CLOSE WINDOW

D4144
བོད་ཡིག

/[ ]@##/ /rgya gar skad du/ su waN+Di waN+Di a ba dA naM/ bod skad du/ gser mdog gi rtogs pa brjod pa/ dkon mchog gsum la phyag 'tshal lo/ /'di ltar rjes su thos te/ gnas brtan 'od srungs chen po yongs su mya ngan las 'das nas gnas brtan kun dga' bo bdag nyid che ba/gnas brtan sha ra dwa ti'i bu dang / shes rab mnyam pa/ de bzhin gshegs pa bzhin du snying rje chen pos sems shing / yul dang / grong khyer dang / grong rdal dang /tshong 'dus la sogs pa de dang der gdul bya de dang de thabs kyi bye brag de dang de dag gis 'dul bar gyur to/ /ci tsam na dus gzhan zhig gi tshe gdul bya'i dbang gis sems can bye ba brgya stong dpag tu med pa la dam pa'i chos ston pa'i bdud rtsi'i char 'bebs pas yang dag par tshim par byed cing /yangs pa can gyi gnas a mra srung ba'i tshal gang na ba na gnas so/ /yang de'i tshe rgyal po'i khab kyi grong khyer na/ ded dpon nyi ma zhes bya ba/ phyug pa/ nor mang ba/ longs spyod che ba/ yongs su bzung ba yangs shing rgya che ba rnam thos kyi bu'i nor dang ldan pa/ rnam thos kyi bu la nor gyis 'gran pa zhig gnas te/der rigs mnyam pa las chung ma blangs nas/ de de dang lhan cig rtse bar byed dga' bar byed dga' mgur spyod par byed do/ /de rtse zhing dga' la dga' mgur spyod kyang bu yang med bu mo yang med/ de bu med pas bu shin tu 'dod pas yongs su gdungs shing 'dug pa na sum cu rtsa gsum gyi lha'i nang na lha'i bu bsod nams kyi mthu chen po dang ldan pa zhig la 'chi ba'i ltas rnam pa lnga byung bar gyur pa dang /sangs rgyas 'byung bas brgyan pa'i 'jig rten la bltas nas/ mya ngan las 'das pa la mngon par dga' bas mi'i nang du mtshams sbyar bar 'dod pa dang / lha'i dbang po brgya byin gyis lha'i bu de 'chi 'pho ba mthong zhing /sangs rgyas 'byung bas brgyan pa'i 'jig rten gyi khams la bltas nas mya ngan las 'da' bar mngon par 'dod pas mi rnams kyi nang du nying mtshams sbyor bar 'dod pa yang mthong ngo / /mthong nas kyang lha'i bu de'i thad du song ste de skad ces smras so/ /grogs po khyed mi rnams kyi nang du nying mtshams sbyor bar 'dod na rgyal po'i khab kyi grong khyer de na ded dpon nyi ma'i chung ma yod pa'i mngal du nying mtshams sbyor cig /des smras pa/ kau shi ka ded dpon de ni dad pa med pa ste/ de la ni sangs rgyas kyi bstan pa la rab tu dad pa med do/ /brgya byin gyis smras pa/ grogs po nying mtshams sbyor cig dang / ji ltar ded dpon de sangs rgyas kyi bstan pa la mngon par dad pa de ltar ngas bya'o/ /lha'i bus smras pa/ kau shi ka gal te ded dpon chung ma dang bcas par ji srid 'tsho'i bar du dkon mchog gsum la skyabs su 'gro na de lta na ni ded dpon de'i chung ma'i mngal du nying mtshams sbyor bar bya'o//de nas lha'i dbang po brgya byin sum cu rtsa gsum nas mi snang bar gyur te/ rgyal po'i khab kyi grong khyer du ded dpon nyi ma'i khyim gyi steng gi khang gi gzhi la gnas par gyur pa dang / lha'i dbang po brgya byin gyi kha dog gi mthus khyim de thams cad lha'i snang bas snang bar byas so/ /ded dpon nyi mas lha'i snang ba de mthong zhing bltas nas yang ngo mtshar gyis mig gdangs te phyogs bzhir lta bar bsams pa dang /ci tsam na lha'i dbang po brgya byin mthong nas yang myur ba nyid du de'i rkang pa gnyis la phyag byas te smras pa/ gang khyed bdag gi khang par byon pas khang pa 'di ltar byas pa ni rnyed pa shin tu legs par rnyed do//khyed 'dir byon pa'i dgongs pa gang yin pa gsungs shig /lha'i dbang po brgya byin gyis smras pa/ ded dpon khyed ni bu med de bu yod par mngon par dga' na chung ma dang bcas par deng nas bzung ste/ ji srid 'tsho'i bar du dkon mchog gsum la skyabs su song shig /khyod la bu yod par 'gyur ro//ded dpon nyi ma dga' ba dang mgu ba dang rab tu dga' ba'i yid kyis smras pa/ lha'i dbang po khyod kyis ji ltar bka' stsal pa de ltar 'tshal te/ bdag chung ma dang bcas par deng nas bzung ste/ ji srid 'tsho'i bar du dkon mchog gsum la skyabs su mchi'o/ /de nas lha'i dbang po brgya byin gyis ded dpon nyi ma chung ma dang bcas pa skyabs su 'gro ba la bkod nas rgyal po'i khab nas mi snang bar gyur te/sum cu rtsa gsum gyi gnas su lha'i bu de'i gzhal yas khang du 'khod par gyur to/ /de nas lha'i dbang po brgya byin gyis lha'i bu de la gtam gyi rnam pa rgyas par smras pa dang / ji tsam na lha'i bu de sum cu rtsa gsum gyi lha'i gnas nas 'phos te/rgyal po'i khab kyi grong du ded dpon nyi ma'i chung ma'i mngal du zhugs par gyur to/ /de gang gi tshe de'i mngal du 'phos pa de nyid kyi tshe ded dpon gyi chung ma'i lus la kha dog shin tu rgyas pa dang / dri yid du 'ong ba byung bar gyur to/ /bud med mkhas pa rnams la ni thun mong ma yin pa chos rnam pa lnga yod de/lnga gang zhe na/ skyes pa chags par yang shes shing / ma chags par yang shes pa dang / dus shes shing sa bon shes pa dang / mngal du 'jug pa shes pa dang / gang las mngal du 'jug pa de shes pa dang /khye'ur gyur par shes shing bu mor gyur pa shes te/ gal te khye'ur gyur na ni dku g.yas par rten cing gnas la/ gal te bu mor gyur na ni dku g.yon par rten cing gnas so/ /de nas dga' ba dang mchog tu dga' ba'i yid kyis khyo la smras pa/ rje'i sras dgyes pa bskyed du gsol/ bdag sems can dang ldan par gyur te/ ji nas kyang bdag gi dku g.yas par rten cing gnas pa las na nges par khye'ur 'gyur ro/ /des de thos pa dang de yang shin tu dga' ba dang mchog tu dga' ba'i yid kyis ro stod bteg nas lag pa g.yas pa brkyang ste/ ched du brjod pa ched du brjod pa/ kye ma 'ongs kyang yun ring du mngon par 'dod pa'i bu'i gdong la blta bar 'gyur la/skyes shing byung nas kyang nga'i bya ba byas te/ de rigs rgyud phun sum tshogs shing nga'i rigs yun ring du gnas par byed pa dang / bdag cag shi zhing dus byas nas kyang nor nyung du'am mang po sbyin par ni gtong / bsod nams ni byas nas 'di de gnyis gang dang gang du skyes pa'i rjes bzhin du 'gro bar gyur cig ces bdag gi ming gis yon bsngo bar 'gyur ro//'di ni sems can dang ldan par gyur to snyam du shes nas steng gi khang bzangs kyi gzhi la nyam nga ba med par 'jog ste/ de'i mngal yongs su smin par bya ba'i phyir yid du mi 'ong ba'i sgra cung zad kyang mi thos shing grang ba dang grang ba'i yo byad dang dro ba dang dro ba'i yo byad dang /sman pas bstan pa'i kha zas ha cang kha ba ma yin pa dang / ha cang skyur ba ma yin pa dang / ha cang lan tshwa che ba ma yin pa dang / ha cang mngar ba ma yin pa dang / ha cang tsha ba ma yin pa dang /ha cang bska ba ma yin pa ste/ kha ba dang / skyur ba dang / lan tshwa che ba dang / mngar ba dang / tsha ba dang / bska ba spangs pa'i kha zas kyis bsnyen bkur byed cing do shal dang / se mo dos lus brgyan nas lha'i bu mo dga' ba'i tshal na rgyu ba bzhin du khri'u nas khri'u dang / khri nas khrir rgyu ste/'og gi sa gzhi la mi 'bab po/ /de zla ba brgyad dam dgu lon pa dang / khye'u gzugs bzang ba/ blta na sdug pa mdzes pa/ yan lag dang nying lag thams cad dang ldan pa/ gser btso ma'i mdog gi kha dog shin tu rgyas pa dang ldan pa/ 'gro ba thams cad kyi yid dang mig 'phrog pa/gser gyi mdog can gyi gos kyis lus dkris pa/ de'i yan lag thams cad nas tsan dan gyi dri 'byung ba/ de'i kha nas ut+pa la'i dri 'byung ba/ de skyes pa tsam gyis khyim der gos kyi char dang / me tog kar ni ka ri'i char bab ste/ gos de dag kyang gser gyi mdog can yin no//de nas ngo mtshar rmad du byung ba de dang de'i gzugs phun sum tshogs pa rgya chen po mthong ba dang / ded dpon nyi ma'i chung ma dang 'khor rnams shin tu ngo mtshar skyes par gyur to/ /ded dpon nyi ma sgo'i phyi rol na gnas pa la/ ded dpon khyed kyi sras bltam pa tsam gyis dgyes pa skyed cig ces go bar byas pa dang /de dga' ba dang mgu ba dang / rab tu dga' ba'i yid kyis khyim du zhugs pa dang / ji tsam na gzhon nu gzugs shin tu bzang ba/ blta na sdug pa/ mdzes pa/ yan lag dang / nying lag thams cad dang ldan pa/ gser btso ma'i kha dog lta bus mdog rgyas pa dang ldan pa/'gro ba thams cad kyi mig dang yid 'phrog pa/ gser gyi mdog can gyi gos kyis lus dkris pa 'di'i yan lag thams cad nas tsan dan gyi dri 'byung ba/ de'i kha nas ut+pa la'i dri 'byung ba/ de skyes pa tsam gyis ni khyim der gos kyi char dang / me tog kar ni ka ri'i char bab ste/ gos de dag kyang gser gyi kha dog can du mthong ngo //mthong nas kyang dga' ba dang mgu ba dang rab tu dga' ba skyes te/ ched du brjod pa dag ched du brjod pa/ e ma'o rnyed pa rnams ni shin tu rnyed de/ e ma'o gang 'di lta bu'i bsod nams kyi mthu chen po dang ldan pa'i bu skyes pa ni bdag gi yid la bsam pa yongs su rdzogs par gyur to zhes dga' ba dang mgu ba dang rab tu dga' ba'i yid kyis gos de rnams dge sbyong dang /bram ze dang / phongs pa dang / phongs shing sdug bsngal ba dang / mdza' bshes dang / gnyen dang / snag gi gnyen mtshams u0f85la byin te/ gzhon nu de'i btsas pa'i btsas ston b dun gsum nyi shu rtsa gcig gi bar du rgya cher byas nas grogs po dag khye'u 'di'i ming cir gdags zhes ming 'dogs par byed pa dang /nye du rnams kyis smras pa/ gzhan nu 'di gser btso ma'i mdog gis shin tu rgyas pa dang ldan te/ de bas na gzhon nu 'di'i ming gser mdog ces gdags par bya'o zhes te/de la gser mdog ces bya ba'i ming btags so/ /gzhon nu gser mdog ma ma brgyad po pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang / rtsed grogs kyi ma ma gnyis te/ ma ma brgyad la rjes su gtad nas de ma ma brgyad po dag gis 'o ma dang / zho dang / mar dang / zhun mar dang / mar gyi nying khu dang / gzhan yang yo byad kyi bye brag gtso bo gtso bo dag gis skyed par byed/ sring bar byed cing rdzing na gnas pa'i pad+ma bzhin du myur du skyed par byed do/ /de gang gi tshe chen por gyur pa de'i tshe/yi ge dang / grangs dang / rtsis dang / lag rtsis dang / dbyung ba dang / gzhug pa dang / gzhag pa la nye bar zhugs shing brtag pa brgyad po/ gzhi brtag pa dang / gos brtag pa dang / rin po che brtag pa dang / shing rta brtag pa dang / glang po che brtag pa dang / rta brtag pa dang / gzhon nu brtag pa dang / gzhon nu ma brtag pa dang / 'byed pa dang / klog pa la mkhas pa dang / g.yer por gyur to/ /de yang bsod nams kyi skal ba chen po dang ldan pa/ bsam pa dge ba/ bdag dang gzhan la phan par zhugs pa/snying rje dang ldan pa/ bdag nyid chen po chos 'dod pa/ skye dgu rnams la mnyes gshin pa ste/ de bstan bcos thams cad klog pa dang / de shin tu bsod nams kyi mthu che ba yin pas gos la sogs pa dang nor rnams gang bsams pa dang gang gsol ba de thams cad de bzhin du 'byor par 'gyur mod kyi/bdag ni 'di ltar bsod nams kyi mthu chen po dang ldan no snyam du mi sems so/ /ded dpon nyi ma 'di snyam du bdag dkon mchog gsum la skyabs su 'gro ba'i drin gyis bu skyes so zhes bcom ldan 'das kyi bstan pa la shin tu yang mngon par dad nas de dus dang dus su bcom ldan 'das kyi bstan pa la bya ba byed par gyur to//yang de'i tshe de'i dus na rgyal po'i khab kyi grong khyer du ded dpon dri ma med pa zhes bya ba rgya mtsho nas gru grub ste/ slar 'ongs nas des bcom ldan 'das dge slong stong nyis brgya lnga bcus bskor ba la bshos drangs te/ dge slong re re zhing chos gos gsum gsum phul ba dang /skyes bu dam pa 'di'i rgya mtsho chen por zhugs pa dang ded dpon gyi sgra ni 'bras bu dang bcas par gyur te/ 'di ltar bcom ldan 'das kyi bstan pa la bya ba byas so zhes bya ba'i grags pas 'jig rten thams cad du khyab par gyur pa dang / ded dpon nyi mas thos pa na 'gran 'dod par gyur te/nga yang rgya mtsho chen por zhugs la gal te de nas gru legs par grub nas bcom ldan 'das la zhus te/ bcom ldan 'das kyi nyan thos 'dzam bu'i gling na ji snyed cig gnas pa de rnams gcig tu bsdus nas zas bsod pa rnams kyis tshim par byas la dge slong re re zhing rin po che'i chos gos gsum gsum gyis dga' bar bya'o snyam nas de chung ma la gtam de smras pa dang /des smras pa/ bdag po khyod kyis yang dag par rtog par 'byor par gyur cing yid la re ba rdzogs par gyur cig /de nas ded dpon nyi mas rgyal po'i khab kyi grong khyer du lan gsum gyi bar du dril bsgrags te/tshong pa lnga brgyas yongs su bskor nas rgya mtsho chen por zhugs so/ /de rgya mtsho chen po der zhugs pa dang / bcom ldan 'das yongs su mya ngan las 'das so/ /de de nyid na gnas pa'i tshe gnas brtan 'od srungs chen po yang yongs su mya ngan las 'das so//ji tsam na dus gzhan zhig na gzhon nu gser mdog 'od ma'i tshal du song ba dang / de nas dge slong zhig mi rtag pa nyid dang rab tu ldan pa'i tshigs su bcad pa 'don par gyur te/ tshe 'di nyid dang mtshan mo dang / /'gro ba dang ni ldog pa dang / /chu klung chen po'i rgyun bzhin du//phyir mi ldog par 'gro bar 'gyur/ /chu chung gi ni nya lta bur/ /gang zhig nyin mtshan 'da' ba yi/ /tshe ni shin tu thung gyur na/ /de la bya dgar ci zhig yod/ /gson mtha' 'chi ba yin pas na/ /lus 'di yongs su rgas pa dang / /nad kyi tshad ni myur 'jig cing //rnag gi tshogs kyang 'jig par 'gyur/ /kye ma lus 'di mi thogs par/ /stong zhing rnam shes dang bral nas/ /dur khrod bor ba'i mgal dum ltar/ /sa'i steng du 'gyel bar 'gyur/ /rgyun du nad kyis mngon gdungs shing / / rtag tu mi gtsang 'dzag pa dang / /rga dang 'chi bas 'tsher 'grib pa'i/ /lus 'di dor na cir mi rung / /myur du 'jig cing rna ba dang / /rnag dang ldan ba'i lus 'di yis/ /grub dang bde ba bla med dang / /zhing mchog don du gnyer bar gyis/ /tshigs su bcad pa 'di thos pa dang //gzhon nu gser mdog 'khor ba las yongs su skyo zhing / yongs su mya ngan las 'das pa'i yon tan mthong bas dge slong de la phyag byas te dris pa/ 'phags pa 'di ci zhig lags/ dge slong gis smras pa/ rigs kyi bu 'di ni sangs rgyas kyi bka' yin no//des de thos pa dang bcom ldan 'das kyi bstan pa la dad pa chen po skyes nas rab tu 'byung ba dang thar pa mngon par 'dod par gyur to/ /de nas dge slong de la rim gro byas te rkang pa gnyis la gtugs nas smras pa/ 'phags pa bdag rab tu 'byung bar 'tshal gyis thugs brtse bas nye bar bzung ste rab tu dbyung du gsol/dge slong des smras pa/ rigs kyi bu pha dang ma gnyis kyis gnang ngam des smras pa/ ma gnang lags so/ /dge slong gis smras pa/ rigs kyi bu song la pha dang ma la dris shig dang / pha dang ma gnyis kyis ma gnang bar rab tu 'byin par mi byed do//des smras pa/ de bzhin du bgyi'o/ /de nas gzhon nu gser mdog 'khor bas 'jigs shing skyo ba'i yid dang ldan pas rang gi khyim du dong ste ma'i rkang ba la gtugs nas yum mkhyen par mdzod cig /bdag ni legs par gsungs pa'i chos 'dul ba la rab tu 'byung ngo //de skad ces smras pa thos pa dang ma shin tu mya ngan gyis gdungs te/ brang brdungs nas smras pa/ bu khyod ni nga'i bu gcig pa/ sdug pa/ yid du 'ong ba/ mdzes pa/ rjes su mthun pa/ yid la re ba rgyas pa thob pa yin na khyod ji ltar de yang spangs nas rab tu 'byung //des smras pa/ yum sdug pa rnams dang ni nges par 'bral bar 'gyur te/ de mkhyen par mdzod la bdag legs par gsungs pa'i chos 'dul ba la rab tu dbyung bar rjes su gnang bar mdzad du gsol/ des thos pa dang yid la gdung ba chen po skyes nas de mchi mas brnangs bzhin du smras pa/bu nga khrag dron mo kha nas skyug par 'gyur gyi lan gsum gyi bar du de skad ma zer cig /des yang bsams pa/ 'di'i 'bad pa 'di lta bu las na ngas bzlog par mi nus kyis thabs shig sbyar bar bya'o snyam mo//de nas des smras pa/ bu khyod kyi pha ni sangs rgyas kyi bstan pa la bya ba bya'o snyam nas rgya mtsho chen por zhugs kyi de ji srid ma 'ongs pa de srid khyod la rjes su mi gnang ngo / /gal te 'ongs na khyod rjes su gnang nas rab tu dbyung bar bya'o/ /de ma la gus pa yin pas bsams pa/gal te yang 'di la smras na ni brgya la 'di gdung ba shin tu chen po skye bar 'gyur gyi/ ji srid nga'i pha 'ongs pa de srid du 'dug par bya'o snyam nas de cang mi smra bar 'dug go/ /gang gi tshe gzhon nu gser mdog tshong 'dus su rgyu ba na de'i tshe de'i gzugs phun sum tshogs pa rgya chen po mthong ba dang 'jig rten pa rnams bltas kyang ngoms par ma gyur te/de skye bo'i tshogs mang po'i yid du 'ong bar gyur to/ /de'i gzugs phun sum tshogs pas yid drangs kyang 'dod pa la shin tu rgyab kyis phyogs par mthong nas mas bsams pa/kyi hud 'di'i 'bad pa 'di lta bu 'dis ni nga spangs nas rab tu 'byung bar 'gyur ro snyam mo/ /de nas rtag tu dogs pa dang bcas pas rjes su mthun par 'jug par brtsams so/ /gzhon nu gser mdog ni yang dang yang du mkhas pa dang dge sbyong dang bram ze rnams la rten par byed cing /de der legs par bshad pa thar ba'i lam dang rjes su mthun par gang dang gang thos pa de dang de glegs bam la 'dri'o/ /rgyal po'i khab kyi grong khyer gyi phyi rol na ded dpon nyi ma'i skyed mos tshal me tog dang / 'bras bu dang /chu phun sum tshogs pa zhig kyang yod pa dang / de nas gzhon nu gser mdog pha'i skyed mos tshal der nyin re zhing song nas legs par bshad pa'i glegs bam dag klog cing 'dug go/ /yang de'i tshe rgyal po'i khab kyi grong khyer na ka shi mdzes dga' mo zhes bya ba'i bud med smad 'tshong ma gzugs dang lang tsho dang sgyu rtsal phun sum tshogs pa/skye bo mang po'i snying du sdug pa zhig gnas pa dang / rgyal po ma skyes dgra'i blon po rab gtum zhes bya ba rgyal pos shin tu bkur ba de bu mo ka shi mdzes dga' mo la shin tu yang sems chags pas nyin re zhing rang gi skyed mos tshal du song nas de dang lhan cig rtse zhing dga' la dga' mgur spyod par gyur to//ci tsam na dus gzhan zhig gi tshe bu mo ka shi mdzes dga' mo rgyan thams cad kyis brgyan te rgyal po'i khab nas byung nas blon po rab gtum gyi skyed mos tshal du chas pa dang /gzhon nu gser mdog rgyal po'i khab kyi grong khyer nas byung ste/ rang gi skyed mos tshal du 'gro ba bu mo ka shi mdzes dga' mos bltas pa dang / gzhon nu gser mdog shin tu yang gzugs bzang ba/ blta na sdug pa/ mdzes pa/ yan lag dang nying lag thams cad dang ldan pa/skye bo thams cad kyi yid dang mig 'phrog pa/ gser mdog can gyi gos ser po lus la gyon pa mthong ba dang / yang de 'di snyam du sems te/ e ma'o gzugs phun sum tshogs pa rgya che ba/ e ma'o kha dog shin tu rgyas pa 'di lta bu bud med gang gi khyor gyur pa de ni skal pa bzang po byas pa yin no snyam du sems shing /de de la sems shin tu zhen pas rtog cing gang 'di lta bu'i skyes bu dang lhan cig dga' zhing rtse ba ma myong ba'i bud med de ni skal pa chung ba yin no/ /yang bsams pa/ bdag ni gzugs kyis 'tsho ba/skyes bu rnams kyi thun mong du gyur pa yin la/ gzhon nu 'di ni lang tsho la bab pa dang ldan pa yin gyi ma la bdag 'di dang lhan cig kun du sbyor bar 'gyur ba de ltar brid par bya'o snyam nas de de'i mdun du 'dug ste/ bud med kyi steg pa'i mtshan ma dag bstan par brtsams pa dang /bdag nyid chen po de rang bzhin gyis 'dod pa la rgyab kyis phyogs shing mya ngan las 'das pa la gzhol bas de la sems gtod par ma gyur pa dang / des bsams pa 'di ni nges par nga la mi sems pa ni ngo cha ba yin gyi/ yang 'di skyed mos tshal du 'gro bas nga yang de nyid du song la der 'di lkog tu brim par bya'o snyam nas de de'i phyi bzhin 'brang ba dang /gzhon nu gser mdog gis shes nas de'i sngon du skyed mos tshal du zhugs te sgo bcad do/ /bu mo ka shi mdzes dga' mos smras pa/ gzhon nu bdag ni khyod la bsams te 'ong na khyod 'di lta bu'i rang bzhin ngan pa ston par byed pa ni rigs pa ma yin no zhes smras kyang /des de la tshig gi lan ma blan pa dang / des bsams pa/ 'di la rgyu gnyis yod de/ shin tu 'dod pa don du mi gnyer ba'am/ yang na ches bzang ba gzhan zhig la zhen pa yin te/ rnam pa thams cad du 'di la nga'i gzugs sam tshig gis mgu bar byed mi nus kyi 'di la reg pas mgu bar bya'o snyam nas/ 'dis nga mthong nas sgo bcad na gang zhig gis 'di lkog tu chags par 'gyur ba'i thabs ci zhig yod/ yang na 'di ngas shes kyis nang par 'di'i ches sngon du song la skyed mos tshal du 'dug gi/phyis 'di 'ongs pa dang 'khrig pa la sogs pa'i lus kyi reg pa rnams kyis ji ltar nga'i dbang du 'gyur ba de ltar mgu bar bya'o snyam mo/ /de de ltar rjes su sems shing slar log nas grong khyer du zhugs te/ nyi ma de la rab gtum gyi skyed mos tshal du ma song ngo //blon po rab gtum yang rang gi skyed mos tshal du de yun ring du rtog pas yongs su dub pa dang nyi ma nub pa'i dus su grong khyer du zhugs nas de rang gi khyim nas ka shi mdzes dga' mo la ci'i phyir khyed deng nga'i skyed mos tshal du ma 'ongs zhes pho nya btang ba dang /bu mo mdzes dga' mos rje'i sras deng ni bdag deng glad nad kyis shin tu gdungs pa gang yin pa des khyed kyi skyed mos tshal du ma 'ongs zhes bslus so/ /'jig rten na ni mdza' mo dang / dgra dang / tha mal pa yod pas/ gzhan zhig gis smras pa/de la ni glad pa'i nad kyis gzir ba med de/ gzhan du na 'di gzhon nu gser mdog gi skyed mos tshal de nas slar 'ongs pa mthong ngo zhes smras pa thos pa dang / 'di ltar bud med kyi yul nas byung ba'i sha khon ni sha khon gyi tha chad yin pas blon po rab gtum khro bas kun tu 'khrugs par gyur nas bsams pa/ci nas kyang bu mo ka shi mdzes dga' mo dang gzhon nu gser mdog gnyi ga med par 'gyur bde lta bu'i gnod pa bya'o snyam ste/ de khro ba'i mes snying bsrags bzhin du mtshan mo sdug bsngal bas 'da' bar byas so//de nas mtshan mo 'das te nam langs pa dang skyes bu yid brtan du rung ba zhig bos te smras pa/ rgyal po'i khab kyi phyi rol gyi skyed mos tshal du 'deng / de rang la shin tu ched che ba'i dgos pa zhig yod kyi ral gri thogs shig /des kyang blon po de bzhin du bgyi'o zhes smras te/skyes bu de ral gri thogs nas de'i phyi bzhin du 'brangs so/ /de nas blon po rab gtum skyes bu de dang lhan cig tu rgyal po'i khab kyi grong khyer nas byung ste ded dpon nyi ma'i skyed mos tshal du zhugs nas gnas so/ /bu mo ka shi mdzes dga' mo yang lus la gos dang rgyan sna tshogs kyis brgyan te rgyal po'i khab nas byung nas ded dpon nyi ma'i skyed mos tshal du song ste/de der zhugs pa dang ji tsam na blon po rab gtum mthong ba dang slar kun du skrag pas bsams pa/ 'di ni rang bzhin gyis gtum pas nges par deng nga la gnod pa chen po byed par 'gyur ro snyam nas slar log par 'dod pa dang /de nas blon po rab gtum gyis mthong nas khro ba'i mes yid bsregs nas dpral par khro gnyer gsum bsdus te shin tu brgyugs so/ /de nas tsham tshom med par de'i skra nas bzung nas snying rje med pas mgo thur du sa la bsgyel te bshal bzhin du 'di skad ces smras te/khyod 'dir 'ongs nas gzhon nu gser mdog dang lhan cig dga' mgur spyad nas/ nga la glad ba na bas shin tu gzir te des khyed kyi gan du ma 'ongs so zhes smra'am/ ngas deng gang gis slar yang 'tsho ba'i 'jig rten mthong zhing gzhon nu gser mdog dang lhan cig dga' mgur spyod par mi 'gyur ba de lta bu'i chad pa gcod par bya'o//bu mo ka shi mdzes dga' mos de thos pa dang / phan tshun drud pa'i sdug bsngal la ma bsams par mchi mas brnangs bzhin skad 'dar bzhin du kyi hud da ni 'tsho bar mi 'gyur ro snyam nas lus 'dar bzhin du blon po rab gtum gyi rkang pa gnyis la gtugs te/snying rje rje skad du gcom chung ngus tshig re re nas smras pa/ rje'i sras bzod par mdzod cig /bdag ni gsad par 'os pa ma lags te/ bud med kyi yul ni rtag tu skyon dang bcas pa lags kyis deng nas brtsams nas slan chad 'dir ci yang mi bgyid kyi/ji srid 'tsho'i bar du khyed kyi 'bangs mo bgyid kyis ma brtags pa 'di ma mdzad par srog stsol cig /rang bzhin ngan pa de de lta bu'i snying rje rje skad du gcom chung dus tshig re re nas smras kyang khro ba'i me 'phel ba nyid do//de nas de'i grogs po'i skyes bu la smras pa/ ral gri 'dis 'di'i mgo drungs nas myur du chod la sa la ltung bar gyis shig ces smras pa dang / de nas skyes bu des bdag nyid ngan pa de'i rigs pa dang mi ldan pa'i tshig ngan pa thos pa dang 'dar bar gyur cing bsams pa/kye ma'o snying rje med pa/ bud med 'di ni 'dis rnam pa du mar rjes su longs spyod na de ji ltar nyes pa chung ngu'i phyir gsod par 'dod/ kye ma'o nga yang 'tsho ba'i 'jigs pa dang skrag pas skyes bu tha ma sbrul gyi dug dang mtshungs pa'i gan du gnas par byed/nga ni rnam pa thams cad du nyam nga ba chen por zhugs so/ /'di ji ltar bsgrub par bya/ yang na gsal bar smra bar bya'i/ /gal te gsal bar smras na sdig pa dang chos ma yin pa las ldog kyang srid do snyam nas kun du skyo ba dang / de la bud med de shin tu snying rje bas rgyud zhi bar byas pas mig mchi mas khengs pa dang thal mo sbyar te/blon po rab gtum la smras pa/ jo bo bzod par mdzod cig /'di lta bu'i bya bam yin pa la bdag sbyar ba ni mi rigs so/ /bdag ni brtse ba med pa ma lags te/ gsod ma pa yang ma lags na ji ltar na bdag gsod ma rnams kyang byed par spro ba ma yin pa'i las gang yin pa de la bdag pos bcud dam/bud med 'di yang shin tu gzugs bzang ba/ blta na sdug pa/ mdzes pa/ sgyu rtsal shes par grags pa rgyal po'i khab na gnas pa rnams dang /phyogs gzhan nas lhags pa'i skye bo mkhas pa rnams kyi snying du sdug pa/ 'di ni mi rnams kyi thun mong gi dga' ba'i gnas su gyur pa lags na/ bdag po shes rab dang ldan zhing mkhas pa'i mi rnams rjes su chags pa'i gnas 'di la sdang bar ji ltar byed 'di lta bu'i 'jig rten gnyi ga dang 'gal bar gyur pa'i rtsol ba 'di la ldog par mdzod cig /bzod par mdzod la bdag dang khyed kyang nyes par spyod pa'i me 'dis bsreg par 'os pa ma yin no/ /gtso bo gzhan yang / shin tu gzhon pa'i yan lag 'di/ /gzugs dang lang tsho rnam brgyan pa//'di ni mi yi dga' ba dag /gzugs dang ldan pa bzhin du shes/ /dman zhing snying ni rje rje'i lta'i/ /snyan pa'i tshig ni 'di dag gis/ /gtso bo khyod la gsol 'debs na/ /bdag gi yid ni mgu bar mdzod/ /khyod tshig 'bar bar thos pas na//der ni bdag nyid 'dar bar 'gyur/ /gang zhig 'di 'dra gsod gyur pa'i/ /snying rje med pa su zhig mchis/ /shin tu snying rje med pa yi/ /kla klo 'ang 'di gsod mi spro na/ /gtso bos bdag yid ji ltar na/ /mi gsod par ni spro ba skyed/ /gang zhig phyugs kyis mthong na yang //rjes chags chen po skye 'gyur ba/ /de la gang zhig mir gyur nas/ /mtshon gyis 'debs pa bgyid ma mchis/ /gtso bo shin tu mi bzad pa'i/ /las 'di mnyan pa'ang rigs min na/ /spyod par bgyid pa smos ci 'tshal/ /de bas bzod pa mdzad pa'i rigs//de nas skyes bu rang bzhin ngan pas bsam pa nyams pa de la de lta bu'i snying la bab pa'i tshig snyan pa des smras su zin kyang rang gi sems zhi ba ma rnyed par gyur te/ de khros phas smin ma bsdus shing bzhin mi sdug pas de la smras pa/ kwa'i mi khyod nga'i tshig las 'da' bar byas te/'di la khyod rjes su chags par byed nas gsod par mi 'dod dam/ rnam pa thams cad du khyod kyis 'di bsad par gyur na legs kyi gal te ma bsad na dang khyod kyi srog med par bya'o/ /de nas skyes bu de de'i tshig rtsub mo'i rtsom pa shes nas 'jigs pas sems pa la zhugs par gyur te/kye ma'o bdag ni shin tu nyam nga bar gyur te/ gal te 'di'i tshig bzhin ma byas na nges par deng bdag nyid srog dang bral bar byed de/ gang zhig 'di lta bu'i bud med rnam pa du mar nye bar longs spyod pa yang gsod par rtsom na deng nga mi gsod par ga la 'gyur/ci 'di lta bu'i skye bo'i chogs kyi yid du 'ong ba'i bud med kyi lus la mtshon gyis 'debs par byed na/ bdag nyid mir yang mi rung gi/ rnam pa thams cad du rang gi srog dang bral ba ni bla'i 'di lta bu 'di la snun par mi bya'o zhes nges par bsams nas yang de'i slar skyes pa gang 'di ral gri khyer la 'bros par bya'i/des ni nga'i lus dang bu mo ka shi mdzes dga' mo'i lus kyang yongs su bsrungs par 'gyur ro snyam nas ral gri thogs nas skyed mos tshal nas byung nas bang thams cad gtugs pa dang bros par gyur to/ /blon po rab gtum gyis kyang de'i rjes bzhin sgo'i phyi rol gyi bar du bsnyegs so//de nas bu mo ka shi mdzes dga' mo bdag nyid srog stor ba slar rnyed pa tsam du sems shing rings pa rings par bros te ra ba'i rtsar phyin pa dang / ra ba de yang mtho bas brgal bar ma nus pa na blon po rab gtum slar log nas ji srid phyogs de na bu mo ka shi mdzes dga' mo ma mthong nas phan tshun kun du bltas par brtsams pa dang /ci tsam na ra ba'i rtsar phyin pa mthong nas rings pa rings par de'i gan du 'gro bar brtsams so/ /de na yang sbrul nag po zhig gnas te/ des bu mo'i rkang pa g.yas pa nas bzung ba dang des de mthong nas bros so//bu mo ka shi mdzes dga' mos bsams pa/ blon po rab gtum 'di 'ongs nas gsod par 'gyur ro snyam pa der gtod pa'i yid dang 'chi ba'i 'jigs pas sbrul nag pos zin par ma shes nas a ti mug ti'i tshang tshing du zhugs pa dang / blon po rab gtum yang a ti mug ti'i yal ga'i tshang tshing du phyin to/ /de nas rang bzhin ngan pa snying rje med pa'i sems kyis zhe sdang drag pos kun du 'khrugs pa'i yid kyis bu mo ka shi mdzes dga' mo a ti mug ti'i yal ga'i tshang tshing nas drangs te/ de'i mgo la rkang pa'i rting pa dang rdog pas bsnun to/ /bud med de ni shin tu gzhon sha can yin pas rdog pas bsnun ba de dang dug gi zhugs kyis brgyal bar gyur to/ /blon po rab gtum de lta bar bsams pa dang / ci tsam na sems med par sa la 'gyel bar mthong nas de 'di snyam du sems te 'di ni shi zin gyis da ni 'gro bar byas te/'ga' zhig gis mthong na mi rung ngo snyam nas ra ba rgal te lam gzhan nas rgyal po'i khab tu zhugs so/ /der phyin nas rgyal po'i skyes bu gzhan dag cig la smras pa/ shes ldan dag song la ded dpon nyi ma'i skyed mos tshal ltos shig /de yang chas so/ /gzhon nu gser mdog kyang rgyal po'i khab nas byung ste skyed mos tshal der phyin pa dang / ji srid cig na bu mo ka shi mdzes dga' mo phan tshun du bshal zhing drud pa dang / skra grol la sems med par sa la 'gyel bar mthong ba dang /de skyo ba chen po skyes par gyur nas des bsams pa ni rang bzhin ngan pa snying rje med pa'i sems 'jig rten pha rol spangs pa sha khon dang bcas pa su zhig gis 'dir khyer te 'ongs nas bsad par gyur/ kyi hud ngan cing sdug bsngal te/ 'di lta bu'i bud med brtse ba med pas gsod pa'i sems can su zhig byung snyam nas skyed mos tshal de thams cad du bltas nas su yang ma mthong ba dang /de 'di snyam du sems te/ bud med 'di ni kun gyis shes pa yin la/ 'di skyed mos tshal 'dir bsad nas 'dir su yang mi snang ba ni rnam pa thams cad du 'ga' zhig gis rang gi rang bzhin ngan pa sbas nas grags pa ma yin pa'i ser ba nga'i mgor dbab pa'i phyir des 'dir mngon du phyung ngo snyam nas de de ltar mi dga' bzhin du lag pa 'gram pa la gtad de shin tu sems pa la zhugs shing 'dug pa dang /rgyal po'i skyes bu de rnams kyang phyin nas der zhugs te/ skyed mos tshal de blta bar brtsams pa dang / ji tsam du bu mo ka shi mdzes dga' mo phan tshun bshal nas drud pa dang / skra grol zhing sa la drud pa dang 'gyel ba mthong ba dang / gzhon nu gser mdog gi sngon gyi las kyi rnam par smin pa'i stobs kyis de sus kyang nges pa ma rnyed cing brgyal ba yin nam/'on te dus byas pa yin par shes par yang ma gyur to/ /de nas rgyal po'i skyes bu de dag phan tshun du smras pa/ shes ldan dag bud med 'di ni 'ga' zhig gis bsad do zhes te/ de rnams kyis skyed mos tshal kun du bltas nas gzhon nu gser mdog ma gtogs pa su yang mthong bar ma gyur pa dang /de rnams kyis gser mdog la dris pa/ gzhon nu bud med 'di sus bsad/ des smras pa/ shes ldan dag ngas kyang mi shes te/ 'di kho bos kyang 'di kho na ltar mthong ngo //de nas rgyal po'i skyes bu de dag phan tshun smra bar rtsom pa/ shes ldan dag gzhon nu 'di ni shin tu dul ba yin pas 'di ni las 'di byed par mi srid pa/ 'dir gzhan su yang ma mthong bas yu bu cag ni rnam pa thams cad du shin tu nyam nga bzhugs la 'di la ji ltar bsgrub par bya/de la gcig gis smras pa/ shes ldan dag yu bu cag gis 'di yongs su gcod nus pa ma yin gyi/ bud med 'di dag gzhon nu zhal mchu'i gnas su khyer na der blon po rnams kyis yongs su gcod par 'gyur ro/ /de nas rgyal po'i skyes bu rnams kyis bud med de khyogs la bteg pa dang /gzhon nu gser mdog kyang khyer te/ zhal mchu'i gnas su song ngo / /zhal mchu'i gnas de na yang blon po rab gtum rjes su mthun pa'i las byed pa rnams dang lhan cig 'dug par gyur cing 'dus par gyur pa dang / rgyal po'i skyes bu de rnams 'ong ba des ring po nyid nas mthong nas dris pa/shes ldan dag 'di ci zhig yin/ bud med 'di bdag cag rnams kyis ded dpon nyi ma'i skyed mos tshal du dus byas pa mthong lags te/ skyed mos tshal der bdag cag rnams kyis bltas na gzhon nu gser mdog ma gtogs pa su yang ma mthong nas 'di nyid la bdag cag gis gzhon nu bud med 'di su zhig gis bsad ces dris pa/shes ldan dag ngas kyang mi shes te/ kho bos kyang 'di kho na ltar mthong ngo zhes gleng na da ni gtso bo khyed rnams kyis rnam par dpyod cig /blon po rab gtum gyis smras pa/khyed rnams 'dir yud tsam cig sdod cig /ngas rgyal po la zhu bar bya'o zhes smras nas/ des rgyal po ma skyes dgra'i pho brang du song ste/ sgo srungs kyi skyes bu la dris pa/ kye skyes bu lha ci zhig mdzad/ der smras pa/ steng gi khang bzangs kyi gzhi na skyes pa med par bud med kyi rol mos rtse bar mdzad dga' bar mdzad dga' mgur spyad par mdzad do//des skabs rnyed pas sgo dpon mo chen po zhig la smras pa/ song la lha la blon po rnams kyis zhu ba 'di skad zhus shig /ded dpon nyi ma'i bus bskyed mos tshal du bu mo ka shi mdzes dga' mo bkum la de yang g.yar gyis 'ches par mi bgyid na/'di la bdag cag rnams kyis ci ltar bsgrub par bgyi/ de song ste rgyal po la zhus pa/ rgyal po dga' ba'i rol mo de la shin tu chags nas smras pa/ song la blon po la khyed rnams nyid kyis legs par dpyod cig ces smras so//de phyir byung ste/ blon po rab gtum lhas 'di skad ces bka' stsal to zhes smras so/ /de nas blon po rab gtum zhal che'i gnas su 'ongs nas rgyal po'i skyes bu rnams la smras pa/ shes ldan dag khyed song la gsod ma pa rnams sbron cig /de rnams kyis kyang sbran pa dang blon po rab gtum gyis gsod ma ba rnams la smras pa/ gzhon nu 'dis bu mo ka shi mdzes dga' mo 'di bsad kyi khyed rnams song la ngan par spyod pa 'di rgya ba lag dam por chings la sgra rtsub pa'i rnga brdungs shing lam po che dang /tshong 'dus dang / bzhi mdo dang / sum mdo rnams su bsgrags pa'i sgor bsgrags la grong khyer gyi lho phyogs kyi sgor phyung ste/ dur khrod chen por khyer la gsal shing la skyon cig /shi ba dang bu mo ka shi mdzes dga' mo dang lhan cig ro bsregs pa'i gnas cig na zhog la sregs shig /de nas gsod ma pa rnams kyis gzhon nu gser mdog shin tu gzugs bzang ba gser btso ma'i ri'i rtse mo lta bur dpal gyis 'bar ba la bltas te kun du yi mug par gyur nas phan tshun smras pa/ shes ldan dag ji ltar yu bu cag gsod ma pa yin yang skyes bu mthong bar dka' ba khyad par can 'di lta bu ji ltar gsad par bya/rnam pa thams cad yu bu cag nyid rang gi srog dor ba ni bla'i 'di lta bu gsad par ni mi bya'o/ /blon po rab gtum gyis phan tshun gcig la gcig smra bar byed pa de mthong ba dang de rnams la smras pa/shes ldan dag ci ste 'dug 'di myur du khyer cig de rnams kyis thal mo sbyar te gsol ba btab pa/ bdag po bzod par mdzod cig /ji ltar bdag cag gsod ma pa rnams lags kyang 'di lta bu'i skyes bu khyad par can skye ba mang po'i yid du 'ong ba gsod par rngo mi thogs so//blon po rab gtum shin tu 'khrugs nas gal te khyed rnams kyis 'di ma bsad na deng khyed rnams nyid bu dang nang mi dang gnyen 'dun dang bcas pa rnams kyi srog med par bya'o zhes smras pa dang / de rnam skrag pas phan tshun smras pa/shes ldan dag blon po 'di'i rtsom pa ni rigs pa dang mi ldan pa ste/ gang 'di gzhon nu gser mdog 'di ltar mthong bar dka' ba skyes bu khyad par can yongs su spong bar brtson na de yu bu cag rnams kyi bu dang chung ma dang gnyen 'dun dang bcas pa gsod par ci ste mi byed de//'di lta bu shin tu nyam nga bar zhugs na/ 'di la ji lta bur bsgrub par bya/ yang de rnams 'chi bas 'jig skrag pas blo skyes pa/ gzhon nu 'di skye bo mang po'i yid du 'ong ba yin 'di re zhig lam po cher dgyer gyi skye bo mang po'i tshogs gang yin pa 'di thar bar byed pa'i gnas ni yod do//'di gsod pa la btang snyoms su 'jog pa su zhig gis nus snyam nas de rnams de'i gan du song nas 'di rgyab lag bcing ngo snyam pa dang / de'i gzugs phun sum tshogs pa rgya chen por mdzes pa mthong ba dang reg par ma nus so/ / de nas yan lag dang nying lag 'dar zhing mchi ma 'dzag la skad 'dzer bzhin du smre sngags 'don par rtsom pa/ kyi hud 'di lta bu'i sdig pa byad du bcug pa bdag cag ni shin tu sdug bsngal te/ su zhig gis 'di lta bu'i bya ba ma yin pa la sbyar bar 'gyur/ de nas blon po rab gtum gyis shin tu rtsub pa dang bcas pa'i lung yang bsgo ba/khyed rnams ci la 'gor de nas de rnams skrag cing kun du bred par gyur pas de rnams mchi mas mig khengs shing 'dar bzhin du de bzung ste/ gser gyi mdog can gyi gos ser po de nyid kyis rgyab lag tu bcings so//rgyab lag tu bcing bas bcings pa de mthong ba dang / blon po rab gtum ma gtogs pa'i zhal che'i gnas su tshogs pa'i skye bo'i tshogs de dag thams cad de dang bral ba'i gdung bas sems kyi rgyud zhu bar gyur nas mchi ma klog par gyur te/ kyi hud da ni mthong bar dka' ba'i gzhon nu 'di lta bu med par 'gyur ro zhes smras so//de nas gsod ma pa rnams kyis de lam po cher bteg pa dang / de nas bar skabs der ca co'i sgra byung ba dang / ca co'i sgra de thos pas rgyal po'i khab na gnas pa dang / phyogs sna tshogs pa nas lhags pa'i skyes pa dang /bud med dang / khye'u dang / bu mo dang / skye bo'i tshogs rnams 'dus par gyur pa dang / gzhon nu gser mdog rgyab lag tu bcing ba dam pos bcings pa bltas te/ thams cad skyo ba'i yid kyis rtabs bag dang bcas par 'dri bar rtsom pa/shes ldan dag 'di ci zhig yin/ de nas gsod ma pa de rnams mchi ma shin tu 'dzag cing skad 'dzer bzhin du smre zhing smras pa/ gzhon nu 'dis bu mo ka shi mdzes dga' mo bsad do zhes grag nas bsad pa'i phyir yongs su spangs te/ lam po che dang /tshong 'dus dang / bzhi mdo dang / sum mdo rnams su bsgrags pa'i sgor bsgrags nas 'di dur khrod chen por khyer te ring po mi thogs par gsod pa yin no/ /de thos pa dang / skye bo'i tshogs chen po de dag de dang bral ba'i sdug bsngal gyis gdungs pas sgra gcig tu gsang mthon pos cho nges 'debs pa la zhugs te/kyi hud kyi hud ji ltar gzhon nu 'di 'di ltar gzugs bzang ba blta na sdug pa mdzes pa yan lag dang nying lag thams cad 'byes pa dang ldan pa/ gser btso ma lta bu'i kha dog rgyas pa dang ldan pa/ skye bo thams cad kyi mig dang yid 'phrog pa/mkhas pa/ dul ba/ des pa/ sgrin pa/ snying rje can/ bdag nyid che ba/ chos 'dod pa/ skye dgu rnams la mnyes gshin pa gsod na ci ste dam pa rnams nub par gyur tam/ ci'i phyir chos nub par gyur tam/ ci'i phyir chos ma yin pa'i sa 'byor par gyur cing rgyal srid kyi dbang phyug la gnas par gyur tam/kyi hud sdug bsngal lo/ /'di yi gzugs dang mdog mdangs dang / /phun tshogs rgyan gyi mchog rnams ni/ /mthong zhing mthong zhing bdag cag rnams/ /sngon chad mchog tu dga' bar gyur/ /da ltar de nyid gsod ma pa'i//skyes bus zin pa mthong bas na/ /mya ngan drag pos zil mnan pas/ /bdag cag snying ni gas snyam byed/ /yid dang mig ni 'phrog byed cing / /skye bo mang po'i yid 'ong gang / /de la ci phyir rgyal po yi/ /chad pa dag ni 'bebs par 'gyur/ / rtag tu bltas par gyur kyang ni/ /lus can ngoms par mi 'gyur ba/ /snying rje spangs pa'i blon po yis/ /gsod pa'i phyir ni ci yi phyir/ /gang zhig thub pa lta bu yi/ /kun spyod dul bar ldan grags pa'i/ /de la nyes pa 'di 'dra ba/ /'byung bar 'gyur ba ga la srid//'di ltar yon tan can 'di dang / /'bral ba 'dir ni nyer gnas pa/ /kye ma chos min mel tse byed/ /chos ni shi'am gnyid log gyur/ /de la bud med rnams shin tu dga' ba yin pas der bud med la la ni de dang bral ba'i sdug bsngal gyis gdungs pas sa la 'gre ldog par byed do//la la ni brang rdung ngo / /la la ni dran pa stor bar gyur te/ de re re zhing bu gcig pa dang bral ba lta bu'i sdug bsngal nyams su myong bar gyur to/ /bdag nyid chen po de ni skye bo mang po'i yid du 'ong ba yin pas rgyal po'i khab kyi grong khyer na gnas pa'i skye bo'i tshogs chen po de dang bral ba'i sdug bsngal gyis gdungs pas cho nge 'debs pa la zhugs pa'i phyir/rgyal po'i khab kyi grong khyer shin tu 'khrugs par shes shing de dang bral ba'i sdug bsngal gyis gdungs bas g.yo bar gyur to//ded dpon nyi ma'i khyim nas bu mo gcig lam po che der song ba dang / des ji ltar gyur pa de thos pa dang / de brang brdungs smre sngags 'don te/ rings pa rings par khyim du song nas gzhon nu gser mdog gi ma gang na ba der song ste phyin pa dang / de'i mdun du bdag nyid 'gyel to//de nas gzhon nu gser mdog gi mas rtabs bag gis dris pa/ bu mo ci zhig yin smros shig /de gsang mthon pos cho nges 'debs shing rje'i sras gzhon nu gser mdog gis skyed mos tshal du bu mo ka shi mdzes dga' mo bsad ces grag go zhes zer nas ma brtags par rgyab lag bcing ba dam pos bcing nas gsod pa'i phyir yongs su spangs te/gsod ma pa rnams kyis yongs su bskor nas lam po che dang / tshong 'dus dang / bzhi mdo dang / sum mdo rnams su bsgrags pa'i sgor bsgrags te/ dur khrod chen por khyer nas 'di yun ring po mi thogs par gsod par byed do//de thos pa dang gzhon nu gser mdog gi ma mya ngan grag pos non te/ brgyal nas sa la 'gyel to/ /de nas chu gtor bas slar dbugs phyung ste bslang ba dang / kyi hud kyi hud bu zhes cho nges 'debs la/ skra 'bal zhing brang brdungs te/'dar bzhin du yang dang yang dran pa stor bar gyur pa dang grong khyer nas byung ste/ lam po cher zhugs pa dang / de bu dang bral ba'i sdug bsngal gyis gdungs pas yid rmongs pa dang / smre sngags 'don cing re re nas dris pa/ lam gang nas gzhon nu gser mdog khyer bar gyur/kyi hud bu sdug ma mthong gis skyobs shig /skyobs shig /bu sdug nga la ston cig ces zer zhing du bzhin du lam po che'i dbus su chas pa dang / ji lta ji ltar ded dpon gyi chung mas gzhon nu gser mdog ma mthong ba de lta de ltar sdug bsngal mi bzad pa'i sdug bsngal gyis gdungs te cho nges 'debs shing re re'i rkang pa la gtugs nas thal mo sbyar te/gsol ba 'debs pa bdag gi skyabs mdzod cig /bdag gi skyabs mdzod cig /ji srid gzhon nu lam 'di nas 'da' bar ma gyur gyi bar du myur du skabs dbye bar mdzod cig /lam 'di nas bdag gi bu gser mdog khyer ba de ji ltar mthong bar 'gyur ba de lta bu'i drin gyis bdag la bskyab tu gsol/ de yang de na go skabs ma phyed pas kyi hud bu rnyed par ma gyur ces zer zhing lus thams cad bdag nyid kyis sa la brdabs te/de na chu nas bton pa'i nya bzhin dus la 'gre ldog pa dang / bya khrung khrung phru gu stor ba ltar snying rje rje skad du ngu ba dang / ba be+e'u stor ba 'bu sgra 'don pa bzhin smre sngags 'don te/ kyi hud bu sdug cing yid du 'ong ba/ kyi hud bzod pa/ kyi hud rjes su mthun pa/kyi hud yid la re ba brgyas thob pa/ kyi hud gzugs bzang ba/ blta na sdug pa mdzes pa/ kyi hud yan lag thams cad 'byes pa dang ldan pa/ kyi hud gser btso ma'i kha dog lta bu/ mdog shin tu rgyas pa dang ldan pa/ kyi hud skye bo thams cad kyi mig dang yid 'phrog pa/kyi hud skye bo thams cad kyi yid du 'ong ba/ kyi hud mi kun dga' bar byed pa/ kyi hud mkhas pa/ dul ba/ rnam par byang ba/ yid du 'ong ba'i tshig smra ba/ kyi hud snying rje can chos 'dod pa/ sems can la mnyes gshin pa/ kyi hud nga'i rigs kyi sgron ma/kyi hud nga'i snying du sdug pa/ kyi hud nga'i snying thams cad pa/ kyi hud nga'i gces pa rnams bsdus pa/ kyi hud nga'i mig gi bdud rtsi/ kyi hud nga'i sdug pa'i 'ching ba/ kyi hud nga'i rigs kyi thams cad pa/ kyi hud ji ltar na ma brtags par mgon med par gsad pa'i phyir khyer bar gyur ces smras so//slar yang thal mo sbyar te grong khyer pa rnams la gsol ba 'debs shing yid du 'ong bas smras pa/ kyi hud dga' bral bcom ba bdag /nga ni da go ji ltar gnas/ /'di ni rmis pa'am yang na myos// 'on te sems ni 'khrugs gyur tam/ /dge ba bu yi mya ngan ni/ /drag po yis ni g.yengs bzhin du/ /de ni yang yang smre sngags 'don/ /grong khyer ba la gsol ba 'debs/ /ma dul pa'am gzugs ngan pa/ /bdag gi yid 'ong ma yin pa'i//bdag gi bu ni khyer gyur na/ /khyed rnams btang snyoms byed la rab/ /yon tan can gyi phyogs byed pa/ /gal te brtse ba yod ce na/ /ji ltar ngas ni bu mthong ba/ /de ltar grong khyer pa rnams mdzod/ /deng bdag gis ni tsan dan sogs/ /byug pa rnams kyis ma byugs shing //gi wang thig les yan lag la/ /mang du brgyan pa ma byas so/ /gdu bu la sogs rgyan rnams kyis/ /bdag gis deng de ma brgyan cing / /phebs pas yongs su ma 'khyud la/ /'o yang mang du ma byas so/ /nga la bskor ba ma byas shing / /'di yis phyag kyang ma byas na//tsham tshom med par 'di lta bur/ /nga yi bu ni khyer bar byed/ /deng bdag phyogs kun stong pa ste/ /bdag gi lus 'di 'dar ba dang / /snying yang sreg par 'gyur ba dang / /yid ni kun du rmongs par gyur/ /brtse ba med pa'i gsod ma pas/ /rings pa rings par khyer gyur pas//snying du sdug pa'i bu 'di ni/ /kyi hud kyi hud slar mi mthong / /bu yi mya ngan 'di 'dra bas/ /rtswa bzhin snying ni sreg gyur pa/ /bdag gis sdig pa mi bzad pa/ /skye ba gzhan du byas par nges/ /bden pa gang gis bdag gi sems/ /sdig can dgra la'ang ma bskyed pa'i/ / bden pa des ni bdag gi bu/ /phangs pa 'di las thar par shog /ces smras so/ /ded dpon nyi ma yang rgya mtsho chen po las gru legs par grub nas rgyal po'i khab tu phyin te/ de rgyal po'i khab kyi grong khyer du phyin pa na bkra mi shis pa'i ltas mthong ste/ de'i snying 'dar ba dang / /yan lag rngul ba dang //mig 'gul ba dang / bya rnams de'i mdun du sgra drag po sgrogs par rtsom par gyur pa dang / de ltas la mkhas shing bya skad la mkhas pas sems pa la zhugs par gyur te/ 'di lta bu'i ltas ngan pa kun du mthong ba las na gzhon nu gser mdog deng nges par sdug bsngal chen pos kyang gnas par yang nges la/de yang mtshan ma 'di dag ni de dang bral bar ston pa yin no/ /yang smras pa/ ji ltar bdag mig 'gul pa dang / /ji ltar bya rnams sgra sgrogs nas/ /da ni nges par bu dang deng / /bral bar nye bar gnas pa yin/ / ji ltar yan lag rngul ba dang / /nga yi snying ni 'dar ba las/ /nges par bu dang bral ba ste/ /mi bzad pa ni nye bar gnas/ /de 'di ltar sdug bsngal brgya stong sems shing lus dang yan lag rdul la 'dar bas gom pa 'dor mi nus bzhin du nyam thag pas rgyal po'i khab tu zhugs pa dang /ci srid cig na skye bo'i tshogs mang po nga ro 'don pa'i sgra thos te/ de smre sngags kyi sgra de'i rjes su 'brangs nas lam po cher zhugs pa dang / ji srid cig na skye bo'i tshogs mang po'i srin pos gtses pa bzhin du grong khyer na sdug bsngal gyis gdungs shing nga ro 'don pa mthong nas de mdun nas 'ongs pa'i skyes bu gzhan zhig la dris pa/kye nang rje 'di ci zhig yin/ des kyang 'di ni ded dpon nyi ma yin no snyam du ma shes nas des smras pa/ ded dpon nyi ma zhes bya ba'i bu gzhon nu gser mdog ces bya ba gzugs la sogs pa yon tan phun sum tshogs pa dang ldan pa zhig yod pa des/skyed mos tshal du bu mo ka shi mdzes dga' mo bsad ces grag go zhes nas ma brtags par gsad pa'i phyir yongs su spangs te/ lam po che dang / tshong 'dus dang / bzhi mdo dang / sum mdor bsgrags nas ring po mi thogs pa dur khrod chen por khyer te gsod par 'gyur ro//de thos pa dang ded dpon nyi ma bu dang bral ba'i sdug bsngal gyis gdungs bas 'phral du brgyal te sa la 'gyel to/ /de nas chu gtor bas slar dbugs phyung ba dang / mchi ma'i chu rlabs kyis gdong gi pad+ma khebs bzhin du kun du 'khor la de lta bzhin du kyi hud lam gang nas gzhon nu gser mdog khyer bar gyur ces zer zhing lam po che'i dbus su rings pa rings par song ba dang /ji srid cig na chung ma skra grol ba/ /lag pa gnyis kyis brang brdung ba/ /nyam thag pa'i nga ro dang /de dang de'i smre sngags 'don pa dang / bu dang bral ba las byung ba'i sdug bsngal mi bzad pa/ rtsub pa/ tsha ba/ yid du mi 'ong ba'i tshor ba nyams su myong bar mthong nas de yang drag cing nyam thag pas skad mdzer zhing brnangs bzhin du mchi mas mig khengs pa dang /de'i gan du song ngo / /chung mas de mthong ba dang nyis 'gyur bas lhag pa'i sdug bsngal gyi zug rngus gzir te/ mchi ma'i chu rlabs kyis bzhin gyi pad+ma khebs shing rtabs bag tu rings pa rings par langs te/ de'i mdun du bdag nyid 'gyel bar gyur to//de nas ded dpon nyi mas nyam thag pa'i skad kyi nga ros smra zhing 'khyud nas bslang ba dang / de de'i rkang pa gnyis la gtugs te smras pa/ ded dpon skyabs mdzod cig skyabs mdzod cig /nga la bu'i slong stsol cig /yang smras pa/ skal ba ngan cing dga' bral ba/ / da ltar dbugs ni dbyung du gsol/ /bu dang bral bar gyur pa yi/ /sdug bsngal drag pos rnam par du/ /gang zhig skyes tshe bdag po khyed/ /mchog tu dgyes par gyur pa yi/ /yid du 'ong ba'i bu de nyid/ /ded ni gsod phyir khyer bar gyur/ /dul zhing des la mkhas pa dang //bstan bcos kun la mkhas gyur cing / /gang zhig gzugs ni mnyam med pa/ /mkhas par gyur pa'i bu khyer ro/ /khyed kyi rigs rgyud chad gyur cing / /rigs kyi mtshams sbyor 'dzin pa dang / /dpal ldan rigs ni gsal byed pa'i/ /khyed kyi sgron ma med par gyur//'di ni snying gi thams cad de/ /'di ni dga' ba'i 'ching ba yin/ /mi rnams mig gi bdud rtsi 'di/ /gshed ma rnams kyis khyer bar gyur/ /'di dag thams cad bcings pa dang / /mig ni 'di dag 'gag pa ste/ /bu zhes btags pa'i snying gang yin/ /'di ni bton te khyer bar gyur//bu 'di rab tu thar pa'i phyir/ /'bad pa de ni myur du mdzod/ /nor ni thams cad byin nas su/ /bdag dang bu ni thar bar mdzod/ /khyod kyis legs rtogs 'byor pa dang / /khyed yid bsam pa 'grub nas ni/ /'di ltar yang ni 'tsho ba yi/ /khyed kyi bu ni blta bar bgyi//de nas ded dpon nyi ma bu dang bral ba'i sdug bsngal gyis yid gdungs par gyur kyang brtan pas sran tshugs pa'i sems dang ldan pas thal mo sbyar te grong khyer pa rnams la smras pa/ kye kye grong khyer ba rnams nyon cig /ci ltar na nga la 'di lta bu'i sdug bsngal nye bar gnas pa la khyed rnams btang snyoms su byed pa ni rigs pa ma yin te/ci'i phyir 'brog stong pa bzhin du grong khyer gyi dbus su ma brtags par khyed rnams kyis mthong bzhin du nga'i gzhon nu yon tan gsal bar ston pa lta bu gsod pa'i phyir khyer na/ ci'i phyir sems las chung bas gnas/ /ci'i phyir nye bar dpyad pa'i thabs mi sems/ci'i phyir gzhon nu thar pa'i don du brtson par mi byed/ de rnams kyis smras pa/ ded dpon 'di lta bu'i gzhon nu yon tan dang ldan pa 'di ni khyed gcig pu la 'di ltar sdug bsngal bar ma zad kyi/ gzhan du na bdag cag thams cad kyang sdug bsngal mod kyi/'on kyang gzhon nu 'di thar bar bya ba'i thabs ma mthong nas/ gang 'di lta bu'i yi mug pas gnas pa yin no/ /ded dpon nyi mas smras pa/ shes ldan dag khyed rnams kyis yongs su shes pa nyid de/ gzhon nu 'di ji lta bu shin tu snying rje ba dang ldan pa/ bdag nyid che ba/ chos 'dod pa/ sems can thams cad la mnyen gshin pa yin te/ 'dis 'di lta bu bya ba ma yin pa la 'jug pa sems kyis kyang mi nus na/ kun du spyod par byed pa lta smos kyang ci dgos/ de bas na gzhon nu de slar dpyad pa'i don la 'bad pas rtsom par gyis shig /gal te gzhon nu legs par dpyad na nges par sdug bsngal 'di las thar bar 'gyur ro/ /khyed rnams kyang dam pa skye bo thams cad la thun mong du gyur pa yin pas khyed rnams kyis de gsol pa la nyes par ni gang yang ma mthong ste/ gzhan du na bdag la rjes su brtse ba kho nar snang ba dang /dam pa nyid kyis na yon tan la rjes su dga' ba nyid ston par 'gyur gyi/ de bas na gang snying rje'i sems nye bar 'jog pas song la rgyal po'am blon po la zhus shig /gal te de don la sred pa shin tu rigs pa dang ldan pa khyed rnams kyi tshig kyang gzhan du mi 'gyur ro//bdag kyang bu dang bral bas shin tu gdungs kyis bdag gi nor 'di thams cad kyang phul la/ /ji ltar gzhon nu legs par dpyad pa de ltar mdzod cig /ded dpon de ni kun gyis shes pa dang / mdza' bor byas pa yod pa de rnams kyis de'i tshig dang /gzhon nu yon tan la dga' bas khas blangs so/ /de nas grong khyer pa de rnams kyis tha snyad la shin tu byang ba'i grong khyer ba zhig rgyal po'i pho brang du btang ste bsgo ba/ gal te deng gzhon nu shin tu legs par dpyad pa mdzad na bdag cag rnams kyis kyang rgyal po la gser srang 'bum dbul lo//de nas tha snyad la byang ba'i grong khyer ba zhal che'i gnas su song ba dang / blon po rab gtum gyis 'ong ba ring po nas mthong ste smras pa/ shes ldan dag khyed 'dir 'ongs pa'i dgos pa ci yod/ des smras pa/ rgyal po'i khab na gnas pa'i grong khyer pa rnams 'di skad du zhu ba gsol to//gzhon nu gser mdog 'di ni shin tu gzugs phun sum tshogs pa rgya chen po dang ldan pa/ skye bo mang po'i yid du 'ong ba lags pa las de dang bral ba rgyal po'i khab na gnas pa'i skye bo tshogs shas cher sdug bsngal bar gyur pa dang /'di ni rtag tu chos la mngon par dga' ba'i phyir dang / dul ba la sogs pa'i yon tan dang ldan pas sdig pa'i nyes pa gang la yid mngon par dga' ba ma lags te/ da bdag cag rnams gser srang 'bum 'bul la/ ded dpon nyi ma'i nor thams cad kyang 'bul bar bdag cag rtsol gyis gzhon nu gser mdog slar bzlog pa la shin tu legs par dpyad nas sbyar du gsol/de ltar mdzad na ni bdag cag rnams kyis gsol ba yang 'bras bu dang bcas par 'gyur la/ rgyal po'i bang mdzod kyang 'phel bar 'gyur ro/ /blon po rab gtum gyis thos nas khros te smras pa/shes ldan 'di ci zhig ma brtags pa yod nas gang la slar dpyad par bya/ rgyal po'i bang mdzod rgyas par 'gyur ro zhes gang zhig smra na/ de yang ci nged kyi rigs pa dang mi ldan par bsags pa'i nor gyis rgyal po'i bang mdzod 'phel bar bya'am/ khyed rnams kyis rgyal po'i dgongs pa yang mi shes te/gang 'di ltar thabs 'di lta bus rnam pa thams cad du yangs pa can gyi grong khyer gyi mi rnams kyis thabs kyi sbyor bas nges par rgyal po la gnod pa chen po byed par 'dod pa yin te/ 'di ltar ma brtags par skye bo rnams log par byed pas rgyal po ni mi rigs par byed pa nyid yin no zhes rgyal po'i grags pa ma yin pa sgrogs par 'dod pa yin no smras te/des de tshar bcad do/ /tshar gcad nas gshin rje'i skyes bu dang 'dra ba'i mi shin tu yang drag po'i las can rtag tu goms pa'i dbang gis rgyud snying rje med par byas pa brtse ba med pa bzhi zhig yod de/de rnams bos nas smras pa/ myur bar song la gsod ma pa rnams bskul zhing nga'i tshig kyang 'di skad du 'di grong khyer nas myur du thon la ji ltar bsgo ba'i las kyis sod cig /khyed rnams kyis nga'am rgyal po'i lung ma gtogs pa gzhan gang gi tshig kyang ma btang cig /de ltar byas na legs kyi gzhan du byas nangs khyed rnams chad pa chen pos gcad bar bya'o smros shig /des kyang rgyal po de ltar bgyi'o zhes smras te/ rgyal po'i skyes bu de dag de'i tshig mnyan nas lag tu ral gri thogs te chas so/ /gsod ma pa de rnams kyang phyi shol gyi thabs brgya snyed byed cing dal bus dal bus gzhon nu gser mdog lam po che dang /tshong 'dus dang / bzhi mdo dang / sum mdo rnams su sgra sgrogs shing yongs su bskor te/ kye ma kyi hud gzhon nu ni gtong bar su zhig byed par 'gyur/ bdag cag kyang 'di lta bu'i bya ba ma yin pa mi byed pa su zhig sgrub par 'gyur zhes smras so//rgyal po'i skyes bu de dag kyang ral gri phyung ba lag na thogs te phyin nas des gsod ma pa de rnams la des ji ltar bsgo ba de ltar smras so/ /'di skad ces kyang smras te/ gal te 'di myur bar grong khyer las bton te/ji ltar bsgo ba bzhin du ma bsad na nged kyis khyed cag 'phral du gsad par bya'o/ /de rnams kyis shin tu yang sdug cing ral gri phyung ba lag na thogs pa gshin rje'i skyes bu dang mtshungs pa de la bltas nas kun du skrag par gyur to/ /de nas 'chi bas 'jigs skrag pas sems pa la zhugs te/kyi hud sus kyang gzhon nu'i skyabs ma byas pa ni sdug bsngal lo/ /bdag cag rnams kyang 'dis 'phral du gsod par 'gyur ro snyam nas mchi mas khengs pa'i mig dang / rgyal po'i skyes bu de rnams kyis srung bzhin du gzhon nu gser mdog grong khyer nas phyung bar brtsams pa dang /de grong khyer las 'byin par 'gyur ba la bltas nas srog chags brgya stong dpag tu med pa sgra gcig tu gsang mthon pos cho nges 'debs pa la zhugs te/ kyi hud ded dpon nyi ma thams cad dang bral bar gyur pa ni sdug bsngal la/ /ded dpon nyi ma 'di'i pha ma'i rigs chad par gyur to//ded dpon nyi ma 'di'i rigs kyi sgron ma nub par gyur to/ /ded dpon nyi ma 'di'i rigs rnams kyi kun du dga' ba nub par gyur to/ /ded dpon nyi ma 'di'i rigs kyi gtsug gi nor phrogs so/ /ded dpon nyi ma 'di'i mig phrogs par gyur to//ded dpon nyi ma 'di'i rigs kyi rgyan phrogs par gyur to/ /ded dpon nyi ma 'di'i snying phyung ngo / /ded dpon nyi ma 'di'i srog lus dang ldan bzhin du phrogs so/ /kyi hud 'di 'brog stong par 'khyams pa bzhin du yongs su bskor nas phyung ba las sus kyang skyabs ma byas par sdug bsngal lo//da ni rgyal po'i khab kyi grong khyer gyi zla ba 'di 'chi bdag gi sgra gcan gyis gzung ngo / /rgyal po'i khab kyi grong khyer gyi nyi ma 'di nam mkha'i dkyil du nub bo/ /rgyal po'i khab kyi grong khyer na gnas pa'i mig gi bdud rtsi 'di mthong ba'i lam na mi gnas par gyur to//rgyal po'i khab kyi grong khyer ba rnams kyi dga' ba'i rgyun 'di mi snang bar gyur to/ /rgyal po'i khab kyi grong khyer gyi rgyan 'di phrogs par gyur to/ /rgyal po'i khab kyi grong khyer ba rnams kyi gtsug gi nor bu 'di phrogs par gyur to/ /rgyal po'i khab kyi grong khyer na gnas pa'i grong khyer pa rnams kyi yid du 'ong ba phrogs te khyer na rgyal po'i khab kyi grong khyer na gnas pa'i mi rnams su zhig la mig mi 'dzums par lta bar byed/da ni gang zhig mthong na yid dga' bar byed ces yi chad par gyur to/ /blon po rab gtum gyis skyes bu gzhan zhig slar log nas gzhon nu gser mdog grong khyer nas phyung ngo zhes smras pa dang /de thos nas yid shin tu dga' bar gyur to/ /de nas grong khyer pa rnams kyi pho nya des de thos nas re thag chad par gyur to/ /de song nas grong khyer ba de rnams la rnam pa de dag rgya cher smras so//de thos pa dang grong khyer pa rnams kyang re thag bcad cing shin tu yi mug pas phan tshun smra ba/ shes ldan dag rtsod pa'i rgyal po 'dis pha chos dang ldan pa chos kyi rgyal po de lta bu bsad nas da ni 'di lta bu'i yon tan dang ldan par grags pa/ skye bo mang po'i yid du 'ong ba khyad par can gyi skyes bu nyes pa med pa gnod pa mi byed pa 'di lta bu gsod pa ni/e ma'o snying rje med pa/ e ma'o yon tan mi shes pa/ e ma'o khyad par mi shes pa'o/ /blon po rnams kyang gang 'di lta bu'i gzugs phun sum tshogs pa rgya chen po dang ldan pa ni mchod par 'os pa yin na/'di lta bu'i yon tan dang ldan pa'i skyes bu khyad par can ci'i phyir ma brtags par gsod cing yongs su spong bar byed/ yang na dus 'di lta bu nye bar gnas pa yin te/ gang dam pa ma yin pa rnams ni 'phel bar 'gyur la/ yon tan 'di lta bu dang ldan pa'i skye bo dang bral bar 'gyur ba dus 'gribs pa'i nyes pa'i bdag nyid byung ba yin no//ded dpon nyi ma la rnam pa 'di dag rgya cher smras pa dang / de thos nas ded dpon nyi ma re thag chad par gyur te/ mya ngan drag po'i sdug bsngal gyis gdungs nas brgyal te sa la 'gyel bar gyur to//de nas chu gtor pas slar dbugs dbyung ba dang / yi mug pa'i yid kyis kun du dga' ba dang bral ba su zhig da ltar nga'i bu gsod par byed ces gsang mthon pos cho nges 'debs pa la zhugs te/ kyi hud/ mig ni dga' bar byed pa yi/ / nga yi rigs kyi rgyun gyur pa/ /skal ldan pha ni nga lta bu/ /smre sa med par gsod par byed/ /nga yi yid ni rmongs pa dang / /phyogs rnams da ni 'khrul par byed/ /khyod bral mya ngan mes gdungs pas/ /kye ma bdag nyid tshig par gyur/ /kyi hud mkhas shing shin tu dul/ / snying rje la ni dga' gyur ba/ /bu khyod la ni sdug bsngal dag /mi bzad ji ltar 'ongs par gyur/ /bu khyod 'ongs par gyur pa'i tshe/ /dga' ba mnyam med ngas thob pa/ /bu bzang khyod dang bral ba'i sa/ /slar yang mya ngan med ltung 'gyur/ /brtse med khyad par mi shes pa'i//e ma rgyal po'i blon po dag /gang zhig 'di 'dra khrims ldan pas/ /bu khyod rnam par ma brtags so/ /e ma'o sa bdag de yis ni/ /gang gis 'di ltar de ma brtags/ /bu khyod yongs su spangs gyur pa/ /rang gi brtse med gsal sgrogs yin/ /khyad par du yang dam pa ngan//sems ni nges par nub pa ste/ /bu gang yon tan ldan pa yang / /smre sa med par gsod par byed/ /yon tan ldan mi 'di 'dra ba/ /gsod kyang btang snyoms byed pa ni/ /grong khyer gyi ni lha thams cad/ /de dag bros par gyur tam ci/ /dbang bcas 'jig rten skyong bcas dang //gang yang mthu chen ldan pa'i lha'i/ /thugs brtse bas ni nyer bzung ste/ /de rnams bdag gi bu srungs shig /brtul zhugs grub pa'i bdag nyid che/ /thub pa gang zhig da ltar bzhugs/ /des ni thugs brtse sngon bzhag ste/ /bdag gi bu ni bsrung du gsol/ / yang de'i blo skyes pa ci'i phyir bdag blo zhum par byed/ gang bcom ldan 'das 'gro ba thams cad kyi gnyen gcig bu thugs rje dang ldan pa de rjes su dran par bya'o/ /bcom ldan 'das de yang mgon med pa rnams kyi mgon/ skyabs med pa rnams kyi skyabs/ /skyob pa med pa rnams kyi skyob pa/dpung gnyen med pa rnams kyi dpung gnyen yin la/ de bzhin du bcom ldan 'das des nyam thag par zhugs pa'i sems can mang po 'jigs pa chen po de dang de las thar par mdzad de/ de yang tshong pa rgya mtsho'i dbus su chud pa chu srin dang nya'i 'jigs pas skrag pa rnams la de rjes su dran pa tsam gyis 'jigs pa chen po de las yongs su skyob par mdzad pa dang /de bzhin du sor phreng gis drag cing gtum bas mtshon cha phyar te skyes bu du ma bsad la de'i ma srog dang dbral bar 'dod [(]ba [,]pa [)]las 'jigs pa de las skyob par mdzad pa dang /de bzhin du sngon gyi skye po'i sha khon dang rjes su 'brel ba'i stobs kyis srog chags brgya stong du ma gsod cing khro ba'i me shin tu 'bar ba/ mi'i sha dang rkang la chags pas ldag pa na lce las kha chu'i thigs pa 'dzag cing / mche ba ring zhing rno ba gtsigs pas 'jigs su rung ba'i gnod sbyin la zas kyi phyir de'i kha'i gan du phyag bzhag ste/'brog gnas las sems can 'chi bas 'jigs pa las yongs su skyob par mdzad pa yin pas na bcom ldan 'das de ni bdag gi bu yang nyam nga ba chen po 'di las yongs su thar par mdzad par spyod cig /gang 'di bcom ldan 'das thugs rje chen po dang ldan pa mchog tu ma nyes gshin pa'i rang bzhin can de bdag gis rjes su dran par bya'o snyam nas gan na gnas pa'i dge bsnyen zhig la bcom ldan 'das de lta gang na bzhugs zhes dris pa dang / dge bsnyen de bcom ldan 'das rjes su dran nas/mchi ma 'dzag cing skad 'dzer bzhin du smras pa/ ded dpon/ gang zhig 'jig rten ded dpon 'gyur/ /gang zhig 'jig rten bde stsol ba/ /'jig rten kun gyi gnyen gcig pu/ /ston pa che de mya ngan 'das/ /gang zhig sgron med rnams kyi sgron//gang zhig skyabs dang dpung gnyen gyur/ /rgyal ba snum zad mar me bzhin/ /'jig rten sgron ma mya ngan 'das/ /de skad thos pa dang / ded dpon nyi ma bcom ldan 'das dang bral bas nyis 'gyur gyi mya ngan gyi zug rngus zug ste sa la 'gyel to/ /de nas chu gtor ba dang dbugs slar rnyed de slong ba dang /phyogs gang du bcom ldan 'das yongs su mya ngan las 'das pa der phyogs te gsang mthon pos cho nges 'debs pa la zhugs te/ kyi hud chos rgyal thams cad mkhyen/ /nyes pa'i dgra tshogs 'dul mdzad pa/ /mgon med 'gro ba spangs nas ni//'jig rten mgon po ci phyir gshegs/ /kyi hud mdzad par grags gyur gtso/ /sems can kun gyi gnyen gcig pu/ /sbyor ba kun las yang dag 'das/ /mya ngan 'das lam ston pa po/ /kyi hud kye ma 'jig rten 'di/ /ma rig pas ni mig khebs pa/ /mgon po khyod dang bral bas na//'khor bar rnam par 'khyams par gyur/ /dpa' bo gzhan la rjes brtse ba/ /khyed ni mya ngan 'das gshegs pas/ /'jig rten 'di ni mgon med des/ /mgon du su zhig sten par gyur/ /gang zhig khyed chos las byung ba'i/ /gdul bya rgyal ba'i sras po rnams//de kun khyed dang bral gyur na/ /gnas ni gang zhig bgyid par gyur/ /mang po'i bsam pa 'bras bcas mdzad/ /sdug bsngal nges par gdul mdzad nas/ /'gro ba re thag gcod mdzad pa/ /thub khyod phyogs ni gang du bzhud/ /gang phyir khyod gsung mnyan par ni//dga' bas grong khyer ma mchis na/ /da ltar khyod ni mya ngan 'das/ /dam chos su zhig rjes su ston/ /kyi hud snang byed 'jig rten 'di/ /mi 'am ci ltar bcas 'jig rten/ /mgon po shin tu rnyed dka' ba'i/ /thub pa khyod dang bral bas bcom/ /srog chags chos la yid dga' pa'i//bstan la dga' rnams mgon po khyod/ /mya ngan 'das pa thob gyur na/ /de dag ji ltar bgyid par 'gyur/ /thugs rje dang gcig dpa' bo ni/ /brtser ldan khyed la brten nas su/ /gang zhig yon tan thob gyur pa/ /slar de su zhig ston par bgyid/ / ci phyir 'jig rten gsum don du/ /thugs rje chen po skyed mdzad pa'i/ /'jig rten 'di nyid mkhyen brtser ldan/ /ci phyir btang snyoms khyed brten mdzad/ /kyi hud yon tan rin chen rgyas/ /bskal pa bye bar bsgrubs pa ni/ /'chi bdag sa 'og gis zin te/ /chos kyi gru ni 'gyel bar 'gyur//kyi hud ma rig mdongs pa gang / /blo dang ston pa po bral ba/ /'jig rten skyong ba mgon po ru/ /rab tu 'jig cing ngal bar gyur/ /kye ma 'jig rten che ba ni/ /nyams pa nyid du nye gnas te/ /sangs rgyas rin chen chen po dang / /'di ni da ltar bral bar gyur/ /khyu mchog med pa'i ba lang bzhin//khyed kyi dge slong tshogs rnams stong / /mkhas pa rnams ni mthong na snying / /ci yi phyir na gas ma gyur/ /lha rnams dad pas yan lag gi/ mchog btud nas ni spyi bo la/ /zhabs kyi rdul gyi mchog gyur pa/ /gang zhig yang ni 'jig par 'gyur/ / sems can kun la mnyam mnyes pas/ /rtag tu gnod pa byed pa dag /gang yin pa la da rung khyod/ /phyogs ltung mdzad pas ma mthong ngo / /yan lag brgyad ldan sman gyis ni/ /nyon mongs nad gso mdzad pa po/ /ston pa thugs rje cher ldan pa/ /sman pa'i rgyal po med par gyur//kyi hud brtse med 'jig rten mgon/ /mya ngan 'das pa ha cang sngas/ /'jig rten long bar gyur pa la/ /bla med mig ni stsol ba yin/ /khyod kyi mya ngan 'das kyang deng / /sdig pa med pa'i nor chen bu/ /gsod pa'i don du 'dis spangs na/ /su zhig 'phral du thar bar bgyid//mgon med rnams kyi skyob pa khyod/ /bgrod pa mchog tu gshegs gyur pa/ /kyi hud bu ni 'tsho ba yi/ /re ba da ni ma mchis so/ /bdag nyid chen po khyod kyis gang / /sdug pa kun dang bral 'gyur zhes/ /gsung gi dam pa bka' stsal te/ /legs gsung yin par deng 'tshal to//de de ltar rnam pa mang por smre sngags 'don cing dge bsnyen de la smras pa/ kye bcom ldan 'das de'i nyan thos chen po 'ga' zhig lus pa yod dam/ bcom ldan 'das kyis bstan ba su la rjes su gtad nas mya ngan las 'das par mdzad/ de nas dge bsnyen des smras pa//ded dpon bcom ldan 'das kyis gnas brtan 'od srungs chen po la yongs su gtad nas mya ngan las 'das so/ /gnas brtan 'od srungs chen pos kyang bcom ldan 'das kyi bka' nyid kyis gnas brtan kun dga' bo la bstan pa rjes su gtad nas mya ngan las 'das so zhes thos te/da ltar ni gnas brtan kun dga' bo bdag nyid che ba/ bstan pa gces par 'dzin pa yin te/ de da ltar de bzhin gshegs pa bzhin du snying rjes grong dang grong khyer dang / grong rdal dang / tshong 'dus la sogs pa de dang der song nas sdug pa'i sems can rnams rjes su 'dzin par byed do//de bzhin du sems can dge ba'i rtsa ba ma bskyed pa rnams ni dge ba'i rtsa ba skyed par byed do/ /dge ba'i rtsa ba'i rgyun yang dag par bsags pa rnams ni yongs su smin par byed do/ /dge ba'i rtsa ba'i rgyud yongs su smin pa rnams ni rnam par grol bar byed do//de bzhin du sman pa bzang po bzhin du nyon mongs pa'i nad kyis zin pa'i sems can rnams ni chos ston pa'i sman gyi sbyin pas gso bar byed do/ /nyi ma bzhin nyon mongs pa'i mun par zhugs pa'i sems can rnams la ni dam pa'i chos ston pa'i 'od zer gyi tshogs kyis nyon mongs pa'i mun pa sel bar byed do//zla ba bzhin du tshig gi 'od zer gyi tshogs kyis gdul bya'i ku mu ta'i tshal gyi kha dbye bar byed do/ /'khor los sgyur pa'i rgyal po bzhin du gdul bya khams kyi rgyal po stong phrag dam pa'i chos ston pas 'dul bar byed do/ / seng ge ltar rang gi shes rab kyi spobs pa'i sgras mu stegs ngan pa'i ri dwags kyi tshogs dag 'byer bar byed do/ /lam stor ba dag yang dag par ston pas gdul bya'i tshong pa rnams sgrol bar byed do/ /ded dpon ltar dam pa'i chos kyi zong la 'jug par byed do/ /sprin chen po ltar dge ba'i rtsa ba'i sa bon skyed par byed do//pha dang ma ltar phan pa dang gnod pa nye bar ston par byed cing ma dul ba'i sems can rnams ni 'dul bar byed do/ /ma grol ba rnams ni grol bar byed do/ /dbugs ma phyin pa rnams ni dbugs 'byin par byed do/ /yongs su mya ngan las ma 'das pa rnams ni yongs su mya ngan las 'da' bar byed do//de bzhin du nyam thag pa chen pos nyen pa'i sems can rnams ni 'jig pa chen po las thar bar byed do/ /mdor na bdag nyid chen po des ni sangs rgyas kyi bya ba byed do/ /de nyid rjes su sbron cig dang / des ni khyed kyi bu nyam nga ba 'di las thar bar byed par nus so//de thos pa dang ded dpon nyi ma srog stor ba las slar rnyed pa bzhin du shin tu dga' ste rtabs bag gis dris pa/ 'phags pa kun dga' bo ded lta gang na bzhugs/ des smras pa/ ded dpon gnas brtan kun dga' bo ni da ltar yangs pa can gyi a mra skyong ba'i nags na bzhugs so zhes thos so//de nas ded dpon nyi ma de ma thag langs te pus mo'i lha nga gnyis sa la btsugs nas yangs pa can gang na ba der btud nas bu dang bral ba'i sdug bsngal gyis nyen cing mchi ma'i chu rlabs kyis gdong gi pad+mo khebs bzhin du mchi mas kun du khyab pa dang ldan zhing bsam pa drag pos gnas brtan kun dga' bo la gsol ba 'debs pa la zhugs par gyur to//gal te khyed ni slob dpon mchog /sems can bsam mkhyen mchog yin na/ /bsam dang bag la nyal mkhyen to//gsol ba 'debs pa 'di gson cig /sangs rgyas bcom ldan slob ma ni/ /rdzu 'phrul rtse dang mya ngan 'das/ /de yi bstan pa 'phel byed pa'i/ /khyed gcig pu ni lus par gyur/ /khyod ni 'gro ba'i dpung gnyen dang / /khyod ni dbugs phyin gyur pa yin/ / rtag tu sems can don mdzad pa/ /da ltar dgongs pa gzir bar mdzod/ /mgon khyod ma lus bsrung ba ni/ /'di 'dra de ring bzhugs bzhin du/ /smre sa med par bdag gi bu/ /ci phyir 'di ltar gsod par byed/ /gal te 'gro don mi mnga' na/ /khyed 'dra ba ni bzhugs mi 'gyur//'gro ba dang ldan gsod bzhin du/ /'di la ji ltar btang snyoms mdzad/ /'gro ba'i don du sku lus ni/ /brtul zhugs bzang po 'dzin mdzad pa'i/ /thugs rje de mngon mdzad nas ni/ /bdag gi bu la dgongs su gsol/ /las kyi sgo kun bcom gyur cing / /skyabs med dpung gnyen med par ni//mya ngan 'dam la nub pa bdag /chung mar bcas pa gdon du gsol/ /shAkya'i seng ges khyed nyid ni/ /da ltar gtso bor bstan mdzad na/ /'gro la phan pa gzhan gang la/ /gzhan gang la ni gsol ba btab/ /gtso bo khyod ni ma gtogs pa//bu yi skyabs gzhan ma mchis pas/ /de bas rings par byon nas ni/ /bdag gi bu ni bskyab tu gsol/ /bu yi mya ngan bzod dka' la/ /rang bzhin ngan pa'i sgras zin pa'i/ /chung mar bcas pa dga' bral ba/ /kun dga' deng ni dga' skyed gsol/ /de nas bar skabs der gnas brtan kun dga' bo snying rjes gdungs bzhin du nyin lan gsum mtshan lan gsum du nyan thos kyi mig gis 'jig rten la bltas te/su ni 'grib/ su ni 'phel/ su ni gsod par gyur/ su ni nyam nga bar gyur/ su ni sdug bsngal bar gyur/ su ni ngan song la gzhol/su ni ngan song la bab/ su ni ngan song lam las blan te mtho ris dang thar pa la gzhag par bya/ su ni 'dod ba'i 'dam du bying ba lag nas drang bar bya/ su ni 'phags pa'i nor dang bral ba la 'phags pa'i nor gyi dbang phyug gi bdag po la rab tu gzhag par bya zhes gnas brtan kun dga' bos gnas brtan shA ri'i bu dang mnyam pa'i mig gis bltas na/gzhon nu gser mdog dge ba'i rtsa ba'i tshogs nye bar bsags pa nyam thag pa chen pos nyen par gyur par mthong ngo / /mthong nas kyang yang de nyid nas gnas gzhan du rdzu 'phrul gyis glang po che'i sna lta bu'i lag pa brkyang nas de'i mod kho na las rgyal po ma skyes dgra khang bzangs kyi steng gi gzhi na shin tu bag med par gnas pa na/se gol gi sgras go bar byas nas sgra gsal bar smras pa/ rgyal po chen po gang gzhon nu gser mdog rang nyid kyis rnam par ma dpyad pa ni legs par byas pa ma yin no//de yang da lta gnod pa med cing nyes pa ma byas bzhin du rgyal po'i khab nas phyung ste dur khrod chen por khyer nas gsod kyis de las zlog shig /de nas gnas brtan kun dga' bo'i tshig de thos pa dang / rgyal po rtabs bag tu rings par gnas brtan kun dga' bo khang bzangs kyi steng na 'dug pa la phyag byas te langs nas sgra chen por phyogs pa zhir bos pa/kye nyon cig gang dur khrod chen por rings pa rings par song nas/ /gzhon nu gser mdog gsod par byed pa la nga'i tshig gis thar par byed pa de langs gser gyi zam tog chen po dang /yul gyi mchog lnga sbyin no/ /rgyal po'i tshig de thos pa dang / gzhon nu de ni skye bo mang po'i yid du 'ong ba yin pas srog chags brgya stong du mas rings par brgyugs par gyur to/ /de nas bar skabs der gshed ma pa rnams rgyal po'i skyes bu de rnams kyis bsrungs nas gzhon nu gser mdog khyer te dur khrod chen por phyin to//bu mo ka shi mdzes dga' mo yang rang gi nye du rnams kyis gos sngon po dang / ser po dang / dmar po dang / dkar pos brgyan pa byas pa'i khyogs la bteg ste dur khrod chen por khyer nas de'i gnyen rnams kyis de phyogs gcig tu bzhag ste/shing bsdus nas ro bsregs pa'i shing brtsig pa la zhugs te/ gshed ma pa de rnams kyis smras pa/ khyed rnams kyis re zhig 'di'i ro bsreg pa'i shing ma brtsig par ci tsam na khyed kyis nged kyi gzhon nu gser mdog gsal shing la skyon te/bsad kyi bar du yud tsam zhig sdod cig /de ci'i phyir zhe na/ gzhon nu gser mdog de dang bu mo ka shi mdzes dga' mo ro bsreg shing gcig la bzhag ste bsreg par bya'o zhes smras nas/ gsal shing la btsugs par gyur to//gzhon nu gser mdog gsal shing sa la btsugs pa bltas nas ma rjes su dran te/ sdug bsngal drag pos rgyud zhu bar byas pas mchi ma glog pa la zhugs par gyur te/ de ltar ma nga dang bral bar thos pa dang gnas skabs cir gyur zhig gu/ gang gi tshe thun dang po'i mtshan phyed la ma mthong na yang shin tu gnod pa drag po myong na des deng bu gcig pa dang bral na srog ji ltar 'dzin par 'gyur/kyi hud nga ni 'di lta bu'i skal ba ngan pa ste/ nga skyes pas ma nga dang bral ba'i sdug bsngal nyams su myong bar gyur to/ /de nas gshed ma pa rnams kyis gsal shing de sa la btsugs te phan tshun smra bar rtsom pa/bdag cag las su zhig gis gzhon nu 'di gsal shing la bskyon par bya/ der yang re re nas sgyu byed pa la zhugs te/ khyed rnams kyis skyon cig /nga ni deng mgo bo'i nad kyis shin tu gzir to/ / de bzhin dung ni rgyab nas gzer ro/ /nga ni mchan khung nas gzer ro zhes zer zhing de rnams gang yang bya ba ma yin pa de byed par spro bar ma gyur to/ /de nas gzhon nu gser mdog gis de rnams phan tshun smra ba thos nas gsal shing sa la btsugs pa la bltas te/ kyi hud da ni nges par nga med par 'gyur ro zhes 'khor ba'i nyes pa la skyo zhing thar pa'i lam mngon par 'dod pas bdag nyid dga' ba dang bral bar shes nas mchog tu 'jigs pa'i mya ngan gyis g.yo ba'i mig gis lta zhing cho nges 'debs pa la zhugs te/kyi hud sdug bsngal lo/ /da ni nga'i shin tu rnyed par dka' ba'i dam pa'i chos kyi dga' ston rnyed nas don gyi bya ba ma byas pa nyid na 'chi bar 'gyur ro//kyi hud yang 'khor bar 'khor bar 'gyur ro/ /slar 'khor ba'i btson ra chen por gnas par 'gyur ro/ /yang 'khor ba'i 'brog stong par yongs su 'khyams par 'gyur ro//yang 'khor ba'i tshang tshing chen por zhugs par 'gyur ro/ /yang 'khor ba'i g.yang sa chen po rab tu ltung bar 'gyur ro/ /yang 'khor ba'i 'dam rdzab kyi nang du gnas par 'gyur ro/ /yang bdag ni yang sos dang / thig nag dang / bsdus 'joms dang /ngu 'bod dang / ngu 'bod chen po dang / tsha ba dang / rab tu tsha ba dang / mnar med pa la sogs pa'i dmyal ba rnams su skye bar 'gyur ro/ /slar yang bdag glang po che dang / ba lang dang / ma he dang / ri bong dang / sha ra bA dang / ri dwags ru ru dang / byi la ste sna tshogs pa'i skye gnas su skye bar 'gyur ro/ /slar yang rtag tu bkres pa dang / skom pa la sogs pa'i sdug bsngal chen po dang / sdug bsngal ba dang / yid mi bde bas nyen pa rnams dang / bza' ba dang / btung ba'i sgra rnams yang mi thos shing bshang ba dang /gcin dang / mchil ma dang / ngar snabs la sogs pa za zhing yi dgas lkog ma'i lba ba can du skye bar 'gyur ro/ /dper na u dum bA ra'i me tog ni brgya lam na lan 'ga' 'byung ba ltar de bzhin gshegs pa dgra bcom pa yang dag par rdzogs pa'i sangs rgyas ni 'jig rten du brgya lam na lan 'ga' 'byung bar 'gyur ro zhes thos te/de bzhin gshegs pas gsungs pa'i chos 'dul ba 'jig rten du ston par mdzad pa yang 'byung bar dka' bar shes so/ /dal 'byor ni rnyed par dka'o/ /mir skye ba ni rnyed par dka'o/ / 'phags pa'i yul du skyes pa dang / dbang po tshang ba dang / glen pa ma yin pa dang / 'on pa ma yin pa dang / lkugs pa ma yin pa dang / lag brdas mi smra ba dang / legs par bshad pa dang / nyes par bshad pa'i chos rnams kyi don bshad pa rnyed par dka'o zhes thos la/bdag kyang skyabs dang bral bas deng ni med par 'gyur te/ mi khom pa brgyad las thar pa'i mir skye ba nyid kyang da ni 'bras bu med par 'gyur na de la da ci zhig bya/ ci bcom ldan 'das thugs rje chen po dang ldan pa'i sangs rgyas bzhugs pa ni gang zhig rjes su dran pas nga gnas skabs 'di lta bu mgon med pa/skyabs med pa/ skyob pa med pa/ dpung gnyen med pa/ snang ba med pa/ shin tu nyam thag pa'i sdug bsngal gyis nyen par gyur pa la thugs rje chen po'i dbang gis byon nas yongs su skyob par mdzad par gyur pa zhig na/ bcom ldan 'das de yang nga'i skal ba ngan pa'i nyes pas myur ba myur bar yongs su mya ngan las 'das pas de la da su zhig gnas skabs 'dir rjes su dran par bya/su zhig nga la de bzhin gshegs pa bzhin du thugs rje chen pos byon nas yongs su skyob par byed par 'gyur zhes re thag chad de dpyod 'dar ba la zhugs pa dang /de la yang blo skyes pa/ gnas brtan kun dga' bo zhes bya ba bdag nyid chen po bzhugs kyis de rjes su dran par bya ste/ bdag nyid chen po de la sems can thams cad la phan par sems pa la rtse gcig pa'i rgyud chen po dang ldan pa bcom ldan 'das de dang gnas brtan 'od srungs chen pos bstan pa ma lus par rjes su gtad pa yin te/des da ltar sems can thams cad la phan pa mdzad pa/ de ni rdzu 'phrul che ba/ mthu che ba yin par thos te/ gnas brtan kun dga' bos ni phongs pa 'di las bdag yongs su skyob par spyod cig//de nyid rjes su dran par bya'o snyam du bsams nas mchi mas mig khebs shing 'khor ba'i 'jigs pas skyo la mchog tu yid byung bar gyur pa'i bsam pa drag pos gnas brtan kun dga' bo spyan drang ba la zhugs so/ /'khor ba'i 'jigs pas skrag gyur pa//dga' dang bral bar gnas pa dag /gnas brtan kun dga' bo la zhus/ /bdag la khyod gsan mdzad pa'i rigs/ /kun mkhyen thugs rje'i bdag nyid can/ /de ni mya ngan 'das gyur la/ /bdag nyid chen po 'od srungs la/ /'gro ba'i don gyi khur gtad do//gnas brtan 'od srungs chen pos ni/ /don byas mya ngan 'das nas ni/ /'gro ba'i don ni 'byor ba'i phyir/ /khyed nyid la ni khur yang gtad/ /'jig rten gnyen 'gyur rdzogs sangs rgyas/ /'gro ba kun la phan brtson dang / /grags ldan 'od srungs chen po yang /da ltar mya ngan 'das par gyur/ /khyed ni mgon med rnams kyi mgon/ /'jigs pa rnams la mi 'jigs stsol/ /ngal ba rnams kyi bsti sa dang / /skyabs don gnyer ba rnams kyi skyabs/ /ston pa'i bya ba khyed mdzad pas/ /khyed nyid 'jig rten gnyen gcig pu//sangs rgyas slob ma rnams kyi mchog /khyed ni bstan pa gces mdzad pa/ /gal te sdug bsngal sa 'og las/ /deng bdag gdon par ma mdzad na/ /khyed las gzhan pa'i mgon po ni/ /da ltar med pas bdag bcom lags/ /skyes nas nges par 'chi bas na//'chi bas bdag skrag ma lags kyis/ /ji ltar 'khor ba'i btson ra las/ /'byin par mdzad pa khyed kyis mkhyen/ /de bzhin mi khom brgyad spangs pa'i/ /dal ba thob pa rnyed dka' ba/ /don ma byas pas 'chi 'gyur bas/ /des bdag shas cher sdug bsngal gyur//sangs rgyas thams cad gzigs pa ni/ /'byung ba nges par rnyed dka' bas/ /khyed gshegs nas ni ji ltar bdag /'bras med mi 'gyur de ltar mdzod/ /khyed ni thugs rje mi g.yo ba/ /srog chags kun la mnga' gyur pa/ /thar pa'i las ni mngon 'dod pa'i//bdag la btang snyoms mi mdzad rigs/ /gal te khyed ni gtso can te/ /sems can kun gyi don brtson na/ /shin tu nyam ngar zhugs gyur pa/ /bdag la gzigs par mdzad du gsol/ /de ltar skyob pa med pa la/ /lha yi spyan gyis gzigs nas ni//khyed deng myur du gshegs nas su/ /bdag la skyabs par mdzad pa'i rigs/ /de nas bar skabs der gnas brtan kun dga' bo bdag nyid che ba/ 'gro ba ma lus pa'i don yongs su rdzogs par bya ba'i phyir nges par zhugs pa/ snying rje dang ldan pa des de bzhin du sems can mtha' yas pa'i spyod pa la lta zhing phan par sems pa'i rgyud dang ldan pa'i mchog tu nyon mongs pa dang ldan pa'i lha'i mig gis gzhon nu gser mdog gnas skabs 'di lta bur 'dug pa mthong nas/sems kyi 'jug pa snying rjes yang dag par bskul bas lha'i snang bas sa'i dkyil 'khor rnams snang bar byas nas dgra bcom pa lnga brgyas yongs su bskor te/'phral du rdzu 'phrul gyis nam mkha'i gzhi la 'phags te 'tshams kyi sprin gyis g.yogs pa bzhin du nam mkha'i ngos kun du bkang ste/ sa'i dpal gyi tshogs bzhin du dpal gyis lus 'bar bar gyur cing dur khrod du mngon par bltas te yang dag par chas pa dang /rgyal po ma skyes dgra khang bzangs kyi steng na 'dug pas gnas brtan kun dga' bo dge slong gi dge 'dun chen po dang lhan cig zla ba kham pa lta bur nye bar bskor te/rdzu 'phrul gyis nam mkha' la 'phags nas mtshams kyi sprin bzhin du nam mkha'i ngos brgyan te/ dur khrod chen por mngon par phyogs nas 'gro bar mthong ngo / /de mthong ba dang yang de 'di snyam du sems te/ gnas brtan kun dga' bo ni gzhon nu gser mdog gi phyir gshegs pa yin la/de bzhud nas kyang ngo mtshar shin tu che ba'i chos ston par mdzad pa yin gyi nga yang dur khrod chen por 'gro bar bya snyam mo/ /de nas de'i mod la gnas brtan kun dga' bo 'khor dang bcas pa la phyag byas te/ khang bzangs nas rings pa rings par babs te/srog chags brgya stong du mas yongs su bskor nas rkang pa gnyis kyis dur khrod chan por chas so/ /bar skabs kyi gshed ma pa rnams rgyal po'i skyes bu de rnams kyis mtshon phyar te bsdigs pa/ ci'i phyir 'di ltar phyi shol byed/ myur du gzhon nu 'di gsal shing la skyon cig /de nas gshed ma pa de skrag te/ gzhon nu gser mdog gsal shing la bskyon par bya'o zhes smras nas gsal shing la bskyon par brtsams pa dang / gzhon nu gser mdog 'khor pa'i nyes pas yid byung ba'i sems dang / re thag chad par gyur nas cho nges 'debs pa la zhugs te/kyi hud 'phags pa kun dga' bos bdag yongs su spangs te gang la mkhyen par gsol yang yongs su ma bskyabs pa ni sdug bsngal lo/ /de nas bar skabs der gnas brtan kun dga' bo bdag nyid che bas ring po nyid nas 'ongs bzhin du skad shin tu gsal bas phyogs kun du khyab par byas te/gzhon nu gser mdog dbugs dbyung ba'i phyir smras pa/ bu ma 'jigs shig /khyed lta bu'i gdul bya rnams kyi don du ngas sbrul dug can lta bu'i lus 'di bzung ba yin gyi bu ma 'jigs shig /ngas deng khyod nyam nga pa 'di las yongs su thar par bya'o/ /deng ngas sangs rgyas bcom ldan 'das kyi thugs la dgongs pa rdzogs par bya'o/ /deng nyid ngas gang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa dang /gnas brtan 'od srungs chen pos bstan pa nga khrul gtad pa de yang 'bras bu yod par bya'o/ /deng ngas de bzhin gshegs pa'i nyan thos rnams kyi mchog gi bdag nyid che ba nye bar brtan par bya'o/ /deng khyed kyi yid la re ba yongs su rdzogs par bya'o//deng khyed kyi 'chi ba'i 'jigs pa 'di dang 'khor ba'i 'jigs pa bsal bar bya'o/ /deng khyed kyi the tshom gyi rnam pa yin nam ma yin snyam pa'i zug rngu dbyung bar bya'o/ /lta ba ngan pa'i rab rib kyis khebs pa'i ye shes kyi mig sman gyi thur mas rnam par snang bar bya'o//deng khyed kyi khro ba'i me gzhig par bya'o/ /deng khyed 'dod chags dang bral bas bskyab par bya'o/ /deng khyed kyi dge ba'i sa bon bskyed par bya'o/ /deng khyed 'khor ba'i 'dam las gdon par bya'o/ /deng khyed sdug bsngal gyi rgya mtsho las bsgral bar bya'o//deng khyed 'khor ba'i 'brog dgon pa'i mthar dbyung bar bya'o/ /deng khyed nyon mongs pa'i 'ching ba gcad par bya'o/ /deng khyed nyon mongs pa'i sgo glegs gcad par bya'o/ /deng ngas ji ltar khyed kyi mtha' bye ba brgya stong dpag tu med par shin tu rnyed par dka' ba nyon mongs pa dang nye ba'i nyon mongs pa spangs nas dgra bcom pa nyid thob pa de ltar ngas bya'o//deng ni nyon mongs bud shing kun/ /ye shes me yis bsreg par bya/ /de ni the tshom med pa'i blos/ /rigs dang bral ba nyid du gyur/ /deng ni bu khyod mi thogs par//yun ring skyed pa'i skye ba'i shing / /ye shes chen po'i rdo rje yis/ /bcad dka' shin tu gcod par 'gyur/ /chags chu dregs pa'i dba' klong can/ /nga rgyal chu rlabs srid mtsho las/ /brtson pa'i gzings la legs zhon te/ /khyod ni rab tu rgal bar gyur//skye ba'i lhan cig dga' ba'i rtse/ /'chi ba'i ri khrod dog pa ni/ /ye shes rdo rje chen po yis/ /sdug bsngal ri bo gzhig par 'gyur/ /bskal pa bye ba brgya stong du/ /gang zhig khyod kyis ma thob gnas/ /de 'dra shin tu rnyed dka' yi/ /gnas med deng ni thob par 'gyur//de nas gnas brtan kun dga' bo las de dag thos pa dang / gzhon nu gser mdog gtor ba las slar rnyed pa bzhin du dbugs phyin cing rnyed nas shin tu dga' bas ba spu ldang ba dang / nam mkha'i ngos su shas cher lta zhing gnas brtan kun dga' bo la dga' bas bsdus pa'i yid rtse gcig tu gyur to//de nas rgyal po'i skyes bu de rnams kyis gsod ma pa rnams la smras pa/ shes ldan dag dge slong nam mkha'i ngos la rten cing 'ong ba 'di dag ni snying rje can yin pas 'di dag 'ongs nas gal te bar chod byed kyi myur du gzhon nu 'di gsal shing la skyon cig /khyed rnams rgyal po'i khrims las 'das pas sdug bsngal chen po thob par gyur ta re/ de nas gshed ma pa de rnams bu dang / bu mo dang / nang mi dang / nye du dang / srog dang bral bas 'jigs skrag nas gzhon nu gser mdog bteg ste gsal shing la gzugs par brtsams pa dang /gnas brtan kun dga' bos de'i mod kho na la ji ltar gsal shing de'i steng du zla ba'i dkyil 'khor dang 'gran du rung ba/ lte ba yangs pa dang ldan pa'i pad+ma chen po byung bar gyur la/ zla ba'i steng du lte ba la gzhon nu gser mdog skyil mo krung gis 'dug pa de ltar byin gyis brlabs so//pad+ma de'i lte ba'i steng na gzhon nu gser mdog skyil mo krung gis 'dug pa mthong ba dang / nam mkha' las lha bye ba brgya stong dpag tu med pas ca co'i sgra bton te/ kye ma'o bstan pa'i bdag nyid che//kun mkhyen gyi ni rmad byung dang / /de bzhin gshegs pa'i rnam 'phrul gang / /de bzhin nyan thos rnams kyang byed/ /de ni 'phags pa kun dga' bos/ /bdag nyid che mtho rab ston cing / /bde gshegs bzhin du byed pa ni/ /yang dag shin tu rmad byung che//phongs pa'i mun pa kun sel ba'i/ /rgyal po'i nyi ma nub gyur kyang / /kye ma gnas brtan kun dga' bos/ /dpal ldan nyi ma 'di shar ro/ /'gro ba nam mkha'i dkyil 'khor du/ /gnas brtan kun dga'i zla ba yis/ /rang gi bdag nyid shes rab che'i/ /'od kyi dri ma med par byas//bder gshegs sgron ma dang bral bas/ /'gro ba'i mun pas khyab gyur la/ /'phags pa kun dga'i sgron ma yis/ /deng ni yang dag gsal bar byas/ /yon tan bsam mi khyab kun ldan/ /sangs rgyas rin chen nub gyur kyang / /dpal ldan 'gro ba'i gtsug nor bu//'phags pa kun dga' yang dag 'phags/ /de nas gnas brtan kun dga' bos ston ka'i zla ba'i dkyil 'khor bltar med pa bas lhag pa'i 'od dang ldan pa mtshams kyi sprin gyis bskor ba'i nyi ma lta bu sa'i dpal ma lus pa bzhin du dpal gyis lus 'bar bar gyur pa/rang gi gzi brjid kyis nyi ma'i 'od zil gyis gnon pa/ dgra bcom pa lnga brgyas yongs su bskor te phyin pa dang / nam mkha'i ngos nyid na gnas bzhin du gzhon nu gser mdog la gsungs pa/ /'jig rten du ni lan 'ga' zhig / mig ldan g.yul gyi mthar byon pa/ /lha dang mi yi ston pa yi/ /de bzhin gshegs pa 'byung bar 'gyur/ /sdug bsngal thams cad rnam sel ba'i/ /chos gang rab tu ston pa dang / /sdug bsngal sdug bsngal kun 'byung dang / /sdug bsngal yang dag 'das pa dang //'phags pa'i lam ni yan lag brgyad/ /zhi ba mya ngan 'das 'gro ba/ /chos 'di ston par mdzad pa na/ /sdug bsngal thams cad sel byed pa'i/ /shes pas mi shes bcom nas ni/ /slar ni 'byung bar mi 'gyur ro/ /de nas tshig 'di thos pa'i rjes thogs nyid la gzhon nu gser mdog 'jig tshogs la lta ba'i ri bo mthon po nyi shu ye shes kyi rdo rjes bcom nas rgyun du zhugs pa'i 'bras bu mngon sum du byas so//de nas gzhon nu gser mdog tshong pa rnyed pa rnyed pa lta bu'am/ zhing pa lo legs pa lta bu'am/ dpa' bo g.yul las rgyal ba lta bu'am/'khor los sgyur ba'i rgyal po thob pa ltar mchog tu dga' ba dang / mgu ba skyes par gyur nas de nyid du gnas bzhin du lag pa thal mo sbyar te gnas brtan kun dga' bo la mngon par bstod par brtsams pa/ gnas brtan kun dga' phyag 'tshal lo//gnas brtan mchog la phyag 'tshal lo/ /rgyal sras rnams kyi tog gyur pa'i/ /thub pa che la phyag 'tshal lo/ /e ma'o khyod kyi thugs rje rgyas/ /e ma'o thugs rje mchog ldan pa/ /gang gis bdag ni nyam nga ba/ /chen po las ni deng mdzad thar//'jigs pas nyen cing mgon med bdag /mgon po khyod kyis thar mdzad pa/ /'jig rten mgon zhes mi yul gyi/ /gnas su khyed kyi sgra bsgrags gyur/ /sdug bsngal tsha bas gdungs pa yi/ /'jig rten khyed kyis 'dzin mdzad cing / /byams dang snying rje bsil ba'i 'od//thub pa zla ba shar ba yin/ /dge ba'i bshes dang mjal nas ni/ /khyed kyis bdag la gang thob mdzad/ /bya ba de ni mas min zhing / /pha dang gnyen rnams kyis ma yin/ /ngan song thams cad sgo gcad cing / /thar pa'i sgo ni kun du phye/ /rgya mtsho thams cad skams pa dang //rus pa'i ri las thar bar mdzad/ /'khor ba thog mtha' dbus med cing / /nyon mongs 'jigs pas dkrugs pa las/ /blo dang bcas pa'i yon tan gyis/ /khyed kyi mthar ni bzhag par gyur/ /thog med dus nas zhen pa yi/ / lta ba'i zug rngu legs 'byin pa'i/ /sman pa'i mchog 'dir rnyed pas na/ /bdag ni nad med bde ba skyes/ /de nas lha rnams kyis gnas brtan kun dga' bo'i sems la bltas nas skad cig ma de nyid la dur khrod chen po'i rdo dang gseg ma dang / gyo mo rnams bsal ba dang /tsan+dan gyi chus chag chag btab cing spos kyi dri zhim pos gtul te/ gdugs dang rgyal mtshan dang / ba dan dang / rta babs bsgrengs pa dang / mu tig gi do shal gyi tshogs dang / gos kyi chun 'phyang mang po dpyangs pa dang / me tog dri zhim po sna tshogs kyi sil ma bkram ste/lha rnams dga' ba'i tshal bzhin du shin tu nyams dga' bar byas so/ /der yang gnas brtan kun dga' bo'i don du rin po che sna tshogs pas rnam par spel cing spras pas khyad par can du phye zhing thams cad lha'i gser las byas pa/ rkang rten dang bcas pas lha'i seng ge'i khri chen po bcas pa dang /dgra bcom pa lnga brgya po de rnams kyi don du yang lha'i gdan rnams bting ngo / /de nas gnas brtan kun dga' bo nam mkha' las babs te/ seng ge'i khri de'i steng du bzhugs so/ /dgra bcom pa lnga brgya po de rnams kyang babs te gdan bshams pa la 'dug par gyur to//rgyal po ma skyes dgra yang srog chags brgya stong dpag tu med pas yongs su bskor nas phyin pa dang / ci tsam na 'byor pa de dag kyang mthong zhing / gzhon nu gser mdog zla ba'i dkyil 'khor dang 'gran du rung ba'i pad+ma'i lte ba'i steng na 'dug pa sprin rum stug po las byung ba'i ston ka'i zla ba rgyas pa lta bu'am/gser gyi mchod sdong ltar dpal gyis 'bar ba mthong ba dang / de bltas te sems kyi rgyud ngo mtshar shin tu bsdus par gyur nas ba spu ldang bar gyur pa dang /mchog tu dga' ba'i rlabs 'khyil pa'i gdong gi pad+ma rgyas pa dang / mchog tu dad pa'i shugs kyis sems shin tu bsdus pa dang / lus thams cad kyis gnas brtan kun dga' bo'i zhabs gnyis la phyag 'tshal lo/ /de nas zhabs la byugs te langs nas pus mo gnyis sa la btsugs te/lag pa thal mo sbyar nas gnas brtan kun dga' bo la lta zhing smras pa/ gang gis de nyid 'gro ba 'di/ /yongs su skyob par mdzad pa dang / /bdag nyid kyang ni don mdzad pa'i/ /slob dpon mchog la phyag 'tshal lo/ / da ni skye bo 'di dag la/ /khyed kyis dgongs pa ma mdzad na/ /smod pa'i ser ba 'bebs pa yis/ /thub pa bdag ni brlag par 'gyur/ /thub pa sems la btang snyoms mdzad/ /gal te skyob khyod mi bzhugs na/ /rjes su 'gyod pa'i nags mes ni/ /bdag nyid deng nyid sreg par 'gyur//e ma'o ye shes che ba nyid/ /thugs rje'i thugs ni dam pa yis/ /rmad du byung ba'i spyod pa 'di/ /e ma'o yang dag bstan par mdzad/ /sdig med khyod kyi cho 'phrul dang / /rmad byung chen po 'di thos na/ /de bzhin gshegs pa mchog tu ni//zhi bar gshegs pa mi snyam sems/ /nyam thag gyur pa'i 'jig rten gyi/ /khyed ni mgon yin khyed dpung gnyen/ /sems can kun la phan mdzad pas/ /bcom ldan bzhin mnyes gshin pa po/ /bcom ldan 'das de khums pa dang / /dga' ba gang zhig sngon skye ba//rgyal ba'i bstan pa gces 'dzin pa/ /khyod de de dang 'dra bar khums/ /de nas rgyal po des gnas brtan kun dga' bo la de ltar mngon par bstod nas langs te/ mchog tu dga' bas yid rgyas pa dang rings pa rings par gsal shing gi gan du song ste/lag pa gnyis brkyang nas yid du 'ong ba'i bu stor ba las slar rnyed pa ltar mchog tu dga' bas gzhon nu gser mdog rang nyid kyi stan de la phab ste/ dam du 'khyud nas yang dang yang du mgo la 'o byas shing dga' bas byung ba'i mchi mas kun du khebs pas gzhon nu gser mdog la mig mi 'dzums par lta zhing smras pa/nyam thag 'di las khyod thar nas/ /gnas pa da ltar mthong ba na/ /dga' bar gyur pa de 'dra sngon/ /rgyal po thob na'ang ma myong ngo / /zla ba rgyas pa'i mdangs 'phrogs shing / ut+pal sngon po 'dab 'dra'i mig /bu yi gdong gi pad+ma ni/ /mthong ba de ni blta bar bya/ /btso ma'i gser gyi mdangs ldan zhing / /yon tan phun tshogs rnams kyis brgyan/ /yan lag thams cad 'byas gyur pa'i/ /khyed lus mthong ba blta bar bya/ /snying rje med cing bdag nyid ngan//gang gi rang bzhin ngan smras nas/ /sus ni mi rnams yid 'ong khyod/ /bsad pa'i phyir ni yongs su spangs/ /spyod pa dul bar ldan pa dang / /tshig ni mnyan la dga' byed la/ /gzugs ni shin tu rmad byung ba'i/ /su yi yid du mi 'ong smras/ /yon tan ldan pa su zhig ldang //gang zhig rtag tu nye rjes 'brangs/ /rdo rje snying po mnyam sems gang / /khyad par mi shes su zhig yin/ /bu sdug khyod la sdang ba gang / /de ni rdo yi rang bzhin nam/ /sems dang bral bas byas pa'am/ /snying ni phyung bar gyur par nges/ /skye bo kun la sdug pa khyod//gang gis gsod par lung bsgo ba/ /rdo rje rab 'bar thogs nas ni/ /nga yi spyi bor 'phen pa yin/ /'gul par mtshon gyis 'debs pa dang / /mdung gis snying gar rab bsnun zhing / /grags pa min pa'i ser ba 'di/ /su zhig gis ni dbab par brtsams//kyi hud su yis mi bzad pa'i/ /tshig gis las 'di byed du bcug /su zhig nga'i dgrar 'brel gyur/ /nga ni gang yid mi 'ang gyur/ /su zhig mchi bdag dag gis 'khyud/ /su zhig srog las skyob par gyur/ /gang gis khyod la lung bsgo ba/ / myur du smra bar bya ba'i rigs/ /de nas gzhon nu gser mdog sems pa la zhugs par gyur te/ gal te rgyal po 'di la blon po rab gtum gyis bdag la las 'di byed du bcug go zhes smra ba ni da lta nyid ni blon po rab gtum gsod par 'gyur te/ blon po rab gtum la rgyal pos las byed par gyur pa'i gnas yod na 'dir ji ltar bsgrub par bya/yang bsams pa las bdag gis bya ba la dmigs par bya ste/ nges par na ngas skye ba gzhan du sdig pa mi dge ba'i las byas pa gang yin pa de'i rnam par smin pa 'di yin te/ sngon gyi las kyi rnam par smin pa ma gtogs par sdig pa med pa 'di ltar gsod par 'ong ba su zhig byed ces nges par bsams nas rgyal po la smras pa/lha cig gang la yid 'dra ba'i/ /rnam smin nye bar gnas pa 'di/ /sdig pa sngon gyi tshe rabs su/ /bdag nyid kyis ni byas pa yin//bdag nyid kyis ni byas pa'i las/ /yid du mi 'ong zhes bya de/ /rnam smin la ni longs spyod na/ /khyod la bdag gis su zhig bstan/ /de skad ces smras nas gnas brtan kun dga' bo'i gan du song ste/ lus thams cad kyis gnas brtan kun dga' bo'i rkang pa gnyis la phyag byas pa dang /gnas brtan kun dga' bos smras pa/ bu bu mo ka shi mdzes dga' mo 'di ni dug gi shugs kyis zin pa yin gyi/ de bden pa'i byin gyis rlabs kyis slong la bde legs su gyis la skye bo'i tshogs mang po yang yid ches par gyis shig /gzhon nu gser mdog gnas brtan kun dga' bo'i lung mnyan te/ sems can thams cad la lhag pa'i bsam pas 'jug pa'i sems dang / bden pa'i byin gyis rlabs byed pa la zhugs te/ bden pa dang bden pa'i tshig gang gis bu mo ka shi mdzes dga' mo 'di la 'dod chags sam/zhe sdang ngam/ gti mug gam/ the tshom mam/ gzhan gang yang rung ba'i nyon mongs pa'am/ nye ba'i nyon mongs pa tha na phran tshegs tsam yang ma skyes pa'i bden pa dang / bden pa'i tshig 'dis 'di'i lus la dug rnam par 'jig par gyur cig ces smras so//de nas bden pa'i byin gyi rlabs byas pa'i mod kho na la bu mo ka shi mdzes dga' mo'i lus la dug med par gyur te/ bde bar gnas nas gnyid log pa las sad pa bzhin du langs nas de lus bde bar gyur pa dang / langs pa las bltas nas skye bo mang po'i tshogs dang /lha brgya stong du ma rnams kyis sgra gcig tu sgra gsung mthon pos smras pa/ e ma'o ngo mtshar che ste/ e ma'o gzhon nu bsam pa rnam par dag go/ /gzhon nu 'di ni rdzu 'phrul che ba dang mthu che ba ste/ gang 'dir bden pa'i byin gyi rlabs kyi stobs kyis 'di bu mo ka shi mdzes dga' mo bslang zhing yid du 'ong ba'i srog gis skyobs par gyur to//de nas bu mo ka shi mdzes dga' mo phyogs kun du lta bar rtsom pa dang / ji srid cig na dur khrod chen por gnas brtan kun dga' bo dge slong gi dge 'dun lnga brgya dang thabs cig tu zla ba kham pa ltar bskor nas rin po che sna tshogs kyis spras pa'i lha'i seng ge'i khri chen po la bzhugs pa dang /rgyal po ma skyes dgra yang srog chags brgya stong dpag tu med pas yongs su bskor ba dang / bdag nyid kyang gos sngon po dang / ser po dang / dmar po dang / dkar po'i khyogs la bteg pa mthong ngo / /mthong nas kyang sems som nyi dang bcas pas sems pa la zhugs te/ ci 'di rmi lam yin nam/ 'on te sems kyi 'khrul ba yin nam/ yang na 'ga' zhig gis nga la sgyu ma'i las 'di lta bu bstan pa yin nam snyam pa dang /ci tsam na de'i nye du rnams kyis de rgya cher brjod de de yang smras pa/ gang khyod kyis 'tsho ba 'di dang / 'di dag thams cad ni gnas brtan kun dga' bo byon nas rnam pa thams cad yod par gyur to/ /de skad ces thos pa dang bu mo ka shi mdzes dga' mo gnas brtan kun dga' bo la mchog tu dga' ba skyes te/rab tu dad pas shin tu rtog pa la zhugs so/ /de nas bu mo ka shi mdzes dga' mo skyed mos tshal yang dag par dran cing blon po rab gtum yang dran te/ kun nas skyo ba'i yid kyis 'chi ba'i 'jigs pa'i yi mug pas rmongs pa'i mig dang /gnas skabs de dang 'dra bar gzhan yang shes shing bud med kyi dngos por gyur pa'i mya ngan byed pa la zhugs te/ e ma'o bud med ces bya ba ni shin tu smad pa ste/ sdug bsngal thams cad kyi gnas su gyur pa gang zhig thob nas/bdag gnas skabs 'di lta bur gyur to snyam nas kun du skyo ba'i yid kyis myur bar langs te/ gos gcig blangs nas gnas brtan kun dga' bo'i gan du nye bar song ste/ gos gcig po de gnas brtan kun dga' bo la phul nas zhabs gnyis la phyag byas te/dad pa'i shugs dgra pos gnas brtan kun dga' bo'i yon tan rjes su dran pa sngon du 'gro bas bden pa'i byin gyi rlab bya bar brtsams pa/ bden pa dang bden pa'i tshig gang gis thub pa khyed kyi sku 'phags pa dang sangs rgyas kyi slob ma thams cad kyi mchog brnyes pa/mchog dam pa dang / khyad par du 'phags pa dang / rab mchog dang bla ma dang / bla na med pa dang / nyan thos kyi gtso bo dang / nyan thos kyi seng ge dang / nyan thos kyi khyu mchog dang / nyan thos kyi cang shes dang / nyan thos kyi pad+ma dang /nyan thos kyi ku mu ta dang / nyan thos kyi puN+Da rI ka dang / nyan thos kyi kha lo sgyur ba dang / nyan thos kyi ded dpon dang / nyan thos kyi zla ba dang / nyan thos kyi nyi ma dang / nyan thos kyi rin po che dang / nyan thos kyi gtsug gi nor bu dang / bstan pa'i gru pa dang / bstan pa gces par 'dzin pa dang / dgra bcom pa/ zag pa zad pa/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun du sbyor ba/ yongs su zad pa/ yang dag pa'i shes pas sems shin tu rnam par grol ba/ rdzu 'phrul che ba/mthu che ba/ byin gyi rlabs che ba/ sbyin gnas chen po yin pa'i bden pa dang / bden pa'i tshig 'dis de nyid bdag gi bud med kyi dbang po mi snang bar gyur nas skyes pa'i dbang po 'byung bar gyur cig ces smras so/ /de nas bden pa'i byin gyi rlabs gsol ba'i mod khon la de'i bud med kyi dbang po mi snang bar gyur nas skyes pa'i dbang po byung bar gyur te/gzugs bzang ba/ mdzes pa/ blta na sdug pa/ lus la gos dang rgyan rnam pa sna tshogs kyis brgyan pa'i skyes par gyur to/ /nam mkha'i ngos nas 'di'i lha'i gos rnam pa sna tshogs pa yid du 'ong ba yang bab par gyur to//gzhan yang der gos kyi char de bab pa na ji ltar skad cig de la dur khrod chen po'i nyi ma'i 'od zer yang mi snang bar gyur pa de ltar na nam mkha'i dkyil 'khor khebs pa zhig bab po/ /de nas gnas brtan kun dga' bo'i yon tan gyi bdag nyid che ba lha dang mi rnams 'dun par byed pa'i ngo mtshar de mthong ba dang /nam mkha'i ngos na gnas pa'i lha bye ba brgya stong du ma ca co'i sgra byung ste/ e ma'o ngo mtshar che'o/ /e ma'o rmad du byung ba chen po/ /e ma'o gnas brtan kun dga' bo yon tan gyi bdag nyid chen po//e ma'o rgya che ba nyid/ e ma'o sbyin pa'i zhing rnam par dag pa/ gang la gos gcig phul ba tsam gyis smon lam btab pa'i rjes thogs nyid la/ bu mo ka shi mdzes dga' mo bud med kyi dbang po mi snang bar gyur pas skyes pa'i dbang po byung zhing de lta bu'i sbyor ba dang ldan par gyur to//de nas lha'i bu de rnams rab tu dad pa'i yid kyi lha'i me tog gi char 'bebs pa dang / lha'i me tog shin tu ltung bar gyur to/ /de nas skyes bu ka shi mdzes dga' mo gnas brtan kun dga' bo'i mthu stobs kyis shin tu yid du 'ong zhing bdag nyid ji ltar 'dod pas 'phral du smin pa'i 'bras bu la bltas te/mchog tu ngo mtshar du gyur pas 'dun par gyur pa'i sems kyi rgyud la mchog tu dga' ba skyes nas ba spu ldang bas lus rtsub par byas pa dang / langs te pus mo gnyis sa la btsugs nas thal mo sbyar te/ gnas brtan kun dga' bo la bstod pa byed pa la zhugs so/ /gang gis de nyid mgon med bdag /khyod kyis bdag la srog stsol ba/ /shin tu rnam dag yon tan bsags/ /dpag yas rnyed dka' phyag 'tshal lo//rnam dag ye shes spyan ldan pa/ /gal te khyod skyabs ma mdzad na/ /bdag srog lhag ma ma mchis te/ /thub khyod bdag srog stsol ba lags/ /e ma'o yon tan che bdag nyid/ /e ma'o sems can phan bzhed pa/ /gang zhig nyam thag mi bzad pa/ /'di las 'gro ba khyod kyis skyabs//e ma'o khyod ni sbyin pa'i zhing / /shin tu rnam dag rab rnyed dka'/ /gang la gos gcig phul bas kyang / /rin chen 'di 'dra thob par gyur/ /bdag gis thub pa che khyod la/ /de ltar gos gcig phul ba yis/ /'phral du 'bras bu bzang po 'di//ji ltar mngon par 'dod pa thob/ /nyes pa chen po dag gi yang / /gzhir gyur bzhin du shes pa yang / /bud med nyid de de spangs nas/ /skyes pa nyid du bdag gyur to/ /de yang lha dang 'dra ba nyid/ /lha yi rgyan gyis rnam par brgyan/ /nam mkha' la yang gos kyi char//yid du 'ong ba bab par gyur/ /bzhin bzangs yon tan ldan 'di la/ /gang zhig bsnyen bkur mi byed pa/ /rmongs sogs nyon mongs dag rnams kyis/ /skal ngan deng ni slus pa yin/ /des de ltar gnas brtan kun dga' bo la mngon par bstod nas las kyi 'bras bu mngon sum du mthong ba dang /sems pa la zhugs te/ de ni bdag yid du 'ong ba dang / yid du mi 'ong ba'i las kyi 'bras bu mngon sum du mthong bzhin du slar yang khyim gyi nang du 'dug pa ni bdag gi tshul dang mthun pa ma yin no snyam nas/ de nas gnas brtan kun dga' bo'i rkang pa la phyag byas te smras pa/'phags pa bdag legs par gsungs pa'i chos 'dul ba la rab tu 'byung zhing bsnyen par rdzogs nas dge slong gi dngos por gyur nas gnas brtan gyi thad du tshangs par spyad par bgyi'o/ /de yang gnas brtan kun dga' bos rab tu phyung ba nas/ji ltar nyon mongs pa thams cad spangs nas dgra bcom pa'i 'bras bu thob par gyur pa de ltar chos bstan to/ /de nas par skabs der ded dpon nyi ma chung ma dang bcas pa bu dang bral ba'i mya ngan gyi sdug bsngal gyis gzir zhing / rgyal po'i khab kyi grong khyer gyi dbus kyi sum mdo nas ldang zhing bdag nyid 'gyel par gyur par yang dang yang sa la 'gre ldog par byed cing lag pa gnyis kyis bdag nyid la brdegs te kyi hud bu kyi hud bu zhes nyam thag pa'i sgra'i nga ro 'don par gyur pa na/ded dpon nyi mas gnas brtan kun dga' bo nam mkha'i dkyil nas byon te/gzhon nu gser mdog yongs su skyob cing dur khrod chen po na ngo mtshar dang rmad du byung bas bzhugs so zhes thos pa dang / chung ma dang bcas par bdud rtsi'i rgyun lus la blugs pa bzhin du yid mchog tu dga' ba dang / / 'khor los sgyur ba'i rgyal por dbang bskur ba thob pa bzhin du mchog du dga' ba skyes par gyur nas/ de'i mod la langs te rings par 'gro ba gom stabs kyis rgyal po'i khab nas byung ste dur khrod chen por phyin pa dang / ji srid cig na gser mdog ston kha'i zla ba rgyas pa sgra gcan gyis zin pa las rnam par thar pa lta bu gnas brtan kun dga' bo'i gan na 'dug pa de dang /gnas brtan kun dga' bo'i yon tan gyi stobs las byung ba'i 'byor pa yang mthong ngo / /de nas lha dang mi'i yid sdud par byed pa'i rmad du byung ba'i tshe 'phrul de yang mthong nas gnas brtan kun dga' bo la yid mgu ba skyes te/mchog tu dad pa'i shugs kyis brlan pa'i sems [(]gyi [,]kyi[)]rgyu dang / lus thams cad kyis gnas brtan kun dga' bo'i zhabs gnyis la phyag byas te/ langs nas pus mo gnyis sa la btsugs te dga' ba'i mchi ma'i chu rlabs kyis bzhin gyi pad+ma khebs pa dang /thal mo sbyar te gnas brtan kun dga' bo la bstod pa byed par brtsams pa/ e ma'o skal ba che khyod kyi/ bdag nyid chen po ston mdzad pa/ /gang zhig nyam thag mi bzad pas/ /khyod kyis 'gro ba'i skyabs mdzad do//e ma'o thugs brtse'i bdag nyid che/ /e ma'o ye shes phun sum tshogs/ /bcom ldan thams cad mkhyen pa bzhin/ /rnam dag yang dag bstan pa mdzad/ /de bzhin bdag gi bu sdug 'di/ /sdug bsngal rgya mtsho chen po las/ /thugs rje ye shes dag gi mthus//khyed kyis yang dag ston par mdzad/ /gal te 'di las khyed kyis ni/ /de nyid dgongs par mdzad na ni/ /bdag ni chung mar bcas pa 'di/ /yun ring sdug bsngal 'dam rdzab nub/ /thugs rje chen po sras kyi mchog /khyod ni de ring phyin nas su/ / bdag su'i sdug bsngal rgya mtsho bsgral/ /mya ngan 'brog las rnam par bton/ /mya ngan rang bzhin rnyi las thar/ /mya ngan bcom pa las byung zhing / /mya ngan nyon mongs 'jigs las grol/ /sdug bsngal gzeb las thar bar gyur/ /mya ngan 'dam las deng ma gos//mya ngan tsher mas ma zug cing / /mya ngan sbrul gyis ma zin la/ /mya ngan mda' yis ma phog go/ /mya ngan ral gris ma bcad cing / /mya ngan dgra yis ma rnyed la/ /mya ngan chu srin gyis ma zin/ /mya ngan me yis ma bsregs so/ /khyod nyid kyis ni sems can tshe//de ring dbugs ni 'byin mdzad cing / /mig ni phye bar mdzad pa dang / /yid kyang tshim par mdzad par gyur/ /gang gis 'di ltar mdzad gyur pas/ /bdag cag mchog tu dga' 'gyur te/ /kun dga' zhes bya'i mtshan btags 'di/ /e ma'o don dang bcas par 'gyur//de nas ded dpon nyi mas gnas brtan kun dga' bo la bstod nas langs te gzhon nu gser mdog gi gan du song nas chung ma dang bcas pas mgul nas dam du 'khyud de yang dang yang du'o byas la/ rab tu dga' ba las byung ba'i mchi mas kun du khebs pa'i mig gis gzhon nu gser mdog la mig mi 'dzums par lta zhing smras pa/ston ka'i zla rgyas gzugs kyi dpal/ /mdangs dang gzi ni 'phrog pa'i lus/ /yid la re ba rgyas thob pa/ /mthong gis khyed la slar yang lta/ /snum zhing sngo la yangs pa dang / /tha mar mig ni bsngags 'os pa//khyed gdod gnas brtan kun dga' bo/ /byon nas slar yang blta ba yin/ /de nas gzhon nu gser mdog 'khor ba'i nyes pas kun du skyo ba'i sems kyis pha dang ma la gnang ba gsol to/ /gnas brtan kun dga' bo'i rkang pa gnyis la btud nas gnas brtan bdag legs par gsungs pa'i chos 'dul ba la rab tu byung zhing bsnyen par rdzogs nas dge slong gi dngos po thob par gyur nas/legs par gsungs pa'i chos 'dul ba la tshangs par spyad par 'tshal lo/ /de yang gnas brtan kun dga' bos rab tu byung nas ji ltar 'di skad cig ma de nyid la nyon mongs pa thams cad spangs nas dgra bcom pa nyid thob pa de ltar yang dag par rjes su bstan pa dang /des kyang dgra bcom pa nyid thob ste/ sngon gyi skye ba gcig nas gcig tu brgyud par bltas par brtsams pa dang /ji tsam du bdag nyid bsod nams kyi mthu chen po dang ldan par mthong nas des 'di snyam du sems te/ bdag nyid kyis 'di ltar shes kyi nga ni bsod nams kyi mthu chen po dang ldan pa yin par shes la/ ngas ji tsam zhig sbyin pa byin pa dang / bsod nams byas pa mthar phyin par 'gyur ba yin la/de ni de ltar yang sems can rnams bsod nams la gus pa bskyed par bya ba'i phyir bsod nams kyi bdag nyid che ba bstan par bya'o snyam mo/ /de nas gos de rang gi lus las phud pa dang / yang de lta bu'i gnyis pa byung bar gyur to/ /de nas yang nas yang du dbud par brtsams pa dang /de bzhin du yang dang yang du byung bar gyur te/ des phud cing phud cing gnas brtan kun dga' bo'i mdun du gos kyi phung po zhig byas la/ gos kyi phung po de dag kyang shin tu rin che ba 'dzam bu chu bo'i gser gyi phung po la nyi ma 'char ka'i gzer gyis phog pa ltar 'od 'bar bar 'dug pa la skye bo'i tshogs mang pos bltas nas/mchog tu ngo mtshar gyi dga' ba'i yid kyis smras pa/ e ma'o ngo mtshar che ba/ e ma'o rmad du byung ba/ e ma'o bsod nams kyi bdag nyid chen po/ /e ma'o legs par byas pa'i bsod nams kyi bdag nyid chen po 'dis rtag tu rgyun mi 'chad par rin po che'i gos phud du zin yang mthar thug pa yang mi snang ngo //de nas des gos de rnams kyang pha dang ma la byin la/ de gnyis kyis kyang gnas brtan kun dga' bo la sogs pa dge slong gi dge 'dun thog mar byas pa nas/ji srid du dur khrod chen por 'dus pa'i skye bo'i tshogs chen po rnams la byin te/ der srog chags re re la yang gos zung re bskon yang dge slong gser mdog gi bsod nams kyi mthus gos de yang yongs su gtugs par ma gyur to/ /de nas dge slong gser mdog steng gi nam mkha' la mngon par 'phags te rdzu 'phrul gyis rgyal po'i khab kyi grong khyer du song nas sum mdo'i dbus su 'dug ste/mdun du gser mdog can gyis gos lus las phud cing gos kyi phung po chen po byas te/ sgras rgyal po'i khab kyi grong khyer 'gengs shing /smras pa/ shes ldan dag ngas gos kyi phung po 'di yongs su gtang gis khyed rnams gang la ji tsam dgos pa de tsam long shig ces bsgrags pa thos pa dang / skad cig tsam de nyid la srog chags brgya stong dpag tu med pa 'dus par gyur pa dang / ci tsam na grong khyer gyi dbus kyi sum mdo na gser gyi mdog can gyi gos ser po'i phung po shin tu che ba/'dzam bu chu bo'i gser gyi phung po la nyi ma 'char ka'i 'od kyis phog pa ltar 'bar bar gyur pa dang / tshe dang ldan pa gser gyi mdog can gser btso ma'i ri'i rtse mo ltar dpal gyis mchog tu 'bar zhing nam mkha'i dkyil na 'dug pa mthong ba dang /skye bo'i tshogs mang po mchog tu ngo mtshar gyis bsdus pa'i sems kyi rgyud dang mchog tu dga' ba'i rlabs kyis gang ba'i bzhin gyi pad+ma dang / de la lta zhing bsams pa dang / e ma'o ngo mtshar che ba/ e ma'o rmad du byung ba/ bdag nyid chen po 'dis las gang zhig byas na gang gis 'di ltar rdzu 'phrul che ba/ mthu che bar gyur pa/ gal te bdag cag rnams kyis shes na ni bdag kyang de ltar bya ste/ bdag gis bdag cag rnams kyang 'di ltar mthu che bar 'gyur ba de ltar bya'o zhes mngon par 'dod pa skyes shing som nyi'i dpyang thag la 'jug bzhin du phan tshun smra bar rtsom pa na/de rnams 'di snyam du sems te/ 'di ni 'di ltar bdag nyid che ba/ rdzu 'phrul che ba/ mthu che ba/ brtul zhugs grub pa/ lha'i shes pa dang ldan pa yin pas 'di nyid la yongs su dri bar bya'o snyam mo//de nas skye bo'i tshogs chen po de ngo mtshar gyi mchog tu mig gdangs pa dang thal mo sbyar te/ nam mkha'i dkyil du zhen par lta zhing / tshe dang ldan pa gser mdog la phyag byas te sgra gcig tu smras pa/ lha yi ye shes spyan dang ni//skal pa chen po khyod ldan pas/ /gang gis khyed ni mthu che ba/ /de ni yang dag bshad pa'i rigs/ /'jig rten 'di dang pha rol du/ /longs spyod dang ni yon tan rnams/ /phun tshogs gang gis thob par gyur/ /de ni bdag cag la bshad rigs/ /de nas sems can chen po de//snying rjes drangs pa'i yid ldan pas/ /de dag tshim pa'i tshig chen gyi/ /sgras ni phyogs rnams 'gengs par gyur/ /'di nyid don ni bshad pa'i phyir/ /khyed rnams la ni ngas 'di bstan/ /go rims bzhin du ngas bshad kyi/ /nga yi tshig 'di mnyan par gyis//'jig rten 'di dang pha rol du/ /longs spyod dang ni yon tan rnams/ /phun tshogs bsod nams kyis thob cing / /bsod nams kyis bdag rdzu 'phrul che/ /gal te sdug bsngal khyed mi 'dod/ /bde ba phun sum tshogs 'dod na/ /bsod nams sogs pa bde 'gyur bas//myur ba nyid du bsod nams kyis/ /'jig rten 'di dang pha rol du/ /bde ba gang ci'ang rung ba dang / /mya ngan 'das pa thob pa ni/ /bsod nams nyid kyi 'bras bu yin/ /nor can chang dpon bram ze dang / /ded dpon la sogs gang dag ni/ / longs spyod rgya chen spyod 'gyur ba/ /de ni bsod nams 'bras bu yin/ /mngon par yid dga' bu dang 'khor/ /mdza' bo la sogs phun tshogs pa/ /gang zhig mi la yod 'gyur ba/ /de ni bsod nams 'bras bu yin/ /gzugs dang mdangs ni phun sum tshogs/ /yid dang mig ni 'phrog byed pa//'thob cing mi yul rgyal srid gang / /de ni bsod nams 'bras bu yin/ /mi phyed pa yi 'khor nyid dang / /mi zad nor gyi phun sum tshogs/ /mi yul na ni nges thob gang / /de ni bsod nams 'bras bu yin/ /skye ba dran cing skal bzang dang / / thos ldan tshig ni gzung bar 'os/ /mis ni gang zhig thob 'gyur ba/ /de ni bsod nams 'bras bu yin/ /longs spyod phun tshogs rgya chen dang / /rtag par gnyen dang lhan cig tu/ /dga' bas mi yul gang spyod pa/ /de ni bsod nams 'bras bu yin/ /grangs med nor ni phun tshogs dang //'gran zla med cing brtan pa nyid/ /mi la gang zhig yod gyur pa/ /de ni bsod nams 'bras bu yin/ /gang zhig sgra mi snyan gling du/ /bdag gi med cing yongs 'dzin med/ /mi yi tshe ni nges gyur pa/ /de ni bsod nams 'bras bu yin/ / 'bras kyi sA lu'i 'bras bu ni/ /ma rmos pa ni rin che ba/ /gang zhig de ni mi rnams spyod/ /de ni bsod nams 'bras bu yin/ /dpag bsam shing las sna tshogs pa'i/ /gos dang rgyan rnams byung ba yis/ /mi rnams rab tu 'gebs gyur pa/ /de ni bsod nams 'bras bu yin//gang zhig sgra mi snyan gling du/ /mi rnams 'phos pa'i rjes thogs la/ /de ni lha rnams dag tu skye/ /de ni bsod nams 'bras bu yin/ /bdud rtsi 'bras chen sogs phun tshogs/ /sa bla yi ni lha bu ltar/ /lha yi longs spyod la spyod pa/ /de ni bsod nams 'bras bu yin//gang gi mthu yis rgyal po'i dpal/ /lha 'dra'i phun sum tshogs thob pa'i/ /mi yi dbang po rnam mdzes pa/ /de ni bsod nams 'bras bu yin/ /byis pas 'khor los sgyur ba nyid/ /sa chen la ni longs spyod thob/ /lha dbang bzhin du rnam mdzes gang / / de ni bsod nams 'bras bu yin/ /ma lus pa yi mi rnams dang / /rin chen bdun sogs phun tshogs pa'i/ /'khor los sgyur la spyod pa gang / /de ni bsod nams 'bras bu yin/ /phun tshogs sum cu rtsa dbang 'dra/ /thob nas gang zhig spyod pa dang / /thags zangs ris sogs lha min rnams//de ni bsod nams 'bras bu yin/ /'jig rten skyong ba bzhi rnams kyis/ /nor gyis gzhi yi 'byor pa la/ /dga' bas sna tshogs longs spyod gang / /de ni bsod nams 'bras bu yin/ /dga' ba'i tshal la sogs pa ni/ /lha mo rnams dang ldan cig tu//'byor ldan lha rnams spyod pa gang / /de ni bsod nams 'bras bu yin/ /sna tshogs lha yi rgyal srid sogs/ /phun sum tshogs la lha dbang ni/ /rtag tu dga' bas spyod pa gang / /de ni bsod nams 'bras bu yin/ /gzhal yas khang gnas lha rnams ni/ / ji ltar mngon 'dod lha rnams kyis/ /longs spyod la ni longs spyod gang / /de ni bsod nams 'bras bu yin/ /gang su gnas ni bcu po yi/ /tshe dang mdog la sogs pa yis/ /lha rnams las kyang lhag pa'i lha/ /de ni bsod nams 'bras bu yin/ /'dod khams mchog gyur sna tshogs pa'i//lha yi longs spyod phun sum tshogs/ /'dod khams dbang phyug la spyod gang / /de ni bsod nams 'bras bu yin/ /lha rnams dang ni mi rnams su/ /ji ltar dga' ba'i 'dod pa ni/ /'bad pa med pa thob gyur gang / /de ni bsod nams 'bras bu yin//gang yang tshangs pa lha sogs lha/ /bsam gtan sa pa bsam gtan gyi/ /bde ba'i dam pa thob gyur pa/ /de ni bsod nams 'bras bu yin/ /bsam gtan bsam gtan las byung dang / /sred pa zad pa'i bde ba gang / /zhi ba'i bde ba thob gyur pa/ /de ni bsod nams 'bras bu yin//rdzogs sangs rgyas dang nyan thos gang / /yon tan mchog dang ldan gyur cing / /rdzu 'phrul che zhing bdag nyid che/ /de ni bsod nams 'bras bu yin/ /gang yang bskal pa brgya 'das nas/ /rang sangs rgyas kyi byang chub ni/ /bdag nyid che ba thob gyur pa/ / de ni bsod nams 'bras bu yin/ /tshad med pa dang dpe med pa'i/ /yon tan gyis ni legs brgyan pa'i/ /rdzogs sangs rgyas su gyur pa gang / /de ni bsod nams 'bras bu yin/ /gzugs dang lang tsho bsngags par 'os/ /skyes bu rigs kyi rgyun gyur dang / /rang dang rjes mthun yid 'phrog pa'i//bud med bsod nams bdag gis 'thob/ /bsod nams kyis ni mtho ris 'thob/ /lha yi bu mo'ang bsod nams kyis/ /'dod pa kun yang yang dag 'byor/ /mngon 'dod bsod nams rnams kyang 'thob/ /bsod nams kyis ni blo rno dang / /de bzhin blo gros dri med 'thob//bsod nams kyis ni gnas la dad/ /bsod nams kyis ni drang gsal 'thob/ /sdug pa nyid dang sgra mkhas dang / /dbyangs snyan grags ldan bsod nams kyis/ /dge ba'i bshes gnyen 'byor pa rnams/ /thams cad bsod nams dag gis 'thob//bsod nams kyis ni mi 'thob pa'i/ /bde ba 'jig rten dag na med/ /de bas bde ba 'dod rnams kyis/ /rtag tu bsod nams bsags par bya/ /de bzhin gshegs pa rnam gzigs la/ /bsod nams nyung zad ngas byas pas/ /'bras bu shin tu rgya che ba/ / ji ltar mngon par 'dod pa 'thob/ /'dod khams lha tshogs drug po ru/ /rgyal srid dbang phyug bdag po ni/ /skye ba stong phrag bye ba ru/ /nga yis bde lo yang dag spyad/ /dpag med 'gran zla med pa dang / /de bzhin mi yi dam pa yi/ /'khor lo bsgyur chogs gyur pa yi//nga yis longs spyod phun tshogs spyad/ /bsod nams de yi bdag nyid che/ /nga ni gang dang gar skyes pa/ /de dang der ni mthu che ba'i/ /bde dang bdag ni ldan par gyur/ /gzugs ldan thos pa phun sum tshogs/ /kha nas u t+pal dri byung zhing / /sdug cing tshig ni gzung 'os dang //shin tu yid 'ong dbyangs snyan ldan/ /da lta 'ang bsod nams de nyid kyis/ /nga yi gzugs sogs yon tan ni/ /phun sum tshogs shing yid 'ong ba/ /mngon par 'dod pa 'di la ltos/ /nor rdzas longs spyod che ba yi/ /rgyal chen rigs su skyes pa dang / /'dzam bu'i chu bo'i gser 'dra ba'i//gos kyis lus la bkab ba yin/ /nga'i lus yan lag thams cad las/ /tsan dan lta bu'i dri byung zhing / /kha nas ut+pal sngon po yi/ /dri nyid 'byung bar gyur pa yin/ /gos dang rin chen la sogs pa'i/ /phun tshogs gang zhig mngon 'dod na//de yang bsams pa tsam gyis ni/ /thams cad nga ni 'byor par gyur/ /shAkya seng ge'i bstan pa las/ /rab tu byung ba ngas rnyed nas/ /dgra bcom nyid ni ngas thob ste/ /nga ni bsil gyur mya ngan 'das/ /'di nga'i skye ba tha ma ste/ /yang srid bdag la yod ma yin//gnas med mya ngan 'das nas ni/ /slar yang nga ni 'ong mi 'gyur/ /rnam smin 'bras bu rgya che ba'i/ /las gang bsgrub par gyur pa ni/ /da ltar 'di ltar yod zin kyang / /de yi mthar thug ma gtogs so/ /de ltar de las rmad du byung ba dang / dpag tu med pa dang /bsam gyis mi khyab pa'i bsod nams kyi che ba'i bdag nyid thob pas srog chags brgya stong bye ba dpag tu med pa mchog tu dad pas brlan pa'i sems kyi rgyud dang / bcom ldan 'das kyi bstan pa la bsnyen bkur bya ba la rgyab kyis phyogs pa rnams kyang sbyin pa ni gtong bsod nams dag ni byed cing smon lam 'debs par gyur to//de nas tshe dang ldan pa gser mdog gis skye bo'i tshogs mang po de ltar rnam pa du mar bsod nams la gus pa bskyed par bya ba'i phyir bsod nams kyi bdag nyid che ba rab tu bshad nas/ steng gi nam mkha' de nyid nas rdzu 'phrul gyis dur khrod chen por song ste/gnas brtan kun dga' bo la sogs pa dge slong gi dge 'dun la rim bzhin du phyag byas nas phyogs gcig tu 'dug go/ /de nas rgyal po ma skyes dgras blon po rab gtum phrag dog gi rang bzhin can gyis bu mo ka shi mdzes dga' mo sdug bsngal 'di dang 'di byas la gzhon nu gser mdog la skur pa btab ste/nyes pa med pa nyid du gsad pa'i phyir yongs su spangs so zhes ji ltar grags pa thos so/ /thos nas kyang shin tu khros pas 'khrugs pa'i mig gis nang 'khor rnams la smras pa/shes ldan dag ci'i phyir 'di lta bu'i skyes bu ngan pa 'dis las su bya ba'i tha snyad bya/ blon po rab gtum ni ngas rnam pa thams cad du spangs so/ /blon po rab gtum yang de nyid du 'dus par gyur to/ /de nas blon po rab gtum gyis rgyal po'i tshig de thos pa dang / 'chi bas 'jigs skrag cing yi mug la rmongs pa'i mig gis yan lag thams cad rab tu 'dar bzhin du myur bar langs te rings par 'bros par brtsams pa dang /der skye bo'i tshogs mang po'i nang du zhugs te gnas pas de'i phyi nas srog chags brgya stong du ma zhig gis bdas te/skye bo'i tshogs mang pos kun nas bskor nas gzung ngo / /bzung nas kyang thal lcag dang rdog pa la sogs pas bsnun pa la zhugs te/ de brdegs bzhin du shin tu sdug bsngal drag po'i shugs kyis nyam thag cing cho nges 'debs pa la zhugs te/ 'phags pa kun dga' bo yongs su skyobs shig /bdag ni mgon med pa/ skyob pa med pa/ skyabs med pa/ snang ba med pa lags kyi sdug pa'i srog gis bskyab tu gsol/ gnas brtan kun dga' bos kyang skye bo'i tshogs mang po la smras pa/ shes ldan dag khyed rnams kyis 'di ma bsad cig /ngas rgyal po ma skyes dgra la shes par bya'o/ /de nas skye bo mang po'i tshogs de rnams kyis gnas brtan kun dga' bo'i tshig thos nas de btang ngo / /gnas brtan kun dga' bos kyang rgyal po la gzigs pa dang / rgyal pos gsol pa/ ci zhig gsung /gnas brtan kun dga' bos smras pa/ rgyal po chen po 'di thong shig /rgyal bos gsol pa/ dam zhig bcas la gtang bar bgyi ste/ gal te legs par gsungs pa'i chos 'dul ba la rab tu byung nas ji srid 'tsho'i bar du gnas brtan gyi bsnyen bkur bgyid na gtang bar bgyi'o//gnas brtan kun dga' bos smras pa/ de bzhin du bya'o/ /de yang skye bo'i tshogs de rnams kyis brtse ba med par brdegs par sdug bsngal drag po'i tshor bas bcom nas brgyal te 'dug pa dang / gnas brtan kun dga' bos tshe dang ldan pa gser mdog la gsungs pa/bden pa'i byin gyi rlabs kyis blon po rab gtum gyi lus la sdug bsngal gyi tshor ba rab tu sol cig /de nas tshe dang ldan pa gser mdog sems can thams cad la phan pa'i lhag pa'i bsam pas rab tu zhugs pa'i sems dang / bden pa'i byin gyi rlabs byed pa la zhugs te/bden pa dang bden pa'i tshig gang gis blon po rab gtum 'di ltar shin tu gnod pa byed pa yin yang bdag gis tha na khong khro ba phran tshegs kyang ma bskyed pa'i bden pa dang bden pa'i tshig des 'di'i lus la sdug bsngal gyi tshor ba med de slar sos par gyur cig /bden pa'i byin gyi brlabs byas pa'i mod khon la blon po rab gtum gyi lus sdug bsngal gyi tshor ba dang bral te/ lus bde bar gyur nas langs te/ bcom ldan 'das kyi bstan pa la shin tu dad par gyur nas gnas brtan kun dga' bo'i gan du song ste/ zhabs gnyis la phyag byas nas smras pa/gnas brtan kun dga' bo bdag ni legs par gsungs pa'i chos 'dul ba la rab tu byung ste bsnyen par rdzogs shing dge slong gi dngos po thob par bgyis la/ bdag gnas brtan kun dga' bo'i thad du tshangs par spyod pa spyad par bgyi bar 'tshal lo//de nas gnas brtan kun dga' bos kyang rab tu phyung ste/ ji ltar des skad cig ma de nyid la nyon mongs pa thams cad spangs nas dgra bcom pa nyid thob pa de ltar rjes su bstan pa mdzad pa dang / des kyang dgra bcom pa nyid thob pa dang / de nam mkha'i dkyil du 'phags te/cho 'phrul rnam pa sna tshogs pas skye bo'i tshogs mang po yid tshim bar byas nas nam mkha'i dkyil nas babs te/ gnas brtan kun dga' bo la sogs pa dge slong gi dge 'dun rnams la rim bzhin du phyag byas nas phyogs gcig tu 'dug go//de nas rmad du byung ba de dang / gnas brtan kun dga' bo'i bdag nyid che ba mthong nas 'khor de rnams gnas brtan kun dga' bo la rab tu dad par gyur to/ /de nas 'khor de rnams de ltar mngon par dad pa la gzigs nas gnas brtan kun dga' bos gang zhig thos pas srog chags brgya stong dpag tu med pa rnams kyis khyad bar chen po thob par gyur pa de ltar chos bstan par mdzad de/la la ni rgyun du zhugs pa'i 'bras bu thob pa nas/ dgra bcom pa nyid mngon du byas pa'i bar dang / la la ni nyan thos kyi byang chub tu sems bskyed pa nas la la ni sangs rgyas la gzhol ba dang /chos la 'bab pa dang / dge 'dun la bab pa'i bar la rnam par bkod do/ /ded dpon nyi ma chung ma dang bcas pas kyang bden pa mthong bar gyur to/ /de nas lha brgya stong dpag tu med pa rab tu dang ba'i yid dang ldan pa rnams kyis lha'i gos kyi char phab cing lha'i rol mo rnams kyang brdungs par gyur pa dang /lha'i me tog ut+pal dang / pad+ma dang / ku mu ta dang / puN+Da rI ka dang / man dA rab la sogs pa me tog pus mo nub pa tsam rnam pa sna tshogs pas dur khrod chen po der chal bar bkram mo/ /de nas rgyal po ma skyes dgras lha dang mi rnams shin tu 'dun par byed pa'i cho 'phrul rmad du byung ba de mthong ba dang /mchog tu dad pas sems kyi rgyud dga' bar gyur nas ched du brjod pa ched du brjod de/ e ma'o ngo mtshar che ba/ e ma'o rmad du byung ba/ e ma'o 'phags pa kun dga' bo rang gi yon tan gyi bdag nyid chen po rab tu bstan te/e ma'o de bzhin gshegs pa'i bstan pa'i bdag nyid che ba gsal bar mdzad pa/ e ma'o gang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen zhing gzigs pa de dang /gnas brtan 'od srungs chen pos 'di la bstan pa rnam par gtad pa de ni 'bras bu yod par mdzad do/ /e ma'o de bzhin gshegs pa'i nyi ma nub par gyur nas 'phags pa kun dga' bo'i nyi ma rang gi yon tan gyi 'od zer gyi dra bas phyogs thams cad du khyab par mdzad do//e ma'o de bzhin gshegs pa'i zla ba mi rtog pa'i lha ma yin gyi dbang po sgra gcan gyis zin nas/ 'phags pa kun dga' bo'i zla bas rang gi bla gos kyi 'od zer rnam par bkye bas gdul bya'i ku mu ta'i nags rab tu rgyas par mdzad do/ / e ma'o de bzhin gshegs pa dang bral ba'i sdug bsngal tsha ba rtsub pa'i nyi ma'i 'od zer gyis kun du gdungs pa gnas brtan kun dga' bo'i sprin chen pos rang gi bdud rtsi'i char gyis 'jig rten rnams tshim par mdzad do/ /e ma'o de bzhin gshegs pa'i thugs la dgongs pa yang dag par rdzogs par mdzad do//e ma'o de bzhin gshegs pa'i bstan pa'i grub pa nyid bstan pa mdzad do/ /e ma'o de bzhin gshegs pa'i bstan pa gces par 'dzin pa nyid gsal bar mdzad do/ /e ma'o nyan thos kyi mchog nyid 'bras bu yod par mdzad do//shin tu rmad du byung ba 'di dang rang gi yon tan gyi che ba'i stobs dang / mtha' yas pa'i sems can rnams rdzogs par mdzad pas thams cad mkhyen pa'i yon tan gyi bdag nyid che ba rab tu mdzad do/ /e ma'o bdag nyid chen po 'dis bcom ldan 'das thugs rje chen po dang ldan pa de'i bka' drin la lan glan pa'i blo gros ston par mdzad pa yin no//de nas rgyal po de gnas brtan kun dga' bo la rab tu dad pa'i shugs kyi bsngas pa'i sems kyi rgyud kyi/ gnas brtan kun dga' bo'i gan du song ste/ lus thams cad kyis gzhes brtan kun dga' bo'i zhabs gnyis la phyag byas te/langs nas pus mo gnyis sa la btsugs te/ rab tu dad pas ba spu langs par rtsub par byas pa'i lus dang lag pa thal mo sbyar te gnas brtan kun dga' bo la mngon par bstod par rtsom pa/ skyes bu'i mchog la phyag 'tshal lo/ /thos pa'i rgya mtsho phyag 'tshal lo/ /rgyal ba'i bstan pa gce sa 'dzin pa/ /rmad byung bsam yas phyag 'tshal lo/ /e ma'o sangs rgyas bstan pa yi/ /bdag nyid che ba yang dag bstan/ /rmad byung bsam gyis mi khyab pa'i/ /'gro la phan de khyod kyis mdzad//gang de bcom ldan 'das dang ni/ /'phags pa 'od srungs blo ldan pas/ /khyod la bstan pa rnams gtad pa/ /deng de 'bras bu bcas par mdzad/ /rmad byung bsam gyis mi khyab pa'i/ /'gro ba'i don chen mdzad pa 'di/ /kun mkhyen yon tan bdag nyid che//de ring khyed la gzugs brnyan gyur/ /gal te rdzogs pa'i sangs rgyas ni/ /de ltar 'gro don mdzad gyur kyang / /'di ni kun mkhyen thams cad gzigs/ /thugs rje ldan pas mtshar mi che/ /khyed ni nyan thos nyid 'gyur zhing / /thugs rje che ldan de bzhin du/ /sems can don chen gang mdzad pa//'di ni shin tu ngo mtshar che/ /e ma'o 'di ltar bag med pa/ /ma ga d+hA yi skye bo 'dis/ /khyed 'dra phan la brtson mdzad pa/ /rnyed pa legs par rnyed pa yin/ /de bzhin gshegs pa'i gnas 'di ni/ /bstan pa khyed la gtad gyur pa/ /gang gis der ni bde gshegs bzhin//rmad byung shin tu chen po mdzad/ /de nas gnas brtan kun dga' bo'i yon tan gyi bdag nyid chen po'i ngo mtshar gyis yang dag par rdzogs pa'i sangs rgyas rjes su dran nas rtag tu phyag 'tshal ba/ rdzogs pa'i sangs rgyas rkang gnyis mchog /gang khyed nyan thos 'di lta bur/ /rtag tu 'gro la phan brtson pa/ /dpa' bo chen po phyag 'tshal bstod/ /de bzhin gshegs pa'i bdag nyid che/ /mthong ba nyid du yang dag bstan/ /ji ltar 'gro tshogs 'di khyed kyis/ /stong pa min pa snyam du sems/ /de nas rgyal pos gnas brtan kun dga' bo la zhus pa/gnas brtan ded dpon nyi ma chung ma dang bcas pas sug las ci zhig bgyis na las de'i rnam par smin pas phyug ba dang / nor che ba dang / longs spyod che bar gyur pa dang / bcom ldan 'das kyi bstan pa la bden pa mthong bar gyur/dge slong ka shi mdzes dga' bo dang / dge slong rab gtum gyis las ci zhig bgyis na/ las de'i rnam par smin pas phyug pa dang / nor che ba dang / longs spyod che bar skyes shing bcom ldan 'das kyi bstan pa la rab tu byung nas nyon mongs pa thams cad spangs te dgra bcom pa nyid mngon sum du bgyis/dge slong gser mdog gis las ci zhig bgyis na las de'i rnam par smin pas phyug cing nor che ba dang longs spyod che ba'i rigs su skyes shing 'di ltar gzugs bzang ba dang / blta na sdug pa dang / mdzes pa dang / yan lag dang /nying lag thams cad dang ldan pa dang / gser btso ma'i mdog gi kha dog shin tu rgyas pa dang / ldan pa dang / 'gro ba thams cad kyi yid dang mig 'phrog pa dang / gser gyi mdog can gyi gos kyis lus dkris pa dang / 'di'i yan lag thams cad nas tsan dan gyi dri 'byung ba dang 'di'i kha nas ut+pa la'i dri 'byung ba dang /de skyes pa tsam gyis khyim der gos kyi char dang / me tog kar ni ka ra'i char 'bab par gyur cing gos de dag kyang gser gyi mdog can nyid du gyur ba dang / 'di ltar shin tu rdzu 'phrul che zhing mthu che ba dang /bcom ldan 'das kyi bstan pa la rab tu byung nas/ nyon mongs pa thams cad spangs te dgra bcom pa nyid mngon sum du bgyis lags/ gnas brtan kun dga' bos gsungs pa/ rgyal po chen po 'di rnams nyid kyis sngon gyi skye ba gzhan du las gang zhig byas shing bsags pas/'di rnams nyid kyis las byas shing bsags pa dag gzhan su zhig gis so sor myong bar 'gyur/ rgyal po chen po las byas shing bsags pa dag ni sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/rlung gi khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang skye mched rnams la rnam par smin par 'gyur te/ las rnams bskal pa brgyar yang ni/ /chud mi za zhing tshogs dang dus//rnyed nas lus can rnams la ni/ /'bras bu dag tu 'gyur ba nyid/ /rgyal po chen po sngon byung ba 'das pa'i dus bskal pa dgu bcu rtsa gcig na/ bcom ldan 'das rnam par gzigs zhes bya ba de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'jig rten du byung ste/ de mnyan ldan zhes bya ba'i rgyal po'i pho brang nas byung ste/mnyan ldan gyi tshal zhes bya ba na bzhugs so/ /yang de'i tshe de'i dus na rgyal po'i pho brang mnyen ldan na rna can zhes bya ba'i ded dpon phyug pa/ nor mang ba/ longs spyod che ba/ yongs su bzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa rgyal po'i pho brang mnyen ldan na skyes bu'i mchog tu gyur pa zhig gnas pa dang / der rigs mnyam pa las chung ma blangs te/ de de dang lhan cig rtse bar byed dga' bar byed dga' mgur spyod par byed do/ /de ltar rtse zhing dag la dga' mgur spyod pas chung ma sems can dang ldan par gyur pa nas/ji srid ded dpon rna can tshong ba lnga brgyas bskor te/ rgya mtsho chen por zhugs kyi bar du sbyar ro/ /de yang mngal du ji ltar skye bar gyur pa de ltar ded dpon rna can gyi tshong sar gtogs pa dang / zhing du gtogs pa dang / yul gzhan du gtogs pa'i nor gyi rigs las der la la ni mes tshig /la la ni rkun mas khyer/ la la ni mi rnams kyis khyer te bros par gyur to/ /ji tsam na ded dpon rna can gyi chung ma zla ba tshang pa dang bu skyes par gyur te/ pags pa nag po/ shin tu gzugs mi sdug pa/mi sdug pa'i mtshan ma bco brgyad gyis lus smad par byas pa/ de'i kha dang de'i lus las gang zhig bsnams na khyim na gnas pa'i 'khor shin tu yang gdong rgyab kyis phyogs par gyur pa de lta bu'i shin tu dri mi zhim par gyur to/ /khye'u de skyes pa tsam gyis gang gi khyim der rdzas ma lus par tshig par gyur pa de lta bu'i me byung ba dang /ded dpon gyi chung ma nyam thag pas khye'u de thogs te khyim de las byung ngo / /gang gi tshe yang me des khyim de dang rdzas ma lus par bsregs nas rang nyid zhi bar gyur pa de'i tshe ded dpon gyi chung ma gnas ngan pa phyed tshig pa'i zhig ral can zhig tu zhugs nas gos phyed sa la bting ste byis pa bsnyal nas tsha ba'i dbugs ring po phyung ste/ded dpon rjes su dran zhing du ba la zhugs so/ /kyi hud 'di lta bu'i phyin ci log kun du gnas pa ni sdug bsngal lo/ /ded dpon rna can gyi bran pho dang /bran mo dang / las byed pa'i skyes bu rnams kyis rgud pa gang yin pa de mthong ba dang / yu bu cag kun kyang brlag par 'gyur gyi/ 'deng zhes smras te/ skrag pas ded dpon gyi chung ma spangs nas thams cad bros par gyur to/ /der mngag gzhug pa'i bu mo gcig gis bsams pa/ngas ni ded dpon rna can gyi khyim phun sum tshogs pa du ma la kun du longs spyad nas/ da ded dpon gyi chung ma gnas skabs 'di lta bur gyur pa na gcig pu spangs nas 'bros pa gang yin pa ni bdag gi tshul dang mthun pa ma yin no snyam nas/ de gcig pu ded dpon rna can gyi chung ma'i gan na 'dug go//ded dpon gyi chung ma de'i nor thams cad mes bsregs pas nyi ma gcig gi bza' ba yang med par gyur to/ /de nas bu mo mngag gzhug de ded dpon rna can gyi mdza' bo dang 'brel pa dang / gnyen rnams gang yin pa de rnams kyi gan du song ste smras pa/bzhin bzangs dag ded dpon rna can gyi chung ma gnas skabs 'di lta bu la gnas na de gso zhing bskyang bar mdzod cig dang zhes smras pa dang / de nas de rnams de gso zhing bskyang ba la zhugs pa de nyid kyi tshe de rnams kyi rigs la yang sdug bsngal brgya phrag byung bar gyur ba dang /de rnams kyis bsams pa ded dpon rna can gyi bu 'di shin tu bkra mi shis pa zhig ste/ 'di'i bsod nams ma yin pa'i stobs kyis ded dpon rna can gyi khyim gyi 'byor ba shin tu rgya che ba rnam par 'jig par 'gyur la/ de gal te yu bu cag rnams kyis gsos shing bskyab na yu bu cag rnams kyi khyim du yang 'di lta bu'i gnas skabs 'byung bar 'gyur gyi/'di ltar yang rnam pa thams cad du ming tsam yang gzung bar rigs pa ma yin no snyam nas/ bu mo mngag gzhug pa de la smras pa/ khyed phyin nas kyang nged kyi khyim du 'jug par yang ma byed cig /bu mo de ltar bar bcad pa dang bsams pa/ da ni ded dpon gyi chung ma rnam pa thams cad nas thams cad du smra ba med par gyur na de ji ltar bsgrub par bya/ gzhan du na ngas ni khur 'di blangs pa yin gyi/ shin tu 'bad pa nyid kyis da bdag gis ded dpon gyi chung ma bskyang par bya'o snyam mo//de nas gzhan gyi khyim du song nas gla ba'i las byed pa la zhugs nas der gla gang dag rnyed pa des ded dpon gyi chung ma bdag nyid dang / khye'u gso ba la zhugs so/ /khye'u de ni shin tu yang mi sdug pas mi sdug pa zhes ming btags so//bu mo mngag gzhug mo de yang las kyi dbang gis nyi ma re re zhing gla'i rnyed pa thob par gyur to/ /de nas de srog chags gsum po shin tu nyam nga bas gso bar rtsom pa dang / ded dpon gyi chung mas bsams pa/ nga ni bran pho dang / bran mo dang / las byed pa'i mi dang / mdza' bshes dang /nye du rnams kyis yongs su spangs nas gang bdag cung zad 'tsho ba 'di ni bu mo mngag gzhug ma 'di'i yon tan yin pas 'di ni nga'i ma dang 'dra bar brtse pa yin mod kyi/ de dus ji srid cig tu gcig pus las byed mi nus te yongs su skyo bar 'gyur la/ gla ji tsam rnyed pa des kyang 'tsho ba mi nus kyis/des na ngas kyang rang gi nyes pa nyams su myong bar bya zhing gla mi'i las bya'o zhes rnam par bsams nas/ bu mo mngag gzhug ma de dang lhan cig gzhan gyi khyim du zhugs te gla mi'i las byed par brtsams pa dang / de shin tu yang gzhon sha can yin pas bkres pa la sogs pa'i sdug bsngal gyis yongs su gzir zhing las pa na yang dang yang du brgyal bar gyur to//de nas yongs su skyo bas dbugs tsha ba ring po byung nas ded dpon rna can rjes su dran zhing du ba la zhugs te/ kyi hud 'di lta bu'i phyin ci log kun du gnas pa ni sdug bsngal lo//gang grong khyer ma lus pa'i mchog du gyur cing / dpal gyi phun sum tshogs pa nyams su myong nas kyang tshe 'di la grong khyer thams cad kyi mchog tu gyur nas/ da ltar gzhan gyi khyim du gla mi'i las byed pa'i sdug bsngal dang yid mi bde ba rjes su myong bar gyur to/ /de de ltar sdug bsngal gyis yongs su gzir zhing ngu ba la bltas nas bu mo mngag gzhug ma de cho nges 'debs pa la zhugs te/kyi hud tshe 'di nyid la ded dpon rna can gyi chung ma ras ka shi pa la sogs pa gos sna tshogs gyon pa dang / lus la dri zhim pa'i me tog gi phreng ba du mas brgyan pa dang /khur ba la rdzas dri zhim po du ma sbyar ba'i dri zhim pos bsgos pa dang / lha'i bu mo bzhin du dga' ba'i tshal gyi skyed mos tshal du song nas bran po dang / bran mo dang / las byed pa'i mi dang / mdza' bshes dang / nye du rnams dang / zas dang skom dang / gos dang / rgyan la sogs pa ci rigs par 'ged pa yin na/ da ni tshe 'di nyid du skra spags shing lus la dri ma'i tshogs kyis gos pa dang / bkres pa la sogs pa'i sdug bsngal gyis lus dang / yan lag la sogs pa thams cad yongs su skams pa/ ras rnyings shing dengs la shin tu dri ma can gyi dum bu ras rnying zhig brgya stong gi gnas su gyur pas rked pa'i phyogs bkab pa/grong khyer ba thams cad kyi tha chad du gyur nas gzhan gyi khyim du gla mi'i las byed pas sdug bsngal dang / yid mi bde ba chen po nyams su myong bar 'gyur ro/ /kye ma'o skal ba'i phyir ci log /kye ma'o longs spyod rnams kyis shin tu g.yo ba/kye ma'o las rnams kyi rnam pa sna tshogs pa yang smras pa/ dar gyi gos sogs rab gyon zhing / /rgyan rnams kun gyis rab brgyan te/ /sngon chad lha yi bu mo 'dra/ /da ltar lam po chen 'khyams/ /skal ba de nyid zad gyur pas/ /lus la dri mas gos gyur cing //ras rnying dri nga'i dum bu gyon/ /da lta 'di 'dra gyur pa yin/ /sngon ni lha yi bu mo ltar/ /skyes pa'i mig gi bdud rtsir gyur/ /da ltar yi dwags mo 'dra bar/ /mthong nas de nyid yid kyang skyo/ /sngon ni nor gyis phun sum tshogs/ /grong khyer pa yi mchog gyur gang / /de ni da ltar phongs pa bas//shin tu phongs pa nyid du 'gyur/ /sngon gyi phun tshogs chen po la/ /dga' bas yongs su longs spyod pa/ /mya ngan sdug bsngal ldan pa yi/ /gnas skabs de 'dis thob par gyur/ /kye ma'o 'khor ba'i bdag nyid ngan/ /kye ma'o phun tshogs mi rtag nyid/ /gang zhig de ltar bder gyur nyid//sdug bsngal snod can nyid du gyur/ /de nas ded dpon gyi chung ma mngag gzhug pa'i bu mo dang lhan cig tu rim pa de nyid kyis gzhan gyi khyim du gla mi'i las byed pa la zhugs pa na gzhon nu gzugs ngan gyi bsod nams kyi dbang gis nyin re zhing gla rnyed pa 'gribs par gyur to/ /ji tsam na dus gzhan zhig gi tshe nyi ma ma nub bar du nyin mo las byed du bcug kyang ci yang rnyed par ma gyur pa nas/ji srid las kyang sus kyang byed du ma bcug pa dang / ji tsam na ded dpon gyi chung ma mngag gzhug ma'i bu mo de dang lhan cig kun du smra ba rtsom pa/ yang da ni las kyang byed du ma bcug gis rnam pa thams cad du slong mo spyad par bya'o zhes bgros te/de slong phor thogs nas slong mo spyad pa la zhugs so/ /gang gi tshe gzhon nu mi sdug pa 'gro nus pa de'i tshe de la mas bu da ni khyod rang nyid slong mo spyod du song la longs spyod cig ces smras nas/ des de la slong phor byin pa dang / de slong phor de thogs nas tshong 'dus su zhugs pa dang /de yang pags pa'i mdog shin tu gnag pa/ gzugs shin tu mi sdug pa/ mtshan ma ngan pa bco brgyad dang ldan pas lus smad par 'os pa mthong ba dang / 'jig rten pa rnams shin tu yang rgyab kyis phyogs par gyur nas thur du lta zhing 'gro'o/ / de gang gi khyim gyi sgor song ba der de'i lus las dri shin tu mi zhim pa 'byung ba dang / mod kho na la sna khung gnyis bkag nas shing dang rdo ba dang gyo mo la sogs pas brdegs te 'di nas myur du song shig ces grong khyer gyi mi gtsang ba 'dam rdzab 'gro shes pa lta bur lta zhing skrod par byed de/ gang dang gang du song ba de dang der shing dang rdo dang gyo mo la sogs pa rnams kyis brdegs nas skrod par byed do/ /des slong mo gcig kyang rnyed par ma gyur cing shing dang rdo dang gyo mo la sogs pa rnams kyis brdegs pas slong phor yang chag par gyur nas/ smre sngags 'don bzhin du ma'i drung du phyin te/ shin tu yang zhum par gyur pas cho nges 'debs pa la zhugs so/ /de nas de mthong ba dang brang brdungs te/ smras pa/ kyi hud bu khyod sdug bsngal te/ /su la'ang gnod pa ma byas par/ /snying rje spangs pa gang zhig gis/ /'di ltar brdegs pas khyod sdug bsngal/ /de nas gzhon nu mi sdug pas sgra dang bcas par rab tu dus te smras pa/gang dang gang gi khyim sgor ni/ /slong mo spyad phyir bdag 'gro ba/ /de dang der ni gyo mo rdo/ /shing la sogs pa bdag la rdeg /de thos pa dang ded dpon gyi chung mas gzhon nu mi sdug pa'i mgul nas 'khyud de/ sgra dang bcas pas dus te smras pa/nyes pa med kyang shin tu ni/ /gang dag gzhan gyis brdegs gyur pas/ /skye ba gzhan du bu khyod kyis/ /sdig pa mi bzad byas par nges/ /kyi hud khyod ni sdug bsngal lo/ /bde ba kun dang rnam bral ba/ /shin tu mi sdug gyur pa 'di/ /dman pa ci tsam mthong na go/ sems ldan snying rje cis mi skye//kyi hud bcom zhing nyams pa bdag /bu khyod kyi ni slong mo snod/ /bcom pas lus kyang bcom yin te/ /slong mo tsam gyis 'tsho ba yin/ /pha dang ma dang bral ba dang / /khyim gyi rten ni med gyur la/ /gang gis snying rje spangs nas ni/ /khyod kyi slong snod de bcag gyur/ /rigs rgyud thams cad nyams gyur cing //bshes dang gnyen gyis rnam spangs pas/ /bla ma mdza' bo mgon gyur nyid/ /slong snod su yis bcag par gyur/ /kyi hud bu sdug dman pa mthong nas ni/ /khyod la su yis dpal tshul bstan par gyur/ /kyi hud sngon gyi rang gi las kyis ni/ /bu sdug khyod ni gnod pas bcom par gyur//kyi hud dman pa'i bu la dpa' ba ni/ /gang gi snying la brtse ba mi sems pas/ /rdo dang so phag rtsub pa lta bu yi/ /sems can gang yin de ring khyod kyis smros/ /kyi hud sgo brgyas bcom pa yi/ /sdug bsngal gyis gdungs slong mo rgyu/ /ji ltar khyod la gzhan rdeg par//'jig rten yid ni spro bar gyur/ /bkres dang skom pas yongs dub cing / /phun tshogs kun gyis rnam spangs pa/ /nad dang sdug bsngal rnams kyis gdungs/ /khyed la su zhig brdeg par brtson/ /nyam thag dman pa'i bzhin gyis ni/ /ngu zhing bkres pas rab gzir ba/ / lkog ma skam pa mthong na deng / /khyod la su yis brtse ma byas/ /der ni nad kyis zil mnan cing / /sdug bsngal ldan pa brtse spangs te/ /rigs snyems dregs pas dkrugs pa ni/ /gang gis bu khyod ji ltar rdegs/ /kyi hud gang gis khyed bkres gzir/ /slong mos nyes bsags gyur pa yis/ / bza' ba chung ngu de yang deng / /khyi dang wa yang spyod par byed/ /kyi hud bu sdug bsngal ngan pa/ /dwa go da ni ji ltar byed/ /sngon byas sdig pa byed pa po/ /mi sdug las kyis bcom par gyur/ /de ltar de rnam pa du mas mya ngan byed bzhin du 'chag cing grugs pa'i gnas kyi bum bu'i mdun du khrag gi rgyun gyis yan lag gos pa'i bu la 'khyud nas/phyag dar dang / gyo mo mi gtsang ba dang / tsher ma la sogs pas khyab pa'i sar bsnyal te/ dal bu dal bus lag pas mnye bar brtsams pa dang / ji tsam na srang bar de na tshong dpon gyi bu dang / ded dpon gyi bu dang / gzhan yang mtho zhing mtho ba'i bram ze dang khyim bdag rnams ka shi ka'i ras dang /ba ku la'i ras dang / ko tam pa'i ras dang / dar dang mon dar dang / ras phra zhing rin che ba sna tshogs gyon pa dang / mgul gdub dang / gdu bu dang / dpung rgyan dang / rna cha dang / do shal dang / se mo do sna tshogs pa'i rgyan gyis brgyan pa dang /dri zhim pa'i me tog gi tshogs kha bye ba rnam pa sna tshogs kyis lus la spud pa 'gro ba mthong ba dang / de bdag nyid shin tu sdug bsngal ba'i gnas skabs la bltas shing / bu mi sdug pa de yang de bzhin du bzhin dman pa la bltas nas dbugs tsha ba ring po phyung ste/mchi ma dang bcas pas shin tu dman pa'i tshig gsang mthon pos smras pa/ phun tshogs du ma brgyas khyab pa/ /rin chen gyis ni rgya mtsho bzhin/ /rgyas pa'i ris su gyur nas kyang / /bde ba'i mchog la rjes su spyad/ /rgud pa'i cha las byung bas na/ /phyag dar khrod kyi seb gnas shing //zas ma rnyed pas bkres pa dang / /shin tu nyam ngas 'tsho bar gyur/ /mya ngan rgya mtsho sdug bsngal chu rlabs 'jigs/ /gdung ba'i chu srin mi zad brgya yis khyab/ /dbul ba'i chu klung rgya mtshor zhugs gyur nas/ /kye hud bcom zhes sgra ni rnam par sgrogs/ / rgud pa'i chu srin brgya yis kun du dkrugs/ /phongs pa'i rba rlabs 'jigs pa rab tu g.yo/ /nad ces 'jigs pa mi bzad nub pa yis/ /dbu ba'i rang bzhin chu bor zhugs par gyur/ /sdug bsngal rdo khrod nad ni rtsub pas khyab/ /gdung ba'i seng ge'i sgra yis gang ba'i yul/ /mya ngan bya ni brgya phrag lhags gyur pa//dbul ba'i sdug bsngal gnas ni thob par gyur/ /bag med 'khrul pa dag gis bsams pas sngon/ /dam pa rnams la sbyin pa ma byin pas/ /da lta 'di nas skal ngan dman pa yis/ /dregs ldan gdong la rtag tu lta bar byed/ /dman dang skal pa dang bral rmongs dang ni//slong mo la spyod slong mo'ang mang du ma byin pas/ /gang des gnas khang tsam yang 'byor par ma gyur pa'i/ /dman zhing phongs pa'i mi bzad dag tu zhugs par gyur/ /nges par sa steng kun gyis bkur ba'i bla ma dang / /yang dag phrad kyang brnyas shing bsnyen bkur ma byas pa/ / gang des de ltar yu bu brnyas par gyur pa dang / /de ltar 'gro ba'i rmongs pa'i snod du gyur pa yin/ /gang gis rdo dang bong pa yis/ /'gro 'di bdag cag brdegs gyur pa/ /sngon gyi skye bar legs bsdams pa/ /mang po nges par brdegs pa yin/ /gang gis 'jig rten pa rnams ni/ /kun nas yongs su snod gyur pa//sngon ni bla ma'i skye bo la/ /yongs su spyos par gyur par nges/ /gang 'dis brnyas pa'i sdug bsngal ni/ /shin tu mi bzad rjes thob pa/ /sngon chad bla ma'i skye bo la/ /yongs su brnyas par gyur par nges/ /yu bus sngon gyi skye bo la/ /blo bur lhags la gos dag ni//ma byin pa ni gang yin pas/ /da ltar yu bu gos med gyur/ /gang gis gnyen bshes dang bral te/ /yu bu sdug bsngal yun ring du/ /skye bo mang po du ba yi/ /nga ro 'don du bcug pa yin/ /gang gis gseg ma rdos khyab pa'i/ /sa gzhir yu bu nyal gyur pa/ /sna tshogs gos ni bkab pa yis//mal stan sngon ma byin pa yin/ /stan ni rnam pa sna tshogs pa/ /dam pa rnams ni ma byin pas/ /gang gi tsher ma mang po yis/ /khyab pa'i sa yi gzhi la gnas/ /gang gi tsher mas khyab pa yi/ /sa gzhir yu bu rnam rgyu ba/ /sngon chad lham dang bzhon pa ni/ /bde ba skyed pa ma byin yin//nyi ma'i 'od tshogs rnams kyis dbus kyi cha snang byas/ /phyag dar phung po gang gis 'di ni yu bu gnas/ /slong ba'i 'gro la khang pa'i gnas tsam phal cher ni/ /gnas kyi ser snas nges par ma byin gyur pa yin/ /gang gis da ltar yu bu shin tu kha skams la/ /mgrin par skams shing kha dang 'gram pa yongs skams pa//yid la chu 'dod kun du bltas nas sngon chad ni/ /de la bsil gyur chu ni sbyin pa ma byin zhing / /slong dang sdug phongs pa la zas ma byin pa dang / /gnyen dang mdza' bshes la min rtsa lag tshogs la'ang min/ /legs par spyad nas thams cad las kyis longs spyod pa//des na 'dir ni zas bral yu bu yongs su 'khyams/ /srid pa gzhan du rnam pa mang por nges par ni/ /gzhan gyi don sgrub mkhas pa rnams la mtshang 'dru bas/ /gang gis 'di na da ltar 'jig rten dman pa'i yang / /shin tu mtshang 'dru'i gnas su yu bu nye bar gyur//yu bus nyes pa rnam mang du/ /rigs kyis khengs shing dregs brten la/ /yon tan ldan pa'ang brdegs pas na/ /gang gis de ltar mi bzad skyed/ /'khor ba'i rgya mtsho 'di nyid du/ /nad rnams thams cad sel byed pa'i/ /sman ni sngon chad ma byin pas/ /gang gis nad kyis mngon gdungs yin//pha la khrus ma byas shing ma dang bshes la'ang min/ /bla ma tshim par ma byas 'jig rten mgon la'ang min/ /gang gis khrus dang gdung bral byas pas skyes gyur cing / /'di ni sdug bsngal brgya yis skal bcom mgon med gyur/ /bkres dang skom pas yongs dub cing //gza' dang bgo ba rnam bral ba/ /nad dang sdug bsngal gyis gdungs pa/ /yu bu su zhig skyong bar gyur/ /'jig rten du ni rnyed dka' ba'i/ /gang gis de ni srog stor zhing / /yu bus gang gi bran dang ni/ /de ring su yi las byed bya/ /kye ma'o dbul ba sdug bsngal te/ / kye ma'o bsod nams ma byas nyid/ /'di ltar rgyas pa'i grong khyer du'ang / /mgon med yu bu ji bzhin no/ /'di dang gzhan dag yang ded dpon gyi chung ma bkres pas yongs su gdungs pa'i yid dang bdag nyid smre sngags 'don zhing gnas so/ /ded dpon rna can yang rgya mtsho chen por gru zhig pa dang /stes dbang gis byis pa gcig dang lhan cig spang leb la 'jus te chu'i gnas nas rgal nas shin tu nyam thag pa chen pos slong mo rgyu zhing rgyal po'i pho brang mnyan ldan du phyin pa dang / de der phyi rol gyi zhing gcig tu mtshan mo gnas par gyur pa na/ der yang zho shas 'tsho ba'i skyes bu gzhan zhig gnas pa des de shes pa dang /de 'di snyam du sems te/ ded dpon 'di shin tu ring pa dang / bdog ba'i rdzas thams cad nyams pa dang / khye'u gcig dang lhan cig 'ongs na de la khyim gyi lo rgyus ji ltar brjod par bya/ yang na rang nyid kyis shes par 'gyur gyi snyam nas des de la lag pa bkru ba'i chu byin te/ma sha'i snum khur gnyis byin no/ /de nas ded dpon rna can lag pa stong pas khyim du 'jug par mi bya'o snyam nas/ ma sha'i snum khur gcig bzhag nas khye'u'i lag tu gtad cing / gcig phyed phyed du bgos te bza' ba'i don du khye'u de dang lhan cig zos so/ /de nas nyi ma gnyis pa la ma sha'i snum khur de thogs nas shin tu rtsub cing lus nyam chung ba dang /shin tu dri ma dang bcas pa'i ras gcig tsam zhig gyon nas rgyal po'i pho brang mnyan ldan du zhugs te/ rang gi khyim du chas so/ /gzhon nu mi sdug pa'am nam langs pa'i dus nyid na bkres pa dang / skom pas yongs su nyam chung ba bzhin du dang /skal pa ngan pa bdag nyid 'di na gnas pas ci zhig bya/ srog kyang dgos pa med kyis song la bdag nyid gsod par bya'o snyam nas/ des ma la smras pa/ ma bdag ni pha'i skyed mos tshal du mchi zhes smras te/ skyed mos tshal der chas so/ /ded dpon rna can yang rang gi khyim dang nye bar phyin pa dang /ci tsam zhig nas ring po ma lon par dur khror gyi mdog can gyi sa'i tshogs tsam lhag mar lus pa mthong nas bltas te/ 'di ci zhig yin zhes bsams nas/ gnas zhig pa'i phyed dum der phyin pa dang / gnas zhig pa'i phyed dum de na chung ma bran mo zhig dang lhan cig gnas la/shin tu dman pas nyam chung ba'i bzhin dang / ras kyi dum bu dri ma can gyis sked pa'i phyogs bkab pa dri ma'i tshogs lus la gos pa mthong ngo / /mthong nas kyang kyi hud 'di ci zhig yin zhes smras te/ brgyal nas sa la 'gyel ba dang / rlung grang mos phog pas yun ring mo zhig nas dran pa rnyed de/ de chung ma'i thad du phyin pa dang 'di ci zhig yin zhes smras te/ gsang mthon pos cho nges 'debs pa la zhugs so/ /de nas chung ma las ji ltar gyur pa thos pa dang / dbugs tsha ba ring po phyung ste smras pa/ ngas ni nges par sbyin pa'i zhing la bya ba ma byas pa gang gis 'di ltar rgud par gyur na/da 'di la ji ltar bsgrub par bya/ gang la skyabs su 'gro bar bya/ su'i bzhin la blta bar bya/ 'jig rten dman zhing zhan pa la thugs brtse ba ni su zhig yin/ su zhig 'ongs nas nga dbul ba'i rgya mtsho 'di las brgal bar bya/su zhig 'ongs nas chung pa'i 'dam 'di lta bu bkru bar bya/ su zhig 'ongs nas sdug bsngal gyi chu bo 'di las brgal bar bya/ su zhig 'ongs nas dbul ba'i dgra 'di las rgyal bar bya/ su zhig 'ongs nas sdug bsngal thams cad kyi rtsa ba'i shing dbyung bar bya/ su zhig 'ongs nas sdug bsngal gyi shing 'di rtsa ba nas gdon par bya/su zhig 'ongs nas bkres pa dang skom pa'i mche ba gtsigs pa'i kha nas ha ha zhes 'jigs pa'i sgra can gyi dbul ba'i srin po chen po med par bya/ su zhig 'ongs nas dbul ba'i gyad 'di las rgyal bar bya/ su zhig 'ongs nas bkres pa dang skom pa la sogs pas rab tu 'bar ba'i me 'di gsad par bya/su zhig 'ongs nas rgud pa gso ba'i glang po che 'di gdul bar bya/ su zhig 'ongs nas nga'i sdug bsngal dpag tu med pa'i dug gi mche ba dang ldan pa'i sbrul chen 'di'i dug 'di dug med par bya/ su zhig 'ongs nas nga'i thams cad 'phrog pa'i dbul ba'i dpa' bo bzlog par bya/su zhig 'ongs nas nga'i sdug bsngal thams cad kyis bsdams pa'i bdag nyid can gyi dbul ba'i lcags sgrog 'di gcad par bya/ su zhig 'ongs nas nga'i dbul ba'i btson ra 'di las brgal bar bya/ su zhig 'ongs nas nga'i dbul ba'i sgo glegs 'di dbye bar bya/su zhig 'ongs nas nga'i dbul ba'i gshin rje 'di mi snang bar bya/ su zhig 'ongs nas nga'i sred pa'i rgya mtsho 'di las brgal bar bya/ su zhig 'ongs nas nga'i dbul ba'i 'brog dgon pa 'di las thar par bya zhes bya ba la sogs pa snying rje zhing dman pa la dmigs pa'i tshig rnam pa du ma brjod cing cho nges 'debs par gyur to//gnas skabs der sangs rgyas bcom ldan 'das rnams la ni mi mkhyen pa'am/ mi gzigs pa'am/ thugs su ma chud pa'am/ rnam par mi rig pa ci yang mi mnga' ba ni chos nyid yin pas/sangs rgyas bcom ldan 'das ston ka'i nyi ma 'char ka ltar 'od zer dmar ser 'gyed pa dang / nor bu rang gi yon tan gyis yongs su spras pas/ kun nas dmar ser du snang ba dang / nyi ma 'char kas phye ba'i pad+ma'i ge sar ma lus pa'i tshogs dang / ut+pa la dang / margad dang / 'ja' tshon dang / dri ma med pa'i glog 'khyil pa dang / mar gyi rgyun blugs pa'i me'i tshogs ltar shin tu 'bar ba'i 'od kyi tshogs bkra shis pa'i 'od zer gyi tshogs kyis rab rib dpag tu med pa'i tshogs rnam par 'jig cing / rga shi srid pa'i gzeb 'dzin par mdzad pa/ dge ba'i rtsa ba dpag tu med pa la mnyam par gzhag pa stobs su gyur pas ku mu ta dang / dung dang / kun+da dang / dri ma med pa'i dngul dang / mu tig dang / kha ba dang / pad+ma'i rtsa ba dang / dri ma med pa'i glang po che'i so bcag pa dang / 'dzam bu'i chu bo'i gser gyi phung po'i rtse na gnas pa'i mig stong ldan gyi gzhu lta bu'i 'od zer 'khyil pa'i snang ba dang /nam mkha'i mtha' med par zla ba brgya stong 'char ba ltar dkar zhing 'jam la/ snum zhing g.yas su 'khyil ba'i 'od 'dom gang ba dang / smin ma mdzes pa'i bar nas byung ba'i smin mtshams kyi mdzod spu rnam par mdzes pa dang / pad+ma kha bye ma thag lta bu'i zhal mnga' ba/bskal pa grangs med pa gsum du phyag dang / zhabs dang / spyan dang / yan lag mchog dbu dang / nyid kyi sha dang / rkang dang / pad+ma gzhon nu lta bu'i rang bzhin dang ldan pa'i sras dang btsun mo dang / glang po dang / rta dang / shing rta dang / rgyan dang / gos dang /stan dang / mal stan dang / nor bu dang / gser dang / dngul dang / dngos po thams cad dang / rgyal srid la sogs pa yongs su gtong bas bla na med pa'i byang chub kyi tshogs yongs su 'phel bar mdzad pa/ chags pa mi mnga' bas bdud kyi stobs rnams rab tu bcom par mdzad pas ston ka'i zla ba dri ma med pa ltar shin tu dkar zhing gsal ba'i grags pa'i tshogs stong gi phreng bas bskor ba ri bo la 'char ka'i zla ba'i 'od zer gyi tshogs kyi lcug ma'i ral pa'i dkyil 'khor dang /nyi ma 'char ka'i 'od zer gyi tshogs dang / sprin gyi tshogs las byung ba'i glog brgya stong dang /brgya byin gyi glang po che'i mche ba mdung gis bsgyel ba dang / sa 'og 'khrugs pa dang / 'o ma'i rgya mtsho'i rba rlabs gyes pa dang / dbang po'i gzhu'i 'od kyi rtse ma dang / nor bu mar gad bcag pa dang / zla ba rgyas pa dang / pad+ma'i 'dab ma dang / klu'i dbang po'i gtsug gi nor bu dang /bai DUR+Ya'i rdo leb dang / tsam pa ka rgyas pa rma med pa lta bu'i 'od kyi dkyil 'khor gyis sku la bskor bar gyur pa/ nyid kyi thugs su chud pa'i ye shes kyis mes nyon mongs pa'i tshang tshing sreg par mdzad pa/ lha brgya stong gis zhabs la btud cing cod pan gyis gtugs pas nor bu dang /gser gyi 'od zer gyis shin tu mdzes shing brgyan pa'i zhabs kyi pad+ma dang ldan pa/ glang po che gzhon nu'i dkan dang / rgya skyegs kyi khu ba dang / pad+ma dang / ston ka'i mtshams kyi sprin gyi tshogs dang / a sho ka dang / le brgan rtsi'i me tog gi chun po dang / zangs kyi mdog can gyi zhabs dang ldan pa/ sen mo srab cing zangs ltar dmar ba'i zla tshes dgod ba lta bu med pa'i zhabs kyi pad+ma dang ldan pa/ sred pa'i khri shing bton pa/ gti mug gi mun pa ma lus pa rnam par bsal ba/ 'gro ba ma lus pa'i gnyen du gyur pa/ dgos pa med par gzhan la mnyes gshin par gyur pa/ye shes kyi spyod yul bsam gyis mi khyab pa/ 'dod chags chen po'i dug rnam par bsal ba/ dga' ba brgya stong gis bsnyel ba'i yon tan gyi tshogs dang ldan pa/ bsod nams kyi tshogs nye bar bsags shing shes rab kyis spras pas nyon mongs pa ma lus pa'i shing rtsa nas 'don par mdzad pa/tshangs pa dang / dbang po dang / nye dbang dang / me dang / gshin rje dang / bden bral dang / chu lha dang / rlung lha dang / lus ngan po dang / dbang ldan la sogs pas bstan pa mngon par bstod pa/ thugs rje chen po dang ldan pa/'jig rten la phan par zhugs pa/ srung ba gcig pu ba/ nyag gcig dpa' ba/ zla med pa/ gnyis su mi gsung ba/ zhi gnas dang lhag mthong la gnas par mdzad pa/ 'dul ba'i bsdus pa gsum gyi gzhi la mkhas pa/ chu bo bzhi las rgal ba/ rdzu 'phrul gyi rkang pa bzhi'i zhabs legs par gnas pa/bsdu ba'i dngos po bzhi la yun ring po nas goms pa/ yan lag lnga spangs pa/ yan lag lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ byang chub kyi yan lag bdun gyi me tog gis byugs pa/yan lag brgyad pa'i lam ston par mdzad pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur snyan pas yang dag par rgyas pa/ brgya phrag bcur dbang sgyur ba la khyad par du 'phags pa rnams ni nyin lan gsum mtshan lan gsum du sangs rgyas kyi spyan gyis 'jig rten la rnam par gzigs nas su ni 'phel/su ni 'grib/ su ni gnod par gyur/ su ni nyam nga bar 'gyur/ su ni sdug bsngal bar gyur/ su ni ngan song la gzhol/ su ni ngan song la 'bab/su ni 'khor ba'i rgya mtsho chen po las nye bar 'don par bya/ su ni deng ngas 'khor ba'i srin pos rnam par gtses pa las thar bar bya/ su ni deng ngas dbul ba'i sprul gyis bdas pa las yongs su bskyab par bya/ su ni deng ngas zhe sdang gi mes lus kun nas bsregs pa las dam pa'i chos kyi char gyis dbang bskur bar bya/su ni deng ngas gti mug gi mun nag gi nang du zhugs pa la rab rib med pa'i snang ba bla na med pa'i ting nge 'dzin mchog gi rtse mo la bskyon par bya/ su ni deng ngas sdug bsngal thams cad zad par byed pa'i lam gyi mchog yan lag brgyad pa bstan par bya/su ni deng ngas dbul ba'i sgo glegs mtha' med par gzhig par bya/ su ni deng ngas mi shes pa'i rab rib kyis mig mdongs pa la ye shes kyi mig sman rjes su sbyin par bya/ su ni deng ngas lcags sgrog chen pos bcings pa las thar par bya zhes mkhyen pa'i gzigs pa 'jug go//yang smras pa/ rgya mtsho chu srin rnams kyi gnas/ /dus rlabs yol bar 'gyur yang srid/ /gdul bar bya ba'i sras rnams la/ /sangs rgyas dus las yol ba med/ /de nas bcom ldan 'das yang dag par rdzogs pa'i sangs rgyas rnam par gzigs/'jig rten ma lus pa 'di dag la gzigs par gyur pa dang / bcom ldan 'das kyi ded dpon rna can dbul ba'i sdug bsngal gyi 'dam rdzab tu shin tu nub cing bdag nyid shin tu mya ngan gyis smre zhing gnas par gzigs so/ /gzigs nas kyang thugs rje chen pos yang dag par skul ba'i thugs kyis lhung bzed bsnams shing chos gos mnabs te/mnyan ldan gyi skyed mos tshal nas mngon par byung nas mnyan ldan du gshegs so/ /yang dag par rdzogs pa'i sangs rgyas rnam par gzigs rgyal po'i pho brang mnyan ldan du bsod snyoms la gshegs pa dang /de mthong nas/ rgyal po dang / blon po dang / tshong dpon dang / bram ze dang / khyim bdag dang / grong khyer gyi skye bo rnams dang / ded dpon rnams yang dag par rdzogs pa'i sangs rgyas rnam par gzigs 'dir bsod snyoms la byon gyi/ bcom ldan 'das 'di'i bsod snyoms pas dgang bar bya'o snyam nas srog chags brgya stong dpag tu med pa bza' ba dang bca' ba rnams thogs te gnas so//de nas bcom ldan 'das yang dag par rdzogs pa'i sangs rgyas rnam par gzigs ded dpon rna can la rjes su thugs brtse bas tshong 'dus kyi dbus na thugs rab tu zhi zhing sku la nyi ma 'char ka'i 'od pas lhag pa'i 'od kyis 'bar ba lta bu ston ka'i zla ba rgyas pa'i mtshams kyi sprin gyis bskor ba lta bu dang /lha'i skyed mos tshal gyi dpag bsam gyi shing lta bu dang / gser gyi mchod sdong bdud rtsi'i byi ru'i shing gi yal gas brgyan pa lta bu dang /gser gyi gzhong pa'i steng du til mar gyi mar me bltams pa lta bu dang / rin po che'i ri bo rin po che phra mo sna tshogs kyis spras pa lta bu dang / ngang pa'i rgyal po gser gyi pad+ma'i rdul gyis gos pa lta bu dang / sa srung dal gyis 'bab pa'i pad+ma'i rdul gyis brgyan pa lta bu dang / seng ge ldong ros kyis byugs pa lta bu dang / sa thams cad kyi dpal gyi tshogs lta bu dang / sku shin tu 'bar ba lta bu dang / zhabs kyi mthil gnyis shin tu legs par byas pa'i shing rta'i 'khor lo nor bus spras pa'i 'od dang ldan pa lta bu dang / zhabs kyi mthil rab tu gsar pa'i pad+ma'i kha rgyas pa ltar shin tu mnyen shing gzhon sha chags pa dang /zhabs kyi mthil dpal be'u dang / g.yung drung dang / dga' ba 'khyil pa dang / nya dang ldong ros kyis brgyan pa dang / zhabs gnyis la zla ba rgyas pa'i dbyibs lta bu la zangs shin tu sbyangs pa lta bu'i mdangs dang / 'od dang ldan pa'i sen mo shin tu dri ma med pa gcig tu gsal ba/ legs par skyes pa/ blta na sdug cing mtho ba'i sen mo dag dang zhabs kyi sen mo'i thig le'i phreng bas spras shing nyams pa med pa dang / legs par skyes pa dang / ring zhing zlum pa yangs pa'i sen mo dang / 'jam zhing shin tu mnyen la shing bal ltar reg na bde ba'i rting pa gnyis dang /dpal gyis 'bar ba'i nyi ma nam mkha'i dkyil na 'dug pa lta bur phyogs kyi dkyil 'khor thams cad ma lus par kun du snang bar mdzad cing / ded dpon rna can gyi gnas zhig pa'i phyed dum der byon to/ / de nas yang dag par rdzogs pa'i sangs rgyas rnam par gzigs kyis/ gser btso ma bzhin du sbyangs pa'i 'od 'phro ba lta bu dang / mar gyi rgyun gyis blugs pa'i me'i tshogs lta bu dang / shin tu kha rgyas pa'i king shu ka dang a sho ka dang / ut+pal dmar po dang / un ran da ka dmar po dang /ka ra bI ra dang / tsam pa ka dang / le brgan rtsi'i khu ba dang / mtshams kyi sprin dang / glang po che'i dkan dang / pad+ma dmar po dang / glog brgya stong bas lhag pa'i 'od zer yang dag par 'gyed par mdzad cing / gang gis de'i mod kho na la gnas zhig pa'i phyed dum phyi dang nang du bcas pa gser zhun ma ltar snang bar gyur pa de ltar mdzad do//de mthong nas ded dpon rna can gyis 'di ci zhig yin snyam te langs pa dang / bcom ldan 'das yang dag par rdzogs pa'i sangs rgyas rnam par gzigs mtshan sum bcu rtsa gnyis kyis brgyan pa/chos zhes bya ba lus dang ldan pa lta bu dang / mar gyi spyin blugs pa'i rjes thogs kyi me lta bu dang / gser bzhu ba'i khu ba'i mdangs dang / kar ni ka ra dang / gur gum dang / le brgan rtsi dang / ldong ros dang / ba bla dang / ut+pal dmar po dang / ston gyi mtshams kyi sprin dang /rma bya'i lkog ma'i mdangs dang / gser dang / mthing shing dang / mtshal dang / a ti mug ta dang / ku ran da ka lta bu'i 'od kyi dkyil 'khor gyis sku la bskor ba mthong ngo / /mthong nas kyang ded dpon rna can de shin tu dad pa chen po skyes nas ngas bcom ldan 'das la ci zhig dbul bar bya snyam du sems te/bdag nyid kyi 'byor pa la bltas pa dang / ma sha'i snum khur gcig po yod par mthong nas des de blangs te chung ma la smras pa/ bzang mos ngas ni lag pa stong pas nga'i khyim du 'jug par mi bya'o snyam nas/ ma sha'i snum khur cig khyer te 'ongs te/bcom ldan 'das yang dag par rdzogs pa'i sangs rgyas rnam par gzigs 'di yang yon gnas kyi dam pa/ dman pa dang zhan pa rnams la rjes su thugs brtse ba yin la/ 'di la sbyin pa'i sa bon nyung zad tsam zhig btab pas kyang dbul ba'i sdug bsngal rtsa nas 'byin par mdzad pa yin na/bcom ldan 'das de la ngas ma sha'i snum khur 'di dbul bar bya'am/ des smras pa/ rje'i sras legs kyis de ltar mdzod cig /'di tsam gyi dge ba'i rtsa bas kyang 'khor ba na bde ba'i rgyur 'gyur ro/ /de skad ces smras pa dang / ded dpon gyis bsams pa/ ma sha'i snum khur 'di ni shin tu zhan pa yin la/ da ni grong khyer 'di nyid du de lta bu zhig tu gyur nas nga 'di lta bu'i ngan pa rgyal po dang / blon po dang / bram ze dang / khyim bdag dang / grong khyer gyi skye bo dang / ded dpon rnams kyis mi mthong ba ji ltar ni bcom ldan 'das la dbul bar bya/gzhan du na lo mas dkris la dbul bar bya ste/ de ltar ma byas na ni 'di rnams kyis shes par 'gyur ro snyam nas/ rang gi gnas zhig pa'i phyed kyi nang du zhugs te/ lo ma btsal bar sems pa dang ci yang ma rnyed par gyur to/ /de nas ded dpon de shin tu yang yi mug par gyur te/ kyi hud 'di lta bu'i skal ba zhan pa ni sdug bsngal lo zhes dbugs tshab ring po phyung nas/ de'i mod la gnas zhig pa'i phyed dum de nas byung ste/ dad pa chen po'i shugs kyis ma sha'i snum khur de yang dag par rdzogs pa'i sangs rgyas rnam par gzigs kyi lhung bzed du phul lo/ / phul nas kyang zhabs gnyis la phyag byas te/ smon lam byed par brtsams pa/ bcom ldan 'das sbyin par bya ba'i chos yongs su phul ba'i dge ba'i rtsa ba 'dis skye ba 'di nyid nas gzung ste/ nyin zhag gcig tsam yang dbul por nam yang ma gyur cing / shin tu phyug pa dang /nor dang longs spyod yongs su rdzogs pa dang ldan par gyur cig /bcom ldan 'das yang dag par rdzogs pa'i sangs rgyas rnam par gzigs kyi zhabs la/ ded dpon rna can gyis btud pa tsam de nyid kyi rjes thogs kho na la shin tu zhan cing rid pa de mi snang bar gyur nas/ sngon gyi mdog mdangs lta bu dang ldan par gyur to//de nas ded dpon rna can gyis smon lam btab nas langs pa dang / yang dag par rdzogs pa'i sangs rgyas rnam par gzigs slar bzhud de/ mnyan ldan gyi skyed mos tshal du gshegs so/ /de nas ded dpon rna can mnyan ldan gyi tshong dpon dang /ded dpon rnams kyis ngo shes par gyur to/ /de nas ded dpon zhig gis grong khyer pa de rnams la 'di skad ces smras so/ /nga dang khyed rnams kyi ded dpon rna can rgud par gyur pa la/ btang snyoms su 'jog pa ni rigs pa ma yin no/ /de nas ras gcig bting ste yang smras pa/ grogs po dag mang pos ni gcig legs par gdon nus kyi/ gcig gis ni mang po ma yin pas/ de la gang gis 'dir yongs su btang ba de ras 'di'i steng du zhog shig ces smras pa dang / du ma zhig gis mgul gdub dang / gdu bu dang / dpung rgyan dang / do shal dang / se mo do dang /lag gdub la sogs pa rgyan brgya stong dpag tu med pa zhig byin pa dang / ka shi'i ras dang / du ku la'i ras dang / ko tam pa'i ras dang / dar dang mon dar la sogs pa shin tu phra zhing rin che ba sna tshogs pa'i gos zung brgya stong dpag tu med pa byin te/ de la skad cig ma de nyid du gos dang rgyan gyi phung po zhig tu gyur to//de nas ded dpon rna can gyis 'byor pa de la bltas nas chung ma la smras pa/ bzang mo zhing gshin pa la sbyin pa'i sa bon btab pa'i myu gu 'thon pa la ltos/ de yang dga' ba dang mgu ba skyes te/ yang dag par rdzogs pa'i sangs rgyas rnam par gzigs de la phyag byas nas rgyan dang gos de rnams gnas zhig pa'i phyed dum der gzhug par brtsams so//khye'u mi sdug pa de yang pha'i skyed mos tshal der zhugs nas bkres pas gdungs pa'i yid dang / rang nyid mchog tu gzugs ngan pas 'di ltar yang dang yang du mya ngan byed cing bsams pa/shin tu sdig pa'i las byed pa/ mchog tu sdug bsngal ba'i skal ba can shin tu gzugs ngan pa/ mthong na bkra mi shis pa nga gson pas kyang dgos pa ci zhig yod de/ bdag nyid kyi srog dang 'bral bar bya'o snyam nas sgyid lug pa'i yid kyis mod kho na la pa la'i shing gi yal ga'i rtser mor 'dzegs pa dang /shing gi yal ga chag nas/ shing gi yal ga dang lhan cig tu lhung ste/ tshor ba nyams shing 'dug go/ /bar skabs der sangs rgyas bcom ldan 'das la ni mi mkhyen pa'am/ mi gzigs pa'am/ thugs su mi chud pa'am/rnam par mi rig pa ci yang mi mnga' bas yang dag par rdzogs pa'i sangs rgyas rnam par gzigs kyis sangs rgyas kyi lha'i spyan rnam par dag pa/ mi'i las 'das pas khye'u mi sdug pa de ltar sdug bsngal ba gzigs so/ /gzigs nas kyang thugs rje chen pos yang dag par bskul te/skyed mos tshal der rdzu 'phrul gyis gshegs nas nyid kyi sku las 'od zer 'gyed par mdzad de/ bkres pa dang skom pa'i sdug bsngal de yang rgyun chad par gyur nas de'i mod la langs pa dang / yang dag par rdzogs pa'i sangs rgyas rnam par gzigs bskal pa bye ba brgya stong dpag tu med pa mthong ba shin tu rnyed par dka' ba dang /mtshan sum cu rtsa gnyis kyi snang bas 'bar bar byas pa'i sku dang ldan pa mthong ngo / /de mthong ba'i mod la bcom ldan 'das yang dag par rdzogs pa'i sangs rgyas rnam par gzigs la dad pa chen po skyes te/des kyang yung bas btsos pa'i gos kyi dum bu khru gang gyon te 'dug pa las/ des dad pa'i shugs kyis lus las phud de/ de dang kar ni ka'i me tog cig dad pa'i shugs chen pos 'phral du bcom ldan 'das rnam par gzigs kyi sku la gsol lo/ /de yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis ji ltar gos kyi dum bu de bzhin gshegs pa'i sku tshad dang ldan pa tsam du gyur nas sku la gsol pa dang /me tog kar ni ka yang dbu'i steng du shing rta'i 'phang lo tsam du gyur nas gdugs ltar gnas pa de ltar byin gyis brlabs so//de mthong ba dang khye'u mi sdug pa shin tu yang dad pa chen po skyes nas/ de dad pa chen po'i shugs kyis yang dag par rdzogs pa'i sangs rgyas rnam par gzigs kyi zhabs gnyis la phyag byas te/ sgra gsang chen pos smon lam byed par brtsams pa/rkang gnyis mchog gyur sbyin pa 'di/ /'di yis 'di nas gzugs ngan nyid/ /de las brtsams te legs spangs nas/ /bdag nyid gzugs bzang nyid thob shog /gser gyi gdong can gos rnams ni/ /gser sbyangs lta bu gyon pa dang / /bdag gis lus dang kha nas kyang //tsan dan ut+pal dri ltar shog /gser gyi mdog ltar snang gyur cing / /'jig rten kun gyi yid du 'ong / /nad kun las ni rnam thar cing / /bstan bcos kun du pha rol phyin/ /kun du'ang nor dang yang dag ldan/ /sdug bsngal thams cad rnam spangs pa//kun mchog kun gyis lta bar 'os/ /rgyan rnams kun gyis rnam brgyan shog /rdzogs sangs rgyas don kun grub cing / /sems can rnams la mnyes gshin shog /dri med yon tan dpal ldan lha/ /bde zhing rdzas kun ldan par shog /des smon lam 'di byas pa dang dus mnyam pa nyid la khye'u mi sdug pa 'phral du mi snang bar gyur cing /mdzes pa lta na sdug pa/ lus kyi pags pa'i mdog gser gyi mdog can gyi gzugs bzang bar gyur to/ /'phral du de la nam mkha' las gser gyi mdog can gyi gos byung bas lus la bkab cing rin po che'i dbu rgyan dang /rna cha la sogs pa'i rgyan gyi khyad par rnams byung bas brgyan to/ /lha rnams kyis kyang me tog kar ni ka dang / ut+pal dang / tsam pa ka dang / pad+ma dang / ku mu ta dang / man dA ra ba la sogs pa me tog gi char chen po phab pa dang / lha'i tsan dan dang /a ka ru dang / gur gum dang / ta ma la'i lo ma'i phye ma'i char phab cing 'di skad ces kyang smras so/ /e ma'o de bzhin gshegs pa la bskrun pa'i sbyin pa'i sa bon khyad par can gyi myu gu yang dag par 'byung ba yin no/ /lha'i me tog dang / phye ma'i char yang pus mo nub pa tsam du skyed mos tshal de thams cad du bab nas gnas so//de nas yang dag par rdzogs pa'i sangs rgyas rnam par gzigs skyed mos tshal de nas mngon par phyung ste mnyan ldan gyi skyed mos tshal du gshegs so/ /ded dpon rna can gyis chung ma la smras pa/ bzang mo gang zhig skyes nas de las 'di lta bu'i rgud pa byung bar gyur pa'i bu de gar song /des smras pa/ des skyed mos tshal du 'gro'o zhes zer ro/ /des smras pa/ des de nyid du yi mug pas bdag nyid gsod par 'gyur gyi de myur du bzhud cig /ded dpon rna can gyis smras pa/ yu bu'i bu'i ming ni ci/ /gzugs ni ci lta bu zhig yod/ /des smras pa/ rje'i sras shin tu blta na mi sdug pas mi sdug pa zhes bgyi'o/ /de nas ded dpon rna can de shin tu myur ba'i gom stabs kyis skyed mos tshal der song ba dang / gzhon nu mi sdug pa lus gser gyi mdog can rin po che'i gos ser po phra ba lus la gyon pa/rgyan thams cad kyis brgyan pa/ mthong na yid 'phrog pa/ lha'i bu gzhon nu bzhin du dpal gyi mchog tu 'bar ba mthong ngo / /mthong nas kyang e ma'o gang la 'di lta bu'i bu yod pa de ni skyes bu skal ba dang ldan pa'o zhes zer zhing gzhon nu la smras pa/khye'u khyod su'i bu yin/ des smras pa/ rna can zhes bya ba'i ded dpon zhig yod de/ nga ni de'i bu yin no/ /ded dpon rna can gyis bsams pa la/ gzhon nu 'dis ni nga la bstings so snyam du sems shing / shin tu ltad mo skyes te/ mig mi 'dzums par lta zhing gzhon nu de la yang smras pa/kye gzhon nu su'i bu yin pa bden par smros shig /mi sdug pas smras pa/ 'dir ci zhig brtag par bya ste/ nga ni bden pa nyid du ded dpon rna can gyi bu yin no/ /des smras pa/ e ma'o gzhon nu 'dis ni nga la shin tu yang bstings so snyam nas smras pa/ gzhon nu ngas ni shin tu mi sdug go zhes thos na/ khyed ni gzugs bzang na/ de thabs gang gis gzugs bzang bar gyur/ gzhon nu mi sdug pas dga' bas mig gdangs te sgra gsang chen pos smras pa/ deng ni dbul ba'i sdug bsngal mes/ /sems ni yongs su gdungs pas na//shing gi yal ga'i rtser 'dzegs te/ /bdag gis rang nyid ltung bar byas/ /lhung bas yan lag snad pas gzir/ /bdag ni ba rgyal ba nyid du gyur/ /sems ni dbugs med ma thon par/ /skad cig tsam zhig rnam par gnas/ /de nas rnam gzigs rdzogs sangs rgyas//sems can rnams la rjes brtse ba/ /mgon po bdag la thugs brtse'i phyir/ /skyed mos tshal ni 'dir byon to/ /sum cu rtsa gnyis mtshan 'chang zhing / /pags pa gser ni sbyangs pa 'dra/ /btso ma'i gser 'dra'i 'od rnams kyis/ /phyogs bcu dag ni 'gengs par mdzad//de sku'i 'od zer rab bsil bas/ /bdag la reg pa tsam gyis na/ /mnyam med bdud rtsi'i rgyun gyis ni/ /'di dag thams cad tshim par mdzad/ /bkres skom ltung ba'i sdug bsngal dang / /ma lus bdag gi bkra mi shis/ /de yi mod la zhi gyur cing / / bdag ni sems can rnyed par gyur/ /'di ci yin zhes spro bcas par/ /bdag langs de tshe thub pa yi/ /shin tu mdangs bzangs 'gro ba yi/ /phun sum tshogs pa'i gnas gyur mthong / /bdag gis blta bya'i rin chen de/ /mgon po dpal gyi mchog gis ni/ /phyogs rnams rgyas par gsal mdzad pa//mthong nas bdag sngar dad par gyur/ /de nas rab dga'i sems kyis su/ /bdag gis gos kyi dum bu ni/ /yung bas btsos pa de nyid la/ /mchog tu dga' bas phul bar gyur/ /kar ni ka yi me tog gcig / bdag gis brtul zhugs bzang de la/ /gtor ba de yang thub pa yi/ /steng du gdugs bzhin gnas par gyur/ /des na dga' zhing mgu ba yis/ /zhabs gnyis la ni rab btud de/ /shin tu dang ba bskyed pa yis/ /bdag gis smon lam 'di byas so/ /mgon po sbyin pa 'di yis ni//de nyid bdag ni gzugs ngan pa/ /yongs su spangs shing gzugs bzang ba'ang / /srid pa'i rgya mtsho thob par shog /gser gyi mdog can gos rnams kyang / /gser sbyangs lta bu gyon pa dang / /bdag gi lus dang kha dog kyang / /tsan dan ut+pal dri ldan shog /bdag gi smon lam de dag ni/ /'dis ni byas par gyur pa na/ /gzugs dang kha dog 'di 'dra ba/ /yid du 'ong ba byung bar gyur/ /gos ni rin thang cher gyur pa/ /ser zhing shin tu 'jam pa dang / /bdag gi lus la 'phral du ni/ /skad cig de nyid dag las byung / / nam mkha'i ngos nas lha rnams kyis/ /me tog dang ni tsan dan dang / /a ga ru dang ta ma la/ /a ga ru sogs char 'di phab/ /ca co rnam pa chen po dang / /yid 'phrog pa yi rnga brdung zhing / /sangs rgyas bcom ldan phyag 'tshal zhes/ /bya ba'i sgra ni smra bar gyur/ /deng ni dge ba 'di byas pas//bdag gi gzugs ni 'di dag dang / /gser 'dra'i mdog ni yid 'ong ba/ /'di ni byung bar gyur pa yin/ /de nas ded dpon rna can gyis de skad thos pa dang / 'phral du dad pa'i shugs kyis ba spu'i bu ga thams cad ldang bar gyur cing de bzhin gshegs pa rnam par gzigs la yang dang yang du phyag 'tshal zhing mchog tu yid dga' ba skyes pa dang /bu gzugs bzang ba la mig mi 'dzums pas bltas te smras pa/ bu tshur shog yu bu 'dengs/ de nas gzhon nu gzugs bzang [(]kyis [,]gis [)]bdag ni pha 'di las skyes pa yin no snyam nas shin tu gus pa dang bcas pas pha'i rkang pa la phyag byas nas yab legs par byon tam zhes smras te/pha dang lhan cig khyim du chas so/ /de'i tshe lha'i dbang po brgya byin lha'i shes pas 'og tu 'jug par 'gyur ba yin pas de 'di snyam du sems te/ ded dpon rna can 'di ni sangs rgyas bcom ldan 'das la lhag par bya ba byas pa yin no/ / de rtswa khyim na gnas pa ni rigs pa ma yin no snyam nas lha'i bu las sna tshogs pa la smras pa/ las sna tshogs pa song la ded dpon rna can gyi khang pa rin po che sna bzhi las gru bzhi pa'i rnam pa gyis shig /de nas las rnam pa sna tshogs pas brgya byin gyi tshig smras te/ skad cig de nyid la rgyal po'i pho brang mnyan ldan du 'ongs nas rin po che sna bzhi'i pha gu las brtsigs shing ka bas bteg pa/khyams mtho zhing mdzes pa dang / skar khung dang / sgo khang dang / ngos na lcog gis legs par bkod pa'i yan lag can dang / gdung phran la spang leb legs par bkod pa/shin tu mtho ba'i khang pa zur bzhi pa/ shin tu yid du 'ong ba'i rta babs kyis sgo nye bar mdzes pa dang / ston ka'i sprin mdzes pa dang / gangs kyi phung po dang / zla ba'i 'od zer dang / pad+ma'i rtsa ba ltar dkar ba/ gdugs dang rgyal mtshan dang / ba dan bsgreng ba dang / mu tig gi chun 'phyang dang gos kyi chun 'phyang gi tshogs btags pa/grong khyer gyi mchog ma lus pa nye bar mdzes par byed pa'i gnas su gyur pa/ shin tu 'bar ba'i gser gyi rang bzhin can gsar du mngon par 'byung ba'i a nu'i rgyan byas shing yan lag brgyad pa'i chus yongs su gang ba'i bum pa brgyad kyis sgo nye bar gnas par byas pa/dpag tu med pa'i dngul dang / bai DUR+Ya dang / shel dang / spug dang / mthon ka dang / mthon ka chen po la sogs pa'i rin po che rnams kyis yongs su skor ba/ gter du mas yongs su khengs pa/ rin po che'i rdzing dang / yo byad kyis yongs su gang ba'i khang pa'i mchog cig byas so//de nas ded dpon rna can gyis khyim du 'ongs pa dang / de'i chung ma dga' zhing mgu la rangs pas/ gser gyi ril ba las chu byin te smras pa/ rje'i sras khyed kyi bsod nams kyi mthus 'ga' zhig gis 'di lta bu'i khang pa'i mchog byas so/ /de nas ded dpon rna can gzhal yas khang de la mngon par lta zhing /mchog tu dga' ba dang yid bde ba skyes nas/ sangs rgyas bcom ldan 'das la shin tu yang dad pa skyes te/ ba spu ldang ba dang thal mo spyi bor sbyar te/ de bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bsam gyis mi khyab pa'i yid bzhin gyi nor bu rin po che bsod nams kyi zhing bla na med pa la phyag 'tshal lo zhes smras te phyag byas nas rab tu dga' bas rgyas pa'i bzhin dang bas smras pa/e ma'o yon tan rang bzhin zhi/ /nyes pa thams cad rab spangs pas//gang du bdag gis sa bon btab/ /'bras bu de nyid stsol bar mdzad/ /sbyin pa ngan ngon de tsam ni/ /legs par sbyar ba kun bral gang / /nyams dga' mthong ba'i gser dang ni/ /rin chen rang bzhin khyim 'di gang / /rtsig pa'i lhag ma lus pa tsam/ /bdag khyim mya ngan 'phel byed pa'i//sprin dang nges par bral ba yi/ /zla ba'i 'od ltar dkar 'di gang / /byi ba 'bus rtol bu ga yi/ /skar khung ldan pa'i khyim yang gang / /rin chen rab mchog du ma yi/ /skar khung ldan pa'i khyim 'di gang / /khros pa'i khyim khyab tsher ma dang / /mi gtsang tshogs kyis gzings de gang //khyim 'di sngon chad de 'dra las/ /rin chen bsags 'di gang yin mtshar/ /sbrul gyis bor ba'i lpags rnying 'di/ /'phyang ba'i gos kyis khyab de gang / /phra ba'i gos ni phun tshogs bkra/ /rnga yab 'phyang ba 'di ni gang / /khyi mos bsdus pa'i rus gong ni/ /dkar pos gcal bkram khyim de gang /dri zhim me tog bzang po 'di/ /sil mas nye bar mdzes 'di gang / /mya ngan 'chi ma'i rgyun gyis ni/ /rtag tu brlan pa'i khyim de gang / /dri zhim gla rtsi tsan dan gyi/ /chu yis chag chag btab 'di gang / /me lces tshig cing khwa rnams kyis/ /mi rnams rta babs can de gang / / gser dang rin chen mu tig mchog /phreng bas nye bar mdzes 'di gang / /spang leb chag pa'i sgo yis ni/ /bsgribs pa yi ni khyim 'di gang / /shel las bsgrubs pa'i sgo glegs ni/ /sgo 'phar ldan pa 'di ni gang / /nga ni yun ring nyams pa yi/ /'jig dum phyed pa'i khyim 'di gang / /nor bu'i rang bzhin ka ba dang //sgo gang gis ni brgyan 'di gang / /smre sngags sgra yis kun du ni/ /khyab pa'i bzhi mdo de ni gang / /rol mo'i sgra dang gling bu yi/ /skad dang yang dag ldan ni gang / /sngon ni thod pa'i tshogs dang ni/ /phyag dar phung pos sems te gang / /rin chen phung pos mdzes pa gang / / gang du bsags pa 'di ni gang / /lcog dang gdung phran bkod pa rnams/ /ma lus lhag par gyur te gang / /nang na mthon ka chen po dang / /shel ni chen po bzhag 'di gang / /stan dang bral ba'i so phag ni/ /gcig la brten par gyur de gang / /sna tshogs gos g.yogs nang tshangs can/ / brgya phrag dang ni ldan de gang / /sngon ni gsegs mas khyab gyur pa'i/ /sa yi cha yi mal de gang / /rgya chen dang ldan dpal gyi khri/ /nyams su dga' ba 'di ni gang / /rtswas g.yogs pa yi mal stan ni/ /bdag la rab tu rtsub ste gang / /shing bal yang zhing 'jam pa'i stan/ /deng rab yid du 'ong ba gang //khyim nas khyi yis gang gyur pas/ /shin tu dri mi zhim de gang / /gzhal yas khang na yid 'ong ba/ /dri zhim dam pas bsgos 'di gang / /sngon chad khang pa'i phyi nang na/ /gos dengs snal mas khyab de gang / /sna tshogs rin chen mchog gyur pas/ /rnam spras nyams dga' 'di ni gang //khra yis mi gtsang ri mo yis/ /dkar po brgya rab 'chang de gang / /rgyan rnams sna tshogs mu tig gis/ /dra bas nye bar mdzes 'di gang / /sdug bsngal tshig smre lag pa dag /bsgreng ba'i khang pa de ni gang / /dri med gdugs dang ba dan dag /bsgrengs pas brgyan par gyur 'di gang //skyob pa bsod nams zhing gyur pa/ /gang zhig byon pas bdag deng nyid/ /dbul ba'i rgya mtsho las sgrol ba/ /mgon po de la phyag 'tshal lo/ /gang zhig byon pas bdag de nyid/ /phun tshogs 'di 'dra thob 'gyur ba/ /thams cad mkhyen pa rnam par gzigs//'jig rten mgon la phyag 'tshal lo/ /rnam par rgyal bzhin bsam yas pa'i/ /yon tan dpag med rnams kyis brgyan/ /yang dag byon nas de bdag ni/ /gzhal yas khang mchog thob par mdzad/ /ston pa de ni legs rnyed pas/ /ti se'i rtse mo bsgrengs pa lta'i//ston ka'i zla ba ltar dkar ba'i/ /gzhal yas khang mtho thob par gyur/ /de nyid grong khyer 'di mgon med/ /dbul ba'i sdug bsngal can gyur nas/ /de nyid kun gyi mchog gyur cing / /nor che ba dang ldan par gyur/ /sa bon de nyid btab tsam gyis/ /'bras bu 'phral du stsol ba po//'jig rten mchog gyur khyab bdag de/ /su zhig gis ni mchog 'os min/ /de nas ded dpon rna can dad pa'i shugs drag pos sems kyi rgyud brlan pa dang bsams pa/ bcom ldan 'das byon nas/ /ngal 'byon pa 'di lta bu thob par mdzad pa yin pas/ da yang ngas dang po nyid du bcom ldan 'das de bzhin gshegs pa rnam par gzigs khang pa 'dir spyan drangs la/ nyan thos kyi tshogs dang bcas pa la bshos gtsang dbul bar bya'o snyam nas/ gus pa chen pos de bzhin gshegs pa rnam par gzigs/ nyan thos kyi dge 'dun dang bcas pa/khang pa'i nang du spyan drangs te/ zhal zas ro brgya pa nyin zhag bdun gyi bar drangs nas zhabs gnyis la phyag byas te/ ji srid 'tsho'i bar du yo byad thams cad kyis bsnyen bkur byas par gyur to/ /de nas nyi ma gzhan zhig la zhing bsrung ba'i skyes bu zho shal 'tsho ba zhig la/ rje bos 'bras chan gyi thum bu zhig byin pa dang / de thogs te zhing las la chas pa dang / lam gyi bar zhig tu zho shas 'tsho ba'i skyes bu des dge bsnyen gzhan zhig la/ ded dpon rna can gyis ma sha'i snum khur gcig sangs rgyas bcom ldan 'das la phul bas/ 'byor ba 'di lta bu thob ces thos so//thos nas kyang / skyes bu des dge bsnyen de la smras pa/ kye bzhin bzangs bcom ldan 'das de che ba'i yon tan de ji lta bu zhig yod/ des smras pa/ bzhin bzangs bcom ldan 'das de'i yon tan de'i khyad par smra bar ga la nus/ 'on kyang mdor bsdus pa'i don 'di nyon cig /bcom ldan 'das yang dag par rdzogs pa'i sangs rgyas de ni skyes bu/ rab mchog mtshan gyis brgyan pas/ gser gyi ri ltar snang bas/ nyi ma dang zla ba bas lhag pa'i 'od gcig pu la/ dul ba/ brtul zhugs bzang ba/ thugs dul ba/ gsung snyan ba/ cha lugs bzang ba/ sku mdzes pa/ zhal mdzes pa/ spyan mdzes pa/ phrin las bzang ba/ chos bzang ba/ bzod pa dang ldan pa/ spobs pa dang ldan pa/ des pa shin tu 'dren pa dul ba mkhyen pa/ zhi ba mkhyen pa/ spyan yangs pa/ byas pa mkhyen pa/ dbang po rab tu zhi ba/ dbang po'i rta shin tu dul ba/ dbang po shin tu zhi ba/ chos kyi rgyal po chen po/ sems can gyi snying po chen po/ 'jig rten gyi mgon po chen po/ ye shes kyi tog chen po/ smra ba'i dpa' bo chen po/ bsod nams kyi mdzod chen po/ chos kyi gru chen po/ ded dpon chen po/ sbyin gnas chen po/ grub chen po chos kyi sbyin bdag chen po/sred pa rnams gcod par mdzad pa/ rmongs pa nges par 'jig par mdzad pa/ khro ba zhi bar mdzad pa/ thar pa ston par mdzad pa/ chos yang dag par mdzad pa/ ngan pa las 'pho bar mdzad pa/ lam bzang po ston par mdzad pa/ the tshom gcod par mdzad pa/bden pa yang dag par ston par mdzad pa/ nyon mongs pa zhi bar mdzad pa/ bdud 'joms par mdzad pa/ 'jig rten rnams sgrol bar mdzad pa/ tshangs pas mchod pa/ brgya byin gyis yang dag par bkur ba/ 'jig rten thams cad pas lhag pa/ 'jig rten thams cad kyi mdzes pa/sems can thams cad kyi mchog /sdug bsngal thams cad gcod par mdzad pa/ thams cad rig pa/ tshul dang dul ba la mkhas pa/ zag pa thams cad las 'das pa/ smra ba'i gtso bo zil gyis ma mnan pa/ nyes pa thams cad zil gyis ma g.yengs pa/ don thams cad la mngon par brtson pa/gzugs dang ldan pa/ tshul khrims dang ldan pa/ bsam gtan dang ldan pa/ brtson 'grus dang ldan pa/ ye shes dang ldan pa/ re ba mi mnga' ba/ sgyu mi mnga' ba/ nan mi mnga' ba/ spros pa mi mnga' ba/ skyon med par zhugs pa/ 'jug pa dang zad pa'i stobs nye bar ston par mdzad pa/sems can thams cad la byams pa'i dgongs pa can/ sdig pa rnams las grol ba/ lhag par mos pa dang ldan pa/ bla na med pa/ gtso bo/ ston pa po/ nyon mongs pa'i nad kyis gdungs pa rnams kyi sman pa chen po/ rang byung khyab bdag yang dag par sdom pa'i bdag nyid can/mthu tshad med pa/ mdzad pa nyung ba/ cho ga mkhyen pa dang ldan pa/ dus dang ldan pa/ ye shes dang ldan pa/ nyon mongs pa'i dgra las nges par rgyal ba/ me rab tu zhi ba/ mi bskyod pa'i chos dang ldan pa/ mchog tu sdug bsngal ba'i 'jig rten ma rig pa'i 'dam la nub pa la gzigs shing de la nyid kyis yang dag par 'don par spyod la/nyid kyi mthu'i bdag nyid sems can thams cad la mtshungs par yod par bzhed pa'i thugs rje chen pos don mdzad pa'i blo gros kyi mchog gis 'di las 'gro ba 'don par mdzad pa/ ji ltar sdug bsngal rnams gnon par bya/ ji ltar skrag pa rnams dbugs dbyung bar bya/ ji ltar na 'khor bar nub pa rnams gdon par bya/ ji ltar na bkres pa rnams tshim par bya zhes de lta bu'i brtan po yang dag par bskyed de/ brtson 'grus mchog rtsom par mdzad cing / sku tshe bye ba brgya stong du snga ma bzhin du zas dang /skom dang gnas dang / lham dang / bza' ba dang / gdugs dang / bzhon pa dang / stan la sogs pa yid du 'ong ba dang / glang po che dang / rta dang chung ma dang bu dang / bran pho dang / bran mo dang / mgo dang / mig dang / bdag gi sha dron po bcad nas brgya byin khra'i gzugs can la sogs pa dang /sems can thams cad la thabs thams cad kyis phan par dgongs pa/ dus thams cad du yang rgas pa dang / na ba dang / phongs pa dang / kun du rmongs pa dang / kun du 'khrul pa dang / 'khrugs pa dang / mi bde bar gnas pa rnams la gzigs nas thams cad dbugs phyung ste/yod dam med pa la yang spyod pa ji lta bas brtan par mdzad pa/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab la sogs pa'i yon tan sku tshe brgya stong du mar bsags pas zhi ba'i byang chub kyi mchog bla na med pa brnyes pa'o//gzhan yang yang dag par rdzogs pa'i sangs rgyas grags pas khyab pa/ dbugs 'byin pa'i chos thugs rje ston par mdzad pa ye shes yongs su rdzogs pa/ brtson 'grus che ba/ dam bcas pa thams cad mthar phyin par mdzad pa'o/ /nyes pa thams cad las nye bar grol ba rmongs pa rnams nye bar bsal ba/dul ba dang / zhi ba dang / dbang po'i yul thams cad la ma chags pa/ thams cad kyi dbang phyug /lus kyi tha ma brnyes pa/ tshad med pa'i mthu'i 'od kyis brgyan pa'i ye shes kyi mdzod/ zla ba rgyas pa bas lhag pa'i 'od dang ldan pa'i zhal mnga' ba/ lha'i dbang po dang /lha ma yin gyi dbang po dang / klu'i dbang po rnams kyis mos pas rab tu dang ba dang / rtag tu phyag byas pa/ gzi brjid rab tu 'bar ba/ bsod nams dang grags pa dang ldan pa/ drang srong chen po byung ba/ gser shin tu sbyangs pa/ chos kyi dbang phyug mchog gi chos kyi pha rol tu phyin pa/sems can gyi mchog /cang shes pa grol ba/ dpa' ba/ lha'i yang lha/ yang dag par rdzogs pa'i sangs rgyas/ de'i yon tan ma lus par ston pa su zhig gis nus/ gzhan yang / gzugs dang mdangs bzang thams cad kyi/ /phun sum tshogs pas legs brgyan pa/ / skur ldan sangs rgyas ma gtogs pa/ /'di 'dra'i mchog gzhan yod ma yin/ /sangs rgyas 'dra ba'i ston pa med/ /sangs rgyas 'dra ba'i blo bzang med/ /sangs rgyas 'dra ba'i rtogs pa med/ /sangs rgyas 'dra ba'i thub pa med/ /sangs rgyas 'dra ba'i snod med de/ /sangs rgyas 'dra ba'i bde ldan med//sangs rgyas 'dra ba'i dul ba med/ /sangs rgyas 'dra ba'i gtso bo med/ /sangs rgyas 'dra ba'i smra ba med/ /sangs rgyas 'dra ba'i pha med de/ /sangs rgyas 'dra ba'i gnyen 'dun med/ /sangs rgyas 'dra ba'i bshes med do/ /bdag gi med cing dregs pa med/ /'jigs pa med cing nyes pa med//srid pa'i dgon pa nges rgal zhing / /'gran zla med cing skyon mi mnga'/ /mdzes dul zhi zhing gtsang ba dang / /dran ldan stobs ldan dbang dang ldan/ /sems can kun la phan mdzad pa/ /sangs rgyas 'dra ba gzhan med do/ /mdor na yon tan dam pa ni/ /khyad par sna tshogs ldan pas na//khams gsum na ni sangs rgyas dang / /mnyam pa med par gzung bar gyis/ /de thos pa dang zho shas 'tsho ba'i skyes bu de dad pas ba spu ldang zhing shin tu rnyed par dka' ba'i spobs pa 'phral du skyes te/ des smras pa/ ded dpon rna can gyi sred pas de lta bu'i sbyin gnas dam pa bcom ldan 'das de bzhin gshegs pa rnam par gzigs la ma sha'i snum khur cig phul nas/skad cig de nyid la ded dpon de dbul ba med par gyur cig ces de ltar sems kyi nor bu rin po cher gyur pa de bzhin gshegs pa las rnyed de/ shin tu zhan pa la longs spyod kyi rgyur gyur pa'i smon lam btab pa yin la/nga yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bskal pa bye ba brgya stong dpag tu med par yang mi mthong ba/ shin tu blta bar 'os pa/ bla na med pa bskal pa brgya stong dpag tu med par sems can thams cad kyi don la zhugs par bsags pa'i bsod nams kyi tshogs mnga' ba thugs rje chen po las mi ldog pa/'khor ba du ma'i nyon mongs pa'i dug can gyi sbrul chen pos zin pa'i dman pa rnams la rjes su thugs brtse ba/ rnam par ltung pa'i 'gro ba rnams la khyad par du mnyen gshin pa rjes su mi spong ba'i nye du yin la/ngas ni dus dpag tu med par longs spyod ma bsgrubs pa yin te/ ngas zhing las kyis bsgrubs pa'i 'bras chan gyi slong mo shin tu zhan pa rnyed pa 'di phul la mnyes par bya ste/ de'i tshe gang gis sems can thams cad kyi mchog tu 'gyur ba de lta bu'i smon lam gdab par bya'o snyam pa'i yid la brjod pa'i rjes thogs nyid la bcom ldan 'das yang dag par rdzogs pa'i sangs rgyas rnam par gzigs kyis sems dang sems kyi rtogs pa mkhyen nas rdzu 'phrul gyis gshegs te de'i mdun du bzhugs so//las byed pa'i skyes bu des de bzhin gshegs pa rnam par gzigs sku blta bas chog mi shes pa/ gser shin tu sbyangs pa ltar mngon par mdzes pa'i mdangs dang ldan pa'i lha'i ri'i rtse mo la nyi ma 'char ka'i 'od zer rnam par 'byung bas mtshams snang bar byas pas shin tu gsal bar byas pa lta bu'i sku la 'od dang ldan pa mthong ngo //mthong nas kyang mchog tu dga' ba dang yid bde ba skyes nas dad pa'i shugs chen pos 'bras chan thum bu blangs te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par gzigs kyi lhung bzed du phul te/dad pa'i shugs chen pos zhabs gnyis la phyag byas te smon lam byed par brtsams pa/ mgon po'i bsod nams 'di yis ni/ /skye ba 'di nas bzung nas su/ /sems can kun la phan sems shing / /snying rje'i bdag nyid can gyur cig /ji ltar khyod ni mtshan ldan zhing / /bla med byang chub brnyes gyur pa//de bzhin bdag kyang rdzogs byang chub/ /dri med yang dag thob gyur cig /ji ltar khyed ni kun mkhyen zhing / /chos rnams ji ltar ston mdzad pa/ /brnyes pa de bzhin bdag kyang ni/ /kun mkhyen nyid ni thob par shog /ji ltar khyed bdud las rgyal zhing / /chos kyi 'khor lo bskor mdzad pa//de bzhin bdag kyang nges rgyal nas/ /chos kyis 'khor lo bskor gyur cig /ji ltar mgon pos 'khor ba yi/ /rgya mtsho'i ngogs su sgrol mdzad bzhin/ /thub pa'i dam pa de ltar ni/ /bdag gis sems can mang dgrol bgyi/ /de nas bcom ldan 'das yang dag par rdzogs pa'i sangs rgyas rnam par gzigs char dang bcas pa'i sprin bzhin zab cing gsal ba'i gsung gis bka' stsal pa/bzhin bzangs don grub ces bya'i ston par ni/ /mthu ldan khyod ni ston par rab 'gyur te/ /bdud sde bcas las 'di na mngon rgyal zhing / /kun nas 'jigs pa mngon par ltung byed 'gyur//de nas yang dag par rdzogs pa'i sangs rgyas rnam par gzigs kyis skyes bu de bla na med pa yang dag par rdzogs pa'i byang chub tu lung bstan te/ lung bstan zin pa dang / ji ltar gyur pa de rgyal po'i pho brang mnyan ldan kun du grags par gyur to/ /ji tsam na rgyal po mnyan ldan gyis thos pa dang /der rang nyid song ste/ dge ba'i rtsa ba'i tshogs des spro ba'i sems kyis skyes bu de la bsnyen bkur chen pos glang po che'i rgyab la bskyon te pho brang du khyer nas stan phyed la bzhag ste/ rgyal srid kyi phyed byin pas mchod pa dang / des smras pa/ rgyal po chen po bdag ni 'dod pa don du gnyer ba ma lags te/bdag rab tu byung nas tshangs par spyod pa spyad par gnang bar mdzad du gsol/ /de yang rgyal pos gnang nas legs par gsungs pa'i chos 'dul ba la rab tu byung nas/ de der ji srid 'tsho'i bar du tshangs par spyod pa spyad de/ dus byas nas 'phrul dga'i lha rnams su skyes so//rgyal po mnyan ldan yang dus byas nas de'i rgyal srid la bzhag go/ /des kyang dus chung zad cig rgyal srid byas nas dus byas pa dang / blon po rnams kyis bsnyen bkur chen pos gzugs bzang rgyal por bskos te/ de lo drug khri'i bar du chos kyi rgyal po byas te/de nas shi 'phos nas dga' ldan gyi lha'i nang du skyes so/ /rgyal po chen po 'di ji snyam du sems/ de'i tshe de'i dus na gzugs bzang zhes bya ba'i rgyal po de gzhan zhig yin pa snyam du sems na de de ltar mi blta ste/ gser mdog 'di de'i tshe de'i dus na gzugs bzang zhes bya ba'i rgyal por gyur te/gang 'dis de bzhin gshegs pa rnam par gzigs la yung bas btsos pa'i gos kyi dum bu phul nas smon lam btab ste/ las kyi rnam par smin pa 'dis lha dang mi rnams kyi bde ba dpag tu med pa nyams su myong ste/ gang dang gang du skyes pa de dang der lus gser gyi mdog can dang gser gyi mdog can gyi gos lus la gyon pa dang /btsas pa'i dus su yang kar ni ka ra'i me tog gi char bab par gyur pa dang / ji srid da ltar yang rang gi lus la gos lan cig phud na de'i skad cig nyid la lus las skyes par 'gyur ba'i bsod nams kyi mthu chen po dang ldan pa yin no//de'i tshe de'i dus na ded dpon rna can zhes bya ba de ni ded dpon nyi ma 'di nyid yin no/ /ded dpon rna can gyi chung ma gang yin pa de ni da ltar ded dpon nyi ma'i chung ma yin no/ /bran mo ni ka shi mdzes dga' mo yin no/ /de'i tshe de'i dus kyi bran po ni blon po rab gtum yin no//yang rgyal po ma skyes dgras gnas brtan kun dga' bo la 'di skad ces gsol to/ /btsun pa kun dga' bo dge slong gser mdog gis las ci zhig bgyis na las gang gi rnam par smin pas nyes pa med cing gnod pa mi byed pa gsal shing la bskyon pa dang / rab tu byung nas kyang dgra bcom pa nyid thob pa lags/gnas brtan kun dga' bos bka' stsal pa/ rgyal po chen po sngon byung ba 'das pa'i dus na yang dag par rdzogs pa'i sangs rgyas zla ba zhes bya ba de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'jig rten du byung ste/ de rgyal po'i pho brang gzhan zhig na nye bar bsten zhing bzhugs so/ /yang de'i tshe de'i dus na gtsug lag khang gzhan zhig na dge slong ga ge mo zhes bya ba'i chos ston pa zhig gnas pa dang /de dus dang dus su 'ong zhing 'gro ba'i bram ze dang / khyim bdag rnams la chos ston par byed pa na des rnyed pa dang bkur sti chen po thob par gyur to/ /ji tsam na dus gzhan zhig na ma pham pa zhes bya ba'i dge slong chos smra ba/rig pa dang grol ba'i spobs pa can/ sna tshogs pa'i gtam dang / snyan pa'i gtam dang / yul gyi ljongs rgyu zhing gtsug lag khang der 'ongs pa dang / de 'khor bzhi po la tshangs par spyod pa/ thog mar dge ba dang / bar du dge ba dang / tha mar dge ba dang / don bzang po/ tshig 'bru bzang po/ ma 'dres pa/ yongs su dag pa/ yongs su byang ba yongs su rdzogs pa yang dag par ston te/ des yul gyi phyogs de na gnas pa'i skye bo thams cad mngon par dad par byas shing / de chos gos dang bsod snyoms dang / mal stan dang / nad kyi gsos sman dang /yo byad rnams rnyed par gyur cing / gzhi na gnas pa'i chos smra ba de'i rnyed pa dang bkur sti chad par gyur pa dang / de 'di snyam du sems te/ dge slong ma pham pas nga'i rnyed pa dang / bkur sti rgyun bcad par byas te/ ji srid 'di na gnas pa de srid kyi bar bu ngas rnyed pa dang bkur sti ga la rnyed kyi 'gro ba'i phyir thabs bsam par bya'o snyam mo//yang bsams pa/ 'di ni thos pa mang ba yin pas bsnyen bkur med pas 'jigs pa yin te/ de bas na bsnyen bkur med pa la sbyar bar bya'o snyam nas bram ze mo gzhon nu ma gzhan zhig la smras pa/ srid mo ngas khyod la ras zung cig sbyin par bya yis khyed kyis 'di dang lhan cig mi tshangs par spyad par bya ba yin no zhes dge slong ma pham pa la skur pa thob shig /des smras pa/ 'phags pa ngas de ltar smras na nga su zhig lan par 'gyur te/ ji srid 'tsho'i bar du pha dang ma gso bar byed pa zhig tu mi 'gyur ram/des smras pa/ ngas ji ltar na skye bo mang pos shes par mi 'gyur ba de ltar bya yis gzhan du nang 'di na dge slong gzhan gsum mam bzhi dang lhan cig 'dug gis/ de'i tshe khyod gsang ba'i tshig gis smros shig /des de ltar bgyi'o zhes khas blangs so/ / ji tsam na nyi ma gzhan zhig na chos ston pa'i dge slong de dge slong de rnams dang lhan cig khang pa'i sgo na 'dug ste gtam gyis sbyor bar gnas pa dang / bram ze mo de 'ongs na smras pa/ 'phags pa khyed rnams ni rab tu byung ba lags so snyam nas bdag cag bag phebs pas 'gro zhing rgyu bar bya'o snyam du bdag sems na/gang dge slong ma pham pa 'dis bdag stobs kyis gzung nas gzhon nu ma'i tshul nyams par byas na/ ci rigs pa lags sam de nas dge slong de rnams kyis rna ba bkag ste/ sring mo de skad ma zer cig /'di ni mnyan par bya ba ma yin no/ /de nas chos ston pa'i dge slong des legs par byas pa ma yin no//legs par byas pa ma byas pa yin no zhes zer zhing dge slong ma pham pa'i grags pa ma yin pa sgrogs so/ /ci tsam na thos pa gcig nas gcig tu brgyud pas dge slong ma pham pas thos so/ /thos nas kyang smras pa/ su zhig de skad zer/ yang smras pa/ dge slong chos ston pa 'di de skad zer ro//de nas de chos smra ba'i dge slong gang na ba der song ste phyin nas kyang smras pa/ btsun pa bdag gis khyed la gnod pa ci zhig byas na gang 'di lta bu'i bsngags pa ma yin pa sgrogs par byed/ des de la sems shin tu 'khrugs pas ngag gi las shin tu mi bzad pa smras pa/khyod kyis ni gang gis gsal shing la gzugs par 'os pa de byas so/ /de thos pa dang dge slong ma pham pa 'di snyam du sems te/ dka' thub can 'di ni nye bar bcom zhing nyams par gyur to snyam nas/ chos gos dang lhung bzed blangs te/ ji ltar yongs su longs spyod pa'i mal stan bsdus nas gtsug lag khang de nas byung ste chas so//de chas pa mthong nas dge slong dang / dge slong ma dang / yul de na gnas pa'i skye bo'i tshogs rnams de bzlog pa'i phyir phyi bzhin 'brangs so/ /chos smra ba'i dge slong de yang 'di snyam du ngas ni bzang po byas pa ma yin te/gang rnyed pa dang bkur sti tsam gyi phyir 'di lta bu'i ngan song tsam du 'gro bar 'jug pa'i las byed pa la zhugs pa ni bdag gis legs par byas pa ma yin no snyam nas 'gyod pa skyes te/ yid mi bde bar gyur nas bsams pa/ song la bzod par gsol bar bya'o snyam nas rings pa rings par gtsug lag khang de nas byung ste/shin tu skyo ba'i yid dang / mchi ma'i rgyun gyis brlan par gyur pa'i dman pa'i bzhin dang / byis pa gzhon nu bzhin du gsang mthon pos ngu zhing bram ze dang / khyim bdag brgya stong dpag tu med pas mthong zhing dge slong ma pham pa'i rkang pa la phyag byas nas/mi rigs par bgyis kyi mthol lo mthol lo zhes 'chags par rtsom ste/ btsun pa byis pa ji lta ba dang / rmongs pa ji lta ba dang / bye brag mi phyed pa ji lta ba'i dge bas rnyed pa dang / bkur sti zil gyis mnan te/ bdag gis khyed la med bzhin du bsngags pa ma yin pa bsgrags pa de bzod par mdzod cig /mi rigs par bgyis pa de 'chags kyi thugs brtse bas zung la bzod pa mdzod cig /dge slong ma pham pas tshe dang ldan pa bzod pa gyis zhes smras te/ shin tu skyo ba'i sems dang shing drung gzhan zhig la rten cing 'dug nas skyil mo krung bcas te lus drang por bsrang nas dran pa nye bar bzhag ste/des de nyid du shin tu skyo bas brlan par byas pa'i sems dang / 'bad cing rtsol la/ brtson 'grus brtsams pas 'khor ba'i 'khor lo phol mig lnga dang bcas pa g.yo ba dang mi g.yo ba shes nas/ ji srid dbang po dang / nye dbang dang bcas pa'i lha rnams kyis mchod cing rjed la/ mngon par bstod pa'i dgra bcom pa zhig tu gyur nas/ de ngang pa'i rgyal po 'dab ma brkyang ba bzhin du nam mkha'i dkyil du mngon par 'phags te skye bo'i tshogs chen po yid mngon par dad par byed pa'i cho 'phrul sna tshogs pa bya bar brtsams so/ /dge slong chos smra ba de yang nam mkha'i dkyil na gnas pa de la bltas te/kyi hud 'di lta bu'i drang srong chen po la ngan sems kyis smad cing skur ba btab bo zhes smras nas brgyal te sa la 'gyel bar gyur to/ /bar skabs der yang dag par rdzogs pa'i sangs rgyas zla ba thugs rje chen pos yongs su gdungs pa'i thugs dang ldan pas dge slong chos smra ba khrag dron mo skyugs nas 'chi bar gyur na mi rung ngo snyam du dgongs nas rdzu 'phrul gyis sa phyogs der gshegs so//de nas bcom ldan 'das yang dag par rdzogs pa'i sangs rgyas zla bas 'khor lo dang / g.yung drung dang / dga' ba 'khyil pa dang / dra bas 'brel ba dang / bsod nams dpag tu med pa las byung ba dang /skrag pa rnams dbugs 'byin par mdzad pa'i phyag gis dge slong chos smra ba'i mgo la byugs so/ /des reg pa tsam gyis dran pa slar rnyed de langs nas bcom ldan 'das dang / dge slong gi dge 'dun la bdag ni mi rigs pa'o zhes 'chags par brtsams so/ /de nas bcom ldan 'das yang dag par rdzogs pa'i sangs rgyas zla bas de'i tshe tshigs su bcad de gsungs pa/skyes bu skyes pa'i kha nas ni/ /tshig ngan smra bar byed pa yi/ /tshig gi sta re skyes gyur nas/ /bdag nyid gcod par byed par 'gyur/ /gang zhig smad 'os skye bo stod byed dang / /bstod 'os skye bo rnam par smod byed pa//de ni kha'i 'thab krol kun stsogs shing / /'thab krol can gang des ni bde mi 'thob/ /gang 'dir cho los rang nor pham byed pa/ /'thab krol de ni cung zad tsam du zad/ /gang yid bde bar gshegs la yid 'khrugs pa/ /de 'dir 'thab krol shin tu chen po yin/ /ngag yid 'phags pas smad pa'i sdig bsten na//bye ba chu bur can dang stong phrag ni/ /bzhi bcu gcig tu chu bur rdol ba yi/ /sems can dmyal ba rnams su skye bar 'gyur/ /sdig pa'i sems kyis ma nyes skyon brjod pa/ /bdag nyid bsad phyir dmyal ba spel bar zad/ /stobs ldan nyes med pa dag bzod byed cing //de la sems kyang 'khrugs par mi byed do/ /sems ni 'khrugs par gyur pa'i rgyus/ /sems can ngan 'gror 'gro 'gyur la/ /sems ni rab tu dang ba'i rgyus/ /sems can bde 'gro rnams su 'gro/ /de nas bcom ldan 'das yang dag par rdzogs pa'i sangs rgyas zla bas ji srid chos dang ldan pa'i gtam gyis yang dag par mgu bar gyur gyi bar du mdzad de/gdan las bzhengs nas gshegs so/ /rgyal po chen po ji snyam du sems/ /de'i tshe de'i dus na dge slong chos ston pa de gzhan zhig yin pa snyam du sems na de ltar mi blta ste/ gzhan du na dge slong gser mdog 'di nyid yin te/de'i tshe de'i dus na dge slong de la sems 'khrugs shing ngag gi las rtsub pa smras pas las de'i rnam par smin pas skye ba lnga brgya'i bar du sems can dmyal ba nyams su myong nas/ mir skyes nas kyang skye ba lnga brgya'i bar du nyes pa med cing gnod pa mi byed bzhin du gsal shing la bskyon te/da ltar yang las de nyid kyi dbang gis yang gnod pa mi byed par gsal shing la bskyon pa yin no/ /gal te 'di las de mi rigs pa yin par phan tshun bshags pa ma byas na ni sems can dmyal ba re rer yang skye ba lnga brgya lnga brgya myong bar 'gyur zhing / skye ba lnga brgyar ni yi dwags rnams su/skye ba lnga brgyar ni dud 'gro rnams su skye bar 'gyur ro/ /gang yang 'dis bcom ldan 'das yang dag par rdzogs pa'i sangs rgyas zla ba'i bstan pa la rab tu byung ste/ tshangs par spyod pa spyad pas las de'i rnam par smin pas da ltar yang 'di bcom ldan 'das kyi bstan pa la rab tu byung ste/ nyon mongs pa thams cad spangs nas dgra bcom pa'i 'bras bu nyid mngon sum du byas pa yin no//rgyal po chen po de bas na bdag sdug bsngal bar mi 'dod pas gzhan dag la tha na sems kyis smad pa tsam yang mi bya'o/ /grags pa med pas 'jigs pas gzhan dag la grags pa ma yin pa bsgrags par mi bya'o//bdag nyid bde bar 'dod pas gzhan rnams kyi bde ba dbrog par mi bya'o/ /de nas chos kyi rnam grangs 'di bstan pa na srog chags brgya stong du ma dpag tu med pas khyad par rtogs par gyur te/ la la ni rgyun du zhugs pa'i 'bras bu dang / la la ni lan cig phyir 'ong pa'i 'bras bu'o//la la ni rab tu byung bas nyon mongs pa thams cad spangs te dgra bcom pa nyid mngon sum du byas so/ /la la ni bla na med pa yang dag par rdzogs pa'i byang chub tu sems bskyed do/ /la la ni nyan thos kyi byang chub bo/ /la la ni skyabs su song zhing bslab pa'i gzhi rab tu bzung bar gyur to//yang 'khor phal mo che sangs rgyas la gzhol ba dang / chos la bab pa dang / dge 'dun la bab pa la bzhag par gyur to/ /de nas ded dpon nyi ma bla gos phrag pa gcig tu gzar nas pus mo g.yas pa'i lha ngas la btsugs te/ thal mo sbyar te gnas brtan kun dga' bo la 'di skad ces gsol to//'phags pa kun dga' bo bdag gis sangs rgyas la sogs pa'i dge slong gi dge 'dun rnams ldum bu'i nang du spyan drangs la zhal zas ro drug cu pa'i bshos drangs te/ dge slong re re zhing srang 'bum ri ba'i chos gos dbul bar bya'o snyam du dgongs na bcom ldan 'das de yongs su mya ngan las 'das pas/da ni 'phags pa kun dga' bo la sogs pa dge slong gi dge 'dun rnams la bshos gtsang sbyar bar 'tshal lo/ /gnas brtan kun dga' bos bka' stsal pa/ ded dpon de bzhin du gyis shig /ngas ji ltar bcom ldan 'das kyi nyan thos kyi dge 'dun 'dzam bu'i gling na ji snyed cig gnas pa thams cad 'dir 'du bar 'gyur ba de ltar bya'o//de nas ded dpon nyi ma rab tu dga' bas rgyas pa'i yid dang / rgyal po'i khab kyi grong khyer gyi phyi rol 'du ba'i gnas rdo dang gyo mo dang gseg ma bsal te/ tsan dan gyi chus chag chag btab nas gdugs dang /rgyal mtshan dang / ba dan bsgrengs te/ mu tig dang / gos kyi chun 'phyang gdags shing / me tog sna tshogs kyi gcal bkram pa dang / spos dri zhim po'i spos snod nye bar bkram pa dang / shin tu mdzes pa'i bla re dang / rta babs bres pas shin tu nyams dga' ba byed du bcug ste/de nyid kyi mtshan mo gtsang zhing bsod pa'i bza' pa dang bca' ba rnams g.yos te/ nang par snga ba nyid du langs nas gdan bshams te/ chu bzhag nas/ gnas brtan kun dga' bo la pho nyas dus la bab par gsol pa/ btsun pa bza' ba dang / bca' ba rnams sta gon bgyis lags te/da de dus la bab pa lags par mkhyen par mdzad du gsol/ de nas gnas brtan kun dga' bo rdzu 'phrul gyis nam mkha'i dkyil du mngon par 'phags te/ 'dzam bu'i gling 'di ma lus par gser btso ma lta bu'i mdog gis kun du snang bar mdzad nas rang nyid kyis gaN+Di brdungs te/chu dang bcas pa'i sprin gyis 'brug sgra bzhin du zab cing gsal ba'i skad kyis sgra bsgrags pa/ bcom ldan 'das kyi nyan thos las gang rdzu 'phrul thob pa rnams ni rang nyid kyi rdzu 'phrul gyis shog shig /gang dag so so'i skye bo rnams ni nga'i rdzu 'phrul gyis shog shig /de nas g+haN+DI de thos pas kha ba can dang / 'bigs byed dang ma la ya dang / ba ri ya tra dang spos kyi ngad ldang dang / ri'i rgyal po ri rab dang / gnya' shing 'dzin dang / gshol mda' 'dzin dang / seng ldeng can dang / blta na sdug dang / rta rna rin dang / rnam par 'dud dang / mu khyud 'dzin la sogs pa nags tshal dang /'bab chu dang g.ya' chu dang / rgya mtsho dang / grong rdal dang / shing gi mchog dang / gtsug lag khang rnams na gang dag gnas pa dang / chu mdo dang / khang stong dang / dur khrod la sogs pa na dge slong gang zhig ting nge 'dzin la snyoms par zhugs shing bde ba thob nas rab tu gnas pa rnams skad cig ma de la de dag thams cad nam mkha'i ngos nas a sho ka dang /king shu ka dang / zangs dang / dus mtshams kyi sprin dri ma med pas nam mkha' khebs pa de lta bur byas te/ rgyal po'i khab kyi grong khyer du lhags nas 'du ba'i gnas der 'tshogs te/skad cig ma de nyid la dge slong bye ba phrag gsum yang dag par 'dus par gyur te/ bye ba gcig ni zag pa zad pa rnams so/ /gnyis pa ni bslab pa la zhugs pa rnams so/ /gsum pa ni so so'i skye bo dge ba can rnams te/ de nas rgan pa'i rim pa ji lta ba bzhin du gdan bshams pa la bzhugs so//de nas ded dpon nyi mas gnas brtan kun dga' bo la sogs pa/ dge slong gi dge 'dun rnams bde bar gshegs par rig nas gtsang zhing bsod pa'i bza' ba dang / btung ba rnams rang gi lag nas kun du tshim par bstabs te/ ji srid dge slong gi dge 'dun gyis longs spyad par rig nas/byag bcabs shing lhung bzed bsdus nas chos gos gsum po brgya stong du ma gsol bar 'dod nas dge slong dang dge 'dun de rnams la bltas pa dang / yid shin tu dga' ba skyes par gyur to/ /dge slong gser mdog gis bsam pa shes nas smras pa/ yab khyed thugs las chung bar mdzod cig /bdag nyid kyis dge slong gi dge 'dun la gser gyi mdog can gyi chos gos gsum gsum dbul bar bgyi'o/ /de nas dge slong gser mdog gi rang gi lus las gser gyi mdog can gyi gos phud cing phud cing srang 'bum ri ba'i chos gos gsum gsum dge slong bye ba phrag gsum la rgan pa'i rim pa bzhin du bstabs so//bar skabs der lha brgya stong du mas ca co'i sgra sgrogs shing rol mo sna tshogs yang dag par rdung ba dang / lha'i me tog dang / phye ma dang / gos kyi char phab par gyur to/ /ji ltar phyogs der phyogs sna tshogs nas lhags pa'i skye bo'i tshogs rnams dang / rgyal po ma skyes dgra btsun mo dang / gzhon nu dang / blon po dang / grong khyer pa rnams dang / skye bo'i tshogs dang bcas pa de rnams kyis rnam pa de lta bu'i ngo mtshar la bltas nas rmad du byung nas mig gdangs te/ lan gsum gyi bar du ched du brjod pa ched du brjod de/ e ma'o bsod nams kyi 'bras bu'i rnam par smin pa/e ma'o bsod nams kyi stobs/ e ma'o sbyin gnas kyi zhing la sbyin pa'i sa bon btab pa'i rnam par smin par gda' bar mi byed pa yin na/ mkhas pa su zhig gis rnam pa 'di lta bu'i bsod nams kyi 'bras bu'i rnam par smin pa yang dag par mthong na/ sbyin pa'i zhing la su zhig sbyin par mi byed ces zer zhing /de ltar srog chags brgya stong du ma rnams thal mo sbyar te/ sgra gsang mthon pos sangs rgyas la phyag 'tshal zhes zer bar gyur to/ /de nas gnas brtan kun dga' bos sbyin pa'i rab bton pa mdzad do/ /de nas ded dpon nyi ma stan las langs te bla gos phrag pa gcig tu gzar nas/pus mo gnyis sa la btsugs te/ gnas brtan kun dga' bo gang na ba der thal mo sbyar te/ phyag byas nas lan gsum gyi bar du ched du brjod pa ched du brjod de/ btsun pa gang bdag cag la 'phags pa kun dga' bos mdzad pa 'di ni mas kyang ma bgyis/phas kyang ma bgyis/ rgyal pos kyang ma bgyis/ lha rnams kyis kyang ma bgyis/ nang mi dang nye du'i tshogs yid du 'ong bas kyang ma bgyis/ sngon gums pa rnams kyis kyang ma bgyis te/ khrag dang mchi ma'i rgya mtsho skams pa nas/ /lha dang lha min rnams kyis mchod gyur cing //skye ba rga shi'i skyon dang rnam bral bas/ /srid pa brgya stong dag na mthong dga' ba/ /thub pa khyod mthong deng bdag 'bras ldan gyur/ /de nas gnas brtan kun dga' bos rgyal po dang bcas pa'i 'khor de rnams chos dang ldan pa'i gtam yang dag par bstan pa dang /yang dag par 'dzin du 'jug par mdzad pa dang / yang dag par gzengs bstod pa dang / yang dag par rab tu dga' bar mdzad nas lha brgya stong de dag dang / rgyal po'i khab na gnas pa'i srog chags brgya stong gis phyag byas nas gdan las bzhengs te gshegs so/ /de ltar na sangs rgyas bcom ldan 'das la ni bya ba cung zad cig byas na yang 'bras bu chen por 'gyur ba yin no//gser mdog gi rtogs pa brjod pa rdzogs so// //rgya gar gyi mkhan po d+harma shrI b+ha dra dang / zhu chen gyi lo tsA ba dge slong rin chen bzang pos bsgyur cing zhus te gtan la phab po// //