CLOSE WINDOW

D4198
བོད་ཡིག

/[ ]@##/ /rgya gar skad du/ saM g+ha man+t+ra/ bod skad du/ dge 'dun spyan drang ba/ sangs rgyas la phyag 'tshal lo/ /mgon po kun mkhyen rdzogs sangs rgyas/ /dri ma med pa zab mo'i chos/ /yon tan che ldan dge 'dun te/ /dkon mchog gsum la bdag phyag 'tshal//dpal shAkya'i rigs chen po dam pa gtsang ma dpal shAkya'i mgon po thub pa sangs rgyas nyid/ sa la mdzad pa mtha' dag rdzogs te/ 'jig rten du yongs su mya ngan las 'das pa na/ dpal dga' ba'i bshes gnyen zhes bya ba'i sdom brtson rnam par thar pa brgyad la bsam gtan pa mngon par shes pa drug pa 'jig rten las 'das pa zhig byung bar gyur to//de yang 'di ltar thos te/ sangs rgyas bcom ldan 'das yongs su mya ngan las 'das nas lo brgyad brgya 'das pa de'i tshe de'i dus na yul shi bi'i grong du/ rgyal po rnam par rgyal ba'i sde'i dus su/ dga' ba'i bshes gnyen zhes bya ba'i dge slong byung ste/dge slong de yang dgra bcom pa/ rnam par thar pa brgyad la bsam gtan pa/ mngon par shes pa drug dang ldan pa rdzu 'phrul chen po can/ mthu chen po dang ldan pa ste/ de yongs su mya ngan las 'das pa'i dus su dge slong gi dge 'dun 'dus pa la/ ma 'ongs pa'i don lung bstan pa dge slong rnams kyis ma shes te/ gnas brtan dga' ba'i bshes gnyen la yongs su dris pa/ gnas brtan bcom ldan 'das shAkya thub pa'i bstan pa yun ji srid cig gnas zhes so/ /de nyid la smras pa mar 'bri ba'i tshe lo bcu pa nas/ yar 'phel ba'i tshe lo drug khri pa'i bar de srid du gnas so//de'i 'og tu lo stong phrag bcur dbu skra sha la sogs pa'i ring bsrel gnas par 'gyur ro/ /de'i 'og tu lo stong phrag bcur rang sangs rgyas rnams 'byung bar 'gyur ro/ /de nas lo brgyad khri pa la byang chub sems dpa' sems dpa' chen po byams pa yang dag par rdzogs pa'i sangs rgyas 'byung bar 'gyur ro//bcom ldan 'das byams pa de bzhin gshegs pa dgra bcom pa yang dag par rdzogs pa'i sangs rgyas de'i bstan pa la/ rdzogs pa'i sangs rgyas shAkya thub pa'i bstan pa la sangs rgyas la dge ba'i rtsa ba bskrun pa'am/chos la dge ba'i rtsa ba bskrun pa 'am/ dge 'dun la dge ba'i rtsa ba bskrun pa de thams cad sangs rgyas byams pa'i bstan pa la 'dus pa gsum par yongs su mya ngan las 'das par 'gyur ro/ /de la sangs rgyas la dge ba'i rtsa ba bskrun pa gang zhe na/ tha na nas tsam gyi sangs rgyas ri mor bris pa dang /glegs bam bris pa dang / 'tsho ba'i rgyu bsgrubs pa'o/ /chos la bskrun pa gang zhe na/ nyan thos kyis bshad pa 'am/ byang chub sems dpas bshad pa'am/ sangs rgyas kyis gsungs pa'ang rung ste/ tha na tshigs su bcad pa gcig tsam bzung ba'o/ /dge 'dun la bskrun pa gang zhe na/ phyogs pa la sogs pa spyan drangs pa dang / tha na a ru ra gcig tsam phul ba'o/ /de skad thos nas dge slong de rnams ngus pa dang / gnas brtan gyis dbugs phyung ba/ dge slong rnams ma ngu shig /smre sngags ma 'don shig /de ci'i phyir zhe na/ bcom ldan 'das kyis yongs su mya ngan las 'das pa'i dus kyi tshe//nyan thos chen po bcu drug po rnams kyi phyag tu dam pa'i chos gtad par gyur te/ sbyin pa po rnams dang sbyin bdag rnams la rjes su brtse ba'i phyir dang / yon yongs su sbyong ba'i phyir du'o/ /de skad ces smras pa dang / dge slong de rnams kyis gnas brtan dga' ba'i bshes gnyen la 'di skad ces smras so//gnas brtan bdag cag rnams kyis gnas brtan chen po bcu drug po de dag rnams kyi mtshan dang / de dag gang du bzhugs pa mi shes so/ /gnas brtan gyis smras pa/ tshe dang ldan pa rnams dang po re zhig gnas brtan b+ha ra d+h+wa dza piN+Di la b+ha ra d+h+wa dza/bsod snyoms len zhes bya ba/dgra bcom pa stong dang thabs cig tu nub [(]gyi [,]kyi [)]ba lang spyod na bzhugs so/ /gnas brtan gser be'u zhes bya ba dgra bcom pa lnga brgya dang thabs cig tu byang phyogs kha che'i yul na bzhugs so/ /gnas brtan b+ha ra d+h+wa dza zhes bya ba dgra bcom pa drug brgya dang thabs cig tu shar gyi lus 'phags gling na bzhugs so//gnas brtan mi phyed pa zhes bya ba dgra bcom pa bdun brgya dang / ka na ka bat+sa thabs cig tu byang gi sgra mi snyan gyi gling na bzhugs so/ /gnas brtan ba ku la zhes bya ba dgra bcom pa brgyad brgya dang thabs cig tu dzam+bu'i gling na bzhugs so/ / gnas brtan bzang po zhes bya ba dgra bcom pa dgu brgya dang thabs cig tu a b+he d+ya zangs gling na bzhugs so/ /gnas brtan nag po 'char ka zhes bya ba dgra bcom pa stong dang thabs cig tu sing ha la'i gling na bzhugs so/ /gnas brtan bklI pu tra zhes bya ba dgra bcom pa brgya phrag bcu gcig dang / thabs cig tu b+ha dra pa Na ba'i gling na bzhugs so/ /gnas brtan sbed byed ces bya ba dgra bcom pa stong phrag bcu gnyis dang kA lo da yI thabs cig tu ri spos kyi ngad ldang na bzhugs so/ /gnas brtan lam bsten zhes bya ba dgra bcom pa brgya phrag bcu gsum dang thabs cig tu sum cu rtsa gsum na bzhugs so//gnas brtan sgra gcan 'dzin ma grags 'dzin dang / go pa ka lhan cig dgra bcom pa stong phrag bcu bzhi dang thabs cig tu pri yad+gu'i gling na bzhugs so/ /gnas brtan nags na gnas pAn+tha ka zhes bya ba dgra bcom pa brgya phrag bcu dang thabs cig tu ri skya bo la bzhugs so/ /gnas brtan yan lag 'byung zhes bya ba rA hu la dgra bcom pa brgya phrag bcu gsum dang thabs cig tu ri ngos yangs la bzhugs so//gnas brtan klu'i sde zhes bya ba dgra bcom pa brgya phrag bcu bzhi pa na gA pI dang thabs cig tu lus 'phags ri la bzhugs so/ /gnas brtan ma pham pa zhes bya ba dgra bcom ang gi ta pa lnga brgya dang thabs cig tu bya rgod phung po'i ri la bzhugs so//gnas brtan lam phran tsU DA paN+Tha bsten zhes bya ba dgra nA ga sen bcom pa brgya phrag bcu drug dang thabs cig tu ri gshol mda' 'dzin la bzhugs so/ /gnas brtan bcu drug a dzi ta po de rnams la shin tu chung ba'i yon phul yang 'bras bu chen por 'gyur ro//de ltar yang / sems can gang zhig bdag bstan la/ /skra tsam rab tu sbyin byed pa/ /bskal pa stong phrag brgyad cur ni/ /longs spyod chen po'i 'bras chen dang / /gzugs dang nad med bde spyod cing / /de bzhin 'dod pa'i dbang phyug dang //mthar yang bla med byang chub kyi/ /'bras bu mngon du thob par 'gyur/ /de lta'i 'bras bu che thos nas/ /su zhig bsod nams byed mi 'gyur/ /gaN+Di'i dus ston chags bral dus ston dang / /phyogs pa spyan drang la sogs dag kyang bya/ /da ni chags bral rnams kyi mchod pa'i cho ga brjod par bya ste/dang po re zhig nyi ma dang po la/ rje btsun sangs rgyas kyi sku khri mtho ba la bzhugs su gsol te/ nyi ma 'char ka'i dus su me tog la sogs pa rnams kyis yang dag par mchod de/ de'i spyan sngar maN+Dal gsum dang / na mo bud+d+hA ya/ na mo d+harmA ya/ na maH saM g+hA ya zhes bya ste gnas lngar me tog la sogs pa rnams dbul bar bya'o//de nas rang sangs rgyas dang byang chub sems dpa'i dge 'dun chen po dang / 'phrog ma la oM yig sngon du 'gro ba'i bzhi ba'i mtha' can gyis me tog la sogs pa dbul bar bya'o/ /sangs rgyas la sogs pa'i maN+Dal gsum gyi de ma thag tu/chu tshod bdun pa'i don du spyan drang bar bya ste/ tshig 'di sngon du 'gro bas so/ /nub kyi ba lang spyod kyi gling na bzhugs pa'i gnas brtan b+ha ra d+h+wa dza bsod snyoms len thub pa dge slong stong phrag gis yongs su bskor ba rnams/ sbyin pa'i bdag po ming 'di zhes bya bas sang zhal zas la chu tshod bdun pa'i don du spyan drang bar bgyi'o//zhabs la mchod yon dang zhabs kyi chu sngon du 'gro bas so/ gnas brtan gser be'u zhes bya ba dge slong lnga brgyas yongs su bskor ba de/ bdag dang sbyin pa'i bdag po ming 'di zhes bya bas song chu tshod bdun pa'i don du zhabs la mchod yon la sogs pa sngon du 'gro bas spyan drang par bgyi'o//de bzhin du sangs rgyas dang chos dang dge 'dun dang rang sangs rgyas dang byang chub sems dpa'i dge 'dun chen po dang / /'phrog ma la yang mchod yon sngon du 'gro bas/ bdag dang sbyin pa'i bdag pos sang zhal zas la spyan drang bar bgyi'o/ /nyi ma phyi ma la snga bar chu klung gi 'gram dang skyed mos tshal dang mchod rten gyi gnas dang nye ba 'am/gzhan du yang rung ste phyogs gtsang mar so so'i rnam pa sngon du 'gro ba la dbul ba la sogs pa bya ba'o/ /'di ltar bya ste/ nub kyi ba lang spyod kyi gling na bzhugs pa'i gnas brtan b+ha ra d+h+wa dza bsod snyoms len thub pa dgra bcom dge slong stong gis bskor ba de/bdag che ge mo zhes bya ba dang sbyin pa'i bdag pos chu tshod bdun pa'i don du gzung lags kyi stan 'di la bdag rjes su gzung ba'i slad du bzhugs su gsol/ zhabs bsil 'di dang zhabs la mchod yon 'di dag zhabs dag la dbul bar bgyi'o//dUrba ma nyams pa dang dri dang me tog dang bcas pa'i rung ba'i chu yis zhabs dag bkru bar bgyi'o/ /de nas so so la gdan phul te ji lta bar bzhugs pa la zhal zas la sogs pa dang yid las byung ba'i 'byor pa lha rdzas kyi dri dang me tog dang bdug pa dang sgron me dang gos dang gdugs dang ba dan la sogs pa ji ltar 'byor pa dbul bar bya ste/tshig 'di yis so/ /gnas brtan b+ha ra d+h+wa dza bsod snyoms len thub pa dgra bcom pa stong gis bskor ba la zhal zas la sogs pa sna tshogs pa'i tshod ma dang khur ba dang bshos dang zho la sogs pa dang bcas pa rung ba'i dri bzang po'i chus gang ba'i bum pa dang lha rdzas gya nom pa me tog dang bdug pa la sogs pa phul ba 'di bdag che ge mo dang sbyin pa'i bdag po dang sems can thams cad kyis thams cad gzigs pa bla na med pa yang dag par rdzogs pa'i byang chub thob par 'dod pas dbul bar bgyi'o// gnas brtan gnyis pa gser be'u zhes bya ba dge slong lnga brgyas yongs su bskor ba de/ bdag ming 'di zhes bya ba dang / sbyin pa'i bdag pos chu tshod bdun pa'i don du gzung lags kyi/ stan phul ba la bdag rjes su gzung ba'i slad du bzhugs su gsol/ zhabs bsil dang zhabs kyi mchod yon 'di zhabs dag la dbul bar bgyi'o//dUrba ma nyams pa dang / dri dang / me tog dang bcas pa'i rung ba'i chu yis zhabs dag bkru bar bgyi'o/ /de nas stan gnyis pa phul te/ ji lta bar bzhugs pa la zhal zas la sogs pa yid dang mthun pa'i lha rdzas kyi dri dang me tog dang bdug pa dang sgron me dang gos dang gdugs dang ba dan dang rgyal mtshan dang dril bu la sogs pa ji ltar 'byor pa tshig 'dis dbul bar bya'o//gnas brtan gser be'u thub pa lnga brgyas bskor ba la zhal zas la sogs pa sna tshogs pa'i tshod ma dang khur ba dang bshos dang zho la sogs pa dang bcas pa'i lha rdzas gya nom pa dri bzang po'i rung ba'i chus gang ba'i bum pa dang me tog la sogs pas bdag ming 'di zhes bya ba dang sbyin pa'i bdag po dang sems can thams cad bla na med pa yang dag par rdzogs pa'i byang chub thams cad gzigs pa nyid thob cing rab tu dgod par 'dod pas dbul bar bgyi'o//de bzhin du sangs rgyas dang chos dang dge 'dun dang rang sangs rgyas dang byang chub sems dpa'i dge 'dun chen po dang / gnod sbyin mo chen mo 'phrog ma la yang bza' ba la sogs pa sna tshogs pa'i tshod ma dang zho la sogs pa dang khur ba dang bshos dang lha rdzas gya nom pa dri zhim po rung ba'i chus gang ba'i bum pa dang me tog la sogs pa 'di yang bdag ming 'di zhes bya ba dang sbyin pa'i bdag pos sems can thams cad bsgral ba'i phyir de rnams la dbul bar bgyi'o//bzhes pa yongs su rdzogs pan zhal bsil dang / tsan+dan dang tAm+bu la yang 'bul zhing bzod pa gsol bar bya ste/de skad brjod do/ /gang 'dir bdag gis ma rnyed dang /ma shes pa dang ma tshang ba/ /de yang dgongs chen bzod par gsol/ /zhing dang bsam pa rnam dag las/ /nyung ngu phul yang mi nyung 'gyur/ /bden pa yi ni tshig 'di yis/ /phra mo yang ni rgya cher 'gyur/ /phyag 'tshal ba yang bya ste/ston pa'i bstan pa skyong mdzad ri mchog gling dang ning+gi dza lar bzhugs/ /sangs rgyas mnyes pa lhur mdzad nyon mongs ltos 'gro 'joms/ /sems can don ni mchog tu rgyas mdzad sangs rgyas bstan pa bsrung / /gnas brtan bcu drug slob mar bcas pa'i zhabs la mchog tu phyag 'tshal lo//bsod nams yongs su bsngo ba yang bya ste/ bsod nams 'di yis thams cad gzigs pa nyid/ /thob nas nyes pa'i dgra rnams pham byas te/ rga nad 'chi ba'i rlabs chen 'khrugs pa yi/ /srid pa'i mtsho las 'gro ba 'don par shog /ces so/ / lcogs brgyad rang bzhin ri bo ni/ /gling dang nye gling yang dag ldan/ /rin chen bdun gyis yang dag dkrigs/ /bla med yon 'di dbul bar bgyi/ /bla ma byang chub sems rnams la/ /'gro bas kun mkhyen thob bya'i phyir/ /rin chen maN+Dal yang dag rdzogs/ /dngos po kun gyis dbul bar bgyi/ / de ltar smon lam brjod nas gshegs su gsol te/ /khyed kyis sems can don kun mdzad/ /rjes su mthun pa'i dngos grub stsol/ /sangs rgyas yul du gshegs nas kyang / /slar yang 'byon par mdzad du gsol/ /oM badzra mu swAhA zhes pas gshegs su gsol/ /dge 'dun spyan drang ba zhes bya ba 'di dpal 'byor rab brtan gyi phyag dpe rgya dpe las zha lu lo tsA bas sgyur cing zhus so/