CLOSE WINDOW

D4109
བོད་ཡིག

@##/ /rgya gar skad du/ pra ti mok+ShA b+hi sma na pa daM/ bod skad du/ so sor thar pa'i tshig gi brjed byang / dkon mchog gsum la phyag 'tshal lo/ /bla ma bdag gzhan blo ldan gang / /bstan bcos ston par mdzad gyur pa/ /de la phyag 'tshal bstan bcos de'i/ / tshig gi brjed byang brjod par bya/ /'phags pa gzhi thams cad yod par smra ba'i 'dul ba'i sde snod 'di ni sangs rgyas bcom ldan 'das yongs su mya ngan las 'das pa'i 'og tu 'phags pa 'od srungs chen po la sogs pa dgra bcom pa lnga brgya 'dus nas tshangs par spyod pa yun ring du gnas par bya ba'i phyir dang /skye bo mang po la phan gdags pa'i phyir 'dul ba 'dzin pa'i mchog 'phags pa nye ba 'khor la yang dag par bsdu bar gsol nas 'phags pa nye ba 'khor gyis yang dag par bsdus so/ /gzhi thams cad yod par smra ba'i 'dul ba'i sde snod ni dum bu bzhi ste/'dul ba rnam par 'byed pa dang / 'dul ba gzhi dang / 'dul ba gzhung phyi ma dang / 'dul ba phran tshegs so/ /de dag gi gnas pa'i snying dang snying po ni so sor thar pa'i mdo 'di yin no/ /de dag yang dag par sdud pa yang ma 'ongs pa'i skye bo lung dang rtogs pa'i bdag nyid med pa dag yan chad la sgro 'dogs pa dang skur ba 'debs pa'i mtha' spang bar bya ba dang /nyan pa po brjod pa nyung ngus don gyi spyi rtogs par 'dod pa dag la phan gdags pa'i phyir sdom pa rnam pa gsum du bsdus te/ spyi'i sdom dang / dngos kyi sdom dang / bar sdom mo/ /de la spyi'i sdom ni spyi'i don tshigs su bcad pas bsdus pa'o//dngos kyi sdom ni dngos kyi don tshigs su bcad pas bsdus pa'o/ /bar sdom ni yan lag gi don tshigs su bcad pas bsdus pa ste/ de dag kyang lung gi skabs dang sbyar te ci rigs par gzung bar bya'o/ /de la so sor thar pa'i mdo zhes bya ba ni/don las bstan bcos kyi ming du btags pa ste/ so sor thar pa zhes bya ba ni dang por thar pa de/ dang po sdom pa yang dag par len pa'i tshe na gsum la skyabs su 'gro ba'i tshig bzlas nas sdom pa yang dag par blang ba'i tshig brjod pa gsum pa'i cha tha ma sdom pa thob pa ni thog mar sdom pa thob pa'i gnas skabs yin pas na dang po zhes bya'o//thar pa zhes bya ba ni grol ba ste/ de ltar sdom pa dang po thob pa de nyid kyi tshe na sdom pa ma yin pa'i mtshan nyid las grol ba ste/ sdom pa'i mtshan nyid kyis bsdus pa'i rnam par rig byed ma yin pa'i skabs thob pa'o//de ltar dang po thar pa'i don de las bstan bcos 'di 'byung ba'am/ don 'di bstan bcos 'dir bsdus pas/ bstan bcos 'di'i ming yang dang por thar pa zhes bya bar sbyar ro/ /rnam grangs gzhan du so sor thar pa zhes bya bar bstan te/ so sor zhes bya ba ni rgyud tha dad pa'o//thar pa zhes bya ba ni rnam par grol ba ste gang zag rgyud tha dad pa gang zhig gis sdom pa yang dag par blangs te/ bslab pa'i gzhi rjes su sgrub par byed pa de nyid ngan 'gro dang 'khor ba las rnam par grol bar 'gyur gyi/ gzhan gyi sdom pa yang dag par slangs te slob pa'i gzhi rjes su bsgrub pas gzhan rnam par grol bar mi 'gyur bas so sor thar pa zhes bya'o//de ltar so sor thar pa'i don de las bstan bcos 'di 'byung ba'am/ don de bstan bcos 'dir bsdus pas bstan bcos 'di'i ming yang so sor thar pa zhes bya'o/ / yang rnam grangs gzhan du thar pa'i skabs zhes bya bar bstan te/ so sor zhes bya bas ni phyir zhes bya ba ste/ thabs kyi don to/ /thar pa zhes bya ba ni nges par 'byung ba ste mya ngan las 'das pa'o/ /des na so sor thar pa'i mdo 'di ni nges par 'byung ba'i thabs kyi phyir gsungs pa ste/lhag pa'i tshul khrims la brten nas lhag pa'i sems skye la/ lhag pa'i sems la brten nas lhag pa'i shes rab bskyed pa'i rim gyis nges par 'byung ba thob pa'i thabs su gyur pa'i phyir so sor thar pa'i mdo 'di ni nges par 'byung ba'i tshul khrims yin pas thar pa'i thabs zhes bya'o//de ltar thar pa'i don de las bstan bcos 'di 'byung ba'am don de bstan bcos 'dir bsdus pas/ bstan bcos 'di'i ming yang thar pa'i thabs zhes bya'o/ /mdo zhes bya ba ni mdo'i don mdo tsam zhig ston pas mdo zhes bya ste/ de ltar bstan bcos 'di ni dang por thar pa'i mdo zhes bya ba dang /so sor thar pa'i mdo zhes bya ba dang / thar pa'i thabs kyi mdo zhes bya ba dag tu ston to/ /de las so sor thar pa 'di'i bsdus pa'i don ni mtshan nyid rnam lngas bstan te/ mchod pa dang gleng bslang pa dang / yang dag par brtsams pa dang / gzhung rgyas pa dang /bsdu ba'i mtshan nyid kyis so/ /de la mchod pa'i mtshan nyid ni/ snyan pa'i ba dan 'jig rten gsum du grags/ /zhes bya ba la sogs pa tshigs su bcad pa gnyis kyis bstan to/ /gleng bslang ba'i mtshan nyid ni sangs rgyas 'dul ba gang chen mtsho/ /zhes bya ba la sogs pa tshigs su bcad pa bcu gcig gis bstan to//yang dag par brtsams pa'i mtshan nyid ni/ bskal pa bye ba rnams su yang / /zhes bya ba la sogs pa tshigs su bcad pa drug gis bstan to/ /gzhung rgyas pa'i mtshan nyid ni tshe dang ldan pa dag so ga rnams kyi 'das pa dang / lhag ma ji tsam pa de tsam mo zhes bya ba nas dran pa dang bag yod pas rnal 'byor du bya'o zhes bya ba'i bar gyi gzhung thams cad kyis bstan to/ /bsdu ba'i mtshan nyid ni/ bzod pa dka' thub dam pa bzod pa ni/ /zhes bya ba la sogs pa'i gzhung lhag ma thams cad kyis bstan to/ /de la re zhig mchod pa'i mtshan nyid bshad par bya ste/mchod pa'i mtshan nyid ces bya ba ni so sor thar pa'i mdo yang dag par brtsams pa gleng bslang ba'i dang por ston pa sangs rgyas bcom ldan 'das la bstod pa dang phyag 'tshal ba'i sgo nas mchod pa bya'o/ /de yang dam pa rnams ni yang dag par rtsom pa thams cad la rang gi ston pa la bstod pa dang phyag 'tshal ba'i sgo nas mchod pa sngar byed pas de'i phyir yang dag par sdud par byed pas so sor thar pa'i mdo yang dag par sdud 'dod pas kyang 'gro ba mtha' dag gi gtso bo sangs rgyas bcom ldan 'das la bstod pa dang phyag 'tshal ba'i sgo nas mchod pa bya ba'i phyir dang por/snyan pa'i ba dan 'jig rten gsum du grags/ /zhes bya ba la sogs pa tshigs su bcad pa gnyis gsungs so/ /de la re zhig dang po kho nar tshigs su bcad pa gnyis po 'di'i brjod par bya ba dang / dgos pa dang / 'brel ba dang /dgos pa'i yang dgos pa brjod par bya ste/ gzhan yang brjod par bya ba la sogs pa dang bral ba'i tshigs su bcad pa gnyis po 'di so sor thar pa 'don pa'i dang por smos pa don dang ldan pa ma yin pa kho nar 'gyur ro/ /gang gi phyir rtog pa dang ldan pa dag brjod par bya ba la sogs pa dang bral ba khas len par mi byed pa de'i phyir nyan pa'i skye bo spro bar bya ba'i don du brjod par bya ba la sogs pa nges par brjod par bya'o//de la brjod par bya ba ni tshigs su bcad pa gnyis so/ /'di las tshigs su bcad pa phyed dang gnyis kyis bcom ldan 'das kyi yon tan gzhan gyi don phun sum tshogs pa dang /bdag gi don phun sum tshogs pa mchog brjod pa'o/ /dgos pa ni der bstan te/ de yang tshigs su bcad pa phyed dang gnyis kyis sgrub par byed pas tshigs su bcad pa'i thabs 'dis brjod par bya ba thabs las byung ba bstan pa ni dgos pa yin no//'brel pa ni tshigs su bcad pa phyed dang gnyis po'i thabs dang dgos pa thabs las byung ba'i mtshan nyid gnyis 'brel pa'o/ /dgos pa'i dgos pa ni bstod pa 'di brtsams na bstan bcos yongs su rdzogs par bya ba la bgegs dang log 'dren bzlog pa'am/dam pa rnams kyi cho ga'i rjes su 'jug pa'o/ /tshigs su bcad pa 'og nas phyed kyis ni so sor thar pa brtsam pa dam bca' bar ston te/ de yang rtog pa sngon du gtang ba dag gis 'jug pa'i yan lag yin no/ /de la tshigs su bcad pa phyed dang gnyis po 'di'i bsdus pa'i don ni rnam pa gnyis te/ston pa la bstod pa'i sgo nas mchod pa dang / phyag 'tshal ba'i sgo nas mchod pa'o/ /de la bstod pa'i sgo nas mchod pa la yang gnyis te/ 'gro ba'i gtso bo yang sangs rgyas bcom ldan 'das kyi yon tan gzhan gyi don phun sum tshogs pa dang / bdag gi don phun tshogs pa'i sgo nas so//de la gzhan gyi don phun sum tshogs pa ni tshigs su bcad pa dang po gcig gis bstan to/ /des kyang 'gro ba'i gtso bo sangs rgyas bcom ldan 'das kyi yon tan gzhan gyi don phun sum tshogs pa'i thabs su gyur pa'i phun sum tshogs pa rnam pa lngas bstan te/rgyu phun sum tshogs pa dang / phan 'dogs pa phun sum tshogs pa dang / shes rab phun sum tshogs pa dang / thugs rje phun sum tshogs pa dang / 'bras bu'i khyad par phun sum tshogs pa'o/ /snyan pa'i ba dan 'jig rten gsum du grags/ /zhes bya bas ni rgyu phun sum tshogs pa bstan to//dam pa'i chos sgra seng ge'i sgra bsgrags pa/ /zhes bya bas ni phan 'dogs pa phun sum tshogs pa bstan to/ /thams cad mkhyen pa zhes bya bas ni shes rab phun sum tshogs pa bstan to/ /dkon mchog mdzod brnyes pa zhes bya bas ni thugs rje phun sum tshogs pa bstan to//zhabs la tshangs dbang gtsug gi nor bus gtugs/ /zhes bya bas ni 'bras bu'i khyad par phun sum tshogs pa bstan to/ /bdag gi don phun tshogs pa ni tshigs su bcad pa 'og ma phyed pos bstan to/ /des kyang 'gro ba'i gtso bo sangs rgyas bcom ldan 'das kyi yon tan dag gi don phun sum tshogs pa'i che ba nyid kyi khyad par phun sum tshogs pa rnam pa gnyis bstan te/spangs pa phun sum tshogs pa dang / ye shes phun sum tshogs pa'o/ /de la/ sdug bsngal rgya mtsho gting mtha' med brgal ba/ /zhes bya bas ni spangs pa phun sum tshogs pa bstan to/ /'gro ba'i gtso la zhes bya bas ni shes rab phun sum tshogs pa bstan to//de ltar 'gro ba'i gtso bo sangs rgyas bcom ldan 'das kyi yon tan gzhan gyi don phun sum tshogs pa dang / bdag gi don phun sum tshogs pa smos pa des ni ston pa la bstod pa'i sgo nas mchod pa bstan to/ /phyag 'tshal ba'i sgo nas mchod pa ni lus dang ngag dang yid kyi sgo nas phyag 'tshal ba bstan te/de ni spyi bos phyag 'tshal te/ zhes pas bstan to de ltar phyag 'tshal te ci zhig bya zhe na/ so sor thar pa brtsam par dam bca' ba bstan te/ de ni tshigs su bcad pa 'og ma'i phyed kyis bstan to/ /des kyang gang gis bstan pa dang /ci zhig bstan pa dang / su la bstan pas so sor thar pa'i che ba'i che ba nyid brjod nas/ gang gis ci zhig bstan pa de nyid su la bstan pa'i tshogs kyi dbus su dbye bar bya'o zhes pas bstan to/ /de la gang gis bstan zhe na/ ston pa ste de ni thams cad mkhyen pa zhes bya bas bstan to//ci zhig bstan zhe na/ so sor thar pa ste de ni bslab gzhi dkon mchog snod ces bya bas bstan to/ /su la bstan ce na/ nyan thos kyi dge 'dun la bya ste de ni 'phags pa'i tshogs zhes bya bas bstan to/ /gang gis ci zhig bstan pa de nyid su la bstan pa'i tshogs kyi dbus su dbye bar bya ba ni ston pas so sor thar pa bstan pa de nyid nyan thos kyi dge 'dun gyi dbus su dbye bar bya zhes pas bstan te/de ni re zhig spyi'i don yin no/ /da ni yan lag gi don brjod par bya ste/ de la 'gro ba'i gtso bo sangs rgyas bcom ldan 'das kyi yon tan gzhan gyi don phun sum tshogs pa'i thabs su gyur pa rgyu phun sum tshogs pa'i dbang du byas nas/snyan pa'i ba dan 'jig rten gsum du grags/ /zhes bya ba gsungs te/ snyan pa'i ba dan zhes bya ba ni de bzhin gshegs pas bskal ba grangs med pa nas bsod nams dang ye shes kyi tshogs dpag tu med pa bsags pa'i rgyu phun sum tshogs pa las byung ba'i 'bras bu spangs pa dang ye shes bla na med pas bsdus pa'i yon tan dpag tu med pa'o//ba dan zhes bya ba ni snyan pa de nyid ba dan dang 'dra bas na ba dan zhes bya ste/ yon tan mngon par 'phags pas kun la gsal ba de la dmigs na mngon par mthong ba dang nges par legs pa'i lam mi nor ba'i phyir ro//'jig rten gsum du zhes bya ba ni 'jig tshogs kyi phung po 'jig pa tsam la brten pas bsdus pa'i khams gsum po 'dod pa dang / gzugs dang gzugs med pa dag go/ /grags zhes bya ba ni de dag tu snyan pa'i sgras khyab pa ste/bcom ldan 'das dang po mngon par rdzogs par sangs rgyas pa'i tshe dang por sa la grags de nas bar snang la grags de nas rgyal chen bzhi'i ris la grags so zhes bya ba nas 'og min gyi bar du grags so zhes bya ba la sogs pa'i rim gyis so/ / gzugs med par ni ji ltar grags she na/ gzugs can gyi khams na gnas pa'i tshe grags pa'i bag chags rgyud la yod pas rgyu la 'bras bur btags te grags par brjod do/ /de sbyin pa la sogs pa'i rgyu phun sum tshogs pa las byung ba'i yon tan gzhan dag la ston par mdzad pa'i sgo nas gzhan gyi don phun sum tshogs pa'i thabs su gyur pa rgyu phun sum tshogs pa bstan to//phan 'dogs pa phun sum tshogs pa'i dbang du mdzad nas/ dam pa'i chos sgra seng ge'i sgra bsgrags pa/ /zhes bya ba gsungs te/ dam pa zhes bya ba ni sangs rgyas bcom ldan 'das te/ nyon mongs pa bag chags dang bcas pa ma lus par spangs pa'i phyir ro//chos sgra zhes bya ba ni dam pa des gsungs pa'i chos te/ 'phags pa'i bden pa bzhi po dag dpal gyi mgur nas gsungs pa'i sgra'o/ /seng ge'i sgra zhes bya ba ni dam pa'i chos kyi sgra de nyid seng ge'i sgra dang 'dra ba'i phyir seng ge'i sgra zhes bya ste mu stegs can glang po che lta bu dag skrag par byed cing //rigs kyi bu'i ming seng ge'i phru gu lta bu dag sdud par byed pa'i phyir ro/ /bsgrags pa zhes bya ba ni bstan pa ste/ bden pa bzhi lan gsum du bzlas te chos kyi 'khor lo rnam pa bcu gnyis su bskor ba'i phyir ro/ /des ni ston pa'i mdzad pa phun sum tshogs pa gzhan la chos ston pa'i sgo nas gzhan gyi don phun sum tshogs pa'i thabs su gyur pa phan 'dogs pa phun sum tshogs pa bstan to//shes rab phun sum tshogs pa'i dbang du mdzad nas/ thams cad mkhyen pa zhes bya ba gsungs te/ thams cad mkhyen pa zhes bya ba ni bcom ldan 'das te/dang por dngos po'i ngo bo nyid ma lus pa dang / thun mong ma yin pa dang / tshad med pa dang / phyin ci ma log par bstan pa'i phyir ro/ /des ni thams cad mkhyen pas lung shin tu rnam par dag pa gtan la phab pa'i sgo nas gzhan gyi don phun sum tshogs pa'i thabs su gyur pa shes rab phun sum tshogs pa bstan to//thugs rje phun sum tshogs pa'i dbang du mdzad nas/ dkon mchog mdzod brnyes pa zhes bya ba gsungs te/ dkon mchog ces bya ba ni bshad pa dang sgrub pa'i chos dkon mchog ste/ rin po che dang 'dra bar dkon pa dang / rin che ba dang /dga' bar byed pa dang / phan 'dogs pa dang / mi ma yin pa la sogs pa gnod par byed pa'i gnyen por gyur pa yin pa'i phyir ro/ /mdzod ces bya ba ni rin po che'i mdzod dang 'dra bar dkon mchog de'i mdzod 'phags pa'i dge 'dun te/ lung dang rtogs pa'i sgo nas de'i snod du gyur pa yin pa'i phyir ro//brnyes pa zhes bya ba ni slob ma nyid du brnyes pa ste/ ston pa'i lam gyi rjes su zhugs pa'i phyir ro/ /des ni 'khor yongs su smin par mdzad pa'i gzhan gyi don phun sum tshogs pa'i thabs su gyur pa thugs rje phun sum tshogs pa bstan to/ /'bras bu'i khyad par phun sum tshogs pa'i dbang du mdzad nas/zhabs la tshangs dbang gtsug gi nor bus gtugs/ /zhes bya ba gsungs te/ zhabs la zhes bya ba ni de bzhin gshegs pa'i zhabs 'khor lo'i mtshan dang ldan pa'o/ /tshangs dbang zhes bya ba la/ tshangs pa zhes bya ba ni bsam gtan dang po'i bsam gtan khyad par can bsgrubs te tshangs pa'i rgyal po thob pa stong gi 'jig rten la dbang bsgyur ba'i tshangs pa chen po'o//dbang po zhes bya ba ni sum cu rtsa gsum pa'i lha rnams kyi dbang po brgya byin te/ de gnyis ni sa bla'i gtso bo dang / stong gi khams na gtso bor grags pas 'dir smos par zad kyi gzhan yang de bzhin du gzung bar bya'o//gtsug gi nor bus zhes bya ba ni spyi bo ste/ nor bu gdags pa'i gnas yin pa'i phyir ro/ /gtugs zhes bya ba ni des btud de phyag byas pa'o/ /des ni 'jig rten na 'bras bu thob pa'i mchog dag gi spyi bos gtugs pa'i sgo nas gzhan gyi don phun sum tshogs pa'i thabs su gyur pa 'bras bu'i khyad par phun sum tshogs pa bstan te/de ltar de dag gis ni 'gro ba'i gtso bo sangs rgyas bcom ldan 'das kyi yon tan gzhan gyi don phun sum tshogs pa'i sgo nas ston pa la bstod pa'i mchod pa bstan to/ /de'i 'og tu 'gro ba'i gtso bo sangs rgyas bcom ldan 'das kyi yon tan bdag gi don phun sum tshogs pa'i che ba nyid kyi khyad par spangs pa phun sum tshogs pa'i dbang du mdzad nas/sdug bsngal rgya mtsho gting mtha' med brgal ba/ /zhes bya ba gsungs te/ sdug bsngal zhes bya ba ni skye ba dang / rga ba dang / na ba dang / 'chi bas bsdus pa nye bar len pa'i phung po lnga po dag go//rgya mtsho zhes bya ba ni sdug bsngal de nyid rgya mtsho dang 'dra bas rgya mtsho zhes bya ste/ shin tu rgya che ba'i phyir ro/ /gting med pa zhes bya ba ni gzhi'i gting med pa ste/ 'dis ni rgya mtsho bzhin du sdug bsngal mang ba nyid du bstan to/ /mtha' med pa zhes bya ba ni pha rol gyi mtha' med pa ste/'dis ni rgya mtsho bzhin du 'khor ba'i rgyun mi 'chad pa bstan to/ /brgal ba zhes bya ba ni 'das pa de las nyon mongs pa spangs pa sdug bsngal zad pa'i phyir ro/ /des ni las dang nyon mongs pa dang skye ba'i mtshan nyid kyi kun nas nyon mongs pa spangs pa'i sgo nas bdag gi don phun sum tshogs pa'i che ba nyid kyi khyad par spangs pa phun sum tshogs pa bstan to//ye shes phun sum tshogs pa'i dbang du mdzad nas/ 'gro ba'i gtso la zhes bya ba gsungs te/ 'gro ba'i zhes bya ba ni 'jig rten de rtag tu 'khor ba'i phyir ro/ /gtso la zhes bya ba ni zla med pa ste mchog yin pa'i phyir ro//la zhes bya ba ni 'gro ba'i gtso bo sangs rgyas bcom ldan 'das te/ shes bya thams cad la chags pa med dang / thogs pa med pa'i ye shes brnyes pas 'gro ba thams cad kyi gtso bor gyur pa'i phyir ro/ /'dis ni dngos po ji snyed yod pa nyid dang / ji lta ba bzhin du yod pa nyid thugs su chud pas 'gro ba'i gtso bor gyur pa'i sgo nas bdag gi don phun sum tshogs pa'i che ba nyid kyi khyad par ye shes phun sum tshogs pa bstan to//de ltar de dag gis ni 'gro ba'i gtso bo sangs rgyas bcom ldan 'das kyi yon tan gzhan gyi don phun sum tshogs pa dang / bdag gi don phun sum tshogs pa'i sgo nas ston pa la bstod pa'i mchod pa ston to//de'i 'og tu phyag 'tshal ba'i sgo nas mchod pa bstan pa'i phyir/ spyi bos phyag 'tshal te zhes bya ba gsungs te/ spyi bos zhes bya ba ni lus kyis phyag 'tshal ba dngos su bstan la/ phyag 'tshal te zhes bya bas ni lus dang ngag dang yid gsum gyis phyag 'tshal bas bsdus par blta ba'o//'dis ni lus dang ngag dang yid kyis phyag 'tshal ba'i sgo nas ston pa la mchod pa bstan to/ /de ltar phyag 'tshal te ci zhig bya zhe na/ so sor thar pa brtsam par dam bca' bar bya ba bstan pa'i phyir/ thams cad mkhyen pa'i bslab gzhi dkon mchog snod//'phags pa'i tshogs kyi dbus su dbye bar bya/ /zhes gsungs te/ 'dis ni gang gis bstan pa dang / ci zhig bstan pa dang / su la bstan pas so sor thar pa'i che ba nyid bstan nas/ gang gis ci zhig bstan pa de nyid su la bstan pa'i tshogs kyi dbus su dbye bar bya zhes bstan to//de la gang gis bstan ce na ston pa de ni thams cad mkhyen pa zhes bya bas ston te/ tshig gi don snga ma bzhin no/ /ci zhig bstan ce na so sor thar pa ste/ de ni bslab gzhi dkon mchog snod ces bya bas bstan te/ bslab pa zhes bya ba ni srog gcod pa spong ba la sogs pa'i mtshan nyid do//gzhi zhes bya ba ni tshig ste cis de la don gnas pa'i phyir ro/ /dkon mchog ces bya ba ni bslab pa'i gzhi de nyid de chen po rnams kyi rkyen yin pa'i phyir dang / dkon pa'i phyir rin po che dang 'dra bas dkon mchog go/ /de yang gang zhe na/rnam par 'byed pa dang / gzhi dang / gzhung phyi ma dang / phran tshegs dag go/ /snod ces bya ba ni de dag gi snod de so sor thar pa'i mdo 'di nyid do/ /de ni ston pa thams cad mkhyen pa'i bslab gzhi dkon mchog snod ces bya'o/ /su la bstan ce na/ nyan thos kyi dge 'dun la ste/de ni 'phags pa'i tshogs zhes bya bas bstan te/ 'phags pa zhes bya ba ni sdig pa mi dge ba'i chos rnams las ring du gyur pa'o/ /tshogs zhes bya ba ni bzhi yan chad do/ /gang gis ci zhig bstan pa de nyid su la bstan pa'i tshogs kyi dbus su dbye bar bya ba ni ston pas so sor thar pa bstan pa de nyid nyan thos kyi dge 'dun gyi dbus su dbye bar bya ste/de ni dbus su dbye bar bya zhes bya bas bstan te/ dbus zhes bya ba ni nang du'o/ /dbye bar bya ba ni gdon par bya ba'o/ /sus gdon par bya zhing dbye zhe na/ 'phags pa'i tshogs kyis te/ dper na rin po che'i snod dbye bar yang rin po che rtog shes pa dag gis tshogs kyi dbus su dbye ba ste/de bzhin du thams cad mkhyen pa'i bslab gzhi dkon mchog snod 'di yang bslab pa'i gzhi rin po che lta bu rtog shes pas 'phags pa'i tshogs kyi dbus su dbye zhing gdon par bya'o zhes bya ba'i tha tshig go/ / mchod pa'i mtshan nyid bshad zin to/ /de nas de'i 'og tu gleng bslang ba'i mtshan nyid bshad par bya ste/ gleng bslang ba'i mtshan nyid ces bya ba ni so sor thar pa'i mdo yang dag par brtsams pa gleng bslang ba'o/ /de yang so sor thar pa'i che ba nyid thos nas tshogs kyi lam 'bras bu dang bcas par 'dod pas so sor thar pa bsgrub par bya'o zhes gleng bslang dgos pas de'i phyir/sangs rgyas 'dul ba gang chen mtsho/ /zhes bya ba la sogs pa tshigs su bcad pa bcu gcig gsungs so/ /de la 'dir yang tshigs su bcad pa bcu gcig po de dag gis brjod par bya ba dang / dgos pa dang /'brel pa dang / dgos pa'i dgos pa brjod par bya ste/ de la brjod par bya ba ni so sor thar pa'i che ba nyid do/ /dgos pa ni rtog pa'o/ /'brel pa ni rtog pa de yang gleng bslang ba 'dis byed pas/ gleng bslang ba'i tshigs su bcad pa'i thabs 'di dang dgos pa thabs las byung ba'i mtshan nyid gnyis 'brel pa'o//dgos pa'i dgos pa ni so sor thar pa'i che ba nyid thos nas tshogs kyi lam 'bras bu dang bcas par 'dod pas/ so sor thar pa sgrub par byed pa'o/ /de la tshigs su bcad pa bcu gcig po 'di dag gi bsdus pa'i don ni rnam pa gsum ste/ so sor thar pa'i che ba nyid brjod pa dang /tshogs kyi lam 'bras bu dang bcas par bya ba dang / so sor thar pa bsgrub par bya ba'o/ /de la so sor thar pa'i che ba nyid brjod pa yang rnam pa gsum ste/ tshe 'di'i 'bras bu dang / tshe phyi ma'i 'bras bu dang / so sor thar pa la ston pa dang 'dra bar bstod pa'o/ / de la/ sangs rgyas 'dul ba gang chen mtsho/ /zhes bya ba la sogs pa tshigs su bcad pa gsum gyis ni tshe 'di'i 'bras bu bstan to/ /mtsho bas zab pa'i 'khor ba las/ /zhes bya ba la sogs pa tshigs su bcad pa gnyis kyis ni tshe phyi ma'i 'bras bu bstan to/ /nga ni mya ngan 'das gyur na//zhes bya ba la sogs pa tshigs su bcad pa gcig gis ni so sor thar pa la ston pa dang 'dra bar bstod pa bstan to/ /tshogs kyi lam 'bras bu dang bcas par bya ba yang rnam pa gsum ste/ tshogs kyi lam dkon pa dang / tshogs kyi lam rnyed pa dang / tshogs kyi lam rnyed pas nan tan du bya ba'o//de la/ sangs rgyas zhes bya'i sgra 'di yang / /zhes bya ba la sogs pa'i tshigs su bcad pa gnyis kyis ni tshogs kyi lam dkon pa bstan to/ /'jig rten sangs rgyas 'byung ba dang / /zhes bya ba la sogs pa tshigs su bcad pa gcig gis ni tshogs kyi lam rnyed pa bstan to//mkhas pa dag la legs 'dod cing / /zhes bya ba la sogs pa tshigs su bcad pa gcig gis ni tshogs kyi lam rnyed pas nan tan du bya ba bstan to/ /so sor thar pa bsgrub par bya ba ni rnam pa bzhi ste/ bdag gi dbang du byas pa dang / gzhan gyi dbang du byas pa dang /chos kyi dbang du byas pa dang / bsgrub pa'i mtshan nyid do/ /de la/ dge slong dbang dul kun dga' bo/ /zhes bya ba ni bdag gi dbang du byas pa bstan to/ /sangs rgyas mi 'gyur rab byung ba/ /zhes bya bas ni gzhan gyi dbang du byas pa bstan to/ /nges par thar pa 'dod rnams kyis//zhes bya bas ni chos kyi dbang du byas pa bstan to/ /so sor thar pa rtag tu srungs/ /zhes bya bas ni bsgrub pa'i mtshan nyid bstan te/ de ni re zhig spyi'i don yin no/ /da ni yan lag gi don bshad par bya ste/ de la tshe 'di'i 'bras bu'i sgo nas so sor thar pa'i che ba nyid brjod pa'i dbang du mdzad nas/sangs rgyas 'dul ba gang chen mtsho/ /gting mtha' med pa thams cad kyis/ /gnas pa'i snying dang snying po ni/ /so sor thar pa 'di yin no/ /zhes bya ba la sogs pa'i tshigs su bcad pa gsungs te/ sangs rgyas 'dul ba zhes bya ba ni sangs rgyas kyis gsungs pa'i 'dul ba'o//sangs rgyas zhes bya ba ni sangs rgyas bcom ldan 'das te/ don thams cad nges par thugs su chud pa'i phyir ram/ nyon mongs pa bag chags dang bcas pa'i gnyid thams cad dang bral ba'i phyir ro/ /'dul ba zhes bya ba ni 'dul ba'i sde snod de/ 'dul ba rnam par 'byed pa dang /'dul ba gzhi dang / 'dul ba phran tshogs dang / 'dul ba gzhung bla ma ste/ slob ma rnams dngos po thams cad kyi mchog mya ngan las 'das par khrid par byed pa'i phyir ram/ rgyud la kun du spyod pa'i dri ma dang / rnam par smin pa'i dri mas skyon chags par byed pa'i nyes pa thams cad rnam par 'dul bar byed pa'i phyir ro//gang chen mtsho zhes bya ba ni rgya mtsho ste/ sangs rgyas kyis gsungs pa'i 'dul ba de nyid rgya mtsho dang 'dra ba'i phyir ro/ /ji ltar 'dra zhe na/ gting mtha' med pa zhes bya ba gsungs te/ rgya mtsho la gzhi gting dpag tu med pa de bzhin du 'dul ba la yang kun nas slong ba'i gting dpag tu med pa'i phyir dang /rgya mtsho la pha rol gyi mtha' dpag tu med pa bzhin du/ 'dul ba la yang 'bras bu'i mtha' dpag tu med pa'i phyir ro/ /'dul ba de dag thams cad kyi gnas pa'i snying po dang snying po ni so sor thar pa 'di yin no zhes bya bar sbyar te/ gnas pa zhes bya ba ni ltung ba sde lnga dang /lo nyi shu ma lon par bsnyen par rdzogs pa'i thad ka las rab tu 'byung ba'i gzhi 'phros/ gso sbyong gi gsol ba gleng gzhi gdon pa las gso sbyong gi gzhi 'phros/ de la dgag dbye byas pas de 'grub bam mi 'grub ces dgag dbye'i phros/ de'i rgyu dbyar la rag las pa dbyar gyi gzhi 'phros/la la ras chen dang brtad pa las byung ba las dbyar gyi dang dgag dbye 'phros kyang zer ro/ /'chang ba dang 'bral ba 'jog pa gsum las sra brkyang ngo / /'jog pa las gos kyi gzhi'o/ /yang sra brkyang gos kyi gter lta bur 'dug pas de la brten nas go lpags kyi gzhi'o//zhag bdun pa'i gsog 'jog las sman gyi gzhi'o/ /gso sbyong la sogs pa las bya ba brtsams par bshad pa la brten nas las kyi gzhi'o/ /lhag ma phyir bcos las phyir bcos kyi gzhi'o/ /phyir bcos rang gi cha lag tu dus dang dus ma yin pa dang /sa gzhan na gnas pa gnyis so/ /yang na ni mi 'dod bzhin spo ba byed du gzhug go las de gnyis so/ /ma nges pa gnyis las yongs su sbyangs pa'o/ /de'i zhar byung du las dbye ba dang / 'khor lo dbye ba'o/ /yang na dbyen gyi lhag ma la brten nas 'khor lo dbye ba'o/ /zhi byed kyi chos bdun la brten nas rtsod pa'i gzhi'o//gnas mal gyi ltung byed las gnas mal gyi gzhi'o/ /la la khang pa khang chen las 'phros zhe'o/ /gzhi bcu bdun la sogs pa mtshan nyid rnam par gzhag pa'o/ /de'i snying zhes bya ba ni mtshan nyid rnam par gzhag pa de'i rgyur gyur te/ 'phan pa dang /sa bon dang / kun nas slong ba gang yin pa'o/ /snying po zhes bya ba ni brtan pa rnam par mi g.yo ba ste/ mtshan nyid bzhin du mi 'gyur ba'o/ /des na sangs rgyas kyis gsungs pa'i 'dul ba rgya mtsho lta bu gting dang mtha' med pa thams cad kyi mtshan nyid rnam par gzhag pa zhes bya ba'i sgo nas so sor thar pa'i che ba nyid brjod pa bstan to//'di ni dam chos rgyal po yi/ /chos kun gyi ni 'dren pa mchog /'di ni dge slong tshong tshogs kyi/ /bslab zong tshong khang chen po yin/ /zhes bya ba la/ 'di ni zhes bya ba ni so sor thar pa'o/ /dam chos rgyal po'i zhes bya ba ni sangs rgyas bcom ldan 'das te/thugs su chud pa dang ston par mdzad pa'i phyir ro/ /dam chos rgyal po de'i chos kun zhes bya ba ni mdo sde la sogs pa bstan pa'i chos thams cad do/ /chos de dag gi 'dren pa mchog ces bya ba ni rgyal po'i blon po rin po che dang 'dra'o zhes bya ba'i tha tshig ste/ 'di la brten te de dag 'byung ba'i phyir ro//yang de nyid bye brag tu bya ba'i phyir/ 'di ni zhes bya ba la sogs pa gsungs te/ 'di ni zhes bya ba ni so sor thar pa'o/ /dge slong tshong tshogs zhes bya ba ni dge slong mya ngan las 'das pa'i nor bu rin po che 'dod pa tshong pa lta bu'i tshogs don mthun pa dag go/ /de dag gi bslab zong zhes bya ba ni mya ngan las 'das pa'i nor bu rin po che sgrub pa'i zong tshul khrims kyi nor bu'o//de'i tshong khang zhes bya ni bslab pa'i zong bcer ba'i gnas te/ so sor thar pa'i nang du bslab pa thams cad 'dus pa'i phyir ro/ /chen po zhes bya ba ni bslab pa chen po rin po che'i gnas yin pa'i phyir dang /chen po rnams la 'os pa yin pa'i phyir ro/ /de dag gis ni chos kun gyi ni 'dren pa'i mchog yin pa dang / bslab pa'i zong gi tshong khang chen po yin pa'i sgo nas so sor thar pa'i che ba nyid brjod pa bstan to/ /tshul khrims 'chal pas zin rnams kyi/ /gdug pa rnam sel sman 'di yin//'di ni lang tsho rnam 'khrul pa'i/ /rkang gnyis gzhon nu'i lcags kyi yin/ /zhes bya ba la/ tshul khrims 'chal pas zhes bya ba ni bslab pa nyams pa lhag ma dang bcas pa ste bdag dang gzhan la gnod pa nyid kyis sbrul chen po dug myur du khyab par byed pa dang 'dra ba'i phyir ro/ /des zin pa zhes bya ba ni nyams par byas pa'o//des zin pa'i gang zag rnams kyi gdug pa zhes bya ba ni ltung ba ste/ sbrul gyi dug dang 'dra ba'i phyir ro/ /rnam sel zhes bya ba ni rnam par gnon pa ste/ kun du spyod pa sel ba'i phyir ro/ /sman zhes bya ba ni gnod pa sel ba ste 'dis sbyong bar ston pa'i phyir ro//de yang so sor thar pa 'di yin te des ni ltung ba rnam par sel ba'i rgyu nyid du bstan to/ /yang de nyid bye brag tu bstan pa'i phyir 'di ni zhes bya ba la sogs pa gsungs te/ 'di ni zhes bya ba ni so sor thar pa'o/ /lang tsho zhes bya ba ni gzhon pa nyid do/ /rnam 'khrul pa'i zhes bya ba ni bag med pa la sogs pas rnam par rmongs pa'o//rkang gnyis zhes bya ba ni mi'o/ /gzhon nu zhes bya ba ni bya ba dang bya ba ma yin pa mi shes pa'o/ /lcags kyo zhes bya ba ni glang po che'i lcags kyo dang 'dra ste bsnyil ba dang spro ba la sogs pa'i nyes dmigs ston pa kun tu skrag par byed pa yin pa'i phyir ro//des ni gdul dka' ba rnams yang dag par sdom pa'i rgyu nyid du bstan to/ /de ltar tshigs su bcad pa gsum po de dag gis ni so sor thar pa la brtson par byas na tshe 'di la 'bras bu 'di lta bu thob pas de tshe 'di'i 'bras bu'i sgo nas so sor thar pa'i che ba nyid brjod pa bstan to/ /tshe phyi ma'i 'bras bu'i sgo nas so sor thar pa'i che ba nyid brjod pa'i dbang du mdzad nas/mtsho bas zab pa'i 'khor ba las/ /bsgral ba'i rgal thabs 'di yin te/ /'di ni bzang 'gror 'gro ba yi/ /des pa'i chu lon zam pa yin/ /zhes bya ba la sogs pa tshigs su bcad pa gnyis gsungs te/ mtsho bas zab pa'i 'khor ba zhes bya ba ni rgya mtsho dug can pas kyang ches zab cing gting sleb par dka' ba'i 'khor ba 'gro ba lnga'i 'jig rten no//'khor ba de las sgrol ba'i rgal thabs 'di yin te zhes bya ba ni rnam par grol ba'i rgyur gyur pa'i lam ste/ zam pa dang / gru dang / gzings dang / rkyal pa la sogs pa lta bu'o//de yang so sor thar pa 'di yin te/ tshul khrims rnam par dag pa na lam skye ba'i phyir ro/ /des ni 'khor ba las sgrol zhing nges par legs pa'i lam thob pa'i thabs yin par bstan to/ /'di ni zhes bya ba ni so sor thar pa'o/ /bzang 'gror zhes bya ba ni bde 'gro mtho ris te/ lha dang mi'i 'gro ba'o/ /'gro ba'i zhes bya ba ni der 'jug cing thob pa'o/ /nges pa'i zhes bya ba ni bstan pa gcig tu gyur pa ste gdon mi za ba'o/ /chu lon zam pa zhes bya ba ni chu yang 'gog pa rgyu ba'i zam par gyur pa ste/ ngan song gi chu yang 'gog pa mtho ris su 'gro ba'i zam pa yang yin pa'i phyir ro/ / de ni so sor thar pa 'di yin te/ tshul khrims des ni bde 'gro'i rgyu yin pa'i phyir ro/ /des ngan song las sgrol zhing mngon par mtho ba'i lam thob pa'i thabs yin par bstan to/ /'di ni nyon mongs pham byed lam/ /rgyal po yi ni 'dren pa mchog /'di ni thar pa'i grong 'jug pa'i/ / them skas gzhi dang 'dra bar gnas/ /zhes bya ba la/ 'di ni zhes pa so sor thar pa'o/ /nyon mongs zhes bya ba ni 'dod chags dang / khong khro la sogs pa'i nyon mongs pa dag go/ /pham byed ces bya ba ni spong bar byed pa'o/ /de yang gang zhe na lam ste 'phags pa'i lam yan lag brgyad pa'o/ / rgyal po zhes bya ba ni nyon mongs pa pham par byed pa'i lam de nyid rgyal po dang 'dra bas rgyal po ste/ nyon mongs pa'i dgra pham par byed pa'i phyir ro/ /'dren pa mchog ces bya ba ni rgyal po'i snying tshoms lta bu ste/ 'dis 'phags pa'i lam 'dren par byed pa'i phyir ro/ /des ni 'khor ba'i rgyu nyon mongs pa spong zhing mya ngan las 'das pa'i rgyu 'phags pa'i lam 'dren pa yin par bstan to//'di ni zhes bya ba ni so sor thar pa'o/ /thar pa'i zhes bya ba ni mya ngan las 'das pa'o/ /grong zhes bya ba ni thar pa de nyid grong khyer dang 'dra bas grong zhes bya ste/ 'tshe ba thams cad dang bral ba'i phyir ro/ /'jug pa'i zhes bya ba ni 'gro ba'o//them skas gzhi zhes bya ba ni them skas kyi rten so sor thar pa 'di ni de dang 'dra bar gnas pa yin te lam gyi gzhi ni tshul khrims yin pa'i phyir ro/ /des ni mya ngan las 'das pa'i 'bras bu thob pa'i rgyu 'phags pa'i lam gyi gzhi nyid yin par bstan to/ /de ltar tshigs su bcad pa gnyis po de dag gis ni so sor thar pa brtsam par byas na tshe phyi ma la 'bras bu de ltar thob pas tshe phyi ma'i 'bras bu'i sgo nas so sor thar pa'i che ba nyid brjod par bstan to//so sor thar pa la ston pa dang 'dra bar bstod pa'i sgo nas so sor thar pa'i che ba nyid brjod pa'i dbang du mdzad nas/ nga ni mya ngan 'das gyur na/ / 'di ni khyed kyi ston pa zhes/ /rab byung nyid kyis gus byas par/ /nan tan dge 'dun tshogs mdun bstod/ /ces bya ba'i tshigs su bcad pa gcig gsungs te/ nga ni zhes bya ba ni bcom ldan 'das nyid do/ /mya ngan 'das gyur na zhes bya ba ni phung po lhag ma ma lus pa'i mya ngan las 'das pa'i dbyings su'o//'di ni zhes bya ba ni so sor thar pa'o/ /khyed kyi zhes bya ba ni nyan thos kyi dge 'dun rnams kyi'o/ /ston pa zhes bya ba ni ston pa dang 'dra'o zhes so/ /rab byung zhes bya ba ni bcom ldan 'das te gzhan gyi lung med par bcom ldan 'das bla na med pa'i mkhyen pa brnyes pa'i phyir ro/ /nyid kyis zhes bya ba ni rang gi zhal nyid kyis so//gus byas par zhes bya ba ni dgongs pa gtad de bstan pa'o/ /nan tan zhes bya ba ni lhur bzhes nas so/ /dge slong zhes bya ba ni gsol ba dang bzhi'i las kyis bsnyen par rdzogs pa'i dge slong ngo / /tshogs zhes bya ba ni mang po 'dus pa'o/ /mdun zhes bya ba ni mngon sum du'o//bstod ces bya ba ni ston pa dang 'dra'o zhes so/ /des na ston pa bcom ldan 'das yongs su mya ngan las 'das pa'i tshe dge slong dag da phyin chad bdag cag la ston pa med par 'gyur ro snyam du dogs pa bzlog pa'i phyir bcom ldan 'das kyis 'di skad ces nga yongs su mya ngan las 'das par gyur na so sor thar pa 'di khyed la ston pa byed par 'gyur ro zhes bstan par mdzad pas so sor thar pa la ston pa dang 'dra bar bstod pa'i sgo nas so sor thar pa'i che ba nyid brjod pa bstan to//tshogs kyi lam dkon pas tshogs kyi lam 'bras bu dang bcas par bya ba'i dbang du mdzad nas/ sangs rgyas zhes bya'i sgra 'di yang //'jig rten dag na rab tu dkon/ /'di nyid rnyed pa shin tu dka'/ /rab tu byung ba shin tu dkon/ /zhes bya ba la sogs pa tshigs su bcad pa gnyis gsungs so/ /tshogs kyi lam zhes bya ba ni sbyor ba'i lam rnam par dag pa'i lam thob pa'i tshogs dang gzhir gyur pa'i lam rnam pa bcu gsum ste/gzhan gyi 'byor pa dang / bdag gi 'byor pa dang / dge ba'i chos la 'dun pa dang / tshul khrims sdom pa dang / dbang po sdom pa dang / zas kyi tshod rig pa dang / nam gyi cha stod dang cha smad la mi nyal bar sbyor ba'i rjes su brtson pa nyid dang / shes bzhin du spyod pa nyid dang /dge ba'i bshes gnyen dang / dam pa'i chos nyan cing sems pa dang / bar chad med pa dang / gtong ba spel ba dang / dge sbyong gi rgyan gang yin pa'o/ /de la/ sangs rgyas zhes bya'i sgra 'di yang / /'jig rten dag na rab tu dkon/ /zhes bya ba ni gzhan gyi 'byor pa dkon pa bstan te/gzhan gyi 'byor pa gang zhe na/ de ni rnam pa lnga ste/ sangs rgyas rnams 'byung ba dang / dam pa'i chos bstan pa dang / chos bstan pa rnams gnas pa dang / chos bstan pa rnams rjes su 'jug pa dang / gzhan gyi phyir rjes su snying brtse bar bya ba'o/ /des sangs rgyas bcom ldan 'das zhes bya ba'i sgra yang 'jig rten dag na rab tu dkon na sangs rgyas rnams 'byung ba lta smos ci dgos/sangs rgyas rnams 'byung ba dkon na/ dam pa'i chos ston pa lta yang smos ci dgos zhes bstan to/ /mi nyid rnyed pa shin tu dka'/ /zhes bya bas ni bdag gi 'byor ba dkon par bstan pa ste/bdag gi 'byor pa gang zhe na/ de yang rnam pa lnga ste/ mir gyur pa dang / yul dbus su skyes pa dang / dbang po tshang ba dang / gnas la dad pa dang / las kyi mtha' ma log pa'o/ /des ni mir gyur pa nyid kyang rnyed pa shin tu dka' na yul dbus su skyes pa la sogs pa lta smos kyang ci dgos zhes bstan to//rab tu 'byung ba shin tu dkon/ /zhes bya bas ni dge ba'i chos la 'dun pa dkon par bstan to/ /dge ba'i chos la 'dun pa gang zhe na/ de bzhin gshegs pa'am de'i nyan thos dag las chos thos shing dad pa thob par gyur la/ dad pa thob nas khyim nas rab tu byung zhing nan tan gyis bsgrub par bya'o zhes de ltar yang dag par slob pa gang yin pa'o//des ni chos thos shing dad pa thob pa yang shin tu dkon na rab tu byung zhing nan tan gyis sgrub par byed pa lta smos kyang ci dgos zhes bstan to/ /de bzhin rab tu byung rnams kyi/ /tshul khrims phun sum tshogs rab dkon//zhes bya ba ni tshul khrims kyi sdom pa dang / dbang po sdom pa dang / zas kyi tshod rig pa nyid dang / nam gyi cha stod dang nam gyi cha smad la mi nyal bar sbyor ba'i rjes su brtson pa nyid dang / shes bzhin du spyod pa nyid dkon par bstan to/ /tshul khrims kyi sdom pa gang zhe na/ rnam pa drug ste/rnam par dbye ba dang / bsdus pa dang / phun sum tshogs pa dang / rnam grangs dang / rnam par dag pa dang / phan yon no/ /de la rnam par dbye ba ni rnam pa drug ste/ tshul khrims dang ldan par gnas pa dang / so sor thar pa'i sdom pas bsdams pa dang / cho ga phun sum tshogs pa dang / spyod yul phun sum tshogs pa dang / kha na ma tho ba phra rab tsam la yang 'jigs par lta ba dang / bslab pa'i gzhi rnams yang dag par blangs te slob pa'o/ /bsdu ba ni rnam pa gsum du bsdus pa ste/ tshul khrims yang dag par blangs pa dang / nges par 'byin pa'i tshul khrims dang / tshul khrims bsgom pa'o//phun sum tshogs pa rnam pa bcus phun sum tshogs par 'gyur te/ dang po nyid nas legs par blangs pa nyid dang / ha cang zhum pa ma yin pa dang / ha cang thal ches pa ma yin pa dang / bag yod pa la brtson 'grus kyis yongs su zin pa dang / yang dag par smon pa dang / cho ga ma nyams pas yongs su zin pa dang / 'tsho ba ma nyams pas yongs su zin pa dang / mtha' gnyis su ma lhung ba dang / nges par 'byung ba dang / yang dag par blangs pa yongs su ma nyams pa'o/ /rnam grangs ni rnam pa drug ste/ la lar tshul khrims rtsa ba'i don du gsungs pa dang / la lar rgyan dang /la lar byug pa dang / la lar spos dang / la lar legs par spyad pa dang / la lar sdom pa'i sgrar gsungs pa'o/ /rnam par dag pa ni rnam pa gsum ste/ tshul khrims kyi sdom pa de yongs su dag par bya ba'i phyir lus kyi las la so sor rtog par byed pa dang / ngag gi las la so sor rtog par byed pa dang /yid kyi las la so sor rtog par byed pa'o/ /phan yon ni tshul khrims kyi phan yon rnam pa bcu ste/ 'gyod pa med pa'i rim gyis mchog tu dga' ba sngon du 'gro ba'i chos thob par 'gyur ba dang / 'gyod pa med par 'chi ba'i dus byed par 'gyur ba dang / phyogs bcur snyan pa'i sgra grags par 'gyur ba dang /bde bar gnyid kyis log cing / bde bar sad par 'gyur ba dang / gnyid log pa na lha rnams srung bar 'gyur ba dang / gzhan las sdig pa'i bag tsha ba'am 'jigs pa dang / dngang ba med par 'gyur ba dang / dgra bo rnams kyis glags shig rnyed na yang tshul khrims rnam par dag pa'i dbang gis de dag bsrung ba la sogs pas phan 'dogs par 'gyur ba dang /gnod sbyin dang mi ma yin pa gdug pa gnyug mar gnas pa rnams kyis glags shig rnyed na yang tshul khrims rnam par dag pa'i dbang gis de dag bsrung ba la sogs pas phan 'dogs par 'gyur ba dang /gzhan las chos gos la sogs pa dag tshegs chung ngus thob par 'gyur ba dang / gang du skye bar 'dod pa la sogs pa'i smon lam thams cad yong dag par 'grub par 'gyur ba'o/ /dbang po sdom pa gang zhe na/ de tshul khrims kyi sdom pa de nyid la brten nas dran pa kun du bsrungs pa dang /dran pa la rtag tu sgrub par byed pa dang / dran pas yid kun du bsrungs pa dang / gnas skabs mnyam pa la 'jog par byed cing / mig dang / rna ba dang / sna dang / lce dang / lus dang / yid kyis gzugs dang / sgra dang / dri dang / ro dang / reg bya dang / chos rnams rnam par shes pa na yang mtshan mar mi 'dzin cing / mngon rtags su mi 'dzin la/ gzhi gang kho na la de'i sems kyi rjes su sdig pa mi dge ba'i chos rnams zag par gyur pa de dag bsdam par bya ba'i phyir sgrub par byed cing dbang po rnam par srung bar byed la/ dbang po rnams kyis kyang sdom par byed pas na dbang po rnams kyi sgo bsdams pa yin no//zas kyi tshod rig pa nyid gang zhe na/ de ltar dbang po bsdams pa de so sor brtags shing zas za bar byed la/ rnam par rtog pa'i phyir ma yin/ rgyags pa skyed pa'i phyir ma yin/ sgeg pa'i phyir ma yin/ brgyan pa'i phyir ma yin gyi yul 'di gnas par bya ba dang /'tsho bar bya ba dang / bkres pa bsal ba'i phyir dang / tshangs par spyod pa la phan par bya ba dang / tshor ba rnying rnams spang bar bya ba dang / gsar rnams mi skyed par bya ba'i phyir dang / bdag 'tsho zhing stobs dang bde ba dang kha na ma tho ba med pa dang / bde ba la reg par gnas par 'gyur ro snyam du sems shing zas za ba yin no//nam gyi cha stod dang cha smad dang mi nyal bar sbyor ba'i rjes su brtson pa nyid gang zhe na/ de ltar zas kyi tshod rig pa de nyid kyis/ 'chag pa dang 'dug pa dag gis sgrib par 'gyur ba'i chos rnams la sems yongs su sbyong bar byed cing mtshan mo'i thun dang po la yang 'chag pa dang 'dug pa dag gis sgrib par 'gyur ba'i chos rnams la sems yongs su sbyong bar byed la/mtshan mo'i gung thun la gtsug lag khang nas byung ste/ gtsug lag khang gi phyi rol du rkang pa bkrus nas gtsug lag khang gi nang du zhugs te glo g.yas pa phab nas rkang pa'i steng du rkang pa bzhag ste/snang ba'i 'du shes dang dran pa dang / shes bzhin dang ldan pa kho na'i 'du shes yid la byed bzhin du nyal bar byed pa dang / mtshan mo'i thun tha ma la myur ba myur ba kho nar sad par byas nas/ 'chag pa dang / 'dug pa dag gis sgrib par 'gyur ba'i chos rnams la sems yongs su sbyong bar byed pa yin no//shes bzhin du spyod pa nyid gang zhe na/ de ltar mi nyal bar sbyor ba'i rjes su brtson par 'gyur ba dang / de ltar 'gro ba dang ldog pa la shes bzhin du spyod par byed pa dang / cung zad bltas pa dang / rnam par bltas pa dang / bskum pa dang /brkyang ba dang / snam sbyar dang / chos gos dang / lhung bzed bcang ba dang / zos pa dang / 'thungs pa dang / 'chos pa dang / myangs pa dang / song ba dang / sdod pa dang / 'dug pa dang / nyal ba dang / mi nyal ba dang / smra ba dang / gnyid kyi log pa bsal ba la yang shes bzhin du spyod pa yin no//de ni tshul khrims sdom pa yang rab tu dkon na dbang po sdom pa la sogs pa lta smos kyang ci dgos zhes bstan to/ /tshul khrims yongs su dag gyur kyang / /grogs bzang shin tu rnyed par dka'/ /zhes bya bas ni dge ba'i bshes gnyen bsten pa dang / dam pa'i chos nyan cing sems pa dang /bar chad med pa dang / gtong ba spel ba dang / dge sbyong gi rgyan dkon par bstan pa'o/ /dge ba'i bshes gnyen gang zhe na/ rgyu rnam pa brgyad kyis na rnam pa thams cad yongs su rdzogs pa'i dge ba'i bshes gnyen yin par rig par bya ste/ brgyad gang zhe na/ tshul khrims la gnas pa dang /mang du thos pa dang / rtogs pa dang ldan pa dang / rjes su snying brtse ba dang ldan pa dang / yid yongs su mi skyo ba dang / bzod pa dang ldan pa dang / mi 'jigs pa dang ldan pa dang / tshig gi bya ba dang ldan pa yin no/ /dam pa'i chos nyan cing sems pa gang zhe na/sangs rgyas dang / sangs rgyas kyi nyan thos rnams kyis bstan pa'i chos gsung rab tu gtogs pa yan lag bcu gnyis sde snod gsum gyis bsdus pa dag 'dzin cing tshig 'bru dang / don nyan pa dang / gcig pu dben par song ste bsam gyis mi khyab pa'i gnas rnams spangs nas ji skad thos pa'i chos de dag nyid rang dang spyi'i mtshan nyid kyi sgo nas bgrang ba'i rnam pas chos rnams la bgrang ba'i tshul gyis sems par byed pa dang /gzhal ba'i rnam par rig pas yon tan dang / skyon nye bar brtags pa'i tshul gyis sems par byed pa yin no/ /bar chad med pa gang zhe na/ nang la brten pa'i bar chad dang / phyi la brten pa'i bar chad med pa ste/ de la nang la brten pa'i bar chad ni sngon bsod nams ma byas pa'i phyir 'tsho ba'i yo byad rkyen du bab pa dag dus dus su rnyed par mi 'gyur ba dang / 'dod chags dang / zhe sdang dang / gti mug shas che zhing yun ring ba dang / sngon nad mang bar 'gyur ba'i las byas pas nad mang ba dang /tshe 'di la mi mthun par spyad pas de'i lus la rlung dang / mkhris pa dang / bad kan 'khrugs shing sdud pa la sogs par 'gyur ba dang / zas la gdu ba dang / don mang ba dang / bya ba mang ba dang / tshig 'du ba mang ba dang / las la dga' ba dang /smra ba la dga' ba dang / gnyid la dga' ba dang / mo'i gtam la dga' ba dang / 'du 'dzi mang ba dang / bdag nyid rab tu 'dzin pa dang / mi brten pa dang / bag med pa dang / yul ngan par skyes pa dang / de lta bu dang mthun pa dag go/ /phyi rol la brten pa'i bar chad ni/ skyes bu dam pa ma yin pa la brten cing de la rjes su mthun pa'i gdams ngag dang rjes su bstan pa dus su mi thob pa dang /yul ngan par gnas pas nyin mo nyon mongs shing mi sdug pa mang ba dang / mtshan mo skye bo rtag tu sgra 'byin cing ca co mang la klag cor che ba dang / nyi ma'i reg pa grang zhing tsha ba nyid dang / mi dang mi ma yin pas 'jigs pa dang / de lta bu dag dang mthun pa dag go/ /gzhan yang bar chad rnam pa gsum ste/ sbyor ba'i bar chad dang / rab tu dben pa'i bar chad dang / nang du yang dag par 'jog gi bar chad med pa ni bar chad med pa yin no/ /gtong ba spel ba gang zhe na/ sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob par bya ba'i phyir kha na ma tho ba med pa'i sbyin pa sbyin par byed pa ste/ de yang sus sbyin par byed/ su la sbyin par byed/ ci zhig sbyin par byed/ cis sbyin par byed/ ji ltar sbyin par byed/ ci'i phyir sbyin par byed cing / gang gis de'i sbyin pa kha na ma tho ba med par 'gyur ba yin zhe na/ sus sbyin par byed ce na/ sbyin pa po dang sbyin bdag gis sbyin par byed do/ /su la sbyin par bya zhe na/ bzhi la ste/ sdug bsngal ba dang / phan 'dogs pa dang / sdug pa dang / khyad par can la sbyin par byed do/ /ci zhig sbyin par byed ce na/sems can du bgrang ba dang / sems can du bgrang ba ma yin pa'i dngos po sbyin par byed do/ /cis sbyin par byed ce na/ sems mngon par 'du byed pa yin gyi las chags pa med pa dang ldan pa'i sems pa gang yin pa dang / sbyin pa'i bya ba dngos po yongs su gtang bar bya ba'i phyir rang gi rgyud dang gzhan gyi rgyud kun nas bslang ba'i lus dang /ngag gi las gang yin pa des sbyin par byed do/ /ji ltar sbyin par byed ce na/ ma 'ongs pa la lta ba dang / 'bras bu mthong ba'i dad pas sbyin par byed pa dang / dad pa'i sems kyis gus par sbyin par byed pa dang / brnyas pa med par rang gi lag nas sbyin par byed pa dang /gzhan la mi mkho ba'i dus su sbyin par byed pa dang / chos mthun pa dang / gzu lums ma yin par legs par bsgrubs te gzhan la mi gnod par sbyin par byed pa dang / gtsang ba dang / bzang po dang / dam pa dang rung ba sbyin par byed pa dang / ser sna'i dri ma dang / gsog 'jog gi dri ma gsal te sbyin par byed pa dang / sbyin par byed pa'i snga rol du yang yid dga' la/ sbyin pa'i tshe na yang rab tu dad par byed cing / byin nas kyang 'gyod pa med par 'gyur ba de ltar sbyin par byed do/ /ci'i phyir sbyin par byed ce na/ sdug bsngal ba rnams la snying brtse ba'i phyir dang /phan 'dogs pa rnams la byas pa gzo ba'i phyir dang / sdug ba rnams la byams pa dang / gus pa dang / gcugs pa'i phyir dang / khyad par can rnams la 'jig rten dang 'jig rten las 'das pa'i khyad par 'dod pa'i phyir sbyin par byed do/ /gang gis de'i sbyin pa kha na ma tho ba med par 'gyur ba yin zhe na/de sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob par bya ba'i phyir rnam pa de dag gis khyim pa'am rab tu byung ba dag la sbyin par byed na sbyin pa ni kha na ma tho ba med par 'gyur ba yin te de ni gtong ba spel ba zhes bya'o//dge sbyong gi rgyan gang zhe na/ mdor na rnam pa bcu bdun te/ dad pa dang ldan pa dang / g.yo med pa dang / nad nyung ba dang / brtson 'grus brtsams pa'i rang bzhin can dang / shes rab rno ba dang / 'dod pa chung ba dang / chog shes pa dang / gso sla ba dang /dgang sla ba dang / sbyangs pa'i yon tan dang ldan pa dang / mdzes pa dang / drod rig pa dang / skyes bu dam pa'i chos dang ldan pa dang / mkhas pa'i rtags dang ldan pa dang / bzod pa che ba dang / des pa dang / gya nom pa yin no/ /des ni dge ba'i bshes gnyen yang shin tu rnyed par dka' na dam pa'i chos nyan cing sems pa la sogs pa lta smos kyang ci dgos zhes bstan to//de ltar tshigs su bcad pa gnyis po de dag gis ni tshogs kyi lam dkon pas de 'bras bu dang bcas par bya dgos pa'i sgo nas tshogs kyi lam 'bras bu dang bcas par bya ba bstan to/ /tshogs kyi lam rnyed pa tshogs kyi lam 'bras bu dang bcas par bya ba'i dbang du mdzad nas/'jig rten sangs rgyas 'byung ba dang / /mi dang rab tu byung ba dang / /tshul khrims phun sum tshogs pa dang / /grogs bzang rnyed dka' rnyed gyur nas/ /zhes bya ba'i tshigs su bcad pa gcig gsungs te/ 'jig rten sangs rgyas 'byung ba dang //zhes bya bas ni gzhan gyi 'byor pa rnyed par bstan to/ /mi dang zhes bya bas ni bdag gi 'byor pa rnyed par bstan to/ /rab tu byung ba dang zhes bya bas ni dge ba'i chos la 'dun pa rnyed par bstan to/ /tshul khrims phun sum tshogs pa dang / /zhes bya bas ni tshul khrims kyi sdom pa dang /dbang po sdom pa dang / zas kyi tshod rig pa nyid dang / nam gyi cha stod dang nam gyi cha smad la mi nyal bar sbyor ba'i rjes su brtson pa nyid dang shes bzhin du spyod pa nyid bstan to/ /grogs bzang rnyed dka' rnyed gyur nas/ /zhes bya bas ni dge ba'i bshes gnyen dang / dam pa'i chos nyan cing sems pa dang /bar chad med pa dang / gtong ba spel ba dang / dge sbyong gi rgyan rnyed pa bstan to/ /de ltar tshigs su bcad pa gcig po des ni tshogs kyi lam rnyed pas de 'bras bu dang bcas par bya dgos pa'i sgo nas tshogs kyi lam 'bras bu dang bcas par bstan to/ /tshogs kyi lam rnyed nas nan tan du bya ba'i sgo nas tshogs kyi lam 'bras bu dang bcas par bya ba'i dbang du mdzad nas/mkhas pa bdag la legs 'dod cing / /de dag 'bras bcas byed 'dod pas/ /sdom brtson rnams kyis so sor thar/ /mnyan pa'i phyir ni 'bad par bya/ /zhes bya ba'i tshigs su bcad pa gcig gsungs te/mkhas pa zhes bya ba ni mkhas pa'i rtags dang ldan pa de/ lus kyis legs par byed pa dang ngag gis legs par smra bar brjod pa dang / yid kyis legs par bsams pa sems pa'o/ /bdag la legs 'dod cing zhes bya bas ni bdag nyid shes pa zhes bya ba'i tha tshig go//de dag 'bras bcas byed 'dod pas/ /zhes bya bas ni tshogs kyi lam de dag 'bras bu dang bcas par byed 'dod pa ste/ sbyor ba'i lam dang rnam par dag pa'i lam thob par 'dod pas zhes bya ba'i tha tshig go/ /sdom brtson rnams kyis zhes bya bas ni rab tu byung ba rnams kyis so/ /de rnams kyis so sor thar pa mnyan pa'i phyir ni 'bad par bya'o zhes bya bar sbyar te/thos pa dang / gzung ba dang / 'dzin pa dang / sgrub pa la 'bad par bya'o zhes bya ba'i tha tshig go/ /de ltar tshigs su bcad pa gcig po des ni tshogs kyi lam rnyed pas nan tan du bya ba'i sgo nas tshogs kyi lam 'bras bu dang bcas par bstan to//bdag gi dbang du byas nas so sor thar pa bsgrub par bstan pa'i phyir/ dge slong dbang dul kun dbang po/ /zhes bya ba gsungs te/ dbang dul zhes bya ba ni mig la sogs pa dbang po lnga po dag bsrungs pa ste/ mig gis gzugs mthong na mtshan mar mi 'dzin mngon rtags su mi 'dzin cing /rjes su chags pa dang / khong khro bar mi 'gyur ba la sogs pa'o/ /kun dbang po zhes bya ba ni gnas skabs mnyam pa la 'jog pa ste/ dbang po dang / dmigs pa dang / yul dang / dus dang / gang zag la sogs pa'i gnas skabs thams cad la dbang po dul bar byed pa'o//des bdag nyid kyi bsam pa shin tu rnam par dag pa'i phyir dge slong gi tshul khrims rnams las bslab pa nyams par byed pa na bdag nyid la brten te ngo tsha shes pa skye ba'i sgo nas bdag gi dbang du byas te so sor thar pa bsgrub par bya ba bstan to/ /gzhan gyi dbang du byas nas so sor thar pa bsgrub pa bstan pa'i phyir/sangs rgyas mi 'gyur rab byung ba/ /zhes bya ba gsungs te/ sangs rgyas zhes smos pas ni sangs rgyas las sam sangs rgyas kyi phyir rab tu byung zhes sbyar ro/ /mi 'gyur zhes bya ba ni nges shing 'khrul pa med pa ste/ bu lon gyis 'jigs pa dang /'tsho ba med pas 'jigs pa'am/ rgyal po'i 'jigs pa la sogs pas rab tu byung ba ma yin gyi/ tshul khrims dang po nyid nas yang dag par blangs pa'i yon tan dang ldan pa'o/ /rab byung ba zhes bya ba ni pha rol las legs par yang dag par blangs pa ste/ mgo bregs pa'o//des pha rol las legs par yang dag par blangs pa'i phyir dang / dge slong tshul khrims blangs pa rnams nyams par byed na pha rol la brten te khrel yod pa skye bar bya ba'i sgo nas gzhan gyi dbang du byas te/ so sor thar pa bsgrub par bya ba bstan to/ /chos kyi dbang du byas nas so sor thar pa bsgrub pa bstan par bya ba'i phyir/nges par thar pa 'dod rnams kyis/ /zhes bya ba gsungs te/ nges par thar pa zhes bya ba ni mya ngan las 'das pa ste sdug bsngal gtan spang ba'i phyir ro/ /'dod rnams kyis zhes bya ba ni don du gnyer ba rnams kyis so/ /des ni nyams par gyur na phyir gso bar byed pa'i phyir dge slong gi tshul khrims rnams las bslab pa nyams pa na 'gyod pa med pa'i sgo nas chos kyi dbang du byas te/so sor thar pa bsgrub par bya ba bstan to/ /bsgrub pa'i mtshan nyid kyis so sor thar pa bstan pa'i phyir/ so sor thar pa rtag tu srungs/ /zhes bya ba gsungs te/ rtag tu srungs zhes bya ba ni thog ma nyid nas nyams par mi 'gyur bar gus pa skyed cig ces bya ba'i tha tshig go//des ni nyams par mi bya ba'i phyir gus pa bskyed nas dran pa nye bar gnas pa'i phyir dge slong tshul khrims yang dag par blangs pa srung ba'i sgo nas bsgrub pa'i mtshan nyid kyis so sor thar pa bsgrub par bstan to//gleng bslang ba'i mtshan nyid bshad zin to/ /de'i 'og tu yang dag par brtsams pa'i mtshan nyid bshad par bya ste/ yang dag par brtsams pa'i mtshan nyid ces bya ba ni so sor thar pa'i gzhung rgyas pa yang dag par brtsams pa'o/ /de yang so sor thar pa rnyed par dka' ba dang / dkon mchog gsum 'byung ba bde ba la sogs pa'i sgo nas yang dag par brtsams par dgongs nas de nyid kyi phyir/ bskal pa bye ba rnams su yang / /zhes bya ba la sogs pa tshigs su bcad pa drug gsungs so/ /'dir yang tshigs su bcad pa drug po de dag gi brjod par bya ba dang / dgos pa dang / 'brel ba dang /dgos pa'i dgos pa brjod par bya'o/ /de la brjod par bya ba ni so sor thar pa la gus par bya ba'o/ /dgos pa ni sgrub par byed pa'o/ /'brel pa ni yang dag par brtsams pa'i tshigs su bcad pa'i thabs 'di yang / dgos pa thabs las byung ba'i mtshan nyid gnyis 'brel pa'o/ /dgos pa'i dgos pa ni so sor thar pa la gus par gyur nas so sor thar pa yang dag par brtsam par 'dod pas so sor thar pa gzhung rgyas pa nyan pa la sogs pa'o//de la tshigs su bcad pa drug po dag gis bsdus pa'i don ni rnam pa bdun te/ so sor thar pa rnyed par dka' ba dang / dkon mchog gsum 'byung ba bde ba dang /dge ba'i bshes gnyen la brten pa bde ba dang / sdig pa'i grogs po spangs pa bde ba dang / dge ba'i bshes gnyen gyi khyad par la brten pa bde ba dang / thob par bya ba dang de bsgrub pa bde ba dang / sgrub par byed pa sbyangs pa'i yon tan dang ldan pa bde ba'o/ /de la/ bskal pa bye ba rnams su yang //zhes bya ba la sogs pa tshigs su bcad pa gcig gis ni so sor thar pa rnyed par dka' ba bstan to/ /sangs rgyas rnams ni 'byung ba bde/ /zhes bya ba la sogs pa tshigs su bcad pa gcig gis ni dkon mchog gsum 'byung ba bde ba bstan to/ /'phags pa rnams ni mthong ba bde/ /dam pa dag dang 'grogs pa bde//zhes bya bas ni dge ba'i bshes gnyen la brten pa bde ba bstan to/ /byis pa rnams ni ma mthong na/ /rtag tu bde ba nyid du 'gyur/ /zhes bya bas ni sdig pa'i grogs po spangs pa bde ba bstan to/ /tshul khrims ldan pas mthong ba bde/ /zhes bya ba la sogs pa tshigs su bcad pa gcig gis ni dge ba'i bshes gnyen gyi khyad par la brten pa bde ba bstan to//'jug ngogs bde ba'i chu klung bde/ /zhes bya ba la sogs pa tshigs su bcad pa gcig gis ni thob par bya ba dang de sgrub pa bde ba bstan to/ /nges par byas shing dbang po thul ba dag /ces bya ba la sogs pa tshigs su bcad pa gcig gis ni sgrub par byed pa sbyangs pa'i yon tan dang ldan pa bde ba bstan to//de ni re zhig spyi'i don to/ /da ni yan lag gi don bshad par bya ste/ de la so sor thar pa rnyed par dka' ba'i sgo nas so sor thar pa yang dag par brtsams pa'i dbang du mdzad nas/ bskal pa bye ba rnams su yang //so sor thar pa thob pa dang / gzung dang 'dzin pa rnyed dka' ste/ /sgrub pa'ang shin tu rnyed par dka'/ /zhes bya ba'i tshigs su bcad pa gcig gsungs te/ bskal pa zhes bya ba ni dus kyi bye brag bskal pa chen po'o/ /bskal pa bye bas bskal pa'o/ /bye ba zhes bya ba ni grangs kyi bye brag ste/gnas brgyad pa'o/ /rnams su yang zhes bya ba ni bye ba phrag grangs med pa dag gis kyang brgya la rnyed par dka' bas mang po'i tshigs su bstan to/ /so sor thar pa zhes bya bas ni lung dang rtogs pa'i bdag nyid do/ /thos pa zhes bya ba ni rna ba'i rnam par shes pas tshig gi bdag nyid thos pa'o//gzung zhes bya ba ni de'i rjes la thob pa'i yid kyis rnam par shes pa'i tshig gi bdag nyid dang don gyi bdag nyid yongs su dpyod pa'o/ /'dzin pa zhes bya ba ni tshig dang don gyi bdag nyid gzung ba ste mi brjod pa'o/ /rnyed dka' ste zhes bya ba ni de gsum char yang rnyed par dka' ste/rgya mtsho chen por gnya' shing gi mig tu ru sbal zhar ba mgrin pa chud pa'i tshul gyis gzhan gyi 'byor pa dang / bdag gi 'byor pa la sogs pa rnyed par dka' bas bskal pa chen po bye ba phrag bgrang bar 'das pas kyang de dag rnyed par dka' ba'i phyir ro/ /sgrub pa zhes bya ba ni so sor thar pa'i rtogs pa'i don lus dang ngag dang yid kyis yang dag par sgrub cing nan tan du bya ba'o//de snga ma gsum pas kyang shin tu rnyed par dka' ste/ yang dag par bsgrub pa ni mngon par brtson pa la rag las pa'i phyir ro/ /de lta bas na so sor thar pa brjod par byas gus par nyon cig dang drang srong chen pos ji skad gsungs pa de bzhin du rjes su bsgrub cing nan tan du bya'o zhes bya ba'i tha tshig go//de ltar tshigs su bcad pa des ni lung dang rtogs pa'i sgo nas so sor thar pa rnyed par dka' bas so sor thar pa yang dag par brtsam par bya'o zhes bstan to/ /thos pa dang gzung ba dang 'dzin pa rnyed par dka' ba dag ni lung gi sgo nas rnyed dka' ba yin la/sgrub pa yang shin tu rnyed dka' ba ni rtogs pa'i sgo nas rnyed dka' ba yin no/ /dkon mchog gsum 'byung ba bde ba'i sgo nas so sor thar pa yang dag par brtsams pa'i dbang du mdzad nas/ sangs rgyas rnams ni 'byung ba bde/ /chos bstan pa yang bde ba yin//dge 'dun mthun pa bde ba ste/ /mthun pa rnams kyi dka' thub bde/ /zhes bya ba'i tshig su bcad pa gcig gsungs te/ sangs rgyas rnams ni 'byung ba bde/ /zhes bya ba la sangs rgyas 'byung ba zhes bya ba ni rdzogs pa'i byang chub pa'i tshe'am/ phyis 'byung ba'i tshul gyis bltams pa'i tshe'o//de bde zhes bya ba ni rnam par grol ba'i bde ba thob pa'i rgyu yin pa'i phyir dang / 'bras bu bde bar 'gyur ba'i phyir te/ dper na mi bde ba'o zhes bya ba dang 'dra bar sangs rgyas rnams 'byung ba bde ba yin no/ /chos bstan pa yang bde ba yin/ /zhes bya ba ni mdo sde la sogs pa gsung rab tu gtogs pa'i yan lag bcu gnyis po dag bstan pa yang bde ba'i rgyu yin pa dang /'bras bu bde bar 'gyur bas bde ba yin no/ /dge 'dun mthun pa bde ba ste/ /zhes bya ba ni skyes bu gang zag brgyad kyi bdag nyid kyi dge 'dun tshul khrims dang / lta ba dang / cho ga dang / 'tsho ba mthun pas ro gcig cing bya ba gcig tu gyur pa yang bde ba'i rgyu yin pa yang /'bras bu bde bar 'gyur bas bde ba yin no/ /mthun pa rnams kyi dka' thub bde/ /zhes bya ba ni lhag pa'i tshul khrims la sogs pa bslab pa gsum po dag la rjes su bsgrub pa'i dka' thub/ nyon mongs pa dang nyes par spyod pa gdung bar byed pa yang bde ba'i rgyu yin pa dang /'bras bu bde ba'i rgyur gyur pas bde ba yin no/ /de ltar tshigs su bcad pa des ni dkon mchog gsum 'byung ba dang / de dag gi 'bras bu bde ba de nyid yin pas so sor thar pa yang dag par brtsam par bya'o zhes bstan to/ /dge ba'i bshes gnyen la brten pa bde ba'i sgo nas so sor thar pa yang dag par brtsams pa'i dbang du mdzad nas/'phags pa rnams ni mthong ba bde/ /dam pa dag dang 'grogs pa bde/ /zhes bya ba gsungs te/ 'phags pa rnams zhes bya ba ni dgra bcom pa la sogs pa dag ste/ sdig pa dag las ring du song ba'i phyir 'phags pa zhes bya'o//mthong ba zhes bya ba ni de dag dge ba'i bshes gnyen gnyis su mthong na bde ba'i rgyur 'gyur ba'o/ /dam pa dag dang zhes bya ba ni so so'i skye bo'i nang nas skyes bu dam pa byang chub sems dpa' la sogs pa dag ste/ gzhan la phan 'dogs shing des pa'i phyir dam pa zhes bya'o//'grogs pa bde zhes bya ba ni lhan cig mtshungs par gnas na bde ba'i rgyur 'gyur ba'o/ /de ltar tshigs su bcad pa phyed po des ni 'phags pa mthong ba dang / dam pa dag dang 'grogs pa ni tshe 'di dang phyi ma'i bde ba phun sum tshogs pa'i sngon du 'gro ba yin pas dge ba'i bshes gnyen la brten pa bde ba'i sgo nas so sor thar pa yang dag par brtsam par bya'o zhes bstan to//sdig pa'i grogs po spangs pa bde ba'i sgo nas so sor thar pa yang dag par brtsams pa'i dbang du mdzad nas/ byis pa rnams ni ma mthong na/ /rtag tu bde ba nyid du 'gyur/ /zhes bya ba gsungs te/ byis pa rnams ni zhes bya ba ni shes rab 'chal pa log par sgrub pa rnams te/byis pa'i rtags dang ldan pa'i phyir ro/ /ma mthong na/ rtag tu bde ba nyid du 'gyur/ /zhes bya ba ni sdig pa'i grogs po dang ma 'grogs na rnam pa thams cad du bde bar 'gyur ro/ /de ltar tshigs su bcad pa phyed po des ni sdig pa'i grogs po spangs pa bde ba'i sgo nas so sor thar pa yang dag par brtsam par bya'o zhes bstan to//dge ba'i bshes gnyen gyi khyad par la brten pa bde ba'i sgo nas so sor thar pa yang dag par brtsams pa'i dbang du mdzad nas/ tshul khrims ldan pa mthong ba bde/ /mang du thos pa mthong ba bde/ /yang srid rnam par grol ba yi//dgra bcom pa dag mthong ba bde/ /zhes bya ba ni tshigs su bcad pa gcig gsungs te/ dge ba'i bshes gnyen gyi khyad par ni rnam pa gnyis te/ nye bar brtags pa dang / don dam pa'o/ /nye bar brtags pa la yang rnam pa gnyis te/ zhi gnas kyi yan lag la gnas pa dang /lhag mthong gi yan lag la gnas pa'o/ /de la zhi gnas kyi yan lag la gnas pa ni/ tshul khrims ldan pa zhes bya bas bstan te/ tshul khrims la gnas na sems mnyam par 'jog pa'i phyir ro/ /des mthong ba bde ba ni tshul khrims dang ldan pa ni gzhan la gnod pa'i bsam pa las log pas bde ba'i rgyu yin pa'i phyir ro//lhag mthong gi yan lag la gnas pa ni mang du thos pa zhes bya bas bstan te/ mang du thos na shes rab skye ba'i phyir ro/ /de mthong ba bde ba ni thos pa dang ldan pa ni thos pa'i stobs kyis lta ba dang / 'gyod pa dang / the tshom sel bas bde ba'i rgyu yin pa'i phyir ro//don dam pa ni/ yang srid rnam par grol ba yi/ /dgra bcom pa zhes bya bas bstan te/ yang srid rnam par grol ba yi/ /zhes bya bas ni 'khor bar yang mi skye ba'i chos nyid kyis rnam par grol ba'o/ /dgra bcom pa zhes bya ba ni nyon mongs pa'i dgra rnams bcom pa bstan to/ /dgra bcom pa zhes bya ba'i sgra 'os pa la sogs pa don gzhan du yang 'dren pas dgra bcom pa'i 'bras bu dang ldan pa nyid kyi bye brag bstan pa'i phyir yang srid rnam par grol ba zhes bya ba smos so//de mthong ba bde ba de ni dgra bcom pa thob pa ni dge legs kyi bsam pa mchog dang ldan pa yin pas bde ba'i rgyu yin pa'i phyir mtshan nyid bshad zin to// //de'i 'og tu gzhung rgyas pa'i mtshan nyid bshad par bya ste/ gzhung rgyas pa'i mtshan nyid ces bya ba ni so sor thar pa'i gzhung rgyas pa'i mtshan nyid bstan pa'o/ /de yang dus dang por bya ba dang / mdo gdon pa bstan dgos pa de'i phyir tshe dang ldan pa dag so ga rnams kyi 'das pa dang lhag ma ci tsam mo zhes bya ba nas dran pa dang bag yod pas rnal 'byor du bya'o zhes bya ba'i gzhung thams cad gsungs so//de la 'dir yang gzhung rgyas pa de dag gi brjod par bya ba dang / dgos pa dang / 'brel pa dang / dgos pa'i dgos pa brjod par bya ste/ de la brjod par bya ba ni gzhung rgyas pa'i mtshan nyid dag go//dgos pa ni de dag rtogs pa'o/ /'brel pa ni rtogs pa de yang 'dis byed pas gzhung rgyas pa'i thabs 'di yang dgos pa thabs las byung ba'i mtshan nyid gnyis 'brel pa'o/ /dgos pa'i dgos pa ni so sor thar pa'i gzhung rgyas pa'i mtshan nyid de yongs su shes pas tshul khrims rnam par dag pa na 'phags pa'i lam bsgoms pas mya ngan las 'das pa thob pa'o//de la gzhung rgyas pa 'di'i bsdus pa'i don ni rnam pa gnyis te/ dus dang por bya ba dang / mdo gdon pa'o/ /de la dus dang por bya ba ni mdo gdon pa'i snga rol du bya ba ste cho ga'o//de la bsdus pa'i don ni rnam pa drug ste/ so sor thar pa nyan pa la rna mi gtod pa'i nyes dmigs dang / mi 'du ba dgag pa dang / mchod cing lung dbog pa dang / yang dag par sgrub tu gzhug pa dang / de'i phan yon dang / yang dag par mi sgrub pa'i nyes dmigs bstan pa'o//mdo gdon pa ni gsol ba byas nas so sor thar pa'i mdo gdon pa rnam pa lnga po dag gdon pa ste las so/ /de'i bsdus pa'i don kyang rnam pa drug ste/ gsol ba gdon pa dang / gleng gzhi gdon pa dang / pham par 'gyur ba gdon pa dang / dge 'dun lhag ma gdon pa dang /ma nges pa gdon pa dang / ril gyis gdon pa'i mtshan nyid bstan pa'o/ /de la tshe dang ldan pa dag so ga rnams kyi 'das pa dang lhag ma ji tsam pa de tsam mo zhes bya ba nas bag yod pas 'thob po zhes bya ba'i bar gyis ni so sor thar pa nyan pa la rna mi gtod pa'i nyes dmigs bstan to//bcom ldan 'das kyi nyan thos kyi dge 'dun ni don nyung ba bya ba nyung ba yin pas zhes bya ba nas dris nas kyang brjod par bya'o zhes bya ba'i bar gyis ni mi 'du ba dgag pa bstan to/ /shAkya seng ge de la ni/ /zhes bya ba la sogs pa tshigs su bcad pa gcig gis ni mchod cing lung dbog pa bstan to//thos nas drang srong chen po yis/ /zhes bya ba la sogs pa tshigs su bcad pa gnyis kyis ni yang dag par sgrub tu gzhug pa bstan to/ /che ba gang dag ngag tsam gyis/ /zhes bya ba la sogs pa tshigs su bcad pa gcig gis ni de'i phan yon bstan to/ /su la srab 'di med pa dang //zhes bya ba la sogs pa tshigs su bcad pa gcig gis ni yang dag par mi sgrub pa'i nyes dmigs bstan to/ /dge 'dun btsun pa rnams gsan du gsol zhes bya ba la sogs pa gsol ba 'ba' zhig gi las kyis ni gsol ba bstan to/ /tshe dang ldan pa dag bdag cag gso sbyong bya ste zhes bya ba la sogs pa gzhung lhag ma rnams kyis ni gleng gzhi gdon pa la sogs pa rim bzhin du bstan to//de ni re zhig spyi'i don yin no/ /da ni yan lag gi don bshad par bya ste/ so sor thar pa nyan pa la rna mi gtod pa'i nyes dmigs bstan pa'i dbang du mdzad nas/ tshe dang ldan pa dag so ga ba rnams kyi 'das pa dang lhag ma ji tsam pa de tsam mo zhes bya ba la sogs pa gsungs te/tshe dang ldan pa dag ces bya ba ni rgan pa dang gzhon pa dag la snyan pa'i tshig gis bod pa'o/ /so ga rnams kyi zhes bya ba ni gso sbyong 'don pa'i dus tshigs mtshon pa ste/ so ga dang / dbyar dang /ston dang / dgun dang / dgun smad dang / dpyid kyi dus tshigs drug po gang gi tshe so sor thar pa'i dus tshigs de nyid kyi ming smos par bya ba yin no/ /de la dus tshigs drug po re re la zla ba gnyis gnyis yod pas mang po'i tshig tu bya ste/ so ga'i dus tshigs ni dpyid zla tha chungs nya nas dbyar zla ra ba nya'i bar dang /dbyar zla ra ba nya nas dbyar zla 'bring po'i nya'i bar gyi zla ba gnyis so/ /dbyar gyi dus tshigs ni dbyar zla 'bring po'i nya nas dbyar zla tha chungs kyi nya'i bar dang / dbyar zla tha chungs nya nas ston zla ra ba nya'i bar gyi zla ba gnyis so/ /ston gyi dus tshigs ni ston zla ra ba nya nas ston zla 'bring po'i nya'i bar dang /ston zla 'bring po'i nya nas ston zla tha chungs nya'i bar gyi zla ba gnyis so/ /dgun gyi dus tshigs ni ston zla tha chungs nya nas dgun zla ra ba nya'i bar dang / dgun zla ra ba nya nas dgun zla 'bring po'i nya'i bar gyi zla ba gnyis so/ /dgun smad kyi dus tshigs ni dgun zla 'bring po'i nya nas dgun zla tha chungs nya'i bar dang /dgun zla tha chungs nya nas dpyid zla ra ba nya'i bar gyi zla ba gnyis so/ /dpyid kyi dus tshigs ni dpyid zla ra ba nya nas dpyid zla 'bring po'i nya'i bar dang / dpyid zla 'bring po nya nas dpyid zla tha chungs nya'i bar gyi zla ba gnyis so/ /de la so ga'i dus tshigs la so sor thar pa 'don na ni so ga rnams kyi zhes brjod par bya'o//de bzhin du dbyar dang / ston dang / dgun dang / dgun smad dang / dpyid kyi dus tshigs la so sor thar pa 'don na yang dbyar rnams kyi zhes bya ba la sogs pa brjod par bya'o/ /'das pa dang lhag ma ji tsam pa de tsam mo zhes bya ba ni zla ba brjod par bya'o zhes bya bar sbyar te/'das pa ci tsam pa de tsam mo zhes brjod par bya ba dang / lhag ma ji tsam pa de tsam mo brjod par bya'o/ /de la so ga'i dus tshigs la ni gso sbyong 'don pa'i dus bzhi yod de/ dpyid zla tha chungs gnam stong dang / dbyar zla ra ba nya dang / dbyar zla ra ba gnam stong dang /dbyar zla ba 'bring po'i nya'o/ /de la dpyid zla tha chungs gnam stong la 'don na ni 'di skad ces tshe dang ldan pa dag so ga rnams kyi zla ba phyed ni 'das so/ /zla ba phyed dang gnyis ni shul du lus so zhes brjod par bya'o/ /dbyar zla ra ba nya la 'don na ni 'di skad ces tshe dang ldan pa dag so ga rnams kyi zla ba gcig ni 'das so//zla ba gcig ni lus so zhes brjod par bya'o/ /dbyar zla ra ba gnam stong la 'don na ni 'di skad ces tshe dang ldan pa dag so ga rnams kyi zla ba phyed dang gnyis ni 'das so/ /zla ba phyed ni lus so zhes brjod par bya'o/ /dbyar zla 'bring po'i nya la 'don na ni 'di skad ces tshe dang ldan pa dag so ga rnams kyi zla ba gnyis ni 'das te/lhag ma ma lus so zhes brjod par bya'o/ /de bzhin du dbyar gyi dus tshigs la yang gso sbyong 'don pa'i dus bzhi yod do/ /dbyar zla 'bring po'i gnam stong dang / dbyar zla tha chungs nya dang / dbyar zla tha chungs gnam stong dang /ston zla ra ba nya'o/ /de la dbyar zla 'bring po'i gnam stong la 'don na ni 'di skad ces tshe dang ldan pa dag dbyar rnams kyi zla ba phyed ni 'das so/ /zla ba phyed dang gnyis ni lus so zhes brjod par bya'o/ /dbyar zla tha chungs nya la 'don na ni 'di skad ces tshe dang ldan pa dag dbyar rnams kyi zla ba gcig ni 'das so//zla ba gcig ni lus so zhes brjod par bya'o/ /dbyar zla tha chungs gnam stong la 'don na ni 'di skad ces tshe dang ldan pa dag dbyar rnams kyi zla ba phyed dang gnyis ni 'das so/ /zla ba phyed ni lus so zhes brjod par bya'o/ /ston zla ra ba nya la 'don na ni 'di skad ces tshe dang ldan pa dag dbyar rnams kyi zla ba gnyis te/lhag ma ma lus so zhes brjod par bya'o/ /de bzhin du ston gyi dus tshigs la yang gso sbyong 'don pa'i dus bzhi yod de/ ston zla ra ba gnam stong dang / ston zla 'bring po'i nya dang / ston zla 'bring po'i gnam stong dang / ston zla tha chungs nya'o/ /de la ston zla ra ba gnam stong la 'don na ni 'di skad ces tshe dang ldan pa dag ston rnams kyi zla ba phyed ni 'das so//zla ba phyed dang gnyis ni lus so zhes brjod par bya'o/ /ston zla 'bring po'i nya la 'don na ni 'di skad ces tshe dang ldan pa dag ston zla rnams kyi zla ba gcig ni 'das so/ /zla ba gcig ni lus so zhes brjod par bya'o/ /ston zla ba 'bring po'i gnam stong la 'don na ni 'di skad ces tshe dang ldan pa dag ston rnams kyi zla ba phyed dang gnyis ni 'das so//zla ba phyed ni lus so zhes brjod par bya'o/ /ston zla tha chungs nya la 'don na ni 'di skad ces tshe dang ldan pa dag ston rnams kyi zla ba gnyis ni 'das te/ lhag ma ma lus so zhes brjod par bya'o/ /de bzhin du dgun gyi dus tshigs la yang gso sbyong 'don pa'i dus bzhi yod de/ston zla tha chungs gnam stong dang / dgun zla ra ba nya dang / dgun zla ra ba gnam stong dang / dgun zla 'bring po'i nya'o/ /de la ston zla tha chungs gnam stong la 'don na ni 'di skad ces tshe dang ldan pa dag dgun rnams kyi zla ba phyed ni 'das so//zla ba phyed dang gnyis ni lus so zhes brjod par bya'o/ /dgun zla ra ba nya la 'don na ni 'di skad ces tshe dang ldan pa dag dgun rnams kyi zla ba gcig ni 'das so/ /zla ba gcig ni lus so zhes brjod par bya'o/ /dgun zla ra ba gnam stong la 'don na ni 'di skad ces tshe dang ldan pa dag dgun rnams kyi zla ba phyed dang gnyis ni 'das so//zla ba phyed ni lus so zhes brjod par bya'o/ /dgun zla 'bring po'i nya la 'don na ni 'di skad ces tshe dang ldan pa dag dgun rnams kyi zla ba gnyis ni 'das te/ lhag ma ma lus so zhes brjod par bya'o/ /de bzhin du dgun smad kyi dus tshigs la yang gso sbyong 'don pa'i dus bzhi yod de/dgun zla 'bring po'i gnam stong dang / dgun zla tha chungs nya dang / dgun zla tha chungs gnam stong dang / dpyid zla ra ba nya'o/ /de la dgun zla 'bring po gnam stong la 'don na ni 'di skad ces tshe dang ldan pa dag dgun rnams kyi zla ba phyed ni 'das so/ /zla ba phyed dang gnyis ni lus so zhes brjod par bya'o//dgun zla tha chungs nya la 'don na ni 'di skad ces tshe dang ldan pa dag dgun smad rnams kyi zla ba gcig ni 'das so/ /zla ba gcig ni lus so zhes brjod par bya'o/ /dgun zla tha chungs gnam stong la 'don na ni 'di skad ces tshe dang ldan pa dag dgun smad rnams kyi zla ba phyed dang gnyis ni 'das so//zla ba phyed ni lus so zhes brjod par bya'o/ /dpyid zla ra ba nya la 'don na ni 'di skad ces tshe dang ldan pa dag dgun rnams kyi zla ba gnyis ni 'das te lhag ma ma lus so zhes brjod par bya'o/ /de bzhin du dpyid kyi dus tshigs la yang gso sbyong 'don pa'i dus bzhi yod de/ /dpyid zla ra ba gnam stong dang / dpyid zla 'bring po nya dang / dpyid zla 'bring po gnam stong dang / dpyid zla tha chungs nya'o/ /de la dpyid zla ra ba gnam stong la 'don na ni 'di skad ces tshe dang ldan pa dag dpyid rnams kyi zla ba phyed ni 'das so/ /zla ba phyed dang gnyis ni lus so zhes brjod par bya'o/ /dpyid zla 'bring po nya la 'don na ni 'di skad ces tshe dang ldan pa dag dpyid rnams kyi zla ba gcig ni 'das so//zla ba gcig ni lus so zhes brjod par bya'o/ /dpyid zla 'bring po'i gnam stong la 'don na ni 'di skad ces tshe dang ldan pa dag dpyid rnams kyi zla ba phyed dang gnyis ni 'das so/ /zla ba phyed ni lus so zhes brjod par bya'o//dpyid zla tha chungs nya la 'don na ni 'di skad ces tshe dang ldan pa dag dpyid rnams kyi zla ba gnyis 'das te lhag ma ma lus so zhes brjod par bya'o/ /de dag ni gso sbyong bcu bzhi pa'am bco lnga pa dag skabs su zla ba phyed phyed cing so sor thar pa'i mdo gdon pa'i sngags yin no/ /bkra shis kyi gso sbyong dang /gnod pa byung ba'i dus su gso sbyong bya ba la sogs pa nya shi'i dus su mi sbyor ba'i skabs su ni sngar smos pa'i sngags de dag gi steng du zla ba dang po gnyis pa'i zla ba'i yar ngo'am mar gyi ngo'i tshes grangs gang 'das pa dang / lhag ma ci tsam pa de tsam brjod par bya ste/ dper na tshe dang ldan pa dag so ga rnams kyi zla ba dang po'i mar gyi ngo'i tshes gcig ni 'das so//zla ba gcig dang zhag nyi shu rtsa dgu ni lus so zhes brjod par bya ba la sogs pa lta bu'o/ /de dag brjod par bya ba ni 'jig rten pa'i tha snyad la mkhas par bya ba dang / tshe'i dus las 'das pa sems la gzhag par bya ba dang / 'khor ba la skyo bar bya zhing dge ba la brtson par bya ba dang /gso sbyong gi nyi ma yongs su shes par bya ba'i phyir ro/ /de dag brtsi ba ni dge 'dun gyi gnas brtan gyis zla ba ngo re zhing smyig ma'i thur ma bco lnga skud pa la brgyus pa nyin re bgrangs pas bgrang zhing / dge skos kyis gnas brtan la brtags la dge 'dun la nyi ma re re zhing brjod par bya'o//zla ba shol dor ba ni rgyal po'i rjes su 'brang bas dor ro/ /rgyu skar ni skar mkhan gyi rjes su 'brang bas shes par bya'o/ /tshe dang ldan pa dag rga ba dang 'chi ba dang mngon par 'ong zhing ston pa'i bstan pa yang 'jig par 'gyur bas tshe dang ldan pa dag gis bag yod par rnal 'byor du bya'o zhes bya ba 'dis kyang 'khor bas skyo bar bya zhing dge ba la brtson par bya ste/de la 'dir 'khor bas skyo bar bya zhing dge ba la brtson par bya'i/ rgyu ci'i phyir rga ba dang 'chi ba mngon par 'ong ba dang ston pa'i bstan pa yang 'jig par 'gyur ba smos she na/ tshangs par spyod pa'i rgyu'i gtso bo yongs su nyams par bstan pa'i phyir te/'di ltar tshangs par spyod pa ni rnam pa gnyis kyis bsgrubs te/ lus dang / gnas kyis so/ /de la lus kyis ni lus sbyor bzod pa dang / rgyun ma chad par tshangs par spyod pa bsgrubs te/ de yongs su nyams par bstan pa'i phyir/ rga ba dang / 'chi ba mngon par 'ong zhing zhes bya ba gsungs te/lus sbyor mi bzod pa dang / rgyun chad pas tshangs par spyod pa yongs su nyams par 'gyur ba go rims bzhin no/ /srid pa'i yan lag gzhan dag dang mya ngan la sogs pa'i nyes dmigs dag ci'i phyir ma smos par rga shi nyi tshe smos she na/ lang tsho dang gson pas tshangs par spyod pa bsgrub cing /rga ba dang 'chi bas de yongs su nyams pa'i rgyur 'gyur ba'i phyir rgyu'i gtso bo smos pas gzhan yang zhar la rig par bya'o/ /gnas kyi ji ltar zhe na/ gnas zhes bya ba ni tshangs par spyod pa skye ba'i gnas su gyur pa sangs rgyas kyis bstan to/ /de yongs su nyams par bstan pa'i phyir/ston pa'i bstan pa yang 'jig par 'gyur bas zhes bya ba gsungs te/ ston pa'i bstan pa zhig na tshangs par spyod pa skye ba'i gnas med pa'i phyir ro/ /ston pa zhes bya ba ni sangs rgyas bcom ldan 'das te/ phyin ci ma log par ston pa'i phyir ro/ /de'i bstan pa zhes bya ba ni gsung rab tu gtogs pa yan lag bcu gnyis te/des slob ma rnams la ston par byed pa'i phyir ro/ /de 'jig par zhes bya ba ni sgrub pa yongs su nyams pas so/ /gang gi phyir de ltar yin pa de'i phyir/ tshe dang ldan pa dag gis bag yod pas rnal 'byor du bya'o zhes bya ba gsungs te/ bag yod pa zhes smos pa ni rgyu'i dngos pos dge ba'i chos thams cad sdud par byed pa'i phyir ro//rnal 'byor du bya'o zhes bya ba ni bdag nyid kyis brtson par bya'o zhes bya ba'i tha tshig go/ /de nyid bstan pa'i phyir ro/ /de bzhin gshegs pa dgra bcom pa yang dag par rdzogs pa'i sangs rgyas rnams kyi byang chub dang gzhan yang gang dag de lta bu dang mthun pa dge ba'i chos byang chub kyi phyogs dang mthun pa rnams kyang bag yod pas 'thob bo zhes bya ba gsungs te/de bzhin gshegs pa zhes bya ba ni don ji lta ba bzhin du thugs su chud pa'o/ /dgra bcom pa zhes bya ba ni nyon mongs pa'i dgra rnams bcom pa'am mchod par 'os pa'o//nyan thos dang rang sangs rgyas dag la yang de yod pas de las khyad par du bstan pa'i phyir/ yang dag par rdzogs pa'i sangs rgyas zhes bya ba gsungs te/ ye shes phyin ci ma log par yang dag pa'i shes bya ma lus par rdzogs pa thugs su chud cing sangs rgyas pa gang la yod pa'o//de rnams kyi byang chub ces bya ba ni thugs su chud pa'o/ /gzhan yang zhes bya ba ni rnam pa gzhan du brtags pa'o/ /gang dag ces bya ba ni dge ba'i chos zhes bya ba dang sbyar ro/ /de lta bu dang mthun pa zhes bya ba ni byang chub dang mthun pa'o/ /dge ba'i chos byang chub kyi phyogs dang mthun pa rnams kyang zhes bya ba ni zad pa dang /mi skye ba shes pa'i mtshan nyid kyis byang chub skyed par byed pa'i chos dran pa nye bar gzhag pa la sogs pa dag ste/ de dag kyang bag yod pas 'thob po zhes bya ba'i tha tshig go/ /de ltar skabs de dag gis ni so sor thar pa nyan pa la rna mi gtod na tshe'i dus 'das pa dang /rga shi mngon par 'ong ba dang / ston pa'i bstan pa 'jig par 'gyur ba'i nyes dmigs yod pas so sor thar pa nyan pa la rna gtod cing bag yod pas dge ba'i chos la brtson par bya'o zhes bya ba'i sgo nas so sor thar pa la rna mi gtod pa'i nyes dmigs bstan to/ /mi 'du ba dgag pa'i dbang du mdzad nas/bcom ldan 'das kyi nyan thos kyi dge 'dun ni don nyung ba bya ba nyung ba yin pas dge 'dun gyi thog mar bya ba ci yod ces bya ba la sogs pa gsungs te/ bcom ldan 'das zhes bya ba ni bdud bzhi bcom pa dang legs pa'i yon tan drug dang ldan pa'o/ /nyan thos zhes bya ba ni 'bras bu ji ltar thob pa sgrogs par byed pa'o//dge 'dun zhes bya ba ni de dag gi tshogs te/ mi phyed pa nyid kyi phyir ro/ /don nyung ba zhes bya ba ni yid kyis so/ /bya ba nyung ba zhes bya ba ni lus dang ngag gnyis so/ /dge 'dun gyi thog mar bya ba ci yod ces bya ba ni dgag pa ste/ gang gi phyir bcom ldan 'das kyi nyan thos kyi dge 'dun don nyung ba bya ba nyung ba de yin pas de'i phyir dge 'dun la gso sbyong gi dus su 'du zhing 'dun pa dang yongs su dag par brjod par bya ba las gzhan pa'i thog mar bya ba ci yod de/ci yang med kyis thams cad du 'dus shig ces bya ba med par dgag pa'i sgo nas mi 'du ba dgag pa bstan to//yang na dge 'dun gyi thog mar bya ba ci yod ces bya ba ni dri ba ste/ bcom ldan 'das kyi nyan thos kyi dge 'dun don nyung ba bya ba nyung ba yin pas de'i phyir/ dge 'dun la gso sbyong gi dus su 'du ba'i tshe/ gang byas nas mi mthun pa nyid kyis 'du bar mi 'gyur ba'i thog mar bya ba ci yod ces dris pa'o//de'i lan gdab pa'i tshig tu/ tshe dang ldan pa dag ma lhags pa rnams la 'dun pa dang yongs su dag pa dris shig dris nas kyang brjod par bya'o zhes bya ba gsungs te/ ma lhags pa rnams la zhes bya ba ni mthun pa'i gso sbyong rnams pa lnga po bcu bzhi pa dang / bco lnga pa dang / bkra shis kyi gso sbyong dang /gnod pa byung ba'i gso sbyong dang / bsdum pa'i gso sbyong dag las gang byed kyang rung ste/ de'i dus su mtshams kyi nang na dge slong gi dge 'dun gyi kha bskang bar 'os pa ji snyed 'khod pa thams cad gso sbyong gi gnas su 'du bar bya ba yin pa las de dag gi nang nas mi 'du bar gnang ba dang / dbang med pa dang / srog gi bar chad dang / tshangs par spyod pa'i bar chad kyis 'jigs pa gang dag gi gso sbyong gi gnas su ma lhags pa rnams so/ /mi 'du bar gnang ba de dag las ma gtogs pa gzhan ni mtshams kyi nang na 'dug na gso sbyong gi gnas su mi 'dur mi rung ste/ mi 'du na thams cad du rang la nyes byas dang /dge 'dun gyi las mi 'chags par 'gyur ro/ /'dun pa dang yongs su dag pa dris shig ces bya ba la/ 'dun pa dri ba ni las mi mthun pa dag mi bya ba'i phyir te/ mi mthun pa rnam pa gnyis te/ 'dus pa rjes su ma zhugs pa nyid dang / phyir zlog par byed pa'o/ /de la 'dus pa rjes su zhugs pa ni dge slong las de'i mtshams kyi khongs su gtogs pa tshogs kyi kha skong bar 'os pa lus sam 'dun pas dge 'dun 'dus pa'i nang du rjes su ma zhugs pas/mi mthun pa nyid yin no/ /phyir zlog par byed pa ni dge slong las de'i mtshams khongs su gtogs pa rang bzhin du gnas pa/spyod lam las ma nyams pa/ ngag yang dag par sdom pa/ 'dul ba'i bya ba mngon par shes la/ zhe 'gras pa med pas las gzhan byed pa chos dang mi ldan pa'i phyir zlog par byed na mi mthun pa nyid yin pa'o/ /de bas na mi mthun pa de gnyis bsal ba'i phyir ni ma lhags pa rnams ni 'dun pa dri bar bya'o//yongs su dag pa dri ba ni ma lhags pa gang dag gi 'dun pa phul ba de dag snod du 'gyur bar bya ba'i phyir ro/ /de la cho ga ni dge skos kyis gso sbyong gi tshe tshul shing brims pas dge slong rnams bgrang zhing ma lhags pa dngos su yod dam/glo bur du 'ongs pa la sogs pa yod par 'phrigs na gso sbyong de nyid la dge 'dun thams cad las kyi gnas su tshogs pas 'dun pa dang / yongs su dag pa lan pa'i dge slong chos lnga dang ldan pa gcig gam gnyis sam gsum tshig gis bsko bar bya zhing / des btsal ba dang / bod pa dang /mthon por 'dug ste phyogs su blta ba la sogs pa dag gis bsam pa thag pa nas mtshams kyi nang btsal te/ ma lhags pa rnams la deng dge 'dun gso sbyong mdzad nas/ tshe dang ldan pa dag 'dun pa 'bul lam bar chad kyi chos rnams yongs su dag gam zhes dri bar bya'o/ /ma lhags pa rnams kyis de la 'dun pa dang yongs su dag pa dbul bar bya'o//dge slong 'dun pa dang yongs su dag pa 'bul bar byed pa'i kun du spyad pa'i chos 'di lta ste/ dge slong 'dun pa dang yongs su dag pa 'bul bar byed pas mchil lham gnyis phud nas bla gos phrag pa gcig tu byas te rgan pa la phyag btsal nas/tsog tsog por 'dug ste thal mo sbyar nas 'di skad ces brjod par bya'o/ /tshe dang ldan pa dag dgongs su gsol/ deng dge 'dun gyi gso sbyong bco lnga pa lags pas bdag dge slong bro 'tshal ba sdug bsngal ba bro tshabs che ba ming 'di zhes bgyi ba'i gso sbyong yang bco lnga pa lags te/bdag dge slong bro 'tshal ba sdug bsngal ba bro tshabs che ba ming 'di zhes bya ba'i bar chad kyi chos rnams yongs su dag go zhes bdag mchi/ dge 'dun chos bzhin du mdzad pa la 'dun pa 'bul lo/ /bdag gi gso sbyong yongs su dag go/ /'dun pa dang yongs su dag pa yang bco lnga'o//brjod pa yang rig par bgyid do zhes lan gsum bzlas shing de'i rjes la len pa pos thabs yin no zhes brjod par bya'o/ /'bul bas ni legs so zhes brjod par bya'o/ /'dun pa dang yongs su dag pa snga phyir blang zhing snga phyir 'bul du yang rung ste/ sngags kyi bye brag ni 'dun pa dang yongs su dag pa gang 'bul ba de nyi tshe'i ming smos te lan gsum bzlas par bya'o//dge slong 'dun pa dang yongs su dag par 'bul bar byed pas gal te brjod mi nus na lus sam ngag gam lus dang ngag rnam par rig byed kyis 'dun pa dang yongs su dag pa 'bul bar byed na/ 'dun pa dang yongs su dag pa phul bar brjod par bya'o//lus sam ngag gam lus dang ngag gi rnam par rig byed kyis 'dun pa 'bul bar byed pa mi nus na/ dge 'dun thams cad der dong zhing gso sbyong bya ba'am/ yang na dge slong de dge 'dun gyi nang du blangs te gso sbyong bya'o/ /dge slong 'dun pa dang yongs su dag pa lan pa'i kun du spyod pa'i chos ni 'di ltar bya ste/dge slong 'dun pa dang yongs su dag pa legs pas yongs su dag pa blangs nas rgyug par mi bya/ mgyogs par mi bya/ mchong bar mi bya/ phyi rol la mchong bar mi bya/ 'obs la mchong bar mi bya/ bang rim la mchong bar mi bya/steng gi nam mkha' la 'dug par mi bya/ mtshams kyi phyi rol du 'gro bar mi bya/ gom pa gcig gis skas kyi rim pa gnyis thod rgal du 'dzeg par mi bya/ gom pa gcig gis them skas gnyis la thod rgal du 'dzeg par mi bya/ chu lkog ma nub tsam la 'bogs par mi bya/ gnyid log par mi bya/snyoms par 'jug par mi bya bar dge 'dun gyi nang du 'jug par bya'o/ /dris nas kyang brjod par bya'o zhes bya bas ni de ltar 'dun pa dang yongs su dag pa len pa des de blangs te gso sbyong gi gnas su phyin nas dge slong ngam dge 'dun la brjod par bya'o/ /de brjod pa'i cho ga dang sngags ni so sor thar pa'i mdo 'don pas seng ge'i khri la ma 'dug pa'i mdun rol du dge 'dun thams cad gso sbyong gi gnas su stan lam 'dug pa na gang gi tshe dge 'dun gyi gnas brtan gyis tshe dang ldan pa dag ma lhags pa rnams kyi 'dun pa dang yongs su dag pa brjod cig/brjod pa yang rig par gyis shig ces smras pa'i tshe des dge slong ngam yang na dge 'dun la de'i 'dun pa dang yongs su dag pa cig car du dbul bar bya'o//dge slong la dbul na ni des dge slong drung na 'dug pa'i mdun du 'dug ste 'di skad ces brjod par bya'o/ /tshe dang ldan pa dag dgongs su gsol/ deng dge 'dun gyi gso sbyong bco lnga pa lags la/gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba'i gso sbyong yang bco lnga pa lags te/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi bde bar chad kyi chos rnams yongs su dag go zhes kho na nyid mchi'o//dge 'dun chos bzhin du mdzad pa la 'dun pa 'bul lo/ /de'i gso sbyong yang yongs su dag go/ /'dun pa dang yongs su dag pa yang brjod do/ /brjod pa yang rig par bgyid do zhes lan gsum du brjod par bya'o/ /dge 'dun la 'dun pa 'bul na ni des dge 'dun gyi dbus su rgan pa'i mthar 'greng ste/'dud pa dang bcas pas 'di skad ces brjod par bya'o/ /dge 'dun btsun pa rnams gsan du gsol/ deng dge 'dun gyi gso sbyong bco lnga pa lags la/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba'i gso sbyong yang bco lnga pa lags te/gnas ga ge mo zhig na dge slong bro 'tshal ba/ sdug bsngal ba/ bro tshabs che ba ming 'di zhes bgyi ba de'i bar chad kyi chos rnams yongs su dag go zhes kho na nyid mchi'o/ /dge 'dun chos bzhin du mdzad pa la 'dun pa 'bul lo/ /de'i gso sbyong yang yongs su dag go//'dun pa dang yongs su dag pa yang brjod do/ /brjod pa yang rig par bgyid do zhes lan gcig brjod par bya'o/ /dge 'dun gyis kyang de dang du blang bar bya ste/ des na 'dun pa phu lu bas ni dge 'dun gyi las mi mthun par mi 'gyur ba yongs su dag pa phul bas ni gang zag ma lhags pa bdag nyid snod du 'gyur ro//len pa de dge 'dun gyi nang du ma phyin par shi'am khyim par dam bcas pa la sogs par gyur na ma blangs pa nyid yin pas yang blangs par bya'o/ /phyin na ma brjod kyang blangs pa nyid yin pas yang blang mi dgos so/ /mi 'du ba dgag pa bshad zin to/ /mchod cing lung 'bogs pa'i dbang du mdzad nas/shAkya seng ge de la ni/ /sen mo bcu yis thal sbyar te/ /so sor thar pa gdon par bya/ /gdul ba'i don du nga las nyon/ /zhes bya ba gsungs te/ shAkya seng ge zhes bya ba ni gdung rgyud de/ des ni khyim pa'i phyogs kyi rigs rnam par dag pa bstan to/ / seng ge zhes bya ba ni yon tan te/ des ni rab tu byung ba'i phyogs kyi mkhyen pa rnam par dag pa bstan to/ /mi bsnyengs pa dag gis mu stegs can gyi ri dwags skrag par mdzad pa'i phyir ro/ /sen mo bcu zhes bya ba ni sor mo bcu mtshon par byed do/ /thal sbyar te zhes bya bas ni lag mthil gnyis kyi sor mo bcu thal mo sbyar te'o//de dag gis mchod pa bstan to/ /thal mo sbyar te ci zhig bya zhe na/ so sor thar pa gdon par byas/ /zhes bya ba gsungs te/ so sor thar pa'i mdo 'don pa rnam pa lnga po/ /gleng gzhi gdon pa dang / pham par 'gyur ba gdon pa dang / dge 'dun lhag ma gdon pa dang /ma nges pa gdon pa dang / ril gyis gdon pa dag gdon par bya'o zhes bya ba'i tha tshig go/ /gdul ba'i don du nga las nyon/ /zhes bya ba ni slob ma rnams gdul ba'i don du ste/ yang dag par sdud par byed pa ste/ so sor thar pa gdon pa la nyon cig ces bya bar sbyar ro de dag gis lung 'bogs pa bstan to//mchod cing lung 'bogs pa bshad zin to/ /yang dag par sgrub tu gzhug pa'i dbang du mdzad nas/ thos nas drang srong chen po yis/ /ji skad gsungs bzhin bsgrub bya zhing / /kha na ma tho phra rnams la/ /brtun cing byang ba nyid du gyis/ /zhes bya ba la sogs pa tshigs su bcad pa gnyis gsungs te/thos nas zhes bya ba ni so sor thar pa'i mdo 'don pa rnam pa lnga po de dag gi lung 'bogs pa thos nas so/ /drang srong chen po zhes bya ba ni ston pa bcom ldan 'das te tshul khrims kyi ngang tshul can yin pa'i phyir ro/ /ji skad gsungs bzhin zhes bya ba ni 'dul ba dang mi 'gal ba dang /'jig rten dang mi 'gal bar ro zhes gsungs pa bzhin no/ /bsgrub par bya zhes bya ba ni sbyor ba dang dngos dang mjug gi sgo nas nan tan du bya'o/ /kha na ma tho zhes bya ba ni sdig pa ste/ dam pa rnams kyis smad pa'i phyir ro/ /phra rnams la zhes bya ba ni bcas pa'i kha na ma tho ba dang bcas pa phra mo rnams la'o//brtun cing byed pa nyid du gyis/ /zhes bya ba ni srung ba dag la sogs pa dag la 'bad pa dang lhur blang bar gyis shig ces bya ba'i tha tshig ste/ phra mo rnams la yang brtun cing byed pa nyid bya na/ rang bzhin gyi kha na ma tho ba dang bcas pa chen po rnams la smos kyang ci dgos zhes gsungs par shes par bya'o//rtag tu 'bad pas bda' ba yi/ /sems rta kha glan dka' ba la/ /mthun pa'i gzer rnon brgya pa yi/ /srab ni so sor thar 'di yin/ /zhes bya ba la/ rtag tu 'bad pas bda' ba yi/ /zhes bya ba ni sems rta dmu rgod dang 'dra ba 'di ni lam bde ba dang 'dra ba'i dge ba'i phyogs la zhugs pa'i dus na rtag tu srab bzhin du 'then zhing brtson 'grus kyi lcag gis bda' zhing bskyad dgos pa'o//sems rta zhes bya ba ni sems nyid rta dmu rgod dang 'dra'o/ /kha glan dka' zhes bya ba ni lam gol ba dang 'dra ba'i mi dge ba'i phyogs la 'jug pa'i dus na rlung bzhin du 'phyo zhing chu lon gyi dgug srab kyis phyir kha glan zhing dgug dka' ba'o//mthun pa zhes bya ba ni 'tsham zhing rkyen du bab pa ste/ rta dmu rgod rtag tu lcag gis 'bad pas bda' zhing dgug srab kyi kha lcag gis glan dka' ba la ni gzer bu rnon po brgya ba'i srab kyis srab pa 'tsham zhing rkyen du 'bab la sems dmu rgod rtag tu brtson 'grus kyi 'bad pas bda' zhing tshul khrims kyi chu lon gyis kha glan dka' ba la ni bslab pa'i gzhi gzer bu gdung ba rnon po brgya ba'i so sor thar pa 'di 'tsham zhing rkyen du 'bab pa'o//gzer rnon brgya ba zhes bya ba ni dgug srab kyi kha lcags kyi gzer bu rnon po mang po dang ldan pa dang 'dra bar so sor thar pa 'di yang bslab pa'i gzhi gdung bar byed pa mang po dang ldan pa ste/brgya pa zhes bya ba ni mang po mtshon pa'i tshig yin gyi grangs brgya nges pa ni ma yin no/ /srab ni so sor thar 'di yin/ /zhes bya ba ni srab dang 'dra ba yin no zhes bya ba'i tha tshig go/ / de dag gis drang srong chen pos ji skad gsungs pa bzhin bsgrub pa dang / kha na ma tho ba rnams la yang brtun cing 'bad par bya ba dang / sems kyi rta dmu rgod la so sor thar pa'i dgug srab kyis bslab dgos pa'i sgo nas/ so sor thar pa yang dag par sgrub tu gzhug pa bstan no/ /yang dag par sgrub tu gzhug pa bshad zin to//de'i phan yon bstan pa'i dbang du mdzad nas/ che ba gang dag ngag tsam gyis/ /ldog cing mtshams las mi 'da' ba/ /de dag mi rta bzang po ste/ /nyon mongs g.yul las nges rgyal 'gyur/ /zhes bya ba gsungs te/ che ba zhes bya ba ni che ba'i bdag nyid can te/bslab pa 'dod pa'i phyir ro/ /ngag tsam gyis zhes bya ba ni chad pa la sogs pa la rnam par bsal bas so/ /ldog cing zhes bya ba ni bya ba ma yin pa las so/ /mtshams las zhes bya ba ni bslab pa las so/ /mi 'da' ba zhes bya ba ni mi 'dral ba'o/ /de dag mi rta bzang po ste/ /zhes bya ba ni de dag rta cang shes pa dang 'dra ba'o//nyon mongs g.yul las zhes bya ba ni nyon mongs pa'i ngo bo nyid ni bdag dang gzhan la gnod pa nyid kyis g.yul dang 'dra ste/ de las so/ /nges rgyal 'gyur zhes bya ba ni nyon mongs pa mthar byed cing mya ngan las 'das pa'i 'bras bu thob par 'gyur ba'o/ / de dag gis ni so sor thar pa yang dag par bsgrubs nas/ nyon mongs pa'i g.yul las nges par rgyal bar 'gyur ba'i sgo nas yang dag par sgrub pa de'i phan yon bstan to/ /de'i phan yon bshad zin to/ /yang dag par mi sgrub pa'i nyes dmigs bstan pa'i dbang du mdzad nas/ su la srab 'di med pa dang //nam du'ang 'dod par mi 'gyur ba/ /de dag nyon mongs g.yul gyis dkrugs/ /'jog 'bral rnam par 'khyam par 'gyur/ /zhes bya ba gsungs te/ su la srab 'di med pa dang / /zhes bya ba ni mu stegs can dag la med pa ste/ yang dag par ma bslabs pa'i phyir ro/ /nam du'ang 'dod par mi 'gyur ba//zhes bya ba ni 'dod pa la longs spyod pa dag lan 'ga' 'dod mi 'gyur te/ tshul khrims la mngon par mi phyogs pa'i phyir ro/ /dkrugs zhes bya ba ni pham par byas pa'o/ /'jog 'bral zhes bya ba ni lhag pa'i tshul khrims kyis 'dul bas lhag pa'i sems kyi zhi ba la 'jog par byed pas 'jog pa ni 'dul ba nyid de de dang 'bral ba'o//rnam par 'khyam par 'gyur zhes bya ba ni lan mi nyung bar ngan song la sogs pa'i 'khor bar 'khor bar 'gyur ba'o/ /de dag gis bslab pa med pa dang mi 'dod pas yang dag par mi sgrub pa dag 'dul ba nyid dang bral bas zhi ba mi 'thob cing 'khor bar 'gyur ba'i sgo nas yang dag par mi sgrub pa'i nyes dmigs bstan to//yang dag par mi sgrub pa'i nyes dmigs bshad zin to/ /de dag ni dus dang por bya ba ste cho ga'o/ /da ni mdo gdon pa'i las bshad par bya ste/ de la gsol ba'i dbang du mdzad nas/dge 'dun btsun pa rnams gsan du gsol/ deng dge 'dun gyi gso sbyong bcu bzhi pa'am bco lnga pa ste/ gal te dge 'dun gyi dus la bab cing bzod na dge 'dun gyis gnang bar mdzod cig dang / deng dge 'dun gso sbyong mdzad de/ so sor thar pa'i mdo 'don pa gdon to/ / 'di ni gsol ba'o zhes bya ba gsungs te/ 'di ni mdo gdon pa'i gsol ba bstan to/ /gsol ba ma brjod na ma bskos par byed pa nyid yin pas mi mthun pa nyid du 'gyur ba'i phyir 'di ni so sor thar pa'i mdo gdon pa lnga po dag gdon pa'i mdun rol du gsol ba 'ba' zhig gis las byas pa'o/ / 'don par byed pas so sor thar pa'i mdo gdon pa'i gsol ba ni 'di ltar bya ste/ mdo 'don pa seng ge'i khri la 'dug nas so sor thar pa'i mdo bstod ra dang / dus dang por byas pa'i tshig dag je ston nas de'i 'og tu gsol ba 'ba' zhig gis las 'di bya'o/ /dge 'dun btsun pa rnams zhes bya ba ni mchod pa'i tshig gis bod pa ste/btsun pa rnams kyi tshogs zhes bya ba'i tha tshig go/ /gsan du gsol zhes bya ba ni gzhan la sems pa dag nyan pa la rna mi gtod pa dang gus par gyis shig ces bya ba'i don to/ /deng dge 'dun gyi gso sbyong bcu bzhi pa'am bco lnga pa ste zhes bya ba la gso sbyong gi bslab pa gsum po dag gso zhing sbyong bar byed pa ste/de yang rnam pa gnyis te/ mthun pa'i gso sbyong dang / zhi gnas kyi gso sbyong ngo / /mthun pa'i gso sbyong ni lhag pa'i tshul khrims kyi dbang du byas te/ gnas dang / tshogs dang tshogs mthun par bya'o/ /zhi gnas kyi gso sbyong ni lhag pa'i sems dang /lhag pa'i shes rab kyi dbang du byas te/ spong ba'i yan lag sgom pa'o/ /de yang las phyi ma rnams ni mi bya ba'i chu lon gyis bsdams pa yin pas de ni mthun pa'i gso sbyong gis sbyong bar byed pa'o/ /las snga ma rnams ni sgom pa'i rnam pas sbyong ba yin pas de ni zhi gnas kyi gso sbyong gis sbyong bar byed de/des ni lhag pa'i tshul khrims la brten te lhag pa'i sems skye la lhag pa'i sems la brten te lhag pa'i shes rab skye bas bslab pa gsum po dag gso zhing sbyong ba ni mthun pa'i gso sbyong dang zhi gnas kyi gso sbyong yin par shes par bya'o/ /skabs 'dir ni mthun pa'i gso sbyong gzung bar bya ste/mthun pa'i gso sbyong ni rnam pa lnga ste/ bcu bzhi pa dang / bco lnga pa dang / bkra shis kyi gso sbyong dang / gnod pa byung ba'i gso sbyong dang / bsdum pa'i gso sbyong ngo / /de dag thams cad la yang gsol ba dang / gleng gzhi rnam par gzhag pa sngar byas te/so sor thar pa'i mdo gdon pa gdon dgos so/ /mthun pa'i gso sbyong rnam pa lnga po/ de dag las 'dir ni bcu bzhi pa dang / bco lnga pa'i skabs yin par bstan pa'i phyir/ bcu bzhi pa'am bco lnga pa ste zhes bya ba gsungs te/ de la dus tshigs drug la zla ba gnyis gnyis yod pa dag gi nya shi gnyis gnyis yod pa gso sbyong nyi shu rtsa bzhi yod pa de dag tshes grangs kyi tshes grangs yang dag pa la ltos na ni thams cad gso sbyong bco lnga pa yin no//'jig rten pa'i tha snyad kyi dus la ltos na ni drug ni gso sbyong bcu bzhi pa yin te dus tshigs drug po de dag gi zla ba phyed phyed lus pa'i gso sbyong drug po dag go//'di skad bstan to/ dbyar zla ba gsum dang / dgun zla ba gsum gyi ni ra ba dang tha chungs mar gyi ngo bco lnga mi thub pas/ ra ba dang tha chungs kyi gnam stong bzhi gso sbyong bcu bzhi pa yin no/ /ston zla gsum dang / dpyid zla gsum gyi ni 'bring po mar gyi ngo'i bco lnga yang mi thub pas 'bring po gnam stong gnyis gso sbyong bcu bzhi pa yin no//lhag ma bco brgyad ni gso sbyong bco lnga pa yin no/ /bkra shis kyi gso sbyong dang gnod pa byung ba'i gso sbyong dang / bsdum pa'i gso sbyong dag byed na ni de'i tshe deng dge 'dun gyi bkra shis kyi gso sbyong ste zhe'am/ deng dge 'dun gyi gnod pa byung ba'i gso sbyong ste zhe'am/deng dge 'dun gyi bsdum pa'i gso sbyong ste zhes dmigs kyis smos par bya ste/ de dag ni gang gi tshe bya bar zad kyi dus nges pa ni med do/ /bcu bzhi pa dang bco lnga pa ni dus nges pa yin pas de las snga phyir byar mi rung ngo / /gal te dge 'dun gyi dus la bab cing bzod na zhes bya ba la dus la bab pa zhes bya ba ni las bya ba'i dus la bab pa ste/'dir ni gso sbyong gi dus dang sbyar ro/ /bzod na zhes bya ba ni las de gzhag par mi 'os shing bya bar bzod pa ste/ 'di yang gso sbyong gi las dang sbyar ro/ /dge 'dun gyis gnang bar mdzod cig dang zhes bya ba ni cang mi smra bas so//deng dge 'dun gso sbyong mdzad de zhes bya ba ni las te gzhag par mi 'os pa yin pas bya'o zhes bya ba'i tha tshig go/ /so sor thar pa'i mdo gdon pa gdon no zhes bya ba ni so sor thar pa'i mdo gdon pa rnam pa lnga po gleng gzhi gdon pa dang / pham par gyur pa gdon pa dang /dge 'dun lhag ma gdon pa dang / ma nges pa gdon pa dang / ril gyis gdon pa dag go/ /'di ni gsol ba'o zhes bya ba ni las brgya rtsa gcig ni las gsum gyis bsdus te/ gsol ba'i las dang / gsol ba dang gnyis kyi las dang gsol ba dang bzhi'i las so/ /de la gsol ba'i las nyi shu rtsa bzhi'o//gsol ba dang gnyis kyi las ni bzhi bcu rtsa bdun no/ /gsol ba bzhi'i las ni sum cu'o zhes gsungs pa la/ 'di ni gsol ba'i las nyi shu rtsa bzhi po dag gi nang nas gcig yin no/ /gsol ba bshad zin to/ /da ni gleng gzhi gdon pa bshad par bya ste/de la gleng gzhi rnam par gzhag pa'i dbang du mdzad nas tshe dang ldan pa dag bdag cag gso sbyong bya ste/ zhes bya ba la sogs pa dag gsungs so/ /gleng gzhi rnam par gzhag pa zhes bya ba ni de ltar so sor thar pa'i mdo gdon pa'i gsol ba byas nas so sor thar pa'i mdo gdon pa rnam pa 'di 'khor yongs su dag cing snod du rung bar bya ba'i phyir ltung ba yod na mthol du gzhug pa dang /med na cang mi smra bar bya ba dang / cang mi smra na yongs su dag pas reg par bya ba'i phyir cho ga gleng gzhi rnam par gzhag pa'o/ /gleng gzhi rnam par gzhag pa 'di'i bsdus pa'i don ni rnam pa drug ste/ gleng gzhi rnam par gzhag pa lung 'bogs pa dang gleng gzhi rnam par gzhag pa'i thabs dang /ma dag pa'i nyes dmigs dang / dag pa'i phan yon dang / 'don pa mjug sdud pa dang / gleng gzhi rnam par gzhag pa bsgrags pa'o/ /tshe dang ldan pa dag bdag cag gso sbyong bya ste/ so sor thar pa'i mdo gdon pa gdon gyis khyed cag su la ltung ba yod pa de mthol cig /ltung ba med na cang ma smra shig /cang mi smra na bdag gis tshe dang ldan pa dag yongs su dag par rig par bya'o zhes bya bas ni gleng gzhi rnam par gzhag pa'i lung dbog pa bstan to/ /ji ltar so sor dris nas dge slong gis lan btab pa de bzhin du dge slong gi 'di lta bur yang lan gsum gyi bar du bsgrags par bya ba yin no zhes bya ba ni gleng gzhi rnam par gzhag pa'i thabs bstan to//yang dge slong gang dge slong gi 'khor 'di lta bur lan gsum gyi bar du bsgrags pa na ltung ba yod la dran bzhin du mi mthol na de shes bzhin du brdzun du smra ba yin no//tshe dang ldan pa dag shes bzhin du brdzun du smra ba ni bcom ldan 'das kyis bar du gcod pa'i chos su gsungs so zhes bya ba ni ma dag pa'i nyes dmigs bstan to/ /de bas na dge slong ltung ba byung ba rnam par dag par 'dod pas ltung ba yod pa dran zhing mthong ba mthol bar bya'o/ /mthol na bde ba la reg par gnas par 'gyur ro zhes bya bas ni dag pa'i phan yon bstan to//tshe dang ldan pa dag bdag gis so sor thar pa'i mdo gdon pa'i gleng gzhi ni bton zin to zhes bya bas ni 'don pa'i mjug bsdu ba bstan to/ /de la bdag gis tshe dang ldan pa dag la ci 'di la khyed yongs su dag gam zhes dri'o//ci 'di la khyed yongs su dag gam zhes lan gnyis lan gsum du dri'o/ /'di la tshe dang ldan pa dag yongs su dag na 'di ltar cang mi smra bas de de bzhin du 'dzin to zhes bya bas ni gleng gzhi rnam par gzhag pa bsgrags par bya ba bstan to/ /de la re zhig gleng gzhi rnam par gzhag pa'i lung dbog pa'i yan lag gi don bshad par bya ste/tshe dang ldan pa dag bdag cag gso sbyong bya ste zhes bya ba ni de'i gnas dang / tshogs dang / tshogs mthun par gso sbyong bya ste zhes bya bar sbyar ro/ /rnam pa gang gis gso sbyong bya zhe na/ de'i phyir so sor thar pa'i mdo gdon pa gdon gyis zhes bya ba gsungs te/sems drang por bsgrub pa dang / 'gal ba bzlog pa la sogs pa rnam pa gzhan gyis kyang tshul khrims gso bar byed pa yod pas de dag bsal ba'i phyir so sor thar pa'i mdo gdon pa rnam pa lnga po dag gdon gyis zhes bya bas bstan to/ /so sor thar pa gdon pa ni dge 'dun gyi gnas brtan gyi las yin no/ /des mi nus pa nyid na gnyis pa'i las yin no//des kyang mi nus pa nyid na gsum pa'i las yin no/ /des kyang mi nus pa nyid yin na thams cad kyis res kyis gdon par bya'o/ /res bab pa'i tshe des 'don mi nus na gzhan la bcol bar bya'o/ /de ma btub na dge 'dun gyis de la bcol bar bya'o/ /'don pa de dag gis tshig phyed kyang ma 'khrul bar legs par thon pa nyid yin na gdon gyi gzhan du mi 'chags so//'don pa rdugs na lhags ma gzhan gyis gdon par bya'o/ /dum bu 'dzin pa yin na ji snyed kyis gzhung bsngos pa de snyed kyis phag tu bcad de 'don par bya'o/ /'don par byed pas so sor thar pa'i mdo gdon pa rnam pa lnga po gleng gzhi gdon pa dang /pham par 'gyur ba gdon pa dang / dge 'dun lhag ma gdon pa dang / ma nges pa gdon pa dang / ril gyis gdon pa dag las gleng gzhi gdon pa na rdzogs pa kho nar mi gdon du mi rung ngo / /gleng gzhi bton nas lhag ma rnams ni thos pa bsgrags pas kyang 'grub tu rung ngo //de yang gleng gzhi bton nas pham par 'gyur ba gdon pa brtsams na pham par 'gyur ba'i sde tshan rdzogs par gdon dgos so/ /pham par 'gyur ba bton nas dge 'dun lhag ma 'don pa brtsams na dge 'dun lhag ma'i sde tshan yang rdzogs par gdon dgos so/ / dge 'dun lhag ma bton nas ma nges pa 'don pa brtsams na/ ma nges pa'i sde tshan yang rdzogs par gdon dgos so/ /pham par 'gyur ba dang dge 'dun lhag ma dang / ma nges pa yan chad kyi sde tshan ni 'don par mgo brtsams pa de'i sde tshan de nyid rdzogs par bya dgos so/ /spang ba'i ltung byed man chad kyi sde tshan ni gdon par mgo brtsams na/lhag ma so sor thar pa'i gzhung thams cad rdzogs par gdon dgos so/ /ril gyis gdon pa zhes bya ba yang de nyid yin no/ /mgo brtsams pa'i sde tshan de nyid yang rdzogs par bya dgos pa de dag ma rdzogs na mi 'chags so/ /'jigs pa dang bcas pa nyid du 'gron du 'gro na don mthun pa de dag sdod du mi btub na 'gro ba bzhin du gdon par bya ste/'di'i las ni 'dug pa nyid kyis bya'o zhes gsungs pa dmigs kyis bsal ba yin no/ /sgra mi 'dod mdor bsdus te gdon no/ /de tsam yang mi 'dod na byin gyis brlab par bya'o/ /chos ma yin pas 'don na mi 'chags te 'don par bya ba dang /de'i tshad dang dus dang / 'don par byed pa rnams de kho na bzhin nye bar ma bzung ba ni 'di ni chos ma yin pa'o/ /gdon par bya ba de kho na bzhin nye bar ma bzung ba ni so sor thar pa'i mdo las gzhan pa phran tshegs la sogs pa gdon pa'o/ /de'i tshad kho na bzhin nye bar ma bzung ba ni/gleng gzhi mi gdon cing lhag ma rnams kyang thos pa bsgrags pas sgrub par mi byed pa'o/ /de'i dus kho na bzhin nye bar ma bzung ba ni gso sbyong gi dus las gzhan pa'i dus su 'don pa'o/ /'don par byed pa de kho na bzhin nye bar ma bzung ba ni gang zag bsnyen par rdzogs pa dang /mtshan dang / lta ba dang / tshul khrims mthun pa dag las gzhan pas 'don pa'o/ /dge slong gcig pu gnas na des gtsug lag khang chag chag gdab par bya/ phyag dar bya'o/ /ba lang gi lci ba sar pa'i byug pa bya/ seng ge'i khri bsham par bya stan bsham par bya/ /mar me gzugs par bya'o//chos nyan du gzhug pa dag bya'o/ /de'i 'og tu phyogs mtshams mthon por 'dug ste phyogs bzhir blta bar bya'o/ /der dge slong yongs su dag pa lta ba mthun pa dag 'od na 'di skad ces tshe dang ldan pa dag myur ba myur bar shog shig /deng dge 'dun gyi gso sbyong bco lnga pa dag yin no zhes brjod par bya zhing /de dag dang lhan cig 'dug ste gso sbyong bya'o/ /gal te 'grub na de ltar na legs/ ci ste mi 'grub na dge slong des byin gyis brlab par bya'o/ /'di lta ste/ des rang gi stan la 'dug ste 'di ltar sems bskyed par bya zhing tshig tu yang brjod par bya'o//deng dge 'dun gyi gso sbyong bco lnga pa yin la/ bdag dge slong ming 'di zhes bya ba'i yang gso sbyong bco lnga pa lags te/ bdag dge slong ming 'di zhes bya ba'i bar chad kyi chos rnams yongs su dag go zhes kyang bdag smras bdag yongs su dag par lha rnams kyis gzung du gsol/ bdag dge slong ming 'di zhes bya bas tshul khrims kyi phung po yongs su rdzogs par bya ba'i phyir deng gso sbyong byin gyis brlab po//gang gi tshe dge 'dun tshogs pa rnyed pa de'i tshe dge 'dun dang lhan cig tu gso sbyong rgya cher nyams su myong bar bya zhing so sor thar pa'i mdo gdon par bya'o/ /de bzhin du lan gnyis lan gsum du bzlas/gang na dge slong gnyis 'khod pa der ni rim pa bzhin du bya zhing dus kyi bar du bsdad de ma grub na ni mdun du tsog tsog por 'dug ste/ gcig la gcig 'di skad ces brjod par bya'o/ /btsun pa'am tshe dang ldan pa dgongs su gsol/ deng dge 'dun gyi gso sbyong bco lnga pa lags la/bdag dge slong ming 'di zhes bgyi ba'i gso sbyong yang bco lnga pa lags te/ bdag dge slong ming 'di zhes bgyi ba'i bar chad kyi chos rnams yongs su dag go zhes kyang bdag nyid mchi'o/ /bdag yongs su dag par btsun pa'am tshe dang ldan pas gzung du gsol/ bdag dge slong ming 'di zhes bgyi bas tshul khrims kyi phung po yongs su rdzogs par bgyi ba'i slad du deng gso sbyong byin gyis brlab po/ /gang gi tshe dge 'dun tshogs pa rnyed pa de'i tshe dge 'dun dang lhan cig tu gso sbyong rgya cher nyams su myong bar bgyi zhing so sor thar pa'i mdo gdon pa gdon par bgyi'o/ /de bzhin du lan gnyis lan gsum du bzlas/gang na dge slong gsum yod pa der ni rim pa bzhin du byas shing dus kyi bar du bsdad de/ ma grub na rgan rims bzhin gral du 'khod de rim gyis byin gyis brlabs pa'i sngags kyang snga ma nyid brjod par bya'o/ /gang na dge slong bzhi 'khod pa der ni de rnams kyis gsol ba byas te gso sbyong bya zhing der nad pa'i yongs su dag pa ni blang bar mi bya'o//gang na dge slong lnga'am lhag pa 'khod pa der ni de rnams kyis gsol ba byas te gso sbyong bya zhing der ni nad pa'i yongs su dag pa yang blang bar bya'o/ /khyed cag su la ltung ba yod pa des mthol cig ces bya ba ni bshags par bya ba yod na yang bshags par bya/bsdams par bya ba yod na yang bsdam par bya/ byin gyis brlabs pa yod na yang byin gyis brlab par bya'o/ /'di la gleng gzhi rnam par gzhag pa'i tshul ji lta bu zhe na gso sbyong gi gnas su 'du ba'i mdun rol kho nar gso sbyong snga ma 'das pa'i mtha' tshun chad kyi zla ba phyed cing ltung ba las so sor brtag par bya ste/ltung ba shes pa bshags pa'am/ bsdams pa'am/ byin gyis brlabs pas phyir bcos te las kyi gnas su 'du bar bya'o/ /de'i cho ga dang sngags ni 'di ltar bya ste/ ltung byed 'ba' zhig pa'am/ so sor bshags par bya ba'am/bshags par bya ba'i nyes byas gang yang rung ba zhig shes na/ des mchil lham gnyis phud nas dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las mi mthun pa gcig gi mdun du tsog pur 'dug ste/thal mo sbyar ba btud nas ltung ba de'i sde tshan gyi ming dang gang byung ba'i rigs smos te cig car mthol ba dang bshags pa byar rung ngo / /de'i sngags ni 'di skad ces brjod par bya'o/ /tshe dang ldan pa dag dgongs su gsol/ bdag dge slong ming 'di zhes bgyi ba la ltung ba ming dang rigs 'di lta bu 'di byung ste/bdag dge slong ming 'di zhes bgyi bas ltung ba de dag pa'i mtha' tshun chad nas bzung ste/ tshe dang ldan pa'i mdun du mthol lo mi 'chab bo/ /mthol zhing bshags na bdag bde ba la reg par gnas par 'gyur gyi ma mthol ma bshags na ni mi 'gyur ro/ /de bzhin du lan gnyis lan gsum du bzlas/nyan pas ltung ba mthong ngam zhes dri zhing 'chags pas mthong ngo zhes brjod par bya/ nyan pas phyin chad sdom mam zhes smra zhing 'chags pas sdom mo zhes brjod par bya ste/ de bzhin du lan gnyis lan gsum du bzlas/ de'i rjes la nyan pas thabs yin no zhes bya zhing 'chags pas legs so zhes brjod par bya'o//de'i dge slong ltung ba la dogs pa dang yid gnyis za bar gyur na dge slong des dge slong mdo sde 'dzin pa dang 'dul ba 'dzin pa dang ma mo 'dzin pa dag la dris te ltung ba la dogs pa dang yid gnyis bsal nas/ dge slong gi mdun du chos bzhin du phyir bya'o/ /bsdams par bya ba'i nyes pa gang yang rung ba zhig shes na/rang gi sems kyis bsdams par bya'o/ /dge 'dun lhag ma dang / nyes pa sbom po dang / spang ba'i ltung byed kyi ltung ba gang yang rung ba zhig shes na byin gyis brlab par bya'o/ /'di ltar bya ste/ des mchil lham gnyis phud nas/ dge slong bsnyen par rdzogs pa rang bzhin du gnas pa/lta ba dang mtshan mthun pa/ mtshams kyi nang na 'dug pa ltung ba ming dang rigs las mi mthun pa gcig gi mdun du tsog pur 'dug ste/ thal mo sbyar ba btud nas ltung ba'i sde tshan gyi ming dang / gang byung ba'i rigs smos te/ 'di skad ces brjod par bya'o/ / tshe dang ldan pa dgongs su gsol/ bdag dge slong ming 'di zhes bya ba la ltung ba ming dang rigs 'di lta bu 'di byung ste/ bdag dge slong ming 'di zhes bgyi bas deng ltung ba de tshe dang ldan pa'i mdun du byin gyis brlabs te gso sbyong bgyi'o/ /sang nang par ltung ba de chos bzhin du slar bgyi'o//de bzhin du lan gnyis lan gsum du bzlas/ gso sbyong bco lnga pa de nyid la dge slong gi dge 'dun gyi nang du ltung ba de dge slong drung na mo la byin gyis brlab par bya'o/ /'di ltar bya ste/ des dge slong drung na 'dug pa'i mdun du tsog tsog pur 'dug ste/ thal mo sbyar ba btud nas 'di skad ces brjod par bya'o//tshe dang ldan pa dgongs su gsol/ deng dge 'dun gyi gso sbyong bco lnga pa lags la/ bdag dge slong ming 'di zhes bgyi ba'i gso sbyong yang bco lnga pa lags te/ bdag dge slong ming 'di zhes bgyi bas dge 'dun gyi nang du ltung ba ming dang rigs 'di dang 'di lta bu zhig dran te/bdag dge slong ming 'di zhes bgyi bas deng ltung ba 'di tshe dang ldan pa'i mdun du byin gyis brlabs te gso sbyong bgyi'o/ /sang nang par ltung ba de chos bzhin du slar bgyi'o zhes lan gcig bzlas par bya'o/ /gso sbyong bco lnga pa de nyid la dge slong dge 'dun gyi nang du ltung ba la yid gnyis dang bcas par gyur na/deng ltung ba de dge slong drung na mo la byin gyis brlab par bya'o/ /'di ltar bya ste/ des dge slong drung na 'dug pa'i mdun du tsog tsog por 'dug ste/ thal mo sbyar ba btud nas 'di skad ces brjod par bya'o/ /tshe dang ldan pa dag dgongs su gsol/ deng dge 'dun gyi gso sbyong bco lnga pa lags la/bdag dge slong ming 'di zhes bgyi ba'i gso sbyong yang bco lnga pa lags te/ bdag dge slong ming 'di zhes bgyi ba dge 'dun gyi nang du ltung ba ming dang rigs 'di lta bu zhig la yid gnyis su gyur na/ bdag gis deng ltung ba de tshe dang ldan pa'i mdun du byin gyis brlabs te gso sbyong bgyi'o//sang nang par dge slong mdo sde 'dzin pa dang / 'dul ba 'dzin pa dang ma mo 'dzin pa rnams la dris te dogs pa dang yid gnyis bsal ba ltung ba de chos bzhin du slar bgyi'o zhes lan gcig bzlas par bya'o/ /gso sbyong bco lnga pa de nyid la dge slong las byed pas dge 'dun gyi nang du ltung ba dran na des ltung ba de rang gi sems kyis byin gyis brlab par bya'o//'di ltar bya ste/ des 'dug bzhin du sems kyis 'di skad ces brjod par bya'o/ /deng dge 'dun gyi gso sbyong bco lnga pa yin la/ bdag dge slong las byed pa ming 'di zhes bya ba'i gso sbyong yang bco lnga pa yin te/bdag dge slong las byed pa ming 'di zhes bya ba dge 'dun gyi nang du ltung ba ming 'di dang rigs 'di dang 'di lta bu dran te/ bdag dge slong las byed pa ming 'di zhes bya bas deng ltung ba de rang gi sems kyis byin gyis brlabs te gso sbyong bya'o/ /sang nang par ltung ba de chos bzhin du phyir bya'o zhes lan gcig brjod par bya'o//gso sbyong bco lnga pa de nyid la/ dge slong las byed pa dge 'dun gyi nang du ltung ba la yid gnyis dang bcas par gyur na/ des ltung ba de rang gi sems kyis byin gyis brlab par bya'o/ /'di ltar bya ste/ des 'dug bzhin du sems kyis 'di skad ces brjod par bya'o//deng dge 'dun gyi gso sbyong bco lnga pa lags la/ bdag dge slong las byed pa ming 'di zhes bya ba'i gso sbyong yang bco lnga pa yin te/ bdag dge slong las byed pa ming 'di zhes bya ba dge 'dun gyi nang du ltung ba ming dang rigs 'di lta bu la yid gnyis su gyur na/ bdag dge slong las byed pa ming 'di zhes bgyi bas deng ltung ba de rang gi sems kyis byin gyis brlabs te gso sbyong bya'o//sang nang bar dge slong mdo sde 'dzin pa dang 'dul ba 'dzin pa dang / ma mo 'dzin pa rnams la dris te/ dogs pa dang yid gnyis bsal la ltung ba de chos bzhin du phyir bya'o zhes lan gcig brjod par bya'o//gso sbyong bco lnga pa de nyid la dge 'dun thams cad ltung ba mthun pa dang bcas par gyur na dge slong de rnams kyis kyang gang gi mdun du ltung ba byung ba de chos bzhin du phyir bya ba'i phyir/ dge slong 'ga' zhig gnas gzhan du song la dge slong gi mdun du ltung ba de chos bzhin du phyir byed pa de lta bur spro bar bya'o//gal te grub na de lta na legs/ ci ste ma grub na dge slong de rnams kyis gsol ba 'ba' zhig gi las kyis byin gyis brlab par bya'o/ /'di ltar bya ste/ gal te gso sbyong gi dus su dge 'dun thams cad kyis ltung ba mthun pa dang bcas par shes par gyur na/dge slong gcig mtshams gzhan gyi dge slong gi drung du 'dug ste/ des der ltung ba dran pa phyir bcos te phyir 'ongs na/ de'i mdun du thams cad kyis ltung ba shes pa phyir bcos te/ gso sbyong bya'o/ /gal te cho ga de ma grub na dge slong gis gsol ba 'ba' zhig gi las kyis byin gyis brlab par bya'o//'di ltar bya ste/ 'dug la 'di skad ces brjod par bya'o/ /dge 'dun btsun pa rnams dgongs su gsol/ deng dge 'dun gyi gso sbyong bco lnga pa lags la/ bdag cag dge 'dun thams cad ni ltung ba dang bcas par gyur na/ gang gi mdun du ltung ba de chos bzhin du slar bgyi ba bdag cag las dge slong gnas gzhan du mchis la/dge slong gi mdun du ltung ba de chos bzhin du slar bgyid par spro ba su yang ma mchis na gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis deng ltung ba de byin gyis brlabs te gso sbyong mdzad la/slad kyis dge slong gi mdun du ltung ba de chos bzhin du slar mdzad do/ /'di ni gsol ba'o/ /gso sbyong bco lnga pa de nyid la dge 'dun thams cad ltung ba la yid gnyis dang bcas par gyur na/ de rnams kyis gang gi mdun du de rnams ltung ba de chos bzhin du bya ba'i dge slong 'ga' zhig gnas gzhan du song la/dge slong mdo sde 'dzin pa dang / 'dul ba 'dzin pa dang ma mo 'dzin pa rnams la dris te ltung ba la yid gnyis bsal nas chos bzhin du phyir byed pa de lta bu la spro bar bya'o/ /gal te cho ga de grub na de lta na legs/ ci ste mi 'grub na/ dge slong de rnams kyis gsol ba 'ba' zhig gi las kyis byin gyis brlab par bya'o//'di ltar bya ste/ gal te gso sbyong gi dus su dge 'dun thams cad ltung ba la yid gnyis dang bcas par gyur na/ dge slong gcig mtshams gzhan gyi dge slong mdo sde dang 'dul ba dang ma mo 'dzin pa rnams kyi drung du btang ste/ des ltung ba la dogs pa dang yid gnyis bsal te phyir 'ongs nas de'i mdun du thams cad kyis ltung ba la yid gnyis dang bcas par gyur pa bsal te gso sbyong bya'o//gal te cho ga de ma grub na dge slong gcig gis gsol ba 'ba' zhig gi las kyis byin gyis brlab par bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ deng dge 'dun gyi gso sbyong bco lnga pa lags la/ bdag cag dge 'dun thams cad ni ltung ba la dogs pa dang yid gnyis dang bcas par gyur na/ gang gi mdun du bdag cag ltung ba de chos bzhin du slar bgyi ba bdag cag las dge slong gnas gzhan du mchis la/dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la dris te/ dogs pa dang yid gnyis bsal ba nas ltung ba de chos bzhin du slar bgyid par spro ba su yang ma mchis na/ gal te dge 'dun gyi dus la bab cing bzod na/dge 'dun gyis gnang bar mdzod cig dang / dge 'dun gyis deng ltung ba de byin gyi brlabs te/ gso sbyong mdzad la/ slad kyis dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la dris te dogs pa dang yid gnyis bsal la ltung ba de chos bzhin du slar mdzad do//'di ni gsol ba'o/ /gso sbyong bco lnga pa de nyid la dge 'dun thams cad ltung ba dang bcas pa'i phyir rtsod par gyur na/ gsol ba 'ba' zhig gi las kyis byin gyis brlabs te gso sbyong bya'o/ /'di ltar bya ste/ gso sbyong bco lnga pa de nyid la dge slong gnyug mar gnas pa gcig pu ma gtogs pa dge 'dun thams cad ltung ba dang bcas par gyur na/dge slong de dge slong gtam 'dres pa dang / phebs par smra ba dang / smos 'drin dang / 'grogs pa shes gang yin pa'i drung du song ste/ ci nas kyang dge slong gzhan dag dang ltung ba 'chags par 'gyur ba de ltar bya'o//gleng ba dang dran par bya'o/ /gal te grub na de lta na legs/ ci ste ma grub cing dge 'dun thams cad ltung ba'i phyir rtsod par gyur na/ dge slong gcig gis gsol ba 'ba' zhig gi las kyis byin gyis brlab par bya'o/ /'di ltar bya ste/ 'dug la 'di skad ces brjod par bya'o//dge 'dun btsun pa rnams gsan du gsol/ deng dge 'dun gyi gso sbyong bco lnga pa lags la/ bdag cag dge 'dun thams cad ni ltung ba'i slad du rtsod par gyur na/ gal te dge 'dun gyi dus la bab cing bzod na/ dge 'dun gyis gnang bar mdzod cig dang /dge 'dun gyis deng ltung ba'i slad du rtsod pa de byin gyis brlabs te gso sbyong mdzad la/ slad kyis dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la dris te/ rtsod pa zhi bar bgyis la ltung ba de chos bzhin du slar mdzad do//'di ni gsol ba'o/ /gso sbyong bco lnga pa de nyid la/ dge 'dun thams cad ltung ba la nges pa nyid ma yin par gyur na/ gsol ba 'ba' zhig gi las kyis byin gyis brlabs te gso sbyong bya'o/ /'di ltar bya ste/ gso sbyong bco lnga pa de nyid la/ dge slong glo bur du 'ongs pa gcig pu ma gtogs pa dge 'dun thams cad ltung ba dang bcas par gyur na/dge slong des dge slong gtam 'dres pa dang / phebs par smra ba dang / smos 'drin dang 'grogs bshes gang yin pa de'i drung du song ste/ ji nas kyang dge slong gzhan dag kyang 'chags par 'gyur ba de ltar gleng ba dang dran par bya'o//gal te grub na de lta na legs/ ci ste mi 'grub cing dge 'dun thams cad ltung ba de ni gang yin ltung ba de las ji ltar ldang bar 'gyur zhes nges pa nyid ma yin par gyur na/ dge slong gcig gis gsol ba 'ba' zhig gi las kyis byin gyis brlab par bya'o/ /'di ltar bya ste/'dug la 'di skad ces brjod par bya'o/ /dge 'dun btsun pa rnams gsan du gsol/ deng dge 'dun gyi gso sbyong bco lnga pa lags la/ bdag cag dge 'dun thams cad ni ltung ba la nges pa nyid ma yin par gyur na gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis deng ltung ba la nges pa nyid ma lags pa de byin gyis brlabs te gso sbyong mdzad la slad kyis dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la dris te nges pa nyid ma lags pa bsal la ltung ba de chos bzhin du slar mdzad do//'di ni gsol ba'o/ /ltung ba med na cang ma smra shig ces bya ba ni bshags par bya ba dang / bsdams par bya ba dang / byin gyis brlab par bya ba'i ltung ba med na de dag phyir bcos pa'i bya ba med do zhes bya ba'i tha tshig go/ /cang mi smra na bdag gis tshe dang ldan pa dag yongs su dag par rig par bya'o zhes bya ba ni de ltar na 'khor rnam par dag pa yin pas bdag gis khyed cag gso sbyong gi snod du gyur par rig par bya'o zhes bya ba'i tha tshig go//de ltar gleng gzhi rnam par gzhag pa'i rgyu lung 'bogs pa ji skad bstan pa de las tshe dang ldan pa dag bdag cag gso sbyong bya ste/ so sor thar pa'i mdo gdon pa gdon gyis khyed cag su la ltung ba yod pa des mthol cig ces bya ba'i lung dbog pa 'di'i gleng gzhi rnam par gzhag pa bsgrags par bya ba ni 'og nas de la bdag gis tshe dang ldan pa dag ci 'di la khyod yongs su dag gam zhes lan gnyis lan gsum du dri'o zhes 'byung ba yin no// ltung ba med na cang ma smra shig ces bya ba ni lung dbog pa 'di'i gleng gzhi rnam par gzhag pa bsgrags par bya ba ni 'og nas 'di ltar tshe dang ldan pa dag yongs su dag na zhes 'byung ba yin no/ /cang mi smra na bdag gis tshe dang ldan pa dag yongs su dag par rig par bya'o zhes lung dbog pa 'di'i gleng gzhi rnam par gzhag pa bsgrag pa ni 'og nas 'di ltar cang mi smra bas de de bzhin du 'dzin to zhes 'byung ba yin par rig par bya'o//de'i 'og tu gleng gzhi rnam par gzhag pa'i thabs bstan pa'i yan lag gi don bshad par bya ste/ ji ltar so sor dris nas dge slong gis lan btab pa zhes bya ba ni gleng gzhi rnam par gzhag pa'i thabs bstan pa'i dpe ste/dper na gso sbyong gi tshe dge slong gso sbyong gi gnas su 'du ba'i mdun rol kho nar gso sbyong snga ma 'das pa'i mtha' tshun chad kyi zla ba phyed kyi ltung ba la so sor brtag par byed cing ltung ba shes shing mthong na dge slong gcig gi mdun du skabs dbye bar gsol to//ltung ba'i dbye ba ni dag pa sbyin pa'i dge slong des ltung ba mthong ngam zhes dris pa na mthong ngo zhes lan gdab pa dang phyin chad sdom mam zhes dris pa na sdom mo zhes lan gdab pa dang / lan gsum dris nas dge slong gis kyang lan gsum gdab pa'o/ /de bzhin du dge slong gi 'khor 'di lta bur yang lan gsum gyi bar du bsgrub par bya ba yin no zhes bya ba ni gleng gzhi rnam par gzhag pa'i thabs bstan pa'i don yin no//dge slong gi 'khor 'di lta bur yang zhes bya ba ni so sor thar pa'i mdo gdon pa'i 'khor 'dir yang ngo / /lan gsum gyi bar du bsgrags par bya ba yin no zhes bya ba ni gleng gzhi rnam par gzhag pa bsgrags par bya ba'i tshig 'di skad ces bya ba de la bdag gis tshe dang ldan pa dag ci 'di la khyed yongs su dag gam zhes lan gnyis lan gsum dri'o//'di la tshe dang ldan pa dag yongs su dag na 'di ltar cang mi smra bas de de bzhin du 'dzin to zhes 'byung ba de nyid so sor thar pa'i gzhung las ji skad 'byung ba bzhin du go rims dang tshig ma 'khrul bar lan gcig 'don par bya ba yin te/de lan gcig ston pa nyid na dri'o zhes bya ba dang / lan gnyis lan gsum du dri'o zhes smos pa de nyid kyis lan gsum du bsgrags pa yin no/ /tshig de skabs 'dir gong du spar te bsgrags pa yang ma yin la sngar gleng gzhi rnam par gzhag pa'i lung dbog pa'i tshig ji skad bstan pa des skabs 'dir lan gsum bsgrags par bya ba yang ma yin no//de'i 'og tu ma dag pa'i nyes dmigs kyi yan lag gi don bshad par bya ste/ yang dge slong gang zhes bya ba ni byung ba'i dbang gis bcas pa ma yin gyi/gang yang rung ba spyir bstan pa'o/ /dge slong gi 'khor 'di lta bur lan gsum gyi bar du bsgrags par byas pa na zhes bya ba ni so sor thar pa'i mdo gdon pa'i nang du gleng gzhi rnam par gzhag pa bsgrags par bya ba'i tshig 'og nas 'byung ba lan gcig bton pa na ste de lan gcig bton pa na dri'o//lan gnyis lan gsum du dri'o zhes smos pa nyid lan gsum bsgrags pa yin gyi/ gleng gzhi rnam par gzhag pa bsgrags pa'i tshig de lan gsum bzlas par mi bya'o/ /ltung ba yod la zhes bya ba ni sngar chos bzhin du phyir ma bcos pa'o//dran bzhin du mi mthun na zhes bya ba ni 'dir 'du shes gtso cher byed pa po yin pas mi dran pa la ltung ba med kyi dran bzhin du mi mthol na ltung bar 'gyur ro/ /yid gnyis ni 'du shes dang 'dra bas yid gnyis za ba byin gyis mi rlob na yang ltung ba 'dir 'gyur ro/ /de shes bzhin du brdzun du smra ba yin no zhes bya ba ni brdzun la rnam pa lnga ste/pham par 'gyur ba dang / dge 'dun lhag mar 'gyur ba dang / nyes pa sbom por 'gyur ba dang / ltung byed du 'gyur ba dang / nyes byas su 'gyur ba'o/ /de la pham par 'gyur ba'i brdzun ni 'du shes bsgyur te mi'i chos bla ma smra ba'o//dge 'dun lhag mar 'gyur ba'i brdzun ni 'du shes bsgyur te/ gzhi med pa dang bag tsam gyis skur ba 'debs pa'o/ /nyes pa sbom por 'gyur ba'i brdzun ni dge 'dun byed pa'i tshe dge 'dun 'dus pa la shes bzhin du chos ma yin pa chos su ston pa dang / chos chos ma yin par ston pa ste/brdzun du smra ba'i pham par 'gyur ba'i skabs kyi nyes pa sbom po'o/ /ltung byed du 'gyur ba'i brdzun ni snga ma gsum dang / nyes byas su 'gyur ba'i brdzun dang / bzhi las gzhan pa'i brdzun du smra ba'i don shes pa'i yul las 'du shes gzhan du bsgyur ba'o/ / brdzun smra ba ni 'du shes kyi dbang gis rnam par gzhag gi dngos po yod pa dang med pa'i dbang gis ni ma yin pa'i phyir ro/ /nyes byas su 'gyur ba'i brdzun ni skabs 'di nyid kyis bstan te/ /gso sbyong la ci 'di la khyod yongs su dag gam zhes lan gsum gyi bar du dris pa las ma dag par shes bzhin du cang mi smra bar 'da' bar byed na nyes byas so zhes gsungs pa'i phyir ro//des kyang nyes byas yongs su rdzogs pa yin gyi/ yid kyi ni ma yin te kha rnam par 'gyur ba la sogs pa'i rnam par rig byed de la yod pa'i phyir ro/ /de ltar shes bzhin du brdzun du smra ba de ni ma dag pa yin la/ma dag pa'i nyes dmigs gang zhe na/ de'i phyir tshe dang ldan pa dag shes bzhin du brdzun du smra ba ni bcom ldan 'das kyis bar du gcod pa'i chos su gsungs so zhes bya ba gsungs te/ brdzun du smra ba ni rang bzhin gyi kha na ma tho ba dang bcas pa yin pas bsnyen par ma rdzogs pa dang / nyams pa dang /mtshams med pa lnga byas pa dang / sdig pa'i lta ba can dang / sa gzhan na gnas pa dang / tha dad du gnas pa rnams kyis smras na sang mngon par mtho ba dang nges par legs pa'i bar du gcod pa yin pas dge slong rang bzhin du gnas pas smras pa ni rang bzhin gyi kha na ma tho ba dang bcas pa'i kha na ma tho ba dang gnyi ga lhag par spyad pa yin pas lhag par yang mngon par mtho ba dang nges par legs pa'i bar du gcod pa yin par gsungs so//skabs 'dir ni cho ga las 'das na las mi 'chags so zhes gsungs te/ las ni gsol ba dang brjod pa dang so sor thar pa 'don pa dang /dgag dbye'i las te las brgya rtsa gcig gis bsdus pa'o/ /cho ga ni dge 'dun tshang ba dang / las brjod pa dang / las byed pa nyid kyis chos ma yin pas mi bya ba dang mi mthun pa dag gis mi bya ba dang / tshogs kyis mi bya ba yin pas 'dir so sor thar pa'i mdo gdon pa ni gso sbyong gi las yin la de chos ma yin pas mi bya'o zhes bya ba ni 'khrul pa dang bcas pa dag gis las mi bya ba la sogs pa yin no//'dir ltung ba yod pa ni 'khrul pa dang bcas pa yin la/ de dran bzhin du mi mthol na shes bzhin du brdzun du smra ba yang rang bzhin las nyams pa yin pas de ma bshags sam byin gyis ma brlabs pa dag gis gso sbyong gi las byas na las de mi 'chags pa'i nyes dmigs gzhan yang yod do//de'i 'og tu 'dug pa'i phan yon gyi yan lag gi don bshad par bya ste/ de bas na dge slong ltung ba byung ba rnam par dag par 'dod pas zhes bya ba ni shes bzhin du brdzun du smra ba'i nyes byas tsam yang rnam par dag par 'dod pas so//ltung ba yod la dran zhing mthong ba mthol bar bya'o zhes bya ba ni bshags pa dang / bsdam pa dang / byin gyis brlab pa gang bya bar 'os pa de bya'o/ /de ltar mthol ba de ni dag pa yin la/dag pa'i phan yon gang zhe na/ de'i phyir mthol na bde ba la reg par gnas par 'gyur ro zhes bya ba gsungs te/ mthol na tshul khrims kyi phan yon bcu 'thob cing mngon par mtho ba dang nges par legs pa'i bde ba la reg par gnas par 'gyur ro/ /tshul khrims kyi phan yon bcu ni 'gyod pa med pa'i rim gyis mchog tu dga' ba sngon du 'gro ba'i chos 'thob par 'gyur ba la sogs pa sngar bstan pa dag go//mngon par mtho ba ni mtho ris so/ /nges par legs pa ni mya ngan las 'das pa'o/ /skabs 'dir 'phral du cho ga las ma 'das pas las 'chags pa'i phan yon gzhan yang yod do//ma mthol ma bshags na ni mi 'gyur ro zhes bya ba ni rjes su 'gro ba sngar bstan pa de nyid ldog pa'i sgo nas bstan to/ /'di'i 'og tu 'don pa'i mjug bsdu ba'i yan lag gi don bshad par bya ste/ tshe dang ldan pa dag bdag gis so sor thar pa'i mdo gdon pa'i gleng gzhi bton zin to zhes bya ba la/gleng gzhi zhes bya ba ni mdo gdon pa 'byung ba'i rgyu'o/ /bton zin to zhes bya ba ni dam bcas pa'i don gyis mjug bsdu ba'i phyir dang / nyan pa po rnams spro bar bya ba'i phyir smos so/ /de'i 'og tu gleng gzhi rnam par bsgrags par bya ba'i yan lag gi don bshad par bya ste/de la zhes bya ba ni gleng gzhi bton pa de la'o/ /ci zhes bya ba ni yongs su dri ba'o/ /'di la zhes bya ba ni gso sbyong la'o/ /khyed ces bya ba ni khyed cag go/ /yongs su dag gam zhes bya ba ni ltung ba ma byung ngam zhes bya'o zhes zhes bya ba ni dri ba spyi la snyegs so/ /dri'o zhes bya ba ni dri ba dang po'o//lan gnyis lan gsum dri'o zhes bya ba ni lan gsum kho nar dri bar bya dgos pas lan gnyis lan gsum du zhes bya ba smos te/ nyung na yang la las mi thos la/ mang na yang dus yol ba la sogs pa'i nyes dmigs yod pas de'i phyir lan gsum ni ran par dgongs te bshags pa dang byin gyis brlab pa gnyis kyis ltung ba ma bcabs pa yin no zhes bya ba'i tha tshig go//cang mi smra bas brda byas pas gleng gzhi rnam par gzhag pa bsgrags pa'i mjug bsdu ba bstan pa'i phyir 'di la tshe dang ldan pa dag yongs su dag na 'di ltar cang mi smra bas de de bzhin du 'dzin to zhes bya ba gsungs te/bshags pa dang byin gyis brlab pa gnyis te/ ltung ba ma bcabs pa sha stag tshogs pa yin no zhes bya ba'i tha tshig go/ /gleng gzhi gdon pa bshad zin to/ /mdo gdon pa'i bsdus pa'i don rnam pa drug las gsol ba dang gleng gzhi gdon pa ni gzhung gzhan las mi 'byung bas skabs 'dir rgya cher bshad do//pham par 'gyur ba gdon pa dang / dge 'dun lhag ma gdon pa dang / ma nges pa gdon pa dang / ril gyis gdon pa rnams kyi mtshan nyid ni/ sdom la/ mi tshangs spyod dang rku ba dang / /mi la gsad par mi bya ba/ /brdzun du smra dang bcas pa yi/ / chos bzhin 'dir ni gsungs pa yin/ /zhes bya ba nas/ gang gzhan nas 'byung ba'i chos kyi rjes su mthun pa'i chos de la khyed rnams 'dul ba dang mthun pa dang dga' ba dang mi rtsod par sems kun du bsrung ba dang bag yod pas rnal 'byor du bya'o zhes gsungs pa'i bar dang go rims bzhin du sbyar ro//de dag gi yan lag don bshad pa ni so sor thar pa rnam par 'byed pa'i gzhung nyid dang / 'dul ba'i mdo las rgyas par 'byung ngo / /las kyi mtshan nyid ni las brgya rtsa gcig las 'byung bas 'dir tshig gi brjed byang ma bris te/ gzhung de dag las 'byung ba bzhin du shes par bya'o//de dag gi mtshan nyid ni gleng gzhi dang / bslab pa bcas pa dang / ltung ba rnam par gzhag pa ston to/ /de la gleng gzhi ni yul dang / gang zag dang / nyon mongs pa dang / nyes pa'i gzhi'i bye brag gis rnam pa bzhi'o/ /bslab pa bcas pa ni 'jig rten dang 'gal ba dang 'dul ba dang 'gal ba bzlog pa'i dbang gis rang bzhin gyi kha na ma tho ba dang bcas pa dang /bcas pa'i kha na ma tho ba dang bcas pa dgag pa'i ltung ba sde lnga'o/ /ltung ba rnam par gzhag pa ni bsam pa dang sbyor ba'i sgo nas dngos gzhi dang / sbyor ba dang sbyor ba'i sbyor ba thams cad du ci rigs par rnam par shes par bya'o//gzhung rgyas pa'i mtshan nyid bshad zin to/ /de'i 'og tu bsdus pa'i mtshan nyid bshad par bya ste/ bsdu ba'i mtshan nyid ces bya ba ni so sor thar pa'i mdo mdor bsdus te/ gdon pa'i sgo nas de bzhin gshegs pa rigs bdun gyis 'dul ba mdor bsdus pa bstan pa'o//de la bcom ldan 'das de bzhin gshegs pa rnam par gzigs kyi slob ma rnams ni nyes pa chung bar 'gyur te/ chos la dga' ba'i 'dod chags dang dam pa ma yin pa'i chos la zhugs pa'i mu stegs can rnams la 'tshe ba la mngon par dga' ba tsam zhig yod pas de dag gi nyes pa de yongs su spang ba'i phyir bcom ldan 'das des so sor thar pa'i mdo 'di ltar mdor bsdus te zla ba phyed phyed cing bton par gyur te/bzod pa dka' thub dam pa bzod pa yi/ /mya ngan 'das pa mchog ces sangs rgyas gsungs/ /rab tu byung ba gzhan la gnod pa dang / /gzhan la 'tshe ba dge sbyong ma yin no//zhes bya ba ni de la bzod pa zhes bya ba ni bzod par byed pa de/ gzhan gyi nyes pa dang du len pa'am/ gzhan la zhe sdang ba med pa'o/ /de nyid dka' thub dam pa yin te/ sems kyi zhe sdang sbyong bar byed pa'i phyir dang snying rje bskyed pa'i phyir ro/ /bzod pa'i mya ngan las 'das pa zhes bya ba la bzod pa zhes bya ba ni bzod par byed pa ste/sdug bsngal gyi bden pa'i yul gyi rnam pa mi rtag pa dang / sdug bsngal ba dang / stong pa dang / bdag med pa dag bzod pa'i shes rab sdug bsngal la chos shes pa'i bzod pa'o/ /de sngon du btang ba'ang / des nye bar bstan pa'i mya ngan las 'das pa ste/zag pa med pa'i lam gyis thob pa'i mya ngan las 'das pa'o/ /de mchog ces sangs rgyas gsungs zhes bya ba ni bzod pa mya ngan las 'das pa de dngos po thams cad kyi mchog yin no zhes sangs rgyas bcom ldan 'das kyis bsngags pa ste/ 'jig rten ba'i lam gyis thob pa'i mya ngan las 'das pa ni gtan du ba ma yin la/zag pa med pa'i lam gyis thob pa'i mya ngan las 'das pa ni gtan du ba yin te/ zhi ba'i ngo bo nyid yin pa'i phyir ro/ /ji ltar na bzod pa dka' thub dam pa zhe na/ de'i phyir/ rab tu byung ba gzhan la gnod pa dang / /gzhan la 'tshe ba dge sbyong ma yin no//zhes gsungs te/ gzhan la gnod pa dang zhes bya ba ni yid kyis gnod pa byed pa'o/ /gzhan la 'tshe ba zhes bya ba ni lus dang ngag gnyis kyis 'tshe ba'o/ /dge sbyong zhes bya ba ni zhi ba'i bdag nyid do/ /'di skad bstan te/ gang gi phyir gzhan la gnod pa dang / gzhan la 'tshe ba rab tu byung ba'i dge slong rdzogs pa ma yin pa de'i phyir bzod pa ni dka' thub dam pa yin la/de'i 'bras bu bzod pas thob pa'i mya ngan las 'das pa yang mchog yin pas de'i phyir rab tu byung bas bzod pa bsten par bya'o zhes bstan to/ /bcom ldan 'das de bzhin gshegs pa gtsug tor can gyi slob ma rnams kyang nyes pa chung bar gyur te/gzhan gyi nyes pa sgrogs pa mang ba tsam zhig yod pas de dag gi nyes pa de yongs su spang ba'i phyir bcom ldan 'das des so sor thar pa'i mdo 'di ltar mdor bsdus te zla ba phyed phyed cing bton par gyur te/ mig ldan 'gro ba yod pa yis/ / nyam nga ba dag ji bzhin du/ /mkhas pa 'tsho ba'i 'jig rten 'dir/ /sdig pa dag ni yongs su spong / /skur pa mi gdab gnod mi bya/ /so sor thar pa'ang bsdam par bya/ /zas kyi tshod kyang rig par bya/ /rab mtha'i gnas su gnas par bya/ /lhag pa'i sems la yang dag sbyor/ /'di ni sangs rgyas bstan pa yin//zhes bya ba'o/ /de la mig ldan 'gro ba yod pa yis/ /nyam nga ba dag ji bzhin du/ /zhes bya ba ni ji ltar mig dang ldan pa long ba ma yin pa 'gro ba yod pa 'gro shes pas ngam grog dang / tsher ma dang / sdig sbrul la sogs pa nyam nga ba sdug bsngal gyi rgyur 'gyur ba'i gnas mi mnyam pa dag yongs su spong bar byed pa de bzhin du/mkhas pa 'tsho ba'i 'jig rten 'dir/ /sdig pa dag ni yongs su spong / /zhes bya ba gsungs te/ mkhas pa blo dang ldan pa rtog pa sel nus pa yang 'tsho ba'i 'jig rten 'di ni sdig pa gang dag yin pa de dag yongs su spong bar byed do//ji ltar sdig pa de dag yongs su spang bar bya zhe na/ de'i phyir/ skur pa mi gdab gnod mi bya/ /zhes bya ba la sogs pa gsungs te/ skur pa mi gdab zhes bya ba ni gzhan la yang dag pa dang / yang dag pa ma yin pa gang yang rung bas skur pa mi gdab pa'o/ /gnod par mi bya zhes bya ba ni gzhan la rdeg pa dang /tshig rtsub mo la sogs pas gnod par mi bya'o/ /so sor thar pa'ang bsdam par bya/ /zhes bya ba la/ so sor pa thar pa zhes bya ba ni srog gcod pa dang / ma byin par len pa dang / mi tshangs par spyod pa dang / brdzun du smra ba dang / tshig kyal pa dang / ngag rtsub po dag spangs pa'i sdom pa rigs bdun po dag go/ /de bsdam par bya ba ni yongs su bsrung bar bya ba ste/ des bzlog pa'i mtshan nyid dang / spyad pa'i mtshan nyid rnam pa gnyis kyis tshul khrims kyi lhag pa'i tshul khrims bstan par shes par bya'o/ /zas kyi tshod kyang rig par bya/ / zhes bya ba ni 'di ltar dge slong rnams kyis zas rung ba de la zas kyi tshod kyang shes par bya ba ste/ ji tsam gyis lus lci ba dang / rma bar mi 'gyur ba de tsam gyi tshod yongs su shes par bya'o/ /rab mtha'i gnas su gnas par bya/ /zhes bya ba ni rab kyi mthar gyur pa'i gnas dben par gnas par bya ba ste/ 'dis ni lus dang yul legs par mthun pa dag gi lam sgom pa'i tshogs bstan par shes par bya'o//lhag pa'i sems la yang dag sbyor/ /zhes bya ba ni lhag pa'i sems zhes bya ba ni sems yongs su sbyong bar byed pa ste/ gang gis 'dod chags kyi sgrib pa dang / gti mug gi sgrib pa las sems rnam par sbyong ba'o//de yang zag pa dang bcas pa dang / zag pa med pa'i bsam gtan no/ /de la yang dag par sbyor ba ni yang dag par rnal 'byor du bya ba ste/ 'dis ni lhag pa'i sems kyi bslab pa dang / lhag pa'i shes rab kyi bslab pa bstan par shes par bya'o/ /'di ni sangs rgyas bstan pa yin//zhes bya ba ni de bzhin gshegs pas mdor bstan pa de ni tshogs dang bcas pa'i lam bstan pa yin te/ de nyid sangs rgyas kyi bstan pa yin no zhes bya ba'i tha tshig go/ /bcom ldan 'das de bzhin gshegs pa thams cad skyob kyi slob ma rnams kyang nyes pa chung bar gyur te/'di ltar khyim pa'i skye bo dang 'grogs par gyur pa tsam zhig yod pas de dag gi nyes pa de yongs su spang bar bya ba'i phyir bcom ldan 'das des so sor thar pa'i mdo 'di ltar mdor bsdus te zla ba phyed phyed cing bton par gyur te/ ji ltar bung ba me tog las/ /kha dog dri la mi gnod par//khu ba gzhibs nas 'phur ba ltar/ /de bzhin thub pa grong du rgyu/ /zhes bya ba'o/ /de la ji ltar srog chags bung ba me tog las kha dog dang dri la mi gnod par khu ba gzhibs te 'phur ba de bzhin du thub pa rab tu byung ba bsod snyoms kyi phyir grong du rgyu bas kyang grong nas kha dog dang dri lta bu'i sems dang tshul khrims la mi gnod par khu ba lta bu'i kha zas blangs te 'gro bar bya'o zhes bya ba'i tha tshig go//bcom ldan 'das de bzhin gshegs pa 'khor ba 'jig gi slob ma rnams nyes pa chung bar gyur te/ gzhan gyi rkyen dang yon tan la rtog pa tsam zhig yod pas de dag gi nyes pa yongs su spang bar bya ba'i phyir bcom ldan 'das des so sor thar pa'i mdo 'di ltar mdor bsdus te zla ba phyed phyed cing ston par gyur te/bdag gis rigs dang mi rigs dang / /brtag par bya ste gzhan rnams kyi/ /mi mthun pa dag gzhan dag gis/ /byas dang ma byas rnams la min/ /zhes bya ba'o/ /de la/ bdag gis rigs dang mi rigs la//brtag par bya ste zhes bya ba ni bdag gis bdag nyid kyi rigs pa dang mi rigs pa so sor brtag par bya'o/ /gzhan rnams kyi/ mi mthun pa zhes bya ba ni gzhan rnams kyi mi rigs so/ /gzhan dag gis/ byas dang ma byas rnams la min/ /zhes bya ba ni gzhan dag gis rdzogs pa dang ma rdzogs pa rnams la brtag par mi bya'o//'di skad bstan te/ gzhan dag gi yon tan dang skyon la rtog pa la ni rjes su chags pa dang / khong khro ba 'byung bas de'i phyir gzhan la rtog pa spangs te/ bdag nyid la brtag cing bdag nyid sems pa 'dod par byas na/phyis gzhan la brtag pa'i skabs yod par 'gyur ro zhes bstan to/ /bcom ldan 'das de bzhin gshegs pa gser thub kyi slob ma rnams kyang nyes pa chung bar gyur te/ sred pa dang bcas pas bsam gtan skyed par byed pa tsam yod pas/ de dag gi nyes pa de yongs su spong bar bya ba'i phyir bcom ldan 'das des so sor thar pa'i mdo 'di ltar mdor bsdus te zla ba phyed phyed cing bton par gyur te/lhag pa'i sems la bag bya ste/ /thub pa'i thub gzhi rnams la bslab/ /nyer zhi rtag tu dran ldan pa'i/ /skyob pa mya ngan med pa yin/ /zhes bya ba'o//de la lhag pa'i sems zhes bya ba ni bsam gtan bzhi po dag go/ /de la bag bya ste zhes bya ba ni sred pa dang nga rgyal dang lta ba mchog tu 'dzin pa spang zhing bag gyis shig ces bya ba'o/ /spang ba bstan nas bslab pa bstan pa'i phyir/ /thub pa'i thub gzhi rnams la bslab/ /ces bya ba gsungs te/thub pa zhes bya ba ni mkhyen pa dang ldan pa ste/ yang dang yang du mdzad pa'i phyir thub ste/ sangs rgyas bcom ldan 'das so/ /thub pa de'i thub gzhi ni 'phags pa'i bden pa bzhi po dag ste/ gang dag gis thub pa skyed pa'o/ /de la bslab pa ni mchog tu bslab cing nan tan gyis shig ces bya ba'i tha tshig go//de la bslab pa ni cir zhe na/ 'bras bu bstan pa'i phyir/ nyer zhi rtag tu dran ldan pa'i/ /skyob pa mya ngan med pa yin/ zhes bya ba gsungs te/ nye bar zhi ba dang rtag tu dran pa dang ldan pa nyid kyis skyob pa nyid du bstan par shes par bya'o/ /de nye bar zhi ba zhes bya ba ni mnyam par gzhag pa ste/lus dang ngag gnyis kyis bsdams pa'o/ /rtag tu dran ldan pa'i zhes bya ba ni rtag tu dran pa nye bar gzhag pa'o/ /skyob pa zhes bya ba ni rang gi sems rjes su bsrung ba'o/ /mya ngan med pa yin zhes bya ba 'dis ni skye ba zad pa bstan te/ mya ngan las 'das pa yin par shes par bya'o//bcom ldan 'das de bzhin gshegs pa 'od srungs kyi slob ma rnams kyang nyes pa chung bar gyur te/ sbyin pa la ma gus pa dang / dgra mang bar lta ba tsam zhig yod pas de dag gi nyes pa yongs su spang bar bya ba'i phyir bcom ldan 'das des mthar thug pa'i chos bstan pas so sor thar pa'i mdo 'di ltar mdor bsdus te zla ba phyed phyed cing bton par gyur te/sbyin pas bsod nams rab tu 'phel/ /legs bsdams dgra sogs mi 'gyur ro/ /dge dang ldan pas sdig pa spong / /nyon mongs zad pas mya ngan 'da'/ /zhes bya ba'o/ /de la sbyin pa zhes bya ba ni sbyin par byed pa'i ming ste/des ni longs spyod kyi 'bras bu can gyi bsod nams kyi las rab tu [(]'phal [,]'phel [)]bar 'gyur ro/ /tshul khrims legs par bsdams pas ni dgra sogs mi 'gyur te tshul khrims dgra'i rgyu gsod pa dang rku ba dang bud med la chags pa la sogs pa mi skyed pa'i phyir ro//dge dang ldan pas zhes bya ba ni bsam gtan bzhi thob pas so/ /des ni 'dod pa na spyod pa'i sdig pa khong khro ba la sogs pa rnam par smin pa mi 'dod par 'gyur ba dag yongs su spong bar 'gyur ro/ /'phags pa'i lam gyis nyon mongs pa thams cad yongs su zad pas ni phung po'i lhag ma dang bcas pa dang lhag ma med pa'i mya ngan las 'das pa thob par 'gyur ro//de lta bas na sbyin pa ni 'khor ba'i 'bras bu can yin pas de la gdung bar mi bya zhing dgra mang ba ni sdom brtson dang mi mthun pa yin pas de mi bya'o zhes bya ba'i tha tshig go/ /bcom ldan 'das de bzhin gshegs pa shAkya thub pa'i bstan pa la chu bur ma byung ba'i tshe na de'i slob ma rnams kyang nyes pa chung bar gyur pas bcom ldan 'das kyis de dag la so sor thar pa'i mdo 'di ltar mdor bsdus te tshigs su bcad pa gsum gyis bton par gyur te/sdig pa thams cad mi bya ste/ /dge ba phun sum tshogs par bya/ /rang gi sems ni yongs su gdul//'di ni sangs rgyas bstan pa yin/ /lus kyi sdom pa legs pa ste/ /ngag gi sdom pa'ang legs pa yin/ /yid kyi sdom pa legs pa ste/ /thams cad du ni sdom pa legs/ /kun du bsdams pa'i dge slong ni/ /sdug bsngal kun las rab tu grol/ /ngag rnams srung zhing yid kyis rab bsdams te//lus kyis mi dge ba dag mi byed cing / /las lam gsum po 'di dag rab bsdams na/ /drang srong gsungs pa'i lam ni thob par 'gyur/ /zhes bya ba'o/ /de la/ sdig pa thams cad mi bya ste/ /zhes bya ba 'dis ni lhag pa'i tshul khrims kyi bslab pa bstan to//dge ba phun sum tshogs par bya/ /zhes bya ba 'dis ni lhag pa'i shes rab kyi bslab pa bstan te/ nyon mongs pa thams cad spangs pa ni don dam par dge ba'i phyir ro/ /rang gi sems ni yongs su gdul/ /zhes bya ba 'dis ni lhag pa'i sems kyi bslab pa bstan to//lus kyi sdom pa legs pa ste/ /zhes bya ba la sogs pa sdom pa rnam pa bzhis ni tshul khrims phun sum tshogs pa bstan to/ /sdug bsngal kun las rab tu grol/ /zhes bya ba 'dis ni tshul khrims kyi skyes bu byed pa'i 'bras bu thag mi ring ba bstan to/ / de ltar tshul khrims kyis sdug bsngal kun las rab tu grol bar 'gyur zhe na/ de'i phyir/ ngag rnams srung zhing yid kyis rab bsdams te/ /zhes bya ba la sogs pa gsungs te/ gang gi phyir tshul khrims phun sum tshogs pa ngan song gi sgo sbyong zhing 'phags pa'i lam thob pa de sdug bsngal thams cad las grol ba de'i phyir 'di ni tshul khrims kyi skyes bu byed pa'i 'bras bu thag ring ba yin no//de ltar mdor bsdus pa dang rgyas par bshad pa dag gis sangs rgyas bdun gyi so sor thar pa gdon pa bstan nas/ da ni mjug bsdu ba'i sgo nas nan tan du bya ba bstan pa'i phyir/ sangs rgyas rnam gzigs gtsug tor thams cad skyob/ /'khor ba 'jig dang gser thub 'od srungs dang / /shAkya thub pa gau tam lha yi lha/ /mi 'dul kha lo sgyur ba bla na med/ /'jig rten mgon po skyob pa mchog /sangs rgyas dpa' bo bdun po dag /grags ldan na rnams kyi so sor thar//'di ni rab tu rgyas par bton/ /'di la sangs rgyas rnams kyang gus/ /sangs rgyas nyan thos rnams kyang gus/ /'di la gus dang bcas gyur pas/ /'dus ma byas pa thob par gyis/ /zhes bya ba tshigs su bcad pa gsum yang dag par sdud par byed pas smras so/ / de la/ sangs rgyas rnam gzigs gtsug tor thams cad skyob/ /'khor ba 'jig dang gser thub 'od srungs dang / /shAkya thub pa zhes bya ba rnams ni sangs rgyas bdun gyi mtshan te/ go rims bzhin no/ /gau ta ma lha yi lha/ /mi 'dul kha lo sgyur ba bla na med/ /ces bya ba dag ni bcom ldan 'das shAkya thub pa'i gdung dang yon tan gau ta ma zhes bya ba ni gdung ste drang srong gau ta ma'i rgyud yin pa'i phyir ro//lha'i lha zhes bya ba ni chos nyid kyis grags pa'i sgo nas ni snyigs ma lnga shas che ba'i dus na sems can la phan pa rdzogs par mdzad pa'i phyir ro/ /'jig rten gyi grags pa'i sgo nas ni lha rnams kyis kyang zhabs la btud de phyag byas pa'i phyir ro//mi 'dul kha lo sgyur ba bla na med/ /ces bya ba ni 'jam pa dang / rtsub pa dang / gnyi ga'i rang bzhin gyi 'dul ba rnam gsum gyis 'dul ba skyes bu dam pa dag phyin ci ma log par 'dul bar mdzad pa'i phyir ro//'jig rten mgon po zhes bya ba ni khams gsum pa'i mgon po ste/ phan pa dpag tu med pa mdzad pas yongs su skyob par mdzad pa'i phyir ro/ /skyob pa zhes bya ba ni mnga' dbang gis chos thams cad la dbang phyug brnyes pa'i phyir ram/ 'dul ba'i skye bo dus mi g.yo bar skyob par mdzad pa'i phyir ro//mchog ces bya ba ni gtso bo ste bla na med pa'i mkhyen pa dang ldan pa'i phyir ram/ rjes su mthun pa'i phan pa mdzad pa yongs su mkhyen pa'i phyir ro/ /sangs rgyas dpa' bo zhes bya ba ni ye shes la sogs pa dag gis 'gro ba thams cad pas dpa' ba'i sangs rgyas zhes bya ba'i tha tshig go//grags ldan zhes bya ba ni snyan pa dang ldan pa ste/ 'jig rten gsum las shin tu 'das pa'i snyan pa'i tshogs dang ldan pa zhes bya ba'i tha tshig go/ /rgyas par bton zhes bya ba ni dus dang por bya ba dang / gsol ba byas nas gdon pa lnga po dag bton pa'o/ /'di la sangs rgyas rnams dang gang //sangs rgyas nyan thos rnams kyang gus/ /zhes bya ba ni sangs rgyas bcom ldan 'das rnams ni chos 'dul ba la gtso bor mdzad do/ /sangs rgyas nyan thos rnams kyang 'dul ba la gus pa'i phyir ro/ /'di la gus dang bcas gyur pas/ /'dus ma byas pa thob par gyis/ / zhes bya ba ni so sor thar pa 'di la gus pa dang bcas pas mya ngan las 'das pa 'dus ma byas thob par gyis shig ces bya ba'i tha tshig go/ /ji ltar 'di la gus pa dang bcas pas 'dus ma byas pa thob par bya zhe na/ de'i phyir/ brtsam par bya zhing 'byung bar bya/ /sangs rgyas bstan la 'jug par bya//'dam bu'i khyim la glang chen bzhin/ /'chi bdag sde ni gzhom par bya/ /gang zhig rab tu bag yod pas/ /chos 'dul 'di la spyod gyur pa/ /skye ba'i 'khor ba rab spangs nas/ /sdug bsngal tha mar byed par 'gyur/ /zhes bya ba gsungs te/brtsam par bya zhing zhes bya ba ni brtsam par gyis shig pa'o/ /'byung bar bya zhes bya ba ni 'khor ba las nges par 'byung ba'i phyir dgon pa la sogs pa dben par song shig ces bya ba'i tha tshig go/ /sangs rgyas bstan la zhes bya ba ni bden pa bzhi bstan pa la'o/ /'jug par bya zhes bya ba ni mgo dang gos la me 'bar ba ltar mngon par brtson par gyis shig pa'o//'dam bu khyim la glang chen bzhin/ /zhes bya ba ni 'chi bdag sde chen gzhom par bya ba'i dpe yin te/ 'dam bu'i khyim glang po ches 'joms pa bzhin du'o/ /'chi bdag zhes bya ba ni 'chi ba'o//sde zhes bya ba ni sred pa la sogs pa 'khor ro/ /gzhom par bya zhes bya ba ni gzhig par gyis shig ces bya ba'o/ /phan yon bstan pa'i phyir/ gang zhig rab tu bag yod pas/ /chos 'dul 'di la spyod gyur pa/ /skye ba'i 'khor ba rab spangs nas/ /sdug bsngal tha ma byed par 'gyur//zhes bya ba gsungs te/ rab tu bag yod par zhes bya ba ni rab tu bag med pa spangs pa'o/ /chos zhes bya ba ni 'phags pa'i lam yan lag brgyad pa'o/ /'dul ba zhes bya ba ni yang dag par bsgrub pa'i mtshan nyid do/ /spyod 'gyur ba zhes bya ba ni rjes su bsgrub par gyur ba'o//'khor ba zhes bya ba ni skye ba'i 'khor ba'i gtso bo yin pas skye ba'i 'khor ba ste 'khor ba'i sdug bsngal gyi rtsa ba ni skye ba yin pa'i phyir ro/ /de ltar 'di don med phyir skye ba yod na rga shi dang / /nad dang sdug bsngal bsad dang bcing la sogs pa'i dgra dag yod/ /gal te 'jigs mang skye ba med na don med de mi 'byung //shing skyes med na nags me rlung gis bsgyel bar mi 'gyur bzhin/ /zhes gsungs pa'i phyir ro/ /yang na skye ba'i 'khor ba zhes bya ba ni skye ba dag tu 'gyur ba'i phyir ro/ /rab spangs nas zhes bya ba ni nan tan du spangs nas so/ /sdug bsngal zhes bya ba ni skye ba la sogs pa'o//tha mar byed par 'gyur zhes bya ba ni rgyun chad par 'gyur ba'o/ /da ni so sor thar pa'i mdo gdon pa'i mjug bsdu ba'i yang dag par sdud par byed pas/ phan tshun tshul khrims bsrung ba dang / /bstan pa 'phel bar bya ba'i phyir/ /so sor thar pa 'di bton pas/ / dge 'dun gyis ni gso sbyong byas/ /zhes bya ba smras te/ de la phan tshun tshul khrims bsrung ba zhes bya ba ni gcig la gcig 'doms shing rjes su bstan pa dang / gcig la gcig ltung ba las bslang ba'o/ /bstan pa 'phel bar bya ba'i phyir/ /zhes bya ba ni phan tshun tshul khrims bsrung ba nyid do//de lta bus bcom ldan 'das de bzhin gshegs pa de'i 'khor 'di 'phel bar 'gyur ba'i rim gyis ston pa'i bstan pa 'phel zhing yun ring du gnas pa'i phyir ro/ /so sor thar pa 'di bton pas/ /zhes bya ba ni sems drang por bsgrub pa dang / 'gal ba bzlog pa la sogs pa'i rnam pa gzhan gyis kyang gso sbyong bya ba yod mod kyi skabs 'dir ni so sor thar pa'i mdo gdon pa rnam pa lnga po gleng gzhi gdon pa dang /pham par 'gyur ba gdon pa dang / dge 'dun lhag ma gdon pa dang / ma nges pa gdon pa dang / ril gyis gdon pa dag gis gso sbyong bya dgos pas so sor thar pa 'di bton pas zhes bya ba gsungs so//dge 'dun gyis ni gso sbyong byas/ /zhes bya ba ni zhi gnas kyi gso sbyong dang / mthun pa'i gso sbyong las 'dir ni mthun pa'i gso sbyong sbyar ro/ /mthun pa'i gso sbyong rnam pa lnga po bcu bzhi pa dang / bco lnga pa dang / bkra shis kyi gso sbyong dang / gnod pa byung ba'i gso sbyong dang /bsdum pa'i gso sbyong dag las 'dir ci rigs par sbyar te/ gtso cher ni bcu bzhi pa'am bco lnga pa dang sbyar ro/ /de'i 'og tu mjug bsdu ba'i sgo nas nan tan bya ba bstan pa'i phyir/ gang gi phyir ni mdo bton dang / /gang phyir gso sbyong byas gyur pa/ /tshul khrims de ni bsrung bya ste//g.yag rnga'i rtse mo ji bzhin no/ /zhes bya ba gsungs te/ de la/ gang gi phyir ni mdo bton dang / gang phyir gso sbyong byas gyur pa/ /zhes bya ba ni/ phan tshun tshul khrims bsrung ba dang / /bstan pa 'phel bar bya ba'i phyir/ /zhes gong du smos pa de'i phyir ro/ / tshul khrims de ni bsrung bya ste/ /zhes bya ba ni so sor thar pa'i sdom pa ni bsdus pa'i tshul khrims rnam pa drug po rnam par dbye ba dang / bsdu ba dang / phun sum tshogs pa dang / rnam grangs dang / rnam par dag pa dang / phan yon de dag sbyor ba dang / dngos gzhi dang mjug dag gi sgo nas bag yod par bsrung bar gyis shig ces bya ba'i tha tshig go//g.yag rnga'i rtse mo ji bzhin no/ /zhes bya ba ni bag yod par bsrung bar bya ba'i dpe ste/ ji ltar bsil rung gangs khrod na gnas pa'i g.yag rnga la bag yod pas bsrung ba rnga ma'i rtse mo lta bur gzar te/ 'gro ba de bzhin du tshul khrims 'di yang bag yod pas bsrung bar gyis shig ces bya ba'i tha tshig go//da ni yang dag par sdud par byed pas 'dul ba'i sde snod yang dag par bsdu ba mthar phyin nas dge ba'i rtsa ba bsngo ba'i phyir/ so sor thar pa ston pa yi/ /bsod nams grub pa gang yod pa/ /des ni 'jig rten ma lus pa//thub dbang go 'phang thob par shog /ces bya ba gsungs te/ thub pa ni nyan thos dang rang sangs rgyas so/ /de'i dbang po ni de bzhin gshegs pa ste/ so sor thar pa 'di ston pa'i bsod nams grub pa gang yod pa des/ 'jig rten ma lus pa thams cad thub pa'i dbang po sangs rgyas bcom ldan 'das kyi go 'phang thob par shog ces bya ba'i tha tshig go//de ltar yang dag par sdud par byed pas so sor thar pa'i mdo yang dag par bsdu ba 'di yang rgyud chags gsum pa'i tshul du brtsams pa yin te/ dang por/ snyan pa'i ba dan 'jig rten gsum du grags/ /dam pa'i chos sgra seng ge'i sgra bsgrags pa//thams cad mkhyen pa dkon mchog mdzod brnyes pa/ /zhabs la tshangs dbang gtsug gi nor bus gtugs/ /sdug bsngal rgya mtsho gting mtha' med brgal ba/ /'gro ba'i gtso la spyi bos phyag 'tshal te/ /zhes smos pas de ni phyag 'tshal ba'i rgyud bstan to//de'i 'og tu/ thams cad mkhyen pa'i bslab gzhi dkon mchog snod/ /'phags pa'i tshogs kyi dbus su dbye bar bya/ /zhes bya ba nas/ tshul khrims 'di ni bsrung bya ste/ /g.yag rnga'i rtse mo ji bzhin no/ /zhes gsungs pa'i bar gyis ni mdo gdon pa'i rgyud bstan to/ /mjug tu/so sor thar pa ston pa yi/ /bsod nams grub pa gang yod pa/ /des ni 'jig rten ma lus pa/ /thub dbang go 'phang thob par shog /ces gsungs pas ni bsngo ba'i rgyud bstan to/ /bsdu ba'i mtshan nyid bshad zin to/ /so sor thar pa'i tshig gi brjed byang rdzogs so// // dbang phyug dam pa'i mnga' bdag dpal lha btsan po'i bka' lung gis 'phags pa gzhi thams cad yod par smra ba'i 'dul ba 'dzin pa kha che bye brag tu smra ba'i slob dpon dzi na mi tra dang / zhu chen gyi lo tsA ba ban+de klu'i rgyal mtshan gyis zhus te gtan la bab pa'o// //