CLOSE WINDOW

D4163
བོད་ཡིག

/thams cad yod min med pa'ang min/ /srid pa las 'das pa'i gtam slob dpon 'phags pa klu sgrub kyis mdzad pa rdzogs so// //kha che'i paN+Di ta shrI ra tha dang / lo tsA ba dge slong grags 'byor shes rab kyis bsgyur ba'o/ / @##/ /rgya gar skad du/ /sap+ta gu Na pa ri ba da nA ka thA/bod skad du/ /yon tan bdun yongs su brjod pa'i gtam/ 'jam dpal gzhon nur gyur pa la phyag 'tshal lo/ /las ni du ma la brten pa'i/ /sna tshogs yon tan 'dod pa yis/ /'bang byas sa bon med par ni/ /myu gu skye ba yod ma yin/ /nyes med yon tan bsdu ba ni/ /sna tshogs pa dag rnam bya ste//nyes pa dag ni gcig pu yis/ /yon tan mang po 'joms par byed/ /tshe ring de bzhin nad med dang / /gzugs dang skal ba bzang dang rigs/ /nor dang shes rab dag dang bdun/ /yon tan mdo sde dag las gsungs/ /de las bzlog pa nyes pa yin/ /de dag re res ji ltar na//yon tan thams cad 'byung 'gyur ba/ /de ltar da ni bshad par bya/ /nad med gzugs dang skal ba bzang / /rigs nor shes rab phun sum tshogs/ /tshe ring ba ni med gyur na/ /gsad par phyin pa'i rgyan dang 'dra/ /tshe dang gzugs sogs yon tan ni/ /'di dag nad med mi ldan na/ / don med par ni nyams 'gyur te/ /ma ning bud med mchog yod mtshungs/ /yon tan ldan pa mthong na yang / /gzugs ngan skyo ba skye 'gyur te/ /yon tan phun tshogs rgyas par ni/ /rgyal po'i btsun mo mthong dang mtshungs/ /sngar bshad yon tan phun sum tshogs/ /skal ba ngan pas mdongs 'brog pa//sdang ba'i gnas su gyur pa'i phyir/ /drang srong bran dang mtshungs par 'dod/ /yon tan dpal ldan dri ma med/ /rigs ngan la brten mya ngan gzhi/ /bram ze'i chung ma yon tan can/ /rigs ngan lag na gnas dang mtshungs/ /tshe dang nad med la sogs pa/ /sngar bshad yon tan 'di dag ni//dbul bo la gnas bkur 'os min/ /dur khrod gnas kyi mi dang mtshungs/ /yon tan ji skad bshad phun tshogs/ /glen pa bdag nyid brlag don 'gyur/ /'od ma smyug ma'i chu shing gi /'bras bu phun tshogs lta bu yin/ /de ltar ji skad bshad yon tan/ /yan lag re re ma tshang nyams//yi ge gcig ni ma tshang ba'i/ /rig pa 'bras bu med 'gyur mtshungs/ /yon tan longs rdzogs mdzes pa ni/ /yi ge tshad pa'i rig pa 'dra/ /sbyor ba grub las 'bras bu 'thob/ /ma tshang med pa 'byung bar 'gyur/ /de bas legs mdzes rdzogs pa yi/ /yon tan la ni 'bad par gyis//'di dag rgyu ni gang yin pa/ /mdo bshad nga las rtogs par gyis/ /gsod par chung pa legs btang dang / /de bzhin srog gis phan btags shing / /srog chags 'tshe ba las ldog pas/ /tshe ring pa ni thob par 'gyur/ /nad pa'i bsnyen bkur byas sman pa/ /sman ni rab tu byin pa dang //srog chags bod pa dbyig sogs kyis/ /'tshe ba med las nad med yin/ /khro bo med la brten pa dang / /brgya byin pas ni gzugs bzang nyid/ /phrag dog med pa'i 'bras bu nyid/ /skal pa bzang por yongs su bshad/ /dam pa mchod cing bsnyen bkur byas/ /nga rgyal spangs pas rigs mthor 'gyur//sbyin byed rku ba las ldog pas/ /longs spyod phun sum tshogs thob 'gyur/ /dge dang sdig pa gang yin zhes/ /yang dag dri la btson pa dang / /chos kyi bstan bcos byin pa yis/ /blo gros rgya chen thob par 'gyur/ /yon tan bdun yongs su brjod pa'i gtam/