CLOSE WINDOW

D4153
བོད་ཡིག

@##/ /rgya gar skad du/ lo ka A nan+da nA Ta ka nA ma/ bod skad du/ 'jig rten kun du dga' ba'i zlos gar zhes bya ba/ thams cad mkhyen pa la phyag 'tshal lo/ /bung ba'i phreng ba mi gsal sgra sgrogs rkang pa 'dab ma rnam bskyod pas/ /ge sar kha 'bus ro bcud dang bcas rdul phran tshogs pas khyab gyur cing //sbrang rtsi rgya chen thig les rnam khengs me tog thal mo sbyar ba 'dis/ /bdag gis rgyal ba'i zhabs la mchod pas khyed rnams la ni zhi bar mdzod/ /gzhan yang byams pa'i thugs ni rgya chen dga' bas mgul nas yang dag 'khyud gyur pa/ /khyed kyi snying rjes bdag cag kyang ni de bzhin btang snyoms mtshungs mdzad rigs//legs pa'i lha mo grags 'dzin mdzad bzhin bdag cag gis ni rjes mi 'gro/ /bdud kyi bu mos phrag dog gis smras khyed rnams sangs rgyas rtogs par shog /rdzogs byang chub la bdud ni khro bas skad cig gzhu bkang de yi sde tshan rnams/ /gang gis rnam par bros pas bub cing log 'dren zhabs kyis mnan te mngon skad 'byin//lus med bu mo myos byed ma rnams mchi 'dzag 'chi med rnams kyis mthong nas dga'/ /stobs bcu mnga' ba'i sngon 'gro gzhan gyis mi thub mas ni khyed rnams skyod bar shog /dga' byed kyis mchod pa'i mtha' las mdo 'dzin pa'o/ /snyan ngag tsan drA dA sha yA//zlos gar 'jig rten kun du dga'/ /sngon med zlos gar rab sbyar bas/ /de ring tshogs la bdag gis ston/ /de ni nges par snyan ngag nyid/ /shar phyogs dzA tu kar Na'i rigs las ni/ /lha mo rgyal ma yid kyi shing rta las/ /gang 'khrungs khur ni 'khur bar mi nus kyang / / de yi bu zhes rab tu grags pa thob/ /gzhan yang rab 'byam rgyan dang bcas shing tshigs bcad rkyang pa mkhas pa'i 'jug ngogs rgya chen rnams/ /gang gis dngos po gcig gi brjod byas la yang rgya chen zad par mi 'gyur dang / /gang gis byA kar Na ni nyung zhing rab gsal yongs rdzogs gzhan yang mdzad gyur nas//'jig rten chags dang 'jig rten mun pa'i tshogs chen rab tu 'joms mdzad gyur/ /de nas da ni rol cha dang bcas te rtsom pa na re zhig rang gi 'phags ma la bos te kye 'phags ma re zhig 'dir byon ces so/ /de nas de ni gdung ba'i shugs dang bcas te rab tu zhugs nas/ kye 'phags ma bdag 'ongs so bka' bsgos shig ces so//mdo 'dzin pa nas kye 'phags ma ci'i phyir khyod sdug bsngal bar byed/ zlos gar ma nas ci'i phyir sdug bsngal bar mi 'gyur te/ ji ltar khyod kyi ming tsam gyis kyang ni/ /gnas rnams yang dag 'dren nus bu gcig po/ /nges par bdag ni rab tu byung nas ni//rang lus 'bras bcas bsgrub par bya zhes smra/ /mdo 'dzin pa nas/ 'di ni byang chub sems dpa' ma yin no/ /zlos gar ma nas/ kye 'phags pa/ de byang chub sems dpa' ma yin nam mkha' las kyang ma lhung zhing / /rnam par 'dzin byed kyi mthil brtol nas kyang ma byung ngo //zhes smra zhing / gang zhig 'dir snying rje skye bo'i phyir 'tsho bar spro ba de ni byang chub sems dpa' zhes brjod do/ /mdo 'dzin pa nas/ 'phags ma de de bzhin te/ /byang chub sems dpa' zhes bya ni/ /snying rje'i sa bon las skyes pa'i/ /byang chub sems kyi myu gu 'khrungs/ /pha rol phyin pa'i yal 'dab rgyas//dpag bsam shing bzhin dgos 'dod rnams/ /sdug bsngal ba des chog go/ /'di'i bsod nams [(]gyi [,]kyi[)]stobs las de bzhin du dpal du 'byung bar 'gyur ro/ /yang dag pa'i rol mo rtsom par mdzod cig dang / zlos gar ma nas/ kye 'phags pa/ 'dir yang dus gang la brten yang dag pa'i rol mo brtsam par bgyi/mdo 'dzin pa nas/ kye 'phags ma 'dir re zhig gsar du mngon par 'byung ba lhan cig byed pa'i snying ma'i dris yongs su khyab pa me tog gi phreng ba len pa sbrang rtsi byed pa'i rigs kun du dga' zhing rtse ba me tog gi dus la brten la glu long zhig /'di lta ste/ pad mo rnams ni ba mos rigs nyams 'od ldan gang zhig shar nas dbugs rnams 'byin/ /de bzhin mkhas pa'i lho phyogs rlung rnams kyis ni 'jig rten yang dag tshim par byed/ /phyogs rnam pa lA shA yi ljon shing me tog sha dral bzhin du shin tu dmar/ /bsil zer 'od zer 'gro ba rnams kyi gtsug gi nor bzhin gsal pos yang dag gnas//yol ba'i nang nas ngo mtshar che'o ngo mtshar che zhes so/ /mdo 'dzin pas/ rna bar thos nas/ 'di su zhig yin/ nges par brtags pas/ kun nas shes te/ rig 'dzin ma yis gzhon nu gtsug na nor bu 'di mthong nas/ /rab dga' g.yo zhing rang gi lag pa'i pad+ma gar rtse zhing //nam mkhar rkang gdub rtse la gos kyi 'od zer reg gyur nas/ /gangs ldan ri bo'i rtse mo la ni rab tu rgyu bar byed/ /bdag cag rnams kyang ji ltar mngon par 'dod pa phun sum tshogs par brtsam mo zhes zer nas/ gnyis po nges par zhugs te/ mngon du phyogs nas gnas so//de nas rig 'dzin ma rab tu zhugs te/ gar byed cing a ts+tshi TA aM ats+tshi rA aM/ gang gis skye bo 'di 'dra sa chen steng / /lha rnams kyis kyang shin tu mthong bar dka'/ /rab tu dga' bas gzhan gyi dbang gyur pa/ /dga' ba'i grogs mo pad+ma ba tI la/ /bdag gi khur ni yang dag gtad byas nas//nam zhig 'ong bar gyur te bdag mi shes/ /zhes nas yongs su zhugs so/ /gang gis 'ongs pa dang 'dug pa'ang mi dran par dga' ba'i grogs mo'i bsti gnas su phyin te bdag nyid ngo mtshar che nas rab tu zhugs so/ /'dir ji ltar sbrang rtsi byed pa'i rkang pa'i khur gyis me tog rab tu rgyas pa'i rdul gyi tshogs pas khyab pa'i rdo leb [(]gyi [,]kyi [)]steng nA ga ge sar gyi srang lam du byas pa la dga' ba'i grogs mo pad+ma ba tI ni sbrang gi bu mo dang lhan cig tu gnas shing cung zad cung zad smra zhing 'khod de/drung du nye bar nye bar 'ongs so/ /de nas sbrang gi bu mo dang pad+ma can rab tu zhugs te/ pad+ma can nas/ kye sbrang rtsi'i bu mo bdag gi snying myos pa snyam byed do zhes dga' ba'i grogs mo rin chen phreng ba ma la lta bar byed cing /ci'i phyir na de tsam du yang mi 'ong bar gyur/ rig 'dzin mas nye bar thos nas kye pad+ma can sems gtor bar ma byed ces zer/ 'dir de dag gnyis na re a re dga'/ a re dga' zhes smra zhing gnyis po rtab rtab por langs song nas/a i ci yin ci yin rig 'dzin ma nas kun gyi lta byed rnams kyis blta bar 'os pa bdag gis mthong ste mig gis 'bras bu thob bo/ /gnyis po nas khyod kyis ci mthong smros shig /rig 'dzin la ni slar yang de nyid smra bar byed do/ /gnyis pos yang 'dri zhing rig 'dzin ma la pad+ma can rab tu 'khyud do//bdag ni rab tu dga' ba'i gzhan dbang du gyur te/ gal te bdag gis dbyangs can ma la bar rnyed na smra'o/ /gnyis po nas/ khyod kyi dga' bde shin tu lci mo zhig zhugs pa 'dra'o/ /rig 'dzin ma nas 'di ni gzhan mthong nas kyang de la dga' ba chen po mthong ngo //gnyis po nas bdag nyid gcig po 'gegs pas chog gam/ bdag cag la yang cha shas legs par gos mdzod/ rig 'dzin ma nas/ bdag gis mthong ba dul ba'i mdangs ldan pa/ /'od zer rab tu 'dren pa 'phro ba can/ /phyogs bzhi chos rnams ma lus sgyu rtsal tshogs//yongs su zhugs rnams mig ni dga' bar byed/ /gnyis po nas/ legs ldan ma zla ba'am ci zhig /rig 'dzin ma khros te/ de bzhin du bdag gis ma smras pa rang mchog go/ /kye 'di ni ri dgas kyis mtshon te/ de la mtshungs pa byed dam/ gnyis po nas/ yang na myos byed dam/rig 'dzin ma nas gang de'i sbyor ba dang bral na hUM zhes byed cing byin za'i rtse mo phye ma leb dang 'dra ba ni du ba'i mdangs dang ldan zhing mdzes par rab tu rkyong ngam/ gnyis po nas/ gang ji ltar yin pa smros dang / rig 'dzin ma nas bdag gis smra bar bya yis de legs par nyon cig /'di nas rig 'dzin ma skye bo'i gtam phan tshun smra ba las gzhon nu gtsug na nor bu 'di 'dra'o zhes thos pas ya mtshan che nas dga' ba dang lhan cig sA ke ta'i grong khyer du bdag gis phyin no//de nas rgyal po tshangs byin gyi lha mo 'od kyi blo gros ma la khye'u zhig yang dag par 'khrungs te/ gzhan gyis bskrun par mi nus shing gzugs dang phun sum tshogs pas rnam par spras pa mchog gi snying rje can gang 'dod pa kun sbyin pa gzhon nu gtsug na nor bu zhes pa bdag gis mthong ngo //de yang mthong ban kun gyis mngon par 'dod pa'i don phun sum tshogs pa grub pa'o/ /rgyal po gang zhig gi bu mo'i ched du bu mo de'i sku gzugs dang dbyibs kyi bkod pa thang ka la ri mor bris te khyer ba la bar du rig 'dzin ma rnams kyis brkus te 'khyer bar byed do//gnyis po mngon par 'dod pa 'phel te/ slar yang de gang na yod/ rig 'dzin ma nas/ nor 'dzin 'di nyid na'o/ /gnyis po nas/ khyod ni mkha' la 'gro ba 'bras bu dang bcas te 'thob bo//gang ji lta ba de bzhin du mngon par 'dod pa yid 'phrog pa rnams khyod kyis gang bar thob bo/ /rig 'dzin ma nas/ kye ma rigs dang khyed cag gi yang mngon par 'dod par yongs su 'gyur gyis sbrang rtsi'i bu mo nas/ gang las bdag cag la 'di'i skal ba sus ster bar byed/ rig 'dzin ma nas/ yang skyon gcig 'dug zer/ gnyis po nas/ skyon gang yin smros shig /rig 'dzin ma nas/ /gang gis na de khyim thab bya ba las phyir phyogs so/ /mA d+ha bI dang pad+ma ba tI dag nas 'jig rten yid bzhin gyi nor bu ni shin tu dkon no/ /bibyA d+h+wa rI nas/ bdag gis ngo mtshar che ba gzhan yang dran te/yid bzhin gyi nor bu'i gtam gyis yid bzhin gyi nor bu ni ji lta ba bzhin du de la lhan cig skyes pa'i gtsug na nor bu'o/ /mAd+ha bI nas a tsi raM aM bid+ya d+ha ri nas ci'i phyir 'di ngo mtshar che/ nam mkha'i spyod yul gyis skye bo de mthong ngam/ mA d+ha bI nas/ bdag cag gis mthong ba'i thabs 'ga' zhig yod dam/bid+yA d+ha rI nas ma yin te bdag gis khyer 'ongs so/ /gnyis po ngo tsha zhing rtab rtab por phyogs rnams su blta zhing / de gang na gang na zhes so/ /rig 'dzin mas bdag gi stod gos kyi gseb nas/ thang ka la ri mo bris pa de phyung nas bstan no/ /gnyis po ngo mtshar nas nges par bltas te/gnas tshul ni rin chen phreng ba ma'i phyogs 'dra ba zhig go/ /mA d+ha bI dang / pad+ma ba tI dag nas/ khyod kyis don med pa'i dga' ba 'phel bar byas te/ khyod bzhin du legs pa'i nyams dang bcas so/ /grogs mo dga' ma bdag skyon ci mchis smros shig /pad+ma can yun ring du nges par bltas nas/'di la skyon cig mchis so/ /rig 'dzin ma khros te/ skyon gang smros dang / pad+ma can sbrang gi bu mos mthong nas sbrang gi bu mo nas/ smra bar mi nus pa'o zhes zer/ rig 'dzin ma nas/ kye pad+ma ba tI gdung bar ma byed cig /khyod kyi yang bdag gis thang ka cig ri mor bris te lha mo 'od kyi blo gros ma la byin pa dang /nye bar bltas nas/ de yang mngon par dga' nas 'di tsam zhig bag ma dang mna' ma'i gdong pa mthong nas zhes smra'o/ /'dis lhan cig tu mna' ma byas nas shin tu spro'o zhes smra'o/ /pad+ma can khros te/ dga' ba'i grogs mo de bzhin du sbyo bar rigs sam/sbrang gi bu mo dga' nas de nas de nas zhes zer/ rig 'dzin ma nas/ de nas rgyal bo tshangs byin gyis mngon du mthong ngo / /gnyi gar gyis bltas nas/ smra ba/ 'di ni gzhon nu rjes su 'ongs so/ /'on kyang byed pa po'i dbang las so/ /de nas gnyis pos ri mo bris pa mngon du bltas nas/ gang na spyod pa'i mi gzhon nu la ston du bcug go//de nas des yun ring du bltas nas/ shugs nar byung ngo / /mA d+ha bI nas/ de'i mtshan nyid ni gang yin rig 'dzin ma nas/ lci ba'i skye bo ni rjes su chags so zhes pa'o/ /pad+ma ba tI ni gang mnyan par bya ba mnyan nas ngus so/ /rig 'dzin ma ni des skrag nas//ji ltar bdag gi bdud rtsi'i char byin pas/ /dug gis rnam par khyab par gyur/ /de 'dis slar yang ji ltar bcos par bya/ /zhes so/ /yol ba'i nang du'o/ /de bzhin du/ de rnams gcig tu 'dir su 'ong ngam snyam mo/ /de nas drang srong dpon slob gnyis rab tu zhugs so/ /gnyis pa'o/ / bu'i rang bzhin mnyes gshin pa/ /yid gdung gang gis mi shes pa/ /de nyid gcig pu skyes bu ste/ /'jig rten na ni bde mchog thob/ /spyod pa'i bu nas/ bu mo pad+ma can ma ba tI me tog thur song ba las ci ste yun ring du 'gor ro/ /ci'i phyir khyab 'jug gis ni mtshon byed ma zhes stobs kyis khyer ram/tsha zer byed pas zla ba'i cha zhes mi bzod 'od kyis rang nyid rnam zhugs sam/ yang na rig 'dzin thabs dang phrad nas rig 'dzin yin zhes phyag byas khyer gyur tam/ 'di las bdag gis/ sems 'di rang dbang med par yang dag rab tu myos par gyur/ slob mas smras pa/ kye mkhan po de ltar sems gdung mi 'tshal/ mkhan po'i mthu stobs ni sa gsum na sus kyang 'da' bar mi nus so zhes zer nas gnyis po yongs su zhugs so/ /drang srong gis phyogs rnams su bltas te/ mchi ma 'dzag cing / gal te bung ba'i rigs kyi lus ni rnam khebs zla rnams bral gyur nas/ / gdung bas zhugs shing tshang tshing gis sgrib khron pa rnams su lhung ba'am/ /yang na zla dang 'thabs pas de'i mi bzod brtse zhing rgyug pas lhung / /yang na byis pa gcig pur ngu 'am bdag ni shin tu gdung bar byed/ /thams cad kyis mnyam du thos shing mthong nas rtab rtab por gyur nas/ rig pa 'dzin ma nas yab yin nam ji ltar yin zhes zer ro//pad+ma can dang sbrang gi bu mo dag ngo tsha dang bcas bzhin du bdag cag gis ji ltar smras pa yab kyis thos so zhes zer/ pad+ma ba tI nas sbrang shing tshang tshing 'di'i nang du zhugs na yab kyis ma mthong ba phyir log pa srid dam snyam nas zhugs so/ /rig 'dzin ma ni rtab rtab por nye bar btud de/phyag byas so/ /drang srong nas/ dge bar gyur cig zer/ bris sku de mthong nas/ bu mo rin chen phreng ba ma 'di ci yin zer/ rig 'dzin ma ni skrag nas bdag ni nges par 'jigs pas na smra mi nus so/ /yab nyid kyis ting nge 'dzin gyis de bzhin du mngon du mdzod cig zer/ drang srong gis bsam gtan bsgoms so//rig 'dzin ma ni shin tu 'jigs par gyur te/ 'dir yab kyis ci smra'am snyam mo/ /drang srong nas bu mo 'jigs pa des chog go/ /kye 'di la ji lta ba de bzhin bdag dbang che'o zhes zer yang thams cad dga' ba dang bcas par gyur to/ /bdag cag rnams 'dis dbugs phyung snyam mo//drang srong nas/ sngon nas 'di yon tan phun sum tshogs pa rnams ni nye bar thos te/ /mngon par 'dod pa 'di ni mchog yin no/ /rig 'dzin ma nas/ legs ldan gyis/ bdag cag rnams rjes su bzung ngo / /sbrang gi bu mo nas/ kye pad+ma ba tI/ the tshom des chog don rnams grub//yid kyi shing rta las byung ba'i/ /nges par dka' thub skye bo yi/ /mngon par 'dod 'bras med mi 'gyur/ /drang srong nas/ bdag nyid chen po 'dir 'ongs pa/ re zhig ri mo las thob pa'ang mchod par 'os par bya'o zhes smra/ rig 'dzin ma nas me tog blangs nas phul lo/ /drang srong gis de la phul te nges par bltas te/e ma mkhas pa zhig gis bris so/ /'di lta ste/ yang dag gnas kyis rab dbye 'dug stangs lta tshul dang / /phra sbom zug dang mtho dma' rtsig pa'i cha rnams dang / /zhib tshags rnam dag mig ni rab tu g.yo ba 'dra/ /ya mtshan ri mo dag ni nges par smra ba bzhin//e ma bdag gi bu mo ni yid kyi shing rta rab tu dga' bar chags so/ /'di lta ste/ bdag nyid chen po de nyid ni/ /yul rnams la ni kha phyir phyogs/ /gang gis de phyir gus pa yis/ /'di ni ji ltar 'byung bar 'gyur/ /bu mo rin chen phreng ba ma yang khyod kyi grogs mo dga' ma dag gang na yod shes sam/rig 'dzin ma nas/ legs ldan khyod nyid mthong nas tshang tshing gi khang pa 'dir zhugs so/ /drang srong nas/ pad+ma ba tI khyod kyis ji ltar ngo tsha yang bslabs sam/ bu pad+ma can 'dir shog /pad+ma can ni ngo tsha bas 'dar zhing / nye bar phyin to/ drang srong gis pad+ma can mthong ste/'tsher ngo des chog go/ /yid ches sems ni the tshom med par lta byed cing / /lus ni rnam par g.yo med brtan zhing bkur 'dod med/ /byis pa'i blo gros ji bzhin khyod kyis rab dgar 'gyur/ /rang bzhin gyis mdzes brtan ma ci'i phyir 'di ngo tsha/ /pad+ma ba tI ni phyag 'tshal lo//drang srong ni spyi bo la nye bar gtugs te mngon par 'dod pa slar thob par gyur cig ces zer/ rig 'dzin ma gang gi skye bor gnas pas kye dga' ba'i grogs mo byed pa po yin no/ /gzhan du legs ldan gyis dbyangs ci'i phyir 'jug par 'gyur/ bdag kyang don 'di la de bzhin du mngon par chags so//drang srong slob ma bram ze nas kye mkhan po myur du mdzod/ rig byed kyi dus tshod la song ngo / /drang srong nas/ ji ltar nyi ma gung gi dus la nye bar 'ong ngam/ 'di lta ste/ da ni rab shing gi grib ma rnams la rig 'dzin rnams bsnyel bso'i mtha'/ ljon pa'i bsil grib 'og tu ri dgas rnams ni skyug ldad byed cing gnas pa dang /btsugs shing yur chu rnams nyal zhing gnas pa dang / btsugs yu 'gro med rtse mo rnams la lha yi sreg rdzas rnams kyi du ba yang dag 'khrigs/ /dpal ldan chags bral bsod nams mchog gi mngon brjod pa/ /ma lus sa stengs grags pas 'gro ba gcig nyid rgyal//gang zhig zlos gar rang dbang nor gyis rab dga'i gar/ /dpal ldan tsan+d+ra go mi'i snyan ngag len zhing gnas/ /'dir thams cad nges par zhugs so/ /yan lag dang po rdzogs so// //de nas snga 'jug ma rab tu zhugs te/ 'dir ni rgyal rigs lha'i 'jig rten 'dra bar mthong / / ri mo'i bag ma'ang bag ma'i ltad mo 'di bzhin no/ /gal te 'di ni bden pa yin na ji ltar 'gyur/ /de ci gzhan du 'di ni sngon med mthong bar 'gyur zhes zer nas yongs su blta zhing zhugs so/ /rgyal phran grong mtha'i shin tu mdzes ma rnams/ /'di rnams 'dir ni de bzhin rnam par spras/ /rgyan gyi 'od zer 'di bzhin 'phro ba yis//grong bar rnam khengs gos dmar gar byed bzhin/ /de nas ji ltar dga' ba'i grogs mo lo ma can gyis mthong nas nges par bltas shing 'dir lo ma can dang / de bzhin du gar byed cing 'ongs so/ /de nas lo ma can rab tu zhugs te/ kye kun da khyod nyon cig gsung / 'di bzhin du bag ma'i ltad mo la btang snyoms su byed pa ci yin/ kun ta li ka nas kye ha nya dze lo ma can lha mos ni bag ma ltad mor byas mod kyi/ 'on kyang gzhon nu 'dir slar 'jug gam/ de nas bdag gis yid phyir mi ldog par byed do/ /lo ma can nas/ gang gi skye bo lci ba'i bka'/ /nam zhig gzhon nus 'da' byed dam//rin chen 'byung gnas dus rlabs kyis/ /ci ste mtshams las 'da' 'gyur ram/ /kun ta nas/ 'dir lha mo nyid tshad ma'o/ /lo ma can nas/ gzhon nu gnyen gyi spyod yul du 'dug pa 'di rnams song ngam/ kun ta nas ma song ste 'di bzhin 'jug pa gzhon nu la smra ba ni lha mo 'od kyi blo gros ma nas/bdag la 'phags pa'i gau ta ma'i nye 'khor ltos la 'phags pa gau ta ma la smros shig /de yang 'di bzhin du grogs pos byas pa la chags pa yin gyis zhes zer ro/ /lo ma can nas/ ji ltar mngon par 'dod pa'i don phun sum tshogs te/ thams cad kyang rang gi gar rtse bar byed cing gnyis po yang gar byed do//lo ma can nges par bltas nas/ kye de bzhin yin na 'dir 'phags pa gau ta mas legs ldan ma'i spyod pa'i rjes su 'gro zhing de bzhin 'dir slar 'ong ngam zer nas/ de nas lha mo 'di dag bdag cag gis smrar deng ngo zhes de dag song ste rab tu zhugs so//de nas rtsed grogs bzhad gad pa rab tu zhugs so/ /na mnyam dga' ba thub pa'i skye bo'i rjes su 'jug cing yang dag par spyod pa la lha mo 'od kyi blo gros ma'i skyes 'di'o/ /bdag cag gi snying la zug rngur gnas te/ de'i ri mor bris pa la yang bag ma'i ltad mo 'di smra zhing / bag ma'i mtshan nyid do//'dir bltas nas slar yang ji ltar 'jug par 'gyur ba de lta de ltar 'dir yang de'i blo rnam par 'byed par bya ste/ gal te 'jig rten pha rol du/ /bdag cag 'das par gyur na yang / /rigs rgyud rnam par chad gyur nas/ /mtshun la chu bzhin rnam par 'chad/ /yang ji ltar smras na/nyams dga' ba'i bya ba 'grub par 'gyur snyam nas nges par bltas pa nas/ /der mnyam dga' ba'i sngar 'jug pa many+dzu rab tu dga' ba'i skyed mos tshal nas 'thon byung ngo / /re zhig 'di la dri'i snyam ste/ kye many+dzu la na mnyam dga' ba gang na yod/ nam mkha' la khyod ci zhig smra/de 'di na rab tu dga' ba'o/ /tshal na bzhugs so/ /der nye bar 'gro bar bya'o zhes rab tu zhugs nas bltas pa na gang zhig sbrang rtsi byed pa'i gshog pa'i rlung gis rab tu bskyod na me tog rnams ni kha bye ze 'bru'i rdul du 'khrigs shing gdong na bung ba rnams ni dz+haM sgrogs shing 'khor bas 'khrigs so//na mnyam dga' ba ma mthong nas/ many+dzu las 'di na bzhugs zer te/ gal te gdug pa can gyi rig 'dzin mas 'di nas brkus te/ khyer ba ma yin nam zhes smras pa na/ rig 'dzin ma rab tu zhugs te/ mya ngan dang bcas nas/ ji srid bdag cag gis dga' ba'i grogs mo la//gzhon nu'i tshul 'di nye bar smras gyur pa/ /de nas dga' grogs pad+ma ba tI la/ /mgo la zug rngu yang dag skyes par gyur/ /lus ni nyal ba tsam thob pa ma yin pa shin tu gdung ba 'phel bar gyur te/ grogs mo'i skye bo yang shin tu gdung bar byed do/ /skabs der dga' ba'i grogs mo spangs te/'ongs kyang ma 'ongs pa ji lta ba bzhin no/ /gzhon nu'i thugs kyang shin tu gdung bar byas so snyam nas/ lta zhing gzhon nu'i na mnyam mthun pa de bltas nas re zhig bar du 'di gang du 'gro blta bar bya'o snyam mo/ /bzhad gad pas bltas te 'di na re zhig rtsed mo'i ri'i steng na chu'i 'khrul 'khor steng du 'bab cing rab tu g.yo ba dba' rlabs dz+ha ri'i sgra 'byin pa'i steng na na mnyam mthun pa blta bar bya'o zhes steng du phyin te/gar byed cing hI hI b+ho zhes so/ /de nas mya ngan med pa'i tshal gyi rin chen rdo leb yangs pa'i steng na cung zad smra bar byed cing bzhugs nas mchis so/ /nye logs su phyin no//rig 'dzin ma ni 'dir re zhig gzhon nu dag yid ches pa'i gtam gang yin mnyam par bya'o snyam mo/ /de nas rab tu zhugs pa na 'dren pa ji lta ba bzhin du mthong ngo / /shugs nar phyung ste kye ma 'jig rten rnams ni yul la mngon par zhen par 'gyur te/ gang des phyin cing 'gro ba gang zhig lan brgyar skyes gyur pa//bde ba gang de lan cig ma yin mngon du ma gyur med/ /dpal mo gang der mdzes pa'i rnga ma g.yo zhing dgod pa ltar/ /gang zhig ma thob med cing slar yang de la de bzhin chags/ /bzhad gad nye bar mnyen te khyod kyi bde legs 'phel gyur cig /'dren pa ni de bzhin du sh+lo ka de nyid klog par byed de/rig 'dzin ma ni rnga brdung zhing grogs dga' ma la mtshun gyi chu 'byin no zhes so/ /bzhad gad pa nas/ kye bram ze shis par brjod pa'i lan gnang bar mdzod zer/ 'dren pa ji ltar gau ta ma'am/ /na mnyam bde bar 'gyur tam/ 'dir zhugs shig /bzhad gad pas rang nyid bsams te/ji srid du yang na mnyam mthun pa ci zer nyan zhing brtags pan shin tu lci zhing de yang dag par mi dga'o/ /de nas re zhig /'di ltar lha mo'i skyes smra ba'i skabs ma rnyed do/ /de bzhin re zhig smra'o snyam nas gsal bar/ kye na mnyam dga' ba gzigs gzigs/ /'di ltar thang shing ljon pa'i dra ba yi//bu ga las byung pad+ma'i 'dab mar ni/ /sbrang rtsis myos pa'i bung bas glu len cing / /pad+ma'i steng na chu rgyun rab tu 'bab/ /rig 'dzin ma ni legs so/ /gau ta ma legs so/ /bdag cag la rjes su brtse bar mdzad do snyam mo/ /'dren pa nas/ na mnyam 'dir ci zhig lta/ / kun kyang bye zhing rgyas ldan pa/ /ge sar nges par ltung ba yis/ /'gro rnams gnas shing mi rtag pa/ /ji ltar 'di yis gsal bor smras/ /rig 'dzin ma ni ji ltar gsung ba thos nas bdag nyid shin tu gdung bar byed do/ /bzhad gad pas rang nyid bsams te gzhan gang yin smra'o snyam ste/ rab tu gsal bar kye gzhan yang 'di lta ste/ sbrang rtsi bsten zhing chu'i 'khor rab g.yo las/ /chu 'dzin lho nas chu rgyun dbus su rnam 'bab pa/ /mthong nas rma bya mdongs rnams rab brkyong gar byed pa/ /na mnyam dga' ba chu rgyun do shal rnams la gzigs/ /'dren pa nas/ na mnyam chu rgyun khang pa 'di nyid gcig pu'am//mngon 'dzin dngos po'i rgyu rnams ni/ /skad cig skad cig mngon par 'jig/gru byang rgyun gyi khang pa bzhin/ /'gro ba thams cad de bzhin 'jug /rig 'dzin ma ni snying brtan par byas la/ gzhan yang mnyan par bya'o snyam mo/ /bzhad gad pa bdag gi gnas la rnam par bsams te/gdung ba sreg pa'i mya ngan grol nus rnams/ /blangs te gang dang gang ni 'dir smras kyang / /sbyin sreg mar rgyun 'bab bzhin de dang de/ /lhag par shin tu yongs su 'bar bar byed/ /de bas 'dir dgon pa stong par ngu bar bya'o snyam mo/ / de nas mngag gzhug ma rab tu zhugs nas/ lha mo 'od kyi blo gros mas/ bdag la bka' bsgos te bag ma'i bkra shis kyi dra ba 'di gzhon nu la khyer te 'ongs so/ /gzhon nu ni de nas yongs su 'chag cing mchis so/ /drung du phyin te nye bar btud nas phyag byas te gzhon nu rgyal bar gyur cig rgyal bar gyur cig /lha mo'i bkas bkra shis kyi dra ba 'di blo dang ldan pa khyod kyis nges par byin cig ces so/ /rig 'dzin ma ni mi bzod par gyur/ a e 'dir gang bag mar byas sam snyam mo/ /de bzhad gad pas bzung ste/ yongs su g.yogs so/ /mngag gzhug ma shin tu dga' ste/e ma lha mo mngon par 'dod pa yid kyi shing rta shin tu yang nges so zer nas/ yongs su zhugs nas song ngo / /'dren pa nas/ na mnyam skabs med par 'di bzhin bkra shis kyi dra ba bskur ba ci zhig /bzhad gar ma nas de sems so/ /'dren pas yang dris pa na/ bzhad gad pa nas/ bdag gi tshig gang zhig yal bar mi 'dor na smra'o//'dren pa nas/ na mnyam smros dang / bzhad gad pa nas/ khyod yongs su len pa'o/ /rig 'dzin ma ni sdug bsngal te/ e ma dga' ba'i grogs mo'i lus rdzogs pa ni/ ji ltar mthong snyam mo/ /'dren pas/ de dag gi sems la bltas nas/ ci ste bdag yongs su len pa yin nam/bzhad gad pas/ shin tu'o/ /'dren pa nas/ 'di bzhin byed pa ji ltar bzhad gad pa nas/ 'di bkra shis dra ba la dris/ 'dren pa nas/ na mnyam yongs su len pa zhes bya ba ni sman med pa'i nad yin/ 'di lta ste/ gti mug skye mched 'dzin pa zhi ba 'thor zhing phyir log sgrub par byed//rnam g.yo'i yid 'ong myos pa'i gnas dang bsam gtan gyis ni gdug pa'i dgra/ /sdug bsngal 'byung gnas bde ba 'joms byed sdig pa'i rang bzhin gnas yin te/ /yongs 'dzin gdong bzhin blo ldan rnams kyang nyon mongs dang ni nyams par byed/ /rig 'dzin ma ngu zhing gzhan ci zhig lta snyam mo//'dren pa nas gzhan yang na mnyam/ /yongs su 'dzin pa byas gyur kyang / /bdag ni nags su 'gro bar byed/ /de nas skye bo gzhan rnams kyang / /yongs su sdug bsngal ci zhig bya/ /rig 'dzin ma ni dga' ba'i grogs mo gzhon nu'i rjes su 'di bzhin 'jug na/ legs so snyam mo//bzhad gad pa nas/ kye ji ltar 'di bzhin der ni 'jigs bcas 'bab/ /mi dbang gtsug ni 'od zer rab tu 'phro ba yis/ /zhabs la btud dang rgyal po'i phun tshogs yongs spangs nas/ /khyod ni nags na gnas pa ci'i phyir rab tu bsngags/ /'dren pa nas rab tu bsngags pa'i gnas las gzhan gang zhig kyang mchis sam gzigs mdzod/ji ltar der ni dga' 'gyur rab dga'i sa gzhi rnams dang ni/ /mtho ris gang gA rnams kyi skyed pas byang sa gor ma'i steng / /gang zhig dga' zhing dga' ba'i ri dgas tshogs rnams bsnyen bkur zhing / /grogs nges nags kyi nang du gnas gyur pa ni skal ba bzang //gzhan yang na mnyam/ spong ba'i brag ri skye bos dben zhing phun sum tshogs pa'i gnas bzang na/ /phug yangs ri dgas rnams kyi spyod yul nags kyi ri mos yongs su bskor/ /so ga'i dus ni bung ba rnams ni rnga sgra snyan par rab sgrogs shing / /lam zhugs nyon mongs me yang bdag cag rnams la 'byung mi 'gyur zhes sgrogs//rig 'dzin ma ni kye ma shin tu lci mo zhig smras so snyam mo/ /bzhad gad pa nas/ kye snying rje med pa ji ltar gnyen 'dun gyi skye bo rnams la mnyes gshin pa'ang khyod la mi 'dug go/ /'dren pa nas/ 'jig rten gyi gnyen la de bzhin du mnyes gshin pa ni/'di lta ste/ 'jig rten thams cad mar me bzhin/ /skad cig skad cig gis skye zhing / /snum chags dbang gis 'jig cing 'khor/ /skye ba med dag mya ngan 'da'/ /gzhan yang na mnyam mnyes gshin pa'i/ /rtsa bar mi shes pa las te/ /mi shes rdul gyis g.yogs gyur pa'i//sngon las sa bon ma zad las/ /sred pa'i chu yis dbang bsgyur nas/ /skye ba'i myu gu skye bar 'gyur/ /rig 'dzin ma ni/ nye bar dul ba 'di 'dra ba ni/ thub pa'i skye bo la yang ga la snyam mo/ /bzhad gad pa nas/ gang yang 'dir re zhig 'jig rten pa'i chos kyi rjes su yang 'jug par mdzod cig /'dren pa nas/ 'jig rten gyi chos gang yin bzhad gad pa nas/ yul gyi rjes su mngon par dga'o/ /'dren pa nas/ yul gyis chog chog gzigs mdzod/ yul ni dug bzhin zos tsam nyid na mngar ldan cing / /rnam par smin pa rab tu tsha ba dug bzhin yul/ /yul ni dug bzhin bsrung bar mi nus rab g.yo'i shugs//shin tu rmongs byed mun pa stug po dug bzhin yul/ /yang na 'dod pa'i dug dang dug ni gzhal zhig brtags gyur na/ /rang bzhin mi mtshungs yul las dug ni mchog yin te/ /dug gis skye ba gcig nyid dug tu rab 'gro zhing / /skye ba dpag med du yang yul dug rab tu 'gro//bzhad gad pa nas/ kye re zhig bu'i gdong mthong bar mdzod dang / de nas nags su lhan cig tu 'gro bar bya'o/ /'dren pa nas/ 'di ni mi rnyed do/ /dper na bya ba 'di ni spang du di ring phyin nas shol byed pa/ /de 'dir skad cig yud tsam 'das gyur skye bo rtog byed de//mi bzad gshin rje khros pa dgod cing yongs su rtog pa'i/ /zur gyis blta bas be con mdangs kyang rab tu dmar bar byed/ /rig 'dzin ma ni ngu zhing kye ma grogs mo dga' ma/ bdag gis 'di bzhin du 'jig rten pha rol du yang khyod kyi sngon du 'gro zhing lam bstan par bya'o zhes rang nyid smra'o/ / bzhad gad pa ngu zhing / kye 'khor gyi skye bo thams cad spang ba ni snying rje ba yang med dam/ 'dren pa nas/ bdag gis rang gi lus kyang yongs su gtong bar byed do/ /bzhad gad pa nas ci'i phyir gtong / /'dren pa nas/ gzhan gyi don du'o/ /bzhad gad pa nas/ de khyod bdag gi bya ba btang nas/ ci ste gzhan gyi bya ba la bdag nyid la sdug bsngal byed//'dren pa nas/ dman pa bdag nyid ma shes pa dud 'gro rnams kyang gnas dang zas skom rang byung spyod cing rnyed par sla/ /gang zhig 'dod rnyed shin tu skom tshe chu rnams kyang ni 'thung bar byed/ /gang zhig gzhan phan don du brtson 'grus rtsom byed skyes bu de yi ni//rang gi gzi brjid kyis ni bde byed 'di ni skyes bu chen po'o/ /rig 'dzin ma ni snying gi dbugs phyung ngo / /snyam nas skabs rnyed de/ srog thag ran gyis bcings pa'i mtshan nyid grol lo snyam mo/ /bzhad gad pa nas/ kye ci'i phyir bu khyod gzhan don sgrub par byed/ 'dren pa nas/ gzhan don gyi ri mo mngon par mi shes pa gzigs mdzod/ /gang zhig ngal med rta mgyogs kyis bgrod nyi mas snang bar byed/ /gang zhig khur grangs med par nor ldan rtag tu 'jig rten 'dzin/ /de ni nam yang rang don ma yin de yi rang bzhin nyid/ /chen po gang rnams 'jig rten phan dang bde ba'i ro gcig ro dang ldan//bzhad gad pa nas/ kye de bzhin du khyod ni bdag gi ma yin bram ze'i don nam gzhan gyi don lhag pa zhig yod do snyam mo/ /'dren pa nas snying rje yun ring du ma reg pa yin no/ /bdag mtshon skye bo nang du gdung bas bsreg ldan pa/ /gnyen bshes 'jig rten sdug bsngal gnas pa ci phyir bde//'jig rten kun gyi sdug bsngal bdag gi lus kyis khur/ /dam pa mnar med gnas pa yang ni spro bar byed/ /rig 'dzin ma ni mngon 'dod kyi skabs rnyed do snyam mo/ /bzhad gad pa nas/ kye 'jig rten thams cad de bzhin du khyod kyi gnyen yin nam/ 'dren pa nas/ na mnyam de bzhin te/ gang gi mngal du dang po bcings shing gnas/ /gang gi pang du bag ma'i tsha zhing rtses/ /gang zhig rnam bral mtshan rings mya ngan byas/ /'jig rten 'di rnams sngon nas gnyen pa shes tshogs/ /rig 'dzin ma ni/ kye ma 'di'i thugs ni shin tu rgya che'o snyam mo/ /bzhad gad pa nas/gnyen 'dun 'jig rten rnams kyi don mdzad pa la de las ci'i phyir ring du sdod par byed ces zer ro/ /rig 'dzin ma ni legs par smras so snyam mo/ /'dren pa ni shugs nar zhes phyung nas don 'dod pa'i skye bo shin tu rnyed par dka'o/ /bzhad gad pa nas/ don bya bar smra ba ni gang / 'dren pa nas/lus la sogs pa cung zad slong ba'o/ /bzhad gdab nas/ don bya ba'i skye bo rnams kyi nang nas lhag par che ba gang yin/ /rig 'dzin ma ni/ legs par dris so snyam mo/ /'dren pa nas/ gang zhig sdug bsngal gyis mnar ba'i skyabs gnas so/ /rig 'dzin ma ni shin tu dga' nas 'dir mngon par 'dod pa'i skabs rnyed do snyam nas/'tsher bzhin du nye bar btud de/ phyag 'tshal nas/ ngu bzhin du bdag ni shin tu mnar bar gyur pas skyabs gnas so/ /mthu chen po bdag ni skal ba dman te rjes su brtse bar mdzod cig/ 'dren pa ni shin tu mnyes te gzigs nas/ bzang mo ma 'jigs shig /bdag ni 'jig rten kun gyi gnyen du gnas/ /'gro rnams don grub mtshan du nye bar bcings/ /ma 'jigs ma 'jigs mi dkar mig can ma/ /di ring ci sgrub bdag la myur du smros/ /bzhad gad pa ni ya mtshan du gyur nas/ /e ma gzugs bzangs rab tu mdzes pa rkyang pa 'di ga las yin snyam mo//'dren pa nas/ /don gang bya ba smros shig /rig 'dzin ma ni mgo bstod de chags pas bltas nas mthu chen po khyod kyi lus so/ /bzhad gad pa mi bzod cing dga' nas/ 'di ni ji ltar gdug pa can gyi rig 'dzin ma lta bu'o/ /de re zhig smrar chug snyam mo/ / gsal por smras pa/ kye na mnyam phar zur phar zur/ 'di ni gdug pa can gyi sring mo ste/ 'dis na mnyam dga' ba lus slong bar byed do snyam mo/ /rig 'dzin ma 'jigs nas/ bdag nyid bsams pa/ ji ltar 'dis bdag gzhan du shes te/ bdag gi grogs mo dga' ma'i don shin tu 'grub pa lha mo 'ga' zhig gis gzhan du bcos so snyam mo//'dren pa mnyes nas lus rab tu slong ba la sring mo de srid nas spobs pa can gyi skye bo slong mo pa bdag gi mthong ngo snyam mo/ /bzhad gad pa ni/ dbyug pa'i shing phyar te phar song phar song sring mo gdug pa can gyi skye bo slong mo pa bdag gis mthong ngo snyam mo//na mnyam dga' bas chen po'i dkyil 'khor thams cad las lhag pa'i rgyal srid kyi khur 'khur bar nus pa'i lus slong bar byed dam zhes smra/ ji ltar slong ba'i skye bo sun 'byin par byed ces bzhad gad pa rgyab tu byas nas shin tu dga' nas bzang mo bdag gi lus slong bar byed pa de de bzhin du bden nam/rig 'dzin ma nas/ mthu chen po gzhan du nus shing smra ba ma yin no/ /khyod kyi lus mthong ba tsam gyis kyang gang gi gdung ba thams cad nye bar zhi bar mdzad na de yis bdag la gnas par mdzod cig /'dren pa ni mi dga' bar gyur te/ spobs can gang las gnod byed 'di/ /re zhig bdag gi skal ba min//mngon 'dod bdag gis bsgrub bya ba/ /de ltar na yang ci zhig smros/ /rig 'dzin ma ngu zhing / bdag gi yid gtsugs grogs mo ni/ /mgo bo zug rngu dang ldan te/ /de'i mthu chen po khyed kyis mthong ba las gtong ste/ nye bar zhi ba gzhan med do/ /bzhad gdab shin tu 'jigs nas/kye 'di ni sgyu ma sprul nas gzhan du smra bar byed de/ gzhan du de bzhin 'di yis 'chos shing ston par byed do/ /'dren pa ni/ de'i gtam yang mi nyan par khyed kyi yid gcugs grogs mo gang na gnas/ rig 'dzin ma nas/ 'di ni de bzhin du ri bo gangs ldan gyi rtse la gnas so/ / 'dren pa nas/ rol ba'i ri bo'i zhol nyid du/ /bos nas bdag cag der re zhig 'gro'o/ /rig 'dzin ma nas/ ci ste mthu chen po 'khor dang bcas pa nam mkha' la 'gro zhing 'dren pa rnyed par dka' ba ci yang ma mchis so zhes gnyis po gar byed cing nam mkha' la song ngo / /bzhad gad pa nas/khyed cag rab tu zhugs te/ bdag bram ze ni slar yang dri ma lhag ma bsnyil ba bzhin du yongs su spangs so zhes smra/ 'dren pa nas/ na mnyam khyod rang yang longs mdzod/ bzhad gad pa bdag nyid 'jigs par mthong nas rig 'dzin ma 'dzum zhing bzhad gad pa'i lag pa nas bzung nas yongs su zhugs so//'dren pa ni ya mtshan che nas grogs po ltos ltos/ /nyi ma'i gzugs ni nges lhung rnam par 'jug pa bzhin/ /sa chen ri po dang bcas 'og tu 'gro ba ltar/ /ta ma la yi nags tshal sngon po'i 'gram rnams ni/ /chu 'dzin rab tu bsal gyur ri mos mtha' rnams bskor//bzhad gad pa nas/ kye khyod kyi ya mtshan che yang bdag ni bram ze ste/ 'di nyid du ri gang zhig la brten nas chu snod bzung nas bsod snyoms la brten nas/ khad kyis 'gro'o zhes zer/ 'dren pa nas ma 'jigs par re zhig ya mtshan che ba ltos shig dang / ri bo khang bzang 'dra zhing chu 'dzin g.yo ba'i bla re la brten pa//chu klung ngur pa'i sgrog gis 'gram bcings lam chen rdul rnams 'thul pa ltar/ /chu gter yongs su bskor ba'i 'obs chen bzhin du rab mtho'i 'gram ldan pa/ /sa chen dkyil 'khor gnas gcig bzhin du yang dag gsal bor kun nas mtshon/ /rig 'dzin ma nas a ho gzhon nus nye bar gzigs so//bzhad gad pa nas/ gting zab mo 'jigs pa'i 'og gi sa chen po'i mthil mthong nas/ bdag nyid nges par 'jigs par snang nas gzugs gzhan la steng du bltas pa dang / shin tu 'jigs te/ kye gangs ri'i rtse mo tshogs pa bzhin du nam mkha'i mthil khengs nas 'jug pa 'di ci zhig yin/rig 'dzin ma rnam par gnod cing / a ho bram ze 'di ni mtshan nyid yin no/ /'dren pas gzigs nas 'di ni nges par skar ma rnams so/ /bzhad gad pa nas/ skar ma la 'di 'dra ba'i tshad gang la yin/ /'dren pa nas/ de ni 'di bzhin du rgya chen po'i tshad dang ldan no//bzhad gad pa nas/ sa'i mthil nas chu ngur mtshon pa ji ltar yin/ 'dren pa nas/ de yang ring po nas shin tu phra zhing / rnam par mdzes so/ /bzhad gad pa nas/ yang mi ltung bar 'jug pa ji ltar yin/ 'dren pa nas/bdag cag shin tu mthon por gnas kyang mi ltung ba bzhin no/ /bzhad gad pa nas/ yang 'di nyin par mi mthong ba ji ltar yin/ 'dren pa nas/ nye bar btud na nyin par kyang 'di bzhin mthong ngo / /rig 'dzin ma nas/ gzhon nus 'di rnams thams cad sngon gzigs pa snyam byed do/ / bzhad gad pa nas/ kye na mnyam dga' ba chu gter gyi rlabs rnams las rlung drag pas rab tu bskyod pa bzhin du ka la'i sgra sgrogs pa'ang 'di ji ltar lags/ 'dren pa nas/ brtags nas 'di ni nam mkha' chu klung gang gA'i sgra ste/ 'di lta ste/ lhag ma nyal ba bzhin du chu klung rnam spangs lha lam mthong ba'i phung po las//phyogs kyi glang chen rnams ni rtse zhing sna yis chu 'thor thigs pa zer ma rnams/ /yang dag tshim pa skye 'gyur chu thigs mu tig 'bras bu'i 'od zer mdzes pa ltar/ /drang srong bdun po rnams ni gser gyi pad+ma 'dzin cing khrus la rab tu 'jug /drang srong bdun po 'di rnams ni phyag bya ba'i 'os so zhes thams cad kyis phyag byas so//yol ba'i nang du'o/ /'jig rten kun gyi phan mdzad phyir/ /gzhan yang gtsug gi rin chen ltar/ /bud med rin chen rin chen bu/ /mtshungs pa yang dag thob gyur cig /rig 'dzin ma shin tu dga' ste/ 'di rnams ma rmongs pa'i tshig gis ji lta ba bzhin du mchog sbyin no snyam mo//bzhad gad pa nas/ kye na mnyam 'di yis mkha' la 'gro ba'i stebs kyis bdag cag yongs su phyin te/ /de nas 'dir nam mkha'i gang gA la yud tsam cig ngal bso cig zer ro/ /snyan ngag tshogs rnams glu yis snyan par rab sgrogs bskyed pa'i gnas//chags bral kun gyis sgrogs shing brjod pa de ni rgyal bar byed/ /gang gis rang nyid rnam phyung rnam gshegs gzings kyi yal ga yi/ /lugs las nye bar blangs nas tsan+d+ra go mis rab tu sbyar/ /zhes pas rab tu zhugs so/ /thams cad kyi yan lag gnyis pa rdzogs so// // de nas sbrang gi bu mo rab tu zhugs te/ ngu zhing rin chen phreng ba ma/ /'di nas song nas nyi ma 'di tsam gyi bar du ji ltar bdag gis pad+ma ba tI dbugs phyung ngo / /di ring na ni lhag par yang mgo bo'i gzugs yang dag skyes so/ /rin chen phreng ba ma ni gang dang gang yun ring po de dang de nas bzod par dka' zhing rgyal ba'i bde bas mig mdongs shing mchi ma 'bab cing 'jug pa ni chu thogs so bzhin du grogs mo'i snying ni shin tu gdung bar byed do//bdag gi don grub pa de rnams dgos pa yang mi shes te/ rin chen phreng ba ma 'ongs na yang 'bras bu med do snyam mo/ /bdag gis rab tu gdung ba'i phyir spang ba'i thabs su gyur pa mthong nas/de nas grogs mo dga' ma'i drung du 'gro'o snyam mo/ /yongs su zhugs nas bltas pa na de'i grogs mo dga' ma pad+ma ba ti'i ni yongs su sa brtol rkang 'thung gi 'og zla ba nor bu rdo ba'i steng na thig le blo gros ma'i lus kyi steng du nye bar brten nas gnas so/ /'di ni stong pa'i mthar gcig pu gnas so zhes nye bar zhugs te/de nas pad+ma ba tI dang / thig le'i blo gros ma'ang ji ltar lta zhing rab tu zhugs pa na rang nyid bsams te shugs nar zhes phyung ngo / /legs ldan me tog mtshon can gyis kyang rang lus sreg pa'i tshor ba ji ltar shes par ma gyur te/ /shes na gzhan rnams ji ltar sreg par byed//sbrang gi bu mo nye ba rab tud de/ grogs mo dga' ma di ring mnyel bar ma gyur tam/ pad+ma ba tI ni slar yang de bzhin du smra bar byed do/ /thig le blo gros ma nas/ kye pad+ma ba tI ci'i phyir gus par mi byed/ 'di ni khyod kyi dga' ba'i grogs mo'o/ /pad+ma ba tI rtab rtab por gdan gang na bdag gi grogs mo dga' ma rin chen phreng ba ma/thig le bro gros ma nas ma yin te/ 'di ni sbrang gi bu mo'o/ /pad+ma ba tI bdag ngo tsha nas bdag ni yang dag pa'i yul chos las shin tu 'das so snyam nas/ gsal bar smras pa/ grogs mo sbrang gi bu mo bdag ni shin tu gdung bas gzir bas shin tu 'khrug par gyur to//sbrang gi bu mo nas/ grogs mo dga' ma dbugs phyung shig skyes bu dam pa'i gtam bsil ba bzhin du pad+ma'i 'dab ma 'di rnams khyod la brlan no/ /pad+ma ba tI nas 'di sol cig /nor bu chu shel gyi rdo ba'i steng na yang sreg bsnyam byed do/ / pad+ma'i 'dab ma khyer la shog /gnyis po nas/ 'dir ji ltar tsan dan gyi khu bas gtor zhing / grogs mo dga' ma khyod kyi nu ma dag gi bar na byin nas bzhag kyang de yang lhag par shin tu gdung bas gzir nas yongs su skom par byed do/ /pad+ma ba tI ni sdug bsngal nas ha la 'di rnams sol la bdag nor bu chu shel gyi rdo ba'i steng du khyer cig ces smra/gnyis po rang la bsams te ngu zhing / kye ma 'di'i sems gzhan du gyur to snyam nas gsal por smras pa/ grogs mo 'di ni ji ltar nor bu chu shel gyi rdo ba'i steng na thigs pa'i rgyun mi 'chad par rnam par 'bab pa'i zer ma 'thor zhing chags so//pad+ma ba tI nas 'di ni chog go/ /bdag gi ni rin chen phreng ba mas 'ongs pa'i bris sku lta'i zhes smra'o/ /gnyis po phan tshun bltas te shin tu mi dga' bar gyur te/ ji ltar 'di la zug rngu yang med dam zhes gsal bar smras pa/ grogs mo 'di ni ji lta ba de ni 'di'o/ /pad+ma ba tI nas/yang rim bris pa'i gzugs brnyan de gang na zhes smra/ gnyis po nas 'di na med pa ma yin te/ khyed kyi mdun na mchis so/ /pad+ma can gyis yun ring ji ltar 'di ltar zug rngu yang med dam zhes gsal bar smras pa/ grogs mo 'di ni ji lta ba de ni 'di'o/ /pad+ma ba tI gnam du bltas nas ngu zhing bdag nyid bsams pa/gang zhig bris sku'i gzugs brnyan 'di 'dra bde ni kye ma brtse ba med pa'i tshig tsam la 'ga' zhig gis yang skye bo 'di rjes su brtse ba can no zhes bsgrags so snyam nas nam mkhar bltas te/ legs ldan mda' lnga khyed kyis 'dir/ /mda' ni ma skyes 'gyur ba 'am/ /'di ni yon tan rjes chags pas//yang na 'dis bsreg mthu med dam/ /stobs med rnams dang 'drar skyes na/ /dpa' mthong mngon pa'i nga rgyal lo/ /phyogs rnams su blta bar byas nas/ gzhan ci zhig lta bar byed 'dir yang 'phags pa'i bu'i bris sku la 'khyud nas/ bdag nyid nyams par byed do zhes smra/ sprang gi bu mo langs nas/ phyogs rnams la bltas pas ji ltar 'dis dri ma med pa'i nam mkha'i mthil du bya rnam par rgyu ba yang ma mtshon no/ /slar yang bltas pas/ ya mtshan che nas/ grogs dga' ma ltos ltos/ 'dir glog gi ri mo rab tu 'gyed pa bzhin du dri ma med pa'i nam mkha'i khams na rnam par 'phro ba'i mtshan nyid do//ha la khyed gnyis kyis ci zhig ltos shig /bdag ni gdung bas non to/ /sbrang gi bu mo nas/ ri'i rtse mos mngon par g.yogs pa bzhin no/ /de nas shig le blo gros mas nges par bltas nas/ re zhig 'di ci zhig ces thig le blo gros ma grogs mo dga' ma la smras par bya'o snyam nas nges par zhugs so//yang gzhon nu dang bcas te rin chen phreng ba ma de bzhin du 'byung bar 'gyur ro/ /de nas rin chen phreng ba ma dang gzhon nu dang / bzhad gad pa rnams kyang rab tu zhugs so/ /bzhad gad pa nas/ sgo na mnyam gzigs gzigs/ drang srong gi gnas kyi mtshan nyid 'dir yang dag par 'thul ba ngu ba'i rang bzhin sbyin sreg gi du ba'i phreng bas bar snang khebs shing phan tshun dgra yongs su 'jug pa'i dud 'gro'i tshogs rnams kyang gnyen gyi 'jug pa khyad par can shin tu mnyes gshin pa phun sum tshogs pa drang srong gi gnas so//'dren pa nas/ grogs po 'dir ngo mtshar che ba 'di lta ste/ stag mo yang ni khong nas dul zhing mig ni rab btsugs ri dgas phru gu rnams ni ldag par byed/ /mnyes gshin rab dga' gtsug phud can ni mdongs rnams rab brkyang lteng ka rnams ni 'tshe ba bskyab phyir skyong / /seng ge yang ni glang mo gang zhig song ba'i phru gu rnams ni rang gi bu bzhin srung bar byed//gang rnams kyi ni byams pa'i gnas bcas nags dang ri bo'i phug na rnam par gnas pa de rnams rgyal/ /rig 'dzin ma nges par bltas nas/ bdag gi grogs mo dga' ma'i nye 'khor du phyin no/ /'dir ni grogs mo dga' ma tsan dan rnon po shin tu chags pa zla ba bzhin du zla ba'i 'od zer gyi dkyil 'khor dang 'dra bar rnam par mdzes so snyam mo//bzhad gad pa ngo mtshar che nas/ sgo na mnyam gzigs gzigs bud med 'di ni rin po che ltar 'di'i 'jam mdangs 'od zer rab tu 'bab pa skye zhing bskyang bas mnyel nas gzigs pa lta bu'o//'dren pas nges par gzigs nas/ na mnyam pa rnams kyi khyad par can rnams ring du gyur pas khyod kyis mngon par ma shes te khyod rin po che dang snyam mam/ 'di'i lus la reg pa tsam/ /rin chen gzhan rnams mngon par 'dod/ /de ni rin chen lta mi byed/ /rang lus de bzhin rnam brgyan pas//bzhad gad pa nas yid kyi shing rta'i me tog ni mthong ngo zhes so/ /pad+ma can dang sbrang gi bu mo zur gyis lta zhing rin chen phreng ba ma ni shin tu ring du thogs so zhes smra/ bzhad gad pa nas/ kye na mnyam snyan par smra ba ni 'di lta bu'o/ /'dren pa nas/ na mnyam pa 'di ci zhig brjod ce na/kye gang zhig zur gyis bltas pas rnam par 'phangs gyur pa/ /yid 'ong spyan las snyan par smra ba phyogs pa ni/ /g.yo med de 'dir sa chen steng gnas myos pa'i le lo yis/ /lus la me tog la gnas pa de ltar na 'di sbrang rtsi'i/ /rig 'dzin ma ni byed pa po rjes 'jug par mthong ngo //bzhad gad pa ni/ /shin tu dga' nas rang nyid bsams te/ 'di ni mngon par 'dod pa'i 'bras bu ste/ 'di ni ji ltar thang kha la ri mo bris pa bdag gis mthong ba de'i snyam mo/ /rig 'dzin ma nas/ mthu chen po re zhig ji srid de la smra ba'i bar du mnyel so bar mdzod cig / 'dren pa nas/ khyod ji ltar 'dod pa bzhin bya'o/ /rig 'dzin ma shin tu dga' nas nye bar song ngo / /sbrang gi bu mo nas/ grogs mo dga' ma ltos ltos/ 'di ni rin chen phreng ba ma'o/ /pad+ma can nas/ de gang na gang na zhes zer te/ sbrang rtsi'i bu mo dang pad+ma can dag gis gcig pu nyid du mthong nas brgyal nas gar byed do//rig 'dzin ma shin tu dngangs nas/ dga' ma khyod kyi yid kyi shing rta grub bo/ /sbrang gi bu mo nas/ grogs mo dga' ma dbugs phyung shig /rig 'dzin ma nges par bltas te/ kye ma bdag skal ba dman pad shi zin/ ha d+hi ha d+hi 'dir su 'jug par byed ces yongs su 'khyud nas bltas so//kye ma skal ba dman pa yid kyi shing rta lag tu 'ongs nas yang slar 'dor bar byed dam zhes smra zhing rig 'dzin ma nas/ gzhon nu yongs su skyob par mdzod cig /'dir ni bdag gi grogs mo dga' ma mthar byed kyis gsod cing 'phrog par byed do/ /'dren pa ni rtab rtab por kye ma rab tu myos so//bzhad gad pa nas/ na mnyam dga' ba myur du mdzod cig /gnyis po yang nye bar drung du phyin to/ /rig 'dzin ma gzhon nu'i zhabs la phyag 'tshal te/ mthu chen po grogs mo dga' ma rjes su brtse bar mdzad du gsol/ /'dren pa ni ngo tsha zhing 'jigs pa dang bcas nas bdag bsgrub par bya gang /khyod kyis nye bar bsgo bar mdzod/ /rig 'dzin ma nas/ rig pa kun gyi pha rol tu phyin par gyur pa la/ bdag gis ci zhig nye bar ston/ /de ltar na'ang re zhig mthu chen po'i phyag las bdud rtsi'i rgyun bsil ba rab tu 'bab pa las grogs mo dga' ma yongs su reg par mdzod cig /'dren pa nas pad+ma can gyi mgo la legs par reg nas/zla ba bzhin 'dra 'di yis ni/ /'dir ni rnam pa nyams pa bzhin/ /dga' ba thob las rnam nyams sam/ /khyod kyi rnam nyams sdug bsngal 'phel/ /pad+ma can ni mig cung zad phye nas/ 'dren pa nas/ ma la ya skyes khu ba sor mos bzhin la byugs/ /ri dgas mig can 'di ni dkyus ring mig phye ba//chu 'dzin rab tu dkar bas cha rnams phyed g.yogs pa/ /mkha' la chu 'dzin dal gyis 'gro ba zla ba'i dbyibs/ /rig 'dzin ma ni grogs mo dga' ma 'tsho bar mthong ste/ shin tu dga'o/ /sbrang gi bu mo nas/ a ho gzhon nu mthu'o/ /bzhad gad pa nas/ grogs mo dga' ma yid kyi shing rta mthong ngo //rig 'dzin ma nas/ mthu chen pos 'di re zhig mgo bo'i zug nye bar zhi'o/ /'di'i lus kyang phyag gi mthil gyis reg par mdzod cig /'dren pas lus rnams kyang byugs nas/ shin tu mnyes te/ mi dga' ba da chog go/ /'di ni khur gyis dub pa 'jam pa'i lus ni rab g.yo bzhin//yid 'ong dri yis 'gro zhing bung ba'i gshog pas rnam bskyed pa/ /mtshan mo mal ti yi me tog phreng ba byed pa bzhin/ /'di yi lus rnams rim gyis gsal por yang dag g.yo bar byed/ /grogs mo dag nas/ /grogs mo dga' ma dbugs shig dbugs shig /mthu chen pos khyod 'dir rjes su bzung ngo //de yis gzigs nas 'dir yid kyi shing rta rang gi lus bzhin du brjod/ /pad+ma can ni 'jigs shing nges par bltas te/ ngo tsha bas 'dar zhing langs nas 'bros 'dod pas ma nus te rings nas gar byed do/ /rig 'dzin ma nas grogs mo dga' ma de tsam ma rings shig /re zhig gsar du 'ongs pa la stan gcig la gnas nas bsnyen bkur bar gyis shig /'dren pa nas/ dkar min mig can 'jigs bcas khyod ni sdug bsngal ba/ /chog chog lus ni gdung bas cung zad g.yo ba can/ /me tog phreng ba cung zhig kha 'bus 'dab ma rnams/ /bung ba rnams kyi rkang pa yang ni bzod mi nus//pad+ma can rang nyid bsams te/ ci ste 'di ni 'dir nags nas 'ongs sam/ yang na 'di bzhin du snang ba'am/ yang na rmi lam du snang ba'am snyam mo/ /sbrang gi bu mo nas/ grogs mo dga' ma 'di ni de yin te/ khyod kyis gzhon nu'i sku gzugs thang sku ni ri mor bris pa la mchod pa'i phyir ba ku la'i me tog phreng ba gang zhig nyid kyis brgyus pa'o zhes bstod do//pad+ma can ni 'dren pa la zur gyis blta zhing ri mo'i sku gzugs la de phul lo/ /'dren pas ri mo bltas nas 'di ni kho bo bzhin du ri mor bris pa zhig go/ /ha a ho bdag la gus pa cher mchis so/ /bzhad gad pa nas/khyod kyi lha rnams gus pas bsnyen bkur bsad ltar de khyod la 'di bzhin du'o/ /'dren pa nas/ ji ltar 'di bzhin du'o/ /bzhad gad pa nas/ lha rnams kyang gus pas bsnyen bkur nas mchog gsol bar byed do/ /khyod ni dka' thub ma'i mngon par 'dod pa'i gang yang sbyin mi byed do/ /grogs mo dga' nas legs par smras so//'dren pa ni 'dzum zhing khyod kyis de bzhin du mchog ster shes sam/ bzhad gad pa nas/ gal te khyod bdag gi rjes su 'jug na bram ze yin pas sbyin par bya'o/ /'dren pa nas/ bdag gi rjes su 'jug par bya/ bzhad gad pas khyod de bzhin du 'di'i mchog tu bdag gis sbyin/'dren pa nas khyod ni tha shal rmongs pa rab tu mi shes pa'o/ /bzhad gad pa nas/ khyod ni shin tu mi bzod do/ /'dren pa nas/ na mnyam rab tu gsal ba'i dgongs pa la yang 'dis shin tu sbyin par byed de gzigs mdzod/ /bdag ni rab tu brkyang la tshul 'chos lus ni ngo tshas sdud byed cing //yid 'ong mig ni gsal por 'phangs shing skad cig nyid la slong bar byed/ /bdag ni mi bzod lta bas blta zhing slar yang mngon 'dod 'dren par byed/ /byis pa'i blo yi dgongs pa rab tu spro zhing g.yo yang 'dir mi byed/ /ces gsungs so/ /yol ba'i nang du'o/ /ca co chen po zhig grags so/ / thams cad 'jigs nas nye bar langs so/ /bzhad gad pas nye bar bltas nas 'di ni gang nas glang chen myos pa yang dag rgyug byed cing / /'dir ni ji ltar shugs kyis mi bzad sna yi 'khyil byas nas/ /chu rnams 'phen pa char 'bab bzhin du stobs kyis rab tu 'jug /gdong la myos 'bab dri la sbrang rtsi byed rnams rjes su 'jug /yol ba la ca co smra'o/ /bzhad gad pa ni shin tu 'jigs te kye na mnyam yongs su skyob par mdzod ces smra'o/ /pad+ma can ni shin tu 'jigs te/ gzhon nu la kun nas 'khyud do/ /grogs mo dag nas/ mthu chen po grogs mo dga' ma bsrung bar mdzod cig zer/ 'dren pa nas ma 'jigs shig /'jigs ldan ma dul glang chen myos/ /so ldan gnam lcags mche ba can/ /bdag gi brang gis de mtshungs par/ /rtag tu rab gsal 'di bzung ngo / /rig 'dzin ma nas/ de ni 'jigs pa 'di ga la byung / yol ba'i nang nas/ 'jigs pa rnams kyi mi 'jigs rab sbyin sa gsum rab tu tshim byed khyod ni gnyen//sdug bsngal chu gter klong 'khrugs 'gro rnams yang dag sgrol ba'i gzings nyid do/ /khyod kyi phyag ni rab tu gsal ba'i rgyan gyis rol zhing kun 'khril so ldan po/ /gtum zhing g.yo bas 'jig rten ma lus 'dir ni skrag pa'i gnas skabs ga la 'gyur/ / gzhon nu nas/ kye dga' ma bdag thong zhig /glang po gtum po ni song / rig 'dzin ma dgod cing di ring yang khyod gang du yang mi gtong ngam/ gzhon nu rang bzhin bsams te/ gal te bdag 'di lta bu'i gnas skabs su 'ga' zhig mthong bar mi 'gyur ram/ bdag ni tshul dang 'dra ba ma yin no snyam nas/de nas drang srong gi slob ma rab tu zhugs so/ /rtab rtab por kyi ma ji ltar ri dgas kyi rigs rnams kyang 'di dang der shin tu skrag pas rab tu 'jug cing sems ni dang ngas par gyur/ glang chen rab tu 'jigs pas thub pa'i gzhon nu rnams kyang gsal por ngu bar gyur/ pad+ma ba tI ni gang du song ngam snyam nas yongs su zhugs so//mthong nas shin tu mi bzod pas/ a tshangs pa kye/ a tshangs pa kye ji ltar dka' thub kyi tshal na 'gal bar 'jug go zhes smra/ thams cad shin tu 'jigs te/ grogs mo dga' nas/ ji ltar 'phags pa'i spyod pa'i bu'o/ /pad+ma can ni gzhon nu btang ste/ ngo tsha nas kha 'og tu phyogs nas gnas so//yol ba'i nang du'o/ /'di lag ldan gyi 'jigs pas bdag gis pad+ma ba tI nas 'byung zhes drang srong dus so/ /slob ma ni ngu zhing mkhan po yongs su skyob par mdzod cig /yongs su skyob par mdzod cig /pad+ma ba tI ni 'di na yongs su sun 'byin par byed cing mchis so//grogs mo dag shin tu 'jigs shing shin tu mi phan par gyur to snyam mo/ /gzhon nu ni mi mthun pa'i mtshan nyid sdug bsngal bar bdag lhung ngo snyam mo/ /bzhad gad pa ni mi bzod par a re e re bram ze gdug pa can mi bden pa smra zhing ci'i phyir khyod du zhes dbyug pa'i shing gyen du phyar te nye bar btud do//bram ze ni a tshangs pa kye mkhan po yongs su skyob par mdzod ces smra/ de nas thub pa ni khros/ rab tu zhugs nas A 'di su zhig nges par bltas nas/ lag pa dang rkang par bcas par rdobs shing / lha rnams thams cad stongs sam ci/ /dmod pa rnams ni yal gyur tam/ / gang zhig thub pa'i rigs rnams kyang / /kun nas gnod cing yongs su 'jig /ces smra/ kye bu pad+ma ba tI e ma gzhon nu gtsug na nor bu la pad+ma bdag gi yid kyi sbyin par byas te gdung bar byed do/ /gzhon nu nas/ legs pa'i drang srong chen po gang / /bdag phyir de bzhin rjes gdung ba/ /kun spyod khrims las 'das gyur na//skyes bu pad+ma can bzhin gdung / /bdag las kun spyod rnams 'gal nas/ /'di ni lha rnams kyis mkhyen 'gyur/ /bzhad gad pa shin tu 'jigs nas gnas skabs 'dir ci zhig smra/ lha rnams kyi/ drang srong nas/ thub pa'i skye bo'i lha rnams ni gang dang gang / bzhad gad pa nas/bram ze g.yo can phar song phar song / /mkhan po las mthu che ba'i lha gang zhig kyang yod dam/ drang srong nas/ lha rnams da lta nyid dus stengs lhung bar bya'am ci/ /chu gter rab tu rgyu ba skad cig nyid la skam mam ci/ /bskal pa'i me ni 'od zer 'bar bas rtswa rnams ma lus pa/ /sreg pa bzhin du 'jig rten rnams ni thal bar bya'am ci//rig 'dzin ma rang nyid bsams te/ ji srid 'di ni mthong dug bzhin/ /'di yi dmod dug ma grol ba/ /de srid 'dir ni bdag gis ni/ /nyes rnams rab tu gsal bar bya/ /snyam mo/ /nye bar btud de phyag 'tshal nas/ /yab gcig gnang bar mdzod gnang bar mdzod/'dir pad+ma ba tI dgon pa'i glang po che myos pas gsod pa las/ mthu chen po 'dis bskyabs pa'o/ /drang srong nas/ 'di yang su zhig yin/ bzhad gad pa 'jigs bzhin du/ lha tshangs pas byin gyi gzhon nu gtsug na nor bu'o/ /drang srong nas 'di ni gzhon nu gtsug na nor bu yin pa de bden nam zhes nges par bltas nas dus so//the tshom ni mchog go/ /'di ni mtshungs med dpal dang ldan/ /rtags kyang nor bus rnam par spras/ /ji ltar dpag bsam ljon pa ni/ /bdag gis dug gi sdong por shes/ /thams cad du/ bdag dman mi bzod mi shes pa/ /bdag dman shin tu mngon 'dod la//gang zhig mi shes dbang gis ni/ /bdag gis sdig pa mngon par byas/ /thal mo sbyar nas kye mag pa skye bo las thos pas/ nyes par byas pa 'di rnams bzod par mdzod cig /mi shes pa'i dbang gis nye bar byas so/ /bzhad gad pa ni bram ze 'tsho'i snyam mo/ /gzhon nu nas gong ma rnams la nyes pa ma mchis so//bram ze dga' nas/ bzhad gad pa la 'khyud de/ phan tshun khyod kyang bzod par mdzod cig ces so/ /drang srong nas/ a ho gzhon nu ni bstan pa'o/ /bu mo pad+ma ba tI kye/ /de ring ngo tsha yang chog par mdzod/ /srog chags dbang phyug bdag por gyur/ / yang dag pas ni spro bar gyis/ /gzhon nu rang nyid bsams pa yin/ /'di'i skabs ni 'dir glo bur du byung ngo snyam nas/ gsal por smras pa kye legs ldan rjes su bsgo bar mdzod cig /bdag lci bdag gis zhes pa'i dus 'das 'gro bar byed do/ /drang srong nas/ lag pa'i chu 'dzin gang bar gyis la khyod dang btsun mo gnyis kar gshegs shig /gzhon nus rnam par bsams te legs ldan bdag ni rgyal rigs so/ /drang srong nas/ 'di yang yid kyi mtsho yi ni/ /chu skyes sbubs las yang dag byung / /bzhad gad pa nas/ de bzhin bdag cag gis kyang thos so/ /'dren pa nas/ legs ldan bdag la lci ba dag gis rjes su gnas pa med do/ /bzhad gad pa nas/ 'di 'ba' zhig ma yin pa rjes su gnang ba ni ri mo 'ongs nas bag mar byas pa ni 'di'o/ /drang srong nas/ gzhan yang 'ga' zhig med dam/ 'dren pa ni/ 'dren pa nas/ ngo tsha ba dang bcas so/ /drang srong nas 'di ci zhig / 'dren pa nas de ltar ro/ /drang srong nas/ de ltar 'gyur ba ci yin/ 'dren pa nas/ kye 'di nyid do/ /bzhad gad pa ngu zhing / kye khyod la chags par gyur pa'i srog ma bsrungs na da ni ji ltar drang srong gi rigs thams cad de bzhin du stongs par 'gyur ro/ /rig 'dzin ma ngu zhing / da ni thams cad 'dis phyir spong bar byed do//drang srong ni ngu zhing khyod kyi lus dang 'dra ba 'dis ji ltar tshangs par spyod kyang 'joms par byed dam/ gal te khyod kyis de bzhin du bdag cag rnams la dga' ba mthong ba las/ slar yang gzhan du byed par 'gyur zhing / bdag la 'dir chen pos yongs su sun 'byin cing de yis bdag 'dir chen por yongs su bslu zhing bsreg nas/bdag cag 'khor dang bcas pa'i skye bo rnams dang ni me'i nang du rang nyid sbyin sreg du bya'o/ /kye 'di na su su/ me khyer la shog shig /bram ze nas/ bdag ni lta ba mi bzod pas/ sngon du me'i nang du rab tu 'jug par byed do//bzhad gad pa rang nyid kyis bsams pa/ khyod kyi de nyid legs so/ /'dren pa nas rang nyid bsams te/ thams cad kyis yang dag par brdzun par byed do snyam mo/ /gsal por smras pa/ legs ldan dag bdag ni gnas gang zhig /cung zad mi sbyin zhes bya med/ /ci'i phyir shin tu snying rje bas//de'i phyir bdag ni yongs su spong / /pad+ma can ni 'dis bdag de bzhin du byas nas mchog tu yang dga'o snyam nas/ drang srong nas khyod dang bu mo pad+ma can lhan cig tu chos spyod cing dug ni mi spyod/ bzhad gad pa nas/ khyod kyis slar yang bdag kyang mi grol ba ma yin nam/ 'dren pa nas/ khyod ji lta ba bzhin du gsungs shig /bzhad gad pa dang bram ze dag gar byed do/ /rig 'dzin ma ni bdag gis brtsams pa'i don grub snyam mo/ /pad+ma can ni byed pa pos bdag rjes su bzung ngo snyam mo/ /drang srong nas/ chos mkhyen pa dang brtse ba yis/ /gtsug na nor bus bdag bzhin du/ /ri dbang mag par byas kyang ni//ri bo dran gyur de bzhin min/ /de nas sbyin sreg gi khang par zhugs te cho ga rnams ji lta ba bzhin du bsams te/ byin gyis brlabs nas thams cad yongs su zhugs so/ /drang srong ni phyogs rnams su nyi ma'i dus tshod du song ngam/ bltas nas 'di lta ste/ dus su song zhing bi tsu la'i nags tshal tshogs rnams sngo zhing chu klung 'gram gyi ri mo las//glang chen rigs rnams gnyid kyis myos shing mig ni zum byed ri sul gnas rnams su ni 'gro bar byed/ /shal ma kI rnams kyi ni yal ga sgra bcas sdud cing bcag nas khur ba rnams ni skyes pa yis/ /thub pa rnams kyi sems ni tshim byed yid 'phrog gu gul phye ma'i dri bzangs phyogs bcur khyab par gyur//'di ni skye bo dam pa rnams kyi zla ba btsun pa zla ba yis/ /mchog tu gsal bar rab sbyar gar gyis gzhir gar mdzad gar tshogs kyis/ /gang gis legs par 'dren byed chags pa dang bral rgyal ba rnams kyi ni/ / yum gyur rtogs pa mchog gi rin chen bla med de ni thob par 'gyur/ /zhes pa ni thams cad nges par zhugs so/ /yan lag gsum pa rdzogs so// //de nas sbrang gi bu mo rab tu zhugs te/ ngu zhing grogs mo dga' ma pad+ma can gyis ni de ni lo gcig lhag song ste/ bdag skal ba dman pas grogs mo dga' ma slar mthong bar 'gyur mi 'gyur ni mi shes so//dka' thub kyi nags tshal 'di na thub pa'i skye bos rab tu gang yang bdag ni stong pa snyam du sems so/ /de la ji ltar bdag gi gdung ba bsal bar bya/ yang nas phyogs stong par zhugs nas drag por ngu bar bya'am snyam ste/ 'di ni nges pa'i don du slar bya'o snyam nas yongs su zhugs so//skyed mos tshal 'di na san+tA na'i ljon pa 'di ni grogs mo dga' ma byis pa'i dus su yang dag par bskrun pa gang yin pa de ni 'di'o/ /mA ta bI 'khri shing kyang 'di'o/ /bdag ni skal ba dman te lhan cig tu byas nas grogs mo dga' ma pad+ma can gyis khyad par du nye bar bskyed pa'o zhes yang dag par 'khyud nas ngu zhing grogs mo dga' ma ni gang du song /khyed rnams kyang 'dir me tog kha 'bus par rigs sam/ yang na de bzhin grogs mo dga' ma yang nges par 'khrungs par gyur tam zhes rtogs par byed do/ /ji ltar 'di bzhin du thos te shing rnams kyang mtshungs par mdzes par smra'o snyam mo//yol ba'i nang du'o/ /a ho rmad du byung ba chen po 'khrungs snyam nas/ sbrang gi bu mos bltas pa na/ ji ltar bram ze muny+dza'i bu de nas rab tu zhugs nas a ho chen po 'khrungs so/ /sbrang gi bu mo nye bar btud nas/ 'phags pa muny+dza'i bu la phyag byas so/ / muny+dza shin tu dga' nas mthong ba'i bde legs 'phel bar gyur cig /khyod kyi grogs mo dga' ma pad+ma can la khye'u zhig btsas so/ /sbrang gi bu mo shin tu dga' nas/ muny+dza'i bu khyod kyis bdud rtsi'i char phab bo/ /yang de'i ming cir brjod cing byin gyis brlabs/ muny+dza nas/ pad+ma skyes zhes so//sbrang gi bu mo nas/ dga'o dga'o/ /muny+dza nas/ 'di 'ba' zhig las yang gzhan med dam/ sprang gi bu mo nas/ 'di yang yin mod/ yang gzhan dga' ba ci zhig /muny+dza nas/ de nas rgyal po tshangs pas byin gyis khye'u'i bzhin mthong nas mnyes te/ lha gtsug na nor bu rgyal srid la dbang bskur ro/ /sbrang gi bu mo nas/ ho dga'o dga'o/ /muny+dza nas/ de nas 'od kyi blo gros ma dang / rgyal po tshangs pas byin gnyis dka' thub kyi tshal du gshegs shing bskyod do/ /de nas gzhon nu gtsug na nor bu'ang yab kyi rjes su 'jug cing gshegs so//sbrang gi bu mo ni ngu zhing muny+dza'i bu bdag gi dga' ma'ang de bzhin nam zhes smra/ muny+dza nas/ gtam lhag ma ma lus pa smra ba rna ba la zhog cig dang / de nas rgyal po tshangs pas byin gyis gzhon nu'i skye ba yongs su bsal ba'i phyir rang gi pho brang gi skyed mos tshal du dka' thub kyi nags kyi bya ba byed cing nags na gnas so//de nas yab kyi bkas rjes su gnang nas gzhon nu gtsug na nor bu ni srung ma med pa'i mchod sbyin bshams nas mchis so/ /bdag kyang der 'gro bar byed do/ /khyod kyi grogs mo dga' ma la bdag gis ci zhig smra bar bya/ sbrang gi bu mo nas/ sngar yang drang srong gi gnas kyi rgyan du gyis shig /muny+dza nas dman de slar yang bkra shis 'joms pa'o/ /sprang gi bu mo shin tu 'jigs te/ bdag gis ci zhig smras snyam mo/ /de nas 'dir nang du rab tu zhugs shig /skyes gzhan bskul bar bya'o/ /de'i phyir rab tu zhugs nas song ngo / /de nas bran po rab tu zhugs nas phar song phar song /ci'i phyir lhag par 'tshang zhing 'phul bar byed/ bram ze'i khang pa der rgyu yang ci byed/ nges par bltas nas ji ltar bsrungs kyang mi sdod par yongs su 'jug cing / 'di rnams ni 'dzin cing / 'di rnams ni 'jog cing / yang len cing / gzhan rnams ni sbyin sreg byed cing /bram ze 'grangs par dga' ba rnams thams cad za 'dod nas 'dir ji ltar bram ze 'khyams po rnams seng ge'i gdan gyi steng du sdod/ phar song phar song / re bram ze rnams phar zur phar zur/ dmod pa'i rma rnams na nas gar byed do/ /ngan pa rnams nga la ci ste sdigs par byed ces smra'o/ / des blon po sna chen po lag bzangs nges par 'ongs pa mthong nas 'di rnams de la smra'o snyam mo/ /de nas lag bzangs rab tu zhugs nas a re lus ngan po phar zur phar zur/ 'dir spro bas don gang ji ltar 'dod pas ster ba la ci'i phyir slong mo pa rnams yongs su sun 'byin par byed/ 'di rnams kyi don du de bzhin du yang dag par brtsams pa ste/gzhon nu gtsug na nor bus 'gog pa med pa'i mchod sbyin thams cad rang len gyi/ yon tan 'di ni lha yis 'gro ba ma lus pa'i mngon 'dod yongs su 'gengs pa mtshan du bcings pa yin no/ /cho ga 'di la slong mo pa rnams la de bzhin du cung zad ni los kyang ster/ sngon yang 'dis de bzhin du mdzad nas ji ltar 'dod pa 'dzin par byed do/ /de rnams kyi 'di glo bur du byung ba ma yin no/ /'di la rab tu zhugs nas de ring gis lo lnga song ngo / /bran pho ni ji ltar 'di yang rnam par khros na de bzhin du 'dir gzhan yang mi rnyed do snyam nas/ de nas bros nas song ngo / / lag bzangs yongs su zhugs te/ lha gtsug na nor bus sbyin pa rnams rnam par lta ba la bdag bskos pa yin pas de rnams ji srid blta'o snyam nas nges par bltas pa na shin tu dga' ste/ a ho di ring lha'i phun sum tshogs pa chen po ni gang gis ji lta ba de bzhin du/ ji ltar 'dod pa len pas kyang zad par ma gyur to//'di lta ste/ gser gyi phung po rnams ni 'di na rab tu mtho zhing ri rab dang ni 'gran pa ltar/ /rin chen rnams kyi phung po 'od zer rab tu 'phro ba nyi ma'i 'od kyang zil gyis gnon/ /mu tig mchog zlum do shal tshogs rnams bkod pa 'od zer 'tsher ba skar ma'i phreng ba bzhin/ /skye bo rnams ni gang zhig rang dbang blangs nas rang khyim bzhin du dal bus 'gro bar byed//yongs su zhugs nas gzhan yang bltas pa na/ /glang chen dbang po rnams kyis myos pa'i chang ni sa la bar med rab tu 'bab pa len byed pas/ /myur 'gro'i lus ni rnam par ring rnams rmig pa'i rnams nges par 'gred pas ngo mtshar rab tu bcas//shing rta rnams ni rgya nag ba dan mdangs ldan rnams ni rgyug cing bskyod pa g.yer ka'i sgra bcas la/ /bram ze rnams kyis rab bskyod 'khor lo'i mu khyud sgra yis sa chen nor ldan rab tu g.yo ba ltar/ /brgya byin gyis mchod sbyin brgya rab tu byin pa de 'dir sa'i mthil du lha la bdag gis smra bar bya'o snyam nas/gzhan yang bltas pa na/ ji ltar mtshan nyid 'di lta bu ni ku ru'i rgyal po bzod par dka' ba gang zhig gis mi bzod par mi 'gyur ram/ 'on kyang des cung zad kyang mi 'gyur ro snyam mo/ /yongs su zhugs pa na der sbyin sreg gi khang par lha nyid rab tu zhugs so/ / rang 'od dpal dang byams pa yis/ /tshangs pa'i zhi ba las kyang rgyal/ /bden pas sa chen las rgyal nas/ /chos ni mngon sum bzhin du gnas/ /ji srid bdag nyid nye bar btud do/ /de nas rgyal po dang / pad+ma can dang / bzhad gad pa dang / mkhan po rnams rab tu zhugs so/ /rgyal po dang / mkhan po dang / mchod sbyin rnams la lag bzangs nye bar btud nas phyag 'tshal te/ rgyal po chen po rgyal bar gyur cig /rgyal bar gyur cig /lha nyid kyi bkas rjes su bsgo nas sbyin pa'i sa gzhi rnams bdag gis bltas so/ /rgyal po nas/ de na yang ni slong ba rnams/ /rang gi khyim bzhin rab zhugs nas//ji ltar mngon 'dod yongs blangs shing / /yid kyi shing rta gang 'gro 'am/ /lag bzangs nas/ lha mngon par 'dod pa phun sum tshogs te/ dpal ni gang zhig sa bdag rnams kyis sa stengs nas/ /rab 'bad rnyed rnams kun la bde bar nyer bsnyen gyur/ /skye bo rnams kyis rab tu zhugs pas khyim khyim rnams//da ni khyod pas kyang ni de rnams shin tu lhag /rgyal po nas/ 'di ni cung zad kyang ma yin te/ 'dir phyi rol gyi dngos po rnams ni thams cad kyi thun mong ste/ 'dir bdag gis ci zhig byin/ de bzhin du 'jig rten rnams ni mthu che ste/ rang dbang ba'i dngos po yang de bzhin du bdag gi sbyin pa'i gnas so zhes sgrogs par byed do//gzigs mdzod/ 'jig rten kun gyi spyi yi ni/ /phyi rol dngos rnams de bdag gis/ /'jig rten sred pas rnam bslus nas/ /bdag ces 'dir ni 'dzin par byed/ /bdag gis ni snying po med cing mi dran pa'i lus 'di yang / 'gro ba'i don grub phyir ni rtag tu yongs su gtong //gang gang 'di ni ji lta ji ltar mngon 'dod pa/ /de dang de yi de lta de ltar rab tu sbyor/ /ces so/ /yol ba'i nang du kA la kA la'i sgra'o/ /thams cad shin tu 'jigs nas phyogs rnams su blta'o/ /rgyal po ni skabs ma yin par de bzhin du gnyid rnam par yur ro//'jig rten rnams ni yongs su g.yo'o/ /mkhan po ni gus shing 'bad pas sbyin sreg byed/ a shau a shau Sha Ta ces so/ /bzhad gad pa nas/ kye na mnyam ya mtshan che/ ya mtshan che/ rlung ni drang pos rnam par bskyod pa yes/ /chu gter skye bo dang bcas chu rnams ni/ /dba' rlabs phreng bas yongs su bskyod pa yis//gru bzhin nor ldan shin tu g.yo bar gyur/ /rgyal po nas/ na mnyam khyod kyis legs par brtags te/ drag byung chu yi phung po rlung gis yongs su bskyod pa yi/ /dba' rlabs rab tu 'khrugs ltar sa chen yang dag rnam par g.yo/ /gang las de ring 'di rnams mtho dang dma' gyur gru bzhin byed//'jig rten rnams ni chang gis myos bzhin lus ni rnam par g.yo/ /pad+ma can ni ha bu pad+ma skyes gong du song ngam zhes smra/ de nas g.yog mos pad+ma skyes lag pa nas bzung nas rab tu zhugs nas gzhon nu pad+ma skyes ni 'di'o zhes so/ /pad+ma skyes nas/ 'phags pa 'di ci zhig /lha mo ni bu'i lag pa nas bzung nas/rgyal po'i drung du nye bar btud nas/ rje'i sras 'di bzhin du 'khrug pa 'di ci zhig /'dren pa ni pad+ma can gyi lag pa nas bzung nas/ dbugs 'byin te/ a yig 'jigs can re zhig ltos dang / sngon ma mthong ba'i rmad du byung ba dga' ba'i gnas skabs kyi mthar thug pa 'di lta ste/ sa gzhi'i dba' rlabs rim pa mtho dang dma' ba rnam pa rab tu mang po rnams//khang bzangs gdugs dang rgyal mtshan ba dan cod pan rnams ni bskyod pa'i rim pa ltar/ /sgra chen rab tu 'jug pa sprin rnams kyis ni 'brug sgra drag tu sgrogs pa ltar/ /'di rnams chu gter 'dra zhing mi mtshungs khyad par slar yang 'jig rten mi lhung tsam//gzhan yang lha mo/ khang pa'i phreng ba rnams ni 'phred la 'gyel zhing slar yang langs/ /chu bo rnams ni gyen du 'phar zhing gzhan du'ang 'gro mi byed/ /sa chen mtho dang dma' ba rnam pa sna tshogs byed pa ni/ /me long nang gi gzugs brnyan rnam par g.yo ba rtog pa ltar/ /lag bzangs nas/lha mthong lags so/ /shar gyi phyogs rnams ri yi 'gram bcas 'og tu 'gro byed nub phyogs nam mkha' la ni rab tu 'gro/ /rnam par g.yo bas lho phyogs dma' bar lhung zhing byang phyogs 'di rnams shin tu rab tu mthon por 'gro/ /chu gter g.yo bas dbus ni 'og tu rab tu 'gro zhing mtha' yi phyogs rnams steng du rab tu 'gro//'di rnams kyang ni steng dang 'og tu reg ste chu 'dzin mthar thug phyogs kyi mthar thug pa/ /rgyal po ni ngo mtshar nas phyi rol du nye bar byung ste 'jig rten pa rnams la dbugs 'byin pa mdzad do/ /lag bzangs ni lha'i bkas ji ltar bsgo nas nges par zhugs so//rgyal po ni legs ldan nor 'dzin ma la mchod yon phul nas/ skye dgu rnams la ltas ngan gang yin de 'bras bdag smin nas/ /bdag gi sbyin gnas rjes bzung skye bo rnams la 'byung ma gyur/ /'dir ni skye bo'i mngon par 'dod rnams rab tu rdzogs bya'i phyir/ /gal te skye bo 'di rnams nyes na'ang bdag gi mngon 'dod cha//mkhan po ni gus pa dang bcas nas sbyin sreg byed/ /in+d+ra A gats+tsha ha re A gats+tsha me me d+ha ti the me She br-i Sha NAM pa sh+ya me/ /zhes so/ /me'i thab khung la bltas nas 'jigs pas phyir 'phar ro/ /bzhad gad pa shin tu 'jigs nas kye na mnyam ltos ltos/ 'di ni 'jigs shing kha yi sgo nas mche ba rab tu gtsigs//mig ni nyin byed gsal ba'i dkyil 'khor 'dra zhing rab tu dmar/ /shin tu 'jigs chen gad rgyangs nges par rab tu sgrogs/ /'dir ni sbyin sreg thab khung gyes nas yang dag byung bar gyur/ /de nas srin po rab tu zhugs so/ /a ho hu ta ma ho da ta hUM zhes gar byed cing //'byung bzhi 'di rnams gom pa'i stobs kyis rab 'jig cing / /bar snang 'di rnams 'od zer mngon par 'bar bar bya/ /phyogs kyi 'khor lo lag pa rab brkyang sdud byed cing / /'gro ba ma lus bdag gis rnam par g.yo bar bya/ /zhes so/ /rgyal po nas/ dge ba byed pa la bgegs mang ngo zhes brjod pa 'di bden par 'dug go zhes gsungs so//pad+ma can ni shin tu 'jigs nas byis pa'i gdong la gos kyis bkab ste rgyal po'i rgyab tu 'ongs so/ /rgyal po nas/ kye sems can chen po dgos pa ci'i ched du 'dir 'ongs/ srin po nas/ khyod kyis thams cad rab tu 'jug pa'i tshul khang pa chen po byas nas dgos pa ci'i ched du 'ongs kyang 'dri bar byed dam/rgyal po ni shin tu mnyes nas gal te khyod kyis slong du 'ongs sam/ ci slong ba smros shig /srin po nas/ zas so/ /bzhad gad pa 'dren pa'i rgyab tu shin tu 'jigs nas 'ongs te tshul gyi khang par zas la song zhes smra/ srin po nas/ bdag gi zas ni gzhan yin nam/rgyal po nas smros shig /srin po nas/ sha ni mdangs ldan slar yang ral gri'i lo mas sngon nyid du/ /rnam bcad rab tu mang po dron po mdog ni dmar po rnams/ /mi yi dbang po srin po rnams kyi bza' ba de rnams yin/ /mi yi bza' ba'i rigs rnams bdag la nges par ci zhig bya/ /rgyal po shin tu mnyes nas/tshur shog mkhas pa yid kyi shing rta rdzogs par bya/ /tshur shog bza' ba ji ltar 'dod bzhin lus 'di ni/ /pha rol don phyir bdag gis 'di ni nye bar bsrungs/ /sha rnams bcad pas bdag ni yun ring 'bras bcas 'gyur/ /pad+ma can du zhing rje'i sras khyod kyi di ring tshul lugs 'di ci zhig /rgyal po nas/ lha mo skyes pa de'i 'bras bu dang bcas so/ /bzhad gad pa nas/ kye na mnyam ji ltar gcig gi don gyi phyir 'jig rten 'di rnams yongs su gtong ngam/ rgyal po nas/ bdag ni de bzhin gang du yang / /'gro ba 'ga' yang 'dor mi byed/ /de yi phyir na skye bo 'di/ /zug rngu zhi phyir bdag nyid gtong //mkhan po nas/ bdag ni de lta bu'i mchod sbyin gyi cho ga 'di mi byed do/ /'dir ni phyugs gsod len pa'i phyir/ /bgegs ni nges par rnam par zhugs/ /'di yi cho ga rig byed las/ /'di la phyugs ni sbyin par bshad/ /rgyal po nas/ gang zhig dgos 'dod bgegs yin na/ / bdag ni bgegs kyang mchog tu mos/ /gang la yid kyi shing rta 'grub/ /cho ga de bzhin drag tu zhog /slar yang / kye yi bram ze mchod sbyin la/ /srin po phyugs rnams ci phyir rung / /yang na bdud rtsi spangs nas ni/ /snying po med pas ci zhig bya/ /srin po nas/ sgo khyod 'dir ci'i phyir gtam skom pos dus 'phrog par byed//rgyal po nas/ sgo 'dir mchog gi tshes grangs la/ lus las ji ltar 'dod pa nye bar spyod cig pad+ma can ni ngu zhing skal ba dman pa bdag gi lus 'di yang re zhig dang por nye bar bza' bar gyis shig /rgyal po nas/ 'di ni bdag 'dod pa yin no/ /pad+ma can nas/ lus 'di yang lha'i yin mod/srin po nas/ iHmya ngan gyis 'jigs pa'i bag chags can 'dis ci zhig bya/ shums med do/ /ltos shig dang / mya ngan byas pa'i sha ni bska dang kha zhing tsha ba'i ngo rnams yang dag bro bar byed/ /chags pa can ni sla zhing khu bar byas bzhin rab tu skrag bcas de ni bskams pa 'dra/ /khros pa'i skyur zhing rab tu tsha dang rtsub rtsub brod med zos nas brang ni tsha bar byed//mchog tu byams pa'i ngo bo nyid kyi lus ni mngar zhing dbang po thams cad mchog tu tshim/ /rgyal po shin tu mnyes nas/ ring mo nas slong ba'i skye bo mngon shes can re zhig bdag gis mthong ngo zhes nas mtshon thogs te sha gcod par byas pa na/pad+ma can ni lag pa nas bzung nas/ rje'i sras ma bsams par ma byed cig ces smra zhing / kye sems can chen po 'phags pa'i bu yongs su thong la bdag longs shig zer/ pad+ma skyes nas/ sgo la k+Sha rA k+Sha sa 'phags pa thong la bdag longs shig zer/ bzhad gad pa nas/ b+ho sems can chen po grogs po thong la bdag zo cig zer/ rgyal po nas/ ma 'brel ba smra ba des chog chog /lha mo bdag gi chos kyi bgegs ma byed cig ces gsungs/ pad+ma can ni rmongs nas gar byed/ bzhad gad pa ni gzhon nu'i gdong gos kyis g.yogs par byed do/ /rgyal po nas/ b+ho sems can chen po gnas skabs 'dir bdag gi sha la nye bar sbyor bar gyis shig /srin po ni bdag nyid bsams te/ 'di ltar khyod ni sems can chen po ste/ bdag ni ma yin no snyam nas/ nye bar za zhing gar byed do/ /rab tu gsal bar smras pa/ a ha ha 'dis shin tu ring por tshim par byas so/ /bzhad gad pa nas/ legs ldan 'jig rten skyong ba rnams yongs su bskyab par mdzod/ yongs su bskyab par mdzod/ bdag ni na mnyam dga' ba'i srog 'dor bar byed do/ /mkhan po ni/ 'dir bsdad nas ci zhig bya zhes nas nges par song ngo / /srin po ni de nas re zhig tshim mo/ /rgyal po nas/ kye dge ba'i bshes gnyen 'di ni ji ltar 'dod pa bzhin du nye bar spyod cig ces lus gtad nas brgyal te gar byed do//srin po nas/ rang nyid bsams pa/ a ho mdzad spyod che'o/ /sems can chen po yun ring por nyon mongs par mi rigs so snyam nas nges par song ngo / /mi mngon tsam na zhugs nas/ brgya byin gyi gzugs su bstan nas/ kye rgyal po chen po nye bar bzhengs shig nye bar bzhengs shig /rgyal po nas/ bdag ni rjes su bzung zhing rab tu dga' bas lus la ji ltar 'dod pa bzhin nye bar longs spyod cig /brgya nas bdag ni srin po ma lags te/ bdag ni brgya byin no/ /slar yang legs par 'ongs ba 'di gang zhig /bzhad gdab nas/dbugs phyung shig /dbugs phyung shig /kye na mnyam dga' ba 'di ni nges par lha'i rgyal po bdag nyid byon no/ /lha bzhengs par mdzod cig /kye 'phags pa'i bu'i mdzad spyod 'di ni lha bas lhag par lha rnams la sgrogs par byed do/ /pad+ma can ni rgyal po la bltas nas ngu zhing 'phags pa'i bu 'di lta bu mthong nas/bdag gi lus ma nyams par gnas so snyam mo/ /rgyal po nas/ kye lha'i rgyal po rab tu dgos pa ci'i phyir 'dir byon/ brgya byin nas/ khyod kyi bsam pa'i mthu mi g.yo ba la nor 'dzin dang / ri rab dag kyang g.yos te/ gang gis 'dir mi dbang khyod kyi bsam pa skye bo kun nas gsal bar bya ba'i phyir 'ongs te/rnam par spyod pa 'di ni bdag gi mig 'phrul ba yin no/ /bzhad gad pa nas/ kye na mnyam gzigs gzigs/ gzhan yang ya mtshan che ba 'dir ni sprin gyi 'khor lo rlung drag pos bskyod pa ltar 'ur 'ur zhes rnam par bzlog par rtsom par byed do/ /rgyal po nas/kye ma 'jig rten rnams sdug bsngal gyis gdung bar byed dam zhes gsungs/ pad+ma can nas/ 'dir gzhan 'ga' zhig kyang 'byung ngam zer/ bzhad gad pa nas gzigs gzigs/ ston ka'i zla ba gang ba'i 'od ltar dkar zhing skar ma'i phreng ba'i do shal gyis nye bar brgyan cing gsal ba ltar/ rin po che'i 'od zer khyad par rab tu gsal ba nor rgyas kyi gdengs ka'i dkyil 'khor ltar dkar po yang dag par 'thon nas byung ngo //rgyal po ni shin tu ya mtshan che nas/ rnam par bltas te/ 'dir gzhan 'ga' zhig kyang 'byung bar 'gyur ro zhes so/ /bzhad gad pa nas/ kye bud med rin po che lha mo pad+ma can gyi dbyibs lta bu zhig sa gzhi'i mthil nas yang dag par langs nas byung ngo //kye na mnyam dga' ba gzigs mdzod/ /rgyal po ni ya mtshan che nas/ rnam par bltas te/ ro ldan mthil nas mngon sum du/ /'dir ni dpal mo bzhengs sam ci/ /yang na 'di ni rnam gsal ba/ /sa chen lhag pa'i ska rags sam//de nas sa'i lha mo rab tu zhugs nas mchod yon phul te skyes bu chen po tshur gshegs/ mchod yon bzhes shig zer/ rgyal po nas/ kye khyod ni 'dir gsar du 'ongs pa ste/ legs ldan grong 'jig dang gnyis po bdag gis mchod par bgyi'o/ /brgya byin nas/ ji ltar bas sa rnam dag pas/ /de yis chen por gyur pa bzhin//de bzhin mchod pas tshim byas kyang / /mchog tu dga' ba thob ma yin/ /rgyal po nas/ khyod de ring de tsam slar yang rnam par g.yo ba ci'i phyir lags/ /sa nas khyod kyi sems pa rgya chen mthong bas rab dga' nas/ /chu gter ri bo nags tshal mthar thug mngon par bskyod/ /khyod kyi ltad mo ya mtshan ngo mtshar lta ba yis//rab dga'i khur gyis lus non dbang gis yongs su 'dar/ /de nas nga ni bdud rtsi'i khu ba 'dis lus slar yang gsar par bya'o zhes/ 'dren pa'i lus la yongs su byug pa byas so/ /bzhad gad pa shin tu dga' ste/ na mnyam dga' ba ji lta ba de bzhin du mthong bar gyur to//pad+ma can nas/ legs ldan gyi chos kyi mthu'o/ /brgya byin nas/ shin tu dka' ba spyad pa 'di'i las kyi tshul 'di ni cung zad las med do/ /sa nas lha'i dbang po 'di ni 'di la dga' ba med de gzigs mdzod/ /kau shi ka 'di yis sngon dus nas/ /'di bzhin lus ni stong phrag smin par byas//sngon yang dri ma bsnyil bzhin spangs pa ni/ /bdag gi sa phyogs 'ga' yang de yod min/ /slar yang rgyal po mthong bas 'dir rmad du byung ngo / /bdag ni 'gro bar byed do zhes nas song ngo / /brgya byin nas rgyal po rang gi bsod nams bsags pa des/ /mtho ris su yang dag par gshegs par mdzod cig /rgyal po nas/ de na slong mo ba yod dam ci byed brgya byin nas de med do/ /rgyal po nas gal te de bzhin yin na 'gro bar mi byed do/ /brgya byin nas der pha ma dag 'gro bar mos sam/ lci ba dag ji ltar 'dod par ro/ /brgya byin nas de bzhin 'dir 'gro bar bya'o zhes nas yongs su song ngo //de nas ji ltar bu med pa'i legs ldan 'od zer zhes pa'i drang srong rab tu zhugs nas/ a ho rgyal po chen po'i bsam pa rab tu rgya che'o zhes rab tu zhugs te/ kye rgyal po chen po bde legs su gyur cig /rgyal pos phyag byas nas/ legs ldan ci'i phyir byon/ drang srong nas 'dir khyod kyi btsun mo dang bu'i ched du 'ongs so//pad+ma can ni 'di ci zhig snyam mo/ /rgyal po ni shin tu dga' nas legs ldan bdag gi lus la sogs pa 'di slong ba kun gyi rang dbang ngo / /de nas yol ba las ca co'i sgra'o/ /kye re zhig mchod sbyin gyi cho ga'i btsun mo gtong ba med/ rgyal po nas/ slong na sbyin par mi bya zhes/ / 'di ni chos kyis cho gar med/ /bzhad gad pa nas/ phar zur bram ze gdug pa phar zur phar zur/ rgyal po'i btsun mos khyod la ci zhig bya/ gzhan slong / rgyal po nas de skad ma zer cig /drang srong chen po bdag snying yang / /ji ltar 'dod bzhin legs ldan long / drang srong nas/ bu mo pad+ma pa tI dang / bu pad+ma ut+ta ra tshur shog shig /khyed gnyis rgyal pos byin no/ /pad+ma can ngu zhing rgyal po chen po bdag po ni yin mod kyi/ 'on kyang rgyal po'i gdung rgyud 'chad par 'gyur ro/ /rgyal po nas/ bdag ni mi sbyin zhes pa cung zad kyang med do zhes bshad zin to/ /pad+ma can nas longs shig /de bzhin du ngu nas ci zhig bya/bu pad+ma skyes tshur shog /'phags pa'i bus bdag cag yongs su btang zin gyis/ yab la legs su ltos shig /phyi nas ni mthong bar mi 'gyur ro/ /pad+ma skyes nas ci ste phyi nas bdag gis yab mthong bar mi byed/ pad+ma can nas/ pad+ma skyes gang gi phyir na/ 'dis bdag cag yongs su btang gis gzhan du 'gro'o//pad+ma skyes yum ci byed/ pad+ma can nas/ bdag cag byin nas 'gro'o/ /pad+ma skyes nas/ yab kyang de bzhin du 'gro bar byed dam/ pad+ma can nas/ pad+ma skyes kyis don ni mi shes par shes nas bu yab la phyag 'tshol cig zer/ pad+ma skyes ni thal mo sbyar nas/ yab bdag gi yum 'di tsam bshums pa ci ste/bzhad gad pa nas/ kye ma khyod ni snying rje med/ /gang zhig 'di bzhin cho nge yis/ /bshums shing byis pa yongs su btang / /hA kye pad+ma ba tI dang / hA bu pad+ma ut+ta ra/ khyed cag gnyis po dag yin no/ /bram ze'i bu bdag cag kyang khyed cag gi rjes su 'gro bar bya'o zhes rmongs nas gar byed do//drang srong nas shog shog /bu mo bdag cag rnams 'gro bar bya ba ring por 'gro dgos so/ /rgyal po ni pad+ma skyes kyi spyi bo la bsnoms nas bshums shing / nags sam yang na grong khyer ram/ /ri bo dang ni rgya mtsho'ang rung / /khyed cag nyal zhing gnyid log kyang / /lha rnams kyis ni bsrung bar shog /lha mo khyed ni gar gnas der/ /gzhon nu 'di la rdeg ma byed/ /lha mo ni bsting tshig gis 'phags pa'i bu de bzhin du'ang mkhyen nam/ rgyal po nas/ khyed kyi srog ni yongs 'dor kyang / /drang srong chen po'i bka' ma 'da'/ /me yi gzugs dang 'dra ba yi/ /mchog gi thub pa tshim byas pa'i//bsod nams yongs su bsgrubs byas pas/ /'jig rten kun gyi mngon 'dod tshim/ /drang srong nas bu mo longs shig /bdag cag 'gro bar bya'o/ /rgyal po nas/ lha mo gshegs par mdzod cig /pad+ma can ni phyag 'tshal te/ /rgyal rigs skye ba'i mthar thug par//bdag kyang de bzhin rjes 'jug shog /ces so/ /pad+ma skyes nas/ yab kyi nga la sngon ni rta sbyin zer nas ma byin pas nga khyod nga la nam ster/ rgyal po ni bshums shing pad+ma can la 'khyud nas bu de thub pa 'dis khyod la ster bar 'gyur gyis/ pad+ma skyes nas/ yab la/ 'di na nga'i rta dang / glang po che dang /glang po'i khri dang / rta'i sga 'di rnams tshags gyis shig ces zer/ rgyal po rang nyid bsams pa na/ /skabs 'di bdag gi zug rngu ni/ /srog la bab kyang de bzhin min/ /ji ltar pha yi mnyes gshin pa'i/ /pad+ma mchog ni ring du 'gro/ /drang srong nas/ bu mo shog /bdag cag 'gro bar bya'o//pad+ma can ni rgyal po la blta zhing / bu'i lag pa nas bzung nas song ngo / /rgyal po nas/ brtse ba'i zhags pas legs bsdams bzhin/ /gang gis bdag kyang shin tu gdung / /na mnyam dbugs phyung shig dbugs phyung shig /bzhad gad pa brtabs bzhin du longs nas kye mi ster ci zhig zer/ rgyal po rtab rtab po mdzad nas rnam par bsams pa/ da ni bdag gi pha ma dag blta bar bya'o snyam pa na pho brang 'khor gyi mi rnams rab tu zhugs nas ngo mtshar che ngo mtshar che/ lha'i yab yum dag nam mkha' la bya ba mdzad pa gzigs mdzod/ ngang pa'i gzhog pa'i cha yis bskyod bzhin rgyal mtshan phreng ba can//gzhal yas khang 'dras ri rab lhun po'i rtse mor rnam par gnas/ /lha yi drang srong rnams kyis mngon dga' brgya phrag rnams kyis bstod/ /'di dag lha yi gnas su da ni rab tu zhugs par gyur/ /rgyal po shin tu mnyes te gzigs nas phyag 'tshal zhing de bzhin du tshigs su bcad pa 'di nyid klog go//slar yang gzigs nas bshums shing / yab ni rnam sad lam du ring du gshegs shing / yum kyang rjes su gshegs so/ /pad+ma skyes dang lha mo grong khyer spangs shing gnyis skyes khyim du song / /da ni 'di ni stongs gyur ri bo shin tu dben pa'i nags tshal gyi/ /gnas la bdag kyang rten byed blo ni 'gro bar shin tu rings par gyur//zhes gsungs nas yongs su zhugs pa na/ bzhad gad pa nas/ kye na mnyam khyod kyang gshegs par mdzad na bdag bram ze yongs su 'dor bar byed dam/ 'dren pa nas/ khyod ni ji ltar 'dod pa bzhin no/ /bzhad gad pa nas bdag bram ze yang gal te khyod kyis 'ga' zhig gi bran la mi ster na rjes su 'gro'o//rgyal po nas/ khyod bram ze yin mod/ de bzhin du bdag ster ba'i bdag po yang khyod nyid do/ /pho brang 'khor gyi mi rnams nas/ kye gzhon nu gtsug na nor bu khyod kyang bdag cag rnams yongs su 'dor ram/ nor ldan ri phug khyod nyid ni/ / bsam gtan gyis spyan 'byed mi byed/ /g.yo ba med pa rgya mtsho bzhin/ /nags kyi lha rnams kyis ni lta/ /rgyas pa'i bu rnams bsdus nas gang gis zlos gar rab sbyar la/ /nye bar yongs su rtsom mdzad tsan+d+ra go mis rab sbyor dang / /gal te 'ga' zhig chags pa dang bral mtshungs 'gyur 'gro rnams la/ /yang dag skyes sam sa chen yun ring gnas pas bden par smras//'dir ni thams cad nges par zhugs so/ /yan lag bzhi pa rdzogs so// //de nas rig pa 'dzin pa rab tu zhugs so/ /rtsed mos rol cing mkha' la rgyu ba na a ho lha gtsug na nor bu'i grags pa rgyun mi 'chad pas phyogs ma lus pa khyab cing gang ba 'di lta ste/gtsug na nor bu'i snyan pa'i grags pa chen pos phyogs rnams thams cad rab tu mdzes par brgyan/ /de yis rna ba'i rgyan bzhin gos dang bcas bzhin mnyam bzhin kun nas dgod bcas bzhin/ /tsan dan tshogs rnams bdud rtsis gang dang zla ba'i 'od zer 'tsher bas rnam par byug pa ltar//do shal rnam par 'phyang ba 'od zer 'phro ba'i tshogs kyis khyab cing rnam par g.yo ba ltar/ /ltos ltos de yi grags pa nges par 'phel ba ni/ /phyogs phyogs mi'am ci yi bu mo rnams kyis glu len cing / /ri bo'i rtsel grub pa rig 'dzin rnams ni bstod cing sgrogs/ /sa 'og mthil na gtsug gi nor bu'i 'od zer rab 'bar ba//klu rgyal rnams kyi gdengs ka'i dkyil 'khor zhi nas nyan par 'dod/ /rig 'dzin ma nas pad+ma ba tI ni yugs sa mo ma yin bzhin du bu ni chung ngu dang bcas 'khor thams cad yongs su spangs te/ bdag po'i bkas drang srong chen po'i rjes su 'brang zhing da lta ji ltar gyur tam/ rig pa 'dzin pa nas/de bzhin legs ldan 'od zer can gyi gnas brten nas/ /ri bo gangs ldan mi ring ri sul dag na slar yang gnas/ /drang srong chen po nga yang yab ni srid 'byung yid gcugs so/ /de phyir 'di ni gzhan gyi lag tu 'gro bar mi bya'i phyir/ /drang srong chen pos de nyid slong bar mdzad cing zhugs par nges so//rig 'dzin ma dga' nas/ pad+ma can ni sngon gyi rigs su rab tu zhugs te/ de ni sdug bsngal gyi khur bskur dka' ba ni med do/ /de nas da lta lha gtsug na nor bu ji ltar thos sam/ rig pa 'dzin pa nas de yang pad+ma can gyis gang du khyer dang gnas pa mi shes shing / /de dang nye ba na de bzhin ri'i phug tu rab tu zhugs nas so sor gnas par gyur//de yi rnam par spangs pa'i grong khyer sA ke ta ni mchod sbyin phun sum tshogs pa rnams/ /shin tu mi bzad bzod par rab tu dka' ba'i rgyal pos mthong nas nye bar bskor bar byas/ /rig 'dzin ma nas rje'i sras 'di'i dga' ba'i gtam 'di sdud par 'gyur ram/mi 'gyur/ rig pa 'dzin pas 'di ni bsam gyis mi khyab ste lha'i'o/ /rig pa 'dzin ma nas rje'i sras gang du babs par byed/ rig 'dzin ma dgod cing 'di khyod kyis smros shig /gang zhig ma la ya yi rtse mo rgya mtsho'i dba' rlabs 'thor ba'i mdangs can nam/ /ri rab bang rim rnam yangs dga' zhing ya mtshan zhig gam yongs 'du sa brtol ri bo 'am//gang zhig sgeg cing gsal la grub pa rnams ni rab dga' ri bo gangs ldan rtse mo'am/ /sa gzhi thams cad bris pa bzhin du nam mkha'i mthil nas lta zhing 'gro bar byed dam ci/ /rig 'dzin ma nas/ shin tu phul du byung ba'i gnas bdag la yod de gtsug na nor bu mthong ba de ru de bzhin du babs par bya'o//rig pa 'dzin pa nas/ legs ldan rnams ni mthong bas kyang / /dga' 'gyur mngon par brjod pa legs/ /zhes nas yongs su zhugs so/ /ri phug 'di ni chu bo dal gyis 'bab pa yi/ /chu 'thor zer ma bsil zhing rlung ni 'jam pos bskyod//ljon shing gzhon nu'ang yal ga rnams ni kha 'bus pa/ /gang de skyes bu seng ge'i nye 'khor gnas yin no/ /rig 'dzin ma rnams rnam par bltas te/ 'di ni nges par phyag bya ba'i gnas so zhes gnyis pos phyag 'tshal nas rig pa 'dzin pas nges par brtags nas/ 'dir ni de ba dA ru ljon pa'i bsil grib 'og /nor bu mu tig rdo ba dag gi steng na ni/ /pad+ma'i stan can mngon sum bzhin du skyil krung mdzad/ /gzhon nu gtsug na nor bu nye bar zhugs par gyur/ /rig 'dzin ma nas/ a ho de ni shin tu brtan pa zab pa brling ba'i mdzad pa can no/ /'dis gangs ri thams cad dpal gyis gang bar byas so//rje'i sras 'dir me tog 'di rnams gang nas byung / rig pa 'dzin pas steng du bltas pa na ya mtshan che ste/ mkha' las lha rnams me tog char 'bebs shing / /sems can chen po mngon par mchod par byed/ /de ni de bzhin mchod pa'i don du ni/ /bdag cag kyang ni me tog tshol du 'deng //zhes nas so/ /de nas rab tu zhugs pa na 'dres pa ji lta ba mthong ste spyan cung zad phye nas a ho nad med pa'i bsam gtan bzhi ni 'di lta ste/ rnam par rtog bcas rnam par dpyod dang g.yo ba'i rlabs/ /dang po yin te dga' bde g.yo bcas gnyis pa'o/ /bde ba la chags 'jig pa'i nad can gsum pa'o//rab tu zhi ba ro gcig mthar thug 'di ni bzhi pa'o/ /bzhad gad pa nas/ kye na mnyam khyod rang gcig pu de bzhin du dang po dang / gnyis pa dang / gsum pa dang / bzhi pa'i bsam gtan gyi bde ba thob nas bdag gcig pu 'gengs shing thum por bsdams nas tshong pa bzhin du rnyed pa thob nas gnas par byed dam/bdag bram ze la yang bsam gtan cig kyang ma byin zhes zer/ 'dren pa ni bzhad cing na mnyam pa 'di ni sgom pa'i rjes su 'jug ste/ gzhan la sbyin par mi nus so/ /phreng ba'i yon tan bdag nyid bzhin/ /gal te bsam gtan 'jug 'gyur na/ /'jig rten kun gyi don bsgrub phyir/ / yid kyi shing rta cis mi bsgrub/ /bzhad gad pa nas/ ji ltar na bsam gtan gyi bde ba thob par 'gyur ba lags/ 'dren pa nas/ gnyis min rten cing 'dod lha'i mtshon rnams bcom/ /bde ba 'di ni rang dbang yod byas nas/ /g.yo ba rnams gsal mtsho chu shin tu dngas/ /bsil bzhin rang gi sems las rab tu skye//bzhad gad pa nas/ 'di ni gzhan zhig la/ yul gyi bde ba yang gzhan zhig gam ci/ 'dren pa nas/ khyod ni bdud rtsi dang dug sre bar byed dam ci/ /bsam gtan bde bas yid ni bsil bar byed/ /yul gyis slar yang dbang med sems byed cing / /'dod chags zhe sdang me yis rnam bcings shing / / dmyal ba'i me yis sreg par byed pa ltar/ /bzhad gad pa nas/ gal te de bzhin du yin na bdag kyang bsam gtan byed do/ /rgyal po nas/ de bzhin du mdzod cig /bzhad gad pa bsam gtan byed pa na rna bar cung zad thos so/ /kye ngu ba bzhin du thos par byed do/ /'dren pa nas/ bsam gtan ya mtshan che'o//bzhad gad pa nas/ khyod kyis ci yang ma thos sam/ rgyal pos kyang cung zad thos te/ 'di ni grag pa 'ba' zhig tu ma zad nges par bud med du zhing 'dug go/ /bzhad gad pa nas/ ji ltar shes/ rgyal po nas/ yan lag mchog rnams dbyangs snyan zhing / /rnam par 'dren ring mnyen dang 'jam//bskyed pa rno zhing rnam par gcod/ /skyes bu rnams ni rnam par rtsub/ /na mnyam mi ring bar mnyen pa bzhin du'o/ /bzhad gad pa nas/ 'di'i dbyangs sgrogs tshul ni sngon thos pa cig 'dra ba snyam mo/ /rgyal po nas/ bdag kyang de bzhin du snyam mo/ /de ni dka' thub ma mnar ba zhig ngu ba yin nam/der mngon par 'gro bar rigs so/ /bzhad gad pa nas/ kye na mnyam de bltas nas ci zhig byed zer/ yol ba'i nang du'o/ /legs ldan 'jig rten skyong rnams yongs su skyobs shig yongs su skyobs shig zer/ rgyal po nas/ skye bo 'di bzhin du mnar ba ci zhig nye bar blta bar rigs so/ / bzhad gad pa nas/ /kye khyod ji ltar dus thams cad du gsar bu bzhin du pha rol gyi sdug bsngal gyis bdag nyid sdug bsngal bar byed dam/ rgyal po nas/ na mnyam/ 'khor bar ring du slar yang ni/ /bdag nyid de bzhin skye zhing skyes/ /sems can 'ga' zhig gnyen min pa/ /gang na'ang de ni gcig yod min//gnyis po rtab rtab por langs te yongs su zhugs pa na/ bzhad gad pa nas/ kye 'di ni lha mo pad+ma can la ci zhig rjes su byed pa ma yin nam/ rgyal po na re khyod ci zhig smra/ gang na lha mo pad+ma can gang la'o skol gnyis kyang phyogs tsam zhes zer/ de nas pad+ma can sha ba ri gnyis dang rjes su 'gro zhing rab tu zhugs so//sha ba ri dag nas/ song mi khyod song zhes skad chen pos smra zhing khyod mi 'gro'am zhes mad mA da ka zhes pa nas bud med rnyed pa 'dis nga'i bu chung de'i nu ma bsnun pa'i ma ma byed do zhes zer/ gnyis pa nas/ ha kye na be+e ka la lo la kA 'di ni'u cag gnyis kyis thob po/ /ji ltar 'gro ba de ltar 'gror chug zer/pad+ma can du zhing kye ma ji ltar 'phags pa'i bu khyod ni yongs su skyob pa'i ngang tshul de lta na skal dman bdag gi gnas skabs 'di lta bur 'jug pa las yongs su skyob par mi byed dam zhes smra/ bzhad gad pa nas/ kyai ji ltar the tshom byed/ lha mo pad+ma can no/ /rgyal pos de la bltas nas rtab rtab por lha mo ma 'jigs shig /pad+ma can ni brtags nas 'phags pa'i bu'am su zhig yin/ yang na bdag gis 'dir 'ga' zhig la 'phags pa'i bu mo'o zhes nye bar mthong ngam/ rgyal po ni bshums shing lha mo 'di nye bar mthong ba 'di ni bdag yin te/ nye du'i skye bo sdug bsngal bar bya'o/ /bzhad gad pa nas/kye lha mo ji ltar thams cad gzhan yin snyam du ma sems shig /'di na ni mnyam dga' ba'o/ /pad+ma can ni gnyis po la bltas te/ shin tu sdug bsngal nas sa la 'gyel lo/ /sha ba ri dag nas/ shog mi khyod shog /bzhad gad pa ni dbyug pa gyen du bsgrengs te/ ha na De bran mo yi bu gdug pa can gyi sha ba ri dag /dbyug pa kyog po lag 'gro khros pa 'dra ba'i dbyug pa 'dis khyed cag gi mgo gzhom par bya'o zhes zer/ rgyal po na re na mnyam de bzhin du ma byed cig /ji ltar gnod pa byed pas bshes gyur pa/ /de ltar phan pa mdzad pas mi 'gyur snyam/ /gang las de yis bzod par gyur pa yi/ /'gro ba mtha' dag zlog pa'i rgyu nyid do//sha ba ri dag phan tshun bltas nas shin tu brten te g.yo bar ga la 'gyur/ de ltar na bdag cag 'gro bar bya'o/ /'di ni bdag cag dbang pos sprul pa byas zer/ 'jigs pas gar byed cing nges par zhugs te song ngo / /'dren pa nas/ a yi lha mo 'dir ci'i phyir ji ltar 'di 'dra ba'i skabs su zhugs/pad+ma can ngu zhing 'phags pa'i bu bdag gi skal ba la dri bar mdzod/ /bzhad gad pa nas/ kye lha mo gzhon nu pad+ma skyes ji ltar/ pad+ma can phyogs rnams su bltas nas skal ba dman pa bdag la da gzod gtam ci zhig /rgyal po rtab rtab por bu ci ci zhes smra/ pad+ma can nas/ bu pad+ma skyes de ring gang na zhes smra/ bzhad gad pa na re/ ci ci kye lha mo smros shig /pad+ma can nas/ bdag gi bu pad+ma skyes kyi dus gang / bzhad gad pa nas/ kye lha mo gzhon nu ji lta ji ltar pad+ma can de yang gang gis yang phrogs so/ /rgyal po nas/ bdag gi bu gang gis phrogs pas gang gis yang shin tu mi bzad pa 'dir gnas nas zhes bshums shing gnod pa shin tu mang ba dgon pa'i gnas 'dir bdag gis gzhan ci zhig sems par byed/bzhad gang pa ngu zhing kye ma yongs su tshim pa med pa'i gshin rjes de ring med par byas so zhes rnam par bsams te/kye lha mo ji ltar 'di bzhin du sdug bsngal spyod pa dang phrad/ pad+ma can nas/ bdag me tog thu ba'i phyir gnas nas 'ongs pa dang phrad do/ /rgyal po nas/ lha mo nam zhig drang srong chen pos khyod ma mthong ba dang khro bar 'gyur ro/ /de nas bzhengs la de bzhin du 'gro bar mdzod cig /bzhad gad pa nas/kye ji ltar sA ri btson ra nas thar nas lag tu 'ongs pa la slar yang khyod kyi ji lta ba bzhin du der 'jug gam/ rgyal po nas/ na mnyam 'di ni chos kyi lugs ma yin no/ /pad+ma can rgyal po la bltas nas ngu zhing 'phags pa'i bu khyod kyis bdag slar yang yongs su 'dor ram/ rgyal po nas/ ji ltar khyod kyis bdag g.yang sa chen por skyur bar byed dam gzigs mdzod/don gang bdag gis yongs btang nas/ /slar yang len par 'dod pa ni/ /dper na khyi bzhin gsal por ni/ /slar yang skyugs pa za byed dam/ /shin tu yun ring gnas gyur kyang / /bdag cag nam zhig 'bral bar nges/ /de bzhin du yang gsungs te/bsags pa thams cad mthar 'dzad cing / /mthon po rnams ni dma' mor lhung / /'dus pa'i mtha' ni bral ba ste/ /gson pa'i mtha' yang 'chi ba yin/ /gzhan yang lha mo/ kun gyi rang bzhin yun ring gnas kyang rnam par 'bral/ /'chi bdag zhags pas 'dzin cing rnam par kha gdangs rgyu//gal te chos phyir 'di ni da ltar rnam bral kyang / /yang dag 'dus pa bas kyang shin tu dga' bar 'gyur/ /pad+ma can nas/ 'phags pa'i sras gang gsungs pa der bdag 'gro'o/ /gal te bdag 'gro yang rkang pa'i sna mi 'gro'o/ /rgyal po nas/ lha mo ngang tshul 'dis bdag gi bka' ni sgrub par mdzod//na mnyam drang srong chen po'i gnas su lha mo skyel bar mdzod cig /bzhad gad pa nas/ na mnyam ji ltar gsungs pa bzhin du bya'o/ /pad+ma can ni ngu zhing kye gau ta ma skad cig gzhes par mdzod cig /bdag ni re zhig 'phags pa'i bu lta'o/ /bdag ni skal ba dman te slar yang bdag gis mthong bar bya ba ga la yin zhes chags shing nges par bltas nas 'phags pa'i bu bdag la'ang legs par gzigs mdzod/slar yang bdag gis khyod mthong bar mi 'gyur ro/ /rgyal po nas/ lha mo nyes par bltas pas ci zhig /'dus pa thams cad 'di bzhin 'gro bar 'gyur te gzigs mdzod/ /dper na lam pa lam zhugs rnams//'gro zhing lam du 'dus gyur nas/ /tshogs kyang phyogs gzhan 'gro bar byed/ /de bzhin gnyen 'dun tshogs rnams so/ /bzhad gad pa nas/ kye na mnyam snying rje med par ma byed/ kye lha mo'i dbugs 'byin par mdzod cig /rgyal po ni bshums shing ji ltar bdag gis dbugs dbyung bar bya ste/slar yang 'byung 'gyur yang dag 'dus pa thob ce'am ni slar yang khyod kyi sras po ni/ /pad+ma skyes kyis 'dir ni blon po dang ni dpung tshogs thams cad bcas par 'gyur zhe'am/ /lha mo'i gyos sgyug bdag gi yab yum dag ni rab tu dang bas di ring thob ce'am/ /mnga' ris shin tu rgyas par smra'am ji ltar bdag gis dga' bas rab tu dbugs dbyung bya//yol ba'i nang nas 'di bzhin no zhes so/ /thams cad rtab rtab por gyur te/ slar yang yol ba'i phag nas 'di bzhin no zhes ci zhig /'di bzhin gang la rig 'dzin rnams/ /dga' bas legs 'ongs nam mkha' las/ /me tog rnams kyi char phab ste//'dir ni gsal por gyur pa'o/ /rgyal po ni ngo tsha dang bcas te/ lha mo 'dir yang 'ga' zhig 'ongs nas gal te bdag la 'dir lha mo dang bcas pa mthong na brdzun gyi dam bca' zhes 'byung bar 'gyur ro/ /pad+ma can ngu zhing phyag 'tshal te/ khyod la lha rnams kyis mthong bar 'gyur mod ces zer nas lta zhing yongs su song ngo //bzhad gad pa rjes su zhugs te song ngo / /rgyal pos gzigs te/ bud med rin chen sbyin par btang / /yid ni 'gro zhing bya ba byas/ /bdag gi gtsug gi rin chen 'di/ /spun bzhin du ni don med gnas/ /da ni dam pa slong ba su zhig 'byung snyam pa na/ de nas bram ze zhig zhugs nas kye bdag slong ba po zhes yongs su zhugs so//pad+ma can gyis bltas te/ gau ta ma bram ze 'di ni ci zhig slong bar byed do snyam du bdag gi snying la sems so/ /bzhad gad pa nas/ kye lha mo 'di yang bram ze ste/ thams cad du bdag cag bram zes gtong bar mi byed de 'di na yang sleb bo//yang na nags tshang tshing gi phag tu lha mo lta zhing sdod cig bdag gis nye bar 'gro bar bya'o/ /bram zes nges par bltas te/ 'di ni lha gtsug na nor bu gang yin pa 'di yin te/ gcig pu nyid kyi phun tshogs kyis/ /sa gsum rnams ni khyab par mdzad/ /bskal pa chags dus gnas pa yi//legs ldan pad+mo'i skye gnas bzhin/ /zhes zer nas/ kye rgyal po bde legs su gyur cig /rgyal po nas/ bde bar 'ongs sam 'dir bzhugs shig gsung / mig g.yas pa 'phrig par gyur nas bsams pa/ ji ltar mig ni g.yas 'gul zhing / /gang zhig lhag par mngon gsal byed//gang ba rgya chen bsngags 'os pa'i/ /gsal bar slong ba por gyur nges/ /bram ze chen po ci slong bar byed gsungs shig ces so/ /bram ze ni ngo tsha bzhin du bdag ni nges par 'dod pa che'o/ /rgyal po dga' ba dang bcas te ngo tsha ba chog go/ /bdag nyid kyi bzhin du 'di thams cad kyang khyod kyi'o//bram ze nas/ gzhan don ro gcig shar ba yi/ /'gro ba'i bshes gnyen zhi mdzad pa/ /bdag gi mngon 'dod khyod bzhin du/ /khyod kyi gtsug gi nor bu ste/ /bzhad gad pa rtab rtab por nye bar btud de/ kye bram ze khyed la ngo tsha ba'ang med do/ /na mnyam dga' ba'i lus kyi gnas skabs kyang 'di bzhin du sdug bsngal bar byed dam/rgyal po nas/ na mnyam de bzhin du ma byed/ ji ltar bdag gi mchod pa'i gnas khyod kyis rgyang du 'phen nam/ 'di ni sbyin bdag 'dir bdag slong mo pa/ /grogs po phyin ci log tu ci phyir byed/ /'di ni 'gro ba myang 'das rgyur 'gro ba'i//bdag gi kun mkhyen bzhon pa'i mchog yin no/ /gzhan yang / yid bzhin nor dang slong ba'i skye bo dag /phun tshogs yon tan slong ba'i skye bo 'phags/ /yid bzhin nor ni nor tsam ster byed kyi/ /slong ba'i skye bo yon tan kun 'byung ngo / /kye bram ze gtsug gi nor bu 'di ni ji ltar 'dod par bton nas khyer cig /bram ze nas/ lha yi gtsug gi nor bu ri rab kyi/ /rtse mo lta bur su yis bskyod par nus/ /rgyal po nas/ rdo ba yis bsnun cing thon cig /gzigs mdzod/ chu shing snying po med pa ltar/ /rnam par nyams gyur bdag med pa'i/ /lus 'di gzhan don 'gro ba yi/ /dga' 'gyur gang gis skye ba med//bzhad gad pa nas/ yongs su skyobs shig yongs su skyobs shig /nags tshal gyi lha rnams gdug pa can gyi bram zes na mnyam dga' ba ni gsod par byed do/ /lha mo rtab rtab por gyur nas 'di las gzhan pa yang mthong bar 'gyur ram zhes nye bar 'ongs so/ /bram ze ngo mtshar te/ci ste nags tshal gyi lha rnams 'ongs sam snyam mo/ /pad+ma can nas 'phags pa'i sras bya ba 'dis ci zhig byed/ rgyal po nas/ yid kyi shing rta'i 'bras bu dang bcas so/ /pad+ma can ngu zhing 'phags pa'i bu'i yid kyi shing rta'i 'bras bu dang bcas so/ /bram ze'i 'dod pa grub po/ /rgyal po nas/ shin tu bdag tu rmongs pas chog go/ /gzigs mdzod/ 'khor ba'i chu gter sems can rnams/ /las kyi dba' rlabs shugs kyis bskyod/ /mthon po dag ni dma' mor 'phangs/ /de nas gang dang gang gis bsnyen/ /bram ze nas/ shin tu snying rje chen po la bltas nas bdag kyang yang dag par brtse ba skye na gtsug gi nor bu re zhig zhog cig /pad+ma can nas/ bram ze de bzhin du rjes su 'jug go/ /bzhad gad pa dga' nas legs par smras so/ /rgyal po shin tu mi mnyes nas/ kye bram ze khyod kyis gzhan du smras nas 'di bzhin du rigs sam/ bram ze nas/ rgyal po bdag cag gi yul du mA ri'i nad zhugs te/de'i phyir blangs nas da ni 'dis spro bar byed do/ /rgyal po ni rtab rtab por ji lta ji ltar bram ze zhes gsungs/ bram ze nas/ kye rgyal po/ srong dang so so'i khyim rnams dur khrod mi bzad bzhin/ /yan lag brkyang zhing lus 'dzag shing gi phung po bzhin/ /ri rab kyang ni khyi dang mkha' 'gros rgyu ma rnams//rab gtugs 'di ni ku ru'i yul du byung bar gyur/ /rgyal po nas/ sdug bsngal lo/ /kye bram ze mA ri'i nad de rab tu zhi bar byed pa'i thabs gang yang med dam/ bram ze nas/ 'chi nad rab tu zhi bar byed pa'i ched du 'di bzhin lha'i gtsug gi nor bu slong ba 'jig rten pa rnams kyis bdag btang ngo //rgyal po shin tu mnyes nas skye bo rnams la phan par bya ba'i phyir bdag gi gtsug gi nor bu slong bar byed do zhes kun nas phyung nas/ gtsug gi nor bu bkan nas rtsa ba rnam par bcings pa phyung nas ni/ /'di ni tshad chen ri bong 'dzin pa'i 'od zer lta bur dkar/ /'gro ba'i don rnams yang dag sgrub mdzad gnyis skyes la byin nas//mi drag 'gro ba kun gyi nad rnams 'di yis sel bar shog /ces byin te brgyal nas gar byed do/ /pad+ma can ngu zhing ha 'phags pa'i sras ha mthu chen po mgon med pa rnams kyi gnyen khyod kyis bdag gcig pu 'dir yongs su 'dor bar byed dam zhes zer/ bzhad gad pa nas/ha na mnyam dga' ba 'gro ba kun gyi gnyen brtse ba chen po yongs su skyobs shig kye yongs su skyobs shig dpag bsam gyi shing yongs su 'dor zhing chu gter yongs su skam mo zhes zer/ bram ze ni gzhan du 'dir bsdad nas ci byed/ 'di ni sems dpa' chen po de'i mngon par 'dod pa bdag gis bsgrub par bya'o snyam nas yongs su zhugs nas bltas pa na der thub pa cig 'ongs so//bdag ni sdig pa mi bzad pa dang ldan pas ji srid 'dis mi mthong ba de srid bdag 'bros so snyam nas zhugs so/ /de nas drang srong 'od zer can rin chen phreng ba ma dang bcas te rab tu zhugs so/ /ci ste sgra chen gnas skabs ma yin 'di ltar lhung zhing ci ste sa chen g.yo bar byed//ci ste rlung rnams kyang ni rtsub cing ci ste phyogs rnams kyang ni skya bor 'gro bar byed/ /ci ste nyi ma yang ni mtshams min gza' yi bdag pos 'dzin cing bcom nas gnas byed cing / /ci ste nyi ma'i gung la di ring 'dir ni yul rnams mun pas yang dag sgrib par byed//'di bzhin du mi'i bdag po la ji ltar sdug bsngal mi 'dod pa zhig go snyam nas bu mo rin chen phreng ba ma da ltar pad+ma ba tI gar song / rin chen phreng ba ma nas/ chu klung dal gyis 'bab pa'i 'gram du me tog thur song ngo / /drang srong nas 'di myur du bltar 'gro bar bya'o zhes yongs su zhugs pa na rna bar cung zad thos nas a ye ji ltar ngu ba'i sgra 'dra ba zhig go//der re zhig bdag 'gro bar bya'o zhes nas yongs su zhugs nas bltas pa na/ rin chen phreng ba ma ngu zhing / legs ldan pad+ma can ni ji ltar ngu zhing mchis so/ /'di yang gau ta ma'o/ /drang srong nas 'di las gzhan 'ga' zhig kyang ngo / /rin chen phreng ba mas nges par bltas nas/ha bdag gsod 'di ni lha gtsug na nor bu ste sa la 'gyel nas mchis so/ /drang srong nas/ ha bdag gsod bdag skal ba dman pa mi rtag pa ni stobs che'o/ /skye ba'i dpag bsam shing bzhin du/ /rtag tu 'tsho bar byed pa yi/ /de ni 'di na nyal zhing 'gyel/ / phun tshogs nges par skad cig tsam/ /bu mo pad+ma ba tI/ ci zhig /ji lta bde bzhin du ngu bar byed do/ /bzhad gad pa nas/ legs ldan gzigs gzigs drang srong nas/ 'di ji ltar yin/ bzhad gad pa nas/ legs ldan gtsug na nor bu'i sbyin pa'o/ /drang srong nas/ ha dpag bsam gyi shing 'gro ba'i gnyen gcig pu zhes zer/pad+ma can la rin chen phreng ba ma 'khyud nas grogs mo dga' ma 'dir shog /gnas skabs kyi mtha' 'di la ltos shig /hA bu pad+ma skyes yab kyis kyang yongs su 'dor bar byed do/ /de nas pad+ma skyes dang / lag bzangs dag kyang rab tu zhugs te 'di ni nga'o/ /pad+ma skyes ni 'dir blangs nas//bzod par dka' las rgyal bar byas/ /rje bo lta zhing 'gro bar byed/ /de las yid kyi the tshom ci/ /pad+ma skyes nas/ adz+dza sna chen po yum dang bcas te yab dang 'jal bar byed do zhes zer/ lag bzangs nas/ gzhon nu de ji lta ba de bzhin du bya'o zhes zer/ yongs su zhugs pa na pad+ma skyes rta ba bzhin du 'gyel bar gyur to//adz+dza nga'i rkang pa la ci nam cig gis rmugs so zhes zer/ lag bzangs 'jigs nas myur du bltas te rang nyid bsams pa dang / skrag pas kun nas 'gyel te/ ji ltar 'di ni sbrul yin te/ sa yi ser ga 'dir rjes su zhugs te song ngo / /bdag gi mngon 'dod grub pa 'di nyams so snyam mo//yang na myur du lha'i drung du nye bar 'gro zhing sleb ma thag tu gtsug gi nor bu'i 'od zer gyis dug med par 'gyur ro/ /snyam nas gsal bar smras pa/ gzhon nu myur du mdzod cig /yab yum dag dang mjal bar bya'o zhes smras pa na/ nga'i rkang pa ni sbrid sil sil mchis so/ /gnyid kyang bro/ lus po yang 'dir zhing mchis so zhes zer/lag bzangs kyi rna bar cung zad thos te/ ji ltar 'dir yang ngu ba'i sgra zhig go snyam nas brtags pa na/ de ci ste 'di ni lha mo bshums pa yin nam/ 'di ni rin chen phreng ba ma'o/ /'di ni legs ldan 'od zer can no snyam nas/ shin tu sdangs nas 'di thams cad ci'i phyir ngu zhes yang bltas pa na/de rnams ni ngu zhing lha ni gzims nas bzhugs so/ /a ye lha yi dbu ni ci'i phyir 'di bzhin du song / /nges par bltas/ hA rgyal po chen po ji ltar 'di 'dra ba'i gnas skabs su gyur zhes lha mo la lta zhing / khyod kyi spyan ni btsums shing mchis/ /di ring 'jig rten snang ba med/ /snang byed dang bral nam mkha' bzhin//dbu yi gtsug kyang stong bar snang / /zhes 'dren pa'i zhabs la phyag 'tshal nas/ 'dir ni lha 'ba' zhig gshegs par ma zad de gtsug gi nor bu'i 'od zer dang bral bas da ni gzhon nu yang gshegs par 'gyur ro/ /rin chen phreng ba ma pad+ma skyes la 'khyud de bu pad+ma skyes yab la gzigs mdzod cig /phyi nas nam yang mthong bar mi 'gyur ro/ /pad+ma skyes nas/ yab 'di bzhin du ci ste/ pad+ma can nas/ bdag ni skal ba'i rang bzhin no/ /pad+ma skyes nas/ yab bzhengs mdzod bdag gi yum yang bshums shing mchis so zhes brgyal zhing gar byed do/ /pad+ma can dang / rin chen phreng ba ma dag kyang hA bu hA gzhon nu/hA bu chung khyod kyis kyang bdag cag yongs su 'dor ram/ lag bzangs nas/ hA bcom mo/ /skal ba dman pa 'dir phun sum tshogs pa'i rgyal rigs stongs so/ /bzhad gad pa nas bu pad+ma skyes dbugs phyung shig /drang srong gis nges par bltas pas ngo mtshar bar gyur nas/ / 'dir ni tsan dan chu yi thig le'i zer ma'i mkha' las yan lag mchog rnams char 'bebs shing / /bung ba dang bcas me tog rnams ni ring nas lding zhing rig 'dzin rnams kyis 'thor bar byed/ /klung rnams kyang ni ngal gyis 'bab cing chu klung dal gyis 'bab pa gting zab rnams kyang ni/ /zil pa'i 'od zer 'gyed cing lha yi rnga rnams 'dir ni ri bo'i phug rnams rab myos byed//thams cad ya mtshan che nas bltas so/ /pad+ma can nas/ 'phags pa'i sras kyi sku ni lha rnams kyis mchod pa'i ched du lha'i 'jig rten du len par byed do zhes zer nas drang srong gi rkang pa la phyag 'tshal nas/ legs ldan bdag bkas rjes su gnang bar mdzod cig zer nas/lag bzangs la blta zhing / bdag gi sreg shing sta gon gyis shig bdag gi gtam gyi phyi ma yin no zhes zer/ bzhad gad pa nas/ kyai lha mo thang cig gzhes shig /bdag kyang na mnyam dga' ba'i rjes su lhan cig tu 'gro'o/ /drang srong nas da dung yang ngus nas ci zhig byed ma mthong ngam ci ste/'di yi thugs ka rab tu 'gul zhing spyan yang 'phrig par byed/ /'di yi zhal ni mtsho yi pad+ma bzhin du rnam par 'dzum/ /'di yi sku ni ba spu g.yo zhing phyag kyang skyob par rtsom/ /'di yi spyan ni 'jig rten rnams dang lhan cig 'gyod pa rtsom/ /bzhad gad pa nas/ kye lha mo kun nas 'khrug par ma byed cig /na mnyam dga' bas kyang 'dzin par byed do/ /pad+ma can nges par bltas nas/ 'dir bdag gi skal bas dbugs 'byin par byed do zhes pad+ma skyes kyis lag pa nas bzung nas bu dbugs phyung shig /bu dbugs phyung shig /khyod kyi yab ni 'tsho bar snang ngo zhes zer/ rin chen phreng ba ma nas/kye rgyal po chen po'i 'khor rnams dbugs phyung shig zer/ /rgyal po ni bkan nas rtsa ba gces pa'i tshigs su bcad pa de nyid klog cing dal bus gsal bar byed do/ /pad+ma can nas/ 'phags pa'i sras 'di ni gzhon nu pad+ma skyes te/ 'di yang 'drid par mi byed dam/ rgyal po nas bu pad+ma skyes 'dir shog gsungs/lag bzangs nas/ bdag gi skal bas 'dir ji ltar bya/ lha 'di ni bdag gis ngal bso nas song ba na/ sbrul gyi mche bas bzung ste brgyal nas mchis so/ /rgyal po ni rtab rtab por 'di ci zhig /pad+ma can nas/ hA bu pad+ma skyes kyis yab ma mthong ma zer/ rin chen phreng ba ma nas/hA grogs mo dga' ma khyod kyis yid kyi shing rta ma rdzogs so zhes zer/ bzhad gad pa nas/ kye gshin rje tshim pa med pa zer/ lag bzangs nas/ lha'i gtsug gi nor bu gang na/ bzhad gad pa nas/ bram ze la byin no/ /lag bzangs nas/ g.yo sgyus bcom ste bzod par rab tu dka' ba'i g.yo thabs nges par yin no//lha ji ltar dgra rnams 'tsho ba'i phyir gtsug gi nor bu ster bar byed/ rgyal po nas/ bdag la phyis kyang gdung ba med do/ /drang srong nas cis shes zer/ rgyal po nas legs ldan/ gang zhig bden pa 'di dang snying rje'i bsam pa'i 'bras bu dang / /de byin bdag la nam yang rjes su gdung ba med 'gyur na//de yis da ltar de bas nus mthu shin tu lhag gyur pa'i/ /'gro la phan phyir bdag la gtsug gi nor bu 'byung bar shog /ces gsungs pa dang / glog 'khyug pa bzhin du mthong nas thams cad rtab rtab por gar byed do/ /pad+ma skyes kyang nye bar langs so/ /drang srong nas/ a ho sems dpa' chen po'i bsam pa rnam par dag gyur te//nyi ma 'od zer stong phrag rnams ni 'phro zhing gsal ba ltar/ /slar yang mi yi bdag la gtsug gi nor bur 'khrungs gyur nas/ /gang gi mthu ni rab brkyang dug gi mun pa mngon par bcom/ /pad+ma skyes kyang da ni pad+ma bzhin du rab tu 'dzum zhes zer nas thams cad rtab rtab por gar byed do//pad+ma can ni rgyal po la lta zhing pad+ma skyes la 'khyud nas slar yang bdag gi mig phye bar gyur to zhes smra'o/ /bzhad gad pa nas/ na mnyam dga' ba'i rdzu 'phrul mngon du mdzad do/ /rin chen phreng ba ma nas/ 'di 'dra ba ltar yod pa bdag cag rnams dga' mo yin no zhes zer ro//lag bzangs nas/ gzhon nu yab yum dag la phyag 'tshol cig zer/ pad+ma skyes ni thal mo sbyar nas phyag 'tshal bar byed/ rgyal po nas chos dang ldan par gyur cig ces gsungs/ pad+ma skyes nas yab ji lta bar gyur cig zer/ drang srong nas/ lha mo dang gzhon nu yang 'dir bdag gis 'bul bas rgyal po bzhes par mdzod cig zer/rgyal po nas/ khyed ji ltar gsungs pa bzhin du bya'o/ /thams cad shin tu dga' nas gar byed do/ /drang srong nas 'di bzhin du byas pa khyed kyis bzod par mdzod cig zer/ 'dren pa nas rjes su bzung ba la bzod pa'i yul gang la yin gsungs/ yol ba'i nang nas/ khyod kyi yon tan rnams kyis skye dgu'i yid kyi shing rta rdzogs par shog /mya ngam thang la chu gter dang ni ri bo 'dzeg pa'i skas su shog /chu gter sgrol ba'i gzings dang mi bzad mun pa rnams kyi snang bar shog /'jigs chen skyabs gnas dang ni dbul po rnams kyi dpag bsam shing du shog /ces zer ro/ /rgyal po nas 'di gang zhig /drang srong nas/'di ni lha yi tshogs rnams mnyam du khyab 'jug dbang phyug tshangs pa dbang po zla ba sogs/ /lha rnams kun gyis mkha' yi khang bzangs gnas shing thams cad 'di bzhin nam mkha' khyab par gyur/ /chen po de rnams gang rnams kyi ni rdzu 'phrul rnam par 'phel zhing ser po dkar po yis//phyogs rnams rab tu mdzes shing khyab pa rtsig logs ri mor bris pa bzhin du mdzad gyur to/ /khyed kyi yab yum dag kyang nam mkha'i bzhon pa la gnas nas bu dang bcas shing chung mar bcas pa shis pa shis pa brjod par bya'o/ /rgyal po 'khor dang bcas pas phyag byas so//legs ldan ci zhig bsgrub par bya ba gsungs shig /drang srong nas/ khyod ni med gyur mnga' ris sdug bsngal gnas/ /slar yang gshegs shing slar yang skyong bar mdzod/ /di ring sa ke'i grong khyer gshegs pa'i phyir/ /mkha' bzhin 'di yang dbang pos khyod la bsrings/ / rgyal po nas/ gong ma rnams ji ltar gsungs pa bzhin du bya'o/ /thams cad shin tu dga' zhing zhon nas gar byed do/ /yongs su zhugs pa na rgyal po nas/ a ho mkha'i bzhon pa ni shin tu mgyogs te/ 'di lta ste/ngang pa'i gshog pa rnam par bskyod pas rgyu ba'i tshogs ltar chu 'dzin rnams ni ring por gyur/ / ri bo'i dbang po rnams ni glang chen dbang po myos bzhin mngon du phyogs nas rgyug cing 'ong / /'di ni dbang pos dkrigs shing 'khor lo bzhin du nam mkha'i mthil ni rnam par gcod par byed/ /nyi ma'i dkyil 'khor nye ba'i 'od zer tshogs pas bskor zhing byang gi phyogs su 'gro bar byed/ /drang srong nas/'di ni bzod dka' grong khyer skye bo gnas bcas khyod las ni/ /bdud ris dkrugs shing 'jig rten kun 'tsho blta zhing phyag byed do/ /'di rnams kyang ni skye bo'i gnas bcas shin tu 'das byas nas/ /bdag nyid ji lta bzhin du grong khyer sA ke ta nas so/ /slar yang khyod kyi dga' ba'i bya ba ci zhig yod pa smra bar gyis shig /rgyal po nas/ 'di las kyang dga' bar bya ba ci zhig yod/ lha mo pad+ma ba tI bu yi zhal dang dga' ba'i go ta ma/ /bzhon zhing mkha' yi bzhon pa la gnas yab yum lha tshogs 'khor bcas mthong / /dga' ba'i blon po sna chen dang ni skye bo'i sdug bsngal ma lus pa/ /rab tu zhi gyur gzhan ni ci zhig bsgrub par bya zhing bya ba ci//'on kyang dga' bar bya ba yod de/ 'gro rnams dam chos 'byung zhing rab tu sbyor ba'i ltad mo chen por shog /legs spyod yon tan rnams kyis 'chi bdag yid kyi shing rta 'bras med shog /thub pa'i skye bo'i gtam gyi 'brel tshogs zhi zhing bdud rtsi'i char rnams kyis/ / bsil zhing dge bas zla ba'i snang bas rab tu 'gro zhing don byed shog /gang zhig snyan ngag bden pa rnams kyis dus ring dga' byas shi phru sha yi sred rnams kyis/ /dus ring nas ni nor gyi khur thob ring nas skye bo'i sems ni rab tu dga' bar mdzad/ /slar yang bkur gnas mthong bar gyur nas dpal ldan chags pa dang bral zhes pas mdzad gyur pa//'jig rten kun du dga' ba sna tshogs zlos gar 'di ni gar gyi sa gzhir thob par shog /ces smras nas thams cad nges par zhugs so / /yan lag lnga pa rdzogs so// //gzhon nu gtsug na nor bu'i skyes pa'i rabs zlos gar gyi bstan bcos 'jig rten kun du dga' ba zhes bya ba slob dpon chen po tsan+d+ra go mis rab tu sbyar ba'o// //dam pa rnams kyi tshul 'a brten nas paN+Di ta chen po kIrti tsan+d+ra dang / yar lungs pa grags pa rgyal mtshan gyis bal yul yam bu'i grong khyer du legs par bsgyur ro// //