CLOSE WINDOW

D4124
བོད་ཡིག

sgra'i don la mkhas pa rong ston shes bya kun rig gis/ 'gyur cung zad bcos te gtan la phab pa'o/ / @##/ /rgya gar skad du/ Ar+ya rU la sarba a sti ba di shra ma Ne ra kA ri kA/ bod skad du/ 'phags pa gzhi thams cad yod par smra ba'i dge tshul gyi tshig le'ur byas pa/thams cad mkhyen pa la phyag 'tshal lo/ /nges par 'byung ba'i tshul khrims sdug bsngal spong / /'jig tshogs lta ba gdon gyi rtsa ba 'joms/ dpal 'byor sa dang me tog mda' can 'joms/ /sangs rgyas la ni mgos gtugs bshad par bya/ /gang zhig srog gcod gzhan gyi nor 'phrog dang //mi tshangs spyod brdzun bcos pa'i chang la sogs/ /gar sogs phreng sogs mal chen mtho ba dang / /phyi dro'i kha zas dngul nyid spong ba ste/ /nyon mongs dgra g.yul rgyal byed tshul khrims te/ /dge tshul brtul zhugs chu lon brtsigs pa dang / /'chi ba'i mche ba 'byin par byed pa'i thabs//rdzogs pa'i byang chub dpal nod dbang bskur yin/ /'du shes gtso la don nyid ji bzhin na/ /ltung rdzogs don gnyis ji bzhin min na chung / /yid nyid gyur na des dang 'dra bar gzhag /blangs pa'i phyogs mthun rnams la yid kyir 'gyur/ /gang zhig rang bzhin gnas la bslab bcas pas//mi gzhan yin la mir ni 'du shes dang / /gsad pa'i bsam pas 'khrul med gsod byed cing / /mi shi rmi lam ma gtogs de brlag 'gyur/ /gang gis gsang sngags la sogs thabs rnams sam/ /gsod par sbyor la yi rang bas gsod na/ /de yang mthar 'gyur gsad par sbyor ba la//yid kyis yi rang na ni yid kyir 'gyur/ /de bzhin bdag nyid dud 'gror mthun pa yin / /gzugs su bsgyur nas sems can gsod byed la/ /sdom brtson sdom brtson nyid du 'du shes na/ /dngos gzhi'o min na ltung ba chung dang ldan/ /rmi lam bslab pa med dam gsad pa yi / / bsam pa med dam smyos pas gal te gsod/ /de ni ltung bar mi 'gyur bsdam bya yin/ /gsod pa'i yan lag lhag ma ma tshang na/ /ltung chung 'khrul med srog chags gsad bsams pas/ /rigs gzhan bsad pa las ni nyes byas 'gyur/ /ma brtags pa yi chu bum brnyas pa las/ /byin par gyur kyang nyes pa med pa yin//gang gis srog chags bcas chu la sogs spyod/ /yang na chu tshan la sogs blugs byed la / /bltar yod skye bo shi na de la ni/ /srog chags re re'i ltung ba lci ba 'byung / /tha mal pa yi mig ni nad med pas/ /chu mi g.yo zhing rnyog pa med la brtag /bum pa gang ba brtag bya ke ta ka /rnams kyis chu rdul can dag dang bar bya/ /ji srid 'di la yid ni dag gyur ba/ /de srid brtags bya'i ring min thung ngu min/ /steng du'ang de bzhin yang dang yang du min/ /glo bur pa yis srog chags bcas te min/ /de bzhin khro na bdag dang chu ra'i chu/ /lan cig brtags pas nyi ma shar bar du//the tshom med par spyad par rung ba yin/ /de yi nye 'khor 'dom gang khor yug go/ /khron pa sogs gtsang chu tshags dam la sogs/ /dge slong dge 'dun de bzhin yid ches pa/ /lnga char rung ba'i chu yin blang bar bya/ /chu tshags med pa dag tu mi bya'o//gang zhig chu tshags ril tshags gru gsum tshags / /spyang tshags ril bzhabs tshags can dag gam/ /gsal tshags dag kyang bor te 'gro byed na/ /de la yid kyis bya ba'i nyes byas 'gyur/ /gal te song na gsal tshags la sogs yod/ /de tshe rgyang grags lngar ni chu tshags dag /med par 'gro bya gal te med na yang / /de slar 'od 'dod dpag tshad phyed 'gro bya/ /gcugs pa rnams kyi tshig gis lam rings su/ /song du zin yang nam yang nyes pa med/ /chu bo'i 'gram nas 'gro bar byed pa na/ /mthong bas dag pa'i chu 'thungs nyes pa med/ /rgyun gyis 'bab pa'i chu rgyun ma 'dres pa//de ni rgyang grags re rer legs par brtag /gzhan du 'jug ngogs re re kho nar ro/ /'di ni chu tshags med 'gro tshul yin no/ /spu bcas gos dang nyis rim dag gis ni/ /srog chags bcas pa'i chu khrus bya ba bkag /gang na chu bas srog chags mang ba der//rim pa gcig pus khrus ni mi bya'o/ /khron pa'i chu dag 'bras chan la sogs dang / /'dres pa btsags na de ni kha zas med/ /gang tshe khyim pa'i bsti sa yod pa'i chu/ /gtsang na phyi dro'ang the tshom med par btung / /dbyu gu gsum la gru gsum grwa srad bus/ /btags nas chu ni legs par btsag par bya//lci ba gtsang ma skam po'i phye ma yis/ /chu tshags shin tu srab na gdab par bya/ /chu dag 'dzag par bya phyir yang dang yang / /smig ma'i tshal ba dag gis brdab par bya/ /srog chags bsrung phyir lcags kyi lu gu rgyud/ /btags pa'i snod ni 'og tu gzhag par bya//de yi srog chags gnod pa spang ba'i phyir/ /srog chags yod chu thar byed pa yi snod/ /kha dang zhabs su thag pa gnyis btags pas/ /snying rje'i ngor ni khron pa'i nang du dbo/ /'phags pas 'jig rten mdun du ril ba dag /kha la bzlog ste gtad nas chu mi btung / /lo ma la sogs mi rnyed dben song ste//skom pa'i phyir ni 'thung na nyes pa med/ /dus dang dus su bum pa skam par bya/ /khru da shing gis rab tu bkru bar bya/ /btung ba'i snod rnams dag gi kha rnams la/ /rtag tu bsgrims nas lo ma la sogs dgab/ /snying nas lan gnyis lan gsum bkrus nas ni//lag pa snum pa yod kyang dag pa yin/ /rnyog ma can gyi chu ni ji srid du/ /bzhin gyi gzugs snang bar du bsgrims te btsag /khron pa la sogs rnams nas chu blangs nas/ /khron pa la sogs byed de chu lha la/ /sbyin pa'i rabs mthun tshigs bcad gdon bar bya/ / 'thung dang khrus byed pa na'ang de bzhin brjod/ /mud ga la sogs 'bru la srog chags yod/ /de ni bde dang bsil bar dgram par bya/ /'on kyang de nas srog chags mi 'bral na/ /'on kyang gnas khang nang du bcug ste gzhag /shig rnams dal gyis ras bal gzhag nas ni/ /rtsig pa la sogs bu ga rnams su gzhug /ma gu na dag de bzhin bsil ba'i sa/ /rtswa sngon bcas pa'i phyogs su dor bar bya/ /gdug pa la sogs nyon mongs byed pa gzhan/ /rang gi spyod yul dag tu gtang bar 'os/ /mthar gyur de ni nyes byas lhan cig bstan/ /de nas srog gcod phyogs mthun bshad par bya//dper na nad pa dag la dug mtshon byin/ /skom la sogs pa mi 'phrod sbyin pa ste/ /rgan po mkhas dang sman pa dag la yang / /dris nas nad pa la ni sman dag sbyin/ /de yi rim gro pa ni glan mi bsko/ /med par gyur na legs par bsgo ste bsko / /gang gis de yi sems ni 'chir gnas pa//de 'dra'i chos rnams nad pa la mi bshad/ /de la ji srid yun rings chos spyod 'tsho/ /de srid du ni dge ba'i rgyun 'phel bas/ /sos par shog shig yun rings gson par shog /nad 'jigs las thar bde bar shog ces brjod/ /gal te nad pa na re spo byas na//bdag ni 'chi 'gyur zer na de mi bya/ /gdol ba bzhin du lhung bzed la sogs phyir/ /snying brtse med pa'i chags pa'i sems mi bya/ /gang tshe nyes pa'i gzhi dag byed pa dang / /nad kyis gzhan gyi khri dang khri'u la 'dug /rdeg par byed dam yang na gzas pa dang / /rnam par 'tshe dang 'jigs pa la sogs byed//khros pas brtul zhugs can la zan med byed/ /ngal ba phul lam rgyal la chom rkun 'bul/ /bsams bzhin du ni 'gyod pa'i tshul dag byed/ /'tshir dang g.ya' sgog la sogs nags mes gtong / /'bras ni ma smin par yang brtol byed dang //yan lag gcod dam de bzhin 'bigs kyang rung / /de yi tshe yang phyogs mthun de ltar 'dir/ /thams cad srog gcod mthun pa phyogs tsam yin/ /srog gcod pa spong ba ste bslab pa'i gzhi dang po'o// //dge tshul gang zhig rku ba'i sems kyis su/ /mi yi rdzas su 'du shes mi gzhan nor//ma byin rin thang tshang mis bdag gir byas/ /dur khrod mi dbang bsod snyoms ma gtogs pa/ /bsam pa gang de nyid sbyor gcig pu yis/ /bdag gi don du rku na de'i gnas dang / /dus [(]gyi [,]kyi[)]rin thang dbang gis de bsnyil bya/ /dad pas rgyal ba'i ring bsrel rku de min//rku ba la ni rku sems gtso bo ste/ /de bas de dang bral na nyes pa med/ /yan lag lhag ma nyams pas chung bar 'gyur/ /rmi lam la sogs dag la nyes pa med/ /sems bskyed pa ni bsdam bya dang po yi/ /sbyor ba la ni nyes byas rig par bya/ /phyi ma'i sbyor ba la yang nyes byas yin//dngos gzhi kun la 'di ni dngos gzhi yin/ /chud gzan phyir phrogs gdos dang bcas pa yi/ /rgya sogs ma rungs byed dang mi dbang ba'i/ /bsod snyoms len par byed na'ang 'jig rten gyi / /tha snyad tshul gyis chung ba nyid du 'gyur/ /gzhan gyi gos la byin bzhin spyod pa dang //sman dang sngags kyis sbyin du 'jug pa dang / /sdug pa 'phrog phyir 'dam par byed pa dang / /gzhan phyir blangs nas 'gyed byed na yang 'gyur/ /phyogs bzhi'i 'phags pa'i tshogs kyi nor dag las/ /phyogs bzhi pa yi don du rku na nyams/ /dur khrod pa ni yongs 'dzin bcas pa nas//gos la sogs pa rku na'ang de bzhin no/ /da ni rku ba'i dbye ba bstan par bya/ /sa ni gal te brtsad pas gra phrogs na/ /gang tshe khyim pas de sbyor btang tshe de/ /gal te slar ni rgyal ba nyid na brkus/ /yongs su skor ba'i dbang gis rku byed na/ /gang tshe mtshams kyi sgo dang 'byor na brkus//brda yi sbyor bas mi la rku byed na/ /brda grub pa yi dbang gis ltung ba yin/ /dud 'gror gyur pa bcings pas rku na ni / /bcings bkrol tsam gyis brkus par shes par bya/ /khyu las bkar dang bcings pa rku ba na/ /khyu las mi snang gyur na brkus pa yin/ /gal te bla ma'i gos la sogs khyer nas//gom par skyed dam yang na 'brid byed pas/ /re lde la sogs phag tu mi snang song / /dngos gzhi'o mngon sum phrog pa'ang de dang 'dra/ /gru zhig chu bdal ba'am thang las sam/ /chu bo'i rgyun phyogs rku na'ang de bzhin no/ /klung sogs 'gram mi snang la zheng du na/ /de bzhin snang la pha rol phyin 'dir brkus//rgyun las bzlog pa gru ni 'dren byed na/ /gru tshugs thal ba las ni brkus pa yin/ /gsang sngags dag gis brku bya rku byed na/ /rang gi mig sngar snang na de brkus yin/ /rdzas kyi steng cha bying bar byed pa ni/ /gnas kyi steng cha las 'das brkus pa yin//lus kyi rgyan ni bkrol ba nyid na yin/ /shog ma dag ni sa nyid 'das na'o/ /skal ba thob phyir sdom brtson rkun po la/ /lam sogs ston pas gal te grogs byed na/ /skal ba thob na brtul zhugs nyams par 'dod/ /tshul min chad pas gcod pa chod na yin/ /lo tog bdag la shog shig gzhan la min//gzhan gyi zhing la chu 'dren gcod byed pa / /rang gi lo tog dag ni legs gyur cing / /gzhan gyi lo tog 'gribs 'dir dngos gzhir 'gyur / /gal te rdzas las bshal te rku byed na/ /ngos gzhan gyis ni ngos gzhan sa mtshams thal/ /de tshe brkus yin brteg brkus sa 'phags yin//dbyug pa la sogs brgyab pas shing thog rku/ /'og tu ltung na brkus pa yin par bstan/ /grogs mang dag dang 'dus te de byed na/ /skal ba thob na brkus yin sngar min no/ /skye bo mang po'i rdzas rku gang gi tshe/ /re re'i skal bas rin thang tshang na brlag/ skye bo mang pos gang tshe rku byed na/ /de tshe rang skal rin gyis rnam par gzhag /dge 'dun dag ni nor gcig spun 'dra bas/ /dge 'dun ched byas skal ba mi brtag ste/ /zhing bgo mang phyir sdom brtson mang phyir ro/ /gzhan du lung las rin thang spyad mi 'gyur/ /gang zhig btus sam bsdus sam nags tshal la//rku na spags pa nyid na brkus pa yin/ /shing ni bton nas rku zhes bshad pa las/ /kha gdangs nas ni nyal ba ji bzhin no/ / rgyan po dor byas rgyal na nyes bar 'gyur/ /rgyan po la sogs grangs la dor byed dang / /mtshan ma bskyed dam 'brid par byed pa dang / / gnas gzhan dag tu 'jog dang dor byed dang / /tshoms gzhan du ni 'grang ngam snyon byed dam/ /mi rigs pa yi thob pa grub byed dang / /gzhan la snyad btags la sogs tshul gyis brku / /grub pa nyid na nyes pa yin par dgongs/ /skyis dang brnyas dang gtams pa dag la ni/ /bsnyon pas thag bcad pa na nyes pa yin//bcol te gtams pa rku bar byed pa la/ /thag bcad pa yi rab dbye rnam gsum ste/ /thag bcad pa dang spags mnyam spags pa yi/ 'og tu thag bcad pa la nyes par 'gyur/ /spags pa'i snga rol thag bcad de bzhin bsnyon/ /sbyor ba'o spags pa 'dir ni dngos gzhi yin/ / de ltar brku bya'i dbye bas rku dbye ba/ /'di ni 'dul ba'i rgya mtsho las btus bstan/ /rang gzhan bang chen brgyud la sogs pa yis/ /gang zhig rku na thams cad rkun ma yin/ /gzhi nas rgyun gyis rku bar byed pa na/ /kun du 'brel bar 'byung ba gcig nyid do/ /de bzhin 'dir ni kha dog gcig gyur gnas//ri mo la sogs med pa steng mnyam gcig /glang chen la sogs phyogs ni mi mngon dang / /dong na yod pa'i 'bras can kha dog mtshungs/ /rtswa rnams bkram pa 'byar ba mnyam pa'am/ /gzhan rnams la yang 'os pa nyid kyis spyad/ /gser dngul rnam pa nyams byas rku byed na/ / nyams byas ngo bo brku bar bya bar 'dod/ /bsad pa nyid ni nam yang brkus min te/ /de ni rku ba'i sbyor ba yin par bstan/ /brku bya gcig nyid dang ni gzhir gyur gcig /rku ba'i ngo bo ji ltar de ltar bshad/ /nor gyi bdag po mi 'am ri dgas zhes/ /nges pa med na dngos kyi dbang gis gzhag /rkun pos chos gos rdzas la sogs phrogs na/ /de la re ba med na bdag gir min/ /de phyir nan gyis len na de la mtha'/ /bsam pas ma btang ba la nyes pa med/ /gzhan gyi slob ma dbang byas de bdag min/ /gzhan nyid rku ba nam yang yod ma yin/ /dud 'gro'i nor la bdag dang dud 'gro dag /zas btang ba la bdag ni dud 'gro yin/ /thob par bya phyir me sogs skrogs pa yis / /ri dgas la sogs bdag po brtson por bstan/ /bshad pa las ni ri dgas mtshon phyir yin/ /de phyir srog chags gzhan la'ang 'thad pa yin/ /rngon pa rnams kyis ri dgas gtses pa zhig /gtsug lag khang du rgyug cing phyin pa na / /skyabs su 'ongs pa de la bsrung bar bya/ /de ni shi na de dag rnams la gtad/ /skye bo nye dus brtul zhugs can gang zhig /mthu yis khrid na 'bad pas gzung bar bya/ /gal te rtags kyis de bsam skye bo gnyen/ /mthun par shes na gzung bar mi bya'o//dbyar gyi gnas su rnyed pa'i dngos po rnams / /de bas mang du dbyar gnas pa yang dbang / /gang dag dam chos tshigs bcad 'ga' 'don pa/ /de yang chos kyi rnyed pa dbang ba yin/ /gtsug lag khang mang gnas par khas blangs kyang / /rnyed pa gcig nas len par dbang ba yin/ / gal te thams cad du na gtsug lag khang / /rnyed pa kun las cha gcig tsam zhig blang / /dge slong gcig gis de dang 'dra ba las/ /dge tshul sum cha tsam zhig dbang bar 'gyur/ /bsnyen par rdzogs par 'dod na cha gnyis te/ /zas la sogs gtogs bgo ba ma gtogs so/ /gtsug lag khang ni gang na gcig gnas kyang //de nyid gtsug lag khang de'i skal ba dbang / /sdom brtson shin bkur sti byas nas ni/ /de shi ba yi gos la sogs pa bgo /nad pa'i nad g.yog gyur pa gang yin pa/ /sdom brtson de ni lhung bzed sogs drug dbang / /gang tshe nad g.yog mang ba nyid yin na//de dag drug po de dag spyir yin no/ /nad pa'i don du gzhan du song ba las/ /sdom brtson nad pa shi yang drug po dbang / /sdom brtson rnams kyis gal te de bgos bsdus/ /myur bar nad g.yog la ni sbyin par bya/ /gal te nad g.yog bud med mtshan ldan nam/ /khyim pa yin na de drug mi dbang ngo //gal te sdom brtson bu lon blangs shi na/ /de yi rdzas rnams la ni khor bar bya/ /lag gi bla yis dge 'dun ched blangs nas/ /yi ger bris brtags dge 'dun dag las gzhal / /gsol dang dang po tha mar gang dag yod/ /de dag de shi ba yi gos rnams dbang / /kho bo 'das nas sbyin zhes smras na ni//gal te shi na de ni bgo bya ste/ /sdom brtson bu la sogs pa ltos bral phyir/ /ltos dang bcas pa'i sbyin pa sbyin pa min/ /dad pas sbyin par bya ba bskul ba las/ /bya ba zhig gis shor nas ma byin na/ /de shi na yang tshig dang mthun par ni/ /de yi rdzas la sdom brtson rnams kyis sbyin//rang gi sde tshan rdzas ni 'ged pa las/ /gal te sdom brtson skal ba ma blangs shing / /skal ba de ni sde tshan de'i yin no/ /skal ba thob na shi ba'i skal ba yin/ /gzhan du gos la sogs pa bskur gyur na/ /de ni gang la bskur ba de'i yin no/ /gal te mi 'dod skur bar byed dbang ste//mi 'dod kyang de dbang ba kho na yin/ /mthun pa yod na shi ba'i nor rnams la/ /mtshan rnams tha dad pa ni mi dbang ngo / /sdom brtson gzhan gyis mngon sum bskrad pa dag /bskrad pa'i rdzas rnams la yang dbang ba yin / /gtsug lag khang gi mtshams gnyis par shi na/ /de yi lus 'brel ras la sogs pa'i rdzas//gang du mgo bo gzhag pa dbang ba yin/ /gnyis kar gzhag na de bzhin gnyi ga'i yin/ /khyim gyi nang na yod pa'i shi ba'i gos/ /khyim pa de ni dad pas sbyin byed pa'o/ /gang gi mtshams na shi ba'i gos yod pa/ /de rnams de dag byin gyis rlob pa dbang / /gnas gzhan dag na gos rnams yod gyur kyang //rdzas dang 'dra la de bzhin byin gyis brlabs / /gang la de yi rdzas rnams gtams gyur pa'i/ /mi de rdzas dang 'dra zhes bya ba yin/ /grur zhugs lhung bzed la sogs 'di gzung ngam/ /gtang zhes go bar byas nas sbyin par bya/ /de ltar de skad smras nas de bor na //de tshe rin ni the tshom med par gzhal/ /smad rim dag las gos la sogs pa ste/ /blang bar mi bya de ni sbyin pa min/ /phongs na nad pas bdag gi rnams las blang / /de yang slar sbyin 'dod pa nyid kyis so/ /nor gyis phongs pas de bzhin gshegs pa yi/ /dkor gyis kyang ni sman gyi bya ba bya//sos pa nyid du gyur na bsab par bya/ /de la 'byor ba med na nyes pa med/ /yul chos chad pa sogs chos ldan pas bstan/ /rgyal po'i skal yin rgyal pos gnang ba blang / /de la rtsod pa dag ni byung gyur na/ /sdom brtson bsgo bar ston pa'i bka' las min/ /khab la sogs pa'i rdzas dag ltung mthong na//de dag gtsug lag khang skyong dag la gtad/ /des kyang tshogs rnams nang du bstan nas ni/ /nyi ma gsum du de 'ong bsdad byas nas/ /gal te shes pa med na tshogs la dbul/ /dngul la sogs pa nyi ma brgyad bsdad nas/ /phyi nas zla ba drug tu mdzod du gzhag / phyi nas kyang ni snod rnams rab tu bya/ /de nas gal te de 'ongs slong byed na/ /'on kyang sbyin par bya ste skyed ni med/ /lag gi bla la mi mkho'i shing yod la/ /thob na de yis gnang bas de blang bya/ /de ltar bdag po tha dad de 'og tu/ /nyes byas dper na ma bos zas za dang / /rgya sogs zin pas sdug bsngal gzir pa yi//srog chags bsod nams bsam pas gtong byed dang / /sangs rgyas ring bsrel rin thang med gyur kyang / /de la dad pas mchod phyir rku ba dang / /de bzhin snying rje'i dbang gis gdos btags pa/ /bkrol ba la sogs byas dang bshig pa dang / /phug ron la sogs tshang 'jig las kyang yin//de nas ltung ba med pa'ang bshad par bya/ /yid gcugs byas nas gzhan la go byas te/ /yid dge ba yis len na nyes pa med/ /grogs po rab 'bring tha mar gyur pa la/ /yid gcugs bya bar rim pa bzhin du bsgrub/ /tha ma la ni 'bring la 'bring / /tha ma dang ste dang po mtha' dag nyid/slob ma la sogs ra lug nor gyi rgyud/ /chom rkun gyis phrogs snying rje'i rjes mthun pas/ /rdzu 'phrul bstan nas shor byed nyes med de/ /pi ling dbad sa la sogs bzhin no/ /gang tshe gtsug lag khang gi khyams na tshang / /sgo nga med na sdom brtson bsal bar bya/ /dpe tsam yin pas sdom gyi tshang yang yin//da ni ma byin phyogs mthun bshad par bya/ /gang gis ba dan mal stan sogs byin nas/ /yid la gcags pa'i me ni 'bar byed na / /bsdam bya las thar bya phyir de la ni/ /slar sbyin bum chus ma lus zhi bar bya/ /gnang ba med par gzhan gyi gos spyod dang / / khyim du sten las ma bstabs 'dug pa dang / /brtul zhugs can la gos sogs byin nas khros/ /sdang dang ldan pa'i bsam pas 'phrog pa dang / /lhung bzed la sogs brkam pas nan gyis slong / /bzhad gad kyis ni lhung bzed la sogs sbed/ /khros pas sdom brtson gtsug lag khang 'byin sogs//rkun bos skye bo med par bor len dang / /sdom brtson snga nas 'khod la phyis mnan nas/ /mal dang sten la spyod par byed pa dang / /rnyed pa dag kyang gzhan du sngo byed pa/ /gzhan gyi rdzas phyogs mthun pa'i dpes yin no/ /ma byin par len pa spong ba ste bslab pa'i gzhi gnyis pa'o// //gang zhig 'jigs med ngo tsha med chags phyir/ /yan lag cha kun gzung bar bzod pa yi/ /lam ni gzhug tu rung dang ma nyams pa'i/ /pags pa sbu gu'i kha dang so las phar/ /nor bu nad med las rung drud nas ni/ /chags pas rig pa'i bde rnams myong de nyams//'dir yang tha mal rmi lam min bslab bcas/ /zhes sbyar phyi ma la yang de bzhin no/ /rang gi rmar yang gzhan gyi'am rang nyid kyi/ /sbu gus nan la sogs pa'i sbyor ba yis/ /drud pa bdag gir byed na'ang rnam kun du/ /dngos gzhi rdo rjes mngon par bcom pa thob//bud med la sogs rma rnams 'gro rigs dbye/ /shi dang g.yogs dang rked phyed chad na yang / /khyad par med de dum bur sbyar ba las/ /mtshams mngon min pa'i bu ga'ang dngos gzhir 'gyur/ /sbyar ba'i mtshams ni mngon par gyur pa dang / /phag la sogs pa bsregs pa spu med rma//de bzhin mgo bo bcad pa'i kha la yang / /kun du bshags par bya ba'i chung par 'gyur/ /gos kyis dkris dang dgug par byas pa dang / /lam la ma reg par yang chung bar 'gyur/ /gos stug dag gis yin na chung bar 'dod/ /srab mos dngos gzhi yin na de 'gal med//sems byung yid kyis bya yin so la sogs/ /reg pa'i gzhi yi bar du sbyor ba yin/ /so sogs mtshams las phar ni dngos gzhi yin/ /'khrig pa la ni 'du shes gtsor bya med/ /mi tshangs spyod phyogs ngo bo bstan pa ni/ /dper na bsams bzhin khu ba 'byin pa dang //'dod chags kyis ni 'khyud dang zur stegs dang / /'khrig pa'i tshig rnams sgrog par byed pa dang / /nyal shom khyim du ltad mo lta phyir dang / /rgod pas gnas pa nyid dang smyan byed dang / /khyim dag tu ni mtshan mo 'phyan cing rgyu/ /mig zur g.yo ba dang steg par byed pa yin/ / yang dang yang du bud med gdong mi lta/ /reg pa'i dug la nam yang reg mi bya/ /gal te chu dang mes 'chi de yi tshe/ /de sa'i 'du shes byas te reg par bya/ /mo yi brtul zhugs can la'ang sdom brtson gyis/ /de mthong chags na der ni gnas mi bya/ /rdo sogs yan lag 'khri shing mi brdung ste/ / 'dod chags me ni mi sdug chus zhir 'gyur/ /bud med gnam bltas 'thung la rang gis ni/ /chu ni rgyun mi 'chad par sbyin mi bya/ /rang lag gcer bu mo la zas la sogs/ /mi sbyin khur ba sbyin zhing 'gyur mi rung / /mi chags mig gis bud med chos bstan bya'i/ /mig tshugs su ni bzhin la blta mi bya//bud med rnams dang nyal 'dug 'gro la sogs/ /spang bya skyes pa yod na nyes pa med/ /mi tshangs spyod pa spong ba ste bslab pa'i gzhi gsum pa'o// //gang zhig bla ma brjod blos mi chos las/ /bla ma zhes bya de bdag la yod ces/ /mi la brdzun zer gzhan gyis go na ni//mngon pa'i nga rgyal ma gtogs de bsnyil bya/ /bsam gtan la sogs mngon shes 'bras bcas pa'i/ /yon tan rnams 'dir mi chos bla mar bstan/ /de yi rjod par byed pa rnam mang dag /da ni bshad par bya yis mnyan par gyis/ /lha la sogs mthong bdag la lha la sogs//lta byed sdug bsngal nyid la sogs shes so/ /zag pa zad pa'i khyad par nges rnams dang / /bdag nyid ldan par byed pa brjod pa yin/ /der dgra bcom gang stan bkra la sogs dbang / /der ni kho bo yang dbang gzhan ma yin/ /khyad par thob las yongs su nyams smra yin//bdag ni dge sbyong tshul gyi lam nyams yin/ /de ltar bla ma brjod tshig sbyor ba las/ /dngos gzhis bcom zhing sems can dmyal myong 'gyur/ /phyag dar khrod kyi 'dre dang rgyu mtshan ni/ /rang gi mtshan nyid 'dzin la ltung ba chung / /dper na brtul zhugs can gang lha'i sgra thos//yod ces gzhan la snyad btags zer ba'ang yin/ /nga yin tshig ma tshang pas de chung la/ /nga yin tshig 'byung bas ni dngos gzhir 'gyur/ /sgra mthun brjod pa las kyang yin te dper/ /kun du spyod las bsams nas bdag slob pa'am/ /lam du 'dug nas bdag ni lam gnas zhes//zer ba la sogs dag la'ang de dang 'dra/ /ma la kye ma khyod kyang nga 'dra na/ /'o na phyir 'ong ba yi 'bras ldan yin/ /da ltar nga ni de ltar 'phags min zhes/ /zur gyis gleng ba brjod pa las ni chung / /kho bos deng 'dir bsam gtan snyoms ma zhugs//de bzhin khar tshang min te las phar min/ /khyim de gang gi yin pa de chags bral/ /de nyid nga'i yin nga nyid chags bral min/ /btsun pa gal te dgra bcom bdag gi zas/ /bzhes shig zer te de bzhin mi smra len/ /gzhan gyis zag pa zad dam zhes dris na / /mi smra'i rnam pas dang du len byed yin//de ltar bla ma brjod blos brdzun pa bstan/ /da ni brdzun du smra ba gzhan nyon cig /gang las gzhan pa'i 'du shes nyid sgra'i don/ /go ba'i mi la smras pa de brdzun yin/ /brdzun zhes bya ba'i tshul de tshig yin yang / /ngag gis go 'gyur gal te lus kyis kyang / /go byed nyes byas nyid de 'on kyang chung //'di ltar 'dir ni tshig 'jug med pas so/ /rang gis rig pa gang yin mthong ba yin/ /yid ches las thos gang yin thos pa yin/ /rtags ma nges pa 'dzin par dgos pa yin/ /gzhi 'di dag gis smras na nyes pa med/ /gzhan gyis gang dris de nyid brjod par bya'i//brtse bar 'dod pas gzhan dang gzhan ma yin/ /gal te gshed mas gsad bya bros pa na/ /'dri na de tshe de la 'di skad brjod/ /tshur shog sen mo'am gnam mthong yang dag tu/ /khyod kyi lus can dag tu ma mthong ngo / /gnod par gyur pa rnams las yongs bsrung phyir/ /de sogs brnag pas smra na nyes pa med//brdzun smrar gtogs pa'i rab tu dbye bstan nas / /da ni brdzun smra'i phyogs dang mthun pa brjod/ /dris na chos dang mthun pa'i lan gdab bya'i/ /brtse phyir mi smra bar ni 'dug mi bya/ /bla ma mkhan po mi yi dbang phyug dang / /sangs rgyas dge 'dun gnas brtan dag gi bka'//brtags nas rigs pa nyid la tshig bzhin bya/ /gal te chos bzhin min na brda sprad bya/ /rang ngam gzhan nam gnyi gas skye bo la/ /'dre skad mi snyan pa dag mi bya'o/ /mi sdug mche ba gtsigs pa'i skad dag gis/ /gal te phan phyir byed na nyes pa med/ / yal gzugs bca' dang mna' dang mi smrar bcas/ /de bkag yin pas lam du 'gro ba na/ /mi smra nyid dam chos kyi gtam bya yi / /bud med la sogs gtam tshul mthun mi bya/ /ngal sos gus pas sangs rgyas tshigs bcad gdon/ /mtshan mo 'dug na rgyud gsum pa yin no/ /'on te gzhan gyi lha yi gnas dag mthong //der ni se gol gtogs te tshigs bcad gdon/ /mdza' bo 'byed dang rtsub pa'i tshig dag ni/ /skyon nas smra ba la sogs spang bar bya/ /'dul bar dbyen 'di nyes byas gsungs gyur pa/ /de ni yid kyi nyes byas yin gzhan min/ /brdzun du smra ba spong ba ste bslab pa'i gzhi bzhi pa'o// //'bras bu la sogs khu ba bcos pa ni/ /bcos chang rgun chang bu ram chang 'drar bstan/ /chan btags mnan pa bya ba sbyar ba'i chang / /myos 'gyur rtswa mchog gis kyang btung mi bya/ /sbyar ba'i chang dang bcos chang gnyis 'dir bstan/ / de ko tra ba la sogs bzlog phyir ro/ /myos 'gyur smos pas ma red nyams pa yin/ /bag med smos pas spong ba'i rgyu yin no/ /gang zhig myos 'du shes pas myos 'thung ba/ /'thungs la myos na nyes byas nyid yin no/ /nu rtsi dang ni sbang ma za ba las/ /de dang 'dra bar nyes byas rdo rjes 'joms//phabs kyi rdo gu'am rtswa sogs myos skyed gang / /gal te za na chung ba nyid du 'gyur/ /gang la myos 'gyur khu ba'i ro dri yod/ /myos 'gyur khu ba min yang btung mi bya/ /lus la bsku dang mkhur bar blugs pa ni/ /na ba ma gtogs myos khus mi bya'o/ /gal te skol dang de yi kha dog tsam//mthun pa'am myos par 'gyur ba'i khu ba yi/ /dngos por ma red nyams 'thung nyes med de/ /'di ltar 'dir ni myos 'gyur spang bya yin/ /myos par 'gyur pa'i phyogs mthun dper byas nas/ /dreg btsong ke'u dang sgog skya yin par bshad/ /de yang nad la mkhas pas lung phog pas//gnang ngo dad med mi yi mngon sum min/ /gtsug lag khang gi phyi rol dben phyogs su/ /khang pa byas nas bya ba'i ched du 'jug /de yang dge 'dun mal stan rnams la ni/ /nam yang longs mi spyad par bka' stsal to/ /lus la dring nyid dang bral 'og tu/ /rang bzhin gnas phyis gtsug lag khang 'jug bya//myos par 'gyur ba spong ba ste bslab pa'i gzhi lnga ba'o// //bro gar glu dang rol mo'i sgra yang rung / /brtul zhugs can gyis rang ngam gzhan bya min/ /'di 'dir 'khor ba la chags rgyu yin no/ /'on kyang gal te byed na nyes byas 'gyur//mchod pa'i ched du'ang rol mo'i sgra dang ni/ /glu byos zhes ni mi brjod 'on kyang ni/ /lha dang lha min dbang pos zhabs rdul gtugs/ /sangs rgyas la ni mchod pa byos zhes brjod/ /chos sgrogs byed pa'i glu ni nyes pa med/ /ston pa'i yon tan sgrogs pa'ang de bzhin no//dam chos ched du glu ni mi shes na/ /dben par song ste rab tu bslab par bya/ /mchu 'bud la sogs gar sogs phyogs mthun yin/ /byi'u zul dang ni ring du 'gro byed dang / /steng du 'byung dang mchod dang rgyug la sogs/ /rtsed mo'i rgyu yin pas na de bkag go/ /'phags pa rnams kyis dgod na so phyung ste//de bzhin sgra dag chen por mi bya'o/ /lag pa'am chos gos kyi ni mtha' ma yis/ /kha dag rab tu bkab ste glal bar bya/ /sman pas lung phog pas sam bslab pa'i phyir/ /dben pa'i phyogs su rkyal na'ang nyes med do / /gang du bud med dmag mi khrus byed pa'i//'jug ngogs de ni ring por spang bar bya/ /glu gar la sogs pa spong ba ste bslab pa'i gzhi drug pa'o// //gang zhig spos byug me tog phreng ba dang / /de bzhin lus mdog kha dog bya ba dag /mi gtsang snod kyi lus la 'chang byed na/ /rmongs pa de ni nyes byas nyid kyis gzir//'dab chal gsum dang gos la 'dug byed dang / /sen mo byi dor mig sman mchu bsgyur dang / /g.yan pa ma gtogs so phag long bu las/ /yan lag 'drud la sogs pa nyes byas yin/ /nad pas dben par 'dug nas bsku bya ste/ /'jig rten ma dad 'gyur ba bzlog phyir ro/ / dad ldan dag gis rkang pa spos byugs na/ /sbyin bdag gi ni lkog tu bkru bar bya/ /'phags pas me tog dri ni zhim po dag /mig phan snyam bsnam 'dod chags blos ma yin/ /da ni spos sogs phyogs mthun skabs yin pas / /chu la sogs par bzhin la blta mi bya/ /des ni lus kyi snga phyi'i gnas skabs dang //rma la lta na ltung ba med par 'gyur/ /mchod phyir thogs byug ris shig skud la sogs/ /lhub lhub dag ni thams cad spang bar bya/ /rims sogs zhi bar bya phyir dpung g.yon la/ /sngags la sogs pa'i skud pa la sogs bcang / /rims dang bral nas skud pa bkrol nas ni//bu ga gtsang ma'i phyogs su gzhag par bya/ /sdom brtson dag gis gdugs bkra bcang mi bya/ /grong du de bsgreng ba 'ang bkag pa yin/ /lo ma las ni byas pa'ang [#(]smyag [,]smyug [)]ma'i gdugs/ /yu ba'ang gdugs kyi tshad du bshad pa yin/ /spos la sogs pa spong ba ste bslab pa'i gzhi bdun pa'o// //mal chen mthon po dag la nyal byed pa/ /nyes byas bkra mi shis pas nges par gzir/ /khru gang las lhag tshad ni mthon po yin/ /rin chen la sogs rkang pa spras chen yin/ /stan mthon rin chen 'od kyis mdzes pa la/ /'du byed 'jig pa'i dad can 'dir bsams te//'dzegs nas chos bsgrags pa ni sbyin bya ste/ /bde gshegs chos kyi mchod bya yin pas so/ /khyim pas rin chen 'od 'bar byas byin na'ang / /mi rtag nyid du bsgom pas 'dug par bya/ /gnod sbyin gnas dang lha khyim klu gnas su/ /sdom brtson 'dug na'ang nyes pa med pa yin//mthon po la sogs phyogs mthun nyin nyal yin/ /gnyid kyi nad du gyur na yud tsam gnang / /na dang de yin da g.yog ma gtogs pa/ /brtul zhugs can ni mar mes nyal ba bkag /gding ba med par nyal ba rigs ma yin/ /yul gyi dbus su mal stan ko lpags min/ / khyim dag tu ni stan tsam kho na dbang / /yul gyi mtha' 'khob dag tu gnyi ga dbang / /glang chen rta dang stag dang seng ge dang / /sbre'u byi la'i pags pa'ang rung ma yin/ /mchil lham bal ba dza dang mun dza'i 'jag/ /rtswa la sogs las byas pa'ang bcang mi bya/ /gtsug lag khang steng gnas khang khyams rnams su//shing las byas lham rtag tu mi gnang ngo / /bshang dang gci pa'i khang pa'i phyogs dang ni/ /khyim nang bcas ma bstar bar nyes pa med/ /mdze can gyis ni dge 'dun khri sogs spang / /dge 'dun rnams dang 'du sogs de bzhin no/ /dge 'dun skye bo med par de bzhag ste//sman gyi sbyor ba dag gis bskyang bar bya/ /nad g.yog gis kyang nad pa thams cad la/ /gson pa rnyed par dka' ba rtogs byas te/ /rang bzhin kha na ma tho ma gtogs bsgrim / /bcas pa'i kha na ma tho bas kyang bskyang / /mal mthon po la sogs pa spong ba ste bslab pa'i gzhi brgyad pa'o// //rang gling skya rengs dang po sogs bzung nas/ /nyi ma phyed par 'dir ni dus yin te/ /de yol gang zhig dus rung za byed de/ /nyes byas lcags kyi gong bu'i zas rnams za/ /sgegs pa zas bcas byung na bor byas nas / /'bad pa dag gis kha ni bkru bar bya//las kyi dbang gis mid pa gnyis yod na/ /ba glang bdag bzhin ci dgar mid par bya/ /gal te 'di la brtul zhugs gnas pa'i tshe/ /nyi ma gcig kyang 'dod yin de yi tshe / /nad pa la ni mkhas pa'i lung nyid dus/ /phongs pa la ni dus min med pa yin/ / ya rabs rnams kyis sha dang nya gnang gang / /gnod dang brtse med ro sogs la chags dang / /yongs su btsal ba'i sems dag spangs nas ni/ /lhung bzed 'ongs pa de la brtags te bza'/ /nas chan snum khur 'bras chan nya dang sha/ /'di dag srog gnas bya phyir bza' bar gsungs//sdong bu 'bras bu ut+pal la sogs rtsa/ /de dag bca' ba dus su rung ba yin/ /dus mi rung ba chu shing 'bras bu las/ /sogs pa'i btung ba'i tshags btsags rung chus bslad/ /dar ba dang rtsabs chur khu sbyar ba'i tshe / /bur ma shing khu dang ba 'bru tsha yin/ /bu ram dang ni 'bru mar sbrang rtsi mar//hwags dang zhag dang kha rar bcas nyid yin/ /yung dang sge'u gsher gla sgang la sogs rtsa/ /sle tres tsan dan dmar po sogs sdong bu / /nim pa pa to la sogs lo mar bshad/ /me tog da ta ki dang bsha ka /'bras bu skyu ru na le sham pa ru/ /a ru ka ko la sug smel pi pi ling //til sogs 'gyur byed dang ni tsha lnga dang / /thang chu rgya skyegs sra rtsi shing kun dang / /spra tshil bkres pa bsal phyir bza' min gang / /de dag ma shi bar bcangs sman du gsungs/ /dus min rung dang dus su rung bsres gang / /de ni dus su rung ba'i dbang gis spyad//dus min phyogs mthun snod gzhan yod pa dang / /'jigs med phyogs su snod gcig nas za yin/ /pha ma dang ni gcig tu za ba la/ /ngo phyir skye bo med par nyes pa med/ /dga' bo la sogs mdo las gsungs tshul dang / /legs dang tshod dang ldan pas zas bza' bya/ / kham chung ba'am che bar rigs min la/ /kha kham bcas pas nam yang smra mi bya/ /mi snyan mi bya gtor bar bya ma yin/ /mchod rten 'dra byas bcom ste zas mi bza' / /stag gis zos pa'i god kyi sha rnams dang / /ched du byas pa dag ni bza' mi bya/ /khwa rnams kyis ni lhag mar byas pa'i zas//gang yin de mchu'i than 'khor bor te bza'/ /lhung bzed gzhi la rkang phyogs mnan nas min/ /mchil lham gyon bzhin min gos gcig pas min/ /sman pas bsgo na nad pas mchil lham steng / /rkang pa bzhag ste ji ltar 'dod par bza'/ /de yi bdag po'am 'drim par byed pa la//'di 'am 'di las byin zhes brjod mi bya/ /'phags pa rnams kyis rim gyis thob ba bza'/ /'dir ni nad pa rnams la bkag pa min/ /zos pa'i lhag ma las ni chang gcig gzhag /ched du mi bya dgag pa'i rgyu 'dir kha/ /'dag pa'i rdzas sam rung ba'i chu rnams kyis//zos nas kha yang kha zas med par bya/ /dus ma yin pa'i kha zas spong ba ste/ /bslab pa'i gzhi dgu pa'o// //dngul dang gser gyi rnam pa len byed na/ /nyes byas 'gyur ro gos dang rgyags phyir dang / /lus kyi phyir dang de bzhin sman phyir ram/ /chos dang ldan pa'i phyir ni ltung ba med//len pa'i rjes su mthun pa'i dper bya na/ /chos gos la sogs yod bzhin gos sogs slong / /khab ral ba so rus la sogs pa'am/ /gser gyis spras pa bya ba ma yin no/ /rnyed 'dod nyo dang btsongs la sogs mi bya/ /dgos pa'i 'brel ba yod na nyes pa med/ / gal te gos dag nyo bar 'dod na ni/ /khyim pa la bcol nyo bya rang gis min/ /gal te nyo byed sgra ni po 'ga' med na/ /tshig ni gsum gyi bar du brjod par bya/ /rgas pas 'khogs dang nad pa ma gtogs pa/ /sdom brtson gzhan gyis pus 'khyud bcang mi bya/ /rnyed phyir spyod lam tshul 'chos yin par bstan//chags pas gzhan la smod pa thob kyis 'jal/ /chung ngu byin nas mang po tshol byed dang / /gzhan gyi bsngags pa byed pa gzhogs slong yin/ /rnyed pa'i phyir ni gtsang dang snyan par smra/ /thams cad kha gsag yin par 'phags pas bshad/ / de dag dpe tsam gzhan yang log sgrub pa/ /'tsho bar byed pa dag ni rtag tu spang / /gser dngul la reg pa spong ba ste bslab pa'i gzhi bcu pa'o// //khyim pa'i rtags ni spang ba smra bas na/ /de nyams phyogs mthun yongs su spang bar bya/ /khyim pa 'dra bar sham thabs mi bgo zhing / / kha dog gcig pa'am kha tshar can dkar min/ /phyi rol dag tu tshon can gos g.yogs na/ /dkar po'ang nyin par bgo bar gnang ba yin/ /dge 'dun khri dang khri'u be'u ras la/ /gding ba bting nas spyod na'ang de bzhin no/ /gos rnams kha dog bsgyur phyir tshon rtsi gsum/ /ngur smrig rtsi dang sngon po'i mdog dang btsag /mtshal dang de bzhin rgya skyegs btsod rnams dang / /gur gum dang ni mthing shing li khri dang / /rma shing le brgan rtsi rnams mi rung ste/ /brgyad po tshon chen yin pas de bkag phyir/ /sen mo ste'u dang spu gri'i so 'dra bar/ /breg bya de las gzhan gyi rnam par min/ /dgon par gnas pa'i skra dang kha spu dag /sor gnyis las ni lhag par gzhag mi bya/ /grong mtha' de bas chung lhag de bzhin no/ /skra ni ba lang spu 'dra'i byi byad spang / /byin pa mig dang mchan khung rked smin ma/ /breg par bya ba shin tu thag ring spang / /skra rnams breg par byas nas khrus dag bya/ / yang na yan lag lnga po bkru bar bya/ /dang po kha 'am mgo ni ci 'dod breg /de yi 'og tu sna yi nang bya zhing / /lag pa rkang pa sen mo'i rim pas bya/ /'di ltar 'di ni 'breg mkhan las yin no/ /skas la 'dzeg dang de bzhin nyin nyal na/ /sham thabs mtha' ma mdud pa dor bar bya/ /sdom brtson gyis ni khur lci bskur mi bya//yang yang mgo bo phrag pa rked pas min/ /bkug dang phral dang 'doms snang byas pa dang / /de bzhin tsog tsog por yang 'dug mi bya/ /bstan bcos las gsungs spyod lam lta bur ni/ /bya yin 'dir ni de dag dpe tsam yin/ /khyim pa'i rtags spong ba'i phyogs dang mthun pa ste bslab pa'i gzhi bcu gcig pa'o// //sdom brtson rtags ni khas blangs brjod pas na/ /der gtogs nyams pa'i phyogs mthun spang bya ste/ /dper na mu stegs rtags ni thogs pa dang / /gcer bur skra 'bal lag par zas za dang / /ri la mchong dang nyi zla lta byed dang //me lnga bsten pa la sogs spang bar bya/ /mchil ma la sogs se gol gtogs byas te/ /de nas snang ba'i phyogs dag tu ni dor/ /bshang ba'i sa dang gci ba'i nye 'khor du/ /sna tshogs gtam gyis yun rings gnas mi bya/ /kha ton btso blag la sogs der mi bya/ /skad dag phyung ste brtags nas 'jug par bya//bshang ba'i sa dang gci ba'i sa dag kyang / /so so tha dad yin te der mi brjod/ /gci dang bshang dang de bzhin rlung dag ni/ /byung bar gyur na dal bus gtang bar bya/ /'byung ba bkag pa nam yang 'dod ma yin/ /rma la sngar ni 'jam pos phyis nas kyang / /chu mang dag dang sa yis khrus byas te//lag pa g.yon par sa ni lan bdun blugs/ /de yi 'og tu lag pa gnyi gar bdun/ /sa de dag kyang so sor rim par gzhag /de bzhin chu mang lag pa gnyis bkrus nas/ /de 'bad lag ngar byin pa legs phyis te/ /phyis kyang lag pa gnyi ga bkru bya zhing / /phyi nas ri la brkang ba gnyi ga yin//sems ni dag na gtsang ba yin par bshad/ /dri dang gos pa dag dang bral tsam yin/ /bcom ldan nang gi gtsang sbrar gsungs pa ni/ /lus la sogs pa'i sdig spang gang yin pa'o/ /brtul zhugs can gyis bshang dang gci ba dang / /so yi dri bsal phyogs ni dben par bya//so shing dag ni chu yis bkrus byas nas/ /dor bar bya'o chu dag med na yang / /lce yi dri mas shi bzhin 'dir gyur na/ /mi rung bsgrims te sa la phyis nas so/ /lhung bzed gnyis te sa byas lcags las byas/ /lhung bzed gzhan min chung che skya ba min/ /khar gsil sgra dang ldan pa bcang bya ste//de ni go byed khyi skrod yin pas so/ /rab tu byung ba nyams pa'i phyogs dang mthun pa spong ba ste bslab pa'i gzhi bcu gnyis pa'o// //bla mar gsol btab bla ma nyams phyogs mthun/ /rang gi bla ma ma gus de yin pas/ /bdag nyid 'dod pas pha ltar rab sdug dang //gus pa byas nas bla mar rim gro bya/ /bshang dang gci dang so ni dag bya dang / /mtshams kyi nang du rgyal la phyag bya dang / /chu dag btung bar bya ba ma gtogs pa/ /thams cad dris nas bya ba yin par gsungs/ /bla ma bas sngar nang bar langs nas ni/ /gdong dag bkrus nas bde gshegs phyag 'tshal te//de nas bla mar gus bcas phyag byas nas/ /btud de sku la ma nyams zhes 'dri nas / /bya ba nyid kyis lung mnos de 'og tu/ /de yi gnas khang nye 'khor phyag dar bya/ /de nas rgyal la dkyil 'khor byas nas ni/ /dad pas 'dud bzhin du ni bskor bya zhing / / nye ba'i sdom brtson rgan la phyag byas nas/ /dge bas lus la snying po blang bar bya/ /bla ma dag la bsnyen bkur byed pa na/ /zas skom la sogs zhim po kun kyang dbul/ /phyag bya'i lam du phyin na'ang phyag bya ste/ /brtul zhugs can dang mi mthun bkol mi bya/ /'jig rten gsum gyi ston pa'i mi dbang gis//des kyang a rog gya zhes brjod par bya/ /rgan zhugs shin tu rgan po sbrid byung dang / /khyim pa sbrid pa byung na'ang sos zhes brjod/ /gzhon nu'i sbrid byung a rog gya zhes bya/ /rgan la sbrid byung tshig gis phyag bya'o/ /'di la bkur stis phyag bya rnam gnyis te/ /yan lag lnga dang sgyid bzung rang bzhin no//mun khung bla ma'i spyi bos sar gtugs pa'i/ /phyag dag mi bya tshig gis phyag bya'o/ /sdom brtson bca' ba 'ga' zhig 'cha' byed na/ /phyag dag mi bya des kyang phyag mi bya/ /mi gtsang lam gyi phyogs ma bkrus pa'ang min/ /gos gcig ma yin zas dang bcas ma yin/ /mdun du zas drangs spo ba spyod pa dang //khyim nas tshul khrims 'chal dang gcer bu dang / /gzhan yang phyag bya min yang brtag pa ni/ /phyag bya gnyis te bde gshegs rgan po yin/ /gang phyir de dag sdom pas rgan min pas/ /gsang sngags la'ang lha gzhan phyag mi bya/ /dkon mchog gsum la 'dud pas phyag byas nas//gzhan gyis byas pa'i gsang sngags brjod par bya/ /gang zhig sangs rgyas skyabs 'os dag la skyabs/ /song nas gus par gzhan la phyag byed pa/ /de ni shAkya'i rigs kyi rtags dag la/ /co 'dri yul 'khor zas ni 'bar ba za/ /bla mar gsol ba btab pa nyams pa'i phyogs dang mthun pa ste bslab pa'i gzhi bcu gsum pa'o// //de nas sdom pa nyams phyogs mthun 'byung ste/ /dkon mchog gsum la ma gus de bzhin du/ /nyi ma lnga las lhag par mi gnas pa'am/ /dgag dbye dang ni gso sbyong nyams pa ste/ /gal te mngon sum gsungs pa med gyur kyang / /dgag dbye gsungs phyir 'dir ni gso sbyong yod/ / dgag dbye dag par go bar bya phyir te/ /de las gso sbyong don ni tha dad min/ /kye tshig bdag la btsun pa dgongs su gsol/ /deng 'dir 'phags pa'i dge 'dun gso sbyong lags/ /deng 'dir dge tshul bdag gi 'ang lags te bdag /yang dag par mchi zhes bya sngags yin no //mchod rten khyams dag ci nus byi dor bya/ /bdug pa me tog bkram pas dgram byas te/ /rang gi rgyud brtags thog mar sdom brtson gyi/ /mdun du ltung ba dag ni bshags par bya/ /tshul khrims ldan dang 'dul ba'i cho ga shes/ /nad pa snying rje 'khor ni dag pa dang //chos dang zang zing phan 'dogs brtson pa dang / /dus su 'doms pa de ltar bla mar bsngags/ /slob dpon la gus tshul khrims yongs dag dang / /bsam gtan dang ni 'don la rtag brtson dang / /grims shing dul la bzod dang ldan pa ni/ /sdom brtson gnas pa'i chos ldan shes par bya/ /grong la sogs pa'i ming smos rim pa yi//dbyar du dbyar gnas dam ni bca' bar bya/ /gal te de ni gzhan du 'gro gyur na/ /zhag bdun byin gyis brlabs te 'gro bar bya/ /tshul khrims nyams la bkur sti mi bya zhing / /de dang 'grogs dang longs spyod mi bya'o/ /pha ma bla ma dag dang nad pa dag /tshul khrims nyams su zin kyang bkur sti bya//nyes rtsom byed dang khyim sun 'byin pa dang / /'dir ni gsum pa tshul khrims nyams pa dag /'thab mo spangs te gaN+DI brdungs byas nas/ /shi zhing rul ba bzhin du nges bskrad bya/ /ka bar gyur pa mdo sde 'dzin gang dang / /de bzhin gzhan yang cho ga bzhin dpyad bskrad//dpung byed btang na slar yang gzhug bya ste/ /gal te min na de skal rin gyis ltung / /gang dag grangs can la sogs bden blos 'don / /de dag la ni kha zas dug tu 'gyur/ /sangs rgyas gsung ni ji skad bstan bton nas/ /nges par dpyad par bya phyir gzhan dag bklag /sangs rgyas de yi yon tan smos pas brjod//slob dpon slob dpon tshig dang ldan pas so/ /don sogs smos pas nye ba'i tshig bya ste / /'dud bcas mkhan por gyur pa'i ming dag brjod/ /rgan la btsun pa nye ba'i tshig gis brjod/ /gzhon la'ang tshe dang ldan pa'i nye tshig gis/ /de bzhin gnas brtan zhes bya'i nye tshig brjod//de ltar 'dir ni ming smos rim pas yin/ /sdom pa mtha' dag nyams pa'i phyogs dang mthun pa ste bslab pa'i gzhi bcu bzhi pa'o// //gang zhig gnang med de bzhin bkag med pa/ /de ni gsungs pa'i rjes mthun brtags te gzung / /'dul ba mdor bsdus zhes bya'i sgron ma dang //'dra bar gzhan 'di bde bar gshegs pas gsungs/ /dge tshul rnams kyi chos lugs bsdus 'byung ba'i/ /bsod nams bdag la skyes des 'jig rten 'di'i / /shAkya'i 'od bstan lam nas rdzogs pa yi/ /byang chub dpal ldan gnas su 'gro bar shog/ / shAkya'i bshes gnyen ngor ni bde bar gshegs pas gsungs pa'i bslab pa yi/ /rin chen 'bar bdag ni 'dul ba rgya mtsho'i nang nas rab btus te/ /dbang po'i rdo rjes phug nas de gzhi thams cad yod par smra ba yi/ /so sor nges pa'i dbye ba dag gis phreng bar mthun par bsdebs pa yin/ /'dul ba mdor bsdus te bco lnga pa'o/