhan las log pa zhes bya yi/ /sgra dang nges pa nyid dag ni/ /brda yi rjes su byed pa yin / /gzhan sel ba de la yang ldog pa yang gzhan log pa yang rgyu gzhan pa nyid med de/ de las ldog pa las log pa la de yod par thal bar 'gyur ba'i phyir ro//de lta yin na ni ldog pa yang med do/ /de'i phyir ldog pa gang yin pa de nyid log pa yin no/ /sgra dang rtogs pa'i tha dad pa ni brda'i bye brag gis yin gyi/ brjod par bya ba la ni tha dad pa med do/ /brjod par bya ba tha dad pa med pa'i phyir brda'i bye brag kyang mi rung ste/gnyi gas gcig brjod pa'i phyir ro/ /de ltar na tha dad par 'byed pa'i rnam pa dbye ba yang mi sbyar bar 'gyur te/ de ni tha dad pa la brten pa'i phyir ro zhe na/ gnyi gas gcig cig brjod mod kyi/ / brjod bya'i shan gyi khyad par gyis/ /rnam dbye tha dad 'byed pa yis/ /tha dad don bzhin sgrub par byed/ /sgra rnams kyi 'jug pa yul gyi rang gi ngo bo la rag las pa ni 'ga' yang med de/ 'dod pas 'jug pa med par thal bar 'gyur ba'i phyir ro/ /de dag tha dad pa'am tha dad pa ma yin pa la ji ltar sbyar bar 'dod pa de ltar sbyar ba ni don de gegs byed pa med par rab tu ston par byed do//de'i phyir ba lang dang ba lang nyid ces bya bas don gcig brjod mod kyi/ khyad par 'ga' zhig shes par bya ba'i phyir/ brdas khyad par byas na don gzhan ma yin kyang tha dad pa'i don can gyi rnam par dbye bas don tha dad pa lta bur ston par snang ste/de ltar sbyor ba mthong ba la goms pa'i phyir ro/ /de tsam gyis thams cad la tha dad pa ni ma yin te/ gzhan la yang skyes bu'i 'dod pa'i dbang gis 'jug pa la gags byed pa med pa'i phyir/dper na gcig la 'ga' zhig tu gcig gi tshig gis sgro 'dogs la/ der khyad par med kyang gus pa la sogs pa brjod pa'i phyir/ mang po'i tshig gis sgro 'dogs pa lta bu'o/ /dgos pa med pa'i phyir brda tha dad par mi 'gyur ro zhe na/ de yang yod pa kho na ste 'di ltar/khyad par gzhan ni spong ba dang / /mi spong ba dag de gnyis kyi/ /brda yi bye brag rtogs pa po'i/ /'dod pa'i rjes su byed pa'i gzhi/ /gang gi tshe rtogs par byed pa 'di de las gzhan rnam par bcad pa yod pa la mi ltos par gong du khyad par la rta rnam par bcad pa tsam shes par 'dod pa na/de lta bu shes par bya ba'i phyir de ltar brdar byas pa'i sgras 'di la rta ma yin pa nyid yod do zhes bya bar rab tu shes par byed do/ /gang gi tshe rnam par bcad pa gzhan gyis mi 'dod pa med par de shes par 'dod pa de'i tshe ni de ltar rab tu bstan pa'i phyir/rnam pa gzhan pa gzhan yongs su ma spangs pa la 'di ni rta ma yin pa yin no/ /zhes rab tu sbyor ro/ /de nyid kyi phyir snga ma la ni sgra 'jug pa khyad par gzhan spangs pa'i phyir gzhi mthun pa nyid dam/ khyad par dang khyad par gyi gzhi dngos po ma yin te/'di'i ba lang nyid dkar po zhes bya ba lta bu'o/ /de tsam gyi khyad par gyis blo de'i rten du gyur pa gcig pa nyid du mi snang ba'i phyir dang / 'dod pa med pa'i phyir ro/ /gnyis pa la ni yod de de lta bu'i brda'i rjes su 'brang ba'i phyir/ rnam par bcad pa'i chos mtha' dag bsdus pas rnam par dbye ba dang ldan pa gcig lta bur ston par snang ba'i phyir dang /rnam par bcad pa gzhan 'dod pa dang bcas pa'i phyir ro/ /kun la rdzas dang dngos brjod pa'i/ /sgra yi khyad par 'di nyid de/ /de'i phyir de dag brjod bya la/ /khyad par 'ga' yang yod ma yin//de lta bas na thams cad du chos dang chos can brjod pa'i sgra dag gis brjod par bya ba'i don la nges pa'i shes pa'i yul nyid du khyad par 'ga' yang med de/ gcig gis ni de nyid shes par byed pa la khyad par gzhan spangs te shes par byed pa la/gzhan gyis ni ma spangs te/ shes par byed pas khyad par ni de yod do/ /don de shes par byed 'dod pas/ /de la phan pa'am byed ldan pa'am/ /gal te gzhan gyis brjod kyang rung / /de las khyad par gzhan med do/ /khyad par de tsam kho na ston par byed pa na de lta bu'i shes par bya ba'i phyir ro//brtsed pa nyid ces de la phan pas ston kyang rung / brtsed pa zhes byed pa dang ldan pas kyang rung / rang gis byas pa'i gzhung lugs gzhan gyis kyang rung / de skad du brjod pa tsam gyis ni de don gzhan pa nyid du 'gyur te/ de lta bu kho na shes par bya ba'i phyir sgra brdar byas pa'i phyir ro/ /brtsed pa nyid ces bya ba 'brel pa la bya ba ma yin nam/ 'tshed pa nyid ni ma yin no zhe na/ ji skad du brjod pa lta bur 'tshed pa dang / 'tshed pa po gzhan 'ga' kho na zhig brjod pa ni ma yin no/ /'di'i brjod par bya ba gang yin pa de ni bstan zin to//de nyid 'tshed pas kyang brjod do/ /gting mi tshugs pa log pa'i rnam par rtog pa dag gis chog go / /ji ltar bya ba don gzhan du gyur pa'am/ de dag gi 'du ba ma yin pa de ni 'og nas shes par bya'o//de phyir gzhan sel yul la ni/ /de ldan phyogs la brjod pa bsal / /rigs dang de dang ldan pa dag /tha dad nyid na nyes par 'gyur/ /sgra'i don gzhan sel ba can la yang des khyad par du byas pa brjod pa'i phyir/ de dang ldan pa'i phyogs la brjod pa'i thal ba thams cad mtshungs par 'gyur ro//zhes smras pa gang yin pa de yang 'dis bsal te/ de la ni don gzhan la brten nas 'jug pa'i sgra rang dbang med pa la sogs pa'i nyes pas gnod par 'gyur ro/ /gzhan las ldog pa ni log pa las don gzhan pa yang ma yin te/gnyi gas gcig brjod pa'i phyir ro zhes bshad zin to/ /da ni log pa gzhan gyi rjes su mi 'gro ba'i phyir/ ji ltar gzhan las ldog pa spyi yin zhe na/ de'i blo la de ltar snang ba'i phyir ro/ /spyi zhes bya ba ni 'ga' yang med kyi/ sgra'i rten can gyi blo thog ma med pa'i bag chags kyi mthus chos ma 'dres pa dag kyang bsre zhing skye'o/ /don med bzhin du yang de snang ba'i dbang gis spyi dang gzhi mthun pa nyid du rnam par gzhag ste/ don rnams la 'brel pa dang tha dad pa med pa'i phyir ro/ /de thams cad kyi rten ni de'i 'bras bu dang rgyu can nyid kyis gzhan dag las tha dad pa'i don rnams yin la/sgras kyang mi 'dod pa spangs te 'jug par byed pa gzhan sel ba'i yul can du bshad de/ de la phyi rol gyi don gyi de kho na nyid la mi ltos pa blo snang ba'i dbang gis gcig pu du ma las log pa sgra rnams dang /de nyams su myong ba'i bag chags sad pa las skye ba can gyi rnam par rtog pa de'i dngos po nges pa'i don can rnams kyi yul du byed cing de nyid la chos dang chos can gyi tha snyad phan tshun de nyid dang gzhan dag tu brjod par bya ba ma yin pa 'di spro bar byed do//chos ni chos can las gzhan pa yang ma yin te/ don gzhan mi brjod pa'i phyir ro/ /de nyid kyang ma yin te/ de brjod pa dag bzhin du chos brjod pa rnams kyis kyang rnam par gcod pa gzhan 'phen par thal bar 'gyur ba'i phyir ro/ /de lta na ni 'dod pa'i shes par mi 'gyur ba'i phyir brda'i khyad par mi bya bar mi 'gyur ro//chos dang chos can dag brjod par bya ba ma yin pa nyid 'di ni sgra'i don la yin no/ /dngos po la ni rang gi mtshan nyid las spyi'i mtshan nyid brjod par bya ba ma yin te med pa'i phyir ro/ / chos dang chos can dag tha dad pa ma yin na/ tha dad pa la drug pa la sogs par rnam par dbye ba mthong ba dang / chos mang ba'i phyir de la mang po'i tshig gi bye brag mthong ba yang chos can gcig la mi rung ba ma yin nam zhe na/ 'di la sgra rnams la rang dbang can nyid ni med do zhes bshad zin to//gzhan yang / gang dag gi tshig dngos po'i dbang / /lhur brjod 'dod la mi brten pa/ /de dag la ni drug pa dang / /tshig dbye la sogs klan ka rigs/ /gal te sgra 'di dag skyes bu rnams kyis 'ga' zhig la bya bar 'dod du zin kyang du ba la sogs pa bzhin du dngos po dang 'brel pa'i phyir bya bar mi nus na de'i tshe ji ltar drug pa la sogs par 'gyur/zhes bya ba'i klan ka 'dir 'gyur gyi/ gang gi tshe/ phyi rol don la mi ltos pa'i/ /tshig gang smra bos ji lta bur/ /rjod byed nyid du nges byed pa/ / de de bzhin du rjod byed yin/ /tha dad pa la ni drug pa'o/ /mang po la ni byed pa po rnams so/ /zhes bya ba la sogs pa de yang skyes bu'i 'dod pa la mi ltos pa nyid du dngos po nye ba tsam gyis rang nyid zhugs pa ni ma yin te/ de dag ni de la de ltar sbyor bas de ltar go bar 'gyur ro//de bzhin du gzhan la la yang de dag gis ji ltar yang rung rab tu sbyar ba de kho na bzhin du go ba'i rgyu dag tu 'gyur ro/ /de la ni brjod par bya ba dag skyes bu la rag las te/ 'jug pa'i sgra dngos po yang dag par mi ston pa ji ltar goms pa bzhin rnam par rtog pa sad pa'i rgyur gyur pa rnams 'jug pa sems pa dang /de'i dbang gis dngos po rnam par 'jog pa ni blun par ston pa 'ba' zhig tu zad do/ /chos dang chos can la sogs pa la sgra dag de ltar rnam par gzhag par byas kyi/ ldog pa dang dngos po tha dad pa'i sgo nas ni ma yin no zhes bya ba 'di ga las she na/de ltar na tha snyad mi rung ba'i phyir te/ chos dang chos can dag tha dad pa'am/ de'i ngo bo yin pa'am/ sgra rnams dngos po ji lta ba bzhin du 'jug pa yin no/ /spyi dang de dag gi 'brel pa dang / gzhi mthun pa nyid dang / khyad par dang khyad par gyi gzhi'i dngos po dag mi rung ngo zhes 'chad par 'gyur ro/ /gang yang sgra 'jug pa'i khyad par 'di ni thams cad du dngos pos byas pa kho nar 'dod pa de'i/ btsun mo rnams grong drug la sogs/ /tha dad tha dad min gzhan pa'am//nam mkha'i rang bzhin nam mkha' nyid/ /ces bya ba 'di la rgyu ci yod/ gang gi tshe bud med gcig la yang btsun mo rnams zhes bya ba dang / bye ma gcig la yang bye ma rnams zhes tha snyad 'dogs pa de la gang gis na de lta bur 'gyur ba'i mang po nyid ci zhig yod/gal te nus pa tha dad pa yin no zhe na/ de ni thams cad du gcig gis tshig nyams pa yin te/ nus pa gcig pa med pa'i phyir ro/ /'bad pa yang don med do/ /gal te dngos po tha mi dad pa'i phyir gzhan la gcig gi tshig tu 'gyur ro zhe na/ 'di la yang 'gyur ro/ /de'i phyir nges pa dngos po ma yin pa 'di byed pa na/ sgra sbyor ba la 'dod pa rang dbang can du ston pa yin no/ /grong khyer drug ces bya ba yang ji ltar mang po dag la gcig gi tshig tu 'gyur/ grong khyer nyid kyang cung zad kyang med na/ de rnams la sdud pa lta ga la yod/khang bzangs dang skyes bu la sogs pa rigs mi mthun pa rnams kyis mi rtsom pa'i phyir/ de rnams kyi spyi lta zhig rdzas gang la yin te/ ldan pa med pa'i yang phyir ro/ /ldan pa ni ma yin te/ khang bzangs rang nyid ldan pa'i bdag nyid yin pa gzhan dang mi ldan pa'i yang phyir ro//de nyid kyi phyir grangs kyang med de/ gal te grong khyer ni ldan pa de dang skyes bus khyad par du byas pa'i yod pa yin no zhe na/ bogs dbyung du med pa 'di la khyad par ci zhig yod/ yod pa yang gcig yin pa'i phyir/ grong khyer mang po nyid la yang grong khyer rnams zhes mang po'i tshig tu mi 'gyur ro //gal te gnyis phan tshun grogs byed pa nyid yin no zhe na/ phan par bya ba dang phan par byed pa po ma yin pa dag la grogs byed pa'i dngos po ci zhig yod/ skyes bu dang ldan pa dang / yod pa rnams kyang mang ba'i phyir/ji ltar grong khyer zhes gcig gi tshig tu 'gyur/ gal te de lta bu rnams don 'ga' zhig la nus pa tha mi dad pa yod pas de rgyu mtshan yin no zhe na/ ma yin te/ nus pa ni dngos po'i ngo bo las tha mi dad pa'i phyir ro// //bam po gsum pa/'on te tha dad na ni phan par bya ba ma yin pa la gzhan gyi dbang mi rung ba'i phyir ro/ /'on te phan na ni nus pa la phan 'dogs pa'i nus pas thug pa med pa'i phyir rtogs pa med do/ /'on te de dang tha mi dad na ni dang po la yang thal bar 'gyur bas da ni gyi na'o/ / nam mkha'i rang bzhin nam mkha' nyid ces bya ba tha dad pa'i rten gyi drug par yang mi 'gyur te/ de la spyi ni med do/ /khyab pa nyid la sogs pa yon tan rnams la de skad du brjod pa yang ma yin te/ don gzhan pa ni de'i rang bzhin yin pa nyid du mi rung ba'i phyir dang / de dag kyang rang bzhin med pa nyid du thal ba'i phyir ro//de yang rang bzhin don gzhan pa can yin na ni ha cang thal bar 'gyur te/ de lta na yang rtogs pa med do/ /de bzhin du dngos po drug gi tshogs la sogs pa la yang brjod par bya ste/ de la spyi dang grangs dang ldan pa ni mi srid do/ /da ni khyad par med na ji ltar nam mkha'i rang bzhin zhes bya'i/nam mkha' zhes bya ba kho na ni ma yin zhe na/ nam mkha'i don gzhan dang thun mong ba'i ngo bo la mi ltos par nam mkha' zhes bya ba'i sgra 'jug pa'i rgyu'i ngo bo la de lta bur shes par 'dod pa de skad du brjod do/ /thams cad las log pa'i rang gi ngo bo brjod par mi srid pa ma yin nam zhe na/ngo bo nyid de blo la 'jog pa ni ma yin te/ dbang pos mi sod pa nyid ma yin par thal bar 'gyur ba'i phyir ro/ /'di ni de lta bu shes par bya'o snyam nas sgras nyan pa po la rnam par rtog pa'i gzugs brnyan de'i rang gi ngo bo dang ma 'brel pa gtod par byed pa 'ba' zhig tu zad de/'di ltar don ma mthong ba la ni don gyi rnam par rtog pa tsam mo zhes bshad pa lta bu'o/ /de ltar na rtogs par bya ba dang / rtogs par byed pa dag gis rang gi mtshan nyid rtogs pa dang /bstan pa ni ma yin te/ mtho ris la sogs pa thos pa la yang de nyams su myong ba dag dang 'dra bar snang ba tha dad pa med par thal bar 'gyur ba'i phyir ro/ /de'i phyir 'dis dngos po'i rang gi ngo bo ma rtogs su zin kyang rnam par rtog pa'i gzugs brnyan de lta bu kho na la der lhag par zhen pas mgu bar 'gyur te/sgra'i don rtogs pa ni de lta bu kho na yin pa'i phyir ro/ /des na rang gi mtshan nyid bstan to zhes de skad du brjod kyi/ rang gi ngo bo snang ba'i rnam par shes pa kho na bskyed pa'i phyir ni ma yin no/ /da ni 'o na ji ltar gcig tu log pa'i ngo bo can rnams la spyi zhes bya ste/de dag ma 'brel pa'i phyir dang / gzhan yang med pa'i phyir ro zhe na/ spyi ji lta bu yin pa ni bshad zin te/ ma 'dres pa rnams kyi cig shos dang ma 'brel pa de ni de las ldog pa can rnams kyi 'dra ba nyid yin no zhes bshad do/ / gzhan yang / tha dad dngos rnams la brten nas/ /don gcig tu ni snang ba'i blo/ /gang gi rang gi ngo bo yis/ /gzhan gyi ngo bo sgrib byed pa'i/ /kun rdzob des bdag tha dad kyang / /tha dad pa nyid bsgribs pa yi/ /dngos rnams ngo bo 'ga' zhig gis/ /tha dad min pa lta bur snang //de la bsam pa'i dbang gis na/ /spyi yod par ni rab tu bsgrags/ /de yis ji ltar kun brtags pa/ /de ni dam pa'i don du med/ /rnam par rtog pa can gyi blo ni de dag las gzhan pa las ldog pa can gyi dngos po rnams la brten nas skye ba na/ rang gi bag chags kyi rang bzhin byed cing de dag gi ngo bo tha dad pa mi snang bar byas nas/bdag nyid kyi rnam pa tha dad pa med pa zhen par byas te/ de rnams 'dres par kun du ston to/ /bsgrub par bya ba dang / sgrub pa gcig pa can nyid kyis na gzhan las tha dad pa'i dngos po rnams dang /rnam par rtog pa de'i bag chags kyi rang bzhin na de dag las skye ba can 'di de lta bur snang ba gang yin pa de yin no/ /da ni kun rdzob ste 'dis rang gi ngo bos gzhan gyi ngo bo sgrib pa'i phyir ro/ /de dag ni des tha dad pa bsgribs pas bdag nyid kyis tha dad kyang ngo bo 'ga' zhig gis tha mi dad pa bzhin du snang ngo //de bas na rjes su byed pa rnams kyi blo'i snang ba la blo la snang ba'i dngos po la rnam pa'i khyad par yongs su 'dzin pas phyi rol lta bur kun tu 'phro ba de dag kho na'i spyi yin par brjod do/ /da ni ji ltar gzhan sel ba'i spyi yin zhe na/de nyid gzhan sel ba yin te/ de na de kho na 'dzin pa'i rnam par rtog pa rnams ni rang bzhin gyis 'khrul pa'i phyir dngos po 'dzin pa lta bur snang ngo / /de ni de las gzhan pa las tha dad pa'i dngos po rnams kho na la skye ba na tha dad pa'i yul can zhes bya bar shes so//phyi rol pa rnams tha dad pa yin na de dag la ni rnam par rtog pa mi 'jug pa yin nam/ ji ltar de dag la skye zhe na/ 'chad par byed pa rnams de ltar rnam par 'byed par byed kyi/ tha snyad 'dogs par byed pa rnams ni ma yin te/ de dag ni rang gi dmigs pa kho na don byed par rung bar sems shing snang ba dang /rnam par brtag par bya ba'i don dag gcig tu byas nas 'jug go/ /de dag gi bsam pa'i dbang gis de skad ces bya ba dang / de bzhin du sgras de byed pa nyid kyis de byed pa ma yin pa dag las log pa rnams ston par byed do zhes brjod do//de kho na nyid sems par byed pa rnams ni/ snang ba tha dad pa la sogs pa'i sgo nas tha dad pa med par mi sems so/ /gal te rtogs pa pa'i bsam pa'i rjes su byed na gzhan sel ba yang spyi yin par 'gyur te / de ltar rtogs pa ni med do zhe na/ de ltar mi rtogs pa 'ba' zhig tu ma zad kyi bsal ba las tha dad pa dang tha mi dad pa dang /gcig pa dang khyab pa nyid la sogs pa'i rnam pas kyang mi rtogs pa nyid do/ /blo rnam pa tha mi dad pa can skye ba de'i rten gang yin zhe na/ gzhan sel ba yin no zhes brjod pa 'ba' zhig tu zad de/de ni dngos po rnams la yod pa'i phyir dang / 'gal ba med pa'i phyir dang / sgra'i rten can gyi tha snyad kyang de ltar snang ba'i phyir ro/ /blo 'di ji ltar snang ba lta bur spyi zhes bya ba dngos por gyur pa ni cung zad kyang med de/ 'di ltar/ bsal ba rnams ni rjes mi 'gro/ /rjes 'gro gzhan ni snang ba med/ /bsal ba 'di dag ni phan tshun rjes su 'gro ba ma yin te/ tha dad pa med pas spyi nyid med par thal bar 'gyur ba'i phyir ro/ /de rnams las gzhan pa tha dad pa yang cung zad kyang de lta bu'i blo la mi snang ste/mi snang na ji ltar bdag nyid du gzhan 'dzin pa'am tha snyad 'dogs par byed de/ de dag dang 'brel pa gcig yod pa'i phyir yang spyi yin par mi 'gyur te/ ha cang thal bar 'gyur ba'i phyir ro zhes bshad zin to/ /gal te tha mi dad pa'i brjod pa dang / blo'i rgyu mtshan du gyur pa gcig spyi yin gyi thams cad ni ma yin no zhe na/ji ltar gzhan gyi sgo nas gzhan la shes pa 'jug /de dang 'brel pa'i phyir ro zhe na/ grangs dang 'bras bu'i rdzas la sogs pa yod na yang thal bar 'gyur ro/ /gal te spyi'i bdag nyid ma yin pa'i phyir ro zhe na/spyi'i bdag nyid 'di gang yin zhes de nyid dpyod pa ma yin nam/ de la 'brel pa yod na shes pa 'jug ste/ des na spyi yin no zhes smras pa de la bshad pa rgyu mtshan srid pa'i phyir rdzas la sogs pa du ma dang 'brel pa can dag las kyang shes pa 'jug ste/de'i phyir spyi'i bdag nyid yin no/ /de lta ma yin na gzhan la yang mi 'jug ste/ khyad par med pa'i phyir ro/ /de lta na ni rdzas dang yon tan dang spyi rnams kyi ngo bo 'chol ba yin no/ /de lta na 'o na ni/ blo'i snang ba kho na shes pa'i ngo bo yin pa'i phyir yod pa nyid pas spyi yin no zhe na/de ni ma yin te/ 'di ltar/ shes dang tha dad ma yin pa/ ji ltar don gzhan 'brang bar 'gyur/ /shes pa po'i ngo bo ji ltar don gzhan rnams kyi spyi yin te/ de ni de rnams la med pa'i phyir ro/ /gal te de'i ngo bo zhen pa'i phyir/ de ltar 'khrul pas tha snyad 'dogs so zhe na/ de la de ltar shes pa skye ba'i rgyu gang zhig yin/ rten med par skye na ni thams cad la 'gyur ro rnam pa gcig tu na shes pa gcig dang / tha dad pa ma yin pa ji ltar shes pa gzhan bsal ba gzhan las byung ba'i ngo bo yin/de'i phyir shes pa gzhan dang bsal ba gzhan la khyad par byed pa ma yin pa ji ltar spyi yin par 'gyur/ de ltas don la gcig bdag tu/ /'dzin pa'i rnam rtog 'di 'khrul pa/ /don rnams ni tha dad pa'am tha dad pa ma yin pas kyang rung bdag nyid gang gis kyang mtshungs pa ma yin pas de rnams la de ltar 'dzin pa'i rnam par rtog pa ni 'khrul pa yin no//ming don gang ldan phan tshun du/ /tha dad pa 'di'i sa bon yin/ /bsgrub par bya ba tha mi dad pa can gyi dngos po rnams de'i bsgrub par bya ba can ma yin pa dag las shes par bya ste/de dag yongs su spangs nas 'jug par 'gyur bar gang zhig shes par bya ba'i phyir brdar byed pa phan tshun tha dad pa de ni nor ba'i rnam par rtog pa gcig gi bdag nyid du snang ba can de'i sa bon te/ rnam par rtog pa 'di ni de kho na 'dzin pa na rang gi bag chags kyi rang bzhin las de ltar snang ngo //yang ji ltar na gang gis na de ma yin pa dag las log pa'i phyir tha mi dad pa zhes brjod pa/ tha dad pa rnams kyi 'bras bu tha mi dad pa yin zhe na/ dngos po rnams kyi rang bzhin ni 'di lta bu yin te//gcig rtogs don shes la sogs pa/ /don gcig bsgrub la kha cig ni/ /tha dad yin yang rang bzhin gyis/ /nges te dbang po la sogs bzhin/ /ji ltar dbang po dang yul dang snang ba dang / yid la byed pa rnams sam/ bdag dang dbang po dang yid dang don dang de rnams phrad pas de'i ngo bor nges pa'i spyi med kyang /gzugs kyi rnam par shes pa gcig bskyed pa de bzhin du/ shing sha pa la sogs pa tha dad pa dag kyang phan tshun rjes su mi 'gro ba yang rang bzhin kho nas rnam pa gcig tu mngon par shes pa'am/gzhan me dang khyim la sogs pa shing gis bsgrub par bya ba'i don bya ba rkyen ji lta ba bzhin du skyed par byed do/ /tha dad pa khyad par med kyang chu la sogs pa ni ma yin te/ gzugs la sogs pa'i rnam par shes pa la rna ba la sogs pa lta bu'o/ / dper sman kha cig tha dad kyang / /lhan cig pa'am so so yis/ /rims la sogs pa zhi byed pa/ /gzhan gyis ma yin mthong ba bzhin/ /yang na dper na sle tres kyis bsal ba la sogs pa lhan cig pa'am/ so sos rims la sogs pa zhi ba la sogs pa'i mtshan nyid kyi 'bras bu gcig byed pa lta bu'o//de la spyi la ltos pa ni med do/ /tha dad kyang de'i rang bzhin yin pa'i phyir ro/ /der khyad par med kyang zho dang ga gon la sogs pa las ni ma yin no/ /gal te 'di snyam du de lta bu de dag la spyi nyid cung zad cig yod de/ de kho na la 'bras bu gcig pa der 'gyur ro snyam du sems na/ de ni rigs pa ma yin te/ spyi khyad par med phyir spyis 'bras bu de byed pa ma yin no/ /de dag zhing sogs tha dad kyang / /khyad par med par thal 'gyur zhing / /gal te spyi las rims la sogs pa zhi ba'i 'bras bur 'gyur na/de la khyad par med pa'i phyir/ /bsal ba rnams kyi zhing la sogs pa tha dad kyang / zhi ba myur ba dang / bum pa la sogs pa'i khyad par dang / yon tan mchog dang / ches mchog tu yang mi 'gyur ro/ /'on te spyi la khyad par yod na ni ngo bo nyid tha dad pa'i phyir rang gi ngo bo nyams pa yin no//spyi brtan pas phan 'dogs med phyir yang gal te 'dis phan 'dogs par byed na ni/ bogs dbyung du med pa ni gzhan la mi ltos pa'i phyir/ rang gi 'bras bu thams cad cig car skyed par 'gyur ro/ /yang na ni bskyed pa'i rang bzhin ma yin no//bsal ba dus dang / yul dang legs par bya ba'i dbang gis khyad par 'byung ba can rnams ni 'bras bu khyad par can byed pa zhes bya ba la 'gal ba med do/ /de bzhin du don kha cig kyang rang gi ngo bo tha dad kyang / gcig tu mngon par shes pa la sogs pa'i don bya ba byed pa na/de mi byed pa can dag las tha dad pa'i phyir ram/ gcig gis du ma bskyed pa na des bskyed par bya ba ma yin pa dag las tha dad pa'i phyir/ tha mi dad pa zhes bya'o / /yang ci mtshan nyid tha dad pa can gyi spyi 'di rang gi mtshan nyid dang mtshungs so zhes bya bar shes par bya'am/'on te gzhan kho na dang yin zhe na/ de las cir 'gyur/ gal te rang gi mtshan nyid yin na ni ji ltar rnam par rtog pa'i yul yin/ yang na ni gzhan gyi ji ltar don byed/ rang gi mtshan nyid la mi rtag pa nyid la sogs pa mi rtogs pa'i phyir de'i ngo bo ma yin la/ de dag kyang dngos po'i chos nyid ma yin no zhe na/des ni nyes pa med de/ shes pa la snang ba'i don la spyi dang gzhi mthun pa dang / chos dang chos can gyi tha snyad rnams 'dogs te/ dngos po'i rang gi ngo bo 'dzin pas nyams su myong bas gzhag pa'i bag chags la brten nas rnam par rtog pa'i bag chags skye ba gang yin pa 'di ni de'i yul can ma yin yang /de'i yul can lta bu de nyams su myong bas gzhag pa'i bag chags las skyes pa'i rang bzhin yin pa'i phyir/ de'i dngos por lhag par zhen pa'i rang gi ngo bo can 'bras bu tha mi dad pa'i dngos po las skye ba'i phyir/ don tha mi dad pa 'dzin pa lta bu don dam par na de las gzhan pa las tha dad pa dang /rnam pa mtshungs pa can yin te/ de la don gyi rnam pa yod pa ni tha snyad 'dogs pa rnams de ltar lhag par zhen nas 'jug pa'i phyir/ phyi rol lta bu dang / gcig pa lta bu dang / don mi byed kyang de byed pa lta bur snang ste/gzhan du na 'jug pa mi rung ba'i phyir ro/ /de ni don bya ba byed pa nyid du snang ba'i phyir/ de ni byed pa dag la tha dad pa lta bu ste/ de yang brtag pa'i yan lag ma yin pa'i phyir/ de kho na nyid ma yin no zhes bshad par bya'o/ /blo la gnas pa'i don de dag ni de dang mtshungs so zhes bya bar 'dzin te/'ga' zhig las log par snang ba'i phyir ro/ /rang gi mtshan nyid ni ma yin te/ de la mi snang ba'i phyir ro/ /de dag nyid 'ga' zhig las log pa na gzhan yang ldog pa dang ldan pa dang / tha mi dad par yang snang ngo //bdag nyid kyis med kyang blos de ltar ston pa'i phyir/ nor ba'i don kho na la spyi dang gzhi mthun pa'i tha snyad 'dogs so/ /'di thams cad rang gi mtshan nyid dag kho na mthong bas gzhag pa'i bag chags kyis byas pa'i bslad pa yin pa las de dang 'brel pa las skye ba'i rnam par rtog pa rnams ni de snang ba nyid ma yin yang dngos po la mi bslu ste/nor bu'i 'od la nor bur 'khrul pa lta bu'o/ /gzhan dag ni ma yin te/ de'i khyad par las rab tu skye ba yin yang ji ltar mthong ba'i khyad par gyi rjes su 'brang ba yongs su bor nas 'dra ba cung zad tsam gzung bas khyad par gzhan sgro 'dogs pa'i phyir mar me'i 'od la nor bu'i blo lta bu'o//de'i phyir rnam par rtog pa'i yul gyi don rnams la don bya ba byed pa nyid med do/ /rang gi mtshan nyid la mi rtag pa nyid la sogs pa med pa yang ma yin te/ 'di ltar dngos po g.yo ba la ma rtogs pa nyid ces bya ba ni cung zad kyang med kyi/ de de lta bu la skad cig mar gnas pa'i chos nyid du gzung ba'i phyir/ 'di snyam du 'di ni mi rtag pa'o/ /'di ni mi rtag pa nyid do snyam du sems so/ /rnam par rtog pa rnams ni de'i chos nyid kho na la 'jug pa na chos du ma dang gcig pa dang tha dad pa dag tu ston par bya'o //de rnams rten med pa yang ma yin te/ de'i khyad par mthong ba la brten pa'i phyir ro/ /dngos po med pa'i chos nyid kyang ma yin te/ de'i rang gi ngo bo kho na de ltar snang ba'i phyir ro/ /dngos po la du ma dang gcig pa dang tha dad par 'dzin pa ni 'khrul par 'gyur te/don gcig dang du ma byed pa de la de ltar shes par 'dod na de lta bu'i ngo bo bstan pa'i ched du de ltar gzhag par byas pa'i phyir ro/ /dngos po'i khyad par gyi sgo nas ni ma yin te/ gcig po de la du ma nyid mi rung ba'i phyir dang /du ma la'ang gcig pa nyid mi rung ba'i phyir dang / tha dad pa yang bkag pa'i phyir ro/ /de rnams kyi rang bzhin tha dad pa'i phyir/ sgra'i don dngos po ji lta ba bzhin yin par khas len na gzhi mthun pa nyid mi rung ba'i phyir ro/ /gal te khyad par de dag dang ldan pa gcig brjod pa'i phyir/nyes pa med do zhe na/ phan mi 'dogs pa la gzhan gyi dbang nyid mi rung ba'i phyir khyad par ma yin no/ /gzhan gyi dbang nyid yin na ni bskyed par bya ba dang skyed par byed pa'i dngos po yin pas lhan cig mi gnas pa'i phyir/ gnyis su brjod pa ma yin no/ /blos gcig sgro btags na ni sgra dngos po'i yul can du mi 'gyur ro/ /blo la snang ba'i yul can nyid gcig yin na ni thams cad kyang de kho na dang 'dra bar 'gyur te/ 'dzin pa la de lta bu'i khyad par tha dad pa dang ldan pa gcig pu mi snang ba'i phyir ro//gal te khyad par de dang ldan pa phan par bya ba dang / phan par byed pa dag kyang lhan cig gnas pa'i phyir nyes pa med do zhe na/ ma yin te/ grub pa la gzhan gyi dbang med pa'i phyir khyad par nyid ma yin no/ /ma grub pa yang ma yin te/ rang gi ngo bor ma reng pa'i phyir ro//rnam pa thams cad du gzhan gyi dbang nyid med pas rtogs pas sgro gdags par byas nas/ tha snyad 'dogs na ni thams cad du blo de kho na ci ste mi sbyor/ sgra dang tshad ma gcig gis yul du byas na dngos po'i stobs kyis khyad par ma lus pa 'phangs pa'i phyir/de las gzhan pa don med par yang mi 'gyur te/ blo la snang ba ni dngos po med pa'i phyir/ dngos po'i mthu las 'byung ba rnams su thal ba med do/ /de tha mi dad pa yang rnam pa gcig gi yul du byas kyang rnam pa gzhan ma nges pa rnams rnam pa gzhan la re ba dang bcas pa'i blos gzung bar bya ba dang /sgra'i don tha dad pa bsgrub pa dag kyang tha mi dad par blo la snang bas spyi dang khyad par dang khyad par gyi gzhi'i dngos po dang / gzhi mthun pa rnams ji ltar shes pa bzhin mi 'gal lo/ /'di'i chos dang chos can gyi khyad par dag kyang don du ma las tha dad pa la/don gcig cig las tha dad pa de sgrub pa dang / dgag pa shes par 'dod pa dang dngos po de kho na chos zhes bya ba'i sgra khyad par gzhan spangs pas brjod nas blo la de ltar snang ba'i phyir /chos tha dad pa lta bu dang bye brag tu ma phye bar 'di'i ngo bo nyid gzhan chos can nyid du rnam par bzhag nas rab tu ston to/ /de tsam gyi chas chos dang chos can dag tha dad pa'i phyir/ blo tha dad pa dang ldan pa lta bur snang gi dngos po tha dad pa'i phyir ni ma yin te/ ji skad bshad pa'i nyes par 'gyur ba'i phyir ro//tha dad pa de lta bu mang po brjod pas tshig tha dad pa dang bsgrub par bya ba dang / sgrub pa tha dad pa chos snang ba'i khyad par de'i rang gi ngo bo la brten pa can dag gis/ de'i rang gi ngo bos rtogs par bya ba'i phyir byed do/ /rang bzhin de 'dzin rnam rtog blo//don med kyang de'i don can 'dra/ /de yi 'bras can min don las/ /tha dad mthar thug skye ba dang / /de la ngo bo phyi rol dang / /gcig ltar gzhan las log lta bur/ /snang ba gang yin brtag pa yi/ /yan lag med phyir de nyid min/ / shes pa yod pa'i don de rnams/ /'di ltar ldog pa'i ngo bo can/ /des na tha dad min lta bur/ /de nyid gzhan las log par yang / /snang ste de la spyi dang ni/ /gzhi mthun spyod yul can dag gi /shes pa dang ni brjod pa yis/ /tha snyad nor don can rgyas byed/ / dngos po kun gyi de kun kyang / /phan tshun med la brten pa ste/ /des na gzhan sel yul can dang / /gang la dngos dang 'brel yod pa/ /dngos po med pa'i rten yin te/ /rjes dpag ji skad bshad ji bzhin/ /'khrul par 'dra yang gzhan la min / /mar me'i 'od la nor bu bzhin//de la'ang du ma 'bras gcig can/ /de 'bras can min gzhan rten can/ /brjod dang shes pas gcig nyid du/ tha dad rab tu 'jug par byed/ /de bzhin gcig kyang du ma byed/ /de'i dngos yongs su bstan pa'i phyir/ /de yi 'bras can min don las //tha dad pas chos sna tshogs shes/ /sgra don 'di dang gzhi mthun nyid/ /yod pa min yang ji lta bur/ /grags pa bzhin du brjod pa ste/ /dngos po 'di ni mi srid do/ /chos dang chos can rnam gzhag dang / /tha dad tha dad min ci 'dra/ /de nyid don ni ma brtags pa//'jig rten ji ltar grags de la/ /de bzhin kho nar brten nas ni/ /bsgrub bya sgrub pa kun gzhag pa/ /dam pa'i don la 'jug bya'i phyir/ /mkhas pa rnams kyis byas pa yin/ /dam pa'i don gyis don rnams ni/ /rang gis 'dre dang tha dad med/ /de la ngo bo gcig pa dang //du ma blo yis bslad pa yin/ /de spyi khyad par zhes bya ba'i/ /bye brag 'di ni blo don la/ /de nyid la gzhan las ldog pas/ /chos kyi bye brag rab tu brtag /bsgrub bya sgrub par rtogs pa la/ /dngos po mthong ba nyams pa'i phyir/ /khyad par spyi dang 'dres pa 'dir//rang gi mtshan nyid gzung bya min/ /de ni spyi dang khyad par gyi/ /rnam sogs cir yang gzung bya min/ /bye brag khyad par mang po rnams/ /de gcig la ni mi rung phyir/ /de yi ngo bo kun las log /de de bzhin du rtogs byed pa'i/ /sgra yod ma yin rtogs pa yang //spyi nyid du ni 'jug phyir ro/ /zhes bya ba ni bsdu ba'i tshigs su bcad pa'o/ /yang ci'i phyir rang gi mtshan nyid la sgra rnams mi sbyor zhe na/ sgra rnams kyis ni brdar btags ston/ /de ni tha snyad ched du byas/ /de tshe rang gi mtshan nyid med/ / des na de la brdar ma yin//sgra rnams kyis ni brdar btags pa'i don rab tu ston par byed la/ brda yang ci nas kyang dus phyis brdar byas pa'i sgra 'di las don 'di rtogs par 'gyur snyam nas tha snyad kyi don du 'dogs na/ sngar rang gi mtshan nyid la brdar byas pa'i sgra phyis sbyor ba ni rigs pa ma yin te/de ni bsal ba yul dang dus kyi tha dad pa la mi 'brang ba'i phyir ro/ /de lta bas na rang gi mtshan nyid la brdar byed pa ma yin no/ /'o na ci tha dad pa'am tha mi dad pa khyad par zhig sgra rnams kyis brjod de/ de bas na tha snyad kyi dus na med pa'i nyes pa med do zhe na/de ni ma yin te/ 'di ltar/ ci ltar skyes bu don byed par/ /nus pa shes nas de bsgrub phyir/ /'jug par 'gyur zhes don rnams la/ /rjod par byed pa sbyor bar byed/ /'jig rten la ni 'di brda mi byed pa'am/sgra mi sbyor bas sdug bsngal bar 'gyur ba'i nyam nga ba gang yin pa 'di ni med pa nyid do/ /'o na ci zhe na/ 'di'i rtsom pa 'bras bu'i don can ril mkho ba kho nar brtsi ste/ rtsom pa 'bras bu med pa ni yal bar dor bar bya ba yin pa'i phyir ro/ /de bas na 'ga' zhig la sgra sbyor ba 'dis kyang 'bras bu 'ga' kho na la blta ba'i rigs so//de ni thams cad kyang 'dod pa dang mi 'dod pa dag 'dor ba dang thob pa'i mtshan nyid yin te/ de'i phyir 'dod pa dang mi 'dod pa dag gi bsgrub pa dang sgrub pa ma yin par shes par byas nas/de la 'jug pa dang ldog pa dag bya ba'am/ byed du gzhug pa'am/ sbyor ba la gus par 'gyur ba'i sgra rnams sbyar bar bya'o/ /de lta ma yin na yal bar dor bar bya ba yin pa'i phyir ro/ /de la rigs don byed rung min/ /rigs ni gzhon pa dang bzho ba la sogs pa 'ga' la yang nye bar gnas pa ma yin no//de lta bu'i skabs med par 'jig rten na tha snyad dag la sgra sbyor ba yang med do/ /gal te gsal bar bstan par mi nus pa'i phyir/ mtshon zin pas mtshon par bya ba'i rigs brjod do zhe na/ 'brel pa yin du zin kyang sgras ma brjod pa la ji ltar 'jug par 'gyur te/'ga' zhig la 'khar ba chod cig ces smras na/ 'khar ba thogs pa gcod pa ni med do/ /mi srid pa'i phyir bsal ba la 'jug pa yang ma yin te/ de ltar na rnar mi 'ong ba smra bar 'gyur gyi/ de las gzhan la 'jug pa ma yin te/glang 'jo bar brjod pa bzhin no/ /don gzhan brjod na don gzhan mtshon pa yang ma yin te/ 'brel pa yin du zin kyang 'khar ba zhes bya ba'i sgras 'khar ba thogs pa rtogs pa ni med do/ /gal te 'brel pa ma nges pa can nyid kyi phyir de la mi 'jug go zhe na/ de ni rigs la yang mtshungs te/bsal ba rnams bsal na rigs 'ba' zhig 'dug pa'i phyir ro/ /spun drung zhes bya ba la sogs pa'i sgra rnams ni 'brel pa can gyi sgra yin pa'i phyir gzhan 'phen par 'gyur gyi/ ba lang nyid la sogs pa'i sgra ni de ltar 'brel pa can rjod par byed pa ma yin te/rigs bsal ba dang bral ba can dag gis kyang de'i sgra dag las rtag tu rjes su 'gro bar thal bar 'gyur ba'i phyir ro/ /gal te dus thams cad du de dang 'brel bar rung ba nyid du shes pa'i phyir 'dod pa kho na'o zhe na/ 'o na ni dus thams cad du ba lang zhes bya ba'i sgra las 'jug par mi 'gyur te/lhan cig pa dang lhan cig pa ma yin pa'i gnas skabs dag tu khyad par du ma 'phangs pa'i phyir ro/ /gal te bsal ba dang 'brel pa can gyi rigs brjod pa'i phyir nyes pa med do zhe na/ 'o na ni de yang de'i khyad par nyid du gnas pas bsal ba 'phangs pa kho na'i phyir de dang ldan pa brjod par bya ba yin par 'gyur ro//rigs pa dang bsal ba dag 'brel pa yang 'ga' yang med de/ phan tshun bskyed par bya ba dang skyed par byed pa nyid du phan 'dogs pa med pa'i phyir ro/ /de'i phyir mtshon par yang rigs pa ma yin no//de lta bas na rigs la sgra sbyor ba ni ma yin te/ 'bras bu med pa'i phyir ro/ /de lta na 'o na/ de ldan/ don byed/ nus pa zhes bya ba de la sgra sbyor ro zhe na/ de yang ni/ ci'i phyir dngos su sbyor mi byed/ /gal te bsal ba la sgra sbyor bas 'bras bu dang ldan pa yin na sgra de ci'i phyir bsal ba rnams la dngos su mi sbyor/de la bar du gcod pas gzhan gyis ci zhig bya/ gal te mtha' yas phyir 'di mtshungs/ /gal te 'di snyam du bsal ba rnams ni mtha' yas pa'i phyir sgras brjod par mi nus so snyam du sems na/de lta yin na mtha' yas pa 'di ni de dang ldan pa la yang mtshungs so/ /rigs kyi khyad par du byas pa'i bsal ba dag kyang brjod par bya ba kho na yin pas 'brel pa ma byas pa can ni brjod du mi rung ba'i phyir gdon mi za bar de la 'brel pa bya dgos na de yang mi nus so//gal te de dang 'brel pa can la byas pa'i phyir/ de la yang byas pa kho na yin no zhe na/ 'di la bshad zin te/ 'brel pa yod du zin kyang gcig la byas pas gzhan la rtogs pa ni med la/ 'brel pa yang med do zhes bya ba yin no//gzhan yang / de byed de byed ma yin las/ /log par mtshungs pa cis ma byas/ /don byed pa gang gi dbang du byas nas don rnams gzhan dag las tha dad pa'i phyir/ de dag gi tha dad pa kho na la sgra ci ste mi sbyor/ gal te de ldan nyes mtshungs phyir/ /bla ste rigs gzhan mi dgos so//gal te 'di snyam du sgra'i don de las gzhan pa las ldog pa la yang ldog pas khyad par du byas shing de dang ldan pa brjod pa'i phyir de'i phyogs las khyad par med de/ ldog pa dang rigs dang / ldog pa dang ldan pa dang / rigs dang ldan pa zhes bya ba 'di la khyad par ci zhig yod snyam du sems na/de dang ldan pa'i nyes pa lta bur gyur kyang bla ste/ rigs gzhan ni mi dgos so/ rigs khas len pas kyang gdon mi za bar dngos po rnams khas blangs dgos te/ de med na de yang med par thal bar 'gyur ba'i phyir ro//gcig las tha dad pa de las gzhan pa rnams kyi tha mi dad pa de nyid des khyad par du byas pa'i don rnams la rtogs par 'gyur te/ rnam pa thams cad du nyes pa yongs su spang bar bya bar mi nus pa'i phyir ro/ /don gzhan khas blang du ni dgos pa med pa'i phyir ro//don de ni gzhan gyis bsgrub pa'i phyir ro/ /de la khas blangs pa yang gdon mi za bar bya dgos pa'i phyir ro/ /gzhan yang / de las gzhan pa yongs spangs nas/ /'jug 'gyur zhes kyang sgra brjod de/ /de yis de dag rnams las 'di/ /rnam mi gcod pa de ji ltar//'di don rnams la sgra sbyor ba na mi 'dod pa yongs su spangs nas 'jug par 'gyur snyam nas sbyor te/ de dang gzhan la yang 'jug tu snang la/ 'jug pa dang ldog pa yang 'jug tu snang na ni ming smos pa don med pa'i phyir ro/ /gzhan las ldog pa mi brjod na ni gcig brjod pa la mi gus pa'i phyir/brjod par bya ba ma yin pa kho nar 'gyur ro/ /de lta bas na gdon mi za bar rnam par bcad pa brjod dgos so/ /de yang de las gzhan pa dag la tha mi dad pa yin la rigs kyi chos kyang yod do/ /de nges par khas blang ba can dang /gdon mi za bar brjod pa can dang / rigs kyi don rab tu sgrub pa yongs su bor nas don gzhan du rtog pa ni don med pa la gtsigs po cher 'dzin pa 'ba' zhig tu zad do/ /de ltar brtags pa bzhin du de mi rung ba'i phyir ro/ /rnam par gcod par mi byed pa ni ma yin gyi 'jug pa'i yul brjod pas rigs smras so zhe na/gal te 'di la rnam gcod yod/ /sgra rnams dgos pa de tsam du/ /zad pa min nam khyed la der/ /spyi gzhan gyis ni ci zhig bya/ /'jug pa'i yul rab tu ston to zhes smras pa ma yin nam zhe na/ de skad ni smras na rigs par ni ma smras te/'di ltar de ni 'jug par rung ba nyid ma yin no zhes de skad du bstan zin to/ /de'i sgo nas ma brjod pa la 'jug pa la yang bsal zin te / de dang ldan pa brjod na ni bar du gcod pa yod do/ /rigs dang de dang ldan pa dag 'jug pa'i yul nyid yin na ldog pa dang /de dang ldan pa dag yin par ci ste mi 'dod/ gal te ldog pa dngos po med pa nyid kyis sgrub pa ma yin pa'i phyir ro zhe na/ de ni rigs pa yang mtshungs so/ /gal te de dang ldan pas bsgrub pa'i phyir nyes pa med do zhe na/ de ni ldog pa dang ldan par yang mtshungs so//ldog pa smra ba rnams kyi ltar na sgra'i shes pa dngos po mi 'dzin pa nyid yin te/ de ni 'khrul pa'i dbang gis byed pa po ma yin pa la yang byed pa por lhag par zhen pas 'jug par byed do/ /dngos po 'thob pa ni dngos po las skye bas de dang 'brel pa yin na 'gyur gyi gzhan du mi 'gyur ba kho na'o//gal te dngos po las skye ba'i phyir mi 'khrul par 'gyur ro zhe na/ ma yin te/ de mi snang ba der lhag par zhen pa'i phyir dang / 'od la nor bur 'khrul bar snang bas 'khrul pa'i phyir ro/ /gal te 'khrul pa'i phyir dngos po thob pa ma yin no zhe na/ma yin te/ ji skad bshad pa lta bu kho nas 'khrul ba'i phyir ro/ /'khrul pa'i mtshan nyid ni log par snang ba yin la/ thob par byed pa ni de med na mi 'byung ba nyid kyis yin gyi/ snang ba la ltos pas ni ma yin no/ /dngos po la ngo bo ji lta ba bzhin sems gtad pas 'jug na ni gzung bar bya ba spyi don byed par rung ba ma yin pa'i phyir/de la ni 'jug par mi 'gyur ro/ /gzhan la yang 'jug na ni ha cang thal bar 'gyur ba'i phyir ro/ /de dang ldan pa 'dzin na yang spyi don med pa la sogs par bshad zin to//gal te rigs gzung na yang 'brel pa'i phyir ro/ /'dres par snang ba'i blos 'jug par byed do zhe na/ de'i tshe gcig gi yang rang gi ngo bor gnas pa ma bzung ba'i phyir/ rigs kyang ma yin la de dang ldan pa yang ma yin pas gzhan gyi smra ba kho na la brten par 'gyur ro//de lta na ni 'o na rjes su 'gro ba 'ga' yang med pa'i phyir/ rang bzhin gyis tha dad pa'i don rnams la de nyid 'di yin no/ /zhes ngo shes par yang mi 'gyur ro zhe na/ nyes pa med de/ 'di ltar / /tha dad kyang ni shes sogs don/ /bya ba de dang de byed pa'i/ / de rnams mthong nas gzhan mthong yang / /de las gzhan dang bral ba yi/ /yul can gyi ni sgra rnams kyis/ /lhan cig sbyor nas ngo shes byed/ /'di ni bshad zin te/ dngos po tha dad kyang don 'dra ba dag byed pa yin te/ mig la sogs pa bzhin no zhes bya ba yin no//de dag la shes pa la sogs pa'i don byed pa gcig pa de mthong ba la gzhan dag las tha dad pa'i dngos po rnams kyi chos nyid kho nas de nyid 'di yin no snyam pa'i shes pa de las ldog pa'i yul can gyi sgra dang 'brel pa khyad par bsres pa rang nyams su myong ba'i bag chags sad pas skyed par byed do//de lta ma yin na blo khyad par can bsre ba can du mi 'gyur te/ dper na ltung la brgyus pa dag lta bu'o/ /de la ltung ba gcig dang ldan pa yang gzhan la de nyid 'di yin no snyam du mi sems kyi/ 'on kyang de 'di la yod do snyam mo//ngo shes pa ni de lta yang ma yin no/ /'o na ci zhe na/ de nyid 'di yin no snyam pa yin no/ /de bas na gcig cig tu ma mthong ba la yang khyad par bsre ba dang ldan par rigs pa ni ma yin no/ 'khrul pa'i dbang gis de ltar snang ba la ni 'gal ba med do/ /gal te rgyu mtshan med pa'i phyir 'khrul par rigs pa ma yin no zhe na/dngos po don de gcig byed pa de dag nyid nyams su myong ba'i sgo nas rang bzhin gyis 'khrul pa'i 'bras bu can gyi rnam par rtog pa'i bag chags kyi rgyu yin pa'i phyir rgyu mtshan yin no/ /smig rgyu la sogs pa la chu la sogs par 'khrul pa'i rgyu yang tha dad kyang rnam pa tha mi dad par bsnyems pa'i shes pa'i rgyu mtshan nyams su myong ba skyed par byed pa'i ngo bo de dag nyid yin no//de la gang de ltar shes par 'gyur ba gzhan spyi ni cung zad kyang med pa kho na'o/ /'on te yod na ni don yod pa 'dzin pa'i blo 'khrul par mi 'gyur ro//gal te yang dag pa ma yin pa'i rnam pa sgro 'dogs pa'i phyir 'khrul pa yin no zhe na/ 'o na ni des de dag gi spyi 'dzin pa ma yin te/ des rnam pa gang kho na sgro 'dogs par byed pa de nyid 'di'i yul yin no/ /yul du ma byas pa la ni sgro gdags par mi nus pa'i phyir te/rnam pa gzhan bzhin no/ /de yang de la med pas spyi ma yin no/ /gal te spyi 'dzin pa yod na der sgro 'dogs kyi gzhan du ni ma yin te / ha cang thal bar 'gyur ba'i phyir ro zhe na/ 'bras bu gcig byed pa can 'dzin pa yod na ci ste mi 'dod/ spyi 'dod pas kyang gdon mi za bar bsal ba rnams kyi don gcig bskyed pa'i nus pa ni 'dod par bya dgos so/ /de'i phyir gzhan dag las tha dad pa de dag kho nas shes pa de lta bu bskyed na/ de la spyis ci zhig bya/ gal te dngos po ji lta ba bzhin khyad par ma 'dres pa can kho na ci ste mi rtogs she na/ma rig pa'i mthus rnam par rtog pa rnams la nus pa 'di med do/ /phyi rol gyi don kho na la ltos nas 'khrul par 'gyur ba yang ma yin gyi / 'on kyang nang gi bslad pa las kyang 'gyur te/ skra la sogs par 'khrul pa bzhin no/ /ma rig pa las 'byung ba'i phyir bslad pa yin na mig la sogs pa la yang thal bar 'gyur ro zhe na/ma yin te/ de'i mtshan nyid ni rnam par rtog pa med pa'i phyir ro/ /rnam par rtog pa nyid ma rig pa yin te/ de ni ngo bo nyid kho nas phyin ci log pa yin no/ / dbang po'i shes pa rnams ni de ltar rnam par rtog pa ma yin no/ /yang na de dag la'ang 'di nyes pa med de/ gnyis med pa de dag gnyis su snang ba'i phyir ro/ /zhes bshad par bya'o/ /thams cad bslang ba yin yang tshad ma dang der snang ba'i rnam par gzhag pa ni ji srid gnas gyur pa ma yin gyi/bar du don byed par rung ba dang 'dod pa thob par byed pa'i phyir ro/ /nor pa nyid yin yang rab tu zhi ba dang mthun pa'i phyir te/ ma la sogs par 'du shes pa bzhin no/ /smig rgyu la chur 'du shes pa dang / gzhan dngos po tha dad pa las skye ba dang 'khrul par khyad par med kyang mngon par 'dod pa'i don bya bar rung ba dang /mi rung ba las skye ba'i phyir don thob par byed pa dang / cig shos dag yin no/ /gal te mi rung ba las ji ltar skye zhe na/ rnam par rtog pa rnams don dang 'brel par nges pa med pa'i phyir te/ rnam par rtog pa rnams ni don ji lta ba bzhin skye ba med pa nyid do//smig rgyur mthong ba yod na chur 'khrul par 'gyur bas de las skye ba zhes bya'i chu ma yin pa dang bral ba'i don gyi rang gi ngo bo ji lta ba bzhin rang gi ngo bo'i rjes su byed pa 'jog pas bskyed pa'i phyir ni ma yin no/ /de ni khyad par mtshon pa la mi bsal ba'i phyir/rang gi bag chags sad pa rkyen la ltos pas bskyed do/ /de lta bas na 'khrul pa'i rnam par rtog pa dngos po tha dad pa las skye ba can 'khrul pa las de nyid 'di yin no snyam du ngo shes pa yin te/ spyi tha dad pa mthong ba las ni ma yin no/ /tha mi dad pa yang ma yin te/bsal ba bzhin du rjes su 'gro ba med pa'i phyir ro/ /gzhan yang / gzhan gyi ltar na'ang blo de ni/ /spyi ni 'ba' zhig nyid las yin/ /gzhan gyis kyang blo 'di ni spyi 'ba' zhig las 'byung bar brjod par rigs pa ma yin te/ rtag tu de tsam rnam shes na//bsal ba mi shes thal 'gyur phyir/ /gal te blo 'dis rtag tu spyi kho na 'dzin par byed na shes pa 'dis bsal ba mi rtogs pa kho nar 'gyur ro/ /de yi tshe na nam yang ni/ /de ldan 'brel pa ma bzung na/ /de dang ldan nges mi 'gyur na/ /de las ji ltar tha snyad 'dogs//gang gi tshe spyi 'dzin pa'i rnam par shes pas khyad par rnams dmigs pa nyid du nye bar mi sbyor ba de'i tshe nam yang de dag 'brel par ma bzung bas 'di ni 'di'i spyi'o/ /'di ni de dang ldan pa'o zhes bya bar yang mi 'gyur ro/ /de lta na ni de rtogs pas de dang ldan pa la 'jug par mi 'gyur te/don gzhan bzhin no/ /gal te dngos gcig grogs byed pa'i/ /bsal rnams shes pa'i rgyu zhe na/ /gal te 'di snyam du bsal ba rnams ni de'i dmigs pa'i dngos po'i rgyu yin la/ 'ba' zhig pa rnams ni ma yin te/ gang gi tshe 'di dag la gcig lhan cig byed pa yod pa de'i tshe de dang lhan cig tu 'dzin to snyam du sems na/dngos po gcig des de rnams kyi/ /tha dad pa nyid sel tam ci / /tha dad phyir ni de dag la/ /gcig rnam shes kyi rgyur mi 'dod/ /gcig pu des de rnams kyi tha snyad pa nyid sel tam/ ci ste tha dad pa nyid ni de dag la gcig gi rnam par shes pa mi bskyed pa nyid kyi rgyu yin par brjod do//gal te du ma'ang gcig ltos nas/ /tha dad min blo skyed ce na/ /tha dad pa'i phyir du mas gcig gi shes pa mi bskyed do zhes ni mi smra ste/ tha dad pas skye ba la 'gal ba med do/ /'o na ci zhe na/bral bas 'gal te/ des na gcig dang lhan cig pas skyed par byed pa kho na'o zhe na/ de ltar na 'o na ni/ de dag re re med par yang / /de gcig gis kyang bskyed bya ba'i/ /blo la de rnams nus med phyir/ /blo yis 'dzin pa med pa yin/ /de ni 'di ltar shes pa de la bsal ba rnams kyi nus pa rtogs te/de rnams las re re med kyang de yod pa'i phyir dang / spyi med na med pa'i phyir la gzhan du ma yod pa'i phyir ro/ /'di ni nyes pa med de ji ltar sngon po la sogs pa la re re bsal kyang mig gi rnam par shes pa skye la de dag gi tshogs pa la yang nus pa med pa ma yin pa de bzhin du 'di la yang so sor re re bsal na yang skye bas dus thams cad du nus pa med pa ma yin no zhe na/mi mthun par nye bar bkod pa ste/ 'di ltar/ sngo sogs mig gi rnam shes la/ /nus pa so sor mthong ba'i phyir/ / tshogs la'ang nus grub bsal ba las/ /ji ltar yang na de ltar min/ /dbang po la sogs pa la mig gi rnam par shes pa la so so'i nus pa yang mthong bas tshogs pa la yang nus pa mi 'gal lo/ /bsal ba rnams ni spyi la mi ltos par nam yang de ltar rjes su 'gro ba'i rnam par shes pa skyed par byed pa ma yin no//de lta bas na bsal ba rnams kyis de la mi nus pa kho na yin pas de rnams mi 'dzin par 'gyur ro/ /gal te de dag 'ga' zhig la/ /ltos nas de nus 'ba' zhig min/ /'on te tha ga pa thag zong med par ras yug mi 'thag la/ tha ga pa thag zong re re med kyang 'thags pas de kho na las ras yug 'byung ba ni ma yin no/ /de bzhin du bsal ba re re bsal ba la rnam par shes pa skye ba la yang spyi 'ba' zhig pa de ni rgyu ma yin no/ /'o na ci zhe na/ bsal ba rnams kyi nang nas gcig 'ba' zhig la ltos nas rnam par shes pa bskyed do snyam du sems na/de lta yin na/ de dag de gcig la phan na/ /ji ltar blo gcig nyid ma yin/ /don tha dad pa rnams don gcig la sbyor ba 'gal bas 'di thams cad brtsams pa yin la/ gal te bsal ba de dag kyang spyi gcig la phan 'dogs par byed na/de rnams la rnam par shes pas gang gis na de mi bskyed pa'i nyes pa ci zhig byas/ de la bar ma dor lhag ma spyis ci zhig bya ste/ ji ltar 'di dag tha dad kyang spyi gcig la phan 'dogs pa'i nus pa yod pa de bzhin du rnam par shes pa de gcig kho na bskyed la rag mod/gzhan yang / 'di de rnams kyi 'bras bur 'gyur/ /phan 'dogs gang yin bskyed pa yin/ /sngon rol bzhin du bogs med pa'i bdag nyid 'dzin pa 'di la ni phan pa zhes bya ba 'ga' yang med na / ha cang thal bar 'gyur ro/ /don 'ga' zhig bskyed na ni des de la ci zhig byed//de de'i rten nyid yin du phan 'dogs pa med pa la rten dang brten pa'i dngos po 'di ci zhig yod / yang na ni ha cang thal bar 'gyur ro/ /phan 'dogs na yang de kho na la de 'brel pas de byed pa'i phyir de la phan par byed pa gzhan ci dgos/ de la ltos pa'i rten gyis de la sbyor na ni phan par bya ba ma yin pa nyid la ltos pa zhes bya ba 'di ci zhig yod de/de las skye ba'i chos can ni rang bzhin 'brel pa'i phyir ltos pa zhes bya'o/ /bogs dbyung du med pa can gyi bdag nyid can yang yin la/ gzhan dag la ltos so zhes bya ba 'di ni nyams pa yin no//de lta bas na gang cung zad 'ga' zhig la lar 'brel pa de thams cad ni bskyed par bya ba'i khongs su gtogs so/ /gzhan gyi dngos po bskyed na ni de la phan pa med pa'i phyir ro/ /cung zad kyang mi byed pa la yang phan par med pa'i phyir ro/ /de'i phyir bsal bas phan btags pa'i spyis rnam par shes pa bskyed na 'di 'di'i 'bras bu nyid du 'gyur bar gsal lo//'ga' zhig gis nus na ni bsal ba rnams kyis nam yang gang la yang nus par ma grub pa'i phyir gzung bar bya ba nyid ma yin no/ /gal te rnam par shes pa la snang ba'i phyir bsal ba rnams kyis nus so zhe na/phan 'dogs par ma grub pa can rnams ji ltar snang ste de nyid spyi khas len na bsam par bya ba yin no/ /'di ltar phan par byed pa ma yin pa ni yul ma yin te/ ha cang thal bar 'gyur ba'i phyir ro/ /yul ma yin pa ni rnam par shes pa la mi snang ngo //gal te phan pa med pa yul nyid ma yin na 'das pa la sogs pa yul nyid ma yin te/ med pa rnams la phan 'dogs pa'i mthu med pa'i phyir ro zhe na/ de dag gi shes pa rnams yul med du zad mod/ yul med du zad kyang nyams su myong ba de lta bus gzhag pa'i bag chags las skye ba'i phyir de'i rjes su byed pa ni rnam par shes pa'i bdag nyid du gyur pa kho na yin no//yod pa dang med pa'i rjes su byed pa'i phyir nus pa yin gyi snang ba'i phyir ni ma yin te/ bsal ba la ma gtogs pa spyi mi snang ba'i byed pa yod pa'i phyir dang /sgra la sogs pa nyams par snang yang de rnams la byed pa med pa'i phyir ro/ /gal te tha dad mi snang blo/ /tha dad rnams la mi 'dod na/ /du mas 'bras bu gcig mi byed do zhes ni mi smra'o/ /'o na ci zhe na/ don tha dad pa rnams la de dag gi rnam par gzhag pa can gyis blo tha mi dad par snang bar mi 'gyur ro//spyi 'dzin pa rnams la ni rang gi mtshan nyid mi snang ba nyid de/ de med kyang de dag yod pa'i phyir dang / rang gi rnam par shes pa la rnam pa gzhan du snang ba'i phyir dang / gcig la rnam pa du ma mi rung ba'i phyir dang /ha cang thal bar 'gyur ba'i phyir ro/ /de'i phyir 'di ni de las byung zhing don tha dad pa 'dzin pa yin na tha mi dad par snang bar mi 'gyur ro/ /de mi snang bas kyang lhag par zhen pa'i 'khrul pas 'jig rten tha snyad 'dogs par byed do/ /de la snang ba'i rnam pa de don rnams la med de/tha dad pa'i tha mi dad pa ni ma gtogs so/ /de ni med pa'i ngo bo yin te/ des de kho na 'dzin pa na de ltar bslad par 'gyur ro zhes sngar bshad zin to/ /gzhan yang spyi dngos por smra ba'i/ /ltar na yang gsal ba rnams tha dad pa kho na yin na ji ltar de dag la blo rnam pa tha mi dad pa can yin te/klan ka mtshungs so/ /mtshungs pa ma yin te/ de la spyi tha mi dad pa'i phyir ro zhe na/ de la de yod kyang snang ba mi rtogs pa ma yin nam/ de ni kha dog dbyibs su snang bar ldan par yid ches so/ /spyi ni de lta bu ma yin no// // bam po bzhi pa/ de la ma gtogs pa tha mi dad pa'i rnam pa yang 'ga' yang med do/ /rnam pa spyi yin par smra ba'i ltar na yang de khyad par bzhin du tha mi dad pa'i sgo nas don gzhan la mi 'jug pas tha mi dad pa'i phyir/ tha mi dad par snang bar mi rung ngo / /yang na yin du zad de/ blo yi snang ba tha dad de//de dag mtshungs zhes 'dzin phyir ro/ /de dag la tha mi dad par snang ba ni med pa kho na ste/ mtshungs pa zhes 'dzin pa'i phyir ro/ /gcig tu snang ba la mtshungs so snyam pa ni rigs pa ma yin no/ /'o na ci'i zhe na/ de nyid 'di yin no snyam mo/ /gal te gnyi ga 'dzin pa'i phyir nyes pa med do zhe na/'on kyang de 'di la'o snyam par 'gyur gyi mtshungs so snyam pa ni ma yin no/ /gal te de nyid de dag gi mtshungs pa yin no zhe na / ji ltar gzhan dang gzhan du mtshungs pa yin/ gal te de dag dang 'brel pa'i phyir ro/ /zhe na ma yin te/ rag ma las pa la 'brel par mi rung ba'i phyir dang /ha cang thal bar 'gyur ba'i phyir ro/ /gal te de dag mtshungs na ni/ /ji ltar tha dad blos gzung bya/ /mtshungs pa'o zhes gzung ba mthong nas 'di dag la tha mi dad par snang ba ma yin nam zhe na/ de mthong ba las tha dad pa dang tha mi dad pa dag snang ba'i phyir mtshungs par gtogs pa ni ma yin no//'o na ci zhe na/ 'bras bu gcig 'dra/ kho bos ni don gyi shes pa la rnam pa gnyis ma mthong ste/ ma mthong na ji ltar don gnyis rab tu brtags pas bdag nyid bslu bar bya/ bsal ba 'bras bu gcig can rnams ni rtog pa'i yul du nye bar 'gro ste/de'i phyir 'dis 'khrul pas de ltar bsre bar byed do/ /zhes bya ba 'di ni skyon med do/ /de dag gi /'bras blo de yang tha dad do/ /dngos po re re la de snang ba'i rnam par shes pa yang de dang 'dra bar tha dad pa'i phyir ro / /ji ltar 'bras bu gcig pa can dag yin/de dag gi 'bras bu ni de yin na de yang tha dad do/ /bum pa la sogs pa'i 'bras bu chu chu ba la sogs pa gcig po gang yin pa de yang rdzas re re'i khyad par gyi tha dad pa kho na yin pas tha dad pa rnams la 'bras bu gcig pa med do zhe na/ de ni nyes pa med de/'di ltar/ gcig tu rtogs pa'i rgyu yi phyir/ /blo ni tha dad med pa yin/ /blo gcig rgyu yi dngos po yis/ /bsal ba rnams kyang tha mi dad/ /ji ltar dngos po rnams la rang bzhin 'brel pa med pa 'di yang bshad zin te / de la bsre ba'i rnam pa can gyi blo ni 'khrul pa kho na yin la/de ni dngos po tha dad pa rim gyis rnam par rtog pa'i rgyur gyur pa rnams kyi ngo bo nyid kyis bskyed do/ /zhes kyang bshad zin to/ /'di dag gi tha dad pa de byed pa ma yin pa'i ngo bo nyid las tha dad pa'i de ni tha mi dad pa zhes bya ste/ shes pa la sogs pa gcig 'ba' zhig byed pa'i phyir ro//de yang rdzas re re la tha dad kyang rang bzhin gyis gcig tu rtogs pa tha mi dad par snyems pa'i rgyur gyur pa na tha mi dad par snang ngo / /rtogs pa de lta bu'i rgyu tha mi dad par snang ba'i shes pa la sogs pa'i don gyi rgyu yin pa'i phyir/bsal ba rnams kyis kyang rang bzhin gyis gcig gi shes pa rnam par bsre ba rang gi ngo bo'i khyad par don dam pa la brten pa can bskyed do/ /zhes lan cig ma yin par bshad zin to/ /de lta bas na 'bras bu gcig pa kho na dngos po rnams kyi tha mi dad pa yin no//de/ de yi 'bras can min bral ba/ /kho na yin te/ de las gzhan rjes 'gro ba yi/ /dngos ma mthong phyir bkag pa'i phyir/ /ltar rung ba rnam par dbye bar mi snang ba ni med do zhes bya ba dang / yod na yang gang la yang mi brten na ji ltar shes pa'i rgyu yin zhes de ni bshad zin to//bkag pa byas pa'i yang phyir / der brtag pa ni rigs pa ma yin no/ /de'i phyir/ brda ni yang de rig don can yin pa kho nar rigs te/ brda zhig tu byas na yang dngos po rnams kyi phan tshun tha dad pa gang yin pa de kho nar shes par bya ba'i phyir/de mi byed pa las tha dad pas 'jug pa nyid du byed na mdzes so/ /gal te de shes par bya ba'i don du brdar 'dogs pa ma yin na/ de tha snyad kyi dus su yang mi reg pa'i phyir gzhan spangs nas 'jug par mi 'gyur te/ de rnams kyi de dag las tha dad pa de sgras brjod pa ni ma yin no//mnyan pa de ni/ de byed min la de byed dang / /'dra ba'i ngo bo snang ba can/ /dngos po tha dad dngos tsam gyis/ /sa bon can don med pa'i blo/ /skyed par byed pa'ang de mi byed/ /yongs spong yan lag ngo bo'i phyir/ /dngos po tha dad rten can phyir//don la mi bslu yin par 'dod/ /de'i phyir gzhan sel yul can de / /de byed brten pa'i ngo bo'i byed / /ngo bo nyid gcig dang bral ba'i don rnams la de sgro btags nas skye ba'i blo phyin ci log tu snang ba'i phyir bya ba byed pa ma yin yang de byed pa lta bur lhag par zhen pa'i dngos po tha dad pa'i ngo bo tsam gyis sa bon can mtshungs pa nyid du lhag par zhen pa phyin ci log pa bskyed pa'i mnyan pa yang de las gzhan pa'i yongs su spong ba'i yan lag gi ngo bo'i phyir/don dam par de las tha dad pa'i don dag la mi slu ba zhes bya'o/ / 'di ltar tha dad pa de ni de dag la yang dag pa yin te/ rnam pa thams cad du 'da' bar bya ba ma yin pa'i phyir ro/ /tha dad pa'am tha mi dad pa ni ma yin te/ rnam pa thams cad du mi rung ba'i phyir ro/ /de dngos po la 'god na ni sgra dang shes pa dag las dngos po thag bsrings pa kho nar 'gyur te/de'i yul du 'dod pa med pa'i phyir dang / dngos po'i chos gzhan yang 'gags la yang reg pa med pa'i phyir ro/ /de nyid kyi phyir mnyan pa de ni gzhan sel ba'i yul can zhes bya ste/ gzhan log pa'i don rnams la bye brag med par ldog pa'i khyad par la brten nas bkod pa'i phyir dang /tha snyad la yang gzhan spangs nas 'jug pa'i phyir ro/ /shing ma yin las ldog pa ni/ /shing don 'dzin na gnyis po ni/ /phan tshun brten pa yin pas gcig /'dzin pa med na gnyis mi 'dzin/ /de yi phyir na brdar gdags pa//mi srid do zhes kha cig smra/ /kha cig na re gal te shing ni shing ma yin pa dag las tha dad pa yin na/ de ni shing ma yin pa 'dzin pa med par de ltar gzung bar mi nus pa'i phyir dang / shing ma shes pa can gyis de rnam par gcod pa'i ngo bo shing ma yin pa yang yongs su mi shes pa'i phyir/blo la mi gnas pa'i don la brdar gdags par mi nus so zhes 'dzin to/ /de dag gi ni brdar 'dogs la/ /shing min rnam par gcod dam ci/ /gang dag de ltar spyod dngos po cig khas blangs nas gzhan rnam par gcod pas brdar 'dogs pa la phan tshun brten pa yin par rgol ba de dag gi de la yang brdar byed pa na/shing ma yin pa rnam gcod dam/ /'on te ma yin te / gal te rnam gcod shing gi don/ /'dzin pa med na ji ltar shes/ /de'i tshe rtogs pa pos shing yang mi shes shing ma yin pa yang mi shes te de shes par bya ba kho na'i phyir/de don du gnyer ba zhig tu nye bar 'gro ba'i phyir ro/ /de mi shes pa des ji ltar brda la shing ma yin pa rnam par gcad pa rtogs par 'gyur/ mi rtogs na yang de las gzhan pa yongs su ma spangs pa can 'god pa dang ldan pa'i sgra las/ brda las de dag mi sel na/ /tha snyad 'dogs par byed pa rnams/ /de yongs spangs nas 'jug par ni/ /mi 'gyur shing gi khyad par bzhin/ /brda'i tshe gzhan rnam par ma bcad par bkod pa'i sgra las tha snyad kyi tshe shing ma yin pa yongs su spangs nas 'jug par rigs pa ma yin te/shing sha pa la sogs pa khyad par bzhin no/ /'on te/ gal te gzhan bkag mi bsgrub par/ /mdun nas gcig cig rab bstan nas/ 'di shing yin zhes brdar byed pa / /tha snyad 'dogs pa'i tshe na yang / /de rtogs 'gyur te de yi phyir/ /nyes pa 'di ni med snyam na//spyi dngos por smra ba ni 'ga' zhig rnam par bcad pas cung zad cig brjod pa ni ma yin no/ /'o na ci zhe na/ mdun na 'dug pa'i dngos po gcig cig yang dag par bstan nas 'di ni shing yin no zhes brdar byed la/ 'dis brda'i dus na de ltar mthong ba'i don kho na'am/de dang 'brel pa can ni tha snyad kyi tshe yang rtogs par 'gyur bas thal bar 'gyur ba mtshungs pa ma yin no zhe na/ mi mtshungs pa ma yin te/ 'di ltar de la yang / 'di yang shing 'di kho na zhes/ /bya bar thal bar ldog pa med/ /gcig rab tu bstan nas 'di ni shing yin no zhes smra ba yang 'di yang yin no zhe'am/'di kho na yin no zhes bya ba'i tshul gnyis las ni mi gda' la/ de dag la yang nyes pa de nyid yod do/ /mthong ba las bzlog pa ni nyes par sla ba'i phyir nyes pa med do/ /gcig 'ga' zhig mthong zhing gzhan la de'i rnam pas dben pa'i blo nyams su myong ba la ni ji ltar nyams su myong ba bzhin de las gzhan no snyam pa chos mi mthun pa nges pa de las 'byed pa skye'o//des ni de kho na shing yin no zhes rab tu bstan nas bye brag tu shes par bya ste/ gang kho na la de mi snang ba de kho na shing ma yin par rang nyid kyis rtogs par 'gyur ro//rnam par gcod pa smra ba la ni 'di mi srid de/ gcig na mthong ba'i ngo bo ni gang la yang rjes su 'gro ba med pa'i phyir ro/ /mthong bar rtogs na ni gsal ba gzhan pa yang de ltar rtogs par mi 'gyur ro zhe na/ de ltar na 'o na ni 'di ni de la yang mtshungs te/'di ltar/ gcig rtogs shes bya'i shes pa ni/ /gcig la gnas pa'i rtogs pas so/ /de dang de min rgyu don rnams/ /bdag nyid rnam par 'byed par byed/ /'di ni gong du ji ltar dngos po 'di dag rang bzhin gyis tha dad kyang kha cig shes pa la sogs pa'i 'bras bu gcig byed kyi gzhan dag ni ma yin pa ltar bshad zin te/'dis de rnams bdag nyid kyis rnam par phye nas/ de'i rgyu dang de'i rgyu ma yin pa dag rtogs par 'gyur ro/ /de'i/ blo de la ni yod pa'i dngos/ /blo'i rgyu nyid du snang ba dang / /rgyu min ngo bo bral ba dang //ngo bo gcig 'drar bdag nyid kyis/ /tha dad par ni shes 'gyur bar/ /tha dad pa yi skad sbyor te/ /de las de rtogs 'gyur ba'i blo/ /'khrul pas dngos po gcig ltar rtogs/ /de rnams ni rang bzhin kho nas rkyen gyi dbang gi rnam par rtog pa de lta bu'i rgyu rnams kyi rjes su 'gro ba'i phyir te/de mthong ba'i blo la yod par shes pa de'i rgyu nyid dang / de las gzhan pa las ldog pas/ /de lta bu ma yin na yang de lta bur lhag par zhen pa / phyi dang nang gi snyam nas khyad par rnam par ma phye ba can rnams rnam par rtog pa la rnam par gnas pas rtog pa'i rjes su 'brangs te/'di dag ni shing yin no zhes rang dang gzhan gyi rnam par rtog pa la gcig tu snang ba kun du bstan nas rnam par shes pa de'i rgyu yin par tha dad par shes par 'gyur snyam nas de'i rgyu ma yin pa dag las tha dad pa la de skad sbyor te/ de las de rtogs pa'i blo rnam par rtog pa can ni 'khrul pa'i dbang kho nas dngos po gcig cig 'dzin pa lta bur snang ngo //de la tha dad pa mthong ba yang gang zhig mthong ba dang ma mthong ba dag gi shing dang shing ma yin pa 'di rnam par 'byed par byed pa dngos po ltar rung ba cig ni med de/ de ni yal ga la sogs pa snang ba las tha dad par khar ba thogs pa la khar ba bzhin du mi 'dzin pa'i phyir dang / gzhan las tha dad par ma bzung bar mi mngon pa'i phyir ro/ /rnam pa gcig la mthong ba yang gzhan la blta bar mi nus pa'i phyir/ de dang de ma yin pa dag shing dang shing ma yin pa nyid yin na/gsal ba gcig kho na shing yin par 'gyur ro/ /bum pa la sogs pa'i sgra la ni don gzhan/ rnam par gcod pa yod grang na/ /zhes bya ba la sogs pa'i tshig la go ji ltar yod/ gang las tha dad par 'gyur ba zhes bya ba ma yin pa ni cung zad kyang med de/de las tha dad pa yul du byed pa nyid kyis de shes bya yin no zhe na/ de ni nyes pa med de/ 'di ltar/ blo don 'ga' las rnam bzlog nas/ /don 'ga' zhig la 'jug bya'i phyir/ /sgra ni rab tu sbyor byed de/ /de'i don nges par bzung phyir ro//gzhan du sbyor ba don med 'gyur/ /des na shes bya la sogs tshig /tha snyad du ni rtogs rnams la'ang / /rnam par gcod pa 'ga' zhig yod/ /sgra rab tu sbyor bar byed pa thams cad ni rjes su 'gro ba dang ldog pa dag las mi 'da' ste/ de ni 'jug pa dang ldog pa'i don yin pa'i phyir ro//gal te 'dis 'ga'i blo gang las kyang ldog par mi byed pa'am/ 'jug par mi byed na ji lta ba bzhin du gnang ba'i phyir/ tha snyad thams cad la 'ga' yang tha snyad gdags par mi 'gyur te/ tha snyad ni nges par gzung ba med na med pa yin pa'i phyir ro//dper na bum pas chu 'on cig ces bya ba lta bu la/ gal te bum pa dang snyim pas chu ci 'dra yang rung ba zhig blang bar 'dod par gyur na ni/ chu 'on cig ces bya ba kho na brjod par bya bar 'gyur gyi/ bum pas zhes bya ba ni ma yin no/ / de bzhin du phyag dar ram/ gzhan gang yang rung ba zhig blang bar dgos par 'dod pa zhig tu gyur na ni/ 'on cig ces bya ba byed pa dang / las ma 'phangs pa can kho na brjod par bya bar 'gyur ro/ /de bzhin du blang ba'am bsgrub par bya ba'am bsgrub par bya ba ma yin pa gzhan cung zad cig yin par 'dod na ni/de'i tshe 'on cig ces bya ba yang brjod par bya bar mi 'gyur te/ tshig don med pa'i phyir ro/ /de bzhin du zhes bya ba la sogs pa'i tshig tha snyad du gtogs pa rnams la yang rnam par bcad par bya ba 'ga' zhig yod par 'gyur te/gzhan du dogs pa med na sbyor ba mi rung ba'i phyir ro/ /de la ni blo gros rmongs pa'i dogs pa'i gnas gang yin pa de nyid bzlog par bya ba yin no/ /'on te dogs pa med na ni gzhan gyis gdams pa ci zhig ltos par 'gyur ro/ /nyan pa po 'byang bar bya ba med pa can smra na yang ji ltar bsnyon pa ma yin te/de 'byang bar bya ba kho na'i phyir sgra rnams brdar byas pa'i phyir ro/ /zhes bya ba la sogs pa'i sgra tha dad du ma gtogs pa ni 'ga' yang med de/ ngag tu gtogs pa'i tshig go don sems pa'i phyir ro/ /gang la de dag rab tu sbyor zhe na/sbyor ba'i yul bsam pa la gzhan sel ba zhes brjod do/ /sbyor ba bstan pa med pa la shes bya zhes bya ba'i sgra'i don ci yin zhes 'dri ba'i don 'ga' yang med de/ de las 'ga' la yang rtogs pa med pa'i phyir ro/ /bum pa la sogs pa'i sgra la yang de dang 'dra'o//skabs 'ga' zhig tu mnyan pa yan gar ba las rtogs pa gang yin pa yang sbyor ba mthong ba'i yul gyi rjes su 'brang bas the tshom dang bcas pa'i phyir/ de'i don yongs su ma rdzogs pa can yin pas bum pa la sogs pa'i sgra la bslad pa yin no/ / de dang 'dra ba'i ni zhes bya ba la sogs pa'i sgra la yang ji ltar mthong ba las yod pa nyid do/ /de'i phyir sgra sbyor ba thams cad ni blo 'ba' zhig las bzlog nas 'ga' zhig la gzhug par bya ba'i phyir don yin te/ de'i 'bras bu dang bcas pa'i phyir ro/ /gang zhig gang las tha dad pa//de rnams bzlog nas khyad par gyi/ /de las tha dad rnam pa ni/ /mtshungs pa snang ba can la 'god/ /de nyid gzhan las ldog pa yis/ /dngos po de yi cha 'ga' zhig /rtogs 'gyur zhes pas rab tu bshad/ /'di la'ang ngo bo cung zad med/ /sgra rnams las de rtogs nyid kyis//gzhan bzlog rtogs 'gyur de la ni/ /'ga' yis khyad par du byas pa/ /rtogs par 'gyur ba gzhan 'ga' med/ /sgras gnyis byed pa'ang ma yin te/ /phan tshun yod pa'i min phyir de/ /dngos med dngos po ldan nyid du//mthong ba blo yis bslad pa yin/ /dgod par bya ba'i sgra de las gzhan bzlog pa 'phangs pa de yang gang zhig gang las tha dad pa de bzlog nas khyad par rnams kyi tha dad pa ngo bo mtshungs par snang ba la 'god do/ /de nyid don gzhan las ldog pas dngos po'i de'i cha 'ga' zhig rtogs par 'gyur ro zhes bya ba dang /sgra ni don gzhan las ldog pa 'phangs pas khyad par du byas pa'i dngos po dag kho na brjod do zhes bya ba la sogs pas bstan to/ /de ni tha dad pa de brjod pa na don tha dad pa rnam par gcod pa 'phen pa lta bur 'jug ste/ gcig la yod pa'i tha dad pa brjod pa ni de las gzhan pa bzlog pa med na med pa yin pa'i phyir ro/ /tha dad pa de nyid ni ldog pas cha rtogs pa yin no/ /de rtogs pa ni de'i khyad par can yin pa'i phyir/ des khyad par du byas pa rtogs pa zhes bya ba'i don kha cig la khar ba thogs pa bzhin du gang zhig gang gis khyad par du byas pa rnams sgra dag gis brjod par 'gyur ba don gzhan bzlog pa bye brag tu gyur pa yod pa ni ma yin no//dbye bar bya ba gnyis kyi tha dad pa ni gnyi ga la yod pa'i phyir/ gcig la yod pa'i tha dad par brjod na yang de las gzhan pa 'phen pa med na med pa yin no//de bas na de dag la khyad par dang khyad par gyi gzhi'i dngos po ni med do/ /tha dad pa gcig brjod na yang gzhan bzlog pa rtogs pa'i phyir/ rjes su 'gro ba dang ldog pa brjod pas sgra rnams tha snyad kyi yan lag nyid du ston pa na de las ldog pa rtogs par 'gyur ba'am/des kyang khyad par du byas pa zhes bshad do/ /de nyid kyi phyir sgra la de las gzhan pa bzlog pa dang / rang gi don brjod pa dang bya ba gnyis ni med do/ /rang gi don brjod pa kho nas de las gzhan pa bzlog pa rtogs pa'i phyir te/ rang gi don ni tha dad pa'i ngo bo yin pa'i phyir ro//ldog pa med pa can gyi rjes su 'gro ba med la/ rjes su 'gro ba med pa can gyi ldog pa yang med de/ gcig rjes su 'gro ba la yongs su spang bar bya ba med pa dang / de bzhin du gcig yongs su spang ba la yang 'ga' zhig la gnas pa med na brjod pa med pa 'bras bu med pa'i phyir ro//tha dad pa de yang dngos po med pa yin te/ dngos po dang ldan pa nyid du mthong ba ni blo'i bslad pa yin pa 'ba' zhig tu zad do/ /de phyir de nyid don dam min/ /gzhan du dngos por 'gyur ldog pa/ /dngos por mi 'gyur 'di 'di la//tha dad ces ni brjod phyir ro/ /dngos po ni don dam pa yin la/ gal te tha dad pa dngos por 'gyur ba de'i dngos po'am/ de'i dngos po ma yin par 'gyur/ de'i dngos po nyid yin na de nyid yin pas na gzhan de las tha dad pa ma yin te/ de'i dngos gzhan gyir mi 'gyur ro//de nyid ma yin te/ tha dad pa'i dngos po yin na ni dngos po yang gzhan nyid du 'gyur ba de bas na dngos po de las ldog par 'gyur ba de'i phyir/ 'di las 'di tha dad pa yin no zhes bya bar mi 'gyur ro/ /gang zhig tha dad pa gang las ldog par 'gyur ba de nyid der 'gyur ba'i phyir/'di 'di las tha dad par yin no zhes bya bar mi 'gyur te/ phan tshun tha dad par 'gyur ba'i 'brel pa ni med pa'i phyir ro/ /'brel pa yod pa yin na yang de rgyu dang 'bras bu'i dngos po yin pas de las skyes pa'i dngos po tha dad pa zhes bya bar bye brag med pa'i phyir/rang gi rgyu rnams kyi 'bras bu thams cad ldog par 'gyur ro/ /tha dad pa'i dngos po gzhan yin pa de las kyang 'di tha dad pa yin pas tha dad pa'i khyad par nyid kyis rdzas gzhan dang 'dra bar tha dad par mi 'gyur ro/ /tha dad pa'i khyad par kho na tha dad pa ma yin te/'di 'di las zhes bya ba'i khyad par bstan pa'i phyir ro/ /de bas na khyad par gyi dngos po med pa la tha dad pa nyid kyis dngos po med par 'gyur ba de bas na gzhan pa nyid ma yin no/ /de rnam pa gzhan du yod pa ma yin pa'i phyir dngos su na don dam pa ma yin no/ /'o na ci ltar dngos po tha dad pa med pa sgras brjod pa na de nyid gzhan la tha dad pa'i phyir/cha med pa'i tha dad pa gcig brjod pa na tha dad pa thams cad rtogs pas de las sgra dang tshad ma gzhan don med par ji ltar mi 'gyur zhe na/ 'di la nyes pa med de gang gi phyir/ 'dres pa don gcig gcod pa na/ /sgra'am rtags ni gcig pu yi/ /bya ba de la dngos po yi/ /brjod bya gcad pa ci yang med/ /gang gi rjod par byed pa dang / /dngos po'i nus pa ma lus pa/ /rtogs 'gyur de'i phyir na sgra/ /'bras bu du ma rten gcig 'gyur/ / dper na phyi nang tha dad pa'i 'dres pa can gyi blo rang nyid kyi snang ba tha snyad kyi yul don byed par rung ba nges par byas nas sgra'i don nye bar sbyor bar byed do zhes sngar bshad pa lta bu'o/ /'khrul pa'i rgyu de dang de dag gis 'dres pa'i ngo bo lta bur snang ba brda ji lta ba bzhin du rnam par gcad pa'i phyir de nyid la sgra de dag gi bya ba nyid yin te/gcig pa bsgrubs na yang gzhan rnam par gcod par mi byed de/ brda so sor nges pa'i phyir ro/ /dngos po rnam par gcad pas 'phangs pa ci yang med mod kyi/ 'on kyang gang gi rjod par byed pa dang / dngos po nyid kyi stobs kyis ni ma lus par rtogs par 'gyur te/sgra rnams ni blo'i bslad pa'i yul can nyid yin pa'i phyir ro/ /de la dngos po med pa yang dngos po'i nus pa med pa'i phyir ro/ /tha snyad 'di ni yang dag pa'i don de bzhin du mthong ba'i sgo nas chos du ma dang / gcig dang / tha dad pa dang /tha dad pa ma yin par snang ba 'khrul pa'i rjes su 'brang ba'i phyir/ de dang der 'brel par 'gyur ba las du ma 'khrul pa yin no/ /de bzhin du ma yin pa de las kyang mthar yang dag pa nyid kyi dngos po la shes pa mi bslu ba'i phyir ro/ /rnam pa tha dad par 'dzin pa'i shes pa dang sgra tha dad kyang dngos po gcig gi yul can nyid yin pa'i phyir/sgra 'bras bu du ma can rten gcig pa ma yin te 'gal ba'i phyir ro/ /ji skad brjod pa'i blo'i snang ba la brten pa la nyes pa yod pa ma yin no/ /gcig cig rnam gcod ston pa na/ /gang tshe gzhan spong mi 'jug pa//de ni des khyab gcig tu'ang snang / /de tshe blo yi ngor byas nas/ /gzhi mthun pa ni nyid du 'gyur/ /sgra ni rnam gcod byed pa na/ /dngos po'i chos la reg 'gyur ba/ /de ni de la yod do zhes/ /bya'o dngos gcig brjod bya min/ /blo la snang ba min mthong la//dngos po med par nges phyir ro/ /zhes bya ba ni bar skabs kyi tshigs su bcad pa'o/ /de phyir gzhan sel yul la ni/ /sgra rnams kyis ni blo nyid kyang / /spyi'i spyod yul can bstan te/ /dngos la de dag mi srid phyir/ /gal te bsgrub pa'i tshul la dngos po nyid la sgra dang rnam par rtog pa rnams kyis yul du byed na de ni 'dir don thams cad la thams cad du rtogs par thal bar 'gyur ba dang /gzhi mthun pa nyid la sogs pa med do zhes rigs pa'i bstan bcos mdzad pa pos dgongs nas gzhan sel ba'i yul can la de dag rab tu bstan to//de ltar na/ dngos po'i ngo bo gcig nyid phyir/ /gang las tha dad ngo bor 'dod / /gcig la rjes su 'gro ba dang / /ldog pa'i don gcig spyod yul min/ /de ni dngos po cha med pa gcig po yin na ji ltar na blo rnam pa tha dad pa dag gi yul du byed de/ rnam pa tha dad pa ni tha dad pa la brten pa nyid kyi phyir ro/ /de yang tha mi dad pa'i phyir te spyi ni de'i bdag nyid yin du zin kyang de ni grub pa dang bde ba gcig pa nyid kyi phyir ro/ /de bas na 'di ni don phan tshun spangs pa'i sgo nas yul gcig la 'jug tu mi rung ba'i phyir/ gzhi mthun pa nyid la sogs par mi 'gyur ro//dngos po'i bdag nyid gcig pu de nyid la 'jug pa dang mi 'jug pa mi rigs te 'gal ba nyid kyi phyir ro/ /gzhan du mi 'jug pa yang spyi nyid du mi 'gyur ro/ /gal te spyi'i 'jug pa yin gyi khyad par gyi ma yin no zhe na/ ma yin te/ tha dad pa med pa'i phyir te /de ni ngo bo gcig pa spyi'am khyad par du 'gyur grang na/ ngo bo tha dad pa med pa 'di la ni rab tu dbye ba mi rigs pa yod na yang tha dad pa med par mi 'gyur ro zhes bstan pa'i phyir ro / /de bas na dbye ba med pa 'di ni rjes su 'gro ba med pa yang rjes su 'gro ba dang ldan pa yang ma yin no//gang yang spyi ni tha dad pa nyid du smra ba de la yang / tha dad gyur na tha dad med/ /tha snyad dag kyang rgyu med 'gyur/ /sgra dag gis bdag nyid ji lta ba bzhin du don tha dad pa brjod pa na ji ltar don gcig pa can gyi blo'i rten du 'gyur/don gzhan brjod pa na yang the tshom med pa nyid kyi phyir ltos pa med pa nyid na ji ltar khyad par dang khyad par gyi gzhi'i dngos po la brten par 'gyur/ ldog pa kun la yod pa'i phyir/ /thal 'gyur nyes pa de dag med/ /ji ltar gcig po de las tha dad pa de bzhin du gzhan dag kyang yin pa'i phyir/tha dad pa la spyi med pa'i nyes pa yod pa ma yin no/ /nyes pa lhag ma med par ni sngar bstan to/ /'on kyang / de yi 'bras bu yongs bstan phyir/ /tha dad 'bras bu gcig dad la/ /mkhas pas sgra gcig brdar byas pa/ /de yi 'bras bu med pa can//ldog pa yi ni rgyu can yin/ /tha dad pa ni bstan pa ni/ /dka' dang mi nus 'bras med phyir/ /dngos med ngo bo thams cad ni/ /rang rang ngo bo la gnas phyir/ /khra bo yi ni ngo bo gang / /de ni ser skya la yod min/ /de 'bras can min las ldog pa//gnyis po dag la yod pa yin/ /don gyi tha dad med par yang / /sgra yi tha dad mi rigs so/ /de phyir de 'bras kyang 'dod ni/ /de 'bras min las tha dad nyid/ /dper na mig la sogs pa ni/ /gzugs kyi rnam shes 'bras bu can/ /gang tshe khyad par med 'bras de//ston pa srid pa yod pa ni/ /'ga' zhig cig car kun rtogs phyir/ /de ni ngo bo yi ni spyi/ /tha dad med du zin na yang / /brda las byung ba bsnyad par bya/ /gang yang don tha dad pa med par ji ltar mang po dag la mnyan pa gcig yin te/ de dag mi 'dra ba'i phyir dang /de dag gcig la 'jug pa ni gzhan la shes pa mi skye ba'am/ so sor nye ba med par shes pa bskyed na shin tu thal bar 'gyur ba'i phyir dang / de dag la yang sgra gcig 'jug na don med pa'i phyir dang / don gcig la sgra sbyor ba med pa'i phyir dang / tha dad pa'i rang gi ngo bo dag la so sor sbyor ba na de ltar ston pa dag gi rnam par dbye ba yongs su mi shes pa'i phyir ro snyam du sems na/de la yang gcig kho na yin no zhes 'jig rten pas sgra dgod par bya ba yin pa'am/ gcig po des dngos po'i nus pa nyid kyis mnyan pa 'di slong bar byed pa yin no zhe na/de ni yod pa ma yin te/ 'on kyang dgos pa 'ga' zhig gis sgra gang zhig la dgod par byed/ de la gal te gcig la du ma sbyor bar byed na de ni de las gdon mi za bar bstan par bya ba yin na/ de la so sor brjod pa dang shin tu dka' bar 'gyur la/'di gzhan dang thun mong ma yin pa'i ngo bor brjod par mi nus shing phongs pa 'di la yang 'bras bu cung zhig dang bcas pa yang med do/ /'on kyang 'dis de la don du rung ba de dag bstan par bya ba yin no/ /de dag sgra gcig gis sam du mas brjod par 'gyur zhes bya ba 'di la smra ba po'i rang dbang gis yin pas na mang po dag la smra ba po'i bsam pa 'jug pa na mnyan pa gcig pu 'di la klan ka rigs pa ma yin te/'di la 'jug par mi nus pa ma yin te/ 'dod pa la rag lus pa nyid kyi phyir ro/ /gal te sbyor ba po gcig la yang 'dod pa med pa yin na ji ltar 'jug par 'gyur te/'dod pa nyid mang po dag la yang 'di la gags bya ba'i phyir/ gang gis nus par 'gyur/ gal te dgos pa med pa'i phyir 'di la 'jug pa ma yin no zhe na/ dgos pa bstan pa ni de'i dgos pa bstan pa med pa can gyi tha dad pas tha dad pa dag ni gcig las khong du chud par 'gyur ro zhes bya bar bstan te/rang gi ngo bo nyid la yang gcig pa nyid med pa'i phyir ro/ /bdag nyid ji lta ba bzhin du gnas pa can gyi dngos po'i rang gi ngo bo dag phan tshun ngo bo 'dres pa med pa'i phyir/ji ltar tha dad pa dag sgra rang bzhin gcig pa'i rgyu mtshan can du 'gyur zhes gong du bstan pa'o/ /de'i dgos pa med pa can dag las ldog pa ni tha dad pa dag la yang 'gal ba med pa'i phyir/ don tha dad pa med pa de nyid sgra'i tha dad pa med pa'i rgyur 'gyur ro//de bas na 'di de'i dgos pa can yin pa de ltar na de'i dgos pa can ma yin pa dag las tha dad pa nyid du bstan gyi/ de dag ni gzhan du de'i 'bras bu can nyid kyang ma yin te/ gzhan las tha dad pa ma rtogs pa'i phyir ro/ /dper na mig dang gzugs dang snang ba dang yid la byed pa dag gam/bdag dang dbang po dang yid dang don de dag phrad pa dag ni gzugs kyi rnam par shes pa'i 'bras bu gcig pa can de dag gi thun mong gi 'bras bu ston pa'i skabs su gang las gzugs kyi rnam par shes pa zhes bya ba la tha snyad tshegs chung bar bya ba'i don gyi ched du 'ga' zhig brda las byung ba gzugs kyi rnam par shes pa'i rgyu ya nas ra'i bar ram/sha nas sa'i bar zhes bya ba mnyan pa bkod par 'gyur te/ de'i rgyu thams cad cig car ji lta ba bzhin du rtogs par 'gyur ro/ /'di la yang rjes su 'gro ba'i ngo bo cung zhig kyang yod pa ma yin te/'on kyang de'i don ma yin pa dag las dngos po de dag las tha dad pa de ltar na de dag gi tha dad pa kho na tha dad pa med pa yin no/ /tshogs dang rgyu dang gnas skabs khyad par can gyi sgra thams cad kyang de lta bu'i rnam pa can te/ma lus pa la gang dag gis 'bras bu 'ga' zhig byed pa de dag ni de la khyad par med pa'i phyir la khyad par brjod pa don med pa can yin pas na/ cig car thams cad la sbyor ba'i don du 'jig rten pa 'di bum pa zhes bya ba'i sgra gcig cig de dag la sbyor bar byed do//de dag kyang rigs mthun pa dang gzhan pa dag las tha dad par khyad par med du zin kyang de'i dgos pa'i yan lag nyid kyis de gzhan dag las tha dad par bya ba yin pa'i phyir tha mi dad pa de las khyad par med par rtogs par 'gyur ro/ /de la bum pa'i gzugs la sogs pa zhes bya ba yang /bum pa'i rang bzhin gyi gzugs la sogs pa chu 'dzin pa'i khyad par la sogs pa'i 'bras bu'i nus pa yod pa zhes bya ba'i bar du'o/ /'bras bu spyi bsgrub par bdag nyid rab tu grags pa dang / gzugs la sogs pa'i sgra rnams kyi rab tu grags pa'i khyad par du byas pa'i 'bras bu bsgrub pa'i ming can gyi khyad par gyis khyad par du byas pa de ni de skad brjod kyi/'di la yang ji skad du brjod pa'i mtshan nyid can gyi rdzas gzhan cung zhig kyang yod pa ma yin te/ de 'dra ba de ni mi dmigs pa'i phyir ro/ /tshig gcig yin du zin kyang gcig la nus pa bstan pa'i phyir ram/brda gzhan gyi dbang yin no/ /de bzhin du rgyu dang 'bras bu khyad par du gyur pa gcig 'ga' zhig la sgrub par byed pa'am/ bsgrub par bya ba gang yin pa de dag kyang cig car shes pa'i don du 'bru la sogs pa'i sgra rnams kyis brdar byas pa dag bstan par bya'o zhes snga ma bzhin du brjod par bya'o//gang yang so so 'am bsdus pa dag 'ga' zhig cig car shes pa nyid kyi don du nye bar sbyor ba ni gnas skabs khyad par can gyi tshig dag gis bstan du yod pa'am/ thogs pa dang bcas pa zhes de gzhan dag las tha dad pa'i spyi nyid du bstan par 'gyur ro//ji ltar 'bras bu gcig pa can de'i 'bras bu brjod pa'i phyir/ de gzhan las tha dad pa bum pa la sogs pa'i sgra rnams kyis brdar byas pa de bzhin du rgyu la ltos pa du ma dag kyang gcig gi tha snyad du bya ba'i don kho na yin te/ dper na khra mo'i bu dang ser skya'i bu dang /sgra ni brtsal ma thag tu 'byung ba dang byas pa zhes bya ba lta bu'o/ /de bzhin du 'bras bu dgag pas kyang sgra ni mig gis gzung bar bya ba ma yin te/ mi rtag pa dang bdag med pa zhes bya ba dang / de'i rgyu bkag pas kyang bdag po med pa dang stong pa nyid ces bya ba yin te/de ltar gzhan dag la yang ci rigs par bya'o/ stong pa dang mi rtag pa la sogs pa dang zhes bya ba'i sgra dag ni blo la brtags pa ji lta ba bzhin du sbyar ba'i rnam pa sgro btags pa de rnam par bcad nas tha snyad du byed de/ sgra'i don thams cad ni blo'i rtogs pas bstan pa rnam par dbye ba can nyid yin pa'i phyir ro//mi mthun pa'i phyogs med pa'i nyes pa brjod pa la sogs pas blo ngan pa'i rnam par dpyod pa de lta bu dag ni btang snyoms su bya ba kho na yin no / /de la gal te gcig gnas pa'i phyir/ mang po dag kyang mnyan pa gcig dang ldan par 'gyur te gzhan dag las tha dad par khyad par med pa'i phyir sgra gcig gis 'bras bu gcig pa can brjod pa 'ba' zhig tu ma zad kyi/'on kyang gcig gnas pa yin pa'i phyir sgra gcig gis 'bras bu du ma brjod pa la 'gal bar 'gyur ba ci yod/ 'dir dmigs par 'dod pa de ni mi dmigs pa'i phyir yod pa ma yin pa'am/mi dmigs pa nyid ni de mthong ba la brten pa'i sgra dang ngo shes pa la sogs par mi 'gyur ro zhes bya ba la sogs pas bstan to/ /'on kyang / gnas pa rten dang bsal ba yin na/ de ltar de la mi rigs so/ / gang gcig pu de ni du ma la gnas pa na mnyan pa gcig 'jug par byed pa de'i tshe/ 'jug pa 'di ci yin/ dper na 'khar gzhong la 'bras bu gnas pa ltar brten pa nyid du 'gyur ba'am/ de rnams kyis mngon par bsal ba'i phyir bsal ba yin grang na/ gal te brten pa nyid yin na//phan 'dogs med phyir rten min te/ rtag pa ni spyir 'dod de mi rtag pa nyid ni gzhan dang gzhan las skye ba'i phyir dang / du ma nyid kyi phyir dang / khyad par bzhin du shes pa gcig dang mi ldan pa'i phyir ro/ /rtag pa la yang ci zhig byed na rten du 'gyur/ de la gal te de'i 'phrod pa 'du ba yin pa'i phyir rten yin no zhe na/'phrod pa 'du ba zhes bya ba 'di ci yin/ rten dang brten pa'i dngos po tha mi dad par grub pa dag go/ /phan 'dogs par mi byed pa'i rten de nyid ni 'dir bsam par bya ba ma yin te/ ha cang thal bar 'gyur bas 'jigs pa'i phyir ro/ /de'i phyir 'phrod pa 'du ba dang ldan pa dang /don gcig la 'du ba zhes bya ba la sogs pa dngos po'i 'brel pa dag kyang rgyu dang 'bras bu'i dngos po las tha dad pa ma yin no/ /gcig la gcig gam gzhan dag gis phan 'dogs pa med pa ni rag lus pa med pa'i phyir dang / rag lus pa med pa yang 'brel pa med pa'i phyir ro//gal te yang phan tshun phan 'dogs pa med pa don gcig la 'phrod pa 'du ba dag ni gcig po de la phan par byed par 'gyur la/ mi 'gyur na ni ji skad du bstan pa'i nyes par thal pa'i phyir ro/ /de bas na bdag nyid la phan pa byed pa'i sgo nas blos gzhan la yang sbrel nas brjod pa de bas na de la yang rgyu dang 'bras bu'i dngos por byas pa kho na rag lus pa yin no//de bas na rten 'di ni ltos pa med pa rang gi bdag nyid la phan pa mi byed pas/ rten zhes bya ba ni de g.yar por byas pa'i rgyan lta bu'o/ /'on te de lta yin na ji ltar skyed par byed pa ma yin pa'i 'khar gzhong rgya shug gi 'bras bu'i rten yin zhe na/ltung ba yi ni tshul can gyi/ /'bras sogs de yul bskyed pa ni/ /'khar gzhong la sogs nus pa yin/ /rdzas spyi'i ngo bo nyid kyis yul mi 'dra ba can rgya shug gi 'bras bu bskyed pa'i chos can gyi yul dang 'dra bar 'bras bu bskyed pa nyid ni rten gyi bya ba yin pa de bas na/de'i skad cig ma snga ma'i lhan cig byed pa'i 'khar gzhong ni de nyid la rgya shug gi 'bras bu bskyed pa na rten zhes bya'i/ gzhan du na 'khar gzhong 'di la rgya shug gi 'bras bu dag ces bya bar yang mi 'gyur ro//de ni 'dir phan par byed pas byas pa'i tha snyad ni ma yin no/ /'o na ci yin/ ldan pa byas na yin no zhe na/ de dag nyid kyi ldan pa de yang gang yin/ de dag gis bskyed pa'am/ 'phrod pa 'du ba yin pa'i phyir ro/ /de gcig nyid la 'phrod pa 'du bas ci mi bskyed dam zhe na /de la nus pa med pa'i phyir ro/ /tha dad pa nus pa med pa de ni de la bcas pa yin du zin kyang de 'dra ba nyid kyis phan 'dogs pa med pa'i phyir/ ldan pas de dang ldan par mi 'gyur ro/ /gzhan de la phan pa byed pas khyad par du 'byung ba'i phyir nus pa yin no/ /bskyed par bya ba dang bskyed par gyur pa ma yin pa dag gi phan par byed pa 'di yang ci yin/rang gi 'bras bu grub zin pa 'bras bu nyid ma yin pa'i phyir dang / gzhan gyi ngo bo'i bya ba de la yang phan par byed pa med pa'i phyir ro/ /byed pa med pa rnam pa gnyi ga yang cung zhig byed pa nyid du phan 'dogs pa nyid med pa'i phyir ro zhes mang du bstan to//de bas na dngos po thams cad kyi 'brel pa nyid dag ni bskyed par bya ba dang nye bar mkho ba'i khyad par gyi dbang dang rab tu dbye bas rgyu dang 'bras bu'i dngos po yin pa'i phyir/ rnam par gzhag par bya'o/ /de'i phyir 'khar gzhong la sogs pa dag ni rten gyi ngo bo nyid kyang rgya shug gi 'bras bu la sogs pa bskyed par nus pa kho na yin na de yang 'di la mi srid do//spyi la skyed par byed pa'i khyad par gyi mtshan nyid can gyi rten gyi ngo bo spyi la rten ni yod pa ma yin te/ de ni bskyed par bya ba nyid ma yin pa'i phyir ro/ /de med na yang gnas pa'i phyir/gnas min/ 'on kyang rten ni spyi 'jog par byed pa yin pa de bas na gnas pa'i rgyu nyid yin pa'i phyir rten nyid yin gyi/ skyed par byed pa'i phyir ni ma yin no/ /de yang mi rigs te/ de ni de med na yang gnas pa'i phyir ro/ /dngos po ltung ba'i chos can dag gi ltung ba la gegs byed pa'i phyir skyed par byed pa ma yin du zin kyang 'jog par byed pa yin par 'gyur ro//de 'di la yang gal te 'ga' zhig gegs byed pa la brgal zhing brtag pa mi byed na 'jog pa pos byas pa ltung ba'i gegs byed pa de ni don gzhan nyid la don gzhan nyid yin pa de nyid la 'di nye bar sbyor ba'i phyir ltung ba'i gegs byed pa ci yin/gegs byed pa las mi ltung ba yin na yang brgal zhing brtag pa mtshungs pa dang thug pa med par 'gyur ro/ /de bas na ltung ba med pa ni ltung ba'i gegs byed pa yin na de gang zhig gis ji ltar byed/ dngos po med pa byed pa yin na zhes bya ba yin na ni dngos po med pa zhes bya ba'i bya ba 'ga' zhig kyang yod pa ma yin te/de ni 'ga' zhig gis bya ba'i ngo bo nyid yin na dngos po med par mi rung ba'i phyir ro/ /de bas na de ni dngos po'i bya ba 'gog pa ston pa dang / dngos por mi byed ces bya ba'i don to/ /de ltar 'di ni cung zhig kyang mi byed na cung zhig kyang mi byed pa gang dang gang gis 'jog par byed pa yin/de'i phyir 'di ni 'ga' zhig gis gegs ma byas pa'i phyir 'ga' zhig gi tshe yang gnas pa med do/ /de bas na ltung ba'i gegs byed pa zhes bya ba yang dngos po skad cig ma can dag gi nye bar len pa'i yul 'dra bar 'byung ba dag la bya'o//skyed par mi byed pa yin yang bla ste ltung ba'i ngang tshul can de'i gegs byed pa de byed pa'i phyir ro/ /rdzas 'gro ba dang ldan pa 'jog par byed pa 'ga' zhig ni yod par 'gyur na/ ci bya ba med pa ni ci gnas pa'i mtshan nyid can du 'jog par byed par 'gyur/ gnas na ni de'i rang bzhin ngo bo 'pho ba med pa kho na yin te/de yang rten la rag lus pa ma yin te/ rtag pa nyid kyi phyir ro/ /de yang tha dad tha dad med/ /rnam par spyod pa mi rigs nyid/ /rten gyi rgyu can gyi spyi gnas yin yang bla ste/ de spyi las gzhan pa'am/ gzhan ma yin pa zhig tu 'gyur grang na/gal te gzhan yin na de nyid de'i rten byed pa yin la/ de yang spyi la rag ma lus pa'i phyir/ spyi'i rten gyis ci zhig byed/ rag las pa kho na la rag las pa zhes ji ltar brjod par bya/ gal te gnas par byed par shes pas so zhe na/ de la yang thal ba mtshungs pa dang / thug pa med par 'gyur ba de bas na phan pa byed pa nges par ma bzung ba'i phyir/ 'di ni 'di'i gnas pa yin no zhes bya bar shes par mi 'gyur ro/ /gal te skyed par byed pa yin no zhe na/ phan mi 'dogs pa'i rten la ltos pas 'di la ci zhig bya/ ltos pa zhes bya ba ni de la rag lus pa yin na de yang spyi khyad par med pa la mi rigs pa dang /yan gar bas bskyed pa'i phyir/ gnas pa'i rgyu gzhan yod pa ni ma yin no/ /spyi la gnas pa tha dad pa med pa yin na yang de ni de'i rang gi ngo bo kho na yin te/ de yang rtag tu yod pa'i phyir/ 'di ni 'ga' zhig gis kyang gnas par byed pa ma yin no//de bas na spyi'i rten yod pa ma yin pa de'i phyir brten pa 'di ni gnas pa med do/ /'on kyang gsal ba ma yin pa spyi yod du zin kyang de'i gsal ba ni bsal bas shes pa'i rgyur gyur pa'i phyir/ de la gnas par 'gyur ba yang rigs pa ma yin no/ /gang gi phyir/ bdag nyid rnam shes bskyed rung phyir//gzhan gyi ngor byed gang yin de/ /bsal bya yin te rung nyid kyi/ /byed pa po yang rgyu ru 'dod/ /dang po nyid nas 'di rung nyid/ /de la ltos pa mi rung ste/ /'gyur ba'i med pa'i spyi de ni/ /spyi dang ldan pa gang las yin/ /byed pa po las gsal bar byed pa ni khyad par cung zhig kyang med pa yin te/gzhan rang gi yul la rnam par shes pa bskyed par nus pa rigs mthun pa'i nye bar len pa la ltos pa'am/ ltos pa med pa'i dngos po skyed par byed pa kho na gsal bar byed pa zhes bya'o/ /gzhan dag tu ni bskyed par bya ba la shes pa skye ba nus pa 'phangs pa med pa'i phyir skyed par byed pa tsam gyi rgyu nyid yin no//gal te gang las rnam par shes pa bskyed par rung ba so sor snang ba thob pa gang yin pa de de'i bskyed byar mi 'gyur na/ de ni 'di'i rang bzhin du gyur pa'i rung ba nyid ni dang po nyid nas yod pa'i phyir rnam par shes pa skyed par byed pa de la ltos pa ma yin no //'di ni gzhan du 'gyur ba nyid yin na de nyid de las 'gyur ba'i phyir/ gnas pa bzhin du thal bar 'gyur ba de bas na gsal bar byed pa de byed pa ma yin zhing gzhan yang byed pa ma yin pa de ltar na cung zhig kyang mi byed pa dang ltos par bya ba yin no zhes bya ba ni 'gal ba yin no//'bras bu nyid yin pa'i phyir skyed par byed pa ma yin pa du ba la sogs pa yang gsal bar byed pa ma yin nam/ gsal bar byed pa yin pa ni bden te/ du ba la ltos nas mes ni rnam par shes pa skyed par byed pa ma yin te/ de lta bur gyur pa'i me ni mngon sum du skyed par byed pa ma yin pa'i phyir ro//de la nye bar len pa'i stobs kho nas ni shes pa bskyed par 'gyur gyi/ yul gyi stobs kyis ni ma yin te/ de med du zin kyang de la brgyud pas rtags kyi rjes su 'brang ba'i sgo nas yod pa'i phyir ro/ /spyi'i mtshan nyid du snang ba'i shes pa de dag kyang yul nye ba can nam/yul gyi stobs kyis skyes pa ma yin no zhes bya ba de bstan pa dang ston par yang 'gyur ro/ /de bas na mngon sum du sbyor bas rnam par shes pa bskyed pa'i yul gang yin pa de ni 'dir gzhan la ltos par 'gyur bas gdon mi za bar de las bdag nyid thob par 'gyur gyi/bdag nyid thob pa 'di ni spyi brtag pa gang las kyang yod pa ma yin no/ /de'i phyir de ni ci nas kyang gsal bar bya ba ma yin no/ /spyi ni gsal bar rung ba nyid thob pa yin par mi smra'o/ /'o na ci yin zhe na/ rang gi rten la 'phrod pa 'du ba las te/ rang gi rten las 'phrod pa 'du bas 'brel pa de ni bdag nyid dam gzhan la rnam par shes pa'i rgyu yin pa'i phyir ro//'dir skyed par byed pa dang bskyed par bya ba dag gi rten dang brten par yod pa'i mtshan nyid kyi 'phrod pa 'du ba 'di ci zhig yin zhes bshad pa yin no/ /rang gi rten gyis 'phrod pa 'du ba la ltos pa can rnam par shes pa'i rgyu yin pa des bskyed par bya ba kho nar 'gyur te/rgyu de'i ngo bo snga na med pa'i phyir dang / phyis de las yod pa'i phyir ro/ /de'i ngo bo rtag tu yod pa yin na 'phrod pa 'du ba las sngar yang rnam par shes pa skye bar thal ba'i phyir ro/ /gsal ba ni spyi legs par byas pas gsal bar byed pa ni ma yin no//'o na ci yin zhe na/ de 'dzin pa'i dbang po legs par byas pas so/ /de yang / mig sman sogs bzhin gsal ba las / /dbang po legs par byas pa min/ /de yod med pa'i dus rtag tu/ /rtogs pa tha dad med phyir ro/ /mig sman la sogs pas dbang po legs par byas pas rtogs pa'i phyir/phul du byung ba 'ga' zhig thob par byed de/ gsal ba dang mi gsal ba'i khyad par gyi phyir ro/ /de mi byed pa yang de legs par byas pa nyid ma yin pa'i phyir ro/ /de ltar gsal ba las dbang po'i legs par byas pa 'ga' zhig kyang yod pa ma yin te/de yod pa dang med pa'i dus rtag tu rtogs pa la khyad par med pa'i phyir ro/ /yul legs par bya ba ni dbang po'i khyad par med na yang de khyad par bya ba'i phyir phan 'dogs par 'gyur gyi/ dbang po legs par byas pa las ni ma yin no// // bam po lnga pa/ gal te sngar ma mthong ba mthong ba'i nus pa byed pa'i phyir/ phan 'dogs par byed pa yin no zhe na/ de ni dbang po las 'das pa'i don mthong bas ji ltar rtogs par khyad par med par gyur / gcig so sor nges pa yin na yang spyi gzhan mthong ba por mi 'gyur la/ bsal bas kyang legs par byas pa'i phyir/de dag mthong ba na des bsal bar byed pa spyi dag ni nam yang ma nges pa'am/ gzhan gcig kyang nges par mi 'gyur te/ dbye ba med pa de ni de dag la khyad par med pa'i phyir ro/ /gal te gsal bas dbang po legs par byas kyang rung / gal te dbang po legs par ma byas kyang rung /spyi ni rnam par shes pa skyed par byed pa'i rang bzhin yin pas rang bzhin las mi 'da' ba'i phyir/ dbang po legs par bya ba ltos pa med pa kho nar rnam par shes pa bskyed do/ /gal te dbang po legs par bya ba'i lhan cig byed pa can nyid yin pa'i phyir gcig pu ni nus pa ma yin no zhe na/byed pa med pa phul du byung ba 'di'i lhan cig byed pa'i don gang yin/ lhan cig byed pas khyad par du byas pa'i bdag nyid thob pa'i phyir/ dngos po mi rtag pa dag ni de la ltos pa yin te/ de dag gis skyed par byed pa'i bdag nyid gang yin pa de ni de'i tshe de nyid las 'gyur ba'i phyir skyed par byed pa dag nyid ni phan tshun ltos pa yin no//spyi gzhan gyis ma bsgrub pa rtag pa'i rang bzhin de yang ci'i phyir dbang po la ltos pa yin/ yan gar ba de ni rang bzhin med pa gang yin pa des kyang ji ltar yang mi 'gyur ro/ / bsal ba dbang po legs par byas pa'i phyir de'i lhan cig byed pa can gyi spyi'i ni rnam par shes pa'i rgyu yin pa de ltar na brgyud pas spyi bsal ba'i 'bras bu nyid du bstan par 'gyur ro/ /gzhan yang / gal te rigs dang bsal byed dag /rigs dang ldan pa nyid 'dod na/ /sgron ma la sogs bsal byed ni//ba lang nyid sogs de ldan thob/ /gang zhig rnam par shes pa'i rgyu gang yin pa de ni de'i bsal bar byed pa yin la/ ba lang nyid la sogs pa la sgron ma la sogs pa yang rnam par shes pa'i rgyu nyid yin te/ snang ba legs par byas pa la ltos pa'i mig gis don rtogs pa'i phyir ro//de bas na sgron ma la sogs pa ni ba lang nyid la sogs pa de dang ldan par 'gyur ro/ /de bsal ba las kyang rnam par shes pa'i rgyu nyid la ma gtogs pa gzhan spyi mngon par bsal ba 'ga' zhig kyang yod pa ma yin te/ phul du byung ba'i rang gi ngo bo nyid bya bar mi nus pa nyid kyi phyir ro//gal te 'phrod pa 'du ba mngon par bsal ba yin no zhe na/ de'i lan ni de'i 'phrod pa 'du ba ni mi rung ba'i phyir ro zhes bya bas bshad zin to/ /'di ni bsal ba dang lhan cig 'phrod pa 'du ba tsam du skyes pa yin gyi khyad par 'ga' zhig kyang ma yin pa snga ma bzhin du phyis kyang shes pa'i rgyu nyid du mi 'gyur ro//'phrod pa 'du ba kho na las shes pa'i rgyu nyid yin na ni gzhan rang gi rten la 'phrod pa 'du ba dag kyang mthong bar 'gyur ba de bas na bsal bar byed pa nyid ni shes pa'i rgyu nyid yin no/ /de yang sgron ma la sogs pa dang 'dra ba'i phyir/ thal bar 'gyur ba de nyid do/ /de bas na spyi'i gnas pa ni/ rten ma yin pa dang / bsal ba ma yin pas na mi gnas pa'i phyir shes pa'i rgyu ma yin no/ /de nyid kyi phyir/ rigs ni gsal ba las gzhan nam/ /gzhan min yod nyid gang de dag /sngon min gsal ba dag la ni/ /ji ltar spyi ni rtogs pa yin//nyid kyi sgra ni yod pa kho na'o zhes nges par bzung ba'i don to/ /dngos po yod pa ni rang gi nus pa nyid kyis gzhan la rang gi ngo bo'i rjes su byed pa can gyi blo skyed par byed pa de dang 'brel pa la rag lus pa yin gyi/ gzhan du na ha cang thal bar 'gyur ba'i phyir ro/ /de yang spyi yod pa ni de nyid gzhan gyi phyogs la yod pa ma yin te/gcig la yod pa mthong ba ni/ /gzhan la mthong ba mi srid phyir/ /gal te blo gcig tu 'byung ba can de ni bsal ba gzhan la de ltar 'gro zhing yang dag par 'dzin pa yin na / de la mthong ba cung zhig gzhan la mthong bar 'gyur na/ de yang / gzhan nyid min na rjes 'gro med/ /gzhan nyid na yang mi rten phyir/ /yod pa mi srid do/ /rang bzhin gyi de nyid dam gzhan nyid ni rang bzhin las 'das pa ma yin te/ ngo bo der gyur pa ma yin pa ni gzhan nyid las ma 'das pa'i phyir ro/ /gzugs kyi gzhan 'di nyid gang yin pa de nyid ma yin te/rnam pa gzhan bzhin du khyad par med pa'i phyir ro/ /gal te spyi'i ngo bo de bzhin nyid ma yin na de nyid der 'gyur te/ de nyid ma yin pa dngos po gzhan dang 'dra bar gzhan nyid du thal bar 'gyur ba'i phyir ro/ /bsal ba'i rang bzhin gcig ni bsal ba gzhan la rjes su 'gro ba ma yin te/bsal ba gzhan nyid med par thal bar 'gyur ba'i phyir ro/ /de bas na spyi tha dad pa med pa las blo rjes su 'gro bar mi 'gyur zhing / tha dad pa las kyang ma yin te/ de 'ga' zhig la yang brten pa med pa'i phyir ro/ /'ga' zhig gis phan btags pa med par rag lus pa med pas na bsal bar bya ba dang /bsal bar byed pa'i ngo bo la sogs pa las 'brel pa gzhan yang med pa'i phyir 'brel pa med pa can las kyang shes pa skye bar thal bar 'gyur ba'i phyir ro/ /de bas na dngos po gcig mthong bas gcig la gnas pa'i shes pa gzhan la gnas pa 'dod pa 'di'i de nyid dang /gzhan nyid las 'das pa'i phyir de ni rigs pa ma yin no/ /de'i phyir don rnams la ngo bo gcig tu rtogs pa 'di ni rnam par rtog pa'i bag chags kyis kun nas bslang ba 'khrul pa kho na yin te/ dngos po tha dad pa dang / bag chags kyi rang bzhin ni de'i rten yin no zhes bya ba de ni dpyad zin to/ /'o na ni gtso bo dang dbang phyug la sogs pa'i 'bras bu'i sgra dag ni dngos po tha dad par 'gyur ba med pa can la ji ltar tha dad pa med par 'jug par 'gyur/ de dag kyang brda ji lta ba bzhin du rgyud bag chags kyis legs par byas pa nyid kyi phyir ro//don thams cad mthong ba na de las tha dad pa la ltos pa med du zin kyang de ltar nges par byas pa las de lta bu ma yin pa ni rnam par rtog pa rnam par bcad nas nye bar len pa'i stobs kyis 'byung ba'i rnam par rtog pa can gyis kun nas bslang ba dag ni rnam par rtog pa'i rnam par shes pa'i snang ba'i don la 'jug par 'gyur gyi/de ltar yod pa ma yin pa de dag la ni spyi tha dad pa'am/ tha dad pa ma yin pa cung zhig kyang yod pa ma yin no/ /de lta bur gyur pa'i rnam par rtog pa gzhan las tha dad pa yang rtogs pa po'i bsam pa'i dbang las 'gyur ro//gal te de'i bsam pa kho na las ci'i phyir spyir mi 'gyur zhe na/ des ni 'di gdon mi za bar med na mi 'byung ba nyid kyi phyir tha dad par 'dod par bya ba yin na de nyid ni spyi'i 'bras bu'i nus pa yin pa'i phyir/ spyi rtog pa ni dgos pa med pa yin no/ /gal te dngos po yod pa'am med pa dag la spyi'i blo 'di ni don dang ldan pa ma yin gyi bslad pa kho na yin pa'i phyir/kho bo cag 'di'i yul dpyod pa la gus pa cung zad kyang med do/ /'ga' zhig la 'di'i mi slu ba ni dngos po la rgyu dang 'bras bu'i ngo bo'i 'bras bu'i 'brel pa las yin gyi/ de lta bur gyur pa'i gzung ba nges pa las ni ma yin te/mngon sum gyis nyams su myong ba bzhin no/ /de ltar yod pa ma yin yang yod pa'i phyir ro zhes bstan par bya ba dang bstan zin pa yin no/ /tha dad pa'i yul can 'di yang phal cher dngos po tha dad pa'i mthong ba'i stobs kyis de dag la dngos por nges pa'i phyir ro/ /de lta bu'i ngo bor brtags la nyid ni gzhan la yod pa'i phyir ro//gzhan yang spyi don gzhan du rtog pa 'di rang gi rten tsam la yod pa'am/ nam mkha' la sogs pa 'dra ba thams cad na yod par rtog par 'gyur grang na/ de la gal te rang gi rten tsam la yod pa de'i tshe/ phyogs bum pa la sogs pas stong pa dag tu bum pa la sogs pa 'byung ba na ji ltar yul tha dad pa can gyi rdzas la yod pa'i spyi ni de dag la yod par 'gyur te/rang gi phyir de ni rdzas snga ma las 'gyur ba'i rdzas la mi 'gro ste/ bya ba med pa nyid du khas blangs pa'i phyir ro/ /gang gi phyir gzhan na gnas pa'i dngos po de las mi g.yo ba de gnyi ga'i bar la khyab pa ma yin pa ni yul tha dad pa'i dngos po dang ldan par rigs pa ma yin no //snga ma/ de ni de na yod pa min/ /phyis yod min na yang / de la yang skye ba med pas 'ga' zhig las 'ongs pa med pa de ltar na/ blun po las gzhan du 'gal ba'i khur 'degs par sus nus/gzhan yang cha can min/ rten snga ma ni spong mi byed pa ste/ skye bar 'gyur ba'i yul las tha dad pa'i yul te/ de dag la gnas pa zhes bya ba yang / e ma'o phongs pa'i rgyu nyid yin/ yul tha dad pa'i dngos po dag gi 'brel pa can ni yan lag du ma'i bdag nyid can nam/gcig gi bdag nyid can gyis rnam pa gnyis su 'gyur te/ yan lag gzhan dang gzhan dag gis de dang 'brel pa'i phyir/ snang ba dang thag pa dang dbyig pa lta bu'o/ /yan lag dang bcas pa ma gtogs par yul tha dad pa dag dang 'ga' zhig gis kyang cig car 'brel pa rigs pa ma yin te/de la bdag nyid gnyis med pa'i phyir ro/ /bdag nyid gcig la yang sa phyogs der gnas pa'i 'brel pa can gyi ngo bo nyid yin pa'i phyir te/ gzhan du na de dang 'brel pa mi rung ba'i phyir ro/ /brten pa gcig po gang la gnas pa de nyid kyi tshe bdag nyid des de la gnas pa ma yin no zhes bya ba de ni gcig po de la gnas pa dang mi gnas pa bdag nyid 'gal ba'i phyir/rigs pa ma yin no/ /gal te thams cad la thams cad du rnam pa thams cad kyis gnas pa'i bdag nyid can yin no zhe na/ de ni rang bzhin mthong ba'i rten gyi shes pa ni thams cad la rnam pa thams cad du 'gyur la/de ltar na yang ba lang la yang rta yin no zhes shes par 'gyur te/ rta la gnas pa'i bdag nyid can gyi rdzas nyid dang 'brel pa'i phyir dang / de'i rang bzhin rtogs pas de ltar rnam par nges pa'i phyir dang /gcig po de la yang ma mthong ba'i rnam pa gzhan med pa'i phyir ro/ /de'i phyir cha med pa yul du ma la cig car brten pa ma yin no/ /rten snga ma spangs nas kyang yul tha dad pa la gnas pa de yang mngon par 'dod pa ma yin no/ /gzhan pa gnas par 'gyur ba ni//rang gi gnas las mi g.yo ba/ /de las gnas gzhan skye ba la/ /gnas shes shin tu rigs par ldan/ /gang du dngos de gnas gyur pa/ /de dang 'brel pa ma yin la/ /de yul dag kyang khyab byed pa/ /de ni shin tu ngo mtshar che/ /zhes bya ba ni bar skabs kyi tshigs su bcad pa'o//spyi thams cad na yod par smra ba gang yin pa de'i yang / gal te rigs ni kun la yod/ /gcig de bsal bas bsal ba nyid/ /tha dad med phyir kun la mthong / /rigs rtag pa'i bsal ba 'ga' zhig kyang yod pa ma yin no zhes bya ba de ni bkag zin to//de bas rtag tu gzhan gyis legs par byas pa la ltos pa med pa ni mthong bar 'gyur ba'am/ nam yang ma byas pa yin te/ de'i rang bzhin du gnas pa'i phyir ro/ /rang bzhin gzhan ni 'ga' zhig las kyang ma skyes pa'i phyir ro/ /bsal ba khas blangs su zin kyang khyab par byed pa yang gcig la bsal bas bsal ba nyid na tha dad pa med pa'i phyir/kun la zhes bya ba bsal bas stong pa'i phyogs dag la yang mi mthong bar 'gyur ro/ /de yang bsal ba la ltos min/ /gal te bsal ba ltos pa can yin na ni/ bsal byed rtogs pa ma yin na/ /bsal bya yang dag rtogs pa min//spyi dang de dang ldan pa yang / /ci yi phyir na bzlog par 'dod/ /rang gi rten dang dbang po'i ldan pa la rtogs pa can gyi spyi ni rten gyis stong pa'i sa phyogs la mthong ba ma yin no zhes gang las lan btab pa de'i yang rang gi rten dang dbang po'i ldan pas phan 'dogs pa yin pa nyid kyi phyir/de las de mthong ba can gyis ji ltar gnas pa bzhin du mthong bar 'gyur ro/ /snang bar 'gyur ba de ni mi snang ba 'dir de ltar rigs pa ma yin no/ /spyi ni bsal bas bsal bar bya ba nyid yin pa'i phyir/ bsal bar byed pa dang bral ba'i sa phyogs dag tu mthong ba ma yin no zhes bya ba yang log pa yin no //bsal bar bya ba dang bsal bar byed pa'i dngos po de lta bur gyur pa ni de la med pa'i phyir ro/ /sgron ma la sogs pa bsal bar byed pa ni bdag nyid rtogs nas gzhan rtogs par byed pa'i rgyu ni rang gi ngo bos stong pa la bsal bar bya ba rang nyid mthong bar byed pa ma yin la/de ltar bsal ba yang ma yin te/ phyin ci log tu gyur pa'i phyir ro/ /ji ltar na de spyi bsal bar byed par yang 'gyur zhing de rtogs pa'i sgo nas snang bar 'gyur/ de lta na de ni sgron mas bum pa dang 'dra bar bsal bar bya ba yang thog par 'gyur te/rnam pa 'ga' zhig gis de lta rtogs pa med par snang ba'i ngo bo nyid med pa'i phyir ro/ /gzhan yang 'dis mi rigs pa ci zhig mngon par dpyad nas de ltar dub pa mang po'i spyi'i sla ba la brten pa yin/ phan tshun tha dad pa'i phyir/ bsal ba ldog pa can dag la rjes su 'gro ba can gyi shes pa mi rung ba'i phyir ro//da ni ji ltar/ tha dad med don med par yang / /'tshed pa po sogs dag gi sgra/ /'tshed pa po dang klog pa la sogs par gcig la rjes su 'gro ba med pa dag la yang / 'tshed pa dang 'tshed pa po zhes bya ba'i sgra dang shes pa 'jug pa yod pa yin no//de dag la ni tha dad pa med pa gzhan cig yod pa ma yin na / gang gis tha dad pa dag gis ni de ltar rtogs par 'gyur/ gal te las yod do zhe na/ 'on te bsal ba kho na las shes pa de yin yang bla ste/ 'di las sam gzhan gyis ci zhig byed pa yin/tha dad pa ni tha mi dad pa'i shes pa'i rgyur mi 'gyur bas na/ spyi gcig 'dod pa de gal te las tha dad pas kyang tha dad pa med pa'i shes pa bskyed par 'gyur na/ bsal ba dag gis nyes pa ci zhig byas na gang gis de dag de ltar mi 'dod/ gal te de dag ni ngo bo gcig pa nyid kyi phyir/de'i rnam pa ma yin pa'i khyad par ldan pa 'di'i 'di zhes bya ba'i ldog pa rtags par mi 'gyur ro zhe na/ 'dir ldog pa ji lta ba bzhin du khyad par shes pa dag kyang brda ji lta ba bzhin du don gzhan rnam par gcod pa'i phyir ro zhes bshad do/ / de bas bsal ba dang 'dra bar/ /tha dad phyir las 'di'i rgyu min/ /'tshed pa po la sogs pa tha dad pa med pa'i shes pa'i 'o/ /gal te de dag gi las kyi rigs tha dad pa med pa'i phyir rgyu yin no zhe na/ las dang 'brel phyir rigs ma yin/ 'gro ba la sogs pa ba lang nyid bzhin du don gzhan 'brel pa'i rigs ni don gzhan la shes pa'i rgyu ma yin la 'tshed pa po'i las dag la yang las kyi rigs yin na las de dag kyang 'tshed pa po'i sgras brjod par bya ba ma yin no//'o na ci yin zhe na/ las de'i rten gyi rdzas yin no/ /las kyi spyi de yang / mnyan pa gzhan gyi rgyu mtshan phyir//'tshed pa 'tshed pa zhes bya ba ni de las 'gyur gyi/ 'tshed pa po zhes bya bar ni ma yin te/ de ni las kyi rgyu mtshan nyid du rab tu bshad do/ /gzhan yang / las ni gnas pa med phyir dang / las mi rtag pa ni thams cad du yod pa ma yin te/ shes pa de'i las rgyu mtshan nyid na las 'gags pa la 'tshed pa po zhes brjod par mi bya ste/'tshed pa na las yod pa'i phyir ro/ /de nyid kyi phyir/ spyi ni 'brel pa med pa'i phyir/ /sgra yi rgyu nyid thal 'gyur phyir/ 'brel med ma yin/ las zhig pa de'i spyi ni las ma yin zhing byed pa ma yin pa'i phyir/rag lus pa'i 'brel pa 'di la yang yod pa ma yin pa de ltar na 'brel pa med pa'i phyir sgra dang shes pa'i rgyu ma yin no/ /gzhan du ni ha cang thal bar 'gyur ro/ /gal te 'das pa dang ma 'ongs pa rgyu mtshan du byas nas de dag 'jug go zhe na/ med pa'i las kyang shes brjod dag gi min te rgyu mtshan ma yin no//de dag ni rgyu mtshan can min thob phyir ro/ /med pa ste nus pa med pa ni ji ltar rgyu mtshan du 'gyur/ dngos po'i de nyid ni bya ba byed pa'i mtshan nyid can yin pa'i phyir ro/ /de bas na 'das pa dang ma 'ongs pa'i las 'gags pa dang ngo bo ma thob pa can gyi rgyu mtshan ma yin no//bsal ba la sogs pa gzhan dag kyang mi 'dod pa'i phyir/ de dag ni rgyu mtshan med pa can du 'gyur ro/ /de ltar na rigs kyang grub pa ma yin te/ de ni shes pa dang brjod pa dag gi mtshan nyid du 'dod pa'i phyir ro/ /gal te nus pa 'tshed pa po la sogs pa'i sgra'i rgyu mtshan min gyi las dang spyi ni ma yin zhe na/rjes 'gro med phyir nus pa'ang min/ /'tshed pa po la sogs pa dag gi nus pa zhes bya ba gzhan cung zhig kyang yod pa ma yin te/ 'di nyid ni 'tshed pa la sogs pa'i don gyi bya ba las nye bar sbyor ba yin pas na rdzas ni nye bar sbyor ba ma yin par thal ba'i phyir ro//gal te de ni de'i nye bar sbyor ba yin no zhe na/ da ni nus pa ci zhig bya ste/ nus pa la nye bar sbyor ba'i phyir/ nus pa gzhan tha dad pa khas len na ha cang thal bar 'gyur ba'i phyir/ rdzas kho na nye bar sbyar ba yin no zhes brjod par bya'o//des ni nus pa la nye bar sbyor na don gyi bya ba kho na la nye bar sbyor ba ci'i phyir de ltar mi 'dod de/ bar du nus pa don med pas ci zhig bya/ de bas na nus pa zhes bya ba ni de'i 'bras bu can gyi rdzas kho na yin no/ /de yang rjes su 'gro ba med phyir te/ de la rjes su 'gro ba can gyi sgrar mi 'gyur ro//gal te 'tshed po sogs spyi yin/ /dang por de ni yod nyid sogs/ /bzhin du bsal 'gyur ci ste min/ /khyad par med phyir phyis mi 'gyur/ /ci ste yang 'tshed pa po nyid ces bya ba'i spyi 'ga' zhig yod pa yin na yod pa'i don la 'phrod pa 'du ba de ni res 'ga' ba nyid ma yin pa'i phyir/de ni dang po nyid na yod pa nyid la sogs pa bzhin du bsal bar 'gyur ro/ /don la 'phrod pa 'du ba'i chos can gyi spyi ji snyed pa de dag ni 'di'i skye ba dang lhan cig tu 'phrod pa 'du ba dag yin no zhes bya ba'i gzhung yin no/ / de las 'das pa de ni khyad par med pa'i phyir /phyis kyang de dang 'phrod pa 'du bar 'gyur ba ma yin no/ /de dang 'brel pa'i rang bzhin dang mi mthun pa'i phyir/ de ni de'i dang por yod pa ma yin la de nyid kyang rang bzhin du gnas pa 'di'i phyir/ 'gyur ro zhes bya ba de ni rtogs par dka'o/ /bya ba phan 'dogs ltos bsal byed //yin yang 'gyur med ltos pa med/ /'di ni phul byung yod na yang / /skad cig nyid phyir bya gang las/ /gal te phan 'dogs par byed pa'i las la ltos nas rdzas kyi 'tshed pa po nyid la bsal bar byed pa yin no zhe na/ rang bzhin brten pa 'di ni phul du dbyung du med pa'i phyir khyad par du byed pa med pa la ltos pa ci zhig yod/phul du dbyung du yod na yang las ni skad cig ma nyid yin pa'i phyir ro/ /skad cig re re la phul du dbyung ba'i rang bzhin du gyur pa gzhan dang gzhan 'byung ba'i phyir/ de yang skad cig mar 'gyur ro//de bas na rang gi skye ba'i gnas 'jig pa can gyi bya ba gang las gang la ltos pa bsal bar byed par 'gyur/ 'o na da ni ji ltar dngos po gcig yod pa ma yin na/ dngos po ni shes pa dang sgra dag gi rjes su 'gro ba can la 'jug par 'gyur/ dper na 'tshed pa po la sogs pa dag la zhes bya ba lta bu'o//de nyid la 'di zhes sems pa ma yin nam/ ji ltar de dag la yang yin zhe na/ ji ltar de dag la yod pa ma yin no zhes de dag dpyad zin to/ /de bas na ci'i phyir de dag rgyu mtshan med pa can du mi 'gyur/ rgyu mtshan med pa can ni ma yin no/ / 'o na ci yin zhe na/ phyi rol gyi de nyid ni rgyu mtshan ma yin te/ 'di ltar bdag nyid ji lta ba'i bag chags rab tu sad pa las rnam par rtog pa skye ba de las sgra dag 'byung ba yin gyi/ rnam par rtog pa dang brjod pa dag ni dngos po yod pa nyid la brten pa yang ma yin no zhes de ni mang du dpyad zin to//bdag nyid kyi gzhung lugs ji lta ba bzhin gyi bag chags kyi dbang gis 'gal ba'i ngo bo gcig tu bsdus pas gzhan dang gzhan mthong ba na yang rjes su 'gro ba can de dag mthong ba'i phyir ro/ /de la de'i rgyu'i rang bzhin 'ga' zhig kyang yod pa ma yin te/ phan tshun 'gal ba ni gcig la cig car gnas pa mi rung ba'i phyir ro//'o na ni ma nges par 'gyur ba de rgyu mtshan med par yod pa ni 'ga' zhig tu yod pa dang 'ga' zhig tu med pa zhes bya bar nges par 'ongs pa ma yin no/ /de dag rgyu mtshan med pa can ni ma yin te/ bag chags kyi khyad par rgyu mtshan nyid yin pa'i phyir ro//phyi rol de lta bur gyur pa snang ba yang ma yin no zhes smras kyi/ yod pa ma yin gyi de la mi 'gyur ba ni ma yin te/ rmi lam dang rab rib can dag gis dmigs pa'i don dang dngos po med pa dang / gzhung lugs kyi bag chags kyis sgro btags pa'i ngo bo khyad par can dag la de lta bu'i rtog pa skye ba'i phyir ro//de dag ni yod pa ma yin pa de dag la skye ba'i phyir thams cad la rnam pa thams cad du ma yin te/ rnam par dbye ba nyid kyis de ltar dmigs pa dag la rnam par rtog pa'i phyir ro/ /kho bo cag gis 'dir rang bzhin gyis kyang shes pa gcig gi 'bras bu can 'ga' zhig ngo bo nyid tha dad pa'i phyir zhes bya ba cung zhig bsten to//gzhan yang / tha dad mtshungs pa yin na rigs/ /nye ba gang gis 'ga' zhig la/ /rab 'jug gzhan la min de nyid/ /sgra dang shes pa'i rgyu yin no/ /zhes bya ba ni bar skabs kyi tshigs su bcad pa'o//gal te ldog pa spangs pa yi/ /dngos po'i rjes 'gro gzhan yod min/ /gcig gi 'bras bu gzhan gyir ni/ /mi 'gyur shin tu tha dad phyir/ /gal te ldog pa ma gtogs par rjes su 'gro ba can gyi rang bzhin 'ga' zhig gis dngos po de dag stong pa yin no// mang po de dag ni 'bras bu gcig tu mi 'gyur ro/ /de'i skyed par byed pa'i rang bzhin gang yin pa de ni gzhan la med cing yod pa gang yin pa de ni skyed par byed pa ma yin te/ ldog pa ni rang bzhin med pa nyid kyi phyir ro/ /skyed par byed pa gang yin pa de nyid dngos po yin la skyed par byed pa de yang gzhan la med pa'i phyir/gzhan gyis bskyed par mi 'gyur ro/ /gal te de ni skyed par byed pa'i rang bzhin gang yin pa de ni gzhan gyir yang 'gyur na/ de'i rang bzhin des de la tha dad par mi 'gyur ba'i phyir/ rang bzhin gyis rjes su 'gro ba yod do zhe na/ gal te bdag nyid gcig pa yis//du ma 'bras bu gcig byed na/ /bdag nyid gcig la'ang de yod phyir/ /lhan cig byed pa don med 'gyur/ /gal te rang bzhin gcig pa nyid kyi phyir/ du ma gcig byed pa yin na de dag gi tha dad pa med pa'i rang bzhin de ni gcig nye yang yod pas rgyu dang ma bral ba'i phyir/gcig kyang skyed par byed par 'gyur ro/ /'di ltar/ tha dad med pa'i ngo bo de/ /byed min khyad par rnams dang bral/ /tha dad pa med pa'i rang bzhin de la de ni gzhan gyis khyad par yod pa ma yin no/ /khyad par yod na tha dad pa med pa nyams pa'i phyir ro//de yang de la yang yod pas gcig gnas pa la yang de'i bral ba yod pa ma yin no/ /khyad par gang yin pa de dag ni lhan cig gnas pa'i nges pa med pa'i phyir bral bar 'gyur ro/ /de dag skyed par byed par 'dod pa yang ma yin te/ lhan cig byed pa dag ni rang bzhin gcig pa nyid kyis bskyed pa nyid du khas blangs pa'i phyir ro//de bas na skyed par byed pa gnas pa'i phyir dang / gnas pa med pa ni skyed par byed pa nyid ma yin pa'i phyir/ gnas pa gcig gis kyang 'bras bu bskyed par 'gyur ba zhig na 'gyur ba yang ma yin no/ /de bas na/ gcig dang bral ba 'bras med phyir/ khyad par rnams las de dag 'byung //lhan cig byed pa du ma'i thun mong du gyur pa'i 'bras bu de ni khyad par gcig dang bral na yang mi 'gyur zhing khyad par thams cad dang ma bral ba dag la yang 'gyur te/ ma bral na yang tha dad pa med pa'i ngo bo yang ma yin no/ /'bras bu ni 'ga' zhig las byung ba'i chos can mi 'gyur ba gang yin pa de dang bral ba'i phyir ro//tha dad pa med pa'i ngo bo gcig gnas pa la yang bral ba nyid yod pa ma yin la ma bral ba de la yang med na de skyed par byed pa'i bdag nyid ma yin par ston par byed do/ /gang tshogs pa dang bral ba dang 'dra ba de nyid las skye ba de la yod na nges pa yod par 'gyur gyi/de las gzhan las skye bar rtog na ni ha cang thal bar 'gyur ba'i phyir ro/ /de bas khyad par skyed par byed pa yin gyi spyi ni ma yin no/ /de'i phyir de kho na dngos po yin no/ /'di ltar/ don byed nus pa gang yin pa/ /de nyid don dam par yod pa'o//dngos po dang dngos po med pa'i mtshan nyid ni gang don byed par rung ba nyid dang mi rung ba nyid ces bya ba 'di nyid 'chad par 'gyur ro/ /don byed nus par rung ba'i don/ /de yang rjes 'gro med gang zhig /rjes 'gro de las 'bras yod min/ /de bas spyi thams cad ni don byed par rung ba med pa nyid kyi phyir ro //dngos po med pa yin la/ dngos po ni khyad par kho na yin te/ de kho na nyid las de grub pa'i phyir ro/ /'on kyang rang bzhin gyi rjes su 'gro ba med pas gcig gi skyed par byed pa'i ngo bo gzhan la med pa'i phyir/ skyed par byed par mi 'gyur ba'am / skyed par byed pa yin na tha dad pa khyad par med pa'i phyir/thams cad bskyed pa por 'gyur ro/ /de ni ma yin te 'di ltar/ bdag de shin tu tha dad kyang / /'ga' zhig rgyu yin gzhan pa min/ /rang bzhin 'di yin gcig gi skyed par byed pa'i bdag nyid las thams cad tha dad par gyur pa na mtshungs par skyed par byed pa'am/'ga' zhig kyang ma yin no zhes bya ba der 'gyur na/ ji ltar de dag la khyad par yod par mi 'gyur/ de bas na tha dad pa'i khyad par yod na yang 'ga' zhig las bdag nyid phul du byung ba yin pa'i phyir/ 'ga' zhig skyed par byed pa yin pa gzhan ma yin pa de ni de'i rang bzhin yin te/gzhan gyi ma yin no/ /dngos po'i rang bzhin dag ni ci'i phyir me ni sreg par byed pa'am/ dro ba yin gyi/ chu ma yin zhes brgal zhing brtag par 'os pa ma yin gyi/ rang bzhin 'di gang las zhes bya ba de tsam du 'gyur te/ rgyu med pa can ltos pa med pa ni nges pa med pas ha cang thal bar 'gyur ba'i phyir ro//de bas na rang bzhin ni 'di'i rang gi rgyu las zhes brjod par bya'o/ /de yang de bskyed pa'i bdag nyid de/ gzhan las zhes bya ba'i rgyu'i brgyud pa thog ma med pa can yin no/ /tha dad pa dag gi 'ga' zhig rgyu yin gyi gzhan ni ma yin te/ rang bzhin yin pa'i phyir zhes bya ba 'di la gnod pa cung zad kyang med do//tha dad min na yang cig car skye 'jig 'gyur/ rang bzhin la tha dad pa med pa nyid kyi phyir/ rang gi bdag nyid bzhin du sna tshogs pa'i rnam par dbye ba skye ba dang gnas pa dang 'gag pa la sogs par mi 'gyur ro/ /de ltar tha dad pa med pa nye bar mtshon pa nyid kyi phyir ro//tha dad pa dang tha dad pa med pa'i mtshan nyid 'di ni rnam pa gcig la yang ldog pa dang ldog pa med pa yin te/ bdag nyid gcig la 'gal ba mi srid pa'i phyir ro/ /tha dad des kyang de ltar min/ /rnam pa thams cad kyi tha dad pa med par smra ba ma yin na gang gis de ltar 'gyur/'di ni bdag nyid 'ga' zhig kyang tha dad pa med pa dang tha dad pa zhes bya ba tha dad pa'i phyir lhan cig skye ba la sogs pa ma yin no/ /de ltar na ni/ gcig gi 'jig na gnas pa yi/ /bdag nyid gang yin de de'i min/ /gnas pa dang gnas pa ma yin pa dag ni rten gyi bdag nyid gcig yin na tha dad pa can gyis chos gzhan ci zhig yod/de ltar na 'ga' zhig tu yang sna tshogs pa nyid du mi 'gyur ro/ /don dag rnam pa thams cad du tha dad pa'am tha dad pa med pa nyid du khas blangs pa'i phyir/ mi 'ga' zhig 'dod par mi 'gyur zhing /dngos po yang ma yin no zhes bshad zin to/ /de bas na 'di ni grub pa dang bde ba gcig pa ma yin te/ dngos po tha dad pa kho na yin no/ /des spyi khyad par blor mi 'gyur/ /de bas na don gzhan 'di ni ltos pa med pa yin te/ ma bskyed pa nyid kyi phyir 'di'i spyi'am khyad par can zhes bya ba'i sgra rigs pa ma yin no//gal te gzhan sel ba la yang de mtshungs par thal bar 'gyur ro zhe na/ mtshungs pa yang ma yin te/ 'di ltar/ ldog pa ngo bo nyid med phyir/ /gnas dang gnas min rtog pa min/ /gzhan sel ba zhes bya ba 'ga' zhig kyang yod pa ma yin te/de yang rang bzhin gyi rjes su song ba can rang bzhin dang gnas pa dang 'jig pa'i rnam par rtog pa dag gis rnam par rtog par mi 'gyur ro/ /spyi yi blo yang bslad pa yin / /de phyir sun dbyung ba yang med/ /log pa'i shes pa can 'di ni yul med pa can kho na yin te/ du ma la gcig gi rnam pa can yin pa de na yul med pa'i phyir/gnas pa'am mi gnas pa ma yin no/ /gang yang 'di skad du de'i bskyed pa po ni de'i rang bzhin yin na/ de yi skyed byed ngo bo gang / /de yang ji ltar skyed byed yin/ /zhes smras pa de la gzhan la skyed par byed pa'i ngo bo med do zhes ni mi smra'i/ 'o na ci yin zhe na/ gcig gi de skyed par byed pa'i rang gi ngo bo gang yin pa de ni gzhan gyi ma yin no zhes smra'o/ /gzhan dag kyang rang gi ngo bo kho nas skyed par byed pa yin gyi ngo bos ni ma yin te/ de nyid med pa'i phyir ro/ /de dag kyang bdag nyid ji lta ba bzhin du ngo bo nyid kyis tha dad pa dang de skyed par byed pa 'di la 'gal ba ci yod/ ngo bo gcig dang bral ba ni de'i ngo bor mi 'gyur te/ de'i 'bras bu can ma yin pa ma yin no/ /de nyid kyang de'i 'bras bu byed pa yin no zhes bya ba 'di la rigs pa ci zhig yod/ gzhan yang / tha dad khyad par skyed byed yin/ /zhes bya ba smos te/ khyad par de dag kyang bdag nyid kyi des phan tshun rjes su 'gro ba med de/gcig gis skyed par byed pa'i ngo bo gang yin pa de ni yod pa ma yin te/ de tsam ni skyed par byed pa ma yin no/ /gal te/ de dag tha dad med par yod/ /de ltar 'gyur na bden te/ khyad par dag skyed par byed pa yin gyi de dag kyang khyad par can gyi ngo bo ni ma yin te/ 'on kyang tha dad pa med pa yang yin no//de'i ni nus pa gcig dang ldan pa'i phyir skyed par byed pa yin no/ /des skyed byed pa min par bshad/ /spyi'i ngo bo nyid du zin kyang des de dag skyed par byed pa ma yin te/ de las 'jigs pa med pa'i phyir ro/ /gcig la gnas pas kyang 'bras bu bskyed par rab tu thal ba'i phyir zhes bshad pa yin no//gzhan yang mi bsten pa'i snang ba yang / tha dad byed pa'i / yang gi sgra ni skye ba dang gnas pa dang 'jig pa la sogs pa'i khyad par dag yin no/ /don thams cad tha dad pa med par sems pa gang yin pa de ni 'dir don dag la blo'i snang ba tha dad pa dang chos 'gal ba gnas par mi 'gyur ba'am/de la yod na tha dad pa med pa yin yang tha dad pa 'ga' zhig tu yang mi 'gyur ro/ /de ltar na gcig gi bdag nyid dang 'dra bar rnam par dbye ba 'dir mi 'gyur ro/ /de bas tha dad par snang ba la sogs pa 'di ni khyad par kho na yin no/ /'dir tha dad pa med pa'i snang ba gzhan mthong ba ni med mod kyi gang gi stobs kyis tha dad pa med pa'i shes pa skye bar 'gyur ro//de bas na khyad par de nyid don/ de ni gzhan las ldog pa yin/ /de ni rgyu dang 'bras bur bshad/ /de ni rang gi mtshan nyid 'dod/ /skyes bu kun gyi 'jug pa ni/ /de spong len pa'i 'bras can yin/ /don gyi bya ba byed pa gang yin pa de ni dngos yin no zhes bshad de/de yang khyad par kho na yin te/ gang yang spyi zhes bya ba de ni de nyid gzhan ldog pa yin la/ de nyid don nyid yin na snang ba'i ngo bo dmigs pa'i mtshan nyid du mi 'gyur ba rigs pa ma yin te/ khyad par dag la tha dad pa med pa'i shes pas de dmigs pa'i mtshan nyid du byas pa nyid kyi phyir ro//gzhan yang / ji ltar tha dad med khyad med/ /na yang thams cad kun sgrub min/ /de ltar tha dad khyad med yang / /thams cad thams cad sgrub byed min/ /'di ltar skyed par byed pa'i rang bzhin las tha dad pa 'di skye bar byed par 'gyur/skyed par byed pa nyid yin na yang khyad par med pa'i phyir/ thams cad skyed par byed par 'gyur ro zhes gang bshad pa yin no/ /'dir bstan nas/ gal te khyad par med par 'gyur ba de ltar 'gyur na ni ji ltar bdag nyid tha dad pa med par smra ba 'di'i tha dad pa med pa khyad par med pa yin na yang thams cad thams cad kyis skyed par byed pa ma yin pa de ltar tha dad pa khyad par med pa yin na yang 'gyur ro//yang na/ tha dad na yang 'ga' zhig gis/ /dngos chos nyid kyis byed por 'gyur/ /tha dad med na gcig de yi/ /bya ba byed pa 'gal bar 'gyur/ /tha dad pa tsam du khyad par med pa yin na yang rang gi rgyu dang rkyen gyis nges pa'i rang bzhin can nyid yin pa'i phyir ro//'ga' kho na byed pa por 'gyur gyi gzhan ni ma yin te/ de'i rang bzhin can nyid ma yin pa'i phyir ro/ /de ltar na 'di la 'gal ba cung zad kyang med do/ /gcig nyid yin na yang de ni de nyid las 'di ltar byed pa po ma yin pa nyid ces bya ba de ni 'gal ba yin no//gal te tha dad yod de'i phyir/ /bya med lhan cig byed mi byed/ /'on te yang rnam pa thams cad du tha dad pa med par ni mi smra ste/ tha dad pa yang yod pa'i phyir ro/ /de bas na byed pa po 'ga' zhig kyang yod pa ma yin no//de ltar rnam pa 'ga' zhig gi tha dad pa'i phyir lhan cig byed pa ni byed pa por mi 'gyur ro/ /'on te rim bzhin byed po nyid/ /de ci dngos de nyid yin nam/ /'on te yang 'ga' zhig kyang byed pa po ma yin pa ni med par 'gyur te/ thams cad thams cad la go rims bzhin du nye bar sbyor ba'i phyir ram/der nye bar gnas pa'i ngo bo gzhan yongs su gyur pa'i nus pa nye bar sbyor ba'i phyir ro/ /gcig ni ji ltar go rims de nyid kyi rten can yin pa'am/ tha dad pa med par yongs su gyur pa'am/ rnam pa 'ga' zhig gi khyad par yin na gcig pa nyid nyams pa'i phyir de ni cir yang mi rung ngo //gzhan yang / de ldan dngos po shin tu ni/ /tha dad tha dad med 'gyur ba'am/ /'dra ba'i bdag nyid can med na/ /de dag phan tshun tha dad 'gyur/ /gal te tha dad pa med pa'i bdag nyid dam / rang gi bdag nyid du gyur pas tha dad pa'i dngos po dag ni des tha dad pa med pa'i bdag nyid can nyid yin pa'i phyir de dang ldan par 'gyur ba tha dad par yang gang las phan tshun tha dad pa yin/spyi ste de ni de'i spyi'i bdag nyid ma yin te/ de'i bdag nyid des kyang de lta bur 'gyur bar rigs pa ma yin no/ /de lta bu'i ngo bo yin na de'i chos su mi 'gyur te/ gcig po 'di ni 'jug pa dang ldog pa can gyi rang bzhin du rigs pa ma yin no/ /bdag nyid thams cad kyis ni tha dad pa med pa kho na ni ma yin te/ gal te de yang tha dad 'gyur/ /'ga' zhig la yang 'di'i tha dad pa'am tha dad pa med par nges pa ma yin te/ spyi dang khyad par zhes tha dad pa rnam par gzhag pa'i phyir ro//gal te bdag nyid gang gis de / /khyad par spyi zhes bya ba de/ /tha dad de yi bdag nyid kyis/ /tha dad nyid de gal te spyi dang khyad par dag bdag nyid gang la brten nas spyi dang khyad par zhes bya ba bdag nyid des tha dad pa de'i tshe tha dad pa kho na yin no/ /gang gi phyir de dag ni gal te de dag gi rang gi bdag nyid yin na tha dad pa can de dag tha dad pa kho na yin te/spyi dang khyad par dag ni rang bzhin tha dad pa'i phyir ro/ /rang gi ngo bo ni dngos po yin no/ /de lta na/ ji ltar bum sogs phan tshun bzhin/ / spyi dang khyad par can mi 'gyur/ /khyad par dang spyi dag ni tha dad na yang khyad par dang spyi dang ldan pa ma yin la/spyi dang khyad par ldan pa ma yin te/ phan tshun 'brel pa med pa'i phyir/ /bum pa la sogs pa bzhin no zhes bshad pa yin no/ /gzhan yang / bdag nyid gang gi mdun byas nas/ /des sgrub 'bras bu 'dod pa can/ /skyes bu 'di ni 'jug par gyur //de rten tha dad tha dad med/ /dpyad bya rang bdag nyid tha dad/ /ldog pa mtshungs pa nyid dag ni/ /yod nyid dngos po rjes 'gro med/ /'jug pa la sogs thal 'gyur phyir/ /ba lang rta las tha dad pa'am/ /tha dad pa ma yin zhes khyad par med par 'dri bar byed pa thams cad khyad par kho na la dngos po'i rang gi ngo bo yin na zhes lhag par byas nas 'jug par 'gyur te/de nyid la de skad ces brjod kyi/ rdzas nyid la sogs pa la ni 'dis brjod pa ma yin te/ bdag nyid ji lta ba bzhin du tha dad par brjod pa'i phyir ro/ /don la ni der ma 'khrul pa'i phyir de las rtogs par 'gyur ro//de dag ni slob dpon gyis dpyad zin to/ /de bas na 'di la ba lang la sogs pa'i sgra nye bar byas pa'i don la tha dad pa'am tha dad pa med pa 'dri bar byed cing don gzhan nye bar 'god pas de la blo gnyis ci'i phyir byed/ de'i phyir 'di'i bdag nyid gang zhig gzhan dang thun mong ma yin pa 'di mdun du byas nas khyad par can gyi don byed pa don du gnyer ba skyes bu 'di 'jug par 'gyur te/dper na ba lang la rmo ba dang bzho ba la sogs pa lta bu'o/ /gzhan srid pa'o/ /don la ma yin te/ dper na g.yul du 'jug pa lta bu'o/ /rang gi ngo bo nyid bdag nyid ji lta bu'i sgras brjod pa yin gyi/rdzas nyid la sogs pa'i spyi ni ma yin te/ de brjod pa de'i tshe thob par mngon par 'dod pa nyid med pa'i phyir dang / ba lang la sogs pa la rjes su zhugs pa'i phyir dang / de'i bdag nyid du gyur pa dag gi rjes su 'gro ba dag med pas de la gnyi ga'i ngo bo nyid med pa'i phyir ro//'di la yang dngos po de nyid la yang rnam pa rnams kyis brgal zhing brtag pa yin no/ /de ni tha dad pa yin na yang rdzas nyid la sogs pa tha dad pa med pa 'di la 'gal ba med pa kho na yin no/ /ldog pa'i mtshan nyid can gyi spyi dang thams cad la rang gi ngo bo tha dad pa khas blangs pa'i phyir ro//spyi rang bzhin du gyur pa tha dad pa med pa yang bshad zin to/ /rang gi bdag nyid kyis tha dad pa med du zin kyang de'i rang gi ngo bo'i rgyu can don byed pa don du gnyer ba dag gi ni gnyi ga la mtshungs par 'jug par 'gyur ro/ /gcig kyang de'i ngo bo nyid yin pa'i phyir/de ni don gyi bya ba byed pa yin la/ de las gzhan pa yang de dang mtshungs pa'i phyir/ de yang ci'i phyir mi byed/ /des ngo tsha med mkha' gos can/ /gang ci'ang rigs min 'khrul smra ba/ /de dag kyang ni bsal ba yin/ /mtha' gcig pa nyid srid phyir ro/ / nam mkha'i gos can 'di ni ci yang mi rigs pa ste/ mi 'tsham pa blang bar bya ba dang / dor bar bya ba med pa ste yongs su mthar phyin pa med pas 'khrul pa rnga mo ni zhor 'gyur zhing mi 'gyur ro zhes smra ba gang yin pa de dag kyang 'di nyid kyis bsal ba yin te/ ngo bo nyid mtha' gcig tu tha dad pa'i phyir ro//de'i rjes su 'gro ba yin na yang / /thams cad gnyi ga'i ngo bo nyid/ /yin de'i khyad par bsal ba'i phyir/ /zho 'thung zhes ni brjod pa na/ /ci'i phyir rnga mo la mi rgyug /'di ltar rnga mo yang zhor 'gyur zhing de nyid kyang rnga mo ma yin te/ gang gis gzhan yang rnga mor 'gyur/ /de bzhin du zho yang rnga mor 'gyur la de nyid kyang zho ma yin te/gang gis gzhan yang zhor 'gyur/ de bas na 'di dag gcig la yang de'i ngo bo 'ga' zhig med pa ma yin pa'i phyir dang / 'gyur ba ma yin pa'i rang gi ngo bo la nges pa med pa'i phyir/ khyad par cung zad kyang med pas zho 'thung cig ces brjod pa na rnga mo yang zos par 'gyur ro//ci ste phul byung 'ga' zhig yod/ /gang gi khyad par 'jug 'gyur na/ /de nyid zho yin de gzhan la/ /med phyir mchog tu gnyi ga med/ /ci ste 'di dag la phul du dbyung ba 'ga' zhig yod na gang zhig 'di la 'di skad du brjod pa na 'o ma'i rnam par 'gyur ba kho na la 'jug par 'gyur gyi/gzhan la ma yin no zhe na/ phul du byung ba'i don byed pa don du gnyer ba'i 'jug pa'i yul de nyid de'i 'bras bu'i khyad par gyi nye bar len pa'i ngo bos mtshon pa'i rang bzhin can ni zho'i dngos po yin pa'i phyir ro/ /de 'dra ba'i rang bzhin de yang gzhan la yod pa ma yin te/don du gnyer ba'i 'jug pa med pa'i phyir ro/ /de bas na de la gnyi ga'i ngo bo med do zhes bya ba ni mtha' gcig tu smra ba'o/ /gzhan yang / thams cad kun bdag nyid yin na/ /blo sgra tha dad par mi 'gyur/ /tha dad bsdus pa smra ba na/ /de med phyin na srid ma yin/ /nam mkha'i gos can de ni ji ltar dngos po rnams kyi rnam par dbye ba med pa'i phyir/'ga' zhig la yang so sor nges pa'i rnam pa gcig ma mthong bar rnam pa gzhan dang 'dres pa med pa dang ldan pa can gyi blos don la mos pa'am/ brjod par 'gyur/ de las khyad par gzung ba med pa'i phyir/rnga mo zhor 'gyur zhing mi 'gyur ro zhes bya ba de bsdus pa smra bar mi 'gyur ro/ /gzhan yang rnam pa ma 'dres pa bdag rtogs nas sdud par 'gyur te/ ngo bo gcig dang 'dres pa can gyi blo ni 'ga' zhig la so sor nges pa'i phyir ro//de'i snang ba'i khyad par gyis byas pa nyid kyi ngo bo de dag ni rang bzhin tha dad par yang 'gyur te/ gcig dang du ma'i tha snyad kyi snang ba'i yul nyid yin pa'i phyir ro/ /de ltar na gcig po de gnyi ga'i ngo bo nyid du mi 'gyur ba de'i phyir de ni log par smra ba yin no/ / dngos po rnams rang bzhin gyi rjes su 'gro ba 'ga' zhig kyang yod pa ma yin no zhes bya ba de ltar gnas so/ /tha dad pa'i mtshan nyid kho na spyi yin te/ 'on kyang 'ga' zhig ni ngo bo nyid kyis shes pa gcig la sogs pa'i 'bras bu can yin pa la 'ga' zhig ni ma yin no//dngos po rnams kyi rang gi ngo bo tha dad pa'i spyi yin yang bla ste/ gang nus pa med pa dag la ni rang gi ngo bo nyid yod pa ma yin na/ de la ji ltar rang bzhin tha dad pa'i yul can gyi sgra dag /de dag la yang gdon mi za bar sgra 'jug par 'gyur te/ rnam pa 'ga' zhig gis kyang rnam par ma gzhag pa dag la ni sgrub pa dang dgag pa mi rung ba'i phyir ro//'di ltar thams cad la me ni dro ba'i rang bzhin yin gyi/ dro ba med pa ni ma yin no zhes bya ba rjes su 'gro ba dang ldog pa'i rten gyi tha snyad 'dir mi 'gyur te/ rang bzhin gzhan med pa la ni rnam pa 'ga' zhig gis rnam par gzhag pa med pa'i phyir ro//rnam pa thams cad du rtogs pa med pa'i phyir/ me'i rang bzhin rtogs pa med pa zhes bya ba yin na ni/ 'gro ba rmongs par 'gyur ro/ /de ltar ni 'gyur na de la 'ga' zhig med pa 'gog pa ma yin te/dro ba med pa yod pa kho na don gzhan 'gog par byed pa yin no/ /da ni ji ltar yod pa dang med pa yin zhe na/ thams cad med pa nyid ni mi smra'i/ de la med do zhe'o/ /dngos po thams cad la ni yul dang / dus dang / chos 'gog par byed pa yin gyi/chos can ma yin te/ de bkag na de'i yul can gyi sgra 'jug pa med pa'i phyir dang / yul ma bstan pa la dgag pa'i sbyor ba med pa'i phyir ro/ /'o na yul la sogs pa de yang ji ltar dgag pa yin/ 'di ltar de la yang yul la sogs pa bkag pa med cing don yang ma yin no//gal te 'brel pa bkag pa yin no zhe na/ de bkag pa na yang ba'i phyir/ /nyes pa mtshungs pa ma yin nam/ /med pa'i sgra 'jug par mi 'gyur zhes bya ba la sogs pa'am/ med pa 'di bkag pa na de dang 'dra bar chos can yang bkag pa yin no//'brel pa yod pa ma yin no zhes bkag pa ni ma yin no/ /'o na ci yin zhe na/ 'di na da ni de lta bu'i bum pa med do zhes bstan pa na/ 'di dang 'brel pa yod pa ma yin pa'am/ de dang ldan pa'i chos med do zhes rtogs par 'gyur ba de ltar 'brel pa bkag par 'gyur ro//ji srid 'di la 'brel pa 'am chos yod pa ma yin no snyam pa'i blor mi 'gyur ba de lta na yang ji ltar bkag pa yin/ rnam pa 'ga' zhig yod na yang 'di srid pa ma yin te/ med pa dag la de lta bu'i ngo bo med pa'i phyir ro/ /de bas na 'brel pa med pa rtogs pa las 'di 'di na med do zhes bya ba dang po rtogs pa de ni de med par mi 'gyur ba'am/de med pa rtogs pa na rtogs par 'dod pa ji lta ba bzhin du de las 'byung ba can gyi sgra gang gis zlog par byed/ rnam par rtog pa rnams kyi yul ma yin pa gang yin pa de nyid ni sgra rnams kyis ma yin no//gal te de dag 'jug pa yin na tshig ni gang gis 'gog par byed/ brjod par bya ba ma yin pa'i don blo dag gis dmigs pa ma yin no/ /'brel pa yang rang gi ngo bos brjod pa med par bstan to/ /brjod pa yin na ni 'brel pa nyid du blo la gnas pa'i phyir bsam pa ji lta ba bzhin rtogs pa ma yin no//de bas na 'di rtogs 'gyur ba yang 'brel pa'i ngo bo nyid yin pa'i phyir/ rang gi ngo bos brjod par bya ba ma yin no/ /de bas na med pa dang 'dra bar 'brel pa la yang thal bar 'gyur ba med do// // bam po drug pa/ gzhan yang med pa brjod par bya bar smra ba 'di la lan 'debs pa na/ mi smra na ji ltar lan gdab par bya/ tshig 'di la yang ji ltar med pa brjod pa ma yin na / 'on te med pa nyid mi 'dod pa de bas na brjod pa ma yin/ de nyid na ni med pa yod pa ma yin no//zhes bya ba ji lta ba yin/ gang yang de'i don bkag pa na don med pa'i sgra mi sbyor ba'i phyir/ yul med pa'i dgag pa'i sbyor ba med do zhes bya ba 'di 'og nas 'chad par 'gyur ro/ /de bas na med pa dag la sgra dag kyang yod par 'gyur ro/ / de dag ji ltar rang bzhin tha dad pa yin zhe na/ de la yang / med pa'i ngo bo med pa'i phyir/ /med pa'i ngo bo brjod pa can gyi sgra/ /the tshom med de dag rnam gcod/ /rjod par byed par sgrub pa nyid/ /sgra rnams kyi dngos po'i bya ba dag la ni ngo bo brjod pa'am/ 'on te tha dad pa zhes 'dogs par 'gyur la/ med pa ni dben pa'i mtshan nyid kho na yin te/rgyu mtshan du bya ba'i ngo bo 'ga' zhig kyang med pa'i phyir ram/ de'i ngo bo la med pa mi rung ba'i phyir te/ ngo bo ni de'i mtshan nyid can yin pa'i phyir ro/ /de bas na 'di nyid dngos su dben pa yin te/ de ni de lta bu'i ngo bo rjod par byed pa'i sgra dag ci/dben pa'i yul can yin nam zhes bya ba de ni gnas ma yin pa la the tshom za ba yin no/ /de'i phyir sgra thams cad ni dben pa'i yul can dang rnam par rtog pa dag kyang grub pa yin no/ /de bas na dngos po gcig gi rjes su 'brang ba can dag kyang bdag nyid ji lta ba bzhin du khyad par tha dad pas nye bar brtags pa'i khyad par rnams kyi tha dad pa dag bzhin du blo la so sor snang ba'i dben pa dag la nye bar gnas pa'i phyir/tha dad pa'i yul can kho na yin no/ /de bas rang bzhin nyid ni bsgrub par bya ba dang sgrub par byed pa'i ngo bo yin du zin kyang bsgrub par bya ba dang sgrub par byed pa 'dres pa ma yin no//de bas na dam bcas pa'i don gyi phyogs gcig gtan tshigs su 'gyur ba ma yin no/ /de 'di yang gtan tshigs nyid du bstan pa na/ rang bzhin khyad par bye brag la ltos pa can ni 'ga' zhig las/ /brjod bya bsgrub bya sgrub pa'i phyir/ /'jig la byas dang yod nyid bzhin//rang gi ngo bo grub par bya ba'i phyir/ gzhan gyi byed pa la ltos pa'i ngo bo ni byas pa yin pa de bas na byas pa'i sgra 'dis gzhan gyi khyad par can gyi rang bzhin brjod pas kyang 'di 'phangs pa yin no/ /de ni rkyen gyi bye brag gis tha dad pa can nyid la sogs pa bshad pa yin no//de ltar na khyad par gyi bye brag la ltos pa can ni 'ga' zhig tu rang bzhin gyi gtan tshigs yin no zhes bya ba dang / 'ga' zhig tu ltos pa med par spyir brjod par bya ste/ dper na mi rtag pa kho na nyid la yod pa nyid lta bu'o/ /'ga' zhig tu rang bzhin du gyur pa'i chos kyi bye brag yongs su gzung ba'i sgo nas te/dper na de nyid la skye ba lta bu'o/ /phyogs 'dis rang bzhin gyi gtan tshigs kyi dbye ba gzhan dag la yang blta bar bya'o/ /gal te gtan tshigs yod rang bzhin/ /ji ltar yod pa bsgrub bya min/ /khyad par rjes 'gro med pa ni/ /gtan tshigs bsgrub bya dag las nyams//gal te yod pa nyid mi rtag pa nyid dam/ rang bzhin gyi gtan tshigs su 'gyur na ci'i phyir bsgrub par bya bar yang mi 'dod/ de de ltar rab tu bsgrubs pa na khyad par du 'gyur na khyad par yang bsgrub par nus pa ma yin te/ rjes su 'gro ba med pa'i phyir ro//ji skad du tshad ma'i yul mi shes pa'i phyir ro zhes bstan to/ /khyad par de 'di ni bsgrub par bya ba nyid du skyon yod pa 'ba' zhig tu ma zad kyi 'on kyang gtan tshigs la yang skyon mtshungs pa nyid kyi phyir ro/ /gtan tshigs rjes su 'gro ba med pa can ni sgrub pa'i yan lag ma yin te/ de las the tshom du gyur pa'i phyir ro/ /nyes pa de yod pa ma yin te 'di ltar/ yod pa'i khyad par tsam du ni/ /bsgrub bya'i spyi yi chos can la/ /don 'ga' zhig kyang 'grub mi 'gyur/ /de 'dra ba yang bkag pa med/ /rnam pa thams cad du yod pa nyid sgrub pa ni khyad par sgrub par byed par gyur pa ma yin gyi/yod pa tsam khyad par can ni chos can 'ga' zhig la yod do zhes sgrub par byed pa na rang gi ngo bo khyad par ma bstan pa can 'ga' zhig dang yod pa tsam la 'gal ba med pa'i phyir ro/ /'dir yod pa nyid sgrub pa 'gog pa ni ma yin gyi/ 'on kyang 'di ltar 'ga' zhig yod do zhes smra na/'di'i khyad par gzhan 'ga' zhig la reg pa med na rang gi don ci zhig gso bar byed/ de bas 'dis gzung ba'i khyad par kho na bsgrub par bya ba yin na/ khyad par gzung ba bsgrub bya 'dir/ /gtan tshigs rjes 'gro med can 'gyur//des yod bsgrub par bya yin na/ /khyad par dag ni bsgrub par 'gyur/ /chos can gtso bo'i mtshan nyid can de ni gcig pa dang rtag pa dang bde ba la sogs pa'i bdag nyid can nam gzhan yin no / /zhes ji ltar rnam pa 'ga' zhig gis kyang khyad par byas pa de'i rang gi ngo bo bsgrub par 'gyur te/de yang de ltar rjes su 'gro ba ni ma yin gyi/ gang yod pa tsam gyi rjes su 'gro ba grub pa des ci yang ma yin no/ /de ltar me la sogs pa dag la yang thal bar 'gyur ba ma yin nam/ de la yang me yod pa nyid tsam la brjod pa cung zhig kyang med de/ khyad par can gyi rten gyis khyad par du byas pa can mngon par 'dod pa la rjes su 'gro ba med pa'i phyir ma grub pa'i yin no//rten des de khyad par du byed pa ni ma yin te/ de ni mi ldan pa rnam par bcad pas khyad par du byas pa'i phyir/ zhes bshad pa dang 'chad par 'gyur ro/ /de bas na der spyi nyid ni mi ldan pa rnam par bcad pas sgrub pa de ltar 'dir yang 'ga' zhig la yod pa nyid sgrub pa ni ma yin no//gtso bo la sogs pa'i sgra brjod pa'i don 'ga' zhig kyang med pa'i phyir de ni khyad par med pa can kho na yin no/ /ji ltar med pa yin te/ shes bya dang brjod par bya ba dang gzhal bya dag tu de yang grub pa kho na yin no zhe na /de bas na da ci shes bya yod ces bya bas grub pa yin yang bla ste/ de ltar na yang ci zhig 'grub par 'gyur/ gzhan du me'i spyi de nyid de la ma grub pa'i phyir bsgrub par bya ba yin no/ /de la yang de dang mi ldan pa bral ba can gyi spyis rjes su 'gro ba ma grub pa kho na ma yin nam/'ga' zhig de lta bur gyur pa'i don gyi rjes su 'gro bar byed pa ma yin gyi/ gzhan la khong du chud par byed pas ni du bas ni gang na du ba yod pa de ni me yod do zhes me med na mi 'byung bar bstan par bya ba yin no/ /de ltar na de me tsam gyis khyab par grub pas gang na bdag nyid snang bar 'gyur ba de nyid du me'i blo skyed par byed do//de la sgrub par byed pa bstan pas cir yang mi rung ste/ de la mthong ba dang 'brel pa bstan pa tsam gyis 'dod pa 'grub pa'i phyir ro/ /de ma bstan par yang ji ltar de khyad par du byas pa dang rjes su 'gro ba yin te/de bas na 'di ni me med na mi 'byung bar grub pa yin te/ don gyis me ni phyogs der mi ldan pa rnam par bcad pa yin pa'i phyir/ de ni de ltar bsgrub par bya zhes bya'o/ /'di ltar nye bar dgod pa sngon du 'gro ba can gyi rjes su 'gro ba ma yin te/bsgrub bya bstan par 'dir yan lag nyid ma yin pa'i phyir ro/ /de sngon du song ba can la dam bcas pa sgrub par byed pas ci zhig sel bar byed/ de skad du yang / gzhan la chos dang gtan tshigs ni/ /ma 'khrul par yang bstan pa na/ /de la rab grub de ldan pa'i//chos can khong du chud par byed/ /ces gsungs pa yin no/ /de bas na me la sogs pa sgrub par byed pa dang 'dra bar yod pa nyid sgrub par byed pa yang kha na ma tho ba med pa ma yin no/ /de khyad gzung ba med pa can/ /dngos po tsam ni sgrub yin na/ /de tsam khyab byed bsgrub bya la//rjes su 'gro ba 'gal ba med/ /rang gi ngo bo'i khyad par yongs su gzung ba med par sgrub par byed pa yod pa nyid yin na yang dngos po tsam khyab par byed pa bsgrub par bya ba'i chos la rjes su 'gro ba 'gal ba med de/ de la gdon mi za bar khyad par yongs su gzung bar bya ba ma yin te/yod pa tsam la brten pa la yang sgrub par byed par nus pa'i phyir dang bsgrub par bya ba nyid ni ma yin te/ 'bras bu med pa'i phyir ro/ /gzhan yang / ma grub pa la yod chos med/ /gnyi ga la brten 'khrul pa dang / /med pa'i chos ni 'gal yin na//ji ltar yod nyid de sgrub 'gyur/ /yod pa nyid bsgrub par bya ba la gtan tshigs de thams cad ni/ skyon ni rnam pa gsum dang ldan te/ ma grub pa dang 'khrul pa dang 'gal ba las ma 'das pa yin no/ /de la gal te gtan tshigs yod pa'i chos zhig ston na ni de ji ltar yod pa nyid ma grub pa can du 'gyur/gang zhig der yod pa'i chos 'dod na de ji ltar dngos por mi 'dod/ rang bzhin nyid ni 'ga' zhig la ltos nas chos shes chos can la tha dad pa can bzhin du bstan pa yin te/ chos dang chos can brjod pa'i sgra dag gi brjod par bya ba'i don la nges pa'i shes pa'i yul nyid du khyad par 'ga' yang med do zhes bya ba des bshad zin to//ji ste yang gnyi ga'i chos yin par smra na dngos po la mi brten pa can ma yin par dgag pa ma yin pas ldog pa tsam ni med pa la yang 'gal ba med pa'i phyir te/ dper na gzugs can du mi 'gyur ro zhes bya ba gzugs can ma yin pa nyid ni nye bar brjod pa med pa la yang 'gyur ba lta bu'o//gal te nye bar brjod pa med pa ni dngos po med pa'i phyir/ dgag pa'i yul nyid ma yin no zhe na/ de bas na da ci bsgrub par bya ba'i yul yin nam/ gal te de yang ma yin no zhe na/da ji ltar dgag pa'i yul ma yin te/ dgag pa ni sgrub pa ldog pa'i ngo bo nyid yin pa'i phyir ro/ /de bas na rnam par bcad pa tsam de gnyi ga yang yod pas mi mthun pa'i phyogs la 'jug pa'i dogs pa rnam par bcad pa'i sgo nas go bar byed pa nyid rnyed pa la ji ltar bdag gir byed/de yang bdag nyid rang gi tshig gis gnyi ga'i chos nyid smra ba na/ yod pa nyid las gzhan la yang 'di 'jug pa dang / yod pa nyid la ma 'khrul par brjod pa'i phyir/ ji ltar na 'khrul pa ma yin/ yod pa nyid la med pa'i chos kyang dngos po tsam khyab par byed pa'i don rnam par gcod pa'i gtan tshigs su brjod pa 'di'i 'gal ba'i gtan tshigs su 'gyur te/de ni dngos po 'ga' zhig la yang mi srid pa'i phyir dang / med pa ni dngos po rnam par bcad pa la yod pa'i phyir ro/ /de bas na chos rnam pa gsum po 'di yang yod pa nyid sgrub par byed pa la gtan tshigs kyi mtshan nyid brten pa ma yin zhing rnam pa gzhan yang yod pa ma yin no//de bas na yod pa nyid bsgrub par 'gyur ba ma yin no/ /de tsam la khyab par byed pa dngos po'i chos kyi 'dir spyir sgrub par byed pa nyid yin na yang yod pa nyid grub pa can gyi chos can la ma grub pa yin no/ / gal te bsgrub par bya ba'i chos des khyab pa rnam pa 'ga' zhig gis nges par byas pas 'gal ba dang 'khrul pa dag med pa'i phyir/ thal bar 'gyur ba 'di med do/ /khyab pa'am chos can la brten pa nges par ma byas pa yang de'i rang bzhin can nyid du go bar byed pa ni go bar byed pa 'ga' zhig tu yang mi 'gyur ro//de nyid kyi phyir/ rang gi chos kyi khyab pa grub pa'i rang bzhin go byed yin par brjod par bya ste/ gsal bar byed pa nyid kyis sgron ma gsal bar byed pa ni/ de'i ngo bo rtogs par byed pa ma yin pa ni rang gi don gyi bya ba mi byed do/ /de la khyab byed nges pa ni//rtogs par bya ba'i rang bzhin te/ /de'i chos nges pa kho na'i phyir/ /khyab par byed pa nyid du nges pa'i ni chos can de'i chos te/ go bar bya ba'i rang bzhin yin no/ /'di ldog na yang de ldog byed/ /bdag nyid khyab par byed pa'i chos 'di log par 'gyur ba na khyad par bya ba'i chos de ldog par byed pa yin no//gal te 'di med na mi 'byung ba de ltar na 'di ni khyab par byed par grub par 'gyur ro/ /de bas na 'dis ni go bar byed pa'i mtshan nyid du sgrub par byed pa'i sbyor ba rnam pa gnyis kyang bshad par rig par bya'o/ /sbyor ba rnam pa gnyis ni chos mthun pa nyid can dang chos mi mthun pa nyid can no//gang gzhan dag ni rjes su 'gro ba can dang ldog pa can zhes smra'o/ /sbyor ba'i bye brag ma gtogs par 'di gnyis la don du bye brag cung zad kyang med do/ /chos mthun pa nyid can gyi sbyor ba la yang don gyis chos mi mthun pa nyid can rtogs par 'gyur te/de med na bsgrub par bya ba dang gtan tshigs rjes su 'gro ba med pa'i phyir ro/ /de bzhin du chos mi mthun pa nyid can gyi rjes su 'gro ba rtogs par 'gyur te/ de med na ni bsgrub par bya ba med na gtan tshigs med par the tshom du 'gyur zhes rgyas par 'chad par 'gyur ro//dper na mi rtag nyid byas pa'am/ 'jig byed ma byas pa lta bu'o/ /'dis ni 'di gnyis kyi dpe bstan to/ /de la rjes su 'gro ba can ni gang cung zad byas pa de thams cad ni mi rtag pa ste/ dper na bum pa la sogs pa lta bu'o/ /sgra yang byas pa yin pa de lta na byas pa nyid la mi rtag pa nyid kyis khyab pa bstan pas sgra yang byas pa nyid du brjod pa'i shugs las sgra mi rtag ces bya bar 'gyur ba de bas na 'dir gdon mi za bar phyogs bstan par bya ba ma yin no//'di ni rjes su 'gro ba can gyi sbyor ba'o/ / ldog pa yang mi rtag pa nyid med pa la byas pa nyid med de/ sgra ni byas pa yin pas de'i rang bzhin nyid du grub pa yin te/ de med na byas pa nyid mi 'byung bas sgra la yod pa nyid du bstan pa na/ de'i bdag nyid yod pa nyid kyi ngo bo shugs kyis grub pa'i phyir snga ma bzhin du dam bcas pa'i tshig ma byas pa yin no//rjes su 'gro ba ni don gyis go bas grub pa yin te/ de'i bdag nyid yin pa nges pa ni de log pa ni ldog pa de'i phyir/ nges pa rab tu bsgrubs pas ldog pa brjod par bya'o/ /gal te de grub pa na de'i bdag nyid du nges pa don gyis 'phangs pa'i phyir rjes su 'gro ba grub pa yin no//da ni ji ltar byas pa ni gdon mi za bar mi rtag pa yin no zhes gang gis de skad du brjod par bya zhe na/ 'di ltar/ rang bzhin yin phyir rjes 'brel nyid/ /'jig pa yi ni rgyu min phyir/ /dngos po 'jig pa'i ngang tshul can de'i ngo bo ni rgyu la ltos pa ma yin te/rang gi rgyu nyid las 'jig pa'i ngang tshul can du 'byung ba'i phyir ro/ /de bas na gang cung zad byas pa de ni rang bzhin gyis 'jig pa'i ngang tshul can yin no/ / dngos po ltos dang bcas rnams ni/ /nges par 'byung ba can mi mthong / /dngos po 'jig pa yang ltos pa med pa kho na yin no//ltos pa dang bcas pa nyid yin na ni bum pa la sogs pa 'ga' zhig rtag pa nyid du yang 'gyur ro/ /gang gis/ de rgyu mang po yod na yang / /'ga' zhig tu yang mi srid 'gyur/ /gal te 'jig pa'i rgyu mang po yod na de dag gi yang rang gi rkyen dag la ltos pa thag nye ba can nyid yin pa'i phyir/gdon mi za bar thag nye ba ma yin pas 'ga' zhig kyang zhig par mi 'gyur ro/ /rgyu dag ni gdon mi za bar 'bras bu dang ldan pa ma yin te/ ma tshang ba dang gags byed pa srid pa'i phyir ro/ /de bas na 'bras gzhan med pa'i phyir / 'jig pa rgyu ldan smra rnams kyi//'jig pa'i rgyu ni thams cad dag /'khrul pa nyid du bshad pa yin/ /zhes bya ba ni bar skabs kyi tshigs su bcad pa'o/ /de bas na ngo bo 'di de'i ngo bo ltos pa med pa can ni de'i ngo bo la nges pa yin te/ rgyu ma lus pa tshogs pas 'bras bu bskyed pa na gags byed pa can mi srid pa bzhin no//'ga' zhig 'ga' zhig la ltos pa med du zin kyang gdon mi za bar de'i ngo bo med pa ma yin nam/ sa dang sa bon dang chu dag gi tshogs pa dag kyang 'ga' zhig tu myu gu mi bskyed pa'i phyir ro zhe na/ ma yin te/ de la yang rgyun 'gyur ba la ltos pa nyid kyi phyir ro//'di ltar ngo bo ni 'ga' zhig la yang ltos pa med pa yin no/ /de la yang rgyu'i tshogs pa tha ma 'bras bu bskyed pa'i phyir/ bar chad med pa gang yin pa de ni 'bras bu dang ldan pa kho na yin te/ de nyid kyang de'i nang nas myu gu'i rgyu yin na/gzhan sngar gyur pa'i de'i don nyid yin no/ /der de la 'ga' zhig [(]gags [,]gegs [)]byed par nus pa ma yin te/ ngo bo gcig la mi 'gyur bar mi bskyed pa'i phyir dang / bskyed na gcig pa nyid nyams pa'i phyir ro/ /de'i bdag nyid las rgyu 'pho ba med pa ni de skyed par byed pa la gags byed pa'i rgyu mi mthun pa mi byed pa ni gags byed pa nyid ma yin pa'i phyir ro//nas kyi sa bon la sogs pa dag kyang sA lu'i myu gu bskyed pa la ltos pa dang bcas pa med pa ma yin nam/ de skyed par byed pa'i rkyen dag ni 'ga' zhig tu de la yang nye ba'i phyir ro zhe na/ji ltar ltos pa med pa yin te/ gang gi phyir de dag la sA lu'i sa bon gang yin pa de nyid skyed par byed pa'i rang bzhin te/ de med pa'i phyir de'i rang la ltos pa yin no/ /'on te de lta yin na 'ga' zhig byas pa 'am yod pa nyid la yang 'jig pa'i rang bzhin gang yin pa de nyid yod pa ma yin pa de bas na/de'i rang bzhin la ltos pa nyid kyi phyir 'jig pa dag ma yin no/ /sA lu'i sa bon la sogs pa dag gi rang bzhin de ni rang gi rgyu yin pa'i phyir/ de'i rgyu ma yin pa gang yin pa de ni de'i rang bzhin du mi 'gyur ro/ /rgyu de'i nus pa nges pa yang rang rang gi ngo bos khong du chud pa nyid yin no//rang bzhin nges pa yang don rnams la glo bur du rigs pa ma yin te/ ltos pa med pa ni yul dang dus dang rdzas nges pa la mi rung ba'i phyir ro/ /de ltar 'di la yang nges pa'i rgyu brjod par bya ba ste/gang gi phyir 'ga' zhig 'di ni 'jig pa'i bdag nyid can du 'byung ba dag yin la/ 'dir 'ga' zhig nges par byed pa'i rang bzhin ni yod pa ma yin te/ skye ba dang ldan pa thams cad ni mi rtag pa nyid du grub pa'i phyir ro/ /gal te skye ba dang ldan pa'i rang bzhin ni 'jig pa can yin no zhe na/skye ba ni 'jig pa can gyi rang bzhin gyi rgyu ma yin la/ rgyu med pa can gyi rang bzhin la nges pa med pa de bas na/ 'dir rgyu las rang gi ngo bo'i rnam par dbye ba 'ga' zhig kyang med de/ de med pa'i phyir 'bras bu la yang yod pa ma yin pas na mtshungs pa ma yin no//'jig pa la ltos pa med pa'i de 'dis 'ga' zhig la 'ga' zhig gi tshe yod pa 'gal ba can de med pa'i rang bzhin du sgrub par byed do/ /gang gi phyir rang bzhin ltos pa med pa de ni gal te 'ga' zhig gi tshe'am 'ga' zhig la 'gyur na dus dang rdzas de la ltos pa can yin pa'i phyir/ltos pa med pa nyid du mi 'gyur ro zhes bshad zin to/ /'on te 'jig pa'i rang bzhin de ltos pa med pa'i phyir/ rgyu med pa can du 'gyur ro/ /rgyu med pa can nyid ma yin te / yod pa nyid kyi rgyu'i ngo bo las de ltar skye ba'i phyir dang /yod pa nyid du 'gyur ba ni de 'dra ba nyid kyi ngo bo med pa'i phyir ro/ /gal te gdon mi za bar yod pa nyid ni 'ga' zhig las kyang 'byung ba ma yin no zhe na/ 'o na yod pa nyid ni glo bur ba ma yin pas 'di 'ga' zhig la 'ga' zhig gi tshe 'ga' zhig tu ldog par mi 'gyur bas de ni cung zhig 'ga' zhig la 'brel pa ma yin no //gang gang la cung zhig rag las pa ma yin no/ /gal te yod pa nyid de 'di ni 'ga' zhig la rag lus pa can ma yin no zhe na/ nges pa can du mi 'gyur ro/ /de bas na 'di ni 'ga' zhig tu glo bur ba ma yin no/ /'o na de ji ltar 'jig pa rgyu med pa can du bstan zhe na/skyes pa de'i ngo bo ni gzhan la ltos pa med pa'i phyir ro/ /'dir yang 'jig pa zhes bya ba dngos po las gzhan 'ga' zhig kyang med de dngos po nyid 'jig pa yin la/ de nyid skad cig mar gnas pa'i ngang tshul can du skyes pa yin pa'i phyir ro//blun po dag gis 'di'i rang bzhin de ni phyis nges par 'gyur gyi/ sngar ma yin te/ mthong na yang / gsal ba med phyir ro/ /zhes bshad do/ /de'i dbang gis mi mkhas pas dug 'gyur ba mthong bas 'jog pa bzhin du phyis rnam par 'jog par byed de/ de bas na 'jig pa 'di ni yod pa nyid ma gtogs par gzhan la ltos pa med pa'i phyir/de la khyab par byed pa yin no/ /'jig pa ltos pa med pa de yang ji ltar rtogs par 'gyur zhe na/ de rgyu nus pa med pa'i phyir yang / med pa byed pa'i bya ba dgag pa'i phyir yang gi sgra smos so/ /ji ltar nus pa med pa yin zhe na/dngos po grub pa la ni byed pa de la mi byed la/ gzhan la byed na ni de la cung zhig kyang ma yin pa'i phyir/ de dang de ma yin pa'i ngo bo la mi byed pas cung zhig kyang mi byed pa ni ltos pa med par 'gyur ro/ /ji ltar bya ba 'gog ce na/ 'jig pa zhes bya ba ni de dag gis dngos po med pa yin par sems so//de bas 'jig pa'i rgyu 'di ni med par byed do zhes bya ba 'thob bo/ /de la gal te med pa zhes bya ba 'ga' zhig 'bras bu'i rang bzhin du 'gyur na/ de nyid dngos po yin pa'i phyir med par mi 'gyur ro/ /de bas na med pa byed do zhes bya ba ni dngos po mi byed do zhes bya ba 'di bya ba 'gog pa byed par 'gyur ro//de ltar na yang cung zhig kyang mi byed pa 'di ci'i phyir ldog par bya ba yin te/ dngos po ni 'jig pa la ltos pa med par grub pa yin no/ /de'i phyir/ gang zhes de rang bzhin gyis 'gyur/ /'di las gzhan pa dag la yang / /rang bzhin nyid kyis 'gyur ba yin//de 'di 'ga' zhig la yod pa mthong ba na ltos pa med pa nyid kyi phyir/ rang bzhin gyis 'gyur ro/ /de ltar gzhan dag la yang rang bzhin gyis 'byung ba can yin te/ khyad par med pa'i phyir ro/ /'ga' zhig dngos po'i yul can gyi/ /rjes dpog gang yin rnam gnyis te//'bras bu ngo bo des de dag /rang bsgrub bya la 'brel nges phyir/ de'i phyir dngos po'i yul can gyi rjes su dpog pa ni rnam pa gnyis kho na ste/ 'bras bu'i rtags can dang rang bzhin gyi rtags can no/ /bdag nyid ji lta ba bzhin du khyad par byed pa bsgrub par bya ba'i rtags can la rtags de dag rag lus pa'i phyir gong du ji skad bshad pa lta bu'o//'jug pa blo sngon can nyid phyir/ /de yi ngo bo mi dmigs na/ /'jug par mi bya zhes bya bas/ /mi dmigs pa ni tshad mar bshad/ / gsum pa mi dmigs pa'i gtan tshigs ni bye brag med par don 'ga' zhig gis go bar byed pa yin no zhes brjod do/ /yod par nges pa dang sgra dang tha snyad bkag pa ni mi dmigs pa thams cad kho na rtags yin no/ /yod par nges pa las ni sgra dang tha snyad dag 'jug par 'gyur bas de dag la 'jug pa zhes bya bar bshad do//de ltar na mi dmigs pa nyid ni med pa rnams kyi med pa yin no zhes bshad do/ /de yang rtogs pa po'i dbang gis yin gyi dngos po'i dbang gis ni ma yin no/ /ji srid 'di la rtogs pa med pa de srid du 'di la dngos po de'i yod pa ma yin te//yod pa nyid yin du zin kyang des de'i don mi byed pa'i phyir ro/ /dngos su ni mi dmigs pa yin na yang med pa dang yod pa ma yin te/ yod pa nyid yin na yang rang bzhin la sogs pas bskal pas 'ga' zhig tu mi dmigs pa'i phyir dang / de ni med pa dag la yang mtshungs pa nyid kyi phyir ro//de bas na rtogs pa po'i tshad ma med pa'i phyir dmigs pa'i mtshan nyid can gyi yod pa nyid de ldog cing rang gi rgyu mtshan can gyi sgra dang tha snyad dag ldog par byed do/ /de bas na dmigs pa'i mtshan nyid kyir gyur pa dag mi dmigs pa dag gang yin pa 'di yang dngos su med pa nyid kyi ngo bo yang yin te/'jug par mi rung ba nyid kyi phyir ro/ /de yang yul 'di la tshad mar mtshungs so/ /med par nges pa'i 'bras bu can de yang yod pa nyid ma yin du zin kyang 'di tshad ma nyid yin te/ gang dmigs su rung ba rgyu gzhan tshogs pa dag yod na mi dmigs pa srid pa ma yin no//snga ma ni med pa nyid sgrub par byed pa yang ma yin te/ bstan bcos skabs dang 'brel med dang / /dbang po las 'das rtags can min/ /don rnams mang po de dag ni/ /ji ltar mi dmigs phyir na med/ /de med pa nyid sgrub par byed pa ni mi dmigs pa tsam gyis don thams cad la tshad ma gsum ldog pas bsgrub par 'gyur grang na/de la bstan bcos ldog pa ni med pa nyid sgrub par byed pa ma yin te/ de ni skabs 'ga' zhig la 'jug pa'i phyir ro/ /bstan bcos 'jug par byed pa ni skyes bu'i don 'grub par byed pa'i thabs 'ga' zhig la brten nas 'jug par 'gyur te/gzhan du na 'brel pa med pa'i brjod pa ni tshad mar mi 'gyur ba'i phyir ro/ /skabs de la yang don mang po dag gdon mi za bar bstan par bya ba ma yin te/ dper na so sor nges pa'i bdag nyid kyis skyes bu'i sems 'ga' zhig nges pa'i rgyu mtshan 'byung ba ma yin pa can 'jug pa'am/yul dang dus kyis chod pa'i skabs la nye bar mkho ba med pa'i rdzas kyi bye brag lta bu'o/ /de bstan bcos kyi yul du byed pa ma yin no/ /de ltar na bskal pa dag la rang gi nus pa nye ba'i phyir shes pa bskyed nus pa yang yod pa ma yin no//de dag gi gdon mi za bar 'bras bu dmigs pa yang med na gang gi rjes su dpag par byed/ de dag ni tshad ma gsum log tu zin kyang med do zhes nges par nus pa ma yin no/ /de bas mi dmigs pa thams cad ni ldog pa nges par sgrub par byed pa ma yin no/ /de bas na 'di ni/yod med nges pa'i 'bras can min/ /phyir na'ang tshad ma nyid min 'gyur/ /mi dmigs pa 'di ni tshad ma nyid ma yin te/ tshad ma dag ni nges pa'i 'bras bu can yin pa'i phyir ro/ /'di 'jug pa 'gog pa yin yang sems la the tshom yongs su gcod pa can ma yin te/ the tshom las kyang 'ga' zhig la 'jug pa'i phyir ro/ /gal te nges pa sngon du 'gro ba'i tha snyad du byed pa can ni de bzhin kho na la de kha na ma tho ba med pa yin no zhes bya ba de ni/ mi 'jug 'bras bu can zhes bshad zin to/ /rtags kyi phul byung yod pa can/ /la la tshad ma dag tu'ang 'gyur//'dir mi dmigs pa thams cad ni tshad ma ma yin la/ rtags kyi khyad par las yod pa can la la tshad ma yang yin te/ ji ltar gong du dper byas pa lta bu'o/ /gang yang mi dmigs pa ni tshad ma ma yin no zhes de bshad ce na/rang bzhin shes byed mi shes la/ /rigs pa 'di ni brjod pa yin/ /gang 'ga' zhig gi rang gi ngo bo yul la sogs pas bskal pa'i phyir/ mi dmigs pas de ni mi dmigs pa tsam gyis med pa zhes bya ba ma yin te/ gong du ji skad bshad pa lta bu'o/ / shes par byed pa rtags la med pa'i phyir/ dbang po las 'das pa'i don gang yin pa 'am/ rang bzhin gyi khyad par spong bar byed de/ dper na sems 'dod chags dang bral ba 'am/ lha nyid kyi khyad par med pa 'am/ sbyin pa dang 'tshe ba la sogs pa las ldog pa sems la mngon par mtho ba dang /nges par legs pa'i rgyu nyid med do zhes bya ba dang / mngon sum gyi don la ni 'bras bu de ma thag pa med pa'i phyir/ de'i 'bras bu med pa can dang / chos mthun pa'i phyir phyin ci log pas skur bar byed na yang / de tsam gyis ni 'bras bu chod pa dag kyang rgyu las skye ba mthong ba'i phyir de med pa nyid ma yin te/byi ba dang khyi smyon pa'i dug gi 'gyur ba bzhin no/ /de 'byung ba la 'gal ba med pa'i phyir 'di la mi dmigs pa tsam ni tshad ma ma yin no/ /gal te yod pa la gang tshad ma yin zhe na/ de nyid kyi phyir the tshom za ba yin yang bla ste/tshad ma yang srid pa'i phyir mi spong ngo / /de bas na 'dir don nam rang gi ngo bo 'ga' zhig la mthong ba gsal ba med pa'i phyir dang / rgyu rnams ni 'bras bu bskyed par nges pa med pa'i phyir/ shes par byed pa ma 'grub pa'i 'gyur ro/ /'di tsam gyis ni de med pa ma yin te/yang tshul gzhan du 'ga' zhig mngon par gsal ba'i phyir ro/ /rgyu mi shes pa 'bras bu yis/ /med pa nyid kyis sgrub byed dang / /rang gi ngo bo med par bsgrub par bya ba la/ de mi dmigs pa nyid ni tshad mar mi brjod kyi rgyu mi dmigs pa tshad ma kho na yin no//gang rgyu med pa la 'bras bu 'gyur ba srid pa ni ma yin no/ /la lar rgyu zhig na yang 'bras bu gnas par mthong ba ma yin nam/ rgyu gnas pa'i dus na 'bras bu yod do zhes ni mi smra'o/ /dngos po de ltar gnas pa can ni de'i rgyu can ni ma yin gyi brgyud pas rgyun la phan 'dogs par byed pa'i phyir/de'i 'bras bu bstan cing rgyu med par dngos po skye ba ni yod pa ma yin no zhes brjod do/ /gal te 'di rnam pa 'ga' zhig gis med pa grub par 'gyur na de'i 'bras bu med do zhes nges par 'gyur ro/ /don gyi rang bzhin rtags can la/ / rang bzhin mi dmigs pa yang min/ /rang bzhin nyid kyi rtags can la rang bzhin mi dmigs pa 'ga' zhig kyang tshad ma kho na yin no/ /gal te khyab par byed pa mi dmigs pa ni 'di'i rang bzhin grub par 'gyur te/ dper na shing sha pa la shing nyid lta bu'o/ /gal te gtan tshigs 'ga' zhig gis//de med par ni rtogs par 'gyur/ /gal te rgyu 'am khyab par byed pa'i rang bzhin 'di go bar byed pa gtan tshigs gang zhig las med par 'grub par 'gyur ba de med pa nyid kyis rang gi 'bras bu 'am khyab par bya ba ldog par byed de/ de med par ma grub na ni ldog pa la yang the tshom za ba'i phyir ro//ji ltar na dngos po'i bdag nyid mi dmigs pa las med pa grub ce na/ mthong ba med pa dag gi rgyu/ /mi srid par ni gyur pa ni / /snang ba'i dngos po mi dmigs pa'i/ /dngos po med pa rtogs par 'gyur//gal te dngos por 'gyur na bdag nyid ji lta bu 'dzin pa po'i byed pas dmigs pa nyid du 'gyur ro/ /de mthong ba'i gegs byed pa can bar chad la sogs pa dag med na dmigs pa kho nar 'gyur la/ mi dmigs na ni med pa nges par 'gyur te/ de 'dra bar 'gyur ba dmigs pa la 'khrul pa med pa'i phyir ro//gtan tshigs 'di nyid ni rgyu dang khyab par byed pa dag med pa la rig par bya'o/ /dngos po 'gal ba yod na yang / /de yod pa la gnod byed phyir/ /de dang 'gal ba dmigs pa ni/ /med pa nyid du nges par 'gyur/ /dngos po gang zhig gang dang lhan cig mi gnas te/de dag gi nye bar len pa dag ni phan tshun mi mthun pa'i rten nyid kyis rtsom pa 'gal ba'i phyir ro/ /sngar ji skad bshad pa bzhin du 'gal ba de dag ni gcig yod na yang gzhan med pa rtogs par 'gyur ro/ /'di ni mi dmigs pa las tha dad pa rnam par gzhag par bya ba ma yin te/de nyid las 'gal ba rtogs pa'i phyir dang / 'gal ba las kyang med pa sgrub par byed pa'i phyir ro/ /de lta bu'i rnam pa'i mi dmigs pa las med pa rtogs par 'gyur ba ni bla ste/ de yang ji ltar rjes su dpag pa yin par 'gyur/ji ltar yang mi 'gyur/ dpe la ltos pa med pa'i phyir te/ 'di la ni dpe cung zad kyang yod pa ma yin no/ /ci'i phyir nam mkha'i me tog la sogs pa nye bar brjod pa med pa zhes bya ba dpe ma yin nam/ de med pa ji ltar khong du chud par bya zhing gang gis de ltar 'gyur/gal te mi dmigs pa kho na las so zhe na/ de la yang ji ltar na dpe med pa can dag gi med pa nyid du grub pa 'am/ dpe dang bcas pa can nyid yin na ni thug pa med par thal bar 'gyur ba de ltar na yang rtogs par mi 'gyur ro/ / de bas na nye bar brjod pa med par grub pa dang 'dra bar gzhan la yang dpe la ltos pa med pa'i phyir/ rjes su dpag pa ma yin no/ /thos su zin kyang lha rnams dga' bas nges par gzung ba bsal ba med do/ /med pa'i sgra dang tha snyad kyi rgyu mtshan dmigs pa mi dmigs pa de ni bdag nyid thag nye ba'i phyir rang gi rgyu mtshan can de dag sgrub par byed pas rang gi rgyu mtshan gyi tshogs pa'i rung ba thag nye ba can thams cad ni 'dir dpe yin no//med pa nyid kyang 'di la mi dmigs pa kho na yin no/ /de nyid kyi phyir/ 'di ni rgyu las 'bras bu rjes su dpag pa'i mtshan nyid yin pa'i phyir/rang bzhin gyis gtan tshigs kyi nang du 'dus par 'gyur ro zhes 'chad par 'gyur ro/ /yod pa'i sgra dang tha snyad 'gog par yang tshad ma log pas rgyu mtshan ma tshang ba can gyi myu gu la sogs pa dpe yin gyi/ nye bar brjod pa med pa 'ba' zhig ni ma yin no//nye bar brjod pa med pa la yang 'jug pa 'di nyid 'gog pa yin te/ mi dmigs pa'i mtshan nyid can gyi med pa nyid grub pa yin no/ /rgyu mtshan dang de med pa khas blangs nas 'jug pa dang ldog pa la lugs las zlog par byed pa'i rmongs pa de la ji ltar khas blangs pa bzhin du nye bar brjod pa med pa 'am/gzhan dang 'dra bar bstan to / /gal te re zhig dmigs pa med pa de nyid ji ltar grub ce na/ de ni phyis 'chad par 'gyur ro/ /rjes su dpag pa gzhan la yang bsgrub par bya ba'i chos kyis khyab par 'dod na ci'i phyir dpes rtogs par bya ba yin te/khyab par bya ba bstan pa nyid kyis khyab par byed pa grub pa'i phyir ro/ /gal te don nges zin kyang dpe ni dran pa'i don yin no zhe na/ de ni cig shos la yang mtshungs so/ /de ni gzhan la mi dmigs pa tsam las med pa'i tha snyad rtogs su zin kyang 'di la rmongs pa'i phyir dran par bya ba yin no//ci ste gang 'di la gtso bo la sogs pa ni yod pa ma yin te/ mi dmigs pa'i phyir ro/ /de la ji ltar med pa'i tha snyad grub pa'am yod pa'i tha snyad 'gog par ji ltar 'gyur/ de'i don 'gog pa na rjod par byed pa chos can gyi tshig mi sbyor ba'i phyir dang /yul med pa can gyi dgag pa mi rung ba'i phyir ro/ /nyes pa de ni med de 'di ltar/ thog med bag chags las byung ba'i/ /rnam par rtog pas yongs bsgrubs pa/ /yod med gnyi ga la brten pa/ /sgra don chos ni rnam pa gsum/ /der dngos nyer len med pa can/ / bsgrub pa de mi dmigs pa ni/ /de ltar gtan tshigs de nyid kyi/ /med pa ma yin sgra sbyor phyir/ /ji ltar sgra de dag rang gi mtshan nyid kyi yul can ma yin pa de ltar bstan to/ /thog ma med pa'i dus can gyi bag chags las byung ba can gyi rnam par rtog pa la so sor snang ba'i ngang can gyi don yul nyid du bdag gir byed do//rnam par rtog pa de la brten pa'i 'chad pa po dang nyan pa po ni dngos po ji ltar snang ba bzhin du ston par 'dod pas sbyor ba'i phyir dang / de'i rnam pa can gyi rnam par rtog pa bskyed pa'i phyir ro/ /nye bar len pa dang 'bras bu'i shes pa la snang ba'i ngo bo ma yin pa ni de'i yul can nyid du nges par nus pa ma yin no//rnam par rtog pa de yang yod pa dang med pa dang gnyi ga'i shes pa dag gis bsgos pa'i bag chags las byung ba'i phyir dang / der snang ba'i rnam par nges pa'i dbang gis yod pa dang med pa dang gnyi ga'i chos zhes brjod do//de bas na chos can 'di la brten nas ci gtso bo'i sgra las snang ba'i don 'di ni dngos po nye bar len pa can nam ma yin zhes yod pa dang med pa nyid spyod par byed do/ /de ni dngos po'i nye bar len pa can med pa nyid du bsgrub par bya ba la de nyid du so sor rang gi rig pa nyid yin pa'i phyir/spang bar 'os pa ma yin pa'i don ni chos can yin no/ /don de nyid kyang rang gi mtshan nyid yin no zhes brjod par mi nus te/ ma thob pa dang 'gags pa'i don dag kyang de dang ma bral ba'i phyir ro/ /dngos po la phyin ci log pa'i rnam pa la mngon par zhen pa can gyi gzhan mu stegs pa'i shes pa dag la yang yod pa'i phyir ro//don dam la gcig phyogs nyid yod/ /mthong ba'i bye brag tha dad pa'i/ /don rnams la ni sgra rnams kyis/ /rgyu med can 'jug mi 'gyur dang / /'das dang ma skyes pa la yang //tshig 'ga' zhig kyang brdzun pa yi/ /don can nyid du mi 'gyur phyir/ /de dag blo don yul can 'dod/ /ces bya ba bsdu ba'i tshigs su bcad pa'o/ /de ni ji ltar 'dod pa'i ngo bo nye bar len pa med pa can bsgrub par bya ba la/ de ltar 'di la mi dmigs pa'i chos yod pa'i phyir/bsgrub par bya ba'i chos ma grub pa ma yin no/ /'di la yang sgra las snang ba'i don 'di nyid ni bsnyon par nus pa ma yin te/ de ni blo la bskyed pa'i phyir sgra sbyor ba'i phyir ro/ /de med na ni mi rung ba'i phyir ro/ /gzhan yang / sgra don bsnyon na bsgrub bya ba'i//chos kyi rten ni brtsal ba'i phyir/ /bsdus pa bsgrub byar mi 'gyur zhing / /yan 'gar chos ni grub pa yin/ /gal te sgra'i don kho na la bsnyon na gtso bo'i sgra'i brjod par bya ba chos can nyid la brtsal ba'i phyir/ bsgrub par bya ba'i chos kyi rten med par 'gyur ro/ / de bas na 'di ni rten rnam par gcod la ltos pa med pa can rtsod pa'i gzhi ma yin pa'i phyir nye bar dgod par bya ba nyid du mi 'gyur ro/ gzhan yang / sgra don bsnyon pa med rnams kyis/ /yod med phyogs kyi bye brag gis/ /dngos po nyid ni dpyad bya ste/ /'di la 'bras 'byung rag las phyir//don byed nus pa ma yin phyir / /de 'dod brtags pas ci zhig bya/ /ma ning gzugs bzang mi bzang zhing / /'dod ldan rnams kyis brtags ci phan/ /sgra'i don yod pa 'am med pa ni skyes bu'i don cung zad kyang nye bar 'gog pa'am/ /yang dag par byed pa ma yin te/mngon par zhen pa ji lta ba bzhin du de kho na nyid du med pa'i phyir dang / de kho na nyid ji lta ba bzhin du mi gnas pa nyid kyi phyir ro/ /de bas na 'di 'jug pa na thams cad du yod pa dang med pa dpyod pa na rnam par rtog pa'i snang ba la ltos pa med par gang la skyes bu'i don 'di rag lus pa'i dngos po nyid la dmigs par byed de dper na me ni grang ba zlog par byed pa zhes bya ba lta bu'o//'di la sgra'i don ni nus pa yod pa ma yin te/ de nyams su myong bar gyur pa yin du zin kyang de med pa'i phyir ro/ /de bas na don byed par 'dod pa 'di ni mi nus pa la gus pas rjes su sbyor bar rigs pa ma yin no//'dod ldan rnams kyis ma ning gzugs bzang ba dang mi bzang ba brtag pa la gus par mi 'gyur ro/ /gang yang ji skad du brtags pa mi dmigs pa chos zhes bshad pa de'i don gang yin zhe na/ rtog pa'i shes pa'i yul nyid kyis/ /sgra yi don ni brtags pa yin//dngos brten ma grub 'di chos su/ /rigs pa smra bas bshad pa yin/ /rtog pa'i yul nyid yin pa'i phyir sgra'i don nyid brtags pa yin la/ de ni dngos po la brten pa mi dmigs pa ni chos yin no zhes bya bar dgongs so/ /tshad ma gsum log tu zin kyang dngos po med par 'grub pa ma yin no zhes bshad pa gang yin pa de tshad ma gzhan log pa na ldog par mi 'gyur te/de dag ni ma lus pa'i yul can nyid ma yin pa nyid kyi phyir ro/ /'di la lung gis ni cung zhig kyang ma khyab pa med de/ de la log pa ji ltar go bar byed pa ma yin zhe na/ 'di la lung dag tu don thams cad nye bar sbyor ba med par ni bshad zin te/skabs su bab pa nyid ma yin pa'i phyir ro/ /gzhan yang / sgra rnams dngos dang lhan cig tu/ /med na mi 'byung nyid med phyir/ /de las don grub min de dag /smra ba'i bsam pa ston par byed/ / sgra ni dngos po ji lta ba bzhin du 'jug pa ma yin te/ gang gi phyir de dag las don gyi rang bzhin nges par 'gyur na/ de dag ni smra ba po brjod par 'dod pa la rag lus pas 'jug pa can dag yin pa'i phyir/ de med na mi 'byung ba yin pas de nyid kyis go bar byed pa yin par 'gyur ro/ /skyes bu'i 'dod pa thams cad kyang don ji lta ba bzhin du 'gyur ba can ma yin la/de la rag lus pa med pa'i rang bzhin can gyi dngos po ni gzhan go bar byed pa ma yin no/ /'on kyang gang / yid ches tshig ni mi slu ba/ /spyi la rjes su dpag pa nyid/ /ces lung rjes su dpag pa nyid du gsungs pa de ji ltar yin zhe na/skyes bu 'di ni lung gi tshad ma la ma brten par gzhag par nus pa ma yin te/ 'bras bu mngon sum du gyur pa ma yin pa can la la dag gi 'jug pa dang / ldog pa'i phan yon chen po dang / ngan song dag thos pa'i phyir dang / de yod pa la 'gal ba ma mthong ba'i phyir ro//de bas na 'jug par bya ba yod na 'di ltar 'jug pa yin pa'i phyir brtags nas tshad mar gsungs so/ /de yang / 'brel pa dang ni rjes mthun thabs/ /skyes bu'i don ni rjod byed ngag /yongs su brtags pa dbang byas yin/ /de las gzhan pa dbang byas min//'brel pa ni ngag rnams don gcig tu sdug pa la phan 'dogs par byed pa'o/ /de ltar ma yin na smra ba po mi mthun pa ston par 'gyur te/ se'u bcu zhes bya ba la sogs pa'i ngag dang 'dra bar bsdur med pa kho na yin no/ /'bras bu 'dod pa bstan bcos thabs nus pa med pa can gyi 'bras bu can la dpyod par bya ba'i phyir gus par mi 'gyur zhing /skyes bu don gyi 'bras bu med pa can dag la yang ste/ dug zhi bar bya ba'i phyir 'jog pa'i gtsug gi rin po che'i rgyan gyi man ngag lta bu dang / bya rog gi so la brtags pa lta bu'o/ / de bzlog nas sdud pa dang ldan pa dang thabs nus pa can dang / skyes bu'i don rjod par byed pa'i bstan bcos ni yongs su brtag par bya ba yin te/ gzhan la gus par bya ba nyid ni mi rigs pa nyid kyi phyir ro/ /de ni gal te yongs su brtags pa la slu ba bstan pa med pa de la 'jug pa na mdzes par 'gyur ro//'di'i mi slu ba gang zhe na/ /mthong dang ma mthong dngos po yi / /don de dag la mngon sum dang / /rjes dpag rnam pa gnyis kyis kyang / /gnod med 'di ni mi slu ba'o/ /mngon sum du 'dod pa'i don dag la de bzhin du 'gyur ba ni mngon sum gyis gnod pa med pa ste/dper na sngon po la sogs pa dang bde ba dang sdug bsngal ba dang rgyu mtshan nye bar mtshon par byed pa dang 'dod chags la sogs pa dang blo dag lta bu'o/ /de ltar mngon par 'dod pa ma yin pa dag kyang mngon sum nyid ma yin te/ dper na sgra la sogs pa'i ngo bo zhen pa can bde ba la sogs pa dag dang /rdzas dang las dang spyi dang ldan pa la sogs pa dag lta bu'o/ /de bzhin du lung la ltos pa med pa'i rjes su dpag pa'i yul du 'dod pa dag la de bzhin du 'gyur te/ dper na 'phags pa'i bden pa bzhi dag lta bu'o/ /rjes su dpag par bya ba ma yin pa de dag ni de ltar 'gyur te/dper na bdag la sogs pa lta bu'o/ /lung la ltos pa'i rjes su dpag pa yang dper na 'dod chags la sogs pa'i ngo bo dang de las byung ba'i chos ma yin par khas blangs nas de spang ba'i phyir khrus dang me la sbyin sreg la sogs pa ma bstan pa lta bu'o//yongs su gcod par nus pa'i yul ma lus pa rnam par dag pa de ni mi slu ba yin no/ /yid ches tshig ni mi slu ba/ /spyi las 'di yi lkog gyur pa'i/ /yul la 'ang go skabs med blo ni/ /rjes su dpag pa nyid du brjod/ /de dang 'di de lta bur gyur pa'i nyes pa zad pa'i tshig mi slu bar mtshungs pa'i phyir ma mthong bar 'khrul pa med pa can mngon sum dang rjes su dpag pa dag gis go ba ma yin pa'i don rtogs pa ni de la brten pa nyid kyi phyir de las gzhan pa'i rtogs pa dang 'dra bar mi slu bar rjes su dpag par bya ba yin no//de bas na sgras rab tu phye ba yin du zin kyang sgra las byung ba dang 'dra bar bsam pa nyid ston par byed pa ni ma yin pa de ltar na don la mi slu ba'i phyir rjes su dpag pa yang yin no//yang na rnam pa gzhan gyis nyes pa zad pa'i tshig mi slu ba yin pa'i phyir rjes su dpag pa nyid du brjod par bya ste/blang dang dor bya'i de nyid ni/ /thabs bcas rab tu nges pa yis/ /gtso bo'i don la mi slu'i phyir/ /gzhan la'ang rjes su dpag pa yin/ /blang bar bya ba dang dor bar bya ba dang de'i thabs des bstan pa dag la phyin ci log med pa ni mi slu ba yin te/ dper na 'phags pa'i bden pa bzhi po 'chad par 'gyur ba'i tshul lta bu'o/ /skyes bu'i don la nye bar mkho ba can goms par 'os pa de dang 'di'i mi slu ba'i yul gzhan la yang de bzhin du khas blang bar bya'i slu ba ni ma yin te/ 'gal ba med pa'i phyir dang / 'chad pa po dgos pa med pa la log par ston pa la 'bras bu med pa'i phyir ro//de dang de rnam pa gnyi gas kyang go skabs med pas lung rjes su dpag pa nyid du brjod pa yin no/ /lung la 'jug pa na de ltar 'jug par bya'o/ /de ltar na rjes su dpag pa yang nyes pa med pa ma yin te/ sgra dag ni don rnams la med na mi 'byung ba nyid ma yin pa'i phyir ro//zhes bstan zin to/ /skyes bu phul byung la ltos pa/ /ji bzhin don du gzhan gyis shes/ /don ji lta ba bzhin du mthong ba la sogs pa'i yon tan dang ldan pa ni skyes bu nyes pa zad pa ste/ des byas pa ni mi slu ba zhes bya'o zhes bya ba ni gzhan dag gi'o//gal te phul du byung ba ste/ /shes par nus na don 'di 'dod/ /rtog pa sngon du gtong ba 'jug par 'dod pa can thams cad ni lung ngam lung ma yin pa tshol bar byed kyi phongs pas ni ma yin no/ /ji ltar yang 'di las nan tan du byas shing shes nas 'jug pa na don dang ldan par 'gyur ba de ltar mthong bar nus pa can la slu ba med pa'i rkyen gyis de gzhan dag la yang 'jug par 'gyur te/'jig rten gyi tha snyad ni de ltar phal che ba can nyid kyi phyir ro/ /skyes bu yongs su brtags nas 'jug pa na mi 'jug pa kho na yin te/de lta bur gyur pa de shes par mi nus pa nyid kyi phyir ro/ /mi 'dod pa'i phyir ni ma yin te/ de 'dra ba ni phyin ci ma log pa ston pa'i phyir ro/ /'di ltar/ tshad ma rnams ni rnyed dka'i phyir/ /'di ni 'di lta'am min no zhes/ /gzhan nyes pa 'am nyes med kyang / / rtogs dka' zhes ni gzhan gyis shes/ /skyes bu dag sems las byung ba'i yon tan dang skyon dag las yang dag pa dang ldog par 'jug pa can yin na de yang dbang po las 'das pa dag yin te/ rang las byung ba'i lus dang ngag gi bya ba dang smra bas rjes su dpag par bya ba dag yin na/tha snyad kyang phal cher blo sngon du gtong bas rnam pa gzhan du yang bya bar nus te/ skyes bu'i 'dod pa'i 'jug pa can nyid yin pa'i phyir dang / de dag kyang bsam pa sna tshogs pa can yin pa'i phyir ro/ /de bas na 'di ni gtan tshigs tshol ba'i phyir nges pa med pa yin na ji ltar rtogs par 'gyur/ci ste gang nyes pa med pa de 'dra ba'i skyes bu ci yod pa ma yin nam zhe na/ 'grib dang phul byung brten pa kun/ /mi mthun phyogs dang bcas nyid phyir/ /de goms pa las bdag gyur pas/ /la lar zag pa zad par 'gyur/ / zag pa zad pa de yang shes par dka' ba yin no/ /nyes pa 'di ni 'grib pa dang phul du byung ba'i chos can gyi yin te/ mi mthun pa'i phyogs kyis zil gyis gnon pa khyad par du byed pa dang mi byed pa me la sogs pa dang 'dra bar sgrub par byed do/ /de dag ni rnam par rtog pa las 'byung ba can dag yin te/nye bar len pa dag yin na yang yid kyi yon tan 'ga' zhig goms pa las khyad par du 'gyur ba med pa dang / de gsal ba na me la sogs pa dang 'dra bar rjes su 'gro ba med pa can gyi 'jig pa'i chos can du 'gyur ro/ /de bas na nyes pa med par yang 'gyur ro/ / nyes pa med pa zhes bya ba yang ji lta bu yin/ 'di ltar nyes pa'i mi mthun pa'i phyogs kyi bdag nyid du 'gyur ba nyid yod na yang rkyen ji lta ba bzhin du nyes pa yang 'byung ba yin te/ nyes pa'i bdag nyid du gyur pa'i mi mthun pa'i phyogs skye ba dang 'dra'o zhe na// //bam po bdun pa/ nyes pa 'di ni med de 'di ltar/'tshe ba med dang yang dag don/ /ngo bo nyid la phyin log gis/ /'bad du zin kyang mi bzlog ste / /blo ni de phyogs 'dzin phyir ro/ /rang bzhin du 'bad rtsol med par bzlog par nus pa ma yin te/ gtsang sbra can la thod pa can la 'dod pa dang 'dra'o//'bad rtsol yang thob pa dang ldog pa'i rang bzhin dag ni yon tan skyon mthong bas byas pa yin na/ de yang mi mthun pa'i phyogs kyi bdag nyid can du 'gyur ba'i skyes bu'i skyon dag la yod pa ma yin te/ de ni nye bar 'tshe ba med pa nyid yin pa'i phyir ro/ / nyes pa ma lus pa spangs pa'i phyir dang / kun nas dkris pa dang skye ba la rag lus pa'i sdug bsngal dang bral ba'i phyir dang / rab tu zhi ba'i bde ba'i phyir dang / skyo ba med pa'i phyir ro/ /yang dag pa'i don can ma yin pa nye bar len pa'i stobs las byung ba can yang rgyud las rnam par bzlog pa bzung ba'i phyir mi 'gyur ro//yang dag pa'i don can ni ma yin te/ dngos po'i stobs kyis skye ba'i phyir ro/ /nyes pa'i yang dag pa'i don ma yin pa can gnyen po'i phyogs kyi bdag nyid can du gyur pa la gnod par byed pa ma yin no/ /de bas na nyes pa skye ba ma yin te/ 'bad rtsol yod na yang rtog pa dang ldan pa'i blo dang khyad par du skyon med pa'i bdag nyid can ni yon tan gyi phyogs su gyur pas gnyen po'i phyogs nyid la rtsol ba byed pa'i phyir ro//nyes pa de dag skyed par byed pa gang gi gnyen po'i phyogs goms pa las spong bar 'gyur ba yang gang zhe na/ nyes par rnam pa thams cad dag /'jig tshogs lta las skye ba yin/ /de mi rigs de der chags pa/ /de las zhe sdang la sogs 'byung / /nga ma yin nga'i ma yin zhes lta ba'i yongs su 'dzin pa med par 'ga' zhig la yang chags pa med cing / rjes su chags pa med par 'ga' zhig la zhe sdang med de/bdag med pa bdag gi la nye bar gnod pa med pa can dang / nye bar gnod pa 'joms par byed pa la de med pa'i phyir ro/ /de bas na rigs mtshungs pa goms pa las skye ba'i bdag tu lta bas bdag gir 'dzin pa skye bar byed do/ /de dag gis kyang de la chags pa dang zhe sdang la sogs pa skyed par byed pa'i phyir/nyes pa thams cad ni 'jig tshogs su lta ba las skye ba yin no/ /de nyid kyang mi shes pas ma rig pa zhes bya ste/ de nyid phyir na nyes rnams kyi/ /rgyu ni gti mug yin par gsungs/ /gzhan yang 'jig tshogs lta ba ste / /de spangs pa na spangs phyir ro/ /gti mug ni nyes pa'i rgyu yin par gsungs te/rmongs pa med pa la nyes pa dag mi skye ba'i phyir ro/ /gzhan dag tu ni 'jig tshogs su lta ba yang yin no/ /de dang de ni gtso bo bstan pa yin na 'gyur te/ du ma las skye ba can gyi nyes pa dag ni gcig las skye ba 'gal ba'i phyir ro/ / gnyi ga gtso bo yin na ni re re bstan pas mdzes pa la brten pa ma yin no/ /rnam pa gnyi ga yang gcig tu bstan pa na 'gal ba med do/ /gtso bo yang de dag gi nye bar len pa nyid kyis yin te/ de spangs pa na nyes pa dag spangs pa'i phyir ro/ /de bas na 'jig tshogs su lta ba las skye ba can gyi nyes pa rnams ni de'i gnyen po'i phyogs bdag med pa mthong ba goms pa las spangs pa yod par 'gyur ro//nyes pa zad pa can rtogs dka' ba de yang gang gis bstan pa las 'dis rtogs par 'gyur ro/ /skyes bu la brten pa can gyi tshig ni lung ma yin te/ byed pa po rtogs dka' ba nyid kyi phyir ro//tshig rnams log pa nyid kyi rgyu/ /nyes rnams skyes bu la brten phyir/ /skyes bus ma byas bden don can/ /zhes ni la la rjod par byed/ /lung thams cad ni 'khrul par srid pa ma yin te/ 'khrul pa'i rgyu nyes pa rnams ni skyes bu la brten pa nyid kyi phyir ro/ /skyes bus ma byas bden don can//zhes bya ba ni gzhan dag gi yin te/ rgyu med pas ni 'bras bu med pa grub par byed pa'i phyir ro/ /de skad du smra ba de nyid la/ tshig rnams bden pa nyid kyi rgyu/ /yon tan skyes bu la brten phyir/ /skyes bus ma byas log pa'i don/ /ci min zhes ni gzhan dag brjod/ / ji ltar 'dod chags la sogs pa dang ldan pa'i skyes bu brdzun du smra ba mthong ba de ltar/ brtse ba'i chos nyid la sogs pa dang ldan pa bden par smra ba yin no/ /de bas na ji ltar tshig ni skyes bu la brten pa nyid kyi phyir log pa'i don yin pa de ltar bden pa'i don yang yin pa'i phyir/ de log pa na de yang log pa de ltar na med pa'am phyin ci log tu 'gyur ro//sgra rnams ni ngo bo nyid kyi don dang ldan pa ma yin gyi brda las yin te/ de las don rtogs pa'i phyir lus kyi brda la sogs pa lta bu'o/ /rjes su mthun par rung ba nyid yin te/ brda'i tshe da 'i 'dod pa brdar byas pa nyid kyi phyir ro//ngo bo nyid kyi grub pa dag la ni 'dod pa'i dbang gis bstan pa mi rung ba'i phyir ro/ /de dag don med pa can yin pas skyes bus legs par byas pa las don dang ldan par 'gyur/ de dag kyang de dag gis legs par bya ba kho na skyes bus byas pa can kho na nyid du rigs kyi skyes pa ni ma yin no//de nyid las don la 'khrul pa'i phyir ro/ /skyes pa yang rnam pa gzhan du brdar byas pa yang de las gzhan pa'i skyes bu'i chos dang 'dra bar 'gal ba med pa can yin no/ /de bas na 'di log pas rang gis byas pa'i brda las byung ba can gyi don gyi blo dag log par 'gyur ro//de bas na de log par gang las bden pa'i don can nyid yin/ ci ste yang skyes pa kho na skyes bus byas pa nyid yin gyi brdar byas pa ma yin na/ don shes byas pa dag gi rgyu/ /brda ni skyes bu la brten pas/ /tshig rnams skyes bus byas min yang //de phyir log pa nyid du srid/ /'di skyes bus byas pa ma yin pa nyid kyis ci zhig bya/ brda gang las don rtogs par 'gyur ba de skyes bus ma byas pa de ni phyin ci log tu yang 'gyur ro/ /brda rnam pa gzhan gyis tshul khrims sgrub par byed pa can gyi mtho ris kyi tshig phyin ci log tu 'gyur ro//de bas na don ji lta ba bzhin ma yin yang ston par byed pa srid pa'i phyir de nyid skyon yin no/ /'brel pa skyes bus byas min na/ /brda rig med par rtogs par 'gyur/ /de ltar ni 'gyur na sgra 'brel pa ma byas pa can de dag ni don rnams la skyes bu dag gis/ rnam pa gzhan du phyin ci log par 'gyur ba ma yin pa de bas na skyon yod pa ma yin no zhe na/da ni brda ci zhig bya ste/ gang las don rtogs pa de ni 'brel pa yin no/ /gal te de skyes bus ma byas pa yin na 'di ni brda las ltos pa med pa nyid yin no/ /rtogs pa la brten pa ma yin na ji ltar na 'brel pa yin na / brdas de dag ni gsal yin na/ /rtogs pa gzhan dag don med 'gyur/ /'brel pa yod na yang gsal ba med na rtogs pa'i rgyu ma yin no/ /brdas kyang 'di gsal bar byed pa yin no/ /'on te grub pa la nye bar gnas pa can rgyu ma yin pas ci zhig bya/ 'brel pa'i bya ba ni gang don rtogs pa skyed par byed pa de tsam ma yin nam/de ni brda nyid kyis byas zin to/ /gal te rung ba ma yin pa'i brdas nus pa ma yin pa'i phyir rung ba nyid 'brel pa yin no zhe na/ de bas na ci sgra 'brel pa yin par bya ste/ rgyu dang 'bras bu'i rung ba nyid dang 'dra bar sgra'i nus pa'i ngo bo rung ba nyid yin no/ /gal te don gzhan yin na sgra'i zhes bya ba'i 'brel pa brjod pas ci zhig bya/gal te rung ba nyid la phan 'dogs par byed pa yin no zhe na/ ma yin te rtag pa nyid ni phul du dbyung du med pa nyid kyi phyir ro/ /de la yang shin tu thal bar 'gyur ba'i phyir/ phan 'dogs pa ma grub pa'i phyir ro/ /rung ba nyid kyang don la ngo bo nyid kyis rung ba nyid du ci'i phyir mi 'dod/'on te brda ni ji ltar sgra dang don dag gi 'brel pa yin te/ skyes bu rnams la 'jug pa'i phyir ro/ /ma 'dres pa rnams dang grub pa rnams la ni 'brel pa gang yang yod pa ma yin te/ tha dad pa med par thal bar 'gyur ba'i phyir dang ltos pa med pa'i phyir ro/ /don gyi khyad par brjod par 'dod pa 'phangs pa'i tshig gis 'di las 'di zhes shes pa'i rang gi rgyu la snang ba'i don rten par byed pa'i phyir/blo'i ngo bo dang ngag gi rnam par rig byed dag ni bskyed par bya ba dang skyed par byed pa'i ngo bo'i 'brel pa yin pa de bas na sgra las rtogs pa ni med na mi 'byung ba yin pa'i phyir ro/ /de gsal bar byed pa ni brda yin te/de las shes par byed pa'i 'brel pa grub pa'i phyir dang / 'brel pa gsal bar byed pa'i phyir/ de nyid ni 'brel pa ma yin no/ /gzhan nyid 'brel pa rtag pa yin par ni bla ste/ des na/ tshig rnams don gcig la nges na/ /don gzhan rtogs par mi 'gyur ro/ /'brel pa des 'brel pa med pa'i don rtogs par rigs pa ma yin te/de ni don med pa can du thal bar 'gyur ba'i phyir ro/ /'dod pa'i dbang gis brdar byas pa can thams cad kyi thams cad gsal bar byed pa yang mthong ngo / /don du ma dang mngon 'brel na/ /'gal ba gsal bar byed pa srid/ /ci ste mthong ba 'gal bar ma gyur cig snyam pas thams cad thams cad kyi rjod par byed pa yin no// de ltar na thams cad thams cad kyi sgrub par ni ma yin te/ rgyu dang 'bras bu dag ni 'chol ba med pa'i phyir ro / /de las so sor nges par byed pa sgrub pa can gyi mngon par 'dod pa'i don la bsgrub par bya ba dang /sgrub par byed pa thams cad kyi thun mong gi sgra ni 'dod pa'i don gsal bar byed pas byas pa yin no zhes bya ba de gang las yin/ de ma nges pa nges pa skyes bu las mthong bar 'gyur ba de'i tshe/ skyes bus ma byas pa nyid kyi kun tu rtog pa'ang don med 'gyur/ji ltar yang don ma 'chol ba rtogs pa'i phyir skyes bu rgyur 'chol ba gsal ba yin no/ /de la skyes bu rnams kyi ci 'dra ba dag 'ga' zhig la rab tu sbyor ba 'chol bar 'gyur ro/ /de 'dra ba nyid thams cad dang thun mong du gyur pa yod na/ 'ga' zhig la de rnams kyis nges par byas pa yin te/de kho na nyid yongs su shes pa med pa'i phyir ro/ /gal te rig byed pa'i ngo bo nyid kyis nges pa yin no zhe na/ bstan pa la rag las pa med par 'gyur ba dang / brda rnam pa gzhan gyis ston par mi 'gyur ba dang / 'chad pa'i rnam par rtog par mi 'gyur ro/ /rnam par rtog par nus pa can yod na ston pa'i 'dod pa la mi slu ba med pa'i phyir skyes bus ma byas pa nyid ni don med pa can nyid du 'gyur ro//tha dad rnams kyi 'brel pa yang / /rnam par gzhag phyir gtan tshigs brjod/ /phyi rol gyi don ni sgra'i ngo bo ma yin zhing / /sgra ni don rnams kyi ma yin te/ tha dad pa med pa'i bdag nyid gang gis gnas skabs tha dad pa yang byas pa dang mi rtag pa dang 'dra ba med na mi 'byung ba nyid du 'gyur ro/ /sgra de dag kyang brjod par 'dod pa las skye ba can nam/ skye ba med pa can brjod par 'dod pas gsal bar bya ba dag ma yin zhing don la rag las pa ma yin no/ / de bas na de la so sor nges par bsgrub par bya ba de'i rjes su 'gro ba ji ltar sgrub par byed par 'gyur te/ rag las pa med pa de'i ni sgrub par byed pa ma yin no/ /skyes bus legs par ma byas pas/ /rnam pa kun du don med 'gyur/ /legs byas khas len na 'di yi/ /dngos su glang po khrus 'drar 'gyur//zhes bya ba ni bsdu ba'i tshigs su bcad pa'o/ /gzhan yang sgra dang don dag gi 'brel pa rtag pa'am mi rtag par 'gyur/ gal te mi rtag pa skyes bus 'dod pas 'jug pa can nam/ mi 'jug pa can yin grang na/ skyes bu la rag las pa nyid ma yin na skyes bu'i bsam pa ji lta ba bzhin du yul la sogs par gyur pa der ston par mi 'gyur te/'dod pa la rag lus pa med pa yang ri bo la sogs pa dang 'dra bar 'ga' zhig tu yang mi rung ba'i phyir ro/ /'di nyid ni rtag pa nyid la yang skyon yin te/ de'i rtag pa ngo bo gzhan du gyur pa mi rung ba'i phyir ro//gnas skabs thams cad la yang mtshungs pa yin te/ 'dod pa la so sor nges pa med pa'i phyir ro/ /de las khyad par rtogs pa mi 'gyur ba'i phyir/ snga ma bzhin du thal bar 'gyur ro/ /'dod pas 'jug pa yin na yang / /skyes bus byas pa nyid yin pa'i phyir 'khrul par dogs par 'gyur ro//gzhan yang / 'brel pa can rnams mi rtag phyir/ /'brel pa la rtag yod ma yin/ /gzhan la / rten pa can 'brel pa yin na ni rag las pa med pa la de dag gi 'brel pa nyid mi rung ba'i phyir ro/ /rten de yang mi rtag pa yin te/ de zhig na 'brel pa yang zhig par 'gyur ro//de lta ma yin na zhig par mi 'gyur ro/ /de bas na rtag pa ma yin no/ /de'i rten gyi don yang brjod par bya ste/ rtag pa la phan gdags su byar med pa nyid kyi phyir ro/ /phan 'dogs par mi byed pa yang rten ma yin no/ /gal te rigs brjod par bya ba nyid yin pa'i phyir skyon med do zhe na/ma yin te/ de brjod pa la dgos pa med pa'i phyir ro zhes bya bas de dpyad zin to/ /thams cad du yang rigs med pa'i phyir 'dod rgyal nyid gsal bar brjod pa rnams la mi rung ba dang / rnam pa thams cad du rigs brjod pa na khyad par gzhan spangs nas 'jug pa mi rung ba'i phyir ro//de'i phyir de'i rjes su 'gro ba dang ldog pa can gyi dngos po'i yod pa dang med pa ni 'brel pa yin no/ /de'i phyir don dang sgra yi de/ /skyes bus blo yis legs par byas/ /yod pa dang med pa de dag la brten nas ma 'dres su zin kyang tha snyad la goms pa las skyes bu la 'dres par snang ba'i phyir/dngos po rnams kyi 'dres pa ni skyes bus byas pa yin no/ /gzhan yang rten zhig pa la 'brel pa zhig par 'gyur na/ sgra de yang snga na med pa dang 'brel pa ma yin te/ 'brel pa can nyid med pa'i phyir dang / skyes shing 'gyur ba'i dngos po 'brel pa can ma yin pa rnams ni brjod par bya ba ma yin par 'gyur te/'brel pa gnas pa med pa'i phyir ro/ /de la yang don dang lhan cig skyes pa ma rtogs par gyur na/ sgra rnams la ni rang bzhin dag /rnam par bzlog pa mi rigs so/ /ci ste 'brel pa zhig pa don gzhan la med pa'am/don rnams brjod par bya ba ma yin par ma gyur cig snyam pas/ gal te skyes shing byung ba'i don 'brel pa dang ldan pa skye bar 'gyur na/ 'brel pa de skyes su zin kyang sgra la mi 'gyur te/ de dang 'brel pa med pa can gyi rang bzhin ni rang bzhin bzlog pa med par de'i ngo bo mi rung ba'i phyir dang /don dang lhan cig skyes pa gzhan las grub pa yang sgra phan 'dogs pa med pa la mi brten pa'i phyir ro/ /de yang de skyed par byed pa'i lhan cig byed pa nyid yin na nus pa ni rtag tu bskyed par thal bar 'gyur te/ ltos pa med pa'i phyir te/ rtag pa la phan gdags su med pa'i phyir ro//nus pa med pa yin na yang phyis kyang nus pa ma yin te/ rang bzhin mi 'dor ba'i phyir ro/ /rnam brtags 'brel la nyes 'di med/ /dngos po 'dres pa ltos pa can ni ma yin gyi skyes bu goms pa snang ba can de la ltos pa'i mtshan nyid can ni 'brel pa yin te/ des rtag tu zin kyang rang bzhin gzhan du bsgyur ba med par 'ga' zhig las rang nyid kyis dpyad nas sbyor bar byed pa'i phyir/de dag kyang de bzhin 'gyur na yang 'jig pa'i chos can ma yin no/ /rten zhig pas brten pa 'brel pa zhig pa'i phyir de mi rtag pa yin no zhes bshad pa gang yin pa de la/ gal te rten ni 'jig na yang / / 'jig min rtag phyir rigs dang 'dra/ /rtag rnams la brten nus pa gang / /gang gis brten te 'dod pa yin/ /'di skad du rigs brten pa ni rtag pa yin na rten dang lhan cig 'jig pa yang ma yin no zhes thos mod kyi/ 'on kyang rtag pa rnams la rten gyi nus pa ma mthong na gang gis na 'di'i rten yin te/byas pa la byed pa med pa'i phyir dang / byed pa po ma yin pa la yang mi ltos pa nyid kyi phyir ro/ /gal te rigs dang 'brel pa ni brten nas gsal bar phan 'dogs pa yin pa des na rten zhes bya'o zhe na/ shes pa skyed byed lhan cig byed/ /rgyu rnams tshogs par gyur pa las//de bskyed par ni rung nyid phyir/ /rigs pa shes pas bum sogs kyi/ /gsal ba bskyed pa la yang 'dod/ /khyad med 'gyur ba med rnams kyi/ /gsal byed rang gi don ci byas/ /gang phyir de dag nges gsal 'dod/ /lhan cig byed pa snang ba nye bar len pa la ltos pa las shes pa skyed par byed pa skad cig ma gzhan bskyed pa kho na bum pa la sogs pa rnams mngon par gsal ba yin no//de lta ma yin na de las phan 'dogs pa la ltos pa med pa shes pa bskyed par thal bar 'gyur ba'i phyir ro/ /nus pa byed pa yang skyed par byed pa nyid yin pa'i phyir te/de ni de'i bdag nyid can nyid yin pa'i phyir ro/ /don gzhan nyid yin na ni dngos po la phan 'dogs par byed pa ma yin par thal bar 'gyur ba'i phyir ro/ / nus pas kyang shes pa bskyed pa'i phyir/ rtag tu bum pa la sogs pa mi 'dzin par 'gyur la/snang ba la ltos pa med pa can 'dzin par thal bar 'gyur ba'i phyir ro/ /ltos pa med pa ni bdag nyid la phan 'dogs pa med pa'i phyir ro/ /de bas na 'di dag ni rang gi yul la rnam par shes pa bskyed pa'i phyir/ gzhan la ltos par gyur pa na de las rang gi ngo bo phul du dbyung ba bdag gir byed do//de bas na 'di'i de dag bskyed par bya ba yin no/ /shes bya'i ngo bo thob nas kyang shes pa'i dbang gis 'bras bu'i khyad par brjod pa'i sgras khyad par gsal bar bya ba'i phyir/ gsal bar brjod do/ /de ltar rigs dang 'brel pa la sogs pa dag ni rnam pa 'ga' zhig kyang phan gdags par bya ba nyid ma yin pa'i phyir/phan 'dogs par byed pa ma yin pas gsal bar rigs pa ma yin no/ /'brel pa dngos po nyid yin no / /tha dad phyir blo sna tshogs 'gyur/ /'brel pa de ni dngos por 'gyur na nges par sgra dang don dag las tha dad pa dang tha dad pa med pa las 'das pa ma yin no//ngo bo dngos po yin na ni de'i ngo bo nyid ma yin pa nyid ni gzhan yin no/ /zhes bshad zin to/ /de yang mig gis gzung bar bya ba yin na rang gi blo la de las gzhan dag las ngo bo tha dad pa can snang ba med na ji ltar na de ltar 'gyur te/snang ba tha dad pa med pa dang ma mthong ba dag ni tha dad pa dang yod pa nyid bzlog pa dag gi rten can nyid yin pa'i phyir ro/ /de lta ma yin na de dag gi gnas pa ni med par thal bar 'gyur ba'i phyir ro/ /gal te dbang po las 'das pa nyid yin pa'i phyir mi snang du zin kyang dbang po la sogs pa dang 'dra bar skyon yod pa ma yin no zhe na/ma yin te/ de las mi rtog par thal ba'i phyir dang / rab tu ma grub pa ni shes par byed pa nyid ma yin pa'i phyir ro/ /thag nye ba tsam gyis shes par byed pa nyid yin na ni blo ma byang ba rnams kyang 'gyur ro/ /rjes su dpag pa las rtogs pa ma yin te/rtags med pa'i phyir dang dpe ma grub pa'i phyir ro/ /de yang dbang po las 'das pa nyid kyis sgrub par byed pa la ltos pa'i phyir ro/ /gal te dbang po la sogs pa dag la yang mtshungs so zhe na/ ma yin te/ de dag ni rnam pa gzhan gyis rjes su dpag pa'i phyir ro//'ga' zhig yod na rjes su 'gro ba dang ldog pa dang ldan pa'i shes pas de tsam las mi 'byung ba can dang / de las bzlog pa la ltos pa sgrub par byed do/ /de bas na 'bras bu'i sgo nas dbang po grub pa yin no/ /de ltar 'brel pa ni ma yin te/ de ma grub na de'i 'bras bu'i shes pa nyid med pa'i phyir ro//de la ni sgra'am don gyi ngo bo rtag pa yin te/ de dag ni thams cad la rung ba nyid kyi phyir ro/ /khyad par rtogs pa la brten pa rtogs pa med pa'i phyir 'di rtogs pa ma yin te/ 'brel pa'i khyad par med par ni de rigs pa ma yin pa'am/ de rgyu mtshan med pa can nyid yin na/de'i khyad par rtogs pa nges pa dang 'dra bar sgra rnams kyis bstan pa yang rgyu mtshan med pa can du ci'i phyir mi 'dod/ de bas na 'brel pa thams cad la rtags de dang 'dra bar khyad par med par go bar 'gyur ro/ /de'i phyir khyad par med pa can nyid du thams cad kyis rtogs par 'gyur ro//de bas na 'brel pa grub pas don rtogs pa'i phyir 'ga' zhig gis yang dag pa'i man ngag la ltos par mi 'gyur ro/ /gal te yang dag pa'i man ngag dang bcas pa ni rtags yin no zhe na/ de bas na da ni brgyud pa 'dis ci zhig bya ste/ yang dag pa'i man ngag la ltos pa de nyid don shes par byed pa ci'i phyir mi byed/sgra de yang gang la bsam pa can gyis rab tu sbyor bar byed pa ni mthong gi gzhan du na ni ma mthong ste/ mthong ba dang ma mthong ba dag las du ba la sogs pa dang 'dra bar de rtog par bskyed pa'i phyir/ med na mi 'byung ba zhes bya ba de nyid 'brel pa yin no/ /'di la yang gzhan gyi nus pa ma mthong zhing grub pa'i thabs ma mthong ngo //ci ste yang sgra dang don dag gi 'brel pa ni gzhan nyid ma yin na/ de las tha dad min de nyid/ /'di las gzhan dngos yod ma yin/ /gnas skabs gzhan ni ngo bo tha dad pa'i rgyu can nyid yin pa'i phyir ro / /de'i ngo bo can ni de nyid yin par 'gyur ro//sngar bshad pa'i rnam pas chos tha dad par yang 'gyur na/ de yang 'gal ba med pa kho na yin te/ dngos po tha dad pa ni ma yin no/ /tha dad pa dang tha dad pa med pa ma gtogs pa dngos po rnams la gzhan pa ni med de/ de'i ngo bo ni mtshan nyid can yin pa'i phyir ro/ /ngo bo yang rnam par rtog pa de las ma 'das pa'i phyir ro//gzhan yang / dngos po'i ngo bo tha dad phyir/ /'brel pa rtogs pas byas pa yin/ /zhes bya ba ni sngar bshad zin to/ /'dres pa'i mtshan nyid can gyi 'brel pa ni dngos po ma 'dres pa rnams la yod pa ma yin no/ /de dag gi 'brel pa ni don gzhan yang ma yin te/ 'di ltar/ji ltar yod gzhan rag lus pa/ /rdzas ni gzhan gyi 'brel par 'gyur/ /yod par grub pa gzhan la ltos par mi 'gyur te/ ltos pa med par rang rgyud pa ni 'brel pa ma yin no/ /rdzas zhes bya ba ni rang bzhin brjod pa yin na de ji ltar dngos po gzhan la 'dres par 'gyur te/ rang bzhin gzhan yod pa nyid kyis gzhan dang 'dres pa zhes bya ba ma yin no//gal te ma 'dres pa can dang mi 'gyur mod kyi 'dres pa can dang ni 'gyur ro zhe na/ ma yin te/ gang gis de dag la 'dres par 'gyur ba de nyid de dag dang 'dres pa ma grub pa'i phyir ro/ /de bas na gal te don dag don gzhan dang 'dres par 'gyur ba 'di ni shin tu thal bar 'gyur te/khyad par med pa'i phyir ro/ /gzhan yang / yi ge don med can 'gyur zhing / /tshig sogs kun brtags dngos med la/ /ji ltar don dam pa 'brel pa/ /'di ni gnas par 'gyur ba yin/ / rjod par byed pa ni tshig yan lag gis de dang ldan par 'gyur na/ yi ge dag yod du zin kyang rjod par byed pa yin no/ /de bas na de dag la brjod par bya ba dang / rjod par byed pa'i 'brel pa yod pa ma yin te/ de dag la gnas na rang gi ngo bo nyams par thal bar 'gyur ba'i phyir ro/ / gal te bkod pa'i khyad par gyis yi ge nyid rjod par byed pa yin no zhe na/ ma yin te/ bkod pa ni don gzhan ma yin pa nyid kyis tha dad pa med pa nyid kyi phyir ro/ /de'i ngo bo can ni bkod pa gzhan la yang khyad par med pa'i phyir rtogs pa mtshungs par 'gyur ro/ /bkod pa don gzhan nyid yin na yang 'og nas 'gog par 'gyur ro//de bas na yi ge rnams rjod par byed pa nyid ma yin na tshig la sogs pa rjod par byed par 'gyur snyam na/ de cir yang mi rung ste/ tha dad pa dang tha dad pa med pa ni 'gal ba'i phyir ro/ /de bas na dbang po'i rnam par shes pa khyad par can gyi rjes su 'jug pa'i rigs mthun pa'i bag chags kyi nye bar len pa can gyi rnam par rtog pa la snang ba can gyi tshig dang ngag ni 'khrul pa yin no//gcig tu snang ba can ni log pa kho na yin te/ gcig dang du ma nyid ni mi rung ba'i phyir ro/ /gcig ma yin te blo du ma'i rim pas 'dzin pa mi rung ba'i phyir dang /de ni gcig gis gzung bar bya ba ma yin te/ yi ge bkod pa rjes su 'dzin pa'i phyir dang / yi ge gcig 'dzin pa na yang blo du ma 'gags pa'i phyir te/ blo rnams ni skad cig ma yin pa'i phyir dang / skad cig ma ni rdul phra rab gcig las 'das pa'i dus can nyid yin pa'i phyir dang /lhag ma yin na ni cha can gyi mtha' mi rung ba'i phyir dang / yi ge thung ngu rdzogs pa'i rdul phra rab du ma 'das pa can gyi mig 'byed pa'i dus can nyid yin pa'i phyir dang / dran pa dang de'i dus can kho na yin te/ji ltar nyams su myong ba bzhin du dran pa'i phyir dang / nyams su myong ba dang dran pa'i go rims dag khyad par rtogs pa med pa'i phyir ro/ /tshig la sogs pa du ma yang ma yin te/ blo la tha dad pa med par snang ba'i phyir dang / de'i du ma nyid ni 'gog par 'gyur ba'i phyir ro//de ni dngos po ma yin te/ de'i rnam par rtog pa de las ma 'das pa'i phyir ro/ /'brel pa dngos po yin na yang ji ltar de'i rten du 'gyur te/ rten du bya bar mi rung ba'i phyir ro/ /de ltar na rten ma yin par 'gyur ro/ / de bas na sgra dang don dag gi 'brel pa ni rang bzhin can ma yin no//de'i bsam pa can gyi sbyor ba las byung ba'am/ mngon par gsal ba'i sgra ni der 'khrul pa med pa'i phyir 'di'i 'brel pa ni de kho na nyid do/ /'byung ba'am mngon par gsal ba de yang 'khrul pa med pa la brten pa'i skyes bus byas pa'i phyir 'brel pa ni skyes bus byas pa kho na yin no//de'i sgo nas sgra rnams ni don rtogs pa la nges pa yin pa de lta na/ skyes bus ma byas pa nyid yin na yang de nyid 'khrul pa yin no/ /byed pa po rnams mi dran phyir/ /skyes bus ma byas kyang 'dod lo/ /gang 'di rig byed pa'i ngag skyes bus ma byas pa nyid du yang 'dod de/byed po mi dran pa'i phyir ro/ /'di la'ang rjes su brjod pa yod/ /de ltar ngan pa mun khyab byed/ /re zhig de nyid shes rab 'chal pa de 'dra ba ji ltar skye snyam pas kho bo cag gi sems ngo mtshar dang rjes su brtse ba dang bcas pa yin no/ /de la gzhan yang rjes su rjod par byed pas srid pa brtse ba med pas gnod pa can gyi ngan pa mun khyab par byed pa yin no//srog chags phan pa 'dod pa slu bar byed pa la nyes pa ci zhig yod/ 'di ltar bde bar gshegs pa dag gis sngags rnams byed pa po brgyad pa la sogs pa dag dang / gzegs zan pa dag gis dbyig gi snying po can dran pa ma yin no//gal te de dag gi de log par smra ba yin no zhe na/ da ni de ltar skyes bus ma byas pa yin na gang skyes bus byas pa yin/ gang gi tshe 'di ltar gzhon nu 'byung ba can la sogs pa bdag gam gzhan rtsom pa po yin par ston pa spong bar byed par 'gyur ro//de la gal te spong ba la khas blangs pas gnod pa yin no zhe na/ 'di nyid khas blangs pa'i yan lag ma yin nam/ gang la gnod pa yin na / de gzhan la yang mtshungs pa kho na yin no/ /gal te de'i 'dod pa nyid yin pa'i phyir skyon med do zhe na/ 'di'i 'dod pa 'di tshad ma med pa can gang las thog ma nas yod par 'gyur na/ glo bur du 'dzin pa can 'di la yang 'ga' zhig tu sgrub par byed pa la ltos pas ci zhig bya/ gang gis skyes bus byas pa dang skyes bus ma byas pa dpyod pas bdag nyid dub par byed / de nyid 'dod pa'i phyir khas ma blangs pas gnod pa med par 'dod pa de las gzhan pa la yang mtshungs pa'i phyir klan ka btsal du med do//phul du byung ba mthong ba med pa can 'di yang dag rnams rnam pa de lta bur skyes bus ma byas pa nyid du grub par byed pa'am/ 'bras bu'i chos rnams 'ga' zhig la phul du byung bar khas len pa de ltar na/'di'i 'jug pa rigs pa med pa can kho na yin no/ /byed pa'i yang dag pa'i man ngag rgyun chad pa can gyis byas pa yang mthong ngo / /gal te 'bad rtsol dang ldan pas dmigs pa yin no zhe na/ ma yin te nges pa med pa'i phyir ro/ /gzhan la yang mi dmigs pa dang dmigs pa gzhan gyis bstan pa yid ches par bya ba ma yin pa las nges par rigs pa nyid ma yin pa'i phyir ro//bdag nyid kyis byas pa dag la yang bsnyon pa mthong ba'i phyir ro/ /nges pa la brten par mi nus pa nyid kyi phyir ro/ /ji ltar skyes bu 'di gzhan las/ /thos med par 'di yi ge dang / /tshig bkod pa 'di brjod nus med//de ltar gzhan la'ang zhes 'ga' smra/ /gang skyes bus ma byas pa nyid min na/ gang skyes bus byas pa yin zhes bya ba la sogs pa de nyid lan yin no/ /de ltar na gzhung bkod pa gzhan dag tu/ spel ba yi ni gzhung gzhan yang / /man ngag med par gzhan rnams kyis/ / brjod pa ci mthong na gang gis/ /de yang de ltar rjes mi dpogs/ /de ltar ba rnams man ngag med par klog par mi nus pa las gzhan du skyes bus ma byas pa nyid kyi rten cung zad kyang yod pa ma yin no/ /de ni gcig gis brtsams pa'i gzhung gzhan la yang gzhan gyi dang mtshungs so/ /de'i rjes su 'brangs nas thams cad de ltar rjes su dpog pa yin pa'am/'ga' zhig kyang ma yin no/ /de ni de ltar mi 'dod pa nyid kyi phyir/ zhes bya ba la sogs pa la 'dod pa ni de'i rten nyid yin pa'i phyir zhes bya ba la sogs pa yang bshad zin to/ /gzhan yang / rig gang gang las grub pa des//rgyu ma mthong ba can gzhan yang / /bye brag med par me shing bzhin/ /de las 'gyur bar yang dag shes/ /rgyu ma mthong ba'i phyir rgyu med pa can zhes bya ba ma yin no/ /dngos po rgyu ma mthong ba can yin na yang de las gzhan pa dag gi rang bzhin tha dad pa nyams su myong ba med par de lta bu'i rnam pa yang dag par rjes su dpog par 'gyur ro//rgyu'i ngo bo log tu zin kyang de'i ngo bo log pa ma yin na ni 'bras bu'i chos las 'das pa'i phyir/ de las 'gyur ba med pas na cung zhing de ltar brjod par bya ba ma yin pa'am/ ngo bo bye brag bstan par bya ba yin na ni da gang gis rgyu de'i rjes su byed par 'gyur /gang zhig 'dod pa dang mi 'dod pa phyin ci log tu mi 'gyur ro/ /rgyu'i rang bzhin ldog pa las kyang dngos po rnams tha dad pa med pa yin no / /tha dad pa de ni glo bur bar 'gyur ba'i phyir 'ga' zhig tu yang ldog par mi 'gyur ro/ /de bas na rang bzhin gang las skye ba can du mthong ba gang yin pa de ni gzhan la yang tha dad par mi byed pa na shing dang me bzhin du rang bzhin bdag nyid kyis de'i 'bras bu nyid las 'das pa ma yin no//de la 'bras mtshungs mthong ba'i phyir/ /khyad par dag ni ma bstan par/ /gtan tshigs rab tu spros pa dag /de dag thams cad 'khrul pa yin/ / dper na thog mar 'dron pos gtang ba'i me nyid kyang 'dron pos btang ba'i me nyid yin pa'i phyir/ me gzhan sngon du song ba can yin gyis / gtsub shing gtsubs pa sngon du song ba can ni ma yin te/ de ma thag pa'i me bzhin no/ /ji ltar na 'dron pos btang ba'i me yang 'khrul pa yin te/ me las byung ba'i nus pa la brten nas me'i rgyu gzhan spong bar byed do//gal te me med par yang 'gyur na ni gzhan dag la yang 'gyur ro zhe na/ de la me nyid dang cig shos las byung ba dag la gnod par bya ba dang gnod par byed pa med pas me las byung ba nyid ni gzhan dag la yang 'gyur ba de ltar na chos gnyis dag don gcig la srid pa'i phyir/'dron pos btang ba'i me'am/ don gzhan ni gcig la/ so sor nges par 'gyur ba med pas na 'khrul par dogs pa yin no/ /phan tshun tha dad pa can gyi chos gnyis 'jug pa de yang phyi'i dngos po la 'gal ba med do//zhes brjod par bya ba'i gnas skabs tha dad pa can gyi khyad par ni ma yin te/ cha med pa'i bdag nyid las de nyid dang de nyid ma yin pa 'gal ba'i phyir ro/ /'dron pos btang ba'i me la me dang cig shos kyis bskyed pa ni gnod bya dang gnod byed ma yin te/de ni mes bskyed pa med par mi srid pa med pa'i phyir ro/ /de lta bur gyur pa'i 'dron pos btang ba'i me me las byung ba zhes bya bar ni 'gyur gyi/ thams cad ni ma yin te/ de la khyad par spong bar byed par mi nus pa'i phyir dang / khyad par yod pa can gyi de'i gnas skabs can nyid la nges pa med pa'i phyir ro//gal te me med par yang 'gyur na ni gzhan dag la yang 'gyur ro/ /zhes bya ba gal te tshogs pa gang gis der 'gyur ba na de 'gyur zhing 'gyur ba nyid yin no/ /de yod pas bstan nas de med par bstan par 'gyur ba'am de la me'am de med par ston na der 'gyur ro//de bas na gcig gis 'don par byed pa gzhan sngon du song ba can yin pa de lta bu'i ngo bor thams cad sgrub par byed pa ma yin te/ de la rnam pa gzhan du mi srid pa med pa'i phyir ro/ /de byed pa'i spobs pa dang bral ba de lta bu'i rnam pa la ni de ltar 'gyur ba'i phyir de lta bur gyur pa kho na brjod par bya bar 'gyur la/bye brag med par khyad par srid pa can de brjod na ni mdzes par thob pa ma yin no/ /ji ltar khyad par srid pa yin/ /gang gi tshe skyes bus de dag kyang nus pa med pa kho na yin te/ da ltar ba'i skyes bu 'dra'o/ /nus pa dag la 'gal ba cung zad kyang mthong ba med pa'i phyir dang /mi 'gal ba sgrub pa can mi dmigs pa'i sbyor ba ni go bar byed pa ma yin no/ /dbang po las 'das pa dag la ni 'gal ba rtogs pa yod pa ma yin no zhes bshad zin to/ /sbyor ba 'di yang sbyor ba snga ma las tha dad pa ma yin no/ /gal te skyes bus nus par 'gyur na da ltar bas kyang yin no zhe na/khyad par med pa yin na der 'gyur na/ de yang bsgrub par dka' ba yin no/ /gang la gcig nus pa med pa de las skyes bus thams cad kyang zhes bya ba yang snga ma bzhin du 'khrul pa yin te/ b+ha ra ta la sogs pa da ltar ba rnams la yang nus pa med pa yin na yang 'ga' zhig la nus pa grub pa'i phyir ro//de bas na rgyu rnam par 'byed par byed pas/ de las byung ba can dang de las byung ba can ma yin pa'i don rnams kyi yang rang bzhin gyi khyad par bstan par bya'o/ /de med na thams cad de'i bdag nyid can nam 'ga' zhig kyang ma yin no//'di la 'jig rten pa dang rig byed pa dag gi rang bzhin gyi khyad par mthong ba med do/ /de yod pa ma yin pa de dag mtshungs pa nyid du mthong ba'i phyir/ gcig gi chos 'ga' zhig rnam par 'byed pa'i de'i rang bzhin srid pa des 'khrul par dogs pa'i brjod pa can du 'byed do//rig byed de rig byed ma yin pa dag la de nyid kyi mtshan nyid can gyi khyad par yod pa ma yin nam/ /yod pa bden te de dag 'ba' zhig kho na la ma yin te/ 'on kyang kha bya'i mna' gtam dang cig shos dag la yang yin no/ /rang nyid kyi lo rgyus kyi bye brag gsal bar byed pa'i ming gi khyad par gyis skyes bus byas pa la gnod pa ma yin te/gzhan dag la yang thal bar 'gyur ba'i phyir ro/ /gal te de 'dra ba'i sbyor ba skyes bus byed par mi nus par 'gyur ba'am/ byas pa lam byas pa'i brdas rnam par 'byed pas 'gyur ba na/ rig byed skyes bus ma byas par gsal ba yin no//skyes bu dag gi sngags byed pa'i nus pa dang mi ldan pa kho na ma yin nam/ de ni 'og nas rnam par dpyad par bya'o/ /gzhan yang sngags zhes bya ba gzhan cung zad kyang yod pa ma yin no/ /'o na ci yin zhe na/ bden pa dang dka' thub kyi mthu dang ldan pa'i 'dod pa'i don sgrub par byed pa'i tshig yin te /de ni da ltar nyid kyang skyes bu rnams la snang ba kho na yin te/ bdag nyid ji lta ba bzhin du bden pa'i byin gyi rlabs kyi stobs las dug dang me la sogs pa kun nas rengs par byed pa'i phyir ro/ /da ltar yang ri khrod 'ga' zhig sngags byed pa'i phyir dang /rig byed ma yin pa'i sangs rgyas la sogs pa'i sngags dang rtogs pa dag mthong ba'i phyir ro/ /de dag kyang skyes bus ma byas pa nyid yin na da skyes bus ma byas pa bden pa yin te/ 'di ltar sangs rgyas pa dang cig shos dag gi sngags dang rtogs pa dag la 'tshe ba dang /'khrig pa dang bdag tu lta ba la sogs pa mngon par mtho ba ma yin pa'i rgyu dang rnam pa gzhan du brjod do/ /de ji ltar na gcig la 'gal ba brjod na gnyis bden par 'gyur/ de la don gzhan du rtogs pa na de ni gzhan la yang mtshungs pa de ltar na don la nges pa'i phyir/'ga' zhig kyang rtogs par mi 'gyur ro/ /de ltar na yang skyes bus ma byas pa yin du zin kyang nye bar mkho ba ma yin no/ /sangs rgyas pa la sogs pa dag gi sngags nyid ma yin na de las gzhan pa la yang mna' chu btung dgos par 'gyur ro//sangs rgyas pa la sogs pa dag dug gi las la sogs pa byed pa mthong ste/ de la yang sngags nyid bkag pa med do/ /phyag rgya dang dkyil 'khor dang bsam gtan yi ge med pa can dag gis kyang las rnams byed par 'gyur te/ de dag ni skyes bus ma byas pa dang rtag par rigs pa ma yin no//de dag gi byed pa yod na skyes bu rnams yi ge bkod pa byed pa la 'gal ba ci yod/ de bas na de dag gi byed pa nus pa med pa na cir yang mi rung ngo / /da ni ji ltar na bden pa las byung ba can gyi sngags dang rtogs pa phan tshun 'gal ba dag yin/ de dag ni thams cad du bden pa las byung ba can dag ma yin te/skyes bu mthu dang ldan pa'i dam bcas pa'i mtshan nyid can dag la yang 'gyur ro/ /mthu de ni 'gro ba dang grub pa'i khyad par dag las kyang 'gyur ro/ /gal te sngags skyes bus byas pa yin na skyes bu thams cad ci'i phyir sngags byed pa ma yin no zhe na/de byed pa'i sgrub par byed pa dang bral ba'i phyir ro/ /gal te de 'dra ba'i bden pa dang dka' thub la sogs pa dang ldan par 'gyur na byed pa nyid du 'gyur ro/ /gzhan yang skyes bu snyan dngags byed pa'i phyir/ /skyes bu thams cad snyan dngags byed par 'gyur la/ mi byed na 'ga' zhig kyang mi byed pa de dang 'dra bar de ltar na rig pa de dag ni snga na med pa yin no//sngags byed pa'i sgrub par byed pa dang bral ba dag sngags mi byed pa ni bden na/ tshogs pa de yang 'ga' zhig la yang ma mthong ste/ skyes bu rnams ni chos mtshungs pa can nyid kyi phyir ro/ /'dir sngags zhes bya ba bden pa la sogs pa dang ldan pa'i tshig dang dam bcas pa las gzhan cung zad kyang med do zhes bshad zin to//de dag kyang skyes bu 'ga' zhig la mthong ngo / /skyes bu thams cad de dang bral ba yin pa de lta yang nges pa yod pa ma yin te/ de yod pa la 'gal ba med pa'i phyir ro//lkog tu gyur pa'i rang bzhin can dag las mi dmigs pa'i nges pa'i gtan tshigs ma yin no/ /dran pa dang blo dang so sor rig pa dang bden pa dang nus pa thams cad la 'gyur ba yang ma yin no/ /de sgrub par byed pa'i yang dag pa'i man ngag gi khyad par 'dra bar yon tan gzhan sgrub par byed pa dag kyang yod par 'gyur ro//yod du zin kyang thams cad mthong bar nus pa yang ma yin no/ /de nyid kyi phyir ma mthong ba la bsnyon du med do/ /skyes bu rnams yon tan 'ga' zhig bskyed par 'dod pa la yang 'gal bar byed pa med do / /gnod par bya ba ma mthong bas gnod par bya ba dang gnod par byed pa ngo bo ma grub pa'i phyir ro//des ni thams cad mkhyen pa'i ye shes 'gog pa la sogs pa'i lan nges par brjod pa yin no/ /de la de sgrub par byed pa'i yang dag pa'i man ngag med pa can 'di ci 'dra ba gzhan dag kyang de lta bur gyur pa yin na/de lta bur gyur pa yang ma yin no zhes bya ba ni rigs pa yin gyi shes par byed pa ma mthong ba can ma yin no zhes bya ba yang ma yin te/ yod du zin kyang 'bras bu rtsom pa med pa srid pa'i phyir dang / rang bzhin gyis bskal pa rnams ni mthong bar mi nus pa nyid kyi phyir ro//de bas na 'don par byed pa yin pa'i phyir/ 'don par byed pa ni 'don par byed pa gzhan sngon du song ba can yin no zhes bya ba ni 'khrul pa yin te/ b+ha ra ta 'don par byed pa la yang yod pa'i phyir ro/ /rig byed kyi khyad par du byas pa'i phyir skyon med pa ma yin nam zhe na/ rig byed 'don par byed pa la phul du byung ba yang ci zhig yod na gang gis rnam pa gzhan gyis 'don par mi nus pa yin/mi mthun pa'i phyogs dang khyad par 'gal ba med pa 'di las gtan tshigs ldog par byed pa ma yin te/ 'gal ba med pa dag ni gcig la srid pa'i phyir ro//gal te da ltar rnams 'don par byed pa'i phyir ro zhe na/ de'i lan ni bshad zin to/ /gal te ma mthong ba'i phyir ro zhe na/ 'di la yang spangs zin to/ /ma mthong ba tsam yang med par go bar byed pa ma yin pa'i phyir 'khrul pa kho na yin no/ /de bas na khyad par phul du byung ba la brten pa ma yin pa'i phyir/ma bzung ba dang mtshungs pa yin no/ /gang cung zhig rig byed 'don par byed pa de thams cad ni rig byed 'don pa gzhan sngon du song ba can yin no zhes bya ba'i khyab pa yang 'grub pa ma yin te/ thams cad de lta bu'i ngo bor ma grub pa'i phyir ro//de'i rgyu mtshan ci 'dra ba mthong ba de ni de ltar yin no zhes bya bar 'gyur la/ khyad par mthong ba de dor zhing de'i rgyu mtshan can nyid kyis spyi smos pa ni bsreg za sgrub pa la rdzas sngon po dang 'dra bar 'khrul pa nyid yin no/ /'dis 'dod chags la sogs pa ni grub par byed pa la tshig la sogs pa dag gsal ba yin no//'don par byed pa 'di 'don par byed pa sngon du song ba can sgrub pa yin par yang bla ste/ rnam kun thog med grub 'gyur ba/ /de ltar skyes min rten can min/ /de'i phyir skyes bus ma byas nyid/ /gzhan yang mi min rten can 'gyur/ /skyes bu bdag nyid kyis brtags nas sam//gzhan las 'don par byed pa na/ /byed pa'i bya ba med pa can/ /de dag gi sgra rang nyid sgrogs par byed pa ma yin na gang gis na skyes bus ma byas par 'gyur/ gal te skyes bu rnams kyi thog ma nyid yod par 'gyur na/ /skyes bus ma byas pa la yang 'gyur ro//de'i tshe yang gzhan sngon du song ba can mi 'grub ste/ 'don par byed pa po med pa'i phyir ro/ /de'i dang po 'don par byed pa ni byed pa po nyid du 'gyur ro/ /de bas na 'di ni byis pa sa rdul gyi rtsed mo la sogs pa dang 'dra bar snga ma snga ma mthong bas 'jug pa yin pas na/ skyes bu'i tha snyad thog ma med can du 'gyur gyi/ skyes bus ma byas pa nyid ma yin no/ /thog ma med pa nyid kyi phyir skyes bus ma byas pa yin na ni/ da shin tu mang po skyes bus ma byas pa yin no/ /de ltar na/ kla klo la sogs tha snyad dang / /med par smra ba'i tshig rnams ni/ / thog med phyir na de bzhin 'gyur/ /sngon legs byas pa'i rgyun phyir ro/ /kla klo la sogs pa'i tha snyad ma bag mar len pa la sogs pa dang / 'dod pa'i dga' ston la sogs pa dang / med par smra ba'i tshig snga na med pa dang / 'jig rten pha rol la sogs pa la skur bar byed pa dag thog ma med pa can yin no//de dag ni gzhan gyis legs par ma bsgos na 'jug par mi 'gyur ro/ /bdag nyid kyis spobs pas bkod pa'i brda byed pa can dag kyang don ji ltar thos pa bzhin du rnam par rtog pas bsdus pa'i sgo nas 'jug pa'i phyir ro/ /de ni 'ga' zhig las cung zad 'ongs pa yin no zhes ston par byed pa gcig ni rgyun gyis med pa'i phyir/gzhan sngon du song ba can ma yin no zhes brjod de/ phal cher 'jig rten gyi tha snyad dag ji ltar mthong ba bzhin du 'jug pa can te/ yang dag pa log par 'jug pa can dag yin no/ /thog ma'i bskal pa pa rnams la mthong ba nyid med par tha snyad rnams la phyis 'jug par 'gyur bar 'dod pa ma yin nam ma yin te/legs par byas pa gzhan gyis bsgos pas de dag gis ni rkyen ji lta ba bzhin du rab tu sad pa'i phyir ro/ /gal te thams cad skyes bus ma byas pa nyid du 'gyur ro zhe na/ de 'dra'i skyes bus ma byas nyid//grub na'ang yon tan ci zhig 'gyur/ /rnam pa gang gis mi slu ba'i phyir/ skyes bus ma byas pa nyid du 'dod na de ni thog ma med pa nyid can du yin pa'i phyir/ slu bar byed pa la la dag la yang yod pas skyes bus ma byas pa nyid kyis ci zhig bya/ rig byed kyi ngag dag kho na skyes bus ma byas pa yin na yang /don ni 'dus byas khyad par rnams/ /mthong phyir the tshom dag kyang yin/ gal te skyes bus byas ma byas pa nyid yin yang de'i don gyis spobs pa so sor nges pa bskyed par 'gyur ba na yid ches par 'gyur ro/ /ji ltar 'dod pa bzhin du sgro 'dogs pa dang skur pa 'debs pa dag gis nges par brjod pa dang dpyod pa pa la sogs pa dag gis rig byed kyi ngag rnams tha dad par byed par mthong ngo //don de rnams de dag mi 'thad par 'gyur ba ma yin te/ don la 'jug pa brda gtso bo yin pa'i phyir dang / ngag gcig la yang rnam par rtog pa du ma srid pa'i phyir dang / rang bzhin dang rkyen rnams kyi don du mar brjod pa'i phyir dang / grogs su zin kyang gcig nyid du khas mi len pa'i phyir dang / ma grags pa'i mang ba nyid phyir dang / de'i don skyes bus bstan pa la rag lus pa'i phyir dang /des bstan pa ni de'i 'dod pa'i rjes su 'jug pa'i phyir/ rig byed kyi ngag gi don rnams nges pa kho na yin no/ /gzhan yang 'di skyes bus ma byas pa nyid du bsgrubs na yi ge rnams sam ngag sgrub par byed par 'gyur grang na/ de la/ yig rnams gzhan la khyad med phyir//sgrub par byed par 'bras cir 'gyur/ /'jig rten pa dang rig byed pa dag gi ngag gi yi ge tha dad pa ma yin no/ /tha dad na yang ngo shes pa la khyad par med pa'i phyir/ /de las gcig nyid ma grub par thal bar 'gyur ba'i phyir dang / khyad par rtogs pa med pa'i phyir dang /rig byed pa'i yi ge dag ma 'grub pa'i phyir dang / ngo shes pa las rtogs pa med pa'i thal bar 'gyur ba'i phyir dang / khas mi len pa'i phyir ro/ /de dag skyes bus ma byas pa nyid du bsgrubs pa na de thams cad la mtshungs pa'i phyir/ 'dis lhag pa ci zhig byas/de ltar tha snyad thams cad skyes bus ma byas pa yin na thams cad bden pa ma yin pa'i phyir/ yongs su ngal ba don med pa yin no// //bam po brgyad pa/ ci ste ngag rnams skyes bus ma byas par 'dod na ni/ ngag ni yi ge las tha dad/ /bar yod min te mi dmigs phyir//kho bo cag gi blo la lha sbyin la sogs pa'i tshig dang ngag rnams kyi yi ge da la sogs pa snang ba ma gtogs par yi ge gnyis pa snang ba dang 'dra bar/ snang ba gzhan ni ma mthong ngo / /'dzin pa la snang bar gyur pa med na gzung bar 'dod pa yod pa'am/gzhan zhes nges par nus pa ma yin te rnam pa gzhan bzhin no/ /gal te gzhan la mi srid pa can gyi 'bras bu go bar byed pa yin no zhe na/ yin na gal te yi ge yod pa de dag la yang 'bras bu de med par 'gyur ro/ /gal te tshig dang ngag gzhan la de dag khyad par med pa yin na yang /med pa'i phyir 'gyur ba ma yin no zhe na/ ma yin te/ de dag ni khyad par med pa ma grub pa'i phyir ro/ /gal te ngo shes pa las khyad par grub pa yin no zhe na/ ma yin te/ de ni 'khrul pa'i phyir dang / dpe med pa nyid kyi phyir ro/ /yi ge khyad par med pa yin na yang ngag gi khyad par las don rtogs pa'i khyad par ni 'bras bu'i khyad par yin par 'gyur la de yang ngag las 'gyur ro//de yang dbang po las 'das pa yin pa'i phyir gang las 'gyur/ thag nye ba tsam gyis bskyed pa yin na ma byang bar yang 'gyur ro/ /de bas ngag ces bya ba yi ge dag las don gzhan du gyur pa cung zhig kyang med na gang skyes bus ma byas pa nyid du bsgrub par 'gyur/de med pa'i phyir rig byed kyi khyad par du ma byas pa'i yi ge skyes bus ma byas pa nyid kyi phyogs dang po'i yang lan btab pa yin no/ /gzhan yang don gzhan du gyur pa'i ngag yod pa ni bla ste/ de yan lag du ma'i bdag nyid can nam/yan lag med pa can du 'gyur grang na/ yan lag du ma'i bdag nyid yin/ /de rnams tha dad don med nyid/ /gal te de'i yan lag de dag kyang du ma yin na/ tha dad pa'i rang bzhin don med pa can yin no/ /de dngos can min de dngos can/ / brtags pa seng ge nyid sogs bzhin/ /don dang ldan pa'i bdag nyid kho na ngag yin no/ /yan lag de dag kyang bdag nyid don med pa yin te/ de dag bdag nyid des rtogs pas sgro btags par 'gyur ro/ /bram ze'i khye'u la sogs pa la seng ge nyid la sogs pa'i dang 'dra ba yin pa'i phyir/skyes bus byas pa kho na yin no/ /ci ste gal te skyon der ma gyur cig snyam pas yan lag de dag so so don dang bcas par 'dod na/ re re don bcas nyid yin na'ang / /du ma nyid rtogs log pa yin/ /yan lag gcig ni rtogs pas kyang //ngag gi don dag rtogs par 'gyur / /don yongs su rdzogs pa can gyi sgra'i ngo bo ni ngag yin no/ /yan lag de dag kyang so so so sor de lta bu'i rnam pa yin pa'i phyir/ so so de dag ngag yin no/ /de ltar yan lag du ma can ni ngag ma yin no//yan lag gcig rtogs pas kyang ngag gi don rtogs pa'i phyir/ yan lag gzhan la ltos pa dang / /dus la sdod par mi 'gyur ro/ /cha shas med pa'i bdag nyid can de ni skad cig ma gcig gis rtogs pa'i phyir/ shes pa gcig skyes pa na ma lus par khong du chud pa'i phyir ro/de lta ma yin na gcig pa nyid 'gal ba'i phyir ro/ /thams cad cig car thos na yang / /dus kyi tha dad mi rung ngo / /yan lag gzhan la ltos pa med par yang yan lag gcig kho na la ngag gi don grub pa'i phyir/ ngag gi yan lag du ma nyid nyams par ma gyur cig snyam pas cig car yan lag thams cad thos par 'dod na/de'i tshe yang dus la sdod pa mi rigs pa kho na yin te/ yan lag gcig rtogs pa'i dus nyid na thams cad thos pa'i phyir ro/ /rim bzhin du thos pa yin na yang don tha dad pa dang ldan pa dag ni gcig nyid las de'i don grub pa'i phyir/gzhan ni don med pa can nyid du 'gyur ba'i phyir ro / /cig car thos na yang don tha dad pa dag la mthong ba'i nus pa med pa can dag gi don dang ldan pa nyid kyang mi 'grub po/ /gal te tshogs pa rnams kyi don mthong ba'i phyir skyon med do zhe na/ma yin te/ tha dad pa la yod pa ma yin pa'i ngo bo'i tshogs pa la yang mi srid pa'i phyir dang / don gzhan mi skye ba'i phyir ro/ /re zhig sgra skye bar smra ba la skyon 'di nyid yod pa ma yin te/ so sor nus pa med pa'i yan lag rnams kyang phan 'dogs pa'i khyad par las phul du byung ba dang ldan pa'i 'bras bu'i khyad par las nye bar sbyor ba'i phyir ro//yan lag re re nus pa yod pa yin na yang gzhan du rtogs pa don med par 'gyur ro/ /ci ste yang dag gcig kho na yan lag med pa can yin na/ de la/ gcig nyid ni yang tha dad med/ /go rims 'dzin pa mi srid phyir/ /dus tha dad nyid mi rung ngo / /gcig la ni go rims bzhin du rtogs pa mi rigs te/ gzung ba dang ma bzung ba dag tha dad pa med pas bzung ba dang ma gzung ba med pa'i phyir ro/ /rim bzhin du ngag rtogs pa yang mthong ste/ngag thams cad kyi tha snyad dang thos pa dang 'dren pa'i dus su mig tu mtshungs pa skad cig ma du ma can gyi go rims kyis yongs su rdzogs pa'i phyir ro/ /yi ge'i ngo bo la ma reg pa can dang blo gcig la snang ba can gyi sgra'i bdag nyid ni mi snang ba'i phyir te/yi ge'i go rims kyis rtogs pa'i phyir ro/ /de khyad par med pa yin na yang ngag gi khyad par go rims bzhin du byas pa nyid kyi phyir/ ngag go rims dang ldan pa rtogs pa yin no/ /yi ge'i go rims kyi phan btags pa la ltos pa med pa'i phyir dang / gang ji ltar yang rung ba de dag rab tu sbyar ba dag gis sam / yi ge med pa dag gis kyang ngag rtogs par 'gyur ro/ /go rims dang ldan pa de dag gis go rims med pa la phan 'dogs pa mi rung ba'i phyir dang / go rims med par rjod par mi nus pa nyid kyi phyir dang / rnam pa gzhan med pa'i phyir ro//ngag la yi ge dag yod pa nyid ma yin no/ /gal te sgra'i ngo bo gcig po de nyid ni gsal byed kyi go rims kyi dbang gis go rims dang ldan pa dang / yi ge'i rnam par dbye ba dang ldan par snang ngo zhe na/ gsal byed go rims dang ldan pas gsal bya go rims med pa spangs zin te/gsal ba dang gsal ba ma yin pa 'gal ba'i phyir ro/ /ngag yi ge dang cha med pa can yin na ma lus par thos pa med par ngag mnyan par mi 'gyur te/ gcig la cha med pa'i phyir ro/ /yang 'ga' zhig kyang cha med pa mnyan par mi 'gyur ro/ /yi ge ma lus pa legs par byas pa dang ldan pa'i blo tha mas ngag nges par gzung ngo zhes bya ba yang log pa yin te/yi ge'i ngo bo la ma reg pa de la 'ga' zhig kyang 'ga' zhig gi tshe rtogs pa med pa'i phyir dang / yi ge rnams kyang go rims med par rtogs pa med pa'i phyir gang las ngag ces bya ba go rims med pa blo gcig gis gzung bar bya ba yin/yi ge tha ma rtogs pa las phyis kyang sgra'i bdag nyid cha med pa gzhan nye bar rtogs pa ma yin te/ smra ba po bdag nyid 'dis kyang nges par byed pa ma yin no/ /gal te 'di ltar blo tha mal sgra cha shas rdzogs pa yan gar ba snang bar 'gyur na/legs par 'gyur ba de ltar na dge ba 'dod pas rmongs pa'i blo can rmi lam bzhin du spyod do/ /tshig dang ngag dran par gyur pa dag la yang yi ge'i go rims kyi khyad par nges par 'gyur ba ma yin no/ /blo go rims med pa can dag la snga phyi med pa'i phyir/des byas pa'i tshig dang ngag gi khyad par de dag khyad par med par 'gyur ro/ /yi ge'i go rims med pa can gyi sgra'i ngo bo gzhan ma mthong ngo zhes bshad zin to/ /yod na yang de mi rtag pa'am rtag par 'gyur grang na/ gal te mi rtag pa yin na ni/ rtsol ba las byung mi rtag na//de ci skyes bus byas pa min/ /mi rtag pa ni gdon mi za bar 'ga' zhig las skye ba dang ldan par 'gyur ro/ /de ldan par yod pa nyid glo bur ba yin na yul la sogs pa nges par mi 'gyur ro zhes bshad zin te / de yang 'bad rtsol gyis 'phangs pa byed pa'i yon tan dang bral ba ma yin pa can dag la mthong ba gzhan du ma mthong ngo //de ltar rgyu'i chos mthong ba'i skyes bu'i bya ba nyid ni rgyu yin pa de bas na skyes bus byas par 'gyur ro/ /rtag nyid yin na'ang rtag pa ni/ /dmigs 'gyur sgrib g.yogs med phyir ro/ /ci ste sgra'i ngo bo nyid de rtag pa dang dmigs pa'i rang bzhin can du 'gyur na de'i rang bzhin de ni 'ga' zhig gi tshe yang nyams pa med pa'i phyir rtag tu dmigs par 'gyur ro//gal te nus pa 'ga' zhig las kyang 'pho ba med pa de ltar na rtag par gyur te/ shes pa bskyed pa de'i nus pa bskyed pa bdag nyid can nyid yin pa'i phyir dang / don gzhan du gyur pa ni sngar bkag zin pa nyid kyi phyir ro/ /dmigs pa'i bdag nyid can de la yang dmigs pa'i sgrib g.yogs su gyur pa cung zad kyang yod pa ma yin te/ de yod du zin kyang de'i bdag nyid nyams pa med par nus pa zil gyis mnan par mi rung ba'i phyir ro/ /de la phul du byung ba bskyed par mi nus na ni cung zhig byed pa zhes bya ba ma yin no//cung zhig mi byed na yang ngag la sgrib par byed pa'am/ gzhan zhes bya ba de ni mang du dpyod zin to/ /bum pa la sogs pa dag la rtsig pa la sogs pa dag gis phul du byung ba skyed par byed pa'am nyams pa ci zhig byed na gang gis sgrib par 'dod ce na/de dag 'ga' zhig gi phul du byung ba byed pa yin par ni mi smra'i/ 'on kyang bum pa'i skad cig ma thams cad dbang po'i shes pa'i rgyu ma yin no/ /phan tshun 'dus pa yul dang dbang po dang snang ba rnams ni gcig la gcig gis khyad pa can gyi skad cig ma gzhan bskyed pa'i phyir rnam par shes pa'i rgyu yin te/phan gdags par bya ba ma yin pa'i ltos pa mi rung ba'i phyir ro/ /nus pa'i rang bzhin can rtag tu skyed par byed pa'am/ skyed par mi byed pa'am/ gzhan thams cad du 'gyur ro zhes bshad zin to//de dag kyang thogs par byed pa gzhan gyi bar ma chod par phan tshun du 'dogs par byed pa yin te/ bar du gcod pa med pa can gyi yul rung ba nyid kyi lhan cig byed pa can nyid kyis de dag phan tshun du phul du byung ba bskyed pa nyid kyi phyir ro/ /bar chad yod na ni rgyu med pa nus pa'i skad cig ma gzhan mi bskyed pa'i phyir/rnam par shes pa mi bskyed pa yin no/ /de bas na sngar byung ba'i nus pa 'gags pa'i phyir/ rtsig pa yod na gzhan skye bar 'dod pa rgyu med pas mi skye ba'i phyir rgyu dang bral bas shes pa mi skye ba de ltar na rtsig pa la sogs pa la sgrib g.yogs zhes bya'o//sngar rung ba la gegs byed pa'i phyir ni ma yin te/ de'i rang bzhin las ma 'phos pa'i phyir ro/ /yang na dngos po skad cig ma rnams phan tshun phan 'dogs pa yod du zin kyang / thams cad shes pa ma yin pas/ /rgyu dang rkyen gyi nus pa bsam gyis mi khyab pa nyid kyi phyir ro//de bas na gal te dbang po dang yul gyi bar na gnas pa'i sgrib g.yogs nges de la rnam par shes pa skyed par byed pa dang shin tu mi mthun pa'i bye brag gis phul du byung ba can du byed zin kyang / sgrib g.yogs kyi bye brag gis sgra la sogs pa mnyan pa gsal ba dang mi gsal ba mthong ba'i phyir ro//de lta ma yin na 'ga' zhig la yang thag nye ba yin du zin kyang cung zhig med pa thag nye ba ma yin pa dang mtshungs pa'i phyir/ 'di'i 'di zhes nye bar sbyar ba ni rnam par rtog pas sprul pa nyid yin gyi/dngos po la brten pa can ni ma yin no/ /sgro btags pa'i rjes su byed pa'i ngang tshul can ni don byed pa dag ma yin te/ bram ze'i khye'u la me nye bar btags pa las 'tshed pa'i phyir bsten pa ma yin pa lta bu'o/ /de bas na rtogs pa yod du zin kyang dngos po de yongs su gyur pa can ma yin pa dag ni rang bzhin ji lta ba bzhin du gnas pa nyid du 'gyur ro//de bas na sgrib g.yogs yod du zin kyang dbang po la sogs pa dag shes par byed par 'gyur na de lta yang ma yin no/ /de bas na des bya ba khyad par de ltar shes par 'gyur ro/ /de ltar sgra rtag pa rnams 'ga' zhig yod na yang phul du byung ba nyams pa med par 'gyur ro//de bas na gal te de rnams shes pa bskyed pa'i rang bzhin yin na/ thams cad thams cad kyi tshe rang gi yul gyi shes pa thams cad cig car bskyed par 'gyur ba'am/ 'ga' zhig 'ga' zhig gi tshe cung zhig kyang bskyed par mi 'gyur ro zhes bya ba de ni nges pa yin no//gal te lhan cig byed 'ga' dang / /bral nyid phyir na mnyan pa med/ /de ltar ni 'gyur na sgrib g.yogs las rtag tu sgra dag ma thos par ni ma yin mod kyi/ 'on kyang de dag rtogs pa las lhan cig byed pa nges pa cung zad ni yod do//de ni 'ga' zhig gi tshe 'ga' zhig tu 'gyur ro zhes de dag 'ga' zhig gi tshe 'ga' zhig tu de byas pa thos pa yin no zhe na/ de ltar gzhan ltos yin bla ste/ /nges pa dag ni 'gal ba yin/ /kho bo cag ni rgyu rnams ni lhan cig byed pa dag spong ba ma yin mod kyi/'on kyang rgyu rnams de'i skabs la phan 'dogs par byed la ltos pa kho na yin te/ de las rnyed pa'i phul du byung ba'i 'bras bu la nye bar sbyor ba'i phyir ro/ /de ltar na gal te sgra dag kyang 'ga' zhig la ltos nas 'bras bu byed par 'gyur na byed la rag go/ /snga ma'i rang bzhin nges pa zhes bya ba der mi 'gyur te/de ni 'phos pa'i phyir dang / ltos par bya ba las rang bzhin gzhan thos pa'i phyir ro/ /phan 'dogs pa ma yin pa ni ltos par bya bar 'gyur ba ma yin no zhes bya ba de ni bshad zin to/ /phan 'dogs par byed pa don gzhan nyid yin na/ de'i zhes 'brel pa med pa la sogs pa yang bshad zin to/ /de yang shes bya nyid ma yin te/ phan 'dogs pa nyid las shes pa skye ba'i phyir ro/ /de bas na sgra de dag ni dbang po dang phrad pa dang / bdag nyid dang / gzhan rnam par shes pa skyed par byed pa'i rten rang gi shes pa skyed par byed pa 'ga' zhig la ltos pa med pa yin te/de la thams cad cung zad kyang mi byed pa'i phyir ro/ /gzhan yang sgra de dag khyab par byed pa'am/ khyab par byed pa ma yin par 'gyur grang na/ gal te de dag khyab byed min/ /thams cad du ni dmigs mi 'gyur//yul gcig la gnas pa des stong pa'i yul la gnas pas ji ltar dmigs par 'gyur/ gal te ma phrad par 'dzin pa'i phyogs la skyon yod pa ma yin no zhe na/ ma yin te/ de la yang rdo khab len la sogs pa dang 'dra bar yul rung ba nyid la gnas pa khyad par can la ltos pa'i phyir ro//de ltar ma yin na thos pa gsal ba dang mi gsal ba'i khyad par du mi 'gyur ro/ /dmigs pa'i rkyen yod na yang yul thams cad la 'dra bar dmigs par 'gyur ro/ /de bas na khyab par byed pa ma yin pa ma yin no/ /gal te khyab na thams cad kyis/ /cig car dmigs pa dag tu 'gyur//sgra 'ga' zhig la yang med pa ma yin pa'i phyir/ thams cad yul thams cad na gnas pa dag gis cig car dmigs par 'gyur te/ dbang po rung ba can nyid yin pa'i phyir dang / yul thag nye ba nyid kyi phyir dang / gegs byed pa med pa'i phyir ro//'dus byas dmigs pa yin na yang / /'gyur med gang gis legs par byed/ /de ltar ni 'gyur na sgra thams cad yod du zin kyang / dmigs par 'gyur ba ma yin te/ 'dus byas pa legs par byas pa kho nas dmigs pa'i phyir ro zhe na/ de la 'dus byas pa ni dmigs pa ma yin te/bsgyur bar bya ba ma yin pa can ni 'dus byas par mi rung ba'i phyir ro/ /dbang po legs par byas gyur na/ /des kyang ma lus thos par gyur / /de la gal te legs par byas pas dmigs pa'i phyir dbang po legs par ma byas pas dmigs par mi 'gyur ro//gang gis dbang po legs par byas pa des sgra rnam pa thams cad cig car thos par 'gyur ba de ltar na thal bar 'gyur ba nyid ma log pa yin no/ /gal te legs byas khyad par las/ /tha dad phyir don gcig nges yin/ /sgra yi 'dus pa sna tshogs pa'i//ca co ji ltar thos par 'gyur/ /ci ste yang 'dus byas pa sgra dag la so sor nges par 'gyur ba yin te/ de la 'ga' zhig gis dbang po legs so legs par byas pa 'ga' zhig 'dzin par byed pa'i phyir/ sgra thams cad cig car thos pa ma yin no zhe na/ legs par byas pa'i khyad par las dbang po rnams kyis thos pa nges pa yin na sgra'i tshogs pa'i ca co thos par mi 'gyur ro/ /ca co zhes bya ba ni sgra gcig ma yin te/ rang bzhin tha dad pa can dag cig car thos pa'i phyir ro/ /tha dad pa rnam par gzhag pa yang rang bzhin tha dad pa la brten pa can nyid yin pa'i phyir ro//gal te 'jug pa myur ba'i phyir/ cig car thos pa 'khrul pa yin no zhe na/ gling bu la sogs pa'i sgra'i rgyun go bar byed pa'i yan lag 'dus pa las 'dres par gyur pa rtogs par 'gyur ro/ /'di 'gog par byed pa la yang 'og nas 'chad par 'gyur ro//de bas na dbang po ni gcig rtogs par nus pa so sor nges pa yin pa'i phyir/ ca co du ma'i bdag nyid can thos pa ma yin no/ /de la gal te sgra yan gar/ /thos 'gyur rjod byed dag ma yin/ /ca co la yi ge dang tshig dag ngag dag ni thos pa ma yin te/sgra tsam yan gar ba dag thos pa'i phyir ro/ /rjod par byed pa la dbang po so sor nges pa'i nus pa can yod pa'i sgra tsam dag la ni ma yin / de la/ sgra las tha dad yod do zhes / /'di la shin tu ches dad bya/ /kho bo cag gis ni sgra tsam dang rjod par byed pa'i sgra'i ngo bo tha dad pa ma mthong ngo //dus gcig gi tshe yi ge'i go rims thos pa na sgra'i bdag nyid gcig kho nar nges so/ /de bas na nges pa sngon du song ba can gyi tha snyad yongs su gcad pa med par ji ltar 'jug par 'gyur/ de bas na sgra'i khyad par 'di nyid yi ge la sogs pa zhes bya'o//gzhan yang / sgra gzhan dag ni gnas pa na/ /rjod byed ji ltar thos pa yin/ /'di las sgra tsam tha dad pa'i ngo bo dang lhan cig gam tha dad pa ni ma yin no/ /mngon sum gyi don la gzhan gyis bstan pa chen por gyur pa ma yin no/ /de bas na 'dis smra ba po gzhan dag 'dug par gyur pa na/sgra 'ga' zhig thos pa de'i dmigs pa'i rkyen dag de las gzhan pa sgrub pa la nus pa med pa nges par byed do/ /gal te nus pa dag tu 'gyur na de sgrub par byed pa de dmigs par 'gyur na/ de'i rang bzhin can nyid kyi rkyen dag gis ji ltar ca co don gzhan du gyur pa byed par 'gyur te/rgyu tha dad pa med pa la 'bras bu'i tha dad pa rigs pa ma yin no/ /de ni rgyu med pa can nyid du thal bar 'gyur ba'i phyir ro zhes bshad zin te / ca co la rjod par byed par ma thos pa ma yin te/ tshig dang ngag chod pa dag nye bar mtshon pa'i phyir ro/ /yang na nus pa nges pa'i phyir//tha dad sgras rtogs ji ltar 'gyur/ /dbang po nus pa so sor nges pa can de dag gis kyang sgra so so la nges pa'i sgra tsam ngo bo sna tshogs pa thos pa na sgra dag nyid ma yin te/ de ltar na sgra dag la de dag gis rgyab kyis phyogs pa yin / rjod par byed pa dag las tha dad par sgra tsam dag grub pa med do zhes bshad pa gang yin pa ji ltar na mi 'grub ste/tshig las don rtogs pa'i phyir ro/ /sgra tsam gyi cha shin tu chung ba las ni don rtogs pa ma yin zhing de gzhan dang 'dres pa yang ma yin no/ /de bas na sgra tsam gyi ngo bo ma lus pa can gyis bsgrub par bya ba rtogs pa 'di ni/sgra tsam cha ma lus pa can ma yin pa dag yod pa ma yin pa'i phyir/ sgra'i ngo bo go rims med pa can du yod pa can nyid grub pa dang / sgra tsam gyi cha go rims dang ldan pa can grub pa yin no zhe na/ de ni ma yin te/ go rims med pa can du ni yi ge go rims dang ldan pa las tha dad pa sngar bkag pa nyid kyi phyir dang /de ltar thal ches pa'i phyir ro/ /las kyi cha dag gi snga ma dang phyi ma la 'brel pa med pa'i phyir dang / cha gcig las rtogs par mi 'gyur ba'i phyir/ de las tha dad pa can gyi lag pa'i brda la sogs pa dag las kyi bdag nyid kyi ngo bo ma lus pa yang go bar byed pa'i rgyur sgra dang 'dra bar khas blang bar bya ba yin par 'gyur ro//bdag nyid ji lta ba bzhin du byed pa'i sbyor ba la yi ge'i cha'am las kyi cha tha dad pa go rims bzhin du 'byung ba can nyid yin na/ go rims bzhin du rnam par rtog pa'i yul dag gis brda ji lta ba bzhin du don rtogs pa skyed do zhes bya ba ni rigs pa dang ldan pa yin no/ /gzhan yang / nyes pa gang dang gang dag gis / /rjod byed min de'ang sgra tsam 'dod/ /sgra tsam dag gis gsal ba na/ /ji ltar rjod byed la de med//go rims su 'byung ba'i sgra tsam gyi cha dag gis gsal ba rjod par byed pas brjod pa yin no lo/ /de yang de dag gis cig car gsal bar byed pa ma yin te/ go rims yod pa'i phyir ro/ /cha gcig gis kyang ma yin te/ de las gzhan pa don med par thal ba'i phyir dang /yi ge cha gcig gi dus na ngo bo ma lus pa nye bar rig pa med pa'i phyir ro/ /de bas na dmigs pa tshogs shing tshang ba can ma yin pa 'dis sgra tsam dang 'dra bar dmigs pa tshang bas bsgrub par bya ba'i don ji ltar bsgrub par 'gyur/ shin tu dmigs su med pas yod pa dang med pa dag ni/dmigs pas bsgrub par bya ba'i don dag la khyad par ci zhig yod/ thag nye ba tsam gyis sgrub par byed pa yang ma yin te/ gsal ba la ltos pa'i phyir ro/ /yod pa dang med pa'i go rims bzhin du 'byung ba'i ngang tshul can de yang mtshungs pa nye bar sbyor ba'i phyir/sgra tsam dag gis bsgrub par nus pa ma yin na/ de la yang de ltar 'gyur ba de ltar na gzhan gyis ci zhig bya/ de bas na yi ge dang ngag ni skyes bu'i ma byas pa nyid ma yin no/ /gal te yi ge'i rim pa dag /yig rnam tha dad med phyir min//gal te don gzhan du gyur pa'i sgra'i ngo bo nyid kyi ngag ni skyes bus ma byas pa ma yin no/ /'o na ci zhe na/ kho bo cag gi yi ge'i go rims kyi mtshan nyid can ni ngag yin te/ de ni skyes bus ma byas pa nyid du bsgrub par bya ba yin zhe na/ ma yin te/ yi ge rnams kyi go rims dag las tha dad pa med pa'i phyir ro//'di ni yi ge dag la don gzhan ma yin te/ snang ba tha dad par dmigs par thal bar 'gyur ba'i phyir ro/ /mi snang na ni de las rtogs pa med pa'i phyir dang rtags med pa'i phyir ro/ /go rims tha dad pa dang ldan pa yang med na ni thams cad du yi ge tsam lus pa'i phyir snga ma bzhin du thal bar 'gyur ba yin no//de dag rnam par gzhag pa'ang med/ /go rims gzhan ni 'gal phyir ro/ /gal te yi ge rnams kyi go rims ma byas pa yin la/ de dag rigs mtshungs pa mang po dag ma yin na/ gang gis 'ga' zhig rnam par gnas pa'i go rims can du 'gyur zhing /gzhan dag ji ltar 'dod pa bzhin du gzhan du 'gyur ba can du 'gyur/ 'o na ci yin zhe na/ 'jig rten gsum na yi ge a gcig nyid dang de bzhin du yi ge yang ngo / /de'i tshe ag ni zhes bya ba nyid du 'gyur gyi/ ga g+ha na zhes bya ba ma yin te/ yi ge a dang ga dag ni snga phyi'i ngo bor rnam par gnas pa nyid kyi phyir ro//rgyu yongs su gyur pa las nges pa dang ldan pa'i byas pa dag gi yang go rims bzlog par bya bar nus pa ma yin te/ dper na sa bon dang myu gu dang lo ma la sogs pa dang dus dang lo la sogs pa lta bu'o/ /ma byas pa gnas skabs dang rang bzhin bskyod pa can rnam pa 'ga' zhig gis gnas pa dag kyang ci smos te/snga ma'i gnas skabs dor ba med pa rnam pa gzhan du mi 'gyur ba mi rung ba'i phyir ro/ /dor na yang 'jig par thal ba'i phyir ro/ /khyad par du go rims rtag pa'i yang ngo / /tshig so so yi ge gzhan nyid yin na snga na med pa 'byung ba'i phyir ram/yi ge mang po nyid kyi phyir de dang der 'gyur na de yang 'dod pa ma yin no/ /gzhan yang / khyab dang rtag par brjod pa'i phyir/ /yul dang dus kyi go rims med/ /yi ge rnams kyi go rims de yang yul gyis byas pa ste/dper na grog mo dag rgyu ba lta bu'o/ /dus kyis byas pa ste/ dper na sa bon dang myu gu la sogs par 'gyur grang na/ yi ge rnams la de rnam pa gnyi ga yod pa ma yin te/ khyab pa'i phyir dang rtag pa nyid kyi phyir ro/ /yul phan tshun spangs pas 'jug pa ni yul gyi snga phyir 'gyur ba yin na/thams cad thams cad la mtshungs pa nyid kyi phyir/ de ni yi ge rnams la yod pa ma yin te/ rlung dang nyin mo bzhin dang bdag la sogs pa bzhin no/ /de bzhin du dus phan tshun spangs nas 'jug pa ni dus kyi snga phyir 'gyur ba yin te/gang gi tshe gcig med pa de'i tshe gzhan yod pa'i phyir ro/ /de yang rtag pa la sogs pa la ma yin te/ thams cad kyi tshe thams cad yod pa'i phyir ro/ /rnam pa gzhan yod pa yang ma yin na yi ge'i snga phyir gyur pa'i ngag yin pa de ji ltar skyes bus ma byas par sgrub/mi rtag khyab byed ma yin pa'i/ /skyon yang sngar ni brjod pa yin/ /ci ste nyes pa der ma gyur cig snyam pas yi ge mi rtag pa dang khyab par byed pa ma yin par 'dod na/ phyogs de yang sngar gsal ba'i phyir lan ma yin no/ /gsal ba'i go rims kyang ngag min/ /rtag pa'i gsal ba gsal phyir ro//yi ge'i ngo bo'i go rims ni ngag ma yin no/ /'o na ci yin zhe na/ de dag gi gsal ba yin no/ /de ni bdag nyid ji lta ba bzhin du yi ge mngon par gsal ba'i rkyen gyi go rims las 'byung ba'i go rims dang ldan pa yin pa'i phyir ro/ /de'i go rims ngag yin no zhes bya ba yang log pa yin te/rtag pa dag gi de ni sngar bkag pa nyid kyi phyir ro/ /mngon sum du nus pa nye bas shes pa skyed par byed pa 'bras bu khyad par can nyid gsal ba yin no zhes de bshad pa yin no/ /byed pa rnams kyi bya nyid las/ /de grub phyir na 'bras nyid yin/ / gang kho na las ngo bo dmigs pa gang yin pa de la dmigs pa med na mi 'byung ba dmigs pa la brten nas 'jig rten pa dag 'bras bu nyid tha snyad 'dogs par byed do/ /de ni yi ge dag la yang yod de / de nyid kyang gzhan dag gi yang de'i rten yin par khyad par yod pa ma yin no/ /de bas na khas len pa'i rgyu mtshungs pa yin na ji ltar na yi ge 'bras bu dag ma yin/de dmigs pa'i rten can 'bras bu nyid kyi tha snyad ma yin no/ /'o na ci yin zhe na/ gang yod na 'gyur ba de ltar na yod pa nyid kyi rten can yin no/ /yod pa nyid de gang las grub na gang gis 'bras bu nyid du grub par 'gyur/'di ma grub pa ni de ltar mi 'gyur ro/ /de bas na yod pa nyid du grub na de grub par byed pa yin la de yang dmigs pa kho na yin no/ /de ltar ni bden na gal te de ni sngar yod pa nyid du grub par mi 'gyur te/ yod pa nyid du grub pa gang yin pa de ni ma grub pa sngon du song ba can yin no//de lta bur gyur pa'i rnam par shes pa ma chod pas nye bar sbyor ba can gyi ngo bo gang yin pa de ma grub pa nyid ma yin nam/ gal te de ni grub pa nyid yin mod kyi gzhan dang bral bas nye bar sbyor ba ma yin no zhe na/ da ni nye bar sbyor ba dang nye bar sbyor ba ma yin pa'i gnas skabs dag la ji ltar na tha dad pa med/ khyad par ni rang bzhin la mi reg pa'i ngang tshul can yang ma yin te/ phul du byung ba de nyid la nye bar sbyor ba grub pa'i phyir ro/ /de ni rgyu med pa nyid du thal bar 'gyur ba'i phyir ro/ /gang kho na yod na bsgrub byar gyur pa de ni de la nye bar sbyor ba can du rigs pa yin no/ /phul du byung ba de nye bar sbyor ba na yang 'di ni de dang 'dra ba'i thal bar 'gyur ro//nus pa bar du ma chod pas nye bar sbyor ba can gyi gnas skabs las tha dad pas de las gzhan pa nyid khyad par du byed do/ /phul du dbyung du med pa can gyi ltos pa yang sngar bkag zin to/ /de yang byed pa'i bya ba nyid las grub pa'i phyir/'bras bu thams cad dang chos mtshungs pa nyid can no/ /de 'dra ba de gsal ba yin na thams cad gsal bya'am/ cung zhig kyang ma yin te khyad par med pa'i phyir ro/ /de ltar na ni/ grub pa'i don la rang shes pas/ /gzhan blo'i rgyu ni gsal byed 'dod/ /dper na sgron bzhin gzhan du yang //byed po las 'di khyad par ci/ /bdag nyid rtogs pa'i sgo nas gzhan rtogs pa'i rgyu 'jig rten la sgron ma la sogs pa dang 'dra bar gsal byed du grags pa yin no/ /gal te de sngar grub par 'gyur te/ rigs mthun pa'i nye bar len pa'i skad cig ma grub pa'i phyir ro//phul du byung ba de nyid kyi shes pa'i rgyu ni de'i tshogs pa'i rkyen can nyid yin pa'i phyir ro/ /ma grub pa dmigs pa gang yin pa de dag kyang byed pa po yin te/ bum pa la sogs pa'i rdza mkhan la sogs pa lta bu'o/ /ngo shes pa la sogs pa'i grub pa'i rgyu dag gis kyang rgyu'i mtshan nyid gso bar byed pa ma yin no//gang cung zad phyis yi ge a rtogs pa ni snga ma dang tha dad pa med pa yul can yin te/ yi ge a rtogs pa'i phyir de 'dra'o zhes bya ba la sogs pa lta bu'o/ /des kyang rang gi mtshan nyid tha dad pa med par sgrub par nus pa ma yin te/de'i rang bzhin ma grub pa'i phyir ro/ /spyi brjod na tha dad pa med pa'i yul can la yang 'gal ba med do/ /yul gcig rtogs pa yang snga ma dang phyi ma'i ngo bo mi rung ba'i phyir ro/ /rgyu thag nye ba can dang rgyu thag nye ba can ma yin pa nyid kyis bskyed pa dang mi bskyed pa nyid kyi phyir ro//thag nye ba yin du zin kyang mi skye ba ni de'i rgyu can ma yin pa nyid kyi phyir ro/ / de dag ni rgyu ma lus pa tha dad pa can nyid yin no/ /de la gcig tha dad pa med du zin kyang nus pa na ltos pa med pa'i phyir ro/ /snga phyi'i rtogs pa dag ni yul gcig pa nyid du rigs pa dang 'gal lo//rtogs pa'i snang ba dang rang bzhin tha dad pa yang mi mtshungs pa'i phyir yul gcig pa ma yin te / bum pa la sogs pa dag la yang bral bar 'gyur ba'i phyir ro/ /gal te de las mthong ba dang 'gal ba'i phyir sgrub par byed pa nyid ma yin no zhe na/'di la yang 'gal ba med pa gang gis grub/ ji srid de skad du brjod pa don tha dad pa med pas khyab par ma bsgrubs pa de srid du ldog pa la the tshom za ba yin no/ /gang gi tshe byed pa so so tha dad pas kyang sgra tha dad pa'i rang bzhin can mnyan pa la snang ba na gcig sgrub par byed na ci'i phyir bum pa la sogs pa ma yin/de la yang gsal byed tha dad pa las snang ba tha dad do zhes lan btab par nus pa kho na yin na / gzhan yang / byed pa rnams kyi tshogs pa yi/ /bya ba yis ni nges pa yang / /dmigs phyir 'bras bu nyid yin te/ / gsal byed de la mi srid phyir/ /'ga' zhig gi tshe yang byed pa'i bya ba rnams la sgra ma dmigs pa ni yod pa yin/ gdon mi za bar gsal byed kyi bya bas don la dmigs par byed pa dag ma yin te/ 'ga' zhig na gsal byed yod du zin kyang bum pa mi dmigs pa'i phyir ro/ /de'i bya ba las sgra nges par dmigs pa des de byung bar 'gyur ro//byed pa po ma yin pa'i bya ba de yod na yang de grub pa mi rung ba'i phyir ro/ /gal te khyab pa dang rtag pa nyid kyi phyir dmigs pa yin no zhe na/ da ni bum pa la sogs pa dag la nges pa ci yod/ gal te de dag de ltar mi 'dod do zhe na/ de dang chos mthun pa nyid can gyi sgra ci'i phyir 'dod//'di la phul du byung ba cung zhig kyang med do zhes bshad zin to/ /khyab par byed pa dang rtag pa nyid kyang bkag zin to/ /bum pa la sogs pa dag la gsal byed kyi khyad par yod pa'i phyir/ skyon yod pa ma yin te/ de dag gi gsal byed grags pa dang / rdza mkhan la sogs pa dag gsal byed nyid yin na/ de 'dra ba nyid du 'gyur ba na khyad par du byas par 'gyur ba gsal byed kyi khyad par de las byed pa po yin te/ phan 'dogs pa byed pa la rnam pa gzhan med pa'i phyir ro/ /de dang de ni sgra dag la yang mtshungs so/ /de la yang dbang po dang yul rung ba la sogs pa dag las byed pa rnams phul du byung ba'i phyir ro//byed pa dag la yang bum pa la sogs pa'i byed pa po'i chos kyang mthong ba'i phyir ro/ /sgron ma la sogs pa de nyid dang yul gzhan 'ga' zhig la gsal byed gzhan med pa'i phyir de dag gi rgyu dag kyang de dag gsal byed du 'gyur ro//de bas na sgra gsal ba ma yin no/ /'gyur na yang byed pa dag las sgra phul du byung ba dang ldan pa'am/ sgrib par byed pa dang bral ba'am/ rnam par shes pa gsal ba yin te/ rnam pa gzhan med pa'i phyir ro/ /de la phul du byung ba bskyed pa ni ma yin te/ mi rtag pa nyid du thal bar 'gyur ba'i phyir ro/ /de ni ngo bo snga ma dang phyi ma nyams pa dang skye ba'i mtshan nyid can yin pa'i phyir ro/ /ci ste/ gal te khyed kyi de ngo bo'i/ /sgrib byed bral ba gsal yin na'ang / /ci phyir med pa la med pa'i/ /tshogs kyi nus pa de rung 'gyur/ /sgrib par byed pa cung zhig kyang mi byed pa nus pa zhes bya ba med do//bral ba yang med pa yin la med pa yang 'bras bu ma yin no zhes brjod zin to/ /sgra rtag pa'i sgrib par byed pa yang cung zad kyang med pa'i phyir ro zhes bya ba yang bshad zin to/ /de bas na sgrib par byed pa la byed pa dag nye bar dgod par bya ba yin no//de dag ni nus pa med pa ma yin te/ de dag gi bya ba med par sgra mi dmigs pa'i phyir ro/ /de bas na de dag gis sgra'i ngo bo yin pa byed par rigs pa yin no/ /de lta ma yin na / sgra dang khyad par med pa'i phyir/ /gzhan dag kyang gsal thob par 'gyur//de bzhin du ni khas len na/ /rgyu rnams kun ni don med nyid/ /gal te rgyu thams cad dang chos mthun pa can gyi byed pa gsal byed pa dag gis kyang / da ni 'bras bu cung zhig kyang byed par mi 'gyur na de yang rigs pa ma yin no/ /dngos po ni bya ba ma yin pa khyad par can nyid yin pa'i phyir ro//sgrib par byed pa med pa ni 'bras bu nyid ma yin pa'i phyir ro/ /de'i shes pa yang dngos po dang 'dra bar grub pa nyid kyi phyir ro/ /shes pa la 'ga' zhig byed pa por 'dod na de lta bur gyur pa gzhan dag la yang de ltar 'gyur bar thal ba'i sgo nas thams cad 'bras bu nyid du thal bar 'gyur ba'i phyir ro//de bas na don gyi tshogs byed pa por mngon par 'dod pa 'di gsal ba la ma yin zhing bya ba la ma yin pa'i phyir/ don med pa nyid du 'gyur ro/ /de ltar na phan gdags par bya ba dang phan 'dogs par byed pa can ma yin pa'i 'gro ba 'di byed pa med par 'gyur ro//sgra rtag pa nyid yin na yang ngo / /ngo shes pa dang yong sbyor sogs/ /gang yin sgrub byed 'dod na ni/ /dpe med can yin dngos kun ni/ /skad cig gis ni 'jig phyir ro/ /dngos po thams cad ni 'jig pa'i rgyu med pa nyid kyi phyir/ skad cig mas 'jig pa yin no//zhes bshad cing 'chad par yang 'gyur ro/ /gzhan las skye ba can yang yin te/ yod pa nyid ni glo bur ba nyid du mi rung ba'i phyir ro/ /de bas na ngo shes pa dang yod par sbyor ba la sogs pa 'di'i ni brtan pa'i ngo bo gcig pa can 'ga' zhig la 'jug pa ma yin no//sgron ma la sogs pa rang bzhin gzhan dang gzhan du gyur pa can dag la mthong ba'i phyir 'gal ba nyid yin no/ /ma yin te/ skye ba tha dad pa med pa can ni chos mthun pa nyid can du rnam par 'khrul pas sgron ma la sogs pa dag la yod pa'i phyir ro/ / skye ba tha dad ces bya ba gang la brten nas brjod pa yin/ tha dad pa med pa de ni thams cad la snga phyir dpyad par bya ba nyid yin pa'i phyir ro/ /gal te de bzhin du tha dad pa yang yin no zhe na/ de nyid kyis the tshom yin pa'am bla ste/ the tshom las grub pa ni ma yin no/ /gal te tha dad par mthong ba med pa'i phyir/gcig yin no zhe na/ ma yin te/ shes pa snga phyis yod pa dang med pa nyid du grub pa'i phyir/ rang bzhin tha dad pa srid pa'i phyir ro/ /gal te phyis 'byung ba'i shes pa sngar rgyu thag nye ba can dag yin na shes pa snga ma dang 'dra bar skye ba nyid du 'gyur la/mi skye na ni rgyu dang bral ba nyid ston par byed nus pa skyed par byed pa'i phyir ro/ /nus pa med na yang phyis kyang nus pa dang mi ldan pa'i phyir dang / ldan pa nyid yin na ni mi brtan pa nyid kyi phyir ro/ /de bas na yod pa'i sbyor ba 'di yin pa de ltar na yang sbyor ba po'i nus pas bskyed pa nyid yin te/bdag nyid kyi nus pa la de ni nye bar sbyor ba med pa nyid kyi phyir ro/ /sbyor ba zhes bya ba yang rigs mthun pa'i nye bar len pa ltos pa can nam/ ltos pa med pa can 'dod pa sgrub par byed pa la nus pa bskyed pa nyid yin par brjod de/ ste'u la sogs pa'i sbyor ba sbyor ba bzhin dang / las la sogs pa'i sbyor ba bzhin no/ /mngon sum du gyur pa ngo shes pa ni mngon sum nyid yin te/ mngon sum de las brtan pa grub pa yin no snyam du sems pa gang yin pa de yang 'og nas dgag par bya'o/ /rtags ngan gzhan yang sun dbyung bya/ /gang chos 'ga' zhig kyang rigs mthun pa'i rjes su 'gro ba med de/chos thams cad de'i gnas skabs can nyid yin pa'i phyir ro/ /brten par dam bcas pa thams cad kyang ji skad du brjod pa'i rigs pa dang 'gal ba'i phyir ro/ /rtag pa'i gtan tshigs gzhan dag kyang skyon can du brjod par bya'o/ /blo ni skyes bu'i rten can min//khas blangs mngon sum grags pa dang / /rjes su dpag pas cig car gnod/ /gal te gsal ba blo yin na ni de'i go rims ngag yin la/ de skyes bus ma byas pa nyid du sgrub par byed na blo rnams ni skyes bu'i yon tan nyid du khas blangs pas 'di'i grub pa'i mtha' la gnod par 'gyur ro//blo 'di'i ni skyes bur 'grang ba can dang / skyes bu'i yon tan yid la byed pa la sogs pa dag las 'gyur ro/ /zhes bya ba gang yin pa de yang mngon sum yin no/ /yod pa dang med pa'i khyad par las 'bras bu zhes bya ba gzhan med de/yod pa de yang mngon sum yin zhing mi dmigs pa'i mtshan nyid can gyi med pa yang mngon sum gyi stobs kyis grub pa yin no/ /zhes 'chad par 'gyur ro/ /de nyid kyi phyir blo rnams ni skyes bu'i 'bras bu nyid du rjes su dpag par bya ste/ 'di ni rjes su 'gro ba dang ldog pa'i rtags can nyid yin pa'i phyir ro//gzhan yang / yi ge rnams las tha dad pa'i/ /go rims kyang gsal dpyad zin to/ /de rtog sgro btags yin gyur na/ /ji ltar skyes min rten can yin/ /yi ge las tha dad pa can gyi go rims ni gsal ba rnam par dpyad pa'i go rims kyis lan btab zin to//de yang yi ge'i rang bzhin can ma yin no/ /dngos po'i rang bzhin ni rnam par rtog pa de las ma 'das pa'i phyir ro/ /de bas na de'i ngo bo can ma yin pa dag la de'i ngo bor sgro btags par snang ba can gyi blo'i go rims 'di zhes 'khrul par 'gyur na/ gang yang ji ltar na skyes bus ma byas pa yin te/ blo'i sgrub par so sor 'jog pa'i phyir ro/ /gzhan yang gtan du ba'i rang bzhin 'ga' zhig kyang med pa'i phyir/ sgra yod pa la gtan du ba ma yin par 'gyur ro/ /de yang rgyu med pa can nam gzhan gyi rgyu can yin par 'gyur grang na/ brtag par 'gyur ba dang skyes bu'i byed pa las ma yin no/ /de bas na skyes bus byas pa yin no/ /sgra'am dngos po gtan du ba ma yin no zhes bya ba 'di ji ltar rtogs par 'gyur zhe na/ 'jig pa yod tsam 'brel pa can/ /nyid phyir sgra ni mi rtag nyid/ /dngos po rnams kyi 'jig pa ni 'ga' zhig las kyang 'gyur ba ma yin no//de bas na dngos po'i rang bzhin gyis 'gyur te/ dngos po nyid ni rang gi rgyu las de'i chos can du 'byung ba'i phyir ro/ /dngos po'i khyad par gyi rang bzhin yang ma yin te/ de ni 'gog par 'gyur ba nyid kyi phyir ro/ /de bas ni dngos po tsam gyi rang bzhin gyis 'gyur ro//de bas na sgra'am gzhan yod pa nyid bsten pa'i dngos po thams cad ni gtan du ba ma yin no zhes bya bar grub po/ /grub pa ma yin te/ 'jig pa nyid kyi gzhan las skye ba med pa ma grub pa'i phyir ro/ /de ltar na mes shing dang dbyug pas bum pa zhes bya ba 'jig pa'i rgyu dag dngos po rnams la snang zhing /rgyu dang de dang ldan pa'i mtshan nyid ni rjes su 'gro ba dang ldog pa'i rjes su byed pa yin par smra'o/ /ma yin te/ snga ma rang gi ngang gis 'gog pa na/ /khyad par can gyi rkyen la brten nas mi 'dra ba gzhan skye ba'i phyir ro/ /me shing 'jig pa'i rgyu yin pa ni bla ste/ me las skye ba can gyi 'jig pa de ci shing nyid dam 'on te don gzhan du gyur pa yin na/ me las don gzhan gyur pa dag /skye na 'jig pa med pa'i phyir/ /shing ni mthong ba nyid du 'gyur/ /ci'i phyir don gzhan du gyur pa las don gzhan du gyur pa skye ba yin na/ shing 'jig pa'am mi snang ba zhes bya ba de ltar na shin tu thal bar 'gyur ro//gal te de yi 'jig yin zhes/ /gal te don de nyid me las skye ba can gyi shing med pa yin pa de bas na 'di 'jig pa nyid kyi phyir mi snang ba yin no zhe na/ de'i med pa zhes bya ba 'di yin pa ni bla ste/ de ltar na yang / ji ltar gzhan ni gzhan 'jig yin/don 'ga' zhig la ming du byas pa tsam gyis shing mi snang ngo zhes bya ba rigs pa ma yin no/ /gzhan ni gzhan gyi 'jig pa yang ma yin te/ thal ches pa'i phyir dang / don gzhan du gyur pa nyid kyis dngos por gyur pa de ni de las gzhan pa dag la yang khyad par med pa'i phyir ro/ / gal te shing la mes byas pa'i rang bzhin gyi 'jig pa yin gyi thams cad la ni ma yin no zhe na/ shing la zhes bya ba'i 'brel pa gang yin/ gal te rten dang brten pa'i ngo bo yin no zhe na/ ma yin te/ de dag ni dgag par bya ba nyid yin pa'i phyir ro/ /gal te bskyed par bya ba dang skyed par byed pa'i dngos po yin no zhe na/me la zhes bya bas ci zhig bya/ shing nyid las byung ba'i phyir ro/ /gal te de me las ltos pa can las skye ba'i phyir skyon med do zhe na/ phul du byung ba thob pa med pa can la ltos su ci yod/ thob na yang shing gzhan skye bar 'gyur ro//'pho ba'i rgyu med pa can snga ma yang de kho na bzhin du mthong bar 'gyur ro/ /gal te me de nyid las snga ma 'jig pa yin no zhe na/ snga ma dang 'di'i 'brel pa gang yin/ de ltar na thal bar 'gyur ba de nyid dang thug pa med par 'gyur ro/ /de bas na gdon mi za bar 'jig pa dang 'brel par rung ba phyis phul du byung ba nye bar byed pas mes snga na med pa bskyed pa'i phyir/snga ma'i gnas skabs can de snang bar 'gyur ro/ /shing 'jig pa zhes bya ba yang shing med pa nyid brjod pa yin la/ med pa ni 'bras bu yang ma yin no/ /de byed pa yang byed pa po nyid ma yin pa'i phyir ltos par bya ba ma yin no//zhes bya ba yang bshad zin to/ /rang gi ngo bo med pa de las tha dad pa yin na/ de las bzlog pa'i dngos po'i ngo bo nyid bsgrub par 'gyur ba'i phyir ji ltar zhig pa zhes bya/ de bas na gzhan ni gzhan gyi 'jig pa ma yin no/ /bla ste ci phyir shing mi snang //don gzhan 'byung ba dang shing mthong ba 'di la 'gal ba ci yod// //bam po dgu pa/ gal te de gzung phyir na'ang min/ /gang phyir des na sgrib byed med/ /gal te don gzhan des yongs su gzung ba'i phyir/ shing mi snang ba yin na de ni shing la sgrib par byed do zhes bya bar 'thob na/de yang rigs pa ma yin no/ /sgrib par byed pa ni mthong ba'i gegs byed par 'gyur gyi/ thogs par byed pa la sogs pa rdzas kyi nus pa dag la ni ma yin no/ /thams cad la gegs byed pa yin na yang de 'di nyid kyis nus pa thams cad nyams pa'i phyir/rdzas 'jig par 'gyur ba ma yin nam/ de la yang me dang 'dra bar thal ba dang / thug pa med par 'gyur ro/ /'di'i thogs par byed pa'i nus pa la sogs pa nyams pa med pa dag gzhan yod pa des ci zhig 'jig par 'gyur/ gal te me las byung ba can gyi 'jig pa zhes bya bas don gyis yongs su gzung ba'i phyir/shing ma mthong ba yin na ni/ /skye phyir 'jig pa'i 'jig can 'gyur/ /de phyir shing yang mthong bar 'gyur/ gdon mi za bar skye ba dang ldan pa ni 'jig pa'i sgo nas 'jig par 'gyur ba yin no/ /'jig pa de las kyang shing la sogs pa skye bar 'gyur ro//gal te gsod byed bsad pa na/ /dper na nag pa yang srin min/ /'di yang de bzhin yin zhe na/ /gsod byed bsad med phyir ma yin/ /gal te 'jig pa zhig pa yin du zin kyang dngos po phyir thob pa ma yin te/ gsod par byed pa bsad du zin kyang des bsad pa'i phyir skye ba ma yin no zhe na/ma yin te/ gsod par byed pa ni de gsod pa'i byed pa'i rgyu nyid yin pa'i phyir ro/ /'jig pa'i rgyu med pa dang dbyug pa la sogs pa la log pa na/ dngos por 'gyur ro zhes ni mi smra'o/ /'o na ci yin zhe na/ shin tu dmigs su med pa'i mtshan nyid can gyi dngos po med pa de log pa na rang bzhin gnas pa las rnam pa gzhan ci yod/ nag pa'i gsod par byed pa 'jig pa dang mtshungs pa ma yin no/ /'o na ci yin zhe na/ dbyug pa la sogs pa dang mtshungs pa yin no/ /'jig pa 'dra ba ni 'di bsad pa yin la/de log pa na 'di yang 'byung ba nyid du 'gyur ro/ /'jig pa gzhan nyid ma yin na'ang / /shing nyid 'jig pa nyid du 'gyur/ /de yod nyid phyir rgyu can min/ /'di las gzhan pa'i rnam pa'ang med/ /shing las 'jig pa don gzhan du 'gyur ba nyid ma yin na de nyid der 'gyur ro//de yang sngar yod pa nyid kyi phyir/ 'di la me la sogs pa'i nus pa ci zhig bya/ de bas na de la phan 'dogs pa'i phyir des rnam pa 'ga' zhig gis kyang ltos par 'gyur ba med do/ /'di'i 'di zhes bya ba'i 'grel pa rigs pa ma yin te/ de ni phan 'dogs par byed pa'i rgyu can nyid yin pa'i phyir ro//de lta ma yin na thal ches pa'i phyir ro/ /brgyud pas phan 'dogs par byed pa yin na yang / ci phan 'dogs par byed pa don gzhan du gyur pa'am/ 'on te de nyid yin no zhes gdon mi za bar rnam par rtog pa 'di 'jug pa yin no/ /de las don gzhan du gyur pa nyid yin pa dang /de gzhan ma yin pa nyid ma yin na yang de'i zhes bya ba phan 'dogs par byed pa nyid la sogs pa yang de'i gnas skabs kyis brgal zhing brtag pa yin no/ /de bas na yod pa nyid kyi ngo bo ni de nyid dang gzhan nyid las ma 'das pa'i phyir dang / phan 'dogs pa skyed par byed pa'i ngo bo sgrub par byed pa'i mtshan nyid can nyid yin pa'i phyir de dang de ma yin pa byed pa dang bral ba byed pa po ma yin pas na 'ga' zhig gi rgyu ma yin zhing /rgyu ma yin pa la yang ltos par bya ba ma yin no/ /de bas na dngos po 'di'i bdag nyid de'i rang bzhin yin no zhes bya bar grub po//gal te'ang 'jig rgyu med can yin/ /rtag nyid phyir na dngos 'jig dag /lhan cig 'byung bar thal bar 'gyur/ /gang las me nyid rtag nyid yin/ /de ltar ni 'gyur na gang gis 'jig pa rgyu med pa can yin na yang de gdon mi za bar rtag pa yin pas na dngos po dang 'jig pa de med pa'i mtshan nyid can dag lhan cig 'byung bar 'gyur ro zhe na/ma yin te/ de la rtag pa dang mi rtag pa'i chos mi rung ba'i phyir ro/ /med pa la rnam par rtog pa 'di ni yod pa ma yin te/ de dag ni dngos po'i chos nyid yin pa'i phyir/ 'jig pa ni ci yang ma yin pa nyid kyi phyir ro//'byung ba ni 'ga' zhig dang lhan cig 'byung bar 'gyur zhing / 'jig pa ni mi 'gyur ba de bas na skyon yod pa ma yin no/ /med la dngos 'jig med nyid kyi/ /thal bar 'gyur ba'ang mi rung ste/ /gang phyir dngos po 'jig pa yis / /'jig pa dag ni mi 'dod do//ji ltar na med pa'i 'jig pas dngos po 'jig par 'gyur/ /de bas na dngos po 'jig pa can du mi 'gyur ro/ /zhes bya ba yang thal bar 'gyur ba nyid ma yin te/ 'jig pa las dngos po zhig pa khas mi len pa'i phyir ro/ /'jig pa zhes bya ba cung zhig kyang med do zhes smra ba gang yin pa de ji ltar de las dngos po zhig par 'dod/da ni 'jig pa med pa yin na ji ltar dngos po 'jig pa zhes bya/ da ltar byung ba'i gnas skabs 'jig pa med pa can 'jig par mi 'gyur / gang zhig gang gis de dang ldan pa ma yin pa de des de ltar tha snyad 'dogs pa 'am/ shes pa ma yin te/dper na rta la rwas tha snyad mi 'dogs pa bzhin no/ /'jig pa med pa nyid ma yin mod kyi dngos po'i 'gyur ba gang yin pa de ni yod pa ma yin te/ dngos po'i skad cig mar gnas pa'i chos can 'jig pa yin no/ /'di'i rang bzhin de dus phyis 'di 'jig par 'gyur ba zhes nges par byas nas ji ltar shes pa bzhin du tha snyad 'dogs par byed do//zhes bya ba ni bshad zin to/ /dngos po cung zhig kyang 'ga' zhig gi tshe yang 'gyur ba ma yin no/ /'on kyang de nyid rang gi rgyu dag las de lta bur 'jig pa dag tu 'gyur ro/ /de bas yod pa nyid 'ga' zhig gis kyang de zhig pa ma yin no//'o na ci yin zhe na/ de'i rang bzhin nyid yin pa zhes bya'o/ /'o na da ji ltar na 'jig pa rgyu med pa can du 'gyur ro zhes brjod ce na/ dngos 'jig gzhan la ltos med phyir/ /de shes phyir na sems kyis ni/ /de yi tha snyad sgro btags nas//gnas skabs de rgyu med can bshad/ /dngos po skyes pa gzhan las 'jig pa thob pa ma yin no / /de lta bur gyur pa nyid rang nyid skyes pa'i phyir ro/ /de ltar na gzhan la ltos pa'i chos gzhan dgag pa'i phyir dang / de'i rang bzhin shes pa'i phyir/ /sems kyis chos can las chos don gzhan du gyur pa bzhin du rnam par phye nas/de tsam shes par 'dod pa'i tshe rang bzhin nyid la de skad brjod do/ /'ga' zhig tu de ltar mthong ba las sgra tsam nyid kyis 'khrul pa'i blo dman pa dag gis de dang de 'jig pa'i yon tan dang de'i yod pa dang rgyu dang bcas pa can yin nam/rgyu med pa can du sgro btags nas de kho na nyid la gnas pa med pa can gyis dngos po dpyod pas bdag nyid 'khrug par byed do/ /gal te med par rang nyid kyis/ /yod na'ang rnam rtog 'di mtshungs so/ /gzhan las 'byung ba nyid ma yin du zin kyang / dngos po'i 'jig pa rang gi ngo bo nyid kyis yod pa yin na/ de nyid dang gzhan nyid du rnam par rtog pa 'di mtshungs pa ma yin nam/ de'i tshe yang don gzhan 'byung ba na dngos po ci'i phyir mi snang / de na gzhan nyid ma yin na yang de nyid de yin par 'gyur ro/ /de bas na 'di'i skye ba cung zad kyang med pa de ltar na ji ltar 'jig pa zhes bya ba yin/'di de'i cung zad 'gyur ba med/ /'on kyang 'gyur ba med pa nyid/ /ces bshad pa ma yin nam/ 'di ni dngos po'i 'jig pa'am/ gzhan 'ga' zhig tu 'gyur ro/ /zhes ni mi smra'o/ /'o na ci zhe na/ de nyid dngos por 'gyur ba ma yin te/gal te 'ga' zhig dngos por brjod na 'dis dngos po ldog par mi 'gyur ro/ /de ltar na dngos po ldog pa'i skabs su skabs ma yin pa nyid bshad par 'gyur ro/ /'ga' zhig 'byung bas dngos po 'jig pa zhes bya ba ma yin la/ gang gi tshe bdag nyid yod pa med pa de'i tshe 'jig pa zhes bya ba yin no//yod pa med pa zhes bya ba de ni med par dgag pa yin gyi ma yin par dgag pa ni ma yin no/ /'di la yang 'ga' zhig bsgrubs na med pa dang ma yin par dgag pa dag gi ngo bo tha dad pa med par 'gyur te/ gnyi ga la yang sgrub pa gtso bo yin pa'i phyir ro/ /de ltar na 'ga' zhig kyang dgag pa med pa'i phyir/'ga' zhig tu yang ma yin par dgag par yang mi 'gyur ro/ /gal te 'ga' zhig las ldog par 'gyur ba de'i tshe/ de las bzlog pa de ma yin par dgag pa la reg par 'gyur na yang yod pa ma yin no/ /thams cad du log par 'gyur ro zhes bshad pa na dngos po 'ga' zhig rtogs pa'i phyir ro//de ltar 'di ni don gzhan yod pa nyid bstan par 'gyur ro/ /de dag ni phan tshun tha dad pa med do/ /tha dad pa med na yang ma yin no/ /de ltar log pa med pa'i phyir rjes su 'gro bar yang mi 'gyur te/ de ni gcig gi rang bzhin la gnas pa'i mtshan nyid can yin pa'i phyir ro//gnas pa de yang de las gzhan ldog pa na yod par 'gyur ro/ /de yang yod pa ma yin pa'i phyir 'gro ba'i 'jug pa dang ldog pa med pa can du 'gyur ro/ /de bas na gang 'jig par 'gyur ro zhes brjod pas de bdag nyid yod pa med do zhes bshad par 'gyur ro/ /sgra mtshungs pa'i phyir yul gzhan la mthong ba'i bya ba thams cad la sbyar bar rigs pa ma yin te/bong bu zhes ming du byas las mi la bong bu'i chos kyang sbyar bar bya ba ma yin no/ /de ltar na nag pa'i bu zhes bya ba 'di la mthong ba'i bya ba 'jig pa la'ang sbyar bar bya ba ma yin te 'gal ba'i phyir ro/ /de skad du brjod pa'i dgongs pa yang bstan zin to//de'i phyir/ yod la rnam rtog der 'gyur te/ /bya ba dngos dang 'brel phyir ro/ /yod pa ni gdon mi za bar skye ba dang ldan pa la rag las pa yin no/ /de yang rang bzhin nyid yin te/ rang bzhin med pa ni bya ba 'ga' zhig dang yang 'brel pa med pa'i phyir ro//bya ba zhes bya ba ni de lta bu'i rang bzhin du skyed par byed pa yin na de rang bzhin med par ji ltar 'gyur/ /da ni ri bong gi rwa med do zhes bya ba la sogs pa ji ltar tha snyad du byed pa yin/ ri bong gi rwa ni cung zad yod do zhes mi brjod kyi/ 'on kyang 'di ltar 'di med do zhes yod pa 'gog par byed pa nyid yin no//gzhan yang rnam pa 'ga' zhig gis tha snyad 'dogs pa pos de 'di ltar bya ba dang ldan pa bzhin du sgro btags nas ston par byed kyi de ni de ltar ma yin no/ /de la de kho na nyid ni don thams cad kyis dben pa yin gyi/ ngo bo 'ga' zhig dang ldan pa ni ma yin no/ / de lta bu'i 'jig pa ni ma yin te/ dngos po ni de'i ngo bo nyid yin pa'i phyir ro/ /gal te 'chad pa po dag gis de skad du de yang bshad kyi bdag nyid ni de lta ma yin no/ /de'i tshe cung zhig tu yang mi 'gyur ro zhes bya ba 'dod pa nyid ma yin no/ /de bas na bdag nyid dngos po'i rang bzhin la de nyid dang gzhan nyid ces bya ba'i rnam par rtog pa gnyis las 'das pa ma yin na /de kho na nyid ma yin pa'i rang bzhin ni gzhan nyid yin no/ /gzugs dang ro dag kyang phan tshun gzhan nyid du gyur pa ni gzhan nyid ma yin pa lta bu'o/ /gal te rang bzhin la rag lus pa med pa ni gzhan nyid yin no zhe na/rag lus pa zhes bya ba 'di gang yin/ gang gis der yang mi 'gyur ba dang / rang bzhin gzhan du'ang mi 'gyur/ gal te skye ba yin no zhe na/ rgyu dang 'bras bu thams cad phan tshun brjod par bya ba nyid ma yin par 'gyur ro/ /de ltar na thams cad la thams cad rnam pa 'ga' zhig gis nye bar sbyor ba'i phyir 'ga' zhig kyang gzhan du mi 'gyur ro//'dis brjod par bya ba nyid ma yin pa de ltar na yang rgyu dang 'bras bu'i ngo bo nyid sgra gzhan gyis bstan par 'gyur ro/ /don gzhan tha dad pa ni ma yin te/ rang bzhin gyi rjes su 'gro ba nyid ma yin pa nyid gzhan nyid yin par smra'o//de yang rang bzhin dang ldan pa gzhan dang gzhan du yod pa de ltar na gzhan nyid yin no/ /de'i skye ba'i mtshan nyid kyi rang bzhin gyi rag las pa las rag lus pa gzhan yang yod pa ma yin te/ rag lus pa med pa'i 'khrul pa la 'gal ba med pa'i phyir ro//de dang chos tha dad pas gzhan nyid yin no/ /gal te shes pas byas pa'i rag lus pa yin no zhe na/ de ltar ni 'gyur na gang rtogs pa med na mi 'byung ba'i shes pa gang yin pa des rtogs pa la nges par de snang ba'i phyir de de'i ngo bo ma yin du zin kyang / brjod par bya ba ma yin no zhe na/ma yin te/ de ni bdag nyid rang med pa nyid yin pa'i phyir ro/ /de nyid ni snang ba gang yin pa de'i rang bzhin yin no/ /rang bzhin dang ldan pa nyid yin na 'di de dang 'dra bar snang bar thal bar 'gyur ba'i phyir/ snang du rung ba mi snang na ni med pa'i phyir ro/ /mi snang ba nyid yin na yang de'i ngo bo shes pa ma yin pa de ltar na gang gang la rag lus pa shes pa yin/gang la rag lus pa shes pa can gang yin pa de'i rang bzhin snang ba ni nyams pa ma yin te/ sngon po la sogs pa snang ba la rag lus pa'i shes pa can dag bzhin no/ /de la don de nye ba gang yin/ gang gis de la bdag med pa'i ngo bor rtogs par 'gyur ba na /bdag nyid so sor nye bar gnas so/ /de ltar na ni shin tu thal bar 'gyur ro/ /gal te rtogs par 'gyur ba de dag gi nye bar len pa can yin no zhe na/ nye bar len pa'i don 'di gang yin/ rgyu dang 'bras bu'i ngo bo yang ma yin te/ khas mi len pa'i phyir ro//khas len na yang rgyu dang 'bras bu dag phan tshun rtogs pa nye bar 'jog pa can dag ma yin no/ /gal te shes pa nyid kyi de med na mi 'byung ba nye ba yin no zhe na/ de nyid rag lus pa med pa med par rigs pa ma yin no zhes brjod pa ma yin nam/ rgyu dang 'bras bu ma yin pa dag la ni rag lus pa cung zad kyang ma yin no zhes bya ba yang bshad zin to//gang rtogs pa med na mi 'byung ba'i shes pa gang yin pa zhes bya ba 'di'i shes pa yang yod par 'gyur na/ rnam par shes pa la rang gi ngo bo ma yin pa dang 'dres pa med par snang ba gang yin pa de ni shes pa cung zhig kyang ma yin no/ / de med pa'i phyir don gyi ngo bo brjod par bya ba ma yin pa'i mtshan nyid grub pa ma yin no/ /de bas na don dam par yod pa nyid kyis de nyid gzhan nyid la brten par 'gyur ro/ /gang gi dngos po 'jig pa'i ngang tshul can ni cir yang mi 'gyur ba des ni/ med par 'gyur zhes brjod pa na/ dngos 'gyur min zhes bya ba yin//gal te 'dis dngos po med par 'gyur ro/ /zhes brjod pa de ltar na yang dngos por mi 'gyur ro/ /zhes bya ba bstan par 'gyur ro/ /de ltar na de log par 'gyur te/ dgag pa sgrub pa mi srid pa'i phyir ro/ /de nyid kyi phyir 'di 'jig pa la rgyu cung zad yod pa ma yin no/ / de ltar na/ gal te bya ba cung zad cig /yod na gzhan la ltos 'gyur na/ /dngos gang cung zhig mi byed la/ /ci phyir 'ga' zhig gis ltos 'gyur/ /bya ba yod na byed par 'gyur te/ dngos po 'jig pa'i ngang tshul can la bya ba cung zad kyang med do zhes bshad zin to/ /de bas na 'jig pa'i rgyu zhes bya ba de ni dngos po la cung zhig kyang mi byed pa de ltar na cung zhig mi byed pa la ltos par bya ba ma yin no//de ni dngos po phul du byung ba skye ba med pa can de'i gnas skabs can nyid ji ltar na 'jig pa zhes bya/ phul du byung ba skye ba yin na yang de nyid de'i phul du byung ba skye ba zhes bya ba ma yin nam/ de ji ltar na 'jig pa zhes bya/ des na de'i gnas skabs can 'di 'jig pa zhes bya ba ma yin no/ /gang gis bdag nyid med par 'gyur ba des 'jig pa yin gyi/ don gzhan skye ba las ni ma yin no zhes bshad zin to/ /phul du byung ba bskyed pas bdag nyid 'jig pa zhes bya ba ni ma yin no//med pa ni phul du byung ba nye bar brjod pa thams cad log pa'i sgo nas dngos po'i chos thams cad kyis dben pa'i mtshan nyid can yin pa'i phyir ro/ /dngos po ni skye ba dang 'brel pa'i mtshan nyid can nyid yin pa'i phyir ro/ /de bas na med pa la yod pa gzhan 'ga' zhig dgod par bya ba ma yin no//de ni rgyu med can nyid yang / /ma byung nyid nas 'jig yod phyir/ /yod pa nyid dang 'jig nyid skyon / /thal bar 'gyur ba bsal ba yin/ /gang yang 'jig pa rgyu med pa can yin na yang ma byung ba nyid na 'di yod pa'i phyir yod pa nyid dang mi rtag pa nyid bzlog par dka' zhing ma byung ba nyid na 'gyur ba dang /rgyu med par byung ba yang 'gal ba yin no snyam du sems na/ de yang 'di nyid kyis bsal ba yin te/ dngos po 'ga' zhig khas ma blangs pa'i phyir ro/ /ji ltar skye ba can 'ga' zhig /thogs pa nyid 'dod de bzhin du/ /gal te dngos rnams 'jig rang bzhin//yin gyi skye ldan min ma yin/ /ci ste dngos po rnams kyi skad cig mar gnas pa'i chos can gang yin pa de ni de'i rang bzhin du 'gyur ba bla ste/ de ni skye ba dang ldan pa nyid kyis 'gyur ba yin no/ /rang gi ngo bo yin pa'i phyir/ thams cad thams cad kyi rang gi ngo bor ni 'gyur ba ni ma yin te/thogs par byed pa'i bdag nyid bzhin no/ /de ni bden na de lta na'ang / /rgyu yi rang bzhin nges pa las/ /'bras bu'i rang bzhin nges yin gyi/ /tha dad byed rnams med nyid phyir/ /mi rtag ngo bo tha dad med/ /thogs par byed pa'am gzhan glo bur ba'i ngo bo ni so so nges pa dang ldan pa ma yin no//rang gi rgyu'i nus pa'i gnas pa ci 'dra ba de 'dra ba'i 'bras bur gyur pa'i phyir/ rgyu'i rang bzhin des na nges pa las 'bras bu'i rang bzhin nges pa yin gyi/ 'di glo bur ba nyid yin pa'i phyir yang bshad zin to/ /thogs par byed pa'i bdag nyid can rgyu'i tshogs pa'i rang bzhin nges pa bzhin du 'jig pa skyed par byed pa'i rang bzhin can dngos po mthong na/gang gis de las skye ba dang ldan pa de ltar 'gyur gyi/ gzhan ni ma yin te/ rnam pa thams cad pa las skye ba can dag gi 'jig pa mthong ba'i phyir ro/ /tshogs pa thams cad las skye ba dang ldan pa dag 'jig par 'gyur ro zhes bya ba 'di yang de dag ma lus pa mthong ba med pa'i phyir/nges pa med pa nyid ma yin nam/ tshogs pa nus pa sna tshogs pa mthong bar 'gyur ba de las 'ga' zhig 'gyur na yang / gang gis 'jig pa'i ngang tshul can ma yin pa'i bdag nyid bskyed par 'gyur zhe na/ma yin te/ shes bya'i skabs yin pa'i phyir ro / /'ga' zhig gi tshe 'ga' zhig tu 'ga' zhig gis shes par mi 'gyur ba gang yin pa de dag ni yod pa nyid dang rjes su 'brel pa can gyi 'jig pa zhes brjod do/ /de dag nyid byas pa nyid kyis mi rtag pa nyid du bsgrub par 'gyur ro//gang zhig skyed par byed pa'i rang bzhin can de dag 'jig pa med pa can yin pas na yang bskyed par mi 'gyur ba'am/ gzhan la ltos par 'gyur ba srid pa yod pa ma yin te/ de'i skyed par byed pa'i rang bzhin ni grub pa'i phyir ro/ /ltos pa med pa can de dag 'ga' zhig gi tshe yang 'ga' zhig gi shes pa 'ga' zhig kyang ldog pa ma yin no//de lta bur gyur pa cung zhig kyang yod pa ma yin te/ thams cad 'ga' zhig gi tshe 'ga' zhig gis shes pa'i phyir ro/ /shes pa tsam gyi don byed pa'i nus pa med na yang dngos po nyid du mi 'gyur ro/ /de ltar na de'i mtshan nyid can dngos po yin no zhes 'chad par 'gyur ro//de yang 'jig par 'khrul pa med pa'i phyir ro/ /de yod pa nyid dang 'brel pa can yin no/ /de phyir de rnams 'brel pa yang / /rtag pa nyid ni bsal bya yin/ /'jig pa ni ji skad du bshad pa'i dngos po tsam dang 'brel pa yin pa de nyid kyi phyir/ sgra dang 'dra bar 'brel pa rtag pa nyid kyang bsal bar bya ba yin no//rgyal dpog pa dag gis sgra'i nus pa rung ba nyid ces bya ba'i don rtogs pa'i rten du brjod pa gang yin pa de ni don gzhan nyid du 'gyur ba ma yin no/ /de ltar na rung ba nyid ces bya ba dngos po rnams kyi ngo bo'i phul du byung ba nyid yin no zhes sngar brjod zin to//don gzhan yin pa yang bla ste/ de ltar na yang 'brel pa'i sngar bshad skyon rnams kyi/ sgra yi nus pa bsal ba yin/ /'brel pa don du gyur pa yin par smra ba la skyon rnam pa du ma bshad zin pa de nyid kyis sgra'i nus pa de sun phyung ba nyid kyis phyir yang mi brjod do/ / gzhan yang / skyes bus ma byas shes bya nyid/ /ji bzhin don shes sgrub byed min/ /skyes bu'i nyes pas skyon med pa'i/ /me sogs rnam pa gzhan du'ang mthong / /rig byed pa'i sgra skyes bus ma byas pa yin pa yang bla ste/ de ltar na yang de dag don ji lta ba bzhin ma yin pa'i shes pa'i rgyu nyid yin par bsam par bya ba yin no//skyes bu'i skyon gyis nye bar bsgyur ba nyid don dag las shes pa 'khrul pa ma yin te/ de dang bral ba'i sgron ma la sogs pa dag gis kyang ut+pal la sogs pa dag la log pa'i rnam par shes pa bskyed pa'i phyir ro/ /de bas na 'dus byas pa la ltos pa med pa'i sgra 'di dag ni ngo bo nyid kyis don rnams la slob pa'i rgyur 'gyur te/rang bzhin gyi khyad par yin pa'i phyir ro/ /log par bsal ba can dag kyang nges par 'gyur te/ me la sogs pa bzhin no/ /gal te nges pa'i rgyu med pa'i phyir mi rigs so zhe na/phyin ci ma log pa bsal ba can gyi nges pa la rgyu ci zhig yod/ de bas na ngo bo nyid kyis don ji lta ba bzhin du bsal ba'i nges pa bzhin du don ji lta ba bzhin du ma yin pa'i bsal ba'i nges pa ci'i phyir mi rtogs/ yang na me la sogs pa dang 'dra bar don dag gnyi ga'i shes pa'i rgyu nyid du 'gyur ro//me la sogs pa skyes bus ma byas pa yin du zin kyang gcig don ji lta ba bzhin du shes pa'i rgyu yin na yang thams cad la de ltar 'gyur ba ma yin no / /de ltar na sgra rnams kyang skyes bus ma byas pa nyid yin na yang gnyi gar 'gyur ro/ /me la sogs pa dag ni byas pa nyid kyi phyir/rkyen ji lta ba bzhin du gzhan la rnam pa gzhan nyid yin pa bla ste/ sgra rtag pa dag la yang de yod pa ma yin no/ /de lta bu'i rnam pa'i chos de la yang yod pa ma yin nam/ de dag kyang brda'i stobs las rnam pa gzhan du 'jug pa'i phyir ro/ /'bras bu bskyed pa'i rang bzhin du gnas pa yin yang de dag brda la sogs pa yang ltos par bya ba med pa'i phyir/de las thams cad kyis thams cad kyi tshe don rnams rtogs par 'gyur na yod pa yang ma yin no/ /de bas na sgra rnams ni gnas pa'i rang bzhin ma yin no/ /gzhan yang de na ma byas par 'dod na/ shes pa nyid kyi rgyur mi 'gyur/ /rtag pa dag las dngos nus pas/ /'ga' yang skye ba yod ma yin/ /gal te sgra ma byas pa yin na de las don shes pa nyid du mi 'gyur ro/ /shes pa skye ba dang cig shos kyi dus dag tu ngo bor mtshungs pa'i shes pa bskyed pa la nus pa yod pa mi rung ba'i phyir ro//de ltar na 'di skyed par byed pa yin la de ltar na ni ma yin no zhes ngo bo'i khyad par rnam par phye bar bya ba med pa'i phyir ro/ /'di'i skyed par byed pa ma yin pa ci 'dra ba de 'dra ba nyid ni skyed par byed par rigs pa ma yin zhing gzhan la ltos pa yang bkag pa nyid yin no/ /de bas na rtag pa dag ni 'ga' zhig tu yang shes pa bskyed par nus pa ma yin te/'ga' zhig gi tshe mi skyed na rtag tu mi bskyed par thal ba'i phyir dang / 'bras bu rtag tu ma mthong ba'i phyir ro/ /de dag rnam pa 'ga' zhig gis kyang byed pa po ma yin no zhes mang du bshad zin to/ / de dag gi nam mkha' la sogs pa rtag pa dag tu 'dod pa dag gi rtog pa gang yin pa de yang de'i rang bzhin can du 'gyur ba ma yin no/ /de ltar na/ kun rtog bag chags las byung ba'i/ /sgro btags spyod yul can blo dag /'ga' zhig de las skye 'gyur gyi/ /don de spyod yul can ma yin//rang gi mtshan nyid kyi yul can gyi blo ni nges par de'i rung ba nyid du nye ba'i rjes su byed pa'i ngang tshul can yin pas na/ 'di'i rgyu rung ba de la yod na de 'gyur ba nyid yin no/ /de ltar na de gal te dngos po rtag pa rnams kyi rang gi mtshan nyid la 'ga' zhig gi shes pa 'gyur na thams cad thams cad kyi tshe 'gyur ro//'bras bu khyad par du byas pa'i bsal ba can dag ni rnam pa 'ga' zhig gis 'ga' zhig la nye bar sbyar ba na/ de bskyed par rung ba'i phul du byung ba thob pa'i rgyu'i dngos po'i khyad par du ltos pa zhes bya ba ni rigs pa ma yin no/ /de ltar na 'bras bu'i khyad par can ma yin pa rtag pa'i dngos po de'i rgyu las ltos pa can 'ga' zhig gis gzung bar 'gyur na/gal te 'di'i 'dzin pa bskyed par 'gyur na de nyid kyis gzung ba gang yin pa de rigs pa yin no/ /de yang srid pa ma yin te/ brtan pa'i rang bzhin nyid yin pa'i phyir ro//de ltar na thams cad kyis cig car gzung bar 'gyur ba'am/ 'ga' zhig gis kyang ma yin pa'i phyir/ 'ga' zhig yod pa mthong na/ rtag pa 'ga' zhig kyang dbang po las 'das par 'gyur ba ma yin na/ de yang yod pa ma yin no/ /de bas na nam mkha' la sogs pa la thams cad kyi 'khrul pa nyid don gyi nus pa la ltos pa med pa sgro btags pa'i spyod yul can nang gi nye bar len pa rnam par rtog pa'i bag chags sad pa la brten nas phyi rol gyi don gyis stong pa dag skye bar 'gyur ro//de bas na sgra ni gzhan du 'gyur ba ma yin pa'i chos can ma yin no//de nyid yin na yang don phyin ci ma log par rtogs pa can nyid ces bya ba de gang las yin/ me ni kha ba'i gnyen po yin no zhes bya ba la sogs pa la me ni grang ba 'joms par nus pa 'jig rten la grags pa bstan pas thams cad de ltar 'gyur ba ma yin no//'jig rten ni rang gi 'dod pas byas pa'i brda'i rjes su tha snyad 'dogs pa'i phyir/ 'jig rten 'dir rang gi brda'i rjes su byed pas ci de ltar rtogs sam/ 'on te rang bzhin gnas pa las yin zhes the tshom za ba nyid yin no/ /'jig rten gyi 'dod pas sgra dag gzhan du gyur pa yin na yang gzhan la yang rnam pa gzhan du snang ba'i phyir/'jig rten gyi grags pa'i rjes su byed pa la yang de dag rnam pa gzhan du 'gyur ba nyid srid do/ /de bas na 'ga' zhig phyin ci ma log par mthong du zin kyang thams cad de dag de lta bu'i ngo bor grub pa ma yin no//de dag ma byas pa'i rang bzhin can yin na yang 'ga' zhig log pa nyid du nges pas kyang 'gyur ba'i phyir/ rang bzhin yongs su shes pa med pa las thams cad la the tshom du 'gyur ro/ /gal te byas pa log pa nyid/ /mthong ba nyid kyi phyir na tshig /ma byas bden don can yin te//ldog pas 'gal ba khyab phyir ro/ /ci ste log pa'i don can gyi tshig gang yin pa de ma lus pa'i byas pa yin pa'i phyir/ gtan tshigs ldog pas bsgrub par bya ba log pa la khyab pa'i phyir gzhan la mi srid pas na/ ma byas pa ni bden pa'i don can yin no zhes bya bar rjes su 'gro ba med par 'gyur ro//gang la gang gis ma khyab na/ de la ldog par dogs par bya ba na/ 'gal ba dag ni gcig la yod pa ma yin no/ /med na yang rigs mi mthun pa la rnam pa gzhan med pas 'dod pa'i don grub pa'i phyir dang / de sgrub pa'i byed pa nyid yin pa'i phyir/ rtags kyi rjes su 'gro ba bstan pa don med pa yin te/ ldog pa tsam nyid kyis grub pa'i phyir ro/ /de ni bden te gal te gtan tshigs bsgrub par bya ba'i mi mthun pa'i phyogs la khyab par bya ba dang / khyab par byed pa'i ngo bo grub par 'gyur na de yang grub pa ma yin no/ /'di ltar/ med phyir gtan tshigs ma bstan na'ang //de ni yod par dogs 'gyur te/ /dngos po 'gal ba dag la yang / /khyab par byed pa mthong phyir ro/ /gal te gtan tshigs bsgrub par bya ba mi mthun pa'i phyogs la med par 'grub par 'gyur na/ bsgrub par bya ba log pa la gtan tshigs ldog pas khyab par 'gyur na/de la de med pa la tshad ma yang ma mthong ngo / /mi 'gal ba bsgrub par bya ba la yang dgag pa sgrub par byed pa rigs pa ma yin te/ thal ches pa'i phyir ro/ /tha dad pa'i 'gal ba dang lhan cig 'byung ba can dag kyang mthong ba'i phyir/ gcig la mthong ba yang gzhan la med pa nyid ma yin te/brtsal ma thag tu 'byung ba nyid dang cig shos dag la mi rtag pa nyid bzhin no/ /de lta bu'i rnam pa yang mthong ba med pa'i phyir/ med pa nyid kho na ma yin no/ /'di ltar/ thams cad du ni mi dmigs phyir/ med nyid mi 'grub ces ni bshad/ /med pa nyid ni mi 'grub na//ldog pa nyid la the tshom za/ /skyes bu tsam 'dis ni thams cad mthong bar nus pa ma yin na gang gis na 'di'i mthong ba ldog pas de ltar mi 'gyur/ gang gi ye shes shes bya yod pa nyid la 'khrul pa med pa de nyid kyis gzigs pa'i phyir med do/ /zhes gsungs pa mdzes par 'gyur ro//de bas na rang bzhin dang dus dang yul gyi bskal pas 'di yod du zin kyang rigs par 'gyur ba ma yin no/ /de ltar na thams cad mthong ba'i ngang tshul can ma yin pa gang gis ma byas pa'am/ cig shos kyi tshig ni shin tu lkog tu gyur pa'i don la mi slu ba'am cig shos la nges par nus/la la na de ltar mthong ba'i don rnams kyang rnam pa 'ga' zhig gis gzhan du 'gyur te/ dper na yul la lar 'du bya ba'i khyad par las ni nim pa'i 'bras bu dang / skyu ru ra'i 'bras bu mngar mor chags par 'gyur la/ da ltar ni de ma mthong ba nyid kyis de dag ni spang bar bya ba ma yin pa lta bu'o zhes bya bas bstan zin to//de bas na ma byas pa dang log pa'i don can du 'gyur ba zhes bya ba 'gal ba ma mthong ngo / /mi dmigs pa 'di ni snang ba'i bdag nyid can dag gi sgrub par byed pa ma yin no zhes bshad zin to/ /de bas na cung zhig log pa'i don can gang yin pa de thams cad ni skyes bus byas pa yin no zhes bya bar nges pa med pa'i phyir khyab pa med do//de ltar na/ gal te rjes 'gro ldog pa'am/ /bsgrub bya'i chos can la yod nyid/ /de nges 'bras can shes pa yis/ /grub par 'gyur ba sgrub byed yin//de skad du yang brjod pa gang zhig gnyi ga la nges pa de kho na sgrub par byed pa'am sun 'byin par byed pa yin no/ /brjod pa gang yang rung ba la grags pa dang the tshom za ba ni ma yin te/ yang sgrub par byed pa la ltos pa nyid kyi phyir ro/ /zhes gsungs so/ / 'di la 'gal ba ma mthong ba can yod pa gang gis spong bar byed/de bas na ldog pa 'di ni the tshom za ba'i phyir sgrub par byed pa ma yin no/ /gzhan yang / gang la bsgrub bya'i mi mthun phyogs/ /bzlog pa nyid brjod de nyid ni/ /'di yi phyogs mthun 'gyur de'i phyir/ /gtan tshigs thams cad rjes 'gro can/ /cung zhig log pa'i don can gang yin pa de thams cad ni skyes bus byas pa yin pa de ltar na/gtan tshigs kyi mi mthun pa'i phyogs kyis bsgrub par bya ba'i mi mthun pa'i phyogs la khyab pa de med na med pa grub par 'gyur ro/ /de med par yod na ni des khyab pa mi rung ba'i phyir ro/ /rigs mi mthun pa ldog pa grub pa gang yin pa de nyid rjes su 'gro ba grub pa yin te/bsgrub par bya ba'i mi mthun pa'i phyogs rnam par gcod pa'i mtshan nyid can yin pa'i phyir ro/ /dgag pa nyid kyis kyang bya ba 'grub pa'i phyir/ rjes su 'gro ba med par ldog pa'i khyab pa 'grub pa ma yin no/ /de bas na gtan tshigs 'ga' zhig kyang rjes su 'gro ba med pa can zhes bya ba ma yin te/gcig rnam par gcod pa ni de'i rigs mi mthun pa grub pa med na mi 'byung ba nyid yin pa'i phyir ro// //bam po bcu pa/ mi rtag pa dang bdag med pa nyid la sogs pa rnam par gcod pa na yang de ltar 'gyur ro zhe na/ma yin te/ ldog pa rnam par gcod pa ni dngos po'i ngo bo nyid yin pa'i phyir ro/ /dngos po'i ngo bo rnam par gcod pa na dngos po 'phen par byed pa ma yin zhing med pa rnam par gcod pas kyang nges par dngos po nye bar 'jog pa yin te/ dngos po dang dngos po med pa dag ni phan tshun dben pa'i ngo bo yin pa'i phyir ro//ldog pa gang yin pa de dngos po med pa'i ngo bo can ldog par gyur pas/ dngos po nye bar 'jog par byed pa de ltar bdag med pa la sogs pa ni ma yin te/ rang bzhin gyi khyad par yin pa'i phyir ro/ /bya ba dang longs spyod pa dag bdag gir byed pa la rang dbang ma yin pa'i bdag nyid ni bdag med pa'o//de la rang dbang gi mtshan nyid yin pa'i phyir bdag yin no/ /de bas na ngo bo bdag med pa yin gyi bdag ldog pa tsam ni ma yin no/ /de lta ma yin na nye bar brjod pa med pa la byas pa nyid la sogs pa mi rung ba'i phyir/de las bdag med pa 'grub par mi 'gyur ro/ /gal te bdag rnam par gcad nas bdag med pa'i ngo bo rjod par byed pa'i phyir skyon yod pa ma yin no zhe na/ ma yin pas dngos po la reg pa'i phyir/ dngos po'i ngo bo de nyid bdag med pa thob po/ /gang gi rnam par bcad pa dngos po med pa'i ngo bo ma yin gyi de'i rnam par gcod pa dngos po'i ngo bo yin na yang dngos po grub par mi 'gyur ba'i phyir/rjes su 'gro ba 'phangs pa ma yin no/ /de ltar na bdag med pa yin na yang dngos por 'grub par mi 'gyur te/ dper na gson po'i lus 'di ni bdag med pa ma yin te/srog la sogs pa dang ldan pa nyid kyi phyir ro/ /mi mthun pa'i phyogs dag gi khyab par bya ba dang khyab par byed pa dpyod pa na srog la sogs pa dang mi ldan pa nyid la bdag med pa nyid mthong ba dang de med na med pa'i phyir/ bdag med pa dag nyid med du zin kyang /srog la sogs pa dag ni bdag la grub par 'jog par byed pa ma yin no/ /de ltar na bsgrub par bya ba la yang srog la sogs pa dag gis 'ba' zhig bsal bar 'gyur ro/ /bdag med pa nyid la med pa'i phyir/ srog la sogs pas de bsal ba yin gyi/ bdag nye bar 'jog pa ni ma yin te/ de la yod pa ma grub pa'i phyir ro/ /bdag med pa la log pas kyang bdag grub pa ma yin te/ mi mthun phyogs la ldog pa mthong ba na yang mthun pa'i phyogs la yang thal bar 'gyur ba'i phyir ro/ /de bas na ldog pa ma grub pa na bzlog pa'i khyab pa yod pa ma yin te/de grub pa nyid kyis kyang rjes su 'gro ba grub pa'am/ ma grub pa ni ldog pa bzlog pa grub tu zin kyang de ma grub pa'i phyir bsgrub par bya ba la yang thal bar 'gyur ro/ /de bas na ldog pa'i khyab pa la rjes su 'gro ba med pa ma yin no//log pa'i don can dag ni skyes bus byas pa nyid kyis khyab pas skyes bus ma byas pa las log pa yin du zin kyang / bden pa'i don can nyid ma yin te/ rnam pa gzhan yod pa'i phyir ro/ /sgra rnams la phung po gnyis yod na ni de ltar 'gyur te/ gcig log pa na rnam pa gzhan med pa'i phyir ro//de dag don med pa can du 'gyur ba de ltar na 'dod pa'i don grub pa ma yin no/ /gal te don rtogs pa'i phyir/ don med pa can ma yin no zhe na/ de dag gi skyes bu'i bya bas 'gyur te/ don gzhan la rnam par rtog pa bzhin no/ /dper na b+ha ra ta la sogs pa'i lugs la sogs pa ni de'i don can ma yin du zin kyang don gzhan dag gi rnam pa gzhan du bshad pa de'i rjes su 'brangs nas gzhan gyis kyang de ltar rtogs par 'gyur ba lta bu'o//skyes bus bstan pa la rag las pa'i phyir/ don med pa can dag la don du rnam par rtog pa 'di ni skyes bus byas par 'gyur ba yin gyi/sgra'i rang bzhin gyis byas pa ni ma yin te/ don gzhan nyid bzhin no/ /ngo bo nyid kyis me la sogs pa gsal bar byed pa de la ltos pa ma yin te/ skyes bus bdag nyid kyi brda'i bya ba brjod pa na ston par byed pa zhes bya ba ni rigs pa yin no//skyes bus brdar byas pa dang ngo bo nyid kyis grub pa'i don dag ni bstan pa la rag lus par khyad par med pa'i phyir dang / khyad par gzhan med pa'i phyir gcig ni ngo bo nyid kyis grub pa yin la/ gzhan ni skyes bus byas pa yin no zhes nges par dka' ba yin no//gal te tshad mas mi slu ba'i bye brag yod do zhe na/ de ni 'og nas shin tu lkog tu gyur pa'i don la tshad ma gzhan 'jug pa med do zhes bya bas 'gog par 'gyur ro/ /chos mthun pa can gyi don dag las tshad mas mi slu ba tsam gyi khyad par gcig la skyes bus ma byas pa nyid du 'dod na/da ni ches shin tu mang po skyes bus byas pa ma yin pa de ltar na/ skyes bus byas pa'i ngag 'ga' zhig kyang de lta bu'i rnam pa yin pa'i phyir de dag la yang thal bar 'gyur ro/ /de dang 'dra bar de dag gi mngon par 'dod pa'i don dang ldan pa nyid kyang skyes bus byas pa dang tshad ma'i rjes su byed pa can du yang 'gyur ro//gzhan yang sngags dang skyes bus byas pa ma yin no zhes bya ba 'di la gnod pa yang mthong ngo / /de ltar ni/ la la brdar byas nyid yin na/ /sngags rnams 'bras bu sgrub byed yin par rigs so//gal te sngags de dag 'di ltar kho bos mngon par 'dod pa'i rgyu can gyi ngag byas pa de nyid la de ltar sbyar bar byed pa na don 'dis sbyar bar bya'o snyam pas gzhan gyi don gtso bor gyur pa'i ngor byas pa'am/ gzhan 'ga' zhig gis la lar brdar byas par 'gyur ba de'i tshe sngags kyi sbyor ba las 'ga' zhig gi tshe don grub par rigs pa yin te/'don par byed pa dag gi snyan dngags mkhan gyi brda byas pa las don grub pa bzhin no/ /ci ste'ang dngos po'i nus yin na/ /khyad par med phyir gzhan la 'ang 'gyur//skyes bu'i brda las sngags rnams kyis don grub pa ma yin no/ /'o na ci zhe na/ 'di rnam pa 'ga' zhig ltar nges par sbyar ba na/ 'bras bu 'byin pa gang yin pa de dag ni dngos po'i rang bzhin no/ /'o na ni yi ge rnams kyi ngo bo de thams cad khyad par med pa'i phyir/ ji ltar rnam pa 'ga' zhig ltar sbyar ba las kyang 'bras bur 'gyur ro/ /yi ge kho na sngags yin gyi gzhan cung zad kyang yod pa ma yin no/ /gal te de'i bkod pa yang sngags yin no zhe na/ don gzhan nyid du gyur pa yi/ /bkod pa'ang sngar ni bsal ba yin/ /yi ge dag las tha dad pa bkod pa gzhan ni med do zhes de bstan zin to//tha dad pa med na yang yi ge nyid sngags yin la/ de dag kyang thams cad du khyad par med pa'i phyir/ thams cad kyi tshe 'bras bu 'byin par 'gyur ro/ /bkod pa ches chung ba yang nyams pa las 'khrul pa yang mthong ngo / / 'ga' zhig nan tan du byas pa las lha nyid thag nye ba'i phyir dang / tshogs pa med pas mnyes par ma byas pa'i phyir ro/ /thams cad nyams na ni brda 'ga' zhig kyang nan tan du byas pa med pas thag nye ba na med pa'i phyir/ don dang don med pa ma yin no/ / gzhan yang bkod pa don gzhan nyid dam don gzhan nyid ma yin na sngags yi ge'i bdag nyid can nam/ de'i bkod pa'i bdag nyid can don can gyi rgyu rtag pa ni ma byas pa nyid kyi phyir/ rtag tu nye ba yin pa de ltar na/ rtag tu de las don grub 'gyur/ /gang gi phyir dngos po'i nus pa las 'bras bu bskyed na/de ma tshang ba med pa'i phyir 'bras bu dang bral bar mi 'gyur ro/ /rgyu'i tshogs pa yod na 'bras bu dang bral ba mi rigs te/ rgyu nyid ma yin par thal ba'i phyir ro/ /gal te sngags kyi sbyor ba yan 'gar ba las 'dod pa grub pa ma yin te/de ni cho ga la ltos pa nyid kyi phyir ro zhe na/ ltos pa yin na don med 'gyur/ /gal te sngags kyi cho ga las sam/ gzhan las rang bzhin phul du byung ba 'ga' zhig thob par 'gyur na de la de'i nus pa la ltos par 'gyur te/ rtag pa la de yod pa ma yin no zhes bshad zin to//de bas na nus pa med pa 'di la ci phyir ltos par 'gyur/ de ltar na ltos pa med pa rtag tu byed pa'am/ cung zhig kyang byed par mi 'gyur te/ khyad par med pa'i phyir ro/ /gal te dngos nus de 'dra na/ /de dag kun gyi sgrub byed 'gyur/ /legs byas min ni byed pa po'i/ /khyad par la ni ltos mi rung //gal te dngos po'i nus pa nyid kyi sngags rnams kyis grub pa ster bar 'gyur na/ de dag gis mchod sbyin byed pa'am/ gzhan 'ga' zhig kyang spang bar mi 'gyur ro/ /gzhan la ni rang bzhin gyis de'i ngo bo can ma yin par mi 'gyur te/ des de smad pa med pa'i phyir dang /gzhan gyis bstod pa med pa'i phyir ro/ /'ga' zhig kyang lhan cig rgyu dang 'bras bu ngo bor mi rung ba'i phyir dang / nye ba dang bskal pa med pa'i phyir ro/ /de nyid kyi phyir 'di legs par byas pa nyid ma yin pa'i phyir/ sbyor ba po yang yod pa ma yin na/ gang las sbyor ba pos 'bras bu thob par 'gyur/dngos po 'dus byas pa yi yang / /dngos po'i tha dad tha dad byed/ /sbyor ba'i khyab par la nges pa/ /nus la ma yin brda la 'gyur/ /dngos po mi rtag pa bya ba'i khyad par can dag ni de'i rgyu las rang bzhin tha dad pa yin na/ de las phul du byung ba thob pa nyid kyi phyir/gzhan du rnam pa gzhan du 'gyur la/ tha dad pa med na ma yin te/ rgyu'i khyad par med na 'bras bu'i khyad par med pa'i phyir ro/ /khyad par yod na ni rgyu med pa can du thal ba'i phyir ro zhes mang du bshad zin to// // de bas na rang bzhin phul du byung ba'i phyir/ 'bras bu 'byin pa'i sngags 'di 'bras bu yin du zin kyang / dmangs rigs la sogs pa'i sbyor ba la yang rnam pa gzhan du mi 'gyur te/ dmangs rigs dang bram ze zhes bya ba'i skyes bu dag gi rang bzhin tha dad pa ni med pa'i phyir ro/ / skyes bu'i 'dod pa'i rjes su byed pa can gyi ming dang tha snyad kyi khyad par las rang bzhin gyi khyad par dang 'brel pa can gyi don rnams gzhan nyid ma yin no/ /gal te de dag gi rigs kyi bye brag yod do/ /zhe na/ de ni dbyibs dang yon tan dang nus pa'i khyad par la mthong ste/ ba lang dang rta bzhin no//de dag ni 'jig rten gyis bstan pa med par rtogs par 'gyur ro/ /de dang 'dra ba 'di dag la yon tan rnam par nges pa cung zhig kyang ma mthong ngo / /ma mthong bar yang ji ltar khyad par rtogs par 'gyur/ 'jig rten gyi rtogs pa'i khyad par ming tha dad pa'i rjes su 'gro ba can gang yin pa de yang rigs kyi khyad par med du zin kyang bya ba'i khyad par nan tan du byed pa'i phyir dang rjes su 'gro ba'i phyir 'gyur te/'tsho byed dang tshong pa'i tha snyad la sogs pa bzhin no/ /de bas na sngags 'di khyad par med par sbyar bar 'gyur na/ de las khyad par med pa'i rang bzhin nyid sgrub par byed do//des na khyad par med pa kho nar 'bras bu 'byin par 'gyur ro/ /gang gi tshe brda las de dag gi 'bras bu 'byin pa de'i tshe skyon 'di yod pa ma yin te/ brda byed pa'i 'dod pa las 'bras bu skye bar nges pa'i phyir ro/ /dngos po rang bzhin gyis gnas pa can dag ni de'i sgo nas thal bar rigs pa yin gyi/skyes bu'i 'dod pas gnas pa can dag ma yin te/ de dag ni rnam pa 'ga' zhig gis 'jug pa'i phyir ro/ /gang yang sbyor ba pos 'bras bu thob po zhes bya ba 'dod pa'i don la rung ba skyed par byed pa'am/rgyu yongs su 'gyur ba'i sbyor ba mthong ngo / /de gnyi ga'i khyad par bskyed pa na 'gyur ro/ /de ltar ma yin na/ khyad par byar med can yin na/ /sbyor ba pos ni ci zhig byed/ /gang gis de las las 'bras bu/ /thob kyi gzhan gyis ni ma yin/ / gal te sbyor ba mngon gsal yin/ /de ni gong du bsal zin to/ /rtag pa rnams 'ga' zhig kyang mngon par gsal ba ma yin no zhes bshad zin to/ /gang gi phyir mngon par gsal bar byed pa ni sbyor ba por 'gyur/ gang las blo de gsal yin te/ /de ni 'bras la'ang gal te sbyor//smra ba po gsal rgyu yin pas/ /nyan pa po yi 'bras 'brel 'gyur/ /sgra ni gzhan las rang gi ngo bor 'gyur ba dang / sgrib par byed pa la bral ba gsal ba ma yin gyi/ 'on kyang de'i yul can gyi shes pa yin te/ thos pa med par gsal ba brjod pa med pa'i phyir ro//de la gal te smra ba po blo'i rgyur 'gyur na/ de ni nyan pa po la mtshungs pa'i phyir de'i 'bras bu yang smra ba po dang 'dra bar thob par 'gyur ro/ /de'i blo'i rgyu nyid las gzhan du smra ba po de'i ngo bo gzhan 'ga' zhig kyang yod pa ma yin no/ /gal te nyan pa po'i blo ni gzhan gyi khyad par can yin gyi smra ba po ni ma yin no zhes bya ba'i khyad par yin no zhe na/nyan pa po la smra ba po'i nye bar sbyor ba yang ci zhig yod na gang gis na khyad par 'dod/ gal te de las sgra thos pa yin no zhe na/ ji ltar na de las shes / de nyid brgal zhing brtag pa ma yin nam/'brel pa med pa'i phyir ro/ /yul nye bar 'jog pa las 'di 'di'i thos par byed pa por 'gyur na/ de yang nus pa ma yin te/ rtag pa de yang rnam pa 'ga' zhig tu'ang 'gyur ba med phyir ro/ /dbang po legs par byas pa la sogs pa yang bshad zin to/ / gal te bdag mnyan par bya/ bdag gis nyan du bcug go zhes bya ba de dag gi shes pa las smra ba po dang nyan pa po tha dad pa yin no/ /zhe na/ 'khrul pa tsam phan gdags par bya ba dang / phan 'dogs par byed pa med pa can yin pa'i phyir de'i ngo bo ni shin tu thal bar 'gyur te/'khrul pas gzhan dag la yang shes pa mthong ba'i phyir ro/ /rnam pa thams cad du phan 'dogs pa med pa la yang de lta bu'i shes pa rigs pa ma yin te/ thams cad dag phan tshun de ltar thal bar 'gyur ba'i phyir ro/ /'khrul pa yang 'ga' zhig las phan btags pa yod cing 'ga' zhig nye bas gzhan du 'gyur ro//de yang brgyud pas phan btags pa med na mi 'gyur ro/ /de bas na smra ba po dang nyan pa po gsal ba'i rgyu nyid du khyad par med pa'i phyir/ 'bras bu dang ldan par mtshungs par 'gyur ro/ /gzhan yang / sgra ni rna ba'i yul yin na//mngon par gsal min sgra dag ni/ /byed rnams dgos pa'am yid bzlas pa/ /don med 'gyur/ rna ba'i gzung ba'i mtshan nyid can gyi sgra de las 'das na thal ches pa'i phyir ro/ /de ltar na spyi la yang thal bar 'gyur ba ma yin nam/ sgra kho na zhes ni mi smra'i/sgra ni gdon mi za bar de'i mtshan nyid can yin te/ de la mtshan nyid gzhan med pa'i phyir ro/ /de la gal te sbyor ba po'i sgra'i bdag nyid can gyi sngags dag gsal ba'i rgyu yin na/ mngon par gsal ba ma yin pa'i thos pa'i yul can gyi sbyor ba po rnams kyi bzlas pa'am/yid kyi bzlas pa sngags kyi 'bras bu dang ldan pa ma yin te/ de'i tshe rna bas don cung zad kyang nges par byas pa med do/ /sgra'i bdag nyid can ma yin pa yang sngags ma yin no/ /brgyud pas de las skyes nyid phyir/ /gal te de blo de'i gsal yin/ /yid kyis bsams su zin kyang thos pa med pas sngags snang ba can gyi blo ni med do//de bas na sgra las byung ba nyid yin pa'i phyir/ de yang sgra'i gsal ba nyid yin no/ /de ltar na thug pa med par 'gyur te/ sgra'i don gyi rnam par rtog pa dag kyang brgyud pas bskyed pa yod pa'i phyir/de yang de ltar 'gyur/ gal te don can yin mi 'grub/ /rtog pa'i rjes su 'gro phyir ro/ /sgra las byung ba can gyi blo thams cad ni de'i gsal ba yin no zhes mi smra'i/ de'i yul can gang yin pa de de'i gsal ba yin no/ /yid kyi rnam par rtog pa ni de'i yul can nyid du grub pa ma yin te/rang gi mtshan nyid la ni rnam par rtog pa rnams mi 'jug go zhes ston par 'gyur ro/ /de dag ni phyi rol gyi don nye ba la ltos pa med pa can bdag nyid ji lta ba bzhin du rang gi rnam par rtog pa'i bag chags sad pa las 'gyur te/phyi rol 'gags shing ma 'ongs su zin kyang yod pa'i phyir ro/ /gang zhig gang yod pa nyid nye ba la ltos pa med pa de ni de'i rgyu ma yin zhing rgyu ma yin pa yang ji ltar na yul yin/ de bas na yid kyi rnam par rtog pa sgra'i gsal ba ma yin na gang las de dang ldan pa sbyor ba por 'gyur/de las byung ba de'i yul can gyi blo de'i gsal ba yin zhing / de'i rten sbyor ba po yin no zhes bya ba 'di yang nyan pa la yang thal bar 'gyur ro zhes bya bas bshad zin to/ /de'i shes pa la sbyor ba yin na yang skyes bu la sgra byed pa yin te/de'i shes pa bskyed pa'i phyir/ sgra la skyes bus ma yin pas/ de'i bdag nyid can la phan gdags par byar med pa'i phyir ro/ /de ltar na sgra rnams kyi sbyor ba po ni skyes bus yin no zhes bya ba'i tha snyad 'di ni 'jig rten las 'das pa yin no/ /rnam pa thams cad du sgra'i rang bzhin can gyi sngags dag gi sbyor ba las 'bras bu thob pa yin na ni/yid kyi bzlas pa don med pa can yin te/ rnam par rtog pa ni sgra'i ngo bo la reg pa med pa'i phyir ro/ /rang dang spyi ni rang bzhin rnams/ /ngo bo gcig tu brjod 'dod pas/ / brda byed rnams kyis brjod pa'i phyir/ /'gal med dngos la ma yin no/ /brda byed pa dag ni rang gi mtshan nyid dbang po'i yul dang / spyi'i mtshan nyid rnam par rtog pa'i snang ba'i brda ji lta ba bzhin du kun rdzob tu gcig tu byas na / brda ji lta ba bzhin du don sgrub par 'gyur ro zhes brda gsal bar byed pa de ltar na yid kyi bzlas pa la sogs pa la skyon yod pa ma yin no//dngos po'i rang bzhin las 'bras bu thob pa yin na yang de'i rang bzhin can la rig pa med par mi 'gyur ro/ /yi ge dag las gzhan pa'i go rims yod pa ma yin no zhes bshad pa gang yin pa de la/gal te go rims med na ni/ /ro dang mtsho zhes thos pa la/ /'bras bu tha dad zhes mi 'gyur/ /ro dang mtsho zhes bya ba la sogs pa'i tshig dag la yi ge khyad par ni cung zhig kyang med na/ yi ge las tha dad pa gzhan med na gang las 'bras bu tha dad 'gyur/de dag gi spobs pa yang tha dad pa dang / go rims kyang mi 'dra bar mthong na/ rgyu tha dad pa med par 'bras bu tha dad par rigs pa ma yin no/ /de bas na tha dad pa dang ldan pa yod pa de gang las rtogs pa tha dad pa 'dir 'gyur/ bden te/ de ni skyes bu'i rten can yod//de ltar/ yi ge kun slong shes pa las/ /skyes pa shes pas sgra gang skye/ /shes des bskyed pa'i shes pa can/ /de yi khyad par can de ni/ /rna bas nges par 'gyur ba yin/ /de thos thal ba 'jug can te/ /de dran pa las ltos na ni/ /phyis ni bdag nyid la dran byed//de ltar de rgyu 'dzin sems kyi/ /yig rnams rgyu dang 'bras bu nyid/ /de dag skyes bus byas pa nyid/ /go rims dag ni yin zhes brjod/ /sems kyis kun nas bslang ba can gyi ngag gi rnam par rig byed yi ge dang tshig dang ngag ces bya ba/ de la yi ges kun nas slong bar byed pa'i sems de ma thag pa'i rkyen gyis yi ge a kun nas slong ba'i sems bskyed par 'gyur ro/ /de bzhin du yi ge ra dang tsheg drag gis kun nas slong bar byed pa snga ma snga ma'i rkyen can no/ /de bas na rgyu gzhan dang ldan pa'i yi ge de dag ni rang gi rgyu'i go rims bzhin du skye ba can yin no//thos pa'i dus su yang gang gi tshe dal bar 'jug pa can yi ge snga ma shes pa'i lhan cig byed pa'i rkyen la ltos pa can dag gis rang gi shes pa skyed par byed pa de'i tshe/ snga ma dran pa ltos pa nyid kyis dran pa skyed par byed do//rgyu dang 'bras bu tha dad pa can gyi rkyen las byung ba'i chos can dang / tha dad par bskyed pa'i chos can de dang de ni yi ge rnams kyi rang bzhin yin te/ skyes bus 'dus byas pa'i khyad par gyis tha dad pa ni go rims zhes brjod do/ /de phyir yi ge'i ngo bo de//tshig dang tshig la gzhan nyid de/ /byed pa'i 'du byed las tha dad/ /'bras bu'i khyad par lhan cig byed/ /de bas na tshig dag la yi ge rnams kyi rang bzhin gcig nyid ma yin te/ byed pa po'i sems kyi 'dus byas pa'i khyad par gyis tha dad pa'i phyir ro//de phan tshun lhan cig pa na 'bras bu'i khyad par gyi rgyu yin no/ /yi ge rnams kyi go rims de'ang / /rtsom par byed las 'jug yin te/ /'dod pas mi 'gal grub can gyi/ /gnas pa'i go rims 'gal phyir ro/ /rgyu dang 'bras bur gyur pa'i rkyen las byung ba'i rang bzhin gyi khyad par yi ge rnams kyi go rims yin no zhes bshad zin to//de yang skyes bu'i rtog pa dang dpyod pas byas pa yin pa'i phyir/ gnas pa can gyi go rims yi ge ma yin te/ 'dod pas mi 'gal ba grub pa can gyi go rims can nyid yin pa'i phyir te/las kyi khyad par gyi go rims bzhin no/ /yul dang dus dag tu gnas pa'i go rims can ri gangs can dang / 'bigs byed dang / ma la ya'am/ sa bon dang myu gu la sogs pa dag rang gi 'dod pas go rims kyi bkod pa bya bar nus pa ma yin no/ /de nyid kyi phyir skyes bu'i chos su bgrang ba'i rnam par rtog pa'i go rims yod na yod pa'i phyir dang /med na med pa'i phyir ro/ /skyes bu dang ni yig go rims/ /rgyu dang 'bras nyid grub pa'i phyir/ /skyes bus yig kun go rims te/ /me dang shing gi rigs bzhin no/ /shing yod na me byung ba'i phyir dang /med na med pa'i phyir ro/ /me shing ma mthong ba can yang shing med pa can ma yin te/ de'i yul dang dus kyi nges pa mi rung ba'i phyir dang / nges pa yod na ni de nyid shing yin pa'i phyir dang / shing ni me'i nye bar len pa'i mtshan nyid can yin pa'i phyir ro//de bzhin du yi ge'i go rims 'di yang gal te skyes bu'i rnam par rtog pa la ltos pa med pa yin na/ dmigs pa med par rang nyid gsal ba yin na 'bad pas kyang mi nus te/ de rab tu phye ba ma yin pa nyid kyi phyir ro/ /la lar nus na ni thams cad de ltar 'gyur te/ khyad par med pa'i phyir ro/ /de yod pa'i ngang tshul can de dang khyad par med pas des ma byas pa yin na yang /thams cad la rgyu dang 'bras bu'i dngos po yang gsal bar 'gyur te/ de ni rjes su 'gro ba dang ldog pa'i mtshan nyid can yin pa'i phyir ro/ / mtshan nyid gzhan brjod par bya'o/ /bum pa la sogs pa'i dngos po thams cad kyang bcos ma dang / bcos ma ma yin pa thob par 'gyur te/ de la yang de lta bu'i rnam par rtog pa srid pa'i phyir dang / khyad par med pa'i phyir ro/ /de dag kyang gzhan med pa mthong ba sngon du song ba nyid kyis gzhan byed pa dang 'ga' zhig byed pa po mi shes pa de ltar na thams cad dam 'ga' zhig kyang byas pa ma yin par mngon par zhen par 'gyur ro//de bas na/ yi ge'i go rims 'di ni rab tu grags pa dang 'bras bur yod pa can gyi dngos po'i chos las ma 'das pa'i phyir thams cad skyes bus byas pa nyid yin no/ /de nyid kyi phyir/ shes mthu dag gis sngags shes pa'i/ /go rims byed tshul can skyes bu'i/ /thun mong min pa nyid grub ste/ /gzhan la de dag med pa'i phyir//gal te gzhan gyis kyang yi ge'i go rims 'dis ni dug bcom pa la sogs pa nus pa yin gyi/ gzhan ni ma yin no zhes shes par 'gyur ba de de kho na bzhin du rtogs par 'gyur na de ltar ni ma yin no/ /de bas na go rims 'di ni ngo bo nyid kyis 'bras bu byed pa nyid yin na yang /'ga' zhig gis rnam par shes pa'i phyir/ lkog tu gyur pa mthong ba'i skyes bu yod do/ /'dis ni don byed nus kyi 'dis ni ma yin no zhes bya ba shes par mi nus te/ rtags kyi khyad par ma 'chol ba ma grub pa'i phyir ro/ /mngon sum gyis kyang sngags dang sngags ma yin pa ma bstan pa dag yongs su shes pa med pa'i phyir ro//bstan du zin kyang rnam pa 'ga' zhig gis rang bzhin gyi khyad par mi shes pa'i phyir dang / gzhan du 'bras bu mi slu ba'i phyir dang / de yang byed pa las sngar mthong bar mi nus pa nyid kyi phyir ro/ /go rims 'di ni ngo bo nyid kyis byed pa yang ma yin te/ 'ga' zhig gis myur du 'grub pa'i phyir dang /gzhan gyi dus ring po nas 'grub pa'i phyir dang / gzhan ni brtul zhugs spyod pa la sogs pa la ltos pa nyid kyi phyir ro/ /las gcig las kyang 'ga' zhig gi don dang don med pa mthong ba'i phyir ro/ /sngags dag bya ba byed du zin kyang 'ga' zhig la slu ba'i phyir/rnam pa 'di ni rang bzhin la rigs pa ma yin te/ rang bzhin ni thams cad la khyad par med pa'i phyir ro/ /skyes bu rang gi 'dod pas 'jug pa can yin pas sems can skal ba mnyam pa la sogs pa'i dbang gis sam bsnyen pa'i khyad par gyis 'ga' zhig rjes su 'dzin gyi gzhan ni ma yin no zhes bya ba ni rigs so//gal te brtul zhugs kyi spyod pa dang / nyams pa la sogs pas chos dang chos ma yin pa 'phel ba na / chos sam chos ma yin pa'i bdag nyid can ngo bo nyid kyis grub pa dang ma grub pa yin no zhe na/ma yin te/ srog gcod pa dang rku ba dang 'khrig pa dang dman pa la sogs pa'i chos 'gal ba mang po dag kyang mkha' 'gro ma dang / sring mo'i rgyud la sogs pa dag la mthong ba'i phyir dang / de dag gis kyang grub pa'i khyad par bsgrub pa'i phyir ro/ / de lta bu'i rnam pa yang chos kyi rang bzhin ma yin no zhes bya ba ni skabs ji lta ba bzhin du ston par 'gyur ro/ /byams pa dang gtsang sbra dang chos la gzhol ba dag gi rgyu mtshan de nyid grub pa 'ga' zhig kyang mi bsgrub pa'i phyir bzlog pa dag gis grub pa'i phyir ro/ /las kyi ngo bo gcig las kyang de dang 'gal ba'i chos dang chos ma yin pa mi rigs so//da ni ji ltar na chos ma yin pa'i bdag nyid can gyi brtul zhugs la sogs pa las chos kyi 'bras bu 'dod pa thob par 'gyur/ 'bras bu 'dod pa de ni brtul zhugs la sogs pa de'i rnam par smin pa ni ma yin gyi/'on kyang sngon gyi las kyis yin te/ bram ze gsod pa'i lung nan tan du byas pa las yul rnyed pa bzhin no/ /chos ma yin pa'i bdag nyid can brtul zhugs de ma 'ongs pa'i 'bras bu ni mi 'dod pa yin no / /'bras bu 'dod pa can gyi las de'i sngags la sogs pa'i sbyor ba de rnam pa 'ga' zhig gis phan 'dogs par byed pa'i phyir smin par byed pa yin te/phan 'dogs par byed pa'i nus pa ni sna tshogs pa nyid kyi phyir ro/ /skyes bu'i khyad par la brten pa rnam par smin pa'i chos can gyi chos de dang des byas pa ni/ de ltar mgu bar byas pas 'bras bu 'byin pa yin no/ /de'i 'bras bu can gyi las de'i sbyor bas phan 'dogs par byed pas rnam par smin pa'i chos can ni byas pa nyid yin pa'i phyir ro/ /gal te skyes bu'i khyad par med par yang des phan btags pa las 'bras bu yin no zhe na/ma yin te/ skyes bu'i rnam pa dang rang bzhin dang spyod pa'i mos pa don med par thal bar 'gyur ba'i phyir ro/ /de yang phan 'dogs par byed pa nyid yin na skyes bu'i khyad par yon tan thun mong ma yin pa can grub ste/ de dag la mos pa kho na dug gi las la sogs pa byed pa'i phyir ro//de bas na sngags skyes bus byas pa yin du zin kyang de'i nye bar sbyor ba la ltos pa med pa rang bzhin gyis 'bras bu 'byin pa ma yin no/ /gang yang rgyud rig 'ga' zhig gis/ /gsang sngags cung zad byed 'gyur ba/ /de dag gis de gtso bo'i mthu//des bshad rig pa 'jug phyir ro/ /lam po che'i skyes bu 'ga' zhig rgyud shes pa bdag nyid kyi sngags byas pa dag gis las 'ga' zhig byed par 'gyur ro/ /de bzhin du gzhan dag kyang phul du byung ba ma yin pa dang sngags kyi byed pa por yang 'gyur ro zhe na/ ma yin te/ de dag gi mthu dang ldan pa nyid kyis byin gyis brlabs pa'i phyir ro/ /des byas pa'i dam tshig rjes su skyong ba dang / de'i man ngag gi dam tshig nan tan du byed pa de dag gis nus te/ de'i dam tshig dang man ngag la ltos pa med pa dag la nus pa med pa'i phyir ro/ / de la yang de'i rnam pa bsam gtan byed pa la sogs pa nyid du rab tu sbyor ba'i phyir ro/ /de bas na des byin gyis brlabs pa de nyid de 'dra bar shes par bya'o/ /gzhan yang de 'dra ba'i mthu dang ldan pa de nyid kyang gzhan dang thun mong ma yin pa'i nus pa nyid yin pa'i phyir/ skyes bu'i khyad par nyid bsgrubs pa yin no//'bras bu 'dod pas sngags rnams ni/ /byas dang skyes bus byas brjod bya/ /ma byas pa dag gi sbyor ba yod pa ma yin no/ /sbyor ba med pa dag las 'bras bu med pa de ltar na/ skyes bu'i byin brlabs med par 'bras bu med pa can dag gi 'bras bu mthong ba'i phyir/sbyor ba las 'bras bu 'dod pa nyid kyis sngags rnams byas pa dang / skyes bus byas pa brjod par bya ste/ brdar byas pa can gyi snyan dngags bzhin no/ /skyes bus nus med sgrub byed ni/ /'di nyid kyis ni bsal ba yin/ / sngags rnams ni skyes bus byas pa dang des byin gyis brlabs pa las 'bras bu 'byin par bstan to/ /de bas na de phul du byung ba 'ga' zhig dang ldan pa'i phyir/ de spong bar byed pa'i sgrub par byed pa dag kyang bsal ba yin no/ /blo dbang smra dang skyes bu nyid/ /la sogs sgrub byed gang brjod pa//tshad ltar snang yin lhag min pas/ /ji bzhin don rtogs yod ma yin/ /blo dang dbang po dang smra ba dang skyes bu nyid yin pa'i phyir zhes bya ba la sogs pa skyes bu'i phul du byung ba spong ba sgrub par byed pa gang yin pa de yang go bar byed pa nyid ma yin te/spong ba dang spyi sgrub par byed pa dag ni mi srid pa'i phyir ro/ /dbang po las 'das pa dag la de ma mthong ba'i spong ba yod pa ma yin no/ /yod du zin kyang de dag mi shes pa'i phyir ro/ /de nyid kyi phyir 'gal ba mi 'grub pa'i phyir / 'gal ba med pa dang lhan cig yod pa 'gal ba med pa'i phyir ro zhes bshad zin to//cig shos kyi spyi yang grub pa ma yin te/ khyad par med pa shes par mi nus pa nyid kyi phyir ro/ /de 'dra ba dag la mi dmigs pa ni gtan tshigs nyid yin pa spangs pa'i phyir ro/ /skyes bu la sogs pa'i spyi dag la yang khyad par 'ga' zhig kyang mthong ba'i phyir ro//khyad par yod pa can la yang spyi ma grub pa'i phyir ro zhes bya ba yang bshad zin to/ /de bas na rjes su dpag pa de ni mi mthun pa'i phyogs la 'jug pa ma mthong du zin kyang / ldog pa la the tshom za ba'i phyir lhag ma dang ldan pa nus pa med pa yin no// //bam po bcu gcig pa/ gzhan yang de skad du brjod pa'i rgyal dpog pa dag gi rang gi tshig dang 'gal bar byed do/ /de ltar na/ sgra ni kho bos 'di don dang / /'di don min zhes brjod mi byed/ /skyes bus don 'di brtags pa ste//de yang 'dod chags la sogs ldan/ /de gcig de nyid rigs gzhan min/ /zhes bya'i khyad par gang gis byas/ /de bzhin skyes yin rnam 'gas kyang / /khyod ci shes can 'ga' mi 'dod/ /rig byed pa'i sgra de dag bram ze khyod tshur shog /kho bo'i don 'di zung shig /gzhan ni ma yin no zhes de skad du brjod par mi byed do/ /mngon par gsal ba ma yin pa'i don gyi khyad par dang 'dre ba can 'ga' zhig gis mnyan pa nyid skyed par byed do/ /de la skyes bu gcig gis don cung zad gcig dang gzhan gyis gzhan brtags pa yin gyi/sgra rnams kyi rang bzhin so sor nges pa cung zhig kyang yod pa ma yin na/ gang gis don gcig gi rjes su byed cing gzhan ma yin te/ 'on kyang brda'i dbang gis de dang de bzung ba na mthong bar 'gyur ro/ /lkog tu gyur pa goms pa'i phyir nyes pas bslad cing mi mkhas pa 'ga' zhig don nges pa rigs pa med pa can de dag de kho na nyid du 'chad par byed pa yin la/gzhan ni ma yin no zhes bya bar rigs pa ma yin no/ /ci ste 'ga' zhig las blo dang dbang po la sogs pa dag de nyid kyis rigs pa yin gyi/gzhan gyis ni ma yin no / /de'i dbang po las 'das pa'i shes pa'i khyad par 'di gang las yin/ de bzhin du yul dang dus dang rang bzhin gyi bskal pa'i don dag mthong na gzhan dag kyang ci'i phyir med pa can mthong ba yin/ de spong bar byed pa'i sgrub par byed pa gang yin pa 'ga' zhig kyang de dag gis dmigs pa ma yin no//ji ltar de'i sgrub par byed pa yod na yang 'di'i khyad par 'di yin pa de ltar gzhan gyis yang 'gyur ba de ltar na mngon par zhen pa med par rigs pa yin no/ /gal te gang tshig tshad ma yis/ /mi slu de don rig yin na//shin tu lkog tu gyur pa la/ /tshad ma srid pa yod ma yin/ /de ltar ni 'gyur na kho bos skyes bu tshad mar gyur pa'i phyir/ 'ga' zhig gi bshad pa la mngon par zhen pa ma yin no/ /'o na ci yin zhe na/ tshad ma gzhan gyis mi slu ba'i phyir ro//'chad pa po mang po dag yod na yang mngon sum la sogs pa'i tshad ma ston par byed pa gang yin pa de khas len to zhe na / de ni ma yin te/ dbang po las 'das pa ma mthong ba la sogs pa tshad ma gzhan mi 'jug pa'i phyir ro/ / de 'jug pa med pa nyid kyi phyir de rtogs par bya ba'i phyir/ lung don du gnyer ba yin no/ /de lta ma yin na de yod du zin kyang tshad ma gzhan 'jug pa med pa na don rtogs pa med pa'i phyir ro/ /yan gar ba de las rtogs pa'i phyir lung sgrub par byed pa nyid du mi 'gyur ro/ / gal te gzhan yan gar ba las kyang dbang po las 'das pa dag rtogs par mi 'gyur ro zhe na / ji ltar dbang po las 'das pa zhes bya ba dang / mngon sum la sogs pa'i yul yang yin/ gal te de dag kyang rang gi yul la yang lung la ltos nas sgrub par byed pa yin no zhe na/du ba la sogs pa las me la sogs pa'i shes pa lung med pa can du mi 'gyur ro/ /gal te lung 'jug pa la tshad ma gzhan tshol ba ni ma yin no/ /'o na ci zhe na/ lung gi 'jug pa de nyid mi shes so zhe na/ rab tu sgrub pa bdag nyid nus pa 'di lung de nye bas phul du byung ba ci zhig gso bar byed/nus pa med na ni lung 'jug tu zin kyang sgrub par byed pa nyid du mi 'gyur ro/ /dbang po las 'das pa'i don dang 'brel pa'i lung gi 'jug pa de yang dbang po las 'das par ji ltar gzhan gyis grub pa yin te/ gzhan yang de bzhin du lung gi mtshan nyid du 'gyur ro//de ltar na/ gang gi tshig ni tshad ma yis/ /mi slu ba can de byas tshig /de lung zhes thob de yi phyir/ /skyes bus byas min don med yin/ /lung smra bar mtshungs na yang tshad ma'i stobs kyis lung ni la lar lung nyid yin te/ tshad mas mi slu ba'i tshig dag lung gi mtshan nyid yin par 'gyur ro//skyes bus byas pa ni ma yin te/ de ni thams cad la mtshungs pa yin na yang rtogs pa tshad mas gnod pa med pa'i phyir ro/ /de yod na yang gzhan du tshad ma gzhan gyis slu ba la mi 'dod pa nyid kyi phyir ro/ /gzhan yang / gal te shin tu lkog gyur don/ / lung med shes pa yod na ni/ /dbang po las 'das don rig 'ga'/ /yod do zhes ni mngon 'dod 'gyur/ /gal te skyes bu lung la ltos pa med pa'i shes pa ji lta ba de lta bu nyid lkog tu gyur pa'i don la 'dod na/ dbang po las 'das pa'i don mthong ba'i skyes bu yod do zhes 'dod par 'gyur ro//mngon sum sngon du song ba can gyi tshad ma ni de mthong ba med pa la mi srid pa'i phyir ro/ /mngon sum 'jug pa med pa'i phyir/ /de dag la tshad ma gzhan mi srid pa na de la dmigs pa ma yin pa rtogs par bya ba lung tshad ma yin no/ /tshad ma gzhan 'jug pa mngon sum sgrub par byed pa yin pa'i phyir/skyes bu'i phul du byung ba dag bzlog par mi 'gyur ro/ /de bas na dbang po las 'das pa dag la tshad ma gzhan 'jug pa ma yin no/ /de nyid kyi phyir lung don gyi khyad par la 'jug pa yongs su shes pa med pa'i phyir/ rgyal dpog pa'am gzhan 'dis ni/ /bdag nyid 'dod chags sogs ldan pa'am/ /gzhan las rig byed don rig min/ /rig byed rig par byed min na'ang / /rig byed don ni gang las rtogs/ /nyes pa'i 'khrul pa las ma 'das pa can gyi 'chad pa po'i skyes bu thams cad kyi dbang po las 'das pa'i don gyi khyad par so sor nges pa de bdag nyid kyis rig pa ma yin no//de dag la gzhan gyis rig par byed pa ma yin te/ de la yang thal bar gyur pa mtshungs pa nyid kyi phyir ro/ /long bas drangs par gyur pa'i long bas lam rtogs par mi 'gyur ba lta bu'o//rig byed bdag nyid kyang rang gi don rnam par 'grel par byed pa ma yin te/ bstan pa don med par thal bar 'gyur ba'i phyir ro/ /de bas na yongs su shes pa'i byed pa'i don can ma yin pa'i sgra'i lhag ma 'di ltar zug rngur gyur pa/ yang dag pa mthong ba ma yin pa'i rtsa ba rnams kyis rnam par bcings pa 'byung bar dka' ba sdug bsngal 'jog par byed pa yin no//des mtho ris 'dod me la ni/ /sbyin sreg sbyin zhes thos pa la/ /khyi sha za zhes bya ba de/ /don min zhes 'dir tshad ma gang / / don la la yang nye ba dang / /bskal pa dang bral ba mtho ris 'dod pas me la sbyin sreg sbyin par bya'o zhes bya ba dag la 'byung ba'i khyad par la ji ltar mngon par 'dod pa'i mar la sogs pa blugs par bya'o zhes bya ba'i don yin la/ khyi'i sha bza' bar bya'o zhes bya ba'i khyad par ma mthong ngo //lkog tu gyur pa'i ston pa po'i tshig gi bsam pa ji lta ba bzhin du don da ltar bdag gis rtogs par 'gyur ba'am/ 'on te bzlog pa zhes bya ba 'di thams cad du thal bar 'gyur ba mtshungs pa ma yin nam/ ma yin te/ 'chad pa po bdag nyid kyi dgongs pa gsal bar byed pas yang dag pa'i man ngag srid pa'i phyir ro//'di ni ston par byed pa po med pa'i sgra dag la yod pa ma yin no/ /'jig rten gyis shes par bya ba'i dgongs pa can gyis gsungs pa na/ 'jig rten gyi brda rab tu grags pa rjes su skyong bar mdzad do/ / de las kyang don de'i rtogs par 'gyur ro/ /skyes bus ma byas pa'i sgra dag ni ma yin te/ de la 'ga' zhig smra bar 'dod pa med pa'i phyir ro/ /gzhan yang mkhas pa rigs pa nyid rjes su skyong bar byed pa dor bar bya ba dang / blang bar bya ba de'i rten dag la 'jug par 'gyur gyi/ rab tu brjod pas ni ma yin pa'i phyir thal bar mtshungs pa ma yin no/ /de yang skabs ji lta ba bzhin du ston par 'gyur ro/ / 'jig rten gyi gnas pa la sogs pa rigs pa'i yul ma yin pa'i don la yang skyes bu yid ches pa'i tshig las rtogs pa ma yin nam/ ma yin te nges pa med pa'i phyir ro//la lar 'khrul pa med pa'i phyir thams cad la de ltar 'gyur ba ma yin te/ 'khrul ba mthong ba'i phyir dang / de'i 'jug pa mi slu ba dang khyab pa ma grub pa'i phyir ro/ /lung gi mtshan nyid 'di ni go skabs med pa nyid du 'dod pas de las nges pa ma yin no/ / de bas na lung tshad ma ma yin no zhes bshad zin to/ /skyes bus ma byas pa'i sgra dag gi don shes pa yang dag pa'i man ngag las ma yin/ /rigs pa las ma yin/ 'jig rten las ma yin pa'i phyir ro/ /de la rtogs pa med par rigs pa dang ldan pa ma yin no/ /de yang gal te/'jig rten tshig rab grags rtogs pa'i/ /rgyu yin na/ de la sna tshogs don can sgra'i/ /gang gis don 'di rnam phye bas/ /dbang po las 'das don mthong gang / /skyes bus ma byas pa'i sgra dang don 'brel pa las 'jig rten gyi tha snyad 'di ni ma yin no//'o na ci zhe na/ brda las yin te/ bstan bcos byed pa rang nyid kyi brda las bstan pa la ltos pa'i phyir/ pa ni na'i slob ma la sogs pa'i tha snyad bzhin no/ /skyes bus ma byas pa de la ni bstan pa rigs pa ma yin te/ de ni 'ga' zhig gis kyang mi shes pa'i phyir dang /dbang po las 'das pa nyid kyi phyir ro/ /dbang pos gzung bar bya ba nyid yin na ni gzugs la sogs pa dang 'dra bar bdag nyid rtogs par thal bar 'gyur ba'i phyir ro/ /bstan pa yin na yang skyes bu rang rgyud pa dag gi de kho na nyid ji lta ba bzhin du bstan pas mi slu ba mi 'grub pa'i phyir yid brtan du med do//gal te rig byed dang 'dra bar rnam par bshad pa dang / skyes bus ma byas pa thog ma med pa'i yang dag pa'i man ngag rgyun ma chad pa las 'ongs pa de las don grub pa yin no zhe na/ de yang sgra'i bdag nyid can yin na ni ji ltar na 'di'i don rig pa yin zhes brgal zhing brtag pa mtshungs so //re zhig skyes bu bdag nyid kyis brdar byas pa'i sgra rnams kyi don rwa las gzung bas kyang mi rtogs pa rtogs par byed pa de ltar na skyes bus byas pa'i don rtogs pa'i thabs yod pa yin no/ /skyes bus ma byas pa'i sgra ni de ltar byed pa ma yin no//'ga' zhig gis kyang la lar 'di'i 'brel pa nges pa shes par mi nus pa'i phyir ro/ /de'i don rtogs pa nyid med do / /gzhan yang rig byed de'am de'i rnam pa bshad pa skyes bus skyes bu la bstan par gyur pa na/ yang dag pa'i man ngag 'jig pa med pa can nyid rjes su 'jug pa zhes bya ba 'di la yang mna' la brten par bya ste/lung 'jig par byed par bdag nyid rlom pas sam/ de'i bstan pa la rnam par sdang bas sam/ der zhugs pa dma' dbab pa'i phyir g.yon can zil gyis mnan pas sam/ rgyu gzhan 'ga' zhig kyang rnam pa gzhan du rtsom pa mthong ba'i phyir ro//gzhan yang 'dir khyod kyis skyes bu 'dod chags la sogs pa dag gis bslad pa brdzun pa yang smra ba'i phyir/ 'di'i tshig tshad ma ma yin no zhes bdag nyid kyis khas blangs pa brjod pa yin te/ rang gi tshig la rjes su chags pa'i phyir ro/ /de ni 'dir yang yod dam med ces ci'i phyir dpyod par mi byed/de nyid rig byed dam rig byed kyi don ston pa na 'khrul pa'i phyir rnam pa gzhan du ston par 'gyur ro/ /skyes bu 'ga' zhig gis nus pa las byung ba'i yal ga gzhan dag thos shing da ltar yang nyung zad 'don par byed pa can 'ga' zhig kyang mthong ngo / / de bzhin du rgya cher 'don par byed pa can 'ga' zhig kyang dus 'ga' zhig gi tshe/ nus pa srid pa'i phyir dang / yang skyes bu yid ches pa'i shes pas rab tu mang po khas blangs pa yod pa srid pa'i phyir ro/ /yang rgya cher 'don par byed pa po'i skyes bu 'ga' zhig gi tshe 'don pa brjed pa/ 'don par byed pa can de dag dang /gzhan srid pa nyams pa'i 'jig pa la sogs pas rnam pa gzhan du srid pa'i phyir ro/ /de shes pa las kyang de la dad pa dag dpyod pa med par rtogs pa'i phyir ro/ /'don par byed pa po mang po dag la skyes bu yid ches pa las mang du rtogs pa mthong ba'i phyir ro/ /de las kyang rnam pa 'ga' zhig gis 'khrul pa srid pa'i phyir ro//gzhan yang skyes bu 'chad pa po'i nyung zad 'chad pa'i brgyud pa nyid 'di la khyed kyis kyang mnyan par bya ba yin no / /de la rnam par sdang ba dang / mi shes pa dang / spyang po dag gi nang nas 'ga' zhig gang las rung bar 'gyur ba'i phyir yid brtan par bya ba ma yin no/ /de bas na skyes bus ma byas pa'i bshad pa las ma yin zhing /brda las byung ba'i 'jig rten gyi tha snyad las kyang rig byed kyi don grub pa ma yin no/ /brda las byung ba ma yin pa la yang don sna tshogs pa can gyi sgra rnams kyi tha snyad mthong ba'i phyir ma grub pa'i don can nam/ rab tu ma grags pa'i 'ga' zhig gi yang bshad pa mthong bas thams cad du de'i dogs pa mi ldog pa'i phyir ro//thams cad don ji lta ba bzhin du nges par sbyar ba na yang rjes su mthun par brda ji lta ba bzhin du rtogs pa bskyed pa'i phyir dang / 'dod pa dang mi 'dod pa dag la khyad par med pa'i phyir ro/ /don thams cad la khyad par med pa dag ni lkog tu gyur pa dang 'brel pa can gyi don gcig lkog tu gyur pa mthong ba ma yin pa'i skyes bu tha mal pa la su zhig rnam par 'byed par 'gyur zhing /gang zhig 'jig rten gyi tha snyad las rtogs par 'gyur/ gzhan yang bdag nyid kyang thams cad du grags pa'i rjes su 'brang bar mi byed do//'di ltar/ 'di nyid kyis brjod par gyur pa/ /grags min don brjod mtho ris dang / /lha mo la sogs sgra mthong ngo / /mi las phul du byung ba skyes bu khyad par can gyi gnas dang / mi las 'das pa'i bde ba'i rten dang / nye bar mkho ba rnam pa sna tshogs pa can ni mtho ris so//der gnas pa'i lha'i bu mo la lha mo zhes 'jig rten na brjod do/ /de la brten pa med par don gzhan nyid la rnam par rtog par byed pa na 'di sgra gzhan dag la ji ltar rab tu grags pa tshad mar 'gyur/ de la gal te 'gal ba med pa'i phyir khas len to zhe na/ ma yin te/ dbang po las 'das pa 'di yang 'gal ba ma grub pa'i phyir ro//gzhan dag la yang 'gal ba med par rtogs par dka' ba nyid kyi phyir ro/ /me'i sbyin sreg las mtho ris thob pa 'gal du zin kyang blo dman pa'i phyir 'dis shes par yang mi 'gyur ro/ /'gal ba dang 'gal ba med pa dag ni gnod pa can dang / sgrub par byed pa'i tshad ma 'jug pa yin no//de dag kyang lkog tu gyur pa la mngon par 'dod pa ma yin no/ /de bas na ji ltar na de'i dbang gis rtogs pa yin/ tshig 'jug pa nyid kyi phyir yang 'gal ba med pa ma yin te/ gzhan dag la yang thal bar 'gyur ba'i phyir ro/ /lung 'di ni skyes bus ma byas pa yin la de ni 'jig rten gyi grags pa las don grub pa yin no//de la yang 'gal ba dpyod pa na lung ni yid brtan du med par 'gyur ro/ /de yod du zin kyang don de bzhin du ma yin pa'i ngo bo nyid yin pa'i phyir/ tshad ma mi 'jug pas gzhan dag kyang dogs par bya ba nyid yin pa'i phyir ro/ /mtho ris 'dod pas me la sbyin sreg sbyin par bya'o zhes bya ba 'di la khyi'i sha za ba'i brjod pa'i rnam par rtog par 'gyur ba zhes bshad pa gang yin pa de mi 'gyur te/yul gzhan dag tu de ltar 'di bshad pa'i phyir ro/ /ma yin te/ de'i don yongs su shes pa med pa'i phyir ro//yul gzhan dag tu yang de lta bu'i don gyi rnam par rtog pa ni bzlog pa med pa nyid kyi phyir ro/ /gal te skyes bus ma byas pa'i sgra'i phung po 'di la lar don rtogs pa can du 'gyur ba de'i tshe de las don rtogs par 'gyur ro/ /de dag gis phal cher yang thams cad long ba nyid yin pa'i phyir/ji ltar 'dod pa bzhin du byed do/ /de'i phyir/ de 'dra'i sgra gzhan dag la ni/ /de 'dra'i rnam rtog nyid du 'gyur/ /mtho ris 'dod pas me la sbyin sreg sbyin par bya'o/ /zhes bya ba'i ngag 'di ci 'dra ba'o/ /gzhan yang / grags pa dag kyang mi rnams tshig / de ni tshad mar mi 'dod na/ /de las yang yang don rtogs pa/ /sdang 'dod des ni ci zhig bya/ /skye bo'i rab tu brjod pa las gzhan du rab tu grags pa zhes bya ba gzhan ni med do/ /skye bo de dag thams cad ji lta ba de lta bu can gyi tshig can du bsam par bya ba ma yin pa de bas na rab tu brjod pa ni tshad ma ma yin te/'dod chags la sogs pa dang / ma rig pa dang ldan pa nyid kyi phyir ro/ /'ga' zhig gi yang dag pa'i 'jug pa med pa na phal cher don dang ldan par 'gyur ba ma yin te/ par sig ma bag mar len pa'i log pa'i spyod pa bzhin no/ /skyes bu de dag nyid kyi tshig las kyang lkog tu gyur pa'i don rtogs pa de ltar na/ji ltar de nyid cig car sdang bar bya ba dang 'dod par bya ba yin/ ci ste grags pa las brgal ba'i/ /rtog la rgyu med nyid yin no/ /rab grags tshad ma nyid min phyir/ /de 'dzin la rgyu ci zhig yod/ /gal te phrad pa bzlog pas gzhan du 'jug pa'i yon tan dang /skyon mthong ba na rigs pa de ltar na rab tu grags pa'i rjes su 'gro ba yin no zhe na/ ma yin te/ phrad pa ni tshad ma 'jug pa'i mtshan nyid can yin pa'i phyir ro/ /rab tu grags pa'i tshad ma nyid ma yin pa'i sgo nas rtogs par gzung ba gang yin pa ni cir yang mi rung ngo //thob par dka' ba'i rigs pa nyid kyi phyir ro/ /rang dang gzhan gyi rnam par rtog pa rnam pa gnyi ga'i yang 'jug pa mtshungs pa de ltar na rab tu grags pa'i rjes su byed pa ci zhig yod/ gzhan yang / grags pa nyid kyis sgra don gyi/ /nges la dogs pa bskyed pa ni//gang phyir de la sgra rnams don/ /sna tshogs 'jug pa can nyid mthong / /sgra rnams ni rab tu grags pa las don gcig tu nges pa ma yin te/ de nyid las dogs pa skye ba'i phyir ro/ /'jig rten la sgra'i don sna tshogs pa can du snang ba dang / 'jig rten gyi brjod pa ni grags pa yin no//de nyid kyi phyir don sna tshogs pa can yin pa'i phyir/ de las don gyi nges pa rigs pa ma yin no/ /nges byed ma mthong ba dag gis/ /sna tshogs nus can sgra rang nyid/ /nges par dogs par bya yin te/ /rnam gzhan mi srid med phyir ro/ /zhes bya ba ni bar skabs kyi tshigs su bcad pa'o//de bas na don gyi dbye ba rigs pa med pa can gyi sgra dag gi don gcig lkog tu gyur pa dang 'brel pa can dmigs pa med pa sgro btags pa can don gcig nges par byas nas rgyal dpog pa 'chad par byed pa na/ de'i zol gyis bdag nyid de skad du smra ba'i phyir/ mu stegs byed gzhan las 'di'i khyad par gzhan ma mthong ngo //de ltar na don de gsal bar byed pa'i bya bas stong pa der sgro 'dogs par brjod pas rang gi tshig khyad par du byas pa med do/ /de byed pa can gyi 'dul ba nyid log pa 'ba' zhig bdag nyid gsal bar byed par 'gyur ro/ /de ltar na/ 'ga' zhig lam ni 'di yin zhes/ /sdong dum 'di ni sma 'gyur zhes//gzhan ni bdag nyid smra de ltar/ /de dag bye brag brtag par bya/ /bsam pa dang bya ba dang tshig med pa can gyi sdong dum la sgro btags nas ston par byed pa'am/ rang rgyud pa'i bdag nyid tshig khas len pa la/ blun po rtogs pa dman pa las gzhan du khyad par cung zad kyang yod pa ma yin no//gzhan yang don nges pa yod na de dag rgyal dpog pas shes par 'gyur ro/ /thams cad la don rung gcig gis/ /gsal byed la nges gang las yin/ /sgra ni dngos su don 'ga' zhig gi de'i rang bzhin du nges pa ma yin te/ thams cad la rung ba nyid kyi phyir ro/ /rung ba nyid ma yin na yang de las 'phos pa med pa'i phyir/dbang du ma byas pa ni skyes bu rnams kyis la lar nye bar sbyor ba dang / gsal ba mi srid pa'i phyir dang / brjod 'dod nges pa ma gtogs pa/ /gang gis dbang po las 'das shes/ /brjod par 'dod pa 'ga' zhig gis/ /skyes bus byas pa'i sgra yod na des de 'ga' zhig gi tshe 'ga' zhig la shes par byed par 'gyur ba'i yang phyir ro//brjod par 'dod pa sngon du song ba can gyi sgra rnams kyi don nges par yang rtogs par 'gyur ro/ /skyes bus ma byas pa yod na yang don nges pa ji ltar rnam par shes par 'gyur te/ rang bzhin tha dad pa med pa'i phyir ro//yod na yang mngon sum bdag nyid kyis rtogs par thal bar 'gyur ba'i phyir ro/ /mngon sum nyid ma yin na yang / 'ga' zhig gis kyang shes par mi nus pa nyid kyi phyir ro/ khyad par cung zhig kyang yod pa ma yin te/ sgra thams cad ni don thams cad dang nye ba dang bskal pa dang bral ba nyid yin no//de'i phyir de dag ni/ nges pa'i brjod 'dod rgyu yin zhing / /brda ni de yi gsal byed yin/ /de ni skyes min la med na/ /de don gcig can de gang las/ /brjod par 'dod pas sgra ni don dag la nges par bya ba yin gyi ngo bo nyid kyis ni ma yin te/ de ni 'ga' zhig la yang rag lus pa med par thams cad la mtshungs pa nyid kyi phyir ro//gang la rag las pa yin na yang de rjod par byed pa'i nges pa med pa'i phyir ro/ /sgra thams cad kyi byed pa rnams brjod par thal ba'i phyir ro/ /de bas na brjod par 'dod pa gsal bar bya ba'i phyir bsam pa ston par byed pa'i mtshan nyid can gyi brda byas pa yin no/ /skyes bus ma byas pa la ni brjod par 'dod pa med cing brda med de 'ga' zhig gi yang bsam pa med pa'i phyir/nges pa med cing de shes pa med do/ /rang bzhin gyis ni nges yin la/ /gzhan la nges kyang mi rung ngo / /gal te brda la ltos pa med par sgra ngo bo nyid kyis don dag la 'dres par 'gyur ro zhe na/ 'dir rag lus pa med pa'i phyir /nges pa yod pa ma yin no zhes bshad zin to/ /gzhan yang ngo bo nyid kyis brjod par bya ba dang rjod par byed pa'i ngo bo yin na ni/ brjod par 'dod pas kyang ji ltar 'dod pa bzhin du nges par sbyar du mi rung ngo / /brda yang don med can nyid 'gyur/ /rang bzhin tha dad pa dbang po'i rtogs par bya ba ni rang nyid rtogs pa'i phyir/spyi btang ba la sogs pa la ltos pa ma yin te/ sngon po la sogs pa'i khyad par bzhin no/ /de la ltos pa'i rtogs pa can dag ni dngos po'i rang bzhin ma yin no/ /'o na ci yin zhe na/ brdar byas pa yin te/ rgyal po'i rtags la sogs pa bzhin no/ /brdar byas pa gang yin pa de ni de'i rang bzhin nyid du nges par rigs pa ma yin te/de ni 'dod pas 'jug pa yin pa'i phyir/ de nyid kyi phyir/ brda las rang bzhin khyad par gyi/ /gsal ba'i nges pa'ang gang las yin/ /rang gi 'dod pas 'jug pa'i brda de ni 'di nyid la bya bar nus kyi/ /gzhan la ni ma yin no zhes bya ba'i gnod pa yod pa ma yin no //de ni skyes bu dag gis rang nyid kyi 'dod pa byas pa na rang bzhin de nyid gsal bar byed kyi/ de gzhan ni ma yin no zhes bya ba'i nges pa yod pa ma yin no/ /gang la 'dod pas rang rgyud pas/ /de la nges pa zhes bya gang / /des na brda ni 'di rung nyid/ /'dod pa nyid ni gsal mi 'gyur/ /zhes bya ba bar skabs kyi tshigs su bcad pa'o//gang phyir rig byed phyogs gcig phyir/ /gzhan yang de 'dra yin te dper / /me ni grang bzlog gang bden bzhin/ /de skad gzhan dag zer ro lo/ /gzhan dag ni skyes bus ma byas pa'i lung gi mtshan nyid yongs su btang nas rnam pa gzhan du rig byed tshad mar bsgrub par 'dod pas gang la rtogs pa med pa'i rig byed kyi ngag ni/rig byed kyi phyogs gcig nyid yin pa'i phyir/ phyin ci ma log pa yin te/ dper na me ni kha ba'i gnyen po yin no zhes bya ba la sogs pa'i ngag bden pa lta bu'o zhes smra'o/ /de'i 'di ni/ ro 'dra ngo bo mtshungs nyid phyir/ /snod gcig la yang tshos pa bzhin/ /lhag ldan 'khrul pa nyid yin phyir//rigs pa shes pas de 'dra spangs / /slob dpon bdag nyid kyis rigs pa can gyi lhag ma dang ldan pa'i rjes su dpag pa'i 'khrul par bstan pa na/ rjes su dpag pa de 'dra ba bsal ba yin no / /dper na 'bras bu rnams kyi ngo bo mtshungs pa can nyid kyis ro mtshungs pa grub pa bzhin dang / snod gcig gi nang du chud pa'i phyir/mthong ba dang 'dra bar 'bras bu ma mthong ba tshos pa grub pa bzhin no zhes bya ba sgrub par byed pa ma yin par gsungs so/ /de sgrub par byed pa nyid ma yin pa'i rigs pa yang sngar bshad zin te / lung gi mtshan nyid 'di kho bo cag gis de ni dpyod par nus pa can gyi yul thams cad bdag nyid ji lta ba bzhin du tshad mas sgrub pa dang dgag pa rnam par dag pa yin na sgra rnams kyi med na mi 'byung ba nyid med na yang /don rnams la the tshom za'i 'jug pa rigs pa yin te/ de la 'ga' zhig gi tshe mi slu ba srid pa'i phyir ro zhes bshad do/ /gzhan du skyes bu tshad ma mthong ba dang 'gal ba can gyi rtogs pa ni med do//tha mal pa'i yul me grang ba bzlog par nus pa rjod par byed pa bden pa'i don can dmigs nas bstan bcos thams cad bden pa'i don can yul yongs su gcod par nus pa yang tshad ma dang 'gal ba'i phyir/ ches rigs pa dang ldan pa yang ma yin par smra ba gang yin pa/ des ni 'gal ba ma bsal dang //bstan bcos don ni ma bstan par/ /skyes bu rtag pa byed po dang / /dngos rnams rtag dang dbang po 'das/ /dbang pos gzung bya dang dngos rnams/ /rgyu dang dngos 'jig 'gal ba dang / /tshad ma gnyis kyi spyod yul ni/ /rnam pa bsal ba gzhan dag gam/ /lung la ltos pa'i rjes dpag dang / /'gal ba dag ni rjod byed pa//bden pa'i don zhes khas len pa/ /g.yem ma mu cor gyis rgyal bzhin/ /skyes bu'i ngo bo snga phyi 'pho ba dang len pa med pa can 'phrod pa 'du ba can gyi rgyu dang / byin gyis brlabs pa'i ngo bo la sogs pas las dang 'bras bu rnams kyi rim bzhin du byed pa po dang za ba po dngos po 'ga' zhig rtag pa nyid de skad cig ma ma yin pa ni dngos po'i chos las 'das pa nyid kyi phyir mi rigs pa dang /spyi la sogs pa mngon sum ma yin pa mngon sum pa dag yin pa dang / dngos po rnams skye ba dang gnas pa dang / 'jig pa 'gal te/ khyad par du byar med pa can sngar byed pa po ma yin pa gzhan la ltos nas skyed pa po nyid dang grub pa'i phyir/'bras bu'i ngo bo can ma yin pa rten gyi dbang gis gnas pa dang / rgyu las 'jig pa zhes bya ba la sogs pa dang / mngon sum dang rjes su dpag pa dag gis rab tu grags pa las phyin ci log pa can sgrub par byed pa can gzhan dang / me la sbyin sreg la sogs pas sdig pa sbyong bar nus pa nyid la sogs par lung la brten pa'i rjes su dpag pas gnod pa rig byed kyis smras pa de ni rigs pa ma yin no zhes mang du bstan zin to//de skad du smra ba'i rig byed de'i bstan bcos kyi lugs thams cad la tshad ma dang 'gal ba ma bsams pa dang / bstan bcos kyi 'brel pa dang / rjes su mthun pa'i thabs dang / skyes bu'i don rjod par byed pa ma bstan par ro//shin tu rab tu grags pa'i yul bden pa brjod pa tsam gyis shes rab kyis rtogs par dka' ba'i thibs po la nyes pa med pa nyid bsgrub par 'dod pas/ g.yem ma mu cor gyis kyang rgyal ba lta bu'o/ /g.yem ma 'ga' zhig gis kyang bdag nyid kyi bdag pos log par zhugs pa'i gnas mthong nas klan ka tshol ba de la/ma'i chos bzhin gyi chung mas yid ches pa med par bdag gi mig gi chu'i chu bur dag gi ming can gyis yid ches par byed pa'i skyes bu phyin ci log la ltos shing / grong pa rgan po mig long ba shing skyed par byed pa des don du gnyer du zin kyang 'brel pa ma byas na/ gzugs dang yon tan la rjes su chags pas blon po mchog gi khye'u dang /'dod pa spyod par byed ces lan du zer ro lo/ /me ni grang ba'i gnyen po'i tshig gis tshad ma dang 'gal bar mthong ba can/ shin tu lkog tu gyur pa la mi slu bar rjes su dpag pa de ni de lta bu'i rigs can yin no/ /gal te de ltar tshad grub na/ /ci ste 'dir ni tshad min ci/ /skyes bu mang du smra ba la/ /bden don can gcig yod med min//ji ltar 'di shin tu bden par brjod pa shin tu dka' ba de bzhin du shin tu bden pa ma yin pa brjod pa yang ngo / /de la tshig gcig rnam pa 'ga' zhig gis mi slu bas na de'i tshig gi tshogs lhag ma de ltar 'gyur na ni/ skyes bu 'ga' zhig kyang yid ches pa ma yin par mi 'gyur ro/ / gzhan yang / 'chad pa po la sgra gnas pas/ /'di dngos rang bzhin nam 'bras min/ /de las rnam par bzlog pa yis/ / 'khrul pa med pa yod ma yin/ /re zhig tshig de brjod par bya ba dag gi rang bzhin ma yin zhing / de dag gi 'bras bu yang ma yin te/ de med du zin kyang 'chad pa po brjod par 'dod pa tsam gyis yod pa'i phyir ro//gzhan 'ga' zhig kyang 'khrul pa med pa can ma yin te/ 'khrul pa yin na yang de las rnam pa gzhan du yang de srid pa'i phyir ro/ /de yod pa'i phyir/ de rtogs par rigs pa ma yin no/ /gal te rjod byed rnams kyi 'jug /brjod bya mthong ba yin zhe na/ /de ltar na ni 'gyur na/ tshig gi 'bras bu nyid yin te//rjod par byed pa ni brjod bya mthong bas 'jug pa'i phyir ro/ /de ltar yin na ni/ phan tshun dag ni 'gal bar don/ /de ni gcig la ji ltar 'gyur/ /gal te brjod bya'i dngos po med par sgra mi 'jug go zhes bya ba'i nges pa de ni brjod pa tha dad pa dag yod na/ dngos po gcig la 'gal ba ni rang bzhin nye bar sbyor bas 'jug par mi 'gyur ro//sgra gcig rnam grangs med pa rtag pa dang mi rtag par 'gyur ro/ /zhes bya ba 'di ni srid pa ma yin no/ /des na lung gi dngos po rnams/ /rtogs pa po yi rnam 'gas kyang / /med na mi 'byung grags min na//de dag las don nges gang yin/ /skye bo mi shes pa lung gi tshad ma des kun nas bstan pa'i don rtogs par bya ba'i phyir/ tshol bar byed de/ yang dag pa ji lta ba bzhin du rtogs par byed pa ni bstan pa la ltos pa med pa'i phyir ro/ /dbang po las 'das pa'i yon tan gyi skyes bu rnam par 'byed par mi nus pa'i phyir/'dod pa'i don yod pa nyid med par tshig rnams kyi 'jug pa mthong ba mi shes pa ni 'khrul pa ma mthong ba can gyi skyes bu dag gi tshig la yang ci don ji lta ba can nam/ ma yin zhes the tshom du 'gyur ro/ /des na 'dis ni 'ga' zhig gi tshig gis cung zad kyang nges par 'gyur ba rigs pa ma yin no//'di yi/ de phyir de ni log na yang / /dngos po med pa grub mi 'gyur/ /lung ni thams cad kyi yul can nyid yin pa'i phyir/ dngos po yod na mi slu bas 'di 'jug pa'i phyir/ de log pa'i mtshan nyid can gyi mi dmigs pas med pa bsgrub par 'gyur ro//zhes bshad pa gang yin pa de yang 'di ni thams cad kyi yul can nyid yin na yang dngos po med par mi 'jug par 'gyur ro/ /de las khong du chud par 'dod pa'i grub pa med do zhes bshad zin to/ /nges med nges pa'i 'bras bu can/ /mi dmigs pa ni mi 'grub po//de'i phyir tshad ma gsum log tu zin kyang bskal pa'i don dag med par nges pa ma yin no/ /rig byed tshad ma dang ni 'gas byed smra/ /khrus la chos 'dod dang ni rigs smra dregs/ /sdig pa gzhom phyir gdung ba rtsom zhes pa/ /blun po shes rab 'chal pa'i rtags lnga yin/ / rig pa chen po sa'i steng ma lus pa na smra ba'i glang po che'i spyi bo gnon par mdzad pa'i seng ge phyogs ma lus par snyan par grags pa can/ dpal chos kyi grags pas sbyar ba las/ tshad ma rnam 'grel gyi le'u dang po'i 'grel pa rdzogs so// //