33a2 / //rgya gar gyi mkhan po bud+ha ka ra barma dang / bod kyi lo tsA ba dge slong chos kyi shes rab kyis bsgyur cing zhus te gtan la phab pa'o//[ ]@##/ /rgya gar skad du/ sho ka bi no da na/ bod skad du/ mya ngan bsal ba 'phags pa spyan ras gzigs
33a3 dbang phyug thugs rje chen po dang ldan pa la phyag 'tshal lo//gang zhig dga' bral nyam thag ste/ /rab tu mya ngan me 'bar ba/ /bsgribs nas shin tu spro bsrings shing / /rang gi sems nyid brjod par bya/ /las kyi lam zhugs thob pa yi/ /sbron pa med par skye bo yang / /nyes pa ma byas
33a4 song gyur pa//de la ci zhig yongs su gdung / /ci ste de nyid 'chi bar 'gyur/ /gzhan ni su yang min na go /'di ni byur chen non pa zhes/ /cho nge chen pos gdab par rigs/ /'di ltar thams cad skye ba yi/ /mdun na gnas pa 'chi ba ste/ /kun kyang 'phro bar snang ba'i phyir/ /mya ngan
33a5 bya bar 'os pa min//mdza' dang 'grogs pa brkam pa yi/ skye bo mya ngan gyis gdungs pa/ /rnga rtsid dag la chags pa'i 'bri/ /rngon pas nags kyi nang du bzhin/ /gang tshe kun gyi bgrod bya zhing / /de dang der ni 'gro ba yi/ /snga nas de der song ba la/ /ci yi phyir na mya ngan byed/ /mi
33a6 bzad 'chi ba'i bdag po la//rab tu myos pa'i skye bo 'di/ /nags na gsod sred seng ge yi/ /mdun na ri dgas gnas ba bzhin/ /'chi ba bzlog par bya ba yis/ /gang tshe thabs kun med pas na/ /spro sring ba dag mi bskyed par/ /chu la nya bzhin ci zhig 'dre/ /sa'am ci ste
33a7 mtho ris na//skyes nas la la ma shi ba/ /'ga' zhig khyod kyis ma mthong ba/ /thos sam 'on te the tshom za/ /khams gsum 'di dag thams cad la/ /mi rtag me yis bsregs gyur pa/ /dgon par me ni 'bar ba yis/ /dgon pa'i me tog ji lta bzhin/ /rtag par 'du
33b1 shes rnams log na//srid rtse las kyang 'gro ba rnams/ /'chi ba'i zhags pas drangs gyur pa/ /zhags pas glang po bzhin du'o/ /bsam gtan las skyes bde ba myong / /tshangs pas tshangs pa'i gnas las kyang / /mi rtag phyir ni lhung gyur pa/ /chu yis klung gi 'gram sa
33b2 bzhin//brgya byin dag ni stong rnams kyang / /'khor los sgyur ba brgya dag dang / /dus kyis 'chi bar 'gyur ba ni/ /mar me 'bar ba rlung gis bzhin/ /drang srong chen po lnga mngon shes/ /mkha' la rgyang ring 'gro ba yang / /gang na spyod yul 'chi med pa/ /der ni 'gro bar nus pa
33b3 med//gang dus rnams bsreg 'gyur te/ /lhun po'ang thal bar 'jig pa dang / /rgya mtsho'i chu yang skam 'gyur na/ /lus can de dag lta ci smos/ /ci ste sangs rgyas rnams kyi sku/ /mtshan dang dpe [(]byed [,]byad [)]kyis brgyan pa/ /rdo rje'i sku yang mi rtag na/ /chu shing snying po'ang med 'dra ba'i/ /
33b4 lus can gzhan rnams smos ci dgos/ /gnyen gyis phang du blangs pa yi/ /skye bo rnams kyang 'chi bas 'phrogs/ /rgya mtsho'i nang na gnas pa yi/ /klu la nam mkha' lding gis bzhin/ /kyi hud mi srog kye gnyen zhes/ /shin tu sdug bsngal ngu 'bod pa/ /ji ltar sbrul gyis sbal
33b5 pa bzhin//'gro ba rnams ni 'chi bas mid/ /rab tu bgrod dka'i don gyi mthar/ /ma phyin par ni 'jig rten 'di/ /rab tu zhi ba'i khar bcug pa/ /chu srin gnas su chu 'bebs bzhin/ /gang dus 'jig rten pha rol du/ /'gro ba'i rjes 'gro dga' med na/ /dgra 'am ji ste mdza'
33b6 sdug rnams//'di la bye brag med par 'gyur/ /skye bo gzhan la byams byed phyir/ /skye bo rang 'khor 'du shes pa/ /bsam pa'i 'dam du bying ba ni/ /glang po 'dam du bying ba bzhin/ /khyod kyi ji snyed bshes gnyen rnams/ /'khor ba'i nang na glang bor ba/ /gang ga'i bye ma rnams
33b7 la yang //de rnams tsam du yod ma yin/ /gang nyid khyod kyis rab bsgrims te/ /btse ba'i bu yi 'du shes pa/ /de nyid tshe rabs gzhan dus na/ /rdeg par byed cing dgrar 'du shes/ /rang gis shes pa'i nu ma yang / /khyod kyis 'thung ba'i srid gzhan la/ /de yis khrag nyid 'thung
34a1 ba dang //rgyab nas sha yang zos pa yin/ /gang khyod 'di ltar 'khor gyur te/ /mgo la lan grangs brgyar rjed pa/ /de nyid bran gyur khyod yin te/ /rtogs pas lan grangs brgyar yang brtag /'gro ba'i rgyu yi dngos bo yis/ /sngon bcas gzhan du snang gyur
34a2 pa//gzhan na yongs su 'gyur ba ste/ /rme bdun drang srong bdun tshogs bzhin/ /ji ltar nam mkha'i char thigs ni/ /tshogs shing rnam par 'jig 'gyur pa/ /de bzhin 'khor ba'i srog chags kyang / /tshogs shing rnam par 'jig par 'gyur/ /ldan pa dang ni bral ba yi/ /lus
34a3 can rnams ni yud tsam ste//'bab chu dba' klong 'khyil shugs la/ /shing dag ji ltar btsugs pa bzhin/ /ngo mtshar che 'o ma rig mthu/ /gang gis 'gro ba rnams rmongs pa'i/ /bral ba'i sdug bsngal dran nyams shing / /ldan pa rnams la sred par byed/ /gtsang ma'i gnas
34a4 rnams ma gtogs par//sna tshogs las kyis chas nas su/ /bros pa gang du'ang mi ltung ba/ /sems can 'ga' yang yod ma yin/ /yang dang yang du dmyal ba na/ /zangs zhun bskol ba gang 'thungs pa/ /rgya mtsho nang gi chu la yang / /de yi tshad tsam yod ma yin/ /khyi dang phag
34a5 tu gyur pa na//mi gtsang ba ni gang zos pa/ /ri yi rgyal po lhun po yi/ /tshad las shin tu lhag par 'gyur/ /mdza' bshes rab tu bral ba yi/ /'khor ba'i gnas su gang dus pa/ /mig gi mchi ma'i thigs pa yis/ /snod du rgya mtsho'ang rung ba yin/ /phan tshun dag tu rtsod pa'i
34a6 phyir//mgo bo bcad pa gang yin pa/ /spungs na de ltar mtho ba ni/ /tshangs pa'i 'jig rten las kyang thal/ /srin por gyur cing rab bkres pas/ /lus ni zos pa gang yin pa/ /'o ma'i rgya mtsho che nang du/ /de yis bkang na shin tu gang / /yi dgas 'jig rten mi bzad par/ /bkres
34a7 skom sdug bsngal gang myong ba//de ni dran phyir rang gi snying / /rang gi sha yang 'dod mi 'gyur/ /mi la dbul ba'i nyes pa yis/ /mtho btsams pa ni gang myong ba/ /brjod pa bdag la mthu med pa/ /rang gi lce la ngo tsha zhing / /ri bo'i ngos la yun ring dus/ /lha yi bde ba myong gyur
34b1 pa//lha rdzas yul gyis mi ngoms te/ shing skam pa la me bzhin du/ /dge ba'i las rnams yongs zad pas/ /bde 'gro las kyang shi 'phos te/ /tshe zad sa la lhung ba ni/ /'dab chags bya ni mkha' la bzhin/ /las kyi shugs kyis 'gro ba 'di/ /gang phyir 'khor lo
34b2 bzhin du 'khor//de bas chags pa yongs spangs shing / /thar pa la ni blo zhen bya/ /mya ngan bsal ba zhes bya ba/ slob dpon rta dbyangs kyis mdzad pa rdzogs so// //rgya gar gyi mkhan po a dzi ta shrI b+ha dra dang / zhu chen gyi lo tsA ba dge slong shAkya 'od kyis bsgyur
cing zhus te gtan la phab pa'o/