CLOSE WINDOW

D4164
བོད་ཡིག

slob dpon dbyig gnyen gyis mdzad pa rdzogs so// //rgya gar gyi mkhan po paN+Di ta gang+gA ta ra dang / zhu chen gyi lo tsA ba dge slong rin chen bzang pos bsgyur cing zhus te gtan la phab pa'o/ / @##/ /rgya gar skad du/ shI la pa ri ka thA/bod skad du/ tshul khrims kyi gtam/ dkon mchog gsum la phyag 'tshal lo/ /rgya mtsho dang ni glang rjes kyi/ /khyad par dag ni gang yin pa/ /sbyin pa dang ni tshul khrims kyi/ /khyad par dag ni de yin no/ /gang zhig dad pa'i sems kyis ni/ /lo brgyar sbyin pa byin pa bas/ / gang zhig nyin gcig tshul khrims ni/ /bsrung ba de las khyad par 'phags/ /sbyin pa shan pa rnams dang ni/ /rigs ngan dag kyang sbyin par byed/ /gang yang rung bas tshul khrims ni/ /yongs su bsrung bar mi nus so/ /sbyin pa rab tu 'byor gyur kyang / /de ni sbyin bdag chen po min/ /tshul khrims rnam par dag pa yis//sbyin bdag chen po yin par bshad/ /mgo bregs ba'am gtsug phud ldan par rgyu/ /tshul khrims chu yis ral pa khyab par 'chang / /cha lugs sna tshogs dag gis spyod gyur kyang / /gal te tshul khrims med na rgyu spyod yin/ /gang+gA bgrod ba chu bon dar song ba'am//dbyangs can chu'am rdzing bur song ba'am/ /ne le shar ni sten par byed pa yang / /gal te tshul khrims kyis rgud la don med/ /ji ltar tshul khrims bla med ldan pa'i dri/ /dam pa mtho ris 'di na mi zad ldan/ /de ltar phreng ba'i dri ni khyab min cing / /de bzhin byug pa'i dri yang 'byung mi 'gyur//'di na bdag dga' gzhan du 'gro ba bde/ /grags dang dga' zhing kun gyis bkur ba ste/ /chos ldan 'bras bu de de mang po mthong / /tshul khrims 'bras bu drang srong chen pos gsungs/ /tshul khrims nad la sman pa'i mchog yin zhing / /mun pa'i sgron ma nyam thag la skyabs dang //'jigs la srungs dang phongs la nye du dang / /'chi ba'i rgya mtsho mtha' med gzings gyur yin/ /gang zhig 'dul ba'i tshul khrims rnam 'jig tshe/ /skrag zhugs tshul khrims ldan pa yod ma yin/ /de bas 'jig rten gzhan mtha' rgal sems kyis/ /gang zhig 'gro 'dod des ni tshul khrims srungs //tshul khrims dri med ma lus ji bzhin gzhag / /shes rab zhi bas yid ni yongs smin 'gyur/ /de bas rga shi nad 'jigs rnam thar pa/ /gang zhig thob 'dod des ni tshul khrims srungs/ /tshul khrims kyi gtam slob dpon dbyig gnyen gyis mdzad pa rdzogs so/