CLOSE WINDOW

D4207
བོད་ཡིག

/[ @#/ /rgya gar skad du/ tri kA la pa rIk+Sha nA ma/ bod skad du/ dus gsum brtag pa zhes bya ba/ dang por yod dang de las yod/ /de nas med dang rim 'gal te/ / dus gsum de ni de ltar dmigs//de ni de ltar rang bzhin min/ /ji ltar dbang po bslad tsam las/ /sgro 'dogs pa ni skye ba ltar/ /de bzhin bstan pas skye ba'i blo/ /rkyen dag gis ni don rnams la/ /thams cad min pa'i yul snang ba/ /rkyen dang sgra la brten nas ni/ /don ni spyi yi ngo bo dang / /rang gi ngo bos rtogs par byed//ngo bo ldog pa tha dad dag /'jig rten lam la gnas nas ni/ /shes pa'i dbang dang mngon brjod pa/ /byis dang mkhas pa 'dra ba yin/ /don gyi ngo bos kun ma dag /shes pa'i rang bzhin med brten pa/ /de ni shin tu dag pa gzhan/ /gcig brjod rang bzhin med pa'o//nye bar bslad phyir shes pa ni/ /phyi rol rnam par snang ba yin/ /chu rnyog bzhin du de de yin / / tshogs pa 'dra ba tha dad skyes/ /ji ltar don gyi 'bras byin zhes/ /dag pa min par rnam par gnas/ /de ltar don la der rten can/ /rang gi ngo bos bar du chod/ /'di ltar don dang sgra dang ni//shes pa las ni phyin ci log /dngos dang dngos med ma phye bas/ / tha snyad la ni 'jug pa ste/ /ji ltar dngos po nyer bsten nas/ /de ni dngos med rjes su rtogs/ /de ltar dngos med nyer bstan nas/ /de ni dngos po'i rjes su rtogs/ /dngos las dngos po skye min na//dngos po rjes su snang byed min/ /gcig las bdag nyid gzhan min la/ /dngos dang dngos med rnam par brtags / /dngos med rjes su snang med phyir/ /rab tu sgrub byed rgyu ma yin/ /snang ldan la yang dngos po yi/ /rgyus ni ci zhig byed par 'gyur//de phyir thams cad dngos med dam/ /yang na thams cad dngos por 'dod/ /gnas skabs gzhan du cung zad kyang / /gcig las bden par gnas ma yin/ /gnyis med nyid kyang thams cad 'dir/ /rang gi ngo bos mtshan nyid gcig / kun tu brtags kyi tha snyad kyis/ /rnam pa sna tshogs nyid du dmigs/ /gnas skabs bzhi yang ji ltar ni/ /rang bzhin med la rab tu brtags/ /de ltar gsum dmigs pa yang de/ /dngos dang dngos med la brten yin/ /mi 'gal ba dang 'gal ba'am/ /yod dang med pa'ang de nyid min//rim dang rim pa med pa yang / /dngos dang dngos med la dmigs min/ /mi 'gal ba dang 'gal ba dang / /yod dang med pa'ang de nyid min/ /rim dang rim pa med pa yang / /des ni dngos po mi dmigs so/ /dngos po med pas dus gsum la/ /tha dad srid pa ma yin no//de lta bas na dngos po yang / /dus gsum du ni rigs ma yin/ /bdag gi de nyid dor nas ni/ /gzhan las rigs pa ma yin no/ /bdag gi de nyid gzhan las dang / /rang las kyang ni mi rigs so/ /'gal ba sna tshogs kyang de ni/ /phan pa 'ga' yang yod ma yin/ / de nyid gzhan nyid yongs bor ba'i/ /tha snyad la ni 'jug pa med/ /dngos med dngos por yod min te/ /dngos po bdag nyid nyams phyir ro/ /phra mo'i yod nyid gang la ni/ /nag mos gnod pa gang yang med/ /khra mo yang ni med ces te/ /nag mo la ni brtag bya min/ /dngos med gal te dngos yin na//de la dpyad pa 'dir 'gyur te/ /de yang de tshe dngos po yang / /yang ni dpyad pa 'dir 'gyur te/ /dngos med phyir na 'das pa ni/ /gang phyir tha snyad spyod yul phyir/ /de la dngos dbang tha dad ni/ /ma lus tshig gis rigs pa min/ /rten med don gyis brten gnas pa//rgyu ni dmigs pa ma yin no/ /gal te dngos po med pa yang / /rgyu las mthong ba yin zhe na/ /de yi dang po'i gnas skabs gang / /dngos po 'di yi rten yin yang / / dang po'i gnas skabs dngos med la/ /de gnyis yod pa ma yin no/ /phyi ma yod dang med ces pa'i//tshig ni brjod pa dag gi rgyu/ /rten med don gyi gnas 'di nas ma phyi la chad / / 'di yis tshig ni rab tu brjod/ /shin tu ngo mtshar che ba skyes/ /gang phyir cha med gang rim med/ /dngos rnams dang por gyur pa yis/ /bdag gi de nyid rab tu bstan/ / rnam rtog gis ni yongs gzhag pa'i/ / sgo nas rdzas rnams kun gyi ni/ /tha snyad rnam par brjod pa yin/ /de phyir nus par 'dod sems pa/ /'di yang rtag par smra ba na/ /dngos nyid rim par smras pa yin/ /dngos las rim pa gzhan ma yin/ /ji ltar dngos dang dngos med pa/ /gzhan du cung zad rtog med ltar/ / rim dang cig car cung zad ni/ /de nyid du ni tha dad med/ /de phyir nus pa'i rnam pa'i chas/ /rtag pa yod pa med pa bdag /don gcig rjod par byed pa'i sgra/ /rang bzhin du ma rab tu bstan/ /ji ltar nam mkha' rnam dag la/ /rab rib kyis ni bslad pa'i mig /skra shad kyis ni kun gang ltar//sna tshogs su ni mngon par rtogs/ /de ltar 'dir yang rnam shes ni/ /rnam par mi 'gyur ma rig pas/ /chu rnyog bzhin du zhugs pa ni/ /tha dad gzugs su rnam par 'jug /dus gsum brtag pa zhes bya ba/ slob dpon chen po phyogs kyi glang pos mdzad pa rdzogs so/