CLOSE WINDOW

D4110
བོད་ཡིག

@/ /so sor thar ba'i 'grel pa tshig gi dga' ba bskyed pa bzhugs/ @##/ /chags la sogs pa gzhan du phul ba brjod pa yod pa'i phyir ro/ /yang 'ga' zhig ni mdun du bslab pa phul na phul ba ma yin par brjod par bya ba'i phyir lkugs pa'i tshig lhag par 'don par byed pa de yang mi rigs pa nyid de/rig par byed pa med kyang rtogs pa yod na phul ba'i phyir te/ 'chi bar nyes pa la sogs pa bzhin du lce rnyed na rig par byed pa'i phyir ro/ /bslab pa phul zhes pa ni dngos su bslab pa gtong ngo zhes gzhan la brjod pa'o/ /bslab pa nyams par byas pa ni tshangs par spyod pa ni spyad dka' 'o rab tu dben par gnas pa ni dka'o zhes pa la sogs pas bdag gis bslab pa bskyang bar mi nus so zhes brjod pa'o//de'i phyir yang bslab pa nyams pa mthol ba med par byed na de'i rgyu rjes su ma brjod pa'i phyir yongs su rdzogs par phul ba ma yin no/ /gang yang nyams pa med par phul brjod par byed na de yang 'bras bu ma brjod pa'i phyir yongs su rdzogs pa ma yin no//de'i phyir gang gnyi ga med pa de yongs su rdzogs pa yin pas gnyi ga nye bar gzung bar bya ste/ ngag gi tha snyad rab tu bstan pa'i don du yin par shes par bya'o/ /bslab pa phul la nyams par ma byas pa//zhes pa la sogs pa bslab pa 'bul ba la mu bzhi yod pas bslab pa 'bul ba las nyams par ma byas pa'i don gzhan nyid du blta bar bya ste/ de don gzhan nyid yin na yang 'di 'grub par 'gyur te gang 'ga' zhig bslab pa nyams par byas kyi dbul bar ma byas pa das gal te bag med pas pham par gyur pa'i chos bzhi'i nang nas gang yang rung ba zhig spyad na phul bar byas pa bzhin du de las rab tu byung ba dang bsnyen par rdzogs pa'i dge slong gi dngos por grub pa yin no zhes 'chad do//dbul ba la yang stong pa brjod par 'dir dgos pa yin gyi tshig gi khyad par gyis ni ma yin pa'i phyir ro//tshig las ni dngos su gzhan rtogs par byed pa yin la rnam par gcod pa med na sdom pa thams cad dbul bar 'gyur te/ rnam par bcad na ni de kho na phul ba yin gyi gzhan ni ma yin no zhes shes par bya'o/ /'dir sngags kyis ni dgos pa med de gtong ba tsam gtso bo yin pa'i phyir ro zhe na/gzhan la nye bar brten nas gtong ba'i cho ga byed dam 'on te gzhan la nye bar ma brten par cho ga byed ces bya ba 'dir rtogs la dbul bar mi byed pa na phul ba ma yin te/ ci ltar de la ltos pa dang bcas pa'i phyir de lta bu 'ga' zhig ni yod pa yin no//rnam pa de lta bu gyur pa yod dam med kyang rung ste kho bo la ni 'di dgos pa nyid do zhe na/ de lta bu'i gtong ba'i cho ga ni yod pa ma yin no/ /gtong ba'i cho ga de lta bu yod dam med kyang rung ste kho bo la ni re zhig 'dis dgos pa med do zhes bya ba rnam par ma brtags par 'bul ba yin no zhes bya ba ni 'dul ba 'dzin pa rnams zer ro//mi tshangs par spyod pa zhes pa la tshangs pa ni mya ngan las 'das pa yin la de dang 'gal ba ni 'khrig pa yin pas dgag pa'i don 'thad do/ /gal te yang / med pa dang ni 'gal ba dang / /ngan dang rtsa ba'i don dang ni/ /gzhan dang 'dra ba'i gnas rnams la//dag pa rnam pa drug tu brjod/ /ces bshad pa de lta na yang 'dir 'gal ba la blta bar bya chos dang don ma yin pa dang 'bras bu ma yin zhes bya ba la sogs pa bzhin no/ /'on te de ltar na rang bzhin dang bcas pa'i kha na ma tho ba thams cad mi tshangs par spyod par 'gyur ro zhe na/de bsal ba'i phyir 'khrig pa zhes smos so/ /dge slong gis phyogs gcig nyams kyang dge slong dngos po dang ma bral ba'i phyir te/ de nyid kyi phyir sdom pa'i phyogs gcig zhig pas mtha' dag gtong ba ni rigs pa ma yin no/ /gzhan du yang / ji ltar phyogs gcig blangs gyur pas//mtha' dag blangs par mi 'dod ltar/ /de bzhin phyogs gcig 'khrugs gyur pas/ /mtha' dag gtong bar ji ltar 'gyur/ /yang / kha che rnams ni byung ba la/ /bu lon nor bzhin gnyis su 'dod/ /ces bshad do/ /yang de bzhin du gsol ba dang bzhi'i las kyis bsnyen par rdzogs pa'i dge slong de nyid la pham par 'gyur ba yin gyi gzhan ming gi dge slong la sogs pa la ni ma yin no zhes bstan du zin kyang smos pa ni nges pa'i don du dgos pa nyid do//dge slong ma yin dge sbyong ma yin shAkya'i sras po ma yin zhes bya ba de la dman par dgag pa yin par khong du chud par bya ste/ dper na bu ngan pa la bu med ces bya ba lta bu'o/ /de nyid kyi phyir/ dge slong min sogs gsum dag la/ /dman par dgag nyid bstan pa yin/ /kha na ma tho med dge slong / /phyir de nyams pa nyams pa nyid/ /kha na ma tho med pa dang / /mi ldan phyir dang gso med phyir/ /ma chags 'di la skal med phyir//yon tan thob pa med phyir bstan/ /shing tshig pa dang mtsho skams dang / /rna med sa bon rul ba dang / /mgal me'i 'khor lo nyid dang ni/ /sems can shi bar gyur pa bzhin/ /cha lugs tsam zhig lus pa'i phyir/ /dge slong nyid ces gzhan dag zer/ /srog gcod pa'i gleng gzhi 'di la kha cig ni ri dwags pa'i bu dge sbyong sbed dper rjod par byed do//de ni mi bden te de ni ri dwags bzlog pa la gtang bar byas pa'i phyir dang / rab tu byung ba'i drung na sbas nas skyed pa'i phyir dang / dge slong gi cha lugs can gyi rab tu byung ba yin pa'i phyir dang / chos 'di ba'i dge slong yin pa'i phyir de la brten nas bslab pa'i gzhi bcas pa med do//'on kyang dge slong rab tu mang po de rnams kyis phan tshun srog gcod par byed pa yin no/ /dge slong rab tu mang po 'di dag kha na ma tho ba dang bcas pa dang dge slong chos 'di pa dag go zhes thams cad du dge slong rab tu mang po brjod pa'i phyir ro//'dir yang srog gcod pa'i sems kyis mi'i 'gro ba pa dang / der 'du shes pa la pham par 'gyur ba'i ltung ba 'di rnam par gzhag par bya ste/ des na yan lag gzhan gang yang rung ba ma tshang na sbom po'o/ /de ltar srog gcod pa'i sems kyis mi'i 'gro ba pa'i zhes bya ba de tsam zhig brjod na mi dud 'gro la sogs pa'i rnam par gnas pa la mi ma yin pa'i 'du shes kyis gsad na dge slong la pham par 'gyur bar thal bar 'gyur ram snyam na/de yang rigs pa ma yin te/ mi bsad pa'i mngon par 'dod pa med pa'i phyir ro//'di ltar lha sbyin gsad par bya'o snyam du 'du shes pa las ma bsad na mtshams med par 'byung bar mi 'gyur te/ de ltar yang sbyor ba la 'du shes yan lag yin no/ /bsam pa ni de nyid do zhes bya ba 'dis gnod par 'gyur te/ khyad par gyi rgyu med pa'i phyir ro/ /de ltar yang zhus pa las btsun pa dge slong gis mi la mir 'du shes nas bkum na cir 'gyur lags/mthar 'gyur ro/ /mi la mi ma yin par 'du shes te bkum na cir 'gyur lags sbom por 'gyur ro zhes pa la sogs pa mu bzhir gsungs so/ /mdo mdzad pas kyang ched du ma bsams par grub pa ni byed pa po ma yin no zhes bya ba dang /de bzhin du srog gcod pa ni bsams bzhin du ma nor ba ni gzhan gsad pa'o zhes bshad do// //brdzun du smra ba'i yan lag ni 'du shes bsgyur ba dang / mi'i chos bla ma nyid dang / rang bzhin gyi don nyid dang / rang gi ngag gi bdag nyid dang 'brel pa dang /nyan pa po'i mi'i 'gro ba po nyid dang / rang bzhin du gnas pa nyid dang / des kyang go ba nyid dang / mngon par 'dod pa ma yin pa nyid do/ /gzhan dag ni mngon par 'dod pa nyid ces bya ba 'dod do/ /de ltar pham pa rgyas par bshad nas nyan pa po yid ches pa bskyed pa'i don du mjug bsdu ba ni bton zin to zhes pa'o//da ni 'di bshad par bya ste/ mdo sde dang / 'dul ba/ /mngon pa rnams kyi go rims ni srog gcod pa la sogs pa'i rim pas yin te srog bcad pa las slar ldog par bgyid do zhes pa la sogs pas bslab pa'i gzhi bcas pa yin na 'dir rim pa de spangs nas mi tshangs par spyod pa dang por bstan pa'i rgyu mtshan ci yin bstan pa la//gzhan dag ni gtso bo ji lta ba bzhin du brjod pa'i phyir ro/ /'khor ba'i rtsa ba ni 'dod pa dang de'i gzhi yin pa des na dang por mi tshangs par spyod pa'i bslab pa'i gzhi bcas so/ /de'i yongs su longs spyod pa'i don du ma byin par len par 'gyur bas des na ma byin par len pa rnam par gzhag go//brkus pa na mi mthun pa rnams gsad par 'gyur bas de nas gsod pa gzhag go/ /khyed ni gsod par byed pa'o/ /zhes brjod pa na ngas de ltar ma byas so zhes brdzun smra ba 'byung bas tha mar bshad do zhes 'chad do//kha cig ni gsod pa'i nyon mongs grang ba'i dmyal bar skye ba la thog mar 'gro ba de'i phyir 'di dag go rims bzlog nas bstan to zhes 'chad do/ /'ga' zhig ni snga ma la brten nas phyi ma 'byung bso ga rims yin no zhes 'chad do/ /mi tshangs par spyod pa'i don du ma byin par len par byed/brkus pas de'i bdag pos gcod pa dang brdzun smra ba'i phyir rim pa ni 'di yin no/ /kho bo ni byung bas rab tu phye ba ste/ 'dul ba ni byung ba'i rjes su 'brang ste bslab pa'i gzhi bcas pas 'dir mngon par mi bya'o/ /pham par gyur pa gdon pa ste gnyis pa rdzogs so// //rmi lam gyi rang bzhin du grub pa ni kho bos 'dul ba'i 'grel ba'i dka' 'grel tshig ma bshad pa'i 'grel par cung zhig bshad pas de las rtogs par bya'o//'dir kha cig pham par 'gyur ba thams cad la yang dge slong gang zhes bshad do/ /dge 'dun lhag ma la sogs pa 'ga' zhig tu gsungs la 'ga' zhig tu ma gsungs pa dang /bslab par bya ba rnams la ma gsungs pa'i rgyu 'di ci zhig yin zhes rtsod par byed de/ 'di la rnam par rtog pa du mas 'chad par byed do/ /gzhan dag ni dge slong gi dbang du byas pa'i phyir te/ des na de nyid la lung 'di rnam par gzhag pa'i phyir ro//des na don gyis rtogs pa'i phyir dge slong gi tshig ma brjod do zhes 'chad do/ /gzhan dag ni gnyi ga'i sgo nas bstan pa'i don du'o zhes 'chad do/ /ji ltar 'dir pham par 'gyur ba la sogs pa la gsungs pa de bzhin du 'dir yang brjod par bya'o/ /ji ltar ma gsungs pa de bzhin du gzhan bslab par bya ba la sogs pa rnams la yang brjod par mi bya ste/bcom ldan 'das kyi bstan pa ni sna tshogs pa nyid yin pa'i phyir ro zhes 'chad do/ /gzhan ni sdom pa de'i gzhung ni 'phags pa'i lam gyi gzugs brnyan gyi don du yin no zhes 'chad do/ /de ltar yang 'phags pa'i lam kha cig ni lta ba'i rang bzhin can de/bzod pa brgyad po de yang / dri med shes rnams bzod pa min/ /zhes bshad pa'i phyir ro/ /kha cig ni ye shes kyi rang bzhin yin te 'di lta ste/ zad dang mi skye'i blo lta min/ /zhes bshad pa'i phyir ro/ /kha cig ni gnyi ga'i rang bzhin yin te/de las gzhan 'phags blo gnyis gang / /zhes bshad pa'i phyir ro/ /de bzhin du 'dir yang 'ga' zhig pham par 'gyur ba thams cad la yang dge slong gang zhes bya ba gsungs pa yin la/ 'ga' zhig du ma gsungs pa ni dper na bslab par bya ba rnams lta bu'o/ /'ga' zhig tu gsungs pa dang /ma gsungs pa ni ji ltar dge 'dun lhag ma rnams la'o/ /de'i phyir 'dir 'phags pa'i lam gyi gzugs brnyan du sdom pa gnas pa yin la de med par ma gyur na 'phags pa'i lam gnas par blta bar bya'o zhe'o/ /'di dang smyan gyi bar 'og ma bzhi ste lnga ni mi tshangs par spyod pa'i cha yin no//yan lag ni sad pa'i gnas skabs dang / rang gi khu ba dang / dang po'i gnas nas 'phos pa dang / mngon par bsams pa nyid dang / bsal ba dang / gzhan gyi rgyud du gtogs pas kyang byas pa dang / gos la sogs pas bar du chod pa dang bral ba dang /sems can du bgrang ba dang / de'i rnam par gnas pa'i lag pa la sogs pas byung ba'o/ /bud med kyi yul zhes bya ba ni/ bud med kyi skye bo ste/ de la gcod par byed za bar byed pas na bud med do/ /skyes pa'i sems yongs su bcas nas za ba zhes bya ba'i bar du'o//gzhan ni ltung ba skyed pa'i phyir dang / longs spyod par bya ba nyid kyi phyir bud med do zhes 'chad do/ /gzhan dag ni lam gyi sgra 'di rnam par rtag pa'i don 'di blo la gzhag nas len bu nas bzung ba la yang dngos gzhir 'chad de/ de dag ni zhus pa las spu dang sen mo dang so la sogs pa la reg na sbom por bshad pa dang 'gal bar nges par bya'o//zhus pa las btsun pa spus reg na ltung ba cir 'gyur sbom po'o/ /btsun pa spu la reg na ltung ba cir 'gyur sbom po'o zhes gsungs so/ /mdo mdzad pas kyang sen mo la sogs pa ni gzhan dang ldan pa nyid do zhes gsungs so//lus la reg pa bzhin du 'di la reg pas ro nye bar gnas pa yin no/ /zhe na de ni spu la reg pa 'di la yang don mtshungs pa yin te/ lag ngar dang rje ngar la sogs pa'i lus la reg pa las bde ba dang / 'dod ldan ma rnams kyi mchan khung dang sgyed [(]pa'i [,]pu'i [)]spu la reg pa la 'dod ldan pa rnams la lhag pa'i ro nye bar gnas pa yin la/de la yang dngos gzhi ni 'dod pa ma yin te/ lus nyid ma yin pa'i phyir ro/ /ro nye bar gnas pa ni 'dir yan lag ma yin te/ 'dod chags che ba rnams kyi tshul bzhin ma yin pa yid la byed pa'i dbang gis bya ba med par ro chen por nyams su myong ba na dngos gzhir thal bar ma gyur pa'i phyir ro//'o na 'dir len bu nas bzung na zhes gsungs so zhe na/ byung ba'i dbang gis 'dir bshad pa yin gyi 'di yan lag ni ma yin te/ rang gis bslangs pa'i dog pa 'thag tu bcug pa bzhin no/ /'on te rnam par 'byed pa las len bu nas bzung ngam zhes bya ba la len bu ni skra dang 'brel pa'i gos so zhes gsungs so zhe na/'di gsungs mod kyi 'on kyang len bu nas bzung ba dge 'dun lhag ma ni ma yin no/ /'o na rnam 'byed du ji ltar smos she na/ byung ba'i dbang du gyur pa mdo'i tshig de nyid kyi rnam par dbye bar bstan pa'i don du gsungs kyi yan lag ma yin te/ltung bar bstan pa med pa'i phyir ro/ /de bzhin du 'di ltar rnam par 'byed pa las 'di ltar dge slong gis bud med mtshan nyid dang ldan pa'i spyi bo la nom par byed na gos kyis bar du ma chod pa la nom na lhag mar 'gyur ro/ /bar du chod pa dang bcas pa la nom na sbom por 'gyur ro/ / de bzhin du dpral ba la sogs pa la yang de bzhin no zhes bstan pa 'dis ni dbang po dang bcas pa'i lus thams cad la ltung ba 'byung bar bstan par byas nas ltung ba bstan gyi dbang po med pa len bu la sogs pa lus ma yin pa rnams ni ma yin no/ /de ltar yang tha na rkang pa'i mthe bong la reg par byed na zhes bya ba 'dir thams cad nye bar bsdus nas mthar phyin par bstan pa ni bde bar gshegs pas lus nyid bstan pa rnam par bcad pa'i don du'o//rtog pa sngon du gtong ba 'ga' zhig dbang po med pa rnams la dngos gzhir 'gyur bar dogs par mi bya ste//gzhan du na bcom ldan 'das kyis skra dang sen mo mtha' yin pa'i phyir tha na skra dang sen mo zhes de ltar mthar thug par ston par 'gyur ro/ /de'i phyir len bu de la gos kyis bar du ma chod pa sen mo dang so dang spu la reg pa bzhin du sbom por blta bar bya ste/ sbyor ba yin pa'i phyir dang /yan lag gzhan thams cad yod la lus nyid med pa'i phyir ro zhes bya ba ni 'dul ba 'dzin pa rnams kyi'o/ /des na 'di ni dbang po dang bcas pa'i lus kyi bye brag rnam par gzhag nas dbang po med pa'i lus la lus zhes ga la ston par 'gyur te/ shin tu tha dad pa'i phyir ro/ / gang du len bu la reg pa la yang dbang po med pa'i phyir dngos gzhir mi 'dod na de dang 'brel pa'i gos la dngos gzhir ga la 'gyur te/ dbang po med pa'i phyir thag ring du spangs pas skabs mi rnyed pa'i phyir ro/ /des na nom pa la sogs pa 'dir nyon mongs pa can gyi bde ba mngon par bsams nas ngas bud med kyis byas pa'i reg pa bdag gir byed na ji lta ji ltar lus kyi yan lag gang dang gang la reg pa na dge 'dun lhag ma'o//bud med gson pa'am shi ba zhes bya ba 'dir yan lag ma yin te/ des na khyad par yongs su bzung ba 'di dag so so la yang dge 'dun lhag mar 'gyur ba yin no zhes shes par bya'o//de ltar yang zhus pa las btsun pa re zhig bud med shi ba'i lus dang lhan cig reg par bgyid na ltung ba cir 'gyur/ dge 'dun lhag ma'o zhes gsungs so/ /de bzhin du 'grel pa byed pas kyang shi ba nyid ni 'dir na smad par bya ba ma yin no zhes bshad do//yan lag ni mi'i 'gro ba bar skyes pa nyid dang / rang bzhin du gnas pa nyid dang / mi tshangs par spyod pa bsten pa'i mthu dang ldan pa dang / lus ma nyams pa nyid dang / gos la sogs pas bar ma chod pa nyid dang / bud med dang dral cing gyur pa'i sems dang / lus la reg pa dang / reg pa bdag gir byas pa dang / lus ma nyams pa nyid do/ /dge slong mas skyes pa la 'khrig pa smras na sbom por 'gyur te/ 'og ma dag la yang ngo / /yan lag ni mi'i 'gro ba pa nyid dang / legs nyes kyi don go ba dang / bde ba nyams su myong bar 'dun pa dag 'dod chags dang mtshungs par ldan pa'i sems dang /rang gi ngag gis brjod pa dang / gzhan la brjod pa dang / bdag gi don rnams so// //dge slong mas skyes pa la bsnyen bkur bsngags na nyes byas te/ 'os ma yin pa'i phyogs la brten pa'i phyir ro/ /yan lag ni mi'i 'gro ba pa nyid dang /rang bzhin du gnas pa dang / legs smras kyi don go bar nus pa dang / dral zhing gyur pa'i sems dang / rang gi ngag gis brjod pa dang / bdag gi lus la bsnyen bkur bya ba'i don dang / bdag nyid la bsnyen bkur bsngags pa brjod pa dang / bdag nyid kyis rtogs pa'o// // smyan byed pa la 'dir bud med ni yan lag ma yin te/ skyes pa'i yul la yang 'di rnam par gzhag pa yin no/ /de ltar 'grel pa byed pas kyang khyad par yongs su bzung ba med pa'i phyir thams cad du bsten par bya ba'i rma'i sgo gnyis sam gsum dang ldan pa'i mi'i 'gro ba pa dang / sten par byed pa yan lag thams cad dang ldan pa'i mi'i 'gro ba pa'o zhes brjod do//de nyid kyi phyir ma ning pho mo yang 'di nyid kyi rjes su 'brangs nas spangs par blta bar bya'o// //'dir yan lag ni gzhan dag dang / rang bzhin du gnas pa dang / mi'i 'gro ba pa dag dang / sbyor ba dang sbyar byed rma'i sgo gnyis sam gsum dang ldan pa dag dang /mi mthun pa dag mthun par bya ba'i don du dang / sprad pa'i don du tshig dang / phrin yig la sogs pas phrin lan gsum mnos shing bskyal ba dang phrad pa'o// //khang pa la bdag po dang bcas pa dang bdag po med pa'i bye brag gis khang pa ni rnam pa gnyis su 'gyur ba des na 'dir ji lta bu zhig brjod par bya snyam pa la/bdag po zhes bya ba la sogs pa gsungs te/ bdag po med pa ni gang la bdag po skyes pa dang bud med dang ma ning med pa ste/ bdag nyid kyis bslangs pa zhes gsungs pa'i phyir ro/ /gzhan dag ni bdag po med pa ni bdag po med pa can yin la bdag nyid ni bdag po nyid yin pas bdag po dang bcas pa yin no zhes 'chad do//des na bdag gi phyir zhes gsungs te/ bdag gi ched du zhugs pa yin gyi gnyis dang gsum dang bzhi la sogs pa'i ched du ni ma yin no/ / gnyis kyi thun mong pa la ni sbom por brjod pa'i phyir te/ gnyis kyis thun mong du byed na ltung ba sbom por 'gyur ro zhes bya ba la sogs pa gsungs pa'i phyir ro/ /mang po'i don du bstan pa ni rigs pa ma yin te/ dge 'dun gyi don du yin na gtsug lag khang dge 'dun lhag mar 'gyur ba'i phyir te/dge slong gi bdag po yod pa dge 'dun gyi phyir gtsug lag khang chen po zhig brtsig tu bcug na zhes bya ba la sogs pa gsungs pa'i phyir ro/ /bde bar gshegs pa'i mtho zhes pa la bde bar gshegs pa ni yang dag par rdzogs pa'i sangs rgyas kyi lam gyi rjes su zhugs pa nyid kyi phyir ro//yang na gshegs pa dang byon pa dang / gzigs pa dang / rnam par gzigs pa la sogs pa dang / bskyed pa dang ldan pa'i phyir ro/ /yang na de kho na nyid dang gnyis gnas pa'i khyad par lus pa med par mkhyen pa'i phyir ro/ /yang na mdzes pa dang phyir mi ldog pa dang / ma lus pa gshegs pas so zhes gzhan dag 'chad do//lhag ma 'di ni mi gsod pa'i phyogs su gtogs pa yin te/ 'og ma dag la yang ngo / /kha cig ni gnyis po 'di dag ma byin par len pa'i 'khor du gyur par brjod do/ /de'i 'di ni bstan bcos las 'das pa yin te/ ma byin par len pa'i 'khor ni ma bstabs par stan la 'dug pa dang /byin phrogs dang bsngos bsgyur dang / sbed pa dang / rkun ma dang 'grogs pa nyid yin pa'i phyir 'di gnyis ma yin no 'di gnyis dge slong ma la ma bzhag ste/ bud med phal cher ni khang pa byed pa la 'jug pa ma yin te/ bud med rnams ni ji ltar yang de'i blo rang dbang du 'jug pa ma yin pa'i phyir ro//skyes pa ni khang pa byed pa la rang dbang can du 'dod pas 'jug pa'i phyir ro/ /'jug ces bya ba mthong ba de ni srid tshad pa yin pas bsam par mi bya'o/ /des na gzhi mi rung ba'i phyogs la brten pa'i phyir 'di la nyes byas su rnam par gzhag go//'di'i yan lag ni/ sa gzhi dang yo byad gzhan la btsal ba nyid dang / rjes su gnang ba nyid dang / gzhi ma dag pa nyid dang / ma bstan pa nyid dang / gnas yongs su rdzogs pa dang / gcig gi don nyid dang / tshad las 'das pa'o/ /gtsug lag khang chen po byed du 'jug na/nyes pa la 'dir rin thang las yin gyi tshad las ni ma yin te/ gang gi phyin rin thang dang tshad kyis chen po ni rnam pa gnyis te/ 'dir ni rin thang las mngon par 'dod pa yin gyi tshad las ni ma yin no/ /gang gi phyir dge 'dun gyi gtsug lag khang ni bdag po du ma can yin pa'i phyir tshad lhag pa nyid yin gyi 'das pa ni ma yin no zhes bya ba'i don gyi dbang du byas nas tshad las 'das pa nyid ni gtsug lag khang ma dag pa'i yan lag du ma bstan to//bdag po yod pa ni byung ba yin gyi yan lag ma yin no zhes 'grel pa byed pas bshad do/ /khyim gyi dngos po la zhen pa bkag pa bag yongs su byas nas dge 'dun gyi phyir nyos pa dang /dge 'dun gyis kyang rjes su gnang ba'o/ /dge 'dun gyi phyir zhes pa ni dge 'dun gyi dgos pa'o/ /dge 'dun smos pa ni khyim pa bzhi la sogs pa yang dge 'dun du mi bzhed par rig par bya ste/ khyim pa'i don la sems pa ni sdig pa can yin pa'i phyir ro/ /'phags pa'i dge 'dun rjes su bzung ba'i bsam pa ni shin tu dge ba nyid yin yang kha na ma tho bar rnam par gzhag pa'i phyir ro//gang du dge 'dun gyi phyir zhes bya bas de bzhin gshegs pa'i nyan thos kyi dge 'dun gsungs pa ni gleng gzhi'i dbang du byas nas de ni nye bar mtshon par byed par rig par bya'o zhes 'grel pa byed pas bshad do//de'i 'di ni drang srong gis ma gsungs pa'i phyir dang / gtso bo ma yin pa'i phyir dang / rang gi don nyid med pa'i phyir mi 'dod pa yin te/ gang gi phyir rnam 'byed las gtso bor dge 'dun gyi ched du zhes bya ba ni nyan thos kyi dge 'dun la bshad pa'i phyir zhar la byung ba rang 'dod kyi bshad pas ci zhig bya ba zhes 'dul ba 'dzin pa dag zer ro//gzhi med pa 'di ni smra ba'i phyogs su gyur pa'i kha na ma tho ba yin no/ /bag tsam la gzhan gyi cha ma yin pa dang mthun pa zhes bya ba la gzhan ni mya ngan las 'das par brjod par bya ste/ 'khor ba ni phyin ci log yin pa'i phyir ro/ / de'i cha ma yin pa ni mi mthun pa'i phyogs te nyon mongs pa'i chos so/ /de dang mthun pa ni gzhan gyi cha ma yin pa dang mthun pa ste/ pham par gyur pa bzhi po dag go/ /de nyid kyi rnam par 'byed pa las gzhan gyi cha ma yin pa dang mthun pa zhes bya ba la gzhan zhes bya ba ni mya ngan las 'das pa'o//de'i cha dang mthun pa ma yin pa ni pham par gyur pa bzhi po dag go/ /gzhan ni bcom ldan 'das kyis mdzad pa'i bshad pa ma rtogs nas rang nyid 'chad par byed de/ gzhan la brten pa ni gzhan gyi cha ste/ gang gi phyir 'dis ni 'khrig pa'i chos bsten to zhes dngos su bshad pa'i phyir te/dngos su gsal por smra ba ni gzhan gyi cha ste/ gnyis gnyis dag snyoms par 'jug pa dang 'dra ba'i chos zhes bya ba'i don to/ /de la pham pa ni gzhan gyi cha dang mthun pa'o/ /yang na de bzhin du zhes pa ni mya ngan las 'das pa ste/ dge ba dang rtag pa nyid kyi phyir ro//de las bzlog pa'i phyir gzhan ni 'khor ba'o/ /de bsten pa'i phyir gzhan gyi cha'o/ /de dang rjes su mthun pa ni pham pa ste gzhan gyi cha dang mthun pa'o/ /bshad pa 'di thams cad la ni dgag pa'i sgra rnam pa thams cad du dor nas 'chad par shes par bya'o/ /'on te dge 'dun lhag ma'i chos kyi rnam pa 'ga' zhig gis kyang gzhan ma yin pa dang mthun par 'gyur te/mya ngan las 'das pa dang 'gal ba'i phyir des kyang skur na lhag mar gzhag par bya'am snyam pa la de las khyad par du bya ba'i don pham par 'gyur ba'i chos kyis zhes smos so 'on te tshig gnyis smos pa ci'i don du byas she na/gnyi ga smos pa ni pham pa 'di mya ngan las 'das pa'i chos dang shin tu 'gal ba'i phyir ro zhes bya ba'i dbang du byas nas pham par 'gyur ba la shin tu nyes pa brjod pa'i don du yin no/ /dbyen la lhas sbyin gyi gnas lnga po ni dgon par gnas par mi bya ba nyid dang / bsod snyoms pa nyid dang /phyag dar khrod pa nyid dang / chos gos gsum pa nyid dang / bla gab med pa nyid de/ dka' thub kyi gnas lnga po 'di dag la mi mos pa dang / mi bzod pa dang / mi bzod pa sgrub pa de dag ni dge sbyong gau ta ma'i drung na mi gnas par ring du gyur pa yin pas tshul shing long shig bsgo ba na/dge slong lnga brgya po rnams kyis tshul shing blangs par gyur te zhes bya ba la sogs pa gzhi las gsungs so/ /kha cig ni zho dang 'o ma mi btung ba la sogs pa'i rang bzhin gzhan brtul zhugs kyi gnas lnga lha sbyin gyis bcas pa yin te/ 'di lta ste 'o ma dang lan tsha mi bza' ba dang / gos ma dras pa bgo ba dang / grong du gnas par mi bya ba'o zhes 'chad pa ni don 'brel par ma mthong ste/ phye ba las dus log par lta ba skyes pa na de rnams ston pa'i phyir ro/ /'di ltar lha sbyin gyis 'phags pa la skur ba 'debs pa can gyi log par lta ba rnyed nas/ dge ba'i rtsa ba yongs su chad pa 'jig rten pha rol med do zhes bya ba la sogs pa'i nyed pa rnyed nas nyan thos rnams la tshig lnga rnams kyis chos ston par byed pa ni dge sbyong gau ta ma ni 'o ma 'thung ste zhes pa la sogs pa gzhi las gsungs pa'i phyir ro//'dir tshul khrims dang brtul zhugs mchog tu 'dzin pa 'di ni rgyu ma yin pa la lam du lta ba zhes de dang der gsungs so//rgyu ma yin pa la rgyur rtogs pa nyid kyi tshul khrims dang brtul zhugs mchog tu 'dzin pa ni sdug bsngal mthong bas spang bar bya ba yin no zhes ye shes la 'jug pa'i bstan bcos las bshad pa bzhin no/ /de nyid kyi phyir dge 'dun gyi dbyen du gyur pa'i brdzun du smra ba 'di ni nyes par spyod pa thams cad las kha na ma tho ba chen por bstan to/chos dang chos ma yin pa shes kyang ched du bsams nas dge 'dun gyi dbus su log par ston pa'i phyir ro/ /de yang dge 'dun dbye ba'i phyir brdzun du smra ba kha na ma tho ba rab cher 'dod ces bshad pa'i phyir ro//kha cig na re dge 'dun gyi dbyen gyi sbyor ba la sbom po'o/ /bzhams te bsgo ba na mi ldog na sbom po'o/ /gsol ba dang gnyis kyi las dag gis mi ldog na sbom po'o/ /las brjod pa gsum pa yongs su ma rdzogs pa la sbom po'o/ /de rdzogs pa'i tha ma ni lhag ma'o snyam du sems te/de bzhin du rjes su phyogs pa dang khyim sun 'byin pa dang bka' blo mi bde ba la yang ci rigs par rtogs par bya ste/ 'jug pa ni sbyor ba nyid do/ /bskrad pa gleng ba dran pa ma byas pa ni de'i'o zhes bshad pa'i phyir ro zhes zer ba de rigs pa ma yin te/gang gi phyir dge 'dun gyi dbyen byed par brtul ba dang / rjes su phyogs nas 'jug pa ni sbom po'i sbyor ba nyid yin pas nyes byas yin te/ dge 'dun gyi dbyen la ni sbom po 'byung ba min la/ de'i sbyor ba la nyes byas so zhes bshad pa'i phyir ro/ / 'dun pas 'gro ba la sogs pa brjod pa dang / brjod par bya ba ma yin pa nyid du byed pa'i 'jug pa'i sbyor ba la yang nyes byas nyid do/ /'dun pas 'gro ba la sogs pa nyid du brjod pa dang brjod par bya ba ma yin pa nyid du byed pa la tshig kyal pa smra ba nyid kyis nyes byas 'byung ba'i phyir ro//sbom po dang nyes byas kyi sbyor ba dag la sbom po nyid du rigs pa ma yin te sbyor ba la na smad pa'i phyir ro/ /de ltar yang 'ga' zhig las ji srid dge slong 'ga' zhig dge 'dun mthun pa byed par brtul bar byed pa la ni thams cad du nyes byas su 'gyur ro/ /bzhams te bsgo ba na mi gtong na nyes byas so//de bzhin du dge slong 'ga' zhig dge 'dun mthun pa 'byed pa'i rjes su phyogs par byed pa la nyes byas su 'gyur ro/ /ji srid du dge 'dun 'ga' zhig gis shes nas dge slong rnams kyis bskrad pa'i las byas pa dang / de la 'dun pas 'gro ba la sogs pa zer na nyes byas so//ji srid dge sbyong 'ga' zhig bde bar gshegs pa'i mdor gtogs pa la sogs pa la brjod par bya ba ma yin pa nyid du byed na thams cad du nyes byas su 'gyur ro/ /bzhams te bsgo ba na nyes byas so zhes bya ba la sogs pa gsungs pas ji ltar 'di la sbom por brjod par bya/gsol ba dang gnyis las brjod pa dag las mi ldog na sbom po'o/ /las brjod pa la gsum ma rdzogs na lhag mar 'gyur te/ 'dir dge 'dun lhag ma gsum po rnams la ltung ba'i bye brag de ltar rtogs par bya'o/ /dge 'dun gyi dbyen 'di ni mi chos bla ma'i phyogs su gtogs par blta bar bya'o//'di'i yan lag ni 'khor lo'i dbyen gyi bdag nyid kyi dge 'dun gyi dbyen dang chos dang chos ma yin pa la ched du bsams nas dge 'dun gyi dbus su brdzun du smra bas phyin ci log tu ston pa dang / gsol ba dang bzhi'i las kyi mthar phyin pa zhes bya ba 'di yin no//bka' blo mi bde ba las gang gi phyir phyin ci log tu 'chad pa'i chos dang 'dul ba rnams kyi gzhung ni/ chos la yongs su dogs pa yis/ /rnam par spyad par mi bya ste/ /'on long gyur pa bzhin byos la/ /gong bshad de ni spyad par gyis/ /zhes bya ba ni 'di yin no/ /bka' blo mi bde ba'i rang bzhin can ni gdug pa can 'di la tshig 'bras bu med pa'i phyir bka' blo mi bde ba ste legs par mi nyan pa'o//de'i rang bzhin ni bka' blo mi bde ba'i rang bzhin can de tshig mi bzod pa zhes bya ba'i don to/ /gzhan ni tshig gi rjes su mi byed pa zhes bya ba'i don to/ /rnam par 'byed pa las bka' blo mi bde ba zhes bya ba ni tshig gi lam rjes su mthun par mi byed pa dang /mi 'dzin pa'o zhes gsungs so/ /lhag ma gdon pa'o/ /chos gos ltag pa zhes bya ba ni snam sbyar bla gas mthang gos la ltos pa'i byin gyis brlabs pa'i chos gos gsum po las gzhan sham thabs kyi gzan la sogs pa lhag pa'o//gang gi phyir don dam par na byin gyis brlabs pa'i chos gos gsum po ni bdag gir bya ba yin gyi gzhan ni ma yin no zhes 'di 'dis bstan par rig par bya'o/ /chos gos lhag ma ni 'di'i byung ba'i dbang gis gsungs pa yin te/ 'thag pa'i spong ba'i ltung byed la rang gis blangs pa'i dog pa bzhin no//'di yan lag ni ma yin te/ chos gos gsum pa yod la byin gyis ma brlabs shing rnam par ma brtags pa'i gos zhag bcu las 'das par 'chang na spang ba'i ltung byed yin te/ lhung bzed 'chang ba'i rjes su 'brangs nas rtogs par bya'o/ / de ltar yang zhus pa las btsun pa dge slong la lhung bzed gcig mchis pa de nyid spang bar 'gyur ba mchis sam/ nye ba 'khor byin gyis ma brlabs par 'chang na 'gyur ro zhes gsungs te/ lhung bzed 'chang ba la yang gzhung 'di nyid yin no/ /gos rnam par brtags par byed pa na mkhan po'i ming nas brjod par bya'o//sra brkyang bting ba'i phan yon ni bcom ldan 'das kyis zhag bcu las 'das pa med pa dang / nub gcig 'bral ba med pa dang / 'jog pa med pa dang / stod g.yogs smad g.yogs dang bcas pas ljongs rgyur 'gro ba dang / 'dus shing za ba dang / yang yang za ba dang / khyim rnams su mgron du ma bos par 'gro ba dang / gos ci bder tshol ba dang / ston zla 'bring po nas dpyid zla ra ba nya'i bar du srab rkyang bting ba'i rnyed pa thun mong du 'gyur ba dang / rnam par ma brtags pa'i chos gos ji tsam 'dod pa 'chang ba'o zhes gsungs so//ji srid du spang ba'i dngos po de ma bshags shing so sor ma bshags par lhung bzed dam chos gos sam dra ba'am phor bu'am ska rags sam dge sbyong gi 'tsho ba'i yo byad gang yang rung ba gzhan dag nye bar 'jog par byed na de ltar na yang snga ma'i rgyud kyis spang bar 'gyur ro zhes gsungs so//mdo mdzad pas kyang ltung ba de yod na yo byad tsam bdag gir byas pa la spang ba nyid do zhes bshad do/ /dge slong ma dang bslab pa sbyin pa la ni spang ba'i ltung byed do/ /nyams pa dang ma chags pa dag la ni nyes byas so/ /dge slong ma dang dge tshul dang dge tshul ma la ni 'chang ba'i ltung ba med do //gang gi phyir 'chang ba'i ltung ba 'di ni dge slong ma la sogs pa la rnam par ma bzhag pa'i phyir ro/ /dge slob ma la ni brgyad ltung ba med pa yin la dge tshul gnyis la ni bcu gsum ma bstan te/ lhag ma ni ci rigs par rtogs par bya'o/ /'bral ba la mtshams med pa'i gnas su ni yan lag gis khyab pa gnas kyi mtha'o//nye 'khor ni khor khor yug tu 'dom gang tsam mo/ /rtsig pa dang rib ma dang 'obs kyis bskor ba'i grong la ni de tsam nyid nye 'khor yin no/ /chos gos byin gyis brlabs pa dang nub gcig bral na spang ba yin la/ bral bas byin gyis brlabs pa zhig pa ni ma yin no//byin gyis brlabs pa dang 'bral ba la ni slar dbyung ba dang 'brel pa med pa'i phyir la bral bas ni byin gyis brlabs pa slar dbyung ba'i rang bzhin ma yin pa'i phyir ro/ /de'i phyir gang gi tshe ltung ba bshags pa'i don du dge slong gzhan la spong bar byed pa de'i tshe slar byung la spang ba bya'o//spang ba'i dus su chos gos gzhan byin gyis brlab par mi bya ba ste/ spang ba la ni 'bral ba sngon du btang bas spang ba nyid yin no zhes bshad pa'i phyir la/ bral bar rjes su gnang ba na chos gos byin gyis brlabs pa bkag pa'i phyir ro/ /chos gos gzhan byin gyis brlabs na bral ba med pa'i phyir ltung ba bshags pa nyid ma yin te/gang gi phyir 'bral ba ni bdag gir byed pa med par gsungs pa yin la/ de la ni de med pa'i phyir ro/ /des na ji skad bshad pa'i chos gos ltung ba bshags pa byas la yang byin gyis brlab par bya'o zhes 'dul ba 'dzin pa dag 'dod do//'dug pa las 'bral ba ni med do/ /'on kyang de'i nang nas gzhan du skya rengs shar bar mi bya ste/ de shar na ni nyes byas nyid do/ /snam sbyar yang rnam pa lngas bcol du rung bar bstan te/ dge slong dang sgo glegs dang bcas pa nyid kyi gnas su rtur ba dang / char 'bab pa dang 'bab tu dogs pa dang /grong gzhan du 'gro bar 'dod pa chu klung gis ma chod pa dang / sra brkyang ma bting ba'i gnas yin pa dang / gsol ba dang las nyid ni lnga pa yin no/ /mdo mdzad pas kyang de skad bshad do/ /de lta bu'i rkyen med na snam sbyar med par grong du 'gro bar mi bya/ khang pa'i nang du 'gro ba dang 'dug par mi bya ste/ji skad du btsun pa ma dras pa'i chos gos kyis grong du 'jug par gnang ngam/ nye ba 'khor mi gnang ste/ de lta bu'i rkyen rnams yod na gnang ngo zhes gsungs so/ /'dir ma dras pa ni snam sbyar yin gyi bla gos dang mthong gos ni ma yin te/ de ltar yang bla gos dang mthang gos dang bcas pas skye bo'i nang du rgyu zhing 'gro bar bya'o zhes gsungs pa 'dir gzhung yin no/ /mdo mdzad pas kyang rkyen de lta bu med par ma dras par des grong ngam khyim gzhan du 'jug pa dang 'dug par mi bya'o zhes bshad do/ /kha cig dge slong ma la 'khrur 'jug pa'i spang ba 'dod de/bshad pa'i mtshan nyid bcu po de dag ni dge slong ma la yang blta bar bya'o zhes bshad pa'i phyir ro zhes 'dod pa de rigs pa ma yin te/ byung ba med pa'i phyir dang / bslab pa'i gzhi mthun pa rnam par ma bzhag pa'i phyir ro/ /gal te dge slong gi rgyud kyi chos gos bkrus pa'i phyir ro zhe na/dge slong gi gos la dge slong ma la ltung ba 'byung bar rigs pa ma yin te/ ji ltar yang spang bar bya ba'i dngos po las spang ba 'byung ba'i phyir te/ gzhan gyi ni bdag gir byas pa ma yin pa la spang ba med pa'i phyir ro/ /de'i phyir ma brtags pa'i phyogs la brten pa'i nyes byas su shes par bya'o//slong ba'i spang ba'i yan lag ni mi'i 'gro ba nyid dang / rang bzhin du gnas pa dang / khyim pa nyid dang / nye du ma yin pa nyid dang / don go ba nyid dang / bdag nyid dang 'brel ba dang / rang gi ngag dang / bdag gi don du slong ba ste 'og ma dag la yang ci rigs par sbyar ro//slong bar rigs pa'i glang gzhi grong phreng ba can gyi dge slong bzhi bcu la brten nas bcas so/ /yang na kha cig ni 'phags pa drug sde dper byed pa ni de dag 'khrul nas byas par mthong ste/ gang gi phyir 'phags pa drug sde rnams kyis de dag gi ched du bskul ba des na de dag par rjod par byed pa yin gyi bslab pa bcas pa'i dus na ni bzhi bcu po la rmas pa na de nyid la brtsams nas bcas pa yin no//de nyid kyi phyir chos gos phrogs pa la sogs pa ni dus kyi tshigs ni bzhi bcu po la brten nas gsungs pa yin te/ de dag kho na la yod pa'i phyir te/gzhan dag la med pa'i phyir ro/ /so so nas spags pa slong ba la 'dir so sor zhes bshad pa yin pas phyis ni gnyi ga 'dus nas bdag la skon cig ces bstan pa de lta na bzang po 'dod pas sbyin pa pos chos gos du ma gcig tu byas pa'i don du gnyi ga 'dus pas chos gos gcig ces bya ba'i tshig 'di yin no//bskur ba la gser la sogs pa mi rung ba nyid bdag gir byed pa ni dgag pa'i phyir ro/ /rung bar byas pa yin na chos gos kyi rin spang ba ma byas par len na ltung ba 'ga' yang med par rtogs par bya'o/ /de ltar yang bcom ldan 'das kyis 'di snyam du bram ze dang /khyim bdag dad pa can zhig gis gos kyi rin sbyin par sems pa yin na nga'i nyan thos kyi rin don du gnyer ba'i dge slong rnams la rung ba 'ga' zhig ngas rjes su gnang bar bya'o zhes dgongs pa yin te/ bcom ldan 'das kyis blang bar bya zhing blangs nas sbyin bdag de nyid la yid la brtan te bcang bar bya'o zhes gsungs pa ni rung ba ma yin pa gser la sogs pa chos gos kyi rin rnams ni rung bar byas la blang bar bya bar gsungs pa yin no//zhal ta bas sbyin par byed pa'i sems sdud par khas len pa las blangs na ltung ba med do/ /gzhan du len na nyes byas te/ rnam 'byed las dge slong go rims de ltar ma byas par len na thams cad la nyes byas su 'gyur ro zhes gsungs so//srin bal gyi spang ba la nang tshangs can dang blings pa'i bye brag gis stan pa rnam pa gnyis yin pa de lta na yang 'dir ni nang tshangs can la brjod par bya'o blings pa ni ma yin te/ de ni phying pa'i rang bzhin yin pa'i phyir ro//cig shos 'gan stan gyi rang bzhin yin pas srin bal phying par blings pa 'thad pa'i phyir ro zhes gzhan dag 'chad pa mi rigs te/ gang gi phyir stan rnam pa gnyis te/ nang tshangs can dang blings pa'o/ /don 'dir ni gnyis ka yin par dgongs so zhes gnyis su gsungs pa'i phyir gnas pa ma yin pa la mngon par zhen pa rang 'dod kyis rnam par brtags pa yin no//'dir nang tshangs can smos pas gos kyis g.yogs pa nyid du nye bar bzung na 'chang ba'i spang bar mi 'gyur te/ gos nyid ma yin pa'i phyir ro/ /stan gang la stan nyid kyang yin pa gos nyid kyang yin pa de ni 'chang ba nyid du 'gyur te 'chang ba'i spang ba'i gos su gyur pa'i phyir steng du gding ba bzhin no//de ltar yang 'grel par byed pas nar tshangs can stos pa ni 'dir gos la yang g.yogs khas blangs par gyur pa rig par bya'o zhes bshad do/ / 'dir yang bal dkar po'am/ srin bu ka tsa'i bal lam/ rang gi rgyus bsres nas byed du bcug na ltung ba cir 'gyur/ nyes byas su 'gyur ro zhes gsungs so/ /kha cig ni rdzas mtshungs pas ka tsa la sogs pas stan byed na yang spang bar 'gyur te/ rnyed par dka' ba'i phyir dang /rin thang che ba'i phyir ro zhes zer ba de ni rigs pa ma yin te/ de ltar na ni dpag bsam gyi shing las byung ba yang rin che la rnyed dka' bas spang bar thal lo/ /lung las nyes byas su gsungs so/ /de'i phyir ston pas bslab pa bca' ba'i rgyu mtshan gyis ltung ba rnam par gzhag pa yin gyi dngos po'i rgyu mtshan gyis ma yin no//kha cig dge slong ma la srin bal gyi spang ba mi 'dod pa de mi rigs te/ dge slong ma'i rnam 'byed las mtshungs par gzhag pa'i phyir ro/ /lo drug pa'i skabs su 'di la lnga rnams su bkag pa yin gyi drug pa la ni ltung ba med do//lung las kyang 'on kyang lo drug pa la ltung ba med do zhes rnam 'byed las gsungs so/ /mtho gang la kha cig ni byas zin pa rnyed pa'i rnyed pa la yang glan par bya ba nyid yin te/ rnyed pas gsar ba la yang 'dod pa mi rigs te/ byas pas gsar ba khyad par du bzung ba'i phyir ro//yang gsar ba ni kha dog mi sdug par bya ba yin la/ rnying pa ni rnyings pa nyid kyis kha dog mi sdug par 'grub pa'i phyir dang / thug pa med par 'gyur ba'i phyir ro/ /de ni gding ba gsar pa'i dkyil nas glan par bya ste/ sra ba dang rnying pa chud ma zos par byas pa yin no/ / lam la khyer ba yod kyang rung ste dpag tshad gsum las 'das na dang po nyid nas byas te khur lci ba khur na nyes byas so zhes bya ba'i don yin no/ /khur ba med na dpag tshad gsum las 'das pa yin la yod na dang po nyid nas 'byung ba yin no zhes 'grel pa byed pas bshad pa mi bden te/ gang gi phyir de las 'das par khyer na zhes dpag tshad gsum las 'das pa'i lam ltung ba'i byed pa po yin par gsungs so//ltung ba bstan pa rnams su yang dpag tshad gsum las 'das par lug gi bal khyer na spang ba'i ltung byed du 'gyur ro zhes 'das pa'i lam nyid ltung ba byed pa por gsungs pa yin no//khyer yod na ltung ba 'ga' zhig bstan pa ni mi mdzad de/ 'on kyang khyer ba med na zhes gsungs pa'i phyir khyer yod na bdag nyid kyis bskur bar bya ba ma yin par gsungs pas nyes byas nyid de des ni tha dad par bstan pa yin no/ /gser dngul ma rung ba gsum po 'di phyi ma phyi ma gtso bor gyur par rtogs par bya ste/sbyin bdag mos su gzhug pa dang / zhal ta byed pa bdag po nyid du khas len du bcug pa na gsal bar gzhan ni blo nyid skye ba yin no/ /byin gyis brlabs pa na gsal bar bdag gir byas pa ma yin pa'i blo 'byung ba yin no/ /gang zhig rnam 'byed las dge slong tha dad du mi rung ba'i gser la reg na nyes byas su 'gyur ro zhes gsungs pa'i don ci yin snyam pa la 'dir ma gsungs pa ni tha snyad du mi rung ba nyid gser du gsungs so//'on te 'dir rin po che ni yod pa yin la des na rin po che nyid yongs su rdzogs pas kha na ma tho ba'i rten yin la ji ltar de la nyes byas su gsungs te/de ltar yang gang gis dbyig la reg na spang ba'o/ /gser la reg na spang ba'o/ /zhes spyir dbyig dang gser la reg na spang bar gsungs pa'i phyir ro zhe na/ 'gal ba med de 'jig rten na zong gi rgyu mtshan du 'gyur ba'i mngon mtshan can la brten pa'i phyir te/tha snyad du mi rung ba nyid la ni mngon mtshan yongs su ma rdzogs pa des na nyes byas su gsungs pa yin no/ /des na don 'di yin te/ gang gi rgyu mtshan gyi tha snyad du rung ba'i rgyu mtshan zhig na tha snyad du byar rung ba'i rgyu mtshan yang zhig pa yin no/ /'dir rdzas nyid 'ba' zhig ni tha snyad gdags su rung ba ma yin te/mngon mtshan la mi ltos par tha snyad du byed pa nyid du thal ba'i phyir ro/ /gang gi phyir mngon mtshan can dang ldan pa'i tha snyad du rung ba'i rgyu mtshan yin te mngon mtshan des ma btab pa'i rdzas de la ni nyes byas su gsungs pa yin te/ tha snyad du mi rung ba'i phyir dang / rgyu mtshan nyams pa'i phyir la/des kyang rin po che'i rdzas nyams pa ni ma yin te/ gzhan du tha snyad mi rung ba'i zangs ma bzhin du ltung ba med par 'gyur ba'i phyir ro/ /de ltar yang zhus pa las dge slong gis gser gyi stegs bu la 'dug na nyes byas so/ /btsun pa re zhig dge slong gis rin po che'am rin po cher smos pa zhig la reg na cir 'gyur nyes byas so//de bzhin du tha snyad du gdags su mi rung ba'i dbyig gam gser la reg na zhes bya ba la sogs pa gsungs pa yin no/ /zhig pa ni chag pa dang gas pa la sogs pa'i mtshon byed yin te/ mdo mdzad pas kyang tha snyad du mi rung ba nyid la ni na smad do//gas pa dang / chag pa dang zhes pa la sogs pa bshad do/ /des na rin po che'i bdag nyid tha snyad du mi rung ba dang / mngon mtshan can ma yin pa'i rin po che gang yin pa de tha snyad du mi rung ba de la reg na nyes byas su rtogs par bya'o/ /rung bar byas pa'i rin po che la sogs pa la tha mal par gnas pa'i gnas skabs su reg na yang rung ba ma yin pa'i phyogs la brten pa'i phyir dang /grags pa'i phyir dang / man ngag las nyes byas su rtogs par bya'o/ /mngon mtshan can la kAr ShA pa Na dang zangs ma la sogs pa tha snyad gdags su rung ba la sbang ba'o//'dir yang 'bras dang gos la sogs pa'i mtshon byed yin te rnam 'byed las thams cad la spang bar gsungs so/ /nyo tshong la pa na dang rin po che dang 'bras dang 'bru dang chang dang gos la sogs pa'i rdzas kyi rigs skyed kyi don du nyo nas khyim pa nye du ma yin pa dang lhan cig nyo tshong byas pa skyed thob pa na spang ba'o//skyed don du gnyer ba med par nyos na skyed dgos pas btsongs na nyes byas su 'gyur te/ yan lag ma tshang ba'i phyir ro/ /rnam 'byed las rnyed pa 'dod pas 'tshong na spang ba'o/ /bzlog pa gnyis la nyes byas so/ / gnyi ga la rnyed pa 'dod pa med pa na ltung ba med do zhes gsungs so/ /mngon mtshan nyo tshong gi khyad ni rgya 'grel dang mthun no/ /lhung bzed 'chang ba la rnam par brtag pa 'ba' zhig ma gtogs pa zhig gos 'chang ba bzhin no/ /'phrog pa la gos las gzhan pa'i yo byad 'phrogs pa la nyes byas su blta ste 'dul ba mdor bsdus kyis rtogs so//brtad pa la 'grel pa byed pas brtad pa lnga po ni dpe ste/ rgyal po dang blon po la sogs pa nas mchod gnam bgo skal la gtogs pa 'char dgos pa la yang yang gtad pa 'di rnam par gzhag pa yin te/ brtad pa tsam dang 'brel pa yin no zhes 'chad pa mi rigs te/ltung ba bstan pa las byung ba'i gos lnga po dag bgo bar bya'o zhes gsungs pa'i phyir brtad pa las byung ba lnga po nyid brtad pa las byung ba nyid du brten pa'i phyir/ gzhan yang brtad pa las byung ba 'di dag ni yongs su rdzogs pa nyid yin te/ brtad pa las byung ba nyid ni 'chi ba'i rang bzhin la yin pa'i phyir dang /'chi ba'i don gyi rang bzhin gyi don du yin pa'i phyir 'di dag kho na len pa dang 'god pa dag la nyes pa med pa nyid yin gyi rgyal pos 'phrog pa la sogs pa 'jigs pas ni ma yin no/ /de dag gis ni srog thug pa med pa'i phyir ro/ / dus la ma bab par blangs na brkam chags can du sgro 'dogs par 'gyur la/ yun ring po nas bgos na rab tu 'jigs pa'i dus su 'gyur ro/ /brtad pa las byung ba'i dus su sbyin bdag la rjes su brtse bas len pa la brkam chags can du sgro 'dogs pa med pa yin la zhag bcus ma tshang ba'i bdag nyid kyi dus kyi bar du bcang ba rnams nyams par mi 'gyur ro zhes de ltar rtogs par bya'o//'grel pa byed pas brtad pa las byung ba'i gos las gzhan pa'i rnyed pa la yang spang bar 'dod pa de ni rigs pa ma yin no/ /brtad pa las byung ba'i gos ni gos sbyin pa'i dus las 'das par 'chang na spang bar bshad pa'i phyir de las gzhan pa'i brtad pa las byung ba dang dbyig dang gser la sogs pa'i nor gos ma yin pa dbyar gyi nang du rnyed pa 'god pa la nyes byas su shes par bya ste/spyir dbyar gyi nang du rnyed pa thams cad spang bar 'gyur ba ma yin te/ gang gi phyir gos sbyin pa'i dus kyi bar du bcang bar bya'o//de las 'das par 'chang na spang ba'o zhes pa la sogs pa gsungs pa'i phyir gos kho na la spang ba nyid du nye bar bstan pa'i phyir dang / gzhan la ni spyir 'gal tshabs can du 'gyur ro zhes gsungs pa'i phyir ro/ /de'i phyir dge slong rnams kyis dbyar gyi nang du rnyed pa bgo bar mi bya'o//byed na 'gal tshabs can du 'gyur ro/ /brtad pa las byung ba'i gos lnga po dag sbyin bdag gis rang gis byin pa la ltung ba med do/ /dbyar gyi nang du bgos na smod par 'gyur la/ bgo ba'i don du byin pa la ni ma yin no/ /sbyin bdag rnams kyis sems ma bcos pa dang /dge slong rnams la skyon med pa'i phyir 'di ni de ltar shes par bya'o/ /kha cig dge slong rnams la brtad pa las byung ba'i spang ba mi 'dod pa rnams la de ni rigs pa ma yin te/ dge slong ma'i rnam par 'byed pa nyid las de rnam par gzhag pa'i phyir te/ dbyar gyi nang du rnyed pa de rnam par gzhag pa'i phyir te/ston zla tha chungs kyi nyar zhag bcus ma tshang ba tshun chad du brtad pa las byung ba'i gos 'dod pa'i dge slong mas blang bar bya'o/ /blangs nas gos sbyin pa'i dus kyi bar du bcang bar bya'o de las 'das par 'chang na spang ba'i ltung byed do zhes gsungs so//dgon pa la zhag bdun pa'i 'bral ba'i spang ba 'di ni/ dge slong dgon par gnas pa rnams kyi dbang du byas nas bcas pa ma yin gyi 'on kyang btsun pa drug sde rnams kyi dbang du byas so/ /'di zhag drug pa'i spang ba ni ma yin te gang gi phyir de zhag drug tshun chad du gnas pas zhag bdun bkag pa'i phyir la/gang gi phyir drug sde rnams kyis bsams bzhin du zhag bdun 'bral bar byed na zhes gsungs pa'i phyir ro/ /des na nub bdun 'das pa na spang ba'i ltung byed du 'gyur ro/ /dbyar phyi ma ni gleng gzhi'i dbang gis yin te/dper na dge slong gang khros 'khrugs rngams par gyur nas gzhi med par skur pa 'debs pa la khros pa smos pa dang / gos phrogs pa la rang gis byin pa nyid lta bu'o/ /dge slong ma la zhag bdun pa'i ltung ba 'di rnam par ma bzhag pa ste/ dgon par gnas par bkag pa'i phyir ro//de las 'das par de gnas par byed na rung ba ma yin pa'i phyogs la brten pa'i 'khor du gyur pa'i phyir nyes byas so/ /dbyar gyi ras chen btsal ba ni/ khyim bdag gam de'i chung ma las so/ /gzhan las ni nyes byas so/ /'dir 'chang ba gtso bo yin gyi tshol ba ni ma yin/ des na tshol ba dang bcas pa'i 'chang ba ltung ba'i byed pa po yin par blta bar bya'o/ /tshol ba 'ba' zhig gam 'chang ba 'ba' zhig ni ma yin no/ /de ltar yang rnam 'byed las dge slong gis ci tsam du ha cang myur du tshol bar byed pa dang / ha cang yun ring du 'chang bar byed pa na thams cad du spang ba'o zhes gsungs te/thams cad smos pas tshol ba dang 'chang ba sdom pa dag ltung ba'i byed pa por gsungs kyi so so bdag ni ma yin no/ /de ni de ltar yin te gzhan du na spang ba sum cu rtsa gcig tu thal ba dang sum cu nyams pa nyid du 'gyur ro/ /bsngos bsgyur la gos kyi rnyed pa bsgyur ba kho na las spang bar gyur te/rnam 'byed dang zhu ba las gsungs pa'i phyir ro/ /de las gzhan pa la ni nyes byas so/ /kha cig ni gang zag gi rnyed pa yang bsgyur na spang bar 'chad pa mi rigs te/ dge 'dun gyi rnyed par sgyur bar byed na zhes bya ba la de bzhin gshegs pa'i nyan thos kyi dge 'dun zhes mdo dang rnam 'byed dag las gsungs pa'i phyir ro//de dper brjod pa yin no zhe na ma yin te btsun pa re zhig dge slong gis dge 'dun gyi rnyed pa bdag la bsgyur te mtshan gyur na zhes bya ba la sogs pa dang ltung ba bstan pa las thams cad du dge 'dun kho na la brten nas bshad pa'i phyir ro//yang kha cig dag yan lag ma yin par brjod pa rigs pa ma yin te zhu ba las pho nyas skur na nyes byas su gsungs pa'i phyir ro/ /ji ltar 'dir pham par mi 'gyur snyam pa la kha cig ni rku sems med pa'i phyir ro zhes zer ro/ /gzhan ni dpral bar bya ba dge 'dun mang bas rin thang ma tshang bas so zhe'o//gzhan ni dngos su ma phul bas bdag gir byas pa med pas so zhe'o/ /gsog 'jog la zhag bdun pa'i sman de dag zhag bdun pa'i sngags kyis byin gyis brlabs zhag bdun pa'i mtha'i dus kyi bar du longs spyod par bya ste/ gal te zhag brgyad pa'i nyin mo longs spyad na des 'di la spang ba'i ltung byed du 'gyur ro zhes bya ba 'di yin no//longs spyad na zhes bya ba ni 'chang ba ste/ des na yongs su longs spyod na zhes bya ba 'chang na zhes bya ba'i don yin gyi zan zhes bya ba ni ma yin te/ za ba la spang ba mi srid pa'i phyir ro/ /nad pa la 'di dag byin gyis brlabs pa la phan yon ci zhig yod ce na byin len byas pa dang mi ldan pa la yang dang yang du len pa rang gi lus kyi bar du longs spyod pa dang /snga rol nyid dang / rang gi lus kyis mtshams las 'das par 'jog par byed pa nyid ni phan yon yin te/ gsog 'jog byed pa'i longs spyod par bya'o/ zhes gsungs pa'i phyir ro/ /byin gyis brlabs pa yang sman gsum la yin gyi dus su rung ba ni ma yin te/ 'bras bu med pa'i phyir ro/ /gsog 'jog gi nyes pa spang ba'i don du byin gyis rlob par byed pa yin na/ dus su rung ba la byin gyis rlob par byed pa na za ba'i dus las 'das pa nyid na gsog 'jog tu gyur ba des na de la byin gyis brlabs pa ma bstan to//kha cig ni bsnyen par ma rdzogs pa kho nas chus gdab par bya'o zhes 'chad par bya'o/ /lung 'ga' zhig tu de lta bur gyur pa'i tshig ni ma mthong ste 'on kyang spyir dge slong gis rung ba byas pa ni byas pa nyid de zhes gsungs so//chang gi cha ni btung bar mi bya ste 'dul ba yul chos kyis dgag pas bkag pa'i phyir dang / rung ba ma yin pa'i phyogs la brten pa'i phyir ro/ /'dul ba mdor bsdus kyis shes so/ /kha cig ni bu ram bzhin du sbrang rtsi yang dus ma yin par bza' ba la sogs par sems te/gang gi phyir mdo las spre'us sbrang rtsi la chu bsil mos bran te drangs pa dang / bud d+has byin len mdzad pa yin te/ gdon mi za bar dus ma yin pa kho nar longs spyod pa'i phyir te/ dus su sbrang rtsi longs spyad pa ni rlung gi rgyu mtshan gyis rjes su mthun pa ma yin pa'i phyir ro zhes zer ba mi rigs te/dus ma yin par longs spyad do zhes de lta bu'i tshig rang bzhin gyi tshig med pa'i phyir ro/ /sbrang rtsi longs spyad pa ni dus ma yin te/ bad kan bsal ba'i don dang / spre'u'i sems dang ba 'phel ba'i don du srid pa'i phyir la dus ma yin par longs spyad pa yang btsags nas longs spyad pa srid pa'i phyir te/de'i phyir bu ram bzhin du sbrang rtsi ni dus ma yin par longs spyad par bya ba ma yin par brjod par bya'o/ /re zhig zhag bdun pa'i sman ni gsog 'jog gi spang ba'i ltung byed do/ /thun tshod du rung ba dang ji srid 'tsho ba dag la nyes byas so/ / gsog 'jog gi spang ba dang byin len ma byas pa la sogs pa rung ba ma yin pa ni ltos pa med pa'i bsam pas dge tshul la spang bar bya ba nyid do/ /spang ba gdon pa'o// //skyo sngogs la pho nya la sogs pas byed na nyes byas so/ /las byas pa la yang byed du bcug pa ste/ yang las kyis skyo sngogs byed du 'jug pa zhes bya ba'i don to//kha cig ni yang las kyis skyo sngogs byed na zhes bya ba ni yang las byed pas sngar gyi las byas pa spong bar byed na zhes zer ro/ /gzhan ni yang byed pa nyid kyis 'gog par byed na'o zhes 'chad do/ /gzhan ni legs par ma byas so zhes rjod par byed na zhes 'chad do//gsum po de dag ni log pa yin te/ gang gi phyir yang las kyis skyo sngogs byed na zhes bya ba ni yang byed na'o zhes bcom ldan 'das rang nyid kyis rnam par 'byed pa las mdo'i don bshad pa'i phyir rang dgas sbyar ba'i bshad pa ni don med pa yin no/ /'don pa la dge slong pho mo phan tshun 'don na nyes byas so//'don pa'i tshul las 'das na gzhan du 'jug pa'i phyir chos 'don par bya ba dang 'don par byed pa gnyis ka dag gis yang gus pa nyams par 'gyur zhing ji ltar 'don pa'i phyir chos la snying po med pa'i blo skye bar 'gyur ba des na 'di gsungs pa yin no zhes 'grel bar byed pas bshad do//gnas ngan len brjod pa 'on te dge slong gis ltung ba 'di dag byas so de ltar 'brel ba med pa'i phyir thams cad kyi pham par 'gyur ba'am lhag ma'i ltung ba brjod pa la ltung byed du 'gyur te/ des na spyir brjod pa na ming ma bstan pa'i phyir ltung byed nyid du 'gyur ro snyam pa la gleng gzhi ni dge slong gis byas pa'i ltung ba brjod par gsungs pa yin la ltung ba bstan pa las kyang dge slong gis rjod par byed na zhes bya ba dang de bzhin du khyim sun 'byin pa'i dge slong dang dge slong ma dag ni sdig pa spyod par shes par bya'o zhes bya ba dang /de bzhin du dge slong 'di dang dge slong ma 'di ni sa bon tshig pa 'di ni mi 'byung ba'i chos can no zhes bya ba la sogs pas yang dang yang du dge slong 'di nyid rten du byas pa de'i phyir dge slong gis byas so zhes de ltar brjod pa la ltung byed du 'gyur ro zhes de ltar khyad par dang bcas pa rtogs par bya ba'i phyir ltung ba sde lnga rjod par byed pa la ni nyes byas su 'gyur te/gang gi phyir des bsnyen par ma rdzogs pa la bsnyen par rdzogs pa'i spyod pa rjes su bsgrags pa rung ba ma yin pa'i phyogs la brten pa'i phyir ro/ /de ltar yang 'grel pa byed pas sdom pa mchog tu gyur pa'i bya ba ni dman pa'i drung du brjod par mi bya'o//spyod pa rjes su bsgrag par mi bya'o zhes bshad pas de'i phyir 'di 'byung bar rig par bya'o/ /'dir dge 'dun gyi gsang ba nyams pa spang ba'i phyir/ 'di byed pa rigs pa ma yin no zhes bya ba 'dir nges pa yin no/ /mi chos bla ma bden par smra ba'i skabs las bden pa nyid yin yang gdul bar bya ba ma yin pa'i sems can rnams la yid ches pa la sogs pa med pa'i phyir skyon yod pas bkag pa yin te/gang du yang yid mi ches pa la sogs pa'i nyes pa srid pa med pa der ni bsnyen par ma rdzogs pa la bden par smras na ltung ba med pa yin te 'ga' zhig las bden pa mthong ba lta bu phun sum tshogs pa kha cig la ni smras na ltung ba med do zhes gsungs pa yin no//ma gus pa spang ba'i don du 'di la ltung ba med de/ gang gi phyir des byas pa'i phyir mi'i chos bla ma dang ldan pa nyid/ 'byung ba med pa'i phyir ro//rdzu 'phrul ni sngags dang sman dag gis kyang 'grub pa ma yin te/ dri can zhes bya ba'i rigs pas nam mkha' la 'gro ba yod do/ /nam mkha'i gnon pa'i sman lag par thogs pa'am zos pas nam mkha' la 'gro ba yod do/ /kun brjod pa yang mtshan ma dang tshig dang sngags la sogs pa mngon du byed pa yin no//gang gi phyir skad cig ma rnams ma rig pas gzhan gyi sems shes par byed pa yod do/ /rgyu bag gi rgyu la brten nas 'jug pa yin gyi 'di la lha'i mig dang rna ba la sogs pa mi'i chos bla ma ni yod pa ma yin no zhes de ltar sdig pa'i las can 'ga' zhig thog ma med pa'i dus kyi dri mas nang gi khyad par ma rig pa'i mun pa chen pos yid dri ma can du gyur pa la rang gi yon tan gyis phongs pas nyams pa dang /gzhan sems dang sems las byung ba nyams pa dang / gzhan gyi ye shes kyi khyad par ma rtogs pa dang / don dam pa de kho na nyid ma mthong ba rnams kyis dge slong rnams la mi srid pa 'debs shing tho 'tshams par byed do//bden pa mthong ba'i gang zag la ni nyes pa 'di srid pa ma yin no/ /gang gi phyir de dag mi'i chos bla ma'i yul la lta ba log pa dang yid gnyis rnams spangs nas de dang ldan pa'i gang zag srid pa'i phyir te des na bden pa mthong ba la yang bsnyen par ma rdzogs pa la mi chos bla ma smras na ltung bar 'gyur bar bcom ldan 'das kyis dgongs pa yin te/de ltar yang 'grel ba byed pas tho 'tshams pa yongs su spang ba'i don du 'di bcas pa yin te/ bden pa mthong ba la ni go skabs 'di yod pa ma yin pa'i phyir rigs pa dang ldan par nges par byas nas bden pa ma mthong ba khyim pa'i mdun du rdzu 'phrul bstan pa ni nyes byas so//gzhan gdul ba'i don du ni nyes pa med do/ /ji skad du bcom ldan 'das kyis yul ma ga d+h+wa'i bram ze dang khyim bdag rnams kyi sems kyi rtog pa thugs kyis mkhyen nas lteng rgyas 'od srungs kyi mdun du rdzu 'phrul mdzad do zhes gtam rgyud las rgyas par rtogs par bya'o//bshes dor la gang zag la bsngos pa ni 'dir gleng gzhi'i dbang du byas nas bstan gyi dge slong yin par bzung bar mi bya ste/ 'on kyang khyim pa'i mthar phyin pa thams cad la yang ngo //de ltar 'grel pa byed pas gang zag gi sgras ni dge slong ngam khyim pa gzhan yang bzung bar shes par bya ste bdag nyid 'ba' zhig la ni ma yin no/ /'dir brdzun du smra ba gtso bo yin pa'i phyir te/ bdag nyid ma yin pa dge slong thob par 'os pa ma yin pa la bsngos so zhes bya ba brdzun du smra ba gtso bo yin pa'i phyir ro//khyim pa dang bslab pa byin pa dag la brdzun du smra ba 'di ni sdig pa che ba yin no zhes bshad pa'i phyir ro/ /yang kha cig ni bdag gis gang zag la bsngos so zhes 'don par byed cing 'chad de/ rnam 'byed las bdag gis gang zag la bsngos so zhes bya ba ni bdag gi don du zhes gsungs pa yin no zhes zer ba de mi rigs te 'di ltar bshes ngor byas te zhes bya ba 'gal ba'i phyir dang /zhus pa las kyang 'di skad du tshe dang ldan pa 'di ltar dge 'dun gyi rnyed pa gang zag la bsngos so zhes gsungs pa'i phyir dang / /de bzhin du gzhan las kyang dge 'dun la bsngos pa'i rnyed pa 'di dag bshes ngor byas te dge slong la bsngos par shes so zhes bya ba'i phyir dang /gleng gzhir yang bdag la bsngos pa med pa'i phyir ro/ /de'i phyir bshes ngor byas pa ni gang dag mkhan po dang / slob dpon la sogs pa gcig pa'i mdza' ba de dag la dge 'dun gyi rnyed pa 'di dag gang zag la bsngos so zhes bdag nyid la bsngos pa spangs nas 'di dag slu bar byed pa'i phyir bkag pa yin no//'dir ltung ba rnam par gzhag pa ni sbyin par khas blangs pa la brdzun du smra na ni dngos gzhir 'gyur la sbyin par khas ma blangs na ni nyes byas so/ / gnyi ga brdzun ma yin par smras pa la ni ltung ba med do/ /khas blangs pa phyin ci log yin par shes pa la ni nyes byas so zhes 'grel ba byed pas bshad do/ /khyad du gsod pa po so sor thar pa'i mdo smos pa ni 'don pa'i dus ni 'dul ba lhag ma dang gzhan las bshad pa'i mtshon byed yin te/ ji srid du gzhi dang phran tshegs la sogs pa dang /de las gzhan pa 'dul ba dang ldan pa rnams la khyad du gsod na ltung byed do/ /dge slong gis 'dul ba dang mtshungs par ldan pa 'don pa na smod par byed na ltung byed du 'gyur ro zhes gsungs pa'i phyir ro/ /'dir tshig las ltung ba'i bye brag tu shes par bya'i 'don pa las ni ma yin no//gcig tu 'don pa'i tshig thams cad la ni ltung byed gcig tu 'gyur la gzhan la ni gzhan du'o/ /so sor thar pa'i mdo smos pa ni 'dir yan lag gi gtso bo yin te pham par 'gyur ba'i chos bzhi po ston pa na 'di skad ces bya ba la sogs pa 'grel pa byed pas bshad pa'i phyir ro//'dir 'dul bar gsungs pa'i gzhi 'ba' zhig khyad du gsod pas ltung ba 'dir 'gyur ba ma yin gyi/ 'on kyang tshul khrims kyi phung po dang mtshungs par ldan pa'i mdo sde phung po gsum pa la sogs pa'i bslab pa'i gzhi rnams la yang smad pas ltung byed 'dir 'gyur ro//de ltar yang de las gzhan pa 'dul ba dang mtshungs par ldan pa'i mdo sder bstan pa rnams la 'di skad ces tshe dang ldan pa dag mdo sde dang mtshungs par ldan pa'i mdo bton pa 'di dag gis ci zhig bya zhes zer ba la sogs pa 'dir gzhung yin no/ /'dul ba dang mtshungs par ldan pa'i mdo sde la nyes byas so//mngon pa la 'dul ba dang ldan pa la ltung byed do/ /mdo sde gtan la 'bebs pa'i mngon pa la nyes byas so/ /sa bon la gang gi phyir mes reg pa la bkra mi shis pa'i phyir sa bon gyi tha snyad 'dogs pa yin te/ phung por byas pa la yang reg na rung ba nyid do/ / rung ba byed pa na sa bon 'jig par bya ba ni ma yin te/ /sa bon ma yin pa nyid du gyur gyi bar du ltos par bya mi dgos pa nyid do zhes bshad pa'i phyir ro/ /mu stegs rnams kyi ma dad pa spang ba 'ba' zhig gi don du mtshon dang me la sogs pas rung bar bya ba yin te/ gang gi phyir de dag gi grub pa'i mtha' ni shing rnams sems pa dang bcas pa yin te/de dag gi shun pa bshus na 'chi ba'i phyir ro zhes bya ba 'di yin no/ /de ltar na mtshon dang me la sogs pas bsnun pa na shi ba rnams la yang 'jig par byed pa la ni sol ba'i phye ma bzhin du dge slong rnams kyi za ba la sogs pa la nyes pa med do zhes 'dul ba 'dzin pa dag smra'o//'phya ba 'di rang don yin na ltung byed du 'gyur la gzhan gyi don du nyes byas te/ zhu ba kha cig las gzhan gyi don du 'phya bar byed na nyes byas su 'gyur ro zhes gsungs pa yin no/ /mdo mdzad pas kyang rang gi don nyid gtso cher yod pa nyid do zhes bshad do//bsgo ba rna la gzon pa ni kha cig ni btsun pa re zhig dge slong gis ltung ba ma gtogs pa gzhan la bsgo ba rna la gzon na cir 'gyur nyes byas so zhes 'chad pa de ni mi rigs te/ gang gi phyir ji srid dge slong gis 'ga' zhig rig pa na gzhan du lung ston par byed na zhes thams cad ltung byed du gsungs pa'i phyir thams cad la ltung byed du rnam par gzhag pa yin no//gding ba'i skabs su yan lag ni dge 'dun gyi gtsug lag khang nyid dang / sa snum pa dang dngar ba nyid dang / sril la sogs pa'i nye bar 'tshe ba dang ldan pa nyid dang / rang gi nges par sbyar bar bya ba nyid dam gzhan la dngos su bcol ba nyid dam/rtswa'am lo ma'i gding ba nyid dam/ rlung gis bzlog pa dang sril gyis rim pa gzhan phyin pa dang / tha mal du gnas pa'o/ /skrod pa 'ga' zhig tu 'khrug long byed pa bskrad par gsungs sam zhe na/ re zhig spang ba yang ma gsungs na 'khrug long byed pa lta smos kyang ci dgos te gnas dang longs spyod gnyis las phyi rol du ma gyur pa'i phyir ro//kha cig ni/ 'khrug long byed dang khyim sun 'byin/ /tshul khrims 'chal pa gsum pa ste/ /dge 'dun gyis ni gaN+DI ni/ /brdungs nas 'bad pas bskrad par bya/ /zhes bya ba smra bar mi rigs te/de la re zhig gzhung ni yod pa ma yin te/ rigs pa dang 'gal bar yang 'gyur te/ gang gi phyir sdom pa ma nyams pa skrod par byed pa ma yin te/ rnyed pa'i skal ba dang ma bral ba'i phyir ro/ /dge 'dun thams cad yang 'khrug long byed pa'i phyir bskrad par bya ba ma yin no zhe na/ ma yin te skal ba dang ma bral ba'i phyir dge 'dun 'byed pa yang bskrad par bya ba nyid du thal bar bya ba'i phyir ro/ /'on te 'khrug long byed pa bskrad par bya'o gnas par mi bya'o zhes pa de ji ltar snyam pa la/ de dag gi bsal ba ni 'di yin te/ dge 'dun gyi 'khrug pa nye bar zhi ba la sogs pa'i don dang /bskrad pa'i bslab pa'i gzhi las 'das pa la yang dge 'dun gyis sam gang zag gis skrod par byed pa na bsdu bar ni mi bya ste/ nye bar mtshon par byed pa'i phyir 'di dgag pa yin no/ /don gang dang gang la 'khrug long la dga' bas chos dang chos ma yin pa'i 'khrug long byed pa'i phyir 'khrug long byed pa nyid du rtogs par bya'o//'di ston par byed pa'i gzhung tha dad pa ni kho bo dmigs pa med do/ /phyis gnon la kha cig ni dge slong la tho 'tshams pa 'dis rlung dang 'dra ba la sogs par gzhag pa'i mtshon par byed pa yin pas tho 'tshams pa gzhan dag la yang ltung byed du 'dod de 'di ni tho 'tshams par 'dun pas dge slong la tho 'tshams pa dag kyang ngo zhes pas mtshon byed yin no//bar sdom la/ ngan dang bsod dang drang ro dang / /zhes bya ba la sogs pa'i phyir ro zhes zer ba de ni yang dag pa ma yin te/ gang gi phyir ltung byed dgu bcur 'dod pa 'di dgu bcur grangs nges par bzung ba'i phyir te/grangs pa la sogs par bzhag pas tho 'tshams par byed pas ltung ba tha dad par rnam par gzhag pas na lhag par 'gyur ro/ /tho 'tshams par byed pa spyis kyang ltung byed gcig tu byed pa yin na skrod pa dang khri rkang 'byin pa dang rdeg pa dang gzas pa dang skyo sngogs byed pa dang gnas ngan len brjod pa la sogs pas tho 'tshams pa rnams ltung ba gcig tu 'gyur ba'i phyir nyung bar 'gyur ro//gzhan yang gal te tho 'tshams par byed pa thams cad la ltung byed du 'gyur ba de lta na btsun pa re zhig dge slong gis gang zag gi gtsug lag khang na snga nas gnas pa'i dge slong rnams phyis gnon bgyis nas mchis sam nyal bar bgyid na cir 'gyur te nyes byas so//btsun pa re zhig dge slong gis dge 'dun gyi gtsug lag khang nas phyis gnon bgyis kyang ltung bar mi 'gyur ba mchis sam/ yod de mi rung ba'i mal stan la'o zhes gsungs pa de la yang ltung byed du 'gyur te/gang zag gi gtsug lag khang dang mi rung ba'i mal stan la tho 'tshams pa ni tho 'tshams pa ma yin te/ de'i phyir phyis gnon byed pa las gzhan pa la ni nyes byas so/ /de ltar yang rnam 'byed las gcig tu dge slong 'ga' zhig dge slong la tho 'tshams par byed na thams cad nyes byas su 'gyur ro zhes gsungs pa yin no//ltung ba bstan par yang phyis gnon byas nas nyal lam 'dug par byed na zhes bya bas de la ma brten pa'i phyir ro/ /'debs pa'i yan lag ni dud 'gro'i 'gro ba pa dang gsod sems dang mngon par bsams te ma 'khrul pa dang shi ba zhes bya ba ni yan lag yin no//gtsug lag khang la gang zag gi la nyes byas su gsungs pa'i phyir te/ btsun pa re zhig dge slong gis gang zag gi gtsug lag khang rtsig pa ni rim pa gnyis sam gsum las lhag par brtsigs na cir 'gyur nyes byas so zhes gsungs pa'i phyir ro//'dis ni bsnyen par ma rdzogs pa dang / ma nyams pa la sogs pa'i khang pa la yang bshad pa yin te/ dge slong dang dge slong ma bsnyen par rdzogs pa can ma nyams pa dag ni zhes pa la sogs pa gsungs pa yin no/ /gang yang gtsug lag khang thams cad la yang 'gyur te/ tha na khyim pa'i la yang ngo zhes zer ba 'dis gsal bar blta bar bya'o//'jim pa med par lhag par brtsigs pa la nyes byas so/ /sgo'i sbubs kyi gnas zhes bya ba ni sgo khang gi gnas pa ste sgo skyes kyis kun nas bskor ba la sogs pa'o/ /gtan pa'i gnas ni sgo logs cig tu phyis gzhug pa'i gnas kyi phyogs zhes bya ba'i don to//yang na gtan pa'i gnas ni 'phred gtan la sogs pa sgo'i phyogs dag tu gtan pa gzhug pa'i phyogs so zhes gzhan dag 'chad do/ /snang ba'i gnas zhes bya ba ni 'dis snang bar byed pas na snang ba ste/ skar khung dang chu khung brjod pa'i bu ga'i gnas so//chu khung yang skar khung gi rnam pa can yin pa'i phyir snang ba zhes brjod pa yin no/ /snang ba'i gnas ji tsam pa'i 'du shes kyis zhes bya ba ni skar khung dang chu khung gi gnas ji tsam 'dod par bya ba'i 'du shes kyis so zhes gsungs pa yin no/ /de ma grub na nyes byas su rtogs par bya ba yin te/ltung ba bstan pa dang zhu ba la sogs pa thams cad du yang pha gu'i rtsig pa kho na smos pa yin gyi de dag ni ma smos pa'i phyir te/ dge slong 'ga' zhig pha gu rim pa gnyis sam gsum las lhag par brtsigs na thams cad la ltung byed du 'gyur ro zhes bya ba dang /zhus pa las phrin gyis rim pa gnyis sam gsum las lhag par brtsigs na nyes byas su 'gyur ro zhes gsungs pa yin no/ /des na ngag gi don 'dir 'gyur te/ dge slong 'ga' zhig pha gu rim pa bzhi la sogs par rtsig par byed na ltung byed du 'gyur ro/ /sgo'i sbubs dang gtan pa dang snang ba'i gnas ma bzhag pa la ni mi rigs pa sgrub pa'i phyir nyes byas so zhes bya ba yin no//sbyin bdag rings pa yin na gtsug lag khang ni de la rag las pa'i phyir du ltung ba med do/ /mdo sde 'dzin pa ka l+yA na mi tras nye bar sbyar ba so sor thar pa'i tshig gi bshad pa dga' ba bskyed pa las/