CLOSE WINDOW

D4168
བོད་ཡིག

/[ ]@##/ /rgya gar skad du/ su b+hA Shi ta rat+na ka raN+Da ka ka thA/ bod skad du/ legs par bshad pa rin po che za ma tog lta bu'i gtam/ 'jam dpal gzhon nur gyur pa la phyag 'tshal lo/ /gang gis glang chen mchog 'dra'i sems ni lcags kyus ma yin ye shes lcags kyus btab nas thul//'dod chags mun pa'i dmag tshogs me yis ma yin ye shes me yis ma lus bsregs/ /bdud kyi stobs rnams mtshon chas ma yin blo gros rab zhi bzod pa'i mtshon gyis zlog /gus la bsgom pa zhi mdzad sangs rgyas mkhyen pa rab rgyas thub dbang de la phyag 'tshal lo//dka' ba brgya yis rnyed pa yi/ /mi rnams thob pa'i khom pa dkon/ /zlog pa med pa'i 'chi bdag ni/ /rtag tu mdun na gnas pas na/ /gang gis dul sbyin yang dag sdom/ /rgyags tshags mang po ma bsdogs pa/ /mi bzad 'khor ba'i mya ngan du/ / 'gro ba de dag sdug bsngal thob/ /mi rnams thob pa rnyed dka' ba/ /bar snang glog 'gyu lta bu yin/ /srid pa zad byed mkhas pa yis/ /srid pa rnams su phan pa byas/ /yang dag mi nyid thob pa ni/ /glog dang rbab ltar mi brtan pas/ /yid bzhin nor bu lta bu yi/ /bsod nams rjes su skyes bus bstan//da ltar mi rnams thob pa ltar/ /gang gi mthu yis phyis kyang thob/ /bsod nams mchog ni gang yin pa/ /de ni bde ba'i rgyu yin te/ /gzugs dang gtong ba rigs mtho sogs/ /yon tan sna tshogs ldan par 'gyur/ /bsod nams de nyid mdza' bo gcig / 'khor ba kun du 'gro ba gnyen/ /de ltar 'dir ni bsod nams kyis/ /phyi phyir yon tan phun sum tshogs/ /gang tshe dpal gnas thob bsten pas/ /de bsngags 'jig rten bdag po nyid/ /phan pa'i phyogs su 'dren byed pa/ /bsod nams de nyid spel bar gyis/ /bsod nams che gyis sdig dga' spongs//yul la g.yo ba yid kyi rta/ /rtag tu phyin ci log zhi gyis/ /dug stobs mi bzad 'chi sbrul gyis/ /sos ma bzung ba'i bar du ni/ /rtag tu khyed kyis thub dbang bzhin/ /gzhan phan la ni mngon dga' gyis/ /bsod nams la spro ba bskyed pa'i gtam ste dang po'o// //rgya mtsho gnya' shing bu ga ru/ /rus sbal mgrin pa chud pa bzhin/ /yud tsam 'dzom pa ngo mtshar che/ /mi brtan 'di la yang dag soms/ /rab tu zhi ba'i grong khyer lam/ /ngan song 'jigs pa 'joms byed pa/ /de ni thub pa'i dbang pos gsungs/ /skad cig tsam yang thos par dka'//mi khom brgyad kyi nyes spangs mi/ /gang zhig dkon la bskal ba brgyas/ /de ltar bde thob mkhas pa yis/ /dam chos mnyan la 'dir 'bad bya/ /dmyal ba yi dgas 'gro ba dang / /dud 'gro dbang po ma tshang ba/ /'chi med bla ma mtha' khob skyes//log par lta ba sel ba dang / /thub dbang gsung rab bdud rtsi ni/ /skyes bu mkhas pas 'thung nus pa/ /shes rab 'od mnga' thub dbang ni/ /ma shar bar du yod ma yin/ /de phyir bya min spangs nas ni/ /bdag gi bya ba kun shes pas/ /'phags mchog dam chos mnyan par bya//chos 'di la ni gang 'bad pa/ /de la yon tan kun yod 'gyur/ /thub dbang gsung las rin chen 'byung / /mkhas pa 'di yis thog mar dga'/ /de ni gang gis thos pas kyang / /rtag tu stobs ldan brling pa yis/ /mun pa'i tshogs ni 'joms par byed/ / bsams shing bsgoms na mthar thug gsal/ /'jigs bcas skye ba 'khor ba'i rgyun/ /nyon mongs ma lus rim gyis spongs/ /thams cad phun tshogs rtag pa'i gter/ /mi bzad 'khor ba'i rgyun 'joms shing / /bla na med pa'i dga' bde thob/ /thos pas 'dir yid dri ma med/ / de ltar thub dbang gsung 'di soms/ /chos nyan pa la spro ba bskyed pa'i gtam ste gnyis pa'o// //gang zhig thob nas 'khor ba yi/ /pha rol phyin pa'i sa bon bskrun/ /byang chub dpal gyi sa bon mchog /yid bzhin nor bu las lhag pa'i/ /yon tan rgyun gyi mi rnams ni/ / su zhig 'dir de 'bras med byed/ /gang zhig dge bas phyug pa'i mi/ /bskal pa grangs med kyis thob nas/ /'dir ni rmongs pas bsod nams gter/ /cung zad tsam yang mi sogs pa/ /de dag 'jig rten pha rol du/ /mi bzad mya ngan khang par 'jug /rin chen gling phyin tshong pa ni/ /lag pa stong par rang khyim bzhin//dge bcu las kyi lam med par/ /phyi nas yang ni thob ma yin/ /mi ma thob par de bar ni/ /ci ltar de bde sdug bsngal nyid/ /de las pha rol slus yod min/ /de las mchog tu rmongs pa med/ /'di 'dra'i khom pa thob nas ni/ /bsod nams tshogs ni mi sogs pa//skad cig gcig las sdig spyad nas/ /mnar med par ni bskal par gnas/ /skye ba du mar sdig spyad pas/ /bde 'gro dka' lta ci zhig smos/ /rgya mtsho cher g.yeng gnya' shing gi /bu gar rus sbal mgrin chud ltar/ /mi ni shin tu thob dka' bar/ / de skad bcom ldan 'das kyis gsungs/ /mi'i skye bo dkon pa'i gtam ste gsum pa'o// //zas skom mal stan gos mchog dang / /phreng ba gnas dang rgyan rnams dang / /grags pa yon tan khyad 'phags pa/ /de kun sbyin las 'byung bar gsungs/ /ngag snyan mdzes dang longs spyod ldan//khyad par 'phags gzugs yangs pa dang / /tshig snyan gzi ldan yid 'ong dag /grags dang nad med tshe dag ste/ /yid 'ong sdug pa de dang de/ /sbyin pa rnams kyi 'bras bu ste/ /rta dang dar dang glang po dang / /rnga yab gdugs dang me tog tshogs/ / khang bzangs mdzes dang rol mor bcas/ /sgra snyan rol mo dang ldan zhing / /me tog phreng ldan bud med dang / /zas dang rin chen phreng ba gnas/ /gur gum grong yul lha yi gnas/ /rdzogs sangs nyid dang sangs rgyas te/ /sbyin pa dpag bsam ljon shing gi /'di dag 'bras bu yin par gsungs//ut+pal sngon po'i 'dab ma 'jam/ /dkyus ring dri ma med pa dang / /bud med gang zhig mig 'grub cing / /rked pa 'og pag g.yo bar ldan/ /dmar zhing mdzes pa'i gos ldan zhing / /nu 'bur rgyas par rnam par g.yo/ /smin ma mdzes dang ldan de dag /de dag ser sna'i sgo phye nas//sbyin pa btang las rgyas par 'gyur/ /mgul ba rnga mas brgyan pa'i rta/ /bzhon pa kha lo srabs kyi skyogs/ /mi dbang glang chen dregs zhon nas/ /gdugs bsgreng rgyan ldan 'khor bcas dang / /'gro ba thal mo sbyar byas nas/ /rtag tu mchod cing gsol 'debs pa//snga mar 'di 'dra sbyin ba yi/ /'bras bu yin par thub pas gsungs/ /gser gyi gdu bu rdo rjes spras/ /dpung rgyan cod pan rin chen bkod/ /sa bdag mu tig phreng bas brgyan/ /rtag tu seng ge'i khri la gnas/ /'bangs sogs btsun mo'i 'khor bsten cing / / rtsed mo rtse bas rnam rol pa/ /seng ge lta bu'i rnam rol de/ /sbyin 'bras yin par thub pas gsungs/ /khang bzangs gser dang rin chen spras/ /gdugs dang rgyal mtshan bsgreng bas brgyan/ /pi wang rdza rnga rig byad sgrogs/ /rin chen rnams kyis 'od 'bar ba//brgya byin bde sogs dga' spyod cing / /lha mo'i tshogs kyi 'khor ldan de/ /snga mar 'di 'dra byin pa yi/ /'bras bu yin par thub pas gsungs/ /sbyin ba skye bo'i yid du 'ong / /mkhas pa'i tshogs kyis rtag tu brten/ /phyogs rnams dri med phreng bas khyab/ /snyan pas gnas ni de dang der//'dir ni dri med nye bar gnas/ /lus dang bral nas lha rnams su/ /rnyog bral sna tshogs btung ba bsil/ /me tog sna tshogs mgo lcogs rgyas/ /dpag bsam gyi ni shing rnams skyes/ /tsan+dan la sogs kyis gang ba'i/ /skyed mos tshal ni mchog rnams su/ /yun ring du ni sde spyod cing //lha mo gzugs mchog ldan pa yis/ /bsnyen bkur mchog tu byed pa 'thob/ /sbyin pa zhes bya gter chen de/ /rkun sogs mi 'khyer rjes su 'brang / /sbyin pas sems kyi ser sna dang / /chags pa'i rdul gyi dri ma 'khru/ /'khor ba'i lam gyis dub pa sel/ / sbyin pa bzhon ba bde ba ste/ /sbyin pa bde ba du ma'i rten/ /yang dag grogs mchog bde ba'i sgo/ /rked pa gser gyi ska rags ldan/ /ngag 'jam zur mig bzhin skyob mdzes/ /mig gi dkyus ring rna drung gsan/ /me tog phreng bas skra bcings mdzes/ /gang zhig rang 'khor yan lag dang //rkang gnyis 'gro ba mdzes pa yi/ /zas gtsang gi ni phun sum tshogs/ /de dag sbyin pa'i 'bras yin zhes/ /bdag nyid chen pos bka' stsal te/ /sa sa ka ri'i dum bu dang / ut+pal gyis bsgos dri zhim la/ /bkra shis gser gyi snod du blugs/ /ban du ka dang zangs mdog 'dra//btung ba chung ma mna' skyel zhing / /chung ma dang bcas yang yang 'thung / /dga' ba'i bsam pas smra ba de'i/ /rgyu ni sbyin mchog bkra shis yin/ /zhi ba'ang sbyin pa'i yon tan te/ /mdzes pa 'dod pa bdag cag gis/ /sbyin pa 'di la 'bad par gyis/ /srid gsum mi bzad 'jigs chen la//sbyin las gzhan pa'i gnyen mchog med/ /sbyin pa'i gtam ste bzhi pa'o// //'gro ba gang zhig mdzes yid 'ong / /gzugs dang rigs dang gnyen dang stobs/ /bde bar mthong ba gang yin pa/ /bsod nams bzo bos de byed par/ /'di skad mkhas pa rnams kyis bshad//gzhan phan byed pa'i skyes bu yis/ /bsod nams dang mnyam yod ma yin/ /rim pa sna tshogs kyis brgyan pa'i/ /rgyal mtshan dkar po mngon mtho btsugs/ /rta glang rkang thang shing rta yi/ /dpung gi tshogs kyis nges 'khrug cing / /yu ba sna tshogs mdzes pa yi//rnga yab rnams kyis g.yob byed la/ /bsod nams lhag pa dbang sgyur zhing / /sa rnams la ni spyod byed de/ /dar dang kA shi du gu la/ /sna tshogs gos dang mu tig phreng / /gser dang nor bus yan lag brgyan/ /gang dag lha 'dra'i skyes bu dpal/ / bsod nams bzhon pa la zhon nas/ /de bas yin par shes par gyis/ /shin tu tshe ring rigs btsun zhing / /lus mdzes nad kyi 'jigs pa med/ /nor mang g.yog 'khor phun sum tshogs/ /bsod nams rnam smin chen po yin/ /gang yang 'khor los sgyur ba mchog /bu ni dpa' bo stong dang ldan//rgya mtsho'i mtshams kyi sa la dbang / /de dag bsod nams rin po che'i/ /'bras bu yangs pa chen po yin/ /sna tshogs pad+ma'i stan la 'dug /lha dang lha dbang rtag phyag 'tshal/ /brjid kyis 'khor rnams zil gyis gnon/ /tshangs pa'i 'jig rten snang byed pa/ /de dag nyid kyang bsod nams las//gang la lha klu lha min grub/ /dri za gnod sbyin mi'am ci/ /mchog tu gyur pa'i tshogs rnams ni/ /rtag tu lha dbang mchod byed pa/ /de ni bsod nams rin po che'i/ /'bras bu yangs pa chen po yin/ /gzugs dang brtson 'grus bzo rnams ni/ /dbang med spangs nas mi rnams ni//las kyi rlung gis mngags nas ni/ /'jig rten pha rol 'gro ba na/ /bsod nams gcig pu mchog yin te/ /rjes su 'gro zhing bde ba 'char/ /bsod nams gzhan gyis 'phrog mi nus/ /de phyir bsod nams gter gyi mchog /gang gi stobs kyis ri rab kyang / /phyogs dang phyogs su rnam 'thor ba'i//'jig pa'i bskal pa'i rlung rnams kyis/ /ded kyang bsod nams 'jig mi nus/ /'jig pa'i bskal pa'i chu yis ni/ /lcags kyang dbang med 'jig byed pa/ /rgya mtsho bzhi yi chu rnams kyis/ /bsod nams bzhu bar nus ma yin/ /'od zer rab tsha gsal ba yi//nyi ma bdun shar me rnams kyis/ /sa rnams sreg par byed mod kyi/ /bsod nams gcig pu sreg ma yin/ /bsod nams kyi gtam ste lnga pa'o// //sangs rgyas sku gzugs bzhengs gsol pa/ /dang por mya ngan sel par byed/ /rtsod pa kun spangs mthong na dga'//skal ldan gter tshogs dpal dang ldan/ /lus stobs ldan zhing snyan pa dang / /gzi brjid ldan zhing gzugs mdzes la/ /gsung rab kun la mkhas gyur cing / /dbang po'i rta ni thams cad thul/ /blo ldan stong dang ldan par 'gyur/ /bcom ldan sku gzugs mchod rten la//phra rab rdul ni ji snyed song / /de snyed sa 'og sa steng 'dir/ /de snyed rgyal por nges par 'gyur/ /gzugs dang gzugs med ting 'dzin 'grub/ /thams cad bde bar ma lus spyod/ /tha mar skye rga'i rgud spangs nas/ /de dag byang chub go 'phang thob/ / bde gshegs sku gzugs bzhengs gsol ba/ /mtshan bzang gis mtshan 'khor los sgyur/ /sum cu gnyis ldan lus mdzes thob/ /nyes pa'i dgra 'joms rgyal bar 'gyur/ /dbang po rnams ni ma tshang med/ /dpal ldan ngan 'gro rnams las ring / /mi yi rigs su skye 'gyur zhing //ngag ni btsan pa nyid du 'gyur/ /skye bar thos dang dran ldan brtan/ /mngon par 'dod par 'byung 'gyur zhing / /gnas la mngon par dad pa dang / /'dod chags sogs kyis gnod pa med/ /'di rgyal rdzogs pa'i byang chub kyis/ /khyad 'phags legs pa'i gzhung la brten//gang 'di rgyal ba'i sku gzugs bzhengs/ /sangs rgyas sku 'am mchod rten nam/ /bzhengs byed srog dang ldan pa de/ /bran dang dbul por mi skye zhing / /mngag gzhug par min rigs dman min/ /dbang po rnams ni tshang bar 'gyur/ /sku gzugs kyi gtam ste drug pa'o// //dri zhim sna tshogs kyis bsgos pas/ /bde bar gshegs la khrus gsol ba/ /me tog dri yis yan lag mdzes/ /rab tu dga' ba'i yid kyis su/ /rol mo'i sgra ni snyan pa yis/ /dal gyis 'bab dang stegs 'grun brjid/ /gser gyi rang bzhin pad+ma yi/ / ge sar rdul gyis khyab pa ru/ /khrus gsol gang zhig mchod byed pa/ /de dag rnyog pa thams cad kyi/ /dri ma bkrus nas thar pa thob/ /lha yi bu mo nu 'bur rgyas mthong zhing / /rked pa yangs pa la 'bab g.yo ba dang / /'dzam bu'i gser 'dra'i pad+ma'i ge sar gyi/ /rdul rnams gtor ba yis ni dri zhim la//dal gyis 'bab pa'i nang du lha yi tshogs/ /rgyun du chu rnams la ni rtse byed pa/ /gang zhig dga' ba sna tshogs dri zhim chus/ /rje btsun khrus gsol pa yi 'bras de yin/ /gla rtsi ga bur tsan+dan gur kum bsgos/ /dri zhim chu ni yid 'ong ba/ /kha dog dkar ser bye brag gis//yid 'ong thub pa khrus gsol 'dir/ /sems kyi dri ma spangs nas ni/ /de ni 'gro ba'i bla mar 'gyur/ /khrus kyi gtam ste bdun pa'o// //khrus byed lha yi bu mo mchog /rked ldan brla dang nu ma rgyas/ /'dab skyes mgo lcogs rgyas 'thor zhing / /lha dbang dal 'bab khrus byed cing //mdzes shes 'dod pas g.yo ba ni/ /'gro mchog yang yang mnyes byas yin/ /de ni spos chu rol mo dang / /bdug pa dang ni me tog phreng / /sbyin pa btang ba'i 'bras bu yin/ /gang zhig 'khor los sgyur rgyal la/ /mkha' la gur kum sprin tshogs dang / / ga bur gyi ni chu rgyun dang / /ma la ya yi tsan+dan bzhin/ /rdza rnga pi wang rnga mchog gi /bde bar gshegs mchog mchod byed pa/ /lha dang mi yi sgra rnams thos/ /khyad 'phags lha yi rna ba thob/ /gur kum la sogs pa'i gtam ste brgyad pa'o// //rta glang rkang thang shing rta dang / /rin chen sna bdun rnams dang ni//dpa' bo bu stong dang bcas par/ /mkha' la 'khor los sgyur 'gro zhing / /zla ba lta bu'i gdugs kyis ni/ /nyi ma'i 'od zer sgrib byed cing / /'bras bu mang la rgya che ba/ /gdugs phul ba las byung ba yin/ /bung ba yid 'ong sgra yis bskyod/ /me tog g.yo ba 'khor bar bkod//kha dog sna tshogs dri zhim pa'i/ /me tog tshogs kyis ri mor bris/ /gdugs mdzes sna tshogs dar gyis brgyan/ /mchod rten rnams la phul ba yis/ /'khor los sgyur ba sa skyong ba/ /gling bzhi'i dbang phyug de yis 'thob/ /nyi ma'i 'od zer gser gdugs thogs//dpal ldan dul ba'i glang po mchog /rin chen du mas brgyan pa zhon/ /rdzu 'phrul brgya byin dang 'gran pa'i/ /gling bzhi yi ni 'khor los sgyur/ /sa rnams ma lus skyong bar byed/ /de dag bde gshegs sku gdung la/ /me tog gdugs phul 'bras bu yin//gdugs phul ba'i gtam ste dgu pa'o// //bde bar gshegs pa'i 'khrungs gnas dang / /de yi yid tsam bzhugs pa'i gnas/ /rab tu gsal ba'i 'gram gyur pa/ /nus pa kun gyis gdung snod sku/ /shin tu khyad 'phags gtsug tor mtho//sku gzugs bzhengs nas legs sbyangs la/ /skye bo gang gis sku bzhengs pa'i/ /nang du ring bsrel bcug byas na/ /kun nas brgya byin las 'phags pa'i/ /mi dbang gling bzhi rnams su ni/ /dpal dang ldan pas longs spyod nas/ /mtha' ru rnam dag go 'phang thob/ /rgyal ba'i sku gdung bcug las yin//zla ba dang 'dra blta na sdug /smin ma legs shing mig dkyus ring / /mir skyes gser dang nor bur ldan/ /bzod cing des pa dang ldan pa/ /rgya mtshos gtugs pa'i sa rnams ni/ /skyong byed 'khor los sgyur rgyal yang / /de dag sangs rgyas sku gzugs ni//ring bsrel dang bcas gus pas 'thob/ /ring bsrel gyi gtam ste bcu pa'o// //bde bar gshegs pa mchog rnams kyi/ /pho brang mchog ni brgyan byed pa/ /gser gyi mdog dang ldan 'gyur zhing / /nad rnams kun las grol bar 'gyur/ /lha dang mi las khyad 'phags shing //nyi ma'i 'khor lo lta bur mdzes/ /nor dang gser ni mang ba dang / /rgyal po'i rigs kyi rgyal bar 'gyur/ /'jig rten gsum gyis mchod pa yi/ /sangs rgyas la ni gang zhig 'dir/ /maN+Dal me tog bcas byed pa/ /'gro ba'i bdag po tshe ring zhing / / sna tshogs nad kyi 'jigs las grol/ /gang yin de yis skad cig thob/ /bde gshegs maN+Dal byed de dag /pha rol phyin drug thob 'gyur te/ /chu dang sa bsres btang sbyin pa/ /grog mo sogs sel tshul khrims te/ /bsres nas nyes pa bzod pa yin/ /'bad pa byed pa brtson 'grus yin//skad cig de las rtse gcig tu/ /sems 'dzin byed pa bsam gtan yin/ /legs par gzob pa shes rab po/ /sna tshogs bsod nams kyis brgyan la/ /sa gzhi bris pa 'bul byed pa/ /lha yi bde ba thams cad dang / /longs spyod mchog dang ldan 'gyur zhing / /mir skyes gser las lhag pa yi//kha dog dang ldan mdzes pa dang / /pad+ma'i mdog ltar yan lag tshang / /mig ni dkyus ring mdzes par 'gyur/ /maN+Dal gyi gtam ste bcu gcig pa'o// //pad+ma'i 'dab 'dra'i lag pa mdzes/ /'od gsal kha dog dri bzang ldan/ /ro zhim reg na bde ba dang //lha dang mi yi khang bzangs na/ /'od gsal gser gyi gzhong pa ru/ /lha yi bdud rtsis bkang za ba/ /de dag sangs rgyas la sogs pa'i/ /dge 'dun yul du lhags pa la/ /zhal zas drangs pa'i 'bras bu yin/ /rdo rje gdan la bzhugs nas ni/ /'dod pa'i dgra dang bcas pa yi/ / tshogs ni byams pas nges 'pham mdzad/ /gang zhig mthar thug dka' ba'i yul/ /mtha' med par ni spyod 'gyur ba'i/ /nyon mongs dka' ba'i dgra las rgyal/ /phung po'i bdud kyang rab bcom nas/ /'chi bdag bdud la mnga' brnyes pa/ /zhal zas phul bar gyur pas yin/ /ro rnams bro ba'i mchog dang ni//yan lag tshang zhing yongs rdzogs ldan/ /bde zhing dpal ldan stobs dang ldan/ /tshe dang stobs dang kha dog dang / /gzugs bzang ba dang ldan pa ni/ /mkhas pas zas mchog btang las byung / /stobs dang brtson 'grus ldan pa yi/ /rnam grangs las ni nges par rgyal//yang dag dpal thob mi dbang gis/ /ro ldan kha zas longs spyod pa/ /rtag tu zas mchog sbyin des yin/ /zas kyi gtam ste bcu gnyis pa'o// //g.yo zhing ut+pal gyis bsgos pa/ /dri med pad+ma rA ga bzhin/ /yid 'ong gser gyi snod du blugs/ / dri zhim tsan+dan gyis bsgos mngar/ /yid du 'ong dang bdar zhing 'thung / /cung zad mig ni zangs mdog 'dra/ /glu len sgra dang nges ldan pa'i/ /mi mchog de rnams skom rnams ni/ /sbyin pa byin pa'i 'bras bu yin/ /in+d+ra nI la bai DUr+ya/ /rin chen mchog rnams kyis spras pa'i//gser gyi snod ni gang yin par/ /lha gang lha yi bu mo ni/ /brang gi dkyil na nu ma ni/ /bum pa lta bu'i 'bur ldan pa'i/ /rab mdzes gcugs dang lhan cig tu/ /sbrang rtsi ltar mngar btung 'thung ba/ /yon tan ldan pa'i tshogs la ni/ /btung ba yid 'ong byin pa yi/ / 'bras bu yin par mkhas rnams gsungs/ /gang zhig kha dog dri zhim sogs/ /tshogs ldan skom pa'i sdug bsngal sel/ /bad kan rlung drag rab zhi byed/ /kha ra pi pi ling bsres tshod/ /tsan+dan lta bur tsha ba sel/ /zla ba'i 'od zer dang ldan pa'i/ /snod du blugs nas de dag gis/ /gus par dge 'dun la phul bas//pha rol gyi ni skye gnas su/ /lha yi btung ba thob par 'gyur/ /mngar zhim mngar mchog gus pa yis/ /btung ba tshogs mchog la phul bas/ /lha dang mi yi gnas rnams su/ /lha yi bu mo mchog rnams dang / /yun ring btung ba lhan cig 'thung / /gang zhig sa gnas mi rnams kyis//dang ba'i dad pa'i yid kyis ni/ /dge 'dun la ni btung ba mchog /dus la bab par drangs pa yis/ /'khor ba'i ri khrod gnas pa ni/ /rtag tu btung ba'ang zhim bzang thob/ /btung ba'i gtam ste bcu gsum pa'o// //gang zhig sngo ser ljang dmar dkar//sna tshogs kha dog 'od bzang ba/ /mdzes gsal gos kyi phreng ba ni/ /yon tan mchog dang ldan pa yi/ /'jig rten bla ma la phul bas/ /bsngags pa'i gos mchog thob par 'gyur/ /gang zhig dge 'dun mchog sogs la/ /gang zhig dad dang gus pa yis/ /gos kyi phreng ba 'bul byed pa//de ni ngo tsha shes gos dang / /mchog tu gyur pa'i chos kyi gos/ /nyon mongs gnyen po'i chos gos 'thob/ /kha dog sna tshogs kyis spras pa'i/ /sngon po ser po dkar po dang / /gzhan yang dmar po yid 'ong ba/ /shin tu mdzes pa'i gos dag dang / /chos gos phreng ba 'bul byed pa/ / bde 'gro yi ni bde bar 'gro/ /gzugs dang ldan zhing yid 'ong la/ /lha yi gos ni zad med dang / /ngo tsha shes pa'i gos kyis brgyan/ /bdag blo ngang gis mkhas pa dang / /de ni chos kyi dbang phyug 'gyur/ /gos kyi gtam ste bcu bzhi pa'o// //me tog bzang po dge 'dun la/ / rab tu 'thor zhing mchod byed pa/ /brgya byin las lhag longs spyod ldan/ /pad+ma'i dbang po lta bur mdzes/ /mchog tu grags pa dang ldan zhing / /rtag tu de ni skad cig gis/ /dgra las rnam par rgyal bar 'gyur/ /sa rnams la ni spyod byed pa'i/ /rin chen mchog gi mir gyur pas/ / spos mchog dang ni dri bzangs kyis/ /rgyal ba rnams la 'bul byed pa/ /lus kyi grags pa'i dri yis khyab/ /ut+pal sngo dang mnyam pa yi/ /mig ni dri med dkyus ring mdzes/ /bai DUr+ya dang mu tig dang / /rin po che yis yan lag brgyan/ /lus kun ku sha'i gos kyis g.yogs/ /skye ba kun du mi yi mchog /gzugs dang ldan par gyur pa ni/ /dge 'dun dri bzang phul ba yin/ /sna tshogs pa yi sman rnams ni/ /de dag dge 'dun la phul bas/ /mdze la sogs pa'i nad rnams kyi/ /sdug bsngal mi bzad pa las grol/ /bzhin ni mdzes shing gser rnams dang / /mnyam zhing kha dog yid du 'ong //rgyal po yi ni 'tshe ba rnams/ /gang yin pa dang bral ba thob/ /me tog la sogs pa'i gtam ste bco lnga pa'o// //sa bdag 'khor los sgyur gang la/ /thal mo sbyar ba byas nas ni/ /mkhur ba rna rgyan mdzes ltung bas/ /gus ldan legs par spyi bo yis/ /lan mang du ni phyag byed pa//de dag sangs rgyas phyag byed pa'i/ /'bras bu yin zhes mkhas rnams smra/ /skyes pa tsam gyis gtsor 'gyur pa'i/ /rtag tu mthon po'i rigs skye zhing / /rta dang glang pos rgyu byed pa/ /de dag bla ma 'phags pa la/ /legs par phyag ni byas pas yin/ /snyan pa yis ni khyab 'gyur zhing //nges par legs par 'dzin pa dang / /gsal bar byed pa'i 'od kyis ni/ /sdug bsngal thams cad spong byed cing / /nad ni thams cad 'joms par byed/ /'jig rten du ni bde 'gror nges/ /mi dbang gis ni rgyun du 'gyur/ /'bras bu dpal dang ldan pa yang / /thub dbang phyag byas pa las yin//'khor los sgyur rgyal stobs grags ldan/ /yan lag sum cu gnyis mtshan ldan/ /rgyal 'gyur sa stengs gtso bo de/ /sangs rgyas la ni phyag byas pa'i/ /'bras bu yin par blo ldan gsung / /de ltar yon tan tshogs shes pas/ /lus 'di 'jig par shes nas ni//mkhas pas sangs rgyas phyag bya zhing / /lus kyi las ni legs par spyad/ /phyag gcig 'tshal bar gyur pa yis/ /'khor ba spong ba'i rgyu thob cing / /'khor ba'i 'jigs mthong gus pa yin/ /de ltar su zhig phyag mi byed/ /phyag gi gtam ste bcu drug pa'o// // kr-iSh+Na sa ra ltar mdzes gzugs/ /stobs ldan 'jam zhing shin tu snum/ /dgun dus bsro khang gos bzang bgos/ /yid 'ong mdzes ma la 'khyud nas/ /mi dbang gang zhig rtse byed cing / /ro mchog sna tshogs ldan pa ni/ /rin chen snod blugs 'thung ba ni/ /de dag sgron ma phul ba yis/ /shin tu 'bras bu mngon yin par//yang dag rdzogs sangs rin chen gsungs/ /'bar zhing me lce rgyas dang ldan/ /khang pa'i nang du me 'bar gsal/ /dgun dus grang ba sel byed pa/ /snang ba thub pa'i dbang po ni/ /mchog tu gyur la phul ba yis/ /lha dang mi yi 'jig rten na/ /gsal zhing rab tu 'bar gyur dang //dri za lha min mi'am ci/ /byad bzhin mdzes dang lhan cig tu/ /ston zla dang 'dra rab mdzes pa/ /sdug pa pang bar 'khyud nas ni/ /lus ni yid du 'ong ba dang / /mtho ris su ni spyod byed pa/ /de dag gang tshe 'phags tshogs la/ /snang ba dang bas phul ba yin/ /rkun ma las rgyal bzhon par ldan//sa rnams ma lus rjes su skyong / /byad bzang gser gyis yan lag brgyan/ /de dag gis ni snang ba rnams/ /phul ba'i 'bras bu 'di dag yin/ /snang ba'i gtam ste bcu bdun pa'o// //ri rnams kyis ni bsgribs pa dang / /mchog tu ring na gnas pa dang //shin tu phra ba'i dngos po dang / /mtshan mo smag gis bsgribs pa dag /gang tshe lag mthil gnas pa ltar/ /dge slong ma 'gags pa yis mthong / /de ni bde bar gshegs pa la/ /zhugs mar phul ba'i 'bras bu yin/ /spyan gyis dngos kun gzigs pa'i phyir/ /bde gshegs mar me phul ba yis//sangs rgyas nyid ni mnyes zhes grags/ /phul ba bcom ldan gang zhe na/ /thub dbang dri med spyan la phul/ /ring dang phra dang bsgribs pa dang / /dpag tshad kyis chod mthong la ltos/ /rgyal la zhugs mar phul ba yi/ /de 'bras yin par thub pas gsungs/ /sa bdag rgyal po gang yin pa//zla ba lta bu'i gzugs ldan pa/ /ut+pal lta bur mig dkyus ring / /gang zhig lha yi 'jig rten na/ /gser mdog 'od kyis snang ba ltar/ /rang gi 'od kyis snang byed pa'i/ /'khor los sgyur ba'i rgyal po ni/ /nor bu brgya phrag 'od gzer gyis/ /sa rnams rgyu zhing snang byed pa//de dag shAkya seng ge la/ /gus par mar me phul ba yis/ /rgya cher 'phel bar 'gyur ba yin/ /lha gang 'jig rten gsal byed cing / /ut+pal lha yi mig ldan la/ /smin ma legs shing gser mchog ltar/ /mig stong dang ni ldan pa yi/ /brgya byin lha yi bdag po nyid/ /lha yi stan la 'dug pa dang //gang zhig 'dod bral tshangs pa ni/ /'od gsal lha mchog phyag byed cing / /lha yi shing rta g.yo byed pa/ /ston pa yi ni ring bsrel la/ /mar me'i phreng ba mis phul pa'i/ /'bras bu rgya chen gyur pa yin/ /mar me'i gtam ste bco brgyad pa'o// //mi dbang dus ni thams cad du//nyams dga' ba yi khang bzangs mchog /rol mo'i gnas kyi nyams dga' bar/ /'tsho zhing rgyal ba'i sgra sgrogs par/ /btsun mo'i 'khor dang rol byed pa/ /grang ba sel ba'i khang pa ni/ /phyogs bzhi nas ni byon pa yi/ /dge 'dun bzhugs gnas phul ba yin/ / thub pa 'phags pa'i dge 'dun bcas/ /gtsug lag khang gi don du ni/ /tshig gis rab tu bskul ba dang / /tshogs pa yis ni grogs byed cing / /nges par dus su 'gro byed pa/ /gnyid log pa'am langs pa na/ /bsod nams rgyun ni tshad med 'phel/ /shes rab rdo rje'i mtshon cha yis/ / phyin ci log gi ri bcom nas/ /sa dang bcas pa'i khang bzangs 'gyur/ /dge 'dun la ni yo byad dang / /longs spyod bzang po dang bcas pa/ /gtsug lag khang ni gang zhig byed/ /rnam par rgyal ba'i khang bzangs ni/ /rin chen mchog gi rang bzhin gyi/ /rtsig pa ka ba dang ldan pa'i/ /mdzes ldan lhan cig dus kun du//de ni lha yi 'jig rten 'dir/ /yun ring du ni mngon par dga'/ /dpal dang ldan pa'i bla re dang / /sna tshogs kyi ni gos kyis spras/ /khang bzangs mchog ni 'od 'phro ba/ /yang dag gnas par gyur pa ni/ /yon tan tshogs ldan phul ba yis//brgya byin gyi ni khang bzangs mchog /rnam par rgyal byed thob pa yin/ /gtsug lag khang bzhengs pa'i gtam ste bcu dgu pa'o// //khyogs dang stan ni mnyam pa ru/ /'bol stan la ni chung ma ni/ /nu ma rgyas dang lhan cig tu/ /mal stan la ni sa bdag nyal//nyes pa'i tshogs spangs dam pa la/ /de yis mal stan phul ba yin/ /rkang rten dang bcas khri la ni/ /sna tshogs gos kyis brgyan la 'dug /dbyangs snyan rol mo dang mgrin bsdebs/ /rin chen rang bzhin stan la ni/ /dri zhim pas ni byugs pa yi/ /dad ldan mal stan chen po la//dpung pa la ni mgo brten nas/ /yun ring lha yi khang pa ru/ /'jigs pa med par bde bar nyal/ /de dag mal cha stan rnams ni/ /dge 'dun rnams la phul ba yi/ /'di ni 'bras bu yin par bshad/ /ga pur tsan+dan a ka ru/ /lus byugs pa yi lha mo ni/ /nu ma zung ldan lus brten nas/ /gos mchog 'bol stan la rtag nyal//de dag mchod rten rnams la ni/ /gdugs dang gos khri phul bas yin/ /mal cha dang stan gyi gtam ste nyi shu pa'o// //gling bzhi las ni rnam rgyal nas/ /stobs ldan brgya byin gnas yin te/ /nga las nu yis sum cu gsum/ /bdag po'i stan phyed dbang byas nas//'dod pa'i bde ba'i dga' ba myong / /zhag bdun bar du dbyig rnams kyi/ /char ni khang par dpag med phab/ /de dag lhung bzed du gtor ba'i/ /sbyin pa chen po de yi ni/ /'bras bu ngo mtshar chen po yin/ /snod ni de dang de dag gis/ /rgyu bzhi dag la brten pa yi//sdug bsngal la sogs bye brag gi /'bras bu tha dad tha dad 'gyur/ /de phyir mi dbang khyad 'phags rgyal/ /zla ba lta bu'i bzhin dang ni/ /ut+pal lta bu'i kha dog dang / /mi rnams nang du rtag par ni/ /dri med mig ldan ro stod yangs/ /dga' zhing stan dang mal cha dang //zas dang snod du ldan pa ni/ /mi rnams sbyin pas yang dag 'thob/ /mi mchog gis ni nad pa dang / /dman pa dang ni dbul ba rnams/ /snying rje can gyis sbyin btang bas/ /dpal ldan yang dag khyad 'phags 'gro/ /mi dbang brgya byin dang mnyam rtse/ /dga' zhing bu dang bran g.yog bcas//zla ba dang 'dra bzhin gyi mchog /mig yangs lus ni nyi ma bzhin/ /grags pa snyan pa dag dang ldan/ /mi dbang dgra yi stobs 'joms shing / /bde ba thams cad thob pa ni/ /de yis rang gi bla ma dang / /pha ma rnams la sbyin las byung / /gang zhig rta dang shing rta glang / / zhon la skye bo'i tshogs phyag 'tshal/ /gser gyi yu ba dang ldan pa/ /zla ba'i dbyibs dang ldan pa yi/ /nyi ma'i 'od zer zlog byed thogs/ /mi dbang mchog tu gyur pa ste/ /'khor los sgyur ba'i rgyal po ni/ /sa rnams dbang phyug dang bcas pa'i/ /gang zhig rgyal por gyur pa ni/ /yang dag zhing la de dag gis//sbyin pa'i sa bon sbyangs pa yi/ /yon tan mchog gi 'bras de yin/ /dman pa'i snod la sbyin pa yis/ /mang du byin yang 'bras bu nyung / /yur ma tshor ma'i skyon bcas dang / /rdo ba'i steng gi zhing rnams la/ /sa bon mang po btab pa bzhin/ /'dod chags zhe sdang gti mug spangs//yon tan gyis brgyan zhing la sbyin/ /nyung ngu byin yang mang du 'byung / /n+ya gro d+ha yi sa bon bzhin/ /zhing gi gtam ste nyi shu gcig pa'o// //gang gis chos kyi sbyin byin zhing / /bri ba dang ni nyan pa dang / /rtag tu de dag sems nyid dang / /gal te yang dag sgom byed na//skye ba dran pa rtag tu 'thob/ /gang zhig lha yi 'jig rten na/ /dpag bsam gyi ni shing gi mchog /don rnams thams cad 'grub byed pa/ /lha tshogs bde ba'i mchog gyur pa/ /de ni ba mchog byin pa yi/ /rgya che ba yi 'bras bu yin/ /gang zhig mngal du rdzogs par ni/ /gtsang zhing yid 'ong ro myang la/ /mar dang sbrang rtsi stobs dang ni//gang zhig 'o ma 'thung tshe yang / /pad+ma'i ge sar mdangs ldan pa/ /khu 'jo'i dus gang yin par 'thung / /skyed rdzogs nas kyang de bzhin te/ /bdud rtsi'i mchog kyang 'thung byed pa/ /de ni ba mchog btang las byung / /seng ge'i khri ni rab dga' zhing / /mdzes pa gus pas chos la ni//rim pa bzhin du des phul bas/ /gzhig par mi nus rdo rje'i gnan/ /rab mchog seng ge'i khri la gzhugs/ /lha klu grub pa phyag 'tshal 'gyur/ /gser gyi snod du rtag tu der/ /ro ldan 'o ma blugs nas ni/ /mi yi mchog ni 'thung byed cing / /dpal ldan phun sum tshogs pa dang //pad+ma'i mdog ldan bud med rnyed/ /de ni ma he mchog btang yin/ /rtag tu nad pa nyam chung la/ /bzhon pa mchog ni sbyin pa dang / /bla ma rnams ni mnyes byas nas/ /btsun zhing mi rnams kyis bstod 'gyur/ /gser gyi chas kyis brgyan pa yi/ /rta ni yid du 'ong ba la/ / mi mchog rtag tu zhon nas rgyu/ /shin tu ring ba'i yul rnams su/ /rdzu 'phrul gyis ni 'gro byed pa/ /bzhon pa mchog ni phyin pa yis/ /de lta bu yi mi ru 'gyur/ /do shal dang ni do shal phyed/ /'og pag dang ni ldan pa yi/ /yid 'ong lha mo rnams la rtse/ /sum cu gsum bdag dang 'gran pa/ / ltos pa med par byin pa las/ /byung bar mkhas rnams rab tu bshad/ /bdud kyis zil gyis mi non cing / /legs par gsungs pa rtag tu ni/ /bdud rtsi lta bur mnyan par gyis/ /sa gzhi lta bur chos kyi yum/ /nyon mongs dgra ni spong bar byed/ /'khor ba'i bde ba nyams myong zhing / / phun sum tshogs pa thams cad kyi/ /rab mchog nyid ni thob par 'gyur/ /dub pa'i dus ni thams cad du/ /mkhas pas gnas ni phul ba yis/ /mtho ris phyin nas rtag tu dga'/ /brgya byin dang ni lhan cig tu/ /rtag tu dga' ba myong bar byed/ /'dir ni skyed mos tshal phul bas/ /sna tshogs pa yi shing rnams la//me tog dri zhim dang ldan zhing / /mngon par mtho ba'i mi thob nas/ /skyed mos tshal rnams longs spyod ldan/ /chu bo rgal bar dka' ba yi/ /gnas su zam pa 'dzugs byed pa/ /mi de longs spyod dang ldan pa'i/ /mtho ris gnas su 'gro bar 'gyur/ /gser mdog lta bu'i lus dang ldan//nyams dga' rdzing bu byed pa'i mi/ /mtho ris gnas ni thob par 'gyur/ /'jig rten 'di ru mir gyur nas/ /rgyal po yi ni dga' bde thob/ /khron pa dang ni bu nyen khang / /sems can rnams ni rten pa dang / /than pa grang ba skyob gyur pa/ /byed pa'i mi mchog gang yin pa//lha yi bde ba myong bar 'gyur/ /nyi ma'i 'od zer tsha ba yis/ /shin tu sdug bsngal ldan pa la/ /gang zhig gdugs ni sbyin byed pa/ /gdugs dang 'dra bar de dag ni/ /dgra yi tshogs las rgyal 'gyur zhing / /rtag tu bde ba mchog dang ldan/ /mchil lham rgyan gyis brgyan pa ni//sems can thams cad dag la ni/ /gus pa yis ni sbyin byed pa/ /de dag bzhon pa mchog rnams la/ /lha dang mi yi 'jig rten du/ /yun ring zhon par skye bar 'gyur/ /yon tan rnams ni sgrogs pa yis/ /rgyal ba mchog gi stod byed pa/ /thams cad dag ni btud pa yis//lus kyis phyag ni 'tshal byed pa/ /bla mar brten pa'i rigs skye zhing / /de dag so sor rig pa 'thob/ /rdza rnga pi wang pa Ta has/ /bde bar gshegs mchog mchod byed pa/ /mir gyur nas ni dbyangs snyan la/ /sgra ni shin tu snyan par 'os/ /yid du 'ong ba'i gzugs dang ldan//bde bar gshegs pa'i mchod rten la/ /dga' bas srog dang 'dzugs byed cing / /gdugs dang dril bu rnams dang ni/ /gdugs kyi phreng ba 'bul byed pa/ /de dag mir ni rgya che zhing / /dpal ni phun sum tshogs pa 'thob/ /mir gyur pa ni ma lus pa'i/ /bdag po nyid ni stobs dang ldan//dpung rgyan mu tig rgyan ldan pa/ /sa rnams sbyin par btang ba las/ /yin pa ru ni mkhas pa 'chad/ /mchod rten dang ni rgyal ba yi/ /sku mchog rnams ni bzhengs byed pa/ /gdugs ldan sku gdung 'dzug byed pa/ /mtho ris yang dag 'dir thob nas/ /mi rnams kyis ni bstod par 'gyur//gang zhig dang por sangs rgyas la/ /sa dang lci bas byugs nas ni/ /me tog 'bras bu zas skom phul/ /rtag tu mchod pa byed pa ni/ /rgyal po'i mchog ni thob par 'gyur/ /rgya chen mar me sna tshogs dang / /dri zhim me tog bdug pa dang / /bu ram la sogs btung ba rnams//dge 'dun la ni 'bul byed pa/ /de yang nor dang ldan 'gyur zhing / /lha mi'i bde ba dag dang ldan/ /mchod rten gdung bcas gtsug lag khang / /mi gang 'bad pas nyen 'khor 'phyag /kun nas dri ma med byed pa/ /gser gyi kha dog 'dra bar 'gyur/ /rtag tu snang ba 'dul byed cing //grang dus gos dang khang pa dang / /rgyan dang bu mo btung ba byin/ /skye gnas rnams su bde ldan 'gyur/ /sa stengs su ni tshe ring zhing / /thams cad nad las grol bar 'gyur/ /mnyam pa med pa'i bde ba thob/ /de dag rtag tu bde dang ldan/ / lha yi bde ba sna tshogs pa/ /nyams su myong zhing 'byung 'gyur ba/ /srog gcod spangs pa las yin par/ /nges par mkhas pa rnams kyis bstan/ /gzhan mthong brnab sems mi byed pa/ /chom rkun las ni dben gyur cing / /rdzas ni yongs su srung bar byed/ /gser dang dpag med phun tshogs thob//rkun ma brgya phrag dag gis ni/ /mi dbang las ni 'bral mi nus/ /chung ma gzhan la mi 'phyo zhing / /legs srung chung ma mnyam med rnyed/ /skye bar dgrar gyur cung zad med/ /'dir ni 'jig rten yid rton cing / /de la yid mi ches yod min/ /de dang der ni skye ba na/ / ut+pal sngon po lta bur ni/ /dri ldan yid du 'ong ba'i gzugs/ /de ni mi 'gyur kha dri zhim/ /brdzun gyi tshig kyang smra ma yin/ /dam pa yi ni grogs ldan zhing / /mi dbang gis ni gus pas mchod/ /bu dang chung ma bran dang ni/ /longs spyod rgya ni chen po yis/ /dpag tu med pa'i bde thob pa/ / rtag tu phra ma spangs pas yin/ /yid du 'ong zhing sgra snyan la/ /ngag ni snyan par 'os pa dang / /rtag tu shin tu mdzes pa dang / /mi rnams dang ni lha rnams su/ /de rgyal tshig ni rtsub mo dag /mi de yis ni spangs pas yin/ /chos don dben pa dga' ba yis/ /smra ba de ni 'jig rten gyi/ /rtag tu mchog tu yid 'ong 'gyur//yang yang mchod pa de yis thob/ /rin chen mang dang bzhon pas phyug /mngon mtho 'jig rten sna tshogs pa'i/ /bde ba mtha' yas myong bar 'gyur/ /bdag gzhan chags pa spangs pa yis/ /de 'dir 'dod chags chung 'gyur zhing / /rtag tu longs spyod rgya chen ldan//ngag la dbang zhes grags ldan 'gyur/ /rab tu mdzes pa nyid thob cing / /de ni rtag tu phyug cing bde/ /rgyal srid kyis mtho 'jig rten gyi/ /tshangs pa nyid ni thob 'gyur zhing / /yang dag byams pa'i sems ldan pa/ /dbang po yod pa'i mi ru skye/ /mtho ris thar 'bras bde ba thob//yang dag rdzogs dang mi de ldan/ /gang phyir 'di dag thams cad ni/ /yang dag lta ba mchog tu ni/ /dge ba'i rtsa ba'i 'bras bu yin/ /dad dang blo gros dang ldan pa'i/ /bsod nams kyi ni zhing mchog las/ /sa gsum bde ba rgya chen skye/ /de lta'i khyad par mi shes pas/ / yon tan rin chen thams cad kyi/ /gter du gyur pa'i dad pa ni/ /rtag tu de yis brtan par bya/ /dad pa yis ni ma bzhin du/ /bde ba rnams ni bskyed par bya/ /de bas thog mar skyes bu yi/ /yid kyis legs par bsten par bya/ /'byung gnas dad pa spangs pa yis/ /dam chos rin chen byang chub mchog /nges par gzung bar nus ma yin/ /rgyal po las ni nyams pa yis/ /longs spyod 'bras las nyams pa ltar/ /dad pa'i dbang po las nyams na/ /de bzhin 'bras rnams thob ma yin/ /de phyir skyes bu mkhas pa ni/ /'jig rten bde gshegs byed 'dod pas/ / yid ni rab tu dad pa yis/ /rtag tu phan pa nyid du gyis/ /lhag mas nyes pa zhi ma yin/ /gzhan du dad pa dang ldan pa'i/ /nyes pa'i tshogs ni thams cad bsreg /dman zhing gos med rmongs pa dang / /lag pa na ni thod pa thogs/ /'jig rten 'di na slong ba snang / /sbyin ba med pa'i 'bras la ltos//tha dad khyim du slong zhing rgyu/ /rtag tu bkres par kun du 'khor/ /gang zhig lus las lag rkyong la/ /khyi dang 'dra bar ring na gnas/ /kun du 'jug cing slong ba la/ /phyir log nyung shas cha gcig kyang / /gang zhig kha zas mi ster ba/ /kha ni khab tsam lto ba ri/ /lus skam skra yi gos kyis ni//nyi ma'i 'od zer snang min la/ /yi dgas skom gyis gdungs pa rnams/ /'bras de lag gis ma byin cing / /dus ma byin pa'i 'bras bur gsungs/ /sna tshogs bsdus pa'i gtam ste nyi shu gnyis pa'o// //bsod nams spro ba bskyed pa mnyan par gyis//gtong dang bsod nams dkon pa ste/ /bde bar gshegs pa'i sku gzugs la/ /sku gdung rnams ni bcug byas na/ /khrus gsol gdugs ni 'degs pa dang / /maN+Dal zas dang skom rnams dang / /gos dang me tog la sogs dang / /snang ba dad ni mar me dang / /gtsug lag khang du mal stan dang //zhing dang sna tshogs phul nas ni/ /bstod cing phyag ni 'tshal byed pa/ /'di 'dra du ma phun sum tshogs/ /gtam ni nyi shu rtsa gnyis kyis/ /yang yang sbyin pa'i bsngags pa brjod/ /mtsho ni sbrul gyis gang bzhin du/ /me tog lo ma rgyas pa yi//ljon shing tsher ma dang bcas bzhin/ /thos dang dpyod dang rigs ldan zhing / /de lta bu yi bye brag can/ /tshul khrims la ni rgyab phyogs yin/ /dbul yang khrims ldan mchog yin gyi/ /yon tan rgyan dang bral ba yi/ /nor ldan rnams dang mtshungs ma yin/ /dbul yang skyes bu dam pa rnams//de dag yon tan ro myang bas/ /bdud rtsi lta bur khyad par 'phags/ /yang dag dran bya bla ma bzhin/ /yon tan ldan 'phags gzi brjid ldan/ /nor rnams dang ni rgyan dang ni/ /de dag rgyal po rnams kyis ni/ /drung du nye bar mchod 'dod pas/ /tshul khrims 'di ni bsrung bar gyis//'jig rten bde ba rnams rgyal ba'i/ /'jigs dang zhe sdang bcas pa la/ /chos kyi bdag nyid blo byas te/ /bde ba mchog ni skyes bu yis/ /bde ba rgya chen mi 'phrogs pa/ /thob par 'dod pa de yis ni/ /tshul khrims nyid ni srung bar gyis/ /tshul khrims las nyams 'dul zhing 'tshe//de yis 'jigs bcas nyams su myong / /tshul khrims ldan la de dag med/ /de nas 'jig rten pha rol du/ /mtha' yis gtugs shing 'gro ba na/ /bde ba'i yul rnams 'dod pa yin/ /de yi tshul khrims 'di nyid srung / /tshul khrims brten dang nges ldan na/ / bde 'gro nyon mongs bdag nyid min/ /log par lta bas lam gol phyir/ /de phyir thar pa rab byung zhing / /rtags ldan mtho ris 'dod pa yis/ /de yis tshul khrims 'di nyid srungs/ /mi 'jig dbrog tu med pa'i rgyan/ /tshul khrims 'di yin bsrung bar gyis/ /tshul khrims nor gyi mchog yin te//gzhan gyis dbrog cing rkur mi tshugs/ /tshul khrims brtan te 'chi ba na/ /gzhan du rjes 'brang lus ma yin/ /tshul khrims rjes su 'brang ba'i grogs/ /tshul khrims rgyan gyi mchog yin te/ /rgyan de la ni stor ba med/ /yid gcugs pa yi grogs po yin//tshul khrims lta bu'i phan byed med/ /tshul khrims yang dag nges pa'i gnyen/ /pha dang ma dang bu yin te/ /'dod pa ster ba tshul khrims te/ /mthu yis 'bras bu 'di sbyin byed/ /tshul khrims kyi gtam ste nyi shu gsum pa'o// //bskal pa stong du bsags pa yi//sbyin dang bder gshegs mchod la sogs/ /legs spyad gang yin de kun yang / /khong khro gcig gis 'joms par byed/ /zhe sdang dang mnyam sdig pa med/ /bzod dang mnyam pa'i dka' thub med/ /de phyir 'bad pas bzod pa sgoms/ /sna tshogs pa yi tshul gyis ni//zhi ba'i yid kyis ma bzung na/ /dga' dang bde ba myong ma yin/ /sdong ba'i zug rngu yid gnas la/ /gnyid med brtan pa yod ma yin/ /zhe sdang bral bar ma gyur na/ /ji srid 'tsho bar gnod dang bcas/ /khro ba gcig pu bcom pa yis/ /rnam par sdang ba thams cad bcom//rtog pa'i bud shing la mched pa'i/ /khro ba'i me yis 'gro ba bsreg /dang por bdag nyid sreg byed la/ /gzhan dag sreg pa 'am yang na min/ /rgas pa yis ni gzugs bzhin dang / /khros dang mun pas mig dang ni/ /blo dang bral bas 'dod don ldan/ /de bas khro ba 'joms par byed//dge ba'i las la 'di sbyar bya/ /bdag la gnod byed 'byung ba dang / /de las bzlog par bya snyam na/ /sdig ldan sems yin khror ci yod/ /mtshon sogs byed pa spangs nas ni/ /'phen pa ci zhig khro ru yod/ /rtsod byed zhe sdang yin pas na/ /de phyir zhe sdang la sdang bsngags//bzod pa'i gtam ste nyi shu bzhi pa'o// //yon tan rin chen thams cad kyi/ /gter du gyur pa brtson 'grus te/ /nyon mongs rgya mtsho kun sgrol ba'i/ /rgya chen mchog ni brtson 'grus yin/ /brtson 'grus shing rta gang zhon pa/ /dngos po bsams pas mi thob pa//de 'dra 'gro na yod ma yin/ /glang po rta dang rkang thang dang / /mda' dang mda' chen dgra sta dang / /mtshon cha yis ni g.yul 'gyed cing / /dgra bgegs mthar ni rgyal byed pa/ /'di de stobs dang ldan pa yi/ /brtson 'grus dpa' bo chen po yin/ /rgya mtsho chu srin tshogs gnas shing //chu rlabs mthon por rim rgyu ba/ /brtson 'grus ldan pa'i dpa' bo yis/ /ba lang rjes bzhin 'gom par byed/ /rin thang med pa'i rin chen gyi/ /gter ni len par byed pa yin/ /'dod chags la sogs sbrul gdug rnams/ /lus la brtson 'grus can gyis spongs//khrims ldan skye bo dam pa ni/ /sems ni dri med khyad 'phags pas/ /mir ni yang dag mnyam gzhag 'dzin/ /ri rab mdzes pa'i rtse mo ru/ /blta na sdug pa'i lha mo la/ /pang du lag pas 'khyud pa yi/ /bde dang ldan zhing dga' bar byed/ /mkha' gnas lha ni gang yin pas//gnyis gnyis ldan pa nges spangs nas/ /yang dag nyid kyi bde ba myong / /shin tu 'bras bu rgya che ba'i/ /bskyed pa'i rgyu ni brtson 'grus te/ /bstan pa la sbyor de sbyor byed/ /brtson 'grus kyi gtam ste nyi shu lnga pa'o// //nyon mongs dgra yi sde tshan rnams/ /bsam gtan ldan pas zil mnan nas//yang dag byang chub dpal rnams thob/ /byang chub yan lag rab sbyin zhing / /'chi med skye ba'i rgyur gyur pa/ /'dod chags zhe sdang la sogs pa/ /nyes pa thams cad sel ba yi/ /rgyu ni bsam gtan yin pa ru/ /blo ldan de yis rab tu gsungs/ /nam mkha' dang ni sems mnyam la//gser dang bong par mnyam pa yi/ /bsam gtan sgom byed skyes bu yi/ /yon tan rnams kyi rgyu ru gsungs/ /nyon mongs dgra tshogs las rgyal ba'i/ /dge ba'i stobs kyis bsgrub pa las/ /mtshan ni thams cad ldan pa yi/ /yang dag rdzogs pa'i byang chub dpal//yon tan rab mchog bdag nyid can/ /dkon pa'i rigs pa thob par 'gyur/ /sems la ye shes chen po yis/ /dgra yi 'jigs pa rnams spangs nas/ /gang gis mi yi dbang po bskyed/ /bsam gtan gcig bu de rgyu ste/ /yon tan kun gyi gter yin pas/ /'phags pa'i yon tan gyis phyug gsung //rmongs pa'i mun pa sel mdzad cing / /rgyun gyis rtag pa'i ye shes kyis/ /rdzogs sangs rgyas kyi nyi ma dang / /mi rnams dang ni lha rnams kyi/ /bde rgyu bsam gtan rab mchog yin/ /bsam gtan gyi gtam ste nyi shu drug pa'o// //shes rab stobs dang bral na yang //skyes bu'i gzugs brnyan 'ba' zhig ste/ /snying po spangs pa'i mthar thug par/ /ri mo bris pa'i gzugs dang mtshungs/ /blo ldan brtson 'grus yang ldan pa'i/ /blo ldan de la 'bras 'dod 'byung / /bla med bdag gsod pa yi dgra/ /skye ba du mas gang chod dang / /bdag nyid skye bar 'gyur ba yis//rigs dang ming dang rus rnams dang / /dbus bzhin du ni mtha' bzung la/ /rnal 'byor pa yi shes pa 'jug /shes rab stobs kyis de shes gsungs/ /'jig rten rnams ni dri mi yi/ /rab rib tshogs ni sel byed pas/ /de bas blo de chos mchog yin/ /ye shes snang ba skyed pa yis//mi rnams kyi ni nyes pa'i tshogs/ /rtag tu stongs par byed pa yin/ /dang por dbang po 'di bsgrub bya/ /yid kyis phra rab rnam shes shing / /rig pa thams cad gsal byed yin/ /shes rab de yang rtag par ni/ /stobs kyis dge ba skyed byed pa'i/ /rgyu yin par ni rtag tu grags//bya ba'i rgya mtsho'i nang du ni/ /gdon mi za bar nub pa dang / /g.yul gyi nang du shes rab gtso/ /shes rab stobs kyis rnam rgyal thob/ /thos pa'i shes rab gang yin de/ /dge ba rnams kyi rgyu ru 'gyur/ /de ltar yon tan thams cad ni/ /sgrub par byed pa yin pa'i phyir//gdon mi za bar shes rab sgrubs/ /shes rab med pa'i skyes bu ni/ /mi gsal tho rangs mar me bzhin/ /shes rab kyi gtam ste nyi shu bdun pa'o// //mtho ris thar pa'i yon tan ni/ /rin po che yi gter gyur pa/ /pha rol phyin pa drug 'di nyid/ /sa gzhi bzhin du shes pa'i mis//bdag phan bsgrubs pa de yis ni/ /gzhan la phan par bya ba'i phyir/ /myur bar rtag par rgyun du 'bab/ /pha rol phyin pa'i gtam ste nyi shu brgyad pa'o// //legs par bshad pa rin po che za ma tog lta bu'i gtam snyan dngags mkhan chen po slob dpon dpa' bos mdzad pa rdzogs so/