བོད་ཡིག |
4b4 ched du brjod pa'i gtam drang srong chen po zla bas mdzad pa rdzogs so// //lo tsA ba tshul khrims rgyal bas bsgyur//[ ]@##/ /rgya gar skad du/ a ni t+yAr+tha pa ri ka thA/ bod skad du/ mi rtag pa'i don gyi gtam/ dkon mchog gsum la phyag 'tshal lo/ /gang
4b5 phyir 'dus byas thams cad ni//rkyen gyis gzhan du 'gyur ba ste/ /rtswa rtse rlung gis bskyod pa yi/ /zil pa bzhin du mi rtag go/ /gang zhig 'chi bdag rgod ma'i kha/ /dgang ka der ni mi 'jug pa/ /mtho ris yang dag sa stengs su/ /skyes bu de la yod dam ci/ /'di ltar sa gzhi brtan
4b6 pa la//sreg pa'i me 'byung kho na bzhin/ /rang bzhin lhan cig skyes pa yi/ /mi rnams 'chi la de bzhin no/ /gzugs dang longs spyod thos pa dang / /tshul khrims la sogs rtag min te/ /gang yang 'dod chags bral ba yang / /kun du gnas pa ma mthong ngo / /rgyal ba 'jig
4b7 rten mgon gcig pu//sdom brtson skye bo bzang po yang / /gang gis ji skad du ni brjod/ /tshe ni mi rtag chu yi ri mo 'dra/ /skye dgu 'di dag skye na gcig pu ste/ /de bzhin 'chi na 'ang gcig pu 'chi bar 'gyur/ /'di ni gcig pus sdug bsngal myong 'gyur gyi/ /'khor ba na ni
grogs yod ma yin no/