CLOSE WINDOW

D4121
བོད་ཡིག

#/ /rgya gar skad du/ bi nA ya sU tra byA khyA na/ bod skad du/ 'dul ba mdo'i rnam par bshad pa/ thams cad mkhyen pa la phyag 'tshal lo/ /slob dpon yon tan 'od kyis 'dul ba'i mdo zhes bya ba'i gtsug lag mdzad pa'i thog mar/nges par theg pa'i tshul du gtogs pa ste/ zhes smos pa 'di 'og nas 'byung ba'i mdo thams cad la sbyor te/ de la gtam mam tshig tha mal pa la yang bsnyad pa dang /dgos 'brel med na thog ma nas rtog cing 'jug pa'i mi rnams mi nyan na gtsug lag dang rab tu bya ba la rnam pa 'di bzhi med du mi rung ba lta ci smos te/de lta bas na bsnyad pa med par dogs pa dang / don med par dogs pa dang / dgos pa med par dogs pa dang / dgos pa'i yang dgos pa med par dgos pa rnams bsal ba'i phyir rnam pa 'di bzhi dag kha cig ni mngon du/kha cig ni brgyud nas smras pa yin no/ /de la chos 'di pa rnams kyi 'dul ba thams cad kyi bslab pa sdom pa'i dngos po bdun gyi tshul khrims tshul zhes smos pa 'di ni bsnyad pa yin no//bcom ldan 'das kyis gsungs pa'i tshul khrims rang bzhin gyi kha na ma tho ba bzlog pa ni/ 'di dang 'di'o/ /bcas pa'i kha na ma tho ba bzlog pa ni 'di dang 'di'o zhes rgyas par ston pa ni dgos pa'o//rnam pa de gnyis kyis tshul khrims kyi mdo 'di las smos pa rnams kyis go bar ston pa ni thabs dang thabs kyi'am/ bya ba dang byed par 'brel pa'o/ /nges par theg pa zhes smos pa ni dgos pa'i yang dgos pa ston pa yin te/de la bsnyad pa dang / dgos pa'i yang dgos pa gnyis ni tshul dang / nges par theg pa zhes mngon du ston to/ /tshul zhes bya ba'i ming tsam smos pas gang bsams pa'i don de rgyas par mi 'grub pas na/bsams pa'i dngos po tshul khrims rgyas par ston pa'i dgos pa dang / mdo 'di rtsom pa yang de lta bu'i don du ma yin par mi rtsom pas na/ mdo ni thabs sam sgrub pa tshul khrims ston pa ni thabs kyi'am bsgrub par yin pas na/thabs dang thabs kyi'am/ sgrub pa dang bsgrub par 'brel pas na dgos pa dang 'brel pa gnyis ni brgyud nas smras pa yin no/ /de la nges par theg ces pa ni lhag ma ma lus pa'i mya ngan las 'das pa ldog mi srid par thob pa la bya'i 'jig rten gyi mya ngan las 'das pa lta bu slar ldog srid pa dang /glang po la sogs pa'i theg pa la ni mi bya'o/ /de ltar lhag ma ma lus pa'i mya ngan las 'das pa de tshul khrims rnam par dag pas 'thob pas na nges par theg pa'i tshul zhes bya'o/ /de la klan ka pas bya ba nyon mongs pa ni ye shes kyis 'joms so zhe na/tshul khrims kyis ji ltar mya ngan las 'da' zhes pa'i lan du/ de yang bden mod kyi/ tshul khrims la gnas/ tshul khrims la brten nas bden pa bzhi ji lta ba bzhin du mthong bar 'gyur ro zhes 'byung bas na/ tshul khrims la gnas te/nyan pa dang bsam pa dang bsgom pa'i rim pa rnams skye ba'i phyir tshul khrims rgyu brgyud pas mya ngan las 'das pa thob par smras pa 'di la 'gal ba med do/ /de la yang klan ka bas bya ba dang / tshul khrims bstan dgos pa'i phyir/ 'dul ba'i mdo 'di rtsom mo zhe na/ tshul khrims bstan pa ni rnam par 'byed pa la sogs pa'i gzhung gis kyang rgyas par bstan na//khyod kyis mdo 'di brtsams pa ci dgos zhes pa'i lan du/ gzhung gzhan las kyang rgyas par bstan pa lta med pa ma yin mod kyi/ de dag gleng gzhi dang / /rjes su bcas pa dang / gtam rgyud la sogs pa phal cher 'byung bas/kha cig skrag par 'gyur ba dang / log par ston pa rnams sun dbyung zhing rnam par 'byed pa la sogs par ma log par bstan pa'i phyir/ bslab pa'i dngos po nyi tshe mdor bstan pa 'di brtsams so/ /a tha zhes pa ni sman dpyad kyi gtsug lag las/ a tha tshe ring bar bya pa'i gtsug lag bshad do zhes 'byung ba lta bu yin te/bkra shis kyi tshig tu'ang bya ba dang / a tha bcom ldan 'das mya ngan las 'da' ba de'i tshe/ dge slong rnams la bka' stsal pa zhes bya ba lta bur 'dren tshig ston par rtsom pa'ang yin pa dang / a tha dogs pa thams cad bzlog nas zhes bya ba lta bur 'og ma dang sbyor ba'ang yin pa dang /a tha tshig bstan par bya'o zhes bya ba lta bur de'i dbang du bya ba'am/ de'i phyir bya ba lta bur 'dren pa yang yin pa dang / / 'jig rten dag ni sna tshogs 'dod pa min/ /skyes bu'i rnam par rtog pa 'dod pa ste/ /'jig rten sna tshogs de ltar yin mod kyi//bstan pa dag gis sred pa sel bar byed/ /ces 'byung ba lta bu/ a tha mod kyis zhes bya bar 'dren pa'ang yod de/ rnam pa 'di lta bu la sogs pa du mar 'dren gyis kyang / skabs 'dir ni slob dpon yon tan 'od nyid kyis/ 'dul ba'i mdo rgyas par bshad pa'i gtsug lag las/a tha dbang du bya ba'am/ mdo re re dang bstun pa'am/ sbyor ba'o zhes 'chad pas na/ dge 'dun thams cad 'dus nas cha lugs 'di ltar byas te zhes pa nas/ rdzogs pa mngon par 'grub pa sngon gyi cho ga'o zhes smos pa rnams/ nges par theg pa'i tshul gyi dbang du byas pa'am/sngon gyi cho ga nges par theg pa'i tshul lo zhes bya ba lta bur mdo re re zhing yang de bzhin du sbyar ba nas mjug gi bar du sbyar bar bya'o/ /de ltar lhag ma ma lus pa'i mya ngan las 'das pa tshul khrims kyi phung pos 'thob par bcom ldan 'das kyis gsungs so zhes dang pos bstan nas/ da ni rab tu 'byung ba'i dngos po ston to/ /rab tu 'byung ba'i dngos po ci'i phyir thog mar rab tu bstan zhe na/ bslab pa'i tshig rnam par gzhag pa thams cad rab tu 'byung ba'i dbang du byas pa dang / rtsa ba'i 'dul ba las kyang rab tu 'byung ba'i dngos po dang por smos pas na/ 'dir yang rab tu 'byung ba'i dngos po thog mar smos pa yin no//de yang sngon gyi cho ga dang / phyi ma'i cho ga rnam pa gnyis yod pas na/ bcom ldan 'das kyis sngar bstan pa dang / bshad sla ba'i phyir sngon gyi cho ga zhes smos so/ /dge 'dun thams cad 'dus nas zhes pa ni/ mtshams chung ngur dge 'dun phyogs gcig 'dus pa lta bu ma yin gyi/mtshams gcig gi nang na dge 'dun ji snyed yod pa thams cad ril gyis 'dus pa la bya'o/ /'di'i tshul du byas te zhes pa ni/ skra dang kha spu bregs nas chos gos gsum bskon pa de bzhin gshegs pa'i slob ma 'di dag gi cha lugs su byas pa'o/ / phyag byas thal mo sbyar tsog tsog por rgan rabs kyi drung du 'dug nas zhes pa ni/ rgan rabs dang gzhon rabs kyi rnam pa gnyis yod pa las rab tu 'byung bar 'dod pa de rgan rabs kyi drung du gor du smos pa rnams ltar byas te 'dug par ston pa'o/ /de la phyag byas zhes pa ni thog ma kho nar yan lag lngas gtugs te phyag bya ba'o//thal mo sbyar zhes pa ni rje sa'i tshul du bya ba'o / /tsog tsog por 'dug ces pa ni/ 'greng ba'am/ stan la 'dug pa ma yin gyi gong gong por bya ba'o/ /gsol ba gsum dang zhes pa ni/ gang rab tu 'byung ba dang bsnyen par rdzogs par 'dod pa des/ gson cig btsun pa'i dge 'dun bdag ming 'di zhes bgyi ba legs par gsungs pa'i chos 'dul ba la rab tu 'byung bsnyen par rdzogs te/dge slong gi dngos por 'tshal na/ dge 'dun gyis rjes su bzung ba dang brtse ba dang / thugs rje can gyis thugs brtse ba'i slad du rab tu dbyung ba dang bsnyen par rdzogs par mdzad du gsol zhes de nyid kyis 'di skad du lan gsum du gsol ba la bya/gsol ba dang bzhi'i las kyis zhes pa ni/ rab tu dbyung ba dang bsnyen par rdzogs par 'dod pa des/ gong ma ltar gsol ba lan gsum du btab nas/ rab tu dbyung zhing bsnyen par rdzogs par gnang na/ dge 'dun gyis gsol ba gcig dang zhu ba gsum ste/gsol ba dang bzhi'i las kyis mi de rab tu byung bsnyen par rdzogs par bya bar ston pa'o/ /de la dge 'dun gyis shes par bya ba ni gsol ba'o/ /dad dam ma dad dri ba ni zhu ba'o/ /cig car rab tu dbyung bsnyen par rdzogs pa mngon par 'thob bo zhes pa la/ cig car zhes pa ni bsnyen par rdzogs par bya ba'i sngags las/ btsun ba'i dge 'dun gson cig/ ming 'di zhes bgyi ba legs par gsungs pa'i chos 'dul ba la rab tu 'byung bsnyen par rdzogs te/ dge slong gi dngos por 'tshal lo zhes pa nas/ ming 'di zhes bgyi ba dge 'dun gyis rab tu dbyung bsnyen par rdzogs so zhes pa'i bar du smos pa lta bu yin te/sngon gyi mi dag rab tu 'byung ba dang bsnyen par rdzogs pa cig car du 'grub par ston pa'o/ /sngon gyi cho ga'o zhes pa de ni/ /de bzhin gshegs pa dang po mngon bar byang chub pa'i tshe dge slong gi dge 'dun rab tu 'byung ba dang / bsnyen par rdzogs pa cig car du 'grub pa'i cho ga 'di lta bu yin no zhes bya bar ston pa'o//de la klan ka bas bya ba sngon gyi cho gas kyang rab tu 'byung ba dang bsnyen par rdzogs par ni 'grub na/ phyi ma'i cho ga ci dgos/ phyi ma'i cho gas kyang rab tu 'byung ba dang bsnyen par rdzogs par 'grub na/ sngon gyi cho ga ci dgos zhes pa'i lan du/'dul ba'i sems can gyi bye brag las snga phyi'i cho ga rnam pa gnyis su gyur par zad de/ de bzhin gshegs pa dang po mngon par byang chub pa de'i tshe/ sems can dag bsam pa rnam par dag pas/ 'dul ba'i rim pa dang cho ga mkhan po dang slob dpon la mi ltos par/bcom ldan 'das kyi bka' bzhin du byed pa dang / bsod nams byas pa sha stag pas na nad kyi rkyen med do/ gal te nad kyi rkyen gyis thebs pa zhig tu gyur na yang / sman dang nad kyi rim gro la sogs pa mi brel bar 'byor pa'i phyir sngon gyi cho ga 'di lta bu'o zhes par bstan to//phyi rabs kyi sems can dag de ltar bsam pa rnam par dag pa dang / bsod nams byas pa ma yin pas na 'dul ba'i rim pa dang nad kyi rim gro la sogs pa/ mkhan po dang slob dpon la mi ltos su mi rung ba'i phyir phyi ma'i cho ga 'di lta bu'o zhes bstan te / sngon gyi cho ga dgos pa dang ldan pa de ltar bstan nas/da ni phyi ma'i cho ga rtsom ste/ dge slong 'ga' zhig khan por bsten te/ der rab tu 'byung ba dang bsnyen par rdzogs par ro zhes pa ni rab tu 'byung ba'am bsnyen par rdzogs par 'dod pas/ dge slong 'ga' zhig khan por bsten te/ rab tu 'byung ba dang bsnyen par rdzogs par bya bar ston pa'o//'ga' zhig la zhes pa ni/ gcig 'ga' la gtod pa ma yin te/ su la'ang rung bar ston pa'o/ /'dis ni su la brten te rab tu 'byung ba de nyid la bsnyen par mi rdzogs su mi rung ba med par ston pa'o/ /brten zhes pa ni sngon gyi cho ga lta bur brten mi dgos pa ma yin par ston pa'o//der zhes pa ni rab tu 'byung zhing bsnyen par rdzogs par bya ba'i phyir der mkhan por bya'i/ gzhan gyi phyir ma yin par ston pa'o/ /rab tu dbyung bar 'dod pa mkhan pos ji ltar bsdu ba'i cho ga ston pa ni/ bar chad dris la yongs su gtsang na mkhan pos snga mar skabs dbye zhes pa yin te/rab tu 'byung bar 'dod pa zhig mkhan por gsol na/ de bsad pa la sogs pa rab tu 'byung ba la bar du gcod pa'i chos rnams med dam zhes gtan la bab par dris la yongs su gtsang na dge tshul gyi mkhan po ngas bya'o zhes khas blangs pa'am skabs dbye bar bya/ sdom pa rnams kyi [(]go rims [,]go rim [) ston pa ni/dge bsnyen dang dge tshul dang dge slong du snga ma ma zin par mi spar zhes pa yin te dge bsnyen gyi sdom pa sngar ma phog par dge tshul gyi sdom pa sngar dbog pa'am/ dge tshul gyi sdom pa ma phog par dge slong gi sdom pa 'bogs pa lta bu ni/ rim gyis tshig bzlar mi rung ba la bya/'di yang cho ga'i [(]go rims [,]go rim [)]tshul bzhin du bya bar zad kyi/[ (]na rims [,]na rim [)]spar te phog na yang / sdom pa mi 'chags zhes bya ba med de/ de ltar mngon pa ni/ btsun pa khyim pa las rab tu byung nas bsnyen par rdzogs na bsnyen par rdzogs pa zhes bgyi 'am/ bsnyen par ma rdzogs pa zhes bgyi zhes zhus pa dang /u pA li de ni bsnyen par rdzogs mod kyi/ rdzogs par byed pa rnams 'das pa dang bcas pa'o zhes gsungs pa yin no/ /thog mar dkon mchog gsum la skyabs su song nas/ de'i rjes la sdom pa blang bar bya ba ni/ skyabs su 'gro bar khas len pa'i tshig brtsams nas/dge bsnyen dang dge tshul du khas len pa'i tshig bya zhes pa yin te/ de la skyabs zhes pa ni lam dang thar par chud pa'i gzhi dkon mchog gsum yin pas na/ de gsum la skyabs su btsal bar bya ba'o/ /'gro zhes pa ni de dag la skyabs btsal ba ste/ khas len ches pa nyid do// de'i 'og tu dge bsnyen dang / /dge tshul du khas blang pa'i tshig dbyung bar bya ste/ btsun pa gson cig bdag ming 'di zhes bgyi ba rkang gnyis kyi mchog sangs rgyas la skyabs su mchi'o zhes pa nas/ tshogs kyi mchog ces pa'i bar du smos la/ de nas btsun pas bdag dge bsnyen du zung shig pa'i tshig 'di lta bu lan gsum gyi bar du bzlas par bya'o//rab tu 'byung ba'i tshe'ang / btsun pa bdag dge tshul du zung shig ces pa'i bar du gong ma dang 'dra bar bzlas so/ /de la kha cig ni skyabs su 'gro ba lan gsum par byung bar rjes su bslab la dge bsnyen du zung shig pa'am/ dge tshul du zung shig pa tha mar lan cig brjod pas chog go zhes kyang 'chad mod kyi de ni log par 'chad pa'o/ /skyabs su 'gro ba'i ched ni mya ngan las 'da' ba'i bsam pa brtan por ma gyur na/ sdom pa 'chags par mi 'gyur ba'i phyir sangs rgyas la skyabs su mchi'o zhes byas pas ni/ lam ston pa la brtan par gyur/ chos la skyabs su mchi'o zhes bya bas ni/ chos kyi mchog mya ngan las 'das pa la brtan par gyur/ dge 'dun la skyabs su mchi'o zhes bya bas ni grogs btsal bar gyur pas na/ mya ngan las 'das pa'i bsam pa brtan par gyur pa yin te//de ltar na skyabs su song ba'i mthus sdom pa 'thob bo/ /de la kha cig na re 'o na lta bsnyen par rdzogs pa'i tshe'ang / skyabs su 'gro ba 'ang ci'i phyir mi smos/ lan la/ de ni bsnyen par rdzogs zhes pa'i tshig nyid kyis mya ngan las 'da' ba'i bsam pa brtan par byas par mngon te/'tshe ba thams cad dang bral ba'i ngo bo nyid ni rdzogs zhes pa yin te/ mya ngan las 'da' ba'i ngo bo nyid kyang de yin pas na/ gang de dang nye ba ni bsnyen pa yin no/ /de lta bas na bsnyen par rdzogs zhes pa nyid kyis rnam pa thams cad dang ldan par brtan pa yin no/ /de lta ste gang sdom pa nod pa des tshul 'di bzhin du nod par bya'i/gang 'bogs pa des sbyin pa dang / nod pa des blang ba'i tshul du bya ba ni ma yin te/ 'bogs pas kyang pa'i phyir zlos su gzhug par zad/ sdom pa 'thob pa nyid ni nyid kyi sems la rag las so/ /dge bsnyen dang dge tshul du de ltar khas len du bcug nas/de'i 'og tu ci bya zhe na de'i 'og tu khas len pa'i tshul gyis bslab pa brjod do zhes pa yin te/ dge bsnyen dang dge tshul du khas blangs ba'i 'og tu 'phags pa dgra bcom pa rnams kyis nam 'tsho'i bar du srog gcod pa las log pa ji lta ba bzhin du/ bdag ming 'di zhes bgyi bas nam 'tsho'i bar du srog gcod pa spangs te/srog gcod pa las ldog go zhes pa nas bag med pa'i gnas myos par 'gyur ba'i khu ba chang 'thung ba las ldog go zhes pa'i bar du dge bsnyen gyi bslab pa lnga mi bya'o zhes dgag pa'i tshul du khas blang ba ma yin mi ldog go zhes brjod par bya ba dang / srog gcod pa las ldog go zhes pa nas/gser dngul bdag gir byed pa las ldog go zhes pa'i bar du/ dge tshul gyi sdom pa bcu gong ma bzhin du brjod par bya'o/ /dge bsnyen du sus bya/ dge bsnyen du gyur nas ci dang ci bya zhe na/ nyid kyis dge bsnyen du bsgrubs te dge 'dun la 'dri ba'i dge slong la gtod cig ces pa yin te/dge bsnyen gyi sdom pa de'i mkhan po nyid kyis phog la/ de nas dge 'dun la zhu ba'i dge slong la/ 'di rab tu byung bar gsol na/ dge 'dun dang dam ma dad zhus shig ces de la gtad dam bcol bar bya'o/ /zhu ba'i dge slong des ji ltar bya zhe na/ ci yongs su gtsang ngam zhes dris la gtsang na zhu'o zhes pa yin te/ zhu ba'i dge slong des slar de'i mkhan po nyid la bar chad med dam zhes smras la med yang dag ces zer na gdod/ btsun pa'i dge 'dun gson cig / rab tu 'byung bar 'tshal ba ming 'di zhes bgyi ba gos dkar po 'tshal ba zhes pa la sogs pa'i sngags kyi tshig brjod de dge 'dun la zhu bar bya'o//dge 'dun ji ltar bzhugs pa la zhu bar bya zhe na/ thams cad 'dus pa'am gnas gnas na 'khod pa la'o zhes pa yin te/ dge slong des zhu bar bya ba ni/ dge 'dun zad par 'dus te/ 'khod pa'am/ gnas gnas na 'khod pa'i dge 'dun mtshams gcig na gnas pa thams cad la zhu/gang na zhus pa des bya ba'i cho gar bstan pa ni/ des te yongs su gtsang na'o zhes thams cad kyis smros shig ces pa yin te/ 'di la bar chad kyi chos rnams med na rung ngo zhes dge 'dun kun gyis lan sbyin pa la bya/ zhus zin nas rab tu 'byung bar 'dod pa des ci bya zhe na mkhan por gsol zhes pa yin te/ dge 'dun la zhus zin nas/ rab tu 'byung bar 'dod pa des/ btsun pa dgongs shig/ bdag ming 'di zhes bgyi ba/ btsun pa la mkhan por gsol zhes pa la sogs pa'i snyad kyis lan gsum du mkhan por gsol zhes/mkhan pos rab tu 'byung bar 'dod pa/ pud ma gtogs pa skra dang kha spu bregs zhes pa yin te/ rma ba'i phyir pud bzhag khan pos skra dang kha spu bregs/ gal te 'dreg mkhan nam gzhan gyis bregs na'ang rung / pud bzhag pa de nam breg ce na/ pud breg gam zhes dris la/ btub na de yang ngo shes pa yin te/ rab tu 'byung bar 'dod pa de la ril gyis ma bregs te/ pud gzhag pas na da rung rab tu byung ba ni ma yin na/ rab tu 'byung bar nges sam ma nges zhes smras la/ de nem nur du med de nges na/ pud de 'ang breg par bya'o/ /rab tu 'byung bar 'dod pa des skra dang kha spu de ltar bregs nas khrus byas zhes pa yin te/yul grang dro'i rkyen du chu'ang grang dror sbyar te/ bkru ba la bya'o/ /khrus byas pa'i 'og du mkhan pos chos gos ngur smrig sbyin zhes pa yin te/ rab tu 'byung ba la 'os pa'i tshon gyis bsgyur ba'i gos mkhan pos de la sbyin par bya'o//rab tu 'byung bar 'dod pa des/ mkhan po'i rkang pa la phyag byas te blang zhes pa yin no/ /de nas mkhan pos bskon zhes pa'o/ /rab tu 'byung bar 'dod pa la mkhan pos bskon pa'i tshe/ ma tshor bar mtshan brtag ces pa yin te/ za ma dang ma ning dang mtshan gnyis dang /mtshan med pa'i skyon bsal ba'i phyir / ma tshor zhes pa ni ched du gcer phyung la bya ba ma yin gyi/ ci nas kyang mi 'phrig par bya'o/ /brtag pa'ang bskon pa'i tshe nyi tshe na ma yin gyi/ mkhan po snga mar skabs phye ba tshun chad 'di phan chad skabs gar yang rung / mkhan po'am des yid brten pa'i dge slong gang gis brtags kyang rung /za ma la sogs pa'i skyon med par rtogs nas skyabs su 'gro ba ji tsam na rab tu dbyung zhes pa yin te/ rab tu 'byung bar 'dod pa des mkhan po dgongs shig / bdag ming 'di zhes bya ba rkang gnyis kyi mchog sangs rgyas la skyabs su mchi'o zhes pa nas/tshogs kyi mchog ces pa'i bar du brjod la/ bcom ldan 'das shAkya thub pa de zhes pa nas/ khyim pa'i mtshan ma spangs te rab tu 'byung ba'i mtshan ma blang ngo zhes pa'i bar du sngags kyi tshig rgyud kyi rim bzhin du bya'o/ /rnam pa gzhan du'ang ston pa ni/ gsol ba'i rjes la yang ngo zhes pa yin te/'dul ba 'dzin pa kha cig gis bya ba ni rab tu 'byung ba 'grub pa'i cho ga 'di mkhan por gsol ba'i 'og tu byas la/ de nas gdod skra dang kha spu bregs pa la sogs pa byas na/ rab tu 'byung ba dang de'i mtshan ma blangs pa rim du 'bab kyi gzhan du na mtshan ma sngar blangs la rab tu 'byung ba phyis sgrub pa mi rigs so zhes kyang 'chad do//mkhan pos rab tu byung ba'i gang zag de dge tshul du sgrub pa'i dge slong la gtad ces pa yin te/ dge slong gang dge tshul gyi sdom pa 'bogs nus pa la gtad par bya'o/ /bcol ba'i dge slong des ji ltar bya zhe na/ci yongs su gtsang ngam zhes dris la gtsang na bsgrub ces pa yin te/ gang gtod pa de la 'di la bar chad kyi chos rnams med dam zhes smras la med ces zer na/ dge tshul gyi sdom pa dbog par bya'o/ /sdom pa 'bogs pa de ci yin zhe na/ de slob dpon no zhes pa yin te/ dge tshul gyi sdom pa 'bogs pa'i dge slong de dge tshul gyi slob dpon no//dper na rab tu byung bar sgrub pa'i dge slong de mkhan po yin pa bzhin no/ /slob dpon de nyi tsher zad dam zhe na/ gsang ste ston pa dang las byed pa dang gnas sbyin pa dang klog pa rnams so zhes pa yin no/ nam slob dpon du gyur ce na/ don grub na gyur pa'o zhes pa yin te/ slob dpon gong du smos pa lnga so so'i las zin pa na slob dpon du 'ang de'i tshe gyur pa la bya/ mkhan po yang de'i don grub zin nas gdod mkhan po'am zhe na/ mkhan por gsol te khas blangs na de gyur to zhes pa yin te/ dge tshul du ma gyur pa'am bsnyen par rdzogs par ma gyur gyi bar du mkhan por mi 'gyur ba ma yin gyi/mkhan por gsol te mkhan por gdams pa'am/ khas blangs pa'i tshe mkhan por gyur to/ so so'i las zin pa'i tshe slob dpon la sogs par 'gyur ro zhe na/ de'i don gang gi tshe kho na grub ce na bslab pa tha ma'i cha gsum pa grub pas so zhes pa yin te/dge tshul du grub pa'i sngags lan gsum bzlas pa tha ma'i cha gsum po'i tshe don grub par gyur to/ /de ltar bstan pa gsal bar bya ba'i phyir/ 'di lta ste/ pha rol la sgrogs pa'i tshe dge tshul du gyur pa'o zhes dpe bstan pa yin te/ dge tshul gyi sdom pa dbog pa sum gnyis ni zin sum cha gcig lus pa'i tshe/dge tshul du grub pas na sngags kyi tshig kyang btsun pa zhes smos pa'i tha mar slob dpon gyis zung shig ces smos pa yin pas na/ dpe de bzhin du slob dpon du'ang de'i tshe gyur to/ /mkhan por gyur pa'ang de bzhin nam zhe na/ 'dir tha mas mkhan po'i don to zhes pa yin te/mkhan por gsol ba'i tshe pha rol sgrogs pa gsum yod pa las sgrogs pa tha ma'i tshe mkhan por khas blangs pas/ mkhan po'i don du gyur to/ /de lta bas na sngags las kyang mkhan po khan por gsol te/ rab tu 'byung ba'am bsnyen par rdzogs par ro zhes 'byung ba yin no//gnas sbyin pa dang klog pa'i don grub pa gong ma dang mi 'dra bar bstan pa'i phyir/ gnas sbyin pa'i mtha' ni nub gcig gnas te 'dug pas so zhes pa yin te/ gnas pa'i gnas su slob dpon gyis sngo rengs shar tshun chad nub gcig gnas su gyur te 'dug na des gnas sbyin pa'i slob dpon du grub par ston pa'o//klog pa ni tshigs bcad gcig lan gsum bslab pas so zhes pa yin te/ zhal nas gsungs pa las ni gang las tshigs su bcad pa gcig bklags te mnos na klog pa'i slob dpon no zhes kyang 'byung mod kyi/yu thur pa rnams kyi gzhung las/ gang las tshigs su bcad pa gcig lan gsum du bklags na des klog pa'i slob dpon du 'gyur ro zhes 'byung bas na/ gsum pa 'di tshig che ba ltar bya ba'i phyir mdo'i dkyus su de ltar smos so/ / ji ltar bklags pas kyang slob dpon du 'gyur ram zhe na/ klog par bsam pa ma yin pas brjod na bklags pa ma yin no zhes pa yin te/ sngon bklags pa yang ma yin la de la bslab pa'i phyir ched du klog pa ni klog pa zhes bya'i/ kha don brjed pa dang som nyi dri ba lta bu la sogs pa'i phyir/'ga' zhig la 'dri zhing klog pa/ klog pa ma yin par ston pa'o/ /slob dpon dang mkhan por nam gyi tshe na gyur pa dang / ji lta bur 'gyur ba ni gong ma ltar bstan nas/ de dag gi ming ji skad 'bod pa ston pa ni/ de dag la nye ba'i tshig las gzhan du ma yin zhes pa la sogs pa ste/mkhan po la'ang mkhan po zhes bya'i/ gnas brtan nam tshe dang ldan pa zhes mi bya ste/ slob dpon la'ang de dang 'dra'o/ /de skad gzhan yin zhes pa ni/ dge slong gzhan mkhan po dang slob dpon ma yin pa la/ mkhan po'am slob dpon zhes mi 'bod pa'o//gong du bshad pa ltar na mkhan po la mkhan po zhes nye ba'i tshig ni nyi tsher go bas na/ 'bod pa der ma zad pa'i khyad par ston pa'i phyir/ don gyi slad nas mtshan nas smos te/ zhes pa ma brjod par mkhan po'i mtshan nas mi smos zhes pa yin te/ mkhan po la rje sa bya ba'i phyir de'i ming nas mi brjod du mi rung ba zhig tu gyur na'ang / brjod du mi bra ba skad du bya ba'i tshul 'di ltar bya'o/ /dge tshul grub pa'i cho ga zhes pa ni 'di yan chad dge tshul ji ltar 'grub pa'i cho ga bshad zin par ston pa'o// // dge tshul gyi cho ga bstan nas/bsnyen par rdzogs pa'i cho ga de ston pa ni/ bsnyen par rdzogs pa ni dge 'dun las so zhes pa yin te / rab tu 'byung ba dang dge tshul gyi sdom pa gang zag las 'thob pa lta bu ma yin par ston pa'o/ /bsnyen par rdzogs pa'i cho ga ji ltar bya zhe na/ mkhan por mngon sum du gyur nas las byed pa dang /gsang ste ston pa dge slong las bsgo zhes pa yin te/ bdag khan por gsol te/ de'i mkhan por 'gyur bar mngon na snga nas las byed pa dang / gsang ste ston pa khyed kyis byos shig ces gang 'os pa la bsgo bar bya'o/ /de'i 'og tu ci bya zhe na/ mkhan por gsol zhes pa yin te/ dge 'dun gyi nang du des mkhan por gsol ba gdab po/ /gsol ba'i 'og tu mkhan pos ci bya zhe na/ de nyid gyis chos gos gsum byin gyis rlob tu gzhug ces pa yin te/ chos gos gsum mkhan po nyid kyis byin gyis rlob tu gzhug pa'o//de la nyid cas pa ni skra dang kha spu breg ba dang / mtshan brtag pa lta bu mkhan pos byos shig ces 'byung mod kyi/ yid brtan pa gzhan gyis byas na'ang mi rung ba med kyi/ chos gos gsum byin gyis brlab pa 'di ni mkhan po nyid kyis lag dar te bya dgos par ston pa'o//bskon pa 'di nas gsal bar mi smos kyis kyang bsgo ba'i phyir byin gyis rlob pa na/ byin gyis brlabs zin nas bskon pa ni zhar la rig par bya'o/ /byin gyis brlab pa chos gos nyi tsher ma zad pa ni/ lhung bzed mi che'am/ mi chung ngam mi skya'am zhes dge 'dun la nye bar bstan zhes pa yin te/'di gsum las gang yang rung ste/ nyes pa yod na byin gyis brlab pa'i sngags mi 'chags pa'i phyir dge 'dun la mthar gyis spyan sngar brim ba'o/ /lhung bzed bstan nas dge 'dun gyis bya ba ni/ de lta ma yin na lhung bzed bzang ngo zhes thams cad kyis brjod ces pa yin no// gong ma'i skyon gsum lta bu med na 'dus pa thams cad kyis brjod par bya'o/ /de skad brjod pa'i 'og tu ci bya zhe na/ spags nas las byed pas su zhes brjod nas/ gsang ste ston pa mos par bya/ dge 'dun gyis 'di gnang bar bya zhes pa yin te/bsnyen par rdzogs par 'dod pa des/ dge 'dun 'dus pa'i dkyil 'khor las/ mthong ba'i lam du spags pa la sogs pa las kun smra ba las 'byung ba bzhin du byas la/ de nas las byed par bskos pa'i dge slong gis dge 'dun gyi nang du bsnyen par rdzogs par 'dod pa ming 'di zhes bya ba'i mkhan po ming 'di zhes bya bas gsang ste ston par bskos pa su zhes smras la/gang bskos pa de bdag lags zhes par khas len du gzhug / des khas blangs pa dang / mkhan po ming 'di zhes bya ba las bsnyen par rdzogs par 'dod pa ming 'di zhes bya ba'i gsang ste ston par khyod mos sam zhes smras la/de na re bdag mos so zhes zer ba dang / gsol ba'i las kyis de gsang ste ston par dge 'dun gyis gnang bar bya'o/ /dge 'dun gyis gsang ste ston par gnang ba dang / des ji ltar bya zhe na khyod nyon cig ces gsang ste bsgo'o zhes pa yin te/ bsnyen par rdzogs par 'dod pa de la gsang ste ston pas/lkog tu tshe dang ldan pa khyod nyon cig / deng khyod kyi bden pa'i dus kyis ci smra ba rnams yod pa'ang yod ces smros shig / med pa'ang med ces smros shig / ces pa la sogs pa ci smra ba'i sngags rnams nyon cig ces pa'i tshig gis ston pa'o/ /gsang ste smras nas bsnyen par rdzogs par 'dod pa de la bsgo ba dang dge 'dun la zhu ba ni/ma bos kyi bar du ma 'ong bar sdod cig ces bsgo/ smras na yongs su gtsang ba dge 'dun la bsnyad/ ci mchi zhig gam zhes 'ong bar zhu zhes pa yin te/ gsang ste ston pas bsnyen par rdzogs par 'dod pa lam bos kyi bar du sdod cig ces bsgo ba dang /dge 'dun la btsun pa'i dge 'dun gson cig / bdag gis smras na zhes pa la sogs pa sngags kyi tshig rnams bsnyad pa'i rjes la 'ong ba'i phyir ci mchi zhig gam zhes zhu bar bya ba rnams ston pa'o/ /de ltar zhus nas dge 'dun rnams kyis de ste yongs su gtsang na'o zhes thams cad kyis brjod ces smra bar bya'o//bsnyen par rdzogs par 'dod pa dge 'dun gyis gnang ste/ dge 'dun gyi nang du 'ongs nas las byed pas ji ltar bya zhe na/ las byed pas bsnyen par rdzogs par gsol du gzhug ces pa yin te/ btsun pa'i dge 'dun gson cig / bdag ming 'di zhes bgyi ba dge 'dun las bsnyen par rdzogs par gsol zhes pa la sogs pa'i sngags kyi tshig rnams las byed pas de lan gsum gyi bar du zlos su gzhug go//gsol nas dge 'dun shes par byas te bar chad kyi chos dri ba ni/ dge 'dun shes par byas te bar chad dri zhes pa yin te/ dge 'dun gyi nang du yang bar chad lan cig dri ba'i phyir las byed pas dge 'dun la gsol ba'i las byas la bar chad dri bar bya'o//bar chad kyi chos dris nas ci bya zhe na/ bsnyen par rdzogs pa bsgrub par bya zhes pa yin te/ las byed pas gsol ba dang bzhi'i las kyis bsnyen par rdzogs pa'i sdom pa dbog par bya'o//bsnyen par rdzogs ma thag tu ci bya zhe na/ de ma thag tu grib ma bcal te bsgo zhes pa yin te/ de ma thag tu dge slong gang yang rung ba zhig gis grib ma bcal la bsnyen par rdzogs pa'i grib tshod 'di'o zhes de la bsgo bar bya ba'o / /grib ma cis bcal zhe na de ni shing bu sor bzhi pa na dge 'o zhes pa yin te/gom pa la sogs pa gzhan gyis bcal ba thob pa'i phyir grib tshod shing bu sor bzhi pas bcal na sla bar ston pa'o/ /de la ji skad du gdags pa bsgrags pa'i phyir/ 'di la skyes bur gdags zhes pa yin te/ shing bu sor bzhi zhing skyes bur gdags pa'o/ /grib tshod nyi tshe bsgo bar ma zad pas na da snga dro la sogs pa nyin mtshan gyi yang ngo zhes pa yin te/nyin par bsnyen par rdzogs na yang snga dro la sogs pa'i nyi tshod dang / mtshan mo bsnyen par rdzogs na yang srod la sogs pa'i thun grangs bsgo bar bya'o/ /bsgo bar bya ba gzhan yang yod pa ni dus kyang ngo zhes pa yin no/ / dus la grangs du yod ce na/ de ni lnga'o zhes pa yin no/ /de gang zhe na/ dgun dang dpyid dang dbyar dang shi ba'i dbyar dang ring ba'i dbyar ro zhes pa yin te/ de la shi ba'i dbyar ni yun thung ba'i phyir ro/ /ring ba'i dbyar ni yun ring ba'i dbyar ro/ /de dag gi tshad ni dang po'i gnyis la zla ba bzhi zhes pa yin te/ ston zla tha chungs tshes bcu drug nas bzung ste/ zla ba bzhi ni dgun/ de'i rim bzhin du yang zla ba bzhi ni dpyid do/ /gzhan zla ba gcig ces pa yin te/ de'i 'og tu zla ba gcig dbyar yin par ston pa'o/ /de las gzhan zhes pa ni gong ma las ma gtogs pa'i phyir ro/ /de'i 'og tu nyin zhag ces pa yin te/nyin zhag gcig ni shi ba'i dbyar ro/ /tha ma ni des nyung ba'i zla ba gsum mo zhes pa yin te/ zla ba gsum du gong ma'i nyin zhag gcig gis mtshang ba ni/ tha ma'i ring ba'i dbyar yin bar ston pa'o/ /dus de ltar bsgo ba'i 'og tu gnas bsgo zhes pa yin te/ las [(]byad [,]byed [)] pas bsnyen par rdzogs pa de la tshangs par spyod pa'i gnas btsal sla la/rung ba phyag dar khrod dang bsod snyoms dang shing drung bkus te bor ba'i rnams yin te/ lhag par rnyed na zhes pa nas/ de la yang ran par ni spyad do zhes pa'i bar du bsgo bar bya'o/ /de nas yang / ltung ba'i chos rnams so zhes pa yin te/mi tshangs par spyod pa la sogs pa'i chos bzhi dge slong gi ngo bo las ltung bas na ltung ba zhes te / chos 'di bzhi de'i 'og tu bsngo bar bya ba'o/ /de'i 'og tu dge sbyong du byed pa rnams kyang ngo zhes pa yin te/ khros kyang slar mi khro/ gshe yang slang mi gshe/ brdegs kyang slar mi brdeg /dpyas kyang slar mi dpya ba bzhis gzhan la mi gnod pas na dge sbyong du byed pa yin te/ 'di bzhi yang bsgo bar bya'o/ /de ltar ci mngon zhe na/ rab tu byung ba gzhan la gnod pa ni/ gzhan la 'tshe bas dge sbyong ma yin no/ /zhes gsungs pa yin no/ /de nas yang gzhan ci bya zhe na/ shin tu re ba yang dag par rdzogs pa dang khrims mnyam par gyur pas mgu bar bsnyad cing bsgo zhes pa yin te/khyod yun ring mo zhig nas rab tu 'byung ba dang / bsnyen par rdzogs par nam gyur snyam du re zhing sems deng du mkhan po dang ldan pa dang / slob dpon dang ldan pa dang / tshogs pa dang ldan pa dang /cho ga yang dag pas yang dag par rdzogs par gyur to zhes bsgo ba dang / bsnyen par rdzogs nas lo brgya lon pa dang / khyod bsnyen par rdzogs pa gnyis bslab pa 'dra bas na mtshungs snyam mo zhes gzengs bstod cing de lta bas na bslab pa la gnas par sgrubs shig ces bsgo bar bya'o/ /gzhan yang bsgo bar bya ba ni/'jig rten pa 'brel pa'i gzugs brnyan no zhes pa yin te/ 'jig rten pa dang bur 'brel pa bzhin du/ deng phan chad mkhan po yang khyod la bur sems/ khyod kyis kyang phar soms shig ces ba la sogs pa de yid rton du gzhug pa'i phyir bsgo'o/ /de'i 'og tu dul bar gnas pa yang ngo zhes pa yin te/de phan chad rgan rabs dang gzhon rabs yan chad la rjes skyed cing bkur ba dang / 'dzem pa'i dbang du spyod pa la sogs pa ci nas kyang dul bar gnas par gyis shig ces bsgo bar bya'o / /dgos pa la nan tan pa yang ngo zhes pa ste/ deng phan chad khyod lung nod pa dang / klag pa dang gdon pa la sogs pa la brtson bar gyis shig ces gsungs pa yin te/rab tu byung ba'i dgongs ba 'di rnams la/ ci nas kyang 'du zhing brtson bar gyis shig ces bsgo bar bya'o/ / yang dag par mnos lam bshad pa yang / shes shing 'grub par 'gyur ba bsgo zhes pa yang yin te/ lhag ma la sogs pa'ang bsnyen par rdzogs pa'i tshe/mnos pa'i khongs su ni gtogs pa las ngas che long tsam zhig bstan gyi/ lhag ma gzhan rnams khyod kyi mkhan po dang slob dpon ston to zhes kyang bsgo bar bya ba'o/ /gus pa bsgo zhes pa yang yin te/ /shes rab dam pa'i bstan pa la/ /bsnyen par rdzogs par gyur pa ni//khom pa rnyed par dka' bas na/ /'di la bla khyad mi bya'o/ /yang dag rdzogs pas rab tu mkhyen/ /bden pa'i mtshan gyis gsungs pa yi/ /mdzes pa dag ni rab tu byung / /yongs su dag pa bsnyen par rdzogs/ /zhes gsungs pas na/ tshigs bcad 'di gnyis kyis gus par gyis shig ces bsgo par bya ba'o/thabs dang bcas pas bsnyad de bsgrub pa'o zhes pa yin te bag yod pas dge sbyong gi 'bras bu la sogs pa sgrubs shig ces thabs dang bcas par bsnyad de/ sgrubs shig par bsgo'i/ dge sbyong gi 'bras bu la sogs pa sgrubs shig ces/ thabs sam rgyu med par bsgo ba ma yin pa'o/ /bsnyen par rdzogs pas dang por phyag gsum bya ba la sogs pa ni las kyi dngos po las rgyas par 'byung bas na 'dir ma smras so/ /bsnyen par rdzogs pa'i cho ga'o// //rab tu 'byung ba dang bsnyen par rdzogs pas rang nyams byar med pas na gnas zhus par gnas pas bya ba mi bya zhes pa yin te/de la gnas ni mkhan po'am slob dpon no/ /gnas pa zhes pa ni slob ma'am nye gnas so/ /bya ba zhes pa ni klag pa dang kha ton dang lhung bzed dang chos gos kyi bya ba la sogs pa'o/ /bya ba'i cho ga thams cad ma zhus par mi bya'am zhe na/bshang gci dang so shing bca' ba dang / gtsug lag khang gi nyen kor dang bcas pa'i mchod rten la phyag bya ba dang / gtsug lag khang nas 'dom bzhi bcu rtsa dgu'i bar du 'gro ba rnams ma gtogs so zhes pa yin te/ 'dom bzhi bcu rtsa dgur 'gro ba yang don gnyer ba ni dri dgos so//bya ba la'ang rnam pa gnyis te/ brtsam pa cher bya ba dang chung ba'o/ /de la brtsam pa chung ba ni nad dri ba dang bre mo'i gtam dang / gos sprug brdab bya ba dang rdul phyi ba la sogs pa yin te/ 'di dag kyang dris na dpyas su 'gyur ba'i phyir dri mi dgos so/ /gnas pas ji ltar bya ba ni/lhung bzed dang chos gos kyi las dang / nad g.yog dang / 'gyod pa bstsal ba dang / sdig pa'i lta bar gyur pa las slar log pa rnams/ e ma bdag gis bya ba'am byed du gzhug ces shin tu brtson par bya'o zhes pa yin te/ de la 'gyod pa bstsal ba ni des nyes byas la sogs pa bslab pa las 'das pa zhig byas na 'chags pa la sogs pa gnyen po la brten du gzhug pa'o//sdig pa'i lta bar gyur pa ni bcom ldan 'das kyis bar du gcod pa'i chos su gsungs pa rnams bar du gcod par mi 'gyur ro zhes par lta ba la sogs pa'o/ /gnas pas bya ba der zad dam zhe na/dge 'dun chad pas gcod par 'dod na e ma 'di la dge 'dun gyis ji ltar chad pas mi chod par bya zhes so zhes pa yin te / mkhan po'am gnas de nas bkar ba la sogs pa'i chad pas gcod par rtsom na/ bdag gis ci nas kyang chad pas mi chod par bya ba'o/ / chad pas chod pa zhig tu gyur na ji ltar bya zhe na/ chod na 'bral bar ro zhes pa yin te/ de chad pas chod pa zhig tu gyur na/ de las ci phyin pa'am chad pa de myur du bral bar grogs bya ba'o/ /gnas pas bya ba gzhan yang yod pa 'di/ chad pa dang rtsa ba'i chad pa dang mgu ba dang rtsa ba'i mgu ba dang dbyung bar 'dod na/mnod pa dang 'bral bar ro zhes pa yin te/ /mkhan po 'am gnas la lhag ma bcabs pa'i nyes pa yod na/ chad pa la sogs pa dge 'dun las myur du gnod pa dang myur du 'bral bar bstang zhing grogs bya ba'o/ /gnas pa'i cho ga de ltar bstan nas/ gnas kyi bya ba bstan pa'i phyir//des kyang dri ba ma gtogs kyi/ /'di dag de la bya zhes pa yin te/ gnas kyis kyang zhu bar mi byar zad kyi/ lhung bzed dang chos gos kyi las la sogs pa gong du smos pa bzhin du bstang zhing grogs bya ba'o/ /gnas pa zhus par gnas pas bya ba mi bya zhes pa de bsnyen par rdzogs nas ji srid lon nas gnas bya zhe na/bsnyen par rdzogs nas lo bcu ma lon pas mkhan po dang gnas dang mi gnas par 'dug par mi bya zhes pa yin no/ /lo bcu lon pa kun gyis rnam pa 'di gsum byar rung ngam zhe na/ phrugs 'og nas 'byung ba gang dang yang mi ldan pas ma yin no zhes pa ste/ lo bcu lon du zin kyang lnga phrugs 'og nas 'byung ba'i nang nas gang dang yang mi ldan na gong du smos pa gsum byar mi rung /lnga phrugs de dag gang zhe na/ nad g.yog dang the tshom sel ba dang / sdig pa'i lta bar gyur pa ldog pa dang / mi dga' ba'i gnas btang ba rnams bya ba'am byed du gzhug nus pa'o zhes pa yin te/ming gis smos pa 'di bzhi bdag gis byed nus kyang rung / pha rol la 'chol nus kyang rung ba'o/ /de la nad g.yog ces pas ni sdug bsngal bzod pa dang snying rje dang ldan par ston pa'o/ / the tshom sel zhes pas ni 'dul ba khas par ston to/ /lta bar song ba las bzlog ces pas ni chos mngon ba khas par ston to//mi dga' ba'i gnas nas gtong zhes pas ni bsam pa shes par ston to/ /byed du gzhug nus zhes 'byung ba yang / bdag gis byed mi nus par ston pa ma yin te/ de yang ci phyir zhe na/ yan lag gi mchog 'dul ba khas pa yin pa las/ 'dul ba la mi mkhas pas the tshom sel mi nus pa'i phyir ro/ /'o na bya ba dang byed du gzhug ces pa ci smos she na/ la la gang gis 'dul la la gang gis 'dul bas na/ bdag gis mi shes pa'i phyir/ pha rol la bcol ba ma yin gyi/ bdag pas gzhan gyis bstan na/ /de 'dul bar 'gyur ba'i phyir ro//lnga phrugs 'og ma ma tshang ba rnams bskang ba'i phyir sbyor ba'i mdo ston pa ni/ slob ches pa yan chad sngar med pa la/ tshul khrims dang ldan pa dang / mang du thos pa dang sbyor zhes pa yin te/ slob ches pa'i tshig 'og nas 'byung ba yan chad lnga phrugs su ma tshang ba rnams 'di gnyis dang sbyar bar ston pa'o//de la tshul khrims dang ldan pa ni phas pham pa ma byung ba tsam la mi bya'i/ bslab pa phran tshegs yan chad la sdom par 'jig rten pa kun gyis brtsi ba'o/ /mang du thos zhes pa ni/ sde snod gsum zhes pa gang nas 'byung ba de'i tshe phyi'i gtsug lag thos par drang ngo /sde snod mngon bar shes pa'i zhes pa ni/ sde snod gsum la 'dzin pa dang / mkhas pa dang rig pa dang / gsal ba zhes gzhung las 'byung ba/ slob dpon gyis 'dir sde snod shes par bsdus pas na ming gis smos pa bzhi po de dag re re zhing / tshul khrims dang ldan pa dang /mang du thos pas bskang ste/ spyir lnga phrugs bzhi yod par rig par bya'o/ /de la 'dzin zhes pa ni mi brjed pa'o/ /mkhas zhes pa ni sde snod gsum gyi chos 'dren mar 'dug pa so sor phye ba'o/ /rig ces pa ni sde snod gsum gzhung dang rigs pas rtogs pa'o/ / gsal zhes pa ni de ltar rtogs pa gzhan la rgyas par ston nus pa'o/ /de dag ston nus pa'o zhes pa ni/ sde snod de gsum gzhan gyis don go bar ston nus pa'i steng du tshul khrims dang ldan pa dang / mang du thos pas bsnan te/ lnga phrugs gcig tu ston pa'o/ /lhag pa'i tshul khrims dang /sems dang / shes rab la slob pa'o zhes pa ni/ 'di gsum gyi steng du gnyis kyis bsnan te/ lnga phrugs gcig tu ston pa'o/ /de la tshul khrims zhes pa ni tshul khrims thams cad de 'dul ba'o/ /sems zhes pa ni bsam gtan bzhi'o/ /shes rab ces pa ni zag pa med pa'i lam mo//slob nus pa yang ngo zhes pa ni gong du smos pa gsum gzhan la ston nus pa'i steng du gong ma gnyis bsnan te/ lnga phrugs gcig tu ston pa'o/ /spyod pa dang 'dul ba dang so sor thar pa yang de bzhin zhes pa ni/ 'di gsum gyi steng du gnyis kyis bsnan te/ lnga gong ma bzhin du nyid slob pa dang /gzhan slob nus pas phye ste/ lnga phrugs gnyis su ston pa'o/ /de la spyod pa zhes pa ni/ gos tshags dang bsod snyoms yan chad dge slong gi spyad pa'i cho ga la bya/ 'dul ba dang so so thar zhes pa ni/ rnam par 'byed pa la sogs pa dang so so thar pa nyid do//dad pa tshul khrims thos pa/ gtong ba/ shes pa rnams dang ldan pa'o zhes pa ni dkon mchog gsum la dang ba'i dad pa dang / rang bzhin dang bcas pa'i kha na ma tho spong ba tshul khrims dang / 'dul bar gtogs pa la sogs pa go ba'i thos pa dang / 'dod zhen med pa'i ngo bo gtong ba dang /chos rnams rtogs pa'i shes rab 'di lnga dang ldan pa lnga phrugs gcig tu ston pa'o/ /tshul khrims dang / ting nge 'dzin dang / shes rab dang / rnam par grol ba dang / de shes pa mthong ba rnams so zhes pa ni/ ming gis smos pa 'di lnga lnga phrugs gcig tu ston pa'o/ / de la tshul khrims zhes pa ni 'dul ba shes pa'o/ /ting nge 'dzin zhes pa ni sems rtse gcig pa'o/ /shes rab ni gong du bshad pa dang 'dra/ rnam par grol ba zhes pa ni mi slob pa'i rnam par grol ba'o/ /de shes pa ni zad pa dang mi skye ba'i shes pa'o/ /mthong zhes pa ni mi slob pa'i lta ba'o//brtson 'grus brtsams pa dang shes rab dang ldan bar sbyor ba yang ngo zhes pa ni/ 'og ma'i mdo gsum dang sbyor bar ston pa'o/ /dran pa dang ldan pa'o zhes pa ni dran pa dang ldan pa'i steng du/ brtson 'grus brtsams pa dang / shes rab dang ldan pa dang / gong ma gnyis kyis bsnan te lnga lnga phrugs gcig tu ston pa'o//dben pa yang ngo zhes pa ni 'du 'dzi med pa ste/ 'di'i steng du gong ma bzhis bsnan te/ phrugs gcig tu ston pa snga ma dang 'dra'o/ /mnyam par gzhag pa'o zhes pa ni sems mi g.yeng bar khugs shing zhi pa nyid de/ 'di yang gong ma dang 'dra bar lnga phrugs gcig tu ston to//slob pa yang ngo zhes pa ni zag pa med pa'i lam gyis nyon mongs pa spong bar slob pas na slob pa zhes bya ste/ slob pa'i tshul khrims dang ting nge 'dzin dang / shes rab dang / rnam par grol ba dang / de shes pa mthong ba'i phung po rnams dang ldan pa/ lnga phrugs gcig tu ston pa'o/ / de la rnam par grol ba zhes pa ni slob pa'i lhag par mos pa'o/ /shes pa zhes pa ni chos shes pa la sogs pa'o/ /mthong zhes pa ni chos shes par bzod ba la sogs pa'i shes rab bo/ /mi slob pa yang ngo zhes pa ni dgra bcom pa ste/ de'i tshul khrims la sogs pa lnga dang ldan pa lnga phrugs gcig tu ston pa'o//byung ba dang / bcas pa dang / rjes su bcas pa dang / dgag pa dang / gnang ba rnams mngon par shes pa'o zhes pa ni rnam pa 'di lnga lnga phrugs gcig tu ston to/ /de la byung ba zhes pa ni/ bslab pa bcas pa'i gleng gzhi'i khungs so//bcas pa zhes pa ni bslab pa rnam par gzhag pa'o/ /rjes su bcas pa zhes pa ni rnam pa gnyis te/ sngon gnang ba las de'i yan lag tu bcas pa dang / sngon bkag pa las phyis gnang ba'o/ /dper na sngar lham 'chang ngu gnang ba las/ krig krig zer ba dang / tsid tsid zer ba dang / dregs pa skye bar 'gyur ba rnams mi snang bar bcas pa lta bu dang / dus ma yin pa'i zas sngar bkag ste ma gnang ba las phyis nad kyi rkyen gyis gnang ba lta bu la sogs pa'o/ /bkag ces pa ni chang lta bu nad kyi rkyen gyi phyir yang ma gnang ste ye bkag pa'o/ / gnang ba zhes pa ni phas kyi smra ba tshar bcad pa'i phyir phyi'i gtsug lag slobs shig pa lta bu bslabs kyang rung ma bslabs kyang rung nyes pa med pa'o/ /bar du gcod pa dang bar du mi gcod pa shes pa dang / bshad pa dang / rjes su ston pa'o zhes pa ni bar du gcod pa dang / mi gcod pa shes pa dang /de nyid gzhan la 'chad nus pa dang mi bya ba las bzlog cing bya ba la 'dzud par ston pa bzhi 'og nas 'byung ba dang sbyor bar ston pa'o/ /gnas dang nye bar gnas pa 'chol nus pa dang sbyar zhes pa ni/ bdag don ched kyi phyir gud du 'gro na bdag la gnas pa gzhan la gnas par 'chol ba'i mthu yod pa'i steng du gong ma bzhis bsnan te/lnga phrugs gcig tu ston pa dang / bdag chad pa la sogs pa'i las byed pa'i tshe/ bdag la gnas pa pha rol la re zhig gnas par 'chol ba'i mthu yod pa'i steng du gong ma bzhis bsnan te lnga phrugs gcig tu ston pa'o/ /ltung ba dang /mi ltung ba dang / lci ba dang / yang ba shes pa dang / so sor thar pa rgyas par thon pa'o zhes pa ni ming gis smos pa 'di lnga dang ldan pa lnga phrugs gcig tu ston te/ de la lci yang shes pa ni sbom po byung na/ kha cig ni dge 'dun thams cad kyi mdun du bshags dgos/ kha cig ni lnga la sogs pa'i mdun du bshags pa'i lci yang shes pa'o//'dul ba thams cad ni so sor thar pa rgyas pa yin pas na/ 'dul ba kun kha ton du shes pa la bya'o/ /gtsug lag khang 'ga' zhig na bsnyen par rdzogs nas ni lo bcu lhag la lnga phrugs dang ni mi ldan te/ de las rgan zhing gnas 'char 'os pa yang med pa zhig na ji ltar bya zhe na/rgan po med na gzhon nu la gnas bca' zhes pa yin te/ gong du smos pa ltar rgan pa ni med la/ de bas gzhon pa lo bcu yang lon lnga phrugs dang yang ldan na/ rgan rabs de la gnas par bya ba'o/ /de nye gnas kyi bya ba kun bya'am zhe na/ phyag nyi tshe ma gtogs zhes pa yin no//gzhi gcig na 'khod pa gnas mi bcar mi rung ba bzhin du yul rgyu ba 'ang de dang 'dra 'am zhe na/ lo lnga lon pa phrugs tha ma dang yang ldan na gnas med par yul du rgyu ba spyod cig ces pa yin te/ so sor thar pa rgyas par thon pa la sogs pa'i lnga phrugs dang yang ldan/bsnyen par rdzogs nas kyang lo lnga lon pa zhig na gnas med kyang yul rgyu ba rung bar ston pa'o/ / phrugs tha ma dang ni ldan lo lngar ni ma lon pa zhig na gnas med par yul rgyu ba spyad du rung ngam zhe na/ gzhan ni rig pa gsum dang ldan yang ma yin zhes pa ste/ mi slob pa'i sngon gyi gnas dran pa dang /skye shi dang / zag pa med pa'i shes pa mngon du rig pa rnams yod kyang / bsnyen par rdzogs nas lo lngar ma lon na gnas med par yul rgyur mi gnang / gnas par gtogs pa'o/ /gong du bar chad kyi chos dris la yongs su gtsang na/ mkhan po snga mar skabs dbye zhes smos pa'i bar chad dri ba de ston te/de yang ma gsod pa la sogs rab tu 'byung ba la bar du gcod pa dang / rkang lag 'jas 'grum la sogs pa/ mdzes pa la bar du gcod pa dang / mu stegs kyi lta ba dang / rgyal po'i las byed ba lta bu la sogs pa re zhig bar du gcod pa rnams so/ / 'dir ni lta ba'i bar du gcod pa las glengs pas na/ rab tu 'byung bar 'ongs pa la khyod mu stegs can ma yin nam zhes dri bsnyen par rdzogs par byed pa dag gis kyang ngo zhes pa yin te/ la la rab tu 'byung bar 'ongs na/ mkhan pos khyod mu stegs can ma yin nam zhes dri/yin na rab tu 'byung ba dang bsnyen par rdzogs par mi bya/ de ltar dri ba ni bsnyen par rdzogs pa rnams kyis kyang dri dgos so/ /de la dag ces pa ni gsang ste ston pa dang / las byed pa dge 'dun gyis bskos par zad pas na/ dge 'dun gyis dri dgos pa'i phyir/ dag ces bya ba mang po'i tshig smos dgos so//mu stegs yin zhes zer ba na ji ltar bya zhe na/ shAkya dang me lha ral pa can ma gtogs par sems mgu bar ma byas pa'i mu stegs can rab tu 'byung ba dang / bsnyen par rdzogs par mi bya'o zhes pa yin te/ shAkya'i rigs kyi mu stegs can dang / ral pa can me lha rjed pa'i mu stegs can gnyis ma gtogs par/mu stegs can gzhan rab tu 'byung bar 'ongs nas dge 'dun yid ma ches kyi bar du/ rab tu 'byung ba dang bsnyen par rdzogs par mi bya'o/ /de gnyis ci'i phyir ma gtogs she na/ de gnyis las g.yo dang dkyor mi 'byung ba'i phyir ro/ / slob dpon gyis gtsug lag 'di la go sla bar bya ba'i phyir/ khrid ces pa'i snyad kyis ston pa ni/ de dag la mu stegs can dang / shAkya la sogs pa mu stegs can zhes pa'i bar du ma gtogs pa khrid ces pa yin te/ gong du mdo gnyis thal ba do gong ma'i mu stegs can zhes smos pa dang /mdo 'og ma las shAkya zhes pa nas mu stegs zhes pa'i bar du smos pa'i tshig rnams/ khrid kyi rtsis mgo gtogs par ston pa'o/ /de gnyis ci'i phyir ma gtogs she na/ mu stegs can ma yin nam zhes dri bar nyi tsher ma zad pas na/ mu stegs can ma yin nam zhes dri ba ni dngos su smos zin pa'i phyir/rtsis mgo bsgre mi dgos pa dang / shAkya dang me lha ral pa can gnyis dge 'dun rnams yid ches pa'i bar du brtag mi dgos pas na rab tu 'byung bar 'ongs pa la dri/ yin na rab tu 'byung ba dang bsnyen par rdzogs par mi bya zhes pa khrid kyis bsgre ba las ma gtogs pa'i phyir ro//sems mgu bar ma byas kyi bar du mu stegs can rab tu mi dbyung zhing bsnyen par rdzogs par mi bya zhes gong du smos pa'i mgu ba'i tshad ji tsam gyis gzung zhe na/ dkon mchog bstod pa dang / mu stegs smad pa yang dag par smras kyang ma 'khrugs na sems mgu bar byas pa'o zhes pa yin te/mu stegs can las rab tu 'byung bar 'ongs na dkon mchog gsum ni yang dag par bstod/ mu stegs kyi ston pa dang / gzhung ni yang dag par smad kyang / de mi dga' zhing sems 'khrugs pa med na mgu bar byed pa'i tshad de gzung ngo / /mu stegs can de bgam ba'i thabs ji ltar bya zhe na/de dang mi ldan pa de'i phyir 'di dge bsnyen gyis mthar byas te/ zla ba bzhir gzhag pa dge 'dun gyi las kyis gzhag ces pa yin te/ rab tu 'byung bar 'dod pa de sems mgu bar byed pa dang ldan pa ma yin na bgam pa'i phyir dge bsnyen gyi sdom pa phog la/ gsol ba dang bzhi'i las kyis zla ba bzhi'i bar du gzhag par bya ba'o//de'i zas ji ltar sus sbyin zhe na/ de'i zas ni dge 'dun las so zhes pa yin no/ /de'i gos sus sbyar zhe na/ mkhan po las ni gos zhes pa yin no/ /zas dang gos sbyar nas ji byed du gzhug ce na/ las byed du gzhug ces pa yin te/ gtsang sbyor la sogs pa gang zag gi las dge tshul gyis bya ba rnams kyang res kyis byed du gzhug /re zhig bar du gcod pa'i rnam pa bstan pa'i phyir/ rab tu dbyung ba'i phyir 'ongs na khyod lo bco lnga lon nam zhes dri zhes pa yin no/ /lo bco lnga ma lon pa zhig na ji ltar bya zhe na/ ma tshang zhing bya rog pur mi nus pa dang nus kyang lo bdun ma lon ba rab tu mi dbyung zhes pa yin te/bya rog skrod nus na/ lo bco lnga ma lon yang rab tu dbyung ba dang / lo bdun ma lon na bya rog skrod nus kyang rab tu mi dbyung ba'o/ /bsnyen par rdzogs pa du ma gnas gcig la zhu ba bzhin du/ dge tshul yang de dang 'dra 'am zhe na/ dge tshul gcig las lag par mi gzhag ces pa yin te/ dge tshul gnyis yan chad gnas gcig tu bkod na/ rtse zhing g.yeng ba'i phyir ro/ /rab tu dbyung ba 'ang gong ma bzhin nam zhe na/ lhan cig rab tu dbyung bar 'dod na/ rab tu phyung nga ba bsnyen par rdzogs par bya zhes pa yin te/ la la cig car rab tu 'byung bar 'dod na/ cig car rab tu phyung la/ gang lo mang du lon pa de bsnyen par rdzogs par spar ba'o/ /bsnyen par rdzogs par spar du lo nyi shur ma lon na ji ltar bya zhe na/ gal te ma tshang na gzhan la nye gnas su 'chol zhes pa yin no/ /bcol ba des thal byung bdag gi slob mar bya'am zhe na/des de mi dbrog ces pa yin no/ /nye gnas des slar mi ster na ji ltar bya zhe na mi ster na mthus phrogs la bsnyen par rdzogs par bya zhes pa yin te/ nye gnas slar mi ster na nan gyis kyang phrogs la bsnyen par rdzogs par bya ba'o/ /gong du khrid kyi snyed kyis go sla bar bsgre zhes pa gang zhe na/krid bran zhes pa lta bu'ang yin te/ khyod bran ma yin nam zhes bsnyen par rdzogs par byed pa dag gis kyang bsnyen par rdzogs par 'ongs pa la dri/ yin na rab tu dbyung ba dang bsnyen par rdzogs par mi bya zhes pa la sogs pa'i tshig rnams mang du smos mi dgos par khrid kyis bsgre bar bya ba'o//krid dang sbyar ba thams cad gong ma dang ngam zhe na/ khyod kyis de su la gang cung zad mang yang rung nyung yang rung gzhal ba zhes pa yin te/ khyod bran ma yin nam zhes brjod pa lta bu'i gor/ khyod kyis su la'ang mang yang rung nyung yang rung gzhal dgos pa med dam zhes rab tu 'byung bar 'ongs pa la bsnyen par byed pa dag gis kyang dri/chags nyen can rab tu dbyung ba dang / bsnyen par rdzogs par mi bya/ rab tu 'byung zhing bsnyen par rdzogs nas 'jal nus na zhes pa la sogs pa'i tshig rnams khrid bzhin du khyod kyis su bsgyur bas bsgre bar ston pa'o//pha mas ma gnang bzhin du rab tu 'byung bar 'dod na ji ltar bya ba ni/ rab tu 'byung bar 'dod pa'i pha ma 'tsho la de gnyis kyis kyang mi gtong zhing yul yang nyin zhag bdun gyi bar du gzhag ces pa yin no/ /yul ring du zin kyang dge 'dun zhus par rab tu mi dbyung zhes pa'ang yin te/ yul ring mo zhig na 'dug kyang dge 'dun kun zhus par rab tu dbyung du mi rung zin kyang zhes pa'i tshig gis ni yul nye ba yang dge 'dun gyis ma zhus par rab tu dbyung du mi rung bar ston to/ /zhag bdun gyi bar du bskyang ste/ gzhag pa'i zas sus sbyin zhe na/ rab tu dbyung bar 'dod pa'i zas ni dge 'dun gyis sbyin pa'i rigs so zhes pa yin no//yang khrid dang sbyar mar ston pa ni/ khrid khyod la pha mas gnang ngam/ yul ring ba ni ma gtogs so zhes pa yin te/ 'di yang dri ba dang ma gnang na mi dbyung / rdzogs bar mi bya ba la sogs pa gong ma dang 'dra'o/ /yul ring ba ma gtogs so/ /mjug tu zhes pa ni yul ring ba ni pha mas ma gnang ba gtogs so zhes dri ba'i mjug tu smos par bya ba'o//'ongs pa la khyod nad pa ma yin nam zhes dri'o zhes pa dang / khyod la nad cung zad kyang med dam zhes kyang ngo zhes pa gnyis gang skad kyang rung ste rab tu 'byung ba'i mkhan pos dri bar bya ba'o/ /bsnyen par rdzogs pa'i tshe'ang de skad du dri bar zad dam zhe na/bsnyen par rdzogs par byed pa dag gis ni bye brag tu'o zhes pa yin te/ bsnyen par rdzogs par byed pa'i tshe mi'i lus la lus kyis nad yod pa ni 'di lta ste/ mdze dang phol mig dang zhes pa la sogs pa nad kyi rnam pa kun bsnyen par rdzogs par byed pa dag gis rgyas par dris shig pa'o//nad pa'am nad yod pa zhig na ji ltar bya zhe na/ nad pa rab tu dbyung ba dang bsnyen par rdzogs par mi bya zhes pa yin no/ /'di dag kyang khrid nad pa zhes mi bya bar mdo bzhir smos pa ji phyir zhe na/ nad pa ma yin nam/ nad cung zad kyang med dam zhes gal gnyis su klog pa dang /nad kyi bye brag rma ba rnams krid kyis bsgrer mi rung ba'i phyir/ dngos dngos mdor bstan pa'i rkyen gyis/ nad pa rab tu mi dbyung zhes pa la sogs pa'i mdo tha ma'ang gleng bar gyur to/ /gang gis bar du khrid kyis bsgre bar bya ba bstan pa'i phyir sma phab pas bcad pa yan chad khrid ces pa yin te/sma phab pas bcad pa de mtshan ma gtong bar khas mi len na/ rab tu 'byung ba dang bsnyen bar rdzogs pa mi bya zhes mdo 'og nas 'byung ba la thug pa'i mtshams yan chad khrid ces pa'i rtsis mgos bsgre bar bya ba'o/ /gzhan yang krid dang 'dra bar sbyar ba ni 'di la skye ba'i chos med do zhes pa yang ngo zhes pa dang /'di lta bu'i mtshan ma can bskrad pa'o zhes pa can gnyis yin te/ mdo 'di gnyis kyang chad pas bcad pa'i mdo thug gi bar du sbyar bar bya ba'o/ /de la 'di lta bu zhes pa ni mi skye ba'i chos 'di lta bu mtshan ma can zhes pa ni skra dang kha spu bregs pa dang / gos ngur smrig bgos pa'i mtshan ma'o//de lta bu'i dngos nyid gang zhe na/ sprul pa zhes pa yin te/ rab tu 'byung bar 'ongs pa la/ khyod sprul pa ma yin nam zhes dri/ bsnyen par rdzogs par byed pa dag gis kyang ngo / /sprul pa yin na rab tu dbyung ba'am bsnyen par rdzogs par mi bya/'di la skye ba'i chos med cing 'di lta bu'i mtshan ma can bskrad par bya zhes 'byung ba rnams smos mi dgos pa krid kyi rtsis mgos bsgre bar bya ba'o/ /ma ning zhes pa'ang khrid la gtogs par ston pa'o/ /'di la rnam pa lnga ste zhes pa ni ma ning gi bye brag ston pa'o/ /de dag gang zhe na/ skyes nas pa dang /zla ba phyed pa dang reg nas 'byung ba dang phrag dog gis dang / dad nyams pa rnams so zhes pa yin te/ de la skyes nas ma ning pa ni pho mo gnyis ka'i mtshan yod pa'o/ /zla ba phyed kyi ma ning ni zla ba phyed phyed cing pho mos kyi 'dod chags su 'gyur ba'o/ /reg nas 'byung ba'i ma ning ni skyes pa'am bud med gzhan gyis dkyud dam bcum na gdod dbang po las su rung ba'o//phrag dog gi ma ning ni gzhan mi tshangs par spyod pa la phrag dog skyes pas dbang po las su rung ba'o/ /nyams pa'i ma ning ni nad dam mtshon gyis pho mtshan med par gyur pa'o/ /ma ning de kun bskrad par 'dra ba las/ tha ma'i ma ning de bskrad pa'i bye brag bstan pa ni 'di dag las tha ma ni nyes spyod na bskrad ces pa yin te/sdom pa mnos zin te dge slong byed pa'i tshe mtshan nyams na de nam pha rol gyis mnan par dga' ba la sogs pa'i 'dod chags skyes na gdod bskrad par bya ba'o/ /rkun gnas zhes pa yang khrid kyi rtsis mgo dang sbyar/ji tsam gyis rkun gnas su 'gyur ba'i mtshan bstan pa ni/ cho ga ma rgyas pa'am bsnyen par rdzogs par ma gyur par shes la dge 'dun dang lhan cig tu las lan gnyis myong de de'o zhes pa yin te/ gsol ba la sogs pa'i las kyi cho ga tshang bar ma byas pa'am/ mkhan po la sogs pa mi gtsang bas bsnyen par rdzogs pa'i sdom pa ma chags par shes nas dge 'dun dang lhan cig tu dge 'dun gyi las lan gnyis myong na des rkun gnas su gyur bar ston pa'o//gzhung las/ u pA li gso sbyin gyi las lan gnyis lan gsum myong na des rkun gnas su gyur to zhes 'byung la 'dir ni lan gnyis kyis 'gyur ro zhes bstan pa ci phyir zhe na/gtam gyi dngos po las mtshan ma gang gis rkun gnas su gyur pa rab tu dbyung ba'am bsnyen par mi bgyi ba lags na mtshan nyid kyis rab tu dbyung ba dang / bsnyen par rdzogs par bgyi ba mchis sam zhes zhus pa dang bka' stsal pa/yod de gang gis gso sbyin gyi las lan gnyis lan gsum myong ba ni rab tu mi dbyung / bsnyen par rdzogs par mi bya'i gang gis gso sbyin gyi las lan gcig myong ba ni rab tu dbyung bsnyen par rdzogs par bya'o zhes 'byung bas na/ lan gsum zhes pa ni rgyud tsam du zad kyi/ lan gnyis kyis rkun gnas su 'gyur ro/ gzhung las gso sbyin gyi las zhes 'byung la/ 'dir las zhes spyir smos pa ci'i phyir zhe na/ ma tshang ba bsnyen par rdzogs pa ltung ba'i zhus pa las bsnyen par ma rdzogs pas gso sbyin nam/ tshul nas 'byung ba'am/ gang zag bcu gnyis bsko ba'i dge 'dun gyi las gang myong yang rung ste/rkun gnas su 'gyur ro zhes 'byung bas na/ gso sbyin gyi las shes pa ni mtshan mar bya ba tsam du zad kyi/ las gang myong yang rung ste rkun gnas su 'gyur ba'i phyir las zhes spyir smos pa yin no/ /de lta bas na gsol ba la sogs pa dge 'dun gyi las myong ba rkun gnas su 'gyur gyi rab tu 'byung ba zhu ba tsam la sogs te/phran tshegs kyi las myong ba tsam gyis ni rkun gnas su 'gyur ba ma yin no/ /mu stegs can du zhugs pa zhes pa yang krid kyi rtsis mgo dang sbyar bar ston pa'o/ /mu stegs su zhugs pa'i tshad ni 'di'i rab tu 'byung ba blangs/der lta ste/ 'di'i chos gos bor de'i mtshan mas der skya rengs shar na de'o zhes pa yin te/ bcom ldan 'das kyis rab tu byung bar bstan pa 'di yang blangs la mu stegs pa de'i lta bar yang bsgyur nas/ 'di'i chos gos ni bor/ de'i mtshan ma ni blangs te skya rengs shar gyi bar du de dag gi gnas na 'dug na mu stegs su zhugs pa yin no//mu stegs par zhugs pa'i tshad der yang ma zad pa ni/ rku ba bzhin pa ni de ltar ma byas pa'i snga rol du'o zhes pa yin te/ gong ma ltar ma byas kyang mu stegs kyi lta ba nges par skyes nas dge 'dun dang lhan cig tu las lan gnyis myong na mu stegs su zhugs par gyur to//ma gsod pa pha gsod pa dgra bcom pa gsod pa / dge 'dun la dbyen byed pa/ de bzhin gshegs pa la ngan sems kyis khrag 'byin pa/ dge slong ma slu ba phas pham pa bzhi las/ gang yang rung ba'i ltung ba byung ba zhes pa smos pa yan chad krid kyi rtsis mgor bsgre bar ston pa'o//mi skye ba'i chos de ltar bstan pa nas/ da ni skye ba'i chos yin yang rab tu dbyung ba dang / bsnyen par rdzogs par mi rung bar ston pa ni/ sma phab pa mtshan ma gtong bar khas mi len na rab tu dbyung ba'am bsnyen par rdzogs par mi bya zhes pa yin te/dge slong la bsdigs pa dang / smad pa la sogs pa gang yang rung ba'i sma phab pa las thal byung du babs nas/ phyis rab tu byung bar gsol na/ sdud nyes med pa'i skyon de gtong ngam mi gtong zhes smras la/ skyon de ni mi gtong zhes zer na rab tu mi dbyung zhing bsnyen par rdzogs par mi bya bar ston pa'o//de bsnyen par rdzogs na sngon sma phab pa de tshangs par bya dgos sam mi dgos she na/ 'dra ba ni bsnyen par rdzogs pas so zhes pa yin te bsnyen par rdzogs pa nyid kyis de tshangs shing bra bar ston pa'o/ /de bsnyen par rdzogs zin nas mtshan ma de mi gtong na ji ltar bya zhe na/bsnyen par rdzogs nas mi nyan pa gal te ldan na yang sma dbab ces pa yin te/ de bsnyen par rdzogs nas sngon gyi skyon mi gtong na yang sma dbab pa'i las bya bar ston pa'o/ /sma dbab pa'i las byed pa'i tshe/ de nyan du mi btub cing ltung ba ma mthong ngo zhes zer na cir 'gyur zhe na/ma mthong ngo zhes zer la gal te brdzun na ltung ba'o zhes pa yin no/ /sdom pa skyer zin gyis kyang mi mdzes pa'i phyir bcom ldan 'das kyis dgag pa bstan pa ni/ lag rdum dang ni rkang rdum dang / /sor mo sbrul thod gdengs ka lag / mchu med yan lag bkra ba dang / /shin tu rgan dang shin tu gzhon//grum po dang ni rgan zhar 'jas/ /sgur po mi thung dag rnams dang / /lba ba can dang lkugs pa dang / /'on pa 'phye bo rkang 'bam dang / /mos dub khur gyis dub pa dang / /lam gyis dub pa'i mi gang dang / /thal rangs rde cag 'di 'dra yi/ /mi rnams drang srong chen pos bkag /yang dag rdzogs pas rab tu mkhyen/ /bden pa'i mtshan gyis gsungs pa yi/ /mdzes pa dag ni rab tu byung / /yongs su dag pa bsnyen par rdzogs/ /zhes pa rnams rab tu dbyung ba mi rigs par bcom ldan 'das kyis gsungs pa yin no/ /rab tu 'byung ba'i dngos po bsdu bar gtogs pa rdzogs so// //de ltar rab tu 'byung ba'i dngos po ston pas na phran tshegs la sogs pa las 'byung ba yang zhar la ston te/ rgyal po'i blon po krid ces pa ni rab tu 'byung bar 'ongs pa rgyal po'i blon po yin nam ma yin rma ba dang / yin na rab tu mi dbyung ba la sogs pa krid kyi rtsis mgor bsgre bar ston pa'o/rgyal po'i blon po'i cho ga rab tu mi dbyung bar dgag pa yin nam zhe na/ bye brag bstan pa'i phyir/ rgyal pos ma gnang ba dang yul mi ring ba'o zhes pa yin te/ rgyal pos ma gnang ba dang rgyal po dang nye ba'o/ /rgyal po'i bka' brtsan pa ni mi rung ba'o/ /gzhan yang krid kyi rtsis mgo bsgre ba ni/rkun po'i mtshan ma can krid ces pa yin te mi gang rkun mar grags pa'o/ /yul kha cig tu rku bar ma grags na rab tu phyung yang 'gal ba med/ gzhan yang rab tu mi dbyung ba ni/ mnyed pa dang gdol pa dang / sme sha can dang / de lta bu dag rab tu mi dbyung zhes pa yin te/de la de lta bu dag ces pa ni rngon pa dang shan pa la sogs pa'o/ /lus kyi skyon dang ldan pa sngar bstan par yang ma zad de/ gzhan yang bstan pa'i phyir lag rdum la sogs pa ni dpe'o zhes pa ni/ gong du rab tu 'byung ba'i dngos po bstan pa'i tshe lag rdum zhes pa la sogs pa bar du gcod pa'i rnam grangs bstan pa ni/de kho nar zad pa bstan pa ma yin gyi 'og nas ston pa rnams kyi dpe 'am zla tsam du zad do/ /de 'ang gang zhe na/ seng ge'i skra dang skra ser sngon po de dag kyang / /skra dkar dag dang glang po'i skra dang skra med min/ /shang shang mgo dang mgo chen sdom par glebs pa dag / phag dang bong mgo dang ni mgo gnyis mgo med pa//rta rna glang po'i rna ba ba lang spra rna dang / /phag dang bong bu'i rna ba rna gcig rna med pa/ /mig dmar mig po che dang mig tshag shin tu ser/ /mching mig chu bur mig dang mig gcig mig med pa/ /rta sna glang po'i sna dang ba lang spra yi sna/ /phag dang bong bu'i sna dang sna gcig sna med pa //rta dang glang po'i kosko ba lang spra'i kosko/ /bong phag kosko kosko gcig dang kosko med/ /rta so glang po'i so dang ba lang spra yi so/ /phag dang bong so dang ni so gcig so med pa/ /mgrin rings mgrin med dang ni phrag mig shin tu sgur/ /mje rdum dang ni rlig chen rlig gcig rlig med pa//ring rab thung rab dang ni skem po zhan rab dang / /lpags mdog rnam bzhi gyal ba gyol ba de dag kyang / /zhes pa yin te/ lus kyi skyon ming gis smos pa 'di rnams dang ldan na rab tu mi dbyung bar ston pa'o/ /de la seng ge'i skra zhes pa ni yid kyis sngo ba lta bu'ang lcang lor 'dug pa'o/ / ser ba dang sngo ba dang dkar ba ni rang bzhin gyis de ltar 'dug pa la bya/ glang po'i skra zhes pa ni nyag ma re re pha zad tshu zad srab mor 'dug pa la bya/ sbom rab ces pa ni mi tshor ba sha khur gyis non pa la bya/ glebs pa zhes pa ni nas 'bras kyi chan gtun gyis brdungs ba lta bur lus sam mgo leb leb por 'dug pa la bya/mching mig ces pa ni mig mthing bu dang 'dra bar sngo ba la bya/ chu bur mig ces pa ni mig gi 'bras bu chu bur dang 'dra bar phyi rol du rlo rlo po 'am myug myug po 'byung ba la bya/ sna gcig ces pa ni sna'i bu ga gcig por yod pa'o/ /sna med ces pa ni bu ga gnyis med pa'am/sna dngos po med pa'o/ /kosko gcig ces pa ni kosko mdung rtse lta bur 'dug pa'o/ /mgrin med ces pa ni mgrin pa ror nub pa'o/ /phrag mig ces pa ni mgrin pa ror nub pa'i mig phrag pa dang mnyam par 'dug pa'am phrag pa g.yas g.yon la mig yod pa'o/ /rlig chen zhes pa ni rlig pa rlung gis rgyas te 'bab pa'o//rlig gcig ces pa ni rlig pa 'bras bu gcig pa'o/ /lpags mdog rnam bzhi zhes pa ni sngon po dang ser po dang dmar po dang skya bo bzhi lha'i mdog ltar bzang ba ma yin pa 'di bzhi gang dang ldan na'ang mi rung / gyal ba zhes pa ni gyal ba dngos kyang yin/ rkang pa 'chel zhing 'gro ba lta bur yang 'chad/gyol ba zhes pa ni gyol ba dngos kyang yin rkang pa gcig gi steng du gcig 'jog cing 'gro ba lta bur yang 'chad/ rnam pa 'di lta bu dag kyang bkag pa bzhin du rig par bya'o zhes pa ni/ gong du rab tu dbyung ba'i dngos po bstan pa'i tshe lag rdum la sogs pa mi rung bar bkag pa bzhin du seng ge'i skra la sogs pa gong du smos pa 'di rnams kyang dgag pa rig par gyis shig pa'o//skyon gong du smos pa lta bu dang ldan pa rnams gal te rab tu byung na ji ltar bya zhe na rigs dang lus kyi skyon can rab tu byung na nye bar mi gzhag ces pa yin te/ de la rigs kyi skyon ni mnyed pa la sogs pa'o//lus kyi skyon ni mdog dang dbyibs ngan pa gong du smos pa rnams so/ /gcig cig gis cig car du ma bsnyen par rdzogs par byar rung ngam zhe na/ gcig ma yin pa mkhan po gcig gis cig car gsum man chad bsnyen par rdzogs par rung ngo zhes pa yin te/ mkhan po yang gcig gsol ba la sogs te las kyang gcig ma yin pa ste/mi gsum man chad bsnyen par rdzogs par byas na yang mi rung ba med par ston pa'o/ /bzhi man chad ci phyir mi rung zhe na/ tshogs kyis tshogs kyi las mi bya'o zhes 'byung ba'i phyir ro/ /cig car bsnyen par rdzogs pa de dag gis phyag ji ltar bya zhe na/dus ma nyams pa rnams gcig la gcig phyag bya ba med do zhes pa yin no/ /de dag rnyed pa dang las su gzhug pa gang snga zhe na / phyin pa sdun du'o zhes pa yin te/ rnyed pa'am las su bsko ba'i tshe gang sngar 'ongs pa de brtsan par byas te/ rnyed pa zhig na'ang des thob las su gzhug na yang de sngar bsko ba'o//rab tu 'byung ba'i tshe skra bregs zhes kyang 'byung bas na skra bregs pa'i cho ga bran tshegs las 'byung ba rnams kyang cig car du bsdus te ston pa ni/ dgon pa pas skra sor gnyis las lhag par mi bcang zhes pa la sogs pa yin no/ /grong na ni de tsam du'ang ma yin te/ tshun chad ces pa ni grong ngam gtsug lag khang bzhi la 'dug pa rnams kyis skra bregs pa ni sor gnyis srid du'ang mi gzhag par bregs pa'o//skra ba lang gi spu ltar mi bcad ces pa ni gri'am chan pa gang gis kyang rung ste/ ba lang gi spu tsam gyi tshod du lhag ma cung zad yod par breg tu mi rung gi/ /spu gris gtan nas dbyi dgos par ston pa'o//spu gri ma yin pa can la sogs pa gzhan gyis breg tu ye mi rung ngam zhe na/ rma'i 'khor ma gtogs zhes pa yin te/ mgo la rma yod na de'i nyen 'khor tsam rma la mi gzan par bya ba'i phyir chan pa'am gzhan gyis bregs kyang bla/ gzhan bregs na gtsug phud tsam gzhag kyang bla bar sems pa bsal ba'i phyir gtsug phud mi gzhag ces pa yin no//skra bregs pa'i zhar la spu gzhan kun bregs kyang bla bar sems pa bsal ba'i phyir/ sba ba phyogs kyi spu'i las ma yin zhes pa yin te/ mchan spu dang rmongs la sogs pa breg tu mi rung ba la bya'o//gal te rma mi 'tsho ba zhig na de'i rgan rabs shes pa la zhus nas bya zhes pa yin te/ sba ba'i phyogs kyi rma ma bregs kyi bar du 'tshor mi btub pa zhig na/ rgan rabs 'am shes pa la dri zhing shes par bya'o/ /sba ba'i phyogs kyi spu dang 'dra bar brla dang byin spu'ang breg tu mi rung ngam zhe na/ de'i phyir ma yin na rkang rgyud kyang mi rung zhes pa yin te/ rma'i tshas bya ba'i phyir ma yin na/ brla dang byin pa dang ngar gdong gi spu'ang breg tu mi rung / rkang rgyud nyi tshe'i rgyud mi breg bar bstan na/ lus kyi phyogs gzhan bregs kyang bla bar go ba'i phyir/ lus gzhan ma yin zhes pa ste mgul pa man chad kun lus yin no//sna spu 'thog tu dbang ngam mi dbang ba ni gsal por mi smos mod kyi/ dge slong gi sna spu phyed tsam las ma btogs par rgan rabs kyi smang tser mi bskur khyer na 'das pa dang bcas pa'o zhes/ bcom ldan 'das kyis gsungs pas na/ sna spu 'thog du mi gnang bar bcom ldan 'das kyis gsungs pa /sna de'i mdo nub bam 'khyams par nges so zhes kyang 'chad do/ /da ni sen mo gcod pa'i cho ga ston pas na/ sen mo spu gri'i so 'am/ ste'u'i so ltar bcad ces pa yin te/ sen mo bcad pa mkhar thabs la sogs pa 'jo ba'i tshul gzhan du mi bya'i spu gri'i so ltar dbus rlo bar bcad pa'am/ste'u'i so ltar kha da chad du chod cig pa'o/ /de'i phyi bdar mi bya zhes pa ni sgeg pa'i phyir sen mo bdar ba dang / tshon gyis byugs pa la sogs pa ma byed cig pa'o/ /sen mo'i phyi bdar ro cog byar mi rung ngam zhe na/ dri ma phyi ba'i phyir phyi bdar bya zhes pa yin no/ /da skra bregs pa'i cho ga ston pa ni gos yod bzhin du skra dang kha spu mi breg ces pa la sogs pa yin te/gos zhes pa ni steng du bgo ba la bya/ de lta bas na skra bzed chongs shig ces pa yin no/ /gal te skra bzed med na ji ltar bya zhe na/ med na rdul gzan dang ngo zhes pa yin no/ /bting ba yin zhes pa ni rtswa'am lo ma'am stan 'byam bag kyang rung ba'i steng du skra mi breg /dge 'dun gyi phyag dar gang du bya bar ma yin zhes pa ni dge 'dun 'du ba'i sa phyogs gang phyag dar bya zhing bstar ba der skra breg tu mi rung bar ston pa'o/ /rgas pa dang nad pa dang rlung dang nyi dugs dang char 'bab na khyams la sogs par breg ces pa ni rnam pa 'di rnams lta bu'i rkyen byung na/khyams la sogs te dge 'dun 'du ba'i sa phyogs bstan zhing phyi bdar bya bar skra bregs kyang bla/ de la nad pa dang rgas pa ni nam yang rung gzhan ni rlung la sogs pa'i rkyen dang sbyar ro/ /phyogs ni phyi bdar bya zhes pa ni khyams la sogs pa'i sa phyogs der skra bregs na phyag dar dang dkyil 'khor la sogs phyi bdar bya ba'o//skra bregs pa gar dor zhe na phyag dar khrod du dor zhes pa yin no/ /sen mo bcad pa yang de bzhin zhes pa ni/ sen mo bcad pa yang skra'i cho ga dang 'dra/ dge slong mas skra bregs pa'i cho ga ji ltar bya zhe na/'dod chags dang ma bral ba 'di dge slong mas ma bsrungs par skyes pas skra mi breg ces pa ni dge slong ma 'dod chags dang bral ba ma yin pa dge slong ma zla bo gcig gis ma bsrungs par skyes pa skra 'drag tu mi gzhug / chags pa lta na bsrung bas 'di skad du bsgo shig ces pa ni skra 'dreg pa'i dge slong ma de skyes pa 'dreg mkhan de la chags su byed na bsrung ba zla la 'dug pas mdo 'og nas 'byung ba skad du bsgo bar bya ba'o//ci khog rul 'di la snying po yod dam zhes dran pa nye bar zhog cig ces bsgo bar bya'o / /ma sring dang bu mor soms shig ces 'dreg mkhan la'o zhes pa ni/'dreg mkhan dge slong ma la chags pa lta na/ dge slong ma de na tshod ji tsam pa las ma la sogs par soms shig ces 'dreg mkhan la bsrungs pas bsgo bar bya'o / /dge slong mas skra bregs pa'i cho ga de ltar bstan nas/ da ni spyi'i cho ga ston te/ 'di zin nas khrus bya zhes pa ni/skra bregs zin nas khrus byos shig pa'o/ /yang na yan lag lnga bkru zhes pa ni lus ril gyis 'khru mi nus na mgo dang rkang lag bzhi tsam bkru bar bya'o/ /gcer bur mi bkru zhes pa ni pa char ram mdoms yog tsam yang med par khrus mi bya ba'o/ /dge slong ma skyes pa'i 'bab stegs su ma yin zhes pa ni skyes pa khrus byed pa'i sa gang yin par dge slong mas khrus mi bya/bud med kyi 'bab stegs su phye mas min zhes ni bud med khrus byed pa'i sar dge slong ma 'khru na phye mas su khrus mi bya'o/ /sran phye la sogs pa dris bsad par rung zhes pa ni sran ma la sogs pa'i phye ma'am me tog gam ga bur la sogs pa dri zhim pos kha blangs pa dge slong dang /dge slong mas spyad du mi rung ba med pa'o/ /'di blang zhes pa ni gong ma'i phye ma lta bu gzhan gyis byin na long shig par ston pa'o/ /sman gyis bslad pa ni nad pas so zhes pas ni phye ma sman dang bsres pa zhig na nad pa nyi tshes blang du rung /dge slong mas bud med la bye ma mi gtor zhes pa ni khrus byed pa'i tshe bud med gzhan la kyal ka bya ba'i phyir phye mas ma 'thor cig pa'o/ /gcer bus khrus ma byed cig ces bshad pa'i zla la gdoms lta bu yal ba'am thang bar byar mi rung bar ston pa ni/sham thabs kyi snga gsham dang phyi gsham gyi tha ma ma mdud par skas la mi gzeg ces pa yin te/ cho ga 'di ltar ma byas par skas nyi tshe la mi gzeg par ma zad kyi shing la sogs pa gang la yang gzeg tu mi rung / skas pas gzhan du de ltar ma yin zhes pa ni steng du 'dzegs sam 'og du 'babs zin nas/snga gsham dang phyi gsham gyi mdud pa de so na mi gzhag pa'o/ /kha'i nang yar bzla bar gtogs pas na de'i cho ga bstan pa'i phyir/ kha ma bkag par mi glal zhes pa yin no/ /gcer bus khrus byar mi rung ba'i phyir khrus ras bcang zhes pa yin no//nyi rim la ni srog chags 'chags so zhes pa ni/ chu srog chags mang po can gyis khrus byed na khrus ras nyi rim du byar mi rung ste/ glan pa yang de bzhin chos gos gsum pas kyang de bzhin du khrus ras bcang dgos sam zhe na/ chos gos gsum pas kyang ngo zhes pa yin no//khrus ras med dam mi bdog na ji ltar bya zhe na/ med na mdun dang rgyab 'dam pas g.yogs la dben ba'i phyogs su khrus bya zhes pa yin no/ /srog chags mang ste khrus ras gcig thang la yang chags pa tsam gyi tshod na ji ltar bya zhe na/ srog chags chags pa bshal te btang zhes pa ni khrus ras la srog chags yod na chu'i nang du bshal zhing gtang bar bya ba'o//khrus gtsug lag khang du byed nas tshod gar bya ba bstan pa ni gtsug lag khang na stor khung de'o zhes pa yin te/ gtsug lag khang du khrus byed na stor khung ga la 'dug par khrus bya ba'o/ /khu ba yang der dbo'o zhes pa ni/gos dang lhung bzed bkrus pa la sogs pa'i chu yang stor khung der dor ro/ / khrus kyi sa gud du bstan pa'i phyir khrus khang bya zhes pa yin no/ /der so phag gi gcal dgram zhes pa ni khrus khang gi nang du so phag gi gcal dgram par ston pa'o/ /stor khung gdod ces pa ni der stor khung yang gdod dgos pa'o//'jim rdzab bkru zhes pa ni khrus khang de 'jim rdzab tu gyur na dus dus su bshal zhing bkru ba'o/ chu khung du bkrus na mi ldang zhes pa ni chu khung ngam stor khung gi khar khrus khang gi nang 'jim rdzab tu mi 'gyur bar ston pa'o/ /'og nas smos pa 'di yang khrus kyi yan lag tu gtogs pas na skabs 'dir ston to// rkang pa gnyis ma gtogs par lus so phag gis mi spyang zhes pa yin no/ /'di ni dper zad kyi rtsub po dang sgeg pa yang ngo zhes pa ni/ mtshon la sogs pa rnon po dang / rgya mtsho'i dbu ba la sogs pas sgag par byed pa yang mi rung bar ston pa'o//bcom ldan 'das kyis rtsub po med par bdar ba'i nya phyis lus sbyang ba'i phyir chongs shig ces gsungs pas na/ nya phyis de lta bus lus sbyangs nas de nyid thabs ji ltar bkru ba bstan pa'i phyir/ nya phyis mer bkru zhes pa yin te/ nya phyis de thal ba 'am me la bsros na 'dag par ston pa'o//dge slong gi lus ni cung zad sbyong du gnang gi/ dge slong ma'i lus ni sbyong du ye mi gnang par bstan pa'i phyir/ dge slong ma ni gang du yang khu tshur dang ra da yan chad gang gis kyang mi brud ces pa yin te/ khu tshur dang ra da yan chad bzan pa gang gis kyang lus kyi yan lag gang du yang mi brud pa'o//khrus kyi zhor la gos bgo ba'i rim gro yang bstan dgos pas na/ chu ma skams par yod bzhin du gos mi bgo zhes pa yin te/ chu 'brum ma skams kyi bar du gos ma gyon cig pa'o/ /de lta bas na lus phyi ba bcang zhes pa yin te/ chu 'brum myur du med par 'dod pas lus phyi ba chongs shig par ston pa'o//lus phyi ba med na ji ltar bya zhe na/ med na skad cig tsog tsog por 'dug la khrus ras kyis phyi zhes pa yin no/ /khrus kyi zhar la bsro gang yang 'byung ba'i rigs bas na/ bsro gang du 'jug par bya zhes pa yin no/ / bsro gang de ji lta bur bya zhe na/ bso gang bya ba ni skam sar dge'o zhes pa yin te/ khrus khang gi dar ram tshan yod par brtsigs na grang zhing tshan ldang ba'i phyir/ skam sar brtsigs na legs par ston pa'o/ /skar khung phyi dog nang yangs pa rgya mtsho lta bur dbus su gdod ces pa ni bsro gang gi skar khung dbyibs 'di 'dra bar byas pa rtsig pa'i dbus su gdod par bya ba'o//skar khung 'dir dra ba dang sgo 'phar dang / zung nga dang / gzer gtan dang / zung nga bya zhes pa yin te/ bsro gang de'i skar khung dra bas g.yogs pa dang / sgo leb can du bya ba la sogs pa'ang ming gis smos pa bzhin du bya/ra rkang gi dbyug pa gzhag ces pa ni skar khung gcad cing dbye ba'i spyad dbyug gi thog ma rmig pa lta bur byas pa yang bcas te gzhag pa'o/ /sgor sgo leb dang gtan bu dang / yang mig dang lag zungs bca' zhes pa ni bsro gang de gtan bu dang sgo leb dang phyi nang nas gcad cing dbye ba'i yang mig dang lag zungs yan chad phrugs yan chad tshang bar shoms shig pa'o//nang gi ngos su chu tshan gzhag pa'i phyir stegs bu bya zhes pa ni/ bsro gang gi nang du chu gzhag pa'i sa yang 'di ltar gyis shig pa'o/ /zhugs thab kyi sar pha gu gding zhes pa ni gzhi pha gu las blangs la de'i steng du gdod zhugs thab byos shig pa'o//mi 'chi bar bsdu zhes pa ni me sbos shig par ston pa'o/ /de'i phyir lcags kyi lad phyag bcang zhes pa ni/ me de sbed pa'i lag spyad kyang chongs shig pa'o/ /me dugs kyis myos pa'i phyir 'bar bzhin du 'jug pa btang zhes pa ni me dugs la bag bya ba'i phyir 'bar ba'i tshe bsro gang gi nang du ma 'dong shig par ston pa'o//me dbal mi skyed pa'i phyir yungs mar gyis sprus pa'i zan mer gdab ces pa yin no/ /de dri nga ba bsal ba'i phyir bdug spos blugs zhes pa ni/ yungs mar du bsgres pa'i zan mer btab pa de'i dri bsad pa'i phyir/ du ru ska la sogs pa'i bdug pa bya/mig 'dzag par dar zan gyi chang bus brtags zhes pa ni mig gi nang du snum la sogs pa song ste/ mchi ma 'dzag na ngar zan gyi chang bus rtogs shig pa'o/ /skyu ru ra'i chang bus kyang ngo zhes bya ba ni/ mig gong ma ltar gyur na 'dis brtags kyang rung bar ston pa'o/ / 'dir rtswa bam gyi stan no zhes pa ni/ bsro gang der stan du ni rtswa stan bting na legs par ston pa'o/ /sa de la rtswa rang bzhin gyis gsher ba'am rlan pa gding zhes pa/ bsro gang nang me dugs kyis tsha che ste rkang pas mi bzod na rtswa sngon po 'am skam po las rlan pa thing shig pa'o/ /g.ya' ba'i phyir lcags kyi g.ya' phrug bya zhes pa ni/khrus khang de'i yo byad lcags kyi g.ya' phrug kyang gyis shig pa'o/ /mig gur srad bus gdags shing khang skyong gis dben par 'di sbos shig ces pa ni/ de khang skyong gis thabs 'di bzhin sba bar bya ba'o/ /'di dag par bya ba ni mes rung bar bya zhes pa ni /g.ya' phrug de bkru ba ni bsregs na 'dag par ston pa'o/ /der mi bkru zhes pa ni bsro gang du khrus mi bya ba'o/ /de'i phyir khrus khang bya zhes pa ni bsro gang du khrus byar mi rung ba'i phyir khrus khang gud du bya ba'o/ /'khru bar byed pa'i gos la mi gzan pa'i phyir gshong bu pha gus rtsig pa bya zhes pa ni chu ldugs pa'i dge slong gi chos gos la chal pa mi gzan par bya ba'i thabs/'khru ba'i sa nyid gshongs nas de'i ngos dang gzhi 'ang pha gus rtsig pa byos shig par ston pa'o/ /'dir stor khung gdod ces pa ni gshong bu de la yang stor khung gdod pa'o/ /chu tsha ches ba ni phyi ma rnams la sbran zhes pa ni bkru ba'i chu tsha ches pa'o//'di grang mos bsre zhes pa ni chu tsha ches na grang mos bsre ba'o/ /'debs pa la sogs pa'i phyir yang ngo zhes pa ni/ chag chag btab pa dang / bsku ba la sogs pa'i chu yang tsha ches na grang mos bsres shig pa'o/ /[(]l+tsa [,]lci [)]ba dang lci skam dang so shing gyo mo gang bar gzhag ces pa ni khrus khang du rdza ma'am gyo mo 'di rnams kyis gang ba sta gon byas te gzhag pa'o//gal te rmya na g.yar tshus bza' zhes pa ni ltogs sam rmyas te nyams kyis mi nus pa tsam gyi tshod na g.yar tshus je zos la khrus bya ba'o/ /nang du gcan srid kyis des 'di ltar lhags pa ngo mi shes pa la shes par bya ba'i phyir 'dri zhes pa ni dge 'dun gyi khrus khang du mu stegs kyi dge slong dag ma zhugs byed cing /khyu rlabs su 'jug srid pas na dge slong de na 'khod pa rnams kyis gang ngo ma shes pa la khyod kyi mkhan po gang ming ci zhes bya ba la sogs pas dri zhing brtag par byos shig pa'o//de lta bu ci nas kyang nang du mi bcug pa'i thabs ji ltar bya zhe na mi chud par bya ba dang / de'i phyir dge slong sgo ba gzhag ces pa yin te/ de'i phyir zhes pa ni dri zhing brtag pa'i phyir ro/ /sgo bas gzhan yang nang du mi btang ba na ma dad pa 'dir mi btang zhes pa yin te/dpyas byed pa'i phyir ro/ /khrus byed pa'i don grogs sus bya zhe na/ 'dir las kun lhan cig gnas pa dang nye gnas kyis bya zhes pa yin no/ /gsar bu rnams kyis so zhes kha cig ces pa ni 'dul ba 'dzin pa la la ni skabs 'dir las kun byed pa gsar bu rnams kyis bya ba yin no zhes kyang 'chad pa yin no//nye gnas sam lhan cig gnas pa'am gsar bu rnams kyis bya ba'i las gang yin zhe na/ spar ba dang zangs dang 'bru mar dang so shing dang lci ba dang sa dang phye ma dang chu la sogs pa bshams pa dang / shing brtags pa dang dril ba dang bsku ba dang bkru ba dang phyags pa dang phyag dar dor ba la sogs pa'o zhes pa ni de dag gis 'di rnams sta gon du bshams shing las su bya ba'o//de dag nyid kyi g.yog sus bya zhe na/ de dag ni gcig la gcig go zhes pa yin te lhan cig gnas pa dang / gsar bu la sogs pa skud cing 'khru ba ni gcig gis gcig stongs shig pa'o//khri'u dang nya phyis phyi bdar byas la gnas gnas su gzhag ces pa ni khrus byed pa'i tshe khri'u dang nya phyis spyad spyad pa bkru zhing gnas gnas su sbos shig pa'o/ /snod thams cad kyang tshul de bzhin no zhes pa ni rdza ma dang bum pa la sogs pa snod do cog kyang gong ma bzhin du bkru zhing sbos shig pa'o//yo byad thams cad phyi bdar bya zhing legs par sba zhes pa ni khrus khang gi cho ga bstan pa'i zla la dge slong gi yo byad gzhan thams cad kyang sba brtul dang phyi bdar byos shig par ston pa'o/ /de dag bstan nas bsro gang du 'jug pa la sogs cho ga ston te/'dir sgra bskyungs la 'jug ces pa yin no/ /mdzes par ro zhes pa ni khrus khang du 'jug pa'i tshe spyod lam mdzes pas gzhan ji nas kyang dad pa skye bar gyis shig pa'o/ /legs par bsdams pa dang spyod lam mo zhes pa dang / shes bzhin du 'o zhes pa ni mdzes par bya ba yin te/ de la legs par bsdams pa ni lus dang ngag mi g.yeng ba'o/ /legs pa'i spyod lam ni gam zul mkhas pa'o/ /shes bzhin zhes pa ni sems zhi ba'o/ /mdun du 'dug la me mi 'de zhes pa ni bsro gang du 'ongs pa'i tshe snga na 'khod pa'i mdun bcad la me 'de bar mi bya'o//klag cor gtam zhes pa ni khrus khang na 'khod pa'i tshe gtam dang klag cor mi bya ba'o/ /'phags pa'i mi smra ba la dmyigs zhes pa ni 'dod pa yid la byed pa la sogs pas ma yin gyi tshul bzhin yid la bya zhing 'phags pa mi gsung ba'i tshul du 'khod par bya ba'o//mjug tu rgyud gsum zhes pa ni khrus byas zin pa'i mjug tu dkon mchog gsum bstod pa'i rgyud dang / mdo gdon pa'i rgyud dang / bsdo ba'i rgyud gsum bklag par bya ba'o/ /gos gcig las kun mi bya zhes pa ni dge slong las ci byed kyang rung ste sham thabs lta bu 'am gos gcig po gyon la las ma byed cig pa'o//ma dad pas lus la 'di mi bya zhes pa ni/ ma dad pas lus myug cing skud pa la sogs pa lus kyi las byed du ma gzhug shig pa'o/ /'di dang snga ma ni dad pa brtan pa la dgongs so zhes pa ni 'dir ma dad pa mi gtang zhes gong du bshad pa dang /ma dad pas lus la 'di mi bya zhes pa gnyis ni dad pa 'ol byi tsam du yod pa ma yin gyi dad pa gting tshugs pa'am/ dad pa brtan par yod na dad pa can zhe'am/ dad pa dang ldan pa zhes bya ste/ 'di lta bu ma yin na ma dad pa'o/ /seng ge lta bus wa lta bu'i g.yog mi bya zhes pa ni/tshul khrims dang ldan pas tshul khrims dang mi ldan pa'i g.yog byar mi rung ba'i dpe'o/ /tshul khrims mi ldan no cog la de lta'am zhe na/ mkhan po dang slob dpon ni tshul khrims dang mi ldan na yang g.yog bya'o zhes pa ni/ mkhan po dang slob dpon lta bu phas pham pa zhig byung ba'am/ltung ba sde lnga char byung na yang bstan pa la 'jug pa'i sgo dang sdom pa skyed pa la sogs pa dge ba'o cog gi gzhi bya bas na g.yog dang bsti stang byos shig pa'o/ /pha ma dang nad pa ni khyim pa na yang ngo zhes pa ni/ phan dgos pa'i zhing pha ma dang snying rje'i zhing nad pa yin pas na de dag ni khyim pa yin du zin gyis kyang g.yog dang bsti stang byos shig pa'o//khrus kyir bshams pas bkru zhes pa ni/ nad pa'ang rung nad pa ma yin pa'ang rung ste/ thams cad kyis bshams pa'i khrus 'di bya / bshams pa'i 'di lta bu zhe na rlung 'byin pa'i rtsa ba dang sdong po dang 'dab ma dang me tog dang 'bras bu bskol ba ni de zhes bya ba'o zhes pa ni rlung la rtsa ba'i rnam pa 'di rnams bskol ba la bshams pa'i khrus zhes pa'o//ci de nyi tshe khrus bya'am zhe na/ mi rtsub pa'i phyir bsku zhes pa yin / sngar snum gyis bskus la de nas gzod bshams pa'i chus khrus bya 'dag bus de med par bya zhes pas ni snum de bag zan lta bu la sogs pas blangs pa'i 'og tu khrus bya/snga ma'i phyir snum thigs pa gnyis sam gsum chu bum tha mar blugs zhes pa ni gong du mi rtsub ces smos pa de'i dpyad du 'khru ba'i bum pa tha ma'i nang du snum thigs pa gnyis gsum tsam blugs te/bkrus na rtsub pa 'am glog pa can du mi 'gyur bar ston pa'o/ /mi rung bar dogs pa bsal ba'i phyir lcags gzhong du bkru zhes pa yin te/ lcags gzhong bcang zhing der khrus byos shig pa'o/ /'di ni nad pas bcang zhes pa ni lcags gzhong de nad pas chongs shig pa'o//kha gab bya zhes pa ni rlangs pa myur du mi yal bar bya ba'i phyir lcags gzhong de'i kha gab kyang gyis shig pa'o/ /'dir mjing par sngas gzhug ces bya ba ni lcags gzhong gi nang du zhugs pa de'i mgul pa'am mgrin pa'i thad kar sngas chug shig pa'o//khrus kyi zhar la gzhan yang bstan pa'i phyir gar bab bab tu rkang pa mi bkru zhes pa yin te/ gtsug lag khang du rkang pa 'khru na bab bab tu bkrur mi rung ba'o/ /'di'i gnas ni wa kar ro zhes pa ni rkang pa bkru ba'i gnas so/ /rkang pa bkru bar bya zhes pa ni/de lta bas na rkang pa bkru ba'i gnas kyang bya dgos par ston pa'o/ /gtsug lag khang gi steng shar lho'i grar ro zhes pa ni gtsug lag khang gi sgo nub phyogs su blta na/ rkang pa bkru ba'i sa phyogs ming gis smos pa 'dir byos shig pa'o/ /rtsub por rus sbal gyi gzugs lta bu'o zhes pa ni rkang pa bkru ba'i gzhi nyid rdo las rus sbal gyi gzugs lta bu rgyab rtsub por 'dug par byos shig pa'o//tshegs bskyung ba'i phyir kham pa'i chol zangs glang po'i rmig mchil snying po can bcang zhes pa can yin te/ yang na rkang pa bkru ba'i chol zangs dbyibs 'di lta bur byas pa chongs shig pa'o//ka dam pa'i me tog lta bus rtsub pa dbus su bya zhes pa ni/ chol zangs kyi snying po ka dam pa'i me tog lta bu steng rtsub pa chol zangs de'i dbus su byos shig pa'o/ /bkrus la kha phubs te gzhag ces pa ni chol zangs de'i rkang pa bkrus zin nas 'di ltar gyis shig pa'o//dge 'dun gyi ni khang thog tu'o zhes pa ni/ dge 'dun gyi chol zangs yin na/ rkang pa bkrus zin na cho ga gong ma ltar byas la khang thog tu zhog shig pa'o/ /gang zag gi ni gnas khang gi sgo mtshams su'o zhes pa ni/ gang zag gi chol zangs yin na bdag gi gnas khang gi sgo rgyab tu zhog shig pa'o//gtsug lag khang gi gnas gang du lhung bzed bkru ba la sogs pa byas pa der chus bsku 'am byug ces pa ni gtsug lag khang gi nang du lhung bzed bkru ba la sogs pa las gang byas kyang rung ste zin nas chus byug pa 'am bsku ba la sogs pa phyi bdar byos shig pa'o//mdung rtse'am rnga 'dra bar ro zhes pa ni/ byug pa'i dbyibs 'di ltar gyis shig pa'o/ /byug pa'i rgyu cis bya zhe na/ lci ba'am 'jim pas so zhes pa yin no/ /dkon mchog gi phyir byug pa yang dbyibs 'di ltar bya'am zhe na/ dkon mchog gi phyir byug pa'i dbyings ni nges pa med do zhes pa yin te/sangs rgyas dang chos dang dge 'dun gyi phyir byug pa byed pa la dbyibs gcig tu chad pa med kyis gar dgar zad do/ /rab tu 'byung ba'i dngos po bstan pa'i zhar la gzhan yang ston pa ni lhung bzed med par rab tu dbyung ba dang bsnyen par rdzogs par mi bya zhes pa yin no//lhung bzed yod pa tsam gyis chog gam zhe na/ che chung ngam skya na mi rung zhes pa yin te/ tshad las lhag gam tshad pas chung ngam skya na med pa dang 'dra ste mi rung / lhung bzed che chung tshad ston pa ni/ kha'i mtha' ma mtheb sor gyis bskyud pa'i lhag ma 'bras skam yul dbus kyi phul gang do man chad btsos pa sran tshod dang /bya nar bcas pa shong ba ni ran pa'o zhes pa yin te/ 'bras skam yul dbus kyi phul gang btsos pa dang / tshod mar bcas pa blugs na kha mtheb sor gyis khyud pa tsom glags yod pa ni lhung bzed chung ngu yul dbus kyi phul do btsos pa dang /tshod mar bcas pa blugs na mtheb sor gyis khyud pa tsam gyi glags yod pa ni chen po 'di gnyis kyi bar ni 'bring po'o zhes lhung bzed che chung gi tshad ston pa'o/ /dge slong pha'i lhung bzed kyi tshad bstan nas/ da ni dge slong ma'i lhung bzed kyi tshad ston to/ / dge slong mas dge slong pha'i chung ngu las lhag par mi bcang zhes pa ni dge slong ma'i lhung bzed chen po'i tshad/ dge slong pha'i lhung bzed chung ngu'i tshad do/ /chung ngu dang bar ma ni de man chad ci 'os pa'o/ /des 'dir ro nye'i dkyil 'khor gzhag par gding zhes pa ni lhung bzed kyi gzhi ro nye las byas pa'i steng du lhung bzed zhog shig pa'o/de'i dbyibs ji lta bur bya zhe na/ byang chub kyi shing dang 'ba' ta'i lo ma'am lag mthil 'dra ba'o zhes pa yin no/ /tshad kyang ngo zhes pa ni che chung gi tshad kyang gong du smos pa tsam du gyis shig pa'o//brnyas na de yod pa'o zhes pa ni/ lhung bzed med na rab tu mi dbyung zhes bshad pa/ lhung bzed brnyas te rnyed na yod pa dang 'dra bar ston pa'o/ /lnga po yang de bzhin zhes pa ni chos gos gsum dang / gding ba dang / chu tshags lnga yang brnyas na yod pa dang 'dra bar ston pa'o//dbyar lhung bzed med par mi bya zhes pa ni dbyar lhung bzed med du mi rung ba'o/ /yul rgyu ba mi bcang ces pa ni lhung bzed med par mgron du ma 'gro shig pa'o/ /'jigs pa dang bcas na lhung bzed chung dus spyad ces pa ni lhung bzed tshad ma bkur du phrogs kyis dogs na/lhung bzed chung ngu khyer la yul rgyu ba spyod cig par ston pa'o/ /de la lhung bzed chung ngu zhes pa ni chung tshad pas kyang chung ba'o/ /med kyang rab tu 'byung zhes pa ni bsnyen bar rdzogs pa ma yin gyi bar du dbyung ba lhung bzed med pa yang ngo / 'greng ste lhung bzed dbyung ba dang gzhug pa dang skam pa mi bya zhes pa mi ltung bar rim gro bya'o//ran par spyod ces pa ni khu tshan la sogs pa lhung bzed la gzan pa rnams mi blugs mi gzhug par smra zhing spyod cig pa'o/ /lhag ma gzhan gyis 'dir mi bya'o zhes pa ni kha zas kyi skyo ma'am/ lhag ma snod gzhan gyis 'dir byo zhing ma spyod cig pa'o//'dis phyag dar mi dor zhes pa ni phyag dar lhung bzed du blugs 'dor cig pa'o/ /nyal nyi yin zhes pa ni shing thog gi shun pa'am/ tshi gu la sogs pa nyal nyil lhung bzed du ma sogs shig pa'o/ /gdong dang lag chu mi blugs zhes pa ni kha lag bkru ba'i chu lhung bzed nas ma ldugs pa'o//dge tshul bag med pa'i chos can 'khrur mi gzhug ces pa ni lhung bzed la bag bya ba'o/ /lci ba bye ma can gyis ma yin zhes pa ni lci ba bye ma dang 'dres pas bkrus na ri mo shar shar por 'gyur ba'i phyir ro/ /gsher bag tu mi gzhug ces pa ni lhung bzed gsher bzhin du snod du bcug na btsa' 'jug pa'i phyir ro//skam ches par mi dor zhes pa ni skems pa'i tshe yal bar bor te nyi dugs kyis bsregs drags na tshon la gzan pa'i phyir ro/ /rdo la mi gzhag ces pa ni/ skad cig tsam gyi bar du yang ngo / /sme ba'i phyogs su ma yin zhes pa ni gtsang sbra bya ba'i phyir ro//gar bab bab tu ma yin zhes pa ni lhung bzed khyams la sogs par bab bab tu mi gzhag pa'o/ /'dir mi dor zhes pa ni bab bab tu ye mi dor ba la bya/ de'i phyir glo phug bya zhes pa ni lhung bzed gzhag pa'i phyir rtsig ngos la phug gdod pa'o/ /rtsig pa mi brko ba'i gtsug lag khang dang gnas khang rtsig pa nas so zhes pa ni/glo phug 'phral la brkos na rtsig pa khong 'drum pa'i phyir gtsug lag khang dang / gnas khang dang po rtsig pa nas glo phug thod cig pa'o/ /grong na gnas pa rnams kyis lhung bzed kyi rim gro ji ltar bya ba bstan nas/ dgon pa bas lhung bzed kyi rim gro bya ba ston pa ni/ dgon pa bas gze bu zhes pa la sogs pa yin te/ dgon pa bas lhung bzed gzhag pa'i sa gze bu gyis shig pa'o/ /de yang rgyu ji las she na/ srad bu'am lcug ma zhes pa yin te/ lcug ma 'am srad bu las gze bu bya ba'o//lci 'jim gyis bsku zhes pa ni gze bu de 'ji ba dang / lci bar bsres pas skus shig pa'o/ /de'i tshul bzhin du kha gab ces pa ni gze bu'i rgyu lcug ma'am srad bu ga las byas pa bzhin du kha gab kyang de'i rkyen du byos shig pa'o/ /'di'i thag pas shing la dpyangs na dge zhes pa ni de thag pas btags la shing la dpyangs na mi rlan te bzang bar ston pa'o//sa la mi gzhag ces pa ni sdig sbur la sogs pas mi 'bags pa'i phyir ro/ /'di gzhan du mi bskur zhes pa ni gze bu de dang bcas te khyer la gzhan du ma 'gro shig pa'o/ /snod du bcug la bskur zhes pa ni mgron du 'gro ba'i tshe/gze bu dang bcas te bskur du mi rung bas na lhung bzed kyi snod du bcug la khyer cig pa'o/ /lag gis ma yin zhes pa ni 'og nas 'byung ba ltar byas te bskur gyi lag na thogs te ma 'gro shig pa'o/ /'di thag pa byas mtshan 'og tu bskur zhes pa ni lhung bzed kyi snod de thag pas btags la se ral khar thogs te khyer cig pa'o//lhung bzed dang sman dang bar bur snod so sor gzhag ces pa ni 'di rnams kyi snod gcig tu byar mi rung gis so sor gyis la tha dad du gos shig pa'o/ /de la bar bur zhes pa ni skud pa dang khab ral dang lhung bzed kyi lhan pa la sogs pa'o//'di rnams bcang zhes pa ni lhung bzed la sogs pa gong du smos pa rnams kyi snod chongs shig pa'o/ /'di rnams kyi thag pa snyoms te brdzams par mi bya zhes pa ni de gsum gyi thag pa mnyam par byas na gcig gi steng du gcig brdzams pas sbom ste mi mdzes pa'i phyir thag par sor rnyil du gyis shig pa'o//na ba mi 'dod na zheng mi bskyung zhes pa ni lhung bzed la sogs pa'i thag pa phra ste phrag pa tshar dogs na glebs cher gyis shig pa'o/ mi 'dzums pa'i phyir dbus su phying bu gzhug ces pa ni lhung bzed la sogs pa'i thag pa 'dzum gyis dogs na dbus su phying bu chug shig pa'o//mi 'khrul pa'i phyir skabs skabs su bya rjes bya zhes pa ni skabs skabs su bya rjes lta bu'i srubs kyis mnan na phying bu mi 'chugs shes par ston pa'o/ /lhung bzed kyi rim gro ji ltar bya ba'i rim pa de ltar bstan nas da ni lhung bzed kyi rim gro spyir ston te/lhung bzed mig bzhin du bsrung zhes pa ni/ mig rnam pa gang gis kyang rim gro bya ba bzhin du ji nas kyang rim gro bskyed pa'i dper bstan pa'o/ /sbyar ma pags pa bzhin zhes pa ni bags pa rlung dang char dang nyi dugs la rim gro bya ba bzhin du chos gos sbyar ma rim gro cher gyis shig pa'o//chos gos lhag ma rnams kyang zhes pa ni sbyar ma nyi tsher ma zad kyi chos gos lhag ma rnams kyang rim gro gong ma dang 'dra bar gyis shig pa'o/ /gong du ran par spyad ces smos pa'i zhor la chos gos la sogs pa'i rim gror bya ba'ang bstan par bya ba yin te/rim gro de ltar byas nas dengs shig zad pa thabs ji ltar bya zhe na/ bcos pa la mi g.yel bar bya zhes pa yin te chos gos bkru zhing btsem pa la sogs pa dang lhung bzed glan cing bcos pa la sogs pa g.yel cig pa'o//mi g.yel ba'i thabs ji ltar bya ba ni/ dben pa'i phyogs su lhung bzed kyi lhan pa gdab ces pa la sogs pa yin te dpyas su 'gyur ba'i phyir ro/ /dge 'dun gyi mgar spyad bsags zhes pa ni de lta bas na dge 'dun spyis mgar spyad tshang bar shoms shig pa'o/ /bu ram dang / rgya skegs dang / spra tshil dang / tshon mo steng de dag rdol ba la mi dge zhes pa ni lhung bzed kyi lhan bar mi rung ba rnams ming gis smos te ston pa'o/ /shur shur po dang gzer dang lhan pa dang chu srin gyi so rnams dge zhes pa ni lhung bzed kyi lhan pa bzang ba rnams ming gis phyed de ston pa'o//phye ma yang ngo zhes pa ni phye ma yang lhan par bzang ngo bar ston pa'o/ /lcags sam rdo'i 'o zhes pa ni gong du phye ma zhes pa 'di gnyis kyi phye ma la bya'o/ /spra tshil bzhin du 'bru mar dang bdar zhes pa ni lcags sam rdo'i phye 'bru mar dang bsre zhing bdar ba zhib kyang tshang spra tshil lta bur gyis shig pa'o//ku ru bin da'am lcags kyis so zhes pa ni/ rdo ku ru bin da zhes bya ba dang lcags kyis phye mar dor cig pa'o/ /tsha ba glan ces pa ni phye ma de lhung bzed tsha bar byos la glon cig pa'o/ /gro bas g.yogs shing 'jim pas bskus la ran par bsregs zhes pa ni phye ma des gar rdol bar glan pa'i phyi rim 'di gnyis kyis g.yogs shing bskus la ji ran tsam du bags kyis sregs shig pa'o//'bru mar dang bdar zhes pa ni gong ma ltar byas byin nas yungs mar gyis bsku zhing rdo 'jam pos byi bdar gyis shig pa'o//lcags kyi lhung bzed kyi cho ga bstan nas/ kham pa'i lhung bzed kyi cho ga ston pa ni/ kham pa ni bu ram dang 'ji bas so zhes pa yin te/ kham pa'i lhung bzed rdol ba ni 'di gnyis kyis glon cig pa'o/ /spyad spyad na bsregs zhes pa ni lhung bzed spyad spyad de byang du byed na sregs shig pa'o//ji tsam gyi bar du spyod nas bsreg ce na zla ba drug lon nas su zhes pa dang / kham pa'i ni zla ba phyed cing ngo zhes pa yin no/ /lhung bzed bsreg pa dbyar gyis dus 'byung bar 'dom pa ji ltar bya zhe na/ dbyar du byed na bsku zhing bsgo ba'i skabs su bkru zhes pa yin te/zos pa'i 'og tu tshon mi yal bar bya ba'i phyir bsku zhing nam dgos pa'i tshe khrus la spyod cig pa'o/ 'di bsreg ces pa ni lhung bzed sregs shig pa'o/ /de'i phyir rdza ma bsham zhes pa ni bsreg pa'i phyir rdza ma gyis shig pa'o/ /ched du zhes pa ni bsreg pa'i rdza ma rdza mkhan la dang po nas ched kar byed du gzhug /gyo mo yang zhes pa ni yang na rdza ma las bcos pa'i gyo mo yang rung bar ston pa'o/ /rdza ma las bcos pa'i thabs ji ltar bya zhe na/ thal bas bkang la rdza gzong gis bcag na dge zhes pa yin no/ /'di bcang zhes pa ni gong ma lta bur dgos pas na rdza ma bcag pa'i gzong bu chongs shig pa'o//rdza ma de cir dgos she na/ du ba mi 'byer bar des dgab ces pa yin te/ du ba mi 'chor ba rdza ma des bya'o/ /phyi rol 'jim phub kyis bsku zhes pa ni/ rdza ma de'i phyi rol phub ma dang 'ji bar bsres pas skus shig pa'o//nang 'bru mar gyi tshigs ma'am lci bas bskus zhes pa ni rdza ma de'i nang 'dis skus shig pa'o/ /rdza ma de phyi nang bskus ma thag du dgab pa'am zhe na skam thag chad na'o zhes pa yin no/ /sa ji lta bu dang gzhi ji ltar bkrum par lhung bzed gzhag cing rdza mas dgab ce na/ gzhi byi bdar byas la phub ma bting nas 'bru mar gyi tshigs ma la sogs pa du ba bzang po'i rdzas dgod cing khas bub tu gzhag ces pa yin te / lci ba dang sog mas bskor te sbar zhes pa ni rdza ma de'i phyi rol 'di rnams kyis bskor la me btang ba'o/ /te bor grangs nas gzhig ces pa ni bsregs pa de dag grangs nas gzod gzhig par bya'o//tshon legs par ma zhen na ji ltar bya zhe na/ tshon ma zhen pa grub kyi bar du bzlas zhes pa yin no/ /bzlas pa'i thabs ji ltar bya zhe na/ bkru zhing bkru zhing gzhag ces pa yin te/ tshon ma zhen na legs par bkrus la yang sngon gyi sor gzhag pa'o//srog chags la brtse ba'i phyir than kor phyags shing chag chag gdang ces pa ni ma bsregs pa'i than kor du srog chags mang po bsal ba'i phyir phyag dar dang chag chag gyis shig pa'o/ /gong du lhung bzed med na rab tu mi dbyung zhes smos pa'i zhar la lhung bzed kyi cho ga rgyas par bstan nas//phran tshegs la sogs pa las 'byung ba'i rab tu 'byung ba'i dngos por gtogs pa gzhan yang ston pa ni/ bsnyen par rdzogs pa'i lo tshigs mi shes na mtshan gyi 'khor spu skyes pa rung bar bya zhes pa la sogs pa yin te mtshan gyi 'khor spus 'khor na rung bar bya ba'o//de brtag pa'i thabs ji ltar bya zhe na/ 'di sgyus brtag ces pa yin te/ des ma 'phrigs par thabs kyis brtag pa'o/ /sgyus brtag pa'i thabs ji lta bu zhe na/ glang po so dang gos dag dang mthon po na yod pa'i rdzas len du gzhug pa la sogs pa'o zhes pa yin no/ /bsnyen par rdzogs par 'dod pa shing la 'dzeg tu mi gzhug ces pa ni sman 'grums su 'gyur ba'i nyen spang ba'o//mtshams kyi phyi rol tu mi gtang zhes pa ni/ bar chad kyi chos rnams kyis mi tshugs par bya'o/ /bsnyen bar rdzogs par 'dod pa mtshams kyi phyi rol du mi gtang na dge 'dun dbye ba bsnyen par rdzogs pa'i las byed cing gsang ste ston pas zhu ba'i tshe gar gzhag ce na/'di mthong ba'i spyod lam du spangs nas tshogs la thal mo sbyar te mdun gyis lta bar gzhag ces pa yin no/ /khyim pa la gnas mi bsgo zhes pa ni rab tu 'byung ba'i bar chad du mi 'gyur bar bya'o//bsnyen par rdzogs ma thag tu mi bsgo ba ma yin zhes pa ni/ bsnyen par rdzogs pa'i tshe bka' blo bde bas na de la spyid du 'ang mi rung ste/ bram ze'i khye'u la gnas phyis bsgo ba dang chos gos bor te babs pa'i gleng gzhi yod pas na'o/ /gang na gnas med pa der gso sbyin mi bsdang tshul du mi 'jug ces pa ni gnas med na gso sbyin ma zin gyi bar du bsdad pa dang /tshul du 'jug pa ma byed cig pa'o/ /tshul du zhugs pa'i 'og tu gnas med par gyur na ji ltar bya zhe na/ tshul snga mar zhugs pa mi bsrungs zhes pa yin te/ tshul snga ma gral la gnas pa ga la yod par tshul phyi mar bsnyag / tshul phyi mar zhugs pa las gnas med par gyur pa ji ltar bya zhe na/ phyi mar zla ba gnyis las lhag par yang zhes pa yin te/ tshul phyi mar zhugs pa las gnas med par gyur na zla ba gnyis las lhag par ma 'dug shig pa'o//gtsug lag khang gzhan du gnas btsal ba'i thabs ji ltar bya zhe na/ 'di gnas dang las dang g.yog spangs pas gnyer zhes pa yin te/ gtsug lag khang gud nas gnas su bod pa de la gnas bzang po dang las su mi gzhug pa dang / dge tshul la sogs pa de'i g.yog tu bskos pa rnams gud du mi bsko bas khas blangs te gnyer cig pa'o//zla ba gnyis kyi bar du gnas med par 'khod pa'i cho su la dri zhe na/ med na gzhon nu'i rgan rabs la yang dri zhes pa yin te/ gnas bca' ba'i 'os med na/ gzhon nu'i nang nas gang rgan rabs la dris shig pa'o//rgan pa des ni ma dris par byas kyang nyes med par zhar ngon no/ yod kyang nye gnas su'o zhes pa ni mkhan po dang gnas yod du zin kyang slob pa gzhon nu'i rgan rabs gzhan la nye gnas su 'dri ba nyes pa med par ston pa'o/ /dri ba'i zhar la bstan pa ni de'i rigs ma zhus par nges sam bdag gis mi bkol zhes pa yin te/mkhan po la sogs pa la zhus par tshul khrims dang mi ldan ba'i rigs bdag gis kyang mi bkol des kyang mi bkol ba'ang mi bya'o/ /gong du gnas med par ma 'dug cig ces pa de'i bye brag bstan pa'i phyir/med pa tshol ba'i tshe gnas par 'os pa mi gnas par 'dug kyang nyes med ces pa yin te/ gnas snying nas tshol na de ma rnyed kyi bar du gnas bca' dgos pa/ gnas med par 'dug kyang nyes pa med par ston pa'o/ /de ltar rung ba ji srid kyi bar du zhe na/ zhag lnga'i bar du zhes pa yin te/ zhag lnga lon gyi bar du gnas med par 'dug kyang sla ba'o / /gzhag lnga'i bar du gnas med par 'dug pa'i tshe rnyed pa blang du rung ngam mi rung zhe na/ rnyed pa ni 'os so zhes pa yin te/ de'i tshe rnyed pa yang blang du rung bar ston pa'o/ /gzhi la 'khod pa rnams kyi gnas ji ltar bya ba bstan nas/'dron po rnams kyi gnas bstan pa'i phyir lhags pa ni zhag gnyis sam gsum brtas te gnas blang zhes pa yin te/ gud nas 'dron du lhags pa ni lhags ma thag tu gnas bca' mi dgos kyi zhag gnyis sam gsum brtas nas gdod gnas nos shig pa'o//zhag gcig gi phyir ma yin zhes pa ni zhag 'ga' las mi 'dug pa gnas bca' mi dgos pa'o/ /gnas la zhur mchud pa'i tshe ji ltar bya zhe na/ gnas mi khom na gzhan la dri zhes pa yin te/ mtshams kyi nang na brel yang rung gud du song yang rung drir med na 'phral du mi bya ba tsam gyi tshod gzhan la dris kyang nyes med/gnas dris par gnas pas bya ba mi bya zhes gong du bstan pa de'i bye brag bstan pa'i phyir las kyi phyir song ba las gzhan gyis bsnan pa ma dris kyang nyes med ces pa yin te/ sngar dge 'dun gyis mngags pa gnas la zhus te song pa las 'di lta bu zhig kyang gyis shig ces bsnan pa lta bu gnas dris par byas kyang nyes med par ston pa'o/ /gnas nos shig pa su la'ang nod du rung ngam zhe na/ bab bab kyi gan du ma yin zhes pa yin no/ /'o na su la zhe na/khrims dang shes pa dang 'khor dang phan 'dogs pa dri ba la sogs pas shes par bya zhing sdom pa bzhin du 'di nod ces pa yin te/ dge slong gang gnas su bya ba de tshul khrims dang ldan nam mi ldan mang du thos sam ma thos/ 'khor bgrungs sam mi bgrungs/phan thogs sam mi thogs dri ba la sogs pas brtag cing myong la 'di rnams dang ldan na sdom pa mnod pa dang 'dra bar sngags kyi tshig lan gsum gyi bar du bzlas shing nos shig pa'o/ /'di 'ang thal mo sbyar nas sdom pa mnod pa bzhin du bya'am zhe na/ lag pa gnyis kyis rkang pa gnyis kyi mthil nas 'khyud ces pa yin no/ /gnas kyi slob dpon gyi gnas nod do cog la sbyin du rung ngam zhe na/ brtag cing sbyin zhes pa yin te/ gnas 'dod pa de mya ngan las 'da' ba'i bsam pa yang dag par yod dam med pa la sogs pa brtags nas gdod phyin cig pa'o//gnas dang gnas pa gcig la gcig ji ltar bya zhe na/ pha dang bu'i 'du shes gzhag ces pa yin no/ /mkhan po la slob mas gnas bca' dgos sam mi dgos she na/ mkhan po de nyid kyi gnas so zhes pa yin te/ mkhan por gyur pa nyid kyi gnas su gyur pa yin no//de lta bas na de las 'di mi gnod ces pa ni/ gong ma ltar gyur pas na mkhan po de la gnas mnod mi dgos par ston pa'o/ /gnas pa'i 'jig pa ji ltar zhe na/ gnas mnos pa gnyi gas yal bar btang na 'jig pa'i rgyu'o zhes pa yin te/gnas kyis kyang gnas pa med kyang bla bar btang / gnas par kyang de bzhin du btang na snga phyir btang yang rung ste/ des 'jig par ston pa'o/ /gnas du ma lhan cig tu tshogs na gnas pas gnas gang la zhu bar bya zhe na/ mkhan po ma yin pa tshogs na gang 'dod pa 'dam zhes pa yin te/mkhan po ma yin pa'i gnas du ma cig car du tshogs na bdag gar dga' bar dris shig pa'o/ /de nyid na de la'o zhes pa ni/ tshogs pa'i nang na mkhan po yod na mkhan po nyid la dris shig pa'o/ /gnas pas gnas la bsti stang ji ltar bya zhe na/mkhan po mthong dgu na stan las 'phags zhes pa yin te/ mkhan po nyi tsher ma zad kyi slob dpon rnams mthong dgu na yang stan las longs shig pa'o/ /gnas gtsug lag khang de na nyin gcig la lan gsum srul cig ces pa ni/ gnas dang gnas pa gnyi ga gtsug lag khang gcig na 'khod na nyin gcig la lan gsum du zhu zhing de'i gan du song shig pa'o/ /rgyang grags srid kyi dgon pa na 'dug na nyin re'o zhes pa ni/ gnas rgyang grags srid kyi dgon pa na 'dug na nyin re la lan re zhus shig pa'o//rgyang grags lnga na zhag lnga drug cing ngo zhes pa ni gnas rgyang grags lnga tsam gyi dgon pa'am gud na 'dug na zhag lnga drug tsam zhing lan re zhus shig pa'o/ /dpag tshad phyed dang gsum na gso sbyin gyi tshe'o zhes pa ni/ gnas dpag tshad phyed dang gsum srid kyi dgon pa'am gud na 'dug na zla ba phyed phyed cing zhus shig pa'o//da ni gnas kyis gnas pa ji ltar bsri ba ston to/ / gnas pa smad par 'os na mi smad par ma yin zhes pa ni/ gnas pa chad pas gcad cing sma dbab par 'os na sma phob shig pa'o/ /sma dbab pa'i rnam pa du zhe na/sma dbab pa lnga ste zhes pa yin te/ de yang gang zhe na/ mi smra ba dang / lung mi dbog pa dang / g.yog dang zang zing gi longs mi spyad pa dang / dge ba'i phyogs brtsams pa bcad pa dang gnas dgag pa rnams so zhes pa yin te/ de la gtam mi bya ba dang mi rtag pa bsgoms pa la sogs pa'i lung bkyig pa dang /g.yog dang chos dang zang zing gi spyod pa btang ba dang / bshad pa lta bu la sogs pa dge ba'i phyogs brtsams pa re zhig gzhi la dor ba dang / zhur mi gzhug pa rnams kyis sma phob shig pa'o/ / sma dbab par bya ba ji lta bu zhe na/ ma dad pa dang le lo can dang bka' blo mi bde ba dang ma gus pa dang / sdig pa'i grogs po can dang 'di rnams la 'os so zhes pa yin te/ rnam pa 'di rnams sma phob shig pa'o/ /sma phab pa de gzhan gyis kha grangs pa nyes pa ji ltar 'gyur zhe na/smad pa gzhan gyis bsdus na nyes pa sbom po'o zhes pa yin te/ smad pa de babs kyis dogs pa la sogs pa'i phyir ma yin par/ de'i mkhan po dang dbye ba'i phyir kha grangs na dbyen gyi sbom por 'gyur ba'o/ /smad ba de slar 'jar du mi btub pa ji ltar bya zhe na/gnod par mi byed na dge slong shes pa can la yid 'jo bar bcol zhes pa yin te/ de bzod par gsol zhing slar 'jal du mi btub na dge slong smra mkhas shing shes nyen che ba gcig la yid 'jo zhing blo 'debs su bcol/ mtshan ma btang ste bzod par gsol na bzod par bya zhes pa ni/des ma dad pa la sogs pa'i skyon btang nas bzod par gsol na bzod par gyis shig pa'o/ /smad par mi 'os pa yin zhes pa ni/ dad pa la sogs pa'i yon tan yod de smad par 'os pa ma yin pa la smad par ma byed cig pa'o//'os pa la mi bzod par mi bya zhes pa dang / mi 'os pa la bzod par mi bya zhes pa gnyis ni nyes pa'i mtshan ma gtong yang mi bzod pa dang / nyes pa'i mtshan ma ma btang yang bzod pa lta bu ma byed cig pa'o/ /yid bzhos kyang 'jar du mi btub pa ji ltar bya zhe na/ma btub na gnas khang nas bskrad ces pa yin no/ /de ci yang med par bskrad dam zhe na/ dge tshul yin na stod g.yogs smad g.yogs dang chu tshags dang ril ba sbyin zhes pa yin no/ /bsnyen par rdzogs par 'dod pa zhig na'ang yo byad de las mi smin nam zhe na/bsnyen par rdzogs par 'dod pa zhig na yo byad lnga'o zhes pa yin te/ chos gos gsum dang gding ba dang lhung bzed lnga byin la skrod cig pa'o/ /chu tshags kyang sbyin dgos pa ni dge tshul la sbyin par bstan pa'i zhar ngon no/ /bsnyen par rdzogs pa yang ngo zhes pa ni bsnyen par rdzogs pa zhig na yang yo byad gong ma lnga byin la skrod cig pa'o//de ltar bskrad pas slar 'jal yang ye mi bsdu 'am zhe na/ seng ge bzhin du sems thag mi gcad ces pa yin te/ seng ge god la mi re ba bzhin du ma byed cig pa'o/ /gnod par 'gyur ba'i bya bar bya ba mi bya zhes pa ni nang khrims ma bcas kyang nyes chen po med la/bcas na ni gnod tshabs che ba'i nang khrims ma byed cig pa'o/ /kha su ba ni zhag lon pa'i 'o zhes pa ni/ zhag gcig lon pa'i ni kha su ba ste btsog par ston pas na ma bkrus kyi bar du phyag bya ba dang kha zas bza' ba la sogs pa ma byed cig pa'o//de lta bas na so shing bca' zhes pa yin no/ /thams cad kyi mig sngar ram zhe na/ /dben par ro zhes pa yin no/ /de nyi tshe dben par ram zhe na/ bshang gci bya ba yang ngo zhes pa yin no/ /shing dang rtsig pa zhes pa'i than kor du ma yin zhes pa ni/bsil grib bam rtsig drung lta bu mi mang po 'du ba'i sar bshang gci la sogs pa ma byed cig pa'o/ /so shing gi tshad ston pa ni 'di'i tshad sor bcu gnyis man chad brgyad yan chad do zhes pa yin no/ /med na bad kan che bas sor bzhi yan chad do zhes pa ni/gong ma'i tshad srid du bya/ shing med na bad kan che bas sor bzhi yan chad 'chos shig pa'o/ /gnas khang du so shing bza' ba'i mi rigs par dogs pa sel ba ni/ gnas khang na chol zangs kyi steng du 'cha' ba ni mi rigs pa med do zhes pa yin no//dben par so shing 'chos shig ces gong du bstan pa'i dben par bya ba gang zhe na/ 'di wa ka na dben par mi 'gyur ba ma yin no zhes pa yin te/ chu khung dang wa kar so shing 'chos pa mi dben pa ma yin par ston pa'o/ /wa ka'i than kor yang de'i khongs su gtogs par bstan pa'i phyir/rnam pa de dag khru gang gi than kor 'dir gtogs so zhes pa yin te/ so shing bca' ba dang / rkang pa bkru ba la sogs pa'i rnam pa wa ka'am/ stor khung gi khru gang gi than kor yang de'i khongs su gtogs pas de tshun chad du gyis shig pa'o//so shing bca' ba'i zhar la ston pa ni de'i 'og du lce bzhar zhes pa yin no/ /lce bzhar bcang zhes pa ni/ de lta bas na lce bzhar ba chongs shig pa'o/ /ci las byas pa bcang zhe na/ khab kyi rgyu las so zhes pa yin te/ zangs dang ra gan dang lcags so//de'i phyir so shing tshal pa'ang rung zhes pa ni/ zangs la sogs pa'i lce bzhar med na/ so shing gi tshal pas bzhar yang mi rung ba med par ston pa'o/ /'di mi rno ba'i phyir gcig la gcig drud ces pa ni/ so shing gi tshal pa rno ches na chod pa'i phyir gcig la gcig drud cig /so la sogs pa snad kyis dogs pa'i phyir rno bas so dang lce dang rna ba mi zud ces pa yin no/ /mi rnor zin kyang drag tu ma yin zhes pa yin te/ rnon po ma yin kyang drag shu byed par dal gyis drud cig pa'o/ /ji tsam du dal bar bya zhe na/de dag gis sha mi snad par ro zhes pa yin no/ /so shing bca' ba'i zhar la dor ba yang ston pa ni/ so dang lce sbyong ba kha'i dri mas phog pa'i phyogs ma bkrus sems bsgres par mi dor zhes pa yin te/ so brud shing lce bzhar ba'i dri ma ma bkrus ma bsgres par mdor cig pa'o//sgra med par ma yin zhes pa yin te/ se gol la sogs pa'i sgra ma phyung gi bar du so shing ma dor cig pa'o/ /de'i dbar zad kyi zhes pa ni so shing sgra ma phyung gi bar du mi 'dor ba dpe tsam du zad par ston pa'o/ /bshang gci dang mchil snabs dang /skyugs pa la sogs pa gzhan yang ngo zhes pa ni 'di rnams 'dor ba'i tshe'ang sgra phyung la 'or cig pa'o/ /'dis bkrus pa bzhin du go 'dun dang lci bas kyang 'grub po zhes pa ni so shing nyi tshes kha 'dag par ma zad kyi go 'dun dang lci bas kyang kha 'dag par ston/lus kyi bya ba zin ma thag du mchod rten la phyag bya zhes pa ni kha lag bkru ba la sogs pa byas ma thag du mchod rten la phyag gyis shig pa'o/ /gnas pa'i sgrub par gtogs pa'o zhes pa ni/ mdo 'og nas 'byung ba rnams gnas pa'i cho ga sha stag yin par ston pa'o//gnas pas bsgrub par bya ba nyid ni de'i 'og tu nang bar song la phyag bya zhes pa la sogs pa yin te/ mchod rten la phyag byas pa'i 'og tu gnas gal 'dug par song la phyag gyis shig pa'o/ /nad dri zhes pa ni phyag byas nas snyun yang gsol cig pa'o//go 'dun dang chu dang so shing bsdogs zhes pa ni gnas de'i kha lag bkru ba'i yo byad 'di dag kyang sta gon gyis shig pa'o/ /g.yos mal bltas la bsnyad ces pa ni/ tshang bang na g.yos ci byed pa gnas la sbron cig pa'o/ /srid pa dbul bar yid la bya zhes pa ni/gong ma ltar bsnyad nas gnas de zas gang la dga' ba bdag gis bshugs par soms shig pa'o/ /lhung bzed bkru zhes pa ni gdugs tshod la bab tu chana'o/ /bsod snyoms pa zhig na khar gsil yang ngo zhes pa ni/ gnas de bsod snyoms spyod pa zhig na/kha rag sil yang khrus shig pa'o/ /gal te dgos pa lta na chu tshags kyang ngo zhes pa ni/ gnas de kun dga' la sogs par bza' ba zhig na/ chu tshags kyang bkru zhing sta gon gyis shig pa'o/ /de yang na dri zhes pa ni/ gnas pa de yang bsod snyoms pa zhig yin na bdag kyang zha 'bring ngu mchi 'am zhes zhus shig pa'o//'grogs par 'dod na de nyid dang lhan cig tu 'dong zhes pa ni gong ma ltar zhus te/ 'grogs par dga' na'o/ /'grogs par 'dod na ji ltar bya zhe na/ nyam nga la sogs par sngon du 'gro zhes pa yang ste/sa nar mi bde 'am nyam nga pa zhig dang 'dom na bdag gis sdun du drangs shig pa'o/ /bsod pa de la bdar zhes pa ni gnyi ga bsod snyoms byed pa'i tshe bdag la zas bsod pa'am bzang po cig sbyin du cha na de 'di phul zhes gnas la bdar bar bya ba'o//ma 'grogs na 'khor nas bstan zhes pa ni bsod snyoms la lhan cig dum dong ste/ so sor dong na slar 'khor te bdag gis zas ji snyed pa gnas la ston cig pa'o/ /bzang bkrabs la bdar zhes pa ni bza' ba'am bzang pa dmas te gnas la stobs shig pa'o //chu snod dgang zhes pa ni phyi rol che chung du 'gro ba la sogs pa'i chu snod kyang dgang zhing sta gon gyis shig pa'o/ /dus snyed ces pa ni gnas de bsam gtan nam dge ba rgyun du byed pa zhig na gnas pas zas kyi dus su bskul cig pa'o//zos nas lhung bzed la sogs pa bkru zhes pa ni lhung bzed la sogs pa kha phyis so cog zas zos zin nas khrus gyis shig pa'o/ /'di dag gzhag par bya zhes pa ni snod spyad de bkrus zin nas gnas gnas su zhog shig pa'o//mchod rten la phyag 'tshal ba'i go 'dun dang chu la sogs pa bsngogs zhes pa ni/ gnas de mchod rten la phyag 'tshal zhing dkyil 'khor byed pa'i yo byad rnams gnas pas sta gon du shoms shig pa'o/ /rkang pa bkru par gtogs pa bsham zhes pa ni snum pa dang bag zan la sogs pa gnas de'i rkang lag bkru ba'i sta gon du shoms shig pa'o//mal bca' zhes pa ni gnas de'i mal yang legs par gyis shag pa'o/ /smad khras dbul zhes pa ni nyal kar 'di'ang phul cig pa'o/ /sham thabs blang zhes pa smad khris phul la sham thabs long shig pa'//rkang pa'i chu dang rten dang chol zangs bstabs zhes pa ni nyal kar rkang rten dang chol zangs dang chu rnams bsnyan cing rkang pa khrus shig pa'o/ /lham phyi zhes pa ni de'i lham yang phyis la zhog shig pa'o/ /dmigs kyis byed par bskos pa ma yin par phyag ma thogs par mthong na bsnyen mdong bya zhes pa ni bdag gi gnas te mchod rten la sogs pa'i phyi bdar gyis shig par dge 'dun gyis bskos pa ma yin par phyag dar byed pa mthong na/phyag ma bdag gis long la bsnyen mdong gyis shig pa'o//chos gos sgrub par bskos pa ma yin na khab thogs pa yang ngo zhes pa ni bdag gi gnas de dge 'dun gyis chos gos la sogs pa drub par bskos pa ma yin par khab thogs shing las byed pa mthong na bdag gis long la bsnyen mdong gyis shig pa'o//rung bar bya ba dang ldam ldum btog pa dang me tog dang 'bras bu btog pa dang so shing 'bul ba la sogs pa yang dge tshul gyis so zhes pa ni/ gnas kyi rnam pa 'di rnams bya ba bsnyen par rdzogs pas byar mi rung gi / dge tshul gyis 'di dag lhag par gyis shig pa'o//gnas kyi 'di dag bya ba nyi tsher ma zad kyi dge 'dun gyi yang dge tshul gyis gyis shig pa'o/ /sgo brdung zhing nang na 'dug pa shes par bya zhes pa ni dge slong gzhan gyi gnas khang du 'gro na gnas pa nyi tshe ma yin gyi sus kyang rung ste/ 'di ltar gyis shig pa'o//dal gyis zhes pa ni gong ma ltar brdung ba yang ma drag shig pa'o/ /yun mi ring zhes pa ni brdung ba yun ma ring shig pa'o/ /'di drag tu mi phul zhes pa ni sgo 'byed cing gcod pa ma drag shig pa'o/ /sgo skyes la mi drud par dal gyis shes bzhin du 'jug cing 'byung zhes pa ni/sgo'i phyi'i nang du 'gro ba la zon yod pa 'di ltar gyis shig pa'o/ /'di la bsti stang bya zhes pa ni gnas la bsti stang skyed cig pa'o/ /gzhar par bya zhes pa ni gnas pas gnas las ma phang bar chor cig pa'o/ /de dang mi mthun pa yin zhes pa ni gnas de dang mi mdza' ba dang ma bsten cig pa'o//'di la 'dzem par bya zhes pa ni gnas pas gnas la'o/ /de'i bya ba la dngom par bya zhes pa ni gnas de'i las su bya ba rnams la gsong zhing dngom par bya dgos pa'o/ /gzab cing bya zhes pa ni chos gos drub pa la sogs pa de'i las su bya ba rnams la gzab cing gyis shig pa'o//mdzes pa'i gam zul zhes pa ni gnas de'i las byed pa nag ma zul yod cing mdzes par gyis shig pa'o/ /khrel dang ldan pa zhes pa ni gnas de'i las su bya ba rnams blun cing khrel gyis dogs par gyis shig pa'o//rjes dang bcas pa zhes pa ni gnas kyi bya ba rnams la rjes dang ldan par gyis shig pa'o/ /rje bo yod pa zhes pa ni gnas de la rje bo lta bur gyis shig pa'o/ /dma' ba'i sems zhes pa ni bsnyems shing dregs ba'i sems med par de'i bya ba byos shig pa'o//rang gi bya ba la mi gcod par shes bzhin zhes pa ni bdag gi klog pa dang bsam pa la mi gnod par de'i las gyis shig pa'o/ /ji dger tshol ba zhes pa de'i las su bya ba rnams phyi gzhag tsam du bya ba ma yin gyi/ ci nas kyang dge ba'am bsod nams la sogs pa'o snyam du dge ba tshol ba'i 'du shes kyis gyis shig pa'o//mdo dma' bar byed na bzlog ces pa ni gnas de tshul khrims dang lta ba'i mdo zhen cing dmar byed na de las slar zlog shig pa'o/ /dge ba mi 'phel na gzhan de byed pa la gdams par gsol zhes pa ni gnas de'i thad na 'dug na go re long bya bar dengs te dge ba mi 'phel tsam gyi tshod na dge slong gzhan dge ba 'phel bar byed pa la gdams par gsol zhes gsol ba thob shig pa'o//gnas su 'os par shes na gdams zhes pa ni gnas pa dge slong gzhan gyi thad du gdams par gsol ba'i dge slong de tshul khrims dang ldan zhing gnas su 'os pa zhig yin na de la chol cig pa'o//gzhan yang gnas kyis gnas pa bcos pa ni/ sdig pa'i grogs las bzlog ces pa la sogs pa yin no//dge ba la gzhug ces pa ni dge ba spyod du gzhug pa'o/ /de bstabs zhes pa ni bdag gis chos bstan pa la sogs pa gnas pa la dge ba stobs shig pa'o/ ltung ba las dbyung zhing 'tsho ba'i yo byad mthun pa dang ldan bar bshams zhes pa ni gnas pa de la gnas kyis 'di dag bshams shing byin cig pa'o//de la yo byad dang mthun zhes pa ni rgyan po dang mtshon cha bshams pa lta bu ma yin gyi chos gos dang lhung bzed la sogs pa de'i rkyen dang mthun pa shoms shig pa'o/ /lhan cig gnas pa dang nye gnas dang mkhan po dang slob dpon dang mkhan po gcig pa dang slob dpon gcig pa dang kun smra ba dang 'dris pa dang 'thad pa rnams kyis nad g.yog bya zhes pa ni 'di rnams kyis byos shig pa'o//de la kun smra zhes pa ni tshig 'jam po la sogs pas bshes pa'o//yang dag par smra zhes pa ni yid brtan pa'i tshig smras pa'o/ /'dris zhes pa ni gnas gcig gam lhan cig tu 'grogs pa la sogs pas 'dris pa'o/ /'thad pa zhes pa ni mthong ba'am thos pa tsam gyis yin du 'ong ba'o/ /byed pa snga ma med na rim gyis so zhes pa ni gong du smos pa'i snga ma rnams med na phyi mas nad g.yog gyis shig pa'o//klog pa'i slob dpon yang 'dir 'dus so zhes pa ni gong du smos pa'i nang du klog pa'i slob dpon yang 'dus pas na des kyang nad g.yog gyis shig pa'o/ /de cig car mi nus na gnas gang la bcas so zhes pa ni bdag gi gnas la sogs pa mang po zhig cig car du na la de kun gyi nad g.yog lag gis mi khyab na bdag gang la zhu ba de'i nad g.yog gyis shig pa'o//yang na nad tshabs gang che ba'i nad g.yog gyis shig pa'o/ /'dir mtshan ma brtsams na rab tu 'byung ba bzhin zhes pa ni/'ga' zhig tu 'byung ba'i mtshan ma brtsams pa dang nad bla brnyan gyis thebs na/ khyim pa yin du zin gyis kyang rab tu byung ba dang 'dra bas mkhan po la sogs pa gong du smos pa rnams kyis nad g.yog gyis shig pa'o//tshangs pa mtshungs par spyod pa nad pa g.yel cig ces pa ni nad pa la tshangs pa mtshungs par spyod pa spyis kyang ma g.yel cig pa'o/ /mi g.yel ba'i thabs ji ltar bya zhe na/ de la med na nad g.yog chub par bsgo zhes pa de'i nad g.yog dmigs kyis byed pa med na gcig gnyis dang bca' bcu nas chub kyi bar du ril gyis gyis shig pa'o//dge 'dun gyi sman nad pa nyi tshes spyad du rung zhes pa ni nad pa 'ba' zhig gis dge 'dun gyi sman spyad du dbang bar ston pa'o/ /de med na g.yog gis btsal zhes pa ni nad pa nyid dam dge 'dun la sman med na nad g.yog gis yon bdag dad pa rnams 'bul du chug cig pa'o//ma grub na dge 'dun gyis sbyin zhes pa ni gong ma ltar ma grub na sman zong dge 'dun gyis shugs shig pa'o/ med na sangs rgyas kyi sku la gtogs pa yan chad do zhes pa ni sman nam zong ma rnyed na/sangs rgyas kyi dkor ram sku'i rgyan yan chad kyang thogs la sman zong gyis shig pa'o/ /'di phyir dge 'dun gyi las gdugs tshod gzugs pa dang skom la sogs pa mchod pa bya zhes pa ni nad pa'i bsod nams su dge 'dun gyi dkor las dge 'dun gyi skyems dang /gdugs tshod gzugs pa la sogs pa mchod pa gyis shig pa'o/ /med na sangs rgyas kyi las so zhes pa ni gong ma ltar bya/ dge 'dun la zod med na sangs rgyas kyi dkor las gyis shig pa'o/ /ma shi ste yod na gnyi ga las khyer ba de bsab ces pa ni dge 'dun nas sangs rgyas kyi dkor snga shugs su byas pa nad pa des sos shing bdog na slar sobs shig pa'o//mi bdog gam shi na spyad du zad do/ /nang g.yog gi las su bya ba ston pa ni/ g.yog gis 'di g.yog mi bya ba ma yin zhes pa la sogs pa yin te/dge 'dun gyis bskos kyang rung nyid kyis bsnyen mdong du byed kyang rung ste/ nad g.yog gis g.yog gi bya ba kun gyis shig pa'o/ /'di'i don dang chos kyi ngag mi bcag ces pa ni nad pa des 'tsho ba'i don bya ba dang chos kyi yan lag tu byos shig pa rnams de'i tshig bzhin du sgrubs shig pa'o//chags pa'i dngos po slong na mi bkyig ces pa ni chos gos dang lhung bzed la sogs pa nad pa gang la chags pa de slong na ma bkyig par byin cig pa'o/ /mi bstan par ma yin zhes pa ni nad g.yog gis nad pa la sman dang bsod nams kyi yo byad du bstan cing thoms shig pa'o//nad pas 'di mi mnyan pa ma yin zhes pa ni nad pas nad g.yog gi gdams ngag nyon cig pa'o/ /'di 'chi bar dogs na dge 'dun gyi mal cha las spos te gang zag gi la des gzhag ces pa ni 'chir cha na 'di ltar gyis shig pa'o//de yang thabs ji lta bur bya zhe na/ bsku ba dang bkru bas bkugs shing bskyud ces pa yin te/ snga nas bsku ba'am bkru ba skad du bya zhing des ma 'phrigs par bsgyud cig pa'o/ /'chi bar mngon pa'i gdeng ji ltar bcad ce na/ nan tan du de'i rod mnyam zhes pa yin te/ de 'chi 'am mi 'chi ba'i rod mtshan ltas la sogs pas legs par rtogs shig pa'o/ /shi ba des pags pa'i gos de des bkru bar bya zhes pa ni nad pa de'i dri ma la sogs pas gos ma rungs par byas na nad g.yog gis khrus shig pa'o//spyi'i gnas brtan ni gnas lta bu dge 'dun thams cad ni gnas lta bu yin pas na gnas brtan gyis bya ba ston pa ni dge 'dun 'du ba'i dang por de'i gnas brtan 'gro par bya zhes pa yin te/ dge 'dun 'du ba'i tshe gnas brtan dang por 'ong zhing des zung shig pa'o//'dong ban 'phyi ba bsdad ces pa ni dge 'dun gung du 'dong na dge slong gang 'phyi ba 'ongs kyi bar du gnas brtan sdod cig pa'o/ /de dag gis kyang 'di'i zhes pa ni gnas brtan 'phyi na de dag gis kyang sdod cig pa'o/ /ma byung na mi ring bar dong ste'o zhes pa ni bsdad kyang gnas brtan gnas nas ma byung na cung zad spogs te sdod cig pa'o//grong drung du yang ngo zhes pa ni/ gnas brtan ma 'ongs na grong drung du yang sdod cig pa'o/ /phyi bzhin 'ong na der 'jug khar yang ngo zhes pa ni/ grong gi nang du 'dong kar gnas brtan 'ong ba mthong na yang sdod cig pa'o//spyan 'dren pa lta na de la gnas brtan ma phyin gyi bar du cung zad sdod cig ces bya zhes pa ni yon bdag na re da ji gzhes nang du gshegs par gsol zhes zer na 'di skad gyis shig pa'o/ /zas kyi phyir dong la dus yod na lag chu gtong ba na yang ngo zhes pa ni/lag chu gtong khar yang bshol te bsdad pa'o/ /med na der de'i stan gzhag cing bkad ces pa ni gdugs tshod la bab kyi bar du bsdad kyang de ma 'ongs te dus med na de'i stan zhog la bkod cig pa'o/ /da ni bsdad pa'i cho ga zin nas gnas brtan gyis las su bya ba ston pa ni/pha rol dang 'khod pa na brtag ces pa la sogs pa yin te/ phyi rol na yang rung bkad pa na yang rung ste/ gnas brtan gyis 'khor rnams la nyes skyon ci yod pa rtogs shig pa'o/ /bgo nyes pa dang sham thabs nyes pa 'di gnyis mdzes pa'i phyir de la brda bya zhes pa ni gos long nyes na gos tshags bcos pa'i phyir de la gnas brtan brda gyis shig/ma go na rgan po la zhes pa ni brda byas pa mthong ngam ma go na de'i thad na 'dug pas chos shig par brda bya/ ma grub na nyid kyi zhes pa ni gnas brtan 'dug pa la brda byas kyang ma grub na gnas brtan nyid kyis bod pa la sogs pas chos shig pa'o//gsar bu de dag la gtam mi bya zhes pa ni de dag shed skye ba'i phyir gnas brtan gyis 'di dag la bre mo'i gtam ma zer cig pa'o/ /gtsug lag khang ngam dgon pa dag na gnas pa de dag la de'i tshul 'dzin du gzud ces pa ni gtsug lag khang ngam dgon pa dag na gnas pa de dag so so'i tshul bslab cing byed du gzhug cig pa'o//'ongs pas brtags te mal stan gyi phyir gzhi ma rnams la bskul zhes pa ni gud nas lhags pa'i gnas brtan gyis bdag gi 'khor du yod pa brtsis te gzhi pa rnams la stan byin cig par bstan pa'o//'dod pas phyogs dang 'dron po dang gnas dang mal cha dang nad pa mi 'dor zhing sgrogs pa rnams thag bcad la 'jug ces pa ni gud du 'dong ba'i gnas brtan gyis 'di dag snga nas thag bcad cing shes par gyis la deng shig pa'o//mi ring bar 'phags nas su'i gang ci'ang ma brjed dam zhes mjug tu bskul zhes pa ni gud du 'dong ba'i tshe pha zad du 'phags pa dang / gnas brtan gyis brjed cing lus pa med grang zhes bskul cig pa'o//gsar bu rnams mi g.yeng mi 'gying bar dgod ces pa ni gud du 'dod pa'i gnas brtan gyis 'di ltar slobs shig pa'o/ /khyim du lhags na thams cad kyis thams cad la'o zhes pa ni/ khyim pa'i khyim du lhags thams cad gcig gis gcig gos tshags chos shig pa'o//kun shes par bya zhes pa ni gnas brtan gyis rang gi 'khor rnams kyi ming rus shes par gyis shig pa'o/ /spyod pa dang spyod pa gdams pa dang / brtan pa la sogs pa dang / zas kyi rnyed pa dang / nad gsos la sogs pa bshams shing bsgrubs pas phan gdags zhes pa ni/gnas brtan gyis bsod snyoms la sogs pa'i spyad pa dang / 'gro ba la sogs pa'i spyod lam bslab pa dang / lung 'bogs pa la sogs pa dang / zas dang nad gsos la sogs pa btsal zhing byin cig pa'o//dbyar tshul du zhugs pas gtsug lag khang ma bcos pa rnams bskul zhing 'chos su gzhug ces pa ni tshul du zhugs pa'i gnas brtan gyis gsar bu gtsug lag khang gi bcos legs mi byed pa rnams bskul zhing 'chos su chug shig pa'o/ /'chos pa dag la spro bar bya zhes pa ni ma bskul bar 'chos pa rnams la gzengs stod cig pa'o//thams cad kyis 'khor du gtogs pa gtam 'dod pa rnams thun ba'i chos bstabs pas bsdu zhes pa ni tshul du zhugs pa'i gnas brtan nyi tshe ma yin gyi gnas brtan no cog gis nyid kyi 'khor du gtogs pa'i gsar bu rnams chos dang 'dul ba la sogs pa gang gis gtam 'dod pa dang mthun par gtam gyis shig pa'o//kha rog par dga' ba son gzhag ces pa ni chos kyi gtam mi 'dod cing 'phags pa'i mi smra bas kha rog par dga' na de ji dga' bar gyis shig pa'o//khyim pa 'ongs pa dag la zas sbyin zhes pa ni/ khyim pa lha khang du 'khor zhing 'ong pa ni gnas brtan gyis dge 'dun la zas sbyin pa bskul cig pa'o/ /mi byed dam mi 'dod na 'di dag la chos kyi gtam bya zhing bdag cag la bdog pa 'di'o zhes bsnyad ces pa ni dge 'dun zas mi ster tam/de dag dge 'dun gyi zas mi 'dod na chos kyi gtam byas nas nged cag la zang zing ni med kyi chos kyi sbyin pa 'di bdog go zhes gnas brtan gyis de dag gi yid zhos shig pa'o/ /de dang ldan pa rnams kyis 'khor brtag ces pa ni gnas brtan gcig por ma zad de/slob ma dang nye gnas [(]gyi [,]kyi[)]'khor bdog go cog gis rang rang gi 'khor dge ba ci spyod pa la sogs pa rtogs shig pa'o/ /de ltar brtags nas kha cig mi brtson zhing don med par spyod na ji ltar bya zhe na/phya bdal pa char bcad ces pa yin no/ /'di ji lta ba bzhin du der 'gro ba la sogs pa'o zhes pa ni/ rang gi 'khor de dag nyul zhing 'gro ba yang de dag gi rkyen dang sbyar zhing tshegs mi 'byung bar gyis shig pa'o/ /thod rgal dang gya tshom gyi gtam mi bya zhes pa ni/mgo mjug thad dgu'i gtam dang / chos dang 'dul ba 'di dag las gzhan ba'i bsrung gtam dang bre mo'i gtam 'khor rnams zer cig pa'o/ /gnas dang gnas brtan lta bu'i tshul bzhin bas na zhar la 'di dag ston pa ni 'brang ba'i dge tshul mdun du mi 'gro zhes pa la sogs pa yin te/phyi bzhin du 'brang ba mdun du ma 'gro shig pa'o/ /mi 'dug ces pa ni de'i mdun bcad la 'greng ba'am 'dug pa ma byed cig pa'o/ /smras pa'i lan dang bsgrub pa'o zhes pa ni/ sngon du 'gro bas smras pa'i lan 'brang bas thob shig pa'am/des bsgo ba nyams su long shig pa'o/ /yang na des ma smras kyi bar du ma smra shig pa'o/ /gtam gyi bar du mi gcen par bya zhes pa ni mdun du 'gro ba gzhan dang gtam zer ba'i bar du glo thor ram gcen pa ma byed cig pa'o//chos ma yin bar smrar can dgag ces pa ni mdun du 'gro ba de chos kyi gtam zer ba'i tshe chos dang 'gal ba'i gtam gleng bar gyur na de lta ma yin zhes kha bzung zhing dgag par gyis shig pa'o/ /chos shig dang rjes su yi rang bar bya zhes pa ni de chos bzhin smra na dge'o zhes bstod cig pa'o//chos kyi rnyed pa skyes nas bskur zhes pa ni chos bshad pa la sogs pas rnyed pa yod na phyi bzhin du 'brang bas khyer cig pa'o/ /phyi bzhin du 'brang bas bya ba bstan zin nas/ phran tshegs la sogs pa las rab tu 'byung ba'i dngos po ston pa'i zhar la smos pa rnams ston pa'i khyim du mi g.yeng ba dang /mi 'gying ba dang mi gnas par ro zhes pa la sogs pa yin te/ khyim pa'i khyim du 'gro na g.yeng ba med pa dang 'gying pa med pa dang yun ring du mi gnas par gyis shig pa'o/ / mig mi g.yeng zhes pa ni bud med la sogs pa la mig rtsam rgod cig pa'o/ /khyim bdag la chos kyi gtam bya zhes pa ni de dag la 'jig rten gyi gtam gyis ma yin gyi chos kyi gtam sha stag gyis shig pa'o/ /chos kyi gtam de 'ang gang yin zhe na/ de dag sbyin pa dang / dul ba dang / bsdam pa dang / tshangs par spyod pa'i gnas dang gso sbyin dang / skyabs su 'gro ba dang / bslab tshigs nod du gzhug ces pa yin te/ de la sbyin pa ni gtong pa'o/ /dul ba ni dbang po dbang du bya ba'o/ /bsdam pa ni lus dang ngag bsdam pa'o/ / tshangs par spyod pa'i gnas ni rab tu 'byung ba'i tshul dang / khyim pa zhig na nam 'tsho'i bar du bsnyen gnas kyi tshul gtong du gzhug pa'o/ /gso sbyin zhes pa ni nyin zhag gcig gi bar du bslab tshig brgyad 'bogs pa'o/ /skyabs su 'gro ba ni dkon mchog gsum la'o//bslab tshig mnod pa ni bslab tshig lnga'o/ /spyod dgu la ltung ba'i sgor 'gyur ba dran par bya zhes pa ni khyim du 'gro ba dang / bsod snyoms blang ba dang / 'jug pa dang / lhung bzed la sogs pa rtsom zhing spyod dgu la dran pa sngon du 'gro bar gyis shig pa'o//bltams pa 'khor bas mi nyan pa ma yin zhes pa ni gang zag su la 'khor ba des bltams shing nyan pa gtod cig pa'o/ /'ongs pa la tshur legs par byon tam pa dang / dga' ba'i brjod pa sngon tshogs su bya zhes pa ni khyim pa'am rab tu byung ba/ gang yang rung gud nas 'ongs pa la 'di skad du/ dga' dga' gsha' gsha' skad du gyis shig pa'o/ /ngom zum gsal zhing bzhin mdog gtsang ste / 'dzum pa sngon du 'gro ba'o zhes pa ni gud nas 'ongs pa la 'di ltar gyis shig pa'o/ /khyim ma zhig na de la chos kyi gtam bya zhes pa ni kun nas 'ongs pa khyim pa zhig na de la chos kyi gtam gyis shig pa'o//'dir mi 'od na grong na bas mgu ba ci nus kyis bya zhes pa ni/ khyim pa gtsug lag khang du mi 'khor na gtsug lag khang du 'khod pa rnams kyis bsri zhing mgu bar bya ba ci nus su gyis shig pa'o//chu dang stan bdog ces pa ni grong ngam dgon bdag na 'khod kyang rung ste/ khyim pa la sogs pa 'ong ba'i sta gon 'di dag gyis shig pa'o/ /phyag pa dang stan gding ba dang / chu gzhag pa dang / 'dri ma pa dang zas sbyin pa rnams gsar bus bya zhes pa ni ming gis smos pa'i las 'di dag gzhon rabs kyis gyis shig pa'o//'khor 'gal bar byed pa dang du blang zhes pa ni rtse rgod la sogs pa gtsug lag khang gi mi log pa'i lha brjed pa la sogs 'gal bar byed na khyad du sod cig pa'o/ / gal te bdag dang pha rol la mi gnod na'o zhes pa ni gong ma ltar dang du blang ba'ang bdag dang pha rol la gnod par mi 'gyur na gdod dang du long shig pa'o/ /nus na de'i phyir 'di gcad cing chos su bsgyur ba dang bgo bar bya zhes pa ni bdag dang pha rol gnyi ga la gnod pa byed du mi gzhug par yang nus na de la mi byed bar bsal zhing byang chub sems dpa' lo lnga pa la sogs pa'i mchod pa byed du gzhug pa'o//des lan te na zhing 'byer na 'khor de dag bsri bar bya zhes pa ni gong ma ltar bya ste/ 'di ltar gyur pa de dag gi yid bzho zhing bsri shig pa'o/ /mi nus na gud du 'dong zhes pa ni gong ma ltar byed du mi gzhug kyang mi nus la bdag dang pha rol gnyi ga'ang 'phung ba tsam gyi tshod na bdag gud du song shig pa'o//de'i rkyen gyis rtsod pa mi brjod ces pa ni de dag dang 'thab par mi bya'i bdag gud du song shig pa'o/ /dge 'dun gyi gtsug lag khang du 'khod pa de dag rku ba la sogs pa'i nyes pa spyod pa ji ltar bya zhe na/dge slong gi kun dgar nyes na kho na nyid kyis khyer ba ji nas kyang zin par bya zhes pa yin te rku ba de nyid kyi lag nas zin par gyur pa de lta bu'i thabs su sbyor cig pa'o/ /lag nas ma zin pa ji ltar zhe na/ ma nus na su la'ang byung rgyal du mi bsnyad par gzhon nu dang grogs po dang blon po dang dran ma dang rgyal bu dang zha 'bring ba rnams la sbran te 'khor dag par sma dbab ces pa yin te/'di rnams la skad sbyar cing gzu ras su gcod pa'i mdun du sma phob shig pa'o/ /dge slong gi rab tu 'byung bar gtogs pa bstan nas dge slong ma'i rab tu 'byung bar gtogs pa bstan pa ni dge slong gi gnas su dge slong ma'o zhes pa la sogs pa yin te/phal cher ni dge slong gi rab tu 'byung ba dang / bsnyen par rdzogs pa bzhin te de la mi 'dra ba ni dge slong 'ga' zhig la brten te zhes pa'i skabs su dge slong ma 'ga' zhig la brten te zhes bya ba dang /nyid kyis dge bsnyen du byas la dge 'dun la zhu ba'i dge slong la gtad ces pa'i skabs su dge 'dun la zhu ba'i dge slong ma la gtad ces bya ba lta bu la sogs pa dge slong gi gnas su dge slong mar bsgyur cig pa'o//dge slong gi gnas so cog tu dge slong mar ma bsnor ram zhe na/ rab tu 'byung ba thams cad la'o zhes pa yin te/ rab tu 'byung ba'i tshe dge slong zhes 'byung ngo cog gi skabs su dge slong mar bsnor cig pa'o/ /bsnyen par rdzogs pa'i tshe'ang de 'am zhe na/bsnyen par rdzogs pa na de gsol ba la sogs pa las byed pa las gzhan pa'o zhes pa yin te/ bsnyen par rdzogs pa la sogs pa las byed pa ma gtogs pa gzhan thams cad dge slong pha'i gnas su dge slong mar bsnor cig pa'o/ /'dir dge 'dun klag go zhes pa ni dge slong ma bsnyen par rdzogs pa'i tshe dge slong gi dge 'dun gyis bsnan cing klag pa'o//bar chad bsnyad pa dge slong ma'i skad long gis so zhes pa ni/ bar chad dri ba'i tshe dge slong ma skad len pa gcig bar du zhog la dris shig pa'o/ /bud med kyi tshig gzhan ni dge slob ma zhes bya zhes pa ni skyes pa dang mi 'dra bar bud med kyi tshig gcig yod pa ni dge slob ma yin par ston pa'o//'di yang rten te'o zhes pa ni rab tu 'byung ba dang bsnyen par rdzogs pa dge slong ma 'ga' khan por brten dgos pa bzhin du dge slob ma 'di yang dge slong ma 'ga' khan por brten dgos pa'o//dge slob mar bya ba gang gi skabs su bya ba dang yun ji srid kyi bar du spyad pa ston pa ni dge tshul dang dge slong ma'i bar du spyad pa'i dus ni lo gnyis so zhes so zhes pa yin te/ dge tshul dang dge slong ma'i bar du dge slob mar bya pa dang /dge slob ma'i bslab pa lo gnyis kyi bar du srungs shig pa'o/ /de la lo gnyis zhes pa ni lo gnyis kyi bar du mi rung ba'i tshigs yin gyi lo gnyis las lhag par mi spyad pa ni ma yin no/ /dge slong mar byas pa'i dus gsal bar ston ba ni bsnyen par rdzogs pa'i dus kyis ni dang po des ni nyung ba skye ba'i dang po'o zhes pa yin te/bag ma byas pa bsnyen par rdzogs pa'i dang po ni lo bcu gnyis lon pa yin gtsang ma bsnyen par rdzogs pa'i dang po ni lo nyi shu lon pa yin des nyung ba ni bag ma myong ba lo gnyis kyis nyung ba ste/ lo bcu dang gtsang ma lo gnyis kyis nyung ba lo bco brgyad pa yin te/ de ltar lo bcu dang lo bco brgyad nas dge slong ma'i sdom pa phog nas sdom pa skye pa'i dang po yin par ston pa'o/ /de la bag ma byas pa'i lo tshigs sten pa ni/ bag ma byas la lo bcu gnyis lon pa ni bsnyen par rdzogs pa'i dang po'o zhes pa yin no//dge slong ma'i sdom pa de cis 'grub ce na/ byin nas skye bo zhes pa yin te/ dge slong ma'i dge 'dun gyis chos drug dang rjes su mthun pa'i chos drug gsal ba dang gnyis kyis sbyin na gdod skye bar ston pa'o/ /dge slong ma'i dge 'dun gyis so zhes pa ni sdom pa de'ang dge slong ma'i dge 'dun gyis sbyin gyi gzhan gyis ma yin pa'o//de yang ji ltar sbyin zhe na/ bslab pa'i sdom pa zhes sbyin zhes pa yin te/ dge slong ma'i sdom pa zhes pa 'am/ dge slong ma'i sdom pa zhes mi bya'i/ dge slong mar slob pa sdom pa yin pas na bslab pa'i sdom pa zhes snyad btags la byin cig pa'o//de'i 'og tu bslab pa brjod ces pa ni sdom pa phog zin pa'i 'og tu las byed pa'i dge slong mas de'i bslab pa/ gcig pu lam du mi 'gro dang / /chu klung pha rol brgal mi bya/ /skyes pa mi reg gnas pa dang / /ltung ba mi bcab smyan mi bya//zhes pa'i chos drug dang / /sa le sbram la mi gzung zhing / /bslab pa'i spu rnams zeg mi bya/ /sa yang brko bar mi bya ste/ /rtswa sngon dag kyang gcad mi bya/ /byin len med par mi bza' ste/ /de bzhin gzhag pa dag kyang min/ /zhes pa'i rjes su mthun pa'i chos drug dang 'di rnams bsgo shig pa'o//dge slong ma'i bslab pa bsrungs na ltang kam du bsnyen par rdzogs par bya'am zhe na/ tshangs par spyod pa bskyed pa'i sdom pa ma thob par bsnyen par rdzogs par mi bya zhes pa yin te/ bsam pa snod du bya ba'i phyir tshangs par spyod pa bskyed pa'i sdom pa gsol ba dang gnyis kyis ma bsgrubs par bsnyen par rdzogs par ma byed cig pa'o//de yang gang gi skabs su sbyin zhe na/ gsang ste ston pa'i 'og tu de sbyin zhes pa yin no/ /de'ang sus sbyin zhe na/ dge 'dun gyis so zhes pa yin te/ tshangs par spyod pa bskyed pa'i sdom pa dge slong ma'i dge 'dun gyis byin cig pa'o//de'ang thabs ji ltar byas te sbyin zhe na/ bar chad dris nas so zhes pa yin te/ bar chad kyi chos rnams dris nas gdod byin cig pa'o/ /de lta bas na bud med la bar du gcod pa'i chos lan gsum gyi bar du dri dgos so/ /gsol nas su zhes pa ni tshangs par spyod pa skye ba'i sdom pa yang des ma gsol gyi par du dbog tu mi rung pa'o//gos ni lnga'o zhes pa ni de'i gos chos gos gsum dang / rngul gzan dang / ku su lu la ka lnga dgos par ston pa'o/ /gnas la shing drung ma gtogs so/ /zhes pa ni shing drung ma gtogs pa'i gnas gsum bsgo shig /ltung ba'i chos brgyad do zhes pa ni dge slong pha dang mthun pa'i ltung pa bzhi dang reg pa la sogs pa'i ltung ba bzhi ste/ brgyad kyang ston pa'o/ /lci ba'i chos bsgo zhes pa ni/ bsnyen par rdzogs pa dge slong las/ /zla ba phyed cing lung nod pa/ /dge slong med pa'i gnas dag tu//tshul du 'jug pa dag kyang ste/ /dge slong nyams pa mi gleng zhing / /khro min gsar la phyag kyang bya/ /tshogs gnyis dag nyes bya zhing / /'byung ba dag ste lci ba'o/ /zhes pa'i chos 'di brgyad kyang bsgos shig pa'o/ /de dag skabs gang du bsgo zhe na/ltung ba dang dge sbyong du byed pa'i bar du'o zhes pa yin te/ ltung ba'i chos brgyad dang / dge sbyong du byed pa'i chos bzhi'i bar du 'di bsgo shig pa'o/ /drug krid ces pa ni sU tra 'og nas 'byung ba drug krid kyis bsgo shig pa'o/ /'di dag la skye ba'i chos med do zhes pa yang ngo zhes pa ni/'og nas 'byung pa'i sU tra 'di drug la skye ba'i chos med pa ston pa'o/ /'di lta bu'i chos can bskrad dgos pa'ang zhar la rig par gyis shig / krid dang sbyor zhing skye ba'i chos med pa de dag gang zhe na/ mtshan gnyis zhes pa la sogs pa yin te/ pho mos gnyi ga'i mtshan yod pa'o//mtshan 'dams pa zhes pa ni lhed lta bu gle 'dams pa'o/ /khor mor zag pa zhes pa ni khrag la sogs pa rtag tu zag pa'o/ /khrag med pa zhes pa ni mngal gyi khrag med pa'o/ /mtshan ma tsam zhes pa ni/ mtshan mtshan ma tsam du gyur pa de la bya'o zhes pa ni /mtshan ma tsam zhes gong du smos pa mdo 'og nas 'chad pa yin te/ chu 'byung ba'i mtshan ma tsam yod pa la bya'o/ /sngon rab tu byung ba zhes pa ni sngon rab tu byung ba las phyis bslab pa phul ba'o/ /phran tshegs la sogs pa las rab tu 'byung ba'i dngos por gtogs pa'o//da ni sdom pa 'chags sam mi 'chags pa la sogs pa zhu ba las 'byung ba ston te/ mi ma yin pa'i 'gro ba dang / byang gi sgra mi snyan pa sdom pa'i zhing ma yin zhes pa ni lha dang gnod sbyin la sogs pa dang / byang gi sgra mi snyan gyi rang bzhin gyis dman pa la sdom pa mi 'chags par ston pa'o//mtshan lan gsum du gyur pa ma yin zhe na / mtshan lan gsum gyi bar du gyur na ma ning du zad pas sdom pa mi 'chags pa'o/ /snga ma gnyis kyis nyams pa yin / /zhes pa ni mtshan lan gnyis kyi bar du gyur pas sdom pa med par mi 'gyur ba'o/ /len pa'i tshe na'ang skye'o zhes pa ni sdom pa nod pa'i tshe mtshan gyur na pho mo gang du gyur pa de'i sdom pa 'chags par ston pa'o//mkhan po med pa'ang de dang ldan pa'o zhes pa ni mkhan po med na'ang mkhan po yod pa dang 'dra bar sdom pa skye ba'o/ /'di bsnyen par ma rdzogs pas kyang ngo zhes pa ni/mkhan po bsnyen par ma rdzogs pa shig yin na yang sdom pa skye bar ston pa'o/ /'di dge slong ma yin par shes na'o zhes pa ni gong ma ltar rung ba yang bsnyen par rdzogs par 'dod pas dge slong ma yin par ma shes na/ gdod gong ma ltar gyur pa'o/ /'di btang na ma yin zhes pa ni mkhan po de mi 'dod ce'am mi dgos zhes mkhan po btang na sdom pa mi 'chags pa'o//'di gnyis kyi ming ma smos na ma yin zhes pa ni bsnyen par rdzogs pa dang mkhan po gnyis kyi ming ma smos par sdom pa phog na mi 'chags par ston pa'o/ /de'i gzhi dge 'dun ma smos na zhes pa ni sdom pa 'thob pa'i gzhi chen po dge 'dun ma smos par khrims phog na sdom pa mi 'chags pa'o //khyim pa dang mu stegs kyi mtshan mas ma yin zhes pa ni khyim pa'i cha lugs yod bzhin pa dang / mu stegs kyi mtshan ma yod bzhin du khrims phog na sdom pa mi 'chags pa'o//gcer bu dang rngam pa dang gong 'cha' bas ma yin zhes pa ni/ 'di rnams la khrims phog na sdom pa mi 'chags te de la gcer pu zhes pa ni khrel zhing do tsha mi shes pa'i phyir ro/ /rngam pa ni sdom pa nod pa'i tshe rngam bzhin du mnos na mi brtan pa'i phyir ro/ /gong 'cha' ba ni skyes pa phrad do cog kha 'dogs pas na sdig che ba'i phyir sdom pa'i zhing ma yin no//bkar ba mtshan ma gtong bar khas mi len pa ma yin zhes pa ni nyes yod pa ma mthong ngo zhes dngan snyon byed pa la sogs pa'i phyir bkar ba las babs pa lta bu rab tu 'byung bar rtsol na nyes pa de'i phyir bkar la nyes pa de nyid mi gtong na sdom pa mi 'chags par ston pa'o//tshig snga ma ma myong na nyes byas zhes pa ni/ dge bsnyen dang dge tshul gyi sdom pa rim bzhin du ma phog pa ltang kam du bsnyen par rdzogs nad bsnyen par rdzogs par byed pa de dag la nyes byas su 'gyur/dge bsnyen gyi sdom pa ma phog par dge tshul du spar ba'ang de bzhin no/ /mkhan por ma gsol na'o zhes pa ni mkhan por gsol ba ma byas mkhan por ma btsal bar bsnyen par rdzogs na'ang bsnyen par rdzogs par mi 'gyur ba med par ston pa'o/ /bar chad ma dris na'o zhes pa ni bsnyen par rdzogs par 'dod pa de bar chad kyi chos ni med la dge 'dun gyis ma dris na de ni bsnyen par rdzogs par 'gyur dge 'dun la ni nyes byas yod par ston pa'o//'di med bzhin du khas 'ches pa sbyin zhes pa ni bar chad kyi chos ni med la/ kho nas yod ces zer ba lta bu sdom pa phog kyang bla/bud med skyes pa'i byang lag can dang skyes pa bud med kyi byad lag can ni mtshan tha dad pa ma yin no zhes pa ni/ 'di lta bur byad lag srel zhing 'dug kyang so so'i mtshan yod pas na ma ning la sogs pa ma yin te sdom pa 'chags so/ / de lta bu rab tu dbyung ngam zhe na/ 'di lag rdum la sogs par bsdu'o zhes pa yin te/ 'di lta bu lag rdum la sogs pa dang 'dra bar ston ba'o/ /gzhan yang de dang 'dra bar bsdu ba ni sdig pa'i mtshan ma can dang dbyibs tha dad pa dang gling tha dad du skye ba'o zhes pa yin te/sme ba la sogs pa'i mtshan dang nad pa'am gdong la spyang rjes btab pa la sogs pa dang / shar gyi lus 'phags dang / 'dzam bu'i gling pa lta bu dbyibs tha dad pa dang / 'dzam bu'i gling nyid na 'ang khyi thod can dang rna ba gyon pa la sogs pa dbyibs tha dad pa lta bu dang / shar gyi gling dang 'dzam bu'i gling lta bu gling tha dad pa dang de lta bu la sogs pa yang lag rdum dang 'dra bar ston pa'o/ /gzhan yang der gtogs la smos pa rnams da ston pa ni/ sen mo gcig pa dang / ltebs pa dang / gzhogs phyed nyams pa dang / dkre spyi dang / skra tshoms can dang /mdun rgyab dang gnyi ga sgur ba dang / drug dang sbyar ba dang / med pa'i sor mo dang rdzi ma bdung ba dang / na ku la 'ug pa log pa phrad pa 'phyang ba dmar ba dkyil mig gi mig lta bu dang / dgra dang / khye ma dang / 'brum phran dang / yangs pa'i mig dang / ser po dkar po dmar po gce'u rna dang /g.ya' ba shu ba khong pa'i mdze dang mje rlig pa'i nang du nub pa dang / glen pa dang lce med dang / gcig dang med pa'i rkang lag dang / skra sngon po dang / glang po rta khyi ba lang lug ri dgas nya sbrul ring po mang po rnams kyi mgo dang / ta la'i mgul ba dang / nad dang spyod lam gyis dub pa rnams las min ba dang / na bar bsdeb bo zhes pa yin te/ sen mo gcig pa la sogs te ming gis smos pa 'di dag las gang na ba ma yin pa de ni lag rdum zhes pa la sogs pa dang sbyar/ gzhogs phyed nyams pa la sogs pa gang na ba ni nad pa ma yin nam zhes pa dang sbyar ro//de la sen mo gcig ces pa ni sor mo kun gyi sen mo gcig pa'o/ /ltebs zhes pa ni lag pa shog deb ltar ltebs pa'o/ /gzhogs phyed nyams zhes pa ni gzhogs phyed rlung gis skams pa'o/ /dkre spyi zhes pa ni spyi bo dkre ltar myug myug por 'dug pa'o//skra tshoms can zhes pa ni zur phud 'dra bar pha zad tshu zad na tshoms su 'dug pa'o/ /mdun rgyab dang gnyi ga sgur zhes pa ni mdun du'ang sgur ba dang / rgyab tu'ang sgur ba dang / mdun rgyab gnyi ga sgur ba'o/ /drug dang 'byar ba dang / med pa'i sor mo zhes pa ni sor mo drug dang /sor mo 'byar ba dang sor mo med pa'o/ /rdzi ma bdung ba dang na ku la 'ug pa log pa phrad pa 'phyang ba dmar ba dkyil mig gi mig ces pa ni rdzi ma nang du bltas pa'i mig dang / na ku la'i mig lta bu dang 'ug pa'i mig lta bu dang / mig gi tha ma log par 'dug pa dang //mig gnyis 'dab phrad pa dang / mig gze'u ltar 'dug pa dang / mig than kor yan chad dmar ba dang / mig gi 'bras bu'i nang na sprin yod pa u shud kyi mig lta bur 'dug pa rnams so/ /dgra dang khye ma dang 'brum phran dang yangs pa'i mig ces pa ni mig gi nang du mdzer pa byung ba dang /khye ma byung ba dang / 'brum phran byung ba dang / mig yangs zhes pa'o/ /ser po dkar po dmar po gce'u rna zhes pa ni rna ba 'di rnams ltar 'dug pa'o/ /g.ya' ba shu ba khong pa'i mdze zhes pa ni rnam pa 'di lta bu'i mdze yod pa'o/ /mje rlig ba'i nang du nub ces ba ni rlig pa che ches pa'o//lce med ces pa ni lce yong gi med pa'o/ /gcig dang med pa'i rkang lag ces pa ni yong gi rka lag ya re las med pa dang rka lag ye med pa'o/ /skra sngon po zhes pa ni skra rams khar 'dug pa'o/ /glang po zhes pa nas mgo zhes pa'i bar du ni ming gis smos pa 'di rnams kyi mgo'am thod par 'dug pa ste/de la ring po zhes pa ni spyi rings su 'dug pa'o/ /mang po zhes pa ni du ma'i thod pa yong pa'o/ /ta la'i mgul pa zhes pa ni mgul pa nyer nyer por 'dug pa'o/ /nang dang spyod lam gyis dub ces pa ni nad dang spyod lam gyis gcad cing dub pa'o//mi rungs pa ni rkun pos so zhes pa ni gsod rkyen ma 'ongs par byed pa'i ma rungs par yang rkun po zhes gong du smos pa'i khongs su bsdu'o/ /phar bsams pa'i rgyal pos gnang ba ni pha bzhin no zhes pa ni/ rgyal bos pha lta bur byas pa rgyal po des rab tu 'byung bar gnang ba ni phas rab tu 'byung bar gnang ba dang 'dra'o//bu btsan du blangs pa gnang ba dang bcang ba dang zhu ba ni pha ma bzhin zhes pa ni bu btsan du blangs pa'i pha ma yang pha ma ngo bos gnang na rab tu 'byung ba dang pha ma yul mi ring na rab tu dbyung bar 'dod pa zhag bdun gyi bar du bcang ba dang /yul ring yang dge 'dun la mi zhur mi rung ba bzhin du gyis shig pa'o/ /mi ma yin pa'i 'gro ba ma yin zhes pa ni/ pha ma mi ma yin pa zhig na gnang ba la sogs pa mdo gong ma ltar bya mi dgos pa'o/ 'di dag tshams med par mi 'gyur zhes pa ni pha ma mi ma yin pas bsad pa mtshams med par mi 'gyur ba'o//'di ni skyes pa dag las so zhes pa ni/ gang las skyes pa'i pha ma nyid bsad na mtshams med par 'gyur gyi/ bu btsan du gsos pa'i pha ma dang mi ma yin pa'i pha ma bsad pas ni mi 'gyur bar ston pa'o/ /mtshan gyur pa dag kyang ngo zhes pa ni pha ma ni pho mos su mtshan gyur pa bas bsad kyang mtshams med par gyur pa'o//des byas pa ni ma bsad pa la sogs pa'i dmigs so zhes pa ni/ gong ma ltar gyur pas na pha ma ngo bo bsang ba rab tu mi dbyung zhing bsnyen par rdzogs par mi bya'i mtshams med par mi 'gyur ba'i pha ma bsad pa ni rab tu mi dbyung zhing bsnyen par rdzogs par mi bya ba ma yin na /skyes pas byi byas na dge slong ma bslus pa dang / bud med kyis byi byas na dge slong pha bslus pa ston pa ni slu ba ni mi tshangs par spyod pa ste/ ma phab ba dag gis myong ba'o zhes pa yin te/dge slong ma dang dge slong pha sngon pham ba byung ba yang ma yin la mi tshangs par spyod cing de'i dga' ba nyams su blangs na/ dge slong ma dang dge slong pha bslus pa yin par ston pa'o/ /de la gcig ma dad par gcig gis gong po nan byas na gong gong po nan byed cing dga' ba nyams su len pa nyid slu bar 'gyur ro//phan tshun nas gnyi ga 'dun na gnyi ga dge slong ma dang dge slong pha slu ba'o/ /gong du dge slong ma babs pa la skyes pa'i chos med par bstan pa de skabs kyis skyes pa'i chos yod par yang ston pa ni/ bud med las skyes par gyur na rab tu dbyung zhing bsnyen par rdzogs pa 'os pa'o zhes pa yin te/dge slong ma byed byed pa las bslab pa phul te/ babs pa'i 'og tu mtshan brjes te skyes par gyur la rab tu dbyung bar gsol na rung bar ston pa'o/ /gong du phas pham byung ba las skyes pa'i chos med par ston pa de yang skabs kyi bye brag gis 'gyur ba ston pa ni/mi mtshungs pa'i phas pham byung ba'o zhes pa yin te/ reg pa la sogs pa dge slong pha dang mi 'dra ba'i phas pham ba byung ba las babs pa gong ma ltar mtshan gyur na rab tu dbyung zhing bsnyen par rdzogs su rung bar ston pa'o/ /gzhi pa rnams ni bud med bsnyen par rdzogs pa'i yan lag go zhes pa ni bud med bsnyen par rdzogs pa'i tshe dge slong pha'i dge 'dun gyis klag ces 'byung bas/gud nas 'gron thabs su lhags pa'i dge 'dun gyis klag cing bsnan pa ma yin gyi dge 'dun gzhi bas snon cing klog shig pa'o/ /'grub ba'i mod la btang na 'jig pa ni dge bsnyen yan chad gang gi sdom pa nod kyang rung ste/sdom pa 'grub cing 'chags su byed pa'i tshe gtong ba la sogs pa rkyen gyis btsal na de'i mod kho na la sdom pa 'jig par ston pa'o/ /rab tu 'byung ba'i dngos por gtogs pa phal cher zhugs pa'o/ / rab tu byung zhing bsnyen par rdzogs pa'i cho ga de ltar bstan nas/ khyim par babs shing bslab pa gtong ba'i cho ga ji lta bu yin par ston pa ni/ rang bzhin nyams pas byas pa ni phul ba ma yin no zhes pa la sogs pa yin te/ smyos pa dang brlams pa dang / tshor bas nyen ba lta bu la sogs pa rang bzhin gyur bas bslab pa btang ba ni btang bar mi chud do//de la yang ma yin zhes pa ni bslab pa dbul ba'i gzhi bo de smyes pa dang brlams pa dang tshor bas nyen pa zhig na de la phul ba'ang phul zhing btang bar mi chud pa'o/ /lkugs pa yin zhes pa ni pha rol la bsnyad mi nus pa'i lkugs pa la phul na bshas te phul bar mi chud pa'o//mi ma yin pa'i 'gro ba yin zhes pa ni mi ma yin pa'i lha dang klu la sogs pa mi ma yin pa'i 'gro ba la phul na'ang phul bar chud pa'o/ /mgon ma yin zhes pa ni skad mi mthun pa la phul ba dang ca co'i nang du phul ba lta bu pha rol gyi mthus ma go bar phul ba phul bar mi chud do//dben par ma yin zhes pa ni su 'ang med pa'i lkog bur phul ba 'ang mi rung bar ston pa'o/ /dben par 'du shes pa ma yin zhes pa ni dben pa ma yin te mi yod la dben zhing mi med pa'o snyam du bsams te phul ba lta bu 'ang 'du shes brtsan bas na phul bar mi chud pa'o//gtong bar mi chud pa de ltar bstan nas ji lta bus gtong bar 'gyur ba'i tshig da ston pa ni/ bslab pa sangs rgyas chos dge 'dun mdo 'dul ba ma lta bu slob dpon mkhan po rnams gtong ba dang / bdag khyim pa dge tshul za ma ma ning / dge slong ma slu brkun gnas tha dad du gnas pa mi gnas pa mu stegs pa mu stegs su zhugs pa/ ma gsod pa pha gsod pa dgra bcom ba gsod pa dge 'dun 'byed pa de bzhin gshegs pa la ngan sems kyis khrag 'byin pa rnams su zung shig pa dang / tshe dang ldan pa dag bdag ni khyed cag lta bu'i tshangs pa mtshungs par spyod pa dang lhan cig tu gnas shing spyod pas chog go zhes pa'i tshig rnams kyis btang na'o zhes pa ni/tshig 'di rnams las re re smras te btang ngam lag brda la sogs pas btang zhing phul lam/ thams cad rdzogs par smras te btang zhing phul yang rung ba'o//gtong ba'i cho ga'o// // bslab pa gtong ba'i cho ga de ltar bstan nas ltung ba rnams kyi rim pa rnam par 'byed pa las 'byung ba bzhin du da ston pa ni/ bcug la reg pa nyams su blangs na'o zhes pa la sogs pa yin te/ pho mtshan bcug gam mo mtshan du bcug nas der reg cing de dag gi dga' ba so so'i nyams su myong na ltung ba'o/de yang cis she na zag byed kyis so zhes pa yin te/ lag pa la sogs pa gzhan gyi ma yin gyi pho mtshan gyis na ltung bar 'gyur ba'o/ /de yang gang du zhe na der zhes pa yin te/ rna ba la sogs par ma yin gyi mo mtshan du na ltung bar 'gyur ba'o/ /de yang ji lta bur spyad na zhe na ma nyams par ro zhes pa yin te/ gnas de rul ba la sogs par ma yin no/ /de nyi tsher ma zad de gnas kyi bye brag gzhan yang yod par ston pa ni/ kha 'am bshang ba'i lam du'o zhes pa yin te/rnam pa 'di gnyis kyi lam du spyod na yang ngo / /ma nyams par spyad pa ni pham na nyams par spyad pa ji ltar 'gyur zhe na/ nyams par na sbom po'o zhes pa yin te/ sgo gsum nyams par spyad pa lta bu 'khrig pa'i nyams rangs par myong du mi btub pas na phas pham pa'i sbom por 'gyur ro//pho mtshan nyams na'ang de bzhin/ 'bri ba ni mi bzod pa la'o zhes pa ni bud med dang ma ning la sogs pa spyad du mi bzod pa la 'tshom zhing spyod pa nas rtsom pa'i bar du nyes pa na re re 'bri ba'o/ /mi 'bri ba ni mi ma yin pa'i 'gro ba pa dang /skyes pa dang / ma ning dang / bsten pa dang / bsten pa'i g.yogs pa dang / shi ba rnams so zhes pa yin te/ rnam pa 'di rnams gang du ji ltar byas kyang rung ste nyes pa rangs par 'gyur ba'o/ /ma tshor ba dang rang bzhin nyams pa'i skabs dang / mi 'dod par bcug pa'o zhes pa ni bud med la sogs par ro zhing gnyid kyis non pa'am smyos pa la sogs par gyur pa'am/mi 'dod bzhin du nan po ches spyad pa lta bu gzhi nyid nyams shing ma dad pa mi brtsan gyi ma longs pa la nyes pa rangs par 'gyur ba'o/ /nyid kyi bsten par na yang ngo zhes pa ni nyid kyi kha dang bshang gnas su spyod na yang ngo //sngar phyi rol du bdar nas nang du btang bar bsams na yang ngo zhes pa ni/ bdar ba phyi rol du byas la nang du ldugs pa dang bdar ba nang du byas la phyi rol du 'bo ba lta bu'ang rangs par 'gyur ba'o/ /mi tshangs par spyod pa'i glags su 'gyur ba spang ba'i phyir nyin par mi dben par logs kyis phab ste gnyid log par mi bya zhes pa yin no//mi dben par ma nyal shig pa de'i dben pa ji lta bu zhe na/ dben pa ni gsum ste zhes pa ni bskor ba'i sgo bcad de 'dug pa dang / dge slong srung du bcug pa dang / sham thabs kyi mtha' ma mdud pa bor ba'o zhes pa gsum yin no//mi tshangs par spyod pa'i phas pham ba rnam par 'byed pa'o/ /rnam par 'byed pa la sogs pa'i 'byed pa rgyas pa phran tshegs la sogs pa las 'byung ba da ston pa ni/ gang na bud med lkugs pa dar mi 'gro'o zhes pa la sogs pa yin te/khyim gang na bud med mi ca bas lkugs pa der ci nas kyang ma 'gro shig pa'o/ /gang na mi ma yin 'tshe bar byed pa der mi gnas zhes pa ni dgon pa la sogs pa gang na gnod sbyin la sogs pa 'tshe ba yod pa der gnas ma 'cha' shig pa'o/ / 'dod chags che bas sgre'u bcang zhes pa ni/ 'dod chags che ba sta gon 'di ltar gyis shig pa'o/ /sgre'u de'i rgyu ci las bya zhe na/ ra'am ri dwags sam byi ba'i pags pa'o zhes pa yin te/ 'di dag tu ma zad kyi gzhan yang gang mnyen zhing spu 'jam pa las gyis shig pa'o/ /dri mi nga ba'i phyir bsnga bas so zhes pa ni/sgre'u de dri ming bar mi 'gyur ba'i spyad da dur a ru ra la sogs pa bsnga ba'i phye mas thob shig pa'o/ /bkru ba dang skam pa'o zhes pa ni sgre'u de dri nga na dus dus su 'di ltar yang gyis shig pa'o/ /bkru zhing skems pa'i tshe ji ltar bya zhe na/ de'i tshe gzhan yang ngo zhes pa yin te/gcig 'khru zhing skems pa'i tshe 'theb gcig kyang gud na yod par gyis shig pa'o/ /yang de ltar na gzan bya zhes pa ni khu ba mangs pas sgre'u gsher te ldar na nang du gzan thing shig pa'o/ /gzan de cis bya zhe na/ bye ma'am thal bas so zhes pa yin no//bkrus la gzhag ste zas dang mchod rten la phyag bya zhes pa ni sgre'u de phog tshan bkru bshal byas nas/ gdod mchod rten la phyag bya ba dang zas bza' ba gyis shig pa'o/ /mi tshangs par spyod pa'i phas pham pa phran tshegs su gtogs pa'o/ /sgo gsum du spyad pa phas pham pa'i rgyu'o zhes pa ni bstan na de dag gi mtshams ji tsam 'das shing thal bas phas pham par 'gyur ba'i bye brag gsal por ma bstan pa da ston pa ni/kha'i rtsom pa ni so 'das pa'o zhes pa la sogs pa yin te/ khar spyod pa ni so 'das na pham pa'o/ /bshang lam gyi ni gzhang so phan chad do zhes pa ni/bshang lam du spyod na gzhang so thal bas pham pa'o/ /'dzag byed kyi ni kha shun no zhes pa ni 'dzag byed du spyod na kha shun thal bas pham pa'o/ /'di nor bu 'das pa de'i mtha'o zhes pa ni dkre 'das na mtha'i ste pham par ston pa'o/ /gong du ma nyams pa zhes smos pa de'i nyams pa ji lta bu zhe na/phyogs cung zad brtsegs pa dang / skrangs pa dang / rul pa dang / zhig pa dang / srog chags kyis zos pa rnams ni nyams pa'o zhes pa yin te/ sprul dang sdig sbrul la sogs pas mtshan cung zad brtsegs pa dang / ril gyis brtsegs pa dang /skrangs pa'am/ rul pa 'am/ zhig pa'am/ khyi la sogs pa srog chags gzhan gyis zos pa rnams ni nyams par ston pa'o/ /rked par bcad pa'i gzhug gnas la 'bri ba med ces pa ni rked par gcad pa lta bu las nyams pa la spyad na 'brir re ba bsal ba'i phyir rked par bcad kyang gzhug gnas ma nyams pa'i phyir 'bri ba med de phas pham par ston pa'o//bsten pa phyed tshal sbyar ba'i mtshams mi mngon na yang ngo zhes pa ni bsten pa'i phyed tshal du gyur pa slar sbyar ba'i mtshams legs par 'byor cing gyes par mi mngon par spyad na yang phas pham pa'o/ / mngon na tshigs 'og ma zhes pa ni gong ma ltar gyur pa'i mtshams gyes par mngon par spyad na/ rtsom pa nas rtsa ba'i bar du nyes pa na re 'bri bar ston pa'o/ /phag la sogs pa'i spu byi bar btsos pa ni sbom por byed do zhes pa ni/ phag ro spu byi byir btsos pa'i gzhug gnas la sogs par spyod pa ni btsos pas nyams pa'i phyir sbom por 'gyur ba'o//mdo 'di nas mthar bshad pa'i g.yogs pa bsams pa zhes pa'i mdo la thug pa'i bar du ni sbom por ston pa sha stag go/ shi ba'i sgo gsum du spyad pa pham par 'dra'o zhes gong du bstan pa de'i bye brag gsal bar ston pa ni/mgo bcad pa'i khar yang zhes pa yin te/ mgo bcad pa'i khar spyad pa lta bu ni sbom po yin par ston pa'o/ /mgo bcad pa'i bshang lam dang gzhug gnas su spyod pa ni rtsa bar 'gyur ro/ /bsten pa dang bsten pa lus dang bral ba yang ngo zhes pa ni/ mo mtshan nyi tshe bcad pa la sogs pa pho mtshan la bskon pa'am/pho mtshan nyi tshe bcad pa mo mtshan la sogs par 'jug pa lta bu ni sbom por 'gyur ba'o/ /gzhan yang pha rol po'i pha rol gyir 'dzud pa'o zhes pa ni/ mdo gong ma las gzhan pa ste pho mtshan dang mo mtshan lus dang ma bral ba bdag gir ma yin gyi /pha rol po gcig gi gnas su gcig 'jug par byas na bdag la sbom por 'gyur ba'o/ /lus bcad pa'i bu ga gzhan du yang ngo zhes pa ni/ lus bcad pa'i sgo gsum ma yin pa'i bu ga rang bzhin gyis yod pa'am rma lta bu 'phral la gnod par spyod pa yang sbom po'o//ma ning mi bsten pa dgos thag pa yang ngo zhes pa ni ma ning ma'i mo mtshan dgos thag par spyod pa yang sbom po'o/ /mchu yang ngo zhes pa ni mchur spyod na yang sbom por 'gyur ba'o/ /mtshams kyi phyi phan chad do zhes pa ni so'i ni phyi rol mchu'i ni phan chad kyi bar du spyod na'ang sbom por 'gyur ba'o//sgye'ur yang zhes pa ni sgye'u lta bur shubs byas par 'dod chags kyis ched du spyod na sbom por 'gyur ba'o/ /bltab pa dang yal bar bcug pa'o zhes pa ni pho mtshan bltab spyod pa dang / mo mtshan ches pas bcug kyang yal te mi reg pa lta bu ni sbom por 'gyur ro//ma reg par bcug pa sbom por 'gyur na bsten pa dang bsten par g.yogs te spyod pa ci phyir pham zhes pa'i dogs pa bstsal ba'i phyir/ mthar bshad pa'i g.yogs par bsams pa de ni gang gis g.yogs pa de reg yod ye mi srid pa ma yin pas so zhes pa yin te/de gnyis dar lta bu la sogs pa srab mos g.yogs su zin gyis kyang dga' ba'i nyams mi myong du mi btub pa'i sa na pham par bstan to / /gzhan gyis g.yogs pa ni ma reg par bcug par bshad pa'o zhes pa ni/ phying pa la sogs pa stug po gzhan gyis g.yogs ba ni ma reg par bcug pa dang 'dra ste sbom por ston pa yin no//phas pham pa dang po zhus par gtogs pa'o// // da ni bye brag tu nges pa las mi tshangs par spyod par gtogs pa ston pa ste/ dge slong gi ngo bor mi tshor bar spyod pa ni rang bzhin nyams pa'o zhes pa ni/gong du nyams pa bstan pa'i chad ston pa yin te/ smyos sam brlams sam tshor bas nyen nas bdag dge slong yin no bar mi dran zhing mi tshor na rang bzhin nyams pa yin bar ston pa'o/ /gong du nyams pa zhes bstan pa de'i bye brag 'byed pa ni/ nyams pa gnyis ni phyi nang ngo zhes pa yin te/pho mtshan nas mo mtshan gyi nang brtsegs pa la sogs pas nyams sam phyi brtsegs pa la sogs pas nyams par ston pa'o/ /de la bud med kyi ni nang nyams pa btsan no/ /gzhan la brten par khas blangs na bslab pa zhig go zhes pa ni dge slong ma pha rol gyis bskugs pa dang rung bar khas blangs na des bslab pa 'khrugs shing nyams par ston te/reg pa la sogs pa'i tshigs dang sbyar du mi rung ngo / /'dir yang 'di sbyin zhes pa ni dge slob ma de gong ma ltar gyur na bslab pa yang phog shig pa'o/ /dge slong pha 'di sbom po'o zhes pa ni dge slong phas kha la sogs par spyod par khas blangs na sbom por 'gyur ba'o//sdud par ma chud na yang ngo zhes pa ni/ /bsten pa dang bsten pa rkyen du ma 'byor te ma chud na sbom por 'gyur ba'o/ /gzhug ma'i dmar phul ba yang ngo zhes pa ni mi chud pa la nan po ches 'tshang zhing phul ba'ang sbom por 'gyur ba'o//skrag cing skyengs pas 'dod chags ma grub yang ngo zhes pa ni 'jigs pa'am skyengs pas 'dod chags kyi nyams ma grub pa lta bu ni bcug kyang sbom por 'gyur ba'o/ /yan lag skyes gas pas ro ma grub pa'o zhes pa ni pho mtshan gas pa'i rkyen gyis 'khrig pa'i ro ma myong ba 'am sbom por 'gyur ba'o//las su ma rung bar bcug na'o zhes pa ni/ ma sgren bzhin du bcug na yang sbom por 'gyur ba'o/ /spyad mi bzod na 'bri 'o zhes gong du bstan pa de'i spyad mi bzod pa ji lta bu yin ston pa ni/lag pa dang lag par rkang pa dang rkang par tshigs dang tshigs su mtshan dang mtshan du ma 'byor na'o zhes pa yin te/ 'di dag ltar lus kyi rkyen du ma bab pa las spyod pa ni 'khrig pa'i nyams rangs par mi ldang bas na sbom por 'gyur ba'o/ /'brel nas g.yos pa tsam gyi tshod na'o zhes pa ni/mi 'dod bzhin du nan po ches spyad de/ pho mtshan dang mo mtshan du 'brel pa las 'khrig pa'i nyams cung zad tsam g.yob pa ni sbom por 'gyur ba'o/ /shing dang sa dang rdo dang gos las gzugs byas ba de la byed pa na gal te mtshan tsam stobs na'o zhes pa ni ming gis smos pa 'di rnams las bud med lta bu'i gzugs su byas te gud pa dang /mi ma yin ba lta bus mo mtshan gyi than kor tsam du de'i mo mtshan bzed par spyad pa ni sbom por 'gyur ba'o/ /yan lag thams cad kyis sbyor bar byed na rtsa ba'o zhes pa ni gal te mi ma yin pa lta bus yan lag thams cad kyis bkyud cing sbyar na rtsa bar 'gyur ba'o//bsten par brtsams nas yan lag skyes su rkang pa bcug na'o zhes pa ni/ sngar nyal po bya bar bshams la phyis mo mtshan du rkang pa bcug pa lta bu ni sbom por 'gyur ba'o//bsten pa'i phyir phyi rol du yan lag skyes des reg pa tsam gyis chog par byed pa'o zhes pa ni/ mo mtshan gyi phyi rol tam/ g.yas g.yon pho mtshan gyis reg pa tsam du byed pa yang sbom por 'gyur ba'o/ /pha rol bsten par bsgo na yang ngo zhes pa ni tshur shog nyal po bya'o zhe 'am/song la nyal po gyis shig ces bsgo ba lta bu yang sbom por 'gyur ba'o/ /rang bzhin gyis las su rung ba ni 'bri bar mi byed do zhes pa ni rang bzhin gyis sgren pas spyod na 'brir re ba ni 'bri ba med de rtsa bar 'gyur ba'o/ /mdun rgyab gar brtsams kyang rung ste/ de las gzhan par grub na'o zhes pa ni/sngar stu rkub gcig tu bkud la phyis khu ba 'byin pa stu rkub gcig tu spel cing 'byin pa lta bu yang rtsa bar 'gyur ba'o/ /lam lhag mar bya'o zhe na yang ma yin zhes pa ni/ mo mtshan lta bur spyod pa la kha rkub la sogs gzhan du yang spyad do snyam du sems bzhin du spyod pa lta bu nga'i bsam pa kun du ma grub pas na pham par mi 'gyur ro snyam du sems pa bsal ba'i phyir bstan pa yin te/de ltar spyod pa yang 'bri bar mi 'gyur te pham pa'o/ /bdag nyams pa'o bar bsams na'ang ma yin zhes pa ni dngos su nyams pa ma yin la/ 'khrul pa la sogs pas bdag nyams pa ma yin no snyam nas mi tshangs par spyod na yang rtsa bar 'gyur ba'o//nad dang 'bral ba'i phyi na yang ma yin zhes pa ni na ba la phan pa'i mi tshangs par spyod pa byed na yang pham pa'o/ /lam la gzhan du 'du shes pa'am the tshom na'ang ma yin zhes pa ni mo mtshan la sogs pa la mo mtshan ma yin par 'du shes pa dang /yin nam ma yin du gtol med de the tshom za bzhin du spyod pa lta bu des 'bri bar mi 'gyur te pham pa'o/ /'di dag la lam ma yin par na sbom por byed do zhes pa ni/ mo mtshan la sogs pa ma yin bar yin no snyam du shes pa dang /yin nam ma yin gtol med par the tshom yod bzhin du spyad pa ni sbom por 'gyur ba'o/ /brdos te bud med kyi steng du ltung ba ni nyes med ces pa ni ched du ma byas kyi gzhan gyis brdos shing phul te 'di ltar gyur pa la nyes med/ mi 'dod bzhin du phongs pas mgul nas 'khyud nas yang ngo zhes pa ni bdag ma dad bzhin du bud med skrag cing phongs pas 'di ltar byas pa la nyes med/mchu dang mchur thug pa yang ngo zhes pa ni bdag ma dad bzhin du phas 'o byas pa'am/ sdangs shing brtad pas 'di ltar gyur pa la nyes pa med/ khyi mo'i mdun du bshad par mi bya'o zhes pa ni/sngon gyi gleng gzhi yod pas ni 'di ltar ma byed cig pa'o/ /dgon pa gang na srog la dman pa der mi gnas zhes pa ni mi ma yin pa la sogs pa 'tsho zhing srog la dman pa'i gnas su ma 'dug shig pa'o/ /chu klung gang du yin lag skyes khyer gyis dogs pa der gces par mi rkyal zhes pa ni yang ba'i chu bo 'di lta bur smad dkris med par 'di ltar gcer par ma rkyal cig pa'o//'di gru la shes bzhin du brgal zhes pa ni gong ma lta bur dogs te/ gru la brgal na bud med la sogs pa dang mi reg par shes bzhin du gyis shig pa'o/ /ba'i nang du yang shes bzhin bar 'gro zhes pa ni ba'i khyu'am ba'i nang du 'gro ba na yang mi reg pa la sogs pa shes bzhin du gyis shig pa'o//khron par na yang brtag ces pa ni khron par chu chu ba'i tshe bud med chu chu ba la sogs dang mi reg par sta gon gyis shig pa'o/ /bsod snyoms [(]gyi [,]kyi[)]phyir grong du spyod pa yang ngo zhes pa ni/bsod snyoms la grong du 'gro ba'i tshe na yang bud med la bag gyis shig pa'o/ /shin tu brtags la rab tu de dbyung zhes pa ni rab tu dbyung ba'i tshe bud med yin yang srid pas na shin tu legs par rtogs shig pa'o/ /gcig bu bla gab med par logs kyis mi dbab ces pa ni gcig pu 'di ltar ma byed cig pa'o//sgo ma bcad pa de'i khyim du dge slong mas bsam gtan yang mi bya zhes pa ni/ bsam gtan nyi tsher ma zad kyi gnyid log par yang ma byed cig pa'o/ /phas pham pa dang po bye brag tu nges pa'o//mi tshangs par spyod pa'i phas pham pa rdzogs so// //ji ltar byas pas ma byin par len par 'gyur zhe na/ 'phrog pa dang 'phrog tu bcug pa'o zhes pa la sogs pa yin te/ bdag gis brkus kyang rung / pha rol rkur bcug kyang rung ste pham pa'o//pho nyas kyang ngo zhes pa ni rkur btang ba'am rkur btang bas rkur bcug na 'ang pham pa'o/ /pho nya la sogs pas 'phrog gam 'phrog du bcug pa de ji lta bu la bya zhe na/ ma byin pa'o zhes pa yin te/ skyes pa 'am bud med dam ma ning gis kyang ma byin pa'o/ de'ang tshad ji tsam gyis she na/ma sha ka la sogs pa'o zhes pa yin no/ /de yang ji lta bu'i sems kyis sha na/ rku sems so zhes pa yin te/ yid brtan pa la sogs pa'i bsam pa la nyes med par 'og nas 'byung bas na rku ba'i sems so zhes smos pa yin no/ /mi ma yin pa'i 'gro ba'i yang pham par 'gyur ram zhe na/mi'i 'gro bas yongs su bzung ba'o zhes pa yin te/ mi'i nor las khyer na'o/ /mis yongs su bzung ba yin la/ bzung ba mi ma yin la sogs kyi bar bsams pa'ang nyes pa rangs par 'gyur ram zhe na der 'du shes na'o zhes pa yin te/ mi'i yin par 'du shes na gdod pham par 'gyur ba'o//de lta bas na ma byin par len pa'i phas pham par 'gyur ba ni ma byin zhes pa nas/ der 'du shes pa'i bar du yan lag lnga dang ldan pas 'gyur bar ston to/ /'di lnga las gang yang rung ste/ gcig ma tshad na 'bri bar 'gyur ro/ /gong du mis yongs su bzung ba zhes bstan na rlung la sogs pas khyer ba lta bu mis bzung ba gtogs sam ma gtogs she na/khyer ba sems kyis ma btang na bdag po dang bral ba ma yin no zhes pa yin te/ rlung dang rkun po la sogs pas rdzas khyer ba des re thag ma bcad na bdag po med par mi 'gyur ba'o//byol song bdag po yod pa'i nor brkus na cir 'gyur zhe na/ gson ma'i ni bsrung ba bdag por 'gyur ro zhes pa yin te/ gson ma'i rgyan lta bu ni gson ma nyid kyang dbang gson ma'i bdag po yang dbang bas na gson ma'am bdag po gang gir bsams te/brkus pa de 'du shes kyis bya'o / /byol song gson ma'i zas skom brkus pa'ang de dang 'dra ba'am zhe na/ bza' ba'i phyir byin pa ni bdag gis bsams pa med do zhes pa yin te/ zas su phog pa ni gtan gong du gyur pas na/ de brkus pas ni pham par mi 'gyur/ mi long gis bskor ba la sogs pa'i ri dgas kyi bdag po su yin zhe na/bya ri dgas gcan gzan dag bzung ba'i phyir me gtong ba la sogs pas bshor ba la ni mi bshor ba la mi dbang zhes pa yin te/ gang gis bshor zhing brtsams pa de dbang bas ni rnyis zin pa la sogs pa rku sems kyis btang ngam khyer na pham par 'gyur ba'o//bdag po ma des pa'i nor brkus pa cir 'gyur zhe na/ ma nges pa ni dngos pos bcad ces pa yin te/ bdag po yod dam med gtol med pa'i rdzas lta bu yod kyang rung med kyang rung bar bsams te brkus na bdag po yod dam med pa las pham pa dang /mi pham par dbye'o/ /rin thang rtsis shig ces gsungs pa'i rin thang brtsir yul dang dus kyi rin thang mi mnyam pa ji ltar bya zhe na/ rku ba'i gnas dang / dus kyi rin gyis so zhes pa yin te/ yul gang du brkus pa dang / nam brkus pa de'i rin thang gis brtsis shig pa'o//rku bar ma bsams pa'i rdzas lag tu 'ongs pa cir 'gyur zhe na ma bsams pa la nyes med ces pa yin te/ gang rku ba'i zhor la chos gos 'ongs pa lta bu rku bar ma bsams na nyes med/ bdag gi dang brnyan po dang / yid brtan pa'i sems kyis gzhan shes par byas pa'o zhes pa ni bdag gi rdzas yin par bsams te khyer ba dang bsnyan po dang yid brtan par bsams te khyer ba lta bu la yang nyes med/de yang pha rol shes par ni gyis shig pa'o/ /gzhan du na rku sems med pa'o zhes pa ni/ gong ma gsum ltar yang ma yin zhing rku sems med pas pha rol gyi nor khyer ba'ang nyes par mi 'gyur/snying rje'i 'phrul gyis btab pa yang ngo zhes pa ni/ gzhi snying rje las blangs pa'i rdzu 'phrul gyis rkun po'i lag nas mi btang ba la sogs pa nyes med/ sbyor ba ni thams cad du nyes byas zhes pa ni/dang po shoms shing rtsom pa'i tshe ni nyes byas so/ /sde 'di la ni ji ste rtsa ba'i na sbom po'o zhes pa ni/ phas pham pa'i rtsa ba'i sbyor ba yin na sbom por 'gyur ba'o/ /mod bzhin pa'i yang de bzhin zhes pa ni phas pham pa'i 'og tu lhag ma 'byung bas na lhag ma de'i rtsa bar sbyor ba yang lhag ma'i sbom po'o//ma sha ka lngar tshang ba la sogs pas ni pham na ma tshang ba cir 'gyur zhe na/ ma tshang ba brkus pa'o zhes pa yin te/ rin ma tshang bar brkus na sbom por 'gyur ba'o/ /'di nas snying rje'i sems kyis na nyes byas zhes pa la thug pa'i bar du ni sbom po sha stag 'chad do//bdag po ma yin pa'i brkus pa ni pham par 'gyur na/ bdag po med pa'i brkus pa cir 'gyur zhe na/ bdag po med pa'i gter yang zhes pa yin te/ bdag po med pa'i gter brkus na sbom por 'gyur ba'o/ /bdag gi yang ngo zhes pa ni/bdag gi nor brkus na sbom por 'gyur / rgyud gzhan gyi yod ces pa ni mi'i rgyud ma yin pa rgyud gzhan gyi brkus na sbom por 'gyur ba'o/ /bdag gir bya ba'i phyir brkus pa ni pham bar 'gyur na/ bdag po dang bral ba nyi tsher byas pa cir 'gyur zhe na/ bdag gir ni ma byas kyi sbed pa dang chud gzan pa btags pa gtong ba la sogs pas phral ba yang ngo zhes pa yin te/rnam pa 'di rnams ltar byed pa yang sbom por 'gyur ba'o/ /gnod sems kyis phral ba ni sbom por 'gyur na snying rje phral ba cir 'gyur zhe na/ snying rje'i sems kyis nyes byas zhes pa yin no//pham par brtsams pa las shol zhing btang ba sbom po mi 'gyur du re ba ston pa ni/ bcos kyang dang po'i ma byas pa ma yin zhes pa yin te/ khyim pa byin glags yod kyis brkus shig ces byas pa las phyis 'gyod do/ rkun po bzlog gam khyim der sbran kyang dang po'i nyes pa rtul bas na sbom por 'gyur ba'o//gong du sbyor ba ni sbom po'o / /sbyor ba'i sbyor ba ni nyes byas zhes bstan pa de'i bye brag ston pa ni/ ma reg pa tshun chad sbyor ba'i sbyor ba'o zhes pa yin te rku bar bshams pa'i rdzas reg pa tshun chad ni sbyor ba'i sbyor ba ste nyes byas/reg cing nom pa ni rtsa ba'i sbyor ba ste sbom po'o/ /de lta bas na bsam pa'i rim pas sbyor ba'i rim pa/ sbyor ba'i rim pas ltung ba'i rim pa'o/ /stan las 'phags pa tshun chad sbyor ba gcig tu bstan pa kha cig la de ltar mi 'gyur te/ sbyor ba re nyes byas rer ston pa ni dben na gom pa re re zhing ngo zhes pa la sogs pa yin te dben nas rku bar bsams na phyi nur gyi gom pa re re zhing nyes byas re rer 'gyur ba'o//nam mi snang du cha ba'i gom pa tha ma de ni rtsa ba'i sbyor ba'o/ /rtsom pa gcig na ltung ba'ang gcig tu re ba bstan pa'i phyir sems can de dag re re zhing ngo zhes pa yin te rku ba dang /'tshog pa dang / gzas pa dang / phyar ka gtong ba la sogs pa sbyor ba gcig tu zin gyis kyang sems can du nyes par 'gyur ba'o/ /reg cing nom pa'o cog sbom por 'gyur na gru'i thag pa la reg cing nom pa las sbom por dogs pa bsal ba'i phyir/phur pa las bkrol ba ni gru la reg pa ma yin no zhes pa yin te/ gru reg na thag pa bkrol ba ni nyes byas su zad/ gnas nas bskyod do cog pham bar 'gyur ram zhe na/ khur gyis rku bar na de drags pas brkus pa'o zhes pa yin te/ khur gyis rku bar bsams na khur bslang ngam khur du drags pas gdod pham gyi phan tshun nas len cing sdud pa ni sbyor bar zad do//gtogs pa ni spungs na'o zhes pa ni me tog lta bu spungs pa la rku bar bsams na 'thob pa ni spyor ba'o/ /chu'i nang na yod pa'i shing lta bu spyings pa la rku bar bsams pa ji ltar gyur pas pham zhe na/spyings pa ni gnas kyi steng nas rdzas kyi spyi bo nub na'o zhes pa yin te/ chu'i steng na rdzas yod pa nub par spyings na des pham par 'gyur ba'o/ /de lta bu'i phyis blang bar bsams pas na sngar rdzas spyings pas pham pa bshad pa ni mi rigs so zhes pa'i dogs pa bsal ba'i phyir/gang 'dis brkus la phyis bskur ro bar bsams na'o zhes pa yin te/ blang ni phyis blang gi brkus pa ni sngar brkus pas na spyings pa'i tshe pham par gyur to/ /dar dang shing la sogs pa ring por bshal te rku ba ji tsam gyis pham par 'gyur zhe na/bshal ba ni gzhi'i so nas 'jug 'phags te mtshams thal ba'o zhes pa yin te/ gang brku ba de bshal nas ji'i steng du 'dug pa'i gzhi de las thal na pham par 'gyur ba'o/ /rku ba'i rdzas gcig gi 'og na mtshams du ma zhig yod na mtshams de gang thal bas pham par brtsi zhe na/de dag khyab pa'i khongs na ba ni ma yin zhes pa yin te/ gzhi gang yin pa'i so las thal ba brtsan par bya'i/ de'i 'og na mtshams du ma zhig 'dug na'ang de dag thal ba'i tshad kyis mi gzung ste/ rdzas nyid kyi mjug rdzogs pas gzung ba'i phyir ro//zhu ba las kyang bcom ldan 'das yo byad dam pa ring mo zhig tu khyer yang mthar mi 'gyur bar mchis sam zhes pa dang / yod de yo byad dam pa de tha ma gcig nas bshal ba ring mo zhig tu son kyang tha ma gcig gnas nas ma 'phags na nyes pa spom por zad do zhes gsungs pa lta bu yin no//gong du mtshams zhes pa ni bshad na mtshams de'i dngos nyid ma bstan pa dang ston pa ni/ de'i ngo bo ni gogs pa dang / gas pa dang / ri mo dang / kha dog tha dad pa dang / mtshams dang / sgal pa rnams so zhes pa yin te/de la gogs pa ni char la sogs pas nyen pa'i sa skams na gogs par gyur pa'o/ /gas pa ni ser gar red cid gas pa'o/ /ri mo zhes pa ni yi ger bris pa la sogs pa bris pa'o cog la bya/ kha dog tha dad pa zhes pa ni sngon po dang ser po la sogs pa kha dog sna tshogs so//mtshams zhes pa ni pha gu la sogs pa'i mtshams so/ /sgal zhes pa ni zhing gi mu tshigs dang re lnge la sogs pas sgal lam mu tshigs su mngon pa lta bu'o/ /srog chags lta bu nyid kyi lus kyi mtshams kyis bzung ngam ji ltar bya zhe na/ tha dad du dbyer mngon na srog chags kyi ni rtsib ma la sogs pa sgal lo zhes pa yin te/rtsib ma la sogs pa sgal pa 'am lhu tshigs rong rong por mngon na de dag gi mtshams kyis gzung mi mngon na lus spyi'i mtshams kyis gzung bar zad do/ /sa'i steng du rtsa dang 'dab ma la sogs pa gzhir bting ba'i steng na yod pa'i rdzas brkus pa sa nyid kyi mtshams kyis gzung zhe na/gzhir bting ba gnas so zhes pa yin te/ gzhir bting ba nyid gnas bas na de las thal ba pham par 'gyur ba yin no/ /skye ba ni gzhag pa bzhin zhes pa ni nor sa la bzhag pa bteg nas las 'phags pas rtsa bar 'gyur ba bzhin du shing lta bu skye ba rku ba yang phyung ste rtsa ba sa las 'phags na yang pham par 'gyur ba'o//sor gdub la sogs pa rkang lag dang lus la thogs pa rkub ji tsam gyis pham zhe na thogs pa ni phral na'o zhes pa yin te/ lus las phog cing phral na pham par 'gyur ba'o//sho gam rku ba'i sa tshigs ji tsam gyis pham zhe na/ sho ga ma ni sa de 'das na'o zhes pa yin te/ sho gam gyi sa tshigs thal na pham par 'gyur ro/ /gal te sa tshigs las slar log gam gyur yang yul de nyid kyi yul khrims dang sbyor ro/ / mi rku ba ji tsam gyis pham zhe na/ mi ni gal te brdas zin de grub pa'o zhes pa yin te/ phyogs sam mtshan ma ji'i tshul gyis kyang rung ste/ rku ba de dang brda byas nas brda dang ru 'byor na des pham par 'gyur ba'o/ /sngags kyi mthus mi bkug ste brkus pa ni nam mig lam du 'ongs na pham pa'o//bya ni ci nas sbur na de'o zhes pa yin te/ sbur ba la sogs pa bdag gis thabs kyis thob pa'i yan lag cis sgrub kyang rung ste de 'phur cing mtshams las 'das na pham par 'gyur ba'o/ /byol song gi btags pa bkrol na'o zhes pa ni/ byol song rku ba ni btags shing brtod pa bkrol ba dang / ri dgas dang nya lta bu zin pa bkrol na pham par 'gyur ba'o/ /bzung ba'am bkar ba ni mi snang bar gyur na'o zhes ba ni yan par bzung ba dang khyu nas bkar ba lta phu ni rdzi las mi snang bar gyur tam khyu las mi snang bar gyur na pham pa'o//sngags kyis brkus na ji tsam gyis pham zhe na sngags kyis bkug pa ni snang na'o zhes pa yin te/ sngags kyis gter la sogs pa drang shing bkug pa ni nam mig lam du 'ongs na des pham pa'o/ /sngags mkhan du ma zhig gis rub ste bkug na'ang gcig gi mig lam du 'ongs pas kun pham pa'o//ben cing nur ba la sogs pas rku ba ji tsam gyis pham zhe na/ 'brang ba dang skyol ba las ben tam log gam rgyu'am gab bam 'dzegs na des khyer ba la mi bya'i snga ma bzhin zhes pa yin te/ mkhan po'am slob dpon gyi rdzas khyer te phyi bzhin du 'gro ba las spyir ben te rkur ma de'i thad du rdzas khyer ba las lam nas phyir log gam gud du gyu 'am/gab bam 'og nas steng du 'dzegs pa la sogs pa gang ltar byas kyang rung ste/ mi snang bar gyur na des khyer ba'i rdzas mi snang ba la mi bya'i mi nyid mi snang bar gyur na pham pa'o//gru ni thang dang yur ba dang mtshe'u las so zhes pa ni/ gru'i gnas 'di rnams las rku ba ni mi snang bas pham par 'gyur te/ 'di ni dpe tsam du zad kyi shing la sogs pa gzhan yang de bzhin/ chu bo las rku ba ji tsam gyis pham zhe na/ rgyun bzhin pa yang ngo zhes pa yin te/chu zhon du khyer te brkus na yang mi snang bas pham par 'gyur ro/ /thad kar ni pha rol gyi 'gram mi snang na'o zhes pa ni thad kar khyer te rku la pha rol gyi 'gram mi mngon na gru nyid nam mi snang bar gyur pas pham pa'o/ /gzhan du na der phyin pas so zhes pa ni pha rol gyi 'gram mngon na pha rol gyi 'gram du phyin pas pham pa'o//gyen du ni tshums 'das na'o zhes pa ni rgyun nas bzlog ste rku na gru tshums thal bas pham pa'o/ /chu srin byed cing rku ba ji tsam gyis pham zhe na/ nyid kyi las kyi mtha' de nyid grub par 'dod pa'i phyir pha rol gyi las kyi mtha' la chu gtong ngam bzlog pa ni lhag pa las gzhan pa'o zhes pa yin te/bdag gi zhing legs par brjod pa'i phyir chu rka bsgyur na 'ongs thang gis che ba mi brtsi'i chu btang zhing bcang pas skyed bri ci zhugs pa brtsis te rin thang tshang na pham par 'gyur ba'o/ /rkun shas 'dod pa'i phyir rkun po la glags ston pa ni pham par 'gyur zhe na/de'i phyir rkun po dag la sgrub pa'i rgyus bstan na shas thob pas so zhes pa yin te/ rkun po las shas 'dod pa'i phyir rgyus mkhan byas nas de'i shas nas lag tu 'ongs pa na pham par 'gyur ba'o/ /sa dang khyim skong zhing rkun ji tsam gyis pham par 'gyur zhe na/sa dang khyim skong pa ni mtshams 'byor na'o zhes pa yin te/ sa dang khyim skong zhing rku ba bskor ba'i rmang ngam ra ba nas khor yug tu 'khor na des pham par 'gyur ba'o/ /pha rol gyi nor shags dkar bor te rku ba ji tsam gyis pham zhe na/shags kyis ni gal te rgyal po'i 'khor du rgyal na'o zhes pa yin te/ shags dkar 'dong zhing rku ba bla shags su bkye na nam bdag rgyal bar bcad pa'i tshe pham pa'o/ /bla shags ma yin gyi 'og gzu'i thad du shags dkar song ba nam pham zhe na/ gal te gzu bo'i der na ni pha rol gyis sbyor ba'i re thag bcad na'o zhes pa yin te/'og gzus bdag rgyal bar bcad la/ de nyid kyis kyang spogs pa'i re thag bcad na re thag nam bcad pa des pham pa'o/ /'og gzus bcad pa nyid cir 'gyur zhe na/ 'di ni sbyor ba'o zhes pa yin te/ 'og gzus rgyal bar bcad pa ni sbyor ba ste/sbom por ston pa'o/ /sho gam rku ba gong du rgyas par ma smos pas na rnam par 'byed pa las ltung ba dang mi ltung ba'i rgyus cir 'gyur ba mdor ston pa ni/ rku sems med pa ni sho gam gyi rgyud la nyes pa skye bar ma dogs shig ces pa yin te/ dge slong sho gam zlor mi dbang ba'i tshe khyim pas zlor bcol ba dang zlor dbang ba'i tshe khyim pa'i rdzas bslab pa gnyis la bcom ldan 'das nyes pa med par gsungs pa ni khyim pas bcal drang mnyam du bsams pa dang /bdag gis zlor dbang gi pha rol gyi zlor mi dbang bar phye ba med de/ bdag gis khyer ro cog zlor dbang bar bsams pas na 'di gnyis la rku sems med pa'i phyir dogs pa ma bskyed cig par slob dpon nyid kyis bsgrubs pa'i mdo yin no//de ni sho gam gyi rdzas gang gis khyer ba de nyid kyis bcal pa ston pa ni/ rdzas gang gis khyer ba des sbyin zhes pa yin te/ rdzas gang gis khyer zhing sho gam zlo ba des sho gam bcol cig pa'o//da ni dngos nyid bstan pa'i phyir dbang bas gzhan gyi bzlas pa ni ma brkus pa ma yin zhes pa yin te/ dge slong sho gam bzlar dbang bas bdag gis rdzas gtogs pa gzhan gyi rdzas bzlas na bkus par ston pa'o//mi dbang bas gzhan zlor mi gzhug ces pa ni dge slong sho gam zlor mi dbang na/ khyim pa la bcol zhing ma zlo shig pa'o/ bzlas na pham par 'gyur ba'o/ /rnam pa gzhan yang rkun po lta bur 'gyur ba bsal ba'i phyir/ ma tshor bar zlo ba mi 'grub pa'i phyir nan tan mi bya ba ma yin zhes pa yin te/sho gam du 'gyur pa'i rdzas tshong pa la sogs pas dge slong gi rdzas kyi nang du 'jug cing yo byad srid pas na/ ye mig ma cung shig pa'o/ /de'i nan tan ji ltar bya zhe na/ dge slong du ma srung mar gzhag ces pa yin te/ bdag cag bsod snyoms sam gud du 'dong na phyi na dge slong srung ma gcig gnyis yan chad dus thub pa zhog shig pa'o//de'i zas sbyin zhes pa ni srung mar gzhag pa de'i zas bsod snyoms la dong ba spyis byin cig pa'o/ /srung mar gzhag pa de las ji ltar bya zhe na/ des dgag ces pa la sogs pa yin te/bdag cag gi brungs skor du rdzas sbed cing 'dug pa lta na srung ma des khogs shig pa'o/ /bcug nas bsnyad ces pa ni/ de dag gis rdzas bcug na dge slong dag la sbron cig pa'o/ /srung ma gzhag tu dge slong med na ji ltar bya zhe na/ med na mtshan ma gdab ces pa yin te/dge slong gzhag tu med na brungs la rgya'am mtshan ma thob shig pa'o/ /dris la blang zhes pa ni dge slong de dag slar 'khor na/ nged kyi rdzas kyi nang du khyed kyi nor rdzas bcug pa med grang zhes brtags la gdod bdag cag gi rdzas long shig pa'o/ /gser dngul lta bu bdag cag gi snod bcug pa ji ltar bya zhe na/gzhan du 'byung bar ma grub na reg par bya zhes pa yin te/ khyim pa dang dge tshul med dam 'byin du ma btub na bdag cag nyid kyi lag dar te long la phyung shig pa'o/ /'di ni ltung ba nyi tshe'i gnyen po'o/ /dkon mchog gsum la sogs pa la bsngos pa'i cho ga ston pa ni/chad pa kho nar bsngos pa ni lag tu ma son kyang ngo zhes pa la sogs pa yin te/ dkon mchog gsum dang pha ma la sogs pa la dbul bar bsngos pa ni snying nas bsdogs pa tsam gyis bdag gi ma yin par 'grub pa'o//de lta bu ni nor gtong ba'i phyir pha ma bsngags zhes pa ni de dag la bsngos pa'i nor sho gam las zlo ba'i tshe sho gam pas mi 'gag par bya ba'i phyir pha ma'i yon tan rgyas par shod cig pa'o/ /dkon mchog dag kyang ngo zhes pa ni/ dkon mchog gsum gyi nor sho gam la zlo ba'i tshe 'di dkon mchog gi yon tan rgyas par shod cig pa'o//dkon mchog la sogs pa'i yon tan bshad kyang sho gam pas ma btang na ji ltar bya zhe na / gzhan gyi nor gyi phyir gzhan gyi nor bskyi ba'i tshul gyis sbyin zhes pa yin te/ chos bshad kyang nges ma btang na sho gam gyi shas sbyin dgos te/kun gyi dkor las shas shas kyis sbyin du thogs te mi bde na dkon mchog gcig gi dkor las snga shugs su gyis shig pa'o/ /sho gam sbyin pa la sogs pa tshegs bskyang ba zhar la ston pa ni sho gam du 'gyur ba dang bcas te/ lam du mi 'gro zhes pa yin te/sho gam gyi rdzas khyer 'gro shig pa'o/ /mi bskur du mi rung ba'i rkyen cig byung na gdod dkon mchog gsum gyi dkor man chad gang gis khyer yang nyes med sho gam du 'gyur ba dang mi 'gyur ba'i rdzas 'byed cing ston pa ni/ der mi 'gyur bar bsgyur ba ni lci ba btsir bas kyang ngo zhes pa la sogs pa yin te/sho gam gyi rdzas su mi 'gyur ba ni lci ba'i khu bas kha dog bsgyur yang sho gam gyi rdzas su mi 'gyur ro/ /kha tshar dang mtha' tshar bcad pas kyang ngo zhes pa ni ras kyi kha tshar dang mtha' tshar bcad pa tsam gyis kyang sho gam gyi rdzas su mi 'gyur bar ston to//ma mthong na blo de mi 'grub ces pa ni cho ga gong ma ltar bya ba bdag gi mig sngar ma bab kyi bar du pha rol byed du bcug pa tsam la yid ma rton cig pa'o/ /sho gam gyi cho ga de ltar rgyas par bstan nas gzhan yang rnam par 'byed pa las 'byung ba zhar la ston pa ni gzhan gyi 'tsho ba mi bcad ces pa la sogs pa yin te/sho gam rku ba sbron pa la sogs pa pha rol cis 'tsho yang rung ste/ de dag gi 'tsho ba la gnod pa ci nas kyang ma byed cig pa'o/ /yid brtan pa ma yin pa la yid brtan par mi bya zhes pa ni/ chos gos dang lhung bzed la sogs pa khyer ba las skur klang gi glags su 'gyur ba bsal ba'i phyir/ yid mi gcugs pa la gcugs par ma byed cig pa'o/ /de yang ji lta bu zhe na/ 'og ma gong mar na de'i zhes pa yin te/ yid brtan pa rab 'bring gi go nor na mdo gong ma ltar 'gyur ba'o//da ni ji lta bu la yid brtan par bya ba ston te/ de ni mdza' ba yid du 'ong ba bla ma dran pa mchod pa bsngags pa/ khyer na dga' ba rnams so zhes pa ni 'di rnams la yid rton cig pa ste/ de la mdza' ba ni bshes pa'o/ /yid du 'ong ba ni 'thad pa'o/ /bla ma ni slob dpon dang mkhan po'o//dran pa ni gang gi tshul khrims dang thos pa la sogs pa'i yon tan dran zhing de ltar 'chos pa'o/ /mchod pa ni gos la sogs pa bshugs pa dang bsti stang bya bar 'os pa'o/ /bsngags pa ni gang gi tshul khrims dang thos pa la sogs pa'i yon tan bsngags shing ston pa'o//khyer na dga' ba ni de'i chos gos dang lhung bzed la sogs pa bdag gis spyad cing khyer na gor ma chag par mi dga' ba med pa'o/ /bsod nams kyis bsams pa dang lag pa rje ba'i las bya zhes pa dang / glas ma yin zhes pa ni 'khru zhing 'tshed pa la sogs pa'i las gla rngan gyis ma byed par bsod nams kyi bsam pa'am lag phod kyis gyis shig pa'o//yul skad kyis mi slu zhes pa ni/ sems la g.yo med na so so'i skad kyis slu zhing g.yor mi 'gyur ba ni lho phyogs kyi dge slong mas/ shar phyogs kyi dge slob ma la a ba sa tha zhes byas pa lta bu'o//brkus par dogs pa bsal ba'i phyir stor ba las blangs pa ring du mi bcang zhes pa yin te/ dogs pa'i klags su 'gyur ba srid chu bcang ru byed cig pa'o/ /yun ring du mi bcang na ji ltar bya zhe na/ 'di khang skyong la gtad ces pa yin te/bdag po su'i rjes su gtol med na khang skyong la gtod cig pa'o/ /des kyang ji ltar bya zhe na rab tu 'byung ba'i yin pa lta na/ des dge 'dun la ston zhes pa yin te/ lhung bzed dang chos gos la sogs pa rab tu byung ba'i rdzas shig na su'i yin zhes dge 'dun la ston cig pa'o//de ltar bstan kyang bdag po'i khungs ma phyin pa ji ltar bya zhe na/ bdag po ma byung na breng la gdags zhes pa yin no/ /rkun por bskur ba bsal ba'i phyir nad pas ma bsgo bar de'i sman mi bslang zhes pa yin te/ nad g.yog la sogs pa su yang rung ste/nad pa nyid kyis 'di lta bu zhig las sman dang nad gsos long shig pa'i lung med par thugs dub ma byed cig pa'o/ /ma byin par len pa'i phas pham pa rnam par 'byed pa'o// // da ni phran tshegs las 'byung ba ston te/ bdag po dang bcas pa ma byin bar cho ga gzhan gyis bdag gir mi bya zhes pa ni/'gron pa chom pos thebs pa dang / drug sdes mu stegs pa'i rten byas pa lta bu dag bdag yod pa la pha rol gyis ma byin pa phyag dar khrod pa zhe 'am/ nga'i lha gang gis zhes thabs kyis brgyud cing kha rngam du len pa ma byed cig pa'o//rkun po la sogs pas khyer te de'i nor bu byas pa bdag gi yin bar ngos zin pa dgug cing slar 'phrog gam zhe na/ bdag gir byas pa mi dbrog ces pa yin te/ bslus pa ni ma gtogs kyi bla shags su bkye zhing slar dgug par ma byed cig pa'o//de yang bdag gi bar 'du shes de ltar gyis shig pa yin gyi bar du shes na rtsa bar yang 'gyur ro/ /dbrog tu mi rung na ji ltar bya zhe na/ 'di chos bshad de bslang zhes pa lus la sogs pa yin te/ bzhams shing chos shod la khug shig pa'o/ / rin phyed kyis kyang ngo zhes pa ni phyed ri bas kyang slar slus shig pa'o/ /lhung bzed dang chos gos ni ri bas blu ba'i yang rigs so zhes pa ni/ bzhams shing chos bshad de'ang ma ster na 'di dag brtsom zhing btso ba'i tshegs mi chung la spus mkho ba'i phyir ri bas kyang slus shig pa'o//ma glas par 'gyur ba bor ba'o zhes te skye bo phal po che'i mngon sum ma yin par mi bkur zhes pa ni/ drug sdes phag ro'i mgo sug blangs pa lta bu 'di dag gis brkus shing khyer gor ma chag go zhes pa'i snol ngan par 'gyur ba lta bu skye bo phal po che'i mig lam du ma bab pa bor ba'o zhes skam por ma len cig pa'o//mi ma yin yod pa'i ro rdzas bdag po nyid de ma yin pa snyam du re ba bsal ba'i phyir/ mi ma yin yod pa'i ro'i rdzas ni bdag po med pa ma yin zhes pa yin te/ gdon zhugs pa'i ro'i rdzas gdon de nyid dbang bas na bdag po med pa ma yin no//de lta bu'i rdzas khyer na slar dur khrod de nyid du bskyal dgos pa'i thabs ji ltar bya zhe na/ mi bgrungs pa'i phyi bzhin du 'gro bar bya zhes pa la sogs pa yin te/ de kyal ka byed srid pas na rim gro 'di ltar gyis shig pa'o//khas bub du nyal ba rkang pa nas gyen du g.yog ces pa ni dur khrod du phyin na rdzas nyid phyir sbyin pa dang / de'i 'tshe bas mi tshugs pa'i rim gro 'di ltar gyis shig pa'o/ /gdon de yang btsan med pa'i ro la 'jug pas na ma smas pa las mi blang zhes pa yin te/ rma btsan med pa'i ro las ma len cig pa'o//de bas na btsan 'phral la gdod dam zhe na/ bdag gis gdod pa'am gdod du gzhug pa ma yin zhes pa yin te/ bdag gis gdod pa'am pha rol gdod du'ang ma gzhug ces pa'o/ /so shid la sogs pa ma byin na spyad du ye mi rung ba dogs pa bsal ba'i phyir/ngal bsos pa nyid so shing dang chu dang go 'dun dang lci ba dang sa rnams ji bder byas pa'o zhes pa yin te/ dge slong gis gnas su phog cing brang btab pa de'i rdzas ming gis smos pa 'di rnams ci bder spyod du bcug pa nyid du gyur to/ /dge slong la sogs pa gnyen gyis 'phrog pa ji ltar bya zhe na/dge slong ngam dge tshu dad par 'brel pas 'phrog na mi sbyin zhes pa yin te/ dge slong mas dge tshul kho na nyid kyi phyir 'gro bar ma dad na gnyen 'phrog pa lam skris shig pa'o/ /ma byin par len pa'i phas pham pa phran tshegs su gtogs pa'o// // zhus pa las byung ba ston pa ni/ ka ka ni bzhi sha ka'o zhes pa la sogs pa yin te/ 'gron bu nyi shu la ka ka ni / ka ka ni bzhi sha ka gcig tu brtsi'o/ /ma sha ka ni de lta bu yin na de lngas pham zhes smos pa ci'i phyir zhe na/lnga ni dper zad kyi kAr ShA pa Na'i bzhi cha'o zhes pa yin te/ ma sha ka lnga zhes smos pa ni gleng ba'i gzhi tsam du zad kyi/ de dngos su ni kAr ShA pa Na bzhi cha gcig bzung ngo / /kAr ShA pa NA'i bzhi cha gcig bzung zhes pa yang yul dang dus kyi bye brag gis na re 'ga' ni ma sha ka bcu gnyis ri/ched 'ga' ni bcu drug ri/ ched 'ga' ni sum cu rtsa gnyis ri/ ched 'ga' ni bzhi bcu ri ba la sogs pa rin thang gcig tu bcad pa med na/ kAr ShA pa Na bzhi cha gcig bzung bas ma sha ka lngar gyur pa yul dang dus gang la brten te de ltar dper bstan zhe na/'di gang na nyi shu'i thang de la brten pas so zhes pa yin te/ dge slong nor can gyis rgyal po'i khab nas shing brkus pa'i tshe/ ma sha ka nyi shus kAr ShA pa Na gcig rnyed pas na/ de'i bzhi cha gcig bzung bas ma sha ka lngar gyur pa de la brten par zad do//de ltar dus dang yul gyi bye brag gis kAr ShA pa Na khyad par du mi mthun pa ji ltar bya zhe na/ 'di rku ba'i dus dang gnas su brtsi zhing gtan la dbab ces pa yin te/ yul dang dus gang na ma sha ka bcu gnyis kyis kAr ShA paN gcig rnyed pa'i tshe ni ma sha ka gsum gyis kyang pham par brtsi/yul dang dus gang na ma sha ka bzhi bcus kAr ShA paN gcig rnyed pa'i tshe ni ma sha ka bcus pham par 'gyur ba la sogs pa nam gang du brkus pa'i dus dang gnas de'i rin thang gis brtsi zhing gtan la phob shig pa'o//ma sha ka lda la sogs pa'i rin thang gis pham mo zhes 'byung ba rin po che kha cig rin thang gzhal du med pa'i phyir/ brkus kyang mi pham du re ba'i dogs pa bsal ba'i phyir/ ci ste rin thang bcad mi nus pa'i ni mchog gi mthar gyur pa'o zhes pa yin te/ ma sha ka lnga ri bas kyang pham na nor rin po che lta smos kyang ci dgos te/ma sha ka lnga las lhag pa'i nang du bsdu bar zad do/ /ha cang chung ste rin thang med pa brkus pa lta bu chung ba'i phyir rin thang med pas brkus kyang nyes med du re ba bstsal ba'i phyir/ 'di chung ba ni ma tshang bar mi gtogs pa ma yin te/ rtswa mchog la sogs pa rin thang chung ngu brkus pa'ang ma tshang ba'i nang du gtogs par zad pas na sbom por 'gyur ba'o/ /sangs rgyas kyi ring bsrel nyo tshong mi byed pa lta bu brkus pa cir 'gyur zhe na/ sangs rgyas kyi ring bsrel ni 'dir gzhal du med pa'i rin po che'o zhes pa yin te/bcom ldan 'das kyi ring bsrel brkus pa ni gzhal du med pa'i rin po che brkus pa dang 'dra'o/ /de brkus so cog pham par 'gyur zhe na/ mchod pa'i phyir na nyes byas zhes pa yin te/ mchod pa bya ba'i phyir rku ba ni nyes byas su zad do//rku sems yod kyang dpe blangs pa la nyes pa med par bstan pa ni/ bris pa ni nyes med ces pa yin te/ dar ma brkus te dpe bris pa la nyes pa med do/ /rna cha dang gdu bu la sogs pa nyams par byas te brkus pa ji tsam gyis pham par 'gyur zhe na/nyams pas rku ba ni de'i tshe rku ba'i dngos po'o zhes pa yin te/ nyams par byas nas rku na nam nyams par byas pa de'i tshe pham mo/ /gling gzhan gyi nor la bdag po yod pa bzhin du byang gi sgra mi snyan la'ang bdag po yod dam zhe na/ byang gi sgra mi snyan gyi ni bdag bo med pa'o zhes pa yin te/bdag gi'o zhes par sems pa med pa'i phyir ro/ /de'i rdzas brkus pa cir 'gyur zhe na/ 'di ni bdag gi bzhin no zhes pa yin te/ bdag gi nor brkus na sbom bor 'gyur ba bzhin no/ /zhus pa las dngos por gtogs pa dang /bdag por gtogs pa dang / byed par gtogs pa dang / zin par gtogs pa bzhin 'byung ba las de yan chad du dngos por gtogs pa bshad zin to// // bdag por gtogs pa dang ston pa ni/ de'i tshe kho na nyid ston pa'o zhes pa la sogs pa yin te/gser bdag sbrul du gyur cing srung ba lta bu la sogs pa rku ba'i tshe mi'am/ byol song bdag po gang yin ba'i nyid dang sbyor cig pa'o/ /bcom ldan 'das mi yin pa las mya ngan las 'das par gyur pa'i dkor brkus pa yang mi'i nor brkus pa dang 'dra bar dogs pa bsal ba'i phyir 'das pa ni lha bzhin zhes pa yin te/bcom ldan 'das mya ngan las 'das pa dang / rang rgyal ba dang / nyan thos mya ngan las 'das pa rnams kyi dkor brkus pa ni lha'i nor brkus pa dang 'dra'o/ /da ni byed par gtogs pa ston te/ ster ba ye byin par spyod pa sbyor ba bzhin zhes pa ni nga'i nor rdzas la ci bder spyod cig ces byas pa dang /rku sems kyis gtan du dbang ba bzhin du spyod na sbom por 'gyur ba'o/ /sngags dang sman dag gis sbyin du bcug pa yang ngo zhes pa ni/ sngags dang sman gyis pha rol gyi sems bsgyur te bdag la nor 'bul du bcug na yang sbom por 'gyur ba'o//pha rol gyi phyir ni rtsa ba bzhin zhes pa ni bdag gi phyir ma yin gyi gzhan gyi phyir rku 'am / rkur bcug na rtsa ba dang 'dra ba'i sbom por 'gyur ba'o/ /brgyud pa yang ngo zhes pa ni bdag gi yin nam/bdag po med par ma nges pa las bdag gi yin pa'am bdag po med do'am byin no bar bsams te/ khyer ba lta bu sbom por 'gyur ba'o/ /bsdams te 'thad pa rku bar 'dod pa yang ngo zhes pa ni 'di ltar byed cing rkun 'dam pa'i tshe sbom pa'o/ / rgyan po dor gyis rgyal bar ma gyur na sbom po'o zhes pa ni rgyan brgyab pa'i tshe dor byed na sbom por 'gyur ba'o/ /'dir des na brkus pa'o zhes pa ni dor byas te rgyal na rtsa bar 'gyur ba'o/ /grangs kyang de'i 'o zhes pa ni grangs tho dman gyi dor 'jug na sbyor ba'i sbyor ba yin par ston pa'o//shod 'bri zhing snon na pa 'ang de bzhin zhes pa ni shod 'bri zhing snon pa'ang sbyor ba'i sbyor bar ston pa'o/ /gzhan yang de dang 'dra ba ni gnas snor zhing 'jog na yang ngo zhes pa yin te/ shod snor na yang sbyor ba'i sbyor bar ston pa'o/ / 'di grub na brkus pa zhes pa ni gong du dor byed par smos pa rnams grub ste nor thob na pham par 'gyur bar ston pa'o/ /sde gud du bgrang ba'ang de bzhin zhes pa ni nor 'god pa lta bu'i tshe bdag gi ming rus kha du mar 'jug cing g.yo byed pa yang sbyor ba'i sbyor bar 'gyur ba ste/sbom po dang 'dra ba'i nyes byas su brtsi'o/ /snga ma las gzhan du 'am gzhan las snga mar bsnyon pa yang ngo zhes pa ni/ 'di lta bu'i tshul gyis kha du mar ma thob pa skad du bsnyon cing sgyur byed na sbom po dang 'dra ba'i nyes byas su 'gyur ro/ / 'di ltar byed pa'i skal ba sbyin zhe na/ thams cad kyi thog ma gang du ba der de'i shas so zhes pa yin te/ thog ma kho nar sde gang gi nang du bgrangs pa de nas shas skal byin cig pa'o/ /'thob pa ma yin par 'thob par gcen pa yang ngo zhes pa ni glo bur gyi rnyed pa 'am nar ma'i rnyed pa 'thob pa ma gtogs pa las thob pa nang du gtogs pa skad du gcen na yang sbom po dad 'dra ba'i nyes byas so//ma bsgo ba slong ba yang ngo zhes pa ni/ kha rku na yang snga ma bzhin brnyas pa dang bskyis pa dang / gtams pa brnogs na sbyor ba'o zhes pa ni/'di lta bur ston na rtsa ba'i sbyor bar 'gyur ba'o/ /thag bcad na brkus pa'o zhes pa ni gong ma ltar bsnyon pa mi sbyin pa kho nar sems thag bcad na des pham par 'gyur ba'o/ /gtams pa bdag po'i mig sngar ma bab pa las brnog cing rku na sems thag bcad pas pham par 'gyur ba ni gong du bstan pa lta bu yin na/gtams pa bdag po'i mig sngar sbas pa las brnog cing mi ster ba sems thag bcad pas pham mam ji tsam gyis pham par 'gyur zhe na/ gtams te sbas pa 'byin pa dad cig car ma phyis na'o zhes pa yin te/mi sbyin par sems thag bcad pa dang / skungs nas phyung ba cig car du ldan na des brkus par 'gyur ro/ /gal te skungs nas sngar phyung la sems thag phyis bcad na nam sems thag bcad pa'i tshe brkus pa'o/ /gal te sngar sbyor ba tha dad pa'o zhes pa ni/gal te sems thag sngar la de'i 'og tu bsnyon zhing gnas nas byin na sems thag bcad pa dang bsnyon pa gnyi ga'i tshe rtsa ba'i sbyor ba ste sbom por 'gyur ba'o/ /sems thag sngar bcad de go sbyor ba'i sbyor ba byas na nyes byas su 'gyur ba'i rigs na/ rtsa ba'i sbyor bar ci phyir gdags zhes pa'i lan du/sems thag bcad pas rtsa bar 'gyur ro zhes gong du bstan pas na sems thag bcad pa de sbyor ba'i nang na brtsan pa'i phyir rtsa ba'i sbyor bar gzhag pa yin no/ /gal te bsnyon pa ni snga la de'i 'og tu sems thag gcod cing gnas nas bskyod na bsnyon pa'i tshe ni sbyor ba'i sbyor ba/sems thag bcad pa ni rtsa ba'i sbyor ba byas na de ltar sbyor ba tha dad do/ /brgyud pa gcod pa dang gsod pa ni chud gzon pa'o zhes pa ni 'di ltar byed na chud gzon pa'i nang du gtogs par ston pa'o//sho gam gyi sa tshigs nyid ma dral gyi nam mkha' las dral te bzlas pa lta bu cir 'gyur zhe na/ nam mkha' las sho gam gyi mtshams zlo na sbom por byed ces pa yin te/ mda' 'phen pa lta bu la sogs pa lus kyis zlo ba dang / 'dzab zlos pa lta bu la sogs pa dag gis zlo ba dang /'jig rten pa'i sems rtse gcig pas zlo ba la sogs pa lus dang ngag dang yid gsum gang gis 'di ltar bzlas na'ang sbom por 'gyur ba'o/ /de la slob dpon gcig gis bshad pa ni sho gam gcod pa'i sa tshigs nyid du ma son par mda' la sogs pa'i kha la rin po che btags te nam mkha' las 'phangs shing bzlas na sbom por 'gyur bar 'chad/slob dpon d+har+m+ma mi tras bshad pa ni sho gam gcod pa'i sa tshigs su ma son par rnam pa 'di ltar byas pa la ni nyes pa'ang med kyi/sho gam gcod pa'i sa tshigs su ni son la de nas rnam pa 'di rnams ltar nam mkha' las bzlas na/ rgyal po nam mkha' la mi dbang ba'i phyir brkus par mi 'gyur rku sems kyis zlo ba'i phyir ni sbom por 'gyur ro zhes 'chad do//mda' la sogs pas zlo ba ni de ltar gyur na mngon par shes pa'i rdzu 'phrul gyis zlo ba la sogs pa cir 'gyur zhe na/ rdzu 'phrul gyis khyer pa ni nyes pa med ces pa yin te/ 'di lta bu la rku sems mi 'byung ba'i phyir ro/ /mtshams gzhan yang ngo zhes pa ni sho gam gyi sa tshigs ma yin pa'i lam du gud du song ba la ni nyes med pa'o//'doms pa ni nyes byas zhes pa ni sho gam gyi lam du song ba las slar log gam/ der 'gror ma ster na nyes byas su 'gyur ba'o/ /lam gud du ston pa yang ngo zhes pa ni sho gam las 'byol ba'i lam ston na yang nyes byas su 'gyur ba'o//thabs kyis smra na 'god zhes pa ni gzhogs kyis sped cing rna 'cha' na nyes byas phra mor ston pa'o/ /lam ma yin pa ni lam bzhin zhes pa ni sho gam tshigs su 'ongs pa la lam ma yin par gyur zhing byol na sho gam bzlas pa dang 'dra ste pham par 'gyur ba'o//kha dad tshem bur ni snod gzhan bzhin zhes pa ni rin po che lta bu la sogs pa gos kyi gseb dang / khar bcug ste khyer na lus su gtogs pa la sho gam mi gcod pas na nyes med par reb bstsal ba'i phyir 'di skad du smos pa yin te/'di ltar byas na'ang snod du bcug pa dang 'dra ste nyes par 'gyur ba'o/ /rku sems dang bral na mtha' sgrub pa ma yin zhes pa ni sngar rku bar bshams pa las mnams tsam ste btang na sbom por zad kyi pham par mi 'gyur ba'o//sbyor ba med kyang 'di ma byas pa ma yin zhes pa ni nom zhing reg pa'i tshe na ni rku sems med pa la len cing sbed pa'i tshe rku sems yod na sbyor ba med du zad kyi pham par mi 'gyur ba ma yin par ston pa'o/ / yi ge la sogs pas mi bri zhes pa ni spring yig la sogs pas rkur bcug na yang rtsa bar 'gyur bar ston pa'o/ /bsgrub par rtogs pa de ltar bstan nas/ zin par gtogs pa da ston pa ni mthu dang ma bsten pa ma brkus pa ma yin zhes pa la sogs pa yin te/btsan thabs su mthus phrog pa dang rgyal dang rgyan gyi skugs ma ster na pham par 'gyur bar ston pa'o/ /de lta bas na zhus pa las btsun pa rku ba la rnam pa du mchi zhes zhus pa dang / u pA li drug yod do/ /mthus rku ba dang / sgyus rku ba dang / gtams pa rku ba dang /phyir sbyin pa rku ba dang / mi ster te rku ba dang / chos rku ba rnams so/ /btsun ba de dag las gang gis mthar 'gyur zhes pa dang / u pA li chos rku ba ma gtogs pa'i gzhan thams cad kyis mthar 'gyur ro zhes gsungs pa yin no/ /gnas dang bcas pa'ang ma yin zhes pa ni gzhi 'am gnas dang bcas te khyer na'ang ma brkus pa ma yin par ston pa'o//bsad pa brkus pa ma yin zhes pa pha phyugs lta bu bsad nas rku bar bsams na bsad pa'i tshe rtsa ba'i sbyor bar ston pa'o/ /phyogs gcig ni gnas nas 'phags pa ma yin zhes pa ni do shal lta bu la sogs pa rku na kun blangs pa ni ma yin gyi phyed tsam bteg pa lta bus pham par mi 'gyur bar ston pa'o//sprug cing klog na brkus pa'o zhes pa na shing tog lta bu la sogs pa sprugs te / rku bar byas na lhags pas pham par 'gyur ba'o//phug nas 'dzag cing 'brul ba ni 'ongs na'o zhes pa ni nas sam 'bru mar lta bu la sogs pa snod phug nas 'dzag pa dang / 'brul ba'i thabs kyis rku ba ni nam 'brul zhing zag na brkus par ston pa'o/ /'dzag cing 'brul ba de thigs re 'bru rer bcad cing brtsi 'am rgyun gcig tu bcad ce na/de ni 'dir mjug gi bar du rdzas gcig go zhes pa yin te/ de ltar 'dzag cing 'brul ba nam btang ba'am bcad pa'i tshigs gcig gis bzung ste rin thang tshang ngam ma tshang ba las dbye zhing bcad pa'o//phung po las nam bcus pa lan re brkus pa re'o zhes pa ni phung po las 'chu zhing rku na sbyor ba tha dad pa'i phyir bcus pa lan re zhing brkus pa lan rer 'gyur ba'o/ /du ma'i stor ba de dag so so'i shas so zhes pa ni bdag po du ma'i nor cig car du brkus na bdag po de dag so so'i nor re re zhing rin thang tshang ngam ma tshang ba brtsi'i thams cad kyi nor gcig tu bsdus te phyir rin thang tshang ngam ma tshang ba dang /rku ba rnams kyang ngo zhes pa ni rku ba yang mang po zhig na bgo skal gyi shas rin thang tshang ngam ma tshang ba dang sbyor cig pa'o//blo mi gcig pa 'dir brkus pa thob pa'o zhes pa ni/ rdzas gcig la rkun po du ma 'doms pa de dag dang po nas bgros pa med na so sos ci thob pa'i rin thang la pham mam mi pham pa dang sbyor cig pa'o/ /ma byin par len pa'i phas pham pa zhus par gtogs pa'o// // dngos po dang bdag po dang / sgrub pa dang / zin par gtogs pa zhus pa las 'byung ba rnams de ltar bstan nas/ bye brag tu nges pa las 'byung ba da ston pa ni/ blangs pa'i snga rol du shi ba ni slar gtad ces pa la sogs pa yin te/'god pa'i tshes grangs su bcug ste rnyed pa mnos pa las khyer te 'ongs pa'am/ spar spar du 'god pa tsam na grangs su bcug pa'i dge slong bar ma skabs su shi na shi ba de'i shas skal rnyed pa gang nas 'ongs pa'i gnas su slar skyol cig pa'o//bzlog pa ni shi ba'i yo byad do zhes pa rnyed pa lag tu byin nas/ shi na shi ba de nyid kyi yo byad du gtogs pas dge 'dun gyis bgos shig pa'o/ /dge 'dun ni spun bzhin pas na de'i phyir brkus pa bdag gir ma byas pa ma yin zhes pa ni spun gyi nor ma bgos pa'i spyi'i yin te/so sor dbang ba'i 'du shes yod pa bzhin du spyi'i phyir brkus pa bdag kyang de'i nang du gtogs pas na bgo skal du gses pa'i shas dang mi sbyar gyi/ spyi khong 'thul bas na gzhan gyi phyir brkus pa lta bu la sogs yin te bdag gir byas pa'o//bdag po tha mi dad na bdag gi bzhin zhes pa ni yon bdag gis gnas khang gcig gi tshang sgyur bsngos pa'i rdzas dge slong gis gnas khang gud du brkus shing spar na spyir bdag po tha mi dad pa'i phyir bdag gi nor brkus pa bzhin no//byol lam mi blang bar nges na lhag mas brkus pa ni yan lag de ma yin zhes pa ni dge slong rkun pos dbang med pa las byol lam/ rkun po mi bya yang dag par bsams na rkun po gzhan gyis brkus pa'i khri na de la mi 'khri ba'o//skal ba bdag gir bya bar 'dod na mi blang bar bsams pa ma yin zhes pa ni dge slong rkun po dang 'grogs te dong bas bdag gis rkun po ni mi bya/ shas skal khong gis byin pa ni blang bar bsams na rkun por mi 'gyur ba ma yin pa'o/ / der gtogs pa'i las byas na de'i ma yin pa ma yin zhes pa ni lam bsrung ngam bya ra byed pa la sogs pa rkun po de dag gi stongs mo byas na ma brkus pa ma yin pa'o/ /lhan cig spyod pa dang nye gnas rkun por mi 'gyur ba ma yin zhes pa ni lhan cig spyod pa 'am nye gnas rkun pos khyer te/kha phyin cing dbang du byas pa las slar brkus shing khyer na rkun por 'gyur ba'o/ /bskor ba ni mtshams brtsan zhes pa ni khyim sa'am ra pa'i sa la sogs pas bskor zhing rku ba ni thong ris la sogs mtshams tsam gyis bskor na yang rkun por 'gyur ba'o//mtshams su 'dug pa spos na 'dis ma skongs pa yin zhes pa ni 'obs sam mu tshigs la sogs pa'i mtshams spos shing bsgyur na rkun por mi 'gyur ba ma yin pa'o/ /mngon sum du khyer ba mi snang na brkus pa'o zhes pa ni/ bdag po'i mig lam du brkus shing khyer ba ni mi snang bar ma gyur na rkun por mi 'gyur ba ste/gos 'tshong ba ra ro ba'i rdzas dge slong gis rkur ma zug pa lta bu'o/ /mi ni mthus phrogs pa las dbang du byas na'o zhes pa ni mi'i mthus phrogs pa des dbang du byas te kha phyin na gdod brkus par 'gyur ba'o//bdag ni de ltar ma yin zhes pa ni bdag nyid rkun po la sogs pa'i lag nas slar bros pa la ni bdag gis bdag brkus pa'i khron du mi 'gyur ba'o/ /gang rku bar brnab pa de dang ma brnab par 'bral ba ni khyer pa ma yin zhes pa ni gos rnying ba'i zhar la rin po che ri ba'i gos 'ongs pa lta bu gang rku bar brnab pa de'i rin thang brtsir zad kyi rku bar ma bsams pa'i rdzas zla la 'ongs pa'i rin thang dang mi sbyor ba'o//su gang gis ci thob pa de de'i 'o bar dam bcas pa gzhan gyis brkus pa sbom po'o zhes pa ni/rkun pos lag mdangs thob brtsan par dam pa cas pa gcig gi grogs dge slong gis byas na pha rol gyir brkus pa'i sbom por 'gyur ba'o/ /bdag po dang bcas pa'i dur khrod nas khyer ba yang ngo zhes pa ni/ bdag po yod pa'i dur khrod kyi rdzas khyer na yang sbom por 'gyur ba'o//de yang dur khrod 'di nyid dang / dbang po bar bdag pos bdag gir byas pa mkhyen na ni pham gyi gshed po la sogs pa 'di'i rdzas de dbang ba'i rigs so bar yongs su bzung ba las khyer ba ni sbom por 'gyur ba'o//la phug gis dang sdong po dang lo ma dang me tog dang 'bras bu'i ra ba la sogs pa sngags kyis skams na'o zhes pa ni/ 'di dag lta bu sngags kyis skams pa cir 'gyur zhe na cung zad pa'i sbom por ston pa'o/ /rta rkun 'di ltar bya'o zhes chas kyis brngod dam zhen te lus kyis bsgyur na'o zhes pa ni rta chas kyis brid dam zhon nas ngas thabs 'di ltar brku'o zhes mgo kyog pa la sogs pa lus kyis bsgyur ba cir 'gyur zhe na sbom por ston pa'o//gru yang ngo zhes pa ni gru'i steng du 'dzegs nas thabs 'di ltar brku'o zhes lus kyis bsgyur na yang sbom por 'gyur ba'o//'di las 'di ltar na yang ngo zhes pa ni rta dang gru'i steng nas rdzas 'di dang 'di ltar brku'o zhes lus kyis bsgyur zhing 'chos na yang sbom por 'gyur ba'o/ /pha ma dang pho nu dang sring mo dang mkhan po dang /slob dpon dang mchod rten dang dge 'dun la sogs pa la spags pa sho gam gcod pa las bzlas na'o zhes pa ni 'di rnams la dbul zhing sbyin pa sho gam las bzlas nas yang pha rol gyi phyir brkus pa'i sbom por ston pa'o/ /brnyas pa dang bskyis pa mi sbyin bar bsams pa'o zhes pa ni de dag mi sbyin par bsams pa yang sbom por 'gyur ba'o//gzhan gyi phyir byin pa bgos na yang ngo zhes pa ni dge 'dun mchod ston gsol cig pa la sogs pa'i zong spags shing / brdzangs pa las bltebs su brkus pa yang sbom por 'gyur ba'o//yongs su ma bzung ba yongs su bzung bar 'du shes na'o zhes pa ni bdag po med pa'i nor yod par 'du shes te/ brkus na yan lag gcig ma tshang ba'i phyir sbom por 'gyur ba'o/ /nas chan dang 'bras chan dang /phye dang nya dang / sha dang bca' ba la sogs pa mi dbang ba'i zas blangs na'o zhes pa ni ming gis smos pa'i zas 'di rnams mi dbang ba las brkus na yang sbom por 'gyur ba'o/ /gzhan gyis blangs par mi shes pa mi dbang ba ma yin zhes ba ni bdag gi zan skal zlas mnos par rgyus ma shes te zos pa ni mi dbang bar mi 'gyur te/nyes med par ston pa'o/ /gang nod cing len pa la yang de bzhin du nyes med do/ /ma bcol ba ma yin zhes pa ni dge slong zla gcig zas mi dbang ba las dbang ngo snyam te /mdza' bos bsnyen mdong byas nas mnos pa de nyid kyis ma khyer pha rol yang ma bcol ba nyes par ston pa'o/ /yang gcig tu na mi dbang ba'i zas dbang ngo snyam du bsams te ma bcol bar pha rol gyi phyir mnos pa la yang nyes med par ston pa'o//ma bos par zos na nyes byas zhes pa ni mgron du ma gnyer bar zos pa bdag gis shes kyang rung ma shes kyang rung byin ba'i shas yod pas na rkun por ni mi 'gyur gyis dra ma'i chos ma yin pas na nyes byas su 'gyur ba'o/ /rkur 'gro pa yang ngo zhes pa ni mdo 'og ma'i yul bstan pa'i phyir smos pa yin te/rkur 'gro na nyes byas su 'gyur ba'o/ /bgros pa yang de dang tha dad ces pa ni kha nas gleng zhing gros byas pa la sogs pa yang 'gro bar 'du shes te nyes byas su zad pas na sbyor ba tha dad par mi drang ngo //shin tu brtags la dbang po med pa zhes blang zhes pa ni rdzas yan par 'dug pa 'dod byar du mi blang gi bdag po yod dam med pa la sogs pa bdag kyang the tshom mi lta / gzhan yang 'phya ba'i glags med pa'i phyir shin tu rtogs la gdod long shig par ston pa'o//lus kyis nyal bar mi bya zhes pa ni dge slong rmon pa'i mdun du rol bcad de nyal ba lta bur bu lon gyi phyir sgo nyal la sogs pa ma byed cig pa'o/ /bya tshang mi gzhig ces pa ni dge slong gi gnas na sgo nga med pa'i tshang yod na shig shig ces 'og nas 'byung bas na 'di ni dge slong gi gnas ma yin na/sgo nga med pa'i tshang yang ma 'jig shig par ston pa'o/ /der mi gnas pas dbyar gyi gos skal mi mnod ces pa dbyar gnas de na ma 'dug pas/ gos la sogs pa dbyar gyi rnyed pa mi dbang gis ma len cig pa'o//sbyin bdag tu bsams na rkun po las khyer na nyes pa med ces pa ni 'di ltar gzhag na rkun po las rdzas khyer ba nyes med par 'gyur ba'o/ /mtshan ma ma gtogs shing rkun pos brkus pa mi mngon pa mi blang ngo zhes pa ni god ma ltar blang ba yang rkun por grags shing rkun po'i mtshan ma ma brtags pa las don man gyi rdzas ma len cig pa'o//de las khyer ba dras nas kha dog bsgyur te bcad zhes pa ni don man gyi rdzas de thabs 'di ltar spu bsgyur la gdod chongs shig pa'o/ /de ltar byas kyang slong na sbyin zhes pa ni rjes de ltar spu bsgyur kyang nor bdag gis ngos zin nas slar 'dod zer na byin cig pa'o//sgyu mi bya zhes pa ni bdag gi nor gzhan gyis khyer ba ngo can thabs kyis brgyud pa la sogs pa'i sgyu ma byed cig pa'o/ /gleng gzhi ni 'phags pa dga' ba'i slob ma spod bas bzod pa'i phyir byis pa rnams ngo chen byed du btsud pa lta bu'o//sngags kyis btang ba nyes med ces pa ni mi rkun pos khyer ba lta bu la sogs pa sngags kyis bsdigs shing phrogs pa la nyes med par ston pa'o/ /bdag gi byi bas khyer ba blangs na yang ngo zhes pa ni byi bas khyer ba'i rdzas slar blangs pa las nyes med pa'o//dge slong gzhan gyi nor de'i phyir na yang ngo zhes pa dge slong gzhan gyi rdzas byi bas khyer ba bdag gi nor du bya ba'i phyir phrogs pa ni ma yin gyi/ khyod de nyid kyi phyir phrogs na nyes med/ ri dgas rngon pas zhed de gan du su 'ongs pa bkur zhes pa ni skyabs bya ba'i phyir 'di lta bu slar ma byin te khyer na nyes med de 'di shi na de la sbyin zhes pa ni ri dgas de shi na ro rngon pa la byin cig pa'o//ma byin par len pa'i phas pham pa bye brag tu nges pa'o/ /ma byin par len pa'i phas pham pa rdzogs so// //ma byin par len pa'i phas pham pa de ltar bstan nas/ gsod pa'i phas pham pa da ston pa ni/ nad pa 'chi bar sems pa dang mthun pa'i bsnyad pa mi bsnyad ces pa la sogs pa yin te/ nad pa 'chi bar 'dod pa dang mthun pa nyid na/ dug zos kyang bla'o zhes pa lta bu la sogs pa'i tshig ma 'byin cig pa'o//'di 'chi ba dang 'gal bar gyis shig ces ma bsgo bar mi shes pa mi gzhag ces pa ni nad g.yog tu gzhug pa shes nyen chung ba zhig yin te/ nad pa'i zur mi thub tsam gyi tshod na ji nas kyang 'chi ba dang 'gal ba'i tshul 'di dang 'di ltar gyis shig ces zhib tu bsgo bar nad pa'i drud du ma bzhag shig pa'o//thabs gzhan yod na ma yin zhes pa ni mi brda phrad pa gzhag tu yod na/ gong ma lta bu'i shes nyen chung ba bsgor zin kyang nad pa'i drung du ma bzhag shig pa'o/ /'chi ba'i yo byad ma yin zhes pa ni/nad pa'i drung du mtshon dang / thag srad la sogs pa ma 'jog shig pa'o/ /'di 'chir rtsol na nad g.yog gis gcugs zhes pa ni nad pa de 'geg gam mtshon gyis 'debs shid 'chir rtsol na nad g.yog gis gcugs shing de ltar byed du ma gzhug shig pa'o//nor gyi phyir pha rol 'chir re ba mi bya zhes pa ni nad pa'i gos sam lhung bzed 'dod pa'i phyir/ nad pa 'chir re lta bu'i ma rungs pa'i ngan sems ma byed cig pa'o/ /mi bya ba bya bar sems kyis kyang rjes su yi rang bar mi bya zhes pa ni mngal nas ltung bar byed pa lta bu la sogs pa mi bya ba'i rnams kyis kyang rjes su bya dka' bar mi bya na lus dang ngag gis lta ci smos zhes pa ston pa'o//da ni gsod pa'i yan lag tu gtogs pa ston te/ 'tsho ba 'gags zhes pa ni ma 'ongs pa'i 'tsho ba skad cig rnams mi 'byung bar 'gags pa ni 'tsho ba 'gags pa zhes bya'o//der sems pa zhes pa ni ma bsams 'tsho ba 'gags pa'ang srid pas na der sems pa zhes smos pa yin no/ /de yang su'i 'tsho ba zhe na mi'i 'gro ba zhes pa yin te/ 'tsho ba 'gags pa de'ang mi'i rgyud kyi 'tsho ba 'gags pa'o//de yang ci'i bgegs she na/ lus de dang 'brel pa 'phangs pa gzhan la bcol ba rnams tha mi dad ces pa la sogs pa yin te/ khu tshur ram thal mo la sogs pa lus kyis sam lus dang 'brel pa ste ral gri la sogs pa lag chas sam/mnga' la sogs pa 'phangs pa'am gzhan gsod du bcug pa rnams tha mi dad par ston pa'o/ /gzhan yang dug phye ma rlugs shing rang bzhin nyams te gtong ba brang du bsnun pa 'khrul 'khor 'dzol ro slong ba/ sngags rnams kyi sbyor ba ni mid gis smos pa 'di rnams kyi sbyor bas bsad na yang nyes par 'gyur te/de la rang bzhin nyams te gtong zhes pa ni rang bzhin nyams par byas te shing khungs su gtong ba'am rang bzhin nyams pa 'chi ba'i sar gtong ba lta bu'o/ /brang du bsnun zhes bya ba ni 'ji ba 'am shid rtsi las mi lta bur byas pa'i lag tu mtshon bskur bas brang du 'debs shid bsnun pa'o//'khrul 'khor zhes pa ni sa mda' dang rnyi gtor lta bu la sogs pa'o/ /gzhan rnams ni go sla pa'i phyir ma bshad do/ /g.yang du 'dor pa zhes pa ni g.yang du 'dor na yang nyes bar 'gyur ba'o//chu dang mer gtong ba zhes pa ni chu dang mer btang ste bsad na yang nyes par 'gyur ba'o/ /lhags pa dang tsha bar 'jog na'o zhes pa ni tsha ches pa dang lhags pa che tshes par bzung ste bzhag nas bsad na yang nyes par 'gyur ba'o/ /pho nyar gtong ba la sogs pa zhes pa ni 'chi ba'i sa gang na yod par pho nyar gtong ngam khyod kyi ma de na 'dug gis sod shig ces pa lta bur 'drid cing btang ste bsad na yang nyes par 'gyur ba'o //chung dur byas pas kyang ngo zhes pa ni bam kol lam rtsi mtshog tsam gyis bsad na yang nyes par 'gyur ba'o//skyes pa dang bud med dang ma ning gsod pa zhes pa ni 'di dag gang bsad kyang nyes par 'gyur ba ste/ gong du mi 'gro ba zhes smos pa des rgyas par ston pa'o/ /de'i lan bon gyis phyis shi na'o zhes pa ni bsad par bshams pa'i mod la ni ma shi'i de'i rkyen gyis phyis shi na yang nyes par 'gyur ba'o//bcug pa'i 'og tu na des ma lan zhes pa ni pha rol na sdar sod cig par smras sam bcol ba las phyis 'gyod de bzlog cing bcug pa'i 'og tu shi na sbom po yod du zad kyi shi ba nyid des ma lan par ston pa'o/ / ma bsams par lto mnyes pa'i ma dang mngal ni sbom po'o zhes pa ni mngal na 'dug pa bsad pa'i phyir ma'i lto mnyes pa las mngal na 'dug pa ni ma shi'i ma bsad par ma bsams pa lta bu shi ba lta bu gsod par shom pa'i sbom po yod par zad kyi ma shi ba nyes med par mi 'gyur ba'o//khas blangs pa'i rgyud gsod par zhugs na'o zhes pa ni sod cig ces kyang mi zer/ ma gsod cig kyang mi zer ro zhes pa lta bu gsal por ni ma smras/ sems la ni bsad du dga' ba lta bu'i tshul ston na sbom por 'gyur ba'o/ /khyod kyi ming gis 'chi ba'i yo byad sbyin no zhes zer na yang ngo zhes pa ni mtshon la sogs pa 'chi ba'i yo byad khyod kyis bskur ro zhes byas te 'chir 'dod pa tshon sbyin par shom pa la mi 'chugs shing mgo kyog pa'am/tshig zur tsam gyis khas blangs na yang sbom por 'gyur ba'o/ / byol song ma yin pa gzhan dang / sprul pa yang ngo zhes pa ni byol song ma yin pa'i mi ma yin gzhan dang / sprul pa bsad na yang sbom por 'gyur ba'o/ /de la mir sprul pa bsad pa ni mi'i 'du shes yod pa'i phyir sbyor ba'i tshe sbom po'o/ /bsad pa'i tshe nyes pa med/ lhar sprul pa bsad pa ni lhar 'du shes na nyes byas/ mir 'du shes na sbom po'o/ /byol song du sprul pa la sogs pa yang de bzhin/ dri ba'i lung med par nad pa la sman mi sbyin zhes pa ni dri bar 'os pa la dris pa'i lung med par thug thub tu sman ma sbyin cig pa'o//dri bar 'os pa de gang zhe na sman pa dang de las rab tu byung ba dang / de la brten pa 'di dag la dris zhes pa yin no/ /nad bu can la yang ngo zhes pa ni yun rings su na ba la yang nad dang sman gyi nyams drod yod pas na dris shig / dge slong rgan rabs shes nyen can la yang ngo zhes pa ni 'di lta bu la yang dris shig pa'o//de dag gang la yang drir rung ngam zhe na/ gong ma gyed na 'og ma'o zhes pa yin te/ rtag tu smos pa de dag kun la drir mi rung gi gong ma med na rim bzhin du 'og ma rnams la dris shig pa'o/ /phan par 'dod na gsod pa sman ma yin pa byin na 'bri ba med ces pa ni dge slong mas mi rgod drug cu rtsab mo dang tshar bsres te byin pa lta bu pham par bsams te/bsad na yang 'bri ba med de pham par 'gyur ba'o/ /mi theg pa'i khur bteg pa'i grogs mi bya zhes pa ni mi theg pa'i lci ba bteg pa'i grogs ma byed cig pa'o//de lta bu bteg tu ye mi rung ngam zhe na gal te de lta bu'i rkyen cig na khyim pa dang sbrel la cig car du bteg par skad sbyar zhing bteg ces pa yin te/ las sar pa byed pa la sogs pa'i tshe grogs mi byar mi rung na thabs 'di ltar gyis shig pa'o/'jog pa na yang mnyam par skad sbyar zhes pa ni gong ma ltar khyer la 'jog pa'i tshe na snga phyir ma khyer bar zhog shig pa'o/ /pha gu mi 'phang zhes pa ni las sar pa'i tshe gcig la gcig pha gum 'dor cig pa'o/ /grum pa dang gas pa ma bsgo bar mi sbyin zhes pa ni pha gu long 'dogs pa'i tshe grum zhing gas pa yod pa na sbron cig pa'o//rkun po spa gong zhing bsdigs zhes pa ni rkun po 'ongs na gnod sems med pas sdigs ri gyis shig pa'o/ /de la bsdigs pa'i rnam grangs ston pa ni/ gaN+DI la sogs pa ma phog par 'phangs zhes pa la sogs pa yin te/gaN+DI ma bu la sogs pa ma phog par 'phongs shig pa'o/ /rngul gyi bum pa dang thal ba'i gyo mo yang rlung phyogs su'o zhes pa ni/ rkun po la 'di rnams kyis mi phog par rlung phyogs su gtor cig pa'o//'ur rdo bcang zhes pa ni rkun po bsdigs pa'i lag cha 'di'ang chongs shig pa'o/ /de'i zhar la gzhan yang ston pa ni/ dge slong chad pa mi phul zhes pa la sogs pa yin te/ sngon dge slong gzhon nus rings 'dod pa'i rgan po phul te bub nas shi ba lta bu ma byed cig pa'o//de lta bas na 'di'i dan rogs bya zhes pa yin te/ rgan po de'i dan rogs gyis shig pa'o/ /dan rogs thabs ji ltar zhe na/ ngal sos gzhug ces pa la sogs pa yin te de'i nyams kyis mi nus na ngal so zhing bstir bcug shig pa'o/ /snod blang ba de'i lhung bzed snod la sogs bdag gis long la khyer cig pa'o//bza' ba dang btung ba'i dus su ni ma yin te/ gnas su cig car byin par mi nus na lhung bzed bkru gral gzhag / byin len bya brtag ces pa ni rgan po dang / bdag cag dang / mnyam du rings par 'gro mi nus la gdugs tshod mi sleb pa tsam gyi chod na rgan po dal gyis 'ong du bcug la bdag cag sngar dong ste/thabs 'di ltar gyis shig pa'o/ /gdugs tshod kyi dus su 'ang ma phyin pa tsam gyi tshod la/ gal te phyi na khyer la bsu zhes pa yin te/ rgan po gdugs tshod mi sleb na zan nos la slar bstsu shig pa'o//bsad pa'i phas pham pa rnam par 'byed pa'o// // rnam par 'byed pa las 'byung ba de ltar bstan nas/ phran tshegs las 'byung ba da ston te/ mi'i 'gro ba'i lag pa bcad na sbom po'o zhes pa la lag pa yin te/ kha cig ni ched du gsad pa'i phyir lag pa bcad na sbom por 'chad mod / de ni gsod par sbyor ba'i khongs su 'dus pas na/ skabs 'dir ni de la mi bya'i/ rngam zhing nang ste lag pa bcad na sbom por 'gyur ba'o/ /tshal mes gtong na'o zhes pa ni sems can yod par shes pa dang /yod par dogs pa dang / med par shes pa gsum la yod par shes pa dang / dogs te me btang na 'gro ba gang 'tshig pa dang / du tshig pa'i tshul bzhin du nyes par 'gyur ba'o/ /'di ni dgos pa'i phyir sems can yod par shes kyang bsdoms te mi gtong bas na sbom po'o//skra can 'tshong na'o zhes pa ni skra can ma yin te/ mi btsong na sbom por 'gyur ba'o/ /gang gis brkus pa de rgyal po'i 'khor du phul ba'o zhes pa ni bsad pa'i phyir phul ba ma yin gyi/ nang zhing khros pas phul na sbom por 'gyur ba'o//gsod pa'i phas pham pa phran tshegs su gtogs pa'o// // phran tshegs las byung ba de ltar bstan nas/ zhus pa las 'byung ba da ston pa ni sbed de bstan na'o zhes pa la sogs pa yin te/ bdag dang 'khon yod pa gshed mas zhed pa dang /sod par dga' nas 'di ltar song ngam 'di lta bu zhig na 'dug go zhes rbad cing bstan na ston pa'i tshe sbom por 'gyur ba'o/ /dpe ni ma dang mngal lo/ / mi mang po zhig gshed mas phyi dar mar zhed pa'i nang na gcig cig sod par dga' nas bstan cing sbed pa las phyis kun zin te/kha btags pa nyes pa cir 'gyur zhe na/ gang bsad par dga' ba de bstan pa'i tshe ni sbom po'o/ /bsad nas ni pham par 'gyur/ kha cig ni de'i zla la zin te/ bsad pa du yod pa'i sbom por 'gyur ro zhes kyang 'chad de dper ni mngal nyed pa dang 'dra'o//rang lcebs pa ni sbom po'o zhes pa ni bdag gis bdag gsod pa la sogs pa sbom por 'gyur ba ste/ 'di ni sbyor ba'i tshe la bya/ yengs pa'i sems kyis mi dge ba byas pa ni nyes byas zhes pa ni gshed ma la ston pa la sogs pa bsad sems ni med kyi yengs pa lta bus smras shing bstan pa ni nyes byas su 'gyur ba'o//ma bsams par don grub pa ni byas pa ma yin zhes pa ni ched du bsad par ni ma bsams kyi 'dran thor bya pa las shi ba lta bu pham par mi 'gyur ba'o/ /las ni tshe gzhan du mi 'byung zhes pa ni gzhan bsad par sbyar ba las bdag sdar shi'am/de dang lhan cig tu shi ba lta bu rgyud gzhan du 'gyur ba'i phyir gsod pa'i sdig par mi 'gyur bar ston pa'o/ /gsod pa'i phas pham pa zhus par gtogs pa'o// // de lta nang 'chi bar 'gyur ro zhes zer yang yid ma ches te de bzhin du byas na sbom po'o zhes pa ni khrus dang 'chag tu gzhug pa la sogs pa byas na nga'i nyams kyis mi nus te/'chi gor ma chag go zhes nad pa zer yang de'i nyams dang ma sbyar bar nan gyis khrid cing 'chag tu bcug pa la sogs pa byas na sbom po'o/ /shir zad ces nad g.yog ma byas na'o zhes pa ni myur du shi yang bla bar bsams te nad g.yog ma byas na sbom por 'gyur ba'o//mi 'phrod pa'i zas sbyin na'o zhes pa ni nad pa dang mi 'phrod par shes pa'i zas sbyin na sbom por 'gyur ba'o/ /'bras ma smin pa brtol na'o zhes pa 'di'ang sbom por 'gyur ba'o//sa gtams su 'jug pa dang sgo bar du 'tshir ba la sogs pa'i nan can byed na'o zhes pa 'di lta bu la sogs pa'i nan la 'dor na yang sbom por 'gyur ba'o/ /'di yan chad du bstan pa ni bsad sems med du zin yang brlang sems su gyur pa'i phyir sbom por 'gyur ba sha stag go/g.yang du 'dor ba dang 'gegs pa la sogs pas 'chir rtsol na'o zhes pa ni 'di ltar byed cing bdag 'chir rtsol na ma shir zin kyang sbom por 'gyur ba'o/ /nad pa tshon dang thag srad gya tshom du mi sbyin zhes pa ni dgos pa'i don ched mad pa'am/'chir rtsol lam mi rtsol ba'i nyams drod dang ma sbyar bar thag srad la sogs pa gya tshom du ma sbyin cig pa ste/ gong du 'chi ba'i yo byad mi gzhag ces pa ni nad g.yog gis bya ba yin gyi 'di ni dge slong ngo cog spyis bya'o / /zhal ta shes bzhin du bya zhes pa ni mkhar lan la sogs pa g.yos pa'i tshe/las mi'i smas 'grums su mi 'gyur ba'i zhal ta char gyis shig pa'o/ /sngags kyis thal mos bsnun pa yang ngo zhes pa ni gdon 'dres zin pa'i nad pa la 'debs pa ni thal mo la bzlas te bsnun pa lta bu yang ma 'os pa'i drag shu byed par ji ran du gyis shig pa'o//brnangs pa brdegs pa yang ngo zhes pa ni brnangs pa dbyung ba'i phyir brdegs pa yang ji ran du gyis shig pa'o/ /sbab btang ba yang de ltar shin tu brtags par gyur nas so zhes pa ni/ 'og na mi yod dam med pa la sogs pa gong du smos pa ltar shes bzhin du brtags la/ de nas gdod thong shig pa'o/ /mod zhan pa logs su ba khur lci ba bskur bar mi bya zhes pa ni shing lta bu mgo mjug ster bcad de 'degs pa na mod zhan pa'i logs su stongs shing grogs ma byed cig pa'o//mgo 'dud la mi 'gro zhes pa ni thug re 'thab pa lta bu 'am lag 'gros ma byed cig pa'o/ /ma bslabs par slob tu mi gzhug ces pa ni gtar ka la la sogs pa'i dpyad bdag byang bar mi shes na pha rol bdag la slob tu mi gzhug ces pa'o/ /mtshon cha 'phen du ma gzhug ces pa ni mda' dang 'phang mdung la sogs pas lta ba tsam gyi phyir yang pha rol la 'phongs zhes ma zer cig pa'o//nad pa mi nus pa lam du mi bkri zhes pa ni nad pa 'gro mi nus pa ma bkri shig pa'o/ /gsod pa'i phas pham pa bye brag tu nges pa'o/ / gsod pa'i phas pham pa rdzogs so// //gsod pa'i phas pham pa de ltar bstan nas/ brdzun gyi phas pham pa de lta bu yin zhes bstan pa'i phyir/ bdag mi'i chos las bla ma dang ldan par 'du shes sbas te smra na'o zhes pa yin te/ mi'i chos las bla ma dang ldan pa yang smras/'du shes kyang sbas/ bdag kyang yin par smra na pham par 'gyur ba'o/ /mi las bla ma'i chos dang ldan par smras pa nyid ji lta bu yin zhe na/ mthong ngam mthong / sgra thos nga'i sgra thos/ thad du 'gro nga'i thang du 'ong / lhan cig tu smras / kun du smras / mgu bar smras/ rtag par yang lhan cig tu 'grogs shing nga dang nga lhan cig go zhes zer na der gyur to zhes pa yin te/ 'di dag ltar 'ang drul zhing 'grogs pa skad du zer na mi las bla mar smras pa nyid du gyur to/ /mthong ngam mthong zhes pa la sogs pa nyi tsher 'gyur ram gang gi dmigs las 'gyur/dmigs nyid la bye brag ci yod ce na/ lha klu gnod sbyin dri za mi'am ci yi dgas 'dre/ grul bum lus srul po dag gi dmigs las so zhes pa dang phyag dar khrod kyi 'dre ni sbom por byed do zhes pa rnams yin te/ lha la sogs pa mthong ba yang mi las bla ma'i chos dang ldan pas gdod mthong bas na de dag mthong bas smras na mi las bla ma'i chos brdzun du smras pa'i phyir/pham par 'gyur ba dang / thal srin tsam gyis tshod mi las bla ma'i chos dang mi ldan yang mthong srid pa'i phyir de dag mthong ngo zhes brdzun du smras na sbom por 'gyur ba rnams ston to/ / mi las bla ma'i chos nyid gang zhe na/ mi rtag pa la sogs pa'i 'du shes dang / bsam gtan dang tshad med pa dang / gzugs med pa dang / 'bras bu dang / mngon par shes pa la sogs pa ni bla ma'i chos so zhes pa yin te/ mi rtag pa la sogs pa'i 'du shes bcu dang / mi gtsang ba'i 'du shes bcu dang /bsam gtan bzhi dang / tshad med pa bzhi dang / nam mkha' mtha' yas pa la sogs pa gzugs med pa'i ris bzhi dang / rgyun du zhugs pa la sogs pa dge sbyong gi 'bras bu bzhi dang / sngon gyi gnas dran pa la sogs pa mngon par shes pa drug dang /gzhan yang zag pa yod pa dang med pa'i yon tan no cog mi las bla ma'i chos so/ /rang gi mtshan nyid gzung bas nyon mongs pa dang las zhi gnas kyi mtshan ma ni sbom por byed do zhes pa ni lus sam gzugs la sogs pa gang yang rung ste dmigs pa rnams kyi rang gi mtshan nyid gzung bas 'dod chags la sogs pa nyon mongs pa 'dub cing dang lta ba'i zhi gnas kyi mtshan ma'am rgyu tsam bdag la yong do zhes zer na sbom por 'gyur ba'o//de la zhi gnas ni rnam pa gnyis te/ de kho na nyid yid la byed pa zhes bya ba dang / mos pa yid la bya ba zhes bya'o//de la de kho na nyid yid la byed pa ni mi rtag pa la sogs pa'i 'du shes so/ /mos pa yid la byed pa ni tshad med pa la sogs pa'o/ /rnam pa de gnyis kyang bsgom pa'i ngo bo nyid do/ ma chud pa ma yin pas bsdus pa'o/ /de'i mtshan ma ni 'dod pa'i khams nas spyod pa'i mnyan pa dang /bsams pa'i shes pa'o/ /de la yang rnam pa gnyis te/ nyon mongs pa dang ldan pa dang / mi ldang ba'o/ /skabs 'dir ni mi gtsang ba la sogs pas nyon mongs pa dang ldang ba ma rdzogs pa la bya/ de dang ldan pa'i chos smra na de dang ldan bar ma smras pa ma yin zhes pa ni/dgon pa'i gnas yang ba 'di lta bu zhig na rgyun du zhugs pa la sogs pa la mi ma yin mi 'tsher zad kyi gzhan thams cad la 'tshe ba de na kho bo'ang 'dug 'dug ste ma gces so zhe'am/ yon bdag gi khyim 'di lta bu zhig na rgyun du zhugs pa la sogs pa'i stan ni spa ba 'ding ste/kho bo'ang 'dug 'dug go zhes zer ba lta bur de dang ldan pa'i chos su smra na mi las bla ma'i chos dang ldan bar ma smras pa ma yin pa'o/ /bdag la bsams nas 'di lta bu dag yod do zhes khungs gzhan la 'byin cing ston pa'o zhes pa ni dngos su bdag nyid yin par bsgrub la khungs gud du 'byin te dge slong dag gi nang na lha mtho 'am lha dang 'drul ba dag lha yod ces zer na sbom por 'gyur ba'o//khungs phyung na ma yin zhes pa ni gong ma skad du smra ba'i khungs bdag yin par smras na ni sbom po ma yin te rtsa bar 'gyur ba'o//legs par ma bsams par lung mi bstan zhes pa ni/ maud gal gyi bus char 'bab pa la sogs par lung bstan pa lta bu gtan la bab pa'am legs par ma bsams pa'i lung ston pa ma byed cig pa'o//brdzun smra ba rnam par 'byed pa'o// // rnam par 'byed pa las 'byung ba ni bstan pa yin phran tshegs las 'byung ba ni med pas na zhus pa las 'byung ba ston pa ni/ thob pa las nyams par smras na bla ma ma smras pa ma yin zhes pa la sogs pa yin te/ dge sbyong gi 'bras bu bzhi las nyams so zhes thob pa las nyams pa skad du zer na bla ma'i chos ma smras pa ma yin te pham par 'gyur ba'o//bla ma smra bar 'dod nas ming mthun pa'i don brjod na sbom po'o zhes pa ni so sor thar pa la sogs pa slob pa la brten te nga slob pa yin no zhe na/so sor thar pa lobs zin pa la brten te ma slob pa'o zhes zer ba lta bu la sogs pa ni bla ma smra bar 'dod nas de skad du brgyud pas na sbom por 'gyur ba'o/ /log na'o zhes pa ni nga ni rgyun du zhugs pa'o zhes smra bar brtsams pa las/ lan cig phyir 'ong ba'o zhes smras pa de lta bu ji ltar bsams bzhin du ma grub pas na sbom por 'gyur ro//zur zer na yang ngo zhes pa ni khyod rgyun du zhugs na yu bo cag rgyun du zhugs pa gnyis yod pa zhig na zhe'am/ khyod dang 'dra bar gyur na yu bo cag gnyis rgyun du zhugs pa 'thob kyang srid na zhes zur zer ba lta bu yang sbom por 'gyur ba'o//gong ma skad du sngar smras jug lad ni ma yin zhes pa lta bu bden pa mjug la brtags la blon nam mi blon zhe na/ phyis yang dag par na yang de ma gyur pa ma yin zhes pa yin te/ phyis bden pa smras kyang des mi blon te sbom por 'gyur ba'o//zhus par gtogs pa'o// // bye brag tu nges pa las 'byung ba ni/ btsun pa dgra bcom na gos la sogs pa'i mchog 'os so/ /sdig pa'i chos spangs pas na bram ze'o/ /btsun pas dbang po drug shin tu btul sbas bsrungs pa bsgoms so zhes smras kyang mi smra bar khas blangs na sbom po'o zhes pa yin te/pha rol gyis rnam pa 'di gnyis skad du lkugs na mi smra/ kha rog pa'i tshul gyis khas len na sbom por 'gyur ba'o/ /de la mi gtsang ba la sogs pa bsgoms pas dul ba ni shin tu btul ba'o/ /zag pa med pa'i las skyes pas dben pa ni shin tu sbas pa'o//dran pa dang shes bzhin pas btsas pa ni shin tu bsrungs pa'o/ /mi rtsod pa la sogs pa mngon du byas pa ni shin tu bsgoms pa'o/ /gal te btsun pa dgra bcom pa na bdag gi bsod snyoms bzhes/ khyim du byon /stan la bzhugs/ phyag rtsabs bzhes/ bshos gsol/ skrums dang bcas pa snoms / rjes su yi rang bar mdzod/ gshegs she na de bzhin du byed pa'o zhes pa ni/ 'di skad du byas na'ang mi smra bar de bzhin du byed na sbom por 'gyur ba'o/ /brdzun bye brag tu nges pa'o//bla ma'i brdzun rdzogs so// //phas pham pa bzhi de ltar bstan nas/ khu ba 'byin pa la sogs pa dge 'dun gyi lhag ma da ston pa ni/ rmi lam na ni med pa bzhin no zhes pa la sogs pa yin te/ 'jig rten gyi tha snyad du bya ba lam gtogs pa'i phyir/rmi lam du med pa bzhin no/ /de'i 'bras bu'ang ma byas pa'o zhes pa ni rmi lam du khu ba 'byin pa la sogs pa lus dang ngag gi rnam grangs g.yos pa ni byas pa'am/ dngos su bsgrubs pa ma yin par ston pa'o/ /de'i yan lag ston pa ni 'byin pa la sogs pa yin te/'byin par byed pa'ang yan lag gcig go/ /de'ang ji lta bur bsams pas she na/ der 'dod na zhes pa yin te 'byin 'dod pa'o/ /de yang su zhe na nyid kyi khu ba zhes pa yin te/ pha rol gyi ma yin gyi bdag gi'o/ /gnas nas 'phags pa dang sbubs su son pa dang /dbang po las thal ba'i bye brag phal cher yod na gang ltar phyung ba lhag mar 'gyur zhe na/ thog mar zhes pa yin te/ mkhris pa lta bur lus la de'i yul gud du nges par med kyi/ bu ram shing dang yungs kar bsnos pa lta bur lus kun la khyab par yod pas na/thog ma'i gnas nas bskyod cing spags pas lhag mar 'gyur ba'o/ /thog ma nas g.yos pa'i tshad ni 'dod chags cher ldang ba dang / bde ba'i nyams lhag par skye ba dang / snying 'dar zhing yan lag g.yo ba yin no zhes myong ba kha cig zer ro//'byin par 'dod pa yang bde ba'i don la sogs pa rnam pa mang po zhig gi ched du'ang 'byin na gang gi phyir phyung bas nyes par 'gyur zhe na/ bde ba dang reg pa dang sa bon dang sman dang / sad pa rnams kyi phyir na bye brag med ces pa yin te/ ming gis smos pa 'di rnams gang gi phyir phyung yang lhag mar 'gyur ro//de yang rnam pa gang gis 'byin ce na/ reg pa zhes pa yin te/ tshul bzhin yid la mi byed pa la sogs pas ma yin gyi reg pas so/ /reg pa tsam gyis nyed par 'gyur ram zhe na/ 'bad pa zhes pa yin te/reg nas 'bad cing bsgrubs na nyes par 'gyur ro/ /de yang ci la reg pas she na/ yan lag skyes pa zhes pa yin te/ brla la sogs pa gzhan la reg pas ma yin gyi pho mtshan la reg pas so/ /jis reg rtsen phyi rol gyis kyang zhes pa yin te/ lus las gzhan pa'i phyi rol gyis reg na yang nyes par 'gyur ba'o//phyi rol la yang rnam pa gnyis te/ gos la sogs pa sems can du ma gtogs pa dang / ro la sogs pa sems can du gtogs pa gnyis yod na gang la bya zhe na/ sems can du gtogs pa'o zhes pa yin te/sems can du gtogs pas nyes par 'gyur ba'o/ /de la sems can dang sems can ma yin pa'i tshul yod pas na/ de'i tshul du 'dug pas so zhes pa yin te/ lag pa lta bu la sogs pa sems can gyi dbyibs sam tshul du 'dug pas reg na nyes par 'gyur ba'o/ / 'bad pas nyes par 'gyur ro zhe na/ 'bad pa'i rngams che chung gis nyes par 'gyur ba ston pa ni/ bcangs pa dang btsir ba dag med kyang ngo zhes pa yin te/ ril gyis bcangs shing ril gyis btsir ba med du zin kyang khu ba phyung na nyes par 'gyur ba'o/ /shin tu bde ba ma myong yang nyes par 'gyur bar ston pa ni yi dri dang 'byin pa dang /do la bab pa'i bde ba myong ba yang ngo zhes pa yin te/ rnam pa 'di gsum gyi bde ba dang ldan pa ma yin bar phyung na yang nyes par 'gyur ba'o/ /de la tshul bzhin yid la byed pa ma yin pas non te 'khrig pa yid la byed cing dbang po nyed pa la sogs pas dga' bar byed pa myong ba ni yi dri'o//lus sam dbang po las khu ba 'dzag pa'i dga' ba ni 'byin pa'o/ /bde ba yal du byed pa ni do la bab pa'o/ /sbubs su ma phyin na'o zhes pa ni gtos nas g.yos la sbubs su ma phyin pa las nyes par 'gyur ba'o//'byung du cha ba'i tshe btang na zin par byas pa ma yin zhes pa ni/ 'byung du byed pa dang btang na byung du zin gyis kyang lhag mar mi 'gyur ba'o/ /gar dang rab tu gar byas ni 'bri zhes pa ni/ khu ba byung ba'i phyir gar byas sam bro brdungs te phyung na lhag ma'i sbom por 'gyur ba'o//nam mkha' la skud pa'o zhes pa ni/ khu ba dbyung ba'i phyir 'di ltar byed na yang sbom por 'gyur ba'o/ /phyogs gzhan du reg pa'o zhes pa ni pho mtshan ma yin pa'i brla la sogs phyogs gzhan du reg par byas te phyung na sbom por 'gyur ba'o//rgyun bzlog pa la bzed na'o zhes pa ni/ chu'i rgyun la gyen du bzed de phyung na yang nyes par 'gyur ba'o/ /yid drod bslang bas bde ba myong bar bsgrubs na'o zhes pa ni/ sngon 'khrig pa spyod spyod pa lta bu bsams nas khu ba 'byin na yang sbom por 'gyur ba'o//sbubs su phyin na'o zhes pa ni kho na nyid sbubs su 'ongs pa las phyung na sbom por 'gyur ba'o/ /chags pa'i sems kyis 'jal ba'i phyir reg pa ni mi sbyor ba ni 'dod chags yod pa'i sems kyis pho mtshan la 'jal na yang sbom por 'gyur ba'o/ / bltas na nyes byas zhes pa ni chags pa'i sems kyis pho mtshan la'o/ /rgyun dang rlung phyogs su bzed na yang ngo zhes pa ni/ chags pa'i sems kyis chu bo'i rgyun bzhin dang / rlung dga' ba'i phyogs su bzed na nyes byas su 'gyur ba'o/ /ched du ma byas kyi brla dang / gos dang pha rol gyis reg pa dang / phrugs pas shor ba ni nyes med ces pa ni ched kar ma byas la/ rnam pa 'di rnams kyi rkyen gyis shor ba ni nyes med pa'o/ /reg pa ma yin pas myong bas so zhes pa ni bud med la reg par ni ma byas kyi/ gzugs dang sgra la sogs pa mthong zhing thos par shor ba la nyes pa med/de dran pas kyang ngo zhes pa ni bud med dran pa dang shor na yang nyes pa med pa'o/ /'byin pa rnam par 'byed pa'o// // zhus par gtogs pa da ston pa ni 'byung du cha ba ni g.yo ba chas ma thag pa ni sbubs su son pa'o zhes pa la sogs pa yin te/gong du g.yo ba zhes smos pa ni 'byung du cha ba la bya/ sbubs su son pa zhes smos pa ni bcas ma thag pa la bya bar ston pa'o/ /brtsams pa tsam na mi sbyor ba ma yin zhes pa ni dbyung bar brtsams pa ste/ btang ba sbyor ba'i nang du mi gtong ba ma yin no//ma brtsams par byung ba nyams su len na de bzhin zhes pa ni kho na rang byung ba las de la dga' bar byed na yang sbom por 'gyur ba'o/ /yan lag skyes btsir mnyes te phur mnyes na yang ngo zhes pa ni/ 'di ltar byed cing dga' ba nyams su len na yang sbom por 'gyur ba'o//'di las su rung ba las byugs na'o zhes pa ni sgren pa lag gis byugs na yang sbom por 'gyur ba'o/ /sman gyis 'byin na zhes pa ni de'i dga' ba 'dod pa'i phyir sman gyi dpyad kyis ched du 'byin na sbom por 'gyur ba'o/ /pha rol gyi yang ngo zhes pa ni gzhan gyi khu ba 'byin na sbom por 'gyur ba'o//'byin pa zhus pa'o// // bye brag tu nges pa las 'byung ba da ston pa ni/ rnam par bsdos pa la sogs pa dang / rnam par gyes pa dang / keng rus dang / mgo dang / rna ba dang / sna dang / mgrin pa dang / rtsib logs dang / rgyab dang / brang dang / gnyer ma dang / skra bar dang / lag pa dang / phrag pa dang / dpung pa dang / dpung bar dang / rked pa dang / brla dang / rkang pa dang / byin pa dang / mag ba khung du 'byin na rtsa ba'o zhes pa la sogs pa yin te/ 'di ni phyi rol sems can du gtogs par 'byin zhes gong du smos pa rgyas par ston pa'o//la ba dang / phying pa dang / dre'u rngog dang / sngas dang / khri dang / khri'u dang / blod can dang / khri'i gseb dang / bum pa dang / bum phran dang / bum pa'i kha dang / bya ma bum dang /chol zangs dang / rdo dang / skyang nul dang / skyang nul gyi gseb dang / sgo leb dang / sha'i kham tshad rnams sbom po'o zhes pa 'di rnams su 'byin na yang sbom por 'gyur ba'o/ /rma btsir na yang ngo zhes pa ni rang gi yan lag skyes kyi sbubs khar mtheb mos btsir na sbom por 'gyur ba'o//rtsom pa na bud med du byed pa btsir na'o zhes pa ni nyal po byed du cus pa na mo mtshan btsir na sbom por 'gyur ba'o/ /'dir mdzub mo bcug na'o zhes pa ni mo mtshan gyi nang du mdzub mo la sogs pa bcug na yang sbom por 'gyur ba'o/ /'gro ba na byung ba'o zhes pa ni nyal bo byed pa'am/khu ba 'byin du 'gro ba'i lam yongs su khu ba 'byung na yang sbom por 'gyur ba'o/ /gnas nas gnas su 'pho na yang ngo zhes pa ni/ khu ba 'byin 'dod pa'i phyir gnas yang 'pho yang 'pho byed cing 'byin na yang sbom por 'gyur ba'o/ /tshul bzhin yid la mi byed pas kyang ngo zhes pa ni/ sta zur dang / nu ma dang / brang dang / mig dang / bzhin ras la sogs pa yid la byed cing khu ba 'byin na yang sbom por 'gyur ba'o/ /yan lag skyes bzung na'o zhes pa ni khu ba 'byin 'dod pa'i phyir yan lag skyes bzung ste byung na sbom por 'gyur ba'o/ /sgre'us drud pa ni nyes med ces pa ni sgre'us drud de khu ba rang byung ba la nyes med par ston pa'o//snying gi zlas bkyud pa'o zhes pa ni sdun gyi chud mas bkyud de/ khu ba shor ba la'ang nyes med/ rkang pa dang / byin pa dang / brla dang / dpung pa dang sor mo la sogs pa bud med kyis bzung ba las na yang ngo zhes pa ni/ 'di rnams las bud med kyis bzung ba dang khu ba shor na yang nyes med/ 'byin pa bye brag tu nges pa'o/ /'byin pa rdzogs so// //da ni lus reg pa 'byung ste/ de'i yul ston pa ni bud med las byed ces pa yin te/ lus reg pa'i lhag ma bud med ma yin pa las mi 'byung bas na/bud med las gyur par ston pa'o/ /bud med las byed pa de gang zhe na 'di'o zhes pa yin te/ lus kyis reg pa 'di bud med las byed par ston pa'o/ /de nyi tshe bud med las byed dam zhe na/ bud med las byed do cog ston pa na/dben pa na 'dug pa dang 'greng ba'o zhes pa la sogs pa yin te/ dben pa na 'dug pa dang / 'greng ba'i ltung ba yang bud med las byed pas na dge slong gang bud med dang lhan cig gcig pu dben pa skyabs yod pa na 'dug par byed na zhes pa dang / yang dge slong gang dge slong ma dang lhan cig dben pa skyabs yod pa na 'greng na nyes pa 'byung ba yin no/ /'og ma gzhan yang 'di bzhin du so sor thar pa'i khungs dang sbyor cig / bsnyen gnas kyang ngo zhes pa ni bsnyen na 'dug cing 'greng ba'i ltung ba yang bud med las 'gyur ro//lhan cig nyal na yang ngo zhes pa ni/ khyim gcig na bud med dang lhan cig tu mtshan rangs par nyal ba'ang bud med las 'gyur ba'o/ /rig pa'i skyes pa med par lam du cig car 'dong ba'o zhes pa'ang bud med las 'gyur ba'o/ /de la klan ka bas bya ba skyes pa med pa lam du cig car 'dong na zhes 'byung gi /rig pa'i skyes pa zhes mi 'byung na 'dir rig pa'i skyes pas glags pa ci'i phyir/ lan du de ni khyim mi mo la chos 'chad pa rig pa'i skyes pa med na zhes 'byung ba las na 'di'ang de dang 'dra ba'i phyir rig pa'i skyes pa med na zhes smos pa yin no//'og ma gnyis kyang zhes pa ni bsnyen cig dang kun spyod par bsngags pa 'di'i 'og nas 'byung ba gnyis kyang bud med las 'gyur bar ston pa'o/ /khyim mi mo la 'chad pa zhes pa ni tshig lnga 'am drug las lhag par 'chad na ltung ba yang bud med las 'gyur bar ston pa'o//khyim mi mo la chos 'chad do cog na nyes par 'gyur ram zhe na skyes pa med na'o zhes pa yin te/ skyes pa thad na med par chos bshad na gong ma lta bu'i nyes par 'gyur ba'o/ /de'ang ji lta bu'i skyes pa zhe na/ rig pa'o zhes pa yin te/ 'khrig par lkugs pa'i tshig dang / zur cha rig cing shes pa'o/ /rig pa'i skyes pa yod phan chad nyes par ye mi 'gyur ram zhe na/ yod kyang ma brtags pa la zhes pa yin te/ rig pa'i skyes pa thad na yod du zin kyang bud med nyid g.yem zhing rgod na nyes par 'gyur ba'o/ / rtsa ba'i nyes par 'gyur ram nyes pa gang zhe na/ de nyes byas so zhes pa yin te/ gong ma lta bu la chos bshad na nyes byas su 'gyur ba'o/ /gling tha dad par skyes pa dang spu bab pa ni rangs pa ma yin zhes pa ni/ rig pa'i skyes pa tha dad du gzhag pa shar gyi lus 'phags po lta bu gling tha dad pa zhig gam/'dzam bu'i gling pa zhig na yang ngo / /rgod cing 'phyar ba lta bu spu bab pa zhig na rig pa'i skyes par rangs pa ma yin pa'i phyir nyes byas su 'gyur ba'o/ /ma brtags pa la 'chad pa'i grogs 'di lta bu zhig na lci ba'i nyes byas su 'gyur ba'o/ /'di ni go ba'o zhes pa ni rig pa'i skyes pa de skad kyis bskal pa 'am/gnyid dang ra ro ba lta bu ma yin te don go ba'i rig pa la bya'o/ /de lta bu zhig na mtshan ma gcig don med ces pa ni pho mtshan dang / mo mtshan gnyi ga yod pa zhig na mtshan gang gi shas che ba de btsan gyi/shas chung ba ni med pa dang 'dra ste mi btsan bar ston pa'o/ /'dir phyed du byed ces pa ni mtshan gnyi ga yod pa'i skyes pa zla la gzhag cing chos 'chad dam/ de dang 'grogs te lam du 'gro na ltung ba phyed du byed pa ste/ nyes byas su 'gyur ba'o/ /bud med las byed do zhes pa bud med thams cad las nyes par 'gyur ram/bud med la bye brag ci yod ce na/ tha ma gsum ni legs par smras pa dang / nyes par smras pa'i don dag shes pa'o zhes pa dang / gzhan ni 'khrig pa bsten du bzod pas rtsa bar ro zhes pa yin te/ smre tshig dang kun spyod par bsngags pa dang /khyim mi mo la 'chad pa tha ma gsum ni legs nyes su smra ba'i zur can go na spyad du mi bzod kyang nyes pa rangs par 'gyur ba'o/ /lus reg pa la sogs pa gzhan ni 'khrig pa bsten du bzod na nyes pa rangs par 'gyur ba'o/ / gzhan ni 'og ma'o zhes pa ni spyad du mi bzod pa zhig na sbom po dang nyes byas su 'gyur ba'o/ /ma ning dang ma ning ma dang sprul pa yang de bzhin zhes pa ni rnam pa 'di dag lta bu'ang spyad du mi bzod pa dang 'dra bar ston pa'o/ /de la skyes pa dang bud med kyi mtshan ni rangs par med la/smar la sogs pa'i shas yod pa ni ma ning ngo / /skyes pa dang bud med kyi mtshan ni rangs par med la nu ma la sogs pa'i shas yod pa ni ma ning ma'o/ /sngags dang sman gyis bud med kyi gzugs su bsgyur ba ni sprul pa'o/ /'di gsum skyes pa la yang ngo zhes pa ni reg pa dang smre tshig dang /bsngags pa gsum skyes pa la byas na spyad du mi bzod pa dang 'dra bar ston pa'o/ /de dag ni ji nas bde ba myong bar 'dod pa dang / chags pa dang ldan na'o zhes pa ni reg pa dang smre tshig dang bsngags pa gsum 'di dag gi bde ba 'dod pa dang chags par ldan te/de dag ltar byas na nyes pa rangs par 'gyur ba'o/ /smre tshig dang kun spyod pa la sogs pa bud med las byed pa'i phyir mtshan nyid de ltar bstan nas reg pa rang gi mtshan nyid da ston pa ni/ yan lag la reg pa bdag gir byed na'o zhes pa la sogs pa yin te/lus dang yan lag la reg pa dga' bar tshor zhing de la chags na lhag mar 'gyur ba'o/ /lan bu ni 'dir de bzhin zhes pa ni skra'i lan bu la reg pa yang lus la reg pa dang 'dra bar ston pa'o/ /de dang 'brel ba'i cod pan yang ngo zhes pa ni cod pan lta bu yan lag ma gtogs pas/nyes pa rangs pa ma yin par re ba bsal ba'i phyir/ cod pan la reg par 'dod chags lhag par skye ba'i phyir yan lag la reg pa dang 'dra bar ston pa'o/ /nom pa dang kun du nom pa dang / sprod pa dang 'dzin pa dang / 'dren pa dang kun du 'dren pa dang /'dzeg pa dang 'bebs pa dang / bcum pa rnams bye brag med ces pa ni/ ming gis smos pa'i rnam pa 'di gang ltar byas kyang lhag mar 'gyur ba'o/ /de la nom pa ni yan lag la nom pa'o/ /kun du nom pa ni lus kun la reg cing nom pa'o/ /sprod ces pa ni lus kun gyis bkyud cing sprod pa'o//'dzin zhes pa ni yan lag la sogs pas 'dzin pa'o/ /'dren zhes pa ni ring ba nas so/ /kun du 'dren zhes pa ni nye ba nas so/ /'dzeg ces pa ni dma' ba nas so/ /'bebs zhes pa ni mtho ba nas so/ /bcum zhes pa ni bkyud cing 'dzum pa dngos so//bstan pas byas na yang ngo zhes pa ni gong du smos pa rnams bud med kyis tshur byas pa la dga' zhing chags na'ang nyes pa rangs par 'gyur ba'o/ gos kyis bar bcad pa ni 'og ma'o zhes pa ni gos kyis bar du bcad de reg na sbom por 'gyur ba'o/ / nyes byas 'gong pa las gzhan ma yin zhes pa ni spyad du mi bzod pa la gos kyis bar bcad de reg pa reg pa'i tshe nyes byas/ sbyor ba'i tshe ni nyes pa gzhan du dbab tu med pas nyes byas kyang sbom por ston pa'o/ /dge slong ma la mi reg ces pa ni chags pa med kyang ma reg shig pa'o//bud med yin zhes pa ni dge slong ma yin pa'i bud med gzhan la'ang ma reg shig pa'o/ /de ltar na bud med gang la'ang reg tu ye mi rung ngam zhe na/ reg par bya ba ni chus khyer ba brgyal te zhes pa la sogs pa yin te/ chus khyer ba lta bu bzung ba'i tshe ni rag kyang bla'o//brtse bas sdug bsngal dang 'brel ba ni nyes med ces kyang 'og nas 'byung na/ 'di skad du bstan pa cir dgos she na/ mdo 'og nas 'byung ba'i yul bstan dgos pa'i phyir ro/ /dpung pa'am skra nas so zhes pa ni gong ma ltar dbyung ba yang skra 'am/dpung pa nas bzung la phyung shig pa'o/ /ma dang bu sring gi 'du shes gzhag ste'o zhes pa ni chus khyer ba 'di'ang / 'di lta bu'i 'du shes zhog la zung shig pa'o/ /dran pa brta ba'i phyir bye phung la khas spub ste gzhag ces pa ni chus khyer ba phyi nas gzag cing brta ba'i thabs 'di ltar gyis shig pa'o//bsrung ba ni khri'u bzhin zhes pa ni bdag gis las kyang mi gtong bar rgyangs kyis bsrungs pa khri'u bzhin du gyis shig pa'o/ /zas la 'gro ba ni ba lang rdzi dang phyugs rdzi la bcol zhes pa ni zas la 'gro na thabs 'di ltar gyis shig pa'o//'tsho 'am mi 'tsho ba yang dang yang brtag par bya zhes pa ni 'tsho 'am mi 'tsho skabs skabs su rtogs shig pa'o/ /brtse zhing sems gtsang na bud med kyis bkyud pa nyes med ces pa ni bdag gi sems brtse ba'am skyon med na bud med 'khyud cing 'dzin du bcug kyang bla bar ston pa'o//lus reg pa rnam par 'byed pa'o// // da ni zhus pa dang bye brag tu nges pa las reg pa'i bye brag 'dod pas reg pa dang dra ma'i tshul dang / 'phyar ba dang dra ma dang mthun pa dang / mi 'dod bzhin du reg pa lnga 'byung ba ston te/ 'jam mnyen dro ba'i bsams pas na sbom po'o zhes pa ni 'dod chags kyis ma yin gyi 'di dag lta bu'i bsams pas reg na sbom por 'gyur te /'di ni reg pa'i khyad par 'dod pa'i reg pa'o/ /brtse bas sdug bsngal dang 'brel ba ni nyes med ces pa ni me dang g.yang du 'dor bar rtsol ba la sogs pa'i sdug bsngal las dbyung ba'i phyir reg pa ni nyes med pa'o//ma dang bu sring la de'i 'du shes kyis so zhes pa ni/ 'di dag gis reg pa na 'di dag so so'i 'du shes gzhag na nyes med pa'o/ /sngon spyad pa na kun dga' bo zhes pa ni sngon gyi chung ma la sogs pas bkyud cing gsong ba'i chos su byed pa la nyes pa med par ston pa ste/mdo 'di gsum ni dra ma'i tshul gyis reg pa'o/ /lus reg pa zhus pa'o// // bye brag tu nges pa las 'byung ba ston pa ni/ bslangs dang sa dang bong ba la sogs pa bud med kyi dbang por 'jug na sbom po zhes pa la sogs pa yin te/'di dag ltar byed na sbom por 'gyur ba'o/ /rkang pa dang phrag pas bud med phul na nyes byas zhes pa ni yengs pa'i sems kyis 'di dag ltar byed na nyes byas su 'gyur ba'o/ / de'i stan la yang ngo zhes pa ni bud med 'dug kyang rung mi 'dug kyang rung ste de'i stan du rkang pa la sogs pas bskyod cing bskul na yang nyes byas su 'gyur ba ste/ mdo 'di gsum ni 'phyar bas reg pa'o/ /bud med bred de 'gyel ba bslang ba'o zhes pa ni 'di ltar gyur pa nyid kyis 'ongs pa tsam gyi tshod la slong na nyes byas so//mdo 'di ni dra ma dang mthun par reg pa'o/ /'di gsum bud med kyis na nyes med ces pa ni/ mdo gong ma gsum bud med kyis tshur byas pa ni nyes med pa'o/ /bzung ba yang ngo zhes pa ni dge slong nyid mi 'dod bzhin du bud med kyis bzung ba ni nyes med/mas bkyud na'o zhes pa ni mas bkyud pa nyes med/ bu mo pang par 'dug pa'o zhes pa ni 'di ltar gyur pa la'ang nyes med/ bud med 'gyel te steng du ltung ba'o zhes pa ni/ bud med bsdad cing bsdos pas bdag gi steng du ltung ngam/bdag bsdad cing bsdos pas bud med kyi steng du lhung ba la nyes med pa ste/ 'di dag ni mi 'dod bzhin du reg pa'o/ /lus reg pa bye brag tu nges pa'o/ /lus reg pa'o// // smra ba dge 'dun gyi lhag ma 'chad par 'dod pa ni/ rgyo tshig tu smra na'o zhes pa yin te/gong du legs par smras pa'i zur cha 'go zhing spyad bzod pa dang / de'i bde ba dang chags pa zhes smos pa rnams lta bus rgyo ba'i tshig smras na dge 'dun gyi lhag mar 'gyur ba'o/ /ji lta bur smras pas smre tshig tu 'gyur zhe na/rgyo ba la sogs pa'i don gyis zhes pa yin te/ de la gnyug ma dang nye bar gdags pa gnyis yod pa las/ mi tshangs par spyod pa dang 'khrig pa zhes bya ba lta bu gnyug ma'i tshig smras na nyes pa rangs par 'gyur gyi/ nga dang lhan cig tu nyol zhes pa la sogs pa nye ba'i tshig gis na nyes pa rangs par mi 'gyur bar ston pa'o//'di yang bdag gi phyir ma yin gyi/ gzhan gyi phyir na nyes pa sbom por 'gyur ba'o/ /smre tshig tu smra ba de yang yi ge dang tshig du mas bsgrubs pa yang yod/ nyang nyung gis bsgrubs pa'ang yod na/gang gis nyes par 'gyur ba ston pa ni/ gang gis brda phrad par gyur na de go ba'i mtha'o zhes pa yin te/ yi ge dang tshig 'di snyed cig gis nyes par 'gyur zhes grangs chad pa med kyi/ gang smra bar 'dod pa des yi ge 'am tshig tu smras kyang rung ste/ nam brda phrad par gyur na go ba'i mtha' des gzung bar ston pa'o//don des rtogs par smra na ni sbyor na ma yin zhes pa ni rgyo tshig nyid smra bar ma bstsal te/ de dang nye ba'i tshig gzhan smras na/ rtsa bar sbyor ba ma yin pas sbom por yang mi 'gyur du reb bstsal ba'i phyir 'di smos pa yin te/ de dang nye ba'i tshig smras na yang sbom por 'gyur bar ston pa'o/ /sngogs pa dang mi sngogs pa dang / gsol ba dang / 'jebs par gsol ba dang / 'dri ba dang / kun 'dri ba dang / bsnyad pa dang / yid smon dang / gshe ba dang / slar zlos pa'i tshig tha dad pa de dag la bye brag med ces pa ni ming gis smos pa'i tshig 'di dag /gang skad du smras kyang rung ste rgyo tshig dang bsres na lhag mar 'gyur du 'dra ba'o/ /de la sngogs pa ni sring mo khyod kyi sgo gsum ni yongs su rgyas pa'o zhes zer ba'o/ /mi sngogs pa ni sgo gsum yongs su ma rgyas pa'o zhes zer ba'o//gsol ba ni sring mo tshur 'di dang 'di lta bu dag bya'o zhes zer ba'o/ /'jebs par gsol ba ni bud med kyis skyes pa la 'di lta bu dag byas na skyes pa de'i yid du 'ong zhing sdug pa yin bas na/ khyod kyis 'di dang 'di lta bu dag byas na/ nga'i sdug cing yid du 'ong bar 'gyur ro zhes zer ba'o//'dri ba ni skyes pa gang gis bud med la 'di dang 'di lta bu dag byas na bud med de'i yid du 'ong ba'i rigs pas na/ ngas kyang khyod la 'di dang 'di lta bu byas na/ nga khyod kyi yid du 'ong zhing sdug par 'gyur ba snyam zhes zer ba'o/ / kun 'dri ba ni sring mo khyod kyi sgo gsum bden par na legs par dod cing / legs par rgyas sam zhes pa la sogs pa'o/ /bsnyad pa ni sring mo khyod snying nas yid du 'ong zhing sdug na/ khyod kyi nyams su ji lta zhes zer ba'o/ /re ba ni sring mo khyod dang 'o bu 'di dang 'di lta bu nam spyod cig gu zhes zer ba'o//gshe zhes pa ni khyod bong bu dang 'di lta bu dag spyod cig ces pa la sogs pa gshe zhing rgya gag lta bu zer ba'o/ /slar zlos pa'i tshig ces pa ni bud med pas sngogs pa dang / mi sngogs pa la sogs pa'i tha snyad gleng zhing zer na de'i tshig bzhin du zlos shing khas len pa'o//skye bo rnams kyi tha snyad kyi dbang gis don tha dad du bsams pa ni nyes med ces pa ni/ yul dbus kyi skad du kun de zhes bya ba ko la ba'i skad du/ mo mtshan la bya ba lta bu chu snod la bsams te/ yul 'di lta bur smras pa nyes med par ston pa'o//ming gi shas 'dra bar yang ngo zhes pa ni rgya dang rgyo lta bu/ ming gi babs 'dra bar las lce 'khrul te rgya las rgyor nor ba lta bu nyes med par ston pa'o/ /smre tshig tu smra ba rnam par 'byed pa'o// // zhus pa las 'byung ba sdud cing ston pa'o/ / khyod sdug go zhes zer na sbom po'o zhes pa la sogs pa yin te/ mdzes shing sdug pa skad du zer zhing skugs na spom por 'gyur ba'o/ /khyod sdig phun no zhes pa ni khyod mi sdug cing sdig to can no zhes zer zhing skugs na sbom por 'gyur ba'o/ / bgo bsha' gyis she na'o zhes pa ni mi tshangs par spyod pa'i skugs pa'i snyad 'di skad du zer na yang sbom por 'gyur ba'o//bgo skal ba la'o zhe na'o zhes pa ni bgos pa'i shas nga la byin zhes zer na'ang sbom por 'gyur ba'o/ /nga dang lhan cig tu nyal ba'am/ 'dum bar gyis she na'o zhes pa ni/snyad 'di skad du skugs na'ang sbom bor 'gyur ba'o/ /smre tshig tu smras pa zhus pa'o// // bye brag tu nges pa las 'byung bar sdud cing ston pa ni/ 'phrul gyis rnam par 'phrul pa'i chos can la smra na/ de bzhin zhes pa la sogs pa yin te/ nam mkha' las 'gro ba la sogs pa'i rdzu 'phrul can la/rgyo tshig tu smras te nyal po skugs na sbom por 'gyur ba'o/ /'di ni mjug gi bar du thams cad sbom por ston pa sha stag tu rig par bya'o/ /rgya bslang zhe na'o zhes pa ni/ 'di skad du zur gyis zer na yang nyes par 'gyur ba'o/ /sring mo nga la byin zhes pa ni skugs pa'i skad 'di skad du zer na yang nyes par 'gyur ba'o//sring mo gang khyod la snang ba de byin zhes pa de yang gong ma dang 'dra sring mo gang khyod kyi mdun na ba de byin zhes pa dang / sring mo gang khyod kyi yid du 'thad pa de byin zhes zer na yang gong ma bzhin bdag la khyod 'dod pa byin cig ces zer na/khyod ci 'dod smras zhes pa dang / nga 'dod pa ni sring mo khyod do zhe na'o zhes pa ni/ tshul blangs pa'i lan du 'di skad zer ram khyim thab gyis bsgo ba'i phyir/ 'di skad du zer ba las/ nga 'dod pa lta sring mo khyod na nyid mod ces zer na yang gong ma bzhin/sring mo chu dang bca' ba dang / thug pa dang zas nga la byin/ khyod nyid de'o zhes zer na'o zhes pa ni zas skom dang 'dra bar/ khyod nyid bslang zhing 'dod do zhes zer na yang gong ma bzhin/ khyod bong bu dang de byos shig ce na'o zhes pa ni/ gshe ba'i snyad 'di skad du zer bas skugs na yang gong ma bzhin/ sring mo khyod bsod snyoms spyod pa ni skyes pa skugs pa spyod du zad do zhes pa ni/ dge slong ma bsod snyoms pa la khyod bzhag kyang las na/ skyes pa drong zhing skugs pa'i phyir/ bsod snyoms spyod do zhes zer na yang gong ma bzhin/'dir mgal pa chug ce na yang ngo zhes pa ni/ 'di skad du zer na yang gong ma bzhin/ rang bzhin gyi gnas ngan len du smras na'o zhes pa ni/ yong gis khang can du smra ba zhig ste/ 'dod chags kyi ma yin bar/ rgyo tshig rangs par smra na yang gong ma bzhin/smre tshig smra ba bye brag tu nges pa'o/ /smre tshig smra ba'o// // kun spyod dge 'dun gyi lhag ma 'chad par 'dod pa ni/ 'khrig pas bdag gi kun spyod par bsngags na'o zhes pa la sogs pa yin te/ bud med legs nyes kyi zur cha shes pa la nga'i bde ba 'dod pa dang /chags par ldan te log par bsgrub pa'i bsngags pas kun spyod kyi nang na/ 'khrig pas kun spyad pa ni/ mchog dam pa'o zhes pa la sogs pa 'di skad du zer na/ dge 'dun gyi lhag mar 'gyur ba'o/ /des bsngags pa'i rjes su yi rang ba'i phyir/ smra ba yang de bzhin zhes pa ni bud med na re khyod lta bur tshul khrims dang ldan pa'i 'phags pa la/ 'khrig pas kun spyad pa ni/ kun spyad pa'i phul zhes pa la sogs par smra na/ dge slong de'i rjes su yi rang zhing sring mo khyod zer ba bden te/ de bzhin no zhes zer na yang dge 'dun gyi lhag mar 'gyur ba'o//de bzhin du zlos na'o zhes pa ni bud med gong ma skad du zer ba la sogs pa de'i tshig bzhin du dge slong gis bzlas te/ khas blangs na rtsa bar 'gyur ba'o/ /'khrig pa'am de ma smos na sbyor ba'o zhes pa ni snyad gzhan rgyas par smos la bdag gam 'khrig pa gcig der ma smos na sbom por 'gyur ba'o//gnyi ga na de'i 'o zhes pa ni bdag dang 'khrig pa gnyis ka ma smos na sbyor ba ste nyes byas su ston pa'o/ /kun spyod par bsngags pa'o// // smyan byed pa dge 'dun gyi lhag mar bstan pa ni/ sprad pa zhes pa la sogs pa yin te/tha na blangs pa dang bsnyad pa dang slar bskyal ba tsam gyi nyes pa rangs par mi 'gyur gyi/ gnyis kyis gnyis sprad pas nyes pa rangs par ston pa'o/ /sus sprad ce na/ gzhan zhes pa yin te bdag gi ma yin gyi gzhan gyi gnyen byas na'o//su dang zhe na gzhan dang zhes pa yin te/ gang zag gzhan dang gzhan mir gtogs pa mtshan dang ldan pa sprad na'o/ /tshul ji lta bus gzhan dang sprad pa'i nyes par 'gyur zhe na/ de'i phyir ma khugs pa khugs par bsgrub pa ni sprad pa la pho nya'i cha blangs cig shos po la bsnyad/de'i cha khungs po la slar bsnyad na'o zhes pa yin te/ de gnyis sprad pa'i phyir sngun ma 'dus pas sdud de gcig las cha blangs na cig shos po la bsnyad/ de'i cha skad sngun gyi khungs su slar bskyal te sprad na nyes pa rangs par 'gyur ro//bar mar gyur nas des thos na byas pa'o zhes pa ni than blangs nas gcig la bsnyad de bar ma yin te/ bar de smras pa dang / phas kyi lan bdag gis ma bskyal bar dang po spring bar byed pa nyid kyis thos sam gud nas brgyud de thos na/ des slar lan ma bskyal ba ma yin te/bskyal ba dang 'dra bas ni/ sprad na nyes pa rangs par 'gyur ba'o/ /'di dag gi bya ba ni tha dad do zhes pa ni than blangs pa dang bsnyad pa dang slar bskyal ba gsum sbyor ba gcig tu bsdur mi rung ste/ sbyor ba so so bar ston pa'o/ /mi na tha mar ma byas kyang ma sbyor ba ma yin zhes pa ni mi'i 'gro ba mngal na 'dug pa lta bu'am cig shos shi'am gud du song ba lta bu'i rkyen gyis btsal te smyan gyi mjug ma grub na sngon gyi sbyor ba ldebs su mi stor bar ston pa'o//'bras bu gcig gi bya ba zin na byed pa so so chud mi za zhes pa ni mi mang po zhig gis gnyis sprad pa'i smyan byas na/smyan byed pa du yod pa thams cad lhag ma re rer 'gyur gyi/ mang po'i ldebs sam khongs rlag tu mi 'gyur bar ston pa'o/ /'dir pho nya ni bdag go zhes pa ni smyan gyi skabs 'dir pho nya lta bu yang bdag dang 'dra ste/ des than blangs pa la sogs pa sbyor ba gsum gyis sprad na yang nyes pa rangs par 'gyur ba'o/ /yang na smyan gyis shig par pho nya las cha lan blangs shing bskyal na yang de bzhin du nyes par 'gyur ba'o/ /de'i bdag po ni sprad pa'o zhes pa ni sprad par bya ba gnyis kyi pha ma'am rje dpon lta bu bdag po yod pa la thag bcad de sprad na nyes pa rangs par 'gyur ba'o//nyes byas su byed pa na gzhan la'o zhes pa ni sprad pa gnyis kyi bdag po ma yin te dbang med pa gzhan la than blangs pa la sogs pa'i sbyor ba byas kyang nyes byas su zad par ston ba'o//yi ge dang yig brda dang phyogs dang brda dang mtshan ma rnams ni tshig bzhin zhes pa ni 'di rnams gang ltar byas kyang tshig gis bsgrubs pa dang 'dra ste/ nyes pa rangs par ston pa'o/ /de la phyogs zhes pa ni kun dga' la sogs pa'i phyogs su dus btab pa'o//brda zhes pa ni snga dro la sogs pa'i brda skad sbyor ba'o/ /mtshan ma zhes pa ni skra bregs shing gos ngur smrig bgos na zhes pa la sogs pa'o/ /stu 'tshong ma ni ma khugs pa'o zhes pa ni stu 'tshong ma lta bu zong sbyin pa la rag tu zad pas ma khugs pa gzod 'gugs pa la ma gtogs pa re ba bstsal ba'i phyir 'di skad du smos pa yin te/ma khugs pa gzod 'gugs pa dang 'dra bas na sprad na yang nyes pa rangs par ston pa'o/ /bzhi tshun chad bdag gi ma yin par zhugs pa'o zhes pa ni sngon mdza' na lta bu'i tshul du lan gsum tshun chad sprad kyi/bzhir ma sprad pa zhig na rnal du khugs pa ma yin pa'i phyir/ ma khugs pa gzod 'gugs pa dang nyes pa rangs par 'gyur ba'o/ /'thabs nas zhig go zhes pa ni na nyung ngam chung ma gang yang rung sngon dbang du red cing gong rnying du gyur pa las 'thabs na dbang du red pa gong rnying zhig pa'o//chung ma'o cog 'thabs pas 'jig gam zhe na/ de'i dbang du red pa las chung ma ma yin par bsgrags na'o zhes pa yin te/ chus byin pa dang rin gyis nyos pa dang rgyal mtshan gyis srogs pa gsum ni dbang du byas pa yin pas na 'thabs te chung ma yin par bsgrags pa las bsdums na nyes pa rangs par 'gyur ba'o//srog chags bzhin pa ni de'i mod la ba dang / 'thabs ma thag pa dang / rtswa bcad pa dang / rdo gsum bor ba dang / spyad pa btang ba dang / chung ma ma yin par bsgrags pa dang / dril brdungs pa rnams so zhes pa ni sems can du ma'i smyan byas na dus sprad pa'i grangs bzhin du sbyor ba dang / rtsa bar 'gyur ba dang 'dra bar 'thabs pa ming gis smos pa 'di rnams las slar bsdums na 'thabs pa'i rim pa bzhan du nyes par 'gyur ba'o/ / de la de'i mod la zhes pa ni 'thabs pa'i mod la dge slong gis bcug cing bsdums pa'o/ /de ma thag pa zhes pa ni 'thabs pa'i 'og tu rtswa bcad ces pa ni rtswa ti lin ti li ka rked du bcad pa bzhin du bdag cag sba shug kyang gyes te mi 'dum mo zhes zer zhing 'thabs pa'o/ /rdo gsum bor zhes pa ni rdo gsum phyogs gsum du bor ba'am rdo gsum gyis bsnun te 'thabs shing gyes pa'o//spyod pa btang zhes pa ni so nam btang ba'am/ khyim thab la rim gro byed du ma bcug pa'o/ /chung ma ma yin par bsgrags zhes pa ni nga'i chung ma ma yin no zhes par 'jig rten kun shes par bsgrags pa'o//dril brdungs zhes pa ni khyim thab gtong ba'i phyir lha khang du song nas dril brdung ba'o / /'di la nyes byas su byed pa ni thog ma gsum mo zhes pa ni de'i mod la ba dang / de ma thag pa dang / rtswa bcad pa'i 'thabs pa gsum las slar bsdums na nyes byas su 'gyur ba'o//de la 'di zhes pa ni dbang du byas pa la gtod pa'i tshig go/ /de la dbang du byas pa'i chung ma dang 'thabs te rdo gsum bor ba las bsdums na snga ma'i nyes byas gsum dang / sbom po gcig go/ /spyad pa btang ba las bsdums na nyes byas gsum dang sbom po gnyis so//chung ma ma yin par bsgrags pa las bsdums na nyes byas gsum sbom po gsum lhag ma gcig go/ /dril brdungs pa las bsdums na/ nyes byas gsum sbom po bzhi/ lhag ma gnyis so/ /rim bzhin du ma 'thabs na 'di dag so so'i nyes pa dmigs dang sbyar bar zad do//'di ci'i phyir khyim mi dbub/ 'di'ang gyos po'i khyim du mi 'gro mi 'dri zhes smras na'o zhes pa ni khye'u 'di ci'i phyir khyim mi dbub/ bu mo 'di ci'i phyir so nam 'dzin du mi gzhug ce'am/ khye'u de 'di der ci'i phyir mi 'gro/ bu mo 'di gyos po'i der ci'i phyir mi 'gro mi 'dri zhes zer na nyes byas su 'gyur ba'o/ /smyan byed pa rnam par 'byed pa'o/ /smyan byed pa zhus pa las 'byung ba ston pa ni sbrum pa dang med pa dang / nges pa dang bsten pa med pa dang / nyos pa dang khugs pa dang / bdag gis smyan byed pa ni sbom po'o zhes pa ni 'di rnams lta bu'i smyan byas na sbom por 'gyur ba ste/de la sbrum ba ni mngal na yod pa'i smyan byed pa'o/ /med pa ni mngal na med pa'i'o/ /nges pa ni dka' thub la gnas shing 'du ba sdom pas spong ba'o/ /bsten pa med pa ni ma ning dang za ma lta bu gzhug gnas med pa'o//nyos pa ni nyos zin pa'am bag mar blangs nas snyol zhing sdum pa'o/ /khugs pa ni khugs te dbang du byas pa'o/ /bdag gis smyan byed pa ni mi 'di lta bu zhig 'phrad par 'dod na/ ji lta zhes khungs gud du 'byin cing bdag gi phyir skugs pa'o/ /khas blangs pa bstan na'o zhes pa ni bud med dus mal du sdod pa 'gro ba'i lam yogs su mthong ba las skyes pa dus mal du 'ongs bas 'di lta bu'i bud med ji mthong zhes smras pa dang /rgyus shes bzhin du shing ngam rtsig drung 'di lta bu zhing na sdod cing 'dug go zhes bstan na sbom por 'gyur ba'o//'thab gcugs kyis 'phrogs pa'o zhes pa ni dge slong gis khyim thab 'thab mo skugs shing mig blangs pa'i bar du chung ma gzhan dang nyal po byed du bcug na yang sbom por 'gyur ba'o/ /bud med dam che ge mo chung mar nyos zhes zer na'o zhes pa ni bud med kyi ming nas smos nas de chung mar blangs na ci nyes she na sbom por 'gyur ba'o//bud med ce na nyes byas zhes pa ni ming nas ma smos par bud med nyo na ci nyes zhes zer ba ni nyes byas su 'gyur ba'o/ /'ga' rnyed dam zhe na yang ngo zhes pa ni bud med dang chung ma lta rnyed dam zhes 'di na yang nyes byas su 'gyur ba'o//smyan byed pa zhus pa'o// // smyan byed pa bye brag tu nges pa las 'byung ba ston pa ni/ byin pa las bkyigs pa sprad na sbom po'o zhes pa ni sngon gnyen du 'thabs zin pa zhig las gnyen zla gcig cig gis bkyigs sam phongs dor byas pa las dge slong gis bsdums shing sprad na'o//chos kyi ched kyis brjed de bos na'o zhes pa ni bsod nams byed pa'i sngan dgas lta bur skyes pa'am bud med 'bod cing sprod na sbom por 'gyur ba'o/ /gzhan gyi don dang ldan na yang ngo zhes pa ni chos kyi ched kyis gong ma ltar byed pa ni ma yin gyi /khyim 'di dang skye bo 'di kun khyod la 'bul lo zhes pa'i than skyel ba lta bu la sogs pa gzhan gyi tshul gyis 'bod cing skad sbyor na sbom por 'gyur ba'o/ /ma khros na yang gzhan du zhes par sems can ma 'dus pa ma yin zhes pa ni 'tshog pa'i ltung ba las ma khros na yang ka ba la mi bsnun/rtsig pa la mi bsnun/ gzhan du'ang ma yin zhes 'byung bas na/ gzhan du'ang ma yin zhes pa'i khongs su sems can yang ma 'dus pa ma yin par ston pa ste/ skabs 'dir cir ston ce na/ skyes pa dang bud med/ sngon brda skad sbyar ba ltar dge slong gis lus la khu tshur ram thal mos bsnun pa dang /skad 'byor cing sprad par gyur pa lta bu'i gleng gzhi yod pas na nyes byas su 'gyur bar ston pa'o/ /smyan byed pa bye brag tu nges pa'o/ /smyan byed pa'o// // khang pa dge 'dun gyi lhag ma ston par 'dod pa ni/ spyod lam bzhi mi shong na nyes med ces pa la sogs pa yin te/'greng ba dang / 'dres pa dang / 'gro ba'i spyod lam spyad par byar med pa'i dog pa lta zhig brtsigs na nyes par mi 'gyur ba'o/ /bcol ba dang ma bcol ba mi btsan zhes pa ni khang pa brtsigs pa ma brtags pa la sogs pa'i skyon yod na rtsig tu bcug pa'i mi la yang nyid kyis brtsigs pa dang 'dra ba'i nyes pa rangs par 'gyur ba'o//bcol kyang bdag bzhin zhes pa ni ma brtags pa la sogs pa'i skyon yod na pha rol rtsig tu bcug kyang nyes pa bdag la 'dre bar ston pa'o/ /smras pa bzhin du ma byas kyang lus dang ngag gis khas len pa'o zhes pa ni sngar rtsig tu bcol ba'i tshe/ji nas kyang brtags shing rung bar gyis shig bsgo ba las bcol ba'i ming des bsgo ba bzhin du ma byas te ma brtags shing mi rung bar brtsigs pa las bcol ba de der phyis 'ongs pa dang / ngag gis ma nyes te legs so zhes zer ram/lus kyis shing rtsi la sogs pa snon cing slong na gnyi ga la nyes pa rangs par 'gyur ro/ /byed ba ni mchog go zhes pa ni khyim brtsigs par brtsams pa las/ gtan du ye ma btang bar byas pa ni ma yin gyi lo 'ga' 'am zla ba du mas bcad de labs kyis yang rtsig byed na sbyor ba gcig tu zad par ston pa'o//bsgrub pa gcig pas na 'thabs pa'i mod la ba la sogs pa'i rim pa bzhin du yan lag re re sbyor ba re re'o zhes par re ba bstsal ba'i phyir/ yan lag rnams ni tha dad du mi byed do zhes pa yin te/ ma brtags pa la sogs yan lag re re zhing sbyor ba re rer 'gyur ba ma yin gyi/rtsa ba gcig gi sbyar ba'ang gcig par ston pa'o/ /khang pa'i lhag mar 'gyur ba ji ltas she na/ bslangs pa zhes pa la sogs pa yin te/ sa gzhi gzhan las bslangs pa'o/ /des bsgo ba la zhes pa ni khyim pa'i rgyu spyad cing shing rtsi la sogs pa bdag gis bslangs sam slong du bcug na yang ngo //dngos po mi gtsang ba zhes ba ni sa gzhi mi gtsang bar brtsigs na nyes par 'gyur ba ste/ 'di btsal ba ni 'og nas 'chad/ ma gsol bar gnas byed pa zhes pa ni dge 'dun la gsol ba ma btab par thug thub tu brtsigs pa'o//zin na'o zhes pa ni thams cad brtsigs zin na gdod nyes pa rangs par 'gyur ba'o/ /'og ma yang 'di dag bzhin te bslangs pa ma gtogs zhes pa ni yan lag gong du smos pa 'di rnams las bslangs pa'i yan lag gzhan thams cad gtsug lag khang brtsigs pa'i yan lag kyang yin par ston pa'o//gcig gi phyir zhes pa ni khang pa brtsigs pa gcig gi phyir na nyes pa rangs par 'gyur ba'o/ /gcig ces pa dge slong nyi tshe la bya ba ma yin gyi/ khyim pa gcig cig gi phyir na yang nyes pa rangs par 'gyur ba'o/ /khyim brtsigs so cog gis nyes par 'gyur ram zhe na/tshad las lhag pa zhes pa yin te/ tshad las lhag par brtsigs na nyes par 'gyur ba'o/ /gong du dngos po mi gtsang ba zhes smos pa de ji lta bu zhe na/ ma brtags pa rtsod pa can ma spangs pa ni mi gtsang ba'o zhes pa yin no/ /de dag kyang ji lta bu zhe na/sdig sbrul phra mo tshang bcas pa dang / rgyal po dang lha'i khang pa/ mu stegs pa'i gnas dang mda' chags pa dang / mi gcod pa'i shing dang / 'dom gang tshun chad kyi nyen 'khor na chu bo dang grog po dang / khron pas chod pas 'di dag rim bzhin no zhes pa yin te/de la sdig sbrul gyi tshang bcas pa zhes pa ni ma brtags pa'o/ /rgyal po zhes pa nas mi gcod pa'i shing zhes pa'i bar du smos pa rnams ni rtsod pa can no/ /'dom gang zhes pa nas/ khron pas chod ces pa'i bar du smos pa rnams ni ma spangs pa'o/ /gong du tshad las lhag ches smos pa'i tshad ji tsam zhe na/tshad ma'i khru phyed dang do ni bde bar gshegs pa'i mtho zhes pa yin te/ mi tha mal ba'i khru phyed dang dol bde bar gshegs pa'i mtho gang du ston pa'o/ /des khang pa'i tshad ston pa ni/ nang rgya'i tshad de'i bcu gnyis dang bdun no zhes pa yin te khang pa'i nang rgya chur ni bde bar gshegs pa'i mtho bcu gnyis zhes phyed dang do ni bde bar gshegs pa'i mtho zhes pa yin te/gang du bde bar gshegs pa'i mtho bdun gyi tshad las lhag par byas na nyes par 'gyur ba'o/ /gong du gsol zhes smos pa gsol ba'i tshad tsam zhe na/gsol ba dge 'dun las thob pa ni gsol ba'o zhes pa yin te/ gsol nas dge 'dun gyis gnang ba byin na gsol bar chud pa'o/ /mi gtsang na mi gsol zhes pa ni ma brtags pa la sogs pa'i skyon yod pa tsam gyi tshod na dge 'dun la brtag pa'i gsol ba ma byed cig pa'o//nyid ma bskos pa'i dge slong dag gis rtogs shing yid ches par bya zhes pa ni khang pa brtsigs par dge 'dun la gsol na dge 'dun nyid kyis thog tu phyung la brtag pa'am/ dge slong kha cig bskos pas brtag cing gtan la phob shig pa'o//gding ba'ang de bzhin zhes pa ni lo drug ma lon par gding ba 'grub pa'i sdom pa gsol na yang dge 'dun gyis thabs 'di ltar rtogs shig pa'o/ /byas pa rnyed cing spyad pa la nyes med ces pa ni sngon brtsigs zin pa zhig rnyed dam de spyod pa ni nyes med pa'o//rnying pa bcos pa yang ngo zhes pa ni sngon gyi rnying pa bcos na nyes med par ston pa'o/ /khang pa'i dge 'dun gyi lhag ma rnam par 'byed pa'o// // gtsug lag khang brtsigs pa dge 'dun gyi lhag ma'i yan lag rnams ni gong du bstan pas na/ de'i bye brag tsam zhig ston pa ni dge 'dun gyi phyir ro zhes pa yin te bzhi yan chad 'dus pa'i phyir brtsigs na/khyim pa'i yang rung ste dge 'dun gyi lhag mar 'gyur ba'o/ /gzhung las de bzhin gshegs pa'i nyan thos kyi dge 'dun gyi phyir zhes pa smos pa 'di gleng gzhi'i gcig tu zad do/ /gtsug lag khang dge 'dun gyi lhag ma rnam par 'byed pa'o// // lhag ma 'di gnyis 'dra ba'i phyir zhus pa las 'byung ba cig car du bsdus te ston pa ni/ brtsams pa ni sbyor ba'o zhes pa la sogs pa yin te/ brtsigs par brtsams na sbyor bar ston pa'o/ /ma khebs na zin kyang de bzhin zhes pa ni thog mar bar na khang ba'am gtsug lag khang gzhan zin kyang sbom po las med par ston pa'o//du ma'i phyir na'o zhes pa ni khang pa brtsigs pa ma brtags pa la sogs pa'i skyon yod du zin kyang gcig gi phyir ma yin te du ma'i phyir brtsigs na sbom po la sogs par ston pa'o//ma btang na'o zhes pa ni khang pa'i sa gzhi pha rol gyis ma byin par brtsigs na yang sbom por ston pa'o/ /pham par ci'i phyir mi 'gyur zhe na sa gtan du bdag gir bya ba'i 'du shes med kyi de nyid kyi khyim du 'gyur ba'i 'du shes yod pa'i phyir ro/ /gang zag gi na'o zhes pa ni khang pa brtsigs pa'i nor pha rol las bslangs pa ma yin gyi/gang zag nyid kyi nor gyis na sbom por 'gyur ba'o/ /ma zin pa yang ngo zhes pa ni gzhan gyis brtsigs pa'i 'phro bslang ste zin par byas na yang sbom por 'gyur pa'o/ /bslangs pa'i 'og tu ma byas na nyes byas zhes pa ni sa gzhi bslang ste btang ngam rgyu spyad bslangs nas btang na nyes byas su 'gyur ba'o//khang pa dang gtsug lag khang dge 'dun gyi lhag mar gtogs pa'o/ /khang pa dang gtsug lag khang dge 'dun gyi lhag ma'o// // rtsa ba med pa dge 'dun gyi lhag ma ston par 'dod pa ni/dge slong nyams pa la yang phas pham pas skur na'o zhes pa la sogs pa yin te dge tshu yin gyi dge slong yin na nyams pa yang rung ste/ mi tshangs par spyad pa la sogs pas skur na lhag mar 'gyur ba'o/ /pa ri ba sha las dge slong dang dge slong ma bsnyen par rdzogs pa dang ma nyams pa bskrad na nyes pa rangs par 'gyur gyi/nyams pa bskrad na nyes byas zhes pa skabs 'dir de dang mi sbyor gyi/ nyams pa la skur na yang nyes pa rangs par 'gyur ba'o/ /nyams pa la yang zhes smos pa nyid ni 'og nas dge slong dang dge slong ma'i bslab pa'i yan lag ni bsnyen par rdzogs pa dang ma nyams pa'o zhes 'byung ba de 'grel pa'o/'dir nyid kyi phyogs yan lag ma yin zhes pa ni chub par smras pa las nyid kyi phyogs su 'gyur ba ni mtshan gcig pa ste/ dge slong dang khas blangs pa ste sangs rgyas kyi lta ba la brdegs na ltung bar 'gyur gyi mtshan ma gcig pa dge slong ma dang /lha sbyin gyi phyogs su khas blangs pa brdegs na nyes byas zhes pa skabs 'dir de dang mi sbyor gyi/ mtshan tha dad pa dang khas len pa tha dad pa la skur na'ang nyes par 'gyur ba'o/ /mtshan dang khas blangs pa'o zhes 'byung ba'i 'grel pa ste/skur pa 'debs pa'i skabs 'dir nyid kyi phyogs nyi tshe yan lag tu 'gyur ba ma yin gyi mtshan tha dad pa dang / khas len tha dad pa la skur na yang nyes pa rangs par 'gyur ba'o/ /brdzun du smras pas so zhes pa ni mthong ba thos pa dang dogs pa'i rtsa ba med la yang dag pa ma yin pa brdzun du smras na nyes par 'gyur ba'o//gang la skur ba de nyid kyi mdun du smras pas nyes par 'gyur ram zhe na su la bsgo yang rung zhes pa yin te/ gang skur par bya ba de nyid la smra bar ma zad kyi su'i mdun du smras kyang rung ste nyes par 'gyur ba'o//ji ltar bsams kyang rung ngam zhe na/ 'bral bar 'dod pas so zhes pa yin te bab bab tu bsams pas ma yin gyi tshangs par spyod pa dang 'bral bar 'dod pas skur na nyes par 'gyur ba'o/ /rtsa ba gzhan pa de ma yin zhes pa ni mthong ba'i rtsa ba yod pa las thos pa la sogs pas glengs na rtsa ba de nyid las ma glengs te bsnor ba'i phyir skur par 'gyur ba'o//brjed na yod pa ma yin zhes pa ni sngon mthong ba la sogs pa'i rtsa ba yod pa las de ni brjed kyi mthong ba la sogs pa'i rtsa bas gdod skur na sngon gyi nyes pa de med pa dang 'dra ste/skur par 'gyur ba'o/ rtsa ba yod du 'gro ba las rtsa ba bsnor te glengs pa dang rtsa ba med pa ni ma yin gyi yod pa las brjed pa lta ba yan lag tu ji phyir mi brtsi zhes pa bstsal ba'i phyir/ don de nyid na'ang brdzun du mi byed pa ma yin zhes pa ni mthong ba'i rtsa ba yod du zin kyang thos pa dang dogs pas glengs na 'du shes brtsan pa'i phyir brdzun du mi 'gyur ba ma yin pa dang /rtsa ba yod kyang brjed na skur pa'i 'du shes de nyid brtsan pa'i phyir brtsan du mi 'gyur ba ma yin te/ dper na dngos su mig lam ga na 'dug la/ bdag gi snying lam na med pa snyam zhig nas/gzhan gyis dris pa'i tshe med do zhes smras pa las phyis yod par 'gyur ba lta bu 'du shes brtsan pa'i phyir brdzun du mi 'gyur ba dang 'dra'o/ /rtsa ba med pa dge 'dun gyi lhag ma rnam par 'byed pa'o// // gzhan gyi chas skur pa'am gzhan du cham yin pas skur pa'i lhag ma ston par 'dod pa ni/snyad gzhan la bstan pa'i tshig gis brdzun pa'o zhes pa yin te 'di dang 'di mi tshangs par spyod do zhes gsal por ni mi smra'i mi gsal ba la brten te/ brdzun du skur na rtsa bar 'gyur ba ste/ dper na gyad bu nor dang ut+pa la'i mdog kyang mthong mi tshangs par spyod pa yang mthong ngo zhes zer ba lta bu'o//dge slong nyams pa las yang phas pham pas skur na zhes bya ba la sogs pa'i yan lag gzhan ni gong du bstan pa dang 'dra'o/ /gzhan gyi chas skur pa'am/ gzhan du cha ma yin pas skur pa'i dge 'dun gyi lhag ma'o// // rtsa ba med pa dang chas skur ba gnyis zhus ba las 'byung ba cig car du bsdus te ston ba ni/bstan du med pas skur pa ni sbom bo'o zhes pa la sogs pa yin te/ dge slong ma mtshan ma med pa'i ma ning dang / mi tshangs par spyod do zhe'am/ dge slong mo mtshan med pa'i ma ning ma dang mi tshangs par spyod do zhes skur na gnas med cing mi srid pa'i phyir sbom por 'gyur ba ste/'di'ang kha rkub kyi sgo las ma glengs na de ltar 'gyur ba'o/ /ming nas ma smos na yang ngo zhes pa ni mang po'i mdun du 'di dag gi nang na mi tshangs par spyod pa dang / ma sha ka lnga las lhag par brkus pa dang / mi'i srog bcad pa dang mi las bla ma'i chos brdzun du smra ba dag yod do zhes zer zhing gang gis nyes pa'i ming nas mi 'byin na sbom por 'gyur ba'o/ /de bzhin gshegs pa la ngan sems kyis khrag 'byin pa dang / dge 'dun gyi dbyen gyis na yang ngo zhes pa ni 'di 'ang de bzhin gshegs pa la ngan sems kyis khrag 'byin pa'o zhes skur na mi gsod pa'i sbom pos skur du zad pas nyes byas su 'gyur ba dang /dge 'dun gyi dbyen byed pa la zhugs so zhes skur na yang sbom pos skur du zad pas nyes byas su 'gyur bar ston pa'o/ /de la yang kha cig 'chad pa ni de bzhin gshegs pa la ngan sems kyis khrag 'byin pa yin no zhes skur na/mtshams med pas skur pa yin/ de ltar mtshams med pas skur na ni dge slong gi ngo bo med par skur pas phas pham pas skur ba bzhin du dge 'dun gyi lhag mar 'gyur ba bzhin du dge 'dun dbyen byas so bar skur pa'ang de bzhin te/lhag mar 'gyur ro zhes 'chad/ bsams nas smras so zhes pa la sogs pas zur zer na nyes byas zhes pa ni mang po'i mdun du ngas bsams te/ smra ba'i gleng ba 'di dag gi nang na yod do zhes yid srid skur zhing zur zer na nyes byas su 'gyur bar ston pa'o//chas skur pa la yang 'di bzhin du zur zer ba srid do/ /rtsa ba med pa cha zhus pa'o// // dge 'dun gyi dbyen dge 'dun gyi lhag mar 'gyur ba da ston pa ni/ pha rol gyi 'khor kha drangs na sbom pa'o zhes pa la sogs pa yin te/ mdo 'di nyid ni zhar las ston pa'o//'di man chad ni dge 'dun gyi dbyen la sogs lhag ma bzhi khong 'thul ba'i mtshan nyid ston pa'o/ /mi gtong bar sran 'dzugs pa'i tshul zlog pa bzhin du bsdeb ces pa ni dge 'dun gyi dbyen byed pa la sogs pa dge 'dun gyis bzlog pa ni mi gtong ba'i tshul du lus sam ngag gam mi smra bas sran 'dzugs na zlog pa lan gsum gyi bar du zlog pa'i grangs bzhin du sbyor bar 'gyur ba'o//zlog pa bzhin du gsol ba'o zhes pa ni dge 'dun mkhyen par zhu zhing gsol ba zlog pa nyid ma yin pas sbyor bar mi 'gyur du re ba sel bar ston pa yin te gsol pa yang zlog pa bzhin du sbyor bar 'gyur ro//ngag ni skad ma gcig go zhes pa ni zlog pa la sogs pa'i tshig du ma yod du zin kyang bsnyad pa'i mjug ma rdzogs kyi bar du rgyun gcig tu brtsi bar ston pa'o/ /slob pa rnams gcig tu re ba bstsal ba'i phyir/zlos pa ni so sor ro zhes pa yin te/ zlos pa lan rer sbyor ba re rer ston pa'o/ /bsnyad pa ni ma yin zhes pa ni mjug gcod par bsnyon pa ni gud dud byung du med de/ bzlas pa tha ma'i khongs su 'dus par ston pa'o/ /zhugs pa ni sbyor ba'o zhes pa ni dge 'dun gyi dbyen la zhugs pa la sogs pa de dag la zhugs pa'i sbyor bar ston pa ste/de la gzhan pa la sogs pa'i tshe ni nyes byas so/ /gsol ba tsam phyin chad ni sbom po'o/ /bskrad pa'i las ma byas par sngan tshogs su 'dod pa la sogs pas/ 'gro'o zhes kha tshas zer ba dang gleng ba dang bskul ba ma byas par sngan tshogs su bka' blo ma bde bar zer ba sbyor ba'i yang sbyor bar ston pa ni /bskrad pa dang gleng ba dang bskul ba ma byas pa ni de'i'o zhes pa yin te khyim sun 'byin pa bskrad pa la sogs pa'am brtsams par chad mi bzod de/ dge 'dun la kha tshas zer ba dang /bslab pa'i phyir gleng zhing bskul pa ma brtsams par snga nas bka' blo mi bde bar zer ba lta bu ni sbyor ba de yang sbyor ba ste nyes byas su 'gyur bar ston pa'o/ /'di skad du zer ba'i gang zag la bsgo ba la sogs pa'i las bya'am mi bya zhe na/ 'di la mi bsgo zhes pa yin te 'di lta bu la bsgo bas bzhams pa'i bsgo ba yang ma byed cig pa'o//gong ma lta bu ni ma yin gyi dbyen la sogs pa la zhugs pa gor ma chag par bsgo'am mi bsgo zhe na/ 'di dag la bzhams pa dang las kyis mi bsgo ba ma yin zhes pa yin te/ de la bzhams pa ni tshangs pa mtshungs par spyod pa mdza' bas tshig 'jam po la sogs pas gros gdab cing bzlog pa'o//bzlog pa las 'byung ba rnams kyi lhag ma bzhin ma byung zhe na/ de'i mjug tu ma btang na'o zhes pa yin te/ zlog pa'i las zin gyi bar du ma btang na lhag mar 'gyur ba'o/ / de yan chad du khong du 'thul ba'i mtshan nyid bstan nas/ da ni rim pa bzhin du so so'i mtshan nyid ston pa ste/ don gang ma bstan pas dbyen gyi lhag mar 'gyur zhe na/ zhugs pas so zhes pa yin te dge 'dun gyi dben la zhugs pa ma btang na rtsa bar 'gyur ro/ /ji ma btang zhe na dben no zhes pa yin no//de'ang su'i zhe na dge 'dun gyi'o zhes pa yin no/ /dge 'dun 'byed pa dge 'dun gyi lhag ma'o// // rjes su phyogs pa'i lhag ma ston te/ ji ma btang bas rjes su phyogs pa'i lhag mar 'gyur zhe na/ de'i grogs su 'bad na'o zhes pa yin te dge 'dun gyi dbyen byed pa la zhugs pa de'i grogs su btang na lhag mar 'gyur ba'o//rjes su phyogs pa dge 'dun gyi lhag ma'o// // sun 'byin pa dge 'dun gyi lhag ma ston te/ /khong 'thul ba'i mtshan nyid las gzhi blangs nas ji ma btang bas khyim sun 'byin pa dge 'dun gyi lhag mar 'gyur zhe na/bdag skyod par byed pa'i dge 'dun la 'di dag gis 'dir bsam pa log pa 'di lta bu dag la zhugs so zhes brdzun zer na'o zhes pa yin te bdag skrod pa'i dge 'dun la 'bod pa la sogs pas 'gro ba'o zhes brdzun sbyor zhing kha tshas zer na lhag mar 'gyur ba'o//khyim sun 'byin pa dge 'dun gyi lhag ma'o// // bka' blo mi bde ba'i lhag ma ston te ci ma btang bas bka' blo mi bde ba'i dge 'dun gyi lhag mar 'gyur zhe na/ dge slong gi lhag pa'i tshul khrims kyi phyir glengs na dge slong dag gis bdag la 'dis mi brdzi bar byed pa'o zhes pa yin te/tshul khrims kyi phyir dge slong 'gas glengs na legs kyang rung nyes kyang rung / bal tshul khrims so cog gi phyir dge slong ngo cog gis ma gleng shig / nga yang mi nyan to zhes tshig gi lam gcod cing bka' blo bde bas mi brdzi bar byed na dge 'dun gyi lhag mar 'gyur ba'o//bka' blo mi bde ba dge 'dun gyi lhag ma'o/ /dge 'dun gyi lhag ma rdzogs so// //spang ba'i ltung ba bshad par 'dod de/ 'chang ba la sogs pa bslab pa rnams kyi spyi'i mtshan nyid je ston pa ni/ snga ma med pa nyin zhag gcig gi mjug ma zad pa ni med pa ma yin zhes pa la sogs pa yin te/zhag gcig gam drug gam bdun nam/ bcu'am zla ba tshigs kyis gzung ba rnams de dag gi snga logs kyi zhag grangs sam/ thun grangs dang mi sbyor gyi nyin zhag gi mjug ma zad pa'i tshigs kyis bzung bar ston pa'o//thams cad de ltar mtha' mjug ma zad pa'i so nyi tshes brtsi'o/ /nyin mtshan la sogs pa de'i khongs su mi brtsi'am zhe na/ gnas pa ni sbyor ba'i snod do zhes pa yin te bsnyen par rdzogs pa dang / bsnyen par rdzogs kyang lta ba mi gtong ba dang /dge tshul mi snang bar bkar ba dang / bud med dang khyim gcig gi nang na nyal ba dang / 'od la nyal ba dang g.yul gyi nang na 'dug pa rnams nyin zhag gi mjug ma zad kyi bar du gnas shing 'dug pa'i nyin zhag sbyor ba'i snod du 'gyur bar ston pa'o/ /de yang g.yul gyi nang na gnas pa ma gtogs pa gzhan ni mtshan mo sbyor ba'i snod du byed do//nyin zhag gi tha ma ston pa ni skya rengs dang po'i thog ma de'i 'o zhes pa yin te/ /skya rengs sngon bo dang ser po dang dmar po de gsum 'char ba las dang po'i sngon po shar na/ nyin zhag gi thog ma yin par ston ba'o//de'i 'grel pa ston pa ni/ thal na las ni 'char du cha ba'o zhes pa yin te gso sbyin dang tshul nas 'byung ba lta bu tshes grangs dang sbyar ba'i bslab pa rnams skya rengs shar ba ma tshor te/ thal na nyi ma shar tshun chad nyin zhag gi mthar brtsis la las gyis shig pa'o//spang ba ni bdag gir 'du shes pa gtso bo zhes pa ni gud nas bdag gi rdzas su bskur ba lta bu la sogs pa bdag gi yin par ma shes kyi bar du spang ba'i ltung bar mi 'gyur bar ston pa'o/ /de la ma byin par len pa dang shi ba'i yo byad lta bu ni 'di dang sbyar du mi rung ngo / / dngos su ni gzhan gyi nor yin la bdag gi yin snyam du 'du shes pa las zhag bcu thal bar bzhag pa ni nyes byas su 'gyur ro/ /bsngos na 'di yal ba'o zhes pa ni gzhan gyi nor ram rdzas su bsngos na bdag gi ma yin par ston pa'o/ /rab tu 'byung ba'i phyir nges par byas pa'am de bzhin zhes pa ni rab tu 'byung ba rnams kyi gos su bsngos te bzhag pa lta bu yang nyes par mi 'gyur te 'di ni rab tu 'byung ba'i phyir lhung bzed lhag pa bcangs kyang bla ba las drangs pa'o//gos rung bar byas pa yang ngo zhes pa ni ming 'di zhes bya ba'i gos zhes sngags kyis rung bar byas pa yang bdag gi mi 'gyur ba'o//'dir rgyun chags pa ni 'jig go zhes pa ni bcangs pa'i gos bsngo ba la sogs pa bdag gir bya ba ma byas na/ bdag gi srel ba'i rgyun chad cing 'jig par ston pa ste/ dngos su gos snga ma rnyed nas zhag bzhi'am lnga lon te med par byas pa'i 'og tu rnyed pa snga ma'i zhag grangs dang mi sbyor bar ston pa'o//rgyun chad pa de nyi tsher zad dam zhe na/ rang bzhin nyams pa yang ngo zhes pa yin te bcang ba'i gos bcangs nas zhag gnyis sam gsum mam bcur ma lon pa rnams tshun chad du lon yang rung ba'i skabs su smos pa la sogs pa rang bzhin nyams par red na/nam sangs pa tshun chad zhag grangs kyi mgo gdod btsugs te brtsi'o/ /sngon gyi zhag grangs dang mi sbyar bar ston pa'o/ /'di yod na gzhan yang de'i dngos por skye'o zhes pa ni sngon bdag gir byas pa yod na phyis rnyed pa yang bdag gir byas pa de'i khongs su 'gro ste/de yang gang zhe na bdun pa dang / bcu pa dang / zla ba gcig pa rnams de dag so so rigs rigs su 'gyur ba'o/ /de la zhag bdun pa'i bye brag ston pa ni/ bdun pa ni rigs gcig go zhes pa yin te/ bdun pa'i sman bdag gir byas pa ni de dang 'dra ba'i rigs phyis rnyed na de'i khongs su 'gre bar 'gyur gyi/rigs mi gcig pa ni de ltar mi 'gyur gyi/ zhag bdun pa'i bar sngar byin gyis brlabs pa dang / phyis kyang mar zhig rnyed pa las snga ma bdun las thal te brgyad du bcangs na/ snga ma bdun las 'das pa'i khrin du phyi ma 'ang spang dgos pa lta bu yin no//de'i ltung ba yod na bdag gir byas pa'i yo byad do cog spangs pa'o zhes pa ni sngar spang ba'i ltung ba gcig byung na de nam ma spangs ma bshags kyi bar du phyis rnyed pa'i yo byad do cog spang dgos par ston pa'o//chung ba'i dum bu ni de ma yin zhes pa ni gos mes tshig pa'am byi bas zos pa'i dum bu khru gang khor yug tu med pa ni spang mi dgos par ston te ltung ba nyi tshe ni bshags dgos so/ /dge 'dun gyi yang ngo zhes pa ni dge 'dun gyi gos bdag gir byin gyis brlabs pa las bral bar gyur na/bdag nyid kyi ma yin pa'i phyir spang ni mi dgos kyi ltung ba bshags dgos pa'o/ /'dir med pa nyid brtsan no zhes pa ni spang ba'i ltung ba 'byung ba las spang ba'i rdzas mes tshig pa la sogs pa'i rkyen gyis med par gyur na/ med pa nyid spangs pa yin pas na ltung ba nyi tshe shogs shig pa'o//'di gsum gtan pa brubs na med ces pa ni gtan pa brubs pa'i tshe bcang ba dang / 'bral pa dang / kha sogs su 'jog pa gsum gyi nyes pa med par ston pa'o// // spyi'i mtshan nyid de ltar bstan nas/ 'chang ba nyid kyi mtshan nyid ston pa yod pas so zhes pa yin no//ci yod ce na bdag gir ro zhes pa yin te bdag gir byas pa yod na'o/ /bdag gir byas pa'o cog gi yan lag tu 'gyur ram zhe na/ zhag bcur rgyun chags na'o zhes pa yin te/ zhag bcu'i bar du bdag gir byas na'o/ /de yang gang gi tshe nyes par 'gyur zhe na/zhag gzhan gyi dang pos so zhes pa yin te zhag bcu gcig gi thog ma la thug na nyes par 'gyur ba'o/ /ci zhag bcur bcangs pas nyes par 'gyur zhe na/ gos las so zhes pa yin te lhung bzed dang sman la sogs pa gzhan bcangs pas ma yin gyi gos bcangs pas nyes par 'gyur ba'o// // gos so cog las nyes par 'gyur ram zhe na/ tshad kyi mtha' ni 'khor gsum yog pa'o zhes pa yin te/ lte ba man chad pus mo gnyis yan chad kyi bar yog pa yan chad las nyes par 'gyur ro/ /tshad de tsam mo cog la nyes par 'gyur ram zhe na/ byin gyis ma brlabs na'o zhes pa yin te/rung bar byas ba la sogs pas byin gyis ma brlabs na nyes par 'gyur ba'o/ /de nyi tsher yang ma zad kyi/ brlabs kyang rgyun chags pa dang ldan na'o zhes pa yin te/ sngar rnyed pa ni byin gyis ma brlabs par lus/ phyis rnyed pa ni byin gyis brlabs pa las snga ma zhag bcu las 'das na phyi ma byin gyis brlabs kyang mi phan te yang dgos par ston pa'o//de ci'i phyir de lta zhe na/ sngar byin gyis ma brlabs pa yod pa de tshun chad kyi khrin gyis gzhan no zhes pa yin te/ snga ma byin gyis ma brlabs pa'i zhar gyis phyi ma 'ang sbang dgos par ston pa ste snga ma zhag bcu 'das pa brtsan gyi phyi ma byin gyis brlabs kyang rung ste zhag bcur brtsi'o//'chang ba'i sbang pa'o// // da ni 'bral ba'i spang ba bstan te de'i zhar la bsnyad pa je ston pa ni/ gding ba dang bral ba nyes med ces pa yin te/ gding ba la 'bral ba med par ston pa'o//'bral ba med pa'i phyir gar yang bla'am zhe na/ gding ba bzhag ste mi 'gro zhes pa yin te/ gar 'gro dgur gding ba khyer cig pa'o/ /gar 'gro dgur gzhag du ye mi rung bar khyer ram zhe na gal te de nyid du slar 'khor btsam gyi tshod na ma yin zhes pa yin te/ nub mo slar 'khor ba tsam gyi tshod nam khyer yang sla ba'o//de ltar bsams te song ba las dus ma yin par gyur na der gnas zhes pa ni gong ma ltar byas te song ba las phyis pa la sogs pa'i rkyen gyis slar mi 'khor ba tsam gyi tshod na/ der gzhi non cig pa'o/ /de brnyas te'o zhes pa ni de ltar gzhi mnan pa'i tshe gding ba gzhan las rnyos pa gzhi non cig pa'o//brnyar ma rnyed na ji ltar bya zhe na/ ma rnyed na bla gos bzhi bltabs su byos la phal cher mel tshe bya zhes pa yin te/ brnyar ma rnyed na thabs 'di ltar gyis shig pa ste 'di yan ni phran tshegs las 'byung ba'o/ / sbyar ma gzhag par mi 'os pa'i gnas su dbyar gyi ras chen mi gzhag ces pa ni sbyar ma gzhag pa'i gnas 'og nas 'byung ba ma yin bar dbyar gyi ras chen ma 'jog shig pa'o/ /char 'bab na ma yin zhes pa ni char pa bab na yang ras chen ma 'jig shig pa'o/ /chu bos chod par 'gro na ma yin zhes pa ni rab brgal ba'i tshe 'dis bgrod dgos pas na/chu brkal ba'i tshe'ang ma 'jog par khyer cig pa'o/ /'di dag gis dogs na ma yin gong du smos pa lta bu dag gis dogs na yang ras chen ma 'jog par khyer cig pa'o/ /dge slong dang bcas sgo 'phar dang bcas par ldan pa'i gnas dang char 'bab bzhin pa dang /'bab tu dogs pa dang 'gro bar bya ba chus btsal ba 'di dag ma yin la sdom pa ma thob cing gtan pa ma brubs na sbyar ma med par gar yang mi 'gro zhes pa ni ming gis smos pa rnam pa lta bu ma yin zhing sdom pa thob pa dang gtan pa brubs pa'i gdeng med na chos gos sbyar ma gzhag tu mi rung gis gar 'gro yang khyer cig pa'o//chos gos kyi gnas su ma phyin pa lta na phyung ste gzhan la byin gyis brlab pa gnyen po'o zhes pa ni gal te char la sogs pas 'dzem ste bskur du mi rung na slar 'khor bar bsams te/chas pa las ma 'khor na/ snga ma'i sngags yid kyis phyung la/ khyim pa'i gos skya bo yan chad ji snyed pa la byin gyis rlobs shig pa'o/ /rgas shing na bas sbyar ma mi theg na mi 'bral ba'i sdom pa sbyin zhes pa ni chos gos nyams kyis mi theg pa tsam du rgas shing na/chos gos dang 'bral bar gnang ba'i sdom pa gsol na dge 'dun gyis de lta bu la mi 'bral ba'i sdom pa byin cig pa'o/ /gos gang las 'bral bar 'gyur zhe na/ smras pa/ byin gyis brlabs pa dang / sdom pa ma thob pa las byed ces pa yin te/ byin gyis brlabs pa'i gos gsum las gang yang rung ba dang /gong ma lta bu'i sdom pa ma thob pa las 'bral bar 'gyur ro/ /nam yang rung ste 'bral bar 'gyur ram zhe na/ gnas de'i nye spyod dang bcas pa las gud na 'dug ste skya rengs shar na'o zhes pa yin te/ gnas gang du 'dug pa de'i nye spyod la yang ma gtogs pa'i logs shig na 'dug 'dug pa las skya rengs kyis chod na 'bral bar ston pa'o//de la gnas shes pa der 'dug pa tsam gyis gnas su mi 'gyur bas na de mtshan nyid ston pa ni/ mtshams yod pa ni gnas kyi mtha' mtshams so zhes pa yin te//mtshams gar bcad pa'i gnas de tshun chad mtshams kyi mtha' ston pa'o/ /bdag po tha dad pa rnams mtshams kyis btsal ba bzhin du bdag po gcig gi gnas na mtshams kyis btsal ba yang nyes par 'gyur ram zhe na/ bdag po gcig na mtshams kyis btsal ba ni tha dad du mi byed ces pa yin te gnas spyir bdag po gcig dbang ba zhig na de'i nang na mtshams kyis btsal ba tsam ni bdag po brtsan bas mtshams tha dad du mi 'gyur bar ston pa'o//bdag po tha dad na yang sgo la sogs par thun mong ba yin te/ rgyas par ni rnam par 'byed pa las 'byung ba dang sbyor cig /nor dang lta bas ma bye ba yang ngo zhes pa ni spun lta bu nor ma bgos pa dang mu stegs lta ba mi mthun pas ma phye ba'i gnas kyang tha dad mi byed par ston pa'o/ /yal ga dang yan lag ma 'dres pa ni gnas so so'o zhes pa ni yal ga'i yan lag 'dab ma 'dres pa bzhin du chos gos gzhag ste bdag kyang yal ga gcig la 'dug na gnas tha dad pas 'bral bar 'gyur ba'o//mdo ni thun mong ngo zhes pa ni yal ga'i mdo bdag gis bsrungs sam/ mdor chos gos gzhag la bdag de las gyes pa'i yal gar 'dug kyang 'bral bar mi 'gyur ba'o//rtsa ba'i rtsa ba la sogs pa yang ngo zhes pa ni yal ga rnams kyi rtsa ba ni sdong po sdong po'i drungs ni rtsa bas na/ rtsa ba bdag gis bsrungs sam rtsa bar chos gos bzhag la bdag steng du 'dzegs na yang 'bral bar mi 'gyur te/ stsogs pa zhes pa'i nang du ni rtsa bas gar slebs pa'i sa khyon yang bsdu bar ston pa'o//shing gi lo ma dang 'dab mas 'dab chags pa ni gnas gcig go zhes pa ni shing gi lo ma dang 'dab ma 'dab chags 'brel par 'dug na gnas gcig par ston pa'o/ /khebs pa bzhin du 'og gi phyogs kyang der chud do zhes pa ni thog bor ba'i 'og tu ji snyed 'dus pa kun de'i 'og tu gtogs pas na/chos gos steng du gzhag la bdag 'og tu 'dug kyang rung bar ston pa'o/ /gru dang shing rta yang ngo zhes pa ni gru dang shing rtas ji snyed khebs pa yang de'i 'og tu gtogs pas na chos gos steng du bzhag la bdag 'og tu 'dug yang mi 'bral/mtshams med na yan lag gis khebs pa mtha'o zhes pa ni mtshams med pa'i thang bu la 'dug na bdag gi lus kyis mi khebs pa'i tshun chad gnas su ston pa'o/ /gnas de dag ltar bstan nas da ni nye spyod ston te de'ang 'jug pa dang mkho ba'o//de la 'jug pa ni/ 'dom gang 'khor yug ni nye spyod do zhes pa yin te/ gnas kyi mtshams las 'dom gang khor yug tshun chad 'chags la sogs pa bshang ba'i 'grul zags 'jug cing nye bar spyod pa'o/ /de'i khyad par grong rnam pa gsum gyi nye spyod ston pa ni/ grong rtsig pas bskor na 'od ma'i shing rta phyugs drug dang ldan pas ji tsam khebs pa dang / bya gag 'babs pa'i khyon nam lam mo zhes pa la sogs pa yin te/ grong rabs bskor ba zhig na de'i nye spyod kyi tshad ming gis smos pa 'di tsam gyis zung shig pa'o/ /shing thabs kyis bskor nar lug gi rdul tam mi rang bzhin gyis 'dzem pa can gyi bshang sa'i lam mo zhes pa ni grong shing thags kyis bskor ba zhig na de'i nye spyod kyis tshigs ming gis smos pa 'di tsam gyis zung shig pa'o//'obs kyis bskor na skas them pa bcu gnyis pa'am phyag dar gyi bong rdo rags pa'i lam mo zhes pa ni grong 'obs kyis bskor ba zhig na/de'i nye spyod kyi sa tshigs ming gis smos pa 'di tsam gyis zung shig / 'jug pa'i nye spyod de ltar bstan nas/ mkho ba'i nye spyod ston pa ni/ de'i gnas ni go re long dang / 'gro ba dang 'dug pa dang thul yabs kyis ji tsam slebs pa'i khongs so zhes pa yin te/mkho ba'i nye spyod kyi sa tshigs ming gis smos pa 'di tsam gyis zung shig pa'o/ /lam du zhugs pa'i mi dang ma bral tshams med na 'dom bzhi bcu dgu'o zhes pa ni lam thog thag tu song la ra ba la sogs pa'i mtshams kyis kyang ma btsal na/chos gos khyer ba dang bdag gi bar na 'dom bzhi bcu dgus chod kyang bral bar mi 'gyur ba'o/ mtshams gzhan ma yin zhes pa ni mtshams gzhan dang 'dam na mtshams su mi chud par ston pa'o/ /dkyil nas rgyang grags phan chad ni tha dad do zhes pa ni sa khyon ring mo zhig tu shing lo 'dab chags pa zhig tu 'dug na/dbus nas rgyang grags khor yug tshun chad mtshams su brtsi'o/ /de phan chad mtshams su ma brtsi shig pa'o/ /'bral ba'i spang ba rnam par 'byed pa'o// // 'bral ba zhus pa las 'byung ba ston pa ni dam dum gyur kyang byin gyis brlabs pa mi yal zhes pa la sogs pa yin te/byin gyis brlabs pa'i gos rnying pa la sogs pas dam dum gyur kyang bdag gi ma yin par mi 'gyur bas na/ byin gyis brlabs pa yal bar mi 'gyur bar ston pa'o//spang ba la mi 'chags pa ma yin zhes pa ni spang bar 'gyur ba'i gos la byin gyis brlabs na'ang sngags ni mi 'chags pa med par ston pa'o/ /dge 'dun gyi yang ngo zhes pa ni dge 'dun gyi gos la byin gyis brlabs na'ang mi 'chags pa med par ston pa'o/ /'di las 'bral bar yang 'gyur zhes pa ni dge 'dun gyi gos de bdag gi ma yin du zin kyang byin gyis brlabs na 'bral bar 'gyur bar ston pa'o//gzhan gnas kyang gzhan gyi gnas su mi 'gyur zhes pa ni bdag gi gnas su khyim pa la sogs pa phyi mi gzhan 'dug kyang / bdag gi gnas su 'gyur ba ma yin pa'o//de cir ston ce na bdag gi gnas su phyi mi 'dug kyang 'bral ba'i nyen du mi 'gyur bar ston pa'o/ /lta ba zhes pa gzhan dang 'di'i chos sum chud pa ma yin zhes pa ni bdag cag mu stegs pa gzhan gyi gnas kyis bskal na/ gong du lta bas bskal zhes smos pa'i nang du 'dus par ston pa'o//sgo gang thun mong ma yin zhes pa ni sgo gang thun mong ba'i nang du 'dus par ston pa'o/ /nor zhes pas ni pha dang bur yang ma yin zhes pa ni pha dang bur sgo bye na yang / gong du nor zhes smos pa'i khongs su 'dus par ston pa'o/ /spangs pa yang de bzhin zhes pa ni lhung bzed khas phub pa yang de'i tshul las 'gyur te na ro bgos sam ma bgos pa dang sbyor ba'o//smyen gnas kyang ngo zhes pa ni du ma smyen ngan cig car du spyod na de dag la nor bgos sam ma bgos pa las lhung ba mang nyung gi grangs su 'gyur bar ston pa'o/ /'di grong gir 'gyur gyi gtsug lag khang gi nye spyod ma yin zhes pa ni grong dang gtsug lag khang gi bar na 'dom gang las med pa zhig na/de grong gi nye spyod du 'gyur gyi gtsug lag khang du ma yin par ston pa ni / khyim pa yod na de'i than khor mtshams bcad pa'i khongs su mi rung ba bzhin no/ /'bral ba'i spangs pa zhus pa'o//'bral ba'i spangs pa'o// // zla ba'i spang ba 'chad par 'dod pa ni/ langs su reb med na chung ste khru gang khor yug pa'ang rangs pa bzhin zhes pa yin te phyi ma rnyed du re ba med na ni chung ba'i tshad khru gang khor yug pa yan chad kyang 'khor gsum yog pa'i rangs pa dang 'dra ste/zhag bcu 'das na spang bar 'gyur ba'o/ khyin gyis brlabs pa yang yod na yang ngo zhes pa ni byin gyis brlabs pa'i chos gos gsum yod na gdod gong ma ltar 'gyur ba'o/ /ji ltar na 'jog pa'i spang bar 'gyur zhe na/ gzhan du na zhag sum cu 'das na'o zhes pa yin te mdo gong ma gnyis ltar ma yin na zhag sum cu 'das par bzhag pas spangs par 'gyur ba'o//kha dog la sogs pa mi 'dra ba ni ma 'das pa'o zhes pa ni snga ma rnyed zin pa dang / phyis rnyed du re ba gnyis ser po 'am dmar po la sogs pa kha dog srel zhing gyur te/ mi mthun na ma rangs pa dang 'dra bas gzhag par ma byed cig pa'o//de la sogs zhes pa ni bal dang ras lta bu'am ras dang zar ma lta bu'am/ stug srab kyi khyad yod pa la sogs pa rigs pa mi 'dra ba rnams la bya'o/ /dkar po ni kha dog thams cad do zhes pa ni dkar po ni sngar rnyed kyang rung phyis rnyed kyang rung bar ston pa'o//der grub na bcu tshogs snga ma der gtogs zhes pa ni zla ba gcig tu stsogs par 'jog pa/ dang po tshes gcig la rnyed de bzhag pa'i kha stsogs phyi ma zhag bzhi'am lnga lon te rnyed na zhag bcu ma 'das par byin gyis rlobs shig pa'o/ / de ste zhag bcu thal na spang bar ston pa'o/ /de bzhin nyi shu dang sum cu thal na nyes par 'gyur ba'o/ /gos ci 'dra ba dang tshad ji tsam pa la byin gyis brlabs pa 'chags pa dang / bzlog na spang bar 'gyur ba rnams 'di man chad ston te/ ma spyad na sbyar ma'i mtha' ni nyi rim mo zhes pa ni gsar las sbyar 'drub na nyi rim tshun chad du gyis shig pa'o//gding ba yang ngo zhes pa ni gding ba yang gsar las 'drub na nyi rim tshun chad du gyis shig pa'o/ /stod g.yogs smad g.yogs ni chig thang ngo zhes pa ni 'di gnyis gsar las byed na gcig thang du gyis shig pa'o//dus su dengs na nyi rim mo zhes pa ni gong du smos pa'i gos 'di dag dpyid dang dbyar dang dgun dang dus gsum gyi zla ba bzhi gang yang rung ba cig thal bar spyad na/ thang ba nyi rim du bya ba nas sbyar ma bzhi rim du bya ba'i bar du lta bas res klog shig pa'o/ / phyag dar khrod kyi ni nges pa med ces pa ni phyag dar khrod pa las 'drub na rim du bya ba chad pa med do/ /dengs shing bsrabs na lhan ba ci dran du gdab ces pa ni spyad spyad de dengs sam sgos bshud pa la sogs pa'i rkyen gyis rdol du cha na lhan pa gar 'os par ci dran du thob shig pa'o/ /lhag par mi bya zhes pa ni du rim du byas pa'i tshad gong du bstan pa las lhag par byas sam lhan cig dran du babs pa las lhag ste/kun yog pa btab na nyes byas su 'gyur bar ston pa'o/ /spong bar yang byed ces pa ni rim pa lhag pa la sogs pa gong ma ltar byas na spang bar 'gyur bar ston pa'o/ / bcos nas 'di nyid dang sbyar ro zhes pa'i sems ma bskyed par rung bar mi dbral zhes pa sbyar ma dri mas gos sam kha dog yal ba 'chos par 'dod na 'phral la slar 'di nyid dang sbyar ro zhes pa'i sems sam bskyed par gzu lums su sbyar mas 'byed cig pa'o/ /ji ltar yang rung ste phral ba las ma sbyar gyi bar du spong bar byed ces pa ni gong ma ltar byas te dral tam gzu lums su dral kyang rung ste phral ba las zhag bcu thal gyi bar du ma sbyar bar lus na spang bar 'gyur ba'o//sbyar ma ston pa'i skabs su de dang 'brel ba ston pa ni/ sbyar ma'i tshal bu ni dgu nas nyi shu lnga'i bar du ste zung btang zhes pa ni sbyar ma 'drub pa'i tshal bu dgu pa nas nyi shu lnga'i bar du grangs zung du 'gyur ba bcu dang bcu gnyis la sogs pa khol gyis shig pa'o//de las lhag par mi bya ba ston pa ni/ 'di las lhag pa bem bu'o zhes pa yin te/ tshal bu nyi shu lnga las lhag par byas na tshem bu'am bem bur 'gyur bas nam byed cig par ston pa'o//tshal bu de'i dkyil 'khor rangs dang phyed kyi rim pa ji ltar byas ba ston pa ni/ de la dang po gsum ni dkyil 'khor phyed dang gsum pa'o zhes pa la sogs pa yin te de la dang po'i tshal bu dgu pa dang bcu gcig pa dang bcu gsum pa gsum dkyil 'khor ni phyed dang gsum gyis shig pa'o//gnyis pa ni dkyil 'khor phyed dang bzhi'o zhes pa ni tshal bu bco lnga pa dang bcu bdun pa dang bcu dgu pa gsum gyi dkyil 'khor phyed dang bzhir gyis shig pa'o/ /gsum pa ni dkyil 'khor phyed dang lnga'o zhes pa ni tshal bu nyi shu gcig pa dang nyi shu gsum pa dang nyi shu lnga pa gsum gyi dkyil 'khor phyed dang lngar gyis shig pa'o//de la stod g.yogs kyi tshal bu ni bdun pa dkyil 'khor ni phyed dang gsum pa'o/ /smad g.yogs kyi tshal bu ni lnga pa dkyil 'khor ni phyed dang do ba'o/ /'di gnyis kyi dkyil 'khor dang tshal bu gzhung las ci phyir mi 'byung zhe na/bcad cing gtubs pa nges pa med pa'i phyir ro/ /'o na tshal bu dang dkyil 'khor gyi tshad 'di skad du ci phyir bstan zhe na/ de ni tshe dang ldan pa dag dgongs shig / bdag dge slong ming 'di zhes bgyi ba'i gos 'di stod g.yogs su byin gyis brlabs te 'dod na dkyil 'khor phyed dang gsum pa'i bdun par bya'o//bar chad ma byung na bkru/ gding / sbyar/ bsdeb/ btso/ glan/ drub rnams rkyen ji bzhin du bya'o zhes pa dang de bzhin du bdag gi gos 'di byin gyis brlabs te/ 'dod na dkyil 'khor phyed dang gsum pa'i lnga par bya'o zhes pa la sogs pa'i sngags las 'byung bas na 'di skad du smos pa yin no//de lta bus na 'di dag bsdams par brad kyis gcad du mi rung ba med zhus pa'i ma mo las kyang sbyar ma ni mi bcad du mi rung gi stod g.yogs dang smad g.yogs dang la ni chad pa med do zhes 'byung ba la sogs pa yin no//sbyar ma la sogs chos gos 'di dag gi tshad ji tsam zhes byin gyis brlabs chen po ni nyid kyi khru gsum dang lnga'o zhes pa la sogs pa yin te chen po'i tshad ni srid du khru lnga zheng du khru gsum par gyis shig pa'o/ /chung ngu ni khru tshad kyis gnyi gar bsgyur zhes pa ni che chung gi tshad srid du khru phyed dang lnga/zheng du ni khru phyed dang gsum gyis shig pa'o/ /bar ma ni 'bring gi tshad do zhes pa ni/ che chung gi tshad gong du smos pa'i bar ma ni/ 'bring gi tshad yin par ston pa'o/ /smad g.yogs kyi tshad ni gong du bstan pa rnam pa gsum du'ang ma zad pas na/smad g.yogs ni gnyis dang lnga'am/ gnyis dang bzhi'o zhes pa dang / dkyil 'khor gsum yog pa yan chad kyang ngo zhes pa yin te/ srid du khru lnga zheng du do pa 'am srid du khu bzhi/ zheng du khru do pa'am/ lte ba dang pus mo'i 'khor yog pa yan chad/smad g.yogs kyi tshad du ston pa'o/ /lus kyi bdun cha'i gnyis khru tshad ngo zhes pa ni / khru dang lus kyi khru ring thung yod na lus kyi srid ji tsam par srad bus gcal la bdun du bltabs pa'i bltabs gnyis la khru'i tshad du gyis shig pa'o/ /mi 'khyud na bsgrog par bya zhes pa ni lus sbom ches te smad g.yogs kyi tshad gong du bstan pas mi 'khyud na zhabs ma'i thabs su gyis shig pa'o//stod g.yogs kyis mi 'khyud na yang sgrog cing gsum par gyis shig pa'o/ /zla ba'i spang ba rnam par 'byed pa'o// // zla ba'i spang ba zhus ba las 'byung ba bsdus te ston pa ni/chung ngu bzhin du de bas chung ba ni zhes bya'o zhes pa la sogs pa yin te/ khru gang khor yug tu med par chung ba kha sogs su bzhag ste zhag bcu 'das na che chung gi tshad ji tsam pa bzhin du nyes byas su ston pa'o/ /dkyil 'khor phyed mi yog pa ni re bar mi bya zhes pa ni dkyil 'khor phyed kyang mi yog pa tsam gyi tshod phyi ma'i kha sogs su bzhag na zhag bcu 'das pas nyes byas su ston pa'o//mi rung ba yang ngo zhes pa ni gso ma dang rda bal la sogs pa mi rung ba yang kha sogs su ma 'jog shig pa'o/ /gdong phyis dang chu tshags dang gding ba dang dre'u rdog la sogs pa dang yo byad kyi gos su byin gyis ma brlabs pa yang ngo zhes pa ni 'di rnams so so'i rdzas su ma bsngos na 'di dag las kha stsogs su ma 'jog shig pa'o//zla ba'i spang ba zhus pa'o/ /zla ba'i spang ba'o// // 'khru ba spang ba'i zhar la ston pa ni/sbrum pa ni gnas dben par ro zhes pa la sogs pa yin te/ dge slong ma sbrum na gnas dben par zhog shig pa'o/ /'di dge slong ma dag gis yal par mi dor zhes pa ni dge slong ma sbrum pa 'khyam du mi gzhug pa la sogs pa'i rim gro dge slong ma gzhan gyis gyis shig pa'o//'di kha zas sbyin zhes pa ni sbrum pa de dge slong ma gzhan gyis zas skyol la byin cig pa'o/ /'di nyid dang 'og nas 'byung ba'i bslab pa gnyen dang gnyen ma yin pa las ltung ba dang mi ltung bar 'gyur bas na gnyen gyi mtshan nyid nyi tshe ston pa ni/ gnyen ni pha ma gnyis kyi rgyud re nas bdun brgyud kyi bar du snga bas so zhes pa yin te/pha ma gnyis kyi rgyud re nas bdun rgyud kyi bar du khyo shug zung sha stag tu sbyar ba'i nye rgyud dang bdag nyid nas bu tsha rabs bdun gyi bar du 'brel ba rnams gnyan du bskor ba'o/ /'khru ba'i spang bar cis 'gyur zhe na/ 'du shes gtsor byed ces pa yin te sbyar ba dang rtsa ba kun la 'du shes brtsan par ston pa'o//mdo 'di go sla ba'i phyir/ 'di 'brid ces pa yin te 'brid ces gong du ston par 'du shes brtsan no bar go bar gyis shig pa'o/ /'du shes brtsan pa'i yul gang yin zhe na/ dge slong ma dang dge bsnyen ma yin pa'o zhes pa yin te dge slong ma yin bar 'du shes pa dang gnyen ma yin par 'du shes na nyes par 'gyur ba'o//'di nyi tsher ma zad pas na/ 'og ma yang ngo zhes pa yin te/ len pa'i spang ba 'og nas 'byung ba la yang gong du smos pa'i 'du shes 'di gnyis brtsan par ston pa'o//ji byas pas 'khru ba spang bar 'gyur zhe na/ byin gyis brlabs pa bdag gi rnying pa bskur 'os pa chos gos gding ba rnams gang yang rung ste 'khru 'tshed 'chag tu bcol na'o zhes pa yin te byin gyis brlabs pa gsum las gang yang rung ba dang /gding ba la sogs pa 'khrur bcug kyang rung 'tshed du bcug kyang rung / 'chag tu bcug kyang rung ste nyes par 'gyur ba'o/ /phyogs gcig byas na yang las su byas pa'o zhes pa ni phyogs 'ga' 'am gra 'ga' bkrus na yang ril gyis bkrus pa dang 'dra'o//lan cig chur bsubs na yang de bzhin/ byas na byed du bcug pa'o zhes pa ni bcol ba tsam gyis ma yin gyi/ dge slong mas bkru ba la sogs pa'i las byas na gdod byed du bcug par chud pa'o/ /zin gyi bar du gcig go zhes pa ni bkru ba lan re zhing nyes pa lan rer brtsi ba ma yin gyis zin gyi bar du nyes pa gcig tu brtsir zad do//las sna gcig pu ni de ltar yang 'gyur na las kyi sna grangs tha dad pa nyes pa so sor 'gyur ro zhes par dogs pa bsal ba'i phyir tshigs yod kyang 'bras bu gcig go zhes pa yin te/'khru ba dang 'tshed pa dang 'chag pa'i tshigs tha dad du zin kyang 'bras bu spang ba'i ltung ba gcig tu zad par ston pa'o/ /'du shes gtso yang don bzhin na rtsa ba'o zhes pa ni 'du shes brtsan pa yang don de bzhin te/ ma nor na gdod brtsan pa'o/ /don mi bzhin na rtsa ba dang nye ba'o zhes pa ni don ji lta ba bzhin du 'du shes par ma gyur na rtsa ba dang nye ba ste nyes byas su 'gyur bar ston pa'o//dper na chu srog chags dang bcas la bcas par yang shes na ltung ba dang srog chags med la yod par 'du shes na nyes byas su 'gyur ba dang 'dra'o/ / the tshom pa ni 'du shes bzhin zhes pa ni gnyen dang dge slong ma yin nam ma yin ma nges te gnyen tsam yod bzhin du 'chol na 'du shes pa dang mgo mnyam mo/ /'di'i skabs su rnam par 'byed pa las 'byung ba zhar la ston pa ni/ dge 'dun gyi bya bar byas pa bzhin du bsrung zhes pa yin te/dge 'dun gyi nang khrims rab tu srungs shig pa'o/ /'dir lhags pa yang mi gtogs pa ma yin zhes pa ni gud nas 'dron du lhags pas kyang gzhi pa'i nang khrims mi bsrung du mi rung bar ston pa'o/ /'di yod dam med pa dang dngos shes par bya ba'i phyir des dri zhes pa ni gud nas lhags pa rnams kyis 'di nang na khrims ji yod na ji lta bu zhes brtag cing rjes chod cig pa'o//de nam 'dri zhe na/ ring por ma lon te'o zhes pa yin te snod la sogs pa phog ma thag du dris shig pa'o/ /gong du dge 'dun gyi nang khrims bsrung zhes smos pa 'grel pa ni/sangs rgyas kyis gsungs pa dge 'dun gyis skyor med ces pa yin te bcom ldan 'das kyis gnang ngam mi gnang bar bsrungs na de brtsan gyi dge 'dun gyi nang khrims brtsan par ma byed cig pa'o/ /lhung bzed dang gos dang 'dra ba dang phor bu dang ska rags lhag pa rnams byin na dge 'dun gyi 'theb tu blang zhes pa ni ming gis smos pa 'di rnams bdag la yod bzhin du gzhan gyis lhag par byin na dge 'dun gyi 'theb tu long shig pa'o//brel na 'theb de las ji 'dod pa blang zhes pa ni dge 'dun 'di dag gis brel na 'theb de las long shig pa'o//'khru ba'i spang ba rnam par 'byed pa'o// // 'khru ba spang bzhus pa las 'byung ba bsdus te ston pa ni/ bshang gci dang gsher ba dang rdzab la sogs pas ma rung ste/ 'khrur bcug na yang nyes pa rangs par 'gyur ba'o/ /dre'u rdog dang khyim pa'i gos dang sngas dang rung bar byas pa dang spangs pa dang dge 'dun gyi rnams ni nyes byas zhes pa ni gnyen ma yin pa'i dge slong ma la 'di dag 'khru ba la sogs pa'i las byed du bcol na nyes byas su 'gyur ba'o//'khru ba spang ba zhus pa'o/ /'khru ba spang ba'o// // len pa'i spang bston par 'dod pa'i zhar la ston pa ni/dge slong mas gos rin po che brje bar blang zhes pa la sogs pa yin te bzang zhing rin che ba'i gos khyim pas dge slong ma la byin na bdag gis spyad pa'i phyir ni ma yin gyi brdze ba'i long shig pa'o/ /dge slong ma dang brdze bar bya zhes pa ni dge slong ma gos brjes shig pa'o//nor ji lta bus brje zhe na/ mtshungs pa'am de mgu bar byed pas so zhes pa yin te ri ba'i rin sbyin pa'am de mi mgu ba med pas brjes shig pa'o/ /ji ltar byas pas len pa spang bar 'gyur zhe na/ blangs pa zhes pa yin te pha rol las blangs shing khyer na nyes par 'gyur ba'o//de la gnyen ma yin pa'i dge slong ma dang der 'du shes pa dang / the tshom pa'i yan lag gzhan gong du bstan pa yin no/ /ji ltar blangs pa zhe na/ blangs pa zhes smras pa yin te kha rog pa'am tshig las gzhan bas ma yin gyi tshig gis blangs na'o//'di blangs pas she na/ gos zhes pa yin te zas dang skom rdzas gzhan ma yin ba'o/ /de dag kun 'grel pa ni dge 'dun la gos phul ba ni nyes med ces pa yin te/ gnyen ma yin pa'i dge slong mas dge 'dun gyi phyir gos phul ba blangs pa ni nyes med par ston pa'o//legs par smras pa'i phyir na yang ngo zhes pa ni dam pa'i chos bshad pa la sogs pa legs par smras pa'i phyir dge slong mas byin pa blangs pa ni nyes med/ bsnyen par rdzogs su cha'am ston na'o zhes pa ni bsnyen par rdzogs su byed pa dang ston na dge slong ma las khyer zhing blangs pa ni nyes med/mdun du gzhag ste nor dang dad pa'i shags btab nas thag bcad de song na'o zhes pa ni dge slong mas gos byin pa dge slong len du ma btub pa dang btsun pa bdag la brtse ba'i slad du bdag gi nor 'di bzhes shig ces mdun du gzhag nas song ba lta bu blangs pa'ang nyes med/len pa spang ba rnam par 'byed pa'o// // zhus pa las 'byung ba ston pa ni/ lag tu 'ongs pa na thob pa'o zhes pa la sogs pa yin te/ nor lag tu 'ongs na gdod thob par ston pa'o//mig lam du 'ongs na 'di thog ma'o zhes pa ni lag tu 'ongs pa'i tha ma mig lam du bab pa yin pas na mig lam du 'ongs pa yang thob pa'i khongs su gtogs par ston pa'o/ /ma 'ongs pa khas blangs pa ni sbyor ba'o zhes pa gnyen ma yin pa'i dge slong ma la gos blangs pa las 'phral du ni sa byin gyi ma sbyin no zhes zer ba dang blang bar khas blangs na sbyor bar ston pa'o//gos byin pa la sogs pa brtson pa ni phyi gzhag gi dbang gis ma yin zhing lag yangs pas na'o zhes pa ni yong gis gtong phod pa dang kha mgron tsam gyi dbang gis ma yin bar gos la sogs pa byin ba blangs pa ni nyes med/brnya ba'i sems kyis na nyes med zhes pa ni/ dge slong ma'i gos re zhig brnyas pa la nyes med par ston pa'o/ /brjed de rin ma byin na'o zhes pa ni rin sbyin par byas te/ khyer ba las brjed kyi bar du ma byin pa ni nyes med len pa spang ba zhus pa'o//len pa spang ba'o// // slong ba'i ltung ba su las byed ce na/ mi'i 'gro bar gtogs pa khyim pa yin pa gson po gnyen ma yin pa rnams ltung bar byed ces pa yin te/ ming gis smos pa 'di dag las blangs na ltung bar byed pa'o/ /go sla bar ston pa ni /'og ma gsum yang ngo zhes pa yin te 'di 'og nas slong bar 'os pa dang / spags pa slong ba dang / so so nas spags pa slong ba gsum yang gong du smos pa 'di dag las nyes par 'gyur bar ston pa'o/ /ji lta bu las slong ba'i nyes par 'gyur zhe na/ phrogs pa stor ba tshig pa rlung gis khyer ba chus g.yengs pa'i gos ma yin na'o zhes pa yin te/rnam pa 'di dag gis rkyen med par blangs na nyes par 'gyur ba'o/ /ji ltar byas pas nyes par 'gyur zhe na/ blangs na nyes byas zhes pa dang / thob na rtsa bzhes pa yin te/ gnyen pa'i khyim pa las blangs te khyer na slong ba dang /'thob pa'i tshe nyes byas dang / rtsa bar ston pa'o/ /ji thob pa zhe na/ gos zhes pa yin no/ /de'i tshad ji tsam zhe na/ mi chung ba zhes pa yin te/ bdag gi chos gos kyi tshad las mi chung na nyes par 'gyur ba'o/ /de yang ji 'dra ba las nyes par 'gyur zhe na/rin dang kha dog dang / khru bslang ba ji bzhin na'o zhes pa yin te/ rin ji tsam pa dang kha dog ji 'dra ba dang / khru tshad ji tsam du bslangs pa bzhin du thob na nyes par 'gyur ba'o/ ji bslangs pa bzhin du ma thob pa'i brdar 'gyur zhe na/ gzhan na nyes med ces pa yin te//gong du smos pa ltar bslangs pa bzhin du ma rnyed de che chung dang kha dog mi mthun ba zhig rnyed dam/ bslangs pa'i dngos po nyid ma yin ba gzhan rnyed na nyes med par ston pa'o/ /dang po slong ba'i tshe / kha dog la sogs pa dmigs kyis ma phye bar spyir ji bab bab tu bslangs na ni ji rnyed pa nyes par 'gyur ba'o//ras ma dang kha tshar blangs pa yang ngo zhes pa ni 'di dag blangs te rnyed pa'i zhar la gos rangs pa rnyed kyang nyes par mi 'gyur ba'o/ /rgyu spun ni 'bri'o zhes pa ni gos langs pa'i rgyu spun bslangs te rnyed na yang nyes pa rangs par mi 'gyur ba'o//de'i rgyu'ang de bzhin zhes pa ni de'i rgyu ste bal dang shing bal lta bu zhig bslangs na yang rgyu spun dang 'dra bar ston pa'o/ / bslangs pa spang ba'o// //bslangs pa'i rigs pa yang ston pa ni/ byin gyis brlabs pa thams cad med na slong ba'i rigs zhes pa la sogs pa yin te yo byad bcu gsum med na slong ba'i rigs par ston pa'o//'di dag gang las nyes par 'gyur zhe na/ 'di las ltung bar byed ces pa yin te bslang ba'i rigs pa las lhag par bslangs na nyes par 'gyur ba'o//'og nas phrugs su ston pa ni/ khyim pa'i gos stod g.yogs dang smad g.yogs kyi dam pa ni ras khru bcu gnyis dang bdun dang gnyis so zhes pa dang / dge slong gi ni sbyar ma dang / sham thabs chen po'i rim pa ji skad du bshad pa'o zhes pa yin te khyim pa'i gos dam pa phrugs gcig gi tshad khru bcu gnyis dang bdun dang gnyis su bstan pa/dge slong gis gos sar pa las 'grub na sbyar ma nyi rim dang sham thabs thang ba phrugs gcig tu bya'am rnying na sbyar ma bzhi rim sham thabs nyi rim phrugs gcig tu ston pa'o/ /gos bslangs pa'i tshad ji tsam zhe na/phrugs su bslang zhes pa yin te stod g.yogs dang smad g.yogs phrugs gcig las lhag par ma slong shig pa'o/ /khyim pa dang dge slong gang gi phrugs gcig bslang zhe na/ gang yang rung zhes pa yin te gnyis kyi nang nas gang blangs kyang sla bar ston pa'o/ / tshad 'di las lhag par mi blangs zhes pa ni phrugs gnyis kyi tshad gong du bstan pa las lhag par ma slong shig pa'o/ /snga ma rnyed pa bskang ba yang ngo zhes pa ni khyim pa'i gos kyi tshad du bslangs pa las rangs pa kho nar ma rnyed pa tsam gyi tshod na rangs pa'ang bskang ba'i phyir slong ba ma byed cig pa'o//de la yang stod g.yogs kyi srid khru phyed dang lnga dang zheng khru phyed dang gsum du med pa dang / smad g.yogs 'khor gsum yang mi yog pa tsam zhig rnyed na/ rangs shing bskang ba'i phyir blangs pa ni nyes med do/ /phyi ma rnyed pa las lhag pa sbyin zhes pa ni dge slong gi stod g.yogs dang smad g.yogs kyi tshad kyang lhag par rnyed na ji lhag pa chos la slar byin cig pa'o//ji ltar bslangs pas ltung ba'i nyes par 'gyur zhe na/ bslangs pa ma yin bslangs na nyes byas zhes pa dang / rnyed na rtsa ba zhes pa yin te/ blang ba'i tshad ji tsam du bstan pa las lhag par blangs na slong ba'i tshe ni nyes byas/rnyed na spang ba'i ltung ba ston pa'o/ /de la TI ka pa 'chad pa ni rnga bal sogs pa bslang ba ma yin pa bslangs na slong ba'i tshe nyes byas yang ba thob na rtsa ba ste nyes byas la che ba'o zhes 'chad/ phyir sbyin pa ma byin na yang ngo zhes pa ni lhag pa slar byin cig pa ma byin na yang spang bar ston pa'o//bslang ba'i rigs pa spang ba'o// // slong ba'i spang ba'i khyad par ston pa ni spags la ma bstabs par shes na ma spags su zad ces pa yin te spags ni spags la khyod sbyin no zhe'am khyod khyer cig ces sbyin pa dag gis bstabs pa med na ma spags pa dang 'dra bas de lta bu bslangs na spags pa slong ba'i ltung bar 'gyur ba'o//don de nyid gsal bar ston pa ni/ de nyid bzhin no zhes pa yin te/ spags par ma shes te bslangs na ni 'di las gzhan pa ste slong ba'i ltung bar ston pa'o//de la slong ba'i tshe ni spags par ma shes pa la thob pa'i tshe shes na sbyor ba ni slong bar gtogs pa'i nyes byas rtsa ba ni 'di'i ltung bar 'gyur ro/ /spags pa slong ba'i spang pa'o// // spags pa slong ba ni rnam pa ston pa ni so sor spags pa slong ba'i zhes pa yin te/de ston pa ni ster ba lag yangs kyang ngo zhes pa yin nam sbyin bdag lag yangs pas gsha' gsha' ltar byin na yang yan lag gong du smos pa rnams dang ldan na nyes par 'gyur ba'o/ /sbyor ba gcig gis thob pa ni gcig go zhes pa ni sbyor ba gcig gis so sor ram sbyor ba gcig gnyen ma yin pa'i dge slong ma dang khyim pa la slong ba dang dbyar gyi ras chen la sogs pa thob pa du ma cig car du grub na yang ltung ba gcig las med par ston pa'o//so sor spags pa slong ba'i spang ba'o// // ji ltar byas pas skur pa'i spang bar 'gyur zhe na/ las mi rung ba'i gos zong skur ba bkyigs pa las dris pa dang gdong zhal ta ba bstan te pho nyas bsgo nas gtan tshigs bsnyad na gdong bskul zhes pa yin te yon bdag gis gser dngul la sogs pa mi rung ba'i gos zong zhig bskur te 'ongs na tshe dang ldan pa pho nya dge slong la gos zong 'di ni ma brtags kyis blang du mi rung ngo zhes smras pa dang /de na re 'o na btsun pa'i zhal ta pa rung ba bgyid pa su mchis zhes dris pa dang ming 'di zhes bya'o zhes bstan to/ /de nas pho nyas kyang de la gos zong 'di lta su gos 'di lta bu spur la dge slong ming 'di zhes bya ba 'ongs tang byin cig ces bsgo nas slar dge slong gi thad du phyin te btsun pas bstan pa'i zhal ta bgyid pa la bdag gis 'di skad du bsgos btsun pa der bzhud la bzhes shig ces zer na gdong zhal ta ba de la bskul cig pa'o//de la bskul ba'i snyad ni nga la gos rung ba dgos so zhes bskul/ bskul ba las des ma thos sam ma go na bskul bar mi chud par ston pa ni/ go bar ma nus na bskul ba ma yin zhes pa yin te ra ro'am gnyid kyis log gam/nad kyis thebs sam brel ba la sogs pas rkyen te bskul bar ma shes ma gon bskul ba'i grang su mi chud par ston pa'o/ /bskul ba drug cig car du bskul kyang bskul ba gcig tu rtsi mod kyi so sor bya'o/ /ma grub na lan gnyis su yang ngo zhes pa ni lan gcig gis ma grub na lan gnyis su'ang bskul cig pa'o//lan gsum du yang ngo zhes pa ni gnyis kyis ma grub na gsum gyi bar du'ang bskul cig pa'o/ /de nas lan gsum gyi bar du phyogs su bsdad ces pa ni ma smra bar phyogs su bsdad pa lan gsum du gyis shig pa'o//de la rnam par 'byed pa las ni lan bzhi'am lnga drug gi bar du mi smra bar phyogs su sdod cig ces 'byung la 'dir ni lan gsum gyi bar du zhes smos pa ci phyir zhe na rnam par 'byed pa las de skad du 'byung ba yang bskul ba tshun chud khong brtul ba'i tshig tu zad pas na/gong du bskul ba gsum smos pa'i phyir 'di phyogs su bsdad pa gsum zhes smos pa yin no/ /ma grub na sbyin pa po la bsnyad ces pa ni de ltar bskul du zin gyis kyang ma ster na sbyin bdag gi khungs po la kho bo zhal ta byed pas 'di ltar ma ster gyis khyod kyi nor bar ma dor du chud zos pa re zhes slar sprin cig pa'o//de ltar gyur te btang ba dang / byin na btang ngo zhes smras kyang sbyin bdag gi sems bdag gis bsrung bar bya'o zhes khas len na bslang bar bya zhes pa ni de ltar re thag chad nas btang ba'i 'og tu des gos khyer te 'ongs na ngas matang ste yon bdag la'ang sbran zin gyis mi 'dod do zhes byas kyang de na re yon bdag gi sems kho bos bsrung gi mi bzhes su mi rung zhes sprul na long shig pa'o//ji ltar byas pa skur pa spang bar 'gyur zhe na/ bskul ba dang bsdad pa las 'das sam khas mi len na'o zhes pa yin te bskul ba dang bsdad pa lan drug tu bya ba las 'das sam yon bdag gi sems kho bos bsrung ngo zhes khas mi len par blangs na spang bar 'gyur ba'o//de la bskul zhing bsdad pa lan drug las 'da' ba'am go rims bsnor du mi rung gi nad bskul ba ni nyes med do//sngar bya ba'i las de ltar byas nas nyes par 'gyur ba nyid ston pa ni/ khyer na'o zhes pa yin te/ gos bslangs sam khyer na gdod nyes par 'gyur ba'o/ /sbyin bdag dang pho nya dang zhal ta ba ji lta bu las nyes par 'gyur zhe na/ gsum char mi dang khyim pa na'o zhes pa yin te 'di gsum mi yin pa dang /khyim pa yin pa las nyes pa rangs par 'gyur gyi sel zhing gyur na nyes pa'i 'bri bar ston pa'o/ /ma smras na nyes byas zhes pa ni pho nyas zhal ta pa la 'di ltar gtad kyis 'phags pa der bzhud pa la bzhes shig ces mi zer bas bskul na nyes byas su 'gyur ba'o//ma bkyigs na yang ngo zhes pa ni pho nyas mi rung ba'i gos zong khyer te 'ongs pa'i tshe ma bkyigs na nyes byas su 'gyur ba'o/ /re thag chad pa'i 'og tu khyer te 'ongs pa'i tshe bkyigs na yang de bzhin no/ / ma dris par ston na yang ngo zhes pa ni 'phags pa'i zhal ta ba su lags zhes pho nyas ma dris par bdag gis sngan tshogs su bstan na yang nyes byas su 'gyur ba'o / /re thag chad nas ma bsnyad na'o zhes pa ni/ re thag chad pa'i 'og tu yon bdag la ma sbran na yang nyes byas su 'gyur ba'o//de kha cig 'chad pa ni gser dngul la sogs pa brtag par ma byas na cho ga 'di ltar bya'i brtag par byas na cho ga 'di dag ltar bya 'ang mi dgos zhes 'chad/ TI ka bas bya ba ni gzhan ni de ltar yang rung gi gos zong du bskur ba zhig na ni cho ga 'di ltar mi sbyar yang mi rung ngo zhes 'chad/skur ba spang ba'o// // srin bal gyi stan spang bar ston pa ni/ stan bcang zhes pa yin te rlod can dang phying pa'i stan chongs shig pa'o/ /de la kha cig na re stan zhes smos pa 'di gding ba yin du zad do zhes kyang 'chad mod kyi gding ba ni gcig thang dang nyi rim du bya zhes 'byung stan ni rlod can dang /phying pa'o zhes 'byung ba dang / dgos pa'i dmigs kyang tha dad pas na/ gding ba dang stan ni gcig tu mi rung ste tha dad do/ /de la 'khor gsum yog ba tsam byas na yang rtsa ba'i nyes par 'gyur ro//de las chung ba ni nyes pa 'ang de bzhin du 'bri'o/ /de'i tshad ni rab 'bring rnam pa gsum yod do/ /de la chen po'i srid ni khru phyed dang lnga/ chung ngu'i srid ni khru phyed dang gsum/ 'bring gi srid ni de gnyis kyi bar du ma'o zhes pa ni sum char 'dra ste/ gding ba dang mnyam mo//ji ltar byas pas srin bal spang bar 'gyur zhe na/ srin bal las byed dam byed du bcug na'o zhes pa yin te srin bal las byed pa'i stan bdag gis byas sam gzhan byed du bcug na nyes par 'gyur ba'o / /byed pa 'am byed du bcug pa zin pa'i tshad ston pa ni/ thog ma bdal ba ni gding ba byas zin pa'o zhes pa yin te srin bal gyi khod bdal na byas zin pa'i dang po de yin pas na de'i tshe spang bar 'gyur ro/ /byas pa rnyed cing spyod pa dang bcol ba la nyes med ces pa ni zas byin pa rnyed cing spyod pa'am gzhan gyis byas pa bdag gis bcos pa ni nyes med par ston pa'o//srin bal spang ba rnam par byed pa'o/ /zhus pa las bsdus pa ston pa ni/ nyung ba dang bsres pa ni 'bri zhes pa la sogs pa yin te bal dang zar ma dang / gso ma la sogs pa dang srin bal du bsres pa ni nyes par rangs par mi 'gyur gyi srin bal dang rin thang mnyam pa zhig dang bsres na nyes pa rangs par ston pa'o//rdzas nyams na yang ngo zhes pa ni srin bal rnyings shing nyams pa zhig las byas na yang nyes pa rangs bar mi 'gyur ba'o/ /srin bal gyi stan zhu ba'o / /srin bal spang ba'o/ /bal nag po nyi tshe spang ba zhig gong ma las blangs te de'i bye brag tsam zhig ston pa ni/bal nag po nyi tshes so zhes pa la sogs pa yin te/ bal nag po 'ba' zhig las byas sam byed du bcug na'o/ /rang bzhin gyis gnag pa 'am bsgyur bas she na/ rang bzhin zhes pa yin te/bsgyur ba ma yin gyi rang bzhin gyis gnag na'o/ /sngon po dang sa nag gi mdog dang sngo nag dag kyang de bzhin zhes pa ni/ rang bzhin gyis 'di dag ltar 'dug pa yang nag po dang 'dra bar ston pa'o/ /nag po nyi tshe spang ba'o/ /cha gnyis spang ba ston pa ni/ de'i phyed las lhag pa'o zhes pa la sogs pa yin te/ phyed phyed du mnyam pa las nag po lhag par bcug na spang bar ston pa'o/ /zar ma dang gso ma la sogs pa 'god pa dang bsres pa ni nyes pa'ang 'bri bar 'gyur ro/ /gzhan ni 'jam bal dang khob bal las shas mnyam du'o zhes pa ni nag po las gzhan pa ste de'i phyir shas su bya ba ni bal 'di gnyis las phyed phyed du snyoms shig pa'o//de la 'jam bal las lhag na ni nyes byas khob bal las lhag na ni nyes med do/ /de la srin bal dang bal nag po ni dgon pa'i phyir glag tu mi rung bar ston gyi/dkar po la sogs pa gzhan rin che na yang 'di bzhin nyes par 'gyur ro/ /de la 'jam bal ni gang khob bal ni gang zhe na/ rgyab dang rtsib logs dang gnya' ba las skyes pa ni snga ma'o zhes pa dang / mgo dang rkang lag dang lto las skyes pa ni phyi ma'o zhes pa yin te/cha gnyis spang ba'o/ /lo drug pa ston te gong du mi gtsang na mi gsol zhes pa la sogs pa las gzhi blang ngo / /de ni chu zheng las lhag pa bcad ces pa la sogs pa yin te/ rtog pa'i dge slong dag gis las su bya ba ni chu zheng las lhag na chod cig pa la sogs par ston pa'o//thung ngam chung na skyed ces pa ni/ chung ngam thung na yang skyed cig pa'o/ /chad na sbyar zhes pa spyad spyad de rked du chad na yang slar sbyor cig pa'o/ /gzhigs sam zad du chad na glan ces pa ni zad du byed dam khol khol du rdol na lhan pas thob cig pa'o//bcos su mi rung na sbyin zhes pa ni gong du smos pa ltar byar yang mi rung ste/ stan rnyings shing zegs na sdom pa byin cig pa'o/ /las sar pa pa zhes smos mod kyi 'di 'dra bar rnyings shing bcos su mi rung na su la sdom pa byin kyang mi rung ba med/ji ltar byas pas lo drug gi spang bar 'gyur zhe na/ sdom pa ma thob pa gzhan yod nyid kyis thug thub tu btang ngam lo drug thug par stan byas na'o/ /zhes pa yin te ming gis smos pa 'di rnams lta bu'i rkyen yod na spang bar 'gyur ba'o/ / de la sdom pa ma thob ces pa ni dge 'dun gyis gnad ba ma byin pa'o/ /gzhan yod ces pa ni snga ma yod bzhin pa'o/ /thug thub tu btang zhes pa ni lo drug ma lon bar stan gzhan byin pa la sogs pas med par byas pa'o/ /rtsom pa na shom ba ni yod pa bzhin zhes pa ni snga ma gcig ma zin par phyi ma byed na zin pa yod bzhin du byas pa dang 'dra ste nyes byas su 'gyur ba'o//mthar phyin na sbyor ba nyes par mi byed pa ma yin zhes pa ni gong ma ltar brtsams pa las phyi ma zin par byas na phyi ma dang po rtsom pa'i nyes byas med pa ma yin par ston pa'o/ /rab tu byung ba tha dad pa ni so so'o zhes pa ni rab tu 'byung ba las babs te phyis rab tu 'byung na stan byed na sngon gyi stan gtogs par ston pa'o//lo drug gi spang ba'o/ /ji ltar byas pas mtho'i spang bar 'gyur zhe na/ gding ba rnying pa las bde bar gshegs pa'i mtho gang gis gding ba gsar pa la ma glan par spyod na'o zhes pa la sogs pa yin te 'di ltar ma byas na nyes par 'gyur ba'o//gding ba rnying pa med nas bde bar gshegs pa'i mtho gang gis ma glan par spyod na nyes par 'gyur ram zhen yod na'o zhes pa yin te yod na gdod gong ma ltar bya'i med na nyes med par ston pa'o//rnying pa rangs par med kyang 'di tsam gyis glan tam zhe na/ de tsam na yang ngo zhes pa yin te rangs pa med du zin kyang bde bar gshegs pa'i mtho gang tsam gyis glon cig pa'o/ /ma ral ba bde bar gshegs pa'i mtho gang tsam gyis glan tam zhe na/bcos su rung bas kyang ngo zhes pa yin te ral na yang chos la glon cig pa'o/ /dum bu bsdus te yang ngo zhes pa ni dam dum du gyur na yang bsdus la glon cig pa'o/ /mtho'i spang pa'o/ /ji ltar byas pas bal khyer ba spang bar 'gyur zhe na/ khyer pa med na lus bal dpag tshad gsum las lhag par khyer ba na yod na ni 'ong zhes pa yin te khyer ba med na bdag gis dpag tshad gsum las ma lhag par khyer cig pa'o//yod na ni der yang ma yin no/ /lam du 'gro ba las nyes par 'gyur ba dang / mi 'gyur ba rnam pa gnyis te bal khyer ba dang dge slong ma dang lhan cig tu lam dang grur 'gro ba dang skyes pa med par bud med dang 'grogs pa dang rkun po dang 'grogs pa ni nyes par 'gyur ba'o//yang yang 'dus shing za ba dang khrus ni nyes par mi 'gyur ba ste dpag tshad phyed kyis nyes par mi 'gyur ba ni phyis 'chad nyes par 'gyur ba da ston pa ni/lam du 'gro na rgyang grags dngos so zhes pa yin te nyes par 'gyur ba rnams ni rgyang grags gcig gis so/ /phyed ni sbyor ba'i 'o zhes pa ni rgyang grags phyed kyi bar du khyer ba nyes byas su ston pa'o/ /'phrul las gzhan pas nam mkha' las khyer na nyes byas zhes pa ni sngags la sogs pas/'di ltar khyer na nyes byas su 'gyur ba'o/ /sprul pas kyang ngo zhes pa ni sprul pa rgyur na yang nyes byas/ zhwa dang lham dang tshangs dang sras skyogs dang lcag pod dang shur bu la sogs pa tsam gyi phyir nyes pa med ces pa ni 'di dag tsam gyi phyir ni ji srid du khyer yang nyes par mi 'gyur ba'o//rgyang grags kyi tshad ston pa ni/ yang rdul dang rdul phran dang chu dang khar ba dang ri bong dar ra dang ba dang gseb nyi zer gyi rdul dang sro ma dang shig dang nas dang sor rnams su drug cing bsgre zhes pa ni/ming gis smos pa 'di dag drug drug cing rim bzhin du bsgre'o/ /sor bzhi phrag drug la khru/ khru phyed dang bzhi la gzhu/ de lnga brgya la rgyang grags zhes pa ni 'di bzhin du bsgres nas rgyang grags su ston pa'o/ / de'i mtha' ni dgon pa'i thog ma'o zhes pa ni rgyang grags phan chad dgon par ston pa'o/ /lus kyis khur mi bskur zhes pa ni phrag khur ma khyer cig pa'o/ /rgyab dang logs dang sta zur dang mgos ma yin zhes pa ni 'di rnams kyis kyang ma khyer cig pa'o/ /'di khong mi thul bar re ba mi bya zhes pa ni khur mi bskur bar bstan pa ni 'di dag dge slong mas kyang bsrung dgos te thun mong bar ston pa'o//khur phyed las lhag par mi gdeg ces pa ni mi khur phyed las lhag ma gdeg shig pa'o/ /bal khyer ba'i spang ba'o// // bal rmel ba'i spang ba ston pa ni/gos rnyid pa zhes pa'i gor lug bal lo zhes bya ba dang / 'chag par rmel ba'o zhes pa yin te/ ltung ba 'di 'khru ba dang 'dra bas na gong du gos rnying pa 'khrur bcug ces smos pa'i gor lug bal gzhag pa dang 'chag ces pa'i gos rmel zhes bcug la rim pa la sogs pa gong du bshad pa bzhin du rig par gyis shig pa'o//bal rmel ba'i spang ba'o// //ji ltar byas pas gser dngul spang bar 'gyur zhe na/ rin po che bdag gir byas na'o zhes pa la sogs pa yin te/ pad ma rA ga la sogs pa'i rin po che bdag gir byas na nyes par 'gyur ba'o//gang gi tshe bdag gir byed par rdzogs par 'gyur zhe na/ gan du na da rdzogs pa'o zhes pa yin te gan du 'ongs shing blangs la rag par gyur na bdag gir bya ba grub pa'o/ /de'i snga rol na phyed do zhes pa ni gan kho nar ma phyin pa phan chad gcig na 'dug pa bdag gir byed na ltung ba'i phyed de nyes byas su 'gyur ba'o//gzhan las 'ongs pa bdag gir byas pa 'ba' zhig spang bar 'gyur ram zhe na/ bdag gi zhig na yang rung bar ma byas na'o zhes pa yin te/ bdag khyim pa byed pa'i tshe srel srel ba zhig na yang rung bar byin gyis ma brlabs par reg cing spyod na yang spong bar ston pa'o//ji ltar byas pas ltung bar 'gyur zhe na/ reg gam reg tu bcug na'o zhes pa yin te/ rin po che bdag gis reg gam gzhan reg du bcug na nyes par 'gyur ba'o/ /ji ltar reg pas nyes par 'gyur zhe na/ji ltar yang rung zhes pa yin te 'di khong 'di khyer 'di tsam khyer zhes pa la sogs pa ji ltar reg tu bcug kyang rung ste nyes par 'gyur ba'o/ /zong gis zangs la nyes byas zhes pa ni mtshan ma btab cing 'tshong bar byas pa'i zangs la reg par nyes byas su ston pa'o//gzhan la nyes med ces pa ni mtshan mas ma btab pa la sogs pa'i zangs gzhan la nyes med par ston pa'o/ /ro nye dang khar ba dang tshon mo steng dang lcags kyang ngo zhes pa ni 'di dag la reg pa'ang nyes med par ston pa'o/ /dge tshul dag gis kyang ngo zhes pa ni dge tshul pha dang dge tshu 'dzin cing reg tu bcug pa nyes med par ston pa'o//gong du bdag gi zhig na yang rung bar ma byas na'o zhes bstan pa de'i rung ba ji lta bu zhe na/ sbyin bdag bdag por bsams pa dang zhal ta ba bdag por blang ba dang byin gyis brlabs par rung ba'o/ / zhes pa yin te rnam pa 'di gsum gong ltar byas kyang rung bar byas pa'i cho gar ston pa'o/ /de la sus bskur ba nyid bdag por bsams pa ni sbyin bdag bdag por bsams pa'o/ /nam 'tsho'i bar du mi rung ba'i rdzas dge bsnyen tam lha 'bangs spro bar byas la/ de'i yin par spyod pa ni zhal ta pa bdag por khas blang ba'o//mi rung ba'i nor bar du bzhag la tshe dang ldan pa dgongs shig / bdag ming 'di zhes bgyi ba'i dge slong 'di lta bu mi rung ba rnyed pa 'di rung ba'i dngos por bsgyur zhing btsal te bdag gir bya'o zhes lan gnyis gsum du byin gyis rlob pa ni byin gyis brlabs pa'o//de lta bas na rung bar byas te reg gam reg tu bcug pa ni nyes med kyi rung bar byas kyang bdag gir byed pa mi btang na rung ba nyid bdag gis byed pa'i gnyen po bas na nyes pa rangs par ston pa'o/ /rung bar bya ba'i cho ga de don de ji lta bu la 'chags she na/chos kyi don ma yin pa las gzhan du mi skye zhes pa yin te sangs rgyas mchod pa la sogs pa dang bdag gi lhung bzed la sogs pa'i yo byad kyi ched du ma yin na gzhan du dgos pa'i phyir rung ba'i cho ga byas kyang byas par mi 'gyur ba'o/ /ring yang bdag po mi 'jig ces pa ni bdag por bsam pa dang /zhal ta pa ring mo zhig na 'dug tu zin kyang bdag por byin gyis brlabs pa la mi gdod par ston pa'o/ /bdag gi phyir zas sbyor ba ni rung zhes pa ni bdag gi phyir zas sbyor zhing zas lnga shom pa lto 'dun la sogs pa'i nyes pa ma yin par ston pa'o//'di man chad kham pa zhes pa yan chad las rgyags su ni rin po che man chad do zhes rnam par 'byed pa las 'byung ba ma gtogs pa gzhan thams cad phran tshegs las 'byung bar rig par bya'o/ /de byed du gzhug pa'i phyir kAr ShA pa Na bzung zhing long shig par ston pa'o//de yang rung bar ni bya dgos so/ /rgyags ni rin po che man chad do zhes pa ni rgyags zong du ni rin po che man chad rig cing khyer na yang nyes med par ston pa'o/ /me'i ched du me shel bcang zhes pa ni chos 'di bdag gi ched du na me shel yang chongs shig pa'o/ / 'di ni dben par bzhag ces pa ni me shel de legs par sbos shig pa'o/ /ma byin par len pa la mi bstan zhes pa ni 'di rkun pos ma mthong bar gyis shig pa'o/ /'di'i 'bras bu phyung la sbyin rkun po la me she bstan par me ni phyung la byin cig pa'o/ /chu'i ched du chu shel to zhes pa chu dbyung ba'i phyir chu shel yang chongs shig pa'o//bsrung ba'i cho ga mtshungs so zhes pa ni chu shel sba ba'i cho ga yang gong ma bzhin tu gyis shig pa'o/ /yo byad gnang ba'i nang du rin po che bdag gir byed pa gtogs pa ma yin zhes pa ni rgya dang khab ral la sogs pa yo byad gnang ba rin po che las ma byed cig par ston pa'o//ra gan dang zangs dang khar ba dang shing gi lhung bzed bdag gir mi bya zhes pa ni lhung bzed 'di dag las ma byed cig pa'o/ /'di dag gam gzhan gal te bdag gir byas na sman snod kyi gor spyad ces pa ni gong du smos pa'i rin po che gang yin pa las byas pa 'am gzhan las byas pa yod na sman snod du byas pa tsam gyi gor spyod kyi/byin gyis brlabs par ni ma byed cig pa'o/ /lcags dang kham pa gnyis byin gyis brlab pa'o zhes pa ni 'di gnyis las byas pa'i lhung bzed ni byin gyis rlobs shig pa'o//gong du rin po che bdag gir byed ces smos pa'i rin po che gang yin pa ston pa ni/ nor bu mu tig bai DU r+ya shes byi ru gser dngul a sma gar+b+ha/ mu sa ra gal ba dmar po g.yas phyogs su 'khyil pa la sogs pa rin po che'o zhes pa yin no//mi lhum ba ni 'bri zhes pa ni bdar spyad ma byas pa la sogs pa mi sdom par gyur pa reg pa ni nyes pa 'bri bar ston pa'o/ /'di 'og nas 'byung ba'i bslab pa yang 'di dang 'dra bar ston pa ni/ 'og ma yang ngo zhes pa yin te 'og nas mtshan ma btab pa 'tshong ba yang mi sdom na 'bri bar ston pa'o//mi sdom pa ji lta bu yin pa ston pa ni/ chad pa 'phan can yar ba cig sngon mi spyod pa ma thebs pa byid pa bcos pa rnams so zhes pa yin te/ 'di dag ltar gyur na mi sdom pa ste de la chad ces pa ni gcad par bkyigs pa las chad kyang rung ba'o//'phan zhes pa ni bub cing snang pa'o/ /yar ces pa ni phyogs 'ga' nas kham tshad du yar ba'o/ /sngon mi spyod ces pa ni sngon su'ang mi spyod cing ngo mi shes pa'o/ /ma thebs zhes pa ni mtshan mas ma thebs pa'o/ /byid ces pa ni byang ste mtshan ma mi mngon pa'o//bcos ma zhes pa ni rdo dang rtswa la sogs pa las rin po che dang 'dra ba 'am rgyan lta bur bcos bcos pa'o/ /gser dngul spang ba'o// // mtshan mas btab pa spogs byed pa ston pa ni/ khe 'dod na ltung ba'o zhes pa la sogs pa yin te khe 'dod pas spogs byed na ltung bar 'gyur ba'o//de yang bdag gi phyir na de lta'i gzhan gyi phyir na nyes pa 'bri'o / /pha rol khyim dang gnyen ma yin na rtsa ba'o zhes pa ni spogs zla khyim pa'ang yin gnyen yang ma yin na gdod nyes pa rangs par 'gyur ba'o/ /spogs byed pa gang gi tshe rtsa bar 'gyur zhe na/spogs byin na'o zhes pa yin te spogs byed par shom pa ni nyes byas kyi nam spogs phyin na rtsa bar 'gyur ba'o/ /de lta bas na spang ba ni spogs ci phyin pa nyi tshe spang dgos so/ /bslabs la 'og ma yang mtshan nyid 'di dang sbyor bar ston pa ni/ 'og ma yang ngo zhes pa yin te khe 'dod ces pa nas spogs phyin ces pa'i bar du smos pa 'di dag nyo 'tshong gi yan lag tu yang sbyor cig pa'o//ci spogs pas nyes par 'gyur zhe na/ pa Ni 'am rin po che spogs na'o zhes pa yin te pa Ni 'am gser dngul la sogs pa'i rin po che gang spogs kyang nyes par 'gyur ba'o//sbyor ba ni gcig go zhes pa ni stan las 'phags pa la sogs pa spogs kyi sbyor ba mang po zhig byed kyang / sbyor ba gcig tu brtsi bar ston pa'o/ /dkon mchog gi phyir ni bya zhes pa ni dkon mchog gi phyir ni spogs byos shig pa'o/ / de yang su byed du bcug ce na/ kun dga' ba'am dge bsnyen yod na bsgo ste'o zhes pa yin te/ 'di dag la yod na spogs byed du chug shig pa'o/ /spogs kyi thabs ji ltar bya ba ston pa ni gta' nyis rim du blang zhes pa la sogs pa yin te/ dkon mchog gi dkor chud mi za ba'i phyir gta' nyis rim bzung shig pa'o//dpang lo zla zhag dge 'dun gyi gnas brtan gtsug lag khang gi khang skyong / kher pa nor khe rnams shog shog bri zhes pa ni tshig rgya 'di ltar byas pa'i 'og tu gdod nor skur cig pa'o/ /rgyus yod pas gtan tshigs gzhan la bsnyad ces pa ni spogs kyi rgyus shes pas dge slong gzhan la gtan tshigs rgyas par shod cig pa'o//mtshan ma btab pa spogs pa spang ba'o// // gong du 'og ma yang 'di bzhin no zhes nyo 'tshong gi yan lag rgyas par bstan zin mod kyi nor gang las nyo 'tshong byed pa'i bye brag tsam zhig ston pa ni/gzhan gyis zhes pa la sogs pa yin te/ skam zong gis ma yin gyi 'bru la sogs pa gzhan gyis nyo 'tshong byed na nyes par 'gyur ba'o/ /dge 'dun gsol bar nas rin gyis nyo na dge 'dun gyi las sbyin zhes pa ni dge 'dun mchod ston gsol pa'i rgyu dge 'dun nyid kyis btsang las rin gyis nyo ba yod na byin cig par ston pa'o//gal te de'i rin mdongs sol zhes pa ni mtshams de nyid kyi dge 'dun gsol bar nyo na de'i dge 'dun bdag gis mdongs sol gyis la klogs te byin cig pa'o/ /zad na dge 'dun gyis nyo zhes pa ni dge 'dun gyi btsang zad du byed na'ang nyos shig pa'o//gsar yang ngo zhes pa ni gsar nyos shig pa'o/ /de yang gang gi tshe zhe na/ jis te srog chags med na rnying btsongs te zhes pa yin te/ srog chags med pa'i nas rnying 'tshongs la gser nyos shig pa'o/ /rin thang mi bcad ces pa ni nor 'di ni 'di ri'o zhes pa la sogs par nor gyi rin thang gcod par ma byed cig pa'o//khyim pa'i spyod par mi gcen zhes pa ni tshong byed pa la sogs pa khyim pa'i nang du dge slong gtogs 'dod dang gcen pa ma byed cig pa'o/ /'o na bdag gi gos nyo ba la sogs pa ji ltar bya zhe na/khyim pa nyor gzhug ces pa yin no/ /gal te khyim pa med na ji ltar bya zhe na/ med na tshig gsum man chad brjod de'o zhes pa yin te rin 'di tsam mam zhes dge slong gis tshig gsum gyi bar du sgrubs shig pa'o/ /dkon mchog gsum gyi phyir ma yin na gzhan gyi ched du'ang skyed 'bri mi bya zhes pa ni dkon mchog gi phyir ma yin na gzhan gyi phyir yang rin thang gi skyed bri ma byed cig pa'o//rgyal mi bya zhes pa ni rgya 'god cig par ston pa'o/ /la la dge 'dun gyi btsad bed skyed du gtong bar rtsol ba yod na ji ltar bya zhe na/ de'i phyir na dge 'dun gyi las byed pa la dge 'dun gyi skor bzhag ces pa yin te de lta bur rtsol ba yod na dge 'dun gyis gsar bu rgan po la sogs pa la 'di be+ed skyed du chug shig ces gtod cig pa'o//da de'i las su bya ba ston pa ni/ rgan rabs dris par dge 'dun gyi ched du rtsol ba mi gcad ces pa la sogs pa yin te/rgan rabs dris par de'i lag tu nor gtad cing skyed mngan du ma gzhug shig pa'o/ /khyer ba 'di'i phyir gzhan tshigs shog shog la 'bri zhes pa ni skyed mngan des bdag la dri mi ngas pa dang brjed byad la sogs pa'i ched du dbang rgya gyis shig pa'o//nyo btsong spang ba'o// // da lhung bzed 'chang ba'i spang ba ston pa ni/ lhung bzed las so zhes pa la sogs pa yin te/ gong du gos lhag pa 'chang ba zhes smos pa'i gor lhung bzed chug la de'i tshul bzhin du rig par gyis shig pa'o/ /byin gyis ma brlabs na'o zhes pa ni byin gyis brlabs pa la nyes med kyi byin gyis ma brlabs pa zhag bcu 'das na nyes par 'gyur ba'o//rab tu 'byung bar 'dod pa'i ched du nges par byas na btang ba'o zhes pa ni rab tu 'byung bar 'dod pa sbyin bar thag bcad na btang ba yin pas na zhag bcu 'das par bzhag kyang nyes par mi 'gyur ba'o//sre bo dang dkar po dang ches pa rnams mi rung zhes pa ni 'di rnams lta bu zhig yin na ma brtags shing mi rung bar gtogs pas lhag par bcangs su zin gyis kyang nyes par mi 'gyur ba'o/ /ma tshos pa ni chung ba'i steng du'o zhes pa ni kham pa'i lhung bzed ma tshos na tshad ma yin du zin gyis kyang chung ba dang 'dra ba'i steng du ma brtags yang yin par ston pa'o//lhung bzed chung ngu gcig pu nyes med ces pa ni lhung bzed chung ngu 'ga' sel ba ni nyes par ston pa'o/ /lhung bzed 'chad ba spang ba'o// // da ni lhung bzed lhag par tshol ba spang ba ston te/de'ang 'dod gcen las 'gyur bas na spyi'i tshig tu ha cang yang 'dod zhen mi bya zhes pa yin te dge slong gis rnyed pa'i phyir 'dod zhen ma 'os pa ma byed cig pa'o/ /yo byad la ha cang yang gdu bar ma yin zhes pa ni chos gos dang lhung bzed la sogs pa'i yo byad la shin tu gdu bar yang ma byed cig pa'o//gang la zhen pa de mi bcang zhes pa ni yo byad gang la chags pa de ma 'chang bar spongs shig pa'o/ /med na lhung bzed kyang bslang zhes pa ni med na lhung bzed dang chos gos kyang slongs shig pa'o/ / lhung bzed ji ltar btsal bas nyes par 'gyur zhe na 'di yod na'o zhes pa yin te lhung bzed gnyugs ma cig yod bzhin du btsal na nyes par 'gyur ba'o/ /yod pa de yang ji lta bu zhe na / lhan pa bzhi man chad dam de 'os pa 'am spyad bzod na'o zhes pa yin te lhan pa bzhi man chad dam bzhi gdab tu 'os pa 'am bzhi btab tu zin gyis kyang spyad bzod pa bzhin du phyi ma btsal na nyes par 'gyur ba'o//lhung bzed snga ma yod bzhin du ji ltar btsal bas ji lta bu'i nyes par 'gyur zhe na/ khyim pa dang gnyen ma yin pa las slong zhing tshol na'o zhes pa la sogs pa yin te 'di dag las btsal na nyes par 'gyur ba'o//'dis bslab pa gzhan yang go bar bya ba ni phyi ma gnyis kyang 'di bzhin zhes pa yin te 'di'i 'og nas 'byung ba'i bslab pa rnam gnyis kyang khyim pa dang gnyen ma yin pa 'thag tu bcug na nyes par 'gyur ba'o//de'i bye brag ston pa ni tha ga pa dang sbyin bdag dang gzhan yang ngo zhes pa yin te/ tha ga pa dang sbyin bdag dang pho nya gsum char khyim pa dang gnyen ma yin pa zhig na nyes par 'gyur ba'o/ /gnyen ma yin pa gnyen las nyes par mi 'gyur ba lam gtogs pa ni spogs dang lhung bzed do zhes pa yin te gnyen ma yin pa la zas bsod pa la sogs pa slong du mi dbang ba gnyen las nyes par mi 'gyur ba'i nang du spogs dang lhung bzed ma gtogs pa ston pa ste 'di 'ang nyes pa rangs par mi 'gyur gyi 'bri bar 'gyur ro//skabs su zhar la bshad pa'i mjug 'dus nas dkyus kyi 'phro ston pa ni/nyes byas zhes pa dang / de las grub na rtsa ba zhes pa yin te/ tshol ba'i tshe na ni nyes byas/ rnyed pa'i tshe na rtsa bar 'gyur ba'o/ /yod snyam pa las med pa 'bri zhes pa ni snga ma yod bzhin du phyi ma btsal ba las/ snga ma de rlag gam tshig ste med par gyur na/snga ma med pa'i phyir nyes pa 'bri bar ston pa'o/ /bdag gi yo byad kyis na'o zhes pa ni lhung bzed snga ma yod bzhin du phyi ma bdag gi rin gyis nyos na yang nyes pa 'bri bar ston pa'o/ /'di dag yod na'o zhes pa ni lhung bzed snga ma med de btsal dgos pa'i zong ni yod la zong gis mi 'tshal bar gzhan la slong na yang nyes pa 'bri bar ston pa'o//bzang 'dod pas brjes na'o zhes pa ni bzang po 'dod pa'i phyir rje na yang nyes byas su ston pa'o/ /rnam par 'byed pa las brjes na nyes med ces 'byung ba ni tha mal bar brje ba la bya'i bzang 'dod pa'i phyir ma yin no//lhag par btsal ba de zhag bcu las lhag par bcangs na lhag pa btsal ba'i steng du bcangs pa'i nyes par yang 'gyur ro/ /'di spang ba gzhan dang mi 'dra ba'i khyad par ston pa ni/ 'di dge 'dun la spang zhes pa yin te lhung bzed lhag par btsal ba spang ba ni gzhan spang bar dge 'dun la spongs shig pa'o//lhag pa mang po zhig btsal kun dge 'dun la spang ngam zhe na/ du ma na gang 'dod pa'i mchog gcig go zhes pa yin te dum yod na de'i nang nas gang bzang shos dge 'dun la phul cig pa'o/ /lhag ma gzhan ji ltar bya zhe na/gzhan spang zhes pa yin te gzhan yang yong ye spongs shig pa'o/ /su la spang zhe na/ 'di'i rab tu byung ba la'o zhes pa yin te bdag cag gi rab tu byung ba dge tshul yan chad la spongs shig pa'o/ /lhung bzed tshol te de nyid la lhung bzed ji lta bu sbyin zhe na/'di la tha shal sbyin zhes pa yin te/ de la thams cad kyi tha shal byin cig pa'o/ /gal te btsal ba de nyid tha shal zhig yin na yang de nyid de la byin cig pa'o/ /de yang ji ltar byas te sbyin zhe na/ brims te bsnyigs pa'o zhes pa yin te thams cad la brims nas ngan du bsnyigs la byin cig pa'o//de ltar bsnyigs pa'i las sus bya zhe na/ bskos pas so zhes pa yin te/ gsol ba dang gnyis kyi las kyis bskos pa'i dge slong gis gyis shig pa'o/ /de ltar bskos pa'i dge slong gis las su bya ba'i cho ga ston pa ni/ sang byed du cha na des dge 'dun tshogs pa'i tshe sbran zhes pa yin te sang lta bu 'drim pa'i deng nas du dge 'dun tshogs pa'i tshe sbron cig pa'o//sbran pa'i snyad ji skad du bya zhe na/ tshe dang ldan pa dag sang bdag gis lhung bzed lhan pa med pa brim gyis khyed cag so so'i lhung bzed snoms la dge 'dun gyi nang du sbyon cig ces so zhes pa yin te sbran pa'i snyad 'di skad du gyis shig pa'o//'khod pa'i phyir bsham zhes pa ni dge 'dun 'du ba'i sar chag chag gdab cing gdan gding ba la sogs pa'i zhal ta'ang gyis shig pa'o/ /'dam du gzhug cing brim zhes pa ni dge 'dun gral du bkod pa dang brims la 'dam du chug shig pa'o//brim zhing 'dam du gzhug pa'i snyad ji skad bya zhe na/ gnas brtan lhung bzed 'di srab cing zlum la lhung bzed kyis gal te bzheng na bzhes she'o zhes brim pa'i snyad 'di skad du gyis shig pa'o//lhung bzed ji 'dra'ang rung ste snyad 'di skad du bya 'am zhe na/ yon tan bzhin no zhes pa yin te gong ma kho na skad du mi brjod du mi rung ba med kyi lhung bzed nyid kyi yon tan ji bzhin du brjod cig pa'o/ /'dod na blang zhes pa ni brims pa'i tshe 'dod na lod shig pa'o/ / chod pas khyer na mi blang zhes pa ni mi gcig gnyis kyis chod pa'i 'og na 'dug pas khyer na nga 'dod do zhes de slong shig pa'o/ /tshig lan gnyis ma 'das kyi bar du mi sbyin zhes pa ni gal te gong ma ltar slong na slong ba lan gnyis kyi bar du ni mi sbyin/ lan gsum gyi bar slong na sbyin cig pa'o//ltung ba byung ba la mi 'dor zhing byin gyis mi rlob par bsgo zhes pa ni tha mar ba snyigs pa'i lhung bzed lhung bzed bcol ba'i dge slong de la sbyin pa'i tshe 'di 'dor yang ma 'dor byin gyis kyang ma rlob par chongs shig ces bsgo la byin pa'o/ /ma chag gi bar du dal gyis gzobs shig ces so zhes pa ni 'di ma chag gi bar du ji nas kyang mi gnod par gzobs la spyod cig ces kyang bsgo ba'o//'di gnyis ka spyad do zhes pa ni des bsod snyoms la sogs pa spyod pa'i tshe gnyis ka spyod cig par ston pa'o/ /'di yo byad bzang por bdams par gzhug ces pa ni lhung bzed snod kyang bzang por de gzhug pa la sogs par rim gro bskyed cig pa'o//mi gzan par bdams pas tshegs bskyungs zhes pa ni de'i nang du gzhug pa yang rtsub cing tsha ba la sogs pa gzan pa na ma gzhug par ston cig pa'o/ /sder du'ang ma yin zhes pa ni de'i nang du'ang bza' bar ma byed cig pa'o// lhung bzed tshol ba spang ba'o// // ji ltar byas pas 'thag tu bcug pa'i spang bar 'gyur zhe na/ rin med par bcol zhing gzhan gyis kyang btags na'o zhes pa yin te/ gla ma byin par gnyen ma yin pa'i thag pa 'thag tu bcug pa 'am pho nyas 'thag tu bcug na yang nyes par 'gyur ba'o//gnyen ma yin pa'i tha ga pa ched 'ga' ni gnyen dang bsdongs shing yang 'thag / ched 'ga' ni rab tu byung ba dang bsdongs shing yang 'thag pa nyes pa rangs par ston pa ni/ gzhan gyis bstangs na yang des ma byas pa ma yin zhes pa yin te gzhan dang bsdongs shing 'thag na yang nyes pa rangs par 'gyur ba'o/'thag tu bcug pa spang ba'o// // da ni 'thag pa na skyed pa'i yan lag je ston pa ni/ de'i phyir 'thag na'o zhes pa la sogs pa yin te/ dge slong de'i phyir 'thag pa la 'og ma ltar byas na nyes par 'gyur ba'o//thag pa yug khyim che ba dang thags ran bzang bar byed du bcug na'o zhes pa yin te tha ga pa 'di ltar byed du bcug na nyes par 'gyur ba'o/ /gal te sbyin bdag gi gong na'o zhes pa ni sbyin bdag gis dang po ci spags pa las skud pa yang rung rin kyang rung ste bsnan cing lhag par god na nyes par 'gyur ba'o//gla ma byin na'o zhes pa ni dge slong gis kha chos bzhin du byas pa las sgron skye ba'i gla thud ma byin na nyes par 'gyur ba'o/ /sbyin bdag gis de'i phyir bsgo ba med na byed do zhes pa ni tha ga pa'i gan du song la bdag gar dga' ba'i kha chos gyis shig ces dge slong la bsgo ba med pa'am/tha ga pa la bsgo ba med par dge slong der song zhing kha chos byed na nyes par 'gyur ba'o/ /gang gi tshe rtsa ba'i nyes par 'gyur zhe na/ grub na rtsa ba'o zhes pa yin te nam lag tu thob pa'i tshe nyes pa rangs par ston pa'o//de'i phyir 'dri ba cog nyes byas zhes pa ni stan las 'phags pa la sogs pa de'i phyir las su rtsol lo cog bsdus te nyes byas gcig tu ston pa'o/ /ma bsdams par der song ba'ang de bzhin zhes pa ni khyod kyi gos shig 'thag gis der song shig ces yon bdag gis bos pa med par thags ran bzang po 'dod pa'i phyir de'i gan du ni song la kha chos mi byed na yang nyes pa gong dang 'dra bar ston pa'o//'thag pa bskyed pa spang ba'o// //yan lag gis 'phrog pa spang ba'i nyes par 'gyur zhe na/ dge slong las phral na'o zhes pa la sogs pa yin te gang las 'phrog par bya ba'i mi de gsol ba dang bzhi'i las kyis bsnyen par rdzogs te dge slong yin na nyes par 'gyur ba'o//bdag gi 'phrog na nyes par 'gyur ram gzhan gyi 'phrog na nyes par 'gyur zhe na/ 'phrog pa bdag gim yin na'o zhes pa yin te/ bdag gi 'phrog pa lta ci smos kyi gzhan gyis byin pa de'i phyir phrogs na yang nyes par 'gyur ba'o/ /gzhung las bdag gis byin pa 'phrog na zhes 'byung ba ni gleng gzhi'i tshig tu zad do/ /de gos yin na'o zhes pa ni gzhan las 'phrog pa de yang nor gzhan ma yin gos yin na gdod nyes par 'gyur ba'o//lus dang ngag ldan pa'am gar bas de'am/ des bsgos pa de'i phyir zhugs na byed do zhes pa ni lus dang ngag gnyi ga ldan pas 'phrog gam lus dang ngag ya re 'phrog gam bdag gis 'phrog gam 'phrog tu bcug kyang rung ste/ yan lag 'di rnams kyis nyes par 'gyur ba'o//yan lag 'di dag ltar ldan pas 'phrog pa gang gi tshe kho na nyes par 'gyur zhe na/ lus las logs shig tu bral bar gyur na mtha'o zhes pa yin te 'phrog pa'i gos de lus las logs shig tu bral bar gyur na gdod ltung bar ston pa'o/ / sbyor ba ni nyes byas zhes pa ni nam lus las ma bral gyi bar du spyor ba'o cog nyes byas gcig tu ston pa'o/ /'phrog pa spang bar 'gyur ba de su la spang zhe na/ 'di slar sbyin zhes pa yin te su las 'phrog pa de nyid la byin cig pa'o/ /'dir bdag gi phyir ni yan lag ma yin zhes pa ni bslab pa 'di'i tshe bdag gis byin pa nyi tshe yan lag tu brtsi bar ma zad gzhan gyi phyir 'phrog na yang rtsa ba'i nyes par 'gyur ba'o//bsnyen par ma rdzogs pa 'byin pa dang 'dra zhes pa ma rdzogs pa phyi rol du phyung zhing bskrad pa dang des dge slong phyung zhing bskrad pa nyes pa rangs par mi 'gyur ba bzhin du gos 'phrog pa 'di 'ang bsnyen par ma rdzogs pa las 'phrog gam ma rdzogs pas 'phrog na nyes pa rangs par mi 'gyur ba'o//'phrog pa la rnam pa gsum ste bdag po dang dbral bar 'phrog pa dang / tho 'tshams pas 'phrog pa dang /rigs pa'i dbang gis 'phrog pa'o/ /de la bdag po dang 'bral bar 'phrog pas rtsa ba'i nyes par ston pa ni 'di ni bdag gi ba dang 'bral bar 'phrog pa la brtan to zhes pa yin te/ gos de mi dbang bar bya ba'i phyir 'phrog na gdod nyes par ston pa'o/ / 'phrog pa gnyis po'i dngos po ston pa ni/ tho 'tshams pas byed pa ni shan no zhes pa ste tho 'tshams pa'i phyir 'phrog na nyes par 'bri bar ston pa'o/ /rigs pa'i dbang gis 'phrog kyang bla bar ston pa ni/ brlag cing gnod pa'i glags su 'gyur ba'i dgag pa'i phyir na nyes med ces pa yin te/'phral du gcan gzan dang rkun chom la sogs pa'i nyes yo dang mi sprad pa'i phyir gos 'phrog pa dang rten ngan pa dang sdes pas mi 'dod pa'i 'bras bu smin par 'gyur ba la sogs pa'i nyes pa las bzlog pa'i phyir gos 'phrog pa lta bu la sogs pa ni nyes med par ston pa'o//'phrog pa spad pa'o// //rnam par 'byed pa dang so sor thar pa las ni brtad pa spang ba sngar 'byung zhus pa las 'phrog pa spang ba'i 'og tu zhag drug spang ba la 'byung ba las slob dpon gyis zhus pa las 'byung ba bzhin du zhag drug dbral ba'i spang ba bstan pa ni/dgon pa bag tsha na chos gos gcig grong du bzhag pa ni bdag gi gnas bzhin zhes pa yin te dge slong dgon pa pa rkun chom la sogs pas 'jigs shing bag tsha na chos gos gcig grong du bzhag kyang bdag gi khyim du bzhag pa dang 'dra ste nyes med par ston pa'o//'bral ba'i zhag dus nges par ston pa ni/ 'dis don gyi dbang du khyim pa'i der bskungs na zhag drug tu 'bral zhes pa yin te don ched kyi dbang gis gud du 'gro na dgon pa'i nye gnas sam grong gi nye gnas las logs shig na zhag drug gi bar du 'dug cing gnas kyang bla bar ston pa'o//'dir ni mi rung zhes pa ni zhag drug las lhag tu ni mi rung bar ston pa'o/ /bar chad kyi dbang gis ma 'ongs pa ni nyes med ces pa ni rkun chom la sogs pa'i rkyen gyis btsal te ma 'khor na ni zhag drug las lhag par 'dug kyang nyes med par ston pa'o/ / de la kha cig ni de ltar gud du 'gro ba'i dge slong gis zhag drug las mi thogs par bya'o/ /thar bsams pa la ni zhag tshigs 'di bzhin du nyes par mi 'gyur gyi nyid du slar 'khor bar bsams te song na ni zhag drug ma lon du zin kyang 'bral ba'i nyes par 'gyur ro zhes 'chad pa btsal ba'i phyir/'dir zhag drug lon par bya'o zhes spags te song ba yan lag ma yin zhes pa yin te skabs 'dir gong ma ltar bsams pa dang ma bsams pa'i tshig mi brtsan gyi ji ltar bsams kyang ste zhag drug gi bar du 'bral ba med par ston pa'o/ /zhag drug 'bral ba spang ba'o// //da ni dbyar gyi ras chen spang ba ston pa ste/bdag nam tshul du 'jug pa'i zla ba snga ma nas dbyar gyi ras chen btsal zhes la sogs pa yin te bdag tshul snga phyi gang du 'jug pa'i zla ba gcig gi snga rol nas dbyar gyi ras chen tshol cig pa'o/ /bdag gis dbyar lon nas zla ba phyed tshun chad bcang ces pa ni tshul du zhugs pa'i zla grangs tshang nas zla ba phyed tshun chad dbyar gyi ras chen chongs shig pa'o//nam gyi tshe dbyar gyi ras chen spang ba'i nyes par 'gyur zhe na/ de'i snga phyi dus la byed ces pa yin te/ btsal ba dang bcang ba'i zla tshigs gong du bstan pa las snga phyi khyer na nyes par ston pa'o//snga phyi'i tshigs de'ang gang zhe na/ thal bar bcang na'o zhes pa dang / btsal ba sngas na nyes byas grub na mtha' zhes pa yin te zla ba phyed thal bar bcangs pa dang zla ba gcig pas kyang snga ma'i snga rol nas btsal cing rnyed na nyes byas dang ltung bar ston pa'o/ / ngan na 'bri zhes pa ni rdol cing srab pa la sogs te/ spu bab pa zhig na rnyed du zin kyang nyes pa rangs par mi 'gyur ba'o/ /tshul du 'jug pa snga phyi'i rim pa phal cher yod na snga ma'i rim pa de phyi ma'i rim par sbyar ba'i rigs sam ji lta zhe na/ de ji ltar 'jug pa bzhin du sbyar zhes pa yin te tshul snga phyi gar 'jug pa'i tshul bzhin du zla tshigs snga phyir sbyar ba dang brtad pa'i gos blang ba yang tshul snga phyi gar gzhug pa bzhin du sbyor cig pa'o//de la brtan brus pa ni tshul snga ma 'ba' zhig gi tshe'o/ /dbyar gyi ras chen spang ba'o// // dngos po gang las brtad pa spang ba'i nyes par 'gyur zhe na/ dbyar gyi rnyed pa las byed ces pa yin te dbyar gyi rnyed pa las brtad pa'i spang bar 'gyur gyi mngon du rnyed pa la mi 'gyur bar ston pa'o/ /de'ang ji ltar byas pas nyes par 'gyur zhe na/ dbyar gyi khongs su bdag gir byed na'o zhes pa yin te tshul du zhugs pa zla ba gsum gyi tshe rnyed pa bdag gir byed cing len na gdod nyes par 'gyur ba'o//bsdams pa de ltar bstan nas 'grel pa ston pa ni/ tha ma zhag bcu'i tshe brtad pa'i dbang gis rnyed pa ni ma gtogs zhes pa yin te/ yon bdag nad pa 'am/ 'gro ba 'am/ 'chi ba la sogs pa rkyen brtad ba'i dbang gis 'bul na zhag bcus zla ba gsum du ma tshang ba tsam gyi tshe na blangs kyang bla bar ston pa'o/ /'di 'ang bgos na'o zhes pa ni gong ma star brtad de phul ba yang blang bar ni bya'i/ mod la bgos su zin nas spang bar bstan pa'o//ma bgos na yang ngo zhes pa ni tshul nas byung ba'i rjes la ma bgos par lus na yang spang bar ston pa'o/ /de'i 'grel pa ni/ sbyin bdag gis smras pa'i dbang gis ma yin na'o zhes pa yin te yon bdag gis yon 'di bdag slar ma 'khor gyi bar du mi bgor gsol zhes zer na ni snga ma ltar ma byas kyang bla'o//gang gi tshe ma bgos pa'i nyes par 'gyur zhe na/ de sbed pa dag ma bskos la tshul nas byung ma thag pa'i phyi de nyin na'o zhes pa ste tshul nas byung ba'i phyi de nyin par yang yin la yon de'i rub ma pa yang ma bskos na gdod ma bgos pa'i nyes par 'gyur ba'o//de lta bas na/ 'di mi bgo ba ma yin zhes pa yin te gong ma ltar 'gyur bas na rub ma pa mi bskor mi rung bar ston pa'o/ /brtad pa spong ba'o// // ji ltar byas pas bsdos pa spang bar 'gyur zhe na/ gos gzhan gyis gang zag gzhan nam dge 'dun la spags par shes bzhin du bdag gir bsdos te thob na'o zhes pa yin te yon bdag gzhan gyis gang zag gzhan nam dge 'dun la dbul bar spags shing bsdogs par shes bzhin du kha brngams byas te bdag la 'bul du bcug cing khyer na nyes par 'gyur ba'o//bsngo ba'i tshe nyes byas zhes pa ni bdag gir bsngo ba 'am grub kyi bar du sbyor ba rnams nyes byas su ston pa'o/ /'dir gzhan du na yang zhes pa ni skabs 'di'i tshe gzhan du pa sdos pa bdag gis khyer ba ma yin gyi gzhan 'ga' zhig la ngos mgron byas te bsdos na nyes byas su ston pa'o//de'i 'bras bu na'o zhes pa ni gong ma ltar byas pa thob na yang nyes byas su ston pa'o/ /gzhan yang ngo zhes pa ni gos ma yin te zas la sogs pa bdag gis khyer na nyes byas su ston pa'o/ /'gogs shing klon pa'i sems can ma yin na yang do zhes pa ni rtsig pa dang ka ba la sogs pa sems can ma yin pa'i rgyan dang yo byad bsnor zhing spangs na yang nyes byas su ston pa'o//phyogs gcig na yang ngo zhes pa ni ka ba thog drung gi rgyan bsnor ba 'am mchod rten gyi khri 'phang gi rgyan bsnor zhing bskul na yang nyes byas su ston pa'o/ /lhag rol za ba'i byol song la sogs pa btsal te ma rnyed pa ni nyes med ces pa ni mi dang byol song la sogs pa lhag rol za ba la ni sbyin par bsngogs te khyer khyer ba las btsal te'ang ma rnyed nas gzhan byin pa na nyes pa med pa'o//bde bar gshegs pa'i gzugs brnyan brnyan por nang bskul ba ni bla zhes pa ni sku gzugs kyi rgyan brnyan por nang bskul ba la nyes med par ston pa'o//spags te ma byin pa ni nyes byas zhes pa ni ci yang rung ste pa rol sbyin par bsdogs te/ ma byin na nyes byas su 'gyur ba'o/ /mtshams kyi phyi rol du dong ste dge 'dun gyis byin gyis rlob na'o zhes pa ni shi ba'i nor lta bu mtshams gcig gi dge 'dun spyir dbang ba las dge 'dun kha cig mtshams kyi phyi rol du 'thon te/der 'thon pa nyi tshe dbang bar kha brngam byed cing byin gyis rlob na yang nyes byas su ston pa'o/ /ma tshogs par 'god na'o zhes pa ni shi ba'i yo byad 'god pa'i tshe dge 'dun kun ril gyis ma tshogs par bgos na nyes byas/byin gyis ma brlabs na'o zhes pa ni shi ba'i yo byad la sogs pa bdag cag dbang bar byin gyis ma brlabs par bgos na yang nyes byas su ston pa'o/ /gcig gam gnyis sam gsum dge 'dun las thob cing dbang byin na'o zhes pa ni dge 'dun mang po zhig dbang ba las de'i nang nas gcig gnyis kha zas spag tu bor te ma byin bar bgos na nyes byas su 'gyur ba'o/ci'i phyir de ltar zhe na/ 'dir gzhan gyi shas med par mi 'gyur zhes pa yin te ma thob pa rnams kyang shas dbang ba'i phyir de lta'o//gong du bstan pa de dag rku sems med na ni de ltar 'gyur na rku sems yod na ji ltar 'gyur zhe na/ rku sems kyis na 'phrog pa'o zhes pa yin te mtshams kyi phyi rol du byin gyis rlob pa man chad rku sems yod na ni pham par ston pa'o//gtsug lag khang stod par bor ba'i yo byad nyen 'khor gyi gtsug lag khang du gtams pa gtan du bsngos par mi 'gyur zhes pa'i zhar la ston pa ni/ 'dod byar du gtsug lag khang stong par mi bya zhes pa yin te pha rol gyi 'khor 'od ba la sogs pa mi bde ba'i rkyen chen po med par gtsug lag khang 'dod byar du stod par ma byed cig pa'o//der 'go ba la bcol zhing gtad ces pa ni gal te stong par dor dgos pa'i rkyen cig byung na gtsug lag khang dang de'i yo byad su der 'go ba la gtad cing chol cig pa'o/ /ma 'ongs na lo bcur bsdad ces pa ni dge 'dun nam yon bdag gud du dong ste slar ma 'khor na lo bcu'i bar du yang sdod cig pa'o//de'ang ji ltar byas te lo bcu'i bar du bsdad ce na/ lo lnga bsod snyoms so zhes pa dang / sbyin bdag dus 'di'i bar du'ang med na yang nyen kor gyi gtsug lag khang gi zhar la'o zhes pa yin te lo lnga'i bar du ni bsod snyoms bza'/de nas yang lo lnga'i bar du nyen kor gyi gtsug lag khang gi zhar la 'dug shig pa'o/ /nyen kor gyi gtsug lag khang gi zhar la 'dug pa'i thabs ji ltar bya zhe na/ las kyis gso sbyin tha dad cing rnyed pa gcig par bya zhes pa yin te btsun pa'i dge 'dun gson cig /gtsug lag khang ming 'di zhes bgyi ba'i bdag po rgyal pos bzung ba'i slad du gal te dge 'dun dus la bab cing gnang ste bzod na gtsug lag khang de dang 'dir gso sbyin tha dad cing rnyed pa gcig tu bgyis te 'di ni gsol ba'o//btsun pa'i dge 'dun gson cig gtsug lag khang ming 'di zhes bgyi ba'i bdag po rgyal pos bzung ba'i slad du gtsug lag khang de dang 'di'i dge 'dun du gso sbyin tha dad cing rnyed pa gcig par bgyis/ tshe dang ldan pa dag las gang bzod pa ni ma smra shig /gang mi bzod pa ni smros shig ces pa ni las te 'di skad du gsol ba dang gnyis kyi las kyis gso sbyin tha dad cing rnyed pa gcig par gyis shig pa'o/ /srung ba'i dge slong des kyang btang ste gud du 'gro ba'i tshe ji ltar bya zhe na/ gtong ba'i tshe dngos po rnams nyen kor gyi gtsug lag khang du gdams zhes pa yin no//gnas na sbyin zhes pa ni gtsug lag khang der dge 'dun gnas na gtams pas yo byad slar byin cig pa'o/ /gnas tha dad pa'i rdzas gnas tha dad par mi sbyin zhes pa ni gtsug lag khang so so'i yo byad phan tshun ma sbyin cig pa'o/ /de dag mi ster na dgug ces pa ni gtams pa brnogs te mi ster na der ma gnang bar khugs shig pa'o//khyim bdag de nyid kyi na yang nges pa mi 'khru zhes pa ni yon bdag gcig gis gtsug lag khang kha gnyis su brtsigs kyang gtsug lag khang so so'i yo byad gtan du nang ma bsnor cig pa'o/ / mi ster na mthus blang zhes pa ni gtsug lag khang gi yo byad gtams pa la sogs pa gang yang rung bsnogs te slar mi ster na nan po ches kyang phrogs shig pa'o/ /gnas tha dad pa'i rdzas gnas tha dad du ye mi sbyin nam zhe na/ brnyan por ni sbyin zhes pa yin no/ /byang chub pa dang chos kyi 'khor lo dang cho 'phrul chen po dang lha las babs pa 'di dag ma gtogs pa gzhan ma grub na de'i rnyed pa mchod rten gzhan la bsdos kyang nyes med ces pa mchod rten chen po 'di dag ma yin na ni mchod rten phal la dbul bar bsham ma bshams pa las chom rkun la sogs pa'i rkyen gyis dbul du ma bde ste de ma yin ba'i mchod rten gzhan la phul ba lta bu nyes med/mchod rten chen po rnams la dbul bar bsams pa'ang rkyen 'di lta bus btsal na chen po nang bskul ba ni nyes med/ bsngo ba spang ba'o// //bstsags pa'i zhar la ston pa ni/ bdun par byin gyis brlabs pa'i zhag 'das pa dge slong thos par bya zhes pa yin te zhag bdun pa'i sman du byin gyis brlabs pa'i zhag 'das shing /dge slong dag la zhag 'di rnyed thal lo zhes mi brjed par bya ba'i phyir snyod cig par ston pa'o/ /ji ltar byas pas bzhag pa spang bar 'gyur zhe na/ bza' ba'i phyir bcangs na'o zhes pa yin te bza' ba'i phyir bsrel cing bcangs na nyes par 'gyur gyi zos na ni bstsags pa'i ltung ba nyi tsher 'gyur ba dang zos zin na spang ba'ang med pa'i phyir bcangs zhes smos so/ /so sor thar pa las zos na zhes 'byung ba ni ma bcangs kyi bar du bzar med pas na'o//rnam par 'byed pa'i ltung ba 'chad pa las kyang bcangs pa tsam gyis spang ngo zhes 'byung ngo / /ci bcangs pa zhe na/ 'di'o zhes pa yin te/ zhag bdun par byin gyis brlabs pa las nyes par 'gyur ba'o/ /gang gi tshe zhe na/ brgyad kyi skya rengs shar na'o zhes pa yin te bcangs pa brgyad kyi skya rengs shar na nyes par 'gyur ba'o//zhag bdun bar byin gyis brlabs pa bcangs pa'i nyes pa ni gong du bstan pa lta bu yin blangs pa dang nad du las pa dang nad du btsos pa la sogs pa dang / dus kyi dang thun gyi dang zhag bdun pa dang nam 'tsho'i bar du rnams dang mi rung bar 'dres pa dang dus kyi dang thun gyi la sogs par 'dres pa rnams bza' ba'i phyir bcangs na nyes pa cir 'gyur zhe na/mi rung ba'i zas zhag 'das pa ni 'dir zos pa bzhin du gzugs zhes pa yin te gong du ming gis smos pa 'di dag bza' ba'i phyir bcangs sam mi rung ba dang 'dres pa zhag tshigs las 'das par bcangs na zos pa nyes par 'gyur ba'i rim pa bzhin du bcangs pa'ang nyes par ston pa'o//'di gang gi ched du spags pa de'i phyir nyes med ces pa ni gang 'og nas 'byung ba lta bu'i ched du spags shing bzhag pa ni nyes med par ston pa'o/ / de'ang gang zhe na/ sna dang byug pa yir bzhag pa ni rung zhes pa yin te snar blugs pa dang lus la bsku ba la sogs pa'i yo byad du tir lta bu la sogs pa bsrel cing bcangs kyang nyes med par ston pa'o/ /zhag bdun spang ba'o/ /spang ba rnams rdzogs s+ho// //spang ba ltung ba de ltar bstan pa'i 'og tu ltung ba nyi tshe ston te de'ang spang du med cing ltung ba 'ba' zhig bshags pas tshangs pa'i phyir ltung ba nyi tshe zhes bya ste/grangs ni dgu bcu yod do/ /de yang so sor thar pa las brdzun gyi ltung ba dang por smos pas na/ phas pham par gtogs pa'i brdzun dang dge 'dun gyi lhag mar gtogs pa dang sbom por gtogs pa dang nyes byas su gtogs pa dang ltung bar gtogs pa lnga las gnyis ni gong du bstan zin/gsum ni da ston to/ /de la yang spom por gtogs pa dang nyes byas su gtogs pa bshad bla ba'i phyir spyir je ston pa ni/ shes bzhin du chos ma yin pa chos yin pa dang chos yin pa chos ma yin par dge 'dun gyi mdun du sgrogs na nyes pa sbom po'o zhes pa dang /gso sbyin gyi tshe 'di na kun gtsang bar gnas sam zhes lan gsum gyi bar du smras na mi gtsang ba'i 'du shes kyis mi smra bar brnogs pa nyes byas zhes pa yin te 'di skad du chos yin ba dang ma yin bar smra ba dang /gso sbyin gyi tshe 'di ltar dang na 'then byed na spom po dang nyes byas su 'gyur bar ston pa'o/ /ltung bar gtogs pa'i brdzun du smra ba ni/ 'di gnyis dang phas pham pa dang dge 'dun gyi lhag ma gnyis las gzhan pa ni brdzun smra ba'o zhes pa yin te/gong du bshad pa rnam gnyis dang phas pham pa dang dge 'dun gyi lhag ma gnyis te bzhi gtogs pa'i brdzun du smra ba'o/ /cho ga ltung bar ston pa de de yang dngos po'i dbang gis ma yin gyi 'du shes kyi dbang gis dbye'o/ /dang po nas brdzun du smra bar bsams te smras pa brdzun du 'gyur ba lta smos mi dgos kyi smra ba'i tshe kho na brdzun du 'du shes pa brdzun ma yin no zhes par re ba btsal ba'i phyir/smra ba'i tshe yang 'du shes rnyed na 'dir 'gyur zhes pa yin te smra ba'i tshe kho na bdag gis brdzun smras so bar shes na yang brdzun du mi 'gyur ba ma yin par ston pa'o//mna' mi dor zhes pa ni dngos po 'ga' zhig mna' sa brtsangs kyi/ gzhan thams cad brdzun du 'gre ba'i phyir mna' yong ye ma 'dor cig par ston pa'o/ /brdzun du smra ba ltung ba'o// // mi la smod par smra ba ltung bar ston pa ni/ dge slong zhes pa la sogs pa yin te smad pa'i mi de dge slong yin na gdod nyes pa rangs par 'gyur ba'o/ /'og ma yang ngo zhes pa ni 'di'i 'og nas phra ma'i ltung ba byung ba yang dge slong la smras nas nyes pa rangs par ston pa'o/ /dag pa'i sems kyis smod pa byung yang srid pas na de'i bye brag ston pa ni/smad par 'dod pas zhes pa yin te 'di smad par bya ba brjod do snyam du bsams te smras na'o/ /smra ba'i tshig de'ang ji lta bus she na/ 'jam pa 'am rtsub pas so zhes pa yin te 'jam rtsub gang skad du smras kyang rung ba'o/ /gang ji ltar yang rung mi brin bar bsams te smras na'o zhes ni lus dang sems gang gi skyon yang rung zhar ba'am ngan pa zhes pa la sogs pa smad cing mi brin bar bya ba'i ched du bsams te smras na nyes par 'gyur ba'o//gnod par ma gyur kyang ngo zhes pa ni de ltar smad pas gnod pa skyengs shing sma bab par ma gyur kyang nyes pa rangs par ston pa'o//rje'u dang bram ze la sogs pa gzhan ni nyes byas zhes pa ni 'di skad du zer zhing mi brin par smod pa ni 'jig rten pa yongs kyis mtshang du mi lta ba'i phyir nyes byas las med par ston pa'o/ /dge tshul la sogs pa la smras pa ni nyes pa 'bri ba'o/ /smod par smra ba'o// // phra ma'i ltung ba ston par 'dod pa ni/ phra ma 'dod pas che ge mo 'di skad zer ro zhe sa smra na'o zhes pa la sogs pa yin te/ pha rol dbye ba'i phyir che ge mo zhig khyod la 'di skad zer ro zhes slos na ltung bar 'gyur ba'o/ /de'ang spyir smos pa tsam gyis sam zhe na/ ming nas na'o zhes pa yin te gong ma skad du zer ba'ang ming nas brjod na gdod nyes pa rangs par 'gyur ba'o//'di'ang dge slong na'o zhes pa ni ming nas 'byung ba de'ang dge slong yin na gdod nyes pa rangs par 'gyur ba'o/ /gzhan du na nyes byas zhes pa ni ming nas 'byung pa de dge slong ma yin nam ming nas ma smos na nyes byas su 'gyur bar ston pa'o//phra ma'o// // skyo sdogs byed pa'i ltung ba ston par 'dod pa ni/ 'brid ces pa la sogs pa yin no/ /'du shes pa'i yul gang yin pa ni/ dge 'dun gyis yang dag par spyad ces pa yin te dge 'dun gyis gtan la bab cing yang dag par bcad par shes bzhin du 'og nas 'byung ba ltar byed na nyes par 'gyur ba'o//dge slong dag rtsod na'o zhes pa ni rtsod pa gnyis ka'ang dge slong yin na nyes pa rangs par 'gyur ba'o/ /ji ltar byas pas nyes par 'gyur zhe na/ skye na'o zhes pa yin te dge 'dun gyis bcad pa'i 'og tu bcad pa 'di nyes shing mi rung ngo zhes skyo sdogs byed na nyes par 'gyur ba'o//sus de ltar byed na rtsa ba'i nyes par 'gyur zhe na gzhi ba dang las byed pa dang dad pa dbul ba rnams na rtsa ba'o zhes pa yin te gzhi la 'dug 'dug pa dang rtsod pa zhi ba'i las byed pa dad rtsod pa zhi ba'i las byed pa'i tshe dad pa rmas na ma nongs kyis de ltar mdzod cig ces dad pa phul ba'i mi 'di rnams gong ma ltar skyo sdogs byed na rtsa ba'i nyes par 'gyur ba'o//bsams pa brjod pa dang 'ongs pa dag ni nyes byas zhes pa ni kho bo'i yid la ni 'di snyam byed ces bsams pa brjod pa dang gud nas 'ongs la dang po'i lo drug mi shes pa zhig na re dge 'dun gyis las byas pa nyes so zhes zer ba ni nyes byas su zad bar ston pa'o//rtsod pa rtsod pa gzhan du bar shes pa ni de bzhin zhes pa ni rtsod pa'i gleng gzhi nor to skyo sdogs byed pa yang ma nor cing yang dag par shes la skyo sdogs byed pa dang 'dra bar ston pa'o/ / las kyi 'bras bur 'gyur ba la gtam bab par brjod na phyed do zhes pa ni gsol ba la sogs pa'i las kyi 'bras bu bslab pa byin pa la sogs pa'i don du yod cing grub pa las don du ma gyur cing las su ma rung ba skad du the tshom skur zhing smra na nyes byas su 'gyur bar ston pa'o/ /skyo sdogs byed pa'o// // da ni 'chad pa'i ltung ba ston te gong du reg pa'i lhag ma 'chad pa'i tshe bud med las byed/ khyim pa mo 'chad/ rig pa'i skyes pa tha dad du ma bzhag ces pa la sogs pa spyi'i mtshan nyid bstan pa las gzhi blangs te/ rang gi mtshan nyid kyi bye brag tsam zhig ston pa ni/'chad na zhes pa la sogs pa yin te 'chad nyes par 'gyur ba'o/ /ci bshad pas she na/ chos zhes pa yin te de bzhin gshegs pas bstan pa'i chos bshad na'o/ /de'i tshad ston pa ni/ tshig drug las lhag pa zhes pa dang / lhag par shes pa zhes pa dang / sngar brtsams la tshig lnga las so zhes pa rnams yin te tshig drug bshad par brtsams pa las bdun du lhag pa dang lnga bshad par brtsams pa las drug du lhag pa rnams lhag par shes bzhin nyes pa rangs par ston pa'o//mkhas pas lan dang yang lan dris par 'chad pa dang / zhu ba dang 'don pa dang / 'dri ba dang /nyes par gnas pa 'bogs pa dang sbyin 'chad pa rnams ma yin no zhes pa ni rkyen 'di rnams lta bu'i tshe lhag par bshad du zin kyang nyes pa med par ston pa'o/ /de la bshad pa'i rjes gcod cing thug thub du dri ba'i lan bshad pa ni mkhas pas lan dang / yang lan dris pa 'chad ces pa yin no kha ton slob pa ci lobs pa'i rnams nyes sam ma nyes slob dpon gyi mdun du slob pa ni zhu ba'o//kha ton slob par 'bogs pa ni 'don pa'o/ /skabs skabs tshig dang don ji lta bu yin zhes 'dri ba ni 'dri ba'o/ /nyin zhag gcig gi bar du khrims brgyad 'bogs pa ni nye bar gnas pa 'bogs pa'o/ /zas dang yon zos shing sbyin pa'i 'og tu tshigs bcad glog pa ni sbyin pa 'chad pa'o//gnas spos na snga ma byas pa yin zhes pa ni tshig lnga 'am drug bshad cing gnas yang spos te bshad pa ni nyes med par ston pa'o/ /'chad pa'o// //klog pa'i ltung ba ston par 'dod pa ni/ gzhung gi chos dang yi ge yang bsnyen par ma rdzogs pa dang mnyam pa'am 'dor bar klog na'o zhes pa la sogs pa yin te mdo la sogs pa gzhung gi chos dang yi ge yan chad bsnyen par ma rdzogs pa dang mnyam pa'am des sngar spags pa'i mjug thogs su klog na chos dang ston pa gus pa'i phyir ltung bar 'gyur ba'o//de la gzhung dang chos shes gnyis su sprel pa ci'i phyir zhe na/ mu stegs pa lta bu'i chos gzhung yod du zin gyis kyang yang dag pa'i chos med pa dang mkhan po'am slob dpon dag gis gtsug lag tu bsdus pa lta bu chos yin du zin gyis kyang gzhung rangs pa med pas na de lta bu nyen bstsal ba'i phyir gzhung gi chos zhes smos pa yin no//mi 'dod par grub pas gtogs zhes pa ni bsnyen par ma rdzogs pa dang /mgrin mnyam pa'am/ de 'dor te klog par ma dad bzhin du bsnyen par ma rdzogs pa de dag gi'am rgod pa la sogs pa'i dbang gis 'dor ba'am mnyam par gyur na nyes med par ston pa'o/ /bsgo nas klog tu gzhug ces pa ni snga mas bsnyen par ma rdzogs pa lam mnyam pa'am thal te klog pa ma byed bar phyi bzhin du lhog shig par ston cig pa'o//'don pa dang slos pa dang 'dri ba yang ngo zhes pa ni sngon ston pa dang lobs pa slos pa dang skabs skabs su ma go ba 'dri ba de dag gi tshe ni sngon ma bskams pa ma yin pas na mnyam par klags kyang bla bar ston pa'o/ /klog pa'o// // gnas ngan len du smra ba ston pa'i zhar la de dang 'brel yang ston pa ni/sdig pa'i dge slong pha dang dge slong ma khyim du sgrogs pa bsgo zhes pa ni sdig spyod pa'i dge slong pha'am dge slong ma zhig yod na dge 'dun spyir dri mi snga ba'i phyir khyim khyim du sgrogs shing snyod pa'i dge slong skos shig pa'o/ /de ltar bskos pa'i dge slong gis snyad ji skad du bsgrags she na tshe dang ldan pa dag nyon cig 'di lta ste 'bru'i zhing rdzogs pa'i/'bru de dag kha gdag pa dang chud gzan pa dang mi rigs pas gtan nas bslang ba'i phyir ser drag 'bebs pa dang / bu ram gyi zhing rdzogs pa kha gdag pa dang chud gzan pa dang mi rigs pas gtan nas blang ba'i phyir gcod ces bya'i nad kyis 'joms pa ltar khyim du khyim sun 'byin pa dge sbyong gi gnas su dge sbyong gnas sun 'byin pa'ang yod de/dge slong pha'i dang dge slong ma 'di / 'di chos dang 'dul ba la chos bzhin du skye ba'i chos med pas na tshe dang ldan pa khyed cag dge slong pha 'di dang dge slong ma 'di las bstan pa'i tshad du ma byed par/ bcom ldan 'das dang gnas brtan rgan rabs kyi dge slong dag la ltos shig khyim du sgrogs pas khyim du smros shig ces pa yin te sgrogs par bskos pa des snyad 'di skad du bsgo shig pa'o/ /mos pa med pa lta na gsol ba bya zhes pa ni gong ma ltar sgrogs pa'i dge slong 'ga' zhig bskor sha 'khon gyis 'dzem ste ma dad na dge 'dun chun gyis sgrogs pa'i gsol ba gyis shig pa'o//'brid 'du shes brtsan pa de gang zhe na/ nyan pa rgyus mi shes shing bsnyen par ma rdzogs na'o zhes pa yin te sdig pa'i dge slong pha'am dge slong ma yin par rgyus ma shes pa dang bsnyen par ma rdzogs par shes la de la zer na nyes par 'gyur ba'o//ji ltar byas pas gnas ngan len gyi nyes par 'gyur zhe na smras na'o zhes pa yin te gong du smos pa lta bu'i mi la smras na gdod nyes par 'gyur ba'o/ /smras pa ji smras pas she na/ phas pham pa dang dge 'dun gyi lhag ma'o zhes pa yin te phas pham pa'am dge 'dun gyi lhag ma yod par smras na gdod nyes par 'gyur ba'o//su la nyes par 'gyur zhe na/ ma bskos pa'o zhes pa yin te sgrogs par ma bskos par smras na nyes par 'gyur ba'o/ /nam yang rung nyes par 'gyur ram zhe na/ dge 'dun gsol na'o zhes pa yin te dge 'dun chun gyis bsgrags par byas pa ma yin pa'i tshe gnas ngan len smra na nyes par 'gyur ba'o//gnas ngan len smra ba'o// // mi las bla ma'i chos sgrogs pa ltung ba ston par 'dod pa ni/ bden yang ngo zhes pa yin te mi'i chos las bla ma'i chos la sogs pa ji ltar smra ba'i mtshan nyid ni phas pham pa'i tshe bshad zin pas na de las mi 'dra bar bden pa tsam zhig yod du zad pa'i phyir bden yang ngo zhes smos pa yin no//gang zag ji lta la smras pas she na bden pa ma mthong ba'i bsnyen par ma rdzogs pa'o zhes pa yin te bden pa ma mthong ba'i dge tshul dang khyim pa la smras na nyes par 'gyur ba'o/ /khyim pa'i mdun du rdzu 'phrul mi bstan ces pa ni gdul ba'i ched ma yin na rdzu 'phrul khyim pa'i mdun du ma ston cig pa'o//ston pa'i mdun du dge slong ma yin zhes pa ni ston pa'i spyan sngar dge slong ma rdzu 'phru ma byed cig pa ste mdo 'di gnyis ni phran tshegs las 'byung ngo mi las bla ma'i chos smra ba'o// // skur pa 'debs pa'i ltung ba ston pa'i thog ma nyid du 'dul ba thams cad kyi ched du dgos pa ston pa ni/ ched che ba'i don cig na gsol ba thog mar byas pas don sgrub ces pa yin te mal cha rdzi la sogs pa las ched chen por bskos na gsol ba la sogs pa'i las je gyis la de nas gdod bskos shig par ston pa'o//su la skur ba'i nyes par 'gyur zhe na/ dad pa sbyin pa'o zhes pa yin te dad pas 'bul ba de skur pa 'debs na ltung bar ston pa'o/ /ji ltar byas pas skur ba'i nyes par 'gyur zhe na/ dge 'dun gyis zas ma yin pa'i rnyed pa gang zag la log par bsngos so zhes dge slong la ming gis mi smos par gzhan la smra na'o zhes pa yin te dge 'dun spyi'i gos kyi rnyed pa gang zag gis kha bsdus shing khyer ro zhes dge slong la zer na nyes par 'gyur ba'o//mi bden pa'i don gyis na'o zhes pa ni gong ma ltar skur pa'ang mi bden na gdod nyes par 'gyur ba'o/ /skur pa 'debs pa ltung ba'o// // khyad du gsod pa'i ltung ba ston pa ni/ 'dul bar gtogs pa smra ba na kha tshas zer ba'o zhes pa yin te 'dul bar gtogs so cog smra ba na phran tshogs de dag tsam gyi tshod ces kha tshas zer zhing khyad du gsod na nyes par 'gyur ba'o/ /so sor thar pa las mdo 'don pa na zhes pa ni gleng gzhi tsam du zad do//mdo la nyes byas zhes pa ni mdo sde la 'phya na nyes byas su 'gyur bar ston pa'o/ /de'i nang nas 'dul ba'i lag tu smos pa la 'phya na ni nyes pa rangs par yang 'gyur ro/ /ma lta bu la 'phya ba'ang de bzhin/ khyad du gsod pa'o// // sa bon dang skye ba 'joms pa'i ltung ba ston te de'i gnas pa je ston pa ni/las sar pa las mchod rten dang dge 'dun gyi phyir shing bcad do zhes pa yin te don ched 'di lta bu'i phyir ni shing bcad kyang bla bar ston pa'o/ /mchod rten zhes pa'i nang du ni chos kyang gtogs so/ /de la gcod pa'i cho ga je ston pa ni/ zhag bdun nam brgyad kyi snga rol nas de'i drung du dkyil 'khor dang /dri dang me tog dang spos dang mar me dang gtor ma byin zhing rgyud gsum klags la sbyin ba bshad de shing 'di mchod rten dang dge 'dun gyi ched du byas shing 'di la gnas pa'i lha su yin pa de gnas gud du tshol cig ces bsnyad la shes par gyis shig ces pa'i tshig gis so/ /zhes pa yin te thabs dang snyad 'di dag ltar bya zhing chod cig pa'o//me 'bar/ khrag zag / yal ga g.yo/ 'dab ma ltar gas pa la sogs pa ji ste 'gyur ba lta na des shing la sbyin pa dang / ser sna'i bsngags pa dang / mi bsngags pa bya zhes pa ni shing gcod pa'i tshe ma dad cing mi ster ba'i tshul 'di ltar byed na/dkon mchog bsod nams kyi zhing yin te de la phul na legs par 'gyur ba rgyas par bsngags pa dang ser sna byas na dog cing mi bde bar 'gyur ba'i rnam par smin pa'i mi bsngags pa shod cig pa'o/ /de ltar byas kyang 'gyur ba mi gtong na ji ltar bya zhe na/ mi gtong mi bcad ces pa yin no//'brid/ 'du shes brtsan ba de gang zhe na/ ma nyams na'o zhes pa yin te ma nyams par shes bzhin du bcom na nyes par 'gyur ba'o/ /de gang zhe na/ sa bon dang 'khrud ba tha dang ba rud bar ma byas na'o zhes pa yin te sa bon rnam lnga dang shing rtswa la sogs pa 'khrud ba tha dad pa'i rnam pa yin pa dang rung bar ma byas par shes bzhin du gong ma ltar byas na nyes par 'gyur ba'o//ci nyams par byas pas she na/ rtswa bran nyams par byas pa yan chad do zhes pa yin te rtswa bran yan chad nyams par byas na nyes par 'gyur ba'o/ /ji ltar byas pas nyes par 'gyur zhe na/ gang ji ltar yang rung zhes pa yin no//bsgul bas kyang ngo zhes pa ni shing bsgul te lo ma dang 'bras bu lhags na yang nyes par 'gyur ba'o/ /rtswa dang 'ji ba dang sa la sogs pas mnan na'o zhes pa ni 'di dag gis mnan te nyams par byas na yang nyes par 'gyur ba'o/ /dor ba la sogs pas kyang ngo zhes pa ni khrud ma la sogs por bas nyams na yang nyes par 'gyur ba'o//rlung dang tsha ba la bzhag pas kyang ngo zhes pa ni 'di dag lta bus bsrad na yang nyes par 'gyur ba'o/ /skams kyang ngo zhes pa ni skams sar bting zhing bsrad na nyes par 'gyur ba'o/ /de ltar byed pa'i bsam pa ji lta bus she na/ der 'dod na'o zhes pa yin te/gong ma ltar byed pa yang ched du nyams par byed na gdod nyes par 'gyur ba'o/ /de'ang sus she na/ bdag gam gzhan gyis so zhes pa yin te bdag gam gzhan gang gis kyang rung ba'o/ /gang gi tshe ji lta bu'i nyes par 'gyur zhe na/ nyams na rtsa ba'o zhes pa yin te nam nyams par byed pa'i tshe nyes par ston pa'o//sbyor ba gcig gis du ma zhig nyams par byas na nyes pa gcig tu zad dam zhe na/ nyams pa snyed do zhes pa yin te nyams pa'i grangs du yod pa bzhin nyes par 'gyur ba'o/ /nyams pa ji snyed pa snyed du nyes pa'ang de snyed du 'gyur na sdong po gcig la yal ga dang lo ma mang po zhig yod pa rnyed pa nyes par 'gyur ram zhe na/sdong po ni'o zhes pa yin te sdong po bcad na gcig bcad pa'i nyes par zad kyi yal ga la sogs pa'i nyes pa phal pa cher mi brtsi 'o/ /sbyor ba ni nyes byas zhes pa ni gcod par shom pa'ang nyes byas su ston pa'o/ /sbyor ba du mas dngos po gcig gcod na nyes pa gcig tu zad dam zhe na/'dir dngos po tha mi dad na srun pa re res dbye zhes pa yin te dngos po gcig na yang sta gam la sogs pa bsnun pa re re nyes byas re rer 'gyur bar ston pa'o/ /skye yang phyung mtha'o zhes pa ni phyung ste gud du bskyed na/ mi skam zhing skyer zin gyis kyang phyung ba'i tshe nyams pa'i mthar 'gyur bar ston pa'o//nya lcibs dang chu ldum chu las 'phags na de bzhin zhes pa ni 'di dag chu'i nang nas bton na skyer zin gyis kyang bton na nyes par 'gyur ba'o/ /tshi gu ma bcom par mid na phyed du byed ces pa ni shing thog gi tshi gu gud du ril mid byas na yang nyes pa phyed du byas par ston pa'o/ /ji ste 'di bcad na legs so zhes zer na bcug pa'i 'o zhes pa ni 'di skad zer na yang gcod du bcug pa'i phyed yin pas na nyes byas su ston pa'o//'phrul gyis na phyed pa ma yin rdzu 'phrul gyis bcad pa nyes med par ston pa'o/ /sa bon sa bon gzhan du 'du shes pa ni de bzhin zhes pas sa bon lnga nor te nyams par byas na yang sa bon du 'dra ba'i phyir nyes pa rangs par 'gyur ba'o//shun skam dang slang mched pa'i 'dab ma dang me tog rgyas pa dang 'bras bu smin pa rnams phyed nyams pa zhes bya'o zhes pa ni ming gis smos pa 'di dag lta bu nyams par byas na phyed nyams par ston pa'o/ /de dag rang bzhin gyi rtsa ba las ma gyur na ma yin zhes pa ni gong du ming gis smos pa rnams nyams su cha ba'i rkyen ltar ma gyur te rang bzhin ni sngon gyi so na 'dug pa nyes par byas na ni phyed du 'gyur ba ma yin pa'ang ston pa'o//sa bon du btab pa rtsa ba ma skyes pa'i sa bon ni phyed skyes pa'o zhes pa ni sa bon du btab pa la rtsa ba ma zug pa nyams par byas na phyed skyes pa nyams par byas par ston pa'o//pha ba dgo dgo dang sha mo dang sha bal dang bya ma bum dang gos la sogs pa'i rlabs ni 'khrung ba tha dad pa'i phyed do zhes pa ni 'di dag nyams par byas na yang phyed nyams par ston pa'o/ /khu tshan 'bo ba la sogs pa drangs pa dang dkyil 'khor dang phyag dar de dag gir bsams na nyes med ces pa ni bcad cing nyams par bya ba'i phyir ni ma yin gyi 'di dag bya ba'i zhar la snad cing nyams pa nyes med par ston pa'o//rtswa la sogs pa bcings te 'phongs la mi 'chor ba lta na bcad ces pa ni kun 'joms kyi rtsa ba la sogs pa la brtod cing bcings la 'grol ba gzhan med de mi thar na chod cig pa'o//dge slong mang po zhig de ltar bcings na kun gyis bcad dam zhe na/ gal te du ma na gcig gis so zhes pa yin te/ du ma bcings na gcig gis chod la gzhan khrol cig pa'o/ /sa bon du mi rung ba nyes par mi byed ces pa ni 'bras bu ma smin pa ka go na dang lgang srugs lta bu la sogs pa nyams par byas kyang nyes med par ston pa'o//rung bar bya ba ji lta bu zhe na/ mes reg pa dang tshon dang sen mo dang ne tsos 'tshos ba dang rnyes pa dang byung ba dang grub pa dang gshegs pa dang gtubs pa rnams rung ba'o zhes pa yin te 'di dag ltar byas na rung bar chud pa'o//brtags pa sa bon du mi rung ba'i drod kyis mi bzung zhes pa ni sa bon du mi rung ba la thug pa'i bar du brtags pa ma yin gyi reg pa tsam gyis chog par ston pa'o/ /'dir blangs pa yang me'i go zhes pa ni blangs pas phog pa yang mes brtags pa dang 'dra bar ston pa'o//'bras bu mes rung bar bya ba ni bsdus pa'i spyi brtsan te yang dag pa'i grangs su'o zhes pa ni dgun lta bu la sogs pa nyag ma re re nas brtags na thogs pa'i phyir spyir brtags pas chog par ston pa'o / /bsdus pa'i phyogs gcig tu ba ni 'grub par 'gyur ba ma yin zhes pa ni spyir brtags pa de'ang sa phyogs sam kha 'ga' nas brtags pas mi chog gi kha du ma nas rung bar gyis shig pa'o//dge slong gis byas pa'ang rung bar byas pa'o zhes pa ni dge slong gis rung bar byas na yang mes rung bar bya ba nyi tshe ma gtogs te gzhan gyis rung bar byas pa rung bar chud pas na dge slong gzhan gyis ni zos kyang bla bar ston pa'o//mi rung ba'i sar yang ngo zhes pa ni dge slong gi gnas dang nye gnas tshun chad kyi nang du mes rung bar bya ba ma gtogs pa gzhan gyis rung bar byas kyang bla bar ston pa'o/ /zhag bdun pa dang nam 'tsho ba dang chu bsil pos ma btab par mi bza' zhes pa ni 'di dag gi smad kyang chu bsil pos ma btab par zos na nyes byas su ston pa'o//thun gyi yang 'dis ma lhad par ma yin zhes pa ni rgun chu la sogs pa'i thun gyi skom yang chu bsil pos ma bsres par 'thungs na nyes byas su ston pa'o/ /sa bon dang 'khrung ba 'joms pa'o// // 'phya ba'i ltung ba ston par 'dod pa ni/ gang zag bcu gnyis las byed ces pa la sogs pa yin te gang zag bcu gnyis la 'phya na ltung bar byed pa'o/ /de bcu gnyis gang nye gnas dang zas bsko ba dang thug pa dang bca' ba 'god pa dang gang ji yang rung ba 'brim pa dang snod spyad sped pa dang / gos 'god pa dang /dbyar gyi ras chen sbed pa dang / 'god pa dang sko blag byed pa mdzes 'chos rnams so/ /bcu gnyis po 'di dag nyi tshe las nyes par 'gyur bar yang ma zad kyi chur ba dang 'bras 'god pa la sogs pa dge 'dun gyis bskos pa gzhan las kyang nyes par 'gyur ba'o/ /sbyor ba btang ba dang bskos pa ma yin kyang ngo zhes pa ni gang zag bcu gnyis kyi las las 'byung ba dang /gsol ba dang gnyis kyi las kyis bskos pa ma yin pa la dpyas na yang nyes par 'gyur bar ston pa'o/ /ji ltar byas pas 'di'i nyes par 'gyur zhe na/ bdag gi phyir des thos par 'phya'am gzhogs 'phyas byed na'o zhes pa yin te bdag nyid de dag gi ngo ma bsnyams shing bsnyams las bcad pa skad du dor 'phya'am klog na gzhogs 'phyas byed na yang nyes pa rangs par 'gyur ba'o//gang gi tshe rtsa ba'i nyes par 'gyur zhe na/ bgrangs na rtsa ba'o zhes pa yin te kha gzan cing mi bgrungs par bgrangs su zin kyang dpyas byed na rtsa ba'i nyes par 'gyur ba'o//gzhan du na nyes byas zhes pa ni gong ma ltar bgrangs pa ma yin pas dpyas byas na nyes byas su ston pa'o/ /chung zad kyang khyad du gsod mi nus pa mi mngag ces pa ni mi gsar nga zhing bze re can las su mi bsgo zhing gar yang ma mngag shig pa'o//khon pa bdag gi las su mi bsko zhes pa ni bdag dang khon yod pa las su bsko ba'i tshe bdag nyid kyis ma bsko bar gzhan las spring zhing bsgo shig pa'o/ /'phya ba'o// // bsgo ba'i lan log par ldon pa'i ltung ba je ston pa ni mi'i thog mar bgrang ba'i mtshan nyid ston pa ni/ glengs pa'i tshig dang rnegs pas mi nyan pa smras pa'i gang zag rnams la ngor zog pa dang gzhogs 'phyas byed pa rnams mi bgrang ba ma yin te 'di dag ltar byas pa'i gang zag kha gzan cing mi bgrungs par grongs shig pa'o/ /de la glengs pa'i tshig mi nyan pa ni tshig gzhan du brgyud pa'o/ /rnegs pas mi nyan ba ni glengs pa'i tshe dang na 'then byed cing mi smra ba'o//smras pa'i gang zag ces pa ni gang zag bcu gnyis gong du bstan pa rnams la bya'o/ /gsol bas so zhes pa ni gong du smos pa'i bgrang ba de gsol bas bgrang zhing 'god gtod du phyung shig pa'o/ /ji ltar byas pas bsgo ba'i lan log par ldon pa'i ltung bar 'gyur zhe na/dge slong gi tshig mi nyan no / /zhes pa yin te dge slong dag gi chos kyi tshig bsgo zhing glengs so cog mi nyan na rtsa ba'i nyes par 'gyur ba'o/ /'di'ang ji lta bu'i bsam pas she na/ der 'dod na'o zhes pa yin te yengs shing 'brel pa la sogs pa'i rkyen gzhan gyis ma yin gyi ched kar mi nyan cing log par byed na'o//ji lta bus mi nyan ce na/ gzhan du smra ba'o zhes pa yin te glengs shing dris pa nyid kyi lan ma yin par smra ba dang yang na skad gzhan du brgyud cing smra ba'o/ /kha rog par 'then na nyes byas zhes pa ni mi smra bar dang na 'then byed na nyes byas su 'gyur ba'o//mi dran no zhe na yang ngo zhes pa ni bsnyon na yang nyes byas su ston pa'o/ /mi smra ba dang gzhan du smras so cog nyes par 'gyur ram zhe na/ smra ba gnod pa ma yin na'o zhes pa yin te gtam ngan lta bu la sogs pa de la gnod cing mi bde bar 'gyur ba'i phyir ma smras pa'am gzhan du smras pa ni nyes med do bar ston pa'o//de lta bas na gsad pa mthong ba 'dri na je sros chu je 'thungs ngal je sos/ shes pa dang nam mkha' dang sen mo mthong ngo / /yang dag par na sems can nam gsod pa ma mthong ngo zhes smras pa nyes med ces pa ni gsad pa gshed ma mis zhed de 'dri ba'i tshe'ang 'di skad du brgyud cing lan ldon pas blan du zin kyang nyes med par ston pa ste smra ba gnod par 'gyur ba ni 'di lta bu'o//gang du dpang 'dzugs par 'gyur ba der mi 'dug par bya zhes pa ni 'thabs shing rtsod pa la sogs pa'i dpang du 'gyur ba tsam gyi tshod na de na ma 'dug par byol cig pa'o//gal te dpang du gyur cing khas dbye dgos na ji ltar bya zhe na/ gnod pa'i sgo ma gcad par khas mi dbye zhes pa yin te gnod cing chad pas bcad pa la sogs pa mi bya bar gal te bcas nas gdod khas phye shig pa'o/ /bsgo ba'i lan log par ldon pa'o// // khri stan gyi ltung bston par 'dod pa ni/khri dang khri'u dang rlod can dang la ba dang sngas dang gong bu rnams mal cha'o zhes pa la sogs pa yin te mal cha zhes bya ba ni ming gis smos pa 'di dag yin par ston pa'o/ /de dag bting ba bor te song bas sa tshod ji tsam du thal bas nyes par 'gyur zhe na/ de'i nye gnas ni 'dom bzhi bcu dgu'o zhes pa yin te 'dom bzhi bcu dgu tshun chad de'i nye gnas su ston pa'o//'dom bzhi bcu dgur gang nas bgrang zhe na/ bskor na sgo gang nas so zhes pa yin te rab la sogs pas bskor ba'i nang du bting na bskor ba'i sgo nas 'dom bzhi bcu rtsa dgur bgrang gi gar bting ba kho na nas bgrang ba ni ma yin no//ma bskor ba ni gar bting ba nas so/ /de bting ba ni brjed de song yang ba dang nang du yang nyal ba'am bsam gtan la sogs pas logs shig tu 'gyur na'o zhes pa yin te de bor nas gud du song na ni brjed de song yang nyes par 'gyur ba dang gud du ma song yang nang du gnyid kyis log cing bsam gtan la sogs pas de gud du lus na nyes pa rangs par 'gyur ba'o//gang gi tshe nyes par 'gyur zhe na/ ma nyams pa'i snga rol ni sbyor ba'o zhes pa dang / nyams pa dang 'das pa ni mtha'o zhes pa yin te ma nyams pa tsam gyi tshe na ni nyes byas yin gyi nyams pa dang nye gnas las 'das na ltung bar ston pa'o//brtul ba byas sam byed du bcug pa ni de dag ma yin pa ni bdag gis brtul tam brtul du bcol na ni gong ma lta bu dag gis nyes par mi 'gyur bar ston pa'o/ /dge slong la bcol na ma yin zhes pa ni dge slong la brtul du bcol na yang nyes par mi 'gyur ba'o/ /skom mchu thug na yin zhes pa ni rgyal po dang gcan gzan la sogs pa'i 'jigs pas brtad na bor te song yang nyes med par ston pa'o//spyod pa ni byed du bcug pa bzhin zhes pa ni skam srad byed pa'i tshe 'ga' zhig khri'u la 'dug pa la sogs pa spyod spyod pa las ma brtul bar song na 'ding bas bor ba dang 'dra bar ston pa'o//gnyis lhan cig tu 'khod na phyis langs pas bya zhes pa ni dge slong gnyis khri'u gcig la 'khod 'khod na gang phyis langs pas brtul cig pa'o/ /gal te mnyam du na gsar bas so zhes pa ni gnyis ka mnyam du langs na gang gsar bas brtul cig pa'o/ /mtshungs na gnyis so zhes pa ni bsnyen par mnyam du rdzogs te gsar rnying med par mtshungs na gnyis kas brtul cig pa'o//gong du bcol zhes 'byung ba'i mi bcol bar bya ba ji lta bu yin zhe na/ 'dir khrel med pa dang khon yod pa dang rgas pa dang nad pa dang bsnyen par ma rdzogs pa rnams la mi bcol zhes pa yin te 'di dag lta bu la bcol du zin kyang bcol bar mi chud pa'o//bcol ba'i mtshan nyid dang ston pa ni/ gtsug lag khang 'di'o/ /'di ltos shig / mal cha 'di'o/ /nos zhes pa dang lde mig byin pa rnams bcol ba'o zhes pa ni rnam pa 'di lnga ltar gtad dam bcol na bcol ba yin par ston pa'o/ /de la ltos shig cas pa ni gtsug lag khang ngo / / nos zhes pa ni mal cha'o/ /gzhan ni go sla ba'i phyir ma bshad/ gong du nyams zhes smos pa'i mtshan nyid ston pa ni/ nyams pa ni gsum ste rlung gis bzlog pa dang char rim gnyis pas thal ba dang di phyi ka rnams so zhes pa yin te char dang rlung gis bzlog cing gsher tam srin bu di phyi kas 'og tu thal bar zos na nyams par ston pa'o//dngos ji lta bu las rtsa ba'i nyes par 'gyur zhe na/ mal cha yin pa dang de dge 'dun gyi ba dang bla gab med par bdag gis sam bcug pas bting na byed do zhes pa yin te phyi'u phyis la sogs pa ma yin te mal cha yin pa dang gang zag gi ma yin te dge 'dun gyi yin pa dang bla gab med pa'i thang la bdag nyid kyis bting du bcug pa las gong du smos pa ltar nyams sam 'das na nyes par 'gyur ba'o//gang gi tshe ji lta bu'i nyes par 'gyur zhe na zin na rtsa ba'o zhes pa dang / sbyor ba ni nyes byas zhes pa yin te nyams sam thal zin na rtsa bar 'gyur ba dang ma nyams ma thal gyi bar du nyes byas su ston pa'o/ /re zhig gi bar du gzhan bzhag pa ni de'o zhes pa ni gcig gis mal cha btang ba dang der dge slong gzhan 'ga' zhig 'ongs te 'dug pa las nyams nyams par gyur na yang dge slong gcig de na yod cing 'dug pa'i phyir bcol kyang ltos pa brtson te 'ding ba la nyes byas las med par ston pa'o//gang zag gi yang ngo / /zhes pa ni gang zag mal yin na'ang nyes byas/'og ma bzhi yang ngo zhes pa ni 'di 'og nas bting ba dang bskrad pa dang mnan ba dang khri'u 'byung bla ba bzhi 'byung ba yang gang zag gi gnas las nyes byas su 'gyur bar ston pa'o/ /reg tu mi rung na ma yin zhes pa ni khri la sogs pa rin po che'i rgyan can zhig ste bdag gis reg tu mi rung ba'i phyir ma brtul na nyes byas so//bting nas bsod snyoms la zhugs pa dang gal te char dang rlung 'ong na gtsug lag khang la 'khod pa dag gis brtul zhes pa ni 'di ltar gyur na gzhi bas brtul cig pa'o/ /zhugs pas kyang myur du bskor zhes pa ni bsod snyoms la song bas kyang bla yang ma byed par bskor cig pa'o//de'i phyir na yang nyes med pa dang 'bri ba ma yin zhes pa ni bsod snyoms la song du zin kyang nyes pa med pa'am nyes pa 'bri bar mi 'gyur bar ston pa'o/ /gal te brjed pa las lam ring mo zhig tu thal lam phyin te bral na phyin chad 'di ltar mi bya'o zhes sems bskyed cing tshig tu brjod ces pa ni brjed de 'di ltar gyur na phyin chad de ltar mi bya ba'i nan tan 'di ltar gyis shig pa'o//gal te tshur 'ong ba'i dge slong dang phrad na de la brtul du bcol ces pa ni 'di ltar 'gyur nas phas 'ong ba'i dge slong 'ga' dang phrad na de rtul du bcol cig pa'o/ /khas blangs pa des son ma thag tu mi bya zhes pa ni bcol ba des kyang son ma thag tu brtul cig pa'o//ma brtul na de la nyes pa rangs bar 'gyur ba'o/ /skom mchu thug pa ma yin na mal cha brtul la gnas nas 'gro zhes pa ni gal te brtag cing brel ba'i rkyen gyis ma thebs na ji nas kyang sba brtul legs par gyis la song shig pa'o//gal te gos na sprug ces pa mal cha de dag rdul la sogs pa gos na sprugs shig pa'o/ /'di gtad ces pa ni skam srad byas zin nas mal cha la cha rdzi la gtod cig pa'o/ /dge slong la bcol bar bya zhes pa ni mal cha bting nas brtul mi khom par gud du 'gro dgos sam ma bting yang rung ste gud du 'gro dgos na bsrung zhing brtul ba'i phyir dge slong la chol cig pa'o//med na dge tshul la'o zhes pa dang / de yang na khyim bdag la'o zhes pa ni dge slong med na dge tshul la gtod cig pa dang dge tshul yang med na yon bdag nyid la gtod cig pa'o/ /phyogs bzhir bltas te thams cad med na lde mig sbas la 'gro zhes pa ni dge slong la sogs pa su yang med na lde mig sbos la song shig pa'o//lam kar dge slong dang phrad na de skungs bstan cing bsgo zhes pa ni gtsug lag khang du 'ong ba'i dge slong 'ga' dang lam kar phrad na 'di ltar gyis shig pa'o/ /der bor nas gal te sgo bcad pa'i 'og tu phyin na rtsig pa'am shing gi drung du sbas la 'gro zhes pa ni dge slong 'ga' dge 'dun gyi khri stan 'ga' khyer nas kun dga' la sogs par nyen par spyod pa'i sar song song ba'i 'og tu dge 'dun gzhan spyan drangs par dong ste sgo bcad pa'i 'og tu phyin na thabs 'di ltar gyis shig pa'o//der stan brnya zhes pa ni spyan 'dren pa'i yon bdag de nyid dge 'dun gyi stan cha brnyan na byin cig pa'o//nyid kyis mi bskur zhes pa ni brnyas pa slar blang ba'i tshe bdag cag nyid kyis ma khyer cig pa'o/ /khyim pa'am dge tshul gyis 'di'o zhes pa ni de khyim pa'am dge tshul la skur cig pa'o/ /med na khyim pa khyer te 'ong bar bcol zhing 'ong zhes pa ni gong ma ltar byar med na de dag nyid skyel du chug shig pa'o//bdag cag tshal te mchi ba'i je gshegs zhes zer na gzhag ces pa ni 'di skad zer na zhog shig pa'o/ /de dag gis khyer te ma 'ongs na gnas pas blang zhes pa ni de ltar ma 'ongs na slob ma'am gnas pa dag gis long shig pa'o//med na bdag gis zhes pa ni gnas pa'am slob ma med na bdag gis kyang long shig pa'o/ /thams cad kyis na gaN+DI brdungs nas te'o zhes pa ni bdag gcig po'i lag gis mi khyab ste kun gyis blang dgos na gaN+DIs bsdus la kun gyis long shig pa'o/ /bos pa nyid kyi phyir gtsug lag khang du stan brnyan na sbyin zhes pa ni sngon dge 'dun spyan 'dren 'dren pa'i khyim bdag 'ga' dge 'dun gyi kun dgar longs spyod byed du 'ong ste stan cha brnyan na byin cig pa'o//'di dag dge slong bsrung du gzhug ces pa ni dge 'dun gyi stan cha khyim pas brnyas pa de mi 'khyam par dge slong gcig bsrung du chug shig pa'o//'dis pha zad du 'dug par bya zhes pa ni bsrung ba'i dge slong de khyim pa'i nang na ma 'dug par pha zad du 'dug la srungs shig par ston pa'o/ /bdag gi las bya zhes pa ni srung ba'i dge slong klog pa dang / 'dun pa la sogs pa nyid kyi las su bya ba rnams kyang zla la gyis shig par ston pa'o/ /bya ra bya zhes pa ni pha zad na 'dug pa'i dge slong des khyim pa dong ngam ma dong ba la sogs pa bags kyis lta zhing bya ra gyis shig pa'o//dong na brtul zhes pa ni khyim pa de dag dong na stan sba brtul gyis shig pa'o/ /ma rung ba bkru zhes pa ni dge 'dun gyi stan cha khyim pas ma rung bar byas na bkru ba la sogs pa'i phyi bdar gyis shig pa'o//chang gi snyigs ma na chus so zhes pa ni chang gi snyigs mas phog na chus khrus shig pa'o/ /snum na sug pas so zhes pa ni snum gyis phog na ni sug pa la sogs pa 'dag pa'i rdzas kyis khrus shig pa'o/ /mi gtsang bas nas 'am go 'dun nam lci skam gyis so zhes pa ni 'jid ngan la sogs pa mi gtsang bas gos na ming gis smos pa 'di rnams kyis bsku zhing khrus shig pa'o//gong ma ltar bkrus te yang mi 'dag pa ji ltar bya zhe na/ mi 'dag na btags pa bcad zhes pa yin te mi 'dag na skud pa'am smyig mas btags pa rnams bcad pa'i shig la khrus shig pa'o/ /'dug pa'i khyim pas ma brtul na mthong bas brtul zhes pa ni dge 'dun gyi stan cha la khyim pa dag 'khod 'khod pa las de dag gis ma brtul bar bor nas dong na dge slong sus mthong bas brtul cig pa'o//rgas pa'am nad pas na gtsug lag khang skyong gis so zhes pa ni rgas pa'am nad pas mthong na de dag gis sba brtul byed mi nus pa'i phyir gtsug lag khang skyong gis bsdus shig pa'o//khang skyong gis brtul ba'i skad ji ltar bya zhe na/ de la sbran zhes pa yin te rgas pa dang nad pas mthong na khang skyong la sbron cig pa'o/ /nad pa'i nad 'dri ba'i khri stan ston pa'i zla ba la ston pa ni/ thams cad kyis nad pa la blta zhes pa yin te/nad pa tshams gcig gi nang na 'khod pa thams cad kyis ltos shig pa'o/ /'dug ste'o zhes pa ni 'dug la nad dris shig pa'o/ /der stan khyer la mi 'gro zhes pa ni nad 'dri ba'i dge slong rnams rang rang gi stan khyer la der ma 'gro shig pa'o/ /nad pa'i rim gro bas der stan gding zhes pa ni nad 'drir 'ongs pa rnams kyi stan nad g.yog gis bshams shing zhal tar gyis shig pa'o//gzhan du dge ba'i phyogs mi 'phel na mkhan po'am slob dpon dge ba'i phyogs spyod du 'gro ba'i phyi bzhin du 'gro zhes pa ni bdag gud du song ste dge ba'i phyogs mi 'phel ba tsam gyi tshod na mkhan po'am/slob dpon nyin par gang du spyod pa'i phyi bzhin bdag kyang song shig pa'o/ /'di'i stan bdag gis bskur zhes pa ni mkhan po'am slob dpon de'i stan bdag gis khyer cig pa'o/ /'gro ba ma zhus par mi bskur zhes pa ni mkhan po'i phyi bzhin 'gro ba de yang zham 'brid du mchi'am zhes zhu blag ma byas par stan bskur ba la sogs pa ma byed cig pa'o//de slar yang bdag nyid kyis bskur zhes pa de'i khri stan slar ldog pa'i tshe 'ang bdag nyid kyis khyer cig pa'o/ /blag ba med par chos nyan pa la rlung dang char 'ong na stan cha brtul zhes pa ni thang la chos nyan nyan pa las rkyen 'di ltar gyur na stan cha brtul cig pa'o//lci ba rgan po nyid kyis mi theg na gzhon nu dang brjes zhes pa ni de ltar kun gyis myur du brtul ba'i tshe rgan rabs kyi stan lci ba de dag nyid kyis mi theg na gzhon nu'i stan yang ba dang rjes la khyer cig pa'o/ /bag bag la slan te bzhag ces pa ni khri stan sbed cing 'jog pa'i tshe dbyam po dang khri'u la sogs pas chol bur ma bzhag par so so'i bag bag la bslan te zhog cig pa'o//gtsug lag khang gzhan du mal cha dang gos brnyan na sbyin zhes pa ni gtsug lag khang gzhan du 'di dag brnyan na ma bkyigs par byin cig pa'o/ /de'ang ji lta bu'i tshe sbyin par bya zhe na/gal te char 'bab bam 'bab par dogs na ma yin zhes pa yin te char 'bab pa'i mod la 'am 'bab du byed na ni stan cha brnyan por ma byin cig pa'o/ /lam kar rlung ngam char gyis thebs na shing ngam rtsig drung du bcer zhes pa ni brnyan te khyer ba la rlung ngam char gyis lam du non na thabs 'di ltar gyis shig pa'o//gos ngan snyigs gcig gis dgab ces pa ni bcer ba'i steng du de dag gi nang nas ngan bar snyigs pa gcig gis khobs shig pa'o/ /gos gtsug lag khang du khyer la bskam zhes pa ni gsher ba de gtsug lag khang gi gzhir phyin na skam srad gyis shig pa'o//tshig khyer na dge 'dun gyi yang dbyung zhes pa ni me thar tam chus khyer na bdag nyid gyis dbyung bar ma zad kyi dge 'dun gyi yang phyung shig pa'o/ / de yang gang gi tshe zhe na bdag gi gos dang lhung bzed phyung zin nas so zhes pa yin te bdag gi 'di dag phyin pa'i rjes la gdod dge 'dun gyi phyung shig pa'o//dge slong gang zhan par snyigs par phyug pa rnams bsrung du gzhug ces pa ni bshor lag med cing 'byin mi nus par snyigs pa gcig rdzas phyung zin pa rnams mi 'khyam par bsrung du chug shig pa'o/ /yang na mi 'jug ces pa ni me'am chu mi bzang bar yang ste 'ol du mi 'ong ba tsam tshod na de'i nang du 'jug shig pa'o//mal cha'i ltung ba'o// // bting ba'i ltung ba ston par 'dod pa ni/ khyim pa'i der bting ba khyim bdag la sbran te dor zhes pa ni khyim pa'i der lo ma 'am 'dab ma la sogs pa mal lor bting na nang par 'gro ba'i tshe 'di dor dgos sam mi dgos zhes khyim pa la dri zhing 'or cig pa'o//dgon pa na brtul lam mo zhes pa ni dgon par 'ding 'ding na brtul pa 'am dor ba gcig tu gyis shig pa'o/ /mgo 'jug bzlog na 'di byas pa'o zhes pa ni sngas kyi mal lo de 'phongs su bor ro/ /'phongs kyi mal lo de sngas su bor te klong ba tsam gyis brtul zhing bor ba'i khongs su chud pa'o//gos bskam pa'i phyir rtswa bting ba'ang dor zhes pa ni tshon gyi las byed pa la sogs pa gos skam srad bya ba'i gcal du rtswa bting ba yang zin nas brtul cig pa'o/ /bor bar khas len cing slong na sbyin zhes pa ni dge slong gzhan 'ga' na re nga'i gos skam srad pa'i gzhir yang dgos kyis ma dor zhes zer na zin nas brtul lam mi brtul zhes smras la brtul zhing dor ba yang ngas bya'o zhes zer na sbyin cig pa'o//rkang mchil la gzan na 'chag par rtswa gding zhes pa ni 'chag pa'i tshe sa gzhi rtsub pas rkang lag la gzan na thabs 'di ltar gyis shig pa'o//de 'ang dor zhes pa ni 'chag sar gding ba'i rtswa de yang bting nas thal byung gzhi la ma bzhag par brtul zhing bor cig pa'o/ /mi rung bar ma gyur par dor bar bya zhes pa ni gcal du bting ba'i rtswa de dag ha cang dengs ches te rdul tsam gyi tshod du zhib mor lhags na dor yang mi dgos kyi nam dor du 'os pa tsam gyi tshod na 'or cig pa'o gyi na ni dus dus su brtag cing bsnor ba yang ngo zhes pa ni dor ba thug pa tsam gyi tshe na ni dus dus su brtag pa dang bla 'og bsnor bar gyis shig pa'o//sa 'jam zhing brlan na 'khor bar ro zhes pa ni gcal bting ba'i sa nyid rlan cing 'jam pa zhig yin na srog chags 'du ba'i phyir nyin re lan re 'khor bar brtag cing bsnor bar yang gyis shig pa'o//gzhan du na zla ba phyed cing ngo zhes pa ni gcal bting ba'i sa gong ma lta bu ma yin na zla ba phyed phyed cing brtag pa 'am bsnor ba gyis shig pa'o/ /'chag sar rtswa'am thag srad kyis bcings te shing la bcang zhing gzhag ces pa ni 'chag sar gding ba'i rtsa stan mi 'chag pa'i tshe thabs 'di ltar gyis shig pa'o//lci ba gyi mor gzhag ces pa ni byug cing bsku bar dgos pa'i phyir lci ba sbyar ba 'di lta bu sta gon gyis shig pa'o/ / skom chu thug ces sngar 'das pa yan chad do zhes pa ni bting ba'i ltung ba 'di'i mtshan nyid mal cha'i ltung ba 'chad pa las skom chu thug pa ma yin na mal cha brtul la gnas nas 'gro zhes 'byung ba yan chad de'i nye gnas na 'dom bzhi bcu rtsa dgu'o zhes smos pa la sogs pa dang 'dra bar kho nar rig par gyis shig pa'o//mal cha'i bslab pa las 'byung ba dang thams cad 'dra bar sbyar ram zhe na de dang mi 'dra ba'i bye brag ston pa ni mnyam du spyod na mtshungs zhes pa yin te mnyam du spyod spyod na gong ma ltar phyis langs pas brtul ba dang mnyam na gsar bas bya zhes pa lta bu ma yin gyi gnyis kas so so spyod du 'dra ba'i phyir 'di'i tshe ni gnyis kas brtul cig par ston pa'o//dge 'dun gyi ma yin na de'i bdag po la bcol zhes pa ni dge 'dun gyi gnas ma yin pa gzhan du bting na de'i bdag po dag la brtul cig par bcol ba tsam gyis kyang chog par ston pa'o//bslab pa'i yan lag gang gis nyes par 'gyur zhe na/ dge 'dun gyi gtsug lag khang dang gseg ma dang bye ma dang kham bral la sogs pa'i dngos po nyid ma yin la de 'dra ba'i nyes dmigs su 'gyur ba'i sar bdag gam bskos pas bting na byed do zhes pa ni gnas ming gis smos pa'i dngos nyid kyang ma yin la de dag las zlog cing srin bu myur du 'khrungs ba'ang nyes dmigs su 'gyur ba'i sar bdag gis gding ngam gzhan gding du bcug kyang rung ste ltung bar ston pa'o//bting ba'i ltung ba'o// // skrod pa'i ltung bar ci las 'gyur zhe na dge slong dang dge 'dun gyi gtsug lag khang las byed ces pa yin te ming gis smos pa'i yan lag 'di gnyis las nyes pa rangs par ston pa'o//gal te de la dman pa'am dge slong 'khrug pa dang ma zhi bar 'gyur ba'am bzlog par 'dod pa ma yin na zhes pa ni nang du bzhag na me thar bas tshig pa la sogs pa de dman pa'i phyir bskrad dam de nang na 'thab krol byed cing dge 'dun 'khrug ste ma zhi bar 'gyur ba'i phyir bskrad dam 'di dag lta bu'i gnyen pos bzlog pa ma yin par dge 'dun gyi gtsug lag khang nas phyung na gdod nyes par 'gyur ba'o//bskrad na'o zhes pa ni gong du smos pa'i gnas de dag nas bskrad na gdod nyes par 'gyur ba'o//de yang su la bskrad ce na/ gzhan gyis kyang ngo zhes pa yin te gzhan skrod du bcug na'ang nyes par 'gyur na bdag gis bskrad pa lta ce smos zhes khong nas 'dren par ston pa'o/ /gzhan gyi ngo ma chod na yang ngo zhes pa ni mkhan po'am slob dpon lta bus 'byin cing skrod du bcug na yang gzhan gyi ngo chod pa mi brtsan de skrod skrod pa de la nyes pa rangs par ston pa'o//dge slong ma dang dge tshul dang dge tshus ni nyes byas zhes pa ni 'di dag skrod du bcug na 'di dag nyes byas su 'gyur bar ston pa'o/ /'di dag kyang ngo zhes pa ni 'di dag bskrad na nyes byas su 'gyur ba'o//bzhad gad du na yang ngo zhes pa ni rtsed mor bskrad na nyes byas su 'gyur bar ston pa'o/ /khyim pa la ni bsod nams ma yin pa phal cher ro zhes pa ni khyim pa skrod du bcug na khyim pa de la sdig che bar ston pa'o/ /skrod pa'o// // gnon pa'i ltung bar 'dod pa ni/ 'brid ces pa la sogs pa yin no/ /'du shes ji la brtsan zhe na/ mnan na'o zhes pa yin te dge slong gis gzhi mnan cing thebs par shes na nyes par 'gyur ba'o/ /de yang gang du zhe na/ dge slong gis dge 'dun gyi gtsug lag khang gi gnas su na'o zhes pa yin te dge slong gis dge 'dun gyi gtsug lag khang du gnas shing gzhi thebs pa las gdod nyes par 'gyur ba'o//ji ltar byas pas nyes par 'gyur zhe na/ nad pa dang 'jigs pa'i dbang ma gtogs par nan gyis btsir na'o zhes pa yin te nad kyis thebs pa'am 'jigs pa'i dbang gis snga ma gcig gi steng du 'gyil zhing btsir ba lta bu ni ma gtogs kyi gtse ba'i ched du nan gyis btsir na gdod nyes par 'gyur ba'o//'di ni dper zad kyi 'tshe bar 'dod pas dge slong gtses na yang ngo zhes pa ni btsir ba dpe tsam du zad kyi gzhan yang tsha ba'i tshe la bab pa skon zhing phyi rol du bzhag pa dang grang ba'i tshe chus btab cing lhags pa la ma ngad pa la sogs pa rnam pa gang gis gtses kyang rung ste ltung bar ston pa'o//zhal zhing gnon pa'o// // khri 'byung sla ba la 'dug pa'i ltung ba ston pa ni dge 'dun gyi gtsug lag khang dang yang thog las byed/ ces pa yin te dge 'dun gyi gtsug lag khang yang yin la yang thog lta bu steng ma yin na gdod nyes par 'gyur ba'o//gong ma lta bu'i khang pa thams cad las nyes par 'gyur zhe na/ gal te sa gang yin pa dang shing leb dang de lta bu'i dgab pa yin na'o zhes pa yin te yang thog la sogs pa yin yang sa gang yin pa dang shing leb la sogs pa drab kyis thog legs par bkab pa zhig yin na nyes par ston pa'o//nyes par 'gyur ba'i rnam pa gzhan gyis kyang gnon pa na btsir ba'i rkang pa 'byung ba na'o zhes pa yin te/ khri 'am khri'u btsir ba'i rkang pa gzir gyis ma thebs shing 'byung bla ba zhig na gdod nyes par 'gyur/rkang pa 'byung sla ba'o cog las nyes par 'gyur ram zhe na/ bkan pa ma gtogs zhes pa yin te khri gong ma lta bu yin du zin kyang bkan na nyes par mi 'gyur ba'o/ /rkang rten bcug na yang ngo zhes pa ni/ khri gong ma lta bu yin du zin kyang rdo 'am shing leb lta bu'i rkang rten yod na nyes par mi 'gyur ba'o//steng du 'byung bla ba yang yin la ji lta bur byas pas nyes par 'gyur zhe na/ btsir na'o zhes pa yin te gong du smos pa lta bu'ang yin la btsir na gdod nyes par 'gyur ba'o/ /ched du ma byas kyang nyes par 'gyur ram zhe na/ 'bris kyis so zhes pa yin te 'du shes brtsan par ston pa'o//rkang pa 'byung bla ba la 'dug pa'o// // srog chags dang bcas pa'i chu spyod pa'i ltung ba ston pa 'og nas kyang 'di skad du 'byung ba dang khyad ci yod ce na/ 'di'i bye brag ston pa ni bdag gi phyir spyod pa las gzhan pa'o zhes pa yin te ltung ba 'di ni 'og ma dang mi 'dra bar bdag gi lus kyi yo byad du spyod pa las gzhan pa las sar pa la sogs pa'i yo byad du srog chags dang bcas pa'i chu spyod na ltung bar ston pa'o//srog chags dang bcas pa spyod pa'o// // gtsug lag khang gi ltung ba ston par 'dod pa ni sgo'i re bzhi gzugs par bya zhes pa la sogs pa yin te gtsug lag khang cig na dang por sgo'i re bzhi tshugs shig pa'o//sgo 'phar yang ngo zhes pa dang / skar kung yang gdod ces pa ni 'di dag kyang ma btod ma btsugs par brtsigs na nyes byas su ston pa'o/ /ji las nyes par byed ce na gtsug lag khang las byed ces pa yin no//de'i tshad ji tsam gyis nyes par 'gyur zhe na/ spyod lam bzhi shong na yang ngo zhes pa yin te spyod lam bzhi shong ba yan chad las nyes par 'gyur ba'o/ /tshad 'di tsam du brtsigs pa'o cog las nyes par 'gyur ram zhe na/ ril gyis rdo las sam so phag gam shing las ma yin no zhes pa yin te ril gyis 'di lta bu las rtsig na spyod lam bzhi shong ba bas ji tsam du cher brtsigs kyang nyes par mi 'gyur ba'o//char kab kyis na'o zhes pa ni rtsa ba 'am 'dab ma la sogs pas brtsigs pa'i 'phro bkab na ji tsam du brtsigs kyang nyes med par ston pa'o/ /gtsug lag khang myur du brtsigs pa'o cog las nyes par 'gyur ram zhe na/byas pa 'am zin ba ji lta'o zhes yon bdag mi zer na'o zhes pa yin te byed pa'am zin pa myur du brtsigs na gdod nyes par 'gyur ba'o/ /ji tsam brtsigs pas nyes par 'gyur zhe na/ rim gsum las pha gu lhag par brtsigs na'o zhes pa yin no/ / bdag gis brtsigs shig nyes par 'gyur ram zhe na/ gzhan gyis kyang ngo zhes pa yin te gzhan rtsig tu bcug na yang nyes pa rangs par 'gyur ba'o/ /ji tsam na zin pas she na/ de'i nyin par ro zhes pa yin te nyin gcig la pha gu rim bzhi la sogs pa brtsigs na nyes pa rangs par ston pa'o //'ji ba med pa las gzhan du na yang ngo zhes pa ni nyin gcig la rim gsum brtsigs pa'i tshe la ni 'ji ba med la phyi de nyin par 'ji ba dang spel zhing brtsigs na yang nyes pa rangs par ston pa'o/ /stor kung ma btod na'o zhes pa ni stor khung ma btod par rim pa gsum las lhag par brtsigs na yang nyes par ston pa'o//rmang ma bsgos na'o zhes pa ni rmang bsgos par rim gsum las lhag par brtsigs na nyes par ston pa'o/ /sgo'i kha khyer gyi steng du na'o zhes pa ni/ sgo'i kha khyer ma bcug rim pa gsum las lhag par brtsigs na rtsa ba'i nyes par bstan pa'o//thog ma'i snga ma ni nyes med ces pa ni rim bzhi brtsigs na rim gsum man chad kyang de'i sbyor ba ste nyes byas su 'gyur ba dogs pa bstsal ba'i phyir gnyer 'di skad du bstan pa yin te rim pa bzhi pa'i thog ma gsum man chad la nyes med par ston pa'o/ /bzhi rtsig pa'i pha gu len pa tsam na ni de'i sbyor ba ste nyes byas su ston pa'o//gtsug lag khang gi ltung ba'o// //ma bskos par ston pa'i ltung ba 'chad par bsko bar 'os pa'i gang zag je ston pa ni/ phas ma pham pa dang mdo dang 'dul ba dang ma mo 'dzin pa dang lo nyi shu pa las mi nyung ba dang grong khyer gyis smra ba dang lus kyis dge slong ma la reg pa'i gnyen po byas pa dge slong ma'i ston par bsko'o zhes pa ni 'di dag lta bu'i gang zag ston par skos shig pa'o//ston par sko ba nam bsko zhe na/ bco lnga gso sbyin gyi tshe mtshams kyi nang du'o zhes pa yin te/ 'dul ba la sogs pa'i gso sbyin ma yin gyi bco lnga'i gso sbyin gyi tshe'ang mtshams kyi nang du dge slong ma ston pa bsko shig pa'o//bcu bzhi'i tshe bsko na yang mi rung ba ni med/ mdo 'dzin pa la sogs pa med na ji ltar bya zhe na/ mdo 'dzin pa la sogs pa med na so sor thar pa ston pa'o zhes pa yin te so sor thar pa don dang le'u rgyas par thon pa bskos kyang bla bar ston pa'o//de yang na phas pham pa sgrogs pa'o zhes pa ni gong ma lta bu'ang med na phas pham pa brgyad thon pa tsam yang bskos shig pa'o/ /lci ba'i chos rnams kyang ngo zhes pa ni gong ma lta bu med na lci ba'i chos brgyad thon pa tsam yang bskos shig pa'o//ka na sring mo dge slong ma'i dge 'dun khyed 'dum ma ma yongs su gtsang ngam 'thun nam nyes med dam khyed la dge 'dun gyi ma bskos pa'i gang zag 'ga' mi ston tam khyed kyi lung dang ston pa ni khyed dge 'dun las te khyed la ston pa'i gang zag kyang dge 'dun las 'ong na khyed la ston par spro ba'i gang zag ni gang yang med kyis sring mo dag bag dang ldan par sgrubs shig ces pa tsam yang ngo zhes pa ni gong ma lta bu med na tshig 'di dag chod thod pa yang bskos shig pa'o//de la 'du ma zhes pa ni bya ba gcig pa'o/ /yongs su gtsang zhes pa ni phas pham 'byung ba'o/ / mthun zhes pa ni gcig la gcig 'jar ba'o/ /nyes med ces pa ni 'thab pa la sogs pa'i skyon med pa'o/ /bla'i chos kyi mthu dang ldan pa ma gtogs zhes pa ni bla'i chos kyi mthus nyon mongs pa choms shing spangs pa ni dge 'dun gyis ma bskos par ston kyang nyes med do/ /bskos kyang rung ma bskos kyang rung de dag las 'ga' 'ang med par dge slong ma la ston pa'i zhes pa ni gong du ston pa'i yon tan dag las 'ga' dang yang mi ldan par ston na bskos kyang rung ma bskos kyang rung ste nyes pa rangs par 'gyur ba'o//sngar bskos pa ni ma bskos pa ma yin zhes pa ni sdun lan cig ston par bskos na nam 'tsho'i bar du bshad kyang ma bskos pa ma yin par ston pa'o//dge 'dun du mi tshang na 'os pa la gsol ba la nyes med ces pa ni ston par 'os pa ni yod la bskor dge 'dun mi tshang na dge slong ma la gsol ba dang des bstan pa nyes med par ston pa'o//de yang ngo zhes pa ni 'di lta bu'i tshe dge slong ma de dag gis gsol ba'ang nyes med par ston pa'o/ /ma bskos par ston pa'o// // nyi ma nub nub tu 'chad pa'i ltung ba ston par 'dod pa ni/ 'brid ces pa la sogs pa yin no/ /'du shes ji la brtsan zhe na nyi ma nub na'o zhes pa yin te nyi ma nub par shes la chos ston na nyes par 'gyur ba'o//ji ltar byas pa la 'du shes brtsan zhe na mtshan rtag dge slong ma la chos 'chad pa ma gtogs zhes pa yin te 'di lta bu'i tshe ma gtogs par dge slong ma la chos ston na nyes par 'gyur ba'o/ /chos bstan to cog na nyes par 'gyur ram zhe na/gal te dbyar mo thang gi sgo bye zhing gtsug lag khang yang de lta bu dang byang gtad ma yin na'o zhes pa yin te dbyar mo thang dang gtsug lag khang gnyi ga'i sgo bye la byad gtad du 'ang 'thab cing lam du thogs pa med par 'gror yod nyi ma nub nub du bshad kyang nyes pa med par ston pa'o//'di ni dpe tsam du zad kyang gzhan yang lam du nye zho mi 'byung ba tsam gyi tshod na nyes med do/ /nyi ma nub par chos ston pa'o// // zas chung zad kyis skur pa'i ltung ba ston pa ni/ chos 'dri ba bag phebs pa'i ched du dge slong pha la dge slong mas zas dbul bar bya zhes pa yin te mi 'jigs shing bag phebs par bya ba'i phyir dge slong mas thabs 'di ltar gyis shig pa'o//rgya cang dang gong nan dang lcag pod dang shur bu dag kyang ngo zhes pa ni zas gtogs pa'i bag 'di dag tsam yang phul cig pa'o/ /dge slong gis 'di blang zhes pa ni dge slong gis de dag tsam gyi tshod long shig pa'o//ji ltar byas pas chung zad kyi skur par 'gyur zhe na/ zas chung zad kyi phyir dge slong ma la chos ston to zhes dge slong de lta ma yin pa la zer na'o zhes pa yin te dge slong bsod nams kyi bsam pas dge slong ma la chos ston gyi gzhan gyi phyir ma yin pas zas chung zad kyi phyir chos ston to zhes skur pa 'debs na nyes par 'gyur ba'o//zas chung zad kyis skur ba'o// // gos byed pa'i ltung ba ston par 'dod par ni 'brid ces pa la sogs pa yin no/ /'du shes brtsan pa gang zhe na/ dge slong ma gnyen ma yin pa'o zhes pa yin te gnyen ma yin pa'i dge slong mar shes na nyes par 'gyur ba'o//drubs pa chos gos byed na'o zhes pa ni drubs pa yang gzhan ma yin gyi gos drubs na gdod nyes par 'gyur ba'o/ /gos byed pa'o// // gos sbyin pa'i ltung bar ston par 'dod pa ni byin na'o zhes pa la sogs pa yin te gnyen ma yin pa la sogs pa'i yan lag gzhan ni gong ma las gzhi blang ngo //gos dbul ba ma gtogs zhes pa ni dge slong ma'i dge 'dun spyir gos phul ba'i tshe na nyes med par ston pa'o/ /gos 'bul ba 'ba' zhig gi tshe nyes med dam zhe na/ ji nas kyang stor ba legs par smras pa'am bsnyen par rdzogs pa'am brjes pa ma yin na'o zhes pa yin te rkyen 'di dag gi tshe byin pa 'di nyes med par ston pa'o//de la stor ces pa ni dge slong ma'i gos rkun po la sogs pas khyer ba'o/ /legs par smras zhes pa ni des chos legs par bshad pa'o/ /bsnyen par rdzogs zhes pa ni bsnyen par rdzogs par 'dod pa'o//brjes zhes pa ni dge slong ma dang brjes pa'i brjed mar byin pa ma yin pa'o/ /gos byin pa'o// // dge slong ma dang lhan cig lam du dong ba'i ltung ba ston pa ni/ rung bar byed pa dang rung bar byed ma dang dge tshul pha dang dge tshul rgyags bskur zhes pa la sogs pa yin te lam du 'dod pa'i rgyags bdag cag nyid kyis bskur mi rung ba'i phyir ming gis smos pa 'di dag skur cig pa'o//dge slong pha dang dge slong ma'i rgyags bsnor te khyer ba rung zhes pa ni 'di ltar bsnor te khyer na bzhag pa'i nyes par mi 'gyur bar ston pa'o/ /gcig la gcig byin len byed pa yang ngo zhes pa ni dge slong pha dang dge slong ma gcig gi gcig byin len byas pa yang rung bar ston pa'o//tshangs pa mtshungs par spyod pa'i nad pa lam du mi dor zhes pa ni lam du nad kyis thebs na ma dor cig par ston pa'o/ /'di bskur zhes pa ni nad pa de ma 'dor bar khyer cig pa'o//dge slong ma dag kyang de bzhin zhes pa ni dge slong ma dag gis bdag cag gi grogs nad kyis thebs pa ma dor bar khyer cig pa'o/ /'dir gcig gis gcig bstang bar bya zhes pa ni nad pa'i nad rogs gcig gis gcig stongs shig par ston pa'o/ /bstang ba'i thabs ji ltar bya zhe na/mgo mjug nas bzung zhes pa yin te/ dge slong ma yin na ni dge slong phas ro stod nas zung shig pa'o/ /dge slong pha yin na ni/ dge slong mas ro stod nas zung shig pa'o/ /grong du phyin nas dong ba nyes med ces pa ni nad pa bskur bskur nas grong du bzhag ste dong ba ni nyes med par ston pa'o/ / grong du phyin pa tsam gyis chog gam zhe na/ nad pa'i sman dang zas bshams te'o zhes pa yin te de'i sman dang zas bshams te bzhag nas gdod dengs shig pa'o mtshungs pa'i nad g.yog gcig nas so zhes pa ni dge slong pha yin na/ dge slong pha'i nad g.yog dge slong ma yin na'ang dge slong ma'i nad g.yog mtshungs pa re re zhog shig pa'o//gang du dge slong ma dang 'grogs pa'i nyes par 'gyur zhe na/ lam 'jigs pa dang bcas shing dgon pa thug phrad du 'gyur ba ma gtogs par chas pa tha mi dad na dge slong ma gcig dang lam du 'grogs te dong ba yang ngo zhes pa yin te 'jigs pa 'am thug srad du gyur te 'grogs pa ni ma gtogs kyi gzhi nas cig car du chas na snga nas bgos kyang rung /ma bgos kyang rung du ma'ang rung gcig kyang ste 'grogs na ltung bar 'gyur ba'o/ /ji srid du 'grogs pas ltung bar 'gyur zhe na/ rgyang grags re re zhing ngo zhes pa yin te rgyang grags re re ltung ba re rer ston pa'o//de'i phyed phyed cing nyes byas zhes pa ni rgyang grags phyed phyed cing nyes byas re rer ston pa'o/ /dge slong ma dang lhan cig lam du 'dong ba'o// // ji ltar byas pas grur lhan cig tu 'dong ba'i ltung bar 'gyur zhe na/ 'gram gnyi ga na bar chad yod pa ma gtogs par 'gro ste grur lhag na'o zhes pa la sogs pa yin te phan tshun gyi 'gram gnyi ga na rkun chom la sogs pa'i 'jigs pa yod de grur lhan cig tu 'dong ba nyes med kyi de lta bu'i rkyen med par gru gcig gi nang du lhan cig du dong na ltung bar 'gyur ba'o//gru gcig tu lhan cig dong ngo cog nyes par 'gyur ram zhe na/pha rol du thad kar rgal ba ni ma gtogs zhes pa yin te pha rol gyi 'gram du dong ba'i phyir lhan cig pa ni nyes med par ston pa'o/ /dgur dang gad pa dang klong bkol ba dang gdos pa dang rul skya chag pa dang rul nyan gyi dbang gis de'i phyir rgal ba gol na'o zhes pa ni/thad kar brgal bar bya ba las ming gis smos pa 'di dag lta bu rkyen gyis yin man du gyu ba la yang nyes med par ston pa'o/ /dge slong ma dang lhan cig gru la rgal ba'o// // gcig pu 'dug na ltung bar 'gyur ba'i yan lag ston pa ni/ bud med gcig pu dang skye bo mi 'drul bar dben pa'i phyogs dang bar chad yod pa 'am 'dom gang khor yug na byed do zhes pa yin te bud med gcig pu dang su'ang mi 'drul ba'i phyogs dang bar chad kyis chod pa dang 'dom gang tshun chad na 'khod na nyes par byed pa'o//de'ang ji ltar byas pas she na/ 'dug na'o zhes pa yin te gnas de dag lta bu na 'dug na gdod nyes par 'gyur ba'o//ji tsam gyis 'dug par 'gyur zhe na/ rkub bzhag pa tsam gyis de nyid do zhes pa yin te rkub sa la bzhag pa tsam gyis 'dug par chud pa'o/ /lhan cig tu 'khod pa'o// // gong du smos pa de gzhi blangs nas bye brag chung zad tsam zhig yod pa ston pa'o//dge slong ma'o zhes pa dang 'gred na'o zhes pa yin te bud med ma yin gyi dge slong ma yin ba dang 'gred na ltung bar 'gyur ba'o/ /gcig pu 'greng ba'o// // dge slong mas sbyor du bcug pa zos pa'i ltung ba ston pa ni 'brid ces pa la sogs pa yin no/ /'du shes brtsan pa ji lta zhe na/ dge slong mas sbyor du bcug pa'o zhes pa yin te dge slong mas sbyor du bcug par shes na 'gyur ba'o//thabs ji lta bus sbyor du bcug ce na/ mi bden ba'i yon tan gyi na'o zhes pa yin te rgyun du zhugs pa la sogs pa'i yon tan med bzhin du mi bden par nan tan gyis bstod de sbyor du bcug na'o/ /ji lta bus sbyor du bcug ce na/ma bos pa'o zhes pa yin te dang po nas kyang de sbyin par zos te bos shing gnyar pa ma yin bar sbyor du bcug pa'o/ /bos kyang lhag par ro zhes pa ni gnyar cing bos su zin gyis kyang mi bden pa'i yon tan brjod cing / yon bdag gis lhag ste sbyin par ma bshams pa lhag ste sbyin du ma bcug na yang nyes pa rangs par mi 'gyur ba'o//ci sbyor du bcug pas she na/ /kha zas so zhes pa yin te gos la sogs pa gzhan ma yin gyi kha zas sbyor du bcug na gzod nyes par 'gyur ba'o/ /mi bden pa'i yon tan brjod ces bya ba de gang zhe na/ nan tan phun sum ldan pas so zhes pa yin te tshul khrims la sogs pa'i nan tan gyis dgra bcom pa la sogs pa'i phun sum ldan pa grub pa skad du zer ba'o//de'i thos bas na yang ngo zhes pa ni nan tan de'i rgyu mang du thos pa dang ldan par bsngags na yang nyes par 'gyur ba'o/ /ji ltar byas pas kha zas kyi nyes par 'gyur zhe na/zos na'o zhes pa yin te zos na gdod nyes par 'gyur ba'o/ /za ba'i mtshan nyid ston pa ni de mid na'o zhes pa yin te sna dang rna bar blugs pa ma yin gyi gre bar mid na gdod nyes bar 'gyur ba'o/ /gzhan gyi phyir ba ni 'bri bar byed ces pa ni dge slong mas gzhan sbyin bar bshams te sbyor du bcug par bdag gis shes bzhin du zos na nyes byas su 'gyur bar ston pa'o//bsod snyoms la zhugs pa byin zhes zer ba yang ngo zhes pa ni dge slong khyim pa'i gor bsod snyoms la 'ongs pa dang / dge slong ma de na 'dug pa na re 'di la phul byin zhes zer ba bslangs te khyer na nyes byas su 'gyur ba'o//sbyor du bcug pa zos pa'o// // yang yang za ba'i ltung ba ston par 'dod pa ni/ zas kyi phyir 'bod na khyim pa'i der yang khas blang zhes pa ni gos la sogs pa gzhan gyi phyir ma yin te zas kyi phyir 'bod na gtsug lag khang du 'gro ba lta ci smos kyi khyim pa'i der yang song shig pa'o//mi snga bar 'du shes par bya ste 'jug ces pa ni khyim pa'i der mgron du 'gro ba yang ma snga bar gdugs tshod kyi tshe kho nas song shig pa'o/ /dge 'dun phal cher 'dong na ji ltar bya zhe na/ gaN+DI brdungs nas so zhes pa yin te gaN+DIs bsdus la snga phyi ma khyer bar deng shig pa'o//de nyid kyi 'khor la brtag ces pa ni bdag gi slob ma dang nye gnas tshang ngam ma tshang ba rtogs shig pa'o/ /gnas brtan gyi ni 'ongs pa'o zhes pa ni gnas brtan gyi ni gud nas 'ongs pa'i dge slong gi zhal ta dang mdongs sol gyis shig pa'o/gyi na zan gcad par mi bya zhes pa ni nad pa la sogs pa'i rkyen med par khros pa la sogs pa'i dbang gis zan ma bcad cig pa'o/ /skom gyi phyir gsol na bsdad ces pa ni yon bdag na re gud skyems gsol te gshegs zhes zer na de'i yid dang sbyor la sdod shig pa'o/ /ji lta bu'i yang yang zos pa'i ltung bar 'gyur zhe na/mnyam pa'am snga phyir gos kyi rnyed pa med la gnyis pa'i bos par son na'o zhes pa yin te gos med pa'i phe'u pa cig car du 'ongs sam snga phyir 'ongs pa las gnyis ka dga' bar khas blangs la lan gnyis pa'i der son na ltung bar ston pa'o/ / ji la bos pas she na/ bza' ba la'o zhes pa yin te bca' ba ma yin te bza' ba la bos na'o/ /de'ang ji lta bu zhe na/ lngar gtogs pa'o zhes pa yin te bza' ba lngar gtogs pa yin na nyes par 'gyur ba'o/ /lan gnyis pa'i der 'ongs pa'o cog nyes par 'gyur ram zhe na gzhan du'ang 'di dag nyid na'o zhes pa yin te lan gnyis pa'i der bos pa yang bza' ba'i phyir bos na gdod nyes par 'gyur ba'o//ji lta bu las nyes par 'gyur zhe na/ nad pa ma yin/ las ma byas/ lam ma bgrod na'o zhes pa yin te rnam pa 'di dag ltar ma yin pa las nyes par 'gyur ba'o/ /khas blangs pa ni nyes byas zhes pa dang /zos na ni rtsa ba'o zhes pa ni yang yang khas blangs pa dang zos na nyes byas dang ltung bar ston pa'o/ /gos kyi rnyed pa med na zhes 'byung ba'i gos ji tsam la bya zhe na/ 'dir khru gang khor yug gi gos mthar gyur to zhes pa yin te khru gang khor yug yan chad gos kyi rnyed par ston pa'o//dpag tshad phyed kyi lam mo zhes pa ni gong du lam ma bgrod ces pa'i tshad ji tsam zhe na dpag tshad phyed yin par ston pa'o/ /gzhan yang ngo zhes pa ni yang yang gzhan pa ste 'dus shing za ba la sogs pa yang dpag tshad kyi tshad du ston pa'o/ /'di 'am grur 'gro ba'o zhes pa ni lam du 'gro yang rung grur 'gro yang rung ste rgyang grags phyed kyi tshad kyis zung shig pa'o//las kyi mtshan nyid ston pa ni re lde 'am bko tsam gyi phyag dar dang byug pa ni las so zhes pa yin te 'di dag tsam gyi tshod byas na las byas par ston pa'o/ /de'ang gang gi phyir zhe na/ 'di ni dge 'dun gyi'am mchod rten gyi na'o zhes pa yin te dge 'dun gyi mchod rten gyi phyir gong ma ltar byas na gdod las su chud par ston pa'o// nad pa zhes smras pa ji tsam la bya zhe na/ nad pa'i tshad ni mi nus pa'o zhes pa yin te zan lan cig gis mi chog pa tsam gyi nad pa zhig yin na nad par chud do bar ston pa'o//nar ma ni bos pa ma yin zhes pa ni zas nar ma bos par ma gtogs pas na/ yang yang gi grangs su nar mar zos pa mi gzhug par ston pa'o/ /lam yongs kyi yang ngo zhes pa ni mgron du bos pa'i lam yongs su spyan gzigs la sogs pa cung zad tsam zhig 'dir gsol la gdugs tshod nyid gar spyan drangs par gsol zhes zer ba lta bu ni yo lang ltog mo zhig tu bshams pa zos kyang nyes med par ston pa'o//ku re byed pa ni yod pa ma yin zhes pa ni sngar ku re byas te bos pa'i 'og tu gud du zos pa ni snga ma dngos su yod pa yin pas na nyes pa med par ston pa'o//dge 'dun de'i phyir ma yin na'o zhes pa ni dge slong bdag gi phyir dge 'dun spyan drangs pa ma yin te bdag kyang dge 'dun spyis spyan drangs pa'i khyu rlabs tsam du zad na ni yang yang zos kyang nyes med par ston pa'o/ /lnga po gzhan la byin na yang ngo zhes pa ni yang yang du bos pa dge slong pha dang /dge slong mdang dge slob ma dang / dge tshul pha dang dge tshu lnga la byin zhing bshugs pa'ang rung bar ston pa'o/ /de ni chos so zhes pa ni de ltar bshugs shing byin pa rigs so bar ston pa'o/ /gzhan blangs te'o zhes pa ni yang yang gi zas blangs nas gzhan na yang nyes med par ston pa'o//mu ge'i tshe bos so cog bdag gir bya zhes pa ni mu ge byung ba'i tshe bos so cog bdag gir byas kyang yang yang gi nyes med par ston pa'o/ /zos kyang ngo zhes pa ni mu ge'i tshe rnyed do cog zos kyang nyes med par ston pa'o/ /byin pa yang ngo zhes pa ni mu ge'i tshe rnyed do cog gud du bshugs kyang bla bar ston pa'o//de ltar gzhan la byin zhing bshugs su yon bdag mi dga' na thabs ji ltar bya zhe na/ sbyin bdag mi dgar dogs na kham gnyis gsum zos pa'i 'og tu dge slong 'di zas kyi phongs pa la bdag gis bshugs kyis khyim bdag rjes su yi rang bar gyis shig ces 'dun par bya ba zhes pa yin te thabs 'di ltar gyis la grogs zas kyis brel ba la bshugs shig pa'o//yang yang za ba'o// // gnas spyod pa'i ltung ba ston par 'dod pa ni/ chos 'di pas ma yin khyim pa'i bdag po dang bcas rab tu 'byung dgu'i ma yin pa gnas so zhes pa la sogs pa yin te/gnas de bdag cag gi rab tu byung ba rnams kyi phyir brtsigs pa'ang ma yin/ rab tu byung dgu'i phyir brtsigs pa'ang ma yin te mu stegs pa'i rab tu byung ba rnams kyi phyir brtsigs pa la khyim pa'i bdag po dang yang bcas pa nyes par 'gyur bar ston pa'o//gang zag lta bu la nyes par 'gyur zhe na/ nad pa ma yin pa dang sbyin bdag gis ma nyes na'o zhes pa yin te nad pa'ang ma yin sbyin bdag gis kyang ma bos na gdod nyes par 'gyur ba'o/ /bslab pa 'di la ji ltar byas pas ci 'dra ba'i nyes par 'gyur zhe na/zos nas de'i za ba na rtsa ba zhes pa dang / lon nas 'dug na nyes byas zhes pa yin te lan gnyis su zos na ltung ba dang / zhag gnyis su 'dug na nyes byas su ston pa'o/ /bdag po med na yang ngo zhes pa ni bdag po med pa'i 'og tu lan gnyis zos na nyes byas su ston pa'o/ / 'dir 'di'i rab tu byung ba mu stegs pa bzhin zhes pa ni mu stegs pa'i rab tu byung bas brtsigs par lan gnyis su zos na'ang nyes byas las med pa bzhin du bdag gis rab tu byung bas brtsigs par lan gnyis zos na'ang nyes byas su 'gyur bar ston pa'o/ /gnyen yang ngo zhes pa ni gnyen gyis brtsig par lan gnyis zos na'ang nyes byas su 'gyur bar ston pa'o//de bzhin du bza' ba ma yin gyi bca' ba zos na nyes byas su 'gyur bar ston pa'o/ /gnas spyod pa'o// // lhung bzed gnyis gsum las lhag par blangs pa'i ltung ba ston par 'dod pa ni/bstabs pa zhes pa yin te bos shing bdar ba'ang yin no / /ji ltar bstabs she na/ ma bcad pa zhes pa yin te 'di tsam khyer cig ces spags por ma bcad na nyes par 'gyur ba'o/ /khyim pas bstabs so cog las nyes par 'gyur ram zhe na/ ji bder ma byas na'o zhes pa yin te bstabs su zin kyang ci 'dod pa khyer cig ces mi zer na nyes par 'gyur ba'o//rab tu byung bas bsod snyoms bstabs pa las kyang nyes par 'gyur ram zhe na/ khyim pa yin na'o zhes pa yin te stobs pa khyim pa yin na gdod nyes pa rangs par 'gyur ba'o//zas ji tsam gyis nyes par 'gyur zhe na/ tshod ma ma gtog par 'bras yu gad+hA'i phul phyed dang lnga btsos pa rnyed kyi phul tshad las lhag par grogs kyi skal shas dang bcas pa'i bsod snyoms na'o zhes pa yin te tshod ma ma gtogs par 'bras skam yul ma gad+hA'i phul phyed dang lnga btsos pa las lhag par bdag nyi tshe'i phyir ram grogs kyi skal shas dang bcas par blangs na nyes par 'gyur ba'o//de'ang ji ltar byas pas nyes par 'gyur zhe na/ zos na'o zhes pa yin te mgrin par mid de zos na gdod nyes par 'gyur ba'o/ /zos so cog las nyes par 'gyur ram zhe na/mnos na'o zhes pa yin te de nyid du zos pa ma yin gyi mnos nas zos na gdod nyes par 'gyur ba'o/ /'dir nyes byas zhes pa ni mnos na nyes byas su 'gyur bar ston pa'o/ /gzhan gyis byas pa yang ngo zhes pa ni gzhan mnod du bcug ste/ zos na yang nyes byas su 'gyur bar ston pa'o/ /gzhan du na nyes med ces pa ni ma mnos te de nyid du zos na yang nyes med par ston pa'o/ /skam yang ngo zhes pa 'bras skam du mnos na tshad gong du smos pa las lhag par khyer yang 'di'i skabs su nyes med par ston pa'o/ /gal te mnos pa las lhag na dge slong la bgo zhes pa ni tshad gong du bstan pa las ma lhag pa ni mnos la bdag gis mi yog na ma dor bar dge slong gzhan la bgo shig pa'o//lhung bzed gnyis gsum gang ba las lhag par ma nos pa'o// // zas btang ba las slar za ba'i ltung ba ston pa ni/'grangs kyi bar du bza' zhes pa la sogs pa yin te nam bkres pa yin gyi bar du zos shig pa'o/ /zas brtsams nas mi ldang / zhes pa ni gral de kho nar bza' bar brtsams nam ldang shig par ston pa'o/ /brtsams pa de'i mtshan nyid ston pa ni/ tshwa yan chang gang ci'ang rung ste bza' bar blangs pa ji tsam ji rnyed pa de'i rnam pa'o zhes pa nan te tshwa tsam yan chad blangs na des brtsams par gyur to bar ston pa'o//'og nas 'bring btang ba dang lhag ma byas na'o zhes 'byung bas na/ btang ba dang lhag ma ji ltar bya ba'i mtshan nyid ston pa ni/ gnas las 'phags na btang ba'i zhes pa la sogs pa yin te gnas gang yin pa las langs na btang ba'o/ /de'ang gang zhe na/ 'dug nas so zhes pa yin te 'dug pa'i gnas nas langs nas gdod nyes par 'gyur ba'o/ /'dug go cog las sam zhe na/ rtsa ba'i bca' ba la sogs pa'i zas brtsams pa'o zhes pa yin te bca' ba la sogs pa'i zas brtsams pa las langs na gdod btang bar 'gyur ba'o//langs pa nyi tshes btang bar gyur pa ma zad pas na/ rtsa ba dang sdong bu dang 'dab ma dang me tog dang 'bras bu'i bca' ba dang ltung ba las gzhan ba rung ba'i zas mi rung ba dang ma 'dres pa 'brim pa rung ba'i phyogs na 'dug pa la bzlog pa byas na'o zhes pa yin te/'di dag lta bu'i zas 'brim pas kyang mnyes par byin pa las mi 'dod ces pa la sogs pa'i tshig gis bzlog na'ang btang bar ston pa'o/ /de la bza' ba mi 'dod ces byas na ni bca' ba yang btang bar 'gyur ro//bca' ba mi 'dod ces byas pa ni bza' ba btang bar mi 'gyur ba'o/ /mi 'dod ces gsal por ma smras te de sgrub pa'i tshig gzhan smra na'ang btang bar 'gyur ba ni/ byin zhe na yang de'o zhes pa dang / song zhes pa dang / zos zin to zhes pa yang ngo zhes pa rnams yin te sems kyis kyang mi 'dod par bsams la phas byin par bstabs pa dang / 'o nir byin zhes zer ba dang yar song zhes zer ba dang zos zin to zhes zer na yang btang ba yin no bar ston pa'o/ /re zhig ces pa'i tshig ma spel na'o zhes pa ni gong du smos pa'i tshig de dag la re zhig gam je zhes bya ba dang /ma spel bar smras na gdod gong ma ltar 'gyur ba'o/ /chog go zhes pas kyang ngo zhes pa 'di skad du smras pas kyang btang bar ston pa'o/ /btung ba'i mtshan nyid ston pa ni steng du kha zas mi 'chag pa'i thug pa yang btung ba'o zhes pa dang sor mo lnga mi mngon pa'i skyo ma yang ngo zhes pa yin te thug pa 'di tsam gyi tshod dang skyo ma 'di tsam gyi tshod kyang btung ba'i khongs su 'gre bar ston pa'o//gong du byin pa bzlog na btang ba'o zhes smos pa de'i bye brag ston pa ni / ku res na byin len ma yin zhes pa yin te phas ku re byed par dogs nas mi 'dod ces bzlog pa lta bu ni btang ba ma yin bar ston pa'o//btang ba'i mtshan nyid de ltar bstan nas lhag pa'i mtshan nyid da ston pa ni/ mtshams kyi phyi rol dang mi 'grub pa'i phyogs dang mdun du ma bab pa ni lhag ma byas par mi 'gyur ro zhes pa la sogs pa yin te lhag ma byed par gsol ba dang lhag mar byed pa'i bar du chu la sogs pa'i mtshams kyis chod dam mthon dman khyer ram g.yas g.yon du gyur na lhag ma byas par mi chud par ston pa'o//lag tu ma blangs par byas nas ma yin zhes pa ni lhag ma bya ba'i zas de lag tu ma blangs par lhag ma byas na byas par mi chud pa'o//mi rung ba la mi bya zhes pa ni thug thub tu blangs pa la sogs pa mi rung ba'i zas la lhag ma byed cig par mi ston pa'o/ /de dang 'dres pa yang ngo zhes pa ni thug thub du blangs pa la sogs pa'i mi rung ba dang 'dres pa zhig na yang lhag ma ma byed cig par ston pa'o//gnas btang bas bya zhes pa ni gnas ma btang ba'i mis lhag ma gyis shig par ston pa'o/ /gnas ma btang ba nyid ces bya 'am zhe na/ mi bza' bar bsams pas kyang ngo zhes pa yin te gral nas ma langs na ni bza' bar bsams pas kyang lhag ma gyis shig pa'o//ma gsol kyang ngam zhe na gsol nas so/ /ces pa yin te lhag ma bgyis gsol zhes zer na gdod gyis shig pa'o/ /lhag ma ji ltar zhe na/ khyod kyis yin gyis song shig ces pa'i tshig bya zhes pa la sogs pa yin te/da khyod kyir gyur gyis khyer zhes gyis shig pa'o/ /ci bder zos shig ces kyang kha cig go zhes pa ni snyad 'di skad du byas kyang rung ngo zhes kha cig 'chad do bar ston pa'o/ /kham gnyis gsum zos nas so zhes pa ni lhag ma byed pas kham gnyis sam gsum zos nas gong ma skad du gyis shig pa'o//ci mi bza' bar bsam pas kyang de lta 'am zhe na bzlog par byas pas mi bza' ba zhes pa yin te mi bza' bar bsams pas ni gong ma ltar ma byed par sbags pa'i lag pas lhung bzed la mnan te gong du smos pa skad du gyis shig pa'o//gzhan gyis lhag ma byas pa bza' zhes pa ni gcig gis lhag ma byas na gzhan gyis kyang bzar rung bar ston pa'o/ /'brid/ /'du shes ji la brtsan zhe na/ btang ba dang lhag ma ma byas na'o zhes pa yin te btang bar yang shes/lhag ma ma byas par yang shes la zos na gdod nyes par 'gyur ba'o/ /de'ang ji ltar byas pas nyes par 'gyur zhe na zos na'o zhes pa yin te de'ang zos na gdod nyes par 'gyur ba'o/ /de'ang ci zhe na zas tsam gyis so zhes pa yin te bca' ba la sogs pa'i zas tsam zos na yang nyes par 'gyur ba'o//'di dang sbyangs pa'i yon tan gyi stan gcig pa gnyis la khyad ci yod ce na/ des ni ma btang bar stan las ldang ba dang lhag ma byas pa gnyis ka bzar mi rung ba'i khyad yod do/ /stan gcig gi zas so// // btang ba slar zar bcug pa'i ltung ba ston pa ni bcug pa na'o zhes pa ni lhag ma byas pa slar zar bcug na gdod nyes par 'gyur ba ste yan lag gzhan ni 'brid ces pa la sogs te/gong du smos pa dang sbyor cig pa'o/ /dge slong la'o zhes pa ni de ltar slar zar bcug pa yang dge slong yin na gdod nyes par 'gyur ba'o/ /btang ba las bcud pa'o// 'dus shing za ba'i ltung ba ston par 'dod pa ni 'brid ces pa la sogs pa yin no/ /'du shes ci la brtsan zhe na/ mtshams kyi nang na yang 'khod la dge 'dun du gyur pa'i dge slong dang bkad sar gnyug mar lhan cig tu za ba las logs shig tu za na'o zhes pa yin te mtshams gcig gi nang na 'khod pa'ang yin la bkad sa gnyug mar spyis 'dus te/bza' bar rigs pa las logs shig tu chad cing gar te za na nyes par 'gyur ba'o/ /dge slong gcig pu logs shig tu zos pas nyes par 'gyur ram zhe na/ bsdongs nas so zhes pa yin te gcig pu ma yin gyi bsdongs shing za na gdod nyes par 'gyur ba'o//de'ang rnam pa ji ltar byed pas she na/ lhan cig tu za na'o zhes pa yin te de'ang so so'am snga phyir mi za ba'i cig car stan gcig tu za na gdod nyes par 'gyur ba'o/ /du bsdongs pas she na gcig gi steng du gsum la sogs pas bsnan te/mdor na bzhi yan chad do/ /gsum la sogs pa'o zhes pa yin te gsum la sogs pa ste/ bzhi yan chad bsdongs na gdod nyes par 'gyur ba'o/ /de la yang gsum ni bkad kyi gcig 'brim na nyes par mi 'gyur ba'o/ /gsum la sogs pa'i khongs su bsnyen par ma rdzogs pa yang gtogs sam zhe na/de dge slong ngo zhes pa yin te de dag kyang dge slong she dag na gdod nyes par 'gyur ba'o/ /dus la bab du zin kyang gsum dang lhan cig zos pas nyes par 'gyur ram zhe na/ gang gos med pa'i zas gnyis pa rnyed pa grur zhugs pa bzhin zhes pa yin te bslab pa 'di yang grur zhugs shing lam bgrod/nad pa yin zhing las byas na gos med pa'i zas lan gnyis pa yang bzar rung ba dang 'dra bar ston pa'o/ /'du shing za'o cog nyes par 'gyur ram zhe na/ phal cher 'dus pa las gzhan du na'o zhes pa yin te dus ston gyi yo lang chen po g.yos pa'i tshe yon bdag kha mang pos dge slong bzhi lnga tshoms su mer bos te so sor zos kyang nyes med par ston pa'o//grong du zos na'o zhes 'byung ba zas zos so cog gis nyes par 'gyur ram zhe na/ 'di'i tshul gyis rab tu byung ba ma yin pa'i zas las gzhan pa'o zhes pa ni rgyal po gzugs can snying po'i tshob pa'i rab tu byung bas dge 'dun kha cig spyan drangs pa lta bu ste/bdag cag gi rab tu byung ba ma yin pa'i rab tu byung bas bshams pa'i zas zos pa ni nyes pa mi 'gyur bar ston pa'o//zos na'o zhes pa ni gud du zos na gdod nyes par 'gyur ba'o/ /mtshams kyi nang na 'khod de der 'ong ba'i rigs pa las 'od ba ma dris par zos na phyed 'das pa'o zhes pa ni bkad sa gnyug mar 'dus pa'i tshe kha cig ma 'ongs pa ga re zhes der 'dus pa rnams kyis ma 'dres par zos na nyes par ston par ro//gang ci'ang rung ste cung zad bsrul na zas gcig tu byas pa'o zhes pa ni bkad sa gnyug ma na 'khod pa dang logs shig tu za ba rnams cha yan chad ci yang rung phan tshun bsrul cing skur na lhan cig tu zos pa dang 'dra bas nyes med par ston pa'o/ / 'gro ba dang 'ongs pa dang nad pa dang de'i rim gro ba dang gtsug lag khang skyong las gzhan pas tshang mang dang bskos mal nas thams cad kyis ma zos par mnos shing mi bza' zhes pa ni ming gis smos pa 'di dag gtogs pas dge 'dun gyis ma gsol ba'i sdun tshogs su tshang mang dang bskos mal nas ma mnod cig pa'o//'dus shing za ba'o// // dus ma yin pa'i zas kyi ltung ba ston pa ni/ nyid kyi gung gi mtha' nas skya rengs shar gyi bar du dus ma yin zhes pa la sogs pa yin te bdag cag nyid kyi gling gi nyi ma'i gud nas phyi de nyin bar skya rengs shar gyi bar dus ma yin par ston pa'o//de nyid 'brid ces pa ni de lta bu'i dus ma yin par shes na nyes par ston pa'o/ /de yang ji ltar byas na nyes par 'gyur zhe na/ bza' ba dang bca' ba zos na'o zhes pa yin te bza' ba dang bca' ba gang zos kyang rung ltung bar ston pa'o/ /dus ma yin pa'i zas so/ /bzhag pa'i ltung ba ston par 'dod pa'i thog mar bzhag pa'i mtshan nyid je ston pa ni snga dro'i zas byin len byas pa dang phyi dro'i zas de'i thun yol na bzhag pa'o zhes pa la sogs pa yin te/snga dro'i zas su byin len byas pa las phyi dror yol ba dang phyi dro'i byin len byas pa srod kyi thun 'das na bzhag pa yin no bar ston pa'o//de dag ltar 'das pa yang blangs pa'i byin len ma zhig na'o/ /de nyid do zhes pa ni bzhag pa de nyid du gyur na gdod nyes par ston pa'o/ /thug thub tu blangs pa mi bza' zhes pa ni byin len ma byas par bdag gis thug thub tu blangs pa ma za shig pa'o/ /mtshams kyi nang du btsos pa dang lus pa yang ma yin zhes pa ni mtshams kyi nang du btsos pa dang lus pa 'di gnyis kyang ma za shig pa'o//de la nang du lus pa ni dge slong nyid gang na 'khod pa'i gnas kyi nang du lus na gdod nyes par 'gyur gyi phyi rol la sogs pa'i mtshams kyis ni mi bzung ngo / /yon bdag gis nas 'bras la sogs pa dge slong gi gnas su bzhag cing btsos kyang yon bdag gi yin pa'i phyir nang du btsos pa dang lus pa'i nyes par mi 'gyur ba'o//dge slong gis btsos pa yang ngo zhes pa ni 'di yang ma za shig par ston pa'o/ /gong du btsos zhes smos pa'i btsos pa dang ma btsos par ston pa ni/'dir gang rjen pa de btsos pa'o zhes pa yin te gang rjen pa las btsos pa na gdod btsos pa yin par ston pa'o/ /de la sra snyi'i bye brag las rjen tshos kyi nyes pa ston pa ni mi snyin sum cha gcig tshos pa phan chad de'o zhes pa yin te 'bras la sogs pa sra ba zhig na/ sum cha gcig ma tshos pa phan chad rjen pa yin par ston pa'o//snyi ba ni mdog gyur na'o zhes pa ni lo ma la sogs pa snyi ba zhig na mdog ma gyur pa phan chad rjen pa yin par ston pa'o/ /khu ba ni lhag gnyis na de'o zhes pa ni 'o ma la sogs pa ni lhag gnyis su ma gyur pa phan chad rjen pa yin par ston pa'o/ /mes rung bar byas pa ma btsos pa ma yin zhes pa ni mes brtags pa'ang btsos pa'i khongs su 'gre bas na mes mtshams kyi nang du rung bar ma byed cig pa'o//gnas su gna' nas gyes pa ni ma lus pa ma yin zhes pa ni shing lta bu gna' nas gnas kyi nang du skyes shing 'dug pa zhig na yang mtshams kyi nang du lus pa yin no bar ston pa'o//rtsa ba mtshams kyi phyi rol na 'dug la lo ma nang du bo ba dang rtsa ba nang du zug la lo ma phyi rol du bo ba dang / lo ma nang du lus la zho phyi rol du bsrubs pa la sogs pa ni nang du lus par gtogs so/ /sa bon nang na bzhag pa las zhing la btab pa ni ljang bu la sogs pa dngos po gzhan du gyur pa'i phyir nang du lus pa ma yin par 'gyur ro//snod kyi phyogs gzhag pa yang der btsos pa'o zhes pa ni mtshams kyi so kho nar thab btsugs te snod phyed ni mtshams kyi nang du gtogs/ snod phyed ni mtshams kyi phyi rol du gtogs na yang nang du btsos pa'i khongs su 'gre bar ston pa'o//'tshed pa der gtogs kyang ma yin zhes pa ni btso ba nyid mtshams kyi phyi rol na 'tshed pa'i byan po nang du 'dug pa lta bu ni 'tshed pa mtshams kyi nang du gtogs kyang phyi rol du btsos par ston pa'o/ /me snod ma yin pa ma yin zhes pa ni mdag me'i steng du bsreg pa lta bu yang snod kyi nang du btsos pa dang 'dra bar ston pa'o//de nas phyung ba dang byung ba ni de ma yin zhes pa thab kyi nang nas phyung ngam me dang mdag ma la sogs pa nang nas drang ste btsos pa lta bu ni nang du btsos pa ma yin par ston pa'o/ /nye spyod kyang gnas bzhin nyes pa ni nye spyod kyang gnas dang 'dra bar ston pa'o//de yang ji tsam tshun chad zhe na/ 'dom mo zhes pa yin te/ 'dom gang tshun chad nye spyod yin par ston pa'o/ /steng gi nam mkha' 'dus pa yang ngo zhes pa ni steng ma bkab na lus kyis slebs shing spyod pa man kyang nye spyod du gtogs par ston pa'o/ /nang gi yang ngo zhes pa ni steng bkab pa zhig na bkab pa'i 'phang ji tsam pa man chad kyi nam mkha' yang nye spyod du gtogs par ston pa'o//yang thog rtseg ma'ang de'o zhes pa ni khang pa brtsegs pa du mar 'dug pa zhig na nye spyod kyi khongs su gtogs par ston pa'o/ /gcig gis gzhi mnan pa gcig gi ma yin zhes pa ni dge slong gi gnas su khyim pas phrogs sam dbang yang rung ste gzhi btab na dge slong gi gnas ma yin par ston pa ste der btsos shing lus kyang btsos pa dang lus pa'i nyes med par ston pa'o//nam 'tsho ba ni thug thub tu blangs pa dang btsos pa dang dge slong gis btsos pa bkag pa de dag gi dus la mi brten ces pa ni nam 'tsho ba'i sman du byin gyis brlabs na ming gis smos pa 'di dag dang ma sbyar cig pa'o//de la thug thub tu blangs pa'i dus ni snga dro bza' bar thug thub tu blangs pa snga dro nyid kyi dus dang sbyar ba dang phyi dro bza' ba thug thub tu blangs pa phyi dro nyid du dus dang sbyor ba la sogs pa'o/ / 'bags pa ni zas kyi phyed do zhes pa ni lhung bzed la sogs kha gzar yan chad la zas kyi lhag mas 'bags pa zos na zas kyi phyed yin pas nyes byas su gyur par ston pa'o/ /kha'i dri ma yis bza' ba dang btung ba'i 'o zhes pa ni kha'i dri ma dang bcas pas zos sam 'thungs na yang zas kyi phyed du ston pa'o//kha bkru ba'i thabs ji ltar bya zhe na/ 'di'i phyi rol ni lci ba'am 'jim pas sbyang zhing chus bshal te bkru zhes pa dang / nang gi chu mkhur gnyis gsum gyis bshal te bor na'o zhes pa yin te kha'i phyi nang bkru ba thabs 'di ltar gyis shig pa'o/ / lhung bzed bkru ba ji tsam gyis bkrus par chud ce na/ lan gnyis gsum du dril te snying nas byas na lhung bzed mi 'khrig kyang dag pa'o zhes pa yin te sug pa la sogs pas lan gsum bkrus shing snying nas legs par bkrus na mi 'khrig tu zin kyang dag par snang ba'o / / langs pa ni nyes med ces pa ni lhung bzed nyid kyi tshon la sogs pa langs te blugs pa'i steng na snang du zin kyang nyes pa med do bar ston pa'o/ /mi 'byar ba ni 'bags pa ma yin zhes pa ni mar dang thug pa lta bu la sogs pa 'byar ba ma yin gyi la du sogs pa mi 'byar ba zhig na 'bags par mi 'gyur bar ston pa'o//snum na go 'dun dang lci ba dang sa gang yang rung bas bkru zhes pa ni lhung bzed la snum gyis phog na ming gis smos pa 'di dag gang yang rung bas khrus shig par ston pa'o/ /langs pa bzham zhes pa ni 'o tshan la sogs pa blugs pa dang snum ma dag pa la sogs pa langs na langs pa de nyid zhoms la 'or cig pa'o//phyogs 'gar 'bags na de nyid bkru zhes pa ni lhung bzed phyogs 'ga' zhig tu 'bags na de nyi tshe khrus shig pa'o/ /bum pa la sogs pa snum med par bya ba'i phyir 'jings zab mor dor zhes pa ni snum dbyung ba'i phyir thabs 'di ltar gyis shig pa'o//nya dang rus sbal dang sbal pa dkar po dang srin bu lu ka rnams kyis bldags kyi bar du gzhag ces pa ni 'jings su bor ba de 'di rnams kyis bldags kyi bar du zhog shig pa'o/ / bsregs pas kyang snum yal lo zhes pa ni yang na bsregs pas kyang snum med par ston pa'o//de ltar bldags shing bsregs te snum yal ba'i 'og tu ji ltar bya zhe na/ snum yal nas go 'dun nas lci bas bkrus na gtsang ngo zhes pa yin te 'di dag gis bkrus na gtsang ngo bar ston pa'o//tshwa dang ba tshwa dang rnyog pa'i chur gyur pa ni tshwa la sogs pa'i phyir ro zhes pa ni 'di gsum gyi chu yang tshwa la sogs phyed yin pas na thug thub tu blangs sam bzhag pa 'thungs na nyes byas su 'gyur bar ston pa'o/ /dus ma yin yang thams cad kyir rung zhes pa ni gong du smos pa 'di dag byin len byas na nad pa ma yin pa la sogs pa gang gis kyang dus ma yin pa'i tshe btung du rung bar ston pa'o//tshwa dang ba tshwa nyid kyi las mi byed na yod pa ma yin zhes pa ni 'di dag gi chu nyid kyi ro mi bro na gong ma lta bu'i nyes pa'ang med par ston pa'o//phyi ma ni gzugs brnyan byung na'o zhes pa ni gnyis kyi phyi ma ste rnyog par 'gyur pa de ni gzugs brnyan snang na gong ma lta bu'i nyes med par ston pa'o/ /ka ta ka'i 'bras bus chu dngas par 'gyur ro zhes pa ni chu rnyog ma can gyi nang du 'bras bu 'di bcug na rnyog ma dngas par ston pa'o//thal ba dang zan chang gis kyang ngo zhes pa ni 'di dag gis kyang chu dngas par ston pa'o/ /'di mi gyes par snum gyis so zhes pa zan cang de mi gyes pa'i spyad du snum gyis bskus la chur 'or cig pa'o/ /chu mig tu zhugs pa ni mngon na yod pa ma yin no zhes pa ni dus ston chen po la sogs pa'i tshe chu mig bkru bshal la sogs pa mang bas snum la sogs pa'i zhag yod na zhag gi snyigs ma de dag phan tshun bsal te mi mngon bar gyis la chus shig dang spags pa la sogs pa'i nyes pa med do//'dres na de'i phyogs nyi tshe bas la zhes pa ni byin len bya'am rung ba'i zas dang byin len ma byas pa'am mi rung ba la sogs pa dang 'dres na de nyi tshe bsal cing phyir 'or cig pa'o//bya rog gi mchus reg na than kor zhes pa ni zas la bya rog gi mchus phog na de'i than kor nyi tshe khol la 'or cig pa ste 'di ni mi gtsang ba med par ston pa'o//de dang 'brel pa'i rgyun la reg kyang de la reg pa ma yin zhes pa ni ril blta bu nas chu ldugs pa blugs pa'i breng ngam rgyun dang 'brel du zin kyang ldugs pa'i snod med pa dang / /'phags pa ma yin par ston pa'o/ /'khrul pa'am dran pa nyams pas kyang ma yin zhes pa ni thug thub tu len pa lta bu ni nor tam dran pa nyams pas byas na nyes med par ston pa'o//'di gnyis kyis spogs shing gzhag pa'ang ma yin zhes pa ni 'khrul pa dang dran pa nyams pa gnyis gyis blangs shing bzhag tu zin kyang nyes pa med par ston pa'o/ /ring por mi bskur bar gzhag ces pa ni de ltar 'khrul tam brjed de blangs pa las de lta bur shes na de'i mod la zhog shig pa'o//mod bzhag par ring du khyer na ni reg pa la sogs pa'i nyes par yang 'gyur ba'o/ /phya bdal bas blangs pa dang byin len byas pa ma yin zhes pa ni phas pham pa ma byung du zin kyang bslab pa la mi bsnan cing lhod pas thug thub tu blangs kyang dge slong gzhan gzhan gyis bzar rung ba dang des byin len byas kyang gzhan gyis byin len du mi rung bar ston pa'o//byin len du 'os pa las 'brel pa ma 'brel na blangs pa ma yin zhes pa ni byin len byas pa'i lag nas ma 'phags na thug thub tu blangs pa dang byin len byas pa gnyis kar mi 'gyur bar ston pa'o//srad bu la sogs pa nges bzung ba dang 'brel na yang 'brel pa'o zhes pa ni zas la sogs pa nyid de'i lag nas 'phags su zin kyang srad bu la sogs pa'i brang des bzung na yang 'bral pa yin te gong ma ltar 'gyur ba'o/ /bzhag pa dang byin len byas pa dang thug thub blangs pa rnams sdom pa dang lta ba mtshungs shing tha mi dad na gcig go zhes pa ni dge slong ma dang dge slong ma lta bu sdom pa tha mi dad pa dang lhas byin gyis phyogs su khas blangs pa dang blangs bar tha mi dad na gong du smos pa rnams gcig tu ston pa'o//gong ma'i ni 'og ma'i yang ngo zhes pa ni dge slong mas thug thub tu blangs pa la sogs pa ni dge slob ma'i nyes par 'gyur gyi dge slob mas thug thub tu blangs pa la sogs pa ni dge slong ma'i nyes par mi 'gyur bar ston pa'o//skyes pa dang bud med phan tshun du khyim pa bzhin zhes pa ni dge slong pha dang dge slong ma gcig gis gcig la byin pa ni khyim pas byin pa dang 'dra ste byin len du rung bar ston pa'o//thug thub tu blangs pa dang bzhag pa'ang de bzhin/ dge tshul gyis reg pa nas sbed pa'i bar du nyes byed pa yang de bzhin zhes pa ni dge tshul gyi zas la dge slong gis reg cing sbed pa yang gong ma bzhin du nyes med par ston pa ste de phyis spyod kyang nyes med par ston pa'o//re ba dang bcas par byin na btang ba yin zhes pa ni thug thub tu blangs pa la sogs pa slar byin du re ba dang btsangs te bsnyen par rdzogs pa la byin na ltung ba nyid ma yin par ston pa'o/ /re ba med par btang ba las re ba dang bcas pa ni byed do zhes pa ni sngar re ba med par byin pa las phyis re ba yod de byin len byas nas zos pa ni nyes byas su 'gyur bar ston pa'o//de lta bas na mi blang zhes pa ni gong ma lta bu'i nyes par 'gyur bas na byin pa'i 'og tu ma slong shig pa'o/ /shes na mi blang zhes pa ni bdag gis byin pa yin par shes na slar ma len cig pa'o//skal ba mnos par reg pa ni mi rung ba med ces pa ni dpya rgyu'i thog shas la sogs pa bdag gi skal bar dbang ba mnos shing reg pa ni nyes med par ston pa'o/ /blangs nas kyang sba zhes pa ni de mnos nas kyang sbos shig par ston pa'o/ / de lta bu'i rkyen gyis na'o zhes pa ni gong ma ltar rung bar yang dge tshul la sogs pa med dam rkun chom la sogs pa'i rkyen gyis brtad na gdod nyes med par ston pa'o/ /shing rta bsgyur ba'i sa bzhag ces pa ni shing rta'i nang na dge 'dun gyi rtsang yod la bdag kyang rkyen gyis thebs te der mi 'jug tu mi rung na shing rta bsgyur ba'i sa zhog la 'dug shig par ston pa'o//'gengs pa yang ngo zhes pa ni shing rtar lhugs shing 'gengs pa'i tshe na yang shing rta bsgyur ba'i sa zhog shig pa'o/ /nad pas zhon pa na yang ngo zhes pa ni nad pa shing rta la zhon pa'i tshe na yang shing rta bsgyur ba'i sa zhog la zhon cig pa'o//gru'i ngor yang ngo zhes pa ni grur 'jug pa'i tshe na yang gru'i ngor ma 'dug shig pa'o/ /de 'dzin pa'i go yang ngo zhes pa ni rul mnyan gyis yang zhog shig pa'o/ /dge 'dun gyi dang sman ldud na bskyams pa dang dbyung ba dang gzar bus phyar ba dang dbab pa dang ngo zhes pa ni dge 'dun gyi zas la sogs pa 'tshed pa'i tshe ldud dam bdag gi sman la sogs pa ldud na thabs 'di dag ltar gyis shig pa'o//shing dbyung ba dang me bsad pa dang gos kyi mtha' ma la sogs pas rlung brlab pa'i nan tan snga nas bya zhes pa ni mdo gong ma ltar bya ba'ang 'di lta bu'i rim gro snga nas byas te/yang ma slon nas ldud na gdod gyis shig pa'o/ /gzhan med cing cho ga mi 'grub na chu brgal ba'i phyir khyer ba btang ste rgyags thug thub tu blangs pa ni rung zhes pa ni chu brgal ba'i tshe rgyags mi thon pa thag srad kyis gdags shing bsnyen par ma rdzogs pa 'dzin du gzhug pa la sogs pa'i cho ga yang mi 'grub la rgyags gud nas kyang mi rnyed pa tsam tshod na/bdag nyid kyis thug thub du blangs kyang bla bar ston pa'o/ /khyer ba med na sbyin bdag tshugs su gzhug ces pa ni rgyags khyer ba'i mi med na yon bdag las rnyos shig pa'o/ /khyer ba ma grub na bdag gis so zhes pa ni de ltar brnyas te ma rnyed na'ang bdag gis khyer cig pa'o//de nyid brjes pas bsgrub ces pa ni dro mal du phyin na bdag gis bskur bskur ba dang bsnyen par ma rdzogs pa gzhan gyi rgyags dang brjes shig pa'o/ /'di ltar yang ma grub na bza' zhes pa ni de ltar brjer yang ma grub na nyid kyis bskur bskur ba zo shig par ston pa'o//'di'am gzhan byin len byed pa med na byin len ma byas kyang ngo zhes pa ni nyid kyis bskur bskur ba'am gzhan gyis bskur bskur ba byin len byed pa med na byin len ma byas par zos kyang bla bar ston pa'o/ /nyid kyis khyer ba dang byin len ma byas par bza' bde la nam gyi tshe zhe na/zan bcad nas so zhes pa yin te zhag gcig smyung nas gdod de ltar gyis shig pa'o/ /nyi ma gang la zas ji tsam du bza' zhe na dang po'i nyin par ni stag sder gyis so zhes pa dang gnyis nas gnyis so zhes pa dang gsum nas 'grangs drod ces pa yin te dang po'i nyin par tshad gnyis bza' ba dang zhag gsum phyin chad 'grangs drod kyis zung shig par ston pa'o//'bras bu dus ma yin rung bar ma byas/ byin len ma byas thug thub blangs kyang bza' zhes pa ni 'bras bu bag ming gis smos pa 'di lta bu'i tshig dang mi sbyar bar zo shig pa'o//zas med na'o zhes pa ni gong ma ltar rung ba yang zas med na gdod de ltar gyis shig pa'o/ /zas med do chog na de'am zhe na/ bkres ches na'o zhes pa yin te ltogs shing bkres ches na gdod 'di ltar gyis shig pa'o/ /rtsa ba yang ngo zhes pa ni zas med cing ltogs na rtsa ba'i bag kyang dus ma yin pa la sogs pa gong ma bzhin du zo shig pa'o//nyid kyis lhags dbyung btsos kyang ngo zhes pa ni zas med cing ltogs na 'bras bu lhags shing rtsa ba dbyung ba dang btso ba la sogs pa'ang gyis shig pa'o/ /byin len ma byas pa la sogs pa spyod cing rtsom mo cog na byang gi sgra mi snyan gyi chos mngon par bsam zhes pa ni gong du byin len ma byas kyang bla bar ston pa la sogs pa spyod do tsog na byang gi sgra mi snyan pa sems dge zhing drang bas bdag gir mi byed pa bzhin du soms shig pa'o//lo ma'am lag bkrur yod na kha glugs su mi btung zhes pa ni lag bkrus la snyim bas btung ba'am lo mas btung du yod na kha glugs su btung bar ma byed cig pa'o//med na mi dben pa ma yin zhes pa ni chu nyungs sam lo ma med na dben par kha glugs su 'thungs shig pa'o/ /de na chu yod na kha dgab par mi bya zhes pa ni bum pa la sogs pa'i nang na chu yod na kha dgab kyis khon shig par ston pa'o//'di'i kha dgab ni rnam pa gsum mo zhes pa ni shing dang rdo kham pa'i 'o zhes pa khag ba rnam pa 'di gsum gyi rgyu las gyis shig par ston pa'o/ /chu snod kyi gzhi rdo'am shing gi bcang zhes pa ni de'i gzhi yang rdo'am shing las gyis pa'o//'dab ma snod kyi rgyu byin len ma byas kyis nyes med ces pa ni bza' ba'i 'dab ma ma yin gyi snod du bya ba'i 'dab ma yin na byin len bya mi dgos par ston pa'o/ /'dir lhags pa dang ma lhags pa bye brag med ces pa ni shing gi 'dab ma lhags kyang rung ma lhags kyang rung byin len bya mi dgos par mtshungs so//lhags pa gzhan med na ma lhags pa spyod ces pa ni shing gi 'dab ma rang lhags pa med na gdod ma lhags pa spyod cig pa'o/ /gzhag pa btang ba'o// // byin len ma byas par za ba'i ltung ba ston par 'dod pa ni/yon bdag gis snying nas btang la sbyin par byed pa gzhan med na nyid kyis blangs la bza' zhes pa ni dge slong dgon pa'i snod du yon bdag gis zas gzhag pa dang bcom ldan 'das 'khor dang bcas pa yon bdag cig gis spyan drangs pa'i tshe tshong khang mes tshig par kun dong nas byin bar byed pa med pa'i tshe nyid kyis longs la zo shig ces gsungs pa lta bu yin te yon bdag gis snying nas byin la sbyin par byed pa med na nyid kyis blangs te zos kyang bla bar ston pa'o// // phyin len gyi mtshan nyid ston pa ni/ mngon sum mtshams kyi nang rna'i phyogs na 'dug /lag pa bkan/ lus sam de dang 'brel bas len nus na bsnyen par ma rdzogs pa mi ma yin yang bla sbyin par sems/ yan lag de dang 'brel bas sbyin la bzed de blangs na'o zhes pa yin te 'di dag ltar byas na gdod phyin len du rung bar ston pa ste de mngon sum zhes pa ni glo g.yas g.yon dang rgyab nas ma yin gyi mdun nas drang por byin pa'o//mtshams kyi nang zhes pa ni chu dang sa sgal la sogs pas ma chod pa'o/ /rna'i ma'i phyogs na 'dug ces pa ni steng dang shod lta bu'am stegs bu la sogs pa khri 'phang mthon dman ma khyer bar sa mnyam pa'o//lus sam de dang 'brel zhes pa ni lag pa nyid dam lhung bzed la sogs pa lag tu thogs pas bzed pa'o/ /len nus na bsnyen par ma rdzogs pa dang mi ma yin yang bla zhes pa ni zas sam rdzas len cing sbyin nus na byin pa yan chad kyang blang ba dang /rta dang glang po cang shes kyis byin yang blang ba'o sbyin par sems zhes pa ni gyi nar 'dor ba ma yin gyi sbyin ba kho nar bsams pa'o/ /yan lag dang de dang 'brel zhes pa ni lag pa nyid dam gzar bu la sogs pa thogs pas byin pa'o/ / bzed ces pa ni sted nas blang ba ma yin gyi 'og nas bzed pa'o/ /smod pa'i skye bo la bstan nas dkyil 'khor du gzhag pa yang ngo zhes pa ni yul kha cig na byin len byed pa la smod cing mi dga' na dkyil 'khor gyi steng du zhog shig par brda byas te gzhag pa yang byin len du rung bar ston pa'o//lhung bzed dang de'i gzhi ni gcig go zhes pa ni lhung bzed kyi gzhong pa la sogs pa yin na lhung bzed du 'ongs pa'am gzhong pa'i steng du 'ongs pa 'dra bar ston pa'o/ /yal ga ni spra'i spyod yul bas na de rna'i sa ma yin par mi 'gyur zhes pa ni spras shing thog shig gi steng nas byin pa la spra'i spyod yul nyid de yin pas na rna'i sa phyogs ma yin par the tshom ma byed cig pa'o//khri dang khri'u dang thu ba dang gzhong pas 'bras bu bzed de blangs pa mi rung ba med ces pa ni ming gis smos pa 'di dag gis shing thog bzed de blangs na yang byin len du mi rung ba med par ston pa'o//de dag gnas pas mi smra bar brtag ces pa ni shing thog brtag pa'i tshe gnas kyis ma yin gyi shing thog gnas pas mi smra rtogs shig pa'o/ /snyoms par 'drim pa la dga' bar byas zhes bya ba ni pham rgya byed par 'drim pa la dga' bar gyis shig pa'o//byin len byas nas dge slong gis brim du rung zhes pa ni byin len byas pa'i 'og tu dge slong nyid kyis khyer te brims kyang bla ba'o/ /rtswa dang 'dab ma la sogs pas gos kyi gzan byas ra dang sbrang rtsi dang bu ram gyi bum pa brim zhes pa ni ming gis smos pa 'di dag lta bu brim pa'i tshe rtswa dang lo ma la sogs pas gos kyi gzan gyis shig pa'o//brim pa rab dang 'bring dang tha mar dbye zhes pa ni shing thog lta bu brim pa'i rdzas bzang po'ang bzang po sha stag tu dbye/ ngan pa'ang ngan pa sha stag tu phye ste rab 'bring gi rim par phye la gdod de ltar brims shig pa'o//shing tog a mra zhim po logs shig tu brim zhes pa ni a mra'ang zhim nga ba'i rim pa tha dad du phye la brims shig pa'o/ /mkhan po dang slob dpon gyis 'drim pa'i mnod ces pa ni 'drim pa shos skal shas 'di dag gis nos shig pa'o/ /mi 'thob pa thob pa ni drung na 'dug pas so zhes pa ni gong ma lta bur mkhan po dang slob dpon gyis kha bzung bas 'drim pa rgyal na 'drim pa nyid kyi gral gar dbab pa'i drung na 'dug pas nos shig pa'o//du ma na stan ma shor bar blang nus pa tshun chad do zhes pa ni 'drim pa du ma shig gi skal shas mnos dgos na bdag gi stan las ma 'phags par slebs pa tshun chad kyi nos shig pa'o//'brim pa nyid kyis stan las ma 'phags par 'dzin nus na byin len mi 'jig ces pa ni shing thog lta bu bdag gi stan las ma 'phags par bsnyabs te slebs pa tshun chad byin len du rung bar ston pa'o/ /sbrang bu dang grog sbur la sogs pas ma reg pa yang ngo zhes pa ni sder la 'di dag tsam gyi reg pa ni byin len mi 'jig par ston pa'o//dge slong gis ma shor na gzhan gyis kyang ngo zhes pa ni dge slong nyid kyis sder bzung bzhin du mi la sogs pa gzhan gyis reg kyang byin len mi 'jig par ston pa'o/ /byi bas ni 'jig par byed ces pa ni 'dis ni 'jig par ston pa'o//byin len slos pas ni mi rung ba med ces pa ni the tshom la sogs pas byin len slar slos na mi rung ba med par ston pa'o/ 'bring 'du shes brtsan pa'i yul gang zhe na/ byin len ma byas par na'o zhes pa yin te byin len ma byas par shes na gdod nyes par 'gyur ba'o/ /ji ma blangs she na/chu dang so shing ma gtogs pa'i zas las so zhes pa yin na / de yang ji ltar byas pas she na/ kha nas zos na'o zhes pa yin te rna ba la sogs pa gzhan nas ma yin na gdod nyes par 'gyur ba'o/ /yul thams cad du'ang de lta'am zhe na/ byang gi sgra mi snyan ma yin zhes pa ni byang gi sgra mi snyan du de ltar bya mi dgos pa'o//bsnyen par rdzogs pa med na bsnyen par ma rdzogs pas nad par bstabs zhes pa ni nad pa nyid kyi za ma mi nus pa'i tshe stobs pa dge slong med na bsnyen par ma rdzogs pas bstabs kyang bla ba'o/ /bsnyen par ma rdzogs pa yang bstabs zhes pa ni bsnyen par ma rdzogs pa'i nad pa dge slong gis bstabs te kyang 'gal ba med bar ston pa'o//byin len ma byas par za ba'o// // zas bsod pa slong ba'i ltung ba ston par 'dod pa ni/ 'o ma dang zho dang mar sar dang nya dang sha skam rnams zas bsod pa'o zhes pa la sogs pa yin te ming gis smos pa 'di dag la sogs pa bsod pa'i zas yin par ston pa'o//de dag las byed ces pa ni gong du ming gis smos pa'i zas de dag las nyes par 'gyur bar ston pa'o/ /sbyin bdag gnyen ma yin pa dang khyim pa na'o zhes pa ni bsod pa'i zas de dag kyang khyim pa dang gnyen ma yin pa las bslangs na gdong nyes par 'gyur bar ston pa'o//nyid kyis bslangs te zos na'o zhes pa ni da dag kyang nyid kyis bslangs te zos na gdod nyes par 'gyur ba'o/ /slong ba'i tshe nyes pa cir 'gyur zhe na/ slong ba dang bcug pa ni nyes byas zhes pa yin te nyid kyis slong ba dang gzhan slong du bcug te zos pa nyes byas su 'gyur bar ston pa'o//thams cad la nyes par 'gyur ram zhe na/ nad pa ma yin pa dang ci bder bstabs pa ma byas pa las so zhes pa yin te nad pa dang ci bde bar bstabs pa ma yin na gdod nyes par ston pa'o/ /de lta bas na gal te rnyed du zin kyang ngan pa'am bsod pa 'dra ba'am bzang po gzhan bslangs na'o zhes pa ni yon bdag gis gnyer cing pos su zin gyis kyang bzang po las ngan par slong ngam/mi bsod pa las bsod pa slong mtshungs pa slong ngam/ bzang por bsdams shing slong na rnyed pa'i tshe rtsa ba'i nyes par ston pa'o//ngan pa bslangs pa yang de lta'am zhe na/ 'dir ngan pa ni byed do zhes pa ni ngan par bslangs te zos na ni nyes byas su ston pa'o/ /ci bder bstabs pa ji lta bu yin pa'i mtshan nyid ston pa ni/ bsod snyoms khyer te 'ongs pa las kha rog par 'dug gam bkyigs pa dang 'o na ci slong zhes pa 'dri ba ni ci bder bstabs pa'o zhes pa yin te/'di dag ltar bya ba'i tshe 'o na ci 'dod ces zer ba yan chad ci bder bstabs pa'i khongs su gtogs par ston pa'o/ /bsod pa slong ba'o// // srog chags dang bcas pa spyod pa'i ltung ba ston par 'dod pa ni/ nyid kyir spyod pa'i phyir byed dam byed du bcug na'o zhes pa la sogs pa yin te bdag nyid kyi ched du spyad pa'i phyir srog chags dang bcas pa spyad dam spyod du bcug na ltung bar ston pa'o//'brid/ 'du shes brtsan pa gang zhe na/ srog chags dang bcas na'o zhes pa yin te srog chags dang bcas par shes bzhin du spyod na gdod nyes par 'gyur ba'o//srog chags dang bcas pa'i dngos po nyid gang zhe na/ chu mar/ 'bru mar/ sbrang rtsi bu ram 'o ma/ zho mar sar/ rkun tshe/ tsha zho khu/ rtsab mo/ 'bras bu bcas pa la sogs pa rnams spyod pa'o zhes pa yin te ming gis smos pa 'di dag srog chags dang bcas par shes na nyes par 'gyur ba'o//ji lta bu'i srog chags dang bcas pas nyes par 'gyur zhe na/ mthong ba'o zhes pa yin te mig gis gsod pa'i srog chags yod na gdod nyes par 'gyur ba'o/ /de'ang gang gi tshe nyes par 'gyur zhe na/ shi na'o zhes pa yin te de dag shi na gdod nyes par 'gyur ba'o//srog chags du ma shi yang ltung ba gcig tu zad dam zhe na/ srog chags re re'o zhes pa yin te sbyor ba gcig gis du ma shi yang sbyor ba gcig la ltung ba du mar 'gyur ba dang sbyor ba du mas srog chags du ma shin yang sbyor ba dang ltung ba so so'i grangs bzhin du sbyor ba'o//lus kyi yo byad du spyod pa ni spyad pa'o zhes pa ni lus kyi dgos par spyod do cog spyod par ston pa'o/ /de'i dngos nyid ston pa ni/ 'di lta ste bkru ba btung ba/ so shing bza' ba/ rka lag bkru ba rnams so zhes pa yin te ming gis smos pa 'di dag la sogs pa lus nyid kyi yo byad du ston pa'o //lus kyi yo byad du dgos pa yang lus kyi spyod pa yin par ston pa'o/ /gang yo byad kyir dgos pa ni spyod pa'o zhes pa ni yin te lus kyi yo byad kyi ched du 'gro ba de dag kyang lus kyi spyod pa'i khongs su gtogs pa'o/ /lus kyi yo byad de dag gang zhe na/ bza' ba dang lhung bzed dang gos dang gnas dang so shing dang me la sogs pa ni lus kyi yo byad do zhes pa rnams yin no//lus kyi yo byad de dag yo byad du bya ba gang zhe na/ sa dang lci ba dang tshon dang rtsi shing la sogs pa ni de dag gi'o zhes pa yin te sa dang rtsi shing ming gis smos pa 'di dag la sogs pa ni lus kyi yo byad de'i yang yo byad du ston pa'o//lus kyi yo byad de dag gi dgos pa nyid gang zhe na/ de dag gi dgos pa ni 'di lta ste/ bshal ba dang bkru ba dang 'tshed pa dang 'debs pa dang phyag pa dang thug pa zhu ba dang thug pa rnams su byed pa'o zhes pa yin te chu la sogs pa 'di dag yo byad de'i dgos pa yin no bar ston pa'o//yur ba gcod cing gtong ba yang ngo zhes pa yur chu bcad rka bsgyur bas srog chags kha dag na yang ji snyed pa kha dag pa rnyed kyi ltung bar ston pa'o/ /shing dang gzings 'jug cing 'dren pa dang 'don pa yang ngo zhes pa ni shing gzings chur 'jug gam 'dren tam 'don pas srog chags shi na yang ltung bar ston pa'o//cig thang las gzhan spu can la sogs pas khrus byed na'o zhes pa ni khrus ras cig thang ma yin pa'i nyi rim dang spu can la sogs pas khrus byed na yang nyes par ston pa'o/ /srog chags lhag par phal che ba'i chu des kyang sbyor ro zhes pa ni srog chags phal che na khrus ras cig thang las kyang nyes par ston pa'o//srog chags dang bcas par spyod pa'o// // da ni phran tshegs la sogs pa las srog chags dang bcas pa med par byed pa'i cho ga ston pa ni shing tshags bcang zhes pa la sogs pa yin te 'di lta bu'i tshags gyis shig par ston pa'o/ / 'di'i dngos nyid ston pa ni/ snod bzed pa'i steng du gdags pa'i phyir shing gsum lcags gzer gyis btab pa la blugs pa'i chu 'dzag pa'i chu tshags 'dogs pa ni de'i zhes pa yin te shing gsum spyi bsdus pa la tshags btags nas der blugs shing 'tshags pa ni shing tshags zhes bya ba yin par ston pa'o//chu tshags la chu gnas pa'i tshangs gzhug ces pa ni srog chags la mi gnod cing chu lteng bar bya ba'i phyir tshags kyi nang du tshangs chug shig pa'o/ /tshangs de rgyu ci las bya zhe na/ bye ma'am lci bas so zhes pa yin te bye ma sol bu'am lci bur gyis shig pa'o/ /bzed pa'i snod kyang zhes pa ni yang na tshags kyi zhabs nas snod gyis shig pa'o//de'ang rgyu ci las she na/ kham pa'am zangs gang yang rung zhes pa yin te rgyu 'di gnyis gang las byas kyang bla bar ston pa'o/ /'di shing gsum la gdags zhes pa ni bzed pa'i snod de shing gsum la thogs shig pa'o//thabs ji ltar gdags she na/ lung nas brtod ces pa yin te bzod pa'i snod de la gdags pa'i lung de las thogs pa'o/ /ci gdags she na/ snga ma srad bus so zhes pa dang phyi ma lcags thag 'jam pos so zhes pa yin te kham pa'i snod yin na ni srad bus gdags zangs kyi yin na ni lcags thag 'o bzebs thogs shig pa'o//'di bcang zhes pa ni snod de lta bu ched du chongs shig pa'o/ /chu mi 'dzag na chu tshags la spang leb kyis yang gdab yang gdab bya zhes pa ni chu 'dzag tu mi btub na thabs 'di ltar gyis shig pa'o/ /sbubs tshags ni bla'o zhes pa ni yang sbubs tshags gyis shig dang gron chung zhing bla'o bar ston pa'o//'di bcang zhes pa ni sbubs tshags de gang zag gis kyang chongs shig pa'o/ /de rgyu ci las bya zhe na/ kham pa'am zangs las so zhes pa yin no/ /'di dbyibs ji lta bu zhe na/ bum pa lta bu kha zhabs su gdod cing pad+mo lta bu la bu ga gdod ces pa yin te dbyibs bum pa lta bu la zhabs nas pad+mo'i snying po lta bu nang du rlo bar byas pa la bu ga mang du thod cig pa'o//ras mar btsag go zhes pa ni bu ga btod pa de'i steng ras g.yogs la tshogs shig pa'o/ /tshags bsham zhes pa ni tshags tha mal pa'ang gyis shig pa'o//de'ang ji lta bur bya zhe na/ tshags dang chos byed dang ras ma rkyang pa'o zhes pa yin te tshags tha mal pa lta bu dang bum pa'am shing la bskon pa'i tshags sam ras ma rkyang pa rnams gang yang rung ste 'di dag lta bu chongs shig pa'o/ /bum bu'am ku 'der brtags pa'i khyer ba dang / yod pa yang de bzhin zhes pa ni gud du 'gro ba'i tshe btsags pa'i chu khyer ram de bzhin srog chags med pa'i chu yod na chu tshags khyer ba dang 'dra bar ston pa'o/ /'di med par yul rgyu ba mi spyod ces pa ni chu tshags med par mgron du ma 'gro shig pa'o/ /'gro ba'i bla ma bslab pa gzhan yang ston pa ni/ 'khon pa dang mi 'grogs zhes pa la sogs pa yin te 'khon yod pa dang 'grogs te ma 'dong shig pa'o/ /gal te rkyen de 'dra ba zhig na bzod pa bya ste'o zhes pa ni 'grogs te ma song na 'tsho ba dang dge sbyong gi bar chad du 'gyur ba la sogs pa'i rkyen gyis thebs na/ 'khon bshags shing bzod pa gsol la gdod 'grogs te deng shig pa'o//dgos pa byar yod na yod pa'o zhes pa ni tshags khyim du lus pa'am spyad kar med pa ma yin gyi spyad kar yod na brnyas te yod kyang yod pa'i khongs su gtogs pa'o/ /de lta bas na 'dir gzhan gyis bshugs par dam bcas na de bzhin zhes pa gong ma ltar spyad kar yod na gdod yod pa yin pas na gud du 'gro ba'i tshe grogs gzhan gyis tshags brnya bar khas blangs gdod song shig pa'o//yul rgyu bar spyod pa 'bral la byin par dam mi 'cha' na de la mi ltos shing pa ni lam nas gud du 'bral la bral du zin kyang bshugs par khas mi len na de la ltos su mi rung bar ston pa'o//nyen kor du 'gro ba phongs par mi byed pas spyod pa ma yin zhes pa ni nyen kor du 'gro ba tsam ni chus mi phongs pas ni yul rgyu ba spyad ces pa gtogs par ston pa'o/ /nyen kor gyi tshad ji tsam zhe na de ni rgyang grags lnga'o zhes pa yin te nyen kor gyi tshad ni 'di tsam par ston pa'o//gnas su las te song la de dang mi ldan pa ni thug thub ma byas pa ma yin zhes pa ni lus te song ba yang ched du bzhag pa dang 'dra bar ston pa'o/ /gcig gis dge 'dun man chad du me yod par mi 'grub pa ma yin zhes pa ni dge 'dun man chad ma 'khod kyang tshags gcig gis mi khyed pa med par ston pa'o//rgyun drag kyang gnod par mi byed pa ma yin zhes pa ni chu 'bab pa'i rgyun drag po yin na yang chu tshags med du mi rung bar ston pa'o/ /rgyun bzhin du rgyun dang 'grogs na rgyang grags shing brtags par bgrod ces pa ni chu'i rgyun dang 'grogs pa zhig na dang po lan cig brtags nas rgyang grags gcig gi bar du brtags mi dgos par ston pa'o//gal te chu gzhan gyis btsal na tshun chad do zhes pa ni der 'bab chu gzhan gyis btsal na rgyang grags kyi tshad dang sbyar du'ang mi rung ste/ chu gzhan gyis btsal ba de tshun chad brtags pa'i khongs su gtogs pa'o//'dom gang gi 'khor brtags par gtogs pa'o zhes pa ni gtsang 'gram du brtags na/ gar brtags pa'i 'dom gang khor yug brtags khongs su gtogs par ston pa'o/ /mig gis dag na chu yang dag go zhes pa ni mig gis legs par brtags na chu'i srog chags med pa'i tshad kyang des gzung bar ston pa'o//de yang gang gi mig gis zhe na tha mal pas so zhes pa yin te/ 'phrul gyi mig gis ma yin gyi mig tha mal pas so/ /rdul med cing mi g.yo bar brtag ces pa ni rdul med la mi g.yo na gdod rtogs shig pa'o/ /snod bkang la'o zhes pa ni snod kha da chad du bkang la gdod rtogs shig pa'o//'dir ma 'ongs pa'i yun ring por mi bya zhes pa chu rtog pa'i tshe yun ring na mig 'khrig cing mi rtog pa'i phyir ci ran du gyis shig pa'o/ /'jag ma 'jam pos srog na lta ba sla'o zhes pa ni srog chags sam rdul yin par ma nges pa lta bu la sogs pa 'jag ma'i rtse mos brtags dang bla bar ston pa'o//'di rgyang ma nas snang bar mi dor zhes pa ni chu'i srog chags slar chur btang ba'i tshe rgyang ma nas ma dor cig pa'o/ /gzhan yang ma yin zhes pa ni shig la sogs pa'i srog chags gzhan yang snang du 'ong gis rgyang ring du ma dor cig pa'o/ /ma mar la gal te srog chags 'dun de'i snod g.yogs zhes pa ni srog chags 'dun de'i snod g.yogs shig pa'o//de'i snod ji lta bu zhe na/ smyug tshal gyi gzeb ras dkar po'am/ lhang tsher gyis g.yogs pa ni de'i zhes pa yin te 'di ltar byas pa de'i snod yin par ston pa'o/ /mig brgya pa'i yang ngo zhes pa ni yang na mig brgya pa'i snod gyis shig pa'o//de'ang ji lta bu zhe na/ dang po nas byas pa'am bum pa'i gyo mo la sogs pa bu ga gtod pa'o zhes pa yin te dang po nas ched du bu ga mang por byas pa'am bum pa la sogs pa'i gyo mo la bu ga mang du thod cig pa'o/ /sbrul skra snyis mi gdags shes na de mgul pa chad du 'ong ba na'o/ /'o na sbrul bskrad pa'i thabs ji ltar bya zhe na/se gol gtogs la bzhin bzangs mi snang ba'i lam du 'dug shig ces bya zhes pa yin te snyad 'di skad du gyis la skrog cig pa'o/ /de skad du byas kyang mi btub pa ji ltar bya zhe na/ mi btub na ra rkang gi dbyug pas bum pa'am bum bur dal gyis gzhug cing bsri btod la kha bcad de bskyal zhes pa yin te thabs 'di ltar gyis la skyol cig pa'o//thabs des kyang ma nus na thabs ji ltar bya zhe na/ ma grub na rgya cang ngam lcag po dang ma shur bu'am srad bu'i snyi ra das dkris pas mgul nas gdags zhes pa yin te yang na thabs 'di ltar gyis la skrod cig pa'o/ /de bzhin du bcug kyang bla zhes pa ni snod du gzhug pa'i tshe mgul nas btags pa dang bcas te bcug kyang bla bar ston pa'o//me shor bar mi dor zhes pa ni tshig du 'ong bas na'o/ /nang du gzhug gi bar du bsdad ces pa ni bya la sogs pas mi khyer ba'i rim gro bya ba'o/ /shig ni ra dal gzhag ces pa dang de gseb du'o zhes pa ni shig zin na 'di ltar gyis la sbos shig pa'o//mad ku na ni spang la'o zhes pa ni srin bu mad ku na spang la 'or cig pa'o/ /bsil bar ro zhes pa ni yang na srin bu des bsil bar thong shig pa'o/ /snga ma btang ba'i phyir dbo ba'i snod bcang zhes pa ni snga ma ste srog chags dang bcas pa'i chu de slar dbo zhing btang ba'i snod bum pa'i zhabs nas srad kyis gdags su rung bar gyis shig pa'o//tshags de nyid kyis btang yang ngo yang na gang gis btsags pa'i tshags de nyid kyis slar pho zhing bskyal kyang bla ba'o/ /srog chags chags pa bral ba'i thabs ni/ chu tshags bshal zhes pa ni srog chags chu tshags la chags na tshags nyid chur shol cig pa'o//dri ma bkru zhes pa dang mi 'dul bar bskam zhes pa ni chu tshags de bkru ba dang bskam pa'i rim gro cher gyis shig pa'o/ /btsir ba ni 'di gnyi ga'i spyad du byed ces pa ni/ btsir na dri ma 'gag pa dang 'dul bar mi 'gyur ba gnyi ga'i spyad du rung bar ston pa'o//dge 'dun dang gang zag dang tshags dang chu mig yid ches pa la ltos pa nyes med ces pa ni ming gis smos pa 'di dag la yid ches na ma brtags shing ma bcags kyang bla bar ston pa'o/ /bcus pa dang khron ba brtags pa ni nyi ma shar gyi bar du thub ces pa ni/ chu nang par brtags pa dang khron pa nang par brtags pa ni sang nyi ma shar gyi bar du brtags mi dgos pa'o/ /chu snod blta ste stong pa bkang zhes pa ni phyi rol gyi sa na dge 'dun spyi'i chu snod na yod pa chu med khong shig pa'o/ /chu dang gzhan gyi snod bsham/ 'di ni dge 'dun spyi'i 'o zhes pa ni chu'i snod dang mar la sogs pa'i snod shoms shig pa'o//dge 'dun gyi bya ba ni spyad sbed pa de'i gtogs zhes pa ni dge 'dun gyi snod spyad bsham pa la sogs pa snod spyad sbed pa'i las su gtogs par ston pa'o/ /'dir sbyin zhing len pa yang ma gtogs pa ma yin zhes pa ni dge 'dun gyi snod spyad brnyan po gtong zhing sdud pa yang spyad sbed pa de'i las su ma gtogs par ston pa'o//khyim pa la brnyan por sbyin zhes pa ni snod spyad khyim pa brnyan na yang sbyin cig pa'o/ /rnying pa yod na de'o zhes pa ni rnying pa yod na de dag brnyan por byin cig pa'o/ /gtsug lag khang du sbyin bdag la brnya bar 'dis ma smras pa ma yin zhes pa ni gtsug lag khang du sbyin bdag la brnya ba yang gong du bstan pa'i khongs su 'dus par ston pa'o/dge slong la sar pa sbyin pa yang ngo zhes pa ni dge slong dag la ni sar pa yang gtan du byin cig pa'o/ /snod spyad kyi khang pa dbog ces pa ni de'i khang pa 'ang phog shig pa'o//zangs dang kham pa'i snod ni so sor gzhag ces pa ni spa ba'i tshe thabs 'di ltar gyis shig pa'o/ /chu'i sta gon bya zhes pa ni dge 'dun gyi phyir chu'i sta gon cher gyis shig pa'o/ /gar bab bab tu mi gzhag ces pa ni sta gon du bshams pa'i chu de gar bab bab tu ma gzhag shig pa'o/ /'o na gar gzhag ce na//de'i phyir grung tsang bya zhes bya ba yin no/ /de'ang gar bya zhe na gtsug lag khang gi lho nub kyi mtshams su'o zhes pa yin no/ /de brtsigs pa'i thabs ni skar khung gdod so phag gi gcal dgram stor khung gdod sgo dang sgo 'phar bya/ lag zungs gzhug ces pa yin te ming gis smos pa 'di kun tshad bar gyis shig pa'o//de'i nang du bsham pa ni tshags gzhag pa'i phyir gdang yang ngo zhes pa dang shing khri bsham zhes pa dang so phag gi stegs bu'am zhes pa dang gzhi yang ngo zhes pa rnams yin te tshags gzar ba'i gdang bu dang rdza ma gzhag pa'i gzhi dang mal yan chad de'i nang du shoms shig pa'o/ /spyad par dgos pa'i bar du chu snod dag par bya zhes pa ni spyad dgos pa'i chu snod yan chad kyang dag par gyis shig pa ste brtag pa dang zas kyi chu lta smos kyang mi dgos par ston pa'o//gtsang sbrar ro zhes pa ni gtsang sbra'ang cher gyis shig pa'o/ /bza' btung gi chu yang ngo zhes pa ni btung chu'ang gtsang sbra cher gyis shig pa'o/ / de gos dang lag mi gtsang bas mi brim zhes pa ni chu 'drim pa'i tshe gos dang lag mi gtsang bas ma 'drim shig pa'o/ /chu snod kyi nang dus dus su bkru zhes pa ni chu snod de dag kyang dus dus su khrus shig pa'o/ /zab na u shi ra'i khru da shing ngam 'dab ma lhags pa'am ra da shing gi thog ma la bskon pas so zhes pa ni rdza ma bza' bas ring ste mi slebs na ming gis smos pa 'di dag lta bu'i khrid shing gis khrus shig pa'o//'di zas kyis mi 'bags par mi bsrung ba ma yin zhes pa ni khrud shing de zas kyis mi 'bags pa'i rim gro'ang gyis shig pa'o/ /bskam pa yang ngo zhes pa ni chu snod de dag bskrus nas bskam srad kyang gyis shig pa'o//de'i tshe mi 'brel ba'i phyir cig car du ma yin zhes pa ni khru shing skems pa'i tshe thams cad cig car ma byed par chus mi 'brel bar bya ba'i phyir snga phyir rims su lhogs shig pa'o/ /chu'i las su gtogs pa ni gnas pas bya zhes pa ni chu'i las su bya'o cog gnas pa'i las su gyis shig pa'o//srog chags dang bcas par 'brel ba phran tshegs la sogs par gtogs pa'o// // smyen gnas na 'dug pa'i ltung ba ston par 'dod pa ni/ 'brid ces pa la sogs pa yin no/ /'du shes brtsan pa gang zhe na zhugs pa'am cha ba'o zhes pa yin te smyen gnas byed du cha bar shes na nyes par 'gyur ba'o//ci la zhugs shing chas she na/ 'du ba'o zhes pa yin te gnyis kyis gnyis 'dus shing phrad na'o/ /gang 'dus she na skyes pa dang bud med do zhes pa yin no/ /de'ang ji lta bu zhe na khyim pa na'o zhes pa yin te gnyi ga khyim pa yin na gdod nyes par 'gyur ba'o//gnas gang du'ang rung ngam zhe na gzhan gyi gnas na'o zhes pa yin te dge slong gi gnas ma yin gyi khyim pa gzhan gyi gnas yin na'o/ /gzhan gyi gnas yin pa tsam gyis nyes par 'gyur ram zhe na phrad pa'i sa rung ba dang gzhan med na'o zhes pa yin te de gnyis phrad pa'i sa snang yel can nam 'drul zags kyis ma yin te smyen ngan spyod pa'i sa rung ba dang bdag las gzhan med na gdod nyes par 'gyur ba'o//ji ltar 'dug pas she na mngon sum gyi tshul gyis 'dug na'o zhes pa yin te gab cing ba zhabs pas ni ma yin gyi mngon sum du 'dug cing smyen ngan gyi bar du gcod na gdod nyes par 'gyur ba'o//smyen ngan gyi gnas na 'dug pa'o/ /smyen ngan spyod pa ni 'greng pa'i ltung ba ston pa ni gab cing 'greng na'o zhes pa la sogs pa yin te 'du shes brtsan pa la sogs pa'i gzhi snga ma las blangs nas de'i khyad par tsam zhig 'dir smos pa yin te/ de'i sar gab cing 'greng na gdod nyes par 'gyur ba'o//de la 'greng ba nyi tshe ma yin te 'dug pa la sogs pa'i spyod lam gzhan gyis na yang nyes par 'gyur ro/ /skyabs yod na'o zhes pa ni gab cing 'greng ba'i sa yang ra ba 'am sab ma la sogs pa'i skyabs kyis chod na gdod nyes par 'gyur ba'o/ /skyabs yod pa na 'dug go cog gis sam zhen gal te 'jigs pa'i dbang gis ma yin na'o zhes pa yin te 'jigs pa'i rkyen gyis 'dug pa ni nyes med/thams cad du'ang rtsa ba'i nyes par 'gyur ram zhe na/ lta ba dang lta bas ma yin na nyes byas zhes pa ni lta ba'i dge slong dang lta ba'i smyen ngan spyod pa rnams gcig gis gcig ma mthong na sgra tsam thos su zin kyang nyes byas su ston pa'o//gnas gzhan du gtogs na'o zhes pa ni gud du yengs pas smyen ngan spyod pa'i steng du bab pa yang nyes byas su ston pa'o/ /bslab pa 'di gnyis kyis tshigs ston pa ni 'dir mig lam du bab pa'i mtha' ni gnas kyi mtha'o zhes pa yin te mig lam du bab na smyen ngan spyod pa'i gnas su phyin par ston pa'o//mdzod kyang der gtogs so zhes pa ni mdzod kyi sgo nas khyams sam khyim yod par dge slong 'dug cing mdzod na smyen ngan spyod na yang gnas gcig par ston pa'o/ /khyim logs shig pa ni tha dad ces pa ni khyim pa tha dad pa ni gnas kyang so so bar ston pa'o// de'ang nor bgos pa dang ma bgos pas dbye'o/ /smyen gnas na 'greng ba'o// // gcer bu la byin pa'i ltung ba ston pa ni bud med dam skyes pa na'o zhes pa yin te 'og nas gcer bu zhes 'byung ba'i skyes pa'am bud med gang yang rung ba'o/ /de'i 'brel pa ston pa ni gnyen dang rab tu 'byung bar 'dod pa dang nad pa ma gtogs zhes pa yin te 'di dag lta bu'i gcer bu la byin pa ni nyes med/'di'i mtshan mas rab tu byung ba gos med pa ni ma yin zhes pa ni shAkya'i tshul gyis rab tu byung zhing gos med par gyur pa la byin pa yang de gtogs par ston pa'o//lus sam lus dang 'brel par na'o zhes pa ni gcer bu de'i lag tu byin nam de'i lag na thogs par byin pa 'dra bar ston pa'o/ /byin pa'i dngos po ci zhe na/ bza' ba'am bca' ba'o zhes pa yin no/ /zas byin no cog gis sam zhe na/ rung ba na'o zhes pa yin te bzhag pa la sogs mi rung ba'i zas ma yin na'o//su'i rung ba zhe na nyid dang de'i na'o zhes pa yin te bdag dang pha rol gnyi ga'i zas su rung ba zhig na gdod nyes par 'gyur ba'o/ /byin no cog gis she na/ sdig pa'i lta bar song ba dang dbral ba'i phyir ni ma gtogs zhes pa yin no/ /sus byin pas shen nyid kyis byin na'o zhes pa yin no//mi rung ba ni nyes byas zhes pa ni mi rung ba'i zas byin na nyes byas su 'gyur ba'o/ /byin du bcug pa'o zhes pa ni rung ba'i zas bdag gis ma byin gyis gzhan bskur te byin pa yang nyes byas so/ /bgos na yang ngo zhes pa ni khyod kyi skal shas so zhes gud du spags pa yang nyes byas so//gcer bu la byin pa'o// // ji ltar byas pa g.yul blta ba'i ltung bar 'gyur zhe na/ dmag la chas pa'i g.yul blta ba'i phyir na'o zhes pa la sogs pa yin te dra ma la chas pa'i dmag lta na nyes par 'gyur ba'o/ /g.yul bltas pa tsam gyis sam zhe na/rgyal po btsun mo sras/ blon po nang mi dang / dpung gi gtso/ grong khyer dang gzhongs kyis smras pa dang bar chad byung ba'i dbang gis na ma gtogs zhes pa yin te ming gis smos pa 'di rnams kyis bos shing bkug pa'am der ma song na dge slong dang 'tsho ba'i bar chad du 'gyur ba la sogs pa'i rkyen gyis na nyes med pa'o//ji ltar byas pas dge slong ltung bar 'gyur zhe na/ zhugs na'o zhes pa yin te bltar song na gdod nyes par 'gyur ba'o/ /nyes spyod kyi mtha' las 'das te bltas na'o zhes pa ni chos gos 'bral ba'i nyes spyod kyi las kyang 'das la bltas na gdod nyes par 'gyur ba'o//g.yul lta ba'o/ /ji ltar byas pas g.yul gyi nang du gnas pa'i ltung bar 'gyur zhe na/ de dag med par de zhag gnyis lon pa las lhag par gnas na'o zhes pa la sogs pa yin te rgyal po la sogs pas bos pa'am bar chad kyi rkyen med la der zhag gnyis las lhag par 'dug na nyes par 'gyur ba'o//mtshan ma med na snga ma yang ngo zhes pa ni chos dang dge 'dun gyi bya ba la sogs pa'i don ched med na ni zhag gnyis 'dug pa yang nyes par ston pa'o/ /g.yul du gnas pa'o// // g.yul gyi yan lag myong bar byed pa'i ltung ba ston pa ni/ g.yul gyi yan lag gis byed ces pa la sogs pa yin te/glang po dang rta dang shing rta dang rkang thang gi yan lag las nyes par 'gyur bar ston pa'o/ /dge slong ngo cog la nyes par 'gyur ram zhe na/ bar chad kyi dbang du gyur pa ma yin na'o zhes pa yin te bar chad brgyad gang yang rung bas rkyen pa ma yin pa gdod nyes par 'gyur ba'o/ / tshogs sam 'bral na yang ngo zhes pa ni dpung gi yan lag bzhi char tshogs sam gyis kyang rung ste nyes par 'gyur ba'o/ /ji lta bu'i g.yul las she na/ bshams pa'o zhes pa yin te/ g.yul bshams pa las nyes par 'gyur ba'o / /nam rtsa ba'i nyes par 'gyur zhe na rtsa ba na rtsa ba'o zhes pa yin te rtsa ba'i nyes pa 'og nas 'byung ba lta bur byas na gdod rtsa ba'i nyes par 'gyur ba'o//shom pa ni nyes byas zhes pa ni sbyor ba'i tshe na nyes byas su ston pa'o/ /ma bshams na gnyi ga yang nyes byas su zad ces pa ni g.yu bshams pa zhig na rtsa ba dang sbyor ba gnyi ga nyes byas las med par ston pa'o//gong du rtsa ba zhes smos pa de gang zhe na/ blta ba'i phyir chas nas nyes spyod kyi mtha' las 'das te mthong reg gtor na rtsa ba'o zhes pa yin te mthong ba dang reg pa dang gtor ba gsum gang byas kyang rtsa ba yin du 'dra bar ston pa'o/ /mchas na 'brid ces pa ni g.yul blta ba dang g.yul na gnas pa dang g.yul gyi yan lag myong bar byed pa gsum char yang g.yul bya bar bshams shing chas pa ma yin na rtsa ba'i nyes pa byas su zin kyang 'bri bar ston pa'o//glang po dang rta dang bya gag dang gong mo dang 'ur ba dang skyes pa dang bud med kyi thab mo la sogs pa bya ba'am byed du gzhug pa'i lta bar ma yin zhes pa ni ming gis smos pa 'di dag la sogs pa'i thab mo bdag cag gis kyang mi bya byed du'ang mi gzhug byed pa la yang ma lta shig pa'o//g.yul gyi yan lag myong bar byed pa'o// // ji ltar byas pas rdeg pa'i ltung bar 'gyur zhe na/ 'khrug pa'i sems kyis na'o zhes pa la sogs pa yin te lung du mi ston pa'am bzhad gad kyi sems kyis ma yin te snying nas khros na'o//cis rdeg ce na/ lus des 'phangs pa de dang 'brel pa gang ces kyang rung ste mthar na rkang pa'i mthe bo 'am yungs 'bru 'am/ 'jag mas bsnun na'o zhes pa yin te khros na 'jag ma yan chad ming gis smos pa 'di dag gang gis brdegs kyang ltung bar 'gyur ba'o //de la lus zhes pa ni khu tshur la sogs pa'o/ /de 'phangs zhes pa ni rdo dang mda' la sogs pa'o/ /de dang 'brel zhes pa ni dbyug pa la sogs pa'o/ /su rdeg ce na dge slong zhes pa yin no/ / bdag la yang ngam zhe na/ gzhan la'o zhes pa yin no/ /'og ma gsum yang ngo zhes pa ni gzas pa dang 'chab pa dang zan gcod pa 'di'i 'og nas 'byung ba gsum yang dge slong dang gzhan yin na gdod nyes par 'gyur ba'o/ /snad nas gdod ltung ngam bsnun pa'i tshe zhe na/ bsnun na'o zhes pa yin te nam lus la phog pa'i tshe ltung ba'i nyes par 'gyur ba'o//phog pa re re'o zhes pa ni phyags ma yan chad dus phog pa bzhin du ltung bar 'gyur ba'o/ /ma phog pa nyes byas zhes pa ni ma phog na nyes byas su 'gyur ba'o/ /gzhan du brdeg pa gzhan la mi brdeg ces pa ni dge slong 'dod chags kyis non pas pho mtshan brdungs pa lta bu 'dod chags la mi rdeg par pho mtshan la rdeg pa lta bu ma byed cig pa'o//ka ba la mi brdeg pa dang rtsig pa dang sa dang shing dang gzhan la yang ma yin zhes pa ni ming gis smos pa 'di dag dang gzhan la yang khros pa'am 'dran thor du ma rdeg shig pa'o//brdeg pa'o/ /rdeg par gzas pa'i ltung ba ston pa ni rdeg par gzas na'o zhes pa yin te khros pa la sogs pa'i gzhi gong ma las blang ngo / /gzas pa'i rdzas mang du zin kyang nyes pa gcig tu zad dam zhe na/ rdzas re re'o zhes pa yin te gzas pa du yod pa bzhin du nyes par 'gyur ba'o//gzas pa'o// // ji ltar byas pas bcabs pa'i ltung bar 'gyur zhe na/ phas pham pa dang dge 'dun gyi lhag ma na'o zhes pa la sogs pa yin te ming gis smos pa 'di gnyis kyi kha na ma thob bcabs na'o/ /ci bcabs so cog gis sam zhe na/ gnod pa dang dge sbyong dang tshangs par spyod pa'i bar du gcod pa dang dge 'dun 'khrug par dogs pa'i dbang gis na ma gtogs zhes pa yin te rkyen 'di dag lta bus bcabs pa ni nyes byas gtogs pa'o//ji ltar byas pas 'di'i nyes par 'gyur zhe na/ bcabs na'o zhes pa yin no/ /nam bcabs pa'i nyes par 'gyur zhe na/nyin zhag gi mthas so zhes pa dang / tshun chad nyes byas zhes pa yin no/ /ltung ba gzhan yang ngo zhes pa ni phas pham pa dang dge 'dun gyi lhag ma ma yin pa'i ltung ba gzhan bcabs pa ni nyes byas so/ /kha na ma tho ba bcabs pa'o// // ji ltar byas pas zas gcod pa'i nyes par 'gyur zhe na/nad kyis nyen pa ma gtogs par ched du bsams te sbyin pa khyim pa'i zas gcod par byed na'o zhes pa yin te nad kyi cho gar bya ba'i phyir ni ma yin gyi ched du dge slong la zan mi sbyin pa'i phyir sbyin bdag khyim pa'i zas de'i khar ma son par byed na ltung bar 'gyur ba'o/ / zas gcod par byed pa'o// // me la reg pa'i ltung ba ston par 'dod pa'i zhar la de dang 'dra ba la reg pa 'gog par ston pa ni seng ge la mi reg ces pa yin mi bzad par yang ba'i phyir ro/ /dus byin gyis brlabs nas gdod me la reg par bya ba yin pas na byin gyis brlabs pa'i rnam pa je ston pa ni/ston pa chos/ dge 'dun/ tshangs pa mtshungs par spyod pa dag gi chos kyi ched dang lhung bzed dang tshon gyi las rnams su bsams te dus byin gyis brlab ces pa ni 'di dag gi ched du dgos na dus so zhes byin gyis rlob shig pa'o/ /ring du byin gyis brlab ces pa ni las nam zin gyi bar du'o zhes yun ring du byin gyis rlob shig pa'o//ji ltar byas pas me la reg pa'i ltung ba zhe na/ rtsed mor na'o zhes pa yin no/ /rtsed mo de'ang ji lta bu zhe na/ chang rgyud dang nyi zla dang mgal me'i 'khor lo la sogs par byed pa'o zhes pa yin no/ /rtse ba ci la zhe na/ me la'o zhes pa yin no/ / rtsed mo 'ba' zhig gis nyes par 'gyur ram zhe na/ dus su byin gyis ma brlabs na'o zhes pa dang na ba'i dbang ma yin pas reg na'o zhes pa yin te byin gyis ma brlabs shing nad kyi dbang gis ma yin par reg na nyes par 'gyur ba'o/ /ji ltar reg pas she na/ nyid dam bcug pas na'o zhes pa yin te bdag gis reg gam gzhan reg tu bcug kyang rung ste nyes par 'gyur du 'dra ba'o//rtse ba dang reg pa gnyis pas nyes par 'gyur ram zhe na/ sbor ba dang gsod pa dang reg pa dang ma reg pa 'jug pa bcas par 'byin pa mdag ma sdud cing 'byin pa rnams so zhes pa yin te nad dang dus la bab pa ma gtogs par mel rnam pa 'di dag gang ltar byas kyang ltung bar ston pa'o//de la sbor zhes pa ni 'bar bar byed pa'o/ /gsod ces pa ni shi bar byed pa'o/ /reg pa dang ma reg pa 'jug ces pa ni 'gal ba dang ma 'gal ba ma yin pa mer 'jug pa'o/ /bcas par 'byin zhes pa ni 'bar ba dang bcas te 'byin pa'o//mdag ma sdud cing 'byin zhes pa ni dngos bzhin/ me mur ni phyed shi ba'o zhes pa ni me mur me'i phyed yin pas na de la reg pa ni nyes byas su ston pa'o/ /me lce yang ngo zhes pa ni me lce yang me phyed yin par ston pa'o/ /shing der 'jug cing 'byin pa la ni me gzhan du 'byung bar ro zhes pa ni me mur dang me lce'i nang du shing 'jug pa'am/sgron ma sbor ba ni me rangs par 'gyur bas na nyes pa'ang rangs par ston pa'o/ /skra spu rus pa sen mo/ mchil snabs/ skyugs pa 'byung ba/ sran/ bal sran/ til/ til mar/ mar/ sbrang rtsi rnams shing gi phyed do zhes bya ba ni 'di dag mer 'jug cing 'byin pa yang shing gi phyed yin bar ston pa'o/ /'di dag ni dpe tsam du zad kyi shing bal la sogs pa gzhan yang de bzhin no/ /gzhan du dgos la gzhan du byin gyis rlob pa ni byin gyis brlabs pa'i phyed do zhes pa ni byin gyis brlabs pa nor na byin gyis brlabs pa rangs par ma yin par ston pa'o//me'i cho ga'o// // ji ltar byas pas dad pa slar len pa'i ltung bar 'gyur zhe na/ dge slong gi ched du bya bar dad pa phul zin pa las slar len pa'i tshig go zhes pa yin te gsol ba la sogs pa dge slong gi phyir las byed pa la sngar dad do zhes dad pa phul zin pa'i 'og tu nga ma dad kyis dad pa slar 'on cig ces zer na ltung bar 'gyur ba'o//dad pa slar len pa'o// // bsnyen par ma rdzogs pa dang lhan cig tu nyal ba'i ltung ba ston par 'dod pa ni nyi zla'i ma yin par snang ba dang ldan pa'i gnas su mi nyal zhes pa ni nyi zla'i 'od ma gtogs pa me mar gyi 'od lta bu la sogs pa snang ba can gyi gnas su ma nyal cig pa'o//bsdam pa bstan nas/ 'grel pa da ston pa ni nad pa dang nad g.yog gi dbang ma gtogs zhes pa yin te ming gis smos pa 'di gnyis lta bu ni 'od la nyal yang blar ston pa'o//ltung ba'o zhes 'dir kha cig go zhes pa ni 'od la nyal yang ltung ba'o zhes 'dul ba 'chad pa kha cig 'chad par ston pa ste/ rnam par 'byed pa las kyang snang ba dang ldan pa'i gnas su bsnyen par ma rdzogs pa dang lhan cig tu nyal na ltung ngo zhes 'byung ba dang bsnyen dga' bo cher mtshan dang mchod pa bsnyen par ma rdzogs pa gnyis dang mun pa'i nang du lhan cig tu nyal ba las bcas pa yin pas na/snang ba zhes pa 'di ni gleng gzhi tsam du zad kyi nyes byas su 'gyur te ltung bar mi 'gyur ro/ /ma nyal na phyed do zhes pa ni bsnyen par ma rdzogs pa dang bud med dang sdig pa'i lta ba mi gtong ba dang bkar ba'i dge sbyong rnams dang lhan cig tu nyal ba'i chos kyang logs kyis phab cing ma nyal na nyes pa'i phyed du 'gyur bar ston pa'o//nyin par ni gzhan no zhes pa ni nyin par bsnyen par ma rdzogs pa dang lhan cig tu nyal na nyes byas su 'gyur bar ston pa'o//bsnyen par ma rdzogs pa dang khyim gcig tu nyal zhes 'byung ba'i khyim ji lta bul bya zhe na/ phal cher g.yogs shing bskor ba ni khyim du gtogs so zhes pa la sogs pa yin te ril gyis ni ma 'khor gyi phal cher bskor ta ma ril gyis ni ma g.yogs kyi phal cher g.yogs pa zhig na yang khyim du gtogs par ston pa'o//sgo'i ngos dang 'brel cing nye spyod la khyim lta bu ni der gtogs so zhes pa ni khyim gcig gi sgo na khyim gcig yod la de yang nye spyod du gtogs shing khyim lta bu yin na dge sbyong ngam bdag gang yang rung ste gcig der nyal na khyim gcig gi nang du 'dre bar ston pa'o//yang tog sgo nger gtogs shing de ma thag pa'o zhes pa ni yang tog gi sgo 'og khang gi nang du 'byung la yang tog de yang rim gnyis man chad ni gong ma dang 'dra bar khang ba gcig gi khongs su gtogs par ston pa'o/ /gnas kyi khyen dang nye spyod las logs shig pa ni tha dad du gnas par gyur pa'o zhes pa ni khang mo che gcig gi nang na spyod lam bzhi shong ba'i khyon dang de'i nye spyod kyi khyon las logs shig na bsnyen par ma rdzogs pa 'dug pa ni khyim tha dad pa dang 'dra bas na nyes med par ston pa'o 'di'ang rtag tu de ltar rung ba ni ma yin gyi gcan gzan dang rkun chom gyi rkyen gyis thebs na gdod rung ba'o//shing dang rtsig pa dang phug dang ldam ldum gyi drung ni phyed do zhes pa ni 'di dag gi drung du bsnyen par ma rdzogs pa dang lhan cig tu nyal na nyes byas su 'gyur ba'o/ /stug por bud med dang lhan cig nyal na'o zhes pa ni ldam ldum 'am rtsi shing stug po'i nang du bud med dang lhan cig nyal na yang nyes byas su ston pa'o//khang mo che dang bud med dang lhan cig pa'i sa khyon ji tsam pa'i tshad ston pa ni/ 'dir bya gag 'phur te 'bab pa'i khyon gyis chod par gyur na'o zhes pa yin te gong ma gnyis nyes par mi 'gyur ba yang bya gag gi 'phur stobs tsam gyis khyon gyis chod na gdod bla ba'o//nang rgyud mo khyim ma yin pas ma brtsal / thog thams cad 'dab chags pa ni gcig go zhes pa ni thog gcig la nang gi sgo rgyud mor 'dug na khyim du brgyud kyang rung ste khyim gcig tu gtogs par ston pa'o//bdag gi phyogs su gtogs pa'i sgo bsdams shing bcad na nye spyod dang ldan yang tha dad do zhes pa ni sgo bcad cing bsdams na nye spyod kyi nang du bud med nyal du zin kyang gnas tha dad par ston pa'o/ /ltung ba dge slong gis bsrungs na yang de bzhin zhes pa ni ltung ba 'byung du dogs pa'i dge slong gcig gis bsrungs na yang gong ma dang 'dra bar ston pa'o//bud med bdag pos bsrungs pa yang ngo zhes pa ni bud med khyim thab kyis bsrungs pa yang gong ma dang 'dra bar ston pa'o/ /yang tog gis btsal la skas phyung ba yang ngo zhes pa ni 'di ltar byas pa yang gong ma dang 'dra ba'o//gzhan du gyur pa khyim ma yin na 'bri zhes pa ni khyim gcig gi sgo'am nye spyod du gtogs na khyim ma yin pa yod pa bsnyen par ma rdzogs pa nyal ba ni nyes byas su 'gyur ba'o/ /ji ltar byas pas bsnyen par ma rdzogs pa dang lhan cig tu nyal bar 'gyur zhe na/ khyim du bsnyen par ma rdzogs pa dang mtshan gsum lhan cig nyal na'o zhes pa yin no//gang gi tshe zhe na/ mthas so zhes pa yin te mtshan gsum gyi mthas na gdod nyes par 'gyur ba'o/ /tshun chad nyes byas zhes pa ni mtha' thug pa'i tshun chad nyes byas su ston pa'o/ /lam gyis chad cing dub pa ni nyes med ces pa ni lam gyis chad cing dub pa lhan cig tu nyal ba sbyor ba'i tshe nyes med par ston pa'o//de lta bu ni mthar yang ngo zhes pa ni 'di lta bu ni zhag gsum lon du zin kyang bla bar ston pa'o/ /nad pa dang nad g.yog ni dge slong gis byar mi rung ba des bsgrub pa dang lhan cig na yang do zhes pa ni nad pa dang nad g.yog la byin par byed pa la sogs pa rung bar sgrub pa med na bsnyen par ma rdzogs pa dang lhan cig kyang bla bar ston pa'o//dge tshul dang yang ngo zhes pa ni dge tshul dang lhan cig nyal yang bla bar ston pa'o/ /de su zhe na/ de dang ldan ba'o zhes pa yin te gang la dge tshul yod pa'o//de ltar nyes med pa nam gyi tshe zhe na/ gnas der sdig pa'i dge slong 'dug na'o zhes pa yin te gnas der sdig pa'i dge slong 'ongs na gdod bla ba'o/ /de 'dug go cog na nyes par 'gyur ram zhe na/ de skrod par 'bad pa byas sam byed na'o zhes pa yin te sdig pa'i dge slong de bskrad pa'i las byas sam byed pa ni gong ma ltar tha dad du zhag kyang bla'o//nam yang bla'am zhe na/ tshul phyi ma'i dus shig na zla ba snga ma gnyis lon gyi bar du'o zhes pa yin te tshul phyi mar zhugs na zla ba gnyis kyi bar du gong ma ltar byar rung ba'o/ /'di las lhag par mi gnas zhes pa ni za ba gnyis las lhag par ni de ltar ma 'dug par gud du song shig pa'o//snga mar 'jug pa mi bya zhes pa ni sdig pa'i dge slong yod na tshul snga mar ma 'jug shig pa'o/ /snga mar mi bsrung zhes pa ni tshul snga mar zhugs pa las sdig pa'i dge slong 'ongs na tshul drol la gud du song shig pa'o/ /de lta bus ma gnas pa'i dge tshul gnas par mi bya zhes pa ni sdig pa'i dge slong yod na snga nas gnas pa'i dge tshu yin pa 'phral la bdag la gnas su ma gzhug shig pa'o//lam du dge tshul gnyid kyis non zhing non na mdun du bcug la 'gro zhes pa ni lam du zhugs shing zar phrag byed pa'i tshe dge tshul yur na 'di ltar gyis shig pa'o//gal te 'di bkres na zas sngar bsnyod ces pa ni dge tshul bkres na thabs 'di ltar gyis shig pa'o/ /'on kyang na na nyi tshod kyi tshe yang ngo zhes pa ni sngar bsnyod pas ma 'grangs na drod khar yang snyod cig pa'o/ /bsnyen par ma rdzogs pa dang lhan cig nyal ba'o// // lta ba mi gtong ba'i ltung ba gang zhe na/ji ltar bcom ldan 'das kyis bar du gcod pa'i chos su gsungs pa gang yin pa de dag bdag gis shes te bcom ldan 'das kyis gsungs pa de bstan du zin kyang bar du gcod par mi 'gyur ro zhes pa la sogs pa zhugs pa'i tshig mi gtong na'o zhes pa la sogs pa yin te 'di skad du zer ba mi gtong na ltung bar 'gyur ba ni dbyen byed pa'i dge 'dun gyi lhag ma las mi gtong bar sran 'dzugs pa'i tshul bzlog pa bzhin du sdeb ces pa dang bzlog pa bzhin du gsol ba'o//dag ni skad cig ma gcig go/ /slos pa ni so sor ro/ /bsnyad pa ni ma yin zhugs pa ni sbyor ba'o//bskrad pa dang gleng ba dang bskul ba ma byas pa ni de'i 'o/ /'di dag la bzhams pa dang las kyis mi bsgo ba ma yin de'i mjug tu ma btab na'o zhes 'byung ba bzhin rig par bya'o/ /de nas 'di la gsol bas sma dbab ces pa ni dge slong de de ltar ltung bar gyur pa'i 'og tu chad pa rnam pa bdun las sma dbab pa'i dgar ba gyis shig pa'o//lta ba mi gtong ba'o// // bkar ba dang mthun pa'i ltung ba ston par 'dod pa ni/ 'brid ces pa la sogs pa yin no/ /'du shes brtsan pa gang zhe na/ de skad du zer ba bkar la gnyen po ma byas pa'i dge slong na'o zhes pa yin te bar du gcod par mi 'gyur ba la sogs pa'i snyad gong ma skad du zer te/bkar zhing de'i gnyen po ma byas pa'i dge slong yin par shes la 'og nas 'byung ba ltar byas pas ltung bar 'gyur ba'o/ /ji ltar byas pas ltung bar 'gyur zhe na/ ston pa dang 'dri ba dang gnas dang gdams pa dang lung byin pa'o zhes pa yin te 'di dag ltar byas na ltung bar 'gyur ba'o//de la ston ces pa ni kha ton la sogs pa ston pa'o/ /'dri zhes pa skabs skabs su don dang tshig 'dre ba'o/ /gnas zhes pa ni gnas 'char bcug pa'o/ / gdams pa zhes pa ni ci dang ci bya ba'i rnams gdams pa'o/ /lung shes pa ni bsam gtan la sogs pa'i lung byin ba'o/ /lta ba snyod pa zhes pa dge slong bkar ba de'i thad du nga'i yid la ni 'di snyam byed do zhes lta ba bsnyad cing gleng na chos kyi longs spyod du 'gro ba'i ltung ba'o/ /zas byin zhing bsnyen bkur bdag gir byed na'o zhes pa ni bkar ba de la zas byin nam bdag la bsnyen bkur byed du bcug na ltung bar 'gyur ba'o//khyim du lhan cig nyal na'o zhes pa ni de dang lhan cig nyal na ltung bar 'gyur ba'o/ /nam zhe na mthas so zhes pa yin te mjug gis nyes par 'gyur ba'o//ci'i mtha' zhe na/ nub mo'i 'o zhes pa yin no/ /rnam pa gzhan gyis brten na yang ngo zhes pa gong du smos pa gtogs pa'i rnam pa gzhan chos 'gro nas sug pa tsam byin pa la sogs pa'i bar du bsten na yang nyes par 'gyur ba'o/ /nad pa dang lta bar song ba dbral ba'i phyir na ma gtogs zhes pa ni nad gso ba dang lta ba dbral ba'i phyir bsnyen cing bcar ba ni nyes med pa'o//bkar ba dang mthun pa'o// // bkar ba bsdud pa'i ltung ba ston par 'dod de dge tshul yang dge slong gi 'khor du gtogs pas na lta ba mi gtong ba'i cho ga bstan pa rnams las gzhi blangs te las kyi mjug tu ma btang na ji ltar bya ba ston pa ni/zhugs pa'i tshig de mi gtong ba'i dge tshul bkar zhes pa la sogs pa yin te bar du gcod par mi 'gyur bo zhes pa tha snyad gong du smos pa skad du zer ba de gtong du ma btub pa'i dge tshul skor cig pa'o/ /de gnyis dgang zhing bkang ba ni gsol ba'i las kyis bya dgos na/de bsgo'i bar du ni bzlog tu'ang mi rung tha dad du'ang mi 'gyur bas na ji skad du bsgo ba'i thabs ston pa ni/ brtsams nas snga ma la ni khyod gsol ba dang bzhi'i las kyis so zhes pa dang phyi ma la ni khyod bkar ro zhes gsol ba byas kyis sdig par song ba'i lta ba 'di lta bu thong shig par las kyi tshig dang po dang gnyis pa lan re byas pa'i mjug tu dge slong gis bsgo shig ces pa yin te las lan re brtsams shing dge slong la ni khyod kyi phyir dge 'dun gsol ba'i las byed do zhes pa dang dge tshul la ni dge 'dun khyod bkar ba'i las byed do zhes bsgo shig pa'o//brtsams pa phan chad zin par mi byar mi rung bar dogs pa bstsal ba'i phyir/ gtong na phyi ma mi bya zhes pa yin te/ dge slong dang dge tshul de dag las byed pa'i tshe sdig pa'i lta ba gtong na nam btang ba phyin chad de zlog pa'i las ma byed par thong shig pa'o//ji ltar byed pa'i gang zag bkar ba'i dge tshul sdud pa dang ltung bar 'gyur ba ston pa ni bkar ba'i dge tshul yin no zhes pa yin te/ gong du lta ba mi gtong ba'i 'du shes brtsan pa la sogs pa las gzhi blang ngo / /bkar bsdud pa'o// // ji ltar byas pas gos kha dog ma bsgyur ba spyod pa'i ltung bar 'gyur zhe na/rams dang btsag dang shun pa nyid kyis gos ma btsos par tha na lhung bzed kyi kha gab dang snod dang nang phying dang skar gas dang bgo ba la sogs pa spyod na'o zhes pa yin te tshon 'di rnams kyis ma bsgyur ba'i rdzas spyod na ming gis smos pa 'di dag tsam yan chad kyang ltung bar 'gyur ba'o//de la rams zhes pas ni rtsi ltum mo cog sdud do/ /btsag ces pas ni sa'o cog sdud pa'o/ /shun pa zhes pas ni me tog dang 'bras bu'o cog sdud do/ /sde tha dad pa'i ni bzlas shing ltung bar 'gyur zhes pa ni dge slong dang dge slong ma dang dge slob ma dang dge tshul dang dge tshul ma sde lnga'i gos yin zhing 'khrul na kha dog bsgyur mi dgos par ston pa'o//khyim pas phrogs pa'ang ma yin zhes pa ni khyim pas dge slong gi gos phrogs te slar byin pa yang kha dog gdod bsgyur mi dgos par ston pa'o/ /tshon chen por btsos pa mi bgo zhes pa ni mtshal dang li khri mthing shing dang rgya skyegs dang gur kum dang btsod dang le brgan dang rma shing du btsos pa rnams ma gyon cig pa'o//khyim pa ma yin zhes pa ni khyim pa'i gos kha tshar can yang ma gyon cig pa'o/ /mi bgor mi rung na yang gtsug lag khang gi nang du ngur smrig gis g.yogs la bgo zhes pa yin no//brnyas pa'i gos ni lam du thun mong ngo zhes pa ni lam du zhugs pa'i tshe gos brnyan po rnyed na gcig gis rnyed kyang khong 'thul du spyod pa'o/ /su dang zhe na/ grogs dang ngo zhes pa yin no/ /grogs ji lta bu zhe na dge slong dang dge tshul dag go zhes pa yin no/ / gcig na rgan rabs nas brtsams te ji snyed yog par dgab ces pa ni brnyas pa'i gos cig gcig pu zhig rnyed na thabs 'di ltar gyis shig pa'o/ /zla la chad par ma byas par gyon zhing mi bcag ces pa ni yon gyi gos lta bu thun mong du dbang na bdag gi nyo ba'i rin thang chad par ma byas par thug thub tu ma gyon cig pa'o//bsod nams 'dod pas brnyar na kha tsar ma bcad pa'i bar du gsar rab la yang mi rtag pa yid la byed pas spa gong zhing rdzi zhes pa ni yon bdag dang pas lam du gos kyi gcal bkram na gsar rab la yang thabs 'di ltar gyis la rdzis shig pa'o/ /gos ma bcos pa spyod pa'o// // ji ltar byas pas 'jo ba gtogs pa'i ltung bar 'gyur zhe na/ bdag gis rin po che ma yin pa reg pas reg tu bcug bas byed ces pa la sogs pa yin te bdag gi la reg na ltung bar 'gyur ba ni bstan zin gyi gzhan gyi rin po che la reg gam reg du bcug na nyes par 'gyur ro/ /der gtogs pa yang ngo zhes pa ni rin po cher gtogs pa la reg gam reg du bcug na yang ltung bar 'gyur ba'o//rin po cher gtogs pa'i gang zhe na/ de ni g.yul du spyad pa'i mtshon cha dang rol mo'i cha spyad do zhes pa yin no/ /de gnyis kyang ji lta bu las nyes par 'gyur zhe na/ spyad du rung bar gyur na rtsa ba'o zhes pa yin te mtshon cha'ang spyad du rung zhing rol mo cha byad kyang spyad du rung ba la reg na gdod rtsa ba'i nyes par 'gyur ba'o//mi rung na nyes byas zhes pa ni de dag spyad du mi rung ba la reg na nyes byas su 'gyur ba'o/ /rin po che la reg go cog gis nyes par 'gyur ram zhe na/ gtsug lag khang dang de'i nye spyod du gyur la bdag gir bya ba dang mi ldan zhing nor chud mi gzan pa'i sems kyis na ma gtogs so zhes pa ni ri dgas dgra'i ma sa ga'i rgyan lus la 'phags pa kun dga' bos rnyed pa lta bu yin te bdag gir bya ba'i sems med cing chud mi gzan pas blangs pa ni nyes med do bar ston pa'o//de la g.yel bar mi bya zhes pa ni gtsug lag khang de dang de'i nye spyod du lus pa'i rjes 'di dag lta bu la sogs pa mthong na ma dor bar sdus shig pa'o/ /mi g.yel ba'i thabs ji ltar bya zhe na/ de zhag bdun nam brgyad du bsrung zhes pa la sogs pa yin te/ de zhag bdun nam brgyad kyi bar dus dus su blta zhing srung shig pa'o//sa 'am lo mas bkab la 'gro zhes pa ni bsod snyoms la 'gro ba la sogs pa lta bu'i lam kar mthong na sa'am lo mas khob la spos te song shig pa'o/ /rtags bab na bdag por yin no zhes zer yang mi sbyin zhes pa ni 'dod pa 'ongs na thabs 'di ltar gyis shig pa'o//'das te 'ang ma 'ongs na dge 'dun gyi mdzod du gzhug ces pa ni zhag bdun nam brgyad thal te bdag po ma 'ongs na thabs 'di ltar gyis shig pa'o/ /yun ji srid kyi bar du mdzod du gzhug ce na/ zla ba drug gi bar du bcang zhes pa yin no/ /'das te ma 'ongs na sangs rgyas sam dge 'dun gang gis nas rnyed pa de'i phyir bya zhes pa ni zla ba drug 'das te'ang bdag po ma 'ongs na dkon mchog gsum gang gis nas rnyed pa de'i yo byad du gyis shig pa'o//mi rung na rung ba bzang por btsong zhes pa ni de dkon mchog gi yo byad du byar spu bab pa zhig yin na des spu la bab pa gzhan du sgyur cig pa'o//gal te bdag po de'i rjes la 'ongs na bslangs te mi btub na sbyin zhes pa ni gong ma ltar byas zin pa'i 'og tu bdag po 'ongs na dkon mchog la dbul du gzhug / mi btub na dngos sam skyin pa sbyin ba'o/ /gal te skyed slong na nged kyis bsrungs pa nyid du mi gzo'am zhes bya zhes ba ni gal te de'i bed skyin 'dod ces zer na snyad 'di skad du gyis shig pa'o//gong du rin po che 'am rin po cher gtogs pa rung ba rnyed ces smos pa de'i rung ba gang yin pa ston pa ni/ sbyangs shing phug pa'i nor bu la sogs pa ni rung pa'o zhes pa la sogs pa yin te 'di dag ltar gyur ba'o/ / do dang gdu bu dang dpung gdub dang do shal dang se mo do rnams su byas pa yang ngo zhes pa 'di dag lta bur byas pa yang rung ba'o/ /pi wang dang brang rgyud dang 'ba' la ri dang ma ha ti dang sgra rab rnams rgyud dang bcas na'o zhes pa ni ming gis smos pa 'di dag rgyud dang bcas na yang rung ba'i khongs su gtogs pa'o/ /dung rnga/ rnga bran/ rdza rnga rnams sgra 'byung na'o zhes pa ni dung la sogs pa ming gis smos pa 'di dag sgra 'byung du btub na rung ba'o/ /gzhu ni rgyud dang bcas na'o zhes pa ni gzhu yang rgyud dang bcas na gdod rung ba'o/ /ral gyi/ ral gyi kyog po/ /so gcig pa/ mdung / 'phang mdung / lag mdung rnams 'di nyid na'o zhes pa ming gis smos pa 'di dag bcos pa ma yin gyi /dngos nyid yin na rung ba'o/ /mda' lcags mda'/ stag mda' rnams mde'u dang bcas pa'o zhes pa ni ming gis smos pa 'di dag kyang kha bub ma yin gyi mde'u dang bcas na gdod rung ba'o/ /sku gzugs ring bsrel dang bcas na'o zhes pa ni rin po che las byas pa'i sku gzugs kyang ring bsrel dang bcas na gdod rung ba'o//'di las ston pa'i 'du shes nye bar gzhag pa ni nyes med ces pa ni ring bsrel dang bcas pa la yang thabs 'di ltar byas te reg gam reg tu bcug pa ni nyes med do/ /zan dang sog ma'i phreng ba dang chus brang dang ta la man du ka dang pi dza na ka dang bal gzhu dang mde'u ni phyed do zhes pa ni 'di lta bu la reg pa nyes pa phyed du 'gyur ba'o//gser gyi gong bu ni rung ba ma yin zhes pa ni gser la sogs pa'i gong bu brdungs su ma byas pas na rung ba'i nang du ma gtogs par ston pa'o/ /skrag pa'i tshe bdag gi la mi gnod na dge 'dun gyi dang mchod rten gyi gser dngul brtul te sbas sam khyer te 'gro zhes pa ni skrag pa'i rkyen gyis thebs la bdag gi rdzas sbas pa'i 'og tu long gis slebs na 'di dag kyang thabs 'di ltar gyis shig pa'o//dad pa'am dge tshul gyis so zhes pa ni khyim pa dad pa'am dge tshul de dag sbed du chug shig pa'o//med na bdag gis so zhes pa ni khyim pa'am dge tshul med na bdag nyid kyis gyis shig pa'o/ /'dir rko ba zhes pa ni 'di lta bu brtad pa'i tshes yang brkos shig pa'o/ /med na bskal zhes pa ni bur bzhin slar gtogs su skyol cig pa'o/ /'byung ba yang de bzhin zhes pa ni nyid kyis sba ba la sogs pa'i cho ga gong ma bzhin du dbyung ba'i tshe'ang de ltar gyis shig pa'o//mi ma yin gyi gnas na gal te bsod nams kyis skyes pa rin po che'i sa dang stegs la sogs pa ni nyes med ces pa ni klu la sogs pa'i gnas su phyin pa'i tshes gzhi la sogs pa kun rin po che las byas pa zhig ni reg tu zin kyang nyes med par ston to //snod gzhan med na zos pa yang ngo zhes pa ni de na rin po che'i snod spyad las gzhan med na de'i snod spyad du zos kyang bla ba'o/ /stan cha la 'dug pa yang ngo zhes pa ni de'i stan cha rin po che la 'dug kyang bla ba'o/ /theg pas 'gro zhes pa ni rta dang glang po la sogs pa'i theg pa la zhon cig pa'o//chos kyi don gyi dbang gis na'o zhes pa ni gong ma ltar zhon du rung ba yang don ched 'di lta bu'i phyir na'o/ /de yang mi spyoms par ro zhes pa ni chos kyi don ched kyi phyir zhon pa'i tshe yang cha dar la sogs pa ngom spyoms kyi bag tu sgeg pa ma byed cig pa'o/ /rgan ba dang nad pa las gzhan pa ma yin zhes pa ni chos kyi don ched kyi phyir bzhon pa yang rgas pa dang nad pa zhig yin na gdod de lta bu zhon yang bla ba'o//chos bshad pa'i phyir seng ge'i khri rin po che las byas pa la mi rtag pa yid la byed pas spa gong zhing 'dug par bya zhes pa ni chos 'chad pa'i tshe 'di lta bu la'ang 'dug shig pa'o/ /gser phog dang dril gyis spras pas gos de dag ltar bshams na khyim pa'i 'o zhes bsam zhing 'dug par bya zhes pa ni 'di dag lta bu bshams shing spras pa'i rgyan can zhig yin na yang khyim pa'i yin no bar soms la 'dug shig pa'o//'dir nor bu'i khol dang gser dngul gyis sbras pa yang ngo zhes pa ni 'di dag lta bur spras pa la yang 'dug shig pa'o//seng ge'i khri'i skabs su 'di dag kun kyang 'dus mod kyi gleng gzhi'i dbang gis gzhung las 'byung ba rnams bsdus pa'i tshig tu zad do/ /'di dag kyang gzhug ces ni rin po ches spras pa'i khri de dag lta bur bsnyen par ma rdzogs pa med na nyid kyi lag dar te sba brtul gyis shig pa'o//khyim pa dang dge tshul med la chos kyi don dang dbang gis ston pa'i 'du shes nye bar bzhag ste sangs rgyas kyi sku gzugs la reg pa ni mi rung ba med ces pa ni rkyen 'di lta bu'i tshe 'di ltar reg kyang bla ba'o/ /de'i dkor yang ngo zhes pa ni sangs rgyas kyi dkor rin po che la yang rkyen gong ma lta bu'i tshe zung shig pa'o//rgyan gdags par mi bya zhes pa ni dge slong rgyan ma 'dogs shig pa'o/ /rgya bcang zhes pa ni rgya gyis shig pa'o/ /bskon par ni mi bya zhes pa ni sor gdub dang gdu bu bskon pa'i rgyan ni ma byed cig po'o/ /'o na ji las bya zhe na/ ro nye zangs ra gan 'khar ba rgya skyegs shing rdo khams ba so rwa dag las so zhes pa yin te 'di dag las gyis shig pa'o//dge 'dun gyi na rtags ni g.yas g.yon ri dgas/ dbus su 'khor lo/ /'og tu gtsug lag khang gi bdag po'i ming zhes pa ni dge 'dun spyi'i rgya'i rtags ni 'di ltar gyis shig pa'o//gang zag gi keng rus dang mgo thod do zhes pa ni gang zag gi rgya ni rtags 'di ltar gyis shig pa'o/ /skra so mangs kyis mi bshad ces pa ni de ltar ma byed cig pa'o/ /'di ni dper zad ces pa ni so mangs dper zad kyi gzhan cis kyang skra ma 'chad cig pa'o/ /me long la bzhin mi lta zhes pa dang chur yang ngo zhes pa ni 'di dag tu bzhin ma lta shig pa'o//chur rtog pa'i tshe rma dang skra skya dang gnyer ma lta bu ni nyes med ces pa ni chu rtog pa'i zhar la 'di dag tsam gyi tshod lta bu ni bla bar ston pa'o/ /na tshod 'dzin pa yang ngo zhes pa ni na tshod bzung ba'i phyir ni me long la bltas kyang bla ba'o//sor ris mi bya zhes pa ni sor ris gsum 'dri ba lta bu ma byed cig pa'o/ /go ro tsa nas mi byug ces pa dang spos kyis kyang ma yin zhes pa ni 'di dag gis kyang ma byug shig pa'o/ /bsod nams kyi phyir na rkang pa spos kyis nyug du gzhug ces pa ni bsod nams 'dod pas bdag gi lus la spos nyug na rkang pa la nyug tu chug shig pa'o//de'i mdun du mi dbye zhes pa ni yon bdag de'i mdun du ma dpyid cig pa'o/ /des byug pa'i cho ga ston pa ni/ des byugs na dge 'dun 'du bar ma yin zhes pa dang khyim pa la yang chos mi bshad ces dang khyim du'ang mi 'gro zhes pa rnams yin te nad la sogs pa'i phyir de byugs na ming gis smos pa 'di dag ma byed cig pa'o//mjug tu bkru zhes pa ni mjug tu'ang khrus shig pa'o/ /de dag blang zhes pa dang me tog gi phreng ba yang ngo zhes pa ni spos dang me tog dbul na long shig pa'o/ /mchod rten la dbul zhes pa dang nyan thos pa la yang ngo zhes pa ni gong ma de dag blangs nas mchod rten dang nyan thos kyi mchod rten la phul cig pa'o//sbyin bdag mi dga' na sngas dang 'phongs su'o zhes pa ni mchod rten la dbul du mi dga' na/ bdag gi sngas dang 'phongs kyi thad kar yugs shig pa'o/ /sgo dang byang stan du ma yin zhes pa ni sgo dang byang du 'bab pa'i rtsig ngos nyug shig pa'o//ci la rtsig chen po'o / /rtsig pa la'o zhes pa yin na'o/ /thur ma'am khab ngos la gzer ba la phreng ba gdags zhes pa ni phreng ba blangs pa ni thabs 'di ltar gyis shig pa'o/ /dri zhim po mig la phan na dus dus su mnam zhes pa ni mig la phan ba'i phyir me tog la sogs pa dri zhim po snoms shig pa'o//tshangs pa'i se ral bgo bar mi bya zhes pa ni 'di ma thogs shig pa'o/ /skud pa yang ma yin zhes pa ni sngags kyi skud pa yang ma thogs shig pa'o/ /sos par bya ba'i phyir na dpung pa g.yon pa la gdags zhes pa ni gal te nad pa'i phyir ni 'di ltar thogs shig pa'o//bab bab tu mi dor zhes pa ni sngas skud du mjug tu rim gro ma chung shig pa'o/ /gal te ma btags na gos kyi gra 'am ska rags la gdags zhes pa ni nad ma sos kyi bar du 'di ltar gyis shig pa'o/ /ma yin na ka ba'am rtsig gseb du gzhug ces bya ba ni sos na 'di ltar gyis shig pa'o//glu dang gar la sogs pa mi bya zhes pa ni 'di dag ma byed cig pa'o/ /mi bslab ces pa ni 'di dag gzhan la'ang ma slob shig pa'o/ /mi bcos zhes pa ni 'di'i thabs nor cing 'khrul pa'i skabs su bcos pa'ang ma byed cig pa'o/ / blta ba'i phyir yang mi 'gro zhes pa ni de [(]bltar [#,]ltar [)]yang ma 'gro shig pa'o/ /dge slong mas gar rgyas par mi bya zhes pa ni sder bcad pa'i bro dang gar ma byed cig pa'o/ /ston pa'i yon tan brjod pa dang rgyud gsum gdon pa'i phyir dbyangs bya zhes pa ni 'di dag gi phyir ni dbyangs gyis shig pa'o//de ni bslab po zhes pa ni de ni ched du slobs shig pa'o/ /dben pa'i phyogs su'o zhes pa ni ched du bslab pa de'o/ /kha dor dang sgeg pa dang ca co dang trag trog dang snyogs pa dang lus kyis snyogs pa rnams mi bya zhes pa ni 'di dag kyang ma byed cig pa'o/ /g.yeng ba'i sems kyis lus dang ngag mi bsgyur zhes pa ni dge slong lag 'gros byed pa lta bu la sogs pa lus dang ngag g.yeng ba'i bag tu ma bsgyur cig pa'o//'dres pa'i cha dbye zhes pa ni nyon mongs pa spyod pa'i tshe nyon mongs pa dang nyon mongs pa ma yin par 'dres pa'i sems kyis dpyad na/ nyon mongs pa dang mi mongs pa'i rnams thod pur 'dres kyang rung ste tha dad du phye la ltung ba dang mi ltung ba'i rim par kha skongs shig pa'o//snod da res kyis bza' bar mi bya zhes pa ni kha phyis gcig la nor mor za ba lta bur ma byed cig pa'o/ /rna rgyan mi rung zhes pa dang mi gdags zhes pa ni me tog gi rna rgyan brgyu ba dang thogs pa ma byed cig pa'o/ /bya dga' sbyin pa mi bya zhes pa ni rol mos mgu ba'i phyir rol mo mkhan po la bya dga' sbyin pa ma byed cig pa'o//tha mal ba'i tshe mi brgyug ces pa ni bred cing brtad pa'i rkyen gyis ma thebs par ro/ /mchong ba dang drag shul mi bya zhes pa ni dngos su zad brla dang dpung pa dang nya'i ldog thabs su ldog par mi bya zhes pa ni rka lag gcus shing bsgyur ba dang nya'i ldog 'gyur lta bu lus kyis ma byed cig pa'o//chu la rdo spyad mi bya zhes pa yang dngos su zad/ chu'i nang du rka dang rnga skad du mi bya zhes pa ni chu'i nang du 'di dag lta bu'i skad ma byed cig pa'o/ /chu la spyil mo nyug pa mi bya zhes pa yang dngos su zad/glang po'i skad dang rta'i skad dang khyu mchog dam pa dang rma bya dang ko ki la'i skad mi bya zhes pa ni 'di dag gi skad ma byed cig pa'o/ /kha'i dung dang d+hu d+hu ka dang rnga skad mi bya zhes pa ni kha nas 'di dag skad ma zer cig pa'o/ /'jo ba'i dngos por gtogs pa'o// // khrus kyi ltung ba ston par 'dod pa ni/dpyid kyi lhag ma phyed dang gnyis dang dbyar dang po'i zla ba'o zhes pa la sogs pa yin te/ 'og nas gzhan du zhes 'byung ba ming gis smos pa'i dus 'di ma yin ba'i skabs su gzhan du bkrus na ltung bar 'gyur ba'o/ /dge slong ngo cog la de lta bu'i nyes par 'gyur ram zhe na/ gos med ba gnyis po rnyed pa'i cho ga bzhin zhes pa yin te yang yang gi skabs su nad pa ma yin las byas zhes pa la sogs pa'i dus shig na nyes med pa'o//gzhan yang skabs kun du nyes par 'gyur ram zhe na/ rlung gis ma g.yengs na'o zhes pa yin no/ /ji tsam gyis g.yengs par chud ce na/ de'i mtha' ni gos kyi mtha' ma slebs pa'o zhes pa yin te/ gos kyi grwa rlung gis rdeb khyer ba tsam gyis kyang ngo / /de nyi tsher yang ma zad pa ni char gyis ma phog na'o zhes pa yin no/ /ji tsam gyis phog par chud ce na/ 'di ni thigs pa gnyis phog pas so zhes pa yin te char thigs pa gnyis phog pa tsam gyis kyang ngo //ci la zhe na/ lus la'o zhes pa yin no/ /gzhan du bkrus nas bco lnga tshun chad bkrus na'o zhes pa ni dang po lan cig bskur nas zhag bco lnga ma lon pa tshun chad du gong du smos pa'i dus ma yin par bkrus na ltung bar 'gyur ba'o/ /khrus nyid ji lta bu zhe na/ blugs pa'am 'jug pa'o zhes pa yin te mgo nas ldugs pa'am chu'i nang du 'jug pa'o//lus kyi ji tsam du phyin pas khrus su 'gyur zhe na/ lte bar phyin na'o zhes pa yin te blugs kyang rung 'bogs kyang rung chu lte bar phyin na khrus su chud pa'o/ /snga rol nyes byas zhes pa ni lte bar ma phyin pa yan chad dam man chad ni nyes byas su 'gyur ba'o//kun dus byin gyis ma brlabs na'o zhes pa yin pa ni bkru ba'i dus la bab bo cog gi tshe na yang dus byin gyis ma brlabs par bkrus na nyes byas su 'gyur ba'o/ /don gzhan gyi g.yam la chur zhugs pa ni khrus ma yin zhes pa ni khrus bya bar ni ma byas kyi don ched gzhan gyi phyir chur zhugs pa lta bu khrus kyi khongs su mi chud pa'o//de lta bas na rgal ba dang ma tshor bar ltung ba dang brgyal ba gdab ba rnams nyes med ces pa ni gong ma ltar gyur pas na chu pha rol du rgal ba dang chu'i nang du ma byas par ltung ba dang brgyal ba la chus btab pa lta bu nyes par mi 'gyur ba'o//yul asma pa ran ta ka na 'di med par shes par bya'o zhes pa ni yul 'di na rtag tu bkru dgos pa'i phyir bkru ba'i dus tshigs 'di med par shes par gyis shig pa'o/ /gtso yod bzhin du phran tshegs kyi cho ga la mi ltos zhes pa ni brlab pa'o//chog la snyegs pa'i tshig ste yul mtha' khob tu 'dul ba 'dzin pa lngas bsnyen par rdzogs par gyis shig ces 'byung ba lta bu lnga las mang bar yod bzhin du lnga dang ma sbyor bag pa lta bu la sogs pa'o/ /skabs 'dir yang zla ba phyed kyi dus la bab na rung ba'i dus phran tshegs gzhan ltos shig pa'o//'khru ba ltung ba'o// // ji ltar byas pas byol song gsod pa'i ltung bar 'gyur zhe na/ gsod sems kyis byol song bsad na'o zhes pa yin te byol song ched du bsams te bsad na ltung bar 'gyur ba'o/ /ci bsnun pa'i mod la 'ang zhe na/ des lan te mod la'am phyis shi na'o zhes pa yin te ched du bsams te bsnun nam shi yang rung ste ltung bar ston pa'o//sems can gyi gzugs ni sems can ma yin pas nyes byas su byed ces pa ni sems can gyi gzugs su bris ba 'am byas pa lta bu bshig pa ni nyes byas su zad pa'o/ / byol song gsod pa'o// // ji ltar byas pas the tshom skur ba'i ltung bar 'gyur zhe na/ khyed bsnyen par ma rdzogs she'am/ phas pham pa byung ngo zhes pa la sogs pas dge slong ma yin par the tshom skur na'o zhes pa yin te the tshom skur ba nyid kyi bsam pas 'di ltar byas na'o/ /de ltar skur par bsam pa dang skyon nas bos par bsam pa ni so so'i nyes par 'gyur ba'o//su the tshom skur bas she na/ dge slong na'o zhes pa yin no ji ltar bsams kyang rung ngam zhe na/ mi dga' ba bskyed pa'i sems kyis na'o zhes pa yin te ched du mya ngan skur zhing mi dga' bar bya bar bsams na'o//bzhad gad kyang ngo zhes pa ni bzhad gad du byas na yang ltung bar 'gyur ba'o/ /'gyod par gyur na'am zhe na/ 'gyod pa ma skyes na yang ngo zhes pa yin te 'gyod pa ma skyes na yang ltung bar 'gyur ba'o/ /gzhan gyis ni nyes byas zhes pa ni phas pham pa ma yin ba'i ltung ba gzhan gyis the tshom skur ba na nyes byas su 'gyur ba'o//the tshom skur ba'o// // ji ltar byas pas ga ga tshil byas pa'i ltung bar 'gyur zhe na/ dge slong na'o zhes pa yin te dge slong la ga ga tshil byas na'o/ /sor mo khu tshur gru mo phrag pa mgo rtsib logs rgyab sta zur brla pus mo byin pa rkang pa'i sor mo la sogs pas ga ga tshil byas na'o zhes pa ni 'di dag gang gis byas kyang rung ste ltung bar 'gyur ba'o//ji lta bu'i sems kyis kyang bla'am zhe na/ ku re'i sems kyis na'o zhes pa yin te ku re bya ba'i phyir na ltung bar 'gyur ba'o/ /de bas na brtsan/ sbrang ma/ mdzer pa 'am smye ba gtsug rnams ston pa na nyes med ces pa yin te 'di dag ston pa'i phyir mdzub mos btsugs pa ni nyes med pa'o//du mas byas kyang gcig go zhes pa ni ga ga tshil sor mo la sogs pa du mas byas kyang ltung ba gcig tu zad kyi tshogs pa lta bu ma yin pa'o/ /ga ga tshil byed pa'i ltung ba'o// // ji ltar byas pas chu la rtse ba'i ltung bar 'gyur zhe na/ chu'i yul la byed par bsgrub na'o zhes pa la sogs pa yin te chu la 'og nas 'byung ba lta bu byed na ltung bar 'gyur ba'o/ /spyi de ltar bstan nas so sor 'byed pa ston pa ni/ zhugs nas bye'u zul dang 'byung ba dang tshu rol nas pha rol tu 'gre ba dang yan man du 'gro ba dang chu rnga dang mad du ka rdung ba dang rdo sbyar 'phen pa dang /khor yug tu byed pa dang rtsi rar byed pa dang chu dong dang / se klong du byed pa dang mdzub ris 'dren pa rnams rtse ba'o zhes pa yin te chu'i nang du zhugs nas ming gis smos pa 'di dag ltar byed na ltung bar 'gyur ba'o//bam kol byed pa ni nyes byas zhes pa ni chu la'o/ /rdza ma dang phru ba dang ril ba dang phor par ro zhes pa dang bu ram gyi khu ba dang tshod ma dang sran tshod dang 'bras khu dang khu ba rnams tshad zin kyang ngo zhes pa ni 'di dag gi nang du 'jug tu med la rtse zhing mdzub ris byed na nyes byas su 'gyur ba'o//chu ma yin pa la rtse na yang ngo zhes pa ni chu ma yin pa gzhan la rtse na yang nyes byas su 'gyur ba'o/ /bdag nyid kyis byas pa 'ba' zhig gis sam zhe na/ de ltar byed du bcug pa 'ang de bzhin zhes pa yin te pha rol gong du smos pa'i rim pa bzhin du byed du bcug na nyes byas rim pa de bzhin du 'gyur ba'o//ji ltar byas kyang dam zhe na/ 'phyar ba la dga' bar myong bar 'dod na'o zhes pa yin te g.yeng bas dga' bar byed na gdod nyes par 'gyur ba'o/ /de lta bas na bsil 'dod pa'i phyir zhugs pa la sogs pa nyes med ces pa ni gong ma lta bu'i bsam pas ma yin te bsil ba 'dod pa'i phyir chur zhugs pa ni nyes med pa'o//rkyal slob pas gcod pa dang yan man du 'byam pa yang ngo zhes pa ni rkyal slob pa'i tshe 'di dag ltar byed na nyes med/ tsha ba bsgrang ba'i phyir dkrugs pa yang ngo zhes pa ni tsha ba bsgrad ba'i phyir dkrugs pa'ang nyes med pa'o//chur rtse ba'o// // ji ltar byas pas bud med dang lhan cig tu nyal ba'i ltung bar 'gyur zhe na/ khyim gcig na bud med dang lhan cig tu gnyid log na'o zhes pa la sogs pa yin no/ /nam gnyid log pas she na/mtshan mo'i zhes pa yin no/ /de'i yang gang gi tshe zhe na/ mthas so zhes pa yin te mtshan gcig gi mthas nyes par 'gyur ba'o/ /tshun chad nyes byas zhes pa ni mtshan gcig gi mtha' thug pa tshun chad nyes byas su 'gyur ba'o/ /spyad mi bzod pa yan chad ji tsam gyis nyes par 'gyur zhe na/bya gag mo yan chad kyis byed ces bya ba yin te bya gag tsam yan chad nyes byas su 'gyur ba'o/ /bud med dang lhan cig nyal ba'o// // ji ltar byas pas bsdigs pa'i ltung bar 'gyur zhe na/ bsdigs par 'dod pas bzhad gad du bsams kyang rung ste dge slong la 'jigs par byed pa che ge mo zhig go zhes snga nas bsgo la 'jigs pa'i mtshan ma ston na gzhan gyis sam 'jigs pa ma skyes kyang ngo zhes pa yin te ched du bsdigs par bsams shing snga nas rna ngad btang la mi sdug pa'i mtshan ma ston na bdag gis bstan pa lta ci smos kyis gzhan ston du bcug gam 'jigs par ma gyur du zin kyang ltung ba'o//mi sdug pas na rtsa ba'o zhes pa ni 'og nas 'byung ba lta bu'i mi sdug pa'i rnam pa rnams kyis bsdigs na ltung bar 'gyur ba'o/ /de la mi sdug pa rgyas par ston pa ni/ de 'di lta ste/ yi dgas/ 'dre/ grul bum/ lus srul po rnams so zhes zer ba dang gzugs ni gnag rab/ sol mdog / mgal dum lta bu dang / sgra ni seng ge / stag / gzig / 'phar ba/ spyang ki/ wa rnams kyi dang dri ni bshang gcir thug gi dbre dang / reg pa ni leb ma dang re lde dang ra phyar gyi rnams so zhes pa yin te/mi sdug pa'i gzugs sgra dri reg bya 'di dag lta bus bsdigs na'o/ /sdug pa ni nyes byas zhes pa ni sdug pas bsdigs na nyes byas su 'gyur ba'o/ /de 'ang rgyas par ston pa ni/ 'di lta ste/ lha/ klu/ dri za/ gnod sbyin/ mi'am ci/lto 'phye chen po'o zhes zer ba dang / gzugs ni nor bdag / tshong dpon ded dpon la sogs pa'i dang / sgra ni pi wang la sogs pa'i dang / dri ni a ka ru/ tsan dan/ gur gum/ ta ma la'i 'dab ma rnams kyi dang / reg pa ni dar/ ras/ be'u ras/ seng ras/ du gu la/ go tam / 'ba' ka rnams kyi'o zhes pa yin te/ sdug pa'i gzugs sgra dri reg bya ming gis smos pa 'di dag lta bus bsdigs na nyes byas su 'gyur ba'o/ /dmus 'byung ba'i phyir ni ma gtogs zhes pa ni khor bas dmus dbyung ba'i phyir bsdigs pa ni nyes med pa'o/ /de lta bas na skyo ba bskyed pa'i phyir/dmyal ba / yi dgas/ byol song rnams kyi gtam ni nyes med ces pa yin te 'di dag gi sdug bsngal yang zhing bzod brlag pa'i gtam ni ched du'ang gyis shig pa'o/ /bsdigs pa'o// // ji ltar byas pas sbed pa'i ltung bar 'gyur zhe na/ 'dir rab tu byung ba rnams kyi lhung bzed/gos snod/ khar phor/ ska rags la sogs pa dge sbyong gi 'tsho ba'i yo byad rnams sbas sam sbed du bcug na'o zhes pa yin te ming gis smos pa'i yo byad 'di dag rung zhing tshad la bab pa bdag gis sbas kyang rung gzhan sbed du bcug kyang rung ste ltung bar 'gyur ba'o//phan par 'dod pa ni ma gtogs zhes pa gnod pas ma yin gyi phan gdags pa'i phyir sbas pa ni nyes med pa'o/ /sbed pa'o// // ji ltar byas pas sbyin pa spyod pa'i ltung bar 'gyur zhe na/ dge slong la gos gtan du byin la des ster ba med par spyod na'o zhes pa yin te gos gtan du sbyin la de spyod du ma bcug par bdag gis thug thub tu byas te spyad na ltung bar 'gyur ba'o//'di'i gzhi las gal te dga' ba'i gdeng med na'o zhes pa ni/ bdag gis spyad na pha rol dga' bar 'gyur ba'i gdeng drod kyang med par spyod na'o/ /byin pa spyod pa'o// // ji ltar byas pas skur ba'i ltung bar 'gyur zhe na/ nyams par 'dod la dge slong na'o zhes pa la sogs pa yin te dge slong la nyams par yang 'dod la skur ba bya ba de'ang dge slong yin na'o/ /'du shes sbas na'o zhes pa ni bden pa'i 'du shes bcabs na'o/ /dge 'dun gyi lhag ma byung ngo zhes glengs na'o zhes pa ni dge 'dun gyi lhag mas skur na nyes par 'gyur ba'o//gsal por skur pas sam zhe na/ chas kyang ngo zhes pa yin te chas skur na yang ltung bar 'gyur ba'o/ /skur ba'i ltung ba'o// // ji ltar byas pas bud med dang 'grogs pa'i ltung bar 'gyur zhe na/ched kar lam du dong na'o zhes pa la sogs pa yin te bud med las byed ces pa la sogs pa reg pa'i lhag ma las byung ba dang sbyar zhing ched kar 'grogs na ltung bar 'gyur ba'o/ /ci srid du 'grogs pas she na/ rgyang grags re re'o zhes pa yin no/ /phyed phyed cing nyes byas zhes pa ni rgyang grags phyed cing nyes byas su 'gyur ba'o//bud med dang dge slong 'grogs so cog nyes par 'gyur ram zhe na/ bsel byed pa ni ma gtogs zhes pa dang / lam nor ba'i lam ston na'o/ /'gro ma nus pa khrid pa yang ngo zhes pa yin te bsel dang lam mtshon pa dang / 'gro ma nus pa khrid pa tsam ni nyes med par ston pa'o//bud med dang lhan cig tu 'gro ba'o // //rkun po dang 'grogs pa'i ltung bar 'gyur ba gang zhe na/ grong 'joms pa'i rkun po dang sho gam 'dral ba'i tshong pa'o zhes pa yin te ched kar 'grogs zhes pa la sogs pa'i yan lag gzhan ni gong ma las gzhi blangs nas ming gis smos pa 'di dag lta bu dang 'grogs na ltung ba'o//g.yung ma rgod dang rkun pos rab tu byung ba ni nyes byas zhes pa ni g.yung ma rgod byed pa dang 'grogs pa'am thug thub tu rab tu byung ba dang 'grogs pa ni nyes byas su ston pa'o/ /rkun po dang lhan cig tu 'gro ba'o// // gang zag ji lta bu bsnyen par rdzogs pas ltung bar 'gyur zhe na/'brid ces pa la sogs pa yin no/ /'du shes brtsan pa gang zhe na/ bsnyen par rdzogs par bya ba lo nyi shur ma lon na'o zhes pa yin te bsnyen par rdzogs par bya ba lo ma tshang bar shes bzhin na'o / /yan lag gang gis 'di'i nyes par 'gyur zhe na/ bsnyen par rdzogs pa'i mkhan po byed na'o zhes pa yin te 'di lta bu'i mkhan po byed na ltung bar 'gyur ba'o/ /des 'di'i lon pa mi dri ba ma yin zhes pa ni bsnyen par rdzogs par 'dod pa de'i lo grangs mkhan pos mi drir mi rung ba'o/ /gzhan dag gis kyang ma yin zhes pa ni dge 'dun gzhan gyis kyang mi drir mi rung ba'o//'di'i ma rtogs na bsnyen par rdzogs par mi bya zhes pa ni de'i lo tshigs ma nges na bsnyen par rdzogs par ma byas shig pa'o/ /mdor na lo nyi shur lon pa bsnyen par rdzogs pa 'grub ces pa ni lo nyi shur lon par brtsan par ston pa'o/ /gzhan yang lon par 'du shes na'o zhes pa ni lo nyi shur ma lon yang lon pa'i 'du shes yod na yang rung ba'o//ma rtogs/ mi dran/ the tshom pa yang ngo zhes pa ni nyi shur lon khan po la sogs pas ma rtogs shing mi dran nam som nyi yod bzhin na yang rdzogs par 'dod pa de la lon pa'i 'du shes yod na rung bar ston pa'o/ /shes na ni de 'jig ces pa ni lo ma tshang ba la sogs pa nyid kyis 'phrigs na sdom pa 'jig par ston pa'o//gor ma chag par de lta'am zhe na de ma yin te lon par gyur na'o zhes pa ni lo tshang na yid 'phrigs skyes su zin kyang sdom pa mi 'jig par ston pa'o/ /'phrigs pa'i tshe lo tshigs cis bzung zhe na/ mngal dang lhag pa'i zla ba gtogs par ro zhes pa ni mngal gyi cha dang shol gyi chas rtsis shig pa'o//dang po rdzogs pa'i tshe lo tshigs 'di dag sbyar na bsnyen par rdzogs pa mi 'grub pa ni med kyi rdzogs par byed pa la nyes par 'gyur bas na dang po'i tshe 'di dang ma sbyor cig pa'o/ /mtshang bar bsnyen par rdzogs pa'o// // ji ltar byas pas sa rko ba'i ltung bar 'gyur zhe na/ rko 'am rkor bcug na'o zhes pa la stsogs pa yin no/ /de la rko ba'i 'jor la sogs pas bsnun ba'i grangs bzhin du sbyor ba dang rtsa bar brtsi'o/ /brkos sam rkor bcug pa ci la zhe na/ sa snag na'o zhes pa yin te gseg ma 'am gram sa ma yin gyi snag gi yin na'o//dge slong ngo cog la nyes par 'gyur ram zhe na las sar pa pa tshes grangs dang sbyor la rung bar byed pa med na phur bu sor bzhi tsam 'debs pa ni ma gtogs zhes pa yin te las sar pa pa rkyen 'di dag lta bus thebs pa'i tshe 'di tsam gyis tshod btab kyang bla bar ston pa'o//sa ji lta bu las nyes pa ci 'dra bar 'gyur zhe na/ rang bzhin ni rtsa ba'o zhes pa dang / ma yin na ni nyes byas zhes pa yin te sa'i rang bzhin yin nam ma yin pa las nyes byas dang ltung bar ston pa'o/ /sa'i rang bzhin ji lta bu yin pa ston pa ni/ phung po zla ba gsum du bzhag na snga ma'o zhes pa ni sa phung zla ba gsum gyi bar du lus na sa'i rang bzhin yin bar ston pa'o//nam yang rung gis de lta'am zhe na/ char rgyun du bab na'o zhes pa yin te char rtag tu bab na gdod gong ma ltar 'gyur ba'o/ /char ma bab na ji tsam gyis rang bzhin du 'gyur zhe na/ gzhan du na drug ces pa yin te char ma bab na zla ba drug gis rang bzhin du 'gyur ba'o//rtsig pa sa ma yin par ma re shig ces na rtsig pa yang sa'i rang bzhin du ston pa'o/ /bsdus pa'i mtshan nyid ni phal che ba brtsan no zhes pa ni sa bcu la sogs pa go 'dun dang 'dres pa zhig na gang phal che ba de brtsan bar gyis shig pa'o//de lta bas na rdzas nyung du dang 'dres pa ril gyis so zhes pa ni 'dres na gang nyung ba de phal che'i khongs su bsdus par ston pa'o/ /tshig pa ni nyams pa'o zhes pa ni sa tshig pa ni sa'i rang bzhin las nyams par ston pa'o/ /nyams pa ni phyed do zhes pa gong ma lta bu'i nyams pa brkos na nyes byas su ston pa'o//sa zhag gad pa/ rtsig pa/ skyang nul rnams gogs pa yang ngo zhes pa ni 'di dag gogs pa lhags na yang nyes byas su ston pa'o/ /gseg ma dang bye ma la sogs pa phal che ba yang ngo zhes ba ni bye ma dang gseg ma mang ba brkos na yang nyes byas pa'o/ /byed pa yang ngo zhes pa ni 'og nas 'byung ba ltar byed pa yang nyes byas su ston pa'o//de gang zhe na phur pa 'byin pa'i ri mo 'dren pa lci ba blangs pa'i zhar las gogs pa dam bsgul ba bum pa 'phyang ba la chags pa ni snyi bar 'byung ba'i dngos nyid rnams so zhes pa rnams rkos shing brus pa ni nyes byas su 'gyur ba'o//rtsa ba dang nyes byas su 'gyur ba de dag bsam pa ji lta bu zhe na/ 'dir nyams pa bsams na de'o zhes pa yin te ched du nyams par bsams na gdod de dag ltar 'gyur ba'o/ /de lta bas brtsi ba dang 'gro ba la sogs pa'i bsam pas nyes med ces pa yin te rtsis byas pa dang 'gro ba'i bsam pas brud cing rlogs par gyur pa ni nyes med pa'o//sa 'jig pa'o// // bos pa bos par slong ba'i ltung ba ston pa ni/ ma bos par mi bslang zhes pa la sogs pa yin te/ ma bos pa la slong du mi rung bar ni gong du yang bstan pas na bos su zin gyis kyang ma bos par slong ba ma byed cig pa'o//dus ma bsnyad cing der mi re na zas la gnyer ba'i khyim du 'ong ba rigs so zhes pa ni khyim pas mgron du gnyer la gdugs tshod kyi khar spyan 'dren yod du mi re na bdag cag nyid de'i khyim du deng shig pa'o/ /dus kyis mi thub na 'dren par bskul ba yang ngo zhes pa ni gdugs tshod kyis mi thub na myur du 'dren par bdag cag nyid kyis skul cig pa'o//tshig de nyi tshe la 'gal rtag tu ma yin zhes pa ni gsol ba la sogs pa'i las ma gtogs par 'phral gyi bya ba rnams don der 'gro zhing 'gal ba med na gzhung las 'byung ba'i tshig nyi tshe ltos shig pa'o/ /so sor bos pa bdag gir bya zhes pa ni yon bdag gis dge 'dun so sor bkar te bos na yang song shig pa'o//dge 'dun spyis gnyer ba'i tshe gang zag gud du gar zhing za ba mi rigs par dogs pa bstsal ba'i phyir/ dge 'dun dang lhan cig tu bos kyang ngo zhes pa yin te dge 'dun glengs kyis bos kyang gud du gar te zos pa ni nyes med par ston pa'o//dus thams cad kyang ngo zhes pa ni gtan du bos na yang mi rung ba med kyis der khas long shig pa'o/ /ji ltar byas pas bos pa las lhag par slong ba'i nyes par 'gyur zhe na/ tshad btsugs pa med par bos pa dang gzhan du dang / yang dang yang dang / shin du ba las lhag par ma bos na zla ba bzhi lon pa las lhag par bshags pa za na'o zhes pa yin te yun 'di srid kyi bar du bdag gi der gshegs su gsol zhes tshad chad par ma byas pa dang / 'di srid kyi bar du gshegs par gsol zhes dus kyi tshad chad par byas pa dang / yang dang yang snon pa dang snying nas bos pa rnams ma yin la zla ba bzhi las lhag par yon bdag de'i zas zos na ltung bar 'gyur ba'o//slong ba nyes byas zhes pa ni gong ma lta bur ma zos par slong ba'i tshe nyes byas su ston pa'o/ /nad pa nyes med ces pa ni nad pa ni gong ma lta bu'i tshe bslangs te zos kyang bla bar ston pa'o//gnyen yang ngo zhes pa ni gong ma lta bu'i tshe/ gnyen la bslangs kyang bla ba'o/ /'khyams pa snga ma dang tha dad ces pa ni/ zla ba bzhi'i bar du yon bdag gis gnyer ba'i tshe/ dge slong las babs pa/ phyir slar zhugs na sngon gnyer ba'i dus de la brten du mi rung bar ston pa'o//de lta bus snga ma la brten te/ zos pa'i nyes pa cir 'gyur zhe na/ de ma zos pa'i nyes par byed ces pa yin te/ bsod pa slong ba'i nyes par ston pa'o / /snga rol na yang gang yang ma bos pa'o zhes ba zla ba bzhi'i tshe sbyin par ma byas pa'i zas bslangs te zos na yang bsod pa slong ba'i nyes par ston pa'o//bos pa bos par ston pa'o// // ji ltar byas pas bslab pa ston pa las bzlog pa'i ltung bar 'gyur zhe na/ 'brid ces pa la sogs pa yin no/ /'du shes brtsan pa gang zhe na/ mngon par shes pa yin na'o zhes pa yin te/ slob pa ston pa'i dge slong de shes pa dang ldan bar bdag gis shes la slar bzlog na nyes par 'gyur ba'o//mngon par shes pa su zhe na/ zer ba'o zhes pa yin te gang ston cing smra ba de la'o/ /ci ngon par shes she na/ bslab pa'o zhes pa yin te/ 'dul ba las 'byung ba'i bslab pa mngon par shes pa na'o/ /gang gis ltung bar byed ce na/dge slong gis 'dir bslab par gyis shig ce'am/ thon cig ces zer na mi slob bo zhes nyan du mi thub pas bsgo ba la mi shes par kha tsas zer zhing brnyas par byed pa'o zhes pa yin te dge slong pha rol pos tshig 'di skad du bstan na cha nyan du mi rung bas kha tsas zer na ltung bar ston pa'o/ / mdo'i la ni nyes byas zhes pa ni mdo las 'byung ba'i bslab pa shes pa la kha tsas zer na nyes byas su ston pa'o/ /bslab pa ston pa las bzlog pa'o// // ji ltar byas pas nyan pa'i ltung bar 'gyur zhe na/ dge slong gnyis rtsod pa'i phyir dge slong dag gros byed pa la zhi bar 'dod pa ma yin par nyan na'o zhes pa la sogs pa yin te/dge slong rtsod pa sdum pa'i gros byed pa la zhi bar 'dod pa ma yin pas nyan na ltung bar ston pa'o/ /ji ltar nyan pa las nyes pa'i rim par 'gyur zhe na/ tshig gi nyi tshe thos pa ni nyes med shes pa dang / don ni rtsa ba'o zhes pa yin te don ma thos la tshig thos pa dang don nyid thos na nyes byas dang ltung bar ston pa'o//mnyan to cog gis nyes par 'gyur ram zhe na/ ci nas dkrugs par brtul na'o zhes pa yin te/ dkrugs pa'i tshad du mnyan na gdod nyes par 'gyur ba'o/ /don gzhan gyi ched dang dbang gis steng du 'bab pa lta na 'phrigs ma thag tu ting sgra'am/ se gol lam/lud pa bstsal ba la sogs pa'i sgras ma sbran tam/ ma 'phrigs sam/ zhi ba'i phyir ma yin yang ltung ba gdon mi za bar byed ces pa ni ched du mnyan par ma byas sam gros byed par ma 'phrigs sam/ sdum bar dga' ba ma yin bas/ gros byed pa'i steng du bab na yang ltung bar ston pa'o/ /'thab pa mi sbed ces pa ni 'thab gcugs ma byed cig pa'o//mi mnyan zhes pa ni 'thab pa la nyan kyang mnyan cig pa'o/ /'di bskor la 'dug par mi bya zhes pa ni 'thab pa de'i mtha' bskor la 'khod pa lta bu ma byed cig pa'o/ /gcugs pa'i nan tan mi bya ba ma yin zhes pa ni 'thab pa gcugs pa'i nan tan ma chud shig pa'o//mnyan bar gtogs pa'o// // ji ltar byas pas tshogs pa 'jig pa'i ltung bar 'gyur zhe na/ /gsol ba la sogs pa'i las la 'dus pa las dge slong la ma byas par song na'o zhes pa la sogs pa yin te dge 'dun gsol ba la sogs pa'i las byed pa'i nang du bdag kyang 'ongs pa las dge slong gzhan byas par de'i nang nas byung ste/gud du song na ltung bar 'gyur ba'o/ /ji tsam du song bas ltung bar 'gyur zhe na/ thos pa'i nyes 'khor las 'das na rtsa ba'o zhes pa yin te las byed pa'i tha snyad mi thos par thal na gdod nyes par 'gyur ba'o/ /snga rol nyes byas zhes pa la/ thos pa las ma 'das pa tshun chad nyes byas su 'gyur ba'o//rigs pa'i don med par song na'o zhes pa ni rigs pa'i don ched par song na dge slong gzhan byas te song yang nyes par mi 'gyur ba'o/ /gsol ba byas te na'o zhes pa ni gsol ba byas/ las ni ma byas pa'i skabs su song na nyes byas su 'gyur ba'o/ /chos ma yin pa'i las na'o zhes pa ni dge 'dun las mi rigs pa byed pa'i nang nas gud du song na yang nyes byas su 'gyur ba'o//thos pa'i phyogs 'da' bar mi 'dod na nyes med ces pa ni dge 'dun las byed pa'i tha snyad kyang zla la nyan bzhin du gral nas 'phags pa tsam ni nyes med par ston pa'o/ / tshogs pa 'jig pa'o// // ji ltar byas pas ma gus pa'i ltung bar 'gyur zhe na/ 'dug song / mal cha dang / gnas khang nos smros zhes pa dang / de las bzlog pa la sogs pa'i don ston na chos kyi snyad med cing ma gus par 'gal ba byed na'o zhes pa la sogs pa yin te/ 'dug song zhe'am ma 'dug ma 'gro zhes pa la sogs pa tshus snyad pa'i don bzhin du ma byed cig /rnegs pa'am ma gus par byed na ltung bar 'gyur ba'o/ /dge slong gi dge 'dun gyis na rtsa ba'o zhes pa ni dge 'dun gyis bsgo ba'i bka' bcag na ltung bar 'gyur ba'o/ /mkhan po dang slob dpon gyis na nyes byas zhes pa ni mkhan po dang slob dpon gyi ngag bcag na yang nyes byas su 'gyur ba'o//chos ma yin pa bsgo ba yang ngo zhes pa ni mi rigs pa bsgo ba ma mnyan na yang nyes byas su 'gyur ba'o/ /gtam gyi bar du gcod pa yang de bzhin zhes pa ni mkhan po dang dge 'dun lta bu la sogs pa btsun pa gtam zer ba'i bar du gcod na yang dag bcag pa dang 'dra bas/ltung ba la sogs pa'i rim pa bzhin du nyes par 'gyur ba'o/ /dge 'dun gyis bskos pa'i sna bo yang ngo zhes pa ni dge 'dun gyis las su bskos pa'i dge slong gi ngag bcag na yang dge 'dun gyi bka' bcag pa dang 'dra bar ston pa'o/ /sangs rgyas ni dge 'dun bzhin zhes pa ni phran tshegs 'di dag tsam gyi tshod bcom ldan 'das kyis gsungs pa mi rigs so zhes sangs rgyas kyi bka' bcag na yang ltung bar ston pa'o//rgyal po dang dgra bcom pa dang dge 'dun gyi gnas brtan gyi dag mi bcag ces pa ni 'di dag gi ngag ma gcog shig pa'o/ /ma gus par gtogs pa'o// // ji ltar byas pas chang 'thung ba'i ltung bar 'gyur zhe na/myos par 'thung na'o zhes pa la sogs pa yin te/ ra ro bar 'thung bar 'gyur na ltung bar ston pa'o/ /bskol na de las nyams so zhes pa ni bskol na de'i ro nyams par ston pa'o/ /sbang ma dang tshigs ma zos na der gtogs so zhes pa ni sbang ma dang rgun chang gi tshigs ma zos na yang ltung bar 'gyur ba'o//phabs ni phyed do zhes pa ni phabs zos na nyes byas su 'gyur ba'o/ /myos par 'gyur ba'i rtsa ba/ sdong po/ 'dab ma me tog / 'bras bu rnams kyang ngo zhes pa ni/ ra ro bar 'gyur ba'i rtsa ba la sogs pa zos na yang nyes byas su ston pa'o/ /'thung ba chang gi dri dang ro ni yod la myos par mi 'gyur ba yang ngo zhes pa ni myos par ni mi 'gyur la chang gi dri dang ro ni yod pa 'thungs na yang nyes byas su 'gyur ba'o//kha dog tsam gyi tshod chad dang 'dra ba ni nyes med ces pa ni rgun chu la sogs pa 'di lta bu 'thungs na nyes med pa'o/ /mkhur bar 'jog pa dang yan lag 'khru ba ni sbyor ba bzhin zhes pa ni chang mkhur ba na 'jog pa chang gis yan lag bkru ba ni nyes byas su 'gyur ba'o//nad pa ni nyes med ces pa ni nad pas gong ma ltar byas pa ni nyes med pa'o/ /chang 'thung ba'o// // ji ltar byas pas dus ma yin par 'gro ba'i ltung bar 'gyur zhe na/ 'brid ces pa la sogs pa yin no 'du shes brtsan pa gang zhe na/dus ma yin par na'o zhes pa yin te/ dus ma yin par shes na/ gdod nyes par 'gyur ba'o/ /dge slong yod lam byas na'o zhes bya ba ni/ dus ma yin par 'gro ba'i tshe dge slong yod la de byas par song na nyes par 'gyur ba'o/ /gar song bas she na/ grong du 'jug na'o zhes pa yin te grong du song na gdod nyes par 'gyur ba'o/ /de ltar song ngo cog gis sam zhe na/ gal te brtad par bya bas ma thebs na'o zhes pa yin te dge slong dang 'tsho ba'i bar chad du 'gyur ba la sogs pa brtad pa'i rkyen gyis ma thebs par song na gdod nyes par 'gyur ba'o/ /gud du 'gro ba ni nyes byas zhes pa ni grong gcig tu 'gro bar byas te song ba las grong gzhan du 'phyar te song na nyes byas su 'gyur ba'o//dge slong med na dge slong ma yang de bzhin zhes pa ni grong du 'gro ba'i phyi nas dge slong la byar dge slong med na dge slong ma la gyis shig pa'o/ /de yang na dge tshul la'o zhes pa dang de yang na dge slob ma la'o zhes pa dang /de yang na dge tshu la'o zhes pa ni gong ma med na 'og ma la rim bzhin du gyis shig pa'o/ /brda mi phrad na ni yod pa ma yin zhes pa ni 'on zhing lkugs pa dang lho bal lta bu brda mi phrad pa la byas pa ni byas shing bsgo bar mi chud pa'o/ /mtshams tha dad pa na 'dug pa dang bkar ba dang /gzhan gyi phyogs rnams kyang ngo zhes pa ni nam mkha' la 'dug pa lta bu la byas pa'am/ bkar ba'i dge slong la byas pa'am/ lha sbyin gyi phyogs su song ba lta bu la byas pa ni byas kyang mi phan par ston pa'o/ /'phrul gyis ni nyes med ces pa ni rdzu 'phrul gyi grong du song na ma byas kyang bla bar ston pa'o//dus ma yin par spyod pa'o// // ji ltar byas pas khyim du 'gro ba'i ltung bar 'gyur zhe na/ dus ma yin par khyim bzhi la sogs par 'gro na'o zhes bya ba la sogs pa yin te/ phyi dro khyim bzhi la sogs par grong rgyu na ltung bar ston pa'o/ /de'i ngor dge 'dun spyan drangs pa las nga ma 'ongs pa'i phyir 'drim ba la ma sdod cig ces sbyin bdag la ma bsko bar gsum la sogs par na'o zhes pa ni bdag gi ngor dge 'dun spyi spyan drangs la dge 'dun ma byon gyi bar du bdag gud du 'gro ba'i tshe sbyin bdag la snyad 'di skad du ma bsgo zhing gong gsum la sogs par song na ltung bar 'gyur ba'o//khyim du spyod pa'o// // ji ltar byas pas mtshan mo rgyal po'i pho brang du 'gro ba'i ltung bar 'gyur zhe na/ 'brid ces pa la sogs pa yin no/ /'du shes brtsan pa gang zhe na/ ma nangs par na'o zhes pa yin te nam ma nangs par shes na gdod nyes par 'gyur ba'o/ skabs gzhan du skya rengs dang po la brten na 'di yang de bzhin nar zhes pa'i phyir/ 'dir skya rengs tha ma shar ba'o zhes pa yin te/ skya rengs ma shar tshun chad la brten par ston pa'o/ /slas 'dug pa'i gnas su 'dug na'o zhes pa ni slas 'dug pa'i khyim yin na / gdod nyes par 'gyur ba'o/ /de ma yin bar song ba yang ngo zhes pa ni nyin bar der son la nam sro ste/slar log na yang de bzhin du nyes par 'gyur ba'o/ /nub re'o zhes pa ni nub re ltung ba re rer ston pa'o/ /ji tsam yan chad slas 'dug pa'i khang par gtogs she na/ de'i gtan pa'i than kor de'i dang po'o zhes pa ni gtan pa bcad cing dbye ba'i than kor ma gtogs pa yan chad de'i gnas su ston pa'o//rgyal po'i pho brang dang grong khyer gyi yang de bzhin zhes pa rgyal po'i pho brang dang grong khyer gyi nang mtshams kyang 'di yan chad yin par ston pa'o/ /rgyal po'i pho brang yang ngo zhes pa dang grong khyer du ni nyes byas zhes pa ni rgyal po'i pho brang du 'gro ba nang mtshams de 'das na ltung bar 'gyur ba dang grong khyer du 'gro ba dang nang mtshams de yan chad 'das na nyes byas su ston pa'o//gal te de'i phyir na'o zhes bya ba ni rgyal po'i pho brang du 'grol grong khyer gyi nang mtshams 'das na gdod de ltar 'gyur ba'o/ /'dir ni kha na ma thob gnyis su'o zhes pa ni 'di ltar byas na dus ma yin par 'gro ba dang gnyis kyis nyes par 'gyur ba'o//der song ngo cog gis nyes par 'gyur ram zhe na/ rgyal po btsun mo sras blon po rnams gdul ba'am bar chad kyi dbang gis nam yin zhes pa ni 'di rnams kyis bos pa'am 'di dag gdul ba'am bar chad kyi dbang gis der song ba ni nyes med pa'o/ / ma zhus par rgyal po'i pho brang du mi 'jug ces pa ni rgyal po'i pho brang du ma zhus par ma 'gro shig pa'o/ /mtshan mo rgyal po'i pho brang du 'gro ba'o// // ji ltar byas pas bslab tshig la brnyas pa'i nyes par 'gyur zhe na/ so sor thar pa 'don pa lan gnyis myong la 'gyod sems ma yin par 'don na 'di lta bu'i chos kyang yod pa lta bu ni bdag gis da gdod shes so zer na'o zhes pa ni so sor thar pa la smod pa 'gog pa dang mi nyan pa dang brnyas pa gsum yod de/gnyis ni gud du bshad zin pas na/ 'dir ni brnyas pa'i skad du zer na gdod ltung bar 'gyur ba la bya'o/ /mtshan tha dad pas 'don pa na thun mong ba nyes byas zhes pa na dge slong ma dang thun mong ba la bslab pa la 'di skad du zer na nyes byas su ston pa'o//mdo'i brjod pa na yang ngo zhes pa ni mdo las 'byung ba'i bslab pa la 'di skad du zer yang nyes byas su 'gyur ba'o/ /thun mong ma yin pa nyes med ces pa ni dge slong ma'i bslab pa nyi tshe lta bu la 'di skad du zer ba ni nyes med par ston pa'o//so sor thar pa 'don pa la legs par mi nyan pa skyo ba bskyed par bya zhes pa ni so sor thar pa nyan pa gus pa'i dge slong la skyo ba bskyed pa la sogs pa'i thar dag cher gyis shig pa'o/ /bslab tshig gi rdzas la brnyas pa'o// // khab ral byed pa'i ltung ba ji lta bu zhe na/ ba so rus pa rwa las khab ral byed dam byed du bcug na'o zhes pa la sogs pa yin te/ming gis smos pa 'di dag las khab ral byed dam byed du bcug na ltung bar 'gyur ba'o/ /byas pa rnyed cing spyod pa ni nyes med ces pa ni gzhan byas zin pa rnyed dam spyod pa nyes med par ston pa'o/ /bcag gam ma rmas par bshags pa mi blang zhes pa ni ltung ba 'byung ba 'chags pa'i tshe bcag zin tam zhe'am rmas kyi bar du 'chags su ma gzhug shig pa'o//ci'i phyir de lta zhe na/ ma bcag bshags par mi 'gyur zhes pa yin te ma bcag gi bar du bshags su zin kyang bshags par mi chud pa'i phyir ro/ / 'og ma lnga la yang 'di bzhin du 'chad dam zhes par sde zhes pa ni 'di 'og nas bslab pa rim bzhin du 'byung ba yang bcad zin tam zhes ma rmas kyi bar du 'chags su ma gzhug shig pa dang / ma bcad na bshags su zin kyang bshags par mi chud par ston pa'o/ /gnyis pa ni bstsal tam bas so zhes pa ni lnga'i nang nas gnyis pa shos bstsal tam zhes ma rmas kyi bar du 'chags su mi gzhug cing bshags kyang mi phan par ston pa'o//khab ral byed pa'o// // ji ltar byas pas rkang pa byed pa'i ltung bar 'gyur zhe na/ rkang pa thung ba'i khri la mi nyal zhes pa la sogs pa je ston pa yin no/ /nyal mal gyi drung dang than kor du rkang pa mi bkru zhes pa nyal khri'i drung du rkang pa ma 'khru shig pa'o//lham yod na'o zhes pa ni gong ma lta bu'i nyes pa yang lham yod bzhin du byas na gdod nyes par 'gyur ba'o/ /gzhan du na sngas dang 'phongs ma gtogs par ro zhes pa ni lham med na nyal khri'i sngas dang 'phongs logs su khrus shig pa'o//stan mthon po dang stan chen po la mi 'dug / mi nyal zhes pa ni khru gang las lhag pa'i khri dang rin po che'i khri stan lam 'dug ma nyal cig par ston pa'o/ /khyim pa'i der gzhan med na snga ma bya zhes pa ni khyim pa'i de na 'dug la rung ba'i khri stan gzhan med na khri stan 'di lta bu la yang 'dug ni 'dug la ma nyal cig pa'o//rkang rten bcug na nyal bar bya zhes pa ni khri'i rkang pa thung du'i rkang rten bcug na/ de la nyal yang bla ba'o/ /nyal bar 'gyur ba nyid gang zhe na/ khri brtsegs pa la mi 'dug ces pa ni khri brtsegs pa 'dug shig pa'o/ /ltung bar 'gyur ba nyid gang zhe na/ tshad las lhag par byas sam byed du bcug na'o zhes pa ni tshad las lhag pa'i khri byas sam byed du bcug na ltung bar 'gyur ba'o//gnyis pa las gzhan pa'i gsum pa yang ngo zhes pa ni 'di'i 'og nas 'byung ba'i bslab pa'i gsum po yang tshad las lhag par byas sam byed du bcug na ltung bar ston pa'o/ /tshad las lhag pa'i nyes pa gang zhe na/khri dang khri'u na'o zhes pa yin no/ /dge 'dun gyi na'o zhes pa ni dge 'dun gyi yin na gdod nyes par 'gyur ba'o/ /'og ma yang ngo zhes pa ni 'di 'og nas 'byung ba'i bslab pa yang dge 'dun gyi yin na gdod nyes par 'gyur ba'o/ /gang tshad las lhag pas nyes par 'gyur zhe na/ rkang pa'o zhes pa yin te khri'i rkang pa tshad las lhag na gdod nyes pa rangs par 'gyur ba'o//de'ang ji tsam man chad ce na/ de ni rkang pa mi gzhug pa'i phyogs ma gtogs par khru gang ngo zhes pa yin no/ /khru gang po nyid ji tsam zhe na/ bde bar gshegs pa'i sum cha'o zhes pa yin te bcom ldan 'das kyi khru'i sum cha gcig ste sor brgyad la khru gang du ston pa'o//'og ma rnams kyang ngo zhes pa ni bslab pa 'og ma rnams kyang khri'u tshad 'di dang sbyor cig pa'o/ /rkang pa byed pa'o// // ji ltar byas pas skud pa'i ltung bar 'gyur zhe na/ shing bal gyis byugs na'o zhes pa la sogs pa yin te/ dge 'dun gyi mal cha shing bal gyis bskus na ltung bar ston pa'o//bdag gam bskos pas kyang ngo zhes pa ni bdag gis bskus kyang rung skud du bcug kyang rung ste nyes par 'gyur bar ston pa'o/ /gang gi bal zhe na/ bal ni lnga ste shal ma la'i dang ar ka'i dang a ka sha dag gi thung na phyed dang lcang ma'i 'o zhes pa yin te 'di dag gi bal la bya'o//skud pa'o// // ji ltar byas pas gding ba'i ltung bar 'gyur zhe na/ gding bas so zhes pa la sogs pa yin te/ gding ba las nyes par 'gyur bar ston pa'o/ /'di'i tshad ni srid du khru gsum mo zhes pa ni gding ba khru gsum du gyis shig pa'o/ /thung na phyed dang gnyis kyis glan zhes pa ni khru gsum thung ste/mi rung na khru phyed dang gnyis kyis klon shig pa'o/ /zheng du khru do dang sor bcu drug go zhes pa ni zheng tshad 'di tsam du gyis shig pa'o/ /'di bas chung ba la byin gyis brlabs na nyes byas zhes pa ni chu zheng gi tshad 'di bas chung ba la byin gyis brlabs na nyes byas su 'gyur ba'o//'og ma gnyis kyang ngo zhes pa ni 'di 'og nas 'byung ba bslab pa gnyis kyang tshad las chung ba las byin gyis brlabs na nyes byas su 'gyur bar ston pa'o/ /gding bar gtogs pa'o// // g.yan pa dgab pa'i ltung ba gang zhe na / g.yan pa dgab ba nyes par 'gyur par ston pa'o//de'i tshad ston pa ni/ khru drug dang gsum mo zhes pa yin te srid du ni khru drug / zheng du khru gsum par gyis shig pa'o/ /g.yan pa dgab par gtogs pa'o// // dbyar gyi ras chen gyi ltung ba gang zhe na/ dbyar gyi ras chen las so zhes pa yin te dbyar gyi ras chen las ltung bar 'gyur bar ston pa'o//dgu dang gsum dang sor bco brgyad ces pa ni de'i srid khru dgu zheng khru gsum dang sor bco brgyad du gyis shig pa'o/ /dbyar gyi ras chen du gtogs pa'o// // ji ltar byas pas bde bar gshegs pa'i gos byed pa'i ltung bar 'gyur zhe na/ ston pa nyid kyi khru lnga dang gsum gyi na bza'o zhes pa la sogs pa yin te/bde bar gshegs pa nyid kyi na bza'i tshad ni 'di tsam ston pa'o/ /ltung bar 'gyur ba nyid gang zhe na/ lus der med la de'i tshad dam lhag pa'i chos gos byas sam byed du bcug na'o zhes pa yin te lus bcom ldan 'das kyi tshad du med la gos de'i tshad dam de las lhag par byed na ltung bar ston pa'o//de mi bcang zhes pa ni de lta bu'i gos ma srel cig pa'o/ /bde bar gshegs pa'i na bzar gtogs pa'o/ /ltung ba nyi tshe rdzogs so// //ltung ba rnams de dag ltar bstan nas/ grong dang khyim gyi nang nyid dang slob pa rnams dang dgon pa ni zhes pa rnam par 'byed pa las 'byung ba bzhin du so sor bshags par bya ba rnams ston pa las dge slong ma las bsod snyoms blangs pa'i so sor bshags pa je ston pa ni/'brid ces pa la sogs pa yin te/ 'di la yang 'du shes brtsan no/ /'du shes brtsan pa gang zhe na/ dge slong ma gnyen ma yin par na'o zhes pa yin te dge slong ma dang /gnyen ma yin par shes na gdod nyes par 'gyur ba'o/ /ji ltar byas pas nyes par 'gyur zhe na/ 'drim pa ma yin par nyid kyis sbyin pa dang / grong na 'dug pa la bdag gis bza' ba dang bca' ba bslangs te zos na'o zhes pa yin te/ gnyen ma yin pa'i dge slong mas brim ba ma yin par grong du zas byin la/dge slong nyid kyang grong na 'dug pas bslangs na ltung bar 'gyur ba'o/ /dbyar mo thang ni grong ma yin zhes pa ni dbyar mo thang grong la ma gtogs pas na der blangs su zin gyis kyang nyes par mi 'gyur ba'o/ /dge slong gi gnas kyang ma yin zhes pa ni dge slong gi gnas kyang grong ma yin pas na/gong ma bzhin du nyes med pa'o/ /nam mkha' ni phyed do zhes pa ni dge slong ma gcig nam mkha' la 'dug cing sbyin nam len par byed pa nyes byas su 'gyur ba'o/ /'jigs pa med par bzhag pa blangs na ni de las ma yin zhes pa ni dge slong mas sbyin par bshams te bzhag nas mo nyid de'i drung dang nyen kor na 'dug pa ni blangs su zin gyis kyang de dge slong ma nyid las blangs pa ma yin zhing nyes par ston pa'o//dge slong ma las bsod snyoms blangs pa zhes bya ba'i bshags pa dang po'o// // bshags pa gnyis pa'i nyes pa ci las byed ce na/ 'di la bca' ba'i byin pa btung ba dang /sran tshod dang bza' ba dang / yang yang nyes pa la sogs pas/ dge slong de nyid dam/ gzhan la ngos mgron byed pa dge slong ma yin pa las byed pa zhes pa ni dge slong mas 'di skad du dge slong drung na 'dug pa la ngos mgron byas sam/ gud na 'dug pa la ngos mgron byas na nyes par 'gyur ba'o//dge slong ma'o cog las nyes par 'gyur ram zhe na/ de'i ngor ram de'i gnyen ma yin par bos na'o zhes pa yin te dge slong ma de'i ngor dge 'dun spyan drangs pa'am/ dge slong ma de'i gnyen gyis spyan drangs pa'i tshe dge slong ma de gong ma skad du byas su zin kyang nyes par mi 'gyur ba'o//gral rims ston pa dang ma byin pa sbyin par byed pa ni gtogs zhes pa ni dge slong gral rims ston pa dang / ma thos pa la 'dir chad kyis gsol zhes zer ba lta bu ni nyes par mi 'gyur ba'o/ /ji ltar byas pas de 'gyur zhe na/ kye sring mo dge slong 'di dag ma zos kyi bar du sdod cig ces lhan cig mi za bas kyang dge slong gang yang rung bas/de la ma bsgo bar gsum yan chad kyis zos na'o zhes pa yin te dge slong ma de de ltar ngos mgron byed pa'i tshe dge slong su yang rung bas 'di skad du ma bsgo la gsum yan chad kyis zas de zos na gdod nyes par 'gyur ba'o/ /bos pa gar zos kyang rung ste/nyes par 'gyur ram zhe na/ khyim du'o zhes pa yin te khyim pa'i khyim du de ltar zos na gdod nyes par 'gyur ba'o/ /dge slong mas na ji lta bu la 'dug pas bskos pa'i nyes par 'gyur zhe na/ gal te de'i tshig gi nyen kor du gyur na rtsa ba'o zhes pa yin te/ khang thog dang shing lta bu smra zhing bsgo ba'i sa nar tha mal pa ma yin pa las nyes pa rangs par mi 'gyur gyi gang tha mal cing mngon sum du gyur na rtsa ba'i nyes par 'gre ba'o//ma yin na nyes byas zhes pa ni sa nar tha mal pa ma yin na nyes byas su 'gyur ba'o/ /de lta bas na 'dri ba la brtson par bya zhes pa ni gong ma lta bu yin pas bla 'og na 'khod pa'am gral gyi mgo'am mjug na 'khod pas dge slong ma 'di dag ltar byed pa'i phyi nas bsgo'am ma bsgo zhes gcig la gcig 'dri ba'i nan tan ma chung shig pa'o//'dir rgan rabs kyis ma byas na gsar bus byas zhes pa ni dge slong ma la bsgo ba sus bsgo yang bla bar ston pa'o//ngos mgron byed pa ma bzlog par zos pa'i bshags pa gnyis pa'o// // khyim du bslab pa bcas pa na so sor bshags pa'i nyes par 'gyur ba / khyim ji lta bur bslab pa'i sdom pa bca' ba ston pa ni/ dad pa byin pas brel ba'i khyim du sdom pa'i bslab pa bca' zhes pa yin te/ / khyim pa dad pa can sbyin pa byed byed pas gzhi 'das shing yo byad kyis brel bar 'gyur ba'i khyim du mi 'dong bar bslab pa'i sdom pa chos shig pa'o/ /gang gis bca' zhe na/ gsol bas so zhes pa yin te/ gsol bas bslab pa'i sdom pa chos shig pa'o/ /dgrol ba yang ngo zhes pa ni dgrol ba yang gsol bas gyis shig pa'o//bca' ba de'i nyams drod shes par byas te bslus pa dang stan cha spyad pa dang / chos bshad pa rnams bya zhes pa ni/ dad pa de dge 'dun mi 'du bas mi dga' na de'i khyim du bsal ba la sogs pa 'di dag gyis shig pa'o/ /lhung bzed stong par mi 'jug ces pa ni mi dad pa de'i khyim du gong ma ltar 'dod pa'i tshe/chus bsod snyoms la 'dong ba'i lam yogs su ma 'gro shig pa'o/ /'di bya ba dge slong na bsod snyoms las khur ba rangs pa ma byin pa sbyin zhes pa ni bsod snyoms las slar bskor ba lam yogs su der phyin te/ de'i byis pa dag zas slong na khur ba dang rangs pa ma yin pa la sogs pa byin cig pa'o//'then na dgrol bar bya zhes pa ni khyim pa de dge 'dun spyan 'dren cing bslab pa'i sdom pa dgrol bar gsol na de'i gsol ba bzhin du gyis shig pa'o/ /ji ltar byas pas khyim du bslab pa bcas shig par 'gyur zhe na/ khyim du bslab pa bcas la de'i snga rol du bos pa ma yin pa dang / srus dang la phug dang ldum lta bu phongs par mi 'gyur ba ma gtogs par bca' ba dang / bza' ba blangs te zos na'o zhes pa yin te ming gis smos pa'i rkyen 'di dag lta bu ma gtogs par bslab pa bcas pa'i tshe bza' ba dang bca' ba blangs te zlos na gdod nyes par 'gyur ba'o/ /khyim du bslab pa 'dral ba la 'jug pa'i bshegs pa gsum pa'o// // nags nyul bar gtogs pa'i bshags pa ston par 'dod pa ni/ nags nyul ba'i dge slong ni bsko bar bya zhes pa la sogs pa yin te/ dgon pa'i 'jigs sar nags nyul ba'i dge slong skos shig pa'o/ /'dis dpag tshad phyed khor yug tu byul zhes pa ni nags nyul bar bskos pa des sa tshod 'di tsam tshun chad nyul cig pa'o//'jigs pa lta na dud brda gtang zhes pa ni ba dan bsgreng ba'am 'dam ma'i phur ma lam du gtor zhes pa ni rkun po'i mgo lo snang na bya gtang zhing sbran pa'i thabs 'di ltar gyis shig pa'o/ /'di 'dod na g.yar sus byin zhes pa dang grogs kyang ngo zhes pa ni nags nyul ba de la g.yar kyang sbyin zhing grogs kyang skos shig pa'o//'brid/ 'du shes brtsan pa gang zhe na/ nags ma byul bar tha'i na'o zhes pa yin te nags ma byul bar yang shes la/ 'og nas 'byung ba ltar byas na gdod nyes par 'gyur ba'o/ /ji ltar byas pas 'du shes pa'i nyes par 'gyur zhe na/dgon pa'i kun dga'i phyi rol du bza' ba dang bca' ba blangs te zos na'o zhes pa yin te/ dgon pa'i lha khang gi phyi rol du bza' ba dang bca' ba mnos shing zos na nyes par 'gyur ba'o/ /bsrungs zin na phyed du byed ces pa ni nags nyul zin pa'i 'og tu 'di ltar byas na nyes byas su 'gyur ba'o//'jigs pa'i gnas las logs shig tu gyur na yang ngo zhes pa ni 'jigs pa bkol te logs shig tu byol na yang nyes byas su 'gyur bar ston pa'o/ /nags nyul bar gtogs pa bshags pa bzhi pa'o/ /bshags pa rnams rdzogs so// //so sor bshags pa'i 'og tu bslab pa rnams 'byung bas na de dag sdud cing ston pa ni/smad g.yogs ji nas kyang zlum sgo re 'dug par bya zhes pa dang / ha cang mi rtseng / ha cang mi gnar zhes pa la sogs pa yin te/ smad g.yogs bgo ba'i thabs 'di ltar gyis shig pa'o/ /de la pus mo las mi mtho ba ni mi rtseng ba'o//long bu las mi 'da' ba ni mi gnar ba'o/ /gra sna shal ltar mi sbyang zhes pa ni de'i mtha' ma 'am gra glang po'i sna shal ltar ma sbyang shig pa'o/ /mthos par ma yin zhes pa ni ska rags bcing pa yan chad las ma mtho shig pa'o/ /sbrul thod ltar gdengs ka ma yin zhes pa ni ska gseb du bcug pa'i thog ma khed ma lta bu de sbrul thod ltar ma byed cig pa'o//dril dril bar ma yin zhes pa ni ska gseb du bcug pa'i thog ma dril dril bar yang ma byed cig pa'o/ /chos gos kyang 'di'i dang po gsum ji lta ba bzhin du bgo zhes pa ni smad g.yogs zlum zhing mi rtseng mi gnar ba bzhin du chos gos kyang de ltar gyon cig pa'o//legs par bsdams te grod bar du 'gro zhes pa ni shin tu g.yogs sgra bskyungs/ ma yengs pa'i mig gnya' shing du lta / mgo mi bsgyur/ mi brdze mi gzar/ ma bsnol / dkyud/ rkang ba'i brang gis mi 'gro/ /gom pa'i 'jal thabs mi mchong /tsog bur ma yin/ dkur mi brten/ lus mi bsgyur dpung pa mi bsgyur mgo mi bsgyur/ phrag pa mi sprad/ lag pa mi sprel 'dir ma bsdams pas stan la mi 'dug /ma brtags par ma yin/ lus thams cad kyis mi dbab/ rkang ba'i steng du rkang pa mi bzhag brla'i steng du brlas ma yin/long bu'i steng du long bus ma yin/ rkang pa mi bshig /rkang pa mi dbral/ sgren mor ma yin/ lag pas mkhur ba la mi brten/ stan phyi nur du mi phul zhes pa'i bar du smos pa rnams ni grong bar 'gro ba'i spyod lam ming gis smos pa 'di dag ltar gyis shig pa'o/ /thams cad du bsod snyoms shin tu gzabs te blang ngo zhes pa nas/kha da chad du ma yin/ sran tshod kyi kha da chad du ma yin/ thod rgal mi bya/ bza' ba ma 'ongs par snod mi bzed/ de'i steng du mi bzed ces pa'i bar du smos pa rnams ni gtsug lag khang dang grong gang du yang rung ste zas blang ba'i thabs 'di dag ltar gyis shig pa'o//de la 'drim ba thal ba'i 'og tu gdod 'bod cing slong bar mi bya ba ni thod rgal mi bya ba'o/ /phas sbyin pa lta bu'i steng du snod bzed pa lta bu mi bya ba ni/ de'i steng du mi bzed ces pa'o/ /bsod snyoms legs par gzabs te bza' zhes pa nas ha cang brtsegs pa yang ma yin te /ha cang che bar yang ma yin/ zas khar ma phyin par kha mi gdang / yeb rngam bya ba'i phyir nad kyis sran tshod dang sran tshod ma g.yogs par mi bya/ bcag bcag mi bya/ thu thu mi bya/ hu hu mi bya/ phu phu mi bya/ kha na zas yod bzhin du tshig mi dbyung / nyag ma nas mi btu/ smad par mi bya/mkhur bar mi spo/ kham tshad du mi bcad/ dkan mi gtog / lce mi dbyung / mchod rten lta bu bshig byung ma yin/ lag pa dang snod mi ldag / sprug cing gtor bar mi bya snod la 'du shes par ro/ /klan ka btsal ba'i phyir dge slong gnan po'i snod la mi lta/ lag pa sbags pas chu snod la mi bzung /sbags pa'i chu dge slong thad na po la mi gtor/ khyim bdag la ma dris par de'i khyim du mi dor lhung bzed kyis snyigs ma mi dor/ lhung bzed lan gsum du bshal la zhal nas gsungs pa'i tshigs bcad kyis bsngags te lhung bzed kyi chu sbyin/ gzhi ma bting ba'i sa phyogs su lhung bzed mi bzhag /'greng la bkru ba ma yin gad ka dang g.yang sa dang bang rim la 'di gnyis mi bya/ bzhi mdor ma yin/ 'phrog pa'i drag por rgyun bzlog ste mi bcu zhes pa'i bar du smos pa rnams ni zas ji ltar bza' ba dang lhung bzed kyi rim gro ji lta ba rnams ston pa'o/ /de la smad par mi bya zhes pa ni ha cang kha ches ha cang bsil ches pa la sogs pa zas la kham chu ma zer cig pa'o//kham tshad du mi bcad ces pa ni so 'phro ma byed cig pa'o/ /snod la 'du shes zhes pa ni gud du ma g.yeng bar sder gyi rim gro gyis shig pa'o/ /bshang gci yan chad ni nad pa ma yin pa la'o zhes pa ni 'og nas bshang gci zhes smos pa yan chad nad pa ma yin pa la 'di dag ltar ma byed cig pa'o//der mi na bas so zhes pa ni 'greng ste bshang gci bya zhes pa lta bu mi na ba la zhes bya bar mi sbyar gyi nad pa ma yin pas zhes bya bar sbyar ro/ /langs pas 'dug pa la chos mi bshad/ 'dug pas nyal ba la ma yin/ stan dma' ba la 'dug pas stan mthon po la 'dug pa la ma yin/bzang ngan kyang de dag bzhin/ mdun du song la phyis sbyin 'ongs pas ma yin/ lam dang lam ma yin pa yang ngo / /mgo bsgyur ba la sogs pa la ma yin/ glang po dang rta dang bzhon pa dang khyogs dang khri dang shing lham gyi steng na gnas pa la ma yin/ zhwa dang mgo'i rgyan dang gtsug tor dang thod dang phreng bas bcings pa la ma yin/ gdugs dang dbyug pa mtshon dang ral gyi lag can pa la ma yin/ go gyon pa la ma yin zhes pa rnams ni 'di dag lta bu la chos ma 'chad cig pa'o/ /'greng ste bshang gci mi bya zhes pa nas/ sngon po'i sa phyogs su ma yin mi 'dor mchil snabs dang /skyugs pa dang / 'byung ba yang ngo chur ma yin zhes pa rnams ni mi na bas 'di dag ltar ma byed cig pa'o/ /glo bur ma gtogs par mi gang las lhag pa'i shing la mi gzegs zhes pa ni gcan gzan dang rkun chom la sogs pa'i rkyen gyis ma thebs na 'di tsam las lhag pa'i shing la ma 'dzeg shig pa'o//bslab pa rnams so/ /dge slong gi rnam par 'byed pa rdzogs so// //da ni dge slong ma'i rnam par 'byed pa ston te rten tha dad pas na bsam pa'ang tha dad/ bsam ba tha dad pas na nyes pa'ang tha dad/ nyes pa tha dad pas na bcas pa'ang tha dad pa'i phyir dge slong ma'i rnam par 'byed pa gud du bstan pa yin no//de la dge slong pha dang 'dra ba ni dge slong ma nyid kyi rnam par 'byed pa las bstan pa yin/ mi 'dra ba ni kun spyod lta bu dge slong ma la med pa dang / 'byin pa lta bu dge slong ma'i ltung bar 'bab pa dang reg pa lta bu dge slong ma'i pham par lhag pa lta bu la sogs pa mi 'dra ba'i khyad par zhugs pa yin no//de bas na mi 'dra ba'i mtshams je ston pa ni/ nyes pa dang ldan ba'i tshig yan chad dge slong ma'i 'o zhes pa yin te/ 'og nas rgyas par smra ba las nyams pa dang ldan pa ni nyes byas so zhes 'byung ba la ma thug pa'i bar du smos pa rnams dge slong ma'i bslab pa sha stag yin par ston pa'o//mi tshangs spyod dang ma byin len/ /gsod dang smra ba'ang de dag bzhin/ /reg pa dang ni lus 'dor dang / /'chab dang rnam par zlog pa'o/ /zhes 'byung ba'i phas pham pa rnams 'byed cing ston te/ de la mtshungs pa'i rnams ming gis 'byed pa ni bzhi'o zhes pa yin te rim bzhin du sngar smos pa bzhi ni dge slong pha dang thun mong bar ston pa'o//phyi ma bzhi mi mtshungs pa ni dge slong reg na dge 'dun gyi lhag mar 'gyur ba ni dge slong ma'i pham par 'gyur/ lus 'dor ba dge slong pha mi tshangs par spyod pa'i sbyor bar 'gyur ba ni dge slong ma lus 'dor ba'i pham par 'gyur/ /dge slong pha phas pham pa 'chab na ltung ba'i dge slong ma 'chab pa'i pham par 'gyur/dge slong pha bkar ba dang mthun par byed pa'i ltung ba ni dge slong ma'i pham par 'gyur ba rnams yin te de la reg pa'i pham bar 'gyur ba gang zhe na/ bdag gir byed na'o zhes pa la sogs pa yin te 'og nas reg pa zhes 'byung ba dang sbyar ro//yan lag gang gis she na/ mig dang bus mo'i bar ro zhes pa yin te 'di dag gnyis kyi bar reg na nyes par 'gyur ba'o/ /ji bdag gir byed ce na/ reg pa zhes smos pa yin te lus dang lus reg pa bdag gir byed na'o/ /su'i reg pa zhe na/ skyes pa'i 'o zhes pa yin te/skyes pa'i reg pa bdag gir byed na'o/ /ji lta bu'i bsam pas she na/ 'khrig pa'i 'dod chags kyi na'o zhes pa yin te 'khrig pa'i 'dod chags kyis skyes pa'i reg pa bdag gir byed na'o/ /mig dang bus mo'i bar ma yin pa yan chad gzhan gyis reg pa cir 'gyur zhe na/ yan lag gzhan gyi sbom po'o zhes pa yin te mig yan chad bus mo man chad kyis reg pa ni sbom por 'gyur ba'o//sems gzhan gyi na 'bri zhes pa ni 'dod chags dang mi ldan pa'i sems kyis reg na pham par smras pa ni sbom po'o/ /sbom por smras pa ni nyes byas su 'bri ba'o/ /ci thams cad du'ang de lta'am zhe na/de'i tshe skyes pa'ang de la lkugs par nges shes na'o zhes pa yin te skyes pa chags shing lkugs par ni shes la 'dod chags med pa'i bsam pas reg na gdod sbom por 'bab pa'o/ /ma yin na de las kyang ngo zhes pa ni skyes pa de lkugs pa ma yin bar shes pas reg na sbom po las kyang 'bri ste nyes byas su ston pa'o//bdag gir ma byas pa ni nyes med ces pa ni ched du reg par ma byas pa lta bu ni nyes med par ston pa'o/ /bu la reg pa nyes med ces pa ni bdag gi bu la reg pa ni nyes med pa'o/ /gzhan ni byis pa la'ang mi reg ces pa ni bu ma yin pa gzhan byis pa yan chad la'ang ma reg shig pa'o/ / gong du skyes pa zhes smos pa'o cog las nyes pa rangs par byed dam zhe na/ 'dod pa dang ldan pa ni bsten nus pa'i skyes pa dang tshig de'i don shes na rdzogs par byed ces pa yin te 'dod pa dang ldan no cog bsten nus pa'i skyes pa dang 'dod chags kyi tshig gi zur cha shes pa'i yan lag 'di gnyis kyis na nyes pa rangs par 'gyur ba'o//skabs 'dir ni bsten nus pa'i skyes pa dang sbyar ro/ /de la bsten mi nus pa dang gos kyis bar chod na nyes pa 'bri ba la sogs pa gzhan ni dge slong pha'i reg pa'i lhag ma las 'byung ba bzhin du rig par gyis shig / reg pa'i phas pham pa'o// // ji ltar na nyal ba'i pham par 'gyur zhe na/lus 'dor na'o zhes pa la sogs pa yin te/ lus bor zhing btang na pham par 'gyur ba'o/ /ji lta bu'i bsam pas she na/ 'dod chags kyis so zhes pa yin te su'i thad du zhe na/ bsten pa mngon du 'ongs pa'i skyes pa de la chags pa la'o zhes pa yin te nyal po byed du 'ongs pa'i skyes pa'i thad du 'dod chags kyi sems kyis lus bor na gdod nyes par 'gyur ba'o//chags pa'i sems kyis bor ro cog na nyes par 'gyur ram zhe na/ des 'thob par na'o zhes pa yin te/ skyes pa des spyad cing byar yod pa'i sar lus bor na gdod pham par 'gyur ba'o/ /chags pa dang chags mar steg na sbom po'o zhes pa ni pho mos gnyi ga chags pas sed sed mor byed cing steg na sbom por 'gyur ba'o//bzhum pa'o zhes pa ni bseg bseg por byas shing drung du 'gro ba la sogs pa byed na bcum zhes bya ba yin te 'di ltar byas na'ang sbom por 'gyur ba'o/ /rdil na'o zhes pa ni nyams gyur/bsten pa la rngam la/ ngo tsha mi shes shing brtun ngas/ rkang lag 'dar/ tshig 'khrul pa la sogs pa ni rdil ba zhes bya ste 'di ltar byed na'ang sbom por 'gyur ba'o/ /btus par khas len na'o zhes pa ni gar btus par khas len yang sbom por 'gyur ba'o/ /brdas shes pa ni snga dro'am phyi dro zhes dus kyis skad sbyor na yang sbom po'o//mtshan mas shes pa ni nga gos 'di lta bu gyon na shog shig ces pa lta bu la sogs pa mtshan mas brda skad sbyor na yang sbom po'o/ /'drul zags la zhugs pa bdag gir byed pa zhes pa ni phas 'drul zags byed cing 'ongs pa la dga' bar byed na yang sbom por 'gyur ba'o//lus 'dor ba'i phas pham pa'o// // kha na ma tho ba gang bcabs pas pham par 'gyur zhe na/ dge slong ma'i phas pham ba bcabs na'o zhes pa yin te pham brgyad gang yang rung nyin zhag gcig gi bar du bcabs na pham par 'gyur ba'o/ /bcabs pa'i phas pham pa'o// // ji ltar byas pas bzlog pa'i pham par 'gyur zhe na/ bkar ba'i dge slong gis gnong ba bkur bar chad cing phyag mi bya bar 'os pa'i sdom pa bcabs par shes bzhin du bzlog pa mi gtong na'o zhes pa yin te phyag mi bya bar dam yang bcas la bkar ba'i dge slong gis gnong bgur bar yang chad pa las shes bzhin du de 'chags su ma ster cing dge slong ma'i dge 'dun gyis bzlog pa mi gtong na pham par 'gyur ba'o//gang gi tshe pham par 'gyur zhe na/ dbyen la zhugs pa'i bzhin no zhes pa yin te dbyen la zhugs pa gsol ba dang bzhi'i las kyis bzlog na/ ma btub pa bzhin du nyes par 'gyur ba'o//bzlog pa'i phas pham pa'o/ /dge slong ma'i phas pham pa rnams rdzogs so// //de ni dge slong ma'i dge 'dun gyi lhag ma nyi shu ston te de yang yod med dang lci yang gi khyad par du 'gyur ba ni 'byin pa dge slong ma'i ltung bar 'gyur ba dang / reg pa dge slong ma'i pham par 'gyur ba dang smye tshig dge slong ma'i steg par bsdus te sbom por bstan pa kun spyod skyes pa lta bu bdag po byed pa las 'byung gi bud med lta bu bran thabs su 'dug pa las mi 'byung bas na/dge slong ma la ye med pa dang nyams kyis mi nus shing skyes pa ltar khyim la gdu ba med pa'i phyir khang pa dang gtsug lag khang gnyis kyi lhag ma med pa dang smyan lta bu thun mong du 'dug pa la sogs pa yin no//de la thun mong ba ni smyan no zhes pa yin te smyan ni thun mong bas na dge slong ma'i rnam par 'byed par bstan pa bzhin du rig par gyis shig pa'o/ /phran tshegs las smyan dang 'dra ba dag cig bsdus te ston pa ni/ dge slong ma khyim pa'i mngag na sbom po'o zhes pa la sogs pa yin te dge slong ma zla la khyim par 'gro ba'i rigs so zhes tha snyad phal po ches gros btab na sbom por ston pa'o/ /gzhan smad 'tshong du 'jug na'o zhes pa ni bud med gzhan smad 'tshong bcug na yang sbom por 'gyur ba'o/ /bran mo glar btang ba'ang der ma 'dus pa ma yin zhes pa ni bran mo smad 'tshong ba'i glar btang na yang sbom por 'gyur ba'o//dge slong ma smyan byed pa dge 'dun gyi lhag ma'o// // skur ba'i lhag ma gang zhe na/ rtsa ba med pa dang chas so zhes pa yin te dge slong pha'i skur ba dang 'dra bar rtsa ba med pa dang chas skur na lhag mar 'gyur ba'o//skyes pa la ni bud med/ 'dir ni skyes pa'o zhes pa ni 'di gnyis dge slong pha dang mi 'dra bar dbye na dge slong pha 'di dang bud med 'di mi tshangs par spyod do zhes zer ba lta bu thab mar bud med 'di dang skyes pa che ge mo zhig tu mi tshangs par spyod do zhes skur pa 'debs pa tsam zhes khyad yod par ston pa'o//rtsa ba med pa dang chas skur ba'o// // nor gang gis 'tsho bas dge 'dun gyi lhag mar 'gyur zhe na/ chung zad bdag gir byed na'o zhes pa yin te zas dang gos la sogs pa gang ci yang rung ste bdag gir byed na lhag mar 'gyur ba'o/ /de'ang ji lta bus she na/ chags pas zhes pa yin te dge slong ma chags pas gong ma lta bu blangs na nyes par 'gyur ba'o//su las she na/ skyes pa las so zhes pa yin te / ji lta bu'i skyes pa zhe na/ chags pas sam ma chags pas so zhes pa yin te skyes pa chags kyang rung ma chags kyang rung ste de las blangs na nyes par 'gyur ba'o//ma chags pa la sbom po'o zhes pa ni skyes pa chags la bud med ma chags pas blangs na sbom por 'gyur ba'o/ /ma chags na nyes byas zhes pa ni skyes pa ma chags la bud med chags pas na nyes byas su ston pa'o/ /chung zad len pa'o/ /ji ltar na chung zad len du bcug ba'i lhag mar 'gyur zhe na/chags pa las ma chags pas chung zad bdag gir byed pa nyes med do zhes dge slong ma la bsgo na'o zhes pa yin te bdag cag nyid ma chags na pha rol chags pa'i rdzas khyer ba lta ci gnod ces chags pa'i rdzas len du bcug na lhag mar 'gyur ba'o/ /chung zad len du 'jug na'o// // 'og ma bzhi ni dge slong ma med na'o zhes pa ni 'di'i 'og nas nyin mtshan 'brel ba dang lam du 'gro ba dang chu rgal ba bzhi dge slong ma zla med na nyes par 'gyur ba'o/ /sum cha med pa ni dge slong ma'o zhes pa ni dge slong ma khrims zlar khrid na sum cha gcig ma tshang ba'i phyir nyes byas su 'gyur bar ston pa'o//sum gnyis ni dge tshul ma'o zhes pa ni dge tshul ma khrims zlar khrid na sum gnyis ma tshang ba'i phyir sbom por 'gyur ba'o/ /mi 'dod par bral ba ni nyes med ces pa ni mal g.yogs su ched du ma byas par khrims zla dang bral ba ni nyes med par ston pa'o/ /bar chad kyis thebs pa'i dbang gis na yang ngo zhes pa ni khrims zla dang bsham zhing bya ra dge slong dang 'tsho ba'i bar chad 'gyur ba'i rkyen drag pos brtad par thebs na khrims zla med par song yang bla ba'o//lhag ma 'di bzhi gang gis sbyor ba dang / gang gi rtsa bar 'gyur ba ston pa ni/ dus su gtogs pa ni tha ma'i snga rol du sbyor ba'o zhes pa yin te dus su gtogs so cog dus tha ma la thug pa'i snga rol kun nyes byas su ston pa'o//nyi ma nub pa ni nyin par gyi mtha'o zhes pa ni nyin par gyi mtha' nyi ma nub pa yin par ston pa'o/ /spyir khong 'thul ba'i mtshan nyid de ltar bsten nas so so'i mtshan nyid da ston pa la mtshan mo 'bral ba'i lhag ma gang zhe na/mtshan mo dbyar mo thang gi phyi rol du lus na'o zhes pa yin te mtshan gcig rangs pa dbyar mo thang gi phyi rol du lus na lhag mar 'gyur ba'o/ /mtshan mo 'bral ba'o// // nyin par 'bral ba'i lhag ma gang zhe na/ nyin mo'i zhes pa yin te nyin gcig rangs par dbyar mo thang gi phyi rol du lus na lhag mar 'gyur ba'o//de'i 'brel ba ston pa ni/ mu ge byung ba'i tshe gnyen dang lhan cig tu 'brel cing 'gro ba'i sdom pa thob pa ni gcig pu zas kyi phyir gnyen gyi khyim du 'gro bar bya zhes pa yin te mu ge byung gnyen dang 'brel bar dge 'dun gyis gnang ba 'byin na nyin par gcig pu song yang bla ba'o//de sbyin zhes pa ni de lta bu'i tshe dge 'dun gyis kyang gnang ba byin cig pa'o/ /nyin par 'brel ba'o// // lam du 'gro ba'i lhag ma gang zhe na/ lam du 'gro na'o zhes pa yin te gcig pu lam du zhugs na rgyang grags gcig gis nyes par 'gyur ba'o//lam du 'jug pa'o// // rgal ba'i lhag ma gang zhe na/ gtsang po'i pha rol du rgal na'o zhes pa yin te gtsang po'i pha rol du rgal na nyes par 'gyur ba'o/ /ji ltar rgal bas she na/ rkyal te pha rol du phyin na'o zhes pa yin no/ /tshun chang sbom po'o zhes pa ni pha rol gyi 'gram du phyin pa tshun chad sbom por 'gyur ba'o//yur chu rgal ba ni nyes byas zhes pa ni yur chu la sogs pa chu bran la rkyal te rgal na nyes byas su ston pa'o/ /chu rgal ba'o// // rab tu 'byin pa dge 'dun gyi lhag mar 'gyur ba gang zhe na/ rab tu 'byin na'o zhes pa la sogs pa yin no//ji ltar rab tu phyung bas she na/ rtsogs pas bcad/ bdag pos btang / rgyal pos gsad par gnang na'o zhes pa yin te 'di lta bu'i khrin can rab tu phyung na nyes par 'gyur ba'o/ /sul nyes par 'gyur ba na/ mkhan mo byed na'o zhes pa yin te 'di lta bu'i mkhan mo byed na gdod nyes par 'gyur ba'o//de'ang ji lta bus mkhan mo byed ce na/ 'di ltar shes na'o zhes pa yin te gong ma lta bu'i g.yo skyon dang ldan par shes pa mkhan mo byas na nyes par 'gyur ba'o/ /rab tu 'byin na'o// // ji ltar shi ba'i nor 'das pas lhag mar 'gyur zhe na/ shi ba'i nor 'das na'o zhes pa la sogs yin te shi ba'i nor khungs mar las pa bdas na nyes par 'gyur ba'o//de'i 'brel pa ston pa ni/ dge 'dun gyis nyes med ces pa yin te shi ba'i nor dge 'dun mnga' ba 'das pa ni nyes med/ de lta bu'o cog bla'am zhe na/ gal te tshegs chung na'o zhes pa yin te gos kyi zod skur te 'ongs pa lta bu mtshar po cher 'da' zhing brtsad mi dgos pa tsam gyi tshod na gdod dge 'dun gyi 'das kyang bla ba'o//ded pa'o// // tshangs par byed pa'i lhag ma gang zhe na/ mtshams kyi phyi rol du tshangs par na'o zhes pa yin te bkar ba'i dge slong ma spyis tshangs par bya ba ni ma yin gyi kha cig 'dus te mtshams kyi phyi rol du dong nas chad pa 'dra zhing tshangs par byed na lhag mar 'gyur ba'o//tshangs par byed pa'o// // gtong ba'i lhag ma gang zhe na/ dkon mchog gtong zhes pa dang 'di dang dge sbyong gzhan par 'gras te tshangs par spyad pa spyod do zhes pa'i chog la zhus pa mi gtong na'o zhes pa yin te dge slong ma dang 'thab pa dang dkon mchog gsum gtong zhing snyad 'di skad du zer ba ma gtong na lhag mar 'gyur ba'o//de gang gi tshe zhe na/ dge 'dun gyi dbyen la zhugs pa bzhin zhes pa yin te dge 'dun gyi dbyen la zhugs pa ma btang na lhag mar 'gyur ba dang 'dra bar ston pa'o//'og ma dag kyang ngo zhes pa ni 'di 'og nas 'byung ba'i bslab pa rnams kyang dge 'dun gyi dbyen la zhugs pa mi gtong na nyes par 'gyur ba dang 'dra bar ston pa'o/ /gtong ba'o// // 'thab gcugs mi nyan pa'i lhag ma gang zhe na/ dge slong ma rnams la 'dod pa la sogs pas 'gro zhes zer na'o zhes pa la sogs pa yin te gcugs shing bsdus pa'i dge slong ma la 'di skad du kha tshas zer na lhag mar 'gyur ba'o//gong ma skad du kha tshas zer ba gang gi tshe na/ dge slong ma dang 'thab/ mtshang 'dru / rtsod/ mi 'dum par smra ba rnams mi gtong na'o zhes pa yin te 'di dag ltar rtsod pa las gcugs pa mi gtong na gdod nyes par 'gyur ba'o//de la 'thab ces pa ni tshig ngan pas 'dre ba'o/ /mtshang 'dru zhes pa ni lus dang ngag gis pha rol gyi nyes pa brjod cing 'byin pa'o/ /rtsod ces pa ni 'khon pa'o/ /mi 'dum zhes pa ni zhal cher skye ba'o//'thab mo byed pa'o// // bud med 'gril pa'i lhag ma gang zhe na/ 'gril ba spyod na'o zhes pa la sogs pa yin te/ 'gril bar mdza' na nyes par 'gyur ba'o/ /su dang zhe na/ dge slong ma dang g.yengs 'chum/ rdil ba'i rgyur gyur na'o zhes pa yin te/ zos shing rdil ba'i rgyur 'gyur bar 'gril na nyes par 'gyur ba ste/dge slong ma zhes smos pa ni dpe tsam du zad kyi dge slong la sogs pa dang 'gril na yang lhag mar 'gyur ba'o/ /de la thun mong ba ni smyan na'o zhes pa yin te smyan ni thun mong bas na dge slong ma'i rnam par 'byed par bstan pa bzhin du rig par gyis shig pa'o//phran tshegs las smyan dang / dge slong ma dang 'gril bar gtogs pa'o// // 'gril du bcug pa'i lhag ma gang zhe na/ de dang 'gril 'dug na'o zhes pa yin te/ 'gril bar mdza' ba gyis shig ces 'gril na bcug na lhag mar 'gyur ba'o/ /'jug pa'o// // dbyen la sogs pa'i lhag ma bzhi gang zhe na/ dge slong ma yir gtogs pa ni dge 'dun gyi dbyen la sogs pa bzhi'o zhes pa yin te dge 'dun gyi dbyen dang de'i rjes su phyogs pa dang rigs sun 'byin pa dang bka' blo mi bde ba bzhi ni dge slong ma'i bslab pa'i khongs su 'ang gtogs par ston pa'o//dge slong ma'i dge 'dun lhag ma rdzogs so// //da ni spang ba'i ltung ba ston pa ste de'ang dge slong pha dang thun mong ba dang thun mong ma yin pa las thun mong ba'i mtshan nyid je ston pa ni bcu'o zhes pa ni gser dngul mtshan ma btab pa/ nyo tshong / lhan pa med pa/ thag pa gnyis/ 'phrog pa bsngos pa/ bzhag par gtogs pa rnams kyang ngo zhes pa yin te dang po'i bcu phung gcig ril gyis thun mong ba dang ming gis smos pa de rnams thun mong bar ston pa'o/ /de la yang 'khru ba'i bye brag ston pa ni/ dge slong gi 'khru ba la sogs pa'o zhes pa yin te gong du skyes pa 'dir bud med dang skyes pa'o zhes pa de ni 'khru ba la sogs pa dang mi sbyor bar bstan pa ni de las len pa zhes pa ni dge slong pha las gos blangs sam khyer na spang bar 'gyur ba'o//dge slong ma la byin na'o zhes pa ni dge slong pha la byin nas 'phrog pa 'dra bar dge slong ma byin nas phrogs na yang spang bar 'gyur ba'o//de la bcu phung gnyis pa'i srin bal rmel zhes pa'i bar du rim bzhin du smos pa bdun dang bcu phung tha ma las lhung bzed 'chang dang brtad pa'i cho ga dang dgon pa'i 'bral ba dang ras chen bzhi dang 'di rnams dge slong ma bslab pa la ma gtogs par ston pa'o//phran tshegs las 'byung ba 'di'i zhar la ston pa ni lha'i rten mi gtsang zhes pa yin te mu stegs pa'am 'jig rten pa'i lha thogs shing sbom mo dga' ldan lta bur grong rgyu ba'i bon mo ma byed cig pa'o/ /thun mong ba ma yin pa ston pa ni/ lhag ma lhung bzed nyin gcig 'das par bcang na'o zhes pa yin te bud med yo byad la gdu ba'i spyir lhung bzed lhag pa zhag gcig las 'das par bcangs na spang ba'i ltung bar gsungs pa'o//lhung bzed 'chang ba'o// // byin gyis brlabs pa'i spang ba gang zhe na/ zla ba phyed cing thog ma'i nyin par byin gyis brlab pa byin gyis ma brlabs na'o zhes pa yin te/dang po bsnyen par rdzogs pa'am dang po ma'i byin gyis brlabs pa nas zhag bco lnga zhing chos gos lnga lan re byin gyis brlab pa byin gyis ma brlabs na spang ba'i ltung bar 'gyur ba'o/ /byin gyis mi rlob pa'o// // gag phyung bas spang bar 'gyur zhe na/ dpyid zlar ba'i nyi ma tha ma tshun chad du brtad pa phyung na'o zhes pa yin te ston zla 'bring po'i nya la gtan pa brubs nas dpyid zla ra ba'i nya'i bar du zla ba lnga lon te dbyung ba'i rigs pa las de'i snga rol du phyung na spang ba'i ltung bar 'gyur ba'o//dge slong ma rkun pos phrogs pa'i phyir na nyes med ces pa ni dge slong ma chom rkun gyis thebs te gos med par shugs pa'i phyir gding ba sngar phyung ba la ni nyes par ston pa'o//gtan pa 'byin pa'o// // mi 'byin pa'i ltung ba gang zhe na/ mi 'byin ba zhes pa yin te dpyid zla ra ba'i nya la gtan pa ma phyung na yang ltung bar 'gyur ba'o/ /der zhes pa ni dpyid zla ra ba'i nyin par nyid la ma phyung na nyes par ston pa'o//gtan pa mi 'byin pa'o// // rin po che slong ba'i spang ba gang zhe na/ gser dang dngul slong na'o zhes pa yin te ming gis smos pa 'di dag bslangs te rnyed na spang ba'i ltung bar ston pa'o/ /gong du gser dngul dang mtshan ma mtshan ma btab ces smos pa ni bslangs pa'i gser dngul ma yin pa la bya'o//chos kyi don ched kyi phyir bslangs pa ni nyes med par yang mi 'gyur ro/ / rin po che blang ba'o// // ji lta bus gos kyi spang ba zhe na/ gos gzhan gyi phyir rnyed pa lto zas su byed na'o zhes pa yin te gos glegs bam 'dri ba la sogs pa don ched gzhan gyi phyir rnyed pa las lto zas su bya'o snyam du bsams na spang ba'i ltung bar ston pa'o//gos za bar gtogs pa'o// // gos la sogs pa za ba'i spang ba gsum gang zhe na rim bzhin du ston pa ni/ gos dang stan dang dbyar mo thang gi phyir yang ngo zhes pa yin te ming gis smos pa 'di gsum du bya ba'i rnyed pa lto zas su bya bar sems shing bsgyur na spang ba'i ltung bar 'gyur ba'o//gang yang rung zhes pa ni gong ma gsum gang gi phyir rnyed kyang rung ste zas su sbyar na ltung bar 'gyur ba'o/ /gos la sogs pa za bar gtogs pa'o// // bdag gis bslangs la kha rngam byed pa'i spang ba gang zhe na/ dge slong ma phal po che'i phyir bslangs te bdag gir bsngo na'o zhes pa yin te dge slong ma bzhi la sogs pa mang po'i phyir bslangs pa'i rdzas bdag nyid kyis khyer zhing kha rngam byas na spang bar ston pa'o/ dge slong la sogs pa'i phyir bslangs pa bdag gir byed pa ni nyes byas su 'gyur ba'o/ /lab po che'i kha rngam byed pa'o//gzhan yang kha rngam byed pa'i spang ba gang zhe na/ dge 'dun gyi na yang ngo zhes pa yin te dge 'dun 'di snyed cig ces grangs chad pa ni med kyi dge 'dun spyi'i phyir bslangs pa bdag gir byed na yang spang ba'i ltung bar 'gyur ba'o/ /dge 'dun gyi kha rngam byed pa'o// // 'grol ba'i spang ba gang zhe na/tshig bdag gir bya ba'i phyir bcings pa 'grol du bcug na'o zhes pa yin te dge slong ma gtsug phud dga' ldan gyis tshong dpon gyi bu la sman thum 'grol du bcug pa lta bur tshig bdag gir bya ba'i phyir sman thum la sogs pa 'grol du bcug na ltung bar 'gyur ba'o//'grol ba'o// // gos lci ba'i spang ba gang zhe na/ srang brgya la sogs pa dang kAr ShA pa Na nyi shu la sogs pa ri ba'i gos bdag gir byed na'o zhes pa yin te lcid srang brgya yod la rin kAr ShA pa Na nyi shu la sogs pa ri ba tsam gyi gos bdag gir byas na spang ba'i ltung bar 'gyur ba'o/ /de la brje ba dang rung ba gzhan du bsgyur ba'i phyir srel ba ni nyes med/gos lci ba spyod pa'o// // gos yang ba'i spang ba gang zhe na/ srang lnga'i mtha' yang ngo zhes pa ni lcid ni srang lnga tsam la ri thang ni kA ra ShA pa Na nyi shu la sogs pa rib bdag gir byed na ltung bar 'gyur ba'o/ /ci'i phyir de lta zhe na/ bud med 'jo ba la srid cing drags ngas pa'i phyir ro/ /gos yang ba spyod pa'o/ /spang ba rdzogs so// //da ni dge slong ma'i ltung ba nyi tshe brgya brgyad cu yod pa ston pa la dge slong pha dang thun mong ba je ston pa ni/ bdun cu rtsa gnyis so zhes pa yin te grangs bdun cu rtsa gnyis ni dge slong pha dang thun mong bar ston pa'o//dge slong mas bslab pa la ma gtogs pa gang yin pa ston pa ni/ ma bskos pa la sogs pa bcu dang 'byin pa dang yang yang dang bsod pa dang 'dug pa dang 'greng ba dang ster ba ma yin pa dang ma tshang ba dang ras chen rnams ma gtogs zhes pa yin te/ ma bskos par chos ston pa la sogs pa'i bcu phung gcig ril dang 'byin pa la sogs pa ming gis smos pa 'di brgyad dge slong mas bsrung ba la ma gtogs par ston pa'o//ci'i phyir ma gtogs she na/ dge slong mas dge slong pha la chos ston mi srid pa'i phyir ma bskos par 'chad pa yang mi 'byung /de ltar 'da' ba med pas na nyi ma nub nub tu 'chad pa dang zas cung zad kyi phyir ston to zhes pa'i skur ba yang mi 'byung ba dang chos gos sbyin pa dang chos gos 'drub pa yang dge slong btsun pa'i gnas yin bas na/ 'di gnyis dge slong mas byas su zin kyang mi rigs par mi 'gyur ba dang lam dang grur 'dug pa bud med yong gis mthu chung ba'i phyir gzhan gyi zla la song yang dpyas su mi 'gyur ba dang dben pa na 'dug pa dge slong phas bsrung ba lta bu ma yin pa 'og nas 'byung ba dang dge slong phas shom du bcug ste zos pa mi rigs pa med pas dge slong ma'i nyes par mi 'gyur ba dang 'byin pa 'di la ma gtogs pa 'og nas 'byung ba dang yang yang gi zas dge slong ma la 'bul ba nyung ba'i phyir dge slong ma bslab pa la gtogs pa dang zas bsod pa slong ba bshags pa'i nang nas 'byung ba dang /bud med rang bzhin gyis spyi dman pa'i phyir gnyen gnas na 'dug cing 'greng mi srid pa dang bud med rang bzhin gyis rtseg lo che ba'i phyir ma byin pa'i gos la thug thub du spyod mi srid pa dang ma tshang bar bsnyen par rdzogs pa'i cho ga 'og nas 'byung ba dang ras chen 'chang du yong gis ma gnang ba rnams kyi phyir ro// de la dge slong ma nyi tshe bslab pa la yang bslab pa ma bslabs par bsnyen par rdzogs pa dang lo re bzhin rab tu 'byin pa la sogs pa kha cig ni dge slong phal ye med pa dang /'byin pa lta bu mi 'dra ba dang khrig cig la lhan cig tu reg par nyal ba lta bu dge slong pha'i nyes byas su 'gyur ba dang / rgya skyegs kyi chang bu bu gar 'jug pa na phas pham pa'i sbom por 'gyur ba lta bu lhag ma'i nyes par 'gre ba dang /sgog pa za ba dang / gsang ba'i spu 'dreg pa dang / sten pa la thal mos 'tshog pa lta bu kha cig ni nyes pa 'bri bar 'gyur ba lta bu la sogs pa 'dir tho bud tsam du bstan gyi rgyas par ni 'dul ba rnam par smra ba las 'byung ba bzhin du rig par gyis shig /phran tshegs las 'byung ba 'di'i skabs su zhar la ston pa ni/ rab tu byung ma la zas byin du rung zhes pa la sogs pa yin te rab tu 'byung ba'i dge slong ma la dge slong phas zas sbyin yang 'gal ba med par ston pa'o/ /chung ma la yang ngo zhes pa ni chung ma la yang zas byin yang bla bar ston pa'o//des blang ba yang ngo zhes pa ni bud med de dag gis zas byin na zos kyang bla bar ston pa'o/ /bu chung ngu dang lhan cig tu nyal ba mi spang zhes pa ni mal mi thub pa'i bu chung rum du chug shig pa'o/ /dge slong ma'o cog gis sam zhe na/ sdom pa thob bas so zhes pa yin te sdom pa thob pa'i dge slong mas gong ma ltar gyis shig pa'o//yang sdom pa byin pa'i rigs sam mi rigs she na/ 'di la byin zhes pa yin te bu chung ngu yod pa de lta bu la sdom pa byin cig pa'o/ /da ni bdun cu rtsa gnyis la ma gtogs pa'i ltung ba ston pa la ma tshang ba 'jog pa'i ltung ba gang zhe na/rab tu dbyung ba dang bsnyen par rdzogs par byed na'o zhes pa yin te rab tu 'byin cing bsnyen par rdzogs par byed na ltung bar 'gyur ba'o/ /gang gi tshe de ltar 'gyur zhe na/ lo bcu gnyis su ma tshang la gong ma ltar byed na nyes par 'gyur ba'o/ /bcu gnyis su ma tshang ba de su zhe na/nyid bsnyen par rdzogs par byed na'o zhes pa yin te mkhan mo nyid bsnyen par rdzogs nas lo bcu gnyis su ma tshang na'o/ /ma tshang ba 'jog ba'o// // sdom pa ma thob par 'khor 'jog pa'i ltung ba ston pa'i thog mar 'khor bcang ba'i cho ga je ston pa ni 'khor dang tshad med pa'i 'khor 'chang ba'i sdom pa sbyin zhes pa la sogs pa yin te yong 'khor dang tshad med pa'i 'khor srel du dbang ba'i sdom pa phog shig pa'o//ji lta bu dpog ce na/ de 'jog nus na'o zhes pa yin te nad g.yog la sogs pa 'khor 'jog cing srel nus na gdod gong ma lta bu'i gnang ba phog shig pa'o//'jog nus pa nyi tshe la'am zhe na/ bsnyen par rdzogs nas lo bcu gnyis lon na'o zhes pa yin te bsnyen par rdzogs nas kyang lo grangs 'di snyed kyang lon la gong ma lta bu'i yon tan kyang yod na gdong gnang ba phog shig pa'o/ /gzhan gyis mi gsol zhes pa ni gong ma lta bu'i rnam gnyis med par 'khor srel ba'i gsol ba'ang ma byed cig pa'o//'khor srel ba'i ltung ba nyid ston pa ni/ sdom pa snga ma thob na'o zhes pa yin te 'khor srel ba'i sdom pa ma thob bar rab tu phyung ngam bsnyen par rdzogs par byed na ltung bar 'gyur ba'o/ /ji ltar byas pas she na/'khor 'jog na'o zhes pa yin te/ sdom pa ma thob par 'khor 'jog na gdod nyes par 'gyur ba'o/ /sdom pa ma thob par 'jog pa'o// // tshad med pa'i 'khor 'jog pa'i ltung ba gang zhe na/ tshad med ba'i 'khor phyi ma yang ngo zhes pa yin te phyi ma'i sdom pa ma thob par 'khor tshad med par 'jog na ltung bar 'gyur ba'o//tshad med pa 'jog pa'o// //[# bsnyen par rdzogs par byed pa'i ltung ba gang zhe na/ bag mar song ba lo bcu gnyis tshun tshad du bsnyen par rdzogs par byas na'o zhes pa yin te/ bag mar song ba lo bcu gnyis lon na bsnyen par rdzogs par bya ba'i rigs pa las sngan na tshogs su bsnyen par rdzogs par byas na ltung bar ston pa'o//lo bcu gnyis ma lon bar bsnyen par rdzogs par byed na'o/ /gzhan yang ltung ba 'gyur ba ni/ gzhan ni lo nyi shu'o zhes pa yin te bag ma ma byas pa lo nyi shu lon nas bsnyen par rdzogs par bya ba'i rigs pa las sngan tshogs su bsnyen par rdzogs par byas na ltung bar 'gyur ba'o//'di'i cho ga gzhan ni dge slong pha'i bsnyen par rdzogs pa bshad pa'i tshe rgyas par smos pa yin no/ /lo nyi shu ma lon par bsnyen par rdzogs pa'o// // tshig zlo ba'i ltung ba gang zhe na/ bslab pa ma byin bar mkhan mo byed na'o zhes pa yin te dge slob ma'i khrims ma phog par ltang kam du bsnyen par rdzogs pa'i mkhan mo byed na ltung bar 'gyur ba'o//tshig zlo ba'o// // ma bslabs pa bsnyen par rdzogs par byed pa'i ltung ba gang zhe na/ 'di ma spyad na'o zhes pa yin te lo gnyis kyi bar du dge slong ma'i bslab pa ma bslabs par bsnyen par rdzogs par byed na ltung bar 'gyur ba'o/bslab pa ma bslabs par bsnyen par rdzogs pa'o// // bslabs kyang bsnyen par rdzogs par ma byas pa'i ltung ba gang zhe na/ spyad kyang ma byin na'o zhes pa yin te lo gnyis kyi bar du dge slob ma'i bslab pa bslabs kyang bsnyen par rdzogs par ma byas na ltung bar 'gyur ba'o//rkyen gyis btsal te bsnyen par ma rdzogs bar ni nyes med/ bslab pa spyad kyang bsnyen par rdzogs par ma byas pa'o// // chos 'tshong ba'i ltung ba gang zhe na/ ji ste nga la gos byin na khyod bsnyen par rdzogs par bya'o zhes bsnyen par rdzogs par 'dod pa la zer na'o zhes pa yin te bsnyen par rdzogs par 'dod pa la sogs pa'i nor gsungs shing 'di skad du zer na ltung bar 'gyur ba'o//chos 'tshong ba'o// // rnam par slu ba'i ltung ba gang zhe na/ rab tu 'byung ba dang / mthun bar stan la khyim pa'i bya ba brtul ba dang rab tu ma phyung na'o zhes pa ni skem mo gau ta mas yugs sa mo gzhon nu bslus pa lta bur sngar rab tu dbyung bla ba skad du byas la des so nam btang nas chas te 'ongs pa dang bsnyen par rdzogs pa ma byas na ltung bar 'gyur ba'o//rnam pa gzhan gyis bslus pa ni nyes byas so/ / slu ba'o// // rgyud mang ba'i ltung ba gang zhe na/ re re zhing rab tu 'byin na'o zhes pa yin te lo re mi re rab tu 'byung na ltung bar 'gyur ba'o//lo res bcad cing 'byin pa ni nyes med/ rgyud mang po'o// // ma gnang ba sdud pa'i ltung ba ni bdag pos ma gnang na'o zhes pa yin te khyim thab kyis ma btang ba'i bud med rab tu 'byung na ltung bar 'gyur ba'o/ /ma gnang ba sdud pa'o// // skyon can sdud pa'i ltung ba rnam pa bzhi ni/ g.yem spyod pa/ sbrum pa/ mya ngam gyis nyen pa/ 'thab krol can bsnyen par rdzogs par byas kyang zhes pa yin te ming gis smos pa 'di dag lta bur rab tu phyung ba bas bsnyen par rdzogs par byas na yang ltung bar 'gyur ba'o/ / skyon can sdud par gtogs pa'o// // g.yel bar gtogs pa'i ltung ba'i rnam pa bzhi la/ rab tu byung ba dang bsnyen par rdzogs pa mi sdud na'o zhes pa dang bar du gcod pa mthong na sel bar mi byed pa zhes pa dang slob bar mi byed pa zhes pa dang nad pa'i rim gro mi byed pa'o zhes pa rnams yin te 'di dag ltar g.yel zhing nan tan dang rim gro mi byed na ltung bar ston pa'o//nye gnas kyang zhes pa ni slob ma nyi tsher ma zad kyi nye gnas la g.yel na yang ltung bar 'gyur ro zhes zla ba ston pa'o/ /g.yel bar gtogs pa'o// // 'phyon ma bsten pa'i ltung ba gang zhe na/ nyid kyi sten pa'i nang du rgya skyegs kyi chang bu 'jug pa zhes pa la sogs pa yin te rgya skyegs kyi chang bu nyid kyi 'dzag byed du bcug na ltung bar 'gyur ba'o//rgya skyegs ni dper zad kyi rnam pa gang gis kyang rung / gzhan 'jug tu bcug na ni phas pham pa'i sbom por 'gyur ro/ /rgyun las bzlog cing mi bzed ces pa nas 'di ni dper zad do zhes pa'i bar du smos pa rnams ni phran tshegs las byung ba ste nyes byas su 'gyur bar ston pa'o//de la dga' ba bdag gir bya ba'i phyir rgyun las bzlog cing bzed na nyes byas su 'gyur ba'o/ /mngal gyi sgor khu ba mi blugs zhes pa ni sbed ma lta bur ma byed cig pa'o/ /rked chings kyis lto ba mi bcing zhes pa dang /nu chings kyis nus pa yin na zhes pa dang bde bar byed pa'i bar tshangs mi bya zhes pa ni rgyu phra bar 'dod pas rked chings kyis lto bcings pa dang nu rlo bar 'dod pa'i phyir nu chings kyis 'ching ba dang nu bar yangs 'dod pa'i phyir bar tshangs 'jug pa rnams ma byed cig pa'o/ /'di ni dper zad do zhes pa ni rked chings dang nu chings ni dper zad kyi thag srad la sogs pa rnam pa gang gis kyang lto dang nu 'ching ba ma byed cig pa'o//'phyon ma bsten pa'o// // 'phyon ma bsten pa dang 'dra ba'i ltung ba gang zhe na/ mtshan gyi nang du sor mo'i tshigs gnyis las lhag par 'khru na'o zhes pa yin te 'dzag byed kyi nang du tshigs gnyis las lhag par 'jug cing 'khru na ltung bar ston pa'o//'phyon ma bsten pa dang 'dra ba'o// // 'phyon ma bsten par 'ther ba lta bur byed pa'i ltung ba gang zhe na/ 'dir thal mos rdob na'o zhes pa yin te 'dzag byed la thal mos rdeb na yang ltung bar 'gyur ba'o//'phyon ma bsten pas 'ther ba lta bur byed pa'o// // sten pa'i cho gar byed pa'i ltung ba gang zhe na/ de'i spu 'dreg par byed dam byed du bcug na'o zhes pa yin te mtshan gyi spu bregs sam 'dreg du bcug na ltung bar 'gyur ba'o/ /sten pa'i cho gar byed pa'o// // reg par mi bya ba dang 'dre bar gtogs pa'i ltung ba bcu gcig gcig bar du bsdus te ston to//de la reg pa mi bya zhes pa ni skyes pa dang reg par bya ba'i mi rigs pa las de dang 'dren ltung bar 'gyur/ de dag gi dang po nyid gang zhe na/ skyabs yod par khyim pa dang lhan cig tu 'dug na'o zhes pa yin te bsten nus pa'i skyes pa dang skyabs yod par lhan cig tu 'dug na ltung ba'o//skyabs gang zhe na/ rtsig pa shing tags gos/ thibs po/ mun pa rnams der 'grub pa'o zhes pa yin te ming gis smos pa 'di dag gis skyabs na der 'grub par ston pa'o/ /ltung ba gnyis po gang zhe na/dge slong dang ngo zhes pa yin te gong ma lta bu'i skyabs yod par dge slong dang lhan cig tu 'khod na ltung ba'o/ /gsum pa gang zhe na/ bla gab med par snga ma dang zhes pa yin te bla gab med par khyim pa dang lhan cig tu 'khod na yang ltung bar ston pa'o/ /bzhi pa gang zhe na/ phyi ma yang ngo zhes pa ni dge slong dang bla gab med par lhan cig 'khod na ltung bar 'gyur ba'o//'di gnyis pa dang lhan cig pa ni nyes med ces pa ni khyim pa dang dge slong zlas 'grogs na ni gong ma lta bu'i gnas na 'khod kyang nyes par mi 'gyur ba'o/ /dge slong ma phyi bzhin du 'brang ba dang lhan cig na yang ngo zhes pa ni dge slong ma zla dang 'grogs shing gong ma lta bu'i gnas na 'khod na yang nyes med par ston pa'o//lnga pa gang zhe na/ khyim pa'i rna bar bshub cing spring na'o zhes pa yin te don yod kyang rung med kyang rung mdun rgyab dang g.yas g.yon gang nas kyang rung ste khyim pa'i rna bar bshub cing smra na ltung bar 'gyur ba'o//drug pa gang zhe na/ 'di bzhin du len pa'o zhes pa yin te khyim pa la gong ma ltar bshubs pa len cing nyan na yang ltung bar 'gyur ba'o/ /bdun pa gang zhe na dge slong la'o zhes pa yin te gong ma bzhin du dge slong gi rna bar bshubs na yang ltung bar 'gyur ba'o//brgyad pa gang zhe na/ de las zhes pa yin te des bshubs shing bsgo ba nyan yang ltung bar 'gyur ba'o/ /khyim pa dang dge slong tha dad du phyi ba ci'i phyir zhe na/ dge slong tshangs pa mtshungs par spyod pa yin pas nyes pa rangs par mi 'gyur du re ba bsal ba'i phyir ro//dgu pa gang zhe na/ khyim pa las rig pa nod na'o zhes pa yin te khyim pa de'i tshig bdag gir bya ba'i phyir gtsug lag la sogs pa de las nod cing len na ltung bar 'gyur ba'o/ /bcu pa gang zhe na/ 'di las de klog tu bcug na'o zhes pa yin te/dge slong ma las gtsug lag la sogs pa rig pa gzhan nod du bcug cing slob na yang ltung bar 'gyur ba'o/ /bcu gcig pa gang zhe na rma bcings shing rgyus 'grol du bcug na'o zhes pa yin te sman pa lta bu la chags pa'i phyir rma bkab cing bcings na lhod ches she'am dam ches zhes 'grol du bcug na ltung bar 'gyur ba'o//de lta bas na bden ba'i don ni nyes med ces pa ni gong ma ltar rgyu byas na nyes par 'gyur gyi snying nas dam lhod khyer te de skad du zer ba ni nyes med pa'o/ /reg par mi bya ba dang 'dre bar gtogs pa'o// // btsas pa la gdu ba'i ltung ba gang zhe na/rgyud srel na'o zhes pa yin te gzhan gyi bu pang par len cing 'tsho na ltung bar 'gyur ba'o/ /btsas pa la gdu ba'o// // gong po nan gyis glags spang ba'i ltung ba ni gsum ste de la dang po nyid gang zhe na/ khyim pa la ma zhus par khyim pa'i zhag lon na'o zhes pa yin te khyim pa gzhan gyi der dgongs pa'i tshe bdag la g.yar ras kyis 'tshos shig chos khyim bdag la ma bsnyad par nub gcig 'das na ltung bar 'gyur ba'o//bud med kyi khar las na de la ma lus kyang sla zhes pa ni khyim de'i dbang bud med kyi khar rag las pa zhig na khyim bdag la ma dris kyang nyes med par ston pa'o//gnyis pa gang zhe na/ 'khran sa ma gtogs par mtshan 'das na'o zhes pa yin te bdag gang 'dug pa'i nyen kor na lkag lkog dang skyabs yod pa rnams ma byul tam sam bkrus par mtshan 'das na ltung bar 'gyur ba'o/ /gsum pa gang zhe na/ dge slong ma gzhan med par gnas khang du'o zhes pa yin te dge slong ma grogs med par gnas khang du zhag gcig lon na ltung bar 'gyur ba'o//nyams nyes la sogs par 'gyur ba ni nyes med ces pa ni zla de babs sam shing chad la sogs pa'i nyams nyes byung nas gcig pu lus pa ni nyes med par ston pa'o//gong po nan gyis glags spang ba'o// // lhan cig tu nyal ba'i ltung ba gang zhe na/ dge slong ma dang nub gcig la mthangs sprad cing nyal na'o zhes pa yin te khri gcig la mthangs sprad cing nyal na ltung bar 'gyur ba'o/ /du ma yang rung tshad thur la sogs pas bar tshangs byas shing yan lag reg kyang myong bar mi byed par dran pa nye bar bzhag na mi bskyod pa'i khri dang thal mal pa dang bting ba rnams nyes med do zhes pa ni du ma lhan cig tu 'khod kyang rung ste thabs 'di ltar byas na khri'am mal dang lo ma yan chad gang la lhan cig tu nyal yang bla ba'o//yod na nyes byas zhes pa ni khri'am mal la sogs pa gud na yod cing nyal du rung ba las gong ma ltar byas te cig car du nyal na nyes byas su 'gyur ba'o//longs par gnas pa dgag pa'o// // byi dor byed pa'i ltung ba brgyad yod pa la dang po nyid gang zhe na/ dge slong ma bdag gi yan lag 'dril du bcug na'o zhes pa yin te dge slong ma bdag gi lus kyi yan lag 'dril du bcug na ltung bar 'gyur ba'o//lhag ma bdun ni dge slob ma yang zhes pa dang dge tshul ma yang zhes pa dang khyim mi mo yang zhes pa dang mu stegs ma yang ngo zhes pa dang chus skud du bcug na yang zhes pa dang nyid kyi yan lag dri zhim pa'i rdzas kyis dril na'o zhes pa dang tshigs sam kyang ngo zhes pa rnams yin te dge slong ma la sogs pa ming gis smos pa 'di dag 'dril du bcug pa dang chus skud pa la sogs pa 'di rnams skud cing 'dril na ltung bar 'gyur ba ste grangs ni rim bzhin du sbyor ro// byi bdar byed par gtogs pa'o// // chu'i longs spyod byed pa'i ltung ba gang zhe na/ lag sbrel cir khrus byed na'o zhes pa yin te 'di ltar byed cing khrus byed na ltung bar 'gyur ba'o/ /chu'i longs spyod pa'o// // sgeg par gtogs pa'i ltung ba drug gang zhe na/ sgeg pa'i phyir u shi ras 'chad na'o zhes pa dang so mangs dang chang shad dang gsum char dang skra brnyan yang ngo zhes pa dang khyim pa'i rgyan thogs na'o zhes pa rnams yin te ming gis smos pa 'di dag ltar byed na ltung bar 'gyur ba'o//de la grangs ni rtswa u shi ras skra 'chad pa dang so mangs kyis 'chad pa dang chang shad kyis 'chad pa dang de gsum char gyis 'chad pa dang skra brnyan 'jug pa dang gdu bu la sogs pa khyim pa'i rgyan thogs pa rnams so//sgeg par gtogs pa'o// // dga' bar gtogs pa'i ltung ba gsum yod pa las dang po gang zhe na/ gar byed na'o zhes pa yin no/ /ci byed ce na/ yan lag gang gis kyang rung zhes pa yin te smin ma bsgul ba yan chad yan lag gang gis kyang rung bar ston pa'o//gnyis gang zhe na glu len na'o zhes pa yin no/ /ji lta bu'i glu blangs pas she na/ der bsams na dbyangs bsgyur ba yan chad gang gis kyang rung zhes pa yin te glu blangs par bsams na dbyangs yan chad kyang nyes par 'gyur ba'o//gsum pa gang zhe na/ rol mo'i spyad kyis rol mo byed pa'o zhes pa yin te rol mo'i cha spyad kyis rol mo byed na ltung bar 'gyur ba'o/ /dga' bar gtogs pa'o// // yo lang byed par gtogs pa'i ltung ba yang gsum yod pa la dang po gang zhe na/ gdugs spyad par bya ba'i phyir 'chang na'o zhes pa yin te bdag nyid kyis spyad par bya ba'i phyir sri na ltung ba'o//gnyis pa gang zhe na/ lham yang ngo zhes pa yin te bdag nyid kyis spyad pa'i phyir lham srel na ltung bar 'gyur ba'o/ /lham srel no cog nyes par 'gyur ram zhe na/ dbyar mo thang gi mal cha sba ba'i phyir na nyes med ces pa yin te mal cha la rim gro bya ba'i phyir lham gyon pa ni nyes med pa'o//gsum pa gang zhe na khri'u'i kun spyod med par byed na'o zhes pa yin te khri'u'i steng du 'dug cing stam pa yang gis phan tshun du sbed pa sbom mo dga' ldan ltar byed na ltung bar 'gyur ba'o/ /yo lang byed par gtogs pa'o// // spyi brtsan bas thabs kyis gnon pa'i ltung ba gang zhe na/ khyim pa'i der ma bdar bar stan la 'dug na'o zhes pa yin te 'di ltar byed byed na ltung bar 'gyur ba'o/ /spyi brtsan ba'i thabs kyis gnon pa'o// // rjes ngan byed pa'i ltung ba gang zhe na/ chos pa'i tshe khyim pa'i stan cha spyad nas khyim pa la ma sbran bar bor te song na'o zhes pa yin te chos 'chad pa'i tshe khyim pa'i stan cha spyod spyod pa las slar 'gro ba'i tshe de dag la ma sbran bar sbom mo dga' ldan lta bur byed cing stan bor na ltung bar 'gyur ba'o//ji tsam du song bas ltung zhe na/ de'i nye spyod btang ba'i thabs so zhes pa yin te 'dom bzhi bcu dgu la sogs pa'i nye spyod 'das na ltung bar 'gyur ba'o//rjes ngan byed pa'o// // khyim pa'i shes nyen du gtogs pa'i ltung ba gsum yod pa la dang po gang zhe na/ skud pa 'khal na'o zhes pa yin te rnams byed na ltung bar 'gyur ba'o/ / rnams byed do cog gis sam zhe na/ rgya cang dang lcag phod kyi phyir dben par na nyes med ces pa yin te 'di dag tsam gyi tshod byed pa ni nyes med pa'o/ /'di skabs su ltung ba gzhan yang bla thabs su ston pa ni dge slong ma'i tshogs kyi gos bdag gir byed na'o zhes pa yin te btsun mo phreng byed mas dge 'dun ma'i spyir zla mtshan bzed pa'i rgyur gos phal po che byin pa dga' ldan mas kha rngam byas pa lta bur khyer na ltung bar 'gyur ba dang /zas 'tshong zhing bsgyur na ltung bar 'gyur ba'o/ /bla thabs su zla la bstan pa'i ltung ba gnyis bstan zin nas dkyus ma gnyis pa ston pa ni/ khyim pa'i so nam yang ngo zhes pa yin te gtub cing 'thab pa dang mal byed pa dang lham dang khrus ras stobs pa dang khyim phyag cing chag chag 'debs pa la sogs pa byed na ltung bar 'gyur ba'o//phran tshegs las 'byung ba zhar la ston pa ni chang gi las mi bya zhes pa dang chang 'tshong par mi bya zhes pa yin te chang 'tshong ba dang chang 'tshong ba byed na nyes byas su ston pa'o//dkyus ma gsum pa ni rjen pa btsos na'o zhes pa yin te g.yos byed na ltung bar 'gyur ba'o/ /'di'i tshad ni gong du sra snyi las sum cha sum gnyis tshos pa dang lhag re bsnun pa la sogs pa bzhin du rig par bya'o/ /btsos so cog gis nyes par 'gyur ram zhe na/dge slong gi dge 'dun dang / slob dpon dang tshangs pa mtshungs par spyod pa'i phyir ni phyogs dben par nyes med ces pa yin te 'di dag gi phyir dben par song ste g.yos byed pa ni nyes med pa'o/ /khyim pa'i shes nyen du gtogs pa'o// // lto 'dun byed pa'i ltung ba gang zhe na/zos te stan yangs nas za ba'o zhes pa yin te sbom mo dga' ldan lta bur bsod snyoms blangs pa'i zas 'chag pa'i lam kar bzhag la phar song tshur song ba'i lam yogs su len cing za ba lta bur byed na ltung bar 'gyur ba'o/ /lto 'dun byed pa'o// // 'dus par dring ba'i ltung ba gang zhe na/sgog skya na'o zhes pa yin te/ zos na ltung bar 'gyur ba'o/ /ke'u dang btsong la sogs pa gzhan ni nyes byas su 'gyur/ 'dus par dri nga bar za ba'o// // bslab pa nyams par gtogs pa'i ltung ba gsum yod la dang po gang zhe na/ zla mtshan gyi gzhi ma bcangs na'o zhes pa yin te zla mtshan bzed pa'i gzhi ma bcangs na ltung bar 'gyur ba'o//skud pas rtod na gnas so zhes pa dang 'di dus dus su bkru ba dang btso ba yang ngo zhes pa gnyis ni phran tshegs las 'byung ste gzhi de'i cho ga 'di ltar gyis shig pa'o/ /gnyis pa gang zhe na/ chu ras kyang ngo zhes pa yin te khrus ras shing lta bu ma bcangs na ltung bar 'gyur ba'o//'di bcang zhes pa ni 'di lta bu ched du chongs shig pa'o/ /gsum pa gang zhe na/ khrus pa la 'khrur bcug na'o zhes pa yin te gos la mi sdug pa chags shing reg pa gzhan gyis mthong na 'phyas su 'gyur ba'i phyir 'khrur bcug na ltung bar 'gyur ba'o//zla ba nyams par gtogs pa'o// // chos kyi rgyal mtshan la ma gus pa'i ltung ba gang zhe na/ dge sbyong gi gos khyim pas gon pa'i phyir byin na'o zhes pa yin te dge slong gi gos khyim pa bgo ba'i phyir byin na chos kyi rgyal mtshan la ma gus pa yin pas na ltung bar ston pa'o/ / chos kyi rgyal mtshan la ma gus par gtogs pa'o// // rgyal mtshan brje ba'i ltung ba gang zhe na/ dge slong dang sbyar ma brje na'o zhes pa yin te chos gos sbyar ma byin pa ni nyes med kyi brje na ltung bar ston pa'o/ /rgyal mtshan brje bar gtogs pa'o// // ser sna byed pa'i ltung ba lnga yod pa la dang po gang zhe na/bsngags pa la 'jur gegs byed na'o zhes pa yin te dge slong ma gzhan la pha rol gzhan gyis bsngags pa'i tshe de la 'gran cing sngogs su mi ster ba'i 'jur gegs byed na ltung bar 'gyur ba'o/ /lhag ma gzhan ni khyim dang gnas dang rnyed pa dang chos la 'jur gegs byed pa yang ngo zhes pa yin te ming gis smos pa 'di bzhi la phrag dog dang 'jur gegs byed na yang ltung bar 'gyur ba'o//phrag dog byed par gtogs pa'o// // 'byin pa'i ltung ba rnam gnyis las snga ma ston pa ni/ dge slong ma'i dbyar mo thang nas 'byin na'o zhes pa dang dge slong ma yin na ji ltar yang rung zhes pa yin te dge slong ma yin la dbyar mo thang nas 'byin na thabs cis phyung yang rung ste ltung bar 'gyur ba'o//gnyis pa ni khyim du sngar 'ongs pa yang ngo zhes pa yin te khyim pa'i khyim du sngar lhags shing 'khod pa rnams gtses nas phyi rol tu bton cing phyung na yang ltung bar 'gyur ba'o//'byin par gtogs pa'o// // 'tshe ba'i ltung ba gang zhe na/ mthong ba ngan pa la sogs pas glengs na'o zhes pa yin te mthong ba dang thos pa dang dogs pa rnams gtan la ma bab par gya tshom du glengs na ltung bar 'gyur ba'o/ /bskul ba yang de bzhin no/ /'tshe bar gtogs pa'o// // rab tu 'byung ba'i bsam pa las log par ston pa'i ltung ba gang zhe na/ mnar 'dor ba'o zhes pa yin te mnar 'dor na ltung ba'o/ /log par ston par gtogs pa'o// // bze re byed pa'i ltung ba gang zhe na/ khros pas bdag la rdeg na'o zhes pa yin no/ bze re'i rnam pa'o// // bla ma la sdol bar gtogs pa'i ltung ba gsum yod pa la dang po gang zhe na/ dge slong ma'i tshogs la 'phya ba'o zhes pa yin te dge slong ma'i dge 'dun la g.yo sgyu dang gcam gsag gis 'tsho'i zhe 'am mi mkhas mi gsal te ltung ba dang mi ltung ba'ang mi shes so zhe'am 'di dag la byin zhing bsti stang byas te'ang ji rung zhes pa la sogs pas dpyas byed na ltung bar 'gyur ba'o//gnyis pa gang zhe na/ gshen yang ngo zhes pa yin te 'tsho ba'i phyir bregs so zhe'am mu ge'i phyir brags so zhe'am sdig pa'i lag can zhe'am gdol pa zhe'am g.yo can zhes pa la sogs pas gshe na yang ltung ba'o//gsum pa gang zhe na/ 'khor gyi thu bo la chus gtor na'o zhes pa yin te dge slong la chus gtor na ltung ba'o/ /brgyal ba la nyes med ces pa ni 'di lta bu'i tshe ni chus gtor kyang bla ba'o/ /dge slong la mchil mas mi gdab ces pa nas/ 'dug pa'i 'og tu zhu bar bya zhes pa'i bar du smos pa rnams ni phran tshegs las 'byung ba ste nyes byas su ston pa'o//'di rab tu byung ba la mi spyo zhes pa ni shAkya'i dge sbyong rnams la ma gshe shig pa'o/ /gnyis kyang de bzhin zhes pa ni 'di rab tu byung ba rnams la 'phya ba dang gshe ba gnyi ga ma byed cig pa'o//dge sbyong gi mdun du spyod yul mi spyad ces pa ni sbom mo dga' ldan lta bur 'phags pa 'od srungs bsod snyoms la 'gro ba'i mdun spyod pa lta bu ma byed cig pa'o/ /zam mi brtan pa la dge slong dang lhan cig tu mi 'gro zhes pa ni sbom mo dga' ldan gyis 'phags pa 'od srungs chur bor ba lta bur pham pa mi brtan pa la sgreng zhing ma 'dong shig pa'o//dge slong mthong ma thag tu stan las 'phags ces pa dang 'dug nas 'di dag 'greng ba la 'dug ces bsgo zhes pa dang 'dug pa'i 'og tu ma byas na zhu bar bya zhes pa ni dge slong pa la dge slong mas phu dud bya ba dang dge slong phas dge slong ma la mdong sol bya ba'i thabs 'di dag ltar gyis shig pa'o//bla mar gyur pa la sdol bar gtogs pa'o// // 'khrug pa la g.yel ba'i ltung ba gang zhe na/ nus pa tsam gyi tshod la dge slong ma'i 'thab mo zhi bar ma byas na'o zhes pa yin te dge slong ma rtsod cing 'thab pa bdag gis zhi bar nus la ma gcugs shing zhi bar ma byas na ltung bar 'gyur ba'o//'khrugs pa la g.yel ba'o// // gros la bzhad gad du byed pa'i ltung ba gang zhe na/ dad pa'i sman ma 'bul na'o zhes pa yin te sbom mo dga' ldan lta bu snga de nyin bar gyi dad pa der zad do zhes zer zhing dad pa'i sman mi 'bul bar byed na ltung bar 'gyur ba'o//gros la bzhad gad byed pa'o/ /lci ba'i chos nyams pa'i ltung ba gsum ston pa'i zla la de dang 'dra ba'i ltung ba gcig kyang ston te de la lci ba'i chos nyams pa'i ltung ba dang po gang zhe na/ zla ba phyed phyed cing dge slong pha las lung dang rjes su bstan pa myong bar mi byed na'o zhes pa yin te zla ba phyed phyed cing dge slong pha las bsam gtan gyi lung dang bya ba dang mi bya ba la sogs pa'i gdams pa mi mnyan na ltung bar 'gyur ba'o//dge slong pha med par gso sbyin byed na'o zhes pa 'di ni de dang 'dra ba zla la bstan pa yin te dge slong pha las gos sbyin gyi dad pa ma mnos par gso sbyin byed na dge slong pha med par gso sbyin byed ces bya ba yin te ltung bar 'gyur ba'o//gnyis pa gang zhe na/ dge slong pha med pa'i gnas su dbyar tshul du 'jug na'o zhes pa yin te dge slong thams cad med pa'ang yod du zin kyang gso sbyin dang gsol ba la sogs pa'i las mi byed par tshul du zhugs na ltung bar 'gyur ba'o//gsum pa gang zhe na/ dbyar lon pa dge 'dun gnyis las gnas gsum gyis mi 'byung na'o zhes pa yin te tshul nas 'byung kar mthong ba dang dogs pa'i gnas gsum bdag gi skabs phyes dge 'dun sde gnyis kyis gleng du gsol zhes skabs ma phye na ltung bar 'gyur ba'o//lci ba'i chos las 'da' bar gtogs pa'o// // pha rol phung bar byed pa'i ltung ba gsum yod pa'i dang po gang zhe na/ dbul po gtan pa sbyor du bcug na'o zhes pa yin te dge 'dun gyi gtan pa'i chos gos mi dbul zhing gzhi ngan pa sbyor du bcug na ltung bar 'gyur ba'o//gnyis pa gang zhe na/ bag yangs pa'i phyir gtan pa dbyung zhing 'du ba mi ster na'o zhes pa yin te/ dge slong ma chom rkun gyis thebs pa gos med pa lta bu la sogs pa'i phyir gtan pa dbyung ba'i las byed pa'i tshe 'dur mi btub pa'i dad pa mi ster na ltung bar 'gyur ba'o//gsum pa gang zhe na/ gos 'god pa'i phyir yang ngo zhes pa yin te dge 'dun gyi gos 'god pa'i tshe yang 'dur mi btub pa 'am dad pa mi ster na ltung bar 'gyur ba'o//'di ni dper zad kyi gzhan yang rnyed pa 'god pa'o cog na'ang 'di ltar byed na ltung bar 'gyur ba'o/ /de len mi 'dod na byas pa ma yin zhes pa ni gos la sogs pa'i bgo skal mi 'dod na ni gong ma lta bu'i ltung bar yang mi 'gyur ba'o/ /pha rol phung bar byed par gtogs pa'o//dbyar mo thang mi phyug par byed pa'i ltung ba gang zhe na/ dbyar mo thang ma gtad par song na'o zhes pa yin te bdag dbyar mo thang de'i gzhi la mi 'dug par gud du 'gro ba'i tshe gnas khang dang de'i yo byad rnams dge slong ma med na yang dge tshul yan chad la ma gtad par thal byung du langs te song na ltung bar 'gyur ba'o//ji tsam du song bas she na/ nye spyod btang na'o zhes pa yin te dbyar mo thang gi go re long gi gnas btang ste song na ltung bar 'gyur ba'o/ /dbyar mo thang glar mi sbyin zhes pa ni dbyar mo thang gi khyim pa la glar ma gtod shig pa ste/'di dang 'og nas 'byung ba rnams ni phran tshegs las 'byung bar ston pa'o/ /khyim gyi dngos po dang tshong khang gi dngos po yang ma yin zhes pa ni gtsug lag khang 'khor gyi khyim dang gtsug lag khang gi gtsang khang glar btang yang nyes byas su ston pa'o/ /dbyar mo thang mi phyug par byed par gtogs pa'o// // rgyu ba dang mi rgyu bar gtogs pa'i ltung ba bzhi yod pa la dang po gang zhe na/ dbyar ni khongs su ljongs rgyu ba spyod na'o zhes pa yin te dbyar tshul du zhugs pa'i tshe don gyi phyir zhag bdun byin gyis brlabs pa lta bu ma gtogs pa yul rgyu zhing gud du song na ltung bar 'gyur ro// bar chad nye bar 'ongs pa ni nyes med ces pa ni bar chad brgyad las gang yang rung ba'i rkyen gyis thebs te song ba ni nyes med par ston/ gnyis pa ni dbyar lon nas de mi spyod na'o zhes pa yin te dbyar tshul na gnas ba'i zla ba grangs tshang nas gud du mi 'gro bar gzhi la 'dug na ltung bar 'gyur ba'o//'di'ang rkyen dang ni sbyor ro/ /gsum pa gang zhe na/ rgyal po'i pho brang 'khor gyis dogs spyod na'o zhes pa yin te rgyal po gzhan gyi 'khor dang dpung gis 'jigs bzhin du thug thub du byas te song na ltung ba'o zhes pa ni 'dum ba'i tshe yang ngo zhes pa ni rgyal po gnyis pa dum byas nas phan tshun gyi mi yul 'khor du 'dul zhing 'ongs na sod cig ces nang khrims su bcas pa yod bzhin du der song na'ang ltung ba'o//rgyu ba dang mi rgyu bar gtogs pa'o// // smra bar gtogs pa'i ltung ba gnyis yod pa la dang po gang zhe na/ lha khang la sogs pa dang mu stegs pa'i gnas su song nas 'gyed par byed na'o zhes pa yin te mu stegs pa'i lha khang dang rgyal po'i pho brang dang mu stegs pa'i gnas su song la 'gyed pa lta bu'i rtsod pa chen po byed na ltung bar 'gyur ba'o//gnyis pa ni dri ba'i skabs ma phye bar 'dri na'o zhes pa yin te 'dri ba'i thabs 'og nas 'byung ba lta bu ma byas par 'drin ltung bar 'gyur ba'o//'dri ba'i thabs ji ltar bya zhe na/ stan bting la kun dga' bar byas nas gzhung la brtson ba dri ste skabs gsol zhes pa yin te sten la bzhag cing gsol ba la sogs pa'i tshul je byas nas sde snod gsum gyi gzhung gang la brtson pa dris la de'i 'og tu bdag ji 'dod pa dri ba'i skabs gsol cig pa'o//smra bar gtogs pa'o// // bshang gcir gtogs pa'i ltung pa gsum yod pa la dang po gang zhe na/ phyi rol gyi ras gcig pu 'gro ba'o zhes pa yin te 'di ni dbyar mo thang gi phyi ra'i phyi rol du 'dug la gcig pu grogs med par song na ltung ba'o//gnyis pa ni sngon po la bshang gci 'dor na'o zhes pa yin no/ /nad pa ni nyes med ces pa dang thams cad sngon pos khebs na yang ngo zhes pa ni nad pa lta bu dang thams cad sngon pos khebs na sngon po'i steng du bshang gci byas kyang bla bar ston pa'o//gsum pa gang zhe na/ phyi ra'i byang stad ma brtags na'o zhes pa yin te bshang gci 'dor ba'i byang stad du ma bltas par bshang gci byas na ltung ba'o/ /phyi ra pu shus bskor ba ni nyes med ces pa ni phyi rol gyi byang stad du bltar bu shus bskor ba zhig na ma bltas kyang bla bar ston pa'o//mi gtsang bar rdo mi 'phang zhes pa ni 'phags pa 'od srungs la sbom mo dga' ldan mas chal pas gtor ba lta bur mi gtsang ba'i nang du rdo 'phen cing gzhan la chal pa 'thor bas 'tshe ba ma byed cig pa'o/ /bshang gcir gtogs pa'o//ltung ba nyi tshe rdzogs so// //so sor bshags pa bcu gcig la 'o ma'i bshags pa gang zhe na/ gzhan gyi khyim nas bdag gi phyir 'o ma blangs te 'thungs na'o zhes pa yin te bdag gi phyir 'o ma bslangs te 'thungs na nyes med bar 'gyur ba'o/ /rtag par yang de lta'am zhe na/nad pa ma yin pas na'o zhes pa yin te nad pa ma yin bas bslangs na gdod nyes par 'gyur ba'o/ /slong ba ni nyes byas zhes pa ni dang po slong ba'i tshe nyes byas su ston pa'o/ /so sor bshags pa dgu cig car du ston pa ni/ zho mar sar 'bru mar sbrang rtsi bu ram sha nya sha skam rnams kyang ngo zhes pa yin te ming gis smos pa 'di dgu zos na ltung ba re rer ston pa'o//gzhan bslang la gzhan rnyed pa ni mi 'bri zhes pa ni gong du smos pa'i bsod pa bcu bslangs pa dang rnyed pa tha dad du zin gyis kyang ltung ba 'dra bar ston pa'o/ /ngan pa yang ngo zhes pa ni bsod pa bslangs la ngan pa rnyed na yang mi 'bri bar ston pa'o//der gtogs pa rnyed na yang ngo zhes pa ni ngan pa bslangs la bzang po rnyed na yang mi 'bri bar ston pa'o/ /'di gnyis slong ba'i tshe cir 'gyur zhe na/ de ni nyes byas zhes pa yin no/ /sbyin bar gnyen ma yin la khyim pa yin ba dang ci bder gnyen ma yin zhes pa la sogs pa gzhan ni bsod pa'i ltung ba gong du smos pa las 'byung ba bzhin du rig par gyis shig pa'o// bcu gcig pa gang zhe na/ seng ge'i zhes pa yin te khyim bdag seng ge'i sde dpon las sdom pa bcas pa'i ltung ba bzhi rig par gyis shig pa'o/ /so sor bshags pa'o// //da ni mang po bslab pa rnams las thun mong ba ma yin pa'i bslab pa ston pa ni/ sham thabs sta zur gyi thad kar mi bgo zhes pa dang / chags pa khyim pa'i der mi 'gro zhes pa yin te sham thabs kyi khyed ma ma 'da' ma shig pa dang sul chags pa'i khyim du ma 'gro shig ba'o/ / dge slong pha'i 'o zhes pa ni khyim pa'i stan la lus kyi ljid kyis mi 'dug ces pa dang rtswa sngon po'i phyogs su bshang gci mi bya zhes pa gnyis ma gtogs pa'i lhag ma gzhan thams cad thun mong du rig par gyis shig pa'o/ /bslab pa rnams so/ /dge slong ma'i rnam par 'byed pa'i mdo rdzogs so// //zhus pa las ltung ba so sor nges pa'i mtshan nyid dang ltung ba kun tu 'gro ba spyi'i mtshan nyid do zhes 'byung ba na so so'i nges pa'i ltung ba ni phas pham pa la sogs pa gong du rnam par phye ste bstan pa rnams so/ /thams cad 'gro ba spyi'i mtshan nyid ni phal cher rnam par 'byed pa las 'byung ba rgyas par smra ba 'dir bsdus te ston pa yin no// de la zhig pa dang ma skyes pa nyes pa dang ldan pa ni nyes byas so zhes pa ni dge slong gi ngo bo zhig cing slar bcos su med de tshe 'di la phal cher 'phags pa'i lam mi skye zhing rnam par grol ba las 'byung ste nyon mongs pa'i phyogs rgyal bas na phas pham ba zhes bya ste zhig pa dang rkyen gyis bskal pas na dge tshul dang dge slong gi ngo bo ma skyes pa gnyis kyis phas pham pa la sogs pa nyes pa dang ldan bar gyur pa ni nyes byas su gzhag go/ci'i phyir de lta zhe na/ zhig kyang bsnyen par rdzogs pa yin bas nyes pa rnams dge slong gzhan dang 'dra bar 'gyur ba'i rigs pa nyams pa'i phyi rangs pa ma yin bar dgar ba dang sdom pa dang po nas ma skyes pa la go nyes byas dang ldan ba bsgrub tu'ang mi rung ba 'dra mod kyi rab tu byung bar khas blangs shing khyim pa'i mtshan ma btang bas na sdom pa yod pa yang ma yin sdom pa med pa yang ma yin ba'i phyir nyes byas su gzugs pa rnam gnyis kyis bsgrub bo//ma skyes pas nyes pa yang nyes byas su bsgrubs na khyim pa lta bu sdom pa thog ma nas skyes pas nyes pa yang nyes byas su ci'i phyir mi sgrub ce na/ khyim pas rab tu 'byung bar khas blangs pa'i phyir ro/ /'o na mtshan nyid kyis blangs te rab tu 'byung ba khas blangs pa'i nyes pa yang nyes su 'gyur ba'i rigs so zhes pa'i lan du da ni bdag bsnyen par rdzogs pa'am rab tu byung ba nyid yin no bar khas mi 'che ba'i rigs so//de ste khas 'che na yang sdom pa yod par yang mi rung sdom pa med par yang mi rung bar du 'byung ba ma yin gyi/bsod nams ma yin pa phal cher 'phel lo zhes bya ba'i nang du gtogs pa'i phyir ro/ /zhig pa dang ma skyes pas nyes pa nyes byas su gdags pa ni gzhung las kyang rkun bur gnas pa dang thog nas bskrad pa dang / ma ning dang dge slong ma bslus pa rnams kyis nyes byas su 'gyur ro zhes 'byung ngo //bsnyen par ma rdzogs pa'i rab tu byung bas mnos pa la 'das pa yang ngo zhes pa bsnyen par ma rdzogs pa'i rab tu byung ba dge tshul dang dge tshul ma dang dge slong ma nyid kyis bslab pa las 'das pa yang nyes byas su 'gyur bar ston pa'o/ / nyid kyis mnos pa las 'das pa ni de ltar yin na de'i phyogs su gtogs pa las 'das pa cir 'gyur zhe na/ de'i phyogs ni yid kyi'o zhes pa yin te de dag gi srog gcod pa la sogs pa dngos su mnos pa ni ma yin gyi de 'dra ba'i phyogs su gtogs pa rnams las 'das pa ni yid kyis mi bya bar dam bcas pa las slon ba'i nyes byas su ston pa'o//de la de'i phyogs dang phyogs ma yin pa gang zhe na/ 'chang ba 'brel ba me la reg pa dang / /btang nas za dang sa bon 'joms pa dang / /sngon po'i phyogs su mi gtsang 'dor ba dang / /shing la 'dzeg pa rnams ni dge slob ma'i/ /dge tshul gnyis kyang rin chen reg pa dang //bzhag pa zos dang byin len ma byas pa/ /sa dang skye ba nyams par byed pa dang / /mdor gtogs mnos pa dag rnams ma gtogs pa'o/ /dbyar tshe lhan cig gnas pa dang / /gso sbyin 'byung ba cig car ba/ /'di dag la sogs de yis gnos pa'i phyogs//mtshan ma dang ni slong ba dang / /snod dang spyod dang 'phyo ba dang / /'dod dang gnod dang gnas pa dang / /mi gus mi sbyong rnams kyi dngos/ /zhes 'byung ba rnams yin no/ /de la bsdus pa'i tshigs bcad de 'grel te bcang zhes pa ni lhag pa'i gos dang lhung bzed bcang ba'o//'brel zhes pa ni chos gos so/ /me la reg ces pa ni dngos btang nas za zhes pa ni mi bza' bar chad de btang ba las yang slar za na'o/ /sa bon 'joms zhes pa ni rung ba'i cho ga ma byas pa'i sa bon dang shing thog la sogs 'joms pa'o/ /sngon po'i phyogs su mi gtsang ba 'dor zhes pa ni dngos so// shing la 'jog ces pa ni mi gang las lhag pa 'dzeg pa'o/ /dge slob ma'i zhes pa ni gong du smos pa de dag dge slob ma'i bslab pa ma yin bar ston pa'o/ /dge tshul gnyis kyang zhes pa ni gong du smos pa de dag dge tshul gnyis kyi bslab pa la yang ma gtogs pa'o//de gnyis kyi bslab pa la ma gtogs pa der yang ma zad pa ni rin chen reg ces pa la sogs pa yin no/ /bzhag pa za zhes pa ni bzhag pa'i zas su gyur pa la bya'o/ /byin len ma byas zhes pa ni byin len ma byas par za'o / /sa zhes pa ni sa brko ba'o/ /skye ba nyams par byed ces pa ni shing la sogs pa gcod pa'o//mdor gtogs pa mnos pa zhes pa ni dge slong dang dge slong ma'i so sor thar pa'i mdor gtogs pa srog mi gcod pa la sogs pa de dag gis mnos pa'o/ /ma gtogs zhes pa ni 'chang ba nas mnos zhes pa 'di yan chad kyi bar du smos pa rnams dge slob ma dang dge tshul gnyis kyi bslab pa'i phyogs la ma gtogs par ston pa'o//dbyar tshe lhan cig nas zhes pa ni dbyar zla ba gsum gnas gcig na lhan cig tu 'khod na'o/ /gso sbyin dang 'byung ba cig car zhes pa ni gso sbyin dang tshul nas byung ba yang cig car bya ba'o/ / 'di dag la sogs pa mnos pa'i phyogs zhes pa ni dbyar lhan cig tu gnas la sogs pa ni mnos pa'i phyogs yin par ston pa'o/ /de la sogs pa zhes pa'i khongs su ni mtshan ma la sogs pa 'og nas 'byung ba rnams sdud de/ de la mtshan ma zhes pa ni rab tu byung ba'i mtshan ma blang ngo zhes pa yin te/khyim pa'i mtshan ma dang mu stegs pa'i mtshan ma blangs na mtshan ma blangs pa de nyid las nyams pa ste/ bshags pa'i nyes byas su 'gyur ro/ /rnga bal lta bu la sogs pa mi rung ba dang / gso kyi tshad lhag chad du gyur pa dang / sen mo ma gnang ba'i dbyibs su gcod pa dang /skra chan pas 'dreg pa la sogs pa ni de'i phyogs su gtogs pa las nyams pa ste/ yid kyi bshags pa'o/ /lhung bzed zangs la sogs pa las byas pa dang / tshad che chung du gyur pa dang / kha dog skya ba la sogs pa yang de'i phyogs las nyams pa'o/ / slong ba dang snod ces pa ni gnyen ma yin pa las so/ / gos slong ba dang ba so la sogs pa la khab ral byed pa yang / gser dngul len pa'i phyogs so/ /spyod pa zhes pa ni chang 'thung ba dang dus ma yin bar za ba spyod pa de/ de'i phyogs su gtogs pa ni sgog btsong la sogs pa za ba'o//'phyo ba zhes pa ni glu gar la sogs pa byed pa ste/ de phyogs su gtogs pa ni rgyug cing mchong ba dang chur rtse ba la sogs pa'o/ /'dod pa zhes pa ni mi tshangs par spyod pa ste de'i phyogs su gtogs pa'i 'byin pa dang reg pa dang smye tshig la sogs pa'o//khyim rtsig pa'ang de'i phyogs so/ /gnod pa'i dngos zhes pa ni/ dbyen la 'jug pa gsum dang skur ba dang / /tshig rtsub po la sogs pa'o/ /gnas zhes pa ni dge 'dun gyis spangs pa dang lhan cig tu gnas na chos la ma gus pa dang / dge 'dun la ma gus pa ste/ skyabs su song ba dang 'gal pa'o/ /khyim pa'am mu stegs dang lhan cig tu gnas na/ ma chags pa dang 'gal ba'i phyir sdom pa thams cad dang 'bral ba'i phyogs so/ /mtshan tha dad pa dang lhan cig gnas na mi tshangs par spyod pa'i phyogs so ma gus zhes pa ni sangs rgyas dang dkon mchog gsum la ma gus na sdom pa 'jig pa'i phyogs so//gnas kyi slob dpon la ma gus na gnas med pas tshangs pa mtshungs par spyod pa dang / chos dang zang zing gi longs spyod du med pa'i phyir sdom pa thams cad 'jig pa'i phyogs so/ /mkhan po la ma gus na/ dang por mkhan por khas blangs pa'i phyogs 'jig go//gnas la ma gtogs pa'i tshangs pa mtshungs par spyod pa gzhan la ma gus na/ yang gnas kyi slob dpon la ma gus ba bzhin no/ /mi sbyong ba zhes pa ni gso sbyin dang tshul nas 'byung ba mi byed cing gnas med par 'dug pa ste/ bdag gi tshul khrims mi sbyong bas na sdom pa thams cad 'jig pa'i phyogs so//dngos zhes pa ni rgyu lta bu ste/ mtshan ma man chad gong du smos pa lan re re dang sbyar ba'o/ /bslab pa byin 'dra'o zhes pa ni bslab pa byin pa de dge slong phal dang 'dra bas na mi tshangs par spyod dam/ dbyen la sogs pa byed na pham pa dang lhag ma la sogs pa ltung ba sde lnga'i rim pa bzhin du nyes par 'gyur ba'o//rdeg pa sdig pa dang the tshom skur pa dang 'byin pa la sogs pa dge slong la byas na ltung bar 'gyur ba bzhin du bslab pa byin pa la byas na yang ltung bar 'gyur ba'o/ /de bzhin du bslab pa byin ma yang dge slong ma dang 'dra'o//rnam pa thams cad kyis kyang des dge slong tha mal pa dang mtshungs sam zhe na/ bsnyen par ma rdzogs pa bzhin pa yang ngo zhes pa yin te dge slong gzhan gyi thad na ni bsnyen par ma rdzogs pa bzhin te/ byin len dang lhan cig tu nyal ba cig car du klog pa dang / gnas ngan len dang /bla ma'i chos snyod pa rnams bsnyen par ma rdzogs pa las ltung bar 'gyur ba bzhin du bslab pa byin pa las kyang ltung bar 'gyur ro/ /bslab pa byin pas thug thub du blangs pa dang bzhag pa la sogs pa'i nyes pa ni dge slong tha mal pa'i nyes par mi 'gyur ba'i phyir ro/ /der ma yin zhes pa ni rus gcig pa rnams kyi thad kar bsnyen par ma rdzogs pa dang 'dra ba ma yin par ston pa ste/zhus pa las kyang dge slong gis bzhag pa ni rgyu gsum las 'gyur te/ bdag gis bzhag pa dang / dge slong gis bzhag pa dang / dge 'dun gyis bzhag pa'o/ / dge slong ma'i yang de bzhin/ bslab ba byin ba'i bzhag pa ni bzhi ste/ bdag gis bzhag pa dang bslab pa byin pas bzhag pa dang dge slong dang dge 'dun gyis bzhag pa dang bzhi'o zhes 'byung ba'i phyir ro/ /dge slong ma las kyang ngo zhes pa ni slob pa'i thad kar yang bslab pa byin ma de bsnyen par ma rdzogs pa dang 'dra ba ma yin te zhus pa las kyang dge slob ma'i bzhag pa ni lnga ste/bdag gis bzhag pa dang dge slong ma dang bslab pa byin ma dang dge slong ma dang dge 'dun gyis bzhag pa'o zhes 'byung ba'i phyir ro/ /'gro ba gzhan gyi tshul du byas pa ni dge slong gi 'du shes rnyed na'o zhes pa ni dge slong gis byol song la sogs pa 'gro ba gzhan gyi rgyud du sprul te mi tshangs par spyod pa la sogs pa bslab pa las 'da' ba spyod pa na bdag dge slong yin ba'i 'du shes yod na mi tshangs par spyod pa la sogs pa gang byas pa bzhin du nyes par 'gyur ba'o// ma rnyed na 'bri zhes pa ni de ltar sprul pa'i tshe dge slong du 'du shes med na nyes pa na res 'bri bar ston pa'o/ /tshig snga ma'i sbyor ba yang ngo zhes pa ni khyim pa'i tshe ma byin bar len pa'i sbyor ba byas la rab tu byung ba'i tshe rkus na nyes byas su 'gyur ba dang / dge tshul gyi tshe rku ba la sogs pa'i sbyor ba byas la bsnyen par rdzogs pa'i tshe/rkur btang bas brkus na 'bri ba'i phyir sbom por 'gyur ba lta bur ston pa'o/ /mchog kyang de bzhin zhes pa ni bsnyen par rdzogs pa'i tshe rkun lag la sogs pa'i sbyor ba byas nas dge tshul dang khyim par babs pa'i tshe yang gong ma bzhin du dge slong gi sbyor ba sbom po dang dge tshul du babs pa'i nyes byas dang khyim pa'i nyes med par ston pa'o//rdzas kyang bkag pa'o zhes pa ni ma gnang zhing bkag pa'i rdzas las na gcig gis spar te byas pa lta bu yang ma gnang bar bkag pa nyid dang 'dra ba ste/ bal nag po dang srin bal du bsres nas stan byas na bal nag po las byas pa'i ltung bar 'gyur ba lta bu'o//mtshungs pa yang ngo zhes pa ni gang ma gnang ba'i rdzas las lhag pa dang 'dra zhing rin thang mnyam pa dang bsres na yang gong ma bzhin du ma gnang bar bkag pa dang nyes pa 'dra bar ston pa ste/ srin bal dang 'dra ba pa tu rna dang du gu la la sogs pa dang bal nag por bsres pa lta bu'o//mtshan gyur pa ni de'i zhing ngo zhes pa ni pho mos su mtshan gyur na gar gyur pa de'i gzhi las nyes pa lci yang du brtsi bar ston pa ste/ dge slong 'byin pa'i lhag ma byed par sbyor ba'i tshe dge slong mar gyur na ltung bar 'gyur ba dang dge slong mas lus 'dor bar sbyor ba'i tshe dge slong phar gyur na sbom por 'gyur ba lta bu'o//srog gcod pa la sogs pa bslab pa thun mong ba ni mtshan gyur kyang nyes pa rangs pa'i so na'o/ /ha cang thul ba de 'grel ba ni/ gang sbyor ba ni 'bri ba'i don to zhes pa yin te mtshan ma gyur pa'i tshe nyes pa chung dur sbyor ba byed pa'i mod la mtshan gyur na nyes pa chung dur sbyor ba de'i so na 'dug pa sbyar gyi mtshan gyur pa'i phyir nyes pa lhag par mi sbyor te/dge slong gnyis khri gcig la mthangs sprad cing nyal nyal ba las mtshan gyur na nyes byas kyi so na bzhag gi / dge slong ma'i ltung ba mi sbyor ro//byas pa ni de'i don nyid do zhes pa ni mtshan ma gyur pa'i tshe kha na ma tho ba'i nyes pa byas pa las mtshan gyur na nyes pa de nyid kyi so na gnas mod kyi ming gis ris pa gzhan du 'gyur te/ dge slong ma reg pa'i pham pa byung ba las mtshan gyur na dge slong pha skyes pa gzhan la reg pa'i sbom por gyur pa dang da dge slong ma lus bor ba'i pham pa byung ba las mtshan gyur na mi tshangs par spyod pa'i sbom por 'gyur ba dang /bcabs pa'i pham pa byung ba las dge slong phar gyur na mtshan tha dad pa'i nyes pa bcabs pa'i nyes byas su 'gyur ba dang / bzlog pa'i pham pa byas nas dge slong phar gyur na bkar ba'i rjes su phyogs pa'i ltung bar 'gyur ba dang /dge slong ma phas pham ba'i sbyor ba'i sbom po rnams kyang de bzhin du mtshan gyur na nyes byas su 'gyur ba dang dge slong pha 'byin pa'i lhag ma byung nas dge slong mar gyur na ltung bar 'gyur ba dang /dge slong mas cung zad blangs pa'i lhag ma byung nas dge slong phar gyur na nyes byas su 'gyur ba la sogs pa'o/ /de'i 'grel pa ni/ 'bri ba ni nyid do zhes pa yin te mtshan gzhan gyi tshe nyes pa chung ngu byas pa mtshan gyur na de las lhag par mi sbyar gyi de nyid kyi so na 'dug pa ste/ dge slong mas khu ba phyung ba'i 'og tu dge slong phar gyur na/dge slong pha'i lhag mar mi sbyar gyi/ dge slong ma'i ltung ba de nyid kyi so na bzhag pa ston pa'o/ /ci'i phyir de ltar zhe na rten tha dad pa'i phyir bsam pa'ang tha dad bsam pa tha dad pa'i phyir nyes pa'ang tha dad de/ dge slong ma'i rten dang bsam pa dang nyes pa dang de dge slong pha'i rten dang bsam pa dang nyes par mi sbyar ba'i phyir ro//zhag bcu ma tshang ba'i shas so zhes pa ni dge slong pha lhag pa'i lhung bzed bsrel ba zhag bcu ma tshang ba'i skabs su mtshan gyur na nyin zhag gcig cig bcang ba'i shas sam char gtogs par ston pa'o//'jig pa ni zhing ma yin na'o zhes pa ni zhing ma yin na mtshan tha dad pa'i tshe nyes pa byas pa rnams yal zhing 'jig par ston pa ste/ dge slong ma'i tshe gnang ba ma thob par 'khor bcangs pa dang bslab pa ma byin par bsnyen par rdzogs pa dang / bslab pa ma bslabs par bsnyen par rdzogs par byas pa dang /sham thabs sta zur gyi thad kar bgos pa la sogs pa'i nyes pa byas pa las dge slong phar gyur na nyes pa 'di dag gi zhing ma yin ba'i phyir/ sngon gyi nyes pa de dag 'jig cing med pa dang dge slong pha kun spyod pa sdog pa'i lhag ma byung nas dge slong mar gyur na de'i zhing ma yin ba'i phyir nyes pa de 'jig cing yal bar gyur ba lta bu'o//bcabs pa'i nyes pa'ang des mi slon pa ma yin zhes pa ni bcabs pa'i nyes pa'ang zhing ma yin na 'jig par mi 'gyur ba ma yin te/ dge slong mas lhag ma bcabs pa las/ dge slong mar gyur na bcabs pa'i nyes pa de zhing ma yin bar zad pa'i phyir 'jig pa lta bu dang /dge slong mas cung zad blangs pa'i lhag ma byung nas bcabs pa yang dge slong phar gyur na de'i zhing ma yin ba'i phyir bcabs pa'i nyes pa 'jig par 'gyur ba lta bu'o/ /mgu ba spyod pa ni don med do zhes pa ni mtshan tha dad pa'i mgu ba spyod spyod pa las mtshan gyur na mtshan tha dad cing mgu ba'i zhag grangs mi 'dra ba'i phyir sngon spyod spyod pa'i mgu ba de spang ba dbul zhing gdod gzhi nas bslang dgos par ston pa'o//ci'i phyir de lta zhe na/ 'di'i cho ga gyur pa'i phyir ro zhes pa yin te mtshan tha dad pa'i tshul dang /cho ga gzhan du gyur cing rjes pas na dge slong pha las gyur na ni zhag bco lnga'i bar du dge 'dun sde gnyis la mgu ba bye / dge slong ma las gyur na ni zhag drug gi bar du dge slong pha'i dge 'dun mgu bar bya dgos pa'i phyir ro/ /de'i tshe nyid bas byed ces pa ni gsod pa la sogs pa nyes pa byed pa'i tshe dngos nyid gang yin ba las nyes pa'i dmigs su 'gyur bar ston pa ste/dgra bcom pa yin ba'i tshe gsad par bshags la dgra bcom pa'i tshe bsad na/ nam bsad pa'i tshe dgra bcom pa nyid yin pas/ phas pham ba dang /mtshams med pa gnyi gar 'gyur ba dang / dgra ma bcom pa'i tshe mtshon gyis bsnun ba'i 'og tu dgra bcom bar gyur te shin nam bsnun ba'i tshe dgra bcom ba ma yin bas phas pham bar zad kyi mtshams med par mi 'gyur ba dang / skyes pa la reg par brtsams pa dang /de bud med du gyur pa la reg pa'i lhag mar 'gyur ba dang / de bzhin du bud med la reg par brtsal ba las skyes par gyur pa la reg na reg pa'i sbom por 'gyur ba dang / bud med la reg par brtsal ba las bdag nyid mtshan gyur te reg na reg pa phas pham pa'i sbom por 'gyur ba dang / dge slong mas reg bar brtsal ba las bdag nyid skyes par gyur te/ reg na reg pa dge 'dun lhag ma'i sbom por 'gyur ba dang / dge slong mas reg par brtsal ba las de nyid mtshan gyur pa reg pa phas pham pa'i sbom por 'gyur ba dang / dge slong la rdeg par byas pa las bud med du gyur pa las bsnun na nyes byas su 'gyur ba lta bu la sogs par ston pa'o//gzhan las skyes pa nyid kyi rgyud ma yin pa ma yin zhes pa ni pham lam rgyud lnga pa gang yin du zin kyang dngos nyid de'i rgyud dang mi sbyar du mi rung bar ston te/ pha ma byol song las btsas pa'i mi bsad dam/ de'i nor brkus na mi'i rgyud ma yin ba ma yin te/phas pham par 'gyur ba dang / pha ma mi las skyes pa'i byol song ngam mi ma yin pa zhig na yang de bsad cing de'i nor brkus pa sbom po dang / ltung bar 'gyur ba lta bu la sogs pa lam rgyud lnga kun 'di bzhin du bsnol bar bya'o/ /'gro ba gzhan gyi tshul du rdzus kyang bsad na'o zhes pa ni mi las 'gro ba gzhan gyi gzugs su sprul kyang bsad na pham par 'gyur ba/mi las byol song gi gzugs su sprul ba'am mi ma yin du sprul pa bsad na pham par 'gyur ba'o/ /de bzhin du byol song dang mi ma yin ba las mir sprul pa bsad na sbyor ba'i tshe 'du shes kyi dbang gis sbom por 'gyur ba dang /bsad pa'i tshe sbom po dang ltung bar 'gyur ba lta bu ste/ mi ngo nor ba ni rgyud gzhan yin bas nor ba btsan gyi 'di ni rgyud gcig las gzugs sprul pa tsam du zad pas na mi'i 'du shes yod kyang rung med kyang rung ste rtsa ba'i nyes par 'gyur ro/ / dper na dge slong su ta ya na'i gtam rgyud dang 'dra'o/ /gnas gzhan du 'grub kyang gzhan ma yin zhes pa ni mi tha mal pa'i tshe bsad par bshams pa las rgyun tu zhugs pa la sogs pa dgra bcom pa'i gnas gzhan du grub pa bsad na gzhan du gyur cing rjes pa'i phyir mi pham du re ba sel bar ston pa ste/de ltar gnas gyur du zin gyis kyang rgyud gcig pa'i phyir phas pham par 'gyur ba'o/ /khrin de la ma gtogs par gyur ba ni chad do zhes pa ni nyes pa'i khrin de la ma gtogs par gzhan du gyur cing 'phos na nyes khrin gyi dmigs de yal zhing chad par ston pa ste/ dngos su ni dge slong gcig gis lo drug ma lon bar gding ba brtsams pa las babs te slar zhugs pa'am dge slong mas 'di ltar brtsams pa'i 'og tu dge slong phar mtshan gyur na sngon gyi nyes pa de la ma gtogs par gyur pa'i phyir sngon gyi nyes pa de ni chad de med kyi gdod rtsom pa'i tshul dang sbyor ba ston pa'o//btang ba yang ngo zhes pa ni gong ma lta bur gding ba'am khang pa brtsams pa las mi bya bar chad de btang ba las yang de'i 'phro nas bzung ste rtsom na sngon gyi nyes pa dang mi sbyor gyi phyis nam rtsom pa de nyid kyi sbyor ba las 'grer bar ston pa'o/ /dngos po gcig las bcas pa du ma pa ni de nyid du nyes pa'o zhes pa ni dngos po gcig las bcas pa du ma 'dom na bcas pa'i grangs du yod pa bzhin nyes par 'gyur bar ston pa ste bsnyen par ma rdzogs pa yang yin la bkar ba yang yin ba dang /nub gsum du nyal na bsnyen bar ma rdzogs pa dang / bkar ba bcar ba gnyi ga'i ltung bar 'gyur ba dang /bsnyen par ma rdzogs pa dang nub gnyis nyal la gsum pa'i nub mo bud med dang khyim gcig tu nyal na bsnyen par ma rdzogs pa dang / nub gsum du nyal ba dang / bud med dang nub gcig rangs par nyal ba gnyi ga'i ltung bar 'gyur ba dang / skyon nas 'bod pa lta bu dngos nyid de lta bu ma yin na shes bzhin dang skyon nas 'bod pa gnyi ga'i ltung bar 'gyur ba lta bu la sogs pa'o//de'i bag ni der gtogs pa'o zhes pa ni nyes pa rnams so so'i rigs rigs su bsdu zhing bag bag la glon bar ston pa ste mi tshangs par spyod pa'i nyes pa lci ba gcig gis 'khor du 'byin pa dang / reg pa dang / smye tshig dang kun spyod du sngogs pa dang / smyan dang gnyen ma yin pa'i dge slong ma la gos rnying pa 'khrur bcug pa dang de las gos len pa dang / de la rmel du bcug pa dang / rig pa'i skyes pa med par tshig lnga 'am drug las lhag par 'chad pa dang / ma bskos pa la sogs par ston pa bcu dang smyan gnas na 'greng zhing 'dug pa dang gcer bu ma la byin pa dang /khyim gcig tu nyal ba dang / skyes pa med par lhan cig lam du 'grogs pa dang / dus ma yin par grong du 'jug pa dang / gnyen ma yin ba'i dge slong las grong bar du zas len cing za ba dang / dge slong mas shom du bcug pa dang /shin tu bsdams te grong du 'gro zhes pa nas/ stan la ma gnyar bar 'dug ces pa la sogs pa 'di dag bsdu bar ston pa'o/ /ma byin bar len pa'i bag tu gtogs pa ni ma bstabs pa'i stan la 'dug pa dang / byin nas thug thub tu spyod pa dang / bsngo ba dang / 'byin pa dang / sbed pa dang / rkun po dang 'grogs pa rnams so/ /mi gsod pa'i bag tu gtogs pa ni rtsod pa'i dngos po mi gtong ba dang / sa bon dang skye ba 'joms pa dang / 'tshe ba dang / lus kyis nyal zhing gnon pa dang / khri rkang pa 'byung bla ba la 'dug pa dang / srog chags dang bcas pa'i chu spyod pa dang /g.yul myong bar byed pa dang / 'jog pa dang / gzas pa dang / zan gcod pa dang / byol song gsod pa dang / the tshom skur ba dang / ga ga tshil byed pa dang / bsdigs pa dang / rko ba rnams so/ /mi las bla ma'i chos smra ba'i bag tu gtogs pa ni skur pa dang 'dod pa la sogs pa 'gro'o zhes zer zhing gshes pa'i kha bsdus shing bdag gir bsngos zhes zer ba dang /dpyas dang gzhogs dpyas byed pa dang / dge 'dun gyi dbyen dang brdzun phal dang bden yang bla ma'i chos smra ba rnams so/ /dge 'dun gyi dbyen gyi bag tu gtogs pa ni phra ma dang dge 'dun gyi las skyo sdogs byed pa dang /dad pa phul ba slar len pa dang / las byed pa'i tshe pyol ba dang / gnas ngan len brjod pa dang / bslab pa khyad du gsod pa dang / 'dus shing za ba dang / spangs pa sdud pa rnams so/ /ngag dka' ba'i bag ni slob pa ston pa la brnyas pa dang ma gus pa'o//gzhag pa ltung ba'i bag ni nang du btsos pa dang nang du lus pa dang / dge slong gi btsos pa spyod pa'o/ /mtha' ma yin ba'i phyung ngo cog ni dge 'dun gyi lhag ma'o zhes pa ni mi tshangs par spyod pa'i phas pham par phyung ba ma yin ba'i khu ba phyung ngo cog dge 'dun gyi lhag mar ston pa ste/spyad mi bzod pa dang mgo'i dum bur spyod cing 'byin pa lta bu la sogs pa'o/ /du mas byas pa'i 'bras bu ni nyes par mi sdom zhes pa ni bya ba du mas btsal cing so sor spyod pa lta bu gcig tu bsdoms te nyes pa rangs par mi brtsi bar ston pa ste rin thang ma tshang ba nyung zad nyung zad nas brkus na pham bar mi 'gyur ba dang tshad las chung ba'i khang pa du ma brtsigs pa rnams gcig tu bsdoms te tshad las lhag pa'i nyes par brtsi ba ma yin pa dang /zhag bcu'i khongs su gos lhag pa gud du spangs shing btang ba du ma zhig yod du zin kyang gcig tu mi bsdom pa dang / bal rgyang grags gcig gi bzhi cha 'am lnga cha tsam du khyer ba du ma bsdoms te rgyang grags las 'das pa'i ltung bar mi bsdom pa dang /zhag grangs tho tsher gnas pa rnams bsdoms te zhag drug gi 'bral bar mi brtsi ba dang / rkang lag lan du mar bkrus pa bsdoms te / lte ba yan chad kyi khrus byas par mi brtsi ba lta bu'o//phyed zin pa las byas pa ni phyed do zhes pa ni snga ma'i kha bslang ba 'am 'phro nas bzung ba nyes pa rangs pa ma yin bar ston pa ste bdag gis sngar kha cig bkrus pa'i 'og tu dge slong ma 'khrur bcug pa dang / 'tshed cing 'chag pa dang rmel ba dang / de bzhin du bal dang srin bal dang bal nag po nyi tshe'i stan brtsams zin pa'i 'phro nas slong ba lta bu la sogs pa 'bri ba ste nyes byas su ston pa'o//'bri ba'i kha na ma tho ba ni 'bri ba'i shas so zhes pa ni phas pham pa la sogs pa rtsa ba'i kha na ma tho ba las chung ba sbom po la sogs pas skur na 'bri ba'i nyes pa ste nyes byas lta bur 'gyur ba'o //the tshom za bzhin du 'jug pa'o chog ni ched du bsams pa'o zhes pa ni ma yin pa yin nam ma yin/ dgra bcom pa yin nam ma yin snyam du the tshom yod bzhin du gang yin yang bla zhes mda' 'phangs pa lta bu la sogs pas bsad na shi ba'i dngos gang yin pa bzhin du nyes par 'gyur bar ston pa'o//sbyor ba ni 'du shes kyi yan lag go zhes pa ni don de nyid ma yin la 'du shes sbyor na 'du shes de sbyor ba'i yan lag du ston pa ste/ dngos su ni byol song la mi'i 'du shes kyis gsod na sbyor ba'i tshe sbom por 'gyur ba dang / mi ma yin pa la mir 'du shes na yang sbom por 'gyur ba lta bu la sogs pa ste ma byin par len pa la yang 'di bzhin du sbyar ro//ched du bya ba ni de nyid na'o zhes pa ni ched du'ang bsams la dngos po'ang de nyid yin na nyes pa rangs par ston pa ste mi gnyis la 'khod pa gcig gsod par 'phang 'phang ba las gcig la phog pa dang / dgra bcom pa dang / pha ma gsod par bshams bshams pa las dgra bcom pa dang / pha ma ma yin pa gsod pa dang / mi gsad par bya bya ba las mi ma yin gsod pa dang / byol song gsad par bya bya ba las mi gsod pa lta bu bsams pa dang dngos su 'gal ba ma yin na gdod nyes par ston pa'o/de 'grel ba ni mi tshangs par spyod pa dang khu ba 'byin pa ni ma yin zhes pa yin te bud med de nor te mi tshangs spyad pa dang khu ba dbyung ba'i gnas nor te phyung ba lta bu ni dga' ba'i nyams myong bar 'dra ba'i phyir mdo gong ma lta bu dang sbyar du mi rung bar ston pa'o/ /mi bde ba thos pa yang ngo zhes pa ni brdzun smras na nyan pa nor kyang mi brtsan bar ston pa ste lha sbyin la brdzun bya'o bar bsams te smras pa las mi sbyin la smras te nor ba lta bu gang la smras su zin kyang 'du shes bcabs pa'i brdzun du 'dra bas na brdzun smra ba'i yul nor ba yang mdo gong ma dang sbyar du mi rung bar ston pa'o//yan lag thams cad gzung du yod par 'os pa ni bsten par bzod pa'o zhes pa ni mi tshangs par spyod pa dang reg pa lta bu yan lag thams cad kyi skud du yod cing lus kyi rkyen du bab na bsten bzod pa'i phyir nyes pa rangs par 'gyur ba'o//phyi ma ni gzhan na 'bri zhes pa ni 'di nas rgyas par smra ba rdzogs pa'i bar du smos pa rnams dkyus nas 'byung ba bzhin du ma yin na nyes pa 'bri bar ston pa'o//de las yang du mas bskal na'o zhes pa ni 'di 'ang gong ma bzhin du rtsis mgo lta bur ston pa ste 'og nas 'byung ba rnams las yan lag re res ma tshang na na re 'bri bar 'gyur/ yan lag phal cher ma tshang na 'bri ba las kyang 'bri bar ston pa'o//mi las bab po song na yang ngo zhes pa ni bslab pa'i gzhi mi'i bud med las bca' ste gsungs pa rnams byol song la byas shing spyad na yang na res 'bri bar ston pa ste ma yin gyi bud med la reg na lhag ma'i sbom por 'gyur ba dang / byol song mo la reg na nyes byas su 'gyur ba bzhin du smye tshig dang kun spyod smra ba la sogs pa yang de ltar rig par bya'o/ /de la mi tshangs par spyod pa ni ma gtogs so/ /'phrul gyi chos can ma yin la reg pa na ma gtogs pa ni yan lag go zhes pa ni reg pa'i tshe ma gtogs pa smye tshig dang kun spyod la sogs par 'phrul dang ldan pa ma yin la byas na gdod yan lag tu 'gyur bar ston pa'o//ma nyams pa la reg na'o zhes pa rma la sogs pa'i nad kyis nyams pa la reg na dge slong pha ni lhag ma'i sbom po'o / /dge slong ma'i ni phal ba'i sbom por 'gyur ba dang /reg par bya ba dang reg pa gnyi ga nyams na nyes byas su 'bri ba lta bur ston pa'o/ /ga ga tshil yang ngo zhes pa ni ga ga tshil byed pa yang gong ma dang 'dra bar ya re nyams pa gnyi ga nyams na 'bri ba dang 'bri ba'i yang 'bri ba ston pa'o/ /sen mo rno sha med pa'i rus pas spu rnams ni gzhan bzhin zhes pa ni ming gis smos pa 'di dag lta bur reg gam ga ga tshil byed na gong du ma nyams pa zhes smos pa las gzhan pa ste nyams pa dang 'dra bar ston pa'o//mi'i rgyud ni gtsigs par bya ba'o zhes pa'i mi'i rgyud las bslab par btsas pa rnams mi yin na gdod tshigs su rung zhing nyes pa rangs par 'gyur gyi ma yin pa la reg pa dang /smye tshig smra ba dang / g.yog tu bsngags pa dang / gos slong ba dang / sngar 'phrigs nas slong ba dang / mtshan ma btab pa'i khe spogs pa dang / nyo tshong dang / skud pa slong ba dang / 'dis reg pa'i skyes pa byas te chos ston pa dang / mnyam du klog pa dang / gnas ngan len dang / mi las bla ma'i chos smra ba dang / skyabs yod pa na 'dug pa dang / bsod snyoms lan gnyis dang thun mong gi gnas dang lhung bzed gnyis sam gsum las lhag par blangs pa dang / bsod pa las slong ba dang / smyen gnas gnyis dang / khyim gcig tu nyal ba dang / lam du 'gro ba dang / sgo gtan las 'das pa rnams byas kyang nyes pa rangs par mi 'gyur ba'o/ /rang bzhin nyams pa ma yin zhes pa ni sems 'khrugs pa dang / smyos pa dang nad kyis gzir na mi yin du zin kyang shes pa mi gsal ba'i phyir gtsigs par mi rung zhing nyes pa rangs par mi 'gyur bar ston pa ste/smyan gyis mnos pa dang / bsnyad pa dang / slar slos pa rnams dang rtsa ba med pa dang chas skur ba dang / mtshan ma btab pa'i khe spogs pa dang / nyo tshong dang skyon nas 'bod pa dang /rtsod pa zhi ba'i skyo sdogs byed pa dang / 'dis rig pa'i skyes pa byas te chos ston pa dang / lhan cig tu klog pa dang / mi las bla ma'i chos smra ba dang rnyed pa bdag gir bsngos so zhes bsgyur ba dang / bslab pa khyad du gsod pa dang / dpyas dang gzhogs dpyas byed pa dang /tshig khyad du gsod pa dang / 'byin pa dang dge slong ma la ston pa dang / zas cung zad kyi phyir ro zhes skur pa dang / chos gos byin zhing byed pa dang / dge slong ma dang lam dang grur 'gro ba dang / dben pa na 'dug pa dang / bos pa za ba dang / thun mong gi gnas su za ba gnyis za ba dang /smyan gnas gnyis dang g.yul lta ba dang bsdigs pa dang / yo byad sbed pa dang / byin nas thug thub tu byed pa dang / skur ba dang / rkun po 'grogs pa rnams kyang nyes pa rangs par mi 'gyur ba'o/ /ma ning dang mtshan gnyis kyang de bzhin zhes pa ni ma ning dang mtshan gnyis kyang gong du smos pa'i rang bzhin nyams pa dang 'dra bar ston pa ste/gzhan gyi nyams su de'i lus kyi ro dang 'dra/ de'i sems ni bslab pa dang 'dra bar snang ba'i phyir te/ ma ning dang mtshan gnyis kyi khyim du gos bslangs sam/ des btags sam/ de'i smyan gnas na 'dug cing 'greng ngam/ de la rdeg cing gzas pas khyim du lhan cig nyal lam/ lhan cig tu 'grogs pa la sogs pa nyes pa rangs par mi 'gyur ba'o/ /reg pa ni gtsigs pa bzhin zhes pa ni gtsigs pa ma yin la/ smye tshig la sogs pa smras shing byas pa ni nyes pa rangs par mi 'gyur gyi reg pa ni gtsigs pa ma yin te/smyos pa la sogs pa la reg na bde ba reg du btub pas nyes pa rangs par dogs pa bstsal ba'i phyir ston pa ste/ gtsigs pa ma yin pa la reg pa yang 'bri bar ston pa'o/ / phyi'i rab tu byung ba dang / ma skyes shing nyams pa ni khyim pa'i phyed do zhes pa ni bdag cag ma yin pa'i rab tu byung ba dang bdag cag gi rab tu byung ba la yang ma skyes shing nyams pa ni khyim pa'i phyed yin bar ston pa ste/ 'di dag las gos blangs sam/ 'di dag sbyin bdag dang pho nya dang zhal ta yin nam/de dag gis thun mong du gtsigs pa'i gnas su za ma gnyis zos sam de dag dang khe spogs dang nyo tshong byas sam lhung bzed gnyis gsum las lhag par blangs sam smen gnas na 'dug cing 'greng ngam de dag gi khyim du zan bcad pa la sogs pa nyes byas su 'gyur bar ston pa'o//bsnyen par rdzogs pa ma nyams pa ni dge slong dang dge slong ma'i 'o zhes pa ni dge slong dang dge slong ma la brten te bslab pa bcas pa ni dge tshul dang dge slong ma yin te/ bsnyen par yang rdzogs la/ dge slong gi ngo bo las kyang ma gyur te bslab pa ma nyams na gdod bslab pa'i rten du rung bar ston pa ste/bsnyen par ma rdzogs pa dang / nyams pa gos 'khrur bcug gam/ de las gos blangs sam/ byin nas phrogs sam/ skyon nas bos sam/ phra ma dang skyo sdogs dang / gnas ngan len dang /mi las bla ma'i chos smra ba dang / de dag gi rnyed pa log par bsngos so zhes skur ba dang / de dag bslab pa khyad du gsod pa dang dpyas dang gzhogs dpyas byed pa dang / tshig khyad du gsod pa dang / de dag gi gtsug lag khang na mal cha gding ba mi brtul ba dang / dge 'dun gyi gtsug lag khang du de dag gi gtsug lag khang nas dge slong 'byin pa dang /rkang pa 'byung ba dang zla ba'i khri la 'dug pa dang / nyams pa'i dge slong ma la chos ston pa zas cung zad kyi phyir ston to zhes skur pa dang / chos gos byin zhing byed pa dang / lam dang grur 'grogs pa dang /dben pa na 'dug pa dang sbyor du bcug pa dang / rdeg pa dang gzas pa dang / gnas ngan len 'chab pa dang / zas gcod pa dang / dad pa slar len pa dang / the tshom skur ba dang / ga ga tshil byed pa dang / bsdigs pa dang / yo byad sbed pa dang /byin nas thug thub tu byed pa dang / skur pa dang / bslab pa bstan na mi nyan pa dang / rtsod pa zhi bar byed pa la nyan rna byed pa dang / grong bar du bsod snyoms len pa dang ngos mgron byed pa ma bzlog par zos pa rnams byas kyang nyes pa rangs par mi 'gyur ba'o/ / mtshan dang khas blangs pa ni nyid kyi phyogs su 'grub pa'o zhes pa ni mtshan gcig pa dang khas blangs pa'i phyogs su gyur pa rnams rang rang gi 'khor tam phyogs las bslab pa'i rten du 'gyur gyi/ de ma yin pa las mi 'gyur bar ston pa ste skyon nas smra ba dang / phra ma byed pa dang skyo sngogs byed pa dang /lhan cig tu klog pa dang / gnas ngan len brjod pa dang / log par bsngos so zhes skur ba dang / 'byin pa dang bslab pa khyad du gsod pa dang / mal cha mi brtul bar 'gro ba dang / rkang pa 'byung bla ba'i khri la 'dug pa dang / chos gos byin zhing byas pa dang /rdeg cing gzas pa la sogs pa'o/ /der gtogs pa las khyim pa ni 'bri ba'i mtshan ma can no zhes pa ni dge slong dang dge slong ma la brten te bslab pa bcas pa rnams khyim pa la byas shing bsgrubs na yang nyes pa'i shas yod par ston pa ste/ khyim pa la rtsa ba med pa dang / chas skur ba dang / skyon nas 'bod cing phra ma zer ba dang / 'phya ba dang / khyim pa'i mal cha ma brtul bar song ba dang / khyim pa 'byin pa dang / de la rdeg cing bsdigs pa dang / zan gcod cing the tshom skur ba dang / ga ga tshil byed pa la sogs pa nyes byas su 'gyur ba'o//mi ma yin gyi khyim pa la 'di dag byas pa ni 'bri ba'i yang 'bri bar 'gyur ro/ /rab tu byung ba'i rdzas ni rung ba dang tshad la bab pa la sogs pa na'o zhes pa ni rab tu byung ba'i rdzas la brten te bslab pa bcas pa rnams ni rab tu byung ba'i rdzas rung zhing tshad la bab pa zhig na gdod bslab pa bcas pa gzhan du 'gyur gyi de ma yin na/de ltar mi 'gyur bar ston pa ste/ rnga bal la sogs pa las byas pa'i gos byin gyis brlabs pa las bral ba dang de lta bu zhag bcu las lhag par bcangs pa dang / gnyen ma yin ba'i dge slong ma 'khrur bcug pa dang /'di lta bu de las blangs pa dang / srin bal dang gso ma la sogs par bsregs pa dang / so ma btang ba dang ma btsos pa'i lhung bzed zhag bcu las 'das par bcangs pa dang 'thag tu bcug pa dang / kha chos byed pa dang /byin nas phrogs pa dang / gser dngul gyi khab ral dang / khri la sogs pa 'di dag byas su zin kyang nyes pa rangs par mi 'gyur ba'o/ /bdag gi don tam ched dang ldan na'o zhes pa ni bdag nyid kyi don ched ma yin na pha rol gzhan gyi phyir smye tshig dang / g.yog tu bsngags pa dang 'khru zhing rmel bcug pa gos slong zhing lhung bzed tshol ba dang /srin bal gyi stan byed pa la sogs pa nyes pa rangs par mi 'gyur ba'o/ /brjod pa na don go na'o zhes pa ni tshig tu brjod pa las bcas pa'i bslab pa rnams ni pha rol gyis don go na gdod nyes par 'gyur bar ston pa ste/gnyid log pa dang snyoms par zhugs pa dang / glen pa dang / 'on pa dang / skad mi shes pa rnams la smyen tshig dang bsdogs pa dang / mtshan ma btab pa khe spogs byed pa 'thag tu 'jug pa dang / skyon nas 'bod pa dang phra ma zer ba dang / skyo sdogs byed pa dang /chos 'chad pa dang / klog pa dang / log par bsngos so zhes skur ba dang / bslab pa khyad du gsod pa dang / dpyas dang gzhogs dpyas byed pa dang / tshig khyad du gsod pa dang / dge slong ma la ston pa dang / zas cung zad kyi phyir ro zhes skur ba dang / the tshom skur pa dang /bslab pa ston pa la kha tshas zer ba la sogs pa byas kyang nyes pa rangs par mi 'gyur ba'o/ /gsod pa dang nyid kyi phyir 'phrogs pa ma gtogs pa ni smra nus na'o zhes pa ni rnam pa 'di gnyis ni smra mi shes pa'i glen lkugs pa la sogs pa byed du bcug na yang nyes par 'gyur gyi/smra ba las bcas pa'i bslab pa gzhan ni smra shes pa la byas na gdod nyes par 'gyur ba ste/ lkugs pa la rtsa ba med pa chas skur tam mtshan ma can gyi khe spogs dang / nyo tshong byed dam 'thag tu bcug gam skyon smra zhing phra ma zer ram/ skyo sdogs dang ston cing klog pa dang /mi las bla ma'i chos smra ba dang / log par bsngos so zhes skur pa dang / bslab pa khyad du gsod pa dang / dpyas dang gzhogs dpyas byed pa dang / dge slong ma la ston pa la sogs pa'o/ /nod pa ni de la ma yin zhes pa ni 'di bya ba 'di mi bya'o zhes dam 'cha' ba'am/ bslab pa nod pa ni smra nus na gdod dge ba dang mi dge ba skye'i/smra ma nus na mi skye'o zhes bya ba med par ston pa'o/ /snod yin na'o zhes pa ni brjod par bya ba'i bslab pa rnams smras pa'i don go zhing smra ba'i snod yin na/ gdod smra ba'i yan lag tu 'gyur bar ston pa'o/ /de ni gong du'ang bstan na bslas ci dgos she na/don du ni gong ma dang tha dad med mod kyi/ smras pa rnams don med pa ma yin zhing smra ba'i rkyen du bab pa zhig na/ gdod nyes pa rangs par ston pa'o/ /bshams shing mthol ba'i bye brag gsal por dbye bar dgos pa'i phyir yang 'di skad du smos pa yin no/ / tshig na'o zhes pa ni smra bar bya ba'i bslab pa rnams yi ge'am/ lag brdas ma yin gyi ngag gam tshig tu phyung na gdod yan lag tu 'gyur bar ston pa ste/ yi ge'am lag brdas smye tshig dang bsngags pa dang / rtsa ba med pa dang / chas skur ba dang / 'khru ba dang / len pa dang / gos slong ba dang / 'thag tu 'jug pa dang / 'phrog pa dang / brdzun dang / skyon nas 'bod pa dang / phra ma zer ba la sogs pa'o/ /bdag gis na'o zhes pa ni bdag gis smras pa'i tshig yin na gdod yan lag tu 'gyur ba ste/ smye tshig dang bsngags pa la sogs pa gong du smos pa rnams smras na gdod nyes par 'gyur ba'o//bdag dang ldan par na'o zhes pa ni gzhan ma gud cig 'di skad du zer ro zhes khungs gud du phyung ba'am/ bdag nyid ma smos na nyes pa rangs par mi 'gyur gyi bdag nyid smos na gdod nyes par 'gyur ba ste khungs gzhan du phyung zhing smye tshig dang bsngags pa dang /gos 'khru ba dang / blangs pa dang / gos slong ba dang / lhung bzed 'tshol ba dang / 'thag tu bcug pa dang / 'phrog pa dang / skyon nas 'bod pa dang / skyo sdogs dang / 'chad pa dang gnas ngan len brjod pa dang /mi las bla ma'i chos smra ba dang / bslab pa khyad du gsod pa dang / log par bsngos so zhes skur ba dang / shing gcod pa dang / dpyas dang gzhogs dpyas byed pa la sogs pa'o/ /nyid kyis zhal ta byas na'o zhes pa ni gsod pa dang nyid kyi phyir 'phrogs pa ma gtogs par gzhan thams cad nyid kyis zhal tar byas te bsgrubs na gdod nyes par 'gyur ba ste/shing gcod pa dang / pha gu rim gsum las lhag par brtsigs pa dang / rin po che len cing len du 'jug pa dang / shing bal gyis skud pa la sogs pa'o/ / phal cher rnam par 'byed par gtogs pa'i rgyas par smras pa rdzogs so// //rnam par 'byed pa la sogs par gtogs pa rnams de ltar rgyas par bstan zin nas/ da ni dngos por gtogs pa rnams ston to/ /de la dang po nyid ni gso sbyin gyi dngos po je ston te/ de la yang zhi ba dang /'du ba'i gso sbyin rnam pa gnyis yod de/ gtso bo yin ba dang / bla ma'i phyir zhi ba'i gso sbyin dang por je ston pa ni/ spyod yul la zhugs pa ni rnal 'byor mi sgom zhes pa la sogs pa yin te/ bsod snyoms la sogs pa'i spyod yul la zhugs pa glang po la sogs dang thug phrad du 'gyur zhing /las su bya ba rnams la gcod pa'i phyir rnal 'byor ma sgom shig pa'o/ /'drul bar ma yin zhes pa ni sgo khang dang / lam ka la sogs pa 'drul zag tu 'gyur ba'i gnas su'ang ma sgom shig pa'o/ /g.yeng ba dang mi bsgrungs pa dang 'phya ba rnams spang ba'i tshigs so zhes pa ni gnas 'di ngag lta bu'ang spongs la/rnal 'byor sgoms shig pa ste/ de la g.yeng ba ni ca co dang 'du 'dzi mang po'i gnas so/ /mi bsgrungs pa ni gcan gzan la sogs pa mi bsgrungs pa rgyu ba'i sa'o/ /'phya ba zhes pa ni grong khyer dang nye zhes dpyas su 'gyur ba'i sa'o//gnas de dag bkol nas gar sgom zhe na/ spong ba'i khang pa brtsigs zhes pa la sogs pa yin te de lta bas na spong ba'i khang pa ched du gyis shig pa'o/ /khang pa'i dbyibs ji lta bu bya zhe na/ gnas khang gnyis kyi bar du bar khang ngo zhes pa yin te khang bu phar lta tshur lta ba'i bar du bar khang gyis shig pa'o//lnga'am drug kyang ngo zhes pa ni bar khang du lta ba'i gnas khang ngos gcig kyang lnga lnga'am drug drug tsam du gyis shig pa ste/ gong ma nyung na 'di ltar gyis shig pa'o/ /sgo dang sgo 'phar dang sgra mi 'byung ba dang drang ba'i thabs rnams kyang ngo zhes pa ni khang pa la ming gis smos pa bsngos pa 'di dag ltar gyis shig pa'o//sum cha gcig bkol bar skur khung yang ngo zhes pa ni rtsig pa'i sum gnyis mar bor sum cha gcig yar lus pa'i skabs su skar khung thod cig pa'o/ /phyi rub la nang yangs na dge'o zhes pa ni skar khung gi dbyibs 'di ltar gyis shig pa'o//shar bu dang sgo 'phar dang rked gtan dang gzer gtan dang zung dang ra rkang gi dbyug pa yang ngo zhes pa ni nang du phug ron la sogs pa mi dgye ba'i phyir shar bu dang / sgo 'phar dang / gtan pa dang gcad cing dbye ba'i ra rkang dag kyang shoms shig pa'o//khang par mi shong na steng du yang tog kyang ngo zhes pa ni dge slong mang ste mi shong na yang thog kyang 'di bzhin du brtsigs shig pa'o/ /'dzeg pa'i phyir skas kyang bya zhes pa dang / mi ltung ba'i phyir mu skor yang bya zhes pa dang /de dag mi 'khrul bar lcags gzer gyis gdab ces pa ni yang thog brtsigs na them skas dang mu skor dag kyang gyis shig pa'o/ /spong ba'i phyi rol du rkang pa 'am gnas khang dang ra zhes pa ni spong ba'i khang pa gong du bstan pa'i phyir rgyab du khang pa'am khang phran dang ra bar gyis shig pa'o//sgo byang stad du mi bya zhes pa ni bar khang du lta ba'i gnas khang rnams sgo byang stad du bab par ma byed cig pa'o/ /sgo gang bya zhes pa ni spong ba'i khang pa de'i sgo gang yang gyis shig pa'o/ /phug kyang zhes pa ni spong ba'i gnas khang na phug kyang gyis shig pa'o/ /der 'dug pa'i 'jim stegs kyang ngo zhes pa ni gnas khang ngam phug gi nang du dge slong 'khod pa'i sa 'jim stegs gyis shig pa'o//khri'u yang ngo zhes pa ni yang na 'khod pa'i sa khri'ur gyis shig pa'o/ /de'i ngos bzhi khru re khor yug na'o zhes pa ni khri'u che chung gi tshad du ston pa yin te ngos 'jig cing yang khru rer gyis shig pa'o//brtag pa ni lnga ste gres ma gso ma bal ba dza lhas ma bswa / tshal rnams so zhes pa ni khri'u brtag pa ming gis smos pa 'di rnams gang yang rung bas gyis shig pa'o/ /der rlod can gding zhes pa ni khri'u de'i steng du stan rlod can thing shig pa'o/ /mtho'i 'khor lhag na'o zhes pa ni khri'u'i steng du gding ba'i stan rlod can de mtha' khor yug du khri'u las mtho gang gis lhag par byas na bzang bar ston pa'o//ar ka dang kA sha dang lcang ma dang shu dag dang / shal ma la'i rnams kyi bal gyis dgang zhes pa ni stan rlod can du bya ba'i nang tshangs ming gis smos pa 'di dag gang yang rung bas gyis shig pa'o//bal lam sha na'am shing bal lam ras ros sam lo ma rnams kyang ngo zhes pa ni yang na stan gyi rlod 'di dag gis byas kyang rung bar ston pa'o/ /bkod pa bzhin du gnas par skabs skabs su bya rjes bya zhes pa ni rlod dam nang tshangs de dag ngos gcig tu snyig cing mi 'drug par bya rjes lta bu'i skud nan gyis non cig pa'o//gnyid 'ong na bum bu gdags zhes pa ni sgom pa gnyid 'ong na shing la sogs pa la bum bu lta bur byas pa thogs shig pa'o/ /gar gdags she na/ skud pas rna ba la dpyangs zhes pa yin te skud pas thogs la rna ba la dpyangs shig pa'o//shig gis mi drag par gzugs zhes pa ni yur ba la yang na thabs 'di ltar gyis shig pa'o/ /mi snad pa'i phyir kha da chad du bya zhing ra das dkri zhes pa ni ma snad par bya ba'i phyir shing de'i thog ma'ang 'di ltar gyis shig pa'o/ /pho long 'phangs zhes pa ni yur ba la yang na thabs 'di ltar gyis shig pa'o//slar drang ba'i phyir skud pas gdags zhes pa ni pho long de la srad bu ring pos thogs shig pa'o/ /mdun du me mar gzhag ces pa ni yur ba la yang thabs 'di ltar gyis shig pa'o/ /rkang pa dbab ces pa dang / ya gcig kyang ngo zhes pa ni yur te mi rung na rkang pa la gcig dbab pa'am gnyi ga dbab par gyis shig pa'o//bcag ces pa ni yang na chogs shig pa'o/ /mi 'khyim pa'i phyir bring la sbu bu gdags pa'am skud pas gdags shing 'jug ces pa ni 'chag pa'i tshe phan tshun du 'khyar te lam mi thub na thabs 'di ltar gyis shig pa'o/lham bgo shing mi bcag ces pa ni rko long du mi 'gyur ba'i phyir ro/ /rkang pa la rdul mi 'go bar bya ba'i phyir dre'u rngog gding zhes pa ni phan tshun 'chag pa'i gcal 'di ltar gyis shig pa'o/ /spong ba'i rkang pa zhag gsum zhing bsku zhes pa ni spong ba las che ba'i phyir ro/ /des kyang ma rlon na nyal zhes pa ni yur ba la thabs gong ma ltar bya ste 'ang ma slon na nyol cig pa'o//sgo gcad nas so zhes pa ni nyal ba'i sgo chod cig pa'o/ /logs kyis phab ste yang ngo zhes pa ni logs kyis phab ste 'ang nyol cig pa'o/ /spong ba'i zhal ta ba bsgo zhes pa ni spong ba rnams kyi rim gro byed pa'ang skos shig pa'o//de'i tshul ni langs nas gdab cing phyag pa dang / lci gsar gyis bsku ba rnams bya zhes pa dang stan gding zhes pa dang snam phyis phyag ces pa dang / gdab pa la sogs pa'o zhes pa dang / phyi ba'i bong skom dang chu gzhag ces pa ni spong ba'i zhal ta par bskos pa des ming smos pa 'di dag lta bu la sogs pa'i las gyis shig bsdu ba'i phyir gaN+DI brdung zhes pa ni dge 'dun bsdu ba'i gaN+DI rdungs shig pa'o//'di'i gnas ni khang thog go zhes pa ni gaN+DI de brdung ba'i sa khang thog tu gyis shig pa'o/ /de la gaN+DI brdung ba'i thabs ni/ dge 'dun bsdu ba'i phyir na rgyud gsum dang tog tu spel zhes pa la sogs pa yin te/dge 'dun bsdu ba'i gaN+DI 'di rgyud gsum gyi 'og tu tog gsum rdungs shig pa'o/ /las kyi phyir na rgyud gcig go zhes pa ni las su bsgo ba'i phyir bsdu na rgyud gcig gi 'og tu tog gsum gyis shig pa'o/ / bslab pa'i rgyud gsum dang tog gnyis so zhes kha cig go zhes pa ni las su bskos pa'i gaN+DI ni rgyud gsum gyi 'og tu tog gnyis kyis mjug gcad do bar slob dpon kha cig 'chad par ston pa'o/ shib bskur ba'i phyir na rdum por ro zhes pa ni rgyud kyi sum gnyis zin pa dang / der mjug gcad de phyis mi sdud pa'o//bslab pa gcig dang tog go zhes pa ni de la slob dpon kha cig ni rgyud gcig dang tog gcig bya'o zhes kyang 'chad par ston pa'o/ /spong ba pa'i phyir khar gsil lo zhes pa ni spong ba rnams bsdu ba'i phyir ni khar gsil gsil kyang bla bar ston pa'o/ /gaN+DI chung ngu zhes kyang kha cig go zhes pa ni slob dpon kha cig ni spong ba rnams bsdu ba gaN+DI chung dus bsdu'o zhes kyang 'chad par ston pa'o//brtad na 'dod byar du'o zhes pa ni ye 'drog cig byung na gaN+DI 'dod byar du rdungs shig pa'o/ /zas la bsdu ba'i ne gaN+DI dang gaN+DI chung ngu gnyig brdung zhes pa ni dro kha gaN+DI che chung gnyi ga rdungs shig pa'o//chung zad bsdad nas so zhes pa ni gaN+DI chung ngu sngar brdungs nas dus thag gi tsam gyis bcad pa'i 'og tu gdod gaN+DI chen po rdungs shig pa'o/ /'du ba chen po'i tshe gaN+DI 'du ba mi 'grub na dung bsdoms la bus zhes pa ni mchod ston nam yo lang chen po g.yos pa'i tshe dge 'dun phal cher bsdu dgos la gaN+DI tsam gyis ma thos shing ma 'dus na dung gnyis bsdoms la bus shig pa'o//rnga brdung zhes pa ni yang na rnga rdungs shig pa'o/ /gaN+DI rna la mi gzan zhes pa ni gaN+DI thos nas bla khyad ma byed cig pa'o/ /mi myur ba ma yin na zhes pa ni gaN+DI thos nas yun ring mo zhig gis bcad de/gdod 'du bar bya ba ma yin gyi thos ma thag tu de'i mod la 'dus shig pa'o/ /dgos pa'i dus kyi 'theb yod par ji bder bya zhes pa ni 'dus pa las 'gyes pa'i thabs bsod snyoms la 'dong zhing lhung bzed bkru ba la sogs pa'i 'theb yod par byas la ji bder zhes zhal ta pas snyod cig pa'o//rgyud gsum byas te'o zhes pa ni rgyud gsum bklags nas gdod gyis shig pa'o/ /'di lhag par ran par bya zhes pa ni rgyud gsum yang ji ran du lhogs shig pa'o/ /sbyin ba bshad par bya zhes pa ni gdugs tshod las 'gyes pa'i tshe sbyin pa'i tshigs bcad kyang lhogs shig pa'o//'di'ang ran par ro zhes pa ni sbyin ba'i tshigs bcad kyang mi mang mi nyung bar ran par lhogs shig pa'o/ /zhal ta pa phyis 'gro zhes pa dang / 'ong ba'i tshe thog mar ro zhes pa ni spong ba'i khang pa nas 'gyes shing 'du ba'am khyim pa'i mchod ston la 'dong zhing 'du ba'i tshe zhal ta pa snga phyir 'gro ba'i thabs 'di ltar gyis shig pa'o//gal te de lta bu'i rkyen cig na lde mig gi skungs bstan te zhes pa ni mchod ston las slar 'dong ba'i tshe zhal ta pa gud du don gnyer cing brel na spong ba rnams la lde mig skungs ston cig pa'o/ /gso sbyin gyi dngos po zhi gnas kyi gso sbyin du gtogs pa'o// //zhi gnas kyi gso sbyin de ltar bstan zin nas/ 'du ba'i gso sbyin gyi gnas dang po je ston pa ni/ gso sbyin gyi gnas bsham zhes pa yin te/ gso sbyin gyi gnas gyis shig pa'o/ /gnas ji lta bu zhe na/ yong gis skyes pa'am byas pa'am zin pa'i gnas so zhes pa yin te ming gis smos pa 'di dag gang yang gnas su rung bar ston pa'o//de la yong gis skyos pa zhes pa ni dang 'du ba'i skal ba 'byung ba nas sman gzhong ngam sding bu la sogs pa yong gis grub zin pa'o/ /byas zhes pa ni mis ched du byas pa'o/ /zin ces pa ni gang las su byar rung ba'i gnas so//phyi rol 'dom gang gi nye spyod dang bcas par ro zhes pa ni gnas gong du smos pa rnams ni 'gang thag pa ma yin gyi/ phyi rol 'dom gang tsam la sogs pa'i nye spyod kyang yod par gyis shig pa'o/ /dge 'dun ma dad bzhin du'ang de lta bu'i gnas bya 'am zhe na/dge 'dun 'dun 'o zhes pa yin te dge 'dun thams cad dad dam 'dun na gdod gyis shig pa'o/ /de ni gso sbyin gyi tshe'i gnas yin gyi tshul nas 'byung ba la sogs pa'i gnas ma yin par dogs pa bsal ba'i phyir/ gnas de ni las gzhan gyi yang ngo zhes pa yin te gnas der gso sbyin nyi tsher bya ba ma zad kyi las gzhan gyi yang gnas su rung bar ston pa'o//mtshams bcad zhes pa dang / dpag tshad phyed dang gsum tshun chad kyi bar du'o zhes pa dang / brag rtsig pa ka ba shing rab gad pa/ lam po che khron pa la sogs pa phyogs so sor mtshan ma tshugs pa la rgyus shes pa'i dge slong gis bstan pa'i mtshan ma dge 'dun gyi mdun du brjod cing las bya zhes pa dang /sdom pa bcas na 'dir gos mi bral zhes pa dang / 'di bya zhes pa ni mtshams chen po bcad la mi 'bral ba'i sdom pa bcas na chos gos la sogs pa'i 'bral ba nyes pa med par bya ba'i phyir dpag tshad phyed dang gsum tshun chad du shing la sogs ba rting zug tu 'dug pa la mtshon gzugs shing mtshams bcad pa dang /mi 'bral ba'i sdom pa ched du chos shig par ston pa'o/ /thams cad kyi ched du 'gen phag bya zhes pa ni gso sbyin dang tshul nas 'byung ba la sogs pa las thams cad bya ba'i sa 'gen phag gis gnas gcig gud du gyis shig pa'o//snga ma ma bkrol bar bcad pa gzhan mi skye zhes pa ni mtshams chen po la sogs pa snga ma ma bkral bar mtshams phyi ma bcad kyang mtshams su mi rung bar ston pa'o//mtshams dgrol zhes pa ni de lta bas na mtshams snga ma khrol cig pa'o/ /tshig gcig gis mtshams gnyis dgrol zhing bcad du rung zhes pa ni mtshams gnyis cig car du bcad cing dgrol na mtshams kyi bar thag pa'am re ldes sbrengs la phan tshun gyi tha mar so so'i dge 'dun 'khod cing las byed pa dbus su 'dug ste bcad cing dgrol ba'i snyad cig car du byas na gcod dgrol gyi las cig car du 'grub par ston pa'o//mtshams ma bcad pa'i gnas su las byas na rtsig pa mtshams so zhes pa na 'gen phag gi gnas su byas pa med de las gang na byed pa'i rtsig pas bzang zhing dbye bar ston pa'o//yang na wa'i chu 'dres so zhes pa ni khang pa la wa yod pa zhig na phyi rol wa'i chu 'dres tshun chad mtshams yin par ston pa'o/ /grong ni nye spyod kyi mthas so zhes pa dang dgon par na phyogs re rgyang grags re'o zhes pa ni grong na las byed pa'i mtshams na nye spyod kyis bzung /dgon par las byed pa'i mtshams ni rgyang grags khor yug gis bzung bar ston pa'o/ /gso sbyin gyi dngos po'i gnas su gtogs pa'o// //da ni 'du ba'i gso sbyin du gtogs pa ston te/ dad pas dul ba las su bya'o cog kyang 'grub pa'i phyir dang po nyid du dad pa 'bul ba la sogs pa'i cho ga je ston pa ni/dad pa phul na des 'du ba 'grub ces pa la sogs pa yin te/ gang zag gi dad pas phul ba dang dge 'dun du 'dus shing lhan cig par 'grub par ston pa'o/ /thams cad de lta'am zhe na/ mtshams gcod pa ma yin zhes pa yin te mtshams gcod pa'i tshe ni dge slong thams cad ngos ma chogs na/ dad pa phul ba las su mi rung bar ston pa'o/ /bslab pa byin pa las de blang du rung zhes pa ni bslab pa byin pa las kyang dad pa blad dgos par ston pa'o/ /de dag ji ltar bsams te blang zhe na/de las dge slong phar 'du shes bzhag nas so zhes pa yin te de la dge slong rangs pa yin bar 'du shes bzhag nas dad pa long shig pa'o/ /sbyin pa ni ma yin zhes pa ni bslab pa byin pa de la dad pa bskur du mi rung bar ston pa'o/ /smyon par sdom pa bcas na mi khom bar mi 'gyur zhes pa ni dge slong 'ga' zhig smos na/smyon pa yin par dge 'dun gyi sdom pa bcas na ni mtshams kyi nang na 'dug du zin gyis kyang dge 'dun las la gcod par mi 'gyur bar ston pa'o/ /yongs su dag pa phul na mi gcig pa ma yin zhes pa ni yongs su dag pa phul bas kyang dge 'dun dang gcig bar 'grub par ston pa'o//gang la gcig par 'grub ce na/ gso sbyin no zhes pa dang / 'byung na yang ngo zhes pa yin te gso sbyin dang tshul nas 'byung ba'i tshe yongs su dag pa phul bas gcig par ston pa'o/ /de phul na'o zhes pa yin te bdag la bar chad kyi chos ni ma mchis te yongs su dag go zhes dag pa phul na gdod gong ma ltar rung ba'o//de gnyis bya zhes pa ni dad pa dang yongs su dag pa phul na gso sbyin dang tshul nas 'byung ba'i las gyis shig pa'o/ /rnam pa de gnyis dge 'dun gyis blang du rung ngam mi rung zhe na/cho ga 'di ldom bar bya zhes pa yin te dad pa dang yongs su dad pa phul na dge 'dun gyis de long shig pa'o/ /sde sde'i dad pa la sogs pa bsrul te las bya ba mi rigs ma yin zhes pa ni dge 'dun mtshams gcig gi nang na sde sder bcad cing las byed na/ de dag gi dad pa dang /yongs su dag pa phan tshun du bsrul te las byas na yang mi rung ba med par ston pa'o/ /tshig cig car du brtsams la mnyam du brjod na'o zhes pa ni dad pa 'bul ba dang yongs su dag pa cig car du brjod pa dang khar ba dang dra ba'i sdom pa gcig tu dbog tu rung bar ston pa'o/ / gcig par du ma'i blangs na rung zhes pa ni dge slong gcig cig gis gang zag du ma'i dad pa blang du rung bar ston pa'o/ /du tsam blang du rung zhe na/ 'dir 'thon nus pa'i drod kyis gzung zhes pa ni dge slong du'i dad pa 'bul nus pa de'i drod kyis gzung gi grangs chad pa med pa'o/ /de 'bul mi nus na ji ltar byas kyang 'grub ces pa ni nad pa lta bus dad pa 'bul ba ni tshig ma rdzogs kyang bla ba ste ji ltar phul yang rung ba'o//lus kyis kyang ngo zhes pa ni lag brda'am mgo 'tshog pa tsam gyis kyang dad pa phul bar chud pa'o/ /ji ltar yang ma nus na dge 'dun der 'dong ba'am de khyogs la blang ngo zhes pa ni dad pa de lag brda'am mgo 'chog pa tsam yang mi nus na dge 'dun nyid der dong la gso sbyin gyi gnas su khyogs la blang ba cig gyis shig pa'o//'di dag khyer la mi rgyug ces pa dang / drag shul mi bya mi mchong zhes pa dang / phyi rol du mi brgal zhes pa dang /rkang bzhag du ma yin zhes pa dang / nam mkha' la mi 'dug ces pa dang / phyi rol kyang ma yin zhes pa dang / skas kyi them pa bkol zhing mi brgal zhes pa dang / them skas kyang ma yin zhes pa dang / chu mgrin pa nub par mi 'bog ces pa dang / gnyid dang mnyam par 'jog pa mi bya zhes pa rnams ni dad pa blangs nas ming gis smos pa 'di dag ltar ma byed cig pa'o//g.yeng ba mi smod pa ma yin zhes pa ni tshul khrims la g.yel ba'am dad pa blangs nas gong du smos pa rnams ltar byed na dge 'dun gyis smod cig pa'o/ /dad pa blangs nas su la dbul zhe na/dge slong la bsnyad ces pa ni dad pa blangs nas dge slong la phul cig pa'o/ /dge 'dun la'o zhes kha cig zhes pa ni dad pa blangs pa dge 'dun la dbul dgos so zhes par slob dpon kha cig 'chad par ston pa'o/ /dad pa dbul ba'i tshig tu ji skad du bya zhe na/ btsun pa dag dgongs shig ces brtsams zhes pa yin te dad pa dbul ba'i tshig gi mgo na na 'di skad du gyis shig pa'o//dge 'dun gyi nang du ma phyin par dus byas sam khyim pa la sogs par khas blangs pa ma yin zhes pa ni dad pa blangs nas dge 'dun gyi nang du ma phyin pa'i bar ma dor shi 'am khyim par babs na/ dad pa blangs par mi chud par ston pa'o/ /phyi nas blangs pa'o zhes pa ni dge 'dun gyi nang du phyin nas shi ba la sogs pa gong ma rnams ltar gyur na ni dad pa blangs par chud par ston pa'o/ /bco lnga'i tshe gzhan gyis dge slong bzung na dge slong 'di nged dang tshangs pa mtshungs par spyod pa yin gyis thong shig ces de la byas zhes pa ni gso sbyin gyi tshe dge slong pha rol gyis zin na snyad 'di skad du gyis la ma btang shig pa'o//ma btang na 'di nged cag dang bya ba cung zad yod kyis zhes snga ma dang bcas par ro zhes pa ni don ched 'di lta bu zhig yod kyis zhes jir dgongs pa'i dmigs ston la sU tra gong du smos pa'i tshig dang bcas te smos la ma bkri shig pa'o//'on kyang 'gen phag tu bya zhes pa ni de ltar byas te'ang 'phrigs na 'gen phag gi gnas su deng la gso sbyin la sogs pa'i las gyis shig pa'o/ /zin nas kyang 'di gtong ba'i phyir dring zhes pa ni gso sbyin la sogs pa'i las zin nas/dge slong gzhan gyis khrid pa de'i dang rogs gyis shig pa'o/ /gtsom tshor na mi du ma ngar 'gyur zhes pa ni dge 'dun gso sbyin byed pa'i tshe phyi rol nas gseg shang la sogs pa'i sgra grag gam dge slong 'ga' zhig 'ong ba'i gtsom tshor na/ dge 'dun gyi las de skal cig mi 'grub par ston pa'o//tha dad kyang bla bar bsams te las byas na spom po'o zhes pa ni dge slong kha cig ma 'ongs shing dad pa ma blangs par shes bzhin du so sor dga' bas gud du las byas na spom por 'gyur ba'o/ /the tshom mam nges par dbags na nyes par mi 'gyur ba ma yin zhes pa ni bslab pa gang yang rung ste rung ngam mi rung snyam du the tshom yod bzhin pa'am/mi rung bar shes bzhin du byas na nyes par mi 'gyur ba ma yin par ston pa'o/ /'ol byi ma yin par snying nas btsal na dag par byed ces pa ni dge slong gzhan nas btsal te ma rnyed pa'i 'og tu dge slong 'ga' zhig mtshams kyi nang na lus par 'gyur na yang /skal ba'i nyes pa med pa'o/ /btsal zhing bod pa dang snang yel can nas bltas na'o zhes pa ni thabs 'di dag ltar btsal na gdong snying nas btsal ba yin bar ston pa'o/ /gso sbyin gyi dngos bo 'du bar gtogs pa'o// //da ni 'du ba'i gso sbyin nyid ji ltar bya ba ston te/ zla ba phyed phyed cing bco lnga'i gso sbyin so sor thar pa gdon par bya zhes pa ni zla ba phyed phyed cing so sor thar pa 'don ba'i gso sbyin gyis shig pa'o/ /'byung ba na 'di ma grub pa ma yin zhes pa ni tshul nas 'byung ba'i tshe tshul nas 'byung ba nyid kyis gso sbyin du 'gyur ba'i phyir gud du gso sbyin bya mi dgos pa'o//gsol pa dang glan nan dang por brtsams la gdon ces pa ni dang por dge 'dun go bar bya ba dang / bdag cag gso sbyin byas/ su la nyes pa yod pa ni mthol cig /med pa ni ma smra bar 'dug shig / mi smra na bdag gis de bzhin du 'dzin to zhes pa la sogs pa'i glan nan je smos pa'i 'og tu gdod so sor thar pa lhogs shig pa'o/ /gleng gzhi gdon pa ni tshig tu bsnyad pas 'grub ces pa ni gleng gzhi ni sdan chad gsan grang zhes khungs dbyung du mi bas na gleng gzhi nyid lhogs shig pa'o//gsol ba yang ngo zhes pa ni dge 'dun la bsgo ba yang gong ma dang 'dra bar tshig tu phyung shig pa'o/ /lhag ma rnams ni gsan grang zhes bsgo ba byas kyang ngo zhes pa ni gleng gzhi dang la sogs pa ma gtogs par phas pham pa la sogs pa ni gzhan ni sdan chad gsan grang zhes khungs phyung yang bla bar ston pa'o//sde ni brtul na rdzogs par ro zhes pa ni ltung ba sde lnga gang la bab pa de'i tshig kha cig bsnyad zin te brtul na thal byung mjug tu phyung shig pa'o/ /gzhi cha la thug na mtha' stags so zhes pa ni so sor thar pa'i gzhi gsum thal phan chad ni gsan grang zhes bya bar mi rung gi thal byung mjug tu phyin par gyis shig pa'o//'dir zla ba phyed kyi tshe tshul rjes su brtag ces pa ni zla ba phyed kyi tshe bdag gi nyes pa zhig tu soms shig pa'o/ /'dur cha ba nas so zhes pa ni dge 'dun ma 'dus pa'i snga rol nas gong ma ltar gyis shig pa'o/ / kun tu'ang rjes chod na gnyen po byas te 'du zhes pa ni las gang byed kyang rung ste/ bdag gis nyes par tshor ba rnams bshags shing byin gyis brlab pa'i gnyen po byas na gdod dge 'dun gyi nang du 'dus shig pa'o/ /bkad nas dran nam the tshom na gnan po la byin gyis brlab ces pa ni dge 'dun gyi nang du 'dus te bkad nas nyes byung bar gsal por dran nas the tshom yod na thad na 'dug pa'i dge slong la byin gyis rlobs shig pa'o//las byed pa ni sems kyis so zhes pa ni/ so sor thar pa 'don pas de ltar dran na lan cig soms la byin gyis rlobs shig pa'o/ /bco lnga'i tshe bdag 'ba' zhig de dang mi ldan par shes na gcugs pa'i yid bzho zhing drang bar bya zhes pa ni dge 'dun spyis smel bdag gcig pu gtsang na bdag dang gang bshes pa'i yid bzho zhing 'chags su chug shig pa'o//yid bzho ba'i thabs ji ltar bya na/ tshe dang ldan pa gang 'di dang 'di lta bu dag byed pa go cir 'gyur/nyes pa can mod ce na/ 'on tshe dang ldan pas 'di dang 'di lta bu dag byas shing / tshe dang ldan pa nyes pa can du ma gyur tam/ tshe dang ldan pa de ni kho bo nyi tsher ma zad kyi/ dge 'dun thams cad kyis kyang byas so zhe na/ tshe dang ldan pa dge 'dun thams cad lta ji byed pa byed du zad kyis/nyid kyis nyes pa chos bzhin du chos shig bzhos shig ma rnams brang mig lam du bab par 'chags su chug ces pa yin te thabs dang snyad 'di dag ltar gyis la 'chags su chug shig pa'o/ /'di dag mi btub pa lta na mi gleng zhes pa ni gong ma ltar byar mi btub pa tsam gyi tshod na gzhi la zhog shig pa'o//dge 'dun ril gyis smye ba gso sbyin ji ltar zhe na/ gal te bco lnga'i tshe thams cad nyes pa can du shes sam/ the tshom na bdag cag bcos pa'i phyir gnas gzhan du bshags pa len cing bsgrub pa btang zhes pa yin te thabs de bzhin du dge slong 'ga' gud du 'chags su thong la de slar 'khor na de la kun gyis shog shig pa'o//ma grub na byin gyis brlab pa'i gsol ba la gdu bar bya zhes pa ni gong ma ltar byar yang ma grub byin gyis brlab pa la yang ma g.yel cig pa'o/ /bzhi tshun chad 'ang gtsug lag khang gi bya ba ni so na'o zhes pa ni bzhi tshun chad de gsum tsam 'khod na yang gtsug lag khang gi byi bdar la sogs pa 'og nas 'byung ba rnams gyis shig pa'o//byi bdar ji ltar bya zhe na stan gding ba mi btang zhes pa dang / phyag dar chag chag lci ba gsar gyis byug par bya ba dang seng ge'i stan dang stan gding ba dang /me mar dang / chos bstan pa byas te snang yel che bar byung la phyogs bzhir blta zhes pa rnams yin no/ /dge slong 'ong ba mthong na kye tshe dang ldan pa dag nged dge 'dun gyi bco lnga'i gso sbyin nam tshul nas byung lab la bab kyis myur du rings par shog shig ces bya zhes pa ni dge slong gud nas 'ong ba mthong na snyad 'di skad du gyis shig pa'o//bzhir ma tshang na byin gyis brlab ces pa ni bzhir ma tshang na gso sbyin byar med kyi byin gyis rlobs shig pa'o/ /dus kyi bar du bsdad de'o zhes pa ni skya rengs sngon po shar gyi bar du bsdad de med na gdod gong ma ltar gyis shig pa'o/ / gcig po na 'dug nas so zhes pa ni dge slong gcig po zhig na 'dug la rgyud gsum dang byin ba bshad pa byas nas/ deng dge 'dun gyi bcu bzhi'am bco lnga'i gso sbyin te/ bdag ming 'di zhes bya ba'i yang bcu bzhi'am bco lnga'i gso sbyin yin ba las ma ldan pas na/ nam dge 'dun ldan pa'i tshe gso sbyin bya'o//bdag la bar chad kyi chos rnams kyang med de gtsang ngo bar lha rnams kyis kyang zung shig ces pa la sogs pa snyad kar dbyung zhing byin gyis brlab pa gyis shig ba'o/ /gzhan yod na de'i mdun du'o zhes pa ni zla yod na zla'i mdun du gong gong por 'dug la byin gyis rlobs shig pa'o/ / gsum na bkad de'o zhes pa ni gsum yod na bkad la byin gyis rlobs shig pa'o/ /'byung ba na yang de bzhin du bzhis so zhes pa ni tshul nas 'byung ba'i tshe yang bzhi las med na byin gyis rlobs shig pa'o/ /gnas de nas so sor thar pa'i mdo 'don pa med par shes na gso sbyin la mi bsdad ces pa ni so sor thar pa mi 'don pa'i gnas na gso sbyin la ma sdod cig pa'o//gang du 'di las 'da' ba der tshul du mi 'jug ces pa ni gang na gso sbyin mi byed pa'i gnas der tshul du ma 'jug shig pa'o/ /phyi ma las snga ma'i tshul du zhugs pa mi bsrung zhes pa ni gso sbyin mi byed na tshul snga ma'ang drol cig pa'o//de yang zla ba gnyis las lhag par ro zhes pa ni tshul phyi mar zhugs na'ang de lta bu'i tshe zla ba gnyis ka las gzhir ma 'dug shig pa'o/ /gzhi de nas so sor thar pa 'don pa med na/ gud nas gnyer ba'i thabs ji ltar bya zhe na dngos po las rnyed pa g.yog rnams kun sbyin pas 'don pa btsal zhes pa yin te 'di rnams khud par sbyin pas so sor thar pa 'don par tshol cig pa'o//de la dngos po zhes pa ni gnas so/ /las zhes pa ni las su mi bsko ba'o/ /rnyed pa zhes pa ni gos dang bsod snyoms la sogs pa lhag par sbyin pa'o/ /g.yog ces pa ni dngos su zad/mdo 'dzin pa 'ong na gdugs dang rgyal mtshan dang / ba dan la sogs pas bsu zhes pa ni mdo sde 'dzin pa la sogs pa 'ong na thabs 'di ltar bsu shig pa'o/ /'dul ba dang ma mo yang ngo zhes pa ni 'dul ba dang ma mo 'dzin pa 'ong na gong ma ltar bsu shig pa'o/ /ci tsam du bsu zhe na/ dpag tshad phyed dang gsum du'o zhes pa yin te sa tshod du bsu shig pa'o//ma nus na rgyang grags lngar ro zhes pa dang / gsum mam dpag tshad phyed dam/ rgyang grags sam rgyang grags phyed dam/ dag rar yang ngo zhes pa yin te ma nus na 'di tsam du'ang bsu shig pa'o/ /kha gsag gis bsu zhing lhung bzed dang chos gos blang zhes pa ni dge slong gud nas 'ong ba la mi gsag 'di ltar gyis shig pa'o//khrus bya zhes pa dang / dge 'dun yang thang bskyed ces pa dang / chos bsnyad pa yang ngo zhes pa rnams 'dul ba 'dzin pa la sogs pa dge slong gud nas 'ong ba de la bsti stang dang yo lang 'di ltar gyis shig pa'o//dge slong 'gran pa la 'di ston pa 'dzin pa zhes bsgo zhes pa 'dul ba 'dzin pa de la kha cig ma gus shing 'gran byed pa yod na snyad 'di skad du bsgo shig pa'o/ /de'i nyin par bdag gi gnas na gso sbyin dang tshul nas 'byung ba byed na ma byas bar gud du mi 'gro zhes pa ni tshul nas 'byung ba dang /gso sbyin byed pa'i nyin bar de dag ma byas par lam du ma 'jug shig pa'o/ /de lta bu rnyed dam 'thab krol can las thar ram/ tshul dam pa can dang phrad pa'i do gal ma yin na'o zhes pa ni ming gis smos ba 'di dag lta bu'i rkyen yod na ni de'i nyin par gud du song bla ba ste de lta rnyed ces pa ni gso sbyin dang tshul nas 'byung ba gud du'ang rnyed pa'o//'thab krol tshan las mthar zhes pa ni 'di lta bu las byol ba'o/ /tshul dam pa can dang phrad ces pa ni mkhas shing dge ba'i dge slong dang phrad na'o/ /dge slong tshul dam pa can gyi thad nas dge slong 'thab krol can gyi nang du mi 'gro zhes pa dang /grogs med dam brtad pa'i rkyen med dam lus dang sems bag yangs pa'i sems kyis ma yin bar dge slong yod pa nas dge slong med par mi 'gro zhes pa ni rkyen 'di dag lta bus ma thebs na dge slong dang gso sbyin med pa'i gnas su ma 'gro shig pa'o//gso sbyin dang tshul nas 'byung ba ma zin par gnas pa 'gror mi gnang zhes pa ni 'di dag ma zin par de'i khar bab pa'i nyin par slob ma'am nye gnas gud du ma dgye shig pa'o/ /rkyen de dang 'dra ba zhig na dam pa'i tshul dang ston par ldan pa'i gnas bstan cing der dgongs su gzhug ces pa ni slob ma'am nye gnas de gud du mi 'gror mi rung na/dge tshul dam pa dang ldan pa dang gnas bzang po gang na yod pa der dro dgongs dang gzhi 'debs par thong shig pa'o/ /de'i smras pa las mi 'gal zhes pa ni mkhan po'am slob dpon gyis gtams pa de bzhin du des gyis shig pa'o/ / phyis 'ongs pa phyir 'di gnyis slar bslas su rung zhes pa ni gso sbyin dang tshul nas 'byung ba'i dge slong phyis lhags pa'i ngor bslas kyang bla ba'o/ /mi bslas su yang mi rung ngam zhe na/ yang dag par byas na gar dgar zad do zhes pa yin te las snga ma las legs par byas na ji dgar zad pa'o/ /tshungs par spyod pa yang ngo zhes pa ni gzhi bar 'dra la gong ma ltar snga phyi khyer ram/'gron par 'dra la gong ma ltar snga phyi khyer yang slar bslas su rung bar ston pa'o/ /cig shos pos mthun pa gsal zhes pa ni phyis 'ongs pa dag gis snga ma rnams 'du bar gsol cig pa'o/ /ma btub na mtshams gzhan du bya zhes pa ni gong ma ltar gsol te/'dur ma btub na gud du deng la gso sbyin gyis shig pa'o/ /byed pa'i tshe 'ongs te lhag ma myong na yang 'grub ces pa ni gso sbyin dang tshul nas 'byung ba byed pa'i tshe 'ongs te las kyi mjug myong zhing thos na yang bdag gis gso sbyin dang tshul nas 'byung pa'am 'grub par ston pa'o//gnas de nas su yang ma gyes na gdon mi za bar ro zhes pa ni snga ma gso sbyin byed pa su yang ma gyes par phyi mas rdzis na gdon mi za bar bslas dgos pa'o/ /lhags pa phal che na'o zhes pa ni phyis lhags pa phal che na yang gdon mi za bar bslas dgos pa'o/ /dus kyi phyir ni mang ba brtsan no zhes pa ni gso sbyin gyi tshe tshes grangs la khas dum na gang mang ba brtsan par gyis shig pa'o//mnyam na gzhi ba'o zhes pa ni grangs mnyam na gzhi ba brtsan par gyis shig pa'o/ /'dir yang ngo zhes pa ni mang ba brtsan ba 'am gzhi brtsan par bya ba gyi na 'am 'ol byir ma yin gyi gdon mi za bar de bzhin du gyis shig pa'o//gso sbyin gyi cho gar gtogs pa'o// //da ni rnam par 'byed pa dang phran tshegs la sogs pa las kyi dngos por gtogs pa rnams bsdus te ston pa ni/ ting nge 'dzin las mi bslang zhes pa la sogs pa yin te/ dge slong bsam gtan byed pa la kho na nyid kyi ched kyang rung gzhan gyi ched kyang rung ste byed pa'i mod la ma slong shig pa'o//lung med par mi bsgom zhes pa ni lam bstan gleng ba la gsungs pa bzhin du/ lung 'bogs pa med par ma bsgom shig pa'o/ /bum pa dang pho long bshams pa'i rigs so zhes pa ni gong du bshad pa lta bu nyid kyi gnyen po bya ba'i rigs par ston pa'o//brtson 'grus mi klod ces pa ni dge ba ji brtsams pa'i brtson 'grus mi klod par gyis shig pa'o/ /'di mdo las 'byung ba bzhin du'o zhes pa ni rnal 'byor pas nyin mtshan thun du bklag cing brtson 'grus kyi yan lag rgyas par bshad pa bzhin du rig par gyis shig pa'o//sems dang yan lag dang gos btsums la nyal bar bya zhes pa ni nyal ba'i tshe na yang bgrang cing ma bzhag par gos yan chad bsdus shing sums la nyol cig pa'o/ /nyin par nad pa ma yin par mi nyal zhes pa dang / rked pa na bas pus 'khyud bcang zhes pa ni rgyab dang rked pa na bas pus 'khyud chong shig pa'o//nad pa ma yin pas nyal bar mi bya ba ste tsha ba'i dus dang / gnyid kyi snyom pa sel ba ni nyes med/ mdo las/ phyi rol yid la mi byed pa dang ma yengs pa dang gsal zhing drang ba dang / dbang po sdud de bcag ces pa dang /mi nus na thig drang zhes pa dang / kha ton pa'i 'chag sa ni khru bcu gnyis zhes pa dang / spong ba pa'i ni khru bco brgyad ces dang / 'di'ang thig btab la bya zhes pa ni spong ba la sogs pas 'di ltar gyis shig pa ste de la phyi rol yid la mi byed ces pa ni sems yul la ma yengs pa'o//ma yengs pa dngos su zad/ gsal zhes pa ni sems dang nyams gsal ba'o/ /drang zhes pa ni mi 'gyur bar bcag pa'o/ /dbang po nang du sdud ces pa ni mig dang rna ba la sogs pa gya tshom du mi btang bar bsdus pa'o/ /dge slong gis 'dug la chos bshad ces pa 'gron pa thug phrad kyis gtam zer ba lta bu 'greng zhing mi 'chad par 'dug la shod cig pa'o//du ma na yang gcig gis so zhes pa ni 'chad nus pa'i 'os du ma zhig yod na yang gcig gis shod cig pa'o/ /su yang rung zhes pa ni du ma 'khod pa la gang gis bshad kyang rung bar ston pa'o//de'i ngor bos pa ma yin na ma gsol bar ma yin zhes pa ni dge slong 'ga' zhig gi ngor dge 'dun spyan drangs pa'i tshe des ma gsol bar bshad kyang bla'i de lta bu'i ma yin bar phas ma gsol tam ma glengs par chus bab bab du ma 'chad cig pa'o/ /'gen phag tu ma yin zhes pa ni mi phal 'khod pa'i nang nas sde sder bcad cing so sor 'chad par ma byed cig pa'o//phyed shas su ma yin zhes pa ni chos 'chad pa'i 'khor gcig la bshad pa kha gnyis su ma byed cig pa'o/ /gnyis lhan cig du ma yin zhes pa ni mi gnyis cig car kha bstams te ma 'chad cig pa'o/ /rgan gral nas so zhes pa ni 'chad pa'i gral rgan rabs kyi go nas shod cig pa'o//phal che na gnyis gsum go bzhag nas so zhes pa ni rgan rabs mang po zhig 'khod na gong du gnyis gsum tsam bzhag pa'i 'og tu 'dug la shod cig pa'o/ /thams cad kyis de lta'am zhe na/ go de na med na'o zhes pa yin te gral rims kyis der mi bab pa zhig na gdod de ltar gyis shig pa'o//seng ge'i stan la yang ngo zhes pa ni chos 'chad pa'i seng ge'i stan la 'dug ste shod cig pa'o/ /mchil snod gzhag ces pa dang 'dir gzhi gding zhes pa dang / bye ma las ma thal ba'o zhes pa dang / dus dus su bkru zhes pa dang chos 'chad pa'i mchil snod 'di lta bu gyis shig pa'o//mtshan mo chos bsgrag par bya zhes pa dang / tshes brgyad dam bcu bzhi'am bco lnga'o zhes pa ni tshes grangs 'di dag yal nangs su chos bsgrags par gyis shig pa'o/ /nad pas 'di ma byas bla zhes pa ni nad pas ni chos bsgrags pa ma byas kyang bla ba'o//'di bshad pa'i phyir bskul na khas mi blang ba ma yin zhes pa ni khang skyong ba lta bu la sogs pas chos bshad par bskul na rang red ma byed par khas longs shig pa'o/ /mi nus pa la sogs pa zhig na bsgo ba las bshags zhes pa ni bdag brel tam mi nus pa la sogs pa'i rkyen cig yod na/khang skyong lta bu la sogs pas bsgo ba la shad kyis 'byong shig pa'o/ /'chad pa ni res su bklag cing 'chad du gzhug ces pa ni gcig gis 'chad mi nus na res su lhogs la shod cig pa'o/ /mthar na tshigs bcad re re yang ngo zhes pa ni tshigs bcad re re tsam gyi tshod bshad nus na yang res su lhogs shig pa'o//'dir me mar bud ces pa dang / mthongs su chos mnyan ba'i gral zla gam mam rdzing bu ltar byas zhes pa ni chos bshad pa'i sar me mar bud pa dang / bshad pa'i gral thabs 'di ltar gyis shig pa'o/ /bla gab med par chos 'chad na bla re bre zhes pa dang /char 'ong na brtul zhes pa dang / de nas chos nyan pa mi btang zhes pa dang / gnas brtan dang por song la cung zad mi smra bar bsdad nas des chos bshad pa 'am dge slong gzhan la chos smras so zhes bskul zhes pa ni bla gab med par chos 'chad pa'i tshe char 'od na gnas spong ba dang / gud du bshad pa'i drod gnas brtan gyis bzung ba la tshogs pa thabs 'di ltar gyis shig par ston pa'o/ /'chad pa mnyan nas gal te chos bzhin na spro bar bya zhes pa dang / ma yin na bzlog ces pa ni chos bzhin du 'chad na gzengs bstod pa dang / log par 'chad na slar zlog shig pa'o/ /'dir khyim pa dag lhags na chos kyi gtam bya zhes pa ni gtsug lag khang du khyim bdag 'ongs shing lhags na chos kyi gtam glengs shig pa'o//mu stegs pa spogs shing rgol na 'khrul cing smad pa mi bstan par tshar gcod ces pa ni mu stegs pa rgol zhing spogs na 'phral du ma khro bar gzhung dang rigs pas tshar chod rab tu gyis shig pa'o//ston pas 'khor khrid la mi 'gro zhes pa ni bdag gi khyim du chos mnyan pa'i 'khor phyi bzhin du mi bkri shig pa'o/ /'di dag lhags na chos kyi don la gzud ces pa ni bdag gis ni ma khrid kyi khong ta rang dgar lhags na chos kyi ched la chung cig pa'o//rdzes dang ldan zhing bsti stong dang bcas la dma' ba'i sems kyis 'jug ces pa ni chos smra ba 'khor gyi nang du 'gro ba'i tshe sems dang tshul 'di ltar gyis shig pa'o/ /gzabs te bshad ces pa dang / chos la gus shing bstan pa dang ma g.yengs pa'i yid kyis so zhes pa dang / rigs pa dang grol ba'i tshig gis so zhes pa dang /ma 'dres par ro zhes pa dang rgyun chags par byams pa dang snying rje dang zang zing med pa'i sems kyis so zhes pa dang / dga' mgu rangs par bya zhes pa ni chos smra bas bshad pa'i tshul lung 'di ltar gyis shig pa ste/ de la rigs zhes pa ni rigs pa 'am gtan tshigs dang ldan pa'o//grol ba zhes bya ba ni thags thogs med par grol ba'o/ /ma 'dres zhes pa ni gtam bla brnyan dang ma 'dre'o / /rgyun chags zhes pa ni snga phyir 'brel ba'o/ /zang zing med pa'i sems zhes pa ni rnyed pa dang bsti stang gi phyir ma yin pa'o/ dga' zhes pa ni gzengs bstod cing yid gso ba'o/ /mgu zhes pa ni bsam pa dang mthun par ston pas ma mos pa bzlog pa'o/ /rangs zhes pa ni gtan tshigs dang tshad mar ldan pas rangs par byed pa'o/ /don gyi dbang gis na ma rdzogs kyang bsdang ces pa ni don ched gzhan gyi rkyen cig byung na re zhig chos kyi bar chad de bsdad kyang bla ba'o//dbyangs kyis chos bshad ces pa ni chos 'don cing bshad pa dbyangs dang ldan par gyis shig pa'o/ /langs nas dbye zhes pa kha ton byas zin pa'i 'og tu de dag gi don 'di dang 'di lta bu'i zhes ma go ba'i rnams phye zhing ston cig pa'o/ /don bkol zhing bsnyad ces pa ni nang nas don du ji 'byung ba'i rnams bkol ba bdag gis tshig dang don gar rigs par phye zhing ston cig pa'o//dbye zhing sbyar zhes pa ni tshig dang don las ga la skyon yod pa 'dra ba yang smos shing slar de dag 'di lta bu yin no zhes sbyar ba yang gyis shig pa'o/ /gnas brtan gyis zhag grangs gzung zhes pa ni gnas brtan gyi las su tshes grangs zung shig pa'o//thabs ji ltar gzung zhe na/ smyug tshal skud pas brgyu ste spo zhing ngo zhes pa yin te 'di lta bu'i brjed byang gyis la tshes grangs zung shig pa'o/ /gtsug lag khang khang skyong gis de la cha blang zhing dge 'dun la bsnyad zhes pa ni khang skyong gis tshes grangs kyi cha khang skyong gi gnas brtan las nos la dge 'dun gyi snyan du gsol cig pa'o//bye brag phye nas so zhes pa dang / zla ba phyed kyi bye brag gis so zhes pa ni dge 'dun la bsnyad pa yang zla ba phyed lta bu dang tshes grangs gang la bab pa'i tshes grangs so sor phye la snyod cig pa'o//gtsug lag khang gi bdag po dang lha'i phyir dge slong dag tshigs bcad gdon du gzhug ces pa ni lha khang srung ma dang yon bdag gi phyir dge 'dun gyi tshigs bcad bklag par khang skyong gis skul cig pa'o/ /skabs gang du zhe na/ rjes la'o zhes pa yin te tshes grangs bsnyad pa'i 'og tu 'di skad gyis shig pa'o//snyad ji skad bya zhe na/ deng zla ba yar gyi tshes gcig pas na gtsug lag khang gi bdag po dang gtsug lag khang gi lha rnams kyi phyir tshigs bcad re re gsungs shig ces so zhes pa yin no/ /gzhan yang de'i zla la bsnyad par bya ba ni gtsug lag khang gi bdag po spyan 'dren pa bsnyad pa ni yon bdag ming 'di zhes bgyi bas sang dge 'dun spyan 'dren gyi btsun pa dag gis de la dge ba'i thugs brtse bar dgongs shig ces so zhes pa yin te yon bdag nar ma'am/bla thabs su spyan 'dren pa zhig yod na nub mo nas dge 'dun gyi snyan du 'di skad gsol cig pa'o//'bri ba'i nyin zhag gdon zhes pa ni zla ba phyed la shol yod ba'i god kyis thon cig pa'o/ /ji ltar gdon zhe na/ dus kyis zla ba phyed lus shing ngo zhes pa yin te/ dus drug la zla ba gnyis gnyis yod pa'i zla ba phyed dang gnyis 'das shing shol 'or cig pa'o/ /zla ba'i glags 'dor ba yang rgyal po'i rjes su 'jug pa dang skar mkhan gyi tshes grangs kyi rjes su 'jug par ro zhes pa ni zhag grangs kyi glags dor ba yang ming gis smos pa 'di dag dang sbyor cig pa'o//ma brtags shing gso sbyin ma bsdad par stong ba'o zhes mtshams mi gcad ces pa ni sngan mtshams bcad dam ma bcad pa brtags pa dang /gso sbyin la thug pa'i bar du ma bsdad par gud lhags ma thag tu gnas stong pa'o snyam du bsams te mtshams ma gcod cig pa'o/ /bcad par shes pa na ma skyes pa yan lag ma yin zhes pa ni sngon mtshams bcad par shes pa nyi tshe mtshams mi 'chags pa'i yan lag tu 'gyur ba ma yin gyi sngon bcad par ma shes na yang mtshams mi 'chags pa'i yan lag tu 'gyur bar ston pa'o//chun gyis 'thon na 'grol lo zhes pa ni dang po mtshams gcod gcod pa'i dge slong gcig kyang mi 'dug par 'thon na mtshams 'jig par 'gyur ba'o//rung ba'i tshang mang yang ngo zhes pa ni rung ba'i tshang mang du byin gyis brlabs pa yang gong ma ltar dge 'dun thams cad gud du 'dong na rung bar byin gyis brlabs pa 'jig par ston pa'o/ /mtshams la mtshams kyi gnas su mi rung zhes pa ni mtshams kyi mtshams rnams na mi 'chags par ston pa'o//'gen phag dang dge slong ma'i dbyar mo thang dang lteng chu ni rung zhes pa ni 'di dag ni mtshams kyi nang na 'dug du zin gyis kyang brnan ba'i nyes par mi 'gyur ba'o/ /shing gcig la mtshams bzhi tsam gyi mtshon du ma gzugs su rung zhes pa ni phyogs bzhi'i dge 'dun gyis mtshams kyi mtshon gcig la gzugs su rung bar ston pa'o//'dir tshigs rung ba la mtshon gzugs zhes pa ni mtshams kyi mtshon kyang 'og nas 'byung ba lta bu yin pa'i tshigs su rung ba la tshugs shig pa'o/ /sprul pa dang mig 'phrul byas pa ni dan po ma yin zhes pa ni 'di dag lta bu la mtshan gzugs su mi rung ba dang /zla ba nyi ma skar ma'i 'od zer chu gnyer rlabs rnams ni gyi na'o zhes pa yin no/ /chu ni mtshams gzhan dang 'dra'o zhes pa ni chu ni mtshams su mi rung ba'o/ /btsal gcig tu mi rung zhes pa ni chus btsal na mtshams gcig gi khangs su brtsir mi rung ba'o//zam pa brtan por yul lo zhes pa ni zam pa brtan po yod na ni chus btsal du zin kyang mtshams tha dad du mi 'gyur ba'o/ /'di zhig pa slar bcos par bya zhes pa ni de yang zam pa slar bcos pa'i drod dang sbyor ba'o/ /sbyor ba btang bar ma gyur na'o zhes pa ni zam pa 'chos bzhin du gdod gong ma ltar rung ba'o//de'ang ji srid kyi bar du rung zhe na/ zhag bdun las lhag du mi rung zhes pa yin no/ /nam mkha' ni logs shig go zhes pa ni nam mkha' mtshams su mi chud pa'o/ /'di yod par yang ma gtogs na 'brel pa lta ci smos zhes pa yin te nam mkha' dngos su yod pa yang bya ba las ma gtogs shing yod par mi brtsi nas 'dra zhing sa dang zhing sa dang 'brel par brtsi ba lta ci smos te mi rung bar ston pa'o//dkyil nas dpag tshad phyed dang gsum las lhag par mtshams bcad pa mi skye zhes pa ni dpag tshad phyed dang gsum las lhag par mtshams bcad kyang mtshams su mi rung ba'o//skams dag bla 'og tu phul 'di tsam mo zhes pa ni ri ngos lta bu la yang bla 'og gi tshad 'di tsam gyis gzung bar ston pa'o/ /'gen phag gi mtshams kyi tshad ni dge 'dun las byed pa shong drod kyis gzung bar zad do/ /mtshams ma bcad pa'i sar 'bral ba'i sdom pa mi skye zhes pa ni mtshams ma bcad na mi 'bral ba'i sdom par mi rung ba'o//bcad pa ma nyams na mi yal zhes pa ni mtshams ma zhig gi bar du ni sdom pa'ang mi 'jig pa'o/ /de las de ma yin zhes pa ni sdom pa yal zhing phyung du zin gyis kyang mtshams yal zhing med par mi 'gyur ba'o/ /gso sbyin gyi tshe mchod rten gyi khang bu dang khang bzhag dang gso sbyin gyi gnas rnams byug ces pa ni gso sbyin gyi tshe de dag kun byug cing byi bdar bya dgos pa'o//dad pa la sogs pa dge 'dun la phul bar chud do zhes pa ni bdag nyid kyi ngos dge 'dun la dad pas phul yang phul ba'i khongs su chud par ston pa'o//'on kyang su rung ba cig gis dge 'dun la bsnyad par bya zhes pa ni gong ma ltar dad pa ngos phul du zin gyis kyang dge slong gcig gis chos bzhin bya ba'i phyir sgrogs shig pa'o/ /'di mtshams kyi phyir rol na 'dug pas mi dbul / dbul du'ang mi gzhug ces pa ni mtshams kyi phyi rol na 'dug pa'i dad pa blang yang mi blang /'bul na yang ma len cig pa'o/ /mi brgyud ces pa ni dad pa brgyud mor ma 'bul cig pa'o/ /nad pa dang dbang med pa dang srog dang tshangs par spyod pa'i bar chad kyis skrag pa ma yin par phul na nyes byas zhes pa ni rkyen 'di dag lta bu'i dbang gis ma yin par dad pa phul na phul bar mi chud de nyes byas su 'gyur ba'o//ma gus shing mi snyod na yang ngo zhes pa ni dad pa 'bul ba la ma gus sam dad pa ma phul bar bsubs na nyes byas su 'gyur ba'o/ /'di dag gi 'jig rten mtshams kyi phyi rol du khyer ba ni nyes med ces pa ni rkyen 'di dag lta bus bskal te dad pa phyi rol tu khyer ram phyi rol nas bkyogs te khyer ba ni nyes med pa'o//gso sbyin gyi tshe gtsug lag khang skyong gis tshul shing gis dge slong bgrang zhes pa ni gso sbyin gyi tshe dge 'dun tshang ngam ma tshang ba tshul shing gis rtsis shig pa'o/ / tshig phyed kyang mi 'khrul bar rgyun du chud rab kyis gdon ces pa ni tshig phyed kyang mi 'khrul bar byang bas so sor thar pa thon cig pa'o/ /dge 'dun gyi gnas brtan gyis so zhes pa dang / mi nus na gnyis pas so zhes pa dang / des kyang na gsum pas so zhes pa dang /'on kyang na res kyis so zhes pa dang / ma nus na gzhan la bcol zhes pa ni so sor thar pa 'di dag gi thabs 'di bzhin du lhogs shig pa'o/ /mi btub na dge 'dun gyis so zhes pa ni so sor thar pa klog tu mi btub pa 'ga' zhig yod na dge 'dun gyis skos shig pa'o/ /rtag par yang ngo zhes pa ni dge 'dun gyis 'don pa'i dge slong 'ga' gtan du yang skos shig pa'o//brjed na gzhan gyis so zhes pa ni so sor thar pa 'don pas brjed dam ma lus na gzhan gyis bskul zhing soms shig pa'o/ /dum bur 'chang na rdzogs kyi bar du'o zhes pa ni kun la dum bu sha dag ste rangs pa med na thams cad kyi dum bu sogs la mjug du phyin par gyis shig pa'o//gnas bzang po la chags pas grong dang mi nye ba'i 'jigs par gso sbyin bya ba'i mi rigs so zhes pa ni 'di lta bu'i 'jigs sar gnas su gdal dga' ba'i phyir gso sbyin ma byed cig pa'o/ /'gron pa mang po mi sdod na 'gro bzhin du bya zhes pa ni 'gron pa mang po dang 'grogs la sdod du mi btub na 'gro bzhin du gso sbyin gyis shig pa'o//bcom mi 'dod na bsnyung zhes pa ni 'jigs par bcom thub par bya dgos na mdo tsam lhogs shig pa'o/ /'on kyang na byin gyis brlab ces pa ni de ltar yang mi rung ba tsam gyi tshod na sems gyis phyis bya'o bar byin gyis rlobs shig pa'o//dad pa dang gtso bo mgu bar bya ba'i phyir spyad pa ston pa ni nyes med ces pa ni 'di dag gis mi dga' ba'am mgu bar bya ba'i phyir dge slong gi tshul dang spyad pa ston pa ni nyes par mi 'gyur ba'o/ /mdun du gso sbyin bya ba yang ngo zhes pa ni khyim pa de dag gi mdun du don ched gong ma lta bu'i phyir na gso sbyin yang gyis shig pa'o//brtad na khyim pa'i mdun du'ang bshags zhes pa ni brtad pa zhig byung na khyim pa'i mdun du'ang nyes pa shog shig pa'o/ /'di la spyad pa bsnyad pa yang ngo zhes pa ni de lta bur 'brel cing brtad pa zhig tu gyur na khyim pa'i mdun du dge slong gis bsnyad pa'am tshul bsnyad kyang nyes med do//rgyal po la shad kyis dbyung ba yang ngo zhes pa ni rgyal po la shad kyis dbyung ba'i phyir tshul smras pa nyes med pa'o/ /tshar ma phyin na yang mi 'grub pa ni ma yin zhes pa ni so sor thar pa 'don pa'i tshe la ltung ba sde gcig la brtul nas mjug tu'ang ma phyin par sngan chad gsan grang zhes skabs su bcad na yang nyes byas yod du zad kyi/gso sbyin gyi 'grub pa la ni nyes med par ston pa'o/ /'don pa dang thang dang dus dang kha ton rnams de bzhin du ma bzung na 'dir chos ma yin zhes pa ni ming gis smos pa 'di bzhi gzhung las 'byung ba bzhin du ma byas na chos ma yin par ston pa'o/ / de la 'don pa chos ma yin pa ni gso sbyin gyi tshe so sor thar pa mi 'don par phran tshegs la sogs pa 'don pa'o/ /thang ni gleng gzhi dang pham pa la sogs pa dngos su 'don pa dang gsan grang zhes khungs dbyung ba'i thang chad par byas pa la bzlog pa ste gleng gzhi'ang gsan grang zhes zer ba lta bu'o/ /dus ni bcu bzhi'am bco lnga'i dus ma yin bar gso sbyin byed pa'o//kha ton pa ni mtshan mi mthun pa dang / lta ba mi mthun pa dang / tshul khrims ma dag pa dang / bsnyen par ma rdzogs pas bton pa'o/ /thos pa'i lam las 'das na gyes so zhes pa ni gong du ma gyes na gdon mi za bar bzlas te/ gso sbyin bya dgos pa'i gyes pa'i tshad ji tsam ston pa'o//rnam par 'byed pa la sogs par gtogs pa'o/ /gso sbyin gyi dngos po rdzogs so// //dbyar gyi dngos po ston pa ni/ dbyar tshul du 'jug ces pa la sogs pa yin te/ dbyar bdag gis 'dir gzhi gzung bar bya'o zhes khas blang ba'am dam bcas pa gyis shig pa'o//ji srid kyi bar du zhe na/ zla ba gsum zhes pa yin te/ tshes grangs gang la zhe na/ tshes gcig la zhes pa yin no/ /gang gi tshes gcig la zhe na/ dbyar zla ba 'bring po 'das ma thag tu 'o zhes pa yin te dbyar zla 'bring po'i tshes bcu drug la bya'o/ /dbyar zla snga ma de ltar bstan nas dbyar phyi ma ston pa ni/dbyar zla tha chungs kyi yang ngo zhes pa yin te dbyar zla tha chungs tshes bcu drug la yang bya bar ston pa'o/ /zhag bcu'am zla ba phyed 'byung du 'cha' ba nas gtsug lag khang gi byi bdar bya zhes pa ni zhag grangs 'di tsam gyi snga rol nas tshul du 'jug ba'i phyir gtsug lag khang gi zhig ral bsab cing ri mo 'dri ba la sogs pa gyis shig pa'o//bdun nam brgyad ces yang kha cig go zhes pa ni gong ma ltar bya ba zhag bdun nam brgyad tsam nas bya ba yin no zhes kyang kha cig 'chad par ston pa'o/ /snga de nyin par mal cha bstsar zhes pa ni tshes bco lnga'i nyin bar mal stan gyi rnams sor cig pa'o//mal stan gang gang bstsar bar bya zhe na/ rkang pa'i chol zangs yin kyang ngo zhes pa yin te ming gis smos pa 'di dag yan chad mal stan no cog ma lus par sor cig pa'o/ /de 'god pa bsgo zhes pa ni de ltar mal stan bstsar ba'i nyin par mal stan 'god pa'i dge slong gcig kyang skos shig pa'o//mi khyab na du ma'o zhes pa ni mal stan 'god pa gcig gi lag gis ma khyab na du ma'ang skos shig pa'o/ /tshul du 'jug pa'i thabs ji ltar bya zhe na/ tshul shing bsung gis byugs pa slo mar gzhug cing gos dkar po'i steng du bgos nas rgan rabs kyi gan du 'dug la gnas 'di na bya bar byas pa ni 'di dang 'di lta bu dag yod kyis khyed cag su gnas 'dir bya bar byas pa 'di dang 'di dag dang dbyar gnas par 'dod pa rnams kyis tshul shing long shig dbyar gyi khongs 'dir dge 'dun gyi nang du rtsod pa sus kyang ma dbyung shig /sus gang la dogs pa ci yod pa'ang da mod la smros shig /dbyar gyi khongs su sus dge 'dun dkrugs pa yang phyis dge 'dun rnams rjes gcod cing dbyung ngo zhes dge 'dun rnams la 'di skad du go bar bya'o zhes pa yin te mal cha 'god par bskos pa des tshul shing gi cho ga dang / dge 'dun la bsgo ba 'di skad du gyis shig pa'o//gzhan cig gis len pa dang 'jug pa dge 'dun la zhu zhes pa ni dge slong gzhan cig gis tshul shing blang ba dang / tshul du 'jug pa'i phyir dge 'dun la gsol ba gyis shig pa'o/ /tshul shing brim zhes pa ni de ltar dge 'dun la zhus pa'i 'og tu tshul shing brims shig pa'o/ / ston pa'i dang por blang zhes pa ni bcom ldan 'das kyi sku skal du tshul shing 'brim pas gcig long shig pa'o/ /gzhan dag gis stan phye ste'o zhes ba ni dge slong gzhan dag gis stan la spogs te tshul shing long shig pa'o/ /dge tshul dag ni mkhan po'am slob dpon gyis so zhes pa ni dge tshul gyi tshul shing so so'i mkhan po'am slob dpon gyis long shig pa'o//gzhi pa rnams kyi'ang mjug tu'o zhes pa ni gtsug lag khang gi srung ma ha ri ti'am pan tsi ka la sogs pa'i tshul shing yang yang mjug du long shig pa'o/ /dal gyis gzhag ces pa ni 'jog pa'i tshe ma 'dor bar dal gyis gyis shig pa'o//'greng ste gnas 'dir 'di snyed cig gis tshul shing blangs so zhes shes par bya'o zhes pa ni gong ma ltar brims zin pa'i 'og tu grangs su byung ba bsdoms la dge 'dun gyi snyan du gsol cig pa'o/ /gnas kyi dngos po bgo zhes pa ni gong ma ltar byas zin pa'i 'og tu gnas khang bgos shig pa'o//bgo ba'i thabs ji ltar bya zhe na/ lde mig kyog mo thogs te mdun du 'dug la gnas brtan gnas khang che ge mo rnyed pa dang bcas/ gos dang bcas kyis bzhes shig ces yon tan ji bzhin du bsnyad de 'dam du gzhug ces pa ni mal stan 'god pas gnas brtan gyi mdun du lde mig thogs la gnas khang gi yon tan ci yod pa bzhin du bsngags shing rgan rims nas 'dam du chug shig pa'o//blang ba la sogs pa ni lhung bzed bzhin zhes pa ni 'dam du bcug pa dang / gnyis gsum gyis chod nas ma slong shig pa'o/ /slong na'ang tshig lan gnyis gsum gyi bar du mi sbyin pa la sogs pa lhung bzed 'god pa bzhin du gyis shig pa'o//'god par shes bzhin du mchod rten dang dge 'dun gyi ched ma yin bar song na gral rims su'o zhes pa ni mal cha 'god par yang shes la mchod rten dang dge 'dun gyi don ched kyang ma yin par gud du song na kho na nyid kyi gral gang yin ba dang mi sbyar gyi slar 'khor te brim pa'i gral rims gar bab pa'i thad du byin cig pa'o//shing drung dang ne'u gsing dang spang ba yang rgan rims su bdar zhes pa ni 'gron du dong ba'i tshe'ang sa nar bde ba dang / grib ngad la sogs pa gang 'dam par bya ba de rgan rabs la dor cig pa'o//gnas khang gis mi khyed na gnyis la sogs pa mthar na gding ba tsam gyis kho na yang ngo zhes pa ni gnas khang gis mi khyed na gnyis shing gcig sbyin pa la sogs pa mal re tsam shong ba tshun chad kyi drod kyis kyang zung shig pa'o/ /lhung bzed dang ril ba dang go 'dun dang so shing gnas tsam ni gzhag ces pa ni gong ma ltar mal cha dag gis tshal par dgang ba yang ma yin gyi ming gis smos pa 'di dag tsam gyi go yang zhog shig pa'o//sgo khang dang khyams dang bkod pa tshang mang dang / bsro gang rnams mi bgo zhes pa ni ming gis smos pa 'di dag spyi mthun gyi gnas yin pa'i phyir ro//mal cha mtshan mo ma yin zhes pa ni mtshan mo mal cha ma 'god cig pa'o/ /nad pa yod pa'i gnas khang gzhan du ma yin zhes pa dang / des mi 'thob pa tsam gyi tshod kyang mi sbyin pa ma yin zhes pa ni nad pa 'dug pa'i gnas khang de'i rkyen dang sbyar na mi 'thob pa tsam gyi tshod pa yang gzhan du ma bgo bar kho na nyid sbyin zhing gzhi la zhog shig pa'o//'di dang rim gro ba las su mi gzhug ces pa ni nad pa dang nad g.yog la ma bsko shig pa'o/ /mdze can dge 'dun gyi mal stan spyod du mi gzhug ces pa dang / gnas khang gi mtha' khob sbyin zhes pa dang /dge 'dun gyi khyams dang mthongs dang / sgo khang dang dag ra dang / 'chag sa dang / grib shing dang gzhan yang spyod pa'i gnas su 'dug par mi bya zhes pa dang / bshang gci'i gnas su'ang mi 'jug ces pa ni mdze can de dge 'dun gyi gzims cha spyod du mi gzhug cing /gnas mtha' khob sbyin pa dang / ming gis smos pa'i gnas 'di dag du ma 'jug shig pa'o/ /'di'i rim gro pa bsgo bar thugs phag mdzad ces pa ni de'i nad g.yog gcig dge 'dun gyis thugs phag mdzod cig pa'o/ /dgon pa pa'i lhung bzed dang chos gos bzhag pa'i gnas khang gtan du bsko zhes pa ni dgon pa pa gud nas 'ong ba'i gnas khang gcig gtan du skos shig pa'o//dbyar tshul zhugs pa'i tshe gud nas 'ong ba'i sta gon du gnas khang dang mal stan gzhag ces pa ni gud nas 'ong ba'i sta gon 'di ltar gyis shig pa'o/ /lhags pa phal chen bslas te bgo zhes pa ni gnas khang la sogs pa bgos zin pa'i 'og tu gzhi la bkod pas phal che ba dag cig gud nas lhags na sngar bgos pa mi brtsan gyi gzhi nas slar bgos shig pa'o//tshul phyi mar ma yin zhes pa ni tshul phyi mar zhugs na ni gud nas lhags pa phal cher zin kyang gong ma ltar ma spo shig pa'o//gcig gis kyang gnyis la sogs pa'i gnas khang thob pa lta na'o zhes pa ni gnas khang phal che la mi nyung na mi gcig la gnas khang gnyis sbyin pa la sogs pa du ma'ang byin cig pa'o/ /nyin zhag gcig gi phyir mal cha mi mnod zhes pa ni zhag gcig tsam dgos pa'i phyir dge 'dun gyi gzims cha ma mnod cig pa'o//gtsug lag khang ni rnyed pa la 'dod zhen gyis ma yin zhes pa ni yon bdag la snying rje ba'i phyir gnas khang bya'i rnyed pa 'dod pa'i phyir gtsug lag khang ngam gnas khang mnod par ma byed cig pa'o/ /thams cad spyad par bya zhes pa ni gong du smos pa ltar mi nyung la gnas khang mang ste du ma thob pa thams cad spyod cig pa'o//thams cad ji ltar spyad ce na/ kha cig tu snga dro'i bklag pa dang gdon ba dang 'dug pa dang / 'chag pa gang yang rung bar bya zhes pa dang / kha cig du gung gi dang phyi dro zhes pa dang / kha cig du lhung bzed dang chos gos gzhag pa'i gnas su bya/kha cig du mtshan mo spyad par bya ba'o zhes pa yin te thabs 'di dag ltar gyis la thams cad spyod cig pa'o/ /tshul du zhugs pas gnas kyi dngos po zhig pa dang ral ba bcos par bya zhes pa dang / dbyar zhes pa'i dge slong mas dbyar mo thang bcos zhes pa ni dge slong pha dge slong ma dbyar tshul du zhugs pas so so'i gtsug lag khang zhig ral du gyur pa chos shig pa'o//'thab krol can gnas su mi gzhag pa'i phyir dgun dang dpyid kyang mal stan bgo bar bya ba dang / mtha' dag bgo zhes pa dang / 'di lta ste gtsug lag khang gi khang bzhag yan chad ma lus par ro zhes pa dang /khyams kyang de bzhin du'o zhes pa ni dge slong 'thab krol can gud nas 'ongs na dgun dang dpyid kyi mal stan bgo zhing khyams yan chad kyang bgos shig pa'o/ /song ba'i 'og tu de bzhin du 'og tu mi bya zhes pa ni 'thab krol can de song ba'i 'og tu gong ma rnams ltar ma byed cig pa'o//tha mal pa dgag par mi bya zhes pa ni 'thab krol can ma yin pa dge slong tha mal pa zhig gud nas 'ongs na gong ma ltar dgag pa ma byed cig pa'o/ /'gyur ba'i phyir ma yin zhes pa ni sang phyis 'di lta bu zhig tu dgos so zhes phyis 'gyur ba'i phyir gnas khang snga nas ma nod cig pa'o//de ltar snyad 'dogs shing 'don pa ji lta bu zhe na/ 'dir che ge mo zhig dus dang nyin zhag dang thun kyir ro zhes pa dang / 'dir slob dpon che ge mo zhig 'ong ba dang / mkhan po che ge mo zhig 'dir lhan cig tu spyod pa dang /nye gnas kyi'o/ /'dir gtam zla la sogs pa'i'o zhes gtsug lag khang mi bgo zhes pa yin te 'di skad du snyad 'dogs shing kha rngam dang thob shar ma 'god cig pa'o/ /mi mnod zhes pa ni 'di dag lta bu'i phyir 'bogs na yang ma mnod cig pa'o/ /tshang 'char mi ster ba'i dbyug pa bgo zhes pa dang /sgo nga med pa gzhig / ces pa dang / phra mo rnams kyi mi spel bar thag sred kyis gzhug ces pa ni gtsug lag khang du tshang 'char mi ster ba'i tshang gzhig cing grog spur la sogs pa phra mo rnams kyi tshang 'char mi gzhug pa'i las gyis shig pa'o/ /mal stan la sogs pa sbyin zhes pa ni mal stan la sogs pa gos yan chad kyang bgos shig pa'o//yod na du ma'o zhes pa ni phal cher yod na du ma'ang bgos shig pa'o/ /khri'u rags pa yang bgo zhes pa ni khri'u rags pa yan chad kyang bgos shig pa'o/ /gding ba yang ngo zhes pa ni gding ba yan chad kyang bgos shig pa'o//dge 'dun gyis mal stan brtags pa mi gtsang ba ma rung bar byed pa'i dge tshul la sus kyang mi sbyin zhes pa ni dge tshul 'og rdzing byed pa la mal stan 'god pa nyi tsher ma zad kyi mkhan po dang slob dpon la sogs pa sus kyang dge 'dun gyi mal stan ma byin cig pa'o/ /dge slong ma la'ang ma yin zhes pa dang /gtsug lag khang gi mtha' khob du 'di'i gnas dbog ces pa dang / mal cha yang snyigs ma dang tha shal long zhes pa ni dge slong ma rtag tu zag pa zhig na yang dge 'dun mal cha tha mal pa spyod du mi gzhug pa la sogs pa thabs 'di ltar gyis shig pa'o/ /khyed cag sus kyang gding ba med par dge 'dun gyi mal stan ma spyod cig khral khog gi gding bas ma yin dri ma can gyi gding bas ma yin no zhes bsgo zhes pa dang /zla ba phyed phyed cing byul zhes pa dang / tshul las 'das par spyod na gnas la sbung dbyung zhing gnas pa'i dbrog pa dang dge 'dun la gzhan gyi zhes pa na mal stan 'god pa des gding ba med par mi spyod cig pa dang /gding ba'i go ska rags kyis byed pa lta bu khral khog gi gding ba dang dri ma can gyi gding ba ma byed cig par dge 'dun la thar gang skyel ba dang / zla ba phyed phyed cing byul ba dang / gnas pa cho ga bzhin du mi spyod na gnas la sbud dbyung zhing dbrog pa dang /gnas brtan chog bzhin du mi spyod na/ dge 'dun la dbung byung zhing phrogs shig pa'o/ /sbyin bdag che ge mo zhal ta pa che ge mo spyod yul dang grong che ge mor sang dge 'dun dbyar tshul du 'jug go zhes bsnyad ces pa ni tshul du 'jug pa'i snga de nyin nas ming gis smos pa 'di dag dge 'dun la snyod cig pa'o//'gyod pa mi skyed cing sel ba dang gzhan kyang sdug bsngal dang yid la chags pa dang bde ba dang yi sos pa skye zhing rjes su bsrung ba dang tshangs pa mtshungs par spyod pa nad kyi rim gro bar 'gyur bar re ba dang gnas dang spyod yul dang zas dang sman rnams kyi khungs brtag cing tshul du 'jug ces pa ming gis smos pa 'di dag lta bu'i thag snga nas bcad la de nas gdod tshul du zhugs shig pa'o//de 'gyod pa mi skyed cing sel ba ni 'gyod pa ma skyes pa ni mi skyed/ skyes na ni sel bar nus pa'o/ /sdug bsngal dang yid la chags zhes pa ni 'gyod pa las gzhan pa lus kyi sdug bsngal dang sems kyi yid la gcags pa mi skyed pa dang skyes na yang sel bar nus pa'o//bde ba dang yi sos pa skyed cing rjes su zhes pa ni lus kyi bde ba dang / sems kyi yi sos pa ma skyed pa ni bskyed skyes pa ni gting tshugs shing rjes su bsrung nus pa'o//tshul du 'jug pa'i gnas gang du zhe na/ grog slur dge slong gi mdun du'o zhes pa yin te lkog gam dben par dge slong gi mdun du tshul 'jug pa'i cho ga'am sngags gyis shig pa'o/ /gtsug lag khang du mar ma yin zhes pa ni rnyed pa 'dod pa'i phyir gtsug lag khang du mar tshul du 'jug pa ma byed cig pa'o//gang na dge slong dang sgo 'phar gnyis ka med pa ma yin zhes pa ni/ 'di gnyis ka med pa'i gnas su tshul du ma 'jug shig pa'o/ /sbyin bdag dang zhal ta byed pa dang spyod yul gyi grong dang rim gro pa rnams yod na brjod ces pa ni 'di dag yod na gdod tshul du 'jug pa'i sngags kyis nang du rjod cig pa'o//byin gyis ma brlabs par mtshams kyi phyi rol tu skya rengs shar bar mi bya zhes pa ni cho ga 'og nas 'byung ba lta bu ma byas par mtshams kyi phyi rol tu zhag lon par ma byed cig pa'o/ / byin gyis brlabs pa gang zhe na/ chos kyi ched cig na zhag bdun byin gyis brlab ces pa yin te chos kyi don ched yod na zhag bdun gud du 'gro bar byin gyis rlobs shig pa'o/ /chos kyi ched gang zhe na/ de 'di lta ste kun dga' 'bul ba dang / gtsug lag khang gi gzhi gzugs pa dang / mal stan bsgo ba dang / zas gtan du shom pa dang / mchod rten brtsigs pa dang / srog shing dang / rgyal mtshan 'dzugs pa dang / ldong ros dang / tsan dan dang / gur gum gyi chag chag 'debs pa dag go/ /dge slong gis ni klog pa/ 'gyod pa sel ba/ lta ba zlog pa/ dpung sgrub pa/tshangs par bya ba/ chad pa la sogs pa bzhi dbyung ba/ nad pa'i gso ba rnams so/ /dge slong ma ni lci ba'i chos kyi mgu ba nod na'o/ /dge slob ma ni tshangs par spyod pa'i gnas kyi sdom pa dang / bsnyen par rdzogs par na'o/ /'dir ni dge tshul yang ngo / /dge tshul ma ni bslab pa'i sdom pa nong na'o//khyim pa dang khyim ma'i ni mgo bcing ba dang / zla mtshan bstsal ba dang / skra bskyed ba dang / spyi phud btsugs pa dang / rna cha 'dogs pa rnams so/ /bsnyen par ma rdzogs pa'i ni dge 'dun gyi lhag mar gtogs pa ma yin pa'i snga ma rnams so zhes pa rnams yin te don ched 'di dag lta bus gud du 'gro na gdod zhag bdun du byin gyis rlobs shig pa'o//de la kun dga' zhes pa nas gur gum gyi chag chag 'debs ces pa'i bar du smos pa rnams ni mchod rten gyi ched do/ /dge slong gis ni zhes pa nas nad pa yi gso zhes pa'i bar du smos pa ni dge slong gi ched de de la dpung sgrub ces pa ni chad pa'i las dang /rtsod pa zhi bar bya ba la dge slong chos bzhin du spyod pa rnams kyi dpung bsags pa'o/ /tshangs par bya ba zhes pa ni chad pas bcad cing bkar ba la sogs pa'i khrin tshangs par bya ba'o/ /chad pa la sogs pa bzhi zhes pa ni chad pa dang rtsa ba'i chad pa dang /mgu ba dang / rtsa ba'i mgu ba bzhi'o/ dbyung ba zhes pa ni dge 'dun gyi lhag ma byung ba las dbyung ba'o/ /nad pa yi gso zhes pa ni nad pa'i gan du song zhing nad pa mgu bar bya'o/ /dge slong ma ni lci ba'i chos kyi mgu ba nod na'o zhes pa ni dge slong ma'i ched yin no //dge slob ma ni zhes pa nas bsnyen par rdzogs par na'o zhes pa ni dge slob ma'i ched do/ /'di ni dge tshul yang ngo zhes pa ni gong du smos pa'i bsnyen par rdzogs pa dge tshul gyi ched kyang yin par ston pa'o/ /dge tshul ma ni bslab pa'i sdom pa nod na'o zhes pa ni dge tshul ma'i ched do / /khyim pa dang khyim pa'i zhes pa dang /rna cha 'dogs zhes pa'i bar du smos pa ni khyim pa'i ched yin te/ de la mgo 'ching zhes pa ni byis pa 'bral ba legs par bya ba'i phyir mgo 'ching ba'o/ /zla mtshan sel zhes pa ni bu btsas pa'i 'og tu cho ga'ang byed pa'o/ /skra bskyed ces pa ni byis pa skra bskyed pa'o/ /spyi phud 'dzugs zhes pa ni spyi phud 'jog pa'i dus so//rna cha 'dogs zhes pa ni dngos te/ khyim pa cho ga 'di dag byed pa'i tshe dge slong gnyar na yang zhag bdun byin gyis brlabs te 'gro bar bya'o/ /bsnyen par ma rdzogs pa'i ni dge 'dun gyi lhag mar gtogs pa ma yin pa'i snga ma rnams so zhes pa ni gong du smos pa'i nang nas lhag ma nyi tshe ma gtogs pa'i gzhan thams cad dge tshul gyi ched kyang yin par ston pa'o//de'i zhar la ston pa ni/ khyim pa'i tshangs pa ni khas sbub pa gtong ba'o zhes pa yin te khyim pa'i nyes khrin tshangs pa ni lhung bzed khas sbub pa 'gro ba yin te/ 'di lta bu'i tshe yang byin gyis brlab cing gud du 'gro bar bya'o//zas sman rim gro pa rnams med la/ de med pas gnas par mi nus na 'di dral zhes pa ni ming gis smos pa 'di dag dang mi ldan te / der gnas pa'i gtol med na tshul drol cig pa'o/ /dge sbyong dang 'tsho ba dang tshangs par spyod pa'i bar chad du 'gyur na'o zhes pa ni rkyen 'di dag lta bus thebs na yang tshul drol cig pa'o//dge 'dun gyi dbyen la zhugs pas dga' ba'i sems skye ba dang / sdig pa'i tshig tshor na'o zhes pa ni dbyen la zhugs pa sems skye ba tsam gyi tshod dam sdig ngan pa dag tshor ba tsam gyi tshod na tshul btang ste song yang bla ba'o/ / de zhir re na mi 'gro ba ma yin zhes pa ni gnas gud na dge 'dun gyi dbyen la zhugs pa'am/ rtsod par 'gyur ba bdag gis zhi bar nus shing slon pa tsam gyi tshod na bla gyad dang theg ma byed par der song la zhi ba dang bsdum par gyis shig pa'o/ /song nas 'das kyang bla zhes pa ni de lta bu'i ched du ni zhag bdun byin gyis brlabs pa las 'das kyang bla ba'o//dbyar gyi gnas gzhi gzung bar dam bcas na mi bya ma yin zhes pa ni dbyar 'dir gnas par bya'o zhes dam bcas pa nas gya gyu ma byed par gzhi zung shig pa'o/ /gnas gnyis la gso sbyin gcig pa ni 'dir mi 'gyur zhes pa ni gso sbyin gcig na gnas tha dad pa ni dam bcas pa las gya gyur byas par mi 'gyur ba'o//rnyed pa gcig pa ni 'gyur ro zhes pa ni gnas tha dad pa rnyed pa gcig pa ni dam bca' ba las gya gyur byas par 'gyur ba'o/ /dbyar gyi dngos po'o// //gleng gzhi la sogs pa las dbyar gyi dngos por gtogs pa rnams bsdus te ston pa ni sde lnga char gyi tshul du 'jug par bya zhes pa la sogs pa yin te dbyar tshul du 'jug pa dge slong pha dang dge slong ma dang dge slob ma dang /dge tshul pha dang / dge tshul ma sde lnga char gyis kyang gyis shig pa'o//dge tshul nyi tshe ni ma yin zhes pa dang / lo ma lon pa rnams kyis kyang ngo zhes pa ni gtsug lag khang gcig tu dge tshul sha dag gam/ bsnyen par rdzogs nas lo rer ma lon pa sha dag tshul du 'jug par ma byed cig pa'o/ /'di dag gis kyang tshul mi skye ba ni ma yin zhes pa ni gong ma lta bu sha dag gis dbyar tshul du 'jug pa byas na'ang dbyar gnas pa'am tshul du zhugs par mi 'gyur ba ma yin par ston te/ci'i phyir 'di lta bu sha dag gis tshul du 'jug par mi bya zhe na/ gnas med pa'i phyir bya ba dang mi bya ba la sogs pa'i dmigs mi phyed pa'i phyir ro/ /mal stan mi bsgo ba ma yin pa ni de dag lta bu brgya la tshul du zhugs na lang mal stan ni bgos shig pa'o//'god pa med kyang ngo zhes pa ni mal stan 'god par bskos pa med du zin kyang spyis bgos shig pa'o/ /ma bskos pas mi bgo zhes pa ni dge slong yang rung / dge slong ma yin yang rung / mal stan 'god par ma bskos pas ma 'god cig pa'o//sde snod 'dzin pa dang 'thab krol byed pa yod pa dang / med pa ni mi bskyed pa la sogs pa la brten pa ma yin zhes pa ni sde snod mi 'dzin pa dang 'thab krol can yod na tshul du mi 'jug pa dang / med na 'jug par bya ba ni gong du 'gyod pa sel cing sdug bsngal ba dang /yid la chags pa zhes smos pa la ma brten par ma yin par ston pa'o/ /ci'i phyir de lta zhe na/ sde snod 'dzin pa med na the tshom sel ba la sogs pa nus mi srid pa dang / 'thab krol can yod na sdug bsngal zhing yid la chags pa gdon mi za bar 'byung ba'i phyir ro/ /tshul du ma zhugs la gnas ma btang ba'ang gnas pa'o zhes pa ni tshul du ni ma zhugs la dbyar gcig gi bar du gud na song bar gzhi la 'dug 'dug na'ang dbyar gnas pa yin par ston pa'o//nam mkha' la tshul du 'jug pa mi skye zhes pa ni nam mkha' la 'dug cing 'dzul du 'jug pa'i las byas na las su mi rung ba'o/skam la byung ba dang sa la legs par brtod pa dang bar chad 'byung bar ma shes pa rnams ma rtogs na grur ma yin zhes pa ni gru skam la byung ba dang / shing lta bu rtsa ba brtan po la brtod pa dang gru gud du khrid pa'i rkyen 'byung ba ma shes te gru'i nang du tshul du 'dug pa'i las byas pa ni rung gi de ma yin bar gru'i nang du 'jug pa'i las byas na mi rung bar ston pa'o//de'i lta ba la mngon par brten te chos ma yin pa'i phyogs su song nas skya rengs kyis chod na zhig go zhes pa ni lha sbyin lta bu'i phyogs su ltas shing der song ste skya rengs kyis chod na tshul 'jig pa'o/ /the tshom pa ni ma yin zhes pa ni bdag tshul du zhugs sam ma zhugs snyam du the tshom pas ni tshul mi 'jig par ston pa'o//mjug gi zhag drug la byin gyis brlabs pa mi 'chags zhes pa ni tshul du zhugs pa'i zhag grangs kyi mjug zhag drug tsam las ma lus na gud du 'gro bar byin gyis brlabs kyang byin gyis brlabs pa'i don du mi rung bar ston pa'o//don med par shes na slar ma log gam gzhi bzung na 'jig go zhes pa ni don ched kyi phyir byin gyis brlabs te gud du song song ba las don de med cing mi 'grub bar lam du thos nas slar ma log gam/ gzhir byin nas don ched bzhin du de na 'dug na tshul 'jig par 'gyur ba'o//'dir zhag bdun ni mtha'i tshigs so zhes pa ni zhag bdun yang tha ma'i tshigs de tsam gyis bzung du zad kyi zhag gcig gnyis kyis grub pa'i don ched la 'gro na/ don ched zhag dus 'grub pa bzhin du byin gyis rlobs shig pa'o/ /'di ni sdom pa ma thob pa'i mtha'o zhes pa ni sdom pa ma thob na zhag bdun gyi tshigs kyis rung bar ston pa'o//gzhan ni zhag bzhi bcu'o zhes ba ni sdom pa thob na zhag bzhi bcu'i tshigs kyis zung shig pa'o/ /'di ni zhag bzhi bcur 'gro ba'i dge 'dun gyis byin gyis rlob par gnang pa la bya'i dge 'dun gyis gnas nas byin gyis brlab mi dgos pa ni ma yin no//'di dbog ces pa ni de lta bu'i sdom pa dge 'dun gyis byin cig pa'o/ /phyi rol du de las 'das par mi gnas zhes pa ni mtshams kyi phyi rol du zhag bzhi bcu las lhag par ma 'dug shig pa'o/ /'di sde lnga char gyi yang ngo zhes pa ni gong ma ltar sdom pa gsol ba de sde lnga char gyi yin pa'o//'di ni mtshams kyi nang du 'chags zhes pa ni byin gyis brlabs pa de mtshams kyi nang du bya dgos kyi phyi rol gyi ma yin pa'o/ /dge slong gi mdun du'o zhes pa ni byin gyis brlabs pa de dge slong pa zhig na yang dge slong pha gcig gi mdun du byin gyis brlab /dge slong ma zhig na'ang dge slong ma gcig gi mdun du byin gyis brlab dgos pa'o/ /mu stegs kyi lta ba las bral ba dang / gnyen gyi bya ba dang / nyid kyi the tshom gzhung dang chud pas bstsal ba'i phyir 'gro zhing 'di dag bya ba ni ma bsdus par ma dogs shig ces pa ni gong du chos kyi don ched kyi phyir 'gro na zhes smos pa de'i nang du ming gis smos pa 'di dag gi phyir 'gro ba yang ma bsdus pa ma yin bar ston pa'o//tshul du zhugs pa'i mi dgar zhes pa ni tshul du zhugs pa'i tshe bkar ba'i las mi bya zhing / bkar du zin kyang de dang lhan cig tu 'dug shig pa'o/ /gnas ni dpe'o zhes pa ni gong du gnas par dam bcas na de bzhin du mi rung zhes smos pa de dpe tsam du zad kyi gzhan yang chos gos dang lhung bzed la sogs pa sbyin par dam bcas pa lta bu gang la'ang dam bcas phyin chad gya gyu ma byed cig pa'o//gleng gzhi la sogs par gtogs pa'o/ /dbyar gyi dngos po rdzogs so// // tshul nas 'byung ba'i dngos phod ston pa ni/ thub pa'i dam mi bca' zhes pa la sogs pa yin te/ smra bar thub pa'i dam ma 'cha' shig pa'o/ /'dis 'dag cing grol du re na nyes pa sbom po'o zhes pa ni gong ma lta bu'i thub par dam bcas pa des sdig pa 'byang zhing mya ngan las 'das pa 'thob du re na nyes pa sbom po yin par ston pa'o//dbyar lon pas dge 'dun dag mthong ba dang / thos pa dang / dogs pas dbyung zhes pa ni dge 'dun tshul nas 'byung ba'i tshe dbyar gnas pa'i dge slong gis gnas 'di gsum phyung shig pa'o/ /dbyar gyi mjug du'o zhes pa ni dbyar zla gsum lon ba'i rjes la tshul nas 'byung ba'i las gyis shig pa'o//spyod yul du bsgrags zhes pa ni dge 'dun tshul nas 'byung ba spyod yul du sgrogs shig pa'o/ /nam byi bdar byed pa nas so zhes pa ni gong ma ltar bsgrags pa de gtsug lag khang gi byi bdar byed pa'i mgo btsugs pa tsam nas sgrogs shig pa'o//bsgrags pa'i skad ji skad du bya zhe na/ zhag grangs 'di tsam dge 'dun tshul nas 'byung bar khyed la sbran pa yin no zhes pa yin te ji tsam na tshul nas 'byung ba'i zhag grangs smos la snyad 'di skad du bsgo shig pa'o/ /gtsug lag khang brgyan zhes pa dang / lding khang bya zhes pa dang /khang bu bri zhes pa dang / mchod rten bsab pa dang phyi ba yang ngo zhes pa dang / seng ge'i khri brgyan zhes pa rnams ni tshul nas 'byung ba'i zhal ta dang yo lang 'di ltar gyis shig pa'o/ /de la khang bu bri zhes pa ni mchod rten gyi nang na khang bu yod pa'i ri mo gso ba la sogs pa gyis shig pa'o//do nub mtshan thog thag chos bsgrags par 'gyur gyis khyed kyi bsham pa dag kyang de las gyis shig ces spyod yul du bsgrags pa dang / mdo sde dang / 'dul ba dang ma mo 'dzin pa la bskul te/ tshes bcu bzhi'i mtshan thog thag chos bsgrag par bya zhes pa ni tshes bcu bzhi'i tshe chos sgrogs shing spyod yul du sbran pa'i thabs 'di ltar gyis shig pa'o//gzhan du de dag gis las la ma bab tshun chad chos rnam par nges pa'i gtam mtshan thog thag du bya zhes pa ni tshes bco lnga'i nub mo yang tshul nas 'byung ba'i las bya ba la ma thug gi bar du chos kyi gtam gyis shig pa'o/ / skya rengs kyis ma chod pa'i snga rol du 'byung ba'i las bya zhes pa ni tshul nas 'byung ba'i las skya rengs kyis ma chod par gyis shig pa'o/ /'byin par byed pa'i dge slong bsgo zhes pa dang / gcig gis mi khyab na du ma'o zhes pa ni tshul nas 'byin pa'i dge slong thabs 'di ltar skos shig pa'o//'dir tshan tshan du bsgo ste bya ba'i rigs so zhes pa ni tshul nas 'byung ba'i dge slong du ma bskos na de dag gis 'byung bar bya ba'i dge slong yang tshan tshan du bgo zhing las rab tu gyis shig par ston pa'o/ /des rtswa brim zhes pa ni tshul nas 'byung ba'i rtswa brims shig ba'o//dge 'dun la 'byung bar bskul ba ni gzhan gyis so zhes pa ni tshul nas 'byung ba'i drod 'dzin pa 'byin par bskos pa de'ang ma yin ba gzhan gcig gis gyis shig pa'o/ /'byin par byed pa'i mdun du dge slong re re nas 'dug ces pa ni 'byin pa'i tshe gnyis gsum la sogs pa du ma cig char du 'byung ba ma yin gyi de re re'i mdun du gyis shig pa'o//de la tshul nas 'byung ba bsnyad pa ni lan gsum mo zhes pa ni tshul nas 'byung ba'i sngar lan gsum du slos shig pa'o/ /de la yang nad kyis nyen tam mal stan mi rung ba'am dus kyis mi thub bam gdon tshegs su 'byung ba tsam gyi tshod na lan gnyis so zhes pa dang /'on kyang na lan gcig go zhes pa ni lan gsum bsnyad de rkyen gong du smos pa ltar gyur te mi bde na lan gnyis sam gcig gis gyis shig pa'o/ /de nyid ni tshar rdzogs nas zla ba'o zhes pa ni 'byin 'byin pa'i dge slong nyid rang gi las zin nas 'byin ba'i zla ba gcig las 'byung bar gyis shig pa'o//med na gzhan la'o zhes ba ni zla med na dge slong gzhan gcig las 'byung bar gyis shig pa'o/ /de ltar dge 'dun thams cad tshul nas byung nas dge 'dun la bsnyad ces pa ni thams cad byung zin nas dge 'dun spyi la byung zin pa snyod cig pa'o/ /dge bar tshul nas byung ngo legs par tshul nas byung ngo zhes thams cad kyis bsgrub ces pa ni gong ma skad du bsnyad nas dge 'dun thams cad kyis 'di skad du gyis shig pa'o//bdag gis nor khab yan chad ci yang rung ba thogs te dge 'dun la nor dbul bar tshig gis brtsams pa ni btsun pa dag dbyar lon pa'i dge slong gi dge 'dun gyis nor gyi dngos po 'di lta bu dag brnyes so zhes 'bul zhes pa ni khyim pa la sogs pa gzhan dge 'dun la yon 'bul bar mig drang ba'i thabs 'di ltar gyis shig pa'o//de nas dge tshul dbyung zhes pa dang / de nas dge slong ma zhes pa ni dge tshul dang dge slong ma 'byung ba'i go rims 'di ltar gyis shig pa'o/ /byin gyis brlabs te song nas 'byung ba'i snga rol du bsdongs te 'byung na tshul nas 'byung ba'o zhes pa ni gnas gang du tshul du zhugs pa der mi 'byung du mi rung ba med de/gud du gzhan dang bsdongs shing 'byung na'ang mi rung ba med pa'o/ /bud med ni gyur kyang ma yin zhes pa ni bud med ni skyes pa las gyur pa zhig yin na yang de'i thad du tshul nas 'byung ba'i las ma byed cig pa'o//gzhi gzung ba'i gtol med pa lam yogs su dge slong dang phrad de byung na'ang sde'i gsol bas so zhes pa ni 'dug tu ma bde nas gud du song ba la'am lam yogs su dge slong gcig dang phrad de 'byung na dgongs shig / tshe dang ldan pa bdag ming 'di zhes bgyi ba la gnas 'di lta bu zhig na dbyar gnas gnas te/dge 'dun thams cad dang lhan cig tu 'byung ba'i rigs pa las 'di ltar gnas sum bde nas gud du byol ba/ da tshe dang ldan pa'i thad du sde'i 'byung bar bgyi'o zhes byas te/ byung na mi rung ba med par ston pa'o/ / ched kyis 'gron dbyar gyi khongs su 'byung zhes pa ni don ched cig yod na zla ba gsum ma lon par 'byung du'ang rung ba'o/ /dngos po'am gang zag gam gnyi ga bzhag nas kyang ngo zhes pa ni 'di bzhag la gzhan skabs phye ste 'byung na mi rung ba med par ston pa ste/ de la dngos po zhes pa ni lhag ma la sogs pa'o//gang zag ces pa ni ming 'di zhes bya ba'i gang zag ma gtogs par khyed gzhan gyis glengs shig ces zer ba lta bu'o/ /gnyi ga zhes pa ni de gnyi ga bzhag ste 'byung na'o/ /'di blang zhes pa ni de ltar dngos po bzhag ste 'byung ba de dge 'dun gyis sdom par gyis shig pa'o//mtha' ma yin pa khas len cing bzhag na'o zhes pa ni phas pham pa bzhag ste 'byung du ni mi rung bar ston pa'o/ /dge 'dun gyis de sdom par bya ba'i snyad ji skad du bya zhe na/ tshe dang ldan pa bdag cag 'di ltar 'dus shing 'khod pa ni tshe dang ldan pa'i dngos po bzhag la gang zag ma yin pa gang gi phyir yang ma yin mod kyi/bcom ldan 'das kyis tshul khrims rnam par dag pa'i don ni gso sbyin/ chos rnam par dag pa'i don ni tshul nas 'byung bar gsungs pa ni ji ste 'dod na tshul nas 'byung bar gyis shig ces 'byung ba 'di bzhin du bsgos shig pa'o//gang zag bzhag la dngos po ma yin zhes pa dang / dngos po dang gang zag bzhag pa yang ngo zhes pa ni gong ma skad du bsgo ba'i snyad kyi gzhi yin te/ gang zag bzhag la dngos po ma bzhag pa dang / dngos po dang gang zag gnyis ga bzhag pa las gong ma skad du gleng gzhi bsgo bar bya'o/ / de la tshul khrims rnam par dag ces pa ni gso sbyin gyis ltung ba thams cad sbyong zhing sel ba'o/ /chos rnam par dag ces pa ni bskul ba dang glengs pas sems dang sems las byung ba'i chos mi 'gal bar yang dag pa nyid du 'gyur ba'i phyir ro/ /khas blangs pa bzhag pa dang / bzhag nas bsnyon kyang khas blangs pa mi 'jig ces pa ni de ltar bzhag ste phyung ba'i 'og tu gtan nas bsnyon tam shas kyis bsnyon na yang dang po'i khas blangs shing tshul nas 'byung ba de 'jig par ni mi 'gyur bar ston pa'o//'dir snga ma'am 'di la 'di lta bu'i rnam pa cung zad kyang med do zhes zer na brdzun no zhes pa ni snga ma ste bzhag pa dang /phyi ma bzhag pa gnyis bsnyon na tshul nas 'byung ba ni mi 'jig gi /shes bzhin gyi brdzun du 'gyur bar ni ston pa'o/ /tshul du zhugs pa dag gi sa gal te 'thab krol can gyi dge slong 'ong bar thos nas gso sbyin gnyis sam gsum thal te tshul nas 'byung ba bya zhes pa ni 'thab krol can 'ong ba'i gzhog tshor na/gso sbyin gnyis sam gsum thal ba'i 'og tu tshul drol la so sor gyis shig pa'o/ /ma grub na 'gen phag la lnga'am drug du bya zhes pa dang / kha gsag gis bstsu zhing lhung bzed dang chos gos blang zhes pa dang / gnas khang glo phug dang khang pa brtsegs pa sbyin zhes pa dang /khrus dang 'brong sdur bya zhes pa dang / chos bsgrags pa la sogs pa 'di dag gis mgu bar bya zhes pa rnams ni gong ma ltar byar ma nus sam/ 'thab krol can des brdzis par gyur na 'gen phag kha mang du byas la/ dge slong gnyis gsum mam bzhi lnga nas gso sbyin kun bur bya ba dang / de mgu bar bya ba'i thabs 'di ltar gyis shig pa'o//'on kyang gzhar ma nus na 'gen phag du gso sbyin bya zhes pa ni gong ma ltar yid bzhos shing bsris su zin gyis kyang mi rung ba tsam gyi tshod na gdod 'gen phag gi gso sbyin kha mang du byas pa de dag tu gong ma ltar gso sbyin gyis shig pa'o/ /deng khyed tshul nas mi 'byung ngam zhes zer na/tshe dang ldan pa dag 'di ni gzhi ba'i las yin gyi / khyed gud nas byon pa rnams gzhes zhes bya zhes pa ni 'thab krol can de gso sbyin gyi dus su bskul na 'di skad du rgyang zhing rgyud cig pa'o/ /dong nas 'byung zhes pa ni 'thab krol can de dag song nas gdod tshul nas phyung shig [(]pa'[,]pa'o[)]//tshul nas 'byung ba'i dngos po'o// //da ni phran tshegs la sogs pa las 'byung ba bsdus te ston pa ni bzod pa ma byas par 'khon pa dang mi 'byung zhes pa la sogs pa yin te/ bzod pa ma byas par 'khon yod bzhin du tshul nas ma byung shig pa'o/ /tshul nas 'byung kar ram zhe na/'di'i dus ni zhag bcu'am zla ba phyed du chas nas so zhes pa dang / bdun nam brgyad ces kyang kha cig go zhes pa yin te zhag grangs 'di tsam gyi snga rol nas bzod pa gsol zhing 'khon shogs shig pa'o/ /'dus nas ma yin zhes pa ni gang du yang rung dge 'dun 'dus pa'i tshe bzod par gsol ba ma byed cig pa'o//de 'di mi bzod na'o zhes pa ni bzod pa gsol na bzod par byed du mi btub pa de'ang tshul nas ma dbyung shig pa'o/ /de bzhin du lus pa thams cad kyang mgu ba ma byas na ma yin zhes pa ni tshul nas 'byung bar thams cad kyis kyang gcig la gcig bzod pa gsol cig pa'o//khros pa la bzod par mi gsol ba ma yin zhes pa ni khros su zad par bya ba ma yin gyi de'i ngan zla zhing bzod par gsol cig pa'o/ /dge slong la dge slong mas phyi rol gyi gnas su ma yin zhes pa dang / rkang pa la mi gtug ces pa dang / bzod nas gtug bar bya zhes pa ni dge slong mas dge slong pha la bzod pa gsol ba'i thabs 'di ltar gyis shig pa'o//bzod par gsol na dge slong phas mi mnyan par mi 'gro zhes pa dang / 'gal bar mi bya zhes pa ni dge slong pha la dge slong ma bzod pa gsol na/ nyan du mi btub pa dang / de dang 'gal ba'i bag ma byed cig pa'o//mngon par shes pas bzod pa gsol ba la snga nas rna bca' zhes pa ni khong khros pa de dang mdza' ba'am bshes gnyen yod pa gcig la lag cug la des snga nas rna tshos shig pa'o/ /mi btub na thabs btsal ba la mi dring ba ma yin zhes pa ni bzod pas mi btub na btub tu zad ces bzod par mi gsol bar thal byung du btang ba ma yin gyi ci nas kyang bzod par 'gyur ba'i thabs la dring shig pa'o//mi bshol zhes pa dang / ngad ma las kyi bar du mi bsdad pa ma yin zhes pa ni bzod par gsol ba bsgyang yang mi bsgyang / brtun yang mi ngas par khros pa ngad las pa'i drod kyis zung shig pa'o//bzod par gsol ba la mi bzod pa ma yin zhes pa ni bzod par gsol ba la mi bzod pa ma byed cig pa'o/ /phran tshegs la sogs par gtogs pa'o/ /tshul nas 'byung ba'i dngos po rdzogs so// //gtan pa'i dngos pod ston pa ni/ gtan pa gding zhes pa la sogs pa yin te/'og nas 'byung ba lta bu'i gtan pa dge slong gi dge 'dun gyis bting bar gyis shig pa'o/ /de la 'di'i ming gtan par gdags pa ni chos gos brkyang ba'i gtan pa dge 'dun kun gyi spyir dgos shing brling ba dang / des chos gos la sogs pa mi 'khums shing thar gcod pa'i phyir ming gtan pa zhes bya ba dang /'dra bar 'di'ang dge 'dun tha mi dad pa dang / bya ba gcig pa dang / rnyed pa dang yon tan thun mong ba dang / bag mi 'khums shing bag yangs par byad pa'i phyir gtan pa zhes bya'o/ /de lta bas na gtan pa bting ba'i yon tan ji lta bu yin pa ston pa ni/gtan pa bting ba ni gsum po ji bzhin ba dang / yang yang gi zas dang / 'dus shing za ba dang / ma byas par grong du 'jug pa dang / chos gos slong ba rnams kyi nyes med pa dang / lhag ma rnams dang rnyed pa thun mong ba'o zhes pa yin te yon tan 'di rnams yod pa'i phyir gtan pa bting bar bya'o//de la gsum po ji bzhin zhes pa ni 'chang 'bral 'jog pa gsum gong du smos pa'o/ /lhag ma rnams dang / rnyed pa thun mong zhes pa ni gtan pa bting nas yul gud du song du zin kyang dge slong gzhi la 'khod pa gzhan dang rnyed pa thun mong du dbang ba'o/ /'dir stod g.yogs dang smad g.yogs kyi gos kyis yul rgyu ba spyad pa dang /rung bar ma byas pa'i gos ji snyed 'dod pa spyod du dbang ba gnyis ma smos pa ci'i phyir zhe na/ 'bral ba dang 'chang ba'i khrin med pa gnyis kyi khongs su 'di gnyis 'dus pa'i phyir te sbyar ma ni mi 'bral ba'i khrin med par gyur pas stod g.yogs dang smad g.yogs kyis yul rgyu ba spyad do zhes pa bsdus pa dang /'chang ba'i khrin med par gyur na rung bar ma byas pa spyod du dbang ba lta bu bsdus par mngon zhes pa'i phyir ro/ /gong du gding ba bya'o zhes smos pa de gang zag ji lta bus gding du mi rung ba ji ston pa ni 'dir mi skye ba ni dbyar ma byas pa dang / dbyar chad pa dang / dbyar phyi ma dang / gnas gzhan du dbyar lon pa rnams so zhes pa yin te ming gis smos pa 'di rnams lta bu'i gang zag gis gtan pa gding du mi rung ste/de la dbyar ma byas pa zhes pa ni dbyar tshul du ye ma zhugs pa'o/ /dbyar chad ces pa ni dbyar ma lon pa tshul nas byung ba'am tshul zhig ba'o/ /dbyar phyi ma zhes pa ni tshul phyi ma'o//gnas gzhan du dbyar lon zhes pa ni gtsug lag khang gi gzhi de ma yin par gnas gzhan du dbyar tshul du zhugs pa'o/ /sa gzhan du gnas pa yang ngo zhes pa ni chad pa dang / mgu ba lta bu chad pa rnam pa bdun gyis chod pa'i sa na 'dug pa lta bu'o/ /der gyur na 'jig ces pa ni gtan pa bting pa'i 'og tu gong ma lta bu'i sa gzhan du gnas par gyur na gtan pa bting ba de 'jig par ston pa'o//mtha' ma ma yin pa dang dge tshul dang sa gzhan la bkod pa rnyed shas dbang zhes pa ni dge tshul dang sa gzhan la bkod pa dang / dbyar ma byas pa dang / dbyar chad pa dang /dbyar phyi ma rnams kyi gtan pa bting bar ni mi 'gyur mod kyi de'i rnyed shas ni mi dbang ba ma yin pa'o/ /sa gzhan la gnas pa rnyed shas thob na bkar bas kyang 'thob 'gro ba bstsal ba'i phyir/ bkar ba ma yin zhes smos pa yin te bkar bas ni yon shas mi 'thob pa'o/ /der gyur pa dang 'dra ba ni bye nas chos ma yin pa'i phyogs su song ba'o zhes pa ni gtan pa bting ba'i 'og tu dge 'dun so sor bye nas/chos ma yin ba'i phyogs su bltas nas gzhan du gyur na gtan pa 'jig pa bzhin du/ 'di ltar gyur na'ang gtan pa 'jig par ston pa'o/ /gtan pa'i dngos su bting ba dang /de'i yon tan ji lta bu yin pa rnams de ltar bstan nas/ gtan pa'i dngos nyid ji lta bu yin bston pa ni rtsa ba'i dus tshul nas 'byung ba'i mthar dbyar gyi rgyus bting ba'i lan kar gos rnyed par gtogs pa'i chos gos gsum mo zhes pa yin te ming gis smos pa 'di dag lta bu'i rnyed pa ma yin na gtan pa gding ba'i chos gos su mi rung ba ste de la rtsa ba'i dus shes pa ni dbyar dkyus ma nyid de dbyar phyi ma ma yin par ston pa'o//tshul nas 'byung ba'i mtha' zhes pa ni dbyar zla ba gsum lon pa la bya ste/ dbyar nyams shing chad pa ma yin par ston pa'o/ /dbyar gyi rgyus shes pa ni dbyar gyi rgyus nar ma dang /bla thabs su rnyed pa la bya'i/ dgun gyi rgyus rnyed pa ma yin par ston pa'o/ /gding ba'i lan kar zhes pa ni gtan pa gding ba ma yin du zin kyang mi rung ba med par ston pa'o/ /gos rnyed par gtogs zhes pa mal stan nam smad g.yogs la sogs pa gzhan gyi phyir rnyed pa ni ma yin gyi gos su rnyed pa'am/gos kyi rgyur rnyed pa'o/ /de lta bas na rtsa ba'i dus kyi rnyed pa dang / tshul nas 'byung ba'i mtha'i rnyed pa dang dbyar gyi rnyed pa dang / lan kar rnyed pa dang / gos kyi rnyed par gtogs pa'i chos gos gsum yin na gdod gtan pa gding du rung ba'o/ /de la gzhung las ni chos gos gsum zhes mi smos la/'dir gsum zhes smos pa ci'i phyir zhe na/ sang bdag gis gtan pa gding bar 'tshal gyis dge 'dun so so'i chos gos rnams dbyung bar mdzod cig ces zer ba'i tshig dang / zhus pa las bcom ldan 'das gang zag gi sbyar ma la gtan pa gding du rung lags sam/gal te dge 'dun la phul na'o/ de bzhin du stod g.yogs dang smad g.yogs kyang ngo zhes 'byung bas na chos gos gsum zhes smos pa yin no/ /dge slong ma'i ni chos gos lnga la gtan pa gding ngo / dbyar gyi rnyed pa ni gang zag la'ang yod na/ de gtan pa gding bar bya'am zhe na/dge 'dun gyi na'o zhes pa yin te dbyar gyi rnyed pa'ang dge 'dun gyi chos gos yin na/ gdod gtan pa gding du rung bar ston pa'o/ /gtan ba gding ba'i spu la bab pa ston pa ni ma bstsubs mi seng / ma mugs mi srab pa las so zhes pa dang / mdog med pa yin zhes pa dang / ma spyad ces pa dang /srab zhes pa dang / go 'dun dang lhan pa dang / phur ma dang / bskum pa dang / bskor ba las ma yin zhes pa dang / spangs pa dang / mi rung ba dang / song ste 'ongs pa las ma yin zhes pa dang / dra ba drubs pa zin pa lnga pa lhag pa'am sngon ma bting ba'o zhes pa rnams yin te ming gis smos pa 'di dag lta bu'i skyon med pa las dras drubs zin pa'i chos gos gyis shig pa ste/de la ma bstsubs zhes pa ni phying pa'am snam bu ltar ma bstsubs pa'o/ /mi seng zhes pa ni seng seng po ma yin pa dang / khye'u so ltar rnga rngo med pa'o/ /ma mugs zhes pa ni byi sril la sogs pas ma zos pa'o/ /mi srab ces pa ni dngos /mdog med pa ma yin zhes pa ni legs par brdungs shing 'tsher ba'o/ /ma spyad ces pa ni sngan chad spyang spyad pa ma yin pa'o/ /sra ba zhes pa ni ngan don nam snyi ba ma yin pa'o/ /go 'dun zhes pa ni rigs kyi 'dra ba sna tshogs bsdus pa ma yin pa'o/ /lhan pa zhes pa ni lhan thabs ma btab pa'o//phur ma zhes pa ni phur ma bya ba lta bu ma yin pa'o/ /bskum zhes pa ni rdol ba'i skabs skabs su skud tshems byas pa ma yin pa'o/ /bskor zhes pa ni tha ma zegs pa skud pas chag byas pa ma yin pa'o/ /spangs pa zhes pa ni spang ba'i ltung ba byung nas/ spang spang ba'i gos ma yin pa'o/ / mi rung ba zhes pa ni gso ma la sogs pa dge slong gi gos su ma btags pa ma yin pa'o/ /song ste 'ongs zhes pa ni zhugs thogs sam phyag dar khrod ma yin pa'o/ /lnga pa zhes pa ni khru lnga pa'o/ /lhag pa'am zhes pa ni khru lngas lhag pa'o/ /sngon ma bting zhes pa ni sngan chad kyang gtan pa gding bar byas pa ma yin pa'o//bting ste'o zhes pa ni gtan pa gding la gdod gsol ba la sogs pa gyis shig pa'o/ /du ma yang ngo zhes pa ni yon bdag gi bsod nams spel ba dang / dge slong gi rnyed par 'gyur ba'i phyir du ma la'ang gding ba gyis shig pa'o/ /bting ba rnyed du'o zhes pa ni gding ba'i phrugs ji snyed yong par gding ba pa'ang de snyed skos shig pa'o//chos gos gzhan byin gyis brlab pa yin pas na phyung la byin gyis brlab/ ces pa ni bdag cag gi chos gos las gzhan pa'i gtan pa de la byin gyis brlab dgos pas na bdag cag gi sngags phyung shig pa'o/ /zhag ma lon par 'dus pa la bsnyad ces pa ni gtan pa gding ba de rnyed ma thag tu zhag gis ma chod par dge 'dun gyi spyan sngar brims shig pa'o//mtshams kyi nang du bsngo zhes pa ni gtan pa rnyed pa de gtan pa gding bar bya ba mtshams kyi nang du gyis shig pa'o/ /gding ba pa yang ngo zhes pa ni dge slong gding ba par bsko ba de yang mtshams kyi nang du skos shig pa'o//gding ba par bsko ba ji lta bu las she na/ gang 'os pa'o zhes pa yin te tshul du ma zhugs pa la sogs pa'i skyon med pa las skos shig pa'o/ /de la gtod/ ces pa ni gding ba par bskos pa de la gtan pa gding bar bya ba'i gos de gtod cig pa'o/ /gsol ba pas so zhes pa yin te gsol ba'i las kyis de la gtod cig pa'o//'dis 'khru ba dang drub pa dang gtso bo thog mar brtsam zhes pa dang / gnyis gsum bya zhes pa dang / zin pa rnyed pa nyid kyis srubs kham gnyis sam gsum drub ces pa ni byas zin pa zhig rnyed na 'di ltar gyis shig pa'o/ /mnod pa dang nyid kyis byed pa dang zin ka rnams su gding /'dir/ bting ngo zhes grangs bzhin du sems bskyed par bya zhes pa ni dang po dge 'dun las nod pa na ni gding / bdag lag dar te byed na ni 'ding zin kar ni gding ngo zhes par sems skyed cig pa'o/ /dang po nyams kyang mi 'grub pa ma yin zhes pa ni dang po nod pa'i tshe 'di snyam du sems bskyed pa de nyams su zin kyang gding ba'i don mi 'grub pa ni med par ston pa'o//tshe dang ldan pa dag sang bdag gis gtan pa 'ding bar 'tshal gyis khyed cag gis so so'i chos gos dbyung ba ltar mdzod cig ces tshogs pa la bsnyad ces pa ni sang 'ding ba'i do nub lta bu dge 'dun tshogs pa la 'di skad du snyod cig pa'o//'du bar gtogs pa'i zhal ta bya zhes pa ni dge 'dun 'du ba'i zhal ta'ang gding ba pa des gyis shig pa'o/ /dri dang me tog gis mchod cing bsung can gyis btul bas gtul te slo ma gzhi'i steng du du ma na yang cig car du bzhag la khyer nas rgan rabs kyi mdun du bzhag ste 'ding bar bya zhes pa ni gding ba'i tshe thabs 'di ltar gyis shig pa'o//tshes gcig la'o zhes pa ni de ltar gding ba'i tshes gcig la gyis shig pa'o/ /zla tshigs gang gi tshes gcig ce na/ ston gyi'o zhes pa yin te ston zla 'bring po'i tshes bcu drug la gyis shig pa'o//gsum brjod ces pa ni gdang ba'i sngags lan gsum du brjod cig pa'o/ /brjod pa'i tshig ji skad du bya zhe na/ gding ngo zhes pa yin te btsun pa'i dge 'dun gson cig chos gos 'di dge 'dun gyis gtan bar bskos pa las bdag gtan pa 'ding ba pa ming 'di zhes bgyi bas chos gos 'di la dge 'dun gyi gtan pa gding ngo zhes gyis shig pa'o//dge slong re re'i mdun du dge 'dun la gding ngo zhes bsnyad ces pa ni dge slong re re'i mdun du gtan pa bting zin pa'i tshig 'di skad du gyis shig pa'o/ /de la tshig 'di lta ste tshe dang ldan pa dgongs shig / chos gos 'di la dge 'dun gyis gtan pa gding bar bskos pa ni bdag ming 'di zhes bgyi ba lags te/chos gos 'di la bdag gis dge 'dun gyi gtan pa bting ngo zhes bya ba'o/ /gzhan gyis dge bar bting ngo / /legs par bting ngo / /'di'i yon tan dang rnyed pa yang bdag cag gi'o zhes so zhes pa ni dge slong gzhan gyis snyad 'di skad du gyis shig pa'o//de la rjes su yi rang ba ni dngos su myong ba bzhin zhes pa ni bting ba de la rjes su yi rang na yang bting ba'i las byas pa dang 'dra bar yon tan thob bo/ /mngon sum du gyur bas so zhes pa ni gong ma ltar yon tan thob pa yang dge 'dun gyi nang du 'ongs te/ gnyid dam mnyam par 'jog par byas pa'i 'og tu phyis rjes su yi rang na gdod de ltar 'gyur ba'o//'ding ba pas gding ba'i rim gror bya ba ni / dus dus su bskam zhes pa dang / bsrad bskam sprug par bya zhes pa dang / du ba dang rdul can gyi khyim du mi gzhag ces pa dang / rgyal po'i der ma yin zhes pa dang / 'di las mi 'bral zhes pa dang /khyer la gud du mi 'gro zhes pa dang / snam phyi sar mi 'jug ces pa dang / bla gab med par mi 'dug ces pa rnams yin te/ chos gos 'ding ba par bskos pa des gding ba de'i zhal ta ming gis smos pa 'di dag ltar gyis shig pa'o// //gtan pa gding ba'i cho ga de ltar rgyas par bstan nas/dbyung ba'i cho ga ston pa ni/ dbyung ba ni rnam pa gnyis te rang 'jig pa dang byas pas so zhes pa la sogs pa yin te ched du ma byas par rang 'jig pa dang ched du bshig pa gnyis yod par ston pa'o/ /de la rang 'jig pa je ston pa ni/ rang 'jig pa ni gtan pa dang mtshams gzhan du son na'o zhes pa la sogs pa yin te/gtan pa khyer la mtshams gzhan du song na rang 'jig par 'gyur ba'o/ /mtshams kyi nang na'ang byin gyis rlob pa med na skya rengs shar na'o zhes pa ni dang po gtan pa 'ding ba'i dge slong mtshams kyi nang na gcig kyang med par gyur te skya rengs kyis tshod na gtan pa rang 'jig par ston pa'o//dkyil 'khor der gtogs pa gud du chad na'o zhes pa ni gtan pa gding ba'i 'khor der gtogs pa las 'khor de'i nang nas chad cing gud du song na yang rang 'jig par 'gyur ba'o/ /gud du song ba thams cad kyi 'jig gam zhe na/ 'dir de nyi tshe zhes pa yin te/su gung song ba nyi tshe'i gtan pa rang 'jig par ston pa'o/ /der gtogs pa las gud du chad na rang 'jig par 'gyur ba ma mo las rnam pa drug yod par ston te/ song ba dang nges pa dang / re thag chad pa dang / stor ba dang / zin pa dang / mtshams las 'das pa rnams so//de la song ba ni/ mtshams 'das na 'dir 'gyur zhes pa yin te gtan pa bting ba'i mtshams las 'das te gud du song na der gtogs pa las chad pa'o/ /song ngo cog gis de lta'am zhe na/ slar mi 'ong ba'i sems kyis na'o zhes pa yin te slar mi 'ong ba'i sems yod na gdod gong ma ltar 'gyur ba'o//'di'i mtshams kyi phyi rol tu skyes na yang ngo zhes pa ni mtshams kyi phyi rol tu son nas gdod slar mi 'ong ba'i sems skyes na yang der gtogs pa las chad pa'o/ /mtshams las 'das pa dang phyi rol du slar mi 'ong ba'i sems skyes pa gnyis kyi bye brag ston pa ni/ chos gos bya ba'i bsam pa med na de'i tshe mod la'o zhes pa yin te chos gos gtan pa 'di la ltos su mi rung gis byin gyis brlab pa'i chos gos gud du bya'o snyam pa'i sems med na ni mtshams 'das pa dang /phyi rol du sems skyes ma thag tu der gtogs pa las chad par 'gyur ro/ /yod kyang bya ba chad na'o zhes pa ni chos gos bya ba'i sems yod na nam bya ba'i sems de ma chad kyi bar du slar 'ong ba'i sems med du zin kyang der gtogs pa las mi 'chad par ston pa'o//de la phyi nang gang du yang rung ste/ slar mi 'ong ba dang / chos gos kyi bya ba gnyis ka'i sems yod na gtan pa byung bar greg pa'o//slar mi 'ong ba'i sems dang chos gos bya ba'i sems yod kyang bya ba'i bsam pa de nas med na/ song bas gtan pa 'jig pa'o/ /slar 'khor kyang ngo zhes pa ni gong ma lta bur gyur na slar 'khor kyang mi phan te/ der gtogs pa las chad par ston pa'o/ / yod kyang bya ba chad pa la rnam pa gsum yod pa ston pa ni/ re thag chad pa dang / brtsams nas yal ba dang / zin pa gsum ni bya ba de'i tshul lo zhes pa yin te chos gos bya ba'i bsam pa yod du zin kyang rnyed du re ba'i re thag chad pa dang / bya bar brtsams pa las stor ba dang / byas zin na der gtogs pa las chad par 'gyur te/ma mo las re thag chad ces pa dang / stor zhes pa dang / zin zhes pa 'byung ba yang 'di gsum yin no the tshom ni nges par phyung ba bzhin zhes pa slar 'ong ngam mi 'ong chos gos bya'am/ mi bya snyam du the tshom yod bzhin du mtshams 'das na yang nges par 'byung ba dang 'dra ba ste/ma mo las mtshams zhes 'byung ba yang 'di yin no/ rang 'jig pa de ltar bstan nas byas pas 'jig pa da ston pa ni/ las las gzhan pa'i bya ba mi sgrub/ ces pa yin te/ gtan pa la mi ltos par sems bskyed pas kyang 'byung bar ni 'gyur mod kyi/ las kyis mi dbyung du mi rung bar ston pa'o//de'i dus dpyid zla ra ba'o zhes pa ni gtan pa dbyung ba'i dus te dpyid zla ra ba'i tshes bco lnga yin bar ston pa'o/ /de ma thag pa'o zhes pa ni gtan pa bting ba'i dpyid zla ra ba la bya'i/ de phyi de lo'i dpyid zla ra ba la bya ba ni ma yin bar ston pa'o/ /nyams nyes pa'i phyir ni snga rol du'ang dbyung ngo zhes pa yin te chom rkun gyis thebs te gos med pa'i phyir ni zla tshigs 'di bas sngar phyung yang bla ba'o//'di ma myong ba ni ma thos kyi bar du yon tan rjes su 'jug go zhes pa ni yul du dong bas gtan pa phyung bar ma thos na nam thos kyi bar du gtan pa'i yon tan thob par ston pa'o//'di ni thos pa'i mthas gtan pa 'byung ba'o/ /thos pa'o cog gis 'byung ngam zhe na/ bya ba'i sems med na'o zhes pa yin te/ chos gos bya ba'i sems med na gdod gong ma ltar 'gyur ba'o/ /bya ba'i sems yod ji srid kyi bar du skye zhe na/ yod na 'chad kyi bar du'o zhes pa yin te chos gos bya ba'i sems nam ma chad kyi bar du yod pa'o//ma phyung gi bar du thams cad la 'dus te de'i rnyed pa'o cog mi bgo zhes pa ni gtan pa ma byung gi bar du dus de'i rnyed par gtogs so cog go snga tshegs su ma 'god cig pa'o/ /gtan pa'i dngos po'o// //da ni zhus pa la sogs pa las 'byung ba bsdus te ston pa la gong du ston zla 'bring po tshes bcu drug la gtan pa gding bar bya'o zhes gtan pa gal te na rgyal po'i shol 'dums kyi tshes grangs kyis ston zla 'bring po gzhan du bsgo ba bstsal ba'i phyir/ gding ba ni tshul nas 'byung ba bzhin zhes pa yin te nam tshul nas 'byung ba'i rjes la gtan pa gding bar bya'i shol 'dums kyi zla tshigs dang ma sbyor cig pa'o//gso sbyin las ma bsgyang zhes pa ni gtan pa gding ba gso sbyin gyi dus la ma bsgyang shig pa'o/ /dbyung ba yang ngo zhes pa ni dus bzhin du dbyung ba yang rung dus ma yin par dbyung ba yang rung ste/gso sbyin gyi dus dang sbyor cig pa'o/ /'di ni de'i nyin par nyid du'o zhes pa ni gtan pa dbyung ba gso sbyin gyi nyin par gyis shig pa'o/ /tshes bco lnga la gso sbyin byas na/ tshes bcu drug la gtan pa bting ba'i 'og tu dge slong gud nas phal cher lhags te de dag dga' bar gso sbyin bslas na ji ltar 'gyur zhe na/gso sbyin bslas na phyung bar gyur zhes pa yin te gso sbyin gyi dus ma nges par gyur na bslas nas/ tshes bcu drug kyang zla la mi rung bar mngon bas gtan pa bting ba rang 'jig go/ /de lta bas na gtan pa gding ba yang slos la gyis shig pa'o//bting nas byed na 'dir so sor gyur zhes pa ni gtan pa bting ba'i 'og tu dge 'dun sder chad cing so sor bye na gtan pa yang tha dad du 'gyur te/ sde gcig gis phyung bas sde gcig gi phyung bar mi 'gyur ba'o/ /chos smra ba yod na de'i gding ba'o zhes pa ni chos smra ba dang /chos ma yin pa smra ba sde gnyis kyis gtan pa bting na/ chos smra ba rnams kyis gtan ba'i gding bar 'gyur gyi/ chos smra ba ma yin pa rnams kyir mi 'gyur bas na / gtan pa bsrung ba'i rim gro yang chos smra ba rnams kyis bya'o/ / 'dir gzhan gyis bting yang gzhan gyi rnyed pa 'di dag las so zhes pa ni chos smra ba ma yin ba rnams kyis gtan pa bting du zin kyang yun 'di srid kyi bar du gnas 'di na 'khod pa rnams la yon 'di dbul lo zhes gnas kyi rnyed par gyur pa rnams chos smra ba dbang bar ston pa'o/ /tha mal pa'i gnas su bkar ba dgag mi skye zhes pa ni dge slong tha mal ba rnams kyi sar chad pas chod cing bkar bas gtan pa bting du zin kyang bting bar mi 'gyur ba'o//bsam pa bzhag na bting ba'o zhes pa ni 'di ni bdag cag gi gtan pa bting ba'o/ /'di rnyed pa dang / yon tan yang bdag cag gi'o zhes sems kyi ched du dmigs shing gtad na gdod gtan pa bting ba'i don du 'gyur ba'o//dad pa phul ba'i dbang gis na lhag ma rnams dang lhan cig tu bya ba byas par 'gyur ro zhes pa ni gtan pa 'ding ba'i tshe kho na ngos ni med kyi/ dad pas phul na yang dge 'dun dang lhan cig tu byas shing las su rung bar ston pa'o//des btang na phyung ba'o zhes pa ni gtan pa mi dgos shing gtan pa'i yon tan la mi re ba sems thag bcad na gtan pa 'byung bar 'gyur ba'o/ /de lta bas na dad pa ma phul zhing gnyid dang mnyam par 'jog na bkang du zin kyang ma thos kyi bar du bting ba dang phyung bar mi 'gyur ro zhes pa ni gong ma ltar ched du bsam pa brtsan pa'i phyir gral du bkod de/dge 'dun gyi nang du 'ongs su zin kyang gnyid dang mnyam par 'jog pa lta bu la sogs par gyur na/ mthos kyi bar du bting bar yang mi 'gyur phyung bar yang mi 'gyur ba'o/ /bting ba'i mtshams gcig na gnas tha dad par 'khod kyang de 'khod pa'o zhes pa ni gtsug lag khang kha tha dad du zin kyang dbyar tshul du 'jug pa'i tshe thams cad kyi phyir mtshams gcig tu byas na gtan pa bting ba'i tshe yang gtsug lag khang du ma'i gtan pa cig car du bting du rung bar ston pa'o//'di 'ding ba'i tshe na yang de'i gnas so zhes pa ni gong ma ltar dbyar tshul du 'jug pa nas phyi mtshams gcig tu byas pa ni med kyi gtan pa gding ba'i tshe/thams cad kyi phyi mtshams gcig tu byas na yang gtsug lag khang de dag kun gtan pa de'i gnas su 'gyur ba'o/ /bting nas mtshams tha dad du byas na gang yang de'i gnas so zhes pa ni gtan pa bting zin pa'i 'og tu mtshams so sor chad na yang gtan pa 'byung bar mi 'gyur zhing /mtshams so sor chad pa kun kyang gtan pa de'i gnas yin par ston pa'o/ /'di ltar tha dad du gyur na 'byung ba yang gnas so sor ro zhes pa ni gong ma ltar tha dad du gyur na 'byung ba'i tshe yang so sor 'byung dgos pa'i phyir gnas gcig pas dus dang dus ma yin bar phyung na/gnas gzhan pa rnams kyi phyung bar mi 'gyur ba'i phyir de'i bsrung ba yang gud nas btang ba'am gtan pa nyid gnas gzhan du blang dgos pa'o/ /bye na phyogs kyang so sor ro zhes pa ni mtshams gcig na 'khod pa las phyogs so sor chad na yang gtan pa so so nas dbyung dgos par ston pa'o//ma bting bas phyung ba yang ma phyung ba ma yin zhes pa gtan pa 'di bting ba la ma gtogs pa gzhan gyis gtan pa phyung na yang gtan pa phyung bar mi 'gyur ba med pa'o/ /ma gyur kyang mi 'chad pa ma yin zhes pa ni gnas gcig na dge slong gcig pu zhig 'dug pa'i gtan pa bting ba'i don rogs dge slong 'gron pa gzhan gyis byas te/gtan pa bting na sder ma langs shig gtan pa bting bar mi 'gyur ba med par ston pa'o/ /ma bting bas ma phyung ba ma yin zhes pa ni gtan ba 'byin pa'i tshe yang gtan pa gding ba la ma gtogs pa gzhan gyis btang ste phyung na der dge 'dun mi tshang ba med pa'o//gtan pa brubs na sbyar ma med par grong du 'jug pa la sogs pa sum mdor 'dug pa'i bar du nyes med ces pa ni gtan pa bting na sbyar ma med par grong du 'jug pa la sogs pa lam po che'i sum mdor 'dug tu zin kyang nyes med par ston pa'o//gtan pa'i dngos po zhus pa la sogs par gtogs pa'o/ /gtan pa'i dngos po rdzogs so// //gos kyi dngos po bsdus te ston pa ni / mtshon gyis ma dras pa'i gos mi bgo zhes pa la sogs pa yin te/kha tshar ma bcad mtshon gyis ma dras na khyim pa'i gos su 'gyur bas na dgag pa'i phyir ro/ /dras shing drubs pa'i chos gos la byin gyis brlabs zhes pa ni 'di lta bu'i chos gos gsum la byin gyis rlobs shig pa'o/ /ji lta bu drubs she na/ tshal bu dbus nas lhag ma dang mnyam pa 'dab ngos spel te gzhan gyi 'og tu bsrul cing mtha' bskor ba'o zhes pa yin te/tshal bu dbus nas kha so sor gyes la tshal bu lhag ma rnams dang / zheng tshad mnyam zhing tshal bu phyed du bgo ba'i thog ma rtse sprod du mi bya bar spel te/ tsham bu gzhan gyi 'og 'og tu bsrul ba dang /tha ma yang khor yug tu tshal bu'i tshad kyis bskor ba'o/ byin gyis brlab pa'i gos gang zhe na/ stod g.yogs dang smad g.yogs dang sbyar ma'o zhes pa yin te/ smad du bgo ba dang / stod du bgo ba dang / dum bur lhag pa'i sbyar ma dang gsum la byin gyis rlobs shig pa'o//dge slong ma'i lhag mar byin gyis brlab pa ston pa ni/ gong lugs dang rdul gzan yang ngo zhes pa dang / dge slong ma'i ste ji ltar yang rung zhes pa yin te gong ma gsum gyi steng du 'di gnyis kyis bsnan te lnga la byin gyis rlobs shig pa dang / gong lugs dang rdul gzan dras shing drubs pa yang rung ba'o//yod par gyur na bsnyad pa yang ngo zhes pa ni dras shing drubs pa brnyas te rnyed na yang / de la byin gyis rlobs shig pa'o/ /dras shing drubs pa brnyan por ma rnyed na/ tha mal pa la yang byin gyis rlobs shig pa'o/ /'di dag med par skya rengs shar bar mi bya zhes pa ni dras pa'am ma dras pa la byin gyis ma brlabs par skya rengs kyis chod na nyes byas su 'gyur ba'o//gzhan ma rnyed na yang kha dog ma bsgyur ba la yang byin gyis brlabs zhes pa ni gong du smos pa lta bu ma rnyed na kha dog bsgyur ba'i dkar po la yang byin gyis rlobs shig pa'o/ /ma drubs pa la yang ngo zhes pa ni drubs pa ma rnyed na ma drubs pa la yang byin gyis rlobs shig pa'o//'dir yod na shar bus glan zhes pa ni shar bu'am tshal bu gud nas rnyed na ma drubs pa'i thang ba de la bla thabs su glon cig pa'o/ /khyim pa'i rnam pa yang ngo zhes pa ni ma btsos ma drubs pa khyim pa'i gos lta bu la yang byin gyis rlobs shig pa'o//phyid pa lab/ be'u ras la ba stug po srab mo rnams ma dras pa yang shar bus glan te/ drubs pa yang ngo zhes pa ni ming gis smos pa 'di dag ma dras pa la shar bus bla thabs su glan pa byin gyis rlobs shig pa'o/ /'og nas spu can byin gyis ma brlabs zhes 'byung bas na/la ba dang be'u ras ni spu breg pa la byin gyis rlobs shig pa'o/ /mal stan mi gtsang bas reg na de'i mod la bkru zhes pa ni 'di ltar gyur na ma bshol bar mod la khrus shig pa ste/ dge 'dun gyi yang rung gang zag gi yang rung ba'o//dge 'dun gyi khri'u dang / khri ngan pa ma yin na 'dug pa'i bar du de ma yin pa'i gding ba med par mi bya ba dang / rngul gzan med par yang bgo ba yang mi bya zhes pa ni khri stan ngan pa rab ma yin na de la gang zag gi gding ba med par 'dug pa yang mi bya na/ /nyal ba lta ci smos pa dang /nyid kyi rngul gzan med par mal gos su bgo ba yang ma spyod cig pa'o/ /ri mo phal cher ma nyams pa thams cad ma yin zhes pa ni mal stan ri mo can zhig la ri mo phal cher byed dam/ nyams pa ma yin/ gang zag gam/ dge 'dun su'i yang rung ste/ de la gding ba med par ma spyod cig pa'o/ /khral ka dang dri ma can yang ma yin zhes pa ni gding ba khral kog gam dri ma can gyis kyang ma byed cig pa'o/ /gding ba bcang zhes pa dang / stug na cig rkyang dge zhes pa dang / srab na nyis rim du'o zhes pa dang / khra bo ni mi rung zhes pa dang / 'dir 'dab ngos bya zhes pa dang /'phongs kyi sum char ro zhes pa dang / rkyang pa la byin gyis mi brlab ces pa ni gding ba'i tshul 'di dag ltar gyis shig pa ste/ 'phongs logs kyi sum char tshal bu phred du 'gro bas ma glan par byin gyis brlab tu mi rung ba'o/ /de lod na g.yan pa bgab pa bcang zhes pa dang /de ni zhag lnga'am drug cing bkru zhes pa ni g.yan ba 'am shu ba yod na de'i dgab pa chongs shig pa dang / zhag tshigs 'di tsam zhing khrus shig pa'o/ /srin bal dang bal dang / zar ma dang / sha na ka'i rung zhes pa ni rgyu 'di dag las byas pa ni byin gyis brlab pa dang /lhag pa'i gos su rung bar ston pa'o/ /ma btags pa dang gso ma'i ma yin zhes pa ni byang gi sgra mi snyan nam/ lha'i gos lta bu rgyu spun med pa dang / gos ma las byas pa ni dge slong gi gos su mi rung ba'o/ /skra las byas pa dang / gcer bu dang /'ug gshog gi dam mi blang zhes pa dang / 'dir sbom bo'o zhes pa ni mu stegs pa'i mtshan ma'i dam mi bca' zhes bya ba ni ming gis smos pa 'di gsum yin te/ 'di gsum snga nas dam bcas shing sel tam/ bcang na mi rung ba dang / sbom por 'gyur ba'o/ /gzhan yang 'di dag ltar byed pa'o zhes pa ni gong ma gsum snga nas dam ma bcas par srel ba dang /gzhan yang mu stegs pa'i mtshan ma srel na nyes byas su 'gyur ba'o/ /de yang dag cing 'grol bar mi sems na'o/ /skra 'bal ba dang / 'dab ma gyon pa dang / ri dgas kyi stod g.yogs dang /smad g.yogs kyis drod 'dzin pa dang / gso ras shog po dang / yan lag gi sbubs dang / sngon po sha dag gyon pa dang / kha tshar ring po dang / kha tshar lu gu rgyud dang / stod kor ram rgya mtsho'i nu gab lta bu la bya/ stod gab dang / gtsug tor dang thod dang / ra phyar dang / rnga bal gyi la ba dang / mu stegs pa'i mtshan ma yang ngo zhes pa ni ming gis smos pa 'di dag dang / gzhan yang mu stegs pa'i mtshan mar gtogs so cog srel du mi rung bar ston pa'o/ /phul sa'i 'dab ma gang ba 'tshal lam / mang me'i khal pa tsam na yang mnyam par bgo zhes pa ni kha zas sam gos kyi rnyed pa zhig yod na 'di dag tsam gyi tshong du yang bsrel la spar spar bgos shig pa'o//la ba'am de dang 'dra ba'i 'chos te'o zhes pa dang / mi gsheg ces pa ni la ba'am dre'u rdog gam/ za 'ug la sogs pa yang gshags nas nor du mi rung ba ni ma gshags par tshongs la bgos shig pa'o//rnyed pa bgo bar bya ba ni lnga ste zhes pa dang / de rnyed pa 'god kyi khyed cag 'du bar gyis shig ces dge 'dun la bsnyad ces pa dang / gaN+DI brdungs tshul shing brim pa dang skal shas brim zhes pa ni bgo ba rnam pa lnga yod pa ming gis smos pa 'di rnams yin bar ston pa'o//'god pa'i mjug tshun chad du 'ongs na dbang zhes pa dang / zin na ma yin zhes pa ni dge 'dun gyi rnyed pa gnyug ma'am kha cig dbang bar nges pa ma yin pa'i spyir rnyed pa lta bu ni 'god pa'i mjug slebs na dbang ba dang bgos zin na mi dbang bar ston pa'o/ /ngan ngon gyi rnyed pa yang de dag lta'o zhes pa ni chung shas sam ngan ngon gyi rnyed pa zhig na yang bgo ba'i thabs gong ma ltar gyis shig pa'o//gud du song na yang rnyed pa de la gtogs te mi 'os pa ma yin zhes pa dang / de lta bas na 'gro khar nod du gzhug ces pa dang / khas blangs nas ma mnos na 'da' zhes pa ni dbyar tshul du zhugs pa la sogs pa rnyed pa nar ma'am/bla thabs kyang rung ste ma mnos par gud du song na de la mi dbang ba med pas 'gro khar nod du gzhug cing nod du bcug pas ma mnos na skyin krin dos shig pa'o/ /pa na lnga yan chad ni ngan ngon gyi rnyed pa'o zhes pa ni pa na lnga yan chad rnyed par gtogs pas na de tsam yan chad nos shig pa'o//ma mnos na skyin krin mi bda' ba'o/ /ma bcol bar mi mnod ces pa dang / mkhan po dang slob dpon gyis ni mnod ces pa dang / yid gcugs pa'i phyir yang ngo zhes pa dang / mal stan yang de bzhin zhes pa dang zas kyang de zhes pa rnams ni mkhan po dang slob dpon gyi nye gnas dang slob ma'i phyir mnod pa dang yid gcugs pa'i phyir mnod pa ma gtogs par ma bcol ba dang / nye mgon du stan cha dang zas yan chad kyang mnod cig pa'o/ /gzhan gyi phyir nod na pha rol shes par bya zhes pa dang mi 'thob pa de'i nang du mi gcen ces gzhan gyi phyir nod na gzhog dpang tshugs shig pa dang /bsnyen dga' lta bur ma gnyar bar zas zos shing gos khyer ba lta bu mi gtogs pa'i nang du gcen cing rnyed pa ma len cig pa'o/ /'os na gcig la yang ba dang shin tu mang mo zhig rnyed na yang mi dbang ba gzhug pa'i rgyu ma yin zhes pa ni dge slong gcig la dge 'dun gyi rnyed pa phal cher phul na gcig pus khyer ba yang bla ba dang /dge 'dun phal po che'i rnyed pa rgan zhugs gnyis la phul ba dag / dge 'dun gzhan yang gnyar dgos par sems pa bcom ldan 'das kyis gnyar mi dgos shing gnyis po dbang bar gsungs pa lta bu yin te/mang mo zhig la phul yang de na 'khod pa rnams dbang gi gud nas gnyer zhing bgo bsha' mi dgos pa'o/ /bye nas chos ma yin pa'i phyogs su gyur na dge 'dun gyi rnyed pa mi dbang zhes pa ni dge 'dun sder chad cing bye ba las chos ma yin pa'i phyogs su song na dge 'dun gyi rnyed pa las mi dbang bar ston pa'o//phal cher gnas pa ni dus de'i rnyed pa'i gnas so zhes pa ni dbyar tshul du zhugs pa lta bu yun ring du 'dug 'dug na dus de'i rnyed shas dbang bar ston pa'o//babs par gyur pa dang shi ba yang ngo zhes pa ni phal cher babs shing shir zin kyang rnyed shas dbang ba'o/ /de la shi ba dbang ba ni shi ba'i yo byad gar 'god par 'gro ba'o/ /rnyed pa rnam par gzhag pa ni nges par byas pa ji bzhin zhes pa ni yon bdag gis bgo ba dang mi bgo ba 'am/dbang ba dang mi dbang ba'am/ dus dang dus ma yin bar byas pa ji lta ba bzhin du brtsan bar gyis shig pa'o/ /'thob pa dag gis kyang ngo zhes pa ni 'thob pa'am len pa rnams kyis yon bdag dang khyim gyi bza' skal ji ltar dgos pa bzhin du brtsan bar ston pa ste/yon bdag gcig gis gnas gcig tu phyogs gnyis ka'i dge 'dun gnyar te/ yon phul na yang gang gi rigs su gtogs pa de dag dbang ba'o/ /ci'i phyir de lta zhe na/ mtha' dag la byin yang ngo zhes pa yin te sde gnyis po kun la byin zin gyis kyang nang khrims gyis ris brtsan pa'i phyir ro//dge 'dun ma nges pa ni las kyi mtshams kyis gcod do zhes pa ni dge 'dun 'di dag la phul lo zhes nges par phye ba ni med kyi spyir phul ba lta bu las kyi mtshams kyi nang du 'ongs so cog dbang ba'o/ /'dir gcig la sogs pa de'o zhes pa ni dge slong gcig gam gsum man chad tshul du zhugs pa la yon bdag gis dge 'dun gyi yon du phul na dge 'dun du ma tshang yang de dag dge 'dun dang 'dra bar dbang ba'o/chos kyi rnyed pa ni de smra ba dbang ba'o zhes pa ni bshad pa'i chos kyi dbang du phul ba ni chos smra ba dbang bar ston pa'o//'dir zhal nas gsungs pa'i tshigs bcad gcig 'dzin pa tsam yang chos smra bar gtogs pa'o/ /gzhan 'dug na mtshan tha dad pa shi ba'i yo byad mi dbang zhes pa ni gzhan te/ mtshan mthun pa yod na mtshan tha dad pas shi ba'i yo byad mi 'thob pa'o/ /bkar ba yang de bzhin zhes pa ni bkar bas kyang dge slong tha mal pa shi ba'i yo byad mi 'thob pa'o//mi 'dug na yang ngo zhes pa ni shi ba'i drung na dge slong tha mal pa med du zin kyang bkar bas yo byad mi 'thob pa'o/ /sems kyis mi ldog pa'i rgyus na'o zhes pa ni gong ma ltar bkar ba mi dbang ba yang rang gis nyes pa'i mtshan ma mi gtong na gdod de ltar 'gyur ba'o//de'i 'di khyer ba la ni 'di tha mi dad ces pa ni bkar ba'i dge slong shin de'i yo byad ni tha mal pa dang bkar ba gnyig dbang ba'o/ /tha dad pa'i ni tha dad pa'o zhes pa ni chos yin ba dang ma yin pa'i phyogs tha dad pa shi ba'i yo byad ni so sor dbang ba'o//rab tu byung ba'i tshangs pa mtshungs par spyod pa las gzhan de mi dbang zhes pa ni rab tu byung ba shi ba'i yo byad tshangs pa mtshungs par spyod pa dbang gi rgyal po dang zhang blon la sogs gzhan mi dbang ba'o/ /gsol ba'am dang po dang tha ma byin gyis brlabs na phyin pas ma yin dge 'dun gyis gsol ba'i byin gyis brlabs pa'am/dang po dang tha ma byin gyis brlabs pa'i chog byas pa'i 'og tu 'ga' zhig der 'ongs na shi ba'i yo byad mi dbang ba'o/ /de la dang po dang tha ma byin gyis brlabs pa ji lta bu yin par ston pa'o / /dge 'dun las rgan ba dang gzhon ba la gang ci yang rung ba byin na de'o zhes pa yin te gral gyi dang po dang tha mal pa la khab skud yan chad ji yang rung ba byin na dang po dang tha ma byin gyis brlabs pa zhes bya bar ston pa'o//byin gyis brlab pa gang nab mtshams de 'dir gtogs pa byin gyis brlab par bya zhes pa ni shi ba'i yo byad gang na ba 'dug pa de'i dge 'dun gyis bdag cag dbang bar byin gyis brlab par bya'o//ci'i phyir de lta zhe na/ 'dir shi ba'i gnas rgyu ma yin zhes pa yin te/ gar shi ba'i gnas mi brtsan gyi nor gang na 'dug pa brtsan ba'i phyir ro/ /mtshams kyi bar ma don 'dug pa ni lus sam gzhan pas ji rnyed yog pa de dag gis gtogs so zhes pa ni mtshams su ma zhig na bar ma do na 'dug na ro nyid dam/ro de dang 'bral ba'i stan nam/ snod yan chad kyi mtshams ji rnyed du khebs shing yog pa de dag dbang ba'o/ /nor gyi gzugs brnyan gar song ba yo byad kyang de 'dir gtogs so zhes pa ni shi ba'i nor rab tu byung ba'am/khyim pa gang la bzhag pa'i mi de gar song bar nor yang de dag gi yin bar ston ba'o/ /de lta bas na/ gud nas 'dug pa gzugs brnyan la byin gyis brlab ces pa yin te/ nor gang la 'dug kyang rung gis/ nor gtams pa'i mi de byin gyis brlabs na nor yang de dag dbang ba'o/ /skur pa ni len pas ma spangs na de'i 'o zhes pa ni pha rol po 'ga' zhig la tshul nor bskur ba/pha rol po'i len pa des ngas mi 'dod do zhe'am/ slar khyer cig ces pa spangs par shi na de'i nor yin pa'o/ /spangs na skur ba po'i'o zhes pa ni len pa po des mi 'dod do zhe'am slar khyer cig ces spangs na skur skur ba'i rdzas yin par ston pa'o//des ni spangs kyang ngo zhes pa ni dang po skur skur ba'i mi des kyang ma blangs te yang bskyar zhing slar bskur ba'i 'og tu bskur ba dang len ba gnyi ga shi na skur skur ba de'i rdzas yin bar ston pa'o/ /mtshams kyi nang par 'du shes te nyid ces byin gyis brlabs pa ni mtshams kyi phyi rol du yang mi skye zhes pa ni mtshams kyi phyi rol nad par 'du shes te byin gyis brlab pa mi skye ba'o//'byung ba dang cho ga bya ba dang / chos bsgrags pa dang / sbyin pa bshad pa rnams ma byas na byin gyis ma brlabs zhes pa ni ming gis bsngos pa 'di rnams ma byas par byin gyis rlob pa'i ye rngam sngan tshogs su ma byed cig pa'o//de la dbyung ba zhes pa ni rus bu phyi rol du dbyung ba'o/ /chog zhes pa ni bsregs pa la sogs pa'o/ /lhung bzed dang chos gos khyim pa'i der lus pa ni khyim bdag gis gar byin ba de dbang ngo zhes pa ni dge slong khyim pa'i der shin lhung bzed la sogs pa yo byad rnams khyim pa des su la byin ba de dbang ba'o//ji nas kyang 'os shing des bral na'o zhes pa ni gong ma ltar khyim pas su byin ba dbang ba yang mtshan mthun zhing tha mal ba zhig ste sbyin par 'os pa'o/ /lhung bzed la sogs pa yo byad des brel ba zhig na gdod gong ma ltar 'gyur ba'o//khyim pas su la yang ma byin na su dbang zhe na/ ma byin na slong ba'o zhes pa yin te/ khyim pas ma byin na sus bslangs pa de dbang bar ston pa'o/ /gnyis la sogs pas bslangs su mtshungs na su dbang zhe na/ rim gyis na snga ma zhes pa yin te/ snga phyir bslangs na gang kha snga bde dbang ba'o//shi ba'i nor de'i gzhi 'dzin pa ye med dam/ yod du zin gyis kyang gang zag 'ga' la dmigs kyis bsngos pa med de sus khyer yang rung bar byas pa zhig na su dbang zhe na/ med dam dmigs kyis btang ba ma yin na son pa'o zhes pa yin te gzhi 'dzin pa'i mi med dam/ dmigs kyis btang ba med na su der 'ongs pa dbang ba'o//du ma zhig snga phyir 'ongs na su dbang zhe na/ rim gyis pa yang de bzhin zhes pa yin te/ slong ba la kha snga brtsan pa bzhin du 'dir yang su sngar phyin pa dbang ba'o/ /chags nyen yod par 'gyur na ji tsam chags pa shi ba'i yo byad las bcal zhes pa dang / bgos kyang ngo shi ba la gzhan gyi chags nyen yod na bgos zin kyang de'i yo byad las bu lon gcol cig pa'o//blang ba'am bcal ba deng 'thams pa bzhin du bya'i gzhan du ma yin zhes pa ni tha ga pa las ras kyi rin ma len par dngos su long shig ces pa dang / 'tshod pa'i be'u ras kyi rin du ma byin gyis slar byin ba lta bu ma byed cig par bcom ldan 'das kyis gsungs pa bzhin du shi ba'i nor gzhan las blang ba 'am gzhan las gcal yang gshin nyid dang ji ltar 'thams pa bzhin du gyis shig pa'o//'di'i bu lon ni tshangs pa mtshungs par spyod pa gzhan la ma yin zhes pa ni shi ba la chags pa'i bu lon kho na nyid kyi yo byad kyis ma khyed na tshangs pa mtshungs par spyod pa gzhan gyis gzhal ba'o//las sar pa pa la dkon mchog gi dkor las na ji rnyed las de rnyed mnyam bar bcal zhes pa ni las sar pa bas dkon mchog gi khyer ba las de shi ba'i 'og tu dkor bsres te/ dkon mchog gang gang sku skal ji snyed yod pa so sor dbyer mi mngon na/dkon mchog gsum gyi sku skal cha gsum du mnyam par phye la stsobs shig pa'o/ /nad g.yog yod na yo byad drug cha dbang ba'i phyir byin gyis mi rlob/ ces pa dang / bar dang 'bring dang tha ma las so zhes pa dang / du ma zhig na yang de la thun mong ngo zhes pa ni shi ba'i yo byad las rab gnyis 'bring gnyis tha ma gnyis te drug nad g.yog yong na de dbang bas dge 'dun byin gyis rlob tu mi dbang ba dang nad g.yog du ma zhig 'khod na de drug dang dbang du zad pa'o//de'i phyir song ba la nad pa shin sbyin zhes pa ni don ched kyi phyir dge slong 'ga' zhig gud du song ba'i 'og tu nad g.yog gi yo byad drug las dbang bar ston pa'o//mi 'os pa la shi ba'i rdzas de ma yin zhes pa ni khyim pa'am dge slong ma lta bu nad g.yog byed na shi ba'i yo byad las dbang ba med pa'o/ /tshul gzhan du zhugs pa la mi sbyin pa ma yin zhes pa ni nad g.yog byed na tshul gzhan du zhugs pa zhig yin du zin kyang yo byad drug las mi sbyin pa'o//'di bsnyen par rdzogs pa yang thams cad dbang zhes pa ni 'og nas sum cha sum gnyis su 'god pa zhig 'byung ba lta bu ni ma yin gyi shi ba'i yo byad la dge 'dun yan chad dbang bar mtshungs par ston pa'o/ /nad pas sbyin par smras pa bzhin du bya zhes pa ni nad pas so sor sbyin par byas shing spags pa las lag tu ma son pa rnams phyi ma'i rnams kyis so so'i lag tu son par byin cig pa'o//'chi ba na yang bdag gir bsgrubs pa'i nor ni mi dbang zhes pa ni nga shi dang nor 'di dag 'di dang 'di la kha byin cig ces kha chems bzhag pa lta bu ni ma shi ba'i tshe byin pa ma yin pas/gshin gyi kha chems mi brtsan bar ston pa'o/ /khyim pa ni dbang zhes pa ni khyim pa de skad du zer pa'i kha chems ni khyim pa slar ston pa'i phyir brtsan par ston pa'o/ /khyim pa las bsngos te shin bu smad ji bder bya zhes pa dang / glang po rnga mo bong bu dri'u go cha rnams ni rgyal po la dbul zhes pa dang /gser dngul dang / gzhan yang byas pa dang / ma byas ni gsum la'o zhes pa dang / rin po che yang ngo zhes pa ni khyim pa slod po che 'chi kar bu smad la sogs pa'o/ /gzhi slong thams cad dkon mchog gsum la phul nas so sor bgo zhing gso ba'i thabs 'di dag ltar gyis shig pa'o//de la byas pa dang ma byas zhes pa ni brdungs su byas pa dang ma byas pa'o/ /gal te de las gzhan yod na de dag gi shas sam lhag pa'am gal te mu tig sha dag na de nyid sangs rgyas la'o zhes pa ni mu tig la sogs pa rin po che sna tshogs par yod na rin po che gzhan gyis mu tig blu ba dang /gzhan pas mu tig pa la che'am mu tig sha dag las gzhan med na/ ril gyis sangs rgyas la phul cig pa'o/ /tshon chen po yang ngo zhes pa mtshal dang ting shin la sogs pa tshon po yang sangs rgyas la phul cig pa'o/ /btags la 'dis dri gtsang byug par dbul zhes pa ni/ mu tig dang tshon chen po de dag btags la dri gtsang khang gi skyang nul gyis shig pa'o//de ma yin pa ni sangs rgyas kyi sku gzugs dang dri gtsang khang dang mchod rten gyi yo byad du bya zhes pa ni gong du smos pa ma yin pa'i rin po che la sogs pa yo byad gzhan sangs rgyas kyi sku skal du thob pa ni ming gis smos pa 'di dag gi yo byad du gyis shig pa'o//chos kyi ni sangs rgyas kyi bka' bri ba dang seng ge'i stan du'o zhes pa ni chos kyi sku skal du mnga' ba rnams ming gis smos pa 'di dag lta bu'i yo byad du gyes shig pa'o/ /theg pa ni sku gzugs la'o zhes pa ni rta dang bzhon pa lta sku gzugs kyi bzhon par gyis shig pa'o//rgyal mtshan dang de'i smyig ma dang de'i shing rnams ni de'i yo byad du'o zhes pa ni rgyal mtshan dang rgyal mtshan gyi shing dang / smyig ma yang rgyal mtshan gyi yo byad du gyis shig pa'o/ /gzhan dang mtshon cha rnams ni dge 'dun la'o zhes pa ni rgyal mtshan gyi shing ma yin pa'i yol shing dang / khar gsil gyi yu ba la sogs pa gzhan dang de'i mtshon rnams ni dge 'dun gyir gyis shig pa'o//de dag khar gsil dang khab dang grir brdungs la brim zhes pa ni ral gri la sogs pa de'i mtshon ming gis smos pa 'di dag lta bur gyis la dge 'dun la brims shig pa'o/ /dge 'dun gyi gzhan ni bzhag ba dang bgo ba dang bza' ba rnams gar rigs par bya zhes pa ni gong du smos pa la ma gtogs pa'i yo byad dge 'dun mnga' ba gzhan ni gzhag pa'am bgo ba'am bza' ba gar rigs par gyis shig pa'o//gar rigs par bya ba'i yo byad nyid gang zhe na/ zhing khyem tshong khang mal stan lcags mgar dang /khar ba mkhan dang 'dreg mkhan dang / rdza mkhan dang shing mkhan dang se ba pa rnams kyi lag cha dang / bran pho smos las mi bshol las pa/ ba lang / chu glang ra lug sman sangs rgyas kyi gtsug lag gi glegs bam myur du mi 'grub pa'i dbang rgya rnams ni dang po 'dir 'os so zhes pa dang /ras ras chen be'u ras mchil lham lham til mar gyi snod bya ma bum kun 'di gzhan gyi glegs bam/ dpang rgya tshon rnams ni gnyi ga la 'dir 'os zhes pa dang / 'bras/ til/ nas/ bal sran ser po/ bal sran nag po/ 'bras bal/ zas skom rnams ni gsum pa'i'o zhes pa rnams yin te/de la zhing zhes pa nas myur du mi 'grub pa'i dpang rgya zhes pa'i bar du smos pa rnams ni bzhag par ston pa dang / ras zhes tshon chen po'i bar du smos pa rnams ni bgo ba yin par ston pa dang / 'bras zhes pa nas/ zas skom zhes pa'i bar du smos pa rnams ni bza' ba yin bar ston pa'o//de la glegs bam zhes pa ni sangs rgyas kyi glegs bam las gzhan pa mu stegs kyi glegs bam mo/ /dpang rgya zhes pa ni dpang rgya myur du mi 'grub pa las gzhan pa ste/ myur du 'grub pa'i dpang rgya'o/ tshon gzhan zhes pa ni tshon chen po las gzhan pa'o//gos kyi dngos po'o// // da ni phran tshegs la sogs pa las 'byung ba bsdus te ston pa ni/ dkyil 'khor dang dkyil 'khor phyed du mnyam bar bya zhes pa la sogs pa yin te chos gos kyi dkyil 'khor dang / dkyil 'khor phyed du bya ba rnams tshad mnyam zhing che chung med par gyis shig pa'o//bcal ba'i phyir tshad de tsam gyi shing bcang zhes pa ni phyed dang rangs par bya ba bcal ba'i cheg shing gyis shig pa'o/ /'dab ma ngos kyang zhes pa dang / de'i tshad kyi cheg shing bcang ngo zhes pa ni 'dab ma ngos kyang che chung med par bya ba dang de'i cheg shing gyis shig pa'o//mchog gi mtha' ni sor bzhi'o zhes pa dang / bya rog gi mtho yang ngo zhes pa ni 'dab ngos kyi zhing tshad che ba ni sor bzhi bya ba'am/ bya rog gi mtho'i tshad gyis shig pa'o/ /chung ngu ni sor gnyis sam/ phyed dang gsum mam/ mtho bo ngos so zhes pa ni 'dab ngos kyi zheng tshad chung rab tu byan yang ming gis smos pa 'di tsam du gyis shig pa'o//chos gos sa la mi brgyang zhes pa dang / de'i phyir gtan pa zhes pa dang / shing ngam smyig ma las so zhes pa dang / gru bzhir ro zhes pa dang / brtod pa'i phyir skud pa'i gsang bu ga gdod pa de'i zhes pa dang / chos gos ji tsam bar ro zhes pa ni chos gos sa la mi brgyang ba'i phyir gtan pa gyis shig pa dang /gtan pa'i rgyu zhing ngam smyug ma las chos gos kyi tshad gru bzhir gyis la/ brgyang pa'i skud gzungs kyi mtha' bu gus skor cig pa'o/ /dra gris dra zhes pa dang / 'di bcang zhes pa dang / bya rog gi mchu lta bu'am/bya gag gi gshog pa lta bur ro zhes pa dang / lcags las gzhan pa ma yin zhes pa dang / yu ba 'tsher ba'am/ tshon sna tshogs las byas pa ma yin zhes pa dang / sor drug las lhag pa ma yin zhes pa dang / brgyad las ma yin zhes pa dang / 'di sor bzhi las chung na mi dgos pa'i phyir ro zhes pa rnams ni chos gos de 'dra bar dgos pa'i gri dbyibs dang che chung gi tshad la sogs pa ming gis smos pa 'di dag ltar gyis la chongs shig pa'o//lci bas byugs pa'i steng du drub zhes pa dang / lci ba med na byugs shing btab nas so zhes pa ni chos gos drub pa'i sa gzhi byi bdar 'di dag ltar gyis shig pa'o//'di drub zhes pa dang / khab kyis kyang ngo zhes pa dang / 'di bcang zhes pa dang / ra gan dang zangs dang lcags las gzhan ma yin zhes pa dang / zangs dang / lcags rnon po las zhes kha cig go zhes pa ni chos gos bdag nyid kyis drub pa dang / smyig tshal gyi khab dang bya sgro la sogs pa gzhan gyis ma yin gyi /ming gis smos pa 'di dag gi rgyu las byas pa'i khab gyis la des drubs shig pa'o/ /'di khab ral sbu gu 'am khu tshur lta bur bcang zhes pa dang 'di ngo tsha mi shes pa dang tshul ltos pa mi bya zhes pa dang / gri dang khab btsas mi zos par ra da spra tshil gyis byugs par bzhag ces pa ni khab ral gyi dbyibs dang /de mi stor cing btsas mi khyer ba'i rim gro 'di dag ltar gyis shig pa'o/ /mi ltung bar chos gos la sgrog mkhar dang sgro ga bya zhes pa dang / mdud pa yang ngo zhes pa ni chos gos kyi sgro ga 'di dag ltar gyis shig pa'o/ /gos bcos pa dang ma bcos pa btso blag mkhan la 'khrur mi gzhug ces pa dang /de ltar bdag gi ma yin zhes pa dang / 'di'i gzhi la ma yin zhes pa dang / shing leb ma yin zhes pa ni chos gos la ji lta bu yang rung ste/ btso blag mkhan la 'khrur mi gzhug pa dang bdag gis kyang de dag 'khru ba bzhin du mi bya ba dang / de'i sa gzhi dang de'i shing gtun la yang ma spyod cig pa'o//de la mi bcol na sus bya zhe na/ rdza ma 'jam por bkru zhes pa dang / chu drod la bab pas so zhes pa dang / lag pa gnyis dal bus bzlog ces pa dang / mi nus na rkang pa gnyis kyis so zhes pa yin te bdag nyid kyis bkru ba'i thabs 'di dag ltar gyis shig pa'o//khyim pa de ltar 'khrur bcug pa ni rung zhes pa dang / 'di gzhan du spyod pa bsrung zhes pa ni gong du smos pa lta bur byas nas / khyim pa 'khrur bcug kyang bla ba dang de'i spyan yang zla la gyis shig pa'o/ /phyag dar khrod pa shin tu bkrus/ btsems bcos la bcang zhes pa phyag dar khrod pa las gos su byed na ming gis smos pa'i thabs 'di dag ltar gyis shig pa'o//chos gos mi gtsang ba reg pa ma yin zhes pa ni mi gtsang ba reg pa'i chos gos ma bsrel cig pa'o/ /legs par bya na tshon zhib tu brdungs la grib ngar du bskam zhes pa ni shing shun la sogs pa'i tshon bzang por bya ba'i dpyang 'di dag ltar gyis shig pa'o//chos gos med par bskon zhes pa dang / gsum gyi bar du na bzang ngo zhes pa dang / de lta bas phal cher 'dod pas lan gsum gyi bar du blang zhes pa dang / rabs kyi ngan te zhes pa dang / de lta bas na so sor gzhag ces pa dang /'di dang po'o zhes pa la sogs bri zhes pa rnams ni chos gos med par tshon je bskol ba dang lan gsum gyi bar du bslas nas kha dog bzang por 'gyur ba dang / gos bzang ngan phal cher btsong tshon na rabs gsum du phye la de'i snod la yang bzang ngan gyi mtshan ma yi ger bris shig pa'o/ /thog ma na dang po'i rkyen to zhes pa ni tshon dang por blangs pa'i nang du gos kyang bzang po chug shig pa'o//chos gos legs par bsug ces pa dang / de bas na phyung la gzhong khung ran par gzhug ces pa dang / mangs na drugs so zhes pa dang / nyungs na bri'o zhes pa dang / de bas na ran par bya'o zhes pa ni chos gos tshon du btso ba legs par bsug pa'i phyir/'tshod pa'i snod nas phyung la gzhang khung khu ba ran tsham gyi nang du sug shig pa'o/ /de la khu ba mang nyung du gyur na mi rung ba ni ming gis smos pa rnams yin no/ /theng la bskams na dge zhes pa dang / brgyangs te'o zhes pa dang / mtha' nas bzung zhes pa dang / spang gis so zhes pa dang /mi bcags na rtswa gcal gding zhes pa dang / tshon phyogs gcig tu mi 'dre bar yang bsnor yang bsnor bya zhes pa ni tshon gyi las zin nas bskam pa'i dpyad na thag pa'i breng la shing bu'i lcang gis gzung zhing brgyang ba dang / tshon phyogs gcig tu mi 'dre bar yan man gyi kha yang bsnor yang bsnor du bya ba dang /dbang gis mi thub na rtswa gcal gyi steng du skoms shig pa'o/ /tshon sar par sar pa bcug na dge zhes pa dang / rnying par rnying pa'o zhes pa dang / gsar pa rnams ni nyi ma la bskam zhes pa dang / rnying pa ni grib ma la'o zhes pa ni gos gsar rnying dang tshon gsar rnying du sbyar ba dang / gsar rnying gi rkyen las nyin grib la bskam pa'i tshul 'di dag ltar gyis shig pa'o/ /'di mi 'bri bar phyi de nyin chur bsug ces pa ni tshon mi dbri zhing khong snyoms par 'dod na phyi de nyin par chur sug shig pa'o/ /dgar dang 'chag sar tshon gyi las mi bya zhes pa dang / gtsug lag khang du ma yin zhes pa dang / de'i khang tog tu bya zhes pa dang / snam phyi sa'i than kor du ma yin zhes pa dang / de'i phyogs byugs par bya zhes pa dang / rdo thal gyis byugs pa zhig na bkru zhes pa dang / brtsams nas gal te rlung dang char 'ong na khyams su bya zhes pa dang / bya ba zin nas de'i phyogs bsku zhes pa dang / lci ba'am sas so zhes pa rnams ni tshon gyi las gang gang du bya ba dang mi bya ba dang /dang po byed par phyag pa dang / phyis zin nas byug cing bsku ba la sogs pa thabs 'di dag ltar gyis shig pa'o/ /rung bar ma grub par brdungs pa dang shin tu brdungs pa'i gos spyad cing bgo bar mi bya zhes pa dang 'di byi bdar nyams na rung ba'o zhes pa dang /chur bsgres na de'o zhes pa dang / ba mos brlan te lag pas phur na nyams pa'o zhes pa rnams ni brdungs shing legs par brdungs pa'i gos 'tshe rab ba chur bsgre ba'am/ ba mo la brlan nas/ phur cing bsubs te/ 'tsher ba'i byi bdar nyams par ma gyur gyi bar du ma spyod cig pa'o//sham thabs kyi steng du ska rags bcings zhes pa dang / leb ma'am rgya cang ngam/ lcag pod dam/ shur bus kyang ngo zhes pa ni sham thabs kyi steng du ming gis smos pa'i ska rags de dag gang yang rung bas chings shig pa'o/ /phreng tshogs dang / kha sum dang / gru chad dang /gser thag rnams rgyan ma yin zhes pa ni ming gis smos pa 'di dag kyang rgyan yin pa'i phyir ma thogs shig pa'o/ /de'i phreng tshogs zhes pa ni mgul du gdags pa ste/ gser gyi phreng ba gsum mam/ bzhi zhing skabs skabs nor bu sna tshogs bcug pa'o/ /lhag ma gsum ni ska rags te/de la khu sum zhes pa ni gser las dpang rgyan lta bur byas pa sbreng ba'i skabs skabs su dril bu btsud pa'o/ /gru chad ces pa ni gser gyi po gu gru gsum par byas pa'o/ /gser thag zhes pa ni dngos/ de sna tshogs kyang de bzhin zhes pa ni rtswa las byas pa yan chad gang yang rung rgyan du gyur pa'o/ / gzhi med pa'i sa la chos gos mi bzhag ces pa dang / mi gtsang ba'i phyogs su ma yin zhes pa dang / thabs yod na khur lci bas mi mnan ces pa dang / bsnor zhing bsgo bar mi bya zhes pa ni chos gos rim gro ming gis smos pa 'di dag ltar gyis shig pa'o/ /de la bsnor zhing gyon pa ni stod g.yogs kyi gor smad g.yogs gyon pa'am/smad g.yogs kyi gor stod g.yogs gyon pa lta bu'o/ / bshang gci dang mi gtsang ba'i las byed pa'i tshe stod g.yogs bgo bar mi bya zhes pa dang / 'di la mi nyal zhes pa ni ming gis smos pa 'di dag byed pa'i tshe stod g.yogs ma gyon cig pa'o/ /bsod snyoms spyod pa dang za ba dang mchod rten la phyag 'tshal ba dang /ging gong byed pa dang / dge 'dun 'dus pa dang / lung dang chos nyan pa rnams myong ba ma gtogs par las gzhan gyi tshe sbyar ma ma yin zhes pa ni ming gis smos pa 'di dag gi tshe ma gtogs par skabs gzhan du sbyar ma ma gyon cig pa'o/ /'di la mi 'dug mi nyal zhes pa dang /'di mi rdzi zhes pa dang / 'dis gang yang bskur ba mi bya zhes pa dang / lus la reg par mi spyad ces pa dang / 'di mchan gung g.yas pa'i dugs kyis ma rungs par 'gyur ro zhes pa dang / de ltar mi 'gyur bar de'i thad kar glan par bya zhes pa dang / khru phyed dang do dang mtho'o zhes pa dang /ngos gnyis ka sgud nan gyis rtsing por mnan ces pa dang / 'di dus dus su bkru zhing btso'o zhes pa dang / de ni btsag gis so zhes pa rnams ni chos gos sbyar ma brdzi ba la sogs pa'i rim gro dang mchan khung gi dugs kyis mi 'phrogs par gzan bya ba'i thabs 'di dag ltar gyis shis pa'o//gdong phyis bcang zhes pa dang / lus la 'dzag na lus phyi ba'o zhes pa dang / 'di chos gos kyi nang logs su bgo zhes pa dang / 'byar na snga ba'i chu'am/ sa tshig pa dang bsres pa'i chus spang zhing bags kyis dgogs zhes pa dang / rnag dang khrag kyang ngo zhes pa dang / 'di ni dus dus su 'khru ba dang bskam pa dang btso'o zhes pa dang /de ni btsag gis na dge zhes pa ni gdong phyis bcang ba dang lus la mdze'i shu ba yod na de'i gzan chos gos kyi nang log su bgo zhing 'byar na ming gis smos pa 'di dag gis dgogs pa'i tshul la sogs pa 'di dag ltar gyis shig pa'o//chos gos gar bab bab tu mi bzhag ces pa dang / de'i phyir smyig gdang bya zhes pa dang / de'i bu ga'i sbugs so zhes pa dang / gtsug lag khang byed pa nas so zhes pa dang / byas nas bu ga mi gdod ces pa dang / gtsug lag khang gi dper zad kyi khang bzhag kyang de bzhin zhes pa dang /lcug ma dang thag srad kyis kyang 'di 'grub ces pa rnams ni chos gos bab bab tu mi gzhag pa'i phyir gtsug lag khang dang po rtsig pa nas gdang gi bu ga'i sbugs bya'i 'phral la mi gdong pa dang lcug ma'am thag srad kyis gdang yang gyis shig pa'o/ /gos kyi tshas ni gtur bzang po zhes pa dang /de bya zhes pa dang / gsum phyed dang gnyis nyis bltab tu byas pa drub ces pa dang / kha dbus su gdong zhes pa dang / 'di la sgrog gdags zhes pa dang / srad bus so zhes pa dang / gzhan gyis bcings zhes pa dang / rtag tu spyod pa steng du bzhag zhes pa rnams ni chos gos kyi tshas su gtur bzang gis/gtur gyi thabs 'di dag ltar gyis shig pa dang rtag tu spyod pa'i gos gtur gyi kha logs su zhog shig par ston pa de la gzhan gyis bcings zhes pa ni gtur gyi kha ya gcig la sgrog gdags shing / ya gcig gi bu gnas rgyus shig pa ste/ mdor na sgro ba brgyu ba'i thabs su gyis shig /sang 'gro ba nas bla ma la zhu zhing ster na 'gro zhes pa dang / rang gi gnas chag la sogs pa byas te'o zhes pa dang / lam du 'gro ba na chos kyi gtam ma 'phags pa'i mi smra bas so zhes pa dang / ngal bso ba'i gnas su ni zhal nas gsungs pa'i tshigs bcad bklag go zhes pa dang /chu len pa na yang ngo zhes pa dang / gang gi chu yin pa de'i phyir ro zhes pa dang / gzhan yang lha'o zhes pa dang / dgongs mal du rgyud gsum zhes pa rnams ni dang po gud du 'gro ba nas bla ma la zhu ba dang / lam du zhugs na chu bcu pa yan chad thabs ming gis smos pa 'di dag ltar gyis shig pa'o//gsang thag bcang zhes pa dang / de'i tshad ni brgya nas brgya lnga bcu'i bar du'o zhes pa dang yul gyi rkyen du'o zhes kha cig ces pa dang / 'bab chu dkon par 'di med par yul rgyu ba mi spyad ces pa ni yul rgyu ba'i tshe chu dong nas bcu ba'i cha spyad gsang thag bskur ba dang /'bab chu dkon par 'di med du mi rung bar ston pa'o/ /'gron bas chos gos sprugs bkrus sam rkang lag bkrus/ lag na chu khyer/ lam gyi byi bdar byas/ chos gos gsum bgos te zhi ba'i spyod lam gyis gtsug lag khang du 'jug ces pa ni dge slong 'gron pa gtsug lag khang du phyin kar ming gis smos pa 'di dag ltar gyis shig pa'o//rgan rabs bzhi la phyag byas te bsdad ces pa dang / sgra bskyungs mdzes par byas shin tu bsdams pa'i spyod lam gyis tha mal pa'i phyogs su'o zhes pa ni gtsug lag khang du phyin pa'i tshe rgan rabs la phyag bya ba dang / 'drul ba'am snang yal gyi sar spyod lam 'di ltar gyis la sdod cig pa'o/ /rgyus shes pas 'di ngal bas so zhes pa dang / rgyus mi shes pas ngal bsor mi gzhug ces pa dang / tshangs pa mtshungs par spyod pa na yang ngo zhes pa ni dge slong gud nas 'ongs pa de'i gnas dang mkhan po la sogs pa'i rgyus shes pas brang du gnyar cing ngal bsor gzhug pa dang /rgyus mi shes na tshangs pa mtshungs par spyod pa yin du zin kyang brang du gnyar cing ngal bsor gzhug pa ma byed cig pa'o/ /sgo chod cig slong dang ma sbyin cig / khyer ba zlog shig ces bsgo ste mnos pa dang nga'i grogs so zhes pa la sogs pas yid ches pa'i dngos por bsgrub pa las stor na 'jal du gzhug ces pa ni dge slong gung nas 'ongs pa de la gtan tshigs 'di dag skad du bsgo zhing brang bsrungs su bcug pa las stor ba dang /dge slong gud nas 'ongs pa'i rgyus shes pa skad du grogs gcig gis gnyer te brang du bzhag pa las/brang zla cig shos pa'i rdzas stor na de'i skyin krin dge slong gud nas 'ongs pa gnyer gnyer ba'i brang zla la ngos shig pa'o/ /pha rol gyis mi shes shing bye brag 'og bar gyur pa'i mngon rtags la brten zhes pa ni chos gos la sogs pa bdag gi yo byad gang yang rung ba la gzhan gyis rgyus mi shes pa'i sgo mtshan thob shig pa dang /pha rol gyi rdzas shig rnyed na yang de la gzhan gyis mi shes pa'i mngon rtags zung shig pa'o/ /byin pa las ltung na'o zhes pa dang / gal te ma blangs par ltung na'o zhes pa dang / 'dir dris la bag dang ldan pas bsgrubs te bya zhes pa ni rdzas pha rol gyi lag tu byin pa'i tshe de'i lag tu ma son par btang nas lhung zhing chag par gyur na sbyin pa de la dbab pa dang /pha rol sbyin pa'i tshe zin nas gtam blangs sam zhes la gdod byin cig pa'o/ /brnyas pa mi gtsang ba la sogs pas ma rung bar gyur pa bkru ba la sogs pa byas kyang sems ma rangs na rin sbyin/brnyas pa'i rdzas 'di ltar ma rung bar gyur pa byi bdar byas kyang de'i bdag po mi mgu ba tsam gyi tshod na rin byin cig pa'o/ /gud nas 'ongs pa'i zhar la sla thabs su bslab pa rnams de ltar bstan nas/ rgyus shes pas ngal bso zhes smos pa'i thabs ji ltar bya ba'i dkyus nyid ston pa ni/lhung bzed dang chos gos blang / stan gding rkang pa bkrur gzhug pa chus kyang ngo / /phyag bya/ bde bar spyad dam dri ci nus kyis mgu bar bya/ rkyen dang sbyar te mal stan sbyin/ dge 'dun gyi gnas brtan dang sprad / des 'dir gnas 'char gzhug /rgan pa zhig na 'di la mal stan phul cig de'i rdzi la bsgo / /mal stan bab chol du mi brnya zhes pa ni gud nas 'ong ba la gzhi bas mdong sol ji ltar bya ba dang / de gnas brtan dang sbrang cing gnas brtan gyis mdong sol ji ltar bya ba dang / de nyid kyis mal stan bab bab tu mi brnya ba la sogs par ston pa'o//gos kyi tha ma ma bregs na glan cing cha ga bya zhes pa dang / de skud kham rtsing por bya zhing gzung zhes pa dang / dur khrod kyi gos bla gab med par shing la sogs pa'i steng du zhag bdun nam brgyad dam lnga'am drug ces kyang kha cig zer te bstsangs la bkrus shing spyad zhes pa dang / nga ni dur khrod pa'o zhes smos la 'bod na gtsug lag khang ngam khyim du 'jug ces pa dang /spyad pa yang bdag gir bya ba ma btang ba la dur khrod pas spyad par bya zhes pa dang / dge 'dun gyi mal stan mi spyad ces pa dang / mchod rten las 'dom gang tsam gyi 'gyed ces pa rnams ni dge slong gos rnyings shing tha ma zegs na lhan pa gdab cing cha ga bya ba dang /dur khrod pa'i gos blang na thabs ji ltar bya ba dang / bdag dur khrod pa yin no zhes snyad la 'bod na gdod gtsug lag khang ngam khyim pa'i khyim du 'gro ba dang / khong ye bor ba ma yin pa'i stan la zhu zhing 'dug par bya ba la sogs pa dur khrod pa'i cho gar ston pa rnams so/ /sbrang yab bcang zhes pa ni bal lam shi na'am/shing bal lam/ 'dab ma shog tsham gyis so zhes pa dang / glang po rta ba lang gi rngam la sogs pa la byas pa ma yin na zhes pa dang / bse dang tshon sna tshogs kyis byugs pa'i yu ba gang zag gis thams cad du ma yin zhes pa rnga ma'i sbrang yab dang yu ba tshon can ma yin pa'i sbrang yab bal la sogs pa las byas pa chongs shig pa'o//sbrang khang yang ngo zhes pa dang / steng du ras brgyang zhes pa dang / shing la gdags zhes pa dang / khru bzhi dang gnyis so zhes pa dang / ras chen gyis bskor zhes pa dang / khru bcu gnyis pas so zhes pa dang / sbyar zhes pa dang / ma mtha' yang mal cha dang sbyar zhes pa dang /sgo grwar gdod zhes pa rnams ni sbrang bus 'tshe na sbrang khang gi thabs 'di dag ltar gyis shig pa ste/ de la steng du ras brgyang zhes pa ni de'i steng du ras kyis khob shig pa'o/ /shing la gdags zhes pa ni de nyid shing la rgyongs shig pa'o/ /khru bzhi dang do zhes pa ni de'i sring khru bzhi zheng du khru do gyis shig pa'o//ras chen gyis bskor ba dang / khru bcu gnyis zhes pa ni khang bu de ngos bzhi ras chen khru bcu gnyis pas bskor pa'o/ /sbyar zhes pa dang / ma mtha' yang mal cha dang sbyar zhes pa ni ras chen de'i yang mtha' steng g.yogs dang sbyar ba dang / ma mtha' mal cha dang sbyar bar bya ba'o//sgo gra gdod ces pa ni sngas dang sgo byang stang du ma bab par gyis shig pa'o/ /tsha ba'i gnyen por g.yab par bya zhes pa dang / bsil yab bcang zhes pa dang / btags pa la'am/ ta la'i phon gyis so zhes pa dang / tshon sna tshogs kyis ma yin zhes pa dang / dge 'dun gyi gzhan yang ngo zhes pa dang /nor bu'i rnga yab rnyed na mchod rten la dbul zhes pa dang / nyan thos la yang ngo zhes pa ni tsha ba'i gnyen por bsil yab ri mo can ma yin pa bya ba dang / dge 'dun gyis ni ji lta bu yang bcang du rung ba dang / nor bus spras pa lta bu'i bzang po zhig rnyed na mchod rten la phul cig pa'o//mal stan dang sngas dang gor bu bcang zhes pa ni ming gis smos pa 'di dag chongs shig pa'o/ /bu smad rnyed na sbyin bdag gis dbang du bya zhes pa dang / ldun ji 'dod tsam du lngur gzhug ces pa dang / slar 'bul na yang rung zhes pa ni yon bdag gis ji dga' bar bya zhing ldu na yang yon bdag gi rin ci dpags su bya ba dang /gzhan yang phul zhing ldu ba'o cog mi rung ba med par ston pa'o/ /shing la phul ba gal te rgyan zhig na yo lang g.yos pa'i rgyan du bzhag ces pa ni grib shing la sogs pa shing la phul ba'i rdzas rgyan du rung ba'am/ rgyan zhig yin na yo lang g.yos pa'i shing gi rgyan bya ba'i phyir zhog shig pa'o//gal te gnas khang gi rtsig pa la ni bri ba'i phyir ro zhes pa ni gnas khang gi rtsig pa la phul ba zhig na de'i ri mo bri ba'i rgyur gyis shig pa'o/ /gal te ma yin na ka ba dang las sar pa'i'o zhes pa ni gnas khang gi rtsig pa ma yin pa'i rtsig pa gzhan la phul ba zhig na ka ba 'am bcos legs kyi rgyur zhog shig pa'o//sa zhes pa ni 'og nas 'byung ba thams cad dang sbyar bar ston pa'o/ /me gang gir na sbar bar bya zhes pa ni me khang gi sar phul na snang bar sgyur cig pa'o/ /snum pa'i rnyed pa'am zhes pa ni me khang gi sar phul ba yang snum gyi rnyed par gyis shig pa'o//nad pa'i rung ba'i sar sman du bzhag ces pa ni sman bzhag pa'i gnas su phul na sman du gyis shig pa'o/ /tshang bang gir na zas su bya zhes pa ni tshang bang sar phul na zas su gyis shig pa'o/ /gru tshang du na btung bar ro zhes pa ni gru tshang du phul na/ skom du gyis shig pa'o//bsro gang du na sro bar ro zhes pa dang / snum pa'i rnyed pa'i rnyed pa'am zhes pa ni bsro gang du phul na bsro ba'am/ snum gyi rnyed par gyis shig pa'o/ /bkad sa dang 'dun tshar na snum gyi rnyed par ro zhes pa dang / rabs bri ba'am zhes pa ni bkad sa dang / 'dun sar phul ba lta bu snum gyi rnyed pa'am/byang chub sems dpa'i rabs gyis shig pa'o/ /dgar dang 'chags dang sgo khang dang / chags khyams sun bgo zhes pa dang / mthongs kyang ngo zhes pa dang / 'di lta bu'i phyogs bzhi dge 'dun gyir gzhag go zhes kyang kha cig ces pa ni dgar la sogs par phul ba ni bgo ba dang mthongs su phul ba yang bgo ba'o//slob dpon kha cig ni mthongs su phul ba phyogs bzhi'i dge 'dun gyir bzhag gi bgo ba ma yin no zhes 'chad pa yang yod par ston pa'o/ /dkon mchog gi phyir bslang ba rung zhes pa dang / bsgrags pa yang ngo zhes pa dang / len pa'o zhes pa dang / snang bar bya ba'i phyir 'khor lo bya zhes pa dang /tsha ba dang / rlung dang / char pas mi brdzi bar khang pa rtseg ma sgo bzhi pa bya zhes pa dang / yo lang gi rjes la 'khod la btul zhes pa ni dkon mchog gi phyir yon bdag la ched du yang bslang zhing / shing rta'i steng du yon bdag gi ji phul bas sgrogs shing spyoms pa'i yo lang dang rlung dang char pa 'ongs na khang pa rtseg ma la sogs pa'i yo lang lan kar gyis shig pa dang /yo lang brim pa'i rjes la rtul cig pa'o/ /dkor bas rnyed pa sba zhes pa ni dge 'dun gyi rnyed pa 'di sbos shig pa'o/ /ston pa mchod pa'i tshe gnyis la ma phye bar phul na dge 'dun gyi ste dge slong ma mi chud ces pa ni ston pa mchod pa'i tshe yon bdag gis gnyi ga la dbul bar gnyis kyis ma phye ba lta bu ni dge slong pha nyi tshe dbang gi dge slong ma mi dbang ba'o//'dir gcig tu bsdoms pa'i tshe 'khor lo gud btsugs na nyes pa sbom po'o zhes pa ni dge 'dun sde gnyis 'dus te/ ston pa mchod pa byed pa'i tshe/dge slong mas logs zhig tu 'khor lo btsugs shing mchod par byas na sbom por 'gyur ba'o/ /'god pa'i dkor pas bgo zhes pa ni mchod pa'i tshe rnyed pa'i yon kyang dkor pas bgos shig pa'o/ /'di bsgo zhes pa dang / btsong bar 'os pa btsong zhes pa dang dge 'dun 'dus pas zhes pa dang /bskyod cing ngo zhes pa dang / 'dis der 'du bar gtogs pa'i zhal ta bya zhes pa ni dkor bas bsgo zhing des dge 'dun 'dul ba'i zhal ta la sog pa thabs 'di dag ltar gyis shig pa'o/ /dge 'dun gyi gnas brtan gyis rin thang bcad ces pa dang / bar ma'o zhes pa dang /de la mi dbab ces pa ni dge 'dun gyis rnyed pa btsong na/ rin thang gnas brtan gyis dang po nyid du bar ma'i cha bzung zhing bcad pa dang / gnas brtan nyid la nyor gzhug pa'i khrin mi dbab pa'o/ /phyis mi skye bar nges na dbab ces pa dang / mi nyo bas mi skyed ces pa ni dge 'dun kun gyi kha brims te/bskugs su zin gyis kyang de las lhag pa'i skyed ma byang ste/ skyed pa'i re thag nas su/ rin thang cher 'debs pa'i steng du phog shig pa dang / mi nyo bar 'dren kyang rin thang ma skyed cig pa'o/ /bud med ma yin zhes pa dang / rin ma bcal bar mi spyad ces pa dang / bcos pa yang ngo zhes pa ni bud med kyi rin thang ma skyed cig pa dang / nyes pa'i rin thang ma 'khor bar bcos shing spyod pa ma byed cig pa'o/ /len pa phal chen bcu tshoms la sogs par bcad la bgo zhes pa dang / nod pa sder bcad de byin pa las ma bgos pa 'ga' shi na sde de'i shas su gtogs so zhes pa ni yon 'god pa'i tshe bcu tshoms la sogs sde sder bcad cing bgo ba dang /sder bgos pa'i nang nas 'ga' shi na/ de'i skal shas bcu po rnams kyi khongs su gtogs par ston pa'o/ /mya ngan las 'da' ba'i bsam pas rab tu byung zhing tshul khrims dang ldan na gos brgya stong pa dang / ro brgya ba'i zas dang / rtseg ma lnga brgya pa yang 'os so zhes pa dang /dge 'dun gyi rdzas kyang ngo zhes pa dang / mi slob pa nam chad kyi zhes pa dang / so so'i skye bo na yang ngo zhes pa ni mya ngan las 'da' ba'i bsam pas rab tu byung zhing tshul khrims dang ldan na so so'i skye bo yin du zin gyis kyang mi slob pa man chad kyi dge 'dun gyi dkor dang gos kAr ShA pa Na brgya stong rib dang /zas ro brgya pa dang mi lnga brgya shong ba'i khang pa rtseg ma'am/ ne tso'i thod pa lnga brgya pa'i khang pa rtseg ma yang spyod du 'os par ston pa'o/ /tshul khrims zhig pa ni ma yin zhes pa ni tshul khrims ngan pa'am/ /tshul khrims zhig pa ni gong du smos pa rnams la spyod du mi dbang ba'o/ /le lo can gyis len cing 'tsho ba ni bu lon du 'gyur ro zhes pa ni tshul khrims ma zhig tu zin kyang klog cing 'don pa la sogs pa dge ba la mi brtson na yon bdag gi blangs pa'o cog gnyer dang bu lon du 'gyur ba'o//mtshams kyi nang du gang zag gi gtsug lag khang dang de'i rnyed pas 'tsho yang dge 'dun gyi rnyed pa 'os so zhes pa ni gtsug lag khang gi nang dge slong gi gnas dang /de'i rnyed pa khud par spyod du zin kyang dge 'dun gyi rnyed pa las dbang ba'o/ /gnas khang nyes pa yang ngo zhes pa dang / 'dir su bklag ces pa ni gnas khang gud par spyod kyang gong ma dang 'dra ba dang / gtsug lag khang ngam gnas khang 'di lta bu dge slong gcig gi chang khyur gtan du ma sbyin par res su klog shig pa'o//lhung bzed/ lhung bzed chung ngu / phor bu/ bum bu kyog po dang / bri gab sen regs gzar bu thal phyags sta re slang / kha phyis rnams lcags kyi snod cig na bgo zhes pa dang / kham pa'i snod la lhung bzed lhung bzed chung du/ btso ba bum pa bum bu gu na 'de chu ra rnams kyang ngo zhes pa dang /rin po che man chad lcags yan chad kyi khri yang ngo zhes pa dang / bsgyur te'o zhes pa dang / shing gi ma yin zhes pa dang / tshon sna lnga las gzhan yang ngo zhes pa dang / ma bcos na'o zhes pa dang / btson btso bar 'os pa 'tsheng du gzhug ces pa dang / dge 'dun gyi gang yin pa'o zhes pa rnams ni gzhan gyis yon du phul na mi gzhag par spar spar du bgos shig pa ste/de la shing gi khri ma yin na/ lcags yan chad rin po che man chad kyi khri ni bsgyur te rin bgo ba dang / tshon sna lnga ma yin pa ni ma btsos na bgo ba dang / btsos na dge 'dun rdzas de'i gzhug par bya ba rnams so/ / mi btso ba ni kun dga' dag gtsug lag khang dang de'i dngos po mal stan no zhes pa ni ming gis smros pa 'di dag mi btsong zhing mi bgo bar ston pa'o/ /gtar mi gzhug ces pa ni kun dga' dang gtsug lag khang la sogs pa gong du smos pa rnams gtar ma gzhug shig pa'o/ /byin gyis mi brlab pa yang ngo zhes pa ni tshon chen spor ba tshos pa'i gos su byin gyis ma rlob shig pa'o//pha ma la gos dang zas bstab ces pa dang / lhung bzed dang chos gos las rnyed pa lhag pa med na bslang zhes pa dang / ma grub na bza' ba'i phyed kyang sbyin zhes pa ni pha ma la zas dang gos stobs shig pa dang / med na gzhan las slongs shig pa dang / bslangs te yang ma rnyed na zas las kyang phyed chod de byin cig pa'o/ /phran tshegs la sogs pa gos kyi dngos por gtogs so/ /phran tshegs dang zhus pa las 'byung ba bsdus te ston pa ni/ bye brag shes par bya ba'i phyir gos la mtshan ma gdab ces pa ni mi 'dra ba bye brag mi phyed pa'i mtshan ma gos la thob shig pa'o//de la gdab par bya zhes pa dang / snag tsha'i thig le ni de'o zhes pa ni gos la snag tsha'i thig le gcig gam gnyis byas na/ de la mtshan ma btab pa yin par ston pa'o/ /sbyang ba yang ngo zhes pa ni be'u ras lta bu lci ba breng la sbyang ba dang / lcang gis mi thub na srad bu'i 'ong nga las btsud la 'or cig pa'o//kha tshar dang mtha' tshar gyi gor cha ga bya zhes pa ni kha tshar dang mtha' tshar bcad pa'i rjes la cha ga gyis shig pa'o/ /sbyar ma ma yin pa ni dras te byin gyis brlab par nges pa med ces pa ni sbyar ma ma yin pa'i chos gos gzhan ma drar mi rung bar nges pa med de chos gos sbyar ma yang rkyen gyis thebs na ma dras pa la byin gyis brlab dgos pas na'o//de dang 'dra ba'i rkyen med par 'di ma dras pa dang / grong dang khyim du 'jug cing 'dug par mi bya zhes pa dang / mu stegs pa'i gnas su yang de bzhin zhes pa ni chos gos bskur du mi rung ba'i rkyen gyis ma thebs na ma dras pas chos gos gyon la ming gis smos pa'i gnas 'di rnams su 'gro ba'am 'dug par ma byed cig pa'o//yod na mi 'dug ces pa ni mu stegs pa'i gnas su 'ongs pa'i tshe mu stegs pa yod na de'i thad dus la 'dug shig pa'o/ /spu can la chos gos gsum du byin gyis mi brlab ces pa dang / de bgos te zas mi bza' zhes pa ni spu yod pa'i gos la 'di dag ltar ma byed cig pa'o//seng ras bdag gir bya zhes pa dang / 'di ni rnam pa bzhi'o zhes pa dang / bal gyi dang zar ma'i dang du gu la'i dang shing bal gyi rnams so zhes pa dang / gzhan yang ras kyi rnam pa dang phrug la sogs pa yang ba rnams so zhes pa dang /la ba yang ngo zhes pa'i seng ras ming gis smos pa 'di dag lta bu dang / gzhan yang ras kyi rnam pa la sogs pa yang ba'i gos ni chongs shig pa'o/ /'tshe ba ma yin na bzlog cing mi bgo zhes pa dang / 'di bzhin du bgos te mi bcag ces pa ni shig za ba la sogs pa'i rkyen gyis btab pa ma yin na spu can phyir slog tu ma byed cig pa dang /phyi zlog byas na yang de gyon la phan tshun du ma 'gro shig pa'o/ /ar+ya na'i la ba dang be'u ras dang dre'u rdog khra bo rnams gang zag nyid kyir bya zhing mi spyod ces pa dang / 'chag sar dre'u bting ba ni sdom par bya zhes pa dang / rtag par gcig tshugs su mi bcag ces pa dang /nus na bcos pa ni btsem pa dang mnan pa dang glan par bya zhes pa rnams ni ar+ya na'i la ba la sogs pa ming gis smos pa rnams gang zag nyid kyir bya ba dang / 'chag sar dre'u rdog lta bu khra bo bting na sdom par bya zhing spyod pa dang / btsem pa'i thabs 'di dag ltar gyis shig pa'o/ / de la ar+ya na zhes pa ni par gyi la ba bzang po be'u ras zhes pa ni spu ring po'i be'u ras la bya'o/ /ma nus na lci ba dang sas bcag sa de bsku zhes pa ni rnying pa ste gong ma ltar glan cing btsem du yang mi rung na/ des bcag sa skyang nul du bsku ba'i ched du gyis shig pa'o zhes pa dang / sbyin bdag la yid brtan te'o zhes pa ni gong ma lta bu la ba spu ring po ma yin pa ni sbyin bdag la yid brtan te bcang ba'o//sham thabs kyi 'theb dang rngul gzan gyi 'theb zhes pa dang / yo byad kyi gos kyang ngo zhes pa dang / 'di ni dkar ba dang kha tshar dang mtha' tshar yod kyang nyes med ces pa dang / dge 'dun gyi yang ngo zhes pa 'di sham thabs la sogs pa'i 'theb dang /sman zong la sogs pa'i gos bcang ba dang / de dag dang / dge 'dun gyi dkar zhing kha tshar ma bcad kyang bla ba'o/ /gnang ba'i gos rnams de dag nyid du byin du brlab cing bcad zhes pa ni bcom ldan 'das kyis gnang ba'i yo byad bcu gsum de dag so so'i ming ngang tshul bzhin du byin gyis rlobs shig pa'o//rung bar byas na gzhan du ma yang bcang zhes pa dang / sems mi brtan pa la rung bar mi bya zhes pa dang / bsnyen par ma rdzogs pa la ma yin zhes pa dang / mngon du ma yin zhes pa ni rung ba'i cho ga byas na yo byad bcu gsum du ma zad kyi phal po che du ma bcangs kyang nyes med pa dang /rung bar byas pa sems mi brtan pa la sogs pa smyon pa la mi bya ba dang / bsnyen par ma rdzogs pa dang de'i mngon sum du rung bar ma byed cig pa'o/ /yul gud na 'dug kyang rung ba mi 'jig ces pa dang / shi na 'jig ces pa dang / shes na'o zhes pa ni su'i ming gis rung bar byas pa de shi bar ma shes kyi bar du yul gud na 'dug kyang mi 'jig pa'o//'di rung bar byed pa bdag po'o zhes pa dang / spangs pa bdag gir mi bya zhes pa ni rung bar byed pa nyid bdag po yin pa dang / su la spangs pa de yo lang du ma bskur cig pa'o/ /dge slong la spang zhes pa dang /dge 'dun ma yin zhes pa dang / mi mkhas pa lam yin zhes pa dang / ma byin na blang zhes pa dang / mthus kyang blang zhes pa rnams ni su la spang bar bya ba dang / su la mi spang ba dang spangs nas mi ster na blang ba'i thabs 'di dag ltar gyis shig pa'o/ /gos la bsung gis gos na bkrus te bgo zhes pa dang /phye mas na sprug ces pa dang / snum gyis na 'dag pas so zhes pa rnams ni gos la tsan dan la sogs pa bsung gis gos sam phye mas reg gam snum gyis phog na thabs 'di dag ltar gyis shig pa'o/ /char 'bab na bla gab med par dge 'dun gyi ma yin zhes pa dang /bkru ba dang / tshon dang lhung bzed kyi las dang shing gsheg pa la sogs pa'i tshe ma yin zhes pa ni ming gis smos pa 'di rnams lta bu'i tshe dge 'dun gyi gos ma gyon cig pa'o/ /cig car zhes gtams pa zla med pa la byin pa ni yang dag pa'i grangs so zhes pa ni kha cig gis bdag la rdzas gtams la nged cag cig car du ma lhags dang /'ga' len pa ma sbyin cig ces mi zer na de'i nang nas 'ga' len du 'ongs pa la sbyin pa ni gtan la phebs shing nyes med par ston pa'o/ /ma gtams pa dang 'grogs na ma yin zhes pa ni dang po 'doms pa la ma gtogs pa dang 'grogs te lhags pa'i tshe ni ma sbyin cig pa'o//de nyid kyi khyim mam gnyen las blangs pa ma yin na smyon pa las mi blang zhes pa ni brkus pa'i snol du 'gyur ba'i phyir smyon pa las bab bab tu ma len cig pa'o/ /spangs pa'i bu las blang zhes pa ni phas spangs pa'i bu las nor khyer ba ni nyes med pa'o/ /dur khrod nas slar 'khor ba yang ngo zhes pa dang //'di slar slong na sbyin zhes pa dang / yang rnyed na blang zhes pa ni dur khrod kyi gos byin na blangs pa dang / slar 'dod na sbyin pa dang / yang 'bul na blang ba'o/ /bu ram shing las gzhan pa'i zas su byin pa dang / mchod rten gyi dang / gtan dang / 'khod cing spyod pa dang /nad pa'i rung ba rnams nyid kyir mi bgo zhes pa ni ming gis smos pa 'di rnams bdag gi nor du bya bar ma 'god cig pa'o/ /de la rtsa ba dang 'bras bu dang / bu ram shing las gzhan pa'i zas ni nas 'bras la sogs pa'i 'bru'i bag go/ /mchod rten gyi zhes pa ni mchod rten la phul ba'o//gtan dang zhes pa ni 'brog zhing dang rkang 'gros la sogs pa'o/ /'khod cing spyod pa zhes pa ni gnas khang ngam/ yo byad la sogs pa'i rnyed pa khud par yod pa'o/ /nad pa'i rung ba zhes pa ni a ru ra la sogs pa sman gyi yo byad do/ /dbyar gyi mtshams su na rnyed par gtogs zhes pa ni dge 'dun gyis bla thabs su rnyed pa la dbyar gyi mtshams kyi nang du 'ongs pa yang dbang bar ston pa'o//dbyar bcad pa mi 'os pa ma yin zhes pa dang / bkar ba ma yin zhes pa ni bkar ba ma yin na dbyar bcad pa yang rnyed pa las dbang ba'o/ /rdzas kyis mnan te gnas pa ni gcig gis shas so zhes pa dang /gnon pa 'di nyid kyi skal ba'o zhes pa ni gtsug lag khang du ma'i mtshams rdzas kyis mnan te dbyar tshul du 'jug pa'i las byas na gtsug lag khang so so'i dge slong gcig gis skal shas su bsdus la ye rngam byed pa de la byin cig pa'o/ /gzhan du tshul du mar zhugs na yun ring du gnas pa brtsan no zhes pa ni gtsug lag khang du ma'i kha brgyus te tshul du zhugs na gang du yun ring du 'dug pa de ci che nas rnyed pa byin cig pa'o//dge tshul dang dge tshul ma ni rnyed pa'i sum chad bri zhes pa dang / zas ni mnyam mo zhes pa dang / bsnyen par rdzogs par 'dod pa dang dge slob ma yang ngo zhes pa ni dge tshul gnyis ni rnyed pa nar ma la dge slong gi skal shas las sum chas bskyungs pa dang /zas la thang mnyam pa dang / bsnyen par rdzogs par 'dod pa dang / dge slob ma ni zas dang rnyed pa gnyi ga las thang mnyam pa'o/ /dge slong dang dge slong ma'i skal shas bgo ba ni dge 'dun du ma yin gyi gang zag tu'o zhes pa ni yon bdag gis sde gnyis kyi skal shas so sor ma bgos te/gnyis ka la spyir phul na phos mos kyi grangs las bgo'i/ sde gnyis dga' bar phyed shas sum 'god cig pa'o/ /mchod ston rjes la ma nges par rnyed pa ni dge slong ma bdag gis kyang zos pas na der mi gtogs pa ma yin zhes pa ni mchod ston byas pa'i 'og tu phos mos ma phye bar yon phul ba ni dge slong mas kyang zan zos pa na yon skal byin cig pa'o//dge slong pha stan chu bsod snyoms la dge slong ma'i thu bo ma yin zhes pa ni 'di dag gi ched dge slong ma'i thu bo dge slong yin pas na stan dang lag chu la sogs pa sngar dge slong gis long shig pa'o//dge slong ma dag bkad pa'i tshe rgan rabs kyi stan gzhag ces pa ni gong ma ltar gyur pas na/ dge slong ma dro za ba'i tshe dge slong pha gud nas 'ongs pa'i sta gon du gral gyi thog mar go stong par zhog shig pa'o/ /dge slong dang lhan cig pa las de dag gis ma nus na dge slong mas sbyin pa bshad par bya zhes pa ni mchod ston gyi tshe dge slong phas sbyin pa bshad pa 'don ma nus na dge slong mas gyis shig pa'o//kha zas 'brim pa mngon du lhags na snyoms par brims shig ces gnas brtan gyis thog mar bgo zhes pa dang /bltas te 'khor mang la zas nyung na ci ran du gyis shig ces des thog ma nas bsgo zhes pa dang / de la thar ma yin chub par gyis shig ces so zhes pa ni gnas brtan gyis 'brim pa la snyoms par gyis shig ces bsgo ba dang / zas mang nyung gi drod zung shig pa'o/ /sam prab ta zhes rgan rabs la dang po nyid du ma bsnyad par mi blang zhes pa ni 'di skad tshig dang po nyid du ma smos kyi bar du zas ma len cig pa'o//gnyer ba'i rkyen du zas bshams pa las gzhan lhags na de dag gi phyir bsgo zhes pa ni yon bdag gis sngar grangs dang sbyar te spyan drangs pa las gud nas bla thabs su lhags pa yod na yon bdag la sbran cing skad sbyor cig pa'o//dge slong chos gos gsum byin du mi gzhug ces pa dang / dge 'dun gyis 'di sos dang slar sbyin no zhes pa bsam pa gzhan gyis mi blang zhes pa ni dge slong nad pa chos gos gsum 'bul du mi gzhug pa dang / gal te nad pa nyid kyis phul na dge 'dun gyis thabs 'di ltar gyis shig pa'o//shi na stong g.yogs smad g.yogs dang bcas te bskyal zhes pa dang / 'bring gis so zhes pa dang / lhag par ma yin zhes pa ni shi ba'i rus bu gcer bur mi dor bar stong g.yogs dang smad g.yogs 'bring pos g.yogs shing bskyal gyi de las lhag pas kyang ma yin par ston pa'o//zhus pa dang bcas pa'i phran tshegs la sogs pa gos kyi dngos por gtogs pa'o/ /gos kyi dngos po rdzogs so// //gos kyi dngos po de ltar bstan nas/ khol lpags dngos po da ston pa ni/ yul dbus kyi mtshams ni zhes pa la sogs pa yin te yul mtha' khob tu ni khol lpags spyod du gnang ba la dbus dang mtha'i tshad je ston pa'o//de la shar phyogs kyi mtshams ni/ shar phyogs kyi spu 'dra bar d+ha na 'i mdun du phu 'dra ka tsha zhes bya ba'i tshal lo zhes pa yin no/ /lho phyogs kyi mtshams ni/ 'di lho phyogs ni sha ra pa te zhes bya ba de'i ming gi chu klung ngo zhes pa yin no//nub phyogs kyi mtshams ni/ bram ze'i grong s+thu na dang / u pa s+thu na'o zhes pa yin no/ /byang phyogs kyi mtshams ni ri u shi ra'o zhes pa yin no/ /mtha' 'khob tu lham bcang zhes pa ni sa mtshams gong du smos pa las ma gtogs pa'i mtha' 'khob tu lham chongs shig pa'o//mal stan sba ba'i phyir yang ngo zhes pa ni dge 'dun gyi gzims chal bag bya ba'i phyir ni yul dbus su yang lham chongs shig pa'o/ /chig rkyang ngo zhes pa dang / lhan pa gdab cing bcos zhes pa dang / rim pa gzhan gyis ma yin zhes pa ni mchil cig rkyang par bya ba dang /rdol na lhan pa nyis rim dum byed par 'brong mig du klon cig pa'o/ /khyim pas gom pa bdun yan chad spyad na rim pa mang po yang ngo zhes pa ni khyim pas ji tsam du spyad na mchil rim pa mang por byas pa'i lham yang chongs shig pa'o/ /rung ba tsam gyi phyir de'i ched du blangs pa ni mi rung ba blangs pa ma yin zhes pa ni dge slong gcig la khyim pas lham rim pa mang po byin pa chig rkyang du bya ba'i phyir khyer ba bzhin du mi rung ba'am/ma gnang bar rung bcos pa'i phyir khyer ba ni nyes med pa'o/ /ri mo can ma yin zhes pa dang / lug ru lta bu ma yin zhes pa dang a shwa tha dang ka ra wI ra'i 'dab ma lta bu ma yin zhes pa dang /gser dngul gyis spras pa ma yin zhes pa ni ming gis smos pa 'di dag lta bur byas pa ni ma bsrel cig pa ste/ de la lug ru lta bu zhes pa ni sor mo gzhug pa'i 'o nga lug ru'i gnyer ma lta bu ma byed cig pa'o/ /a shwat+tha dang ka ra bI ra'i 'dab ma zhes pa ni shing 'di dag gi lo ma lta bur shing lo'i srubs ris ma byed cig pa'o//tsig tsig ma yin zhes pa dang / krig krig ma yin zhes pa dang / tsir tsir ma yin zhes pa dang / shog shog ma yin zhes pa dang / gzhan yang dregs par 'gyur ba ma yin zhes pa ni sgra 'di skad du 'byung ba dang /gzhan yang dregs shing snyems pa skye ba'i las ni ma byed cig pa'o/ /breng nan gyis mi rung ba ma yin zhes pa dang / rtse mo dang rting skyabs chig rkyang du byas pa bcang zhes pa dang / la la ma bu za yang ngo zhes pa dang / lham yu rdum yang ngo zhes pa dang / chab brom chags pa'i yul du zhwa dang lham yang ngo zhes pa ni ming gis smos pa 'di dag lta bu ni ming rung ba med par ston pa ste/de la breng nan zhes pa ni bol gyi steng du brad bu'am skung ba'i nan phyed du gtang ba'o/ /rtse mo dang rti bskyabs zhes pa ni sor mo dang rting pa'i thad kar gzan chig rkyang gis glan pa'o//la lam bu za ni klu'i rgyal po a pa la la maud gal ya nas gdul ba'i tshe la la ma bu skyugs pas rtsi shing kun skam pa'i rngu ba rkang pa la gzan pa'i skyabs lham chongs shig par gsungs so/ /bla ma'i thad du lham mi bgo zhes pa ni rko long du 'gyur pa'i phyir ro/ /seng ge stag gzig glang po cang shes rnams kyi yan lag cung zad kyang lus la mi bcang zhes pa dang /glang po phal dang rta g.yon can dang de dag las gzhan pa'i gcan gzan ma rungs pa yang der gtogs so zhes pa ni ming gis smos pa 'di dag gi ras ros lus la ma 'chang shig pa'o/ /lham mi brngab ces pa dang /rad chur brlan pas rdul med pa'i phyi zhes pa dang / 'di bcang zhes pa ni lham rang chus brlan pas rdul phyi bar mi gdab pa dang / de ltar phyi ba'i ra da chongs shig pa'o/ /'di drug ces pa dang / mi mdzes pa'i dngos po byed pa ni phyogs dben par ro zhes pa dang / de'i ched du rgyu smyung bcang zhes pa dang /dra gri ma yin zhes pa ni lham de ral na dben par drub pa dang dra gri ma gtogs pa'i spyad gzhan chongs shig pa'o/ /grong dang snam phyis ma gtogs par shing lham mi bgo zhes pa dang / smyug tshal dang mun dza dang / si ri dang 'jag ma'i ma yin zhes pa dang /srad bu'i yang ngo zhes pa dang / dreg chen ma yin na'o zhes pa ni grong dang bshang [(]par [,]bar [)]'gro ba ma gtogs pa shing lham mi bgo ba dang smyug tshal la sogs pa'i lham ma byed cig pa dang / dreg med na skud pa las byas pa'i lham ma gyon cig pa'o/ /khyim pa der gzhan med na pags pa la 'dug par bya zhes pa dang /'dir de lta bu'i rkyen gyis na'ang mi zhal ba yang ngo zhes pa ni khyim pa der 'ongs la stan med na khol lpags kyi stan la yang 'dug shig pa'o/ mig gi ched du dom lpags bcang zhes pa dang / rkang pa'i gnas su gding zhes pa dang / sangs rgyas kyi dri gtsang khang gi sgor ro zhes pa ni mig la phan pa'i phyir dom stan bcang pa dang /sangs rgyas kyi dri gtsang khang gi sgong rkang pa'i gcal du thing shig pa'o/ /lham du bgo zhes pa dang / rlung yod pas nyal ba dang 'dug par bya/ 'di gzhang 'brum mo cog la dben zhes pa dang / 'di spu la reg na phan par shes par bya zhes pa dang /lham mchil mang po yang ngo zhes pa dang / du ma'i steng du rim pa chig rkyang ngo zhes pa ni dom lpags de las ming gis smos pa 'di dag ltar gyis shig pa'o/ /a sa ma ka ra na ta ka ma gtogs par pags pa mi bcang ces pa dang / seng ge la sogs pa'i ma yin zhes pa dang /gang gi pags pa mi rung ba de'i rgyus pa rus pa mche ba sha tshil rnams kyang ngo zhes pa ni ming gis smos pa 'di dag lta bu ma 'chang shig pa'o/ /rkyal pa bcang zhes pa dang / sgyur ba'am skya bo yang ngo zhes pa dang / ri mo can ma yin zhes pa ni ri mo khra bo can ma yin na bkus pa dang skya bo tha mal pa'i rkyal pa ni chongs shig pa'o//rkyal mi shes pa dang sta gon ma byas par 'jing zab mor mi 'jug ces pa dang / phyogs dben par rkyal bslab ces pa dang / rkyal ba na khyu mchog ma gtogs par ba la mi ltos zhes pa dang / glang po rta chu klung g.yog la ltos zhes pa ni rkyal mi shes par 'jing du ma 'gro shig pa dang /phyogs dben par rgyal bslab cing ming gis smos pa 'di dag la 'jus te rgal bar gyis shig pa'o/ /pags pa'i dngos po'o// //pags pa'i dngos po de ltar bstan nas sman gyi dngos po bsdus te ston pa ni/ sman la bsten par bya zhes pa la sogs pa yin te sman gyis shig pa'o//'di ni rnam pa bzhi'o zhes pa ni dus kyi sman dang / thun gyi sman dang / bdun pa'i sman dang / tshe gcig gi sman dang rnam pa bzhi yod par ston pa'o/ /dang po ma gtogs pa ni nad pa'i'o zhes pa ni dus kyi sman ma gtogs pa'i lhag ma gsum ni nad pa'i sman yin par ston pa'o/ / nad pa dang nad pa ma yin pa thams cad kyir ston pa ni bu ram yang ngo zhes pa yan chad yin te tsho tsha dang / mo tsha dang / ko la dang / a shwat+tha dang / u dum bA ra dang / ba ru sha ka dang / rgun 'brum dang / khardzu ra'i skom rnams ni thams cad kyi'o zhes pa ni ming gis smos pa 'di dag gi skom thams cad kyis dus dang dus ma yin par btung du rung bar ston pa'o//dgun tshwa tsa dang / zho ku chur ku / rtsab mo rnams chus bslad pa dang / tshags kyis btsags te bzhin snang bar gdang la kha dog 'dab ma'i mdog 'dra na de bzhin zhes pa ni ming gis smos pa 'di dag gi skom gdang khyad 'di tsam du btsags na gong ma dang 'dra bar ston pa'o//de ltar ma gyur pa'i snga rol du ni bsnyen par rdzogs pa'am mtshan mthun pas reg par bya ba'i mi rigs so zhes pa ni gdang khyad gong ma tsam du ma gyur cing ma bslad pa'i tshe ni mtshan mthun pa'i bsnyen par rdzogs pas reg par ma byed cig pa'o//a ru ra la sogs pa yang ngo zhes pa ni a ru ra dang dang skyu rur dang ba ru ra dang / na le sham dang / pi pi ling lnga yang thams cad kyis bzar rung bar ston pa'o/ /bur ma yang ngo zhes pa ni bu ra ma byin gyis brlabs pa yang gong ma ltar 'dra ba'o/ /lam bgrod pa dang khang skyong dang / las sar pas byin gyis brlabs pa 'di nad pa bzhin du bzar rung zhes pa dang /zan bcad pas 'di dang dus ma yin pa'i bza' ba yang ngo zhes pa ni bu ram byin gyis brlabs pa ming gis smos pa 'di rnams kyis nad pa dang 'dra bar bzar rung ba dang / smyung bas kyang de bzar rung zhing dus ma yin pa'i zas sbrang rtsi la sogs pa yang bzar rung ba'o//skom ni thun gyi'o zhes pa dang / gdang na'o zhes pa ni thun gyi sman skom gdang ba yin par ston pa'o/ /rdzas de der ma gyur la gal te dus kyi na bsnyen par ma rdzogs par mnye zhing tshags kyis btsag go zhes pa ni dgun lta bu dus kyi sman las bkru zhing btsags pa gdang bar ma gyur bar du bsnyen par ma rdzogs pas mnye zhing btsags pa la sogs pa'i las gyis shig pa'o//de dag las gzhan pa se'u dang ma tu lung 'bru la sogs pa'i rdzas kyang ngo zhes pa ni se'u dang ma tu lung ga la sogs pa gzhan las 'tshag cing 'khru na yang thabs gong ma ltar gyis shig pa'o//dus kyi ni thun gyi mtha'i bar du'o/ /zhes pa ni dgun chu lta bu la sogs pa dus kyi rdzas las thun gyi sman du byas pa ni thun gyi dus ma zad kyi bar du byin gyis rlobs shig ba'o/ /gzhan gyis ni gang de'i yun du'o zhes pa ni bu ram lta bu la sogs pa bdun pa las byas pa dang / a ru ra la sogs pa rtse gcig pa las byas pa yang de dag so so'am yun gyi bar du byin gyis rlobs shig pa'o/ /'di la yang 'chad pa kha mi mthun pa ni/ de ni ma gyur pa bya'i nam gyur pa ni de'i zhes kha cig ces pa ni gong ma skad du bya ba yang skom gyi dngos po de gdang ba la sogs pa'i rang bzhin las ma gyur na thun gyi mthas drod gzung gi /gdang ba la sogs pa'i rang bzhin las gyur na thun gyi mthas drod gzung du mi rung ste/ nam gyur pa nyid kyis mthas drod gzung dgos so zhes slob dpon kha cig 'chad par ston pa'o/ /gya tshom gyi dus la brten pa de mi gcig ste/ skye bar mi thub cing byin gyis ma brlabs par gyur la tha mal pas 'gyur ba'i drod mi zin pa'i phyir ro zhes pa ni slob dpon gong mas bya ba de mi rung zhing sun 'byin par ston pa ni thun gyi mthas drod mi gzung gi skom de nyid nam 'gyur bas drod gzung du zin na de ltar sngon tshogs su 'gyur sla ba la thun gyi bar du zhes byin gyis brlab du mi rung ba dang /nam 'gyur ba'i bar du byin gyis brlab pa ni nam 'gyur ba'i drod skye bo tha mal pa sus kyang mi zin pas na byin gyis brlab ces bya ba nyid mi dgos pa'i skyon du 'byung bar 'gal bas na gong ma skad du bya ba de mi rung ngo / /khu ba dang phye ma'i skom yang 'dir gtogs zhes pa ni bu ram shing gi khu ba la sogs pa dang /phye ma'i skom 'og nas 'byung ba lta bu dag kyang thun gyi sman 'di'i nang du gtogs par ston pa'o/ /se'u byi ra'i gdang ba yang ngo zhes pa dang / rtsa ba la sogs pa'i sman pa krus pa'i skyur po ni de'i zhes pa ni se'u byi ra'i skom gdang ba yang thun gyi sman yin pa dang /rtsa ba la sogs pa la bkus pa'i skyur po se'u byir zhes bya ba yin par ston pa'o/ /thun gyi sman de ltar bstan nas/ bdun pa'i sman da ston pa ni/ mar 'bru mar sbrang rtsi bur ma dag ni zhag bdun pa'o zhes pa yin te ming gis smos pa 'di dag zhag bdun pa'i sman yin par ston pa'o//bu ram gyi sgron bu kha 'da' / sha kha ral sogs pa thams cad bu ram gyi khongs su gtogs so zhes pa ni ming gis smos pa 'di dag bu ram gyi khongs su gtogs par ston pa'o/ /su d+ha ni mar du 'o zhes pa ni lha'i zas su d+ha zhes bya ba yang mar gyi khongs su bsdu'o/ / tshil bzhun pa tshags pa ni 'bru mar du'o zhes pa ni tshil bzhun gyi dngas ma ni 'bru mar gyi khongs su bsdu bar ston pa'o/ /de gang gi tshil zhe na/ nya/ sbrul dkar/ ri bong / dom/ phag rnams kyi'o zhes pa yin te ming gis smos pa 'di rnams kyi tshil la bya'o/ /de dag ci la phan zhe na/'di ni phal cher nad pa mkho'o zhes pa yin te nad pa la phal cher dgos pa'o/ /sos nas 'di dag nad pa'i phyir slong na sbyin zhes pa dang / med na brang du'o zhes pa dang gdus pa dang bsku ba yang ngo zhes pa ni bdag pos na 'di dag nad pas byin pa'am sman khang du sba ba dang gdus shing bsku ba'i sman kyang de bzhin du gyis shig pa'o//bdun pa'i sman de ltar bstan nas nam 'tsho ba'i sman ston pa ni/ rtsa ba sdong bu 'dab ma me tog 'bras bu zas kyi go mi chod pa ni nam 'tsho'i 'o zhes pa yin te ming gis smos pa 'di dag nam 'tsho ba'i sman yin par ston pa'o/ /de ni 'di lta ste mu lta/shu dag / skyer rtsa/ sge'u gsher/ bong nga rnams zhes pa ni ming gis smos pa 'di dag rtsa ba'i sman yin par ston pa dang / tsan dan/ tsha byi ka / shug pa/ gu ru tshi/ thang shing / skyer pa rnams zhes pa ni sdong bu'i sman yin par ston pa'o/ /ba sha ka / ko sha ka ti/ pa tol nim pa/'dab ma bdun pa'i sman dang zhes pa ni 'dab ma'i sman yin par ston pa'o/ /ba sha ka ma'i ma/ ba dwa ta ki / na ga pad ma'i ze ba rnams kyi me tog dang zhes pa ni me tog gi sman yin par ston pa'o/ /a ru ra/ skyu ru ra/ ba ru ra/ na le sham / pi pi ling rnams so zhes pa ni 'bras bu'i sman yin par ston pa'o//shing ku'o zhes pa dang / de 'di lta ste shing kun/ sardza ra sa/ rgya skyegs/ spra tshil/ lta pa ka ra rnams so zhes pa ni shing khu yang tshe gcig gi sman yin pa dang / shing khur gtogs pa gang yin pa rnams ston pa'o/ / lta pa ga ra pa zhes bya ba ni gong du smos pa la ma gtogs pa'i shing khu spyi'i ming ngo //thal ba'o zhes pa dang / de ni 'di lta ste/ til pa la sha/ swardzika nas ga ma/ ba sha ka / tal pa la rnams so zhes pa ni ming gis smos pa rnams kyi thal ba yang tshe gcig gi sman yin pa'o/ /tsha bo zhes pa dang / de ni 'di lta ste tse tsha lan tshwa/ tshwa nag rgya mtsho'i tsha ro ma kha rnams so zhes pa ni ming gis smos pa'i tsha 'di rnams kyang tshe gcig gi sman du gtogs pa'o//gdus pa'o zhes pa dang / de ni 'di lta ste am+la/ nim pa / ko sham pa/ shri sha/ 'dzam bu rnams so zhes pa ni ming gis smos pa 'di rnams kyis gdus pa yang tshe gcig gi sman du gtogs pa'o//'dod phyir du sbyin zhes pa ni gdus pa'i sman de cog drod kyis zung shig pa'o/ /bkrus nas bsten zhes pa ni khrus byas pa'i 'og tu yang gdus pa'i sman gyis snon cig pa'o/ /ma mnyes par lan cig bkru zhes pa ni lus ma mnyes pa'i snga rol du gdus pa'i sman 'dis res gcig shol shig pa'o//bsnga ba'i dpyad ni de lta bu'o zhes pa ni bsnga ba'i dpyad gong du smos pa de rnams lta bu yin par ston pa'o/ /zas ngan sman du bsdu bar mi gtogs pa ma yin zhes pa ni zas ngan pa yang sman du bsdu bar ston pa'o/ /'di ni nam 'tsho ba'i'o zhes pa ni gong du smos te yang tshe gcig gi sman yin pa'o//zas ngan pa de yang gang zhe na/ be'u zhos chog pa'i bshang gci ni de'o zhes pa ni be'u zho las gzhan mi btung ba'i bshang gci zas ngan gyi sman yin pa dang / de dug la phan par ston pa'o/ /thal ba yang ngo zhes pa dang / kha na tsha na dang ka phyi ta la dang a shwat+tha dang u dum bA ra dang /n+ya gro d+ha rnams kyi'o zhes pa dang / de zhes pa ni thal ba yang dug gi sman yin zhing / shing gang gang gi thal ba yin pa rnams ming gis smos pa'o/ /sor bzhi'i 'og nas blangs pa'i sa bzang zhes pa nis 'di lta bu yang dug la phan par ston pa'o//'di dad pa'i dge bsnyen las blang zhes pa dang / de las byin len bya zhes pa dang / des blang zhes pa ni zas ngan pa'i sman de dag dad pa'i dge bsnyen len du gzhug cing de las byin len bya'o/ /sha rjen gyi rtsi yang ngo zhes pa dang / thams cad sha 'tshong ba las blang zhes pa dang /'di bya zhes pa rnams ni sha rjen pa dge bsnyen len du gzhug rjen chos kun kyang shan pa las blang ba dang 'di dag gis sman gyis shig pa'o/ /dus ma yin par nas kyi sman dgos na de'i phyir ba lang rgas pa'i bshang ba'i nas kyis bya'i gzhan mi bza' zhes pa ni dus ma yin par nas kyi sman dgos la des bshangs pa'i nas kyis slon pa tsam gyi tshod na gzhan gyis ma byed cig pa'o//gal te skyo ma ni tshags kyis btsags pa las gzhan ma yin zhes pa ni dus ma yin pa skyo ma'i sman dgos la tshags kyis btsags pa tsam gyis slon na skyo ma gzhan ma byed cig pa'o//gal te sha rtsin ko kas bshangs pa las gzhan ma yin zhes pa ni gal te dus ma yin par sha dgos la dro mo'i sto nas kham tshad du byung bas slon nas tha mal pa gzhan gyis ma byed cig pa'o/ / gal te khu ba nas tshags kyis btsags pas las gzhan ma yin zhes pa ni dus ma yin par khu ba'i sman dgos la btsags pa'i dngas mas slon pa tsam gyi tshod na gzhan ma byed cig pa'o/ /gzhan dang 'dres pa ni de spyod du yod na'o zhes pa ni thun gyi sman dang dus kyi sman lta bur 'dres la/ dus kyi sman mngon par yod la zos na dus kyi sman zos pa'i nyes par 'gyur ba'o/ /de lta bas na de dang 'dres pa'o tshig snga ma 'jug ces pa ni gong ma lta bas na dus dang thun gyis 'dres na thun gyi tshe spyad pa dang / thun gyi dang bdun par bsres na yang thun gyi tshe spyad pa dang / bdun pa dang tshe gcig par 'dres na yang bdun par spyod cig pa'o//bgo gzhan du ma gyur sngon gyi so las ma yin zhes pa ni dus kyi dang thun gyi la sogs par 'dres la de dag gi nad dbyar yod cing so so'i ngo bor mngon na ma 'dres pa'i so na 'dun pa bzhin par ston pa'o/ /de lta bas na gzhan las phye ba ni nyid kyi cho gar mi 'gyur ba ma yin zhes pa ni gong ma lta bas so sor phye ba rnams so so gang gis byin gyis brlabs pa bzhin du mi rung ba med pa'o//phye'am 'bras bu 'dres par gyur pa ni sgron bur bkrur yod na 'dir bu ram nyid kyi grangs so zhes pa ni bu ram phye'am 'bras bu 'dres pa so sor phyer zin gyis kyang nyid kyi dngos po sgron bur yod na bu ram nyid kyis dngos su 'gro ba'o//'dir bu ram gyi lhad ni bu ram du bsgrub po zhes pa ni dang po bu ram du bsor ba'i phrad bag phye la sogs pa de'i nang na yod du zin kyang bu ram nyid yin par ston pa'o/ /byin gyis brlabs na bzhag par mi 'gyur zhes pa ni thun gyi la sogs par byin gyis brlabs na bzhag pa'i nyes par mi 'gyur ba'o//nad pa'i phyir spyad pa nyid kyi dus kyi bar du byin gyis brlab ces pa ni byin gyis brlab pa yang nad pa'i ched du thun tam bdun pa'i la sogs pa so sor gar dgos pa'i rus bzhin du byin gyis rlobs shig pa'o//snga dro zhes pa dang / byin len byas la zhes pa ni byin gyis brlabs pa yang byin len byas la snga dro byin gyis rlobs shig pa'o/ /byin len ma byas shing bzhag pa dang mi 'gal bar bsrung zhes pa ni byin gyis brlabs pa de byin len ma byas pa dang / bzhag pa la sogs pa dang / mi 'bag par rim gro gyis shig pa'o//de lta bas na lag bkrus te'o zhes pa ni gong ma ltar rim gro bya dgos pas na dang byin len byed pa'i tshe na yang kha lag khrus shig pa'o/ /thug thub tu blangs pa bzhag pa byin len ma byas pa/ nad du lus pa btsos pa/ dge slong gis btsos pa rnams la byin gyis brlab pa mi bya ste zhes pa ni ming gis smos pa 'di rnams la byin gyis brlabs su zin kyang byin gyis rlob par mi 'gyur ro//mdangs gyur na bzhag pa'o zhes pa ni thun gyi sman la sogs pa byin gyis brlabs pa las ro dang kha dog gyur pa spyad na bzhag bzos pa'i nyes par 'gyur ba'o/ /byin gyis brlabs pa 'og ma dang 'dres pa mi bza' zhes pa ni thun gyi dang dus kyir 'dres na dus kyir bza' ba dang bdun pa dang thun gyir 'dres na thun gyir ma za shig pa lta bu'o//sman gyi rim pa ni dper zad zhes pa ni dus dang thun bdun pa dang tshe gcig pa'i rim pa bzhi bstan pa ni gleng gzhi tsam du zad kyi cho ga gzhan yang yod par ston pa'o//mig rtsa bya zhes pa dang / sman gyi ched ma yin par ma yin zhes pa ni mig bsku ba sman gyi ched ma yin par ma nyug shig pa'o/ /'di'i snod ni rkyen du'o zhes pa dang / khu ba'i mig rtsi ni za ma tog du'o zhes pa dang / ri lu'i mig rtsi ni sgye'ur ro/ / me tog shun pa phye ma'i mig rtsi rnams ni dong bur ro zhes pa ni 'di'i snod ming gis smos pa 'di dag bzhin du gyis shig pa'o/ /thur ma bcang zhes pa dang / zangs dang lcags kyi dge zhes pa dang / sbrang bu las so zhes pa ni mig rtsi byug pa'i cha spyad zangs sam lcags kyi thur ma gyis shig pa'o//nad pas sman bzhag pa'i snod kha mangs bcang zhes pa dang / med na bcer ba'am thum por byas te sba zhes pa sman bzhag pa'i kha mangs kha gab chan gyis shig pa dang / der mi shong ngam de med na sgye'u shar bur byas pa bcer ba'am thum por gyis shig pa'o/ / sbas pa de mi brlan par dus dus su bsrad ces pa dang / grib dar la'o zhes pa dang / drags na mthu 'bri zhes pa ni 'di dag gi skam bsrad nyi ma la byas na mthu 'bri ba'i phyir grib dar la gyis shig pa'o/ /ma rung bar 'gyur ba tsam gyi tshod na nyid kyis brtul zhes pa dang / bsnyen par ma rdzogs pa na'o zhes pa ni skam bsrad du bting ba las char pa la sogs pa 'ong la bsnyen par ma rdzogs pa med na nyid kyis lag dar te long shig pa'o//sman phor bcang zhes pa dang / sman gzar yang ngo zhes pa dang / brnang la 'phul ba'i 'thung snod ces pa rnams ni nad pas sman gyi cha spyad ming gis smos pa 'di dag lta bu chongs shig pa'o//nad pas lan tshwa zhes pa dang / 'di'i tsha stegs ru sbub dge zhes pa dang / lci bar btsos pa'o zhes pa dang / de mid mid pas nyes par mi 'gyur ba'i phyir kha gab bya zhes pa dang / de nyid las byas pa'o zhes pa ni nad pas tshwa bcang ba'i snod rwa lci bar btsos pa las bya ba dang kha gab yang rwa nyid la byas pa chongs shig pa'o//bsung gis bsgos pas so zhes pa dang / chu bsri ba'i phyir lcags kyi thu lum zhes pa dang / thams cad la mkho'o zhes pa dang / de dbyung ba'i phyir lcags thag gis gdags zhes pa dang /bsreg pa'i tshe lci ba bcer bas gnan zhes pa dang / zas kyis reg pa sreg na gnas med ces pa dang / rung ba'i ni dang por bsro zhes pa dang / spyad pas ni phyis so zhes pa nad pas ni bsung can gyi 'jim pa'i gong bu bcang ba dang / chu bsro ba'i lcags kyi gong bu thabs 'di dag ltar byas pa chongs la rung ba'i chu ni sngar bsro//spyad pa'i chu ni phyis bsro shig pa'o/ /mas gso ba bya zhes pa dang / gzhan gyis slon par nus la 'di byas na sbom po'o zhes pa dang / zangs sam khar sbram gyi sbu bu dge zhes pa dang / lcags kyi ni ma yin zhes pa ni mas btang ba'i sman bya ba dang /dpyad gzhan gyis 'tsho ba tsam gyi tshod la 'di byas na sbom por 'gyur ba dang / sman de btang ba'i gce'u lcags las mi bya'i/ zangs sam khar ba las gyis shig pa'o/ /btson gyis gso ba yang de bzhin zhes pa dang / gtar ka gdab pa las gzhan gdong la ma yin zhes pa ni gzhan gyis 'tsho ba tsam gyi tshod la gtar ka byas na sbom por 'gyur ba dang /gtar ka ma yin pa gdong la ma 'debs shig pa'o/ /gzhang 'brum mi bcad ces pa dang / mtshon las gzhan pas kyang ma yin zhes pa dang / 'di ni sman dang sngags kyis gso ba'o zhes pa ni gzhang 'brum sman dang sngags kyis gso'o//sngang ba gsor mi gzhug dge slong la ma dad cing mi bsgrungs pa sman dang gtar ka byed du ma gzhug shig pa'o/ /gso ba'i phyir nub mo bza' ba mi mdzes pa med ces pa dang / 'dir byin len ma byas pa dang bzhag pa mi rung bar ma dogs shig ces pa ni nad pa phyi dro'i zas dang ming gis smos pa 'di dag byas kyang nyes med pa'o//gso ba'i phyir khal ba'i du ba btang zhes pa dang / 'di ni gce'us bsgrub ces pa dang / lcags las bya zhes pa dang / mi rno mi rtsub pa las sor bcu gnyis na dge zhes pa dang /mar ram bu ram gyis byugs la snod du gzhug ces pa dang / de ni glang po'am gos gdang la gzar zhes pa dang / bkru ba'i phyir mer gzhug ces pa ni snar khal pa'i du ba btang ba'i gce'u lcags las tshad 'di tsam du gyis la sba zhing bkru ba'i thabs 'di dag ltar gyis shig pa'o//mtshul ba'i las bya zhes pa dang / 'di ni snar blugs pas 'grub zhes pa dang / bcu gnyis pa ni snod na dge'o zhes pa dang / 'di bya zhes pa ni sman snar blugs pa'i phyir snod mi rno ba bcu gnyis gyis shig pa'o/ /sha rjen ba rtsir bsten zhes pa dang /de za mi nus na thabs kyis so zhes pa dang / mig le mas dgab ces pa dang / mi tshor bar bsung gis kha blang zhes pa dang / yid du 'thad pa'i bza' bca' mdun du bzhag la shan med par byas te dgrol zhes pa ni sha rjen rtsi la za mi nus na mig dgab pa la sogs pa'i thabs 'di ltar gyis shig pa'o//'di las gzhan pa'i phyir na sbom po'o zhes pa ni sman gyi ched ma yin par sngags pa gzhan gyi phyir sha chen za na sbom po'o/ /mi sha ni thams cad du'o zhes pa ni sha mi'i sha ni na ba dang / mi na ba la sogs pa gang gi phyir zos kyang sbom por 'gyur ba'o//phyir byas par shes na mi bza' zhes pa ni khyim pas bdag gi phyir srog bcad de sha byin par 'phrigs na ma za shig pa'o/ /stag gi god pa ma yin zhes pa ni stag gi lhag ma la re ba yod pa'i phyir de'i god yin par shes na ma za shig pa'o//glang po rta klu ma yin zhes pa ni ming gis smos pa 'di rnams kyi sha yang ma za shig pa'o/ /sen mo gcig pa/ wa/ spra/ shing te/ khwa/ bya rgod/ bya gar/ khyi/ 'ol ba/ 'ug pa gzhan yang ro za'i bya/ 'ba' ka/ dza du ka/ u pa lA thA / srin bu sdig sbur rnams kyi ma yin zhes pa ni 'di rnams kyi sha ma za shig pa'o//bkag pa ma yin nam zhes sbyin pas byed pa la dri zhes pa dang / du ma na dang pos so zhes pa dang / des ma yin na 'og mas so zhes pa ni sha 'brim pa la bdag cag gis bzar mi rung ba'i bag mi sha la sogs pa ma yin nam zhes gral gyi dang po na 'dug pa'am 'og ma rnams gang yang rung bas dris shig pa'o//ba glang dang / mi'i 'o ma mi btung zhes pa ni 'di dag gi 'o ma ma 'thung shig pa'o/ /mi bza' bas bsags pa dang / rma bsku ba dang rnar blugs shing mig skud pa ni nyes med ces pa ni bza' ba'i mi rigs pa gong du smos pa rnams kyis 'phags pa bsku ba la sogs pa 'di dag ltar byas pa ni nyes med pa'o//nad pas chang mar ram 'bru mar dang bsres pa 'thung zhes pa ni nad pas chang 'di dang bsres pa tsam 'thung ba'o/ /ra mi ro na nyes med ces pa dang /'di ni bskol na 'grub ces pa ni chang ma yin nam ra ro bar mi 'gyur na ni 'thungs kyang nyes med pa dang / de yang skol na chang ma yin pa dang / ra mi ro bar ston pa'o/ /'dir tshigs mas btab la sa rum du bcug tshar 'gyur zhes pa ni/ tshar bya ba'i dpyad 'di ltar gyis shig pa'o//rgun chang ni bskol na ra ro bar mi 'gyur ro zhes pa ni/ 'di ltar byas na ra ro bar mi 'gyur ba ste dngos su ni dro ba ja yin pa'o/ /so sor ma phye na yod pa ma yin zhes pa ni til dang til mar lta bu so sor ma phye na mar yod pa nyid du mi bsgrub pa'o//de lta bas na til byin len byas pas til mar yang byin len byas par mi 'gyur ba'o/ / bag chags par gyur na yod pa'o zhes pa ni chang ngam rjen sha mi rung ba la sogs pa dang 'bags na 'bags pa tsam yang dngos su yod pa dang 'dra bar ston pa'o/ /dngos su ni rung ba'i nang du btsos pa'i cha spyad lta bu/chang gi dris kha blangs pa'i sdong bu 'dab ma me tog / 'bras bu'i sman skam po/ phye mar byas pa'i chu/ chang dad sel bar 'thung zhes pa dang / chang yod pa'i snod du 'di sbyang zhing kha blang zhes pa dang / de lta bas na sbo ba med cing 'gribs nas ma reg par bsrung zhes pa ni chang dad che na rtsa ba la sogs pa'i phye ma'i thum por byas la chang gi snod sbo ba med cing 'gribs pa'i nang du chang nyid la ma reg par dris kha blangs pa'i chu 'thungs shig pa'o//dus ma yin pa'i skom dang zas ro yal bar 'gyur ba yang de bzhin zhes pa ni dus ma yin pa'i skom ro 'gyur ba'i zas gzhan dang mi 'dra ba la sogs pa bsrung ba'i rim gro gong ma bzhin du gyis shig pa'o//gtsang sbra byas na dge zhes pa dang / de lta bas ras khe'u gtsang mas bcag ces pa ni rtsa ba la sogs pa chang gis khas blang ba de yang thabs 'di ltar gtsang sbra gyis shig pa'o/ /nad pa la chang rtswa mchog gis kyang mi btung zhes pa dang /dge bsnyen yan chad kyis kun la mi sbyin zhes pa ni nad pas kyang chang 'di tsam gyi tshod kyang mi 'thung ba dang / dge bsnyen yan chad kyis chang su la yang ma sbyin cig pa'o/ /rang bzhin gyi kha na ma thob yin na gsol ba'i ched ma gtogs par thams cad du'ang lhag ma'o zhes pa ni bcas pa'i kha na ma tho ba'o cog gsol ba'i ched ma gtogs zhes kun kyang tshig gi 'phro las pa sha dag tu ston pa'o//sgog skya btsong rgya sgog rnams mi bza' zhes pa ni ming gis smos pa 'di rnams ma za shig pa'o/ /thams cad kyis ye bzar mi rung ngam zhe na/nad pas ni dben par ro/ /zos zin pa'i 'og tu sgog skya ni zhag bdun/ btsong ni zhag gsum/ rgya sgog ni zhag gcig las lhag par gtsug lag khang du mi spyad ces pa yin te/ nad pa'i phyir dben par zos nas zos zin pa'i 'og tu bcang ba'i zhag grangs 'di dag ltar gyis shig pa'o//mal stan ma yin zhes pa dang / gci ba'i sar ma yin zhes pa dang / bshang khung du ma yin zhes pa dang / dge 'dun gyi dbus su mi 'jug ces pa dang / mchod rten gyi nye 'khor du ma yin zhes pa dang / 'di ni 'dom gang gi tshad do zhes pa dang /khyim pa la chos mi bshad ces pa dang / khyim du mi 'gro zhes pa dang / skye bos gang ba'i phyogs su ma yin zhes pa dang / mjug tu bkru zhes pa ni sgog pa zos pa'i tshe mal stan mi spyad pa la sogs pa 'di ltar ma byed cig pa dang / bcad pa'i zhag grangs tshang ba'i mjug du yang khrus kyis shig pa'o//gos la dri yod pa bstsal zhes pa dang / bkru zhing 'dug pa gnyi ga zhes pa ni gos la sgog pa'i dris reg na bkru ba dang phog lta bu dri zhim pos bdug pa gyis shig pa'o/ /rdzing gi bar du mu ge na'o zhes pa ni 'og nas rdzing zhes smos pa yan chad mu ge byung na gdod de dag ltar 'gyur bar byin gyis brlabs na btsos pa dang /gzhag pa phyi rol bzhin zhes pa ni rung ba'i khang pa byin gyis brlabs na dge slong ga la 'dug pa'i gnas nas 'dom gang phan chad du bzhag cing btsos pa dang 'dres te nyes pa med par ston pa'o/ /byin gyis brlab ces pa ni de lta bas rung ba'i khang pa ched du byin gyis rlobs shig pa'o//shing drung glang po bres mu stegs pa'i gnas rgyal po'i pho brang / dge slong ma'i dbyar mo thang gtsug lag khang gi dag ra/ sgo khang / khyams bsro gang / 'dun khang rnams su ma yin zhes pa ni rung ba'i khang par byin gyis brlab pa yang ming gis smos pa'i gnas 'di rnams su ma byed cig pa'o//bla gab med pa/ mchod rten gyi dngos po/ /khyim bdag gi dngos po rnams su ma yin zhes kha cig ces pa ni slob dpon kha cig ni ming gis smos pa'i gnas 'di rnams su byin gyis brlab tu mi rung bar ston pa'o//'di dag du g.yos mi bya zhes pa dang / tshos par btsos pa yang mi bya zhes pa ni ming gis smos pa'i gnas 'di dag du g.yos pa dang / ma tshos tshos par btsos pa yang ma byed cig pa'o/ /'dir dus ni bzhi ste zhes pa dang / dang po rmang 'dre ba bres nas kyang las sar pa byed bzhin pa gzhan gyi tshe yang dge slong bzhi la 'khod bzhin pa de dag 'thon nas dge slong gnas pa lhags pa rnams so zhes pa yin te rung ba'i khang par byin gyis brlab pa'i dus rnam pa bzhi yin par ston pa'o//de la dang po rmang 'dre zhes pa ni dang po nyid du pha gu la sogs pa 'god pa de dang po'o/ /bres nas kyang las sar pa byed bzhin zhes pa ni dang po rmang bres nas gtsug lag khang brtsigs ma zin pa'i bar du ste gnyis pa'o//gzhan gyi tshe na yang dge slong gzhi la 'khod bzhin zhes pa ni gtsug lag khang brtsigs zin pa na yang dge slong gzhi la 'khod bzhin pa ste gsum pa'o/ /de dag 'thon nas dge slong gnas par lhags zhes pa ni gzhi la 'khod pa rnams gud du dong nas/gud nas kha cig gsar du lhags te bzhi'o/ /gud nas lhags pa'i drod cis gzung zhe na/ bya ba gzhan brtsams pa dang / ngal bso ba tshun na de'o zhes pa ni chu btsags pa la sogs pa'i bya ba gzhan dang /chos gos dang lhung bzed gzhag pa'i ngal bso ba yang byas na lhags pa'o/ /thams cad du dge 'dun gyi las kyis so zhes pa ni rung ba'i khang par byin gyis brlab pa'i dus rnam pa bzhi po de dag kun kyang dge 'dun gyi las kyis brlab dgos par ston pa ste/ btsun pa'i dge 'dun gson cig /gnas 'di ni phyi rol lam 'dom gang gi nye spyod dang bcas shing rnam pa thams cad dang ldan pa ste/ dge 'dun thams cad mthun pa'i rung ba'i khang pa'o zhes pa la sogs pa'i snyad kyis byin gyis brlab pa'o/ /dge 'dun ma yin pa gzhan gyis byar ye mi rung ngam zhe na//dang po gnyis ni gang zag gis kyang zhes pa yin te/ rmang 'dre ba dang bres nas kyang las sar pa byed bzhin pa gnyis ni gang zag gis kyang byar rung ba'o/ /gang zag gang gis she na/ las sar pa pas so zhes pa yin no/ /las sar pa 'ba' zhig gis sam zhe na/thog ma ni gcig gis kyang zhes pa yin te thog ma ni gcig pos kyang rung / zla ba 'ga' dang stong kyang rung ba'o/ /ji ltar byin gyis brlab ce na/ smras te'o zhes pa yin te sems kyis bsam pa nyi tshe'am kha rog pas ma yin gyi dngos po 'di ni dge 'dun gyi rung ba'i khang pa'o zhes tshig tu brjod na gdod byin gyis brlab par 'gyur ba'o//gnyis pa ni dge slong phal po che soms shig pas na'o zhes pa ni dge slong gzhi la 'khod bzhin pas byin gyis brlab pa ni tshe dang ldan pa dag dngos po 'di dge 'dun gyi rung ba'i khang par byin gyis brlabs kyis dgongs shig ces snyad 'di skad du byas la byin gyis brlab pa'o//bzhi pa ni ji snyed pa de snyed 'dus nas rung ba'i gnas so zhes cig car du brjod pa bsnyad na'o zhes pa ni dge slong gnas pa rnams kyis byin gyis brlab pa'i snyad 'di skad du gyis la kha bsdams te brjod par ston pa'o//'di gcig pas gtsug lag khang du ma'i bya ba byed pa ni mi mdzes pa ma yin zhes pa ni rung ba'i khang pa gcig la gtsug lag khang kha du ma'i rung ba ltos na yang mi rung ba med pa'o/ /de ni tha dad du rung bar smras pa ma yin zhes pa ni gong ma ltar rung ba yang gtsug lag khang kha so sor rung ba re re thob pa ni ma yin gyi de 'ba' zhig la ltos na rung ba'i gnas su 'gyur ba'o//dge slong gis btsos pa dang dge slong thug thub du blangs nas byin len byas pa bza' zhes pa ni lo nyes kyi tshe ming gis smos pa 'di ltar byas kyang bla ba'o/ /g.yar sus kyang zhes pa ni lo nyes kyi tshe g.yar sus kyang zar dbang ba ste btang nas bza' ba dang /yang yang gi zas kyang zar dbang bar ston pa'o/ /thug pa ni nam yang zhes pa ni lo legs nyes gang gi tshe na yang 'thung du dbang ba ste/ gong ma'i nyes pa gnyis med par ston pa'o/ /sngar blangs pa btang ste langs pa yang zhes pa ni sngar byin len byas te blangs pa las mi 'dod par byas te btang nas langs pa las kyang slar za ba yang btang ba zos pa'i yang bar mi 'gyur bar ston pa'o//de len par ldang zhes pa ni za bar 'dug pa las mi ldang zhes pa 'brel pa'o/ /lhag ma zhes pa ni zos pa'i lhag ma yang zar dbang ba'o//mnos pa zhes pa ni mi 'dod par btang ba las gzhan gyis mnos te sbyin pa yang nyes pa med pa'o/ /nyid kyis skyos ma bskur ba'i mi rigs par dogs pa sel ba ni/ de'i skyos ma zhes pa yin te bdag gi skyos ma dang lhag ma khyer yang ba'o / / nags kyi rus pa rnams kyang zhes pa dang / der smra ba ni 'di lta ste rgun se'u/ khardzu ra sta rga tha ma/ be 'bru thang shing ga 'bru ni kho tsha/ b+ha phru sin tshi ka rnams so zhes pa ni nags kyi rus pa dang 'dra ba'i rnams mi 'dod par btang ba las slar zas dbang ba'o/ /rdzing gi yang ngo zhes pa dang / der sma ba ni 'di lta ste/pang mo'i rtsa ba mdzer bu/ ut+pa la'i rtsa ba pad mo'i snying po rnams so zhes pa ni rdzing las 'byung ba 'di rnams btang ba las slar zos kyang nyes med pa'o/ /sman gyi dngos po'o// //sman gyi dngos po phran tshegs la sogs pa las byung ba bsdus te de dang 'brel pa je ston pa ni/rgyal po'am/ rgyal po'i phyed mi blang zhes pa yin te bkres pa dang skom pa nad du che ba'i sman zas dang skom yin te/ des mi brel cing de dag ske ba'i gzhi rgyal po las 'byung ba'i phyir rgyal po'am rgyal po'i phyed mi blang zhes smos pa yin no/ /dge 'dun gyi phyir na grong blang zhes pa dang /zhing yang ngo zhes pa yin la de yal bar mi bya zhes pa dang / 'di shes su btang zhes pa dang / shas blang zhes pa dang / 'di rmed pas gtsug lag khang du bskyal zhes pa dang / bdag gi bas thog mar ro zhes pa dang bsrung ba'i dge slong bsko zhes pa rnams ni dge 'dun gyi phyir grong dang zhing blang zhing /zhing yal bar mi 'dor ba'i tshul 'di dag ltar gyis shig pa'o/ /de la bdag gi bas thog mar ro zhes pa ni thos shas len pa'i tshe bdag gi sgo bas dge 'dun gyi thog mar long shig pa'o/ /mdung 'god dam gnyi ga'am gang yang rung mi mngon na rtsis la mi dgug ces pa ni mdung 'god gnyi ga'am 'ga' las ji ltar 'byung ba la sogs pa mi mngon na rtsis la ma dgug shig pa ste klu gzhon nu dge slong du sprul nas dge 'dun gyi 'tsho ba yo byad sbyar ba drug sde po rnams kyis rtsis la dgug cing gtses pa lta bu'o//gzhan du na dran pa dang shes bzhin pa mdun du byas te 'jug ces pa ni mdung 'god pa la sogs pa brtsir mngon pa zhig na ji nas dran pa dang /shes bzhin du tshas la rtsis byed pa'i sar song shig pa'o/ /dge 'dun gyi phyir g.yog blang zhes pa dang / gtsug lag khang du sgra mi grag pa gang na ba der rung bar byed pa'i khyim brtsigs zhes pa dang /gal te las byed na zas sbyin zhes pa ni gang zag sgo gcig gi phyir ni ma yin gyi/ dge 'dun spyi'i phyir bran g.yog blang zhing de dag gi khyim gtsug lag khang du sgra mi grag par brtsigs pa dang / de dag las la g.yor na 'dod zas byin cig pa rnams su ston pa'o//ba glang chu glang ra lug glang po rta dang rnga mo bong bu 'bru rjen snod rnams kyang ngo zhes pa ni ming gis smos pa 'di dag kyang dge 'dun gyi phyir ni long shig pa'o/ /'di dag mchod rten gyir yang mi ba med ces pa ni bran g.yog la sogs pa gong du smos pa rnams mchod rten gyi phyir blangs kyang bla ba'o// kha gzar bcang zhes ba dang / tsha stegs kyang ngo zhes pa ni ming gis smos pa 'di dag kyang chongs shig pa'o/ /'di gnyis dang brnang ba 'phul ba las gzhan pa'i khar snod gang zag gis ma bcang zhes pa ni gong du smos pa gnyis dang / brnang ba 'phul ba'i snod ma gtogs par khar snod kyi bag gang zag gir ma 'chang shig pa'o//kun dga' ba bzhag ces pa ni gang zag gis kyang g.yog ni chongs shig pa'o/ /byis pa bsrung du bcug na mtshan mthun pa blang zhes pa dang / mgul du chos gos kyi tshal bu gdags pa ni 'di dag gi tshul lo zhes pa dang /rked par yang ngo zhes pa dang / rjes su brtse ba'i sems kyis btsal zhes pa ni byis pa mi bzhin pa srung du bcol na/ khye'u bu mo gang yin pa las mtshan mthun mthun du blang ba dang mgul lam rked par chos gos kyi tshal bu gdags pa dang /snying brtse ba'i sems kyis btsal rdzi gyis shig pa'o/ /'di'i gnyen gyis byin pa blang zhes pa dang / mjug tu rngan pa yang ngo zhes pa dang / de dag gi byas par shes na yang ngo zhes pa dang / 'di gla rngan mi dgug ces pa ni byis pa bsrung ba'i ngor de'i gnyen gyis byin pa dang /mjug tu rngan dgas lta bu byin pa dang / de dag nyid drin gso bas byin pa ni blang gi / byis pa gso gso ba'i dngan dgas ched du ni ma nged cig pa'o/ /'bras bu'i rnyed pa bdag gir bya zhes pa dang / mar til mar sbrang rtsi bu ram gyi bum pa'o zhes pa dang / de'i snod kyang ngo zhes pa dang / der gzhug ces pa dang / gzhi la'o zhes pa ni ming gis smos pa 'di dag gzhan gyis byin na ni gang zag nyid kyir yang long shig pa ste/ de la der gzhug ces pa ni mar dang til mar la sogs pa de dag gi snod du chug shig pa'o/ /gzhi la'o zhes pa ni snod de dag kyang lcug gor ram shing leb la sogs pa gzhi'i steng du long shig pa'o//bshang gci dang chang gi snod rnams mi spya ces pa ni bshang gci'i snod spyad du mi rung ba dang 'dra bar chang gi snod kyang ma spyod cig pa'o/ /dge 'dun gyi phyir g.yos kyi zhal ta bya zhes pa ni dge 'dun spyi'i gtsang sbyor gyis shig pa'o//bsod snyoms la zhugs pas ma 'ongs pa'i snga rol du thel gyis mi gzhag par mi bya zhes pa ni bsod snyoms la 'gro ba'i tshe zas ma 'ongs kyi bar du lhung bzed ma dag na par thel tam zur gyis khyer cig pa'o/ /zas g.yogs pa bcang zhes pa ni kha zas de rdul la sogs pa mi phog par bya ba'i phyir kha dag g.yogs pa'am kha gab gyis shig pa'o//'di dang khar ba'i snod mi bcang ba mi 'drar ma re shig ces pa ni zas g.yogs pa 'di bcang ba dang khar ba'i snod gzhan mi bcang ba dge slong la bzhin du dge slong mas kyang bslab dgos par ston pa'o//nad pas zha bcang ba yang mi rung bar zhes pa ni dge slong ma nad pas kyang zha bcang mi rung bar ma gtogs shig pa'o/ /'khar gsil ma gsil bar khyim du bsod snyoms la mi 'jug ces pa dang / 'di bcang zhes pa ni bsod snyoms pas 'khar gsil ma bsil bar khyim du 'jug tu mi rung bas na 'khar gsil chongs shig pa'o//'byung ba dang 'jug pa la mkhas par bya zhes pa dang / mngon mtshan bya ba'i phyir zas brul dor ba la sogs pa'o zhes pa ni bsod snyoms la grong du 'gro ba dang / slar 'byung ba ci nas kyang ma nor cing mkhas par bya ba dang / blangs pa dang ma blangs pa'i khyim mi nor bar bya ba'i phyir sgor zas brul la sogs pa mtshan ma 'or cig pa'o/ /chos 'tshong bas 'tsho bar mi bya zhes pa chos bshad cing bstan pa'i gla rngan gyis 'tsho ba lta bu chos 'tshong bar ma byed cig pa'o/ /chu med na zho khu la sogs pas rkang pa bkru zhes pa ni chu med na zho khu la sogs pas rkang lag bkrus kyang bla ba'o//rtswa bam la 'dug par bya zhes pa dang / 'di bla gab med par logs shig tu bzhag ces pa dang / spungs te yang zhes pa dang / mjug tu dor zhes pa ni mchod rten nam yo lang chen po zhig g.yos te stan gyis mi khyed na rtswa stan la 'khod kyang bla ba'o//de'i sta gon du rtswa phal cher spungs pa dang mchod ston zin pa'i rjes la dor ba rnams su ston pa'o/ /phal che na gral du mar bya zhes pa dang / lda brgya tshar du'o zhes pa ni dge 'dun phal che na lnga brgya tshar la sogs pa tshar du mar yang chod cig pa'o//rgan rabs so sor bsham zhes pa ni gral tshar re zhing 'grim pa la sogs pa'i spen skal so sor chod cig pa'o/ /'brim pa rnams mi bzhod par spyan bsko zhes pa dang / zas kyi zhal ta thog mar zos te'o zhes pa dang / phal cher 'dus pa'i tshe rgan rabs su bkod cing sbyin pa'i dge slong bsko zhes pa ni zas 'brim pa rnams mi bzhod par spyan bsko ba dang /zhal ta byed pas zan thog mar je zos la bya ba dang / dge 'dun phal po che rgan rabs su bkod cing zas rim bzhin du 'brim pa'i zhal ta pa skos shig pa'o//'dir dge slong ma dag gis gnyis gsum gyi go bzhag nas gar dga' bar 'god ces pa ni de lta bu'i tshe de dge slong mas dge slong gnyis gsum gyi gral bzhag nas gar dga' mgur 'khod kyang bla ba'o/ /zas kyi khyim du sgra bskyungs te 'dong zhes pa dang / spyod lam shin tu bsdams nas zhes pa dang / mdzes par ro zhes pa dang / 'dug pa yang de bzhin zhes pa ni sgra bskyungs shing spyod lam bsdams pa legs par bya ba dang / gom zul mkhas par byas la zas kyi khyim du 'dong ba dang / bkad cing 'khod pa na yang de bzhin gyis shig pa'o//zas la rkang pas mi brdzi zhes pa dang / 'og re la rkang pas reg par mi bya zhes pa ni gral du bkad pa'i tshe 'di dag ltar ma byed cig pa'o/ /dran pa nye bar gzhag cing ma g.yengs pa'i sems kyis bsod snyoms blang zhes pa dang / ma gtor cing ran pa dang zhes pa dang /'di dag ma 'dres pa dang / ma dkrugs pa dang / shin tu sbas pa dang / dus las mi 'da' bar bza' zhes pa ni zas za ba'i thabs 'di ltar gyis shig pa ste/ de la ma gtor zhes pa ni zas so sor ma gtor ba'o/ /ran ces pa ni 'grangs pa tsam du bza' ba'o//ma 'dres zhes pa ni thug pa dang zan du 'dres pa lta bu ma yin pa'o/ /ma dkrugs zhes pa ni sna tshogs pa lhung bzed gcig tu blugs pa las dkrugs te za bar ma byed cig pa'o/ /shin tu sbas zhes pa ni lam ka'am rgyun sar ma za shig pa'o//dus las mi 'da' zhes pa ni nyi ma'i gung las ma yol bar bza' ba'o/ /ji la gnyer pa de las gzhan rnyed pa bdag gir byed pa mi rigs pa ma yin zhes pa ni/ dang po thug pa la bos pa las phyis zas bzang po gzhan yang sbyar te/ byin na blangs pa ni mi rung ba med pa'o//bdag zas bzhin du gzhan blangs ba ni nyes med ces pa ni/ bdag zas za ba'i 'phro la yang gzhan gyis byin pa blangs te/ zos pa ni nyes pa med pa'o/ gzhan gyis gnyer te 'dug pa la gzhan gyis byin pa des bstan na der gtogs su zad ces pa ni yon bdag gcig gi khyim du gnyer te za zhing 'dug pa las spang yon bdag gcig gis zas bshams te phul ba mi 'dod par byas pa las/yon bdag snga ma des phe'u thams su bstabs na yang yang la sogs pa bzhin du mi 'gyur gyi snga ma des byin pa'i khongs su gtogs par ston pa'o//tshig ni bsam pa'i don dang sbyar gyi grags pa mi btsan zhes pa ni bdag la dgra bcom pa 'am sangs rgyas su btags te zas la sogs pa byin na des ji ltar bsams te byin pa rmas la bdag la gyi na'i snyad de skad du btags te byin na ni des bsam pa'i don dang sbyar du zad kyi grags pa'i ming mi brtsan pa'o//blangs nas mi spang zhes pa ni sngar blangs nas khros sam zos te slar gtong zhing dor ba lta bu ma byed cig pa'o/ /lta ba dang tshul khrims rdzogs pa gnyis las blangs te de las gzhan pa'i rim pa la byin pa dang /'grangs nas kyang kham 'ga' yan chad lhag par blangs shing zos na dad pas byin pa chud gsan pa'o zhes pa ni lta ba rdzogs pa las blangs la lta ba ma rdzogs pa la byin pa dang / tshul khrims rdzogs pa las blangs la ma rdzogs pa la byin pa dang / 'grangs zin nas lhag par zan kham 'ga' yan chad zos kyang rung ste dad pas byin pa chud gzan par 'gyur ba'o//de lta bas na su la yang sbyin du mi rung ngam zhe na/ pha ma nad pa rab tu 'byung bar 'dod pa/ sbrum pa/ gdul bar bsam pa/ bsod snyoms skugs pa/ khyim pa de'i khar 'ongs pa rnams la bgo bar bya zhes pa yin te 'di dag lta bu la byin pa ni nyes med pa'o//de la pha ma ni phan 'dogs pa'i zhing yin pa dang / nad pa dang rab tu 'byung bar 'dod pa ni bsod snyoms kyi zhing yin pa'i phyir ro/ /sbrum pa ni snying rje ba'i gnas yin pa'i phyir ro/ / gdul bar bsam pa ni bsdu ba'i thabs su bsgrub pa'i phyir ro/ /bsod snyoms skugs zhes pa ni khyim pa ched du slong zhing sgugs pa'o/ /khyim pa de'i khar 'ongs zhes pa ni zan za'i khar 'ongs na gdong sol bya ba'i phyir ro/ /bsdogs pa'i chang bu bzhag ces pa dang / sbyin pa chad par mi bya zhes pa dang /byol song la yang sbyin zhes pa ni zan za ba'i tshe su la sbyin pa chad par mi bya bar chad bu gzhag pa dang bya rog la sogs pa byol song la yang byin cig pa'o/ /bza' ba'i phyir bstabs pa ma zin pa mi sbyin zhes pa ni bdag zas zos ma zin gyi bar du gzhan la sbyin pa ma byed cig pa'o//dad pas bstabs te sbyin pa yang ma yin zhes pa ni bdag la dad pas bdag gi khar ji son du bstabs te byin na de'i yid dang sbyar ba'i phyir gzhan la sbyin cig pa'o/ /lhag ma za ba la lhung bzed kyi lhag ma ji bde bya zhes pa ni lhag rol lhag ma'am/skyos pa'am / skyos ma za ba'i mi la byin cig pa'o/ /gnas pa rnams la gtor ma byin cig pa'o zhes pa dang / snga dro la sogs pa de dag gi cho ga bzhin bya zhes pa ni/ gtsug lag khang gi srung ma snga dro dang phyi dro la sogs pa de dag gi cho ga bzhin du so sor phyi la gtor ma byin cig pa'o//a mra rtsi gu ma chags pa'i rtsi mi bza' zhes pa ni shing tog a mra ma smin par ma za shig pa'o/ /rtsa ba/ sdong bu/ me tog / lo ma/ 'bras bu/ bca' ba/ 'bras chan/ go 'dun/ phye sha/ khur ba/ 'o ma/ zho mar sar/ nya sha/ sha skam rnams mi rung ba ma yin zhes pa ni ming gis smos pa 'di rnams bzar mi rung ba med par ston pa'o//gso ma yungs kar rtsa ba sdong bu lo ma me tog 'bras bu la sogs pa'i thug pa btung du mi rung bar ma dogs shig ces pa ni 'di dag gi thug pa'ang mi rung ba med pa'o//bcud ni khu bas so zhes pa ni skam po pas khu bar byas pa bcud du che ba'o/ /chus kyang ngo zhes pa chu yang btung du rung ba'o/ /rkyal par gzhug pa mi rung ba ma yin zhes pa dang / snod du kha zas bzar rung zhes pa dang / shing gi yang ngo zhes pa dang / de'i yang ngo zhes pa dang /zos pa'i snod kyang ngo zhes pa ni zho la sogs pa rkyal par blugs pa la yang bzar mi rung ba med pa dang / shing dang rdo la sogs pa'i snod spyad du bzar rung ba dang / sngon kha zas blugs pa'i snod spyad kyang bla ba rnams su ston pa'o/ /bkru ba ni gnas pa'i las so zhes pa dang /zos nas kyang zhes pa ni lhung bzed bsod snyoms la gar bkru ba dang / zan zos pa'i 'og tu bkru ba ni slob ma'am nye gnas kyi las yin par ston pa'o/ /snod gcig tu cig car mi bza' zhes pa dang / byes su ni snod med na bza' zhes pa dang / dge slong dang ngo zhes pa dang / gcig gis lag pa bteg nas bdag gi gzhug ces pa ni byes su ni snod med na dge slong dang lhan cig tu bza' zhing snod du lag pa'ang cig car ma yin par spel gyi de ma yin pa'i skabs gzhan du lhan cig ma za shig pa'o/ /dge tshul dang lhan cig pa ni ma ldan pa ma yin na 'og ma bzhin zhes pa ni dge tshul dang lhan cig tu bza' ba ni brtad pa'i rkyen ma yin na 'og ma dang 'dra bar spar zan du sbyin pa'o//rung bar byed pa ni spar zan du sbyin zhes pa ni g.yog sder la ma 'dogs shig pa'o/ /gnyen mdza' bas bskul na thams cad du phyogs dben par ro zhes pa dang / byin len ma zhig pa dang / byin len ma byas pa dang 'dres su 'ong na bsrung zhes pa ni gnyen mdza' bas sder gcig tu za bar bskul na dben par bza' zhing byin len ma zhig pa la sogs pa la ming gis smos pa 'di rnams ltar rim gro gyis shig pa'o/ /lham dang bcas te mi bza' zhes pa dang /nad pas ni mnan te'o zhes pa ni lham bgos te zan mi za ba dang nad bu can gyis ni lham gyi steng du rkang pas mnan la zo shig pa'o/ /gcer bur ma yin zhes pa dang gos gcig par ni ma yin zhes pa dang / nad pa ni nyes med ces pa dang / nad g.yog gis sum par bya zhes pa dang /nus na rngul gzan bgo zhes pa dang / dben pa'i phyogs su'o zhes pa ni nad pa ma yin na sgren mo la sogs pa 'di rnams ltar ma za shig pa dang / nad pa yin na'ang nad g.yog gis sum pa dang / rngul gzan tsam gyon nus na bgo ba dang / mi nus na phyogs dben par zar gzhug pa'o//zas la bkad nas 'brim pa la 'di dang 'o ni las tshur zhes mi bya zhes pa ni 'brim pa la zas 'di dang 'o ni 'o na cig ces lto 'dun dang kham mchu'i bag ma zer cig pa'o/ nad pa'i nyams dang 'phrod pa ni nyes med ces pa dang / de ni 'di lta ste drod chung bas btsos pa dang /drod che bas rje'o zhes pa ni nad pas 'di lta bu'i tshul nyams dang sbyar te tshur 'di 'on cig ces zer ba ni nyes med pa'o/ /bdag la nad pa'i 'du shes bzhag pa dang / zas la sman du 'du shes par bza' zhes pa dang / dran pa yang ngo zhes pa ni zas bza' ba'i zas ni bkres pa'i sman yin bdag ni bkres ba'i nad yin par bsams pa dang /'og nas 'byung ba lta bu'i dran pa dang yang nyes par zhog la zo shig pa'o/ /kun 'byung ba 'dra bar 'gyur ba slar yogs pa rgyu mthun pa rkyen gyi rnam pa btsal ba/ rag gzhan la lus pa nyen dang bcas so sor 'gro ba rnams ched du mi mthun par bya zhes pa ste zas ming gis smos pa 'di lta bur soms la zo shig pa ste/de la kun 'byung ba zhes pa ni lgong lud lta bu mi gtsang ba las 'byung bar bsam pa'o/ /'dra ba zhes pa ni sha la srin bu phye la rus phye mar la rnag lta bu la sogs par bsam pa'o//'gyur zhes pa ni bad kan dang tshil snabs dang / nag khra la sogs par 'gyur ro bsam pa'o/ /slar spogs zhes pa ni zas kyi phyir rtsod pa la sogs pa 'khon gyi gcugs su 'gyur ba'o/ /rgyu mthun zhes pa ni zas la bshang gci lta bu sme bar 'gyur ba'o/ /rkyen gyi rnam pa zhes pa ni rmo brko la sogs pa'i rgyu rkyen las 'byung ba dang zas la sred pa'i rgyur 'gyur ba lta bu'o//btsal zhes pa ni nyon mongs pa'i gron tshegs phal bo ches btsal dgos pa'o/ /rag gzhan la lus zhes pa ni rnyed zin nas btso ba la sogs kyi rag gzhan la lus pa'o/ /nyen dang bcas pa zhes pa ni legs par ma zhu na nad kyi rnam pa sna tshogs su 'gyur ba'o//so sor 'gro zhes pa ni cha gcig lus kyi drod du 'gro ba dang cha gcig srin bu'i zas su 'gro ba dang cha gcig lus brta bar 'gro ba ste/ de ltar rnam pa bzhir 'gro ba'o/ /dran pa nye bar gzhag cing mi g.yeng ba'i sems kyis so zhes pa dang /shes bzhin dang ldan par sgra bskyungs zhes pa ni zan za kar ming gis smos pa 'di dag ltar gyis shig pa'o/ /'di dag mi bya zhes pa ni rkang lag gi sgra ma 'byin cig pa'o/ /hub sgra mi bskyed ces pa dang / khrum khrum ma yin zhes pa dang / sgra 'byung na chu la sogs pa sbar zhing brlan zhes pa ni sgra'am khrum sgra ma 'byin cig pa ste/ /khur skam lta bu la sogs te sgra 'byung ba zhig na spong shig pa'o/ /za ba'i khar rol mo mi bya zhes pa ni zan za ba'i khar rol mo byed du bcug cing za ba lta bu la sogs pa ma byed cig pa'o/ /'chad par byed pa'i tshe ma yin zhes pa dang /de thos pas so zhes pa ni sbyin pa 'chad pa'i thos pa nyen kor na 'dug pas de'i tshe zan ma za shig pa'o/ /dus yol du cha na tshigs bcad gnyis sam gsum nas so zhes pa ni nyi tshod yol du cha na sbyin pa bshad pa'i tshigs bcad gnyis sam gsum tsam mnyan la de'i 'og tu zo shig pa'o//zos zin nas zhal nas gsungs pa'i tshigs bcad brjod ces pa ni zas zos zin pa'i 'og tu zhal nas gsungs pa'i tshigs bcad lhogs shig pa'o/ /spyan drangs par zos zin nas sbyin pa bshad par bya zhes pa dang / kun gyis zos zin par shes nas so zhes pa dang /blta ste zhes pa dang / du ma na dang pos so zhes pa dang / mi nus na nus pa la bcol zhes pa ni zan zos zin tam ma zin bltas shing brtags la/ gnas brtan gyis sbyin pa bshad pa dang / chos bshad gyis shig pa dang / mi nus na gzhan nus pa la chol cig pa'o//gal te ma byas pa 'dod pa'i rkyen cig na dge slong las 'khor bskos te'o zhes pa dang / bzhi yan chad zhes pa ni sbyin pa bshad par ma byas par myur du 'dong dgos pa'i rkyen cig byung na/ sbyin pa bshad pa gcig gis bzhi 'khor bzhi yan chad skos la gzhan deng shig pa'o//bskos pa'ang 'gro ba'i rkyen cig gis na zhus nas so zhes pa ni de'i 'khor bzhi tsam ma bskos pa'i nang nas kyang 'ga' zhig gud du 'gro dgos pa'i rkyen cig byung na sbyin pa 'chad pa de la zhus la song shig pa'o/ /sbyin pa 'chad pa na dga' bo dang / nyer dga'i ming brjod pa zhes pa ni byin pa 'chad pa na klu 'di gnyis kyi ming nas kyang smos shig pa'o//mid pa gnyis pa zhig ste/ dus ma yin par sgregs na thog ma'i kham gnyis sam gsum por la kha bkrus te mid ces pa ni phyogs dang 'dra bar mid pa gnyis pa zhig la zas slar yang sgregs shing 'ong na kham gnyis gsum 'or la slar mid cig pa'o/de zas ma yin pa ma yin zhes pa dang / de lta bas na gzhan gyis kyang dus ma yin pa dang btang ba las sgregs pa byung na bkru zhes pa ni de yang zas yin pas na mid pa gnyis pa la ma gtogs pa'i dge slong gzhan la yang sgregs na dus ma yin pa dang /dus yin du zin kyang mi bza' bar btang ba'i 'og tu sgregs na de'i 'or la kha khrus gyis shig pa'o/ /ma bshams pa'i phyogs su mchil ma mi 'dor zhes pa dang / byi bdar byas par ma yin zhes pa dang / gnas brtan gyi mdun du de'i sgra mi bya zhes pa dang /za na'ang ma yin/ lhag ma'i thad du yang dang yang ma yin zhes pa dang / mi nus na gud du 'gro zhes pa ni mchil ma dor ba'i sa bshams pa dang / byi bdar byas pa'i steng du mchil snabs mi dor ba dang / gnas brtan gyi mdun dang zas za ba'i tshe mchil snabs kyi sgra mi bya ba dang /dge 'dun lhag ma gzhan gyi thad du'ang de dag gi sgra yang dang yang du slos shing ma zer cig pa dang / de dag gi sgra 'gegs par mi nus na gud du byol shig pa'o/ /gzhan la gnod par mi bya zhes pa ni mchil snabs kyi sgra 'byung ba la sogs pa dge slong gzhan la gnod cing mi bde ba'i bag ma byed cig pa'o//sdur cing mi nyal zhes pa dang bcag pa'am gud du 'gro bar ro/ gud du 'gro ba ni sdur te mi rung na bcag pa'am gud du 'byol bar gyis shig pa'o/ /'di'i snod kyi zhabs glang po'i rmig pa lta bu'am gzhi dang bcas par ro zhes pa ni mchil snod kyi zhabs glang po'i rmig pa lta bur byas pa'am de'i gzhi gyis shig pa'o//'di drung du gzhug ces pa dang / 'dir tshigs pa'i phye'am thal ba'i gcal dgram zhes pa dang / sbrang ma bskrad pa'i cho ga bya zhes pa dang / dri mi nga ba dang srog chags med par bya ba'i phyir dus dus su bkru zhing bskam zhes pa dang /des mi brel bar 'theb bsham zhes pa ni gong ma lta bu'i mchil snod der phye ma la sogs pa'i gcal dgram pa'ang thabs 'di dag ltar gyis shig pa'o/ mi brel bar gtsug lag khang gi grwa bzhi ka'i drung du mchil snod bzhag ces pa ni mchil ma dor ba'i sa gtsug lag khang gi grwa bzhir 'di ltar gyis shig pa'o//rlung gi las sgra can mi bya zhes pa ni rlung gi las thug rid can ma gtor shig pa'o/ /shing drung du bshang gci ma yin zhes pa dang / spang sha dag gis mtshams med par khebs pa ma gtogs zhes pa ni spang sha dag ma yin nam shing tha mal pa gzhan gyi drung du bshang gci ma byed cig pa'o//bshang khang bya zhes pa dang / gtsug lag khang gi nub byang gi mtshams su'o zhes pa dang / de'i 'og tu shing tsher ma can bskyed ces pa dang dong kar rkang rten bsham zhes pa dang /kun [(]'de'i [,]'di'i [)]gnas bya zhes pa dang / sgo snol mar ro zhes pa dang / sgo 'phar gzhug ces pa dang / sgo gtan dang zung bya zhes pa ni bshang khang 'di dag ltar byas pa rtsigs shig pa'o/ /byang nub kyi mtshams zhes pa ni sgo shar phyogs su lta na der bya ba'o//'jug kar sgra dbyung zhes pa dang / der song bas kyang ngo thos nas so zhes pa dang / gos legs par brtul la 'jug ces pa dang / shes bzhin dang ldan pas dbus su 'jug par bya zhes pa dang / rkang rten la mi reg pa dal gyis bya zhes pa dang / 'ong du mi btub pa mi btsir zhes pa dang /'ong ba mi bkyig ces pa ni bshang khang du 'jug pa dang / de'i las bya ba la sogs pa ming gis smos pa 'di dag ltar gyis shig pa'o/ /de dang 'brel pa'i ched ma yin na gzhan gyi phyir de'i nyen kor du mi 'jug ces pa ni bshang gci'i ched ma gtogs par snam phyi sa'i than kor ma 'dug shig pa'o//khang skyong gis nyin re zhing bkru zhes pa dang / sa dang 'dab ma dag kyang bzhag ces pa dang / bshams pa'i phyogs ma yin par mi bshang zhes pa dang / kha du mar ma yin zhes pa ni khang skyong gis te rtag tu bkru zhing sa dang 'dab ma gzhag pa dang / snam phyi sa'i phyogs ma yin par bshang ba'i las ma byed cig pa dang /bshang ba'i tshe kha du mar ma byed cig pa'o/ /'khor bar na dong brko zhes pa dang / gci khang dang zla la'o zhes pa dang / dong bu zhes pa dang / wa gzugs zhes pa dang / gzhan ni mtshungs zhes pa ni rtag par gcin 'dzag pa zhig na bshang khang gi zla la gci thabs 'di ltar gyis shig pa'o//tshad pa'i nad kyis na khri'u la khol dbyung zhes pa dang / btags pa bshugs te zhes pa dang / ma grub na gcad ces pa dang / gal te than kor na zhes pa dang / lo ma'i rlod bzhag ces pa dang / sa mi sme bar bsrung zhes pa dang /de bas na 'og tu gyo mo'i zhes pa dang ha cang mi mtho na dge zhes pa dang / dri nga ba dus dus su bkru zhing skam zhes pa dang / yungs mar gyis bshal zhes pa dang / des mi brel bar 'theb bcang zhes pa dang / ma grub pa ni leb ma'i 'og re bya zhes pa ni tshad pas btab na khri'u btags pa ni bshugs te khol dbyung btags pa ma yin pa ni dras te khol dbyung ba dang /de'i than kor rkub na lo ma'i lbong gzhag pa dang / sa mi sme bar gyo mo 'thol rab ma yin pa gzhag pa dang / de'i bkru bshal 'di ltar bya zhing 'theb bcang gyo mo med na de blangs te dor du rung ba'i gzhi gyis shig pa'o//song nas de byed pa phyis zhes pa dang / rtsi sbyar ram rtsa ba pos ma yin zhes pa dang / ra da'am leb ma'am shing lo'am bong ba'am shing bu 'dir dge zhes pa dang / sa rnams gnyis kyis bkru zhes pa ni bshang zin pa'i 'og tu de ming gis smos pa 'di rnams kyis phyi ba dang /sas lan gnyis gsum tsam khrus shig pa'o/ /sa tshoms snga nas bkod pas de'i 'og tu bkru zhes pa dang / chal pas 'gu de dang rkang rten ma smos par dal gyis bya zhes pa ni phyir rol du byung nas sa phrar snga nas byas pa rnams kyis dal gyis bkru zhing chal pa mi 'chol bar gyis shig pa'o//bdun gyis g.yon pa pa zhes pa dang / bdun gyis gnyi ga zhes pa dang / dpung pa gnyis bkru zhes pa dang / sas yang lag pa gnyis bkru zhes pa dang / gzhan gyis kun bde zhes pa dang / rkang pa gnyis bkru zhes pa ni sa phung bdun gyis lag pa g.yon pa bkru ba dang /sa phung bdun gyis lag pa gnyis bkru ba dang / dpung pa gnyis bkru ba dang / sa phung gnyis kyis yang lag pa bkru ba dang / tha ma'i sa phung gcig gis kun bde bkru ba dang / rkang pa gnyis kyang bkru ba rnams su ston pa'o/ /tshad pa 'dzag pas mjug tshun chad phyi ba tsam bya ste stan la 'dug pa nyes med ces pa dang /de las gzhan ni chu yod na ma bkrus par mi 'dug ces pa ni bkru sman btang ste tshad pa rtag tu 'ong ba lta bu ni mjug ma chad kyi bar du phyis pa tsam gyis kyang cho ga pa dang / de ma yin pa gzhan ni chu yod pa la bkrus na stan la ma 'dug shig pa'o//phran tshegs la sogs pa sman gyi dngos por gtogs pa'o// // da ni las kyi dngos por gtogs pa bsdus te ston pa ni cho ga las 'gal na las mi skye zhes pa la sogs pa yin te las su bya'o/ /cho ga'i cho ga las 'gal bar byas na las su mi rung bar ston pa'o//mi thos par byas pas thos na ma yin zhes pa ni tshul khrims zhig pa dang bsnyen par ma rdzogs pa la sogs pas thos na yang las su mi rung ba ni ma yin pa'o/ /mi skye ba ni mi bya zhes pa ni las su mi rung ba nyes byas sam ltung ba dang bsdos la ma byed cig pa'o//las kyi dngos po nyid ston pa ni de'i ni gsol ba zhu ba so sor thar pa 'don pa tshul nas 'byung ba'o zhes pa yin te/ las ni ming gis smos pa 'di rnams so/ /gang cho ga las 'gal na las su mi rung ba de ston pa ni chos ma yin pas mi bya zhes pa yin te/ ma glengs ma bskul bar chad pa la sogs pa nan gyis bcad pa ni chos ma yin pa'o/ /tshogs ma yin zhes pa ni khar ba dang dra ba'i sdom pa sbyin pa bzhi la sogs pa'i tshogs su bslang ba las ma sbyin cig pa'o/ /bsnyen par rdzogs pa de bzhin ma 'dus par ma yin zhes pa ni mtshams kyi nang na 'khod pa rnams kyi dad pa ma blangs par ma byed cig pa'o//dge 'dun du ma gyur na zhes pa ni dge 'dun bzhi yan chad dge 'dun gyi grangs su dgos pa bzhin du ma tshang bar ma byed cig pa'o/ /byung ba ni nyi shu la sogs pas dge 'dun zhes pa ni lhag ma las byung ba'i dge 'dun ni nyi shu yan chad dgos pa'o//bsnyen par rdzogs pa ni bcu la sogs pas zhes pa dang / ma ldan na mtha' khob tu 'dul ba 'dzin pa dang lnga la sogs pa'o zhes pa ni yul dbus su bsnyen par rdzogs pa'i dge 'dun bcu yan chad dgos pa dang / mtha' khob tu lnga yan chad dgos pa'o/lhag ma ni bzhi la sogs pa'o zhes pa ni dbyung ba dang bsnyen par rdzogs pa la ma gtogs pa'i las gzhan byed pa'i tshe dge 'dun bzhi yan chad dgos pa'o/ /dge slong ma dang ni las tha dad ces pa ni las gong du smos pa rnams kyang / dge slong ma dang ni tha dad par ston pa'o//tha dad pa las kyang kha cig dge 'dun gyi btang dgos pa ni tshul nas 'byin pa ni dge slong gi dge 'dun gyis kyang zhes pa la sogs pa yin te tshul nas 'byin pa'i tshe dge slong gi dge 'dun yang med du mi rung ba'o/ /de dag 'dum bar gyur nas gso sbyin zhes pa ni dge slong gi dge 'dun rnams dang mthun par gyur nas gdod gso sbyin gyis shig pa'o//'dun par bya ba ji ltar bsgrub ce na/ dad pa dang gso sbyin phul bas de grub ces pa yin te/ dge slong ma'i dge 'dun gyi gso sbyin bya bar gsol nas gdod sdom pa de 'grub par ston pa'o//'dir gnyis kyi las so zhes pa ni dad pa dang gso sbyin 'bul ba dge slong ma gnyis kyi las yin pa'o/ /'di nus pa dag gis so zhes pa ni dad pa dang gso sbyin dbul ba dang nod nus pa'i dge slong ma gnyis skos shig pa'o/ /med na gcig gis kyang zhes pa ni nus pa gnyis med na gcig kyang bla'o //dge 'dun gyis skad len pa'i dge slong bsko zhes pa dang / de'i gnas ni sgo khang ngo zhes pa dang / 'bros pa lta na bsgo zhes pa dang / des kyang 'di bzhin zhes pa dang / 'bros par ma yin zhes pa dang / mi shes na ming rus dri zhes pa ni dge slong ma'i cha skad len pa 'di dge slong bsko ba dang /des sgo khang du bsdad pa dang / des 'bros na dge slong mas ma 'bros so zhes bya ba dang / dge slong ma bros na yang des 'bros su mi gnang ba dang / sus bskos pa'i rgyus mi shes na 'ang ming rus dris shig pa'o/ /mgu ba dang dbyung ba ni gnyis tshogs te'o zhes pa ni dge slong ma lhag ma byung bas mgu ba dang dbyung ba gnyis ka dge 'dun sde gnyis la bya dgos pa'o//bsnyen par rdzogs pa yang ngo zhes pa ni dge slong ma bsnyen par rdzogs pa'i tshe'ang dge 'dun sde gnyis dgos pa'o/ /'di rnams kyi sde ni bcu gnyis so zhes pa ni dge slong ma yul gyi dbus su bsnyen par rdzogs pa ni dge 'dun bcu gnyis dgos pa'o//sdom pa snga ma gnyis dang / 'god pa tshad med pa'i 'khor 'jog pa'i sdom pa sbyin pa ni dge 'dun gyi mthas so zhes pa ni dge slong ma'i sdom pa dang tshangs pa'i gnas kyi sdom pa gnyis dang / 'khor dang tshad med pa'i 'khor 'jog pa'i sdom pa dbog pa dang /dge slong ma'i dge 'dun bcu gnyis kyis phog shig pa'o/ /las byed ma nus na des mnyan la dge slong phas zhu ba byar rung zhes pa ni dge slong mas las byed ma nus na dge slong phas byas la des mnyan du rung ba'o/ /ji srid kyi bar du zhe na gang gi phyir mi gsung bas na zhes pa tshun chad do zhes pa yin te/'phags ma'i dge 'dun gyis bzod na zhes pa yan chad dge slong phas bya'o/ /gang mi gsung bas zhes pa'i tshig nyid ni dge slong mas brjod dgos pa'o/ /ma bkad na tshangs pa ma yin zhes pa ni dge 'dun ril gyis gral du ma bkad par la la 'dug la la 'chag bzhin du las byas na spyod lam tha dad pa'i phyir las su mi rung ba'o//gang gis byed pa ma yin zhes pa ni chad pas bcad pa la sogs pa dge slong gi phyir las byed pa de nyid dge 'dun gyi grangs su ma gzhug shig pa'o/ /de lta bas na dad pa dang / yongs su dag pa'i tshogs tshangs par mi 'gyur zhes pa ni gong ma lta na dad pa dang yongs su dag tsam gyis dge 'dun ma tshang ba'i kha bskang bar mi byed cig pa'o/ /'di gnyis mi blang zhes pa dang / tshul nas 'byin pa mi bsko zhes pa ni dge 'dun bzhi las med na gcig gis dad pa blang ba dang / de bzhin du bzhi las med na gcig tshul nas 'byin par ma bsko shig pa'o/ /bsnyen par ma rdzogs pa zhig pa mtshams med par byas pa sdig par lta bas gzhan la gnas pa du mar gnas pa rnams ma yin zhes pa ni ming gis smos pa 'di rnams kyis dge 'dun ma tshang ba'i kha bskang bar ma byed cig pa'o//de la zhig ces pa ni tshul khrims zhig pa'o/ /sdig par lta zhes pa ni lta ba drug cu rtsa gnyis gang yang rung bar bltas pa'o/ /sa gzhan la gnas zhes pa ni dge slong tha mal pa'i sa de chad pas bcad pa la sogs pa'i las na 'dug pa'o/ /du mar gnas zhes pa ni skabs 'dir chos ma yin pa'i phyogs la gnas pa ste lhas byin gyi phyogs na 'khod pa ma tshang ba rnams kyi kha de'i phyogs su ma spong ba'i dge slong tha mal pa rnams kyis bskong du mi rung ba'o//smas pa yang zhes pa ni phas pham pa ma yin pa'i lhag ma man chad nyes pa bzhin byas pa la bya ste/ nyes pa de dag lta bu dang ldan pas dge 'dun gyi kha bskang du'ang mi rung bar ston pa'o/ci'i phyir de lta zhe na/ 'gro ba las btsun pa ji tsam gyis na rang bzhin la mi gnas pa lags u pA li sbyang pa ma yin pa spyod cing dge slong gi bslab pa mi slob pa 'di tsam gyis rang bzhin la mi gnas pa'o zhes 'byung bas na tshul khrims yongs su dag pa ma yin pa'i phyir ro//de ji tsam yan chad kyis smras par gdags she na/ bsdam par bya ba yang zhes pa yin bshags par bya ba'i nyes pa lta ci smos kyis bsdam par bya ba'i nyes byas kyis kyang smras par 'gyur ba'o/ /ci'i phyir de lta zhe na/ tshul nas 'byung ba'i dngos po las 'gal te bsdam par bya bar khas len na yang bsdams nas 'byung bar bya'o zhes 'byung bas na kha cig na re de lta na ni rna rdum dang nad la sogs par bsnyen par rdzogs par byed na dang po rtsom pa nas dge 'dun kun nyes byas can du gyur na ni dge 'dun du ma longs/dge 'dun du ma longs na ni las su mi rung /las su mi rung na ni bsnyen par rdzogs par yang mi 'gyur bas na/ bshad pa mi rigs kyi phas pham pa'i smras pa ma byung ba la bya'o zhes rgol ba yang yod mod kyi de ltar yang mi 'gyur te gsol ba'i las kyis byin gyis brlabs na yongs su gtsang bar 'gyur ba'i phyir ro//bshags pa med du zin kyang yongs su dag pa ston pa ni byin gyis brlabs pa ni dag par 'gyur zhes pa yin te dge 'dun gyi lhag ma la sogs pa'i nyes pa byin gyis brlabs pa na yongs su dag par 'gyur ba'o/ /de mod la bshags su rung ba yang byin gyis brlabs pas slon nam zhe na/nus na ma yin zhes pa yin te/ de'i mod la bshags su rung ba ni byin gyis brlabs su zin gyis kyang yongs su dag par mi 'gyur ba'o/ /de'i mod la bshags su rung ba gang zhe na/ de'i mod la nus pa ni ltung ba nyi tshe dang so sor bshags pa dang nyes byas bcos su rung ba rnams te/len pa yod na bshags pa tsam gyis chog pa'i phyir zhes pa yin te/ ming gis smos pa 'di rnams kyis nyes pa bshags pa'i mod la dag pa'i phyir las byed pa'i tshe ma bshags par len pa yod bzhin du byin gyis brlabs pa ni byin gyis brlabs kyang mi phan pa'o/ /nyes par gyur pa ni 'du shes ji bzhin du bya zhes pa ni nyes par gyur pa la kha mi 'dum na so sor ji ltar bkyig pa'i 'du shes bzhin du gyis shig pa'o//gcig la yang bskrad pa'am/ mi bskrad pa'am/ bcos pa'i rnam pa du mar yang mi rung ba med ces pa ni gong ma ltar kha dum na gang zag gcig la yang lhag ma ma lus par 'du shes pa rnams kyi ni dge 'dun gyi khongs su bcug pa dang tshangs par bya ba yang gong ma dang 'dra bar so sor 'du shes ji lta ba bzhin du gnyen po la brten du bcug na mi rung ba med par ston pa'o//'di dag gi bya bar ma yin zhes pa ni bsnyen par rdzogs pa nas smos pa zhes pa'i bar du smos pa rnams kyis gsol ba la sogs pa'i las ma byed cig pa'o//ci'i phyir de lta zhe na/ gleng gzhi las btsun pa bslab pa byin pa las bgyis na las bgyis pa'am ma bgyis pa zhe na/ u pA li ma byas pa yin gyis slar skyos shig ces pa dang / de bzhin du ma ning dang za ma dang / dge slong ma slu ba dang / pha ma gsod pa la sogs pa mtshams med pa'i las byas pa rnams dang / mu stegs pa dang mu stegs par zhugs pa dang / rkun bur gnas pa dang / du mar gnas pa rnams kyi las byas pa yang skyos shig ces 'byung ba'i phyir ro/ /lhag ma can chos bzhin pas gdon par bya zhes pa ni lhag ma gnyen po la brten bzhin pas ni so sor thar pa gdon du rung ba ste/'di dag gi bya ba ma yin zhes pa'i mdo 'brel pa yin no/ /de las gzhan pa dag gis thos par mi bya zhes pa ni lhag ma chos bzhin pa las gzhan pa dag gis ni dge 'dun gyi las thos par ma byed cig pa'o/ /thams cad kyi de lta'am zhe na/ma spangs pa ma log pa ni ma gtogs zhes pa yin te/ bkar zhing bye ba'i spangs pa ma yin pa dang mtshams med pa byas pa dang / bsnyen par rdzogs pa'i log pa ma yin pa ni thos par mi bya ba ma gtogs par ston pa ste/ de la bkar zhing bye ba ci'i phyir spangs pa zhe na/ chos dang zang zing gi spyod pa mi gcig par dge 'dun gyis spangs pa'i phyir ro//mtshams med par byas pa la sogs pa ci'i phyir log pa zhe na/ mtshams med par byas pa ni bde 'gro las log pa'i phyir ro/ /zhig pa ni tha ma pa las log pa'o/ /bsnyen par ma rdzogs pa ni bsnyen par rdzogs pa las log pa'i phyir ro//de la ma spangs pa'i dngos po ni bsdigs pa dang smras pa dang bskrad pa dang mgong thod dang bslab pa byin pa dang / de'i rang bzhin tshol ba rnams so bkar ba nyid kyi las kyang ngo zhes pa ni bkar ba'i chad pa brag bkar tshangs pa'i las thos kyang bla ba'o/ /bsnyen par rdzogs par 'dod pa na nang du 'dri ba'i phyir gsol ba la sogs pa yang ngo zhes pa bsnyen par rdzogs par 'dod pa dge 'dun gyi nang du bar chad kyi chos dri ba'i phyir gsol ba la sogs pa'i las thos kyang bla ba'o//bsnyen par ma rdzogs pa la yang kha cig ni mngon sum du bya/ kha cig ni thos par bya ba la mngon sum dang thos pa'i thabs ji ltar bya zhe na/mngon sum ni mthong ba'i lam du bzhag pa dang thos pa ni sbran pa ste/ de ltar byas pas bsgrub ces pa yin te/ bsnyen par rdzogs pa la mngon sum gyi las su bya ba yang mthong ba'i lam du bzhag nas bya ba dang bsnyen par ma rdzogs pa la thos pa'i las bya bas bskrad pa lta bu yin te mig lam du mi snang bar bzhag la dge slong gcig gis sbran cing skad sbyar ba'o//gtsug lag khang smos pa la phyag mi bya/ mi smra mi spyod pa rnams kyi sdom pa ni mngon sum du ma gyur par ro zhes pa ni ming gis smos pa 'di rnams kyi sdom pa dbog pa ni gang zag de nyid la ltos mi dgos par dbang dge 'dun la yod pas na mngon sum du mi bya ba'o//de la gtsug lag khang zhes pa ni gang zag gcig gi gtsug lag khang du dge 'dun gzhan mi 'grul bar sdom pa bca' ba'o/ /smos zhes pa ni dge slong smos pa'i sdom pa dbog pa'o//phyag mi bya zhes pa ni dge slong ma dang ma bos par 'dul ba lta bu dge slong gis bkar zhing dge slong mas phyag mi bya bar de bca'/ mi smra zhes pa ni gleng bas bskul ba'i skabs mi 'byed na dge 'dun gyis de dang gtam mi bya bar sdom pa bca' ba'o/ /mi spyod pa ni chos dang zang zing gi spyod pa lhan cig tu mi bya bar dam bca' ba'o//de la zhal nas gsungs pa la ni lhung bzed kha dbub cing dgon pa dang / khyim du mi 'dod par bslab pa'i dam bca' zhing dgrol ba dang / dge tshul gyi snang bar bskrad pa'i sdom pa lnga dang spyir bcu byung la 'dir ni lnga las mi smos pa ci'i phyir zhe na/bsnyen par ma rdzogs pa rnams kyi phyir bcas pa yin pas na mngon sum du bya bar dogs pa mi skye ba'i phyir 'dir mi smos so/ /de'i ched ma gtogs par mi zhu ba zhes pa ni zhu ba gcig la sogs pa'i las gang brtsams kyang rung ste/ dang po nyid du dge 'dun go bar bya ba'i gsol ba je ma byas par las kyi tshig ma rtsom shig pa'o//gong du mi 'dum par ma yin zhes smos pa de'i mi 'dum pa gang la bya ba ston pa ni mtshams de'i nang du gtogs pa la bskang bar yang 'os pa las lus sam dad pas bkad par ma zhugs pa dang / rgyus mi shes shing 'khon yod pa ma gtogs par spyod lam yang ma nyams rang bzhin la'ang gnas gcig pas kho na nyid kyi las gzhan zhing chos dang 'gal ba la mi ster ba mi mthun pa'o zhes pa yin te mtshams de'i nang du gtogs shing bskang bar 'os pa las bkad gral ma bzung ngam dad pa ma phul na mi mthun par 'gyur ba dang rgyus mi shes shing kho na yod pa ma gtogs par spyod lam ma nyams pa la sogs pa ming gis smos pa 'di rnams lta bu kho na nyid kyi phyir yang ma yin chos dang 'gal ba'i phyir dge 'dun gyis las su mi rung ngo zhes byed du mi ster na mi mthun par 'gyur bar ston pa'o// de la chos dang 'gal bar ni skabs 'dir gang zag gang gi phyir las bya ba'i mi de nyid stams las chad pa'o/ /de'i tshig la gtsigs pa'i 'bru gnyer 'chad pa ni brdzun du smras pa la phal che ba ni tshig mi gtsigs pas so zhes pa dang / phra ma tshig rtsub po ngag kyal ba rnams so zhes pa yin te/ ming gis smos pa 'di rnams lta bu ma yin na tshig gtsigs pa'o/ /rang bzhin la gnas pa'i 'bru gnyer 'chad pa ni 'di dang bya ba las 'gal zhing mi bya ba byed pa ni rang bzhin du mi gnas pa'o zhes pa yin te/ gong du smos pa'i brdzun la sogs pa dang gzhan yang bya ba mi byed cing mi bya ba byed pa ni rang bzhin du mi gnas pa ste/'di la bzlog na rang bzhin la gnas pa nyid du rig par bya ba'o/ /spyod lam nyams pa'i 'bru gnyer ston pa ni/ de nas 'byol bar bsams te / 'di btang ba ni spyod lam nyams pa'o zhes pa yin te dge 'dun las byed pa'i bkad gral de nas gud du 'gro bar bsams te gral nas langs na spyod lam nyams pa yin pas na 'di lta bur ma gyur na spyod lam ma nyams pa'o// dge 'dun la lta ba bsnyad ces pa ni dge 'dun gyi las su bya ba'i phyi nas bdag gi yid la bab bam ma bab pa la sogs pa dge 'dun la blo gdab cing shad kyis sbyod shig pa'o//gzhan la ma yin zhes pa dad bsnyen par ma rdzogs pa la ma yin zhes pa dang / bskang bar mi 'os pa la yang zhes pa dang / lhag ma ma lus pa la ma yin zhes pa ni ming gis smos pa 'di rnams lta bu la ni bdag gis bsam pa'am lta ba ma snyod cig pa'o/ /gzhan la ma yin zhes pa ni dge 'dun las gzhan pa ste gsum man chad kyi gang zag la ma snyod cig pa'o//bsnyen par ma rdzogs zhes pa ni bsnyen par ma rdzogs pa 'dus pa rnams la 'di ma zer cig pa'o/ /bskang bar mi 'os pa la yang zhes pa ni dge 'dun gyi kha bskang bar mi 'os pa rnams la yang ma zer cig pa'o//lhag ma ma lus zhes pa ni phas pham pa byung ba'o/ /ces dge ba dang ces phal cher byed na bskos pa phyung la bsgo zhes pa ni sngar gang zag gi las su bskos pa bas zho sha che ba gzhan yod na snga ma phyung la gzhan skos shig pa'o/ /dus dang gtan pa dang gzhan rnams des par mi bya zhes pa ni gang zag gis las su bskos pa la yang yun 'di srid kyi bar du gyis shig ce'am las 'di las byung nas kyang yang bsgo'o zhe'am las kyi rnam grangs du ma bsdus te de'i las shig ces nges pa'am chad par ma bsko shig pa'o//gzhan du ni dga' la ji dga' ba sbyin zhes pa ni las su bskos pa de nyid 'gel 'dod na ni gong ma ltar bskos kyang bla'o //bskos pa med na tshul shing brim pas bsgo zhes pa ni mal stan la sogs pa 'god par bskos pa'i mi med na mdung gis gos shig pa'o/ /gang bskang bar mi 'os pas ni tshul shing brim pa yang ngo zhes pa ni dge 'dun gyi kha bskang bar mi 'os pa ni tshul shing 'brim du'ang ma gzhug shig pa'o//gang mi 'os pas tshul shing brim pa ni dge 'dun gyi dbyen du mi skye zhes pa ni dge 'dun gyi kha bskang bar mi 'os pa tshul shing brims te dge 'dun gyi dbyen byas kyang dbyen du mi 'gyur ba'o/ /las kyi dngos po'o// //las kyi dngos po de ltar bstan nas las rgyas par 'byed pa ston pa ni/zhu ba lhag kyang ma byas pa ma yin zhes pa dang / ma tshang ba ni ma byas pa'o zhes pa la sogs pa yin te zhu ba'i tshig lhag pa ni las su mi rung bar da kyi ma tshang na mi rung bar ston pa'o/ /byed pa na song ba ni ma rdzogs pas 'khrugs pa'o zhes pa ni dang po gsol ba'i las byed pa'i tshe dge slong kha cig gral nas langs te dong na las kyi tshig ma rdzogs par dong ba'i phyir las 'khrugs te las su mi rung bar ston pa'o//tshang yang las de'i dge 'dun snyed du ma lus par langs na'o zhes pa dang / lus na ma yin zhes pa ni gal te las kyi tshig rdzogs nas dong na yang phyi na las de'i dge 'dun du dgos pa snyed du ma lus na 'khrugs par 'gyur ba dang /kha cig dong du zin kyang phyi na grangs de snyed yod na ni 'khrugs par mi 'gyur ba'o/ /slos par 'dod na btsun pa dag kyang gsol bar bgyi'o zhes 'khrugs pa'i tshig dge 'dun la bsnyad cing gsol bar bya ba zhes pa ni gong ma ltar gyur tam the tshom zos te 'khrugs pa slar slos par 'dod na yang bslas par bgyi'o zhes tshig mi smos su mi rung ba'o//zhu ba'i tshig gsum gyis bsgrub pa'i las gang gang yin pa rnams bsdus te ston pa ni bzlog pa'i phyir bsgo ba mi snang bar bya de'i rang bzhin tshol ba bslab pa 'dum pa dang de'i gso sbyin mu stegs pa gzhag pa lhag ma'i chad pa mgu ba rtsa ba bskyang ba dran pa dang /ma rmongs pa'i 'dul ba sbyin pa bsnyen par rdzogs pa mtshams dgrol ba chad pa'i las dbyung ba rnams ni tshig gsum gyis so zhes pa yin te/ ming gis smos pa sum cu po 'di rnams kyi las ni zhu ba'i tshig gsum gyis bya bar ston pa'o/ /de la bzlog pa'i phyir bsgo ba ni dge 'dun gyi dbyen dang de'i rjes su phyogs pa dang rigs su 'byin pa dang bka' blo mi bde ba dang lta bar song ba mi gtong ba dge slong ma rjes su phyogs pa'i pham pa dang 'grel bar spyod pa bdun no mi snang bar bya ba ni dge tshul bar du gcod pa'i chos su mi 'gyur ro zhes zer ba mi snang bar bya ba ste/brgyad pa dang de'i rang bzhin tshol ba ni nyes pa gang byas pa gsal por mi smra na de'i rang bzhin tshol du gzhug ste dgu pa dang bslab pa shes pa'i bslab pa dbog pa ste bcu pa dang 'dum pa'i gso sbyin zhes pa ni dge 'dun bye ba las slar du ma'i gso sbyin bya ba ste/bcu gcig pa dang mu stegs pa bzhag ces pa ni zla ba bzhi'i bar du brtag cing bzhag pa ste bcu gnyis pa dang / lhag ma'i chad pa dang mgu ba gnyis te bcu bzhi pa dang / rtsa ba dang bskyar ba zhes pa ni rtsa ba'i chad pa gnyis dang rtsa ba'i mgu ba dang bskyar ba'i mgu ba gnyis te bco brgyad dang /dran pa dang rmongs pa'i 'dul ba sbyin pa gnyis te nyi shu dang bsnyen par rdzogs par byas te nyi shu gcig dang mtshams dgrol ba ste nyi shu gnyis dang / ched pa'i las rnam pa bdun te nyi shu dgu dang / lhag ma las 'byung ba ste de ltar sum cu'o/ /gzhan yang zhu ba dang / zhu ba gnyis kyi las bdun cu rtsa gcig gis bsnan te spyir brgya rtsa gcig tu ston pa la gso ba'i tshe las su bya ba nyi shu bzhi yod pa je ston pa ni gsang ste dri ba dang nang du dri ba dang gso sbyin dang / ltung ba spyir byin gyis brlab pa dang / ltung ba byung ngam ma byung ba the tshom pa dang /ltung ba kha mi 'dum pa dang / ltung ba ma nges pa dang / gso sbyin gyi tshe gsol ba nas ltung ba ma nges pa lnga bya ba bzhin du tshul nas 'byung ba'i tshe 'di lnga bya ba dang / tshul du 'jug pa dang / shi ba'i nor dang nor gyi gzugs brnyan dang gtan pa gtad pa dang / chos gos rnyings pa la zhugs pa dang / mngon sum lkog 'phyas rnegs bsam brnyas ma shin / byed pa ngag gcog pas brnyas ma shin byed pa rnams su 'grang ba dang / khyim du mi 'dod par bslab pa bca' ba dang / der 'gro ba dang / lhung bzed kha dbub pa dag na pa dang / gnas ngan len dge 'dun spyis bsgrags pa rnams so//zhu ba dang gnyis kyi las bya ba bzhi bcu rtsa bdun yod pa ni mtshams chen po gcad pa dang / mtshams chung ngu gcad pa dang / mtshams chen po'i nang du chos gos dang mi 'bral ba'i sdom pa dang / smos pa'i sdom pa dang tshul nas 'byin pa bsko ba dang /mal cha 'god pa dang / rung ba'i khang par bya ba dang / gtan pa'i chos gos su bya ba dang / gtan pa'i gding ba bsko ba dang / gtan pa 'byin pa dang / tshangs par byed pa dang / gang zag bcu gnyis kyi las dang / dbyug pa pa dang / bsgo ba dang / gzu bo dang / zhal che ba dang / rtsod pa kha 'bri ba dang / gtsug lag khang dang khang pa rtsig tu gnang ba dang / gleng pa bsko ba dang / nad pa dang / rgas pa chos gos dang mi 'bral bar gnang ba dang / lo drug gi khongs su gding ba byed par gnang ba dang / lhung bzed 'brel ba med par 'brim pa dang / mi mdzes pa sgrogs pa dang /dge slong ma la ston pa dang / nags nyul ba dang / phyag mi bya bar dam bca' ba dang / tshad med pa'i 'khor 'chad du snang ba dang / khar ba dang dra ba'i sdom pa dang / gtsug lag khang tha dad kyang rnying pa gcig tu bya ba dang / dge slob ma'i sdom pa dang tshangs par spyod pa'i gnas kyi sdom pa dang /bu chung ngu dang lhan cig tu gnas pa'i sdom pa dang / lo nyes kyi tshe gcig tu gnyen ka rgyu ba dang / zhag bzhi bcu'i bar du gud du 'gro ba rnams so/ bdag gi phyir lhag ma ma yin pa'i sngags brjod pa zhes pa ni zas lhag mar bya ba'i sngags brjod pa ma gtogs par bdag gi khar dang /dra ba'i sdom pa gsol ba la sogs pa chos gos byin gyis brlab pa dang / skyabs su 'gro ba dang rab tu 'byung ba dang / sdom pa nod pa dang / mchod rten la phyag 'tshal zhing bdug pa dbul ba la sogs pa'i dam bca' ba dang / ltung ba bshags pa dang / gso sbyin dang tshul nas 'byung ba dang /tshul du zhugs nas mtshams kyi phyi rol du 'gro bar byin gyis brlab pa dang / dad pa yongs su dag pa 'bul ba dang / tshul nas 'byung ba bsnyad pa la sogs pa 'di rnams bya ba'i sngags lan gsum gyi bar du slos dgos par ston pa'o/ /lhag ma ni 'di dag tsam du ched mi che ba'i phyir lan gcig gis chog pa'o//pha rol gyi phyir gang zag la yang zhes pa ni dad pa yongs su dag pa dang / tshul nas 'byung ba'i phrin dge 'dun la ma yin gyi gang zag la snyod na yang lan gsum gyi bar du yang slos shig pa'o/ /mdun du gong gong por 'dug pa ni lhag ma yang ngo zhes pa ni bdag dang pha rol gang gi phyir yang rung ste/sngags brjod pa ni dge 'dun nam gang zag pha rol pa'i mdun du gong por 'dug par gyis shig pa ste/ 'di ltar byed pa'i nang du ni lhag ma byed pa'ang gtogs par ston pa'o/ /zhu ba yang zhes pa ni rab tu 'byung bar 'dod pa dge 'dun la zhu ba yang gong gong por 'dug la gyis shig pa'o//gsang ste ston pa la ma gtogs par bsnyen par rdzogs pa'i pha gu'i steng du rting ba gshib ces pa ni bsnyen par rdzogs par byed pa'i tshe gsang ste ston pa'i las byed pa ma gtogs par gsol ba dang bar chad kyi chos dri ba dang bsnyen par rdzogs pa'i bslab pa ni nod pa'i tshe rtid pa gnyis gshibs pa'i 'og tu pha gu zhog shig pa'o//bud med ni rlod can la sogs pa'i zhes pa ni bud med bsnyen par rdzogs pa'i tsher rlod can la sogs pa'i stan la zhog shig pa'o/ /gzhan la rag ma lus pa'i dge 'dun rgan rabs kyi'o zhes pa ni lhag ma'i chad pa dang / mgu ba gsol ba dang /chad pa'i zhag grangs bsnyad pa la sogs pa bdag gi phyir bya ba rnams kyi sngags gzhan la ltos mi dgos par nyid kyi blos nus pa ni dge 'dun rgan rabs kyi drung du gong gong por 'dug la gyis shig pa'o/ /gzhan gyi phyir ni 'greng la 'dug pas zhes pa ni rab tu 'byung ba zhu ba dang / dad pa dang yongs su dag pa dang /tshul nas 'byung ba dge 'dun la bsnyad pa dang / tshul nas 'byung ba'i phrin dang tshul du 'jug pa'i tshe dang khrims bsnyad pa la sogs pa mal stan legs par mi spyod pa la thar dag bskyed pa lta bu gzhan gyi phyir bya ba 'greng la 'dud pas gyis shig pa'o/ /gsang ste bstan nas lam gyi bar du gcig gis so zhes pa ni gsang ba bstan zin nas slar dge 'dun la zhu ba'i tshe lam gyi bar ma do nas bdag gis dma' sa nas zhes pa la sogs pa'i tshe dge 'dun la zhu ba lan gcig gis gyis shig pa'o//rdzas byin gyis brlab pa yang ngo zhes pa ni chos gos dang lhung bzed byin gyis brlabs te 'greng la gyis shig pa'o//de dag gi sngags dbyung ba yang de bzhin/ rung bar byas pa yang de bzhin zhes pa ni gos lhag par rung bar byin gyis brlab pa yang gong ma dang 'dra ste 'greng la bya'o/ /de ni bzung la bya zhes pa ni byin gyis brlab pa dang rung bar bya ba'i rdzas de dag gong ma ltar bya ba dang lag tu blangs te bzung la gyis shig pa'o//lhung bzed dang sman ni g.yon pa'i steng du bzhag la lag pa g.yas pas bkab ste'o zhes pa ni lhung bzed dang sman byin gyis rlob pa ni thabs 'di dag ltar gyis shig pa'o/ /blang du mi rung ba ni mdun du bzhag la'o zhes pa ni gser dngul la sogs pa blang du mi rung ba byin gyis rlob pa'i tshe ni mdun du zhog la byin gyis rlobs shig pa'o//las ni 'dug nas so zhes pa ni gsol ba dang gnyis sam gsol ba dang bzhi'i las 'di rnams te byed pa'i tshe na 'dug la gyis shig pa'o/ /dge 'dun dang gcig la ma brten pa ni dge slong gang zag la gsol te'o zhes pa ni chod pa'i grangs la sogs pa dge 'dun la bsnyad pa dang /phyi dro grong du 'jug pa la sogs pa gang zag la bsnyad pa lta bu dge 'dun dang gang zag la bsnyad dgos pa ma yin pa rdzas byin gyis brlab pa la sogs pa ni dge slong gang zag gi mdun du gyis shig pa'o//med na chos gos rung ba dang / dbyung ba dang / byin gyis brlab pa yid kyis skye'o zhes pa ni dge slong zla med na ming gis smos pa 'di gsum yid kyis byas kyang mi rung ba med pa'o/ /snga ma ma phyung ba ma yin zhes pa ni sngags snga ma phyung bar phyi ma byin gyis brlab tu mi rung ba'o//gcig po byin gyis rlob pa ni de'i bsam pa thog mar bsgrubs pa tshig tu smra zhes pa ni gso sbyin dang tshul nas 'byung ba la sogs pa zla med par gcig po byin gyis rlob pa ni de byin gyis rlob pa'i bsam pa sngan tshogs su je gyis la de'i 'og tu gdod tshig brjod cig pa'o/ / dge slong dang lhan cig pa ni steng g.yogs phrag pa gcig tu gzar zhing phyag byas te bdag gi phyir sngags kyi tshig gsum zhes pa ni dge slong zla dang lhan cig tu bya'o cog gi tshe bla gos phrag pa gcig tu gzar zhing phyag bya bar 'os na'ang phyag byas la sngags kyi tshig lan gsum gyi bar du brjod cig pa'o/ /gsang ba ston pa na yang zhes pa ni gsang ba ston pa na yang de yang phyag 'tshal du bcug cing chos gos gzar nas gdod gsang ba smos shig pa'o//sbyar ma dang bcas pas bsnyen par rdzogs par 'dus pa la zhes pa ni chos gos sbyar ma byin ma thag tu der tshogs pa'i dge 'dun rnams la phyag gyis shig pa'o//slar yang gsum zhes pa ni snga rol du yang dge 'dun la phyag lan gsum du 'tshal du chug shig pa'o/ /de'i phyir dang tshes grangs snyod pa ni thal mo sbyar te'o zhes pa ni rab tu 'byung bar gsol ba dang / mkhan por gsol ba la sogs pa bdag gi ched du bya ba rnams dang dge 'dun la tshes grangs snyod pa dang /gso sbyin dang tshul nas 'byung ba dang / dad pa yongs su dag pa 'bul ba dang / chad pa'i zhag grangs snyod pa dang chad pa'i las bar chad du gcad pa dang / yi dam nod pa la sogs pa 'di rnams byed pa'i tshe thal mo sbyar la gyis shig pa'o/ /gal te gang zag la bdag gi phyir gsol ba zin nas thabs 'di lta bu'o zhes bsnyad ces pa dang /gcig gis kyang de'i rjes la dge'o zhes pa ni bdag gi phyir dge 'dun ma yin gyi chos gos byin gyis rlob pa la sogs pa gang zag la byed na de dag zin pa'i 'og tu zla des ni thabs 'di dag lta bu'o zhes brjod/ kho na nyid kyis na dge'o zhe'am legs so zhes gyis shig pa'o//'dod pa sdang ba gti mug 'jigs par 'gro ba rnams med cing byas pa dang ma byas pa dran pa dang nus pa spro bar byas pa la bsko zhes pa ni khang skyong la sogs pa las su bsko'o cog 'dzim zham med cing ngo zlog phod pa dang bya'am mi bya ba'i dmigs phyed cing nus pa skos shig pa'o//byas zin nas brjod ces pa ni gsol ba ma gtogs pa'i gsol ba dang gnyis dang / gsol ba dang bzhi'i las byas zin nas 'jug tu dge 'dun la bsnyad pa'ang gyis shig pa ste/ dngos su dge slong ming 'di zhes bya ba rung ba'i gnas su khang ba rtsig pa dge 'dun gyi snang ba byin pa gang gi phyir bzod cing mi gsung bas na de de bzhin du 'dzin to zhes bya ba lta bu'o//mtshams gcod pa na yang bcad bzhin du bsgrub ces pa ni mtshams bcad pa'i nang du mi 'dug pa'i dge 'dun las su mi rung ba bzhin du mtshams chod pa ni mi 'dug pa yang las su mi rung ba'o//'du bar byed pas 'du ba rnams la sbran pa ni gaN+DI brdung ba dang dri ba'i lan glon gnyis so zhes pa ni dge 'dun bsdu bar gaN+DI brdung zhing dge 'dun bsdu ba 'dri ba rnams kyi lan glon pa gnyis gyis shig pa'o/ /des de'i phyir stan gding zhes pa ni dge 'dun sdud par byed pa de stan gding ba la sogs pa'i las kyang gyis shig pa'o//de'i phyir bskos pas kyang de bzhin zhes pa ni mal cha 'god par bskos pa chog gi dge 'dun bsdu dgos na gaN+DI brdung ba la sogs pa stan gding byang chad de'i las gyis shig pa'o/ /thams cad du rgan rims so zhes pa ni lam du zhugs nas nar bde ba bstabs pa yan chad ci bya'o cog rgan rims sha dag tu gyis shig pa'o//lan pa ni bstabs pa mchog ces pa ni mal stan nod pa na yang gdams pa la sogs pa nod cing len pa'i tshe na rgan rims kyis gang blangs pa de brtsan par ston pa'o/ /las rgyas par smra ba'o//de dang mi 'dra ba rnams zhus pa la sogs pa las 'byung ba bsdus te ston pa ni bsgo ba las 'byung ba slar ma bcos par las myong bar mi bya zhes pa la sogs pa yin te dbyen dang rjes su phyogs pa la sogs pa bsgo ba las byung ba'i nyes pa rnams slar gnyen po ma bsten cing bcos pa ma byas kyi bar dge 'dun gyi las myong bar ma byed cig pa'o//gso sbyin dang tshul nas 'byung ba ma gtogs zhes pa ni tshul khrims rnam par dag pa'i phyir gso sbyin bya ba dang / chos rnam par dag pa'i phyir tshul nas 'byung ba ni bsgo ba las byung ba'i nyes pa dang ldan pa de dag gis bya dgos pa'i phyir ming gis smos pa 'di gnyis myong bar mi bya bam gtogs so//mtshams gud na 'dug pa gang gi yan lag kyang ma yin zhes pa ni nam mkha' la 'dug pa lta bu mtshams logs shig na 'dug pa ni rung ba dang mi rung ba la sogs pa gang gi yan lag tu 'ang ma gtogs par ston pa'o/ / lhan cig tu gtogs par der song na 'jig ces pa ni dge 'dun gyi las su bya'o cog mtshams tha mi dad cing lhan cig tu bya ba ma yin pa las dad pa blangs nas nam mkha' la 'phags pa lta bu la sogs pa mtshams gzhan du song na dad pa la sogs pa de dag 'jig par ston pa'o/ /gcig tu rkang pa ya gcig na gnyis ka 'dug pa'o zhes pa ni mtshams kyis so rkang pa g.yas g.yon gyis mnan na mtshams de gnyis kar gtogs pa'o//mnan pa la 'dug par thams cad du mnan pa'o zhes pa ni mtshams du ma'i so shing ngam re lde la sogs pas mnan te mtshams gcod pa la sogs pa'i las byas na mtshams de kun du'ang gtogs par ston pa'o//de lta bus tshul du mar zhugs pas skye zhes pa ni gong ma ltar byas te tshul du zhugs na'ang kha du mar tshul du zhugs par 'gyur ba'o/ /mal stan du ma blang du'ang rung zhes pa dang / 'dis gar dga' bar gnas zhes pa ni de lta bus mal stan kha du ma nas nod du'ang rung ba dang /gnas kyang gar dga' dgur 'dug kyang rung ba'o/ /brgyal bas ni bskang bar mi bya zhes pa dang / bskang bar ma yin zhes pa ni sangs rgyas lta bu dge 'dun dkon mchog la ma gtogs shing dkon mchog tha dad pa'i phyir dge 'dun gyi las la bskang bar mi 'gyur ba dang /dge 'dun ma tshang ba'i kha rgyal bas bskang ba ma byed cig pa'o/ /las su bya ba ni las ma yin pas mi skye zhes pa ni bsnyen par rdzogs par bya ba la sogs pa las kyi cho ga bstan pa rnams cho ga bzhin du ma byas na'ang las su mi rung ba'o/ /las mjug rdzogs par ma byas kyi bar du phal cher byas kyang byas zin pa ma yin pa dogs pa bstsal ba'i phyir phal cher byas pa'o zhes pa yin te las su bya ba la phal cher zin na mjug tu ma phyin kyang zin khongs su chug shig pa'o//phyi ma med na'o zhes pa ni gsol ba nyi tshe'i las shig na sum gnyis zin na zin khongs su chug shig pa'o//de bzhin du gsol ba dang gnyis pa'i las shig na yang zhu ba'i sum gnyis zin na zin khongs su chug shig pa dang / gsol ba dang bzhi'i las shig na yang zhu ba dang / sum gnyis kyi tha ma'i sum gnyis zin na zin khongs su chug shig pa'o/ /mtshan ma ma brjod na bcad pa ma yin zhes pa ni mtshams gcod pa'i tshe lho byang shar nub kyi mtshan ma ma smos par bcad na mtshams bcad par mi 'gyur ba'o//gnas kyi sdom pa las gzhan pa ni chad ba pas kyang ngo zhes pa ni tshangs par spyod pa'i gnas kyi sdom pa dbog pa la ma gtogs pa'i las gzhan thams cad lhag ma'i chad pa can gyis byas kyang mi rung ba med pa'o//smon pas bton pa dang zhes pa ni smon pas so sor thar pa bton pa yang las su mi rung ba med pa'o/ /dbyen byed pa ni gsol ba bzhin zhes pa ni dge 'dun gyi kha bskang du mi rung ba rnams kyis gsol ba la sogs pa'i las byas na las su mi rung ba bzhin de bzhin du de dag gi dbyen byas su zin na yang dbyen du mi 'gyur ba'o//mtshan tha dad pa ni 'dir yan lag ma yin zhes pa ni dge slong mas dge slong gi dbyen byas pa dang / dge slong phas dge slong ma'i dbyen byas pa lta bu dbyen du mi 'gyur ba'o//bzhad gad kyis ni gang yang rung zhes pa ni bzhad gad kyis dbyen byas pa la sogs pa gang bzhad gad kyis mi 'grub pa'o/ /mi skye ba'i bsam pas dbyen dang 'gor ba ni sbom po'o zhes pa ni las su rung yang rung ma rung yang rung bar bsams te dge slong 'gor zhing dbyen byas pa ni sbom por 'gyur ba'o//dge 'dun du ma langs na nyes byas zhes pa ni gcig gis gcig gam gnyis sam gsum mam bzhi'i dbyen dang bkar ba byas pa dang / de bzhin du gnyis kyis gcig gam gsum gyis dbyen dang bkar ba byas pa dang / gsum gyis gcig gam gnyis gsum gyi dbyen dang bkar ba byas na nyes byas su 'gyur ba'o/ /tha dad du gnas pa las gzhan bskang bar mi 'os pa 'dus te gsol ba dang zhu ba byas kyang ma yin zhes pa ni du mar gnas pas nyid kyis 'khor gyi gsol ba dang zhu ba bya ba ma gtogs pa zhig la sogs pa gzhan gyis gsol ba dang zhu ba'i las byas kyang las su mi 'gyur ba'o//rigs pa nyid dge 'dun gyis kyang myong bar ma grub pa ma yin zhes pa ni bskang bar 'os pa rnams nyid kyi 'khor du las byed pa'i tshe na yang gnyid log pa la sogs pa'i rkyen gyis las myong bar ma gyur na las su mi rung ba'o//'di'ang gsol ba thos na grub pa'o zhes pa ni des kyang gsol ba ni thos la gzhan ma thos na ni las su rung ba'o/ /skal ba can 'dra ba'i pho nyas rab tu 'byin pa ni cho ga ma yin pa ma yin zhes pa ni bden pa mthong bar 'gyur ba la sogs pa'i skal ba yod pa ni bdag dang 'dra ba'i pho nyas gsol zhing skyabs su 'gyur ba la sogs pa byas te rab tu 'byin na yang mi rung ba med pa'o//gzhan yang bsnyen par rdzogs pa man chad do zhes pa ni skal ba can de lta bu rab tu byung ba'i tshe pho nyas bsgrub par ma zad kyi bsnyen par ma rdzogs pa yan chad gong ma bzhin du pho nyas bsgrub bo/ /mi mthun na phog pa ma yin zhes pa dang /'dir gsol ba'ang 'jig ces pa ni rab tu 'byung bar 'dod pa la bslab pa dbog pa la sogs pa khyod de nyid len du ma btub na las su mi rung zhing dang po kho na nyid kyis gsol ba yang mi brtsan te 'jig par ston pa'o/ /bzhams pas bsgo ba ni cho ga'o zhes pa ni dbyen la zhugs pa la sogs pa thog ma nyid du bzhams shing bsgo ba ba'i cho ga je bya dgos pas na bzham pa'i cho ga sngar ma byas par gsol ba la sogs pa'i las byas kyang las su mi rung ba'o//bkar ba'ang de bzhin zhes pa ni dge slong bkar ba'i las bya ba yang sngar bzhams pa'i cho ga ma byas par bkar ba'i las je byas na las su mi rung ba'o//pha rol gyi mnyan pa ni dgongs shig ces pa la sogs pa gtso bo zhes pa ni dge 'dun nam gang zag pha rol po nyan na ni dgongs shig ces pa la sogs pa ma byas su zin na mi rung ba med pa'o/ /don gyis tshig rims las 'gal yang mi skye ba ma yin zhes pa ni las su bya ba'i tshig rna go rims bzhin du ma byas te/btsun pa gson cig btsun pa'i dge 'dun ming 'di zhes bgyi ba dge 'dun las bsnyen par rdzogs par gsol lo zhes pa las dge 'dun btsun pa gson cig/ dge 'dun las ming 'di zhes bgyi ba bsnyen par rdzogs par gsol lo zhes go rims bsnor te byas su zin kyang las su mi rung ba med pa'o//'gal bar mi bya zhes pa ni gong ma ltar las su mi rung ba med du zin kyang bsnor bar ni ma byed cig pa'o/ /mtshan tha dad pa brten pa yang ma yin zhes pa ni pho mo'i mtshan so sor brjod pa bsnor na yang las su mi rung ba med pa'o//dge slong dang dge slong ma'i las las gzhan pa byas na yang yin zhes pa ni dge slong pha bsnyen par rdzogs pa'i las dge slong ma bsnyen par rdzogs pa'i cho gas byas pa lta bus cho ga go bsnor te byas na yang las su mi rung ba med pa'o//las kyi dngos por zhus par gtogs pa'o/ /las kyi dngos po rdzogs so// //slar bcos pa'i dngos po ston pa ni/ ma zhi ba'i dngos po shes gleng ba bas brgal/ mngon sum du gtugs nas chad pa'i las bya zhes pa la sogs pa yin te 'thab krol byed pa la sogs pa zhes pa'i dmigs yod par mngon gleng ba bas kyang brgal/dge 'dun gyi nang du bkug cing mngon sum du thug nas chad pa bcad pa'i las gyis shig pa'o/ /'dur mi thub na grags pa tsam gyis so zhes pa ni dge 'dun gyi nang du dgug cing mngon sum du byar ma thub na nyes pa'i g.yong mtshang yod par grags pa dang sbyar te chad pas chod cig pa'o//ma mthong bar bsnyon pa ni yod pa btsugs pas na khas blangs pa yan lag ma yin zhes pa ni nyes pa khas len du ma btub ste/ bsnyon pa'i sran tshugs na mtshang bcad pa'i phyir chad pas bcad pa nyid yin te/chad pas mi bcad pa'i yan lag ma yin pa'o/ /skabs ma phye na yang mi rung zhes pa ni gleng ba'i skabs 'byed du mi btub pa'i sran btsugs pas kyang mi glon te/ de yang yan lag ma yin par ston pa'o/ /gleng ba nyid kyis ma rgal na rgol ba ma bskos zhes pa ni rgol ba'i ngos ngan byed pa nyid ma byung na rgol ba gcig ched du skos shig pa'o//gshe khro bsdigs pa dang dge 'dun la rnyed pa dang gnas kyi gzhi brjes byed pa dang / rgyal po zhal che ba gnyen/ gang zag rgyab rten 'char ba dang / dge 'dun la mi 'char ba rnams kyi nang na 'dus mi byed pa dang /khyim pa dang mu stegs pa'i rgyal mtshan 'chang ba mu stegs la/ brten pa mi rigs pa spyod pa dge slong gi bslab pa mi slob pa rnams mi brjed la sro shing / dge 'dun la spu snyol gnong bkur ging gong byed/ mtshan ma gsol ba 'debs na tshangs par bya zhes pa ni ming gis smos pa 'di rnam pa 'di rnams ltar gyur na gdod dge 'dun gyi nyes pa bar gnang zhing tshangs par gyis shig pa'o//de la gshe khro bsdigs zhes pa ni khyim pa dang rab tu byung ba la 'di dag ltar byed pa'o/ /dge 'dun la rnyed pa dang gnas kyi zhe brdegs byed ces pa ni dge 'dun nyi tsher yang ma zad de gang zag yan chad la rnyed pa dang /gnas kyi zhe brdegs mi byed na tshangs par bya'o/ /rgyal po zhes pa nas rgyab rten 'cha' zhes pa'i bar du smos pa ni ming gis smos pa 'di rnams la rgyab rten mi 'cha' na tshangs par bya'o/ /de la gang zag ces pa ni khyim pa'am rab tu byung ba gang yang rung khyim pa'i mtshan ma ni rab tu ma byung ba'i cha lugs su byed pa'o//mu stegs ba'i mtshan ma shes pa ni 'phral ba la so ris byed pa dang / /rigs kyi g.yang gzhi la sogs pa thogs pa'o/ /mu stegs pa brten ces pa ni mu stegs la 'jar zhing gzhol ba'o/ / mi rigs pa spyod ces pa ni spyad pa dang spyod lam bgags pa rnams spyod pa'o/ /dge slong gi bslab pa mi slob ces pa ni srog gcod las log pa la sogs pa'i dngos po rnams mi slob pa'o/ /sro shing zhes pa ni skra yegs pa la sogs pa dmus byung ba'o/ /dge 'dun la sbu snyol zhes pa ni snyems shing bsdo ba dang bral te 'jar ba'o//gnong bkur zhes pa nyes par tshor ba'o/ /ging gong byed ces pa ni pho theg btang zhing [(]gsags [,]gsegs [)]byed pa'o/ /mtshan las ldog ces pa ni gang gi phyir chod pa'i dmigs der 'dor zhing gtong ba'o/ /gsol ba 'debs zhes pa ni dge 'dun la gsol ba 'debs na gdod tshangs par bya ba'i gsol ba mi 'debs na gong ma rnams ltar byed du zin kyang tshangs par ma byed cig pa'o//gsol ba 'debs na las su bya ba gzhan yang ston pa ni las dbog pa/ dbyung ba bsnyen par rdzogs pa zhig pa bkan pa rnams kyang ngo zhes pa yin te ming gis smos pa 'di rnams gsol ba 'debs na gdod las su gyis shig pa ste/de la dbog ces pa ni khang pa dang gtsug lag khang brtsig tu gzhug pa la sogs pa'o/ /'byung zhes pa ni lhag ma las dbyung ba'o/ /bsnyen par rdzogs zhes pa ni dge slong gi sdom pa dbog pa'o/ / gzhi zhes pa ni khyim du mi 'dong bar bslab pa bcas par de gtong ba'o/ /bkan ces pa ni lhung bzed khas phub ste btang ba'o/ chad pa bcad pa'i spyi'i tshul de ltar bstan nas/ nyes pa'i dmigs las chad pa'i rim pa so sor dbye ba dang ston pa ni 'thab krol byed pa las kyis spyo zhes bya ba yin te 'thab krol byed pa la ni rgya gag gyis shig pa'o//dge 'dun gyi lhag ma gor mor byed cing mi 'chos na smed ces pa ni 'di ltar byed na sma dbab pa'i chad pas chod cig pa'o/ /khyim sun 'byin pa ni bskrad ces pa ni 'di ltar byed na mdzes pa spang ba'i phyir gang na byed pa'i gnas de nas phyung la skrod cig pa'o//de'i ched la 'dur mi btub cing skabs mi 'byed na yang ngo zhes pa dang de ma mthong bar sgrogs pa yang zhes pa ni skrod pa'i gcom tshor nas 'dur mi btub pa dang / gleng ba la skabs mi ster ba dang / snyon ngas pa rnams kyang bskrad pa'i chad pas chod cig pa'o//khyim pa la 'phya na 'gong thod du dbyung zhes pa ni khyim pa la kha ma klas par zer na dge 'dun gyis 'gong thod du dbyung ba'am nyes pa de gtong du chug shig pa'o/ /'dir ni tshangs par bya ba'i las kyi gor de bzod par bya'o zhes pa ni skabs gzhan du tshangs par bya ba'i las 'di'i skabs su khyim pa de la bzod par gsol du chug shig pa'o//bsdam pa'i gnyen por bya ba ma yin pa'i nyes par grags pa mi 'chos shing bsnyon ngas pa dang / gnyen po bsgrub tu mi btub pa dang / sdig pa'i lta ba mi gtong ba rnams bkar zhes pa ni nyes par grags pa bsdam par bya ba ma yin pa'i nyes pa gnyen pos mi 'chos par bsnyon ngas pa dang /gnyen pos bcos su mi rung ba dang / sdig pa'i lta ba mi gtong na bkar ba'i chad pas chod cig pa'o/ /nyes pa 'di'ang 'di nyid du gnyen po byas na ni dge 'dun 'di dag nyid kyis khyod la 'dra bar mdzad do zhes de la bsgo zhes pa ni bkar ba de la snyad 'di skad du bsgo shig pa'o//nyes pa mi bcab ces pa ni nyid kyi nyes pa sus kyang yong ye ma bcabs shig pa'o/ /tha na ming yang bsgrags zhes pa ni nyes pa'i rigs yin par ma zhus na nyes pa'i ming tsam la yang gzhan la sgrogs shig pa'o//nyes byas ni ji ltar yang rung zhes pa ni nyes she'am kha na ma tho ba byas zhes bsgrags pa tsam gyis kyang nyes byas bsgrags par 'gyur ba'o/ /su la bsgrags she na/ rang bzhin du gnas pa la zhes pa yin te smos pa las ma yin gyi dge slong tha mal pa la smros shig pa'o/ / lta ba tha dad pa'i rang bzhin du gnas pa la yang bsgrags sam zhe na/ gzhan du mi lta ba la zhes pa yin te/ gzhan du mi lta ba'i rang bzhin du gnas pa la sgrogs shig pa'o/ /gzhan du mi lta ba'i dge tshul yan chad la yang bsgrags sam zhe na/ bsnyen par rdzogs pa la zhes pa yin te/ bsnyen par rdzogs pa la sgrogs shig pa'o/ /bsnyen par rdzogs pa mtshan mi ma thun pa la bsgrags sam zhe na/ mtshan mthun par zhes pa yin te dge slong phas dge slong pha la sgrogs shig pa'o/ /mthun mthun du bsgrags na dge tshul gyis kyang dge tshul la bsgrags shing bshags par bya ba yin nam zhe na de nyid la ste/'di'ang phyi ma dang bcas par ro zhes pa yin te/ dge tshul gyis kyang bsnyen par rdzogs pa la bsgrags shing de'i rjes la bshags pa yang gyis shig pa'o/ /chos 'di pa rnams la na'ang 'di byas pa'o zhes pa yin te/ dge bsnyen yan chad 'di'i chos su blta ba'o//cho ga bsgrags na nyes byas yod du zin gyi bsgrags par ni mi 'gyur ba ni ma yin pa'o/ /mtshams gung na 'dug kyang zhes pa ni nam mkha' lta bu mtshams logs shig na 'dug pa la bsgrags na yang bsgrags par 'gyur ba'o/ /bsgo ba la dbyung ba'o/ /cho ga ni dge 'dun la'o zhes pa ni dbyen dang rjes su phyogs pa la sogs pa bsgo ba las byung ba'i nyes pa'o//cho ga ni dge 'dun la bsgo shig pa'o/ /so sor bshags pa ni dge sbyong gi gnas der 'dug la'o zhes pa dge sbyong gi gnas su 'dus so cog la so sor bshags pa'i nyes pa bsgos shig pa'o/ / ji skad du bsgrags she na/ tshe dang ldan pa dag bdag gi ni smad pa'i gnas su gyur pa 'gal ba can bshags par 'gyur ba ste chos des so sor bshags par bgyi'o zhes so zhes pa yin te bsgrags pa'i snyad 'di skad gyis shig pa'o/ /de la bsgrags pa ni thabs 'di ltar bya'i bshags pa ni gang zag gcig la gung du gyis shig pa'o//'di dag sngags bzhin du ma yin zhes pa ni bsgrags pa de yang sngags bzhin du lan gsum du bzlas mi dgos pa'o/ /bsdam par bya ba ni yid kyis slon zhes bya ba ni 'dod pa'i rjes su rtogs pa la sogs pa bsdam bar bye ba'i nyes pa rnams ni yid kyis mi bya bar dam bcas 'dag cing slon par ston pa'o//de las gzhan pa ni de dang bshags pa na bcas pas so zhes pa ni gong ma las gzhan pa ste/ lus sam ngag gi nyes pa rnams yid kyis bsdams pa dang / bshags pa gnyis ka byas pas gdod 'dag par ston pa'o/ / su la bshags she na/ gcig la'o zhes pa dang / gzhan du mi lta ba de la'o zhes pa dang / nyes pa mi 'dra la zhes pa dang / sde yang zhes pa yin te/ gang zag gcig la bshags pa dang / de'ang gzhan du mi lta ba dang / nyes pa mi 'dra ba dang / ltung ba'i sde mi mthun pa la bshags shig pa'o//med na yang zhes pa ni sde mi mthun pa med na nyes pa'i dmigs mi 'dra ba tsam la bshags shig pa'o/ /spang ba ni rje spangs shing phral nas zhes pa ni spang ba bshags pa'i thabs ni dngos po je spangs te de dang gcig bral nas gdod bshags shig pa'o/ /lhag ma dang bcas par gtogs pa'i lci ba sbom po'o cog ni dge 'dun lnga la sogs pa la'o zhes pa ni khu ba ched du 'byin par spyod pa la sogs pa lhag ma'i lci ba sbom po cog dge 'dun lnga yan chad la bshags shig pa'o//lhag ma med par gtogs pa'i phal che ste chad pa med ces pa ni phas pham pa'i lci ba sbom po spyad du mi bzod pa la mi tshangs par spyod pa lta bu dang /yan lag gcig gis tshangs pa'i rkun po byed pa lta bu la sogs pa ni du la bshags pa chad pa med de drug yan chad phal po che la bshags shig /'di yang ba ni bzhi la sogs pa'o zhes pa ni rtsi bur tsam gyi tshod rku bar spyod pa'i sbom po yang ba dge 'dun bzhi la sogs pa la bshags shig pa'o//lci yang ni dngos po dang bsam pa bsdams che chung las phye shig pa'o/ /'di la 'bad bzhin du rkyen dang ldan par shi ba las zin pa dang 'dra ba zhes pa ni lhag ma 'byin pa'i cho ga bya bar brtsams pa la shi ba lta bu'i rkyen dang ldan du zin kyang nyes pa bshags pa'i sems yod pas na las byas zin pa dang 'dra bar ston pa ste/dge slong lhag ma 'byin par chas pa lam du gcan gzan gyis bsad pa lta bu'o/ /smos pas byas pa ni sangs te des she na / nyes byas dang 'dra zhes pa ni smos pa'i tshe nyes byas pa cog sangs te dran na nyes byas dang 'dra bas na gang zag gcig gi mdun du bsam pa log pa spyad pa bshags shig pa'o//ming dang rigs su bcas te nyes pa bsgrags te zhes pa ni bshags pa'i tshe nyes pa'i ming gang yin pa dang nyes pa'i rigs gar gtogs pa rnams smos la sgrogs shig pa'o//dge 'dun gyi lhag ma ni 'di srid kyi bar bcabs so zhe'am ma bcabs so zhe'am zhes pa yin te dge 'dun gyi lhag ma bshags pa ni bcabs sam ma bcabs na yang yun ji srid kyi bar du bcabs pa rnams smos pa la bshags shig pa'o/ /'di byung bas 'dag par byed ces pa ni dge 'dun gyi lhag ma'i nyes pa ni de las phyung bas 'dag par ston pa'o//dge 'dun las zhag drug nod de mgu bar spyad na'o zhes pa ni dge 'dun las zhag drug gi mgu bar mnos te spyad na gdod gong ma ltar dbyung du rung ba'o/ /dge slong ma ni zla pa phyed de zhes pa dang 'di lci ba'i chos las 'gal na yang spyad par bya'o zhes pa ni dge slong mas ni mgu ba zla ba phyed kyi bar du bya dgos pa dang /lci ba'i chos la 'gal na yang mgu bar spyad dgos par ston pa'o/ /bcabs pa'i nyes pa med na gdod skye zhes pa ni bcabs pa'i nyes pa med na gdod mgu ba de dbog par bya'o//bcabs pa ni ji ltar bya zhe na/ chad pas na med par 'gyur ro zhes pa yin te/ chad pa'i las byas na bcabs pa'i nyes pa med par 'gyur ba'o/ /chad pa de la yun ji srid kyi bar du zhe na/ dge 'dun las de srid mnod ces pa yin te bcabs pa'i yun ji srid bar chad pa yang de srid du mnos shig pa'o//'di gnyis byed bzhin du de'i dge 'dun lhag ma byung na byas shing mnos pa 'jig go de de lta bas na gzhi nas bslangs te dbog ces pa ni chad pa dang mgu ba gnyis med pa'i tshe de dang 'dra ba'i lhag ma phyi ma byung bar gyur na sngar nos shing byas pa rnams zhig pa'i phyir yang gzhi nas blangs te 'phro gyis shig pa'o//brtsams pa yang byed pa bzhin pas so zhes pa ni sngar chad pa dang rtsa ba'i chad pa dang / bskyar ba rnams rtsom zhing byed bzhin pa'i 'phro la de dang 'dra ba'i nyes pa phyi ma byung na yang snga ma de nyid yin du zad par ston pa'o/ /de la de lta bas na ma skyes pa 'di ni de'i tshe gud du bslangs te dang por yang ngo zhes pa ni cho ga ma tshang bas chad pa ma skyes par de dang 'dra ba'i nyes pa phyi ma byung na rtsa ba nas bskyar ba la ma gtogs par de nyid dang nyes pa phyis 'byung ba gnyis po bya ba la ma gtogs pa'i snga rol du de gyis shig pa'o//de'i bar yang bcos zhes pa ni nyes pa snga ma byed pa'i 'phro la phyis nyes par gyur pa de yang gzhi la ma dor bar gnyen pos chos shig pa'o//de bas na de'i phyir de la yang brten ces pa ni rtsa ba'i chad pa nod pa'i tshe phyis byung ba'i nyes pa dang gnyi ga'i ming smos pa nos shig pa'o/ /bcas pa'i dus las lhag pa la brten zhes pa ni snga ma phyir bcabs pa la bcabs pa'i yun ring na snga ma'i zhag grangs kyis phyi ma'i khar ma bsnan par ming ni gnyi ga smos la phyi ma yun ring po'i zhag grangs kyi thad du phob shig pa'o//'di gnyis las kyis dbog ces pa ni chad pa dang mgu ba gnyis ga las kyis phog shig pa'o//dbyung ba yang zhes pa ni lhag ma las byung ba yang las kyis phyung shig pa'o/ /'dir spyo zhes pa dang / gsol ba dang zhu ba dang po'i bar du'o zhes pa ni dbyung ba de gsol ba zin nas las dang po rtsom pa'i bar du spyo zhing tshar bcad bgyis shig pa'o//rtswa gcal la bsnyal nas zhes pa ni de rtswa gcal gyi steng du snyol la gong ma ltar gyis shig pa'o/ /gzengs bstod pa yang ngo zhes pa dang / zin ba bsnyad pa'i 'og tu'o zhes pa ni las zin par dge 'dun la bsnyad pa'i 'og tu de la gzengs bstod pa gyis shig pa'o/ /bcos pa'i dngos po'o// //bcos pa'i dngos po zhus pa la sogs pa bsdus te ston pa ni tshul khrims zhig pa bskrad ces pa la sogs pa yin te/ phas pham pa byung ba dge 'dun gyi nang du ma bzhag par skrod cig pa'o/ /'dir dge 'dun dbang zhes pa ni 'di lta bu bskrad pa'i dbang dge 'dun gyi gyis shig pa'o//'di la 'di dag g.yel bar mi bya zhes pa ni 'di lta bu tshul khrims zhig pa dge 'dun 'jod nyol du ma dor bar bskrad pa la sogs pa'i las gyis shig pa'o/ /mi snang bar byas pa tshangs par bya zhes pa ni dge tshul snang bar bkar ba ni gtan du ma spangs par gyis shig pa'o/ / chad pas gcod pa rnams la ma bgros na chad pas bcad pa tshangs ni dang po chad pas gcod pa'i dge 'dun rnams ma gtogs par dge 'dun gzhan gyis chad pas bcad pa de 'bral zhing tshangs par mi 'gyur ro/ /bskrad pa ni sun pa'i gnas su mi bzhag ces pa ni rigs sun par byed byed pa gang byas pa'i gnas de na ma bzhag par gud du skrod cig pa'o//bkar ba cog lhan cig tu gnas shing spyod pa med ces pa bkar ba'i chad pas bcad pa dang / dge 'dun tha mal pa rnams lhan cig gnas pa dang / chos dang zang zing gi spyod pa gcig tu ma byed cig pa'o/ /'dir ji ltar 'du shes pa brtsan zhes pa ni bkar bar ma shes te de dang lhan cig tu gnas shing spyod pa ni nyes med kyi bkar ba shes na gdod nyes par 'gyur bas na ji ltar 'dus pa brtsan pa'o//bye na chos ma yin pa'i phyogs la gzhan gyis 'di gnyis zhes pa ni dge 'dun chos yin pa dang ma yin pa'i phyogs so sor bye na gang chos yin pa'i phyogs kyis ma yin pa'i rnams la lhan cig tu gnas shing lhan cig spyod pa gnyis ma byed cig pa'o//gcig gis ni ma yin zhes pa ni chos ma yin pa'i phyogs rnams kyi ni yin pa'i phyogs la 'di gnyis ltar byos shig pa'o/ /chad pa pa gzhan la 'di dag ma yin zhes pa ni bkar ba ma gtogs pa'i spyo ba dang smad pa la sogs pa chad pa gzhan gyis bcad pa la lhan cig tu mi gnas shing mi spyod pa la 'di gnyis ma byed cig pa'o//'dis mdza' bo la brten cing gnas bca' zhes pa ni chad pa gzhan gyis chod pa 'di dag gi gnas bsten ni su mdza' ba la chos shig pa'o/ /chad pas bcad pa bshams pa dang zhig pa tshe spogs pa lta na snod spyad bton te dor zhes pa ni chad pas gcad par bshams pa dang dbyung bar bshams pa las der mi btub cing slar spogs pa lta na de'i rdzas dang snod spyad phyi rol du bton la 'or cig pa'o//mthus dbyung zhes pa dang 'jus pa bcad ces pa dang bcad du mi rung ba de gnas dbyung zhes pa ni 'gror mi btu ba na nan gyis dbyung zhing ci la 'jus pa bcad pa dang bcad du mi rung na'ang de dang bcas te phyung shig pa'o//dge 'dun gyis de slar bcos zhes pa dang / bskul nas zhes pa dang / ma grub na gtsug lag khang nas zhes pa ni sgo skyes la sogs pa gong ma ltar bcad dam phyung ba zhig du gyur na yon bdag la bskul zhing bcos su gzhug pa'am/gtsug lag khang gi sar chos shig pa'o/ /'thab krol can bkar ba mi gcugs zhes pa ni 'thab krol can dkrol ba'i tshe dge slong gzhan gyis de'i non dang gcugs pa ma byed cig pa'o//'thab pa zhi bar 'bad kyang ma btub na bkar zhes pa ni dge slong 'thab pa spyod pa la sogs pa ci nas kyang zhi bar byas te ma btub na skor cig pa'o/ /nges par gtogs pa ma zhi na yang zhes pa ni chos nges par 'gro ba la kha du ma nas rtsod par gyur pa gong ma bzhin du 'bad kyang ma slon na de 'ang skor cig pa'o//gnas pa ni gnas kyis zhi zhes pa ni gnas gong ma ltar rtsod pa zhig tu gyur na gnas kyis ji nas kyang ma rtsod par gyis shig pa'o/ /'thab gcugs byed pa yang bkar zhes pa ni dge slong ci bkar rtsod pa'i dge slong de yang bkar ba'i chad pas chod cig pa'o//dge slong ma dang 'drul bar spyod pa yang bkar zhes pa dang / 'di bkar nas dge slong mas kyang phyag mi bya ba'i sdom pa bca' zhes pa ni dge slong ma dang / rtag tu 'drul ba bkar ba dang / bkar nas dge slong mas kyang phyag mi bya ba'i sdom pa chos shig pa'o/ /chad pa'i dmigs gzhan la de'i phyir snyam zhig pa nas gzhan byas kyang rung zhes pa ni chad pas bcad pa'i dmigs dang /chad pas bcad pa'i las bya bar nor ba'i las su mi rung ba med de bla ba'o/ /gzhan du mi skye zhes pa ni nor bar yang shes bzhin du byas pa ni las su mi rung ba'o/ /snga ma 'jig zhes pa ni gong ma ltar nor te slar bskyar nas las snga ma 'jig par ston pa'o//bkar ba la mi skye zhes pa ni bkar ba'i chad pas bcad pa la spyo ba la sogs pa'i chad pa gzhan gyis bcad du zin kyang lhan cig tu gnas shing spyod pa ma yin pa'i phyir chad pa de dag mi skye'o/ /grags pa dang bsod nams chen po dang mdo dang 'dul ba ma mo 'dzin cing phyogs dang 'khor dang thos pa yang mang po can ni sbom po'o zhes pa ni ming gis smos pa 'di rnams lta bu la bkar ba'i chad pas bcad na dge 'dun gyi gcugs su gyur pa'i phyir spom por 'gal ba'o//de la grags pa zhes pa ni rgyal po man chad 'jig rten kun gyis shes pa'o//bsod nams chen po zhes pa ni rtsa 'jing dang gzhi slod du ldan na'o/ /khyim pa ni dper zad kyi dge slong la sogs pa lnga la 'phya na'ang 'gong thod du dbyung zhes pa ni dge slong dang dge tshul dang dge tshul ma dang dge slob ma lnga la 'phya zhing kha tshas zer na yang 'gong thod du dbyung ba'am de gtong du chug shig pa'o//gshe ba ni 'phya ba ma yin zhes pa ni khyim pa dge slong la gang yang rung rtag tu gshe shing kha tshas zer na yang 'phya ba dang khrin cig pa'o/ /chad pa'i las thun mi mong bar ma dogs shig ces pa ni chad pas gcod do cog dge slong nyi tshe la bya ba ma yin dge slong ma yang chad pas gcad pa'i nang du gtogs par ston pa'o//'di dag bsnyen par rdzogs pa'i rab tu dbyung ba la'ang bya zhes pa dang / khyim pa la ni ma yin zhes pa ni chad pa rnam bdun gyis dge tshul la sogs pa la'ang gcad pa dang khyim pa la ni ma yin par ston pa'o/ /dge slong phas pham pa ma byung ba la phyar ka gtong zhing gshe ma rgya na lhung bzed khas phub par bya nyes pa ni khyim pa 'di dag ltar byed pa la lhung bzed khas phub ba tsam gyis shig pa'o//dam bca' bas so zhes pa dang / gsol bas zhes pa ni gong ma ltar khas phub pa lhung bzed ngo bo khas phub pa'ang ma yin gyi rtsis mgo bca' bas khas phub par bya ba dang gsol ba'i las kyis gyis shig pa'o//lhung bzed khas phub pa'i khyim du mi 'dong zhes pa dang / stan cha mi spyad ces pa dang phul ba'i chos bshams pa la ma yin zhes pa dang / bsod snyoms mi blang zhes pa dang / chos mi bshad ces pa ni gong ma ltar dam bcas ba'i nang du ming gis smos pa 'di rnams ltar gyis shig pa'o//de la phul ba'i chos bshams pa zhes pa ni gtsug lag khang brtsigs pa la sogs pa dang / dkon mchog gi yo byad du phul zhing bshams pa'o/ /las gar byas pa des chung ba rnams khas phub pa'o/ /khyim du mar lhung bzed khas phub pa'i las mtshams du mar cig car gcod pa dang 'dra bar byas na cig car khas phub pa'i las su gyur par ston pa'o//nyid kyi phyogs ma yin ba'i khyim dang bkar ba yan chad kyi cha mi skye zhes pa ni chos ma yin pa rnams kyi khyim pa dang bkar ba yan chad kyi khyim pa la khas phub pa'i las byas kyang de'i las su mi rung ba'o//'di la 'gas sbran zhes pa ni dge 'dun gyis khas phub pa'i las byas na de la 'gas sbran cing shes par gyis shig pa'o/ /bzod par gsol na gsol bas dgan pa zhes pa ni lhung bzed khas phub pa'i khyim pa de 'chags shing bzod par gsol na gsol ba'i las kyis dam bcas pa de thong shig pa'o//bcabs pa'i sems ma skye na tha ma yang tshangs par 'gyur zhes pa ni bcabs sems cung zad kyang ma g.yos na phas pham pa tshangs par rung ba'o/ /bslab pa spyad na'o zhes pa ni gong ma ltar tshangs par rung ba yang bslab pa spyad na gdod 'don du rung ba'o//de ni dge 'dun las 'thob bo zhes pa ni bslab pa de yang dge 'dun gyis phog na gdon du rung ba'o/ /las kyis dbog ces pa ni de lta bu la bslab pa dbog pa yang tshul khrims kyi bslab pa gdod dbog pa ni ma yin gyi dge 'dun gyis las bya'o/ /chos des gyis shig pa'i bslab pa gsol ba dang bzhi'i las kyis dbog par bya'o//nam 'tsho ba'i bar ro zhes pa ni nam 'tsho ba'i bar du bslab pa de srungs shig pa'o/ /ngo smin pa dge 'dun gyi lhag mar gyur pa ni gcig gi mdun du bshags pas kyang 'dag go zhes pa dang mdo dang 'dul ba dang ma mo 'dzin pa dang /grags pa yang zhes pa ni ngo smin pa'am mdo sde 'dzin pa la sogs pa lhag ma spyad pa ni chad pa dang / mgu ba la sogs pa ma byas par gang zag gcig gi mdun du snying thag pa nas bshags na 'byang zhing 'dag tu rung / ci'i phyir de ltar zhe na/ nyes pa ni bsam pas slon gyi chad pa'i las kyis ma yin zhes pa yin te snga ma la 'gyod cing phyin chad mi bya ba'i bsam pa de'i gnyen por 'gyur gyi chad pa'i las de'i gnyen por 'gyur ba ma yin pa'i phyir ro//gong du nyes pa'i rigs smos te'o zhes 'byung ba'i ming dang rigs ji lta bu yin par ston pa ni/ 'dir nyes pa'i ming ni sde zhes bya /byung ba ni rigs zhes bya'o zhes pa yin te/ ming ni phas pham pa dang lhag ma zhes bya ba lta bu'o/ /rigs ni mi tshangs par spyod pa las 'byung ba'i phas pham pa zhes pa dang / 'byin pa las byung ba zhes bya ba'i lhag ma zhes bya ba lta bur nyes pa ni dmigs gang las byung ba nyid de'i rigs yin pa'o/ / bcos pa'i dngos por gtogs pa'o// // 'di la bcos pa'i dngos por gdags pa ci'i phyir zhe na/ gzhung las ni kau sha ba ka ki dngos po dang / sa mar gyi dngos bo zhes 'byung mod kyi de'i 'thab pa nyi tshe ba las de skad du smos par zad 'dir ni 'thab nyi tsher zad kyi lhag ma kor mor spyod pa la sogs pa bcos pa'i dngos po phal cher bsdus pa'i phyir/bcos pa'i dngos po zhes smos pa yin na dus dang dus ma yin pa dang / go chu rub kyi dngos po rnams bsdus te ston pa ni 'dir dge 'dun gyi lhag mar ma shes pa dang / sems kyis bcabs par ma bshags pa brjed pa dang byas sam ma byas ji dang ji 'dra bar ma nus pa dang bsnyen par ma rdzogs pa dang bkar ba rnams bcabs par mi 'gyur zhes pa la sogs pa yin te/ming gis smos pa 'di rnams lta bu ni bcabs pa ma yin pa'o/ /de la dge 'dun gyi lhag mar mi shes pa ni dge 'dun gyi lhag mar 'gyur ram mi 'gyur bar mi shes pa'o//sems kyis bcabs par ma bshags par brjed ces pa ni bcabs par ma byas par thal byung du brjod pa'o/ /byas sam ma byas bsnyen par ma rdzogs par shes pa ni shes pa bdag gis des nyes pa byas sam ma byas sam snyam du gsal por mi dran pa'o/ /ji dang ji 'dra zhes pa ni nyes byas na yang lhag ma byas sam ltung ba byas sam gang byas su ma nges pa dang /byas na yang ched du byas sam ched du ma byas gos la sogs pa gsal por mi dran pa'o/ /bsnyen par ma rdzogs pa ni yong yang lhag ma la sogs pa mi slob pa'i phyir ro/ /bkar ba zhes pa ni su dang yang lhan cig tu gnas ba'am lhan cig tu spyod pa med pa'i phyir bcabs par mi 'gyur ba'o//tha mal pa'i 'du shes ston na phas pham pa man chad kyi nyes pa yang zhes pa ni spyod pa'i tshe phas pham pa man chad kyi nyes pa byas na yang bcabs par ma zad kyi nyes par yang mi 'gyur ro/ /ma bcabs pa yang zhes pa ni bslab pa ma bcabs pa'i snga rol du spyad pa yang phas pham pa la sogs pa'i nyes par mi 'gyur ba'o//ma shes pa ma yin zhes pa ni nyes par 'gyur bar ma shes par nyes pa spyad pa ni ma shes pa brtsan te / nyes par mi 'gyur zhes bya ba med do/ /yid ma ches kyang zhes pa ni nyes par 'gyur bar 'dod cing gleng ba yod pa la yid ma ches na yang yid ma ches pas slon te nyes par mi 'gyur ba ma yin pa'o//mi shes par bsams kyang zhes pa ni pha rol gleng gzhi bskul ba la ni mi shes par brnyas te spyad na yang nyes par mi 'gyur ba ma yin pa'o/ /sa gzhan la gnas pa la snga ma yang shes pa ni spyod pa la sogs pa la chad pa rnam bzhis chod pa'i sa gzhan la gnas pa rnams la ni snga ma ste bcas pa man chad nyes pa kun skye bar ston pa'o//dge 'dun gyi lhag ma bcabs pa'i the tshom ni shes bzhin zhes pa ni the tshom za bzhin du bcabs pa ni ched du bcabs pa ni ched du bcabs pa dang 'dra ba'o//gang bcabs pa mi 'byung ba'i sa der ni spyad pa yang ma yin zhes pa ni bsnyen par ma rdzogs pa dang bkar ba'i sa lta bu bcabs pa'i nyes par mi 'gyur ba der ni chad pa spyad pa la sogs pa yang bya mi dgos pa'o/ /ma gus pas spyad pa btang na nyes byas zhes pa ni chad pa la sogs pa kha mchu 'di snyed sus nus zhes ma gus par bsams te spyod pa btang na yang gtong ba'i nyes byas bla thabs su skye ba'o//de'i sde rdul spyod pa yang zhes pa ni lhag pa'i chad pa spyod pa'i tshe/ de'i sbom po dang de'i nyes byas yan chad 'bram mdzer yang ma shor bar byas pa las nyes byas la sogs pa shor na nyes byas bla thabs skye bar 'gyur ba'o//yod pa las bcos pa yang zhes pa ni bshags pa'i rten dge slong yod bzhin du ma bshags par 'dzong nyol du bor na nyin re nyes byas re rer 'gyur ba'o/ /mi spyod pa'i sa nas slar bskor ba ni de'i so nas so zhes pa ni chad pa byed pa'i 'phro la dge tshul lam khyim par babs te slar 'khor na sngon gyi so nas bzung ba'o//dngos po sbyangs la lhag mar bsgrub ces pa ni gong ma lta bu sngon chad pa'i las ji snyed cig byas pa phyin chad ji snyed lus pa legs par sbyangs la phyis ji snyed lus pa de'i 'phro nas bzung ste byed du chug shig pa'o//bcabs pa'i dus mi dran na de las nyung gor ma chag pa la brten ces pa ni bcabs pa'i chad pa nod pa na yun ji srid kyi bar du bcabs pa gsal por mi dran na zhag gam zla grangs 'di tsam las mi nyung na gor ma chag go zhes bya ba'i mtshams kyis zung la chad pa'i las phob shig pa'o//de la mi nyung gor ma chag pa'i tshod ji ltar bya zhe na/ spyad par bya ba yang gtsang ba'i mthas gzung ngo zhes pa yin te zhag grangs 'di tsam phan chad nyes pa 'di med de gtsang ngo zhes zer ba de'i gtsang ba'i so tshun chad las mi nyung gor ma chag pa la brten par bya ba'o / /gtsang ba'i mtha' de ji tsam zhe na/gtsang ba'i mtha' de zla ba bzhi'o zhes pa yin te 'di ni dper zad kyi zla ba snga rol na ni gtsang ngo zhes pa zla ba drug gi snga rol na ni gtsang ngo zhes bya ba lta bu gtsang gor ma chag pa de'i zla tshigs kyis zung shig pa'o/ /de las mi nyung gor ma chag pa'i zla grangs 'di snyed kyi bar du bcabs so zhes de'i zla tshigs nges pa kho nar smos sam zhe na/bcabs pa ni tshad med pa la'o zhes pa yin te/ 'di tsam tshun chad med pa'ang gtol med par bcabs pa'o zhes tshigs su smos par bya'o/ /tshad med par smos pa'i snyad ji skad du bya zhe na/ ched du bsams te khu ba phyung ba las phyung ba ni tshad med pa'o zhes pa yin te ched du bsams te khu ba phyung ba las skyes pa'i bcabs pa ni tshad med pa'o zhe'am reg pa las byung ba'i bcabs pa tshad med pa'o zhes bya ba lta bur nyes pa'i dmigs ji las bcabs pa'i tshad 'di skad du nges par smros shig pa'o//'dir 'dod pa ji snyed pa de snyed du 'gro bar bsgrub ces pa ni bdag la nyes pa ji snyed yod pa'i chad pa thams cad du mnos te 'bral bar rtsol na yang de bzhin du sbyar rung ba'o//tshad ma nges pa la yang rnam pa gnyis te dus kyi tshad ma nges pa dang nyes pa'i tshad ma nges pa'o/ /de la dus kyi tshad ma nges pa ji ltar bya ba'i thabs ni gong du bstan pa lta bu yin/nyes pa'i tshad ma nges pa'i thabs ji ltar bya ba ston pa ni 'di mi shes na tshad med pa'o zhes pa rten ces pa yin te/ nyes pa'i dmigs ji snyed cig bcabs pa thams cad gsal por mi dran na tshad med pa zhig bcabs so zhes spyi bam du bsdus la chad pa nos shig pa'o//phal cher mang po'i tshad cig car du'o zhes pa ni nyes pa sna mang la nyes pa ji snyed bcabs pa'i grangs dang tshad yod na de'i tshad dang grangs du yod pa bzhin du smos shig pa'o/ /dus lhag pa'i 'o zhes pa ni bcabs pa'i dus tha dad pa ni gang yun ring du bcabs pa'i dus dang sbyar te chad pa phog shig pa'o//ming ni sogs pa zhes so zhes pa ni lhag ma mang po zhig gi chad pa cig car du non na bcabs pa thams cad kyi ming kun smos mi dgos kyis gcig gi ming smos te 'di la sogs te gyis shig pa'o/ /gcig gi ming smos pa de gang gis ming smos par bya zhe na/ lci ba dang bsams pa rngams cher byas pas gtso gzung zhes pa yin te lhag ma mang du bcabs pa rnams kyi nang na gang lci ba dang /gang bsams pa rngams cher byas pa des gtso gzung la lhag ma rnams la sogs pa'i nang du bsdus shig pa'o/ /spyod pa'i tshe sngon 'byung ba yang slar gso bar 'dod na dbog pa ni tha dad spyad pa ni gcig go zhes pa ni lhag ma gcig gi chad pa nos te/spyod pa'i tshe sngon bcabs pa gzhan yang mthol te/ go chu rub tu 'bra bar 'dod na chad pa dbog pa ni so sor phog la spyad pa ni cig car du gyis shig pa'o/ /bcabs pa dang mgu ba de ltar ma yin zhes pa ni chad pa snga ma gcig gis mgu ba dang nyes pa phyi ma gcig gi chad pa cig car du byar mi rung ba'o//dus dang dus ma yin pa dang go chu rub kyi dngos po'o// //dus dang dus ma yin pa dang go chu rub kyi dngos po zhus pa las 'byung ba bsdus te ston pa ni nyin zhag gcig gi mtha' phyi de nyin gyi skya rengs la ma thug na bcabs par mi 'gyur ba'o zhes pa la sogs pa yin te/nyin zhag gcig gi mtha' phyi de nyin gyi skya rengs shar ba la ma thug gi bar du bcabs par mi 'gyur ba'o/ /bsnyad pa'i yan lag med na de'i bsam pas bcabs pa ma yin zhes pa ni bsnyad pa'i zla dge slong med na de ltar snying nas med par bsams pas ma bshags pa ni bcabs par mi 'gyur ba'o//skabs med pa dang 'gro ba'i dbang gis na med pa bzhin zhes pa ni mthol ba'i dge slong yod du zin kyang na ba la sogs pa'i rkyen gyis mthol ba'i skabs med pa dang gud du 'gro dgos pa'i rkyen gyis 'chags su ma khom pa lta bu ni mthol ba'i rten dge slong med pa dang 'dra ste bcabs par mi 'gyur ba'o //ched de'i dbang du byas na'ang zhes pa ni mthol bar 'dod pas dge slong med pa'i gnas su ched kar byol na yang bcabs par mi 'gyur ba'o/ /don med na nyes byas zhes pa ni gong ma ltar gud du byol te song ba ni nyes byas su 'gyur ba'o//'jug tshun chad na yang zhes pa ni skya rengs shar ba la ma thug gi bar du bcabs pa ni nyes byas su 'gyur ba'o/ /bcabs pa'i sems ma yal na sems de'o zhes pa ni dang po lan gcig bcabs par bsams nas phyin chad brjed de bcabs sems mngon du ma byung na yang bcabs par 'gyur ba'o//phas pham pa byung ba slar ma bcos pa ni nyes med ces pa ni bcos pa'i gnyen po yang med pas na slar bcos mi dgos pa'i phyir ro/ /dus dang dus ma yin pa dang go chu rub kyi dngos po zhus pa'o// //de la gzhung las ni gang zag gi dngos po zhes 'byung ba la 'dir ming 'di skad du gdags pa ci'i phyir zhe na/bcabs pa'i dus ni 'di lta bu'am bcabs pa ni 'di lta bu zhes bya ba dang / ltung ba mang po rnams gnyen po cig car du byar rung ba ni 'di lta bu'o zhes bya bar ston pas na don dang mthun par bya ba'i phyir ming 'di skad du gzhag pa yin no//sa gzhan la gnas pas spyad pa'i dngos po ston pa ni dge slong rang bzhin du gnas pa'i kha gsag dang phyag dang ldang ba dang thal mo dang gang la chad pa dang mgu ba spyod pas bdag gir mi bya zhes pa la sogs pa yin te/ dge slong tha mal pa'i ging gong la sogs pa ming gis smos pa 'di rnams lta bu chad pa dang mgu ba spyod pas ma len cig pa'o//'di gnyis kyi gang gis mi bya ba ni gzhan gyis kyang de la'o zhes pa ni dge slong tha mal pa dag gis kyang kha gsag la sogs pa 'di chad pa dang / mgu ba spyod pa la ma byed cig pa'o/ /gom res dben pa ma yin par 'di dang lhan cig tu mi bcag ces pa ni gom res dben pa ma gtogs par dge slong tha mal pa dang lhan cig tu kha bsdams te ma 'chag shig pa'o//ngan snyigs kyi stan ma yin par mi 'dug ces pa ni chad pa pa de dge slong tha mal pa'i drung du 'dug pa'i tshe yang stan ngan pa rab tu bya ba ma gtogs pa'i stan 'dra ba'am de bas mtho ba la ma 'dug shig pa'o//phyi bzhin du 'brang ba ma yin par khyim du mi 'gro zhes pa ni dge slong gzhan gyi g.yog ma gtogs par khyim pa'i khyim du ma 'gro shig pa'o/ /bla gab gcig par mi nyal zhes pa ni dge slong tha mal pa dang khyim gcig tu ma nyal cig pa'o/ /rab tu 'byin pa bsnyen par rdzogs pa gnas sbyin pa dge tshul 'jog pa rnams mi bya zhes pa ni chad pas chod pa des ming gis smos pa 'di rnams ma byed cig pa'o//gsol ba dang zhu ba mi blang zhes pa ni dge slong tha mal pa rnams gsol ba dang zhu ba'i las byed pa'i dge 'dun gyi grangs su 'jug cing 'di dag len par ma byed cig pa'o/ /las byed pa dge slong ma la ston pa dge 'dun gyi yid brtan pa nyid du bskos kyang rung zhes pa ni ming gis smos pa 'di rnams lta bu'i las su bskos na yang khas ma len cig pa'o//sngar bskos pa yang btang zhes pa dang / dge slong ma la ston pa yang ma yin zhes pa dang / 'don pa gzhan yod na gso sbyin gyis so sor thar pa mi 'don zhes pa ni sngar bskos na yang las de btang ba dang /dge slong ma'i ston pa byed na yang btang ba dang / gdon pa gzhan yod na so sor thar pa ma 'don cig pa'o/ /dge slong nyams pa mi gleng zhes pa dang / dge 'dun las ma bkar na'o zhes pa ni dge 'dun las ma bkar ba'i dge slong la tshul khrims nyams pa la sogs pa ma gleng shig pa'o//bsdigs pa dang skabs su mi gzhug ces pa ni khyed la gleng ba'i snyad yod do zhes bsdigs pa dang gnan 'di lta bu'i skabs su gzhug go zhes pa ma byed cig pa'o/ /lung dang gso sbyin dang tshul nas 'byung ba dang /gsol ba dang zhu ba rnams mi bkyig ces pa ni ming gis smos pa 'di rnams bkyig tu'ang mi dbang ba'o/ /'di dag dang mi 'dre zhes pa ni dge 'dun las ma gal ba rnams dang yang ma 'dre shig pa'o/ /chad pas gcad pa'i dmigs te spang zhes pa dang / nyes pa gzhan yang zhes pa ni bdag bslab pa gang gi phyir chad pas chod pa'i nyes pa de mi bya bar spang ba dang /bslab dang bslab pa gzhan gyis nyes pa yang ma byed cig pa'o/ /tshangs pa mtshungs par spyod pa la mi bsdo zhes pa ni gzhan la bsdor yang mi dbang ba'o/ /brtul zhugs kyis 'byung bar yid la bya zhes pa ni dka' thub kyi brtul zhugs 'di dag ltar byas pas na gdod bdag gi nyes pa bcil cing spongs so snyam du soms shig pa'o//de'i brtul zhugs kyi dka' blas su bya ba gang zhe na/ nang par langs nas sgo dbye me mar snod blang gtsug lag khang gdab cing phyag lci gsar gyis byugs pa rnams so zhes pa dang / bshang gci'i gnas bkru zhes pa dang / phyi ba dang sa dang dus kyi rkyen du chu gzhag ces pa dang /wa ka bkru zhes pa dang / stan gding zhes pa dang / dus shes par bya ste 'dug pa dang de'i snod sta gon bya zhes pa dang / nus na ston pa'i yon tan brjod zhes pa dang / mi nus na smra ba la bskul zhes pa dang / zas drangs nas gaN+DI brdungs zhes pa dang / tsha ba'i tshe dge slong dag la bsil yab bya zhes pa dang /'di bsnyen par rdzogs pa thams cad kyi mjug tu'o zhes pa dang / gdugs tshod rgyus nas stan cha dben par brtul zhes pa dang / lhung bzed kyi 'og re dor zhes pa yin te chad pas chod pa des ming gis smos pa de dag lta bu'i dka' sla gyis shig pa'o/ /gzhan yang der ma zad pa ni 'du shes par byas te mchod rten gyi phyag dar bya zhes pa dang /lci gsar gyis byug ces pa dang / 'du ba'i tshe gding ba la sogs pa yon tan gyi bar du gtogs pa rnams so zhes pa dang / nus na tshe grangs bsnyad ces pa dang / mi nus na dge slong gzhan la bskul zhes pa yin te/ chad pas chod pa des nub kar yang gtsug lag khang gi phyi bdar bya ba dang /stan gding ba nas ston pa'i yon tan brjod pa'i bar du bya ba la sogs pa 'di dag ltar gyis shig pa'o/ /des gzhan yang las su bya ba ni nub mo chu dus kyi rkyen dang sbyar bas dge slong dag gi rkang pa bkru zhes pa dang / bsku ba yang zhes pa dang / mi btub na snum dbul zhes pa dang /'di la gnas kyi snyigs ma 'os zhes pa dang / rnyed pa'o cog ni 'os zhes pa dang / dge ba'i phyogs kyi dring zhes pa yin te/ ming gis smos pa 'di dag lta bu gyis shig pa'o/ / de'i gnas ngan snyigs ma byin cig pa dang / rnyed pa'o cog gi shas dbang ba rnams su ston pa'o/ /de'i rang bzhin tshol ba dang bslab pa yang de bzhin zhes pa dang /'don du mi gzhug ces pa ni rang bzhin tshol ba dang / bslab pa byin pa gnyis kyi dka' slas su bya ba'ang gong ma dang 'dra bar ston pa dang / so sor thar pa ni 'don du ma gzhug shig pa'o/ /snga ma ni tshangs par byas pas rang bzhin du 'gyur zhes pa dang / phyi ma ni dgra bcom pa na'o zhes pa ni snga ma ste/de'i rang bzhin tshol ba ni tshangs par byas pas sngon gyi rang bzhin du 'gyur phyi ma ste/ bslab pa byin pa ni dgra bcom na gdod sngon gyi rang bzhin du 'gyur ba'o/ /bral ba dang spyad zin kyang sgo da phye zhing gnas la sogs pa yang ngo ces pa ni chad pa dang / /mgu ba spyad zin kyang dge 'dun gyi byung ba'i cho ga byas kyi bar du sgo dbye ba la sogs pa dka' blas bya dgos pa dang /ngan snyigs kyi gnas na 'dug cing dge ba'i phyogs la brtson par bya ba la sogs pa sngon gyi so bzhin du gyis shig pa'o/ /spyos pa smad pa bskrad pa 'gong thod bkar ba rnams kyang de bzhin zhes pa ni ming gis smos pa 'di rnams kyis kyang chad pa dang mgu ba spyod pa bzhin du gtsug lag khang gi sgo dbye ba la sogs pa ngan las su bya ba rnams dang 'dra bar gyis shig pa'o//'don du mi gzhug ces pa ni gong ma lta bu'i rnams so sor thar pa 'don du ni ma gzhug shig pa'o/ /bkar ba ni gzhan gyis spang zhes pa dang / de'i tshe rnyed pa rnams mi 'os zhes pa dang /dbye ba bzhin zhes pa ni bkar ba de thams cad kyis lhan cig tu mi gnas par spang ba dang / bkar ba'i tshe rnyed pa'o cog de la mi sbyin pa dang bya ba bzhin gyis shig pa'o/ /bye nas chos ma yin pa'i phyogs pa'ang de bzhin zhes pa ni dge 'dun so sor dbye ba chos ma yin pa'i phyogs rnams la bkar ba gzhan bzhin du lhan cig mi gnas pa la sogs par gyis shig pa'o//rang bzhin du mi gnas pa las chad pa dang mgu ba dang bslab pa can nos pa rnams mi skye zhes pa dang / dge 'dun ma yin pa las kyang zhes pa ni rang bzhin du mi gnas pa dang /dge 'dun du ma tshang ba las chad pa dang mgu ba dang bslab pa rnams mnos kyang mi phan pa'o/ /dge slong gi gnas de na bkod pa las bkol na yang zhes pa dang / mang yang mi spang zhes pa dang / so sor thar pa dang gnas brtan du ldan par srid ces pa ni dge sbyong gi gnas na phal gyi bkod pa las kha cig bkar ba las chad pa dang /mgu ba byas kyang mi phan pa dang mang yang spang du mi rung ste/ thams cad la bya dgos pa dang / so sor thar pa dang gnas brtan du ldan pa gang na yod pa der chad pa la sogs pa'i las bya ba la brtson par gyis shig pa'o/ /gang na zla ba gsum la sogs pa spyod pa der khrin gcig pa rnams 'dom par mi spyod ces pa ni gnas de na chad pa spyod pa gsum la sogs pa yod la bdag kyang chad pa spyod pa dang gnas de na rtsa ba'i mgu ba spyod pa gsum la sogs pa yod la bdag kyang rtsa ba'i chad pa spyod pa zhig na 'di dag ltar khrin gcig pa'i rnams lhan cig tu spyad du mi rung gis der ma spyod cig par gud du gyis shig pa'o//gzhan du'ang dang po gnyis skya rengs kyis chod par mi bya zhes pa ni dang po ste chad pa dang mgu ba gnyis spyod pa'i tshe mtshams kyi phyi rol du skya rengs kyis chod par ma 'dug shig pa'o/ /dge 'dun 'dus pa rnams la zin cing lus pa bsnyad ces pa dang / ring por mi spyod na nyin re zhing ngo zhes pa dang / gzhan ni gsum bzhi zhing ngo zhes pa ni chad pa dang mgu ba spyod pa'i tshe zhag grangs su spyad zin pa dang /phyi na dus ring por mi spyod pa zhig na ni nyin re dge 'dun 'dus pa bsnyad/ yun ring du spyod pa zhig na ni zhag gsum bzhi tsam gyis spyad/ dge 'dun 'dus pa rnams la snyod cig pa'o/ /de dag la 'di'i phyir mi dpya zhes pa ni chad pa ni chad pa dang mgu ba spyod pa la dge slong gzhan gyis 'dren kyang du'ang ma dpya shig pa'o//'thab krol can 'ong bar thos la des 'jigs na dge 'dun nam gang zag gi mdun du btang bar bya zhes pa ni dge slong 'thab krol can 'ongs pas gtses su dogs na gang zag la ni gong gong por 'dug nas tshe dang ldan pa gson cig bdag ming 'di zhes bgyi ba dang chad pa spyod pa dang /dge slong gud nas mchi bar rigs mi 'phrod pas na/ bdag ming 'di zhes bgyi ba chad pa'i cho ga re zhig gzhi la dor zhing phyis bsgrub par 'tshal gyis tshe dang ldan pa dag gis bdag la brun bar ma dgongs shig ces pa lan gnyis lan gsum du sngags kyi tshig 'di skad zlos la gzhi la 'or cig pa'o//dge 'dun la yang btsun pa dge 'dun gson cig ces bya ba la sogs pa 'di bzhin du snyed cig pa'o/ /'jigs pa med par gyur nas de nyid du mnod ces pa ni gong ma ltar 'jigs pa med par gyur nas sngon gyi so nas zung shig pa'o//sa gzhan la gnas pas spyad pa'i dngos bo'o// //sa gzhan la gnas pas spyad pa'i dngos po zhus pa las 'byung ba bsdus te ston pa ni chad pa dang mgu ba spyod pa rang bzhin du gnas par bkab pa gcig tu lhan cig nyal na nyin zhag gcig yal lo zhes pa la sogs pa yin te/ 'di ltar lhan cig nyal na yang chad pa'i zhag grangs la gcod par ston pa'o//mtshams kyi phyi rol du yang zhes pa dang / ma bstan na yang zhes pa ni mtshams kyi phyi rol du skya rengs kyis chod dam dge 'dun la ma bsnyad na yang zhag grangs las gcod par ston pa'o/ /mtshams de'i nyin par rnams med na 'di mi skye/ de'i nyin par byas pa ni dge 'dun gyis byas pa'o//slar 'khor na mtshams gzhan du slar song yang bla zhes pa ni dge 'dun la bsnyad pa yang mtshams de na 'khod pa ma yin pa la bsnyad na mi phan pa dang / dgongs slar 'khor na ni gud du song ba yang bla ba'o/ /bla gab gcig gi 'og tu chad pa pa dang chad pa lhan cig mi nyal zhes pa ni chad pa pa rnams bla gab gcig gi 'og tu lhan cig ma nyal cig pa'o//de dang gzhan pa'i mu stegs pa lhan cig ni 'dir nyes med ces pa ni gzhan pa'i mu stegs dang lhan cig tu nyal yang bla ba'o/ /sa gzhan la gnas pas spyad pa'i dngos po zhus pa'o// //gzhung las ni chad pa'i dngos po zhes 'byung la 'dir ming 'di skad du gdags pa ci'i phyir zhe na/lhag ma'i chad pa nyi tsher ma zad kyi bslab pa sbyin pa la sogs pa las gzhan la gnas pa'o cog gi cho ga ston pas na don dang sbyar te sa gzhan la gnas pas spyad pa'i dngos por gtogs pa yin no/ /bstad pa'i dngos po ston pa la rtsa ba bcabs pas gleng ngo zhes 'og nas 'byung ba de'i rtsa ba ma yin pa ji lta bu zhe na/ma grags pa rtsa bar mi 'gyur zhes pa la sogs pa yin te/ 'phrul gyis mig dang rna ba la sogs pa 'jig rten du grags pa'am mngon par shes pa la sogs pa 'di lta bus glengs pa ni gleng ba'i rtsa ba'am bzhir mi rung ba'o//tshul nas 'byung ba bsnyad zin nas byung ba'i bkyigs pa mi skye zhes pa ni tshul nas 'byung ba'i las bsnyad zin pa'i 'og tu tshul nas mi 'byung ba bkyigs kyang bkyigs par mi 'gyur ba'o/ /nad pas byed pa'ang de bzhin zhes pa ni nad pas tshul nas 'byung ba bkyigs par byed pa'ang gong ma 'dra bar mi rung ba'o//phrin gyis kyang zhes pa ni phrin gyis tshul nas 'byung ba bkyigs na'ang de bzhin du mi rung ba'o/ /nad pa la yang ngo zhes pa ni dge slong gzhan gyis ni nad pa dge 'dun gyi chad pa nad pa 'chos na phrin las mi mdzad du gsol zhes bkyigs kyang bkyigs par mi chud do/ /'di mi blang zhes pa ni gong du smos pa bkyigs par mi 'gyur ba'i rnams dge 'dun gyis kyang sdom par ma byed cig pa'o//nad pa la sogs pas tshul nas 'byung ba bkyigs pa la dge 'dun gyis mi sdom pa'i snyad ji skad du bya zhe na/ tshe dang ldan pa khyod nad pa ste sbyor mi nus kyi sdod cig ces pa dang / tshe dang ldan pa phrin pa zhes pa dang /'di nad pa bas gleng ba ma yin no zhes lan gdab ces pa yin te nad pa de ltar bkyigs na ni tshe dang ldan pa khyod nad pa yin te/ sbyor mi nus kyis sdod cig ces de bya ba deng phrin du spring ste/ 'khyigs na tshe dang ldan pa phrin pa khyod ma smra shig ces pa dang / nad pa la 'khyigs na 'di nad pa ste/ gleng du mi rung gis ma gleng ces lan gdab cing mi sdom par bya ba'o//byas pa'am byed pa'i dngos nyid ma gtogs na glengs kyang zhes pa ni nyes pa byas pa'i dmigs gang yin pa dang / nyes pa med pa'am mi su yin pa rnams kyis nan rtags med par glengs kyang gleng bar mi chud pa'o/ /lhag mas kyang dus ma yin par mi bya zhes pa ni ma yin pa la sogs pa gong du smos pa rnams las bzlog pas gleng na yang skabs sam dus ma yin par ni ma glengs shig pa'o//dran pa dang shes bzhin nye bar ma bzhag pas ma yin zhes pa ni snga nas dran pa dang shes bzhin du bcabs par glengs pa'i las ma byed cig pa'o/ /mi dben par ma yin zhes pa ni mi mang ba'i mdun na ma reg mi 'phrod pa'i mdun du ma glengs shig pa'o//skabs ma phye bar ma yin zhes pa ni de skabs ma phye ba'i bar du gleng bar ma byed cig pa'o/ /tshul nas 'byung ba ni de'o zhes pa ni tshul nas 'byung ba'i tshe ni skabs phye ba ma yin par ston pa'o/ /mi dran na dran par bya zhes pa ni glengs pa'i tshe nyes pa byas par mi dran zhes zer na dran par sems su chug shig pa'o//ma phye na 'di la bsdigs par bya zhes pa ni skabs 'byed du ma btub na bsdigs shig pa'o/ /bsdigs pa'i snyad ji skad du bya zhe na/ tshe dang ldan pa khyod la bya ba yod de tshe dang ldan pa bsdigs pa'i snyad yod kyis gnas 'di nas ma zhum par ma 'gro shig ces pa'o zhes pa yin te tshe dang ldan pa khyod tshar bcad cing gtan la dbab pa'i snyad mang du yod kyis sdod cig ces tshig gis snyad 'di skad du bsdigs shig pa'o//des kyang dul bar ma gyur na lung dgag ces pa ni gong ma ltar byas te'ang mi slon na lung ma sbyin cig pa'o/ /'di la gtam bya ba la sogs pa yang gtam zhes pa ni de lta bu la lung dgag par ma zad kyi gtam mi bya ba la sogs par gyis shig pa'o//des kyang gso sbyin bkyigs zhes pa dang / 'on kyang tshul nas mi dbyung ba'o zhes pa ni gong ma ltar byas kyang ma slon na gso sbyin bkyigs pa dang / des kyang ma slon na tshul nas 'byung ba bkyigs pa rnams gyis shig pa'o//'dir bkyigs pa bkyigs pa dang / lhan cig tu byas na tshangs pa'o zhes pa ni drug sdes dge slong cig la sku rer bkyigs pa phyis drug sde po nyid dang lhan cig tu gso sbyin byas pas tshangs par gyur pa bzhin du dang po sus bkyigs pa des brtsangs nas gzhan bya mi dgos par tshangs pa'o/ / skabs phye yang rang reng byed na skobs su gzhug ces pa ni skabs phyer zin gyi rna lam mam lhan por mi btub na skobs su gzhug pa thabs kyis gyis shig pa'o/ /skobs su gzhug pa'i thabs su ji ltar bya zhe na/ 'di'am che ge mo zhig gi gnas su dngos po che ge mo zhig ces bya ba dang / gang yang rung gis brjod par bya'o zhes nyes pa'i sgro gdags pa'am nyes pa bstan cing gtur zhes pa yin te/gnas che ge mo zhig tu nyes pa 'di lta bu zhig byas kyi zhe 'am/ gar yang rung ste/ nyes pa ci byas pa rnams ngas gleng ngo zhes nyes pa rngams che ba skad du bya ba dang / nyes pa'i dngos nyid bstan cing gtur bar gyis shig pa'o//tshul khrims dang lta ba dang spyod pa dang 'tsho ba nyams pa glengs pa la sogs pa'o cog rtsa ba yod na gdod skye'o zhes pa ni tshul khrims nyams pa la sogs pa'i skyon yod pa la gleng ba la sogs pa gong du smos pa rnams ltar bya ba yang mthong ba dang thos pa dang dogs pa'i rtsa ba yod na gdod rgal ba'am gleng bar chud pa'o//gyi na'i rtsa bas mi bya zhes pa ni gtan la phab pa'i 'ol tshod du mthong ba'am dogs pas ni gleng bar ma byed cig pa'o/ /'dir dngos po bden pa mi brtsan zhes pa ni rgol ba de la nyes pa'i skyon ni yod mod kyi rgol ba des yod par ma shes te/ skur brlang btab pa dang nyes pa med pa la yod pa snyam zhig ste/brgal ba lta bu dngos po bden pa lta bu ni mi brtsan gyi rgol ba nyid kyi 'du shes brtsan par ston pa'o/ /byed pa'i mtshan ma dang / pha rol gyi kha na zho ba dang / bdag la zer ba yod pa gsum gyis thos na'o zhes pa ni rnam pa 'di gsum gyis thos na thos pa'i rtsa ba yin par ston pa'o//de la byed pa'i mtshan ma zhes pa ni nyal po byed pa'i sgra thos pa'o/ /pha rol gyi kha na zho zhes pa ni mi tshangs par spyod pa'i gtam zer ba thos pa'o/ /bdag la zer ba yod ces pa ni pha rol skyel ba yod pa'o/ /yid ma ches na rtsa ba ma yin zhes pa ni pha rol slos shing zer ba la bdag yid ma ches pa ni thos pa'i rtsa bar mi 'gyur ba'o//bstan pa'i dngos po'o// //bstan pa'i dngos po zhus pa las 'byung ba bsdus te ston pa ni rgyus shes pa du ma ni gleng ba la sogs par su mos pa'o zhes pa yin te nyes pa yod par rgyus shes pa mang na rgol zhing gleng ba ni sus byas kyang sla ba'o/ /tshul nas 'byung ba ma yin par de mi bkyig ces pa dang /gso sbyin ma yin par yang de ma yin zhes pa ni tshul nas 'byung ba dang gso sbyin gyi dus ma yin par ni bkyig par ma byed cig pa'o/ /'khyig pa bud med la gzhan skyes pa ni bkyigs pa byas sam byed pa ni bkyigs pa ma yin no zhes pa ni bud med kyi bkyigs pa byas kyang rung ste bkyigs par mi 'gyur ba'o//de las dge slong pha las mtshan gyur na de la de bzhin rang bzhin nyams pa yin zhes pa ni rang bzhin nyams pas bkyigs par mi 'gyur ba'o/ /tshul khrims gcig pas ma yin zhes pa ni tshul khrims zhig pa dang sde mi gcig pas bkyigs par mi 'gyur ba'o//'di gnyis la ma yin zhes pa ni rang bzhin ma nyams pa dang / tshul khrims mi gcig pa la sogs pa la bkyigs kyang bkyigs par mi 'gyur ba'o/ /bstan pa'i dngos bo zhus pa'o// //gzhung 'di las gso sbyin bkyigs pa'i dngos po zhes 'byung ba 'dir 'di skad du brtags pa ci'i phyir zhe na/ gso sbyin bkyigs pa nyi tsher zad kyi tshul nas 'byung ba bkyigs pa dang /lung bkag cing skobs su gzhug pa la sogs pa bstan pa rnams su yod pa'i phyir 'di skad du btags so las kyis phye ba dngos po ston pa ni dge 'dun 'byed pa'i mthu yod pa la ma dad bzhin du mi gleng gleng na'ang khyad du mi gsod ces pa la sogs pa yin te/dge 'dun 'byed par nus pa'i mi la ma dad bzhin du gleng ba dang de nyid gzhan la gleng na yang khyad du ma gsod cig pa'o/ /gang du yang khon yod pa dang lhan cig mi bsdad ces pa ni khon yod pa dang phrad na de dang lhan cig yun ring du ma 'dug shig pa'o/ /gud du'ang gnyis sam gsum gyis go btsal te'o zhes pa ni gral du bkad pa la sogs pa'i skabs gzhan du'ang cig car bsdams te ma 'khod par go gnyis sam gsum gyis bar du chod la 'dug shig pa'o//gcig gis kyang de bzhin du de dang nyes pa ni khon yod pa'i gang zag gcig gis kyang de dang lhan cig 'dug pa la sogs pa gong ma bzhin du gyis shig pa'o//'di gnyis kyi gnas so sor sbyin zhing mnod pa yang zhes pa ni 'di gnyis kyi gnas dbog pa'i tshe yang lhan cig tu ma bab par phog pa dang de dag gis kyang lhan cig tu ma gab par nos shig pa'o/ /chos dang 'dul bas der gyur la chos ma yin pa la ji nas kyang zhen par shes na dge 'dun mthun pa la yal lo zhes pa ni dngos po rtag chad kyi chos la kha ma dum ba'am spyad pa lci yang gi 'dul ba kha ma dum ste/rtsod na chos ma yin pa'i phyogs su lta ba rnams snying nas gtong du mi btub cing zhen ches che bar mngon na dge 'dun mthun pa yal zhing med par ston pa'o/ /de bas na de las gzhan pa dang 'dus te las byas kyang mi skye zhing gcig la gcig bskal bar yang mi 'gyur ba'o zhes pa ni gong ma ltar bas na de dang 'dus te las lhan cig tu byas kyang las su mi rung ba dang /gcig la gcig bskal par yang mi 'gyur ba'o/ /de dag de'i gnyen por 'thab ces pa dang / chos 'di pa rnams kyi phyag mi bya zhes pa ni gong ma ltar sde gnyis su chad pa ltar ma 'os par rtsod na dge tshul ma yin chad chos 'di pa rnams kyis phyag ma bya shig pa'o//ldang ba stan la gnyar tam/ bre mo gtam kun dga' ba rnam par lta ba rnams kyang phyag mi bya zhes pa ni gong ma ltar sder gyur na chos ma yin par lta ba la ming gis smos pa 'di rnams lta bu bsti stang yang ma byed cig pa'o//de la gtam zhes pa ni tshig tha mal pa'o/ /bre mo gtam zhes pa ni yid gcugs pa'i gtam mo/ /kun dga' ba zhes pa ni nad dri ba la sogs pa'o/ /lta ba zhes pa ni tha mal par lta ba'o/ / rnam par lta zhes pa ni khong mor lta ba'o/ /lag brdas mal stan sbyin zhes pa ni chos ma yin pa'i phyogs su lta ba rnams la mal stan yang ma smra bar lag brdas byin cig pa'o/ /des thos par gzhogs spad kyis zhes kha cig ces pa ni de la mal stan byin pa'i tshe dge slong 'di'i mal stan ni 'di'o zhes dge slong gzhan la bya ba skad du bya'o//zhes kyang slob dpon kha cig 'chad par ston pa'o// //gnas ni mtha' khob tu'o zhes pa ni de'i gnas kyang gtsug lag khang tha ma byin cig pa'o/ /nga yang rgan rabs shig na zhes zer na 'di skad gyi gtam drung grags pa khyed kyang bdag shAkya'i sras kyi dge sbyong snyam mam khyed kyi ston pa thugs rje can gyis gnang du zad kyi 'di dag tsam gyi tshod kyi mi 'thob bo zhes gzhogs gtam gyis la lan glan zhes pa ni rgan rabs shig ste/gong ma ltar byas pa dang 'khang na dge slong gzhan ltar bya ba skad gyis la lan 'di skad thob shig pa'o/ /dge slong mas ni stan las 'phags pa mi btang zhes pa ni chos ma yin pa'i phyogs su bltas pa 'ongs na dge slong mas stan las mi ldang bar ni ma byed cig pa'o//dge bsnyen gyis kyang bsod snyoms byin zhes pa ni de la dge bsnyen dag gis kyang bsod snyoms ni byin cig pa'o/ /'di dag tshangs su zin kyang 'dum pa ma rnyed kyi bar du 'dum mi skye zhes pa ni gong ma ltar dge 'dun so sor bya ba las slar tshangs su zin kyang dge 'dun gyis 'dum bar ma byas kyi bar du mthun pa mi 'grub pa'o//gso sbyin ma byas par rang bzhin du gnas pa mi 'thob ces pa ni de ltar bye ba las slar 'dum pa'i dge 'dun gyis gso sbyin ma byas kyi bar du sngon gyi sor mi chud pa'o/ /'di ni sbyin zhing bya zhes pa ni sngar sbyin pa'i chos je byas pa'i 'og tu gso sbyin gyis shig pa'o//sdar sbyin pa ji lta bu zhe na 'di las kyis so zhes pa yin te/ gsol ba dang bzhi'i las kyis gso sbyin pa'i las je byas la de'i 'og tu gdod gso sbyin ngo bo gyis shig pa'o/ /snga ma yang zhes pa ni snga ma sde 'dum pa yang gsol ba dang bzhi'i las je byas na gdod 'dum par 'gyur ba'o//'dum pa dang bkra shis pa dang ye 'drog gi phyir gso sbyin rung zhes pa ni dge 'dun bye ba las 'dum pa'i phyir gso sbyin pa dang chos ma yin pa dang / ltas ngan byung ba'i phyir gso sbyin bya ba dang / nad pa la sogs pa ye 'drog gi phyir gso sbyin bya ba rnams mi rung ba med pa'o//'di'i dus ni 'di nyid kyi gzhi las so zhes pa ni gong ma ltar gso sbyin bya ba ni bcu bzhi'am bco lnga tshes grangs dang sbyar ba med kyi de lta bu byung ba'i tshe gyis shig pa'o/ /las byed pa'i dngos po'o// //las kyi bye ba dngos po zhus pa las 'byung ba dang / ma na bi ga las 'byung ba bsdus te ston pa ni chos ma yin par smras pas mtshams kyi nang du dbye ba'i bsam pas las gud du byas na bye ba'o zhes pa la sogs pa yin te/chos ma yin par lta bas mtshams kyi nang du dge 'dun gzhan dang bye yang bla bar bsams te las logs shig tu byas na bye bar 'gyur ba'o / /'di dag so so'i las su mi rung ba zhes pa dang /nyid kyi phyogs ma yin na mi rung zhes pa ni de ltar so sor byed na/ so so'i phyogs kyi las su rung gis bsnol mar ni mi rung ba'o/ /chos smra bas byas pa ni dge 'dun gyis byas pa'o zhes pa ni chos kyi phyogs su lta ba rnams kyis mtshams gcod cing dgrol ba la sogs pa'i las byas pa ni dge 'dun gzhan gyis las su rung ba'o//skam la gnas pa yod na des dge slong mas lung sbyin zhes pa ni rtsod pa'i 'dam du ma song ba'i skam la 'dug pas dge slong ma'i lung byin cig pa'o/ /'di dag chos kyi phyogs pas bskal bar 'gyur zhes pa ni skam la gnas pa 'di lta bu mtshams kyi nang na yod de ma dris par las byas na/ las gcod pa la sogs par 'gyur bar ston pa'o/ /yo na de nyid 'jig ces pa ni skam la gnas pa de phyogs gcig gi rjes su bltas pa 'jig par 'gyur ba'o/ /'di mi bya zhes pa ni 'di lta bas na skam la gnas pa de phyogs gcig tu lta bar ma byed cig pa'o/ /dge slong ma'i dge 'dun dang phyogs dang phyogs gzhan du bltas kyang lung sbyin zhes pa ni dge slong ma'i dge 'dun so sor chad du byed pa'i tshe lung byin cig pa'o//bye na ni 'di ma yin zhes pa ni so sor shag por byed na ni lung ma byin cig pa'o/ /gsol na 'dum du gzhug ces pa ni de dag lung dbog par gsol na khyed ci 'dum par gyis shig dang /gdod lung sbyin no gyis shig pa'o/ /dbyar gyi chos smra bar 'gro zhes pa ni dbyar gyi rnyed pa rnams chos smra ba dbang ba'o/ /'dus pa gnyis las ma bgos par sbom du byin cig pa'o zhes pa ni bye ba'i dge 'dun sde gnyis la yon bdag gis so sor ma bgos par spyi ril du phul na chos smra ba rnams dbang bar 'gyur ba'o//kun du'ang de'am zhe na/ de dag kyang dge 'dun du tshang bar 'gyur na'o zhes pa yin te/ chos smra ba'i phyogs rnams dge 'dun du tshang na gdod gong ma ltar 'gyur ba'o/ /gal te ma tshang na ji ltar bya zhe na/ gal te gzhan ma tshang la de dag na gang gi thu par 'ongs pa'o zhes pa yin te/chos kyi phyogs su lta ba ni dge 'dun du ma tshang ba chos ma yin pa'i phyogs su lta ba rnams dge 'dun du tshang na gang gi thu bar 'ongs par dbang ba'o/ /mdun du bzhag pa'ang de bzhin gal te gnyi ga'i thu bar 'ongs na ji ltar bya zhe na/ gnyis kar na gnyi ga'o zhes pa ni gnyis ka'i thu bar 'ongs na gnyis ka dbang ba'o//bgo ba'i thabs ji ltar bya zhe na/ dge 'dun du ma yin gyi gang zag gi skal bas so zhes pa yin te/ dge 'dun gyi sde gnyis dga' bar phyed shas su bgo ba ma yin gyi gang zag gi grangs mang nyung gi shas su bgos shig pa'o/ /las kyi phye ba'i dngos por gtogs pa zhus pa dang man pa'i ka'o//'khor los bye ba'i dngos por ston pa ni gcugs gzhug pa'i phyir gsol ba'am tshul shing len du btsud pas chos dang bral ba ni dge 'dun phye ba'o zhes pa la sogs pa yin te/ 'phags pa'i lam dang bral ba'i gso ba'am tshul shing len du btsud pas gcugs bcug na dge 'dun phye ba yin par ston pa'o//'byed par byed pa'ang dge 'dun ma tshang ba dang gzhan yang mtshams kyi nang na lus pa dge 'dun du ma tshang na 'dir mi 'gyur zhes pa ni byed pa dge 'dun du ma tshang ngam phyi ma lus pa dge 'dun du ma tshang na dbyen du mi ldang ba'o/ /'byed par byed pa na 'byed pa ma yin zhes pa ni 'byed par byed pa kho na nyid kyis dge 'dun gyi kha bskang du mi rung ba'o//phye'o cog gis mtshams med par 'gyur ram zhe na/ chos dang chos ma yin pa kho na gdod yod bzhin na mtshams med pa'o zhes pa ni chos dang chos ma yin par shes bzhin du gcugs bcug ste phye na gdod mtshams med par 'gyur ba'o//chos kyi 'du shes phye na yang zhes pa ni lhag ma lus pa'i mya ngan las 'das pa las bzlog pa ni 'dod khams kyi dbang po la phan btags par 'du shes pa lta bu phan gdags pa'am bsod nams kyi 'du shes kyis phye na yang mtshams med par 'gyur ba'o/ /'khor los phye ba'i dngos po'o// //rtsod pa'i dngos po ston pa ni 'khrug pa'i rgyu ni bzhi ste zhes pa la sogs pa yin te/'khrug pa'i rgyu rnam pa bzhi yod par ston pa'o/ /bzhi gang zhe na/ dngos po don de kho na nyid la kha mi 'dum pa dang / spang ba dang nyes pa can dang las 'dum pa mi ster ba rnams so zhes pa yin te mi mthun pas rtsod pa'i rgyu ni dngos po'i don/rtag chad la sogs pa'i de kho na nyid la kha mi 'dum pa las 'byung ba nyid dang lung mi ster bar rtsod pa'i rgyu gso sbyin dang tshul nas 'byung ba las spangs shing bkyigs pa las 'byung ba dang / ltung ba'i rtsod pa'i rgyu nyes pa yod med las 'byung ba dang / bya bas rtsod pa'i rgyu las 'dur mi btub pa las 'byung ba rnams su ston pa'o//mtshan ma dang po ni grag par bya bas 'jil zhes pa ni dngos po don de kho na nyid la kha mi 'dum pas ni rtsod pa ni rtag chad la sogs pa gang gi phyir kha mi 'dum pa de gcig tu nges par g.yengs te bcad pas 'jil zhing slon par ston pa'o//mtshan ma gnyis pa ni 'di dang brtsangs pas so zhes pa ni spang ba la rnam pa gnyis te/ rgyu yod pa dang med pa'o/ /de la rgyu yod pa ni nges par bcad pas zhi bar bya ba dang / rgyu med pa ni dran pa dang ma rmongs pa sbyin zhing brtsangs pas 'jil bar ston pa'o/ /mtshan ma gsum pa ni bcos pa dang sems su bcug pas so zhes pa ni nyes pa can la'ang nyes par mngon pa dang /mi mngon pa gnyis yod de de la nyes par mngon pa ni gnyen po la brten du bcug cing bcos pas slon par ston pa dang / nyes par mngon pa ni dran pa tshol zhing sems su bcug pas 'jil par ston pa'o//tha ma ni byin pas so zhes pa ni las la 'dur mi btub pas rtsod pa ni 'dur btsud pas zhi bar ston pa'o/ /rtsod pa nyid kyis ma chod na gzu bos bcad ces pa ni dge slong gnyis rtsod pa ma dum na gzu bos chod cig pa'o/ /dge slong ngo yang zhes pa ni gzu bo de yang dge slong yin na'o//dge slong ji lta bu zhe na/ 'drang ba'o zhes pa yin te/ 'drang bas chod cig pa'o/ /su 'drang zhe na/ de dag ces pa yin te/ rtsod pa dag 'drang ba'o/ /'drang ba du zhe na gcig yan chad ces pa yin te/ gzu bo gcig yan chad du'ang rung ba'o/ /dge slong gcig la 'drang bar bya ba ji lta bu zhe na/skam la gnas pa la 'drang du gzud ces pa yin te/ skam la gnas pa'i dge slong de dag 'drang bar gyis shig pa'o/ /'di lta bu ni dge 'dun gyis gtan du bsko zhes pa ni rtsod pa zhi bar byed pa'i dge slong skam la gnas pa ni yang dge 'dun gyis gtan du skos shig pa'o/ /ji lta bu las bsko zhe na/'dir 'thab gcugs mi byed pa las bsko bar bya zhes pa la sogs pa yin te/ ji nas kyang 'dum bar byed kyi rtsod par mi byed pa las skos shig pa'o/ /khrel yod cing bslab pa la gnan pa'o zhes pa ni bslab pa la gnan to cog la khrel yod pa dang / bslab pa la gnan pa las bskos shig pa'o//'dul ba la shin tu nges pa dang zhal che lo drung la mkhas rab bo zhes pa ni 'dul ba'i lci yang dang ltung ba mi ltung ba'i dmigs phyed pa dang / zhal che'i tshul la mkhas pa las skos shig pa'o/ /bye zhig can no zhes pa ni des dbyangs shing rmel ba las phyis gzhan gyis kyang skyed phyin par mi nus pa'o//brling ba'o zhes pa ni zung thub pa'o/ /bsam pas rang bar mi byed pa zhes pa ni khro zhing ro mthur gyi khar mi 'dor ba'o/ /snyoms pa zhes pa ni 'dod pa la sogs pas 'gro ba ma yin pa'o/ /'go ba'o zhes pa dang / dbyang ba'o zhes pa ni rtsod pa dang / lan 'go ba dang dbyangs nas slar shad kyis dbyang ba'o//mdzangs pa zhes pa ni 'go ba mi rmongs pa mkhas pa'o/ /bdag gis ma phebs na dge 'dun la dbul zhes pa ni skam la gnas pa gong ma lta bus zhi bar ma nus na dge 'dun la phul cig pa'o/ /de dag ma nus na gzu bo bsko zhes pa ni dge 'dun gyis kyang bsdum par ma nus na de dag chos pa'i gzu bo chang khyur len pa dmigs kyis skos shig pa'o//dge 'dun du langs pa las mi bsnyung zhes pa ni gong ma ltar bsgo ba'ang bzhi man chad las ma bsnyung shig pa'o/ /gzu bo de dag nyid kyis ma chems na snod bsgo zhes pa ni gzu bo snga mas mi nus na snod cig pa'o//ma nus la phyi ma'ang ma bskos na khungs gang yin pa der gtad ces pa ni gzu bo snga mas ma chod la phyi ma'ang ma bskos na su las 'ongs pa de nyid kyi khungs su phul cig pa'o/ /slar lhags rtsa ba'i dge 'dun gyis rtsod pa'i kha 'drim kha bsko zhes pa ni gong ma ltar gyur te/slar lhags na rtsa ba'i dge 'dun de dag gis gud du sbyong du khrid cig pa'i dge slong skos shig pa'o/ /des ni gnas brtan dang ldan zhing so sor thar pa dang ldan pa'i dge 'dun la dbul zhes pa ni khrid khrid pa'i dge slong gis kyang 'di dag lta bu la phul cig pa'o/ /sngon gyi lo drung bsnyad nas zla ba gsum gyi bar du dbul ba zhes pa ni des kyang ji ltar rtsod pa dang skam la gnas pa la sogs pas ji ltar ma chod pa rnams kyi lo drung bsnyad nas zla ba gsum gyi bar du dge 'dun de la phul cig pa'o//'di dag ni des des so zhes pa ni gong ma skad du lo drung snyod pa ni rtsod pa khrid khrid pa'i dge slong des gyis shig pa'o//gtad pa de dag gis kyang mdo 'dzin pa dang 'dul ba 'dzin pa dang / ma mo 'dzin pa'o zhes pa dang / zla ba drug tu'o zhes pa ni dge 'dun de dag gis kyang zla ba drug gi bar du mdo sde 'dzin pa la sogs pa la gtod cig pa'o/ /de dag gis kyang gnas brtan la sogs pa'o zhes pa ni mdo sde 'dzin pa dag gis kyang ma nus na gnas brtan kun gyis shes par grags shing gzi brjid che ba la phul cig pa'o//ji srid kyi bar du phul zhe na mtha' med par ro zhes pa yin te/ gnas brtan la dbul ba ni dus 'di srid kyi bar du zhes bya ba med par phul cig pa'o//de dag 'dis go 'dun dang so shing yan chad dag kyang bdag gir mi bya zhes pa dang / lhan cig 'khod pa dang / lhan cig tu 'dong zhing 'chag pa dang / gtam dang bre mo gtam rnams kyang ngo zhes pa ni rtsod pa de dag las gnas brtan de ming gis smos pa de rnams 'di dag kyang bdag gis ma byed cig pa'o//'khor na tshe dang ldan pa khyed cag kyang legs par gsungs pa'i chos 'dul ba la rab tu byung nas 'thab cing mtshang 'bru ba dang / 'khon cing rtsod par gyur pa ni tshe dang ldan pa khyed kyis ma rnyed cing nyes pa rnyed kyis legs pa ma rnyed do//tshe dang ldan pa mtshang ma 'dru ma 'khon ma rtsod cig gnyis 'thab pa dang / gcig 'pham gcig rgyal gyi gnyis rgyal mi srid do/ /gnyis bang 'gyed dang / gnyis mi rgyal gyi gcig rgyal la gcig 'pham mo zhes so zhes pa ni gnas brtan des gong ma ltar thibs kyis gnan pa dang /de dag 'khor na tshig 'di skad du thar ngag skyed cig pa'o/ /mang brtsan par bya ba ni bsgrub pa'i rnam pa gcig go zhes pa ni mang po kha thabs su dor ba yang gzhil ba'i rnam pa gcig yin par ston pa'o/ /'di ni chos rnam par nges pa la srid kyi tshul rnam par nges pa ni ma yin no zhes pa ni rtag gam mi rtag pa'am/nyes par 'gyur ram ma gyur par kha ma dum ba la ni mang po'i kha thabs su dor gyi gang zag gi nyes pa byas sam ma byas par kha mi 'dum pa ni mang brtsan par mi rung ba'o/ /ci'i phyir de lta zhe na/ de'i lo drung chud par bya ba ni rtsod pas chud pa'i phyir ro zhes pa yin te nyes byas sam ma byas pa ni de dag gnyis kyis shes su zad de phal gzhan gyis gcad du mngon pa'i phyir ro//gong ma ltar ma brtsan par bya ba'ang kun la bya bar rung ngam zhe na/ de dag kha drag la dus kar 'dor zhing 'then pa dang lan rngams cher byed de bye bar dogs na 'di la brten to zhes pa yin te/ rtsod pa 'di dag kyang mdo sde 'dzin pa la sogs pa yin la zhe tshabs kyang mi chung bar rtsod cing dge 'dun bye ba'i gcugs su 'gyur ba lta na gdod mang po brtsan pa'i thabs 'di ltar gyis shig pa'o//bsdam par bya ba'i don ma yin na'o zhes pa ni mang po brtsan par bya ba'ang bsdam par bya ba tsam gyi don phran tshegs ma yin na gdod de ltar bya ba'o//gnas brtan gyi bar du tshegs byung ba'i mjug tu'o zhes pa ni mang po brtsan par bya ba yang skam la gnas pa nas brten la thug pa'i bar du gong ma'i rgyud bzhin bya ste'ang ma slon na gdod 'di ltar gyis shig pa'o/ /rtsa ba 'di dge 'dun gyis so zhes pa ni mang po brtsan par bya ba'i dge 'dun gzhan gyis ma yin gyi rtsa ba'i dge 'dun de dag gis gyis shig pa'o//mang po brtsan pa'i thabs ji ltar bya zhe na/ 'di'i kha bsdu ba ni tshul shing len du btsud pas so zhes pa yin te/ tshul shing len du btsud pa la tshul shing gi grangs gang mang ba'i khar 'or cig pa'o//tshul shing 'brim pa bsko zhes pa dang / des tshul shing ni rnam pa gnyis su bshad ces pa dang / chos kyi tshul shing ni mi sgu mi yo mi 'khyor la mdog bzang dri zhim 'jam rab tu bya cig shos kyi ni de las bzlog pa'o zhes pa dang / dge 'dun bsdu ba'i phyir bsnyad ces pa dang /tshul shing brim par gyis thams cad 'du bar mdzod cig ces so zhes pa ni tshul shing brim pa bsko ba dang / 'brim par bskos pa des sde gnyis kyi tshul shing 'di ltar bya ba dang dge 'dun bsdu ba'i snyad 'di skad du gyis shig pa'o/ /dad pa 'bul shing bsdu ba'i nyams drod las ni ci nas kyang chos ma yin pa'i tshul shing lhag pa gtan mi brim zhes pa ni dad pas bsdus pa la sogs pa'i nyams drod las chos ma yin pa'i phyogs rtag tu byed na tshul shing ma brim shig pa'o//'brim pa'i tshe chos kyi tshul shing lag pa g.yas pas cig shos ni g.yon pas so zhes pa ni chos yin pa dang ma yin pa'i tshul shing lag pa g.yas g.yon du bskur ba'i thabs kyang 'di ltar gyis shig pa'o//'di bkab la de nas skad sbyar zhing bstan zhes pa ni chos yin pa'i tshul shing lag pa g.yas g.yon gang na yod pa la sogs pa snga nas bstan cing skad sbyor cig pa'o//skad sbyor ba'i thabs ji ltar bya zhe na/ gnas brtan 'di ni chos kyi tshul shing ste mi sgu mi yo mi 'khyor la mdog bzang dri zhim 'jam rab kyis bar shes shig ces so zhes pa yin te/ skad sbyar zhing chos kyi tshul shing len du gzhug pa'i thabs 'di ltar gyis shig pa'o//cig shos slong na tshig lan gnyis kyi bar du mi sbyin zhes pa ni chos ma yin pa'i tshul shing len na tshig lan gnyis kyi bar du gyis shig pa'o/ /dgab cing dbye ba ji ltar yang rung ste/ ci nas kyang chos kyi yus su byung bar bya zhes pa ni dgab pa dang ji ltar byas kyang rung ste/mdor na ji nas chos kyi yus su 'byung ba'i tshul gyis gyis shig pa'o/ /tshe dang ldan pa mkhan po dang slob dpon dang mkhan po gcig pa dang / gtam zla dang bre mo gtam gyi zla dang / bshes dang gcugs pa rnams kyis kyang chos kyi tshul shing blangs zin pas na de dag dang /'khon ta re zhes rna bar gshub cing chos kyi tshul shing len du gzud ces pa ni dge slong phal yang chos kyi tshul shing len du gzud pa'i thabs dang snyad 'di ltar gyis shig pa'o/ /chos ma yin pa'i tshul shing mi blang zhes pa ni chos ma yin pa'i tshul shing yang ma len cig pa'o//mdo dang 'dul ba dang mdo sde 'dzin pa la ma dris par ma yin zhes pa dang / dbye bar dga' ba ma yin zhes pa dang / chos ma yin pas ma yin zhes pa ni mdo sde 'dzin pa la sogs pa snga nas ma dris pa dang / bye yang bla ba dang /chos ma yin par bsams te tshul shing len par ma byed cig pa'o/ /'di dag tu 'gyur ba shes na'ang ma yin zhes pa ni de'i mod la ni ma yin gyi phyis chos ma yin pa dang / dge 'dun dbye bar 'ong ba lta na'ang ma len cig pa'o/ /mnyam na nyan thos chen po'i phyir tshul shing gcig blang zhes pa ni mnyam pa zhig tu gyur na nyan thos chen po'i tshul shing gcig chos yin pa'i phyogs kyi khar snon cig pa'o//chos ma yin pas de ltar zhi na'ang mi bskyar zhes pa ni mdor na chos ma yin pa'i phyogs su byin pas zhi bar gyur na'ang de bzhin du gyis shig pa'o/ /mi 'dum bar rtsod pa zhi bar bya ba'i cho ga ni de ltar bstan nas/gong du lung mi ster ba rtsod pa ni 'di dang gsang bas so zhes smos pa la rnam pa gcig gis gong du bstan pa yin gsang ba ston pa ni ma nyes par glengs na gtsang zhes pa yin te/ ma nyes pa la glengs na dran pa dang ma rmongs pas song shig pa'o//ma nyes par glengs pa de la rnam pa du yod ce na gleng ba de ni rnam pa bzhi ste/ dngos po med pa dang / nor ba'i dbang dang / bcos pa la ma ltos pa dang / smos pas byas pa rnams so zhes pa yin te/ rnam pa 'di bzhi lta bus glengs na ma nyes pa la glengs pa zhes bya'o//de la dngos po med ces pa ni nyes pa'i dmigs ye med pa'o/ /nor ba'i dbang zhes pa ni lhag ma byas pa la ltung ba byas so zhes zer ba lta bur brgal ba nor ba'o/ /bcos pa ma ltos zhes pa ni nyes pa'i gnyen po byas zin pa'i 'og tu gleng zhing rgol ba'o/ /smos pas byas zhes pa ni smos te ma dran pa'i tshe nyes byas pa'o//de bzhi lta bus brgal na gtsang ba'i thabs ji ltar bya zhe na/ dngos po gsum ni dran pa'i 'dul ba byin pas shes pa dang tha ma ni ma rmongs pa'i 'dul ba byin pas zhes pa yin te/ dngos po med pa dang nor ba dang bcos ba la ma ltos pa nyes pa gsum ni nyes par mi dran zhe'am nyes byas su mi dran zhes zer na de skad du zer ba dang sbyar te gtsang ba'o//smos pas byas pa ni ma smos shing dran pa'i tshe nyes byas su mi dran pa'o zhes zer na de'i khar bor la gtsang ba'o/ /ltung ba'i rtsod pa ston pa ni nyes pa can gyis 'khrug pa ni gsum ste/sa med pa dang gcugs yod pa la gnyis te/ phyogs gcig pa dang / dge 'dun thams cad pa'o zhes pa yin te/ ming gis smos pa 'di rnams gsum ni ltung ba'i rtsod pa yin pa'o/ /de la bcugs zhes bya ba ji lta bu zhe na/ phyogs phyogs su chad pa'o zhes pa yin te/dge 'dun ser sder chad pa gcugs pa yin pa'o/ /de dag gi gnyen po ston pa ni dngos po ni khas blangs ba gnyen po'o zhes pa la sogs pa yin te/ de la gcugs med pa ni bdag gis nyes so zhes khas blangs pa gnyen por 'gyur ba'o/ /gnyis pa ni mngon sum gyis 'dul ba'o zhes pa ni phyogs gcig gi gcugs su 'gyur ba'i nyes pa ni gleng ba dang bcas te dge 'dun gyi spyan sngar bkug cing smra zhing sbyangs pas 'dum ba yin no//gsum pa ni rtswa bting ba'o zhes pa ni dge 'dun thams cad kyi gcugs su 'gyur ba'i nyes pa ni rtswa bsnyil ba dang 'dra bar nang 'dum ba gnyen bor 'gyur ba'o//de nang 'dum pa'i tshe nyes pa bshags pa'i thabs ji ltar bya zhe na/ mang bo'i don du ni gcig gis dge 'dun ma yin pa la bshags pa'i gnyen po bya zhes pa yin te/ gang la nyes pa yod pa'i phyogs kyi nang nas gcig cig gis thams cad kyi don du dge 'dun la bshags pa ma yin pa'i gang zag la bshags pa rnams bshag par gyis shig pa'o//du ma ni cig car du'o zhes pa ni nyes pa'i sna grangs du ma yod pa yang de lta bu'i tshe cig car du bshags shig pa'o//cig car du bshags pa'i snyad ji skad du bya zhe na/ gang nyes pa smos pa dang shes par bya bas so zhes pa yin te/ gang gang yin pa dang gang zag su sus nyes pa rnams smos shing pha rol gyis go bar gyis shig pa'o/ /de dag ltar bya ba gang gi tshe zhes/ phyogs tha dad pa du ma na'o zhes pa yin te/phyogs so sor chad pa rnams 'dum na gdod de ltar gyis shig pa'o/ /khas ma blangs pa dang gyi na pa ni bshags par mi 'gyur zhes pa ni nyes pa yod par khas blangs pa dang / nyes med par khas blangs te gyi nar bshags pa ni bshags par mi 'gyur ba'o/ /cig car du gleng du rung zhes pa ni nyes pa du ma'ang gang zag du ma la gleng ba cig car du byar rung ba'o//gleng ba yang de bzhin zhes pa ni gang zag gcig la gleng ba pa du mas gleng du'ang rung ba'o/ /de ltar rung ba'i grangs su ma chad kyi zhe na/ 'dir 'di'i grangs chad pa med ces pa yin te/ dus gleng du'ang rung ste grangs chad pa med pa'o//lus dang ngag tu bsdams pa dang sde snod rnams shes pa dang / dge 'dun gyi dbus su snying nas chos dang 'dul ba dang de las log pa rnams log par mi sgrog pa gsum dang ldan pa'i gleng ba pa ni brtsan par bya zhes pa ni rnam pa 'di gsum lta bu'i gleng ba'i brtsan par gyis shig pa'o//de pa chos shes la ni dngos po'i don to/ /'dul ba shes pa ni spyad pa'i cho ga'o/ /tshul khrims nyams pa dang log par sgrogs pa ni gcad zhes pa ni tshul khrims nyams pa dang log par smra bas glengs nas dge 'dun gyis mnyan par 'phral du chod cig pa'o//'di lta bu ma yin zhing sde snod 'dzin la mi shes pa ni shad kyis sbyang zhes pa ni lus dang ngag bsdams pa yang ma yin la log par sgrogs pa'ang ma yin pa dang sde snod ni 'dzin la de'i don mi shes pas glengs na ni ma nyes par shad kyis sbyongs shig pa'o/ /rnam pa gsum dang ldan pa'i glengs par brtsan par bya ba yang brtag mi dgos par de'i kha thabs su 'dor ram zhe na/'di'i bsam pa'ang brtag par mi bya zhes pa yin te/ de gsum dang ldan pas rgol du zin kyang brgal ba dmigs su phebs sam ma phebs pa ni rtogs shig pa'o/ /jis brtag ce na dmigs su ma phebs pa'o zhes pa yin te /des glengs pa'ang dmigs su phebs na brgal du zin kyang ma brtsan pa'o/ /de la dmigs pa gang zhe na/ yul dus spyod lam byas pa ni dmigs so zhes pa yin te/ 'di rnams kyi dmigs su phebs na ni dmigs su phebs pa yin pa'o/ / de la yul zhes pa ni lkog yin nam ma yin pa dang lam ka yin pa lta bu'o/ /dus shes pa ni nyin par ram mtshan mo lta bu'o/ /spyod lam shes pa ni 'greng ngam 'dug pa lta bu'o/ /byas zhes pa ni pham pa 'am lhag ma la sogs pa byas pa'o/ /thod rgal dang rngan sdang gis gleng ba ni mi skye zhes pa ni ched ci zer ba lta bur tshig 'khrul pa dang khon yod pa'i phyir gleng ba ni gleng bar mi tshud de mi brtsan pa'o//glengs te khas blangs na zin pa'o zhes pa ni glengs pa dang nyes pa yod pa bden no zhes khas blangs pa ni gleng ba'i mtha' 'am gleng ba'i mjug nyid de yin pa'o//bden pa mthong ba dang yon tan gyi khyad zhugs pa gang yang rung bas smra ba ni khyim pa zhig na'ang tshad mar bya zhes pa gleng ba dus dang dngos po gnyis la bden pa'am mthong ba dang ma mthong ba'i khyad yod dam/ yon tan che chung gis zhi bar bya ba'i phyir mi 'bad ba ma yin zhes pa ni rtsod par gyur te/cho ga la gcugs pa'i nan ma chung shig /rtsod pa'i dngos po'o// //rtsod pa'i dngos po zhus pa las 'byung ba bsdus te ston pa ni bya bas rtsod pa ni zhi'o cog 'du zhes pa la sogs pa yin te/ bya ba rtsod ces bya ba ni 'dur mi btub pa'i phyir rtsod pa yin te/mi mthun pas rtsod pa'i phyir yang 'du dgos spang ba la rtsod pa'i phyir yang 'du nyes pa can gyi phyir yang 'du dgos pas na bya ba la sogs pa ni zhi ba'o cog 'dul bar 'gyur ba'o/ /bskang bar mi 'os pa ni dge 'dun gyi bya ba la gzu bor ma yin zhes pa ni bsnyen par ma rdzogs pa dang zhig pa la sogs pa la bskang bar mi 'os pa ni gzu bor yang mi chud pa'o//'og ma rnams ni bsnyen par rdzogs pas dbang bya'o zhes pa dang / bud med kyi la yang skyes pa dbang ngo zhes pa ni dge tshul la sogs pa chad pas gcod pa'i dbang bsnyen par rdzogs pas bya ba dang /dge slong ma chad pas gcad pa'i dbang dge slong gis gyis shig pa'o/ /'tsho ba'am bsnyen par rdzogs pa nyams na zhi bar 'gyur bar shes pa ni shi ba'am babs na rtsod pa'ang 'jig pa'o/ /[(]sbang [,]spang [)]bar 'gyur ba dang / phyogs gzhan yan chad kyang zhes pa ni spang bar gyur pa dang / phyogs gzhan du gyur pa yan chad kyis kyang rtsod pa rang 'jig par ston pa'o/ /gung du song ba dang nad yun rings kyis thebs na yang zhes pa ni sogs pa yin te/ mi longs pa'ang kungs so'i zhes pa ni gong ma ltar gud du song ba'am nad kyis thebs pa la sogs pa brgal ba'am rgol ba gang yang rung ba cig de ltar gyur na rtsod pa rang 'jig go//rtsod pa'i dngos po zhus pa'o// //gnas kyi dngos po ston pa ni so sor thar pa'i sdom pa bas mchog pa la rab tu byung bas phyag bya zhes pa la sogs pa yin te/ mtshungs na rgan pa la'o zhes pa dang mtshan gzhan pa la ma yin zhes pa ni so sor thar pa'i sdom pa mtshungs kyang gang rgan rabs la phyag bya ba dang mtshan tha dang pa ste bud med la ni ma yin pa'o//skyes pa mi dma' ba la bud med kyis zhes pa ni so sor thar pa'i sdom pa las mi dma' ba'i dge slong gsar bu zhig yin na yang dge slong ma yis phyag gyis shig pa'o//sa gzhan la gnas pa zhig pa dge slong mas bslus pa chos ma yin pa'i phyogs du mar gnas pa mtshams med pa byas pa nyal ba mnyam par gzhag pa 'brel pa yengs pa rgyab kyis lta ba grong na gnas pa/ zas la bkad pa rnams ma gtogs zhes pa ni ming gis smos pa 'di rnams kyi gnas na 'dug pa ni phyag bya ba la ma gtogs pa'o//rab tu byung ba la khyim pas zhes pa ni rab tu byung ba la ni khyim pa'o cog gis phyag gyis shig pa'o/ /sangs rgyas la ni thams cad kyis so zhes pa ni sangs rgyas la ni thams cad kyis phyag gyis shig pa'o/ /phyag bya ba dang /mi bya ba rnams de ltar bstan nas gtsug lag khang gi yan lag du bya ba'o cog ston pa ni gtsug lag khang bya zhes pa dang / ngos gcig gi dbus su dri gtsang khang bya zhes pa dang / de'i thad kar sgo khang zhes pa dang / gru bzhi ni dge zhes pa ni gtsug lag khang gru bzhir byas pa ngos gcig gi dbus su dri gtsang khang rtsig cing de dang byang stad kyi mdun du sgo khang gyis shig pa'o//ngos gsum pa yang zhes pa ni gtsug lag khang gru bzhir 'dug pa la ngos gsum ni dri gtsang khang dang gnas khang byas la/ sgo rol gyi ngos gcig gnas khang khyad zhugs na khyim par zin gyis kyang de'i kha thabs su 'or cig pa'o//che bzhis phye na'o zhes pa ni phye ba'ang brtsan par gyis shig pa'o/ /the tshom pa des pa ma yin zhes pa ni nyes sam ma nyes su ma nges te/ the tshom yod bzhin pa ni nges pa zhes pa nyid ma yin pas brgal kyang mi brtsan pa ste dngos su ni ka ra'i chu la skyo mar nor ba lta bu'o//'di ni khas blangs pa bzhin du nges pa'o zhes pa ni dben pa mthong bas phye ba ni khas blangs pa bzhin du gtsigs che ba'o/ /khas mi len pa ni bsnyon pa'o zhes pa ni sngar nyes pa yod pa khas blangs pa phyis bsnyon pa ni sngar khas blangs pa de mi brtsan par ston pa'o/ /de lta bur bsnyon nges pa la thabs ji lta bur bya zhe na/dge 'dun la khas len cing bsnyon pa ni rtog tu gzhug ces pa yin te/ 'di lta bu de sems su chug shig pa'o/ /de'i rang bzhin tshol ba la phan pa'i phyir de'i rang bzhin tshol ba'o zhes pa ni de ltar gya gyu med pa de la phan pa'i phyir de'i rang bzhin tshol ba zhes bya ba yong yang de'i phyir bstan pa yin par ston pa'o//kha cig ni 'di la chad pa'i tshul gyis so zhes 'chad do zhes pa gong ma ltar dge 'dun la gya gyur byed pa ni dge 'dun thams cad 'dus pa la dge slong cig gis gsol bar bya ste / las su bya ba ni btsun pa'i dge 'dun gson cig dge slong me bzhi skyes 'di dge 'dun gyi dbus su khas len cing bsnyon pas na dge 'dun gyis 'dir rang bzhin tshol du gzhug go zhes 'byung gi me bzhi skyes rgan rabs la de'i rang bzhin btsal bar gsol lo zhes mi 'byung bas na/de'i rang bzhin tshol du gzhug pa yang chad pa'i tshul yin no zhes slob dpon kha cig 'chad par ston pa'o//de ni mdo dang 'gal ba'i phyir mi bzang zhes pa ni gong ma skad du bya ba yang kun dga' bo dge slong 'ga' zhig dge 'dun gyi dbus su khas len cing yang len kyang bsnyon par byed na dge slong de la tshe dang ldan pa khyod kyis ma rnyed pas na legs par ma rnyed kyi nyes pa rnyed kyis dge 'dun gyi nang du song la de'i rang bzhin tshol bar gsol cig ces bsgo bar bya'o//de'i dge 'dun gyi nang du song la de'i rang bzhin btsal ba gsol lo/ /dge 'dun gyis kyang chos dang / 'dul ba bzhin du de'i rang bzhin tshol ba dbog go zhes 'byung bas na/gzhung las 'di skad du 'byung ba dang 'gal ba'i phyir gong ma skad du 'chad pa de mi rung bar ston pa'o/ /gal te gong ma ltar 'chad pa'i tshul yin na chad pa rnam pa bdun gyis dkyus su ci'i phyir ma smos she na/ zhi bar bya ba'i phyir tha dad du bya'o zhe na mi 'dod pas so zhes pa yin te/gong ma ltar de'i rang bzhin tshol ba yang zhi bar byed pa tsam du zad pas dkyus su ni de ltar ma smos so zhes zer na yang de ltar mi btub pa'i phyir mi rung bar ston pa'o/ /ji ltar mi rung zhe na/ spyo pa la sogs pa'ang de ltar ma bzhag pa'i phyir ro zhes pa yin te/ spyo ba la sogs pa'i tshad las kyang 'thab pa la sogs pa zhi bar byed pa lta bu yin mod kyi bdun gyi dkyus nas ma bkol ba'i phyir gong ma skad du bya ba yang mi rung ba'o//de'i rang bzhin tshol ba de nyes par ma mthong ngo zhes zer ba'i phyir bsnyon pa'i chad pas gcod pa'o zhes zer na yang 'gal bar ston pa ni khas blangs shing bsnyon par ngo zin pa'i grags pa yang ma mthong bar 'gyur bas so zhes pa yin te/de ltar bsnyon par mthong zhing nyes par grags pa yang ma mthong ngo zhes zer ba yin pas na/ bkar bas gcad pa la thug gi de'i rang bzhin tshol ba yang mi 'gyur ba'i phyir ro/ /med pa'i phyal por 'dug pa lta bur byas kyang bla ba'o//blang zhes pa dang / gtsug lag khang du gnas zhes pa ni gtsug lag khang phul na blang du rung ba dang gtsug lag khang du gnas par gyis shig pa'o/ /dge 'dun gyi gnas su gzhan gyis dge 'dun dge slong gang zag gi phyir gnas kyi dngos po byed na gnang bar bya zhes pa dang / gal te sbyin bdag yod na ni des gnang na'o zhes pa ni dge 'dun gyi gnas kyi zla la dge 'dun nam gang zag gi gnas gzhan gyis brtsigs na gnang bar bya ba dang / sbyin bdag nyid yod na ni de'i kha thabs su 'or cig pa'o/ /grong khyer gyi nang ngam phyi rol du bsti kar byar rung zhes pa dang bsti khang gi gnas 'di gnyis kar byas kyang bla ba'o//bdag gis khron par na 'dod chags kyi rkyen spang ba'i phyir mda' yab bya zhes pa dang / bud med chu slong na kha glugs su ma yin gyi snyim par blud ces pa ni bdag cag gi gnas na khron pa yod la bud med la sogs pa chu chur 'ong na mig lam du mi bab par mda' yab kyis bcad cing bud med chu slong ba la yang sbyin pa'i thabs 'di ltar gyis shig pa'o//dbyar gyi khongs su 'ong na de'i rnyed pa 'os zhes pa dang / de'i tshe rnyed pa yang dbyar yun ring du gnas na zhes pa ni dbyar gyi khongs su dge slong gud nas 'ongs la yun ring du lon na de'i rnyed pa la dbang ba'o//rnyed pa ma yin pa zas las su mi gzhug ces pa dang / rnyed pa ma 'thob pa la yang zas ni sbyin zhes pa ni zas nyi tshe zas la rnyed pa mi 'thob pa las su ma bsko shig pa'o/ /rnyed pa mi 'thob pa yang zas ni ma bkyigs par byin cig pa'o// //gzhan gyis rnyed par mi gce na ces ba dang /de'i phyir ma yin par song ba las gtsug lag khang gzhan gdugs tshod bab ste zos pa ni nyes med zhes pa dang / lo nyes kyi tshe nyid kyi nas ma khyer ba yang zhes pa dang / /dge slong gis tshad las lhag par blangs na yang zhes pa ni ched du zan bskugs pa'i phyir ni ma yin gyi don ched gzhan gyi phyir song song ba las gdugs tshod bab ste gtsug lag khang gzhan du zos pa dang mu ge'i tshe tshad bkar zan bskugs shig pa dang /dge slong gzhan gyi khong 'theb la za ba la ma gtogs par gzhan gyi rnyed pa la mi brtsan par bya ba'o/ /gtsug lag khang g.yel bar mi bya zhes pa dang /sbyin bdag 'chos su gzhug ma grub na dge 'dun gyis las ci nus su bya zhes pa dang / nyid kyis bcos pa zhes pa ni gtsug lag khang zhig ral du gyur pa yal bar ma dor bar yon bdag la bskul ba'am/ dge 'dun gyi dkor ram bdag nyid kyis bcos pa rnams gyis shig pa'o/ /rnyed pa len pas gtsug lag khang gi phyag dar bya zhes pa ni rnyed pa len pa rnams kyis ni de'i phyag dar kyang gyis shig pa'o//dad pas byin pa ni gtsug lag khang gi ma yin zhes pa ni yon bdag gis bskon mkhur mkhur du byin pa ni gtsug lag khang gi rnyed pa la ma gtogs pa'o/ /sgo bcad la gtsug lag khang nas 'gro zhes pa dang bsrung ba gzhag ste'o zhes pa dang med na rin sbyin zhes pa ni gud du 'gro ba'i tshe gtsug lag khang sgo bcad pa dang /srung ma gzhag pa dang / srung ma'i zas med na sbyin pa rnams so/ /rkun pos dbang du byas pa'i gdeng drod yod par des sgo mi dbye zhes pa dang / khang tog tu 'dzegs la zhing khyod rims kyis ma thebs sam zhes brda bya zhing smrar gzhug pa ni 'di'i thabs so zhes pa dang /'dis shes par bya ba ni gnas dang ming dang pha la sogs pa'o zhes pa dang / 'jigs pa dang bcas nas ma rtogs kyi bar sgo mi dbye zhes pa ni nub mo dge slong gud nas 'ongs te sgo phye zhes zer na/ rkun pos dbang du byas pa yin pa dang /ma yin pa la sogs pa gdeng drod ma bcad gyi bar du sgo mi dbye ba dang / brtag pa'i thabs 'di dag ltar gyis shig pa'o/ /dgon pa bas khyi bcang zhes pa dang / nad par langs ma thag tu gtsug lag khang dang mchod rten gyi than kor byung la zhes pa dang / brtugs na byas pa 'der gcis na brtsal sen mos brud na dal bsnyam zhing de'i shul du dkyil 'khor bya zhes pa dang /'di la lhung bzed kyi lhag ma sbyin zhes pa dang / gtsug lag khang mchod rten gyi nye spyod kyi phyi rol du'o zhes pa ni dgon pa pas khyi bcang ba'i thabs 'di dag ltar gyis shig pa'o/ /gtsug lag khang gi yan lag de ltar bstan nas klog 'don 'bogs shing don ston pa'o//'don pa 'bogs pa'i spyod lam ni ci dga' bar ro zhes pa la sogs pa yin te/ sdom pa 'bogs pa'i spyod lam ni 'gro nyal 'dug 'phres ci dgar gyis shig pa'o/ /gsar bus ni dang por phyag byas la khams snyoms sam dri zhing non pa'i spyod lam du bya zhes pa dang /thal mo sbyar te'o zhes pa dang lus dang sems mthud pa la'o zhes pa dang / drang por zhes pa dang / 'chag na ni gom pa gcig gis dben cing 'gro bas so zhes pa dang / 'greng na ni langs te'o zhes pa dang / 'dug gam 'phres na 'dug ste'o zhes pa dang / ngan snyigs kyis stan la'o zhes pa dang / gzhan na bskos nas so zhes pa dang / ma bsgo ba'i bar du gong gong por ro zhes pa dang / nod pa phal che na zhus te'o/ /kha thon ni thos pa'i dngos po'o/ /nyen kor nas spags la mthong ba'i nyen kor 'dug ste'o zhes pa dang / lung ni dben par song la bsgrub ces pa dang / legs par glags legs par zhus the tshom med par byas te/dbog pa dang mnod pa yang ngo zhes pa ni lung dang klog 'don nod pas ma nor ba'i thabs 'di dag ltar bya zhing mnos zin nas bslab cing bsgom pa'i thabs 'di dag ltar bya ba dang / 'bogs shing nod cing nod pa'i tshe bstar zhing nan tan gyis zhig pa'i tshul 'di ltar gyis shig pa'o//klog cing 'don pa'i tshul de ltar bstan nas las su bsgo ba rnams kyi tshul ston pa ni gtsug lag khang dang zas dang skom dang skyo ma dang thug pa dang bca' ba dang 'bras bu 'god pa dang sgo bsko ba zhes pa la sogs pa yin te ming gis smos pa 'di rnams bsgo zhing 'god pa skos shig pa'o/ /lhag rol zhes pa dang /lhag ma phyi nyin 'brim par byed na de'o zhes pa ni lhag rol 'brim pa yang skos shig pa'o/ /snod spyad sbed pa zhes pa dang / dbyar gyi ras chen zhes pa dang / gtan pa pa zhes pa dang / chos gos zhes pa dang / 'god pa zhes pa dang / khang skyong dang 'theb ces pa ni ming gis smos pa rnams kyi las byed pa'ang skos shig pa'o//kha phyis rdzi zhes pa dang / 'di las ni 'grim pa dang / zos zin nas sbed pa'o zhes pa ni kha phyis rdzi skos shig pa'o/ / de'i las gang yin pa ston pa ni mdo 'og ma'o/ /chus pa zhes pa ni 'brim zhing chu'i zhal ta byed pa gcig kyang skos shig pa'o/ /mdzes 'chos shes pa dang /bltas la rab tu byung ba rnams mi mdzes pa spyod na se gol gyis sbran te mdzes pa 'chos su gzhug ces pa dang / de ni 'di lta ste zas kyi tshe rgan rims su bya ba dang / sgra bskyungs dang shin tu bsdams pa rnams dang shin tu g.yogs pa dang / mchod rten la phyag 'tshal ba'i tshe yang sgra bskyung ba la sogs par ro zhes pa ni mdzes 'chos bsgo ba dang des bcos pa'i thabs 'di dag ltar gyis shig pa'o//dgar ba zhes pa dang / des thog mar zos la za ba'i tshe smyig ma thogs te bya rog dang bye'u dang phug ron la sogs pa bskrad ces pa ni dag ra ba bsko ba dang de'i las 'di lta bu la gyis shig pa'o//mal stan pa zhes pa dang / glas pa zhes pa dang / za ba'i tshe 'dul ba dang brtags pa yod na bsgo ba yang zhes pa ni mal stan pa dang / glas pa dang bsgo ba rnams kyang skos shig pa'o/ /gnas kyi dngos po'o// //gnas kyi dngos po phran tshegs la sogs pa las 'byung ba bsdus te ston pa ni mun khung du phyag 'tshal ba'i tshe phyag 'tshal lo zhes pa'i tshig bsnyad ces pa ni mun khung du mgo 'dung cing phyag 'tshal bar phyag 'tshal lo zhes pa'i tshig phyung shig pa'o//gzhan la phyag 'tshal bar zhugs pa'i tshe de'i than kor du lhags pa rnams la phyag bya zhes pa ni gnas brtan la sogs pa 'ga' la phyag 'tshal du son pa'i tshe de'i drung na phyag bya bar 'os pa gzhan 'khod na yang phyag gyis shig pa'o//tshangs pa'i phyag ni 'dir byas pa'o zhes pa ni de lta bu'i mal du phyir phyag byas na phyag bya par chud pa'o/ /'khon yod pa la phyag mi bya zhes pa ni 'khon yod pa la mgo 'dud cing phyag ma 'tshal cig pa'o//phyag 'tshal ba la a rog gya mi bya ba ma yin zhes pa dang / phyag bya ba 'das pa la yang phyag mi bya ba ma yin zhes pa ni phyag gi len a rog gya gyis shig pa dang / /dge slong khon yod pa shin du sbrul du gyur pas bsad pa lta bu yin te/ khon pa shi ba la yang bzod par gsol zhing phyag gyis shig pa'o//sme sa pa la phyag mi bya zhes pa dang / sme sa pas ma yin zhes pa dang / 'di bdag gir mi bya zhes pa dang / sme sa pas kyang ma yin zhes pa dang / sme sa pa ni gnyis te so shing yan chad za ba dang mi gtsang ba'i gnas na 'dug cing de las byed pa yan chad do zhes pa yin te zas za ba dang mi gtsang ba'i las byed pa'i sme sa pas phyag mi bya ba dang /sme sa pa la phyag mi bya ba dang gcig gis gcig phyag ma len cig pa'o/ /gcer bu khyed rangs na 'dir sme sa pa dang 'dra zhes pa ni 'di gnyis kyang sme sa pa dang 'dra bas ni phan tshun du phyag ma byed ma len cig pa'o/ /phyag ni gnyis te dkyil 'khor lnga dang rkang pa la gzung ba'o zhes pa ni phyag ni rnam pa 'di gnyis yin par ston pa'o//sbrid pa byung ba la sos zhes mi bya zhes pa dang / rgan po dang khyim pa ni ma gtogs zhes pa dang / gzhon pa la a rog gya zhes bya ba dang / rgan pa la phyag bya zhes pa dang / sbrid pa byung na yang zhes pa ni rgas pa dang nad pa ma gtogs pa sbrid pa byung ba la sos zhes mi bya ba'i rgan pa la ni phyag bya ba dang /gzhon pa la ni a rog gya bya ba dang / bdag sbrid pa byung na ni gzhan la phyag gyis shig pa'o/ /de bzhin gshegs pa la ming rus sam tshe dang ldan pa zhes mi brjod ces pa dang / ming rus kyang nye ba'i tshig med par mi smos zhes pa dang /rgan rabs la ma yin zhes pa dang / 'di'i rkyen du ni nye ba'i tshig gnas brtan nam tshe dang ldan pas so zhes pa dang / snga ma ni ma yin zhes pa ni de bzhin gshegs pa la tshe dang ldan pa zhe'am/ gau ta ma zhes mi bya ba dang / shAkya dang gau ta ma zhes brjod na yang bcom ldan zhe'am/ bde bar gshegs pa zhes nye ba'i tshig dang sbyar ba dang /rgan rabs la'ang gnas brtan nam tshe dang ldan pa zhes nye ba'i tshig med par ma 'bod cig pa dang / bcom ldan 'das la ni nye ba'i tshig tu gnas brtan nam tshe dang ldan pa zhes byar mi rung bar ston pa'o/ /las sar pa pas ltugs 'drul du 'gyur ba'i gnas su gtsug lag khang brtsigs zhes pa dang /skyed shing rdzing dang 'chag sar ldan zhes pa dang nye spyod kyang zhes pa ni gtsug lag khang brtsig pa'i gnas ming gis smos pa'i gnas 'di dag ltar gyis shig pa'o/ /'du 'dzi med pa 'ur sgra chung ba'o/ /tsha tsho med pa dbyangs med par zhes pa ni 'di lta bur skyon med par gtsug lag khang gyis shig pa'o//sbyin bdag gis gtsug lag khang bya ba'i phyir zong gtad la lung yod na de'i tshe spyad bya zhes pa dang 'di dag gzhag pa'i khang pa yang dbog ces pa ni gtsug lag khang rtsig pa'i zong sbyin bdag gis byin la ci legs par gyis shig pa'i lung byin na/sta 'jor yan chad de'i yo byad kyang rgyu de las gyis shig pa dang / de dag sba ba'i khang pa'ang phog shig pa'o/ /'bru mar la sogs pa de'i yo byed kyang ran par nyo zhes pa ni shing rta'i mig bsku ba la sogs pa'i 'bru mar yang nyos shig pa'o/ /las sar pa'i zan ni zla rogs kyi thang bzhin du'o zhes pa dang /gnas de na gtsug lag khang med na gtsug lag khang nyen 'khor gyi'o zhes pa dang / snum gyi rnyed pa blang zhes pa ni las sar pa'i zan thang gtsug lag khang na 'khod pa gzhan gyi thang las lhag par ma za shig pa'o/ /de na gtsug lag khang med na nye 'khor gyi gtsug lag khang na dge slong 'khod pa rnams kyi thang du zos shig pa dang /thang las lhag na ni de bzhin du'ang long shig pa'o/ /gtsug lag khang ni rim pa lnga man chad do zhes pa dang / dge slong ma'i gtsug lag khang ni rim gsum mo zhes pa dang / dri gtsang khang dang sgo khang ni rim gnyis kyis glag ces pa ni sos mos kyis gtsug lag khang gi rim pa gong du bstan pa las dri gtsang khang dang sgo khang ni rim pa gnyis gnyis kyis glog shig pa'o//de dag spyi lci zhes mi mthun na rim gcig dbri ba ni nyes med ces pa ni rtseg mang ste/ 'og mas mi mthun na rim 'ga' phri yang bla ba'o / /brtsams nas che chung du bya ba'i phyir bcos pa yang zhes pa dang /mchod rten dang sku gzugs ni bskyed pa'i phyir na'o zhes pa dang / rnyings pa'i phyir ni zin pa mnyam par na yang zhes pa dang / phyogs bcos bar zhes pa ni dang po rtsom pa'i tshe che chung bcos pa'i phyir snga ma gzhig pa dang / sku gzugs dang mchod rten bskyed pa'i phyir snga ma gzhig pa dang /rnyings na zin pa yang snga ma dang 'dra ba tsam du bya ba'i phyir gzhig pa dang / phyogs 'ga'i ral tshems bya ba ni mi rung ba med pa'o/ /gdugs la sogs pa dbog pa yang zhes pa dang / brje ba'i phyir na'o zhes pa dang / gcig ma zin par mi dbog ces pa ni gdugs la sogs pa brje ba'i phyir dbog pa ni nyes med pa dang /rjes ma ma zin gyi bar du snga ma ma dbog shig pa'o/ /skyes rabs la sogs pa'i rim pa dang sangs rgyas kyi tshig 'dri ba yang zhes pa dang / bshig pa yang snga ma de dag nyid bzhin du byed na yang ngo zhes pa ni skyes pa'i rabs kyi ri mo dang d+harma'i glegs bam gyis kyang de dag nyid bri ba'i phyir snga ma bshig cing bcos pa ni bla ba'o//brtsams pa'i 'phro gzhan gyis byas na yang zhes pa ni snga ma gcig gis brtsams te ma zin pa'i 'phro gzhan gyis byas kyang bla'o/ / gang yin pa'i dge 'dun gyi phyir na phyed tsam slong na gtang bar bya zhes pa dang / bstan pa'i tshe dgun gyi dus shig na ni phyi dro dpyid kyi dus shig na snga dro zhes pa dang /zas kyi bya ba'i dus 'theb kyang ngo zhes pa dang / de nas sta gon ma byas par bsod snyoms la 'jug ces pa dang / de ni rkang lag yan chad do zhes pa dang / sdong ba byed pas snga dro na g.yar su shom du gzhug phyi dro ni skom dang rkang lag gi skud do zhes pa ni dge 'dun dag gi phyir gtsug lag khang brtsigs na phyed tsam zin nas thabs 'di ltar btang ba dang /las sar pa pas yon bdag la sbran cing snye mdong 'di ltar gyis shig pa'o/ /gnas khang gi sgo gdod ces pa dang / sgo 'phar 'jug zhes pa dang / lag gzungs dang / kar gyur bya zhes pa dang /skar khung gdod ces pa dang / dbus su'o zhes pa dang / phyi rub la nang yangs pa rgya mtsho lta bur ro zhes pa dang / shar bu bya zhes pa dang / sgo 'phar dang gzer gtan dang rked gtan dang rkang gi dbyig pa rnams bcang zhes pa dbug cing btab ces pa dang / gnas khang gi sgor khyams bya zhes pa dang / so phag gi gcal rim pa bdun nam brgyad gtams zhes pa dang / de'i steng du shing bzangs bre zhes pa dang / de'i steng du ka ba bsgreng zhes pa dang / de'i steng du ka zhu'o zhes pa dang / de'i steng du gdung bre zhes pa dang / de'i steng du phyam dgod ces pa dang / de'i steng du shing leb ces pa dang / de'i steng du so phag gi gcal zhes pa dang /de'i steng du so phag gi phye ma zhes pa dang / mi lhung ba'i phyir mu kor bya zhes pa dang / mi ldeg par brten ma gzhug zhes pa dang / lcags gzer gdab ces pa dang / 'dzeg pa'i phyir them skas bya zhes pa dang / tha ma ni de'i 'o zhes pa dang / bar ma ni sa'i'o zhes pa dang / steng ma ni shing gi'o zhes pa dang / skas 'jog par bya zhes pa dang / shing ngam smyig gam thag pa'i yang zhes pa dang / rdzab tu mi 'gyur bar mthangs sa dang / sgo khang du so phag gding zhes pa dang / de'i steng du phye ma zhes pa dang / de'i steng du rdo thal gyi phye ma zhes pa dang / med na shing leb kyi rkang stegs zhes pa dang /'od dor dang so phag gis so zhes pa dang / mchod rten la yang de bzhin zhes pa dang / 'dom gang tshad du byas pa ni 'di byas pa'o zhes pa ni gtsug lag gi gnas khang ming gis smos pa'i rnam pa 'di dag ltar gyis shig pa'o/ /seng ge'i stan gru bzhir bya ba dang / rkang pa'ang seng ge'i thod par ro zhes pa dang /dpe ba'i lag gzungs grwa bzhir lcags kyi yang mig gdags zhes pa dang / leb mas btags zhes pa dang / 'dir glod can gding zhes pa dang / steng du bla re zhes pa dang / 'phan yang zhes pa dang / gting zug pa zhig na ni so phag gi them skas bya zhes pa dang / spro ba zhig na ni shing gi'o zhes pa dang /ma grub na skas so zhes pa dang / rkang rten yang zhes pa dang / mchod zhes pa dang / steng du lo ma gding zhes pa dang / rtsa ba mang yang zhes pa dang / 'di ni rkang pa mi sbyar ba'i phyir ro zhes pa dang / ma grub na rdo'i yang ngo zhes pa ni seng ge'i stan 'di lta bur bya zhing rkang rten gur kum la sogs pas bskus shing mchod pa'i steng du lo ma la sogs pa gcal dgram zhing rkang pa zhog shig pa'o//bya rog dang byi'u dang phug ron la sogs pas zan za ba'i tshe mi gtse bar bya ba'i phyir rgyus gdab ces pa dang / 'di ni rnam pa bzhi ste bal ba dza'i rang mon dza'i dang / sha na'i dang / shing bal gyi rnams so zhes pa dang grwa bzhir zung nga bya zhes pa dang / de la gdags zhes pa dang / shing gi ni 'gas shing 'jig pas na lcags kyi'o zhes pa dang / phyogs gcig tu mthongs gdod zhes pa dang / zos zin nas 'jug pa'i phyir ro zhes pa dang / dro kar 'di bcad ces pa ni bye'u la sogs pa mi thar bar gtsug lag khang gi mthongs su mthongs rgyas gdab pa'i dpyad dang cho ga 'di ltar gyis shig pa'o//rdzi char kyi gzan mthongs su leb ma gzhan ces pa dang / ka ba'i bar du'o zhes pa dang / gsal ba'i mthongs gdod ces pa dang / med na thags sam re lde yang zhes pa dang / dbyar gyi zla ba ni lon nas dbog ces pa ni mthongs su char khebs 'di ltar gyis shig pa'o//bsil khang bya zhes pa dang / bsil bar bya ba'i phyir phyi rol rtsig pa bya zhes pa dang / ka ba sbreng zhes pa dang / skar khung gdod ces pa dang / stan gyi so da'i tha mar kha da chad du 'bab par bya zhes pa dang / shar bu dang sgo 'phar gzhag ces pa ni bsil khang 'di lta bur gyis shig pa'o//bkad sa dang me khang dang 'dun khang dang 'chag sa'i khang ba bya zhes pa dang / rtsig ngos la bcar ba'i khang bran dang zhes pa ni ming gis smos pa 'di rnams kyi khang pa gyis shig pa dang / gtsug lag khang ngam phyi ra'i ngos la bcar ba'i khang bran yang gyis shig pa'o//sa gang yang rung zhes pa dang / yang thog kyang zhes pa dang 'dir yang khyams gzhan du mu skor bya zhes pa ni sa khang byas kyang bla ba dang / gtsug lag khang gi gru bzhi yang thog khyams bzhin du mu skor bya zhing mi ldeg par lcags gzer gyis gdab pa la sogs pa gyis shig pa'o//rab tu byung ba kun dga'i phyi ras bskor ba dang zhes pa dang / rtsig pa la stor khung gdod ces pa dang / shing thags dang 'obs kyang ngo zhes pa ni rab tu byung ba'i gtsug lag khang la phyi ras bskor ba dang / 'obs dang shing thags kyis kyang skor cig pa'o/ /gang zag gi gtsug lag khang 'khor dang bcas pa yang zhes pa ni gang zag gi gtsug lag khang phyir dang tshang mang la sogs pa'i 'khor dang ldan pa byas kyang bla ba'o//mtha' dag sngon po la sogs pa'i mtshan ma mngon du bsgom par gnas khang rtsig ngos la sngon po la sogs pa rnam pa bzhi bya zhes pa ni mtha' dag sa sngon por bsgom pa la sogs pa'i mig rten gnas khang gi ngos bzhir gyis shig pa'o//rab tu byung ba'i kun dgar ri mo brir rung zhes pa ni rab tu byung ba'i gnas su ri mo bris kyang bla ba'i phyir 'og nas 'byung ba 'di dag ltar gyis shig pa'o/ /ri mor bri ba de dag gang zhe na sgor lag na rdo rje la sogs pa'i gnod sbyin bri zhes pa dang / sgo khang du 'khor ba'i 'khor lo zhes pa dang /rgyud lnga par bya zhes pa dang / steng du lha dang mi zhes pa dang / rdzus te skyes pa'i sems can dag 'khor lo'i zo ba bzhin du skye ba dang / 'chi ba yang zhes pa dang / dbus su 'dod chags zhe sdang gi dbyibs phug ron sbrul phag lta bur bya zhes pa dang / snga ma gnyis gti mug gis za bar zhes pa dang /rten 'brel gyi yan lag bcu gnyis kyi khor yug tu zhes pa dang / thams cad mi rtag par zos par zhes pa dang / steng du sangs rgyas mya ngan las 'da' ba'i dkyil 'khor dkar por ston par zhes pa dang / thog tu brtsam par bya zhes pa la sogs pa'i tshigs bcad gnyis zhes pa dang / 'di ston pa gzhag ces pa dang / 'di'i than kor du cho 'phrul chen po dang bdud 'joms pa zhes pa dang / khyams su skyes pa'i rabs zhes pa dang / dri gtsang khang gi sgor gnod sbyin phreng ba thogs pa zhes pa dang / 'dun rtsar gnas brtan 'greng ba zhes pa dang / mdzod kyi sgor lag na mi gu thogs pa'i gnod sbyin zhes pa dang /bkad sar lag na bca' ba thogs pa'i gnod sbyin zhes pa dang / bsro khang du mi gu dang bum bu lag na thogs pa zhes pa dang / grul bum me 'bud pa zhes pa dang / mi gang grul bum gyis byis pa sgron ma la sogs pa thogs pa dang / me 'bud pa zhes pa dang / sbyin bdag mar me thogs pa dag lha'i sgron ma yang zhes pa dang /grung tshang du klu dang klu'i bu mo rgyan sna tshogs kyis klubs te lag na bum pa thogs shing chu 'brim par ro zhes pa dang / nad brang du de bzhin gshegs pa nad g.yog mdzad par shes pa dang / bshang gis ru dur khrod dang mgo thod ces pa rnams yin te sgo khang la sogs pa'i gnas so sor ri mo yang ming gis smos pa 'di bzhin du bris shig pa'o//de la brtsam par zhes pa la sogs pa'i tshigs bcad gnyis zhes pa ni/ brtsam par bya zhing 'byung bar bya/ /sangs rgyas bstan la 'jug par bya/ /'dam bu'i khyim la glang chen bzhin/ /'chi bdag sde rnams gzhom par bya//gang gis rab tu bag yod par/ /chos 'dul 'di la spyod 'gyur ba/ /skye ba'i 'khor ba rab spangs nas/ /sdug bsngal tha mar phyin par 'gyur/ /zhes pa yin no/ /mdzod kyi sgor lag ni mi gu thogs zhes pa ni rin po che'i mi gu'o/ /lha'i sgron ma zhes pa ni skye ba lha'i sgron ma dang / rga ba lha'i sgron ma dang /na ba lha'i sgron ma dang / 'chi ba lha'i sgron ma dang / rkun po chad bas bcad pa lha'i sgron ma ste/ 'di rnams lha'i sgron ma yin par bstan pa'o/ /gzhan ni go sla ba'i phyir ma bshad do/ /gtsug lag khang bla gab med pa ma yin par me du ba can mi bud mi bsrel zhes pa ni gtsug lag khang bla gab can du du ba can gyi me bdag gis kyang mi bud/gzhan gyis bus pa'i rjes su yang ma 'dug shig pa'o/ /bstar ba la thams cad ma yin zhes pa ni gtsug lag khang gi gzhi bstar bstar ba'i steng ni du ba yod pa dang med pa gang gi me yang ma 'jog shig pa'o/ /de'i phyir zhugs ling bcang zhes pa dang brtul ba'i phyir lcags kyi thal phyags yu ba can bcang zhes pa dang /spya gu dang shing gis kyang de'i don grub bo zhes pa ni zhugs ling dang thal phyags dang me bsdu ba'i spya gu shing gi thal phyags byas kyang bla ba'o/ /khang skyong gis gtsug lag khang gi phyag dar nyin re zhing zhes pa dang / mi nus na bko ba'i phyogs rnams so zhes pa dang / lhag ma ni bcu bzhi 'am bco lnga la gaN+DI des dge 'dun thams cad bsdus te chos kyi gtam mam 'phags pa'i mi smra bas so zhes pa dang /chos kyi yo lang gi tshe lci gsar gyis bsku zhes pa dang / mjug tu khrus pa zhes pa dang / yang na yang rkang lag bkru zhes pa dang / yan lag chus brlan te phyi zhes pa dang / snum gyi rnyed pa bya zhes pa ni gtsug lag khang gi phyag dar thabs 'di ltar gyis shig pa'o//dkon mchog gi phyir nyug cing skud pa dang dri gtsang khang dang sku gzugs dang / mchod rten dang srog shing rnams kyi grib ma la zhal nas gsungs pa'i tshigs bcad bklag cing rgal zhes pa ni dri gtsang khang gi byi bdar byed pa dang / mchod rten la sogs pa'i grib ma la 'gom pa'i tshe thabs 'di ltar gyis shig pa'o//de'i tshe mal stan bstar zhing bcos pa yang zhes pa ni tshes brgyad dam bcu bzhi'i tshe dge 'dun gyi mal stan bstar zhing bcos pa yang dge 'dun spyis lag rab tu gyis shig pa'o/ /de dag sus bya zhe na/ gnas pas so zhes pa yin te/ mkhan po'am slob dpon gyi mal stan bcos shing bstar ba'i las gnas pas gyis shig pa'o//gnas kyi dngos po gdab cing phyag bya ba dang / lci ba sar pas byug pa rnams bya zhes pa dang / mal stan gyi dri ma sprug ces pa dang / zhen tshabs che na bkru zhes pa dang / sngar btab la phyag ces pa dang / de nas gding zhes pa dang / gzhi rdul yod pa ma sprugs par ma yin zhes pa dang /gding ba las gos gcig gis gdab par bya zhes pa dang / nad pa las so zhes pa dang / 'di bcos zhes pa dang / mi rung na gshegs pa dbyig gu'i thog mar btags te/ brdab ces pa dang / de ltar yang mi rung na lci ba'am sa dang bsres la ka ba'i gseb bam rtsig ngos byug ces pa dang /sbyin bdag gis bsod nams yun du spel ba'i phyir ro zhes bya ba ni mal stan byi bdar gyis rtags de ltar gyis shig pa'o/ /sgo khang ngam khyams su mal mi bca' bcas na'ang mi gzhag ces pa dang / kha char gyi gnyen por brgyad dang bcu bzhi la khyams su gdon zhes pa ni dge slong gi rdzas brkus pa skad du khyim pa zer ba'i gnyen po 'di ltar gyis shig pa'o//khri dang khri'u bcang zhes pa dang / bstar ba la mi gzan par rkang ba'i ma thog kha da chad du bya ba dang pham mtshams kyi steng du blang ba'am ra das dkri bar ro zhes pa dang khri rkang pa ri mo can dge 'dun ma yin pa bdag gir mi bya zhes pa dang /stan bzang po dang rgyab rten can yang ma yin zhes pa dang mar me'i shing yang ma yin zhes pa dang / yal ga mang po zhes kyang kha cig ces pa ni khri'i rkang pa sa la mi gzan par bya ba dang / khri'u la sogs pa 'di dag lta bu gang zag gi sgor ma srel cig pa'o/ /gor bu dang rlong can dang sngas rnams bcang zhes pa dang /bzhi dang gnyis blta ba ste btsems pa'o zhes pa dang / shing bal gyis dag pa ces pa ni ming gis smos pa 'di rnams ni gang zag gis kyang chongs shig pa'o/ /de la bzhi dang gnyis bltab ces pa ni srid du khru bzhi zheng du khru do bltab pa'i sngas gyis shig pa'o/ /ma brtags par nyal bar mi bya zhes pa dang /dran pa nye bar ma bzhag pa ma yin zhes pa dang / khri gcig gam gding ba'am zhes pa dang gzhan la'ang zla dang lhan cig tu ma yin zhes pa dang / med na khrel yod pa dang gding ba so sor bya ste rlod can la sogs pas bar bcad dran pa nye bar gzhag la nyal bar bya zhes pa dang / khri la gsum las lhag par phal cher lhan cig mi bkod ces pa dang /khri ring po las gnyis las ma yin zhes pa dang / khri'u chung ngu gcig las ma yin zhes pa dang / lo gsum gyi khyad zhug pa pa dang stan la lhan cig tu ma yin zhes pa dang / khyim pa'i der stan med na dran pa nye bar gzhag pa mkhan po dang yang lhan cig tu 'dug par bya zhes pa dang /khyim pa dang ni gar yang ma yin zhes pa dang / bsnyen par ma rdzogs pa dang ma yin zhes pa dang / za ma ma ning ma gsod pa la sogs pa mu stegs su zhugs pa rkun bur gnas pa tha dad du gnas pa mi gnas pa rnams dang ma yin zhes pa dang / bslab pa byin pa dang ma yin zhes pa dang / bsnyen par rdzogs pa'i dge 'dun 'dus pa ma gtogs pa gzhan du dre'u rdog gi stan la ma yin zhes pa dang /mu stegs su ni ma gtogs zhes pa dang / gnod pas brel ba'i tshe nyes med ces pa ni brel ba'i rkyen med par ming gis snos pa 'di dag ltar ma byed cig pa'o/ /sbed pa'i tshe gnyis yod na gcig gis khri'am khri'u bskur gcig gis ni rlong can la sogs pa'o//dge 'dun gyis la bag med par bshal cing drud par ma yin zhes pa dang / ci nas kyang du ba dang dri ma dang rdul gyis phog par mi bya zhes pa dang / 'di mi gtsang ba'i sa'am de'i nye 'khor du ma yin zhes pa dang / chud gzan cing mi dor zhes pa dang / skam srad phug rdol ba glan zhes pa dang /ral na chud bu zhes pa dang / dbus zad na tha ma dbus su bsnor zhes pa dang / 'os na gtso zhes pa dang / bcos su'ang mi rung na mar me'i gsal bar byas la dkon mchog gi yo byad dang gang zag yon bdag gir ro zhes pa dang / der yang mi rung na 'di'i thabs ni 'ji ba dang bsres la dkon mchog gi rtsig pa dang /ka ba dang / sgo 'phar gyi gseb tu byug par zhes pa dang / mnos te khyer bas so zhes pa dang / lhag ma ni gaN+DIs bsdus pa'i dge 'dun gyis so zhes pa ni mi gnyis 'ga' 'khod la mal sbed na lag rab tu bskur ba la sogs pa thabs 'di dag ltar gyis shig pa'o/ / de la mnos te khyer bas so zhes pa ni mal stan so sor khyer ba'i rim gro ni so sor nos pa de dag nyid kyis gyis shig pa'o/ /lhag ma ni zhes pa ni ma bgos par spyi la 'dug pa rnams ni dge 'dun spyis bsdus la sprug brdab dang 'tshem 'drub gyis shig pa'o/ /dge 'dun gyis brkus par mthong ba nus na mi zlog par ma yin zhes pa dang /gtad pa'i tshe dge 'dun gyi lag yel bar mi bya gnas su ma 'khor gyi bar du khyer bas spyad ces pa dang / de nyid kyi gnas su bskur du mi rung na de gnas gzhan du spyad par bya zhes pa ni dge 'dun gyi dkor rkun pos khyer ba zlog pa'i ngo bzlog bya ba dang / gtad pa'i tshe dge 'dun gyi rdzas yal bar mi dor ba dang /ma bor bar khyer ba slar ma 'khor gyi bar du khyer ba nyid spyod du dbang ba dang / rdzas de nyid kyi gnas su slar bskur ram bskur du ma bde'am ma nus na gnas gzhan du'ang khyer la spu ma bsgyur bar de bzhin du spyod cig pa rnams su ston pa'o/ /gnas gzhan gyi zas dang yo byad gnas gzhan du mi spyod ces pa dang /'di gzhan du'ang mi spyad ces pa dang / khyer na 'bul du gzhug ces pa dang / mi ster na sus sbyin pa la bde zhes pa ni gtsug lag khang gcig gi zas dang / yo byad gtsug lag khang gzhan du mi spyad pa dang / gzhan la sbyin par yang mi bya ba dang khyer na slar dgug pa dang /mi ster na su bdar gtong ba de la dos shig pa rnams so/ /dge 'dun gyi shas la dbang bas rtsi zhing mi 'khor ba ni spyad kyang bdag gi bzhin de nyes med ces pa bdag nyid kyang dge 'dun gyi de'i nang du gtogs shing shas la dbang ba zhig na rtsi shing lhag ma tsam gyi tshod spyad kyang bla ba'o//ma bgos par spyi'i 'khor du spyod pa go rims med ces pa dang / slong ba lhan cig na ni de lta'o zhes pa dang / 'di spyod bzhin du 'phro la mi 'phrog ces pa ni dge 'dun gyi zangs la sogs pa'i spyi 'khor du spyod pa'i rdzas la rgan rims med pa dang / mnyam par brnyas na gdod rgan rims yod pa dang /rdzas des spyod bzhin pa'i 'phro la kha rngam ma byed cig pa rnams so/ /rkang pa bkru ba'i sa ni chu phog na de'o zhes pa dang / bshang sar zhugs na de'o zhes pa ni rkang pa bkru ba'i gzhi spyi mthun du 'dug la snga ma gcig der 'ongs te/ rkang pa chus phog pa yan chad de dbang bar gyur pa dang /snam phyi sar zhugs zin na de dbang ba'o/ /cog pur 'dug pa mi bslang zhes pa dang / 'di la rgan rims med ces pa dang / las dang zas kyis smos pa'i dge slong ma yin ces pa dang / gral mi bsnor zhes pa ni bsam gtan la zhugs zin pa ma slong shig pa dang / de ltar bkod pa la rgan rims med pa dang /las byed pa dang zas za bzhin ba'i 'phro las ma slong shig pa dang / gral rims bsnor te chal bar 'khod pa lta bu ma byed cig pa'o/ /spyi'i 'khor du spyod pas su 'dod pas spyad zin na mi bkyig ces pa ni spyi'i 'khor gyi rdzas de zin nas su 'dod pa la ma bkyig par byin cig pa'o//byed pa'i 'phro la skabs su stan btang yang bya ba ma byas pa'o zhes pa dang / de lta bu'i tshe gos sam pus 'khyud gzhag ces pa ni tshon la sogs pa'i las byed pa'i skabs su don ched gzhan gyi dbang gis stan de la ma 'dug par gud du song yang des da dung bya ba byas zin pa ma yin pa dang / de lta bu'i tshe bdag gis gos sam pus 'khyud la sogs pa'i mtshan ma der 'or la gud du song shig pa'o//'dod pa'ang yod la 'byor yang rung bzhin du dge 'dun gyis smras par snyad 'dogs shing mi spyad ces pa 'di lta bu la dgos kyin phyogs kyang bla zhes pa ni dge 'dun gyi rdzas spyi 'khor du spyod pa de bzhin 'dod pa yod la gud du byar rung bzhin du bdag gi tshon la sogs pa yod cing ma zin pa skad du rdzas sna 'ga' yod pa la snyad 'dogs shing byar yod bzhin du 'khyig par ma byed cig pa dang /de ltar snyad 'dogs shing mi ster na phrogs kyang bla ba'o/ /dge 'dun gyis gtun dang gtun bu bcang zhes pa dang / 'dreg mkhan gyis spyad kyang zhes pa dang /snod du bcug la rtsig ngos la gzar zhes pa dang / ste'u dang sta re dang gzong bu la sogs pa dang / de'i snod kyang zhes pa dang / dge slong bsnyen na 'di dag dang khang spyad yan chad sbyin zhes pa dang / ming gis smos pa'i bzo spyad 'di rnams dge 'dun gyis chongs shig pa dang /bsnyen na 'di dag la sogs pa khang pa'i spyad yan chad kyang byin cig pa'o/ /dge slong ma 'ching bu'i snod mi bcang zhes pa dang / 'bru mar gyi snod thams cad kyis bcang zhes pa dang / srang brgyad ni man chad bzhi ni yan chad shong ba'o zhes pa dang / 'di lcags kyis dol yang zhes pa dang / 'di lcags kyis skyed kyang zhes pa dang /kham pa'i sgyed [(]po [,]pu [)]ya zhes pa ni ming gis smos pa 'di rnams chongs shig pa'o/ /sdom pa thob pa na khar ba zhes pa dang / kha dog gcig pa yang zhes pa dang / 'di dbog zhes pa dang / rgas sam nad pa zhig na'o zhes pa dang / 'di gnyis tshig gcig gis sbyin du rung zhes pa ni khang ba dang 'dra ba'i sdom pa thob na rgan po dang nad pas bcang du rung ba dang 'di dag lta bu la sdom pa cig car du'ang dbog du rung ba rnams su ston pa'o//sdig sbur la sogs pa'i gnyen por khar ba sgra can bcang zhes pa dang / khar ba'i dung 'gas na dbubs su gzhug ces pa dang tha ma lcam khris bya zhes pa ni khar ba sgra can 'di ltar byas pa chongs shig pa'o//btags pa'am ma btags pa'i gdugs bcang zhes pa dang / yu ba rkyen du bab pa zhes pa dang / 'di dang grong gi dbus su mi 'gro zhes pa dang / lam du ni glos phab ste'o zhes pa dang / char 'bab na bsod snyoms las spyad ces pa dang yu ba btsugs na ni mi rung ba med ces pa dang /char chad na khyim du gdams zhes pa dang / log nas blang zhes pa ni gdugs bcang ba dang spyad pa'i thabs 'di dag ltar gyis shig pa'o/ /rol mo mkhan smad 'tshong chang 'tshong rgyal po'i khyim rigs ngan gyi khyim rnams su mi spyad ces pa dang / mi gtsang ba'i phyogs su ma yin zhes pa ni ming gis smos pa'i gnas 'di rnams su ma 'gro ma 'dug shig pa'o//rin po cher gyur pa'i gos dang dgon par mi gnas zhes pa dang / la ba la ni me ru ka'i phye mas btab na srog chags mi skye zhes pa dang / shing kun yang ngo zhes pa dang / ni'i na 'ba' dang 'ba' sha ka'i 'dab ma yang de'i ngos gcig tu phur la de la phan rab ces pa dang /de'i phyir bsgom pa yang zhes pa ni yang la ba rin po che dgon pa bas ma spyod cig pa dang / la ba dang srin la sogs pa'i srog chags mi 'chags pa'i thabs 'di ltar gyis shig pa'o/ /dgon pa pas phyogs lam tshes grangs skar ma rnams la mkhas par bya zhes pa dang /me dang chu rtag par bsdogs zhes pa dang / phye sbrang rtsi mar de rnams ci 'byor par bsham zhes pa dang / 'byor na zas kyi lhag ma yang ngo zhes pa ni dgon pa pas skar ma la sogs pa la mkhas par bya ba dang / chom rkun 'tshe ba'i sta gon 'di ltar gyis shig pa'o//dge slong ma dgon par mi gnas zhes pa dang / dbyar mo thang grong khyer gyi dbus su bya zhes pa dang / 'di'i sgor 'di mi 'khod ces pa dang / snang yal can nas ma yin zhes pa dang / lam gyi bzhi mdor ma yin zhes pa dang / sgren mor ma yin zhes pa dang / rngul gzan tsam yang bgo zhes pa dang /khyim pa'i drung du phrag pa ma g.yos pa ma yin zhes pa dang / 'di skyil mo krung ni skyil mo krung gi phyed du'o zhes pa dang / zag byed kyi sgor srin bu mi 'jug par gos la sogs pas klubs zhes pa dang / dge slong gis dge slong ma gtsug lag khang du 'ong du mi ster bar mi bya zhes pa dang /'di dag dul ba ni mi smra ba dang / lung mi sbyin pa dang / gso sbyin dang tshul nas 'byung ba bkyigs pas so zhes pa dang / dge slong gis ma gnang bar gtsug lag khang du mi 'jug ces pa dang / zhu ba las mnyan te kho na mi byed pa lta na ci nas kyang khon med pa na gnang ngo zhes so zhes pa ni dge slong mas bslab pa dang /dge slong ma gdul ba'i thabs 'di dag ltar gyis shig pa'o/ /gnas su gtogs pa gong ma ltar bstan nas/ de dag srung ba la sogs pa'i rim gro bya ba ston pa ni rked gtan gzer gtan zung mig kyog po rnams kyis gtsug lag khang bsdom zhes pa dang / nub kar khang skyong gis gtsug lag khang byul zhing bsdom zhes pa dang /bag tsha na mel tshe gzugs zhes pa dang / der bskos pa gnyid dang mnyam par 'jog pa btang zhes pa dang / gnas brtan gyis khang skyong la 'dir rim gro bya ba rnams byas sam zhes smra zhes pa dang / gal te gtsug lag khang nas stor ba bsdom par bya ba rnams kyis ma bsdoms na skyin khrin khang skyong la dbab ces pa dang /ma tshang ba de nyams pa de snyed kyi khrin te zhes pa dang / lde mig dang lde mig kyog po bcang zhes pa dang / bsdoms pa ji snyed pa rnams kyi sgo ma bsdoms par mi 'gro zhes pa dang / gnas stong par lhags na 'dir dgab pa la sogs pa bya zhes pa dang /snod spyad 'thor ba brtul zhes pa dang / der 'os pa zhig na bkrus te'o zhes pa dang / rung bar byed pa yod na ldam ldum btsal zhes pa dang / khyim pa dag der 'ongs na chos kyi gtam dang / gzhan yang ci nus pa'i chos bya zhes pa rnams yin te/ gnas kyi nang gi rim gro ming gis smos pa 'di dag ltar gyis shig pa'o//nang gi bya ba de ltar bstan nas phyi rol gyi bya ba rnams bstan pa ni shing skyed du mi rung ba med ces pa dang / 'di bskyed nas mi bsrung ba ma yin zhes pa dang / de'i shing ni me tog chags kyi bar du'o zhes pa dang / gzhan ni 'bras bu'i bar du'o zhes pa dang / ring na'ang lo lngar ro zhes pa dang / dge slong la bcol ba ni bdag gi bzhin zhes pa dang /rkang lag bkru ba dang so shing bca' ba dang / lhung bzed bshal ba dang / khrus bya ba rnams ni 'di'i rim gro'o zhes pa dang / lhags bas mi khyer bar khang bu'i dbus su gzhug ces pa dang / skar khung gdod cing gzer bu dbyung zhes pa dang / khabs kyis g.yogs zhes pa dang /steng gi khang bu 'drul ba'i phyir so ga bshu zhes pa dang / char gyis 'dral ba'i phyir snga ma yang ngo zhes pa dang / 'khrung ba'o cog la g.yel bar mi bya zhes pa dang / 'khor gyi spen du bgo zhes pa dang / kha cig tu so shing bza' kha cig tu gdong bkru/ kha cig tu rkang lag la sogs pa bkru bar bya ba'i nyi tshe ltar ma yin zhes pa dang /'bras bu dang me tog srung ba'i dge slong bsko zhes pa dang / za ba'i tshe gzhan gyis brje zhes pa dang / dang por zos la der 'gro zhes pa rnams ni phyi rol gyi las su bya ba ni shing bskyed pa la sogs pa'i rim gro 'di ltar gyis shig pa'o/ /go re long gi bya ba rnams bsdus te ston pa ni klog pas rim gro lhag par byed pa mi nus pa la skud par btang zhes pa dang /de'i 'drul ba shes te bstan pa dang / klog pa dang bri ba rnams kyis dge slong ma la rjes su brtse bar bya zhes pa dang / spring yig bri zhes pa dang / brjed ngas pas bzung ba'i phyir 'dul ba yang 'di mi bri zhes pa dang /so sor thar pa'ang 'dir de bzhin zhes pa dang / de dang 'brel pa yang zhes pa dang / gang zag gi yang zhes pa dang / mtshan gdab pa ni nyes med ces pa dang / dge 'dun gyi stan cha la ming bri zhes pa dang / ming 'di zhes bya ba'i sbyin pa'i chos kyi gtsug lag khang zhes so zhes pa dang / gos la zhes pa dang /gzhan la yang de bzhin zhes pa rnams yin te 'phral gyi spyad pa go re long du bya ba ni 'di dag ltar gyis shig pa'o/ /de la de dang 'brel zhes pa ni 'dul ba'am so sor thar pa dang 'brel ba ste/ de la 'dul ba dang 'brel pa ni dngos po dang phran tshegs su 'brel pa'o/ /so sor thar pa dang 'brel ba ni rnam par 'byed pa'o//ston par byed pa ni dri ma la sogs pa dang cig car du de ltar bstan nas/ 'don par rtsom pas bya ba rnams ston pa ni sangs rgyas kyi tshig la ched du dgyer ba dang / 'bru re nas sbyar bar mi bklag ces pa dang / gzhan la ston par nus pas sangs rgyas kyi tshig la brtson pa'ang mi btang bar phyi rol gyi gtsug lag yang bslab ces pa dang /de'i dus ni nyin gyi sum cha mi btsal ba'o zhes pa dang / mtshan mo yang zhes pa dang / gsod pa'i sngags mnod ces pa dang / gdab par yang bya zhes pa dang / gnod bas ma yin zhes pa dang / 'di dag gi phyag gi go ra dkon mchog gsum gzhug ces pa dang /lha gzhan la phyag mi bya zhes pa dang / mi mchod ces pa dang / bsti stang mi bya ba ni ma yin zhes pa dang / de'i gnas su phyin na de'i mdun du song ba la se gol gyis sbran te/ zhal nas gsungs pa'i tshigs bcad brjod cing phan gdags zhes pa dang / gtar spyad dang / khab ral dang ram phyis ma gtogs par lag bzo mi bya mi bslab de'i cha spyad kyang mi bcang zhes pa dang /gso ba la mkhas pas tshangs pa mtshungs par spyod pa bsod nams kyi bsam pas gso bar bya'i rngan dgas kyi bsam bas ni ma yin zhes pa dang / bkru sman btang nas mi 'gro zhes pa dang / de lta bu'i rkyen cig na bkru ba grang ba la sogs pa'i cho ga dang nyen bstan te 'gro bar bya zhes pa dang /tshangs pa mtshungs par spyod pa dang mtshan mthun pa'i 'dreg mkhan la las dben pa'i phyogs su bya zhes pa dang / khri rkang pa chag pa bcos pa yang zhes pa dang / dkon mchog gi phyir phreng ba brgyu ba yang zhes pa dang / dkon mchog mchod pa'i phyir sems can gyi gzugs ma yin pa'i ri mo bri zhes pa dang /de'i sa gcod pa dang zhes pa yin te 'don pa la sogs pas bklag pa dang bslab pa la sogs pa'i tshul 'di dag ltar gyis shig pa'o/ /'don par rtsol bar bya ba rnams de ltar bstan nas/ shi ba'i yan lag tu bya ba rnams ston pa ni tshangs pa mtshungs par spyod pa shi ba'i lus la mchod pa bya zhes pa dang / gal te rma la srog chags med pa zhig na bsreg ces pa dang /nges pa kho nar brtag ces pa dang / spang thar ram rtsang po skur bar ro zhes pa dang / mi rung na nags khung du gzhag ces pa dang / sngas byang phyogs su bstan la glo g.yas pas bsnyal zhes pa dang / sngas su rtswa bam gzhug ces pa dang / rtswa'am lo ma dgab ces pa dang /chos bsgrags pa dang / sbyin pa bshad par bya zhes pa dang / reg pas gos dang bcas te bkru zhes pa dang / bal gyis kyang rkang lag bkru zhes pa dang / mchod rten la phyag byas te 'jug ces pa rnams yin te/ shi ba'i yo byad ni 'di ltar gyis shig pa'o/ /mchod rten la rnam pa gnyis te zhes pa dang /sbubs can dang ka ba lta bu'o zhes pa ni mchod rten la khong stong ma yin pa rnam pa gnyis yod pa'o/ /'di dag rab tu byung ba la'ang 'os so zhes pa dang / dge na'o zhes pa ni rab tu byung ba'i mchod rten ni byas kyang bla ba'o/ /sangs rgyas kyi ni rnam pa thams cad du'o zhes pa dang / rnam pa ni bang rim bzhin rked skabs bum pa bre srog shing phang lo bcu gsum char kab rnams so zhes pa ni sangs rgyas kyi mchod rten ming gis smos pa 'di dag lta bu rnam pa tshar byung bar gyis shig pa'o//rang sangs rgyas kyi char kab med pa'o zhes pa ni rang sangs rgyas kyi mchod rten ni gong ma lta bu la char kab med par gyis shig pa'o/ / nyan thos pa ni phang lo dang 'bras bur sprel ba la gcig gis lhag ces pa ni rgyun du zhugs pa'i mchod rten ni phang lo gnyis dang / lan cig phyir 'ong ba ni phang lo gsum dang / phyir mi 'ong ba'i phang lo bzhi dang dgra bcom pa'i ni phang lo lnga pa lta bur 'bras bu'i grangs las phang lo re res skyed cig pa'o//de bzhin gshegs pa'i drung na sngon 'khor du 'khod pa'i gral thabs ji lta ba bzhin du so sor bsham zhes pa ni mchod rten bcom ldan 'das kyi 'khor du rtsig na g.yas phyogs su ni shA ri'i bu g.yon phyogs su maud gal 'phags pa kun dga' bo ni rgyab na 'dug pa lta bu la sogs pa sngon gyi gral thabs ji bzhin du gyis shig pa'o//'di la gral rims bzhin du mi bya ba ma yin zhes pa ni 'di dag ltar bya ba yang gnas brtan 'od srungs chen po la sogs pa sngon gyi rgan gral bzhin du gyis shig pa'o/ /so so'i skye bo ni spyil por ro zhes pa ni so so'i skye bo'i mchod rten ni phang lo med pa'i spyil por gyis shig pa'o//'di ni dge 'dun kun dga'i phyi rol du bya zhes pa ni so so skye bo'i mchod rten kun dga'i phyi rol du brtsigs shig pa'o/ /'phags pa'i mchod rten la ni mchod par 'os zhes pa ni 'phags pa'i mchod rten la ni lo dus su mchod pa'i yo lang gyis shig pa'o/ / nyan thos pa'i mchod rten la phul ba'i shas ni tshangs pa mtshungs par spyod pa zhes pa ni nyan thos kyi mchod rten la phul ba'i shas ni dge 'dun gzhan la yang dbang ba'o/ /mu tig ni smras pa bzhin du bya zhes pa ni mu tig yon du phul ba btags la dri gtsang khang gi skyang nul la sogs pa gong du smos pa bzhin gyis shig pa'o//rol mo'i cha spyad dang / dung dag ni sangs rgyas la dbul zhes pa ni rol mo'i cha spyad du rung ba rnams ni sangs rgyas la phul cig pa'o/ /'di dag zhig ral du gyur pa'i bcos par gzhag ces pa ni mchod rten bcos pa'i zong du yang yon du phul ba las zhog shig pa'o/ /mchod par 'os pa yang zhes pa ni ba dan la sogs pa mchod par 'os pa zhig phul na yang mchod pa'i yo byad du gyis shig pa'o//sangs rgyas kyi mchod rten lcags las bya ba yang chos so zhes pa dang / gser dngul baiDUr+ya shel dang sbug dang se mo do'i mchod rten yang zhes pa ni 'di dag gis mchod rten byas kyang mi rung ba med pa'o//'di'i 'khor bya zhes pa dang / dang po dga' ldan gyi gnas nas mjug tu mya ngan las 'das kyi bar du gtam rgyud ni de'o zhes pa ni 'khor 'di dag lta bur ri mor bris pa'am byas pa'i mchod rten yang gyis shig pa'o/ /rdo thal gyis byug ces pa dang / dkar por ro zhes pa dang / mar me'i stegs kyang zhes pa dang / mu skor gyis bskor zhes pa dang / rta babs pa sgrengs zhes pa dang / 'di la rgyal mtshan gzugs zhes pa dang / 'di ni rnam pa bzhi ste zhes pa dang / seng+ge'i rgyal mtshan chu srin gyi rgyal mtshan klu'i rgyal mtshan khyu mchog gi rgyal mtshan rnams so zhes pa ni mchod rten gyi yo byad 'di dag ltar gyis shig pa'o//khang bzhag gtams pa bya zhes pa dang / 'di la rta babs gzugs zhes pa dang / snga khang bya zhes pa dang / 'di la mu skor bya zhes pa dang / ba bcag gis byug ces pa dang / rtsig pa rgya skyegs kyis bri zhes pa dang / spos chus gdab ces pa dang / til mar yung ba tsan dan gur gum rnams kyis chag chag bya zhes pa dang / tsher ma mi bskrun zhes pa dang / phreng ba gzar ba'i glang so gzugs zhes pa dang / slong ba nas so zhes pa dang / me dbug ces pa dang / me mar zhes pa dang / mchod pa'i phyir khyim pa 'dzeg tu gzhug ces pa dang / med na dge tshul spos chus rkang ba bkru zhes pa dang / 'di med na bstsung gis dril ces pa dang / gos kyis dkris te ston pa'i 'du shes mngon du bya zhing ched la dmigs te dran par ro zhes pa dang / de yang dge slong gis de bzhin bya zhes pa dang /de'i phyir thag pa dpyang zhes pa dang / rin po che'i phreng ba gdags zhes pa ni mchod rten gyi phyi ngos su gang gzhag par bya ba la sogs pa 'di dag ltar gyis shig pa'o/ /chud mi gzan par g.yogs pa'i sbubs su gzhug ces pa dang / 'dir mi gnag pa'i phyir mthangs gdod ces pa ni mchod rten la char chu la sogs pas mi rdzi bar khab kyis dgab pa dang /de la yang mthangs thod cig pa'o/ /sangs rgyas kyi sku gzugs bya zhes pa dang / 'di la'ang dus dus su mchod ces pa dang / btsas pa ral bu gtsug pud byang chub rnams kyi mchod pa yang zhes pa ni sangs rgyas kyi sku gzugs bya zhing mchod pa dang po bltams pa la sogs pa'i mchod pa'i yo lang yang gyis shig pa'o//'di grong khyer du gshegs pa bya zhes pa dang / 'di dge slong gis drang du rung zhes pa dang / 'di ni gsar bu la 'bab ces pa dang /'khor lngas zham 'bring bya zhes pa dang / yon ni rgan rims kyis blang zhes pa dang / 'di las sil snyan gsil na dge ba dang / gzhan yang bsti stang cher bya zhes pa dang / kye skyes bu dag ston pa'i mchod pa la zhugs shig ces rol mo gzhan 'debs pa ni nyes med ces pa dang /sang ngam gnangs sangs rgyas gshegs so zhes gro ga la bri zhing glang po'i steng du bslangs la gdugs dang rgyal mtshan dang ba dan gyis bskor te/ lam dang lam po che dang bzhi mdo dang sum mdor bsgrags par bya zhes pa ni sangs rgyas kyi sku gzugs grong khyer du gshegs pa'i yo lang dang cho ga yang 'di ltar gyis shig pa'o//byang chub sems dpa'i gzugs bya ba'am chos so zhes pa dang / 'di la'ang rgyal mtshan la sogs pas bskor zhes pa dang / mu skor gyis bskor zhes pa dang / lcags kyi ka bas kyang zhes pa dang / de la ba dan gdags zhes pa dang / 'khor bya zhes pa dang / rkang gdub dang rna rgyan ma gtogs pa de'i rgyan du gzhug ces pa dang / spos kyi shing lo bya zhes pa dang / khyogs la bslang zhes pa dang / shing rtas kyang zhes pa dang / der gdugs dang rgyal mtshan dang ba dan gzugs zhes pa dang / me tog gi ke'u gcun la dbul bskon zhes pa dang /yon dbul du gzud ces pa dang / phul ba rnams gnas pa'i rgan gzhon kun gyis bskur zhes pa dang / gnas brtan rnams kyis bsrung zhes pa dang / shing rta la phreng ba'i sgrom gdod ces pa dang / dri'i sgrom yang gdod ces pa dang / phreng ba bskon zhes pa ni byang chub sems dpa'i gzugs bya zhing grong khyer du gshegs pa la stsogs pa'i mchod pa'i yo byad 'di ltar gyis shig pa'o//de la 'khor bya zhes pa dang dga' ldan nas babs te gshegs pa la sogs pa mya ngan las 'das pa'i bar du gyis shig pa'o/ /rol mo brtul mchod pa zin skye bo gyes nas rgyan bsil zhes pa dang /mtshan mo'o zhes pa dang / rab tu byung ba'i gnas su mchod pa'i yo lang bsham pa ni chos so zhes pa ni mchod pa zin nas mtshan mo brtul ba dang / rab tu byung ba'i gnas su yo lang mchod pa gyis shig pa'o/ /'dul ba rgyas pa de ltar bstan nas phran tshegs las mdor gsungs pa ston pa ni mi rung ba dang mthun la rung ba dang 'gal ba ni mi rung ba'i khongs su bsdu'o zhes pa dang /phyi ma dang mthun la snga ma dang 'gal ba ni rung bar ro zhes pa ni nyal bzhin du za bar ma byed cig ces dngos su ni ma bkag la rung ba dang / 'gal zhing mi rung ba dang mthun no cog ni mi rung ba'i khongs su bsdu ba dang / kham phor du zo shig ce'am rgyun chu rtswa dang bsres pa 'thung shig ces pa lta bur gsal por gsungs mod kyi mi rung ba dang 'gal la rung ba dang mthun no cog ni rung ba'i khongs su bsdu ba lta bu'o//gnas kyi dngos por gtogs pa phran tshegs la sogs pa'o/ / 'dul ba mdo'i 'grel pa slob dpon pradz+nyA ka ras mdzad pa rdzogs so// //