CLOSE WINDOW

D4111
བོད་ཡིག

gtsug lag khang gi ltung byed kyi rnam par nges pa'o rdzogs so/ /[ ]@##/ /rgya gar skad du/ kri ya skan d+ha na ma/ bod skad du/ bya ba'i phung po zhes bya ba/ thams cad mkhyen pa la phyag 'tshal lo/ /bya ba'i phung po gang zhe na/gnas nas phyung bas bya ba dang / tha dad du gnas pas bya ba dang / gzu bos bya ba dang / de'i ngo bo nyid tshol du bcug pas bya ba dang / bslab pa byin pas bya ba dang / mtshams bcad pa'i gnas brtan gyi bya ba dang / kun dga' ra ba'i bya ba dang / kun dga' ra ba'i gnas brtan gyi bya ba dang /gnas khang gi bya ba dang / gnas khang gi gnas brtan gyi bya ba dang / khang pa'i 'khor du bcas pa'i bya ba dang / khang pa'i 'khor du bcas pa'i gnas brtan gyi bya ba dang / nags kyi bya ba dang / gnas mal gyi bya ba dang / sgo glegs kyi bya ba dang / 'khor lo'i bya ba dang /gnas stong pa'i bya ba dang / gnas stong pa'i gnas brtan gyi bya ba dang / lhung bzed kyi bya ba dang / chos gos kyi bya ba dang / gding ba'i bya ba dang / khab kyi bya ba dang / khab ral gyi bya ba dang / thug pa'i bya ba dang / chu'i bya ba dang / chu rdza'i bya ba dang / yongs su spyod pa'i chu rdza'i bya ba dang /gtsang ma'i ril ba'i bya ba dang / zas kyi bya ba dang / bza' ba'i bya ba dang / zas btang ba'i bya ba dang / bsod snyoms kyi bya ba dang / bsod snyoms spyod pa'i bya ba dang / zas len pa'i bya ba dang / dgon pa'i bya ba dang / dgon pa'i gnas brtan gyi bya ba dang / grong 'dab kyi bya ba dang / grong 'dab kyi gnas brtan gyi bya ba dang / glo bur du 'ongs pa'i bya ba dang / glo bur du 'ongs pa'i gnas brtan gyi bya ba dang / 'gro bas bya ba dang / 'gro ba'i gnas brtan gyi bya ba dang / rkang pa bkru ba'i bya ba dang / rkang pa bkru ba'i gnas brtan gyi bya ba dang / 'dug pa'i bya ba dang / 'dug pa'i gnas brtan gyi bya ba dang / chos 'chad pa'i bya ba dang / chos 'chad pa'i gnas brtan gyi bya ba dang / dus kyi bya ba dang / dus ma yin pa'i bya ba dngang / dus ma yin par dge 'dun 'du ba'i bya ba dang / dus ma yin par dge 'dun ba'i gnas brtan gyi bya ba dang /smras pa'i bya ba dang / mi smra ba'i bya ba dang / dbyar nye bar sgrub pa'i bya ba dang / dbyar gnas pa'i bya ba dang / dbyar gnas pa'i gnas brtan gyi bya ba dang / dbyar gnas par khas blangs pa'i bya ba dang / 'khor dang ldan pa'i bya ba dang / 'khor gyi nang du 'gro ba'i bya ba dang / 'khor gyi nang du zhugs pa'i bya ba dang /'khor gyi nang du zhugs pa'i gnas brtan gyi bya ba dang / gso sbyong gi bya ba dang / gso sbyong mngon du bya ba'i bya ba dang / gso sbyong gi las kyi bya ba dang / so sor thar pa'i bya ba dang / so sor thar pa gdon pa'i bya ba dang / so sor thar pa gdon par byed pa'i bya ba dang /gnas brtan gyi bya ba dang / bar mas bya ba dang / gsar bus bya ba dang / gnas brtan dang / bar ma dang / gsar bus bya ba dang / bsro khang du bya ba dang / bsro khang du khrus byed pa'i bya ba dang / bsro khang gi gnas brtan gyi bya ba dang / mkhan po'i bya ba dang / lhan cig gnas pa'i bya ba dang /slob dpon gyi bya ba dang / nye gnas kyi bya ba dang / dge tshul gyi bya ba dang / nan tan gyi bya ba dang phyi bzhin 'brangs pa'i dge sbyong gi bya ba dang / grong du nye bar 'jug pa'i bya ba dang / grong du nye bar 'gro ba'i bya ba dang / grong du nye bar song ba'i bya ba dang / grong du nye bar song ba'i gnas brtan gyi bya ba dang / gzhi na gnas pa'i bya ba dang / ngal so ba'i bya ba dang / nam mkha'i bya ba dang / sra brkyang gi bya ba dang / chu tshogs kyi bya ba dang / 'chag sa'i bya ba dang / bcag pa'i bya ba dang / 'phyan gyi bya ba dang / phyi sa'i bya ba dang / bshang ba'i bya ba dang /bshang ba'i khung bu'i bya ba dang / bshang ba'i gnas brtan gyi bya ba dang / bshang ba'i nye 'khor gyi bya ba dang / gci ba'i bya ba dang / gci ba'i sa'i bya ba dang / gci sa'i gnas brtan gyi bya ba dang / gci sa'i nye 'khor gyi bya ba dang / bkru ba'i bya ba dang / bkru ba'i gnas kyi bya ba dang /bkru ba'i gnas su rkang pa gzhag pa'i bya ba dang / bkru sa'i khung gi bya ba dang / khrus kyi sar gnas brtan gyi bya ba dang / khrus sa'i nye 'khor gyi bya ba dang / mchil ma'i bya ba dang / mchil ma'i snod kyi bya ba dang / so shing gi bya ba dang / so brud pa'i bya ba dang / lce bzhar ba'i bya ba dang / rna spabs bru ba'i bya ba dang / kun du spyad pa'i bya ba dang / kun du mi spyad pa'i bya ba'o/ /ma mo lta bu'i dum bu gsum pa'i gzhi rdzogs so// //gnas nas phyung bas bya ba gang zhe na/ gnas nas phyung ba zhes bya ba ni spangs pa yin te/spangs pa'i dge slong gis ni bya ba 'di lta bu la 'jug par mi bya'o/ /spangs pa'i dge slong gis ni rab tu byung bar mi bya'o/ /dge tshul nye bar gzhag par mi bya/ dge slong ma la lung 'bogs par mi bya ba dang / ston par bskos na yang dge slong ma la gdams par mi bya/ las mi bya/dge slong de las byed par mi bsko/ las bsko bar mi bya/ las byed pa'i dge slong dge slong la dgag par mi bya/ 'dul ba 'dzin pa gzhan yod na dge 'dun gyi nang du 'dul ba bstan par mi bya/ so sor thar pa'i mdo 'don pa gzhan yod na/ dge 'dun gyi nang du so sor thar pa gdon par mi bya/chos 'chad pa gzhan yod na dge 'dun gyi nang du chos bshad par mi bya/ rang bzhin du gnas pa'i dge slong lung bstan pa la 'gog par mi bya/ rang bzhin du gnas pa'i dge slong la gso sbyong dgag par mi bya/ rang bzhin du gnas pa'i dge slong la dgag dbye gzhag par mi bya/ rang bzhin du gnas pa'i dge slong la gleng bar mi bya'o/ /dran par mi bya'o/ /de dag dang lhan cig brten par mi bya'o/ /gang la dge 'dun gyis gnas nas phyung ba'i las byas pa dang / gang de dang 'dra ba gzhan yang rung ste/ nyes pa de lta bu dang mthun pa'i nyes pa phyis kyang mi bya'o/ /de las gzhan pa yang mi bya'o//des phyi phyir zhing spu bsnyal ba lta bur nges par 'byung ba la 'jug par bya'o/ /phyag 'tshal ba nye bar bstan par bya/ rang bzhin du gnas pa'i dge slong gis lhung bzed byin na yang des mi blang ngo / /chos gos kyang mi blang ngo / /de la skra bregs pa yang mi bcol lo/ / bsro khang du yang las mi bya'o/ /mi na bar las thams cad la rang bzhin du gnas pa'i dge slong gi las nyams su blang bar mi bya'o/ /dge 'dun thams cad 'dus shing 'khod pas de brtan pa'i gnas su sdom pas mi bsko/ dbang gi gnas thams cad du yang sdom pas mi bsko/ gang zag bcu gnyis kyi gnas su sdom pas byin gyis brlabs par mi bya ba 'di ni gnas nas phyung bas bya ba zhes bya'o//tha dad du gnas pa la rnam pa gnyis te/ gang bdag nyid kyis bdag tha dad du gnas par byed pa dang / dge 'dun gyis chos bzhin du byas pa'o/ /bdag nyid kyis bdag tha dad du gnas pa gang zhe na/bsams bzhin du chos kyi phyogs las chos ma yin pa'i phyogs su song ba ste/ de ltar na bdag nyid kyis bdag tha dad du gnas par byed pa'o/ /dge 'dun gyis chos bzhin du bya ba gang zhe na/ chos bzhin du 'dus pa'i dge 'dun gyis gsol ba dang bzhi'i las mi g.yo ba gzhag par 'os pas spangs pa yin te/de ltar na dge 'dun gyis chos bzhin du spangs pa'o/ /mtshungs par lhan cig gnas pa la yang gnyis te/ bdag nyid kyis bdag lhan cig gnas par byed pa dang / dge 'dun gyis chos bzhin du byas pa'o/ /bdag nyid la bdag nyid lhan cig gnas pa gang zhe na/bsams bzhin du chos ma yin pa'i phyogs las chos kyi phyogs su 'ongs pa ste/ de ltar na bdag nyid kyis bdag nyid lhan cig gnas par byed pa'o/ /dge 'dun gyis chos bzhin du byas pa gang zhe na/ dge 'dun gyis gsol ba dang bzhi'i las mi g.yo ba gzhag par mi 'os pas chos bzhin du 'dus pa'i dge 'dun gyis spang ba de phyung ba yin/de ltar na dge 'dun gyis chos bzhin du byas pa'o/ /tha dad du gnas pa'i dge slong des rab tu dbyung bar mi bya ba nas snga ma bzhin te/ ji ltar dge 'dun gyis gang la spangs pa'i las byas pa dang / gzhan yang de dang 'dra ste/ des de lta bu'i nyes pa yang mi bya/ de las mthun par yang mi bya ba'i bar du ste/ gang zag bcu gnyis kyi las su sdom pas bsko bar mi bya'o/ /tha dad du gnas pa'i dge slong gis tshangs pa mtshungs par spyod pa'i gnas brtan dang / bar ma dang / gsar bu yang rung bag dbab par bya/nyes par mi bya/ nyes pa zhig byas na yang slar dbyung ba'i tshul du bya'o/ /gal te slar dbyung ba'i tshul du mi byed na tha dad du gnas par byas pa nyid yin no/ /de la 'di skad ces bsgo bar bya'o/ /dge 'dun gyis khyed la thig btab pa bzhin du byed do//phur pa btsugs pa bzhin du byed do/ /nyes pa de yang dge 'dun las 'di nyid bshags par bya'i 'di las phyi rol du ni ma yin no/ /khyod kyis las de yang dge 'dun 'di nyid kyis slar bde bar byed kyi/ 'di las phyi rol du ni ma yin no/ /khyod kyis nyes pa de yang ma bshags sam/phyir bcos par ma byas na ni tshangs pa mtshungs par spyod pa mkhas pa dag gis gang du mi 'dod pa der gleng bar byed do/ /gal te yang de bzhin du byas pa las kyang 'dul bar ma gyur na gang zag de thig btab pa bzhin du/ phur pa btsugs pa bzhin du byas la spang bar bya'o/ /de ni 'di ltar rta rgod bzhin te/de ni tha dad du gnas pas bya ba zhes bya'o/ /gzu bos bya ba gang zhe na/ rtsod pa zhi bar bya ba'i phyir dge slong gzu bos chos nyi shu rtsa gnyis dang ldan par btsal bar byas te/ nyi shu rtsa gnyis gang zhe na/ ci ste tshul khrims dang ldan zhing dang po nas phun sum tshogs pa dang / ngo tsha shes pa dang ldan zhing 'gyod pa dang ldan la bsdams pa dang / bslab pa 'dod pa dang / 'dul ba la shin tu rnam par nges shing thos pa 'dzin la thos pa bsags pa dang / lung 'thon pa dang / rtsod pa la mkhas pa dang / rtsod pa kun nas slong ba la mkhas pa dang / rtsod pa'i bye brag la mkhas pa dang / rtsod pa 'gog pa la mkhas pa dang / rtsod pa 'gags nas phyis mi 'byung ba la mkhas pa dang / bstan bcos la mkhas pa dang / gzhi lhag par spyod pa la mkhas shing nyes rtsom med pa smra ba dang / nyes rtsom byed du mi 'jug pa dang / lus dang ngag dang yid kyis mi 'jug pa dang / smra bar byed cing smra ba brda phrad par byed pa dang /go bar byed cing go bar brda phrad par byed pa dang / rnam par rig par byed cing rnam par rig par byed pa brda phrad par byed pa dang / nges par rtogs par byed cing nges par rtogs par brda phrad par byed pa dang / 'dun pas 'gro ba ma yin pa dang / zhe sdang gis 'gro ba ma yin pa dang /gti mug gis 'gro ba ma yin pa dang / 'jigs pas 'gro ba ma yin pa ste/ gzu bo chos nyi shu rtsa gnyis po de dag dang ldan pa ni/ chos kyi longs spyod dam/ zang zing gi longs spyod kyis phyogs gnyis ka la mi brten pa yin no/ /yang 'di lta ste/ gzu bo'i dge slong gis rgol ba dang ldan pa'i dge slong rnams la lhan cig tu smra ba dang /phyag byed pa dang / sngar ldang ba dang / thal mo sbyor ba dang / gdud par byed par gyur pa'i las rnams bdag gir mi bya'o/ /de dag bsnyen bkur byed na yang nyams su mi blang ngo / /lhung bzed 'bul na yang mi blang / chos gos 'bul na yang mi blang /yo byad gzhan ci yang rung ba 'bul ba bdag gir mi bya'o/ /des kyang de dag la bsnyen par mi bya/ lhung bzed mi sbyin/ chos gos mi sbyin/ zas mi sbyin/ sman mi sbyin na/ yo byad gzhan ci yang rung ba sbyin par mi bya'o/ /de dag las lung 'bogs pa yang mi blang / dran par bya ba yang ma yin/ rnal 'byor yang ma yin/ yid la byed pa yang mi 'dri'o/ /de dag la lung 'bogs par sbyin par mi bya'o/ /dran par bya ba yang ma yin/ kun dri bar bya ba yang ma yin/ rnal 'byor yang ma yin/ yid la bya ba yang mi bsko/ stan gcig la 'dug par yang mi bya'o//'chag sa gcig tu bcag par mi bya/ gnas khang gcig tu 'khod par mi bya'o/ /gzhan du na tshig 'di skad ces brjod par bya ste/ tshe dang ldan pa khyod kyis 'di lta ste/ las legs pa rnyed pa ci yod kyis/ legs par gsungs pa'i chos 'dul ba la rab tu byung nas/ 'thab par gyur/mtshang 'dru bar gyur/ rtsod par gyur/ 'gyed par gyur cing gnas pa ni ma rnyed de/ rnyed pa ma yin no/ /rnyed pa rnyed de legs pa rnyed pa ma yin gyi tshe dang ldan pa rnams khyed cag ma 'thab cig /ma rtsod cig /ma 'gyed cig /'gyed pa gnyis ka rgyal ba med do/ /rgyug pa gnyis ka rgyal ba med med do//de dag gtan la phab na gcig rgyal gcig 'pham du 'gyur ro zhes brjod par bya'o/ /'di ni gzu bos bya ba zhes bya'o/ /de'i ngo bo nyid tshol bas sbyin pas bya ba gang zhe na/ dge slong gang gis nyes par spyod pa de khas len/ khas blangs pa las kyang bsnyen/ bsnyen pa las kyang slar khas len pa de la dge 'dun gyis gsol ba dang /bzhi'i las mi g.yo ba gzhag par mi 'os pas/ de'i ngo bo nyid tshol ba sbyin pa'i dge slong gis bya ba de lta bu la 'jug par bya'o/ /de'i ngo bo nyid tshol ba'i dge slong gis rab tu 'byung bar mi bya ba nas snga ma bzhin te/ gang la dge 'dun gyis de'i ngo bo nyid tshol ba sbyin pa dang /gang de dang 'dra bas kyang rung ste/ nyes pa de lta bu 'byung bar mi bya'o/ /de bas thu bar yang mi bya ba'i bar du ste snga ma bzhin no/ /de ni 'di ltar gang zag bcu gnyis po sdom pas mi sko ba de ni de'i ngo bo nyid tshol bas sbyin pas bya ba zhes bya'o/ /pham pa byung ba la bslab pa byin pa'i bya ba gang zhe na/dge slong gang mi tshangs par spyod pa 'khrig pa'i chos bsten kyang de la se gol gtogs pa gcig tsam du yang bcabs pa'i sems ma skyes pa ste/ de la dge 'dun gyis gsol ba dang bzhi'i las mi g.yo ba gzhag par mi 'os pas bslab pa sbyin par bya ste/'di ltar tshe dang ldan pa dga' byed bzhin du rgyas par gang de dang 'dra ba gzhan yang rung ste/ de lta bu'i ltung ba phyin chad kyang mi bya'o/ /de bas thu bar yang mi bya'o/ /zhes bya ba'i bar du ste snga ma bzhin no/ /de ni 'di ltar gang zag bcu gnyis kyi phyir sdom pa mi bsko'o/ /'dul ba dang sbyar te bslab pa byin pa'i dge slong gis rab tu dbyung bar mi bya ba nas snga ma bzhin te/gang la dge 'dun gyis bslab pa byin pa dang / bslab pa byin pa'i dge slong gis dge slong gi bslab pa thams cad la bslab par bya'o/ /dge slong gis tha ma la 'dug par bya'o/ /des bsnyen par rdzogs pa rnams la byin len bya'o//bsnyen par rdzogs pa dang lhan cig nyal ba bsgyur zhing gud du 'byung ngo / /bslab pa byin pa'i dge slong gi las rnam pa gnyis te/ gso sbyong dang dgag dbye'o/ /bslab pa byin pa grangs su bskang ste gso sbyong mi bya'o/ /de bzhin du dge 'dun gyi las gzhan la yang ngo / /gal te bslab pa byin pa gso sbyong gi nang du 'ongs na ni mi bskrad do//gal te song na yang mi bzung ngo / /de ci'i phyir zhe na/ des dge 'dun 'dus pas rjes su ma zhugs par mi 'gyur ro/ /'dus par yang mi 'gyur te/ 'di ni pham pa byung ba las bslab pa byin pas bya ba zhes bya'o/ /mtshams bcad pa'i gnas brtan gyi bya ba gang zhe na/mtshams bcad pa'i gnas brtan gyi dge slong gis bya ba de lta bu la 'jug par bya'o/ /de na gsar bu'i dge slong 'khod pa rnams la de dag mthun par shes par bya/ bskyang bar bya/ rjes su bstan par bya/ sdig pa las slar bzlog par bya/ dge ba la gzhug par bya/kha don byed pa dang / kun 'dri ba dang / spong ba dang / so sor dben par 'jug pa dang / rnal 'byor dang / yid la byed pa rnams te/ de dag la so sor lung 'bogs par bya/ kun tshangs par spyod pa la gzhug par bya/ bslab par bya/ bslab par bya ba la so sor bstab par bya/rnyed pa bsgrub par bya/ nam so sor rnyed pa 'god pa'i chos so so'i bgo skal snyoms par mig sngar bgo'o/ /nad pa la blta bar bya/ nad pa'i nad g.yog tu dge slong rnams spro bar bya/ nad pa rnams la chos kyi gtam bya/ lam dang lam ma yin pa yang dag par bsgrag par bya'o//ye shes dang mthong ba rnam par sbyang ba'i rgyud mi gtong bar bya/ rnam pa thams cad du'ang nad pa la g.yel bar mi bya/ mtshams bcad pa'i gnas su dge slong rnams lhags pa la gzhan ci yang rung bya bar gyur pa de thams cad la dge slong gnas brtan gyis thog mar 'jug par bya ba ni/mtshams bcad pa'i gnas brtan gyis bya ba zhes bya'o/ /kun dga' ra ba'i bya ba gang zhe na/ kun dga' ra ba zhes bya ba ni 'di rnams kyang yin te/ kun dga' ra ba'i nang na khang phran dang / khang pa dang / khang pa brtsegs pa dang / khang pa 'khor du bcas pa dang / spyil po dang /spyil po'i dngos po dang / 'chags dang / skyed shing dang / gsing ma rnams te thams cad kyang rgan rims bzhin du bsko bar bya'o/ /phyi bdar bya ba de ni kun dga' ra ba'i bya ba zhes bya'o/ /kun dga' ra ba'i gnas brtan gyi bya ba gang zhe na/ dge 'dun rnams kyi kun dga' ra ba'i gnas te/der so so nas dge slong dag lhags pa rnams bya bar bcas pa'i yang tha dad pas na/ dge slong des 'di dag gi bya ba bcas pa de'i chos sam pra bar ta zhes ma byung gi bar du skad cig sdod cig /gdod thams cad la snyoms par brims shig ces brjod par bya'o/ /dge slong gnas brtan gyis gnas brtan dang /bar ma dang / gsar bu rnams kyi rjes su mthun par bya/ gnas brtan gyis de'i gnas brtan dang bar ma dang / gsar bu rnams kyis kyang de'i rjes su mthun par bya'o/ /gal te bram ze'am/ khyim bdag tha dad pa rnams lhags na de dag la yang mtshungs par bgo bsha' bya zhing sbyin par bya'o//gal te mgron mi 'dod dam/ bram ze'am khyim bdag dad pa can rnams dag mi 'dod na yang dge slong gnas brtan gyis chos dang ldan pa'i gtam yang dag par bstan par bya/ yang dag par rab tu dga' bar byas la bdag cag la ni 'di yod do zhes smra bar bya ste/'di ni kun dga' ra ba'i gnas brtan gyi bya ba zhes bya'o/ /gnas khang gi bya ba gang zhe na/ dge slong gang gnas khang du 'dug pa des gnas khang der dus dus su chag chag gdab par bya'o/ /phyag dar dor ba dang / ba lang gi lci bas shin tu 'jam por byug par bya'o//sdo cung zad byung na yang bsrab par bya/ ral ba dang 'drums pa dang / gogs pa rnams slar bcos par bya/ bum pa chus bkang ste gzhag par bya'o/ /yongs su spyad pa'i bum pa dang gtsang ma'i ril ba dang / snam phyi ba'i ril ba dang / rkang pa dag bkru ba'i ril ba rnams bkang ste gzhag pa de ni gnas khang gi bya ba zhes bya'o//gnas khang gi gnas brtan gyi bya ba gang zhe na/ gnas khang gi dge slong gnas brtan gyi bya ba ni/ des 'di lta bu la 'jug par bya'o/ /dge slong gsar bu gang dag na 'khod par 'gyur bde dag shes par byas nas gnas brtan zhes bya ba'i bar na snga ma bzhin te/gnas brtan gyis thams cad la thog mar 'jug par bya/ rgyud mi gtong ba'i bya ba'i bar du ste/ 'di ni gnas khang gi gnas brtan gyi bya ba zhes bya'o/ /khang pa'i 'khor du gtogs pa'i bya ba gang zhe na/ khang pa 'khor dang bcas pa na dge slong gang 'dug pa des/khang pa 'khor dang bcas pa de dus dus su byi dor bya ba ni snga ma bzhin no/ /rkang pa bkru ba'i rnams bkang ste gzhag pa'i bar du'o/ /khang pa 'khor dang bcas pa de na dge slong dag grogs gang dag 'khod pa rnams la yang byams pa'i lus kyi las kyis mtshungs par spyad par bya/byams pa'i ngag gi las dang / byams pa'i yid kyi las kyis kyang mtshungs par spyad par bya/ der yang 'thab mo mi 'byung bar bya/ mtshang 'dru ba dang / 'gyed pa dang / rtsod pa mi 'byung bar bya/ gal te der 'thab mo dang / mtshang 'dru ba dang /'gyed pa dang / rtsod pa zhig byung na zhi bar nus na ni de lta na legs gal te yang mi nus na gud du 'gro bar bya'o/ /'di ni khang pa'i 'khor du bcas pa'i bya ba zhes bya'o/ /khang pa'i 'khor du bcas pa'i gnas brtan kyi bya ba gang zhe na/ khang pa'i 'khor du bcas pa'i dge slong gi gnas brtan gyis bya ba de 'di lta bu la 'jug par bya'o//de na dge slong gsar bu gang dag 'khod par gyur pa de dag kun shes par bya ba nas snga ma bzhin te/ thams cad du yang dge slong gnas brtan gyis bya ba de 'di lta bu la 'jug par bya ba dang / rgyud mi gtong bar bya ba'i bar du ste/ 'di ni khang pa'i 'khor du bcas pa'i gnas brtan gyi bya ba zhes bya'o//nags kyi bya ba gang zhe na nags zhes bya ba ni shing ljon pa'i gnas de na dge slong 'khod pa rnams kyis bdag cag gnas 'di na 'khod pa la srog gi bar chad du 'gyur ba'am/ tshangs par spyod pa'i bar chad du 'gyur ba lta yod dam med ces rgyang grags gcig tshun chad kho ra khor yug tu brtag par bya'o//gal te yod par ma mthong na ni ring du dor bar bya'o/ /gal te med par mthong la dogs par gyur na rgyang grags gcig tshun chad nags nyul ba bsko bar bya'o/ /gso sbyong gi gnas kyang bsko bar bya'o/ /de na phan tshun zang zing gi longs spyod dang /chos kyi longs spyod kyis spro ba bskyed par bya/ de na 'thab mo mi 'byung ba dang / mtshang 'dru ba mi 'byung ba dang / khon du 'dzin pa mi 'byung ba dang / rtsod pa mi 'byung ba de ni nags kyi bya ba zhes bya'o/ /gnas mal gyi bya ba gang zhe na/ rim gyis gnas mal dus dus su brtag par bya/bskam par bya/ sprug par bya/ bsgrangs par bya/ sba khru bar bya/ gal te dri ma can du gyur na bkru bar bya/ bug rdol du gyur tam/ sha zad pa'i chos su gyur na ci nus su bcom zhing glan par bya/ bcom zhing glan du gzhug pa bya/ dge slong gis phyogs bzhi'i dge 'dun gyi gos bgos nas bshang ba'i sar mi 'gro/gci ba'i sar mi 'gro/ bsro khang du ma yin/ rkang pa bkru ba'i sar ma yin/ tshang mang du ma yin/ char 'bab pa la gyon te 'dug par mi bya/ nyi ma tsha ba la ma yin/ me khang du gzhag par mi bya/ ci nas gnod par 'gyur ba'i sa thams cad du phyogs bzhi'i dge 'dun gyi gos dang 'jug par mi bya/ bgo bar mi bya'o/ /gzhag par mi bya'o/ /dge slong rnams kyis gnas mal rnam pa 'di lta bu spyad par mi bya ste/ lnga gang zhe na/ dud pa dang / dri ma dang // rdul dang / bshang ba dang /'drud pa'o/ /dge slong rnams kyis phyogs bzhi'i dge 'dun gyi gos bgos bzhin du gtsug lag khang chag chag mi gdab mi phyag /phyag dar mi dor/ ba lang gi lci bas byug par mi bya'o/ /chu'i bum pa dgang bar mi bya/ yongs su spyad par ma yin/ gtsang ma'i ril bar ma yin/bshang ba'i ril bar ma yin/ rkang pa dag bkru ba'i ril ba dgang bar mi bya/ gtsug lag khang skyong du ma yin/ lhung bzed kyi las byed par ma yin/ gos kyi las byed par ma yin/ dge slong rnams kyis phyogs bzhi'i dge 'dun gyi gos lus kyi mtha' la bgo bar mi bya/dge slong dag gis phyogs bzhi'i dge 'dun gyi mal cha dang / stan rnams bla gab med par bting ste/ sgo khang phan chad nye 'khor 'dom bzhi bcu rtsa dgu'i bar du bor te 'gro bar mi bya'o/ /gal te bshang ba'am/ gci ba'i sar 'gro na yang dge slong 'khod pa rnams la bsgo la 'gro bar bya'o//ji ltar bdag nyid kyi lhung bzed dang / chos gos lus kyi pags pa bzhin du dge slong dag gis phyogs bzhi'i dge 'dun gyi mal cha dang / stan rnams yongs su bsrung bar bya'o/ /dge slong dag gis ci nas kyang phyogs bzhi'i dge 'dun gyi mal cha dang /stan rnams yal bar dor bar mi bya ste/ 'di ni dge 'dun gyi gnas mal gyi bya ba zhes bya'o/ /sgo glegs kyi bya ba gang zhe na/ sgo glegs zhes bya ba ni sgo'i bar ma ste/ dge slong gis brdung na yun ring du brdung bar mi bya/ sngar nang na 'khod pa rnams kyis tshor bar bya ba'i phyir dal bus bags kyis brdung bar bya'o//'byed pa'i tshe yang drag tu mi dbye/ gcod pa'i tshe yang drag tu mi gcod/ shes bzhin du dal bus bags kyis 'jug cing 'byung bar bya/ sgo'i phyogs gnyi gar ma 'drud bzhin du 'byung bar bya ste/ 'di ni sgo glegs kyi bya ba zhes bya'o/ /'khor lo'i bya ba gang zhe na/'khor gtan zhes bya ba ni sgo'i gtan pa bla 'og ste/ de bzhin du 'byor par bya'o/ /dge slong gtsug lag khang nas gud du 'dod na/ bla 'og gnyis ka bcug la 'gro bar bya ste/ gtsug lag khang rung bar 'gyur ro/ /gtsug lag khang rung ba na bdag cag nyid dang /lhung bzed dang / chos gos dang / mal cha dang / stan rnams kyang rung bar 'gyur te/ 'di ni 'khor lo'i bya ba zhes bya'o/ /gnas stong pa'i bya ba gang zhe na/ dge slong gi gnas stong pa der chag chag gdab par bya/ sa phyag par bya/ phyag dar dor bar bya/ ci nus su ba lang gi lci bas zhal ba 'jam por bya/ral ba dang / grum pa dang / gogs pa rnams slar bcos par bya'o/ /gal te snod rnams so so na 'dug par gyur na yang spyad du bzod na ni bkrus te gzhag par bya/ mi bzod na ni dor bar bya/ gal te rung bar byed pa yod na yang rtswa sngon po rnams bsrab par bya/re zhig khyim pa dag lhags na yang de dag la chos kyi gtam bya/ dge slong gis gnas stong par zhugs na yang yal bar 'dor bar mi bya/ gal te der gnas par mi 'dod na des ga las 'gro ba brtag par bya/ 'gro ba'i nyen 'khor dang / bshang ba'i sa dang / gci ba'i sa dang / skas khang dang / them skas dang / sgo gcad pa dang / spyod yul rnams brtags la gnas par bya'o/ /ji ltar de dag gi phyir 'brel pa dang / gnod par mi 'gyur ba de ni gnas stong pa'i bya ba zhes bya'o/ /gnas stong pa'i gnas brtan gyi bya ba gang zhe na/ gnas stong pa'i gnas brtan gyis bya ba de 'di lta bu la 'jug par bya'o//gnas stong pa'i dge slong la gnas brtan gyis bzhin gyi mdangs gsal ba dang / khro gnyer med pa nas snga ma bzhin te/ 'thab mo dang / mtshang 'dru ba dang / 'gyed pa dang / rtsod pa rnams byung bar gyur pa gdul bar nan tan bya/ zhi bar bya rnam par zhi bar bya ba'i bar du ste/'di ni gnas stong pa'i gnas brtan gyi bya ba zhes bya'o/ /lhung bzed kyi bya ba gang zhe na/ dge slong gis lhung bzed thal ba ma btsags pas bkru bar mi bya/ lci ba gseg ma can gyis mi bkru/ bye ma dang 'dres pa'i sas ma yin/bye ma dang 'dres pa'i ba lang gi lci ba'i ri lus ma yin mod kyi sran phyes lhung bzed bkru bar bya'o/ /lhung bzed langs te bkru bar mi bya/ skam par mi bya/ snod du gzhug par mi bya/ sba bar mi bya/ lam du 'gro bar ma yin/ chu rgal ba las ma yin/ sa mi bde bar lhung bzed gzhag par mi bya/dge slong gis lhung bzed kyis gnas khang du chag chag gdab par mi bya/ phyag dar dor bar mi bya/ ba lang gi lci bas zhal zhal 'jam pos byug par mi bya/ lag pa bkru ba'i chu blang bar mi bya/ rkang pa bkru ba'i chu ma yin/ gdong bkru ba'i chu ma yin/ lus bkru ba'i chu ma yin/ /des chu'i bum pa dgang bar mi bya/ dge slong gis lhung bzed bshang ba'i sar bskur bar mi bya/ gci ba'i sar ma yin/ bsro khang du ma yin/ rkang pa bkru ba'i sar ma yin te/ ci nas dge slong gis mi gtsang ba thams cad du bskur bar mi bya/ dge slong gis lhung bzed thogs bzhin du mchod rten la phyag mi bya/glan par rigs pa rnams la glan par bya/ gsher bzhin du gzhug par mi bya/ shin tu skams par g.yel bar mi bya/ dal bus bags kyis shes bzhin du yongs su longs spyod par bya ste/ nam chag pa'i mthar thug gi bar du bcang bar bya'o//dge slong gis lhung bzed mig bzhin du bsrung bar bya'o/ /ci nas kyang phyin chad btsal mi dgos par bya ste/ de ni lhung bzed kyi bya ba zhes bya'o/ /chos gos kyi bya ba gang zhe na/ bcom ldan 'das kyis dge slong rnams la chos gos gsum rjes su gnang ste/dregs pa'i phyir ma yin/ rgyags pa skyed pa'i phyir ma yin/ brgyan pa'i phyir ma yin/ cha gzhag gi phyir ma yin gyi/ de ni 'di ltar dge slong rnams bde ba la reg par spyod pa'i phyir te/ sbrang bu dang / sha sbrang dang / rlung dang // tsha ba dang / sdig sbrul la sogs pas reg na mi bde ba'i gnyen po'i phyir dang /ngo tsha dang khrel yod pa g.yogs pa'i phyir te/ de yang dge slong rnams kyis ci ltar yongs su spyad pa bzhin du yongs su spyad par bya'o/ /de la snam sbyar yang snam sbyar gyi spyad pa bzhin spyad par bya'o/ /bla gos kyang bla gos kyi spyad pa bzhin spyad par bya'o//mthang gos kyang mthang gos kyi spyad pa bzhin spyad par bya'o/ /de la snam sbyar mi spyad pa ni 'di rnams yin te/ dge slong rnams snam sbyar bgos nas gtsug khang chag chag gdab par mi bya/ sa phyag par mi bya/ phyag dar dor bar mi bya/ lci bas zhal zhal 'jam por byug par mi bya/chu'i snod dgang bar mi bya/ spyod pa'i bum pa ma yin/ gtsang ma'i ril bar ma yin/ bshang ba'i ril bar ma yin/ rkang pa bkru ba'i sar ma yin/ snod dgang bar ma yin/ gtsug lag khang skyong du ma yin/ lhung bzed kyi las su ma yin/chos gos kyi las su ma yin/ khrus mi bya/ snam sbyar bgos nas rtswa'am shing ngam/ ba lang gi lci ba'am sa yang rung bskur bar mi bya/ snam sbyar bgos nas bshang ba'i sar mi 'jug /gci sar mi 'jug /bsro khang du ma yin/ rkang pa bkru ba'i sar ma yin/ ci nas snam sbyar bgos nas mi gtsang ba'i sa thams cad du bgo bar mi bya/ mthang la bgo bar mi bya/ gding bar mi bya'o/ /de rgyun du bgo ste/ dge slong snam sbyar bgos nas bsod snyoms la 'jug par bya/ grong du 'jug par bya/ spyod yul du 'jug par bya/ zas la 'jug par bya/skyo ma la 'jug par bya/ thug pa la 'jug par bya'o/ /snam sbyar la 'dug par mi bya/ nyal bar mi bya ste/ 'di ni snam sbyar de lta bur mi spyod pa'o/ /'di ltar yang snam sbyar ni rnam pa gnyis su spyad pa bzhin spyad par bya ste/ yang na steng du bgo bar bya/ yang na sngas su gzhug par bya'o//bla gos bgos nas gtsug lag khang du chag chag gdab par mi bya/ sa phyag par mi bya/ phyag dar dor bar mi bya/ ba lang gi lci bas zhal zhal 'jam por byug par mi bya/ lhung bzed kyi las mi bya/ chos gos kyi las mi bya/ khrus mi bya'o/ /bla gos bgos bzhin du rtswa'am/shing ngam/ sa bskur bar mi bya/ bla gos bgos pas bshang ba'i sar 'jug par mi bya/ gci ba'i sar 'jug par mi bya/ bsro khang du ma yin/ rkang pa bkru ba'i sar ma yin/ bla gos bgos nas mi gtsang ba'i sa thams cad du 'jug par mi bya'o//lus kyi mthang la bgo bar mi bya'o/ /rngul gzan du mi bya/ gding bar mi bya/ rgyun du spyad cing bgo bar mi bya ste/ 'di ni bla gos te/ 'di bla gos mi spyod pa'o/ /bla gos 'di ltar spyad par bya ste/ bla gos bgos nas chu'i rdza ma dgang bar bya/ gtsang ba'i rdza ma dgang /gtsang ma'i ril ba dgang / rkang pa bkru ba'i ril ba dgang bar bya/ snod bgo bar bya/ gtsug lag khang skyong bya ba dang / gzhan yang rung ste/ rung bar 'gyur ba thams cad la bla gos bgo'o/ /mthang gos thams cad bgo ste/ lus kyi mthang la yang bgo/ rtag tu yang bgo zhing spyad par bya'o/ /dge slong gis mi gtsang ba'i sar chos gos gzhag par mi bya/ ljid kyis gnan par mi bya/ drub par 'os pa drub par bya/ bkru bar 'os pa bkru bar bya/ kha bsgyur bar 'os pa kha bsgyur bar bya/ dge slong gis tshon chen po rnam pa lnga nyid bcang bar mi bya ste/lnga gang zhe na/ 'di lta ste/ mthing shing dang / le brgan rtsi dang / rgya skyegs dang / gur kum dang / mtshal dang ngo / /shing phrags kri ma sham gtogs pa gzhan ngur smrig gi kha dog tu 'gyur ba shing gi shun phrags kha dog can bcang bar bya'o/ /de yang gzhan med par gyur na gdod nyes pa med do//snam sbyar nges par dra bar bya'o/ /bla gos ni nges pa med do/ /mthang gos kyang med do/ /dge slong chos gos ngan nam/ nyung na tshal bus logs shig nas gnas par bya ste/ lnga'am bdun nam/ dgu'am bcu gcig gam/ bcu gsum mam lhag par yang rung ste de ltar dge slong gis snam sbyar spyad du yod do//bla gos spyad pa ni bla gos su spyad par bya/ mthang gos su spyad pa ni mthang gos su spyad par bya ste/ dge slong gis rang gi pags pa bzhin du chos gos bsrung bar bya'o/ /ci nas de phyi phyir btsal mi dgos par bya ste/'di ni chos gos kyi bya ba zhes bya'o/ /gding ba'i bya ba gang zhe na/ bcom ldan 'das kyis dge slong rnams la gding ba gnyis rjes su gnang ste/ mal stan bde ba'i phyir ro/ /stug na ni chig rim du bya/ srab na ni nyis rim du bya'o/ /dge slong gis gding ba ma bting gi bar du 'dug par mi bya/nyal bar mi bya/ gding ba chig rkyang la byin gyis brlab par mi bya'o/ /gding ba med par gzhan du gnas par mi bya/ dge slong gis gding ba la nan tan du bya/ ci nas de phyi phyir btsal mi dgos par bya ste/ 'di ni gding ba'i bya ba zhes bya'o/ /khab kyi bya ba gang zhe na/ bcom ldan 'das kyis dge slong rnams la khab rnam pa gnyis rjes su gnang ste/ chos gos 'drub pa'i phyir/ lcags dang / zangs las byas pa'o/ /dge slong rnams kyis khab med par ljongs rgyu zhing 'gro bar mi bya/ dge slong gis khab legs par gzhag par bya/ ci nas phyi phyir btsal mi dgos par bya ste/'di ni khab kyi bya ba zhes bya'o/ /khab ral gyi bya ba gang zhe na/ bcom ldan 'das kyis dge slong rnams la khab ral rjes su gnang ste/ khab rnams sba ba'i phyir ro/ /dge slong gis ngo tsha med pa'i dge tshul rnams la khab ral mi gzhag /mi stor bar bya/ bsnyen par rdzogs kyang yid mi ches na ma yin/'di ltar gang zag lnga la khab ral rag las par mi bya ste/ ngo tsha med pa dang / khon yod pa dang / mi mdza' ba dang / dran pa nyams pa dang / rang bzhin du mi gnas pa la'o/ /dge slong gis khab ral legs par gzhag par bya/ nan tan du bya/ci nas phyi phyir btsal mi dgos par bya ste/ 'di ni khab ral gyi bya ba zhes bya'o/ /thug pa'i bya ba gang zhe na/ bcom ldan 'das kyis dge slong rnams la thug pa rjes su gnang ste/ bde bar spyod pa'i phyir dang / sbyin pa po dang sbyin bdag rnams kyis sbyin par bya ba'i chos rnams yongs su longs spyod pa'i phyir ro//dge slong gis sgra mi 'byung bar thug pa dag btung bar bya'o/ /shes bzhin du thug pa sgra bskyungs te btung bar bya'o/ /dregs pa'i phyir ma yin/ nga rgyal gyi phyir ma yin/ bsnyems pa'i phyir ma yin/ bza' ba'i phyir ma yin gyi/ lus kyi rma gso ba'i phyir dang /gzung ba'i phyir te/ 'di ni thug pa'i bya ba zhes bya'o/ /chu'i bya ba gang zhe na/ dge slong gis chu shin tu brtag par bya/ dngas pa dang / gsal ba dang / rnyog pa med pa dang / ma 'dres pa dang / gtsang ma yongs su spyad par bya ste/ 'di ni chu'i bya ba zhes bya'o//chu rdza'i bya ba gang zhe na/ bcom ldan 'das kyis dge slong rnams la chu snod rjes su gnang ste/ dge 'dun dang gang zag la yang rung / lcug kor dang chu dgab pa'i kha dgab pa dang bcas pa'o/ /dge slong rnams kyis shin tu legs par bkrus te/ bskams la gtsang mar bya/lag pa rung ba dang / gos rung bas chu gzhag par bya'o/ /brim par bya/ bram ze dang / khyim pa dag lhags na yang blud par bya/ dge slong rnams kyis chu rdza shin tu sba bar bya/ nan tan du bya/ ci nas phyir phyir btsal mi dgos par bya ste/ 'di ni chu snod kyi bya ba zhes bya'o//yongs su spyad pa'i chu rdza'i bya ba gang zhe na/ bcom ldan 'das kyis dge slong rnams la yongs su spyad pa'i chu rdza rjes su gnang ste/ shin tu bkrus te/ bskams la/ gtsang mar byas te/ bkang nas gtsug lag khang gi sgor gzhag par bya/ yongs su spyad pa'i rdza ma de dge slong rnams kyis dben par bya/nan tan du bya/ ci nas phyi phyir btsal mi dgos par bya ste/ 'di ni yongs su spyod pa'i chu rdza'i bya ba zhes bya'o/ /gtsang ma'i ril ba'i bya ba gang zhe na/ bcom ldan 'das kyis dge slong rnams la gtsang ma'i ril ba rjes su gnang ste/ de mchod rten gyi drung du gzhag par mi bya/dge slong gis de dus brtag par bya/ bskam par bya/ dgang bar bya ste/ 'di ni gtsang ma'i ril ba'i bya ba zhes bya'o/ /zas kyi bya ba gang zhe na/ bca' ba lnga ste/ dge slong rnams kyis bca' ba dang / bza' ba rnams las gang yang rung ste/ za ba'i tshe dran pa mngon par gzhag par bya/zas la brtag par bya/ btsal ba'o/ /nan tan gyis sgrub pa'o/ /de dang 'dra ba'o/ /yongs su bcad nas 'gyur ba'o snyam pa dang so sor 'gro ba nyid do snyam du byas la bza' bar bya'o/ /dran pa nye bar gzhag cing sems rnam par mi g.yeng pa dang /zas la rgyu mthun pa'i 'du shes dang / nad pa'i 'du shes dang / gzhan la rag las pa'i 'du shes dang / phyir rgol ba'i 'du shes dang / rten cing 'brel par 'byung ba'i 'du shes mngon du gzhag la bza' bar bya/ 'dus shing za ba dang / yang yang za ba dang / chog par bya ba'i dran pa mngon du gzhag par bya ste/'di ni zas kyi bya ba zhes bya'o/ /bza' ba'i bya ba gang zhe na/ dge slong zas za ba'i tshe'am/ skyo ma'am/ thug pa 'thung ba'i tshe'ang rung ste/ dus bsgo ba'am/ gaN+DI brdungs ma thag tu myur du 'ong bar bya'o/ /myur du 'dug par bya/shes bzhin du 'gro bar bya/ shes bzhin du 'dug par bya/ shes bzhin du bza' bar bya/ dran pa nye bar gzhag cing sems rnam par mi g.yeng ba dang / chas bza' ba dang / spyod lam du ldan pa dang / shin tu bsdams shing rab tu dben par byas la sgra bskyung ba dang / mig mi g.yeng ba dang / mig gnya' shing gang tsam du blta ba dang / gus pa dang bcas pa dang / bdag dman pa dang bcas pa dang / 'jigs pa dang bcas pa dang / gzhan gyi dbang du gyur par bsams nas/ phyag dar ba'o snyam pa'i sems kyis gnas brtan dang / bar ma dang / gsar bu rnams la byams pa'i sems dang brtse ba'i sems dang / pha dang bu dang nu bo'i 'du shes mngon du gzhag ste/ stan la 'dug mkhas par bya/ bza' ba la mkhas par bya ste/ 'di ni bza' ba'i bya ba zhes bya'o/ /zas gtang ba'i bya ba gang zhe na/ dge slong gis zas blangs na slar gtang bar mi bya/bab bab tu btang bar mi bya/ zas gang la gtang bar bya zhe na/ ma la sbyin par bya/ pha dang / phu nu po dang / sring mo la sbyin par bya/ gnyen la sbyin par bya/ kun dga' ra ba'i nang du khyim pa 'ongs pa la yang sbyin par bya'o/ / phan 'dogs pa la yang sbyin par bya/ phan 'dogs pa ma yin pa la'ang sbyin par bya/ nad pa dang / 'dod pas reg pa dang / 'brel bar gyur pa la yang sbyin par bya/ gal te bud med sbrum ma zhig 'ongs na yang dran pa nye bar gzhag ste sbyin par bya/ dud 'gro la yang kham chang gcig sbyin par bya/rab tu 'byung bar 'dod pa dag la yang sbyin par bya/ de yang dum bur byas shing lhag mar byas la sbyin par bya ste/ 'di ni zas gtang ba'i bya ba zhes bya'o/ /bsod snyoms kyi bya ba gang zhe na/ dge slong gis bsod snyoms gus pas blang bar bya/mthar chags su blang bar bya/ mu dang mnyam par ma yin/ tshod dang mnyam par ma yin/ shes bzhin dang / dran pa nye bar gzhag pa dang / sems rnam par mi g.yeng ba dang / mi 'bo ba dang / ci tsam gyis chog par gyur pa de tsam du blang bar bya ste/ 'di ni bsod snyoms kyi bya ba zhes bya'o//bsod snyoms spyod pa'i bya ba gang zhe na/ bsod snyoms spyod pa'i dge slong gis shes bzhin du 'jug par bya/ shes bzhin du 'greng bar bya/ dran pa nye bar gzhag pa dang / sems rnam par mi g.yeng ba dang / mdzes pa dang spyod pa'o gze ba dang /shin tu bsdams pa dang / shin tu g.yogs pa dang / sgra bskyung ba dang / mig mi g.yeng ba dang / gnya' shing gang tsam du blta ba dang / dbang po bsdams pa dang / yid phyir mi g.yeng ba dang / snga phyi'i 'du shes dang / ma lta bu'i bud med mthong na mar 'du shes nye bar gzhag pa dang /sring mo lta bu'i bud med mthong na sring mor 'du shes nye bar gzhag pa dang / bud med bu mo lta bu mthong na bu mo lta bu'i 'du shes mngon par gzhag par bya'o/ /bsod snyoms spyod pa'i dge slong gis srang dang tshong 'dus dang / bzhi mdo dang / sum mdo dang / sgo gang dag gi mtshan ma bzung bar bya/ khyim gyi sgor song nas khar gsil dkrol te/ dal bus bags kyis sgo la gtug par bya/ gal te bud med gnyid kyis log na se gol gtogs la sad par bya/ gal te rung ba zhig la zhugs na gtun bu thabs gnyis sam gsum rung ba'i bar du bsdad par bya/'on te sreg pa zhig la zhugs na/ khur ba gcig bsregs kyi bar du bsdad par bya/ gal te 'thag pa zhig tu gyur na gnyis sam lan gsum bskor gyi bar bsdad par bya/ dran pa nye bar gzhag pa dang / sems rnam par mi g.yeng bar bsod snyoms blang bar bya/ci tsam gyis chog pa de tsam blang bar bya/ gal te bsod snyoms spyod par 'dod na dge 'dun gyi nang du bza' bar bya/ mgron du bos na yang bdag gir bya ste/ bsod snyoms bya ba'i bya ba ni/ des gtang bar bya ba ste/ 'di ni bsod snyoms spyod pa'i bya ba zhes bya'o/ /zas len pa'i bya ba gang zhe na/zas len pa'i dge slong gis dus tshod rig par byas la bsod snyoms blang ngo / /shes par bya/ dran pa mngon du gzhag par bya/ sems mi g.yeng bar bya/ mi rnyog par bya/ ma 'dres par bya/ ci nas kyang mdzes shing dben par bya/ ci nas kyang des mi gtsang ba'i 'bags pa dang /rings shing brtab pa'i tshul du mi bya/ gtsang zhing mdzes par bya/ rings shing 'dun pa ltar 'ong bar bya/ skabs su ma bab pa'i don gzhan mi gnyer/ gtsug lag khang du song nas dge slong de la bzhin gyi mdangs gsal ba dang / khro gnyer med pa dang /tshig snyan pa dang / mgu bar byas la zas blang ngo / /'di ni zas len pa'i bya ba zhes bya'o/ /dgon pa pa'i bya ba gang zhe na/ dgon pa'i dge slong gis bzhin gyi mdangs gsal ba dang / khro gnyer med par bya/ dran pa mngon par gzhag par bya/ thog mar snyan pa'i tshig gis tshur shog 'ongs pa legs so//zhes tshig snyan pas bsu bar bya/ khyed cag legs par gnas sam legs par bya ba byas sam zhes thog mar dri'o/ /dgon pa pa'i dge slong rnams kyis chu legs par bsros te gzhag par bya'o/ /chu snod kyang gzhag go/ /zas kyang g.yos zos la zas kyi snod kyang gzhag go//me yang gsos te gzhag go/ /zhugs shing gsos te gzhag go/ /mar me yang gsos te gzhag par bya/ mar me'i snod kyang gsos te gzhag go/ /mar me'i snying po yang gsos te gzhag go/ /mar dang / 'bru mar dang / sbrang rtsi dang / snad pa'i bcings pa yang bshams te gzhag go/ /ko ba'i dum bu yang bshams te gzhag go/ /rgyus pa dang / 'breng bu dang / snyung yang bshams te gzhag go/ /khab dang gri gu dang / skud pa dang / zas rnams kyang bshams te gzhag go/ /sman rnams kyang bcang ngo //lus brtan pa'i 'khar ba yang bcang ngo / /dgon pa'i dge slong gis me shel dang / chu shel gzhan la bstan par mi bya'o/ /dgon pa'i dge slong gis khron pa'i rgyus shes par bya'o/ /nye bar spyad pa la mkhas par bya/ mtshan mo la mkhas par bya/yul phyogs la mkhas par bya/ dgon pa'i dge slong gis mdo sde la mkhas par bya/ 'dul ba la mkhas par bya/ ma mo la mkhas par bya/ smra ba la mkhas pa dang / chos ston pa la mkhas pa dang / phung po la mkhas pa dang / khams la mkhas pa dang / skye mched la mkhas pa dang /rten cing 'brel par 'byung ba la mkhas pa dang / gnas dang gnas ma yin pa la mkhas par bya/ dgon pa pa'i dge slong rnams kyis chog shes par bya'o/ /dus shes pa dang / tshod shes pa dang / bdag nyid shes pa dang / 'khor shes pa dang / gang zag shes pa dang / gang zag gi khyad par shes par bya/ dgon pa pa'i dge slong rnams kyis dregs pa mi bskyed/ gcam bu mi bya/ bkur stir bcas pa dang / dbang gzhan la rag las pa dang bcas pa dang / kha mi rgod pa dang / tshig brtan par bya/ ngo tsha shes pa dang / khrel yod par bya/ gtam mi mang ba dang /'thab mor gyur pa rnams mi smra ba dang / brtson 'grus su bya/ le lor mi bya/ dran pa dang shes bzhin du spyod par bya/ dbang po dben par bya/ zas la tshod zin par bya/ bdag gir mi bya/ srod dang tho rangs kyi tshe rnal 'byor bya ba la nan tan du bya/ gnyid kyi bde ba dang / 'phres pa'i bde ba dang / nyal ba'i bde ba nyams su mi blang / dus su spyod pa dang / dus ma yin par spyod pa shes par bya/ stan la mkhas pa dang / 'dug pa la mkhas pa dang / dge slong gnas brtan rnams la mi smad pa dang / dge slong gsar bu rnams la'ang mi smad pa dang / dgon pa'i dge slong gis brtson 'grus g.yel bar mi bya/ ma thob pa thob par bya ba dang / ma rtogs pa rtogs par bya ba dang / mngon sum du ma byas pa rnams mngon sum du bya ba dang / dgon par gnas pa'i dge slong gis chos kyi dbyig gu dang / gdos bu dang / pho long gi srod dang /tho rangs la rnal 'byor bya'o/ /dgon pa pa'i dge slong gis kun du spyod pa'i chos rnams bcas pa bzhin du yongs su rdzogs par ma byas na 'gal tshabs can du 'gyur ro/ /'di ni dgon pa pa'i bya ba zhes bya'o/ /dgon pa'i gnas brtan gyi bya ba gang zhe na/ dgon pa'i dge slong gnas brtan gyis bya ba de 'di lta bu la 'jug par bya'o//dge slong gsar bu de na 'khod pa rnams kun shes par bya ba nas snga ma bzhin te/ thams cad du'ang dge slong gnas brtan gyis thog mar 'jug par bya'o/ /rgyud gtang bar mi bya ba'i bar du ste/ dgon pa na gnas pa'i bya ba rnams gzung bar bya/dgon pa'i bya ba rnams la gzung bar bya/ de dag gis kyang des rjes su bstan pa'i tshig mnyan cing bsgrub par bya ste/ 'di ni dgon pa'i gnas brtan gyis thog mar bya ba zhes bya ba'o/ /grong mtha'i bya ba gang zhe na/ grong 'dab kyi dge slong gis mdangs gsal bar bya ba nas snga ma bzhin te/bde bar brgyus sam zhes bya ba'i bar du'o/ /dge slong 'ongs shing lhags pa rnams la bde bar 'ongs sam zhes dri bar bya/ ji ltar rigs par ngal bso bar bya/ mal stan dag kyang ci lta bu yod pa sbyin par bya/ gal te snga dro lhags na ni kha zas ci 'byor pa bzhin du bgo zhing sbyin par bya/des zas kyi 'og rol tu 'ongs na btung ba dang / bu ram dang / sha kha ra dang / hwags dang / ha se rnams ci 'byor pa sbyin zhing tshim par bya/ nub mo mal stan yang bsgo zhing sbyin par bya/ rkang pa bkru ba dang / rkang pa bkru ba yang sbyin par bya/ kun dga' ra ba nas phyir 'byung ba dang /nang du 'jug pa dang / nye 'khor dang bshang ba'i sa dang / gci ba'i sa dang / skas ka dang / them skas dang / bcad pa dang / dbye ba'i rnams so sor bstan par bya'o/ /dge 'dun gyis khrims su bya ba bcas pa rnams kyang bsgrag par bya'o/ / gal te bsod snyoms pa zhig yin na yang spyod yul rnams rig par bstan par bya'o/ /'ongs pa la yang zas dang skom rnams sbyar bar bya/ gal te 'dug par gyur na de la dris te/ gnas par gyur na gnas khang dang khang pa rtsegs pa yang rung / dben pa rub pa gcig sbyin no/ /gal te 'gro bar gyur na mgu bar byas la phyi bzhin du bskyal lo//gal te khyim pa lhags pa na yang grong mtha' pa'i dge slong gis mgu ba'i bzhin dang khro gnyer med par byas la mdun du bsu ste/ tshig snyan pa brjod par bya'o/ /gal te zas dang skom bgos na yang sbyin no//nyal na yang mal stan sbyin no/ /gal te chos nyan 'dod na des nus pa'i bdag nyid kyis chos kyi gtam bya'o/ /gal te bdag nyid kyis mi nus na dge slong gzhan bsko ste chos kyi gtam bsgrag par bya'o/ /grong mtha'i dge slong gis bram ze dang / khyim bdag rnams 'ongs shing lhags pa rnams la sbyin pa po dang /sbyin bdag la 'jug pa rnams dang / skyabs su 'gro ba rnams dang / bslab pa'i gzhi 'dzin du 'jug par bya'o/ /spos dang me tog dang dri dag kyang sbyin par bya'o/ /mchod rten la bskor ba dang / phyag 'tshal du gzhug go/ /ci nus kyis bslabs shing bstan nas btang bar bya ste/'di ni grong mtha'i bya ba zhes bya'o/ /grong mtha'i gnas brtan gyi bya ba gang zhe na/ grong mtha'i dge slong gnas brtan gyis bya ba de 'di lta bu la 'jug par bya'o/ /dge slong gsar bu de nas 'khod pa kun shes par bya ba ni snga ma bzhin te/ grong mtha'i dge slong gnas brtan gyis thams cad du yang thog mar 'jug par bya/ rgyud mi gtang ba'i bar du ste/ grong mtha'i bya ba rnams la de dag gzud par bya/ grong mtha'i bya ba rnams gzhag par bya/ bya ba bzang po la gzud par bya/ 'di skad ces bsgo bar bya ste/ tshe dang ldan pa rnams dran pa nye bar zhog la/grong mthar gnas par bya ste/ kun dga' ra ba dang / dge tshul dang / bud med rnams la rgyun du lta ba spang bar bya'o/ /lta na yang dran pa nye bar gzhag la lta zhing smra bar bya'o/ /dregs par mi bya'o/ /dus dus su chos kyi gtam bya/ spyod yul ma yin pa rnams las bzlog par bya/spyod yul rnams la gzud par bya/ de dag gis kyang des bsgo ba dang bstan pa'i tshig mnyan cing 'jug par bya ste/ 'di ni grong mtha'i dge slong gnas brtan gyi bya ba zhes bya'o/ /glo bur du 'ongs pa'i bya ba gang zhe na/ glo bur du 'ongs pa'i dge slong gis kyang bab bab tu kun dga' ra ba'i nang du 'jug par mi bya/kun dga' ra ba'i sgo khar lhung bzed dang chos gos bzhag la/ gal te chu yod na ni rkang pa bkru'o/ /chu med na ni rdul phyi ba'i ras ma dang / lo ma dang lo ma rnying pas rdul phyi'o/ /bshang ba bro ba'am/ gci ba bro na yang /bshang ba bya/ gci ba bya'o/ /de nas chos gos bgos la phrag pa g.yon pas chos gos kyi gtur bu dang / lhung bzed kyi snod rnams thogs te/ lag pa g.yas pas ni khar gsil thogs la lag pa g.yon pas ni lham khyer bar bya'o/ /gal te kun dga' ra ba'i rtsig pas bskor tam/shing thags kyis bskor tam 'obs kyis bskor bar gyur na shes bzhin du sgo la mi 'drud par nang du 'jug par bya/ mchod rten rnams la bskor ba bya/ shes bzhin du dran pa nye bar gzhag la sems mi g.yeng ba dang / gnya' shing gang tsam du lta zhing gtsug lag khang du zhugs la snang yel che ba'i phyogs su 'jug par bya'o//ci nas gzhi na gnas pa'i dge slong dag gis mthong na/ dge slong 'di ni glo bur du 'ongs pa zhig go zhes nas/ de dge slong gi ngal bso ba'i bya bar gyur nas/ glo bur du 'ongs pa'i dge slong gtsug lag khang gi nang du zhugs pa dang /gar 'os par chos gos kyi gtur bu dang / lhung bzed kyi snod dang / ril ba dang / lhag ma rnams gzhag par bya'o/ /de nas dge slong gnas brtan dag la bkur stir bcas/ 'jigs pa dang bcas pa'i dbang du byas la rkang pa la phyag bya'o/ /dge slong gsar bu rnams la tshig snyan pas dga' bar bya'o//stan ji lta bu thob pa de la 'dug par bya/ glo bur du 'ongs pa'i dge slong zas kyi tshe'am/ thug pa 'thung ba'i tshe'am/ phyag bya ba'i tshe'ang rung ste/ sgo'am gaN+DI brdung na dge 'dun 'du ba'i khang 'du bar bya'o/ /lo grangs dris la gar bab pa'i rim pa bzhin du 'dug par bya'o//gal te gnas 'grim na shin tu brtags la blang ngo / /gnas khang bskos na ci 'di na gnas sam mi gnas dri'o/ /gal te gnas na ci bde zhes bya'o/ /gal te mi gnas pa zhig yin na ni/ des lhung bzed dang chos gos phyogs gcig tu gzhag la phyag dar bya ba'i phyir phyags ma btsal bar bya'o//gnas khang gi sgo drung du 'ongs nas yang dal bus brdung bar bya'o/ /'on te de na sbrul lam/ sdig pa'am/ rkang mangs sam/ sbrang bu tre ma bu ta ka'am/ trai la ta ka'am/ srog chags gdug pa can gzhan yang rung ste/yod na tshor bar byas par 'gyur ro/ /des sgo'i dbyibs bla 'og tu brtags la sgo 'phar la yang brtag par bya'o/ /de nas sgo dal bus phye ste shes bzhin du nang du zhugs la/ dbus su 'dug nas gru bzhir sbrul gyi gnas sam/ sdig pa'i gnas sam/srin bu'am/ sbrang bu'am/ grog sbur gzhan gyi gnas bltas te yod par gyur na de dag la mi gnod pa'i tshul du 'gror gzhug par bya'o/ /de nas gnas su chag chag gdab cing phyag dar dor ro/ /ba lang gi lci bas zhal zhal 'jam por byug par bya'o/ /de nas gnas mal 'di lta ste/khri'am khri'u 'am/ shing khri'u'am/ stan nang tshangs can nam/ gru bzhi dag yod na/ phyir phyung nas gal te rgan po zhig snga na 'dug na ni skad cig bsdad par bya'o/ /ma yin na se gol gyis dal bus gtogs te/ shes bzhin du nang du zhugs la rkang pa bkru bar bya'o/ / glo bar du 'ongs pa'i dge slong gis gzhi na gnas pa'i dge slong rnams la/ sdig pa'i las byas pa'am/ smad pa'i las byas pa'am/ bskrad pa'i las byas pa'am/ phyir 'gyed pa'i las byas pa'am/ mthong ba gnas nas phyung ba'i las byas pa'am/ phyir mi 'chos pa gnas nas phyung ba'i las byas pa'am/sdig pa can gyi lta ba'i rnam pa mi gtong ba gnas nas phyung ba'i las byas pa'am/ spo ba byed pa'am/ gzhi nas spo ba byed pa'am/ mgu ba byed pa'am/ gzhi nas mgu ba byed pa yang rung ste/ de lta bu yod dam med ces dri bar bya'o//gal te yod na yang de dang de lta bur spang bar bya'o/ /gtsug lag khang nas phyir 'byung ba dang / nang du 'jug pa dang / nye 'khor dang / snam phyis dang / gci sa dang / skas dang / them skas dang / sgo bcad pa dang / dbye ba la sogs pa brtags la dri bar bya'o//dge 'dun gyis khrims su bcas pa ji lta bu yin pa dri bar bya'o/ /gnas khang du zhugs te stan bting la skyil mo krung bcas te/ lus drang por bsrang la dran pa mngon du gzhag ste/ lus 'dis reg par bya ba brgyad spang bar bya ste/ de ni 'di lta ste/ nad do/ /skran no/ / mtshon no/ /dug go/ /mi rtag pa'o/ /sdug bsngal ba'o/ /stong pa nyid do/ /bdag med pa'o snyam du bsams te 'dug la gal te nus na ni ji srid du nus bzhin du 'dug par bya'o/ /'on te yang mi nus na yang langs te/ rgyud chags gsum pa gdon cing sbyin pa'i yon tan brjod la sbyin pa'i yon tan brjod nas g.yas phyogs su 'phros par bya'o//rkang pas rkang pa mnan te snang ba'i 'du shes dang / ldang ba dang / dran pa mngon du gzhag ste/ shes bzhin du nye bar gzhag nas yid la byed bzhin du mtshan mo zad pa'i tho rangs kyi tshe rings par myur bar langs la/des skyil mo krung bcas shing lus drang por bsrangs te 'dug la/ sems dran pa mngon du byas te lus 'dis reg par bya ba brgyad spang bar bya ste/ de ni 'di lta ste/ nad do/ /skran no/ /mtshon no/ /dug go/ /mi rtag ba'o/ /sdug bsngal ba'o/ /stong pa nyid do/ /bdag med pa'o snyam du bsams te/de nas langs nas so shing bcas la dor ro/ /de nas bya ba rnams byas la/ ci dang dge 'dun gyi bshos mgron du bzhud dam/ 'on te bsod snyoms la bzhud ces dri'o/ /gal te dge 'dun gyi bshos mgron du bzhud na dge ba'i phyogs ci bder spyad la 'gro bar bya'o//gal te bsod snyoms la bzhud na de nas grong dang spyod yul dang / dad pa'i rigs gang yin pa dang / ma dad pa'i rigs gang yin pa dang / khyim 'dir slob pa'i sdom pa byin pa ma yin nam zhes dri'o/ /rta ma rungs pa dang / ba lang rdung kus ma med dam zhes dri bar bya'o//gal te de nas snga dro sham thabs bgos lhung bzed dang chos gos thogs te shes bzhin du bsod snyoms la 'jug par bya'o/ /bsod snyoms brgyus nas zas kyi bya ba spangs nas chos gos dang lhung bzed bzhag nas ci bder 'dug par bya ba 'di ni glo bur du 'ongs pa'i bya ba zhes bya'o//glo bur du 'ongs pa'i gnas brtan gyi bya ba gang zhe na/ glo bur du lhags pa'i gnas brtan dge slong rnams rig par bya'o/ /de dag la yang mdangs gsal bar bya'o/ /khro gnyer med par bya'o/ /tshig snyan pas dge slong rnams mgu bar bya'o/ /glo bur du lhags pa'i dge slong rnams kyi phyir gnas mal brnya bar bya/'dug 'dug pa las 'gro ba rnam pa lngar bsgo bar bya ste/ gtsug lag khang 'di re/ gtsug lag khang ltos shig ces bsgo ba dang / gnas mal 'de re/ gnas mal ltos shig ces bya ba dang / lde mig 'de re zhes bsgo zhing gtad pa dang lnga ste/'di ni glo bur du 'ongs pa'i gnas brtan gyi bya ba zhes bya'o/ /'gro bas bya ba gang zhe na/ 'gro ba'i dge slong des yul phyogs gang du dang / phyogs gang du 'gro ba de'i yul phyogs brtag par bya/ de'i phyogs nas 'ongs pa'i dge slong rnams la gang der song na bar chad brgyad po dag las gang yang rung ba'i bar chad du 'gyur ba de med dam zhes 'dri bar bya'o//gang der song na bsod snyoms dang / na ba'i gsos sman dang / bsnyen bkur byed pas brel bar mi 'gyur ram/ bdag la bsod snyoms dang / na ba'i gsos sman dang / bsnyen bkur byed pas kyang rung brel cing ma rnyed par gyur na/lus nyams shing dus las 'da' bar mi 'gyur ram/ lus bde ba dang / sems bde ba dang / bdag der song na dge slong tshul khrims dang ldan pa/ yon tan dang ldan pa/ des pa/ dge ba'i chos can/ lta ba mtshungs pa/ gnas pa mtshungs pa 'gyur ram/bdag the tshom ma skyes par de dag skyed par byed dam/ skyes pa rnams yang sel bar byed dam/ sdig pa'i lta ba ma skyes pa mi skyed par byed dam/ skyes pa rnams slar zlog par byed dam/ bdag tshe dang ldan pa de dag dang lus bde ba dang / sems bde bar 'gyur ram/bdag tshe dang ldan pa de dag dang lhan cig tu dge ba'i chos rnams 'phel bar 'gyur ram zhes dri bar bya ste/ de ltar na yul phyogs brtag par bya'o/ /grogs rnams la yang brtag par bya ste/ tshe dang ldan pa 'di dag tshul khrims dang ldan nam/ des pa dge ba'i chos can yin nam/ lta ba mtshungs sam/ gnas pa mtshungs sam/ gal te 'di ltar bdag the tshom ma skyes pa mi skyed par byed dam/ skyed pa rnams slar sel bar byed dam/ sdig pa'i lta ba yang ma skyed pa mi skyed par byed dam skyes pa rnams yang slar zlog par byed dam/ bdag tshe dang ldan pa de dag dang lhan cig lus dang sems bde bar 'gyur ram/bdag tshe dang ldan pa de dag dang lhan cig tu dge ba'i chos rnams 'phel bar 'gyur ram/ gal te tshe dang ldan pa 'di dag gis bdag lam du nad kyis btab na mi 'dor bar 'gyur ram snyam du grogs la brtag par bya ste/ bdag lam der bar chad du 'gyur ba brgyad po dag las gang yang rung ba 'byung bar mi 'gyur ram/bdag lam der bsod snyoms dang / na ba'i gsos sman dang / bsnyen bkur byed pas brel bar mi 'gyur ram/ gal te bsod snyoms dang / na ba'i gsos sman dang / bsnyen bkur byed pa med na gnod cing / dus las 'da' bar mi 'gyur ram/bdag lam der lus bde ba dang / sems bde bar 'gyur ram/ bdag lam de na dge ba'i chos rnams 'phel bar 'gyur ram/ gal te brel bar mi 'gyur na 'gro bar bya'o/ /de lta bur yul phyogs dang / grogs dang lam rnams brtags nas/ gal te sngar 'gro'o snyam na des deng slob dpon dang mkhan po rnams la blta bar bya ste/bdag yul phyogs ni 'di lta bu grong khyer ni 'di lta bur mchi'o zhes zhus so/ /slob dpon dang mkhan pos kyang de'i yul phyogs brtag par bya/ lam brtag par bya/ dge slong grogs rnams la brtag par bya ste/'di'i grogs po dge slong rnams ci 'dra/ 'di'i 'khor ci 'dra/ 'di'i grogs po rjes su 'brang ba ci 'dra ba rnams brtags la/ gal te mthun par gyur na zhu ba la yang lan sbyin par bya'o/ /mthun par ma gyur na sbyin par mi bya'o/ /'gro ba'i dge slong gis ma zhus par 'gro na 'gal tshabs can du 'gyur ro//gal te dge ba'i phyogs 'phel ba zhig tu gyur na slob dpon dang mkhan po yang nga bzhin du gnas pa ma yin na ma zhus par song na yang bla'o/ /gnas gang du gnas pa'i gnas khang de chag chag gdab par bya/ phyag dar bya/ phyag dar dor bar bya/ ba lang gi lci bas zhal zhal 'jam par byug par bya/nang par sngar rgyud chags gsum pa klog par bya/ bklags nas sbyin pa'i yon tan brjod par bya/ nang par langs nas gnas mal rnams ji ltar dgos pa de rnams bsgrangs te sprug par bya'o/ /de nas rtsig pa las sor bzhi tsam gyis spogs la bcer bzhag la/sgo bcad de gnam gzer dang 'phred gtan bcug la de na gnas pa dang gnyug mar gnas pa'i dge slong rnams la gtad de ltos shig ces bsgos la 'gro bar bya'o/ /gnas mal la sogs pa la ltos shig ces bsgo ba la lnga ste/ gnas khang 'de re gnas khang 'di la ltos shig /gnas mal 'de re/ gnas mal 'di rnams la ltos shig /lde mig gtad pa ni lnga pa yin no/ /kun dga' ra ba'i phyi rol du byung nas dge slong grogs po rnams la brtag par bya ste/ ring por ma son par su yi yang brjod cing lus pa med dam zhes phan tshun du dri'o//gal te brjed cing lus pa zhig yod na/ dge slong de slar bzlog la blangs te 'ongs kyi bar du ni bsdad par bya ba 'di ni 'gro ba'i bya ba zhes bya'o/ /'gro ba'i gnas brtan gyi bya ba gang zhe na/ 'gro ba'i gnas brtan gyis sngar langs te/ 'dong ba'i dge slong rnams char gzhug go//de dag la tshe dang ldan pa rnams lhung bzed dang chos gos rnams legs par longs la khyer te 'dong ngo / /sus kyang brjed par mi bya'o/ /'dong ba'i dge slong rnams dong ba'i 'og tu dge slong gnas brtan nyid kyis de dag gis brjed pa lta yod dam med ces brtag par byas la thams cad kyi mjug tu 'gro bar bya'o//ring por ma son par de dag la/ la la'i cung zad ma lus sam zhes brjod par bya'o/ /dge slong gnas brtan gyis dge slong de thams cad la rjes su bstan par bya ste/ tshe dang ldan pa rnams las gang yang rung sngon du 'dong ste 'gro bar mi bya'o/ /phyir nur te 'gro bar ma 'khod cig thams cad kyang lhan cig tu 'dus la phan tshun du bltas te/rtog bzhin du 'dong bar bya'o/ /dge slong gnas brtan gyis lam du zhugs pa'i tshe/ bde ba dang ldan nam mi ldan pa rig par byas la bdag nyid kyis 'di dag la sngon du 'dor te 'dong ste yod dam med/ phyir nur te lus pa lta yod dam med/gal te sngon du 'dor te 'dong ba lta yod na ni de dgag par bya/ gal te phyir nur zhing lus pa zhig yod na de dag bskul zhing 'dod bar bya/ bdag nyid kyang dge slong rnams kyi dbus su zhugs la 'gro bar bya'o/ /gal te 'gro mi nus na bdag nyid kyi lhung bzed dang chos gos la sogs pa de dag la bgo zhing bskur bar bya/gal te 'gro mi nus pa zhig tu gyur na dge slong de dag gis dge slong de phrag pa'am/ khur du khyer te/ dgon pa de las phyung la grong 'dab tu phyin par gyur na/ dge slong de la nye gnas kyi dge slong de yang sbyin no nye gnas dge slong des kyang de'i zas dang sman gzhan las btsal bar bya'o//gal te lam de 'jigs pa dang bcas par gyur na rings shing myur bar 'dong ste/ de nas phyung ba dang ngal bso bar bya'o/ /gal te yang nus par gyur na gang nas chu 'gram mam/ nags mtha' 'am/ gsing ma sngon po'am/ sa phyogs gang dga' ba zhig tu brtags te/dge slong rnams ngal bsor gzhug par bya'o/ /ngal bsos nas yang 'dong bar bya ste/ dge slong gnas brtan gyis de dag kun la/ kye thams cad kyis kyang 'dir sbyin pa'i yon tan re re brjod cig ces bsgo bar bya'o/ /de dge slong thams cad kyis sbyin pa'i yon tan gyi tshigs su bcad pa bklags zin pa dang /dge slong gnas brtan gyis mjug tu sbyin pa'i yon tan gyi tshigs su bcad pa bklags te/ sa phyogs de logs su lan gnyis sam lan gsum du brtags te 'gro bar bya'o/ /grong mthar phyin pa dang / de dge slong rnams kyi phyir gnas btsal bar bya'o//mal stan btsal bar bya'o/ /yang na rtswa dang lo ma btsal lo/ /gal te yang 'byor par gyur na rkang pa bkru ba dang / rkang pa bsku ba dang / tshogs pa'i btung ba dang / bu ram dang / hwags la sogs pa blang bar bya'o/ /gci ba dang / bshang ba'i sa dang dris te brtags la mtshan mo gnas par bya'o//khyim gyi lha rnams kyi phyir yang rgyud chags gsum pa dang / sbyin pa'i yon tan brjod par bya'o/ /der gnas na yang / dge slong gnas brtan gyis de dag zan dang / thug pa dang / skyo ma rnams gtams shing btsal nas dge slong rnams la bsnyod par bya/de nas dge slong gsar bu rnams 'khod pa la smra bar bya/ yang dag par smra bar bya/ kun du shes par bya/ rtog par bya/ stan par bya/ rjes su bstan par bya/ ci nas de dag dregs pa'am/ mi rigs pa'am/ rtsed mo las bzlog par bya'o/ / 'gro ba'i dge slong gnas brtan gyis ji ltar kun du spyod pa'i chos bcas pa bzhin du mi byed na 'gal tshabs can du 'gyur te/ 'di ni 'gro ba'i gnas brtan gyi bya ba zhes bya'o/ /rkang pa bkru ba'i bya ba gang zhe na/ bcom ldan 'das kyis dge slong rnams la rkang pa bkru ba rjes su gnang ste/ dge slong dag gis snod stong par mthong nas bdag nyid kyis dgong bar bya'o/ /yang na dge slong gis kun dga' ra ba na gnas pa rnams la khod shig ces bsgo bar bya'o/ /rkang pa brku ba ni 'di yin te/ dge slong rnams shes bzhin nang du zhugs la rkang pa bkru bar bya/ dge slong gis rkang pa bkru ba'i sar yun ring du 'dug par mi bya/snyoms par 'jug par mi bya/ dran par mi bya/ 'dri bar mi bya/ gtam la zhugs te 'dug par mi bya/ myur du rkang pa bkrus nas shes bzhin du slar 'byung bar bya ste/ 'di ni rkang pa bkru ba'i bya ba zhes bya'o/ /rkang pa bkru ba'i gnas brtan gyi bya ba gang zhe na/rkang pa bkru ba'i dge slong gnas brtan gyis dge slong rkang pa bkru ba la zhugs pa na/ ma zin gyi bar du bslang zhing dbyung bar mi bya/ rkang pa bkru ba la zhugs pa zhes bya ba ni/ khung du rkang pa chus gsher bar gyur pa'o/ /gal te dge slong dag spyod lam mi mdzes par gyur tam/gtam la zhugs shing 'khod na dge slong gnas brtan gyis de dag la bzlog par bya'o/ /lung 'bogs par bya/ rjes su bstan par bya/ spyod lam mdzes pa la gzud par bya/ ji skad du rkang pa bkru ba'i gnas brtan gyis kun du spyod pa'i chos rnams la gzud par bya ste di/'di ni rkang pa bkru ba'i gnas brtan gyi bya ba zhes bya'o/ /'dug pa'i bya ba gang zhe na/ gnas pa dang / gnyug mar gnas pa'i dge slong dag gis tshes brgyad dang / bcu bzhi dang bco lnga la gcig tu 'dug ste/ sangs rgyas kyis gsungs pa'am/ nyan thos kyis bshad pa'i chos kyang rung ste/smra bar bya'o/ /de dag nang par sngar bsgo ba'am/ gaN+DI brdung ma thag tu 'du bar bya ste/ myur du 'dus nas shes bzhin du 'khod par bya'o/ /shes bzhin du 'khod nas dran pa nye bar gzhag par bya/ sems rnam par mi g.yeng bar bya/ spyod lam mdzes shing phun sum tshogs par bya/shin tu bsdam par bya/ shin tu dgag par bya/ sgra dbyung bar mi bya/ mig mi g.yeng ba dang / gnya' shing gang tsam du blta bar bya/ bkur sti dang bcas pa dang / bdag dman pa dang bcas pa dang / 'jigs pa dang bcas pa'i dbang du gyur pa dang / yid dman pa phyag dar ba lta bu'i sems su bya/ gnas brtan dang / bar ma dang gsar bu rnams la byams pa'i sems su bya/ pha dang / phu nu po dang / bur 'du shes nye bar gzhag par bya/ stan la 'dug pa la mkhas pa dang / 'dug nas yang phyi phyir zhing nges pa'i chos kyi gtam gyis mtshan mo nam zad par bya'o//gal te mi bde na yang spyod lam gnyis kyis dus 'da' bar bya ste/ 'chag pa'am 'greng bas so/ /dge slong rnams 'dus nas 'khod na yang dus dus su chos mnyan par bya/ bkur sti dang bcas pas mnyan par bya/ smad par mi bya/ tshul bzhin du 'jug par bya/glags btsal bar mi bya/ chos la bkur sti mngon du gzhag par bya/ chos smra ba'i gang zag la'ang brnyas par mi bya/ bdag nyid la smad par mi bya/ sems gcig tu thub pa dang dka' ba yin no zhes bya bar bsams pa dang / rna ba mi g.yengs pa dang / sems gus pa dang /sems thams cad gcig tu bsdus la chos mnyan par bya'o/ /de'i 'og tu lha rnams dang / rgyal po dang / sbyin bdag dang / sbyin pa po rnams kyi phyir/ sbyin pa'i yon tan gyi tshigs su bcad pa gdon par bya ste/ 'di ni 'dug pa'i bya ba zhes bya'o/ /'dug pa'i gnas brtan gyi bya ba gang zhe na/dge slong gnas brtan gyis sngar bsgo ba'am/ gaN+DI brdungs kyang rung ste/ thog mar 'gro bar bya/ thog mar 'greng bar bya/ thog mar 'dug par bya/ 'dug nas kyang skad cig mi smra bar bya/ de nas bdag nyid kyis chos smra bar bya/ yang na nus pa'i dge slong la chos smros shig ces gsol ba gdab par bya'o//bdag nyid kyis chos ma smras sam/ dge slong nus pa yang gsol ba ma btab na 'gal tshabs can du 'gyur ro/ /gal te 'khod pa la yang bram ze dang / khyim bdag dag lhags na/ des de dag la yang chos dang ldan pa'i gtam bya'o/ /gal te gzhan mu stegs can kun du rgyu glags tshol lam/klan ka tshol zhing lhags na/ de dag la yang chos kyis brgal ba la 'jug par bya/ 'di ni mi 'dra ba'o/ /'di ni ma grub pa'o zhes rigs pa'i chos kyis 'dul bar bya/ khro ba mi bskyed par bya/ mi khro bar bya/ mi smod par bya ste/ 'di ni 'dug pa'i gnas brtan gyi bya ba zhes bya'o//chos 'chad pa'i bya ba gang zhe na/ chos 'chad pa'i dge slong gis gus pa dang / bcas pa dang / sems dma' ba dang bcas pa dang / 'jigs pa dang bcas pa'i dbang du gyur pas gnas pa dang / yid dman zhing phyag dar ba lta bu'i sems su bya ste/ 'khor gyi nang du zhugs te/chos bshad par bya ba ni rigs pa dang grol ba'i tshig dang / ma 'khrul pa'i tshig dang / ma 'dres pa dang / 'brel pa dang / ma 'khrugs pa dang / sems mi g.yeng ba dang / zang zing gi sems su ma yin pa dang / chos nyid la yang bkur sti mngon du bya/ chos nyan pa'i dge slong rnams la yang bkur sti mngon du bya/chos la brnyas par mi bya/ chos mnyan pa rnams la yang brnyas par mi bya/ bdag nyid kyang smad par mi bya/ chos rnams la yang chos nyid rten cing par 'byung ba yin par rtogs par bya ste/ bya ba'i tshul du rjes su brtse ba dang / chos 'di yun ring du gnas par 'gyur bar bya'o//chos nyid la brten gyis zang zing la brten te chos bshad par mi bya/ 'di ltar 'chad pa'i dge slong gis dus su chos bshad par bya/ bkur sti thog mar bya rjes su mthun pa dang / rjes su 'byor par bya/ rims su bya/ mgu ba dang / dad pa dang /rangs pa dang / spro ba dang / mos pa dang / rigs par ldan pa dang / ma 'khrugs pas chos bstan par bya ji ltar 'khor rnams la byams pa'i sems dang / rjes su brtse ba'i sems su gnas par bya/ rnyed pa dang bkur sti dang / grags pas ni ma yin no/ /chos 'chad pa'i tshe bdag nyid la bstod par yang mi bya/gzhan la smod par yang mi bya ste/ 'di ni chos 'chad pa'i bya ba zhes bya'o/ /chos 'chad pa'i gnas brtan gyi bya ba gang zhe na/ chos 'chad pa'i dge slong gnas brtan gyis gang na chos 'chad pa der 'gro bar bya'o/ /dge slong 'di chos bzhin du 'chad dam 'on te chos bzhin ma yin par 'chad mnyan la/gal te chos bzhin du 'chad na ni spro ba bskyed par bya/ chos bzhin ma yin par 'chad na ni slar bcos par bya/ gal te slar bcos nus na ni de lta na legs/ gal te slar 'chos mi nus na ci btub kyis smad par bya ste/ dge slong 'di ni chos ma yin/'dul ba ma yin ston pa'i bstan pa ma yin gyi/ bcom ldan 'das kyi chos kyi gzhi ma bshig cig /chos kyi spyan ma bzhar cig ces smra la langs te 'gro bar bya ba 'di ni chos 'chad pa'i gnas brtan gyi bya ba zhes bya'o/ /dus kyi bya ba gang zhe na/ dge slong rnams dus su 'gro bar bya ste/'di ni dus kyi bya ba zhes bya'o/ /dus ma yin pa'i bya ba gang zhe na/ dge slong gis dus ma yin par grong du 'jug par mi bya/ de 'dra ba'i rkyen byung ba ma gtogs te/ 'khod pa'i dge slong la ma bsko bar mi 'gro ba 'di ni/ dus ma yin pa'i bya ba zhes bya'o/ / dus ma yin pa'i dge 'dun 'du ba'i bya ba gang zhe na/ tshes brgyad dang / tshes bcu bzhi dang / tshes bco lnga la dge 'dun 'du ba ma gtogs par de las gzhan gyi phyir dge 'dun 'du ba dang / dge 'dun gyi las dang / dge 'dun gyi bya ba dang / dge 'dun gyi byed pa rnams yin te/ de la sngar bsgo ba'am/gaN+DI brdungs kyang rung myur du 'du bar bya/ shes bzhin du 'dong bar bya ba nas snga ma bzhin no/ /'dug pa la mkhas par bya ba'i bar du'o/ /der dge 'dun gyi gnas brtan gyis rgan rims su phyag bya ba nas/ bdag gi stan gang na bar 'dug par bya/ gnas brtan gnyis pas kyang dge 'dun gyi gnas brtan la phyag byas nas rang gi stan la 'dug par bya/de bzhin du gnas brtan gsum pa dang / bzhi pa nas dge 'dun gyi gsar bu'i bar te/ rgan rims su phyag byas nas/ rang gi stan gang na ba der 'khod par bya'o/ /der dge slong gnas brtan dang / bar ma dang /gsar bu rnams kyis chos ji lta bu dang / ston pa'i bstan pa ji lta bur dge 'dun gyi las bya/ dge slong gnas brtan gyis dge slong rnams la sbyo bar mi bya/ smod par mi bya/ ma gus par mi bya ba 'di ni dus ma yin par dge 'dun 'du ba'i bya ba zhes bya'o/ /dus ma yin par dge 'dun 'du ba'i gnas brtan gyi bya ba gang zhe na/dus ma yin par dge 'dun 'du ba'i dge slong gnas brtan gyis dus ma yin par dge 'dun 'du ba na/ sngar bsgo ba'am gaN+DI brdungs kyang rung ste/ thog mar 'gro bar bya/ thog mar 'greng bar bya/ thog mar 'dug par bya ste/ bkur stir bcas pa dang /sems dman pa dang bcas pa dang / 'jigs pa dang bcas pa'i dbang du gyur pa dang / yid phab la phyag dar ba lta bu'i sems su bcas la/ dge 'dun gyi nang du 'gro bar bya rgan rims su phyag byas nas rang gi stan gang na bar 'dug par bya gnas brtan dang bar ma dang / gsar bu rnams la yang byams pa'i sems su bya/ phan pa'i sems su bya/ rjes su brtse ba'i sems su bya/ pha ma dang / phu nu po dang / bur 'du shes pa mngon du gzhag par bya/ 'khor rnams la yar blta bar bya ste/ gang cha lugs sdug /gang cha lugs mi sdug /gang mdzes par gyur/ gang gis legs par bgos/ gang gis mi sdug par bgos/ gang cha lugs mdzes pa de dag ni btang snyoms su gzhag /gang cha lugs mi mdzes pa de dag la sbran par bya/ bsgo bar bya/ gang zhig gis legs par bgos pa de ni btang snyoms su gzhag /gang zhig gis mi sdug par bgos/pa de dag la ni brda bya/ des brda byas pas ma tshor na drung na mo la brda bya/ drung na mos kyang ma tshor na dge slong gnas brtan gyis ci nas mi 'khrul pa'i tshul du sbran par bya/ ci nas lags par bgos pa dang / sgra cher mi dbyung bar bya'o/ /dge slong gnas brtan gyis 'khor gyi nang du brtag par bya ba ni/ci 'khor 'di dag ni chos bzhin du byed dam/ 'on te chos bzhin du yin na ni ci bder bya'o zhes las thams cad byed du gzhug go/ /gal te chos bzhin du ma yin na ni chos kyi phyogs su gnas par bya/ chos bzhin du 'dri ba la lan sbyin par bya/ yang na cang mi smra bar langs te 'gro bar bya'o//de'i phyir rtsod pa dang 'khrugs pa rjes su 'byung bar mi bya ba 'di ni/ dus ma yin par dge 'dun 'du ba'i gnas brtan gyi bya ba zhes bya'o/ /smra ba'i bya ba gang zhe na/ rgyal po'i khab kyi grong khyer chen po na/ mu stegs can kun du rgyu gzhan dag cig /tshes brgyad dang /bcu bzhi dang / bco lnga'i tshe/ gcig tu 'dus nas chos smra ba dang / de na der skye bo mang po 'dus nas rnyed pa dag kyang rnyed par 'gyur/ bkur stir byed de/ de dag gi 'khor yang 'phel bar gyur pa dang / yul ma ga d+hA'i rgyal po bzo sbyongs gzugs can snying po gsung rab 'di la dad par gyur nas/de 'di snyam du sems te/ mu stegs can kun tu rgyu 'di dag tshes brgyad ces bya ba nas/ de dag gi 'khor yang 'phel bar 'gyur zhes bya ba'i bar ni snga ma bzhin no/ /'di ltar dge slong rnams kyang tshes brgyad dang / bcu bzhi dang / bco lnga la gcig tu 'dus nas chos smra na/ bdag kyang der 'gro ste/rgyal po'ang der 'gro'o snyam nas/ skye bo mang po dag kyang 'du bar 'gyur/ /dge slong rnams kyis rnyed pa yang rnyed la/ /bkur sti yang 'byung / 'khor rnams kyang 'phel bar 'gyur/ skye bo mang po la yang bsod nams mang du 'phel/ dge slong rnams kyang mi 'jigs par 'gyur/ /bstan pa yang rgyas par 'gyur/dam pa'i chos kyang yun ring du gnas par 'gyur/ chos kyi sgron ma yang 'bar bar gyur/ phyi ma'i skye bo rnams la yang snang bar byas par 'gyur ro snyam nas/ yul ma ga d+hA'i rgyal po gzugs can snying po bcom ldan 'das ga la ba der 'ongs te phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go//phyogs gcig tu 'dug nas/ yul ma ga d+hA'i rgyal po bzo sbyangs gzugs can snying pos bcom ldan 'das la 'di skad ces gsol to/ /btsun pa gzhan mu stegs can kun tu rgyu ni tshes brgyad nas de dag gi 'khor yang mang du 'gyur ro zhes bya ba'i bar du snga ma bzhin no//'di ltar dge slong rnams kyi tshes brgyad nas/ phyi ma'i skye bo rnams la snang bar bgyid par 'gyur lags na/ rjes su gnang bar mdzad du gsol zhes bya ba'i bar du snga ma bzhin no/ /bcom ldan 'das kyis yul ma ga d+hA'i rgyal po bzo sbyangs gzugs can snying po la cang mi gsung bas rjes su gnang ngo //de nas yul ma ga d+hA'i rgyal po bzo sbyangs gzugs can snying po bcom ldan 'das kyis cang mi gsung bas gnang bar shes nas/ bcom ldan 'das kyi zhabs la mgo bos phyag 'tshal te/ bcom ldan 'das kyi drung nas song ngo //de nas bcom ldan 'das kyis yul ma ga d+hA'i rgyal po bzo sbyangs gzugs can snying po song nas ring por ma lon par mkhyen te/ dge slong rnams la bka' stsal ba/ de lta bas na dge slong dag rjes su gnang gis/ tshes brgyad dang bcu bzhi dang bco lnga la gcig tu 'dus te/ chos smra bar bya'o//de yang 'di ltar smra bar bya ste/ chos smra ba'i dge slong gis don dang tshig 'brus don rnams go bar bya'o de nas dge slong dag cig tha mal bar smras te/ tshig tha mal par smras pas 'khor rnams kyis go bar ma gyur pa dang / de ltar gyur pa dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ rjes su gnang gis dbyangs kyis chos smra bar bya'o/ /de dag gis ji ltar 'dug bzhin du smras pa dang / 'khor de rnams kyis go bar ma gyur pa ste/ bcom ldan 'das kyis bka' stsal pa/ rjes su gnang gis stan mthon po bca' bar bya'o//de dag gis mdo sde chen po bsdus shig smras pa dang / the tshom du gyur te/ rgyas par yang mi byed la de nyid kyis nyi ma zad par byed pa dang / 'khor rnams skyo bar gyur te/ bcom ldan 'das kyis bka' stsal pa/ rjes su gnang gis don gyi dbang du ci bder bya'o/ / mdo sde dag las don nyi tshe blangs te/ gtam bya zhing bshad par bya ba bsngogs par bya'o/ /gsungs pa bzhin du gzhung 'chad par 'dod pa dang / de dag mdo sde'i mtha' ma rung bar 'gyur ram snyam du the tshom du gyur nas/ bcom ldan 'das kyis bka' stsal pa/ rjes su gnang gis mdo sde'i don nyi tshe bsdus te skabs skabs su gtam bya'o//bshad pa yang gzhung bzhin du bya'o/ /don dang tshig 'bru 'brel pas 'khor rnams la go bar bya'o/ /mdo sde dag kyang de bzhin du gzung bar bya'o/ /de dag gnyis lhan cig tu 'khor gcig la 'chad nas/ bcom ldan 'das kyis bka' stsal pa/'khor gcig gi nang du gnyis kyis bshad par mi bya'o/ /gang 'chad par byed na 'gal tshabs can du 'gyur ro/ /de dag 'khor dang 'khor du bcas 'chad par byed nas de dag 'khrugs par gyur pa dang / bcom ldan 'das kyis bka' stsal pa/ 'khor dang 'khor du bshad par mi bya'o//'chad par byed na nyes byas su 'gyur ro/ /de dag 'khor gnyis la cig car 'chad par gyur pa dang / bcom ldan 'das kyis bka' stsal pa/ gnyis kyis 'khor gcig la cig car bshad par mi bya'o/ /gang 'chad par byed na nyes byas su 'gyur ro/ /'di ltar bshad pa las gnyis po 'khrugs par mi 'gyur ba de ltar bshad par bya'o//de dag 'khor khyed cing dong ba dang / bcom ldan 'das kyis bka' stsal pa/ 'khor khrid cing dong ste 'gro bar mi bya'o/ /gang 'khor khrid cing 'gro na 'gal tshabs can du 'gyur ro/ /rang dgar ni nyes pa med do/ /de dag chos kyi sgo nas rnyed pa dag 'tshol te/chos 'tshong bas 'tsho bar byed pa dang / bcom ldan 'das kyis bka' stsal pa/ chos kyi sgo nas rnyed pa'ang mi btsal lo/ /chos 'tshong zhing 'tsho bar mi bya'o/ /de bdag nyid smra bar mi byed pa dang / bcom ldan 'das kyis bka' stsal pa/ rjes su dran par byed pas rjes su dran par bya'o//rjes su dran par byed pa'ang med nas/ rim gyis dran par bya'o/ /tshigs su bcad pa dang / dbyangs su bya zhing bya'o/ /dge slong de dag mi smra ste/ bcom ldan 'das kyis bka' stsal pa/ bdag nyid kyis smra bar bya'o/ /gang na dge slong gzhan la gsol ba 'debs par bya'o//gsol ba btab pa'i gang zag gis kyang rig par bya'o/ /bdag nyid kyis kyang mi smra la/ yang na dge slong gzhan la yang gsol ba 'debs sam/ gsol ba btab pa'i gang zag gis kyang shes par ma byas na/ 'gal tshabs can du 'gyur ro/ /de dag gis rim bzhin du bskos pa dang /'di ltar zhar ba dang / glen pa dang sgur po dag la gzhan mu stegs can kun du rgyu dag shAkya'i bu dge sbyong gi nang du skyes bu dam pa'o/ /skyes bu gtso bo/ /skyes bu mchog go zhes nyes pa ngor brjod cing 'phyas 'dogs te/ mi snyan par gyur to/ /de ltar gyur pa dge slong gis bcom ldan 'das la gsol ba dang /bcom ldan 'das kyis bka' stsal pa/ nus pa yod na chos smra ba'i rim bzhin du mi bsgo'o/ /gang nus pa de bsgo bar bya ba'i 'khor 'khrugs pa de lta bu bsgo bar mi bya'o/ /smra ba'i bya ba gzhan yang dus gang dang gang du yang rung ste/ dge slong rnams 'dus shing 'khod pa dang chos kyi gtam nges pa rnams brjod par bya'o//gal te mi shes na yang gcig la gcig dri bar bya/ gcig la gcig zhu bar bya/ bgom par mi bya/ klan ka btsal bar mi bya/ 'phyas gdags pa'i phyir mi bya/ nyams sad pa'i phyir mi bya'i/ ci nas chos la rim gro dang /bkur sti'i phyir dri bar bya zhi bar bya ste/ ci dge'am/ 'on te mi dge/ ci kha na ma tho ba dang bcas sam/ 'on te kha na ma tho ba med pa yin/ ci 'di byas na dge bar 'gyur ram/ 'on te sdig par 'gyur zhes bya ba 'di ni smra ba'i bya ba zhes bya'o/ /mi smra ba'i bya ba gang zhe na/ gnas gang na dge slong rnams smra zhing gzhan la brjod par mi 'dod pa de dag gis ji lta bu yid la byed pa 'grub pa de bzhin du bsgom par bya'o/ /spyod lam bzhi la 'jug par bya'o/ /phan tshun du mi smra ba la 'jug pa ste/ rgyas par bya ba ni 'di lta ste/ chu klung yid 'ong ldan gyi dge slong rnams kyis ji lta ba bzhin du bya ste/'di ni mi smra ba'i bya ba zhes bya'o/ /dbyar nye bar bsgrub pa'i bya ba gang zhe na/ dbyar nye bar bsgrub pa'i dge slong gis bsams bzhin du bsams/ shin tu brtags pa bzhin du brtags/ shin tu dpyad pa bzhin du dpyad de/ dbyar nye bar bsgrub par bya ste/bdag gnas de na dge slong ji ltar tshul khrims dang ldan pa dang / yon tan dang ldan pa dang / mkhas pa dang ldan pa dang / dge ba'i chos dang ldan pa dang / lta ba mtshungs pa dang / gnas pa mtshungs pa dang / grogs mtshungs pa dang / yid gcugs pa dag dang lhan cig gang bde bar 'gyur ba ni 'di lta ste/'gro yang rung / 'dug kyang rung / bdag gnas de nas dge slong mdo sde 'dzin pa dang / 'dul ba 'dzin pa dang / ma mo 'dzin pa dang / gang the tshom ma skyes pa mi skyed pa dang / skyes pa rnams sel bar byed pa dang / sdig pa can gyi lta ba ma skyes pa mi skyed pa dang /skyes pa rnams sel bar byed pa yod dam/ bdag gnas de nan pa dang / rjes su mthun pa'i sman dang / zas dang yo byad dang / bsnyen bkur byed par 'byor bar 'gyur ram/ gnas de na bdag gi lus dang sems bde bar 'gyur ram/ gnas de na dge slong dag 'thab mo byed pa dang /mtshang 'bru bar byed pa dang / 'gyed par byed pa dang / rtsod par byed pa dang / gleng bar byed pa lta mi gnas grang / des bdag ma thob pa thob par bya ba dang / ma rtogs pa rtogs par bya ba dang / mngon sum du mya byas pa rnams mngon sum du bya ba'i bar chad du mi 'gyur grang gnas de na dbyar gyi nang du dge 'dun bye bar mi 'gyur zhes de bzhin du bsams bzhin du bsams/brtags pa bzhin du brtags/ dpyad pa bzhin du dpyad par bya'o/ /na ba'i bsnyen bkur ba'i grogs su mthun pa dang 'gro bar bya ste/ 'di ni dbyar nye bar bsgrub pa'i bya ba zhes bya'o/ /dbyar gnas pa'i bya ba gang zhe na/dbyar gnas pa'i dge slong gis don med pa'i phyir zhag gcig kyang mtshams kyi phyi rol du 'gro bar mi bya/ don zhig yod par gyur na des zhag bdun nam/ zhag bzhi bcur byin gyis brlabs la 'gro bar bya'o/ /de yang don gyi phyir te/ don gang gi phyir zhe na/ dge slong gi don nam/dge slong ma'i don nam/ dge tshul gyi don nam/ dge tshul ma'i don nam/ dge bsnyen gyi don nam/ dge bsnyen ma'i don nam/ nye du'i don nam/ bdag gi don kyang rung / de gal te de sangs rgyas la'am/ chos la'am/ dge 'dun la'am/ sdug bsngal ba la'am/ kun 'byung ba la'am/'gog pa la'am/ lam la'ang rung the tshom can du gyur tam/ yid gnyis su gyur tam/ dogs par gyur tam/ ma thob pa la thob pa'i 'du shes su gyur tam/ ma rtogs pa la rtogs pa'i 'du shes dang / mngon sum du ma byas pa la mngon sum du byas pa'i 'du shes te/'di ltar gzhan mu stegs can kun du rgyu dag gi don la yang rung ste/ gal te dge slong des gnas de na dbyar dge 'dun bye bar 'gyur ram/ mchod rten nam gtsug lag khang yang rung / dral bar 'gyur ram/ zhig par gyur kyang rung ste/ der dge slong des sangs rgyas sam/ chos sam/ dge 'dun gyi don la yang zhag bdun nam/ bzhi bcur byin gyis brlabs la 'gro bar bya'o/ /gal te der song ba las zhag bzhi bcu yang rung / lon par gyur/ dge slong dbyar ral ba'i nyes pa 'byung bar mi 'gyur te/ 'di ni dbyar gnas pa'i bya ba zhes bya'o//dbyar gnas pa'i gnas brtan gyi bya ba gang zhe na/ dbyar gnas pa'i dge slong gnas brtan gyis gtsug lag khang rnams dang / mchod rten rnams shes par bya/ ji lta bur ral ba bcos par bye ba dang / su byed pa la spro ba bskyed par bya/ bsgrag par bya/ su mi byed pa de la ni bskul bar bya/dran par bya ba 'di ni/ dbyar gnas pa'i gnas brtan gyi bya ba zhes bya'o/ /dbyar gnas par khas blangs pa'i bya ba gang zhe na/ dbyar gnas par khas blangs pa'i dge slong rnams kyis las rnam pa gsum bya ste/ dbyar gang du gnas pa de'i gnas khang de dag ral ba dang 'drums pa rnams bcos su gzhug par bya/mtshams brtag par bya/ mtshams brtag par byed du gzhug go/ /gnas der gos gang rnyed pa'i gos des sra brkyang du gding bar bya/ yang na gding du gzhug pa 'di ni/ dbyar gnas pa'i bya ba khas blangs pa'i bya ba zhes bya'o/ /'khor dang ldan pa'i bya ba gang zhe na/'khor gyi gtso bo des dus dus su 'khor rnams la gang legs par spyod pa dang / gang legs par mi spyod pa dang / gang mdzes par bsgrub pa dang / gang mi mdzes par bsgrub pa brtags te/ gang legs par spyad cing / mdzes par bsgrub pa de la ni/ yongs su bskyang bar bya ste/tshe dang ldan pa legs so legs so/ /ji ltar khyod spyod pa de lta bur spyod par bya'o zhes spro ba bskyed par bya'o/ /yang dag par dga' bar bya/ de la dus dus su phyi phyir zhing bstan par bya/ bslab par bya'o/ /gang legs par mi spyod dam/ mdzes par mi sgrub pa de la ni/gang la ji lta bur 'os pa de lta bur chad pas bcad pa ni 'khor dang ldan pa'i bya ba zhes bya'o/ /'khor gyi nang du zhugs pa'i bya ba gang zhe na/ dge slong 'khor gyi nang du 'gro ba na dran pa nye bar gzhag nas 'khor gyi nang du 'gro bar bya ste/ 'di ni rgyal rigs kyi 'khor to/ / 'di ni bram ze'i rigs kyi 'khor to/ /'di ni khyim bdag gi 'khor to/ /'di ni dge sbyong gi 'khor to/ /der bdag gis 'di lta bur 'gro bar bya/ 'di lta bur 'greng bar bya/ 'di lta bur 'dug par bya/ 'di lta bur smra bar bya/ 'di lta bur smra bar mi bya'o zhes bya ba 'di ni 'khor gyi nang du 'gro ba'i bya ba zhes bya'o//'khor gyi nang du zhugs pa'i bya ba gang zhe na/ dge slong 'khor gyi nang du zhugs pa des gtam sna tshogs mi bya/ gtam 'gal ba rnams mi bya/ 'khor rnams dang rjes su mthun par byas la de dag dang rjes su mthun pa'i gtam smra bar bya/ gtam byas nas stan las langs par bya ba de ni 'khor gyi nang du zhugs pa'i bya ba zhes bya'o//'khor gyi nang du zhugs pa'i gnas brtan gyi bya ba gang zhe na/ 'khor gyi nang du zhugs pa'i dge slong gnas brtan gyis 'khor rnams la 'di dag gtam ji lta bu la dga'/ 'on te cang mi smra ba la dga' 'am zhes 'khor rnams la brtag par bya'o//gal te de dag gtam la dga' ba zhig yin na ni/ de dag dang mthun pa'i gtam bya'o/ /gal te mi smra ba la dga' ba yin na ni der cang mi smra bar 'dug par bya ste/ 'di ni 'khor gyi nang du zhugs pa'i gnas brtan gyi bya ba zhes bya'o/ /gso sbyong gi bya ba gang zhe na/bcu bzhi pa'am/ gso sbyong bco lnga pa de nyid kyi tshe/ rang gi rgyud la brtag par bya ste/ mtshan mo'i rgyud dang / nyin mo'i rgyud dang / bdag la skabs der ltung ba lta ma byung ngam/ gal te byung ba yod na dge slong yid brtan pa zhig rnyed na ni/ de'i mdun du bshags par bya/gal te ma rnyed na ni sems kyis byin gyis brlabs pa dang / gal te nyes pa byung na ni sems bskyed par bya ste/ bdag ni ltung ba de las yongs su dag go zhes tshig tu brjod par bya'o/ /gso sbyong ni tshul khrims yongs su dag par byed pa ste/ 'di ni gso sbyong gi bya ba zhes bya'o/ / gso sbyong gi mngon du bya ba'i bya ba gang zhe na/ dge slong gso sbyong mngon du bshags byung la/ min na ma dad bzhin du yang 'gro bar bya ste/ de yang shes bzhin du 'gro bar byas nas snga ma bzhin te/ 'dug pa la mkhas par bya ba'i bar du'o/ /'dug pa las so sor thar pa'i mdo las bstan pa'o snyam pa'i 'du shes mngon du gzhag par bya/bkur stir bya/ ri mor byas la mnyan par bya/ bla mar bya/ gces par bya/ yid la gzung bar bya/ sems rtse gcig tu bya/ rna ba mi g.yeng bar bya/ sems thams cad kyis gcig tu dmigs nas mnyan par bya'o//mnyan nas kyang de lta bur nan tan du bya/ bsgrub par bya ba gso sbyong mngon du bya ba zhes bya'o/ /gso sbyong gi las kyi bya ba gang zhe na/ gso sbyong gi las bya ba rnam pa lnga ste/ mngon par smra ba dang / byin gyis brlabs pa dang / 'dun pa dang / yongs su dag pa dang / dgag dbye dang /sems kyis byin gyis brlabs pa'o/ /gzhan yang gso sbyong gi las la rnam pa bzhi ste/ chos bzhin ma yin la 'dus par rjes su ma zhugs pa dang / chos bzhin ma yin la 'dus par rjes su zhugs pa dang / chos bzhin yin la 'dus par rjes su ma zhugs pa dang / chos bzhin yin la 'dus par rjes su zhugs pa'o//de la chos bzhin du byed pa'i gso sbyong gi las de ni 'di lta ste/ chos bzhin yin la 'dus par rjes su zhugs pa ste/ 'di ni gso sbyong gi las kyi bya ba zhes bya'o/ /so sor thar pa'i bya ba gang zhe na/ bcu bzhi pa'am/ bco lnga pa'i gso sbyong de nyid kyi tshe/mtshams dang las kyi nang du phyin pa ji rnyed pa de dag thams cad gcig tu 'dus shing 'khod pa na/ dge 'dun gyi gnas brtan dge slong gis so sor thar pa'i mdo gdon par bya/ so sor thar pa'i mdo la yang ston par 'du shes mngon du gzhag par bya/ bkur sti dang / rim gro byas la mnyan par bya/bla mar bya/ ri mor bya/ yid la gzung bar bya/ sems rtse gcig tu bya/ rna ba mi g.yeng ba dang / gzhan thams cad gcig tu thub par byas la mnyan par bya/ thos nas kyang de bzhin du nan tan bya/ bsgrub par bya ba de ni so sor thar pa'i bya ba zhes bya'o/ / so sor thar pa gdon pa'i bya ba gang zhe na/ so sor thar pa gdon pa la rnam pa lnga ste/ gsol ba byas te/ gleng gzhi bton nas lhag ma rnams ni thos pa bzhin no zhes bsgrag par bya ba de yang so sor thar pa bsgrags na so sor thar pa bton pa zhes bya ste/ 'di ni so sor thar pa bton pa dang po'o//gsol ba byas te/ gleng gzhi bton nas pham par gyur pa bzhi bton te/ lhag ma rnams ni thos pa bzhin no zhes bsgrag par bya ste/ de yang so sor thar pa gdon pa gnyis pa'o/ /gsol ba byas te/ gleng gzhi bton nas pham par gyur pa bzhi yang bton dge 'dun lhag ma bcu gsum yang bton nas/lhag ma rnams ni thos pa bzhin no zhes bsgrags pa ni so sor thar pa bton pa yin te/ 'di ni so sor thar pa gdon pa gsum pa'o/ /gsol ba byas te/ gleng gzhi bton nas pham par gyur pa bzhi yang bton/ dge 'dun lhag ma bcu gsum yang bton/ ma nges pa'i chos gnyis kyang bton nas lhag ma rnams ni thos pa bzhin no zhes bsgrags pa ni so sor thar pa bton pa yin te/ 'di ni so sor thar pa gdon pa bzhi pa'o/ /so sor thar pa rgyas par bton pa ni lnga pa ste/ 'di ni so sor thar pa gdon pa'i bya ba zhes bya'o/ /so sor thar pa gdon par byed pa'i bya ba gang zhe na/so sor thar pa 'don pa'i dge slong gis so sor thar pa'i mdo de kha ton gsal por bya/ dran par bya/ shin tu gtan la phebs par bya/ nam 'don pa'i tshe mi 'khrul par legs par bya/ des bdag gi rgyud kyang brtag par bya ste/ mtshan mo'i rgyud dang nyin mo'i rgyud las bdag la de'i skabs su nyes pa lta bu byung ngam ma byung ba brtags te/gal te nyes pa byung bar gyur na yid brtan pa'i dge slong yod na de'i drung du bshags par bya ste/ gal te med na re zhig gso sbyong byas la/ de'i 'og tu bdag gis ltung ba ji ltar chos bzhin du phyir bcos par bya'o snyam du sems kyis byin gyis brlab par bya'o//ji ltar so sor thar pa'i mdo las byung ba bzhin du des nan tan du bya ba de ni so sor thar pa gdon par byed pa'i bya ba zhes bya'o/ /gnas brtan gyi bya ba gang zhe na/ gal te dge slong rnams khyim pa'i der zan la mgron du bos na/ de'i tshe dge slong gnas brtan gyis snga zad du sham thabs bgo bar bya/bdag rang byung ste 'dug par bya ba de ni gnas brtan gyi bya ba zhes bya'o/ /bar mas bya ba gang zhe na/ dge slong bar mas kyang dge slong gnas brtan mdun du byas nas grong du 'jug par bya'o/ /gal te gnas brtan bshang ba'am/ gci ba zhig tu thogs na des mi ring bar song la bsdad par bya'o//gal te ring du song na grong gi nye 'khor du song la bsdad par bya'o/ /gal te bram ze'am/ khyim bdag gis sngon pa btang na yang gnas brtan 'ongs kyi bar du re zhig bsdad dgos so zhes smra bar bya'o/ /gal te nang du son pa nyid na yang gnas brtan gyi stan bzhag ste 'dug par bya/gal te lag chu drangs pa'i tshe gnas brtan la gtad do zhes smra bar bya'o/ /gal te gnas brtan 'ongs par gyur na yang 'khod pa thams cad ldang bar bya ste/ 'di ni bar mas bya ba zhes bya'o/ /gsar bu'i bya ba gang zhe na/dge slong gsar bus gtsug lag khang du chag chag gdab par bya/ phyag dar bya/ phyag dar dor bar bya/ ba lang gi lci bas zhal zhal 'jam por byug par bya/ chu rnams so sor bcu zhing gzhag par bya/ stan rnams gding bar bya/ zas rnams bskos par drang bar bya/ bsro khang du bsgrub pa'i rnam pa bya ste/der shing bskyal bar bya/ 'bru mar gzhag par bya/ sa dang phye ma gzhag par bya/ chu gzhag par bya/ dge slong gang la khas blangs pa de dag gi las bya bar bya'o/ /kun du spyod pa gzhan yang rung ste/ thams cad gsar bus bya ba'o/ /'di ltar yang dge slong gsar bus dge slong gnas brtan rnams la pha dang /phu nu'i 'du shes nye bar gzhag cing / bkur sti dang bcas pa dang / bdag la dbang nga dang bcas pa dang / 'jigs pa'i dbang du gyur pa dang bcas pa dang / sangs rgyas dang / chos dang dge 'dun la dmigs pa'i sems mngon du gzhag par bya'o//kun du spyod pa'i chos rnams ji ltar bcas pa bzhin du rdzogs par bya ba 'di ni/ gsar bus bya ba zhes bya'o/ /gnas brtan dang / bar ma dang / gsar bus bya ba gang zhe na/ dge slong gnas brtan dang bar ma dang / gsar bu thams cad kyis kyang rab tu byung ba'o snyam du sems mngon du gzhag par bya/sangs rgyas bcom ldan 'das mgon mdzad pa la mgon no snyam du 'du shes mngon du gzhag par bya/ mya ngan las 'das pa la gzhol bar bya/ bslab pa'i gzhi ji ltar bcas pa rnams la kun du spyad par bya/ khyad par du yang 'jug par bya/ gong ma'i khyad par thob pa'i phyir nan tan bya ba 'di ni/ gnas brtan dang / bar ma dang / gsar bus bya ba zhes bya'o/ /bsro khang du bya ba gang zhe na/ dge slong gang gis nang du gzhug par 'dod na/ des shes bzhin du 'gro bar bya/ shes bzhin du 'greng bar bya'o/ /shes bzhin du 'dug par bya/dran pa mngon du gzhag cing sems mi g.yeng bar bya'o/ /spyod lam bzang ba dang / shin tu mdzes pa dang / shin tu bsdams pa dang / sgra bskyung ba dang / bskur sti dang bcas pa dang / dbang du gyur pa dang bcas pa dang / 'jigs pa'i dbang du gyur pa dang bcas pa dang / yid dman pa'i sems phyag dar ba lta bu dang /gnas brtan dang / bar ma dang / gsar bu la yang byams pa'i sems su bya/ phan pa'i sems dang rjes su brtse ba'i sems su bya/ pha dang bu dang phu nu po'i 'du shes mngon du gzhag par bya'o/ /dge slong bsro khang gi nang du zhugs pas gtam sna tshogs mi bya/gtam 'gal ba mi bya'o/ /spyod lam gnyis la 'jug par bya ste/ 'phags pa ci yang mi smra ba'am/ nges pa'i chos kyi gtam la 'jug par bya ste/ 'di ni bsro khang gi bya ba zhes bya'o/ /bsro khang du khrus bya ba gang zhe na/ bcom ldan 'das kyis dge slong rnams la bsro khang brten pa rjes su gnang ba ste/rgyags pa'i phyir ma yin/ dregs pa'i phyir ma yin/ brgyan pa'i phyir yang ma yin/ 'khrul pa'i phyir ma yin gyi/ lus 'di gso ba'i phyir ro/ /bsro khang la yon tan rnam pa lnga ste/ rdul dang dri ma dbyung ba dang / phags pa dang mdangs gsal ba dang / pags pa la yod pa'i nad rnams 'byin pa dang /rlung dang bad kan rnams med par byed pa dang / bsro khang gis nad med par byed pa'o/ /gzhan yang yon tan rnam pa lnga ste/ rdul dang dri ma 'byang ba dang / pags pa dang mdangs gsal ba dang / pags pa la yod pa'i nad rnams 'byin pa dang / rlung dang bad kan rnams med par byed pa dang / bsro khang du skyo ba skye bar byed pa'o/ /dge slong gis bsro khang du khrus byed par 'dod na/ des sngar mkhan po la zhu bar bya/ 'khru ba'i dus su brjod par bya/ shes bzhin du bsro khang gi nang du 'jug par bya/ skyil mo krung bca' bar bya/ 'dug pa'i 'du shes mngon du gzhag par bya/khrus bya/ mdun du 'dug ste mi bde bar mi bya/ dran pa mngon du gzhag la las rnams bya/ dge slong gis kyang las byed pa nyams su blang bar bya/ slob dpon dang mkhan po la ma zhus kyi bar du mtshungs pa rnams las mi bya/ med na yang bdag gir mi bya/slob dpon dang / mkhan po dang / zhe 'gras pa de dag dang / bdag gir mi gzhar/ gal te chus blugs par 'dod na/ chu grang mos bsres la blugs so/ /gal te chu ha cang tsha na yang / chu tsha'o zhes sbran par bya'o/ /shes bzhin du khrus byas la/ bsro khang de na khri'u dang /ril ba dang / nya phyis dang / khrus ras dang / bsro khang gi yo byad gzhan ci yod kyang rung / legs par gtsang sbra byas te/ gnas gnas su gzhag par bya ba 'di ni/ bsro khang du khrus byed pa'i bya ba zhes bya'o/ /bsro khang du gnas brtan gyi bya ba gang zhe na/ bsro khang du gnas brtan gyis gsar bu rnams yo byad la zhugs na/bslang bar mi bya/ bsro khang der chung ngu na lus la rngul byung ba tsam yang bslang bar mi bya'o/ /gal te dge slong rnams spyod lam rnams mi mdzes pa'am/ mi bzang bar 'dug gam/ 'on te gtam gyi sbyor ba la zhugs na dge slong gnas brtan gyis slar bzlog cing bsgo bar bya'o//rjes su bstan par bya/ ji ltar des kun du spyod pa'i chos bcas pa de lta bur gzud par bya ba de ni/ bsro khang du gnas brtan gyi bya ba zhes bya'o/ /mkhan pos bya ba gang zhe na/ mkhan pos lhan cig gnas pa rnams la bslab par bya/gsal bar bya/ bsgo bar bya/ rjes su bstan par bya/ sdig pa las bzlog par bya/ dge ba la gzud par bya/ sdig pa'i grogs po yang bsgral bar bya/ dge ba'i bshes gnyen la gzhar bar bya/ lhung bzed kyis bsdu bar bya/ chos gos dang / dra ba dang / phor bu dang /ska rags kyis kyang ngo / /rjes su dran pa dang / slar dri ba dang / khur 'bogs pa dang / kha ton la bzhag pa dang / yid la byed pa la gzhug par bya/ nyes pa las bslang bar bya/ nad g.yog la sogs pa dang / spong ba la gzhug par bya ba dang / nang du yang dag 'jog la zhugs pa dang /gong ma'i khyad par rtogs par bya ba la kun du spyod du gzhug par bya'o/ /lhan cig gnas la phyogs gang na mi bde bar gnas pa/ de nas 'byung bar bya ba de ni mkhan pos bya ba zhes bya'o/ /lhan cig gnas par bya ba gang zhe na/ lhan cig gnas pas mkhan po la ston pa'o snyam du 'du shes mngon du gzhag par bya/rim gror bya/ myur du ldang bar bya/ myur du 'gro bar bya/ gus par bya/ zhu bar bya ste/ lhan cig gnas pas mkhan po la ma zhus kyi bar du snod spyad 'drim par res mi bya/ gtsug lag khang skyong gi res mi bya/ lhung bzed kyi las mi bya/ chos gos kyi las mi bya/ snga res mi bya/ phyi res mi bya/ zla res mi bya/ klung la spyod par mi bya/ ri la spyod par mi bya/ dur khrod du spyod par mi bya/ ljongs rgyu bar mi bya/ rkang pa dag bkru bar mi bya/ gnas mal bca' bar mi bya/ chu bcu bar mi bya/ grong du 'jug par mi bya/ mtshams kyi phyi rol du 'gro bar mi bya/ mi rigs pa'i gang zag gzhar bar mi bya/de lta bu'i grong du 'jug pa'ang bdag gir mi bya/ de 'dra ba'i drung nas bsnyen bkur yang bdag gis blang bar mi bya/ lhung bzed blang bar mi bya/ chos gos blang bar mi bya/ zas blang bar mi bya/ sman blang bar mi bya/ yo byad gzhan gang yang rung ba byin na bdag gir mi bya'o/ /de lta bu la bsnyen bkur mi bya/ lhung bzed sbyin par mi bya/ chos gos sbyin par mi bya/ zas sbyin par mi bya/ sman sbyin par mi bya/ yo byad gang yang rung ba sbyin par mi bya/ de 'dra ba'i gang zag gi drung nas lung 'bogs pa blang bar mi bya/ dran par bya ba ma yin/ yongs su dri bar bya ba ma yin/ yid la bya ba mi dri'o/ /de lta bu dag la'ang lung 'bogs pa mi sbyin/dran pa ma yin/ yongs su dri ba ma yin/ yid la bya ba mi bsten te/ bya ba thams cad mkhan po la ma zhus kyi bar du mi bya'o/ /las rnam pa gsum ma gtogs te/ bshang gci dang / so shing dor ba dang / mtshams kyi nang du mchod rten la phyag bya ba'am/ gal te mkhan po'i lhung bzed bkru ba'am/ bsreg par 'os par gyur na yang de la lhan cig gnas pas ci nas kyang mkhan po'i lhung bzed kyi las bdag gis bya'o zhe'am/ gzhan byed du gzhug go zhes/ lhan cig gnas pas brtson pa shas chen pos myur du bsgrub par bya'o/ /gal te mkhan pos chos gos bsrub pa'am/ bkru ba'am/ kha bsgyur bar 'os par gyur na yang /de la bdag gi mkhan po'i chos gos las bdag gis bya'o zhe'am/ gzhan byed du gzhug go zhes lhan cig gnas pas myur du spro ba bskyed par bya'o/ /gal te mkhan po na bar gyur na yang / de la bdag nyid kyis mkhan po na ba'i nad g.yog bya'o zhe'am/nad g.yog byed du gzhug go zhes lhan cig gnas pas spro ba bskyed par bya'o/ /gal te mkhan po la the tshom zhig skyes par gyur na/ de la ci nas bdag gi mkhan po the tshom du skyes pa de bdag nyid kyis slar bstsal zhe'am/ gzhan mkhan po'i the tshom bsal du gzhug go zhes lhan cig gnas pas myur du spro ba bskyed par bya'o//gal te mkhan po sdig pa can gyi lta ba skyes par gyur na yang de la ci nas bdag gis mkhan po sdig pa'i lta ba skyes par gyur pa de bdag nyid kyis slar gtang bar bya'o zhe'am/ gzhan la slar gtong du gzhug go zhes lhan cig gnas pas myur du spro ba bskyed par bya'o//gal te mkhan po la chad pa'i las kyis gcod par byed dam/ bcad kyang rung ste/ nges par 'byung bar bya'o zhes lhan cig gnas pas myur du spro ba bskyed par bya'o/ /gal te mkhan pos gnas nas dbyung ba'i las mngon du byas par 'gyur ram/byas kyang rung ste/ de la ci nas bdag gis mkhan po la gnas nas phyung ba'i las mngon du byed kyang rung / byas kyang rung ste/ nges par 'byung snyam du lhan cig gnas pas myur du spro ba bskyed par bya'o/ /gal te mkhan po la dge 'dun lhag ma'i ltung ba byung bar gyur na/ de la ci nas bdag gis mkhan po la spro ba sbyin pa'am/gzhi nas spro ba'am/ spro ba spyad zin na/ mgu bar bya ba sbyin pa'am/ gzhi nas mgu bar bya ba'am/ mgu bar bya ba spyad nas dbyung ba sbyin par bya'o zhes lhan cig gnas pas spro ba bskyed par gyur na legs spro ba ma skyes na 'gal tshabs can du 'gyur ro//de ltar lhan cig gnas pas mkhan po la bya ba ci dang ci yod kyang rung ste/ de la spro ba bskyed par bya ba de/ gzhan du mkhan pos kyang lhan cig gnas pa la bya ba ci dang ci yod kyang brtson pa shas chen pos bsgrub par bya ste/ zhu ba rnams ni ma gtogs so/ /lhan cig gnas pas mkhan po'i stan gding bar bya/rkang pa bkru ba'i chu dang / lham yang bshams te/ phyogs gcig tu gzhag par bya/ rkang pa bkru bar bya/ bskur bar bya/ mal bya'o/ /gci ba'i snod dang / bshang ba'i snod bshams te gzhag par bya/ gal te lung zhig nod par gyur na yang lung nod par bya/yid la byed pa zhig nod dgos pa byung na yang yid la byed pa nod par bya ste/ phyogs gcig tu 'ongs te/ 'dug nas bsgom par bya'o/ /nang par langs nas gci ba'i snod dang / bshang ba'i snod dbyung bar bya/ mkhan po'i rkang pa la mgo bos phyag byas te/ mkhan po bde bar mdzad nas/bde bar bgyis sam/ bde bar spyad dam zhes dri bar bya'o/ /gal te na bar gyur na yang / na ba'i gsos sman dang g.yog la spro ba bskyed par bya/ gal te min na ni bde bar btang snyoms su gzhag go/ /gal te dge 'dun gyi zas zhig gam mgron du bos pa'i zas kyang rung ste/mkhan po la dge 'dun gyi zas mchis kyis deng bde bar spyod cig ces bsgo bar bya'o/ /gal te bsod snyoms kyi zas yin na yang / mkhan po bsod snyoms la gshegs kyi chos shig ces bsgo'o/ /lhan cig gnas pas mkhan po la so shing dang / chu bde ba dang / ba lang gi lci ba dang /phye ma dbul ba dang / nam mkhan po'i chas de rnams zin pa de ni lhung bzed dang / chos gos bstab par bya/ gal te dge 'dun dang lhan cig bsod snyoms la 'jug na ni/ mkhan po mdun du btang la/ bdag gi gral gang du bsams nas 'gro bar bya'o/ /gal te gang zag dang lhan cig bsod snyoms la 'jug na ni mkhan po'i snam sbyar dang /lhung bzed dang khar gsil bskur bar bya/ gal te rlung dang / char pa dang / dus grang ba zhig tu gyur na/ mkhan po'i snam sbyar 'og tu bcug la bdag gi steng du dbyung bar bya'o/ /gal te bdag gi yul dron bdag gi snam sbyar 'og tu bcug la/mkhan po'i steng du dbyung ste/ lhan cig gnas pa mkhan po'i mdun du yongs la zil pa la sogs pa bsal bar bya/ gal te chu 'gram mam/ gad ka'am/ g.yang sa zhig na mkhan po'i lag pa nas bzung ste/ drang bar bya'o/ / song nas grong mthar phyin pa na/ snam sbyar dang / lhung bzed dang / khar gsil dbul bar bya/ phul te mkhan po mdun du btang nas grong gi nang du 'jug par bya'o/ /gal te skas sam/ them skas la 'dzegs na yang lhan cig gnas pa mdun du 'dzegs la lag pa nas drang bar bya'o//der chos dang ldan pa'i rnyed pa grub na yang bdag gis blang bar bya/ bdag gis bsod snyoms brgyus te/ slar grong gi phyi rol du phyung nas/ mkhan po'i snam sbyar dang / lhung bzed dang / khar gsil blangs te/ mkhan po mdun du btang nas gtsug lag khang du 'dong bar bya'o//der lhags nas lhung bzed dang / chos gos bzhag ste/ mkhan po'i gdan gding bar bya/ rkang pa bkru ba'i chu dang / lham brten te gzhag la rkang pa bkru bar bya'o/ /de nas dus la bab par gyur na/ mkhan po'i lhung bzed kyi gzhi gding zhing /lhung bzed dbul bar bya'o/ /bdag gis bca' ba dang / zhim pa dang / dam pa ci yod pa mkhan po la dbul bar bya/ mkhan pos kyang blang ba'i tshod rig par bya/ zas kyi bya ba byas pa dang / bde ba'i chos bsnyad par bya/ ba lang gi lci ba dang / phye mas lhung bzed bkrus la/lhung bzed dang / chos gos ltar gzhag par bya/ mkhan po la phyag byas nas/ mkhan po bzhin bzhugs sam/ nyin mo spyod par gshegs sam zhes dri bar bya'o/ /gal te nyin mo spyod du 'gro ba na yang / mkhan po'i khri dang gding ba dang / ril ba spyi blugs khyer la mkhan po mdun du btang ste/ nyin mo spyod sa gang du spyod par 'gro bar bya'o/ /song nas mkhan po'i stan bting la lung nod dgos na yang lung nod par bya/ yid la byed pa nod dgos na yang yid la byed pa mnos nas phyogs gcig tu song ste bsgom par bya'o/ / de nas dus la bab na mkhan po'i khri'u dang / gding ba dang / ril ba spyi blugs khyer te/ mkhan po mdun du byas la 'gro bar bya'o/ /gal te gso sbyong gi dus la bab ste/ 'du bar gyur na mkhan po'i stan ltebs na brkyang bar bya/ brkyang na ni legs par gding bar bya/ de nas dus su bsgo ba'am/gaN+DI brdungs kyang rung ste/ lag pa g.yon pas ni mkhan po'i lag pa nas bzung la/ g.yas pas ni me tog thogs te/ mkhan po mdun du byas la/ gso sbyong gi gnas su 'ong bar bya'o/ /nam so sor thar pa'i mdo 'di nod zin nas mkhan po'i drung du yongs la mkhan po ci gshegs sam/chos gsan cing bzhugs zhes dri bar bya'o/ /gal te 'gro na ni lag pa g.yon pas ni mkhan po bzung / g.yas pas ni mar me thogs te/ mkhan po mdun du byas la/ gtsug lag khang du 'gro bar bya'o/ /gal te bsro khang du khrus byed par gyur na/ nang par sngar langs nas mkhan po la deng bsro khang du khrus mdzad kyi char gsol zhes bsgo bar bya'o//lhan cig gnas pas mkhan po'i phyir bsro khang gi stan dang / khri'u dang / ril ba spyi blugs dang / khrus ras dang / bsro khang gi gzhan gang yang rung ste/ khyer la mkhan po'i mdun du byas nas bsro khang du dong bar bya/ der 'ongs nas kyang chos gos phyogs gcig tu gzhag la/ mkhan po las mi nye mi ring bar 'dug par bya/ nam mkhan po rngul bar gyur na/ de na lhan cig gnas pa des de la rim bzhin du rjes su las rnams byas te/ dang por bkru bar bya/ bkrus nas mdun du byas te/ gtsug lag khang du bskyal bar bya/de'i 'og tu bdag nyid bsrung bar bya/ gal te lhan cig gnas pa de mkhan po'i drung du dge ba'i chos mi 'phel bar gyur na/ mkhan po la bdag dge slong ming 'di zhes bgyi bas 'di la gtad du gsol zhes smra bar bya'o/ /mkhan pos kyang dge slong la dge slong 'di ci 'dra/de'i rjes su 'brang ba dang / drung na 'dug pa ci 'dra/ 'di lung rnams 'bogs sam/ gal te mi 'bogs/ rjes su ston tam/ gal te mi ston brtag par bya'o/ /dpyad par bya'o/ /de bzhin du brtags dpyad nas/ gal te 'os par gyur na de la gtad par bya/ gal te 'os pa ma yin na ni gzhan la gtad par bya'o//gal te mkhan po nyid 'os pa ma yin te/ tshul dang mi ldan na ma zhus par yod yang bla ste/ 'di ni lhan cig gnas pas bya ba zhes bya'o/ /slob dpon gyi bya ba gang zhe na/ slob dpon gyi nye gnas rnams shes par bya ba nas snga ma bzhin te/ phyogs gang na nye gnas de nyon mongs shing 'dug par gyur na/ phyogs de nas dgug par bya/ dgug tu gzhug par bya ste/ 'di ni slob dpon gyi bya ba zhes bya'o/ /nye gnas kyi bya ba gang zhe na/ nye gnas kyis slob dpon la ston pa'o snyam du 'du shes mngon du gzhag la/rim gro bya ba nas/ snga ma bzhin du ma gus kyang 'gro bar bya ba'i bar du ste de ni nye gnas kyi bya ba zhes bya'o/ /dge tshul gyi bya ba gang zhe na/ dge tshul gyis mkhan po dang slob dpon la ston pa'i snyam du 'du shes mngon du gzhag la rim gro bya ba nas snga ma bzhin no/ /gal te slob dpon dang mkhan po sdig pa can gyi lta ba skyes par gyur na rang gis lta ba gtang bar bya/yang na gtong du gzhug par bya/ gal te de ltar brtson pa shas chen pos bsgrub na ni de lta na legs/ mi bsgrub na 'gal tshabs can du 'gyur ro/ /de la yang dge tshul gyis ji ltar slob dpon dang mkhan po la byung zhing byung bar gyur pa rnams la ji ltar bya'o zhes spro ba bskyed par bya ba de bzhin du/slob dpon dang mkhan pos kyang dge tshul ma byung zhing byung bar gyur pa rnams ji ltar bya zhes spro ba bskyed par bya'o/ /de la zhu ba rnams ni ma gtogs so/ /dge tshul gyis slob dpon dang mkhan po stan gding ba la sogs pa'i bya ba snga ma bzhin te/bdag nyid tha mar bkru bar bya ba'i bar du 'di ltar dge tshul gyis rtswa sngon po rnams bsgrub par bya'o/ /me tog rnams btogs par bya/ 'bras bu rnams btogs par bya/ so shing rnams sbyin par bya/ lhung bzed kyi gzhi lo ma rnams sbyin par rung bar bya ste/dge 'dun gyi kun dga' ra bar gnod pa byed par gyur na/ der dge slong gis ji ltar mi de mi shor bar zin par bya/ gal te rnam grangs gang gis kyang ma zin par gyur na/ gzhan dag la bab col du mi smra bar thog mar rgyal po'i gnang chen rnams la bsgo bar bya/ de'i 'og tu btsun mo dang /gzhon nu dang / blon po dang / khrom gyi ru sna dang / zhang blon dang / zha 'bring gnyug ma rnams la bsgo bar bya'o/ /de la nan tan du bya ba ni ci nas tshig gis bstan pa'i mtshams kyis thar bar 'gyur gyis/ bsad pa'i las rnams mi 'byung bar bya ste/ de ni nan tan du bya ba zhes bya'o//phyi bzhin 'brang ba'i dge sbyong gi bya ba gang zhe na/ phyi bzhin 'brang ba'i dge sbyong gis sngon du 'gro ba'i dge sbyong las ring nas kyang ma yin/ shin tu bsnyen te yang ma yin/ phrag pa sprad cing 'gro bar mi bya/ khyim gyi nang du 'jug na yang gtam glo bur du de la mi bya/ phyi nas smra bar bya/des bsgo ba rnams bya'o/ /bkur sti bya/ bdag dman par bya/ 'jigs pa'i dbang du 'gyur bar bya/ sngon du 'gro ba'i dge sbyong gis chos ma yin par smra na slar dgag par bya/ chos bzhin du smra na rjes su yi rang bar bya'o/ /de la chos dang ldan pa'i rnyed pa byung na blang bar bya ste/'di ni phyi bzhin du 'brang ba'i dge sbyong gi bya ba zhes bya'o/ /grong du nye bar 'jug pa'i bya ba gang zhe na/ khyim du zhugs pa'i dge slong gis dregs par mi bya/ nga rgyal mi bskyed/ mi brtan par mi bya/ byung rgyal du smra bar mi bya/ mi gtsigs par mi bya/ yang dag par shes par bya/dran pa nye bar gzhag par bya/ sems mi g.yeng bar bya/ dga' bar 'gyur ba dang / spyod lam mdzes par bya/ shin tu bsdams pa dang / shin tu bcabs pa dang / sgra chung ba dang / mi g.yeng ba dang / gnya' shing gang tsam dang / mi g.yeng bar bya/ bkur sti dang bcas pa dang /bdag nyid dman pa dang / bcas pa dang / 'jigs pa'i dbang du gyur pa dang / bcas pa dang / yid dman pa dang / phyag dar ba lta bu'i sems su bya/ rnyed pa dang bkur sti la 'dod par mi bya/ phan par byed pa de ni grong du nye bar 'jug par byed pa'i bya ba zhes bya'o/ / grong du nye bar 'gro ba'i bya ba gang zhe na/ dge slong grong du 'gro 'dod na/ shes bzhin du 'gro bar bya/ dran pa nye bar gzhag par bya/ sems mi g.yeng bar bya/ dbang po bsdam par bya/ yid mi g.yeng bar bya/ snga phyi'i 'du shes dang / bla 'og shes pa nye bar gzhag par bya'o/ / dge slong dran pa nyams bzhin du grong du 'gro na nyes dmigs rnam pa lngar rig par bya ste/ dus ma yin par dge slong 'khod pa rnams la ma bsgo bar grong du 'jug pa dang / ma brtags par stan la 'dug pa dang / rig pa'i skyes pa med par bud med la tshig lnga'am/ drug pas lhag par chos ston pa dang /bud med kyi yul dang lhan cig dben pa skyabs yod pa na 'dug par byed pa dang / nyal po byed par shom pa'i khyim du phyis gnon bya ste stan la 'dug par byed pa'o/ /dge slong dran pa nyams bzhin du grong du 'gro na/gzhan yang nyes dmigs rnam pa lngar rig par bya ste/ phyir zhing bud med la lta ba dang / lta ba las kyang gtam zer ba dang / gtam zer ba las chags par 'gyur ba dang / chags pa las tshul bzhin ma yin pa yid la byed pa las ma dad bzhin du mi tshangs par spyod par 'gyur te/nyes pa 'byung bar 'gyur ba'am/ yang na bslab pa phul te babs par 'gyur pa'o/ /dran pa nye bar gzhag pa bzhin du/ grong gi nang du 'jug na nyes dmigs de lta bu 'byung bar mi 'gyur te/ de ni grong du nye bar 'gro ba'i bya ba zhes bya'o//grong du nye bar song ba'i bya ba gang zhe na/ grong du nye bar song ba'i dge slong gis gtam sna tshogs smra bar mi bya/ gtam 'gal bar mi bya/ chos gtam smra bar bya/ gtam rgyud mi chad par bya/ khyim pa rnams la chos yang dag par bstan par bya/ bstabs pa dang /yang dag par gzengs bstod par bya/ rab tu dga' bar bya/ phyir zhing yang dag par dad par bya/ skyabs su 'gro ba dang / bslab pa'i gzhi 'dzin du gzhug pa dang / gso sbyong yan lag brgyad dang ldan pa la gnas pa dang / tshangs par spyod pa la gnas pa dang /sbyin pa dang / dul ba dang / yang dag par sdom pa dang / skyes bu dam pa la bsnyen pa dang / dam pa'i chos mnyan pa dang / tshul bzhin yid la byed pa dang / chos kyi rjes su mthun pa'i chos la nan tan du byed pa dang / lam ma yin pa las lam du de ltar yang dag par bsgrag par bya/ye shes dang lta ba rnam par sbyang bar bya ste/ de ni grong du nye bar song ba'i bya ba zhes bya'o/ /grong du nye bar song ba'i gnas brtan gyi bya ba gang zhe na/ grong du nye bar song ba'i dge slong gnas brtan gyis de na dge slong gsar bu rnams la bsgo bar bya/rjes su bstan par bya/ ci nas rgyags pa dang / dregs pa dang / lus btsogs pa dang / rtsed mo mi byed par bya/ dga' bar 'gyur bar gzhug par bya/ ji ltar kun du spyod par bcas pa ma gzhug par bya/ de dag gis kyang des ji ltar bsgo ba dang / rjes su bstan pa'i tshig rnams mnyan par bya ste/de ni grong du nye bar song ba'i gnas brtan gyi bya ba zhes bya'o/ /gnyug mar gnas pa'i bya ba gang zhe na/ gzhi na gnas pa'i dge slong gis mdangs gsal ba dang / khro gnyer med par bya/ dran pa mngon du 'gro ba dang / thog mar smra bar bya ste/ tshur shog 'ongs pa legs so/ /zhes tshig snyan pa dang / tshig yid du 'ong ba dang / dga' bar 'gyur ba smra bar bya/ glo bur du lhags pa'i dge slong dag mthong na mdza' bshes kyi tshul gyis mdun du bsdu bar bya/ snyan pa'i tshig gis rab tu dga' bar bya/bde bar brgyus sam/ bde bar lhags zhes dri bar bya/ gal te rgan pa yin na ni de la phyag 'tshal nas/ de'i lhung bzed dang / chos gos blangs te/ gtsug lag khang gi nang du bcug la/ stan la gzhag par bya/ rkang pa bkru zhing blang par bya/skom na chu grang mo blud par bya/ ji ltar nus shing mgu bar 'gyur ba'i chos bzhin bsgyur bar bya/ ji ltar rim pa bzhin du gnas mal rnams kyang sbyin par bya/ ci'i slad du 'dug pa de ma dang / pha dang / bu dang / phu nu po'i 'du shes mngon du gzhag cing gzung bar bya'o//na nas ngal ba mi dor ro snyam ste/ de ni gzhi na gnas pa'i bya ba zhes bya'o/ /ngal bso ba'i bya ba gang zhe na/ glo bur du 'ongs pa'i dge slong gis/ gtsug lag khang du 'ongs na des gzhi na gnas pa'i dge sbyong dag las gnas mal rnams brkam pas rings su 'dug par mi bya/snang ba'i gnas su 'dug par bya/ spyod lam dal bar bya/ legs par bgo bar bya/ legs par bsdams par bya/ 'di yang ngal so ba'i bya ba yin te/ gzhi na gnas pa'i dge sbyong dag gis/ dge slong glo bur du lhags pa mthong na/gal te ngo shes na ni ci bder ngal bso bar bya/ ji ltar kun du spyod pa'i chos bcas pa bzhin du spyad par bya/ gal te ngo mi shes na bab col du ngal bso bar mi bya/ dge slong dag la'ang tshe dang ldan pa 'di su'i lhan cig gi gnas pa yin/'di'i spyod pa ji lta bu/ spyod yul ji lta bu/ 'di tshul khrims dang / sdom pa dang / kun du spyod pa ji lta bu zhes dri bar bya'o/ /gal te 'di'i spyod pa dang / spyod yul dang / tshul khrims dang / sdom pa dang / kun du spyod pa rnams rtogs na gdod ngal bso bar bya'o//de gcig pu la gtsug lag khang gtad par mi bya/ dge 'dun gyi mdzod dang / bang ba dang / dge 'dun gyi mal cha dang / stan la dbang byed du gzhug par mi bya/ shin tu rtogs par byas la/ gdod yid gcugs par bya ba ni ngal bso ba'i bya ba zhes bya'o//nam mkha'i bya ba gang zhe na/ nam mkha' thams cad mtshams gcig pa ma yin te/ der gnas pa dang / 'di na gnas pa lhan cig tu las bya ba dang / phyir bzlog pa yang mi 'chags so/ /'di na gnas pa dang de na 'dug pa lhan cig tu las bya bar yang mi 'gyur la/phyir bzlog pa'ang mi 'chags so/ /dge slong skya rengs ma shar bar chos gos med bzhin du 'byung bar mi bya/ dbyar gnas par khas blangs nas gzhag bdun nas/ zhag bzhi bcur byin gyis ma brlabs par nam mkha' las byung zhing gnas par mi bya'o/ / gal te byung zhing gnas na chos gos dang bral bar 'gyur/ dbyar yang ral bar 'gyur te/ 'di ni nam mkha'i bya ba zhes bya'o/ /sra brkyang gi bya ba gang zhe na/ sra brkyang la phan yon lnga ste/ zhag gcig gi 'bral ba med pa dang / zhag bcu'i 'da' ba med pa dang / zla ba gcig gi 'da' ba med pa dang /ji snyed dgos pa'i gos rnams byin gyis ma brlabs par 'chang du rung ba dang / stod g.yogs dang smad g.yogs kyis ljongs rgyur rung ba'o/ /gzhan yang sra brkyang la phan yon rnam pa lnga ste/ 'dus shing za ba med pa dang / yang yang za ba med pa dang /phyi ma la ma bsgo bar 'gro ba med pa dang / chos gos ci dgos pa tshol du rung ba dang / ston zla tha chungs nas/ dpyid zla ra ba'i bar du dbyar gnas par khas blangs pa'i dge slong gi dge 'dun rnams kyis rnyed pa ma bgos shing / gzhag pa de yang sra brkyang bting ba rnams kyis ma dad na gzhan la mi sbyin no//de ni sra brkyang gi bya ba zhes bya'o/ /chu tshags kyi bya ba gang zhe na/ dge slong chu tshags med par lam du 'gro bar mi bya'o/ /gal te chu rgyun du 'bab pa de yang / btung bar 'gyur te/ chu gzhan dang mi 'dres pa zhig gam/ khron pa rung ba zhig gam/ rgyang grags phyed phyed du gtsug lag khang rgyun ma chad par yod na ni ma gtogs so/ /de ni chu tshags kyi bya ba zhes bya'o/ /'chag pa'i bya ba gang zhe na/ bcom ldan 'das kyis 'chags gnyis rjes su gnang ste/ bsam gtan la zhugs pa dang /kha ton la zhugs pa'o/ /bsam gtan la zhugs pa'i 'chag sa ni khru bco brgyad do/ /kha ton la zhugs pa'i 'chags sa ni khru bcu gnyis te/ de ni 'chag sa'i bya ba zhes bya'o/ /'chag sa'i bya ba gang zhe na/ dge slong 'chag sar 'dod na des drag tu yang ma yin/dal nas kyang ma yin par bcag par bya/ shes bzhin du bcag par bya/ dran pa nye bar gzhag pa dang / dbang po nang du gzhag pa dang / yid phyir mi 'byung bar bya/ rdeg mi 'chos par bya/ phan tshun mi 'khor bar bya/ drang por bcag par bya/gal te drang por bcag mi nus na/ srad bu bre bar bya zhing sbubs su bcug nas/ de la bzung zhing bcag par bya ste/ 'di ni bcag pa'i bya ba zhes bya'o/ /'phyen gyi bya ba gang zhe na/ ston pa'i mdun du ma yin/ mchod rten gyi drung du ma yin/slob dpon dang mkhan po'i drung du ma yin/ bla ma'i drung du ma yin/ bla ma'i gnas lta bu'i drung du ma yin/ grong gi nang du skye bo mang po 'du ba'i nang du ma yin/ phyi phyir zhing gtang bar mi bya/ gal te phyir zhing gtong ba zhig tu gyur na/ gnas gud du song ste/gtang bar bya/ de'i rkyen gyis gzhan la mi bde bar mi bya ste/ 'di ni 'phyen gyi bya ba zhes bya'o/ /phyi sa'i bya ba gang zhe na/ dge slong bzhar bar 'dod na/ rno ba'i yo byad kyis bzhar bar mi bya/ rtswa'i chang bus mi bya/ lo ma'am/ ras ma'am/'jam pa gzhan gyis bzhar bar bya ste/ de ni bzhar ba'i bya ba zhes bya'o/ /bshang ba'i bya ba gang zhe na/ dge slong gis gar bab bab tu bshang ba mi bya/ rtsig pa'i drung du ma yin/ shing ljon pa'i drung du ma yin/ shes bzhin du bya/ phyogs gcig tu bshang ba bya/gal te phyi phyir zhing bshang ba zhig tu gyur na/ bshang ba'i skyil mo krung du gzhag par bya/ yang na rgyun gyi khung brko bar bya ste/ 'di ni bshang ba'i bya ba zhes bya'o/ /bshang ba'i bya ba gang zhe na/ dge slong bshang bar 'gro bar 'dod pas snga nas 'dug pas tshor bar bya ba'i phyir se gol brdab par bya'o//sngon du zhugs pas kyang lud pa dbyung bar bya'o/ /shes bzhin du nang du 'gro bar bya'o/ /chos gos legs par brdzes nas 'dug par bya'o/ /bshang ba'i khung bur rkang rten gnyis la legs par brtags nas/dbus su 'dug par bya/ bshang ba mi 'ongs na mthus btsir bar mi bya/ 'ong ba la dgag par mi bya ste/ 'di ni bshang ba'i bya ba zhes bya'o/ /bshang ba'i khung bu'i bya ba gang zhe na/ dge slong bshang bar 'dod na dal bus bags kyis shes bzhin du bshang bar bya'o//bshang khung gi kha rnams su gos shing chags par mi bya ste/ 'di ni bshang sa'i khung bu'i bya ba zhes bya'o/ /bshang sa'i gnas brtan gyi bya ba gang zhe na/ bshang sa'i dge slong gnas brtan gyis gsar bu 'dug pa las bslang bar mi bya ba ni chung ngu na bshang sa'i nang du zhugs pa las slar ldog par mi bya ste/de ni bshang sa'i gnas brtan gyi bya ba zhes bya'o/ /bshang sa'i nye 'khor gyi bya ba gang zhe na/ dge slong gis bshang sa'i nye 'khor na 'greng bar mi bya/ 'dug par mi bya/ bcag par mi bya/ lung 'bogs par mi bya/lung nod par mi bya/ dran par mi bya/ sar dri bar mi bya/ rnal 'byor dang / yid la byed par mi bya/ gtam la zhugs shing mi bya/ lhung bzed kyi las mi bya/ so shing bca' bar mi bya/ lag pa dang / rkang pa bkru bar mi bya'o/ /cho ga thams cad kyang bshang sa'i phyogs kyi nye 'khor du mi bya'o//bshang sa'i gnas su nges par bya ba rnams ni ma gtogs te/ 'di ni bshang sa'i nye 'khor gyi bya ba zhes bya'o/ /gci ba'i bya ba gang zhe na/ dge slong gis gar bab bab tu gci bar mi bya/ rtsig pa'i drung du gci bar mi bya/shing ljon pa'i drung du gci bar mi bya/ shes bzhin du bya/ phyogs gcig tu gci bar bya/ gal te gci ba snyi ba zhig tu gyur na/ gcin snod kyi gyo mo bcang bar bya/ yang na khung bu brko bar bya ste/ 'di ni gci ba'i bya ba zhes bya'o/ /gci sa'i bya ba gang zhe na/ dge slong gis gci sar 'jug par 'dod na/ de snga nas 'jug pas tshor bar bya ba'i phyir se gol brdab par bya ba nas/ snga ma bzhin te/ mi bro ba la mi ba tsir/ bro ba la mi dgag pa'i bar du ste/ 'di ni gci sa'i bya ba zhes bya'o/ /gci sa'i khung gi bya ba gang zhe na/ dge slong gis gci sa'i khung bu'i khar bags kyis shes bzhin du gci bar bya/ gci sa'i khar mi 'dor ba dang mi 'brel par bya ste/ de ni gci sa'i khung gi bya ba zhes bya'o/ /gci sar gnas brtan gyi bya ba gang zhe na/ gci sar dge slong gnas brtan gyis/ gci sar dge slong gsar bu gci zhing 'dug pa bslang bar mi bya'o//gci sar 'dug pa las bslang bar mi bya ba ni/ tha na gci sar 'dug pa dang zhugs pa bzlog par mi bya ste/ 'di ni gci sar gnas brtan gyi bya ba zhes bya'o/ /gci sa'i nye 'khor gyi bya ba gang zhe na/ dge slong gci sa'i nye 'khor du 'greng bar mi bya ba nas snga ma bzhin te/ gci sa'i nye 'khor gyi bya ba ni ma gtogs so zhes bya ba'i bar du ste/ 'di gci ba'i nye 'khor gyi bya ba zhes bya'o/ /bkru ba'i bya ba gang zhe na/ dge slong gis ma bkrus kyi bar du/ ston pa la bltar 'gro bar mi bya/mchod rten la ma yin/ slob dpon dang / mkhan po la ma yin/ bla ma la ma yin/ bla ma'i gnas lta bu la ma yin/ phyag mi bya/ kha ton mi bya/ lung 'bogs par mi bya/ slad mar mi bya/ dran par mi bya/ kun dri bar mi bya/ grong du 'jug par mi bya/zan la 'dug par mi bya/ skyo ma la 'dug par mi bya/ thug pa la 'dug par mi bya/ btung ba la 'dug par mi bya/ chos bshad pa la 'dug par mi bya/ phyogs bzhi'i dge 'dun gyi mal stan la 'dug par mi bya/ na bar gyur na ni nyes pa med de yang na mi'i lha chu yin par gyur tam gal te chu ma 'byor tam/bkrur mi rung ba'i sman btab pa ni ma gtogs te/ de ni bkru ba'i bya ba zhes bya'o/ /bkru ba'i gnas kyi bya ba gang zhe na/ bkru ba'i gnas su 'gro ba'i dge slong gis se gol gtogs pa nas snga ma bzhin te/ bkru ba'i gnas su 'dug par mi bya ba'i bar du ste/de ni bkru ba'i gnas kyi bya ba zhes bya'o/ /bkru ba'i gnas su rkang pa gzhag pa'i bya ba gang zhe na/ khrus byed par 'dod pa'i dge slong gis bkru ba'i tshe/ khrus sar rkang rten la legs par brtags nas 'dug ste/ shes bzhin du dal bus mnye zhing bkru ba'i gnas khang chus mi dgang ba dang /chus mi gsher bar bya ste/ 'di ni bkru ba'i gnas su rkang pa gzhag pa'i bya ba zhes bya'o/ /bkru sa'i khung gi bya ba gang zhe na/ dge slong gis khrus bya bar 'dod na/ dal bus bags kyis shes bzhin du bkru bar bya/chos gos kyi mtha' rnams dang bkru sa'i nye 'khor du chus gsher bar mi bya ste/ 'di ni bkru sa'i khung gi bya ba zhes bya'o/ /khrus sar gnas brtan gyi bya ba gang zhe na/ dge slong gnas brtan gyis khrus sar dge slong gsar bu bslang bar mi bya/ khrus la zhugs pa las mi bslang ba nas/tha na khrus sar zhugs pa las bzlog par yang mi bya ste/ 'di ni khrus sar gnas brtan gyi bya ba zhes bya'o/ /khrus sa'i nye 'khor gyi bya ba gang zhe na/ dge slong khrus sa'i nye 'khor du 'gro ba dang / 'dug par mi bya ba nas/ snga ma bzhin du khrus sa'i nye 'khor du nges par bya ba rnams ni ma gtogs pa'i bar du ste/de ni khrus sa'i nye 'khor gyi bya ba zhes bya'o/ /mchil ma'i bya ba gang zhe na/ de na dge slong gis sgra dang bcas pa'i mchil ma dor bar mi bya/ lces dril nas sos mnan te mi bya/ ston pa'i spyan sngar ma yin/ mchod rten gyi drung du ma yin/ slob dpon dang / mkhan po'i drung du ma yin/ bla ma'i drung du ma yin/ bla ma'i gnas lta bu'i drung du ma yin/ zan za bar ma yin/ 'byung na ma yin/ yongs su las byed pa'i sar ma yin/ dge slong gis bab bab tu mchil ma dor ba ma yin/ mchil ma bor nas 'phyag par bya ste/yang na rkang pas mnye'o/ /yang na sas dgab po/ /dge slong gis mchil ma phyi phyir zhing dor bar mi bya'o/ /gal te phyi phyir zhing dor na de'i rkyen gyis gzhan la mi bde bar mi 'gyur ba'i phyir gnas gzhan du 'gro bar bya ste/ de ni mchil ma'i bya ba zhes bya'o/ /mchil ma'i snod kyi bya ba gang zhe na/bcom ldan 'das kyis dge slong rnams mchil ma dor ba'i phyir/ mchil ma'i snod rnam pa gnyis rjes su gnang ste/ slob dpon gyis byas pa dang / bdag nyid kyis byas pa'o/ /dge slong gis mchil ma'i snod dus dus su brtag par bya/bskam par bya/ dben par gzhag par bya/ shin tu bkru bar bya/ ci nas kyang de'i rkyen gyis phyi phyir zhing brel bar mi 'gyur bar bya ste/ de ni mchil ma'i snod kyi bya ba zhes bya'o/ /so shing gi bya ba gang zhe na/ dge slong gis so shing ring po bcang bar mi bya/ shin tu thung ba'ang ma yin/shin tu sbom pa'ang ma yin/ shin tu phra ba yang ma yin/ shin tu ring ba'ang ma yin/ ston pa'i spyan sngar ma yin/ mchod rten gyi drung du ma yin/ slob dpon dang mkhan po'i thad du ma yin/ bla ma'i thad du ma yin/ bla ma'i gnas lta bu'i drung du ma yin/me khang du ma yin/ bkad sar ma yin/ 'chag sar ma yin/ bsro khang du ma yin/ rkang pa bkru ba'i sar ma yin/ gnas khang du ma yin/ khrus bang rim khang du ma yin/ sgo khang du ma yin/ bshang ba'i sar ma yin/ rtsig pa'i drung du ma yin/ shing drung du ma yin/gtsug lag khang gi phyag dar bya ba'i khor khor yug tu ma yin/ skye bo mang po 'du ba'i gnas thams cad du so shing dor bar mi bya'o/ /dge slong gis rnam pa gsum dben par bya ste/ bshang ba dang / gci ba dang / so shing bca' ba'o/ / dge slong so shing 'chos nas de bzhin du ma dor gyi chus bkru bar gyi/ yang na rngo bas mnye bar bya/ yang na sa la drud par bya ste/ 'di ni so shing gi bya ba zhes bya'o/ /so brud pa'i bya ba gang zhe na/ dge slong gis so shing rnon pos brud par mi bya/ bag med par nang du gzhug par mi bya/ dal bus bags kyis shes bzhin du brud par bya/so'i rnyil la brud par mi bya ste/ 'di ni so shing gis brud pa'i bya ba zhes bya'o/ /lce bzhar ba'i bya ba gang zhe na/ lce bzhar ba rnon pos bzhar bar mi bya/ bag med par gzhug par mi bya/ bags kyis dal bus shes bzhin du lce bzhar bar bya/lce'i sha bzhar bar mi bya ste/ 'di ni lce bzhar ba'i bya ba zhes bya'o/ /rna spabs bru ba'i bya ba gang zhe na/ dge slong gis rtse mo rnon pos rna spabs bru bar mi bya/ bag med par gzhug par mi bya/ dal bus bags kyis shes bzhin du rna spabs bru bar bya/ rna ba'i sha brud par mi bya ste/ 'di ni rna spabs bru ba'i bya ba zhes bya'o/ /kun du spyod pa'i bya ba gang zhe na/ dge slong gis yon tan thams cad gsungs par spyad pa ni spyod pa'o/ /kun du mi spyod pa'i bya ba gang zhe na/ de ltar slar bzlog pa ni mi spyod pa'o/ /ma ma'i phung po gsum rdzogs te ma mo rdzogs so// //btsun pa 'dul ba'i lus gang lags/ dmigs pa gang lags/ byin gyis brlabs pa gang lags/ mtshan nyid gang lags/ gleng gzhi gang lags/ ngo bo nyid gang lags/ 'bras bu gang lags/ nye ba 'khor 'dul ba'i lus ni dmigs pa'o//dmigs pa ni nan tan no/ /byin gyis brlabs pa ni lus dang / ngag dang / yid do/ /mtshan nyid ni las so/ /gleng gzhi ni bsgrags pa'o/ /ngo bo nyid ni nyes pa'o/ /'bras bu ni mtho ris dang thar pa'o// //