CLOSE WINDOW

D4118
བོད་ཡིག

#/ /rgya gar skad du/ e kota ta ra kaM karma sha taM/ bod skad du/ las brgya rtsa gcig pa/ bam po dang po/ dkon mchog gsum la phyag 'tshal lo/ /bcom ldan 'das thams cad mkhyen pa lta ba'i thibs po'i mun pa sel bar mdzad pa la phyag 'tshal lo//dang por rab tu 'byung ba'i gzhi'i skabs kyi cho ga dang las rnams brjod par bya ste/ sdom la / sngon dang dge bsnyen bslab pa dang / /zhu dang mkhan po dang po dang / /rab byung dge tshul grib tshod dang / /bslab pa brjod pa tha ma yin/ /dang por bya dang mkhan po dang //chos gos gnyis dang lhung bzed dang / /spro bya gsol ba gsang ston dang / /zhu dang gsol dang gsol ba dang / /dri dang las dang grib tshod dang / /nyin mtshan dus tshod gnas rnams dang / /ltung dang dge sbyong mchog 'dod dang / /tshul khrims mnyam dang tshul 'brel dang //dul dang dgos dang ma brjod dang / /gus pa dang ni bsgrub bya'o / /mu stegs gnas pa sbyin pa yi/ /sde tshan yang dag bsdus pa yin/ /'ga' zhig gi gan du rab tu 'byung bar 'dod pa 'ongs na des de gzung bar bya zhing bzung nas dge 'dun thams cad 'dus pa na cha lugs 'di bzhin byas shing /rgan rims la phyag 'tshal du bcug ste/ thal mo sbyar nas tsog tsog por 'dug tu bcug ste/ lan gsum gsol ba 'debs su bcug nas dge slong gcig gis gsol ba dang bzhi'i las kyis cig car rab tu dbyung ba dang bsnyen par rdzogs pa nye bar bsgrub par bya'o//des 'di skad du brjod par bya ste/ dge 'dun btsun pa rnams dgongs su gsol/ bdag ming 'di zhes bgyi ba dge 'dun las rab tu 'byung ba dang bsnyen par rdzogs pa dge slong gi dngos por gsol na/thugs brtse ba can dge 'dun btsun pa rnams kyis thugs brtse ba'i slad du bdag rab tu dbyung du gsol/ bsnyen par rdzogs par mdzad du gsol/ de bzhin du lan gnyis lan gsum du bzlas/ de'i 'og tu dge slong gcig gis gsol ba byas te las bya'o//'di ltar bya ste/ 'dug la 'di skad ces brjod par bya ste/ dge 'dun btsun pa rnams gsan du gsol/ ming 'di zhes bgyi ba 'di dge 'dun las rab tu 'byung ba dang / bsnyen par rdzogs pa dge slong gi dngos por gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis ming 'di zhes bgyi ba rab tu dbyung ba dang bsnyen par rdzogs par mdzad do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ming 'di zhes bgyi ba 'di dge 'dun las rab tu 'byung ba dang bsnyen par rdzogs pa dge slong gi dngos por gsol te/ de'i slad du dge 'dun gyis ming 'di zhes bgyi ba 'dir rab tu dbyung ba dang bsnyen par rdzogs par mdzad na/ tshe dang ldan pa gang dag ming 'di zhes bgyi ba rab tu dbyung ba dang bsnyen par rdzogs par mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas/ dge 'dun gyis ming 'di zhes bgyi ba rab tu dbyung ba dang bsnyen par rdzogs par mdzad lags te 'di ltar cang mi gsung pas de de bzhin du 'dzin to//'di ni sngon gyi cho ga'o/ /dge slong 'ga' zhig gi gan du rab tu 'byung bar 'dod pa 'ongs na des de la bar chad kyi chos rnams dri bar bya'o/ /'di ltar dri bar bya ste/khyod mu stegs can ma yin nam/ lo bco lnga ma lon pa ma yin nam/ lo bco lnga lon pa bya rog skrod mi nus pa ma yin nam/ bya rog skrod nus pa lo bdun ma lon pa ma yin nam/ bran la sogs pa ma yin nam/ bu lon chags pa ma yin nam/ pha mas ma gnang ba ma yin nam/pha mas ma gnang ba yul thag mi ring ba ma yin nam/ nad pa ma yin nam/ dge slong ma sun phyung ba ma yin nam/ rku thabs su gnas pa ma yin nam/ tha dad du gnas pa ma yin nam/ gnas par mi bya ba ma yin nam/ za ma ma yin nam/ ma ning ma yin nam/ sprul pa ma yin nam/dud 'gro ma yin nam/ mu stegs can zhugs pa ma yin nam/ ma bsad pa ma yin nam/ pha bsad pa ma yin nam/ dgra bcom pa bsad pa ma yin nam/ dge 'dun gyi dbyen byas pa ma yin nam/ de bzhin gshegs pa la ngan sems kyis khrag phyung ba ma yin nam/pham par 'gyur ba'i ltung ba bzhi po dag las gang yang rung ba byung ba ma yin nam/ rgyu las bzlog pa'i chad pa khas mi len pa gnas nas phyung ba ma yin nam/ lag rdum la sogs pa ma yin nam/ skra ser la sogs pa ma yin nam/ sen mo gcig pa la sogs pa ma yin nam/rgyal pos bkrabs pa la sogs pa ma yin nam/ rgyal pos ma gnang ba ma yin nam/ rgyal pos ma gnang ba yul thag mi ring ba ma yin nam/ chom rkun par grags pa ma yin nam/ phung khrol ba ma yin nam/ lham mkhan ma yin nam/gdol pa ma yin nam/ g.yung po ma yin nam/ mi ma yin pa'i 'gro ba pa ma yin nam/ byang gi sgra mi snyan pa ma yin nam/ mtshan lan gsum du gyur pa ma yin nam/ skyes pa 'dra ba'i bud med ma yin nam/ sdig sdig lta bu'i mtshan nyid can ma yin nam/gling gzhan nas skyes pa'i tshul byad mi 'dra ba ma yin nam/ zhes 'dri bar bya'o/ /gal te yin no zhes zer na 'o na song shig ces brjod par bya'o/ /gal te ma yin zhes zer na gzung bar bya'o/ /bzung nas gsum la skyabs su 'gro ba dang dge bsnyen nyid du khas blangs pas dge bsnyen gyi sdom pa sbyin par bya'o//'di ltar sbyin par bya ste/ dang po ston pa la phyag 'tshal du gzhug go/ /de'i 'og tu slob dpon la phyag 'tshal du bcug nas mdun du tsog tsog por 'dug tu bcug ste/ thal mo sbyor du bcug nas des 'di skad brjod par bya ste/btsun pa dgongs su gsol/ bdag ming 'di zhes bgyi ba dus 'di nas gzung ste ji srid 'tsho'i bar du/ rkang gnyis rnams kyi mchog sangs rgyas la skyabs su mchi'o/ /'dod chags dang bral ba rnams kyi mchog chos la skyabs su mchi'o/ / tshogs rnams kyi mchog dge 'dun la skyabs su mchi'o/ /bdag ji srid 'tsho'i bar du dge bsnyen du btsun pas gzung du gsol/ de bzhin du lan gnyis lan gsum du bzlas/ tshig gsum pa la slob dpon gyis zhes brjod par bya'o/ / slob dpon gyis thabs yin no zhes brjod par bya'o/ /dge bsnyen gyis legs so zhes brjod par bya'o/ /de ni dge bsnyen gyi sdom pa sbyin pa'o/ /de'i 'og tu bslab pa brjod pa khas blang pa'i tshul gyis bya'o/ /'di ltar bya ste/ slob dpon dgongs su gsol/ ji ltar 'phags pa dgra bcom pa de dag gis ji srid 'tsho'i bar du srog gcod pa spangs te srog gcod pa las slar log pa de bzhin du/ bdag ming 'di zhes bgyi bas kyang dus 'di nas bzung ste ji srid 'tsho'i bar du srog gcod pa spangs te srog gcod pa las slar ldog par bgyi'o/ / yan lag dang po 'dis bdag 'phags pa dgra bcom pa de dag gi bslab pa la rjes su slob bo/ /rjes su sgrub bo/ /rjes su bgyid do/ /gzhan yang ji ltar 'phags pa dgra bcom pa de dag gis ji srid 'tsho'i bar du ma byin par len pa dang / 'dod pas log par g.yem pa dang /brdzun du smra ba dang / 'bru'i chang dang bcos pa'i chang myos par 'gyur ba bag med pa'i gnas spangs te/ 'bru'i chang dang bcos pa'i chang myos par 'gyur ba bag med pa'i gnas las slar log pa de bzhin du/ bdag ming 'di zhes bgyi bas kyang dus 'di nas bzung ste ji srid 'tsho'i bar du ma byin par len pa dang /'dod pas log par g.yem pa dang / brdzun du smra ba dang / 'bru'i chang dang bcos pa'i chang myos par 'gyur ba bag med pa'i gnas spangs te/ 'bru'i chang dang bcos pa'i chang myos par 'gyur ba bag med pa'i gnas las slar ldog par bgyi'o//yan lag lnga pa ni 'dis bdag 'phags pa dgra bcom pa de dag gi slob pa la rjes su slob bo/ /rjes su sgrub bo/ /rjes su bgyid do/ /slob dpon gyis thabs yin no zhes brjod par bya'o/ /dge bsnyen gyis legs so zhes brjod par bya'o//dge bsnyen nyid du nye bar sgrub pa'i cho ga rdzogs so// //de'i 'og tu gang gis de zhu bar byed pa'i dge slong cig la gtad par bya'o/ /zhu ba'i dge slong gis mkhan po la khyod kyis bar chad kyi chos rnams dris sam zhes dri bar bya'o/ /ma dris par zhu ba byed na 'gal tshabs can du 'gyur ro//de'i 'og tu zhu ba'i dge slong gis zhu bar bya'o/ /'di ltar zhu bar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa la yang rung /gnas khang so so na 'khod pa la yang rung ste/ rgan rims la phyag 'tshal du bcug nas tsog tsog por 'dug tu bcug ste/ thal mo sbyor du bcug nas zhu bar byed pas 'di skad ces brjod par bya ste/ dge 'dun btsun pa rnams dgongs su gsol/ ming 'di zhes bgyi ba 'di mkhan po ming 'di zhes bgyi ba las rab tu 'byung bar 'tshal te/khyim pa gos dkar po can skra dang kha spu ma bregs pa las legs par gsungs pa'i chos 'dul ba la rab tu 'byung bar 'tshal te/ ming 'di zhes bgyi ba 'di rab tu 'byung bar 'tshal zhing skra dang kha spu bregs nas gos ngur smrig bgos te/yang dag pa kho nar dad pas khyim nas khyim med par mkhan po ming 'di zhes bgyi ba las rab tu 'byung ste/ de yang bar chad kyi chos rnams yongs su dag go zhes kho na nyid mchi na ci de rab tu dbyung ngam/ de dag thams cad kyis gal te yongs su dag na'o zhes brjod par bya'o//gal te de skad brjod na legs/ gal te mi brjod na 'gal tshabs can du 'gyur ro/ /de ni rab tu 'byung bar 'dod pa zhu ba'o/ /de'i 'og tu mkhan por gsol ba bya'o/ /'di ltar gsol bar bya ste/ mkhan po la phyag 'tshal du bcug nas mdun du tsog tsog por 'dug tu bcug ste thal mo sbyor du bcug nas des 'di skad ces brjod par bya ste/slob dpon dgongs su gsol/ bdag ming 'di zhes bgyi ba slob dpon la mkhan por gsol gyi / slob dpon bdag gi mkhan po mdzad du gsol/slob dpon mkhan pos bdag rab tu dbyung bar bgyi'o/ /de bzhin du lan gnyis lan gsum du bzlas/ tshig gsum pa la mkhan pos zhes brjod par bya'o/ /mkhan pos thabs yin no zhes brjod par bya'o/ / rab tu 'byung bar 'dod pas legs so zhes brjod par bya'o/ de ni mkhan por gsol ba'o/ /de'i 'og tu gang gis de'i skra dang kha spu dag 'breg par byed pa'i dge slong la bcol bar bya zhing / des kyang de'i gtsug phud ma gtogs pa skra dang kha spu dag breg par bya'o/ / de'i 'og tu ci gtsug phud breg gam zhes dri bar bya'o/ /gal te mi 'breg go zhes zer na 'o na song shig ces brjod par bya'o/ /gal te bregs shig zer na breg par bya'o/ /de'i 'og tu khrus byed du gzhug ste/ gal te re zhig grang ba'i dus yin na ni chu dron mos khrus byed du gzhug go//gal te tsha ba'i dus yin na ni chu grang mos khrus byed du gzhug go/ /de'i 'og tu mkhan pos lhung bzed dang gos ngur smrig dag sbyin par bya zhing / des kyang rkang pa gnyis la gtugs te blang bar bya'o/ /de'i 'og tu mkhan pos bskon par bya zhing / sham thabs bskon pa nyid kyi tshe mtshan med pa'am/mtshan gnyis pa'am/ gle 'dams pa ma yin nam zhes ma tshor bar mtshan brtag par bya'o/ /de ni dus dang por bya ba'o/ /de'i 'og tu skyabs su 'gro ba rtsom pas rab tu byung ba nye bar bsgrub par bya'o/ /'di ltar nye bar bsgrub par bya ste/dang po ston pa la phyag 'tshal du gzhug go/ /de'i 'og tu mkhan po la phyag 'tshal du bcug nas mdun du tsog tsog por 'dug tu bcug ste/ thal mo sbyor du bcug nas des 'di skad ces brjod par bya ste/ mkhan po dgongs su gsol/ bdag ming 'di zhes bgyi ba dus 'di nas bzung ste/ji srid 'tsho'i bar du rkang gnyis rnams kyi mchog sangs rgyas la skyabs su mchi'o/ /'dod chags dang bral ba rnams kyi mchog chos la skyabs su mchi'o/ /tshogs rnams kyi mchog dge 'dun la skyabs su mchi'o/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa/shAkya'i seng ge /shAkya'i rgyal po gtso bo de rab tu byung ba'i rjes su bdag rab tu 'byung ste/ khyim pa'i rtags spang ngo / /rab tu byung ba'i rtags yang dag par len to/ / de bzhin du lan gnyis lan gsum du bzlas/ mkhan pos thabs yin no zhes brjod par bya'o/ /rab tu byung bas legs so zhes brjod par bya'o/ /de ni rab tu byung ba nye bar sgrub pa'o/ /de'i 'og tu dge tshul nyid du nye bar sgrub par byed pa'i dge slong la gtad par bya'o/ / des kyang mkhan po la ci 'di yongs su dag gam zhes dris nas yongs su dag na skyabs su 'gro ba dang dge tshul nyid du khas blangs pas dge tshul nyid du nye bar bsgrub par bya'o/ /'di ltar nye bar bsgrub par bya ste/ dang por ston pa la phyag 'tshal du gzhug go/ /de'i 'og tu slob dpon la phyag 'tshal du bcug nas mdun du tsog tsog por 'dug tu bcug ste/thal mo sbyor du bcug nas des 'di skad ces brjod par bya ste/ btsun pa dgongs su gsol/ bdag ming 'di zhes bgyi ba dus 'di nas bzung ste ji srid 'tsho'i bar du/ rkang gnyis rnams kyi mchog sangs rgyas la skyabs su mchi'o//'dod chags dang bral ba rnams kyi mchog chos la skyabs su mchi'o/ /tshogs rnams kyi mchog dge 'dun la skyabs su mchi'o/ /bdag ji srid 'tsho'i bar du dge tshul du btsun pas gzung du gsol/ de bzhin du lan gnyis lan gsum du bzlas/tshig gsum pa la slob dpon gyis zhes brjod par bya'o/ /slob dpon gyis thabs yin no zhes brjod par bya'o/ /dge tshul gyis legs so zhes brjod par bya'o/ /de ni dge tshul gyis sdom pa byin pa'o/ /de'i 'og tu slob dpon ma yin pa dge slong gzhan gang yang rung gcig gis grib tshod gzhal bar bya zhing /skyes bu dang / rtsa ba dang / nyin mtshan gyi cha dang / dus tshod kyang brjod par bya'o/ /de'i 'og tu bslab pa brjod pa khas blang ba'i tshul gyis bsgrub par bya'o/ /'di ltar bya ste/ slob dpon dgongs su gsol/ ji ltar 'phags pa dgra bcom pa de dag gis ji srid 'tsho'i bar du srog gcod pa spangs te/ srog gcod pa las slar log pa de bzhin du/ bdag ming 'di zhes bgyi bas kyang dus 'di nas bzung ste ji srid 'tsho'i bar du srog gcod pa spangs te srog gcod pa las slar ldog par bgyi'o//yan lag dang po 'dis bdag 'phags pa dgra bcom de dag gi bslab pa la rjes su slob bo/ /rjes su sgrub bo/ /rjes su bgyid do/ /gzhan yang ji ltar 'phags pa dgra bcom pa de dag gis ji srid 'tsho'i bar du ma byin par len pa dang /mi tshangs par spyod pa dang / brdzun du smra ba dang / 'bru'i chang dang / bcos pa'i chang myos par 'gyur ba bag med pa'i gnas dang / glu gar dang / rol mo'i sgra dang / phreng ba dang / spos nyug pa dang / rgyan dang / kha dog 'chang ba dang / khri stan mthon po dang /khri stan chen po dang / dus ma yin pa'i kha zas dang / gser dngul len pa spangs te/ gser dngul len pa las slar log pa de bzhin du/ bdag ming 'di zhes bgyi bas dus 'di nas bzung ste ji srid 'tsho'i bar du ma byin par len pa dang / mi tshangs par spyod pa dang /brdzun du smra ba dang / 'bru'i chang dang / bcos pa'i chang myos par 'gyur ba bag med pa'i gnas dang / glu gar dang / rol mo'i sgra dang / phreng ba dang / spong nyug pa dang / rgyan dang / kha dog 'chang ba dang / khri stan mthon po dang / khri stan chen po dang / dus ma yin pa'i kha zas dang / gser dngul len pa spangs te/ gser dngul len pa las slar ldog par bgyi'o/ / yan lag bcu pa 'dis bdag 'phags pa dgra bcom pa de dag gi bslab pa la rjes su slob bo/ /rjes su sgrub bo/ /rjes su bgyid do/ /slob dpon gyis thabs yin no zhes brjod par bya'o//dge tshul gyis legs so zhes brjod par bya'o/ /dge tshul nyid du nye bar sgrub pa'i cho ga rdzogs so// //de'i 'og tu gal te lo nyi shu tshang na mkhan pos de'i lhung bzed dang chos gos dag btsal bar bya zhing / las byed pa'i dge slong la gsol ba gdab par bya/ gsang ste ston pa'i dge slong la yang gsol ba gdab par bya/ gang dag de'i las kyi gnas su 'jug par 'gyur ba'i dge slong dag la yang gsol ba gdab par bya'o/ /dge slong gang dag de'i las kyi gnas su 'jug par 'gyur ba de dag gis kyang der 'dul bar 'gyur ba'i tshe zla ba phyed 'das pa'i nyes pa bsdam par bya ba'am/bshags par bya ba'am/ byin gyis brlab par bya ba dag la so sor brtag par bya zhing / nyes pa shes pa bsdam pa'am/ bshags pa'am/ byin gyis brlabs pas phyir bcos te 'dug par bya'o/ /de'i 'og tu dge 'dun thams cad 'dug cing mthun par gyur pa'am/dkyil 'khor pa la yang rung ste/ yul dbus su dge slong bcu la sogs pa'i tshogs sam/ mtha' 'khob dag tu gzhan med na 'dul ba 'dzin pa dang lnga la sogs pa'i tshogs pa yang rung ste/ dang por ston pa la phyag 'tshal du gzhug go//chos la yang ngo / /de'i 'og tu dge slong re re la phyag gsum gsum 'tshal du gzhug go/ /phyag ni gnyis te/ yan lag lngas phyag 'tshal ba dang / sgyid pa nas 'khyud pa ste/ 'dir gang yang rung ngo / /de ni dus dang por bya ba'o//de'i 'og tu mkhan por gsol ba bya'o/ /'di ltar gsol bar bya ste mkhan po la phyag 'tshal du bcug nas mdun du pha gu'i steng du rtswa bting ba la rting pa gnyis kyis mnan nas tsog tsog por 'dug tu bcug ste thal mo sbyor du bcug nas/ gal te mkhan po yin na mkhan po zhes brjod par bya/slob dpon yin na slob dpon zhes brjod par bya/ btsun pa yin na btsun pa zhes ci rigs par brjod par bya'o zhes bstan nas/ des 'di skad ces brjod par bya ste/ btsun pa dgongs su gsol/ bdag ming 'di zhes bgyi ba btsun pa la mkhan por gsol gyis/btsun pa bdag gi mkhan po mdzad du gsol/ btsun pa mkhan pos bsnyen par rdzogs par bgyi'o/ /de bzhin du lan gnyis lan gsum du bzlas/ tshig gsum pa la mkhan pos zhes brjod par bya'o/ /mkhan pos thabs yin no zhes brjod par bya'o//slob mas legs so zhes brjod par bya'o/ /de ni mkhan por gsol ba'o/ /de'i 'og tu mkhan po rang gis de la chos gos gsum byin gyis brlab par bya'o/ /gal te re zhig chos gos dras shing drubs pa dag yod na de lta na legs te/'di ltar byin gyis brlab par bya ste/ chos gos gsum po so sor blta ba ste slob ma'i phrag pa g.yon par bkal nas gnyi ga 'greng ste lag pas chos gos snam sbyar gzung nas des 'di skad ces brjod par bya ste/ mkhan po dgongs su gsol/ bdag ming 'di zhes bgyi ba'i chos gos bgyis lags pa/ rung ba spyad par 'os pa 'di chos gos snam sbyar du byin gyis brlab bo/ /de bzhin du lan gnyis lan gsum du bzlas/ mkhan pos thabs yin no zhes brjod par bya'o/ /slob mas legs so zhes brjod par bya'o//de'i 'og tu chos gos bla gos bzung nas des 'di skad ces brjod par bya ste/ mkhan po dgongs su gsol/ bdag ming 'di zhes bgyi ba'i chos gos bgyis lags pa/ rung ba spyad par 'os pa 'di chos gos bla gos su byin gyis brlab bo/ /de bzhin du lan gnyis lan gsum du bzlas/mkhan pos thabs yin no zhes brjod par bya'o/ /slob mas legs so zhes brjod par bya'o/ /de'i 'og tu chos gos mthang gos bzung nas des 'di skad ces brjod par bya ste/ mkhan po dgongs su gsol/ bdag ming 'di zhes bgyi ba'i chos gos bgyi lags pa/rung ba spyad par 'os pa 'di chos gos mthang gos su byin gyis brlab bo/ /de bzhin du lan gnyis lan gsum du bzlas/ mkhan pos thabs yin no zhes brjod par bya'o/ /slob mas legs so zhes brjod par bya'o/ /de'i 'og tu chos gos dag bskon par bya zhing /des kyang snam sbyar dang bcas pa nyid yin na bsnyen par rdzogs pa'i phyir 'dus pa'i dge 'dun la phyag bya'o/ /de ni chos gos dras shing drubs pa gsum byin gyis brlab pa'o/ /gal te re zhig chos gos dras shing drubs pa dag med na rgyu la byin gyis brlab par bya'o//'di ltar byin gyis brlab par bya ste/ chos gos gsum gyi rgyu so sor blta ba ste/ slob ma'i phrag pa g.yon par bkal nas gnyi ga 'greng ste lag pas chos gos snam sbyar gyi rgyu bzung nas/ des 'di skad ces brjod par bya ste/ mkhan po dgongs su gsol/ bdag ming 'di zhes bgyi ba'i chos gos 'di snam sbyar du byin gyis brlab bo/ /'tshal la bar chad ma byung na snam phran dgu pa la sogs par bgyi ste glegs bu phyed dang gsum pa la sogs par bgyi'o/ /bkru'o/ /brkyang ngo / /dra'o/ /sdeb bo/ /gzungs gdab bo/ / drub bo/ /kha bsgyur ro/ /yang na 'di la lhan thabs su glan no/ /rkyen ji lta ba bzhin du bgyi ste/ chos gos 'di ni rung ba spyad par 'os pa'o/ /de bzhin du lan gnyis lan gsum du bzlas/ mkhan pos thabs yin no zhes brjod par bya'o/ /slob mas legs so zhes brjod par bya'o//de'i 'og tu chos gos bla gos kyi rgyu bzung nas des 'di skad ces brjod par bya ste/ mkhan po dgongs su gsol/ bdag ming 'di zhes bgyi ba'i chos gos 'di bla gos su byin gyis brlab bo/ /'tshal la bar chad ma byung na snam phran bdun par bgyi ste glegs bu phyed dang gsum par bgyi'o//bkru'o/ /brkyang ngo / /dra'o/ / sdeb bo/ /gzungs gdab bo/ /drub bo/ /kha bsgyur ro/ /yang na 'di la lhan thabs su glan no/ /rkyen ji lta ba bzhin du bgyi ste/ chos gos 'di ni rung ba spyad par 'os pa'o/ /de bzhin du lan gnyis lan gsum du bzlas/mkhan pos thabs yin no zhes brjod par bya'o/ /slob mas legs so zhes brjod par bya'o/ /de'i 'og tu chos gos mthang gos kyi rgyu bzung nas des 'di skad ces brjod par bya ste/ mkhan po dgongs su gsol/ bdag ming 'di zhes bgyi ba'i chos gos 'di mthang gos su byin gyis brlab bo//'tshal la bar chad ma byung na snam phran lnga par bgyi ste/ glegs bu phyed dang gnyis par bgyi'o/ /bkru'o/ /brkyang ngo / /dra'o/ /sdeb bo/ /gzungs gdab bo/ /drub bo/ / kha bsgyur ro/ /yang na 'di la lhan thabs su glan no//rkyen ji lta ba bzhin du bgyi ste chos gos 'di ni rung ba spyad par 'os pa'o/ /de bzhin du lan gnyis lan gsum du bzlas/ mkhan pos thabs yin no zhes brjod par bya'o/ /slob mas legs so zhes brjod par bya'o/ /de ni chos gos ma dras shing ma drubs pa gsum byin gyis brlab pa'o//de'i 'og tu de'i lhung bzed bstan par bya'o/ /'di ltar bstan par bya ste/ dge slong gcig gis lhung bzed lag pa g.yon par gzhag ste/ g.yas pas bkab nas rgan pa'i mtha' logs nas dge slong re re'i mdun du 'greng ste 'dud pa dang bcas pas 'di skad ces brjod par bya ste/btsun pa'am tshe dang ldan pa dgongs su gsol/ tshe dang ldan pa ming 'di zhes bgyi ba'i lhung bzed 'di mi chung ngam/ mi che ba'am / mi skya'am/ dge slong thams cad kyis lhung bzed de lta bu nyid ma yin na re re nas lhung bzed bzang ngo zhes brjod par bya'o//gal te de skad brjod na de lta na legs/ gal te mi brjod na 'gal tshabs can du 'gyur ro/ /de ni lhung bzed bstan pa'o/ /de'i 'og tu mkhan po rang gis de la lhung bzed byin gyis brlab par bya'o/ /'di ltar byin gyis brlab par bya ste/ gnyi ga 'greng ste lag pa g.yon par lhung bzed bzhag la lag pa g.yas pas bkab nas des 'di skad ces brjod par bya ste/ mkhan po dgongs su gsol/ bdag ming 'di zhes bgyi ba'i lhung bzed zas la spyad par 'os pa drang srong gi snod 'di bslang ba'i snod du byin gyis brlab bo/ / de bzhin du lan gnyis lan gsum du bzlas/ mkhan pos thabs yin no zhes brjod par bya'o/ /slob mas legs so zhes brjod par bya'o/ /de ni lhung bzed byin gyis brlab pa'o/ /de'i 'og tu bstan par rdzogs par bya ba de thos pa'i nye 'khor nas bkad te mthong ba'i nye 'khor du 'greng te thal mo sbyor du bcug nas tshogs la mngon du phyogs par gzhag par bya'o//de'i 'og tu dge slong las byed pas gsang ste ston pa'i dge slong la/ mkhan po ming 'di zhes bgyi bas ming 'di zhes bgyi ba'i gsang ste ston par gsol ba btab pa gang yin zhes dri bar bya'o//gsang ste ston pa gang yin pa des bdag ming 'di zhes bya ba'o zhes brjod par bya'o/ /de'i 'og tu dge slong las byed pas gsang ste ston pa'i dge slong la spro ba dri bar bya'o/ /dge slong ming 'di zhes bya ba khyod mkhan po ming 'di zhes bya bas ming 'di zhes bya ba la gsang ste ston par spro'am zhes dri bar bya'o//des kyang spro'o zhes brjod par bya'o/ /de ni gsang ste ston pa spro bar bya'o/ /de'i 'og tu dge slong las byed pas gsang ste ston pas bar chad dri ba'i phyir gsol ba 'ba' zhig gi las bya'o/ /'di ltar bya ste/ 'dug la 'di skad ces brjod par bya'o//dge 'dun btsun pa rnams gsan du gsol/ dge slong ming 'di zhes bgyi ba 'di mkhan po ming 'di zhes bgyi ba la gsang ste ston par spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge slong ming 'di zhes bgyi ba 'di mkhan po ming 'di zhes bgyi ba la gsang ste ston te/'di ni gsol ba'o/ /de ni gsang ste ston pa gsol ba'i cho ga dang las so/ /de'i 'og tu gsang ste ston pa'i dge slong gis dkyil 'khor ba'i phyi rol du song ste bsnyen par rdzogs par bya ba de bdag la phyag 'tshal du bcug nas mdun du tsog tsog por 'dug tu bcug ste/thal mo sbyor du bcug nas 'di skad ces brjod par bya ste/ tshe dang ldan pa khyod nyon cig /'di ni khyod kyi bden pa'i dus/ 'di ni 'byung ba'i dus te/ kho bos khyod la cung zad cig dri yis khyod ma 'dzem par byos la yin pa la yang yin zhes smros shig /ma yin pa la yang ma yin zhes lan thob cig /khyod skyes pa yin nam/ des skyes pa lags zhes brjod par bya'o/ /skyes pa'i dbang po dang ldan nam/ des ldan zhes brjod par bya'o/ /lo nyi shu lon nam/ des lon zhes brjod par bya'o//khyod kyi chos gos gsum dang lhung bzed tshang ngam/ des tshang zhes brjod par bya'o/ /khyod kyi pha ma gson nam/ gal te gson zhes zer na/ khyod pha mas gnang ngam zhes dri bar bya'o/ /des gnang zhes brjod par bya'o/ /gal te shi zhes zer na/ khyod bran ma yin nam/brkus pa ma yin nam/ rnyed btson ma yin nam/ rtsod pa can ma yin nam/ btsongs pa ma yin nam/ rgyal pos bkrabs pa ma yin nam/ rgyal po la bsdigs pa ma yin nam/ rgyal po la gnod pa'i las byed pa ma yin nam/khyod rgyal po la gnod pa'i las byas sam byed du bcug pa ma yin nam/ chom rkun par grags pa ma yin nam/ za ma ma yin nam/ ma ning ma yin nam/ dge slong ma sun phyung ba ma yin nam/ rku thabs su gnas pa ma yin nam/ tha dad du gnas pa ma yin nam/ gnas par mi bya ba ma yin nam/ mu stegs can ma yin nam/ mu stegs can zhugs pa ma yin nam/ pha bsad pa ma yin nam/ ma bsad pa ma yin nam/ dgra bcom pa bsad pa ma yin nam/ dge 'dun gyi dbyen byas pa ma yin nam/ de bzhin gshegs pa la ngan sems kyis khrag phyung ba ma yin nam/sprul pa ma yin nam/ dud 'gro ma yin nam zhes dri bar bya'o/ /des ma lags zhes brjod par bya'o/ /khyod la la la'i bu lon mang yang rung nyung yang rung cung zad chags pa med dam/ gal te bu lon chags so zhes zer na/ khyod bsnyen par rdzogs nas 'jal nus sam zhes dri bar bya'o/ /gal te mi nus zhes zer na/ 'o na song ces brjod par bya'o/ /gal te bsnyen par rdzogs nas 'jal nus zhes zer na/ khyod sngon rab tu byung ba ma yin nam zhes dri bar bya'o/ /gal te sngon rab tu byung zhes zer na/khyod pham par 'gyur ba bzhi las ltung ba gang yang rung ba zhig byung ba ma yin nam/ khyod 'babs pa na bslab pa legs par phul lam zhes dri bar bya'o/ /gal te ltung ba byung ngo zhes zer na/ 'o na song shig ces brjod par bya'o/ /gal te ma byung ngo zhes zer na/ ji ltar khyod da ltar rab tu byung ba yin nam zhes dri bar bya'o//gal te bdag rab tu byung ba yin zhes zer na/ khyod kyis tshangs par spyod pa legs par spyad dam zhes dri bar bya'o/ /des legs par spyad ces brjod par bya'o/ /khyod kyi ming ci/ khyod kyi mkhan po'i ming ci/ des bdag gi ming 'di zhes bgyi/don gyi slad du mtshan nas smos te bdag gi mkhan po'i ming 'di zhes bgyi zhes brjod par bya'o/ /tshe dang ldan pa khyod nyon cig /mi rnams kyi lus la lus kyi nad rnam pa 'di lta bu 'di dag 'byung ba 'di lta ste/ mdze dang / 'bras dang / phol mig dang / 'brum phran dang / sha bkra dang / khyi rngo dang / g.ya' ba dang / glog pa dang / rkang shu dang / skem nad dang / skem pa dang / brjed byed dang / bkres ngab dang / skya rbab dang / rkang bam dang / mtshan bar rdol ba dang / rims dang / rims drag po dang /rims nyin gcig pa dang / nyin gnyis pa dang / nyin gsum pa dang / nyin bzhi pa dang / 'dus pa dang / rims nyin re ba dang / rtag pa'i rims dang / rims ldang dub pa dang / shu ba dang / gsud pa dang / skyigs bu dang / lud pa dang / dbugs mi bde ba dang /lhog pa dang / yan lag tu zug pa dang / skran dang / khrag nad dang / mkhris nad dang / gzhang 'brum dang / skyug bro ba dang / chus bsgags pa dang / ngal ba dang / lus tsha ba dang / rtsib logs tsha ba dang / rus pa la zug pa ste/ lus kyi nad 'di lta bu 'di dag las gang yang rung ba dang /'di lta bu gzhan dag kyang khyod kyi lus la med dam/ des ma mchis zhes brjod par bya'o/ /tshe dang ldan pa khyod nyon cig /khyod la da ltar ngas gang dris pa de dge 'dun gyi dbus su yang tshangs pa mtshungs par spyod pa mkhas pa rnams khyod la 'dri yis der yang khyod kyis ma 'dzems par byos la yin pa la yin zhes smros shig /ma yin pa la ma yin zhes lan thob cig /khyod ma bos kyi bar du ma 'ong bar sdod cig /de ni gsang ste ston pa'o/ /de'i 'og tu gsang ste ston pa'i dge slong gis rgan pa'i mtha' logs su 'greng ste 'dud pa dang bcas pas 'di skad ces brjod par bya ste/dge 'dun btsun pa rnams gsan du gsol/ bdag gi mkhan po ming 'di zhes bgyi bas ming 'di zhes bgyi ba la bar chad kyi chos rnams gsang ste rjes su bstan na de yang bar chad kyi chos rnams yongs su dag go zhes kho na nyid mchi na ci mchi zhig gam/thams cad kyis gal te yongs su dag na'o zhes brjod par bya'o/ /gal te de skad brjod na de lta na legs/ gal te mi brjod na 'gal tshabs can du 'gyur ro/ /de ni 'ong ba zhu ba'o//de'i 'og tu bsnyen par rdzogs par bya ba de dkyil 'khor par bkug nas rgan pa'i mtha' logs su phyag 'tshal du bcug ste/ dge slong las byed pas bsnyen par rdzogs par gsol du gzhug par bya'o/ /'di ltar gsol du gzhug par bya ste/ dang por ston pa la phyag 'tshal du gzhug go//de'i 'og tu rgan pa'i mtha' logs su phyag 'tshal du bcug ste pha gu'i steng du rtswa bting ba la rting pa gnyis kyis mnan nas tsog tsog por 'dug tu bcug ste thal mo sbyor du bcug nas des 'di skad brjod par bya ste/ dge 'dun btsun pa rnams gsan du gsol/bdag ming 'di zhes bgyi ba don gyi slad du mtshan nas smos te/ mkhan po ming 'di zhes bgyi bas dge 'dun las bsnyen par rdzogs par 'tshal te/ bdag ming 'di zhes bgyi ba don gyi slad du mtshan nas smos te mkhan po'i ming 'di zhes bgyi bas dge 'dun las bsnyen par rdzogs par gsol na/dge 'dun btsun pa rnams kyis bdag bsnyen par rdzogs par mdzad du gsol/ dge 'dun btsun pa rnams kyis bdag drang du gsol/ dge 'dun btsun pa rnams kyis bdag rjes su gzung du gsol/ dge 'dun btsun pa rnams kyis bdag la rjes su bstan du gsol/thugs brtse ba can dge 'dun btsun pa rnams kyis thugs brtse ba'i slad du bdag la thugs brtse bar mdzad du gsol/ de bzhin du lan gnyis lan gsum du bzlas/ de ni bsnyen par rdzogs par gsol ba'o/ /de'i 'og tu dge slong las byed pas dge 'dun gyi nang du bar chad dri ba'i phyir gsol ba 'ba' zhig gi las bya'o//'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ ming 'di zhes bgyi ba 'di mkhan po ming 'di zhes bgyi bas dge 'dun las bsnyen par rdzogs par 'tshal te/ming 'di zhes bgyi ba 'di mkhan po ming 'di zhes bgyi bas dge 'dun la bsnyen par rdzogs par gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / bdag gis dge 'dun gyi nang du mkhan po ming 'di zhes bgyi bas/ming 'di zhes bgyi ba la bar chad kyi chos rnams dri bar bgyi'o/ /'di ni gsol ba'o/ /de ni nang du bar chad dri ba gsol ba'i cho ga dang las so/ /de'i 'og tu dge slong las byed pas dge 'dun gyi nang du bar chad dri bar bya'o/ /'di ltar dri bar bya ste/las byed pa la phyag 'tshal du bcug nas mdun du pha gu'i steng du rtswa bting ba la rting pa gnyis kyis mnan nas tsog tsog por 'dug tu bcug ste/ thal mo sbyor du bcug nas 'di skad ces brjod par bya ste/ tshe dang ldan pa khyod nyon cig /'di ni khyod kyi bden pa'i dus/'di ni 'byung ba'i dus te/ kho bos khyod la cung zad cig dri yis khyod ma 'dzem par byos la yin pa la yin zhes smros shig /ma yin pa la yang ma yin zhes lan thob cig /khyod skyes pa yin nam/ des skyes pa lags zhes brjod par bya'o/ /skyes pa'i dbang po dang ldan nam/des ldan zhes brjod par bya'o/ /lo nyi shu lon nam/ des lon zhes brjod par bya'o/ /khyod kyi chos gos gsum dang lhung bzed tshang ngam/ des tshang zhes brjod par bya'o/ /khyod kyi pha ma gson nam/ gal sta gson zhes zer na/ khyod pha mas gnang ngam zhes dri bar bya'o//des gnang zhes brjod par bya'o/ /gal te shi zhes zer na/ khyod bran ma yin nam/ brkus pa ma yin nam/ rnyed btson ma yin nam/ rtsod pa can ma yin nam/ btsongs pa ma yin nam/ rgyal pos bkrabs pa ma yin nam/ rgyal po la bsdigs pa ma yin nam/rgyal po la gnod pa'i las byed pa ma yin nam/ rgyal po la gnod pa'i las byas sam byed du bcug pa ma yin nam/ chom rkun par grags pa ma yin nam/ za ma ma yin nam/ ma ning ma yin nam/ dge slong ma sun phyung ba ma yin nam/ rku thabs su gnas pa ma yin nam/tha dad du gnas pa ma yin nam/ gnas par mi bya ba ma yin nam/ mu stegs can ma yin nam/ mu stegs can zhugs pa ma yin nam/ pha bsad pa ma yin nam/ ma bsad pa ma yin nam/ dgra bcom pa bsad pa ma yin nam/dge 'dun gyi dbyen byas pa ma yin nam/ de bzhin gshegs pa la ngan sems kyis khrag phyung ba ma yin nam/ sprul pa ma yin nam/ dud 'gro ma yin nam zhes dri bar bya'o/ /des ma lags zhes brjod par bya'o/ /khyod la la la'i bu lon mang yang rung nyung yang rung cung zad chags pa med dam/gal te bu lon chags so zhes zer na/ khyod bsnyen par rdzogs nas 'jal nus sam zhes dri bar bya'o/ /gal te mi nus zhes zer na/ 'o na song shig ces brjod par bya'o/ /gal te bsnyen par rdzogs nas 'jal nus zhes zer na/khyod sngon rab tu byung ba ma yin nam zhes dri bar bya'o/ /gal te rab tu byung ngo zhes zer na/ khyod la pham par 'gyur ba bzhi po dag las ltung ba gang yang rung ba zhig byung ba ma yin nam/ khyod 'babs pa na bslab pa legs par phul lam zhes dri bar bya'o//gal te ltung ba byung ngo zhes zer na 'o na song shig ces brjod par bya'o/ /gal te ma byung ngo zhes zer na/ ji ltar khyod da ltar rab tu byung ba yin nam zhes dri bar bya'o/ /gal te bdag rab tu byung ba yin no zhes zer na/ khyod kyis tshangs par spyod pa legs par spyad dam zhes dri bar bya'o//des legs par spyad ces brjod par bya'o/ /khyod kyi ming ci/ khyod kyi mkhan po'i ming ci/ des bdag gi ming 'di zhes bgyi/ don gyi slad du mtshan nas smos te bdag gi mkhan po'i ming 'di zhes bgyi ba lags zhes brjod par bya'o/ / tshe dang ldan pa khyod nyon cig /mi rnams kyi lus la lus kyi nad rnam pa 'di lta bu 'di dag 'byung ba 'di lta ste/ mdze dang / 'bras dang / phol mig dang / 'brum phran dang / sha bkra dang / khyi rngo dang / g.ya' ba dang / glog pa dang / rkang shu dang / skem nad dang / skem pa dang /brjed byed dang / bkres ngab dang / skya rbab dang / rkang bam dang / mtshan bar rdol ba dang / rims dang / rims drag po dang / rims nyin gcig pa dang / nyin gnyis pa dang / nyin gsum pa dang / nyin bzhi pa dang / 'dus pa dang / rims nyin re ba dang / rtag pa'i rims dang / rims ldang dub pa dang / shu ba dang / gsud pa dang / skyigs bu dang / lud pa dang / dbugs mi bde ba dang / lhog pa dang / yan lag tu zug pa dang / skran dang / khrag nad dang / mkhris nad dang / gzhang 'brum dang / skyug bro ba dang / chu bsgags pa dang / ngal ba dang / lus tsha ba dang / rtsib logs tsha ba dang / rus pa la zug pa ste lus kyi nad 'di lta bu 'di dag las gang yang rung ba dang 'di lta bu gzhan dag kyang khyod kyi lus la med dam/ des ma mchis zhes brjod par bya'o//de ni nang du bar chad dri ba'o/ /de'i 'og tu dge slong las byed pas gsol ba byas te las bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ ming 'di zhes bgyi ba 'di mkhan po ming 'di zhes bgyi bas dge 'dun las bsnyen par rdzogs par 'tshal nas/ming 'di zhes bgyi ba 'di mkhan po ming 'di zhes bgyi bas dge 'dun las bsnyen par rdzogs par gsol te/ skyes pa yang lags/ skyes pa'i dbang po dang yang ldan/ lo nyi shu yang lon/ 'di'i chos gos gsum dang lhung bzed kyang tshang /bar chad kyi chos rnams kyang yongs su dag go zhes kho na nyid mchi ste/ ming 'di zhes bgyi ba 'di mkhan po ming 'di zhes bgyi bas dge 'dun las bsnyen par rdzogs par gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis ming 'di zhes bgyi ba mkhan po ming 'di zhes bgyi bas bsnyen par rdzogs par mdzad do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ ming 'di zhes bgyi ba 'di mkhan po ming 'di zhes bgyi bas dge 'dun las bsnyen par rdzogs par 'tshal nas/ming 'di zhes bgyi ba 'di mkhan po ming 'di zhes bgyi bas dge 'dun las bsnyen par rdzogs par gsol te/ skyes pa yang lags/ skyes pa'i dbang po dang yang ldan/lo nyi shu yang lon/ 'di'i chos gos gsum dang lhung bzed kyang tshang / bar chad kyi chos rnams kyang yongs su dag go zhes kho na nyid mchi ste/ ming 'di zhes bgyi ba 'di mkhan po ming 'di zhes bgyi bas dge 'dun las bsnyen par rdzogs par gsol na/ de'i slad du dge 'dun gyis ming 'di zhes bgyi ba 'di mkhan po ming 'di zhes bgyi bas bsnyen par rdzogs par mdzad na/tshe dang ldan pa gang dag ming 'di zhes bgyi ba 'di mkhan po ming 'di zhes bgyi bas bsnyen par rdzogs par mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis ming 'di zhes bgyi ba 'di mkhan po ming 'di zhes bgyi bas bsnyen par rdzogs par mdzad lags te/ 'di ltar cang mi gsung bas de de bzhin du 'dzin to/ /de ni bsnyen par rdzogs pa nye bar sgrub pa'i cho ga dang las so/ /de'i 'og tu dge slong las byed pa ma yin pa gzhan gang yang rung ba zhig gis grib tshod gzhal bar bya'o/ /'di ltar bya ste/ thur ma sor bzhi tsam gyis gzhal bar bya zhing /thur ma ji tsam yod pa de tsam la skyes bu zhes brjod par bya'o/ /sor re re la rtsa ba re re zhes brjod par bya'o/ /de ni grib tshod gzhal bar bya'o/ /de'i 'og tu nyin mtshan gyi cha brjod par bya ste/ snga dro dang / gung dang / phyi dro dang / mtshan mo'i thun dang po dang / thun dang po'i phyed dang / gung thun dang / gung thun gyi phyed dang / thun tha ma dang / thun tha ma'i phyed dang / skya rengs ma shar ba dang / skya rengs shar ba dang / nyi ma ma shar ba dang / nyi ma shar ba dang / nyi ma brgyad cha shar ba dang / nyi ma bzhi cha shar ba dang / gung tshigs ma yol ba dang /nyi ma bzhi cha lus pa dang / nyi ma brgyad cha lus pa dang / nyi ma ma nub pa dang / nyi ma nub pa dang / rgyu skar rnams ma shar ba dang / rgyu skar rnams shar ba ste/ 'di ni nyin mtshan gyi cha brjod pa'o/ /de'i 'og tu dus tshod brjod par bya ste/ dus tshod ni lnga ste/ dgun gyi dus dang / dpyid kyi dus dang / dbyar gyi dus dang / dbyar thung ngu'i dus dang / dbyar ring po'i dus so/ /de la dgun gyi dus ni zla ba bzhi'o/ /dpyid kyi dus kyang zla ba bzhi'o/ /dbyar gyi dus ni zla ba gcig go/ /dbyar thung ngu'i dus ni nyin zhag gcig go/ /dbyar ring po'i dus ni nyin zhag gcig gis zla ba gsum du ma chog pa ste/de ni dus tshod brjod pa'o/ /de'i 'og tu dge slong las byed pas gnas rnams brjod par bya ste/ tshe dang ldan pa ming 'di zhes bya ba khyod nyon cig /bzhi po 'di dag ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des de ltar rab tu byung ba dang bsnyen par rdzogs pa'i dge slong gi gnas su gsungs te/de la gnas na dge slong legs par gsungs pa'i chos 'dul ba la rab tu byung ba dang bsnyen par rdzogs pa dge slong gi dngos por 'gyur ro//bzhi gang zhe na/ gos kyi nang na phyag dar khrod ni rung ba rnyed kyang sla ba ste/ de la gnas na dge slong legs par gsungs pa'i chos 'dul ba la rab tu byung ba dang bsnyen par rdzogs pa dge slong gi dngos por 'gyur ro/ /ming 'di zhes bya ba khyod ji srid 'tsho'i bar du phyag dar khrod kyi gos kyis 'tsho bar spro'am/des spro zhes brjod par bya'o/ /lhag par rnyed na dar ram/ ras yug chen nam/ be'u ras sam/ dar la'am/ mon dar ram/ be'u ras yug chen nam/ be'u ras dmar po'am/ be'u phrug gam/ la dmar ram/ yul ka shi'i ras phran nam/kha dog ran pa'am/ kha dog ngan pa'am/ bal gos sam/ sha na'i ras sam/ zar ma'i ras sam/ ras gos sam/ ru gu la'i ras sam/ ko tam pa'i ras sam/ nyi 'og gi gos sam/ gzhan yang gos rung ba gang dge 'dun nam gang zag las rnyed na de yang khyod kyis long la tshod zin par gyis shig /ji ltar khyod gnas 'di lta bu la dam 'cha' 'am/ des dam 'cha'o zhes brjod par bya'o/ /ming 'di zhes bya ba khyod nyon cig /zas kyi nang na bsod snyoms ni rung ba rnyed kyang sla ba ste/de la gnas na dge slong legs par gsungs pa'i chos 'dul ba la rab tu byung ba dang bsnyen par rdzogs pa dge slong gi dngos por 'gyur ro/ /ming 'di zhes bya ba khyod ji srid 'tsho'i bar du bsod snyoms kyi zas kyis 'tsho bar spro'am/ des spro zhes brjod par bya'o//lhag par rnyed na 'bras chan nam/ skyo ma'am/ thug pa'am/ lnga ston nam/ brgyad ston nam/ bcu bzhi ston nam/ nya ston nam/ rtag res 'khor ram/ mgron du bos pa'am/ 'phral la bos pa'am/ sbags pa'am/ gzhan yang zas rung ba gang dge 'dun nam gang zag las rnyed na de yang khyod kyis long la tshod zin par gyis shig /ji ltar khyod gnas 'di lta bu la dam 'cha' 'am/ des dam 'cha'o zhes brjod par bya'o/ /ming 'di zhes bya ba khyod nyon cig /gnas mal gyi nang na shing drung ni rung ba rnyed kyang sla ba ste/de la gnas na dge slong legs par gsungs pa'i chos 'dul ba la rab tu byung ba dang bsnyen par rdzogs pa dge slong gi dngos por 'gyur ro/ /ming 'di zhes bya ba khyod ji srid 'tsho'i bar du shing drung gi gnas mal gyis 'tsho bar spro ba'am/ des spro zhes brjod par bya'o//lhag par rnyed na khang pa'am/ snga khang ngam/ khang pa brtsegs pa'am/ bsil khang ngam/ sab mos bskor ba'am/ ba gam mam/ khang bzangs sam/ sgo khang ngam/ sgo khang gi steng gi bsil khang ngam/ khang steng gi yol khang ngam/ spang leb khang ngam/sa phug gam/ brag phug gam/ ri phug gam/ rtswa'i spyil bu'am/ lo ma'i spyil bu'am/ 'chag sar byas pa'am/ 'chag sar ma byas pa'am/ bya skyibs su byas pa'am/ bya skyibs su ma byas pa'am/ gzhan yang gnas mal rung ba gang dge 'dun nam gang zag las rnyed na de yang khyod kyis long la tshod zin par gyis shig /ji ltar khyod gnas 'di lta bu la dam 'cha' 'am/ des dam 'cha'o zhes brjod par bya'o/ /ming 'di zhes bya ba khyod nyon cig /sman gyi nang na bkus te bor ba ni rung ba rnyed kyang sla ba ste/ de la gnas na dge slong legs par gsungs pa'i chos 'dul ba la rab tu byung ba dang /bsnyen par rdzogs pa dge slong gi dngos por 'gyur ro/ /ming 'di zhes bya ba khyod ji srid 'tsho'i bar du bkus te bor ba'i sman gyis 'tsho bar spro'am/ des spro zhes brjod par bya'o/ /lhag par rnyed na zhun mar ram/'bru mar ram/ sbrang rtsi'am/ bu ram gyi dbu ba'am/ dus su rung ba'am/ thun tshod du rung ba'am/ zhag bdun pa'am/ ji srid 'tsho'i bar du bcang ba'am/ rtsa ba'i sman nam/ sdong bu'i sman nam/ lo ma'i sman nam/ me tog gi sman nam/'bras bu'i sman nam/ gzhan yang sman rung ba gang dge 'dun nam gang zag las rnyed na de yang khyod kyis long la tshod zin par gyis shig /ji ltar khyod gnas 'di lta bu la dam 'cha' 'am/ des dam 'cha'o zhes brjod par bya'o/ /da ni gnas rnams brjod pa'o/ / de'i 'og tu ltung bar 'gyur ba'i chos rnams brjod par bya ste/ ming 'di zhes bya ba khyod nyon cig /bzhi po 'di dag ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des de ltar rab tu byung ba dang bsnyen par rdzogs pa'i dge slong gi ltung bar 'gyur ba'i chos su gsungs te/dge slong gis de byas na byas ma thag tu dge slong du mi rung bar 'gyur/ dge sbyong du mi rung / shAkya'i gras kyir mi rung / dge slong gi dngos po las nyams par 'gyur te/ de'i dge sbyong gi tshul zhig par 'gyur zhing nyams pa /bcom pa/ ltung ba/ pham par gyur pa ste/ de'i dge sbyong gi tshul phyir blang du med par 'gyur ro/ /'di lta ste dper na shing ta la'i mgo bcad na sngon por 'gyur du mi rung la/ 'phel zhing rgyas pa dang yangs par 'gyur du mi rung ba bzhin no/ /bzhi gang zhe na/'dod pa dang / 'dod pa la zhen pa dang / 'dod pa la 'chums pa dang / 'dod pa la lhag par zhen pa ni bcom ldan 'das kyis rnam grangs du mas smad do/ /'dod pa spangs pa ni bsngags te/ bor ba dang / bsal ba dang / zad pa dang / 'dod chags dang bral ba dang / 'gog pa dang / nye bar zhi ba dang / nub pa ni bstod do / /bkur ro/ /bsngags so/ /snyan par brjod do/ /tshe dang ldan pa khyod deng phyin chad chags pa'i sems kyis bud med kyi yul la mig gtad de mig gis blta bar yang mi bya na gnyis kyis gnyis sprad de mi tshangs par spyod pa 'khrig pa'i chos bstan pa lta smos kyang ci dgos/tshe dang ldan pa bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des yang dge slong gang dge slong rnams dang lhan cig bslab pa mtshungs par gyur pas bslab pa ma phul bslab pa nyams par ma byas par mi tshangs par spyod pa 'khrig pa'i chos bstan na/tha na dud 'gro'i skye gnas su skyes pa dang lhan cig kyang rung ste/ dge slong de yang pham par gyur pa yin gyis gnas par mi bya'o zhes bya ba 'di bka' stsal te/dge slong gis gnas de lta bu byas na byas ma thag tu dge slong mi rung bar 'gyur/ dge sbyong du mi rung / shAkya'i sras kyir mi rung / dge slong gi dngos po las nyams par 'gyur te/ de'i dge sbyong gi tshul zhig par 'gyur zhing / nyams pa/ bcom pa/ ltung ba/ pham par gyur pa ste/ de'i dge sbyong gi tshul phyir blang du med par 'gyur ro/ /'di lta ste dper na shing ta la'i mgo bcad na sngon por 'gyur du mi rung la 'phel zhing rgyas pa dang yangs par 'gyur du mi rung ba bzhin no/ /deng phyin chad khyod spyod pa ma yin pa dang / bya ba ma yin pa dang /spyad pa ma yin pa spang ba de la dran pa dang bag yod pas sems shin tu bsrung bar brtson par gyis shig /ji ltar gnas 'di lta bu la mi spyod dam/ des mi spyod ces brjod par bya'o/ /tshe dang ldan pa khyod nyon cig /ma byin par len pa ni bcom ldan 'das kyis rnam grangs du mas smad do//ma byin par len pa spangs pa ni bstod do/ /bkur ro/ /bsngags so/ /snyan par brjod do/ /tshe dang ldan pa khyod deng phyin chad rku sems kyis tha na gzhan gyi til gyi phub ma yang ma byin par mi blang na ma sha ka lnga'am ma sha ka lnga las lhag pa lta smos kyang ci dgos/tshe dang ldan pa bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des/ yang dge slong gang gzhan dag gi grong na 'dug pa'am/ dgon pa na 'dug pa ma byin pa rku ba'i grangs su gtogs pa blangs na/ji tsam ma byin par blangs pas de rgyal po 'am blon po chen pos bzung nas de la 'di skad ces/ kye mi khyod ni rkun ma'o/ /byis pa'o/ /blun pa'o/ /rku ba'o zhes zer zhing gsod dam 'ching ngam/ spyugs kyang rung ste/dge slong de ltar ma byin par len na dge slong de yang pham par gyur pa yin gyi gnas par mi bya'o zhes bya ba ni bka' stsal te/ dge slong gis gnas de lta bu byas na byas ma thag tu dge slong du mi rung bar 'gyur/ dge sbyong du mi rung / shAkya'i sras kyir mi rung / dge slong gi dngos po las nyams par 'gyur te/ de'i dge sbyong gi tshul zhig par 'gyur zhing / nyams pa/ bcom pa/ ltung ba/ pham par gyur pa ste/ de'i dge sbyong gi tshul phyir blang du med par 'gyur ro/ /'di lta ste dper na shing ta la'i mgo bcad nas sngon por 'gyur du mi rung la/'phel zhing rgyas pa dang yangs par 'gyur du mi rung ba bzhin no/ deng phyin chad khyod spyad pa ma yin pa dang / bya ba ma yin pa dang / spyad pa ma yin pa spang ba de la dran pa dang bag yod pas sems shin tu bsrung bar brtson par gyis shig /ji ltar gnas 'di lta bu la mi spyod dam/des mi spyod ces brjod par bya'o/ /tshe dang ldan pa khyod nyon cig /srog gcod pa ni bcom ldan 'das kyis rnam grangs du mas smad do/ /srog gcod pa spangs pa ni bstod do/ /bkur ro/ /bsngags so/ /snyan par brjod do/ /deng phyin chad tshe dang ldan pa khyod kyis bsams bzhin du srog chags grog sbur yang gsad par mi bya na/mi'am mir chags pa lta smos kyang ci dgos/ tshe dang ldan pa bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des yang dge slong gang mi'am mir chags pa la bsams bzhin du rang gi lag dar te srog gcod dam/de la mtshon byin nam/ de la mtshon thogs pa gnyer tam / de 'chir bcug gam/ de la 'chi ba'i bsngags pa brjod kyang rung ste/ de la 'di skad ces kye mi khyod 'tsho ba sdig pa mi gtsang ba ngan pa 'dis ci zhig bya/kye mi khyod gson pa bas shi sla'o zhes zer zhing sems kyi 'dod pa dang / sems kyi kun tu rtog pa dag gis rnam grangs du mas de 'chir bcug gam/ de la 'chi ba'i bsngags pa brjod de/ de yang rtsom pa des dus byas na dge slong de yang pham par gyur pa yin gyis gnas par mi bya'o//zhes bya ba 'di bka' stsal to / /dge slong gis gnas 'di lta bu byas na byas ma thag tu dge slong du mi rung bar 'gyur/ dge sbyor du mi rung / shAkya'i sras kyir mi rung / dge slong gi dngos po las nyams par 'gyur te/de'i dge sbyong gi tshul zhig par 'gyur zhing / nyams pa/ bcom pa/ ltung ba/ pham par gyur pa ste/ de'i dge sbyong gi tshul phyir blang du med par 'gyur ro/ /'di lta ste dper na shing ta la'i mgo bcad na sngon por 'gyur du mi rung la/ 'phel zhing rgyas pa dang yangs par 'gyur du mi rung ba bzhin no//deng phyin chad khyod spyad pa ma yin pa dang / bya ba ma yin pa dang / spyad pa ma yin pa spang ba de la dran pa dang bag yod pas sems shin tu bsrung bar brtson par gyis shig /ji ltar gnas 'di lta bu la mi spyod dam/ des mi spyod ces brjod par bya'o//tshe dang ldan pa khyod nyon cig /brdzun du smra ba ni bcom ldan 'das kyis rnam grangs du mas smad do/ /brdzun du smra ba spangs pa ni bstod do/ /bkur ro/ /bsngags so/ /snyan par brjod do/ /tshe dang ldan pa khyod deng phyin chad tha na bzhad gad bya bar bsams te shes bzhin du brdzun du smra bar yang mi bya na/bsams bzhin du mi'i chos bla ma smra ba lta smos kyang ci dgos/ tshe dang ldan pa bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des/ yang dge slong gang mngon par mi shes shing yongs su mi shes la mi'i chos bla ma mtha' dang /'phags pa dang / bye brag thob pa dang / shes pa dang / mthong ba dang / reg par spyod pa med la/ med bzhin du 'di shes so/ /'di mthong ngo zhes khas 'ches pa las de ltung ba byung ba rnam par dag par 'dod nas dus gzhan zhig na dris kyang rung ma dris kyang rung 'di skad ces tshe dang ldan pa dag bdag gis ni mi shes par shes so zhes smras /ma mthong bar mthong ngo zhes smras te / gsob gsog brdzun du smras so zhes zer na mngon pa'i nga rgyal ma gtogs te/ dge slong de yang pham par gyur pa yin gyi gnas par mi bya'o zhes bya ba 'di bka' stsal te/ ci zhig shes she na/ sdug bsngal shes so/ kun 'byung ba dang / 'gog pa dang / lam shes so/ /ci zhig mthong zhe na/ lha rnams mthong ngo / /klu rnams dang / gnod sbyin rnams dang /nam mkha' lding rnams dang / dri za rnams dang / mi'am ci rnams dang / lto 'phye chen po rnams dang / yi dwags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams mthong ngo //lha rnams kyis kyang bdag mthong ngo / /klu rnams dang / gnod sbyin rnams dang / nam mkha' lding rnams dang / dri za rnams dang / mi'am ci rnams dang / lto 'phye chen po rnams dang / yi dwags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams kyis kyang bdag mthong ngo / /lha rnams kyi sgra thos so/ /klu rnams dang / gnod sbyin rnams dang / nam mkha' lding rnams dang / dri za rnams dang / mi 'am ci rnams dang / lto 'phye chen po rnams dang / yi dwags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams kyi sgra thos so/ /lha rnams kyis kyang bdag gi sgra thos so/ /klu rnams dang / gnod sbyin rnams dang /nam mkha' lding rnams dang / dri za rnams dang / mi'am ci rnams dang / lto 'phye chen po rnams dang / yi dwags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams kyis kyang bdag gi sgra thos so//lha rnams blta ba'i phyir 'gro'o/ /klu rnams dang / gnod sbyin rnams dang / nam mkha' lding rnams dang / dri za rnams dang / mi'am ci rnams dang / lto 'phye chen po rnams dang / yi dwags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams bdag blta ba'i phyir 'gro'o/ /lha rnams bdag blta ba'i phyir 'ong ngo / /klu rnams dang / gnod sbyin rnams dang / nam mkha' lding rnams dang / dri za rnams dang / mi'am ci rnams dang / lto 'phye chen po rnams dang / yi dwags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams bdag blta ba'i phyir 'ong ngo / /lha rnams dang lhan cig gtam 'dre bar byed/phebs par smra bar byed/ so sor kun dga' bar byed/ rtag tu yang lhan cig gnas par byed do/ /klu rnams dang / gnod sbyin rnams dang / nam mkha' lding rnams dang / dri za rnams dang / mi 'am ci rnams dang / lto 'phye chen po rnams dang /yi dwags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed do/ /lha rnams bdag dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed do/ /klu rnams dang / gnod sbyin rnams dang / nam mkha' lding rnams dang /dri za rnams dang / mi'am ci rnams dang / lto 'phye chen po rnams dang / yi dwags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za ba rnams bdag dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed do/ /ma thob bzhin du bdag gis mi rtag pa'i 'du shes dang / mi rtag pa la sdug bsngal ba'i 'du shes dang / sdug bsngal ba la bdag med pa'i 'du shes dang / zas la mi mthun pa'i 'du shes dang /'jig rten thams cad la mngon par mi dga' ba'i 'du shes dang / nyes dmigs kyi 'du shes dang / spong ba'i 'du shes dang / 'dod chags dang bral ba'i 'du shes dang / 'gog pa'i 'du shes dang / 'chi ba'i 'du shes dang / mi sdug pa'i 'du shes dang /rnam par bsngos pa'i 'du shes dang / rnam par rnags pa'i 'du shes dang / rnam par bam pa'i 'du shes dang / rnam par 'bus gzhigs pa'i 'du shes dang / rnam par zos pa'i 'du shes dang / rnam par dmar ba'i 'du shes dang / rnam par 'thor ba'i 'du shes dang /rus gong gi 'du shes dang / stong pa nyid du so sor rtog pa'i 'du shes thob bo/ /ma thob bzhin du bdag gis bsam gtan dang po dang / gnyis pa dang / gsum pa dang / bzhi pa dang / byams pa dang / snying rje dang / dga' ba dang / btang snyoms dang /nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched dang / rgyun tu zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang /dgra bcom pa nyid kyi 'bras bu dang / rdzu 'phrul gyi yul dang / lha'i rna ba dang / sems kyi rnam grangs dang / sngon gyi gnas dang / 'chi 'pho dang / skye ba dang / zag pa zad pa thob bo/ /bdag ni dgra bcom pa rnam par thar pa brgyad la bsam gtan pa dang /gnyis ka'i cha las rnam par grol ba yin no zhes bya ba ste/ dge slong gi gnas de lta bu byas na byas ma thag tu dge slong du mi rung bar 'gyur/ dge sbyong du mi rung / shAkya'i sras kyir mi rung / dge slong gi dngos po las nyams par 'gyur te/de'i dge sbyong gi tshul zhig par 'gyur zhing / nyams pa/ bcom pa/ ltung ba/ pham par gyur pa ste/ de'i dge sbyong gi tshul phyir blang du med par 'gyur ro/ /'di lta ste dper na shing ta la'i mgo bcad na sngon por 'gyur du mi rung la/ 'phel zhing rgyas pa dang yangs par 'gyur du mi rung ba bzhin no//deng phyin chad khyod kyis spyad pa ma yin pa dang / bya ba ma yin pa dang / spyad pa ma yin pa spang pa de la dran pa dang bag yod pas sems shin tu bsrung bar brtson par gyis shig /ji ltar khyod gnas 'di lta bu mi spyod dam/ des mi spyod ces brjod par bya'o//de ni ltung bar 'gyur ba'i chos rnams brjod pa'o / /de'i 'og tu dge sbyong du byed pa'i chos rnams brjod par bya ste/ tshe dang ldan pa khyod nyon cig /bzhi po 'di dag ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des/de ltar rab tu byung ba dang bsnyen par rdzogs pa dge slong gi dge sbyong du byed pa'i chos su gsungs te/ bzhi gang zhe na/ tshe dang ldan pa khyod kyis deng phyin chad gshe yang slar mi gshe bar bya ba dang / khros kyang slar mi khro bar bya ba dang / brdegs kyang slar mi brdeg par bya ba dang / mtshang brus kyang slar mi 'bru bar bya'o / /ji ltar gnas 'di lta bu la spyod dam/ des spyod ces brjod par bya'o/ /de ni dge sbyong du byed pa'i chos rnams brjod par bya'o / /de'i 'og tu mchog tu 'dod par bya ba yang dag pa nyid kyis rdzogs pa nyid brjod par bya ste/tshe dang ldan pa khyod nyon cig /khyod sngon bdag legs par gsungs pa'i chos 'dul ba la rab tu byung ba dang bsnyen par rdzogs pa dge slong gi dngos po thob na ci ma rung snyam du smon pa gang yin pa de da khyod mkhan por 'os pa dang / slob dpon du 'os pa gnyis dang / dge 'dun mthun pa dang / gsol ba dang bzhi'i las mi g.yo ba gzhag par mi 'os pas rab tu byung zhing bsnyen par rdzogs so/ /de ni mchog tu 'dod par bya ba yang dag pa nyid kyis rdzogs pa nyid brjod pa'o/ /de'i 'og tu tshul khrims kyis mnyam par gyur pa nyid sgrub pa la nges par sbyar bar bya ste/tshe dang ldan pa khyod nyon gcig /bsnyen par rdzogs nas lo brgya lon pa'i dge slong gis bslab pa gang la bslab par bya ba de la de ring bsnyen par rdzogs pas kyang bslab bo/ de ring bsnyen par rdzogs pa'i dge slong gis bslab pa gang la bslab par bya ba de la bsnyen par rdzogs nas lo brgya lon pas kyang bslab bo//de ltar na tshul khrims kyis mnyam pa dang / bslab pa nyid kyis mnyam pa dang / so sor thar pa'i 'don pa nyid kyis mnyam pa ste/ khyod kyis deng phyin chad bsgrub par bya'i mi bsgrub par mi bya'o//de ni tshul khrims kyis mnyam par gyur pa nyid sgrub pa la nges par sbyar ba'o/ /de'i 'og tu tshul dang 'brel ba'i gzugs brnyan la nges par sbyar bar bya ste/ deng phyin chad khyod kyis mkhan po la pha'i 'du shes nye bar gzhag par bya'o//mkhan pos kyang khyod la bu'i 'du shes nye bar gzhag par bya'o/ /khyod kyis deng phyin chad mkhan po la ji srid 'tsho'i bar du bsnyen bkur bya'o/ /mkhan pos kyang khyod shi'am sos kyi bar du nad g.yog bya'o/ /de ni tshul dang 'brel ba'i gzugs brnyan la nges par sbyar ba'o//de'i 'og tu dul bar gnas pa nyid la nges par sbyar bar bya ste/ deng phyin chad khyod kyis tshangs pa mtshungs par spyod pa rnams dang / gnas brtan rnams dang / bar ma rnams dang / gsar bu rnams la gus pa dang bcas pa dang / zhe sa dang bcas pa dang / 'jigs pa dang bcas pa'i dbang du 'gyur bar gnas par bya'o/ /de ni dul bar gnas pa nyid la nges par sbyar ba'o/ /de'i 'og tu dgos pa rjes su bsgrub pa la nges par sbyar bar bya ste/ deng phyin chad khyod kyis lung mnod par bya/ klag par bya/ kha ton du bya'o//phung po la mkhas pa dang / khams la mkhas pa dang / skye mched la mkhas pa dang / rten cing 'brel bar 'byung ba la mkhas pa dang / gnas dang gnas ma yin pa la mkhas par bya'o/ /ma thob pa thob par bya ba dang / ma rtogs pa rtogs par bya ba dang / mngon sum du ma byas pa mngon sum du bya ba'i phyir khyod kyis brtson pa mi 'dor bar bya'o/ /de ni dgos pa rjes su sgrub pa la nges par sbyar ba'o/ /de'i 'og tu ma brjod pa yang dag par blangs pa yongs su shes pa'i sgrub par 'gyur ba nyid kyang brjod par bya ste/ 'di dag ni kho bos khyod la bslab pa'i gzhi che long che long tsam zhig brjod par zad de/gzhan dag ni zla ba phyed phyed cing so sor thar pa'i mdo gdon pa 'don pa'i tshe thos par 'gyur ro/ /gzhan dag kyang slob dpon dang / mkhan po dang / mkhan po gcig pa dang / slob dpon gcig pa dang / gtam 'dres pa dang /phebs par smra ba dang / smos 'drin dang / 'grogs bshes rnams kyang rgya cher ston par 'gyur ro/ /de ni ma brjod pa yang dag par blangs pa yongs su shes pa'i sgrub par 'gyur ba nyid brjod pa'o/ /de'i 'og tu gus pa la yang nges par sbyar bar bya ste/ shes rab mchog gi bstan pa la//khyod ni bsnyen par rdzogs par 'gyur / /dal dang 'byor ba rnyed dka' bas/ /'di dag ji lta bzhin du sgrubs / /mdzes pa rab tu dbyung ba dang / /yongs su dag pa bsnyen par rdzogs / /rdzogs sangs rgyas kyis rab mkhyen te/ /bden pa'i mtshan gyis bka' stsal to//de ni gus pa la nges par sbyar ba'o/ /de'i 'og tu bsgrub par bya ba thabs brjod pa dang bcas pa la nges par sbyar bar bya ste/ tshe dang ldan pa khyod bsnyen par rdzogs zin gyis bag yod par sgrubs shig /de ni bsgrub par bya ba thabs brjod pa bcas pa la nges par sbyar ba'o//dge slong bsnyen par rdzogs par bya ba'i cho ga dang las rdzogs so// // 'ga' zhig gi gan du shAkya dang me ba ral pa can ma gtogs pa sems mgu bar ma gyur pa'i mu stegs can rab tu 'byung bar 'dod pa 'ongs na des de la bar chad kyi chos rnams dri nas gzung bar bya zhing dkon mchog rnams kyi bsngags pa dang /mu stegs can rnams kyi bsngags pa ma yin pa yang dag par brjod na/ mi g.yo ba nyid kyis sems mgu bar gyur na/ de'i 'og tu gsum la skyabs su 'gro ba dang / dge bsnyen nyid du khas blang bas dge bsnyen gyi sdom pa sbyin par bya'o//de'i 'og tu de zla ba bzhi'i bar du mkhan pos sbyar ba'i gos dag gis gnas pa sbyin par bya'o/ /'di ltar sbyin par bya ste/ dge 'dun thams cad 'dug cing mthun par gyur pa la/ rgan rims kyis phyag 'tshal du bcug nas/ tsog tsog por 'dug tu bcug ste/ thal mo sbyor du bcug nas/ des 'di skad ces brjod par bya ste/ dge 'dun btsun pa rnams gsan du gsol/ bdag mu stegs can ming 'di zhes bgyi ba/ mkhan po ming 'di zhes bgyi ba las rab tu 'byung bar 'tshal te/ bdag mu stegs can ming 'di zhes bgyi ba zla ba bzhi'i bar du/mkhan pos sbyar ba'i gos dag gis gnas par dge 'dun la gsol na/ thugs brtse ba can dge 'dun btsun pa rnams kyis thugs brtse ba'i slad du/ bdag mu stegs can ming 'di zhes bgyi ba la/ zla ba bzhi'i bar du mkhan pos sbyar ba'i gos dag gis gnas par bgyi ba stsal du gsol/de bzhin du lan gnyis lan gsum du bzlas/ de'i 'og tu dge slong cig gis gsol ba byas te las bya'o/ /'di ltar bya ste/ 'dug la 'di skad ces brjod par bya ste/ dge 'dun btsun pa rnams gsan du gsol/mu stegs can ming 'di zhes bgyi ba 'di mkhan po ming 'di zhes bgyi ba las rab tu 'byung bar 'tshal te/ mu stegs can ming 'di zhes bgyi ba 'di/ zla ba bzhi'i bar du mkhan pos sbyar ba'i gos dag gis gnas par dge 'dun la gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis mu stegs can ming 'di zhes bgyi ba la/ zla ba bzhi'i bar du mkhan pos sbyar ba'i gos dag gis gnas pa stsol to/ /'di ni gsol ba'o/ / las ni 'di ltar bya ste/ dge 'dun btsun pa rnams gsan du gsol/ mu stegs can ming 'di zhes bgyi ba 'di/ mkhan po ming 'di zhes bgyi ba las rab tu 'byung bar 'tshal na/ mu stegs can ming 'di zhes bgyi ba 'di zla ba bzhi'i bar du mkhan pos sbyar ba'i gos dag gis gnas par dge 'dun la gsol te/de'i slad du dge 'dun gyis mu stegs can ming 'di zhes bya ba la zla ba bzhi'i bar du mkhan pos sbyar ba'i gos dag gis gnas pa stsol na/ tshe dang ldan pa gang dag mu stegs can ming 'di zhes bgyi ba la/ zla ba bzhi'i bar du mkhan pos sbyar ba'i gos dag gis gnas par gsol ba bzod pa can de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis mu stegs can ming 'di zhes bgyi ba la zla ba bzhi'i bar du mkhan pos sbyar ba'i gos dag gis gnas par stsal lags te/'di ltar cang mi gsung bas de de bzhin du 'dzin to/ /de ni mu stegs can gnas pa sbyin pa'i cho ga dang las so/ /rab tu byung ba'i gzhi'i skabs kyi cho ga dang las rnams rdzogs so// // da ni dge slong ma'i rab tu 'byung ba'i gzhi'i skabs kyi cho ga dang las rnams brjod par bya ste/ sdom la/ lci dang dge bsnyen bslab pa dang / /zhu dang mkhan mo dang po dang / /rab byung dge tshul grib tshod dang / / bslab pa brjod pa tha ma yin/ /dang por bya dang mkhan mo dang / /bslab pa gsol dang sdom sbyin dang / /grib tshod gzhal la sogs pa dang / /chos drug rjes mthun drug brjod pa'o/ /dang por bya dang mkhan mo dang / /chos gos gnyis dang lhung bzed gnyis/ /spro bya gsol ba gsang ston dang //zhu dang gsol dang gsol ba dang / /bar chad dri dang sdom sbyin dang / /gnyis pa gsol dang gsol ba dang / /dri dang las dang grib tshod dang / /nyin mtshan dus tshod gnas rnams dang / /ltung lci dge sbyong mchog 'ong dang / /tshul khrims mnyam dang tshul 'brel dang //dul dang dgos dang ma brjod dang / /gus dang bsgrub par bya ba'o/ /skye dgu'i bdag mo gau ta mi la sogs pa shAkya mo lnga brgya ni lci ba'i chos khas blangs pas rab tu byung ba dang bsnyen par rdzogs pa dge slong ma'i dngos po thob par gyur to/ /bud med gzhan dag ni rim gyis rab tu byung ba dang /bsnyen par rdzogs pa dge slong ma'i dngos po thob par bya'o/ /dge slong ma 'ga' zhig gi gan du bud med rab tu 'byung bar 'dod pa 'ongs nas des de la bar chad kyi chos rnams dri bar bya'o/ /'di ltar dri bar bya ste/ khyod mu stegs can mo ma yin nam/ lo bco lnga ma lon pa ma yin nam/ lo bco lnga lon pa bya rog skrod mi nus pa ma yin nam/ bya rog skrod nus pa lo bdun ma lon pa ma yin nam/ bran mo la sogs pa ma yin nam/ bu lon chags pa ma yin nam/ pha ma dang khyim thab kyis ma gnang ba ma yin nam/ pha ma dang khyim thab kyis ma gnang ba yul thag mi ring ba ma yin nam/nad pa ma yin nam/ dge slong sun phyung ba ma yin nam/ rku thabs su gnas pa ma yin nam/ za ma ma yin nam/ ma ning ma yin nam/ sprul pa ma yin nam/ dud 'gro ma yin nam/ mu stegs can zhugs pa ma yin nam/ma bsad pa ma yin nam/ pha bsad pa ma yin nam/ dgra bcom pa bsad pa ma yin nam/ de bzhin gshegs pa la ngan sems kyis khrag phyung ba ma yin nam/ rtsab krol can ma yin nam/ mya ngan gyis gzir ba ma yin nam/ sbrum pa ma yin nam/ mtshan gnyis pa ma yin nam/gle 'dams pa ma yin nam/ rtag tu zla mtshan zag pa ma yin nam/ zla mtshan mi zag pa ma yin nam/ mtshan ma tsam yod pa ma yin nam/ sngon rab tu byung ba ma yin nam/ mtshan dug ma ma yin nam/ lag rdum la sogs pa ma yin nam/ skra ser la sogs pa ma yin nam/sen mo gcig pa la sogs pa ma yin nam/ rgyal pos bkrabs pa la sogs pa ma yin nam/ rgyal pos ma gnang ba ma yin nam/ rgyal pos ma gnang ba yul thag mi ring ba ma yin nam/ chom rkun par grags pa ma yin nam/phung khrol ma ma yin nam/ lham mkhan mo ma yin nam/ gdol pa mo ma yin nam/ g.yung mo ma yin nam/ mi ma yin pa'i 'gro ba mo ma yin nam/ byang gi sgra mi snyan pa po ma yin nam/ mtshan lan gsum du gyur pa ma yin nam/ bud med 'dra ba'i skyes pa ma yin nam/ sdig sdig lta bu'i mtshan nyid can ma yin nam/ gling gzhan nas skyes pa'i tshul byad mi 'dra ba ma yin nam zhes dri bar bya'o/ /gal te yin no zhes zer na/ 'o na song shig ces brjod par bya'o/ /gal te ma yin zhes zer na gzung bar bya'o//bzung nas gsum la skyabs su 'gro ba dang dge bsnyen ma nyid du khas blang bas dge bsnyen ma'i sdom pa sbyin par bya'o/ /'di ltar sbyin par bya ste/ dang por ston pa la phyag 'tshal du gzhug go/ /de'i 'og tu slob dpon la phyag 'tshal du bcug nas/ mdun du tsog tsog por 'dug tu bcug ste/thal mo sbyor du bcug nas des 'di skad ces brjod par bya ste/ 'phags ma dgongs su gsol/ bdag ming 'di zhes bgyi ba dus 'di nas bzung ste/ ji srid 'tsho'i bar du/ rkang gnyis rnams kyi mchog sangs rgyas la skyabs su mchi'o/ / 'dod chags dang bral ba rnams kyi mchog chos la skyabs su mchi'o/ /tshogs rnams kyi mchog dge 'dun la skyabs su mchi'o/ /bdag ji srid 'tsho'i bar du dge bsnyen mar 'phags mas gzung du gsol/ de bzhin du lan gnyis lan gsum bzlas/ tshig gsum pa la slob dpon zhes brjod par bya'o//slob dpon gyis thabs yin no zhes brjod par bya'o/ /dge bsnyen mas legs so zhes brjod par bya'o/ /de ni dge bsnyen ma'i sdom pa sbyin pa'o/ /de'i 'og tu bslab pa brjod pa khas blang ba'i tshul gyis bya'o/ /'di ltar bya ste/ slob dpon dgongs su gsol/ji ltar 'phags pa dgra bcom pa de dag gis ji srid 'tsho'i bar du srog gcod pa spangs te/ srog gcod pa las slar log pa de bzhin du/ bdag ming 'di zhes bgyi bas kyang dus 'di nas bzung ste/ ji srid 'tsho'i bar du srog gcod pa spangs te/srog gcod pa las slar ldog par bgyid do/ /yan lag dang po 'dis bdag 'phags pa dgra bcom ma de dag gi bslab pa la rjes su slob bo/ /rjes su sgrub bo/ /rjes su bgyid do/ /gzhan yang ji ltar 'phags pa dgra bcom pa de dag gis ji srid 'tsho'i bar du/ma byin par len pa dang / 'dod pas log par g.yem pa dang / brdzun du smra ba dang / 'bru'i chang dang / bcos pa'i chang myos par 'gyur ba bag med pa'i gnas spangs te/ 'bru'i chang dang / bcos pa'i chang myos par 'gyur ba bag med pa'i gnas las slar log pa de bzhin du/bdag ming 'di zhes bgyi bas kyang dus 'di nas bzung ste/ ji srid 'tsho'i bar du ma byin pa len pa dang / 'dod pas log par g.yem pa dang / brdzun du smra ba dang / 'bru'i chang dang / bcos pa'i chang myos par 'gyur ba bag med pa'i gnas spangs te/ 'bru'i chang dang / bcos pa'i chang myos par 'gyur ba bag med pa'i gnas las slar ldog par bgyi'o/ /yan lag lnga pa 'dis bdag 'phags pa dgra bcom pa de dag gi bslab pa la rjes su slob bo/ /rjes su sgrub bo/ /rjes su bgyid do/ /slob dpon gyis thabs yin no zhes brjod par bya'o//dge bsnyen mas legs so zhes brjod par bya'o/ /dge bsnyen ma nyid du nye bar sgrub pa'i cho ga rdzogs so// // de'i 'og tu gang gis zhu bar byed pa'i dge slong ma la gtad par bya'o/ /zhu ba'i dge slong mas mkhan mo la khyod kyis bar chad kyi chos rnams dris sam zhes dri bar bya'o//ma dris par zhu bar byed na 'gal tshabs can du 'gyur ro/ /de'i 'og tu zhu ba'i dge slong mas zhu bar bya'o/ /'di ltar zhu bar bya ste/ gnas mal bsham pa byas nas gaN+DI brdungs te/ dris pa'i tshig gis dge slong ma rnams la yang dag par bsgo nas/dge slong ma'i dge 'dun thams cad 'dug cing mthun par gyur pa la yang rung / gnas khang so so na 'khod pa la yang rung ste/ de rgan rim la phyag 'tshal du bcug nas/ tsog tsog por 'dug tu bcug ste/ thal mo sbyor du bcug nas zhu bar byed pas 'di skad ces brjod par bya ste/dge 'dun 'phags ma rnams dgongs su gsol/ ming 'di zhes bgyi ba 'di mkhan mo ming 'di zhes bgyi ba las rab tu 'byung bar 'tshal te/ khyim pa mo gos dkar mo can skra ma bregs pa las legs par gsungs pa'i chos 'dul ba la rab tu 'byung bar 'tshal te/ming 'di zhes bgyi ba 'di rab tu 'byung bar 'tshal zhing / skra bregs nas gos ngur smrig bgos te/ yang dag pa kho nar dad pas khyim nas khyim med par mkhan mo ming 'di zhes bgyi ba las rab tu 'byung ste/ de yang bar chad kyi chos rnams yongs su dag go zhes kho na nyid mchi na ci de rab tu dbyung ngam/de dag thams cad kyis gal te yongs su dag na'o zhes brjod par bya'o/ /gal te de skad brjod na de lta na legs/ gal te mi brjod na 'gal tshabs can du 'gyur ro/ /de ni rab tu dbyung bar 'dod pa zhu ba'o/ /de'i 'og tu mkhan mor gsol bar bya'o//'di ltar gsol bar bya ste/ mkhan mo la phyag 'tshal du bcug nas/ mdun du tsog tsog por 'dug tu bcug ste/ thal mo sbyor du bcug nas/ des 'di skad ces brjod par bya ste/ slob dpon dgongs su gsol/ bdag ming 'di zhes bgyi ba slob dpon la mkhan mor gsol gyi /slob dpon bdag gi mkhan mo mdzad du gsol/ slob dpon mkhan mos rab tu dbyung bar bgyi'o/ /de bzhin du lan gnyis lan gsum du bzlas/ tshig gsum pa la mkhan mo zhes brjod par bya'o/ /mkhan mos thabs yin no zhes brjod par bya'o//rab tu 'byung bar 'dod pas legs so zhes brjod par bya'o/ /de ni mkhan mor gsol ba'o/ /de'i 'og tu gang gis de'i skra 'dreg par byed pa'i dge slong ma la bcol bar bya zhing / des kyang de'i gtsug phud ma gtogs pa skra dreg par bya'o/ de'i 'og tu ci gtsug phud breg gam zhes dri bar bya'o//gal te mi breg go zhes zer na 'o na song shig ces brjod par bya'o/ /gal te bregs shig ces zer na breg par bya'o/ /de'i 'og tu khrus byed du gzhug ste/ gal te re zhig grang ba'i dus yin na ni chu dron pos khrus byed du gzhug go/ /gal te tsha ba'i dus yin na ni chu grang mos khrus byed du gzhug go//de'i 'og tu mkhan mos lhung bzed dang gos ngur smrig dag sbyin par bya zhing / des kyang rkang pa gnyis la gtugs te blang bar bya'o/ /de'i 'og tu mkhan mos bskon par bya zhing / sham thabs bskon pa nyid kyi tshe mtshan med pa'am/mtshan gnyis pa'am/ gle 'dams pa ma yin nam zhes ma tshor bar mtshan brtag par bya'o/ /de ni dus dang por bya ba'o/ /de'i 'og tu skyabs su 'gro ba rtsom pas rab tu 'byung ba nye bar bsgrub par bya'o/ /'di ltar nye bar bsgrub par bya ste/ dang por ston pa la phyag 'tshal du gzhug go//de'i 'og tu mkhan mo la phyag 'tshal du bcug nas 'dun du tsog tsog por 'dug tu bcug ste/ thal mo sbyor du bcug nas/ des 'di skad ces brjod par bya ste/ mkhan mo dgongs su gsol/ bdag ming 'di zhes bgyi ba dus 'di nas bzung ste ji srid 'tsho'i bar du/rkang gnyis rnams kyi mchog sangs rgyas la skyabs su mchi'o/ /'dod chags dang bral ba rnams kyi mchog chos la skyabs su mchi'o/ /tshogs rnams kyi mchog dge 'dun la skyabs su mchi'o/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa/shAkya seng ge /shAkya'i rgyal po gtso bo de rab tu byung ba'i rjes su bdag rab tu 'byung ste/ khyim pa mo'i rtags spong ngo / /rab tu byung ba'i rtags yang dag par len to/ /de bzhin du lan gnyis lan gsum du bzlas/ mkhan mos thabs yin no zhes brjod par bya'o//rab tu byung bas legs so zhes brjod par bya'o/ /de ni rab tu 'byung ba nye bar sgrub pa'o/ /de'i 'og tu dge tshul ma nyid du nye bar sgrub par byed pa'i dge slong ma la gtad par bya'o/ /des kyang mkhan mo la ci yongs su dag gam zhes dris nas yongs su dag na skyabs su nye bar 'gro ba dang /dge tshul ma nyid du khas blangs pas dge tshul ma nyid du bsgrub par bya'o/ /'di ltar nye bar bsgrub par bya ste/ dang por ston pa la phyag 'tshal du gzhug go/ /de'i 'og tu slob dpon la phyag 'tshal du bcug nas mdun du tsog tsog por 'dug tu bcug ste/thal mo sbyor du bcug nas des 'di skad ces brjod par bya ste/ 'phags ma dgongs su gsol/ bdag ming 'di zhes bgyi ba dus 'di nas bzung ste ji srid 'tsho'i bar du/ rkang gnyis rnams kyi mchog sangs rgyas la skyabs su mchi'o//'dod chags dang bral ba rnams kyi mchog chos la skyabs su mchi'o/ /tshogs rnams kyi mchog dge 'dun la skyabs su mchi'o/ /bdag ji srid 'tsho'i bar du dge tshul mar 'phags mas gzung du gsol/ de bzhin du lan gnyis lan gsum du bzlas/tshig gsum pa la slob dpon zhes brjod par bya'o/ /slob dpon gyis thabs yin no zhes brjod par bya'o/ /dge tshul mas legs so zhes brjod par bya'o/ /de ni dge tshul ma'i sdom pa sbyin pa'o/ /de'i 'og tu slob dpon ma yin pa dge slong ma gzhan gang yang rung ba zhig gis grib tshod gzhal bar bya zhing /skyes bu dang / rtsa ba dang / nyin mtshan gyi cha dang / dus tshod kyang brjod par bya'o/ /de'i 'og tu bslab pa brjod pa khas blang ba'i tshul gyis bya'o/ /'di ltar bya ste/ slob dpon dgongs su gsol/ji ltar 'phags pa dgra bcom pa de dag gis ji srid 'tsho'i bar du srog gcod pa spangs te/ srog gcod pa las slar log pa de bzhin du/ bdag ming 'di zhes bgyi bas kyang dus 'di nas gzung ste ji srid 'tsho'i bar du srog gcod pa spangs te/ srog gcod pa las slar ldog par bgyi'o//yan lag dang po 'dis bdag 'phags pa dgra bcom pa de dag gi bslab pa la rjes su slob bo/ /rjes su sgrub bo/ /rjes su bgyid do/ /gzhan yang ji ltar 'phags pa dgra bcom pa de dag gis ji srid 'tsho'i bar du ma byin par len pa dang / mi tshangs par spyod pa dang / brdzun du smra ba dang / 'bru'i chang dang / bcos pa'i chang myos par 'gyur ba bag med pa'i gnas dang / glu gar dang rol mo'i sgra dang / phreng ba dang spos nyug pa dang / rgyan dang kha dog 'chang ba dang / khri stan mthon po dang / khri stan chen po dang /dus ma yin pa'i zas dang / gser dngul len pa spangs te/ gser dngul len pa las slar log pa de bzhin du/ bdag ming 'di zhes bgyi bas kyang dus 'di nas bzung ste ji srid 'tsho'i bar du/ ma byin par len pa dang / mi tshangs par spyod pa dang / brdzun du smra ba dang / 'bru'i chang dang / bcos pa'i chang myos par 'gyur ba bag med pa'i gnas dang / glu gar dang rol mo'i sgra dang / phreng ba dang spos nyug pa dang / rgyan dang kha dog 'chang ba dang / khri stan mthon po dang / khri stan chen po dang / dus ma yin pa'i zas dang /gser dngul len pa spangs te/ gser dngul len pa las slar log par bgyi'o/ /yan lag bcu pa 'dis bdag 'phags pa dgra bcom pa de dag gi bslab pa la rjes su slob bo/ /rjes su sgrub bo/ /rjes su bgyid do/ /slob dpon gyis thabs yin no/ / zhes brjod par bya'o/ /dge tshul mas legs so zhes brjod par bya'o/ /dge tshul ma nyid du nye bar sgrub pa'i cho ga rdzogs so// // bam po gnyis pa/ bud med la ni dge slob ma zhes bya ba'i tshig gzhan med do/ /de ni dge tshul ma nyid dang / dge slong ma nyid kyi bar skabs su sbyin par bya zhing /de spyad pa'i dus ni lo gnyis so/ /'di ltar sbyin par bya ste/ gal te khyim so bzung ba yin na ni tshod lo bcu lon na dge slong ma'i sdom pa sbyin zhing / lo gnyis spyad nas lo bcu gnyis lon pa na tshangs par spyod pa la nye bar gnas pa'i sdom pa sbyin zhing bsnyen par rdzogs par bya'o//gal te gzhon nu ma yin na ni na tshod lo bco brgyad lon pa na dge slob ma'i sdom pa sbyin zhing lo gnyis spyad nas na tshod lo nyi shu lon pa na tshangs par spyod pa la nye bar gnas pa'i sdom pa sbyin zhing bsnyen par rdzogs par bya'o/ /de lta bas na dge tshul ma nyid du nye bar bsgrubs pa'i 'og tu gal te khyim so bzung ba na na tshod lo bcu lon nam/gzhon nu ma na tshod lo bco brgyad lon na mkhan mos las byed pa'i dge slong ma la gsol ba gdab par bya zhing / gang dag de'i las kyi gnas su 'jug par 'gyur ba'i dge slong ma dag la yang gsol ba gdab par bya'o//dge slong ma gang dag de'i las kyi gnas su 'jug par 'gyur ba de dag gis kyang der 'du bar 'gyur ba'i tshe zla ba phyed 'das pa'i nyes pa bsdam par bya ba dang / bshags par bya ba dang / byin gyis brlab par bya ba dag la so sor brtag par bya zhing /nyes pa shes pa bsdam pa'am/ bshags pa'am/ byin gyis brlab pas phyir bcos te 'dug par bya'o/ /de'i 'og tu dge slong ma'i dge 'dun thams cad 'dug cing mthun par gyur pa'am/ dkyil 'khor ba la yang rung ste/ yul dbus su dge slong ma bcu gnyis la sogs pa'i tshogs sam/mtha' 'khob dag tu gzhan med na 'dul ba 'dzin pa dang drug la sogs pa'i tshogs la yang rung ste/ dang por ston pa la phyag 'tshal du gzhug go/ /de'i 'og tu dge slong ma re re la phyag gsum gsum 'tshal du gzhug go/ / phyag ni gnyis te/ yan lag lngas phyag 'tshal ba dang / sgyid pa nas 'khyud pa ste 'dir gang yang rung ngo / /de ni dus dang por bya ba'o/ /de'i 'og tu mkhan mor gsol bar bya'o/ /'di ltar gsol bar bya ste/ mkhan mo la phyag 'tshal du bcug nas mdun du tsog tsog por 'dug tu bcug ste/thal mo sbyor du bcug nas/ gal te mkhan mo yin na mkhan mo zhes brjod par bya/ slob dpon yin na slob dpon zhes brjod par bya'o/ /'phags ma yin na 'phags ma zhes ci rigs par brjod par bya'o zhes bstan nas/ 'di skad ces brjod par bya ste/'phags ma dgongs su gsol/ bdag ming 'di zhes bgyi ba 'phags ma la mkhan mor gsol gyi / 'phags ma bdag gi mkhan mo mdzad du gsol/ 'phags ma mkhan mo las bslab pa'i sdom pa stsal du gsol / 'phags ma mkhan mos bslab pa'i sdom pa yang dag par blang bar bgyi'o//de bzhin du lan gnyis lan gsum du bzlas/ tshig gsum pa la mkhan mo zhes brjod par bya'o/ /mkhan mos thabs yin no zhes brjod par bya'o/ /slob mas legs so zhes brjod par bya'o/ /'di ni mkhan mor gsol pa'o/ / de'i 'og tu dge slong ma las byed pas bslab pa'i sdom pa gsol du gzhug par bya'o/ /'di ltar gsol du gzhug par bya ste/ dang por ston pa la phyag 'tshal du gzhug go /de'i 'og tu rgan pa'i mtha' logs su phyag 'tshal du bcug nas tsog tsog por 'dug tu bcug ste/thal mo sbyor du bcug nas 'di skad ces brjod par bya ste/ dge 'dun 'phags ma rnams gsan du gsol/ bdag dge tshul ma ming 'di zhes bgyi ba khyim so bzung ba lo bcu lags pa'am/ gzhon nu ma lo bco brgyad lags pa la / don gyi slad du mtshan nas smos te mkhan mo ming 'di zhes bgyi bas dge slong ma'i dge 'dun las lo gnyis su chos drug dang /rjes su mthun pa'i chos drug la bslab pa'i sdom pa gsol na/ thugs brtse ba can dge 'dun 'phags ma rnams kyis thugs brtse ba'i slad du bdag dge tshul ma ming 'di zhes bgyi ba khyim so bzung ba lo bcu lags pa'am/gzhon nu ma lo bco brgyad lags pa la mkhan mo ming 'di zhes bgyi bas dge slong ma'i dge 'dun las lo gnyis su chos drug dang / rjes su mthun pa'i chos drug la bslab pa'i sdom pa stsal du gsol/ de bzhin du lan gnyis lan gsum du bzlas/de ni bslab pa'i sdom pa gsol ba'o/ de'i 'og tu dge slong ma las byed pa mos gsol ba dang gnyis kyi las kyis bslab pa'i sdom pa sbyin par bya'o/ 'di ltar sbyin par bya ste/ 'dug la 'di skad ces brjod par bya'o/ /dge 'dun 'phags ma rnams gsan du gsol/dge tshul ma ming 'di zhes bgyi ba khyim so bzung ba lo bcu lags pa'am/ gzhon nu ma lo bco brgyad lags pa 'di mkhan mo ming 'di zhes bgyi bas dge slong ma'i dge 'dun las lo gnyis su chos drug dang / rjes su mthun pa'i chos drug la bslab pa'i sdom pa gsol na/gal te dge 'dun 'phags ma rnams kyi dus la bab cing bzod na dge 'dun 'phags ma rnams kyis gnang bar mdzod cig dang / dge 'dun 'phags ma rnams kyis dge tshul ma ming 'di zhes bgyi ba khyim so bzung ba lo bcu lags pa'am/ gzhon nu ma lo bco brgyad lags pa la mkhan mo ming 'di zhes bgyi bas dge slong ma'i dge 'dun las lo gnyis su chos drug dang rjes su mthun pa'i chos drug la bslab pa'i sdom pa stsol to//'di ni gsol ba'o/ /las ni 'di ltar bya ste/ dge 'dun 'phags ma rnams gsan du gsol/dge tshul ma ming 'di zhes bgyi ba khyim so bzung ba lo bcu lags pa'am/ gzhon nu ma lo bco brgyad lags pa 'di mkhan mo ming 'di zhes bgyi bas dge slong ma'i dge 'dun las lo gnyis su chos drug dang rjes su mthun pa'i chos drug la bslab pa'i sdom pa gsol te/ de'i slad du ming 'di zhes bgyi ba mkhan mo ming 'di zhes bgyi bas dge slong ma'i dge 'dun las lo gnyis su chos drug dang / rjes su mthun pa'i chos drug la bslab pa'i sdom pa stsol ba la/ 'phags ma gang dag dge tshul ma ming 'di zhes bgyi ba la mkhan mo ming 'di zhes bgyi bas dge slong ma'i dge 'dun las lo gnyis su chos drug dang rjes su mthun pa'i chos drug la bslab pa'i sdom pa stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun ming 'di zhes bgyi ba la/mkhan mo ming 'di zhes bgyi bas dge slong ma'i dge 'dun las lo gnyis su chos drug dang / rjes su mthun pa'i chos drug la bslab pa'i sdom pa stsal lags te/ 'di ltar cang mi gsung bas de de bzhin du 'dzin to/ /de ni bslab pa'i sdom pa sbyin pa'i cho ga las so/ /de'i 'og tu dge slong ma las byed pa ma yin pa gzhan gang yang rung ba gcig gis grib chod gzhal bar bya zhing skyes bu dang /rtsa ba dang / nyin mtshan gyi cha dang / dus tshod kyang brjod par bya'o/ /de'i 'og tu dge slong ma las byed pas chos drug dang rjes su mthun pa'i chos drug rgya cher brjod par bya ste/ chos drug gang zhe na/ gcig pu lam du 'gro mi bya/ /chu bo pha rol rkyal mi bya/ /skyes pa la ni reg mi bya/ /skyes pa dang ni 'dug mi bya/ /smyan du 'gyur bar mi bya zhing / /kha na ma tho bcab mi bya/ /bde gshegs gsungs pa'i chos drug po/ /de dag gsung rab las gsungs yin//rjes su mthun pa'i chos drug gang zhe na/ /gser la gzung bar mi bya zhing / /mdoms kyi spu ni breg mi bya/ /sa ni brko bar mi bya ste/ /rtswa sngon dag kyang gcad mi bya/ /byin len ma byas bza' mi bya/ /gsog 'jog byas pa bza' mi bya/ /rjes mthun chos drug 'di dag ni/ / bde bar gshegs pas rtag tu bkag /ming 'di zhes bya ba khyod nyon cig /khyod kyis deng phyin chad lo gnyis su chos drug dang rjes su mthun pa'i chos drug la bslab par bya'o/ /chos drug gang zhe na/ gcig pu lam du 'gro bar mi bya ba dang / chu bo'i pha rol tu rkyal bar mi bya ba dang /skyes pa la reg par mi bya ba dang / skyes pa dang 'dug par mi bya ba dang / smyan du 'gyur bar mi bya ba dang / kha na ma tho ba bcab par mi bya ste/ chos drug po de dag la bslab par bya'o/ /rjes su mthun pa'i chos drug gang zhe na/ gser la gzung bar mi bya ba dang / mdoms kyi spu breg par mi bya ba dang /sa rko bar mi bya ba dang / rtswa sngon po gcad par mi bya ba dang / byin len ma byas par bza' bar mi bya ba dang / gsog 'jog byas pa bza' bar mi bya ba ste/ rjes su mthun pa'i chos drug po de dag la bslab par bya'o/ /ming 'di zhes bya ba khyod kyis deng phyin chad lo gnyis su chos drug dang rjes su mthun pa'i chos drug po de dag la bslab par bya'o//dge slob ma'i sdom pa sbyin pa'i cho ga dang las rdzogs so// //gang gi tshe lo gnyis su chos drug dang rjes su mthun pa'i chos drug gi bslab pa dag la bslabs par gyur na/ de'i 'og tu tshangs par spyod pa la nye bar gnas pa'i sdom pa sbyin zhing bsnyen par rdzogs par bya'o//'di ltar bya ste/ je dang por mkhan mos de'i lhung bzed dang chos gos dag btsal bar bya zhing las byed pa'i dge slong ma la gsol ba gdab par bya/ gsang ste ston pa'i dge slong ma la yang gsol ba gdab par bya/gang dag de'i las kyi gnas su 'jug par 'gyur ba'i dge slong ma dag la yang gsol ba gdab par bya'o/ /dge slong ma gang dag de'i las kyis gnas su 'jug par 'gyur ba de dag gis kyang der 'du bar 'gyur ba'i tshe zla ba phyed 'das pa'i nyes pa bsdam par bya ba dang /bshags par bya ba dang byin gyis brlab par bya ba dag la so sor brtag par bya zhing / nyes pa shes pa bsdam pa'am/ bshags pa'am/ byin gyis brlab pas phyir bcos te 'dug par bya'o/ /de'i 'og tu dge slong ma'i dge 'dun thams cad 'dug cing mthun par gyur pa'am/dkyil 'khor pa la yang rung ste/ yul dbus su dge slong ma bcu gnyis la sogs pa'i tshogs sam/ mtha' 'khob dag tu gzhan med na 'dul ba 'dzin pa dang drug la sogs pa'i tshogs la yang rung ste/ dang por ston pa la phyag 'tshal du gzhug go//de'i 'og tu dge slong ma re re la phyag gsum gsum 'tshal du gzhug go/ /phyag ni gnyis te/ yan lag lngas phyag 'tshal ba dang / sgyid pa nas 'khyud pa ste/ 'dir gang yang rung ngo / /de ni dus dang por byas pa'o/ /de'i 'og tu mkhan mor gsol ba bya'o//'di ltar gsol ba bya ste/ mkhan mo la phyag 'tshal du bcug nas/ mdun du stan nang tshangs can la sogs pa'i steng du ci bder 'dug tu bcug ste/ thal mo sbyar du bcug nas/ gal te mkhan mo yin na mkhan mo zhes brjod par bya/ slob dpon yin na slob dpon zhes brjod par bya/'phags ma yin na 'phags ma zhes ci rigs par brjod par bya'o zhes bstan nas/ des 'di skad ces brjod par bya ste/ 'phags ma dgongs su gsol/ bdag ming 'di zhes bgyi ba 'phags ma la mkhan mor gsol gyis/ 'phags ma bdag gi mkhan mo mdzad du gsol/ 'phags ma mkhan mos bsnyen par rdzogs par bgyi'o/ /de bzhin du lan gnyis lan gsum du bzlas/ tshig gsum pa la mkhan mo zhes brjod par bya'o/ /mkhan mos thabs yin no zhes brjod par bya'o/ /slob mas legs so zhes brjod par bya'o//de ni mkhan mor gsol ba'o/ /de'i 'og tu mkhan mo rang gis de la chos gos lnga byin gyis brlab par bya'o/ /gal te re zhig chos gos dras shing drubs pa dag yod na de lta na legs te/ 'di ltar byin gyis brlab bar bya ste/ chos gos lnga so sor bltab ste slob ma'i phrag pa g.yon par bkal nas gnyis ka 'greng ste lag pas chos gos snam sbyar bzung nas des 'di skad ces brjod par bya ste/mkhan mo dgongs su gsol/ bdag ming 'di zhes bgyi ba'i chos gos bgyis lags pa rung ba spyad par 'os pa 'di chos gos snam sbyar du byin gyis brlab bo//de bzhin du lan gnyis lan gsum du bzlas/ mkhan mos thabs yin no zhes brjod par bya'o/ /slob mas legs so zhes brjod par bya'o/ /de'i 'og tu chos gos bla gos bzung nas des 'di skad ces brjod par bya ste/mkhan mo dgongs su gsol/ bdag ming 'di zhes bgyi ba'i chos gos bgyis lags pa rung ba spyad par 'os pa 'di chos gos bla gos su byin gyis brlab bo/ /de bzhin du lan gnyis lan gsum du bzlas/ mkhan mos thabs yin no zhes brjod par bya'o//slob mas legs so zhes brjod par bya'o/ /de'i 'og tu chos gos mthang gos bzung nas/ des 'di skad ces brjod par bya ste/ mkhan mo dgongs su gsol/ bdag ming 'di zhes bgyi ba'i chos gos bgyis lags pa rung ba spyad par 'os pa 'di chos gos mthang gos su byin gyis brlab bo//de bzhin du lan gnyis lan gsum du bzlas/ mkhan mos thabs yin no zhes brjod par bya'o/ /slob mas legs so zhes brjod par bya'o/ /de'i 'og tu chos gos shi nga dpung bcad bzung nas des 'di skad ces brjod par bya ste/ mkhan mo dgongs su gsol/bdag ming 'di zhes bgyi ba'i chos gos bgyis lags pa rung bar spyad par 'os pa 'di chos gos shi nga dpung bcad du byin gyis brlab bo/ /de bzhin du lan gnyis lan gsum du bzlas/ mkhan mos thabs yin no zhes brjod par bya'o/ /slob mas legs so zhes brjod par bya'o//de'i 'og tu chos gos rngul gzan bzung nas des 'di skad ces brjod par bya ste/ mkhan mo dgongs su gsol/ bdag ming 'di zhes bgyi ba'i chos gos bgyis lags pa rung ba spyad par 'os pa 'di chos gos rngul gzan du byin gyis brlab bo//de bzhin du lan gnyis lan gsum du bzlas/ mkhan mos thabs yin no zhes brjod par bya'o/ /slob mas legs so zhes brjod par bya'o/ /de'i 'og tu chos gos dag bskon par bya zhing / des kyang snam sbyar dang bcas pa nyid yin na bsnyen par rdzogs pa'i phyir 'dus pa'i dge slong ma'i dge 'dun la phyag bya'o//de ni chos gos dras shing drubs pa lnga byin gyis brlab pa'o/ /gal te re zhig chos gos dras shing drubs pa dag med na rgyu la byin gyis brlab par bya'o/ /'di ltar byin gyis brlab par bya ste/ chos gos lnga rgyu so sor bltab ste slob ma'i phrag pa g.yon par bkal nas gnyi ga 'greng ste lag pas chos gos snam sbyar gyi rgyu bzung nas des 'di skad ces brjod par bya ste/mkhan mo dgongs su gsol/ bdag ming 'di zhes bgyi ba'i chos gos 'di snam sbyar du byin gyis brlab bo/ / 'tshal na snam phran dgu pa la sogs par bgyi ste/ glegs bu phyed dang gsum pa la sogs par bgyi'o/ /bar chad ma byung na bkru'o/ /brkyang ngo / /dra'o/ sdeb bo/ zungs gdab bo/ /drub bo/ kha bsgyur ro/ /yang na 'di la lhan thabs su glan no/ /rkyen ji lta ba bzhin du bgyi ste chos gos 'di ni rung ba spyad par 'os pa'o//de bzhin du lan gnyis lan gsum du bzlas/ mkhan mos thabs yin no zhes brjod par bya'o/ /slob mas legs so zhes brjod par bya'o/ /de'i 'og tu chos gos bla gos kyi rgyu bzung nas des 'di skad ces brjod par bya ste/mkhan mo dgongs su gsol/ bdag ming 'di zhes bgyi ba'i chos gos 'di bla gos su byin gyis brlab bo/ /'tshal na snam phran bdun par bgyi ste/ glegs bu phyed dang gsum par bgyi'o/ /bar chad ma byung na bkru'o/ /brkyang ngo / /dra'o/ sdeb bo/ zungs gdab bo/drub bo/ kha bsgyur ro/ /yang na 'di la lhan thabs su glan no/ /rkyen ji lta ba bzhin du bgyi ste chos gos 'di ni rung ba spyad par 'os pa'o/ /de bzhin du lan gnyis lan gsum du bzlas/ mkhan mos thabs yin no zhes brjod par bya'o/ /slob mas legs so zhes brjod par bya'o//de'i 'og tu chos gos mthang gos kyi rgyu bzung nas/ des 'di skad ces brjod par bya ste/ mkhan mo dgongs su gsol/ bdag ming 'di zhes bgyi ba'i chos gos 'di mthang gos su byin gyis brlab bo/ /'tshal na snam phran lnga par bgyi ste/ glegs bu phyed dang gnyis par bgyi'o//bar chad ma byung na bkru'o/ /brkyang ngo / /dra'o/ sdeb bo/ zungs gdab bo/ drub bo/ kha bsgyur ro/ /yang na 'di la lhan thabs su glan no/ /rkyen ji lta ba bzhin du bgyi ste chos gos 'di ni rung ba spyad par 'os pa'o/ /de bzhin du lan gnyis lan gsum du bzlas/ mkhan mos thabs yin no zhes brjod par bya'o/ /slob mas legs so zhes brjod par bya'o/ /de'i 'og tu chos gos shing dpung bcad kyi rgyu bzung nas des 'di skad ces brjod par bya ste/ mkhan mo dgongs su gsol/ bdag ming 'di zhes bgyi ba'i chos gos 'di shing dpung bcad du byin gyis brlab bo//'tshal na shi nga dpung bcad du bgyi'o/ /bar chad ma byung na bkru'o/ /brkyang ngo / /dra'o/ /sdeb bo/ zungs gdab bo/ drub bo/ /kha bsgyur ro/ /rkyen ji lta ba bzhin du bgyi ste/ chos gos 'di ni rung ba spyad par 'os pa'o/ /de bzhin du lan gnyis lan gsum du bzlas/mkhan mos thabs yin no zhes brjod par bya'o/ /slob mas legs so zhes brjod par bya'o/ /de'i 'og tu chos gos rngul gzan gyi rgyu bzung nas/ des 'di skad ces brjod par bya ste/ mkhan mo dgongs su gsol/ bdag ming 'di zhes bgyi ba'i chos gos 'di rngul gzan du byin gyis brlab bo//'tshal na rngul gzan du bgyi'o/ /bar chad ma byung na bkru'o/ /brkyang ngo / /dra'o/ sdeb bo/ zungs gdab bo/ /drub bo/ kha bsgyur ro/ /rkyen ji lta ba bzhin du bgyi ste chos gos 'di ni rung ba spyad par 'os pa'o/ /de bzhin du lan gnyis lan gsum du bzlas/mkhan mos thabs yin no zhes brjod par bya'o/ /slob mas legs so zhes brjod par bya'o/ /de ni chos gos ma dras shing ma drubs pa lnga byin gyis brlabs pa'o/ /de'i 'og tu lhung bzed bstan par bya'o/ /'di ltar bstan par bya ste/dge slong ma gcig gis lhung bzed lag pa g.yon par bzhag ste/ lag pa g.yas pas bkab nas rgan pa'i mtha' logs nas dge slong ma re re'i mdun du 'greng ste 'dud pa dang bcas pas 'di skad ces brjod par bya ste/ 'phags ma dgongs su gsol/ tshe dang ldan pa ming 'di zhes bgyi ba'i lhung bzed 'di mi chung ngam/ mi che'am/ mi skya'am/ dge slong ma thams cad kyis kyang lhung bzed de lta bu nyid ma yin na re re nas lhung bzed bzang ngo zhes brjod par bya'o/ /gal te de skad brjod na de lta na legs/ de mi brjod na 'gal tshabs can du 'gyur ro//de ni lhung bzed bstan pa'o/ /de'i 'og tu mkhan mo rang gis de la lhung bzed byin gyis brlab par bya'o/ /'di ltar byin gyis brlab par bya ste/ gnyi ga 'greng ste lag pa g.yon par lhung bzed bzhag la lag pa g.yas pas bkab nas des 'di skad ces brjod par bya ste/mkhan mo dgongs su gsol/ bdag ming 'di zhes bgyi ba'i lhung bzed zas la spyad par 'os pa drang srong gi snod 'di bslang ba'i snod du byin gyis brlab bo/ /de bzhin du lan gnyis lan gsum du bzlas/ mkhan mos thabs yin no zhes brjod par bya'o//slob mas legs so zhes brjod par bya'o/ /de ni lhung bzed byin gyis brlab pa'o/ /de'i 'og tu bsnyen par rdzogs par bya ba de thos pa'i nyen kor nas bkar te mthong ba'i nyen kor du thal mo sbyor du bcug nas tshogs la mngon du phyogs par gzhag par bya'o/ / de'i 'og tu dge slong ma las byed pas gsang ste ston pa'i dge slong ma la/ mkhan mo ming 'di zhes bya bas ming 'di zhes bya ba gsang ste ston par gsol ba btab pa gang yin zhes dri bar bya'o/ /gsang ste ston pa gang yin pa des bdag ming 'di zhes bya ba'o zhes brjod par bya ba'o//de'i 'og tu dge slong ma las byed pas gsang ste ston pa'i dge slong ma la ming 'di zhes bya ba khyod/ mkhan mo ming 'di zhes bya bas ming 'di zhes bya ba la gsang ste ston par spro'am zhes dri bar bya'o/ /des kyang spro'o zhes brjod par bya'o/ /de ni gsang ste ston par spro bar bya'o//de'i 'og tu dge slong ma las byed pas/ gsang ste ston pas bar chad dri ba'i phyir gsol ba 'ba' zhig gi las bya'o/ /'di ltar bya ste/ 'dug la 'di skad ces brjod par bya'o/ /dge 'dun 'phags ma rnams gsan du gsol/ dge slong ma ming 'di zhes bgyi ba 'di mkhan mo ming 'di zhes bgyi bas ming 'di zhes bgyi ba la gsang ste ston par spro na/gal te dge 'dun 'phags ma rnams kyi dus la bab cing bzod na dge 'dun 'phags ma rnams kyis gnang bar mdzod cig dang / dge slong ma ming 'di zhes bgyi ba 'di mkhan mo ming 'di zhes bgyi bas ming 'di zhes bgyi ba la gsang ste ston to//'di ni gsol ba'o/ /de ni gsang ste ston par gsol ba'i cho ga dang las so/ /de'i 'og tu gsang ste ston pa'i dge slong mas dkyil 'khor pa'i phyi rol du song ste bsnyen par rdzogs par bya ba de bdag la phyag 'tshal du bcug nas mdun du tsog tsog por 'dug tu bcug ste/thal mo sbyor du bcug nas 'di skad ces brjod par bya ste/ ming 'di zhes bya ba khyod nyon cig /'di ni khyod kyi bden pa'i dus/ 'di ni 'byung ba'i dus te/ kho mos khyod la cung zad cig dri yis khyod ma 'dzem par byos la yin pa la ni yin zhes smros shig /ma yin pa la yang ma yin zhes lan thob cig /khyod bud med yin nam/ des bud med lags zhes brjod par bya'o/ /bud med kyi dbang po dang ldan nam/ des ldan zhes brjod par bya'o//khyim so bzung ba lo bcu gnyis sam/ gzhon nu ma lo nyi shu lon nam/ des lon zhes brjod par bya'o/ /khyod kyi chos gos lnga dang lhung bzed tshang ngam/ des tshang zhes brjod par bya'o/ /khyod kyi pha ma dang khyim thab gson nam/ gal te gson zhes zer na/khyod pha ma dang khyim thab kyis gnang ngam zhes dri bar bya'o/ /des gnang zhes brjod par bya'o/ /gal te shi zhes zer na/ khyod bran mo ma yin nam/ brkus pa ma yin nam/ rnyed btson ma yin nam/ rtsod pa can ma yin nam/ btsongs pa ma yin nam/rgyal pos bkrabs pa ma yin nam/ rgyal po la bsdigs pa ma yin nam/ rgyal po la gnod pa'i las byed pa ma yin nam/ khyod rgyal po la gnod pa'i las byas sam byed du bcug pa ma yin nam/ chom rkun mar grags pa ma yin nam/ za ma ma yin nam/ma ning ma yin nam/ dge slong sun phyung ba ma yin nam/ rku thabs su gnas pa ma yin nam/ mu stegs can ma yin nam/ mu stegs can zhugs pa ma yin nam/ pha bsad pa ma yin nam/ ma bsad pa ma yin nam/ dgra bcom pa bsad pa ma yin nam/ de bzhin gshegs pa la ngan sems kyis khrag phyung ba ma yin nam/ rtsab hral can ma yin nam/ mya ngan gyis gzir ba ma yin nam/ sbrum ma ma yin nam/ mtshan gnyis pa ma yin nam/ gle 'dams pa ma yin nam/ rtag tu zla mtshan zag pa ma yin nam/ zla mtshan mi zag pa ma yin nam/mtshan ma med pa ma yin nam/ mtshan ma tsam yod pa ma yin nam/ sngon rab tu byung ba ma yin nam/ sprul pa ma yin nam/ dud 'gro ma yin nam zhes dri bar bya'o/ /des ma lags zhes brjod par bya'o/ /khyod la la la'i bu lon mang yang rung nyung yang rung cung zad chags pa med dam/gal te bu lon chags so zhes zer na khyod bsnyen par rdzogs nas 'jal nus sam zhes dri bar bya'o/ /gal te mi nus zhes zer na 'o na song shig ces brjod par bya'o/ /gal te bsnyen par rdzogs nas 'jal nus zhes zer na/ ji ltar khyod da lta rab tu byung ba yin nam zhes dri bar bya'o//gal te bdag rab tu byung ba yin zhes zer na/ khyod kyis tshangs par spyod pa legs par spyad dam zhes dri bar bya'o/ /des legs par spyad ces brjod par bya'o/ /ji ltar khyod kyis dge slong ma'i dge 'dun las lo gnyis su chos drug dang rjes su mthun pa'i chos drug la bslab pa'i sdom pa gsol tam/[ (]das [,]des [)]gsol zhes brjod par bya'o/ /ji ltar khyod kyis lo gnyis su chos drug dang rjes su mthun pa'i chos drug la bslabs sam/ des bslabs zhes brjod par bya'o/ /khyod kyi ming ci/ khyod kyi mkhan mo'i ming ci/des bdag ming 'di zhes bgyi/ don gyi slad du mtshan nas smos te/ bdag gi mkhan mo'i ming ni 'di zhes bgyi zhes brjod par bya'o/ /ming 'di zhes bya ba khyod nyon cig /bud med rnams kyi lus la lus kyi nad rnam pa 'di lta bu 'di dag 'byung ba 'di lta ste/ mdze dang / 'bras dang / phol mig dang / 'brum phran dang / sha bkra dang / khyi rngo dang / g.ya' ba dang / glog pa dang / rkang shu dang / skem nad dang / skem pa dang / brjod byed dang / bkres ngab dang / skya rbab dang / rkang bam dang / mtshan bar rdol ba dang / rims dang / rims drag po dang /nyin gcig pa dang / nyin gnyis pa dang / nyin gsum pa dang / nyin bzhi pa dang / 'dus pa dang / rims nyin re ba dang / rtag pa'i rims dang / rims ldang dub pa dang / shu ba dang / gsud pa dang / skyigs bu dang / lud pa dang / dbugs mi bde ba dang / lhog pa dang /yan lag tu zug pa dang / skran dang / khrag nad dang / mkhris nad dang / gzhang 'brum dang / skyug bro ba dang / chus bsgags pa dang / ngal ba dang / lus tsha ba dang / rtsib logs tsha ba dang / rus pa la zug pa ste/ lus kyi nad 'di lta bu 'di dag las gang yang rung ba dang /'di lta bu gzhan dag kyang khyod kyi lus la med dam/ des ma mchis zhes brjod par bya'o/ /ming 'di zhes bya ba khyod nyon cig /khyod la da ltar ngas gang dris pa de dge 'dun gyi dbus su yang khyod la 'dri yis de yang khyod kyis ma 'dzem par byos la yin pa la yin zhes smras shig /ma yin pa la yang ma yin zhes lan thob cig /khyod ma bos kyi bar du ma 'ong bar sdod cig /de ni tshangs par spyod pa la nye bar gnas pa'i sdom pa sbyin pa'i gsang ste ston pa'o/ /de'i 'og tu gsang ste ston pa'i dge slong mas rgan pa'i mtha' logs su 'greng ste 'dud pa dang bcas pas 'di skad ces brjod par bya ste/dge 'dun 'phags ma rnams gsan du gsol/ bdag gi mkhan mo ming 'di zhes bgyi bas ming 'di zhes bgyi ba la bar chad kyi chos rnams gsang ste rjes su bstan nas/ de yang bar chad kyi chos rnams yongs su dag go zhes kho na nyid mchi na ci mchi zhig gam/thams cad kyis gal te yongs su dag na'o zhes brjod par bya'o/ /gal te de skad brjod na de lta na legs/ gal te mi brjod na 'gal tshabs can du 'gyur ro/ /de ni tshangs par spyod pa la nye bar gnas pa'i sdom pa sbyin pa'i cho ga zhu ba'o//de'i 'og tu bsnyen par rdzogs par bya ba de dkyil 'khor bar bkug nas rgan pa'i mtha' logs su phyag 'tshal du bcug ste/ dge slong ma las byed pas tshangs par spyod pa la nye bar gnas pa'i sdom pa gsol du gzhug par bya'o/ / 'di ltar gsol du gzhug par bya ste/ dang por ston pa la phyag 'tshal du gzhug go/ /de'i 'og tu rgan pa'i mtha' logs su phyag 'tshal du bcug nas/ stan nang tshangs can la sogs pa'i steng du ci bder 'dug tu bcug ste/ thal mo sbyor du bcug nas des 'di skad ces brjod par bya ste/dge 'dun 'phags ma rnams gsan du gsol/ bdag ming 'di zhes bgyi ba don gyi slad du mtshan nas smos te mkhan mo ming 'di zhes bgyi bas dge 'dun las bsnyen par rdzogs par 'tshal nas/ bdag ming 'di zhes bgyi ba don gyi slad du mtshan nas smos te mkhan mo ming 'di zhes bgyi bas dge 'dun 'phags ma rnams las tshangs par spyod pa la nye bar gnas pa'i sdom pa gsol na/thugs brtse ba can dge 'dun 'phags ma rnams kyis thugs brtse ba'i slad du bdag ming 'di zhes bgyi ba la/ don gyi slad du mtshan nas smos te mkhan mo ming 'di zhes bgyi bas tshangs par spyod pa la nye bar gnas pa'i sdom pa stsal du gsol/de bzhin du lan gnyis lan gsum du bzlas/ de ni tshangs par spyod pa la nye bar gnas pa'i sdom pa gsol ba'o/ /de'i 'og tu dge slong ma las byed pas dge slong ma'i dge 'dun gyi nang du bar chad dri ba'i phyir gsol ba 'ba' zhig gi las bya'o//'di ltar bya ste/ 'dug la 'di skad ces brjod par bya'o/ /dge 'dun 'phags ma rnams gsan du gsol/ ming 'di zhes bgyi ba 'di mkhan mo ming 'di zhes bgyi bas dge 'dun las bsnyen par rdzogs par 'tshal te/dge 'dun 'phags ma rnams las tshangs par spyod pa la nye bar gnas pa'i sdom pa gsol na/ gal te dge 'dun 'phags ma rnams kyis dus la bab cing bzod na dge 'dun 'phags ma rnams kyis gnang bar mdzod cig dang / bdag gis dge 'dun gyi nang du mkhan mo ming 'di zhes bgyi bas ming 'di zhes bgyi ba la bar chad kyi chos rnams dri bar bya'o/ /'di ni gsol ba'o/ /de ni tshangs par spyod pa la nye bar gnas pa'i sdom pa sbyin pa nang du bar chad dri ba gsol ba'i cho ga dang las so/ /de'i 'og tu dge slong ma las byed pas dge slong ma'i dge 'dun gyi nang du bar chad dri bar bya'o//'di ltar dri bar bya ste/ las byed pa la phyag 'tshal du bcug nas mdun du stan nang tshangs can la sogs pa'i steng du ci bder 'dug tu bcug ste/ thal mo sbyor du bcug nas dge slong ma gzhan cig mdun du bzhag pas bsgribs pa la bar chad dri zhing /dge slong ma mdun du bzhag pas lan btab pa de'i tshig gi rjes su de nyid zlos su bzhag go/ /'di skad ces brjod par bya ste/ ming 'di zhes bya ba khyod nyon cig /'di ni khyod kyi bden pa'i dus/ 'di ni 'byung ba'i dus te/kho mos khyod la cung zad cig dri yis khyod ma 'dzem par byos la/ yin pa la yin zhes smros shig /ma yin pa la ma yin zhes lan thob cig /khyod bud med yin nam/ des bud med lags zhes brjod par bya'o/ /bud med kyi dbang po dang ldan nam/ des ldan zhes brjod par bya'o/ /khyim so bzung ba lo bcu gnyis sam/ gzhon nu ma lo nyi shu lon nam/ des lon zhes brjod par bya'o/ /khyod kyi chos gos lnga dang lhung bzed tshang ngam/ des tshang zhes brjod par bya'o/ /khyod kyi pha ma dang khyim thab gson nam/ gal te gson zhes zer na/khyod pha ma dang khyim thab kyis gnang ngam zhes dri bar bya'o/ /des gnang zhes brjod par bya'o/ /gal te shi zhes zer na/ khyod bran mo ma yin nam/ brkus pa ma yin nam/ rnyed btson ma yin nam/ rtsod pa can ma yin nam/ btsongs pa ma yin nam/ rgyal pos bkrabs pa ma yin nam/ rgyal po la bsdigs pa ma yin nam/ rgyal po la gnod pa'i las byed pa ma yin nam/ khyod rgyal po la gnod pa'i las byas sam byed du bcug pa ma yin nam/ chom rkun mar grags pa ma yin nam/ za ma ma yin nam/ ma ning ma yin nam/ dge slong sun phyung ba ma yin nam/ rku thabs su gnas pa ma yin nam/ mu stegs can ma yin nam/ mu stegs can zhugs pa ma yin nam/ pha bsad pa ma yin nam/ ma bsad pa ma yin nam/ dgra bcom pa bsad pa ma yin nam/de bzhin gshegs pa la ngan sems kyis khrag phyung ba ma yin nam/ rtsab hral can ma yin nam/ mya ngan gyis gzir ba ma yin nam/ sbrum ma ma yin nam/ mtshan gnyis pa ma yin nam/ gle 'dams pa ma yin nam/ rtag tu zla mtshan zag pa ma yin nam/ zla mtshan mi zag pa ma yin nam/ mtshan med pa ma yin nam/ mtshan ma tsam yod pa ma yin nam/ sngon rab tu byung ba ma yin nam/ sprul pa ma yin nam/ dud 'gro ma yin nam/ zhes dri bar bya'o/ /des ma lags zhes brjod par bya'o/ /khyod la la la'i bu lon mang yang rung nyung yang rung cung zad chags pa med dam/gal te bu lon chags zhes zer na/ khyod bsnyen par rdzogs nas 'jal nus sam zhes dri bar bya'o/ /gal te mi nus zhes zer na 'o na song shig ces brjod par bya'o/ /gal te bsnyen par rdzogs nas 'jal nus zhes zer na/ ji ltar khyod da lta rab tu byung ba ma yin nam zhes dri bar bya'o/ /gal te bdag rab tu byung ba yin zhes zer na/ khyed kyis tshangs par spyod pa legs par spyad dam zhes dri bar bya'o/ /des legs par spyad ces brjod par bya'o/ /ji ltar khyod kyis dge slong ma'i dge 'dun las lo gnyis su chos drug dang rjes su mthun pa'i chos drug la bslab pa'i sdom pa gsol tam/des gsol zhes brjod par bya'o/ /ji ltar khyod kyis lo gnyis su chos drug dang rjes su mthun pa'i chos drug la bslabs sam/ des bslabs zhes brjod par bya'o/ /khyod kyi ming ci/khyod kyi mkhan mo'i ming ci/ des bdag ming 'di zhes bgyi/ don gyi slad du mtshan nas smos te bdag gi mkhan mo'i ming 'di zhes brjod par bya'o/ /ming 'di zhes bya ba khyod nyon cig /bud med rnams kyi lus la lus kyi nad rnam pa 'di lta bu 'di dag 'byung ba 'di lta ste/mdze dang / 'bras dang / phol mig dang / 'brum phran dang / sha bkra dang / khyi rngo dang / g.ya' ba dang / glog pa dang / rkang shu dang / skem nad dang / skem pa dang / brjed byed dang / bkres ngab dang / skya rbab dang / rkang bam dang /mtshan bar rdol ba dang / rims dang / rims drag po dang / nyin gcig pa dang / nyin gnyis pa dang / nyin gsum pa dang / nyin bzhi pa dang / 'dus pa dang / rims nyin re ba dang / rtag pa'i rims dang / rims ldang dub pa dang / shu ba dang / gsud pa dang / skyigs bu dang / lud pa dang / dbugs mi bde ba dang / lhog pa dang / yan lag tu zug pa dang / skran dang / khrag nad dang / mkhris nad dang / gzhang 'brum dang / skyug bro ba dang / chus bsgags pa dang / ngal ba dang / lus tsha ba dang /rtsib logs tsha ba dang / rus pa la zug pa ste/ lus kyi nad 'di lta bu 'di dag las gang yang rung ba dang / 'di lta bu gzhan dag kyang khyod kyi lus la med dam/ des ma mchis zhes brjod par bya'o/ /de ni tshangs par spyod pa la nye bar gnas pa'i sdom pa sbyin pa dge slong ma'i dge 'dun gyi nang du bar chad dri ba'o//de'i 'og tu dge slong ma las byed pas gsol ba dang gnyis kyi las kyis tshangs par spyod pa la nye bar gnas pa'i sdom pa sbyin par bya'o/ /'di ltar bya ste/ 'dug la 'di skad ces brjod par bya'o/ /dge 'dun 'phags ma rnams gsan du gsol/ming 'di zhes bgyi ba 'di mkhan mo ming 'di zhes bgyi bas dge 'dun las bsnyen par rdzogs par 'tshal te/ ming 'di zhes bgyi ba 'di mkhan mo ming 'di zhes bgyi bas dge 'dun 'phags ma rnams las tshangs par spyod pa la nye bar gnas pa'i sdom pa gsol na/gal te dge 'dun 'phags ma rnams kyis dus la bab cing bzod na dge 'dun 'phags ma rnams kyis gnang bar mdzod cig dang / dge 'dun 'phags ma rnams kyis ming 'di zhes bgyi ba mkhan mo ming 'di zhes bgyi bas tshangs par spyod pa la nye bar gnas pa'i sdom pa gsol to//'di ni gsol ba'o/ /las ni 'di ltar bya ste/ dge 'dun 'phags ma rnams gsan du gsol/ ming 'di zhes bgyi ba 'di mkhan mo ming 'di zhes bgyi bas dge 'dun las bsnyen par rdzogs par 'tshal nas/ming 'di zhes bgyi ba 'di mkhan mo ming 'di zhes bgyi bas dge 'dun 'phags ma rnams las tshangs par spyod pa la nye bar gnas pa'i sdom pa gsol te/ de'i slad du dge 'dun 'phags ma rnams kyis ming 'di zhes bgyi ba la mkhan mo ming 'di zhes bgyi bas tshangs par spyod pa la nye bar gnas pa'i sdom pa gsol na/'phags ma gang dag ming 'di zhes bgyi ba la mkhan mo ming 'di zhes bgyi bas tshangs par spyod pa la nyer bar gnas pa'i sdom pa stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun 'phags ma rnams kyis bzod cing gnang nas/ dge 'dun 'phags ma rnams kyis ming 'di zhes bgyi ba la/ mkhan mo ming 'di zhes bgyi bas tshangs par spyod pa la nye bar gnas pa'i sdom pa stsal lags te/ 'di ltar cang mi gsung bas de de bzhin tu 'dzin to//de ni tshangs par spyod pa la nye bar gnas pa'i sdom pa sbyin pa'i cho ga dang las so/ /de'i 'og tu dge slong ma'i dge 'dun gyi steng du yul dbus su dge slong bcu la sogs pa'i tshogs sam/ mtha' 'khob dag tu gzhan med na 'dul ba 'dzin pa dang lnga la sogs pa dge slong gi dge 'dun gyis bsnan te/dge slong las byed pas bsnyen par rdzogs par bya ba de gnyi ga'i dge 'dun las bsnyen par rdzogs par gsol du gzhug par bya'o/ /'di ltar gsol du gzhug par bya ste/ dang por ston pa la phyag 'tshal du gzhug go/ / de'i 'og tu dge slong la phyag gsum gsum 'tshal du gzhug go /de'i 'og tu dge slong ma la phyag gsum gsum 'tshal du gzhug go /de'i 'og tu dge slong las byed pa la phyag gsum gsum 'tshal du bcug nas/ mdun du stan nang tshangs can la sogs pa'i steng du ci bder 'dug tu bcug ste/thal mo sbyor du bcug nas des 'di skad ces brjod par bya ste/ gnyi ga'i dge 'dun btsun pa rnams gsan du gsol/ bdag ming 'di zhes bgyi ba don gyi slad du mtshan nas smos te mkhan mo ming 'di zhes bgyi bas gnyi ga'i dge 'dun las bsnyen par rdzogs par 'tshal te/bdag ming 'di zhes bgyi ba don gyi slad du mtshan nas smos te mkhan mo ming 'di zhes bgyi bas gnyi ga'i dge 'dun las bsnyen par rdzogs par gsol na/ gnyi ga'i dge 'dun btsun pa rnams kyis bdag bsnyen par rdzogs par mdzad du gsol/ gnyi ga'i dge 'dun btsun pa rnams kyis bdag drang du gsol/gnyi ga'i dge 'dun btsun pa rnams kyis bdag rjes su gzung du gsol/ gnyi ga'i dge 'dun btsun pa rnams kyis bdag la rjes su bstan du gsol/ thugs brtse ba can gnyi ga'i dge 'dun btsun pa rnams kyis thugs brtse ba'i slad du bdag la thugs brtse bar mdzad du gsol/de bzhin du lan gnyis lan gsum du bzlas/ de ni gnyi ga'i dge 'dun la bsnyen par rdzogs par gsol ba'o/ /de'i 'og tu dge slong las byed pas gnyi ga'i dge 'dun gyi nang du bar chad dri ba'i phyir gsol ba 'ba' zhig gi las bya'o//'di ltar bya ste/ 'dug la 'di skad ces brjod par bya ste/ gnyi ga'i dge 'dun btsun pa rnams gsan du gsol/ ming 'di zhes bgyi ba 'di mkhan mo ming 'di zhes bgyi bas gnyi ga'i dge 'dun las bsnyen par rdzogs par 'tshal te/ ming 'di zhes bgyi ba 'di mkhan mo ming 'di zhes bgyi bas gnyi ga'i dge 'dun las bsnyen par rdzogs par gsol na/gal te gnyi ga'i dge 'dun gyis dus la bab cing bzod na gnyi ga'i dge 'dun gyis gnang bar mdzod cig dang / bdag gis gnyi ga'i dge 'dun gyi nang du mkhan mo ming 'di zhes bgyi bas ming 'di zhes bgyi ba la bar chad kyi chos rnams dri bar bya'o//'di ni gsol ba'o/ /de ni gnyi ga'i dge 'dun gyi nang du bar chad dri bar gsol ba'i cho ga dang las so/ /de'i 'og tu dge slong las byed pas gnyi ga'i dge 'dun gyi nang du bar chad dri bar bya'o//'di ltar dri bar bya ste/ las byed pa la phyag 'tshal du bcug nas mdun du stan nang tshangs can la sogs pa'i steng du ci bder 'dug tu bcug ste/ dge slong ma gzhan cig mdun du bzhag pas bsgribs pa la bar chad dri zhing dge slong ma mdun du bzhag pas lan btab pa de'i tshig gi rjes su de nyid zlos su gzhug go//'di skad ces brjod par bya ste/ ming 'di zhes bya ba khyod nyon cig /'di ni khyod kyi bden pa'i dus/ 'di ni 'byung ba'i dus te/ kho bos khyod la cung zad cig dri yis/ khyod ma 'dzem par byos la yin pa la yin zhes smros shig /ma yin pa la yang ma yin zhes lan thob cig /khyod bud med yin nam/ des bud med lags zhes brjod par bya'o/ /bud med kyi dbang po dang ldan nam/ des ldan zhes brjod par bya'o/ /khyim so gzung ba lo bcu gnyis sam/gzhon nu ma lo nyi shu lon nam/ des lon zhes brjod par bya'o/ /khyod kyi chos gos lnga dang lhung bzed tshang ngam/ des tshang zhes brjod par bya'o/ /khyod kyi pha ma dang khyim thab gson nam/ gal te gson zhes zer na/ khyod pha ma dang khyim thab kyis gnang ngam zhes dri bar bya'o//des gnang zhes brjod par bya'o/ /gal te shi zhes zer na/ khyod bran mo ma yin nam/ brkus pa ma yin nam/ rnyed btson ma yin nam/ rtsod pa can ma yin nam/ btsongs pa ma yin nam/ rgyal pos bkrabs pa ma yin nam/ rgyal po la bsdigs pa ma yin nam/rgyal po la gnod pa'i las byed pa ma yin nam/ khyod rgyal po la gnod pa'i las byas sam byed du bcug pa ma yin nam/ chom rkun mar grags pa ma yin nam/ za ma ma yin nam/ ma ning ma yin nam/ dge slong sun phyung ba ma yin nam/ rku thabs su gnas pa ma yin nam/mu stegs can ma yin nam/ mu stegs can zhugs pa ma yin nam/ pha bsad pa ma yin nam/ ma bsad pa ma yin nam/ dgra bcom pa bsad pa ma yin nam/ de bzhin gshegs pa la ngan sems kyis khrag phyung ba ma yin nam/ rtsab hral can ma yin nam/mya ngan gyis gzir ba ma yin nam/ sbrum ma ma yin nam/ mtshan gnyis pa ma yin nam/ gle 'dams pa ma yin nam/ rtag tu zla mtshan zag pa ma yin nam/ zla mtshan mi zag pa ma yin nam/ mtshan med pa ma yin nam/ mtshan ma tsam yod pa ma yin nam/ sngon rab tu byung ba ma yin nam/ sprul pa ma yin nam/ dud 'gro ma yin nam zhes dri bar bya'o/ /des ma lags zhes brjod par bya'o/ /khyod la la la'i bu lon mang yang rung nyung yang rung cung zad chags pa med dam/ gal te chags so zhes zer na/ khyod bsnyen par rdzogs nas 'jal nus sam zhes dri bar bya'o//gal te mi nus zhes zer na/ 'o na song shig ces brjod par bya'o/ /gal te bsnyen par rdzogs nas 'jal nus zhes zer na/ ji ltar khyod da ltar rab tu byung ba yin nam zhes dri bar bya'o/ /gal te bdag rab tu byung ba yin zhes zer na/ khyod kyis tshangs par spyod pa legs par spyad dam zhes dri bar bya'o//des legs par spyad ces brjod par bya'o/ /ji ltar khyod kyis dge slong ma'i dge 'dun las lo gnyis su chos drug dang / rjes su mthun pa'i chos drug la bslab pa'i sdom pa gsol tam/ des gsol zhes brjod par bya'o//ji ltar khyod kyis lo gnyis su chos drug dang rjes su mthun pa'i chos drug la bslabs sam/ des bslabs zhes brjod par bya'o/ /khyod kyi ming ci/ khyod kyi mkhan mo'i ming ci/ des bdag ming 'di zhes bgyi/ don gyi slad du mtshan nas smos te bdag gi mkhan mo'i ming 'di zhes brjod par bya'o//ming 'di zhes bya ba khyod nyon cig /bud med rnams kyi lus la lus kyi nad rnam pa 'di lta bu 'di dag 'byung ba 'di lta ste/ mdze dang / 'bras dang / phol mig dang / 'brum phran dang / sha bkra dang / khyi rngo dang / g.ya' ba dang / zlog pa dang /rkang shu dang / skem nad dang / skem pa dang / brjed byed dang / bkres ngab dang / skya rbab dang / rkang bam dang / mtshan bar rdol ba dang / rims dang / rims drag po dang / nyin gcig pa dang / nyin gnyis pa dang / nyin gsum pa dang / nyin bzhi pa dang / 'dus pa dang / rims nyin re ba dang / rtag pa'i rims dang / rims ldang dub pa dang / shu ba dang / gsud pa dang / skyigs bu dang / lud pa dang / dbugs mi bde ba dang / lhog pa dang / yan lag tu zug pa dang / skran dang / khrag nad dang / mkhris nad dang / gzhang 'brum dang /skyug bro ba dang / chus bsgags pa dang / ngal ba dang / lus tsha ba dang / rtsib logs tsha ba dang / rus pa la zug pa ste/ lus kyi nad 'di lta bu 'di dag las gang yang rung ba dang / 'di lta bu gzhan dag kyang khyod kyi lus la med dam/ des ma mchis zhes brjod par bya'o//de ni dge slong las byed pas gnyi ga'i dge 'dun gyi nang du bar chad dri ba'o/ /de'i 'og tu dge slong las byed pas gsol ba byas te las bya'o/ /'di ltar bya ste/ 'dug la 'di skad ces brjod par bya'o/ /gnyi ga'i dge 'dun btsun pa rnams gsan du gsol/ ming 'di zhes bgyi ba 'di/ mkhan mo ming 'di zhes bgyi bas gnyi ga'i dge 'dun las bsnyen par rdzogs par 'tshal nas/ ming 'di zhes bgyi ba 'di mkhan mo ming 'di zhes bgyi bas gnyi ga'i dge 'dun las bsnyen par rdzogs par gsol te/ bud med kyang lags/ bud med kyi dbang po dang yang ldan/khyim so bzung ba lo bcu gnyis sam/ gzhon nu ma lo nyi shu yang lags/ 'di'i chos gos lnga dang lhung bzed kyang tshang / pha ma dang khyim thab kyis kyang gnang / bar chad kyi chos rnams kyang yongs su dag /'dis tshangs par spyod pa yang legs par spyad/'di la dge slong ma'i dge 'dun gyis lo gnyis su chos drug dang rjes su mthun pa'i chos drug la bslab pa'i sdom pa yang stsal/ 'dis lo gnyis su chos drug dang rjes su mthun pa'i chos drug la yang bslab/ 'di la dge slong ma'i dge 'dun gyis tshangs par spyod pa la nye bar gnas pa'i sdom pa yang stsal/'di la dge slong ma'i dge 'dun gyis dus sngar bgyi ba yang bgyis/ 'dis dge slong ma'i dge 'dun gyi sems kyang mgu bar bgyis/ kha na ma tho ba yang yongs su dag go zhes kho na nyid mchi ste/ ming 'di zhes bgyi ba 'di mkhan mo ming 'di zhes bgyi bas gnyi ga'i dge 'dun las bsnyen par rdzogs par gsol na/gal te gnyi ga'i dge 'dun gyi dus la bab cing bzod na gnyi ga'i dge 'dun gyis gnang bar mdzod cig dang / gnyi ga'i dge 'dun gyis ming 'di zhes bgyi ba mkhan mo ming 'di zhes bgyi bas bsnyen par rdzogs par mdzod do//'di ni gsol ba'o/ /las ni 'di ltar bya ste/ gnyi ga'i dge 'dun btsun pa rnams gsan du gsol/ ming 'di zhes bgyi ba 'di mkhan mo ming 'di zhes bgyi bas gnyi ga'i dge 'dun las bsnyen par rdzogs par 'tshal nas/ ming 'di zhes bgyi ba 'di mkhan mo ming 'di zhes bgyi bas gnyi ga'i dge 'dun las bsnyen par rdzogs par gsol te/bud med kyang lags/ bud med kyi dbang po dang yang ldan/ khyim so gzung ba lo bcu gnyis sam/ gzhon nu ma lo nyi shu yang lags/ 'di'i chos gos lnga dang lhung bzed kyang tshang / pha ma dang khyim thab kyis kyang gnang /bar chad kyi chos rnams kyang yongs su dag /'dis tshangs par spyod pa yang legs par spyad/ 'di la dge slong ma'i dge 'dun gyis lo gnyis su chos drug dang rjes su mthun pa'i chos drug la bslab pa'i sdom pa yang stsal/ 'dis lo gnyis su chos drug dang rjes su mthun pa'i chos drug la yang bslabs/'di la dge slong ma'i dge 'dun gyis tshangs par spyod pa la nye bar gnas pa'i sdom pa yang stsal/ 'di la dge slong ma'i dge 'dun gyis dus sngar bgyi ba yang bgyis/ 'dis dge slong ma'i dge 'dun gyi sems kyang mgu bar bgyis/ kha na ma tho ba yang yongs su dag go zhes kho na nyid mchi ste/ming 'di zhes bgyi ba 'di mkhan mo ming 'di zhes bgyi bas gnyi ga'i dge 'dun las bsnyen par rdzogs par gsol na/ de'i slad du gnyi ga'i dge 'dun gyis ming 'di zhes bgyi ba mkhan mo ming 'di zhes bgyi bas bsnyen par rdzogs par mdzad na/tshe dang ldan pa gang dag ming 'di zhes bgyi ba mkhan mo ming 'di zhes bgyi bas bsnyen par rdzogs par mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/de bzhin du lan gnyis lan gsum du bzlas/ gnyi ga'i dge 'dun gyis bzod cing gnang nas gnyi ga'i dge 'dun gyis ming 'di zhes bgyi ba mkhan mo ming 'di zhes bgyi bas bsnyen par rdzogs par mdzad lags te/ 'di ltar cang mi gsung bas de de bzhin du 'dzin to//de ni dge slong ma bsnyen par rdzogs par nyer bar sgrub pa'i cho ga dang las so/ /de'i 'og tu dge slong ma las byed pa ma yin pa gzhan gang yang rung ba gcig gis grib tshod gzhal bar bya'o/ /'di ltar bya ste/ thur ma sor bzhi tsam gyis gzhal bar bya zhing thur ma ji tsam yod pa de tsam las skyes bu zhes brjod par bya/sor re re la rtsa ba re re zhes brjod par bya'o/ /de ni grib tshod gzhal bar bya'o/ /de'i 'og tu nyin mtshan gyi cha brjod par bya ste/ snga dro dang / gung dang / phyi dro dang / mtshan mo'i thun dang po dang / thun dang po'i phyed dang /gung thun dang / gung thun gyi phyed dang / thun tha ma dang / thun tha ma'i phyed dang / skya rengs ma shar ba dang / skya rengs shar ba dang / nyi ma ma shar ba dang / nyi ma shar ba dang / nyi ma brgyad cha shar ba dang / nyi ma bzhi cha shar ba dang / gung tshigs ma yol ba dang / nyi ma bzhi cha lus pa dang /nyi ma brgyad cha lus pa dang / nyi ma ma nub pa dang / nyi ma nub pa dang / rgyu skar rnams ma shar ba dang / rgyu skar rnams shar ba ste/ de ni nyin mtshan gyi cha brjod pa'o/ /de'i 'og tu dus tshod brjod par bya ste/ dus tshod ni lnga ste/ dgun gyi dus dang / dpyid kyi dus dang /dbyar gyi dus dang / dbyar thung ngu'i dus dang / dbyar ring po'i dus so/ /de la dgun gyi dus ni zla ba bzhi'o/ /dpyid kyi dus ni zla ba bzhi'o/ /dbyar gyi dus ni zla ba gcig go /dbyar thung ngu'i dus ni nyin zhag gcig go /dbyar ring po'i dus ni nyin zhag gcig gis zla ba gsum du ma chog pa ste/de ni dus tshod brjod pa'o/ /de'i 'og tu dge slong las byed pas gnas rnams brjod par bya ste/ ming 'di zhes bya ba khyod nyon cig /gsum po 'di dag ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des de ltar rab tu byung ba dang bsnyen par rdzogs pa'i dge slong ma'i gnas su gsungs te/de la gnas na dge slong ma legs par gsungs pa'i chos 'dul ba la rab tu byung ba dang bsnyen par rdzogs pa dge slong ma'i dngos por 'gyur ro//gsum gang zhe na/ gos kyi nang na phyag dar khrod ni rung ba rnyed kyang sla ba ste/ de la gnas na dge slong ma legs par gsungs pa'i chos 'dul ba la rab tu byung ba dang bsnyen par rdzogs pa dge slong ma'i dngos por 'gyur ro/ /ming 'di zhes bya ba khyod ji srid 'tsho'i bar du phyag dar khrod kyi gos kyis 'tsho bar spro'am/des spro zhes brjod par bya'o/ lhag par rnyed na dar ram/ ras yug chen nam/ be'u ras sam/ dar la'am/ mon dar ram/ be'u ras yug chen nam/ be'u ras dmar po'am/ be'u phrug gam/ la dmar ram/yul ka shi ka'i ras phran nam/ kha dog ran pa'am/ kha dog ngan pa'am/ bal gos sam/ sha na'i ras sam/ zar ma'i ras sam/ ras gos sam/ du gu la'i ras sam/ ko tam pa'i ras sam/ nyi 'og gi ras sam/ gzhan yang gos rung ba gang dge 'dun nam gang zag las rnyed na de yang khyod kyis long la tshod zin par gyis shig /ji ltar khyod gnas 'di lta bu la dam 'cha' 'am des 'cha' zhes brjod par bya'o/ /ming 'di zhes bya ba khyod nyon cig /zas kyi nang na bsod snyoms ni rung ba rnyed kyang sla ba ste/ de la gnas na dge slong ma legs par gsungs pa'i chos 'dul ba la rab tu byung ba dang bsnyen par rdzogs pa dge slong ma'i dngos por 'gyur ro//ming 'di zhes bya ba khyod ji srid 'tsho'i bar du bsod snyoms kyi zas kyis 'tsho bar spro'am/ des spro zhes brjod par bya'o/ / lhag par rnyed na 'bras chen nam/ skyo ma'am/ thug pa'am/ lnga ston nam/ brgyad ston nam/ bcu bzhi ston nam/ nya ston nam/ rtag res 'khor ram/ mgron du bos pa'am/ 'phral la bos pa'am/ spags pa'am/ gzhan yang zas rung ba gang dge 'dun nam gang zag las rnyed na de yang khyod kyis long la tshod zin par gyis shig /ji ltar khyod gnas 'di lta bu la dam 'cha' 'am/ des dam 'cha' zhes brjod par bya'o/ /ming 'di zhes bya ba khyod nyon cig /sman gyi nang na bkus te bor ba ni rung ba rnyed kyang sla ba ste/ de la gnas na dge slong ma legs par gsungs pa'i chos 'dul ba la rab tu byung ba dang bsnyen par rdzogs pa dge slong ma'i dngos por 'gyur ro/ /ming 'di zhes bya ba khyod ji srid 'tsho'i bar du bkus te bor ba'i sman gyis 'tsho bar spro'am/ des spro zhes brjod par bya'o/ / lhag par rnyed na zhu mar ram/ 'bru mar ram/ sbrang rtsi'am/ bu ram gyi dbu ba'am/ dus su rung ba'am/ thun tshod du rung ba'am/ zhag bdun pa'am/ 'tsho ba'i bar du bcang ba'am/ rtsa ba'i sman nam/ sdong bu'i sman nam/ lo ma'i sman nam/ 'bras bu'i sman nam/gzhan yang sman rung ba gang dge 'dun nam gang zag las rnyed na de yang khyod kyis long la tshod zin par gyis shig /ji ltar khyod gnas 'di lta bu la dam 'cha' 'am/ des dam 'cha' zhes brjod par bya'o/ /de ni gnas rnams brjod pa'o/ /de'i 'og tu ltung bar 'gyur ba'i chos rnams brjod par bya ste/ming 'di zhes bya ba khyod nyon cig /brgyad po 'di dag ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des de ltar rab tu byung ba dang bsnyen par rdzogs pa dge slong ma'i ltung bar 'gyur ba'i chos su gsungs te/dge slong mas de byas na byas ma thag tu dge slong mar mi rung bar 'gyur/ dge sbyong du mi rung / shAkya'i sras kyir mi rung / dge slong ma'i dngos po las nyams par 'gyur te/ de'i dge sbyong gi tshul zhig par 'gyur zhing /nyams pa/ bcom pa/ ltung ba pham par gyur pa ste/ de'i dge sbyong gi tshul phyir blang du med par 'gyur ro/ /'di lta ste dper na shing ta la'i mgo bcad na sngon por 'gyur du mi rung la/ 'phel zhing rgyas pa dang yangs par 'gyur du mi rung ba bzhin no//brgyad gang zhe na/ 'dod pa dang / 'dod pa la zhen pa dang / 'dod pa la 'chums pa dang / 'dod pa la lhag par zhen pa na bcom ldan 'das kyis rnam grangs du mas smad do/ /'dod pa spangs pa ni bsngags te bor ba dang / bstsal ba dang / zad pa dang / 'dod chags dang bral ba dang /'gog pa dang / nye bar zhi ba dang / nub pa ni bstod do/ /bkur ro/ /bsngags so/ /snyan par brjod do/ /ming 'di zhes bya ba khyod deng phyin chad chags pa'i sems kyis skyes pa la mig gtad de/ mig gis blta bar yang mi bya na/ gnyis kyis gnyis sprad de mi tshangs par spyod pa 'khrig pa'i chos bsten pa lta smos kyang ci dgos/ming 'di zhes bya ba bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des yang dge slong ma gang dge slong ma rnams dang lhan cig bslab pa mtshungs par gyur pas/bslab pa ma phul bslab pa nyams par ma byas par mi tshangs par spyod pa 'khrig pa'i chos bsten na tha na dud 'gro'i skye gnas su skyes pa dang lhan cig kyang rung ste/ dge slong ma de yang pham par 'gyur pa yin gyis gnas par mi bya'o zhes bya ba 'di bka' stsal te/dge slong mas gnas de lta bu byas na byas ma thag tu dge slong mar mi rung bar 'gyur/ dge sbyong du mi rung / shAkya'i sras kyir mi rung / dge slong ma'i dngos po las nyams par 'gyur te/ de'i dge sbyong gi tshul zhig par 'gyur zhing nyams pa/bcom pa/ ltung ba/ pham par gyur pa ste/ de'i dge sbyong gi tshul phyir blang du med par 'gyur ro/ /'di lta ste dper na shing ta la'i mgo bcad na sngon por 'gyur du mi rung la/ 'phel zhing rgyas pa dang yangs bar 'gyur du mi rung ba bzhin no//deng phyin chad khyod spyad pa ma yin pa dang / bya ba ma yin pa dang / spyad pa ma yin pa spang ba de la dran pa dang bag yod pas sems shin tu bsrung ba la brtson par gyis shig /ji ltar gnas 'di lta bu la mi spyod dam/ des mi spyod ces brjod par bya'o//ming 'di zhes bya ba khyod nyon cig /ma byin par len pa ni bcom ldan 'das kyis rnam grangs du mas smad do/ /ma byin par len pa spangs pa ni bstod do/ /bkur ro/ / bsngags so/ /snyan par brjod do/ /ming 'di zhes bya ba khyod deng phyin chad rku sems kyis gzhan gyi til gyi phub ma yang ma byin par mi blang na ma sha ka lnga'am/ma sha ka lnga las lhag pa lta smos kyang ci dgos/ ming 'di zhes bya ba khyod bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des yang dge slong ma gang gzhan dag gi grong na 'dug pa'am/dgon pa na 'dug pa ma byin pa rku ba'i grangs su gtogs pa blangs na/ ji tsam ma byin par blangs pas de rgyal po'am/ blon po chen pos bzung nas de la 'di skad ces kye bud med khyod ni rkun ma'o/ / byis pa'o/ /blun pa'o/ rku ba'o zhes zer zhing gsod dam 'ching ngam spyugs kyang rung ste/ dge slong ma de ltar ma byin par len na dge slong ma de yang pham par gyur pa yin gyis gnas par mi bya'o zhes bya ba 'di bka' stsal te/ dge slong mas gnas 'di lta bu byas na byas ma thag tu dge slong mar mi rung bar 'gyur/dge sbyong du mi rung / shAkya'i sras kyir mi rung / dge slong ma'i dngos po las nyams par 'gyur te de'i dge sbyong gi tshul zhig par 'gyur zhing / nyams pa/ bcom pa/ ltung ba/ pham par gyur pa ste/ de'i dge sbyong gi tshul phyir blang du med par 'gyur ro//'di lta ste dper na shing ta la'i mgo bcad na sngon por 'gyur du mi rung la/ 'phel zhing rgyas pa dang yangs par 'gyur du mi rung ba bzhin no/ /deng phyin chad khyod spyad pa ma yin pa dang / bya ba ma yin pa dang / spyad pa ma yin pa spang pa de la dran pa dang bag yod pas sems shin tu bsrung bar brtson par gyis shig /ji ltar gnas 'di lta bu la mi spyod dam/ des mi spyod ces brjod par bya'o/ /ming 'di zhes bya ba khyod nyon cig /srog gcod pa ni bcom ldan 'das kyis rnam grangs du mas smad do/ / srog gcod pa spangs pa ni bstod do/ /bkur ro/ /bsngags so/ /snyan par brjod do/ /ming 'di zhes bya ba khyod deng phyin chad bsams bzhin du srog chags grog sbur yang gsad par mi bya na/ mi'am mir chags pa lta smos kyang ci dgos/ ming 'di zhes bya ba bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des yang dge slong ma gang mi'am mir chags pa la bsams bzhin du rang gis lag dar te srog gcod dam/de la mtshon byin nam/ de la mtshon thogs pa gnyer tam/de 'chir bcug gam/ de la 'chi ba'i bsngags pa brjod kyang rung ste/ de la 'di skad ces kye mi khyod 'tsho ba sdig pa mi gtsang ba ngan pa 'dis ci zhig bya/ kye mi khyod gson pa bas shi bla'o zhes zer zhing / sems kyi 'dod pa dang / sems kyi kun tu rtog pa dag gi rnam grangs du mas 'chir bcug gam/ de la 'chi ba'i bsngags pa brjod de de yang rtsom pa des dus byas na dge slong ma de yang pham par gyur pa yin gyis gnas par mi bya'o zhes bya ba 'di bka' stsal te/ dge slong mas gnas de lta bu byas na byas ma thag tu dge slong mar mi rung bar 'gyur/dge sbyong du mi rung / shAkya'i sras kyir mi rung / dge slong ma'i dngos po las nyams par 'gyur te/ de'i dge sbyong gi tshul zhig par 'gyur zhing / nyams pa/ bcom pa/ ltung ba/ pham par gyur pa ste/ de'i dge sbyong gi tshul phyir blang du med par 'gyur ro//'di lta ste dper na shing ta la'i mgo bcad na sngon por 'gyur du mi rung la/ 'phel zhing rgyas pa dang yangs par 'gyur du mi rung ba bzhin no/ /deng phyin chad khyod spyad pa ma yin pa dang / bya ba ma yin pa dang /spyad pa ma yin pa spang ba de la dran pa dang bag yod pas sems shin tu bsrung bar brtson par gyis shig /ji ltar gnas 'di lta bu la mi spyod dam/ des mi spyod ces brjod par bya'o/ /ming 'di zhes bya ba khyod nyon cig /brdzun du smra ba ni bcom ldan 'das kyis rnam grangs du mas smad do//brdzun du smra ba spangs pa ni bstod do/ /bkur ro/ /bsngags so/ /snyan par brjod do/ /ming 'di zhes bya ba khyod deng phyin chad tha na bzhad gad bya bar bsams te/ shes bzhin du brdzun du smra bar yang mi bya na/ bsams bzhin du mi'i chos bla ma smra ba lta smos kyang ci dgos/ming 'di zhes bya ba bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des yang dge slong ma gang mngon par mi shes shing yongs su mi shes la/ mi'i chos bla ma mtha' dang / 'phags pa dang / bye brag thob pa dang / shes pa dang / mthong ba dang / rig par spyod pa med la med bzhin du 'di shes so/ /'di mthong ngo zhes khas 'ches pa las/ de ltung ba byung ba rnam par dag par 'dod nas dus gzhan zhig na dris kyang rung ma dris kyang rung 'di skad ces 'phags ma dag bdag gis ni mi shes par shes so zhes smras/ma mthong bar mthong ngo zhes smras te/ gsob gsog brdzun du smras so zhes zer na mngon pa'i nga rgyal ma gtogs te/ dge slong ma de yang pham par gyur pa yin gyis gnas par mi bya'o zhes bya ba 'di bka' stsal te/ci zhig shes she na/ sdug bsngal shes so/ /kun 'byung ba dang / 'gog pa dang / lam shes so/ /ci zhig mthong zhe na/ lha rnams mthong ngo / /klu rnams dang / gnod sbyin rnams dang / nam mkha' lding rnams dang / dri za rnams dang / mi'am ci rnams dang / lto 'phye chen po rnams dang / yi dwags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams mthong ngo / /lha rnams kyis kyang bdag mthong ngo / /klu rnams dang / gnod sbyin rnams dang /nam mkha' lding rnams dang / dri za rnams dang / mi'am ci rnams dang / lto 'phye chen po rnams dang / yi dwags rnams dang / sha za rnams dang / grum bum rnams dang / srul po rnams dang / lus srul po rnams dang / rdul khrod kyi sha za rnams kyis kyang bdag mthong ngo //lha rnams kyi sgra thos so/ /klu rnams dang / gnod sbyin rnams dang / nam mkha' lding rnams dang / dri za rnams dang / mi'am ci rnams dang / lto 'phye chen po rnams dang / yi dwags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams kyi sgra thos so/ /lha rnams kyis sgro thos so/ /klu rnams dang / gnod sbyin rnams dang / nam mkha' lding rnams dang / dri za rnams dang / mi'am ci rnams dang / lto 'phye chen po rnams [# dang / yi dwags rnams dang / sha za rnams dang / grum bum rnams dang / srul po rnams dang / lus srul po rnams dang / rdul khrod kyi sha za rnams kyis sgra thos so/ /lha rnams blta ba'i phyir 'gro'o/ /klu rnams dang / gnod sbyin rnams dang / nam mkha' lding rnams dang /dri za rnams dang / mi'am ci rnams dang / lto 'phye chen po rnams dang / yi dwags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams blta ba'i phyir 'gro'o/ lha rnams bdag blta ba'i phyir 'ong ngo //klu rnams dang / gnod sbyin rnams dang / /nam mkha' lding rnams dang / dri za rnams dang / mi'am ci rnams dang / lto 'phye chen po rnams dang / yi dwags rnams dang / sha za rnams dang / grul bum rnams dang / srul po rnams dang / lus srul po rnams dang / rdul khrod kyi sha za rnams bdag blta ba'i phyir 'ong ngo / /lha rnams dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas bar byed do/ /klu rnams dang /gnod sbyin rnams dang / nam mkha' lding rnams dang / dri za rnams dang / mi'am ci rnams dang / lto 'phye chen pa rnams dang / yi dwags rnams dang / sha za rnams dang / grul bum rnams dang / srul po rnams dang / lus srul po rnams dang /rdul khrod kyi sha za rnams dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed do/ lha rnams bdag dang lhan cig gtam 'dre bar byed/ phebs par smra bar byed/ so sor kun dga' bar byed/rtag tu yang lhan cig gnas par byed do/ /klu rnams dang / gnod sbyin rnams dang / nam mkha' lding rnams dang / dri za rnams dang / mi'am ci rnams dang / lto 'phye chen po rnams dang / yi dwags rnams dang / sha za rnams dang / grul bum rnams dang /srul po rnams dang / lus srul po rnams dang / rdul khrod kyi sha za rnams bdag dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed do/ /ma thob bzhin du bdag gis mi rtag pa'i 'du shes dang /mi rtags la sdug bsngal ba'i 'du shes dang / sdug bsngal la bdag med pa'i 'du shes dang / zas la mi mthun pa'i 'du shes dang / 'jig rten thams cad la mngon par mi dga' ba'i 'du shes dang / nyes dmigs kyi 'du shes dang / spong ba'i 'du shes dang / 'dod chags dang bral ba'i 'du shes dang / 'gog pa'i 'du shes dang / 'chi ba'i 'du shes dang / mi sdug pa'i 'du shes dang / rnam par bsngos pa'i 'du shes dang / rnam par rnags pa'i 'du shes dang / rnam par bam pa'i 'du shes dang / rnam par 'bus gzhigs pa'i 'du shes dang / rnam par zos pa'i 'du shes dang / rnam par dmar ba'i 'du shes dang / rnam par 'thor ba'i 'du shes dang / rus gong gi 'du shes dang / stong pa nyid du so sor rtog pa'i 'du shes thob bo/ /ma thob bzhin du bdag gis bsam gtan dang po dang /gnyis pa dang / gsum pa dang / bzhi pa dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang /'du shes med 'du shes med min skye mched dang / rgyun tu zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid kyi 'bras bu dang / rdzu 'phrul gyi yul dang / lha'i rna ba dang / sems kyi rnam grangs dang /sngon gyi gnas dang / 'chi 'pho dang skye ba dang / zag pa zad pa thob bo/ /bdag ni dgra bcom pa rnam par thar ba brgyad la bsam gtan pa dang / gnyi ga'i cha las rnam par grol ba yin no zhes bya ba ste/ dge slong mas gnas 'di lta bu byas na byas ma thag tu dge slong mar mi rung bar 'gyur/dge sbyong du mi rung / shAkya'i sras kyir mi rung / dge slong ma'i dngos po las nyams par 'gyur te/ de'i dge sbyong gi tshul zhig par 'gyur zhing / nyams pa/ bcom pa/ ltung pa/ pham par 'gyur te/ de'i dge sbyong gi tshul phyir blang du med par 'gyur ro//'di lta ste dper na shing ta la'i mgo bcad na sngon por 'gyur du mi rung la/ 'phel zhing rgyas pa dang yangs par 'gyur du mi rung ba bzhin no/ /deng phyin chad khyod kyis spyad pa ma yin pa dang / bya ba ma yin pa dang / spyad pa ma yin pa spang ba de la dran pa dang bag yod pas sems shin tu bsrung bar brtson par gyis shig /ji ltar gnas 'di lta bu la mi spyod dam/ des mi spyod ces brjod par bya'o/ /ming 'di zhes bya ba khyod nyon cig /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des yang dge slong ma gang chags par gyur la/skyes pa chags par gyur pa dang lhan cig mig man chad pus mo yan chad kyi bar du nom pa dang nyug pa bdag gir byed na dge slong de yang pham par gyur ba yin gyis gnas par mi bya'o zhes bya ba 'di bka' stsal te/dge slong mas gnas 'di lta bu byas na byas ma thag tu dge slong mar mi rung bar 'gyur/ dge sbyong du mi rung / shAkya'i sras kyir mi rung / dge slong ma'i dngos po las nyams par 'gyur te/ de'i dge sbyong gi tshul zhig par 'gyur zhing /nyams pa/ bcom pa/ ltung ba/ pham par gyur pa ste/ de'i dge sbyong gi tshul phyir blang du med par 'gyur ro/ /'di lta ste dper na shing ta la'i mgo bcad na sngon por 'gyur du mi rung la/ 'phel zhing rgyas pa dang yangs par 'gyur du mi rung ba bzhin no//deng phyin chad khyod spyad pa ma yin pa dang / bya ba ma yin pa dang / spyad pa ma yin pa spong ba de la dran pa dang / bag yod pas sems shin tu bsrung bar brtson par gyis shig /ji ltar gnas 'di lta bu la mi spyod dam/ des mi spyod ces brjod par bya'o/ / ming 'di zhes bya ba khyod nyon cig /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des/ yang dge slong ma gang chags par gyur la/ skyes pa chags par gyur pa dang lhan cig gzhogs stegs dang /phyar g.yeng dang / rtsab hral dang / yul phyogs dang / brda dang / mtshan ma dang / skyes pa 'ong ba dang / 'gro ba bdag gir byed pa dang / gang du skyes pas bud med la bgrod du rung ba de lta bu'i gnas su lus bkan pa dang / gzhi brgyad pa'i gnas 'di lta bu dge slong mas byas na dge slong ma de yang pham par gyur pa yin gyis gnas par mi bya'o zhes bya ba 'di bka' stsal te/dge slong mas gnas 'di lta bu byas na byas ma thag tu dge slong mar mi rung bar 'gyur/ dge sbyong du mi rung / shAkya'i sras kyir mi rung / dge slong ma'i dngos po las nyams par 'gyur te/de'i dge sbyong gi tshul zhig par 'gyur zhing / nyams pa/ bcom pa/ ltung ba/ pham par gyur pa ste/ de'i dge sbyong gi tshul phyir blang du med par 'gyur ro/ /'di lta ste dper na shing ta la'i mgo bcad na sngon por 'gyur du mi rung la/'phel zhing rgyas pa dang yangs par 'gyur du mi rung ba bzhin no/ /deng phyin chad khyod spyad pa ma yin pa dang / bya ba ma yin pa dang / spyad pa ma yin pa spong ba de la dran pa dang bag yod pas sems shin tu bsrung bar brtson par gyis shig /ji ltar 'di lta bu la mi spyod dam/des mi spyod ces brjod par bya'o/ /ming 'di zhes bya ba khyod nyon cig /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des yang dge slong ma gang dge slong ma zhig la pham par 'gyur ba byung bar shes bzhin du 'chab par byed cing /gang gi tshe de nyams sam shi'am 'khyams sam/ yul 'khor gzhan dang yul gzhan du bros par gyur pa de'i tshe 'di skad ces 'phags ma dag bdag gis dge slong ma de la ji ltar pham par 'gyur ba byung ba snga nas shes so zhes zer na dge slong ma de yang pham par gyur pa yin gyis gnas par mi bya'o zhes bya ba 'di bka' stsal te/dge slong mas gnas 'di lta bu byas na byas ma thag tu dge slong mar mi rung bar 'gyur/ dge sbyong du mi rung / shAkya'i sras kyir mi rung / dge slong ma'i dngos po las nyams par 'gyur te/de'i dge sbyong gi tshul zhig par 'gyur zhing / nyams pa/ bcom pa/ ltung ba/ pham par gyur pa ste/ de'i dge sbyong gi tshul phyir blang du med par 'gyur ro/ /'di lta ste dper na shing ta la'i mgo bcad na sngon por 'gyur du mi rung la/ 'phel zhing rgyas pa dang yangs par 'gyur du mi rung ba bzhin no//deng phyin chad khyod spyad pa ma yin pa dang / bya ba ma yin pa dang / spyad pa ma yin pa spong ba de la dran pa dang bag yod pas sems shin tu bsrung bar brtson par gyis shig /ji ltar gnas 'di lta bu la mi spyod na/ des mi spyod ces brjod par bya'o//ming 'di zhes bgyi ba khyod nyon cig /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des yang dge slong ma gang dge slong gi dge 'dun mthun pas dge slong gang la gnas nas dbyung ba'i las byas te/dge slong ma'i dge 'dun mthun pas phyag bya ba'i 'os ma yin pa'i sdom pa byin pa skra 'greng bar 'gyur/ skra 'phyar bar gyur cing / dge slong ma'i dge 'dun la spu snyol bar byed/ 'byung bar bskyod/ mtshungs pa nye bar ston la/mtshams kyi nang du 'dug ste bzod pa gsol bar shes bzhin du de la 'di skad ces 'phags pa khyod skra 'greng bar 'gyur/ skra 'phyar bar gyur cing / dge slong gi dge 'dun la spu snyol bar ma byed cig /'byung bar ma bskyod cig /mtshungs par nye bar ma ston cig /mtshams kyi nang du 'dug ste bzod pa gsol bar ma byed cig /bdag gis 'phags pa khyod la lhung bzed dang / chos gos dang / dra ba dang / phor bu dang / ska rags dang / klag pa dang / kha ton bya ba dang / rnal 'byor dang / yid la bya ba dang / 'phags pa la ci dang cis brel ba de dang des mi brel par bsnyen bkur bya'o//zhes zer na dge slong ma de la dge slong ma rnams kyis 'di skad ces 'phags ma khyod dge slong gi dge 'dun mthun pas dge slong gang la gnas nas dbyung ba'i phrin las mdzad de/ dge slong ma'i dge 'dun mthun pas phyag bya ba'i 'os ma yin pa'i sdom pa byin pa skra bgreng bar 'gyur/skra 'phyar bar gyur cing / dge slong gi dge 'dun la spu snyol bar byed/ 'byung bar bskyod/ mtshungs par nye bar ston la/ mtshams kyi nang du 'dug ste bzod par gsol bar shes bzhin du/ de la 'di skad ces 'phags pa khyod skra 'greng bar 'gyur/ skra 'phyar bar gyur cing / dge slong gi dge 'dun la spu snyol bar ma byed cig /'byung bar ma bskyod cig /mtshungs par nye bar ma ston cig /mtshams kyi nang du 'dug ste bzod par gsol bar ma byed cig / bdag gis 'phags pa khyod la lhung bzed dang / chos gos dang / dra ba dang / phor bu dang / ska rags dang / klag pa dang / kha ton bya ba dang / rnal 'byor dang / yid la bya ba dang / 'phags pa la ci dang cis brel ba de dang des mi brel bar bsnyen bkur bya'o zhes de skad ma zer cig /'phags ma khyod gnas nas phyung ba'i rjes su phyogs pa'i gzhi 'di lta bu 'di thong shig ces bsgo bar bya'o/ /dge slong ma de la dge slong ma rnams kyis de skad bsgo ba na/ gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/yang dag par bstan par bya'o/ /lan gnyis lan gsum du yang dag par bsgo/ /yang dag par bstan pa na gzhi de gtong na de ltar legs/ gal te mi gtong na dge slong ma de yang pham par gyur pa yin gyis gnas par mi bya'o//zhes bya ba 'di bka' stsal te/ dge slong mas gnas de lta bu byas na byas ma thag tu dge slong mar mi rung bar 'gyur/ dge sbyong du mi rung / shAkya'i sras kyir mi rung / dge slong ma'i dngos po las nyams par 'gyur te/ de'i dge sbyong gi tshul zhig par 'gyur zhing /nyams pa/ bcom pa/ ltung ba/ pham pa gyur pa ste/ de'i dge sbyong gi tshul phyir blang du med par 'gyur ro/ /'di lta ste dper na shing ta la'i mgo bcad na sngon por 'gyur du mi rung la/ 'phel zhing rgyas pa dang yangs par 'gyur du mi rung ba bzhin no//deng phyin chad khyod spyad pa ma yin pa dang / bya ba ma yin pa dang / spyad pa ma yin pa spong pa de la dran pa dang bag yod pas sems shin tu bsrung bar brtson par gyis shig /ji ltar gnas 'di lta bu la mi spyod dam/ des mi spyod ces brjod par bya'o/ /de ni ltung bar 'gyur ba'i chos rnams brjod pa'o//de'i 'og tu lci ba'i chos rnams brjod par bya ste/ ming 'di zhes bya ba khyod nyon cig /brgyad po 'di dag ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des dgag pa dang mi 'da' bar bya ba'i phyir de ltar rab tu byung ba dang bsnyen par rdzogs pa dge slong ma'i lci ba'i chos su bcas pa ste/de dag la dge slong mas ji srid 'tsho'i bar du bslab par bya'o/ /brgyad gang zhe na/ ming 'di zhes bya ba dge slong mas dge slong rnams las rab tu 'byung ba dang bsnyen par rdzogs pa dge slong ma'i dngos po yongs su btsal bar bya ba 'di ni bcom ldan 'das kyis dgag pa dang mi 'da' bar bya ba'i phyir dge slong ma'i lci ba'i chos su bcas pa dang po ste/de la dge slong mas ji srid 'tsho'i bar du bslab bar bya'o/ /ming 'di zhes bya ba dge slong mas dge slong rnams las zla ba phyed phyed cing gdams ngag dang rjes su bstan pa yongs su btsal bar bya ba 'di ni bcom ldan 'das kyis dgag pa dang mi 'da' bar bya ba'i phyir dge slong ma'i lci ba'i chos su bcas pa gnyis pa ste/de la dge slong mas ji srid 'tsho'i bar du bslab par bya'o/ / ming 'di zhes bya ba dge slong mas dge slong med pa'i gnas su dbyar gnas par khas blang bar mi bya ba 'di ni bcom ldan 'das kyis dgag pa dang mi 'da' bar bya ba'i phyir dge slong ma'i lci ba'i chos su bcas pa gsum pa ste/ de la dge slong mas ji srid 'tsho'i bar du bslab par bya'o/ / ming 'di zhes bya ba dge slong ma dbyar gnas pas gnyi ga'i dge 'dun la mthong ba dang thos pa dang dogs pa'i gnas gsum gyis dbyar gnas pa'i dge 'dun la dgag dbye bya ba 'di ni bcom ldan 'das kyis dgag pa dang mi 'da' bar bya ba'i phyir dge slong ma'i lci ba'i chos su bcas pa bzhi pa ste/de la dge slong mas ji srid 'tsho'i bar du bslab par bya'o/ /ming 'di zhes bya ba dge slong mas dge slong la tshul khrims nyams pa'am/ lta ba nyams pa'am/ cho ga nyams pa'am/ 'tsho ba nyams pas gleng bar mi bya/ dran par mi bya/ dge slong mas dge slong la tshul khrims nyams pa'am/lta ba nyams pa'am/ cho ga nyams pa'am/ 'tsho ba nyams pas gleng bar bya ba dang / dran par bya ba bkag la/ dge slong gis dge slong ma la tshul khrims nyams pa'am/ lta ba nyams pa'am/ cho ga nyams pa'am/ 'tsho ba nyams pas gleng bar bya ba dang /dran par bya ba bkag pa 'di ni bcom ldan 'das kyis dgag pa dang mi 'da' bar bya ba'i phyir dge slong ma'i lci ba'i chos su bcas pa lnga pa ste/ de la dge slong mas ji srid 'tsho'i bar du bslab par bya'o/ /ming 'di zhes bya ba dge slong mas dge slong la gshe bar mi bya ba dang / khro bar mi bya ba dang / spyo bar mi bya ba ste/ dge slong mas dge slong la gshe ba dang / khro ba dang / spyo ba bkag pa 'di ni bcom ldan 'das kyis dgag pa dang mi 'da' bar bya ba'i phyir dge slong ma'i lci ba'i chos su bcas pa drug pa ste/ de la dge slong mas ji srid 'tsho'i bar du bslab par bya'o//ming 'di zhes bya ba dge slong ma bsnyen par rdzogs nas lo brgya lon pas kyang dge slong de ring bsnyen par rdzogs pa la yang gus par smra ba dang / phyag bya ba dang / dang por ldang ba dang / thal mo sbyar ba dang / gus par bya ba'i las bya ba 'di ni bcom ldan 'das kyis dgag pa dang mi 'da' bar bya ba'i phyir dge slong ma'i lci ba'i chos su bcas pa bdun pa ste/de la dge slong mas ji srid 'tsho'i bar du bslab par bya'o/ /ming 'di zhes bya ba dge slong ma lci ba'i chos byas pas gnyi ga'i dge 'dun la zla ba phyed du mgu bar bya ba spyad par bya ba 'di ni bcom ldan 'das kyis dgag par bya ba dang mi 'da' bar bya ba'i phyir dge slong ma'i lci ba'i chos su bcas pa brgyad pa ste/de la dge slong mas ji srid 'tsho'i bar du bslab par bya'o/ /ji ltar lci ba'i chos brgyad po 'di dag kyang yang dag par blangs te spyod dam/ des spyod ces brjod par bya'o//de ni lci ba'i chos rnams brjod pa'o/ /de'i 'og tu dge sbyong du byed pa'i chos rnams brjod par bya ste/ ming 'di zhes bya ba khyod nyon cig /bzhi po 'di dag ni bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa des de ltar rab tu byung ba dang bsnyen par rdzogs pa'i dge slob ma'i dge sbyong du byed pa'i chos su gsungs te/bzhi gang zhe na/ ming 'di zhes bya ba khyod kyis deng phyin chad gshe yang slar mi gshe bar bya ba dang / khros kyang slar mi khro bar bya ba dang / brdegs kyang slar mi brdeg par bya ba dang / mtshang brus kyang slar mtshang mi 'bru bar bya ba'o/ /ji ltar gnas 'di lta bu la spyod dam/ des spyod ces brjod par bya'o/ /de ni dge sbyong du byed pa'i chos rnams brjod pa'o/ /de'i 'og tu mchog tu 'dod par bya ba yang dag pa nyid kyis rdzogs pa nyid brjod par bya ste/ming 'di zhes bya ba khyod nyon cig /khyod sngon bdag legs par gsungs pa'i chos 'dul ba la rab tu byung ba dang bsnyen par rdzogs pa dge slong ma'i dngos po thob kyang ci ma rung snyam du smon pa gang yin pa de dang khyod mkhan mor 'os pa dang /slob dpon du 'os pa gnyis pa dang / dge 'dun mthun pa dang / gsol ba dang bzhi'i las mi g.yo ba gzhag par mi 'os pas rab tu byung zhing bsnyen par rdzogs so/ /de ni mchog tu 'dod par bya ba yang dag pa nyid kyis rdzogs pa nyid brjod pa'o/ /de'i 'og tu tshul khrims kyis mnyam par gyur pa nyid sgrub pa la nges par sbyar ba brjod par bya ste/ming 'di zhes bya ba khyod nyon cig /bsnyen par rdzogs nas lo brgya lon pa'i dge slong mas bslab pa gang la bslab par bya ba de la de ring bsnyen par rdzogs pas kyang bslab bo/ /de ring bsnyen par rdzogs pa'i dge slong mas bslab pa gang la bslab par bya ba de la bsnyen par rdzogs nas lo brgya lon pas kyang bslab bo//de ltar na tshul khrims nyid kyis mnyam pa dang / bslab pa nyid kyis mnyam pa dang / so sor thar pa'i mdo 'don pa nyid kyis mnyam pa ste/ khyod kyis deng phyin chad bsgrub par bya'i mi sgrub par mi bya'o/ /de ni tshul khrims kyis mnyam par gyur pa nyid bsgrub pa la nges par sbyar ba'o/ /de'i 'og tu tshul dang 'brel ba'i gzugs brnyan la nges par sbyar bar bya ste/ deng phyin chad khyod kyis mkhan mo la ma'i 'du shes nye bar gzhag par bya'o//mkhan mos khyod la bu mo'i 'du shes nye bar gzhag par bya'o/ /khyod kyis deng phyin chad mkhan mo la ji srid 'tsho'i bar du bsnyen bkur bya'o/ /mkhan mos kyang khyod shi'am sos kyi bar du nad g.yog bya'o/ /de ni tshul dang 'brel ba'i gzugs brnyan la nges par sbyar ba'o//de'i 'og tu dul bar gnas pa nyid la nges par sbyar bar bya ste/ deng phyin chad khyod kyis tshangs pa mtshungs par spyod pa rnams dang / gnas brtan mo rnams dang / bar ma rnams dang / gsar bu rnams la gus pa dang bcas pa dang / zhe sa dang bcas pa dang / 'jigs pa dang bcas pa'i dbang du gyur par gnas par bya'o/ /de ni dul bar gnas pa nyid la nges par sbyar ba'o/ /de'i 'og tu dgos pa rjes su sgrub pa la nges par sbyar bar bya ste/ deng phyin chad khyod kyis lung mnod par bya/ klag par bya/ kha ton bya'o/ /phung po la mkhas pa dang /khams la mkhas pa dang / skye mched la mkhas pa dang / rten cing 'brel par 'byung ba la mkhas pa dang / gnas dang gnas ma yin pa la mkhas par bya'o/ /ma thob pa thob par bya ba dang / ma rtogs pa rtogs par bya ba dang / mngon du ma byas pa mngon du bya ba'i phyir khyod kyis brtson pa mi dor bar bya'o//de ni dgos pa rjes su sgrub pa la nges par sbyar ba'o/ /de'i 'og tu ma brjod pa yang dag par blangs pas yongs su shes pa'i sgrub par 'gyur ba nyid kyang brjod par bya ste/ 'di dag ni kho bos khyod la bslab pa'i gzhi che long che long tsam zhig brjod par zad de/gzhan dag ni zla ba phyed phyed cing so sor thar pa'i mdo gdon pa 'don pa'i tshe thos par 'gyur ro/ /gzhan dag kyang slob dpon dang / mkhan mo dang / mkhan mo gcig pa dang / slob dpon gcig pa dang / gtam 'dres pa dang / phebs par smra ba dang / smos 'drin dang /'grogs bshes rnams kyang rgya cher ston par 'gyur ro/ /de ni ma brjod pa yang dag par blangs pa yongs su shes pa'i sgrub par 'gyur ba nyid brjod pa'o/ /de'i 'og tu gus pa la yang nges par sbyar bar bya ste/ shes rab mchog gi bstan pa la/ /khyod ni bsnyen par rdzogs par gyur//dal dang 'byor pa rnyed dka' bas/ /'di dag ji lta bzhin du bsgrubs/ /mdzes pa rab tu dbyung ba dang / /yongs su dag pa bsnyen rdzogs par/ /rdzogs sangs rgyas kyis rab mkhyen te/ /bden pa'i mtshan gyis bka' stsal to/ /de ni gus pa la nges par sbyar ba'o//de'i 'og tu bsgrub par bya ba thabs brjod pa dang bcas pa la nges par sbyar bar bya ste/ ming 'di zhes bya ba khyod bsnyen par rdzogs zin gyis bag yod par sgrubs shig /de ni bsgrub par bya ba thabs brjod pa dang bcas pa la nges par sbyar ba'o//dge slong ma'i rab tu byung ba'i gzhi'i skabs kyi cho ga dang las rnams rdzogs so// //da ni dge slong gi rnam par 'byed pa'i skabs kyi cho ga dang las rnams brjod par bya ste/ sdom la/ khang pa dang ni gtsug lag khang / /dge 'dun dbyen dang de rjes phyogs//sun 'byin bka' blo mi bde dang / /snam sbyar stan dang rung ba dang / /'brel med gcig pu gtsug lag khang / /go byed gsol ba chos gos dang / /ngor dang gzhogs 'phyas bsgo ba dang / /cang mi smra dang ston pa dang / /lhag por dge slong smad pa dang / /dge tshul bsnyil dang bslab pa dang //gzhig dang bshags dang nags rnams kyi/ /sde tshan yang dag bsdus pa yin/ /khang ba'i dge 'dun lhag ma'i skabs nas/ khang pa'i gzhi bstan pa sbyin par bya'o zhes gsungs pa 'di ltar bya ste/ dge slong gis bdag gis bslang ba bdag po med pa bdag gi phyir khang pa rtsig tu 'jug na dge slong des gzhi rung ba dang /rtsod pa med pa dang / brtsam du rung ba btsal te dge 'dun la bstan pa gsol bar bya'o/ /gal te de na sbrul gyi gnas sam/ sdig pa'i gnas sam/ sril gyi gnas sam/ grog ma'i gnas yod pa yin na mi rung ba yin pa'i phyir bstan par mi bya'o//gal te rung ba yin na de'i 'og tu nye bar brtag par bya ste/ gal te rgyal po'i gzhi'am/ mchod rten gyi gzhi'am/ khyim bdag gi gzhi'am/ mu stegs can kyi gzhi'am/ dge slong ma'i dbyar khang ngam/shing ljon pa gcad par bya ba yod na rtsod pa dang bcas pa yin pa'i phyir bstan par mi bya'o/ /gal te gzhi rung ba dang rtsod pa med pa yin na de'i nyen kor 'dom gang kho ra khor yug nye bar brtag par bya ste/ gal te de na gzhi chu klung la brten tam/ khron pa la brten tam/ lam la brten tam/ ngam grog la brten pa yin na brtsam du mi rung ba'i phyir bstan par mi bya'o/ /gal te gzhi de rung ba dang / rnam pa thams cad yongs su rdzogs pa yin na dge slong des gtsug lag khang du song ste/ gnas mal bsham pa byas nas gaN+DI brdungs te dris pa'i tshig gis dge slong rnams la bsgo nas/dge 'dun thams cad 'dug cing mthun par gyur pa la mchil lham phud de bla gos phrag pa gcig tu byas nas rgan rim bzhin du phyag 'tshal te/ rgan pa'i mtha' logs su tsog tsog pur 'dug nas thal mo sbyar te/ 'di skad ces brjod par bya'o//dge 'dun btsun pa rnams gsan du gsol/ bdag dge slong lag gi bla ming 'di zhes bgyi bas khang pa'i gzhi rung ba/ rtsod pa ma mchis pa/ brtsam du rung ba zhig btsal te/ bdag dge slong lag gi bla ming 'di zhes bgyi bas dge 'dun las khang pa'i gzhi rung ba/rtsod pa ma mchis pa/ brtsam du rung ba bstan pa gsol na/ thugs brtse ba can dge 'dun btsun pa rnams kyis thugs brtse ba'i slad du bdag dge slong lag gi bla ming 'di zhes bgyi ba la/ khang pa'i gzhi rung ba/ rtsod pa ma mchis pa/ brtsam du rung ba bstan pa stsal du gsol/de bzhin du lan gnyis lan gsum du bzlas/ de ni khang pa'i gzhi bstan pa gsol ba'o/ /de'i 'og tu dge slong de dag gis kyang dge slong de la dad pas sam/ yid ches pas 'gro bar mi bya bar 'di ltar dge 'dun thams cad der 'gro bar bya ba'am/ dge 'dun gyis bskos pa'i dge slong de dag gtang bar bya'o//de dag gis gzhi de mig gis blta bar bya zhing / gal te de na sbrul gyi gnas sam/ sdig pa'i gnas sam/ sril gyi gnas sam/ grog ma'i gnas yod pa yin na mi rung ba yin pa'i phyir bstan par mi bya'o/ /gal te rung ba yin na de'i 'og tu nye bar brtag par bya ste/gal te rgyal po'i gzhi'am/ mchod rten gyi gzhi'am/ khyim bdag gi gzhi'am/ mu stegs can gyi gzhi'am/ dge slong ma'i dbyar khang ngam/ shing ljon pa gcad par bya ba yod na rtsod pa dang bcas pa yin pa'i phyir bstan par mi bya'o/ / gal te gzhi rung ba dang rtsod pa med pa yin na de'i nyen kor 'dom gang kho ra khor yug nye bar brtag par bya ste/ gal te de na gzhi chu klung la brten tam/ khron pa la brten tam/ lam la brten tam/ ngam grog la brten pa yin na brtsam du mi rung ba'i phyir bstan par mi bya'o//gal te gzhi de rung ba dang / rnam pa thams cad yongs su rdzogs pa yin na de'i tshe dge slong de dag gis rgan pa'i mtha' logs su gus pa dang bcas pas 'dug ste 'di skad ces brjod par bya'o/ /gnas brten dag gzhi de rung ba dang / rtsod pa ma mchis pa dang /brtsam du rung ba lags kyis/ da de'i dus la bab par shes na mkhyen par mdzod cig /de ni dus dang por bya ba'o/ /de'i 'og tu dge slong cig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/dge slong lag gi bla ming 'di zhes bgyi ba 'dis khang pa'i gzhi rung ba/ rtsod pa ma mchis pa/ brtsam du rung ba zhig btsal te/ dge slong lag gi bla ming 'di zhes bgyi ba 'di dge 'dun las khang pa'i gzhi rung ba/ rtsod pa ma mchis pa/brtsam du rung ba bstan par gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong lag gi bla ming 'di zhes bgyi ba la khang pa'i gzhi rung ba/ rtsod pa ma mchis pa/ brtsam du rung ba bstan pa gsol to/ / 'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong lag gi bla ming 'di zhes bgyi ba 'dis khang pa'i gzhi rung ba/ rtsod pa ma mchis pa/ brtsam du rung ba zhig btsal te/ dge slong lag gi bla ming 'di zhes bgyi ba 'di dge 'dun las khang pa'i gzhi rung ba/rtsod pa ma mchis pa/ brtsam du rung ba bstan par gsol te/ de'i slad du dge 'dun gyis dge slong lag gi bla ming 'di zhes bgyi ba la khang pa'i gzhi rung ba/ rtsod pa ma mchis pa/ brtsam du rung ba bstan pa gsol na/ tshe dang ldan pa gang dag dge slong lag gi bla ming 'di zhes bgyi ba la khang pa'i gzhi rung ba rtsod pa ma mchis pa/brtsam du rung ba bstan pa stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong lag gi bla ming 'di zhes bgyi ba khang pa'i gzhi rung ba/rtsod pa ma mchis pa/ brtsam du rung ba bstan pa stsal lags te/ 'di ltar cang mi gsungs pas de de bzhin du 'dzin to/ /de ni khang pa'i gzhi rung ba bstan pa sbyin pa'i cho ga dang las so/ /gtsug lag khang gi dge 'dun lhag ma'i skabs nas gtsug lag khang gi gzhi bstan pa sbyin par bya'o zhes gsungs pa ni 'di ltar bya ste/dge slong gang gis bdag po yod pa dge 'dun gyi phyir gtsug lag khang chen po rtsig tu 'jug na dge slong des gzhi rung ba dang / rtsod pa med pa dang / brtsam du rung ba btsal te/ dge 'dun la bstan pa gsol bar bya'o//gal te de na sbrul gyi gnas sam/ sdig pa'i gnas sam/ sril gyi gnas sam/ grog ma'i gnas yod pa yin na mi rung ba yin pa'i phyir bstan par mi bya'o/ /gal te rung ba yin na de'i 'og tu nye bar brtag par bya ste/ gal te rgyal po'i gzhi'am/mchod rten gyi gzhi'am/ khyim bdag gi gzhi'am/ mu stegs can gyi gzhi'am/ dge slong ma'i dbyar khang ngam/ shing ljon pa gcad par bya ba yod na rtsod pa dang bcas pa yin pa'i phyir bstan par mi bya'o/ /gal te gzhi de rung ba dang rtsod pa med pa yin na de'i nyan kor 'dom gang kho ra khor yug nye bar brtag par bya ste/gal te de na gzhi chu klung la brten tam/ khron pa la brten tam/ lam la brten tam/ ngam grog la brten pa yin na brtsam du mi rung ba'i phyir bstan par mi bya'o/ /gal te gzhi de rung ba dang rnam pa thams cad yongs su rdzogs pa yin na dge slong des gtsug lag khang du song ste/gnas mal bsham pa byas nas gaN+DI brdungs te dris pa'i tshig gis dge slong rnams la bsgo nas/ dge slong thams cad 'dug cing mthun par gyur pa la mchil lham phud de bla gos phrag pa gcig tu byas nas rgan rims bzhin du phyag 'tshal te/rgan pa'i mtha' logs su tsog pur 'dug nas thal mo sbyar te 'di skad ces brjod par bya'o/ /dge 'dun btsun pa rnams gsan du gsol/ bdag dge slong lag gi bla ming 'di zhes bgyi bas gtsug lag khang gi gzhi rung ba/rtsod pa ma mchis pa/ brtsam du rung ba zhig btsal te/ bdag dge slong lag gi bla ming 'di zhes bgyi ba dge 'dun las gtsug lag khang gi gzhi rung ba/ rtsod pa ma mchis pa/ brtsam du rung ba bstan pa gsol na/ thugs brtse ba can dge 'dun btsun pa rnams kyis thugs brtse ba'i slad du bdag dge slong lag gi bla ming 'di zhes bgyi ba la gtsug lag khang gi gzhi rung ba/rtsod pa ma mchis pa/ brtsam du rung ba bstan pa stsal du gsol/ de bzhin du lan gnyis lan gsum du bzlas/ de ni gtsug lag khang gi gzhi bstan pa gsol ba'o/ / de'i 'og tu dge slong de dag gis kyang dge slong de la dad pas sam/ yid ches pas 'gro bar mi bya bar 'di ltar dge 'dun thams cad der 'gro bar bya ba'am dge 'dun gyis bskos pa'i dge slong dag gtang bar bya'o/ /de dag gis gzhi de mig gis blta bar bya zhing / gal te de na sbrul gyi gnas sam/sdig pa'i gnas sam/ sril gyi gnas sam/ grog ma'i gnas yod pa yin na mi rung ba yin pa'i phyir bstan par mi bya'o/ /gal te rung ba yin na de'i 'og tu nye bar brtag par bya ste/ gal te rgyal po'i gzhi'am/ mchod rten gyi gzhi'am/ khyim bdag gi gzhi'am/mu stegs can gyi gzhi'am/ dge slong ma'i dbyar khang ngam/ shing ljon pa gcad par bya ba yod na rtsod pa dang bcas pa yin pa'i phyir bstan par mi bya'o/ /gal te gzhi rung ba dang rtsod pa med pa yin na de'i nyan kor 'dom gang khor khor yug nye bar brtag par bya ste/ gal te de na gzhi chu klung la brten tam/ khron pa la brten tam/ lam la brten tam/ ngam grog la brten pa yin na brtsam du mi rung ba'i phyir bstan par mi bya'o/ /gal te gzhi de rung ba dang / rnam pa thams cad yongs su rdzogs pa yin na de'i tshe dge slong de dag gis rgan pa'i mtha' logs su gus pa dang bcas pas 'dug ste 'di skad ces brjod par bya'o//gnas brten dag gzhi de rung ba dang / rtsod pa ma mchis pa dang / brtsam du rung ba lags kyis da de'i dus la bab par mkhyen par mdzod cig /de ni dus dang por bya ba'o/ /de'i 'og tu dge slong cig gis gsol ba byas te las bya'o//'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong lag gi bla ming 'di zhes bgyi ba 'dis gtsug lag khang gi gzhi rung ba/ rtsod pa ma mchis pa/ brtsam du rung ba zhig btsal te/dge slong lag gi bla ming 'di zhes bgyi ba 'di dge 'dun las gtsug lag khang gi gzhi rung ba/ rtsod pa ma mchis pa/ brtsam du rung ba bstan par gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong lag gi bla ming 'di zhes bgyi ba la gtsug lag khang gi gzhi rung ba/rtsod pa ma mchis pa/ brtsam du rung ba bstan pa stsal to/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong lag gi bla ming 'di zhes bgyi ba 'dis gtsug lag khang gi gzhi rung ba/rtsod pa ma mchis pa/ brtsam du rung ba zhig btsal te/ dge slong lag gi bla ming 'di zhes bgyi ba de dge 'dun las gtsug lag khang gi gzhi rung ba/ rtsod pa ma mchis pa/ brtsam du rung ba bstan par gsol te/ de'i slad du dge 'dun gyis dge slong lag gi bla ming 'di zhes bgyi ba la gtsug lag khang gi gzhi rung ba/ rtsod pa ma mchis pa/ brtsam du rung ba bstan par gsol na/ tshe dang ldan pa gang dag dge slong lag gi bla ming 'di zhes bgyi ba la gtsug lag khang gi gzhi rung ba/ rtsod pa ma mchis pa/brtsam du rung ba bstan pa stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong lag gi bla ming 'di zhes bgyi ba la gtsug lag khang gi gzhi rung ba/ rtsod pa ma mchis pa/brtsam du rung ba bstan pa stsal lags te/ 'di ltar cang mi gsung bas de de bzhin du 'dzin to/ /de ni gtsug lag khang gi gzhi bstan pa sbyin pa'i cho ga dang las so/ /dge 'dun gyi dbyen byed pa'i dge 'dun lhag ma'i skabs nas/ dge 'dun gyi dbyen byed pa la zlos pa'i phyir bsgo bar bya'o zhes gsungs pa ni 'di ltar bya ste/dge slong gang dge 'dun mthun pa dbye ba'i phyir rtul bar byed cing dbyen byed par gyur pa'i rtsod pa yang dag par blangs nas rab tu bzung ste 'dug na/ dge slong de la dge slong rnams kyis dang por bzhams te bsgo bar bya'o//'di skad ces bsgo bar bya ste/ tshe dang ldan pa lha sbyin khyod dge 'dun mthun pa dbye ba'i phyir rtul bar ma byed cig /dbyen byed par gyur pa'i rtsod pa yang dag par blangs nas rab tu bzung ste ma 'dug cig /tshe dang ldan pa lha sbyin khyod dge 'dun mthun par gyis shig /dge 'dun mthun mi phyed/ kun tu dga' mi rtsod/ mchog gcig 'don pa gcig cing chu dang 'o ma gcig tu 'dres pa lta bur gyur pa la ston pa'i bstan pa yang gsal bar byed na bde ba la reg par gnas par 'gyur gyi/ tshe dang ldan pa lha sbyin khyod dge 'dun 'byed par byed pa'i gzhi 'di lta bu 'di thong shig /de ni dus dang por bya ba'o/ /dge slong rnams kyis de la bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o/ /zhes rjes su tha snyad 'dogs par byed na/ de la gsol ba dang bzhi'i las kyis bsgo bar bya'o/ /'di ltar bsgo bar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa la dge slong cig gis gsol ba byas te las bya'o//'di ltar bya ste/ 'di skad ces brjod par bya'o/ /dge 'dun btsun pa rnams gsan du gsol/ dge slong lha sbyin 'dis dge 'dun mthun pa dbye ba'i slad du rtul te dbyen bgyid par 'gyur ba'i rtsod pa yang dag par blangs nas rab tu bzung ste mchis nas 'di la dge slong mang pos bzhams te bsgo nas/'di la dge slong mang pos bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid na/ gal te dge 'dun gyis dus la bab cing bzod na dge 'dun gyis gnang bar mdzod cig dang /dge 'dun gyis lha sbyin la tshe dang ldan pa lha sbyin khyod dge 'dun mthun pa dbye ba'i phyir rtul bar ma byed cig /dbyen byed par 'gyur ba'i rtsod pa yang dag par blangs nas rab tu bzung ste ma 'dug cig /tshe dang ldan pa lha sbyin khyod dge 'dun dang mthun par gyis shig /dge 'dun mthun mi phyed/ kun tu dga' mi rtsod/ mchog gcig /'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyi/ tshe dang ldan pa lha sbyin khyod dge 'dun 'byed par 'dod pa'i gzhi 'di lta bu 'di thong shig ces gsol ba dang bzhi'i las kyis bsgo ba mdzad do//'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong lha sbyin 'dis dge 'dun mthun pa dbye ba'i slad du rtul te dbyen bgyid par 'gyur ba'i rtsod pa yang dag par blangs nas rab tu bzung ste mchis na/'di la dge slong mang pos bzhams te bsgo na 'di la dge slong mang pos bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid de/de'i slad du dge 'dun gyis lha sbyin la/ tshe dang ldan pa lha sbyin khyod dge 'dun mthun pa dbye ba'i phyir rtul bar ma byed cig /dbyen byed par 'gyur ba'i rtsod pa yang dag par blangs nas rab tu bzung ste ma 'dug cig /tshe dang ldan pa lha sbyin khyod dge 'dun dang mthun par gyis shig /dge 'dun mthun mi phyed/ kun tu dga' mi rtsod/ mchog gcig /'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa yang gsal bar byed na/ bde ba la reg par gnas par 'gyur gyi/tshe dang ldan pa lha sbyin khyod dge 'dun 'byed par byed pa'i gzhi 'di lta bu 'di thong shig ces gsol ba dang bzhi'i las kyis bsgo ba mdzad na/ tshe dang ldan pa gang dag lha sbyin la gsol ba dang bzhi'i las kyis bsgo bar mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis lha sbyin la gsol ba dang bzhi'i las kyis bsgo ba mdzad lags te/'di ltar cang mi gsung bas de de bzhin du 'dzin to/ /de ni dge 'dun gyi dbyen byed pa las bzlog pa'i phyir bsgo ba'i cho ga dang las so/ /rjes su phyogs pa'i dge 'dun lhag ma'i skabs nas dge 'dun gyi dbyen byed pa'i rjes su phyogs pa las bzlog pa'i phyir bsgo bar bya'o zhes gsungs pa ni 'di ltar bya ste/dge slong de'i grogs byed pa'i dge slong mi mthun par smra ba nyid kyi rjes su phyogs pa gcig gam/ gnyis sam mang po dag yod cing / gal te de dag dge slong rnams la 'di skad ces tshe dang ldan pa dag khyed cag dge yang rung sdig kyang rung dge slong 'di la ci yang ma smra shig /de ci'i phyir zhe na/ tshe dang ldan pa dag dge slong 'di ni chos smra ba/ 'dul ba smra ba/ dge slong 'di ni chos dang 'dul ba yang dag par blangs nas rab tu bzung ste rjes su tha snyad 'dogs par byed pa/ dge slong 'di ni shes bzhin du smra'i mi shes par smra ba ma yin pa'i phyir te/dge slong 'di gang la 'dod cing bzod pa de la bdag cag kyang 'dod cing bzod do zhes zer na/ dge slong de dag la dge slong rnams kyis dang por bzhams te bsgo bar bya'o/ /'di skad ces bsgo bar bya ste/ tshe dang ldan pa ko ka li ka /kha Na Da drab bya/ka ti mo ra ka ti sh+ya/ rgya mtshos byin/ khyed shes bzhin du dge slong gang dag dge 'dun mthun pa dbye ba'i phyir rtul bar byed cing dbyen byed par 'gyur ba'i rtsod pa yang dag par blangs nas rab tu bzung ste 'dug pa de'i grogs byed cing mi mthun par smra ba'i rjes su phyogs par ma byed cig /dge slong rnams la 'di skad ces tshe dang ldan pa dag khyed cag dge yang rung sdig kyang rung dge slong 'di la ci yang ma smra shig /de ci'i phyir zhe na/ tshe dang ldan pa dag dge slong 'di ni chos smra ba/ 'dul ba smra ba/ dge slong 'di ni chos dang 'dul ba yang dag par blangs nas rab tu bzung ste rjes su tha snyad 'dogs par byed pa/dge slong 'di ni shes bzhin du smra'i mi shes par smra ba ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do zhes de skad ma zer cig /de ci'i phyir zhe na/ tshe dang ldan pa dag dge slong 'di ni chos smra ba ma yin/'dul ba smra ba ma yin gyi/ tshe dang ldan pa dag dge slong 'di ni chos ma yin pa smra ba/ 'dul ba ma yin pa smra ba/ dge slong 'di ni chos ma yin pa dang 'dul ba ma yin pa smra ba yang dag par blangs nas rab tu bzung ste rjes su tha snyad 'dogs par byed pa/dge slong 'di ni mi shes bzhin du smra'i shes par ma yin pa'i phyir te/ dge slong 'di gang la 'dod cing bzod pa de la tshe dang ldan pa dag 'dod cing bzod par ma byed cig /tshe dang ldan pa dag khyed dge 'dun 'byed 'dod par ma byed par tshe dang ldan pa dag dge 'dun mthun pa nyid du 'dod par gyis shig /tshe dang ldan pa dag dge 'dun dang mthun par gyis shig /dge 'dun mthun mi phyed/ kun tu dga' mi rtsod/ mchog gcig /'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa yang gsal bar byed na bde ba la reg par gnas par 'gyur gyi/tshe dang ldan pa dag dge 'dun 'byed pa'i rjes su phyogs shing mi mthun par smra ba 'di lta bu 'di thong shig /de ni dus dang por bya ba'o/ /dge slong rnams kyis de dag la bzhams de bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi/gzhan ni brdzun pa'o zhes rjes su tha snyad 'dogs par byed na de dag gsol ba dang bzhi'i las kyis bsgo bar bya'o/ /'di ltar bsgo bar bya ste/ gnas mal bsham pa byas nas gaN+DI brdungs te/ dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la dge slong gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o/ dge 'dun btsun pa rnams gsan du gsol/ dge slong ko ka li ka dang / kha Na Da drab bya dang /ka ti mo ra ka ti sh+ya dang / rgya mtshos byin 'di dag 'tshal bzhin du dge slong gang dge 'dun mthun pa dbye ba'i slad du rtul bar bgyid cing / dbyen bgyid par 'gyur ba'i rtsod pa yang dag par blangs nas rab tu bzung ste mchis pa de'i grogs bgyid cing mi mthun par smra nas 'di dag la dge slong rnams kyis bzhams te bsgo na/'di dag la dge 'dun rnams kyis bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyi na/ gal te dge 'dun gyis dus la bab cing bzod na dge 'dun gyis gnang bar mdzod cig dang /dge 'dun gyis dge slong ko ka li ka dang / kha Na Da drab bya dang / ka ti mo ra ka ti sh+ya dang / rgya mtshos byin rnams la/ tshe dang ldan pa khyed shes bzhin du dge slong gang dge 'dun mthun pa dbye ba'i rtul bar byed cing dbyen byed par 'gyur ba'i rtsod pa yang dag par blangs nas rab tu bzung ste 'dug pa de'i grogs byed cing mi mthun pa smra ba'i rjes su phyogs par ma byed cig /dge slong rnams la 'di skad ces tshe dang ldan pa dag khyed cag dge yang rung sdig kyang rung dge slong 'di la ci yang ma smra shig / de ci'i phyir zhe na/ tshe dang ldan pa dag dge slong 'di ni chos smra ba/ 'dul ba smra ba/ dge slong 'di ni chos dang 'dul ba yang dag par blangs nas rab tu bzung ste rjes su tha snyad 'dogs par byed pa/ dge slong 'di ni shes bzhin du smra'i mi shes par smra ba ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do zhes ma zer cig /de ci'i phyir zhe na/ tshe dang ldan pa dag dge slong 'di ni chos smra ba ma yin/ 'dul ba smra ba ma yin/ tshe dang ldan pa dag dge slong 'di ni chos ma yin pa smra ba/ 'dul ba ma yin pa smra ba/ dge slong 'di ni chos ma yin pa dang 'dul ba ma yin pa yang dag par blangs nas rab tu bzung ste rjes su tha snyad 'dogs par byed pa/dge slong 'di ni mi shes bzhin du smra'i shes par ma yin pa'i phyir te/ dge slong 'di gang la 'dod cing bzod pa de la tshe dang ldan pa dag 'dod cing bzod par ma byed cig /tshe dang ldan pa dag khyed dge 'dun 'byed 'dod par ma byed par tshe ldan pa dag dge 'dun mthun pa nyid du 'dod par gyis shig /tshe dang ldan pa dag dge 'dun dang mthun par gyis shig /dge 'dun mthun mi phyed/ kun tu dga' mi rtsod/ mchog gcig / 'don pa gcig cing chu dang 'o ma gcig du 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyi/ tshe dang ldan pa dag dge 'dun 'byed pa'i rjes su phyogs shing mi mthun par smra ba 'di lta bu 'di thong shig ces gsol ba dang bzhi'i las kyis bsgo bar mdzad do//'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ ko ka li ka dang / khaN Da drab bya dang / ka ti mo ra ka ti sh+ya dang / rgya mtshos byin 'di dag 'tshal bzhin du dge slong gang dge 'dun mthun pa dbye ba'i slad du rtul bar bgyid cing dbyen bgyid par 'gyur ba'i rtsod pa yang dag par blangs nas rab tu bzung ste mchis pa de'i grogs bgyid cing mi mthun par smra nas 'di dag la dge slong rnams kyis bzhams te bsgo na/'di dag la dge slong rnams kyis bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid de/de'i slad du dge 'dun gyis ko ka li ka dang / khaN Da drab bya dang / ka ti mo ra ka ti sh+ya dang / rgya mtshos byin rnams la tshe dang ldan pa dag khyed shes bzhin du dge slong gang dge 'dun mthun pa dbye ba'i phyir rtul bar byed cing dbyen byed par 'gyur ba'i rtsod pa yang dag par blangs nas rab tu bzung ste 'dug pa de'i grogs byed cing mi mthun par smra ba'i rjes su phyogs par ma byed cig /dge slong rnams la 'di skad ces tshe dang ldan pa dag khyed cag dge yang rung sdig kyang rung dge slong 'di la ci yang ma smra shig /de ci'i phyir zhe na/ tshe dang ldan pa dag dge slong 'di ni chos smra ba/ 'dul ba smra ba/ dge slong 'di ni chos dang 'dul ba yang dag par blangs nas rab tu bzung ste rjes su tha snyad 'dogs par byed pa/dge slong 'di ni shes bzhin du smra'i mi shes pa ni ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do zhes ma zer cig /de ci'i phyir zhe na/ tshe dang ldan pa dag dge slong 'di ni chos smra ba ma yin/'dul ba smra ba ma yin gyi/ tshe dang ldan pa dag dge slong 'di ni chos ma yin pa smra ba/ 'dul ba ma yin pa smra ba/ dge slong 'di ni chos ma yin pa dang 'dul ba ma yin pa yang dag par blangs nas rab tu bzung ste rjes su tha snyad 'dogs par byed pa/ dge slong 'di ni mi shes bzhin du smra'i shes par ma yin pa'i phyir te/dge slong 'di gang la 'dod cing bzod pa de la tshe dang ldan pa dag 'dod cing bzod par ma byed cig /tshe dang ldan pa dag khyed cag dge 'dun 'byed 'dod par ma byed par tshe dang ldan pa dag dge 'dun mthun pa nyid du 'dod par gyis shig /tshe dang ldan pa dag dge 'dun dang mthun par gyis shig /dge 'dun mthun mi phyed/ kun tu dga' mi rtsod/ mchog gcig /'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyi/tshe dang ldan pa dag dge 'dun 'byed pa'i rjes su phyogs shing mi mthun par smra ba 'di lta bu 'di thong shig ces gsol ba dang bzhi'i las kyis bsgo ba mdzad na/ tshe dang ldan pa gang dag ko ka li ka dang / khaN Da drab bya dang / ka ti mo ra ka ti sh+ya dang / rgya mtshos byin rnams la gsol ba dang bzhi'i las kyis bsgo ba mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas/ dge 'dun gyis ko ka li ka dang / khaN Da drab bya dang / ka ti mo ra ka ti sh+ya dang /rgya mtshos byin rnams la gsol ba dang bzhi'i las kyis bsgo ba mdzad lags te/ 'di ltar cang mi gsung bas de de bzhin du 'dzin to/ /de ni dge 'dun gyi dbyen byed pa'i rjes su phyogs pa la bzlog pa'i phyir bsgo ba'i cho ga dang las so/ /khyim sun 'byin pa'i dge 'dun lhag ma'i skabs nas khyim sun 'byin pa la bzlog pa'i phyir bsgo bar bya'o zhes gsungs pa ni 'di ltar bya ste/dge slong rab tu mang po dag grong ngam grong rdal zhig na nye bar brten cing gnas par gyur la/ de dag kyang khyim sun 'byin pa sdig pa'i chos kun tu spyod par gyur cing / de dag gis khyim dag sun phyung bar mthong ngam/thos sam/ rab tu shes sam/ de dag sdig pa kun tu spyod par mthong ngam/ thos sam/ rab tu shes na dge slong de dag la dge slong rnams kyis 'di skad ces tshe dang ldan pa dag khyim sun 'byin pa sdig pa'i chos kun tu spyod pa dag yin te/ khyed kyis khyim dag sun phyung bar yang mthong zhing thos la rab tu shes/ khyed sdig pa kun tu spyod par yang mthong zhing thos la rab tu shes kyi/ tshe dang ldan pa dag khyed 'di na gnas pas chog gi gnas 'di nas deng shig ces bsgo bar bya'o/ /gal te de dag dge slong rnams la 'di skad ces tshe dang ldan pa dag 'di na dge slong kha cig 'dun pas 'gro ba/zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed/ kha cig ni skrod par mi byed do zhes zer na/ dge slong de dag la dge slong rnams kyis dang por bzhams te bsgo bar bya'o//'di skad ces bsgo bar bya ste/ tshe dang ldan pa 'gro mgyogs dang nab so gnyis khyed dge slong tshe dang ldan pa kun dga' bo dang / gnas brtan gnas brtan gang dag re lde ri la dong nas khyed bskrad pa'i las byas par shes bzhin du de dag la 'dun pas 'gro ba zhes ma zer cig /zhe sdang gis 'gro ba/ gti mug gis 'gro ba/ 'jigs pas 'gro ba zhes ma zer cig /dge slong rnams la yang 'di skad ces tshe dang ldan pa dag 'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed/ kha cig ni skrod par mi byed do zhes ma zer cig /de ci'i phyir zhe na/ dge slong de dag ni 'dun pas 'gro ba ma yin/ zhe sdang gis 'gro ba ma yin/ gti mug gis 'gro ba ma yin/ 'jigs pas 'gro ba ma yin gyi/ 'di ltar tshe dang ldan pa bdag nyid khyim sun 'byin pa sdig pa'i chos kun tu spyod pa dag yin te/ khyed nyid kyis khyim dag sun phyung bar yang mthong zhing thos la rab tu shes/ khyed sdig pa kun tu spyod par yang mthong zhing thos la rab tu shes pa'i phyir te/tshe dang ldan pa dag 'dun pas 'gro ba zhes bya ba'i tshig gi lam dang / zhe sdang gis 'gro ba/ gti mug gis 'gro ba/ 'jigs pas 'gro ba zhes bya ba'i tshig gi lam 'di lta bu 'di thong shig /de ni dus dang por bya ba'o//dge slong rnams kyis de dag la bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed na/ de dag la gsol ba dang bzhi'i las kyis bsgo bar bya'o/ /'di ltar bsgo bar bya ste/gnas mal bsham pa byas nas gaN+DI brdungs te/ dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la dge slong gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o//dge 'dun btsun pa rnams gsan du gsol/ dge slong 'gro mgyogs dang / nab so 'di gnyis dge slong tshe dang ldan pa kun dga' bo dang / gnas brtan gnas brtan gang dag re lde ri la mchis nas 'di gnyis bskrad pa'i las bgyis par 'tshal bzhin du/ de dag la 'dun pas 'gro ba zhes mchi/zhe sdang gis 'gro ba/ gti mug gis 'gro ba/ 'jigs pas 'gro ba zhes mchi zhing / dge slong rnams la yang 'di skad ces/ tshe dang ldan pa dag 'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/'di ltar ltung ba 'dra ba kho na las dge slong kha cig ni skrod par byed/ kha cig ni skrod par mi byed do zhes mchi nas/ 'di gnyis la dge slong mang pos bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'gro mgyogs dang / nab so gnyis la tshe dang ldan pa 'gro mgyogs dang nab so gnyis khyed dge slong tshe dang ldan pa kun dga' bo dang gnas brtan gnas brtan gang dag re lde ri la dong nas khyed bskrad pa'i las byas par shes bzhin du de dag la 'dun pas 'gro ba zhes ma zer cig /zhe sdang gis 'gro ba/ gti mug gis 'gro ba/ 'jigs pas 'gro ba zhes ma zer cig /dge slong rnams la yang 'di skad ces tshe dang ldan pa dag 'di na dge slong kha cig 'dun pas 'gro ba/zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed/ kha cig ni skrod par mi byed do zhes ma zer cig / de ci'i phyir zhe na/ dge slong de dag ni 'dun pas 'gro ba ma yin/ zhe sdang gis 'gro ba ma yin/ gti mug gis 'gro ba ma yin/ 'jigs pas 'gro ba ma yin gyi/ 'di ltar tshe dang ldan pa dag nyid kyis khyim sun 'byin pa sdig pa'i chos kun tu spyod pa dag yin te/ khyed nyid kyis khyim sun phyung bar yang mthong zhing thos la rab tu shes/khyed sdig pa kun tu spyod pa yang mthong zhing thos la rab tu shes pa'i phyir te/ tshe dang ldan pa dag 'dun pas 'gro ba zhes bya ba'i tshig gi lam dang / zhe sdang gis 'gro ba/ gti mug gis 'gro ba/ 'jigs pas 'gro ba zhes bya ba'i tshig gi lam 'di lta bu 'di thong shig ces gsol ba dang bzhi'i las kyis bsgo ba mdzad do//'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong 'gro mgyogs dang nab so 'di gnyis dge slong tshe dang ldan pa kun dga' bo dang gnas brtan gnas brtan gang dag re lde ri la mchis nas 'di gnyis bskrad pa'i las bgyis par 'tshal bzhin du/de dag la 'dun pas 'gro ba zhes mchi/ zhe sdang gis 'gro ba/ gti mug gis 'gro ba/ 'jigs pas 'gro ba zhes mchi zhing dge slong rnams la yang 'di skad ces tshe dang ldan pa dag 'di na dge slong kha cig 'dun pas 'gro ba/zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed/ kha cig ni skrod par mi byed do zhes mchi nas/ 'di gnyis la dge slong mang pos bzhams te bsgo na/ 'di gnyis la dge slong mang pos bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid de/ de'i slad du dge 'dun gyis dge slong 'gro mgyogs dang nab so gnyis la/tshe dang ldan pa 'gro mgyogs dang nab so gnyis khyed dge slong tshe dang ldan pa kun dga' bo dang gnas brtan gnas brtan gang dag re lde ri la dong nas khyed bskrad pa'i las byas par shes bzhin du de dag la 'dun pas 'gro ba zhes ma zer cig /zhe sdang gis 'gro ba/ gti mug gis 'gro ba/ 'jigs pas 'gro ba zhes ma zer cig /dge slong rnams la yang 'di skad ces tshe dang ldan pa dag 'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/'di ltar ltung ba 'dra ba kho na las dge slong kha cig ni skrod par byed/ kha cig ni skrod par mi byed do zhes ma zer cig /de ci'i phyir zhe na/ dge slong de dag ni 'dun pas 'gro ba ma yin/ zhe sdang gis 'gro ba ma yin/ gti mug gis 'gro ba ma yin/ 'jigs pas 'gro ba ma yin/'di ltar tshe dang ldan pa dag nyid khyim sun 'byin pa sdig pa'i chos kun tu spyod pa dag yin te/ khyed nyid kyis khyim sun phyung bar yang mthong zhing thos la rab tu shes/ khyed sdig pa kun tu spyod par mthong zhing thos la rab tu shes pa'i phyir/ tshe dang ldan pa dag 'dun pas 'gro ba zhes bya ba'i tshig gi lam dang /zhe sdang gis 'gro ba/ gti mug gis 'gro ba/ 'jigs pas 'gro ba zhes bya ba'i tshig gi lam 'di lta bu 'di thong shig ces gsol ba dang bzhi'i las kyis bsgo bar mdzad na/ tshe dang ldan pa gang dag dge slong 'gro mgyogs dang nab so gnyis la gsol ba dang bzhi'i las kyis bsgo ba mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong 'gro mgyogs dang nab so gnyis la gsol ba dang bzhi'i las kyis bsgo ba mdzad lags te/'di ltar cang mi gsung bas de de bzhin du 'dzin to/ /de ni khyim sun 'byin pa las bzlog pa'i phyir bsgo ba'i cho ga dang las so/ /bka' blo mi bde ba'i dge 'dun lhag ma'i skabs nas bka' blo mi bde ba las bzlog pa'i phyir bsgo bar bya'o zhes gsungs pa ni 'di ltar bya ste/'di na dge slong 'ga' zhig bka' blo mi bde ba'i rang bzhin can du gyur la/ de la dge slong rnams kyis gdon par gtogs pa bslab pa'i gzhi rnams dang bde bar gshegs pa'i mdor gtogs pa rnams kyis chos dang mthun pa dang 'dul ba dang mthun par smras pa na tshe dang ldan pa dag khyed cag dge yang rung sdig kyang rung ba dag la ci yang ma smra shig /bdag kyang dge yang rung sdig kyang rung tshe dang ldan pa dag la ci yang mi smra'o/ /tshe dang ldan pa dag gis bdag la tshig gi lam thong shig /khyed la yang bdag gis smras pas ci zhig bya zhes bdag nyid brjod par bya ba ma yin par byed na dge slong de la dge slong rnams kyis dang por bzhams te bsgo bar bya'o/ /'di skad ces bsgo bar bya ste/ tshe dang ldan pa 'dun pa khyod dge slong rnams kyis gdon par gtogs pa bslab pa'i gzhi rnams dang /bde bar gshegs pa'i mdor gtogs pa rnams kyis chos dang mthun pa dang 'dul ba dang mthun par smras pa na/ bdag nyid brjod par bya ba ma yin par ma byed par tshe dang ldan pas bdag nyid brjod par bya ba kho nar gyis shig /dge slong rnams tshe dang ldan pa la chos dang mthun pa dang 'dul ba dang mthun par smra ba na/tshe dang ldan pa yang dge slong rnams la chos dang mthun pa dang 'dul ba dang mthun par smros shig /'di lta ste gcig la gcig brjod par bya ba nyid du byed pa dang / gcig la gcig 'doms shing rjes su ston pa dang /gcig gis gcig ltung ba las slong ba 'di lta bus bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i 'khor 'di 'phel bar 'gyur gyis/ tshe dang ldan pa 'dun pa khyod bdag nyid brjod par bya ba ma yin par byed pa'i las kyi mtha' 'di lta bu 'di thong shig /de ni dus dang por bya ba'o/ /de la dge slong rnams kyis bzhams te bsgo ba na gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed na/ de la gsol ba dang bzhi'i las kyis bsgo bar bya'o/ /'di ltar bsgo bar bya ste/ gnas mal bsham pa byas nas gaN+DI brdungs te/ dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa na/ dge slong gcig gis gsol ba byas te las bya'o//'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong 'dun pa 'di ltung ba byung ba chos bzhin du slar mi bgyid nas/ 'di la dge slong rnams kyis gdon par gtogs pa bslab pa'i gzhi rnams dang /bde bar gshegs pa'i mdor gtogs pa rnams kyis chos dang mthun pa dang 'dul ba dang mthun par smras pa na tshe dang ldan pa dag khyed cag dge yang rung sdig kyang rung ba dag la ci yang ma smra shig /bdag kyang dge yang rung sdig kyang rung tshe dang ldan pa dag la ci yang mi smra'o//tshe dang ldan pa dag gis bdag la tshig gi lam 'di thong shig /khyed la yang bdag gis smras pas ci zhig bya zhes bdag nyid brjod par bgyi ba ma lags par bgyid nas/ 'di la dge slong mang pos bzhams te bsgo na/ 'di la dge slong mang pos bzhams te bsgo yang gzhi de nyid la nan gyis mchog tu gzung zhing mngon par zhen nas/'di nyid bden gyi gzhan ni brdzun pa'o zhes rjes su tha snyad 'dogs par bgyid na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'dun pa la tshe dang ldan pa 'dun pa khyod dge slong rnams kyis gdon par gtogs pa bslab pa'i gzhi rnams dang /bde bar gshegs pa'i mdor gtogs pa rnams kyis chos dang mthun pa dang 'dul ba dang mthun par smras pa na bdag nyid brjod par bya ba ma yin par ma byed par tshe dang ldan pa bdag nyid brjod par bya ba kho nar gyis shig /dge slong rnams tshe dang ldan pa la chos dang mthun pa dang 'dul ba dang mthun par smra ba na/ tshe dang ldan pa yang dge slong rnams la chos dang mthun pa dang 'dul ba dang mthun par smros shig /'di lta ste gcig la gcig brjod par bya ba nyid du byed pa dang /gcig la gcig 'doms shing rjes su ston pa dang / gcig gis gcig ltung ba las slong ba nyid de lta bus bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i 'khor 'di 'phel bar 'gyur gyi/ tshe dang ldan pa 'dun pa khyod bdag nyid brjod par bya ba ma yin par byed pa'i las kyi mtha' 'di lta bu 'di thong shig ces gsol ba dang bzhi'i las kyis bsgo ba mdzad do//'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong 'dun pa 'di ltung ba byung ba chos bzhin du slar mi bgyid nas 'di la dge slong rnams kyis gdon par gtogs pa bslab pa'i gzhi rnams dang bde bar gshegs pa'i mdor gtogs pa rnams kyis chos dang mthun pa dang 'dul ba dang mthun par smras pa na/tshe dang ldan pa dag khyed cag dge yang rung sdig kyang rung bdag la ci yang ma smra shig /bdag kyang dge yang rung sdig kyang rung tshe dang ldan pa dag la ci yang mi smra'o/ /tshe dang ldan pa dag gis bdag la tshig gi lam thong shig /khyod la yang bdag gis smras pas ci zhig bya zhes bdag nyid brjod par bgyi ba ma lags par bgyid nas/ 'di la dge slong mang pos bzhams te bsgo na/'di la dge slong mang pos bzhams te bsgo yang gzhi de nyid la nan gyis mchog tu bzung zhing mngon par zhen nas/ 'di nyid bden gyi gzhan ni brdzun pa'o zhes rjes su tha snyad 'dogs par bgyid de/ de'i slad du dge 'dun gyis dge slong 'dun pa la tshe dang ldan pa 'dun pa khyod dge slong rnams kyis gdon par gtogs pa bslab pa'i gzhi rnams dang /bde bar gshegs pa'i mdor gtogs pa rnams kyis chos dang mthun pa dang 'dul ba dang mthun par smras pa na/ bdag nyid brjod par bya ba ma yin par ma byed par tshe dang ldan pas bdag nyid brjod par bya ba kho nar gyis shig /dge slong rnams tshe dang ldan pa la chos dang mthun pa dang 'dul ba dang mthun par smra ba na/ tshe dang ldan pa yang dge slong rnams la chos dang mthun pa dang 'dul ba dang mthun par smros shig /'di lta ste gcig la gcig brjod par bya ba nyid du byed pa dang /gcig la gcig 'doms shig rjes su ston pa dang / gcig gis gcig ltung ba las slong ba nyid de de lta bus bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i 'khor 'di 'phel bar 'gyur gyi/ tshe dang ldan pa 'dun pa khyod bdag nyid brjod par bya ba ma yin par byed pa'i las kyi mtha' 'di lta bu 'di thong shig ces gsol ba dang bzhi'i las kyis bsgo ba mdzad na/ tshe dang ldan pa gang dag dge slong 'dun pa la gsol ba dang bzhi'i las kyis bsgo bar mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong 'dun pa la gsol ba dang bzhi'i las kyis bsgo ba mdzad lags te/ 'di ltar cang mi gsung bas de de bzhin du 'dzin to//de ni bka' blo mi bde ba las bzlog pa'i phyir bsgo ba'i cho ga dang las so/ /'bral ba'i spang ba'i skabs nas dge slong chos gos zin pas sra brkyang phyung na gal te nub gcig kyang chos gos gsum las chos gos gang yang rung ba dang mtshams kyi phyi rol tu 'bral bar byed na dge 'dun gyis gnang ba ma gtogs te spang ba'i ltung byed do zhes gsungs pa'i zhar la dge slong rgan po rgas pa 'khog tu gyur pa dang nad pa yin la/de'i snam sbyar ni lci bas yongs su skyong bar mi nus na dge 'dun gyis de la snam sbyar dang 'bral bar mi 'gyur ba'i gnang ba sbyin par bya'o zhes gsungs pa ni 'di ltar bya ste/gnas mal bsham pa byas nas gaN+DI brdungs te/ dris ba'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa la dge slong des bla gos phrag pa gcig tu byas te/ rgan rims bzhin du phyag 'tshal nas/rgan pa'i mtha' logs su tsog pur 'dug ste thal mo sbyar nas dge 'dun la snam sbyar nye bar bstan te 'di skad ces brjod par bya'o/ /dge 'dun btsun pa rnams gsan du gsol/ bdag dge slong 'od srungs rgan po rgas pa 'khog tu gyur pa'am/ bdag dge slong shA ri'i bu rlung nad can lags la/bdag gi snam sbyar 'di lci bas yongs su skyong bar rngo mi thog nas/ bdag dge slong 'od srungs rgan po rgas pa 'khog tu gyur pa'am/ bdag dge slong shA ri'i bu rlung nad can dge 'dun las snam sbyar dang 'bral bar mi 'gyur ba'i gnang ba gsol na/ thugs brtse ba can dge 'dun btsun pa rnams kyis thugs brtse ba'i slad du bdag dge slong 'od srungs rgan po rgas pa 'khog tu gyur pa'am/ bdag dge slong shA ri'i bu rlung nad can la snam sbyar dang 'bral bar mi 'gyur ba'i gnang ba stsal du gsol/ de bzhin du lan gnyis lan gsum du bzlas/de ni snam sbyar dang 'bral bar mi 'gyur ba'i gnang ba gsol ba'o/ /de'i 'og tu dge slong gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong 'od srungs 'di rgan po sgas pa 'khog tu gyur pa'am/dge slong shA ri'i bu 'di rlung nad can lags la/ 'di'i snam sbyar ni lci bas yongs su skyong bar rngo mi thog nas/ dge slong 'od srungs rgan po rgas pa dgog tu gyur pa'am/ dge slong shA ri'i bu rlung nad can 'di dge 'dun las snam sbyar dang 'bral bar mi 'gyur ba'i gnang ba gsol na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'od srungs rgan po rgas pa dgog tu gyur pa'am/ dge slong shAri'i bu rlung nad can la snam sbyar dang 'bral bar mi 'gyur ba'i gnang ba gsol to//'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong 'od srungs 'di rgan po rgas pa dgog tu gyur pa'am/ dge slong shAri'i bu 'di rlung nad can lags la/ 'di'i snam sbyar 'di lci bas yongs su skyong bar rngo ma thog nas/dge slong 'od srung rgan po rgas pa dgog tu gyur pa'am/ dge slong shA' ri'i bu rlung nad can 'di dge 'dun las snam sbyar dang 'bral bar mi 'gyur bar gnang ba gsol te/ de'i slad du dge 'dun gyis dge slong 'od srung rgan po rgas pa dgog tu gyur pa'am/dge slong shA ri'i bu rlung nad can la snam sbyar dang 'bral bar mi 'gyur ba'i gnang ba gsol na/ tshe dang ldan pa gang dag dge slong 'od srungs rgan po rgas pa dgog tu gyur pa'am/ dge slong shA ri'i bu rlung nad can la snam sbyar dang 'bral bar mi 'gyur ba'i gnang ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong 'od srungs rgan po rgas pas dgog tu gyur pa'am/ dge slong shA ri'i bu rlung nad can la snam sbyar dang 'bral bar mi 'gyur ba'i gnang ba stsal lags te/'di ltar cang mi gsungs bas de de bzhin du 'dzin to/ /de ni rgan po'am nad pa la snam sbyar dang 'bral bar mi 'gyur ba'i gnang ba sbyin pa'i cho ga dang las so/ /lo drug tu 'chang ba'i spang pa'i skabs nas dge slong gis stan sar pa byed na mi 'dod bzhin du lo drug tu bcang bar bya'o//gal te dge slong gis lo drug tshun chad du stan rnying pa de spangs kyang rung / ma spangs kyang stan sar pa gzhan byed na/ dge 'dun gyis gnang ba ma gtogs te spang pa'i ltung byed do zhes gsungs pa de la/ dge 'dun gyis gnang ba ni dge slong lag gi bla gang la lo drug du stan gyis mi thub pa'i dge slong des dge 'dun las lo drug tshun chad du stan gyi gnang ba gsol ba de la dge 'dun gyis lo drug tshun chad du stan gyi gnang ba sbyin par bya'o//dge slong lag gi bla gang la lo drug tu stan gyis mi thub ba'i dge slong des dge 'dun las lo drug tshun chad du stan gyi gnang ba gsol bar bya'o//'di ltar gsol bar bya ste/ gnas mal bsham pa byas nas gaN+DI brdungs te/ dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la dge slong lag gi bla des bla gos phrag pa gcig tu byas te rgan rims la phyag 'tshal nas rgan pa'i mtha' logs su tsog pur 'dug ste thal mo sbyar nas/'di skad ces brjod par bya'o/ /dge 'dun btsun pa rnams gsan du gsol/ bdag dge slong lag gi bla ming 'di zhes bgyi ba lo drug tu bstan mi bgyid pa las/bdag dge slong lag gi bla ming 'di zhes bgyi ba dge 'dun las lo drug tshun chad du stan gyis gnang ba gsol na/ thugs brtse ba can dge 'dun btsun pa rnams kyis thugs brtse ba'i slad du bdag dge slong lag gi bla ming 'di zhes bgyi ba la lo drug tshun chad du stan gyi gnang ba stsal du gsol/de bzhin du lan gnyis lan gsum du bzlas/ de ni lo drug tshun chad du stan gyi gnang ba gsol ba'o/ /de dge slong de dag gis dge slong lag gi bla de la dad pa'am yid ches pas 'gro ba mi bya bar dge 'dun de thams cad 'dong bar bya ba'am/ dge 'dun gyis bskos pa'i dge slong dag gtang bar bya zhing de dag gis stan de rang gi mig sngar bab par bya ba'am/yang na stan de dge 'dun gyi dbus su dbyung bar bya ste/ gal te stan de ha cang ring ba yin na de de dag gis gcad par bya'o/ /gal te ha cang thung ba yin na bal sbyin par bya'o/ /gal te ha cang yangs pa yin na de dag gis gcad par bya'o//gal te ha cang dog pa yin na bal sbyin par bya'o/ /gal te ral ba dang rdol ba yin na bal sbyin par bya'o/ /de ni dus dang por bya ba'o/ /gal te thams cad kyi thams cad du bug rdol dang sha zad pa dang bcos dka' ba nyid yin na/ de'i 'og tu dge slong gcig gis gsol ba byas te las bya'o//'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong lag gi bla ming 'di zhes bgyi ba 'di lo drug tu stan mi bgyid pa las dge slong lag gi bla ming 'di zhes bgyi ba 'di dge 'dun las lo drug tshun chad du stan gyi gnang ba gsol na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong lag gi bla ming 'di zhes bgyi ba 'di la lo drug tshun chad du stan gyi gnang ba gsol to//'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong lag gi bla ming 'di zhes bgyi ba 'di la lo drug tu stan mi bgyid pa la/ dge slong lag gi bla ming 'di zhes bgyi ba 'di dge 'dun las lo drug tshun chad du stan gyi gnang ba gsol te/de'i slad du dge 'dun gyis dge slong lag gi bla ming 'di zhes bgyi ba 'di la lo drug tshun chad du stan gyi gnang ba gsol na/ tshe dang ldan pa gang dag dge slong lag gi bla ming 'di zhes bgyi ba 'di la lo drug tshun chad du stan gyi gnang ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong lag gi bla ming 'di zhes bgyi ba lo drug tshun chad du stan gnang ba stsal lags te/ 'di ltar cang mi gsungs bas de de bzhin du 'dzin to/ /de ni dge slong lag gi bla stan med pa la lo drug tshun chad du stan gyi gnang ba sbyin pa'i cho ga dang las so//gser dngul la reg pa'i spang pa'i skabs nas yang dge slong gang rang gi lag gis gser dang dngul len nam len du 'jug na spang pa'i ltung byed do zhes gsungs pa de la/ 'di snyam du dgongs te/ kye ma bram ze khyim bdag dad pa can dag kyang gos kyi rin dag sbyin par byed la/nga'i nyan thos rnams kyang gos kyi rin dag 'dod kyis/ ngas nyan thos rnams la rung bar bya ba cung zad gnang bar bya'o snyam du dgongs nas bka' stsal pa/ blang bar bya zhing blangs nas kyang sbyin bdag de nyid la yid brtan te bcang bar bya'o/ /gzhan yang dge slong gi zhal ta byed pa spro bar bya'o//gzhan yang dge slong gis blang bar bya zhing blangs nas kyang dge slong gi mdun du byin gyis brlab par bya'o zhes gsungs pas rung ba gsum bka' stsal te/ sbyin bdag bdag po nyid du mos su gzhug pa dang / zhal ta byed pa bdag po nyid du khas len du gzhug pa dang /byin gyis brlab par bya'o/ /de la rung ba dang po'i cho ga ni dge slong gis chos gos kyi zong rin po che dag rnyed pa na blang bar bya zhing blangs nas kyang sbyin bdag de nyid la yid brtan te bcang bar bya'o/ /rung ba gnyis pa'i cho ga ni dge slong rnams kyis ji srid 'tsho'i bar du rung ba ma yin pa'i dngos po gang cung zad ci rnyed pa de dag thams cad sbyin bdag zhal ta byed pas kun dga' ra ba'am/dge bsnyen spro bar bya zhing de'i ming gis bcang bar bya'o/ /rung ba gsum pa'i cho ga ni mi bzung bar mdun du bzhag nas dge slong gi mdun du 'greng ste 'di skad ces brjod par bya'o//tshe dang ldan pa dgongs su gsol/ bdag dge slong ming 'di zhes bgyi bas dngos po rung ba ma lags pa 'di rnyed de/ bdag dge slong ming 'di zhes bgyi bas dngos po rung ba ma lags pa 'di byin gyis brlab bo/ /dngos po rung ba ma lags pa 'dis dngos po rung ba bsgrub par bgyi'o//de bzhin du lan gnyis lan gsum du bzlas/ nyan pa'i dge slong gis thabs yin no zhes brjod par bya'o/ /bdag nyid kyis legs so zhes brjod par bya'o/ /rung ba de gsum gang byas kyang 'dra ste bdag gir bya ba med pas de la reg gam reg tu bcug na yang 'gyod par mi bya'o//de ni dngos po rung ba ma yin pa rung bar bya ba'i cho ga dang sngags so/ /lhung bzed tshol ba'i spang ba'i skabs nas yang dge slong gang lhung bzed lhan pa lnga med pa spyad bzod pa yod bzhin du bzang po 'dod pa'i phyir lhung bzed sar pa gzhan tshol zhing lhung bzed grub na spang ba'i ltung byed do//dge slong des lhung bzed de dge slong gi 'khor la dbul bar bya'o/ /dge slong gi 'khor de'i lhung bzed tha mar gyur pa gang yin pa de dge slong de la dge slong khyod kyis lhung bzed 'di byin gyis brlab par mi bya/ gtang bar mi bya/ gzhan la sbyin par mi bya bar ma chag pa'i mthar thug pa'i bar du khad kyis dal bu dal bus spyad par bya'o zhes sbyin par bya ste/de la de ni cho ga yin no zhes gsungs pa'i zhar la lhung bzed 'brel pa med pa 'brim pa'i dge slong bsko bar bya'o zhes gsungs pa ni 'di ltar bya ste/lhung bzed 'brel pa med pa 'brim pa'i dge slong chos lnga dang ldan pa ni ma bskos pa yang bsko bar mi bya la/ bskos pa yang dbyung bar bya ste/ lnga gang zhe na/ 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang / lhung bzed 'brel pa med pa brims pa dang ma brims pa mi shes pa'o/ /lhung bzed 'brel ba med pa 'brim pa'i dge slong chos lnga dang ldan pa ni ma bskos pa yang bsko bar bya la/ bskos pa yang dbyung bar mi bya ste/ lnga gang zhe na/ 'dun pas mi 'gro ba dang / zhe sdang gis mi 'gro ba dang /gti mug gis mi 'gro ba dang / 'jigs pas mi 'gro ba dang / lhung bzed 'brel pa med pa brims pa dang ma brims pa shes pa'o/ /'di ltar bsko bar bya'o/ /je dang po spro bar bya ste/ ming 'di zhes bya ba khyod dge 'dun las lhung bzed 'brel ba med pa 'brim par spro'am zhes dri bar bya'o//gal te spro na des spro zhes brjod par bya'o/ /de'i 'og tu des gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la dge slong gcig gis gsol ba byas te las bya'o//'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun la lhung bzed 'brel pa med pa 'brim par spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong ming 'di zhes bgyi ba 'di dge 'dun la lhung bzed 'brel ba med pa 'brim par bsko'o/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun la lhung bzed 'brel ba med pa 'brim par spro ste/de'i slad du dge 'dun gyis dge slong ming 'di zhes bgyi ba 'di dge 'dun la lhung bzed 'brel pa med pa 'brim par spro na tshe dang ldan pa gang dag dge slong ming 'di zhes bgyi ba 'di dge 'dun la lhung bzed 'brel ba med pa 'brim par bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang gnas dge 'dun gyis dge slong ming 'di zhes bgyi ba 'di dge 'dun la lhung bzed 'brel pa med pa 'brim par bskos lags te/ 'di ltar cang mi gsungs bas de de bzhin du 'dzin to//lhung bzed 'brel ba med pa 'brim pa'i dge slong gi kun tu spyad pa'i chos ni 'di ltar bya ste/ lhung bzed 'brel pa med pa 'brim pa'i dge slong gis dge 'dun tshogs pa'i dus su dge 'dun la tshe dang ldan pa dag bdag sang dge 'dun la lhung bzed 'brel pa med pa 'brim par 'gyur gyis khyod cag nang par gaN+DI brdungs pa na rang rang gi lhung bzed dag thogs la dge 'dun gyi nang du gshegs par mdzod cig ces bsgo bar bya'o//de nas lhung bzed 'brel ba med na 'brim pa'i dge slong gis phyi de nyin par gnas mal bsham pa byas nas gaN+DI brdungs te/dris pa'i tshig gis dge slong rnams la yang dag par bsgo bar bya'o/ /dge slong rnams kyis kyang rang rang gi lhung bzed byin gyis brlabs pa dag phyung zhing thogs la dge 'dun gyi nang du 'jug par bya'o/ /de nas lhung bzed 'brel ba med pa 'brim pa'i dge slong gis dge 'dun thams cad 'dug cing mthun par gyur pa la lhung bzed 'brel ba med pa thogs te rgan pa'i mtha' logs su phyag 'tshal nas dge 'dun gyi gnas brtan gyi mdun du 'dug ste/gnas brtan lhung bzed 'di ni shin tu gsal ba/ dbyibs legs pa/longs spyod par bzod pa lags kyis gal te bzhed na snoms shig ces yon tan ji lta ba bzhin du lhung bzed 'brel ba med pa'i bsngags pa brjod de dbul bar bya'o/ /dge 'dun gyi gnas brtan gyis kyang gal te 'dod na blang bar bya'o/ /gal te dge 'dun gyi gnas brtan gyis lhung bzed de blangs na dge 'dun gyi gnas brtan gyis lhung bzed gang yin pa de gnas brtan gnyis pa la dbul bar bya'o//gnas brtan gnyis pa'i lhung bzed gang yin pa de gnas brtan gsum pa la dbul bar bya'o/ /de bzhin du dge 'dun gyi gsar bu gnyis pa'i lhung bzed gang yin pa de dge 'dun gyi gsar bu la dbul ba'i bar du bya'o//gal te dge 'dun gyi gnas brtan gyis ma blangs na gnas brtan gnyis pa la dbul bar bya'o/ /gal te gnas brtan gnyis pas ma blangs na gnas brtan gsum pa la dbul bar bya'o//gal te gnas brtan gsum pas blangs pa na dge 'dun gyi gnas brtan slong bar byed na brjod pa dang po la sbyin par mi bya zhing brjod pa gnyis pa la yang sbyin par mi bya'o/ /brjod pa gsum pa la sbyin par bya ste/ dge 'dun gyi gnas brtan gyis 'dul ba dang 'gal ba'i nyes byas kyi ltung ba bshags par bya'o//de bzhin du dge 'dun gyi gsar bu gsum pas ma blangs na gsal bu gnyis pa la 'bul bar bya'o/ /gal te gsal bu gnyis pas ma blangs na gsar bu gsum pa la dbul bar bya'o/ /gal te dge 'dun gyi gsar bus blangs pa na gsar bu gsum pa slong bar byed na brjod pa dang po la sbyin par mi bya zhing /brjod pa gnyis pa la yang sbyin par mi bya'o/ /brjod pa gsum pa la sbyin par bya ste/ dge 'dun gyi gsar bu gsum pas 'dul ba dang 'gal ba'i nyes byas kyi ltung ba bshags pa'i bar du bya'o/ / dge slong gi 'khor de'i lhung bzed tha mar gyur pa gang yin pa de dge slong de la dge slong khyod kyi lhung bzed 'di byin gyis brlab par mi bya/ gtang bar mi bya/ gzhan la sbyin par mi bya bar chag pa'i mthar thug gi bar du khad kyis dal bus dal bus spyad par bya'o zhes sbyin par bya'o/ / lhung bzed 'brel ba med pa 'chang ba'i dge slong gi kun tu spyad pa'i chos ni 'di ltar bya ste/ lhung bzed 'brel pa med pa 'chang ba'i dge slong gis lhung bzed kyi snod gnyis nye bar gzhag par bya ste/ de la bzang po gang yin pa de lhung bzed 'brel ba med pa gzhug par bya zhing cig shos su lhung bzed byin gyi brlabs pa gzhug par bya'o//des lhung bzed gnyis ka thogs te bsod snyoms la 'jug par bya zhing / gal te 'bras chan skam po rnyed na lhung bzed 'brel ba med pas blang bar bya'o/ /gal te 'bras chan gsher pa rnyed na lhung bzed byis gyis brlabs pas blang bar bya'o//gtsug lag khang du 'ongs nas dkyil 'khor byas te/ lhung bzed 'brel ba med pa mdun du bzhag nas lhung bzed byin gyis brlabs par bza' bar bya'o/ /zos zin nas byi dor dang kha zas 'bags pa'i dril phyis bya ba yang dang por lhung bzed 'brel pa med pa gzhug par bya zhing /de'i 'og tu lhung bzed byis gyis brlabs pa la bya'o/ /bkru ba dang / skam pa dang / lci bas brud pa la yang de bzhin bya'o/ /gal te lhung bzed kyi ngos khung gnyis yod na bzang po gang yin pa der lhung bzed 'brel pa med pa gzhag par bya zhing / cig shos su lhung bzed byin gyis brlabs pa gzhug par bya'o//gal te ngos khung gcig yod la/ gal te shod khung bzang na shod du lhung bzed 'brel pa med pa gzhag par bya zhing / ngos khung lhung bzed byin gyis brlabs pa gzhug par bya'o/ /gal te ngos khung bzang na ngos khung du lhung bzed 'brel pa med pa gzhug par bya zhing /shod du lhung bzed byin gyis brlabs pa gzhag par bya'o/ /lhung bzed kyi las byed pa na gal te rdza bo gnyis yod na rdza bo bzang po gang yin pa der lhung bzed 'brel ba med pa bsregs par bya zhing / cig shos su lhung bzed byin gyis brlabs pa bsregs par bya'o//gal te rdza bo gcig yod na gal te 'og tu bzhag pas legs par tshos par gyur na 'og tu lhung bzed 'brel pa med pa gzhug par bya zhing / steng du lhung bzed byin gyis brlabs pa gzhag par bya'o/ /gal te steng du bzhag pa legs par tshos par 'gyur na steng du lhung bzed 'brel pa med pa gzhag par bya zhing /'og tu lhung bzed byin gyis brlabs pa gzhug par bya'o/ /lam du 'gro na lhung bzed kyi snod gnyis bkur bar bya ste/ de la bzang po gang yin pa der lhung bzed 'brel ba med pa gzhug par bya zhing / cig shos su lhung bzed byin gyis brlabs pa gzhug par bya'o//gal te khur rtsa ba 'ga' zhig yod na de la lhung bzed byin gyis brlabs pa bkur bar bya zhing / bdag nyid kyis lhung bzed 'brel ba med pa bkur bar bya'o/ /gal te khur rtsa ba 'ga' yang med na phrag pa g.yon pas lhung bzed 'brel pa med pa bkur bar bya zhing /phrag pa g.yas pas lhung bzed byin gyis brlabs pa bkur bar bya'o/ /'di ni de'i chad pa'i las yin te/ tshul khrims yang dag par rjes su srung bas ji srid 'tsho'i bar du bcang bar bya'o/ /de ni lhung bzed 'brel ba med pa 'brim pa bsko ba'i cho ga dang las so//bsngos pa las bsgyur ba'i spang pa'i skabs nas yang dge slong gang dge 'dun la bsngos pa'i rnyed pa shes bzhin du gang zag bdag la bsgyur du 'jug na spang pa'i ltung byed do zhes gsungs pa'i skabs na dge slong bram ze'i bu mos zhus pa las/gnas gang na dge slong gcig pu zhig gnas pa der sbyin bdag gis dge 'dun gyi phyir rnyed pa 'bul bar byed na dge slong de gcig pus rnyed pa byin gyis brlab par bya'o/ /byin gyis ma brlabs par bdag gir byed na nyes byas su 'gyur ro zhes gsungs pa la/ gcig pus rnyed pa byin gyis brlab pa'i cho ga dang sngags ni bdag gnas 'di na gcig pu gnas te/dge 'dun la gos kyi rnyed pa 'di byung bas bdag gis gos 'di nyams su blang ngo / /dus su byin gyis brlab bo zhes lan gsum sems bskyed par bya/ tshig tu brjod par bya ba yin no/ / de ni gcig pus rnyed pa byin gyis brlabs pa'i cho ga dang sngags so/ /bsngos pa las bsgyur ba'i spang ba de nyid kyis skabs nas dge slong bram ze'i bu mos zhus pa las gtsug lag khang gi bdag po bcom mam bcings sam shi'am spyugs na dge slong dag gis gtsug lag khang de yal bar mi mdor bar dge slong gang gtsug lag khang de la rjes su chags pa shas chen po yod pa/de de bsrung mar bzhag cing der dge 'dun dang sbyin bdag dus su ma lhags na dge slong des lo lnga ni bsod snyoms kyis 'da' bar bya'o/ /lo gzhan lnga ni nye 'khor gyi gtsug lag khang dang lhag cig 'tsho ba thun mong du bya bas 'da' bar bya zhing gtsug lag khang de dang nye 'khor gyi gtsug lag khang der rnyed pa ni thun mong la gso sbyong ni tha dad pa'i las bya'o zhes gsungs pa ni 'di ltar bya ste/des gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/dge 'dun thams cad 'dug cing mthun par gyur pa la dge slong gcig gis gsol ba byas te las bya'o/ /des 'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ gtsug lag khang 'di'i gtsug lag khang gi bdag po bcom mam/bcings sam/ gum mam/ spyugs na gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis gtsug lag khang 'di dang pha gi ba'i lo lngar rnyed pa ni thun mong la gso sbyong ni tha dad par mdzad do/ /'di ni gsol pa'o/las ni 'di ltar bya ste/ dge 'dun btsun pa rnams gsan du gsol/ gtsug lag khang 'di'i gtsug lag khang gi bdag po bcom mam/ bcings sam/ gum mam/ spyugs te/ de'i slad du dge 'dun gyis gtsug lag khang 'di dang pha gi ba'i lo lngar rnyed pa ni thun mong la gso sbyong gi tha dad du mdzad kyis/tshe dang ldan pa gang dag gtsug lag khang 'di dang pha gi ba'i lo lngar rnyed pa ni thun mong la gso sbyong tha dad du mdzad par bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas/dge 'dun gyi gtsug lag khang 'di dang pha gi ba'i rnyed pa ni thun mong la gso sbyong ni tha dad du mdzad lags te/ 'di ltar cang mi gsung bas de de bzhin du 'dzin to/ /de ni gtsug lag khang gnyis gso sbyong tha dad pa dang rnyed pa thun mong du bya ba'i cho ga dang las so/ /gnas ngan len brjod pa'i ltung byed kyi skabs nas yang dge slong gang zag bsnyen par ma rdzogs pa gnas ngan len gyi ltung ba brjod na dge 'dun gyis gnang ba ma gtogs te ltung byed do zhes gsungs pa'i zhar la dge slong dang dge slong ma sdig can dag khyim rnams su so sor go bar byed pa'i dge slong bsko bar bya'o zhes gsungs pa ni 'di ltar bsko bar bya ste/khyim rnams su so sor go bar byed pa'i dge slong chos lnga dang ldan pa ni ma bskos ba yang bsko bar mi bya la/ bskos pa yang dbyung bar bya ste/ lnga gang zhe na/ 'dun pas 'gro ba dang / zhe sdang gis 'gro ba dang /gti mug gis 'gro ba dang / 'jigs pas 'gro ba dang / go bar byas pa dang ma byas pa'i khyim mi shes pa'o/ /khyim rnams su so sor go bar byed pa'i dge slong chos lnga dang ldan pa ni ma bskos pa yang bsko bar bya ba/ bskos pa yang dbyung bar mi bya ste/ lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / go bar byas pa dang ma byas pa'i khyim shes pa'o/ /'di ltar bsko bar bya'o/ /je dang por spro bar bya ste/ dge slong ming 'di zhes bya ba khyod dge slong 'phral ba dang dge slong ma gsal ma khyim rnams su so sor go bar byed par spro'am zhes dri bar bya'o//gal te spro na des spro'o zhes brjod par bya'o/ /de'i 'og tu des gnas mal bsham pa byas nas gaN+DI brdungs te/ dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la/ dge slong gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong 'phral ba dang dge slong ma gsal ma ci nas kyang skye bo phal po che'i tshogs ma dad pa'i rig par 'gyur ba de lta de ltar khyim rnams su spyod par bgyid de/dge slong ming 'di zhes bgyi ba'i 'di dge slong 'phral ba dang dge slong ma gsal ma khyim rnams su so sor go bar bgyid par spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong ming 'di zhes bgyi ba 'di khyim rnams su so sor go bar bgyid par bsko ste/ dge slong ming 'di zhes bgyi ba 'di 'phral ba dang dge slong ma gsal ma khyim rnams su so sor go bar bgyid do/ /'di ni gsol ba'o/ las ni 'di ltar bya ste/dge 'dun btsun pa rnams gsan du gsol/ dge slong 'phral ba dang dge slong ma gsal ma ci nas kyang skye bo phal po che'i tshogs ma dad par rig par 'gyur pa de lta de ltar khyim rnams su spyod par bgyid nas/ dge slong ming 'di zhes bgyi ba 'di dge slong 'phral ba dang dge slong ma gsal ma khyim rnams su so sor go bar bgyid par spro ste/de'i slad du dge slong gis dge slong ming 'di zhes bgyi ba 'di khyim rnams su so sor go bar bgyid par bsko ste/ dge slong ming 'di zhes bgyi ba 'di dge slong 'phral ba dang dge slong ma gsal ma khyim rnams su so sor go bar bgyi na/ tshe dang ldan pa gang dag dge slong ming 'di zhes bgyi ba 'di khyim rnams su so sor go bar bgyid par bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas/ dge 'dun gyis dge slong ming 'di zhes bgyi ba 'di khyim rnams su so sor go bar bgyid par bskos lags te/'di ltar cang mi gsung bas de de bzhin du 'dzin to/ /dge slong khyim rnams su so sor go bar byed pa'i kun tu spyad pa'i chos ni 'di ltar bya ste/ dge slong khyim rnams su so sor go bar byed pas khyim rnams su 'di skad ces brjod par bya ste/tshe dang ldan pa dag khyod nyon cig khyim rnams su khyim sun par byed pa dang / gnas rnams su gnas sun par byed pa 'di lta ste/ dper na 'bras sA lu'i zhing phun sum tshogs pa la ser ba'i 'khor lo mi bzad pa bab na 'di ltar 'bras sA lu de nyid shin te ma dang / chud za ba dang / tshul ma yin pas ma rung bar 'gyur ba dang / bu ram shing gi zhing phun sum tshogs pa la nad kyi rigs dmar po zhes bya ba byung na 'di ltar bu ram shing de nyid shin te ma dang / chud za ba dang / tshul ma yin pas ma rung bar 'gyur ba lta bu dag yod kyis/ tshe dang ldan pa dag khyed cag dge slong 'di dang dge slong ma 'dis bstan pa'i tshod ma 'dzin cig /'di ltar dge slong 'di dang dge slong ma 'di ni yos tshig pa bzhin du chos 'dul ba 'di la skyer mi rung ba'i chos can yin gyi/ bcom ldan 'das dang / gnas brtan kun shes kauN+Di n+ya dang / rlangs pa dang / rta thul dang / bzang ldan dang /grags pa dang / gang po dang / dri med pa dang / ba lang bdag dang / lag bzangs dang / shAri'i bu dang / maud gal gyi bu chen po dang / gsus po che chen po dang / skul byed chen po dang / ka ta'i bu chen po dang / lteng rgyas 'od srungs dang / chu klung 'od srungs dang /ga ya 'od srungs dang / 'gab ma 'od srungs dang / 'od srungs chen po dang / dga' byed dang / kim pi la dang / legs skyes dang / nam gru dang / sa ri dang / nye sde dang / som nyi nam gru dang / lam bstan dang / lam phran bstan dang / brtag pa'i shing rta dang / chen po ba dang / grags byin dang / de dag la sogs pa dge slong gnas brtan gnas brtan rnams la ltos shig ces brjod par bya'o/ /de ni khyim rnams su so sor go bar byed pa bsko ba'i cho ga dang las so/ /de nyid kyi skabs nas dge slong khyim rnams su so sor go bar byed pa de bzhin du khyim rnams su so sor go bar byed par mi spro na dge 'dun gyis gsol ba 'ba' zhig gi las byas te/khyim rnams su so sor go bar bya'o zhes gsungs pa ni 'di ltar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la dge slong gcig gis gsol ba bya'o//'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong 'phral ba 'di dang dge slong ma gsal ma 'di ci nas kyang skye bo phal po che'i tshogs ma dad par rig par 'gyur ba de lta de ltar khyim rnams su spyod par bgyid de/dge slong 'phral ba dang dge slong ma gsal ma ci nas kyang skye bo phal po che'i tshogs ma dad par rig par 'gyur ba de lta de ltar khyim rnams su spyod par bgyid kyang dge slong 'phral ba dang dge slong ma gsal ma khyim rnams su so sor go bar bgyid par spro ba su la yang ma mchis na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'phral ba dang dge slong ma gsal ma ci nas kyang skye bo phal po che'i tshogs ma dad par rig par 'gyur ba de lta de ltar khyim rnams su spyod par bgyid par gang gis mthong zhing gang du mthong ba des khyim der khyed dge slong 'di dang dge slong ma 'dis bstan pa'i tshod ma 'dzin cig /dge slong 'di dang dge slong ma 'di ni yos tshig pa bzhin du chos 'dul ba 'di la skyer mi rung ba'i chos can yin gyis bcom ldan 'das dang dge slong gnas brtan gnas brtan rnams la ltos shig ces so sor go bar bgyid du stsal to//'di ni gsol ba'o/ /dge 'dun gyis kyang so sor rig pa'i khyim dag tu ni so sor go bar bya'i/ so sor ma rig pa'i khyim dag tu ni so sor go bar mi bya'o/ /de ni dge 'dun thams cad la gsol ba'i cho ga dang las so// //bam po bzhi pa/ skur pa 'debs pa'i ltung byed kyi skabs nas yang dge slong gang sngar legs par rung bar byas nas de'i 'og tu 'di skad ces tshe dang ldan pa dag gis 'di ltar bshes ngor byas te/ dge 'dun gyi rnyed pa bsngos pa bdag gis gang zag la bsngo zhes zer na ltung byed do zhes gsungs pa'i zhar la dge slong chos gos gsum ngan cing snam sbyar yang yongs su rnyings pa la dge 'dun gyis gsol ba 'ba' zhig gi las kyis ras yug chen sbyin par bya'o zhes gsungs pa ni 'di ltar bya ste/gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/dge 'dun thams cad 'dug cing mthun par gyur pa la dge slong gcig gis gsol bar bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/tshe dang ldan pa gyad bu nor 'di ni dad pa dang ldan zhing bzang la dge ba'i bsam pa can te/ dge 'dun la yang chos kyi zhal ta bgyid pa'i las la brtson pa lags/ des sangs rgyas sam chos sam dge 'dun nam yid du 'thad pa'i dge slong rnams la ma phul ba'am yongs su ma btang ba ci yang ma mchis te/des de ltar phul zhing yongs su btang bas chos gos gsum ngan cing snam sbyar yang yongs su rnyings la dge 'dun la ni ras yug chen 'byor par mnga' na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis tshe dang ldan pa gyad bu nor la ras yug chen stsol to/ /'di ni gsol ba'o/ /de ni gos sbyin pa'i cho ga dang las so/ /'phya ba'i ltung byed kyi skabs nas 'phya'am gzhogs 'phyas byed na ltung byed do zhes gsungs pa'i zhar la/ dge slong gang zag bcu gnyis kyi las su bskos ba dang ma bskos pa la ngor 'phya ba dang gzhogs 'phyas byed pa la gsol ba 'ba' zhig gi las kyis ngor 'phya ba'i grangs su gzhug pa dang /gzhogs 'phyas byed pa'i grangs su gzhug par bya'o zhes gsungs pa ni 'di ltar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/dge 'dun thams cad 'dug cing mthun par gyur pa la dge slong gcig gis gsol ba bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong mdza' bo dang sa las skyes 'di gnyis 'tshal bzhin du dge slong gang dge 'dun mthun pas gnas mal 'bogs pa dang zas la bsko bar bskos pa tshe dang ldan pa gyad bu nor de la ngor 'phya na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong mdza' bo dang sa las skyes ngor 'phya ba'i grangs su stsal to//'di ni gsol ba'o/ /de ni ngor 'phya ba'i grangs su gzhug pa'i cho ga dang las so/ /gzhogs 'phyas byed pa'i grangs su gzhug pa'i las ni 'di ltar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/dge 'dun thams cad 'dug cing mthun par gyur pa la dge slong gcig gis gsol ba bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong mdza' bo dang sa las skyes 'di gnyis 'tshal bzhin du dge slong gang dge 'dun mthun pas gnas mal 'bogs pa dang zas la bsko bar bskos pa tshe dang ldan pa gyad bu nor de la gzhogs 'phyas bgyid na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong mdza' bo dang sa las skyes gzhogs 'phyas bgyid ba'i grangs su stsol to//'di ni gsol ba'o/ /de ni gzhogs 'phyas byed pa'i grangs su gzhug pa'i cho ga dang las so/ /bsgo ba rna la gzon pa'i ltung byed kyi skabs nas bsgo ba rna la gzon na ltung byed do zhes gsungs pa'i zhar la bsgo ba rna la gzon pa dang /cang mi smra bas rna la gzon pa gsol ba 'ba' zhig gi las kyis bsgo ba rna la gzon pa'i grangs su gzhug pa dang / cang mi smra bas rna la gzon pa'i grangs su gzhug par bya'o zhes gsungs pa ni 'di ltar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/dge 'dun thams cad 'dug cing mthun par gyur pa la dge slong gcig gis gsol ba bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ tshe dang ldan pa 'dun pa 'di ltung ba byung yang chos bzhin du slar mi bgyid de/'di la dge slong don 'tshal ba/ phan pa 'tshal ba/ bde ba 'tshal ba/ bde ba la reg par 'tshal ba/ grub pa dang bde ba 'tshal ba rnams kyis gzhi de glengs kyang dge slong rnams kyi bsgo ba rna la gzon na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis tshe dang ldan pa 'dun pa bsgo ba rna la gzon pa'i grangs su stsal to/ /'di ni gsol ba'o/ /de ni bsgo ba rna la gzon pa'i grangs su gzhug pa'i cho ga dang las so/ /cang mi smra bas rna la gzon pa'i grangs su gzhug pa'i las ni 'di ltar bya ste/gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la dge slong gcig gis gsol ba bya'o/ /'di ltar bya ste/ 'dug la 'di skad ces brjod par bya'o/ / dge 'dun btsun pa rnams gsan du gsol/ tshe dang ldan pa 'dun pa 'di ni ltung ba byung yang chos bzhin du slar mi bgyid de/ 'di la dge slong don 'tshal ba/ phan pa 'tshal ba/ bde ba 'tshal ba/ bde ba la reg pa 'tshal ba/ grub pa dang bde ba 'tshal ba rnams kyis/ gzhi des glengs kyang dge slong rnams la cang mi smra bas rna la gzon na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis tshe dang ldan pa 'dun pa cang mi smra bas rna la gzon pa'i grangs su stsal to/ /'di ni gsol ba'o//de ni bsgo ba rna la gzon pa dang cang mi smra bas rna la gzon pa grangs su gzhug pa'i cho ga dang las so/ /ma bskos par ston pa'i ltung byed kyi skabs nas yang dge slong gang dge 'dun gyis ma bskos par dge slong ma la ston na chos 'di lta bu dang ldan pa ma gtogs te ltung byed do zhes gsungs pa'i zhar la dge slong ma'i ston pa bskor bar bya'o zhes gsungs pa ni 'di ltar bya ste/dge slong chos lnga dang ldan pa dge slong ma'i ston par bsko bar bya'o/ /lnga gang zhe na/ tshul khrims dang ldan pa dang / mang du thos pa dang / gnas brtan rgyal tshab lta bu dang / grong khyer ba'i skad dang ldan pa dang /des dge slong ma la lus kyi reg pas sun ma phyung zhing gal te sun phyung na yang des ltung ba chos bzhin du slar bya ba'o/ /chos lnga po de dag las bzhi ni nges pa yin no/ /mang du thos pa med na so sor thar pa'i mdo thon pa yang bsko'o/ /de yang med na dge slong ma'i pham par 'gyur ba brgyad dang /lci ba'i chos brgyad po ston nus pa yang bsko'o/ /de yang med na dge slong ma'i ston pa phyi ma ni dge slong khrims dang ldan pa gnas brtan rgyal tshab lta bu des dge slong ma la lus kyi reg pas sun ma phyung zhing gal te sun phyung na yang des ltung ba de chos bzhin du phyir byas pa yin la/sring mo dag ci khyed cag dge slong ma'i dge 'dun tshogs sam/ yongs su dag gam/ mthun nam/ kha na ma tho ba med dam/ khyed cag la dge 'dun gyis ma bskos pa'i gang zag ni 'ga' zhig ston par mi byed dam/ khyed cag la ston pa'i gang zag ni 'ga' zhig dge 'dun las 'ong ngo //khyed cag la dge slong 'ga' yang ston par mi spro'o/ /khyed cag gi gdams ngag dang rjes su bstan pa ni dge 'dun las so/ /sring mo dag gis bag yod par sgrubs shig ces bya ba de ston nus pa bsko'o/ /'di ltar bsko bar bya ste/ gso sbyong bco lnga pa de nyid kyi tshe mtshams kyi nang du dge 'dun thams cad 'dug cing mthun par gyur pa la gso sbyong byas nas/dge slong ma'i ston pa de dang por spro bar bya ste/ ming 'di zhes bya ba khyod dge slong ma'i ston par spro'am zhes dri bar bya'o/ /gal te spro na des spro'o zhes brjod par bya'o/de'i 'og tu dge slong gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge slong ma'i ston par spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong ming 'di zhes bgyi ba 'di dge slong ma'i ston par bsko ste/ dge slong ming 'di zhes bgyi ba 'di dge slong ma la ston to/ /'di ni gsol pa'o/ /las ni 'di ltar bya ste/ dge 'dun btsun pa rnams gsan du gsol/dge slong ming 'di zhes bgyi ba 'di dge slong ma'i ston par spro na/ de'i slad du dge 'dun gyi dge slong ming 'di zhes bgyi ba dge slong ma'i ston par bsko ste/ dge slong ming 'di zhes bgyi ba 'di dge slong ma la ston na/ tshe dang ldan pa gang dag dge slong ming 'di zhes bgyi ba dge slong ma'i ston par bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnas nas dge 'dun gyis dge slong ming 'di zhes bgyi ba dge slong ma'i ston par bskos lags te/ 'di ltar cang mi gsungs bas de de bzhin du 'dzin to//de ni dge slong ma'i ston pa bsko ba'i cho ga dang las so/ /stan gcig pa'i zas kyi ltung byed kyi skabs nas yang dge slong gang zas zos zin cing spangs pa las lhag por ma byas par bca' ba'am bza' ba 'cha' 'am za na ltung byed do zhes gsungs pa'i zhar la lhag por bya'o zhes gsungs pa ni 'di ltar bya ste/dge slong zas zos zin cing spangs te yongs su rdzogs shing mthar thug pa byas pa gang yang rung ba zhig gis bca' ba'am bza' ba rnyed cing za bar 'dod na dge slong des lag pa gnyis bsnyal te byin len byas la/ dge slong zas zos zin cing ma spangs la spyod lam las ma nyams pa gang yin pa'am/dge slong zas zos zin cing spangs la spyod lam las ma nyams pa gang yin pa de'i mdun du tsog pur 'dug ste 'di skad ces brjod par bya'o/ /tshe dang ldan pa dgongs su gsol/ bdag dge slong ming 'di zhes bgyi ba 'tshal ma 'tshal lags shing spangs te/yongs su rdzogs shing mthar thug par bgyis pa las bca' ba dang bza' ba rnyed cing 'chal bar 'tshal na/ lhag por bgyis te bdag la stsal du gsol/ lhag por byed pa'i dge slong zas zos ma zin ma spangs la spyod lam las ma nyams pa gang yin pa des ni bdag nyid kyis kham gnyis sam gsum zos nas khyod kyir gyur gyi bzhud cig ces brjod pas lhag por bya'o//dge slong zas zos zin cing spangs la spyod lam las ma nyams pa gang yin pa des ni bza' bar mi bya bar lag par byin nas khyod kyir gyur gyi bzhud cig ces brjod pas lhag por bya'o//de ni lhag por bya ba'i cho ga dang sngags so/ /lta ba'i rnam pa mi gtong ba'i ltung byed kyis skabs nas dge slong sdig pa can gyi lta ba'i rnam pa mi gtong ba las bzlog pa'i phyir bsgo bar bya'o zhes gsungs pa ni 'di ltar bya ste/ dge slong 'ga' la sdig pa can gyi lta ba'i rnam pa 'di lta bu 'di byung ste/ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes zer na dge slong de la dge slong rnams kyis dang por bzhams te bsgo bar bya'o//'di skad ces bsgo bar bya ste/ tshe dang ldan pa 'chi ltas khyod ji ltar bcom ldan 'das kyis bar du gcod pa'i chos su gsungs pa gang dag yin pa de dag bstan kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes de skad ma zer cig / bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo / /'chi ltas bar du gcod pa'i chos rnams ni bar du gcod pa nyid do zhes bcom ldan 'das kyis rnam grangs du mar gsungs te/ de dag bsten na bar du gcod par 'gyur gyis/'chi ltas khyod sdig pa can gyi lta ba'i rnam pa 'di lta bu 'di thong shig /de ni dus dang por bya'o/ /dge slong rnams kyis de la bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed na/de la gsol ba dang bzhi'i las kyis bsgo bar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la dge slong gcig gis gsol ba byas te las bya'o//'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong 'chi ltas 'di la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/de ltar bcom ldan 'das kyis chos bstan pa bdag gis shes so zhes mchi nas 'di la dge slong rab tu mang pos bzhams te bsgo na/ 'di la bzhams te bsgo ba yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'chi ltas khyod ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/de ltar bcom ldan 'das kyis chos bstan pa bdag gis shes so zhes de skad ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo //'chi ltas bar du gcod pa'i chos rnams ni bar du gcod pa nyid do zhes bcom ldan 'das kyis rnam grangs du mar gsungs te/ de dag bsten na bar du gcod par 'gyur gyis/ 'chi ltas khyod sdig pa can gyi lta ba'i rnam pa 'di lta bu 'di thong shig ces gsol ba dang bzhi'i las kyis bsgo ba mdzad do//'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong 'chi ltas 'di la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/de ltar bcom ldan 'das kyis chos bstan pa bdag gis shes so zhes mchi nas/ 'di la dge slong rab tu mang pos bzhams te bsgo na/ 'di la bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs te/de'i slad du dge 'dun gyis dge slong 'chi ltas la/ 'chi ltas khyod ji ltar bcom ldan 'das [(]gyis [,]kyis [)]bar du gcod pa'i chos su gsungs pa gang yin pa de dag bsten kyang bar du gcod par mi 'gyur te/de ltar bcom ldan 'das kyis chos bstan pa bdag gis shes so zhes de skad ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo //'chi ltas bar du gcod pa'i chos rnams ni bar du gcod pa nyid do zhes bcom ldan 'das kyis rnams grangs du mar gsungs te/ de dag bsten na bar du gcod par 'gyur gyis/ 'chi ltas khyod sdig pa can kyi lta ba'i rnam pa 'di lta bu 'di thong shig ces gsol ba dang bzhi'i las kyis bsgo ba mdzad na/tshe dang ldan pa gang dag dge slong 'chi ltas 'di la gsol ba dang bzhi'i las kyis bsgo ba mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/dge 'dun gyis bzod cing gnang nas/ dge 'dun gyis dge slong 'chi ltas la gsol ba dang bzhi'i las kyis bsgo bar mdzad lags te/ 'di ltar cang mi gsung bas de de bzhin du 'dzin to/ /de ni dge slong sdig pa can gyis lta ba'i rnam pa mi gtong ba las bzlog pa'i phyir bsgo ba'i cho ga dang las so//lta ba'i rnam pa mi gtong ba'i ltung byed de nyid kyi skabs nas dge slong sdig pa can gyi lta ba'i rnam pa mi gtong ba la smad par bya'o zhes gsungs pa ni 'di ltar bya ste/ dge slong gang sdig pa can gyi lta ba'i rnam pa mi gtong ba la gsol ba dang bzhi'i las kyis sgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed na/de la gsol ba dang bzhi'i las kyis smad pa'i las bya'o/ /'di ltar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/dge slong thams cad 'dug cing mthun par gyur pa la dge slong gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/dge slong 'chi ltas 'di la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes mchi nas/'di la dge slong rab tu mang pos bzhams te bsgo na/ 'di la dge slong rab tu mang pos bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs te/'di la dge 'dun gyis gsol ba dang bzhi'i las kyis bsgo na/ 'di la gsol ba dang bzhi'i las kyis bsgo yang sdig pa can gyi lta ba'i rnam pa 'di nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'chi ltas sdig pa can gyi lta ba'i rnam pa mi gtong ba la smad pa'i las bgyis te/ ji srid du dge slong 'chi ltas sdig pa can gyi lta ba'i rnam pa 'di lta bu 'di thams cad kyi thams cad dang /rnam pa thams cad kyi thams cad du mi gtong ba de srid du gtam 'dre bar mi bgyi/ phebs par smra bar mi bgyi zhing / dper na gdol bu bzhin du spang ba bgyi zhing mchod tu smad par bgyi'o/ /'di ni gsol ba'o/ / las ni 'di ltar bya ste/ dge 'dun btsun pa rnams gsan du gsol/ dge slong 'chi ltas 'di la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/de ltar bcom ldan 'das kyis chos bstan pa bdag gis shes so zhes mchi nas 'di la dge slong rab tu mang pos bzhams te bsgo na/ 'di la dge slong rab tu mang pos bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs te/'di la dge 'dun gyis gsol ba dang bzhi'i las kyis bsgo na/ 'di la gsol ba dang bzhi'i las kyis bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs na/de'i slad du dge 'dun gyis dge slong 'chi ltas sdig pa can gyi lta ba'i rnam pa mi gtong ba la smod pa'i las bgyis te/ ji srid du dge slong 'chi ltas sdig pa can gyi lta ba'i rnam pa 'di lta bu 'di thams cad kyi thams cad dang /rnam pa thams cad kyi thams cad du mi gtong ba de srid du gtam 'dre bar mi bgyi/ phebs par smra bar mi bgyi zhing / dper na gdol bu bzhin du smad par bgyi zhing mchog tu smad par bgyid na/ tshe dang ldan pa gang dag dge slong 'chi ltas sdig pa can gyi lta ba'i rnam pa mi gtong ba la smad pa'i las bgyi zhing ji srid du dge slong 'chi ltas sdig pa can gyi lta ba'i rnam pa 'di lta bu 'di thams cad kyi thams cad dang /rnam pa thams cad kyi thams cad du mi gtong ba de srid du gtam 'dre bar mi bgyi/ phebs par smra bar mi bgyi zhing / dper na gdol bu bzhin du smad par bgyi zhing /mchog tu smad par bgyi bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong 'chi ltas sdig pa can gyi lta ba'i rnam pa mi gtong ba la smad pa'i phrin las mdzad cing /ji srid du dge slong 'chi ltas sdig pa can gyi lta ba'i rnam pa 'di lta bu 'di thams cad kyi thams cad dang / rnam pa thams cad kyi thams cad du mi gtong ba de srid du gtam 'dre bar mi bgyi/phebs par smra bar mi bgyi zhing / dper na gdol bu bzhin du smad par bgyis shing / mchog tu smad par bgyis lags te/ 'di ltar cang mi gsung pas de de bzhin du 'dzin to/ /'di ni dge slong sdig pa can gyi lta ba'i rnam pa mi gtong ba la smad pa'i cho ga dang las so//bsnyil ba sdud pa'i ltung byed kyi skabs nas dge tshul sdig pa can gyi lta ba'i rnam pa mi spong ba la bzlog pa'i phyir bsgo bar bya'o zhes gsungs pa ni 'di ltar bya ste/ /dge tshul gang la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/de ltar bcom ldan 'das kyis chos bstan pa bdag gis shes so zhes zer na/ dge tshul de la dge slong rnams kyis dang por bzhams te bsgo bar bya'o/ /'di skad ces bsgo bar bya ste/ tsher ma dang chen po ba khyed gnyis ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes de skad ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo / /tsher ma dang chen po pa 'dod pa bar du gcod pa dag ni bar du gcod pa nyid do zhes bcom ldan 'das kyis rnam grangs du mar gsungs te/de dag bsten na bar du gcod par 'gyur gyis/ tsher ma dang chen po pa khyed gnyis sdig pa can gyi lta ba'i rnam pa 'di lta bu 'di thong shig /de ni dus dang por bya ba'o/ /dge slong rnams kyis de la bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed na de gsol ba dang bzhi'i las kyis bsgo bar bya'o//'di ltar bsgo bar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/dge 'dun thams cad 'dug cing mthun par gyur pa na dge tshul de thos pa'i nye 'khor nas bkar te mthong ba'i nye 'khor du bzhag nas/ de'i 'og tu dge slong gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o/ / dge 'dun btsun pa rnams gsan du gsol/ dge tshul tsher ma dang chen po pa 'di gnyis la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/de ltar bcom ldan 'das kyis chos bstan pa bdag gis shes so zhes mchi nas/ 'di gnyis la dge slong rab tu mang pos bzhams te bsgo na/ 'di gnyis la bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge tshul tsher ma dang / chen po pa la/ tsher ma dang chen po pa khyed gnyis ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/'di ltar bcom ldan 'das kyis chos bstan pa bdag cag gis shes so zhes de skad ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo / /tsher ma dang chen po pa 'dod pa dag ni bar du gcod pa nyid do zhes bcom ldan 'das kyis rnam grangs du mar gsungs te/ de dag bsten na bar du gcod par 'gyur gyis/tsher ma dang chen po pa khyed gnyis sdig pa can gyi lta ba'i rnam pa 'di lta bu 'di thong shig ces gsol ba dang bzhi'i las kyis bsgo ba mdzad do/ /'di ni gsol ba'o/ /de'i 'og tu dge slong gcig gis dge tshul de la khyod la dge 'dun gyis gsol ba dang bzhi'i las mdzad par 'gyur ba las/gsol ba mdzad lags kyis khyod sdig pa can gyi lta ba'i rnam pa 'di lta bu 'di thong shig ces bsgo bar bya'o/ /de skad ces bsgo ba na gzhi de gtong na de lta na legs/ gal te mi gtong na de'i 'og tu las bya'o/ /las ni 'di ltar bya ste/ dge 'dun btsun pa rnams gsan du gsol/dge tshul tsher ma dang chen po pa 'di gnyis la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes mchi nas/'di gnyis la dge slong rab tu mang pos bzhams te bsgo na/ 'di gnyis la bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs na/de'i slad du dge 'dun gyis dge tshul tsher ma dang chen po pa la tsher ma dang chen po pa khyed gnyis/ ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag cag gis shes so zhes de skad ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo / /tsher ma dang chen po pa 'dod pa ni bar du gcod pa nyid do zhes bcom ldan 'das kyis rnam grangs du mar gsungs te/de dag bsten na bar du gcod par 'gyur gyis/ tsher ma dang chen po pa khyed gnyis sdig pa can gyi lta ba'i rnam pa 'di lta bu 'di thong shig ces gsol ba dang bzhi'i las kyis bsgo ba mdzad na/tshe dang ldan pa gang dag dge tshul tsher ma dang chen po pa la gsol ba dang bzhi'i las kyis bsgo ba mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po'o/ /de'i 'og tu dge slong gcig gis dge tshul de la khyod la dge 'dun gyis gsol ba dang bzhi'i las mdzad par 'gyur ba las/las brjod pa dang po yang mdzad lags kyi khyod sdig ba can gyi lta ba'i rnam pa 'di lta bu 'di thong shig ces bsgo bar bya'o/ /de skad bsgo ba na gzhi de gtong na de lta na legs/ gal te mi gtong na de'i 'og tu las brjod pa gnyis pa bya'o//las brjod pa gnyis pa byas nas kyang de'i 'og tu dge slong gcig gis dge tshul de la khyod la dge 'dun gyis gsol ba dang bzhi'i las mdzad par 'gyur ba las/[####### ]las brjod pa gnyis pa yang mdzad lags kyis khyod sdig pa can gyi lta ba'i rnam pa 'di lta bu 'di thong shig ces bsgo bar bya'o//de skad bsgo ba na gzhi de gtong na de lta na legs/ gal te mi gtong na de'i 'og tu las brjod pa gsum pa bya'o/ /las brjod pa gsum pa byas nas kyang de'i 'og tu dge slong gcig gis dge tshul de la khyod la dge 'dun gyis gsol ba dang bzhi'i las mdzad par 'gyur ba las/las brjod pa gsum pa yang mdzad lags kyis khyod sdig pa can gyi lta ba'i rnam pa 'di lta bu 'di thong shig ces bsgo bar bya'o/ /de skad bsgo ba na gzhi de gtong na de lta na legs/ gal te mi gtong na de'i 'og tu mjug bsdu ba bya ste/ dge 'dun gyis bzod cing gnang nas dge 'dun gyis dge tshul tsher ma dang chen po pa la gsol ba dang bzhi'i las kyis bsgo ba mdzad lags te/'di ltar cang mi gsung bas de de bzhin du 'dzin to zhes brjod par bya'o/ /de ni dge tshul sdig pa can gyi lta ba'i rnam pa mi gtong ba las bzlog pa'i phyir bsgo ba'i cho ga dang las so//bsnyil bsdud pa'i ltung byed de nyid kyi skabs nas dge tshul sdig pa can gyi lta ba'i rnam pa mi gtong ba la bsnyil bar bya'o zhes gsungs pa ni 'di ltar bya ste/ dge tshul gang sdig pa can gyi lta ba'i rnam pa mi gtong ba la gsol ba dang bzhi'i las kyis bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed na/de la gsol ba dang bzhi'i las kyis bsnyil ba'i las bya'o/ /'di ltar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/dge 'dun thams cad 'dug cing mthun par gyur pa na dge tshul de thos pa'i nye 'khor nas bkar te mthong ba'i nye 'khor du bzhag nas de'i 'og tu dge slong gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o//dge 'dun btsun pa rnams gsan du gsol/ dge tshul tsher ma dang chen po pa 'di gnyis la sdig pa can gyi lta ba'i rnam pa 'di lta bu byung ste/ ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsnyen kyang bar du gcod par mi 'gyur te/de ltar bcom ldan 'das kyis chos bstan pa bdag gis shes so zhes mchi nas/ 'di gnyis la dge slong rab tu mang pos bzhams te bsgo na/ 'di gnyis la dge slong rab tu mang pos bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge tshul tsher ma dang chen po pa sdig pa can gyi lta ba'i rnam pa mi gtong ba la deng phyin chad dge tshul khyed gnyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de la ston pa'o zhes ma zer cig /tshangs pa mtshungs par spyod pa mkhas pa bla ma'i gnas lta bu gang yang rung ba'i phyi bzhin du yang ma 'gro shig /dge slong rnams dang dge tshul lhan cig nub gnyis tshun chad gnas gcig tu nyal du gnang ba gang yin pa de yang deng phyin chad khyed la med de/mi gti mug can khyed gnyis bsnyil gyis gzhan du song shig ces bsnyil ba'i phrin las mdzad do/ /'di ni gsol ba'o/ / de'i 'og tu dge slong gcig gis dge tshul de la khyod la dge 'dun gyis gsol ba dang bzhi'i las mdzad par 'gyur ba las gsol ba mdzad lags kyis khyed sdig pa can gyi lta ba'i rnam pa 'di lta bu 'di thong shig ces bsgo bar bya'o/ /de skad bsgo ba na gzhi de gtong na de lta na legs/ gal te mi gtong na de'i 'og tu las brjod pa dang po bya'o//las ni 'di ltar bya ste/ dge 'dun btsun pa rnams gsan du gsol/ dge tshul tsher ma dang chen po pa 'di gnyis la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/de ltar bcom ldan 'das kyis chos bstan pa bdag cag gis shes so zhes mchi nas/ 'di gnyis la dge slong rab tu mang pos bzhams te bsgo na/ 'di gnyis la bzhams te bsgo yang sdig pa ca na gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs nas 'di gnyis la dge 'dun gyis gsol ba dang bzhi'i las kyis bsgo nas/'di gnyis la dge 'dun gyis gsol ba dang bzhi'i las kyis bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs te/de'i slad du dge 'dun gyis dge tshul tsher ma dang chen po pa sdig pa can gyi lta ba'i rnam pa mi gtong ba la/ tsher ma dang chen po pa khyed gnyis deng phyin chad bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de la ston pa'o zhes ma zer cig /tshangs pa mtshungs par spyod pa mkhas pa bla ma'i gnas lta bu gang yang rung ba'i phyi bzhin du yang ma 'gro shig /dge slong rnams dang dge tshul lhan cig nub gnyis tshun chad gnas gcig tu nyal du dbang ba gang yin pa de yang deng phyin chad khyed la med de/mi gti mug can khyed gnyis bsnyil gyis gzhan du song shig ces bsnyil ba'i phrin las mdzad na/ tshe dang ldan pa gang dag dge tshul tsher ma dang chen po pa sdig pa can gyi lta ba'i rnam pa mi gtong ba la bsnyil ba'i phrin las mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po'o/ /de'i 'og tu dge slong gcig gis dge tshul de la khyod la dge 'dun gyis gsol ba dang bzhi'i las mdzad par 'gyur ba las/las brjod pa dang po yang mdzad lags kyis/ khyod sdig pa can gyi lta ba'i rnam pa 'di lta bu 'di thong shig ces bsgo bar bya'o/ /de skad bsgo ba na gzhi de gtod na de lta na legs/ gal te mi gtong na de'i 'og tu las brjod pa gnyis pa bya'o/ /las brjod pa gnyis pa byas nas kyang /de'i 'og tu dge slong gcig gis dge tshul de la khyod la dge 'dun gyis gsol ba dang bzhi'i las mdzad par 'gyur ba las/ las brjod pa gnyis pa yang mdzad lags kyis/ khyod sdig pa can gyi lta ba'i rnam pa 'di lta bu 'di thong shig ces bsgo bar bya'o//de skad bsgo ba na gzhi de gtong na de lta na legs/ gal te mi gtong na de'i 'og tu las brjod pa gsum pa bya'o/ /las brjod pa gsum pa byas nas kyang / de'i 'og tu dge slong gcig gis dge tshul de la khyod la dge 'dun gyis gsol ba dang bzhi'i las mdzad par 'gyur ba las/las brjod pa gsum pa yang mdzad lags kyis/ khyed sdig pa can gyi lta ba'i rnam pa 'di lta bu 'di thong shig ces bsgo bar bya'o/ /de skad bsgo ba na gzhi de gtong na de lta na legs/ gal te mi gtong na de'i 'og tu mjug bsdu bar bya ste/ dge 'dun gyis bzod cing gnang nas/ dge 'dun gyis dge tshul tsher ma dang chen po pa la gsol ba dang bzhi'i las kyis bsnyil ba'i phrin las mdzad lags te/ 'di ltar cang mi gsung bas de de bzhin du 'dzin to zhes brjod par bya'o/ /de ni dge tshul bsnyil ba'i cho ga dang las so/ /bslab pa dral te khyim du 'jug pa'i so sor bshags par bya ba'i skabs nas sbyin bdag longs spyod bsrabs shing yongs su zad de yongs su mthar thug par gyur pa la bslab pa'i sdom pa sbyin par bya'o zhes gsungs pa ni 'di ltar bya ste/gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/dge 'dun thams cad 'dug cing mthun par gyur pa la dge slong gcig gis gsol ba bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dmag dpon seng ge ni dad pa dang ldan cing bzang la dge ba'i bsam pa can te/de sangs rgyas sam/ chos sam/ dge 'dun nam/ yid du 'thad pa'i dge slong rnams la ma phul pa'am/ yongs su ma btang ba ci yang ma mchis te/ des de ltar phul zhing yongs su btang bas longs spyod bsrabs shing yongs su bas te yongs su mthar thug na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dmag dpon seng ge la bslab pa'i sdom pa stsal to/ /'di ni gsol ba'o/ /dge 'dun gyis gang la bslab pa'i sdom pa byin pa der dge slong gis khyim du 'gro bar bya/stan la longs spyad par bya/ chos bstan par bya'o/ /bsod snyoms blang bar mi bya/ lhung bzed stong pas 'jug par mi bya'o/ /de'i byis pa slong ba dag la bca' ba ril por mi sbyin par dum bur byas te sbyin par bya'o//ga gon dang la phug la sogs pa 'bras bu dang rtsa ba dag dang ldam ldum la sogs pa tshod ma khyim nas 'byung ba blang bar bya'o/ /de ni bslab pa la khyim gyi bslab pa'i sdom pa sbyin pa'i cho ga dang las so/ /de nyid kyi skabs nas sbyin bdag de longs spyod dag 'phel bar gyur pa la khyim gyi bslab pa'i sdom pa gzhig par bya'o zhes gsungs pa ni 'di ltar bya ste/gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la sbyin bdag des phyag 'tshal te rgan pa'i mtha' logs su tsog pur 'dug nas thal mo sbyar te 'di skad ces brjod par bya'o//dge 'dun btsun pa rnams gsan du gsol/ bdag dmag dpon seng ge dad pa dang ldan zhing bzang la dge ba'i bsam pa can te/ bdag gis 'di lta ste/ sangs rgyas sam/chos sam/ dge 'dun nam/ yid du 'thad pa'i dge slong rnams la ma phul ba'am/ yongs su ma btang ba ci yang ma mchis te/ bdag gis de ltar phul zhing de ltar yongs su btang bas longs spyod bsrabs shing yongs su bas te/ yongs su mthar thug nas dge 'dun don bzhed pa/phan pa bzhed pas bdag la bslab pa'i sdom pa stsal pa bas/ bdag dmag dpon seng ge yang longs spyod 'phel nas/ bdag dmag dpon seng ge la bslab pa'i sdom pa stsal ba bslab pa'i sdom pa gzhig par gsol na/ thugs brtse ba can dge 'dun btsun pa rnams kyis thugs brtse ba'i slad du bdag la bslab pa'i sdom pa gzhig par stsal du gsol/de bzhin du lan gnyis lan gsum du bzlas/ de ni bslab pa'i sdom pa gzhig pa gsol ba'o/ /de'i 'og tu sbyin bdag de thos pa'i nye 'khor nas bkar te mthong ba'i nye 'khor du bzhag nas dge slong gcig gis gsol ba 'ba' zhig gi las bya'o//'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dmag dpon seng ge de ni dad pa dang ldan zhing bzang la dge ba'i bsam pa can te/des sangs rgyas sam/ chos sam/ dge 'dun nam/ yid du 'thad pa'i dge slong rnams la ma phul ba'am/ yongs su ma btang ba ci yang ma mchis te/ des de ltar phul zhing yongs su btang bas longs spyod bsrabs shing yongs su bas te/ yongs su mthar thug nas de la dge 'dun don bzhed pa/phan pa bzhed pas bslab pa'i sdom pa stsal ba las/ dmag dpon seng ge de yang longs spyod 'phel te/ dmag dpon seng ge bslab pa'i sdom pa stsal ba dge 'dun las bslab pa'i sdom pa gzhig par gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dmag dpon seng ge la bslab pa'i sdom pa gzhig par mdzad do/ /'di ni gsol ba'o/ /dge 'dun gyis gang la bslab pa'i sdom pa bshig pa der dge slong rnams kyis 'gro bar bya/ stan la longs spyad par bya/bsod snyoms blang bar bya/ chos bstan par bya'o/ /de ni bslab pa la khyim gyi bslab pa'i sdom pa gzhig pa'i cho ga dang las so/ /so sor bshags par bya ba dge 'dun la rig par bya ba'i cho ga dang sngags ni 'di ltar bya ste/ mtshams kyi nang na dge slong ji snyed 'khod pa thams cad bsdu ba ni mi dgos te/gnas kyi nang du song bas dge slong gang dag mthong ba de dag gi drung du ci nas kyang gnas khang la sogs pa na 'khod pa dag la yang grags par 'gyur ba de ltar dge slong de dag la phyag 'tshal te/ rgan pa'i mtha' logs su tsog tsog pur 'dug nas thal mo sbyar te 'di skad ces brjod par bya'o//tshe dang ldan pa dag bdag la smad pa'i gnas mi rigs pa so sor bshags par bya ba byung gi chos de so sor 'chags so zhes lan cig brjod par bya'o/ /'di ni smre sngags 'don pa'i rnam par brjod pas so sor bshags par bya ba nyid du gsungs pa yin gyi bshags pa ni ma yin no//bshags pa ni ji ltar ltung byed kyi ltung ba byung bas gcig gi mdun du bshags pa bya bar gsungs pa dang 'dra'o/ /de ni so sor bshags par bya ba dge 'dun la rig par bya ba'i cho ga dang sngags so/ /nags ma brtags pa las gyur pa'i so sor bshags par bya ba'i skabs nas/dge slong nags nyul ba bsko bar bya'o/ /zhes gsungs pa ni 'di ltar bya ste/ dge slong nags nyul ba chos lnga dang ldan pa ni ma bskor pa la yang bsko bar mi bya la bskos pa yang dbyung bar bya ste/ lnga gang zhe na/ 'dun pas 'gro ba dang /zhe sdang gis 'gro ba dang / gti mug gis 'gro ba dang / 'jigs pas 'gro ba dang / nags nyul ba dang ma nyul ba mi shes pa'o/ /nags nyul ba chos lnga dang ldan pa ni ma bskos pa yang bsko bar bya la/ bskos pa yang dbyung bar mi bya ste/ lnga gang zhe na/ 'dun pas mi 'gro ba dang /zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / nags nyul ba dang ma nyul ba shes pa'o/ /'di ltar bsko bar bya'o/ /je dang po spro ba byas te/ ming 'di zhes bya ba khyod dge 'dun gyi nags nyul bar spro'am zhes dri bar bya'o//gal te spro na des spro zhes brjod par bya'o/ /de'i 'og tu des gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la dge slong gcig gis gsol ba byas te las bya'o//'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun gyi nags nyul bar spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba dge 'dun gyi nags nyul bar bsgo te/ dge slong nags nyul ba ming 'di zhes bgyi ba 'di dge 'dun gyi nags nyul lo/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun gyi nags nyul bar spro na/de'i slad du dge 'dun gyis ming 'di zhes bgyi ba nags nyul bar bsgos te/ ming 'di zhes bgyi ba 'di dge 'dun gyi nags nyul na/ tshe dang ldan pa gang dag ming 'di zhes bgyi ba nags nyul bar bsko bar bzod pa de dag ni cang ma gsungs shig / gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba nags nyul bar bskos lags pas/ ming 'di zhes bgyi ba 'di dge 'dun gyi nags nyul te/ 'di ltar cang mi gsung bas de de bzhin du 'dzin to/ /dge slong nags nyul ba'i kun tu spyod pa'i chos 'di ltar bya ste/dge slong nags nyul bas dpag tshad phyed nas bzung ste kho ra khor yug tu nags nyul bar bya'o/ /de gal te 'dod na khye'u sus sbyin zhing grogs kyang bsko bar bya'o/ /gal te nags 'jigs pa dang bcas pa nyid yin na des dud brda btul bar bya/ba dan sngon po bsgreng bar bya/ 'dab ma'i chang bu dag lam khar bzhag par bya'o/ /gal te nags 'jigs pa med pa nyid yin na ba dan dkar po bsgreng bar bya'o/ /de ni nags nyul ba bsko ba'i cho ga dang las so/ /dge slong gi rnam par 'byed pa'i skabs kyi cho ga dang las rnams rdzogs so// //da ni dge slong ma'i rnam par 'byed pa'i skabs kyi cho ga dang las rnams brjod par bya ste/ sdom la/ bzlog dang nye du spong ba dang / /'thab krol brten dang brten 'jug dang / /dge 'dun dbyen dang de rjes phyogs//sun 'byin bka' blo mi bde dang / /rgan dang rung dang 'brel med dang / /go byed gsol ba chos gos dang / /ngor dang gzhogs 'phyas bsgo ba dang / /cang mi smra dang bu dang 'khor/ /mang dang bslab dang gzhig gshags pa'i/ /sde tshan yang dag bsdus pa yin/ / bzlog pa'i pham par 'gyur pa'i skabs nas gnas nas phyung ba'i rjes su phyogs pa'i dge slong ma la bzlog pa'i phyir bsgo bar bya'o zhes gsungs pa ni 'di ltar bya ste/ dge slong ma gang dge slong gi dge 'dun mthun pas dge slong gang la gnas nas dbyung ba'i phrin las mdzad de/ dge slong ma'i dge 'dun mthun pas phyag bya ba'i 'os ma yin pa'i sdom pa byin pa dge slong gi dge 'dun la bzod pa gsol bar shes bzhin du de zlog par byed na dge slong ma de la dge slong ma rnams kyis dang por bzhams te bsgo bar bya'o//'di skad ces bsgo bar bya ste/ sbom dga' mo khyod dge slong gi dge 'dun mthun pas dge slong gang gnas nas dbyung ba'i phrin las mdzad de/dge slong ma'i dge 'dun mthun pas phyag bya ba'i 'os ma yin pa'i sdom pa phyin pa skra 'greng bar 'gyur/ skra 'phyar bar gyur cing dge slong gi dge 'dun la spu snyol bar byed/ 'byung bar bskyod/ mtshungs par nye bar ston la/ mtshams kyi nang du 'dug ste bzod par gsol bar shes bzhin du dge slong de la 'phags pa khyod skra 'greng bar 'gyur/ skra 'phyar bar gyur cing / dge slong gi dge 'dun la spu snyol bar ma byed cig /'byung bar ma bskyod cig /mtshungs par nye bar ma ston cig /mtshams kyi nang du 'dug te bzod pa ma gsol cig /bdag gis 'phags pa khyod la lhung bzed dang / chos gos dang / dra ba dang / phor bu dang / ska rags dang / klag pa dang / kha ton bya ba dang / rnal 'byor dang / yid la bya ba dang / 'phags pa la ci dang cis brel ba de dang des mi brel bar bsnyen bkur bya'o zhes de skad ma zer cig /'phags ma khyod gnas nas phyung ba'i rjes su phyogs pa'i gnas 'di lta bu 'di thong shig /de ni dus dang por bya ba'o/ /dge slong ma rnams kyis de bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed na de la gsol ba dang bzhi'i las kyis bsgo bar bya'o//'di ltar bsgo bar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/dge slong ma'i dge 'dun thams cad 'dug cing mthun par gyur pa la dge slong ma gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o/ /dge 'dun 'phags ma rnams bdag la gsan du gsol/ dge slong ma sbom dga' mo 'di dge slong gi dge 'dun mthun pas dge slong gang la gnas nas dbyung ba'i phrin las mdzad de dge slong ma'i dge 'dun mthun pas phyag bya ba'i 'os ma lags pa'i sdom pa stsal ba skra 'greng bar gyur/skra 'phyar bar gyur cing / dge slong gi dge 'dun la spu snyol bar bgyid/'byung bar bskyod/ mtshungs par nye bar ston la mtshams kyi nang du mchis te/ bzod pa gsol bar 'tshal bzhin du dge slong de la 'di skad ces 'phags ma khyod skra 'greng bar gyur/ skra 'phyar bar gyur cing / dge slong gi dge 'dun la spu snyol bar ma byed cig / 'byung bar ma bskyod cig /mtshungs par nye bar ma ston cig /mtshams kyi nang du 'dug te bzod pa ma gsol cig /bdag gis 'phags pa khyod la lhung bzed dang / chos gos dang / dra ba dang / phor bu dang / ska rags dang / klag pa dang / kha ton bya ba dang / rnal 'byor dang / yid la bya ba dang / 'phags pa rnams la ci dang cis brel ba de dang des mi brel bar bsnyen bkur bya'o zhes mchi nas dge slong ma sbom dga' mo 'di la dge slong ma mang pos bzhams te bsgo na/ 'di la dge slong ma mang pos bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs na/gal te dge 'dun 'phags ma rnams kyi dus la bab cing bzod na dge 'dun gyis gnang bar mdzod cig dang / dge 'dun gyis dge slong ma sbom dga' mo gnas nas phyung ba'i rjes su phyogs pa'i gzhi mi gtong ba la gsol ba dang bzhi'i las kyis bsgo ba mdzad do//'di ni gsol ba'o/ /las ni 'di ltar bya ste/ dge 'dun 'phags ma rnams gsan du gsol/ dge slong ma sbom dga' mo 'di dge slong gi dge 'dun mthun pas dge slong gang la gnas nas dbyung ba'i phrin las mdzad de/dge slong ma'i dge 'dun mthun pas phyag bya pa'i 'os ma lags pa'i sdom pa stsal ba skra 'greng bar gyur/ skra 'phyar par gyur cing / dge slong gi dge 'dun la spu snyol bar bgyid/ 'byung bar bskyod/ mtshungs par nye bar ston pa mtshams kyi nang du mchis te bzod pa gsol bar shes bzhin du dge slong de la 'di skad ces 'phags pa khyod skra 'greng bar gyur/skra 'phyar bar gyur cing / dge slong gi dge 'dun la spu snyol bar ma byed cig /'byung bar ma bskyod cig /mtshungs par nye bar ma ston cig /mtshams kyi nang du 'dug ste bzod pa ma gsol cig /bdag gis khyod la lhung bzed dang / chos gos dang / dra ba dang / phor bu dang / ska rags dang / klag pa dang / kha ton bya ba dang / rnal 'byor dang / yid la byed pa dang / 'phags pa la ci dang cis brel ba de dang des mi drel bar bsnyen bkur bya'o zhes mchi nas/dge slong ma sbom dga' mo 'di la dge slong ma mang pos bzhams te bsgo na/ 'di la dge slong ma mang pos bzhams te bsgo yang gzhi de nyid la nan gyis mchog tu 'dzin cing mngon par zhen nas 'di nyid bden gyi gzhan ni brdzun pa'o zhes mchi ste/ de'i slad du dge 'dun 'phags ma rnams kyis dge slong ma sbo dga' mo gnas nas phyung ba'i rjes su phyogs pa'i gzhi mi gtong ba la/sbom dga' mo khyod dge slong gi dge 'dun mthun pas dge slong gang la gnas nas dbyung ba'i phrin las mdzad de/ dge slong ma'i dge 'dun mthun pas phyag bya ba'i 'os ma yin pa'i sdom pa byin pa skra 'greng bar gyur/skra 'phyar bar gyur cing / dge slong gi dge 'dun la spu snyol bar byed/ 'byung bar bskyod/ mtshungs par nye bar ston la mtshams kyi nang du 'dug ste gzod pa gsol bar shes bzhin du dge slong de la 'di skad ces 'phags pa khyod skra 'greng bar 'gyur/skra 'phyar bar gyur cing / dge slong gi dge 'dun la spu snyol bar ma byed cig /'byung bar ma bskyod cig /mtshungs par nye bar ma ston cig /mtshams kyi nang du 'dug ste bzod pa ma gsol cig /bdag gis khyod la lhung bzed dang / chos gos dang / dra ba dang / phor bu dang / ska rags dang / klag pa dang / kha ton bya ba dang / rnal 'byor dang / yid la bya ba dang / 'phags pa la cis brel ba de dang des mi brel bar bsnyen bkur bya'o zhes ma zer cig /'phags ma khyod gnas nas dbyung ba'i rjes su phyogs pa'i gzhi 'di lta bu 'di thong shig ces dge slong ma sbom dga' mo 'di la dge slong ma mang pos bzhams te bsgo na/'di la dge slong ma mang pos bzhams te bsgo yang gzhi de nyid la nan gyis mchog tu 'dzin cing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs te/ de'i slad du dge 'dun 'phags ma rnams kyis dge slong ma sbom dga' mo la/sbom dga' mo khyod dge slong gi dge 'dun mthun pas dge slong gang la gnas nas dbyung ba'i phrin las mdzad de dge slong ma'i dge 'dun gyis phyag bya ba'i 'os ma yin pa'i sdom pa byin la skra 'greng bar gyur/ skra 'phyar bar gyur cing / dge slong gi dge 'dun la spu snyol bar byed/ 'byung bar bskyod/ mtshungs par nye bar ston la/ mtshams kyi nang du 'dug ste bzod pa gsol bar shes bzhin du dge slong de la 'phags pa khyod skra 'greng bar 'gyur/ skra 'phyar bar gyur cing / dge slong gi dge 'dun la spu snyol bar ma byed/'byung bar ma bskyod cig /mtshungs par nye bar ma ston cig /mtshungs kyi nang du 'dug ste gzod pa ma gsol cig /bdag gis 'phags pa khyod la lhung bzed dang / chos gos dang / dra ba dang / phor bu dang / ska rags dang / klag pa dang / kha ton bya ba dang / rnal 'byor dang / yid la bya ba dang / 'phags pa la ci dang cis brel ba de dang des mi brel bar bsnyen bkur bya'o zhes de skad ma zer cig /'phags ma khyod gnas nas phyung ba'i rjes su phyogs pa'i gzhi 'di lta bu 'di thong shig ces gsol ba dang bzhi'i las kyis bsgo ba mdzad na/'phags ma gang dag dge slong ma sbom dga' mo la gsol ba dang bzhi'i las kyis bsgo ba mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/dge 'dun 'phags ma rnams kyis bzod cing gnang nas/ dge 'dun 'phags ma rnams kyis dge slong ma sbom dga' mo la gsol ba dang bzhi'i las kyis bsgo ba mdzad lags te/ 'di ltar cang mi gsung bas de de bzhin du 'dzin to/ /de ni gnas nas phyung ba'i rjes su phyogs pa la bzlog pa'i phyir bsgo ba'i cho ga dang las so//nyin mo 'bral ba'i dge 'dun lhag ma'i gnas skabs nas mu ge'i sdug bsngal byung ba'i tshe dge slong ma nye du rnams dang lhan cig 'brel ba'i nye bar spyod pa gnang ba sbyin par bya'o zhes gsungs pa ni 'di ltar bya ste/ gnas mal bsham pa byas nas gaN+DI brdungs te dris pa'i tshig gis dge slong ma rnams la yang dag par bsgo nas/dge slong ma'i dge 'dun thams cad 'dug cing mthun par gyur pa la/ dge slong ma des bla gos phrag pa gcig tu byas te rgan rim bzhin du phyag 'tshal nas rgan pa'i mtha' logs su tsog pur 'dug ste thal mo sbyar nas 'di skad ces brjod par bya'o//dge 'dun 'phags ma rnams bdag la gsan du gsol/ bdag ming 'di zhes bgyi ba sdug bsngal ba'i dus 'di lta bu'i tshe zas ma mchis par 'tsho ba'i rngo mi thog ste/ bdag ming 'di zhes bgyi ba sdug bsngal ba'i dus la 'di lta bu'i tshe zas ma mchis par 'tsho ba'i rngo mi thog pas bdag ming 'di zhes bgyi ba dge 'dun 'phags ma rnams las nye du rnams dang lhan cig 'brel ba'i nye bar spyod pa gnang ba gsol na/thugs brtse ba can dge 'dun 'phags ma rnams kyis thugs brtse ba'i slad du bdag dge slong ma ming 'di zhes bgyi ba la nye du rnams dang lhan cig nye bar 'brel ba'i spyod pa gnang ba stsal du gsol/de bzhin du lan gnyis lan gsum du bzlas/ de ni nye du rnams dang lhan cig 'brel ba'i nye bar spyod pa gnang ba gsol ba'o/ /de'i 'og tu dge slong ma gcig gis gsol ba byas te las bya'o//'di ltar bya ste/ 'dug la 'di skad ces brjod par bya'o/ /dge 'dun 'phags ma rnams bdag la gsan du gsol/ dge slong ma ming 'di zhes bgyi ba sdug bsngal ba'i dus 'di lta bu'i tshe dge 'dun 'phags ma rnams las nye du rnams dang lhan cig 'brel ba'i nye bar spyod pa gnang ba gsol na/gal te dge 'dun 'phags ma rnams kyi dus la bab cing bzod na dge 'dun 'phags ma rnams kyis gnang bar mdzod cig dang / dge 'dun 'phags ma rnams kyis dge slong ma ming 'di zhes bgyi ba la nye du rnams dang lhan cig 'brel ba'i nye bar spyod pa gnang ba stsal to//'di ni gsol ba'o/ /las ni 'di ltar bya ste/ dge 'dun 'phags ma rnams bdag la gsan du gsol/ dge slong ma ming 'di zhes bgyi ba 'di sdug bsngal ba'i dus 'di lta bu'i tshe dge 'dun 'phags ma rnams las nye du rnams dang lhan cig 'brel ba'i nye bar spyod pa gnang ba gsol te/de'i slad du dge 'dun 'phags ma rnams kyis dge slong ma ming 'di zhes bgyi ba la sdug bsngal pa'i dus 'di lta bu'i tshe nye du rnams dang lhan cig 'brel ba'i nye bar spyod pa gnang bar gsol na/ 'phags ma gang dag dge slong ma ming 'di zhes bgyi ba la sdug bsngal ba'i dus 'di lta bu'i tshe nye du rnams dang lhan cig 'brel ba'i nye bar spyod pa gnang ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun 'phags ma rnams kyis bzod cing gnang nas/ dge 'dun 'phags ma rnams kyis dge slong ma ming 'di zhes bgyi ba la nye du rnams dang lhan cig 'brel ba'i nye bar spyod pa gnang ba stsal lags te/'di ltar cang mi gsung bas de de bzhin du 'dzin to/ /de ni mu ge'i sdug bsngal byung ba'i tshe dge slong ma la nye du rnams dang lhan cig 'brel ba'i nye bar spyod pa gnang ba sbyin pa'i cho ga dang las so//spong ba'i dge 'dun lhag ma'i skabs nas dge slong ma gang dkon mchog gtong ba las bzlog pa'i phyir bsgo bar bya'o zhes gsungs pa ni 'di ltar bya ste/ dge slong ma gang 'thab krol byed cing dkon mchog gsum gtong ngo //dge sbyong dang bram ze gzhan dag la tshangs par spyod do zhes zer na dge slong ma de la dge slong ma rnams kyis dang por bzhams te bsgo bar bya'o/ /'di skad ces bsgo bar bya ste/ nag mo khyod 'thab krol byed cing 'di skad ces sangs rgyas gtong ngo / / chos dang dge 'dun gtong ngo / /shAkya'i bu'i dge sbyong 'ba' zhig tshul khrims dang ldan pa/ yon tan dang ldan pa/ des pa/ dge ba'i chos can ma yin gyi/ dge slong dang bram ze tshul khrims dang ldan pa/ yon tan dang ldan pa/ des pa/ dge ba'i chos can gzhan dag kyang yod kyis/ de dag la tshangs par spyad pa spyod do zhes ma zer cig /nag mo khyod sdig pa can gyi lta ba'i rnam pa 'di rnam pa 'di lta bu 'di thong shig /de ni dus dang por bya ba'o/ /dge slong ma rnams kyis de la bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed na de la gsol ba dang bzhi'i las kyis bsgo bar bya'o//'di ltar bsgo bar bya ste/ gnas mal bsham pa byas nas gaN+DI brdungs te dris pa'i tshig gis dge slong ma rnams la yang dag par bsgo nas dge slong ma'i dge 'dun thams cad 'dug cing mthun par gyur pa la dge slong ma gcig gis gsol ba byas te las bya'o//'di ltar bya ste/ 'dug la 'di skad ces brjod par bya'o/ /dge 'dun 'phags ma rnams bdag la gsan du gsol/ dge slong ma nag mo 'di 'thab krol bgyid cing 'di skad ces/ sangs rgyas gtong ngo //chos dang dge 'dun gtong ngo / /shAkya'i bu'i dge sbyong 'ba' zhig tshul khrims dang ldan pa/ yon tan dang ldan pa/ des pa/ dge ba'i chos can ma yin gyi/ dge sbyong dang bram ze tshul khrims dang ldan pa/ yon tan dang ldan pa/ des pa/ dge ba'i chos can gzhan dag kyang yod kyis de dag la tshangs par spyad pa spyod do zhes mchi nas/'di la dge slong ma mang pos bzhams te bsgo na/ 'di la dge slong ma mang pos bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid na/gal te dge 'dun 'phags ma rnams kyi dus la bab cing bzod na/ dge 'dun 'phags ma rnams kyis gnang bar mdzod cig dang / dge 'dun 'phags ma rnams kyis dge slong ma nag mo sdig pa can gyi lta ba'i rnam pa mi gtong ba la gsol ba dang bzhi'i las kyis bsgo ba mdzad do//'di ni gsol ba'o/ /las ni 'di ltar bya ste/ dge 'dun 'phags ma rnams bdag la gsan du gsol/ dge slong ma nag mo 'di 'thab krol bgyid cing 'di skad ces/ sangs rgyas gtong ngo / /chos dang dge 'dun gtong ngo / /shAkya'i bu'i dge sbyong 'ba' zhig tshul khrims dang ldan pa/yon tan dang ldan pa/ des pa/ dge ba'i chos can ma yin gyi/ dge sbyong dang / bram ze tshul khrims dang ldan pa/ yon tan dang ldan pa/ des pa/ dge ba'i chos can gzhan dag kyang yod kyi de dag la tshangs par spyad pa spyod do zhes mchi nas/dge slong ma nag mo 'di la dge slong ma mang pos bzhams te bsgo na/ 'di la dge slong ma mang pos bzhams te bsgo yang gzhi de nyid la nan gyis mchog tu 'dzin cing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid de/ de'i slad du dge 'dun 'phags ma rnams kyis dge slong ma nag mo sdig pa can gyi lta ba'i rnam pa mi gtong ba la/nag mo khyod 'thab krol byed cing 'di skad ces/ sangs rgyas gtong ngo / /chos dang dge 'dun gtong ngo / /shAkya'i bu'i dge sbyong 'ba' zhig tshul khrims dang ldan pa/ yon tan dang ldan pa/des pa/ dge ba'i chos can ma yin gyi/ dge sbyong dang bram ze tshul khrims dang ldan pa/ yon tan dang ldan pa/ des pa/ dge ba'i chos can gzhan dag kyang yod kyi/ de dag la tshangs par spyad pa spyod do zhes ma zer cig /nag mo khyod sdig pa can gyi lta ba'i rnam pa 'di thong shig ces gsol ba dang bzhi'i las kyis bsgo ba mdzad na/'phags ma gang dag dge slong ma nag mo sdig pa can gyi lta ba'i rnam pa 'di lta bu mi gtong ba la gsol ba dang bzhi'i las kyis bsgo ba mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun 'phags ma rnams kyis bzod cing gnang nas dge 'dun 'phags ma rnams kyis dge slong ma nag mo sdig pa can gyi lta ba'i rnam pa 'di lta bu mi gtong ba la gsol ba dang bzhi'i las kyis bsgo ba mdzad lags te/'di ltar cang mi gsung bas de de bzhin du 'dzin to/ /de ni dkon mchog gtong ba las bzlog pa'i phyir bsgo ba'i cho ga dang las so/ /'thab krol byed pa'i dge 'dun lhag ma'i skabs nas dge slong ma 'thab krol byed pa la bzlog pa'i phyir bsgo bar bya'o zhes gsungs pa ni 'di ltar bya ste/dge slong ma gang 'thab krol byed cing gnas na dge slong ma de la dge slong ma rnams kyis dang por bzhams te bsgo bar bya'o/ /'di skad ces bsgo bar bya ste/ sbom dga' mo khyod dge slong ma rnams kyis 'thab krol ma byed cig /mtshang ma 'bru shig /ma rtsod cig /ma 'gyed cig ces de skad bsgo ste/ de ltar bzlog na 'di skad ces/ 'di na dge slong ma kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar dge slong ma 'thab krol byed pa kha cig ni skrod par byed/kha cig ni skrod par mi byed do zhes ma zer cig /sbom dga' mo khyod 'dun pas 'gro ba zhes bya ba'i tshig gis lam dang / zhe sdang gis 'gro ba/ gti mug gis 'gro ba/ 'jigs pas 'gro ba zhes bya ba'i tshig gi lam 'di lta bu 'di thong shig / de ni dus dang por bya ba'o/ /dge slong ma rnams kyis de la bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed na de la gsol ba dang bzhi'i las kyis bsgo bar bya'o/ /'di ltar bsgo bar bya ste/ gnas mal bsham pa byas nas gaN+DI brdungs te dris pa'i tshig gis dge slong ma rnams la yang dag par bsgo nas/ dge slong ma'i dge 'dun thams cad 'dug cing mthun par gyur pa la dge slong ma gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o//dge 'dun 'phags ma rnams bdag la gsan du gsol/ dge slong ma sbom dga' mo 'di dge slong ma rnams dang 'thab krol bgyid par gyur/ mtshang 'bru bar gyur/ rtsod par gyur/ 'gyed par gyur cing gnas te/ gal te dge slong ma rnams kyis 'phags ma 'thab krol ma byed cig /mtshang ma 'bru shig /ma rtsod cig /ma 'gyed cig ces de skad bsgo ste/ de ltar bzlog na 'di skad ces 'di na dge slong ma kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar dge slong ma 'thab krol byed pa kha cig ni skrod par byed/kha cig ni skrod par mi byed ces mchi nas/ dge slong ma sbom dga' mo 'di la dge slong ma mang pos bzhams te bsgo na/ 'di la dge slong ma mang pos bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid na/gal te dge 'dun 'phags ma rnams kyi dus la bab cing bzod na dge 'dun 'phags ma rnams kyis gnang bar mdzod cig dang / dge 'dun 'phags ma rnams kyis dge slong ma sbom dga' mo 'dun pas 'gro ba zhes bgyi ba'i tshig gi lam dang / zhe sdang gis 'gro ba dang gti mug gis 'gro ba dang /'jigs pas 'gro ba'i tshig gi lam ma btang ba la gsol ba dang bzhi'i las kyis bsgo ba mdzad do/ /'di ni gsol ba'o/ /las ni 'di ltar bya ste/ dge 'dun 'phags ma rnams bdag la gsan du gsol/ dge slong ma sbom dga' mo 'di dge slong ma rnams dang 'thab krol bgyid par gyur/mtshang 'bru bar gyur/ rtsod par gyur/ 'gyed par gyur te gnas pa 'di la dge slong ma rnams kyis 'phags ma khyod 'thab krol ma byed cig /mtshang ma 'bru shig /ma rtsod cig /ma 'gyed cig ces de skad bsgo ste/ de ltar bzlog na 'di skad ces 'di na dge slong ma kha cig 'dun pas 'gro ba/zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar dge slong ma 'thab krol byed pa kha cig ni skrod par byed/ kha cig ni skrod par mi byed do zhes mchi nas dge slong ma sbom dga' mo 'di la dge slong ma mang pos bzhams te bsgo na/'di la dge slong ma mang pos bzhams te bsgo yang gzhi de nyid la nan gyis mchog tu 'dzin cing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid de/ de'i slad du dge 'dun 'phags ma rnams kyis dge slong ma sbom dga' mo 'dun pas 'gro ba zhes bgyi ba'i tshig gi lam ma btang ba/zhe sdang dang / gti mug dang / 'jigs pas 'gro ba zhes bgyi ba'i tshig gi lam ma btang ba la/ sbom dga' mo khyod dge slong ma rnams kyi 'thab krol ma byed cig /mtshang ma 'bru shig /ma rtsod cig / ma bgyed cig ces de skad bsgo ste/ de ltar bzlog nas 'di skad ces 'di na dge slong ma kha cig 'dun pas 'gro ba/ zhe sdang dang / gti mug dang / 'jigs pas 'gro ba dag yin te/ 'di ltar dge slong ma 'thab krol byed pa kha cig ni skrod par byed/ kha cig ni skrod par mi byed do zhes ma zer cig/sbom dga' mo khyod 'dun pas 'gro ba zhes bya ba'i tshig gi lam dang / zhe sdang dang / gti mug dang / 'jigs pas 'gro ba zhes bya ba'i tshig gi lam 'di lta bu 'di thong shig ces gsol ba dang bzhi'i las kyis bsgo ba mdzad na/ 'phags ma gang dag dge slong ma sbom dga' mo 'dun pas 'gro ba zhes bgyi ba'i tshig gi lam ma gtang[### ba/zhe sdang dang / gti mug dang / 'jigs pas 'gro ba zhes bgyi ba'i tshig gi lam ma btang ba la gsol ba dang bzhi'i las kyis bsgo ba mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun 'phags ma rnams kyis bzod cing gnang nas dge 'dun 'phags ma rnams kyis dge slong ma sbom dga' mo 'dun pas 'gro ba zhes bgyi ba'i tshig gi lam ma btang ba/ zhe sdang dang / gti mug dang / 'jigs pas 'gro ba zhes bgyi ba'i tshig gi lam ma btang ba la gsol ba dang bzhi'i las kyis bsgo ba mdzad lags te 'di ltar cang mi gsung bas de de bzhin du 'dzin to/ /de ni 'thab krol byed pa las bzlog pa'i phyir bsgo ba'i cho ga dang las so// // bam po lnga pa/ bud med dang bsten pa'i dge 'dun lhag ma'i skabs nas dge slong ma bud med dang sde zhing gnas pa la bzlog pa'i phyir bsgo bar bya'o zhes gsungs pa ni 'di ltar bya ste/ dge slong ma gang bud med dang gzhogs stegs dang 'phyar g.yeng dang tsab hral gyi rgyur gyur pa dag gis sde zhing gnas par byed na/dge slong ma de la dge slong ma rnams kyis thog mar bzhams te bsgo bar bya'o/ /'di skad ces bsgo bar bya ste/ dge slong ma 'chi ltas dang mi 'chi ltas khyed gnyis sde zhing ma gnas shig /sde zhing gnas nas gzhogs stegs dang 'phyar g.yeng dang tsab hral ma byed cig /dge slong ma khyed gnyis tha dad du gnas par gyis shig /khyed gnyis tha dad du gnas na dge ba'i chos rnams 'phel ba nyid du shes par bya'i 'bri bar ni ma yin no/ /de ni dus dang por ba bya'o/ /dge slong ma rnams kyis de la gzhams te bsgo yang gzhi de nyid la nan gyis mchog tu gzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed na de la gsol ba dang bzhi'i las kyis bsgo bar bya'o//'di ltar bsgo bar bya ste/ gnas mal bsham pa byas nas gaN+DI brdungs te dris pa'i tshig gis dge slong ma rnams la yang dag par bsgo nas/dge slong ma'i dge 'dun thams cad 'dug cing mthun par gyur pa la dge slong ma gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o/ /dge 'dun 'phags ma rnams bdag la gsan du gsol/ dge slong ma 'chi ltas dang mi 'chi ltas 'di gnyis sde zhing gnas pa ste/'di gnyis sde zhing gnas pas gzhogs stegs dang 'phyar g.yeng dang tsab hral bgyid de/ dge slong ma 'chi ltas dang mi 'chi ltas 'di gnyis la dge slong ma mang pos bzhams te bsgo na/ 'di gnyis la dge slong ma mang pos bzhams te bsgo yang /de bzhin du sde zhing gnas la 'di gnyis de bzhin du sde zhing gnas pas gzhogs stegs dang 'phyar g.yeng dang tsab hral bgyid na/ gal te dge 'dun 'phags ma rnams kyi dus la bab cing bzod na dge 'dun 'phags ma rnams kyis gnang bar mdzod cig dang / dge 'dun 'phags ma rnams kyis dge slong ma 'chi ltas dang mi 'chi ltas gnyis la gsol ba dang bzhi'i las kyis bsgo ba mdzad do//'di ni gsol ba'o/ /las ni 'di ltar bya ste/ dge 'dun 'phags ma rnams bdag la gsan du gsol/ dge slong ma 'chi ltas dang mi 'chi ltas 'di gnyis sde zhing gnas nas gzhogs stegs dang 'phyar g.yeng dang tsab hral bgyid de/dge slong ma 'chi ltas dang mi 'chi ltas 'di gnyis la dge slong ma mang pos bzhams te bsgo na/ 'di gnyis la dge slong ma mang pos bzhams te bsgo yang / de bzhin du sde zhing gnas te/ 'di gnyis de bzhin du sde zhing gnas nas gzhogs stegs dang 'phyar g.yeng dang tsab hral bgyid de/de'i slad du dge 'dun 'phags ma rnams kyis dge slong ma 'chi ltas dang mi 'chi ltas la dge slong ma khyed gnyis tha dad du gnas par gyis shig /khyed gnyis tha dad du gnas na dge ba'i chos rnams 'phel ba nyid du shes par bya'i 'bri bar ni ma yin no zhes gsol ba dang bzhi'i las kyis bsgo ba mdzad na/'phags ma rnams gang dag dge slong ma 'chi ltas dang mi 'chi ltas 'di sde zhing gnas pa la gsol ba dang bzhi'i las kyis bsgo ba mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun 'phags ma rnams kyis bzod cing gnang nas dge 'dun 'phags ma rnams kyis dge slong ma 'chi ltas dang mi 'chi ltas 'di gnyis la gsol ba dang bzhi'i las kyis bsgo ba mdzad lags te/'di ltar cang mi gsung pas de de bzhin du 'dzin to/ /de ni dge slong ma bud med dang sde zhing gnas pa las bzlog pa'i phyir bsgo ba'i cho ga dang las so/ /bud med dang sten du 'jug pa'i dge 'dun lhag ma'i skabs nas/ dge slong ma bud med dang sde zhing gnas su 'jug pa las bzlog pa'i phyir bsgo bar bya'o zhes gsungs pa ni 'di ltar bya ste/dge slong ma gang dge slong ma bud med dang gzhogs stegs dang 'phyar g.yeng dang tsab hral gyi rgyur gyur pa dag gis sde zhing gnas pa de btang ste tha dad du gnas par shes bzhin du de gnyis kyi gan du song ste sde zhing gnas su 'jug par byed na/dge slong ma de la dge slong ma rnams kyis dang por bzhams te bsgo bar bya'o/ /'di skad ces bsgo bar bya ste/ sbom dga' mo khyod dge slong ma gang dag sde zhing gnas nas gzhogs stegs dang 'phyar g.yeng dang tsab hral byed pa las de gnyis tha dad du gnas par shes bzhin du 'di skad ces phu nu mo khyod gnyis tha dad du gnas par ma byed cig /khyed gnyis tha dad du gnas na dge ba'i chos rnams 'bri ba nyid du shes par bya'i 'phel bar ni ma yin no/ /khyed gnyis sde zhing gnas par gyis shig /khyed gnyis sde zhing gnas pa na dge ba'i chos rnams 'phel ba nyid du shes par bya'i 'bri bar ni ma yin no zhes ma zer cig /sbom dga' mo khyod sdig pa can gyi lta ba'i rnam pa 'di lta bu 'di thong shig /de ni dus dang por bya ba'o/ /dge slong ma rnams kyis de la bzhams te bsgo na/ 'di la dge slong ma rnams kyis bzhams te bsgo yang / gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed na de la gsol ba dang bzhi'i las kyis bsgo bar bya'o/ /'di ltar bsgo bar bya ste/ gnas mal bsham pa byas nas gaN+DI brdungs te dris pa'i tshig gis dge slong ma rnams la yang dag par bsgo nas/dge slong ma'i dge 'dun thams cad 'dug cing mthun par gyur pa la dge slong ma gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o/ /dge 'dun 'phags ma rnams bdag la gsan du gsol/ dge slong ma sbom dga' mo 'di dge slong ma gang dag sde zhing gnas nas gzhogs stegs dang / 'phyar g.yeng dang tsab hral bgyid pa las de gnyis tha dad du gnas par 'tshal bzhin du phu nu mo khyed gnyis tha dad du gnas par ma byed cig /khyed gnyis tha dad du gnas na dge ba'i chos rnams 'bri ba nyid du shes par bya'i 'phel bar ni ma yin no//khyed gnyis sde zhing gnas par gyis shig /khyed gnyis sde zhing gnas na dge ba'i chos rnams 'phel ba nyid du shes par bya'i 'bri bar ni ma yin no zhes mchi nas/ dge slong ma sbom dga' mo 'di la dge slong ma mang pos bzhams te bsgo na/'di la dge slong ma mang pos bzhams te bsgo yang gzhi de nyid la nan gyis mchog tu 'dzin cing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid na/ gal te dge 'dun 'phags ma rnams kyi dus la bab cing bzod na dge 'dun 'phags ma rnams kyis gnang bar mdzod cig dang /dge 'dun 'phags ma rnams kyis dge slong ma sbom dga' mo sdig pa can gyi lta ba'i rnam pa mi gtong ba la gsol ba dang bzhi'i las kyis bsgo ba mdzad do/ /'di ni gsol ba'o/ /las ni 'di ltar bya ste/ dge 'dun 'phags ma rnams bdag la gsan du gsol/dge slong ma sbom dga' mo 'di dge slong ma gang dag sde zhing gnas nas gzhogs stegs dang 'phyar g.yeng dang tsal hral bgyid pa las de gnyis tha dad du gnas par 'tshal bzhin du phu nu mo khyod gnyis tha dad du gnas par ma byed cig /khyod gnyis tha dad du gnas par byed na dge ba'i chos rnams 'bri ba nyid du shes par bya'i 'phel bar ni ma yin no//khyed gnyis sde zhing gnas par gyis shig /khyed gnyis sde zhing gnas na dge ba'i chos rnams 'phel ba nyid du shes par bya'i 'bri bar ni ma yin no zhes de skad ces mchi nas dge slong ma sbom dga' mo 'di la dge slong ma mang pos bzhams te bsgo na/'di la dge slong ma mang pos bzhams te bsgo yang sdig pa can gyi lta ba'i rnam pa de nyid la nan gyis mchog tu 'dzin cing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid de/ de'i slad du dge 'dun 'phags ma rnams kyis dge slong ma sbom dga' mo sdig pa can gyi lta ba'i rnam pa 'di ma btang ba la sbom dga' mo khyod dge slong ma gang dag sde zhing gnas nas gzhogs stegs dang 'phyar g.yeng dang tsab hral byed pa las de gnyis tha dad du gnas par shes bzhin du phu nu mo khyod gnyis tha dad du gnas par ma byed cig /khyed gnyis tha dad du gnas na dge ba'i chos rnams 'bri ba nyid du shes par bya'i 'phel bar ni ma yin no/ /khyed gnyis sde zhing gnas par gyis shig /khyed gnyis sde zhing gnas na dge ba'i chos rnams 'phel ba nyid du shes par bya'i 'bri bar ni ma yin no zhes de skad ma zer cig /sbom dga' mo khyod sdig pa can gyi lta ba'i rnam pa 'di lta bu 'di thong shig ces gsol pa dang bzhi'i las kyis bsgo ba mdzad na/ 'phags ma gang dag dge slong ma sbom dga' mo la gsol ba dang bzhi'i las kyis bsgo ba mdzad par bzod pa de dag ni cang ma gsung shing / gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum bzlas/ dge 'dun 'phags ma rnams kyis bzod cing gnang nas/ dge 'dun 'phags ma rnams kyis dge slong ma sbom dga' mo gsol ba dang bzhi'i las kyis bsgo ba mdzad lags te/'di ltar cang mi gsung bas de de bzhin du 'dzin to/ /de ni dge slong ma bud med dang sde zhing gnas su 'jug pa la bzlog pa'i phyir bsgo ba'i cho ga dang las so/ /dge 'dun gyi dbyen byed pa'i dge 'dun lhag ma'i skabs nas dge 'dun gyi dbyen byed pa las bzlog pa'i phyir bsgo bar bya'o zhes gsungs pa ni 'di ltar bya ste/dge slong ma gang dge slong ma'i dge 'dun mthun pa dbye ba'i phyir rtul bar byed cing dbyen byed par 'gyur ba rtsod pa yang dag par blangs nas rab tu bzung ste 'dug na dge slong ma de la dge slong ma rnams kyis dang por bzhams te bsgo bar bya'o/ /'di skad ces bsgo bar bya ste/'phags ma sbom dga' mo khyod dge 'dun mthun pa dbye ba'i phyir rtul bar ma byed cig /dbyen byed par 'gyur ba'i rtsod pa yang dag par blangs nas rab tu bzung ste ma 'dug cig /'phags ma sbom dga' mo khyod dge 'dun mthun par gyis shig /dge 'dun mthun mi phyed/ kun tu dga' mi rtsod/ mchog gcig /'don pa gcig cing chu dang 'o ma gcig tu 'dres pa lta bur gyur la ston pa'i bstan pa gsal bar byed na bde ba la reg par gnas par 'gyur gyis/ 'phags ma sbom dga' mo khyod dge 'dun 'byed par byed pa'i gzhi 'di lta bu 'di thong shig /de ni dus dang por bya'o/ /dge slong ma rnams kyis de la bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed na de la gsol ba dang bzhi'i las kyis bsgo bar bya'o//'di ltar bsgo bar bya ste/ gnas mal bsham pa byas nas gaN+DI brdungs te dris pa'i tshig gis dge slong ma rnams la yang dag par bsgo nas dge slong ma'i dge 'dun thams cad mthun par gyur pa la dge slong ma gcig gis gsol ba byas te las bya'o/ /'di ltar bya ste/'dug la 'di skad ces brjod par bya'o/ /dge 'dun 'phags ma rnams bdag la gsan du gsol/ dge slong ma sbom dga' mo 'dis dge 'dun mthun pa dbye ba'i slad du rtul te dbyen bgyid par 'gyur ba'i rtsod pa yang dag pa blangs nas rab tu bzung ste mchis nas 'di la dge slong ma mang pos bzhams te bsgo na/'di la dge slong ma mang pos bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid na/ gal te dge 'dun 'phags ma rnams kyi dus la bab cing bzod na dge 'dun 'phags ma rnams kyis gnang bar mdzod cig dang /dge 'dun 'phags ma rnams kyis dge slong ma sbom dga' mo khyod dge 'dun mthun pa dbye ba'i phyir rtul bar ma byed cig /dbyen byed par 'gyur ba'i rtsod pa yang dag par blangs nas rab tu bzung ste ma 'dug cig / 'phags ma sbom dga' mo khyod dge 'dun dang mthun par gyis shig /dge 'dun mthun mi phyed/ kun tu dga' mi rtsod/ mchog gcig /'don pa gcig cing chu dang 'o ma gcig tu 'dres pa lta bu gyur la ston pa'i bstan pa gsal bar byed na bde ba la reg par gnas par 'gyur gyis 'phags ma sbom dga' mo khyod dge 'dun 'byed par byed pa'i gzhi 'di lta bu 'di thong shig ces gsol pa dang bzhi'i las kyis bsgo ba mdzad do//'di ni gsol ba'o/ /las ni 'di ltar bya ste/ dge 'dun 'phags ma rnams bdag la gsan du gsol/ dge slong ma sbom dga' mo 'dis dge 'dun mthun pa dbye ba'i slad du rtul te/dbyen bgyid par 'gyur ba'i rtsod pa yang dag par blangs nas rab tu bzung ste mchis nas/ 'di la dge slong ma mang pos bzhams te bsgo na/ 'di la dge slong ma mang pos bzhams te bsgo yang / gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid do//de'i slad du dge 'dun 'phags ma rnams kyis sbom dga' mo la 'phags ma sbom dga' mo khyod dge 'dun mthun pa dbye ba'i phyir rtul bar ma byed cig /dbyen byed par 'gyur pa'i rtsod pa yang dag par blangs nas rab tu bzung ste ma 'dug cig /'phags ma sbom dga' mo khyod dge 'dun dang mthun par gyis shig /dge 'dun mthun mi phyed/ kun tu dga' mi rtsod/ mchog gcig /'don pa gcig cing chu dang 'o ma gcig tu 'dres pa lta bur gyur la ston pa'i bstan pa yang gsal bar byed na bde ba la reg par gnas par 'gyur gyi/'phags ma sbom dga' mo khyod dge 'dun 'byed par byed pa'i gzhi 'di lta bu 'di thong shig ces gsol ba dang bzhi'i las kyis bsgo ba mdzad na/ 'phags ma sbom dga' mo la gsol ba dang bzhi'i las kyis bsgo ba mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun 'phags ma rnams kyis bzod cing gnang nas dge 'dun 'phags ma rnams kyis dge slong ma sbom dga' mo la gsol ba dang bzhi'i las kyis bsgo ba mdzad lags te/'di ltar cang mi gsung bas de de bzhin du 'dzin to/ /de ni dge 'dun gyis dbyen byed pa las bzlog pa'i phyir bsgo ba'i cho ga dang las so/ /rjes su phyogs pa'i dge 'dun lhag ma'i skabs nas dge 'dun gyi dbyen byed pa'i rjes su phyogs pa la bzlog pa'i phyir bsgo bar bya'o zhes gsungs pa ni 'di ltar bya ste/dge slong ma de'i grogs byed pa'i dge slong ma mi mthun pa smra ba nyid kyi rjes su phyogs pa gcig gam gnyis sam mang po dag yod cing / gal te de dag dge slong ma rnams la 'di skad ces 'phags ma dag khyed cag dge yang rung sdig kyang rung dge slong ma 'di la ci yang ma smra shig /de ci'i phyir zhe na/ 'phags ma dag dge slong ma 'di ni chos smra ba/ 'dul ba smra ba/ dge slong ma 'di chos dang 'dul ba yang dag par blangs nas rab tu bzung ste rjes su tha snyad 'dogs par byed pa/ dge slong ma 'di ni shes bzhin du smra'i mi shes par ni ma yin pa'i phyir te/dge slong ma 'di gang la 'dod cing bzod pa de la bdag cag kyang 'dod cing bzod do zhes zer na dge slong ma de dag la dge slong ma rnams kyis dang por bzhams te bsgo bar bya'o/ /'di skad ces bsgo bar bya ste/ 'phags ma dga' mo nye dga' mo gtsug dga' mo khyod shes bzhin du dge slong ma gang dge 'dun mthun pa dbye ba'i phyir rtul bar byed cing dbyen byed par 'gyur ba'i rtsod pa yang dag par blangs nas rab tu bzung ste 'dug pa de'i grogs byed cing mi mthun par smra'i rjes su phyogs par ma byed cig /[(]dag [,]dge [)]slong ma rnams la 'di skad phu nu mo dag khyed cag 'di la dge yang rung sdig kyang rung dge slong ma 'di la ci yang ma smra shig /de ci'i phyir zhe na/ phu nu mo dag khyed dge slong ma 'di ni chos smra ba/ 'dul ba smra ba/ dge slong ma 'di ni chos dang 'dul ba yang dag par blangs nas rab tu bzung ste rjes su tha snyad 'dogs par byed pa/dge slong ma 'di ni shes bzhin du smra'i mi shes par ni ma yin no/ /dge slong ma 'di gang la 'dod cing bzod pa de dag la bdag cag kyang 'dod cing bzod do zhes ma zer cig /de'i ci'i phyir zhe na/ phu nu mo dag dge slong ma 'di ni chos smra ba ma yin/ 'dul ba smra ba ma yin gyi/phu nu mo dag dge slong ma 'di ni chos ma yin pa smra ba/ 'dul ba ma yin pa smra ba/ dge slong ma 'di ni chos ma yin pa dang 'dul ba ma yin pa yang dag par blangs nas rab tu bzung ste rjes su tha snyad 'dogs par byed pa/ dge slong ma 'di ni shes bzhin du smra'i mi shes par ni ma yin pa'i phyir te/dge slong ma 'di gang la 'dod cing bzod pa de la phu nu mo dag 'dod cing bzod par ma byed cig /phu nu mo dag khyed dge 'dun 'byed 'dod par ma byed par phu nu mo dag dge 'dun mthun pa nyid du 'dod par gyis shig /phu nu mo dag dge 'dun dang mthun par gyis shig /dge 'dun mthun mi phyed/kun tu dga' mi rtsod/ mchog gcig 'don pa gcig cing chu dang 'o ma gcig tu 'dres pa lta bur gyur la ston pa'i bstan pa yang gsal bar byed na bde ba la reg par gnas par 'gyur gyi/ 'phags ma dag dge 'dun 'byed pa'i rjes su phyogs shing mi mthun par smra ba 'di lta bu 'di thong shig /de ni dus dang por bya ba'o/ /dge slong ma rnams kyis de dag la bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed na de dag la gsol ba dang bzhi'i las kyis bsgo bar bya'o/ / 'di ltar bsgo bar bya ste/ gnas mal bsham pa byas nas gaN+DI brdungs te dris pa'i tshig gis dge slong ma rnams yang dag par bsgo nas dge slong ma'i dge 'dun thams cad 'dug cing mthun par gyur pa la dge slong ma gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o//dge 'dun 'phags ma rnams bdag la gsan du gsol/ dga' mo dang nye dga' mo dang gtsug dga' mo de dag 'tshal bzhin du dge slong ma gang dge 'dun mthun pa dbye ba'i slad du rtul bar bgyid cing dbyen bgyid par 'gyur ba'i rtsod pa yang dag par blangs nas rab tu bzung ste mchis pa de'i grogs bgyid cing mi mthun par smra nas 'di dag la dge slong ma mang pos bzhams te bsgo na/'di dag la dge slong ma mang pos bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid na/gal te dge 'dun 'phags ma rnams kyi dus la bab cing bzod na dge 'dun 'phags ma rnams kyis gnang bar mdzod cig dang / dge 'dun 'phags ma rnams kyis dge slong ma dga' mo dang nye dga' mo dang gtsug dga' mo rnams la 'phags ma dag khyed shes bzhin du dge slong ma gang dge 'dun mthun pa dbye ba'i phyir rtul bar byed cing dbyen byed par 'gyur ba'i rtsod pa yang dag par blangs nas rab tu bzung ste 'dug pa de'i grogs su byed cing mi mthun par smra ba'i rjes su phyogs par ma byed cig /dge slong ma rnams la 'di skad ces 'phags ma dag khyed cag dge yang rung sdig kyang rung dge slong ma 'di la ci yang ma smra shig /de ci'i phyir zhe na/ 'phags ma dag dge slong ma 'di ni chos smra ba/ 'dul ba smra ba/ dge slong ma 'di ni chos dang 'dul ba yang dag par blangs nas rab tu bzung ste rjes su tha snyad 'dogs par byed pa/ dge slong ma 'di ni shes bzhin du smra'i mi shes par ni ma yin pa'i phyir te/dge slong ma 'di gang la 'dod cing bzod pa de la bdag cag kyang 'dod cing bzod do zhes ma zer cig /de ci'i phyir zhe na/ 'phags ma dag dge slong ma 'di ni chos smra ba ma yin/ 'dul ba smra ba ma yin gyi/ 'phags ma dag dge slong ma 'di ni chos ma yin pa smra ba/'dul ba ma yin pa smra ba/ dge slong ma 'di ni chos ma yin pa dang 'dul ba ma yin pa dag yang dag par blangs nas rab tu bzung ste rjes su tha snyad 'dogs par byed pa/ dge slong ma 'di ni mi shes bzhin du smra'i shes par ni ma yin pa'i phyir te/ dge slong ma 'di gang la 'dod cing bzod pa de dag la 'phags ma dag 'dod cing bzod par ma byed cig /'phags ma dag dge 'dun 'byed 'dod par ma byed par/ 'phags ma dag dge 'dun mthun pa nyid du 'dod par gyis shig /'phags ma dag dge 'dun dang mthun par gyis shig /dge 'dun mthun mi phyed/kun tu dga' mi rtsod/ mchog gcig 'don pa gcig cing chu dang 'o ma gcig tu 'dres pa lta bur gyur la ston pa'i bstan pa yang gsal bar byed na bde ba la reg par gnas par 'gyur gyi/ 'phags ma dag dge 'dun 'byed pa'i rjes su phyogs shing mi mthun par smra ba 'di lta bu 'di thong shig ces gsol ba dang bzhi'i las kyis bsgo ba mdzad do//'di ni gsol ba'o/ /las ni 'di ltar bya ste/ dge 'dun 'phags ma rnams bdag la gsan du gsol/ dga' mo dang nye dga' mo dang gtsug dga' mo 'di dag 'tshal bzhin du dge slong ma gang dge 'dun mthun pa dbye ba'i slad du rtul bar bgyid cing dbyen bgyid pa'i rtsod pa yang dag par blangs nas rab tu bzung ste mchis pa de'i grogs bgyid cing mi mthun par smra nas 'di dag la dge slong ma rnams kyis bzhams te bsgo na/'di dag la dge slong ma mang pos bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid de/de'i slad du dge 'dun gyis dga' mo dang nye dga' mo dang gtsug dga' mo rnams la 'phags ma dag khyed shes bzhin du dge slong ma gang dge 'dun mthun pa dbye ba'i phyir rtul bar byed cing /dbyen byed par 'gyur ba'i rtsod pa yang dag par blangs nas rab tu bzung ste 'dug pa de'i grogs byed cing mi mthun par smra ba'i rjes su phyogs par ma byed cig /dge slong ma rnams la 'di skad ces 'phags ma dag khyed cag dge yang rung sdig kyang rung dge slong ma 'di la ci yang ma smra shig /de ci'i phyir zhe na/ 'phags ma dag dge slong ma 'di ni chos smra ba/ /'dul ba smra ba/ dge slong ma 'di ni chos dang 'dul ba yang dag par blangs nas rab tu bzung ste rjes su tha snyad 'dogs par byed pa/ dge slong ma 'di shes bzhin du smra'i mi shes par ni ma yin pa'i phyir te/dge slong ma 'di gang la 'dod cing bzod pa de la bdag kyang 'dod cing bzod ces ma zer cig /de ci'i phyir zhe na/ 'phags ma dag dge slong ma 'di ni chos smra ba ma yin/ 'dul ba smra ba ma yin gyi/ 'phags ma dag dge slong ma 'di ni chos ma yin pa smra ba/'dul ba ma yin pa smra ba/ dge slong ma 'di ni chos ma yin pa dang 'dul ba ma yin pa yang dag par blangs nas rab tu bzung ste rjes su tha snyad 'dogs par byed pa/ dge slong ma 'di ni mi shes bzhin du smra'i shes par ni ma yin pa'i phyir te/ dge slong ma 'di gang la 'dod cing bzod pa de la 'phags ma dag 'dod cing bzod par ma byed cig /'phags ma dag khyed dge 'dun 'byed 'dod par ma byed par 'phags ma dag dge 'dun mthun pa nyid du 'dod par gyis shig /'phags ma dag dge 'dun mthun par gyis shig /dge 'dun mthun mi phyed/ kun tu dga' mi rtsod/ mchog gcig 'don pa gcig cing chu dang 'o ma gcig tu 'dres ba lta bur gyur la ston pa'i bstan pa gsal bar byed na bde ba la reg par gnas par 'gyur gyi/ 'phags ma dag dge 'dun 'byed pa'i rjes su phyogs shing mi mthun pa smra ba 'di lta bu 'di thong shig ces gsol ba dang bzhi'i las kyis bsgo ba mdzad na/'phags ma gang dag dga' mo dang nye dga' mo dang gtsug dga' mo rnams la gsol ba dang bzhi'i las kyis bsgo ba mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun 'phags ma rnams kyis bzod cing gnas nas dge slong ma'i dge 'dun gyis dga' mo dang nye dga' mo dang gtsug dga' mo rnams la gsol ba dang bzhi'i las kyis bsgo ba mdzad lags te/'di ltar cang mi gsung bas de de bzhin du 'dzin to/ /de ni dge 'dun gyi dbyen byed pa la rjes su phyogs pa la bzlog pa'i phyir bsgo ba'i cho ga dang las so/ /khyim sun 'byin pa'i dge 'dun lhag ma'i skabs nas/ khyim sun 'byin pa las bzlog pa'i phyir bsgo bar bya'o zhes gsungs pas ni 'di ltar bya ste/dge slong ma rab tu mang po dag grang ngam grong rdal zhig na nye bar brten cing gnas par gyur la de dag kyang khyim sun 'byin pa'i sdig pa'i chos kun tu spyod par gyur cing / de dag gi khyim dag sun phyung bar mthong ngam/ thos la/ rab tu shes sam/ de dag sdig pa kun tu spyod par mthong ngam/thos sam/ rab tu shes na dge slong ma de dag la dge slong ma rnams kyis 'di skad ces phu nu mo dag khyim sun 'byin pa sdig pa'i chos kun tu spyod pa dag yin te/ khyed kyis khyim dag sun phyung bar mthong zhing thos la rab tu shes/ khyed sdig pa kun tu spyod par yang mthong zhing thos la rab tu shes kyi/phu nu mo dag khyed 'di na gnas pas chog gi gnas 'di nas der shig ces bsgo bar bya'o/ /gal te de dag dge slong ma rnams la 'di skad ces 'phags ma dag 'di na dge slong ma kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/'di ltar ltung ba 'dra ba kho na las dge slong ma kha cig ni skrod par byed/ kha cig ni skrod par mi byed do zhes zer na/ dge slong ma de dag la dge slong ma rnams kyis dang por bzhams te bsgo bar bya'o/ /'di skad ces bsgo bar bya ste/ phu nu mo dga' mo nye dga' mo gtsug dga' mo sbom dga' mo khyed dge slong ma gnas brtan gnas brtan gang dag gis khyed bskrad pa'i las byas par shes bzhin du de dag la 'dun pas 'gro ba zhes ma zer cig /zhe sdang gis 'gro ba/ gti mug gis 'gro ba/ 'jigs pas 'gro ba zhes ma zer cig /dge slong ma rnams la yang 'di skad ces 'phags ma dag 'di na dge slong ma kha cig 'dun pas 'gro ba/zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong ma kha cig skrod par byed/ kha cig ni skrod par mi byed do zhes ma zer cig / de ci'i phyir zhe na/ dge slong ma de dag ni 'dun pas 'gro ba ma yin/ zhe sdang gis 'gro ba ma yin/ gti mug gis 'gro ba ma yin/ 'jigs pas 'gro ba ma yin gyi/ 'di ltar 'phags ma dag nyid khyim sun 'byin pa sdig pa'i chos kun spyod pa dag yin te/ khyed nyid kyis khyim dag sun phyung bar yang mthong zhing thos la rab tu shes khyed sdig pa kun tu spyod par yang mthong zhing thos la rab tu shes pa'i phyir te/phu nu mo dag 'dun pas 'gro ba zhes bya ba'i tshig gis lam dang / zhe sdang gis 'gro ba/ gti mug gis 'gro ba/ 'jigs pas 'gro ba zhes bya ba'i tshig gis lam 'di lta bu 'di thong shig /de ni dus dang por bya ba'o/ /dge slong ma rnams kyis de dag la bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed na de dag la gsol ba dang bzhi'i las kyis bsgo bar bya'o//'di ltar bsgo bar bya ste/ gnas mal bsham pa byas nas gaN+DI brdungs te dris pa'i tshig gis dge slong ma rnams la yang dag par bsgo nas/ dge slong ma'i dge 'dun thams cad 'dug cing mthun par gyur pa la dge slong ma gcig gis gsol ba byas te las bya'o/ /'di ltar bya ste/'dug la 'di skad ces brjod par bya'o/ /dge 'dun 'phags ma rnams bdag la gsan du gsol/ dge slong ma dga' mo dang nye dga' mo dang gtsug dga' mo dang sbom dga' mo la sogs pa 'di dag dge slong ma gnas brtan gnas brtan gang dag gis 'di dag bskrad pa'i las bgyis par 'tshal bzhin du de dag la 'dun pas 'gro ba zhes mchi/zhe sdang gis 'gro ba/ gti mug gis 'gro ba/ 'jigs pas 'gro ba zhes mchi zhing / dge slong ma rnams la yang 'di skad ces 'phags ma dag 'di nas dge slong ma kha cig 'dun pas 'gro ba/zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong ma kha cig ni skrod par byed/ kha cig ni skrod par mi byed do zhes mchi nas/ 'di dag la dge slong ma mang pos bzhams te bsgo na/ 'di dag la dge slong ma mang pos bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid na/gal te dge 'dun 'phags ma rnams kyi dus la bab cing bzod na/ dge 'dun 'phags ma rnams kyis gnang bar mdzod cig dang /dge 'dun 'phags ma rnams kyis dge slong ma dga' mo dang nye dga' mo dang gtsug dga' mo dang sbom dga' mo la sogs pa dag la/ 'phags ma dga' mo nye dga' mo gtsug dga' mo sbom dga' mo khyod dge slong ma gnas brtan gnas brtan gang dag gis khyed bskrad pa'i las byas pa shes bzhin du/de dag la 'dun pas 'gro ba zhes ma zer cig /zhe sdang gis 'gro ba/ gti mug gis 'gro ba/ 'jigs pas 'gro ba zhes ma zer cig /dge slong ma rnams la yang 'di skad ces 'phags ma dag 'di na dge slong ma kha cig 'dun pas 'gro ba/zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong ma kha cig ni skrod par byed/ kha cig ni skrod par mi byed do zhes ma zer cig /de ci'i phyir zhe na/ dge slong ma de dag ni 'dun pas 'gro ba ma yin/ zhe sdang gis 'gro ba ma yin/ gti mug gis 'gro ba ma yin/ 'jigs pas 'gro ba ma yin gyi/ 'di ltar 'phags ma dag nyid khyim sun 'byin pa sdig pa'i chos kun tu spyod pa dag yin te/ khyed nyid kyis khyim dag sun phyung ba yang mthong zhing thos la rab tu shes/ khyed sdig pa kun tu spyod par yang mthong zhing thos la rab tu shes pa'i phyir te/'phags ma dag 'dun pas 'gro ba zhes bya ba'i tshig gi lam dang / zhe sdang gis 'gro ba/ gti mug gis 'gro ba/ 'jigs pas 'gro ba zhes bya ba'i tshig gis lam 'di lta bu 'di thong shig ces gsol ba dang bzhi'i las kyis bsgo ba mdzad do//'di ni gsol ba'o/ /las ni 'di ltar bya ste/ dge 'dun 'phags ma rnams bdag la gsan du gsol/ dge slong ma dga' mo dang nye dga' mo dang gtsug dga' mo dang sbom dga' mo la sogs pa 'di dag dge slong ma gnas brtan gnas brtan gang dag gis 'di dag bskrad ba'i las bgyis bar 'tshal bzhin du de dag la 'dun pas 'gro ba zhes mchi/zhe sdang gis 'gro ba/ gti mug gis 'gro ba/ 'jigs pas 'gro ba zhes mchi zhing dge slong ma rnams la yang 'di skad ces/ 'phags ma dag 'di na dge slong ma kha cig 'dun pas 'gro ba/ zhe sdang gis 'gro ba/gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong ma kha cig ni skrod par byed/ kha cig ni skrod par mi byed do zhes mchi nas/ 'di dag la dge slong ma mang pos bzhams te bsgo na/ 'di dag la dge slong ma mang pos bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid de/de'i slad du dge 'dun gyis dge slong ma dga' mo dang nye dga' mo dang gtsug dga' mo dang sbom dga' mo la sogs pa la/ phu nu mo khyod dge slong ma gnas brtan gnas brtan gang dag gis khyed bskrad pa'i las byas par shes bzhin du de dag la 'dun pas 'gro ba zhes ma zer cig /zhe sdang gis 'gro ba/ gti mug gis 'gro ba/ 'jigs pas 'gro ba zhes ma zer cig /dge slong ma rnams la yang 'di skad ces 'phags ma dag 'di na dge slong ma kha cig ni 'dun pas 'gro ba/zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong ma kha cig ni skrod par byed/ kha cig ni skrod par mi byed do zhes ma zer cig /de ci'i phyir zhe na/dge slong ma de dag ni 'dun pas 'gro ba ma yin/ zhe sdang gis 'gro ba ma yin/ gti mug gis 'gro ba ma yin/ 'jigs pas 'gro ba ma yin gyi/ 'di ltar 'phags ma dag nyid khyim sun 'byin pa sdig pa'i chos kun tu spyod pa dag yin te/ khyed nyid kyis khyim dag sun phyung bar yang mthong zhing thos la rab tu shes/khyed sdig pa kun tu spyod par yang mthong zhing thos la rab tu shes pa'i phyir te/ 'phags ma dag 'dun pas 'gro ba zhes bya ba'i tshig gi lam dang / zhe sdang gis 'gro ba/ gti mug gis 'gro ba/ 'jigs pas 'gro ba zhes bya ba'i tshig gi lam 'di lta bu 'di thong shig ces gsol ba dang bzhi'i las kyis bsgo ba mdzad na/'phags ma gang dag dge slong ma dga' mo dang nye dga' mo dang gtsug dga' mo dang sbom dga' mo la sogs pa la gsol ba dang bzhi'i las kyis bsgo ba mdzad par bzod pa de dag ni cang ma gsung shig / gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun 'phags ma rnams kyis bzod cing gnang nas dge 'dun gyis dge slong ma dga' mo dang nye dga' mo dang gtsug dga' mo dang sbom dga' mo la sogs pa la gsol ba dang bzhi'i las kyis bsgo ba mdzad lags te/'di ltar cang mi gsungs pas de de bzhin du 'dzin to/ /de ni khyim sun 'byin pa la bzlog pa'i phyir bsgo ba'i cho ga dang las so/ /bka' blo mi bde ba'i dge 'dun lhag ma'i skabs nas bka' blo mi bde ba la bzlog pa'i phyir bsgo bar bya'o zhes gsungs pa ni 'di ltar bya ste/'di na dge slong ma 'ga' zhig bka' blo mi bde ba'i rang bzhin can du gyur pa la/ de la dge slong ma rnams kyis gdon par gtogs pa bslab pa'i gzhi rnams dang bde bar gshegs pa'i mdor gtogs pa rnams kyi chos dang mthun pa dang 'dul ba dang mthun par smras par gyur na/'phags ma dag khyed cag dge yang rung sdig kyang rung bdag la ci yang ma smra shig /bdag kyang dge yang rung sdig kyang rung 'phags ma dag la ci yang mi smra'o/ /'phags ma dag gis bdag la tshig gi lam thong shig /khyed la yang bdag gis smras pas ci zhig bya zhes bdag nyid brjod par bya ba ma yin par byed na/dge slong ma de la dge slong ma rnams kyis dang por bzhams te bsgo bar bya'o/ /'di skad ces bsgo bar bya ste/ 'phags ma skar rgyal khyod dge slong ma rnams kyis gdon par gtogs pa bslab pa'i gzhi rnams dang bde bar gshegs pa'i mdor gtogs pa rnams kyis chos dang mthun pa dang 'dul ba dang mthun par smras pa na bdag nyid brjod par bya ba ma yin par ma byed par 'phags mas bdag nyid brjod par bya ba kho nar gyis shig /dge slong ma rnams 'phags ma la chos dang mthun pa dang 'dul ba dang mthun par smra ba na/ 'phags ma yang dge slong ma rnams la chos dang mthun pa dang 'dul ba dang mthun par smros shig /'di lta ste/ gcig la gcig brjod par bya ba nyid du byed pa dang / gcig la gcig 'doms shing rjes su ston pa dang / gcig gis gcig ltung ba las slong ba nyid de lta bus bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i 'khor 'di 'phel bar 'gyur gyis/'phags ma skar rgyal khyod bdag nyid brjod par bya ba ma yin par byed pa'i las kyi mtha' 'di lta bu 'di thong shig /de ni dus dang por bya ba'o/ /de la dge slong ma rnams kyis bzhams te bsgo na gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid na de la gsol ba dang bzhi'i las kyis bsgo bar bya'o//'di ltar bsgo bar bya ste/ gnas mal bsham pa byas nas gaN+DI brdungs te dris pa'i tshig gis dge slong ma rnams la yang dag par bsgo nas/dge slong ma'i dge 'dun thams cad 'dug cing mthun par gyur pa la dge slong ma gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o/ /dge 'dun 'phags ma rnams bdag la gsan du gsol/dge slong ma skar rgyal 'di ltung ba byung ba chos bzhin du slar mi bgyid nas/ 'di la dge slong ma rnams kyis gdon par gtogs pa bslab pa'i gzhi rnams dang / bde bar gshegs pa'i mdor gtogs pa rnams kyis chos dang mthun pa dang 'dul ba dang mthun par smras pa na/'phags ma dag khyed cag dge yang rung sdig kyang rung bdag la ci yang ma smra shig /bdag kyang dge yang rung sdig kyang rung 'phags ma dag la ci yang mi smra'o/ /'phags ma dag gis bdag la tshig gi lam thong shig /khyed la yang bdag gis smras pas ci zhig bya zhes bdag nyid brjod par bgyi ba ma lags par bgyid nas/'di la dge slong ma mang pos bzhams te bsgo na/ 'di la dge slong ma mang pos bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid na/gal te dge 'dun 'phags ma rnams kyi dus la bab cing bzod na dge 'dun 'phags ma rnams kyis gnang bar mdzod cig dang / dge 'dun 'phags ma rnams kyis dge slong ma skar rgyal la 'phags ma skar rgyal khyod dge slong ma rnams kyis gdon par gtogs pa bslab pa'i gzhi rnams dang bde bar gshegs pa'i mdor gtogs pa rnams kyis chos dang mthun pa dang 'dul ba dang mthun par smras pa na bdag nyid brjod par bya ba ma yin par ma byed par 'phags mas bdag nyid brjod par bya ba kho nar gyis shig /dge slong ma rnams 'phags ma la chos dang mthun pa dang 'dul ba dang mthun par smra ba na 'phags ma yang dge slong rnams la chos dang mthun pa dang 'dul ba dang mthun par smros shig /'di lta ste/ gcig la gcig brjod par bya ba nyid du byed pa dang / gcig la gcig 'doms shing rjes su ston pa dang /gcig gis gcig ltung ba las slong ba nyid de lta bus bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i 'khor 'di 'phel bar 'gyur gyis/ 'phags ma skar rgyal khyod bdag nyid brjod par bya ba ma yin par byed pa'i las kyi mtha' 'di lta bu 'di thong shig ces gsol ba dang bzhi'i las kyis bsgo ba mdzad do//'di ni gsol ba'o/ /las ni 'di ltar bya ste/ dge 'dun 'phags ma rnams bdag la gsan du gsol/ dge slong ma skar rgyal 'di ltung ba byung ba chos bzhin du slar mi bgyid nas 'di la dge slong ma rnams kyis gdon par gtogs pa bslab pa'i gzhi rnams dang /bde bar gshegs pa'i mdor gtogs pa rnams kyis chos dang mthun pa dang 'dul ba dang mthun par smra ba na/ 'phags ma dag khyed cag dge yang rung sdig kyang rung bdag la ci yang ma smra shig / bdag kyang dge yang rung sdig kyang rung 'phags ma dag la ci yang mi smra'o/ /'phags ma dag gis bdag la tshig gi lam thong shig /khyed la yang bdag gis smras pas ci zhig bya zhes bdag nyid brjod par bgyi ba ma lags par bgyid nas 'di la dge slong ma mang pos bzhams te bsgo na/'di la dge slong ma mang pos bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid de/ de'i slad du dge 'dun 'phags ma rnams kyis dge slong ma skar rgyal la 'phags ma skar rgyal khyod dge slong ma rnams kyis gdon par gtogs pa bslab pa'i gzhi rnams dang /bde bar gshegs pa'i mdor gtogs pa rnams kyis chos dang mthun pa dang 'dul ba dang mthun par smras pa na bdag nyid brjod par bya ba ma yin par ma byed par 'phags mas bdag nyid brjod par bya ba kho nar gyis shig /dge slong ma rnams 'phags ma la chos dang mthun pa dang 'dul ba dang mthun par smras pa na/ 'phags ma yang dge slong ma rnams la chos dang mthun pa dang 'dul ba dang mthun par smros shig /'di lta ste/ gcig la gcig brjod par bya ba nyid du byed pa dang / gcig la gcig 'doms shing rjes su ston pa dang / gcig gis gcig ltung ba las slong ba nyid de lta bus bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i 'khor 'di 'phel bar 'gyur gyi 'phags ma skar rgyal khyod bdag nyid brjod par bya ba ma yin par byed pa'i las kyi mtha' 'di lta bu 'di thong shig ces gsol ba dang bzhi'i las kyis bsgo ba mdzad na/'phags ma gang dag dge slong ma skar rgyal la gsol ba dang bzhi'i las kyis bsgo ba mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun 'phags ma rnams kyis bzod cing gnang nas dge 'dun 'phags ma rnams kyis dge slong ma skar rgyal la gsol ba dang bzhi'i las kyis bsgo ba mdzad lags te/'di ltar cang mi gsung bas de de bzhin du 'dzin to/ /de ni bka' blo mi bde ba las bzlog pa'i phyir bsgo ba'i cho ga dang las so/ /'bral ba'i spang ba'i skabs nas dge slong chos gos min pas sra brkyang phyung na/ gal te nub gcig kyang chos gos gsum las chos gos gang yang rung ba dang mtshams kyi phyi rol du 'bral bar byed na/dge 'dun gyis gnang ba ma gtogs te spang ba'i ltung byed do zhes gsungs pa'i zhar la/ dge slong ma rgan mo rgas pa dgog tu gyur pa yin la/ de'i snam sbyar ni lci bas yongs su skyong bar mi nus na dge 'dun gyis de la snam sbyar dang 'bral bar mi 'gyur ba'i gnang ba sbyin par bya'o zhes gsungs pa ni 'di ltar bya ste/gnas mal bsham pa byas nas gaN+DI brdungs te dris pa'i tshig gis dge slong ma rnams la yang dag par bsgo nas/ dge slong ma'i dge 'dun thams cad 'dug cing mthun par gyur pa la/dge slong ma des bla gos phrag pa gcig tu byas te rgan rim bzhin du phyag 'tshal nas/ rgan pa'i mtha' logs su tsog pur 'dug ste thal mo sbyar nas dge 'dun la snam sbyar nye bar bstan te 'di skad ces brjod par bya'o/ /dge 'dun 'phags ma rnams bdag la gsan du gsol/bdag dge slong ma chos byin rgan mo rgas pa dgog tu gyur pa lags la/ bdag gi snam sbyar ni lci bas yongs su skyong bar rngo mi thog nas bdag dge slong ma chos byin rgan mo rgas pa dgog tu gyur pa dge 'dun 'phags ma rnams las snam sbyar dang 'bral bar mi 'gyur ba'i gnang ba gsol na/thugs brtse ba can dge 'dun 'phags ma rnams kyis thugs brtse ba'i slad du bdag dge slong ma chos byin rgan mo rgas pa dgog tu gyur pa la snam sbyar dang mi 'bral ba'i gnang ba stsal du gsol/ de bzhin du lan gnyis lan gsum du bzlas/ de ni snam sbyar dang 'bral bar mi 'gyur ba'i gnang ba gsol ba'o//de'i 'og tu dge slong ma gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o/ /dge 'dun 'phags ma rnams bdag la gsan du gsol/ dge slong ma chos byin 'di rgan mo rgas pa dgog tu gyur pa lags la 'di'i snam sbyar ni lci bas yongs su skyong bar rngo mi thog nas dge slong ma chos byin rgan mo rgas pa dgog tu gyur pa 'di/dge 'dun las snam sbyar dang 'bral bar mi 'gyur ba'i gnang ba gsol na/ gal te dge 'dun 'phags ma rnams kyis dus la bab cing bzod na/dge 'dun 'phags ma rnams kyis gnang bar mdzod cig dang / dge 'dun 'phags ma rnams kyis dge slong ma chos byin rgan mo rgas pa dgog tu gyur pa la snam sbyar dang 'bral bar mi 'gyur ba'i gnang ba stsal to/ /'di ni gsol ba'o/ /las ni 'di ltar bya ste/dge 'dun 'phags ma rnams bdag la gsan du gsol/ dge slong ma chos byin 'di rgan mo rgas pa dgog tu gyur pa lags la/ 'di'i snam sbyar ni lci bas yongs su skyong bar rngo mi thog nas/ dge slong ma chos byin rgan po rgas pa dgog tu gyur pa 'di dge 'dun las snam sbyar dang 'bral bar mi 'gyur ba'i gnang ba gsol te/de'i slad du dge 'dun 'phags ma rnams kyis dge slong ma chos byin rgan mo rgas pa dgog tu gyur pa la snam sbyar dang 'bral bar mi 'gyur ba'i gnang ba gsol na/ 'phags ma gang dag dge slong ma chos byin rgan mo rgas pa dgog tu gyur pa la snam sbyar dang 'bral bar mi 'gyur ba'i gnang ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun 'phags ma rnams kyis bzod cing gnang nas dge 'dun 'phags ma rnams kyis dge slong ma chos byin rgan mo rgas pa dgog tu gyur pa la snam sbyar dang 'bral bar mi 'gyur ba'i gnang ba stsal lags te/'di ltar cang mi gsung bas de de bzhin du 'dzin to/ /de ni rgan mo la snam sbyar dang 'bral bar mi 'gyur ba'i gnang ba sbyin pa'i cho ga dang las so/ /gser dngul la reg pa spang ba'i skabs nas yang dge slong ma gang rang gis gser dang dngul len nam/len du 'jug na yang spang ba'i ltung byed do zhes gsungs pa de la 'di snyam du dgongs te kye ma bram ze dang khyim bdag dad pa can dag kyang gos kyi rin dag sbyin par byed la/ nga'i nyan thos ma rnams kyang gos kyi rin dag 'dod kyi ngas nyan thos ma rnams la rung bar bya ba cung zhig gnang bar bya'o snyam du dgongs nas/bka' stsal pa/ blang bar bya zhing blangs nas kyang sbyin bdag de nyid la yid brtan te bcang bar bya'o/ /gzhan yang dge slong mas zhal ta byed par spro bar bya'o/ / gzhan yang dge slong mas blang bar bya zhing blangs nas kyang dge slong ma'i mdun du byin gyis brlab par bya'o zhes gsungs pas rung ba gsum bka' stsal te/ sbyin bdag bdag po nyid du mos su gzhug pa dang / zhal ta byed pa bdag po nyid du khas len du gzhug pa dang / byin gyis brlab par bya ba'o//de la rung ba dang po'i cho ga ni dge slong mas chos gos kyi zong rin po che dag rnyed pa na blang bar bya zhing blangs nas kyang sbyin bdag de nyid la yid brtan te bcang bar bya'o/ /rung ba gnyis pa'i cho ga ni dge slong ma rnams kyis ji srid 'tsho'i bar du rung ba ma yin pa'i dngos po gang cung zad ci snyed pa de thams cad sbyin bdag zhal ta byed pa kun dga' ra ba'am dge bsnyen spro bar bya zhing de'i ming gis bcang bar bya'o//rung ba gsum pa'i cho ga ni mi gzung bar mdun du bzhag nas dge slong ma'i mdun du 'greng ste/ 'di skad ces brjod par bya'o/ /'phags ma dgongs su gsol/bdag dge slong ma ming 'di zhes bgyi bas dngos po rung ba ma lags pa 'di rnyed de/ bdag dge slong ma ming 'di zhes bgyi bas dngos po rung ba ma lags pa 'di byin gyis brlab bo/ /dngos po rung ba ma lags pa 'dis dngos po rung ba bsgrub par bgyi'o/ /de bzhin du lan gnyis lan gsum du bzlas/nyan pa'i dge slong mas thabs yin no zhes brjod par bya'o/ /bdag nyid kyis legs so zhes brjod par bya'o/ /rung ba de gsum gang byas kyang 'dra ste/ bdag gir bya ba med pas de la reg gam reg tu bcug na yang 'gyod par mi bya'o/ / de ni dngos po rung ba ma yin pa rung bar bya ba'i cho ga dang las so/ /lhung bzed tshol ba'i skabs nas/ yang dge slong ma gang dag lhung bzed lhan pa lnga med pa spyad bzod pa yod bzhin du bzang po 'dod pa'i phyir lhung bzed sar pa gzhan tshol zhing lhung bzed grub na spang ba'i ltung byed do//dge slong ma des lhung bzed de dge slong ma'i 'khor la dbul bar bya'o/ /dge slong ma'i 'khor gyi lhung bzed tha mar gyur pa gang yin pa de dge slong ma de la dge slong ma khyod kyis lhung bzed 'di byin gyis brlab par mi bya/ gtang bar mi bya/ gzhan la sbyin par mi bya bar chag pa'i mthar thug pa'i bar du khad kyis dal bu dal bus spyad par bya'o zhes sbyin par bya ste de la de ni cho ga yin no zhes gsungs pa'i zhar la/lhung bzed 'brel ba med pa 'brim pa'i dge slong ma bsko bar bya'o zhes gsungs pa ni 'di ltar bya ste/ lhung bzed 'brel ba med pa 'brim pa'i dge slong ma chos lnga dang ldan pa ni ma bskos pa yang bsko bar mi bya la bskos pa yang dbyung bar bya ste/lnga gang zhe na/ 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang / lhung bzed 'brel ba med pa brims pa dang ma brims pa mi shes pa'o//lhung bzed 'brel ba med pa 'brim pa'i dge slong ma chos lnga dang ldan pa ni ma bskos pa yang bsko bar bya la/ bskos pa yang dbyung bar mi bya ste/ lnga gang zhe na/ 'dun pas mi 'gro ba dang / zhe sdang gis mi 'gro ba dang /gti mug gis mi 'gro ba dang / 'jigs pas mi 'gro ba dang / lhung bzed 'brel ba med pa brims pa dang ma brims pa shes pa'o/ /'di ltar bsko bar bya'o/ /je dang por spro bar bya ste/ ming 'di zhes bya ba khyod dge slong ma'i dge 'dun la lhung bzed 'brel pa med pa 'brim par spro'am zhes dri bar bya'o//gal te spro na des spro zhes brjod par bya'o/ /de'i 'og tu des gnas mal bsham pa byas nas gaN+DI brdungs te dris pa'i tshig gis dge slong ma rnams la yang dag par bsgo nas/ dge slong ma'i dge 'dun thams cad 'dug cing mthun par gyur pa la dge slong ma gcig gis gsol ba byas te las bya'o//'di ltar bya ste/ 'dug la 'di skad ces brjod par bya'o/ /dge 'dun 'phags ma rnams bdag la gsan du gsol/ dge slong ma ming 'di zhes bgyi ba 'di dge slong ma'i dge 'dun la lhung bzed 'brel ba med pa 'brim par spro na/gal te dge 'dun 'phags ma rnams kyis dus la bab cing bzod na dge 'dun 'phags ma rnams kyis gnang bar mdzod cig dang / dge 'dun 'phags ma rnams kyis dge slong ma ming 'di zhes bgyi ba 'di dge slong ma'i dge 'dun la lhung bzed 'brel pa med pa 'brim par bsko ste/dge slong ma ming 'di zhes bgyi ba 'di dge slong ma'i dge 'dun lhung bzed 'brel ba med pa 'brim mo/ /'di ni gsol ba'o/ /las ni 'di ltar bya ste/ dge 'dun 'phags ma rnams bdag la gsan du gsol/dge slong ma ming 'di zhes bgyi ba 'di dge slong ma'i dge 'dun la lhung bzed 'grel ba med pa 'brim par spro ste/ de'i slad du dge 'dun gyis dge slong ma ming 'di zhes bgyi ba 'di dge slong ma'i dge 'dun la lhung bzed 'brel ba med pa 'brim par bsko na/ 'phags ma gang dag dge slong ma ming 'di zhes bgyi ba 'di dge slong ma'i dge 'dun la lhung bzed 'brel ba med pa 'brim bar bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun 'phags ma rnams kyis bzod cing gnang nas/ dge 'dun 'phags ma rnams kyis dge slong ma ming 'di zhes bgyi ba 'di dge slong ma'i dge 'dun la lhung bzed 'brel pa med pa 'brim par bskos lags te/ 'di ltar cang mi gsung bas de de bzhin du 'dzin to/ /lhung bzed 'brel ba med pa 'brim pa'i dge slong ma'i kun tu spyod pa'i chos ni 'di ltar bya ste/lhung bzed 'brel ba med pa 'brim pa'i dge slong mas dge slong ma'i dge 'dun tshogs pa'i dus su dge 'dun la 'phags ma dag bdag sang dge 'dun la lhung bzed 'brel pa med pa 'brim par 'gyur gyis/ khyed cag nang par gaN+DI brdungs pa na rang rang gi nang du lhung bzed dag thogs la dge 'dun gyi nang du gshegs par mdzod cig ces bsgo bar bya'o//de nas lhung bzed 'brel pa med pa 'brim pa'i dge slong mas phyi de nyin par gnas mal bsham pa byas nas gaN+DI brdungs te dris pa'i tshig gis dge slong ma rnams la yang dag par bsgo bar bya'o//dge slong ma rnams kyis kyang rang rang gi lhung bzed dag byin gyis brlab pa phyung zhing thogs te dge 'dun gyi nang du 'jug par bya'o/ /de nas lhung bzed 'brel pa med pa 'brim pa'i dge slong mas dge slong ma'i dge 'dun thams cad 'dug cing mthun par gyur pa la lhung bzed 'brel ba med pa thogs te rgan pa'i mtha' logs su phyag 'tshal nas/dge slong ma'i dge 'dun gyi gnas brtan gyi mdun du 'dug ste/ gnas brtan lhung bzed 'di ni shin tu gsal ba dbyibs legs pa longs spyod par bzod pa lags kyi/gal te bzhed na snoms shig ces yon tan ji lta ba bzhin du lhung bzed 'brel ba med pa'i bsngags pa brjod de dbul bar bya'o/ /dge slong ma'i dge 'dun gyi gnas brtan gyis kyang gal te 'dod na blang bar bya'o/gal te dge slong ma'i dge 'dun gyi gnas brtan gyis lhung bzed de blangs na dge slong ma'i dge 'dun gyi gnas brtan gyi lhung bzed gang yin pa de gnas brtan gnyis pa la dbul bar bya'o/ /gnas brtan gnyis pa'i lhung bzed gang yin pa de gnas brtan gsum pa la dbul bar bya'o//de bzhin du dge 'dun gyi gsar bu gnyis pa'i lhung bzed gang yin pa de dge 'dun gyi gsar bu la dbul ba'i bar du bya'o/ /gal te dge 'dun gyi gnas brtan gyis ma blangs na gnas brtan gnyis pa la dbul bar bya'o/ /gal te gnas brtan gnyis pas ma blangs na gnas brtan gsum pa la dbul bar bya'o//gal te gnas brtan gsum pas blangs pa na dge 'dun gyi gnas brtan slong bar byed na brjod pa dang po la sbyin par mi bya zhing brjod pa gnyis pa la yang sbyin par mi bya'o//brjod pa gsum pa la sbyin par bya ste/ dge 'dun gyi gnas brtan gyis 'dul ba dang 'gal ba'i nyes byas kyi ltung ba bshags par bya'o/ /de bzhin du dge 'dun gyi gsar bu gsum pas ma blangs na gsar bu gnyis pa la dbul bar bya'o/ /gal te gsar bu gnyis pas ma blangs na gsar bu gsum pa la dbul bar bya'o//gal te dge 'dun gyi gsar bus blangs pa na gsar bu gsum pas blong bar byed na brjod pa dang po la sbyin par mi bya zhing brjod pa gnyis pa la yang sbyin par mi bya'o/ /brjod pa gsum pa la sbyin par bya ste/dge 'dun gyi gsar bu gsum pas 'dul ba dang 'gal ba'i nyes byas kyi ltung ba bshags pa'i bar du bya'o/ /dge slong ma'i 'khor de'i lhung bzed tham mar gyur pa gang yin pa de dge slong ma de la dge slong ma khyod kyis lhung bzed 'di byin gyis brlab par mi bya/ gtang bar mi bya/gzhan la sbyin par mi bya bar chag pa'i mthar thug gi bar du khad kyis dal bu dal bus spyad par bya'o zhes sbyin par bya'o/ /lhung bzed 'brel ba med pa 'chang ba'i dge slong ma'i kun tu spyod pa'i chos ni 'di ltar bya ste/ lhung bzed 'brel ba med pa 'chang ba'i dge slong mas lhung bzed kyi snod gnyis nye bar gzhag par bya ste/de la bzang po gang yin pa der lhung bzed 'brel pa med pa gzhug par bya zhing cig shos su lhung bzed byin gyis brlab pa gzhug par bya'o/ /des lhung bzed gnyi ga thogs te bsod snyoms la 'jug par bya zhing / gal te 'bras chan skam po rnyed na lhung bzed 'brel ba med pas blang bar bya'o//gal te 'bras chan gsher pa rnyed na lhung bzed byin gyis brlabs pas blang bar bya'o/ /gtsug lag khang du 'ongs nas dkyil 'khor byas te lhung bzed 'brel ba med pa mdun du bzhag nas lhung bzed byin gyis brlabs par bza' bar bya'o//zos zin na byi dor dang kha zas 'bags pa'i dril phyi bya ba yang dang por lhung bzed 'brel ba med pa la bya zhing de'i 'og tu lhung bzed byin gyis brlabs pa la bya'o/ /bkru ba dang / bskam pa dang / lci bas drud pa la yang de bzhin bya'o//gal te lhung bzed kyi ngos khung gnyis yod na bzang po gang yin pa der lhung bzed 'brel ba med pa gzhug par bya zhing cig shos su lhung bzed byin gyis brlabs pa gzhug par bya'o/ /gal te ngos khung gcig yod la/ gal te shod khung bzang na gcig tu lhung bzed 'brel pa med pa gzhag par bya zhing /ngos khung du lhung bzed byin gyis brlabs pa gzhug par bya'o/ /gal te ngos khung bzang na ngos khung du lhung bzed 'brel ba med pa gzhug par bya zhing / shod du lhung bzed byin gyis brlabs pa gzhag par bya'o/ / lhung bzed kyi las byed pa na gal te rdza bo gnyis yod na/ rdza bo bzang po gang yin pa der lhung bzed 'brel ba med pa bsreg par bya zhing / cig shos su lhung bzed byin gyis brlabs pa bsreg par bya'o/ /gal te rdza bo gcig yod na gal te 'og ma legs par tshos par gyur na/'og tu lhung bzed 'brel ba med pa gzhug par bya zhing / steng du lhung bzed byin gyis brlabs pa gzhag par bya'o/ /gal te steng du bzhag pa legs par tshos par gyur na/ steng du lhung bzed 'brel ba med pa gzhag par bya zhing / 'og tu lhung bzed byin gyis brlabs pa gzhug par bya'o//lam du 'gro na lhung bzed kyi snod gnyis bkur bar bya ste/ de la bzang po gang yin pa der lhung bzed 'brel ba med pa gzhug par bya zhing / cig shos su lhung bzed byin gyis brlabs pa gzhug par bya'o/ /gal te khur rtsa ba 'ga' zhig yod na de la lhung bzed byin gyis brlabs pa bkur bar bya zhing /bdag nyid kyis lhung bzed 'brel ba med pa bkur bar bya'o/ /gal te khur rtsa ba 'ga' yang med na phrag pa g.yon pas lhung bzed 'brel ba med pa bkur bar bya zhing / phrag pa g.yas pas lhung bzed byin gyis brlabs pa bkur bar bya'o//'di ni de'i chad pa'i las yin te/ tshul khrims yang dag par rjes su srung bas ji srid 'tsho'i bar du bcang bar bya'o/ /de ni lhung bzed 'brel ba med pa 'brim pa bsko ba'i cho ga dang las so//gnas ngan len brjod pa'i ltung byed kyi skabs nas yang dge slong ma gang zag bsnyen par ma rdzogs pa la gnas ngan len gyi ltung ba brjod na/ dge 'dun gyi gnang ba ma gtogs te ltung byed do zhes gsungs pa'i zhar la/ dge slong dang dge slong ma sdig pa can dag khyim rnams so sor go bar byed pa'i dge slong ma bsko bar bya'o zhes gsungs pa ni 'di ltar bsko bar bya ste/khyim rnams su so sor go bar byed pa'i dge slong ma chos lnga dang ldan pa ni ma bskos pa yang bsko bar mi bya la/ bskos pa yang dbyung bar bya ste/lnga gang zhe na/ 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang / go bar byas pa dang ma byas pa'i khyim mi shes pa'o/ /khyim rnams su so sor go bar byed pa'i dge slong ma chos lnga dang ldan pa ni ma bskos pa yang bsko bar bya la/bskos pa yang dbyung bar mi bya ste/ lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / go bar byas pa dang ma byas pa'i khyim shes pa'o//'di ltar bsko bar bya'o/ /je dang po spro bar bya ste/ dge slong ma ming 'di zhes bya ba khyod dge slong 'phral ba dang / dge slong ma gsal ma khyim rnams su so sor go bar byed par spro'am zhes dri bar bya'o/ /gal te spro na des spro'o zhes brjod par bya'o//de'i 'og tu gnas mal bsham pa byas nas/ gaN+DI brdungs te dris pa'i tshig gis dge slong ma rnams la yang dag par bsgo nas/ dge slong ma'i dge 'dun thams cad 'dug cing mthun par gyur pa la dge slong ma gcig gis gsol ba byas te las bya'o//'di ltar bya ste/ 'dug la 'di skad ces brjod par bya'o/ /dge 'dun 'phags ma rnams bdag la gsan du gsol/ dge slong 'phral ba dang dge slong ma gsal ma ci nas kyang skye bo phal po che'i tshogs ma dad par rig par 'gyur ba de lta de ltar khyim rnams su spyod par bgyid de/dge slong ma ming 'di zhes bgyi ba 'di dge slong 'phral ba dang / dge slong ma gsal ma khyim rnams su so sor go bar bgyid par spro na/ gal te dge 'dun 'phags ma rnams kyi dus la bab cing bzod na/ dge 'dun 'phags ma rnams kyis gnang bar mdzod cig dang /dge 'dun 'phags ma rnams kyis dge slong ma ming 'di zhes bgyi ba 'di khyim rnams su so sor go bar bgyid par bsko ste/ dge slong ma ming 'di zhes bgyi ba 'di dge slong 'phral ba dang / dge slong ma gsal ma khyim rnams su so sor go bar bgyid do//'di ni gsol ba'o/ /las ni 'di ltar bya ste/ dge 'dun 'phags ma rnams bdag la gsan du gsol/ dge slong 'phral ba dang dge slong ma gsal ma ci nas kyang skye bo phal po che'i tshogs ma dad par rig par 'gyur ba de lta de ltar khyim rnams su spyod par bgyid nas/dge slong ma ming 'di zhes bgyi ba 'di dge slong 'phral ba dang / dge slong ma gsal ma khyim rnams su so sor go bar bgyi bar spro ste/ de'i slad du dge 'dun gyis dge slong ma ming 'di zhes bgyi ba 'di khyim rnams su so sor go bar bgyid par bsko ste/dge slong ma ming 'di zhes bgyi ba 'di dge slong 'phral ba dang / dge slong ma gsal ma khyim rnams su so sor go bar bgyid na 'phags ma gang dag dge slong ma ming 'di zhes bgyi ba 'di khyim rnams su so sor go bar bgyid par bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun 'phags ma rnams kyis bzod cing gnang nas/ dge 'dun gyis dge slong ma ming 'di zhes bgyi ba 'di khyim rnams su so sor go bar bgyid par bskos lags te/ 'di ltar cang mi gsung bas de de bzhin du 'dzin to//dge slong ma khyim rnams su so sor go bar byed pa'i kun tu spyad pa'i chos ni 'di ltar bya ste/ dge slong ma khyim rnams su so sor go bar byed pas khyim rnams su 'di skad ces brjod par bya ste/ tshe dang ldan pa dag khyed nyon cig /khyim rnams su khyim sun par byed pa dang / gnas rnams su gnas sun par byed pa 'di lta ste/ dper na/ 'bras sA lu'i zhing phun sum tshogs pa la ser ba'i 'khor lo mi bzad pa bab na 'di ltar 'bras sA lu de nyid shin te ma dang chud za ba dang tshul ma yin pas ma rung bar 'gyur ba dang /bu ram shing gi zhing phun sum tshogs pa la nad kyi rigs dmar po zhes bya ba byung na/ 'di ltar bu ram shing de nyid shin te ma dang chud za ba dang tshul ma yin pas ma rung bar 'gyur ba lta bu dag yod kyis/ tshe dang ldan pa dag /khyed cag dge slong 'di dang dge slong ma 'dis bstan pa'i tshod ma 'dzin cig /'di ltar dge slong 'di dang dge slong ma 'di ni yos tshig pa bzhin du chos 'dul ba 'di la skyer mi rung ba'i chos can yin gyi/ bcom ldan 'das dang / gnas brtan kun shes kauN+Di n+ya dang /rlangs pa dang / rta thul dang / bzang ldan dang / grags pa dang / gang po dang / dri med dang / ba lang bdag dang / lag bzangs dang / shA ri'i bu dang / maud gal gyi bu chen po dang / gsus po che chen po dang / skul byed chen po dang /ka ta'i bu chen po dang / lteng rgyas 'od srungs dang / chu klung 'od srungs dang / ga ya 'od srungs dang / 'gab ma 'od srungs dang / 'od srungs chen po dang / dga' byed dang / kim pi la dang / legs skyes dang / nam gru dang / sa ri dang / nye sde dang / som nyi nam gru dang / lam bstan dang / lam phran bstan dang / brtag pa'i shing dang / chen po pa dang / grags byin dang / de dag la sogs pa dge slong gnas brtan gnas brtan rnams la ltos shig ces brjod par bya'o/ /de ni khyim rnams su so sor go bar byed pa bsko ba'i cho ga dang las so//de nyid kyi skabs nas dge slong ma khyim rnams su so sor go bar byed par mi spro na/ dge 'dun gyis gsol ba 'ba' zhig gi las byas te khyim rnams su so sor go bar bya'o zhes gsungs pa ni 'di ltar bya ste/ gnas mal bsham pa byas nas gaN+DI brdungs te/dris pa'i tshig gis dge slong ma rnams la yang dag par bsgo nas/ dge slong ma'i dge 'dun thams cad 'dug cing mthun par gyur pa la dge slong ma gcig gis gsol ba byas so/ /'di ltar bya ste/ 'dug la 'di skad ces brjod par bya'o//dge 'dun 'phags ma rnams bdag la gsan du gsol/ dge slong 'phral ba dang dge slong ma gsal ma 'di ci nas kyang skye bo phal po che'i tshogs ma dad par rig par 'gyur ba de lta de ltar khyim rnams su spyod par bgyid de/ dge slong 'phral ba dang dge slong ma gsal ma ci nas kyang skye bo phal po che'i tshogs ma dad par rig par 'gyur ba de lta de ltar khyim rnams su spyod par bgyid kyang /dge slong 'phral ba dang dge slong ma gsal ma khyim rnams su so sor go bar bgyid par spro ba su yang ma mchis na/ gal te dge 'dun 'phags ma rnams kyis dus la bab cing bzod na dge 'dun 'phags ma rnams kyis gnang bar mdzod cig dang /dge 'dun gyis dge slong 'phral ba dang dge slong ma gsal ma ci nas skye bo phal po che'i tshogs ma dad par rig par 'gyur ba/ de lta de ltar khyim rnams su spyod par bgyid par gang gis mthong zhing gang du thos pa des khyim der khyed dge slong 'di dang dge slong ma 'dis bstan pa'i tshod ma 'dzin cig /dge slong 'di dang / dge slong ma 'di ni yos tshig pa bzhin du chos 'dul ba 'di la skyer mi rung ba'i chos can yin gyi/ bcom ldan 'das dang / dge slong gnas brtan gnas brtan rnams la ltos shig ces so sor go bar bgyid du stsal to//'di ni gsol ba'o/ dge 'dun gyis kyang so sor rig pa'i khyim dag tu so sor go bar bya'i so sor ma rig pa'i khyim dag tu ni so sor go bar mi bya'o/ /de ni dge 'dun thams cad la gsol ba'i cho ga dang las so// // bam po drug pa/ skur pa 'debs pa'i ltung byed kyi skabs nas yang dge slong ma gang sngar legs par rung bar byas nas de'i 'og tu khros 'khrugs rngam par gyur te/ dge slong ma rnams la 'di skad ces 'phags ma dag gis 'di ltar bshes ngor byas te dge 'dun gyi rnyed par bsngos pa bdag gis gang zag la bsngos so zhes zer na ltung byed do zhes gsungs pa'i zhar la dge slong ma chos gos lnga ngan cing snam sbyar yang yongs su rnyings pa la dge 'dun gyis gsol ba 'ba' zhig gi las kyis ras yug chen sbyin par bya'o zhes gsungs pa ni 'di ltar bya ste/gnas mal bsham pa byas nas gaN+DI brdungs te dris pa'i tshig gis dge slong ma rnams la yang dag par bsgo nas dge slong ma'i dge 'dun thams cad 'dug cing mthun par gyur pa la dge slong ma gcig gis gsol ba bya'o/ /'di ltar bya ste/ 'dug la 'di skad ces brjod par bya'o//dge 'dun 'phags ma rnams bdag la gsan du gsol/ /'phags ma ut+pa la'i mdog 'di ni dad pa dang ldan zhing bzang la dge ba'i bsam pa can te/ dge 'dun la yang chos kyi zhal ta bgyid pa'i las la brtson pa lags la/ des sangs rgyas sam chos sam dge 'dun nam/yid du 'thad pa'i dge slong ma rnams la ma phul ba'am/ yongs su ma btang ba ci yang ma mchis te des de ltar phul zhing yongs su btang bas chos gos lnga ngan cing snam sbyar yang yongs su rnyings la/ dge 'dun la ni ras yug chen 'byor bar mnga' na/gal te dge 'dun 'phags ma rnams kyi dus la bab cing bzod na/ dge 'dun 'phags ma rnams kyis gnang bar mdzod cig dang / dge 'dun 'phags ma rnams kyis 'phags ma ut+pa la'i mdog la ras yug chen stsol to/ /'di ni gsol ba'o/de ni gos sbyin pa'i cho ga dang las so/ /'phya ba'i ltung byed kyi skabs nas/ 'phya'am gzhogs 'phyas byed na ltung byed do zhes gsungs pa'i zhar la dge slong ma gang zag bcu gnyis kyi las su bskos pa dang ma bskos pa la ngor 'phya ba dang gzhogs 'phyas byed pa gsol ba 'ba' zhig gi las kyis ngor 'phya ba'i grangs su gzhug pa dang gzhogs 'phyas byed pa'i grangs su gzhug par bya'o zhes gsungs pa ni 'di ltar bya ste/gnas mal bsham pa byas nas gaN+DI brdungs te dris pa'i tshig gis dge slong ma rnams la yang dag par bsgo nas dge slong ma'i dge 'dun thams cad 'dug cing mthun par gyur pa la/dge slong ma gcig gi gsol ba bya'o 'di ltar bya ste/ 'dug la 'di skad ces brjod par bya'o/ /dge 'dun 'phags ma rnams bdag la gsan du gsol/ dge slong ma sbom dga' mo 'di 'tshal bzhin du dge slong ma gang dge 'dun mthun pas gnas mal 'bogs pa dang /zas la bsko bar bskos pa 'phags ma ut+pa la'i mdog 'di la ngor 'phya na/ gal te dge 'dun 'phags ma rnams kyi dus la bab cing bzod na dge 'dun 'phags ma rnams kyis gnang bar mdzod cig dang / dge 'dun 'phags ma rnams kyis dge slong ma sbom dga' mo ngor 'phya ba'i grangs su stsol to//'di ni gsol ba'o/ /'di ni ngor 'phya ba'i grangs su gzhug pa'i cho ga dang las so/ /gzhogs 'phyas byed pa'i grangs su gzhug pa'i las ni 'di ltar bya ste/ gnas mal bsham pa byas nas gaN+DI brdungs te dris pa'i tshig gis dge slong ma rnams la yang dag par bsgo nas dge slong ma'i dge 'dun thams cad 'dug cing mthun par gyur pa la dge slong ma gcig gis gsol ba bya'o//'di ltar bya ste/ 'dug la 'di skad ces brjod par bya'o/ /dge 'dun 'phags ma rnams bdag la gsan du gsol/dge slong ma sbom dga' mo 'di 'tshal bzhin du dge slong ma gang dge 'dun mthun pas gnas mal 'bogs pa dang / zas la bsko bar bskos pa 'phags ma ut+pa la'i mdog de la gzhogs 'phyas bgyid na/ gal te dge 'dun 'phags ma rnams kyi dus la bab cing bzod na dge 'dun 'phags ma rnams kyis gnang bar mdzod cig dang /dge 'dun 'phags ma rnams kyis dge slong ma sbom dga' mo gzhogs 'phyas bgyid pa'i grangs su stsal to/ /'di ni gsol ba'o/ /de ni gzhogs 'phyas byed pa'i grangs su gzhug pa'i cho ga dang las so//bsgo ba rna la gzon pa'i ltung byed kyi skabs nas/ bsgo ba rna la gzon na ltung byed do zhes gsungs pa'i zhar la/ bsgo ba rna la gzon pa dang cang mi smra bas rna la gzon pa gsol ba 'ba' zhig gi las kyis bsgo ba rna la gzon pa'i grangs su gzhug pa dang cang mi smra bar rna la gzon pa'i grangs su gzhug par bya'o zhes gsungs pa ni 'di ltar bya ste/gnas mal bsham pa byas nas gaN+DI brdungs te dris pa'i tshig gis dge slong ma rnams la yang dag par bsgo nas dge slong ma'i dge 'dun thams cad 'dug cing mthun par gyur pa la dge slong ma gcig gis gsol ba bya'o//'di ltar bya ste/ 'dug la 'di skad ces brjod par bya'o/ /dge 'dun 'phags ma rnams bdag la gsan du gsol/ dge slong ma sbom dga' mo 'di ltung ba byung yang chos bzhin du slar mi bgyid de/ 'di la dge slong ma don 'tshal ba/ phan pa 'tshal ba/ bde ba 'tshal ba/ bde ba la reg par 'tshal ba/ grub pa dang bde ba 'tshal ba rnams kyis gzhi des glengs kyang dge slong ma rnams kyis bsgo ba rna la gzon na/ gal te dge 'dun 'phags ma rnams kyi dus la bab cing bzod na dge 'dun 'phags ma rnams kyis gnang bar mdzod cig dang /dge 'dun 'phags ma rnams kyis dge slong ma sbom dga' mo bsgo ba rna la gzon pa'i grangs su stsal to/ /'di ni gsol ba'o/ /de ni bsgo ba rna la gzon pa'i grangs su gzhug pa'i cho ga dang las so//cang mi smra bas rna la gzon pa'i grangs su gzhug pa'i las ni 'di ltar bya ste/ gnas mal bsham pa byas nas gaN+DI brdungs te dris pa'i tshig gis dge slong ma rnams la yang dag par bsgo nas/ dge slong ma'i dge 'dun thams cad 'dug cing mthun par gyur pa la dge slong ma gcig gis gsol ba bya'o//'di ltar bya ste/ 'dug la 'di skad ces brjod par bya'o/ /dge 'dun 'phags ma rnams bdag la gsan du gsol/ dge slong ma sbom dga' mo 'di ltung ba byung yang chos bzhin du slar mi bgyid de/ 'di la dge slong ma don 'tshal ba/phan pa 'tshal ba/ bde ba 'tshal ba/ bde ba la reg par 'tshal ba/ grub pa dang bde ba 'tshal ba rnams kyis gzhi de glengs kyang dge slong ma rnams la cang mi smra bas rna la gzon na/ gal te dge 'dun 'phags ma rnams kyi dus la bab cing bzod na/ dge 'dun 'phags ma rnams kyis gnang bar mdzod cig dang /dge 'dun 'phags ma rnams kyis dge slong ma sbom dga' mo cang mi smra bas rna la gzon pa'i grangs su stsol to/ /'di ni gsol ba'o/ /de ni cang mi smra bas rna la gzon pa'i grangs su gzhug pa'i cho ga dang las so/ / skyes pa dang lhan cig tu nyal ba'i ltung byed kyi skabs nas bu dang lhan cig nyal ba'i gnang ba sbyin par bya'o zhes gsungs pa ni 'di ltar bya ste/ gnas mal bsham pa byas nas gaN+DI brdungs te dris pa'i tshig gis dge slong ma rnams la yang dag par bsgo nas/ dge slong ma'i dge 'dun thams cad 'dug cing mthun par gyur pa la dge slong ma des bla gos phrag pa gcig tu byas te rgan rim bzhin du phyag 'tshal nas rgan pa'i mtha' logs su tsog pur 'dug ste/thal mo sbyar nas 'di skad ces brjod par bya'o/ /dge 'dun 'phags ma rnams bdag la gsan du gsol/bdag dge slong ma sbed ma las bu 'od srungs gzhon du btsas te/ bdag dge slong ma sbed ma dge 'dun 'phags ma rnams las bu dang lhan cig khyim gcig na nyal ba'i gnang ba gsol na/ thugs brtse ba can dge 'dun 'phags ma rnams kyis thugs brtse ba'i slad du bdag dge slong ma sbed ma la bu dang lhan cig khyim gcig na nyal ba'i gnang ba stsal du gsol/de bzhin du lan gnyis lan gsum du bzlas de ni bu dang lhan cig nyal ba'i gnang ba gsol ba'o/ /de'i 'og tu dge slong ma gcig gis gsol ba byas te las bya'o//'di ltar bya ste/ 'dug la 'di skad ces brjod par bya'o/ /dge 'dun 'phags ma rnams bdag la gsan du gsol/ dge slong ma sbed ma 'di las bu 'od srungs gzhon nu btsas nas dge slong ma sbed ma 'di dge 'dun 'phags ma rnams las bu dang lhan cig khyim gcig tu nyal ba'i gnang ba gsol na/gal te dge 'dun 'phags ma rnams kyi dus la bab cing bzod na dge 'dun 'phags ma rnams kyis gnang bar mdzod cig dang / dge 'dun 'phags ma rnams kyis dge slong ma sbed ma la bu dang lhan cig tu khyim gcig tu nyal ba'i gnang ba gsol to//'di ni gsol ba'o/ /las ni 'di ltar bya ste/ dge 'dun 'phags ma rnams bdag la gsan du gsol/ dge slong ma sbed ma 'di las bu 'od srungs gzhon nu btsas nas dge slong ma sbed ma dge 'dun 'phags ma rnams las bu dang lhan cig khyim gcig na nyal ba'i gnang ba gsol te/de'i slad du dge 'dun 'phags ma rnams kyis dge slong ma sbed ma la bu dang lhan cig khyim gcig na nyal ba'i gnang ba gsol na/ 'phags ma gang dag dge slong ma sbed ma la bu dang lhan cig khyim gcig na nyal ba'i gnang ba gsol bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun 'phags ma rnams kyis bzod cing gnang nas/ dge 'dun 'phags ma rnams kyis dge slong ma sbed ma bu dang lhan cig khyim gcig na nyal ba'i gnang ba gsol lags te/'di ltar cang mi gsung bas de de bzhin du 'dzin to/ /de ni bu dang lhan cig nyal ba'i gnang ba sbyin pa'i cho ga dang las so/ /'khor nye bar 'jog pa'i ltung byed kyi [(]sgabs [,]skabs [)]nas/ dge slong ma 'khor nye bar 'jog nus pa bsnyen par rdzogs nas lo bcu gnyis lon pa la 'khor nye bar 'jog pa'i gnang ba sbyin par bya'o zhes gsungs pa ni 'di ltar bya ste/gnas mal bsham pa byas nas gaN+DI brdungs te dris pa'i tshig gis dge slong ma rnams la yang dag par bsgo nas/ dge slong ma'i dge 'dun thams cad 'dug cing mthun par gyur pa la dge slong ma des bla gos phrag pa gcig tu byas te/rgan rim bzhin du phyag 'tshal nas rgan pa'i mtha' logs su tsog pur 'dug ste thal mo sbyar nas 'di skad ces brjod par bya'o/ /dge 'dun 'phags ma rnams bdag la gsan du gsol/ bdag dge slong ma ming 'di zhes bgyi ba rngo yang thog la lo bcu gnyis kyang lon lags te 'khor nye bar 'jog par spro nas/bdag dge slong ma ming 'di zhes bgyi ba dge 'dun 'phags ma rnams las 'khor nye bar 'jog pa'i gnang ba gsol na/ thugs brtse ba can dge 'dun 'phags ma rnams kyis thugs brtse ba'i slad du bdag dge slong ma ming 'di zhes bgyi ba rngo yang thog la lo bcu gnyis kyang lon lags pa la 'khor nye bar 'jog pa'i gnang ba stsal du gsol/de bzhin du lan gnyis lan gsum du bzlas/ de ni 'khor nye bar 'jog pa'i gnang ba gsol ba'o/ /de'i 'og tu dge slong ma gcig gis gsol pa byas te las bya'o//'di ltar bya ste/ 'dug la 'di skad ces brjod par bya'o/ /dge 'dun 'phags ma rnams bdag la gsan du gsol/ dge slong ma ming 'di zhes bgyi ba rngo yang thog la lo bcu gnyis kyang lon lags te/ 'khor nye bar 'jog par spro nas/dge slong ma ming 'di zhes bgyi ba 'di rngo yang thog la lo bcu gnyis kyang lon lags pa 'di/ dge 'dun 'phags ma rnams las 'khor nye bar 'jog pa'i gnang ba gsol na/ gal te dge 'dun 'phags ma rnams kyi dus la bab cing bzod na dge 'dun 'phags ma rnams kyis gnang bar mdzod cig dang /dge 'dun 'phags ma rnams kyis dge slong ma ming 'di zhes bgyi ba rngo yang thog la lo bcu gnyis kyang lon lags na/ 'khor nye bar 'jog pa'i gnang ba gsol to/ /'di ni gsol ba'o/ /las ni 'di ltar bya ste/ dge 'dun 'phags ma rnams bdag la gsan du gsol/dge slong ma ming 'di zhes bgyi ba rngo yang thog la lo bcu gnyis kyang lon lags te 'khor nye bar 'jog par spro na/ dge slong ma ming 'di zhes bgyi ba rngo yang thog la/ lo bcu gnyis kyang lon lags pa 'di/ dge 'dun 'phags ma rnams las 'khor nye bar 'jog pa'i gnang ba gsol te/de'i slad du dge 'dun 'phags ma rnams kyis dge slong ma ming 'di zhes bgyi ba rngo yang thog la/ lo bcu gnyis kyang lon lags pa la 'khor nye bar 'jog pa'i gnang ba gsol na/ 'phags ma gang dag dge slong ma ming 'di zhes bgyi ba rngo yang thog la/lo bcu gnyis kyang lon lags pa la 'khor nye bar 'jog pa'i gnang ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun 'phags ma rnams kyis bzod cing gnang nas/dge 'dun 'phags ma rnams kyis dge slong ma ming 'di zhes bgyi ba rngo yang thog la/ lo bcu gnyis kyang lon lags pa la 'khor nye bar 'jog pa'i gnang ba gsol lags te/ 'di ltar cang mi gsung bas de de bzhin du 'dzin to/ /de ni 'khor nye bar 'jog pa'i gnang ba sbyin pa'i cho ga dang las so//'khor mang po nye bar 'jog pa'i ltung byed kyi skabs nas dge slong ma 'khor mang po nye bar 'jog nus pa/ bsnyen par rdzos nas lo bcu gnyis lon pa la 'khor mang po nye bar 'jog pa'i gnang ba sbyin par bya'o zhes gsungs pa ni 'di ltar bya ste/ gnas mal bsham pa byas nas gaN+DI brdungs te dris pa'i tshig gis dge slong ma rnams la yang dag par bsgo nas/ dge slong ma'i dge 'dun thams cad 'dug cing mthun par gyur pa la dge slong ma des bla gos phrag pa gcig tu byas te/ rgan rim bzhin du phyag 'tshal nas rgan pa'i mtha' logs su tsog pur 'dug ste thal mo sbyar nas 'di skad ces brjod par bya'o//dge 'dun 'phags ma rnams bdag la gsan du gsol/ bdag dge slong ma ming 'di zhes bgyi ba rngo yang thog la/ lo bcu gnyis kyang lon lags te 'khor mang po nye bar 'jog par spro nas/bdag dge slong ma ming 'di zhes bgyi ba dge 'dun 'phags ma rnams la 'khor mang po nye bar 'dog pa'i gnang ba gsol na/ thugs brtse ba can dge 'dun 'phags ma rnams kyis thugs brtse ba'i slad du/ bdag dge slong ma ming 'di zhes bgyi ba rngo yang thog la/ lo bcu gnyis kyang lon lags pa la 'khor mang po nye bar 'jog pa'i gnang ba stsal du gsol/de bzhin du lan gnyis lan gsum du bzlas/ de ni 'khor mang po nye bar 'jog pa'i gnang ba gsol ba'o/ /de'i 'og tu dge slong ma gcig gis gsol ba byas te las bya'o/ / 'di ltar bya ste/ 'dug la 'di skad ces brjod par bya'o/ /dge 'dun 'phags ma rnams bdag la gsan du gsol/ dge slong ma ming 'di zhes bgyi ba 'di rngo yang thog la/ lo bcu gnyis kyang lon lags te 'khor mang po nye bar 'jog par spro nas/ dge slong ma ming 'di zhes bgyi ba 'di rngo yang thog la/lo bcu gnyis kyang lon lags pa 'di dge 'dun 'phags ma rnams la 'khor mang po nye bar 'jog pa'i gnang ba gsol na/ gal te dge 'dun 'phags ma rnams kyi dus la bab cing bzod na/ dge 'dun 'phags ma rnams kyis gnang bar mdzod cig dang /dge 'dun 'phags ma rnams kyis dge slong ma ming 'di zhes bgyi ba rngo yang thog la/ lo bcu gnyis kyang lon lags pa la 'khor mang po nye bar 'jog pa'i gnang ba stsal to/ /'di ni gsol ba'o/ /las ni 'di ltar bya ste/ dge 'dun 'phags ma rnams bdag la gsan du gsol/dge slong ma ming 'di zhes bgyi ba 'di rngo yang thog la/ lo bcu gnyis kyang lon lags te/ 'khor mang po nye bar 'jog par spro nas/ dge slong ma ming 'di zhes bgyi ba rngo yang thog la/ lo bcu gnyis kyang lon lags pa 'di dge 'dun 'phags ma rnams las 'khor mang po nye bar 'jog pa'i gnang ba gsol te/de'i slad du dge 'dun 'phags ma rnams kyis dge slong ma ming 'di zhes bgyi ba rngo yang thog la/ lo bcu gnyis kyang lon lags pa la 'khor mang po nye bar 'jog pa'i gnang ba gsol na/ 'phags ma gang dag dge slong ma ming 'di zhes bgyi ba rngo yang thog la/lo bcu gnyis kyang lon lags pa la/ 'khor mang po nye bar 'jog pa'i gnang ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun 'phags ma rnams kyis bzod cing gnang nas/dge 'dun 'phags ma rnams kyis dge slong ma ming 'di zhes bgyi ba rngo yang thog la/ lo bcu gnyis kyang lon lags pa/ 'khor mang po nye bar 'jog pa'i gnang ba stsol lags te/ 'di ltar cang mi gsung bas de de bzhin du 'dzin to/ /de ni 'khor mang po nye bar 'jog pa'i gnang ba sbyin pa'i cho ga dang las so//bslab pa bral te khyim du 'jug pa'i so sor bshags par bya ba'i skabs nas sbyin bdag longs spyod bsrabs shing yongs su zad de yongs su mthar thug par gyur pa la bslab pa'i sdom pa sbyin par bya'o//zhes gsungs pa ni 'di ltar bya ste/ gnas mal bsham pa byas nas gaN+DI brdungs te dris pa'i tshig gis dge slong ma rnams la yang dag par bsgo nas/ dge slong ma'i dge 'dun thams cad 'dug cing mthun par gyur pa la dge slong ma gcig gis gsol ba bya'o/ / 'di ltar bya ste/ 'dug la 'di skad ces brjod par bya'o/ /dge 'dun 'phags ma rnams bdag la gsan du gsol/ /dmag dpon seng ge ni dad pa dang ldan zhing bzang la dge ba'i bsam pa can te/ des sangs rgyas sam/ chos sam/ dge 'dun nam/ yid du 'thad pa'i dge slong ma rnams la ma phul ba'i yongs su ma btang ba ci yang ma mchis te/des de ltar phul zhing yongs su btang bas longs spyod bsrabs shing yongs su bas te yongs su mthar thug na/ gal te dge 'dun 'phags ma rnams kyi dus la bab cing bzod na/ dge 'dun 'phags ma rnams kyis gnang bar mdzod cig dang /dge 'dun 'phags ma rnams kyis dmag dpon seng ge la bslab pa'i sdom pa stsal to/ /'di ni gsol ba'o/ /dge 'dun gyis gang la bslab pa'i sdom pa byin pa der dge slong mas khyim du 'gro bar bya/ stan la longs spyad par bya/chos bstan par bya'o/ /bsod snyoms blang bar mi bya/ lhung bzed stong pas 'jug par mi bya'o/ /de'i byis pa slong ba dag la bca' ba ril por mi sbyin par dum bur byas te sbyin par bya'o/ /ga gon dang la phug la sogs pa 'bras bu dang rtsa ba dag dang ldam ldum la sogs pa tshod ma khyim nas byung na blang bar bya'o//de ni bslab pa la khyim gyi bslab pa'i sdom pa sbyin pa'i cho ga dang las so/ /de nyid kyi skabs nas sbyin bdag de longs spyod 'phel bar gyur pa la khyim gyi bslab pa'i sdom pa gzhig par bya'o zhes gsungs pa ni 'di ltar bya ste/gnas mal bsham pa byas nas gaN+DI brdungs te dris pa'i tshig gis dge slong ma rnams la yang dag par bsgo nas/ dge slong ma'i dge 'dun thams cad 'dug cing mthun par gyur pa la sbyin bdag des phyag 'tshal te/ rgan pa'i mtha' logs su tsog pur 'dug nas thal mo sbyar te 'di skad ces brjod par bya'o//dge 'dun 'phags ma rnams bdag la gsan du gsol/ bdag dmag dpon seng ge dad pa dang ldan zhing bzang la dge ba'i bsam pa can te/ bdag gis 'di lta ste sangs rgyas sam chos sam dge 'dun nam/ yid du 'thad pa'i dge slong ma rnams la ma phul ba'am/yongs su ma btang ba ci yang ma mchis te/ bdag gis de ltar phul zhing yongs su btang bas longs spyod bsrabs shing yongs su bas te/ yongs su mthar thug nas dge 'dun don bzhed pa/ phan pa bzhed pas bdag la bslab pa'i sdom pa stsal ba las bdag dmag dpon seng ge yang longs spyod 'phel nas bdag dmag dpon seng ge bslab pa'i sdom ba stsal ba bslab pa'i sdom pa gzhig par gsol na/thugs brtse ba can dge 'dun 'phags ma rnams kyis thugs brtse ba'i slad du bdag la bslab pa'i sdom pa gzhig pa stsal du gsol/de bzhin du lan gnyis lan gsum du bzlas/ de ni bslab pa'i sdom pa gzhig pa gsol ba'o/ /de'i 'og tu sbyin bdag de thos pa'i nye 'khor nas bkar te mthong pa'i nye 'khor du bzhag nas/ dge slong ma gcig gis gsol ba 'ba' zhig gi las bya'o//'di ltar bya ste/ 'dug la 'di skad ces brjod par bya'o/ /dge 'dun 'phags ma rnams bdag la gsan du gsol/ dmag dpon seng ge ni dad pa dang ldan zhing bzang la dge ba'i bsam pa can te/ des sangs rgyas sam/ chos sam/ dge 'dun nam/ yid du 'thad pa'i dge slong ma rnams la ma phul ba'am yongs su ma btang ba ci yang ma mchis te/des de ltar phul zhing yongs su btang bas longs spyod bsrabs shing yongs su bas te/ yongs su mthar thug nas de la dge 'dun don bzhed pa phan pa bzhed pas bslab pa'i sdom pa stsal ba las dmag dpon seng ge de yang longs spyod 'phel te/dmag dpon seng ge bslab pa'i sdom pa stsal ba dge 'dun 'phags ma rnams las bslab pa'i sdom pa gzhig par gsol na/ gal te dge 'dun 'phags ma rnams kyi dus la bab cing bzod na dge 'dun 'phags ma rnams kyis gnang bar mdzod cig dang /dge 'dun 'phags ma rnams kyis dmag dpon seng ge la bslab pa'i sdom pa gzhig par mdzad do/ /'di ni gsol ba'o/ /dge 'dun gyis gang la bslab pa'i sdom pa gzhig pa der dge slong ma rnams kyis 'gro bar bya/stan la longs spyad par bya/ bsod snyoms blang bar bya/ chos bstan par bya'o/ /de ni khyim gyi bslab pa'i sdom pa gzhig pa'i cho ga dang las so/ /so sor bshags par bya ba dge 'dun la rig par bya ba'i cho ga dang sngags ni 'di ltar bya ste/ mtshams kyi nang na dge slong ma ji snyed 'khod pa thams cad bsdu ni mi dgos te/gnas kyi nang du song bas dge slong ma gang dag mthong ba de dag gi drung du ci nas kyang gnas khang la sogs pa na 'khod pa dag la yang grags par 'gyur ba de ltar dge slong ma de dag la phyag 'tshal te/ rgan pa'i mtha' logs su tsog pur 'dug nas thal mo sbyar te 'di skad ces brjod par bya'o//'phags ma dag bdag la smad pa'i gnas mi rig pa'i so sor bshags bar bya ba byung gi chos de so sor 'chags so zhes lan cig brjod par bya'o/ /de ni smre sngags 'don pa'i rnam par brjod pas so sor bshags par bya ba nyid du gsungs pa yin gyi bshags pa ni ma yin no//bshags pa ni ji ltar ltung byed kyi ltung ba byung bas gcig gi mdun du bshags par bya bar gsungs pa dang 'dra'o/ /de ni so sor bshags par bya ba dge 'dun la rig par bya ba'i cho ga dang sngags so/ /dge slong ma'i rnam par 'byed pa'i skabs kyi cho ga dang las rnams rdzogs so// //da [# ni gso sbyong gi gzhi'i skabs kyi cho ga dang las rnams brjod par bya ste/ sdom la/ sbong pa dang ni gnas dang mtshams/ /mi 'bral dgrol dang bcad pa dang / /mtshams chen gnang nas cig car dgrol//cig car bcad dang chos gos dang / /mtshams ma bcad dang yongs dag dang / /'dun dang gnyi ga smyos dang 'bad/ /'du dang gnod dang dran pa dang / /yid gnyis dran dang yid gnyis dang / /ltung ba mthu dang yid gnyis gyur/ /rtsod dang ngos nyid ma yin dang / / gcig la sogs pas byin brlab pa'i/ /sde tshan yang dag bsdus pa yin/ /gso sbyong gi gzhi la zhi gnas kyis gso sbyong gi skabs nas dge slong spong ba'i zhal ta byed pa bsko bar bya'o zhes gsungs pa ni 'di ltar bya ste/ dge slong spong pa'i zhal ta byed pa chos lnga dang ldan pa ni ma bskos pa yang bsko bar mi bya la bskos pa yang dbyung bar bya ste/lnga gang zhe na/ 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang / spong ba la tron byas pa dang ma byas pa mi shes pa'o/ /dge slong spong pa'i zhal ta byed pa chos lnga dang ldan pa ni ma bskos pa yang bsko bar bya la/bskos pa yang dbyung bar mi bya ste/ lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / spong ba la tron byas pa dang ma byas pa shes pa'o//'di ltar bsko bar bya'o/ /je dang por spro bar bya ste/ ming 'di zhes bya ba dge 'dun gyi spong ba'i zhal ta byed par spro'am zhes dri bar bya'o/ /gal te spro na des spro'o zhes brjod par bya'o/ /de'i 'og tu des gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/dge 'dun thams cad 'dug cing mthun par gyur ba la/ dge slong gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/dge slong ming 'di zhes bgyi ba dge 'dun gyi spong ba'i zhal ta bgyid par spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'di dge 'dun gyi spong ba'i zhal ta bgyid par bsko ste/dge slong ming 'di zhes bgyi ba 'di dge 'dun spong ba'i zhal ta bgyid do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun gyi spong pa'i zhal ta bgyid par spro ste/de'i slad du dge slong ming 'di zhes bgyi ba 'di dge 'dun gyi spong ba'i zhal ta bgyid par bsko zhing dge slong ming 'di zhes bgyi ba 'di dge 'dun gyi spong ba'i zhal ta bgyid na/ tshe dang ldan pa gang dag dge slong ming 'di zhes bgyi ba 'di dge 'dun gyi spong ba'i zhal ta bgyid par bsgo zhing /dge slong ming 'di zhes bgyi ba 'di dge 'dun gyi spong ba'i zhal ta bgyid par bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba dge 'dun gyi spong ba'i zhal ta bgyid par bskos shing /dge slong ming 'di zhes bgyi ba 'di dge 'dun gyi spong ba'i zhal ta bgyid do/ /'di ltar cang mi gsung bas de de bzhin du 'dzin to/ /dge slong spong ba'i zhal ta byed pa'i kun tu spyad pa'i chos ni 'di ltar bya ste/ dge slong spong ba'i zhal ta byed pas spong ba'i khang par chag chag gdab par bya/phyag dar bya/ lci ba sar pa'i byug pas bsku bar bya/ stan bsham par bya'o/ /bshang ba'i sa dang gci ba'i sa byi dor bya/ chag chag gdab par bya/ phyag dar bya/ lci ba sar ba'i byug pas bsku bar bya/ lo ma'i chang bu gzhag par bya/ bong rdog dang sa dang chu gzhag par bya'o/ /bsdu pa'i phyir khang stengs nas khar gsil gsil ba'am/ gaN+DI chung ngu brdung ngo / /dus shes par byas nas rgyun chags gsum pa ran par gdon cing ci bder bya'o/ /dge 'dun gyi gnas brtan gyis yon bshad pa ran par bya'o/ /dge slong spong ba'i zhal ta byed pa thams cad kyi mjug tu 'gyes par bya zhing thams cad kyi mdun du 'du bar bya'o//gal te rkyen de lta bu byung na des phyogs dben par lde mig sbas te tshe dang ldan pa kho bos phyogs ga ge mo zhig tu lde mig sbas kyi phye la zhugs shig ces brjod par bya'o/ /de ni spong ba'i zhal ta byed pa bsko ba'i cho ga dang las so//gso sbyong gi gzhi las mthun pa'i gso sbyong gi skabs nas dge 'dun gyi gso sbyong gi gnas la blo mthun par bya'o zhes gsungs pa ni 'di ltar bya ste/ gnas thams cad grub pa'am/ byas pa'am/ zin pa nang mtshams dang phyi rol nye 'khor 'dom gang dang bcas pa dge 'dun gyi gso sbyong gi gnas su 'dod pa gang yin pa de la blo mthun par bya'o//'di ltar blo mthun par bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/dge 'dun thams cad 'dug cing mthun par gyur pa la dge slong gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ gnas thams cad grub pa'am/ bgyis pa'am/lags pa nang mtshams dang phyi rol nye 'khor 'dom gang dang bcas pa'i dge 'dun gyi gso sbyong gi gnas su bzhed na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyi gnas thams cad grub pa'am/ bgyis pa'am/lags pa nang mtshams dang phyi rol nye 'khor 'dom gang dang bcas pa ni dge 'dun gyi gso sbyong gi gnas su blo mthun par bgyi'o/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ gnas thams cad grub pa bgyis pa'am/lags pa nang mtshams dang phyi rol nye 'khor 'dom gang dang bcas pa 'di dge 'dun gyi gso sbyong gi gnas su bzhed de/ de'i slad du dge 'dun gyi gnas thams cad grub pa'am/ bgyis pa'am/ lags pa nang mtshams dang phyi rol nye 'khor 'dom gang dang bcas pa 'di dge 'dun gyi gso sbyong gi gnas su blo mthun par bgyi na/tshe dang ldan pa gang dag gnas thams cad grub pa'am/ bgyis pa'am/ lags pa nang mtshams dang phyi rol nye 'khor 'dom gang dang bcas pa 'di dge 'dun thams cad kyi gso sbyong gi gnas su blo mthun par bgyi bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas/ dge 'dun gyi gnas thams cad grub ba'am/ bgyis pa'am/ lags pa nang mtshams dang phyi rol nye 'khor 'dom gang dang bcas pa 'di dge 'dun gyi gso sbyong gi gnas su blo mthun par bgyis lags te/'di ltar cang mi gsung pas de de bzhin du 'dzin to/ /dge 'dun gyis gang du gso sbyong gi gnas su blo mthun par byas pa der dge slong rnams kyis 'dug la gso sbyong dang / dgag dbye dang / gsol ba dang /gsol ba dang gnyis dang / gsol ba dang bzhi'i las bya'o/ /de ni gso sbyong gi gnas la blo mthun par bya ba'i cho ga dang las so/ gso sbyong gi gzhi las mthun pa'i gso sbyong gi gnas kyi skabs nas/ dge slong dag gis gso sbyong gcig pa'i gnas kyi sdom pas mtshams chen po gcad par bya'o zhes gsungs pa ni 'di ltar bya ste/je dang por dge slong gnas pa dang / gnyug mar gnas pa rnams kyis dpag tshad phyed dang gsum gyi mtha' tshun chad du mtshams chen po'i phyogs bzhi'i mtshan ma brtan po pha 'ong dang rtsig pa 'am ka ba'i shing ljon pa 'am ra ba 'am bya skyibs sam lam po che'am/khron pa la sogs pa'i mtshan ma brtan po gzugs par bya'o/ /de'i 'og tu gnas mal bsham pa byas nas gaN+DI brdungs te dris pa'i tshig gis dge slong ma rnams la yang dag par bsgo nas dge 'dun thams cad 'dug cing mthun par gyur pa la dge slong gnas pa dang gnyug mar gnas pa rnams kyis mtshams chen po'i phyogs bzhi'i mtshan ma brtan po btsugs pa dag brjod par bya'o//de'i 'og tu dge slong gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o//dge 'dun btsun pa rnams gsan du gsol/ 'di lta ste/ gnas 'di na dge slong gnas pa dang gnyug mar gnas pa rnams kyis mtshams chen po'i phyogs bzhi'i mtshan ma brtan po brjod pa shar phyogs su ni pha 'ong gi mtshan ma'am/ rtsig pa'i mtshan ma brtan po lags/ lho phyogs su ni ka ba'i mtshan ma 'am/ ljon pa'i mtshan ma brtan po lags/ nub phyogs su ni ra ba'i mtshan ma'am bya skyibs kyi mtshan ma brtan po lags/ byang phyogs su ni lam po che'i mtshan ma 'am khron pa la sogs pa'i mtshan ma brtan po lags na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis mtshan ma 'di rnams kyi nang du gso sbyong gcig pa'i gnas kyi sdom pas 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du dge 'dun gyis grong dang grong gi nye 'khor ma gtogs par dgon pa la thug pa dang /gnas mal la thug pa'i bar du mtshams chen po bcad do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ 'di lta ste gnas 'di na dge slong gnas pa dang gnyug mar gnas pa rnams kyis mtshams chen po'i phyogs bzhi'i mtshan ma brtan po brjod pa shar phyogs su ni pha 'ong gi mtshan ma 'am rtsig pa'i mtshan ma brtan po lags/lho phyogs su ni ka ba'i mtshan ma 'am shing ljon pa'i mtshan ma brtan po lags/ nub phyogs su ni ra ba'i mtshan ma 'am bya skyibs kyi mtshan ma brtan po lags/byang phyogs su ni lam po che'i mtshan ma 'am khron pa la sogs pa'i mtshan ma brtan po lags te/ de'i slad du dge 'dun gyis mtshan ma 'di rnams kyi nang du gso sbyong gcig pa'i gnas kyi sdom pas 'di lta ste/ gnas bsdu ba dang /dge slong rnams bde ba la reg par gnas par bgyi ba'i slad du grong ngam grong gi nye 'khor ma gtogs par dgon pa la thug pa dang gnas mal la thug pa'i bar du mtshams chen po bcad na/ tshe dang ldan pa gang dag mtshan ma 'di rnams kyi nang du gso sbyong gcig pa'i gnas kyi sdom pas 'di lta ste/gnas bsdu ba dang / dge slong rnams bde ba la reg par gnas par bgyi ba'i slad du grong dang grong khyer gyi nye 'khor ma gtogs par dgon pa la thug pa dang gnas mal la thug pa'i bar du mtshams chen po bcad par bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis mtshan ma 'di rnams kyi nang du gso sbyong gcig pa'i gnas kyi sdom pas 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du grong dang grong gi nye 'khor ma gtogs par dgon pa la thug pa dang gnas mal la thug pa'i bar du mtshams chen po bcad lags te/'di ltar cang mi gsung bas de de bzhin du 'dzin to/ /dge 'dun gyi gang du mtshams chen po bcad pa der dge slong rnams kyis 'dug la gso sbyong dang /dgag dbye dang / gsol ba dang / gsol ba dang gnyis dang / gsol ba dang bzhi'i las bya'o/ /mtshams bcad pa la ni 'dun pa 'bul bas de dang mthun pa mi 'grub ste/ mtshams der gtogs pa'i dge slong thams cad las kyi gnas der 'du bar bya'o//de ni mtshams chen po bcad pa'i cho ga dang las so/ /gso sbyong gi gzhi las mthun pa'i gso sbyong gi gnas kyi skabs nas mtshams chen po'i nang du dge slong thams cad kyi chos gos dag dang mi 'bral ba'i gnang ba sbyin par bya'o zhes gsungs pa ni 'di ltar bya ste/gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la dge slong gcig gis gsol ba byas te las bya'o/ / 'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ 'di lta ste gnas 'di dge 'dun mthun pas gso sbyong gcig pa'i gnas kyi sdom pas mtshams chen po bcad pa las gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du mtshams chen po'i nang du dge slong thams cad kyi chos gos dag dang 'bral bar mi 'gyur ba'i gnang ba gsol to/ /'di ni gsol ba'o//las ni 'di ltar bya ste/ dge 'dun btsun pa rnams gsan du gsol/ 'di lta ste/ gnas 'dir dge 'dun mthun pas gso sbyong gcig pa'i gnas kyi sdom pas mtshams chen po bcad de/ de'i slad du dge 'dun gyis 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad mtshams chen po'i nang du dge slong thams cad kyi chos gos dag dang 'bral bar mi 'gyur ba'i gnang ba stsol na/ tshe dang ldan pa gang dag 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du mtshams chen po'i nang du dge slong thams cad kyi chos gos dag dang 'bral bar mi 'gyur ba'i gnang ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis mtshams chen po'i nang du dge slong thams cad kyi chos gos dag dang 'bral bar mi 'gyur ba'i gnang ba stsal lags te/'di ltar cang mi gsung bas de de bzhin du 'dzin to/ /dge 'dun gyis gang du mtshams chen po'i nang du dge slong rnams kyis chos gos dag dang 'bral bar mi 'gyur ba'i gnang ba byin pa der dge slong rnams stod g.yogs smad g.yogs dang bcas pas 'dong bar bya ste/'di la 'gyod par mi bya'o/ /de ni chos gos dang mi 'bral ba'i gnang ba sbyin pa'i cho ga dang las so/ /gso sbyong gi gzhi las mthun pa'i gso sbyong gi gnas kyi skabs nas/mtshams bu chung bcad cing dkyil 'khor par blo mthun par bya'o zhes gsungs pa ni 'di ltar bya ste/ je dang por mtshams chen po bkrol ba de'i 'og tu mtshams bu chung bcad cing dkyil 'khor par blo mthun par bya'o/ /mtshams chen po ni 'di ltar dgrol bar bya ste/gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la dge slong gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o//dge 'dun btsun pa rnams gsan du gsol/ 'di lta ste gnas 'dir dge 'dun mthun pas gso sbyong gcig pa'i gnas kyi sdom pas mtshams chen po bcad pa gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis mtshams chen po gzhig cing dgrol ba mdzad do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ 'di lta ste gnas 'dir dge 'dun mthun pas gso sbyong gcig pa'i gnas kyi sdom pas mtshams chen po bcad de/de'i slad du dge 'dun gyis mtshams chen po gzhig cing dgrol ba mdzad na/ tshe dang ldan pa gang dag mtshams chen po gzhig cing dgrol ba mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/de bzhin du lan gnyis lan gsum du bzlas/ dge 'dun gyis bzod cing gnang nas/ dge 'dun gyis mtshams chen po bshig cing bkrol lags te/ 'di ltar cang mi gsung bas de de bzhin du 'dzin to/ /de ni mtshams chen po dgrol ba'i cho ga dang las so/ / de'i 'og tu mtshams bu chung bcad cing dkyil 'khor par blo mthun par bya ba ni 'di ltar bya ste/ je dang por dge slong gnas pa dang gnyug mar gnas pa rnams kyis mtshams bu chung gi phyogs bzhi'i mtshan ma brtan po seng ldeng gi phur pa btab pa'am srad bus bres pa'am rdo bzhag pa 'am srol btod pa la sogs pa'i mtshan ma brtan po gzugs par bya'o//de'i 'og tu gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la/ dge slong gnas pa dang gnyug mar gnas pa rnams kyis mtshams bu chung gi phyogs bzhi'i mtshan ma brtan po btsugs pa dag brjod par bya'o//de'i 'og tu dge slong gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/'di lta ste gnas 'di na dge slong gnas pa dang gnyug mar gnas pa rnams kyis mtshams bu chung gi phyogs bzhi'i mtshan ma brtan po brjod pa shar phyogs su ni seng ldeng gi phur pas btab pa lags/ lho phyogs su ni srad bus bres pa lags/ nub phyogs su ni rdo bzhag pa lags/byang phyogs su ni srol btod pa brtan po lags na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis mtshan ma 'di rnams kyi nang du 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du mtshams bu chung bcad cing dkyil 'khor par blo mthun par mdzad do//'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ 'di lta ste gnas 'di na dge slong gnas pa dang gnyug mar gnas pa rnams kyis mtshams bu chung gi phyogs bzhi'i mtshan ma brtan po brjod pa shar phyogs su ni seng ldeng gi phur pas btab pa lags/lho phyogs su ni srad bus bres pa lags/ nub phyogs su ni rdo bzhag pa lags/ byang phyogs su ni srol btod pa brtan po lags te/ de'i slad du dge 'dun gyis mtshan ma 'di rnams kyi nang du 'di ltar ste/gnas bsdu ba dang / dge slong rnams bde ba la reg par gnas par bgyi ba'i slad du mtshams bu chang bcad cing dkyil 'khor blo mthun par mdzad na/ tshe dang ldan pa gang dag mtshan ma 'di rnams kyi nang du 'di lta ste/ gnas bsdu ba dang /dge slong rnams bde ba la reg par gnas par bgyi ba'i slad du mtshams bu chung bcad cing dkyil 'khor par blo mthun par mdzad par bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis mtshan ma 'di rnams kyi nang du 'di lta ste/gnas bsdu ba dang / dge slong rnams bde ba la reg par gnas par bgyi ba'i slad du mtshams bu chung bcad cing dkyil 'khor par blo mthun par mdzad lags te/ 'di ltar cang mi gsung bas de de bzhin du 'dzin to/ / dge 'dun gyi nang du mtshams bu chung bcad cing dkyil 'khor par blo mthun par byas pa der dge slong rnams kyis 'dug la gso sbyong dang / dgag dbye dang / gsol ba dang / gsol ba dang gnyis dang / gsol ba dang bzhi'i las bya'o/ /mtshams bu chung bcad cing dkyil 'khor par blo mthun par byas pa'i nang du dge slong thams cad kyis chos gos dag dang mi 'bral ba'i gnang ba sbyin pa ni gcig tu ma nges te/gal te 'dod na ni sbyin par bya'o/ /de ni mtshams bu chung bcad cing dkyil 'khor par blo mthun par bya ba'i cho ga dang las so//gso sbyong gi gzhi las mthun pa'i gso sbyong gi gnas kyi skabs dge slong dag gis mtshams chen po bkrol te mtshams bu chung bcad cing dkyil 'khor par blo mthun par byas pa'i 'og tu/ yang gso sbyong gcig pa'i gnas kyi sdom pas mtshams chen po gcad par bya'o zhes gsungs pa ni 'di ltar bya ste/snga ma bzhin du je dang por dge slong gnas pa dang gnyug mar gnas pa rnams kyis dpag tshad phyed dang gsum gyi mtha' tshun chad du mtshams chen po phyogs bzhi'i mtshan ma brtan po pha bong ngam/ rtsig pa'am/ ka ba'am shing ljon pa 'am/ra ba'am bya skyibs sam/ lam po che'am khron pa la sogs pa'i mtshan ma brtan po gzugs par bya'o/ /de'i 'og tu gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la dge slong gnas pa dang gnyug mar gnas pa rnams kyis mtshams chen po'i phyogs bzhi'i mtshan ma brtan po btsugs pa dag brjod par bya'o//de'i 'og tu dge slong gcig gis gsol ba byas te las bya'o/ 'di ltar bya ste/ 'dug la 'di skad ces brjod par bya'o//dge 'dun btsun pa rnams gsan du gsol/ 'di lta ste gnas 'di na dge slong gnas pa dang gnyug mar gnas pa rnams kyis mtshams chen po'i phyogs bzhi'i mtshan ma brtan po brjod pa shar phyogs su ni pha bong gi mtshan ma'am rtsig pa'i mtshan ma brtan po lags/ lho phyogs su ni ka ba'i mtshan ma 'am shing ljon pa'i mtshan ma brtan po lags/nub phyogs su ni ra ba'i mtshan ma'am bya skyibs kyi mtshan ma brtan po lags/ byang phyogs su ni lam po che'i mtshan ma'am khron pa la sogs pa'i mtshan ma brtan po lags na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis mtshan ma 'di rnams kyi nang du gso sbyong gcig pa'i gnas kyi sdom pas 'di lta ste/ gnas bsdu dang / dge slong rnams bde ba la reg par gnas par bgyi ba'i slad du dge 'dun gyis grong dang grong gi nye 'khor ma gtogs par dgon pa la thug pa dang gnas mal la thug pa'i bar du mtshams chen po bcad do//'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ 'di lta ste gnas 'di na dge slong gnas pa dang gnyug mar gnas pa rnams kyis mtshams chen po'i phyogs bzhi'i mtshan ma brtan po brjod pa shar phyogs su ni pha bong gi mtshan ma 'am rtsig pa'i mtshan ma brtan po lags/lho phyogs su ni ka ba'i mtshan ma'am/ shing ljon pa'i mtshan ma brtan po lags/ nub phyogs su ni ra ba'i mtshan ma'am bya skyibs kyi mtshan ma brtan po lags/byang phyogs su ni lam po che'i mtshan ma'am khron pa la sogs pa'i mtshan ma brtan po lags te/ de'i slad du dge 'dun gyis mtshan ma 'di rnams kyi nang du gso sbyong gcig pa'i gnas kyi sdom pas 'di lta ste/gnas bsdu ba dang / dge slong rnams bde ba la reg par gnas par bgyi ba'i slad du grong dang grong gi nye 'khor ma gtogs par dgon pa la thug pa dang / gnas mal la thug pa'i bar du mtshams chen po gcod na/ tshe dang ldan pa gang dag mtshan ma 'di rnams kyi nang du gso sbyong gcig pa'i gnas kyis sdom pa 'di lta ste/gnas bsdu ba dang / dge slong rnams bde ba la reg par gnas par bgyi ba'i slad du/ grong dang grong gi nye 'khor ma gtogs par dgon pa la thug pa dang gnas mal la thug pa'i bar du mtshams chen po bcad par bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas/ dge 'dun gyis mtshan ma 'di rnams kyi nang du gso sbyong gcig pa'i gnas kyi sdom pas 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du grong dang grong gi nye 'khor ma gtogs par dgon pa la thug pa dang /gnas mal la thug pa'i bar du mtshams chen po bcad lags te/ 'di ltar cang mi gsung bas de de bzhin du 'dzin to/ /dge 'dun gyi gang du mtshams chen po bcad pa der dge slong rnams kyis 'dug la gso sbyong dang /dgag dbye dang / gsol ba dang / gsol ba dang gnyis dang / gsol ba dang bzhi'i las bya'o/ /mtshams bcad pa ni 'dun pa 'bul bas de dang mthun pa mi 'grub ste/ mtshams der gtogs pa'i dge slong thams cad kyi las kyi gnas der 'du bar bya'o//de ni dge slong dag gis mtshams chen po bkrol te mtshams bu chung bcad cing dkyil 'khor par blo mthun par byas pa'i 'og tu yang dge slong gso sbyong gcig pa'i gnas kyi sdom pas mtshams chen po bcad pa'i cho ga dang las so/ /gso sbyong gi gzhi las mthun pa'i gso sbyong gi gnas kyi skabs nas dge slong gang dag gis mtshams chen po bkrol te mtshams bu chung bcad cing dkyil 'khor par blo mthun par byas pa'i 'og tu yang gso sbyong gcig pa'i gnas kyi sdom pas mtshams chen po bcad nas yang mtshams chen po'i nang du dge slong thams cad kyis chos gos dag dang mi 'bral ba'i gnang ba sbyin par bya'o zhes gsungs pa ni 'di ltar bya ste/snga ma bzhin du gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la dge slong gcig gis gsol ba byas te las bya'o//'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ 'di lta ste gnas 'dir dge 'dun mthun pas gso sbyong gcig pa'i gnas kyi sdom pas mtshams chen po bcad pa las/gal te dge 'dun gyis dus la bab cing bzod na dge 'dun gyis gnang bar mdzod cig dang / dge 'dun gyis 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du mtshams chen po'i nang du dge slong thams cad kyi chos gos dag dang 'bral bar mi 'gyur ba'i gnang ba gsol to//'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ 'di lta ste gnas 'dir dge 'dun mthun pas gso sbyong gcig pa'i gnas kyi sdom pas mtshams chen po bcad de/de'i slad du dge 'dun gyis gnas 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du mtshams chen po'i nang du dge slong thams cad kyi chos gos dag dang 'bral bar mi 'gyur ba'i gnang ba gsol na/ tshe dang ldan pa gang dag 'di lta ste/gnas bsdu ba dang / dge slong rnams bde ba la reg par gnas par bgyi ba'i slad du mtshams chen po'i nang du dge slong thams cad kyi chos gos dag dang 'bral bar mi 'gyur ba'i gnang ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis mtshams chen po'i nang du dge slong thams cad kyi chos gos dag dang 'bral bar mi 'gyur ba'i gnang ba stsal lags te/ 'di ltar cang mi gsungs bas de de bzhin du 'dzin to/ /dge 'dun gyis gang du mtshams chen po'i nang du dge slong rnams kyi chos gos dag dang 'bral bar mi 'gyur ba'i gnang ba byin pa der dge slong rnams stod g.yogs smad g.yogs dang bcas pas 'dong bar bya ste/'di la u0f71'gyod par mi bya'o/ /de ni dge slong dag gis mtshams chen p o bkrol te/mtshams bu chung bcad cing dkyil 'khor bar blo mthun par byas pa'i 'og tu yang gso sbyong gcig pa'i gnas kyi sdom pas mtshams chen po bcad nas yang mtshams chen po'i nang du dge slong thams cad kyi chos gos dag dang mi 'bral ba'i gnang ba sbyin pa'i cho ga dang las so//gso sbyong gi gzhi las mthun pa'i gso sbyong gi gnas kyi skabs nas las byed pa gcig gis tshig gcig gis mtshams gnyis cig car dgol ba dang bcad du rung ngo zhes gsungs pa ni 'di ltar bya ste/ je dang por mtshams chen po dang mtshams bu chung bkrol zhing dkyil 'khor ba gzhig par bya'o//'di ltar dgrol bar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la mtshams gnyi gar dge 'dun bkod de dge slong las byed pas mtshams gnyi gar shing ngam dbyug pa'am gseg gam re ldes mnan nas gsol ba byas de las bya'o//'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ 'di lta ste gnas 'dir dge 'dun mthun pas gso sbyong gcig pa'i gnas kyi sdom pas mtshams chen po bcad cing mtshams bu chung bcad de dkyil 'khor par blo mthun par bgyis pa/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis mtshams chen po gzhig cing mtshams bu chung yang gzhig ste dkyil 'khor pa dgrol bar mdzad do//'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ 'di lta ste gnas 'dir dge 'dun mthun pas gso sbyong gcig pa'i gnas kyi sdom pas mtshams chen po bcad cing mtshams bu chung yang bcad de dkyil 'khor bar blo mthun par bgyis pa de'i slad du dge 'dun gyis mtshams chen po gzhig cing mtshams bu chung yang gzhig ste dkyil 'khor ba dgrol bar mdzad na/tshe dang ldan pa gang dag mtshams chen po gzhig cing mtshams bu chung yang gzhig ste dkyil 'khor ba dgrol bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis mtshams chen po bshig cing mtshams bu chung yang bshig nas/dkyil 'khor ba bkrol lags te/ 'di ltar cang mi gsung bas de de bzhin du 'dzin to/ /de ni las byed pa gcig gis tshig gcig gis mtshams gnyis cig car dgrol ba'i cho ga dang las so/ /las byed pa gcig gis tshig gcig gis mtshams gnyis cig car bcad pa ni 'di ltar bya ste/je dang por dge slong gnas pa dang gnyug mar gnas pa rnams kyis dpag tshad phyed dang gsum gyi mtha' tshun chad du mtshams chen po'i phyogs bzhi'i mtshan ma brtan po pha 'ong ngam/ rtsig pa'am/ka ba'am/ shing ljon pa'am/ ra ba'am/ bya skyibs sam/ lam po che'am/ khron pa la sogs pa'i mtshan ma brtan po dang / mtshams bu chung gi phyogs bzhi'i mtshan ma brtan po seng ldeng gi phur pas btab pa'am/ srad bus bres pa'am/ rdo bzhag pa 'am/srol btod pa la sogs pa'i mtshan ma brtan po gzugs par bya'o/ /de'i 'og tu gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la/ dge slong gnas pa dang gnyug mar gnas pa rnams kyis mtshams chen po dang mtshams bu chung gi phyogs bzhi'i mtshan ma brtan po btsugs pa dag brjod par bya'o//de'i 'og tu mtshams gnyi gar dge 'dun bkod da dge slong las byed pas mtshams gnyi gar shing ngam dbyug pa'am gseg gam re ldes mnan nas gsol ba byas te las bya'o//'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ 'di lta ste/ gnas 'di na dge slong gnas pa dang gnyug mar gnas pa rnams kyis mtshams chen po'i phyogs bzhi'i mtshan ma brtan po brjod pa shar phyogs su ni pha 'ong gi mtshan ma 'am rtsig pa'i mtshan ma brtan po lags/lho phyogs su ni ka ba'i mtshan ma 'am shing ljon pa'i mtshan ma brtan po lags/ nub phyogs su ni ra ba'i mtshan ma'am bya skyibs kyi mtshan ma brtan po lags/ byang phyogs su ni lam po che'i mtshan ma'am khron pa la sogs pa'i mtshan ma brtan po lags/mtshams bu chung gi phyogs bzhi'i mtshan ma brtan po brjod pa shar phyogs su ni seng ldeng gi phur pas btab pa lags/ lho phyogs su ni srad bus bres pa lags/ nub phyogs su ni rdo bzhag pa lags/byang phyogs su ni srol btod pa brtan po lags na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis mtshan ma 'di rnams kyi nang du gso sbyong gcig pa'i gnas kyi sdom pas 'di lta ste/ gnas bsdu ba dang /dge slong rnams bde ba la reg par gnas par bgyi ba'i slad du/ grong dang grong gi nye 'khor ma gtogs par dgon pa la thug pa dang / gnas mal la thug pa'i bar du mtshams chen po bcad cing mtshams bu chung yang bcad de dkyil 'khor par blo mthun par mdzad do//'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ 'di lta ste gnas 'di na dge slong gnas pa dang gnyug mar gnas pa rnams kyis mtshams chen po'i phyogs bzhi'i mtshan ma brtan po brjod pa shar phyogs su ni pha bong gi mtshan ma 'am/rtsig pa'i mtshan ma brtan po lags/ lho phyogs su ni ka ba'i mtshan ma'am shing ljon pa'i mtshan ma brtan po lags/ nub phyogs su ni ra ba'i mtshan ba'am bya skyibs kyi mtshan ma brtan po lags/ byang phyogs su ni lam po che'i mtshan ma 'am khron pa la sogs pa'i mtshan ma brtan po lags/mtshams bu chung gi phyogs bzhi'i mtshan ma brtan po brjod pa shar phyogs su seng ldeng gi phur pas btab pa lags/ lho phyogs su srad bus bres pa lags/ nub phyogs su ni rdo bzhag pa lags/ byang phyogs su ni srol btod pa brtan po lags te/de'i slad du dge 'dun gyis mtshan ma 'di rnams kyi nang du gso sbyong gcig pa'i gnas kyi sdom pas 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du/ grong dang grong gi nye 'khor ma gtogs par dgon pa la thug pa dang gnas mal la thug pa'i bar du mtshams chen po bcad cing mtshams bu chung yang bcad de dkyil 'khor par blo mthun par mdzad na/tshe dang ldan pa gang dag mtshan ma 'di rnams kyi nang du gso sbyong gcig pa'i gnas kyi sdom pas 'di lta ste/ gnas bsdu pa dang / dge slong rnams bde ba la reg par gnas par bgyi ba'i slad du grong dang grong gi nye 'khor ma gtogs par dgon pa la thug pa dang gnas mal la thug pa'i bar du mtshams chen po bcad cing mtshams bu chung yang bcad de dkyil 'khor par blo mthun par mdzad par bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis mtshan ma 'di rnams kyi nang du gso sbyong gcig pa'i gnas kyi sdom pas 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du grong dang grong gi nye 'khor ma gtogs par dgon pa la thug pa dang gnas mal la thug pa'i bar du mtshams chen po bcad cing mtshams chung ngu yang bcad de dkyil 'khor par blo mthun par mdzad lags te/'di ltar cang mi gsung bas de de bzhin du 'dzin to/ / dge 'dun gyi gang du mtshams chen po dang mtshams bu chung cig car bcad de dkyil 'khor par blo mthun par byas pa der dge slong rnams kyis 'dug ste/ gso sbyong dang / dgag dbye dang / gsol ba dang / gsol ba dang gnyis kyis las dang / gsol ba dang bzhi'i las bya'o/ de ni las byed pa gcig gis tshig gcig gis mtshams gnyis cig car bcad ba'i cho ga dang las so//gso sbyong gi gzhi las mthun pa'i gso sbyong gi gnas kyi skabs nas las byed pa gcig gis tshig gcig gis mtshams gnyis cig car bcad nas de'i 'og tu mtshams chen po'i nang du dge slong thams cad kyis chos gos dag dang mi 'bral ba'i gnang ba sbyin par bya'o zhes gsungs pa ni 'di ltar bya ste/mtshams bu chung gi nang nas phyir byung ste/ mtshams chen por gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/dge 'dun thams cad 'dug cing mthun par gyur pa la dge slong gcig gis gsol ba byas te las bya'o/ 'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ 'di lta ste gnas 'dir dge 'dun mthun pas gso sbyong gcig pa'i gnas kyi sdom pas mtshams chen po bcad pa las/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis 'di lta ste gnas bsdu ba dang / dge slong rnams bde ba la reg par gnas par bgyi ba'i slad du mtshams chen po'i nang du dge slong thams cad kyi chos gos dag dang ma 'bral bar mi 'gyur ba'i gnang ba stsal to//'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ 'di lta ste gnas 'di dge 'dun mthun pas gso sbyong gcig pa'i gnas kyi sdom pas mtshams chen po bcad de/de'i slad du dge 'dun gyis 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du mtshams chen po'i nang du dge slong thams cad kyis chos gos dag dang 'bral bar mi 'gyur ba'i gnang ba gsol na/tshe dang ldan pa gang dag 'di lta ste/ gnas bsdu ba dang / dge slong rnams bde ba la reg par gnas par bgyi ba'i slad du mtshams chen po'i nang du dge slong thams cad kyis chos gos dag dang 'bral bar mi 'gyur ba'i gnang ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas/ dge 'dun gyis mtshams chen po'i nang du dge slong thams cad kyis chos gos dag dang 'bral bar mi 'gyur bar gnang ba stsal lags te/ 'di ltar cang mi gsungs bas de de bzhin du 'dzin to/ /dge 'dun gyis gang du mtshams chen po'i nang du dge slong rnams kyi chos gos dag dang 'bral bar mi 'gyur ba'i gnang ba byin pa der dge slong rnams stod g.yogs dang smad g.yogs dang bcas pas 'dong bar bya ste/ 'di la 'gyod par mi bya'o//de ni las byed pa gcig gis tshig gcig gis mtshams gnyis cig car bcad nas de'i 'og tu mtshams chen po'i nang du dge slong thams cad kyi chos gos dag dang 'bral bar mi 'gyur ba'i gnang ba sbyin pa'i cho ga dang las so/ /mtshams ma bcad pa'i gnas su ni las la rtsig pas bskor ba yin na rtsig pa mtshams yin na/rtsig pas ma bskor na wa kha nas chu 'dzag pa gang du bab pa tshun cad mtshams yin no/ /grong la ni nye 'khor gyi mtha' tshun cad mtshams yin no/ /dgon pa la ni phyogs phyogs su rgyang grangs kyi mtha' tshun cad mtshams yin te/dge slong mtshams de dag gi nang na 'khod pa rnams kyis der 'dug la gso sbyong dang / dgag dbye dang / gsol ba dang / gsol ba dang gnyis dang / gsol ba dang bzhi'i las bya'o/ mi mthun par byed na 'gal tshabs can du 'gyur ro// //bam po bdun pa/ gso sbyong gi gzhi las mthun pa'i gso sbyong gi tshogs pa'i skabs nas/ gso sbyong bco lnga pa de nyid mtshams kyi nang na dge slong na ba dang dbang med pa dang srog dang tshangs par spyod pa'i bar chad kyi rkyen gyis gso sbyong gi gnas su 'du bar mi nus pa yod na de dag nyid yongs su dag par bya ba'i phyir de'i yongs su dag par blang bar bya'o zhes gsungs pa ni 'di ltar bya ste/dge slong yongs su dag pa len pa gcig gis yongs su dag par 'bul ba gcig dang gnyis dang rab tu mang po rnams kyi yang rung ste/ dge 'dun gyi nang du ji snyed kyi ming dag brjod par nus pa'i bar dag gi yongs su dag pa blang bar bya'o//'di ltar bya ste/ dge skos kyis gso sbyong gi tshe tshul shing brim pas dge slong rnams bgrang zhing ma lhags pa dngos su yod dam/ glo bur du 'ongs pa la sogs pa yod par 'khrigs na gso sbyong bcwa lnga pa de nyid la dge 'dun thams cad las kyi gnas su tshogs pas dge slong yongs su dag pa len pa chos lnga dang ldan pa gcig gam gnyis sam gsum tshig gis bsko bar bya zhing /des btsal ba dang bod pa dang mthon por 'dug ste phyogs su lta ba la sogs pa dag gis bsam pa thag pa nas mtshams kyi nang btsal te ma lhags pa rnams la deng dge 'dun gso sbyong mdzad na tshe dang ldan pa bar chad kyi chos rnams yongs su dag gam zhes dri bar bya zhing ma lhags pa rnams kyi de la yongs su dag pa dbul bar bya'o// dge slong yongs su dag pa 'bul bar byed pa'i kun tu spyod pa'i chos ni 'di ltar bya ste/ dge slong yongs su dag pa 'bul bar byed pas mchil lham gnyis phud nas bla gos phrag pa gcig tu byas te/ rgan pa la phyag byas nas tsog tsog por 'dug ste thal mo sbyar nas 'di skad ces brjod par bya'o//tshe dang ldan pa dgongs su gsol/ deng dge 'dun gyis gso sbyong bco lnga ba lags la/ bdag dge slong bro 'tshal ba sdug bsngal ba bro tshabs che ba ming 'di zhes bgyi ba'i gso sbyong yang bco lnga pa lags te/ bdag dge slong bro tshal ba sdug bsngal ba bro tshabs che ba ming 'di zhes bgyi ba bar chad kyi chos rnams yongs su dag go zhes bdag mchi'o//bdag gi gso sbyong yang yongs su dag ste/ yongs su dag pa yang brjod do/ /brjod pa yang rig par bgyid do/ /de bzhin du lan gnyis lan gsum du bzlas/ dge slong yongs su dag pa 'bul bar byed pas gal te de skad brjod mi nus na lus sam/ ngag gam/ lus dang ngag gi rnam par rig byed kyis yongs su dag pa 'bul bar byed na/ yongs su dag pa phul bar brjod par bya'o/ /lus sam/ ngag gam/ lus dang ngag gi rnam par byed kyis yongs su dag pa 'bul bar byed mi nus na dge 'dun thams cad der 'dong zhing gso sbyong bya ba'am/yang na dge slong de dge 'dun gyi nang du blangs te gso sbyong bya'o/ /dge slong yongs su dag pa len pa'i kun tu spyod pa'i chos ni 'di ltar bya ste/ dge slong yongs su dag pa len pas yongs su dag pa blangs nas brgyug par mi bya zhing /mgyogs par mi bya/ mchong par mi bya/ phyi rol la mchong bar mi bya/ 'obs la mchong bar mi bya/ bang rim la mchong bar mi bya/ steng gi nam mkha' la 'dug par mi bya/ mtshams kyi phyi rol du 'gro bar mi bya/gom pa gcig gis skas kyi rim pa gnyis la thod rgal du 'dzeg par mi bya/ gom pa gcig gis them skas kyi them pa gnyis la thod rgal du 'dzeg par mi bya/ chu lkog ma nub tsam la 'bog par mi bya/ gnyid log par mi bya/ snyoms par 'jug par mi bya bar dge 'dun gyi nang du 'jug par bya zhing /gang gi tshe dge 'dun gyi gnas brtan gyis tshe dang ldan pa dag ma lhags pa rnams kyi yongs su dag pa brjod cig /brjod pa yang rig par gyis shig ces smras pa'i tshe des dge slong ma yang na dge 'dun la de'i yongs su dag pa dbul bar bya'o//dge slong la 'bul na ni des dge slong drung na 'dug pa'i mdun du 'dug ste 'di skad ces brjod par bya'o/ /tshe dang ldan pa dgongs su gsol/ deng dge 'dun gyi gso sbyong bcwa lnga pa lags la/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba'i gso sbyong yang bco lnga pa lags te/gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba de bar chad kyi chos rnams yongs su dag go zhes kho na nyid mchi'o/ /de'i gso sbyong yang yongs su dag go//yongs su dag pa yang brjod do/ /brjod par yang rig par bgyid do/ /de bzhin du lan gnyis lan gsum du bzlas/ dge 'dun la 'bul na ni des dge 'dun gyi dbus su rgan pa'i mthar 'greng ste 'dud pa dang bcas pas 'di skad ces brjod par bya'o/ / dge 'dun btsun pa rnams dgongs su gsol/ deng dge 'dun gyi gso sbyong bco lnga pa lags la/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba'i gso sbyong yang bco lnga pa lags te/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba de bar chad kyi chos rnams yongs su dag go zhes kho na nyid mchi'o//de'i gso sbyong yang yongs su dag go/ /yongs su dag pa yang brjod do/ /brjod pa yang rig par bgyid do zhes lan cig brjod par bya'o/ /dge slong yongs su dag pa len pas yongs su dag pa blangs te dge 'dun gyi nang du ma phyin par de nyid dam lam khar rgyun chad cing dus byed dam khyim pa nyid la sogs par khas 'che bar byed na yongs su dag pa ma blangs pa yin te yang blang bar bya'o//dge 'dun gyi nang du phyin nas rgyun chad cing dus byed dam khyim pa nyid la sogs par khas 'che bar byed na ma brjod kyang yongs su dag pa blangs pa yin te yang blangs bar mi bya'o//de ni dge slong bdag nyid yongs su dag par bya ba'i phyir yongs su dag pa 'bul ba'i cho ga dang sngags so//gso sbyong gi gzhi las mthun pa'i gso sbyong gi tshogs pa'i skabs nas/ gso sbyong bco lnga pa de nyid la mtshams kyi nang na dge slong na ba dang dbang med pa dang srog dang tshangs par spyod pa'i bar chad kyi rkyen gyis gso sbyong gi gnas su 'du bar mi nus pa des bdag nyid yongs su dag par bya ba'i phyir yongs su dag pa phul na dge 'dun dang mthun par bya ba'i phyir de'i 'dun pa blang bar bya'o zhes gsungs pa ni 'di ltar bya ste/dge slong 'dun pa len pa gcig gis 'dun pa 'bul ba gcig dang gnyis dang rab tu mang po rnams kyi yang rung ste/ dge 'dun gyi nang du ji snyed kyi ming dag brjod par nus pa'i bar dag gi 'dun pa blang bar bya'o/ /'di ltar bya ste/ dge skos kyis gso sbyong gi tshe tshul shing brim pas dge slong rnams bgrang zhing / ma lhags pa dngos su yong dam glo bur du 'ongs pa la sogs pa yod par 'phrigs na gso sbyong bco lnga pa de nyid la dge 'dun thams cad las kyi gnas su tshogs pas dge slong 'dun pa len pa chos lnga dang ldan pa gcig gam gnyis sam gsum tshig gis bsko bar bya zhing /des btsal ba dang / bod pa dang mthon por 'dug ste/ phyogs su lta ba la sogs pa dag gis bsam pa thag pa nas mtshams kyi nang btsal te/ma lhags pa rnams la deng dge 'dun gyi gso sbyong mdzad pa la tshe dang ldan pa 'dun pa 'bul lam zhes dri bar bya zhing / ma lhags pa rnams kyis de la 'dun pa dbul bar bya'o/ /dge slong 'dun pa la 'bul bar byed pa'i kun tu spyad pa'i chos ni 'di ltar bya ste/dge slong 'dun pa 'bul bar byed pas mchil lham gnyis phud nas bla gos phrag pa gcig tu byas te/ rgan pa la phyag 'tshal nas tsog tsog por 'dug ste thal mo sbyar nas 'di skad ces brjod par bya'o/ /tshe dang ldan pa dgongs su gsol/ deng dge 'dun gyi gso sbyong bco lnga pa lags la/ bdag dge slong bro 'tshal ba sdug bsngal ba bro tshabs che ba ming 'di zhes bgyi ba'i gso sbyong yang bco lnga pa lags te/ bdag dge slong bro 'tshal ba sdug bsngal ba bro tshabs che ba ming 'di zhes bgyi ba dge 'dun chos bzhin du mdzad pa la 'dun pa 'bul lo//'dun pa yang brjod do/ /brjod par yang rig par bgyid do/ /de bzhin du lan gnyis lan gsum du bzlas/ dge slong 'dun pa 'bul bar byed pas gal te de skad brjod mi nus na/ lus sam/ ngag gam/ lus dang ngag gi rnam par rig byed kyis 'dun pa 'bul bar byed na 'dun pa phul bar brjod par bya'o//lus sam/ ngag gam/ lus dang ngag gi rnam par rig byed kyis 'dun pa 'bul bar byed mi nus dge 'dun thams cad der 'dong zhing gso sbyong byas pa'am/ yang na dge slong de dge 'dun gyi nang du bdas de gso sbyong bya'o//dge slong 'dun pa len pa'i kun tu spyad pa'i chos ni 'di ltar bya ste/ dge slong 'dun pa len pas 'dun pa blangs nas brgyug par mi bya/ mgyogs par mi bya/ mchong bar mi bya/ phyi rol la mchong bar mi bya/ 'obs la mchong bar mi bya/ bang rim la mchong bar mi bya/ steng gi nam mkha' la 'dug par mi bya/mtshams kyi phyi rol du 'gro bar mi bya/ gom pa gcig gis skas kyi rim pa gnyis la thod rgal du 'dzeg par mi bya/ gom pa gcig gis them skas kyi them pa gnyis la 'dzeg par mi bya/ chu lkog ma nub tsam la 'bog par mi bya/ gnyid log par mi bya/snyoms par 'jug par mi bya bar dge 'dun gyi nang du 'jug par bya zhing gang gi tshe dge 'dun gyi gnas brtan gyis tshe dang ldan pa dag ma lhags pa rnams kyis 'dun pa brjod cig /brjod pa yang rig par gyis shig ces smras pa'i tshe des dge slong ma yang na dge 'dun la de'i 'dun pa dbul bar bya'o//dge slong la 'dun pa 'bul na ni des dge slong drung na 'dug pa'i mdun du 'dug ste/ 'di skad ces brjod par bya'o/ /tshe dang ldan pa dgongs su gsol/ deng dge 'dun gyi gso sbyong bco lnga pa lags la/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba'i gso sbyong yang bco lnga pa lags te/gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba deng dge 'dun chos bzhin du mdzad pa la 'dun pa 'bul lo/ / 'dun pa yang brjod do/ /brjod pa yang rig par bgyid do/ /de bzhin du lan gnyis lan gsum du bzlas/ dge 'dun la 'dun pa 'bul na ni des dge 'dun gyi dbus su rgan pa'i mthar 'greng ste 'dud pa dang bcas pas 'di skad ces brjod par bya'o/ /dge 'dun btsun pa rnams dgongs su gsol/deng dge 'dun gyi gso sbyong bco lnga pa lags la/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba'i gso sbyong yang bco lnga pa lags te/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyid de/dge 'dun chos bzhin mdzad pa la 'dun pa 'bul lo/ /'dun pa yang brjod do/ /brjod par yang rig par bgyid do zhes lan cig brjod par bya'o/ /dge slong 'dun pa len pas 'dun pa blangs te dge 'dun gyi nang du ma byin pa de nyid dam lam khar rgyun chad cing dus byed dam khyim pa nyid la sogs par khas 'che bar byed na 'dun pa ma blangs pa yin te yang blang bar bya'o//dge 'dun gyi nang du phyin nas rgyun chad cing dus byed dam khyim pa nyid la sogs par khas 'che bar byed na ma brjod kyang 'dun pa blangs pa yin te yang blang bar mi bya'o/ /de ni dge 'dun dang mthun par bya ba'i phyir dge slong gi 'dun pa dbul ba'i cho ga dang sngags so//gso sbyong gi gzhi las mthun pa'i gso sbyong gi tshogs pa'i skabs nas gso sbyong bco lnga pa de nyid la mtshams kyi nang na dge slong na ba dang / dbang med pa dang / srog dang tshangs par spyod pa'i bar chad kyi rkyen gyis gso sbyong gi gnas su 'du bar mi nus pa yod na de bdag nyid yongs su dag par bya ba'i phyir dang /dge 'dun dang mthun par bya ba'i phyir de'i yongs su dag pa dang 'dun pa cig car blang du yang rung ngo zhes gsungs pa ni 'di ltar bya ste/ dge slong yongs su dag pa dang /'dun pa len pa gcig gis/ yongs su dag pa dang 'dun pa 'bur ba gcig dang / gnyis dang / rab tu mang po rnams kyi yang rung ste/ dge 'dun gyi nang du ji snyed kyi ming dag brjod par nus pa'i bar dag gi yongs su dag pa dang 'dun pa cig car blang bar bya'o/ /'di ltar bya ste/dge skos kyis gso sbyong gi tshul shing brim pas dge slong rnams bgrang zhing ma lhags pa dngos su yod dam glo bur du 'ongs pa la sogs par yod par 'phrigs na gso sbyong bco lnga pa de nyid la dge 'dun thams cad las kyi gnas su tshogs pas dge slong yongs su dag pa dang 'dun pa len pa chos lnga dang ldan pa gcig gam gnyis sam gsum tshig gis bsko bar bya zhing des btsal ba dang bod pa dang mthon por 'dug ste phyogs su lta ba la sogs pa dag gis bsam pa thag pa nas mtshams kyi nang btsal te/ma lhags pa rnams la deng dge 'dun gso sbyong mdzad na/tshe dang ldan pa bar chad kyi chos rnams yongs su dag gam/ 'dun pa 'bul lam zhes dri bar bya zhing ma lhags pa rnams kyis de la yongs su dag pa dang 'dun pa dbul bar bya'o/ /dge slong yongs su dag pa dang 'dun pa 'bul bar byed pa'i kun tu spyad pa'i chos ni 'di ltar bya ste/dge slong yongs su dag pa dang 'dun pa 'bul bar byed pas mchil lham gnyis phud nas bla gos phrag pa gcig tu byas te rgan pa la phyag 'tshal nas/ tsog tsog por 'dug ste thal mo sbyar nas 'di skad ces brjod par bya'o/ /tshe dang ldan pa dgongs su gsol/ deng dge 'dun gyi gso sbyong bco lnga pa lags la/ bdag dge slong bro 'tshal ba sdug bsngal ba bro tshabs che ba ming 'di zhes bgyi ba'i gso sbyong yang bco lnga ba lags te/ bdag dge slong bro 'tshal ba sdug bsngal ba bro tshabs che ba ming 'di zhes bgyi ba bar chad kyi chos rnams yongs su dag go zhes bdag nyid mchi'o//dge 'dun chos bzhin du mdzad pa la 'dun pa 'bul lo/ /bdag gi gso sbyong yang yongs su dag go/ /'dun pa dang yongs su dag pa yang brjod do/ /brjod pa yang rig par bgyid do/ /de bzhin du lan gnyis lan gsum du bzlas/ dge slong yongs su dag pa dang 'dun pa 'bul bar byed pas gal te de skad brjod mi nus na lus sam/ ngag gam/ lus dang ngag gi rnam par rig byed kyis yongs su dag pa dang 'dun pa 'bul bar byed na yongs su dag pa dang 'dun pa phul bar brjod par bya'o/ /lus sam ngag gi rnam par rig byed kyis yongs su dag pa dang 'bul bar byed mi nus na dge 'dun thams cad der 'dong zhing gso sbyong bya ba'am/yang na dge slong de dge 'dun gyi nang du blangs te gso sbyong bya'o/ /dge slong yongs su dag pa dang 'dun pa len pa'i kun tu spyad pa'i chos ni 'di ltar bya ste/ dge slong yongs su dag pa dang 'dun pa len pas yongs su dag pa dang 'dun pa blangs nas brgyug par mi bya/mgyogs par mi bya/ mchong bar mi bya/ phyi rol la mchong bar mi bya/ 'obs la mchong bar mi bya/ bang rim la mchong bar mi bya/ steng gi nam mkha' la 'dug par mi bya/mtshams kyi phyi rol du 'gro bar mi bya/ gom pa gcig gis skas kyi rim pa gnyis la thod rgal du 'dzeg par mi bya/ gom pa gcig gis them skas kyi them pa gnyis la thod rgal du 'dzeg par mi bya/ chu lkog ma nub tsam la 'bog par mi bya/ gnyid log par mi bya/ snyoms par 'jug par mi bya bar dge 'dun gyi nang du 'jug par bya zhing /gang gi tshe dge 'dun gyi gnas brtan gyis tshe dang ldan pa dag ma lhags pa rnams kyi yongs su dag pa dang 'dun pa brjod cig /brjod pa yang rig par gyis shig ces smras pa'i tshe des dge slong ma yang na dge 'dun la de'i yongs su dag pa dang 'dun pa cig car dbul bar bya'o//dge slong la 'bul na ni dge slong drung na 'dug pa'i mdun du 'dug ste/ 'di skad ces brjod par bya'o/ /tshe dang ldan pa dgongs su gsol/ deng dge 'dun gyi gso sbyong bco lnga pa lags la/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba'i gso sbyong yang bco lnga pa lags te/gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba de bar chad kyi chos rnams yongs su dag go zhes kho na nyid mchi'o/ /dge 'dun chos bzhin du mdzad pa la 'dun pa 'bul lo//de'i gso sbyong yang yongs su dag go/ /'dun pa dang yongs su dag pa yang brjod do/ /brjod pa yang rig par bgyid do/ /de bzhin du lan gnyis lan gsum du bzlas/ dge 'dun la 'bum na ni des dge 'dun gyi dbus su rgan pa'i mthar 'greng ste 'dud pa dang bcas pas 'di skad ces brjod par bya'o//dge 'dun btsun pa rnams dgongs su gsol/ deng dge 'dun gyi gso sbyong bco lnga pa lags la/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba'i gso sbyong yang bco lnga pa lags te/gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba de bar chad kyi chos rnams yongs su dag go zhes kho na nyid mchi'o/ /dge 'dun chos bzhin du mdzad pa la 'dun pa 'bul lo/ / de'i gso sbyong yang yongs su dag go/ /'dun pa dang yongs su dag pa yang brjod do/ /brjod pa yang rig par bgyid do zhes lan cig brjod par bya'o/ /dge slong yongs su dag pa dang 'dun pa len pas yongs su dag pa dang 'dun pa blangs te dge 'dun gyi nang du ma phyin par de nyid dam lam khar rgyun chad cing dus byed dam khyim pa nyid la sogs par khas 'che bar byed na yongs su dag pa dang 'dun pa ma blangs pa yin te yang blang bar bya'o//dge 'dun gyi nang du phyin nas rgyun chad cing dus byed dam khyim pa nyid la sogs par khas 'che bar byed na ma brjod kyang yongs su dag pa dang 'dun pa blangs pa yin te yang blang bar mi bya'o//de ni dge slong bdag nyid yongs su dag par bya ba'i phyir dang / mthun par bya ba'i phyir yongs su dag pa dang 'dun pa cig car dbul ba'i cho ga dang sngags so/ /gso sbyong gi gzhi las mthun pa'i gso sbyong gi tshogs pa'i skabs nas dge slong smyos pa mi mthun pa byed pa la smyos pa'i gnang ba sbyin par bya'o//zhes gsungs pa ni 'di ltar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la dge slong gcig gis gsol ba byas te las bya'o//'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ /dge slong bye ma skyes 'di sgren mor byung nas smyos shing sems 'khrugs te/de dang der 'khyam zhing dge 'dun gyi gso sbyong gi gnas su res 'ga' ni mchi/ res 'ga' ni mi mchi/ dge 'dun dang lhan cig gso sbyong res 'ga' ni nyams su myong bar bgyid/ res 'ga' ni nyams su myong bar mi bgyid/ dge 'dun gyi ched dang bgyi ba rnams la res 'ga' ni mchi/res 'ga' ni mi mchi/ dge 'dun dang lhan cig dge 'dun gyi ched dang bgyi ba rnams res 'ga' ni nyams su myong bar bgyid/ res 'ga' ni nyams su myong bar mi bgyid pas dge slong rnams bdag cag ni mthun par ma gyur ces las rnams mi bgyid na/gal te dge 'dun gyi dus la bab cing bzod na/ dge 'dun gyis gnang bar mdzod cig dang / dge 'dun gyis dge slong bye ma skyes smyos pa la smyos pa'i gnang ba stsal zhig gal te tshur mchi yang bzlog par mi bgyid/ phar mchi yang bzlog par mi bgyi bar dge slong bye ma skyes tshur mchi'am phar mchi yang rung /dge 'dun gyis gso sbyong dang / dgag dbye dang / gsol ba dang / gsol ba dang gnyis dang / gsol ba dang bzhi'i las bgyi ste/ des dge 'dun mi mthun par mi 'gyur ro/ /'di ni gsol ba'o/ /las ni 'di ltar bya ste/dge 'dun btsun pa rnams gsan du gsol/ dge slong bye ma skyes 'di sgren mor byung nas smyos shing sems 'khrugs te de dang der 'khyam zhing / dge 'dun gyi gso sbyong gi gnas su res 'ga' ni mchi/ res 'ga' ni mi mchi/ dge 'dun dang lhan cig gso sbyong res 'ga' ni nyams su myong bar bgyid/res 'ga' ni nyams su myong bar mi bgyid/ dge 'dun dang dge 'dun gyi ched dang bgyi ba rnams la res 'ga' ni mchi/ res 'ga' ni mi mchi/ dge 'dun dang lhan cig dge 'dun gyi ched dang bgyi ba rnams la res 'ga' ni nyams su myong bar bgyid/res 'ga' ni nyams su myong bar mi bgyid pas dge slong rnams/ bdag cag ni mthun par ma gyur ces las rnams mi bgyid na/ dge 'dun gyis dge slong bye ma skyes smyos pa la smyos pa'i gnang ba stsal zhing / gal te tshur mchi yang bzlog par mi bgyi/ phar mchi yang bzlog par mi bgyi bar/dge slong bye ma skyes tshur mchi'am/ phar mchi yang rung / dge 'dun gyis gso sbyong dang / dgag dbye dang / gsol ba dang / gsol ba dang gnyis dang / gsol ba dang bzhi'i las bgyi ste/ des dge 'dun mi mthun par mi 'gyur bar mdzad na/tshe dang ldan pa gang dag dge slong bye ma skyes smyos pa la smyos pa'i gnang ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong bye ma skyes smyos pa la smyos pa'i gnang ba stsal lags te/'di ltar cang mi gsung pas de de bzhin du 'dzin to/ /de ni smyos pa'i gnang ba sbyin pa'i cho ga dang las so/ /gso sbyong bco lnga pa de nyid la dge slong gnyug mar gnas pa 'ga' zhig rgyal po la sogs pas bzung ste/ mtshams kyi nang na 'dug na pho nya btang ba la sogs pas de dang mthun pa sgrub pa'i phyir 'bad par bya ba dang /dge slong glo bur du 'ongs pa 'ga' zhig mtshams kyi nang na 'dug par 'phrigs na btsal ba dang / bong ba dang / mthon por 'dug ste phyogs su lta ba dag gis de dang mthun par sgrub pa'i phyir 'bad par bya ba dang / mtshams gcig gi nang du tshogs tha dad pas las tha dad pa mang po so so na byed na 'dun pa dang yongs su dag pa phan tshun dbul ba dag gis de dang mthun pa sgrub pa'i phyir 'bad par bya'o//de ni mthun pa'i gso sbyong la tshogs par bya ba'i cho ga'o/ /gso sbyong gi gzhi las mthun pa'i gso sbyong gi cho ga'i skabs nas/gso sbyong gi gnas su 'du ba'i mdun rol kho nar gso sbyong snga ma 'das pa'i mtha' tshun chad kyi zla ba phyed kyi ltung ba la so sor brtag cing ltung ba shes pa bshags pa'am/ bsdam pa'am/ byin gyis brlabs pas phyir bcos te las kyi gnas su 'dug par bya'o zhes sungs pa ni 'di ltar bya ste/gso sbyong zhes bya ba ni bslab pa gsum po dag gso zhing sbyong bar byed pa ste/ de yang rnam pa gnyis ste/ mthun pa'i gso sbyong dang / zhi gnas kyi gso sbyong ngo / /de la mthun pa'i gso sbyong ni lhag pa'i tshul khrims kyi dbang du byas te gnas dang tshogs pa dang cho ga mthun par bya ba'o//zhi gnas kyi gso sbyong ni lhag pa'i sems dang lhag pa'i shes rab kyi dbang du byas te spong ba'i yan lag sgom pa'o/ /de yang las phyi ma rnams ni mi bya ba'i chu lon gyis bsdam pa yin pas de ni mthun pa'i gso sbyong gis sdom par byed do//las snga ma rnams ni bsgom pa'i rnam pas sbyang ba yin pas de ni zhi gnas kyi gso sbyong gis sbyong bar byed de/ des na lhag pa'i tshul khrims la brten te lhag pa'i sems bskyed la/ lhag pa'i sems la brten te lhag pa'i shes rab skye bas bslab pa gsum po dag gso zhing sbyong ba ni mthun pa'i gso sbyong dang zhi gnas kyi gso sbyong yin par shes par bya'o//skabs 'dir ni mthun pa'i gso sbyong gzung bar bya ste/ mthun pa'i gso sbyong ni rnam pa lnga ste/ bcu bzhi pa dang / bco lnga ba dang / bkra shis kyi gso sbyong dang / gnod pa byung ba'i gso sbyong dang /bsdum pa'i gso sbyong ngo / /de la gso sbyong bcu bzhi pa dang / bco lnga pa ni dus tshigs drug po dag gis zla ba bcu gnyis la gso sbyong nyi shu rtsa bzhi yod pa las drug ni gso sbyong bcu bzhi pa yin la/ bco brgyad ni gso sbyong bco lnga pa yin te/ dbyar zla gsum dang /dgun zla gsum gyi ni ra ba dang / tha chungs mar gyi ngo bco lnga mi thub pas ra ba dang tha chungs kyi gnam stong bzhi gso sbyong bcu bzhi pa yin la/ ston zla gsum dang dpyid zla gsum gyi 'bring por mar gyi ngo bco lnga mi thub pas 'bring po'i gnam stong gnyis gso sbyong bcu bzhi pa yin no/ / lhag ma bco brgyad ni gso sbyong bco lnga pa yin no/ /de dag brtsi ba ni dge 'dun gyi gnas brtan gyis zla ba ngo re zhing smyug ma'i thur ma bco lnga skud pa la brgyus pa nyi ma re re bgrang zhing dge skos kyis gnas brtan la brtags te dge 'dun la nyi ma re zhing brjod par bya'o/ /zla ba shol dor ba ni rgyal po'i rjes su 'brang bas dor ro//rgyu skar ni skar mkhan gyi rjes su 'brang bas shes par bya'o/ /bkra shis kyi gso sbyong dang / gnod pa byung ba'i gso sbyong dang / bsdum pa'i gso sbyong dag ni/ gang gi tshe de dag bya dgos pa de'i tshe bya bar zad kyi dus nges pa ni med do/ /'di la dge slong thams cad kyis gso sbyong gi gnas su 'du ba'i mdun rol kho nar gso sbyong ma 'das pa'i mtha' tshud chad kyi zla ba phyed kyi ltung ba la so sor brtag par bya ste/ltung ba shes pa bshags pa'am/ bsdams pa'am/ byin gyis brlabs pas phyir bcos te las kyi gnas su 'dug par bya'o/ / de'i cho ga dang sngags ni 'di ltar bya ste/ ltung byed 'ba' zhig gam/ so sor bshags par bya ba'am/ bshags par bya ba'i nyes byas las gang yang rung ba zhig shes na/ des mchil lham gnyis phud nas bla gos phrag pa gcig tu byas te/ dge slong ltung ba mi mthun pa gcig gi mdun du rgan pa la phyag 'tshal nas tsog tsog por 'dug ste thal mo sbyar ba btud nas 'di skad ces brjod par bya'o//tshe dang ldan pa dgongs su gsol/ bdag dge slong ming 'di zhes bgyi ba la ltung ba 'di lta bu 'di byung ste/ bdag dge slong ming 'di zhes bgyi ba ltung ba de dag pa'i mtha' tshun cad nas bzung ste tshe dang ldan pa'i mdun du mthol lo//'chags so/ /mi 'chab bo/ /mthol zhing bshags na bdag bde ba la reg par gnas par 'gyur gyi/ ma mthol ma bshags na ni mi 'gyur ro/ /de bzhin du lan gnyis lan gsum du bzlas/ len pas ltung ba mthong ngam zhes brjod par bya'o//'chags pas mthong ngo zhes brjod par bya'o/ /len pas phyin chad sdom mam zhes brjod par bya'o/ /'chags pas sdom mo zhes brjod par bya'o/ /de bzhin du lan gnyis lan gsum du bzlas/ len pas thabs yin no zhes brjod par bya'o/ /'chags pas legs so zhes brjod par bya'o//de'i tshe dge slong ltung ba la dogs pa dang / yid gnyis za bar gyur na dge slong des dge slong mdo sde 'dzin pa dang / 'dul ba 'dzin pa dang / ma mo 'dzin pa dag la dris te ltung ba la dogs pa dang yid gnyis bsal nas dge slong gi mdun du chos bzhin du phyir bya'o//bsdam par bya ba'i nyes byas gang yang rung ba zhig shes na rang gi sems kyis bsdam par bya'o/ /dge 'dun lhag ma dang nyes pa sbom po dang spang pa'i ltung byed kyi ltung ba gang yang rung ba zhig shes na byin gyis brlab par bya'o/ /'di ltar bya ste/ des snga ma bzhin du mchil lham gnyis phud nas bla gos phrag pa gcig tu byas te/dge slong ltung ba mi mthun pa gcig gi mdun du rgan pa la phyag 'tshal nas tsog tsog pur 'dug ste thal mo sbyar ba btud nas 'di skad ces brjod par bya'o/ /tshe dang ldan pa dgongs su gsol/ bdag dge slong ming 'di zhes bgyi ba la ltung ba 'di lta bu 'di byung ste/bdag dge slong ming 'di zhes bgyi bas deng ltung ba de tshe dang ldan pa'i mdun du byin gyis brlabs te gso sbyong bgyi'o/ /sang nang par ltung ba de chos bzhin du slar bgyi'o/ /de bzhin du lan gnyis lan gsum du bzlas/ de ni gso sbyong gi gnas su 'du ba'i mdun rol du ltung ba shes pa dang /yid gnyis za ba dang / bshags pa dang / bsdam pa dang / byin gyis brlab pa'i cho ga dang sngags so/ /mthun pa'i gso sbyong gi cho ga'i skabs nas/ gsol ba byas te so sor thar pa'i mdo gdon pas gso sbyong bya'o zhes gsungs pa ni 'di ltar bya ste/so sor thar pa'i mdo gdon pa ni dge 'dun gyi gnas brtan gyi las yin no/ /des mi nus pa nyid yin na gnyis pa'i las yin no/ /des kyang mi nus pa nyid yin na gsum pa'i las yin no/ /des kyang mi nus pa nyid yin na thams cad kyis res kyis gdon par bya'o/ / res 'bab pa'i tshe des 'don mi nus na gzhan la bcol bar bya'o/ /des ma btub na dge 'dun gyis de la bcol bar bya'o/ /'don pa de dag gis tshig phyed kyang ma 'khrul par legs par thon pa de nyid yin na gdon gyi gzhan du na mi 'chags so/ /'don pa'i tshe rdugs na lhag ma gzhan gyis gdon par bya'o//dum bu 'dzin pa nyid yin na ji snyed kyis gzhung bsrangs pa de snyed kyis pheg tu phyed du bcad de gdon par bya'o/ /'don par byed pas so sor thar pa'i mdo gdon pa'i gsol ba ni 'di ltar bya ste/ mdo 'don pa seng ge'i khri la 'dug nas so sor thar pa'i mdo gdon pa dang /dus dang por bya ba dag je bton nas/ de'i 'og tu gsol ba 'ba' zhig gi las bya'o/ /'di ltar bya ste/ seng ge'i khri la 'dug bzhin du 'di skad ces brjod par bya'o/ /dge 'dun btsun pa rnams gsan du gsol/ deng dge 'dun gyi gso sbyong bcu bzhi pa'am/ bco lnga pa ste/gal te dge 'dun gyi dus la bab cing bzod na dge 'dun gyis gnang bar mdzod cig dang / deng dge 'dun gyi gso sbyong mdzad de so sor thar pa'i mdo gdon pa gdon to/ /'di ni gsol ba'o/ /de ltar gsol ba byas nas so sor thar pa'i mdo gdon pa rnam pa lnga po gleng gzhi gdon pa dang /pham par gyur pa gdon pa dang / dge 'dun lhag ma gdon pa dang / ma nges pa gdon pa dang / ril gyis gdon pa dag gdon par bya'o/ /de la gleng gzhi gdon pa ni rdzogs pa kho nar mi gdon du mi rung ngo / /gleng gzhi bton nas lhag ma rnams ni thos pa bsgrags pas sgrub tu rung ngo //de yang gleng gzhi bton nas pham par 'gyur ba gdon pa brtsams na pham par 'gyur ba'i sde tshan rdzogs par gdon dgos so/ /pham par 'gyur ba bton nas dge 'dun lhag ma gdon pa brtsams na dge 'dun lhag ma'i sde tshan yang rdzogs par gdon dgos so//dge 'dun lhag ma bton nas ma nges pa gdon pa brtsams nas ma nges pa'i sde tshan yang rdzogs par gdon dgos te/ pham par 'gyur ba dang / dge 'dun lhag ma dang / ma nges pa yan chad kyi sde tshan ni gdon par mgo brtsams na gang brtsams pa'i sde tshan de nyid rdzogs par bya dgos so//spang ba'i ltung byed man chad kyi sde tshan ni gdon par mgo brtsams na lhag ma so sor thar pa'i gzhung thams cad rdzogs par gdon dgos te/ ril gyis gdon pa zhes bya ba yang de yin no/ /mgo brtsams pa'i sde tshan de nyid rdzogs par bya dgos pa de dag ma rdzogs na mi 'chags so//'jigs pa dang bcas pa nyid du 'dron lam du 'gro la 'dron pa don mthun pa dag sdod du mi btub na 'gro bzhin du gdon par bya ste/ 'di'i las ni 'dug pa nyid kyis bya'o zhes gsungs pa'i dmigs kyis bsal ba yin no/ /sgra mi 'dod na mdor bsdus te gdon no//de tsam yang mi 'dod na byin gyis brlab par bya'o/ /chos ma yin pas 'don na mi 'chags te/ gdon par bya ba dang / de'i tshad dang / dus dang / gdon par byed pa rnams de kho na bzhin nye bar ma bzung ba ni 'dir chos ma yin pa'o/ /gdon par bya ba de kho na bzhin nye bar ma bzung ba ni so sor thar pa'i mdo las gzhan pa phran tshegs la sogs pa gdon pa'o//de'i tshad de kho na bzhin nye bar ma bzung ba ni gleng gzhi mi 'don zhing lhag ma rnams kyang thos pa bsgrags pas sgrub par mi byed pa'o/ /de'i dus de kho na bzhin nye bar ma bzung ba ni gso sbyong gi dus las gzhan pa'i dus su 'don pa'o//'don par byed pa de kho na bzhin nye bar ma bzung ba ni gang zag bsnyen par rdzogs pa dang mtshan dang lta ba dang tshul khrims dang lta ba mthun pa dag las gzhan pas 'don pa'o/ /de ni so sor thar pa'i mdo gdon pa'i cho ga dang las so//mthun pa'i gso sbyong gi cho ga'i skabs nas gso sbyong bco lnga pa de nyid la dge slong gis dge 'dun gyi nang du ltung ba dran na des ltung ba de dge slong drung na mo la byin gyis brlab par bya'o zhes gsungs pa ni 'di ltar bya ste/ des dge slong drung na 'dug pa'i mdun du tsog tsog pur 'dug ste/thal mo sbyar ba btud nas 'di skad ces brjod par bya'o/ /tshe dang ldan pa dgongs su gsol/ deng dge 'dun gyi gso sbyong bco lnga pa lags la/ bdag dge slong ming 'di zhes bgyi ba'i gso sbyong yang bco lnga pa lags te/ bdag dge slong ming 'di zhes bgyi ba dge 'dun gyi nang du ltung ba 'di dang 'di lta bu zhig dran te/bdag dge slong ming 'di zhes bgyi ba deng ltung ba 'di tshe dang ldan pa'i mdun du byin gyis brlabs te gso sbyong bgyi'o/ /sang nang par ltung ba de chos bzhin du slar bgyi'o zhes lan cig brjod par bya'o/ de ni dge slong gis dge 'dun gyi nang du ltung ba dran pa byin gyis brlab pa'i cho ga dang sngags so//de nyid kyi skabs nas gso sbyong bco lnga pa de nyid la dge slong dge 'dun gyi nang du ltung ba la yid gnyis dang bcas par gyur na/ des ltung ba de dge slong drung na mo la byin gyis brlab par bya'o zhes gsungs pa ni 'di ltar bya ste/des dge slong drung na 'dug pa'i mdun du tsog tsog por 'dug ste thal mo sbyar ba btud nas 'di skad ces brjod par bya'o/ /tshe dang ldan pa dgongs su gsol/ deng dge 'dun gyi gso sbyong bco lnga pa lags la/ bdag dge slong ming 'di zhes bgyi ba'i gso sbyong yang bco lnga pa lags te/bdag dge slong ming 'di zhes bgyi ba dge 'dun gyi nang du ltung ba 'di dang 'di lta bu zhig la yid gnyis su gyur na bdag gis deng ltung ba de tshe dang ldan pa'i mdun du byin gyis brlabs te gso sbyong bgyi'o/ /sang nang par dge slong mdo sde 'dzin pa dang / 'dul ba 'dzin pa dang /ma mo 'dzin pa rnams la dris te dogs pa dang yid gnyis bsal la ltung ba de chos bzhin du slar bgyi'o zhes lan cig brjod par bya'o/ /de ni dge slong dge 'dun gyi nang du ltung ba la yid gnyis dang bcas par gyur pa byin gyis brlab pa'i cho ga dang sngags so/ / de nyid kyi skabs nas gso sbyong bco lnga pa de nyid la dge slong las byed pa dge 'dun gyi nang du ltung ba dran na ltung ba de rang gi sems kyis byin gyis brlab par bya'o zhes gsungs pa ni 'di ltar bya ste/ des 'dug bzhin du sems kyis 'di skad ces brjod par bya'o/ /deng dge 'dun gyi gso sbyong bco lnga pa yin la/bdag dge slong las byed pa ming 'di zhes bya ba'i gso sbyong yang bco lnga pa yin te/ bdag dge slong las byed pa ming 'di zhes bya ba dge 'dun gyi nang du ltung ba 'di dang 'di lta bu zhig dran te/ bdag dge slong las byed pa ming 'di zhes bya bas deng ltung ba de rang gi sems kyis byin gyis brlabs te gso sbyong bya'o//sang nang par ltung ba de chos bzhin du phyir bya'o zhes lan cig brjod par bya'o/ /de ni las byed pa'i dge 'dun gyi nang du ltung ba dran pa byin gyis brlab pa'i cho ga dang sngags so/ /de nyid kyi skabs nas gso sbyong bco lnga pa de nyid dge slong las byed pas dge 'dun gyi nang du ltung ba la yid gnyis dang bcas par gyur na des ltung ba de rang gi sems kyis byin gyis brlab par bya'o zhes gsungs pa ni 'di ltar bya ste/des 'dug bzhin sems kyis 'di skad ces brjod par bya'o/ /deng dge 'dun gyi gso sbyong bco lnga pa yin la/bdag dge slong las byed pa ming 'di zhes bya ba'i gso sbyong yang bco lnga pa yin te/ bdag dge slong las byed pa ming 'di zhes bya ba dge 'dun gyi nang du ltung ba 'di dang 'di lta bu zhig la yid gnyis su gyur na bdag dge slong las byed pa ming 'di zhes bya bas deng ltung ba de rang gi sems kyis byin gyis brlabs te gso sbyong bya'o//sang nang par dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la dris te dogs pa dang yid gnyis bsal la ltung ba de chos bzhin phyir bya'o zhes lan cig brjod par bya'o/ / de ni las byed pa dge 'dun gyi nang du ltung ba la yid gnyis dang bcas par gyur pa byin gyis brlab pa'i cho ga dang sngags so/ /de nyid kyi skabs nas gso sbyong bco lnga pa de nyid la dge 'dun thams cad ltung ba mthun pa dang bcas par gyur na dge slong de rnams kyis gang gi mdun du de rnams ltung ba de chos bzhin du phyir bya ba'i dge slong 'ga' zhig gnas gzhan du song la dge slong gi mdun du ltung ba de chos bzhin du phyir byed pa de lta bu spro bar bya'o//gal te 'grub na de lta na legs ci ste mi 'grub na dge slong de rnams kyis gsol ba 'ba' zhig gi las kyis byin gyis brlab par bya'o//zhes gsungs pa ni 'di ltar bya ste/ gal te gso sbyong gi dus su dge 'dun thams cad kyi ltung ba mthun pa dang bcas par shes par gyur na dge slong gcig mtshams gzhan gyi dge slong gi drung du btang ste/ des der ltung ba dran pa phyir bcos phyir 'ongs nas de'i mdun du thams cad kyis ltung ba shes pa phyir bcos te gso sbyong bya'o//gal te cho ga de ma grub na dge slong gcig gis gsol ba 'ba' zhig gi las kyis byin gyis brlab par bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/deng dge 'dun gyi gso sbyong bco lnga pa lags la/ bdag cag dge 'dun thams cad ni ltung ba dang bcas par gyur na/ gang gi mdun du bdag cag ltung ba de chos bzhin du slar bgyi ba bdag cag las dge slong gnas gzhan du mchis la/ dge slong gi mdun du ltung ba de chos bzhin du slar bgyid par spro ba su yang ma mchis na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis deng ltung ba de byin gyis brlabs te gso sbyong mdzad la/ slad kyi dge slong gi mdun du ltung ba de chos bzhin du slar mdzad do//'di ni gsol ba'o/ /de ni gso sbyong gi dus su dge 'dun thams cad kyis ltung ba mthun par shes pa byin gyis brlab pa'i cho ga dang las so/ /de nyid kyi skabs nas gso sbyong bco lnga pa de nyid la dge 'dun thams cad ltung ba la yid gnyis dang bcas par gyur na dge slong de rnams kyis gang gi mdun du de rnams ltung ba de chos bzhin du phyir bya ba'i dge slong 'ga' zhig gnas gzhan du song la/dge slong mdo sde dang / 'dul ba dang / ma mo 'dzin pa rnams la dris te ltung ba la yid gnyis bsal nas chos bzhin du phyir byed pa de lta bu spro bar bya'o//gal te 'grub na de lta na legs/ ci ste mi 'grub na dge slong de rnams kyis gsol ba 'ba' zhig gi las kyis byin gyis brlab par bya'o zhes gsungs pa ni 'di ltar bya ste/ gal de gso sbyong gi dus su dge 'dun thams cad ltung ba la yid gnyis dang bcas par gyur na dge slong zhig mtshams gzhan gyi dge slong mdo sde dang 'dul ba dang ma mo 'dzin pa rnams kyi drung du btang ste/des der ltung ba la dogs pa dang yid gnyis bsal te phyir 'ongs nas de'i mdun du thams cad kyis ltung ba la yid gnyis dang bcas par gyur pa bsal te gso sbyong bya'o/gal te cho ga de ma grub na dge slong gcig gis gsol ba 'ba' zhig gis las kyis byin gyis brlab par bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ deng dge 'dun gyi gso sbyong bco lnga pa lags la/ bdag cag dge 'dun thams cad ltung ba la dogs pa dang yid gnyis dang bcas par gyur na/gang gi mdun du bdag cag ltung ba de chos bzhin du slar bgyi ba bdag cag las dge slong gnas gzhan du mchis la/ dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la dris te dogs pa dang yid gnyis bsal la ltung ba de chos bzhin du slar bgyid par spro ba su yang ma mchis na gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis deng ltung ba de byin gyis brlabs te gso sbyong mdzad la/ slad kyi dge slong mdo sde 'dzin pa dang 'dul ba 'dzin pa dang ma mo 'dzin pa rnams la dris te dogs pa dang yid gnyis bsal la ltung ba de chos bzhin du slar mdzad do/ /'di ni gsol ba'o/ /de ni gso sbyong gi dus su dge 'dun thams cad ltung ba la yid gnyis dang bcas par gyur pa byin gyis brlab pa'i cho ga dang sngags so//de nyid kyi skabs nas gso sbyong bco lnga pa de nyid la dge 'dun thams cad ltung ba'i phyir rtsod par gyur na gsol ba 'ba' zhig gi las kyis byin gyis brlabs te gso sbyong bya'o zhes gsungs pa ni 'di ltar bya ste/ gso sbyong bco lnga pa de nyid la dge slong gnyug mar gnas pa gcig pu ma gtogs pa dge 'dun thams cad ltung ba dang bcas par gyur na dge slong de/dge slong gtam 'dres pa dang / phebs par smra ba dang / smos 'drin dang / 'grogs bshes gang yin pa de'i drung du song ste/ ci nas kyang dge slong dge slong gzhan dag kyang ltung ba 'chags par 'gyur ba de ltar gleng ba dang dran par bya'o//gal te 'grub na de ltar na legs/ ci ste mi 'grub cing dge 'dun thams cad ltung ba'i phyir rtsod par gyur na/ dge slong gcig gis gsol ba 'ba' zhig gi las kyis byin gyis brlab par bya'o/ /'di ltar bya ste/'dug la 'di skad ces brjod par bya'o/ /dge 'dun btsun pa rnams gsan du gsol/ deng dge 'dun gyi gso sbyong bco lnga pa lags la/ bdag cag dge 'dun thams cad ni ltung ba'i slad du rtsod par gyur na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis deng ltung ba'i slad du rtsod pa de byin gyis brlabs te gso sbyong mdzad la/ slad kyi dge slong mdo sde 'dzin pa dang 'dul ba 'dzin pa dang ma mo 'dzin pa rnams la dris te rtsod pa zhi bar bgyis la/ ltung ba de chos bzhin du slar mdzad do/ /'di ni gsol ba'o//de ni gso sbyong gi dus su dge 'dun ltung ba'i phyir rtsod pa byin gyis brlab pa'i cho ga dang sngags so/ /de nyid kyi skabs nas gso sbyong bco lnga pa de nyid la dge 'dun thams cad ltung ba la nges pa nyid ma yin par gyur na gsol ba 'ba' zhig gi las kyis byin gyis brlabs te gso sbyong bya'o zhes gsungs pa ni 'di ltar bya ste/gso sbyong bco lnga pa de nyid la dge slong glo bur du 'ongs pa gcig pu ma gtogs pa dge 'dun thams cad ltung ba dang bcas par gyur na dge slong de/ dge slong gtam 'dres pa dang / phebs par smra ba dang / smos 'drin dang / 'grogs bshes gang yin pa de'i drung du song ste/ ci nas kyang dge slong gzhan dag kyang ltung ba 'chags par 'gyur ba de ltar gleng ba dang dran par bya'o/ /gal te 'grub na de lta na legs ci ste mi 'grub cing dge 'dun thams cad ltung ba la nges pa nyid ma yin par gyur na dge slong gcig gis gsol ba 'ba' zhig gi las kyis byin gyis brlab par bya'o//'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ deng dge 'dun gyi gso sbyong bco lnga pa lags la/ bdag cag dge 'dun thams cad ni ltung ba nges pa nyid ma lags par gyur na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis deng ltung ba nges pa nyid ma lags pa de byin gyis brlabs te gso sbyong mdzad la/ slad kyi dge slong mdo sde 'dzin pa dang 'dul ba 'dzin pa dang ma mo 'dzin pa rnams la dris te nges pa nyid ma lags pa bsal la ltung ba de chos bzhin du slar mdzad do//'di ni gsol ba'o/ /de ni gso sbyong gi dus su dge 'dun ltung ba la nges pa nyid ma yin par gyur pa byin gyis brlab pa'i cho ga dang sngags so/ /mthun pa'i gso sbyong gi/ cho ga'i skabs de nyid nas gnas gang na dge slong bzhi bas nyung ba gso sbyong bco lnga pa de nyid la ji ltar bsgrub par bya ba'i cho ga gsungs pa ni 'di ltar bya ste/ des gtsug lag khang chag chag gdab par bya/ phyag dar bya/ ba lang gi lci ba sar pas byug par bya/seng ge'i khri bsham par bya/ stan bsham par bya/ mar me gzugs par bya/ chos mnyan pa sbyin par bya'o/ /de'i 'og tu phyogs ches mthon por 'dug ste phyogs bzhir blta bar bya'o/ /der dge slong yongs su dag pa lta ba mthun pa la la dag 'ong na 'di skad ces kye tshe dang ldan pa dag myur ba myur bar shog shig /deng dge 'dun gyi gso sbyong bco lnga pa yin no zhes brjod par bya zhing / de dag dang lhan cig 'dug ste gso sbyong bya'o/ /gal te 'grub na de lta na legs/ ci ste mi 'grub na dge slong des byin gyis brlab par bya'o/ /'di ltar bya ste/ des rang gi stan la 'dug ste 'di ltar sems bskyed par bya zhing tshig tu yang brjod par bya'o//deng dge 'dun gyi gso sbyong bco lnga pa yin la/ bdag dge slong ming 'di zhes bya ba'i gso sbyong yang bco lnga pa yin te/ bdag dge slong ming 'di zhes bya ba bar chad kyi chos rnams yongs su dag go zhes kyang bdag smra/bdag yongs su dag par lha rnams kyis gzung du gsol/ bdag dge slong ming 'di zhes bya bas tshul khrims kyi phung po yongs su rdzogs par bya ba'i phyir deng gso sbyong byin gyis brlab bo/ /gang gi tshe dge 'dun tshogs pa rnyed pa de'i tshe dge 'dun dang lhan cig tu gso sbyong rgya cher nyams su myong bar bya zhing so sor thar pa'i mdo gdon pa gdon par bya'o//de bzhin du lan gnyis lan gsum du bzlas/ gang na dge slong gnyis 'khod pa der ni rim pa de bzhin du bya zhing dus kyi bar du bsdad de/ ma grub na mdun du tsog pur 'dug ste gcig la gcig 'di skad ces brjod par bya'o//btsun pa'am tshe dang ldan pa dgongs su gsol/ deng dge 'dun gyi gso sbyong bco lnga pa lags la/ bdag dge slong ming 'di zhes bya ba'i gso sbyong yang bco lnga pa lags te/ bdag dge slong ming 'di zhes bgyi ba bar chad kyi chos rnams yongs su dag go zhes bdag mchi/bdag yongs su dag par btsun pa'am tshe dang ldan pas gzung du gsol/ bdag dge slong ming 'di zhes bgyi bas tshul khrims kyi phung po yongs su rdzogs par bgyi ba'i slad du deng gso sbyong byin gyis brlab bo/ /gang gi tshe dge 'dun tshogs pa rnyed pa de'i tshe dge 'dun dang lhan cig tu gso sbyong rgya cher nyams su myong bar bgyi zhing /so sor thar pa'i mdo 'don pa gdon par bya'o/ /de bzhin du lan gnyis lan gsum du bzlas/ gang na dge slong gsum 'khod pa der ni rim pa de bzhin du bya zhing dus kyi bar du bsdad de/ma grub na rgan rims bzhin gral du 'khod de rim gyis byin gyis brlab pa'i sngags snga ma nyid brjod par bya'o/ /gang na dge slong bzhi 'khod pa der ni de rnams kyis gsol ba byas te gso sbyong bya zhing der nad pa'i yongs su dag pa ni blang bar mi bya'o/ /gang du dge slong lnga'am lhag pa 'khod pa der ni de rnams kyis gsol ba byas te/gso sbyong bya zhing der ni nad pa'i yongs su dag pa yang blang bar bya'o/ /gso sbyong gi gzhi'i skabs kyi cho ga dang las rnams rdzogs so// //dbyar dang de dang nye ba'i gzhi dgag dbye'i gzhi'i sdom la/ gnas mal dang ni tshul shing dang //snga ma phyi ma zhag bdun dang / /bzhi bcu dgag dbye gsol ba dang / /bdag dang go bar bya ba'o/ /ming 'di zhes bya ba khyod dge 'dun la dbyar gyi gnas mal stobs par spro'am/ spro'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun la dbyar gyi gnas mal stobs pa la spro na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba gnas mal stobs par bskos te/ dge slong gnas mal stobs pa ming 'di zhes bgyi ba dge 'dun la dbyar gyi gnas mal stobs so//'di ni gsol ba'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun gyi dbyar gyi gnas mal stobs par spro ste/ de'i slad du dge 'dun gyis dge slong ming 'di zhes bgyi ba gnas mal stobs par bsko na tshe dang ldan pa gang dag dge slong ming 'di zhes bgyi ba gnas mal stobs par bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba gnas mal stobs par bskos lags te/'di ltar cang mi gsung bas de de bzhin du 'dzin to/ /dge 'dun btsun pa rnams gsan du gsol/ deng dge 'dun gyi dbyar nye bar sgrub pa dbyar zla 'bring po tshes bco lnga lags na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis deng tshul shing bzhes te sang nang par gnas par khas blang ngo / /'di ni gsol ba'o/ /dbyar phyi ma la ni dbyar nye bar bsgrub pa dbyar zla tha chungs tshes bco lnga lags na zhes sngags kyi bye brag tu bya'o//tshe dang ldan pa dgongs su gsol/ bdag ming 'di zhes bgyi ba nang mtshams dang bcas pa'i gnas 'dir 'di lta ste/ gnas ral ba dang / 'drums pa bcos pa'i slad du sbyin bdag ming 'di zhes bgyi ba dang / zhal ta pa ming 'di zhes bgyi ba dang / spyod yul gyi grong che ge mo zhes bgyi ba dang /bro g.yog che ge mo zhes bgyi bas dbyar snga ma zla ba gsum gnas par khas blang ngo / /bdag dbyar 'di na mchis shing bdag gi dbyar gyi gnas ni 'di lags so/ /dbyar phyi ma la ni dbyar phyi ma zla ba gsum gnas par khas blang ngo zhes sngags kyis bye brag tu bya'o//tshe dang ldan pa dgongs su gsol/ bdag ming 'di zhes bgyi ba nang mtshams dang bcas pa'i gnas 'dir dbyar snga ma zla ba gsum gnas par khas blangs pa las bdag ming 'di zhes bgyi ba/ bgyi ba zhig gi slad du dgung bdun mtshams kyi slad rol du mchi ba dang /deng tshun chad kyi slar mchi bar byin gyis brlab bo/ /bdag dbyar 'di na mchis shing bdag dbyar gyi gnas ni 'di lags so/ /dbyar gyi gzhi'o// //tshe dang ldan pa khyod zhag bzhi bcu byin gyis brlabs te dge 'dun gyi ched la mtshams kyi phyi rol tu 'gro bar spro'am/spro'o/ /dge 'dun btsun pa rnams gsan du gsol/ bdag dge slong ming 'di zhes bgyi ba nang mtshams dang bcas pa'i gnas 'dir dbyar snga ma zla ba gsum gnas par khas blangs te/ bdag dbyar 'di na mchis shing bdag gi dbyar gyi gnas ni 'di lags pa las/bdag dge slong ming 'di zhes bgyi ba zhag bzhi bcu byin gyis brlabs te/ dge 'dun gyi ched la mtshams kyi slad rol du mchi ba dang / de tshun chad kyis slar mchi bar spro na thugs brtse ba can dge 'dun btsun pa rnams kyis thugs brtse ba'i slad du bdag dge slong ming 'di zhes bgyi ba la zhag bzhi bcu'i gnang ba stsal du gsol/lan gsum du bzlas/ dge 'dun btsun pa rnams gsan du gsol/ bdag dge slong ming 'di zhes bgyi ba 'di nang mtshams dang bcas pa'i gnas 'di'i dbyar snga ma zla ba gsum du gnas par khas blangs te/ 'di dbyar 'di na mchis shing 'di'i dbyar gyi gnas 'di lags pa las dge slong ming 'di zhes bgyi ba 'di dge 'dun gyi ched la mtshams kyi slad rol du mchi ba dang de tshun chad kyis slar mchi bar dge 'dun las zhag bzhi bcu'i gnang ba gsol na/gal te dge 'dun gyis dus la bab cing bzod na dge 'dun gyis gnang ba mdzod cig dang /'di dbyar 'di na mchis shing 'di'i dbyar gyi gnas 'di lags pa las dge 'dun gyi ched la mtshams [(]gyi [,]kyi[)]slad rol du mchi ba dang / de tshun chad slar mchi bar dge slong ming 'di zhes bgyi ba la dge 'dun gyis zhag bzhi bcu'i gnang ba stsol to//'di ni gsol ba'o/ /dge 'dun btsun pa rnams gsan du gsol/ dge slong ming 'di zhes bgyi ba 'di nang mtshams dang bcas pa'i gnas 'dir dbyar snga ma zla ba gsum gnas par khas blangs te/ 'di dbyar 'di na mchis shing 'di'i dbyar gyi gnas 'di lags pa las/dge slong ming 'di zhes bgyi ba 'di dge 'dun gyi ched la mtshams kyi slad rol du mchi ba dang de tshun chad kyis las mchi bar dge 'dun la zhag bzhi bcu'i gnang ba gsol te/ de'i slad du 'di dbyar 'di na mchis shing de'i dbyar gyi gnas 'di lags pa las/dge 'dun gyi ched la mtshams kyi slad rol du mchi ba dang / de tshun chad kyis slar mchi bar dge slong ming 'di zhes bgyi ba la dge 'dun gyis zhag bzhi bcu'i gnang ba gsol na/ dge slong ming 'di zhes bgyi ba la zhag bzhi bcu'i gnang ba stsal bar tshe dang ldan pa gang dag bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas/ dge 'dun gyis dge slong ming 'di zhes bgyi ba la zhag bzhi bcu'i gnang ba stsal lags te/ 'di ltar cang mi gsung bas de de bzhin du 'dzin to//dbyar dang nye ba'i gzhi'o// //tshe dang ldan pa dgongs su gsol/ deng dge 'dun gyi dgag dbye bco lnga pa lags la/ bdag dge slong bro 'tshal ba sdug bsngal ba bro tshabs che ba ming 'di zhes bya ba'i dgag dbye yang bco lnga pa lags te/ bdag dge slong bro 'tshal ba sdug bsngal ba bro tshabs che ba ming 'di zhes bgyi ba bdag la mthong ba dang thos pa dang dogs pa'i gnas gsum gyis dbyar gnas pa'i dge 'dun la dgag dbye bgyid do//dgag dbye yang brjod do/ /brjod pa yang rig par bgyid do/ /lan gsum du bzlas/tshe dang ldan pa dgongs su gsol/ deng dge 'dun dgag dbye bco lnga pa lags la/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba'i dgag dbye yang bco lnga pa lags te/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba de dag la mthong ba dang thos pa dang dogs pa'i gnas gsum gyi dbyar gnas pa'i dge 'dun la dgag dbye bgyid do//dgag dbye yang brjod do/ /brjod pa yang rig par bgyid do/ /lan gsum du bzlas/ dge 'dun btsun pa rnams gsan du gsol/ deng dge 'dun kyi dgag dbye bco lnga pa lags la/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba'i dgag dbye yang bco lnga pa lags te/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba de bdag la mthong ba dang thos pa dang dogs pa'i gnas gsum gyis dbyar gnas pa'i dge 'dun la dgag dbye bgyid do//dgag dbye yang brjod do/ /brjod pa yang rig par bgyid do/ /tshe dang ldan pa dgongs su gsol/ deng dge 'dun gyi dgag dbye bco lnga pa lags la/bdag dge slong bro 'tshal ba sdug bsngal ba bro tshabs che ba ming 'di zhes bgyi ba'i dgag dbye yang bco lnga pa lags te/ bdag dge slong bro 'tshal ba sdug bsngal ba bro tshabs che ba ming 'di zhes bgyi ba dge 'dun chos bzhin du mdzad pa la 'dun pa 'bul lo//'dun pa yang brjod do/ /brjod pa yang rig par bgyid do/ /lan gsum du bzlas/ tshe dang ldan pa dgongs su gsol/ deng dge 'dun gyi dgag dbye bco lnga pa lags la/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba'i dgag dbye yang bco lnga pa lags te/gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba de dge 'dun chos bzhin du mdzad pa la 'dun pa 'bul lo/ /'dun pa yang brjod do/ /brjod pa yang rig par bgyid do//lan gsum du bzlas/ dge 'dun btsun pa rnams gsan du gsol/ deng dge 'dun gyi dgag dbye bco lnga pa lags la/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba'i dgag dbye yang bco lnga pa lags te/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba de dge 'dun chos bzhin du mdzad pa la 'dun pa 'bul lo/ /'dun pa yang brjod do/ /brjod pa yang rig par bgyi'o/ /tshe dang ldan pa dgongs su gsol/ deng dge 'dun gyi dgag dbye bco lnga pa lags la/bdag dge slong bro 'tshal ba sdug bsngal ba bro tshabs che ba ming 'di zhes bgyi ba'i dgag dbye yang bco lnga pa lags te/ bdag dge slong bro 'tshal ba sdug bsngal ba bro tshabs che ba ming 'di zhes bgyi ba dge 'dun chos bzhin du mdzad pa la 'dun pa 'bul lo//bdag la mthong ba dang thos pa dang dogs pa'i gnas gsum gyis dbyar gnas pa'i dge 'dun la dgag dbye bgyid do/ /'dun pa dang dgag dbye yang brjod do/ /brjod pa yang rig par bgyid do/ /lan gsum du bzlas/tshe dang ldan pa dgongs su gsol/ deng dge 'dun gyi dgag dbye bco lnga pa lags la/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba'i dgag dbye yang bco lnga pa lags te/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba de dge 'dun chos bzhin du mdzad pa la 'dun pa 'bul lo//bdag la mthong ba dang thos pa dang dogs pa'i gnas gsum gyis dbyar gnas pa'i dge 'dun la dgag dbye bgyid do/ /'dun pa dang dgag dbye yang brjod do/ / brjod pa yang rig par bgyid do/ /lan gsum du bzlas/ dge 'dun btsun pa rnams dgongs su gsol/ deng dge 'dun gyi dgag dbye bco lnga pa lags la/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba'i dgag dbye yang bco lnga pa lags te/gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba de dge 'dun chos bzhin du mdzad pa la 'dun pa 'bul lo/ /bdag la mthong ba dang thos pa dang dogs pa'i gnas gsum gyis dbyar gnas pa'i dge 'dun la dgag dbye bgyid do//'dun pa dang dgag dbye yang brjod do/ /brjod pa yang rig par bgyid do/ /tshe dang ldan pa khyod dbyar gnas pa'i dge 'dun la dgag dbye byed par spro'am/ spro'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dbyar gnas pa'i dge 'dun la dgag dbye bgyid par spro na/gal te dge 'dun gyi dus la bab cing bzod na dge 'dun gyis gnang ba mdzod cig dang / dge 'dun gyis dge slong ming 'di zhes bgyi ba 'di dbyar gnas pa'i dge 'dun la dgag dbye bgyid par bsko ste/ dge slong dgag dbye bgyid pa ming 'di zhes bgyi ba 'di dbyar gnas pa'i dge 'dun la dgag dbye bgyid par 'gyur ro//'di ni gsol ba'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dbyar gnas pa'i dge 'dun la dgag dbye bgyid par spro ste/de'i slad du dge 'dun gyis dge slong ming 'di zhes bgyi ba dbyar gnas pa'i dge 'dun la dgag dbye bgyid par bsko na/ dge slong ming 'di zhes bgyi ba 'di dbyar gnas pa'i dge 'dun la dgag dbye bgyid par bsko bar/ tshe dang ldan pa gang dag bzod pa de dag ni cang ma gsungs shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi bar dbyar gnas pa'i dge 'dun la dgag dbye bgyid par bskos lags te/ 'di ltar cang mi gsung bas de de bzhin du 'dzin to/ / dge 'dun btsun pa rnams gsan du gsol/ deng dge 'dun gyi dgag dbye bco lnga pa lags te/ gal te dge 'dun gyi dus la bab cing bzod na dge 'dun gyis gnang ba mdzod cig dang / deng dge 'dun dgag dbye mdzad do/ /'di ni gsol ba'o/ /dge 'dun btsun pa rnams gsan du gsol/deng dge 'dun gyi dgag dbye bco lnga pa lags la/ bdag cag dge 'dun thams cad ni ltung ba dang bcas par gyur na/ gang gi mdun du bdag cag ltung ba de chos bzhin du slar bgyi ba bdag cag la dge slong gnas gzhan du mchis la/ dge slong gi mdun du ltung ba de chos bzhin du slar bgyid par spro ba su yang ma mchis na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis deng ltung ba de byin gyis brlabs te dgag dbye mdzad la/ slad kyi dge slong gi mdun du ltung ba de chos bzhin du slar mdzad do//'di ni gsol ba'o/ /dge 'dun btsun pa rnams gsan du gsol/ deng dge 'dun gyi dgag dbye bco lnga pa lags la/ bdag cag dge 'dun thams cad ni ltung ba la dogs pa dang yid gnyis dang bcas par gyur na/ gang gi mdun du bdag cag ltung ba de chos bzhin du slar bgyi ba bdag cag las dge slong gnas gzhan du mchis la/dge slong mdo sde 'dzin pa dang 'dul ba 'dzin pa dang ma mo 'dzin pa rnams la dris te dogs pa dang yid gnyis bsal la ltung ba de chos bzhin du slar bgyid par spro ba su yang ma mchis na gal te dge 'dun gyi dus la bab cing bzod na/dge 'dun gyis gnang ba mdzod cig dang / dge 'dun gyis dang ltung ba de byin gyis brlabs te dgag dbye mdzad la/ slad kyi dge slong mdo sde 'dzin pa dang 'dul ba 'dzin pa dang ma mo 'dzin pa rnams la dris te dogs pa dang yid gnyis bsal la/ltung ba de chos bzhin du slar mdzad do/ /'di ni gsol ba'o/ /dge 'dun btsun pa rnams gsan du gsol/ deng dge 'dun gyi dgag dbye bco lnga pa lags la/ bdag cag dge 'dun thams cad ni ltung ba'i slad du rtsod par gyur pa na/ gal te dge 'dun gyis dus la bab cing bzod na dge 'dun gyis gnang bar mdzod cig dang /dge 'dun gyis deng ltung ba'i slad du rtsod pa byin gyis brlabs te dgag dbye mdzad la slad kyi dge slong mdo sde 'dzin pa dang 'dul ba 'dzin pa dang ma mo 'dzin pa rnams la dris te rtsod pa zhi bar bgyis la ltung ba de chos bzhin du slar mdzad do//'di ni gsol ba'o/ /dge 'dun btsun pa rnams gsan du gsol/ deng dge 'dun gyi dgag dbye bco lnga pa la/ bdag cag dge 'dun thams cad ni ltung ba la nges pa nyid ma lags par gyur na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis deng ltung ba la nges pa nyid ma lags pa de byin gyis brlabs te dgag dbye mdzad la/ slad kyi dge slong mdo sde 'dzin pa dang 'dul ba 'dzin pa dang ma mo 'dzin pa rnams la dris te nges pa nyid ma lags pa bsal la ltung ba de chos bzhin du slar mdzad do//'di ni gsol ba'o/ /tshe dang ldan pa dgongs su gsol/ deng dge 'dun gyi dgag dbye bco lnga pa lags te/ bdag dge slong ming 'di zhes bgyi ba'i dgag dbye yang bco lnga pa lags na/ bdag dge slong ming 'di zhes bgyi ba bdag la mthong ba dang thos pa dang dogs pa'i gnas gsum gyis dbyar gnas pa'i dge 'dun la dgag dbye bgyid kyis/tshe dang ldan pa rnams kyis bdag la gdams su gsol/ tshe dang ldan pa rnams kyis bdag la rjes su bstan du gsol/ tshe dang ldan pa rnams kyis bdag la rjes su gzung du gsol/thugs brtse ba can tshe dang ldan pa rnams kyis thugs brtse ba'i slad du bdag la thugs brtse bar mdzad du gsol/ ltung ba shes shing mthong na chos bzhin 'dul ba bzhin du slar bgyi'o/ /lan gsum du bzlas/ thabs yin no/ /legs so/ / dge 'dun btsun pa rnams gsan du gsol/ 'di ltar gnas 'di na dbyar gnas pa'i dge 'dun gyis dgag dbye mdzad lags so/ /legs par dgag dbye mdzad do/ /shin tu dgag dbye mdzad do/ /btsun pa rdzas 'di lta bus kyang dbyar gnas pa'i dge slong gi dge 'dun la dgag dbye bgyir rung ngo //de'i 'og tu dge tshul rnams la dgag dbye bya'o/ /de'i 'og tu dge slong rnams la'o/ /dge slong bzhi man chad kyis ni byin gyis brlab par bya'o/ /deng dge 'dun gyis dgag dbye bco lnga pa yin la/ bdag dge slong ming 'di zhes bya ba'i dgag dbye yang bco lnga pa yin te/bdag dge slong ming 'di zhes bya bas dgag dbye byin gyis brlab bo/ /gang gi tshe dge 'dun tshogs pa de'i tshe bdag la mthong ba dang thos pa dang dogs pa'i gnas gsum gyis dbyar gnas pa'i dge 'dun la dgag dbye bya'o/ /lan gsum du bzlas/ dgag dbye'i gzhi'o// //bam po brgyad pa/ sra brkyang gi gzhi'i sdom la/ sra brkyang gding bar byed pa dang / /'ding dang go byed 'byin pa'o/ /dge 'dun btsun pa rnams gsan du gsol/ 'di ltar gnas 'di na dbyar gnas pa'i dge 'dun gyis gos kyi rnyed pa'i chos gos bgyis pa 'di dge 'dun gyis sra brkyang du bzhed na/gal te dge 'dun gyis dus la bab cing bzod na dge 'dun gyis gnang bar mdzod cig dang / 'di lta ste/ gnas bsdu ba dang / dge slong rnams bde ba la reg par gnas par bgyi ba dang / sbyin pa po rnams kyi sbyin par bya ba'i chos yongs su spyad pa'i slad du chos gos sra brkyang du bgyis te/gnas gang du sra brkyang bting bar chos gos rnying pa rnams dang yang mi 'bral na gsar pa rnams dang lta ci smos/ 'di ni gsol ba'o/ /dge 'dun btsun pa rnams gsan du gsol/ 'di ltar gnas 'dir dbyar gnas pa'i dge 'dun gyis gos kyi rnyed pa'i chos gos bgyis pa 'di dge 'dun gyis sra brkyang du bzhes pas/ de'i slad du 'di lta ste gnas bsdu ba dang / dge slong rnams bde ba la reg par gnas par bgyi ba dang / sbyin pa po rnams kyi sbyin par bya ba'i chos yongs su spyad pa'i slad du dge 'dun gyis chos gos 'di sra brkyang du bgyis te/gnas gang du sra brkyang bting bar chos gos rnying pa rnams dang yang mi 'bral na gsar pa rnams dang lta ci smos te/ chos gos 'di sra brkyang du bgyi bar tshe dang ldan pa gang dag bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis chos gos 'di sra brkyang du bgyis lags te/ 'di ltar cang mi gsung bas de de bzhin du 'dzin to/ /ming 'di zhes bya ba khyod dbyar gnas pa'i dge 'dun gyi sra brkyang 'ding bar spro'am/spro'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dbyar gnas pa'i dge 'dun gyi sra brkyang 'ding bar spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyi dge slong ming 'di zhes bgyi ba 'di dbyar gnas pa'i dge 'dun gyi sra brkyang 'ding bar bsko ste/ dge slong sra brkyang 'ding ba ming 'di zhes bgyi ba 'di dbyar gnas pa'i dge 'dun gyi sra brkyang 'ding bar 'gyur ro/ /'di ni gsol ba'o/ /dge 'dun btsun pa rnams gsan du gsol/dge slong ming 'di zhes bgyi ba 'di dbyar gnas pa'i dge 'dun gyi sra brkyang 'ding bar spro na/ de'i slad du dge 'dun gyis dge slong ming 'di zhes bgyi ba 'di dbyar gnas pa'i dge 'dun gyi sra brkyang 'ding bar bsko ste/ dge slong sra brkyang 'ding ba ming 'di zhes bgyi ba 'di dbyar gnas pa'i dge 'dun gyi sra brkyang 'ding bar 'gyur na/dge slong ming 'di zhes bgyi ba dbyar gnas pa'i dge 'dun gyi sra brkyang 'ding bar bsko bar tshe dang ldan pa gang dag bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi bar dbyar gnas pa'i dge 'dun gyi sra brkyang 'ding bar bskos lags te/ 'di ltar cang mi gsung bas de de bzhin du 'dzin to/ /dge 'dun btsun pa rnams gsan du gsol/chos gos 'di ni dge 'dun gyi sra brkyang du blo mthun par bgyis pa lags/ dge slong ming 'di zhes bgyi ba 'di ni dbyar gnas pa'i dge 'dun gyi sra brkyang 'ding bar bskos lags na/ gal te dge 'dun gyi dus la bab cing bzod na dge 'dun gyis gnang bar mdzod cig dang /'di lta ste gnas bsdu ba dang / dge slong rnams bde ba la reg par gnas par bgyi ba dang / sbyin pa po rnams kyi sbyin par bya ba'i chos yongs su spyad pa'i slad du dge 'dun gyi chos gos 'di sra brkyang 'ding ba dge slong ming 'di zhes bgyi ba la gtod cing sra brkyang 'ding ba dge slong ming 'di zhes bgyi ba chos gos 'dis dbyar gnas pa'i dge 'dun gyi sra brkyang 'ding bar 'gyur te/gnas gang du sra brkyang bting bar chos gos rnying pa rnams dang yang mi 'bral na gsar pa rnams dang lta ci smos/ 'di ni gsol ba'o/ /dge 'dun btsun pa rnams gsan du gsol/chos gos 'di ni dge 'dun gyis sra brkyang du blo mthun par bgyis pa lags/ bdag dge slong ming 'di zhes bgyi ba ni sra brkyang 'ding bar bskos lags te/ 'di lta ste gnas bsdu ba dang / dge slong rnams bde ba la reg par gnas par bgyi ba dang / sbyin pa po rnams kyi sbyin par bya ba'i chos yongs su dpyad pa'i slad du bdag sra brkyang 'ding ba dge slong ming 'di zhes bgyi bas chos gos 'di dge 'dun gyi sra brkyang gding bar bgyi'o//gnas gang du sra brkyang bting bar chos gos rnying pa rnams dang yang mi 'bral na gsar pa rnams dang lta ci smos/lan gsum du bzlas/ gnas brtan nam btsun pa'am tshe dang ldan pa dgongs su gsol/ chos gos 'di ni dge 'dun gyis sra brkyang du blo mthun par bgyis pa lags/ bdag dge slong ming 'di zhes bgyi ba ni sra brkyang 'ding bar bskos pa lags te/ de'i slad du 'di lta ste/ gnas bsdu ba dang / dge slong rnams bde ba la reg par gnas par bgyi ba dang / sbyin pa po rnams kyi sbyin par bya ba'i chos yongs su spyad pa'i slad du bdag sra brkyang 'ding ba dge slong ming 'di zhes bgyi bas chos gos 'di dge 'dun gyi sra brkyang bting lags te/ gnas gang du sra brkyang bting bar chos gos rnying pa rnams dang yang mi 'bral na gsar pa rnams dang lta ci smos/ lan gsum bzlas/ legs par bting ngo / /shin tu bting ngo / /'di la rnyed pa dang phan yon gang yod pa de bdag gi yin no/ /dge 'dun btsun pa rnams gsan du gsol/ 'di ltar gnas 'dir dge slong gi dge 'dun gyis sra brkyang bting ba las de'i rjes su 'jug pa'i dus rdzogs te/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis sra brkyang 'byin pa mdzad do/ /'di ni gsol ba'o/ /dge 'dun btsun pa rnams gsan du gsol/'di ltar gnas 'dir dge slong gi dge 'dun gyis sra brkyang bting ba las de'i rjes su 'jug pa'i dus rdzogs te/ de'i slad du dge 'dun gyis sra brkyang 'byin na/ sra brkyang 'byin par tshe dang ldan pa gang dag bzod pa de dag ni cang ma gsung shig / gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum bzlas/ dge 'dun gyis bzod cing gnang nas dge 'dun gyis sra brkyang phyung lags te/ 'di ltar cang mi gsung bas de de bzhin du 'dzin to/ /dge 'dun btsun pa rnams gsan du gsol/'di ltar gnas 'dir dge slong gi dge 'dun gyis sra brkyang bting ba las chom rkun gyis bcom pa'i dge slong rnams lhags na gal te dge 'dun gyi dus la bab cing bzod na dge 'dun gyis gnang bar mdzod cig dang / chom rkum gyis bcom pa'i dge slong rnams la brten te dge 'dun sra brkyang 'byin pa mdzad do//'di ni gsol ba'o/ /dge 'dun btsun pa rnams gsan du gsol/ 'di ltar gnas 'dir dge slong gi dge 'dun gyis sra brkyang bting ba las chom rkun gyis bcom pa'i dge slong rnams lhags te/ de'i slad du chom rkun gyis bcom pa'i dge slong rnams la brten nas dge 'dun gyis sra brkyang 'byin pa mdzad na/chom rkun gyis bcom pa'i dge slong rnams la brten te sra brkyang 'byin par tshe dang ldan pa gang dag bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas chom rkun gyis bcom pa'i dge slong rnams la brtan nas dge 'dun gyis sra brkyang phyung lags te/ 'di ltar cang mi gsung bas de de bzhin du 'dzin to/ /sra brkyang gi gzhi'o// //gos kyi gzhi dang nye ba'i gos kyi gzhi'i sdom la/shi dang nor 'dra snod 'gyid dang / /bcu gsum dang ni rung bya ba/ /dge 'dun btsun pa rnams gsan du gsol/ 'di ltar gnas 'dir dge slong nye dga' gum na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong nye dga' gum pa'i rdzas bgo bar bgyi ba gum pa'i yo byad chos gos dang chos gos ma lags pa gda' ba dang mi gda' ba byin gyis brlab bo/ /'di ni gsol ba'o/ /dge 'dun btsun pa rnams gsan du gsol/ 'di ltar gnas 'dir dge slong gre skyes gum par gyur na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong kun dga' bo nor dang 'dra bas dge slong gre skyes gum pa'i rdzas bgo bar bgyi ba gum pa'i yo byad chos gos dang chos gos ma lags pa gda' ba dang mi gda' ba byin gyis brlab bo//'di ni gsol ba'o/ /gos kyi gzhi'o// //ming 'di zhes bya ba khyod dge 'dun gyi snod spyad 'gyed par spro'am/ spro'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun gyi snod spyad 'gyed par spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong ming 'di zhes bgyi ba 'di dge 'dun gyi snod spyad 'gyed par bsko ste/ dge slong snod spyad 'gyed pa ming 'di zhes bgyi ba 'di dge 'dun gyi snod spyad 'gyed par 'gyur ro//'di ni gsol ba'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun gyi snod spyad 'gyed par spro ste/ de'i slad du dge 'dun gyis dge slong ming 'di zhes bgyi ba'i dge 'dun gyi snod spyad 'gyed par bsko ste/ dge slong snod spyad 'gyed pa ming 'di zhes bgyi ba 'di dge 'dun gyi snod spyad 'gyed par 'gyur na tshe dang ldan pa gang dag dge slong ming 'di zhes bgyi ba 'di dge 'dun gyi snod spyad 'gyed par bsko bar bzod pa de dag ni cang ma gsung shig /gang dag mi bzod pa de dag ni gsung shig /dge 'dun gyis bzod cing gnang nas/ dge 'dun gyis dge slong ming 'di zhes bgyi ba 'di dge 'dun snod spyad 'gyed par bskos lags te/ 'di ltar cang mi gsung bas de de bzhin du 'dzin to/ /tshe dang ldan pa dgongs su gsol/ bdag ming 'di zhes bgyi ba'i chos gos bgyis lags pa rung ba spyad par 'os pa'i chos gos snam sbyar du byin gyis brlab bo//lan gsum du bzlas/ thabs yin no/ /legs so/ /de bzhin du bla gos dang / mthang gos dang / sham thabs dang / sham thabs kyi gzan dang rdul gzan dang / rngul gzan gyi gzan dang / gdong phyis dang / rnag gzan dang / g.yan pa dgab pa dang /skra bzed dang / gding ba dang / dbyar gyi gos ras chen la yang brjod par bya'o/ /tshe dang ldan pa dgongs su gsol/ gos 'di bdag dang grogs tshangs pa mtshungs par spyod pa la mkho ba'i yo byad kyi gos su byin gyis brlab bo/ /lan gsum du bzlas/ thabs yin no//legs so/ /tshe dang ldan pa dgongs su gsol/ bdag ming 'di zhes bgyi ba'i chos gos lhag pa rung bar ma bgyis pa rung bar bgyi bar 'os pa 'di mkhan po la rung bar bgyi'o/ /mkhan po la yid brtan te bcang bar bgyi'o/ /rkyen ji lta ba bzhin du bgyi'o/ /lan gsum du bzlas/thabs yin no/ /legs so/ /gos kyi gzhi dang / nye ba'i gos kyi gzhi'o// //sman gyi gzhi dang las kyi gzhi'i sdom la/ sman dang rung ba'i khang pa dang / /'dun pa'i gso sbyong bya ba'o/ /tshe dang ldan pa dgongs su gsol/ /bdag dge slong ming 'di zhes bgyi ba'i sman thun tshod du rung ba 'di dag bdag dang tshangs pa mtshungs par spyod pa rnams kyir bgyi bar thun tshod du rung bar byin gyis brlab bo//lan gsum bzlas/ thabs yin no/ /legs so/ /zhag bdun pa dang / 'tsho ba'i bar du bcang ba dag la yang de bzhin no/ /dge slong lag gi blas rdo bteg pa na de'i dang por gzhi 'di ni dge 'dun gyi rung ba'i khang par 'gyur ba'o snyam du sems bskyed par bya zhing tshig tu yang brjod par bya'o//dge slong rab tu mang po dag gis sems bsdu bas tshe dang ldan pa dag gzhi 'di ni dge 'dun gyi rung ba'i khang par 'gyur bar sems sdus shig ces sems bsdu bar bya'o//dge slong ji snyed der phyin pa thams cad kyis gzhi 'di ni dge 'dun gyi rung ba'i khang par 'gyur ba'o/ /zhes tshig mthun par cig car brjod par bya'o/ /dge 'dun btsun pa rnams gsan du gsol/ gnas thams cad grub pa'am bgyis pa'am lags pa nang mtshams dang phyi rol nye 'khor 'dom gang dang bcas pa 'di dge 'dun gyi rung ba'i khang par bzhed na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyi gnas thams cad grub pa'am bgyis pa'am lags pa nang mtshams dang phyi rol nye 'khor 'dom gang bcas pa 'di dge 'dun gyi rung ba'i khang par bgyi'o//'di ni gsol ba'o/ /dge 'dun btsun pa rnams gsan du gsol/ gnas thams cad grub pa'am bgyis pa'am lags pa nang mtshams dang phyi rol nye 'khor 'dom gang bcas pa 'di dge 'dun gyi rung ba'i khang par bzhed de/de'i slad du dge 'dun gyi gnas thams cad grub pa'am bgyis pa'am lags pa nang mtshams dang phyi rol nye 'khor 'dom gang dang bcas pa 'di dge 'dun gyi rung ba'i khang par bgyid na tshe dang ldan pa gang dag gnas thams cad grub pa'am bgyis pa 'am lags pa nang mtshams dang phyi rol nye 'khor 'dom gang dang bcas pa 'di dge 'dun gyi rung ba'i khang par bgyi bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyi gnas thams cad grub pa'am bgyis pa'am lags pa nang mtshams dang phyi rol nye 'khor 'dom gang dang bcas pa 'di dge 'dun gyi rung ba'i khang par bgyis lags te/'di ltar cang mi gsung bas de de bzhin du 'dzin to/ /sman gyi gzhi'o// //'phags pa dgongs su gsol/ /rgyal po'i kun dga' ra ba'i dge slong ma'i dge 'dun mthun pa rgyal byed kyi tshal gyi dge slong gi dge 'dun mthun pa'i zhabs la mgo bos phyag 'tshal lo//gnod pa nyung ngam/ nyam nga ba chung ngam/ bskyod pa yang ngam/ 'tsho'am/ stobs dang ldan nam/ bde ba'am/ kha na ma tho ba ma mchis sam/ bde ba la reg par gnas sam zhes bsnyun gsol lo//zla ba phyed phyed cing gdams ngag dang rjes su bstan pa gsol lo/ /'dun pa dang gso sbyong bgyi bar gsol ba 'debs so/ /gsol ba yang mkhyen par gsol lo/ /las kyi gzhi'o// //phyir bcos pa'i gzhi'i sdom la/ gleng dang nan tur bzod pa dang //mthol dang spo ba rnams dang ni/ /mgu dang dbyung bar bya ba'o/ /tshe dang ldan pa ming 'di zhes bya ba khyod re lde ri la song ste/ dge slong 'gro mgyogs dang nab so la dge sbyong gi chos ma yin pa rnam pa mang pos gleng bar spro'am/ spro'o/ /dge 'dun btsun pa rnams gsan du gsol/dge slong gleng ba po ming 'di zhes bgyi ba 'di re lde ri la song ste/ dge slong 'gro mgyogs dang nab so la dge sbyong gi chos ma lags pa mang pos gleng bar spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong gleng ba po ming 'di zhes bgyi ba dge slong 'gro mgyogs dang nab so la gleng bar bsko'o//'di ni gsol ba'o/ /dge 'dun btsun pa rnams gsan du gsol/ dge slong gleng ba po ming 'di zhes bgyi ba 'di re lde ri la mchis nas dge slong 'gro mgyogs dang nab so la dge sbyong gi chos ma lags pa rnam mang pos gleng bar spro ste/de'i slad du dge 'dun gyis dge slong gleng ba po ming 'di zhes bgyi ba dge slong 'gro mgyogs dang nab so la gleng bar bsko na/ tshe dang ldan pa gang dag dge slong gleng ba po ming 'di zhes bgyi ba dge slong 'gro mgyogs dang nab so la gleng bar bsko ba bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong gleng ba po ming 'di zhes bgyi ba dge slong 'gro mgyogs dang nab so la gleng bar bskos lags te/ 'di ltar cang mi gsungs bas de de bzhin du 'dzin to//dge 'dun btsun pa rnams gsan du gsol/ dge slong dmar ser can 'di dag ni 'thab krol bgyid pa/ mtshang 'bru bar bgyid pa/ rtsod par bgyid pa/ 'gyed par bgyid pa/ rtsod pa'i gzhi bgyid pa lags te/ de dag dge slong rnams la rgyun du rtsod pa'i gzhi bskyed pas des na lung mnod pa dang /klag pa dang / kha ton bgyid pa dang / rnal 'byor dang / yid la bgyi ba dang / nang du sems zhi gnas su bgyi ba shor na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong dmar ser can 'thab krol bgyid pa ma btang ba rnams la bsdigs pa'i phrin las mdzad do//'di ni gsol ba'o/ /dge 'dun btsun pa rnams gsan du gsol/ dge slong dmar ser can 'di ni 'thab krol bgyid pa/ mtshang 'bru bar bgyid pa/ rtsod par bgyid pa/ 'gyed par bgyid pa/rtsod pa'i gzhi bgyid pa lags te/ de dag dge slong rnams la rgyun tu rtsod pa'i gzhi skyed pas/ des na dge 'dun lung mnod pa dang / klag pa dang / kha ton bgyi ba dang / rnal 'byor dang / yid la bgyi ba dang / nang du sems zhi gnas su bgyi ba shor na/ de'i slad du dge 'dun gyis dge slong dmar ser can 'thab krol bgyid pa ma btang ba rnams la bsdigs pa'i phrin las mdzad na/tshe dang ldan pa gang dag dge slong dmar ser can 'thab krol ma btang ba rnams la bsdigs pa'i phrin las mdzad par bzod pa de dag ni cang ma gsungs shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong dmar ser can 'thab krol bgyid pa ma btang ba rnams la bsdigs pa'i phrin las mdzad lags te/ 'di ltar cang mi gsung bas de de bzhin du 'dzin to//dge 'dun btsun pa rnams gsan du gsol/ bdag dge slong dmar ser can 'thab krol bgyid pa/ mtshang 'bru bar bgyid pa/ rtsod par bgyid pa/ 'gyed par bgyid pa/ rtsod pa'i gzhi bgyid pa lags pas/ dge 'dun gyis bdag la bsdigs pa'i phrin las mdzad lags te/bdag dge slong dmar ser can bsdigs pa'i phrin las mdzad lags pas skra 'greng bar gyur/ skra 'phyar bar gyur cing dge 'dun la spu snyol bar bgyid/ 'byung bar bskyod/ mtshungs par nye bar ston la/ mtshams kyi nang du mchis te bzod pa gsol zhing 'thab krol bgyid pa de yang spong na/thugs brtse ba can dge 'dun btsun pa rnams kyis thugs brtse ba'i slad du/ bdag dge slong dmar ser can bsdigs pa'i phrin las mdzad lags pa la bzod pa mdzad du gsol/ lan gsum du bzlas/ dge 'dun btsun pa rnams gsan du gsol/dge slong dmar ser can 'di 'thab krol bgyid pa/ mtshang 'bru bar bgyid pa/ rtsod par bgyid pa/ 'gyed par bgyid pa/ rtsod pa'i gzhi bgyid pa lags pas 'thab krol bgyid pa ma btang ba 'di la dge 'dun gyis bsdigs pa'i phrin las mdzad lags te/ 'di bsdigs pa'i phrin las mdzad lags pas skra 'greng bar gyur/ skra 'phyar bar gyur cing / dge 'dun la spu snyol bar bgyid/ 'byung bar bskyod/ mtshungs par nye bar ston la mtshams kyi nang du mchis te/ bzod pa gsol zhing 'thab krol bgyid pa de yang spong ngo zhes mchi na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong dmar ser can bsdigs pa'i phrin las mdzad lags pa la bzod pa mdzad do/ /'di ni gsol ba'o/ /dge 'dun btsun pa rnams gsan du gsol/ dge slong dmar ser can ming 'di zhes bgyi ba 'di 'thab krol bgyid pa/mtshang 'bru bar bgyid pa/ rtsod par bgyid pa/ 'gyed par bgyid pa/ rtsod pa'i gzhi bgyid pa lags pas 'thab krol bgyid pa ma btang ba 'di la dge 'dun gyis bsdigs pa'i phrin las mdzad lags te/ 'di bsdigs pa'i phrin las mdzad lags pas skra 'greng bar gyur/skra 'phyar bar gyur cing dge 'dun la spu snyol bar bgyid/ 'byung bar bskyod/ mtshungs par nye bar ston la mtshams kyi nang du mchis te bzod pa gsol zhing 'thab krol bgyid pa de yang spong ste/ de'i slad du dge slong dmar ser can ming 'di zhes bgyi ba dge 'dun gyis bsdigs pa'i phrin las mdzad lags pa la bzod pa mdzad na/tshe dang ldan pa gang dag dge slong dmar ser can bsdigs pa'i phrin las mdzad lags pa ming 'di zhes bgyi ba la bzod pa mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong dmar ser can bsdigs pa'i phrin las mdzad lags pa ming 'di zhes bgyi ba la bzod pa mdzad lags te/ 'di ltar cang mi gsung bas de de bzhin du 'dzin to//dge 'dun btsun pa rnams gsan du gsol/ dge slong dge ldan ltung ba rgyun tu bgyid pa 'di dge 'dun lhag ma'i ltung ba rgyun du bgyid de/ 'di la dge 'dun gyis spo ba dang / gzhi nas spo ba dang / mgu bar bgyi ba dang / gzhi nas mgu bar bgyi ba stsol ba dang 'byin pa mdzad pas/ lung mnod pa dang / klag pa dang / kha ton bgyi ba dang / rnal 'byor dang / yid la bgyi ba dang / nang du sems zhi gnas su bgyi ba shor na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong dge ldan ltung ba rgyun du bgyid pa la smad pa'i phrin las mdzad do/ /'di ni gsol ba'o/ /dge 'dun btsun pa rnams gsan du gsol/ dge slong dge ldan ltung ba rgyun tu bgyid pa 'di dge 'dun lhag ma'i ltung ba rgyun du bgyid de/ 'di la dge 'dun gyis spo ba dang gzhi nas spo ba dang / mgu bar bgyi ba dang gzhi nas mgu bar bgyi ba stsol ba dang 'byin pa mdzad pas lung mnod pa dang / klag pa dang / kha ton bgyi ba dang / rnal 'byor dang / yid la bgyi ba dang / nang du sems zhi gnas su bgyi ba shor te/de'i slad du dge 'dun gyis dge slong dge ldan ltung ba rgyun du bgyid pa la smad pa'i phrin las mdzad na/ tshe dang ldan pa gang dag dge slong dge ldan ltung ba rgyun du bgyid pa la smad pa'i phrin las mdzad de/ bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong dge ldan ltung ba rgyun du bgyid pa la smad pa'i phrin las mdzad lags te/ 'di ltar cang mi gsung bas de de bzhin du 'dzin to//dge 'dun btsun pa rnams gsan du gsol/ bdag dge slong dge ldan ltung ba rgyun du 'byin pa la dge 'dun lhag ma'i ltung ba rgyun du 'byin pas bdag la dge 'dun gyis smad pa'i phrin las mdzad lags te/ bdag dge slong dge ldan ltung ba rgyun tu bgyid pa la smad pa'i phrin las mdzad lags pas skra 'greng bar gyur/skra 'phyar bar gyur cing dge 'dun la spu snyol bar bgyid/ 'byung bar bskyod/ mtshungs par nye bar ston la mtshams kyi nang du mchis te/ bzod pa gsol zhing ltung ba rgyun du bgyid pa de yang spong na/ thugs brtse ba can dge 'dun btsun pa rnams kyis thugs brtse ba'i slad du bdag dge slong dge ldan smad pa'i phrin las mdzad lags pa la bzod pa mdzad du gsol/ lan gsum du bzlas dge 'dun btsun pa rnams gsan du gsol/ dge slong dge 'dun 'di ltung ba rgyun tu bgyid de/'di dge 'dun lhag ma'i ltung ba rgyun du bgyis pas 'di la dge 'dun gyis spo ba dang / gzhi nas spo ba dang / mgu bar bgyi ba dang / gzhi nas mgu bar bgyi ba stsol ba dang 'byin pa mdzad pas lung mnod pa dang / klag pa dang / kha ton bgyi ba dang / rnal 'byor dang /yid la bgyi ba dang / nang du sems zhi gnas su bgyi ba shor te/ ltung ba rgyun du bgyid pa ma btang ba 'di la dge 'dun gyis smad pa'i phrin las mdzad lags te/ 'di la smad pa'i phrin las mdzad lags pas skra 'greng bar gyur/ skra 'phyar bar gyur cing dge 'dun la spu snyol bar bgyid/'byung bar bskyod/ mtshungs par nye bar ston la mtshams kyi nang du mchis te/ bzod pa gsol zhing ltung ba rgyun du bgyid pa de'ang spong ngo zhes mchi na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong dge ldan smad pa'i phrin las mdzad lags pa la bzod pa mdzad do//'di ni gsol ba'o/ /dge 'dun btsun pa rnams gsan du gsol/ dge slong dge ldan ltung ba rgyun du bgyid pa 'di dge 'dun lhag ma'i ltung ba rgyun du bgyid de/ ltung ba rgyun du bgyid pa ma btang ba 'di la dge 'dun gyis smad pa'i phrin las mdzad lags te/dge slong dge ldan 'di smad pa'i phrin las mdzad lags pas skra 'greng bar gyur/ skra 'phyar bar gyur cing dge 'dun la spu snyol bar bgyid/ 'byung bar bskyod/ mtshungs par nye bar ston la mtshams kyi nang du mchis te/ bzod pa gsol zhing ltung ba rgyun du bgyid pa de yang spong ngo zhes mchi na/de'i slad du dge slong dge ldan smad pa'i phrin las mdzad lags pa la dge 'dun gyis bzod pa mdzad na/ tshe dang ldan pa gang dag dge slong dge ldan smad pa'i phrin las mdzad lags pa la bzod pa mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas/ dge 'dun gyis dge slong dge ldan smad pa'i phrin las mdzad lags pa la bzod pa mdzad lags te/'di ltar cang mi gsung bas de de bzhin du 'dzin to/ /dge 'dun btsun pa rnams gsan du gsol/ dge slong 'gro mgyogs dang nab so 'di gnyis khyim sun 'byin pa sdig pa'i chos kun tu spyod pa lags te/ 'di gnyis khyim sun 'byin par yang snang zhing thos la 'tshal/'di gnyis sdig pa'i chos kun tu spyod par yang snang zhing thos la 'tshal na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'gro mgyogs dang nab so khyim sun 'byin pa ma btang ba la bskrad pa'i phrin las mdzad do//'di ni gsol ba'o/ /dge 'dun btsun pa rnams gsan du gsol/ dge slong 'gro mgyogs dang nab so 'di gnyis khyim sun 'byin pa sdig pa'i chos kun tu spyod pa lags te/ 'di gnyis khyim sun 'byin par yang snang zhing thos la 'tshal/sdig pa'i chos kun tu spyod par yang snang zhing thos la 'tshal te/ de'i slad du dge 'dun gyis dge slong 'gro mgyogs dang nab so khyim sun 'byin pa ma btang ba la bskrad pa'i phrin las mdzad na/ tshe dang ldan pa gang dag dge slong 'gro mgyogs dang nab so la bskrad pa'i phrin las mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong 'gro mgyogs dang nab so khyim sun 'byin pa ma btang ba la bskrad pa'i phrin las mdzad lags te/'di ltar cang mi gsung bas de de bzhin du 'dzin to/ /dge 'dun btsun pa rnams gsan du gsol/ bdag cag dge slong 'gro mgyogs dang nab so khyim sun 'byin pa sdig pa'i chos kun tu spyod pa lags pas bdag cag la dge 'dun gyis bskrad pa'i phrin las mdzad lags te/bdag cag dge slong 'gro mgyogs dang nab so bskrad pa'i phrin las mdzad lags pas skra 'greng bar gyur/ skra 'phyar bar gyur cing / dge 'dun la spu snyol bar bgyid/ 'byung bar bskyod/ mtshungs par nye bar ston la/ mtshams kyi nang du mchis te bzod pa gsol zhing khyim sun 'byin pa sdig pa'i chos kun tu spyod pa de yang spong na/ thugs brtse ba can dge 'dun btsun pa rnams kyis thugs brtse ba'i slad du bdag cag dge slong 'gro mgyogs dang nab so bskrad pa'i phrin las mdzad lags pa la bzod pa mdzad du gsol/lan gsum du bzlas/ dge 'dun btsun pa rnams gsan du gsol/ dge slong 'gro mgyogs dang nab so 'di gnyis khyim sun 'byin pa sdig pa'i chos kun tu spyod pa lags te/ 'di gnyis khyim sun 'byin par snang zhing thos la 'tshal/ 'di gnyis sdig pa'i chos kun tu spyod par yang snang zhing thos la 'tshal te/khyim sun 'byin pa sdig pa'i chos kun tu spyod pa ma btang ba 'di gnyis la dge 'dun gyis bskrad pa'i phrin las mdzad lags te/ 'di gnyis bskrad pa'i phrin las mdzad lags pas skra 'greng bar gyur/ skra 'phyar bar gyur cing dge 'dun la spu snyol bar bgyid/ 'byung bar bskyod/ mtshungs par nye bar ston la/ mtshams kyi nang du mchis te bzod pa gsol zhing khyim sun 'byin pa sdig pa'i chos kun tu spyod pa de yang spong ngo zhes mchi na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge slong 'gro mgyogs dang nab so bskrad pa'i phrin las mdzad lags pa la dge 'dun gyis bzod pa mdzad do/ /'di ni gsol ba'o/ /dge 'dun btsun pa rnams gsan du gsol/ dge slong 'gro mgyogs dang nab so 'di gnyis khyim sun 'byin pa sdig pa'i chos kun tu spyod pas/'di gnyis la dge 'dun gyis bskrad pa'i phrin las mdzad lags te/ de'i slad du dge 'dun gyis dge slong 'gro mgyogs dang nab so skra 'greng bar gyur/ skra 'phyar bar gyur cing dge 'dun la spu snyol bar bgyid/ 'byung bar bskyod/ mtshungs par nye bar ston la mtshams kyi nang du mchis te bzod pa gsol zhing khyim sun 'byin pa sdig pa'i chos kun tu spyod pa de yang spong ngo zhes mchis pa la bzod pa mdzad na tshe dang ldan pa gang dag dge slong 'gro mgyogs dang nab so bskrad pa'i phrin las mdzad lags pa la bzod pa mdzad par bzod pa de dag ni cang ma gsung shing //gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong 'gro mgyogs dang nab so bskrad pa'i phrin las mdzad lags pa la bzod pa mdzad lags te/'di ltar cang mi gsung bas de de bzhin du 'dzin to/ /dge 'dun btsun pa rnams gsan du gsol/ dge slong dam pa 'di khyim pa la brnyas thabs bgyid na gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong dam pa khyim pa la brnyas thabs bgyid pa la slar 'gyed pa'i phrin las mdzad do/ /'di ni gsol ba'o/ /dge 'dun btsun pa rnams gsan du gsol/ dge slong dam pa 'di khyim pa la brnyas thabs bgyid de/ de'i slad du dge 'dun gyis dge slong dam pa khyim pa la brnyas thabs bgyid pa la slar 'gyed pa'i phrin las mdzad na/tshe dang ldan pa gang dag dge slong dam pa khyim pa la brnyas thabs bgyid pa la slar 'gyed pa'i phrin las mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas/ dge 'dun gyis dge slong dam pa khyim pa la brnyas thabs bgyid pa la slar 'gyed pa'i phrin las mdzad lags te/ 'di ltar cang mi gsung bas de de bzhin du 'dzin to//dge 'dun btsun pa rnams gsan du gsol/ bdag dge slong dam pa khyim pa la brnyas thabs bgyid pas bdag la dge 'dun gyis slar 'gyed pa'i phrin las mdzad lags te/ bdag dge slong dam pa slar 'gyed pa'i phrin las mdzad lags pas skra 'greng bar gyur/skra 'phyar bar gyur cing dge 'dun la spu snyol bar bgyid/ 'byung bar bskyod/ mtshungs par nye bar ston la mtshams kyi nang du mchis te bzod pa gsol zhing khyim pa la brnyas thabs bgyid pa de yang spong na/ thugs brtse ba can dge 'dun btsun pa rnams kyis thugs brtse ba'i slad du bdag dge slong dam pa la slar 'gyed pa'i phrin las mdzad lags pa la bzod pa mdzad du gsol/lan gsum du bzlas/ dge 'dun btsun pa rnams gsan du gsol/ dge slong dam pa 'di khyim pa la brnyas thabs bgyid pa de la dge 'dun gyis slar 'gyed pa'i phrin las mdzad lags te/'di ltar 'gyed pa'i phrin las mdzad lags pas skra 'greng bar gyur/ skra 'phyar bar gyur cing dge 'dun la spu snyol bar bgyid/ 'byung bar bskyod/ mtshungs par nye bar ston la mtshams kyi nang du mchis te/ bzod pa gsol zhing khyim pa la brnyas thabs bgyid pa de yang spong ngo zhes mchi na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge slong dam pa slar 'gyed pa'i phrin las mdzad lags pa la dge 'dun gyis bzod pa mdzad do/ /'di ni gsol ba'o/ /dge 'dun btsun pa rnams gsan du gsol/dge slong dam pa 'di khyim pa la brnyas thabs bgyid pas de la dge 'dun gyis slar 'gyed pa'i phrin las mdzad lags te/ de'i slad du dge 'dun gyis dge slong dam pa skra 'greng bar gyur/ skra 'phyar bar gyur cing dge 'dun la spu snyol bar bgyid/ 'byung bar bskyod/ mtshungs par nye bar ston la/ mtshams kyi nang du mchis te bzod pa gsol zhing khyim pa la brnyas thabs bgyid pa/ de'ang spong ngo zhes mchi ba la bzod pa mdzad na/ tshe dang ldan pa gang dag dge slong dam pa slar 'gyed pa'i phrin las mdzad lags pa la bzod pa mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas/ dge 'dun gyis dge slong dam pa slar 'gyed pa'i phrin las mdzad lags pa la bzod pa mdzad lags te/'di ltar cang mi gsung bas de de bzhin du 'dzin to/ /dge 'dun btsun pa rnams gsan du gsol/ dge slong 'dun pa 'di la ltung ba byung ste/ de la dge slong rnams kyis glengs shing dran par bgyis kyang ltung ba ma mthong ngo zhes mchi na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong 'dun pa ltung ba ma mthong ba la gnas nas dbyung ba'i phrin las mdzod do/ /'di ni gsol ba'o/ /dge 'dun btsun pa rnams gsan du gsol/ dge slong 'dun pa 'di la ltung ba byung ste/ de la dge slong rnams kyis glengs shing dran par bgyis kyang ltung ba ma mthong ngo zhes mchis te/de'i slad du dge 'dun gyis dge slong 'dun pa ltung ba ma mthong ba la gnas nas dbyung ba'i phrin las mdzad na/ tshe dang ldan pa gang dag dge slong 'dun pa la gnas nas dbyung ba'i phrin las mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong 'dun pa ltung ba ma mthong ba la gnas nas dbyung ba'i phrin las mdzad lags te/'di ltar cang mi gsung bas de de bzhin du 'dzin to/ /dge 'dun btsun pa rnams gsan du gsol/ bdag dge slong 'dun pa la ltung ba byung bas dge 'dun gyis bdag 'dun pa ltung ba ma mthong ba la gnas nas dbyung ba'i phrin las mdzad lags te/bdag dge slong 'dun pa ltung ba ma mthong bas gnas nas dbyung ba'i phrin las mdzad lags pas skra 'greng bar gyur/ skra 'phyar bar gyur cing dge 'dun la spu snyol bar bgyid/ 'byung bar bskyod/ mtshungs par nye bar ston la mtshams kyi nang du mchis te/ bzod pa gsol zhing ltung ba de yang mthong na/thugs brtse ba can dge 'dun btsun pa rnams kyis thugs brtse ba'i slad du bdag dge slong 'dun pa la ltung ba ma mthong bas gnas nas dbyung ba'i phrin las mdzad lags pa la bzod pa mdzad du gsol/ lan gsum du bzlas/ dge 'dun btsun pa rnams gsan du gsol/dge slong 'dun pa 'di la ltung ba byung ste/ ltung ba ma mthong ba 'di la dge 'dun gyis gnas nas dbyung ba'i phrin las mdzad lags te/ dge slong 'dun pa ltung ba ma mthong bas gnas nas dbyung ba'i phrin las mdzad lags pas skra 'greng bar gyur/ skra 'phyar bar gyur cing dge 'dun la spu snyol bar bgyid/'byung bar bskyod/ mtshungs par nye bar ston la mtshams kyi nang du mchis te bzod pa gsol zhing ltung ba de yang mthong ngo zhes mchi na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'dun pa ltung ba ma mthong bas gnas nas dbyung ba'i phrin las mdzad lags pa la bzod pa mdzad do//'di ni gsol ba'o/ /dge 'dun btsun pa rnams gsan du gsol/ dge slong 'dun pa 'di la ltung ba byung ste/ ltung ba ma mthong ba 'di la dge 'dun gyis gnas nas dbyung ba'i phrin las mdzad lags te/dge slong 'dun pa ltung ba ma mthong ba gnas nas dbyung ba'i phrin las mdzad lags pas skra 'greng bar gyur/ skra 'phyar bar gyur cing dge 'dun la spu snyol bar bgyid/ 'byung bar bskyod/ mtshungs par nye bar ston la mtshams kyi nang du mchis te bzod pa gsol zhing ltung ba de yang mthong ngo zhes mchi bas de'i slad du dge 'dun gyis dge slong 'dun pa ltung ba ma mthong bas gnas nas dbyung ba'i phrin las mdzad lags pa la bzod pa mdzad na/tshe dang ldan pa gang dag dge slong 'dun pa ltung ba ma mthong bas gnas nas dbyung ba'i phrin las mdzad lags pa la bzod pa mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong 'dun pa ltung ba ma mthong bas gnas nas dbyung ba'i phrin las mdzad lags pa la bzod pa mdzad lags te/'di ltar cang mi gsung bas de de bzhin du 'dzin to/ /dge 'dun btsun pa rnams gsan du gsol/ dge slong 'dun pa 'di la ltung ba byung yang de chos bzhin du slar mi 'chos na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'dun pa ltung ba slar mi 'chos pa de la gnas nas dbyung ba'i phrin las mdzad do/ /'di ni gsol ba'o/ /dge 'dun btsun pa rnams gsan du gsol/dge slong 'dun pa 'di ltung ba byung yang de chos bzhin du slar mi 'chos pas/ de'i slad du dge 'dun gyis dge slong 'dun pa ltung ba chos bzhin du slar mi 'chos pa 'di la gnas nas dbyung ba'i phrin las mdzad na/ tshe dang ldan pa gang dag dge slong 'dun pa ltung ba slar mi 'chos pa la gnas nas dbyung ba'i phrin las mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong 'dun pa ltung ba slar mi 'chos pa la gnas nas dbyung ba'i phrin las mdzad lags te/'di ltar cang mi gsung bas de de bzhin du 'dzin to/ /dge 'dun btsun pa rnams gsan du gsol/ bdag dge slong 'dun pa ltung ba byung la ltung ba de chos bzhin du slar mi 'chos pas/bdag ltung ba slar mi 'chos pa la dge 'dun gyis gnas nas dbyung ba'i phrin las mdzad lags te/ bdag dge slong 'dun pa slar mi 'chos pa gnas nas dbyung ba'i phrin las mdzad lags pas skra 'greng bar gyur/ skra 'phyar bar gyur cing dge 'dun la spu snyol par bgyid/'byung bar bskyod/ mtshungs par nye bar ston la mtshams kyi nang du mchis te bzod pa gsol zhing ltung ba de yang chos bzhin du slar 'chos na/ thugs brtse ba can dge 'dun btsun pa rnams kyis thugs brtse ba'i slad du bdag dge slong 'dun pa slar mi 'chos pas gnas nas dbyung ba'i phrin las mdzad lags pa la bzod pa mdzad du gsol/lan gsum du bzlas/ dge 'dun btsun pa rnams gsan du gsol/ dge slong 'dun pa 'di la ltung ba byung ste/ ltung ba de chos bzhin du slar mi 'chos pas 'di la dge 'dun gyis gnas nas dbyung ba'i phrin las mdzad lags te/dge slong 'dun pa slar mi 'chos pas gnas nas dbyung ba'i phrin las mdzad lags pas 'di skra 'greng bar gyur/ skra 'phyar bar gyur cing dge 'dun la spu snyol bar bgyid/ 'byung bar bskyod/ mtshungs par nye bar ston la/mtshams kyi nang du mchis te/ bzod pa gsol zhing ltung ba de yang chos bzhin du slar 'chos so zhes mchi na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'dun pa slar mi 'chos pas gnas nas dbyung ba'i phrin las mdzad lags pa la bzod pa mdzad do//'di ni gsol ba'o/ /dge 'dun btsun pa rnams gsan du gsol/ dge slong 'dun pa 'di la ltung ba byung ste/ ltung ba de chos bzhin du slar mi 'chos pas 'di la dge 'dun gyis gnas nas dbyung ba'i phrin las mdzad lags te/dge slong 'dun pa slar mi 'chos pas gnas nas dbyung ba'i phrin las mdzad lags pa 'di skra 'greng bar gyur/ skra 'phyar bar gyur cing dge 'dun la spu snyol bar bgyid/ 'byung bar bskyod/ mtshungs par nye bar ston/ mtshams kyi nang du mchis te bzod pa gsol zhing slar 'chos so zhes mchis pas/de'i slad du dge 'dun gyis dge slong 'dun pa slar mi 'chos pas gnas nas dbyung ba'i phrin las mdzad lags pa la bzod pa mdzad na/ tshe dang ldan pa gang dag dge slong 'dun pa slar mi 'chos pas gnas nas dbyung ba'i phrin las mdzad lags pa la bzod pa mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong 'dun pa slar mi 'chos pas gnas nas dbyung ba'i phrin las mdzad lags pa la bzod pa mdzad lags te/'di ltar cang mi gsung bas de de bzhin du 'dzin to/ /dge 'dun btsun pa rnams gsan du gsol/ dge slong 'chi ltas 'di la sdig pa can gyi lta ba'i rnam pa 'di lta bu 'di byung ste/ji ltar bcom ldan 'das kyis bar du gcod pa'i chos su gsungs pa gang dag yin pa de dag brten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes mchi nas 'di la dge slong rab tu mang pos bzhams te bsgo na/'di la dge slong rab tu mang pos bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs te/ 'di la dge 'dun gyis gsol ba dang bzhi'i las kyis bsgo na/'di la gsol ba dang bzhi'i las kyis bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong 'chi ltas sdig pa can gyi lta ba'i rnam pa mi gtong ba la gnas nas dbyung ba'i phrin las bgyis te/ ji srid du dge slong 'chi ltas sdig pa can gyi lta ba'i rnam pa 'di lta bu 'di thams cad kyi thams cad dang / rnam pa thams cad kyi thams cad du mi gtong ba de srid du gtam 'dre bar mi bgyi/ phebs par smra bar mi bgyi zhing dper na gdol bu bzhin du smad par bgyi zhing mchog tu smad par bgyi'o/ /'di ni gsol ba'o/ /dge 'dun btsun pa rnams gsan du gsol/ dge slong 'chi ltas 'di la sdig pa can gyi lta ba'i rnam pa 'di lta bu 'di byung ste/'di ltar bcom ldan 'das kyis bar du gcod pa'i chos su gsungs pa gang dag yin pa de dag brten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes mchi nas 'di la dge slong rab tu mang pos bzhams te bsgo na/'di la dge slong rab tu mang pos bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs te/ 'di la dge 'dun gyis gsol ba dang bzhi'i las kyis bsgo na/'di la gsol ba dang bzhi'i las kyis bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas/ 'di nyid bden gyis gzhan ni brdzun pa'o zhes rjes su tha snyad 'dogs pa de'i slad du dge 'dun gyis dge slong 'chi ltas sdig pa can gyi lta ba'i rnam pa mi gtong ba la gnas nas dbyung ba'i las bgyi ste/ji srid du dge slong 'chi ltas sdig pa can gyi lta ba'i rnam pa 'di lta bu 'di thams cad kyi thams cad dang / rnam pa thams cad kyi thams cad mi gtong ba de srid du gtam 'dre bar mi bgyi phebs par smra bar mi bgyi zhing dper na gdol bu bzhin du smad par bgyi zhing mchog tu smad par bgyid na/tshe dang ldan pa gang dag dge slong 'chi ltas sdig pa can gyi lta ba'i rnam pa mi gtong ba la ni gnas nas dbyung ba'i las bgyi zhing ji srid du dge slong 'chi ltas sdig pa can gyi lta ba'i rnam pa 'di lta bu 'di thams cad kyi thams cad dang rnam pa thams cad kyi thams cad du mi gtong ba de srid du gtam 'dre bar mi bgyi/phebs par smra bar mi bgyi zhing dper na gdol bu bzhin du smad par bgyi zhing mchog tu smad par bgyi bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong 'chi ltas sdig pa can gyi lta ba'i rnam pa mi gtong ba la gnas nas dbyung ba'i phrin las mdzad cing ji srid du dge slong 'chi ltas sdig pa can gyi lta ba'i rnam pa 'di lta bu 'di thams cad kyi thams cad dang rnam pa thams cad kyi thams cad du mi gtong ba de srid du gtam 'dre bar mi bgyi/phebs par smra bar mi bgyi zhing / dper na gdol bu bzhin du smad par bgyis shing mchog tu smad par bgyis lags te/'di ltar cang mi gsung bas de de bzhin du 'dzin to/ /dge 'dun btsun pa rnams gsan du gsol/ bdag dge slong 'chi ltas sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis bar du gcod pa'i chos su gsungs pa gang dag yin pa de dag brten kyang bar du gcod par mi 'gyur te/de ltar bcom ldan 'das kyis chos bstan pa bdag gis shes so zhes mchis pas dge 'dun gyis dge slong 'chi ltas sdig pa can gyi lta ba'i rnam pa mi gtong ba la gnas nas dbyung ba'i phrin las mdzad cing smad lags te/bdag dge slong 'chi ltas sdig pa can gyi lta ba'i rnam pa mi gtong ba la gnas nas dbyung ba'i phrin las mdzad cing smad lags pas skra 'greng par gyur/ skra 'phyar bar gyur cing dge 'dun la spu snyol bar bgyid/ 'byung bar bskyod/ mtshungs bar nye bar ston la/mtshams kyi nang du mchis te bzod pa gsol zhing sdig pa can gyi lta ba'i rnam pa de yang gtong na/ thugs brtse ba can dge 'dun btsun pa rnams kyis thugs brtse ba'i slad du bdag dge slong 'chi ltas sdig pa can gyi lta ba'i rnam pa btang lags pa la bzod pa mdzad du gsol/lan gsum du bzlas/ dge 'dun btsun pa rnams gsan du gsol/ dge slong 'chi ltas 'di la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis bar du gcod pa'i chos su gsungs pa gang dag yin pa de dag brten kyang bar du gcod par mi 'gyur te/de ltar bcom ldan 'das kyis chos bstan pa bdag gis shes so zhes mchi nas/ dge slong 'chi ltas sdig pa can gyi lta ba'i rnam pa mi gtong ba 'di la dge 'dun gyis gnas nas dbyung ba'i phrin las mdzad cing smad lags te/ dge slong 'chi ltas gnas nas dbyung ba'i phrin las mdzad cing smad pa 'di skra 'greng bar gyur/skra 'phyar bar gyur cing dge 'dun la spu snyol bar bgyid/ 'byung bar bskyod/ mtshungs par nye bar ston la mtshams kyi nang du 'chis te bzod pa gsol zhing sdig pa can gyi lta ba'i rnam pa de yang gtong ngo zhes mchi na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'chi ltas sdig pa can gyi lta ba'i rnam pa mi gtong ba la gnas nas dbyung ba'i phrin las mdzad cing smad lags pa la bzod pa mdzad do/ / 'di ni gsol ba'o/ /dge 'dun btsun pa rnams gsan du gsol/ dge slong 'chi ltas 'di la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis bar du gcod pa'i chos su gsungs pa gang dag yin pa de dag brten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes mchi nas de'i slad du dge 'dun gyis dge slong 'chi ltas sdig pa can gyi lta ba'i rnam pa mi gtong ba 'di gnas nas dbyung ba'i phrin las mdzad cing smad lags te/ dge slong 'chi ltas gnas nas dbyung ba'i phrin las mdzad cing smad lags pas 'di skra 'greng bar gyur/skra 'phyar bar gyur cing dge 'dun la spu snyol bar bgyid/ 'byung bar bskyod/ mtshungs par nye bar ston la mtshams kyi nang du mchis te bzod pa gsol zhing / sdig pa can gyi lta ba'i rnam pa de yang gtong ngo zhes mchi bas de'i slad du dge 'dun gyis dge slong 'chi ltas sdig pa can gyi lta ba'i rnam pa mi gtong ba la gnas nas dbyung ba'i phrin las mdzad cing smad lags pa la bzod pa mdzad na/tshe dang ldan pa gang dag dge slong 'chi ltas sdig pa can gyi lta ba'i rnam pa mi gtong ba la gnas nas dbyung ba'i phrin las mdzad cing smad lags pa la bzod pa mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong 'chi ltas sdig pa can gyi lta ba'i rnam pa mi gtong bas gnas nas dbyung ba'i phrin las mdzad cing smad lags pa la bzod pa mdzad lags te/'di ltar cang mi gsungs bas de de bzhin du 'dzin to/ /tshe dang ldan pa dgongs su gsol/ bdag dge slong ming 'di zhes bgyi ba la ltung ba 'di lta bu 'di byung ste/bdag dge slong ming 'di zhes bgyi ba ltung ba de dag pa'i mtha' tshun chad nas bzung ste tshe dang ldan pa'i mdun du mthol lo/ /'chags so/ /mi 'chab bo/ /mthol zhing bshags na bdag bde ba la reg par gnas par 'gyur gyis ma mthol ma bshags na ni mi 'gyur ro//lan gsum du bzlas/ ltung ba mthong ngam/ mthong ngo / /phyin chad sdom mam/ sdom mo/ /lan gsum du bzlas/ thabs yin no/ /legs so/ /dge 'dun btsun pa rnams gsan du gsol/ bdag dge slong 'char ka la che ge mo las byung ba'i dge 'dun lhag ma'i ltung ba byung ba la zla ba phyed bcabs pas bdag dge slong 'char ka che ge mo las byung ba'i dge 'dun lhag ma'i ltung ba byung ba la zla ba phyed bcabs pa de'i slad du dge 'dun la zla ba phyed spo ba gsol na/thugs brtse ba can dge 'dun btsun pa rnams kyis thugs brtse ba'i slad du bdag dge slong 'char ka la che ge mo las byung ba'i dge 'dun lhag ma'i ltung ba byung ba la zla ba phyed bcabs pa de'i slad du zla ba phyed spo ba stsal du gsol/lan gsum du bzlas/ dge 'dun btsun pa rnams gsan du gsol/ bdag dge slong 'char ka 'di la che ge mo las byung ba'i dge 'dun lhag ma'i ltung ba byung la zla ba phyed bcabs te/dge slong 'char ka 'di che ge mo las byung ba'i dge 'dun lhag ma'i ltung ba byung la zla ba phyed bcabs la de'i slad du dge 'dun las zla ba phyed spo ba gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong 'char ka la che ge mo las byung ba'i dge 'dun lhag ma'i ltung ba byung ba la zla ba phyed bcabs pa de'i slad du zla ba phyed spo ba stsol to/ /'di ni gsol ba'o/ /dge 'dun btsun pa rnams gsan du gsol/dge slong 'char ka 'di la che ge mo las byung ba'i dge 'dun lhag ma'i ltung ba byung ba la zla ba phyed bcabs te/ dge slong 'char ka 'di che ge mo las byung ba'i dge 'dun lhag ma'i ltung ba byung ba la zla ba phyed bcabs pa de'i slad du dge 'dun la zla ba phyed spo ba gsol te/ de'i slad du dge 'dun gyis dge slong 'char ka la che ge mo las byung ba'i dge 'dun lhag ma'i ltung ba byung ba la zla ba phyed bcabs pa de'i slad du zla ba phyed spo ba gsol na/ tshe dang ldan pa gang dag dge slong 'char ka la che ge mo las byung ba'i dge 'dun lhag ma'i ltung ba byung la zla ba phyed bcabs pa de'i slad du zla ba phyed spo ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong 'char ka la che ge mo las byung ba'i dge 'dun lhag ma'i ltung ba byung ba la zla ba phyed bcabs pa de'i slad du zla ba phyed spo ba stsal lags te/'di ltar cang mi gsungs bas de de bzhin du 'dzin to/ /dge 'dun btsun pa rnams gsan du gsol/ bdag dge slong 'char ka la che ge mo las byung ba'i dge 'dun lhag ma'i ltung ba byung ste/bdag dge slong 'char ka la che ge mo las byung ba'i dge 'dun lhag ma'i ltung ba byung ba de'i slad du dge 'dun las zhag drug mgu bar bgyi ba gsol na/ thugs brtse ba can dge 'dun btsun pa rnams kyis thugs brtse ba'i slad du bdag dge slong 'char ka la che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyi ba stsal du gsol/lan gsum du bzlas/ dge 'dun btsun pa rnams gsan du gsol/ dge slong 'char ka 'di la che ge mo las byung ba'i dge 'dun lhag ma'i ltung ba byung la/dge slong 'char ka 'di che ge mo las byung ba'i dge 'dun lhag ma'i ltung ba byung ba de'i slad du dge 'dun las zhag drug mgu bar bgyi ba gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'char ka la che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyi ba stsol to/ /'di ni gsol ba'o/ /dge 'dun btsun pa rnams gsan du gsol/ dge slong 'char ka 'di la che ge mo las byung ba'i dge 'dun lhag ma'i ltung ba byung la/dge slong 'char ka 'di che ge mo las byung ba'i dge 'dun lhag ma'i ltung ba byung ba de'i slad du dge 'dun las zhag drug mgu bar bgyi ba gsol te/ de'i slad du dge 'dun gyis dge slong 'char ka la che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyi ba gsol na/tshe dang ldan pa gang dag dge slong 'char ka la che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyi ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong 'char ka la che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyi ba stsal lags te/'di ltar cang mi gsung bas de de bzhin du 'dzin to/ /dge 'dun btsun pa rnams gsan du gsol/ bdag dge slong 'char ka la che ge mo las byung ba'i dge 'dun lhag ma'i ltung ba byung la zla ba phyed bcabs pas/ bdag dge slong 'char ka dge 'dun gyi gan du mchis te che ge mo las byung ba'i dge 'dun lhag ma'i ltung ba byung la/zla ba phyed bcabs pa de'i slad du dge 'dun las zla ba phyed spo ba gsol nas/ dge 'dun gyis bdag dge slong 'char ka la che ge mo las byung ba'i dge 'dun lhag ma'i ltung ba byung la zla ba phyed bcabs pa de'i slad du zla ba phyed spo ba stsal te/bdag spo ba bgyid bzhin pa las dge 'dun lhag ma'i ltung ba snga ma dang 'dra ba yang byung la bcabs pas/ bdag dge slong 'char ka dge 'dun lhag ma'i ltung ba ltung ba snga ma dang 'dra ba yang byung la bcabs pa de'i slad du dge 'dun las gzhi nas spo ba yang gsol na/thugs brtse ba can dge 'dun btsun pa rnams kyis thugs brtse ba'i slad du bdag dge slong 'char ka la dge 'dun lhag ma'i ltung ba snga ma dang 'dra ba yang byung la bcabs pa de'i slad du gzhi nas spo ba stsal du gsol/ lan gsum bzlas/ dge 'dun btsun pa rnams gsan du gsol/ dge slong 'char ka 'di la che ge mo las byung ba'i dge 'dun lhag ma'i ltung ba byung la zla ba phyed bcabs pas dge slong 'char ka 'di dge 'dun gyi gan du mchis te/ che ge mo las byung ba'i dge 'dun lhag ma'i ltung ba byung la zla ba phyed bcabs pa de'i slad du dge 'dun la zla ba phyed spo ba gsol nas/dge 'dun gyis dge slong 'char ka 'di la che ge mo las byung ba'i dge 'dun lhag ma'i ltung ba byung la zla ba phyed bcabs pa de'i slad du zla ba phyed spo ba stsal te 'di spo ba bgyid bzhin pa las/ dge 'dun lhag ma'i ltung ba ltung ba snga ma dang 'dra ba yang byung la bcabs pas/de'i slad du/ dge slong 'char ka 'di dge 'dun gyi gan du mchis te/ dge 'dun lhag ma'i ltung ba ltung ba snga ma dang 'dra ba yang byung la bcabs pa de'i slad du dge 'dun las gzhi nas spo ba gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong 'char ka la dge 'dun lhag ma'i ltung ba ltung ba snga ma dang 'dra ba yang byung la bcabs pa de'i slad du gzhi nas spo ba yang stsal to/ /'di ni gsol ba'o/ /dge 'dun btsun pa rnams gsan du gsol/dge slong 'char ka 'di la che ge mo las byung ba'i dge 'dun lhag ma'i ltung ba byung ba zla ba phyed bcabs pas/ dge slong 'char ka 'di dge 'dun gyi gan du mchis te che ge mo las byung ba'i dge 'dun lhag ma'i ltung ba byung la/ zla ba phyed bcabs pa de'i slad du dge 'dun las zla ba phyed spo ba gsol nas/dge 'dun gyis dge slong 'char ka 'di la che ge mo las byung ba'i dge 'dun lhag ma'i ltung ba byung ba zla ba phyed bcabs pa de'i slad du zla ba phyed spo ba stsol te/ 'di spo ba bgyid bzhin pa las dge 'dun lhag ma'i ltung ba ltung ba snga ma dang 'dra ba yang byung la bcabs pas dge slong 'char ka 'di dge 'dun gyi gan du mchis te dge 'dun lhag ma'i ltung ba ltung ba snga ma dang 'dra ba byung la bcabs pa de'i slad du dge 'dun las gzhi nas spo ba gsol nas/de'i slad du dge 'dun gyis dge slong 'char ka la dge 'dun lhag ma'i ltung ba ltung ba snga ma dang 'dra ba yang byung la bcabs pa de'i slad du gzhi nas spo ba gsol na/tshe dang ldan pa gang dag dge slong 'char ka la dge 'dun lhag ma'i ltung ba ltung ba snga ma dang 'dra ba yang byung nas bcabs pa de'i slad du gzhi nas spo ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas/ dge 'dun gyis dge slong 'char ka la dge 'dun lhag ma'i ltung ba ltung ba snga ma dang 'dra ba yang byung la bcabs pa de'i slad du gzhi nas spo ba stsal lags te/'di ltar cang mi gsung bas de de bzhin du 'dzin to/ /dge 'dun btsun pa rnams gsan du gsol/ bdag dge slong 'char ka la che ge mo las byung ba'i dge 'dun lhag ma'i ltung ba byung bas bdag dge slong 'char ka dge 'dun gyi gan du mchis te/ che ge mo las byung ba'i dge 'dun lhag ma'i ltung ba byung ba de'i slad du dge 'dun las zhag drug mgu bar bgyi ba gsol na/ dge 'dun gyis bdag dge slong 'char ka la che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyi ba stsal te/bdag mgu bar bgyi ba bgyid bzhin pa las dge 'dun lhag ma'i ltung ba ltung ba snga ma dang 'dra ba yang byung bas bdag dge slong 'char ka dge 'dun lhag ma'i ltung ba ltung ba snga ma dang 'dra ba yang byung ba de'i slad du dge 'dun las gzhi nas mgu bar bgyi ba gsol na/thugs brtse ba can dge 'dun btsun pa rnams kyis thugs brtse ba'i slad du bdag dge slong 'char ka la dge 'dun lhag ma'i ltung ba ltung ba snga ma dang 'dra ba yang byung ba de'i slad du gzhi nas mgu bar bgyi ba stsal du gsol/ lan gsum du bzlas/ dge 'dun btsun pa rnams gsan du gsol/dge slong 'char ka 'di la che ge mo las byung ba'i dge 'dun lhag ma'i ltung ba byung la/ dge slong 'char ka 'di dge 'dun gyi gan du mchis te/ che ge mo las byung ba'i dge 'dun lhag ma'i ltung ba byung ba de'i slad du dge 'dun las zhag drug mgu bar bgyi ba gsol nas/dge 'dun gyis dge slong 'char ka 'di la che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyi ba stsal te/ 'di mgu bar bgyid bzhin pa las dge 'dun lhag ma'i ltung ba ltung ba snga ma dang 'dra ba yang byung la dge slong 'char ka 'di dge 'dun gyi gan du mchis te/dge 'dun lhag ma'i ltung ba ltung ba snga ma dang 'dra ba yang byung ba de'i slad du dge 'dun las gzhi nas mgu bar bgyi ba gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'char ka la dge 'dun lhag ma'i ltung ba ltung ba snga ma dang 'dra ba yang byung ba de'i slad du gzhi nas mgu bar bgyi ba stsol to//'di ni gsol ba'o/ /dge 'dun btsun pa rnams gsan du gsol/ dge slong 'char ka 'di la che ge mo las byung ba'i dge 'dun lhag ma'i ltung ba byung ba la dge slong 'char ka 'di dge 'dun gyi gan du mchis te/che ge mo las byung ba'i dge 'dun lhag ma'i ltung ba byung ba de'i slad du dge 'dun las zhag drug mgu bar bgyi ba gsol nas/ dge 'dun gyis dge slong 'char ka 'di la che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyi ba stsal te/'di mgu ba bgyid bzhin pa las dge 'dun lhag ma'i ltung ba ltung ba snga ma dang 'dra ba yang byung la dge slong 'char ka 'di dge 'dun gyi gan du mchis te/ dge 'dun lhag ma'i ltung ba ltung ba snga ma dang 'dra ba yang byung ba de'i slad du dge 'dun las gzhi nas mgu bar bgyi ba gsol nas/de'i slad du dge 'dun gyis dge slong 'char ka la dge 'dun lhag ma'i ltung ba ltung ba snga ma dang 'dra ba yang byung ba de'i slad du gzhi nas mgu bar bgyi ba gsol na/ tshe dang ldan pa gang dag dge slong 'char ka la dge 'dun lhag ma'i ltung ba ltung ba snga ma dang 'dra ba yang byung ba de'i slad du dge 'dun las gzhi nas mgu bar bgyi ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/dge 'dun gyis bzod cing gnang nas/ dge 'dun gyis dge slong 'char ka la dge 'dun lhag ma'i ltung ba ltung ba snga ma dang 'dra ba yang byung la de'i slad du gzhi nas mgu bar bgyi ba stsal lags te/ 'di ltar cang mi gsung bas de de bzhin du 'dzin to/ / dge 'dun btsun pa rnams gsan du gsol/ bdag dge slong 'char ka la che ge mo las byung ba'i dge 'dun lhag ma'i ltung ba byung ba la zla ba phyed bcabs pas/ bdag dge slong 'char ka dge 'dun gyi gan du mchis te/ che ge mo las byung ba'i dge 'dun lhag ma'i ltung ba byung la zla ba phyed bcabs pa de'i slad du dge 'dun las zla ba phyed spo ba gsol nas/dge 'dun gyis bdag dge slong 'char ka 'di la che ge mo las byung ba'i dge 'dun lhag ma'i ltung ba byung ba zla ba phyed bcabs pa de'i slad du zla ba phyed spo ba stsal te/ bdag spo ba bgyid bzhin pa las yang dge 'dun lhag ma'i ltung ba ltung ba snga ma dang 'dra ba yang byung la bcabs pas bdag dge slong 'char ka dge 'dun gyi gan du mchis te/dge 'dun lhag ma'i ltung ba ltung ba snga ma dang 'dra ba yang byung nas bcabs pa de'i slad du dge 'dun las gzhi nas spo ba gsol nas dge 'dun gyis bdag dge slong 'char ka la dge 'dun lhag ma'i ltung ba ltung ba snga ma dang 'dra ba yang byung nas bcabs pa de'i slad du gzhi nas spo ba stsal te/bdag gzhi nas spo ba bgyid bzhin pa las dge 'dun lhag ma'i ltung ba ltung ba snga ma dang 'dra ba yang bldabs te byung nas bcabs te bdag dge 'dun lhag ma'i ltung ba ltung ba bar ma dang 'dra ba yang bldabs te byung nas bcabs pa de'i slad du dge 'dun las yang gzhi nas bslang ste spo ba gsol na/thugs brtse ba can dge 'dun btsun pa rnams kyis thugs brtse ba'i slad du bdag dge slong 'char ka la dge 'dun lhag ma'i ltung ba ltung ba bar ma dang 'dra ba yang bldabs te byung nas bcabs pa de'i slad du yang gzhi nas bslang ste spo ba stsal du gsol/lan gsum du bzlas/ dge 'dun btsun pa rnams gsan du gsol/ dge slong 'char ka 'di la che ge mo las byung ba'i dge 'dun lhag ma'i ltung ba byung ba la zla ba phyed bcabs pas dge slong 'char ka 'di dge 'dun gyi gan du mchis te/che ge mo las byung ba'i dge 'dun lhag ma'i ltung ba byung la zla ba phyed bcabs pa de'i slad du dge 'dun las zla ba phyed spo ba gsol nas/ dge 'dun gyis dge slong 'char ka 'di la che ge mo las byung ba'i dge 'dun lhag ma'i ltung ba byung la zla ba phyed bcabs pa de'i slad du zla ba phyed spo ba stsal te/'di spo ba bgyid bzhin pa las dge 'dun lhag ma'i ltung ba ltung ba snga ma dang 'dra ba yang byung la bcabs pas/ dge slong 'char ka 'di dge 'dun gyi gan du mchis te dge 'dun lhag ma'i ltung ba ltung ba snga ma dang 'dra ba yang byung la bcabs pa de'i slad du dge 'dun las gzhi nas spo ba gsol nas/dge 'dun gyis dge slong 'char ka 'di la dge 'dun lhag ma'i ltung ba ltung ba snga ma dang 'dra ba yang byung la bcabs pa de'i slad du gzhi nas spo ba stsal te/gzhi nas spo ba bgyid bzhin pa las dge 'dun lhag ma'i ltung ba ltung ba bar ma dang 'dra ba yang bldabs te byung la bcabs pas/ dge slong 'char ka 'di dge 'dun gyi gan du mchis te dge 'dun lhag ma'i ltung ba ltung ba bar ma dang 'dra ba bldabs te byung la bcabs pa de'i slad du dge 'dun las yang gzhi nas bslang ste spo ba gsol na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'char ka la dge 'dun lhag ma'i ltung ba ltung ba bar ma dang 'dra ba yang bzlas te byung la bcabs pa de'i slad du yang gzhi nas bslang ste spo ba gsol to//'di ni gsol ba'o/ /dge 'dun btsun pa rnams gsan du gsol/ dge slong 'char ka 'di la che ge mo las byung ba'i dge 'dun lhag ma'i ltung ba byung la zla ba phyed bcabs pas dge slong 'char ka 'di dge 'dun gyi gan du mchis te che ge mo las byung ba'i dge 'dun lhag ma'i ltung ba byung ba la zla ba phyed bcabs pa de'i slad du dge 'dun las zla ba phyed spo ba gsol nas/dge 'dun gyis dge slong 'char ka 'di la che ge mo las byung ba'i dge 'dun lhag ma'i ltung ba byung la zla ba phyed bcabs pa de'i slad du zla ba phyed spo ba stsal te/'di spo ba bgyid bzhin pa las dge 'dun lhag ma'i ltung ba ltung ba snga ma dang 'dra ba yang byung la bcabs pas dge slong 'char ka 'di dge 'dun gyi gan du mchis te dge 'dun lhag ma'i ltung ba ltung ba snga ma dang 'dra ba yang byung la bcabs pa de'i slad du dge 'dun las gzhi nas spo ba gsol nas/dge 'dun gyis dge slong 'char ka 'di la che ge mo las byung ba'i dge 'dun lhag ma'i ltung ba ltung ba snga ma dang 'dra ba yang byung la bcabs pa de'i slad du gzhi nas spo ba stsal te/ 'di gzhi nas spo ba bgyid bzhin pa las dge 'dun lhag ma'i ltung ba ltung ba bar ma dang 'dra ba yang bldabs te byung la bcabs pas dge slong 'char ka 'di dge 'dun gyi gan du mchis te dge 'dun lhag ma'i ltung ba ltung ba bar ma dang 'dra ba yang bldabs te byung la bcabs pa de'i slad du dge 'dun las yang gzhi nas bslang ste/spo ba gsol na de'i slad du dge 'dun gyis dge slong 'char ka la dge 'dun lhag ma'i ltung ba ltung ba bar ma dang 'dra ba yang bldabs te byung la bcabs pas/de'i slad du yang gzhi nas bslang ste spo ba gsol na/ tshe dang ldan pa gang dag dge slong 'char ka dge 'dun lhag ma'i ltung ba ltung ba bar ma dang 'dra ba yang bldabs te byung la bcabs pa de'i slad du yang gzhi nas bslang ste spo ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/dge 'dun gyis bzod cing gnang nas dge 'dun gyis dge slong 'char ka la dge 'dun lhag ma'i ltung ba ltung ba bar ma dang 'dra ba yang bldabs te byung la bcabs pa de'i slad du yang gzhi nas bslang ste spo ba stsal lags te/ 'di ltar cang mi gsung bas de de bzhin du 'dzin to//dge 'dun btsun pa rnams gsan du gsol/ bdag dge slong 'char ka la che ge mo las byung ba'i dge 'dun lhag ma'i ltung ba byung bas bdag dge slong 'char ka dge 'dun gyi gan du mchis te che ge mo las byung ba'i dge 'dun lhag ma'i ltung ba byung ba de'i slad du dge 'dun las zhag drug mgu bar bgyi ba gsol nas/dge 'dun gyis bdag dge slong 'char ka la che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyi ba stsal te/ bdag mgu bar bgyid bzhin pa las yang dge 'dun lhag ma'i ltung ba ltung ba snga ma dang 'dra ba yang byung bas bdag dge slong 'char ka dge 'dun gyi gan du mchis te/dge 'dun lhag ma'i ltung ba ltung ba snga ma dang 'dra ba yang byung ba de'i slad du dge 'dun las gzhi nas mgu bar bgyi ba gsol nas/ dge 'dun gyis bdag dge slong 'char ka la dge 'dun lhag ma'i ltung ba ltung ba snga ma dang 'dra ba yang byung ba de'i slad du gzhi nas mgu bar bgyi ba stsal te bdag gzhi nas mgu bar bgyid bzhin pa las dge 'dun lhag ma'i ltung ba ltung ba bar ma dang 'dra ba yang bldabs te byung nas/bdag dge 'dun lhag ma'i ltung ba ltung ba bar ma dang 'dra ba yang bldabs te byung ba de'i slad du dge 'dun las yang gzhi nas bslang ste mgu bar bgyi ba gsol na/thugs brtse ba can dge 'dun btsun pa rnams kyis thugs brtse ba'i slad du bdag dge slong 'char ka la dge 'dun lhag ma'i ltung ba'i ltung ba bar ma dang 'dra ba yang bldabs te byung ba de'i slad du yang gzhi nas bslang ste/mgu bar bgyi ba stsal du gsol/ lan gsum du bzlas/ dge 'dun btsun pa rnams gsan du gsol/ dge slong 'char ka 'di la che ge mo las byung ba'i dge 'dun lhag ma'i ltung ba byung la/ dge slong 'char ka 'di dge 'dun gyi gan du mchis te che ge mo las byung ba'i dge 'dun lhag ma'i ltung ba byung ba de'i slad du dge 'dun las zhag drug mgu bar bgyi ba gsol na/dge 'dun gyis dge slong 'char ka 'di la che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyi ba stsal te/ 'di mgu bar bgyid bzhin pa las dge 'dun lhag ma'i ltung ba ltung ba snga ma dang 'dra ba yang byung la/ dge slong 'char ka 'di dge 'dun gyi gan du mchis te/ dge 'dun lhag ma'i ltung ba ltung ba snga ma dang 'dra ba yang byung ba de'i slad du dge 'dun las gzhi nas mgu bar bgyi ba gsol nas/dge 'dun gyis dge slong 'char ka 'di la dge 'dun lhag ma'i ltung ba ltung ba snga ma dang 'dra ba yang byung ba de'i slad du gzhi nas mgu bar bgyi ba stsal te/ 'di gzhi nas mgu bar bgyid bzhin pa las dge 'dun lhag ma'i ltung ba ltung ba bar ma dang 'dra ba yang bldabs te byung la/ dge slong 'char ka 'di dge 'dun gyi gan du mchis te/ dge 'dun lhag ma'i ltung ba ltung ba bar ma dang 'dra ba yang bldabs te byung ba de'i slad du dge 'dun las yang gzhi nas bslang ste mgu bar bgyi ba gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong 'char ka la dge 'dun lhag ma'i ltung ba ltung ba bar ma dang 'dra ba yang bldabs te byung ba de'i slad du yang gzhi nas bslang ste mgu bar bgyi ba gsol to/ /'di ni gsol ba'o/ /dge 'dun btsun pa rnams gsan du gsol/ dge slong 'char ka 'di la che ge mo las byung ba'i dge 'dun lhag ma'i ltung ba byung la dge slong 'char ka 'di dge 'dun gyi gan du mchis te/che ge mo las byung ba'i dge 'dun lhag ma'i ltung ba byung ba de'i slad du dge 'dun las zhag drug mgu bar bgyi ba gsol nas/ dge 'dun gyis dge slong 'char ka 'di la che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyi ba stsal te/'di mgu bar bgyid bzhin pa las dge 'dun lhag ma'i ltung ba ltung ba snga ma dang 'dra ba yang byung la/ dge slong 'char ka 'di dge 'dun gyi gan du mchis te/dge 'dun lhag ma'i ltung ba ltung ba snga ma dang 'dra ba yang byung ba de'i slad du dge 'dun las gzhi nas mgu bar bgyi ba gsol nas/ dge 'dun gyis dge slong 'char ka 'di la dge 'dun lhag ma'i ltung ba ltung ba snga ma dang 'dra ba yang byung ba de'i slad du gzhi nas mgu bar bgyi ba stsal te/ 'di gzhi nas mgu bar bgyid bzhin pa las dge 'dun lhag ma'i ltung ba ltung ba bar ma dang 'dra ba yang bldabs te byung la dge slong 'char ka 'di dge 'dun gyi gan du mchis te/ dge 'dun lhag ma'i ltung ba ltung ba bar ma dang 'dra ba yang bldabs te byung ba de'i slad du dge 'dun las yang gzhi nas bslang ste mgu bar bgyi ba gsol na/de'i slad du dge 'dun gyis dge slong 'char ka la dge 'dun lhag ma'i ltung ba ltung ba bar ma dang 'dra ba yang bldabs te byung ba de'i slad du yang gzhi nas bslang ste mgu bar bgyi ba gsol na/ tshe dang ldan pa gang dag dge slong 'char ka la dge 'dun lhag ma'i ltung ba ltung ba bar ma dang 'dra ba yang bldabs te byung ba de'i slad du yang gzhi nas bslang ste mgu bar bgyi ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/dge 'dun gyis bzod cing gnang nas dge 'dun gyis dge slong 'char ka la dge 'dun lhag ma'i ltung ba ltung ba bar ma dang 'dra ba yang bldabs te byung ba'i slad du yang gzhi nas bslang ste mgu bar bgyi ba stsal lags te/ 'di ltar cang mi gsung bas de de bzhin du 'dzin to//dge 'dun btsun pa rnams gsan du gsol/ bdag dge slong 'char ka la che ge mo las byung ba'i dge 'dun lhag ma'i ltung ba byung la/ bdag dge slong 'char ka dge 'dun gyi gan du mchis te che ge mo las byung ba'i dge 'dun lhag ma'i ltung ba byung ba de'i slad du dge 'dun las zhag drug mgu bar bgyi ba gsol nas/dge 'dun gyis bdag dge slong 'char ka la che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyi ba stsal te/ bdag dge slong 'char kas che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyis lags te/dge 'dun las dbyung ba gsol na/ thugs brtse ba can dge 'dun btsun pa rnams kyis thugs brtse ba'i slad du bdag dge slong 'char ka che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyis lags pa la dbyung ba stsal du gsol/lan gsum du bzlas/ dge 'dun btsun pa rnams gsan du gsol/ dge slong 'char ka 'di la che ge mo las byung ba'i dge 'dun lhag ma'i ltung ba byung ba la dge slong 'char ka 'di dge 'dun gyi gan du mchis te/ che ge mo las byung ba'i dge 'dun lhag ma'i ltung ba byung ba de'i slad du dge 'dun las zhag drug mgu bar bgyi ba gsol nas/dge 'dun gyis dge slong 'char ka 'di la che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyi ba stsal te/ dge slong 'char ka 'dis che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyis lags te dge 'dun las dbyung ba gsol na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'char ka la che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyis pa dbyung bar bgyi'o//'di ni gsol ba'o/ /'char ka khyod nyon cig /khyod kyis legs par ma byas so/ /legs pa shin tu ma byas so/ /bya ba ma yin pa gzhan byas so/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i chos ni 'di ltar 'dod chags dang bral bar bgyi ba'i phyir sems rnam par grol ba dang shes rab rnam par grol ba'i chos ston zhing /zhe sdang 'dod chags dang bral bar bya ba dang / gti mug 'dod chags dang bral bar bya ba'i phyir sems rnam par grol ba dang shes rab rnam par grol ba'i chos ston bzhin du khyod kyis mi mdzes pa 'di lta bu 'di byas pa mi rigs so//mi gti mug can khyod kyis sbrul nag po dug myur du khyab par byed pa dug drag po dug rno ba la lag pa gnyi gas bzung ba ni bla'i kun tu chags pa'i sems kyis rang gi yan lag gi rnam pa la gzung ba ni de ltar ma yin no//mi gti mug can khyod lag pa gang dag gis bram ze dang khyim bdag dad pa can rnams las dad pas sbyin pa blang bar bya ba'i lag pa de dag nyid kyis mi mdzes pa 'di lta bu 'di bya ba mi rigs so/ /mi gti mug can khyod kyis de ltar bdag la bsnyen bkur bya ba nyams su blangs par gyur to//'char ka gnyis po 'di dag ni chos kyi sgron ma dang / chos kyi snang ba dang / chos kyi 'od dang / chos kyi gsal ba dang / chos kyi snang ba gsal ba dang / chos kyi mar me dang / chos kyi rab gsal med par byed pa ste/gnyis gang zhe na/ ltung ba 'byin pa gang yin pa dang / ltung ba byung nas chos bzhin du phyir mi 'chos pa gang yin pa'o/ /gnyis ni sdig pa'i rtsa ba mi rko/ rgyun las bzlog pa la mi 'bad/ 'bab chu dang 'khri shing mi skems/ bdud mi 'dul/ bdud kyi rgyal mtshan mi snyol/chos kyi rgyal mtshan mi sgreng / sdig pa'i rgyun mi gcod/ de bzhin gshegs pa dgra bcom pa yang dag par rdzogs pa'i sangs rgyas kyi chos kyi 'khor lo chos dang mthun par bskor ba'i rjes su mi bskor ba ste/ gnyis gang zhe na/ ltung ba 'byin pa gang yin pa dang / ltung ba byung nas chos bzhin du phyir mi 'chos pa gang yin pa'o/ /gnyis ni kun nas nyon mongs par 'gyur ba dang gnyis kyi zag pa 'phel bar 'gyur ba ste/ gnyis gang zhe na/ ltung ba 'byin pa gang yin pa dang / ltung ba byung nas chos bzhin du phyir mi 'chos pa gang yin pa'o/ /'char ka khyod kyis ltung ba 'di ma bshags shing so sor ma bshags na mi rtag pa'i 'du shes dang /mi rtag pa la sdug bsngal ba'i 'du shes dang / sdug bsngal ba la bdag med pa'i 'du shes dang / zas la mi mthun pa'i 'du shes dang / 'jig rten thams cad la mngon par mi dga' ba'i 'du shes dang /nyes dmigs kyi 'du shes dang spong ba'i 'du shes dang / 'dod chags dang bral ba'i 'du shes dang / 'gog pa'i 'du shes dang / 'chi ba'i 'du shes dang / mi sdug pa'i 'du shes dang / rnam par bsngos pa'i 'du shes dang / rnam par rnags pa'i 'du shes dang / rnam par bam pa'i 'du shes dang /rnam par 'bus gzhigs pa'i 'du shes dang / rnam par zos pa'i 'du shes dang / rnam par dmar ba'i 'du shes dang / rnam par 'thor ba'i 'du shes dang / rus gong gi 'du shes dang / stong pa nyid du so sor rtog pa'i 'du shes kyi 'os ma yin no/ /bsam gtan dang po dang /gnyis pa dang / gsum pa dang / bzhi pa dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched dang /rgyun tu zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong pa'i 'bras bu dang / dgra bcom pa nyid kyi 'bras bu dang / rdzu 'phrul gyi yul dang / lha'i rna ba dang / sems kyi rnam grangs dang / sngon gyi gnas dang / 'chi 'pho dang / skye ba dang / zag pa zad pa'i 'os ma yin no/ /'char ka khyod ltung ba 'di ma bshags shing so sor ma bshags na/ 'gro ba gnyis las gang yang rung ba zhig khyod kyis 'gro ba yin par shes par bya ste/ sems can dmyal ba'am dud 'gro'o/ /bcom ldan 'das kyis kyang las kyi mtha' 'chab pa'i 'gro ba ni gnyis te sems can dmyal ba'am dud 'gro'o//gang dag ngas bshad pa la yid mi ches pa de dag ni bcabs par sems so zhes gsungs so/ /dge 'dun btsun pa rnams gsan du gsol/ dge slong 'char ka 'di la che ge mo las byung ba'i dge 'dun lhag ma'i ltung ba byung la/dge slong 'char ka 'di dge 'dun gyi gan du mchis te che ge mo las byung ba'i dge 'dun lhag ma'i ltung ba byung ba de'i slad du dge 'dun las zhag drug mgu bar bgyi ba gsol nas dge 'dun gyis dge slong 'char ka 'di la che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyi ba stsal te/dge slong 'char ka 'dis che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyis lags te dge 'dun las dbyung ba gsol na/ de'i slad du dge 'dun gyis dge slong 'char ka che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyis pa dbyung ba mdzad na/tshe dang ldan pa gang dag dge slong 'char ka che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyis pa dbyung bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong 'chang ka la che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyi ba dbyung lags te/'di ltar cang mi gsung pas de de bzhin du 'dzin to/ /'char ka khyod nyon cig /'char ka khyod kyis legs par byas so/ /legs pa shin tu yang byas so/ /gnyis ni mkhas pa/ gnyis ni gsal ba/gnyis ni dge ba/ gnyis ni skyes bu dam pa ste/ gnyis gang zhe na/ ltung ba mi 'byin pa gang yin pa dang / ltung ba byung nas chos bzhin du phyir 'chos pa gang yin pa'o/ /gnyis ni sdig pa'i rtsa ba rko ba/ rgyun las bzlog pa la 'bad pa/ 'bab chu dang 'khri shing skems pa/ bdud 'dul ba/ bdud kyi rgyal mtshan snyol ba/ chos kyi rgyal mtshan bsgreng ba/ sdig pa'i rgyun gcod pa/ de bzhin gshegs pa dgra bcom pa yang dag par rdzogs pa'i sangs rgyas kyi chos kyi 'khor lo chos dang mthun par bskor ba'i rjes su bskor ba ste/ gnyis gang zhe na/ ltung ba mi 'byin pa gang yin pa dang / ltung ba byung nas chos bzhin du phyir 'chos pa gang yin pa'o/ /gnyis ni rnam par byang bar 'gyur zhing kun nas nyon mongs par mi 'gyur ba dang / gnyis kyi zag pa 'phel bar mi 'gyur te/ gnyis gang zhe na/ ltung ba mi 'byin pa gang yin pa dang / ltung ba byung nas chos bzhin du phyir 'chos pa gang yin pa'o/ /'char ka khyod ltung ba 'di bshags shing so sor bshags pas mi rtag pa'i 'du shes dang / mi rtag pa la sdug bsngal ba'i 'du shes dang / sdug bsngal ba la bdag med pa'i 'du shes dang / zas la mi mthun pa'i 'du shes dang /'jig rten thams cad la mngon par mi dga' ba'i 'du shes dang / nyes dmigs kyi 'du shes dang / spong ba'i 'du shes dang / 'dod chags dang bral ba'i 'du shes dang / 'gog pa'i 'du shes dang / 'chi ba'i 'du shes dang / mi sdug pa'i 'du shes dang / rnam par bsngos pa'i 'du shes dang /rnam par rnags pa'i 'du shes dang / rnam par bam pa'i 'du shes dang / rnam par 'bus gzhigs pa'i 'du shes dang / rnam par zos pa'i 'du shes dang / rnam par dmar ba'i 'du shes dang / rnam par 'thor ba'i 'du shes dang / rus gong gi 'du shes dang / stong pa nyid du so sor rtog pa'i 'du shes kyi 'os su gyur pa yin/ bsam gtan dang po dang / gnyis pa dang / gsum pa dang / bzhi pa dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched dang / rnam shes mtha' yas skye mched dang /ci yang med pa'i skye mched dang / 'du shes med 'du shes med min skye mched dang / rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa nyid kyi 'bras bu dang / rdzu 'phrul gyi yul dang / lha'i rna ba dang / sems kyi rnam grangs dang / sngon gyi gnas dang / 'chi 'pho dang / skye ba dang / zag pa zad pa'i 'os su byung ba yin pa'o/ /'char ka ltung ba 'di bshags shing so sor bshags pas 'gro ba gnyis po las gang yang rung ba zhig khyod kyis 'gro ba yin par shes par bya ste/ lha'am mi'o/ / bcom ldan 'das kyis kyang las kyi mtha' mi 'chab pa'i 'gro ba ni gnyis te/ lha'am mi'o/ /gang dag ngas bshad pa la yid ches pa de dag gis 'chab par mi sems so zhes gsungs so/ /yang gsungs pa/ bcabs pas char ba bzhin du 'bab/ /bshags pa char bzhin 'bab mi 'gyur//de lta bas na bshags par bya/ /de ltar char bzhin de mi 'bab/ /ce'o/ /tshe dang ldan pa 'char ka khyod byung zin gyis bag yod par sgrubs shig /phyir bcos pa'i gzhi'o// //bam po dgu pa ste tha ma/ phyir bcos pa'i gzhi dang nye ba'i gzhi'i sdom la/'dre dang phyag bya ma yin dang / /bslab pa sbyin pa tha ma'o/ /dge 'dun btsun pa rnams gsan du gsol/ tshe dang ldan pa gre skyes 'di dge slong ma rnams dang lhan cig 'dre zhing gnas na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong gre skyes dge slong ma rnams dang lhan cig 'dre zhing gnas pa la gnas nas dbyung ba'i phrin las mdzad do/ /'di ni gsol ba'o/ /dge 'dun btsun pa rnams gsan du gsol/ dge slong gre skyes 'di dge slong ma rnams dang lhan cig 'dre zhing gnas te/ de'i slad du dge 'dun gyis dge slong gre skyes dge slong ma rnams dang lhan cig 'dre zhing gnas pa la/de gnas nas dbyung ba'i phrin las mdzad na tshe dang ldan pa gang dag dge slong gre skyes dge slong ma rnams dang lhan cig 'dre zhing gnas pa la gnas nas dbyung ba'i phrin las mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong gre skyes dge slong ma rnams dang lhan cig 'dre zhing gnas pa la gnas nas dbyung ba'i phrin las mdzad lags te/'di ltar cang mi gsung bas de de bzhin du 'dzin to/ /dge 'dun 'phags ma rnams bdag la gsan du gsol/ 'phags pa dge slong gre skyes dge slong ma rnams dang lhan cig 'dre zhing gnas pas dge slong gi dge 'dun gyis gnas nas dbyung ba'i phrin las mdzad lags te/de'i slad du dge 'dun 'phags ma rnams kyis 'phags pa dge slong gre skyes gnas nas dbyung ba'i phrin las mdzad lags pa la phyag bgyi ba'i 'os ma lags pa'i sdom pa stsol na/ gal te dge 'dun 'phags ma rnams kyi dus la bab cing bzod na dge 'dun 'phags ma rnams kyis gnang bar mdzod cig dang /dge 'dun 'phags ma rnams kyis 'phags pa dge slong gre skyes gnas nas dbyung ba'i phrin las mdzad lags pa la phyag bgyi ba'i 'os ma lags pa'i sdom pa stsal to/ /'di ni gsol ba'o/ /dge 'dun 'phags ma rnams gsan du gsol/'phags pa dge slong gre skyes dge slong ma rnams dang lhan cig 'dre zhing gnas pas dge slong gi dge 'dun gyis gnas nas dbyung ba'i phrin las mdzad lags te/ de'i slad du dge 'dun 'phags ma rnams kyis 'phags pa dge slong gre skyes dge 'dun gyis gnas nas dbyung ba'i phrin las mdzad lags pa la phyag bgyi ba'i 'os ma lags pa'i sdom pa gsol na/'phags ma gang dag 'phags pa dge slong gre skyes dge slong gi dge 'dun gyis gnas nas dbyung ba'i phrin las mdzad lags pa la phyag bgyi ba'i 'os ma lags pa'i sdom pa stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun 'phags ma rnams kyis bzod cing gnang nas/ dge 'dun 'phags ma rnams kyis 'phags pa gre skyes dge slong gi dge 'dun gyis gnas nas dbyung ba'i phrin las mdzad lags pa la phyag bgyi ba'i 'os ma lags pa'i sdom pa stsal lags te/'di ltar cang mi gsung bas de de bzhin du 'dzin to/ /dge 'dun btsun pa rnams gsan du gsol/ li ts+tsha bI chen pos tshe dang ldan pa gyad bu nor la yang dag pa ma lags pas skur na gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis 'di li ts+tsha bI chen po la lhung bzed khas dbub pa bgyi'o/ /'di ni gsol ba'o/ /dge 'dun btsun pa rnams gsan du gsol/ bdag li ts+tsha bI chen po mi dge ba'i grogs pos bslus pas 'phags pa gyad bu nor la yang dag pa ma lags pas skur bas dge 'dun gyis bdag la lhung bzed khas dbub pa mdzad de/bdag lhung bzed khas phub pa dge 'dun las lhung bzed slar bzlog par gsol na/ thugs brtse ba can dge 'dun btsun pa rnams kyis thugs brtse ba'i slad du lhung bzed slar bzlog tu gsol/lan gsum du bzlas/ dge 'dun btsun pa rnams gsan du gsol/ li ts+tsha bI chen po mi dge ba'i grogs pos bslus pa 'di/ tshe dang ldan pa gyad bu nor la yang dag pa ma lags pas skur te/ dge 'dun gyis de la lhung bzed khas dbub pa mdzad lags pa las/li ts+tsha bI chen pos lhung bzed khas phub pa de'i dge 'dun las lhung bzed slar bzlog pa gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis li ts+tsha bI chen po las lhung bzed slar bzlog pa mdzad do//'di ni gsol ba'o/ /dge 'dun btsun pa rnams gsan du gsol/ bdag dge slong dga' byed kyis bslab pa ma phul bar mi tshangs par spyod pa 'khrig pa'i chos bsten kyang bcab pa'i sems gcig tsam gyis kyang bcabs par ma bgyis te/ bdag dge slong dga' byed dge 'dun la ji srid 'tsho'i bar du bslab pa gsol na/thugs brtse ba can dge 'dun btsun pa rnams kyis thugs brtse ba'i slad du bdag dge slong dga' byed la ji srid 'tsho'i bar du bslab pa stsal du gsol/ lan gsum du bzlas/ dge 'dun btsun pa rnams gsan du gsol/ dge slong dga' byed 'dis bslab pa ma phul bar mi tshangs par spyod pa'i 'khrig pa'i chos bstan kyang bcab pa'i sems gcig tsam gyis kyang bcabs par ma bgyis te/ dge slong dga' byed 'di dge 'dun las ji srid 'tsho'i bar du bslab pa gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong dga' byed la ji srid 'tsho'i bar du bslab pa stsol to/ /'di ni gsol ba'o/ /dge 'dun btsun pa rnams gsan du gsol/ dge slong dga' byed 'dis bslab pa ma phul bar mi tshangs par spyod pa 'khrig pa'i chos bsten kyang bcab pa'i sems gcig tsam gyis kyang bcabs par ma bgyis pas dge slong dga' byed 'di dge 'dun las ji srid 'tsho'i bar du bslab pa gsol te/de'i slad du dge 'dun gyis dge slong dga' byed la ji srid 'tsho'i bar du bslab pa stsol na/ tshe dang ldan pa gang dag dge slong dga' byed la ji srid 'tsho'i bar du bslab pa stsal bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong dga' byed la ji srid 'tsho'i bar du bslabs pa stsal lags te/'di ltar cang mi gsung bas de de bzhin du 'dzin to/ /phyir bcos pa'i gzhi dang nye ba'i gzhi'o// //sa gzhan na gnas pa'i spyod pa dang yongs su spyod pa'i gzhi'i sdom la/ ngo bo nyid brjod gtod dang len//gso sbyong dang ni dgag dbye'o/ /dge 'dun btsun pa rnams gsan du gsol/ tshe dang ldan pa 'char ka 'di dge bsnyen ma yid ches pa'i tshig dang ldan pa'i tshig gis 'gro ba yang mchid kyis mi 'tshal/ 'greng ba yang mchid kyis mi 'tshal/ 'dug pa yang mchid kyis mi 'tshal/ nyal ba yang mchid kyis mi 'tshal/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis tshe dang ldan pa 'char ka la dge bsnyen ma yid ches pa'i tshig dang ldan pa'i tshig gis de'i ngo bo nyid tshol du gzhug pa stsol to//'di ni gsol ba'o/ /dge 'dun btsun pa rnams gsan du gsol/ tshe dang ldan pa 'char ka 'di dge bsnyen ma yid ches pa'i tshig dang ldan pa'i tshig gis 'gro ba yang mchid kyis mi 'tshal/ 'greng ba yang mchid kyis mi 'tshal/ 'dug pa yang mchid kyis mi 'tshal/nyal ba yang mchid kyis mi 'tshal te/ de'i slad du dge 'dun gyis tshe dang ldan pa 'char ka la dge bsnyen ma yid ches pa'i tshig dang ldan pa'i tshig gis de'i ngo bo nyid tshol du gzhug pa stsol na/ tshe dang ldan pa gang dag tshe dang ldan pa 'char ka la dge bsnyen ma yid ches pa'i tshig dang ldan pa'i tshig gis de'i ngo bo nyid tshol du gzhug par stsal bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/dge 'dun gyis bzod cing gnang nas dge 'dun gyis tshe dang ldan pa 'char ka dge bsnyen ma yid ches pa'i tshig dang ldan pa'i tshig gis 'gro ba yang mchid kyis mi 'tshal/ 'greng ba yang mchid kyis mi 'tshal/ 'dug pa yang mchid kyis mi 'tshal/ nyal ba yang mchid kyis mi 'tshal ba la de'i ngo bo nyid tshol du gzhug par stsal lags te/'di ltar cang mi gsung bas de de bzhin du 'dzin to/ /dge 'dun btsun pa rnams gsan du gsol/ bdag dge slong 'char ka de'i ngo bo nyid tshol du stsal ba/ skra 'greng bar gyur skra 'phyar bar gyur pa'i dge 'dun la spu snyol bar bgyid/'byung bar bskyod/ mtshungs par nye bar ston la mtshams kyi nang du mchis te bzod pa gsol zhing gzhi gang las sma dbab pa'i phrin las mdzad pa'i gzhi de las slar ldog na thugs brtse ba can dge 'dun btsun pa rnams kyis thugs brtse ba'i slad du bdag dge slong 'char ka de'i ngo bo nyid tshol du stsal ba la bzod pa mdzad du gsol/lan gsum du bzlas/ dge 'dun btsun pa rnams gsan du gsol/ dge slong 'char ka de'i ngo bo nyid tshol du stsal ba'i skra 'greng bar gyur/ skra 'phyar bar gyur cing dge 'dun la spu snyol bar bgyid/'byung bar bskyod/ mtshungs par nye bar ston la mtshams kyi nang du mchis te bzod pa gsol zhing / gzhi gang las sma dbab pa'i phrin las mdzad pa'i gzhi de slar ldog na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis tshe dang ldan pa 'char ka de'i ngo bo nyid tshol du stsal ba la bzod pa mdzad do/ /'di ni gsol ba'o/ /dge 'dun btsun pa rnams gsan du gsol/ dge slong 'char ka de'i ngo bo nyid tshol du stsal ba 'di skra 'greng bar gyur/ skra 'phyar bar gyur cing dge 'dun la spu snyol bar bgyid/'byung bar bskyod/ mtshungs par nye bar ston la mtshams kyi nang du mchis te bzod pa gsol zhing / gzhi gang las sma dbab pa'i phrin las mdzad pa'i gzhi de las slar ldog ste/ de'i slad du dge slong 'char ka de'i ngo bo nyid tshol du stsal ba la bzod pa mdzad na/tshe dang ldan pa gang dag dge slong 'char ka de'i ngo bo nyid tshol du stsal ba la bzod pa mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/dge 'dun gyis bzod cing gnang nas dge 'dun gyis dge slong 'char ka de'i ngo bo nyid tshol du stsal ba la bzod pa mdzad lags te/ 'di ltar cang mi gsung bas de de bzhin du 'dzin to/ /dge 'dun btsun pa rnams gsan du gsol/ bdag dge slong ming 'di zhes bgyi ba la che ge mo las byung ba'i dge 'dun lhag ma'i ltung ba byung la zla ba byed bcabs pas/bdag dge slong ming 'di zhes bgyi ba che ge mo las byung ba'i dge 'dun lhag ma'i ltung ba byung la zla ba phyed bcabs pa de'i slad du dge 'dun las zla ba phyed spo ba gsol te/ dge 'dun gyis bdag dge slong ming 'di zhes bgyi ba la che ge mo las byung ba'i dge 'dun lhag ma'i ltung ba byung ba la zla ba phyed bcabs pa de'i slad du zla ba phyed spo ba stsal bas zhag 'di snyed cig ni bgyis lags/ bgyi ba ni zhag 'di snyed cig mchis te/ dge 'dun btsun pa rnams kyis bdag spo ba bgyid par gzung du gsol/lan gsum du bzlas/ dge 'dun btsun pa rnams gsan du gsol/ bdag dge slong ming 'di zhes bgyi ba la che ge mo las byung ba'i dge 'dun lhag ma'i ltung ba byung la/ bdag dge slong ming 'di zhes bgyi ba la che ge mo las byung ba'i dge 'dun lhag ma'i ltung ba byung ba de'i slad du dge 'dun las zhag drug mgu bar bgyi ba gsol te/dge 'dun gyis bdag dge slong ming 'di zhes bgyi ba che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyi ba stsal bas zhag 'di snyed cig ni bgyis lags/bgyi ba ni zhag 'di snyed cig mchis lags te/ dge 'dun btsun pa rnams kyis bdag mgu bar bgyi ba spyod par gzung du gsol/ lan gsum du bzlas/ dge 'dun btsun pa rnams gsan du gsol/ bdag dge slong ming 'di zhes bgyi ba spo ba bgyid pas dge slong 'thab krol bgyid pa/mtshang 'bru bar bgyid pa/ 'thab mo bgyid pa/ 'gyed par bgyid pa/ rtsod par bgyid pa dag mchis zhes thos te/ de dag gis bdag la gzhi 'dis gleng bar 'gyur/ dran par bgyid par 'gyur bas bdag gis tshe dang ldan pa dag gi mdun du spo ba slar gtang bar bgyi'o//phyir rgol pa mi mdza' ba de dag slar mchi nas yang spo ba blang bar bgyi'o/ /dge 'dun btsun pa rnams kyis bdag rang bzhin du gnas par gzung du gsol/ lan gsum du bzlas/ tshe dang ldan pa dgongs su gsol/bdag dge slong spo ba bgyid pa'i dgra bo dge slong mchis te/ bdag dge slong ming 'di zhes bgyi ba spo ba spyod pa bag yangs su bgyid cing slar yang len par bgyid do/ /yang blangs te spyod par bgyid na tshe dang ldan pa bdag ngo tsha ba ma mchis par mi gzung du gsol/lan gsum du bzlas/ thabs yin no/ /legs so/ /dge 'dun btsun pa rnams gsan du gsol/ bdag dge slong ming 'di zhes bgyi ba mgu bar bgyid pas/ dge slong 'thab krol bgyid pa/ mtshang 'bru bar bgyid pa/ 'thab mo bgyid pa/ 'gyed par bgyid pa/rtsod par bgyid pa dag mchis zhes thos te/ de dag gis bdag la gzhi 'dis gleng bar 'gyur/ dran par bgyid par 'gyur bas bdag gis tshe dang ldan pa dag gi mdun du mgu bar bgyi ba slar gtad par bgyi'o/ /phyir rgol ba mi mdza' ba de dag slar mchis na yang mgu bar bgyi ba blang bar bgyi'o//dge 'dun btsun pa rnams kyis bdag rang bzhin du gnas par gzung du gsol/ lan gsum du bzlas/ tshe dang ldan pa dgongs su gsol/ bdag dge slong mgu bar bgyi ba'i dgra bo dge slong mchis te/ bdag dge slong ming 'di zhes bgyi ba mgu ba'i spyod pa bag yangs su bgyid cing slar yang len par bgyid do//yang blangs te spyod par bgyid na tshe dang ldan pas bdag ngo tsha ba ma mchis par mi gzung du gsol/ lan gsum du bzlas/ thabs yin no/ /legs so/ /dge 'dun btsun pa rnams gsan du gsol/bdag dge slong ming 'di zhes bgyi ba spo ba bgyid pas dge slong 'thab krol bgyid pa/ mtshang 'bru bar bgyid pa/ 'thab mo bgyid pa/ 'gyed par bgyid pa/ rtsod par bgyid pa dag mchi zhes thos te/ de dag gis bdag la gzhi 'dis gleng bar 'gyur/ dran par bgyid par 'gyur bas bdag gis de skad thos na dge slong rnams kyi mdun du spo ba slar gtang ba phyir rgol ba mi mdza' ba de dag slar mchis lags pas bdag spo ba yang slar len to/ /spo ba zhag ma 'khor ba rnams bgyi'o/ /dge 'dun btsun pa rnams kyis bdag spo ba bgyid par gzung du gsol/lan gsum du bzlas/ tshe dang ldan pa dgongs su gsol/ bdag dge slong ming 'di zhes bgyi ba spo ba bgyid pa'i dgra bo dge slong mchis te/ bdag ming 'di zhes bgyi bas spo ba'i spyod pa bag yangs su bgyis pa dgra bo dge slong de dag slar mchis lags pas bdag spo ba yang slar len to//spo ba zhag ma 'khor ba rnams bgyi'o/ /tshe dang ldan pas bdag spo ba bgyid par gzung du gsol/ lan gsum du bzlas/ thabs yin no/ /legs so/ /dge 'dun btsun pa rnams gsan du gsol/ bdag dge slong ming 'di zhes bgyi ba mgu bar bgyid pas dge slong 'thab krol bgyid pa/mtshang 'bru bar bgyid pa/ 'thab mo bgyid pa/ 'gyed par bgyid pa/ rtsod par bgyid pa dag mchis zhes thos te/ de dag gis bdag la gzhi 'dis gleng bar 'gyur/ dran par bgyid par 'gyur bas/ bdag gis de skad thos nas dge slong rnams kyi mdun du mgu bar bgyi ba slar btang ba phyir rgol ba mi mdza' ba de dag slar mchis lags pas bdag mgu bar bgyi ba yang slar len to//mgu bar bgyi ba zhag ma 'khor ba rnams bgyi'o/ /dge 'dun btsun pa rnams kyis bdag mgu bar bgyid par gzung du gsol/lan gsum du bzlas/ tshe dang ldan pa dgongs su gsol/ bdag dge slong ming 'di zhes bgyi ba mgu ba bgyi ba'i dgra bo dge slong mchis te/ bdag ming 'di zhes bgyi bas mgu ba'i spyod pa bag yangs su bgyis pa dgra bo dge slong de dag slar mchis lags pas bdag mgu bar bgyi ba yang slar len to//mgu bar bgyi ba zhag ma 'khor ba rnams bgyi'o/ /tshe dang ldan pas bdag mgu bar bgyid par gzung du gsol/ lan gsum du bzlas/ thabs yin no/ /legs so/ /sa gzhan na gnas pa'i spyod pa'i gzhi'o// //dge 'dun btsun pa rnams gsan du gsol/ dge slong ming 'di zhes bgyi ba 'di ni glengs shing dran par bgyis kyang skabs 'byed du mi btub ste/ 'di dge slong rnams kyis smra bar mi bgyi ba nyid du rnam par gzhag cing mi gdams par bgyis kyang skabs mi 'byed na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba'i gso sbyong gzhag par bgyi'o/ /'di ni gsol ba'o/ /dge 'dun btsun pa rnams gsan du gsol/dge slong ming 'di zhes bgyi ba 'di glengs shing dran par bgyis kyang skabs 'byed du mi btub ste/ 'di dge slong rnams kyis smra bar mi bgyi ba nyid du rnam par gzhag cing mi gdams par bgyis kyang skabs mi 'byed de/ de'i slad du dge 'dun gyis dge slong ming 'di zhes bgyi ba'i gso sbyong gzhag par bgyi na/tshe dang ldan pa gang dag dge slong ming 'di zhes bgyi ba'i gso sbyong gzhag par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong ming 'di zhes bgyi ba'i gso sbyong gzhag lags te/ 'di ltar cang mi gsung bas de de bzhin du 'dzin to/ /dge 'dun btsun pa rnams gsan du gsol/ dge slong ming 'di zhes bgyi ba 'di glengs shing dran par bgyis kyang skabs 'byed du mi btub ste/ 'di dge slong rnams kyis smra bar mi bgyi ba nyid du rnam par gzhag cing mi gdams par bgyis kyang skabs mi 'byed na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong ming 'di zhes bgyi ba'i dgag dbye gzhag par bgyi'o/ /'di ni gsol ba'o/ /dge 'dun btsun pa rnams gsan du gsol/ dge slong ming 'di zhes bgyi ba 'di glengs shing dran par bgyis kyang skabs 'byed du mi btub ste/ 'di dge slong rnams kyis smra bar mi 'gyur ba nyid du rnam par gzhag cing mi gnas par bgyis kyang skabs mi 'byed do//de'i slad du dge 'dun gyis dge slong ming 'di zhes bgyi ba'i dgag dbye gzhag par bgyi na/ tshe dang ldan pa gang dag dge slong ming 'di zhes bgyi ba'i dgag dbye gzhag par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas/ dge 'dun gyis dge slong ming 'di zhes bgyi ba'i dgag dbye gzhag lags te/'di ltar cang mi gsung bas de de bzhin du 'dzin to/ /yongs su sbyang ba'i gzhi'o// //las bye ba dang / dge 'dun bye ba'i gzhi'i sdom la/ bzod pa gsol dang mthun pa dang / /gso sbyong gsol ba len 'jug pa'o/ /dge 'dun btsun pa rnams gsan du gsol/ bdag kau shAm+bI pa'i dge slong nang par snga zhig tu mdo sde dang 'dul ba dang ma mo'i lung la rnam par rtog rtog na 'di snyam du bgyid de/ gang las bdag cag las 'thab pa dang / mtshang 'bru ba dang / rtsod pa dang / 'gyed pa byung pa'i gzhi ni 'di lta ste/ ltung ba byung ngam ma byung ba dang / gnas nas phyung ngam ma phyung ba lags na/ bdag cag la ltung ba byung gi ltung ba ma byung ba ma lags/ gnas nas phyung ba lags kyi gnas nas ma phyung ba ma lags te/ gang gnas nas phyung ba ni chos dang mthun pa'i phrin las ma 'khrugs par gzhag par mi 'os pa bgyis so snyam bgyis nas/bdag grong khyer yangs pa can gyi dge slong dang sdums bgyi zhing mthun par bgyi'o snyam ste/ bdag kau shAm+bI pa'i dge slong skra 'greng bar gyur/ skra 'phyar bar gyur cing dge 'dun la spu snyol bar bgyid na/ 'byung bar bskyod pa mtshungs par nye bar ston la mtshams kyi nang du mchis te bzod pa gsol zhing gzhi gang las gnas nas dbyung ba'i phrin las mdzad pa'i gzhi de las slar ldog par bgyid na/thugs brtse ba can dge 'dun btsun pa rnams kyis thugs brtse ba'i slad du bdag gnas nas dbyung ba'i phrin las mdzad lags pa la bzod pa mdzad du gsol/lan gsum du bzlas/ dge 'dun btsun pa rnams gsan du gsol/ kau shAm+bI pa'i dge slong gnas nas dbyung ba'i phrin las mdzad lags pa 'di skra 'greng bar gyur/ skra 'phyar par gyur cing dge 'dun la spu snyol bar bgyid/ 'byung bar bskyod/mtshungs par nye bar ston la/ mtshams kyi nang du mchis te bzod pa gsol zhing gzhi gang las gnas nas dbyung ba'i phrin las mdzad pa'i gzhi de las slar ldog par bgyid na/ gal te dge 'dun gyis dus la bab cing bzod na/ dge 'dun gyis gnang bar mdzod cig dang /dge 'dun gyis kau shAm+bI pa'i dge slong gnas nas dbyung ba'i phrin las mdzad pa'i gzhi de dag las slar ldog par bgyid/ de'i slad du dge 'dun gyis kau shAm+bI pa'i dge slong gnas nas dbyung ba'i phrin las mdzad lags pa la bzod pa mdzad na/ tshe dang ldan pa gang dag kau shAm+bI pa'i dge slong gnas nas dbyung ba'i phrin las mdzad lags pa la bzod pa mdzad do//'di ni gsol ba'o/ /dge 'dun btsun pa rnams gsan du gsol/ kau shAm+bI pa'i dge slong gnas nas dbyung ba'i phrin las mdzad lags pa 'di skra 'greng bar gyur/ skra 'phyar par gyur cing dge 'dun la spu snyol bar bgyid/'byung bar bskyod/ mtshungs par nye bar ston la/ mtshams kyi nang du mchis te bzod pa gsol zhing gzhi gang las gnas nas dbyung ba'i phrin las mdzad lags pa la bzod pa mdzad par bzod pa de dag ni cang ma gsung shig / gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas/ dge 'dun gyis kau shAm+bI pa'i dge slong gnas nas dbyung ba'i phrin las mdzad lags pa la bzod pa mdzad lags te/ 'di ltar cang mi gsung bas de de bzhin du 'dzin to/ /dge 'dun btsun pa rnams gsan du gsol/ bdag kau shAm+bI pa'i dge slong la dge 'dun gyis gnas nas dbyung ba'i phrin las mdzad lags pas bdag dge 'dun gyi nang du mchis te bzod pa gsol nas dge 'dun gyis bdag la bzod pa mdzad lags te/bdag kau shAm+bI pa'i dge slong bzod pa'i phrin las mdzad lags pa 'khor dang bcas pa mthun pa gsol na/ thugs brtse ba can dge 'dun btsun pa rnams kyis thugs brtse ba'i slad du bdag kau shAm+bI pa'i dge slong bzod pa'i phrin las mdzad lags pa 'khor dang bcas pa la mthun pa stsal du gsol/lan gsum du bzlas/ dge 'dun btsun pa rnams gsan du gsol/ kau shAm+bI pa'i dge slong 'di la dge 'dun gyis gnas nas dbyung ba'i phrin las mdzad lags pas 'di dge 'dun gyi gan du mchis te bzod pa/ gsol nas/ dge 'dun gyis 'di la bzod pa mdzad lags te/kau shAm+bI pa'i dge slong bzod pa'i phrin las mdzad lags pa 'khor dang bcas pa 'di mthun pa gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis kau shAm+bI pa'i dge slong bzod pa'i phrin las mdzad lags pa 'khor dang bcas pa 'di la mthun pa stsol to//'di ni gsol ba'o/ /dge 'dun btsun pa rnams gsan du gsol/ kau shAm+bI pa'i dge slong 'di la dge 'dun gyis gnas nas dbyung ba'i phrin las mdzad lags pas 'di dge 'dun gyis gan du mchis te bzod pa gsol nas/dge 'dun gyis 'di la bzod pa mdzad lags te/ kau shAm+bI pa'i dge slong bzod pa'i phrin las mdzad lags pa 'khor dang bcas pa 'di mthun pa gsol te/ de'i slad du dge 'dun gyis kau shAm+bI pa'i dge slong bzod pa'i phrin las mdzad lags pa 'khor dang bcas pa 'di la mthun pa stsol na/tshe dang ldan pa gang dag kau shAm+bI pa'i dge slong bzod pa'i phrin las mdzad lags pa 'khor dang bcas pa 'di la mthun pa stsal bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/de bzhin du lan gnyis lan gsum du bzlas/ dge 'dun gyis bzod cing gnang nas/ dge 'dun gyis kau shAm+bI pa'i dge slong bzod pa'i phrin las mdzad lags pa 'khor dang bcas pa la mthun pa stsal lags te/ 'di ltar cang mi gsung bas de de bzhin du 'dzin to/ /dge 'dun btsun pa rnams gsan du gsol/bdag kau shAm+bI pa'i dge slong la dge 'dun gyis gnas nas dbyung ba'i phrin las mdzad lags pas bdag dge 'dun gyi gan du mchis te bzod pa gsol nas/ dge 'dun gyis bdag la bzod pa'i phrin las mdzad lags te/ bdag bzod pa'i phrin las mdzad lags pa 'khor dang bcas pa dge 'dun gyi gan du mchis nas mthun pa gsol te/dge 'dun gyis bdag 'khor dang bcas pa la mthun pa stsal lags pas/ bdag kau shAm+bI pa'i dge slong 'khor dang bcas pa mthun pa stsal ba la mthun pa'i gso sbyong gsol na/thugs brtse ba can dge 'dun btsun pa rnams kyis thugs brtse ba'i slad du bdag kau shAm+bI pa'i dge slong 'khor dang bcas pa la mthun pa stsal ba la mthun pa'i gso sbyong stsal du gsol/ lan gsum du bzlas/ dge 'dun btsun pa rnams gsan du gsol/ kau shAm+bI pa'i dge slong 'di la dge 'dun gyis gnas nas dbyung ba'i phrin las mdzad lags pas/ 'di dge 'dun gyi gan du mchis te bzod pa gsol nas/ dge 'dun gyis 'di la bzod pa'i phrin las mdzad lags te/ bzod pa'i phrin las mdzad lags pa 'khor dang bcas pa 'di/dge 'dun gyi gan du mchis nas mthun pa gsol te/ dge 'dun gyis kau shAm+bI pa'i dge slong 'khor dang bcas pa 'di la mthun pa stsal lags pas/ kau shAm+bI pa'i dge slong 'khor dang bcas pa mthun pa stsal ba 'di mthun pa'i gso sbyong gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis kau shAm+bI pa'i dge slong 'khor dang bcas pa mthun pa stsal ba la mthun pa'i gso sbyong stsol to/ /'di ni gsol ba'o/ /dge 'dun btsun pa rnams gsan du gsol/ kau shAm+bI pa'i dge slong 'di la dge 'dun gyis gnas nas dbyung ba'i phrin las mdzad lags pas 'di dge 'dun gyi gan du mchis te/bzod pa gsol nas/ dge 'dun gyis 'di la bzod pa'i phrin las mdzad lags te/ bzod pa'i phrin las mdzad lags pa 'khor dang bcas pa 'di dge 'dun gyi gan du mchis nas mthun pa gsol te/dge 'dun gyis kau shAm+bI pa'i dge slong 'khor dang bcas pa 'di la mthun pa stsal lags pas/ kau shA m+bI pa'i dge slong 'khor dang bcas pa mthun pa stsal pa 'di mthun pa'i gso sbyong gsol te/ de'i slad du dge 'dun gyis kau shAm+bI pa'i dge slong 'khor dang bcas pa mthun pa stsal ba la mthun pa'i gso sbyong gsol na/tshe dang ldan pa gang dag kau shAm+bI pa'i dge slong 'khor dang bcas pa mthun pa stsal ba la mthun pa'i gso sbyong stsal bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/de bzhin du lan gnyis lan gsum du bzlas/ dge 'dun gyis bzod cing gnang nas/ dge 'dun gyis kau shAm+bI pa'i dge slong 'khor dang bcas pa la mthun pa stsal ba la mthun pa'i gso sbyong stsal lags te/ 'di ltar cang mi gsung bas de de bzhin du 'dzin to//las bye ba'i gzhi'o// //tshe dang ldan pa gang dag dge sbyong gau ta ma ni sha za ste/ bdag cag gis sha bza' bar mi bya'o/ /de ci'i phyir zhe na/ gzhi de las srog chags gsod par 'gyur ba'i phyir ro/ /dge sbyong gau ta ma ni 'o ma 'thungs te/ bdag cag gis btung bar mi bya'o//de ci'i phyir zhe na/ gzhi de las be'u la gnod pa'i phyir ro/ /dge sbyong gau ta ma ni lan tshwa za ste/ bdag cag gis bza' bar mi bya'o/ /de ci'i phyir zhe na/ khu ba las gyur pa'i phyir ro/ /dge sbyong go ta ma ni gos dras pa gyon te/ bdag cag gis bsgo bar mi bya'o/ / de ci'i phyir zhe na/ gzhi de las dad pas sbyin par bya ba chud zos par 'gyur ba'i phyir ro/ /dge sbyong gau ta ma ni dgon pa na gnas par byed de/ bdag cag ni grong du gnas par bya'o/ /de ci'i phyir zhe na/ gzhi de las dad pas sbyin par bya ba yongs su ma spyad par 'gyur ba'i phyir ro//tshe dang ldan pa dag khyed cag las gang brtul zhugs kyi gnas lnga po 'di dag gis dag pa dang grol ba dang / nges par 'byung bar 'dod pa dang / bzod pa dang / legs par 'dzin pa des dge slong gau ta ma las ring du gyis shig /so sor gyis shig / tha dad du gyis shig /rgyang srings shig /thag srings shig /logs shig tu 'dug cig /tshe dang ldan pa dag dge sbyong gau ta ma ni sha za ste/ bdag cag gis sha za bar mi bya'o/ /de ci'i phyir zhe na/ gzhi de las srog chags gsod par 'gyur ba'i phyir ro/ /dge sbyong gau ta ma ni 'o ma 'thungs te/bdag cag gis btung bar mi bya'o/ /de ci'i phyir zhe na/ gzhi de las be'u la gnod pa'i phyir ro/ /dge sbyong gau ta ma ni lan tshwa za ste/ bdag cag gis bza' bar mi bya'o/ /de ci'i phyir zhe na/ khu ba las gyur pa'i phyir ro/ /dge sbyong gau ta ma ni gos dras pa gyon te/bdag cag gis bgo bar mi bya'o/ /de ci'i phyir zhe na/ gzhi de las dad pas sbyin par bya ba chud zos par 'gyur ba'i phyir ro/ /dge sbyong gau ta ma ni dgon pa na gnas par byed de/ bdag cag ni grong du gnas par bya'o/ /de ci'i phyir zhe na/ gzhi de las dad pas sbyin par bya ba yongs su ma spyad par 'gyur ba'i phyir ro//tshe dang ldan pa gang dag khyed cag las gang brtul zhugs kyi gnas lnga po 'di dag gis dag pa dang / grol ba dang / nges par 'byung bar 'dod pa dang / bzod pa dang / legs par 'dzin pa des tshul shing long shig /'khor lo bye ba'i gzhi'o// //rtsod pa'i gzhi'i sdom la/ gzu dang gsal dang sbed pa dang / /dge 'dun bsnyen gsum gnas brtan dang / /'drim dang dran dang ma smyos dang / /khyed dang de dag bdag 'dun bshags/ /ming 'di zhes bya ba khyod dge 'dun la rtsod pa byung ba byung ba rnams mngon sum gyis 'dul bas rnam par zhi bar byed par spro'am/spro'o/ /dge 'dun btsun pa rnams gsan du gsol/ gzu bo ming 'di zhes bgyi ba 'di dge 'dun la rtsod pa byung ba byung ba rnams mngon sum gyis 'dul bas rnam par zhi bar bgyid par spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis gzu bo ming 'di zhes bgyi ba 'di rtsod pa rnam par zhi bar bgyid par bsko bar bgyi ste/ gzu bo ming 'di zhes bgyi ba 'dis dge 'dun la rtsod pa byung ba byung ba rnams mngon gsum gyis 'dul bas rtsod pa rnam par zhi bar bgyid do//'di ni gsol ba'o/ /dge 'dun btsun pa rnams gsan du gsol/ gzu bo ming 'di zhes bgyi ba 'di dge 'dun la rtsod pa byung ba byung ba rnams rnam par zhi bar bgyid par spro ste/ de'i slad du dge 'dun gyis ming 'di zhes bgyi ba 'di rtsod pa rnam par zhi bar bgyid par bsko na/ tshe dang ldan pa gang dag gzu bo ming 'di zhes bgyi ba rtsod pa rnam par zhi bar bgyid par bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis gzu bo ming 'di zhes bgyi ba 'di rtsod pa rnam par zhi bar bgyid par bskos lags te/'di ltar cang mi gsung bas de de bzhin du 'dzin to/ /ming 'di zhes bya ba khyod dge 'dun la rtsod pa byung ba rnam par zhi bar byed par spro'am/ spro'o/ /dge 'dun btsun pa rnams gsan du gsol/ dge slong gsal ba ming 'di zhes bgyi ba 'di dge 'dun la rtsod pa byung ba rnam par zhi bar bgyid par spro na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis ming 'di zhes bgyi ba 'di gsal bar bskos te/ gsal ba ming 'di zhes bgyi ba 'di dge 'dun la rtsod pa byung ba rnam par zhi bar byed do/'di ni gsol ba'o/ /dge 'dun btsun pa rnams gsan du gsol/ gsal ba ming 'di zhes bgyi ba 'di dge 'dun la rtsod pa byung ba rnam par zhi bar bgyid par spro ste/ de'i slad du dge 'dun gyis ming 'di zhes bgyi ba 'di rtsod pa rnam par zhi bar bgyid par bsko na/ tshe dang ldan pa gang dag gsal ba ming 'di zhes bgyi ba 'di rtsod pa rnam par zhi bar bgyid par bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas/ dge 'dun gyis gsal ba ming 'di zhes bgyi ba 'di rtsod pa rnam par zhi bar bgyid par bskos lags te/'di ltar cang mi gsung bas de de bzhin du 'dzin to/ /ming 'di zhes bya ba khyod dge 'dun la rtsod pa byung ba rnam par zhi bar byed par spro'am/ spro'o/ /dge 'dun btsun pa rnams gsan du gsol/ dge slong gsal ba'i yang gsal ba ming 'di zhes bgyi ba 'di dge 'dun la rtsod pa byung ba rnam par zhi bar bgyid par spro na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis ming 'di zhes bgyi ba 'di gsal ba'i yang gsal bar bsko bar bgyi ste/ gsal ba'i yang gsal ba ming 'di zhes bgyi ba dge 'dun la rtsod pa byung ba rnam par zhi bar bgyid do//'di ni gsol ba'o/ /dge 'dun btsun pa rnams gsan du gsol/ /gsal ba'i yang gsal ba ming 'di zhes bgyi ba 'di dge 'dun la rtsod pa byung ba rnam par zhi bar bgyid par spro ste/ de'i slad du dge 'dun gyis ming 'di zhes bgyi ba 'di rtsod pa rnam par zhi bar bgyid par bsko na/tshe dang ldan pa gang dag gsal ba'i yang gsal ba ming 'di zhes bgyi ba rtsod pa rnam par zhi bar bgyid par bsko bar bzod pa de dag ni cang ma gsung shig /gang dag mi bzod pa de dag ni gsungs shig / dge 'dun gyis bzod cing gnang nas/ dge 'dun gyis gsal ba'i yang gsal ba ming 'di zhes bgyi ba 'di rtsod pa rnam par zhi bar bgyid par bskos lags te/ 'di ltar cang mi gsung bas de de bzhin du 'dzin to/ /ming 'di zhes bya ba khyod dge 'dun gyi rtsod pa sbed par spro'am/ spro'o/ / dge 'dun btsun pa rnams gsan du gsol/ dge slong ming 'di zhes bya ba 'di dge 'dun gyi rtsod pa sbed par spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis ming 'di zhes bgyi ba 'di rtsod pa sbed par bsko bar bgyi ste/ rtsod pa sbed pa ming 'di zhes bya ba 'di dge 'dun gyi rtsod pa sbed do//'di ni gsol ba'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun gyi rtsod pa sbed par spro ste/ de'i slad du dge 'dun gyis ming 'di zhes bgyi ba 'di rtsod pa sbed par bsko na/ tshe dang ldan pa gang dag ming 'di zhes bgyi ba 'di rtsod pa sbed par bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis ming 'di zhes bgyi ba 'di rtsod pa sbed par bskos lags te/ 'di ltar cang mi gsung bas de de bzhin du 'dzin to//dge 'dun btsun pa rnams gsan du gsol/ rtsod pa 'di gnas che ge mo zhes bgyi bar gang zag che ge mo zhes bgyi ba dang / ming ge mo zhes bgyi ba las gzhi 'di'i slad du byung nas yun 'di srid cig lags te/ rtsod pa 'di gzu bo rnams la phul na gzu bo rnams kyis kyang rnam par zhi bar bgyid rngo ma thog ste/de dag gis dge 'dun la phul nas dge 'dun gyis kyang rnam par zhi bar bgyid rngo ma thog ste/ dge 'dun gyis dge slong gsal ba dag bskos na/ dge slong gsal ba rnams kyis kyang rnam par zhi bar bgyid rngo ma thog ste/de dag gis dge slong gsal ba'i yang gsal ba dag bskos na dge slong gsal ba'i yang gsal ba de dag gis kyang rnam par zhi bar bgyid rngo ma thog ste/ de dag gis gsal ba rnams la phul ba las/ gsal ba rnams kyis dge 'dun la phul nas dge 'dun gyis bdag dge slong ming 'di zhes bgyi ba rtsod pa sbed par bskos te/bdag rtsod pa sbed pa dge slong ming 'di zhes bgyi bas rtsod pa 'di/ gnas brtan dang bcas/ so sor thar pa dang bcas pa'i dge 'dun la dbul lo/ /dge 'dun btsun pa rnams kyis rtsod pa 'di zla ba gsum gyi mtha'i tshun chad kyis rnam par zhi bar mdzad du gsol/tshe dang ldan pa mdo sde 'dzin pa dang / 'dul ba 'dzin pa dang / ma mo 'dzin pa dag gsan du gsol/ rtsod pa 'di gnas che ge mo zhes bgyi bar/ gang zag ga ge mo dang / ming ge mo zhes bgyi ba las gzhi 'di'i slad du rtsod pa byung nas yun 'di srid gcig lags te/rtsod pa 'di gzu bo rnams la phul na/ gzu bo rnams kyis kyang rnam par zhi bar bgyid rngo ma thog ste/ de dag gis dge 'dun la phul na dge 'dun gyis kyang rnam par zhi bar bgyid rngo ma thog ste/ dge 'dun gyis dge slong gsal ba dag bskos na/ dge slong gsal ba rnams kyis kyang rnam par zhi bar bgyid rngo ma thog ste/ dge 'dun gyis dge slong gsal ba'i yang gsal ba dag bskos na dge slong gsal ba'i yang gsal ba de dag gis rnam par zhi bar bgyid rngo ma thog ste/ de dag gis gsal ba rnams la phul ba las gsal ba rnams kyis dge 'dun la phul nas dge 'dun gyis bdag dge slong ming 'di zhes bgyi ba rtsod pa sbed par bskos te/bdag rtsod pa sbed pa dge slong ming 'di zhes bgyi bas rtsod pa 'di/ gnas brtan dang bcas/ so sor thar pa dang bcas pa'i dge 'dun la zla ba gsum gyi mtha' tshun chad du phul na/ gnas brtan dang bcas/ so sor thar pa dang bcas pa'i dge 'dun gyis kyang rnam par zhi bar bgyid rngo ma thog ste/ des kyang bdag rtsod pa sbed pa dge slong ming 'di zhes bgyi ba la stsal nas/ bdag rtsod pa sbed pa ming 'di zhes bgyi bas rtsod pa 'di/ mdo sde 'dzin pa dang / 'dul ba 'dzin pa dang /ma mo 'dzin pa rnams la dbul lo/ /mdo sde 'dzin pa dang / 'dul ba 'dzin pa dang / ma mo 'dzin pa rnams kyis rtsod pa 'di zla ba drug gi mtha' tshun chad kyis rnam par zhi bar mdzad du gsol/ gnas brtan gsan du gsol/ rtsod pa 'di gnas che ge mo zhes bgyi bar/ gang zag ga ge mo zhes bgyi ba dang /ming ge mo zhes bgyi ba las gzhi 'di'i slad du byung nas yun 'di srid cig lags te/ rtsod pa 'di gzu bo rnams la phul na gzu bo rnams kyis kyang rnam par zhi bar bgyid rngo ma thog ste/ de dag gis dge 'dun la phul nas dge 'dun gyis kyang rnam par zhi bar bgyid rngo ma thog ste/dge 'dun gyis dge slong gsal ba dag bskos na/ dge slong gsal ba rnams kyis kyang rnam par zhi bar bgyid rngo ma thog ste/ de dag gis dge slong gsal ba'i yang gsal ba bskos na/ dge slong gsal ba'i yang gsal ba de dag gis kyang rnam par zhi bar bgyid rngo ma thog ste/de dag gis gsal ba rnams la phul ba las/ gsal ba rnams kyis dge 'dun la phul nas/ dge 'dun gyis bdag dge slong ming 'di zhes bgyi ba rtsod pa sbed par bskos te/ bdag rtsod pa sbed pa dge slong ming 'di zhes bgyi bas rtsod pa 'di/ gnas brtan dang bcas/so sor thar ba dang bcas pa'i dge 'dun la zla ba gsum gyi mtha' tshun chad du phul na/ des kyang rnam par zhi bar bgyid rngo ma thog ste/ des bdag rtsod pa sbed pa ming 'di zhes bgyi ba la stsal nas/ bdag rtsod pa sbed pa dge slong ming 'di zhes bgyi bas rtsod pa 'di/ mdo sde 'dzin pa dang /'dul ba 'dzin pa dang / ma mo 'dzin pa rnams la zla ba drug gi mtha' tshun chad du phul na de dag gis kyang rnam par zhi bar bgyid rngo ma thog nas/ de dag gis bdag rtsod pa sbed pa ming 'di zhes bgyi ba la stsal nas/ bdag rtsod pa sbed pa ming 'di zhes bgyi bas rtsod pa 'di gnas brtan la 'bul lo/gnas brtan gyis rtsod pa 'di thug pa ma mchis pa tshun chad kyis rnam pa zhi bar mdzad du gsol/ ming 'di zhes bya ba khyod dge 'dun la tshul shing 'brim par spro'am/ spro'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun la tshul shing 'brim par spro na/gal te dge 'dun gyis dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'di tshul shing 'brim par bsko bar bgyi ste/ dge slong tshul shing 'brim pa ming 'di zhes bgyi ba tshul shing 'brim mo//'di ni gsol ba'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun la tshul shing 'brim par spro ste/ de'i slad du dge 'dun gyis dge slong ming 'di zhes bgyi ba 'di tshul shing 'brim par bsko na/ tshe dang ldan pa gang dag dge slong ming 'di zhes bgyi ba 'di tshul shing 'brim par bsko bar mdzad pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas/ dge 'dun gyis dge slong ming 'di zhes bgyi ba 'di tshul shing 'brim par bskos lags te/ 'di ltar cang mi gsung bas de de bzhin du 'dzin to/ /dge 'dun btsun pa rnams gsan du gsol/ bdag dge slong gyad bu nor la dge slong ma mdza' mos yang dag pa ma lags pa gsob gsog brdzun gyis skur te/ bdag la dge slong dag gis gzhi 'dis gleng bas bdag dge slong gyad bu nor dge 'dun las dran pas 'dul ba gsol na/thugs brtse ba can dge 'dun btsun pa rnams kyis thugs brtse ba'i slad du bdag dge slong gyad bu nor la dran pas 'dul ba stsal du gsol/ lan gsum du bzlas/ dge 'dun btsun pa rnams gsan du gsol/dge slong gyad bu nor 'di la dge slong ma mdza' mos yang dag pa ma lags pa gsob gsog brdzun gyis skur te/ 'di la dge 'dun gyis gzhi des gleng bas dge slong gyad bu nor 'di dge 'dun las dran pas 'dul ba gsol na gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong gyad bu nor 'di la dran pas 'dul ba stsol to/ /'di ni gsol ba'o/ /dge 'dun btsun pa rnams gsan du gsol/ dge slong gyad bu nor 'di la dge slong ma mdza' mos yang dag pa ma lags pa gsob gsog brdzun gyis skur te/'di la dge slong dag gis gzhi des gleng bas dge slong gyad bu nor 'di la dge 'dun las dran pas 'dul ba gsol te/ de'i slad du dge 'dun gyi dge slong gyad bu nor 'di la dran pas 'dul ba stsol na/ tshe dang ldan pa gang dag dge slong gyad bu nor 'di la dran pas 'dul ba stsal bar bzod pa de dag ni cang ma gsung shig /gang dag mi bzod pa de dag ni gsung shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas/ dge 'dun gyis dge slong gyad bu nor la dran pas 'dul ba stsal lags te/'di ltar cang mi gsung bas de de bzhin du 'dzin to/ /dge 'dun btsun pa rnams gsan du gsol/ bdag dge slong bye ma skyes smyos pa sems 'khrugs pa sdug bsngal gyi tshor bas gzir bas dge sbyong gi tshul ma lags pa/ rjes su mthun pa ma lags pa/rung ba ma lags pa/ tshul dang mthun pa ma lags pa mang du spyod cing smras te stsal nas mig 'gyur/ kha chu zags/ bzhin bsgyur/ sa la 'gres ldogs/ gnyid kyis ma log kyang gnyid kyis log pa ltar bcos/ ma smyos kyang smyos pa ltar bcos/ smra bar ma bsams kyang smras te/bdag gis dran pa rnyed na bdag la dge slong rnams kyis gzhi des gleng bas bdag dge slong bye ma skyes dge 'dun la ma smyos pas 'dul ba gsol na/ thugs brtse ba can dge 'dun btsun pa rnams kyis thugs brtse ba'i slad du bdag dge slong bye ma skyes la ma smyos pas 'dul ba stsal du gsol/lan gsum du bzlas/ dge 'dun btsun pa rnams gsan du gsol/ dge slong bye ma skyes smyos pa sems 'khrugs pa sdug bsngal gyi tshor bas gzir ba 'dis dge sbyong gi tshul ma lags pa/ rjes su mthun pa ma lags pa/ rung ba ma lags pa/ tshul dang mthun pa ma lags pa mang du spyad cing smras te stsal nas mig 'gyur/kha chu zags/ bzhin bsgyur/ sa la 'gres ldogs/ gnyid kyis ma log kyang gnyid kyis log pa ltar bcos/ ma smyos kyang smyos pa ltar bcos/ smra bar ma bsams kyang smras te/ 'dis dran pa rnyed na 'di la dge slong rnams kyis gzhi des gleng bas dge slong bye ma skyes 'di dge 'dun las ma smyos par 'dul ba gsol na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong bye ma skyes la ma smyos pas 'dul ba stsol to/ /'di ni gsol ba'o/dge 'dun btsun pa rnams gsan du gsol/ dge slong bye ma skyes smyos pa sems 'khrugs pa/ sdug bsngal gyi tshor bas gzir ba 'dis dge sbyong gi tshul ma lags pa/ rjes su mthun pa ma lags pa/ rung ba ma lags pa/ tshul dang mthun pa ma lags pa/ mang du spyad cing smras te stsal nas mig 'gyur/kha chu zags/ bzhin bsgyur/ sa la 'gres ldogs/ gnyid kyis ma log kyang gnyis kyis log pa ltar bcos/ ma smyos kyang smyos pa ltar bcos/ smra bar ma bsams kyang smras te/ 'dis dran pa rnyed na 'di la dge slong rnams kyis gzhi des gleng bas dge slong bye ma skyes 'di dge 'dun las ma smyos pas 'dul ba gsol te/de'i slad du dge 'dun gyis dge slong bye ma skyes la ma smyos pas 'dul ba gsol na/ tshe dang ldan pa gang dag dge slong bye ma skyes la ma smyos pas/ 'dul ba stsal bar bzod pa de dag ni cang ma gsung shig / gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas/ dge 'dun gyis dge slong bye ma skyes la ma smyos pas 'dul ba stsal lags te/ 'di ltar cang mi gsung bas de de bzhin du 'dzin to//tshe dang ldan pa gang dag bdag cag legs par gsungs pa'i chos 'dul ba la rab tu byung nas 'thab par gyur/ mtshang 'bru bar gyur/ rtsod par gyur/ 'gyed par gyur cing gnas te/ phyogs dang gzhan gyi phyogs su rnam par gnas pa ni bdag cag gis ma rnyed de/ rnyed pa ma yin no//nyes pa rnyed kyi legs par rnyed pa ni ma yin no/ /kha na ma tho ba sbom po dang / khyim na gnas pa la ston pa ma gtogs par gzhi 'di las khyod la ltung ba byung ba gang yin pa dang / bdag la ltung ba byung ba gang yin pa de dag tshe dang ldan pa gang dag gi mdun du mthol ba dang / 'chags pa dang / mi 'chab par bdag spro'o/ /tshe dang ldan pa dag bdag cag legs par gsungs pa'i chos 'dul ba la rab tu byung nas 'thab par gyur/ mtshang 'bru bar gyur/ rtsod par gyur/ 'gyed par gyur cing gnas te/ phyogs dang gzhan gyi phyogs su rnam par gnas pa ni bdag cag gis ma rnyed de/rnyed pa ma yin no/ /nyes pa rnyed kyis legs pa ma rnyed de/ kha na ma tho ba sbom po dang / khyim na gnas pa la ston pa ma gtogs par gzhi 'di las khyed cag la ltung ba byung ba gang yin pa dang / bdag la ltung ba byung ba gang yin pa de dag tshe dang ldan pa dag gi mdun du bdag mthol lo//bshags so/ /mi 'chab bo/ /mthol zhing bshags na bdag bde ba la reg par gnas par 'gyur ro/ /ma mthol ma bshags na ni mi 'gyur ro/ /lan gsum du bzlas/ ltung ba mthong ngam/ mthong ngo / /phyin cad sdom mam/ sdom mo/ /lan gsum du bzlas/ rtsod pa'i gzhi'o// //gnas mal gyi gzhi dang nye ba'i gzhi'i sdom la/ gnas khang zas la bsko ba gnyis/ /thug pa bag chos 'brim pa gnyis/ /phran tshegs 'brim par byed pa gnyis/ /snod spyad 'brub pa dang gos kyi gnyis/ /dbyar gyi ras chen sped dang 'gyed/ /mngag gzhug pa dang mdzes chos te//gang zag bcu dang gnyis po dag /ston pas yang dag bshad pa yin/ /lag gi bla dang lag dpon dang / /'khar ba dang ni dra ba'o/ /ming 'di zhes bgyi ba khyod dge slong lhags pa lhags pa rnams la gnas khang bsko bar spro'am/ spro'o/ /dge 'dun btsun pa rnams gsan du gsol/dge slong ming 'di zhes bgyi ba 'di dge slong lhags pa lhags pa rnams la gnas khang bsko bar spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba gnas khang bsko bar spro bar bgyi ste/ dge slong ming zhes bgyi ba 'di dge slong lhags pa lhags pa rnams la gnas khang bsko'o/ /'di ni gsol ba'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge slong lhags pa lhags pa rnams la gnas khang bsko bar spro ste/ dge slong ming 'di zhes bgyi ba'i 'di gnas khang bsko bar spro na tshe dang ldan pa gang dag dge slong ming 'di zhes bgyi ba gnas khang bsko bar bsko ba bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas/ dge 'dun gyis dge slong ming 'di zhes bgyi ba 'di gnas khang bsko bar bskos lags te/'di ltar cang mi gsung bas de de bzhin du 'dzin to/ /ming 'di zhes bya ba khyod dge slong rnams la zas la bsko bar spro'am/ spro'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge slong rnams la zas la bsko bar spro na/gal te dge 'dun gyi dus la bab cing bzod na/ dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'di dge slong rnams la zas la bsko bar bgyi ste/ dge slong ming 'di zhes bgyi ba 'di dge slong rnams la zas la bsko'o/ /'di ni gsol ba'o/ /dge 'dun btsun pa rnams gsan du gsol/dge slong ming 'di zhes bgyi ba 'di dge slong rnams la zas la bsko bar spro ste dge slong ming 'di zhes bgyi ba 'di dge slong rnams la zas la bsko bar bskos na tshe dang ldan pa dag dge slong ming 'di zhes bgyi ba 'di dge slong rnams la zas la bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas/ dge 'dun gyis dge slong ming 'di zhes bgyi ba dge slong rnams la zas la bsko bar bskos lags te/ 'di ltar cang mi gsung bas de de bzhin du 'dzin to//ming 'di zhes bya ba khyed dge slong rnams la thug pa 'brim par spro'am/ spro'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge slong rnams la thug pa 'brim par spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong ming 'di zhes bgyi ba 'di dge 'dun rnams la thug pa 'brim par bsko bar bgyi ste/ dge slong ming 'di zhes bgyi ba 'di dge slong rnams la thug pa 'brim mo/ /'di ni gsol ba'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge slong rnams la thug pa 'brim par spro ste/dge slong ming 'di zhes bgyi ba 'di dge slong rnams la thug pa 'brim par bsko na tshe dang ldan pa gang dag dge slong ming 'di zhes bgyi ba 'di dge slong rnams la thug pa 'brim par bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas/ dge 'dun gyis dge slong ming 'di zhes bgyi ba 'di dge slong rnams la thug pa 'brim par bskos lags te/ 'di ltar cang mi gsung bas de de bzhin du 'dzin to/ /ming 'di zhes bya ba khyod dge slong rnams la bag chos 'brim par spro'am/spro'o/ /dge 'dun btsun pa rnams gsan du gsol/ /dge slong ming 'di zhes bgyi ba 'di dge slong rnams la bag chos 'brim par spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'di dge slong rnams la bag chos 'brim par bsko bar bgyi ste/dge slong ming 'di zhes bgyi ba 'di dge slong rnams la bag chos 'brim mo/ /'di ni gsol ba'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge slong rnams la bag chos 'brim par spro ste/dge slong ming 'di zhes bgyi ba 'di dge slong rnams la bag chos 'brim par bsko na/ tshe dang ldan pa gang dag dge slong ming 'di zhes bgyi ba 'di dge slong rnams la bag chos 'brim par bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba 'di dge slong rnams la bag chos 'brim par bskos lags te/ 'di ltar cang mi gsung bas de de bzhin du 'dzin to/ /ming 'di zhes bya ba khyod dge slong rnams la phran tshegs 'brim par spro'am/spro'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge slong rnams la phran tshegs 'brim par spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'di dge slong rnams la phran tshegs 'brim par bsko bar bgyi ste/dge slong ming 'di zhes bgyi ba 'di dge slong rnams la phran tshegs 'brim mo/ /'di ni gsol ba'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge slong rnams la phran tshegs 'brim par spro ste/dge slong ming 'di zhes bgyi ba 'di dge slong rnams la phran tshegs 'brim par bsko na/ tshe dang ldan pa gang dag dge slong ming 'di zhes bgyi ba 'di dge slong rnams la phran tshegs 'brim par bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba 'di dge slong rnams la phran tshegs 'brim par bskos lags te/ 'di ltar cang mi gsung bas de de bzhin du 'dzin to/ /ming 'di zhes bya ba khyod dge 'dun gyi snod spyad 'drub par spro'am/spro'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun gyi snod spyad 'drub par spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'di dge 'dun gyi snod spyad 'drub par bsko bar bgyi ste/dge slong ming 'di zhes bgyi ba 'di dge 'dun gyi snod spyad du 'drub bo/ /'di ni gsol ba'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun gyi snod spyad 'drub par spro ste/ dge slong ming 'di zhes bgyi ba 'di dge 'dun gyi snod spyad 'drub par bsko na/tshe dang ldan pa gang dag dge slong ming 'di zhes bgyi ba 'di dge 'dun gyi snod spyad 'drub par bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba 'di dge 'dun gyi snod spyad 'drub par bskos lags te/'di ltar cang mi gsung bas de de bzhin du 'dzin to/ /ming 'di zhes bya ba khyod dbyar dge 'dun gyi gos kyi rnyed pa sbed par spro'am/ spro'o/ /dge 'dun btsun pa rnams gsan du gsol/dge slong ming 'di zhes bgyi ba 'di dbyar gyi dge 'dun gyi gos kyi rnyed pa sbed par spro na/ gal te dge 'dun gyi dus la bab cing bzod na/ dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'di dbyar dge 'dun gyi gos kyi rnyed pa sbed par bsko bar bgyi ste/dge slong ming 'di zhes bgyi ba 'di dbyar dge 'dun gyi gos kyi rnyed pa sbed do/ /'di ni gsol ba'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dbyar dge 'dun gyi gos kyi rnyed pa sbed par spro ste/ dge slong ming 'di zhes bgyi ba 'di dbyar dge 'dun gyi gos kyi rnyed pa sbed par bsko na/tshe dang ldan pa gang dag dge slong ming 'di zhes bgyi ba 'di dbyar dge 'dun gyi gos kyi rnyed pa sbed par bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba 'di dbyar dge 'dun gyi gos kyi rnyed pa sbed par bskos lags te/'di ltar cang mi gsungs bas de de bzhin du 'dzin to/ /ming 'di zhes bya ba khyod dbyar dge 'dun gyi gos kyi rnyed pa 'ged par spro'am/ spro'o/ /dge 'dun btsun pa rnams gsan du gsol/dge slong ming 'di zhes bgyi ba 'di dbyar dge 'dun gyi gos kyis rnyed pa 'ged par spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'di dbyar dge 'dun gyi gos kyi rnyed pa 'ged par bsko bar bgyi ste/dge slong ming 'di zhes bgyi ba 'di dbyar dge 'dun gyi gos kyi rnyed pa 'ged do/ /'di ni gsol ba'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dbyar dge 'dun gyi gos kyi rnyed pa 'ged par spro ste/ dge slong ming 'di zhes bgyi ba 'di dbyar dge 'dun gyi gos kyi rnyed pa 'ged par spro na/tshe dang ldan pa gang dag dge slong ming 'di zhes bgyi ba 'di dbyar dge 'dun gyi gos kyi rnyed pa 'ged par bsko bar bzod pa de dag ni cang ma gsung shig /gang dag mi bzod pa de dag ni gsungs shig / dge 'dun gyis bzod cing gnang nas dge 'dun gyis dge slong ming 'di zhes bgyi ba 'di dbyar dge 'dun gyi gos kyi rnyed pa 'ged par bskos lags te/ 'di ltar cang mi gsung bas de de bzhin du 'dzin to/ /ming 'di zhes bya ba khyod dge 'dun gyi dbyar gyi gos ras chen sbed par spro'am/ spro'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun gyi dbyar gyi gos ras chen sbed par spro na/ gal te dge 'dun gyi dus la bab cing bzod na/ dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'di dge 'dun gyi dbyar gyi gos ras chen sbed par bsko bar bgyi ste/dge slong ming 'di zhes bgyi ba 'di dge 'dun gyi dbyar gyi gos ras chen sbed do/ /'di ni gsol ba'o/ /dge 'dun btsun pa rnams gsan du gsol/ dge slong ming 'di zhes bgyi pa 'di dge 'dun gyi dbyar gyi gos ras chen sbed par spro ste/dge slong ming 'di zhes bgyi ba 'di dge 'dun gyi dbyar gyi gos ras chen sbed par bsko na/ tshe dang ldan pa gang dag dge slong ming 'di zhes bgyi ba 'di dge 'dun gyi dbyar gyi gos ras chen sbed par bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba 'di dge 'dun gyi dbyar gyi gos ras chen sbed par bskos lags te/ 'di ltar cang mi gsung bas de de bzhin du 'dzin to/ /ming 'di zhes bya ba khyod dge 'dun gyi dbyar gyi gos ras chen 'ged par spro'am/ spro'o/ /dge 'dun btsun pa rnams gsan du gsol/dge slong ming 'di zhes bgyi ba 'di dge 'dun gyi dbyar gyi gos ras chen 'ged par spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'di dge 'dun gyi dbyar gyi gos ras chen 'ged par bsko bar bgyi ste/dge slong ming 'di zhes bgyi ba 'di dge 'dun gyi dbyar gyi gos ras chen 'ged do/ /'di ni gsol ba'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun gyi dbyar gyi gos ras chen 'ged par spro ste/ dge slong ming 'di zhes bgyi ba 'di dge 'dun gyi dbyar gyi gos ras chen 'ged par bsko na/tshe dang ldan pa gang dag dge slong ming 'di zhes bgyi ba 'di dge 'dun gyi dbyar gyi gos ras chen 'ged par bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba 'di dge 'dun gyi dbyar gyi gos ras chen 'ged par bskos lags te/'di ltar cang mi gsung bas de de bzhin du 'dzin to/ /ming 'di zhes bgyi ba khyod dge 'dun gyi mngag gzhug par spro'am/ spro'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun gyi mngag gzhug par spro na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'di dge 'dun gyi mngag gzhug par bsko bar bgyi ste/ dge slong ming 'di zhes bgyi ba 'di dge 'dun gyi mngag gzhug par bgyid do//'di ni gsol ba'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun gyi mngag gzhug par spro ste/ dge slong ming 'di zhes bgyi ba 'di dge 'dun gyi mngag gzhug par bsko na/ tshe dang ldan pa gang dag dge slong ming 'di zhes bgyi ba 'di mngag gzhug par bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba 'di dge 'dun gyi mngag gzhug par bskos lags te/ 'di ltar cang mi gsung bas de de bzhin du 'dzin to//ming 'di zhes bya ba khyod dge 'dun gyi mdzes 'chos su spro'am/ spro'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun gyi mdzes 'chos su spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong ming 'di zhes bgyi ba 'di dge 'dun gyi mdzes 'chos su bsko bar bgyi ste/ dge slong ming 'di zhes bgyi ba 'di dge 'dun gyi mdzes 'chos bgyid do/ /'di ni gsol ba'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun gyi mdzes 'chos su spro ste/dge slong ming 'di zhes bgyi ba 'di dge 'dun gyi mdzes 'chos su bsko na/ tshe dang ldan pa gang dag dge slong ming 'di zhes bgyi ba 'di dge 'dun gyi mdzes 'chos su bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba 'di dge 'dun gyi mdzes 'chos su bskos lags te/'di ltar cang mi gsung bas de de bzhin du 'dzin to/ /sder spyad 'brim pa dang / gnas mal 'bogs pa dang / gnas mal byi bo 'bogs pa dang / shing tog 'brim pa dang / chu'i zhal ta ba dang / bang rim gyi zhal ta ba dang / sgye'u cung srung ba dang / sra brkyang sbed pa dag ni las snga ma dag gi khongs su 'dus so/ /ming 'di zhes bya ba khyod lag gi blar spro'am/ spro'o/ /dge 'dun btsun pa rnams gsan du gsol/ dge slong ming 'di zhes bgyi ba 'di lag gi blar spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong ming 'di zhes bgyi ba 'di lag gi blar bsko bar bgyid de/ dge slong ming 'di zhes bgyi ba lag gi blar bgyid do/ /'di ni gsol ba'o/ /dge 'dun btsun pa rnams gsan du gsol/dge slong ming 'di zhes bgyi ba 'di lag gi blar spro ste/ dge slong ming 'di zhes bgyi ba 'di lag gi blar bsko na/ tshe dang ldan pa gang dag dge slong ming 'di zhes bgyi ba 'di lag gi blar bsko bar bzod pa de dag ni cang ma gsung shig /gang dag mi bzod pa de dag ni gsungs shig / dge 'dun gyis bzod cing gnang nas/ dge 'dun gyis dge slong ming 'di zhes bgyi ba 'di lag gi blar bskos lags te/ 'di ltar cang mi gsung bas de de bzhin du 'dzin to/ /lag pod ni lag gi bla'i khongs su 'dus so/ /gnas mal gyi gzhi'o// //dge 'dun btsun pa rnams gsan du gsol/ bdag dge slong ming 'di zhes bgyi ba 'di rgas 'khogs shing nyam chung la bro 'tshal zhing sbyor mi bzod de/ dge 'dun las 'khar ba gnang ba gsol na/ thugs brtse ba can dge 'dun btsun pa rnams kyis thugs brtse ba'i slad du/ bdag dge slong ming 'di zhes bgyi ba 'di rgas 'khogs shing nyam chung la bro 'tshal zhing sbyor mi bzod pa la 'khar ba gnang ba stsal du gsol/lan gsum du bzlas/ dge 'dun btsun pa rnams gsan du gsol/ dge slong ming 'di zhes bgyi ba 'di rgas 'khogs shing nyam chung la bro 'tshal ba sbyor mi bzod pa 'di dge 'dun las 'khar ba gnang ba gsol na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'di rgas 'khogs shing nyam chung la bro 'tshal zhing sbyor mi bzod pa la 'khar ba gnang ba stsol to/ /'di ni gsol ba'o/ /dge 'dun btsun pa rnams gsan du gsol/dge slong ming 'di zhes bgyi ba 'di rgas 'khogs shing nyam chung la bro 'tshal zhing sbyor mi bzod de/ dge 'dun la 'khar ba gnang ba gsol na/ de'i slad du dge 'dun gyis dge slong ming 'di zhes bgyi ba rgas 'khogs shing nyam chung la bro 'tshal zhing sbyor mi bzod la 'khar ba'i gnang ba gsol na/tshe dang ldan pa gang dag dge slong ming 'di zhes bgyi ba 'di rgas 'khogs shing nyam chung la bro 'tshal zhing sbyor mi bzod la 'khar ba gnang ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas/ dge 'dun gyis dge slong ming 'di zhes bgyi ba rgas 'khogs shing nyam chung la bro 'tshal zhing sbyor mi bzod pa la 'khar pa gnang ba stsal lags te/'di ltar cang mi gsung pas de de bzhin du 'dzin to/ /dge 'dun btsun pa rnams gsan du gsol/ bdag dge slong ming 'di zhes bya ba rgas 'khogs shing nyam chung ba bro 'tshal zhing sbyor mi bzod de/dge 'dun btsun pa rnams las dra ba gnang ba gsol na/ thugs brtse ba can dge 'dun btsun pa rnams kyis thugs brtse ba'i slad du/ bdag dge slong ming 'di zhes bgyi ba rgas 'khogs shing nyam chung la bro 'tshal zhing sbyor mi bzod pa la dra ba gnang ba stsal du gsol/lan gsum du bzlas/ dge 'dun btsun pa rnams gsan du gsol/ dge slong ming 'di zhes bgyi ba rgas 'khogs shing nyam chung la bro 'tshal zhing sbyor mi bzod pa 'di dge 'dun las dra ba gnang ba gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong ming 'di zhes bgyi ba rgas 'khogs shing nyam chung la bro 'tshal zhing sbyor mi bzod pa la dra ba gnang ba stsol to/ /'di ni gsol ba'o/ /dge 'dun btsun pa rnams gsan du gsol/ dge slong ming 'di zhes bgyi ba rgas 'khogs shing nyam chung la bro 'tshal zhing sbyor mi bzod de/dge 'dun las dra ba gnang ba gsol na/ de'i slad du dge 'dun gyis dge slong ming 'di zhes bgyi ba rgas 'khogs shing nyam chung la bro 'tshal zhing sbyor mi bzod pa la dra ba gnang ba gsol na/ tshe dang ldan pa gang dag dge slong ming 'di zhes bgyi ba rgas 'khogs shing nyam chung la bro 'tshal zhing sbyor mi bzod pa la dra ba gnang ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba rgas 'khogs shing nyam chung la bro 'tshal zhing sbyor mi bzod pa la dra ba gnang ba stsal lags te/'di ltar cang mi gsung bas de de bzhin du 'dzin to/ /'khar ba dang dra ba gnyis ka'i gnang ba sbyin pa ni las snga ma gnyis ka'i khongs su 'dus so/ /gnas mal gyi gzhi dang nye ba'i gzhi'o// //las kyi grangs brgya rtsa gcig tu nges par gang las shes she na/ gtam gyi gzhi las las kyi grangs brjod pa la/btsun pa las dag tu mchis/ nye ba 'khor brgya rtsa gcig go /btsun pa las du dag gis las thams cad bsdus/ nye ba 'khor gsum gyis te/ gsum gang zhe na/ gsol ba'i las dang / gsol ba dang gnyis kyi las dang / gsol ba dang bzhi'i las kyis so/ / btsun pa las brgya rtsa gcig po gang dag lags pa de dag ni gsol ba'i las dag ni du/gsol ba dang gnyis kyi las dag ni du/ gsol ba dang bzhi'i las dag ni du mchis bka' stsal pa nye ba 'khor/ gsol ba'i las ni nyi shu rtsa bzhi'o/ /gsol ba dang gnyis kyi las ni bzhi bcu rtsa bdun no/ /gsol ba dang bzhi'i las ni sum cu'o zhes gsungs so//de las gsol ba'i las nyi shu rtsa bzhi gang zhe na/ gal te gsang ste ston pa'i slob dpon gyis bar chad kyi chos rnams gsang ste dri ba'i phyir gsol ba 'ba' zhig gi las bya ba dang / las byed pa'i slob dpon gyis bar chad kyi chos rnams dge 'dun gyi nang du dri ba'i phyir gsol ba 'ba' zhig gi las bya ba dang /so sor thar pa'i mdo 'don pa'i phyir gsol ba 'ba' zhig gi las bya ba dang / gso sbyong de la dge 'dun thams cad ltung ba dang bcas par gyur na gsol ba 'ba' zhig gi las bya ba dang / gso sbyong gi tshe ltung ba de la dge 'dun thams cad yid gnyis dang bcas par gyur na gsol ba 'ba' zhig gi las bya ba dang /gso sbyong gi tshe dge 'dun ltung ba'i phyir rtsod par gyur na gsol ba 'ba' zhig gi las bya ba dang / gso sbyong gi tshe ltung ba de ni gang yin pa de las ji ltar ni ldang bar 'gyur zhes bya ba la sogs pas nyes pa nyid ma yin par gyur na de'i tshe gsol ba 'ba' zhig gi las bya ba dang /dgag dbye bya ba'i phyir gsol ba 'ba' zhig gi las bya ba dang / dgag dbye de la dge 'dun thams cad ltung ba dang bcas par gyur na gsol ba 'ba' zhig gi las bya ba dang / dgag dbye'i tshe ltung ba de la dge 'dun thams cad yid gnyis dang bcas par gyur na gsol ba 'ba' zhig gi las bya ba dang /dgag dbye'i tshe dge 'dun ltung ba'i phyir rtsod par gyur na gsol ba 'ba' zhig gi las bya ba dang / dgag dbye'i tshe ltung ba de ni gang yin de las ji ltar ni ldang bar 'gyur zhes bya ba la sogs pas nges pa nyid ma yin par gyur na de'i tshe gsol ba 'ba' zhig gi las bya ba dang /dbyar gnas par khas blang ba'i tshe gsol ba 'ba' zhig gi las bya ba dang / shi ba'i rdzas dang / shi ba'i nor dang 'dra pa'i gang zag byin gyis brlab pa la gsol ba 'ba' zhig gi las bya ba dang / dbyar gnas pa'i dge 'dun gyis chos gos sra brkyang de gding ba'i dge slong la gtad pa dang /gyad bu nor lta bu chos gos gsum ngan pa la dge 'dun gyis ras yug chen sbyin pa la gsol ba 'ba' zhig gi las bya ba dang / dge slong dang dge slong ma gang dag ji ltar skye bo phal po che'i tshogs ma dad par rig par 'gyur ba de lta de ltar khyim rnams su spyod par byed pa khyim rnams su so sor go bar byed du gzhug pa la gsol ba 'ba' zhig gi las bya ba dang /ngor 'phya ba'i grangs su gzhug pa la gsol ba 'ba' zhig gi las bya ba dang / gzhogs 'phyas byed ba'i grangs su gzhug pa la gsol ba 'ba' zhig gi las bya ba dang /bsgo ba rna la gzon pa'i grangs su gzhug pa la gsol ba 'ba' zhig gi las bya ba dang / cang mi smra bas rna la gzon pa'i grangs su gzhug pa la gsol ba 'ba' zhig gi las bya ba dang / sbyin bdag longs spyod 'gribs pa'i khyim du zan mi bza' ba'i sdom pa sbyin pa la gsol ba 'ba' zhig gi las bya ba dang /khyim gyi sdom pa byin pa de nyid gzhig pa la gsol ba 'ba' zhig gi las bya ba dang / khyim bdag dge slong la yang dag pa ma yin pas skur ba 'debs pa'i khyim du lhung bzed khas dbub pa la gsol ba 'ba' zhig gi las bya ba dang / lhung bzed khas phub pa de nyid bzod pa gsol ba'i khyim du de nyid bzlog par bya ba la gsol ba 'ba' zhig gi las bya ba'o//gsol ba dang gnyis kyi las bzhi bcu rtsa bdun gang zhe na/ gso sbyong gi gnas la blo mthun par bya ba la gsol ba dang gnyis kyi las bya ba dang / dkyil 'khor ba dang / mtshams chen po gcad pa dang / mtshams bu chung bcad pa la gsol ba dang gnyis kyi las bya ba dang /mtshams chen po bcad pa'i nang du chos gos dag dang 'bral bar mi 'gyur ba'i gnang ba sbyin pa la gsol ba dang gnyis kyi las bya ba dang / dge slong smyos shing sems 'khrug pa las kyi gnas su rad rod byed pa mi mthun par mi 'gyur ba'i gnang ba sbyin pa la gsol ba dang gnyis kyi las bya ba dang /dbyar gnas pa'i dge 'dun la dgag dbye byed pa'i dge slong bsko ba la gsol ba dang gnyis kyis las bya ba dang / dbyar gnas par khas len pa rnams la gnas mal stobs pa'i dge slong bsko ba la gsol ba dang gnyis kyi las bya ba dang /rung ba'i khang pa la blo mthun par bya ba la gsol ba dang gnyis kyi las bya ba dang / dbyar gnas pa'i dge 'dun gyi sra brkyang la blo mthun par bya ba la gsol ba dang gnyis kyi las bya ba dang / dbyar gnas pa'i dge 'dun gyi sra brkyang 'ding ba'i dge slong bsko ba la gsol ba dang gnyis kyi las bya ba dang /spong ba'i zhal ta byed pa bsko ba la gsol ba dang gnyis kyi las bya ba dang / lag gi bla dang lag pod bsko ba la gsol ba dang gnyis kyi las bya ba dang / gnas khang bsko ba la gsol ba dang gnyis kyi las bya ba dang / zas la bsko bar bsko ba la gsol ba dang gnyis kyi las bya ba dang /thug pa 'brim pa bsko ba la gsol ba dang gnyis kyi las bya ba dang / bag chos 'brim pa bsko ba la gsol ba dang gnyis kyi las bya ba dang / phran tshegs 'brim pa bsko ba la gsol ba dang gnyis kyi las bya ba dang / snod spyad 'brim pa bsko ba la gsol ba dang gnyis kyi las bya ba dang /dbyar gyi gos kyi rnyed pa sbed pa bsko ba la gsol ba dang gnyis kyi las bya ba dang / dbyar gyi gos kyi rnyed pa 'gyed pa bsko ba la gsol ba dang gnyis kyi las bya ba dang / dbyar gyi gos ras chen sbed pa bsko ba la gsol ba dang gnyis kyi las bya ba dang / dbyar gyi gos ras chen 'gyed pa bsko ba la gsol ba dang gnyis kyi las bya ba dang / mngag gzhug par bsko ba la gsol ba dang gnyis kyi las bya ba dang / mdzes 'chos bsko ba la gsol ba dang gnyis kyi las bya ba dang / dge 'dun la rtsod pa byung ba mngon sum gyis 'dul ba'i gzu bo bsko ba la gsol ba dang gnyis kyi las bya ba dang /dge 'dun la rtsod pa byung ba gzu bos zhi bar ma nus na dge 'dun nam gzu bo rnams kyis rtsod pa de zhi bar byed pa'i gang zag gsal ba dang gsal ba'i yang gsal ba bsko ba la gsol ba dang gnyis kyi las bya ba dang / dge 'dun la rtsod pa byung ba gang zag gsal ba dang gsal ba'i yang gsal bas zhi bar ma nus te dge 'dun la phul ba na dge 'dun gyis rtsod pa sbed pa'i gang zag bsko ba la gsol ba dang gnyis kyi las bya ba dang /dge 'dun rtsod pa byung ba'i tshe tshul shing 'brim pa'i gang zag bsko ba la gsol ba dang gnyis kyi las bya ba dang /dge slong khang pa'i gzhi rung ba bstan par gsol ba la gsol ba dang gnyis kyi las bya ba dang / dge slong gtsug lag khang gi gzhi rung ba bstan pa gsol ba la gsol ba dang gnyis kyi las bya ba dang / dge slong khyim sun 'byin pa la dge sbyong gi chos ma yin pa rnam pa mang pos gleng ba'i gang zag bsko ba la gsol ba dang gnyis kyi las bya ba dang /rgan po dang nad pa la chos gos snam sbyar dang 'bral bar mi 'gyur ba'i gnang ba sbyin pa la gsol ba dang gnyis kyi las bya ba dang / dge slong lag gi bla la lo drug tshun chad du stan gyi gnang ba sbyin pa la gsol ba dang gnyis kyi las bya ba dang /lhung bzed 'brel pa med par 'brim pa'i gang zag bsko ba la gsol ba dang gnyis kyi las bya ba dang / dge slong dang dge slong ma skye bo phal po che ma dad par rig par 'gyur ba de ltar khyim rnams su so sor go bar byed pa'i gang zag bsko ba la gsol ba dang gnyis kyi las bya ba dang / dge slong ma'i ston pa bsko ba la gsol ba dang gnyis kyi las bya ba dang /so sor bshags pa'i nyes pa spang pa'i phyir gang zag nags nyul ba bsko ba la gsol ba dang gnyis kyi las bya ba dang / dge slong dge 'dun gyi gnas nas phyung ba la dge slong mas phyag bya ba'i 'os ma yin pa'i sdom pa sbyin pa la gsol ba dang gnyis kyi las bya ba dang /dge slong ma 'khor skyong nus pa la 'khor nye bar 'jog pa'i gnang ba sbyin pa la gsol ba dang gnyis kyi las bya ba dang / dge slong ma 'khor skyong nus pa dang lo bcu gnyis lon pa la 'khor mang po nye bar 'jog pa'i gnang ba sbyin pa la gsol pa dang gnyis kyi las bya ba dang / dge slong rgan po dang nad pa la 'khar ba gnang ba sbyin pa la gsol ba dang gnyis kyi las bya ba dang / dge slong rgan po dang na ba la dra ba gnang ba sbyin pa la gsol ba dang gnyis kyi las bya ba dang / gtsug lag khang mtshams tha dad pa gnyis kyi rnyed pa gcig tu bya ba la gsol ba dang gnyis kyi las bya ba dang /dge slong ma'i bslab pa'i sdom pa sbyin pa la gsol ba dang gnyis kyi las bya ba dang / dge slong ma bsnyen par rdzogs par bya ba la tshangs par spyod pa la nye bar gnas pa'i sdom pa sbyin pa la gsol ba dang gnyis kyi las bya ba dang / dge slong ma bu dang lhan cig khyim gcig na nyal ba'i gnang ba sbyin pa la gsol ba dang gnyis kyi las bya ba dang /dge slong ma mu ge'i sdug bsngal byung ba'i tshe nye du rnams dang lhan cig 'brel ba'i nye bar spyod pa'i gnang ba sbyin pa la gsol ba dang gnyis kyi las bya ba dang / dbyar gnas par khas blangs pa dge 'dun gyi tshad la zhag bzhi bcu mtshams kyi phyi rol du 'gro ba'i gnang ba sbyin pa la gsol ba dang gnyis kyi las bya ba'o//gsol ba dang bzhi'i las sum cu gang zhe na/ dge slong dang dge slong ma bsnyen par rdzogs par bya ba la gsol ba dang bzhi'i las bya ba dang / mu stegs can rab tu 'byung bar 'dod pa zla ba bzhi'i bar du mkhan pos sbyar pa'i gos kyi gnas pa sbyin pa la gsol ba dang bzhi'i las bya ba dang /dkyil 'khor ba dang / mtshams chen po dang / mtshams bu chung dgrol ba la gsol ba dang bzhi'i las bya ba dang / gnas nas phyung ba bzod pa'i las byas pa mthun pa sbyin pa la gsol ba dang bzhi'i las bya ba dang / mthun pa byin pa la mthun pa'i gso sbyong sbyin pa la gsol ba dang bzhi'i las bya ba dang /nan tur gyi las bsdigs pa dang / smad pa dang / bskrad pa dang / phyir 'gyed pa dang / ma mthong bas gnas nas dbyung ba dang / phyir mi 'chos pas gnas nas dbyung ba dang / sdig pa can gyi lta ba'i rnam pa mi gtong bas gnas nas dbyung ba dang / gso sbyong gzhag pa dang /dgag dbye gzhag par bya ba dag la gsol ba dang bzhi'i las bya ba dang / de dag la bzod pa bya ba la gsol ba dang bzhi'i las bya ba dang / bya ba dag la gsol ba dang bzhi'i las bya ba dang / spo ba sbyin pa la gsol ba dang bzhi'i las bya ba dang / gzhi nas spo ba sbyin pa la gsol ba dang bzhi'i las bya ba dang /gzhi nas mgu bar bya ba sbyin pa la gsol ba dang bzhi'i las bya ba dang / yang gzhi nas bslang ste spo ba sbyin pa la gsol ba dang bzhi'i las bya ba dang / yang gzhi nas bslang ste mgu bar bya ba sbyin pa la gsol ba dang bzhi'i las bya ba dang / dge 'dun lhag ma'i ltung ba byung ba la gsol ba dang bzhi'i las bya ba dang /sra brkyang dbyung ba la gsol ba dang bzhi'i las bya ba dang / dran pas 'dul ba sbyin pa la gsol ba dang bzhi'i las bya ba dang / ma smyos pas 'dul pa sbyin pa la gsol ba dang bzhi'i las bya ba dang / de'i ngo bo nyid tshol du gzhug pa sbyin la gsol ba dang bzhi'i las bya ba dang / dge 'dun gyi dbyen byed pa bzlog pa'i phyir bsgo ba la gsol ba dang bzhi'i las bya ba dang /de'i rjes su phyogs pa bzlog pa'i phyir bsgo ba la gsol ba dang bzhi'i las bya ba dang / khyim sun 'byin pa bzlog pa'i phyir bsgo ba la gsol ba dang bzhi'i las bya ba dang / bka' blo mi bde ba bzlog pa'i phyir bsgo ba la gsol ba dang bzhi'i las bya ba dang /dge slong dang dge tshul sdig pa can gyi lta ba'i rnam pa mi gtong ba bzlog pa'i phyir bsgo ba la gsol ba dang bzhi'i las bya ba dang / gnas nas phyung ba'i rjes su phyogs pa'i dge slong ma bzlog pa'i phyir bsgo ba la gsol ba dang bzhi'i las bya ba dang / dge slong ma dkon mchog gtong ba bzlog pa'i phyir bsgo ba la gsol ba dang bzhi'i las bya ba dang /dge slong ma 'thab krol byed pa bzlog pa'i phyir bsgo ba la gsol ba dang bzhi'i las bya ba dang / dge slong ma sde zhing gnas pa bzlog pa'i phyir bsgo ba la gsol ba dang bzhi'i las bya ba dang / dge slong ma sde zhing gnas su 'dzud pa bzlog pa'i phyir bsgo ba la gsol ba dang bzhi'i las bya ba dang /dge tshul sdig pa can gyi lta ba'i rnam pa mi gtong ba bsnyil ba la gsol ba dang bzhi'i las bya ba dang / pham par 'gyur ba'i ltung ba byung ba la bslab pa sbyin pa la gsol ba dang bzhi'i las bya ba'o/ /las rnams kyi bsdu ba'i tshigs su bcad pa ni 'di dag yin te/ gsang dang nang du dri phyir dang /gso sbyong de la ltung bcas dang / /de la dge 'dun yid gnyis dang / /rtsod dang nges nyid ma yin dang / /de yi don du lnga po dag /thams cad dgag dbyer gtogs pa yin/ /dbyar gnas khas blangs nyid dang ni/ /shi ba'i rdzas dang nor 'dra dang / /chos gos sra brkyang gtad pa dang / /chos gos sbyin par bya ba dang //gnas ngan len ni brjod pa dang / /grangs su gzhug pa bzhi dag dang / /khyim gyi sdom dang de gzhig dang / /lhung bzed khas dbub bya ba dang / /de nyid bzlog par bya ba dag /gsol ba 'ba' zhig las yin no/ /gnas dang mtshams ni gsum po dang / /mi 'bral smyos dang dgag dbye dang / / gnas mal stobs par byed pa dang / /rung ba'i sa gzhi bsgo ba dang / /sra brkyang dang ni de 'ding dang / /spong dang lag gi bla dang ni/ /gnas khang bsko la sogs pa dang / /gzu dang gsal dang sbed pa dang / /tshul shing 'brim par byed pa dang / /khang pa khang chen bstan pa dang / /gleng dang 'bral bar mi 'gyur dang / / stan dang lhung bzed 'brim pa dang / /ma dad go bar bya ba dang / /ston pa dang ni nags nyul dang / /phyag mi bya dang mang phyir dang / /'khar ba dra ba'i phyir dang ni/ /rnyed pa gcig tu bya phyir dang / /bslab pa sbyin dang nye gnas dang / /bu dang nye du'i phyir 'gro ba/ /gsol ba gnyis kyi las yin no/ /bsnyen par rdzogs par bya ba dang //mu stegs gnas dang mtshams dgrol dang / /mthun sbyin gso sbyong bdun po dag /brgya dang dran dang ma smyos dang / /de nyid tshol du gzhug pa dang / /bsgo par bya ba rnams dang ni/ /nyams pa sbyin par bya ba dag /gsol dang bzhi yi las yin no//las brgya rtsa gcig pa/ 'phags pa gzhi thams cad yod par smra pa'i 'dul ba 'dzin pa chen po bram ze'i btsun pa slob dpon yon tan 'od bdag dang gzhan gyi grub pa'i mtha' rgya mtsho'i pha rol du son pa/ bde bar gshegs pa'i chos 'dul ba bdud rtsi'i nying khus shes rab kyi dbang po rgyas pa bde bar gshegs pa'i bka' dam pa nan tan snying por bsgrubs pa/sde pa thams cad kyi 'dul ba'i sde snod mtha' dag gi gtso bor gyur pa/ 'phags pa gzhi thams cad yod par smra ba'i 'dul ba kun las btus pa rdzogs so// //dbang phyug dam pa'i mnga' bdag dpal lha btsan po'i bka' lung gis 'phags pa gzhi thams cad yod par smra ba'i 'dul ba 'dzin pa kha che'i bye brag tu smra ba'i slob dpon dzi na mi tra dang /zhu chen gyi lo tsA ba ban+de klu'i rgyal mtshan gyis bsgyur cing zhus te gtan la phab pa/ 'di la sh+lo ka ni sum stong bdun brgya yod/ bam po ni dgur byas so// //