165a5 rgya gar gyi mkhan po bid+yA ka ra pra b+hA dang / zhu chen gyi lo tsA ba ban+de dpal brtsegs kyis bsgyur cing zhus te gtan la phab pa'o/ / @##/ /rgya gar skad du/ swap+na tsin+ta ma Ni pa ri ka thA/ bod skad du/ rmi lam yid bzhin nor bu'i gtam/ dkon
165a6 mchog gsum la phyag 'tshal lo//gang zhig rtogs pa'i phyir na rmi lam mthar/ /byang chub sems dpa' rnams las rigs rnyed de/ /phan phyir sems can dga' ba 'ga' zhig ni/ /skye dgu rnams la 'doms par byed pa yin/ /bdag dang sems can thams cad bde sdug
165a7 mtshungs//bde sdug mtshungs pa can ni gnyen yin na/ /bdag gis de dag rab tu spangs nas kyang / /mya ngan 'das par 'jug pa mi rigs so/ /skye bo 'di dag dang ni lhan cig tu/ /ngan song dag tu sdug bsngal drag po dang / /bde 'gro dag tu 'ang bde ba mang po myong / /
165b1 gcig tu gnas pas bdag la 'di dag dga'/ /gang gi mngal du lan cig min par bdag /ma gnas pa'am bdag la gang ma gnas/ /sems can de na 'di ni gang yang med/ /de'i phyir thams cad gnyen du gyur pa yin/ /gzhan yang bcom ldan 'das la bdag dga'
165b2 ste//gang phyir 'di dag ched du bcom ldan 'das/ /shin tu yun ring bar ni skyo gyur na/ /des kyang bdag ni sems can rnams la dga'/ /'di ltar phan dang gnod pa byas pa las/ /bde ba dang ni sdug bsngal tshad med pa/ /gnyis ka'i rgyu ru 'gyur ba de phyir [(]yad [,]yang [)]/ /sems
165b3 can rnams ni bdag gi bla ma yin//'di nyid la ni gsod dang 'ching ba dang / /rdeg dang sdig sogs sdug bsngal myong ba gang / /de ni sems can 'tshe ba'i 'bras bu zhes/ /bde bar gshegs pa rnams kyis bka' stsal to/ /gzugs dang nad med dag gis gnod pa dang / /
165b4 phongs dang rigs ngan tshe ni thung ba dang / /chung ma shi dang long bar gyur pa nyid/ /sems can gnod pa byas pa'i 'bras bu yin/ /mnar med pa yi bar gyi ngan song gi /gnas su sdug bsngal sna tshogs myong ba gang / /de dag thams cad rang nyid nyes pa yis/ /sems can rnams
165b5 la gnod pa byas pas yin//gang zhig 'di nyid la ni mchod byas mchod/ /grags dang yid 'ong nor rnams thob pa dag /yid 'ong yid du mi 'ong sems can la/ /mngon par phan dang 'tshe ba'i sgo nas so/ /nad med pa dang rigs ni phun sum tshogs/ /gzugs mdzes pa dang tshe ring
165b6 dbang phyug dang //nor la sogs dang chung ma sbas pa ni/ /sems can phan pa byed pa'i 'bras bu yin/ /sems can rnams la dga' bar byed pa yis/ /rgyal srid rgyal srid che dang yang dag gi /rgyal srid 'khor los sgyur ba mchog nyid dang / /dbang po'i gnas ni 'thob par
165b7 'gyur ba yin//skyes bu sems can phan par byed pa yis/ /sangs rgyas go 'phang yang ni thob 'gyur na/ /gang zhig snying po med pa dman pa'i lha/ /thob pa 'di la ngo mtshar ci zhig yod/ /gal te sems can de dag med gyur na/ /'di ni gang gi ched du sbyin pa gtong / /gal te
166a1 lus can rnams ni med gyur na//gang las 'dul ba'i tshul khrims thob par 'gyur/ /nyes pa byed pa yang ni gang zhig yin/ /gang gi ched du dpa' bo bzod pa sgom / /gang zhig mngon par 'dod pa thob bya'i phyir/ /su yi ched du brtson 'grus de de byed/ /
166a2 gal te lus can rnams ni med gyur na/ /ji ltar byams dang snying rje dga' ba dang / /btang snyoms dag la yang dag brten nas ni/ /bsam gtan snyoms 'jug bde ba thob par 'gyur/ /thar pa'i bde ba dngos dang dngos med shes/ /khams dang bsam pa bag la nyal du brjod/ /
166a3 kun nas nyon mongs rnam par byang ba dag /gal te de dag med na ji ltar shes/ /byang chub phyogs dang mthun pa'i chos rnams kyi / /rgyu ni ji ltar sems can rnams yin la / /de phyir rdzogs pa'i byang chub 'dod pa yis/ /sems can rnams ni bla ma bzhin du lta / /de ltar 'byung po
166a4 rnams ni bde chen gyi //sgo ru sems bzhin par ni byed pa la/ /'gro ba na ni dka' ba'i rnam pa ni/ /mi bzod gang yin de la cung zad med/ /gang gi sems la sems can rnams/ /bdag nyid yin pa de ltar gnas/ /de la phyi rol dngos tshogs dang / /chung ma dag kyang mngon zhen
166a5 med//bdag nyid dang ni pha ma dang / /bu dang chung ma dag la yang / /gnod pa de 'dra khas blang gi /sems can rnams la gnod mi bya / /nyes pa drag po byed pa yi/ /sems can la bzod phan sems ldan/ /sems can rnams la gus brtan pa/ /nyes pa chung ngu 'ang mi byed do/ /
166a6 'di dag nyid la phan 'dod pa'i/ /brtson 'grus go cha gyon pa ni/ /'bras bu che la bskal stong du/ /dmyal ba'i mer yang gnas par spro/ /bdag gi skye dang 'jig dang rtogs pa la/ /ji lta ba dang ji snyed gnod pa yi/ /sems can de dag bsam gtan dbang gis ni/ /bla ma
166a7 dang ni bla mar rab tu sgom //de ltar chos lnga po dag yod na ni/ /legs skyes rtsa can byang chub sems dpa' ni/ /'phags pa shes rab pha rol phyin pa yis/ /nges par gang pa yin par brjod par bya/ /gang zhig brten pas chen po nyid thob cing / /gnod pas dka' ba'i
166b1 log par ltung ba thob//srog kyang yongs su btang bar byas nas kyang / /de dag dga' bar byas pa nyid du rigs/ /mang po gang dag brten pas grub pa ni/ /thob pa de ltar sems can de dag yin/ /sems can de dag las ni zhing gzhan pa'i/ /grub pa'i zhing ni 'gro ba na
166b2 yod min//'di dag yid bzhin nor bu ste/ /bum pa bzang yin 'dod 'jo'i ba/ /de'i phyir lha dang bla ma bzhin/ /de dag sten par byed pa yin/ /lung dang rigs pas yongs su bltas nas ni/ /sems can kun gyi bdag gi snyam rlom pa'i/ /dam pa'i lag tu dge
166b3 legs thams cad ni//yun mi ring bar 'byung bar 'gyur ba yin/ /'di ni thub pa chen po'i spyod pa ste/ /dpang bcas 'di la dpyad pa mi bya'o/ /ji srid 'di ni mngon du ma byas pa/ /de srid grub pa srid pa ma yin no/ /re zhig brtag par bya phyir ji skad du/ /bshad
166b4 pa 'di la 'bad pa gyis shig dang //chen po nyid ni rgyu mtshan du gyur pa/ /yon tan rang nyid kyis ni thob par 'gyur/ /'di ni chen po nyid kyi lam/ /rigs ni sems can chen pos bsten/ /sems can kun la bde ster ba'i/ /'phags 'di yid bzhin nor bu yin/ /