CLOSE WINDOW

D4166
བོད་ཡིག

/myur du dbang phyug thob nas sa la gnas pa dang / /pha rol phyin drug thob nas 'gro ba'i don byed shog /tshul khrims kyi gtam gyi 'grel pa slob dpon gsal grags kyis mdzad pa rdzogs so// // @##/ /rgya gar skad du/ saM b+hA ra pa ri ka thA/bod skad du/ tshogs kyi gtam/ gsung gi mnga' bdag 'jam pa'i dbyangs la phyag 'tshal lo/ /bdag gis de ring bsod nams dang / /ye shes tshogs ni gang zhig gam/ /gzhan la phan pa gang bya zhes/ /byang chub sems dpa' yang yang bsam/ /bsod nams rang bzhin ye shes che//tshogs ni gang gis rdzogs 'gyur dang / /ji ltar gzhan phan byed 'gyur pa/ / de ni legs par bshad par bya/ /gang gis lus dang srog dag ni/ /sems can kun la gtang bar bya/ /lus can kun la byams pa dang / /snying rje nyid kyis khyab par bya/ /sdig pa kun gyi rnam smin ni//rang gi rgyud la mngon 'dod cing / /bsod nams kun la yi rang dang / / sangs rgyas bdag nyid che la bsam / /de ltar yang dang yang bya ba/ /'di ni cho ga gzhan yin no/ /byang chub sems ni sngon 'gro bas/ /rtsom pa kun kyang bya ba yin/ /de lta bu yi thabs de yis//rtsom pa'i ngal ba med par yang / /bsod nams ye shes tshad med pa/ /yang dang yang du sogs par 'gyur/ /sems can rnams kyi longs spyod dang / /yongs su bskyab pa'i phyir dang ni/ /rang gi lus dang srog nyid ni/ /yid kyi rjes bzhin gtang bar bya/ / bkres skom ngal dang tsha grang dang / /rlung dang char gyi gnyen po bzhin/ /mchog mchod pa las bdag nyid ni/ /'di na bde myong gang yin dang / /nyams dga' khang bzangs gzhir gnas dang / /gtsang zhing zhi ba'i gnas gtogs dang / /bde ba thob pa gang yin dang / /bsam gtan bde ba thob pa yis//bde ba'i gnas skabs thob gang dang / /sangs rgyas byang chub sems dpa' dang / /dgra bcom shin tu sbyangs zhi nyid/ /de ni sems can thams cad la/ /bye brag med par nye bar bstabs / /phal cher mnyam par ma bzhag tshe/ /de ltar byams pa nyer bsten la/ / mnyam par gzhag tshe bdag gis rtogs/ /dga' dang shin tu sbyangs pa nyid/ /nyi ltar nyams su myong ba dag /de bzhin gzhan la lhag mos byas / /skye dgu 'di ni sdug bsngal gyi/ /chu bor nub dang de rgyu can/ /dan 'gro dang ni bde 'gro dag /brtse la 'bad pas brtag par bya//de las kyang ni dmyal ba dag /sdug bsngal mi bzad mang po dang / /dus ring rgyun mi 'chad pa yi/ /gcad gshegs me yis gdungs pa dang / /'tshed cing btags pa las byung ba'i/ /shin tu nyam thag rab tu 'phel/ /thal chu lta bur rab 'tshed pa'i/ / bsreg cing tsha rims 'dra nyam thag /dud 'gro phan tshun sdang dang srog /rang dbang med par gsad sogs kyis/ /rtag tu sdug bsngal gyis gdungs pas/ /phal cher dmyal ba dag dang mtshungs/ /yi dgas me lce'i phreng ba yis/ /bskor zhing skad gsang mthon por sgrogs/ /la la kha na me 'bar gzhan//mgrin pa khab mig lto ri tsam/ /rtag tu bkres skom la sogs pas / /bsreg cing lus ni skams pa dang / /kha cig skyug ba za ba dang / /gzhan dag de yang rab rnyed dka'/ /ngan 'gro'i sdug bsngal ma lus pa/ /mi rnams la yang yod par snang / /sdug bsngal gzir ba dmyal ba mtshungs//dbul bas gshin rje'i 'jig rten pa / /'di yi dud 'gro'i sdug bsngal yang / /mthu ldan stobs kyis mthu med pa/ /rnam par gnon cing 'tshe ba dag /chu bo lta bu nyid yin no/ /kha cig dbul ba las gyur dang //gzhan dag chog mi shes las byung / /yongs tshol sdug bsngal mi bzad dang / /thams cad 'khu zhing gsod pa yin/ /'dod spyod lha ni gang yin pa/ /de la'ang bde ba'i sems med de/ /'dod pa'i 'dod chags rims btab pa'i/ /nang gi me yis bsregs 'gyur las //gang zhig sems g.yeng gyur pa dag /de la bde ba ga la yod/ /g.yengs med sems la skad cig kyang / /dbang med pa ni ma yin pas/ /rnam g.yeng dkrugs ba'i bdag nyid can/ /nam yang zhi bar mi 'gyur te/ /rlung bcas 'bar bas khyab pa yis / /me ni shing dang bcas dang mtshungs//shin tu ngoms med tha mar ni/ /dbang med shin tu mya ngan byed/ /lha dang mi ni lha la dag /sdug pa'i chags pa dam du zhen/ /bsod nams sngon byas de dang des/ /'dod pa rmongs pas gdungs par 'gyur/ /de yang nyon mongs sna tshogs dang / /sdig pa'i las ni rgyun mi 'chad//rnam par ltung ba'i mthar gnas pas/ /bag med gyur la brtse bya'i rigs/ /nad sos yun rings ma lon pa'i/ /nad pas mi 'phrod zos dang mtshungs/ /gang zhig gzugs can gzugs med pa/ /sdug bsngal sdug bsngal las 'das shing / /ting 'dzin bde pa'i bdag nyid can//bskal par g.yo ba med par gnas/ /de yang shin tu nges grol min/ /de yang slar yang ltung bar 'gyur/ /ngan 'gro'i sdug bsngal rba klong las/ /'das pa lta bur 'byung 'gyur ba/ /'bad kyang ji ltar ring mo gnas/ /mkha' la lding ba bya dang mtshungs/ /byis pa'i stobs kyis mda' 'phangs ltar//de ni ltung ba'i mtha' can yin/ /mar me ring du 'bar ba dag /skad cig re re 'jig pa ltar/ /'du byed yongs 'gyur zhes bya yi/ /sdug bsngal dag gis nye bar gtses/ /rga shi na ba'i chos can gyis / /nyon mongs nad na rgyu sogs kyis/ /gang phyir thams cad gdungs pas na //de phyir shin tu brtse bya rigs/ /srog chags kun gyi sdig pa rnams/ /thams cad bdag la smin par ni/ /de ltar sdig pa len byed cing / /'gro ba'i phongs pas sdug bsngal byas/ /sangs rgyas byang chub sems dpa' dang / /'phags pa dag dang 'gro ba yi/ / dus ni thams cad dag gi yang / /bsod nams kun la yi rang bya/ /tshogs ni shin tu bya dka' dang / /sangs rgyas chos ni bla med pa/ /'gro ba'i don gyi bya ba nyid/ /sangs rgyas rnams kyis rjes su bsam/ /mang du thos la mngon brtson dang / /ji bzhin don ni sems pa dang / /'gro ba'i shes pa nye bsdus pa'ang //rten 'brel yid la byed pa yis/ /'du byed tsam la skad cig ma/ /bya ba med la 'jug par bya/ /thams cad rten 'brel la bsam la/ /rtag tu bdag med goms pa yi/ /thams cad mkhyen pa'i ye shes tshogs/ /don dam par ni 'phel bar 'gyur//byang chub sems ni nyer 'phel bas/ /tshogs ni thams cad rdzogs par 'gyur/ /de ltar bsod nams ye shes kyis/ /rang bzhin chu bos 'gengs pa dag /'gro ba'i thar la gcig tu mkhas/ /byang chub lag pa'i mthil na gnas/ /sbyin dang snyan par smra ba dang //don spyod don ni mthun pa nyid/ /de ltar bsdu ba'i dngos po rnams/ /'gro la phan par byed pa nyid/ /de ni gang la sbyin pa byin/ /gang zhig la ni snyan smra ba'am / /don spyod pa ni byas 'gyur ba/ /gang la don mthun byas 'gyur zhes/ /de ltar rtag tu brtson pa yis/ / 'gro ba'i don ni ci nus bya/ /gzhan kun bdag gir bya ba dang / /rang la gnas pa gzhan gyir bya/ /tshogs kyi gtam slob dpon dbyig gnyen gyis mdzad pa rdzogs so// //rgya gar gyi mkhan po gang gA ta ra dang / zhu chen gyi lo tsA ba dge slong rin chen bzang pos bsgyur cing zhus te gtan la phab pa'o/