CLOSE WINDOW

D4132
བོད་ཡིག

/ // @##/ /rgya gar skad du/ shra ma Ne ra paR+ShA graM / bod skad du/ dge tshul gyi dang po'i lo/ sangs rgyas la phyag 'tshal lo/ /mkhan po dgongs su gsol/ phyag 'tshal lo/ / dgung la kun du bde'am zhes dri/ chag chag dang phyag dar dang dkyil 'khor bgyid/ klog pa dang / kha ton dang dge ba'i phyogs kyi kun du spyod pa rnams la chos dang mthun par bgyid/ gaN+DI'i dus su brjod par bya ba yang ngo / /mkhan po dgongs su gsol/ phyag 'tshal lo/ / bde bar gsol lam zhes dri/ klog pa dang kha ton bgyid/ ngal bso ba yang ngo / /mkhan po dgongs su gsol/ phyag 'tshal lo/ /gdugs la kun du bde'am zhes dri/ rkang pa dag bkru/ mchis mal bsham/ srod dang tho rangs la mi nyal bar sbyor ba bgyid/ ngal so ba yang ngo / /slob dpon dgongs su gsol/ phyag 'tshal lo/ /dgung la kun tu bde'am zhes dri/ chag chag dang phyag dar yang de bzhin no/ /bdag dkyil 'khor bgyid ces so/ /klog pa dang kha ton dang dge ba'i phyogs kyi kun du spyod pa sbyin pa la sogs pa'o/ /gaN+DI'i dus su yang zas so//'chag pa dang 'dug pa dang zhabs la bsku mnye la sogs pa'o/ /thos pa dang bsam pa la sogs pa thams cad bgyid/ de ni khyod kyi rjes su gnang bas so/ /rgyal po shag byung ba'i dus na lo dgu brgya bzhi bcu rtsa lnga lon pa'i 'og tu dpal ldan sa skyong lha rnam par rgyal bas rgyal srid mdzad nas lo bcu dgu 'das pa na/dbyar zla ra ba'i mar gyi ngo'i tshes gsum la yul ma ga d+hA'i dpal seng ge go cha 'byung ba'i gtsug lag khang chen por rab tu byung / bdag nyid ni shAkya'i dge tshul mtha' yas dpal skyong ngo / /tshe dang ldan pa khyod lo du lon zhe na/lo du lon pa'am ma lon no/ /dus gang zhe na so ga'o/ /so ga nas ci tsam na thob ce na/ zhag gnyis dman pa'i zla ba gsum mo/ /zas kyi snga rol lam zas kyi 'og rol zhe na/ bdag zas kyi snga rol lo/ /skyes bu dang rtsa ba'i tshad du zhe na/ skyes bu dang rtsa ba gcig gi tshad kyi grib ma'o/ /mkhan po gang yin zhe na/ don gyi slad du mtshan nas smos te bla ma mkhan po lha dbang skyong ngo / /slob dpon gang zhe na/ bdag gi slob dpon rin chen 'byung gnas skyong ngo / /dus gang zhe na/ lnga rnams so/ /lnga rnams gang zhe na/dgun dang / so ga dang / dbyar dang / dbyar thung ngu dang / dbyar ring po'o/ /de la dgun gyi tshad ji tsam zhe na/ zla ba bzhi rnams so/ /bzhi po rnams gang zhe na/ dgun zla ra ba dang / dgun zla 'bring po dang / dgun zla tha chungs dang / dpyid zla ra ba'o/ /so ga ji tsam zhe na/zla ba bzhi rnams so/ /bzhi po rnams gang zhe na/ dpyid zla 'bring po dang / dpyid zla tha chungs dang / dbyar zla ra ba dang / dbyar zla 'bring po rnams so/ /dbyar gyi tshad ji tsam zhe na/ zla ba gcig ste/ dbyar zla tha chungs so / /dbyar thung ngu'i tshad ji tsam zhe na/ nyin zhag gcig go//nyin zhag gcig po gang zhe na/ ston zla ra ba'i tshes gcig gi nyin zhag gcig go/ /dbyar ring po'i tshad ji tsam zhe na/ nyin zhag des ma chog pa'i zla ba gsum mo/ /zla ba gsum po gang zhe na/ ston zla ra ba dang / ston zla 'bring po dang / ston zla tha chungs so //yang smras pa/ gcig gis dman pa'i zla ba rnams/ /bzhi rnams de bzhin bzhi po rnams/ /zla ba gcig yin zhag gcig yin/ /zhes bya dus rnams lnga por dran/ /sde pa gang zhe na/ 'phags pa gzhi thams cad yod par smra ba'i sde'o/ /sde pa du zhe na/ bzhi rnams so//bzhi po rnams gang zhe na/ 'phags pa thams cad yod par smra ba dang / 'phags pa dge 'dun phal chen pa dang / 'phags pa dge 'dun mang bos bkur ba dang / 'phags pa gnas brtan pa'o/ /de dag la dbye na du yod ce na/ bco brgyad do/ /bco brgyad po rnams gang zhe na/thams cad yod par smra ba rnams kyi dbye ba ni bzhi'o/ /de bstan par bya ste/ 'od srungs pa dang sa ston sde / /chos srung ba yi ming can rnams/ /gzhi kun yod par smra ba ste/ /'dod pa'i bye brag 'ba' zhig gi/ /rgyu yis 'di dag tha dad byas/ /ston pa tha dad yod ma yin//dge 'dun pa la chen dbye ba ni/ /drug sde shar gyi ri bo dang / /de bzhin byang gi ri bo dang / /dbus pa zhes bya de las gzhan/ /rnam par phye ste smra ba dang / /gzhan ni de bzhin btags par smra/ /'jig rten 'das par smra ba ste/ /de dag tu ni yang dag smra/ /mang pos bkur ba'i dbye ba ni//rnam pa lngar ni mkhas pas bsngags/ /gos dmar ba dang srung ba pa/ /sa sgrogs ris dang de bzhin gzhan/ /mang du thos rnams smra ba dang / /gnas ma'i bu yi ming can rnams/ /rgyal byed tshal na gnas pa dang / /'jigs byed ri la gnas pa dang / / gtsug lag khang chen la gnas pa/ /gnas brtan rnams ni gsum du 'dod/ /shAkya seng ge'i bstan pa ni/ /de ltar dbye ba bco brgyad du/ /gyur te 'gro ba'i bla ma de'i/ /sngon gyi phrin las nges pa yin/ /bslab pa rnams du zhe na/ bcu rnams so/ /bcu po rnams gang zhe na/gang zhig srog gcod gzhan gyi nor 'phrog dang / /mi tshangs spyod brdzun bcos pa'i chang la sogs/ /gar sogs phreng sogs mal chen mtho ba dang / /dus min zas dang gser dngul spong ba ste / /dge tshul brtul zhugs chu lon brtsigs pa dang / /mthar byed pa yi mchi ba 'byung ba'i thabs//rdzogs pa'i byang chub dpal nod dbang bskur yin/ /nyon mongs dgra yi g.yul las rgyal byed tshul/ /ltung bar 'gyur ba'i chos du zhe na/ bzhi rnams so/ /bzhi po rnams gang zhe na/ srog gcod pa dang / ma byin par len pa dang / mi tshangs par spyod pa dang / mi'i chos bla ma'i tshig smra ba'o/ /dge sbyong du byed pa'i chos rnams du zhe na/ bzhi rnams so/ /bzhi po rnams gang zhe na/ khros kyang slar mi khro ba dang / gshe yang slar mi gshe ba dang / mtshang brus kyang slar mi bru ba dang / rdeg kyang slar mi rdeg pa'o/ /yid brtan pa rnams du zhe na/lnga rnams so/ /lnga po rnams gang dag ce na/ chu tshags yid brtan pa dang / bkod ma yid brtan pa dang / rdzing bu yid brtan pa dang / dge slong yid brtan pa dang / dge 'dun yid brtan pa'o/ /yongs su longs spyad pa rnams du zhe na/ lnga rnams so/ /lnga rnams gang zhe na/bdag pos yongs su longs spyad pa dang / byin pas yongs su longs spyad pa dang / rjes su gnang bas yongs su longs spyad pa dang / skyin pos yongs su longs spyad pa dang / yongs su longs ma spyad pa dang lnga'o/ /de skad du yang / mi slob pa ni bdag por bshad//slob pa byin len spyod pa yin/ /bsam gtan 'don dang ldan pa dang / /rjes su gnang rnams dka' thub can/ /skyin pos spyod pa lhag ma rnams/ /le los nyams pa'i bdag nyid yin/ /gtsug lag khang sogs nyer longs spyod/ /tshul 'chal rnams kyis bkag pa'o//zhes so/ /lo tshigs rnams kyi gso sbyong du zhe na/ nyi shu rtsa bzhi rnams so/ /rgyal dang dbo dang sa ga can/ /chu stod khrums smad smin drug can/ /'di rnams kyi ni nag po'i phyogs/ /zla phyed gso sbyong bcu bzhi pa'o/ /lhag ma rnams ni bco lnga pa'o/ /dge tshul gyi dang po'i lo dri ba rdzogs so/