CLOSE WINDOW

D4106
བོད་ཡིག

@##/ /rgya gar skad du/ pra ti mok+Sha sU tra TIka bi na ya sa muts+tsha ya/ bod skad du/ so sor thar pa'i mdo rgya cher 'grel pa 'dul ba kun las btus pa/ bam po dang po/bkra shis/ dkon mchog gsum la phyag 'tshal lo/ /bde bar gshegs pa'i tshul khrims rnam pa bzhi dngul dang gangs kyi ri bo spo mthon po ston ka'i zla ba'i 'od zer gyi tshogs kyis bskor ba dang /dung dang zla ba rab tu gsal ba dang / me tog ku mu da dang / chu klung sin d+hu dang / me tog sin du ba ra dang / pad ma'i rtsa lag gi chu ba dang / mu tig dag gi chun po'i phreng ba bas kyang ches dkar ba rjes su bskyang bar mdzad pas mthu stobs shin tu chen po yang dag par brnyes pa la phyag 'tshal lo//rgyal ba rgya mtsho dpal dang ldan/ /lta bas mi ngoms shin tu zab//dus las yol ba mi mnga' zhing / /rin chen phyug la phyag 'tshal te/ /blo gzhan go bar bya ba'i phyir/ /gzhan gyis bcol bas bdag gis ni/ /so sor thar pa'i rgya cher 'grel//gsal ba dag ni brtsam par bya/ /gzhan gyis byas pa'i 'grel pa dag /yod kyang de dag tshig mi 'grel/ /gzhan dag mtshan nyid 'gal bar smra/ /don mi gsal bar phal yang che//rnam par 'chad pas de dang de/ /bltas nas blo dag rmongs 'gyur bas/ /de phyir 'bad pas brtsam par bgyi/ /nga rgyal dag gi phyir ma yin/ /bdag nyid chen po gang dag gis/ / 'dul ba dag la tshig dang don/ /'bad byas de dag rang gi mthus/ /don rnams 'byed par byed par nus/ /gang dag gzhung rgyas phyir phyogs shing / /mdor bsdus 'dod pa de dag phyir/ /'di la 'bad pas phyogs tsam zhig /rab tu bstan pas brtsam par bya/ /bdag gi brtsams pa 'di 'dra ba/ /mkhas pa dag la bskul ba ste/ /byis pa mkhas pa'i dbus dag tu/ /spyi rtol mi byed med pa bzhin/ /bde bar gshegs pa'i bstan pa gsung rab tu gtogs pa yan lag bcu gnyis sde snod gsum du 'dus pa ni 'dul ba'i sde snod dang /mdo'i sde snod dang / chos mngon pa'i sde snod do/ /de la 'dul ba'i sde snod du gtogs pa thams cad ni 'dul ba 'dzin pa'i mchog 'phags pa nye ba 'khor gyis yang dag par bsdus so//mdo sde'i sde snod du gtogs pa thams cad ni mdo sde 'dzin pa'i mchog 'phags pa kun dga' bos yang dag par bsdus so/ /chos mngon pa'i sde snod du gtogs pa thams cad ni ma mo 'dzin pa'i mchog 'phags pa 'od srungs chen pos yang dag par rab tu bsdus so//de dag yang dag par bsdu ba yang bcom ldan 'das bzhugs pa'i tshe dang / yongs su mya ngan las 'das pa'i 'og tu yang dag par sdud pa lnga brgya pa dang / bdun brgya pa dang /bzhi brgya pa zhes bya ba la sogs pas yul dang dus gang du gang gi tshe ji ltar yang dag par bsdus pa'i lo rgyus ni bde bar gshegs pa'i lung nyid las gsungs pa bzhin no/ /'dir 'dul ba'i sde snod kyi dbang du bya ba'i skabs yin pas de je brjod par bya ste/'dul ba'i sde snod ni yul dang slob dpon dang don gyi dbang du mdzad nas sde bzhi rnam pa bco brgyad du gyes pa'i lo rgyus kyang lung las mang du gsungs te de dag gi rgya cher brjod pa yang 'dul ba'i sde snod nyid kyi gzhung las shes par bya'o/ /da 'dir ni 'phags pa gzhi thams cad yod par smra ba'i so sor thar pa'i mdo rgya cher 'grel pa bshad pa'i skabs yin pas de'i lo rgyus phyogs tsam zhig brjod par bya ste/de la 'phags pa gzhi thams cad yod par smra ba'i 'dul ba'i sde snod 'di ni sangs rgyas bcom ldan 'das yongs su mya ngan las 'das pa'i 'og tu 'phags pa 'od srungs chen po la sogs pa dgra bcom pa lnga brgya 'dus nas tshangs par spyod pa yun ring du gnas par bya ba'i phyir dang /skye bo mang po la phan gdags pa'i phyir 'dul ba 'dzin pa'i mchog 'phags pa nye ba 'khor la yang dag par bsdu bar gsol nas 'phags pa nye ba 'khor gyis yang dag par bsdus so//gzhi thams cad yod par smra ba'i 'dul ba'i sde snod ni dum bu bzhi ste/ 'dul ba rnam par 'byed pa dang 'dul ba gzhi dang / 'dul ba phran tshegs dang / 'dul ba gzhung bla ma'o/ /de dag gi gnas pa'i snying dang snying po ni so sor thar pa'i mdo 'di yin no//de dag yang dag par bsdus pa yang ma 'ongs pa'i skye bo lung dang rtogs pa'i bdag nyid med pa dag yan lag la sgro 'dogs pa dang skur pa 'debs pa'i mtha' spang bar bya ba dang / nyan pa po brjod pa nyung ngus don gyi spyi rtogs par 'dod pa dag la phan gdags pa'i phyir sdom rnam pa gsum du bsdus te/spyi sdom dang / sdom dang / bar sdom du'o/ /de la spyi sdom ni spyi'i don tshigs su bcad par bsdus pa'o/ /sdom ni dngos kyi don tshigs su bcad par bsdus pa'o/ /bar sdom ni yan lag gi don tshigs su bcad par bsdus pa ste/de dag kyang lung gi skabs dang sbyar te ci rigs par gzung bar bya'o/ /de la so sor thar pa'i mdo zhes bya ba ni don las bstan bcos kyi ming du btags pa ste/ de la rnam grangs gcig tu na dang por thar pa zhes bya bar ston te/ so sor zhes bya ba ni dang po ste/dang po sdom pa yang dag par len pa'i tshe na gsum la skyabs su 'gro ba'i tshig bzlas nas sdom pa yang dag par blang ba'i tshig brjod pa gsum pa'i tha ma la sdom pa thob pa ni thog ma sdom pa thob pa'i gnas skabs yin pas dang po zhes bya'o/ /thar pa zhes bya ba ni grol ba ste/de ltar sdom pa dang po thob pa de nyid kyi tshe na sdom pa ma yin pa'i mtshan nyid las grol te/ sdom pa'i mtshan nyid kyis bsdus pa'i rnam par rig byed ma yin pa'i gzugs thob pa ni thar pa zhes bya'o/ /de ltar dang por thar pa'i don de las bstan bcos 'di byung ba'am/don de bstan bcos 'dir bsdus pas bstan bcos 'di'i ming yang dang por thar pa zhes bya'o zhes sbyar ro/ /yang rnam grangs gzhan du na so sor thar pa zhes bya bar ston te/ so sor zhes bya ba ni rgyud tha dad pa'o/ /thar pa zhes bya ba ni rnam par grol ba ste/ gang zag rgyud tha dad pa gang gis sdom pa yang dag par blangs te bslab pa'i gzhi rjes su sgrub par byed pa de nyid ngan 'gro dang /'khor ba las rnam par grol bar 'gyur gyi gzhan gyis sdom pa yang dag par blangs te bslab pa'i gzhi rjes su bsgrub pas gzhan rnam par grol bar mi 'gyur bas so sor thar pa zhes bya'o//de ltar so sor thar pa'i don de las bstan bcos 'di byung ba'am/ don de bstan bcos 'dir bsdus pas bstan bcos 'di'i ming yang so sor thar pa zhes bya'o/ /yang rnam grangs gzhan du na thar pa'i thabs zhes bya bar ston te/ so sor zhes bya ba ni phyir zhes bya ste thabs kyi don to//thar pa zhes bya ba ni nges par 'byung ba ste/ mya ngan las 'das pa'o/ /des na so sor thar pa'i mdo 'di ni nges par 'byung ba thob pa'i thabs kyi phyir gsungs pa ste/ lhag pa'i tshul khrims la brten nas lhag pa'i sems skye la/ lhag pa'i sems la brten nas lhag pa'i shes rab skye ba'i rim gyis nges par 'byung ba thob pa'i thabs su gyur pa'i phyir so sor thar pa'i mdo 'di ni nges par 'byung ba'i tshul khrims yin pas thar pa'i thabs zhes bya'o//de ltar thar pa'i thabs kyi don de las bstan bcos 'di 'byung ba'am/ don de bstan bcos 'dir bsdus pas/bstan bcos 'di'i ming yang thar pa'i thabs zhes bya'o/ /mdo zhes bya ba ni don mdo tsam du bstan pas mdo zhes bya ste/ de ltar na bstan bcos 'di ni dang por thar pa'i mdo zhes bya ba dang / so sor thar pa'i mdo zhes bya ba dang / thar pa'i thabs kyi mdo zhes bya ba dag tu ston to//de la so sor thar pa'i mdo 'di'i bsdus pa'i don ni mtshan nyid rnam pa lngas ston te/ mchod pa dang / gleng bslang ba dang / yang dag par rtsom pa dang / gzhung rgyas pa dang / bsdu ba'i mtshan nyid kyis so/ /de la mchod pa'i mtshan nyid ni/ snyan pa'i ba dan 'jig rten gsum du grags//zhes bya ba la sogs pa'i tshigs su bcad pa gnyis kyis bstan to/ /gleng bslang ba'i mtshan nyid ni/ sangs rgyas 'dul ba gang chen mtsho/ /zhes bya ba la sogs pa'i tshigs su bcad pa bcu gcig gis ston to/ /yang dag par rtsom pa'i mtshan nyid ni/bskal pa bye ba rnams su yang / /zhes bya ba la sogs pa tshigs su bcad pa drug gis bstan to/ /gzhung rgyas pa'i mtshan nyid ni/ /tshe dang ldan pa dag so ga rnams kyi 'das pa dang lhag ma ci tsam pa de tsam mo zhes bya ba nas dran pa dang bag yod pas rnal 'byor du bya'o zhes bya ba'i bar gyi gzhung thams cad kyis bstan to//bsdu ba'i mtshan nyid ni/ bzod pa dka' thub dam pa bzod pa ni/ /zhes bya ba la sogs pa'i gzhung lhag ma thams cad kyis bstan to/ /de la re zhig mchod pa'i mtshan nyid bshad par bya ste/ mchod pa'i mtshan nyid ces bya ba ni so sor thar pa'i mdo yang dag par brtsam pa gleng bslang ba'i dang por ston pa sangs rgyas bcom ldan 'das la bstod pa dang phyag 'tshal ba'i sgo nas mchod pa bya ba'o//de yang 'di ltar yang dag par sdud par byed pa 'phags pa 'od srungs chen po dang / nye ba 'khor dang /kun dga' bo la sogs pa so sor thar pa yang dag par bsdu bar bya bar 'dod pa blo shin tu zhib pa dang / rno ba dang / cha phra ba dang / brtan pa dang / zag pa dang ldan pa nyon mongs pa dang / nye ba'i nyon mongs pa'i dgra'i tshogs ma lus pa las rgyal ba/ 'jig rten las 'das pa'i ye shes 'byam klas pa yang dag par thob pa rang dang spyi'i mtshan nyid yongs su shes pa la mkhas pa'i blo dang ldan pa/'gro ba mtha' dag la phan par bya ba'i sems kyi 'jug pa la mkhas pa/ rang gi smra ba nges par zil gyis mi gnon pa/ pha rol smra ba thams cad drung nas dbyung ba la gcig pu dpa' ba/so so yang dag par rig pa bzhi rjes su thob pa/ yon tan gyi tshogs dpag tu med pa'i nor bu'i 'od zer gyis phyug pa dag gis bar chad kyi rnyog pa gnod pa'i 'dam rdzab ma lus pa bsal ba'i phyir dang / yid la bsams pa'i 'bras bu dge ba yid du 'ong ba khyad par can myur du yang dag par bsgrub par bya ba'i phyir sangs rgyas bcom ldan 'das 'jig rten gsum na nyag gcig dpa' ba/yon tan gyi tshogs rgya mtsho brnyes pa'i pha rol tu byon pa la bstod pa dang phyag 'tshal ba'i sgo nas mchod par bya ba'i ched du dang po kho nar/ snyan pa'i ba dan 'jig rten gsum du grags/ /dam pa'i chos sgra seng ge'i sgra bsgrags pa/ /thams cad mkhyen pa dkon mchog mdzod brnyes pa/ /zhabs la tshangs dbang gtsug gi nor bus gtugs/ /sdug bsngal rgya mtsho gting mtha' med rgal ba/ 'gro ba'i gtso la spyi bos phyag 'tshal te//thams cad mkhyen pa'i bslab gzhi dkon mchog snod/ /'phags pa'i tshogs kyi dbus su dbye bar bya/ /zhes bya ba'i tshigs su bcad pa 'di nyid gsungs so/ /de la 'dir re zhig dang po kho nar tshigs su bcad pa gnyis po 'di'i brjod par bya ba dang /dgos pa dang / 'brel pa dang / dgos pa'i dgos pa dag bstan par bya ste/ 'di ltar gus par nyan pa po blo sngon du gtong ba dag ni brjod par bya ba med pa dang / dgos pa med pa dang / 'brel pa med pa dang / dgos pa'i dgos pa med pa'i tshig tsam yang nyan par mi spro na bstod ra dang /bstan bcos dang / rab tu dbye ba dag lta smos kyang ci dgos te/ gang gi phyir gus par nyan pa blo sngon du gtong ba dag bstod ra la sogs pa'i ming thos pa nyid na 'dir ci zhig brjod snyam du brjod par bya ba'i skabs la dogs pa skye'o/ /de'i 'og tu 'dis don ci ston snyam du dgos pa la the tshom za'o//des na tshig gi bdag nyid 'dis don gyi bdag nyid de 'grub par 'gyur ram/ 'on te mi 'gyur du 'brel pa la som nyir 'gyur ro/ /des na de grub pas don khyad par du 'phags pa'i 'bras bu ci zhig yang dag par 'grub par 'gyur snyam du dgos pa'i dgos pa la kun du rmongs pa skye bar 'gyur bas rnam par 'chad par byed pa gzhan la phan par byed pa la gzhol ba/mkhas pa'i yid dang ldan pas 'di la dogs pa thams cad rnam par bzlog pa'i sgo nas nyan pa po dag nges par gzud par bya'o/ /de la brjod par bya ba ni tshigs su bcad pa gnyis po de las/snyan pa'i ba dan 'jig rten gsum du grags/ /dam pa'i chos sgra seng ge'i sgra bsgrags pa/ /thams cad mkhyen pa dkon mchog mdzod brnyes pa/ /zhabs la tshangs dbang gtsug gi nor bus gtugs/ /sdug bsngal rgya mtsho gting mtha' med rgal ba//'gro ba'i gtso la spyi bos phyag 'tshal te/ /zhes bya ba'i tshigs su bcad pa phyed dang gnyis kyis bcom ldan 'das kyi yon tan gzhan gyi don phun sum tshogs pa dang / bdag gi don phun sum tshogs pa mchog brjod pa'o/ /dgos pa ni de dag gi ngo bo nyid rab tu bstan pa'o//'brel pa ni de dag gi ngo bo nyid rab tu bstan pa de yang tshigs su bcad pa phyed dang gnyis po tshig gi bdag nyid 'dis byed pas tshigs su bcad pa phyed dang gnyis po 'di ni thabs yin la/ de dag gi ngo bo nyid rab tu bstan pa don gyi bdag nyid ni thabs las byung ba yin te/de ltar tshigs su bcad pa phyed dang gnyis dang / dgos pa dag ni thabs dang thabs las byung ba'i mtshan nyid kyis 'brel pa yin no/ /'di ltar tshigs su bcad pa phyed dang gnyis po 'dis bcom ldan 'das kyi yon tan gzhan gyi don phun sum tshogs pa dang /bdag gi don phun sum tshogs pa de dag gi ngo bo nyid mngon par gsal bar byed pas de'i phyir tshigs su bcad pa phyed dang gnyis ni thabs yin la dgos pa ni thabs las byung ba yin par gnas so/ /de nyid rgyu dang 'bras bu'i mtshan nyid dang / sgrub pa dang bsgrub par bya ba'i mtshan nyid kyis 'brel pa yang yin no//brgya la 'ga' zhig 'di skad ces de dag gi ngo bo nyid rab tu bstan pa des ci bya/ 'di ltar de ni cir yang dgos par mi 'gyur te/ bya rog gi so brtag pa bzhin du khyod kyi de ni gnas ma yin pa la yongs su ngal ba yin pas de dag gi ngo bo nyid rab tu bstan pa ni don med pa yin no zhes phyir zlog par byed na de'i phyir dgos pa'i dgos pa yang nye bar bstan par bya ste/de ni dam pa rnams kyi spyod pa'i rjes su 'jug par 'gyur ba dang / bgegs dang log 'dren nye bar zhi bar 'gyur te/ 'di ltar dam pa rnams ni las gang dang gang rtsom par 'dod pa na dang por rang gi lha yid du 'ong ba la bstod pa dang phyag 'tshal ba'i sgo nas mchod pa sngar byed do/de ltar zhugs pa rnams kyi yid la bsams pa'i 'bras bu dge ba yid du 'ong ba khyad par can myur du yang dag par 'grub par 'gyur ro/ /de'i phyir yang dag par sdud par byed pa 'di dag kyang skyes bu dam pa'i spyod pa rjes su bsgrub pa na/dang por rang gi ston pa la bstod pa dang phyag 'tshal ba'i sgo nas mchod pa byed pa la zhugs pa yin no/ /bdag nyid chen po gang dag lha yid du 'ong ba la bstod pa dang phyag 'tshal ba'i sgo nas mchod pa'i las byas pa sdig pa'i rnyog pa gnod pa'i dri ma ma lus par bkrus pa/lha yul gyi chu klung gi chu dri ma med pa bas kyang ches dkar ba'i dge ba'i rtsa ba'i tshogs rgya chen po'i khur yang dag par bskyed pa/ bkra shis dang bzlas brjod dang sbyin sreg mtha' dag byas shing nang dang phyi rol rnam par dag pa'i blo can de dag gi bgegs dang log 'dren chos dang 'gal bar byed pa rnams kyi mthu nyams par 'gyur zhing /de dag gi yid la bsams pa'i 'bras bu dge ba yid du 'ong ba khyad par can dag kyang mngon par 'phel bar 'gyur te/ de ltar yang / bdag nyid chen po gang zhig sems dang khyod mtshan 'dzin/ /de ni tshangs ris bkra shis sbyin sreg bzlas brjod bgyis/ /de ni khrus bgyis chu ngogs kun du dbang bskur zhing / /de ni nang dang phyi rol shin tu dag par 'gyur/ /zhes 'byung ba'i phyir ro/ /yang gzhan yang de bzhin gshegs pa'i yon tan gyi tshogs 'byam klas pa bla na med pa nyan pas yid yang dag par bsdus pa dag gis bcom ldan 'das srid pa'i 'jigs pa nges par bcom pa la dad pa mi phyed pa yang dag par bskyed de/nyon mongs pa dang nye ba'i nyon mongs pa'i rnyog pa gcod pa'i 'dam rdzab mtha' dag rab tu bsal nas mtho ris dang byang grol gyi mtshan nyid kyi 'bras bu yang dag par 'dod pa rab tu 'thob par 'gyur te/de ltar yang / gang dag rgyal ba bde gshegs la/ /mchod pa chung ngu'ang byed 'gyur ba/ /de dag mtho ris kun bgrod nas/ / bdud rtsi'i go 'phang thob par 'gyur/ /zhes tshigs su bcad pa las gsungs pa'i phyir ro/ /gzhan las kyang / grags mdangs yid bde rtsom zhing de bzhin 'od dang ldan/ /dga' zhing smra mkhas dri med blo ldan skyon dang bral/ /tshe 'phos bdud rtsi'i go 'phang gzhal yas thob 'gyur bas//sangs rgyas bstod 'byung 'bras bur de shes rnams kyis gsungs/ /zhes 'byung ba'i phyir ro/ /gzhan yang ma 'ongs pa'i skye bo rnams la phan gdags pa'i phyir bcom ldan 'das la bstod pa dang phyag 'tshal ba'i sgo nas mchod pa byed de/ 'di ltar klag pa la sogs pa la bgegs gnyis srid de/gcig ni nang gi mi shes pa'i mtshan nyid do/ /gnyis pa ni phyi rol gyi 'byung po dang sha za la sogs pa'o/ /lha yid du 'ong ba la bstod pa dang phyag 'tshal ba'i sgo nas mchod pa byas na ye shes chen po skye ba dang / bsod nams chen po 'phel bar 'gyur ro/ /ye shes chen po skyes na nang gi mi shes pa'i mtshan nyid kyi bgegs dang bral bar 'gyur te/ ye shes ni mi shes pa'i gnyen po yin pa'i phyir dang / nyon mongs pa rnams ni ye shes kyis gzhom pa yin no zhes gsungs pa'i phyir ro/ / de lta bas na ye shes chen po skyes na mi shes pa ldog par 'gyur ro/ /bsod nams dang ldan pa chen po 'phel bas kyang phyi rol gyi 'byung po dang sha za la sogs pa'i bgegs ldog par 'gyur te/ 'di ltar bsod nams dang ldan pa rnams kyi bya ba rtsom pa'i dus na 'byung po dang sha za la sogs pas bgegs byed mi nus so//de nyid kyi phyir/ brjod na sdig pa 'byang bar 'gyur/ /khyod nyid dran na mchog tu dga'/ /btsal na blo gros byed 'gyur te/ /yongs su shes na rnam par dag /khyod la bsu na dpal du byed/ /bsten na blo mchog byed par 'gyur/ / 'grogs na 'jigs pa med par byed/ /bsnyen bkur byas na bde byed 'gyur/ /zhes gsungs so/ /gzhan las kyang / thub pa'i dbang la phyag 'tshal bas/ /'jig rten dag na mi rnams kyi/ /grags pa 'phel zhing legs pa skye/ /snang bas rnam 'phel bgegs kun sel//dgra rnams thams cad spong 'gyur zhing / /sems rgyud bde 'gror nges byed la/ /mthar yang nges pa kho nar ni/ /zhi ba'i 'bras bu thob par byed/ /ces gsungs pa lta bu'o/ /gzhan yang bstan bcos dang ston pa la gus pa bskyed pa'i phyir bstan bcos la sogs pa rtsom pa na ston pa la bstod pa dang phyag 'tshal ba'i sgo nas mchod pa byed de/'di ltar sgrub pa po ni ston pa'i yon tan shes pa dang / mi shes pa'i bye brag gis rnam pa gnyis so/ /de la ston pa'i yon tan shes pa rnams ni bstan bcos brtsams pa na bcom ldan 'das kyi yon tan gyi tshogs 'byam klas pa bla na med pa brjod pa thos nas bstan bcos la gus pa skye bar 'gyur te/bstan bcos 'di ni bcom ldan 'das kyi gsung rab kyi rjes su 'jug pa yin no zhes bstan bcos la gus pa skyed par byed do/ /bstan bcos la gus pa skyes par gyur na/bstan bcos mnyan pa dang / bsam pa dang / rnam par bshad pa dang / sgrub pa la sogs pa dag la gus pas 'jug par 'gyur ro/ /ston pa'i yon tan mi shes pa rnams ni/ de bzhin gshegs pa'i yon tan gyi tshogs yang dag par bsgrags pa thos na/ston pa la gus pa skye bar 'gyur te/ gang gi yon tan gyi tshogs 'di lta bu dag yang dag par sgrogs pa'i ston pa de ni shin tu che ba yin no zhes ston pa la gus pa skyed par byed do/ /ston pa la gus pa skyed par gyur na bstan bcos kyi don shes par bya ba la gus pas 'jug par 'gyur te/de dag ni dgos pa'i dgos pa yin no/ /de ltar na 'dir tshig gi don ni 'byung bar 'gyur te/ tshigs su bcad pa phyed dang gnyis po 'di'i brjod par bya ba ni bcom ldan 'das kyi yon tan gzhan gyi don phun sum tshogs pa dang / bdag gi don phun sum tshogs pa mchog brjod pa'o//dgos pa ni de dag gi ngo bo nyid rab tu bstan pa'o/ /'brel pa ni de dag gi ngo bo nyid ni rab tu bstan pa de yang tshigs su bcad pa phyed dang gnyis po 'dis byed pas tshigs su bcad pa phyed dang gnyis dang dgos par thabs dang thabs las byung ba'i mtshan nyid kyis 'brel pa'o//dgos pa'i dgos pa ni dam pa rnams kyi spyod pa'i rjes su 'jug par 'gyur ba dang / bgegs dang log 'dren nye bar zhi bar 'gyur ba dang / mtho ris dang byang grol gyi mtshan nyid kyi 'bras bu yang dag par 'dod pa rab tu 'thob par 'gyur ba dang / ma 'ongs pa'i skye bo rnams kyi nang dang phyi rol gyi bgegs zhi bar 'gyur ba dang /ston pa'i yon tan shes pa dang / mi shes pa'i sgrub pa po rnam gnyis bstan bcos dang ston pa la gus pa skye bar 'gyur ba'o/ /thams cad mkhyen pa'i bslab gzhi dkon mchog snod/ /'phags pa'i tshogs kyi dbus su dbye bar bya//zhes bya ba tshigs su bcad pa 'og ma phyed kyis ni so sor thar pa brtsam par dam bca' ba bstan te/ de yang rtog pa sngon du gtong ba dag gi 'jug pa'i yan lag yin no/ /de la tshigs su bcad pa phyed dang gnyis po 'di'i bsdus pa'i don ni rnam pa gnyis te/ston pa la bstod pa'i sgo nas mchod pa dang / phyag 'tshal ba'i sgo nas mchod pa'o/ /de la bstod pa'i sgo nas mchod pa yang rnam pa gnyis te/ 'gro ba'i gtso bo sangs rgyas bcom ldan 'das kyi yon tan gzhan gyi don phun sum tshogs pa dang /bdag gi don phun sum tshogs pa'i sgo nas so/ /de la gzhan gyi don phun sum tshogs pa ni tshigs su bcad pa dang po gcig gis bstan to/ /des kyang 'gro ba'i gtso bo sangs rgyas bcom ldan 'das kyi yon tan gzhan gyi don phun sum tshogs pa'i thabs su gyur pa'i phun sum tshogs pa rnam pa lnga bstan te/rgyu phun sum tshogs pa dang / phan 'dogs pa phun sum tshogs pa dang / shes rab phun sum tshogs pa dang / thugs rje phun sum tshogs pa dang / 'bras bu'i khyad par phun sum tshogs pa'o/ /de la/ snyan pa'i ba dan 'jig rten gsum du grags//zhes bya bas ni rgyu phun sum tshogs pa bstan to/ /dam pa'i chos sgra seng ge'i sgra bsgrags pa/ /zhes bya bas ni phan 'dogs pa phun sum tshogs pa bstan to/ /thams cad mkhyen pa zhes bya bas ni shes rab phun sum tshogs pa bstan to/ /dkon mchog mdzod brnyes pa zhes bya bas ni thugs rje phun sum tshogs pa bstan to//zhabs la tshangs dbang gtsug gi nor bus gtugs/ /zhes bya bas ni 'bras bu'i khyad par phun sum tshogs pa bstan to/ /bdag gi don phun sum tshogs pa ni tshigs su bcad pa 'og ma'i phyed dang pos bstan to//des kyang 'gro ba'i gtso bo sangs rgyas bcom ldan 'das kyi yon tan bdag gi don phun sum tshogs pa'i che ba nyid kyi khyad par phun sum tshogs pa rnam pa gnyis bstan te/ spangs pa phun sum tshogs pa dang / ye shes phun sum tshogs pa'o/ /de la/ sdug bsngal rgya mtsho gting mtha' med rgal ba//zhes bya bas ni spangs pa phun sum tshogs pa bstan to/ /'gro ba'i gtso bo zhes bya bas ni ye shes phun sum tshogs pa bstan to/ /de ltar 'gro ba'i gtso bo sangs rgyas bcom ldan 'das kyi yon tan gzhan gyi don phun sum tshogs pa dang /bdag gi don phun sum tshogs pa smos pa des ni ston pa la bstod pa'i sgo nas mchod pa bstan to/ /phyag 'tshal ba'i sgo nas mchod pa ni lus dang ngag dang yid kyi sgo nas phyag 'tshal bas te/ de ni spyi bos phyag 'tshal te zhes bya bas bstan to/ /de ltar phyag 'tshal te ci zhig bya zhe na/so sor thar pa brtsam par dam bca' bar bya ste/ de ni tshigs su bcad pa 'og ma'i phyed kyis bstan to/ /des kyang gang gis bstan pa dang / ci zhig bstan pa dang / su la bstan pas so sor thar pa'i che ba nyid brjod nas/ gang gis ci zhig bstan pa de nyid su la bstan pa'i tshogs kyi dbus su dbye bar bya'o zhes bstan to//de la gang gis bstan zhe na ston pas te/ de ni thams cad mkhyen pa zhes bya bas bstan to/ /ci zhig bstan zhe na/ so sor thar pa ste/ de ni bslab gzhi dkon mchog snod ces bya bas bstan to/ /su la bstan zhe na/ nyan thos kyi dge 'dun la ste/de ni 'phags pa'i tshogs zhes bya bas bstan to/ /gang gis ci zhig bstan pa de nyid su la bstan pa'i tshogs kyi dbus su dbye bar bya ba'i ston pas so sor thar pa bstan pa de nyid nyan thos kyi dge 'dun gyi dbus su dbye bar bya ste/ de ni/ dbus su dbye bar bya zhes bya bas bstan te/de ni re zhig spyi'i don yin no/ /da ni yan lag gi don bshad par bya ste/ de la 'gro ba'i gtso bo sangs rgyas bcom ldan 'das kyi yon tan gzhan gyi don phun sum tshogs pa'i thabs su gyur pa rgyu phun sum tshogs pa'i dbang du mdzad nas/ snyan pa'i ba dan 'jig rten gsum du grags//zhes bya ba gsungs te/ snyan pa'i zhes bya ba ni de bzhin gshegs pas bskal pa grangs med pa nas bsod nams dang ye shes kyi tshogs dpag tu med pa bsags pa'i rgyu phun sum tshogs pa las byung ba'i 'bras bu spangs pa dang / ye shes bla na med pas bsdus pa'i yon tan dpag tu med pa'o//ba dan zhes bya ba ni snyan pa de nyid ba dan dang 'dra bas ba dan zhes bya ste/ yon tan mngon par 'phags pas kun la gsal ba dang / de la dmigs na mngon par mtho ba dang nges par legs pa'i lam mi nor ba'i phyir ro//'jig rten gsum zhes bya ba ni/ 'jig tshogs kyi phung po 'jig pa tsam la brten pas bsdu ba'i khams gsum po 'dod pa dang / gzugs dang / gzugs med pa dag go/ /grags zhes bya ba ni de dag tu snyan pa'i sgras khyab pa ste/bcom ldan 'das dang po mngon par sangs rgyas pa'i tshe dang por sa bla ba la grags la/ de nas bar snang ba la grags/ de nas rgyal chen bzhi'i ris la grags so zhes bya ba nas/ 'og min gyi bar du grags so zhes bya ba la sogs pa'i rim gyis so//gzugs med par ji ltar grags she na/ gzugs can gyi khams na gnas pa'i tshe/ grags pa'i bag chags rgyud la yod pas rgyu la 'bras bu btags te grags par brjod do/ /des ni sbyin pa la sogs pa'i rgyu phun sum tshogs pa las byung ba'i yon tan gzhan la ston par byed pa'i sgo nas/gzhan gyi don phun sum tshogs pa'i thabs su gyur pa rgyu phun sum tshogs pa bstan to/ /phan 'dogs pa phun sum tshogs pa'i dbang du mdzad nas/ dam pa'i chos sgra seng ge'i sgra bsgrags pa/ /zhes gsungs te/dam pa zhes bya ba ni sangs rgyas bcom ldan 'das te/ nyon mongs pa bag chags dang bcas pa ma lus par spangs pa'i phyir ro/ /chos sgra zhes bya ba ni dam pa des gsungs pa'i chos te/ 'phags pa'i bden pa bzhi po dag dpal gyi mgur nas gsungs pa'i phyir ro//seng ge'i sgra zhes bya ba ni dam pa'i chos kyi sgra de nyid seng ge'i sgra dang 'dra ba'i phyir seng ge'i sgra zhes bya ste/ mu stegs can glang po che lta bu skrag par byed cing rigs kyi bu mi'i seng ge'i phru gu lta bu dag sdud par byed pa'i phyir/ bsgrags pa zhes bya ba ni bstan pa ste/bden pa bzhi la lan gsum du bzlas te chos kyi 'khor lo rnam pa bcu gnyis su bskor ba'i phyir ro/ /des ni ston pas mdzad pa phun sum tshogs pa gzhan la chos ston pa'i sgo nas gzhan gyi don phun sum tshogs pa'i thabs su gyur pa phan 'dogs pa phun sum tshogs pa bstan to//shes rab phun sum tshogs pa'i dbang du mdzad nas/ thams cad mkhyen pa zhes bya ba gsungs te/ thams cad mkhyen pa zhes bya ba ni bcom ldan 'das te/ dang por dngos po'i ngo bo nyid ma lus pa dang / thun mong ma yin pa dang / tshad med pa dang / phyin ci ma log par bstan pa'i phyir ro//des ni thams cad mkhyen pas lung shin tu rnam par dag pa gtan la phab par bstan pa'i sgo nas gzhan gyi don phun sum tshogs pa'i thabs su gyur pa shes rab phun sum tshogs pa bstan to/ /thugs rje phun sum tshogs pa'i dbang du mdzad nas/ dkon mchog mdzod brnyes pa zhes bya ba gsungs te/ dkon mchog ces bya ba ni bshad pa dang / bsgrub pa'i chos dkon mchog ste/ rin po che dang 'dra bar dkon pa dang / rin che ba dang / dga' bar byed pa dang / phan 'dogs pa dang / mi ma yin pa la sogs pa gnod pa byed pa'i gnyen por gyur pa yin pa'i phyir ro//mdzod ces bya ba ni rin chen mdzod dang 'dra bar chos dkon mchog de'i mdzod 'phags pa'i dge 'dun te lung dang rtogs pa'i sgo nas de'i snod du gyur pa yin pa'i phyir ro/ /brnyes pa zhes bya ba ni slob ma nyid du brnyes pa ste/ ston pa'i lam gyi rjes su zhugs pa'i phyir ro//des ni 'khor yongs su smin par mdzad pa'i sgo nas gzhan gyi don phun sum tshogs pa'i thabs su gyur pa thugs rje phun sum tshogs pa bstan to/ /'bras bu'i khyad par phun sum tshogs pa'i dbang du mdzad nas/ zhabs la tshangs dbang gtsug gi nor bus gtugs//zhes bya ba gsungs te/ zhabs la zhes pas ni de bzhin gshegs pa'i zhabs 'khor lo'i mtshan dang ldan pa la'o/ /tshangs dbang zhes bya ba la/ tshangs pa zhes bya ba ni bsam gtan dang po'i bsam gtan khyad par can bsgrubs te/ tshangs pa'i rgyal po thob pa stong gi 'jig rten la dbang sgyur ba'i tshangs pa chen po'o//dbang po zhes bya ba ni sum cu rtsa gsum pa'i lha rnams kyi dbang po brgya byin te/ de gnyis ni sa bla'i gtso bo dang / stong gi khams na gtso bor grags nas 'dir smos par zad kyi gzhan yang de bzhin du gzung bar bya'o//gtsug gi nor bu zhes bya ba ni spyi bo ste/ nor bu gdags pa'i gnas yin pa'i phyir ro/ /gtugs zhes bya ba ni des btud de phyag byas pa'o/ /des ni 'jig rten na 'bras bu thob pa'i mchog dag gis spyi bos gtugs pa'i sgo nas gzhan gyi don phun sum tshogs pa pa'i thabs su gyur pa 'bras bu'i khyad par phun sum tshogs pa bstan to//de ltar de dag gis ni 'gro ba'i gtso bo sangs rgyas bcom ldan 'das kyi yon tan gzhan gyi don phun sum tshogs pa'i sgo nas ston pa la bstod pas mchod pa bstan to/ /de'i 'og tu 'gro ba'i gtso bo sangs rgyas bcom ldan 'das kyi yon tan bdag gi don phun sum tshogs pa'i che ba nyid kyi khyad par spangs pa phun sum tshogs pa'i dbang du mdzad nas/sdug bsngal rgya mtsho gting mtha' med rgal ba/ /zhes bya ba gsungs te/ sdug bsngal zhes bya ba ni skye ba dang / rga ba dang / na ba dang / 'chi bas bsdus pa nye bar len pa'i phung po lnga po dag go/ /rgya mtsho zhes bya ba ni sdug bsngal de nyid rgya mtsho dang 'dra bas rgya mtsho zhes bya ste/ shin tu rgya che ba'i phyir ro/ /gting med pa zhes bya ba ni gzhi'i gting med pa ste/ 'dis ni rgya mtsho bzhin du sdug bsngal mang ba nyid bstan to/ / mtha' med pa zhes bya ba ni pha rol gyi mtha' med pa ste/ 'dis ni rgya mtsho bzhin du 'khor ba'i rgyun mi 'chad par bstan to/ /rgal ba zhes bya ba ni 'das pa ste/ las dang nyon mongs pa spangs pas sdug bsngal zad pa'i phyir ro/ /des ni las dang nyon mongs pa skye ba'i mtshan nyid gyi kun nas nyon mongs pa spangs pa'i sgo nas bdag gi don phun sum tshogs pa'i che ba nyid kyi khyad par spangs pa phun sum tshogs pa ston to//ye shes phun sum tshogs pa'i dbang du mdzad nas/ 'gro ba'i gtso zhes bya ba gsungs te/ 'gro ba zhes bya ba ni 'jig rten te/ rtag tu 'khor ba'i yang phyir ro//gtso zhes bya ba ni zla med pa ste mchog yin pa'i phyir ro/ /de ni 'gro ba'i gtso bo sangs rgyas bcom ldan 'das te shes bya thams cad la chags pa med pa dang thogs pa med pa'i ye shes brnyes pas 'gro ba thams cad kyi gtso bor gyur pa'i phyir ro/ /'dis ni dngos po ji snyed yod pa nyid dang ji lta ba bzhin du yod pa nyid thugs su chud pas 'gro ba'i gtso bor gyur pa'i sgo nas bdag gi don phun sum tshogs pa'i che ba nyid kyi khyad par ye shes phun sum tshogs pa bstan to//de ltar de dag gis ni 'gro ba'i gtso bo sangs rgyas bcom ldan 'das kyi yon tan bdag gi don phun sum tshogs pa'i sgo nas ston pa la bstod pas mchod pa bstan to//de'i 'og tu phyag 'tshal ba'i sgo nas mchod pa bstan pa'i phyir/ spyi bos phyag 'tshal te zhes gsungs te/ spyi bos zhes bya bas ni lus kyis phyag 'tshal ba dngos su bstan te/ phyag 'tshal te zhes bya bas ni lus dang ngag dang yid gsum char gyis phyag 'tshal ba yang bsdus par blta'o//'dis ni lus dang ngag dang yid kyi phyag 'tshal ba'i sgo nas ston pa la mchod pa bstan to/ /de ltar phyag 'tshal te ci zhig bya zhe na/ so sor thar pa brtsam par dam bca' bstan pa'i phyir/thams cad mkhyen pa'i bslab gzhi dkon mchog snod/ /'phags pa'i tshogs kyi dbus su dbye bar bya/ /zhes bya ba gsungs te/ 'dis ni gang gis bstan pa dang / ci zhig bstan pa dang / su la bstan pas so sor thar pa'i che ba nyid brjod nas/ gang gis ci zhig bstan pa de nyid du su la bstan pa'i tshogs kyi dbus su dbye bar bya'o zhes ston to//de la gang gis bstan zhe na/ ston pa ste/ de ni thams cad mkhyen pa zhes bya bas bstan te/ tshig gi don ni snga ma bzhin no/ /ci zhig bstan zhe na/ so sor thar pa ste/ 'di ni bslab gzhi dkon mchog snod ces bya bas bstan te/bslab pa zhes bya ba ni srog gcod pa spong ba la sogs pa'i mtshan nyid do/ /gzhi zhes bya ba ni tshig ste/ de la don gnas pa'i phyir ro/ /dkon mchog ces bya ba ni bslab pa'i gzhi de nyid de chen po rnams kyi rkyen yin pa'i phyir dang / dkon pa'i phyir rin po che dang 'dra bas dkon mchog go//de yang gang zhe na/ rnam par 'byed pa dang / gzhi dang / phran tshegs dang / gzhung bla ma dag go/ /snod ces bya ba ni de dag gi snod de so sor thar pa'i mdo 'di nyid do/ /des ni ston pa thams cad mkhyen pas gsungs pas thams cad mkhyen pa'i bslab gzhi dkon mchog snod ces bya'o//su la bstan zhe na/ nyan thos kyi dge 'dun la ste/ de ni 'phags pa'i tshogs zhes bya bas bstan te/ 'phags pa zhes bya ba ni sdig pa mi dge ba'i chos rnams las ring du gyur pa'o/ /tshogs zhes bya ba ni bzhi yan chad do//gang gis ci zhig bstan pa de nyid su la bstan pa'i tshogs kyi dbus su dbye bar bya ba ni ston pas so sor thar pa bstan pa de nyid nyan thos kyi dge 'dun gyi dbus su dbye bar bya ba ste/ de ni dbus su dbye ba zhes bya bas bstan te dbus su zhes bya ba nang du'o/ /dbye bar bya ba ni gdon par bya ba'o//su dag gi dbus su zhe na/ 'phags pa'i tshogs kyi ste/ dper na rin po che'i snod dbye bar yang rin po che rtog shes pa dag gi tshogs kyi dbus su dbye ba bzhin du thams cad mkhyen pa'i bslab gzhi dkon mchog snod 'di yang bslab gzhi rin po che lta bu rtog shes pa'i 'phags pa'i tshogs kyi dbus su dbye zhing gdon par bya'o zhes bya ba'i tha tshig go//mchod pa'i mtshan nyid bshad zin to// //de'i 'og tu gleng bslang ba'i mtshan nyid bshad par bya ste/ gleng bslang ba'i mtshan nyid ces bya ba ni so sor thar pa'i mdo yang dag par brtsams pa gleng bslang ba'o//de yang so sor thar pa'i che ba nyid thos nas tshogs kyi lam 'bras bu dang bcas par 'dod pas so sor thar pa bsgrub par bya'o zhes gleng bslang dgos pas de'i phyir/ sangs rgyas 'dul ba gang chen mtsho/ /zhes bya ba la sogs pa'i tshigs su bcad pa bcu gcig gsungs so//de la 'dir yang tshigs su bcad pa bcu gcig po de dag gi brjod par bya ba dang / dgos pa dang / 'brel pa dang / dgos pa'i dgos pa brjod par bya ste/ de la brjod par bya ba ni so sor thar pa'i che ba nyid do/ /dgos pa ni rtogs pa'o/ /'brel pa ni rtogs pa de yang gleng bslang ba 'dis byed pas gleng bslang ba'i tshigs su bcad pa'i thabs 'di dang dgos pa thabs las byung ba'i mtshan nyid gnyis 'brel ba'o//dgos pa'i dgos pa ni so sor thar pa'i che ba nyid thos nas tshogs kyi lam 'bras bu dang bcas par 'dod pas so sor thar pa sgrub par byed pa'o//de la tshigs su bcad pa bcu gcig po 'di dag gi bsdus pa'i don ni rnam pa gsum ste/ so sor thar pa'i che ba nyid brjod pa dang / tshogs kyi lam 'bras bu dang bcas par bya ba dang / so sor thar pa bsgrub par bya ba'o/ /de la so sor thar pa'i che ba nyid brjod pa yang rnam pa gsum ste/tshe 'di'i 'bras bu dang / tshe phyi ma'i 'bras bu dang / so sor thar pa la ston pa dang 'dra bar bstod pa'o/ /de la/ sangs rgyas 'dul ba gang chen mtsho/ /zhes bya ba la sogs pa tshigs su bcad pa gsum gyis ni tshe 'di'i 'bras bu bstan to//mtsho bas zab pa'i 'khor ba las zhes bya ba la sogs pa tshigs su bcad pa gnyis kyis ni tshe phyi ma'i 'bras bu bstan to/ /nga ni mya ngan 'da' gyur na/ /zhes bya ba la sogs pa tshigs su bcad pa gcig gis ni so sor thar pa la ston pa dang 'dra bar bstod pa bstan to/ / tshogs kyi lam 'bras bu dang bcas par bya ba yang rnam pa gsum ste/ tshogs kyi lam dkon pa dang / tshogs kyi lam rnyed pa dang / tshogs kyi lam rnyed pas nan tan bya ba'o/ /de la sangs rgyas zhes bya ba'i sgra 'di yang zhes bya ba la sogs pa tshigs su bcad pa gnyis kyis ni tshogs kyi lam dkon pa bstan to//'jig rten sangs rgyas 'byung ba dang / /zhes bya ba la sogs pa'i tshigs su bcad pa gcig gis ni tshogs kyi lam rnyed pa bstan to/ /mkhas pa bdag la legs 'dod cing / /zhes bya ba la sogs pa tshigs su bcad pa gcig gis ni tshogs kyi lam rnyed pas nan tan bya ba bstan to/so sor thar pa bsgrub par bya ba ni rnam pa bzhi ste/ bdag gi dbang du byas pa dang / gzhan gyi dbang du byas pa dang / chos kyi dbang du byas pa dang / bsgrub pa'i mtshan nyid do/ /de la/ dge slong dbang dul kun dbang po/ / zhes bya bas ni bdag gi dbang du byas pa bstan to/ /sangs rgyas mi 'gyur rab byung ba/ /zhes bya bas ni gzhan gyi dbang du byas pa bstan to/ /nges par thar pa 'dod rnams kyis/ /zhes bya bas ni chos kyi dbang du byas pa bstan to/ /so sor thar pa rtag tu bsrungs//zhes bya bas ni bsgrub pa'i mtshan nyid bstan te/ de ni re zhig spyi'i don to/ /yan lag gi don bshad par bya ste/ de la tshe 'di'i 'bras bu'i sgo nas so sor thar pa'i che ba nyid brjod pa'i dbang du mdzad nas/ sangs rgyas 'dul ba gang chen mtsho/ /gting mtha' med pa thams cad kyis//gnas pa'i snying dang snying po ni/ so sor thar pa 'di yin no/ /zhes bya ba la sogs pa tshigs su bcad pa gsum gsungs te/ sangs rgyas 'dul ba zhes bya ba ni sangs rgyas kyis gsungs pa'i 'dul ba'o/ /sangs rgyas zhes bya ba ni sangs rgyas bcom ldan 'das te/don thams cad nges par thugs su chud pa'i phyir ram/ nyon mongs pa bag chags dang bcas pa'i gnyid thams cad dang bral ba'i phyir ro/ /'dul ba zhes bya ba ni 'dul ba'i sde snod 'dul ba rnam par 'byed pa dang / 'dul ba gzhi dang / 'dul ba phran tshegs dang / 'dul ba gzhung bla ma ste/ slob ma rnams dngos po thams cad kyi mchog mya ngan las 'das par 'khrid par byed pa'i phyir ram/ rgyud la kun du spyod pa'i dri ma dang rnam par smin pa'i dri mas skyon chags par byed pa'i nyes pa thams cad rnam par 'dul bar byed pa'i phyir ro/ /gang chen mtsho zhes bya ba ni rgya mtsho ste/sangs rgyas kyis gsungs pa'i 'dul ba de nyid rgya mtsho dang 'dra ba'i phyir ro/ /ji ltar 'dra zhe na/ gting mtha' med pa zhes bya ba gsungs te/ rgya mtsho la gzhi'i gting dpag med pa bzhin du 'dul ba la yang kun nas slong ba'i gting mtha' dpag tu med pa'i phyir dang /rgya mtsho la pha rol gyi mtha' dpag tu med pa bzhin du 'dul ba la yang 'bras bu'i mtha' dpag tu med pa'i phyir ro/ /'dul ba de dag thams cad kyi gnas pa'i snying dang snying po ni so sor thar pa 'di yin no zhes bya bar sbyar te/ gnas pa'i zhes bya ba ni ltung ba sde lnga dang /bzhi bcu rtsa bdun la sogs pa mtshan nyid rnam par gzhag pa'o/ /de'i snying zhes bya ba ni mtshan nyid rnam par gzhag pa de'i rgyur gyur pa ste/ 'phen pa dang sa bon dang kun nas slong ba gang yin pa'o/ /snying po zhes bya ba ni brtan pa rnam par mi g.yo ba ste/mtshan nyid gzhan du mi 'gyur ba'o/ /des ni sangs rgyas kyis gsungs pa'i 'dul ba rgya mtsho lta bu gting dang mtha' med pa thams cad kyi mtshan nyid rnam par gzhag pa'i snying dang snying po ni so sor thar pa 'di yin no zhes bya ba'i sgo nas so sor thar pa'i che ba nyid brjod pa bstan to/ / 'di ni dam chos rgyal po yi/ /chos kun gyi ni 'dren pa mchog /'di ni dge slong tshong tshogs kyi/ /bslab zong tshong khang chen po yin/ zhes bya ba la/ 'di ni zhes bya ba ni so sor thar pa'o/ /dam chos rgyal po zhes bya ba ni sangs rgyas bcom ldan 'das te/ thugs su chud pa dang ston par mdzad pa'i phyir ro//dam chos rgyal po de'i chos kun zhes bya ba ni mdo'i sde la sogs pa'i chos thams cad do/ /chos de dag gi 'dren pa mchog /ces bya ba ni rgyal po'i blon po rin po che dang 'dra'o zhes bya ba'i tha tshig ste/ 'di la brten te de dag 'byung ba'i phyir ro//yang de nyid bye brag tu bya ba'i phyir 'di ni zhes bya ba la sogs pa gsungs te/ 'di ni zhes bya ba ni so sor thar pa'o/ /dge slong tshong tshogs zhes bya ba ni dge slong mya ngan las 'das pa'i nor bu rin po che 'dod pa tshong pa lta bu'i tshogs don mthun pa dag go/ / de dag gi bslab zong zhes bya ba ni mya ngan las 'das pa'i nor bu rin po che sgrub pa'i zong tshul khrims kyi nor/ de ni tshong khang zhes bya ba ni bslab pa'i zong bcer ba'i gnas te/ so sor thar pa'i nang du bslab pa thams cad 'dus pa'i phyir ro/ /chen po zhes bya ba ni bslab pa rin po che'i gnas yin pa'i phyir dang /chen po rnams la 'os pa'i phyir ro/ /de dag gis ni chos kun gyi 'dren pa mchog yin pa dang / bslab pa'i zong gi tshong khang chen po yin pa'i sgo nas so sor thar pa'i che ba nyid brjod pa bstan to/ /tshul khrims 'chal pas zin rnams kyi//gdug pa rnam sel sman 'di yin/ /'di ni lang tsho rnam 'khrul pa'i/ /rkang gnyis gzhon nu'i lcags kyo yin/ /zhes bya ba la/ tshul khrims 'chal pa zhes bya ba ni bslab pa nyams pa lhag ma dang bcas pa ste/ bdag dang gzhan la gnod pa nyid kyis sbrul chen po dug myur du khyab par byed pa dang 'dra ba'i phyir/des zin pa zhes bya ba ni nyams par byas pa'o/ /des zin pa'i gang zag rnams kyi gdug pa zhes bya ba ni ltung ba ste sbrul gyi dug dang 'dra ba'i phyir ro/ /rnam sel zhes bya ba ni rnam par gnon pa ste/ kun du spyod pa sel ba'i phyir ro/ /sman zhes bya ba ni gnod sel te/ 'dis sbyong bar ston pa'i phyir ro/ /de yang so sor thar pa 'di yin te/ des ni ltung ba rnam par sel ba'i rgyud nyid du bstan to/ /yang de nyid bye brag tu bstan pa'i phyir/ 'di ni zhes bya ba la sogs pa gsungs te/'di ni zhes bya ba ni so sor thar pa'o/ /lang tsho zhes bya ba ni gzhon pa nyid do/ /rnam 'khrul pa'i zhes bya ba ni bag med pa la sogs pas rnam par rmongs pa'o/ /rkang gnyis zhes bya ba ni mi'o/ /gzhon nu zhes bya ba ni bya ba dang bya ba ma yin pa mi shes pa'o/ /lcags kyo zhes bya ba ni glang po che'i lcags kyo dang 'dra ba ste/bsnyil ba dang spo ba la sogs pa'i nyes dmigs ston pas kun du skrag par byed pa yin pa'i phyir ro/ /des ni 'dul dka' ba rnams yang dag par sdom pa'i rgyu nyid du bstan to/ /de ltar tshigs su bcad pa gsum po de dag gis ni so sor thar pa la brtsam par byas na tshe 'di la 'bras bu de lta bu 'thob pas tshe 'di'i 'bras bu'i sgo nas so sor thar pa'i che ba nyid brjod pa bstan to//tshe phyi ma'i 'bras bu'i sgo nas so sor thar pa'i che ba nyid brjod pa'i dbang du mdzad nas/ mtsho bas zab pa'i 'khor ba las//sgrol ba'i rgal thabs 'di yin te/ /'di ni bzang 'gror 'gro ba yin/ /nges pa'i chu lon zam pa yin/ /zhes bya ba la sogs pa tshigs su bcad pa gnyis gsungs te/ mtsho bas zab pa'i 'khor ba zhes bya ba ni rgya mtsho dug can pa bas kyang zab cing ches gting slebs par dka' ba'i 'khor ba 'gro ba lnga'i 'jig rten no//'khor ba de las sgrol ba'i rgal thabs zhes bya ba ni rnam par grol bar 'gyur ba'i lam ste/ zam pa dang gru dang gzings dang rkyal pa la sogs pa lta bu'o/ /de yang so sor thar pa 'di yin te/ tshul khrims rnam par dag na lam skye ba'i phyir ro//des ni 'khor ba las sgrol zhing nges par legs pa'i lam 'thob pa'i thabs yin par bstan to/ /'di ni zhes bya ba ni so sor thar pa'o/ /bzang 'gro zhes bya ba ni bde 'gro mtho ris te/ lha dang mi'i 'gro ba'o/ /der 'gro ba zhes bya ba ni der 'jug cing 'thob pa'o//nges pa zhes bya ba ni bstan pa gcig tu gyur pa gdon mi za ba'o/ /chu lon zam pa zhes bya ba ni chu yang 'gog la rgyun sa'i zam par yang gyur pa ste/ ngan song gi chu bo yang 'gog la mtho ris su 'gro ba'i zam pa yang yin pa'i phyir ro/ / de ni so sor thar pa 'di yin te/ tshul khrims ni bde 'gro'i rgyu yin pa'i phyir ro/ /des ni ngan song las grol zhing mngon par mtho ba'i lam thob pa'i thabs yin par bstan to/ /'di ni nyon mongs pham byed lam/ /rgyal po yi ni 'dren pa mchog /'di ni thar pa'i grong 'jug pa'i//them skas gzhi dang 'dra bar gnas/ /zhes bya ba la/ 'di ni zhes bya ba ni so sor thar pa'o/ /nyon mongs zhes bya ba ni 'dod chags dang khong khro ba la sogs pa nyon mongs pa dag go/ /pham byed ces bya ba ni spong bar byed pa'o/ /de gang zhe na/ lam ste/ 'phags pa'i lam yan lag brgyad pa'o/ /rgyal po zhes bya ba ni nyon mongs pa pham par byed pa'i lam de nyid rgyal po dang 'dra bas rgyal po zhes bya ste/ nyon mongs pa'i dgra pham par byed pa'i phyir ro/ /'dren pa mchog ces bya ba ni rgyal po'i snying tshoms lta bu ste/ 'dis 'phags pa'i lam 'dren par byed pa'i phyir ro//des ni 'khor ba'i rgyu nyon mongs pa spong zhing mya ngan las 'das pa'i rgyu 'phags pa'i lam 'dren pa yin par bstan to/ /'di ni zhes bya ba ni so sor thar pa'o/ /thar pa zhes bya ba ni mya ngan las 'das pa'o/ /grong zhes bya ba ni thar pa de nyid grong khyer dang 'dra bas grong zhes bya ste/'tshe ba thams cad dang bral ba'i phyir ro/ /'jug pa zhes bya ba ni 'gro ba'o/ /them skas gzhi zhes bya ba ni them skas kyi rten ma'o/ /so sor thar pa 'di ni de dang 'dra bar gnas pa yin te/ lam gyi gzhi ni tshul khrims yin pa'i phyir ro//des ni mya ngan las 'das pa'i 'bras bu thob pa'i rgyu 'phags pa'i lam gyi gzhi nyid yin par bstan to/ /de ltar tshigs su bcad pa gnyis po de dag gis ni so sor thar pa la brtsal ba byas na tshe phyi ma la 'bras bu de lta bu thob pas tshe phyi ma'i 'bras bu'i sgo nas so sor thar pa'i che ba nyid brjod pa bstan to//so sor thar pa la ston pa dang 'dra bar bstod pa'i sgo nas so sor thar pa'i che ba nyid brjod pa'i dbang du mdzad nas/ nga ni mya ngan 'das gyur na/ /'di ni khyod kyi ston pa zhes/ /rang byung nyid kyis gus par bcas/ / nan tan dge slong tshogs mdun bstod/ /zhes bya ba tshigs su bcad pa gcig gsungs te/ nga ni zhes bya ba ni bcom ldan 'das nyid do/ /mya ngan 'das gyur na zhes bya ba ni phung po'i lhag ma ma lus pa'i mya ngan las 'das pa'i dbyings su'o/ /'di ni zhes bya ba ni so sor thar pa'o//khyod kyi zhes bya ba ni nyan thos kyi dge slong rnams kyi'o/ /ston pa zhes bya ba ni ston pa dang 'dra'o zhes so/ /rang byung zhes bya ba ni bcom ldan 'das te/ gzhan gyi lung med par bla na med pa'i mkhyen pa brnyes pa'i phyir ro/ /nyid kyis zhes bya ba ni rang gi zhal nyid kyis so/ /gus bcas par zhes bya ba ni dgongs pa gtad de'o//nan tan zhes bya ba ni lhur bzhes nas so/ /dge slong zhes bya ba ni gsol ba dang bzhi'i las kyis bsnyen par rdzogs pa'i dge slong ngo / /tshogs zhes bya ba ni mang po 'dus pa'o/ /mdun zhes bya ba ni mngon sum du'o/ /bstod ces bya ba ni ston pa dang 'dra'o zhes so//des ni ston pa bcom ldan 'das yongs su mya ngan las 'das pa'i tshe na dge slong dag deng phyin chad bdag la ston pa med par 'gyur ro snyam du dogs pa bzlog pa'i phyir bcom ldan 'das kyis 'di skad ces nga yongs su mya ngan las 'das par gyur pa na/so sor thar pa 'di khyed la ston par byed par 'gyur ro zhes bstod par mdzad nas so sor thar pa la ston pa dang 'dra bar bstod pa'i sgo nas so sor thar pa'i che ba nyid brjod pa bstan to/ /tshogs kyi lam dkon pas tshogs kyi lam 'bras bu dang bcas par bya ba'i dbang du mdzad nas/sangs rgyas zhes bya'i sgra 'di yang / /'jig rten dag na rab tu dkon/ /mi nyid shin tu rnyed par dka'/ /rab tu byung ba shin tu dkon/ /zhes bya ba la sogs pa tshigs su bcad pa gnyis gsungs so/ /tshogs kyi lam zhes bya ba ni sbyor ba'i lam dang rnam par dag pa'i lam 'thob pa'i tshogs dang gzhir gyur pa'i lam rnam pa bcu gsum ste/gzhan gyi 'byor pa dang / bdag gi 'byor pa dang / dge ba'i chos la 'dun pa dang / tshul khrims kyi sdom pa dang / dbang po sdom pa dang / zas kyi tshod rig pa nyid dang / nam gyi cha stod dang nam gyi cha smad la mi nyal bar sbyor ba'i rjes su brtson pa nyid dang /shes bzhin du spyod pa nyid dang / dge ba'i bshes gnyen dang / dam pa'i chos nyan cing sems pa dang / bar chad med pa dang / gtong ba spel ba dang / dge slong gi rgyan gang yin pa'o/ /de la/ sangs rgyas zhes bya'i sgra 'di yang //'jig rten dag na rab tu dkon/ /zhes bya bas ni gzhan gyi 'byor pa dkon par bstan te/ gzhan gyi 'byor pa gang zhe na/ de ni rnam pa lnga ste/ sangs rgyas rnams 'byung ba dang / dam pa'i chos ston pa dang / chos bstan pa rnams gnas pa dang / chos gnas pa rnams rjes su 'jug pa dang /gzhan gyi phyir rjes su snying brtse bar byed pa'o/ /des ni tha na sangs rgyas zhes bya ba'i sgra 'di yang 'jig rten na rab tu dkon na sangs rgyas rnams 'byung ba lta smos kyang ci dgos/ sangs rgyas rnams 'byung ba dkon na dam pa'i chos ston pa la sogs pa lta smos kyang ci dgos zhes bstan to//mi nyid rnyed par shin tu dka'/ /zhes bya bas ni bdag gi 'byor pa dkon par bstan te/ bdag gi 'byor pa gang zhe na/ de yang rnam pa lnga ste/ mir gyur pa dang / yul dbus su skyes pa dang / dbang po tshang ba dang / gnas la dad pa dang /las kyi mtha' ma log pa'o/ /des ni mir gyur pa nyid kyang shin tu rnyed par dka' na yul dbus su skyes pa la sogs pa lta smos kyang ci dgos zhes bstan to/ /rab tu byung ba shin tu dkon/ /zhes bya ba ni dge ba'i chos la 'dun pa dkon pa ste/ dge ba'i chos la 'dun pa gang zhe na/ de bzhin gshegs pa'am/ de'i nyan thos dag las chos thos shing dad pa thob par gyur la dad pa thob nas khyim nas khyim med par rab tu 'byung zhing nan tan gyis bsgrub par bya'o zhes de ltar yang dag par slob pa gang yin pa'o/ /des ni chos thos shing dad pa thob pa yang shin tu dkon na rab tu 'byung zhing nan tan gyis sgrub par byed pa lta smos kyang ci dgos zhes bstan to//de bzhin rab tu byung rnams kyi/ /tshul khrims phun sum tshogs rab dkon/ /zhes bya bas ni tshul khrims kyi sdom pa dang / dbang po sdom pa dang / zas kyi tshod rig pa nyid dang /nam gyi cha stod dang nam gyi cha smad la mi nyal bar sbyor ba'i rjes su brtson pa nyid dang / shes bzhin du spyod pa nyid dkon par bstan te/ tshul khrims kyi sdom pa gang zhe na/ rnam pa drug ste/ rnam par dbye ba dang / bsdu ba dang / phun sum tshogs pa dang / rnam grangs dang / rnam par dag pa dang / phan yon no/ /de la rnam par dbye ba ni rnam pa drug ste/ tshul khrims dang ldan par gnas pa dang / so sor thar pa'i sdom pas bsdams pa dang / cho ga phun sum tshogs pa dang / spyod yul phun sum tshogs pa dang / kha na ma tho ba phra rab dag la yang 'jigs par lta ba dang /bslab pa'i gzhi rnams yang dag par blangs te slob pa'o/ /bsdu ba ni rnam pa gsum du bsdu ba ste/ tshul khrims yang dag par blangs pa dang / nges par 'byin pa'i tshul khrims dang tshul khrims bsgom pa'o/ /phun sum tshogs pa ni rnam pa bcus phun sum tshogs par 'gyur te/dang po nyid nas legs par blangs pa dang / ha cang zhum pa ma yin pa dang / ha cang thal ches pa ma yin pa dang / bag yod pa dang / brtson 'grus kyis yongs su zin pa dang / yang dag par sdom pa dang / cho ga ma nyams pas yongs su zin pa dang /'tsho ba ma nyams pas yongs su zin pa dang / mtha' gnyis su ma lhung ba dang / nges par byung ba dang / yang dag par blangs pa yongs su ma nyams pa'o/ /rnam grangs ni rnam pa drug ste/ la lar tshul khrims rtsa ba'i don du gsungs pa dang / la lar rgyan dang /la lar byug pa dang / la lar spos dang / la lar legs par spyad pa dang / la lar sdom pa'i sgra gsungs pa'o/ /rnam par dag ni rnam pa gsum ste/ tshul khrims kyi sdom pa de yongs su dag par bya ba'i phyir lus kyi las la so sor rtog par byed pa dang / ngag gi las la so sor rtog par byed pa dang /yid kyi las la so sor rtog par byed pa'o/ /phan yon ni tshul khrims kyi phan yon rnam pa bcu ste/ 'gyod pa med par rim gyis mchog tu dga' ba sngon du 'gro ba'i chos thob par 'gyur ba dang / 'gyod pa med par 'chi ba'i dus byed par 'gyur ba dang /phyogs bcur snyan pa'i bsgrags par 'gyur ba dang / bde bar gnyid kyis log cing bde bar sad par 'gyur ba dang / gnyid log pa na lha rnams srung bar 'gyur ba dang / gzhan las sdig pa'i bag tsha ba dang / 'jigs pa dang / dngang ba med par 'gyur ba dang /dgra bo rnams kyis glags shig rnyed na yang tshul khrims rnam par dag pa'i dbang gis de dag srung ba la sogs pa phan 'dogs par 'gyur ba dang / gnod sbyin dang mi ma yin pa gdug pa gnyug mar gnas pa rnams kyis glags shig rnyed na yang tshul khrims rnam par dag pa'i dbang gis de dag bsrung ba la sogs pas phan 'dogs par 'gyur ba dang /gzhan la chos gos la sogs pa dag chos kyis tshegs chung ngus 'grub par 'gyur ba dang / gang du skye bar 'dod pa la sogs pa'i smon lam thams cad yang dag par 'grub par 'gyur ba'o/ / dbang po sdom pa gang zhe na/ de tshul khrims kyi sdom pa de nyid la brten nas dran pa kun du srung ba dang / dran pa la rtag 'grus byed pa dang / dran pas yid kun du srung ba dang / gnas skabs mnyam pa la 'jog par byed cing / mig dang / rna ba dang / sna dang / lce dang / lus dang /yid kyi gzugs dang / sgra dang / dri dang / ro dang / reg bya dang / chos rnams rnam par shes pa na yang mtshan mar mi 'dzin cing mngon rtags su mi 'dzin la/ gzhi gang kho na las de'i sems kyi rjes su sdig pa mi dge ba'i chos rnams zag par 'gyur ba de dag bsdam par bya ba'i phyir sgrub par byed cing dbang po rnams kyang srung bar byed la dbang po rnams kyis kyang sdom pa sgrub par byed pas dbang po rnams kyi sgo bsdams pa yin no//zas kyi tshod rig pa nyid gang zhe na/ de ltar dbang po bsdams pa de so sor brtags shing zas za bar byed la rnam par rtog pa'i phyir ma yin/rgyags pa'i phyir ma yin/ sgeg pa'i phyir ma yin/ brgyan pa'i phyir ma yin gyi lus 'di gnas par bya ba dang / 'tsho bar bya ba dang / bkres pa bsal bar bya ba dang / tshangs par spyod pa la phan par bya ba dang / tshor ba rnying pa rnams spang bar bya ba dang /gsar pa rnams mi skye bar bya ba'i phyir dang / bdag 'tsho zhing stobs dang bde ba dang / kha na ma tho ba med pa dang bde ba la reg par gnas par yang 'gyur ro snyam du sems shing zas za ba yin no/ /nam gyi cha stod dang nam gyi cha smad la mi nyal bar sbyor ba'i rjes su brtson pa nyid gang yin zhe na/de ltar zas kyi tshod rig pa de nyid mtshan mo 'chag pa dang 'dug pa dag gis sgrib par 'gyur ba'i chos rnams las sems yongs su sbyong bar byed cing / mtshan mo'i thun dang po la yang 'chag pa dang 'dug pa dag gis sgrib par 'gyur ba'i chos rnams las sems yongs su sbyong bar byed la/mtshan mo'i gung thun la gtsug lag khang nas phyir byung ste gtsug lag khang gi phyi rol du rkang pa bkrus nas gtsug lag khang gi nang du zhugs te/ glo g.yas pa phab ste rkang pa rkang pa'i steng du gzhag ste snang ba'i 'du shes dang dran pa dang shes bzhin dang ldan pa kho na'i 'du shes yid la byed bzhin du nyal bar byed pa dang /mtshan mo'i thun tha ma la yang myur ba myur ba kho nar sad par byas nas 'chag pa dang 'dug pa dag gis sgrib par 'gyur ba'i chos rnams las sems yongs su sbyong bar byed pa yin no/ /shes bzhin du spyod pa nyid gang zhe na/de ltar mi nyal bar sbyor ba'i rjes su brtson par gyur pa de 'gro ba dang / ldog pa la shes bzhin du spyod par byed pa dang / chung zad bltas pa dang / rnam par bltas pa dang / bskum pa dang / brkyang ba dang / snam sbyar dang / chos gos dang / lhung bzed bcangs pa dang /zos pa dang / 'thungs pa dang / 'chos pa dang / myangs pa dang / song ba dang / sdod pa dang / 'dug pa dang / nyal ba dang / mi nyal ba dang / smra ba dang / mi smra ba dang / gnyid kyis snyom pa bsang ba la yang shes bzhin du spyod pa yin no/ /de nas ni tshul khrims kyi sdom pa yang rab tu dkon na dbang po sdom pa la sogs pa lta smos kyang ci dgos zhes bstan to//tshul khrims yongs su dag gyur kyang / /grogs bzang shin tu rnyed par dka'/ /zhes bya bas ni dge ba'i bshes gnyen dang / dam pa'i chos nyan cing sems pa dang / bar chad med pa dang /gtong ba spel ba dang / dge sbyong gi rgyan dkon par bstan te/ dge ba'i bshes gnyen gang zhe na/ rgyu rnam pa brgyad kyis na rnam pa thams cad yongs su rdzogs pa'i dge ba'i bshes gnyen yin par rig par bya ste/ brgyad gang zhe na/ tshul khrims la gnas pa dang /mang du thos pa dang / rtog pa dang ldan pa dang / rjes su snying brtse ba dang ldan pa dang / yid yongs su mi skyo ba dang / bzod pa dang ldan pa dang / mi 'jigs pa dang ldan pa dang / tshig gi bya ba dang ldan pa yin no/ /dam pa'i chos nyan cing sems pa gang zhe na/ dam pa sangs rgyas dang /sangs rgyas kyi nyan thos rnams kyis bstan pa'i chos gsung rab tu gtogs pa yan lag bcu gnyis sde snod gsum gyis bsdus pa dag 'dzin cing tshig 'bru dang don nyan pa dang / gcig tu dben par song ste bsam gyis mi khyab pa'i gnas rnams spangs nas ji skad thos pa de dag nyid rang dang spyi'i mtshan nyid kyi sgo nas bgrang ba'i rnam pas chos rnams la bgrang ba'i tshul gyis sems par byed pa dang /gzhal ba'i rnam par rigs pas yon tan dang / skyon nye bar brtag pa'i tshul gyis sems par byed pa yin no/ /bar chad med pa gang zhe na/nang la brten pa'i bar chad dang / phyi rol la brten pa'i bar chad med pa ste/ de la nang la brten pa'i bar chad ni sngon bsod nams ma byas pa'i phyir 'tsho ba'i yo byad rkyen du 'bab ba dag dus dus su rnyed par mi 'gyur ba dang / 'dod chags dang / zhe sdang dang /gti mug shas che zhing yun ring ba dang / sngon nad mang bar 'gyur ba'i las byas pas nad mang ba dang / tshe 'di la mi mthun par spyad pas de'i lus la rlung dang / mkhris pa dang / bad kan 'khrug cing gsud pa la sogs par 'gyur ba dang / zas la gdu ba dang / don mang ba dang / bya ba mang ba dang / tshogs 'du ba mang ba dang / las la dga' ba dang / smra ba la dga' ba dang / gnyid la dga' ba dang / bre mo gtam la dga' ba dang / 'du 'dzi la dga' ba dang / bdag nyid rab tu 'dzin pa dang / mi brtan pa dang / bag med pa dang / yul ngan par skyes pa dang / de lta bu dang mthun pa dag go/ /phyi rol la brten pa'i bar chad ni skyes bu dam pa ma yin pa la brten cing / de las rjes su mthun pa'i gdams ngag dang rjes su bstan pa dus dus su mi 'thob pa dang / yul ngan par gnas pas nyin mo mi sdug pa mang ba dang /mtshan mo skye bo mang po rtag tu sgra 'byin cing ca co mang la klag cor che ba dang / rlung dang nyi ma'i reg pa grang zhing tsha ba dang / mi dang mi ma yin pas 'jigs pa dang / de lta bu dang mthun pa dag go/ /gzhan yang bar chad rnam pa gsum ste/ sbyor ba'i bar chad dang / rab tu dben pa'i bar chad dang / nang du yang dag 'jog gi bar chad dag med pa ni bar chad med pa yin no/ /gtong ba spel ba gang zhe na/ sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob par bya ba'i phyir kha na ma tho ba med pa'i sbyin pa sbyin par byed pa ste/ de yang sus sbyin par byed/su la sbyin par byed/ ci zhig sbyin par byed/ cis sbyin par byed/ ci ltar sbyin par byed/ ci'i phyir sbyin par byed cing / gang gis de'i sbyin pa kha na ma tho ba med par 'gyur ba yin zhe na/ sbyin pa po dang / sbyin bdag gis sbyin par byed do/ /su la sbyin par byed ce na bzhi la ste/sdug bsngal ba dang / phan 'dogs pa dang / sdug pa dang / khyad par can la sbyin par byed do/ /ci zhig sbyin par byed ce na/ sems can du bgrang ba dang / sems can du bgrang ba ma yin pa'i dngos po sbyin par byed do/ /cis sbyin par byed ce na/ sems mngon par 'du byed pa yid kyi las chags pa med pa dang ldan pa'i sems pa gang yin pa dang /sbyin par bya ba'i dngos po yongs su gtang bar bya ba'i phyir rang gi rgyud dang gzhan gyi rgyud la des kun nas bslang ba'i lus dang ngag gi las gang yin pa des sbyin par byed do/ /ji ltar sbyin par byed ce na/ma 'ongs pa la lta ba dang / 'bras bu mthong ba'i dad pas sbyin par byed pa dang / 'dud pa'i sems kyis gus par sbyin par byed pa dang / brnyas pa med par rang gi lag nas sbyin par byed pa dang / gzhan la mkho ba'i dus su sbyin par byed pa dang / chos dang mthun pa dang /gzu lums ma yin par legs pa bsgrubs te/ gzhan la mi gnod par sbyin par byed pa dang / gtsang ba dang / bzang po dang / dam pa dang / rung ba sbyin par byed pa dang / ser sna'i dri ma dang gsog 'jog gi dri ma bsal te sbyin par byed pa dang / sbyin pa'i snga rol du yang yid dga' ba la sbyin pa'i tshe na yang rab tu dang bar byed cing byin nas kyang 'gyod pa med par 'gyur ba de ltar sbyin par byed do//ci'i phyir sbyin par byed ce na/ sdug bsngal ba rnams la snying rje ba'i phyir dang / phan 'dogs pa rnams la byas pa gzo ba'i phyir dang / sdug pa rnams la byams pa dang gus pa dang gcugs pa'i phyir dang /khyad par can rnams la 'jig rten dang 'jig rten las 'das pa'i khyad par 'dod pa'i phyir sbyin par byed do/ /gang gis de'i sbyin pa kha na ma tho ba med par 'gyur ba yin zhe na/ de sems kyi rgyan dang / sems kyi yo byad dang /rnal 'byor gyi tshogs dang / don gyi mchog thob par bya ba'i phyir rnam pa de dag gis khyim pa'am rab tu byung ba dag la sbyin pa sbyin par byed na sbyin pa de ni kha na ma tho ba med par 'gyur ba yin te/ de ni gtong ba spel ba zhes bya'o/ /dge sbyong gi rgyan gang zhe na/ mdor bsdu na rnam pa bcu bdun te/dad pa dang ldan pa dang / g.yo med pa dang / nad nyung ba dang / brtson 'grus brtsams pa'i rang bzhin can dang / shes rab rno ba dang / 'dod pa chung ba dang / chog shes pa dang / gso sla ba dang / dgang sla ba dang / sbyangs pa'i yon tan dang ldan pa dang / mdzes pa dang / drod rig pa dang / skyes bu dam pa'i chos dang ldan pa dang / mkhas pa'i rtags dang ldan pa dang / bzod pa che ba dang / des pa dang / gya nom pa yin no/ /des ni dge ba'i bshes gnyen yang shin tu rnyed par dka' na dam pa'i chos nyan cing sems pa la sogs pa lta smos kyang ci dgos zhes bstan to//de ltar tshigs su bcad pa gnyis po de dag gis ni tshogs kyi lam dkon pas de 'bras bu dang bcas par bya dgos pa'i sgo nas tshogs kyi lam 'bras bu dang bcas par bya ba bstan to//tshogs kyi lam rnyed pas tshogs kyi lam 'bras bu dang bcas par bya ba'i dbang du mdzad nas/ 'jig rten sangs rgyas 'byung ba dang / /mi dang rab tu byung ba dang / /tshul khrims phun sum tshogs pa dang / /grogs bzang rnyed dka' rnyed gyur na/ /zhes bya ba tshigs su bcad pa gcig gsungs te/'jig rten sangs rgyas 'byung ba dang / /zhes bya bas ni gzhan gyi 'byor pa rnyed pa bstan to/ /mi dang zhes bya bas ni bdag gi 'byor pa rnyed pa bstan to/ /rab tu byung ba dang zhes bya bas ni dge ba'i chos la 'dun pa rnyed pa bstan to/ /tshul khrims phun sum tshogs pa dang //zhes bya bas ni tshul khrims kyi sdom pa dang / dbang po'i sdom pa dang / zas kyi tshod rig pa nyid dang / nam gyi cha stod dang nam gyi cha smad la mi nyal bar sbyor ba'i rjes su brtson pa nyid dang / shes bzhin du spyod pa nyid rnyed pa bstan to/ / grogs bzang rnyed dka' rnyed gyur nas/ /zhes bya bas ni dge ba'i bshes gnyen dang / dam pa'i chos nyan cing sems pa dang / bar chad med pa dang / gtong ba spel ba dang / dge sbyong gi rgyan rnyed pa bstan to/ /de ltar tshigs su bcad pa gcig po des ni tshogs kyi lam rnyed pas de'i 'bras bu dang bcas par bya dgos pa'i sgo nas tshogs kyi lam 'bras bu dang bcas par bya ba bstan to//tshogs kyi lam rnyed pas nan tan bya ba'i sgo nas tshogs kyi lam 'bras bu dang bcas par bya ba'i dbang du mdzad nas/ mkhas pa bdag la legs 'dod cing / / de dag 'bras bcas byed 'dod pa/ /sdom brtson rnams kyis so sor thar/ /mnyan pa'i phyir ni 'bad par bya/ /zhes bya ba tshigs su bcad pa gcig gsungs te/ mkhas pa zhes bya ba ni mkhas pa'i rtags dang ldan pa ste/ lus kyis legs par bya ba byed pa dang / ngag gis legs par smra ba brjod pa dang /yid kyis legs par bsam pa sems pa'o/ /bdag la legs 'dod cing zhes bya ba ni bdag nyid shes pa zhes bya ba'i tha tshig go/ /de dag 'bras bcas byed 'dod pa/ /zhes bya ba ni tshogs kyi lam de dag 'bras bu dang bcas par byed 'dod pa ste/sbyor ba'i lam dang rnam par dag pa'i lam thob par 'dod pa zhes bya ba'i tha tshig go/ /sdom brtson rnams kyis zhes bya ba ni rab tu byung ba rnams kyis so/ /de rnams kyis so sor thar pa mnyan pa'i phyir 'bad par bya'o zhes bya bar sbyar te/ thos pa dang / gzung ba dang / 'dzin pa dang / bsgrub pa la 'bad par bya'o zhes bya ba'i tha tshig go/ /de ltar tshigs su bcad pa gcig po des ni tshogs kyi lam rnyed pas nan tan bya ba'i sgo nas tshogs kyi lam 'bras bu dang bcas par bya ba bstan to/ /bdag gi dbang du byas nas so sor thar pa bsgrub pa bstan ba'i phyir/dge slong dbang dul kun dbang po/ /zhes bya ba gsungs te/ dbang dul zhes bya ba ni mig la sogs pa dbang po lnga po dag bsrungs pa ste/ mig gis gzugs mthong na mtshan mar mi 'dzin mngon rtags su mi 'dzin cing / rjes su chags pa dang / khong khro bar mi 'gyur ba la sogs pa'o//kun dbang po zhes bya ba ni gnas skabs mnyam pa la 'jog pa ste/ dbang po dang / dmigs pa dang / yul dang / dus dang / gang zag la sogs pa'i gnas skabs thams cad la dbang po dul bar byed pa'o/ /des ni bdag nyid kyi bsam pa shin tu rnam par dag pa'i phyir dge slong tshul khrims rnams las bslab pa nyams par byed pa ni bdag nyid la brten te ngo tsha shes pa skye ba'i sgo nas bdag gi dbang du byas te so sor thar pa bsgrub par bya ba bstan to//gzhan gyi dbang du byas nas so sor thar pa bsgrub pa bstan pa'i phyir/sangs rgyas mi 'gyur rab byung ba/ /zhes bya ba gsungs te/ sangs rgyas zhes smos pa ni sangs rgyas las sam sangs rgyas kyi phyir rab tu byung ba zhes bya bar sbyar ro/ /mi 'gyur zhes bya ba ni nges shing 'khrul pa med pa ste/ bu lon gyis 'jigs pa'am/'tsho ba med pas 'jigs pa'am/ rgyal pos 'jigs pa la sogs pas rab tu byung ba ma yin gyi tshul khrims dang po nyid nas yang dag par blangs pa'i yon tan dang ldan pa'o/ /rab byung ba zhes bya ba ni pha rol las legs par yang dag par blangs te mgo bregs pa'o//des ni pha rol las sems legs par yang dag par blangs pa'i phyir dge slong tshul khrims rnams las bslab pa nyams par byed pa na pha rol la brten te khrel yod pa skye ba'i sgo nas gzhan gyi dbang du byas te so sor thar pa bsgrub par bya ba bstan to//chos kyi dbang du byas nas so sor thar pa bsgrub pa bstan pa'i phyir/ nges par thar pa 'dod rnams kyis/ /zhes bya ba gsungs te/ nges par thar pa zhes bya ba ni mya ngan las 'das pa ste/ sdug bsngal gtan spangs pa'i phyir ro/ /'dod rnams kyis zhes bya ba ni don du gnyer ba rnams kyis so//des ni nyams par gyur na phyir gso bar byed pa'i phyir dge slong tshul khrims rnams las bslab pa nyams pas na 'gyod pa med pa'i sgo nas chos kyi dbang du byas te/ so sor thar pa bsgrub par bya ba bstan to/ /bsgrub pa'i mtshan nyid kyis so sor thar pa bsgrub pa bstan pa'i phyir/so sor thar pa rtag tu bsrungs/ /zhes bya ba gsungs te/ rtag tu bsrungs zhes bya ba ni thog ma nyid nas nyams par mi 'gyur bar gus pa skyed cing zhes bya ba'i tha tshig go/ /des ni mi nyams par bya ba'i phyir gus pa skyes nas dran pa nye bar gnas pa'i phyir dge slong tshul khrims yang dag par blangs pa bsrungs pa'i sgo nas bsgrub pa'i mtshan nyid kyis so sor thar pa bstan to//gleng bslang ba'i mtshan nyid bshad zin to// //de'i 'og tu yang dag par brtsams pa'i mtshan nyid bshad par bya ste/ yang dag par brtsams pa'i mtshan nyid ces bya ba ni so sor thar pa'i gzhung rgyas pa yang dag par brtsam pa'o/ /de yang so sor thar pa rnyed dka' ba dang / dkon mchog gsum 'byung ba bde ba la sogs pa'i sgo nas yang dag par brtsams dgos pas de'i phyir/ bskal ba bye ba rnams su yang //zhes bya ba la sogs pa'i tshigs su bcad pa drug gsungs so/ /de la 'dir yang tshigs su bcad pa drug po de dag gi brjod par bya ba dang / dgos pa dang / 'brel pa dang / dgos pa'i dgos pa brjod par bya ste/ de la brjod par bya ba ni so sor thar pa la gus par bya ba'o//dgos pa ni gus par byed pa'o/ /'brel pa ni gus par bya ba de yang yang dag par brtsams pa 'dis byed pas yang dag par brtsams pa'i tshigs su bcad pa'i thabs 'di dang / dgos pa thabs las byung ba'i mtshan nyid gnyis 'brel pa'o/ / dgos pa'i dgos pa ni so sor thar pa la gus par gyur nas so sor thar pa yang dag par brtsam par 'dod pas so sor thar pa'i gzhung rgyas pa nyan pa la sogs pa byed pa'o/ /de la tshigs su bcad pa drug po 'di dag gi bsdus pa'i don ni rnam pa bdun te/ so sor thar pa rnyed dka' ba dang /dkon mchog gsum 'byung ba bde ba dang / dge ba'i bshes gnyen la brten pa bde ba dang / sdig pa'i grogs po spangs pa bde ba dang / dge ba'i bshes gnyen gyi khyad par la brten pa bde ba dang / thob par bya ba dang / de bsgrub pa bde ba dang /sgrub par byed pa sbyangs pa'i yon tan dang ldan pa bde ba'o/ /de la/ bskal pa bye ba rnams su yang / /zhes bya ba la sogs pa tshigs su bcad pa gcig gis ni so sor thar pa rnyed dka' ba bstan to/ /sangs rgyas rnams ni 'byung ba bde/ /zhes bya ba la sogs pa tshigs su bcad pa gcig gis ni dkon mchog gsum 'byung ba bde ba bstan to//'phags pa rnams ni mthong ba bde/ /dam pa dag dang 'grogs pa bde/ /zhes bya bas ni dge ba'i bshes gnyen la brten pa bde ba bstan to/ /byis pa rnams ni ma mthong na/ /rtag tu bde ba nyid du 'gyur//zhes bya bas ni sdig pa'i grogs po spangs pa bde ba bstan to/ /tshul khrims ldan pa mthong ba bde/ /zhes bya ba la sogs pa tshigs su bcad pa gcig gis ni dge ba'i bshes gnyen gyi khyad par la brten pa bde ba bstan to/ /'jug ngogs bde ba'i chu klung bde//zhes bya ba la sogs pa tshigs su bcad pa gcig gis ni thob par bya ba dang / de sgrub pa bde ba bstan to/ /nges par byas shing dbang po thul ba dag /ces bya ba la sogs pa tshigs su bcad pa gcig gis ni sgrub par byed pa sbyangs pa'i yon tan dang ldan pa bde ba bstan te/de ni re zhig spyi'i don yin no/ /da ni yan lag gi don bshad par bya ste/ de la so sor thar pa rnyed dka' ba'i sgo nas so sor thar pa yang dag par brtsam pa'i dbang du mdzad nas/ bskal pa bye ba rnams su yang / /so sor thar pa thos pa dang / /gzung dang 'dzin pa rnyed dka' ste//sgrub pa'ang shin tu rnyed par dka'/ /zhes bya ba'i tshigs su bcad pa gcig gsungs te/ bskal ba zhes bya ba ni dus kyi bye brag bskal pa chen po ste/ bskal par byed pas bskal pa'o/ /bye ba zhes bya ba ni grangs kyi bye brag ste gnas brgyad pa'o//rnams su yang zhes bya ba ni bye brag ba grangs pa dag gis kyang brgya la rnyed par dka' bas mang po'i tshig tu bstan to/ /so sor thar pa zhes bya ba ni lung dang rtogs pa'i mtshan nyid do/ /thos pa zhes bya ba ni rna ba'i rnam par shes pas tshig gi bdag nyid thos pa'o/ / gzung zhes bya ba ni de'i rjes las thob pa yid kyi rnam par shes pas tshig gi bdag nyid dang don gyi bdag nyid yongs su gcod pa'o/ /'dzin pa zhes bya ba ni tshig dang don gyi bdag nyid bzung ba de mi brjed pa'o/ /rnyed dka' ste zhes bya ba ni de gsum char yang rnyed par dka' ste/ rgya mtsho chen por gnya' shing gi mig tu rus sbal zhar ba'i mgrin pa chud pa'i tshul gyis gzhan gyi 'byor pa dang / bdag gi 'byor pa la sogs pa rnyed par dka' bas bskal pa chen po bye ba phrag bgrangs pa 'das pas kyang de dag rnyed dka' ba'i phyir ro/ /sgrub pa zhes bya ba ni so sor thar pa rtogs pa'i don lus dang ngag dang yid dag gis yang dag par sgrub cing nan tan byed pa'o//de'ang snga ma de gsum pas kyang shin tu rnyed par dka' ste/ yang dag par bsgrub pa ni mngon par brtson pa la rag las pa'i phyir ro/ /de lta bas na so sor thar pa brjod par byas/gus par nyon cig /thos nas kyang drang srong chen pos ji skad gsungs pa de bzhin du rjes su bsgrub cing nan tan du bya'o zhes bya ba'i tha tshig go/ /de ltar tshigs su bcad pa des ni lung dang rtogs pa'i sgo nas so sor thar pa rnyed dka' bas so sor thar pa yang dag par brtsam par bya'o zhes bstan te/thos pa dang gzung ba dang 'dzin pa rnyed par dka' ba ni lung gi sgo nas rnyed dka' ba yin te/ sgrub pa'ang shin tu rnyed par dka' ba ni rtogs pa'i sgo nas rnyed par dka' ba yin no/ /dkon mchog gsum 'byung bar bde ba'i sgo nas so sor thar pa yang dag par brtsams pa'i dbang du mdzad nas/sangs rgyas rnams ni 'byung ba bde/ /chos bstan pa yang bde ba yin/ /dge 'dun mthun pa bde ba ste/ /mthun pa rnams kyi dka' thub bde/ /zhes bya ba'i tshigs su bcad pa gcig gsungs te/ sangs rgyas rnams ni 'byung ba bde//zhes bya ba la/ sangs rgyas 'byung ba zhes bya ba ni rdzogs par byang chub pa'i tshe yang / phyis 'byung ba'i tshul gyis bltam pa'i tshe'o/ /de bde zhes bya ba ni rnam par grol ba'i bde ba thob pa'i rgyu yin pa'i phyir dang / 'bras bu bde bar 'gyur ba'i phyir te/ dper na mi bde'o zhes bya ba dang 'dra bar sangs rgyas rnams 'byung ba bde ba yin no//chos bstan pa yang bde ba yin/ /zhes bya ba ni mdo sde la sogs pa gsung rab tu gtogs pa yan lag bcu gnyis po dag bstan pa yang bde ba'i rgyu yin pa dang / 'bras bu bde bar 'gyur bas bde ba yin no//dge 'dun mthun pa bde ba ste/ /zhes bya ba ni skyes bu gang zag brgyad kyi bdag nyid kyi dge 'dun tshul khrims dang lta ba dang / cho ga dang 'tsho ba mthun pas ro gcig cing bya ba gcig tu gyur pa yang bde ba'i rgyu yin pa dang / 'bras bu bde bar 'gyur bas bde ba yin no//mthun pa rnams kyi dka' thub bde/ /zhes bya ba ni lhag pa'i tshul khrims la sogs pa bslab pa gsum po dag la rjes su bsgrub pa'i dka' thub nyon mongs pa dang / nyes pa spyad pa gdung bar byed pa yang bde ba'i rgyu yin pa dang 'bras bu bde bar 'gyur bas bde ba yin no//de ltar tshigs su bcad pa des ni dkon mchog gsum 'byung ba dang / de dag gi 'bras bu bde ba nyid yin pas so sor thar pa yang dag par brtsam par bya'o zhes bstan to/ /dge ba'i bshes gnyen la brten pa bde ba'i sgo nas so sor thar pa yang dag par brtsams pa'i dbang du mdzad nas/'phags pa rnams ni mthong ba bde/ /dam pa dag dang 'grogs pa bde/ /zhes bya ba gsungs te/ 'phags pa rnams zhes bya ba ni dgra bcom pa la sogs pa dag ste/ sdig pa dag las ring du song ba'i phyir 'phags pa zhes bya'o//mthong ba bde zhes bya ba ni de dag dge ba'i bshes gnyen nyid du mthong na bde ba'i rgyur 'gyur ro/ /dam pa dag ces bya ba ni so so'i skye bo rnams kyi nang na skyes bu dam pa byang chub sems dpa' la sogs pa dag ste/ gzhan la phan 'dogs shing nges pa'i phyir dam pa zhes bya'o//'grogs pa bde zhes bya ba ni lhan cig mtshungs par gnas na bde ba'i rgyur 'gyur ba'o/ /de ltar tshigs su bcad pa phyed po des ni 'phags pa'i mthong ba dang / dam pa dang 'grogs pa ni tshe 'di dang phyi ma'i bde ba phun sum tshogs pa'i sngon du 'gro ba yin pas dge ba'i bshes gnyen la brten pa bde ba'i sgo nas so sor thar pa yang dag par brtsam par bya'o zhes bstan to//sdig pa'i grogs po spangs pa bde ba'i sgo nas so sor thar pa yang dag par brtsam pa'i dbang du mdzad nas/ byis pa rnams ni ma mthong na//rtag tu bde ba nyid du 'gyur/ /zhes gsungs te/ byis pa rnams zhes bya ba ni shes rab 'chal pa log par sgrub pa rnams te/ byis pa'i rtags dang ldan pa'i phyir ro/ /ma mthong na/ rtag tu bde ba nyid du 'gyur/ /zhes bya ba ni sdig pa'i grogs po dang ma 'grogs na rnam pa thams cad du bde bar 'gyur ba'o//de ltar tshigs su bcad pa phyed po des ni sdig pa'i grogs po spangs pa bde ba'i sgo nas so sor thar pa yang dag par brtsam par bya'o zhes bstan to/ /dge ba'i bshes gnyen gyi khyad par la brten pa bde ba'i sgo nas so sor thar pa yang dag par brtsam pa'i dbang du mdzad nas/tshul khrims ldan pa mthong ba bde/ /mang du thos pa mthong ba bde/ /yang srid rnam par grol ba yi/ /dgra bcom pa dag mthong ba bde/ /zhes bya ba tshigs su bcad pa gcig gsungs te/ dge ba'i bshes gnyen gyi khyad par ni rnam pa gnyis te/nye bar btags pa dang don dam pa'o/ /nye bar btags pa yang rnam pa gnyis te/ zhi gnas kyi yan lag la gnas pa dang / lhag mthong gi yan lag la gnas pa'o/ /de la zhi gnas kyi yan lag la gnas pa ni tshul khrims dang ldan pa zhes bya bas bstan te/tshul khrims la gnas nas sems mnyam par 'jog pa'i phyir ro/ /de mthong ba bde ba ni tshul khrims dang ldan pa ni gzhan la gnod pa'i bsam pa la log pa las bde ba'i rgyu yin pa'i phyir ro/ /lhag mthong gi yan lag la gnas pa ni mang du thos pa zhes bya bas bstan te/mang du thos na shes rab skye ba'i phyir ro/ /de mthong ba bde ba ni thos pa dang ldan pa ni thos pa'i stobs kyi lta ba dang 'gyod pa dang / the tshom sel bas bde ba'i rgyu yin pa'i phyir ro/ /don dam pa ni/ yang srid rnam par grol ba yi//dgra bcom pa zhes bya ba bstan te/ yang srid rnam par grol ba zhes bya ba ni 'khor bar yang mi skye ba'i chos nyid kyis rnam par grol ba bstan to/ /dgra bcom pa zhes bya bas ni nyon mongs pa'i dgra rnams bcom pa bstan te/ dgra bcom pa zhes bya bas ni sgra 'os pa la sogs pa'i don gzhan du yang 'dren pas dgra bcom pa'i 'bras bu dang ldan pa nyid kyi bye brag bstan pa'i phyir/yang srid rnam par grol ba zhes bya ba smos so/ /de dag mthong ba bde ba yin/ /dgra bcom pa thob pa ni dge legs kyi bsam pa mchog dang ldan pa yin pas bde ba'i rgyu yin pa'i phyir ro//de ltar tshigs su bcad pa des ni dge ba'i bshes gnyen gyi khyad par la brten nas bde ba'i sgo nas so sor thar pa yang dag par brtsam par bya'o zhes bstan to/ /thob par bya ba dang de sgrub pa bde ba'i sgo nas so sor thar pa yang dag par brtsam pa'i dbang du mdzad nas/'jug ngogs bde ba'i chu klung bde/ /chos la goms pa'i skye bo bde/ /shes rab thob par gyur pa bde/ /nga'o nga rgyal zad pa bde/ /zhes bya ba la tshigs su bcad pa gcig gsungs te/ thob par bya ba ni rnam par grol ba'o//de sgrub pa ni gang zag rnal 'byor pa'o/ /de la thob par bya ba bde ba ni/ 'jug ngogs bde ba'i chu klung bde/ /zhes bya ba bstan te/ dper na chu klung 'jug ngogs kyi chu ka bde na chu blang sla ba de bzhin du rnam par grol ba'i chu klung gi 'jug ngogs kyi lam 'dod pa'i bsod snyoms kyi mtha' dang bdag nyid ngal ba'i mtha' gnyis rnam par spangs pas bde ba'i yang rnam par grol ba'i chu blang sla ste/des ni thob par byas pa bde ba'i sgo nas so sor thar pa yang dag par brtsam par bya'o zhes bstan to/ /de sgrub par byed pa bde ba ni/ chos la goms pa'i skye bo bde//zhes bya ba la sogs pa tshig lhag ma gsum gyis bstan te/ chos la goms pa zhes bya ba ni dge ba'i chos la goms pa ste/ des ni tshogs kyi lam dang sbyor ba'i lam sgrub par byed pa bstan to/ /de bde ba ni rnam par grol ba'i bde ba 'thob pa'i rgyu yin pa'i phyir ro//shes rab thob par gyur pa zhes bya ba ni zag pa med pa'i shes rab thob par gyur pa ste/ des ni rnam par dag pa'i lam sgrub par byed pa bstan to/ /de bde ba ni mthong ba dang bsgom pa'i lam gyi rnam par grol ba'i bde ba nyid thob pa'i phyir ro/ / nga'o nga rgyal zad pa bde/ /zhes bya ba ni khams gsum pa'i 'dod chags dang bral ba ste/ des ni mi slob pa'i lam sgrub par byed pa bstan to/ /de bde ba ni rnam par grol ba'i bde ba nyid mngon sum du byas pa'i phyir ro/ /de ltar tshigs su bcad pa des ni thob par bya ba dang / de sgrub pa bde ba'i sgo nas so sor thar pa yang dag par brtsam par bya'o zhes bstan to//sgrub par byed pa sbyangs pa'i yon tan dang ldan pa bde ba'i sgo nas so sor thar pa yang dag par brtsam pa'i dbang du mdzad nas/ nges par byas shing dbang po thul ba dag /dgon pa zhi ba rnams su rgas gyur dang //mang du thos pa nags kyi nang dag tu/ /lang tsho yol ba rnams kyi gnas pa bde/ /zhes bya ba'i tshigs su bcad pa gcig gsungs te/ sgrub par byed pa zhes bya ba ni gang zag rnal 'byor pa ste/ de ni/ nges par byas shing dbang po thul ba dag /ces bya ba dang /mang du thos pa zhes bya bas bstan to/ /sbyangs pa'i yon tan dang ldan pa ni dgon pa pa dang shing drung pa la sogs pa bcu gnyis te/ de ni/ dgon pa zhi ba rnams su rgas gyur dang / /zhes bya ba dang / nags kyi nang dag tu/ lang tsho yol ba rnams zhes bya bas bstan to/ / de bde ba ni gnas pa bde zhes bya bas bstan to/ /de la nges par byas shing zhes bya bas ni sbyangs pa'i yon tan rnam par dag pa bstan te bsam pa nges par blangs shing mngon par brtson pa byas pa'i phyir ro/ /dbang po thul ba dag ces bya bas ni yongs su dag pa bstan te/ dbang po sdom pa dang ldan pa'i phyir ro/ /de ltar nges par byas shing dbang po thul ba dag dgon pa zhi ba rnams su rgas par gyur pa'i gnas bde'o zhes bya bar sbyar te/ dgon pa zhi ba rnams su zhes bya bas ni skye bo med pa nyid kyi gnas phun sum tshogs pa bstan to/ /rgas gyur zhes bya ba ni rab tu dben pa dang sems rtse gcig pa nyid la nges par sbyor ba'i rim gyis so//mang du thos pa zhes bya ba ni sde snod gsum gyi bstan bcos dag thos pa ste/ des ni dgon pa zhi ba rnams su rgas par gyur pa de 'bras bu dang bcas par bstan te/ mang du thos pa dgon par gnas pa ni 'bras bu dang bcas par 'gyur gyi gzhan gyi mi 'gyur ba'i phyir ro//nags kyi nang dag tu zhes bya ba ni gnas mal shing drung bstan to/ /lang tsho yol ba rnams zhes bya ba ni gzhon pa nyid zad par byas pa rnams so/ /de rnams kyi gnas pa bde zhes bya ba ni gson pa bde ba ste/tshe 'di dang phyi ma la bde ba dang bdag dang gzhan la bde ba dang / tshangs par spyod pa'i mtha' bde ba'i rgyu yin pa'i phyir ro/ /'dir dgon pa dang nags kyi nang zhes smos pa ni mtshon pa tsam ste/ sbyangs pa'i yon tan bcu gnyis bo thams cad kyang bsdu'o//de ltar tshigs su bcad pa des ni sgrub par byed pa gang dag gis mngon par brtson par byas nas dbang po dag thul ba na dgon pa zhi ba grong las thag ring ba'i phyogs dag tu rgas par gyur pa rnams dang / gang dag mang du thos pa na nags kyi nang dag tu lang tsho gzhon pa nyid yol zhing zad par byas pa de rnams kyis gnas pa zhes bya bar gson pa nyid ni bde'o zhes sgrub par byed pa sbyangs pa'i yon tan dang ldan pa bde ba'i sgo nas so sor thar pa yang dag par brtsam par bya'o zhes bstan to//yang dag par brtsam pa'i mtshan nyid bshad zin to// //so sor thar pa'i mdo rgya cher 'grel pa 'dul ba kun las btus pa bam po gnyis pa/ de'i 'og tu gzhung rgyas pa'i mtshan nyid bshad par bya ste/ gzhung rgyas pa'i mtshan nyid ces bya ba ni so sor thar pa'i gzhung rgyas pa'i mtshan nyid bstan pa'o//de yang dus dang por bya ba dang / mdo gdon pa bstan dgos pas de'i phyir/ tshe dang ldan pa dag so ga rnams kyi 'das pa dang lhag ma ji tsam pa de tsam mo zhes bya ba nas dran pa dang bag yod pas rnal 'byor du bya'o zhes bya ba'i bar gyi gzhung thams cad gsungs so//de la 'dir yang gzhung rgyas pa de dag gi brjod par bya ba dang / dgos pa dang 'brel pa dang / dgos pa'i dgos pa brjod par bya ste/ de la brjod par bya ba ni gzhung rgyas pa'i mtshan nyid dag go/ /dgos pa ni de dag rtogs pa'o/ /'brel pa ni rtogs pa de yang gzhung rgyas pa 'dis byed pas gzhung rgyas pa'i thabs 'di dang dgos pa thams cad las byung ba'i mtshan nyid gnyis 'brel pa'o//dgos pa'i dgos pa ni so sor thar pa'i gzhung rgyas pa'i mtshan nyid yongs su shes pas tshul khrims rnam par dag na 'phags pa'i lam bsgom pas mya ngan las 'das pa 'thob pa'o//de la gzhung rgyas pa'i mtshan nyid 'di'i bsdus pa'i don ni rnam pa gnyis te/ dus dang por bya ba dang / mdo gdon pa'o/ /de la dus dang por bya ba ni mdo gdon pa'i snga rol du bya ba ste cho ga'o/ /de'i bsdus pa'i don ni rnam pa drug ste/so sor thar pa mnyan pa la rna mi gtod pa'i nyes dmigs dang / mi 'du ba dgag pa dang / mchod cing lung dbog pa dang / yang dag par sgrub tu gzhug pa dang / de'i phan yon dang / yang dag par mi sgrub pa'i nyes dmigs bstan pa'o/ / mdo gdon pa ni gsol ba bya ba nas so sor thar pa'i mdo gdon pa rnam pa lnga po dag gdon pa ste las so/ /de'i bsdus pa'i don yang rnam pa drug ste/ gsol ba dang / gleng gzhi gdon pa dang / pham par 'gyur ba gdon pa dang / dge 'dun lhag ma gdon pa dang / ma nges pa gdon pa dang /ril gyis gdon pa'i mtshan nyid bstan to/ /de la tshe dang ldan pa dag so ga rnams kyi 'das pa dang lhag ma ji tsam pa de tsam mo zhes bya ba nas/ bag yod pas 'thob bo zhes bya ba'i bar gyis ni so sor thar pa mnyan pa la rna mi gtod pa'i nyes dmigs bstan to//bcom ldan 'das kyis nyan thos kyi dge 'dun ni don nyung ba/ bya ba nyung ba yin pas zhes bya ba nas/ dris nas kyang brjod par bya'o zhes bya ba'i bar gyis ni mi 'du ba dgag pa bstan to/ /shAkya seng ge de la ni/ /zhes bya ba la sogs pa tshigs su bcad pa gcig gis ni mchod cing lung 'bogs pa bstan to//thos nas drang srong chen po yis/ /zhes bya ba la sogs pa tshigs su bcad pa gnyis kyis ni yang dag par sgrub tu gzhug pa bstan to/ /che ba gang dag ngag tsam gyis/ /zhes bya ba la sogs pa'i tshigs su bcad pa gcig gis ni de'i phan yon bstan to//su la srab 'di med pa dang / /zhes bya ba la sogs pa tshigs su bcad pa gcig gis ni yang dag par mi sgrub pa'i nyes dmigs bstan to/ /dge 'dun btsun pa rnams gsan du gsol zhes bya ba la sogs pa gsol ba 'ba' zhig gi las kyi lam ni gsol ba bstan to//tshe dang ldan pa dag bdag cag gso sbyong bya ste zhes bya ba la sogs pa gzhung lhag ma rnams kyis ni gleng gzhi gdon pa la sogs pa rim pa bzhin bstan to/ /de ni re zhig spyi'i don yin no/ /da ni yan lag gi don bshad par bya ste/so sor thar pa mnyan pa la rna mi gtod pa'i nyes dmigs bstan pa'i dbang du mdzad nas/ tshe dang ldan pa dag sog rnams kyi 'das pa dang lhag ma ji tsam pa de tsam mo zhes bya ba la sogs pa gsungs so/ /tshe dang ldan pa dag zhes bya ba ni rgan pa rnams dang gzhon pa dag la snyan pa'i tshig gis 'bod pa'o//sog rnams kyi zhes bya ba ni gso sbyong 'don pa'i dus tshigs mtshon pa ste/ so ga dang / dbyar dang / ston dang / dgun dang / dgun smad dang / dpyid kyi dus tshigs drug po gang gi tshe so sor thar pa'i mdo 'don pa'i dus tshigs de nyid kyi ming smos par bya ba yin no//de la dus tshigs drug po re re la yang zla ba gnyis gnyis yod pas mang po'i tshig tu byas te/ so ga'i dus tshigs ni dpyid zla tha chungs nya nas dbyar zla ra ba nya'i bar dang / dbyar zla ra ba nya nas dbyar zla 'bring po nya'i bar gyi zla ba gnyis so//dbyar gyi dus tshigs ni dbyar zla 'bring po'i nya nas dbyar zla tha chungs nya'i bar dang / dbyar zla tha chungs nya nas ston zla ra ba nya'i bar gyi zla ba gnyis so/ /ston gyi dus tshigs ni ston zla ra ba nya nas ston zla 'bring po'i nya'i bar dang / ston zla 'bring po nya nas ston zla tha chungs nya'i bar gyi zla ba gnyis so//dgun gyi dus tshigs ni ston zla tha chungs nya nas dgun zla ra ba'i nya'i bar dang / dgun zla ra ba nya nas dgun zla 'bring po'i nya'i bar gyi zla ba gnyis so/ /dgun smad kyi dus tshigs ni dgun zla 'bring po nya nas dgun zla tha chungs nya'i bar dang / dgun zla tha chungs nya nas dpyid zla ra ba'i nya'i bar gyi zla ba gnyis so/ /dpyid kyi dus tshigs ni dpyid zla ra ba nya nas dpyid zla 'bring po'i nya'i bar dang / dpyid zla 'bring po nya nas dpyid zla tha chungs nya'i bar gyi zla ba gnyis so/ /de la so ga'i dus tshigs la so sor thar pa 'don na ni so ga rnams kyi zhes brjod par bya'o//de bzhin du dbyar dang / ston dang / dgun dang / dpyid kyi dus tshigs la so sor thar pa 'don na yang dbyar rnams kyi zhes bya ba la sogs pa brjod par bya'o/ /'das pa dang lhag ma ji tsam pa de tsam mo zhes bya ba ni zla ba brjod par bya'o zhes bya bar sbyar te/ 'das pa ji tsam pa de tsam brjod par bya ba dang / lhag ma ji tsam pa de tsam brjod par bya'o/ /de la so ga'i dus tshigs la ni gso sbyong 'don pa'i dus bzhi yod de/ dpyid zla tha chungs gnam stong dang / dbyar zla ra ba nya dang / dbyar zla ra ba gnam stong dang / dbyar zla 'bring po nya'o//de la dpyid zla tha chungs gnam stong la 'don na ni 'di skad ces tshe dang ldan pa dag so ga rnams kyi zla ba phyed ni 'das so/ /zla ba phyed dang gnyis ni lus so zhes brjod par bya'o/ /dbyar zla ra ba nya la 'don na ni 'di skad ces tshe dang ldan pa dag so ga rnams kyi zla ba gcig ni 'das so//zla ba gcig ni lus so zhes brjod par bya'o/ /dbyar zla ra ba gnam stong la 'don na ni 'di skad ces tshe dang ldan pa dag so ga rnams kyi zla ba phyed dang gnyis ni 'das so/ /zla ba phyed ni lus so zhes brjod par bya'o/ /dbyar zla 'bring po nya la 'don na ni 'di skad ces tshe dang ldan pa dag so ga rnams kyi zla ba gnyis 'das te lhag ma ma lus so zhes brjod par bya'o//de bzhin du dbyar gyi dus tshigs la yang gso sbyong 'don pa'i dus bzhi yod de/ dbyar zla 'bring po'i gnam stong dang / dbyar zla tha chungs nya dang / dbyar zla tha chungs gnam stong dang / ston zla ra ba nya'o/ /de la dbyar zla 'bring po gnam stong la 'don na ni 'di skad ces tshe dang ldan pa dag dbyar rnams kyi zla ba phyed ni 'das so/ /zla ba phyed dang gnyis ni lus so zhes brjod par bya'o/ /dbyar zla tha chungs nya la 'don na ni 'di skad ces tshe dang ldan pa dag dbyar rnams kyi zla ba gcig ni 'das so//zla ba gcig ni lus so zhes brjod par bya'o/ /dbyar zla tha chungs gnam stong la 'don na ni 'di skad ces tshe dang ldan pa dag dbyar rnams kyi zla ba phyed dang gnyis ni 'das so/ /zla ba phyed ni lus so zhes brjod par bya'o/ /ston zla ra ba nya la 'don na ni 'di skad ces tshe dang ldan pa dag dbyar rnams kyi zla ba gnyis 'das te lhag ma ma lus so zhes brjod par bya'o//de bzhin du ston gyi dus tshigs la yang gso sbyong gdon pa'i dus bzhi yod de/ ston zla ra ba gnam stong dang / ston zla 'bring po nya dang / ston zla 'bring po gnam stong dang /ston zla chungs nya la'o/ /de la ston zla ra ba gnam stong la 'don na ni 'di skad ces tshe dang ldan pa dag ston rnams kyi zla ba phyed ni 'das so/ /zla ba phyed dang gnyis ni lus so zhes brjod par bya'o/ /ston zla 'bring po nya la 'don na ni 'di skad ces tshe dang ldan pa dag ston rnams kyi zla ba gcig ni 'das so//gcig ni lus so zhes brjod par bya'o/ /ston zla 'bring po gnam stong la 'don na ni 'di skad ces tshe dang ldan pa dag ston rnams kyi zla ba phyed dang gnyis ni 'das so/ /zla ba phyed ni lus so zhes brjod par bya'o/ /ston zla tha chungs nya la 'don na ni 'di skad ces tshe dang ldan pa dag ston rnams kyi zla ba gnyis 'das te lhag ma ma lus so zhes brjod par bya'o//de bzhin du dgun gyi dus tshigs la yang gso sbyong 'don pa'i dus bzhi yod de/ ston zla chungs gnam stong dang / dgun zla ra ba nya dang / dgun ra ba gnam stong dang /dgun zla 'bring po nya'o/ /de la ston zla tha chungs gnam stong la 'don na ni 'di skad ces tshe dang ldan pa dag dgun rnams kyi zla ba phyed ni 'das so/ /zla ba phyed dang gnyis ni lus so zhes brjod par bya'o/ /dgun zla ra ba nya la 'don na ni 'di skad ces tshe dang ldan pa dag dgun rnams kyi zla ba gcig ni 'das so//zla ba gcig ni lus so zhes brjod par bya'o/ /dgun zla ra ba gnam stong la 'don na ni 'di skad ces tshe dang ldan pa dag dgun rnams kyi zla ba phyed dang gnyis ni 'das so/ /zla ba phyed ni lus so zhes brjod par bya'o//dgun zla 'bring po nya la 'don na ni 'di skad ces tshe dang ldan pa dag dgun rnams kyi zla ba gnyis 'das te lhag ma ma lus so zhes brjod par bya'o/ /de bzhin du dgun smad gyi dus tshigs la yang gso sbyong 'don pa'i dus bzhi yod de/ dgun zla 'bring po'i gnam stong dang /dgun zla tha chungs nya dang / dgun zla tha chungs gnam stong dang / dpyid zla ra ba nya'o/ /de la dgun zla 'bring po gnam stong la 'don na ni 'di skad ces tshe dang ldan pa dag dgun smad rnams kyi zla ba phyed ni 'das so/ /zla ba phyed dang gnyis ni lus so zhes brjod par bya'o//dgun zla tha chungs nya la 'don na ni 'di skad ces tshe dang ldan pa dag dgun smad rnams kyi zla ba gcig ni 'das so/ /zla ba gcig ni lus so zhes brjod par bya'o/ /dgun zla tha chungs gnam stong la 'don na ni 'di skad ces tshe dang ldan pa dag dgun smad rnams kyi zla ba phyed dang gnyis ni 'das so//zla ba phyed ni lus so zhes brjod par bya'o/ /dpyid zla ra ba nya la 'don na ni 'di skad ces tshe dang ldan pa dag dgun smad rnams kyi zla ba gnyis ni 'das te lhag ma ma lus so zhes brjod par bya'o/ /de bzhin du dpyid kyi dus tshigs la yang gso sbyong 'don pa'i dus bzhi yod de/dpyid zla ra ba gnam stong dang / dpyid zla 'bring po nya dang / dpyid zla 'bring po gnam stong dang / dpyid zla tha chungs nya'o/ /de la dpyid zla ra ba gnam stong la 'don na ni 'di skad ces tshe dang ldan pa dag dpyid rnams kyi zla ba phyed ni 'das so//zla ba phyed dang gnyis ni lus so zhes brjod par bya'o/ /dpyid zla 'bring po nya la 'don na ni 'di skad ces tshe dang ldan pa dag dpyid rnams kyi zla ba gcig ni 'das so/ /zla ba gcig ni lus so zhes brjod par bya'o/ /dpyid zla 'bring po gnam stong la 'don na ni 'di skad ces tshe dang ldan pa dag dpyid rnams kyi zla ba phyed dang gnyis ni 'das so//zla ba phyed ni lus so zhes brjod par bya'o/ /dpyid zla tha chungs nya la 'don na ni 'di skad ces tshe dang ldan pa dag dpyid rnams kyi zla ba gnyis 'das te/ lhag ma ma lus so zhes brjod par bya'o/ /de dag ni gso sbyong bcu bzhi ba'am bco lnga pa'i skabs su zla ba phyed phyed cing so sor thar pa'i mdo 'don pa brjod pa'i sngags yin no//bkra shis kyi gso sbyor dang / gnod pa 'byung ba'i don du gso sbyong bya ba la sogs pa nya shi'i dus dang mi sbyor ba'i skabs su ni sngar smos pa'i sngags de dag gi steng du zla ba dang po dang gnyis pa'i yar ram mar gyi ngo'i tshes grangs kyang 'das pa dang lhag ma ji tsam pa de tsam brjod par bya ste/dper na tshe dang ldan pa dag so ga rnams kyi zla ba dang po'i mar gyi ngo'i tshes gcig ni 'das so/ /zla ba gcig dang zhag nyi shu rtsa dgu ni lus so zhes brjod par bya ba la sogs pa lta bu'o//de dag brjod par bya ba ni 'jig rten pa'i tha snyad la mkhas par bya ba dang / tshe'i dus 'das pa sems la gzhag par bya ba dang / 'khor bas skyo bar bya zhing dge ba la brtson par bya ba dang / gso sbyong gi nyi ma yongs su shes par bya ba'i phyir ro/ /de dag brtsi ba ni dge 'dun gyi gnas brtan gyis zla ba ngo re re zhing smyig ma'i thur ma bco lnga skud pa la brgyus pa nyin re re drang bas bgrang zhing / dge skos kyi gnas brtan la brtag ste dge 'dun la nyi ma re re zhing brjod par bya'o//zla ba shol dor ba ni rgyal po'i rjes su 'brang bas dor ro/ /rgyu skar ni skar mkhan gyi rjes su 'brang bas shes par bya'o/ /tshe dang ldan pa dag rga ba dang 'chi ba mngon par 'ong zhing ston pa'i bstan pa yang 'jig par 'gyur bas tshe dang ldan pa dag gis bag yod pas rnal 'byor du bya'o zhes bya ba 'dis kyang 'khor bas skyo bar bya zhing dge ba la brtson par bya ba ston te/de la 'dir 'khor bas skyo bar bya zhing dge ba la brtson par bya ba'i rgyur ci'i phyir rga ba dang 'chi ba mngon par 'ong ba dang ston pa'i bstan pa 'jig par 'gyur ba smos she na/ tshangs par spyod pa'i rgyu'i gtso bo yongs su nyams par bstan pa'i phyir te/ 'di ltar tshangs par spyod pa ni rnam pa gnyis kyis 'grub ste/ lus dang / gnas kyis so/ /de la lus kyi ni lus sbyor bzod pa dang / rgyun ma chad pas tshangs par spyod pa 'grub ste/ de yongs su nyams par bstan pa'i phyir rga ba dang 'chi ba mngon par 'ong zhing zhes bya ba gsungs te/lus sbyor mi bzod pa dang / rgyun chad pas tshangs par mi spyod pa yongs su nyams par 'gyur ba go rims bzhin no/ /srid pa'i yan lag gzhan dag dang / mya ngan la sogs pa nyes dmigs dag ci'i phyir ma smos par rga shi nyi tshe smos she na/lang tsho dang gson pas tshangs par spyod pa 'grub cing rga ba dang 'chi bas yongs su nyams par 'gyur ba'i phyir rgyu'i gtso bo smos pas gzhan yang zhar la rig par bya'o/ /gnas kyis ji ltar zhe na/ gnas zhes bya ba ni tshangs par spyod pa skye ba'i gnas su gyur pa sangs rgyas kyi bstan pa ste/de yongs su nyams par gyur pa bstan pa'i phyir/ ston pa'i bstan pa yang 'jig par 'gyur bas zhes bya ba gsungs te/ ston pa'i bstan pa zhig na tshangs par spyod pa skye ba'i gnas med pa'i phyir ro//ston pa zhes bya ba ni sangs rgyas bcom ldan 'das te/ phyin ci ma log par ston pa'i phyir ro/ /de'i bstan pa zhes bya ba ni gsung rab tu gtogs pa yan lag bcu gnyis te/ des slob ma ston par byed pa'i phyir ro/ /de 'jig pa zhes bya ba ni sgrub pa yongs su nyams pas so//gang gi phyir de ltar yin pa de'i phyir tshe dang ldan pa dag gis bag yod pas rnal 'byor du bya'o zhes bya ba gsungs te/ bag yod pas zhes smos pa ni rgyu'i dngos pos dge ba'i chos thams cad sdud par byed pa yin pa'i phyir ro/ /rnal 'byor du bya'o zhes bya ba ni bdag nyid kyis brtson par bya'o zhes bya ba'i tha tshig go//de nyid bstan pa'i phyir de bzhin gshegs pa dgra bcom pa yang dag par rdzogs pa'i sangs rgyas rnams kyi byang chub dang gzhan yang gang dag de lta bu dang mthun pa dge ba'i chos byang chub kyi phyogs dang mthun pa rnams kyang bag yod pas 'thob bo zhes bya ba gsungs te/de bzhin gshegs pa zhes bya ba ni don ji lta ba bzhin du gnas pa thugs su chud pa'o/ /dgra bcom pa zhes bya ba ni nyon mongs pa'i dgra rnams bcom pa'am/ mchod par 'os pa'o/ /nyan thos dang rang sangs rgyas dag la'ang de yod pas de las khyad par du bstan pa'i phyir yang dag par rdzogs pa'i sangs rgyas zhes bya ba gsungs te/ye shes phyin ci ma log par yang dag par shes bya ma lus par rdzogs par thugs su chud cing sangs rgyas pa gang la yod pa'o//de rnams kyi byang chub ces bya ba ni thugs su chud pa'o/ /gzhan yang zhes bya ba ni rnam pa gzhan du brtag pa'o/ /gang dag ces bya ba ni dge ba'i chos zhes bya ba dang sbyar ro/ /de lta bu dang mthun pa zhes bya ba ni byang chub dang mthun pa'o/ /dge ba'i chos byang chub kyi phyogs dang mthun pa rnams kyang zhes bya ba ni zad pa dang mi skye ba shes pa'i mtshan nyid kyi byang chub skyed par byed pa'i chos dran pa nye bar gzhag pa la sogs pa dag ste/de dag kyang bag yod pas 'thob po zhes bya ba'i tha tshig go/ /de ltar skabs de dag gis ni so sor thar pa mnyan pa la rna mi gtod na tshe'i dus 'das pa dang rga shi mngon par 'ong ba dang /ston pa'i bstan pa 'jig par 'gyur ba'i nyes dmigs yod pas so sor thar pa mnyan pa la rna gtod cing bag yod pas dge ba'i chos la brtson par bya'o zhes bya ba'i sgo nas so sor thar pa mnyan pa la rna mi gtod pa'i nyes dmigs bstan to/mi 'du ba dgag pa'i dbang du mdzad nas bcom ldan 'das kyi nyan thos kyi dge 'dun ni don nyung ba bya ba nyung ba yin pas dge 'dun gyis thog mar bya ba ci yod ces bya ba la sogs pa gsungs te/ bcom ldan 'das zhes bya ba ni bdud bzhi bcom pa dang /legs pa drug dang ldan pa'o/ /nyan thos zhes bya ba ni 'bras bu ji ltar thob pa sgrogs par byed pa'o/ /dge 'dun zhes bya ba ni de dag gi tshogs te mi phyed pa nyid kyi phyir ro/ /don nyung ba zhes bya ba ni yid kyis so/ /bya ba nyung ba zhes bya ba ni lus dang ngag gnyis kyis so//dge 'dun gyis thog mar bya ba ci yod ces bya ba ni dgag pa ste/ gang gi phyir bcom ldan 'das kyi nyan thos kyi dge 'dun don nyung ba bya ba nyung ba yin pas de'i phyir dge 'dun la gso sbyong 'di dus su 'du zhing 'dun pa dang yongs su dag par brjod par bya ba las gzhan pa'i thog mar bya ba ci yod de/ci yang med kyis thams cad 'dus shig ces bya ba med par dgag pa'i sgo nas mi 'du ba dgag pa bstan to/ /yang na dge 'dun gyi thog mar bya ba ci yod ces bya ba ni dri ba ste/ gang gi phyir bcom ldan 'das kyi nyan thos kyi dge 'dun don nyung ba bya ba nyung ba yin pa de'i phyir dge 'dun la gso sbyong gi dus su 'du ba'i tshe gang byas na mi mthun pa nyid kyis 'du bar mi 'gyur ba'i thog mar bya ba ci yod ces dri ba'o//de'i lan gdab pa'i tshig tu tshe dang ldan pa dag ma lhags pa rnams la 'dun pa dang yongs su dag pa dris shig /dris nas kyang brjod par bya'o zhes bya ba gsungs te/ ma lhags pa rnams la zhes bya ba ni mthun pa'i gso sbyong rnam pa lnga po/ bcu bzhi pa dang / bco lnga pa dang / bkra shis kyi gso sbyong dang / gnod pa byung ba'i gso sbyong dang / sdum pa'i gso sbyong dag las gang byed kyang rung ste/de'i dus su mtshams kyi nang na dge slong dge 'dun gyi kha bskang bar 'os pa ji snyed 'khod pa thams cad gso sbyong gi gnas su 'du bar bya ba yin pa las de dag gi nang nas mi 'du bar gnang ba na ba dang / dbang med pa dang / srog gi bar chad dang /tshangs par spyod pa'i bar chad kyis 'jigs pa gang dag gso sbyong gi gnas su ma lhags pa rnams so/ /mi 'du bar gnang ba de dag las ma gtogs pa gzhan ni mtshams kyi nang na 'dug na gso sbyong gi gnas su mi 'du mi rung ste/ mi 'du na thams cad du rang la nyes byas dang /dge 'dun gyi las mi 'chags par 'gyur ro/ /'dun pa dang yongs su dag pa dris shig ces bya ba la/ 'dun pa dri ba ni las mi mthun pa dag mi bya ba'i phyir te/ mi mthun pa ni rnam pa gnyis te/ 'dus par rjes su ma zhugs pa nyid dang / phyir zlog par byed pa'o//de la 'dus par rjes su ma zhugs pa ni dge slong las de'i mtshams kyi khongs su gtogs pa tshogs kyi kha skong bar 'os pa lus sam 'dun pas dge 'dun 'dus pa'i nang du rjes su ma zhugs pa nyid kyis mi mthun pa nyid yin pa'o/ /phyir zlog par byed pa ni dge slong las de'i mtshams kyi khongs su gtogs pa rang bzhin du gnas pa/spyod lam las ma nyams pa/ ngag yang dag par bsdams pa/ 'dul ba'i bya ba mngon par shes pa zhe 'gras pa med pas las gzhan la byed pa chos dang mi ldan pa phyir zlog par byed na mi mthun pa nyid yin pa'o//de bas na mi mthun pas de gnyis bsal ba'i phyir ni ma lhags pa rnams la 'dun pa dri bar bya'o/ /yongs su dag pa dri ba ni ma lhags pa gang dag gis 'dun pa phul ba de dag snod du 'gyur bar bya ba'i phyir ro/ / de la cho ga ni dge skos kyis gso sbyong gi tshe tshul shing brims pas dge slong rnams bgrangs shing ma lhags pa dngos su yod dam glo bur du 'ongs pa la sogs pa yod par 'khrigs na gso sbyong de nyid la dge 'dun thams cad las kyi gnas su tshogs pas dge slong 'dun pa dang yongs su dag pa len pa dge slong chos lnga dang ldan pa gcig gam gnyis sam gsum tshig gis bsko bar bya zhing des btsal ba dang /bod pa dang / mthon por 'dug ste phyogs su blta ba la sogs pa dag gis bsam pa thag pa nas mtshams kyi nang btsal te ma lhags pa rnams la deng dge 'dun gso sbyong mdzad na tshe dang ldan pa dag 'dun pa 'bul lam bar chad kyi chos rnams yongs su dag gam zhes yongs su dri bar bya'o//ma lhags pa rnams kyis de la 'dun pa dang yongs su dag pa dbul bar bya'o/ /dge slong 'dun pa dang yongs su dag pa 'bul bar byed pa'i kun du spyod pa'i chos ni 'di ltar bya ste/dge slong 'dun pa dang yongs su dag pa 'bul bar byed pas mchil lham gnyis phud nas bla gos phrag pa gcig tu byas te rgan pa la phyag 'tshal nas tsog tsog por 'dug ste thal mo sbyar nas 'di skad ces brjod par bya ste/ tshe dang ldan pa dgongs su gsol/ deng dge 'dun gyi gso sbyong bco lnga pa lags la/ bdag dge slong bro 'tshal ba sdug bsngal ba bro tshabs che ba ming 'di zhes bgyi ba'i gso sbyong yang bco lnga pa lags te/ bdag dge slong bro 'tshal ba sdug bsngal ba bro tshabs che ba ming 'di zhes bgyi ba bar chad kyi chos rnams yongs su dag go zhes bdag mchi'o//dge 'dun chos bzhin du mdzad pa la 'dun pa 'bul lo/ /bdag gi gso sbyong yang yongs su dag go/ /'dun pa dang yongs su dag pa yang brjod do/ /brjod pa yang rig par bgyid do zhes lan gsum bzlas shing /de'i rjes la len pa pos thabs yin no zhes brjod par bya'o/ /'bul bas ni legs so zhes brjod par bya'o/ /'dun pa dang yongs su dag pa snga phyir blang zhing snga phyir dbul du yang rung ste/ sngags kyi bye brag ni 'dun pa dang yongs su dag pa gang 'bul ba de nyi tshe'i ming smos te lan gsum bzlas par bya'o//dge slong 'dun pa dang yongs su dag pa 'bul bar byed pas gal te de skad brjod mi nus na lus sam/ ngag gam lus dang ngag gi rnam par rig byed kyis 'dun pa dang yongs su dag pa 'bul bar byed na 'dun pa dang yongs su dag pa phul ba brjod par bya'o//lus sam/ ngag gam/ lus dang ngag gi rnam par rig byed kyis 'dun pa dang yongs su dag pa 'bul bar byed mi nus na dge 'dun thams cad der dong zhing gso sbyong bya ba'am/ yang na dge slong de dge 'dun gyi nang du blangs te gso sbyong bya'o//dge slong 'dun pa dang yongs su dag pa len pa'i kun du spyod pa'i chos ni 'di lta ste/ dge slong 'dun pa dang yongs su dag pa len pas 'dun pa dang yongs su dag pa blangs nas brgyug par mi bya/ mgyogs par mi bya/ mchong bar mi bya/ phyi rol la mchong bar mi bya/ 'obs la mchong bar mi bya/ bang rim la mchong bar mi bya/ steng gi nam mkha' la 'dug par mi bya/ mtshams kyi phyi rol du 'gro bar mi bya/ gom pa gcig gis skas kyi rim pa gnyis la thod rgal du 'dzeg par mi bya/ gom pa gcig gis them skas kyi them pa gnyis la thod rgal du 'dzeg par mi bya/chu lkog ma nub pa tsam la 'bog par mi bya/ gnyid log par mi bya/ snyoms par 'jug par mi bya bar dge 'dun gyi nang du 'jug par bya'o/ /dris nas kyang brjod par bya'o zhes bya ba ni de ltar 'dun pa dang yongs su dag pa len pa des de blangs te/gso sbyong gi gnas su phyin nas dge slong ngam/ dge 'dun la brjod par bya'o/ /de brjod pa'i cho ga dang sngags ni/ so sor thar pa'i mdo 'don pa seng ge'i khri la 'dug pa'i mdun rol du dge 'dun thams cad gso sbyong gi gnas su stan la 'dug pa na gang gi tshe dge 'dun gyi gnas brtan gyis tshe dang ldan pa dag ma lhags pa rnams kyi 'dun pa dang yongs su dag pa brjod cing /brjod pa yang rig par gyis shig ces smras pa'i tshe des dge slong ngam/ yang na dge 'dun la de'i 'dun pa dang yongs su dag pa cig car dbul bar bya'o//dge slong la dbul na ni des dge slong drung na 'dug pa'i mdun du 'dug ste 'di skad ces brjod par bya'o/ /tshe dang ldan pa dgongs su gsol/ deng dge 'dun gyi gso sbyong bco lnga pa lags la/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba'i gso sbyong yang bco lnga pa lags te/gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba de bar chad kyi chos rnams yongs su dag go zhes kho na nyid mchi'o/ /dge 'dun chos bzhin du mdzad pa la 'dun pa 'bul lo de'i gso sbyong yang yongs su dag go//'dun pa dang yongs su dag pa yang brjod do/ /brjod pa yang rig par bgyid do zhes lan gsum du brjod par bya'o/ /dge 'dun la 'bul na ni des dge 'dun gyi dbus su rgan pa'i mthar 'greng ste 'dud pa dang bcas pas 'di skad ces brjod par bya'o//dge 'dun btsun pa rnams dgongs su gsol/ deng dge 'dun gyi gso sbyong bco lnga pa lags la/ gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba'i gso sbyong yang bco lnga pa lags te/gnas ga ge mo zhig na dge slong bro 'tshal ba sdug bsngal ba bro tshabs che ba ming 'di zhes bgyi ba bde bar bar chad kyi chos rnams yongs su dag go zhes kho na nyid mchi'o/ /dge 'dun chos bzhin du mdzad pa la 'dun pa 'bul lo/ /de'i gso sbyong yang yongs su dag go//'dun pa dang yongs su dag pa yang brjod do/ /brjod pa yang rig par bgyid do zhes lan cig brjod par bya'o/ /dge 'dun gyis kyang de dang du blang bar bya ste/ des na 'dun pa phul bas ni dge 'dun gyi las mi mthun par mi 'gyur la/ yongs su dag pa phul bas ni gang zag ma lhags pa bdag nyid snod du 'gyur ro//len pa de dge 'dun gyi nang du ma phyin par shi'am/ khyim par babs pa la sogs par gyur na ma blangs pa nyid yin pas yang blang bar bya'o/ /phyin na ma brjod kyang blangs pa nyid yin pas yang blang mi dgos so/ / mi 'du ba dgag pa bshad zin to// //mchod cing lung dbog pa'i dbang du mdzad nas/ shAkya seng ge de la ni/ /sen mo bcu yi thal sbyar te/ /so sor thar pa gdon par byas/ /gdul ba'i don du nga las nyon/ /zhes bya ba gsungs te/ shAkya zhes bya ba ni gdung brgyud de des ni khyim pa'i phyogs kyi rigs rnam par dag pa bstan to//seng ge zhes bya ba ni yon tan te/ des ni rab tu byung ba'i phyogs kyi mkhyen pa rnam par dag pa bstan te/ mi bsnyengs pa dag gis mu stegs can gyi ri dgas skrag par mdzad pa'i phyir ro/ /sen mo bcu zhes bya ba ni sor mo bcu mtshon par byed do//thal sbyar te zhes bya ba ni lag mthil gnyis kyi sor mo bcu thal mo sbyar te'o/ /de dag gis ni mchod pa bstan to/ /thal mo sbyar te ci zhig bya zhe na/ so sor thar pa gdon par byas zhes bya ba gsungs te/ so sor thar pa'i mdo gdon pa rnam pa lnga po/gleng gzhi gdon pa dang / pham par gyur pa gdon pa dang / dge 'dun lhag ma gdon pa dang / ma nges pa gdon pa dang / ril gyis gdon pa dag gdon par bya'o zhes bya ba'i tha tshig go/ /gdul ba'i don du nga las nyon/ /zhes bya ba ni slob ma rnams gdul ba'i don du ste yang dag par sdud par byed pa'am so sor thar pa 'don pa nga las nyon cig ces bya bar sbyar ro//de dag gis ni lung 'bogs pa bstan to/ /mchod cing lung 'bogs pa bshad zin to// //yang dag par bsgrub tu gzhug pa'i dbang du mdzad nas/thos nas drang srong chen po yis/ /ji skad gsungs bzhin bsgrub bya zhing / /kha na ma tho phra rnams la/ /brtun zhing byed pa nyid du gyis/ /zhes bya ba la sogs pa tshigs su bcad pa gnyis gsungs te/ thos nas zhes bya ba ni so sor thar pa'i mdo gdon pa rnam pa lnga po dag gi lung phog pa thos nas so//drang srong chen po zhes bya ba ni ston pa bcom ldan 'das te/ tshul khrims kyi ngang tshul can yin pa'i phyir ro/ /ji skad gsungs pa bzhin zhes bya ba ni 'dul ba dang mi 'gal ba dang / 'jig rten dang mi 'gal bar bya'o zhes gsungs pa bzhin du'o/ /bsgrub bya zhing zhes bya ba ni sbyor ba dang / dngos gzhi dang / mjug gi sgo nas nan tan du bya ba'o/ /kha na ma tho zhes bya ba ni sdig pa ste/ dam pa rnams kyis smad pa'i phyir ro/ /phra rnams la zhes bya ba ni bcas pa'i kha na ma tho ba dang bcas pa cha phra mo rnams la'o//brtun zhing byed pa nyid du gyis/ /zhes bya ba ni bsrung ba la sogs pa dag la 'bad pa lhur blang bar gyis shig ces bya ba'i tha tshig ste/ phra mo rnams la yang brtun zhing byed pa nyid du bya na rang bzhin gyis kha na ma tho ba dang bcas pa chen po rnams la lta smos kyang ci dgos zhes gsungs par shes par bya'o//rtag tu 'bad pas bda' ba yi/ /sems rta kha blan dka' ba na/ /mthun pa'i gzer rnon brgya pa yi/ /srab ni so sor thar 'di yin/ /zhes bya ba la/ rtag tu 'bad pas bda' ba zhes bya ba ni sems rta dmu rgod dang 'dra ba 'di ni lam bde ba dang 'dra ba'i dge ba'i phyogs la gzhug pa'i dus na rtag tu brungs bzhin du 'then zhing brtson 'grus kyi lcag gis bda' zhing bskyod dgos pa'o//sems rta zhes bya ba ni sems nyid rta dmu rgod dang 'dra ba'o//kha blan dka' ba zhes bya ba ni lam gol ba dang 'dra ba'i mi dge ba'i phyogs la 'jug pa'i dus na rlung bzhin du 'phyo zhing chu lon gyis 'gug srab kyi phyir kha blan dka' zhing dgug dka' ba'o/ /mthun pa zhes bya ba ni 'tsham zhing rkyen du 'bab pa ste/ rta dmu rgod rtag tu lcag gi 'bad pas bda' zhing 'gug srab kyi kha lcags kyis blan dka' ba ni gzer bu rnon pa brgya pa'i srab kyis bsrab pa 'tsham zhing rkyen du bab pa la sems dmu rgod rtag tu brtson 'grus kyi 'bad pas bda' zhing tshul khrims kyi chu lon gyis kha bla na dka' ba la ni bslab pa'i gzhi gzer bu gdung ba rnon po brgya ba'i so sor thar pa bcas pa 'di'i 'tsham zhing rkyen du 'bab pa'o//gzer rnon brgya pa zhes bya ba ni 'gug srab kyi kha lcags gzer bu rnon po mang po dang ldan pa dang 'dra bar so sor thar pa 'di yang bslab pa'i gzhi gdung bar byed pa mang po dang ldan pa ste/brgya pa zhes bya ba ni mang po mtshon pa'i tshig yin gyi grangs brgyar nges pa ni ma yin no/ /srab ni so sor thar 'di yin/ /zhes bya ba ni srab dang 'dra ba yin no zhes bya ba'i tha tshig go/ /de dag gis ni de ltar drang srong chen pos ji skad gsungs pa bzhin du bsgrub pa dang / kha na ma tho ba phra mo rnams la yang brtun zhing 'bad par bya ba dang / sems kyi rta dmu rgod la so sor thar pa'i 'gug srab kyis bsrab dgos pa'i sgo nas so sor thar pa yang dag par sgrub tu gzhug pa bstan to/ /yang dag par sgrub tu gzhug pa bshad zin to// //de'i phan yon bstan pa'i dbang du mdzad nas/che ba gang dag ngag tsam gyis/ /ldog cing mtshams las mi 'da' ba/ /de dag mi rta bzang po ste/ /nyon mongs g.yul las nges rgyal 'gyur/ /zhes bya ba gsungs te/ che ba zhes bya ba ni che ba'i bdag nyid can te bslab pa 'dod pa'i phyir ro//ngag tsam gyis zhes bya ba ni chad pa la sogs pa rnam par bsal bas so/ /ldog cing zhes bya ba ni bya ba ma yin pa las so/ /mtshams las zhes bya ba ni bslab pa las so/ /mi 'da' ba zhes bya ba ni mi 'dral ba'o/ /de dag mi rta bzang po ste/ /zhes bya ba ni mi de dag ni rta cang shes dang 'dra ba'o/ /nyon mongs g.yul las zhes bya ba ni nyon mongs pa'i ngo bo nyid ni bdag dang gzhan la gnod pa nyid kyi g.yul dang 'dra ste de la'o//des rgyal 'gyur zhes bya bas ni nyon mongs pa mthar byed cing mya ngan las 'das pa'i 'bras bu thob par 'gyur ba'o/ /de dag gis ni de ltar so sor thar pa yang dag par bsgrubs na nyon mongs pa'i g.yul las nges par rgyal bar 'gyur ba'i sgo nas yang dag par bsgrubs pa de'i phan yon bstan to//de'i phan yon bshad zin to// //yang dag par mi sgrub pa'i nyes dmigs bstan pa'i dbang du mdzad nas/su la srab 'di med pa dang / /nam du'ang 'dod par mi 'gyur ba/ /de dag nyon mongs g.yul gyis dkrugs/ /'jog bral rnam par 'khyam par 'gyur/ /zhes bya ba gsungs te/ su la srab 'di med pa zhes bya ba ni mu stegs can dag la med pa ste/ yang dag par ma blangs pa'i phyir ro//nam du'ang 'dod par mi 'gyur ba/ /zhes bya ba ni 'dod pa la longs spyod pa dag la ni 'ga' yang 'dod par mi 'gyur te/ tshul khrims la mngon par mi phyogs pa'i phyir ro/ /dkrugs zhes bya ba ni pham par byas pa'o/ /'jog bral zhes bya ba ni lhag pa'i tshul khrims kyi dul bas lhag pa'i sems kyi zhi ba la 'jog par byed pas 'jog pa ni dul ba nyid de de dang bral ba'o//rnam par 'khyams par 'gyur zhes bya ba ni lan mi nyung bar ngan song la sogs pa'i 'khor bar 'khor bar 'gyur ba'o/ /de dag gi bslab pa med pa dang / mi 'dod pa yang dag par mi sgrub pa dag dul ba nyid dang bral bas zhi ba mi 'thob cing 'khor bar 'gyur ba'i sgo nas yang dag par sgrub pa'i nyes dmigs bstan to//yang dag par mi sgrub pa'i nyes dmigs bshad zin te/ de dag ni dus dang por bya ba ste cho ga'o/ /da ni mdo 'don pa'i las bshad par bya ste/de la gsol ba'i dbang du mdzad nas/ dge 'dun btsun pa rnams gsan du gsol/ deng dge 'dun gyi gso sbyong bcu bzhi pa'am bco lnga pa ste/ gal te dge 'dun gyi dus la bab cing bzod na dge 'dun gyis gnang bar mdzod cig dang / deng dge 'dun gso sbyong mdzad de/so sor thar pa'i mdo gdon pa gdon to/ /'di ni gsol ba'o zhes bya ba gsungs te/ 'di ni mdo gdon pa'i gsol ba bstan te/ gsol ba ma brjod na ma bskos par byed pa nyid yin pas mi mthun pa nyid du 'gyur ba'i phyir 'dir so sor thar pa'i mdo gdon pa lnga po dag gdon pa'i mdun rol du gsol ba 'ba' zhig gi las bya'o//gdon par byed pas so sor thar pa'i mdo gdon pa'i gsol ba ni 'di ltar bya ste/ mdo gdon pa seng ge'i khri la 'dug nas so sor thar pa'i mdo bstod ra dang / dus dang por bya ba'i tshig dag je bton nas/ de'i 'og tu gsol ba 'ba' zhig gi las 'di bya'o//dge 'dun btsun pa rnams zhes bya ba ni mchod pa'i tshig gis bod pa ste/ btsun pa rnams kyi tshogs zhes bya ba'i tha tshig go/ /gsan du gsol zhes bya ba ni gzhan la sems pa dag nyan pa la rna gtod cing gus par gyis shig ces bya ba'i don to//deng dge 'dun gyi gso sbyong bcu bzhi pa'am bco lnga pa ste zhes bya ba la/ gso sbyong zhes bya ba ni bslab pa gsum po dag gso zhing sbyong bar byed pa gnas ste/ de yang rnam pa gnyis te/ mthun pa'i gso sbyong dang / zhi gnas kyi gso sbyong ngo / /de la mthun pa'i gso sbyong ni lhag pa'i tshul khrims kyi dbang du byas te/gnas dang tshogs pa dang cho gas mthun par bya'o/ /zhi gnas kyi gso sbyong ni lhag pa'i sems dang lhag pa'i shes rab kyi dbang du byas te spong ba'i yan lag bsgom pa'o/ /de yang las phyi ma rnams ni mi bya ba'i chu lon gyis bsdams pa yin pas de ni mthun pa'i gso sbyong gis sdom par byed do//las snga ma rnams ni bsgom pa'i rnam pas sbyangs pa yin pas de ni zhi gnas kyi gso sbyong gis gso bar byed de des na lhag pa'i tshul khrims la brten te lhag pa'i sems skye la/ lhag pa'i sems la brten te lhag pa'i shes rab skye bas bslab pa gsum po dag gso zhing sbyong ba ni mthun pa'i gso sbyong dang zhi gnas kyi gso sbyong yin par shes par bya'o//skabs 'dir ni mthun pa'i gso sbyong gzung bar bya ste/ mthun pa'i gso sbyong ni rnam pa lnga ste/ bcu bzhi pa dang / bco lnga pa dang / bkra shis kyi gso sbyong dang / gnod pa byung ba'i gso sbyong dang / sdum pa'i gso sbyong ngo / /de dag thams cad la yang gsol ba dang / gleng gzhi rnam par gzhag pa sngar byas te so sor thar pa'i mdo gdon pa gdon dgos so/ /mthun pa'i gso sbyong rnam pa lnga po de dag las 'dir ni bcu bzhi pa dang bco lnga pa'i skabs yin par bstan pa'i phyir/bcu bzhi pa'am bco lnga pa ste zhes bya ba gsungs so/ /de la dus tshigs drug la zla ba gnyis gnyis yong ba dag gi nyi shu gnyis gnyis la gso sbyong nyi shu bzhi yod pa de dag tshes grangs kyi yang dag pa la ltos na ni thams cad gso sbyong bco lnga pa yin no//'jig rten pa'i tha snyad kyi dus la ltos na ni gso sbyong bcu bzhi pa yin te/ dus tshigs drug po de dag gi zla ba phyed phyed las pa'i gso sbyong drug po de dag go/ /'di skad ces bstan to/ /dbyar zla gsum dang dgun zla gsum gyi ni ra ba dang tha chungs mar gyi ngos bco lnga mi thub pas ra ba dang tha chungs kyi gnam stong bzhi gso sbyong bcu bzhi pa yin no//ston zla gsum dang dpyid zla gsum gyi ni 'bring bo mar gyi ngos bco lnga mi thub pas 'bring bo'i gnam stong gnyis gso sbyong bcu bzhi pa yin no//lhag ma bco brgyad ni gso sbyong bco lnga pa yin no/ /bkra shis kyi gso sbyong dang / gnod pa byung ba'i gso sbyong dang / sdum pa'i gso sbyong dag byed na ni de'i tshe deng dge 'dun gyi bkra shis kyi gso sbyong ste zhe'am/ deng dge 'dun gyi gdon pa byung ba'i gso sbyong ste zhe'am/ deng dge 'dun gyi sdum pa'i gso sbyong ste zhes dmigs kyis smos par bya ste/ de dag ni gang gi tshe bya dgos pa de'i tshe bya bar zad kyi dus nges pa ni med do/ /bcu bzhi pa dang bco lnga pa ni dus nges pa yin pas de las snga phyir byar mi rung ngo / /gal te dge 'dun gyi dus la bab cing bzod na zhes bya ba la/dus la bab cing zhes bya ba ni las bya ba'i dus la bab pa ste/ 'dir ni gso sbyong gi dus dang sbyar ro/ /bzod na zhes bya ba ni las de gzhag par mi 'os shing bya bar bzod pa ste/ 'di yang gso sbyong gi las dang sbyar ro/ /dge 'dun gyis gnang bar mdzod cig ces bya ba ni cang ma smra bas so//deng dge 'dun gso sbyong mdzad de zhes bya ba ni las de gzhag par mi 'os pa yin na bya'o zhes bya ba'i tha tshig go/ /so sor thar pa'i mdo gdon to zhes bya ba ni so sor thar pa'i mdo gdon pa rnam pa lnga po gleng gzhi gdon pa dang / pham par 'gyur ba gdon pa dang / dge 'dun lhag ma gdon pa dang / ma nges pa gdon pa dang / ril gyis gdon pa dag go/ /'di ni gsol ba'o zhes bya ba ni go bar bya ba ste/ las brgya rtsa gcig ni las gsum gyis bsdus te/ gso ba'i las dang / gsol ba dang / gnyis kyi las dang /gsol ba dang bzhi'i las kyis so/ /de la gsol ba'i las ni nyi shu rtsa bzhi'o/ /gsol ba dang gnyis kyi las ni bzhi bcu rtsa bdun no/ /gsol ba dang bzhi'i las ni sum cu'o zhes gsungs pa la/ 'di ni gsol ba'i las nyi shu rtsa bzhi po de dag gi nang nas gcig yin no//gsol ba bshad zin to// //da ni gleng gzhi gdon pa bshad par bya ste/ de la gleng gzhi rnam par gzhag pa'i dbang du mdzad nas/ tshe dang ldan pa dag bdag cag gso sbyong bya ste zhes bya ba la sogs pa gsungs so/ /gleng gzhi rnam par gzhag pa zhes bya ba ni de ltar so sor thar pa'i mdo gdon pa gdon pa'i gsol ba byas nas so sor thar pa'i mdo gdon pa rnam pa 'di la 'khor yongs su dag cing snod du rung bar bya ba'i phyir ltung ba yod na mthol du gzhug pa dang /med na cang mi smra bar bya ba dang / cang mi smra na yongs su dag par rig par bya ba'i cho gas gleng gzhi rnam par gzhag pa'o//gleng gzhi rnam par gzhag pa 'di'i bsdus pa'i don ni rnam pa drug ste/ gleng gzhi rnam par gzhag pa'i lung dbog pa dang / gleng gzhi rnam par gzhag pa'i thabs bstan pa dang / ma dag pa'i nyes dmigs dang /dag pa'i phan yon dang / gdon pa'i mjug bsdu ba dang / gleng gzhi rnam par gzhag pa bsgrag par bya ba'o/ /de la tshe dang ldan pa dag bdag cag gso sbyong bya ste/ so so thar pa'i mdo gdon pa gdon gyi khyed cag su la ltung ba yod pa des mthol cig / ltung ba med na cang mi smra zhig /cang mi smra na bdag gis tshe dang ldan pa dag yongs su dag par rig par bya'o zhes bya bas ni gleng gzhi rnam par gzhag pa'i lung dbog pa bstan to/ /ji ltar so sor dris nas dge slong gis lan btab pa de bzhin du dge slong gi 'khor 'di lta bur yang lan gsum gyi bar du bsgrag par bya ba yin no zhes bya bas ni gleng gzhi rnam par gzhag pa'i thabs bstan to//yang dge slong gang dge slong gi 'khor 'di lta bur lan gsum gyi bar du bsgrags pa na ltung ba yod la dran bzhin du mi mthol na de shes bzhin du brdzun du smra ba yin no//tshe dang ldan pa dag shes bzhin du brdzun du smra ba ni bcom ldan 'das kyis bar du gcod pa'i chos su gsungs so zhes bya bas ni ma dag pa'i nyes dmigs bstan to/ /de bas na dge slong ltung ba byung ba rnam par dag par 'dod pas ltung ba yod la dran zhing mthong ba mthol bar bya'o//mthol nas bde ba la reg par gnas par 'gyur ro/ /ma mthol ma bshags na ni mi 'gyur ro zhes bya ba ni dag pa'i phan yon bstan to/ /tshe dang ldan pa dag bdag gis so sor thar pa'i mdo gdon pa'i gleng gzhi bton zin to zhes bya bas ni gdon pa'i mjug bsdu ba bstan to//de la bdag gis tshe dang ldan pa dag la ci 'di la khyed yongs su dag gam zhes lan gnyis lan gsum du dri'o/ /'di la tshe dang ldan pa dag yongs su dag na 'di ltar cang mi smra bas de de bzhin du 'dzin to zhes bya bas ni gleng gzhi rnam par gzhag pa ni bsgrag par bya ba bstan to//de la re zhig gleng gzhi rnam par gzhag pa'i lung dbog pa'i yan lag gi don bshad par bya ste/ tshe dang ldan pa dag bdag cag gso sbyong bya ste zhes bya ba ni gnas dang / tshogs pa dang / cho gas mthun pa'i gso sbyong bya ste zhes bya bar sbyar ro//rnam pa gang gis gso sbyong bya zhe na/ de'i phyir so sor thar pa'i mdo gdon pa gdon gyi zhes bya bar gsungs te/ sems drang por bsgrub pa dang / 'gal ba bzlog pa la sogs pa'i rnam pa gzhan gyis kyang tshul khrims gso bar byed pa yod pas de dag bsal ba'i phyir so sor thar pa'i mdo gdon pa gdon gyi zhes bya ba gsungs te/so sor thar pa'i mdo gdon pa rnam pa lnga po dag gdon gyi zhes bya bar sbyar ro/ /so sor thar pa 'don pa ni dge 'dun gyi gnas brtan gyi las yin no/ /des mi nus pa nyid yin na gnyis pa'i las yin no/ / des kyang mi nus pa nyid yin na gsum pa'i las yin no/ /des kyang mi nus pa nyid yin na thams cad kyi res kyis gdon par bya'o/ /res bab pa'i tshe des gdon mi nus na gzhan la bcol bar bya'o/ /de ma btub na de dge 'dun gyis de la bcol bar bya'o/ /'don pa de dag gi tshig phyed kyang ma 'khrul bar legs par thon pa nyid yin na gdon gyi gzhan du na mi 'chags so//'don pa'i tshe rdugs na lhag ma gzhan gyis gdon par bya'o/ /dum bu 'dzin pa nyid yin na ji snyed kyis gzhung bsrongs pa de snyed kyis pheg tu bcad de gdon par bya'o/ /'don par byed pas so sor thar pa'i mdo gdon pa rnam pa lnga po gleng gzhi gdon pa dang /pham par 'gyur ba gdon pa dang / dge 'dun lhag ma gdon pa dang / ma nges par gdon pa dang / ril gyis gdon pa dag las/ gleng gzhi gdon pa ni rdzogs pa kho nar mi gdon du mi rung ngo //gleng gzhi bton nas lhag ma rnams ni thos pa bsgrags pas bsgrub tu rung ngo / /de yang gleng gzhi bton nas pham par 'gyur ba gdon pa brtsams nas pham par 'gyur ba'i sde tshan rdzogs par gdon dgos so/ /pham par 'gyur ba bton nas dge 'dun lhag ma gdon pa brtsams na dge 'dun lhag ma'i sde tshan yang rdzogs par gdon dgos so//dge 'dun lhag ma thon nas ma nges pa gdon pa brtsams na ma nges pa'i sde tshan yang rdzogs par gdon dgos te/ pham par 'gyur ba dag dang dge 'dun lhag ma dang ma nges pa yan chad kyi sde tshan ni gdon par mgo brtsams nas gang brtsams pa'i sde tshan de nyid rdzogs par bya dgos so//spong ba'i ltung byed man chad kyi sde tshan ni gdon par mgo brtsams nas lhag ma so sor thar pa'i gzhung thams cad rdzogs par gdon dgos te/ ril gyis gdon pa zhes bya ba yang de nyid yin no//mgo brtsams pa'i sde tshan rdzogs par bya dgos pa de dag ma rdzogs na mi 'chags so/ /'jigs pa dang bcas pa nyid du 'gron du 'gro ba 'gron po don mthun pa dag sdod du mi btub na 'gro bzhin du gdon par bya ste/ 'di ni las mi 'dug pa nyid kyis bya'o zhes gsungs pa'i dmigs kyis bsal ba yin no//sgra mi 'don na mdor bsdus te gdon to/ /de yang mi 'don na byin gyis brlab par bya'o/ /chos ma yin pas 'don na mi 'chags te/ gdon par bya ba dang de'i tshang dang / dus dang 'don par byed pa rnams de kho na bzhin nye bar ma bzung ba ni 'dir chos ma yin pa'o//gdon par bya ba de kho na ltar nye bar ma bzung ba ni so sor thar pa'i mdo las gzhan pa phran tshegs la sogs pa 'don pa'o/ /de'i tshad de kho na bzhin nye bar ma bzung ba ni gleng gzhi mi 'don cing lhag ma rnams kyang thos pa bsgrags pas sgrub par mi byed pa'o//de'i dus de kho na bzhin nye bar ma bzung ba ni gso sbyong gi dus las gzhan pa'i dus su 'don pa'o/ /'don par byed pa de kho na bzhin nye bar mi gzung ba ni gang zag bsnyen par rdzogs pa dang / mtshan ma dang lta ba dang tshul khrims mthun pa dag las gzhan pas 'don pa'o//dge slong gcig pu gnas na des gtsug lag khang chag chag gdab par bya/ phyag dar bya/ ba lang gi lci ba sar pa'i byug pas byug par bya/ seng ge'i khri bsham par bya/ mar me gzugs par bya/ chos nyan du gzhug pa dag bya'o//de'i 'og tu phyogs chas chen por 'dug ste phyogs bzhir blta bar bya'o/ /der dge slong yongs su dag pa lta ba mthun pa dag 'ong na 'di skad ces kye tshe dang ldan pa dag myur bar shog shig /deng dge 'dun gyi gso sbyong bco lnga pa yin no zhes brjod par bya zhing de dag dang lhan cig 'dug ste gso sbyong bya'o//gal te 'grub na de lta na legs ji ste mi 'grub na dge slong des byin gyis brlab par bya'o/ /'di ltar bya ste des rang gi stan la 'dug ste/ 'di ltar sems bskyed par bya zhing tshig tu yang brjod par bya'o/ /deng dge 'dun gyi gso sbyong bco lnga pa yin la/bdag dge slong ming 'di zhes bya ba'i gso sbyong yang bco lnga pa yin te/ bdag dge slong ming 'di zhes bya ba bar chad kyi chos rnams yongs su dag go zhes kyang bdag smra/ bdag yongs su dag par lha rnams kyis gzung du gsol/bdag dge slong ming 'di zhes bya ba tshul khrims kyi phung po yongs su rdzogs par bya ba'i phyir deng gso sbyong byin gyis brlab po/ /gang gi tshe dge 'dun tshogs pa rnyed pa de'i tshe dge 'dun dang lhan cig tu gso sbyong rgya cher nyams su myong bar bya zhing so sor thar pa'i mdo gdon pa gdon par bya'o//de bzhin du lan gnyis lan gsum du bzlas/ gang na dge slong gnyis 'khod pa der ni rim pa de bzhin bya zhing / dus kyi bar du bsdad de ma grub na mdun du tsog pur 'dug ste gcig la gcig 'di skad ces brjod par bya'o/ /btsun pa'am tshe dang ldan pa dgongs su gsol/deng dge 'dun gyi gso sbyong bco lnga pa lags la bdag dge slong ming 'di zhes bgyi ba'i gso sbyong yang bco lnga pa lags te/ bdag dge slong ming 'di zhes bgyi ba bar chad kyi chos rnams yongs su dag go zhes kyang bdag mchis/ bdag yongs su dag par btsun pa'am tshe dang ldan pas gzung du gsol/bdag dge slong ming 'di zhes bgyi bas tshul khrims kyi phung po yongs su rdzogs par bgyi ba'i slad du deng gso sbyong byin gyis brlab po/ /gang gi tshe dge 'dun tshogs pa rnyed pa de'i tshe dge 'dun dang lhan cig tu gso sbyong rgya cher nyams su myong bar bgyi zhing so sor thar pa'i mdo gdon par bgyi'o//de bzhin du lan gnyis lan gsum du bzlas/ gang na dge slong gsum 'khod pa der ni rim pa bzhin bya zhing dus kyi bar du bsdad de/ de ma grub na rgan rims bzhin gral du 'khod de rim gyis byin gyis brlab pa'i sngags snga ma nyid brjod par bya'o//gang na dge slong bzhi 'khod pa der ni de rnams kyis gsol ba byas te gso sbyong bya zhing der nad pa'i yongs su dag pa ni blang bar mi bya'o/ /gang na dge slong lnga'am lhag pa 'khod pa der ni de rnams kyis gsol bar byas te gso sbyong bya ste/der ni nad pa'i yongs su dag pa yang blang bar bya'o/ /khyed cag su la ltung ba yod pa des mthol cig ces bya ba ni bshags par bya ba yod na yang bshags par bya/ bsdam par bya ba yod na yang bsdam par bya/ byin gyis brlab par bya ba yod na yang byin gyis brlab par bya'o//'di la gleng gzhi rnam par gzhag pa'i tshul ji lta bu zhe na/ gso sbyong gi gnas su 'du ba'i mdun rol kho nar gso sbyong snga ma 'das pa'i mtha' tshun chad kyi zla ba phyed kyi ltung ba la so sor brtag par bya ste ltung ba shes pa bshags pa'am bsdam pa'am byin gyis brlab pas phyir bcos te las kyi gnas su 'dug par bya'o//de'i cho ga dang sngags ni 'di ltar bya ste/ ltung byed 'ba' zhig gam/ so sor bshags par bya ba'am bshags par bya ba'i nyes byas las gang yang rung ba zhig shes na des mchil lham gnyis phud nas bla gos phrag pa gcig tu byas te/dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las mi mthun pa gcig gi mdun du tsog pur 'dug ste thal mo sbyar ba btud nas sde tshan gyi ming dang gang byung ba'i rigs smos te/cig car mthol ba dang bshags pa byar rung ngo / /de'i sngags ni 'di skad ces brjod par bya'o/ /tshe dang ldan pa dgongs su gsol/ bdag dge slong ming 'di zhes bgyi ba la ltung ba ming dang rigs 'di lta bu 'di byung ste/ bdag dge slong ming 'di zhes bgyi ba la ltung ba de dag pa'i mtha' tshun chad nas bzung ste/tshe dang ldan pa'i mdun du mthol lo/ /mi 'chab bo/ /'chags so/ /mthol zhing bshags na bdag bde ba la reg par gnas par 'gyur gyi/ ma mthol ma bshags na ni mi 'gyur ro/ /de bzhin du lan gnyis lan gsum du bzlas/nyan pas ltung ba mthong ngam zhes smra zhing / 'chags pas mthong ngo zhes brjod par bya'o/ /nyan pas phyin chad sdom mam zhes smra zhing / 'chags pas sdom mo zhes brjod par bya ste/ de bzhin du lan gnyis lan gsum du bzlas/ de'i rjes la nyan pas thabs yin no zhes brjod par bya zhing /'chags pas legs so zhes brjod par bya'o/ /de'i tshe dge slong ltung ba la dogs pa dang yid gnyis za bar gyur na/ dge slong des dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la dris te/ltung ba la dogs pa dang yid gnyis bsal nas dge slong gi mdun du chos bzhin du phyir bya'o/ /bsdam par bya ba'i nyes byas gang yang rung ba zhig shes na rang gi sems kyis bsdam par bya'o/ /dge 'dun lhag ma dang nyes pa sbom po dang / spong ba'i ltung byed kyi ltung ba gang yang rung ba zhig shes na byin gyis brlab par bya'o//'di ltar bya ste/ des snga ma bzhin du mchil lham gnyis phud nas dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las mi mthun pa zhig gi mdun du tsog pur 'dug ste thal mo sbyar ba btud nas ltung ba'i sde tshan gyi ming dang /gang byung ba'i rigs smos te/ 'di skad ces brjod par bya'o/ /tshe dang ldan pa dgongs su gsol/ bdag dge slong ming 'di zhes bgyi ba la ltung ba ming dang rigs 'di lta bu 'di byung ste/bdag dge slong ming 'di zhes bgyi bas deng ltung ba de tshe dang ldan pa'i mdun du byin gyis brlabs te gso sbyong bgyi'o/ /sang nang par ltung ba de chos bzhin du slar bgyi'o/ /de bzhin du lan gnyis lan gsum du bzlas/ gso sbyong bco lnga pa de nyid la dge slong gis dge 'dun gyi nang du ltung ba dran na des ltung ba de dge slong drung na mo la byin gyis brlab par bya'o//'di ltar bya ste/ des dge slong drung na 'dug pa'i mdun du tsog bur 'dug ste thal mo sbyar ba btud nas 'di skad ces brjod par bya'o/ /tshe dang ldan pa dgongs su gsol deng dge 'dun gyi gso sbyong bco lnga pa lags la/bdag dge slong ming 'di zhes bgyi ba'i gso sbyong yang bco lnga pa lags te/ bdag dge slong ming 'di zhes bgyi ba dge 'dun gyi nang du ltung ba ming dang rigs 'di lta bu 'di dran te bdag dge slong ming 'di zhes bgyi bas deng ltung ba de tshe dang ldan pa'i mdun du byin gyis brlabs te gso sbyong bgyi'o//yang nang par ltung ba de chos bzhin du slar bgyi'o zhes lan cig bzlas par bya'o/ /gso sbyong bco lnga pa de nyid la dge slong dge 'dun gyi nang du ltung ba la yid gnyis dang bcas par gyur na des ltung ba de dge slong drung na mo la byin gyis brlab par bya'o//'di ltar bya ste/ des dge slong drung na 'dug pa'i mdun du tsog pur 'dug ste thal mo sbyar ba btud nas 'di skad ces brjod par bya'o/ /tshe dang ldan pa dgongs su gsol/ deng dge 'dun gyi gso sbyong bco lnga pa lags la/bdag dge slong ming 'di zhes bgyi ba'i gso sbyong yang bco lnga pa lags te/ bdag dge slong ming 'di zhes bgyi ba dge 'dun gyi nang du ltung ba ming 'di dang rigs 'di lta bu 'di la yid gnyis su gyur na bdag gis ltung ba de deng tshe dang ldan pa'i mdun du byin gyis brlabs te gso sbyong bgyi'o//sang nang par dge slong mdo sde 'dzin pa dang 'dul ba 'dzin pa dang ma mo 'dzin pa rnams la dris te dogs pa dang yid gnyis bstsal la ltung ba de chos bzhin du slar yang bgyi'o zhes lan cig bzlas par bya'o//gso sbyong bco lnga pa de nyid la dge slong las byed pas dge 'dun gyi nang du ltung ba dran na des ltung ba de rang gi sems kyis byin gyis brlab par bya'o/ /'di ltar bya ste/ des 'dug bzhin du sems kyis 'di skad ces brjod par bya'o/ /deng dge 'dun gyi gso sbyong bco lnga pa yin la/bdag dge slong las byed pa ming 'di zhes bya ba'i gso sbyong yang bco lnga pa yin te/ bdag dge slong las byed pa ming 'di zhes bya ba dge 'dun gyi nang du ltung ba ming dang rigs 'di lta bu 'di dran te/ bdag dge slong las byed pa ming 'di zhes bya bas deng ltung ba de rang gi sems kyis byin gyis brlabs te gso sbyong bya'o//sang nang par ltung ba de chos bzhin du phyir bya'o zhes lan cig brjod par bya'o/ /gso sbyong bco lnga pa de nyid la dge slong las byed pa dge 'dun gyi nang du ltung ba yid gnyis dang bcas par gyur na/ des ltung ba de rang gi sems kyis byin gyis brlab par bya'o/ /'di ltar bya ste/ des 'dug bzhin du sems kyis 'di skad ces brjod par bya'o/ /deng dge 'dun gyi gso sbyong bco lnga pa yin la/ bdag dge sbyong las byed pa ming 'di zhes bya ba'i gso sbyong yang bco lnga pa yin te/bdag dge slong las byed pa ming 'di zhes bya ba dge 'dun gyi nang du ltung ba ming dang rigs 'di lta bu 'di la yid gnyis su gyur na bdag dge slong las byed pa ming 'di zhes bya bas deng ltung ba de rang gi sems kyis byin gyis brlabs te gso sbyong bya'o/ /sang nang par dge slong mdo sde 'dzin pa dang /'dul ba 'dzin pa dang / ma mo 'dzin pa rnams la dris te dogs pa dang yid gnyis bsal la ltung ba de chos bzhin du phyir bya'o zhes lan cig brjod par bya'o/ /gso sbyong bco lnga pa de nyid la dge 'dun thams cad ltung pa mthun pa dang bcas par gyur na dge slong de rnams kyis gang gi mdun du ltung ba de chos bzhin du phyir bya ba'i dge slong 'ga' zhig gnas gzhan du song la dge slong gi mdun du ltung ba de chos bzhin du phyir byed pa de lta bur spro bar bya'o//gal te grub na de lta na legs/ ci ste mi 'grub na dge slong de rnams kyis gsol ba 'ba' zhig gi las kyis byin gyis brlab par bya'o//'di lta ste/ gal te gso sbyong gi dus su dge 'dun thams cad kyis ltung ba mthun pa dang bcas par shes par gyur na dge slong zhig mtshams gzhan gyi dge slong gi drung du btang ste/des der ltung ba phyir bcos te phyir 'ongs nas de'i mdun du thams cad kyi ltung ba shes pa phyir bcos te gso sbyong bya'o/ /gal te cho ga de ma grub na dge slong cig gis gsol ba 'ba' zhig gi las kyis byin gyis brlab par bya'o/ /'di ltar bya ste/ 'dug la 'di skad ces brjod par bya'o//dge 'dun btsun pa rnams gsan du gsol/ deng dge 'dun gyi gso sbyong bco lnga pa lags la/ bdag cag dge 'dun thams cad ni ltung ba dang bcas par gyur na gang gi mdun du bdag cag ltung ba de chos bzhin du slar bgyi ba bdag cag las dge slong gnas gzhan du mchis la/dge slong gi mdun du ltung ba de chos bzhin du slar bgyid par spro ba su yang ma mchis na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis deng ltung ba de byin gyis brlabs te gso sbyong mdzad la/slad kyis dge slong gi mdun du ltung ba de chos bzhin du slar mdzad do/ /'di ni gsol ba'o/ /gso sbyong bco lnga pa de nyid la dge 'dun thams cad ltung ba la yid gnyis dang bcas par gyur na de rnams kyis gang gi mdun du ltung ba de chos bzhin du phyir bya ba'i dge slong 'ga' zhig gnas gzhan du song la dge slong mdo sde dang 'dul ba dang ma mo 'dzin pa rnams la dris te ltung ba la yid gnyis bsal nas chos bzhin du phyir byed pa de lta bu spro bar bya'o//gal te grub na legs/ ji ste mi 'grub na dge slong de rnams kyis gsol ba 'ba' zhig gi las kyis byin gyis brlab par bya'o//'di ltar bya ste/ gal te gso sbyong gi dus su dge 'dun thams cad ltung ba la yid gnyis dang bcas par gyur na dge slong gcig mtshams gzhan gyi dge slong mdo sde dang 'dul ba dang ma mo 'dzin pa rnams kyi drung du btang ste/des der ltung ba la dogs pa dang yid gnyis bsal te phyir 'ongs nas de'i mdun du thams cad kyis ltung ba la yid gnyis dang bcas par gyur pa de bsal te gso sbyong bya'o/ /gal te cho ga de ma grub na dge slong cig gis gsol ba 'ba' zhig gi las kyis byin gyis brlab par bya'o//'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ deng dge 'dun gyi gso sbyong bco lnga pa lags la bdag cag dge 'dun thams cad ltung ba la dogs pa dang yid gnyis dang bcas par gyur na/gang gi mdun du bdag cag ltung ba de chos bzhin du slar bgyi ba bdag cag las dge slong gnas gzhan du mchis la/ dge slong mdo sde 'dzin pa dang 'dul ba 'dzin pa dang ma mo 'dzin pa rnams la dris te dogs pa dang yid gnyis bsal la ltung ba de chos bzhin du slar bgyid par spro ba su yang ma mchis na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis deng ltung ba de byin gyis brlabs te gso sbyong mdzad la/ slad kyis dge slong mdo sde 'dzin pa dang 'dul ba 'dzin pa dang ma mo 'dzin pa rnams la dris te dogs pa dang yid gnyis bsal la ltung ba de chos bzhin du slar mdzad do//'di ni gsol ba'o/ /gso sbyong bco lnga pa de nyid la dge 'dun thams cad ltung ba'i phyir rtsod par gyur na gsol ba 'ba' zhig gi las kyis byin gyis brlabs te gso sbyong bya'o/ /'di ltar bya ste/gso sbyong bco lnga pa de nyid la dge slong gnyug mar gnas pa gcig pu ma gtogs pa dge 'dun thams cad ltung ba dang bcas par gyur na dge slong de dge slong gtam 'dre ba dang / phebs par smra ba dang / smos 'drin dang / 'grogs bshes gang yin pa de'i drung du song ste/ci nas kyang dge slong gzhan dag kyang ltung ba 'chags par 'gyur ba de ltar gleng ba dang / dran par bya'o/ /gal te 'grub na de lta na legs/ ci ste mi 'grub cing dge 'dun thams cad ltung ba'i phyir rtsod par gyur na dge slong cig gis gsol ba 'ba' zhig gi las kyis byin gyis brlab par bya'o//'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ deng dge 'dun gyi gso sbyong bco lnga pa lags la bdag cag dge 'dun thams cad ni ltung ba'i slad du rtsod par gyur na gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis deng ltung ba'i slad du rtsod pa de byin gyis brlabs te gso sbyong mdzad la/ slad kyis dge slong mdo sde 'dzin pa dang 'dul ba 'dzin pa dang ma mo 'dzin pa rnams la dris te rtsod pa zhi bar bgyis la ltung ba de chos bzhin du slar mdzad do//'di ni gsol ba'o/ /gso sbyong bco lnga pa de nyid la dge 'dun thams cad ltung ba la nges pa nyid ma yin par gyur na gsol ba 'ba' zhig gi las kyis byin gyis brlabs te gso sbyong bya'o/ /'di ltar bya ste/gso sbyong bco lnga pa de nyid la dge slong glo bur du 'ongs pa gcig pu ma gtogs pa dge 'dun thams cad ltung ba dang bcas par gyur na dge slong de dag dge slong gtam 'dres pa dang / phebs par smra ba dang / smos 'drin dang / 'grogs bshes gang yin pa de'i drung du song ste/ci nas kyang dge slong gzhan dag kyang ltung ba 'chags par 'gyur ba de ltar gleng ba dang dran par bya'o/ /gal te 'grub na de lta na legs/ ci ste mi 'grub cing dge 'dun thams cad ltung ba de ni gang yin pa de las ji ltar ni ldang bar 'gyur zhes nges pa nyid ma yin par gyur na dge slong cig gis gsol ba 'ba' zhig gi las kyis byin gyis brlab par bya'o//'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ deng dge 'dun gyi gso sbyong bco lnga pa lags la/bdag cag dge 'dun thams cad ni ltung ba la nges pa nyid ma lags par gyur na gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis deng ltung ba la nges pa nyid ma lags pa de byin gyis brlabs te gso sbyong mdzad la/slad kyis dge slong mdo sde 'dzin pa dang 'dul ba 'dzin pa dang ma mo 'dzin pa rnams la dris te nges pa nyid ma lags pa bsal la ltung ba de chos bzhin du slar yang mdzad do/ /'di ni gsol ba'o/ /ltung ba med na cang ma smra zhig ces bya ba ni bshags par bya ba dang /bsdam par bya ba dang / byin gyis brlab par bya ba'i ltung ba med na de dag phyir bcos pa'i bya ba ma byed cig ces bya ba'i tha tshig go /cang mi smra na bdag gis tshe dang ldan pa dag yongs su dag par rig par bya'o zhes bya ba ni de lta na 'khor rnam par dag pa yin pas bdag gis khyed cag gso sbyong gi snod du gyur pa yin par rig par bya'o zhes bya ba'i tha tshig go//de ltar gleng gzhi rnam par gzhag pa'i lung dbog pa ji skad bstan pa de las tshe dang ldan pa dag bdag cag gso sbyong bya ste/ so sor thar pa'i mdo gdon pa gdon gyis khyed cag su la ltung ba yod pa des mthol cig ces bya ba'i lung dbog pa 'di'i gleng gzhi rnam par gzhag pa bsgrag par bya ba ni 'og nas de la bdag gis tshe dang ldan pa dag la ci 'di la khyed yongs su dag gam zhes lan gnyis lan gsum du dri bar bya'o zhes 'byung ba yin no// ltung ba med na cang ma smra zhig ces bya ba'i lung dbog pa 'di'i gleng gzhi rnam par gzhag pa bsgrag par bya ba ni 'og nas 'di la tshe dang ldan pa dag yongs su dag na zhes bya ba 'byung ba yin no/ /cang mi smra na bdag gis tshe dang ldan pa dag yongs su dag par rig par bya'o zhes bya ba'i lung dbog pa 'di'i glang gzhi rnam par gzhag pa bsgrag par bya ba ni 'og nas 'di ltar cang mi smra bas de de bzhin du 'dzin to zhes 'byung ba yin par rig par bya'o// //de'i 'og tu gleng gzhi rnam par gzhag pa'i thabs bstan pa'i phyir yan lag gi don bshad par bya ste/ji ltar so sor dris nas dge slong gis lan btab pa zhes bya ba ni gleng gzhi rnam par gzhag pa'i thabs bstan pa'i dpe ste/ dper na gso sbyong gi tshe dge slong dag gso sbyong gi gnas su 'du ba'i sngon rol kho nar gso sbyong snga ma 'das pa'i mtha' tshun chad kyi zla ba phyed kyi ltung ba la so sor rtog par byed cing /ltung ba shes shing mthong na dge slong gcig gi mdun du skabs dbye bar gsol te/ ltung ba mthol ba na dag pa sbyin pa'i dge slong des ltung ba mthong ngam zhes dris pa na/ mthong ngo zhes lan gdab pa dang / phyin chad sdom mam zhes dris pa na sdom mo zhes lan gdab pa lan gsum dris nas dge slong gis kyang lan gsum lan gdab pa'o//de bzhin du dge slong gi 'khor 'di lta bur yang lan gsum gyi bar du bsgrag par bya ba yin no zhes bya ba ni gleng gzhi rnam par gzhag pa'i thabs bstan pa'i don nyid yin te/dge slong gi 'khor 'di lta bur yang zhes bya ba ni so sor thar pa'i mdo gdon pa'i 'khor 'dir yang ngo / /lan gsum gyi bar du bsgrag par bya ba yin no zhes bya ba ni 'og nas gleng gzhi rnam par gzhag pa bsgrag par bya ba'i tshig 'di skad ces de la bdag gis tshe dang ldan pa dag /ci 'di la khyed yongs su dag gam zhes dri'o/ /ci 'di la khyed yongs su dag gam zhes lan gnyis lan gsum du dri'o/ /'di la tshe dang ldan pa dag yongs su dag na 'di ltar cang mi smra bas de de bzhin du 'dzin to zhes 'byung ba de nyid so sor thar pa'i gzhung las ji skad 'byung ba kho na bzhin go rims dang tshig ma 'khrul par lan gcig gdon par bya ba yin te/de la lan gcig bton pa nyid na dri'o zhes bya ba dang / lan gnyis lan gsum du dri'o zhes smos pa de nyid kyis lan gsum bsgrag par byas pa yin no/ / tshig de skabs 'dir gong du spar te bsgrag par bya ba yang ma yin la/ sngar gleng gzhi rnam par gzhag pa'i lung dbog pa'i tshig ji skad bstan pa de skabs 'dir lan gsum bsgrag par bya ba yang ma yin no/ /de'i 'og tu ma dag pa'i nyes dmigs kyi yan lag gi don bshad par bya ste/yang dge slong gang zhes bya ba ni 'byung ba'i gleng gzhi'i dbang gis bcas pa ma yin gyi gang yang rung ba spyir bstan pa'o/ /dge slong gi 'khor 'di lta bur yang sngar lan gsum gyi bar du bsgrags pa na zhes bya ba ni so sor thar pa 'don pa'i nang du gleng gzhi rnam par gzhag pa bsgrag par bya ba'i tshig 'og nas 'byung ba lan gcig bton pa na ste/de lan gcig bton pa na dri'o zhes bya ba dang / lan gnyis lan gsum du dri'o zhes smos pa de nyid lan gsum bsgrags pa yin gyi/ gleng gzhi rnam par gzhag pa bsgrag par bya ba'i tshig de lan gsum bzlas par ni mi bya'o//ltung ba yod la zhes bya ba ni sngar chos bzhin du phyir ma bcos pa'o/ /dran bzhin du mi mthol na ni zhes bya ba ni 'dir 'du shes gtso cher byed pa po yin pas mi dran pa la ltung ba med kyi dran bzhin du mi mthol na ltung bar 'gyur ro//yid gnyis ni 'du shes dang 'dra bas yid gnyis za ba byin gyis mi rlob na yang ltung ba 'dir 'gyur ro/ /de shes bzhin du brdzun smra ba yin no zhes bya ba ni brdzun la rnam pa lnga ste/ pham par 'gyur ba dang / dge 'dun lhag mar 'gyur ba dang / nyes pa sbom por 'gyur ba dang /ltung byed du 'gyur ba dang nyes byas su 'gyur ba'o/ /de la pham par gyur pa'i brdzun ni 'du shes bsgyur te mi'i chos bla ma smra ba'o/ /dge 'dun lhag mar 'gyur ba'i brdzun ni 'du shes bsgyur te gzhi med pa dang bag tsam gyis skur pa 'debs pa'o/ / nyes pa sbom por 'gyur ba'i brdzun ni dge 'dun gyi dbyen byed pa'i tshe dge 'dun 'dus pa la shes bzhin du chos ma yin pa chos su ston pa dang / chos chos ma yin par ston pa ste/ brdzun du smra ba'i pham par 'gyur ba'i skabs kyi nyes pa sbom po'o/ /ltung byed du 'gyur ba'i brdzun ni snga ma gsum dang nyes byas su 'gyur ba'i brdzun dang bzhi las gzhan pa'i brdzun du smra ba don shes pa'i yul la 'du shes gzhan du bsgyur ba ste/brdzun du smra ba ni 'du shes kyi dbang gis rnam par gzhag gi dngos po'i dbang gis ni ma yin pa'i phyir ro/ / nyes byas su 'gyur ba'i brdzun ni skabs 'di nyid kyis bstan te/ gso sbyong la ci 'di la khyed yongs su dag gam zhes lan gsum gyi bar du dris pa las ma dag par shes bzhin du cad mi smra bas 'da' bar byed na nyes byas so zhes gsungs pa'i phyir ro/ /des na nyes byas yongs su rdzogs pa yin gyi yid kyi ni ma yin te kha rnam par 'gyur ba la sogs pa'i rnam par rig byed de la yod pa'i phyir ro//de ltar shes bzhin du brdzun smra ba de ni ma dag pa yin na ma dag pa'i nyes dmigs gang zhe na/ de'i phyir tshe dang ldan pa dag shes bzhin du brdzun smra ba ni bcom ldan 'das kyis bar du gcod pa'i chos su gsungs so zhes bya ba gsungs te/brdzun du smra ba de ni rang bzhin gyi kha na ma tho ba dang bcas pa yin pas bsnyen par ma rdzogs pa dang / nyams pa dang / mtshams med pa byas pa dang / sdig pa'i lta ba can dang / sa gzhan na gnas pa dang /tha dad par gnas pa rnams kyis smras na yang mngon par mtho ba dang nges par legs pa'i bar du gcod pa yin la/ dge slong rang bzhin du gnas pas smras na ni rang bzhin gyi kha na ma tho ba dang bcas pa'i kha na ma tho ba dang / gnyi ga lhag par spyad pa yin pas lhag par yang mngon par mtho ba dang /nges par legs pa'i bar du gcod pa yin par gsungs so/ /skabs 'di ni cho ga las 'das na las mi 'chags so zhes gsungs te/ las ni gsol ba dang / brjod pa dang / so sor thar pa gdon pa dang / dgag dbye'i las dang /las brgya rtsa gcig gis bsdus pa'o/ /cho ga ni dge 'dun tshang ba dang / las brjod pa dang / las byed pa gnyis kyi chos ma yin pas mi bya ba dang / mi mthun pa dag mi bya ba dang / tshogs kyi mi bya ba yin pa 'dir so sor thar pa 'don pa ni gso sbyong gi las yin la/de chos ma yin pas mi bya'o zhes bya ba ni 'khrul pa dang bcas pa dag gis las mi bya ba la sogs pa yin no/ /'dir ltung ba yod pa ni 'khrul pa dang bcas pa yin la/ de dran bzhin du mi mthol ba shes bzhin du brdzun smra ba yang rang bzhin las nyams pa yin pas de ma bshags sam byin gyis ma brlabs pa dag gis gso sbyong gi las byas na las de mi 'chags pa'i nyes dmigs gzhan yang yod do//de'i 'og tu dag pa'i phan yon gyi yan lag gi don bshad par bya ste/ de bas na dge slong ltung ba byung ba rnam par dag par 'dod pas zhes bya ba ni shes bzhin du brdzun du smra ba'i nyes byas tsam yang rnam par dag par 'dod pas so//ltung ba yod pa la dran zhing mthong ba mthol bar bya'o zhes bya ba ni bshags pa dang bsdam pa dang byin gyis brlabs pa gang bya bar 'os pa de bya'o/ /de ltar mthol ba de ni dag pa yin na dag pa'i phan yon gang zhe na/de'i phyir mthol na bde ba la reg par gnas par 'gyur ro zhes bya ba gsungs so/ /mthol na tshul khrims kyi phan yon bcu 'thob cing mngon par mtho ba dang nges par legs pa'i bde ba la reg par gnas par 'gyur ba'o/ / tshul khrims kyi phan yon bcu ni 'gyod pa med pa'i rim gyis mchog tu dga' ba sngon du 'gro ba'i chos 'thob par 'gyur ba la sogs pa sngar bstan pa dag go/ /mngon par mtho ba ni mtho ris so/ /nges par legs pa ni mya ngan las 'das pa'o/ /skabs 'dir 'phral du cho ga las ma 'das pa'i las 'chags pa'i phan yon gzhan yang yod do//ma mthol ma bshags na ni mi 'gyur ro zhes bya bas ni rjes su 'gro ba sngar bstan pa de nyid ldog pa'i sgo nas bstan to// //de'i 'og tu gdon pa'i mjug bsdu ba'i yan lag gi don bshad par bya ste/ tshe dang ldan pa dag bdag gis so sor thar pa'i mdog don pa'i gleng gzhi bton zin to zhes bya ba la/ gleng gzhi zhes bya ba ni mod gdon pa 'byung ba'i rgyu'o/ /bton zin to zhes bya ba ni dam bcas pa'i don gyi mjug bsdu ba'i phyir dang / nyan pa po rnams spro bar bya ba'i phyir smos so//de'i 'og tu gleng gzhi rnam par gzhag par bya ba'i yan lag gi don bshad par bya ste/ de la zhes bya ba ni gleng gzhi ston pa de la'o/ /ci zhes bya ba ni yongs su dris pa'o/ /'di la zhes bya ba ni gso sbyong la'o/ /khyed ces bya ba ni khyed cag go/ /yongs su dag gam zhes bya ba ni ltung ba ma byung ngam zhes bya ba'o zhes bya ba ni dri ba spyil snyegs so//dri'o zhes bya ba ni dri ba dang po'o/ /lan gnyis lan gsum du dri'o zhes bya ba ni lan gsum kho nar dri bar bya dgos pas lan gnyis lan gsum du zhes smos te/ nyung na yang la las mi thos la/ mang na yang dus yol ba la sogs pa'i nyes dmigs yod pas de'i phyir lan gsum ni ran par dgongs te/bshags pa dang byin gyis brlab pa gnyis kyis ltung ba ma bcabs pa sha stag tshogs pa yin nam zhes bya ba'i tha tshig go/ /cang mi smra bas brda byas pas gleng gzhi rnam par gzhag pa bsgrag par bya ba mjug bsdu ba bstan pa'i phyir/'di la tshe dang ldan pa dag yongs su dag na 'di ltar cang mi smra bas de de bzhin du 'dzin to zhes bya ba gsungs te/ bshags pa dang byin gyis brlabs pa gnyis kyis ltung ba ma bcabs pa sha stag tshogs pa yin no zhes bya ba'i tha tshig go//gleng gzhi gdon pa bshad zin to// //so sor thar pa'i mdo rgya cher 'grel pa 'dul ba kun las btus pa bam po gsum pa/ da ni pham par 'gyur ba gdon pa bshad par bya ste/ de'i phyir/ sdom la/ mi tshangs spyod dang rku ba dang / /mi la gsad par mi bya dang / / brdzun du smra dang bcas pa yi/ /chos bzhi 'dir ni gsungs pa yin/ /zhes bya ba gsungs so/ /sdom la zhes bya ba ni yang dag par sdud par byed pas 'dul ba'i sde snod yang dag par bsdu ba'i tshe ma 'ongs pa'i skye bo lung dang rtogs pa'i bdag nyid med pa dag yan lag la sgro 'dogs pa dang skur pa 'debs pa'i mtha' spang bar bya ba dang /nyan pa po brjod pa nyung ngus don gyi spyi rtogs par 'dod pa dag la phan gdags pa'i phyir sdom rnam pa gsum du bsdus te/ spyi sdom dang / sdom dang / bar sdom du'o/ /de la spyi sdom ni spyi'i don tshigs su bcad par bsdus pa ste/dper na ltung byed kyi sde tshan bstan pa'i skabs su/ sdom gyi tshigs bcad dgu rim gyis 'byung ba thams cad kyi mgor ni spyi sdom la zhes bya ba'i tshigs su bcad pa gcig gis sdom rnams kyi spyi'i don bsdus pa la sogs pa lta bu'o/ /sdom ni dngos kyi don tshigs su bcad par bsdus pa ste/dper na pham par 'gyur ba'i chos bzhi po dag gi dngos kyi don sdom la zhes bya ba'i tshigs su bcad pas bsdus pa dang / dge 'dun lhag ma'i chos bcu gsum po dag gi dngos kyi don sdom la zhes bya ba tshigs su bcad pa la sogs pa lta bu'o/ / bar sdom ni yan lag gi don tshigs su bcad pa bsdus pa ste dper na spang ba'i ltung byed sum cu po dag gi dngos kyi don sdom gyi tshigs su bcad pa gcig gis bsdus pa las de dag so so'i ltung ba rnam par gzhag pa'i skabs skabs su tshig yan lag tu 'phros pa dag gi don bar sdom la zhes bya ba'i tshigs su bcad pas bsdus pa la sogs pa lta bu'o//de bas na skabs 'dir sdom la zhes smos pas ni pham par 'gyur ba'i chos bzhi'i dngos kyi don bsdus pa yin no/ /mi tshangs spyod dang rku ba dang / /mi la gsad par mi bya ba/ /brdzun du smra dang bcas pa yi//chos bzhi 'dir ni gsungs pa yin/ /zhes bya ba la/ mi bya ba zhes bya ba'i tshig da lta dbus na 'dug pa 'di ltag 'og gnyi gar sbyar te/ mi tshangs par spyod par mi bya ba dang / rku bar mi bya ba dang / mi la gsad par mi bya ba dang / mi bya ba de brdzun du smra ba dang yang bcas par bya ste/brdzun du smra bar mi bya ba dang / chos bzhi bo de dag pham par 'gyur ba gdon pa'i skabs 'dir bcom ldan 'das kyis gsungs pa yin no zhes bya bar sbyar ro/ /tshe dang ldan pa dag pham par gyur pa'i chos bzhi po 'di dag ni zla ba phyed phyed cing so sor thar pa'i mdo gdon pa las byung ngo zhes bya ba ni pham par 'gyur ba gdon pa 'di'i lung dbog pa bstan to//pham par 'gyur ba'i chos zhes bya ba ni gzhan rgyal bar byed du 'jug pa'i nyes pa ni pham pa'o/ /de byed par 'gyur ba'i phyir pham par 'gyur ba ste ltung ba'o/ /de nyid kha na ma tho ba'i mtshan nyid 'dzin pas chos zhes bya'o//bzhi po 'di dag ni zhes bya ba ni mi tshangs par spyod pa'i pham par 'gyur ba dang / ma byin par len pa'i pham par 'gyur ba dang / gsod pa'i pham par 'gyur ba dang / smra ba'i pham par 'gyur ba'o/ /zla ba phyed phyed cing so sor thar pa'i mdo gdon pa las 'byung ngo zhes bya ba ni sde snod gsum las 'dul ba'i sde snod ni yi ger mi bri ba yin pas thams cad kyi mngon sum du ma gyur pa'i phyir gso sbyong 'don pas pham par 'gyur ba gdon pa 'di ga las shes snyam pa la/zla ba phyed phyed cing gso sbyong 'don pa'i tshe 'dul ba 'dzin pa'i kha ton las 'byung ngo zhes bstan pa yin no//da ltar 'dul ba'i sde snod yang dag par bsdus pa'i gzhung 'di ni ma 'ongs pa'i skye bo dbang po rtul po tshig dang don gyi bdag nyid 'dzin mi nus pa rnams la phan gdags pa'i phyir bcom ldan 'das kyis yang dag par bsdu bar gnang ba yin te/de bas na 'dul ba'i sde snod kyi las gsang ba 'di ni bsnyen par ma rdzogs pa rnams kyis thos par mi bya'o/ /de la bcom ldan 'das mngon par rdzogs par sangs rgyas te nyan thos kyi 'khor brnyes nas lo bcu gnyis kyi bar du ni bcom ldan 'das kyi nyan thos kyi dge 'dun la skyon med cing chu bur med de/bcom ldan 'das kyis nyan thos rnams kyi so sor thar pa'i mdo gdon pa yang mdor bsdus te 'di skad ces/ sdig pa thams cad mi bya ste/ /dge ba phun sum tshogs par bya//rang gi sems ni yongs su gdul/ /'di ni sangs rgyas bstan pa yin/ /lus kyi sdom pa legs pa ste/ /ngag gi sdom pa legs pa yin/ /yid kyi sdom pa legs pa ste/ /thams cad du ni sdom pa legs/ /kun du bsdams pa'i dge slong ni/ / sdug bsngal kun las rab tu grol/ /ngag rnams bsrung zhing yid kyang rab bsdams te/ /lus kyis mi dge ba dag mi byed cing / /las lam gsum po 'di dag rab sbyangs na/ /drang srong gsungs pa'i lam ni thob par 'gyur/ /zhes ston par gyur pas 'dul ba la nyan thos rnams kyi bslab pa'i gzhi bcas pa med do//lo bcu gsum pa la bab pa na sangs rgyas bcom ldan 'das yul spong byed dag na ka lan da ka'i grong na bzhugs pa'i tshe ka lan da ka'i bu bzang byin bcom ldan 'das kyis legs par gsungs pa'i chos 'dul ba la skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu byung ste/dgon pa'i spyil bu na 'dug par rang gi mas bslus nas des sngon gyi chung ma dang lhan cig mi tshangs par spyod pa 'khrig pa'i chos bsten te/zag pa'i gnas lta bu'i chos mang po rnams kyi dang po ka lan da ka'i bu bzang byin gyis mi tshangs par spyod pa'i rkyen gyis byas par gyur na/ bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ bslab pa bca' ba'i phan yon bcu yang dag par gzigs pas 'dul ba la nyan thos rnams kyi bslab pa'i gzhi bca' ba mdzad nas/ de phyin chad gleng gzhi re re'i rgyu las bslab pa'i gzhi re re bcas pa'i sgo nas ltung ba'i sde lnga rnam par gzhag pa mdzad pas da de dag ji ltar bcas pa bzhin du bshad par bya'o//de la gdon par gtogs pa'i bslab pa'i gzhi thams cad kyi mtshan nyid ni gleng gzhi dang / bslab pa bcas pa dang / ltung ba rnam par gzhag pas rgyas par bstan te/ de la gleng gzhi ni yul dang / gang zag dang / nyon mongs pa dang / nyes pa'i gzhi'i bye brag gis rnam pa bzhi'o//bslab pa bcas pa ni 'jig rten dang 'gal ba dang / 'dul ba dang 'gal ba bzlog pa'i dbang gis rang bzhin gyis kha na ma tho ba dang bcas pa dang / bcas pa'i kha na ma tho ba dang bcas pa dgag pa'i ltung ba sde lnga'o/ /ltung ba rnam par gzhag pa ni bsam pa dang /sbyor ba'i sgo nas dngos gzhi dang / sbyor ba dang / sbyor ba'i sbyor ba ci rigs par rnam par gzhag pa'o/ /de la re zhig /mi tshangs spyod dang rku ba dang / /mi la gsad par mi bya dang / /brdzun du smra dang bcas pa yi/ /chos bzhi 'dir ni gsungs pa yin//zhes gsungs pa'i rim gyis pham par 'gyur ba'i chos bzhi po dag go rims bzhin du de bshad par bya'o/ /de la mi tshangs par spyod pa'i pham par 'gyur ba'i gleng gzhi ni bcas pa dang rjes su bcas pa'i dbang gis rnam pa gnyis te/ bcas pa'i gleng gzhi ni sangs rgyas bcom ldan 'das yul spong byed dag na ka lan da ka'i grong na bzhugs pa'i tshe ka lan da ka'i bu bzang byin bcom ldan 'das kyis legs par gsungs pa'i chos 'dul ba la skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu byung ste/dgon pa'i spyil bu na 'dug par rang gi mas bslus nas des sngon gyi chung ma dang lhan cig mi tshangs par spyod pa 'khrig pa'i chos bsten te/ sa bon gyi chos gzhag pa'i skabs de dge slong rnams kyis bcom ldan 'das la gsol nas bcom ldan 'das kyis byung ba 'di dang /gleng gzhi 'di dang / skabs 'di la dge slong gi dge 'dun bsdu ba mdzad de/ bslab pa bcas pa'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong rnams dang lhan cig bslab pa mtshungs par gyur pas bslab pa ma phul bslab pa nyams par ma byas par mi tshangs par spyod pa 'khrig pa'i chos bsten na dge slong de pham par gyur pa yin gyi gnas par mi bya'o zhes bca' ba mdzad de/yul ni spong byed/ gang zag ni bzang byin/ nyon mongs pa ni 'dod chags/ nyes pa ni mi tshangs par spyod pa'o/ /rjes su bcas pa'i gleng gzhi ni sangs rgyas bcom ldan 'das rgyal po'i khab 'od ma'i tshal na ka lan da ka'i gnas na gzhugs pa'i tshe dge slong zhig dgon pa'i spyil bu na 'dug pas dgon pa'i spra mo zhig zas kyis brngod brngod nas de dang lhan cig mi tshangs par spyod pa 'khrig pa'i chos bsten nas/bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ bslab pa bca' ba'i phan yon bcu yang dag par gzigs nas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang dge slong rnams dang lhan cig bslab pa mtshungs par gyur pas bslab pa ma phul bslab pa nyams par ma byas par mi tshangs par spyod pa 'khrig pa'i chos bsten na tha na dud 'gro'i skyes gnas su skyes pa dang lhan cig kyang rung ste/dge slong de pham par gyur pa yin gyi gnas par mi bya'o zhes rjes su bcas pa mdzad de/ yul ni rgyal po'i khab gang zag ni dge slong dgon pa pa/ nyon mongs pa ni 'dod chags/nyes pa ni dud 'gro dang mi tshangs par spyod pa'o/ /de la bslab pa bca' ba'i phan yon bcu ni 'di lta ste/ dge 'dun bsdu ba'i phyir dang / dge 'dun legs par bya ba'i phyir dang / dge 'dun bde bar gnas par bya ba'i phyir dang / gnong mi bkur ba'i gang zag rnams tshar gcad pa'i phyir dang /ngo tsha shes pa rnams bde bar gnas par bya ba'i phyir dang / mngon par ma dad pa rnams mngon par dad par bya ba'i phyir dang / mngon par dad pa rnams phyir zhing 'byung bar bya ba'i phyir dang / tshe 'di'i zag pa rnams bsdam par bya ba'i phyir dang /tshe rabs phyi ma'i zag pa rnams bzlog pa'i phyir dang / nga'i tshangs par spyod pa skye bo mang po la phan pa yangs par gyur pa lha dang mi'i bar dag la yang dag par rab tu bstan pa yun rang du gnas par 'gyur ba'o zhes gsungs so/ /de la dge 'dun bsdu ba'i phyir zhes bya ba ni mdor bstan pa'i tshig yin te/rigs bzhi po rgyal rigs dang / bram ze dang / rje'u rigs dang dmangs rigs dag dad pas legs pa kho nar khyim nas khyim med par rab tu byung ba rnams bsdu ba las brtsams pa yin no/ /dge 'dun legs par bya ba'i phyir zhes bya ba ni de ltar rab tu byung ba rnams la 'dod pa'i bsod nyams kyi rjes su brtson pa'i mtha' rnam par spong zhing gzhi dang bcas/nges par 'byung ba dang bcas/ pha rol gnon pa dang bcas/ cho 'phrul dang bcas pa'i chos bstan pa rjes su 'jug pas dge 'dun legs par 'gyur bar rig par bya'o//dge 'dun bde bar gnas par bya ba'i phyir zhes bya ba ni bdag nyid ngal ba'i rjes su brtson pa'i mtha' rnam par spang ba'i phyir ro/ /de ni rnam pa lngas bde bar gnas par 'gyur te/ chos mi mthun pa'i gang zag rnam par bskrad pa dang / 'gyod pa skyes pa sel ba dang /yo byad rkyen du 'bab pa dag yod pa dang / nyon mongs pa'i kun nas dkris pa rnam par gnon pa dang / nyon mongs pa'i bag la nyal spong bas so/ /de la chos mi mthun pa'i gang zag rnam par bskrad pa ni gnong mi bkur ba'i gang zag rnams tshar gcad pa'i phyir zhes bya bas bstan te/tshul khrims 'chal pa rnams la nan tur bya ba'i phyir ro/ /'gyod pa skyes pa sel ba ni ngo tsha shes pa rnams bde bar gnas par bya ba'i phyir zhes bya bas bstan te/ tshul khrims dang ldan pa rnams 'gyod pa med par bya ba'i phyir ro/ / yo byad rkyen du 'bab pa dag yod pa ni mngon par ma dad pa rnams mngon par dad par bya ba'i phyir dang / mngon par dad pa rnams phyir zhing 'byung bar bya ba'i phyir zhes bya ba tshig gnyis kyis bstan te/ ma zhugs pa rnams gzhug pa'i phyir dang / zhugs pa rnams yongs su smin par bya ba'i phyir ro//nyon mongs pa'i kun nas dkris pa rnam par gnon pa ni tshe 'di'i zag pa rnams bsdam pa'i phyir zhes bya bas bstan te/ nyon mongs pa'i kun nas dkris pa rnam par gnon pa dang rjes su mthun pa'i phyir ro/ /nyon mongs pa'i bag la nyal spong ba ni tshe rabs phyi ma'i zag pa rnams bzlog pa'i phyir zhes bya bas bstan te/smon nas tshangs par spyod pa la gnas pa bsal bar bya ba'i phyir dang / nyon mongs pa'i bag la nyal spang ba dang rjes su mthun par bya ba'i phyir ro/ /de ltar rnam pa de dag gis dge 'dun bde bar gnas par 'gyur te/dka' thub drag pos gdung ba rjes su bsrung ba'i phyir dang / phan tshun gnod pa rjes su bsrung ba'i phyir dang / sems la 'gyod pa rjes su bsrung ba'i phyir dang / yo byad kyis phongs pa rjes su bsrung ba'i phyir dang nyon mongs pa'i kun nas dkris pa rjes su bsrung ba'i phyir dang /log par smon pa rjes su bsrung ba'i phyir te go rims bzhin no/ /nga'i tshangs par spyod pa skye bo mang po la phan pa yangs par gyur pa lha dang mi'i bar dag la yang dag par rab tu bstan pa yun ring du gnas par 'gyur ba zhes bya ba ni bstan pa rgyun mi 'chad par 'gyur ba ste/thob pa rnams bde bar gnas par 'gyur ba dang / ma thob pa ma zhugs pa rnams bde bar 'jug par 'gyur ba'i phyir ro/ /de la nga'i tshangs par spyod pa zhes bya ba ni bcom ldan 'das kyi chos 'dul ba mya ngan las 'das pa'i phyir spyod pa'o//skye bo mang po la phan pa zhes bya ba ni rgyal rigs la sogs pa'i rigs dang rus rnams la phan pa'i phyir ro/ /yangs par gyur pa zhes bya ba ni sems can gyi rigs de dag nyid gong nas gong du 'phel bar 'gyur ba las brtsams so/ /lha dang mi rnams kyi bar la zhes bya ba ni de dag nyid la mthu yod pa'i phyir yin gyi bcom ldan 'das kyi thugs rje nyi tshe bar gyur pa ni ma yin no//yang dag par rab tu bstan pa zhes bya ba ni ji lta ba bzhin du yod pa nyid dang / ji snyed yod pa nyid kyis so/ /phan yon bcu po de dag mdor bsdu na rnam pa bzhi ste/ dang po bsdu ba dang / legs par bsdu ba dang / bsdus pa rnams bde bar gnas par 'gyur ba dang / ma 'ongs pa ma bsdus pa rnams bde bar gnas par 'gyur ba'i thabs yongs su bstan pa yin te/ phan yon dang po dang / phan yon gnyis pa dang / bar ma bdun dang / tha ma go rims bzhin du sbyar ro/ /da ni bslab pa bcas pa'i yan lag gi don bshad par bya ste/ de la dge slong gang zhes bya ba la/ yang zhes bya ba ni yang las dang po pa la ltung ba med par bstan pa ste/ phyin chad gzhan gyis spyad na ltung bar 'gyur ba'o/ /dge slong zhes bya ba ni dge slong rnam pa bzhi po ming gi dge slong dang /khas 'che ba'i dge slong dang / slong ba'i phyir dge slong dang / nyon mongs pa bcom pa'i phyir dge slong dag ma gtogs pa gsol ba dang bzhi'i las kyis bsnyen par rdzogs pa'i dge slong ngo / /gang zhes bya ba ni bzang byin dang / dgon pa pa dang / gzhan yang de lta bu gang yang rung ba'o/ /dge slong rnams dang lhan cig ces bya ba ni de las gzhan pa chos mthun pa tshangs pa mtshungs par spyod pa rnams dang ngo / /bslab pa mtshungs par gyur pas zhes bya ba ni bslab pa gang la bsnyen par rdzogs nas lo brgya lon pa'i dge slong gis bslab par bya ba de la deng bsnyen par rdzogs pas kyang bslab par bya la/deng bsnyen par rdzogs pas bslab pa gang la bslab par bya ba de la bsnyen par rdzogs nas lo brgya lon pas kyang bslab par bya'o zhes de la tshul khrims nyid kyis ma nyam pa dang / bslab pa nyid kyis ma nyam pa dang / so sor thar pa'i mdo gdon pa nyid kyis mnyam pa gang yin pas so/ /bslab pa ma phul zhes bya ba ni bslab pa ma phul bas bsten na ltung bar 'gyur gyi bslab pa phul ba la ni sdom pa med pas des bsten pa la ni ltung ba rnam par mi gzhag go//de la bslab pa dbul ba'i cho ga ni 'di lta ste/ dge slong 'dod pa'am/ mngon par mi dga' ba'am/ rnam par 'khyam 'dod cing dge sbyong gi tshul don du mi gnyer ba'am/ dge sbyong gi tshul gyis sgyid lug pa'am/ dmus byung pa'am/ the tshom za ba'am/ smod pa'am/dge sbyong gi tshul yongs su gtong 'dod pa na dge slong ngam mi'i 'gro bar gtogs pa rang bzhin ma nyams pa don brda phrad par nus pa'i gan du song ste/ 'di skad ces tshe dang ldan pa dgongs su gsol/ bdag cag ming 'di zhes bgyi ba bslab pa 'bul lo zhe'am/ sangs rgyas sam/ chos sam/ dge 'dun nam/ mdo sde'am/ 'dul ba'am/ ma mo'am/ slob dpon nam/ mkhan po 'bul lo zhe'am/ bdag khyim pa gzung du gsol zhe'am/ dge tshul lam/ za ma'am/ ma ning ngam/ dge slong ma sun phyung ba'am/ rku thabs su gnas pa'am/tha dad par gnas pa'am/ gnas par mi bya ba'am/ mu stegs can nam/ mu stegs can zhugs pa'am/ pha bsad pa'am/ ma bsad pa'am/ dgra bcom pa bsad pa'am/ dge 'dun gyi dbyen byas pa'am/ de bzhin gshegs pa la ngan sems kyis khrag phyung bar gzung du gsol zhe'am/tha na 'di skad ces bdag khyod lta bu chos mthun par tshangs pa mtshungs par spyod pa dag dang lhan cig gnas pa'am/ longs spyod pas chog go zhes zer na 'bul lo zhes bya ba'i tshig de dag dang /gzung du gsol zhes bya ba'i tshig de dag dang / chog go zhes bya ba'i tshig de dag las gang yang rung ba zhig smras na yang des bslab pa phul ba yin no/ /de las bzlog pas ni bslab pa phul bar mi 'gyur ba'o/ /phul bar mi 'gyur ba'i rnam pa ni 'di lta ste/ dge slong khros shing khro ba'i zil gyis non pa dang /smyos pa dang / sems 'khrugs pa dang / tshor ba dag gis nyen pa la sogs pas rang bzhin nyams pa la phul na phul ba nyid ma yin no/ /nyan pa pos khros shing khro ba'i zil gyis non pa dang / smyos pa dang / sems 'khrugs pa dang /tshor ba dag gis nyen pa la sogs pas rang bzhin nyams pa la phul na phul ba nyid ma yin no/ /nyan pa po glen pa dang / lkugs pa dang / 'on pa dang / gnyid log pa dang / snyoms par zhugs pa dang / dbus pa'am/ mtha' 'khob pa'i skad dang / tha snyad brda mi phrad pa la sogs pas mi go ba nyid la phul na phul ba nyid ma yin no//dben par dben pa nyid dam/ mi dben par 'du shes pa dang / mi dben par dben pa nyid du 'du shes pas phul na phul ba nyid ma yin no/ /lha dang sprul pa dang / dud 'gro dang / gzugs brnyan la sogs pa mi ma yin pa'i 'gro ba la phul na phul ba nyid ma yin te/bslab pa gtong ba'i sems med cing 'bul ba'i cho ga sngar bstan pa dag 'ga' la yang lus sam/ dag gi rnam par rig byed kyis go bar ma byas pa ni bslab pa ma phul ba zhes bya'o/ /bslab pa nyams par ma byas pa zhes bya ba ni bslab pa nyams par ma byas pas bsten na ltung bar 'gyur gyi/bslab pa nyams par byas pa la ni sdom pa med pas des bsten pa dag la ltung ba rnam par mi gzhag go/ /de la bslab pa nyams par bya ba'i cho ga ni 'di lta ste/ dge slong 'dod pa'am/ mngon par mi dga' ba'am/ rnam par 'khyam 'dod cing dge sbyong gi tshul don du mi gnyer ba'am/dge sbyong gi tshul gyis sgyid lug pa'am/ dmus byung ba'am/ the tshom za ba'am/ smod pa'am/ dge sbyong gi tshul yongs su gtong 'dod pa na dge slong ngam mi'i 'gro bar gtogs pa rang bzhin ma nyams pa don brda phrad par nus pa'i gan du song ste 'di skad ces tshe dang ldan pa mkhyen par mdzod cig /tshangs par spyod pa spyad dka'o/ /rab tu dben pa bya dka'o/ /gcig pu nyid la mngon par dga' bar dka'o/ /gnas mal dgon pa nags khrod dang ri drung dang bas mtha' dag tu gnas pa khong du chud par dka'o//gcig pu dgon par gnas pa sdug bsngal lo/ /pha ma dang phu nu dang bu sring dran no/ /bdag bzo dag slob tu chug shig /bdag gi las kyi mtha' dag tshol cig /bdag khyim bzang po dag tu gtod cig ces bya ba'i ngag dang tshig dang tha snyad dang skad dang /brjod pa dang nges pa'i tshig dang / tshig gi lam dang tshig gi sgra dang ngag gi las dang ngag gi rnam par rig byed gang yin pa dag rjod par byed na des bslab pa nyams par byas pa yin no/ /de las bzlog pas ni bslab pa nyams par byas par mi 'gyur ro/ /bslab pa phul ba dang bslab pa nyams par bya ba gnyi ga la sdom pa med pa nyid dang 'dra ste/bslab pa phul bas ni bslab pa gtong ba'i sgo nas sdom pa med par byas la/ bslab pa phul bas nyams par byas pas ni bslab pa'i yul mthu med par byas pa'i sgo nas sdom pa med par byas pa yin no//de la bslab pa phul la bslab pa nyams par ma byas pa yang yod/ bslab pa nyams par byas la bslab pa ma phul ba yang yod/ bslab pa nyams par yang byas la bslab pa phul ba yang yod/ bslab pa ma phul la bslab pa nyams par ma byas pa yang yod do/ / de la mu dang po ni bslab pa dbul ba bslab pa nyams par bya ba med par byed pa ste/ rgyu ma bstan pa'i phyir yongs su rdzogs pa ma yin pas bslab pa phul la bslab pa nyams par ma byas pa zhes mu dang por gzhag par zad kyi/ bslab pa phul la bslab pa nyams par ma byas su zin kyang de la dge slong gi dngos po nyid med do//mu gnyis pa ni bslab pa nyams par bya ba bslab pa dbul ba med par byed pa ste/ de ni 'bras bu ma bstan pa'i phyir yongs su rdzogs pa ma yin pas bslab pa nyid nyams par byas la bslab pa ma phul ba zhes mu gnyis par gzhag par zad kyi/bslab pa ma phul la bslab pa nyams par byas na bslab pa ma phul du zin kyang de la yang dge slong gi dngos po nyid med do/ /mu gsum pa ni dge slong gi dngos po med pa nyid gang yin pa de'i rgyu yang bstan la 'bras bu yang bstan pa'i phyir yongs su rdzogs pa yin pas bslab pa nyams par yang byas na bslab pa phul ba zhes mu gsum par gzhag ste de la yang dge slong gi dngos po nyid med par 'gyur ba'i rgyu de gnyis ka yang ma byas pas de la ni dge slong gi dngos po nyid yod pa yin pas bslab pa ma phul zhing bslab pa nyams par ma byas pa zhes mu bzhi par rnam par gzhag go//mu bzhi po de dag las dang po gsum pa ni dge slong gi dngos po nyid med la/ mu bzhi pa la ni dge slong gi dngos po nyid yod pas de'i phyir 'dir bslab pa ma phul ba bslab pa nyams par ma byas par zhes mu bzhi pa nyid smos so//mi tshangs par spyod pa zhes bya ba ni gnyis kyis gnyis sprad pa'o/ /'khrig pa zhes bya ba ni mi tshangs par spyod pa gang yin pa de 'khrig pa yang yin te/ gnyis kyis gnyis sprod pa las mi tshangs par spyod pa zhes bya ba'i chos de byung ba'i phyir ro/ /chos zhes bya ba ni chos ma yin pa de chos kyi sgrar gsungs pa'o//bsten nas zhes bya ba ni byas na'o/ /tha na dud 'gro'i skye gnas su skyes pa dang / lhan cig kyang rung ste zhes bya ba ni spra mo'am gzhan yang de lta bu gang yin pa dang lhan cig mi tshangs par spyod pa 'khrig pa'i chos bsten kyang rung ste'o//dge slong zhes bya ba ni gang la dge slong gi dngos po yod pa'o/ /dge slong gi dngos po gang zhe na/ gsol ba dang bzhi'i las mi g.yo ba gzhag par mi 'os pas bsnyen par rdzogs pa'i sdom pa'o/ /de zhes bya ba ni nye bar bstan pa dang / kun du bstan pa'i tshig bla dgas de'o//pham par gyur pa yin gyi zhes bya ba ni de mthar gyur pa dang ltung ba dang dman pa dang mjug na 'dug pa dang tha chad dang yid dang mi mthun pa yin pa'o/ /yang gang gis ltung ba de byas ma thag tu 'di lta ste dper na shing ta la'i mgo bcad na sngon por 'gyur du mi rung la/ 'phel zhing rgyas pa dang yangs par 'gyur du mi rung ba de bzhin du dge slong gi gnas pa de lta bu byas na byas ma thag tu dge slong du mi rung bar 'gyur/ dge sbyong du mi rung / shAkya'i sras kyir mi rung / dge sbyong gi dngos po las nyams par 'gyur te/ de'i dge sbyong gi tshul zhig par 'gyur zhing /nyams pa/ bcom pa/ ltung ba/ pham par gyur pa ste/ de'i dge sbyong gi tshul phyir bslang du med par 'gyur la des na pham par 'gyur ba yin gyi zhes gsungs te/ gzhan rgyal bar byed du 'jug pa'i nyes pas pham par gyur te ltung ba byung bar gyur ces bya ba'i tha tshig go//gnas par mi bya'o zhes bya ba ni dge slong rnams kyis de dang gso sbyong dang / dgag dbye dang / gsol ba dang / gsol ba dang gnyis dang / gsol ba dang bzhi'i las la gnas par mi bya ba dang / de gang zag bcu gnyis po gnas khang bsko ba dang / zas la bsko ba dang / thug pa 'brim pa dang / bag chos 'brim pa dang / phran tshegs 'brim pa dang / snod spyad 'drub pa dang / snod spyad 'gyed pa dang / gos sbed pa dang / gos bged pa dang / dbyar gyi ras chen bged pa dang / mngag gzhug pa dang / mdzes chos zhes bya ba dag tu bsko bar mi bya ba ste/des na gnas par mi bya'o zhes gsungs so/ /de la ltung ba ji ltar 'gyur zhe na/ ltung ba rnam par gzhag pa ni bsam pa dang / sbyor ba'i sgo nas dngos gzhi dang / sbyor ba dang sbyor ba'i sbyor ba ci rigs par rnam par gzhag par bya ste/ 'dir ni dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni bcug reg nyams su myong bar byas na pham par 'gyur ro//de'i bye brag ni dge slong gis rang gi ston par byed pa zag byed ma nyams pa bsten par bya ba rang gi dang gzhan gyi dang / mi'i dang 'gro ba gzhan du gtogs pa'i dang / pho'i dang mo'i dang ma ning gi dang / ro'i zag byed dam/ kha'am/ bshang ba'i lam ci rigs par ma nyams par bcug pa dang /rang gi bsten par bya ba ma nyams par de dag ci rigs pa'i sten par mi byed pa ma nyams par bcug pa'i reg pa nyams su myong bar byas na pham par 'gyur ro/ /mi dang 'gro ba gzhan du gtogs pa dang dud 'gro la na smad pa med do/ / rang dang gzhan la na smad pa med do/ /pho dang mo dang ma ning la na smad pa med do/ /gson po dang rol na smad pa med do/ /zag byed dang kha dang bshang ba'i lam la na smad pa med do/ /bsten par bya ba dang sten par byed pa g.yogs ma srab mo can la na smad pa med do/ /gzhan gyis ma tshor ba dang gzhan rang bzhin nyams pa la na smad pa med do//bdag dang gzhan mi 'dod bzhin du bcug pa la na smad pa med do/ /phyi rol du 'drud cing nang du ldugs pa dang / nang du smyugs shing phyi rol du dbo ba la na smad pa med do/ /bgrod par bya ba phyed bcad pa nyid la na smad pa med do//bsten par bya ba'i dbus dbye ba'i mtshams 'byor par mi mngon pa la na smad pa med do/ /shing dang rdo ba dang gos las bu mo'i gzugs byas pa la brtsal ba na yan lag thams cad du reg pa bsten na na smad pa med do/ /mdun ma dang phyi ma gnyis gang du brtsams pa de las gzhan du gtugs pa la na smad pa med do//sgo gsum gyi lam gcig tu brtsams nas lam lhag ma rnams su brtsal bar bya'o snyam pa la na smad pa med do/ /bdag ma nyams par nyams pa'o snyam pa'i bsam pa can la na smad pa med do/ /nad dang dbral bar bya ba'i don nyid la na smad pa med do//sgo gsum gyi lam la lam ma yin par 'du shes pa dang / yid gnyis za ba la na smad pa med do/ /rang bzhin gyis las su rung ba nyid yin na na smad pa med do/ /dge slong 'gro ba gzhan gyi rnam pa bsten pa na dge slong gi 'du shes yod pa la na smad pa med do//dngos po bzang ngan dang 'dra ba la na smad pa med do/ /mtshan gyur pa ltung ba thun mong gi yul la na smad pa med do/ /'gro ba gzhan las skyes pa dang 'gro ba gzhan gyi rnam pa bsten pa la na smad pa med do/ /gnas skabs gzhan thob pa la na smad pa med do/ /gzhi gcig la bslab pa du ma bcas pa nyid la na smad pa med do//dngos po la the tshom za bas bsam pa dang bcas pas zhugs pa la na smad pa med do/ /yul bsams pa dang ma bsams pa la na smad pa med do/ /rang dang gzhan gyi don du byed pa la na smad pa med do/ /dge slong gi dngos por mi shes na rang bzhin gyis nyams pa yin no//'di'i byed pa po ni mi dang 'gro ba gzhan dang dud 'gro pho dang mo dang ma ning dang / gson po dang / shi ba'i zag byed dang / kha dang bshang ba'i lam ma nyams pa mi tshangs par spyod pa 'khrig pa'i chos bsten du rung ba'o/ / 'di la yan lag bzhis dngos gzhi'i ltung bar 'gyur te/ bsten du rung ba dang / ma nyams pa dang / dang po'i phyogs su nor bu 'das pa dang / reg pa nyams su myong ba'o de dag las yan lag ma tshang na ci rigs par na smad do/ /bsten du rung ba ni mi tshangs par spyod par 'khrig pa'i chos bsten du rung ba ste/bsten du mi rung ba ni ma nyams su zin kyang de la dang po'i phyogs su nor bu 'das pa dang / reg pa nyams su myong ba med pas nyes pa sbom po'o/ /ma nyams pa ni sten par byed pa dang bsten par bya ba ma nyams pa ste/ nyams na bsten du rung ba yin yang de la reg pa nyams su myong ba med pas nyes pa sbom po'o//dang po'i phyogs su nor bu 'das pa ni rma'i sgo gsum po dag gi dang po'i phyogs su sten par byed pa'i nor bu mthe bong gi rnam pa lta bu 'das pa'o/ /der de ma 'das na bsten du rung ba dang ma nyams pa yin du zin kyang reg pa nyams su myong ba yongs su rdzogs par mi 'gyur bas nyes pa sbom po'o//reg pa nyams su myong ba zhes bya ba ni bcug reg nyams su myong bas de med na snga ma gsum yod kyang nyes pa sbom por 'gyur ro/ /reg pa nyams su myong ba yod na ni yan lag gong ma gsum yang gdon mi za bar yod pas 'di ni dngos gzhi'i yan lag yin no//sbyor ba'i ltung ba rnam par gzhag pa ni mi tshangs par spyod pa'i sbyor bas bgrod par bya ba la nom par byed nyug par byed la ji srid du bcug reg nyams su myong bar mi byed kyi bar du nyes pa sbom por 'gyur ro//bsten par bya ba dang sten par byed pa bsten du mi rung ba dang nyams pa dang / dang po'i phyogs su nor bu ma 'das pa dang reg pa nyams su ma myong ba dag la nyes pa sbom po'o/ /mgo bcad pa'i khar bcug na nyes pa sbom po'o/ /gzhan gyi bsten par bya ba lus las tha dad par byed pa dag tu rang gi sten par byed pa lus las tha dad par ma byas pa 'jud na nyes pa sbom po'o//rang dang gzhan gyi sten par byed pa lus las tha dad par byas pa dag tu rang gi bsten par bya ba lus las tha dad par ma byas pa dag tu 'jud na nyes pa sbom po'o/ /gzhan gyi bsten par byed pa lus las tha dad par ma byas pa dag tu 'jud na nyes pa sbom po'o//gzhan gyi bsten par bya ba dang sten par byed pa lus las tha dad par byas pa dang ma byas pa sbyor ba byas na nyes pa sbom po'o/ /rma'i sgo gsum las gzhan pa'i bu ga lus las tha dad par byas pa dang ma byas par 'jud na nyes pa spom po'o//bsten par bya ba ma ning mo sbubs med pa la sbyor na nyes pa spom po'o/ /mchu gnyis la sbyor na nyes pa sbom po'o/ /so'i phyi rol tshun chad du sbyor na nyes pa sbom po'o/ /ci yang rung ba'i snod du 'jud na nyes pa sbom po'o/ /sten par byed pa lta ba dang mi reg par 'jud na nyes pa sbom po'o//bsten pa'i phyir gzhan la khas blangs na nyes pa spom po'o/ /bsten par bya bar ma chud pa dang / chud par bya ba'i phyir rma'i sgo ma nyes na nyes pa sbom po'o/ /'jud pa na skrag pa dang ngo tsha bas kun du 'dod chags ma skyes na nyes pa sbom po'o//yan lag gi rnam pa rdol ba'i phyir ro ma myangs na nyes pa sbom po'o/ /las su mi rung ba bcug na nyes pa sbom po'o/ /spyad du mi bzod pa chung ngu la sten par byed na nyes pa sbom po'o/ /sprad pa'i g.yo ba yid tsam myong na nyes pa spom po'o/ /shing dang rdo ba dang gos las bu mo'i gzugs byas pa la brtsal ba na gal te dbang po tsam dod par 'jud na nyes pa sbom po'o//bsten pa'i don du rtsol bas yan lag gi rnam par rkang pa 'jud na nyes pa sbom po'o/ /bsten par bya ba la yan lag gi rnam pas reg pa tsam byed na nyes pa sbom po'o/ / bdag dang bsten pa'i phyir ram gzhan bsten du gzhug pa'i phyir bsgo na nyes pa sbom po'o/ /sgo gsum gyi lam ma yin pa la lam du 'du shes pa dang yid gnyis za na nyes pa spom po'o/ /rtsom pa na zag byed dang kha dang bshang ba'i lam du lag pa la sogs pas 'tshir na nyes pa sbom po'o//zag byed dang kha dang bshang ba'i lam du mthe bong dang ba so la sogs pa 'jud na nyes pa sbom po'o/ /mi tshangs par spyod pa'i don du nye bar 'gro ba la khu ba shor na nyes pa sbom po'o/ /bsten par bya ba'i dbus su byed pa'i mtshams 'byor par mngon pa la rtsol na nyes pa spom po'o//dge slong 'gro ba gzhan gyi rnam pa bsten pa ni dge slong gi 'du shes med pa la nyes pa spom po'o/ /dge slong gi skyes pa'i phyir lus bkan na nyes pa sbom po'o/ /dngos gzhi la sbyor ba tha dad pa ji snyed byas pa re re la nyes pa sbom po re rer 'gyur ro/ /sbyor ba'i sbyor ba'i ltung ba rnam par gzhag pa ni mi tshangs par spyod pa'i sbyor ba'i phyir khri las ldang ba la sogs pa nas ji srid du bgrod par bya ba la nom par mi byed nyug par mi byed kyi bar du nyes byas su 'gyur ro//sbyor ba'i ltung ba ji skad bsten pa de dag re re la sbyor ba'i sbyor ba gcig na nyes byas gcig tu 'gyur ro//sbyor ba'i sbyor ba tha dad na re re la nyes byas re rer 'gyur ro/ /ltung ba med pa ni rdos pa bud med kyi steng du 'gyel ba la ltung ba med do/ /mi 'dod bzhin du bud med nyam thag pas mgul nas 'khyud na nyes pa med do/ /mi 'dod bzhin du mchur bud med kyi mchus reg pa la ltung ba med do//las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni yul thams cad la gnas skabs thams cad du mi tshangs par spyod pa'i sbyor ba'i sbyor ba nyes byas dang /sbyor ba sbom po dang / dngos gzhir gyur pa rnam pa thams cad du bsten par mi bya bar bslab par bya'o/ /ma bsrungs par nyin mo glos phab ste gnyid log par mi bya'o/ /gong du bud med kyis brjod pa der 'gro bar mi ba'o/ /gong du mi ma yin pas gnod pa phyis brtsam pa der 'gro bar mi bya'o//khyi'i mdun du zag byed phyung ste gci bar mi bya'o/ /gang du srog gi bar chad 'byung ba'i dgon pa der gnas par mi bya'o/ /gang na yan lag gi rnam pa 'dzin pa'i 'jigs pa yod pa'i chu klung der sgren mor rgal bar mi bya'o/ / gru rgal ba dang ba lang gi nang du 'gro ba dang khron pa brtag pa dang bsod snyoms la 'gro ba na bud med la mi reg par shes bzhin du bya'o/ /rab tu byung ba dag legs par brtags te bud med ma yin pa nye bar gzhag par bya'o/ /'dod chags shas che bas 'dzag snod bcang bar bya'o/ / de la phyir bcos pa ni pham par 'gyur ba'i sbyor ba'i sbyor ba'i nyes byas dang / sbyor ba sbom po dang / dngos gzhi mthol ba dang / bshags pa dang / gnyis kyis ltung ba las slar bslang bar bya'o/ /de la pham par 'gyur ba'i sbyor ba'i sbyor ba nyes byas phyir bcos pa ni de la bsdam par bya ba'i nyes byas yin na ni gzhan la mthol ba dang /bshags pa mi dgos par rang gi yid kyis ltung ba sngar mthol ba dang phyin chad bsdams pas snga ma 'gyod pa dang phyin chad mi bya'o snyam du bsdams pa byas na ltung ba las ldang ngo / /bshags par bya ba'i nyes byas yin na ni gzhan la mthol ba dang bshags pas phyir bcos par bya dgos so//de la bsdam par bya ba'i nyes byas ni bshags par bya ba'i nyes byas kyi phyogs su gtogs pa'i yid kyi nyes byas zhes bya ste dper na mi tshangs par spyod pa'i don du yid kyi rtsol ba la sogs pa lta bu'o//bshags par bya ba'i nyes byas ni lus dang ngag gis sbyor ba'i sbyor ba ji skad bstan pa rnams so/ /bshags par bya ba'i nyes byas mthol ba dang / bshags pa'i cho ga ni dge slong gis ltung ba bcab par mi bya ste pham par 'gyur ba'i sbyor ba'i sbyor ba nyes byas bshags par bya ba gang yang rung ba rgyud na bcab pa'i sems gcig tsam gyis kyang bcab par mi bya bar de snyed kyi mod la mchil lham gnyis phud nas dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba dang ming dang rigs las mi mthun pa gcig gi mdun du tsog pur 'dug ste thal mo sbyar ba btud nas ltung ba'i sde tshan gyi ming dang rigs gang byung ba smos te cig car mthol ba dang bshags pa byar rung ngo //de'i sngags ni 'di yin te/ tshe dang ldan pa dgongs su gsol/ bdag dge slong ming 'di zhes bgyi ba la ltung ba pham par 'gyur ba'i sde tshan las rigs 'di zhes bgyi ba'i sbyor ba'i sbyor ba che ge mo las gyur pa'i nyes byas byung ste/bdag dge slong ming 'di zhes bgyi ba ltung ba de tshe dang ldan pa'i mdun du mthol lo mi 'chab bo 'chags so/ /mthol zhing bshags na bdag bde ba la reg par gnas par 'gyur gyi/ma mthol ma bshags na ni mi 'gyur ro zhes lan gsum bzlas/ nyan pa pos ltung ba mthong ngam zhes smra zhing / 'chags pas mthong ngo zhes brjod par bya/ nyan pas phyin chad sdom mam zhes smra zhing 'chags pas sdom mo zhes lan gsum bzlas/de'i rjes la nyan pas thabs yin no zhes brjod par bya zhing 'chags pas legs so zhes brjod par bya ste/ de tsam gyis na ltung ba las ldang ngo / /de'i mod la gang la mthol zhing bshags par bya ba'i gang zag med na skya rengs ma shar gyi bar du 'chab pa'i nyes pa med do//ji srid du gang la mthol zhing bshags par bya ba'i gang zag ma rnyed pa de srid du skya rengs shar kyang ma mthol ma bshags pa la 'chab pa'i nyes pa med do/ /gang la mthol zhing bshags par bya ba'i gang zag med na skya rengs ji srid du gang la mthol zhing bshags par bya ba'i gang zag ma rnyed pa de srid du mthol zhing bshags pa'i sems med pa la 'chab pa'i nyes pa med do//gang la mthol zhing bshags par bya ba'i gang zag yod du zin kyang rkyen 'ga' zhig gis bdag nyid der 'gro ba'i skabs med dam/bdag nyid gnas de nas gzhan du song bar gyur na de'i bar du mthol zhing bshags pa'i sems med pa la 'chab pa'i nyes pa med do/ /gang la mthol zhing bshags par bya ba'i gang zag yod du zin kyang ltung ba byung ba de 'di snyam du gal te de'i gan du song la ma brjod na 'chab pa'i nyes par 'gyur du dogs pas de'i dbang gis der mi 'gro ba'am gzhan du song bas brjod pa ma byas pa la yang 'chab pa'i nyes pa med do//rkyen cis kyang ma bskal par de'i gan du mi 'gro ba dang gzhan du 'gro ba dang skya rengs kyi mdun rol du mi mthol ba dang / 'chab pa'i sems bskyed pa dag ni nyes byas so/ /gang la mthol zhing bshags par bya ba'i gang zag dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las mi mthun pa med na chos 'di pa gcig la je mthol la/de'i 'og tu dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las mi mthun pa gcig gi mdun du bshags par bya'o/ /ltung ba ming las mi mthun pa'i gang zag med na ltung ba rigs las mi mthun pa'i mdun du bshags par bya'o//'dir ming ni ltung ba'i sde tshan no/ /rigs ni ltung ba gang byung ba'o/ /chos 'di pa zhes bya ba ni dge slong dang bslab pa byin pa dang / dge slong ma dang / dge tshul dang / dge tshul ma dang / dge bsnyen dang / dge bsnyen ma dang / khyim pa de bzhin gshegs pa'i lta ba can mtshams kyi nang na 'dug pa dang / lta ba mi mthun pa mtshams gzhan gyi nang na 'dug pa dag go/ /'dir de dag gi rnam par gzhag pa ni/ mtshan mi mthun par bsnyen par rdzogs pa la mthol na bcabs par ni mi 'gyur la nyes byas su ni 'gyur ro//bsnyen par ma rdzogs pa dag la mthol na bcabs par ni mi 'gyur la gnas ngan len rig par byed pa las ni ltung byed du 'gyur ro/ /gnas ngan len ma yin par rig par byed pa las ni nyes byas su 'gyur ro/ /chos 'di pa de dag gang yang rung ba mtshams gzhan na 'dug pa dang lta ba mi mthun pa la mthol na bcabs par mi 'gyur la/nyes byas su ni 'gyur ro/ /dge slong bsnyen par rdzogs pa rang bzhin du gnas pa ma yin pa la mthol na yang bcabs par mi 'gyur la nyes byas su ni 'gyur ro/ /dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las/mthun pa la mthol na yang bcabs par ni mi 'gyur la nyes byas su ni 'gyur ro/ /dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las mi mthun pa la mthol na bcabs par yang mi 'gyur la ltung bar yang mi 'gyur te/'og ma gzhan dag la yang de bzhin no/ /ltung ba mthol ba la spyir bstan pa ni mthol ba'i sngags rdzogs par bya'o/ /mthol ba'i sngags ril gyis brjod ma nus na tha na ming ngam rigs gcig go bar byas na yang mthol bar 'gyur ro//bshags pa'i sngags ni rdzogs par brjod dgos so/ /nyes byas mthol ba las ni ming dang rigs ma brjod par bdag la ltung ba byung ngo zhe'am/ bdag gis kha na ma tho ba byas so zhes bya ba rnam pa gang yang rung bas rig par byas na yang rung ngo //pham par 'gyur ba'i dngos gzhi ma gtogs pa sbyor ba dang nyes byas la sogs pa ltung ba gzhan thams cad la yang bcabs pa yod na sngar bcabs pa'i nyes pa phyir bcos par bya zhing phyis ltung ba nyid phyir bcos par shes par bya'o/ / bcabs pa'i nyes pa phyir bcos pa ni ltung ba ming dang rigs gang byung ba dang / ji srid bcabs pa de gnyis je mthol bar bya'o/ /dge 'dun lhag ma la ni bcabs pa'i nyes pa yod na spo ba zhes bya ba'i las kyis de med par bya dgos te/ de ni 'og nas ston to/ /mthol ba dang bshags par bya ba'i skabs yod bzhin du mi mthol mi 'chags na zhag re la nyes byas re rer 'gyur ro//gang la mthol ba'i gang zag dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las mi mthun pa yod na chos 'di pa gzhan la mthol bar mi bya'o//bshags pa ni chos 'di pa gzhan la rnam pa thams cad du mi bya'o/ /pham par 'gyur ba'i sbyor ba nyes pa sbom po'i phyir bcos pa yang mthol ba dang bshags pa gnyis kyis nyes pa sbom po'i ltung ba las bslang ba ste/de la mthol ba ni dge slong gis kha na ma tho ba bcab par mi bya ste/ pham par 'gyur ba'i ltung ba bzhi po sbyor ba'i nyes pa sbom po lci ba dang yang ba gang yang rung ba byung ba na bcab pa'i sems cig tsam gyis kyang bcab par mi bya bar de nyid kyi mod la mchil lham gnyis phud nas dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las mi mthun pa gcig gi mdun du tsog pur 'dug ste thal mo sbyar ba btud nas ltung ba'i sde tshan gyi ming dang gang byung ba'i rigs smos te mthol bar bya'o//de'i sngags ni 'di yin te/ tshe dang ldan pa dgongs su gsol/ bdag dge slong ming 'di zhes bgyi ba la ltung ba pham par 'gyur ba'i sde tshan las rigs 'di zhes bgyi ba'i sbyor ba che ge mo las gyur pa'i nyes pa spom po byung ste/ bdag dge slong ming 'di zhes bgyi ba ltung ba de tshe dang ldan pa'i mdun du mthol lo//mi 'chab bo/ /mthol na bdag bde ba la reg par gnas par 'gyur gyi/ ma mthol na ni mi 'gyur ro zhes lan gsum bzlas/ de'i rjes la nyan pas thabs yin no zhes brjod par bya/ mthol bas legs so zhes brjod par bya ste/de tsam gyis na mthol ba yin no/ /de'i mod la gang la mthol bar bya ba'i gang zag med na skya rengs ma shar gyi bar du 'chab pa'i nyes pa med do/ /ji srid du gang la mthol bar bya ba'i gang zag ma rnyed pa de srid du skya rengs shar kyang ma mthol ba la 'chab pa'i nyes pa med do/ / gang la mthol bar bya ba'i gang zag med na ji srid du gang la mthol bar bya ba'i gang zag ma rnyed pa de srid du mthol ba'i sems med pa la 'chab pa'i nyes pa med do/ /gang la mthol bar bya ba'i gang zag yod du zin kyang rkyen 'ga' zhig gis bdag nyid der 'gro ba'i skabs med dam/bdag nyid gnas de nas gzhan du song bar gyur na de'i bar du mthol ba'i sems med pa la 'chab pa'i nyes pa med do/ /gang la mthol bar bya ba'i gang zag yod du zin kyang ltung ba byung ba de 'di snyam du gal te de'i gan du song la ma brjod na 'chab pa'i nyes par 'gyur du dogs pas de'i dbang gis der mi 'gro'am/gzhan du song bas brjod pa ma byas pa la yang 'chab pa'i nyes pa med do/ /rkyen cis kyang ma bskal par de'i gan du mi 'gro ba dang / gzhan du 'gro ba dang / skya rengs kyi mdun rol du mi mthol ba dang / 'chab pa'i sems bskyed pa dag ni nyes byas so zhes bya ba yang snga ma bzhin no/ /gang la mthol bar bya ba'i gang zag dge slong bsnyen par rdzogs pa rang bzhin du gnas pa'i lta ba dang mtshan mthun pa mtshams kyi nang na 'dug pa ltung ba ming dang rigs las mi mthun pa med na chos 'di pa sngar bstan pa dag la mthol na yang mthol ba nyid yin te/de dag gi rnam par gzhag pa yang snga ma bzhin no/ /ltung ba mthol ba sngar bstan pa yang snga ma bzhin te/ mthol ba'i sngags rdzogs par bya'o/ /mthol ba'i sngags ril gyis brjod ma nus na yang tha na ming ngam/rigs gcig go bar byas na yang mthol bar 'gyur te/ 'dir yang ming ni ltung ba'i sde tshan no/ /rigs ni ltung ba gang byung ba'o/ /de ltar ltung ba'i sbyor ba mthol na sbyor ba des sbyor ba nyes byas ni logs shig tu mthol mi dgos so//de ltar mthol nas bshags pa ni pham par 'gyur ba'i nyes pa sbom po'i lci ba ni mtshams gang na dge slong drug yan chad 'dug pa'i dge slong gud du ma bcad pa thams cad la bshags par bya ste/ gang na dge slong drug tu ma longs pa'i gnas su bshags su mi rung ngo //der gnas gzhan nas dge slong dag gnyer te drug yan chad du kha bskang ba la ni bshags su rung ngo / /dge slong drug yan chad gnas par dge slong gzhan gzhag ste/ drug yan chad logs shig tu bcad pa la yang bshags su rung ste/drug yan chad gnas de na dge slong ji snyed cig gnas pa thams cad la bshags par bya dgos so/ pham par 'gyur ba'i nyes pa sbom po yang ba ni mtshams gang na dge slong bzhi yan chad 'dug pa'i dge slong gud du ma bcad pa thams cad la bshags par bya ste/ gang na dge slong bzhir ma longs pa'i gnas su bshags su mi rung ngo //der gnas gzhan nas dge slong dag gnyer te bzhi yan chad du kha bskang ba la ni bshags su rung ngo / /dge slong bzhi yan chad gnas par dge slong gzhan gzhag ste bzhi yan chad logs shig tu bcad pa la yang bshags su mi rung ste/bzhi yan chad gnas de na dge slong ji snyed gnas pa thams cad la bshags par bya dgos so/ /des na pham par 'gyur ba'i nyes pa spom bo lci ba ni mtshams kyi nang du dge slong drug la sogs pa thams cad kyi mdun du bshags par bya ba kho na yin no/ / pham par 'gyur ba'i nyes pa sbom po yang ba ni mtshams kyi nang yang rung phyi rol yang rung ste/ dge slong bzhi la sogs pa thams cad kyi mdun du bshags su yang rung ngo / /pham par 'gyur ba'i nyes pa sbom po lci ba dang yang ba ji ltar shes par bya zhe na/ kha na ma tho ba che ba ni lci ba yin la/ kha na ma tho ba chung ba ni yang ba yin te/kha na ma tho ba che ba dang chung ba nyid ni yul dang bsam pa shas che chung nyid las shes par bya ste/ dper na bsten du mi rung ba dang nyams pa la rtsol ba ni yang ba yin la/ de bzhin du rtswa dang phub ma la sogs pa rku ba yang yang ba yin la/ sprul pa gsod pa dang skra can 'tshong ba dag kyang yang ba yin/nor ba dang gzhogs smos byed pas brdzun smra ba la sogs pa yang yang ba yin no/ /bsten du rung ba dang ma nyams par bcug la reg pa nyams su myong ba ni lci ba yin la/ de bzhin du yan lag ma tshang ba'i rdzas mang po rku ba yang lci ba yin/ gsod pa la 'jug pa dang du len pa la sogs pa yang lci ba yin/rdul khrod kyi sha za zhi gnas kyi rgyu mtshan la sogs pa yang lci ba yin no/ /de la pham par 'gyur ba'i nyes pa spom po lci ba bshags pa'i cho ga dang sngags ni mtshams kyi nang du dge slong bsnyen par rdzogs pa rang bzhin du gnas pa lta ba dang mtshan mthun pa ltung ba ming dang rigs las mi mthun pa drug yan chad ji snyed 'khod pa bsdus nas mchil lham gnyis phud de bla gos phrag pa gcig tu byas nas rgan rims la phyag 'tshal te/rgan pa'i mtha' logs su tsog pur 'dug nas thal mo sbyar ba btud de 'di skad ces brjod par bya'o//tshe dang ldan pa dag dgongs su gsol/ bdag dge slong ming 'di zhes bgyi ba la ltung ba pham par 'gyur ba'i sde tshan las rigs 'di zhes bgyi ba'i sbyor ba che ge mo las gyur pa'i nyes pa sbom po lci ba byung ste/ bdag dge slong ming 'di zhes bgyi ba ltung ba de tshe dang ldan pa dag gi mdun du 'chags so//bshags na bdag bde ba la reg par gnas par 'gyur gyi ma bshags na ni mi 'gyur ro zhes lan gsum du bzlas/ nyan pa rnams las rgan pa gcig gis ltung ba mthong ngam zhes smra zhing / 'chags pas mthong ngo zhes brjod par bya'o//nyan pas phyin chad sdom mam zhes smra zhing / 'chags pas sdom mo zhes brjod par bya ste/ de bzhin lan gnyis lan gsum du bzlas/ de'i rjes la nyan pas thabs yin no zhes brjod par bya/ 'chags pas legs so zhes brjod par bya ste/ de tsam gyis na pham par 'gyur ba'i nyes pa sbom po lci ba las ldang ngo //pham par 'gyur ba'i nyes pa sbom po yang ba bshags pa'i cho ga dang sngags ni mtshams kyi nang ngam phyi rol du yang rung ste/ dge slong bsnyen par rdzogs pa rang bzhin du gnas pa lta ba dang / mtshan mthun pa ltung ba ming dang rigs mi mthun pa bzhi yan chad ji snyed 'khod pa bsdus nas mchil lham gnyis phud nas bla gos phrag pa gcig tu byas nas rgan rims la phyag 'tshal te/rgan pa'i mtha' logs su tsog pur 'dug nas thal mo sbyar ba btud de 'di skad ces brjod par bya'o/ /tshe dang ldan pa dag dgongs su gsol/bdag dge slong ming 'di zhes bgyi ba la ltung ba pham par 'gyur ba'i sde tshan las rigs 'di zhes bgyi ba'i sbyor ba che ge mo las gyur pa'i nyes pa sbom po yang ba byung ste/ bdag dge slong ming 'di zhes bgyi ba ltung ba de tshe dang ldan pa dag gi mdun du 'chags so//bshags na bdag bde ba la reg par gnas par 'gyur gyi ma bshags na ni mi 'gyur ro zhes lan gsum du bzlas/ nyan pa rnams las rgan pa gcig gis ltung ba mthong ngam zhes smra zhing 'chags pas mthong ngo zhes brjod par bya/ nyan pas phyin chad sdom mam zhes smra zhing /'chags pas sdom mo zhes brjod par bya'o/ /de bzhin du lan gnyis lan gsum du bzlas/ de'i rjes la nyan pas thabs yin no zhes brjod par bya/ 'chags pas legs so zhes brjod par bya ste/ de tsam gyis na pham par 'gyur ba'i nyes pa spom po yang ba las ldang ngo //de ltar nyes pa sbom po bshags na de'i sbyor ba'i nyes byas ni logs shig tu bshags mi dgos so/ /pham par 'gyur ba'i dngos gzhi phyir bcos pa yang mthol ba dang bshags pa gnyis kyis pham par 'gyur ba'i dngos gzhi las bslangs pa ste/ de la pham par 'gyur ba'i dngos gzhi mthol ba ni dge slong gis kha na ma tho ba bcab par mi bya ste/pham par 'gyur ba'i ltung ba bzhi po las gang yang rung ba'i dngos gzhi byung ba na bcab pa'i sems cig tsam gyis kyang bcab par mi bya bar de nyid kyi mod la mchil lham gnyis phud nas dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las mi mthun pa gcig gam gnyis sam mang po'am mtshams gcig gi dge 'dun gnas khang so so na 'dug pa'am thams cad tshogs pa la yang rung ste/de dag gi mdun du tsog pur 'dug ste/ thal mo sbyar ba btud nas ltung ba'i sde tshan gyi ming dang gang byung ba'i rigs smos te mthol bar bya'o/ /de'i sngags ni 'di yin te/ tshe dang ldan pa dgongs su gsol/ bdag dge slong ming 'di zhes bgyi ba la ltung ba pham par 'gyur ba'i sde tshan las rigs 'di zhes bgyi ba byung ste/bdag dge slong ming 'di zhes bgyi ba'i ltung ba de tshe dang ldan pa'i mdun du mthol lo/ /mi 'chab bo/ /mthol na bdag bde ba la reg par gnas par 'gyur gyi ma mthol na ni mi 'gyur ro zhes lan gsum bzlas/ de'i rjes la nyan pa gcig gis thabs yin no zhes brjod par bya/ mthol bas legs so zhes brjod par bya ste/ de tsam gyis na mthol ba yin no/ /de'i mod la gang la mthol bar bya ba'i gang zag med na skya rengs ma shar gyi bar du 'chab pa'i nyes pa med do/ /ji srid du gang la mthol bar bya ba'i gang zag ma rnyed pa de srid du/skya rengs shar yang ma mthol ba la 'chab pa'i nyes pa med do/ /gang la mthol bar bya ba'i gang zag med na ji srid du gang la mthol bar bya ba'i gang zag ma rnyed pa de srid du mthol ba'i sems med pa la 'chab pa'i nyes pa med do/ /gang la mthol bar bya ba'i gang zag yod du zin kyang rkyen 'ga' zhig gis bdag nyid der 'gro ba'i skabs med dam/bdag nyid gnas de nas gzhan du song bar gyur na de'i bar du mthol ba'i sems med pa la 'chab pa'i nyes pa med do/ /gang la mthol bar bya ba'i gang zag yod du zin kyang ltung ba byung ba de 'di snyam du gal te de'i gan du song la ma brjod na 'chab pa'i nyes par 'gyur du dogs pas de'i dbang gis der mi 'gro'am/gzhan du song bas brjod par ma byas pa la yang 'chab pa'i nyes pa med do/ /rkyen cis kyang ma bskal par de'i gan du mi 'gro ba dang /gzhan du 'gro ba dang / skya rengs kyi mdun rol du mi mthol ba dang / 'chab pa'i sems bskyed pa dag ni nyes byas so zhes bya ba yang snga ma bzhin no/ /gang la mthol bar bya ba'i gang zag dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las mi mthun pa med na/chos 'di pa sngar bstan pa dag la mthol na yang mthol ba nyid yin te/ de dag gi rnam par gzhag pa yang snga ma bzhin no/ /ltung ba mthol ba spyir bstan pa yang snga ma bzhin te/ mthol ba'i sngags rdzogs par bya'o//mthol ba'i sngags ril gyis brjod ma nus na tha na ming ngam rigs gcig go bar byas na yang mthol bar 'gyur te/ 'dir yang ming ni ltung ba'i sde tshan no/ /rigs ni ltung ba gang byung ba'o/ /de ltar ltung ba'i dngos gzhi mthol na de'i sbyor ba dang sbyor ba'i sbyor ba ni logs shig tu mthol mi dgos so//de ltar mthol nas bshags pa ni bslab pa sbyin pa'i cho gas dngos gzhi'i ltung ba las ldang bar 'gyur ba ste/ de'i go rims ni 'di yin te/ de rang gis dge 'dun las ji srid 'tsho'i bar du bslab pa sbyin pa lan gsum gsol ba dang /dge 'dun gyis gsol ba dang / bzhi'i las kyis bslab pa sbyin pa dang / des sa gzhan na gnas pa'i spyod pas ji srid du dgra bcom pa nyid ma thob kyi bar du tshe gcig tu bslab pa spyod par bya'o/ /de la rang gis dge 'dun las ji srid 'tsho'i bar du bslab pa sbyin pa lan gsum gsol ba'i cho ga dang sngags ni bdag nyid kyis gnas mal bsham par bya ste/gaN+DI brdungs nas dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa la des mchil lham gnyis phud nas bla gos phrag pa gcig tu byas te rgan rims la phyag 'tshal nas/rgan pa'i mtha' logs su tsog pur 'dug ste thal mo sbyar ba btud nas sngags 'di skad ces brjod par bya'o/ /dge 'dun btsun pa rnams gsan du gsol/ bdag dge slong dga' byed kyi bslab pa ma phul bar mi tshangs par spyod pa 'khrig pa'i chos bsten kyang bcab pa'i sems cig tsam gyis kyang bcab par ma bgyis te/bdag dge slong dga' byed dge 'dun la ji srid 'tsho'i bar du bslab pa gsol na/ thugs brtse ba can dge 'dun btsun pa rnams kyis thugs brtse ba'i slad du bdag dge slong dga' byed la ji srid 'tsho'i bar du bslab pa stsal du gsol zhes de bzhin lan gnyis lan gsum du bzlas/de ni de rang gis dge 'dun las ji srid 'tsho'i bar du bslab pa sbyin pa lan gsum gsol ba'i cho ga dang sngags so/ /de'i 'og tu dge 'dun gyis gsol ba dang bzhi'i las kyis bslab pa sbyin pa'i cho ga dang las ni 'di ltar bya ste/de'i cho ga ni de'i 'og tu dge slong gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong dga' byed 'dis bslab pa ma phul bar mi tshangs par spyod pa 'khrig pa'i chos bsten kyang bcab pa'i sems cig tsam gyis kyang bcab par ma bgyis te/dge slong dga' byed 'di dge 'dun las ji srid 'tsho'i bar du bslab pa gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong dga' byed la ji srid 'tsho'i bar du bslab pa gsol te/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong dga' byed 'dis bslab pa ma phul bar mi tshangs par spyod pa 'khrig pa'i chos bsten kyang bcab pa'i sems cig tsam gyis kyang bcab par ma bgyis pas dge slong dga' byed 'di dge 'dun las ji srid 'tsho'i bar du bslab pa gsol te/de'i slad du dge 'dun gyis dge slong dga' byed la ji srid 'tsho'i bar du bslab pa stsol na/tshe dang ldan pa gang dag dge slong dga' byed la ji srid 'tsho'i bar du bslab pa stsal bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong dga' byed la ji srid 'tsho'i bar du bslab pa stsal lags te/'di ltar cang mi gsung bas de de bzhin du 'dzin to/ /de tsam gyis na bslab pa byin pa yin na/ bslab pa byin pa des gzhan na gnas pa'i spyod pas ji srid du dgra bcom pa nyid ma thob kyi bar du tshe gcig tu bslab pa spyad pa'i kun tu spyad pa'i chos 'di yin te/des dge slong rang bzhin du gnas pa las mngon par smra ba dang / phyag dang mngon du ldang ba dang / thal mo sbyar ba dang / gus pa'i las bdag gir mi bya'o/ /dge slong rang bzhin du gnas pas kyang de la de dag mi bya'o//dge slong rang bzhin du gnas pa dang lhan cig tu gom pa bsri ba nyid las gzhan las bcag par mi bya'o/ /stan ches dma' ba nyid las gzhan pas 'dug par mi bya'o/ /phyi bzhin 'brang ba'i dge slong gi bdag nyid las gzhan pas khyim dag tu 'gro bar mi bya'o//g.yogs ma gcig par mal bsham par mi bya'o/ /rab tu byung ba dang bsnyen par rdzogs pa dang gnas sbyin pa dang dge tshul nye bar gzhag par mi bya'o/ /gsol ba dang las brjod pa dag bya bar khas mi blang ngo / /las byed pa dang dge slong ma'i ston pa dang dge 'dun gyis yid brtan par bsko ba khas mi blang ngo //de dag tu sngar bskos pas kyang mi bya'o/ /dge slong ma la ston par sngar bskos pas kyang bstan par mi bya'o/ /'don pa gzhan med na yang gso sbyong la so sor thar pa gdon par mi bya'o/ / dge slong dge 'dun las ma bkar ba la tshul khrims dang lta ba dang / cho ga dang / 'tsho ba nyams pas gleng bar mi bya'o/ /brjod pa dang bcas pa nyid dang / phur pa dang bcas pa nyid dag mi bya'o/ /gdams ngag dang gso sbyong dang dgag dbye dang gsol ba dang brjod pa dag gzhag par mi bya'o//rang bzhin du gnas pa dang mgo mnyam du bsten par mi bya'o/ /bslab pa byin pa de'i rgyu gang yin pa'i nyes pa de yang ngo / /nyes pa gzhan yang ngo / /tshangs pa mtshungs par spyod pa rnams la nyes pa dang mthun pa nyid mi bya'o/ /kun du spyod pa'i chos ji ltar bcas pa dag nyams su ma blangs na brtul zhugs snying po med par 'gyur ro snyam du yid la bya'o//nang par sngar langs te gtsug lag khang du sgo dbye ba dang mar me'i kong bu bsal bar bya'o/ /gtsug lag khang du chag chag dang phyag dar dang lci ba 'jam po'i byug pas bsku ba dag bya'o//dge 'dun gyi bshang ba dang gci ba'i skyabs dag sbyang ngo / /der sa phyag pa dang dus dang mthun pa'i chu dag gzhag par bya'o/ /gtsug lag khang gi wa'i kha dag bsal lo/ /dge 'dun gyi gdan bsham par bya'o/ /mchod pa'i dus shes par bya ste bdug spos dang de'i pog phor dag nye bar gzhag par bya'o//gal te nus pa nyid yin na ston pa'i yon tan dag yang dag par bsgrags par bya'o/ /gal te mi nus na smra ba po la bcol lo/ /dge 'dun gyi bshos kyi spyi bungs bshams pa na gaN+DI brdung ngo / /gal te dge slong rnams tsha na bsil yab bya'o//de'i 'dug pa la sogs pa ni bsnyen par rdzogs pa thams cad kyi mtha' nyid du'o/ /zas kyi bya ba byas na gdan cha dben par brtul lo/ /lhung bzed kyi gzhi dor ro/ /dus shes par bya ste mchod rten dag gi phyag dar bya'o/ /lci ba 'jam po'i byug pas bsku'o/ /dge 'dun 'du ba'i dus su yang gdan bshams pa nas ston pa'i yon tan yang dag par bsgrub pa'i bar dag bya'o//gal te nus pa nyid yin na tshes grangs kyi nyi ma brjod pa dag bya'o/ /gal te mi nus na dge slong gzhan la bcol lo/ /dgongs kar dus dang mthun pa'i chos dge slong rnams kyi rkang pa bkru'o//dgongs kar dge slong rnams kyi rkang pa bsku'o/ /dge slong dag rkang pa bkru ba dang bsku bar mi 'dod na snum dbul lo/ /de'i gtsug lag khang tha mar 'os pa nyid yin no/ /thams cad du rnyed pa dbang ba nyid yin no/ /dge ba'i phyogs las mi g.yel bar bya'o//bslab pa byin pas dge slong rang bzhin du gnas pa ma yin pa dang / dge 'dun du ma longs pa dang / gnas de na dge slong yongs su bcad pa dag la bslab pa spyad pa mi 'chags so/ /dge slong mang po nyid yongs su spang bar mi bya'o/ /gnas brtan dang so sor thar pa dang bcas pa nyid du spyad par 'bad par bya'o//mtshams gzhan du zhag lon pa la ni nyes pa med do/ /dge 'dun gyi kha bskang ba'i grangs las ma gtogs so/ /de'i kun du spyod pa dge 'dun la spyad par bya'o/ /bslab pa byin pa bzhi yan chad mtshams gcig gi dge 'dun la spyad du mi gnang ngo //las brgya rtsa gcig ni dge 'dun dang mthun par bya'o/ /bslab pa las 'das pa'i ltung ba thams cad ni dge slong rang bzhin can du gnas pa dang 'dra'o/ /de la 'dun pa dbul du mi rung ngo / /de'i 'dun pa blang du mi rung ngo / /de la dge slong dang / dge slong ma dang /dge slob ma dang dge tshul dang dge tshul mas gtugs te phyag mi bya'o/ /bslab pa byin pa de ni dgra bcom pa nyid thob na rang bzhin du gnas pa thob par 'gyur ro/ /dgra bcom pa ma tho ba na ji srid 'tsho'i bar du bslab pa bcas pa'i cho ga ji skad bstan pa de dag la de bzhin du bslab par bya'o//pham par 'gyur ba'i dngos gzhi phyir bcos pa 'di la pham par 'gyur ba'i dngos gzhi byung ma thag tu de'i mod la bcab pa'i sems skyes na cho ga dang las mi 'chags so/ /de ltar dngos gzhi phyir bcos na de'i sbyor ba dang sbyor ba'i sbyor ba ni logs shig tu phyir bcos mi dgos so//pham par 'gyur ba'i dngos gzhi byung ma thag tu de'i mod la bcab pa'i sems skyes na pham par 'gyur ba de phyir bcos su mi rung ba yin pas de ni dge 'dun gyis bskrad par bya'o/ /bskrad pa na khro ba la sogs par 'gyur ba bsten pa na yo byad kyang phyung ste dor ro//mthus kyang bskrad par bya'o/ /ka ba la 'jus na bcad par bya'o/ /sgo skyes la 'jus na dbyung bar bya'o/ /ka ba dang sgo skyes de dge 'dun gyis sbyin bdag phyir 'chos su gzhug go/ /ma grub na gtsug lag khang gi rdzas kyis bcos par bya'o/ /de ltar pham par 'gyur ba'i sbyor ba'i sbyor ba nyes byas dang /sbyor ba sbom po dang / dngos gzhi phyir bcos pa'i cho ga dang sngags de dag ni pham par 'gyur ba bzhi char dang ci rigs par sbyar te/ bye brag tu na ltung ba'i sde tshan gyi ming dang gang byung ba'i rigs tha dad pa so sor smos par bya ba'i cho ga gzhan thams cad 'dra'o//mi tshangs par spyod pa'i pham par 'gyur ba ste dang po bshad zin to// //ma byin par len pa'i pham par 'gyur ba'i gleng gzhi ni bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /sngon rdza mkhan dge slong nor can rgyal po'i khab na dgon pa'i spyil bu na 'dug pa rgyal po'i khab kyi ba lang rdzi la sogs pas bcom zhing rnam par dkrugs te shing thams cad kyang khyer nas/des rdza ma so btang ba'i khang pa me tog ban du dzi ba ka ltar dmar ba zhig brtsigs pa bcom ldan 'das kyis ma gnang nas dge slong dag gis ston pa'i bka' lung gis bshig cing rnam par dkrugs pa dang /des lus 'phags ma'i bu ma ga d+hA'i rgyal po ma skyes dgra'i shing gang dag grong khyer rgyal po'i khab ral ba dang 'drums pa bcos pa'i phyir brel pa'i don du gzhag pa sbas pa shin tu sbas pa/bsrungs pa/ shin tu bsrungs pa su la yang ster bar sla ba ma yin pa de dag las shing kha cig ma byin par blangs pa'i skabs de dge slong rnams kyis bcom ldan 'das la gsol nas/ bcom ldan 'das kyis byung ba 'di dag dang gleng gzhi 'di dag dang skabs 'di la dge slong gi dge 'dun bsdu ba mdzad de bslab pa bcas pa'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang gzhan dag gi grong na 'dug pa'am dgon pa na 'dug pa ma byin pa brku ba'i grangs su gtogs pa blangs na ci tsam ma byin par blangs pa de rgyal po'am blon po chen pos bzung nas de la 'di skad ces kye mi khyod ni rkun ma'o//byis pa'o/ /blun pa'o/ /rku ba'o zhes zer zhing gsod dam 'ching ngam spyugs kyang rung ste/ de de ltar ma byin par len na dge slong de yang pham par gyur pa yin gyis gnas par mi bya'o zhes bca' ba mdzad do//yul ni rgyal po'i khab/ gang zag ni nor can/ nyon mongs pa ni 'dod pa/ nyes pa ni ma byin par len pa'o/ /de la yang dge slong gang zhes bya ba ni snga ma bzhin no/ /gzhan dag gi zhes bya ba ni skyes pa dang bud med dang ma ning dag gi'o//grong na 'dug pa'am zhes bya ba ni ra ba'i nang na 'dug pa'o/ /dgon pa na 'dug pa zhes bya ba ni ra ba'i phyi rol na 'dug pa'o/ /ma byin pa zhes bya ba ni de la skyes pa dang bud med dam ma ning gang gis kyang ma byin pa'o/ /rku ba'i grangs su gtogs pa zhes bya ba ni/ma byin pa gang yin pa de rku ba'i grangs su gtogs pa yang yin no/ /blangs na zhes bya ba ni len na'o/ /ji tsam ma byin par blangs pas zhes bya ba ni ma sha ka lnga'am ma sha ka lnga las lhag pas so/ /de zhes bya ba ni dge slong de'o/ /rgyal po'am zhes bya ba ni bud med rgyal srid la dbang bskur bas dbang bskur bar gyur na de yang rgyal po rgyal rigs spyi bor dbang bskur ba yin la/rgyal rigs dang bram ze dang rje'u rigs dang dmangs rigs dang / rgyal srid la dbang bskur bas dbang bskur bar gyur na de yang rgyal po rgyal rigs spyi bor dbang bskur ba yin no//blon po chen po zhes bya bas ni rgyal po las gzhan pa blon po dang rtsis mkhan dang sna chen po la gtogs pa rgyal srid byed pa gsang tshig mthun pas 'tsho ba gang dag rgyal po la brten nas 'tsho bar byed pa dag gis so/ /bzung nas zhes bya ba ni blangs nas so//de la zhes bya ba ni dge slong de la'o/ /'di skad ces kye mi khyod ni zhes bya ba ni bod pa'o/ /rkun ma'o zhes bya ba ni 'jab bus rku ba'o/ /byis pa'o zhes bya ba ni rang gis mi shes pa'o/ /blun pa'o zhes bya ba ni lung phog pa mi shes pa'o/ /rku ba'o zhes bya ba ni mthus rku ba'o zhes zer zhing zhes bya ba ni brjod cing ngo //gsod dam zhes bya ba ni srog dang bral bar byed pa'o/ /'ching ngam zhes bya ba ni chings ma gsum po lcags las byas pa dang / shing las byas pa dang / rtswa las byas pa dag gis so/ /spyugs kyang rung ste zhes bya ba ni yul med par byed kyang rung ste'o//dge slong zhes bya ba ni gang la dge slong gi dngos po yod pa'o/ /dge slong gi dngos po gang zhe na/ gsol ba dang bzhi'i las mi g.yo ba gzhag par mi 'os pas bsnyen par rdzogs pa'i sdom pa'o/ /de yang zhes bya ba ni nye bar bstan pa dang kun du bstan pa'i tshig bla dgas de'o//yang de zhes bya ba'i sgra ni snga ma'i rjes bsnyag pa'i phyir ro/ /pham par gyur pa yin gyi gnas par mi bya'o zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang sbyor ba'i sbyor bas ltung ba rnam par gzhag pa dang /ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni rku'am rkur bcug pa dag gis pham par 'gyur ro/ /de'i bye brag ni dge slong gis rku sems kyis mi gzhan gyi rdzas der 'du shes pas kAr ShA pa Na'i bzhi cha gcig yan chad gnas nas spos na pham par 'gyur ro//mi'i rgyud kyis yongs su bzung ba dang / gzhan gyi dang / der 'du shes pa dang / rku sems dang / gnas nas spos pa dang / rin thang tshang ba rnams la na smad pa med do/ / mngags pas rku ba la na smad pa med do/ /rang nyid sho gam mi gcod par gnang bas gzhan gyi rdzas sho gam gzhal dgos pa sho gam gyi gnas nas 'da' bar byed pa la na smad pa med do/ /che ba nyid kyis rin thang gdab par mi nus pa la na smad pa med do/ /sangs rgyas kyi sku gdung ni gzhal du med pa'i rin po che yin pas de la na smad pa med do//shags 'gyed pa na kha bsad kyi dogs pas gzhan gyi tshig gi skabs med par byas te rgyal ba la na smad pa med do/ /rgyan la dor byas te rgyal na don du brkus pa yin pas rku sems med kyang na smad pa med do/ /grangs dang shod thabs la sogs pa'i mtshan ma phyis pa dang bsnan pa dang /gnas gzhan du bzhag ste thob pa la na smad pa med do/ /brnyas pa dang bskyis pa dang gtams pa rnams brnogs pa la na smad pa med do/ /spring yig dang lag yig dang lag rtsis la sogs pa la na smad pa med do/ / sbyor ba'i tshe na rku sems med la gnas nas spo ba'i tshe na rku sems yod pa la na smad pa med do/ /nan khugs dang dang na then byed pa la na smad pa med do/ /rdzas gnas dang bcas te khyer ba la na smad pa med do/ /dge 'dun gyi phyir rku ba la na smad pa med do/ /ma byin par ni mi blang ngo //bgo skal gyi cha ni bdag gir bya'o snyam pas cha blangs pa la na smad pa med do/ /rkun po bya ba'i lam bsrung ba la sogs pa'i lam rjes su sgrub pa la na smad pa med do/ /lhan cig gnas pa nyid dang nye gnas nyid brkus pa la na smad pa med do/ /mu thug la sogs pa'i mtshams spos pa la na smad pa med do//dge slong 'gro ba gzhan gyi rnam pa brten pa na dge slong gi 'du shes yod pa la na smad pa med do/ /dngos po bzang ngan dang 'dra ba la na smad pa med do/ /mtshan gyur pa ltung ba thun mong gi yul la na smad pa med do/ /'gro ba gzhan las skyes pa dang 'gro ba gzhan gyi rnam pa brten pa la na smad pa med do//gnas skabs gzhan 'thob pa la na smad pa med do/ /gzhi gcig la bslab pa du ma bcas pa nyid la na smad pa med do/ /dngos po la the tshom za bas bsam pa dang bcas par zhugs pa la na smad pa med do/ /yul bsam pa la na smad pa med do//rang gi don du byed pa la na smad pa med do/ /dge slong gi dngos por mi shes na rang bzhin gyis nyams pa yin no/ /'di'i byed pa po ni rku sems dang / mi gzhan gyi nor la der 'du shes pas rin thang tshang ba dang gnas nas spos pa'o/ /'di la yan lag drug gi dngos gzhi'i ltung bar 'gyur te/rku sems dang / ma byin pa dang / mi'i rgyud kyis yongs su bzung ba dang / der 'du shes pa dang / rin thang tshang ba dang / gnas nas spos pa'o/ /de dag las yan lag ma tshang na ci rigs par na smad do/ /de la rku sems ni brku ba'i bsam pa ste/de med na rang dang brnya ba dang yid gcugs pa'i sems dag gis gzhan la go bar byas te blangs pa la ltung ba med pa'i phyir ro/ /ma byin pa ni de la skyes pa'am bud med dam ma ning gang gis kyang ma byin par gzhan gyis te/ rang gis brkus na ni nyes pa sbom po yin pa'i phyir ro/ / mi'i rgyud kyis yongs su bzung ba ni mi'i rdzas te/ 'gro ba gzhan gyis brkus na nyes pa sbom po yin pa'i phyir ro/ /der 'du shes pa ni mi'i rgyud kyis yongs su bzung bar 'du shes pa ste/ mi'i rgyud kyis yongs su bzung ba la 'gro ba gzhan gyi rgyud kyis yongs su bzung bar 'du shes na nyes pa sbom po yin pa'i phyir ro//rin thang tshang ba ni kAr ShA pa Na'i bzhi cha gcig yan chad de/ der ma chog na nyes pa sbom po yin pa'i phyir ro/ /gnas nas spos pa ni rdzas de rang gi gnas nas gnas gzhan du spos pa ste/ gnas nas ma spos na nyes pa sbom po yin pa'i phyir ro//de la mi'i rgyud kyis yongs su bzung ba dang 'gro ba gzhan gyi rgyud kyis yongs su bzung ba ni bdag po yod pa yin te/ bdag po'i bye brag ni 'di yin te/ bdag po ni rku ba de'i dus na mi'am 'gro ba gzhan du yod pa nyid bdag po yin no/ /'das pa na byung ba'am phyis 'byung ba ni bdag po nyid ma yin no//rin thang tshang ba ni kAr ShA pa Na'i bzhi cha gcig yan chad do zhes smos pa'i bye brag ni 'di yin te/ ka kA ni bzhi la ma sha ka gcig go/ /ma sha ka nyi shu la kAr ShA pa Na gcig go/ /ka kA ni gcig ni 'gron bu nyi shu'i rin thang gi ming ngo / /ma sha ka gcig ni 'gron bu brgyad cu'i rin thang gi ming ngo //kAr ShA pa Na gcig ni 'gron bu stong drug brgya'i rin thang gi ming yin no/ /kAr ShA pa Na'i bzhi cha gcig ni ma sha ka lnga'i rin thang ste/ 'gron bu bzhi brgya'i rin thang gi ming yin no/ /ma sha ka lnga zhes lung las gsungs pa ni yul dbus na kAr ShA pa Na gcig la ma sha ka nyi shur rtsi bas de'i bzhi cha la brten pa yin no//'dir kAr ShA pa Na'i bzhi cha'i rin thang tshang ba'i tshad du gzhag pa ni yul dang dus thams cad du nges pa yin no/ /kAr ShA pa Na'i bzhi cha la ma sha ka du yod pa ni gcig tu ma nges te/ yul dang dus kyis de'i rtsis rnam par gzhag go//des na yul dang dus kyi bye brag ni 'di yin te/ deng sang yul dbus na ni ma sha ka nyi shu la kAr ShA pa Na gcig go/ /yul dang dus kha cig na ma sha ka bcu gcig la kAr ShA pa Na gcig tu brtsi ba yang yod/ ma sha ka bcu drug la kAr ShA pa Na gcig tu brtsi ba yang yod/ma sha ka nyi shu la kAr ShA pa Na gcig tu brtsi ba yang yod/ ma sha ka bzhi bcu la kAr ShA pa Na gcig tu brtsi ba yang yod pas de lta bu'i rin thang brtsi ba des brtsis pa'i kAr ShA pa Na'i bzhi cha gcig brkus na pham par 'gyur bar shes par bya'o/ /yul gzhan dang dus gzhan dang gling gzhan gyi rin thang brtsi ba de yul de'i dus dang gling gzhan du brtsi bar mi bya'o//'gron bu nyid kyi rin thang yang rku ba'i yul dang dus kyis rnam par gzhag par shes par bya'o/ /chu'i rgyun dang 'dzag pa dang / 'brul ba'i rgyu ni sbyor ba gcig pa'i mtha' tshun chad rdzas gcig pa nyid du rin thang brtsi'o//phung po las rku na lan re re zhing blangs pa tha dad par ro/ /rdzas kyi bdag po du ma nyid yin na de dag gi cha so so'o/ /rkun po du ma nyid yin na yang de dag gi cha so so'o/ /gnas nas spos pa ni rdzas de rang gi gnas nas gnas gzhan du spos pa'o zhes smos pa'i bye brag ni 'di yin te/rdzas tha dad pa khur du byas nas rku ba la ni khur gnas nas spos na brkus pa yin no/ /shing thog la sogs pa btus nas rku ba la ni phung po gnas nas spos na rku ba yin no/ /rdzas chu la sogs par spyings te rku ba la ni gnas kyi steng nas rdzas kyi steng bying na brkus pa yin te/rdzas bshal te rku ba la ni gzhi'i mtshams las rdzas kyi mjug 'das na brkus pa yin no/ /gzhi'i mtshams zhes bya ba ni gyong grugs dang gas pa dang bris pa dang kha dog gzhan dang bar mtshams dang bar chad dag go//srog chags la ni rtsib ma la sogs pa tha dad par brtag tu rung ba rnams par chad nyid yin no/ /gzhi'i steng du gding ba gzhan bting ba ni gding ba de'i cha tha dad par bzung ngo / /shing la sogs pa skye ba phyung ste rku ba la ni rtsa ba steng du bton pa khyer na brkus pa yin no/ /lag pa la sogs pa la bskon pa'i rdzas rku ba la phud na brkus pa yin no//sho gam rang gi lag na 'dug pa brkus pa la ni sho gam gyi sa las 'das na brkus pa yin no/ /mi yul phyogs dang brda dang mtshan mas rku ba la ni de dag grub na brkus pa yin no/ /bya spar te rku ba la ni nam mkha' la spar ba na brkus pa yin no//dngos po thams cad kyang rku ba na nam mkha' la spar na brkus pa yin no/ /dud 'gro btags pa ni bkrol na brkus pa yin no/ /brtod dang khyu las bkar te rku ba la ni khyu las mi snang bar gyur pa nyid na brkus pa yin no/ /gsang sngags dag gis 'dren cing rku ba la mig sngar snang na brkus pa yin no//phyi nur du gom pa dbri bas rku ba la ni mi snang bar song ba na brkus pa yin no/ /gru skam sa las rku ba la ni mi snang bar gyur na brkus pa yin no/ /gru chu'i rgyun phyogs dang thad kar pha rol du khrid pas rku ba la ni mi snang bar gyur na brkus pa yin no//chu'i pha rol gyi 'gram ltar snang bar khrid na ni pha rol gyi 'gram nyid du phyin nas brkus pa yin no/ /gru chu'i rgyun las bzlog phyogs su khrid pas rku ba la ni gru tshugs las 'das na brkus pa yin no/ /gru las ji lta ba bzhin du shing dang snod la sogs pa chu las bshal zhing rku ba thams cad kyang de dang 'dra'o//gzhan gyi zhing la sogs pa'i las kyi mtha' dag la chu gtong ba'am 'gog pas bdag gi la phan zhing gzhan gyi la gnod par bya ba la ni rang gis brtsal ba'i las de'i phan pa dang gnod pa grub pa na brkus pa yin no/ / rkun shas thob par bya ba'i ched du chom rkun pa la lam rgyus go bar byed pa la ni shas thob na brkus pa yin no/ /sa gzhi dang khang khyim dag brtsig pa la sogs pas bskor te rku ba la ni bskor ba'i mtshams 'byor na brkus pa yin no/ /shags kyis rku ba la ni gal te bla'i grar ni rgyal na brkus pa yin no//'og gzu ni pha rol pos sbyor ba nyid btang na brkus pa yin no/ /gdub kor la sogs pa bshig ste rku ba la ni bshig ste gnas nas spos na brkus pa yin no/ /lhung ba rku ba la ni de las khyer na brkus pa yin no/ /'dzag pa dang 'brul 'ibar byed pa rku ba la ni bu ga nas byung ba na brkus pa yin no//rkun po du ma blo gros mi mthun pa yin na rang gi bgo skal thob pa na brkus pa yin no/ /bdag po'i mngon sum du rku ba la ni mig snga nas mi snang ba nyid na brkus pa yin no/ /mi'i mthus rku ba la ni dbang du byas pa nyid na brkus pa yin no/ /sbyor ba'i ltung ba rnam par gzhag pa ni nom par byed nyug par byed la ji srid du gnas nas gnas gzhan du ni spo bar mi byed kyi bar du nyes pa sbom por 'gyur ro//rang gi dang mi'i ma yin pa dang / der 'du shes med pa dang rin thang ma tshang ba dang gnas nas ma spos pa na nyes par sbom po'o//bdag po med pa'i brkus na nyes pa sbom po'o/ /'gro ba gzhan gyi brkus na nyes pa sbom po'o/ /rang gi la 'gro ba gzhan gyi 'du shes te brkus na nyes pa sbom po'o/ /bdag gir ma byas par sba ba dang / chud gsan pa dang zin pa dang btang ba la sogs pa bral bar byed na nyes pa sbom po'o//shags kyis rku ba 'og gzu'i grar rgyal na nyes pa sbom po'o/ /chung ba nyid kyis rin thang gdab tu mi chog pa brkus na nyes pa sbom po'o/ /byang gi sgra mi snyan pa la sogs pa yongs su 'dzin pa med pa dag gi rdzas brkus na nyes pa sbom po'o/ /phung po'i lhag ma med pa'i mya ngan las 'das pa'i dbyings su yongs su mya ngan las 'das pa ni rnam par dag pa'i lha nyid yin pas de'i dkor brkus na nyes pa sbom po'o//brnyan pa nges par sbyin pa bzhin du nye bar spyod na nyes pa sbom po'o/ /gsang sngags dang sman dag gis 'bul du bcug na nyes pa sbom po'o//gzhan gyi don nyid du rku na nyes pa sbom po'o/ /gzhan gyis yongs su gzung ba la bdag dbang ba'i rtog pas bdag gir byed na nyes pa sbom po'o/ /bdams te bzang po rku bar 'dod pas 'dom par byed na nom pa dang nyug pa'i sbom po las gzhan pa'i nyes pa sbom po'o//rgyan la dor byed na rku ba la sbyor ba yin pas gal te rgyal ba nyid du ma gyur pa'i tshe nyes pa sbom po'o/ /grangs la dor byas nas de'i 'og tu thob par rtsol na nyes pa sbom po'o/ /shod thabs la sogs pa'i mtshan ma phyis pa dang /bsnan pa dang gnas gzhan du bzhag nas de'i 'og tu thob pa rtsol na nyes pa sbom po'o/ /brnyas pa dang bskyis pa dang gtams pa rnams bsnyon na nyes pa sbom po'o/ /su la yang phan par mi 'gyur bar bya ba'i phyir sgyid pa gcod pa dang gsod pa la sogs pa byed na nyes pa sbom po'o//mtshams kyi nam mkha' las sho gam 'dral na nyes pa sbom po'o/ /sbyor ba'i tshe na rku sems yod pa la gnas nas sbed pa'i tshe na rku sems med na nyes pa sbom po'o/ /phyogs bzhi'i dge 'dun gyi dkor brkus na nyes pa sbom po'o/ /gshed ma dang bkren pa la sogs pas yongs su gzung ba dang bcas pa'i dur khrod nas len na nyes pa sbom po'o//gsang sngags kyis rtsa ba la sogs pa skam par byed pas chud gzon na nyes pa sbom po'o/ /dud 'gro rku ba'i phyir chas kyis brjod pa dang zhon te brku'o snyam pas lus 'gyur ba byed na nyes pa sbom po'o//gru la yang gru 'dir zhugs te brku'o snyam pas lus 'gyur bar byed na nyes pa sbom po'o/ /gru 'di las rdzas 'di ltar brku'o snyam nas lus 'gyur bar byed na nyes pa sbom po'o/ /pha ma dang phu nu dang bu sring dang mkhan po dang slob dpon dang mchod rten dang dge 'dun la sogs pa la bsngos pa la sho gam gzhal dgos pa bzlas na nyes pa sbom po'o//gzhan la byin pa tshu rol pos mi shes pa bar du bcabs na nyes pa sbom po'o/ /yongs su bzung ba la yongs su bzung bar 'du shes na nyes pa sbom po'o/ /bsod snyoms mi dbang ba nod na nyes pa sbom po'o//rku ba'i ched du gros byed na nyes pa sbom po'o/ /dge slong 'gro ba gzhan gyi rnam pa bsten pa na dge slong gi 'du shes med pa la nyes pa sbom po'o/ /dngos gzhi la sbyor ba tha dad pa ji snyed byas pa re re la yang nyes pa sbom po re rer 'gyur ro/ / sbyor ba'i sbyor ba'i ltung ba rnam par gzhag pa ni khri las ldang ba la sogs pa nas ji srid du nom par mi byed nyug par mi byed kyi bar du ni nyes byas su 'gyur ro/ /snying rje dang ldan pa'i sems kyis zin pa btang ba la sogs pas bral bar byed na nyes byas so/ /phyir nur du 'gro bas rku na phri ba'i gom pa re re la nyes byas re re'o//gru phur pa las bkrol ba ni gru la reg pa ma yin pas nyes byas so/ /mchod pa'i don nyid du sangs rgyas kyi sku gdung rku na nyes byas so/ /grangs la dor byed na nyes byas so/ /shod thabs la sogs pa'i mtshan ma phyis pa dang bsnan pa dang gnas gzhan du gzhag pa yang nyes byas so//rnyed pa'i tshogs gzhan du bgrang ba dang snga phyi bsnyon pa dang mi dbang bar dbang bar sgrogs pa dang kha rku na nyes byas so/ /sho gam 'dral bar bsgo ba dang / lam gzhan ston na nyes byas so/ /mgron du ma bos par zan za na nyes byas so//sbyor ba'i ltung ba ji skad bstan pa de dag re re la sbyor ba'i sbyor ba gcig na nyes byas gcig tu 'gyur ro/ /sbyor ba'i sbyor ba tha dad na nyes byas re rer 'gyur ro/ /ltung ba med pa ni sku sems med pa la ltung ba med do/ /snying rjes rdzu 'phrul gyis phrogs pa la ltung ba med do//gos tha na ba lang gi lci ba btsir bas kyang kha bsgyur ba dang / kha tshar dang phun tshar bcad pa yang sho gam gzhal mi dgos so/ /rku sems med pa la sho gam du gtogs pa'i nyes pa 'byung bar dogs par mi bya'o/ /sho gam gyi gnas su gzhan gyis rang gi snod du gser la sogs pa reg par bya ba ma yin pa bcug pa la thabs gzhan gyis dor bar ma grub na rang gis reg pa la nyes pa med do//re zhig dpe bri ba'i don du glegs bam rku ba la nyes pa med do/ /rdzu 'phrul gyis sho gam mtshams las bzlas pa la nyes pa med do//bdag nyid kyis brkus pa la nyes pa med do/ /gang bsams pa de dang 'brel pas ma bsams pa blangs pa la nyes pa med do/ /chom rkun pa las sbyin bdag gi sems kyis len pa la nyes pa med do/ /gsang sngags dag gis gtong ba la nyes pa med do//bdag dang gzhan gyi rdzas byi bas khyer ba len pa la nyes pa med do/ /rngon pa dag gis mngon par gtses par gyur pa'i ri dgas gnas khang du zhugs pa blangs pa la nyes pa med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du ma byin par len pa'i sbyor ba'i sbyor ba nyes byas dang / sbyor ba sbom po dang / dngos gzhir 'gyur ba rnam pa thams cad bsten par mi bya bar bslab par bya'o//sho gam gzhal dgos pa dang bcas par 'gro bar mi bya'o/ /bdag nyid sho gam mi bcad par ma gnang bas rang gi rdzas gzhan gnang ba thob pa dag las sho gam gyi gnas nas bzla bar mi bya'o/ /bdag nyid kyis ma tshor bar rang gi rdzas gzhan gyis 'da' bar byed par mi 'grub par bya ba'i phyir 'bad par bya'o//sho gam gyi gnas su gzhan gyi snod bsrong ba dag la 'di la rdzas med dam zhes dri bar bya'o/ /sho gam gyi gnas su pha ma dang dkon mchog gsum la bsngos pa'i rdzas khyer ba mi btang na pha ma dang dkon mchog gsum gyi bsngags pa brjod par bya'o//gzhan gyi 'tsho ba'i spyod pa gzhan gyis gtol bar mi bya'o/ /yid gcugs pa ma yin pa la yid gcugs pa nyid du mi bya'o/ /lag pod kyi las bya zhing bsod nams kyi blos kyang bya ste gla rngan gyis mi bya'o/ /gzhan gyi rdzas ltung ba blangs na yun ring du mi bsrel lo//rdzas de dge skos la gtad pa nyid du bya'o/ /dge skos kyis de rab tu byung ba yin par dogs na dge 'dun la bstan par bya'o/ /bdag po ma byung na gzar thag la btags te gzhag go/ /nad pas slong bar ma gnang ba'i mi la nad pa'i phyir sman blang bar mi bya'o//chom rkun pa'i rkun rdzas dang dur khrod kyi rdzas la sogs pa yongs su bzung ba dang bcas pa dag bdag pos gnang ba las gzhan pa'i thabs kyis bdag gir mi bya'o/ /rdzas chom rkun pa la sogs pas bdag gir byas pa rang gi 'du shes kyis nan khugs kyis dgug par mi bya'o//de ni chos bshad pas bslang bar bya'o/ /rin phyed du nye bas kyang blu'o/ /lhung bzed dang chos gos ni rin chen pos kyang blur rung ngo / /mi snyan pa 'byung bar 'gyur ba'i rdzas ni bor ba nyid yin yang skye bo phal po che'i mngon sum du ma bab par bkur bar mi bya'o//de'i rdzas mi ma yin pas blangs pa nyid ni blang bar mi bya'o/ /ro ma smas pa las rdzas blang bar mi bya'o/ /bsti gnas nyid du so shing dang chu dang 'dag rdzas dang lci ba dang sa dag ci bder bya'o/ /dge slong dang dge tshul mi 'dod bzhin du sngon gyi chung ma la sogs pa 'brel pas khrid pa na gzung bar bya'o//phyag dar khrod la sogs pa dag kun du bzung ba ma yin nam zhes legs par so sor brtag par bya ste blang bar bya'o/ /zhing pa'i mdun du lus bsnyal ba la sogs par mi bya'o/ /tshang gzhig par mi bya'o/ /dbyar gnas gang du ma gnas pa der chos gos kyi cha mi blang ngo //'ong ba rku thabs can gyi chom rkun par ma grags pa las blang bar mi bya'o/ /chom rkun par grags pa las sbyin bdag gi sems kyis blangs pa mtshon gyis bcad pa dang kha dog ngan par byas te bcang bar bya'o/ / de ltar byas kyang sngon gyi bdag po slong ba na sbyin no/ /don gzhan bsgrub pa'i phyir gnad la bsgre bar mi bya'o/ /rngon pa dag gis mngon par gtses par gyur pa'i ri dgas gnas khang du zhugs pa blang bar bya zhing / de shi na de dag la sbyin par bya ba nyid yin no/ /phyir bcos pa ni snga ma bzhin no//ma byin par len pa'i pham par 'gyur ba ste gnyis pa bshad zin to// //so sor thar pa'i mdo rgya cher 'grel pa 'dul ba kun las btus pa bam po bzhi pa/ gsod pa'i pham par 'gyur ba'i gleng gzhi ni sangs rgyas bcom ldan 'das yul spong byed dag na chu klung yid 'ong ldan gyi 'gram sgron shing gi tshal gseb na bzhugs so//de'i tshe bcom ldan 'das kyis dge slong gi dge 'dun la dge slong dag mi sdug pa sgoms shig /mi sdug pa bsten cing goms par byas lan mang du byas na 'bras bu chen po dang phan yon chen por 'gyur ro zhes mi sdug pa ston par mdzad cing /mi sdug pa bsgom pa'i bsngags pa brjod par yang mdzad pa na dge slong dag mi sdug pa sgom par byed pa'i tshe rnag gi lus 'dis sgyid lug pa dang / mus byung ba dang / the tshom za ba dang / smod par byed pa na mtshon yang 'byin par byed/dug kyang za bar byed thag pa'i 'ching bas kyang 'ching bar byed/ g.yang sar yang mchong bar byed cing / 'di ltar dge slong gis kyang dge slong la rtsol bar byed pa'i skabs de dge slong rnams kyis bcom ldan 'das la gsol nas bcom ldan 'das kyis byung ba 'di dang /gleng gzhi 'di dang / skabs 'di la dge slong gi dge 'dun bsdu ba mdzad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang mi'am mir chags pa la bsams bzhin du rang gi lag dar te srog gcod dam/de la mtshon byin nam/ de la mtshon thogs pa gnyer ram/ der 'chir bcug gam/ de la 'chi ba'i bsngags pa brjod kyang rung ste/ de la 'di skad ces/ kye mi khyod 'tsho ba sdig pa mi gtsang ba ngan pa 'dis ci zhig bya/kye mi khyod gson pas shi bla'o zhes zer zhing / sems kyi 'dod pa dang sems kyi kun du rtog pa dag gis rnam grangs du mas der 'chir bcug gam de la 'chi ba'i bsngags pa brjod de/ de yang rtsom pa des dus byas na dge slong de yang pham par 'gyur ba yin gyi gnas par mi bya'o zhes bca' ba mdzad de yul ni spong byed/gang zag ni dge slong rab tu mang po/ nyon mongs pa ni mi bzod pa/ nyes pa ni gsod pa'o/ /de la yang dge slong gang zhes bya ba ni snga ma bzhin no/ /mi'am zhes bya ba ni gang gis ma'i ltor dbang po drug po 'di lta ste/mig dang / rna ba dang / sna dang / lce dang / lus dang / yid kyi dbang po thob par gyur pa'o/ /mir chags pa la zhes bya ba ni gang gis ma'i ltor dbang po gsum po 'di lta ste/ lus dang / srog dang / yid kyi dbang po thob par gyur pa la'o//bsams bzhin du zhes bya ba ni rnam par brtags nas so/ /rang gi lag dar te zhes bya ba ni lag pas lag pa dar te'o/ /srog gcod dam zhes bya ba ni de'i srog gcod par gyur na'o/ /de la mtshon byin nam zhes bya ba ni ral gri'am spu gri'am chu gri la sogs pa mtshon phul ba'o//de la mtshon thogs pa gnyer tam zhes bya ba ni skyes pa'am bud med dam ma ning ngo / /de 'chir bcug gam zhes bya ba ni 'chir gzhug pa ni rnam pa gsum ste/ tshul khrims 'chal pa'am tshul khrims dang ldan pa dang / nad pa'o/ /de gsum la lhung bzed la sogs pa thob tu re bas 'chir bcug ste de shi na pham par 'gyur ro//de 'chir ma btub na sbyor ba snga ma de nyid kyis nyes pa sbom por 'gyur ro/ /de 'chir bcug nas dge slong 'gyod pa skyes te/ khyod ma 'chi zhig ces phyir bzlog na/ de lta na yang sbyor ba snga ma de nyid kyis nyes pa sbom por 'gyur ro//de phyir bzlog kyang ma btub ste shi na yang sbyor ba snga ma de nyid kyis nyes pa sbom por 'gyur ro/ /de la 'di 'chi ba'i bsngags pa brjod kyang rung ste zhes bya ba ni 'chi bar mngon par mi dga' ba'i mdun du 'chi ba'i bsngags pa brjod pa'o/ /de la 'di skad ces kye mi khyod ces bya ba ni bod pa'i tshig bla dwags so//'tsho ba zhes bya ba ni gson pa'o/ /sdig pa zhes bya ba ni sdig pa'i 'bras bu'am sdig pa'i rgyu'o/ /mi gtsang ba zhes bya ba ni lus kyi gzhi mi gtsang ba'i phyir ro/ /ngan pa zhes bya ba ni smad pa'o/ /'dis ci zhig bya zhes bya ba ni 'tsho ba'i sdig pa mi gtsang ba ngan pa 'dis ci bya thong shig ces bya ba'o//gson pa bas shi bla ba'o zhes bya ba ni gson pa la smad cing 'chi ba'i bsngags pa brjod pa'o zhes zer zhing zhes bya ba ni brjod cing ngo / /sems kyi 'dod pa zhes bya ba ni gnod sems kyis mi de 'chi bar mngon par 'dod pa'o//sems kyi kun tu rtog pa dag gis zhes bya ba ni de'i lhung bzed dang chos gos dang dra ba dang phor bu dang ska rags la sogs pa 'tsho ba'i yo byad thob tu re ba'i rnam par rtog pa dag gis so/ /rnam grangs du ma zhes bya ba ni rnam pa mang pos so//de 'chir bcug gam de la 'chi ba'i bsngags pa brjod de zhes yang smos pa ni 'chi ba la mngon par mi dga' ba'i mdun du rnam grangs du mas 'chi ba'i bsngags pa brjod pa de bzlog pa'i phyir bsnan pa'o/ /de yang brtsam pa des dus byas na zhes bya ba ni mi de yang sbyor ba'i brtsam pa de nyid kyis shi zhing gzhan gyis ma yin na'o//dge slong de yang pham par gyur pa yin gyi gnas par mi bya'o zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang /ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni mi'i srog bcad na pham par 'gyur ro/ /de'i bye brag ni gsod sems kyis mi'i 'gro bar gtogs pa gzhan la der 'du shes pas rnam pa gang yang rung bas gsod dam bsod du bcug na pham par 'gyur ro//mi'i 'gro bar gtogs pa gzhan la na smad pa med do/ /skyes pa dang / bud med dang / ma ning dang / mngal na gnas pa la na smad pa med do/ /lus dang de dang 'brel pa dang 'phangs pa dang gzhan dang rang la bsgo ba la na smad pa med do//dug dang phye ma dang / dong dang shing dang rang bzhin nyams pa gtong ba dang / brang du 'debs pa dang / 'khrul 'khor dang sgyu thabs dang ro langs dang rjes su sbyor ba rnams la na smad pa med do//g.yang du gtong ba dang me dang chur 'jug pa dang / grang ba dang tsha bar 'dogs pa dang / 'chi ba'i phyogs su gtong ba la na smad pa med do/ /rkang pa'i mthe bong dang rgya shug gi tshi gu dang / shing bal la sogs pa la 'chi ba rjes su sgrub pa chung ngu la na smad pa med do/ / sbyor ba'am gzhi des de'i tshe dang dus gzhan na shi ba la na smad pa med do/ /phan par 'dod pa nyid kyis 'chi ba'i phyir sman ma yin pa byin pa la na smad pa med do/ /ga ge mo na 'dug go zhes ston pas bsgo ba la na smad pa med do/ /dge slong 'gro ba gzhan gyi rnam pa bsten pa na dge slong gi 'du shes yod pa la na smad pa med do//dngos po bzang ngan dang 'dra ba la na smad pa med do/ /mtshan gyur pa ltung ba thun mong gi yul la na smad pa med do/ /'gro ba gzhan las skyes pa dang / 'gro ba gzhan gyi rnam pa bsten pa la na smad pa med do/ /gnas skabs gzhan thob pa la na smad pa med do/ / gzhi gcig la bslab pa du ma bcas pa nyid la na smad pa med do/ /dngos po la the tshom za bar bsam pa dang bcas par zhugs pa la na smad pa med do/ /yul bsams pa la na smad pa med do/ /rang dang gzhan gyi don du byed pa la na smad pa med do/ /dge slong gi dngos por mi shes na rang bzhin gyis nyams pa yin no//'di'i byed pa po ni gsod sems dang mi'i 'gro ba pa gzhan la der 'du shes pas srog gcod pa'o/ /'di la yan lag lngas dngos gzhi'i ltung bar 'gyur te/ gsod sems dang mi'i 'gro ba pa dang gzhan dang der 'du shes pa dang srog gcod pa'o//de dag las yan lag ma tshang na ci rigs par na smad do/ /de la gsod sems ni gsod pa'i bsam pa ste/ de med na rang gis ma bsams par zhar la gzhan shi ba la ltung ba med pa'i phyir ro/ /mi'i 'gro ba pa ni mi nyid yin pa ste/ 'gro ba gzhan la ni nyes pa sbom por 'gyur la/ dud 'gro la ni ltung byed du 'gyur ba'i phyir ro/ /gzhan ni rang ma yin pa ste/ rang nyid bsad na nyes pa sbom por 'gyur ba'i phyir ro/ /der 'du shes pa ni ma nor ba ste/ nor na nyes pa sbom por 'gyur ba'i phyir ro/ / srog bcad pa ni bsad pa ste/ ma bsad na nyes pa sbom por 'gyur ba'i phyir ro/ /sbyor ba'i ltung ba ni mi'am mir chags pa gsod pa'i sbyor ba brtsams nas ji srid du srog dang bral bar ma byas kyi bar du nyes pa sbom po'o/ /mi'i 'gro ba pa ma yin pa dud 'gro las gzhan pa dang /bdag nyid dang / der 'du shes pa med pa dang / srog gcod na nyes pa sbom po'o/ /'chir bcug nas de nyid 'chir ma btub na nyes pa sbom po'o/ /'chir bcug nas de'i 'og tu phyir bzlog kyang nyes pa sbom po'o/ /'chir bcug nas de'i 'og tu phyir bzlog kyang ma btub ste shi na yang nyes pa sbom po'o//dku mnyes pas ma dang mngal na gnas pa gnyis las ma bsams pa shos shi na nyes pa sbom po'o/ /gsod pa la 'jug pa dang du blangs na nyes pa sbom po'o/ /khyod kyi ming gis 'chi ba'i yo byad sbyin no zhes zer ba dang du len na nyes pa sbom po'o//sprul pa bsad na nyes pa sbom po'o/ /mi'i 'gro ba pa'i lag pa gcod na nyes pa sbom po'o/ /nags mes gtong na nyes pa sbom po'o/ /skra can 'tshong na nyes pa sbom po'o/ /chom rkun pa bla'i grar 'bul na nyes pa sbom po'o//ma bsams pa gzhan shi na nyes pa sbom po'o/ /bdag nyid gsod na ma shi ba'i gnas skabs su nyes pa sbom po'o/ /kho bo 'chi bar 'ong ngo zhes zer ba la yid mi ches shing de bzhin nyid du sgrub par byed na nyes pa sbom po'o/ /nad pa shi bla'o zhes nad g.yog mi byed na nyes pa sbom po'o//ltor mid pa sman la sogs pa mi 'phrod pa sbyin na nyes pa sbom po'o/ /'bras yongs su ma smin pa gtor na nyes pa sbom po'o/ /dong du 'jug pa dang sgo glegs kyis btsir ba la sogs pas nyon mongs par byed na nyes pa sbom po'o/ /bdag nyid g.yang sa nas mchong ba dang 'ching ba la sogs pa 'chi ba'i don du sgrub na nyes pa sbom po'o//dge slong 'gro ba gzhan gyi rnam pa bsten pa na dge slong gi 'du shes med pa la nyes pa spom po'o/ /dngos gzhi la sbyor ba ji snyed byas pa re re la nyes pa sbom po re rer 'gyur ro/ /sbyor ba'i sbyor ba'i ltung ba ni mi'am mir chags pa la gsod pa'i sbyor bas khri las ldang ba la sogs pa nas sbyor ba ma brtsams kyi bar du nyes byas so//ched du ma bsams par shi na nyes byas so/ /sbyor ba'i ltung ba ji skad bstan pa de dag re re la sbyor ba'i sbyor ba gcig na nyes byas gcig tu 'gyur ro//sbyor ba'i sbyor ba tha dad na nyes byas re rer 'gyur ro/ /ltung ba med pa ni bdag sngar shi'am mnyam du shi na nyes pa med de/ tshe rabs gzhan du las skye ba med pa'i phyir ro/ /las dang po pa dang smyos pa dang / sems 'khrugs pa dang / tshor ba dag gis nyen pa la ltung ba med do//bslab par bya ba ni yul thams cad la gnas skabs thams cad du mi gsod pa'i sbyor ba'i sbyor ba nyes byas dang / sbyor ba sbom po dang / dngos gzhi rnam pa thams cad bsten par mi bya bar bslab par bya'o/ /nad pa la 'chi ba'i sems pa dang rjes su mthun pa'i nyes par sgrub pa nye bar bsgrub par mi bya'o//nad g.yog mi shes pa la 'chi ba'i dgra bos ma smras par nad pa'i nad g.yog tu mi gzhag go/ /nad g.yog shes pa gzhan yod na mi shes pa mi gzhag go/ /nad pa'i drung du 'chi ba'i 'tshog chas mi gzhag go//nad pa 'chi bar rjes su sgrub na nad g.yog gis bzlog par bya'o/ /mngal rlugs par byed pa la sogs pa bya ba ma yin pa byed pa la sems kyis rjes su yi rang bar mi bya'o/ /lhung bzed dang chos gos la sogs pa rdzas thob tu re ba'i phyir gzhan 'chi bar 'dod par mi bya'o//dri bar bya ba sman pa dang / de rab tu byung ba dang / des bkol ba dang / dge slong rgan rabs la ma dris par nad pa la sman sbyin par mi bya'o/ /khur gdeg par mi nus pa la grogs nyid mi bya'o/ /gal te de lta bu'i rkyen gyis na khyim pa dag rung ba nyid la cig car gdeg par skad sbyar te gdeg par bya'o//gzhag pa la yang cig car gzhag par skad sbyar te gzhag par bya'o/ /so phag mi 'phang ngo / /so phag bye ba dang gas pa ma brjod par de nyid sbyin par mi bya'o/ /rkun po spa bkod ba'i phyir tsham ngam bya'o/ /gaN+DI la sogs pa mi phog par 'phang ngo //rdzi phyogs nas rdul gyi bum pa dang thal ba'i gyo mo yang 'phang ngo / /'ur rdo bcang bar bya'o/ /dge slong ngal ba mi dbul lo/ /de'i grogs bya'o/ /de'i khur blang bar bya'o/ /dro kar phyi nas 'ong ba na lhung bzed bkru ba dang / byug ris gzhag pa dang / byin len bya ba dang / bya ra bya ba dang / dro kar phyin par 'ong mi nus na zan la sogs pas bsu bar bya'o/ /phyi dro yin na skom gyis bsu bar bya'o/ /nad pa la bab chol du mtshon dang thag pa sbyin par mi bya'o/ /lag gi bla la sogs pa'i zhal ta shes bzhin du bya'o//gsang sngags kyi thal lcag bya ba yang shes bzhin du bya'o/ /brnangs pa la sogs pas thogs pa bsal ba'i phyir bsnun pa yang shes bzhin du bya'o/ /rdo la sogs pa dril ba la shes bzhin gyis legs par so sor brtags te bya'o/ /zla'i phyogs nyung ngus 'debs pa lci ba la 'bad par mi bya'o//spyi'i tshugs su 'gro bar mi bya'o/ /bdag nyid mtshon gyi las la sogs pa ma bslabs pas gzhan de la sbyar bar mi bya'o/ /mda' la sogs pa mtshon 'phang ba la bsgo bar mi bya'o/ /nad pa mi nus pa lam du mi bkri'o/ /phyir bcos pa ni snga ma bzhin no//gsod pa'i pham par 'gyur ba ste gsum pa bshad zin to// //smra ba'i pham par 'gyur ba'i gleng gzhi ni bcas pa dang / gnang ba'i dbang gis rnam pa gnyis te/ de la bcas pa'i gleng gzhi ni sangs rgyas bcom ldan 'das yangs pa can na spre'u rdzing gi 'gram khang pa brtsegs pa'i khang bzangs na bzhugs so//de na nya pa lnga brgya chu klung yid 'ong ldan gyi 'gram na rten cing 'khod pa dag bcom ldan 'das kyis rab tu byung zhing bsnyen par rdzogs par mdzad nas/ bcom ldan 'das 'od ma can gyi grong na grong gi byang phyogs shing sha pa'i tshal na bzhugs so//de'i tshe na mu ge nyam ngab dgon pa'i slong mo bas zas rnyed par dka' zhing / pha ma dag kyang rang gi bu dag la zas sbyin pa dang bya bar sems pa dka' na slong mo pa dag la lta smos kyang ci dgos pa byung ngo / /de nas bcom ldan 'das kyis dge slong rnams la dge slong dag da lta mu ge byung gi khyed cag smos 'drin ji lta ba dang /phebs par smra ba ji lta ba dang / 'grogs bshes ji lta bas yangs pa can gyi nye 'khor spong byed kyi grong du dbyar gnas par khas long shig /nga yang 'od ma can gyi grong 'di nyid du bsnyen bkur ba dge slong kun dga' bo dang dbyar gnas par khas len to zhes bka' stsal nas/nya pa las rab tu byung ba'i dge slong lnga brgya po de dag nya pa'i grong gi nye 'khor du lo ma dang 'dab ma'i spyil bu dag byas te dbyar gnas par khas blangs so/ /de dag thos pa nyung ba dang ldan pa yin pas nye du 'ongs pa dag la chos ston mi nus nas/de dag gis nye du dag la nye du dag khyed cag gang gi grong tshigs na dge slong gi dge 'dun 'di la 'di ltar dbyar gnas par khas blang bar gyur pa'i nye du de dag gis ni rnyed pa legs par rnyed pa yin te/ dge slong 'di ni 'du shes dang / bsam gtan dang / tshad med pa dang /gzugs med pa'i snyoms par 'jug pa dang / dge sbyong gi 'bras bu thob pa dang / rnam par thar pa brgyad la bsam gtan pa dang / gnyis ka'i cha las rnam par grol ba yin no zhes gcig gis gcig la mi'i chos bla ma'i yon tan yang dag pa ma yin pa bsgrags pa'i skabs de dge slong rnams kyis bcom ldan 'das la gsol nas/bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang mngon par mi shes shing yongs su mi shes la mi'i chos bla ma mtha' dang / 'phags pa dang / bye brag thob pa dang / shes pa dang / mthong ba dang / reg par spyod pa med la med bzhin du 'di shes so//'di mthong ngo zhes khas 'ches pa las/ de ltung ba byung ba rnam par dag par 'dod nas/ dus gzhan zhig na dris kyang rung ma dris kyang rung / 'di skad ces tshe dang ldan pa dag bdag gis ni mi shes par shes so zhes smras/ ma mthong bar mthong ngo zhes smras te/gsob gsog brdzun du smras so zhes zer na dge slong de yang pham par gyur pa yin gyi gnas par mi bya'o zhes bca' ba mdzad de/ yul ni yangs pa can/ gang zag ni nya pa las rab tu byung ba'i dge slong lnga brgya/ nyon mongs pa ni grags pa 'dod pa/nyes pa ni mi'i chos bla ma yang dag pa ma yin pa smras pa'o/ /gnang ba'i gleng gzhi ni sangs rgyas bcom ldan 'das yangs pa can na bzhugs so/ /dge slong rab tu mang po gnas mal dgon pa nags khrod dang / ri drungs dang / bas mtha' dag na rnal 'byor gyi rjes su brtson par gnas pa dag gis zhi gnas kyi rgyu mtshan nyid du 'dzin pa cung zad cig la brten nas 'jig rten pa'i yid la byed pas nyon mongs pa dag rnam par gnan pas 'dod pa la 'dod chags dang gnod sems dag de dag gi rgyud la kun du mi 'byung nas de'i 'og tu de dag gis gcig la gcig tshe dang ldan pa dag shes par gyis shig /dgon pa pa dag gis thob par bya ba gang yin pa de bdag cag gis thob ste/ bdag cag skye ba ni zad tshangs par spyod pa ni bsten/ bya ba ni byas/ srid pa 'di las gzhan ni mi shes kyis tshur gshegs/bdag cag gnas mal dgon pa dag btang ste gnas mal grong mtha' dag tu 'jug par bya'o zhes brjod nas/ de dag gis gnas mal dgon pa dag btang ste gnas mal grong mtha' dag tu zhugs pa dang / der de dag yang dang yang du bud med dag mthong zhing /kun dga' ra ba'i dge tshul rnams dang lhan cig 'dre zhing gnas pa dag la yang nyon mongs pa dag byung bar gyur te 'dod pa la 'dod chags dang / gnod sems dag rgyud la kun du byung bar gyur nas/ de dag 'di snyam du sems te/ tshe dang ldan pa dag shes par gyis shig /bcom ldan 'das kyis 'dul ba la nyan thos rnams kyi bslab pa'i gzhi 'di ltar bca' ba mdzad de/ yang dge slong gang mngon par mi shes shing yongs su mi shes la/ mi'i chos bla ma mtha' dang / 'phags pa dang / bye brag thob pa dang / shes pa dang / mthong ba dang / reg par spyod pa med la med bzhin du 'di shes so/ /'di mthong ngo zhes khas 'ches pa las de ltung ba byung ba rnam par dag par 'dod pas dus gzhan zhig na dris kyang rung ma dris kyang rung / 'di skad ces tshe dang ldan pa dag bdag gis ni mi shes par shes so zhes smras/ ma mthong ba mthong ngo zhes smras te/gsob gsog brdzun du smras gso zhes zer na dge slong de yang pham par gyur pa yin gyi gnas par mi bya'o ces bca' ba mdzad na bdag cag pham par gyur pa'i ltung ba ma byung ngam snyam nas tshe dang ldan pa kun dga' bo la dris so/ /tshe dang ldan pa kun dga' bos bcom ldan 'das la zhus pa dang /bcom ldan 'das kyis bka' stsal pa/ kun dga' bo de lta bas na mngon pa'i nga rgyal ni ma gtogs so/ /de lta bas na snga ma ni bcas pa yin la 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang mngon par mi shes shing yongs su mi shes la mi'i chos bla ma mtha' dang / 'phags pa dang / bye brag thob pa dang / shes pa dang / mthong ba dang / reg pa spyod pa med la med bzhin du 'di shes so 'di mthong ngo zhes khas 'ches pa las de ltung ba byung ba rnam par dag par 'dod nas dus gzhan zhig na dris kyang rung ma dris kyang rung /'di skad ces tshe dang ldan pa dag bdag gis ni mi shes par shes so zhes smras/ ma mthong ba mthong ngo zhes smras te/ gsog gsob brdzun du smras so zhes zer na mngon pa'i nga rgyal ma gtogs te/dge slong de yang pham par gyur pa yin gyi gnas par mi bya'o zhes bca' ba mdzad de/ yul ni yangs pa can/ gang zag ni dge slong rab tu mang po/ nyon mongs pa ni mngon pa'i nga rgyal/ nyes pa ni med do/ /de la yang dge slong gang zhes bya ba ni snga ma bzhin no//mngon par mi shes shing zhes bya ba ni bsam gtan dang gzugs med pa'i sa pa'i shes pa zag pa dang bcas pas gzugs mngon par mi shes pa dang / tshor ba dang / 'du shes dang / 'du byed rnams dang / rnam par shes pa mngon par mi shes shing ngo //yongs su mi shes la zhes bya ba ni bsam gtan dang / gzugs med pa'i sa pa'i shes pa zag pa med pas gzugs nyid yongs su mi shes pa dang / tshor ba dang / 'du shes dang / 'du byed rnams dang / rnam par shes pa yongs su mi shes pa la'o//yang na bar chad med pa dang / rnam par grol ba'i lam mngon par mi shes pa dang / yongs su mi shes par go rims bzhin no/ /yang na shes bya de dag ji ltar gnas de ltar rjes su 'gro ba'i sgo nas mi shes pa ni mngon par mi shes pa yin la/ ldog pa'i sgo nas mi shes pa ni yongs su mi shes pa yin no//mi'i chos bla ma zhes bya ba la mi'i chos zhes bya ba ni mi rnams kyi chos mya ngan las 'das pa ste/ de rnams kyis de 'thob kyi za ma dang / ma ning dang / mtshan gnyis pa dag gis kyang mi 'thob na sems can dmyal ba dang / dud 'gro dang /yi dags rnams kyis lta smos kyang ci dgos pa'i phyir ro/ /bla ma zhes bya ba ni 'dod pa'i khams pas gzugs kyi khams bla ma yin la/ gzugs kyi khams pas gzugs med pa'i khams bla ma yin pa'o/ /yang na mi'i chos zhes bya ba ni sgrib pa lnga po 'dod pa la 'dun pa dang /gnod sems dang / rmugs pa dang / gnyid dang / rgod pa dang / 'gyod pa dang / the tshom dag go/ /bla ma zhes bya ba ni de dag spangs pa gang yin pa'o/ /mtha' zhes bya ba ni mya ngan las 'das pa ste/ mthar thug pa yin pa'i phyir ro/ / 'phags pa dang bye brag thob pa zhes bya ba ni zag pa med pa thob pa ste/ 'phags pa zhes bya ba ni sangs rgyas dang sangs rgyas kyi nyan thos rnams so/ /bye brag thob pa zhes bya ba ni dge sbyong gi 'bras bu bzhi po dag ste/ rgyun du zhugs pa'i 'bras bu dang / lan cig phyir 'ong ba'i 'bras bu dang /phyir mi 'ong ba'i 'bras bu dang / dgra bcom pa nyid do/ /shes pa zhes bya ba ni shes pa bzhi po dag ste/ sdug bsngal shes pa dang / kun 'byung shes pa dang / 'gog pa shes pa dang / lam shes pa ste/ rjes su mi tshol ba'i shes rab bo/ /mthong ba zhes bya ba ni mthong ba bzhi po dag ste/sdug bsngal mthong ba dang / kun 'byung mthong ba dang / 'gog pa mthong ba dang / lam mthong ba ste/ rjes su tshol ba'i shes rab bo/ /reg par spyod pa zhes bya ba ni bsam gtan bzhi po dag la bde bar gnas pa ste/ snyoms par 'jug pa las yin gyi skye ba las ni ma yin no//med pa zhes bya ba ni de'i dngos po med pa la ste/ mngon sum du ma gyur pa'am mi srid pa'o/ /med bzhin du zhes bya ba ni bdag nyid la med bzhin du ste ma thob pa'o/ /'di shes so zhes bya ba la/ ci zhig shes so zhe na sdug bsngal ba dang / kun 'byung ba dang /'gog pa dang lam shes so zhes so/ /'di mthong ngo zhes bya ba la/ ci zhig mthong ngo zhes she na/ lha rnams dang / klu rnams dang / gnod sbyin rnams dang / nam mkha' lding rnams dang / dri za rnams dang / mi'am ci rnams dang / lto 'phye chen po rnams dang / yi dags rnams dang / sha za rnams dang / grul bum rnams dang / srul po rnams dang / lus srul po rnams mthong ngo zer ba dang / de rnams kyi sgra thos zhes zer ba dang / bdag de rnams blta ba'i phyir 'gro'o zhes zer ba dang / de rnams bdag la ltar 'ong ngo zhes zer ba dang / bdag de rnams dang lhan cig gtam 'dre bar byed/ phebs par smra bar byed/ so sor kun dga' bar byed/ rtag tu yang lhan cig gnas par byed do zhes zer ba dang / de rnams bdag dang lhan cig gtam 'dre bar byed/ phebs par smra bar byed/ so sor kun dga' bar byed/rtag tu yang lhan cig gnas par byed do zhes zer ba dang / bdag gis 'du shes nyi shu dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / dge sbyong gi 'bras bu bzhi dang / mngon par shes pa drug dang / rnam par thar pa brgyad la bsam gtan dang /gnyi ga'i cha las rnam par grol ba ma thob bzhin du thob bo zhes zer ba ste/ de dag kyang mngon sum du gyur pa nyid kyis mthong ba dang 'dra ba'i phyir 'di mthong ba'i sgras bsdus so/ /khas 'ches pa las zhes bya ba ni khas blangs pa las so/ / de zhes bya ba ni dge slong de'o/ /ltung ba byung ba zhes bya ba ni gzhi de'i'o/ /rnam par dag par 'dod nas zhes bya ba ni rnam par ldang bar 'dod nas so/ /dus gzhan zhig na zhes bya ba ni dus gzhan na'o/ /dris kyang rung zhes bya ba ni gzhan dag gis glengs kyang rung ngo //ma dris kyang rung zhes bya ba ni gzhan dag gis ma glengs par de dag nyid 'gyod pa dang / cung zad 'gyod pa dang / rnam par 'gyod pa dang / rab tu 'gyod pa skyes kyang rung ngo / /'di skad ces tshe dang ldan pa dag bdag gis ni mi shes pa shes so zhes smras zhes bya ba ni yid kyi rnam par shes pas so//ma mthong ba mthong ngo zhes smras te zhes bya ba ni mig gi rnam par shes pas so/ /gsob gsog brdzun du smras so zhes bya ba de dag ni smras pa'i rnam grangs kyi tshig yin te/ gsob ces bya ba ni don des stong pa'o/ /gsog ces bya ba ni de'i sa bon gyis stong pa ste/grib ma tsam dang yang bral ba'o/ /brdzun zhes bya ba ni der 'du shes pa dang yang bral ba'o/ /zer na zhes bya ba ni brjod na'o/ /mngon pa'i nga rgyal ma gtogs so zhes bya ba ni mngon pa'i nga rgyal bzhag ste'o/ /mngon pa'i nga rgyal zhes bya ba ni grib ma tsam mthong ba las yon tan thob par nga rgyal byed pa'o//ma gtogs te zhes bya ba ni mngon pa'i nga rgyal can gyis don brdzun pa yang dag pa'i 'du shes kyis brjod pa la ltung ba med pa'i phyir ro/ /dge slong de yang pham par gyur pa yin gyi gnas par mi bya'o zhes bya ba yang snga ma bzhin no//de la ltung ba ji ltar 'gyur zhe na 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni 'du shes bsgyur te bdag nyid mi'i chos bla ma dang ldan pa nyid du smras na pham par 'gyur ro//de'i bye brag ni 'du shes bsgyur te bdag nyid mi'i chos bla ma dang ldan pa nyid du smras te gzhan gyis don go na pham par 'gyur ro/ /mi'i chos bla ma'i 'bras bu la na smad pa med de/de gang zhe na/ lha dang klu dang / gnod sbyin dang / dri za dang / mi'am ci dang / lto 'phye chen po dang / yi dags dang / sha za dang / grul bum dang / srul po dang / lus srul po rnams bdag gis mthong ba dang / de rnams kyis bdag mthong ba dang /bdag gis de rnams kyi sgra thos pa dang / de rnams kyis bdag gi sgra thos pa dang / bdag de rnams la ltar 'gro ba dang / de rnams bdag la ltar 'ong ba dang / bdag de rnams dang lhan cig gtam 'dre/ phebs par smras/ so sor kun dga' bar byed/ rtag tu lhan cig gnas pa dang /de rnams bdag dang lhan cig gtam 'dre phebs par smra/ so sor kun dga' bar byed/ rtag tu lhan cig gnas pa zhes bya ba ste de dag la na smad pa med do/ /mi'i chos bla ma'i rang bzhin lan smad pa med do/ /de gang zhe na/ mi rtag pa la sogs pa'i 'du shes dang /bsam gtan rnams dang / tshad med pa rnams dang / gzugs med pa rnams dang / dge sbyong gi 'bras bu rnams dang / mngon par shes pa rnams dang / zag pa dang bcas pa dang / zag pa med pa'i yon tan thams cad de/ de dag lan smad pa med do/ / mi'i chos bla ma dang ldan pa rgyun du zhugs pa la sogs pa'i chos dgon par mi ma yin pa dag mi 'tshe ba dang / grong du stan khra bo bkra ba bting ba la sogs pa dang / bdag nyid ldan par smra ba la na smad pa med do/ /mi'i chos bla ma dang ldan pa de yod do zhes gzhan la sbyar nas de'i 'og tu rang la sbyor bar byed pa la na smad pa med do//mi'i chos bla ma ma thob par bdag gis thob ste/ yongs su nyams so zhes zer ba dang / thob pa yongs su nyams pa la ma nyams so zhes zer ba la na smad pa med do/ /khyod ni mi'i chos bla ma dang ldan pa'o zhes zer ba'i tshig gis dang du blangs pa la na smad pa med do//dge slong 'gro ba gzhan gyi rnam pa bsten pa dang / dge slong gi 'du shes yod pa la na smad pa med do/ /dngos po bzang ngan 'dra ba la na smad pa med do/ /mtshan gyur pa ltung ba thun mong gi yul la na smad pa med do/ / 'gro ba gzhan las skyes pa dang / 'gro ba gzhan gyis skyes pa dang / 'gro ba gzhan gyi rnam pa bsten pa la na smad pa med do/ /gnas skabs gzhan thob pa la na smad pa med do/ /gzhi gcig la bslab pa du ma bcas pa nyid la na smad pa med do/ /dngos po la the tshom za bas bsams pa dang bcas pas zhugs pa la na smad pa med do//yul bsams pa dang ma bsams pa la na smad pa med do/ /rang dang gzhan gyi don du byed pa la na smad pa med do/ /nyan pa po don go bar 'gro ba gang yang rung ba dang 'phags pa la na smad pa med do/ / dge slong gi dngos por mi shes na rang bzhin gyis nyams pa yin no/ /'di'i byed pa po ni 'du shes bsgyur ba dang / mi'i chos bla ma bdag nyid kyi phyir rang gi tshig gis smras te gzhan gyi don go ba'o/ /'di la yan lag lngas dngos gzhi'i ltung bar 'gyur te 'du shes bsgyur ba dang /mi'i chos bla ma de nyid dang / bdag nyid kyi phyir dang / rang gi tshig dang / gzhan gyis go ba'o/ /de dag las yan lag ma tshang na ci rigs par na smad do/ /de la 'du shes bsgyur na pham par 'gyur ba'i brdzun nam/ nyes pa sbom po'i brdzun nam/ dge 'dun lhag ma'i brdzun nam/ltung byed kyi brdzun nam/ nyes byas kyi brdzun gcig tu 'gyur gyi/ 'du shes ma bsgyur ba la de dag gi ltung ba med pa'i phyir ro/ /mi'i chos bla ma de nyid smras na dngos gzhir 'gyur gyi gzhan na ni smad pa'i phyir ro/ /bdag nyid kyi phyir smras na dngos gzhir 'gyur gyi gzhan la sbyor ba na smad pa'i phyir ro//rang gi tshig yin na dngos gzhir 'gyur gyi/ rang gis ma smras na nyes pa med pa'i phyir ro/ /gzhan gyis don go na dngos gzhir 'gyur gyi/ ma go na nyes pa sbom por 'gyur ba'i phyir ro/ /sbyor ba'i ltung ba ni 'du shes bsgyur te bdag nyid mi'i chos bla ma dang ldan pa nyid du smra ba'i phyir sbyor ba brtsams nas dngos gzhi la ma thug gi bar du nyes pa sbom por 'gyur ro//mi'i chos bla ma dngos gzhir ma gtogs pa dag la nyes pa sbom po'o/ /gzhan gyis don ma go na nyes pa sbom po'o//rdul khrod kyi sha za yang nyes pa sbom po'o/ /zhi gnas kyi rgyu mtshan rang gi mtshan nyid 'dzin pa nyon mongs pa rnam par gnon pa yang nyes pa sbom po'o/ /mi'i chos bla ma dang ldan pa de yod do zhes rang la 'dun pa'i bsam pa gzhan la sbyor zhing ston na nyes pa sbom po'o/ / mi'i chos bla ma brjod pa'i 'dun pas mi mthun pa rgyu dang 'bras bu dang / slob pa dang mi slob pa zhes bya ba la sogs pa'i don brjod na nyes pa sbom po'o/ /mi'i chos bla ma gang brjod par 'dod pa de nor te/ de las gzhan brjod na nyes pa sbom po'o/ /gzhogs smos byed na nyes pa sbom po'o//gzhogs smos byas nas mjug khas mi len na nyes pa sbom po'o/ /khyod ni mi'i chos bla ma dang ldan pa'o zhes zer ba cang mi smra bas dang du blangs na nyes pa sbom po'o/ /khyod ni mi'i chos bla ma dang ldan pa yin no/ /'di dang 'di rjes su sgrubs shig ces zer ba rjes su bsgrubs na nyes pa sbom po'o//dge slong 'gro ba gzhan gyi rnam pa bsten pa na dge slong gi 'du shes med pa la nyes pa sbom po'o/ /dngos gzhi la sbyor ba ji snyed byas pa re re la nyes pa sbom po re rer 'gyur ro/ /sbyor ba'i sbyor ba'i ltung ba ni sbyor ba'i phyir brtsal cing ji srid du sbyor ba nyid la ma thug gi bar du nyes byas su 'gyur ro//sbyor ba'i ltung ba ji skad bstan pa de dag re re la sbyor ba'i sbyor ba gcig na nyes byas gcig tu 'gyur ro/ /sbyor ba'i sbyor ba tha dad na re re la nyes byas re rer 'gyur ro/ /ltung ba med pa ni mngon pa'i nga rgyal la nyes pa med de 'du shes bsgyur ba med pa'i phyir ro//las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni yul thams cad la gnas skabs thams cad du mi'i chos bla ma smra ba'i sbyor ba'i sbyor ba nyes byas dang /sbyor ba sbom po dang / dngos gzhir 'gyur ba rnam pa thams cad brten par mi bya bar bslab par bya'o/ /'das pa dang ma 'ongs pa la sogs pa'i yul ma bsams par bstan par mi bya'o/ /phyir bcos pa ni snga ma bzhin no/ /smra ba'i pham par 'gyur ba ste bzhi pa bshad zin to// //tshe dang ldan pa dag bdag gis pham par 'gyur ba'i chos bzhi po dag bstan zin to zhes bya ba ni gdon ba'i mjug bsdu ba yin no/ /dge slong gis de dag las ltung ba gang yang rung ba zhig byas na zhes bya ba ni pham par 'gyur ba bzhi po de dag las so//thog ma ji lta bar phyis kyang de bzhin zhes bya ba ni dang po khyim pa'i gnas skabs na sdom pa med pa ji lta bar ltung ba de byung ba'i gnas skabs na yang de bzhin pa ste/ 'dir ni sdom pa nyam chung ba la bya'i sdom pa gtan med pa ni ma yin te/ 'phags pa gzhi thams cad yod par smra ba'i 'dul ba'i sde snod kyi lung nyid las/bu lon nor bzhin kha che dag /byung ba la ni gnyis su 'dod/ /ces gsungs pas sdom pa ni sems skyes pa'i bya ba yin la/ bslab pa'i gzhi ni lus dang ngag gis bslab pa'i rnam par rig byed gzugs can yin te de yang sems kyis phyir bcos na mtha'i ltung ba las ldang ba'i thabs kyang yod pa'i phyir ro//pham par gyur pa yin te zhes bya ba ni ltung ba'i sde tshan gyi ming bstan pa yin te/ tshig gi don ni sngar bshad zin to/ /dge slong rnams dang lhan cig gnas pa dang / longs spyod du ma'i dbang gis gnas par mi bya'o zhes bya ba ni ma dag pa'i nyes dmigs bstan pa ste/de yang bslab pa sbyin pa'i phyir ma bcos pa rnams kyi dbang du mdzad de gsungs pa yin gyi bslab pa byin pas phyir bcos pa'i bya ba byas na ni ma yin no/ /lhan cig gnas pa zhes bya ba ni gnas gcig na'o//longs spyod pa zhes bya ba ni chos dang zang zing gis so/ /mi dbang gis zhes bya ba ni de'i 'os ma yin pa'o/ /gnas par mi bya'o zhes bya ba ni dge slong rnams kyis de dang lhan cig gso sbyong dang / dgag dbye dang / gsol ba dang / gsol ba dang gnyis dang /gsol ba dang bzhi'i las la gnas par mi bya ba dang / de gang zag bcu gnyis kyi las su bsgo bar mi bya ba'o/ /de la bdag gis tshe dang ldan pa dag la ci 'di la khyed yongs su dag gam zhes dri'o/ /ci 'di la khyed yongs su dag gam zhes lan gnyis lan gsum du dri'o//'di la tshe dang ldan pa dag yongs su dag na 'di ltar cang mi smra bas de de bzhin du 'dzin to zhes bya ba ni rnam par gzhag pa bsgrag par bya ba yin te/ de la zhes bya ba ni pham par 'gyur ba'i chos bzhi po bstan pa de la'o/ /lhag ma ni snga ma yin no/ /pham par 'gyur ba'i chos bzhi po gdon pa bshad zin to// //da ni dge 'dun lhag ma gdon pa bshad par bya ste/ de'i phyir/ sdom la/ khu ba 'dzin pa 'khrig tshig bsnyen bkur smyan/ /khang pa khang chen dang ni gzhi med pa/ /bag tsam dge 'dun dbyen dang de rjes phyogs/ / khyim sun 'byin dang bka' blo mi bde ba'o/ /zhes bya ba gsungs so/ /sdom la zhes bya ba'i dgos pa dang tshig gi don ni snga ma bzhin no/ /dge 'dun lhag ma ni bcu gsum ste/ khu ba 'byin pa dang / lus kyi reg pa dang / 'khrig pa dang ldan pa smra ba dang / bsnyen bkur bsngags pa dang /smyan byed pa dang / khang pa dang / gtsug lag khang dang / gzhi med par skur pa 'debs pa dang / gzhan gyi cha ma yin pa dang mthun pa dang / dge 'dun gyi dbyen byed pa dang / de'i rjes su phyogs pa dang / khyim sun 'byin pa dang / bka' blo mi bde ba'o//tshe dang ldan pa dag dge 'dun lhag ma'i chos bcu gsum po 'di dag ni zla ba phyed phyed cing so sor thar pa'i mdo gdon pa las 'byung ngo zhes bya ba ni dge 'dun lhag ma gdon pa 'di'i lung dbog pa bstan to/ /dge 'dun lhag ma'i chos zhes bya ba ni ltung ba de dge 'dun la rag lus pa dang /dge 'dun dang 'brel ba dang / dge 'dun la brten pa yin te/ ltung ba de dge 'dun las rnam par ldang bar 'gyur gyi gang zag las ma yin pa'o/ /gzhan yang pham par 'gyur ba'i chos bzhi po dag ni lhag ma med pa yin gyi/ 'di ni lhag ma dang bcas pa ste/des na dge 'dun lhag ma zhes gsungs so/ /de nyid kha na ma tho ba'i mtshan nyid 'dzin pas chos zhes bya'o/ /bcu gsum po 'di dag ni zhes bya ba ni khu ba 'byin pa la sogs pa gong du bstan pa dag go/ /zla ba phyed phyed cing so sor thar pa'i mdo gdon pa las 'byung ngo zhes bya ba ni sde snod gsum las 'dul ba'i sde snod ni yi ger ma bris pa yin pas thams cad kyi mngon sum du ma gyur pa'i phyir gso sbyong 'don pas dge 'dun lhag ma 'don pa 'di ga las shes snyam pa la/zla ba phyed phyed cing gso sbyong 'don pa'i tshe 'dul ba 'dzin pa'i kha ton las 'byung ngo zhes bstan pa yin no//da ltar 'dul ba'i sde snod yang dag par bsdus pa'i gzhung 'di ni ma 'ongs pa'i skye bo dbang po rtul po tshig dang don gyi bdag nyid 'dzin mi nus pa rnams la phan gdags pa'i phyir bcom ldan 'das kyis yang dag par bsdu bar gnang ba yin te/de bas na 'dul ba'i sde snod kyis las gsang ba 'di ni bsnyen par ma rdzogs pa rnams kyis thos par mi bya'o zhes sngar bstan pa bzhin 'dir yang sbyar ro/ /de la khu ba 'byin pa'i dge 'dun lhag ma'i gleng gzhi ni bcas pa dang gnang ba'i dbang gis rnam pa gnyis te/de la bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa 'char ka lus ma bsrungs/ dbang po rnams kyis ma bsdams/ dran pa nye bar ma bzhag par grong dang grong rdal dag tu bsod snyoms la zhugs te phyir log nas de'i sems 'dod pa la 'dod chags kyis kun nas dkris par gyur nas/ des rang gi yan lag gi rnam pa las su rung bar byas te/ lag pa gnyis kyis bzung nas rtsol bar byed cing khu ba 'byin par byed pa'i skabs de dge slong rnams kyis bcom ldan 'das la gsol nas/bcom ldan 'das kyis byung ba 'di dang gleng gzhi 'di dang / skabs 'di la dge slong gi dge 'dun bsdu ba mdzad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/bsams bzhin du khu ba phyung na dge 'dun lhag ma'o zhes bca' ba mdzad de/ yul ni mnyan yod/ gang zag ni 'char ka /nyon mongs pa ni 'dod chags/ nyes pa ni khu ba 'byin pa'o//gnang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe dge slong rab tu mang po nyal ba dag gi rmi lam na khu ba byung bar gyur te/ de dag la 'du shes kyang yod/ sems pa yang yod pas de dag 'gyod pa skyes par gyur nas/ 'di ltar bcom ldan 'das kyis bsams bzhin du khu ba phyung na dge 'dun lhag ma'o zhes 'dul ba la nyan thos rnams kyi bslab pa'i gzhi bca' ba mdzad na/ bdag cag la dge 'dun lhag ma'i ltung ba ma byung ngam snyam nas/tshe dang ldan pa kun dga' bo la dris so/ /tshe dang ldan pa kun dga' bos bcom ldan 'das la zhus pa dang / bcom ldan 'das kyis bka' stsal pa/ kun dga' bo de lta bas na rmi lam gyi ma gtogs so/ /de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ bsams bzhin du khu ba phyung na rmi lam gyi ma gtogs te dge 'dun lhag ma'o zhes gnang ba mdzad de/ yul ni mnyan yod/ gang zag ni dge slong rab tu mang po/ nyon mongs pa ni lung du ma bstan pa/ nyes pa ni med do/ /de la bsams bzhin du zhes bya ba ni rnam par brtags nas so/ /khu ba zhes bya ba ni khu ba rnam pa lnga ste/ sngon po dang / ser po dang / dmar po dang / ska ba dang / sla ba'o/ /de la sngon po ni 'khor los sgyur ba'i rgyal po'i'o//'khor los sgyur ba'i rgyal po'i bu thu bo dbang bskur bar 'os la dbang ma bskur bar gnas pa mtshan thob pa gang yin pa de'i khu ba yang sngon po yin no/ /ser po ni 'khor los sgyur ba'i rgyal po'i bu de las gzhan pa dag gi'o/ /dmar po ni sna chen po la gtogs pa 'khor lo'i mtha' pa'i'o//ska ba ni dbang po yongs su smin pa rnams kyi'o/ /sla ba ni dbang po yongs su ma smin pa rnams kyi'o/ /yang na sla ba ni bud med kyis dub pa dang / khur gyis dub pa dang / lam gyis dub pa dang / gta' gam pa dang / ya za ma lug gang yin pa de'i yang sla ba yin no//phyung na zhes bya ba ni de ma thag tu phyung ba ste/ gzhan gyis bar du mchod pa kho nar rang gi gnas nas 'phral la phyung ba ste/ dang po kho nar gnas nas 'thon ces bya ba'i tha tshig go/ /rmi lam gyi ma gtogs te zhes bya ba ni rmi lam gyi gzhag ste'o//de ni tha snyad du byar rung ba ma yin pas de las ltung ba rnam par mi gzhag go/ /dge 'dun lhag ma'o zhes bya ba ni ltung ba de dge 'dun la rag lus pa dang / dge 'dun dang 'brel pa dang / dge 'dun la bsten pa yin te/ ltung ba de dge 'dun las rnam par ldang bar 'gyur gyi gang zag las ma yin pa'o//gzhan yang pham par 'gyur ba'i chos bzhi po dag ni lhag ma med pa yin gyi/ 'di ni lhag ma dang bcas pa yin pa ste/ des na dge 'dun lhag ma'o zhes gsungs so/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni bsams bzhin du khu ba phyung na dge 'dun lhag mar 'gyur ro//de'i bye brag ni der 'dun pas rang gi yan lag gi rnam pa la phyi nang gi reg pa sems can du bgrang ba de'i rnam par gnas pas brtsal te rang gi khu ba dang po phyung na dngos gzhir 'gyur ro/ /khu ba dbyung ba'i bsam pas rang gi yan lag gi rnam pa las khu ba dang po phyung ngo cog la na smad pa med do//bde ba dang / rig sngags dang / sa bon dang / sman dang / brtag pa'i phyir 'byin pa la na smad pa med do/ /ril gyis bcangs pa dang dam du bcangs pa gnyis med par 'byin pa la na smad pa med do/ /bye brag nges par myong ba'i bde ba dang /byung la thug pa'i bde ba dang / ngad las pa'i bde ba dag med par 'byin pa la na smad pa med do/ /de la bye brag nges par myong ba'i bde ba zhes bya ba ni bud med dang skyes pa kun du sprad pa'i gnas skabs na bde ba gang yod pa'o/ /byung ba thug pa'i bde ba zhes bya ba ni khu ba byung ka'i gnas skabs na bde ba gang skye ba'o//ngad las pa'i bde ba zhes bya ba ni 'dod chags kyis gdung ba dang bral ba'i gnas skabs na bde ba gang byung ba'o/ /de dag dang ldan bzhin du 'byin pa la yang na smad pa med do/ /ril dang dam du bcangs pas 'byin pa la na smad pa med do//rnam par bsngos pa la sogs pa dang / rnam par zhig pa dang / keng rus dag dang / mgo dang / rna ba dang / sna dag dang / mgul pa'i bar dag dang / rtsib logs dang / rgyab dang / brang dang / gnyer ma dag dang / skra'i gseb dang /lag pa dang / phrag pa dang / dpung pa dag dang / dpung pa'i bar dag dang / rked pa dang / brla dang / rkang pa dang / sgyid pa dag dang / sgyid pa'i bar du 'byin pa la na smad pa med do/ /dge slong 'gro ba gzhan gyi rnam pa bsten pa na dge slong gi 'du shes yod pa la na smad pa med do//dngos po bzang ngan dang 'dra ba la na smad pa med do/ /dngos po la the tshom za ba'i bsams pa dang bcas par zhugs pa la na smad pa med do/ /yul bsams pa dang ma bsams pa la na smad pa med do/ /rang dang gzhan gyi don du byed pa la na smad pa med do/ / phyung ba thams cad la pham par 'gyur ba ma gtogs pa la na smad pa med do/ /'di'i byed pa po ni 'byin pa'i bsam pa dang / rang gi khu ba phyung ba'o/ /'di la yan lag bcu'i dngos gzhi'i ltung bar 'gyur te/ phyung ba dang / der 'dun pa dang / rang gi khu ba dang / dang po dang / reg pa dang / phyi rol gyis dang / sems can du bgrang bas dang / de'i rnam par gnas pas dang / brtsal ba dang / yan lag gi rnam pa la'o/ /de la phyung ba zhes bya ba ni khu ba phyung ba ste/ ma byung na yang nyes pa sbom po yin pa'i phyir ro/ /der 'dun pa zhes bya ba ni khu ba dbyung bar 'dun pa ste/'dun pa med na nyes pa sbom po yin pa'i phyir ro/ /rang gi khu ba zhes bya ba ni rang gi khu ba las dngos gzhir 'gyur gyi/ gzhan gyi las nyes pa sbom po yin pa'i phyir ro/ /dang po zhes bya ba ni lus 'di la khu ba'i gnas su gyur pa logs shig na 'khris pa lta bu med de/'on kyang dper na bu ram shing las khu ba dang / 'bru las 'bru mar bzhin du lus tha dag las 'byung ngo / /de las 'byung ba ni mang du yod de gnas nas 'byung ba dang / sbubs su 'ongs pa las 'byung ba dang / dbang po'i mtha' nas 'byung ba'o//de la gnas nas 'byung ba ni sbubs su ma 'ongs par dang por rang gi gnas nas 'byung ba ste/ de myong ba'i gnas skabs na 'dod chags shas cher rab tu 'gyur ba dang / bde ba nyams su myong ba shas chen po skye ba dang snying 'dar ba la sogs pa lus 'gyur ba 'byung ba ste/'dir dang po zhes smos pa ni gnas skabs de la bya'o/ /sbubs su 'ongs pa dang / dbang po'i mtha' nas 'byung ba dag la na smad par 'gyur ro/ /reg pa zhes bya ba ni tshul bzhin ma yin pa yid la byed pa la sogs pa tsam gyis ma yin gyi/ nang gi rang dang gzhan gyi lag pa la sogs pa'i reg pas so/ /de'i bye brag gzhan bstan pa'i phyir phyi rol gyis dang / sems can du bgrang bas dang / de'i rnam par gnas pas zhes bya ba smos te/ phyi rol gyis zhes bya ba ni nang gi rang dang gzhan gyi lag pa la sogs pa 'ba' zhig tu ma zad kyi phyi rol gyi reg pas reg na yang yan lag tu 'gyur bar ston to//phyi rol yang rnam pa gnyis te/ sems can du bgrang ba shi ba'i lus dang / sems can du bgrang ba ma yin pa gos la sogs pa ste/ de la sems can du bgrang ba shi ba'i lus 'dir yan lag tu gzhag gi sems can du bgrang ba ma yin pa gos la sogs pa 'dir yan lag tu mi gzhag pa bstan pa'i phyir/sems can du bgrang ba zhes bya ba smos te/ sems can du bgrang ba ma yin pa gos la sogs pa la na smad do/ /phyi rol du gyur pa sems can du bgrang ba shi ba'i lus la yang sems can gyi rnam par mi gnas pa dum grugs phra mor gyis ba dag yod pas de 'dir yan lag tu mi gzhag gi sems can gyi rnam par gnas pa yan lag tu gzhag par bstan pa'i phyir de'i rnam par gnas pas so zhes bya ba smos te/phyi rol du gyur pa sems can du bgrang ba shi ba'i lus rnam par bsngos pa la sogs pa dang /rnam par zhig pa dang / keng rus dag dang / mgo dang / rna ba dang / sna dag dang / mgul pa'i bar dang / rtsib logs dang / rgyab dang / brang dang / gnyer ma dang / skra'i gseb dang / lag pa dang /phrag pa dang / dpung pa dag dang / dpung pa'i bar dag dang / rked pa dang / brla dang / rkang pa dang / sgyid pa dang / sgyid pa'i bar la sogs pa sems can gyi rnam par gnas pa dag gi reg pa 'dir yan lag tu gzhag gi /phyi rol du gyur pa sems can du bgrang ba shi ba'i lus sems can gyi rnam par mi gnas pa dum grugs phra mor gyes pa dag gis reg pa ni phyi rol gyi gos la sogs pa dang 'dra bas 'dir yan lag tu mi gzhag go//de ltar na 'dir reg pa dang phyi rol gyis dang / sems can du bgrang bas dang / de'i rnam par gnas pa zhes bya ba'i yan lag bzhi ni reg pa'i bye brag yin te/de dag las gang yang rung ba cig gzung ngo / /brtsal ba zhes bya ba ni brtsal bas drud pa ste/ gyi na brla dang gos dang gzhan gyi reg pa dang / g.yan pa phrug pa dag gis bab col du de'i don ma yin par zhugs pa la ltung ba med pa'i phyir ro//yan lag gi rnam pa la zhes bya ba ni pho mtshan la ste/ brla la sogs pa phyogs gzhan du reg pa la na smad pa med pa'i phyir ro/ /de dag las yan lag ma tshang na ci rigs par na smad do/ /sbyor ba'i ltung ba ni bsams bzhin du khu ba dbyung ba'i phyir sbyor ba brtsams nas ji srid du dngos gzhi la ma thug gi bar du nyes pa sbom por 'gyur ro//'byung du nye ba'i shugs kyis gnas skabs su brtsal ba btang na nyes pa sbom po'o/ /gar byed pa dang rab tu gar byed pas khu ba phyung na nyes pa sbom po'o/ /nam mkha' la bskyod pas khu ba phyung na nyes pa sbom po'o//yan lag gi rnam pa las gzhan pa'i phyogs gzhan du reg pas khu ba phyung na nyes pa sbom po'o/ /yan lag gi rnam pa chu'i rgyun las bzlog pa'i phyogs dang / rdzi phyogs ma yin par gtad de khu ba phyung na nyes pa sbom po'o/ / bye brag nges par myong ba'i bde ba dang / byung la thug pa'i bde ba dang / ngad las pa'i bde ba la yid kyis dmigs pas khu ba phyung na nyes pa sbom po'o/ /sngar sbubs su 'ongs pa'i khu ba phyung na nyes pa sbom po'o/ /chags pa'i sems dang ldan pa nyid na yan lag gi rnam pa la gzhal ba'i ched nyid kyis reg na nyes pa sbom po'o//dbyung ba'i ched du brtsams pa tsam byas nas brtsal ba gtang na nyes pa sbom po'o/ /gnyid log pa'i gnas skabs na khu ba byung ba las sad nas ro myong bar byed na nyes pa sbom po'o/ / yan lag gi rnam pa cung zad mnyed pa dang / yongs su mnyed pa dang / 'tshir na nyes pa sbom po'o/ /yan lag gi rnam pa las su rung ba la sems can du bgrang ba'i lag pa la sogs pa'i reg pas nom na nyes pa sbom po'o/ /sman zos pas 'byin na nyes pa sbom po'o/ / gzhan gyi yan lag gi rnam pa las 'byin na nyes pa sbom po'o/ /la ba dang / phying ba dang / dre'u rdog dang / sngas nang tshangs can dang / khri dang khri'u dang / stan nang tshangs can dang / khri'i gseb dang / bum pa dang / bum pu dang / bum pa'i bar dang / bya ma bum dang / chol zangs dang / rdo ba dang / skyong nul dang / skyong nul gyi bar dang / sgo gtan dang / shing bu dang / phyi rol gyi gos la sogs pa sems can du bgrang ba ma yin pa dag gi bar du phyung na nyes pa sbom po'o/ /phyi rol du gyur pa sems can du bgrang ba shi ba'i lus sems can gyi rnam par mi gnas pa dum grugs phra mor gyes pa dag gis reg pas phyung na nyes pa sbom po'o//yan lag gi rnam pa'i sbu gu 'tshir na nyes pa sbom po'o/ /dbyung ba'i don du nye bar 'gro ba la khu ba shor na nyes pa sbom po'o/ /dbyung ba'i don du gnas nas gnas su 'pho ba la khu ba phyung na nyes pa sbom po'o//dbyung ba'i don du bzhin dang / skra dang sen mo dang / so dang / rked pa dang / brla dang / rkang pa dang / zag byed la sogs pa yid la byed pa las khu ba phyung na nyes pa sbom po'o/ /dbyung ba dang der 'dun pas yan lag gi rnam pa gzung ba las khu ba phyung na nyes pa sbom po'o//dge slong 'gro ba gzhan gyi rnam pa bsten pa na dge slong gi 'du shes med pa la nyes pa sbom po'o/ /dngos gzhi la sbyor ba tha dad pa ji snyed byas pa re re la nyes pa sbom po re rer 'gyur ro/ /sbyor ba'i sbyor ba'i ltung ba ni bsams bzhin du khu ba dbyung ba'i phyir brtsams nas ji srid cig tu sbyor ba la ma thug gi bar du nyes byas su 'gyur ro//chags pa'i sems dang ldan pas yan lag gi rnam pa la lta na nyes byas so/ /yan lag gi rnam pa chu'i rgyun phyogs dang rdzi phyogs su gtod na nyes byas so//chags par 'gyur ba'i gzugs dang / sgra dang / dri dang / ro dang / reg bya dag la blta'o snyam pa la sogs pas dbyung ba'i don ma yin par zhugs pa la bab chol du khu ba phyung na nyes byas so/ /yan lag gi rnam pa las su rung ba la sems can du bgrang ba ma yin pa'i reg pas nom na nyes byas so//gzhan gyi yan lag gi rnam pa'i bu gu 'tshir na nyes byas so/ /lag pa'i reg pa la sogs pas brtsal ba med par yan lag gi rnam pa 'gul ba la khu ba phyung na nyes byas so/ /sbyor ba'i ltung ba ji skad bstan pa de dag re re la sbyor ba'i sbyor ba gcig na nyes byas gcig tu 'gyur ro//sbyor ba'i sbyor ba tha dad na re re la nyes byas re rer 'gyur ro/ /ltung ba med pa ni rmi lam la ltung ba med do/ /brla dang gos dang gzhan gyi rig pa dang / g.yan pa phrug pa dag gis bab col du dbyung ba'i don ma yin par zhugs pas khu ba byung ba la ltung ba med do//reg bya'i yul ma gtogs pa gzugs dang sgra dang / dri dang / ro dag nyams su myong ba na dbyung ba'i don ma yin par zhugs pa la bab col du khu ba byung ba la ltung ba med do/ /'dzag snod du 'drud pas khu ba byung ba la ltung ba med do/ / dbyung ba'i don du zhugs pa ma yin pa la sngon gyi chung mas 'khyud pa las khu ba byung ba la ltung ba med do/ /dbyung ba'i don du zhugs pa ma yin pa la bud med kyi rkang pa la sogs pa nas bzung bas bab col du khu ba byung ba la ltung ba med do/ /las dang po ba dang / smyos pa dang / sems 'khrugs pa dang /tshor ba dag gis nyen pa la ltung ba med do/ /bslab par bya ba ni yul thams cad la gnas skabs thams cad du khu ba 'byin pa'i sbyor ba'i sbyor ba nyes byas dang / sbyor ba sbom po dang / dngos gzhir 'gyur ba rnam pa thams cad du mi bsten par bslab par bya'o//grong dang grong rdal dag tu lus ma bsrungs/ dbang po rnams kyis ma bsdams/ dran pa nye bar ma bzhag par bsod snyoms la 'jug par mi bya'o/ /phyir bcos pa ni dge 'dun lhag ma bcu gsum rdzogs pa'i rjes la 'og nas ston to/ / khu ba 'byin pa'i dge 'dun lhag ma ste/ dang po bshad zin to// //lus kyi reg pa'i dge 'dun lhag ma'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /drug sde de dag gi kun du spyod pa ni 'dir bdag cag gis bram ze dang /khyim bdag 'ongs shing lhags pa rnams la yang chos bstan par bya/ rgol ba dag kyang tshar gcad par bya/ rang gi grags pa yang bsgrag par bya'o snyam pas drug sde las gang yang rung ba cig gis rgyal byed tshal gyi sgo stong par mi 'jog pas tshe dang ldan pa 'char ka nang par sngar langs te/so shing bor nas snam sbyar dmar ser gyon te/ rgyal byed kyi tshal gyi sgo na 'chag cing 'dug go/ /mnyan yod na gnas pa'i bram ze dang khyim bdag gi chung ma rnams kyi kun du spyod pa ni skyed mos tshal du song ste rgyal byed kyi tshal du 'jug pa dang /gtsug lag khang blta ba dang / bcom ldan 'das dang dge slong gnas brtan gnas brtan rnams kyi zhabs la phyag 'tshal du 'gro ba yin pas bram ze dang khyim bdag gi chung ma rab tu mang po dag rgyal byed kyi tshal du 'ongs pa rnams tshe dang ldan pa 'char kas bcom ldan 'das dang /dge slong gnas brtan gnas brtan rnams kyi gtsug lag khang du rim gyis khrid de yon tan brjod cing phyag 'tshal du bcug nas rang gi gtsug lag khang du 'ongs pa na des de dag la chos bstan par brtsam mo/ /ji lta ji ltar chos bstan pa de lta de ltar kun du chags so//ji lta ji ltar kun du chags pa de lta de ltar dral to/ /ji lta ji ltar dral ba de lta de ltar de dag gi yan lag dang nying lag dag la nyug par brtsams so/ /de dag la gang dag bdag gir byed pa de dag ni de dag dang lhan cig gzhogs stegs dang 'phyar g.yeng dang /tho 'tshams pa dang / kun du rtse ba dang / kun du ca co 'don pa dang / lus la rdeg pa dag byed do/ /gang dag bdag gir mi byed pa de dag ni de nas phyir byung ste/ 'chags dang / /dag ra dang / sgo gang dag na bdag cag gi yan lag dang nying lag khyim thabs kyis kyang ma byugs pa gang yin pa de dag 'phags pa 'char kas byugs so//gal te bdag cag gi pha ma dang phu nu mo dag gis thos par gyur na rgyal byed kyi tshal ga la ba der ltar yang mi ster na/ 'gror lta smos kyang ci dgos zhes smod par byed/ phyar ka gtod bar byed/ kha zer bar byed pa'i skabs de dge slong rnams kyis bcom ldan 'das la gsol nas/bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang dral cing gyur pa'i sems kyis bud med dang lhan cig lus reg par byed dam/ lag pa nas bzung ngam/ dpung pa nas bzung ngam/ lan bu nas bzung ngam/ yan lag dang nying lag gang yang rung ba la nom pa dang nyug pa bdag gir byed na dge 'dun lhag ma'o zhes bca' ba mdzad de/yul ni mnyan yod/ gang zag ni 'char ka /nyon mongs ba ni 'dod chags/ nyes pa ni lus kyis reg pa'o/ /de la yang dge slong gang zhes bya ba ni snga ma bzhin no//dral cing gyur pa'i sems kyis zhes bya ba ni sems dral cing ma gyur pa yang yod/ gyur cing ma dral ba yang yod/ dral cing gyur pa yang yod/ ma dral cing ma gyur pa yang yod do/ /de la re zhig dral cing ma gyur pa ni sems chags pa dang / kun du chags pa pa dang /kun nas dkris pa gang yin pa'o/ /gyur cing ma dral ba ni sems ltos pa dang ldan zhing sems 'brel pa gang yin pa'o/ /dral cing gyur pa ni sems chags pa dang kun du chags pa dang / kun nas dkris shing sems ltos pa dang ldan pa dang sems 'brel pa gang yin pa'o//ma bral cing ma gyur pa ni rnam pa de dag ma gtogs pa'o/ /de la dral zhes bya ba ni 'dod chags kyis ngo tsha shes pa'i chos dral ba ste/ sems chags pa dang / kun du chags pa dang / kun nas dkris par gyur pa gang yin pa ste/ de dag ni chung ngu dang 'bring dang chen po'i gnas skabs su shes par bya'o//gyur ces bya ba ni rnam par gyur te/ yul de dang 'brel par 'dod par gyur cing / yul la ltos pa dang ldan pa dang / yul dang 'brel pa gang yid bya'o/ /bud med dang lhan cig ces bya ba ni bud med dam gzhon nu ma mi tshangs par spyod pa 'khrig pa'i chos bsten nus pa gang yin pa dang ngo //lus reg par zhes bya ba ni lus la lus gzhol bar ro/ /byed dam zhes bya ba ni byed par gyur tam mo/ /lag pa nas bzung ngam zhes bya ba ni mkhrig ma man chad kyi lag pa nas so/ /dpung pa nas bzung ngam zhes bya ba ni mkhrig ma yan chad nas so//lan bu nas bzung ngam zhes bya ba la lan bu zhes bya ba ni skra dag dang de dang 'brel ba'i gos so/ /yan lag dang nying lag gang yang rung ba la zhes bya ba ni lag pa nas bzung ba dang dpung pa nas bzung ba ma gtogs pa de las gzhan pa'i yan lag gi rnam pa gang yin pa la ste/yan lag ces bya ba ni lus so/ /nying lag ces bya ba ni rkang lag la sogs pa'o/ /nom pa dang nyug pa bdag gir byed na zhes bya ba ni ro myong bar byed pa ste/ nom pa zhes bya ba ni cung zhig reg na'o/ /nyug pa zhes bya ba ni phyogs thams cad kyis reg pa'o//dge 'dun lhag ma'o zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni lus kyi reg pa bdag gir byed na dge 'dun lhag mar 'gyur ro/ /de'i bye brag ni bud med dam gzhon nu ma mi tshangs par spyod pa 'khrig pa'i chos bsten nus pa'i lus dang skra dang /de dang 'brel pa'i gos la reg pa'i bde ba nyams su myong bar bya ba'i 'dun pa dang kun du 'dod chags dang ldan pas reg pa bdag gir byed pa na dngos gzhir 'gyur ro/ /mi'i 'gro bar gtogs pa bud med mi tshangs par spyod pa 'khrig pa'i chos bsten par bya ba'i mthu yod pa gang yang rung ba la na smad pa med do//rdzu 'phrul gyi chos can mo la na smad pa med do/ /dge slong 'gro ba gzhan gyi rnam par sten pa na dge slong gi 'du shes yod pa la na smad pa med do/ /dngos po bzang ngan dang 'dra ba la na smad pa med do/ /'gro ba gzhan las skyes pa dang 'gro ba gzhan gyi rnam pa bsten pa la na smad pa med do//gnas skabs gzhan thob pa la na smad pa med do/ /gzhi gcig la bslab pa du ma bcas pa nyid la na smad pa med do/ /dngos po la the tshom za bas bsam pa dang bcas par zhugs pa la na smad pa med do//yul bsams pa dang ma bsams pa la na smad pa med do/ /rang gi don du byed pa la na smad pa med do/ /lan bu la na smad pa med do/ /lan bu dang 'brel pa'i gos la na smad pa med do/ /nom pa dang nyug pa dang sprod pa dang / 'dzin pa dang 'dren pa dang yongs su 'dren pa dang /'og nas 'khyud pa dang steng nas 'khyud pa dang / dam du sbyor ba dag la na smad pa med do/ /bsten par bya ba bud med dam gzhon nu mas nom pa dang nyug pa la sogs pa byas pa la de'i bde ba nyams su myong bar bya ba'i 'dun pa kun du 'dod chags dang ldan pas reg pa bdag gir byed pa la na smad pa med do//de la nom pa zhes bya ba ni spyi bo nas rkang pa'i mthe bo'i bar gyi lus gang yang rung ba la dang por lan cig sbyor ba nyid do/ /nyug pa zhes bya ba ni spyi bo nas rkang pa'i mthe bo'i bar gyi lus gang yang rung ba la yang dang yang du sbyor ba nyid do//sprod pa zhes bya ba ni mthang sbyar ba'i bsam pas rang gi lus gang yang rung ba bud med kyi lus gang yang rung ba dang bar du ma bcad par sprod pa'o/ /'dzin pa zhes bya ba ni rang gi lag pa la sogs pas bud med kyi lag pa la sogs pa 'chang ba'o//'dren pa zhes bya ba ni lag pa la sogs pa nas bzung ste/ thag ring po nas drung du'am drung nas thag ring por 'dren pa'o/ /yongs su 'dren pa zhes bya ba ni lag pa la sogs pa nas bzung ste/ rkang pa'i mtha' nas mgo'i mthar ram/ mgo'i mtha' nas rkang pa'i mthar ram/glo g.yas pa nas g.yon par ram/ glo g.yon pa nas g.yas par yongs su 'dren pa'o/ /'og nas 'khyud pa zhes bya ba ni sa nas rkang pa'i rtse mo'i steng ngam/ rkang pa'i rtse mo nas spyi bo'i bar gyi steng ngam/ spyi bo nas khri'u'i steng ngam/khri'u'i steng nas khang bzangs kyi bar gyi steng du 'jog cing 'og nas 'khyud par byed pa'o/ /steng nas 'khyud pa zhes bya ba ni khang bzangs kyi steng nas khri'u'i bar gyi steng ngam khri'u'i steng nas spyi bo'i steng ngam/ spyi bo'i steng nas rkang pa'i rtse mo'i bar gyi steng ngam/ rkang pa'i rtse mo'i steng nas sa'i 'og tu 'jug cing steng nas 'khyud par byed pa'o/ /dam du sbyor ba zhes bya ba ni spyi bo nas rkang pa'i rtse mo'i bar gyi lus gang yang rung ba dang mthang dam du sbyor bar byed pa'o/ /'di'i byed pa po ni lus kyi reg pa'i bde ba nyams su myong bar byed pa'i 'dun pa kun nas 'dod chags dang ldan pa dang /mi'i 'gro bar gtogs pa'i bud med dam gzhon nu ma mi tshangs par spyod pa 'khrig pa'i chos bsten par bya ba'i mthu yod pa nyid do/ /'di la yan lag drug gi dngos gzhi'i ltung bar 'gyur te/ reg pa'i bde ba nyams su myong bar 'gyur ba'i 'dun pa kun du 'dod chags dang ldan pa dang /mo nyid dang / bsten nus pa dang / bar du ma chod pa dang ma nyams pa dang / reg pa bdag gir byas pa'o/ /de dag las yan lag ma tshang na ci rigs par na smad do/ /sbyor ba'i ltung ba ni lus kyis reg pa bdag gir bya ba'i phyir sbyor ba brtsams nas ji srid du dngos gzhi la ma thug gi bar du nyes pa sbom por 'gyur ro//bud med dam gzhon nu ma mi tshangs par spyod pa 'khrig pa'i chos bsten nus pa gos kyis bar du chod pa dang nyams pa la nyes pa sbom po'o/ /bud med dam gzhon nu ma mi tshangs par spyod pa 'khrig pa'i chos bsten mi nus pa gos kyis bar du ma chod pa dang ma nyams pa la nyes pa sbom po'o//skyes pa dang sprul pa dang / za ma dang ma ning dang / mtshan gnyis pa bsten nus pa gos kyis bar du ma chod pa dang / ma nyams pa la nyes pa sbom po'o//bud med dam gzhon nu ma mi tshangs par spyod pa 'khrig pa'i chos bsten nus pa gos kyis bar du mchod pa dang / ma nyams pa la 'jam pa dang dro ba dang snyi ba'i bsam pa nyid ni nyes pa sbom po'o/ /zas dang bong ba la sogs pa bud med kyi dbang por 'phen na nyes pa sbom po'o//rang dang gcig gi nyams na nyes pa sbom po'o/ /rnam par bsngos pa mo la sogs pa nyes pa sbom po'o/ /cod pan dang khu tshur la sogs pa la nyes pa sbom po'o/ /sen mo dang so dang sha med pa'i rus pa dang spu dag la nyes pa sbom po'o//mi ma yin pa'i 'gro ba mo la nyes pa sbom po'o/ /rang bzhin nyams pa la nyes pa sbom po'o/ /dge slong 'gro ba gzhan gyi rnam pa bsten pa na dge slong gi 'du shes med pa la nyes pa sbom po'o/ /gzhan gyi don du byed pa la nyes pa sbom po'o/ /dngos gzhi la sbyor ba tha dad pa ji snyed byas pa re re la nyes pa sbom po re rer 'gyur ro//sbyor ba'i sbyor ba'i ltung ba ni lus kyis reg pa bdag gir bya ba'i phyir brtsams nas ji srid du sbyor ba la ma thug gi bar du nyes byas so/ /bud med dam gzhon nu ma mi tshangs par spyod pa 'khrig pa'i chos bsten mi nus pa gos kyis bar du chod pa dang nyams pa la nyes byas so//skyes pa dang sprul pa dang za ma dang ma ning dang mtshan gnyis pa bsten mi nus pa gos kyis bar du ma chod pa dang ma nyams pa la nyes byas so/ /skyes pa dang sprul pa dang za ma dang ma ning dang mtshan gnyis pa bsten nus pa gos kyis bar du chod pa dang nyams pa la nyes byas so//rkang pa dang phrag pa la sogs pas bud med la phul na nyes byas so/ /bud med kyi stan de dang bcas pa'am de med pa rkang pa la sogs pas 'phul na nyes byas so/ / 'dred par sgyel ba'i bud med ldang nus pa slong na nyes byas so/ /bud med dam gzhon nu ma mi tshangs par spyod pa 'khrig pa'i chos bsten nus pa la nyes pa sbom po gang yin pa de ni mi nus pa la nyes byas so/ /skyes pa dang sprul pa dang za ma dang ma ning dang mtshan gnyis pas bsten nus pa la nyes byas gang yin pa de ni mi nus pa la nyes byas na smad do//nyes byas la na smad na yang nyes byas nyid de nyes byas phra mo dang yid kyis bsdam par bya ba zhes bya ba dag tu 'gyur ro/ /gnyis ka'i lus nyams na nyes byas so/ /sen mo dang so dang sha med pa'i rus pa dang /spu dag gis bsten par bya ba'i so dang / sen mo dang so dang sha med pa'i rus pa dang spu dag la reg pa na nyes byas so/ /mi ma yin pa'i 'gro bar gtogs pa pho la nyes byas so/ /dud 'gro'i 'gro bar gtogs pa mo la nyes byas so/ /dud 'gro'i 'gro bar gtogs pa pho la nyes byas na smad do//rnam par 'byed pa las dud 'gro'i skye gnas su skyes pa la yang nyes byas nyid do zhes bya ba gnyis gsungs pa ni dud 'gro pho dang za ma dang ma ning dang mtshan gnyis pa bsten mi nus pa gos kyis bar du ma chod pa dang ma nyams pa la nyes byas su 'gyur ba dang /gos kyis bar du chod pa dang nyams pa la nyes byas phra mor 'gyur bar gsungs pa yin no/ /sbyor ba'i ltung ba ji skad bstan pa la sbyor ba'i sbyor ba tha dad pa ji snyed byas pa la nyes byas re rer 'gyur ro/ /ltung ba med pa ni mer mchong ba dang chus khyer ba dang /dug za ba dang / mtshon 'byin pa dang / g.yang sa nas mchong ba dang / thag pas 'ching ba dang / 'chi ba la mngon par phyogs pa sdug bsngal las thar bar bya ba'i phyir snying brtse bas reg pa la ltung ba med do/ /sems dag pas snying brtse ba'i bud med 'khyud pa la nyes pa med do//ma dang sring mo dang bu mo dag la de dag tu 'du shes pas reg pa la nyes pa med do/ /sngon yid gcugs pa'i bud med mthong nas kun dga' bar bya ba'i phyir reg pa la ltung ba med do/ /bud med kyis dge slong dang de'i stan dang dge slong 'dred par sgyel ba slong ba la ltung ba med do//mi 'dod bzhin du bud med kyis bzung ba la ltung ba med do/ /mas 'khyud pa la ltung ba med do/ /bu mo pang par 'ongs pa la 'khyud pa la ltung ba med do/ /bud med 'khrul pa steng du 'gyel ba la ltung ba med do/ /las dang po pa dang smyos pa dang sems 'khrugs pa dang tshor ba dag gis nyen pa la ltung ba med do//bslab par bya ba ni yul thams cad la gnas skabs thams cad du lus kyis reg pa'i sbyor ba'i sbyor ba nyes byas dang / sbyor ba sbom po dang / dngos gzhir 'gyur ba rnam pa thams cad mi bsten par bslab par bya'o//dge slong ma la reg par mi bya'o/ /bud med la reg par mi bya'o/ /mer 'chong ba dang / chus khyer ba la sogs pa sdug bsngal las thar bar bya ba'i phyir snying brtse bas reg par bya ba ni ma dang sring mo dang bu mo'i 'du shes nye bar gzhag ste lag pa'am skra dag las reg par bya'o//chur nyam thag pa bsgral ba'i phyir reg par bya ba yang de bzhin no/ /chu nas phyung ba dran pa rnyed par bya ba'i phyir bye ma bdal ba'i steng du khas bub tu gzhag par bya'o/ /de bsrung ba na phyogs gcig tu 'dug ste rang gi kha ton dang yid la bya ba la sogs pa yang mi shor bar bya'o//dro khar ba lang rdzi dang phyug rdzi dag la gtad de zan la 'gro bar bya'o/ /'tsho'am 'on te mi 'tsho ba yang dang yang du brtag par bya'o/ /kun du chags par 'gyur ba'i yul la brtag par mi bya'o/ /phyir bcos pa ni 'og nas ston to/ / lus kyi reg pa'i dge 'dun lhag ma ste gnyis pa bshad zin to// //'khrig pa dang ldan pa smra ba'i dge 'dun lhag ma'i gleng gzhi'i mgo ni lus kyi reg pa'i dge 'dun lhag ma'i gleng gzhi'i mgo dang 'dra'o/ /bye brag tu na 'char kas bram ze dang khyim bdag gi chung ma de dag la chos bstan par brtsams nas de ji lta ji ltar dral ba de lta de ltar de dag la gnas ngan len gyi tshig sdig pa can tshogs par mi dbyung ba 'khrig pa dang ldan pa dag skyes bus na chung la ji lta ba bzhin du smra bar brtsams so//de dag las gang dag bdag gir byed pa de dag ni de dang lhan cig gzhogs stegs dang phyar g.yeng dang /tho 'tshams pa dang / kun du rtse ba dang / kun du ca co 'don pa dang / lus la rdeg pa dag byed do/ /gang dag bdag gir mi byed pa de dag ni de nas phyir byung ste/ 'chags dang /dag ra dang / sgo gang dag na bdag cag gis dwa rnams dang / rgyan po pa rnams dang / nal gyi bu rnams las kyang tshig gang dag sngon ma thos pa de dag 'phags pa 'char ka las thos so/ /gal te bdag cag gi pha ma dang phu nu mo dag gis thos par gyur na rgyal byed kyi tshal ga la ba der ltar yang mi ster na 'gro bar lta smos kyang ci dgos zhes smod par byed/phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol nas/ bcom ldan 'das kyis byung ba 'di dang / gleng gzhi 'di dang skabs 'di la dge slong gi dge 'dun bsdu ba mdzad de bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang dral cing gyur pa'i sems kyis bud med dag la gnas ngan len gyi tshig sdig pa can tshogs par mi dbyung ba 'khrig pa dang ldan pa dag skyes bus na chung la ji lta ba bzhin du smras na dge 'dun lhag ma'o zhes bca' ba mdzad de/yul ni mnyan yod/ gang zag ni 'char ka /nyon mongs pa ni 'dod chags/ nyes pa ni 'khrig pa dang ldan pa smra ba'o//de la yang dge slong gang zhes bya ba ni snga ma bzhin no/ /dral cing gyur pa'i sems kyis zhes pa bya yang snga ma bzhin no/ /bud med dang zhes bya ba ni bud med dam gzhon nu ma legs par smras pa dang nyes par smras pa'i chos rnams kyi don kun shes par nus pa gang yin pa la'o/ / gnas ngan len ces bya ba ni gnas ngan len gnyis te/ pham par 'gyur ba kun nas slong ba dang / dge 'dun lhag ma kun nas slong ba'o/ /ci'i phyir de dag gnas ngan len ces bya zhe na/ ngo bo nyid las dang kun nas slong ba las so/ /ngo bo nyid las gnas ngan len ces bya ba la/gnas ngan len ces bya ba ni nyes pa'o/ /de la len pa ni nyes pa skyed pa ste skyon chags pa'o/ /kun nas slong ba las gnas ngan len ces bya ba ni pham par 'gyur ba kun nas slong ba mi'i chos bla ma smra ba dang / dge 'dun lhag ma kun nas slong ba 'khrig pa dang ldan pa smra ba dang /don 'dir ni dge 'dun lhag ma kun nas slong ba yin par dgongs so/ /tshig ces bya ba ni brjod pa'o/ /sdig pa can zhes bya ba la/ sdig pa zhes bya ba ni kha na ma tho ba'o/ /can zhes bya ba ni sdig pa'i don dang ldan pa'o/ /tshogs par mi dbyung ba zhes bya ba ni dbus pa'i mtshams las 'das pa ste tshul dang mi mthun pa'o//'khrig pa dang ldan pa dag ces bya ba ni mi tshangs par spyod pa dang ldan pa ste/ gnyis kyis gnyis sprod pa las byung ba'i chos kyi ming dang ldan pa'i tshig go/ /skyes bus na chung la ji lta ba bzhin du zhes bya ba la skyes bu zhes bya ba ni skyes pa'o//na chung zhes bya ba ni bud med do/ /smras na zhes bya ba ni bud med kyis ma smras pa la smra ba dang / /bud med kyis smras pa la phyir smra na'o/ /dge 'dun lhag ma'o zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang /sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni 'khrig pa dang ldan pa'i tshig smra na dge 'dun lhag mar 'gyur ro//de'i bye brag ni bud med dam gzhon nu ma legs par smras pa dang nyes par smras pa'i chos rnams kyi don kun shes par nus pa la smra ba'i bde ba nyams su myong bar bya ba'i 'dun pa kun du 'dod chags dang ldan pa mi tshangs par spyod pa 'khrig pa dang ldan pa'i tshig smras na dngos gzhir 'gyur ro//mi'i 'gro bar gtogs pa bud med dam gzhon nu ma legs par smras pa dang / nyes par smras pa dag gi don kun shes par nus pa gang yang rung ba la na smad pa med do/ /dge slong 'gro ba gzhan gyi rnam pa bsten pa na dge slong gi 'du shes yod pa la na smad pa med do//dngos po bzang ngan dang 'dra ba la na smad pa med do/ /'gro ba gzhan las skyes pa dang 'gro ba gzhan gyi rnam pa bsten pa la na smad pa med do/ /gnas skabs gzhan thob pa la na smad pa med do/ /gzhi gcig la bslab pa du ma bcas pa nyid la na smad pa med do//dngos po la the tshom za bas bsam pa dang bcas par zhugs pa la na smad pa med do/ /yul bsams pa dang ma bsams pa la na smad pa med do/ /rang gi don du byed pa la na smad pa med do/ /don go ba la na smad pa med do/ /rgyal sogs pa'i don rgya'i rna ru dang mi tshangs par spyod pa dang /'khrig pa dang / nyal po zhes bya ba la sogs pa la na smad pa med do/ /rgya la sogs pa'i don dang ldan pa'i tshig gis bsngags pa dang bsngags pa ma yin pa dang / gsol ba dang / nye bar gsol ba dang / 'dri ba dang / yongs su 'dri ba dang /brjod pa dang / smon pa dang / gshe ba dag la na smad pa med do/ /bud med kyis bsngags pa la sogs pa de dag smras pa la rgya la sogs pa'i don dang ldan pa'i tshig gis phyir smras pa la na smad pa med do/ /de la bsngags pa zhes bya ba ni sru'i rma'i sgo gsum po dag ni te por legs par dod pa dang /legs par gnas pa dang / legs par gyur pa dag yin no zhes zer ba'o/ /bsngags pa ma yin pa zhes bya ba ni de las bzlog pa dag zer ba'o/ /gsol pa zhes bya ba ni sru tshur shog de dang de bya'o zhes zer ba'o/ /nye bar gsol pa zhes bya ba ni sru bud med dang /skyes pa de dang de byed pa gang yin pa de ni de'i dga' ba dang / yid du 'ong ba yin gyi sru bdag cag kyang de dang de byas na sru bdag gi dga' ba dang yid du 'ong bar 'gyur ro zhes zer ba'o/ /'dri ba zhes bya ba ni sru skyes pa gang bud med gang la de dang de byed pa de'i dga' ba dang yid du 'ong bar 'gyur na kho bos kyang sru la de dang de bya na sru kho bo'i dga' ba dang yid du 'ong bar 'gyur ram zhes zer ba'o//yongs su 'dri ba zhes bya ba ni sru skyes pa gang bud med de dang de byed pa gang yin pa de ni de'i dga' ba dang yid du 'ong bar 'gyur na kho bos kyang sru la de dang de bya na sru kho bo la dga' ba dang yid du 'ong bar 'gyur ba de de bzhin nam 'on te ma yin/de la sru ji snyam byed ces zer ba'o/ /brjod pa zhes bya ba ni sru mo dang sru mo kho bo'i gan du skyed mos tshal lam lha'i gnas sam dus mal che ge mo zhig tu bud med de lta bu zhig don de'i phyir 'ongs par gyur nas kho bos mal me tog gis bkram pa bshams shing mtshan thog thag tu 'bru mar gyi mar me btsugs nas kho bos de dang lhan cig bca' ba de dang de lta bu'i chos shing bza' ba de dang de lta bu yang zos/btung ba de dang de lta bu yang 'thungs shing / kho bos de dang lhan cig de dang de yang byas te/sru yang don de'i phyir 'ongs par gyur na kho bos sru dang lhan cig de dag byas par 'gyur ro zhes zer ba'o/ /smon pa zhes bya ba ni sru gang dag sru dang lhan cig de lta de ltar de dag byed pa ni bde bar gyur cing mtho ris thob pa yin pas kho bos yang gal te sru dang lhan cig de dang de yang byas na bde bar 'gyur zhing mtho ris kyang thob par 'gyur ro zhes zer ba'o//gshe ba zhes bya ba ni ro lta bu khyod la bong bu dag de ltar byed par gyur cig /khyod kyis der mgal dum dag chug shig ces bya bas spyo bar byed pa'o/ /'di'i byed pa po ni 'khrig pa dang ldan pa smra ba'i bde ba nyams su myong bar bya ba'i 'dun pa kun du 'dod chags dang ldan pa dang /mi'i 'gro bar gtogs pa'i bud med dam gzhon nu ma legs par smras pa dang nyes par smras pa'i chos rnams kyi don kun shes par nus pa'o/ /'di la yan lag lnga'i dngos gzhi'i ltung bar 'gyur te/smra ba'i bde ba nyams su myong bar bya ba'i 'dun pa kun du 'dod chags dang ldan pa dang / bud med nyid dang / legs par smras pa dang nyes par smras pa'i chos rnams kyi don kun shes par nus pa dang / don go ba dang / 'khrig pa dang ldan pa'i tshig smras pa'o//de dag las yan lag ma tshang na ci rigs par na smad do/ /sbyor ba'i ltung ba ni 'khrig pa dang ldan pa'i tshig smra ba'i phyir sbyor ba brtsams nas ji srid du dngos gzhi la ma thug gi bar du nyes pa sbom por 'gyur ro/ /rgya la sogs pa'i don dang ldan pa'i tshig med par rma'i sgo dang zag byed dang bshang ba'i lam zhes bya ba la sogs pa pho dang mo'i rma'i sgo gsum po dag gi ming gi tshig smras na nyes pa sbom po'o//rgya la sogs pa'i don dang ldan pa'i tshig med par bsngags pa dang bsngags pa ma yin pa dang / gsol ba dang nye bar gsol ba dang /'dri ba dang yongs su 'dri ba dang / brjod pa dang smon pa dang / gshe ba dag la nyes pa sbom po'o/ /bud med kyi bsngags pa la sogs pa de dag smras pa la rgya la sogs pa'i don dang ldan pa'i tshig med pa'i phyir smras pa la nyes pa spom po'o/ /khyod ni mdzes pa can yin no//khyod ni sdig pa can yin no/ /khyod kyi rma'i sgo gsum po dag ni mdzes pa can yin no/ /khyod kyi rma'i sgo gsum po dag ni sdig pa can yin no/ /bgo bsha' gyis shig /kho bo la bgo bsha' gyis shig /kho bo dang lhan cig nyol cig /kho bo dang phrad par gyis shig ces smras na nyes pa sbom po'o//rdzu 'phrul gyi rnam par 'phrul ba'i chos can la rgya la sogs pa'i don dang ldan pa'i tshig smras na nyes pa sbom po'o/ /sru kho bo la nas byin cig /sru khyod la ci mthong ba de byin cig /sru khyod kyi mdun na mo gang yin pa de byin cig /sru khyod kyi yid du 'ong ba gang yin pa de byin cig /sru khyod la kho bo dga'o/ /sru kho bo la chu dang bca' ba dang / nas thug dang / bza' ba byin cig /khyod nyid de dag yin no zhes smras na nyes pa sbom po'o/ /khyod la bong bu dag de byed par gyur cig ces bya ba la sogs pa smras na nyes pa sbom po'o/ / der mgal dum dag chug shig ces bya ba la sogs pa smras na nyes pa sbom po'o/ /khyed skyes bu 'phyon ma dag gi phyir bsod snyoms la rgyu ba'am zhes bya ba la sogs pa smras na nyes pa sbom po'o/ /dge slong rang bzhin gyis gnas ngan len brjod pas gnas ngan len smras na nyes pa sbom po'o//bud med dam gzhon nu ma legs par smras pa dang nyes par smras pa'i chos rnams kyi don du kun shes par mi nus pa la nyes pa sbom po'o/ /skyes pa dang sprul pa dang za ma dang ma ning dang mtshan gnyis pa legs par smras pa dang nyes par smras pa'i chos rnams kyi don kun shes par nus pa la nyes pa sbom po'o//mi ma yin pa'i 'gro bar gtogs pa mo la nyes pa sbom po'o/ /rang bzhin nyams pa la nyes pa sbom po'o/ /don ma go ba la nyes pa sbom po'o/ /mngags pa dang brgyud pa la sogs pa dang spring yig dang lag yig la sogs pa la nyes pa sbom po'o//bdag nyid dang ma 'brel pa dag la nyes pa sbom po'o/ /gzhan gyi don du byed pa la nyes pa sbom po'o/ /rang dang gzhan gnyis ka'i don du smras pa la nyes pa sbom po'o/ /dge 'dun gyi don du smras na nyes pa sbom po'o/ /gnyid log pa dang / snyoms par zhugs pa dang /glen pa dang / 'on pa dang / dbus pa dang / mtha' khob pa'i skad dag kyang don ma go ba nyid yin pas nyes pa sbom po'o/ /lkugs pa dang kla klo la sogs pa de smra mi shes pa dag la don go ba yod kyang / rnam par rig byed kyi yan lag ma yin pas de dag la smras na yang nyes pa sbom po'o//dge slong 'gro ba gzhan gyi rnam pa bsten pa na dge slong gi 'du shes med pa la nyes pa sbom po'o/ /dngos gzhi la sbyor ba tha dad pa ji snyed byas pa re re la nyes pa sbom po re rer 'gyur ro/ /sbyor ba'i sbyor ba'i ltung ba ni 'khrig pa dang ldan pa'i tshig smra pa'i phyir brtsams nas ji srid du sbyor ba la ma thug gi bar du nyes byas so//bud med dam gzhon nu ma legs par smras pa dang nyes par smras pa'i chos rnams kyi don kun shes par nus pa la nyes pa sbom po gang yin pa de mi nus pa la nyes byas so/ /skyes pa dang sprul pa dang za ma dang ma ning dang mtshan gnyis pa legs par smras pa dang nyes par smras pa'i chos rnams kyi don kun shes par nus pa la nyes pa sbom po gang yin pa de mi nus pa la nyes byas so//bud med dam gzhon nu ma legs par smras pa dang nyes par smras pa'i chos rnams kyi don kun shes par nus pa la nyes byas gang yin pa de mi nus pa la nyes byas na smad do//skyes pa dang sprul pa dang za ma dang ma ning dang mtshan gnyis pa legs par smras pa dang nyes par smras pa'i chos rnams kyi don kun shes par nus pa de la nyes byas gang yin pa de ni mi nus pa la nyes byas na smad do//mi ma yin pa'i 'gro bar gtogs pa pho la nyes byas so/ /dud 'gro'i 'gro bar gtogs pa mo la nyes byas so/ /dud 'gro'i 'gro bar gtogs pa pho la nyes byas na smad do/ /sbyor ba'i ltung ba la sbyor ba tha dad pa ji snyed byas pa re re la nyes byas re rer 'gyur ro//ltung ba med pa ni don gzhan la bsam pas ljongs kyi nges pa'i tshig smra ba dper na yul dbus na chu snod kyi bye brag la kun di ka zhes bya ba las bsams te/ yul ko sa la na mo mtshan la kun di ka zhes zer ba'i ming brjod pa lta bu la ltung ba med do/ /ming gi cha nyid 'dra ba dper na nas la ya ba rtswa dang ya bas yol ba la ya ba ni ka zhes bya ba la mi tshangs par spyod pa la ya b+ha zhes bya ba de la nas dang rtswa dang yol ba'i ya b+ha zhes brjod pas ya b+ha zhes bya ba tshig zur 'khrul pa la ltung ba med do//las dang po pa dang / smyos pa dang / sems 'khrugs pa dang /tshor ba dag gis nyen pa la ltung ba med do/ /bslab par bya ba ni yul thams cad la gnas skabs thams cad du gnas ngan len brjod pa'i sbyor ba'i sbyor ba nyes byas dang / sbyor ba spom po dang / dngos gzhir 'gyur ba rnam pa thams cad mi bsten par bslab par bya'o//phyir bcos pa ni 'og nas ston to/ /'khrig pa dang ldan pa smra ba'i dge 'dun lhag ma ste gsum pa bshad zin to// //bsnyen bkur bsngags pa'i dge 'dun lhag ma'i gleng gzhi'i mgo yang lus kyi reg pa'i dge 'dun lhag ma'i gleng gzhi'i mgo dang 'dra'o//bye brag tu na 'char kas bram ze dang khyim bdag gi chung ma de dag la chos bstan par brtsams nas de ji lta ji ltar dral ba de lta de ltar de dag gi mdun du bdag nyid kyi lus kyi bsnyen bkur gyi phyir 'di lta ste nga lta bu'i dge slong tshul khrims dang ldan pa dge ba'i chos can tshangs par spyod pa la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no zhes bsngags pa brjod par brtsams so//de dag las gang dag bdag gir byed pa de dag ni de dang lhan cig gzhogs stegs dang / 'phyar g.yeng dang /tho 'tshams pa dang / kun du rtse ba dang / kun du ca co 'don pa dang / lus la rdeg pa dag byed do/ /gang dag bdag gir mi byed pa de dag ni de nas phyir byung ste/ 'chags dang / dgar dang / sgo gang dag na bdag cag gi rang gi khyim thab dag las kyang tshig gang dag sngon ma thos pa de dag 'phags pa 'char ka las thos so//gal te bdag cag gi pha ma dang phu nu mo dag gis thos par gyur na rgyal byed kyi tshal ga la ba der ltar mi ster na 'gror lta ci smos kyang ci dgos zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol nas/bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang dral cing gyur pa'i sems kyis bud med kyi mdun du bdag nyid kyi lus kyi bsnyen bkur bya ba'i phyir 'di lta steng lta bu'i dge slong tshul khrims dang ldan pa dge ba'i chos can tshangs par spyod pa la 'di ltar 'khrig pa dang ldan pa'i chos 'dis bsnyen bkur byas na sru 'di ni bsnyen bkur rnams kyi mchog yin no zhes bsngags pa brjod na dge 'dun lhag ma'o zhes bca' ba mdzad de/yul ni mnyan yod/ gang zag ni 'char ka /nyon mongs pa ni 'dod chags/ nyes pa ni bsnyen bkur bsngags pa'o//de la dge slong gang zhes bya ba ni snga ma bzhin no/ /dral cing gyur pa'i sems kyis zhes bya ba yang snga ma bzhin no/ /bud med la zhes bya ba ni bud med dam gzhon nu ma legs par smras pa dang nyes par smras pa'i chos rnams kyi don kun shes par nus pa'o//mdun du'o zhes bya ba ni sngon du'o/ /bdag nyid kyi lus kyi bsnyen bkur bya ba'i phyir zhes bya ba ni bdag nyid kyi bsnyen bkur gyi phyir ro/ /'di lta ste nga lta bu zhes bya ba ni nye bar bstan pa dang / kun du bstan pa'i tshig bla dgas yin no/ / dge slong zhes bya ba ni dge slong gi dngos po ji skad bstan pa dang ldan pa'o/ /tshul khrims dang ldan pa zhes bya ba ni tshul khrims kyi phung po ji skad bstan pa dang ldan pa'o/ /dge ba'i chos can zhes bya ba ni ting nge 'dzin gyi phung po ji skad bstan pa dang ldan pa'o/ /tshangs par spyod pa la zhes bya ba ni shes rab kyi phung po ji skad bstan pa dang ldan pa'o//'khrig pa dang ldan pa'i zhes bya ba ni mi tshangs par spyod pa dang ldan pa'o/ /chos 'dis zhes bya ba ni chos ma yin pa chos kyi sgrar bstan pa 'dis yin gyi gzhan gyis ni ma yin pa'o/ /bsnyen bkur na zhes bya ba ni bsnyen bkur byas na'o//sru zhes bya ba ni dga' ba'i tshig bla dgas kyis bod pa'o/ /'di ni bsnyen bkur rnams kyi mchog yin no zhes bya ba la mchog yin no zhes bya ba ni gtso bo yin no/ /bsngags pa brjod na zhes bya ba ni bstod pa byas na'o/ /dge 'dun lhag ma'o zhes bya ba ni snga ma bzhin no//de la ltung ba ji ltar 'gyur zhe na/ 'dir yang dngos gzhi dang sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni bdag nyid la 'khrig pas bsnyen bkur bya ba bsngags na dge 'dun lhag mar 'gyur ro//de'i bye brag ni bud med dam gzhon nu ma legs par smras pa dang nyes par smras pa'i chos rnams kyi don kun shes par nus pa la bsnyen bkur bsngags pa'i bde ba nyams su myong bar bya ba'i 'dun pa kun du 'dod chags dang ldan pas nga lta bu la 'khrig pa dang ldan pa'i chos 'dis bsnyen bkur byas na de ni mchog yin no zhes bsngags na dngos gzhir 'gyur ro//mi'i 'gro bar gtogs pa'i bud med dam gzhon nu ma legs par smras pa dang nyes par smras pa'i chos rnams kyi don kun shes par nus pa gang yang rung ba la na smad pa med do//dge slong 'gro ba gzhan gyi rnam pa bsten pa na dge slong gi 'du shes yod pa la na smad pa med do/ /dngos po bzang ngan dang 'dra ba la na smad pa med do/ /'gro ba gzhan las skyes pa dang 'gro ba gzhan gyi rnam pa bsten pa la na smad pa med do//gnas skabs gzhan thob pa la na smad pa med do/ /gzhi gcig la bslab pa du ma bcas pa nyid la na smad pa med do/ /dngos po la the tshom za bas bsam pa dang bcas par zhugs pa la na smad pa med do//yul bsams pa dang ma bsams pa la na smad pa med do/ /rang gi don du byed pa la na smad pa med do/ /nga lta bu dge slong tshul khrims dang ldan pa zhe'am dge ba'i chos can zhe'am tshangs par spyod pa zhe'am tshul khrims dang ldan pa dge ba'i chos can zhe'am/ tshul khrims dang ldan pa tshangs par spyod pa zhe'am/dge ba'i chos can tshul khrims dang ldan pa zhe'am/ dge ba'i chos can tshangs par spyod pa zhe'am/ tshangs par spyod pa tshul khrims dang ldan pa zhe'am/ tshangs par spyod pa dge ba'i chos can zhe'am/ tshul khrims dang ldan pa dge ba'i chos can tshangs par spyod pa la 'khrig pa dang ldan pa'i chos 'dis bsnyen bkur byas na 'di ni mchog yin no zhe'am/phul yin no zhe'am/ khyad par du 'phags pa yin no zhe'am/ bzang ba yin no zhe'am/ mdzes pa yin no zhe'am/ dge ba yin no zhe'am/ mchod par 'os pa yin no zhe'am/bstod par 'os pa yin no zhe'am/ rgya che ba yin no zhe'am/ ches mchog dang / ches phul dang ches khyad par du 'phags pa dang / ches bzang ba dang / ches mdzes pa dang / ches dge ba dang / ches mchod par 'os pa dang / ches bstod par 'os pa dang /ches rgya che ba yin no zhes bsngags pa brjod pa gang yang rung ba la na smad pa med do/ /'khrig pa zhes bya ba'i tshig gi skabs su rgya la sogs pa'i don gyi tshig rgya'i rna ru dang mi tshangs par spyod pa dang / nyal po zhes bya ba la sogs pa'i ming grags pa gang yang rung ba smos te/'dis bsnyen bkur byas na de ni mchog yin no zhes bya ba la sogs pas bsngags pa brjod pa gang yang rung ba la na smad pa med do/ /bsten par bya bas de skad bsngags pa de la de de bzhin no zhes rjes su yi rang ba'i tshig brjod pa la na smad pa med do//bsten par bya bas de skad bsngags pa de nyid rang gis bzlas pa la na smad pa med do/ /'di'i byed pa po ni bsnyen bkur bsngags pa'i bde ba nyams su myong bar bya ba'i 'dun pa kun du 'dod chags dang ldan pa mi'i 'gro bar gtogs pa'i bud med dam gzhon nu ma legs par smras pa dang nyes par smras pa'i chos rnams kyi don kun shes par nus pa'o//'di la yan lag drug gi dngos gzhi'i ltung bar 'gyur te/ bsnyen bkur bsngags pa'i bde ba nyams su myong bar bya ba'i 'dun pa kun du 'dod chags dang ldan pa dang / bud med nyid dang / legs par smras pa dang nyes par smras pa'i chos rnams kyi don kun shes par nus pa dang / don go ba dang / bdag gi phyir dang / rgya la sogs pa'i don gyi bsnyen bkur bsngags pa'o/ /de dag las yan lag ma tshang na ci rigs par na smad do/ /bsnyen bkur bsngags pa'i dge 'dun lhag ma'i dngos gzhi 'di gang las byung ba de la de nyid kyi gnas skabs na 'khrig pa dang ldan pa'i smra ba'i dge 'dun lhag ma'i dngos gzhi yang byung bar rig par bya ste/snga ma ni 'khrig pa dang ldan pa'i tshig smras ma thag tu dngos gzhi'i ltung bar 'gyur la/ 'di ni 'khrig pa dang ldan pa'i chos 'dis bsnyen bkur byas pa de bsngags pa brjod na ltung ba'i dngos gzhir 'gyur ro//sbyor ba'i ltung ba ni bsnyen bkur bsngags pa'i sbyor ba brtsams nas dngos gzhi la ma thug gi bar du nyes pa sbom por 'gyur ro/ /'khrig pa'i ming ma smos par nga lta bu'i dge slong tshul khrims dang ldan pa zhe'am/dge ba'i chos can zhe'am/ tshangs par spyod pa zhe'am/ tshul khrims dang ldan pa dge ba'i chos can zhe'am/ tshul khrims dang ldan pa tshangs par spyod pa zhe'am/ dge ba'i chos can tshul khrims dang ldan pa zhe'am/ dge ba'i chos can tshangs par spyod pa zhe'am/tshangs par spyod pa tshul khrims dang ldan pa zhe'am/ tshangs par spyod pa dge ba'i chos can zhe'am/ tshul khrims dang ldan pa dge ba'i chos can tshangs par spyod pa la 'di ltar chos 'dis bsnyen bkur byas na 'di ni bsnyen bkur rnams kyi mchog yin pa'am/khyad par du 'phags pa'am/ bzang ba'am/ mdzes pa'am/ dge ba'am/ mchod par 'os pa'am/ bstod par 'os pa'am/ rgya che ba'am/ ches mchog gam/ ches phul lam/ ches khyad par du 'phags pa'am/ ches bzang ba'am/ ches mdzes pa'am/ches dge ba'am/ ches mchod par 'os pa'am/ ches bstod par 'os pa'am/ ches rgya che ba yin no zhes bsngags pa brjod na bye brag med de nyes pa sbom po'o/ /nga lta bu zhes ma smos par dge slong tshul khrims dang ldan pa zhes bya ba la sogs pa la 'di ltar 'khrig pa dang ldan pa'i chos 'dis bsnyen bkur byas na 'di ni mchog la sogs pa yin no zhes bsngags pa brjod na bye brag med de nyes pa sbom po'o//'khrig pa dang ldan pa'i chos kyi ming smos pa'i nyes pa sbom po'o/ /'di byung na 'khrig pa dang ldan pa smra ba'i dge 'dun lhag ma yang byung bar shes par bya'o//bud med dam gzhon nu ma legs par smras pa dang nyes par smras pa'i chos rnams kyi don kun shes par nus pa la nyes pa sbom po ste 'di'i nyes pa sbom po byung na 'khrig pa dang ldan pa smra ba'i nyes pa sbom po yang byung bar shes par bya'o/ /skyes pa dang sprul pa dang za ma dang ma ning dang mtshan gnyis pa legs par smras pa dang nyes par smras pa'i chos rnams kyi don kun shes par nus pa la nyes pa sbom po ste 'di'i nyes pa sbom po byung ba na 'khrig pa dang ldan pa smra ba'i nyes pa sbom po yang byung bar shes par bya'o//rdzu 'phrul gyi chos can mo la nyes pa sbom po'o//mi ma yin pa'i 'gro bar gtogs pa mo la nyes pa sbom po'o/ /rang bzhin nyams pa la nyes pa sbom po'o/ /don ma go ba la nyes pa sbom po'o/ /mngags pa dang brgyud pa la sogs pa dang spring yig dang lag yig la sogs pa la nyes pa sbom po'o//bdag nyid dang 'brel pa dag la nyes pa sbom po'o/ /gzhan gyi don du byed pa la nyes pa sbom po'o/ /rang dang gzhan gnyis ka'i don du byed pa la bsngags na nyes pa sbom po'o/ /dge 'dun gyi don du bsngags na nyes pa sbom po'o/ /gnyid log pa dang snyoms par zhugs pa dang /glen pa dang 'on pa dang dbus pa dang mtha' khob pa'i skad dag kyang don ma go ba nyid yin pas nyes pa sbom po'o/ /lkugs pa dang kla klo la sogs pa smra mi shes pa dag la don go ba yod kyang rnam par rig byed kyi yan lag ma yin pas de dag la bsngags na yang nyes pa sbom po'o//dge slong 'gro ba gzhan gyi rnam pa bsten pa na dge slong gi 'du shes med pa la nyes pa sbom po'o/ /dngos gzhi la sbyor ba tha dad pa ji snyed byas pa re re la nyes pa sbom po re rer 'gyur ro/ /sbyor ba'i sbyor ba'i ltung ba ni bsnyen bkur bsngags pa dang brtsams nas ji srid du sbyor ba la ma thug gi bar du nyes byas so//nga lta bu zhes bya ba dang / 'khrig pa dang ldan pa dang zhes ma smos par dge slong tshul khrims dang ldan pa la sogs pa la chos 'dis bsnyen bkur byas na de'i mchog la sogs pa yin no zhes bsngags pa brjod na bye brag med de nyes byas so//bud med dam gzhon nu ma legs par smras pa dang nyes par smras pa'i chos rnams kyi don kun shes par nus pa la nyes pa sbom po gang yin pa de mi nus pa la nyes byas so/ /skyes pa dang sprul pa dang za ma dang ma ning dang mtshan gnyis pa legs par smras pa dang nyes par smras pa'i chos rnams kyi don kun shes par nus pa la nyes pa sbom po gang yin pa de mi nus pa la nyes byas so//bud med dam gzhon nu ma legs par smras pa dang nyes par smras pa'i chos rnams kyi don kun shes par nus pa la nyes byas gang yin pa de mi nus pa la nyes byas na smad do//skyes pa dang / sprul pa dang za ma dang ma ning dang mtshan gnyis pa legs par smras pa dang nyes par smras pa'i chos rnams kyi don kun shes par nus pa la nyes byas gang yang yin pa de mi nus pa la nyes byas na smad do/ /'gro ba gzhan du gtogs pa pho la nyes byas so//dud 'gro'i 'gro bar gtogs pa mo la nyes byas so/ /dud 'gro'i 'gro bar gtogs pa pho la nyes byas na smad do/ /bsnyen bkur bsngags pa'i nyes byas byung ba na 'khrig pa dang ldan pa smra ba'i nyes byas kyang rnam pa thams cad du 'byung bar shes par bya'o/ / sbyor ba'i ltung ba la sbyor ba tha dad pa ji snyed byas pa re re la nyes byas re rer 'gyur ro/ /ltung ba med pa ni las dang po pa dang smyos pa dang sems 'khrugs pa dang tshor ba dag gis nyen pa la ltung ba med do/ /bslab par bya ba ni yul thams cad la gnas skabs thams cad du 'khrig pa'i bsnyen bkur bsngags pa'i sbyor ba nyes byas dang /sbyor ba sbom po dang dngos gzhir 'gyur ba rnam pa thams cad mi bsten par bslab par bya'o/ /phyir bcos pa ni 'og nas ston to/ /bsnyen bkur bsngags pa'i dge 'dun lhag ma ste bzhi pa bshad zin to// // so sor thar pa'i mdo rgya cher 'grel pa 'dul ba kun las btus pa bam po lnga pa/ smyan byed pa'i dge 'dun lhag ma'i gleng gzhi ni byung ba dang bcas pa'i dbang gis rnam pa gnyis te/ byung ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//ri dgas 'dzin gyi bu nag po zhes bya ba de mnyan yod pa'i bram ze dang khyim bdag rnams kyi gtam 'dre ba/ phebs par smra ba/ smos 'drin/ 'grogs bshes/ yid gcugs pa/ khyim du 'jug par byed pa yin pas/ gang yang rung ba dag la bu mo sbyin par bya ba yod pa dang / gang yang rung ba dag bu mo slong bar byed pa de dag ri dgas 'dzin gyi bu nag po'i gan du song ste khye'u dang bu mo'i rgyus 'dri zhing gnyen byed do/ /de nas gang dag gi bu mo sbyin nyes pa dang bslang nyes pa de dag ni ri dgas 'dzin gyi bu nag po la mi bsngags pa rjod par byed do//gang dag gi bu mo sbyin legs pa dang bslang legs pa de dag ni ri dgas 'dzin gyi bu nag po la bsngags pa rjod par byed do/ /de ltar mnyan yod na ri dgas 'dzin gyi bu nag po la dus gcig tu bsngags pa dang bsngags pa ma yin pa dag byung bar gyur to//de dus gzhan zhig na sangs rgyas la mngon par dad/ chos dang dge 'dun la mngon par dad/ sangs rgyas la skyabs su song / chos dang dge 'dun la skyabs su song zhing / des srog gcod pa spangs te srog gcod pa las phyir log /ma byin par len pa dang / 'dod pas log par g.yem pa dang / brdzun du smra ba dang / 'bru'i chang dang / bcos pa'i chang myos par 'gyur ba bag med pa'i gnas spangs te/ 'bru'i chang dang bcos pa'i chang myos par 'gyur ba bag med pa'i gnas las phyir log go//de dus cung zhig khyim par khyim na gnas nas dad pa snga ma de nyid rjes su spel zhing / skra dang kha spu bregs te gos ngur smrig dag bgos nas yang dag pa kho nar dad pas legs par gsungs pa'i chos 'dul ba la khyim nas khyim med par rab tu byung ngo //de de ltar rab tu byung nas kyang mnyan yod pa'i bram ze dang khyim bdag rnams dang sngon bshes pa nyid kyis de dag gi gtam 'dre ba/ phebs par smra ba/ smos 'drin/ 'grogs bshes/ yid gcugs pa khyim du 'jug par byed pa yin pas sngon bzhin du gang yang rung ba dag la bu mo sbyin par bya ba yod pa dang /gang yang rung ba dag bu mo slong bar byed pa de dag ri dgas 'dzin gyi bu nag po'i gan du song ste/ khye'u dang bu mo'i rgyus 'dri zhing gnyen byed do/ /de na gang dag gi bu mo sbyin nyes pa dang bslang nyes pa de dag ni ri dgas 'dzin gyi bu nag po la mi bsngags pa rjod par byed do//gang dag gi bu mo sbyin legs pa dang bslang legs pa de dag ni ri dgas 'dzin gyi bu nag po la bsngags pa rjod par byed do/ /de ltar mnyan yod na ri dgas 'dzin gyi bu nag po la sngon bzhin du dus gcig tu bsngags pa dang bsngags pa ma yin pa dag byung bar gyur to//de ni re zhig byung ba yin te/ sangs rgyas bcom ldan 'das kyis re zhig 'dul ba la nyan thos rnams kyi bslab pa'i gzhi bca' ba ni mi mdzad de/ yul ni mnyan yod/ gang zag ni ri dgas 'dzin gyi bu nag po/nyon mongs pa ni 'dod chags/ nyes pa ni smyan du 'gyur ba'o/ /bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de dge slong drug sde dag bud med la skyes pa'i tshig dang /skyes pa la bud med kyi tshig nyid kyis chung ma nyid dam mdza' na mo nyid du smyan byed nas mu stegs can dag shes ldan dag shAkya'i bu'i dge sbyong 'di dag ni bud med la skyes pa'i tshig dang / skyes pa la bud med kyi tshig gis chung ma nyid dam mdza' na mo nyid du smyan byed de/bram ze dang khyim bdag bslab pa'i gzhi yang dag par ma blangs pa gzhan dag kyang skyes pa la bud med kyi tshig dang bud med la skyes pa'i tshig gis chung ma nyid dam mdza' na mo nyid du smyan byed na/ shAkya'i bu'i dge sbyong rnams dang bram ze dang khyim bdag bslab pa'i gzhi yang dag par ma blangs pa rnams la bye brag ni ci yod/bsam pa ni ci yod/ tha dad du bya ba ni ci yod/ dge slong mgo reg 'di dag la su zhig bsod snyoms sbyin pa dang bya bar sems zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol nas/bcom ldan 'das kyis byung ba 'di dang / gleng gzhi 'di dang skabs 'di la dge slong gi dge 'dun bsdu ba mdzad de bslab pa bca' ba'i phan yon bcu yang dag par gzigs pas/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang bud med la skyes pa'i tshig dang skyes pa la bud med kyi tshig gis chung ma nyid dam mdza' na mo nyid du smyan byed na tha na thang 'ga' phrad pa la yang rung ste/ dge 'dun lhag ma'o zhes bca' ba mdzad de/ yul ni mnyan yod/gang zag ni drug sde/ nyon mongs pa ni 'dod chags/ nyes pa ni smyan byed pa'o/ /de la yang dge slong gang zhes bya ba ni snga ma bzhin no/ /bud med la skyes pa'i tshig dang zhes bya ba ni skyes pa'i kun du spyad pa'i bsam pa'i tshig gang yin pa de bud med la brjod pa'o//skyes pa la bud med kyi tshig gis zhes bya ba ni bud med kyis kun du spyad pa'i bsam pa'i tshig gang yin pa de skyes pa la brjod pas so/ /chung ma nyid dam mdza' na mo nyid du zhes bya ba ni chung ma bdun dang mdza' na mo bcu nyid du'o/ /chung ma bdun gang zhe na/chu tshigs kyis byin pa dang / rin chas nyos pa dang / btsan phrogs su thob pa dang / dang bsam du 'dus pa dang / gos zas kyis 'tshos pa dang / kha dum pa dang / thang 'ga' phrad pa ni bdun pa'o/ /de la chu tshigs kyis byin pa'i chung ma gang zhe na/ bud med dam gzhon nu ma gang pha ma dag gis skyes pa la 'di khyod kyi chung ma skye dgu'i bdag mor byos shig ces chu tshigs kyis byin zhing de'i chung ma skye dgu'i bdag mor gyur nas des de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa/ sbas pa shin tu sbas pa de ni chu tshigs kyis byin pa'i chung ma zhes bya'o/ /rin chas nyos pa'i chung ma gang zhe na/ bud med dam gzhon nu ma gang skyes pas 'di bdag gi chung ma skye dgu'i bdag mo bya'o zhes pha ma dag las rin chas nyos shing de de'i chung ma skye dgu'i bdag mor gyur nas des de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa/sbas pa shin tu sbas pa de ni rin chas nyos pa'i chung ma zhes bya'o/ /btsan phrogs su thob pa'i chung ma gang zhe na/ 'di lta ste/ rgyal po rgyal rigs spyi bor dbang bskur bas dpung gi tshogs yan lag bzhi po go bskon te pha rol gyi yul 'khor dang pha rol gyi yul du song nas ma phebs pa phab cing phebs par gnas nas thob rgyal du sgrogs par byed pa'i tshe de na skyes pas rgyal po rgyal mtshan du byas nas/bud med dam gzhon nu ma gang yin pa 'di bdag gi chung ma skye dgu'i bdag mo bya'o zhes phrogs shing de de'i chung ma skye dgu'i bdag mor gyur nas des de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa/sbas pa shin tu sbas pa de ni btsan phrogs su thob pa'i chung ma zhes bya'o//gzhan yang btsan phrogs su thob pa'i chung ma gang zhe na/ 'di lta ste chom rkun pa dag gis grong gzhom pa'am grong khyer gzhom pa'am/ ljongs gzhom par byas te/ rang gi mgo bo rgyal mtshan du byas te bud med dam gzhon nu ma gang yin pa 'di bdag gi chung ma skye dgu'i bdag mo bya'o zhes phrogs shing de de'i chung ma skye dgu'i bdag mor gyur nas des de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa/sbas pa shin tu sbas pa de ni btsan phrogs su thob pa'i chung ma zhes bya'o//dang bsam du 'dus pa'i chung ma gang zhe na/ bud med dam gzhon nu ma gang rang gi dad pa dang gcugs pa dang dga' bas skyes pa'i gan du 'ongs te/ 'di skad ces rje'i sras tshur spyon khyod bdag gi khyim thab mdzod cig dang bdag gis khyod kyi btsun mo skye dgu'i bdag mo bgyi'o zhes zer zhing de de'i chung ma skye dgu'i bdag mor gyur nas des de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa sbas pa shin tu sbas pa de ni dang bsam du 'dus pa'i chung ma zhes bya'o//gos zas kyis 'tshos pa'i chung ma gang zhe na/bud med dam gzhon nu ma gang skyes pa'i gan du 'ongs te/ 'di skad ces rje'i sras tshur spyon khyod kyis bdag la zas dang gos stsol cig dang bdag gis khyod kyi btsun mo skye dgu'i bdag mo bgyi'o zhes zer zhing de de'i chung ma skye dgu'i bdag mor gyur nas des de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa sbas pa shin tu sbas pa de ni gos zas kyis 'tshos pa'i chung ma zhes bya'o//kha dum pa'i chung ma gang zhe na/ bud med dam gzhon nu ma gang skyes pa'i gan du 'ongs te/'di skad ces rje'i sras tshur spyon khyod kyi nor gang lags pa dang bdag gi nor gang lags pa de dag gcig tu bsdus te bdag cag gnyis mnyam du 'tsho bar bgyi zhing bdag cag gnyis las khye'u'am bu mo gang dag mchis par 'gyur ba de dag kyang bdag cag shi zhing dus la bab pa dag la mang po'am/nyung ngu gang yang rung ba'i sbyin pa dag byin zhing bsod nams dag bgyis nas 'di gnyis gang du skyes pa der 'gro zhing rjes su 'gro bar gyur cig ces ming gi yon bshad pa bgyis par 'gyur bar bgyi'o zhes zer zhing de de'i chung ma skye dgu'i bdag mor gyur nas des de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa sbas pa shin tu sbas pa de ni kha dum pa'i chung ma zhes bya'o//thang 'ga' phrad pa'i chung ma gang zhe na/ bud med dam gzhon nu ma gang skyes pas de 'di dang bdag cag lhan cig dga' mgur spyod par bya'o snyam nas/ de de'i dus su klags shing yud tsam par gyur nas des de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa sbas pa shin tu sbas pa de ni thang 'ga' phrad pa'i chung ma zhes bya'o//mdza' na mo bcu gang zhe na mas bsrungs pa dang / phas bsrungs pa dang / ming pos bsrungs pa dang / phu nu mos bsrungs pa dang / sgyug mos bsrungs pa dang / gyos pos bsrungs pa dang / nye dus bsrungs pa dang /rigs kyis bsrungs pa dang / rus chags kyis bsrungs pa dang / rnam par 'khrul pa med pa ni bcu pa'o/ /de la mas bsrungs pa'i mdza' na mo gang zhe na/ bud med dam gzhon nu ma gang gi khyim thab shi zhing dus la bab par gyur tam rgyal pos bcings sam/ bsad dam rgyal po'i 'jigs pas yul 'khor gzhan dang yul gzhan du bros par gyur tam/ smyos pa dang sems 'khrugs pa dang / tshor ba dag gis nyen par gyur nas de ma'i gan na gnas shing mas de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa sbas pa shin tu sbas pa de ni mas bsrungs pa'i mdza' na mo zhes bya'o//phas bsrungs pa'i mdza' na mo gang zhe na/ bud med dam gzhon nu ma gang dag khyim thab shi zhing dus la bab par gyur tam rgyal pos bcings sam/ bsad dam rgyal po'i 'jigs pas yul 'khor gzhan dang yul gzhan du bros par gyur tam/smyos pa dang / sems 'khrugs pa dang / tshor ba dag gis nyen par gyur nas de pha'i gan na gnas shing phas de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa sbas pa shin tu sbas pa/de ni phas bsrungs pa'i mdza' na mo zhes bya'o/ /ming pos bsrungs pa'i mdza' na mo gang zhe na bud med dam gzhon nu ma gang gi pha ma dang khyim thab shi zhing dus la bab par gyur tam/ rgyal pos bcings sam bsad dam/ rgyal po'i 'jigs pas yul 'khor gzhan dang yul gzhan du bros par gyur tam/smyos pa dang / sems 'khrugs pa dang / tshor ba dag gis nyen par gyur nas de ming po'i gan na gnas shing ming pos de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa sbas pa shin tu sbas pa de ni ming pos bsrungs pa'i mdza' na mo zhes bya'o//phu nu mos bsrungs pa'i mdza' na mo gang zhe na/ bud med dam gzhon nu ma gang gi pha ma dang khyim thab shi zhing dus la bab par gyur tam/ rgyal pos bcings sam/ bsad dam/ rgyal po'i 'jigs pas yul 'khor gzhan dang yul gzhan du bros par gyur tam/ smyos pa dang sems 'khrugs pa dang tshor ba dag gis nyen par gyur nas de phu nu mo'i gan na gnas shing phu nu mos de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa sbas pa shin tu sbas pa de ni phu nu mos bsrungs pa'i mdza' na mo zhes bya'o//sgyug mos bsrungs pa'i mdza' na mo gang zhe na/ bud med dam gzhon nu ma gang gi pha ma dang khyim thab shi zhing dus la bab par gyur tam/ rgyal pos bcings sam bsad dam/rgyal po'i 'jigs pas yul 'khor gzhan dang yul gzhan du bros par gyur tam/ smyos pa dang sems 'khrugs pa dang tshor ba dag gis nyen par gyur nas de sgyug mo'i gan na gnas shing sgyug mos de la 'di skad ces kho mo'i bu mthong ba gang yin pa de ni khyod mthong ba yin la/khyod mthong ba gang yin pa de ni kho mo'i bu mthong ba yin pas kho mo'i zas dang gos kyis mna' ma gnas par gyis shig ces smras nas sgyug mos de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa sbas pa shin tu sbas pa de ni sgyug mos bsrungs pa'i mdza' na mo zhes bya'o//gyos pos bsrungs pa'i mdza' na mo gang zhe na/ bud med dam gzhon nu ma gang gi pha ma dang khyim thab shi zhing dus la bab par gyur tam/ rgyal pos bcings sam bsad dam/rgyal po'i 'jigs pas yul 'khor gzhan dang yul gzhan du bros par gyur tam/ smyos pa dang sems 'khrugs pa dang tshor ba dag gis nyen par gyur nas de gyos po'i gan na gnas shing gyos pos de la 'di skad ces kho bo'i bu mthong ba gang yin pa de ni khyod mthong ba yin la khyod mthong ba gang yin pa de yang kho bo'i bu mthong ba yin pas kho bo'i zas dang gos kyis mna' ma gnas par gyis shig /mna' ma dga' bar gyis shig ces smras nas gyos pos de 'di la gzhan 'dod pa dag gi phyir spyod par ma gyur cig ces bsrungs pa shin tu bsrungs pa sbas pa shin tu sbas pa de ni gyos pos bsrungs pa'i mdza' na mo zhes bya'o//nye dus bsrungs pa'i mdza' na mo gang zhe na/ nye du zhes bya ba ni khyim bdun pa tshun chad las brten pa ni nye du yin la de phan chad ni nye du ma yin te bud med dam gzhon nu ma gang gi pha ma dang khyim thab shi zhing dus la bab par gyur tam/rgyal pos bcings sam bsad dam/ rgyal po'i 'jigs pas yul 'khor gzhan dang yul gzhan du bros par gyur tam/ smyos pa dang sems 'khrugs pa dang / tshor ba dag gis nyen par gyur nas nye dus de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa sbas pa shin tu sbas pa de ni nye dus bsrungs pa'i mdza' na mo zhes bya'o//rigs kyis bsrungs pa'i mdza' na mo gang zhe na/ rigs zhes bya ba ni bram ze dang / rgyal rigs dang /rje'u rigs dang / dmangs rigs te/ bud med dam gzhon nu ma gang gi pha ma dang khyim thab shi zhing dus la bab par gyur tam/ rgyal pos bcings sam bsad dam rgyal po'i 'jigs pas yul 'khor gzhan dang yul gzhan du bros par gyur tam/ smyos pa dang sems 'khrugs pa dang tshor ba dag gis nyen par gyur nas de rigs gcig pa'i gan na gnas shing rigs gcig pas de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa sbas pa shin tu sbas pa de ni rigs kyis bsrungs pa'i mdza' na mo zhes bya'o//rus chags kyis bsrungs pa'i mdza' na mo gang zhe na/ rus zhes bya ba ni kud pa'i rigs dang / bad sa'i rigs dang / shan di la'i rigs dang / ba ra dwa dza'i rigs dang / lnga pa'i rigs dang / nye lnga pa'i rigs dang / gau ta ma'i rigs te/bud med dam gzhon nu ma gang dag gi pha ma dang khyim thab shi zhing dus la bab par gyur tam/ rgyal pos bcings sam bsad dam/ rgyal po'i 'jigs pas yul 'khor gzhan dang yul gzhan du bros par gyur tam/ smyos pa dang sems 'khrugs pa dang /tshor ba dag gis nyen par gyur nas de rus chags kyi gan na gnas shing rus chags kyis de 'di la gzhan dag 'dod pa dag gi phyir spyod par ma gyur cig ces bsrungs pa shin tu bsrungs pa sbas pa shin tu sbas pa de ni rus chags kyis bsrungs pa'i mdza' na mo zhes bya'o//rnam par 'khrugs pa med pa'i mdza' na mo gang zhe na/ dge slong ma dang spyod pa can mo dang kun tu rgyu mo dang khyim thab kyi lam gyi rjes su 'jug pa dang chos bzhin spyod pa de ni 'khrugs pa med pa'i mdza' na mo zhes bya'o/ /smyan zhes bya ba ni sprad par bya ba las phrin nod pa dang phar skyel ba dang /phyir skyel ba'i rim gyis gnyis phrad par byed pa'o/ /byed na zhes bya ba ni byed par gyur na'o/ /tha na zhes bya ba ni mthar gyur pa gzung na'o/ /thang 'ga' phrad pa la yang rung zhes bya ba ni smad 'tshong ma yud tsam pa la yang rung ba ste/ tshogs can ma dang 'jud mthun ma dang /gzugs 'tshong ma la yang rung ste zhes bya ba'i tha tshig go/ /dge 'dun lhag ma'o zhes bya ba ni snga ma bzhin no/ /de la ltung ba ji ltar 'gyur zhe na 'dir yang dngos gzhi dang sbyor ba dang sbyor ba'i sbyor bas ltung ba rnam par gzhag pa dang /ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni smyan bya ba'i thabs kyis skyes pa dang bud med gzhan dang gzhan snga ma mi mthun pa mthun par bsgrubs te/de gnyis kyi mi tshangs par spyod pa'i don la phrad na dge 'dun lhag mar 'gyur ro/ /de'i bye brag ni skyes pa dang bud med snga ma mi mthun pa sprad pa'i don du mthun pa bsgrubs pa'i phyir sprad par bya ba skyes pa'am bud med gang yang rung ba las phrin mnos pa dang phar bskyal ba dang phyir bskyal ba de gsum rjes su bsgrub cing de gnyis mi tshangs par spyod pa'i dngos por phrad par gyur na dge 'dun lhag ma'i dngos gzhir 'gyur ro//mi'i 'gro bar gtogs pa pho mos gzhan snga na mi mthun pa phrad pa'i mthu yod pa dag gi smyan byas so cog la na smad pa med do//phrin mnos te phar bskyal la phrin lan ma bskyal yang rnam pa gzhan gyis phyir thos te phrad pa la na smad pa med do/ /dge slong mang po dge 'dun du gyur pas kyang sprad par bya ba'i yul gcig la smyan byed na byed pa po re re'i rgyud la na smad pa med do/ /dge slong gcig gis phrad par bya ba mang po dag gi yul la sbyor ba gcig gis smyan byed na sprad par bya ba re re'i rgyud la na smad pa med do//mngags pa dang mngags pas mngags pa dag la na smad pa med do/ /sprad par bya ba de ni gnyis kyi bdag po pha ma la sogs pa ni sprad par bya ba nyid dang 'dra ste/de la na smad pa med do/ /spring yig dang lag yig dang yul phyogs dang brda dang mtshan ma rnams ni tshig dang 'dra ste/ de dag la na smad pa med do/ /smad 'tshong ma ni thang 'ga' phrad pa zhes bya ste/ mi mthun pa mthun par bsgrub pa yin pas de la na smad pa med do//mdza' na mo dang / smad 'tshong ma la sogs pa bud med mi dbang ba dang gla med pa sngar lan gsum man chad phrad pa yang mi mthun pa mthun par bsgrub pa yin pas de dag la na smad pa med do/ /chung ma dang mdza' na mo sngar mthun pa nyid du gyur pa phyis 'thabs sam de ma yin par bsgrags te/mdza' gcugs nyams pa nyid ni mi mthun pa yin pas de dag la na smad pa med do/ /dge slong 'gro ba gzhan gyi rnam pa bsten pa na dge slong gi 'du shes yod pa la na smad pa med do/ /dngos po bzang ngan dang 'dra ba la na smad pa med do/ / mtshan gyur pa ltung ba thun mong gi yul lan smad pa med do/ /'gro ba gzhan las skyes pa dang 'gro ba gzhan gyi rnam pa bstan pa la na smad pa med do/ /gnas skabs gzhan thob pa la na smad pa med do/ /gzhi gcig la bslab pa du ma bcas pa nyid la na smad pa med do/ / dngos po la the tshom za bas bsam pa dang bcas par zhugs pa la na smad pa med do/ /yul bsams pa dang ma bsams pa la na smad pa med do/ /gzhan gyi don du byed pa la na smad pa med do/ /phrin pa dang spring yig skyel ba 'gro ba gzhan du gtogs pa la na smad pa med do//chung ma bdun po chu tshigs kyis byin pa dang / rin chas nyos pa dang / btsan phrogs su thob pa dang / dang bsam du 'dus pa dang gos zas kyis 'tshos pa dang / kha dum pa dang / thang 'ga' phrad pa dag re re la yang 'thabs pa'i tshigs bdun bdun yod do/ /'thabs pa nyid kyi mod dang 'thabs pa'i 'og dang /dum pa bcad pa dang / rde'u gsum gtor ba dang / cho ga gtang ba dang / chung ma ma yin par bsgrags pa dang / dril bsgrags pa nyid do/ /de la 'thabs pa nyid kyi mod ces bya ba ni 'thab mo nyid kyi rtsom pa yongs su ma rdzogs pa ste/da ltar 'thab pa nyid na zhes bya ba'i tha tshig go/ /'thabs pa'i 'og ces bya ba ni/ 'thab mo mthar phyin pa nyid do/ /dum pa bcad pa nyid ces bya ba ni dum pa zhes bya ba ni shing gi rnam pa yod do/ /sprad par bya ba de nyid kyis shing de rked du gcod par byed cing 'di skad ces ji ltar shing dum 'di gnyis phan tshun 'byor pa med pa de bzhin du yu bu cag gnyis kyang de bzhin no zhes smras pa'o//kha cig na re rtswa'i rigs ti la ni ta ka zhes bya ba yod de/ de gnyis kyis de dum bur bcad nas ji ltar rtswa 'di gnyis phan tshun 'byor pa med pa de bzhin du yu bu cag gnyis kyang de bzhin no zhes smras pa ni dum pa bcad pa zhes bya'o zhes kyang zer ro//rde'u gsum gtor ba zhes bya ba ni de gnyis kyis rde'u gsum phyogs dang phyogs mtshams su 'phangs nas 'di skad ces ji ltar rde'u 'di gsum phan tshun phrad pa med pa de bzhin du 'u bu cag gnyis kyang de bzhin no zhes zer ba'o//gzhan dag ni 'di skad ces rde'u mang pos bsnun pa nyid kyis brdegs pa ni rde'u gsum gtor ba'o zhes kyang zer ro/ /cho ga gtang ba zhes bya ba ni khyim so'am khyim thab kyi rkang pa bkru ba la sogs pa 'phral gyi bya ba ni cho ga ste/de btang ba'o/ /chung ma ma yin par bsgrags pa zhes bya ba ni de gnyis kyis khyo shug ma yin par bsgrags pa nyid do/ /dril bsgrags pa nyid ces bya ba ni bdag po gtang ba'i phyir lha khang la sogs par dril bsgrags pa'o/ / tshigs bdun po de dag ni ltung ba'i phyir tha dad pa yin te/ dper na sprad par bya ba srog chags ji snyed phrad par 'dod pa de dag la smyan byed na ltung ba yang de snyed du 'gyur ba de bzhin du tshigs bdun po 'di dag ji snyed byung ba la smyan byed na tshigs so so de snyed kyi ltung bar 'gyur ro//de la chung ma dang po gsum po chu tshigs kyis byin pa dang / rin chas nyos pa dang / btsan phrogs su thob pa dag gis 'thabs pa'i tshigs bdun las dang po gsum ni nyes byas byed pa yin/ bar pa gnyis ni nyes pa sbom po byed pa yin/ tha ma gnyis ni dge 'dun lhag ma byed pa yin te/des ni dge slong gis chung ma dang po gsum po dga' thabs pa gnyis kyi mod dang / 'thabs pa'i 'og dang / dum pa bcad par gyur pa'i sdums byed cing mthun par gyur na nyes byas gsum du 'gyur ro/ /chung ma dang po gsum po dag 'thabs pa nyid kyi mod dang /'thabs pa'i 'og dang dum pa bcad pa dang / rde'u gsum gtor ba dang / cho ga gtang bar gyur pa'i sdums byed cing mthun par gyur na nyes byas gsum dang nyes pa sbom po gnyis su 'gyur ro/ /chung ma dang po gsum po 'di dag 'thabs pa nyid kyi mod dang /'thabs pa'i 'og dang / dum pa bcad pa dang / rde'u gsum gtor ba dang / cho ga btang ba dang / chung ma ma yin par bsgrags pa dang / dril bsgrags par gyur pa'i sdums byed cing mthun par gyur na nyes byas gsum dang / nyes pa sbom po gnyis dang /dge 'dun lhag ma gnyis su 'gyur ro/ /chung ma tha ma bzhi po dang bsam du 'dus pa dang / gos zas kyis 'tshos pa dang / kha dum pa dang / thang 'ga' phrad pa dag 'thabs pa gnyis kyi mod dang / 'thabs pa'i 'og dang / dum pa bcad pa dang / rde'u gsum gtor ba dang /cho ga btang ba dang / chung ma ma yin par bsgrags pa dang / dril bsgrags par gyur pa'i sdums byed cing mthun par gyur na ni re re la sum phrugs su 'gyur bas nyes byas bdun dang nyes pa sbom po bdun dang / dge 'dun lhag ma bdun du 'gyur ro//de bas na chung ma dang po gsum gyi 'thabs pa'i tshigs tha ma gnyis dang chung ma tha ma bzhi'i 'thabs pa'i tshigs bdun char gyi dngos gzhi la na smad pa med do/ /'di'i byed pa po ni mi'i 'gro bar gtogs pa'i skyes pa dang / bud med gzhan snga ma mi mthun pa mi tshangs par spyod pa 'khrig pa bsten nus pa dang legs par smras pa dang nyes par smras pa dag gi don kun shes pa'o//'di la yan lag bdun gyi dngos gzhi'i ltung bar 'gyur te/ mi ma yin pa dang / gzhan ma yin pa dang / mi mthun pa dang / phrin mnos pa dang /phrin phar bskyel ba dang / phrin phyir bskyal ba dang / gnyis kyis gnyis sprod pa'o/ /de dag las yan lag ma tshang na ci rigs par na smad do/ /sbyor ba'i ltung ba ni smyan byed pa'i sbyor ba brtsams nas dngos gzhi la ma thug gi bar du nyes pa sbom por 'gyur ro/ / phrin mnos te phar bskyal ba dang / phyir bskyal ba ma byas na nyes pa sbom po gcig tu 'gyur ro/ /phrin mnos te phar bskyal la phyir ma bskyal na nyes pa sbom po gnyis su 'gyur ro/ /phrin mnos te phar yang bskyal phyir yang bskyal la de gnyis ma phrad na nyes pa sbom po gsum du 'gyur ro//ma ning dang za ma la sogs pa lta bu phrad pa med pa'i smyan byed na nyes pa sbom po'o/ /khyo shug sngar kha dum pa la sogs pa lta bu mi mthun pa mthun par bsgrubs pa med pa'i smyan byed na nyes pa sbom po'o/ /dge slong mang po dge 'dun du gyur pas kyang bskrad par bya ba'i yul cig la sman gyi sbyor ba byed na byed pa po re re'i rgyud la nyes pa sbom po gcig gam gnyis sam mang po ci rigs par 'gyur ro//dge slong gcig gis sprad par bya ba mang po dag gi yul la smyan byed na sprad par bya ba re re'i rgyud la nyes pa sbom po gcig gam gnyis sam mang po ci rigs par 'gyur ro//mdza' na mo dang smad 'tshong ma la sogs pa bud med mi dbang ba dang / gla med par sngar lan bzhi yan chad phrad pa ni mi mthun pa mthun par bsgrub pa ma yin pas de dag la nyes pa sbom po'o//chung ma dang po gsum gyi 'thabs pa'i tshigs par ma gnyis dang / chung ma tha ma bzhi'i 'thabs pa'i tshigs bdun char gyi sbyor ba la nyes pa sbom po'o/ /mngal na gnas pa dang med pa dang nges pa dang mi bsten pa dang nyos pa dang mthun pa dang bdag gi smyan byed na nyes pa sbom po'o//skad sbyar ba nyid ston pa dang 'thab krol gyis 'phrog tu 'jug pa dang / chung ma'am bud med che ge mo zhig nyos shig ces zer na nyes pa sbom po'o/ /byin pa las dor byas pa sprad pa dang / chos kyi phung po sngon du btang ste bos pa dang / don gzhan dang ldan pas bos te phrad na nyes pa sbom po'o//mi ma yin pa'i 'gro ba la nyes pa sbom po'o/ /pho'am mo'am gnyis ka mi ma yin par gyur na yang nyes pa sbom po'o/ /rang bzhin nyams pa la nyes pa sbom po'o/ /tha mal par gnas pa las phrin blangs te tha mal par gnas pa la phrin phar bskyal zhing rang bzhin nyams pa la phrin phyir bskyal ba la sogs pa yang nyes pa sbom po'o//dge slong 'gro ba gzhan gyi rnam pa bsten pa na dge slong gi 'du shes med pa la nyes pa sbom po'o/ /dngos gzhi'i sbyor ba tha dad pa ji snyed byas pa re re la nyes pa sbom po re rer 'gyur ro//sbyor ba'i sbyor ba'i ltung ba ni smyan byed pa brtsams nas ji srid du sbyor ba la ma thug gi bar du nyes byas so/ /dge slong mang po dge 'dun du gyur pas kyang sprad par bya ba'i yul gcig la smyan byed na byed pa po re re'i rgyud la sbyor ba'i sbyor ba nyes byas gcig gam gnyis sam mang po ci rigs par 'gyur ro//dge slong gcig gis sprad par bya ba mang po dag gi yul la smyan byed na sprad par bya ba re re'i rgyud la sbyor ba ji snyed pa'i sbyor ba'i sbyor ba'i nyes byas gcig gam gnyis sam mang po ci rigs par 'gyur ro//sprad par bya ba de gnyis kyi bdag po pha ma la sogs pa ma yin pa de gnyis dang 'brel ba'am 'brel pa ma yin pa la nyes byas so/ /chung ma dang po gsum gyi 'thabs pa'i tshigs dang po gsum dang / chung ma tha ma bzhi'i 'thabs pa'i tshigs bdun char gyi sbyor ba'i sbyor ba la nyes byas so//ci'i phyir khye'u 'di khyim mi dbub/ ci'i phyir bu mo 'di gnas mi btsal/ ci'i phyir bu khye'u 'di gyos po'i gan du mi 'gro /bag ma mi len/ ci'i phyir bu mo 'di gyos pa'i gan du mi bkri /bag mar mi gtong zhes zer ba thams cad la nyes byas so/ / bud med nyos shig ces zer ba dang rnyed mod ces zer na nyes byas so/ /skyon chags pa med par sems can gzhan la khu tshur la sogs pa bsnun na nyes byas so/ /dud 'gro'i smyan byas pa la nyes byas so/ /sbyor ba'i ltung ba la sbyor ba tha dad pa ji snyed byas pa re re la nyes byas re rer 'gyur ro//ltung ba med pa ni las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /bslab par bya ba ni yul thams cad la gnas skabs thams cad du smyan gyi sbyor ba'i sbyor ba nyes byas dang / sbyor ba sbom po dang / dngos gzhir 'gyur ba rnam pa thams cad mi bsten par bslab par bya'o/ /phyir bcos pa ni 'og nas ston to/ /smyan byed pa'i dge 'dun lhag ma ste lnga pa bshad zin to// //khang pa'i dge 'dun lhag ma'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//dge slong rnams la khang pa 'di lta bur mang ba nyid du gyur te/ kha cig ni khang pa 'di ha cang yang ring ngo zhes de bor nas gzhan byed du 'jug go//kha cig ni khang pa 'di ha cang thung ngo / /'di ha cang yangs so/ /'di ha cang dog go/ /'di ha cang rnyings so/ /'di ha cang stobs chung ngo / /'di ha cang brtsigs nyes so zhes de bor nas gzhan byed du 'jug go/ /de dag khang pa byed pa dang / byed du 'jug pas bya ba dang byed pa mang bar gyur nas lung mnod pa dang bklags pa dang kha ton dang /rnal 'byor dang yid la bya ba gtong zhing yang dang yang du rtswa dang shing dang mi blas dang shing rta'i las slong bar byed pas bram ze dang khyim bdag rnams kyis kha bya bar gyur to//de'i tshe na tshe dang ldan pa 'od srungs chen po mnyan yod na shar gyi kun dga' ra ba na ri dgas 'dzin gyi ma'i khang bzangs na 'dug pas dge slong rab tu mang po dag la khang pa de lta bur mang ba nyid du gyur pa thos nas phyi dro nang du yang dag 'jog las langs nas bcom ldan 'das ga la ba der song ste phyin nas/bcom ldan 'das kyi zhabs gnyis la mgo bos phyag 'tshal te mtha' gcig tu 'dug nas bcom ldan 'das la skabs de dag rgyas par gsol te/ bcom ldan 'das kyis thugs brtse ba'i slad du dge slong rnams la khang pa dang khang pa'i gzhi legs par bstan pa gsol lo//bcom ldan 'das kyis kyang tshe dang ldan pa 'od srungs chen po la cang mi gsung bas gnang ngo / /de nas tshe dang ldan pa 'od srungs chen po bcom ldan 'das kyis cang mi gsung bas gnang bar rig nas song ste/ de nyid kyi mtshan mo 'das pa dang tshangs pa mtshungs par spyod pa rnams kyi sems srung ba'i phyir lhung bzed dang chos gos thogs te ljongs rgyur song ngo / /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/dge slong rnams la de ltar gyur pa bden nam zhes smra ba mdzad nas/ 'dod pa che ba dang / chog mi shes pa dang / gso dka' ba dang / dgang dka' ba rnam par smad de/ 'dod pa chung ba dang chog shes pa dang / gso sla ba dang / dgang sla ba dang / phri ba dang / yo byad bsnyungs pa dang /sbyangs pa'i yon tan dang / mdzes pa dang / tshod shes pa nyid kyi bsngags pa brjod nas bslab pa bca' ba'i phan yon bcu yang dag par gzigs pas nga'i nyan thos rnams kyang 'dul ba la bslab pa'i gzhi 'di ltar gdon par bya ste/ dge slong gis bdag gis bslangs pa bdag po med pa dag gi phyir khang pa rtsig tu 'jug na dge slong des khang pa tshad bzhin du rtsig tu chug shig /de la khang pa'i tshad ni 'di yin te/ nang srid du bde bar gshegs pa'i mtho'i mtho bcu gnyis zheng du mtho bdun no/ /gzhi blta ba'i phyir dge slong des dge slong dag bkri bar bya'o//khrid pa'i dge slong dag gis kyang gzhi rung ba dang rtsod pa med pa dang brtsam du rung bar blta bar bya'o/ /gal te dge slong gis gzhi mi rung ba'am/ rtsod pa dang bcas pa'am/ brtsam du mi rung bar bdag gis bslangs pa bdag po med pa bdag gi phyir khang pa rtsig tu 'jug gam/gzhi blta ba'i phyir dge slong dag kyang mi khrid dam/ dge slong khrid pa dag la gzhi mi ston nam tshad las 'das na dge 'dun lhag ma'o zhes bca' ba mdzad de/ yul ni mnyan yod/ gang zag ni dge slong rab tu mang po/nyon mongs pa ni 'dod zhe na/ nyes pa ni khang pa rtsig pa'o/ /de la dge slong gis zhes bya ba ni chos 'di pas so/ /bdag gis bslangs pa zhes bya ba ni 'dun pa las byung ba'i slong mo la la las ni shing / la la las ni rtswa/ la la las ni mi blas/ la la las ni shing rta'i las bslangs pa'o//bdag po med pa zhes bya ba ni gang la bdag po skyes pa'am bud med dam ma ning med pa'o/ /bdag gi phyir zhes bya ba ni bdag nyid la bsngos te'o/ /khang pa zhes bya ba ni gang du spyod lam bzhi po 'chag pa dang / 'greng ba dang / 'dug pa dang nyal ba dag shong pa'o/ /rtsig tu 'jug na zhes bya ba ni bdag nyid kyis sam gzhan gyis so/ /dge slong des khang pa tshad bzhin du rtsig tu chug shig /de la khang pa'i tshad ni 'di yin te/ nang srid du bde bar gshegs pa'i mtho'i mtho bcu gnyis zheng du mtho bdun no zhes bya ba la/bde bar gshegs pa zhes bya ba ni ston pa ste/ de'i mtho gang la ni tshad dang ldan pa'i khru phyed dang do'o/ /des na bde bar gshegs pa'i mtho bcu gnyis gang yin pa de dag la ni tshad dang ldan pa'i khru'i khru bco brgyad do/ /nang srid du tshad dang ldan pa'i khru bco brgyad do//bde bar gshegs pa'i mtho bdun gang yin pa de dag la ni tshad dang ldan pa'i khru'i phyed dang bcu gcig ste/ nang gi zheng du khru phyed dang bcu gcig go/ /gzhi blta ba'i phyir dge slong des dge slong dag bkri bar bya'o zhes bya ba la/ gzhi blta ba'i phyir zhes bya ba ni sa gzhi rung ba dang rtsod pa med pa dang brtsam du rung ba nyid blta ba'i phyir ro/ /dge slong des zhes bya ba ni dge slong gang yin pa des so/ /dge slong dag bkri bar bya'o zhes bya ba ni de na dge slong dag yod pa dag yin gyi ji tsam gyi sa gzhi de dag gis bltas par 'gyur ba'i dge slong de tsam bkri bar bya ba ni ma yin no//gal te de na sprul gyi gnas sam sdig pa'i gnas sam sril gyi gnas sam grog ma'i gnas yod pa yin na mi rung ba'i phyir bstan par mi bya'o/ /gal te rung ba yin na de'i 'og tu nye bar brtag par bya ste/gal te rgyal po'i gzhi'am/ mchod rten gyi gzhi'am/ khyim bdag gi gzhi'am/ mu stegs can gyi gzhi'am/ dge slong ma'i dbyar gnas khang ngam/ shing ljon pa gcad par bya ba yod na rtsod pa dang bcas pa yin pa'i phyir bstan par mi bya'o/ / gal te gzhi rung ba dang rtsod pa med pa yin na de'i nye 'khor 'dom gang kho ra khor yug nye bar brtag par bya ste/ gal te de na gzhi chu klung la brten nam khron pa la brten nam/ lam la brten nam ngam grog la brten pa yin na brtsam du mi rung ba'i phyir bstan par mi bya'o/ / gal te gzhi de rung ba dang rtsod pa med pa dang brtsam du rung ba rnam pa thams cad yongs su rdzogs pa yin na dge slong des gtsug lag khang du song ste gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa la mchil lham gnyis phud de/bla gos phrag pa gcig tu byas nas rgan rims bzhin du phyag 'tshal te/ rgan pa'i mtha' logs su tsog pur 'dug nas thal mo sbyar nas 'di skad ces brjod par bya'o/ /dge 'dun btsun pa rnams gsan du gsol/bdag dge slong lag gi bla ming 'di zhes bgyi bas khang pa'i gzhi rung ba rtsod pa ma mchis pa brtsam du rung ba zhig btsal te/ bdag dge slong lag gi bla ming 'di zhes bgyi ba dge 'dun las khang pa'i gzhi rung ba rtsod pa ma mchis pa brtsam du rung ba bstan pa gsol na/thugs brtse ba can dge 'dun btsun pa rnams kyis thugs brtse ba'i slad du bdag dge slong lag gi bla ming 'di zhes bgyi ba la khang pa'i gzhi rung ba rtsod pa ma mchis pa brtsam du rung ba bstan du gsol/ de bzhin lan gnyis lan gsum du bzlas/ de ni khang pa'i gzhi bstan pa gsol pa'o//de'i 'og tu dge slong de dag gis kyang dge slong de la dad pas sam yid ches pas 'gro bar mi bya bar 'di ltar dge 'dun thams cad der 'gro bar bya ba'am/ dge 'dun gyis bskos pa'i dge slong dag gtang bar bya'o/ /de dag gis gzhi de mig gis blta bar bya zhing /gal te de na sbrul gyi gnas sam/ sdig pa'i gnas sam/ sril gyi gnas sam grog ma'i gnas yod pa yin na mi rung ba'i phyir bstan par mi bya'o/ /gal te rung ba yin na de'i 'og tu nye bar brtag par bya'o/ /gal te rgyal po'i gzhi'am/mchod rten gyi gzhi'am/ khyim bdag gi gzhi'am mu stegs can gyi gzhi'am dge slong ma'i dbyar khang ngam shing ljon pa gcad par bya ba yod na rtsod pa dang bcas pa'i phyir bstan par mi bya'o/ /gal te gzhi rung ba dang rtsod pa med pa yin na de'i nye 'khor 'dom gang kho ra khor yug tu nye bar brtag par bya ste/gal te de na gzhi chu klung la brten nam/ khron pa la brten nam/ lam la brten nam/ ngam grog la brten pa yin na brtsam du mi rung ba'i phyir bstan par mi bya'o/ /gal te gzhi de rung ba dang rtsod pa med pa dang brtsam du rung ba rnam pa thams cad du yongs su rdzogs pa yin na de'i tshe dge slong de dag gis rgan pa'i mtha' logs su gus pa dang bcas pas 'dug ste 'di skad ces brjod par bya'o//gnas brtan dag gzhi de rung ba dang rtsod pa ma mchis pa dang brtsam du rung ba lags kyi da de'i dus la bab par mkhyen par mdzod cig /de ni dus dang por bya'o/ /de'i 'og tu dge slong gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/dge slong lag gi bla ming 'di zhes bgyi ba 'dis khang pa'i gzhi rung ba rtsod pa ma mchis pa brtsam du rung ba zhig btsal te/ dge slong lag gi bla ming 'di zhes bgyi ba 'di dge 'dun las khang pa'i gzhi rung ba rtsod pa ma mchis pa brtsam du rung ba bstan pa gsol na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong lag gi bla ming 'di zhes bgyi ba la khang pa'i gzhi rung ba rtsod pa ma mchis pa brtsam du rung ba bstan par gsol to/ /'di ni gsol pa'o//las ni 'di ltar bya ste/ dge 'dun btsun pa rnams gsan du gsol/ dge slong lag gi bla ming 'di zhes bgyi ba 'dis khang pa'i gzhi rung ba rtsod pa ma mchis pa brtsam du rung ba zhig btsal te/ dge slong lag gi bla ming 'di zhes bgyi ba 'di dge slong las khang pa'i gzhi rung ba rtsod pa ma mchis pa brtsam du rung ba bstan pa gsol te/de'i slad du dge 'dun gyis dge slong lag gi bla ming 'di zhes bgyi ba la khang pa'i gzhi rung ba rtsod pa ma mchis pa brtsam du rung ba bstan pa gsol na/ tshe dang ldan pa gang dag dge slong lag gi bla ming 'di zhes bgyi ba la khang pa'i gzhi rung ba rtsod pa ma mchis pa brtsam du rung ba bstan pa stsol bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong lag gi bla ming 'di zhes bgyi ba la khang pa'i gzhi rung ba rtsod pa ma mchis pa brtsam du rung ba bstan pa stsal lags te/'di ltar cang mi gsung bas de de bzhin du 'dzin to/ /dge 'dun gyis dge slong lag gi bla ming 'di zhes bgyi ba gang la khang pa'i gzhi rung ba rtsod pa med pa brtsam du rung ba bstan par byin pa des khang pa rtsig tu gzhug par bya ste/'di la 'gyod par mi bya'o/ /khrid pa'i dge slong dag gis kyang zhes bya ba ni dge slong gang dag yin pa de de dag gis kyang ngo / /gzhi zhes bya ba ni khang pa'i dbang du byas pa'i gzhi gang yin pa'o/ /rung ba zhes bya ba ni sprul gyi gnas dang sdig pa'i gnas la sogs pa dag dang bral ba'o//rtsod pa med pa zhes bya ba ni 'thab mo dang mtshang 'dru ba la sogs pa dang bral ba'o/ /brtsam du rung ba zhes bya ba ni de'i nye 'khor 'dom gang kho ra khor yug na skyon med pa'o/ /blta bar bya'o zhes bya ba ni so sor brtag par bya'o//gal te dge slong gis gzhi mi rung ba'am zhes bya ba ni sbrul dang sdig pa la sogs pa'i gnas kyi shas che ba'o/ /rtsod pa dang bcas pa'am zhes bya ba ni 'thab mo dang bcas pa dang mtshang 'dru ba dang bcas pa dang / rtsod pa dang bcas pa dang 'gyed pa dang bcas pa'o/ / brtsam du mi rung ba zhes bya ba ni gang gi nye 'khor 'dom gang kho ra khor yug med pa'o/ /bdag gis bslangs pa bdag po med pa bdag gi phyir khang pa rtsig tu 'jug gam/ gzhi blta ba'i phyir dge slong dag kyang mi khrid dam dge slong khrid pa dag la gzhi mi ston tam tshad las 'das na zhes bya ba ni ji skad smos pa de dag las 'gal zhing tshad ji skad bstan pa de dag las lhag par rtsig tu 'jug na'o//dge 'dun lhag ma'o zhes bya ba ni snga ma bzhin no/ /de la ltung ba ji ltar 'gyur zhe na 'dir yang dngos gzhi dang sbyor ba dang /sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gis sa gzhi dang yo byad gzhan las btsal te/sa gzhi ma dag pa dang ma bstan par gcig gi don du khang pa tshad las lhag par byed dam byed du bcug pa ste/ zin na mthar dge 'dun lhag mar 'gyur ro/ /de'i bye brag ni dge slong ltung ba'i 'byin pa pos khang pa'i sa gzhi mi'i 'gro ba su yang rung ba tha na chos 'di pa rab tu byung ba las kyang btsal ba dang khang pa'i yo byad rtswa dang shing dang mi blas dang shing rta dang so phag dang gla rngan la sogs pa yang gzhan las btsal bas sa gzhi ma dag pa mi rung ba dang rtsod pa dang bcas pa dang brtsam du mi rung ba dang /dge 'dun la ma bstan par bdag nyid gcig pu'am dge slong gzhan gcig gam khyim bdag gzhan gcig kyang rung ba'i don du khang pa'i nang rgya'i srid du tshad dang ldan pa'i khru bco brgyad zheng du tshad dang ldan pa'i khru phyed dang bcu gcig gi tshad las lhag pa bdag nyid byed dam gzhan gyis bdag byed du bcug gam bdag gis gzhan byed du bcug ste zin nas dge 'dun lhag ma'i dngos gzhir 'gyur ro//ma bskos par rang byed pa lan smad pa med do/ /gzhan gyis bdag bskos pa la na smad pa med do/ /bdag gis gzhan bskos pa la na smad pa med do/ /dge slong bsko ba pos dge slong byed pa po gzhan la legs par byed du bcug pa las byed pa pos log par bsgrubs na mthar byed pa po lan smad pa med do//dge slong bsko ba pos dge slong byed pa po gzhan la legs par byed du bcug pa las byed pa pos log par bsgrubs pa la bsko ba pos lus dang ngag gis dang du len na mthar gnyis ka la na smad pa med do//dge slong bsko ba pos dge slong byed pa po gzhan la legs par byed du bcug pa las byed pa pos log par bsgrubs pa la bsko ba pos lus dang ngag gis dang du mi len na mthar byed pa po la na smad pa med do//dge slong 'gro ba gzhan gyi rnam pa bsten pa na dge slong gi 'du shes yod pa la na smad pa med do/ /sbyor ba gcig gis dus brgyangs te byas pa la na smad pa med do/ /sa gzhi mi'i 'gro ba pa khyim pa dang rab tu byung ba chos 'di pa dang gzhan mu stegs can dang skyes pa dang bud med dang ma ning dag las btsal ba la na smad pa med do//yo byad kyang de dag las btsal ba la na smad pa med do/ /mi'i 'gro ba pa gzhan las skyes pa dang 'gro ba gzhan gyi rnam pa bsten pa la na smad pa med do/ /gzhi ma dag pa mi rung ba dang rtsod pa dang bcas pa dang brtsam du mi rung ba dag la na smad pa med do//gzhi blta ba dang gzhi bstan pa gsol ba dang gzhi bstan pa sbyin pa'i gsol ba dang las ma byas pa la na smad pa med do/ /bdag nyid gcig pu'am dge slong gzhan gcig gam rab tu byung ba gcig gam khyim pa gcig gi don du byed pa la na smad pa med do//srid kyi tshad las lhag pa dang zheng gi tshad las lhag pa la na smad pa med do/ /de'i mod dang nyin zhag dang lo zla la sogs pas zin pa'i mtha' la na smad pa med do/ /dngos po bzang ngan dang 'dra ba la na smad pa med do/ / mtshan gyur pa ltung ba thun mong gi yul la na smad pa med do/ /de'i byed pa po ni sa gzhi dang yo byad ma brtags pa'i khang pa rtsig pa'o/ /'di la yan lag drug gis dngos gzhi'i ltung bar 'gyur te/ sa gzhi dang yo byad gzhan las btsal ba dang / gzhi ma dag pa dang / ma bstan pa dang / gcig gi don dang / tshad las lhag pa dang zin pa'o/ /de dag las yan lag ma tshang na ci rigs par na smad do/ /gzhi ma dag pa dang ma bstan pa zhes smos pa la gzhi ma dag pa'i mtshan nyid gang zhe na/ gzhi mi rung ba dang rtsod pa dang bcas pa dang la spyan drangs pa na tshe dang ldan pa nye dga' la dge skos kyi bsod snyoms nod pa'i res bab nas des bsams pa/gang gis dge skos 'di zang cad par bya ba de lta bu'i thabs ci yod snyam nas de 'di snyam du sems te/ gal te bdag la 'ga' zhig mnyam yod na rgyal byed kyi tshal thag ji srid yod 'drin bdag gis de la ji ltar brjod par bya'o//rnam pa thams cad du gom bdag gis sa gzhi gzhal bar bya'o snyam nas de gom pa dag gis sa gzhi 'jal zhing dal bus 'ong bas na dge skos kyis bsams pa/ de yun ring du thogs pas bdag zan chad na mi rung gi blta'o snyam nas de shing ljon pa zhig la 'dzegs te blta bar brtsams pa dang /ci tsam na tshe dang ldan pa nye dga' da la bu dal bus 'ong ba mthong nas des bsams pa/ 'di ltar 'ong ba'i stangs las na 'dis bdag zan gcod par byed do snyam du rig nas de shing ljon pa de las babs te 'dug go/ /tshe dang ldan pa nye dga' yang 'ongs pa dang ci tsam na gdugs tshod yol nas dge skos gyis smras pa/tsher dang ldan pa khyod 'gros de lta bus 'ong ba las na don gyis na khyod kyis ched du bsams te kho bo'i zan gcod du bcug go/ /des smras pa/ khyod kyis kho bo ji ltar mthong / /kho bos shing ljon pa la 'dzegs te bltas so/ /khyod shing ljon pa la 'jog tu rung ngam/rung yang srid mi rung yang srid de kho bos ni 'dzegs so zhes zer ba'i skabs de dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na dge slong gis shing la mi 'dzeg par bslab par bya'o zhes bca' ba mdzad de/ yul ni mnyan yod/ gang zag ni chos 'di pa/ nyon mongs pa ni dus dang bya ba mi shes pa/ nyes pa ni shing la 'dzegs pa'o/ /rdzas su bcas ba'i sgo nas gnang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' rab na bzhugs so/ /bcom ldan 'das kyis dge slong gis shing mi 'dzeg bar bslab par bya'o zhes bka' stsal nas/dge slong dag tshon rtsi'i las byed par 'dod pas gzungs thag gang dug dgas pa mi shes nas bcom ldan 'das kyis bka' stsal pa/ shing la mi gang tsam du 'dzeg par bya ste/ de lta bas na dge slong gis shing la mi gang tsam las mthor mi 'dzeg par bslab par bya'o zhes rjes su bca' ba'i sgo nas gnang ba mdzad de/yul ni mnyan yod/ gang zag ni dge slong don nyung ngu dag nyon mongs pa dang nyes pa ni med do/ /rjes su gnang ba'i gleng bzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' rab na bzhugs so//bcom ldan 'das kyis dge slong gis shing la mi gang tsam las mthor mi 'dzeg par bslab par bya'o zhes bka' stsal nas/ dge slong zhig don mthun dang lhan cig ljongs rgyur 'phags pa dang / don mthun dgon pa'i lam du mtshan mo btab pa na der stag gi 'jigs pa byung nas don mthun dag ni shing ljon pa la mthor 'dzegs te 'khod do//dge slong de shing ljon pa la mi gzang tsam du 'dzegs te 'dug go/ /ji tsam na stag 'ongs nas do mthun rnams kyis smras pa/ 'phags pa stag mchis kyis myur du mthor 'dzegs shig /des bsams pa bcom ldan 'das kyis shing la mi gang tsam las 'thor 'dzeg par ma gnang bas ji ltar mthor 'dzeg snyam nas de de nyid du 'dug pa dang /stag gis mchod pa byas te bsad pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ gnod pa byung ba ma gtogs par shing la mi gang tsam las 'thor mi 'dzeg par bslab par bya'o zhes rjes su gnang ba mdzad de/ yul ni mnyan yod/ gang zag ni chos 'di la/ nyon mongs pa dang nyes pa ni mod do//gnod pa byung ba ma gtogs par shing la mi gang tsam las mthor mi 'dzeg par bslab par bya'o zhes bya ba ni dge slong gnod pa byung pa ma gtog spar shing mi gang tsam las mthor mi 'dzeg par bslab par bya'o/ /'di ni rgyu ba na mi mdzes par snang pa dang snang ba la sogs pa'i nyes dmigs spang pa'i sgo nas 'jig rten dang mi 'gal ba dang /'dul ba nges par 'byung ba'i tshul khrims kyi rjes su mthun par bslab par bya ba nyid yin no/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes nyes pa sbom po'o//steng ma g.yogs pa zhig bya'o snyam pas mthar thug pa la nyes pa sbom po'o/ /du ma'i don du'am gnyis kyi phyir ram mang po'i phyir byed du bcug pa'i mthar thug pa la nyes pa sbom po'o/ /ma bskos par byed du 'jug na nyes pa sbom po'o//gang zag rang gi sa gzhi dang yo byad kyis byed du 'jug na nyes pa sbom po'o/ /mi ma yin pa las btsal ba'i sa gzhi dang yo byad kyis byed du 'jug na nyes pa sbom po'o/ /gzhan zhig gnas de byed pa'i zhal ta byed na rang bzhin mi mthun pa'i zhal ta byed pa yin pas nyes pa sbom po'o//dge slong 'gro ba gzhan gyi rnam pa bsten pa na dge slong gi 'du shes med pa la nyes pa sbom po'o/ /dngos gzhi la sbyor ba ji snyed byas pa re re la nyes pa sbom po re rer 'gyur ro/ /sbyor ba'i sbyor ba'i ltung ba ni khang pa'i dge 'dun lhag ma'i bya bar brtsams nas ji srid du sbyor ba la ma thug gi bar du nyes byas so//ma zin par sbyor ba btang ste/ yang rang bzhin gzhan gyis rjes su bsgrub pa la nyes byas so/ /gzhi btsal nas mi byed na nyes byas so/ /khang pa bstan pa gsol nas mi byed na nyes byas so/ /dud 'gro las btsal ba'i sa gzhi dang yo byad kyis byed du 'jug na nyes byas so//btsal ba'i yan lag dang tshad las lhag pa'i yan lag gnyis med na mi rung ba dang rtsod pa dang bcas pa dang brtsam du mi rung ba dang gzhi bstan pa ma gsol ba dang / gcig gi don zhes bya ba'i yan lag de dag thams cad las 'das kyang rung kha cig las 'das kyang rung 'ga' las 'das kyang rung ste/mthar yang nyes byas su 'gyur la sngar yang nyes byas so/ /kha cig na re mthar sbom po zhes zer ba yang yod do/ /sbyor ba'i ltung ba la sbyor ba tha dad pa ji snyed byas pa re re la nyes byas re rer 'gyur ro//ltung ba med pa ni spyod lam bzhi'i snod ma yin pa la nyes pa med do/ /byas pa rnyed pa dang byas pa la longs spyod pa dag la ltung ba med do/ /rnying pa 'chos pa la ltung ba med do/ /las dang po pa dang smyos pa dang sems 'khrugs pa dang tshor ba dag gis nyen pa la ltung ba med do//bslab par bya ba ni yul thams cad la gnas skabs thams cad du khang pa'i sbyor ba'i sbyor ba nyes byas dang / sbyor ba sbom po dang / dngos gzhir 'gyur ba rnam pa thams cad mi bsten par bslab par bya'o/ /gzhi ma dag pa la gsol bar mi bya'o//dge slong rang dag rtog tu 'dor bar bya'o/ /yang na dge slong bskos pa dag rtog tu gtang ngo / /rnam pa thams cad du yul thams cad la khang pa'i dge 'dun lhag mar 'gyur bar mi bya'o/ /phyir bcos pa ni 'og nas ston te/ khang pa'i dge 'dun lhag ma ste drug pa bshad zin to// //gtsug lag khang gi dge 'dun lhag ma'i gleng gzhi ni sangs rgyas bcom ldan 'das kau shA m+bI na gdangs can gyi kun dga' ra ba na bzhugs so/ /drug sde dag gzhan gyis byed du 'jug pa'i gtsug lag khang dag na gnas shing /de dag de dag na gnas pa na dga' bo nye dga' ltos shig /gtsug lag khang 'di ni gyo grugs su gyur pa yin no/ /'di ni gas pa yin no/ /'di ni mtshams nyams pa yin no/ /'di ni ngos nyams pa yin no/ /'di ni ma mo'i khyim 'dra ba yin no zhes 'phya bar byed pa na dge slong rnams kyis de dag la smras pa/tshe dang ldan pa dag khyed cag re zhig gzhan gyis byed du bcug pa'i gtsug lag khang dag na gnas shing khyed cag gis rdo yang sgreng bar mi nus la 'on kyang 'phya bar byed do/ /drug sde dag nga rgyal gyis khengs par gyur nas phan tshun smra bar brtsams pa/dga' bo nye dga' lhung bzed nag po can 'di dag gis bdag cag zil gyis mnan gyi tshur shegs bdag cag gis sngon chad lhung bzed nag po can gang gis kyang byed du ma bcug pa'i gtsug lag khang ci 'dra ba'i gtsug lag khang de 'dra ba zhig byed du gzhug go//gal te bdag cag thams cad lag gi bla la brtson par gyur na ni lhung bzed nag po can 'di dag rtag pa kho nar bdag cag la skabs tshol bas de dag gis drug sde thams cad lag gi bla la zhugs so zhes skabs rnyed par yang 'gyur la/bdag cag gis slong mo ster ba'i khyim gang dag yin pa de dag tu yang brel ba dag gi skyon brjod nas rjes su 'jug par 'gyur gyi/ bdag cag gis bdag cag gi nang na tshe dang ldan pa 'dun pa 'di mkhas pa spyod pa gsal ba khab gzhug par gtun bu 'jud nus pa yin pas 'di spro ba bskyed de dge 'dun gyi gtsug lag khang byed du gzhug par bya'o zhes de dag gis tshe dang ldan pa 'dun pa spro ba bskyed de dge 'dun gyi gtsug lag khang byed du bcug go//de nas tshe dang ldan pa 'dun pa de'i nub mo gtsug lag khang gi phyi rol du rkang pa gnyis bkrus nas gtsug lag khang du zhugs te/thabs ci yod na des dge 'dun gyi gtsug lag khang 'grub par 'gyur snyam du sems pa la zhugs so/ /des su zhig su la mngon par dad snyam du rnam par dpyad par brtsams pa dang de 'di snyam du sems te/re zhig 'jig rten lha dang bcas pa ni bcom ldan 'das la mngon par dad pa yin/ khyim che ge mo zhig ni tshe dang ldan pa kun shes kauN+Di n+ya la mngon par dad/ khyim che ge mo zhig ni tshe dang ldan pa shA ri'i bu la/ khyim che ge mo zhig ni tshe dang ldan pa maud gal gyi bu chen po la/khyim che ge mo zhig ni tshe dang ldan pa ma 'gags pa la/ khyim che ge mo zhig ni tshe dang ldan pa rta thul la/ khyim che ge mo zhig ni tshe dang ldan pa bzang ldan la/ khyim che ge mo zhig ni tshe dang ldan pa rlangs pa la/ khyim che ge mo zhig ni tshe dang ldan pa ming chen la/khyim che ge mo zhig ni tshe dang ldan pa gang po la/ khyim che ge mo zhig ni tshe dang ldan pa dri med la/ khyim che ge mo zhig ni tshe dang ldan pa ba lang bdag la/ khyim che ge mo zhig ni tshe dang ldan pa kun dga' bo la/ khyim che ge mo zhig ni bcom ldan 'das kyi gcung sru'i sras tshe dang ldan pa mdzes dga' la/khyim che ge mo zhig ni bcom ldan 'das kyi sras tshe dang ldan pa sgra gcan zin la/ khyim che ge mo zhig ni tshe dang ldan pa gyad bu nor la/ khyim che ge mo zhig la sogs pa ni tshe dang ldan pa dga' bo la sogs pa la mngon par dang pa yin pas de'i phyir de dag sbyor du gzhug tu mi nus kyi 'di ltar kau shA m+bI na bram ze phyug pa nor mang po longs spyod che ba yongs su bzung ba yangs shing rgya che ba zhig 'dug pa de ni ser sna can mig phra ba bya rog la yang gtor ma mi ster ba yo byad kun 'dzin nus pa yin la/de la dbyig dang gser mang po bdog pas gal te rjes su 'jug par byed nus na dge 'dun gyi gtsug lag khang 'grub par 'gyur ro snyam nas de de ltar sems pa la zhugs pas tshegs chen pos nam langs par byas nas snga dro sham thabs bgos lhung bzed dang chos gos thogs te kau shA m+bIr bsod snyoms la zhugs so//des khyim gnyis sam gsum du bsod snyoms brgyus nas phye nyung shas zhig khyer te bram ze de'i khyim du 'jug par brtsams pa dang / sgo bas 'phags pa sdod cig ma 'jug shig ces dgag go/ /tshe dang ldan pa 'dun pas smras pa/ bzhin bzangs bcom ldan 'das kyis kho bo cag gi spyod yul ma yin pa ni rnam pa lnga gsungs te/ rol mo mkhan gyi gnas dang / smad 'tshong ma'i gnas dang / chad ma'i gnas dang / gdol pa'i gnas dang / rgyal po'i pho brang yin na ci khyim 'di de dag las gcig yin nam ci na kho bo la 'gog par byed/sgo bas smras pa/ 'phags pa khyed mang du bkyon par 'gyur mod kyi/ khyim 'di de dag kyang ma lags te/ 'di ltar 'di ni bram ze che ge mo zhig gi khyim lags so/ /'dun pas bsams pa/ gang du re zhig ngo 'phrad pa yang med pa der gzhan ci zhig yod par 'gyur snyam nas de de ltar sgo dgag ste sems khong du chud nas 'dug pa na khyim bdag cig gi bu byung ba der bcu gnyis 'dus pa'i dga' 'dun gar dang glu dang sil snyan gyis zhugs pa dang /sgo ba de de la yengs shing sgo la mi lta ba'i tshe tshe dang ldan pa 'dun pa bram ze de'i khyim du zhugs nas de'i spyod lam mdzes pa 'dod chags dang bral ba'i sa sbyong bar byed pa de bram ze des mthong nas smras pa/btsun pa 'dun pa byon pa legs so/ /gdan 'di la bzhugs shig /'dun pa don yod pas 'dug pa dang /gtam gyi skabs ma rnyed nas 'dun pas smras pa/ bram ze kho bos bsod snyoms kyi phye nyung shas zhig rnyed pa 'di 'tshag tu chug ste byin zhig /bram zes bu mo la bsgo ba bu mo 'phags pa'i bsod snyoms kyi phye tshogs te phul cig bu mo des btsags par brtsams pa dang /tshe dang ldan pa 'dun pas phye la brtag par brtsams so/ /bram zes smras pa/ 'phags pa ci rtog /smras pa/ srog chags rtog go/ /gal te mchis na ji ltar bgyi/ bza' bar mi bya'o/ /gal te gsol bar gyur na/nongs pa ci mchis/ bram ze bcom ldan 'das kyis srog gcod pa kun du bsten cing goms par byas lan mang du byas na lus zhig ste shi ba'i 'og tu ngan song dang ngan 'gro log bar ltung ba sems can dmyal ba rnams su skye bar 'gyur zhing / gal te 'di lta bu nyid du mi rnams dang skal ba mnyam par 'ongs na yang tshe thung ba dang nad mang bar 'gyur ro zhes gsungs so zhes bya ba la sogs pa mi dge ba bcu dang dge ba bcu'i las kyi lam dag rgyas par brjod pa dang /bram ze de mngon par dad par gyur nas rang nyid kyis bza' ba dang bca' ba gtsang zhing bsod pas snod bkang ste smras pa/'phags pa thugs brtse ba'i slad du 'di bzhes su gsol/ tshe dang ldan pa 'dun pas bsams pa/ gal te blangs par gyur na 'di lta ste/ dper na shing la sogs pa'i snod du bskol ba dang 'dra bar bdag gi dang po 'di nyid tha mar 'gyur ro snyam du rig nas smras pa/bram ze kho bos bsod snyoms kyi phye nyung shas cig rnyed pa 'di nyid yongs su longs spyad par bya'i/ dad pas sbyin par bya ba blangs te dor du ga la rung bas khyod kyi 'di mi len to/ /bram zes smras pa/ 'phags pa bdag cag bram ze rnams kyi kun du spyod pa ni gal te ngan pa rnyed nas bzang po rnyed par gyur na ngan pa spangs te/bzang po yongs su longs spyad par bgyi ba lags na de khyed cag la ci nongs/ smras pa bram ze kho bo cag ni bslab pa'i gzhi yang dag par blangs pa yin la/ khyed cag bram ze dag ni bslab pa'i gzhi yang dag par blangs pa ma yin pas khyod bram ze dag ni ci dgar 'jug par byed pa yin no/ /kho bo cag la ni bcom ldan 'das kyis 'phags pa'i rigs bzhi bka' stsal te/ bzhi gang zhe na/ chos gos gang yang rung bas chog shes pa dang /bsod snyoms gang yang rung bas chog shes pa dang / gnas mal gang yang rung bas chog shes pa dang / spong ba dang bsgom pa la dga' ba 'phags pa'i rigs so/ /de nas bram ze de shin tu mngon par dad par gyur nas smras pa/ 'phags pa 'di ni khyod kyi khab lags kyi dus dang dus su gshegs su gsol/smras pa bram ze khyod kyi sgo ba 'di ni gshin rje'i dbyug pa dang 'dra ba yin pas su yang 'jug tu mi ster gyi legs par sgos shig dang des na kho bo la 'gog par mi byed do/ /bram zes sgo ba bkug ste legs par bsgo ba/kwa ye nang rje khyim 'di 'phags pa 'dun pa'i yin gyi khyod kyis ma bkag cig /nang mi la yang bsgo ba khyed cag gis 'phags pa 'dun pa la mi gus par mi bya'o/ /tshe dang ldan pa 'dun pas bsams pa bram ze 'di ni mngon par dad par gyur na/ 'on kyang gal te 'dir lhung bzed nag po can dag zhugs par gyur na des 'di ci nas kyang 'khrug par byed par 'gyur bas thabs kyi rnam pa zhig bya'o snyam nas 'dun pas sgo ba de la smras pa/ kwa ye nang rje khyod kyis bram ze de ji ltar kho bo la dad par gyur pa mthong ngam/ 'phags pa mthong ngo / /des kho bo 'ba' zhig 'dir 'jug tu gnang gi /lhung bzed nag po can su yang 'jug tu ma gzhug shig /gal te 'dir lhung bzed nag po can 'ga' zhig 'jug tu bcug na kho bos khyod la khrims chen po 'char gzhug par bya'o/ / 'phags pa shin tu bag yangs su bzhud cig /khyod nyid kyang re zhig de'u ma chud pa lags na/ lhung bzed nag po can gzhan 'jug par 'gyur ba lta smos kyang ci 'tshal/ de nas tshe dang ldan pa 'dun pa yid bde ba skyes te song nas de dus dang dus su bram ze de'i khyim du 'gro bar byed do//bram zes kyang de kho na bzhin du yang dang yang du stobs par byed pa na tshe dang ldan pa 'dun pas dang du len par mi byed par sbyin pa dang ldan pa'i chos bstan pa 'ba' zhig byas shing 'gro bar byed do/ /ji tsam dus gzhan zhig na tshe dang ldan pa 'dun pas bram ze la rdzas las byung ba'i bsod nams bya ba'i gzhi bdun po dag gi bsngags pa brjod cing /de dag rgya cher legs par bshad pa dang / bram zes smras pa/ 'phags pa bdag gis kyang rdzas las byung ba'i bsod nams bya ba'i gzhi 'ba' zhig bgyi'o//bram ze de bzhin gyis shig /'phags pa ci zhig bgyi/ dge 'dun gyi gtsug lag khang byed du chug shig /bram zes bsams pa bdag gis 'phags pa 'dun pa la rnam pa du mar bstabs na/ 'dis lan 'ga' yang dang du ma blangs te/da dang du blangs pa gang yin pa 'di yang dge 'dun gyi phyir ro snyam nas de ngo mtshar skyes te smras pa/ 'phags pa bdag la kAr ShA pa Na dag ni mchis na 'on kyang sa gzhi ni rgyal po dbang bas gang du dge 'dun gyi gtsug lag khang bgyid du stsal ba'i dog sa ma mchis so//smras pa/ bram ze khyod snying las chung ngur gyis shig dang / kho bos rgyal po las sa gzhi bslang bar bya'o zhes tshe dang ldan pa 'dun pas ko sa la'i rgyal po gsal rgyal las thabs kyis sa gzhi bslangs te grub pa dang drug sde gzhan dag kyang sbran nas/bram ze las zong blangs te dge 'dun gyi gtsug lag khang brtsig par brtsams so/ /de nas phyogs gang du gtsug lag khang rtsig tu gzhug ces glengs pa dang / kau shA m+bI dang gdangs can gyi kun dga' ra ba'i bar na gnas kyi shing ljon pa zhig yod pa de'i drung na bram ze 'khor shin tu mang po dang ldan pa zhig bram ze de'i khye'u lnga brgya bram ze'i gsang tshig klog tu 'jug pa de'i bram ze'i khye'u lnga brgya po de dag drug sde dag bsod snyoms la 'jug pa dang 'byung ba na yang dang yang du kye drug sde dag ci bsod snyoms mchog dang bsod snyoms dang po thob bam/snod khengs sam zhes co 'dri bar byed pas de'i tshe drug sde dag 'di snyam du sems te/ gnas kyi shing ljon pa de'i drung na bram ze de'i slob ma bram ze'i khye'u de dag rtag tu bdag cag la de skad co 'dri bar byed kyi de dag mi dga' bar bya zhing gnas kyi shing ljon pa de gcod du bcug ste phyogs der gtsug lag khang rtsig tu bcug na des na phyin chad yang dang yang du bdag cag la de dag co 'dri bar mi byed do zhes de dag gis kyang bgros nas kAr ShA pa Na dag khyer te/gla mi mang po bkug nas de'i mtshan mo nam sros pa dang /gnas kyi shing ljon pa de bcad nas shing de thams cad kyang rtsa ba nas phyung / sa phyogs de yang ci nas kyang gnas kyi shing ljon pa de'i phyogs gang na 'dug 'dug par gyur ces bya ba sus kyang mi shes pa de ltar mnyam par byas so//drug sde dag gis phyogs der mig gis brtags te gtsug lag khang gis bcad nas deng ngo / /bram ze'i khye'u de dag gi kun du spyod pa ni nyin res kyis gnas kyi shing ljon pa de'i drung du chag chag 'debs par byed/ legs par sku bar byed/ ba lang gi lci ba gsar pa'i byug pas nyug par byed pas de'i phyi de nyin par bram ze'i khye'u zhig la res bab nas de nang par sngar langs te song ba dang / des gnas kyi shing ljon pa de ma mthong nas de mkhan po'i gan du song ste smras pa/mkhan po'i gnas kyi shing ljon pa de ma mchis so/ /bram zes smras pa/ kwa ye bram ze'i khye'u ci zhig log par ma song ngam/ ma dang sum kho nas shing ljon pa de gar song / bram ze'i khye'u gzhan zhig kyang de dang lhan cig gad mos 'debs shing des smras pa/mkhan po bram ze'i khye'u 'dis mdang sum 'bras khu'i rtsabs 'tshal bas des na ma mthong ngo zhes mchi'o/ /bram ze des bram ze'i khye'u ches sgrin pa gzhan zhig btang na des kyang de kho na bzhin du ma mthong nas de yang 'ongs te smras pa/mkhan po de de bzhin te gnas kyi shing ljon pa de ye ma mchis so/ /de nas thams cad 'dus te 'dong ba dang de dag gis de kho na bzhin du ma mthong nas/ bram ze'i khye'u dran pa dang ldan pa zhig yod pa na re phyogs 'di na ni mkhan po gsang tshig 'don par mdzad do//phyogs 'di na ni bdag sbyong sbyong na de ci nongs ji ltar gyur pa ma 'tshal to zhes zer ro/ /de dag de ltar sems khong du chud cing 'dug pa na mi zhig 'ongs nas des smras pa/ bram ze ci'i phyir de ltar 'khor dang bcas pa sems khong du chud cing 'khod/kye nang rje phyogs 'di na gnas kyi shing ljon pa zhig 'dug par gyur pa de mdang sum du gar song ma shes so/ /kye bram ze kho bos mdang sum nam sros tsam na phyogs 'di na drug sde dag mi sta re dang gzhor dang gle ba thogs pa dag dang lhan cig 'dug pa mthong na de dag gis bcad par ma gyur tam/bram zes smras pa/ kye nang rje 'on kyang de lags so zhes de dag de bzhin du sems khong du chud cing 'khod pa na drug sde dag lhags nas de dag gis smras pa/ bram ze dag ci'i phyir sems khong du chud cing 'khod/'phags pa dag phyogs 'di na gnas kyi shing ljon pa zhig mchis par gyur pa de mdang sum du gar mchis ma 'chal to/ /drug sde dag gis bgad par brtsams pa dang / bram zes smras pa/ 'phags pa dag khyed cag gis ma bkum mam/bkren pa dag khyed cag rtag tu de'i drung na 'khod cing kho bo cag la kye drug sde dag ji bsod snyoms mchog dang gsod snyoms dang po thob bam/ snod khengs sam zhes co 'dri bar byed pas de'i phyir 'di ltar khyed cag mi dga' bar bya'o/ /de dag shAkya'i bu'i dge sbyong rnams kyi dge slong gi tshul ni tshig go//bram ze'i tshul ni tshig ste/ de ltar gnas kyi shing ljon pa yang bcad par gyur to zhes smod par byed/ phyar ka gtong bar byed/ kha zer bar byed do/ /thos pa gcig nas gcig tu brgyud pa kau shAm+bI na gnas pa'i skye bo'i tshogs dang yul tha dad pa na gnas pa der lhags pa de dag gis kyang thos nas/de dag kyang lam po che dang lam srang dang bzhi mdo dang sum mdo dag na smod par byed/ phyar ka gtong bar byed/ kha zer bar byed cing / gang dag ma dad pa de dag gis bsod snyoms la zhugs pa dag la yang bsod snyoms sbyin par mi byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis bdag po yod pa dge 'dun gyi phyir gtsug lag khang chen po rtsig tu 'jug na gzhi blta ba'i phyir dge slong des dge slong dag bkri bar bya'o//khrid pa'i dge slong dag gis kyang gzhi rung ba dang rtsod pa med pa dang brtsam du rung bar blta bar bya'o/ /gal te dge slong gis gzhi mi rung ba dang / rtsod pa dang bcas pa'am/ brtsam du mi rung bar bdag po yod pa dge 'dun gyi phyir gtsug lag khang chen po rtsig tu 'jug gam/gzhi blta ba'i phyir dge slong dag kyang mi khrid dam/ dge slong khrid pa dag la gzhi mi ston na dge 'dun lhag ma'o zhes bca' ba mdzad de/ yul ni kau shAm+bI/ gang zag ni drug sde/ nyon mongs pa ni brnyas pa mi bzod pa/nyes pa ni gtsug lag khang rtsig pa'o/ /de la dge slong gis zhes bya ba ni drug sde'am gzhan yang chos 'di pas so/ /bdag po yod pa zhes bya ba ni gang la bdag po skyes pa'am bud med dam ma ning yod pa'o/ /dge 'dun gyi phyir zhes bya ba ni de bzhin gshegs pa'i nyan thos kyi dge 'dun gyi phyir ro//gtsug lag khang zhes bya ba ni gang du spyod lam bzhi po 'chag pa dang / 'greng ba dang 'dug pa dang nyal ba dag shong ba'o/ /chen po zhes bya ba ni chen po gnyis po sbyin par bya ba dang tshad kyis te/ de las 'dir ni sbyin par bya bas chen por dgongs pa yin gyi tshad kyis ni ma yin no//rtsig tu 'jug na zhes bya ba ni bdag nyid kyis sam gzhan gyis so/ /gzhi blta ba'i phyir dge slong des dge slong dag bkri bar bya'o zhes bya ba la/ gzhi blta ba'i phyir zhes bya ba ni sa gzhi rung ba dang rtsod pa med pa dang brtsam du rung ba nyid blta ba'i phyir ro//dge slong des zhes bya ba ni chos 'di pas so/ /dge slong dag bkri bar bya'o zhes bya ba ni de na dge slong gang dag yod pa dag yin gyi ji tsam gyis gzhi de mig gis bltas par gyur pa'i dge slong de tsam bkri bar bya ba ni ma yin no//gal te de na sbrul gyi gnas sam sdig pa'i gnas sam sril gyi gnas sam grog ma'i gnas yod pa yin na mi rung ba yin pa'i phyir bstan par mi bya'o/ /gal te rung ba yin na de'i 'og tu nye bar brtag par bya ste/ gal te rgyal po'i gzhi'am/mchod rten gyi gzhi'am/ khyim bdag gi gzhi'am mu stegs can gyi gzhi'am/ dge slong ma'i dbyar khang ngam shing ljon pa gcad par bya ba yod na rtsod pa dang bcas pa yin pa'i phyir bstan par mi bya'o/ /gal te gzhi rung ba dang rtsod pa med pa yin na de'i nye 'khor 'dam gang kho ra khor yug nye bar brtag par bya ste/gal te de na gzhi chu klung la brtan nam lam la brten nam khron pa la brtan nam ngam grog la brten pa yin na brtsam du mi rung ba'i phyir bstan par mi bya'o/ /gal te gzhi de rung ba dang rtsod pa med pa dang brtsam du rung ba rnam pa thams cad yongs su rdzogs pa yin na/dge slong des gtsug lag khang du song ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa la mchil lham gnyis phud de bla gos phrag pa gcig tu byas nas rgan rims bzhin du phyag byas te/rgan pa'i mtha' logs su tsog pur 'dug nas thal mo sbyar te 'di skad ces brjod par bya'o/ /dge 'dun btsun pa rnams gsan du gsol/ bdag dge slong lag gi bla ming 'di zhes bgyi bas gtsug lag khang gi gzhi rung ba rtsod pa ma mchis pa brtsam du rung ba zhig btsal te/bdag dge slong lag gi bla ming 'di zhes bgyi ba dge 'dun las gtsug lag khang gi gzhi rung ba rtsod pa ma mchis pa brtsam du rung ba bstan pa gsol na/ thugs brtse ba can dge 'dun btsun pa rnams kyis thugs brtse ba'i slad du bdag dge slong lag gi bla ming 'di zhes bgyi ba la gtsug lag khang gi gzhi rung ba rtsod pa ma mchis pa brtsam du rung ba bstan pa stsal du gsol/de bzhin lan gnyis lan gsum du bzlas/ de ni gtsug lag khang gi gzhi bstan pa gsol pa'o//de'i 'og tu dge slong de dag gis kyang dge slong de la dad pas sam yid ches pas 'gro bar mi bya bar 'di ltar dge 'dun thams cad der 'gro bar bya ba'am/ dge 'dun gyis bskos pa'i dge slong dag gtang bar bya'o/ /de dag gis gzhi de mig gis blta bar bya zhing gal te de na sbrul gyi gnas sam sdig pa'i gnas sam sril gyi gnas sam grog ma'i gnas yod pa yin na mi rung ba yin pa'i phyir bstan par mi bya'o//gal te gzhi rung ba yin na de'i 'og tu nye bar brtag par bya ste/ gal te rgyal po'i gzhi'am/ mchod rten gyi gzhi'am khyim bdag gi gzhi'am mu stegs can gyi gzhi'am dge slong ma'i dbyar khang ngam/ shing ljon pa gcad par bya ba yod na rtsod pa dang bcas pa yin pa'i phyir bstan par mi bya'o/ /gal te gzhi rung ba dang rtsod pa med pa yin na de'i nye 'khor 'dom gang kho ra khor yug tu nye bar brtag par bya ste/gal te de na gzhi chu klung la brten nam/ khron pa la brten nam/ lam la brten nam/ ngam grog la brten pa yin na brtsam du mi rung ba'i phyir bsten par mi bya'o/ /gal te gzhi rung ba dang rtsod pa med pa dang brtsam du rung ba rnam pa thams cad yongs su rdzogs pa yin na de'i tshe dge slong de dag gis rgan pa'i mtha' logs su gus pa dang bcas pas 'dug ste/'di skad ces brjod par bya'o/ /gnas brtan dag gzhi de rung ba dang rtsod pa ma mchis pa dang brtsam du rung ba lags kyi da de'i dus la bab par mkhyen par mdzod cig /de ni dus dang por bya ba'o/ /de'i 'og tu dge slong gcig gis gsol ba byas te las bya'o/ /'di ltar bya ste 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong lag gi bla ming 'di zhes bgyi ba 'dis gtsug lag khang gi gzhi rung ba rtsod pa ma mchis pa brtsam du rung ba zhig btsal te/dge slong lag gi bla ming 'di zhes bgyi ba 'di dge 'dun las gtsug lag khang gi gzhi rung ba rtsod pa ma mchis pa brtsam du rung ba bstan pa gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong lag gi bla ming 'di zhes bgyi ba la gtsug lag khang gi gzhi rung ba rtsod pa ma mchis pa brtsam du rung ba bstan pa gsol to/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong lag gi bla ming 'di zhes bgyi ba 'dis gtsug lag khang gi gzhi rung ba rtsod pa ma mchis pa brtsam du rung ba zhig btsal te/dge slong lag gi bla ming 'di zhes bgyi ba 'di dge 'dun las gtsug lag khang gi gzhi rung ba rtsod pa ma mchis pa brtsam du rung ba bstan pa gsol te/ de'i slad du dge 'dun gyis dge slong lag gi bla ming 'di zhes bgyi ba la gtsug lag khang gi gzhi rung ba rtsod pa ma mchis pa brtsam du rung ba bstan pa gsol na/tshe dang ldan pa gang dag dge slong lag gi bla ming 'di zhes bgyi ba la gtsug lag khang gi gzhi rung ba rtsod pa ma mchis pa brtsam du rung ba bstan pa stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong lag gi bla ming 'di zhes bgyi ba la gtsug lag khang gi gzhi rung ba rtsod pa ma mchis pa brtsam du rung ba bstan pa stsal lags te/ 'di ltar cang mi gsung bas de de bzhin du 'dzin to/ /dge 'dun gyis dge slong lag gi bla gang la gtsug lag khang gi gzhi rung ba rtsod pa med pa brtsam du rung ba bstan pa byin pa des gtsug lag khang rtsig tu gzhug par bya ste/ 'di la 'gyod par mi bya'o/ /khrid pa'i dge slong dag gis kyang zhes bya ba ni der dge slong gang dag khrid pa de dag gis kyang ngo //gzhi zhes bya ba ni gtsug lag khang gi dbang du byas pa'i gzhi gang yin pa'o/ /rung ba zhes bya ba ni sprul gyi gnas dang sdig pa'i gnas la sogs pa dang bral ba'o/ /rtsod pa med pa zhes bya ba ni 'thab mo dang mtshang 'dru ba la sogs pa dang bral ba'o//brtsam du rung ba zhes bya ba ni de'i nye 'khor 'dom gang kho ra khor yug na skyon med par ro/ /blta bar bya'o zhes bya ba ni so sor brtag par bya'o/ /gal te dge slong gis gzhi mi rung ba'am zhes bya ba ni sbrul dang sdig pa la sogs pa'i gnas kyi shas che ba'o//rtsod pa dang bcas pa'am zhes bya ba ni 'thab mo dang bcas pa dang mtshang 'dru ba dang bcas pa dang rtsod pa dang bcas pa dang 'gyed pa dang bcas pa'o/ /brtsam du mi rung bar zhes bya ba ni gang gi nye 'khor 'dom gang kho ra khor yug med par ro//bdag po yod pa dge 'dun gyi phyir gtsug lag khang chen po rtsig tu 'jug gam gzhi blta ba'i phyir dge slong dag kyang mi khrid dam dge slong khrid pa dag la gzhi mi ston na zhes bya ba ni ji skad smos pa de dag las 'das na'o/ /dge 'dun lhag ma'o zhes bya ba ni snga ma bzhin no//de la ltung ba ji ltar 'gyur zhe na/ 'dir yang dngos gzhi dang sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa la sogs pa gzhan thams cad ni khang pa'i skabs dang 'dra'o/ /bye brag tu na sa gzhi dang yo byad gzhan las btsal ba zhes bya ba'i yan lag nges pa med de/ btsal kyang rung ma btsal kyang rung ba dang / gcig gi don du zhes bya ba tshogs kyi don du zhes bya bar bsgyur te khyim pa yan chad rab tu byung ba dang ma byung ba yang rung ste/ gang zag bzhi yan chad kyi don dang tshad nges pa med do/ /des na 'di ltar 'gyur te/ dge slong gis sa gzhi dang yo byad gzhan las btsal kyang rung ma btsal kyang rung bas gzhi ma dag pa dang ma bstan par tshogs kyi don du gtsug lag khang tshad spyod lam bzhi shong ba yan chad nges pa med pa byed dam byed du bcug ste zin na mthar dge 'dun lhag mar 'gyur ro//'di la yan lag lngas dngos gzhi'i ltung bar 'gyur te/ sa gzhi dang yo byad gzhan las btsal kyang rung ma btsal kyang rung ba dang / gzhi ma dag pa dang ma bstan pa dang / tshogs kyi don dang zin pa'o/ /de dag las yan lag ma tshang na ci rigs par na smad do/ /dngos gzhi dang sbyor ba dang / sbyor ba'i sbyor ba dang / ltung ba med pa dang /bslab par bya ba dang / phyir bcos pa'i bye brag gzhan thams cad ni khang pa'i dge 'dun lhag ma'i skabs su bstan pa dang 'dra bar sbyar ro/ /gtsug lag khang gi dge 'dun lhag ma ste bdun pa bshad zin to// //so sor thar pa'i mdo rgya cher 'grel pa 'dul ba kun las btus pa bam po drug pa/gzhi med par skur pa 'debs pa'i dge 'dun lhag ma'i gleng gzhi ni sangs rgyas bcom ldan 'das rgyal po'i khab na 'od ma'i tshal ka lan da ka'i gnas na bzhugs so/ /grong khyer sdig byung na gyad kyi sna chen po la gtogs pa rgyal sde zhes bya ba phyug pa nor mang ba longs spyod che ba yongs su bzung ba yangs shing rgya che ba rnam thos kyi bu'i nor dang ldan pa rnam thos kyi bu la nor gyis 'gran pa/gyad rnams la cod pan med pa'i rgyal srid byed du 'jug pa zhig 'dug pa des rigs mnyam pa las chung ma blangs nas de de dang lhan cig rtse bar byed dga' bar byed dga' mgur spyod par byed pa na/sems can srid pa tha mal spyod pa tshol ba thar pa'i snying po bzung ba/ mya ngan las 'das pa la phyogs pa 'khor ba las phyir phyogs pa srid pa'i 'gro ba thams cad du 'chi 'pho ba dang skye ba don du mi gnyer ba/lus tha ma 'dzin pa zhig lha'i rigs bzang po nas shi 'phos te de'i skye dgu'i bdag mo'i mngal du zhugs so/ /de zla ba brgyad dam dgu 'das te btsas pa las khye'u gzugs bzang ba/ blta na sdug pa/ mdzes pa gsal ba/ gser gyi mdog 'dra ba/mgo bo gdugs lta bu dang ldan pa/ lag pa ring ba/ dpral ba'i dbyes che ba/ smin ma 'jar ba sna'i gzengs mtho ba zhig byung ngo / /de'i nye du ngag 'dus shing lhags nas nyi ma bdun gsum nyi shu rtsa gcig tu btsas pa'i btsas ston rgya cher byas nas/ khye'u'i ming cir gdags zhes ming 'dogs par byed do//khye'u de'i kun du spyod pa na ji srid du mal chen po nas ma phab pa de srid du bshang ba dang gci ba mi byed pa yin la/ yul dbus na kun du spyod pa ni gang mkhas pa spyod pa gsal ba de la nor bu lta bu zhes zer bas/ nye du de dag gis smras pa/shes ldan dag khye'u 'di gyad kyi sna chen po la gtogs pa rgyal sde'i bu yang yin la nor bu lta bu yang yin pas khye'u 'di'i ming gyad bu nor zhes bya'o zhes de'i ming gyad bu nor zhes bya bar btags so/ /de gang gi tshe chen por gyur pa de'i tshe yi ge dang grangs dang rtsis dang dbyung ba dang gzhug pa dang /gzhag pa la nye bar zhugs nas yi ge'i mthar phyin cing 'byed pa dang klog pa dang mkhas pa dang spyod pa gsal ba dang brtag pa la mkhas par gyur to/ /rgyal po rgyal rigs spyi bor dbang bskur ba ljongs kyi dbang phyug mthu dang brtson 'grus thob pas chen po'i dkyil 'khor mngon par rgyal bar byas te gnas pa rnams kyi bzo'i gnas dang /las kyi gnas tha dad par gyur pa gang dag yin pa de dag la yang zhugs shing byang bar gyur ro/ /de dus gzhan zhig na blon po'i bu ne'u ldangs gzhon nu lnga brgya dang ri dgas shor du song ba las ri dgas nyam thag pa rnams la snying rje skyes nas phyir log ste/dge ba gang yin zhes tshol bas nges par 'byung ba'i mngon par dga' ba btsal bar brtsams so/ /de'i tshe na grong khyer sdig byung na 'dro ba skyong gi bu rdzogs byed dang /gnag lhas kyi bu kun du rgyu dang smra 'dod kyi bu mo'i bu yang dag rgyal ba can dang / mi pham skra'i la ba can dang / ka t+ya'i bu nog can dang / gnyen gyi bu gcer bu zhes bya ba mu stegs can gyi ston pa drug po thams cad shes pa ma yin par thams cad mkhyen par mngon pa'i nga rgyal can dag nye bar sten cing gnas pa dag la gzhon nu gyad bu nor gyis chos kyi tshul dang slob ma la gdams pa dang /tshangs par spyod pa'i 'bras bu dang / phan yon gang yin zhes dris na/ de dag lam gol bar zhugs pa dang /lam ngan pa log par sgrub pa/ lam 'jigs pa dang bcas pa ji lta ba bzhin du mkhas pa rnams kyis spang bar bya ba yin par rig nas snod stong pa bzhin brdabs te bor nas rang gi gnas su song ngo / /de nas gyad bu nor steng gi khang bzangs kyi gzhir gtogs pa na 'di snyam du ma la 'jig rten gyi khams lha dang bcas pa/bdud dang bcas pa/ tshangs pa dang bcas pa dang / dge sbyong dang bram zer bcas pa'i skye dgu lha dang mir bcas pa'i nang na gang gis bdag 'khor ba dgon pa 'di nas rab tu thar par byed pa'i dge sbyong ngam bram ze sman dang gsang sngags dang rig sngags tshig gcig gam gnyis sam gsum mam bzhi'am de lta bu 'chang ba su yod snyam du bsams so//de'i skabs su sangs rgyas bcom ldan 'das la ni mi mkhyen pa dang mi gzigs pa dang ma rig pa dang rnam par mi mkhyen pa cung zad kyang mi mnga' bas sangs rgyas bcom ldan 'das thugs rje chen po dang ldan pa 'jig rten la phan par mdzad pa srung ba gcig pu pa/nyag gcig pa ba/ gnyis pa med pa/ gnyis su mi gsung ba/ zhi gnas dang lhag mthong gis bzhugs pa/ rig pa gsum gsal bar mdzad pa/bslab pa gsum la legs par bslabs pa/ dul ba'i gnas gsum gyi gzhi la mkhas pa/ chu bo bzhi las brgal ba/ rdzu 'phrul gyi rkang pa bzhis spyod pa'i gzhi la legs par gnas pa/ bsdu ba'i dngos po bzhi la yun ring po nas yongs su sbyong bar mdzad pa/mi 'jigs pa bzhis bsnyengs pa mi mnga' ba/ yan lag lnga spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas pa drug gis gnas pa/ byang chub kyi yan lag bdun gyi me tog gis phyug pa/lam gyi yan lag brgyad ston pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur snyan pas yang dag par rgyas pa/ brgya phrag bcur dbang sgyur ba las khyad par du 'phags pa rnams kyi chos nyid ni nyin lan gsum mtshan lan gsum sangs rgyas kyi spyan gyis 'jig rten la rnam par gzigs nas/gang ni nyams par gyur/ gang gi 'phel bar gyur/ gang ni gnod par gyur/ gang ni nyam nga bar gyur/ gang ni mi bde bar gyur/ gang ni gnod pa dang nyam nga ba dang mi bde bar gyur/ gang ni ngan song la gzhol/ gang ni ngan song la 'ba'/ gang ni ngan song gi lam nas bslang ste mtho ris dang thar pa dang / 'bras bu la gzhag par bya/ 'dod pa'i 'dam du bying ba gang gi lag nas ni drang bar bya/'phags pa'i nor gyi dbyig dang bral ba gang ni 'phags pa'i nor gyi dbang phyug la gzhag par bya/ gang ni sangs rgyas 'byung bas brgyan pa'i 'jig rten ni 'bras bu dang bcas par bya/ gang gis dge ba'i rtsa ba dag ma bskyed pa dag ni bskyed par bya/ dge ba'i rtsa ba dag bskyed pa gang ni yongs su smin par bya/yongs su smin pa gang ni rnam par grol bar bya zhes mkhyen pa dang gzigs pa 'jug go/ /de ltar bcom ldan 'das kyis sangs rgyas kyi spyan gyis 'jig rten la rnam par gzigs nas grong khyer sdig byung nas gyad bu nor de rgyud yongs su smin pa dang sngon gyi sangs rgyas rnams la bya ba lhag par byas pa yin te/de gdul ba'i dus ni 'bras bu yongs su smin pa mtshon gyis brtol ba la bsdad pa lta bu yin par gzigs nas/ bcom ldan 'das 'di snyam du dgongs te/ ci 'di re zhig ston pas gdul ba yin nam/'on te nyan thos kyis 'dul ba yin snyam du dgongs nas/ nyan thos kyis 'dul ba yin par gzigs so/ /sgo gang na 'jug par 'gyur/ ci rdzu 'phrul gyis 'dul ba yin nam/ 'on te spyod lam gyis 'dul ba yin snyam du dgongs na/ spyod lam gyis 'dul ba yin par gzigs so//bcom ldan 'das la ni gang la spyod lam gyis 'dul ba de la tshe dang ldan pa rta thul gtong bar mdzad de/ 'di ltar de'i spyod lam gyis ni lta dang mi'i yid sdud par byed pa yin pa'i phyir ro/ /de nas bcom ldan 'das kyis tshe dang ldan pa rta thul la bka' stsal pa/rta thul khyod kyis grong khyer sdig byung na gyad bu nor 'dug pa la soms shig /de nas tshe dang ldan pa rta thul bcom ldan 'das kyi bka' la lhag par bya ba byed pa yin pas de nyid kyi mtshan mo 'das nas snga dro sham thabs bgos lhung bzed dang chos gos thogs te rgyal po'i khab tu bsod snyoms la zhugs so//de bsod snyoms la rgyu zhing mthar gyis grong khyer sdig byung du phyin nas pad ma'i tshal gseb na 'dug cing yang 'gro ba dang ldog pa dang cung zad blta ba dang rnam par blta ba dang bskum pa dang brkyang ba dang /snam sbyar dang chos gos dang lhung bzed thogs pa mdzes pas grong khyer sdig byung du bsod snyoms la zhugs so/ /de'i tshe na gyad bu nor steng gi khang bzangs kyi gzhir gtogs pa na dge ba gang yin tshol bas grong khyer la blta zhing 'dug pas tshe dang ldan pa rta thul spyod lam mdzes pas bsod snyoms la rgyu ba thag ring po nas mthong ngo //mthong nas kyang de 'di snyam du sems te/ grong khyer sdig byung 'dir rab tu byung ba ji snyed cig lhags shing 'dus nas gnas pa dag las 'di lta ste/ rab tu byung ba 'di'i spyod lam 'di lta bu ni bdag gis sngon chad 'ga' yang ma mthong ngo snyam nas 'di snyam du sems te/rab tu byung ba dag la ni gang dag grong du spyod lam 'chos la dgon par ci dgar spyod pa dag kyang yod pas bdag gis dgon par 'di'i spyod lam brtag par bya'o snyam nas mi zhig la smras pa/kwa'i nang rje tshur shog rab tu byung ba 'di'i phyi bzhin phyi bzhin rjes su song la/ 'di'i ji ltar grong du spyod lam zhi ba ltar dgon par yang de bzhin nam/ 'on te ma yin pa rtogs shig /mi des de bzhin brtags na tshe dang ldan pa rta thul grong khyer sdig byung du bsod snyoms brgyus nas pad+ma'i tshal gseb ga la ba der song ste phyin pa dang lhung bzed dang chu tshags mtha' gcig tu bzhag nas snam sbyar sprugs te/rkang pa gnyis bkrus nas lag pa gnyis bsnyal te/ chu btsags nas lo ma lhags pa dag blangs te 'dug nas zas kyi bya ba byas te/lo ma lhags pa dag bor nas lag pa gnyis bsnyal te lhung bzed dang chu tshags mtha' gcig tu bzhag nas rkang pa gnyis bkrus te shing ljon pa zhig gi drung du bsten nas brang 'gro'i rgyal po nyal ba'i lus bskyil ba ltar skyil mo krung bcas te spyod lam zhi bas 'dug go//de nas mi de tshe dang ldan pa rta thul gyi spyod lam zhi ba lha dang mi'i sems sdud par byed pas yid sdud pas gyad bu nor ga la ba der song ste de skad bzlas pa dang / gyad bu nor tshe dang ldan pa rta thul gyi spyod lam 'byor pa phun sum tshogs pa thos pas yid bsdus nas gus par sgrim pa dang bcas pas bzhon pa stod du bcug ste grong khyer sdig byung nas pad ma'i tshal gseb tu song nas/shing rta kha bsgyur te bzhon pa'i sa ji srid pa de srid du bzhon pas song nas bzhon pa las babs te rkang pas pad+ma'i tshal gseb tu zhugs pa dang / tshe dang ldan pa rta thul dbang po shin tu mnyam par gzhag cing spyod lam zhi bas 'dug pa mthong ngo //mthong nas kyang de 'di snyam du sems te/ 'di ltar bdag gis rab tu byung ba 'di ting nge 'dzin las bslang ba ni bdag gi tshul dang mthun pa ma yin gyi/ gang gi tshe 'di ting nge 'dzin las langs par gyur pa de'i tshe de'i drung du 'gro bar bya'o snyam du rig nas mtha' gcig tu bsdad do//de nas tshe dang ldan pa rta thul phyi 'phred nang du yang dag 'jog las langs pa dang / gyad bu nor tshe dang ldan pa rta thul ga la ba der song ste phyin nas rkang pa gnyis la phyag 'tshal te/mngon du yang dag par dga' bar 'gyur ba dang yang dag par mgu bar 'gyur ba'i gtam sna tshogs byas te/ 'di skad ces smras so/ /shes ldan khyod ston pa lags sam/ 'on te nyan thos lags/ bzhin bzangs kho bo ni nyan thos ston pa'i lam gyi rjes su zhugs pa yin no//shes ldan ston pa dang nyan thos la khyad par ci mchis/ bzhin bzangs khyad par shin tu che ste/ 'di lta ste dper na ri'i rgyal po ri rab dang / yungs kar lta bu dang / rgya mtsho chen po dang / ba lang gi rjes lta bu dang / nyi ma dang srin bu me khyer lta bu dang nam mkha' dang pad+ma'i rtsa ba'i bu ga lta bu'o//de nas gyad bu nor 'di snyam du sems te/ ji ltar rab tu byung ba 'di ston pa la stod par byed cing bdag nyid la smod par byed pa lags na sangs rgyas ni dam pa ma yin par mi 'gyur la/ chos bstan pa yang dam pa ma yin par mi 'gyur ro snyam du rig nas tshe dang ldan pa rta thul la 'di skad ces smras so//'phags pa bdag legs par gsungs pa'i chos 'dul ba la rab tu byung ba dang bsnyen par rdzogs pa dge slong gi dngos po gnang na bdag 'phags pa'i drung du tshangs par spyod pa spyad par bgyi'o/ / bzhin bzangs khyod pha mas gnang bar byos shig /de nas gyad bu nor gyis pha ma la gsol te/ gnang nas tshe dang ldan pa rta thul gyi drung du rab tu byung ba bsnyen par rdzogs te/ nyin mo klag pa dang kha ton byas pas sde snod gsum po dag lhogs par gyur to/ /mtshan mo bsam gtan byas pas gong nas gong du yid la byed pa'i khyad par thob nas/'khor ba'i 'khor lo cha lnga pa g.yo ba dang / mi g.yo ba nyid la 'du byed kyi rnam pa thams cad nyams pa dang / ltung ba dang rnam par 'thor ba dang / rnam par 'jig pa'i chos nyid kyis zil gyis mnan nas nyon mongs pa thams cad spangs par rigs kyi bu dag gang gi phyir skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu byung bar byed pa tshangs par spyod pa'i mtha' bla na med pa de'i tshe de nyid la rang gis mngon par shes pas mngon sum du byas te bsgrubs nas bdag gi skye ba ni zad/tshangs par spyod pa ni bsten/ bya ba ni byas/ srid pa 'di las gzhan ni mi shes so zhes go bar byed cing / dgra bcom pa khams gsum las 'dod chags dang bral ba/ bong ba dang gser du mnyam pa/ nam mkha' dang lag mthil du mtshungs pa'i sems dang ldan pa tsan dan zhag lon par gzhag pa lta bu rig pa'i sgo nga'i sbubs dral bar gyur cing /rig pa dang mngon par shes pa dang / so so yang dag par rig pa thob pa/ srid pa dang 'dod pa'i rnyed pa dang bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod par bya ba dang /rjed par bya ba dang / mngon du smra bar bya bar gyur to/ /de nas tshe dang ldan pa gyad bu nor nyan thos kyi 'dus pa chen po tshe dang ldan pa rta thul gyi gan du lhags te/ bcom ldan 'das kyi spyan sngar 'dong ba dang 'grogs te bcom ldan 'das kyi spyan sngar song ngo //de'i tshe na bcom ldan 'das dge slong gi 'khor brgya phrag du ma'i gung la bzhugs shing chos ston pas tshe dang ldan pa gyad bu nor thag ring po nas gzigs nas bka' stsal pa/ gyad bu nor tshur shog 'ongs pa legs so/ / khyod dus su phyin to/ /gyad bu nor rang gi stan ji lta ba la 'dug shig /de nas tshe dang ldan pa gyad bu nor bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /de'i tshe na rgyal po'i khab na dge slong dag gnas mal mi mthun par 'bogs nas dge slong dag phan tshun sems bsrungs pas dge ba'i phyogs dag mi byed cing de dag dge ba'i phyogs rnams kyis mi 'phel te/dper na chu med pa nas ut+pa la bzhin no/ /bcom ldan 'das kyis dgongs pa gyad bu nor 'dis/ sngon gyi sangs rgyas rnams dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od srungs kyi spyan sngar kye ma bdag skye dgu'i tshe lo brgya pa na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i bstan pa la rab tu byung nas gnas mal 'bogs pa rnams kyi nang na mchog tu gyur cig ces smon lam btab pas 'di dge slong rnams kyi gnas mal 'bogs par bskor gzhug go snyam du dgongs nas dge slong rnams la bka' stsal pa/dge slong dag khyed kyis dge slong gyad bu nor ram gzhan yang de lta bu chos lnga dang ldan pa spro bar byas te/gsol ba dang gnyis kyi las kyis dge 'dun gyi gnas mal 'bogs par bsko bar bya'o/ /de nas dge slong rnams kyis tshe dang ldan pa gyad bu nor spro bar byas te/ gsol ba dang gnyis kyi las kyis gnas mal 'bogs par bskos so//gang gi tshe tshe dang ldan pa gyad bu nor gnas mal 'bogs par bskos pa de'i tshe na des gnas mal mthun par phog pas dge slong rnams dge ba'i chos rnams kyis 'phel te/ dper na chu nas ut+pa la bzhin no/ /gang gi tshe bcom ldan 'das kyi bstan pa rgyas par gyur pa de'i tshe tshe dang ldan pa bram ze dang khyim bdag dad pa can rnams kyi khyim dag tu dge 'dun gyi zas dag bshams pa na drug sde dag gang na zas bsod pa der dong ste/kha brngam dang mi rigs pa byed nas bram ze dang khyim bdag gis spyos shing spobs pa med par byas te btang ba'i skabs de dge slong dag gis bcom ldan 'das la gsol pa dang /bcom ldan 'das kyis bka' stsal pa/ dge slong dag khyed kyis gyad bu nor ram gzhan yang de lta bu chos lnga dang ldan pa spro bar byas te/ gsol ba dang gnyis kyi las kyis zas la bsko ba bsko bar bya'o//de nas dge slong rnams kyis tshe dang ldan pa gyad bu nor spro bar byas te/ gsol ba dang gnyis kyi las kyis zas la bsko bar yang bskos so/ /gang gi tshe tshe dang ldan pa gyad bu nor zas la bsko ba bskos pa de'i tshe na des dge 'dun la zas rnam pa gsum bshams te/bsod pa dang 'bring dang ngan pa dag go/ /dge slong gang dag glo bur du lhags pa de dag la ni nyi ma dang po la ni zas bsod pa dag tu sko bar byed/ nyi ma gnyis pa la ni zas 'bring dag tu sko bar byed/ nyi ma gsum pa la ni zas ngan par sko bar byed do/ /nyi ma bzhi pa la ni de dag rang gi spyod yul shes pas ci dgar bsod snyoms la 'jug par byed do//de'i tshe na tshe dang ldan pa gyad bu nor rgyal po'i khab na gnas pa dang gnyug mar gnas pa dang / gsol ba byed pa dang / gtams pa 'dzin pa dang / gnas mal 'bogs pa dang /zas la sko bar byed pas de dge 'dun la lugs ji lta ba bzhin dang / rgan rims ji lta ba bzhin dang / go rims ji lta ba bzhin dang / thod rgal med par zas la sko bar byed do/ /tshe dang ldan pa gyad bu nor dang / dge slong mdza' bo dang sa las skyes gnyis tshe rabs tshe rabs nas rjes su 'brel pa'i khon yod pas de gnyis lho'i ri bo dag tu ljongs rgyu zhing 'dong ba na rgyal po'i khab tu phyin nas de gnyis kyis dge slong zhig la dris pa/tshe dang ldan pa dge 'dun gyi gnas mal 'bogs par bskos pa su yin/ des smras pa/ tshe dang ldan pa gyad bu nor ro//de nas de gnyis tshe dang ldan pa gyad bu nor gyi gan du song ste smras pa/ kho bo cag gnyis kyi gnas mal phog shig /de'i tshe na mal cha bzang po gang dag yin pa de dag ni gnas brtan gnas brtan rnams la phog zin pas lhag ma ngan pa dag lus so/ /gtsug lag khang yang nye 'khor gyi gang dag yin pa de dag ni gnas brtan gnas brtan rnams kyir bskos zin pas mtha'i gtsug lag khang dag 'ba' zhig lus nas tshe dang ldan pa gyad bu nor gyis de gnyis la mal cha ngan pa dag phog cing gtsug lag khang yang mtha' dag tu bskos so//de gnyis kyis smras pa/ dge 'dun gyis zas la bsko ba su yin/ tshe dang ldan pa gyad bu nor gyis smras pa/ bdag ste gyad bu nor ro/ /kho bo cag gnyis kyi zas skos shig /tshe dang ldan pa gyad bu nor gyis nyi ma dang po la de nyid zas bsod pa dag tu bskos pa dang /bram ze dang khyim bdag dad pa can dag gis dris pa/ sang bdag cag gi 'dir mgron du su 'ong bar 'gyur/ gzhan dag gis smras pa/ mdza' bo dang sa las skyes gnyis so/ /de dag gis bsams pa/ de gnyis ni gnas ngan len kun tu spyod pa yin pas su zhig de gnyis kyi phyir gus par byed par 'gyur te/ci yang rung ba zos shing 'gro bar gyur cig snyam nas de dag gis de gnyis la gus par ma byas par zas ngan pa byin no/ /tshe dang ldan pa gyad bu nor gyis nyi ma gnyis pa la de gnyis zas 'bring dag tu bskos pa dang / de bzhin du bram ze dang khyim bdag dad pa can dag gis dris pa/sang bdag cag gi 'dir mgron du su 'ong bar 'gyur/ gzhan dag gis smras pa/ mdza' bo dang sa las skyes gnyis so/ /de dag gis bsams pa/ de gnyis ni gnas ngan len kun du spyod pa yin pas su zhig de gnyis kyi phyir gus par byed par 'gyur te/ci yang rung ba zos shing 'gro bar gyur cig snyam nas de dag gis de gnyis la gus par ma byas par zas ngan pa byin no/ /tshe dang ldan pa gyad bu nor gyis nyi ma gsum pa la ni de gnyis rang bzhin gyis zas ngan pa dag tu bskos so//de nas mdza' bo dang sa las skyes gnyis 'di snyam du sems te/ kye ma'o sdug bsngal lo/ /kye ma'o mi bzod do/ /tshe dang ldan pa gyad bu nor gyis bsams bzhin du bdag cag gnyis la gnas mal ngan pa phog cing gang dag zos na rdzud par 'gyur zhing shin tu yid du mi 'ong ba'i zas ngan pa dag gis lan gsum gyi bar du mtho btsams gyis 'di la gnod pa ji lta bu zhig bya snyam mo//de'i tshe dge slong mdza' bo dang sa las skyes gnyis kyi sring mo dge slong ma mdza' mo zhes bya ba rgyal po'i khab na dge slong ma'i dbyar khang rgyal po'i kun dga' ra ba na 'dug pa de de gnyis la phyag 'tshal du song ba dang /de gnyis kyis sring mo de thabs kyis bsdigs nas/ khyod bcom ldan 'das kyi spyan sngar song la/ tshe dang ldan pa gyad bu nor gyis bdag dang lhan cig mi tshangs par spyad de pham par gyur pa de ni mi mdzes shing tshul ma lags so zhes gsol cig ces/gzhi med par skur pa 'debs su bcug go/ /de nas dge slong mdza' bo dang sa las skyes gnyis bcom ldan 'das kyi spyan sngar song nas ring po ma lon par dge slong ma mdza' mo bcom ldan 'das kyi spyan sngar song ste/ gsol pa/ btsun pa 'dir 'di ltar 'phags pa gyad bu nor bdag dang lhan cig mi tshangs par spyad de pham par gyur pa de ni mi mdzes shing tshul ma lags so/ /dge slong mdza' bo dang sa las skyes gnyis kyis kyang 'di skad ces gsol to/ /bcom ldan 'das de de bzhin no/ / bde bar gshegs pa de de bzhin te/ bdag cag gnyis kyi sring mos ji skad gsol pa de kho na bzhin du bdag cag gnyis kyis kyang 'tshal to/ /de nas bcom ldan 'das kyis tshe dang ldan pa gyad bu nor la bka' stsal pa/ gyad bu nor khyod kyis thos sam/ bcom ldan 'das bdag gis thos so//gyad bu nor de la khyod ji snyam du sems/ bcom ldan 'das mi dran no/ /de nas bcom ldan 'das kyis dge slong rnams la bka' stsal pa/ dge slong dag khyed kyis dge slong gyad bu nor ni dran pa dang ldan par zung shig /dge slong ma mdza' mo ni rang gis khas blangs pas bsnyil bar bya'o//dge slong mdza' bo dang sa las skyes gnyis la ni ci zhig mthong / ji ltar mthong / gang du mthong / khyed gnyis don ci la der son pas der mthong zhes legs par rab tu gleng bar gyis shig /brtag par gyis shig ces bka' stsal nas/bcom ldan 'das gdan las bzhengs te/ nang du yang dag 'jog gi slad du gtsug lag khang du gshegs so/ /de nas dge slong rab tu mang po dag gis bcom ldan 'das nang du yang 'jog la zhugs nas ring po ma lon par rig nas tshe dang ldan pa gyad bu nor ni dran pa dang ldan par bzung /dge slong ma mdza' mo ni rang gis khas blangs pas bsnyil/ dge slong mdza' bo dang sa las skyes gnyis la ni ji zhig mthong / ji ltar mthong / gang du mthong / khyed gnyis don de ci la son pas der mthong zhes legs par rab tu glengs shing brtags pa dang /de gnyis kyis smras pa tshe dang ldan pa dag tshe dang ldan pa gyad bu nor la mi tshangs par spyod pa'i pham par 'gyur ba ma byung ste/ 'di ltar tshe dang ldan pa gyad bu nor gyis bdag cag gnyis la bsams bzhin du gnas mal ngan pa phog cing / gang dag zos na rjud par 'gyur zhing shin tu yid du mi 'ong ba'i zas ngan pa dag gis lan gsum gyi bar du mtho btsams pas bdag cag gnyis kyis tshe dang ldan pa gyad bu nor la 'dun pa dang zhe sdang dang gti mug dang 'jigs pas smras par zad kyi/ tshe dang ldan pa gyad bu nor dge slong ma mdza' mo dang lhan cig mi tshangs par spyad de pham par gyur pa ma lags te/'di ltar tshe dang ldan pa gyad bu nor ni dge slong dag la ltung ba med pa yin no/ /de nas bcom ldan 'das phyi 'phred nang du yang dag 'jog las bzhengs nas dge slong gi dge 'dun gyi gung la gdan bshams pa nyid la bzhugs pa dang /dge slong rab tu mang po dag gis skabs de bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang / skabs 'di la dge slong gi dge 'dun bsdu ba mdzad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang khros shing zhe sdang bar gyur nas ji nas kyang 'di tshangs par spyod pa dang dbral lo snyam nas dge slong dag la ltung ba med pa la gzhi med par pham par 'gyur ba'i chos kyis skur pa las/de dus gzhan zhig na dris kyang rung ma dris kyang rung rtsod pa de yang gzhi med pa yin la/ dge slong yang zhe sdang la gnas pas zhe sdang gis smras so zhe na dge 'dun lhag ma'o zhes bca' ba mdzad de/ yul ni rgyal po'i khab/gang zag ni mdza' bo dang sa las skyes gnyis/ nyon mongs pa ni mi bzod pa/ nyes pa ni gzhi med par skur pa 'debs pa'o/ /de la yang dge slong gang zhes bya ba ni dge slong mdza' bo dang sa las skyes sam/ gzhan yang de lta bu gang yin pa'o/ /khros shing zhes bya ba ni 'khrugs shing ngo //zhe sdang bar gyur nas zhes bya ba ni yid mi dga' bar gyur nas te/ 'khrugs pa ma bsal bar ro/ /ci nas kyang 'di tshangs par spyod pa dang dbral lo snyam nas zhes bya ba ni ci nas kyang 'di dge slong gi tshul dang dbral lo snyam nas so/ /dge slong dag pa zhes bya ba ni gyad bu nor ram gzhan yang de lta bu gang yin pa'o//ltung ba med pa la zhes bya ba ni gzhi de'i ltung ba med pa la'o/ /gzhi med par zhes bya ba ni gzhi gsum po mthong ba'i gzhi dang thos pa'i gzhi dang / dogs pa'i gzhi med par ro/ /pham par 'gyur ba'i chos kyis zhes bya ba ni chos bzhi po gang yang rung ba ste/de ni chos ma yin pa chos kyi sgrar gsungs pa yin no/ /skur pa las zhes bya ba ni skur pa btab pa las so/ /de dus gzhan zhig na zhes bya ba ni de dus gzhan na'o/ /dris kyang rung zhes bya ba ni gzhan dag gis so/ / ma dris kyang rung zhes bya ba ni de rang nyid 'gyod pa dang cung zad 'gyod pa dang / rnam par 'gyod pa dang / rab tu 'gyod par gyur nas so/ /rtsod pa de yang zhes bya ba ni/ rtsod pa bzhi po 'gyed pa'i phyir rtsod pa dang / mi gdams pa'i phyir rtsod pa dang / ltung ba'i phyir rtsod pa dang /bya ba'i phyir rtsod pa'o/ /gzhi med pa yin la zhes bya ba ni gzhi gsum po de dag med pa la'o/ /dge slong yang zhe sdang la gnas pas zhes bya ba ni skur pa 'debs par 'dod pas so/ /zhe sdang gis smras so zhe na zhes bya ba ni skur pa btab par gyur to zhes zer na'o/ /dge 'dun lhag ma'o zhes bya ba ni snga ma bzhin no//de la ltung ba ji ltar 'gyur zhe na/ 'dir yang dngos gzhi dang sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni/nyams par 'dun pas mthong ba dang thos pa dang dogs pa'i gzhi med par brdzun du smras pas dge slong dang / dge slong ma ma nyams pa dang / nyams pa la pham par 'gyur ba'i chos kyis skur pa mi'i 'gro ba gang yang rung ba la thabs gang yang rung bas go bar byas na dge 'dun lhag mar 'gyur ro//de'i bye brag tu ltung ba 'byin par byed pas pha rol po nyams par bya ba bskyed par bya ba'i bsam pas mthong ba dang / thos pa dang / dogs pa'i gzhi gang yang med par brdzun gyi tshig gis dge slong yang rung dge slong ma yang rung /pham par 'gyur ba byung yang rung / ma byung yang rung ba la pham par 'gyur ba'i chos bzhi'am brgyad gang yang rung bas skur pa de nyid dang mi'i 'gro ba pa khyim pa'am/ rab tu byung ba skyes pa dang bud med dang ma ning la sogs pa gang yang rung ba la mngon sum mam/brgyud pa la sogs pa'i thabs gang yang rung bas brda sprod cing go bar byas na dngos gzhir 'gyur ro/ /nyams par 'dun pa'i bsam pas tshangs par spyod pa dang dbral bar 'dod pa gang yang rung ba la na smad pa med do/ /mthong ba dang thos pa dang dogs pa'i gzhi gsum med pa dang brjed pa gang yang rung ba la na smad pa med do//'du shes dang bzod pa dang 'dod pa dang blo gros dang rtog pa dang lta ba bsgyur ba'i brdzun gyi tshig gang yang rung ba lan smad pa med do/ /dge slong dang dge slong ma bsnyen par rdzogs pa dang bcas pa gang yang rung ba la na smad pa med do//de gnyis pham par 'gyur ba'i chos kyis nyams pa dang ma nyams pa gang yang rung ba lan smad pa med do/ /pham par 'gyur ba'i chos thun mong gang yang rung ba la na smad pa med do/ /nyan pa po de nyid dang mi'i 'gro ba pa khyim pa'am rab tu byung ba skyes pa dang bud med dang ma ning la sogs pa gang yang rung ba la na smad pa med do//brda sprad pa'i thabs mngon sum mam brgyud pa'am phrin dang spring yig dang brda la sogs pas go bar byed pa gang yang rung ba la na smad pa med do/ /gang zag ma nyams pa dag la gzhi bcus ltung bar 'gyur te/ma mthong ba dang / ma thos pa dang / mi dogs par 'du shes bsgyur te mthong ngo zhe'am/ thos so zhe'am/ dogs so zhes zer ba gsum dang / thos pa la brjed pa dang dogs pa la brjed pa las 'du shes bsgyur te thos te ma brjed do zhe'am/ dogs te ma brjed do zhes zer ba gnyis dang /thos pa la yid ches nas mthong ngo zhe'am/ thos pa la yid ma ches par mthong ngo zhe'am/ thos pa la dogs nas mthong ngo zhe'am/ thos pa la mi dogs par mthong ngo zhe'am/ dogs pa la dogs nas mthong ngo zhes zer ba lnga ste/ de ltar gzhi bcu po dag gang brjod kyang na smad pa med do//gang zag dag pa ma dag pa ltar bcos pa la yang gzhi de bcus ltung bar 'gyur ro/ /gang zag nyams pa ma dag pa la ni gzhi bcu gcig gis ltung bar 'gyur te/ ma mthong ba dang / ma thos pa dang / mi dogs par 'du shes bsgyur te mthong ngo zhe'am/thos so zhe'am/ dogs so zhes zer ba gsum dang / mthong la thos la brjed pa dang / dogs la brjed pa dang / 'du shes bsgyur te/ mthong ste ma brjed do zhe'am/ thos te ma brjed do zhe'am/ dogs te ma brjed do zhes zer ba gsum dang thos pa la yid ches nas mthong ngo zhe'am/thos pa la yid ma ches par mthong ngo zhe'am/ thos pa la dogs nas mthong ngo zhe'am/ dogs pa la mi dogs par mthong ngo zhe'am/ dogs pa la dogs pa na mthong ngo zhes zer ba lnga ste/ de ltar gzhi bcu gcig po dag gang brjod kyang na smad pa med do//gang zag ma dag pa dag pa ltar bcos pa la yang gzhi bcu gcig po de dag gis ltung bar 'gyur ro/ /mtshan dang lta ba las rang gi phyogs ma yin pa la na smad pa med do/ /yid gnyis ni 'du shes dang 'dra bas yid gnyis dang bcas pas skur pa la na smad pa med do//gzhi gsum po dag ni tha dad pas de dag nang bsnor ba la na smad pa med do/ /brjed pa ni med pa dang 'dra bas brjed pas skur pa la na smad pa med do/ /don gyi de nyid ni mi brdzun par smra ba nyid kyi rgyu ma yin pas de nyid nyams pa yin yang gzhi med par 'du shes bsgyur na de nyams pa la na smad pa med do//dge slong 'gro ba gzhan gyi rnam pa bsten pa na dge slong gi 'du shes yod pa lan smad pa med do/ /dngos po bzang ngan dang 'dra ba la na smad pa med do/ /mtshan gyur pa ltung ba thun mong gi yul la na smad pa med do/ /'gro ba gzhan las skyes pa dang 'gro ba gzhan gyi rnam pa bsten pa la na smad pa med do//gnas skabs gzhan thob pa la na smad pa med do/ /gzhi gcig la bslab pa du ma bcas pa nyid la na smad pa med do/ /dngos po la the tshom za bas bsam pa dang bcas par zhugs pa la na smad pa med do/ /yul bsams pa dang ma bsams pa la na smad pa med do//rang dang gzhan gyi don du byed pa la na smad pa med do/ /'di'i byed pa po ni nyams par 'dun pas gzhi med par dge slong la pham par 'gyur ba'i chos kyis skur pa 'debs pa'o/ /'di la yan lag lngas dngos gzhi'i ltung bar 'gyur te/nyams par 'dun pa dang / gzhi med par skur pa dang / bsnyen par rdzogs pa dang / pham par 'gyur ba'i chos dang don go ba'o/ /de dag las yan lag ma tshang na ci rigs par na smad do/ /sbyor ba'i ltung ba ni gzhi med par skur pa 'debs par sbyor ba brtsams nas dngos gzhi la ma thug gi bar du nyes pa sbom por 'gyur ro//mi bsten pas skur pa 'debs na nyes pa sbom po'o/ /des na dge slong la pho'i dbang po med pa ma ning pho lta bu dang / dge slong ma la mo'i dbang po med pa mi nang mo lta bus skur pa 'debs na nyes pa sbom po'o//nyams par bya ba'i ming ma smos par skur pa 'debs na nyes pa sbom po'o/ /dge slong 'gro ba gzhan gyi rnam pa bsten pa na dge slong gi 'du shes med pa la nyes pa sbom po'o/ /mi ma yin pa'i 'gro ba la go bar byas na nyes pa sbom po'o/ /sbyor ba'i sbyor ba'i ltung ba ni gzhi med par skur pa 'debs pa brtsams nas ji srid du sbyor ba la ma thug gi bar du nyes byas so//khros par gyur pa dang / rgod bag dang / byung rgyal gyis skur pa 'debs na nyes byas so/ /dud 'gro'i 'gro ba pa la go bar byas na nyes byas so/ /bsnyen par ma rdzogs pa la skur pa btab na nyes byas so//de bzhin gshegs pa la ngan sems kyis khrag phyung ba dang dge 'dun gyi dbyen byas pas skur na nyes byas so/ /gzhi gsum po dag med par bdag gis bsams te smras so zhes bya ba la sogs pas gzhogs smos byed na nyes byas so/ / dge 'dun lhag mas skur na ltung byed do/ /ltung ba gzhan gyis skur na nyes byas so/ /nyes byas kyis skur na nyes byas phra mor 'gyur ro/ /sbyor ba'i ltung ba la sbyor ba tha dad pa ji snyed byas pa re re la nyes byas re rer 'gyur ro/ /ltung ba med pa ni gang zag ma nyams pa dag pa la gzhi lngas ltung bar mi 'gyur te/ma mthong ba dang / ma thos pa dang / mi dogs pa la 'du shes ma bsgyur bar ma mthong ngo zhe'am/ ma thos so zhe'am/ mi dogs so zhes zer ba gsum dang / thos pa la brjed pa dang / dogs la brjed pa las 'du shes ma bsgyur bar thos te brjed do zhe'am/dogs te brjed do zhes zer ba gnyis te/ de ltar gzhi lnga po dag gang brjod kyang ltung ba med do/ /gang zag dag pa la dag pa ltar bcos pa la yang gzhi de lnga la ltung ba med do/ /gang zag nyams pa ma dag pa la ni gzhi drug gis ltung bar mi 'gyur te/ mthong ba dang thos pa dang / dogs pa la 'du shes ma bsgyur bar mthong ngo zhe'am/ thos so zhe'am/ dogs so zhes zer ba gsum dang / mthong ba la ma brjed pa dang / thos pa la ma brjed pa dang / dogs pa la ma brjed pa la 'du shes ma bsgyur bar mthong ste ma brjed do zhe'am/ thos te ma brjed do zhe'am/ dogs te ma brjed do zhes zer ba gsum ste/ de ltar gzhi drug po dag gang brjod kyang ltung ba med do/ /gang zag ma dag pa dag pa ltar bcos pa la yang gzhi de drug la ltung ba med do/ /dril bsgrags pa la yang ltung ba med do/ /ngos la ri mo bris pa phan chad la ji ltar bdag gis shes pa de bzhin du 'jig rten thams cad kyis kyang shes so snyam na ltung ba med do//las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni yul thams cad la gnas skabs thams cad du gzhi med par skur pa 'debs pa'i sbyor ba'i sbyor ba nyes byas dang /sbyor ba sbom po dang / dngos gzhir 'gyur ba rnam pa thams cad mi bsten par bslab par bya'o/ /phyir bcos pa ni 'og nas ston to/ /gzhi med pa la skur pa 'debs pa'i dge 'dun lhag ma ste brgyad pa bshad zin to// //gzhan gyi cha ma yin pa dang mthun pa'i dge 'dun lhag ma'i gleng gzhi ni sangs rgyas bcom ldan 'das rgyal po'i khab na 'od ma'i tshal bya ka lan da ka'i gnas na bzhugs so/ /tshe dang ldan pa gyad bu nor rgyal po'i khab na bya rgod phung po'i ri la 'dug ste/de dang ha cang mi ring ba zhig na rdzing bu rdo rtsig can zhes bya ba zhig yod pa de'i 'gram na tshe dang ldan pa gyad bu nor nyin mo gnas par byed do/ /gang gi tshe na dge slong ma ut+pa la'i mdog dge ba'i bshes gnyen tshe dang ldan pa maud gal gyi bu chen po la brten te legs par gsungs pa'i chos 'dul ba la rab tu byung zhing dgra bcom pa rnam par rgyal bar bya ba las rnam par rgyal bar gyur pa de'i tshe na de shes nas dad pa dang ldan pas bcom ldan 'das dang dge slong gnas brtan gnas brtan rnams la yang dang yang du blta ba'i phyir 'gro zhing /lhag par yang tshe dang ldan pa gyad bu nor la 'di ltar dgra bcom pa rnam par thar pa brgyad la bsam gtan par gyur kyang / bsam gtan dang / rnam par thar pa dang / ting nge 'dzin la snyoms par 'jug pa'i bde ba dag spangs te/ dge 'dun gyi chos dang ldan pa'i zhal ta'i las dag la brtson par gyur pa ni dka' ba byed pa yin no snyam nas yang dang yang du de blta ba'i phyir 'ong ngo //de dus gzhan zhig na bcom ldan 'das dang dge slong gnas brtan gnas brtan rnams kyi zhabs la phyag 'tshal nas/ tshe dang ldan pa gyad bu nor ga la ba der song ste phyin pa nas/tshe dang ldan pa gyad bu nor gyi rkang pa gnyis la mgo bos phyag 'tshal te chos mnyan pa'i phyir mdun du 'dug go/ /de'i tshe na dge slong mdza' bo dang sa las skyes gnyis kyis phyag dar khrod cig rnyed cing / de gnyis tshe dang ldan pa gyad bu nor dang tshe rabs tshe rabs nas rjes su 'brel pa'i kho na yod pas rtag tu klan ka tshol ba la brtson pa yin pas/mdza' bos smras pa/ sa las skyes phyag dar khrod rnyed pa 'di gang du 'khrur gzhug /sa las skyes kyis smras pa/ rdzing bu rdo rtsig can ni rgyun lugs nyung zhing nye 'khor gtsang ba yin pas der 'dong ngo //de gnyis phyag dar khrod de khyer nas rdzing bu rdo rtsig can du dong nas/ de gnyis kyis phyag dar khrod de der 'khrur bcug nas/ nyi ma la bting ste 'khod do/ /de'i tshe na ri dgas kyi khyu dag rdzing bu rdo rtsig can du lhags nas chu 'thungs te 'dong bar byed do/ /ri dgas dag ni chos nyid kyis gcig gi rgyab tu gcig rgal bar byed pa yin pas/ci tsam na ri dgas shig gis ri dgas mo zhig gi rgyab tu rgal te/ mi tshangs par spyod pa 'khrig pa'i chos bsten par brtsams so/ /de mdza' bos mthong nas smras pa/ sa las skyes gyad bu nor 'di dge slong ma ut+pa la'i mdog la mi tshangs par spyod pa 'khrig pa'i chos bsten gyis 'dod la de dge slong rnams la brjod par bya'o//sa las skyes kyis smras pa/ mdza' bo do cig de'i tshe yang re zhig bdag cag gnyis gnas nas dbyung ba'i las byas na/ ci da yang gnas nas dbyung ba'i las byed du 'jug par 'dod dam/mdza' bos smras pa/ sa las skyes/ de'i tshe na ni yang dag pa ma yin pas yin gyi/ da ni bag tsam las bsam pa yod de/ gyad bu nor dang dge slong ma ut+pa la'i mdog dang mi tshangs par spyod pa 'khrig pa'i chos bsten pa ma mthong ngam/ 'di la brdzun du smra ba ga la yod kyi tshur shog 'dong la dge slong rnams la brjod par bya'o/ /sa las skyes de mdza' bos bslus pa na btub par gyur nas/ de gnyis gtsug lag khang du dong ste/ dge slong rnams la smras pa/ tshe dang ldan pa dag /'di ltar bdag cag gnyis kyis tshe dang ldan pa gyad bu nor dge slong ma ut+pa la'i mdog dang mi tshangs par spyod pa 'khrig pa'i chos bsten pa mthong ste/'di la bdag cag gnyis gang gi dad pa'am yid ches pas 'gro bar bya/ dge slong rnams kyis smras pa/ tshe dang ldan pa gnyis ji khyed gnyis lha dang mi rnams gcig tu yongs su gtong zhing sems can dmyal ba pa dang /dud 'gro dang / yi dags rnams su gcig tu gnas sam ci na/ dge slong dgra bcom pa rnam par thar pa brgyad la bsam gtan pa mi'i chos bla ma'i rdzu 'phrul gyi cho 'phrul rnam par ston pa de la/ khyed gnyis gzhan gyi cha ma yin pa dang mthun pa pham par 'gyur ba'i chos kyis skur pa 'debs par byed/de gnyis kyis smras pa/ tshe dang ldan pa dag de ni bdag cag gnyis kyis ma nyes kyi/ 'di ltar bdag cag gnyis kyis mig gis mthong bas mig dbyung bar bya grang / bcom ldan 'das kyis sngar de gnyis la ci zhig mthong /ci ltar mthong / gang du mthong / khyed gnyis don ci la der son pas mthong zhes legs par rab tu gleng bar gyis shig /brtag par gyis shig ces bka' stsal pas dge slong rnams kyis de gnyis la ci zhig mthong / ji ltar mthong / gang du mthong / khyed gnyis don ci la der son pas de mthong zhes legs par rab tu glengs shing brtags so/ /dge slong rab tu mang po dag gis legs par rab tu glengs shing brtags pa na/ de gnyis kyis smras pa/ tshe dang ldan pa dag tshe dang ldan pa gyad bu nor gyis dge slong ma ut+pa la'i mdog la mi tshangs par spyod pa 'khrig pa'i chos ma bsten te/'di ltar tshe dang ldan pa gyad bu nor gyis bdag cag gnyis la bsams bzhin du gnas mal ngan pa phog cing gang dag zos na rjud par 'gyur ba shin tu yid du mi 'ong ba'i zas ngan pa dag gis lan gsum gyi bar du mtho btsams pas bdag cag gnyis kyis tshe dang ldan pa gyad bu nor la gzhan gyi cha ma yin pa dang mthun pa pham par 'gyur ba'i chos kyis skur pa btab par zad kyi/tshe dang ldan pa gyad bu nor gyis dge slong ma ut+pa la'i mdog la mi tshangs par spyod pa 'khrig pa'i chos ma bsten te/'di ltar tshe dang ldan pa gyad bu nor ni dge slong dag pa ltung ba med pa yin no/ /dge slong don nyung ngu dag ci'i phyir dge slong dag dge slong dag pa ltung ba med pa la gzhan gyi cha ma yin pa dang mthun pa pham par 'gyur ba'i chos kyis skur pa 'debs par byed ces smod par byed/phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang / skabs 'di la dge slong gi dge 'dun bsdu ba mdzad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang khros shing zhe sdang bar gyur nas ci nas kyang 'di tshangs par spyod pa dang dbral lo snyam nas/ dge slong dag pa ltung ba med pa la gzhan gyi cha ma yin pa dang mthun pa pham par 'gyur ba'i chos kyis skur pa las de dus gzhan zhig na dris kyang rung ma dris kyang rung rtsod pa de yang gzhan gyi cha ma yin pa dang mthun pa yin la/rtsod pa de gzhan gyi cha ma yin pa dang mthun pas bag tsam las bsams pa tsam gyi chos 'ga' zhig blangs par gyur la/dge slong yang zhe sdang la gnas pas zhe sdang gis smras so zhe na dge 'dun lhag ma'o zhes bca' ba mdzad de/ yul ni rgyal po'i khab/ gang zag ni mdza' bo dang sa las skyes gnyis/ nyon mongs pa ni mi bzod pa/ nyes pa ni gzhan gyi cha ma yin pa dang mthun par skur pa 'debs pa'o/ /de la yang dge slong gang zhes bya ba ni mdza' bo dang sa las skyes gnyis sam/ gzhan yang de lta bu gang yin pa'o/ /khros shing zhes bya ba ni 'khrugs shing ngo / /zhe sdang bar gyur nas zhes bya ba ni yid mi dga' bar gyur nas te/'khrugs pa ma bsal bar ro/ /ci nas kyang 'di tshangs par spyod pa dang dbral lo snyam nas zhes bya ba ni ci nas kyang 'di dge sbyong gi tshul dang dbral lo snyam nas so/ /dge slong dag pa zhes bya ba ni gyad bu nor ram gzhan yang de lta bu gang yin pa'o/ /ltung ba med pa la zhes bya ba ni gzhi de'i ltung ba med pa la'o//gzhan gyi cha ma yin pa dang mthun pa zhes bya ba la/ gzhan zhes bya ba ni mya ngan las 'das pa'o/ /de'i cha ma yin pa dang mthun pa ni pham par 'gyur ba'i chos bzhi po dag go/ /pham par 'gyur ba'i zhes bya ba ni bzhi po gang yang rung ba'o//chos kyis zhes bya ba ni chos ma yin pa chos kyi sgrar gsungs pas so/ /skur pa las zhes bya ba ni skur pa btab pa las so/ /de dus gzhan zhig na zhes bya ba ni de dus gzhan na'o/ /dris kyang rung zhes bya ba ni gzhan dag gis so/ /ma dris kyang rung zhes bya ba ni de rang nyid 'gyod pa dang cung zad 'gyod pa dang /rnam par 'gyod pa dang / rab tu 'gyod par gyur nas so/ /rtsod pa de yang zhes bya ba ni rtsod pa bzhi po 'gyed pa'i phyir rtsod pa dang / mi gdams pa'i phyir rtsod pa dang / ltung ba'i phyir rtsod pa dang / bya ba'i phyir rtsod pa'o/ /gzhan gyi cha ma yin pa dang mthun pa yin la zhes bya ba ni mya ngan las 'das pa'i cha ma yin pa dang /mthun par pham par 'gyur ba zhes bya ba yin pa'o/ /rtsod pa de gzhan gyi cha ma yin pa dang mthun pas bag tsam las bsams pa tsam gyi chos 'ga' zhig blangs par zad la zhes bya ba ni gzung la/ bag tsam las bsams pa tsam gyi zhes bya ba ni ri dgas dang ri dgas mo dang gzhan yang de lta bu gang yin pa'i'o//chos zhes bya ba ni chos ma yin pa de chos kyi sgrar gsungs pa'o/ /blangs par zad la zhes bya ba ni gzung bar gyur la'o/ /dge slong yang zhe sdang la gnas pas zhes bya ba ni skur pa 'debs par 'dod pas so//zhe sdang gis smras so zhe na zhes bya ba ni skur pa btab par gyur to zhes zer na'o/ /dge 'dun lhag ma'o zhes bya ba ni snga ma bzhin no/ /de la ltung ba ci ltar 'gyur zhe na/ 'dir yang dngos gzhi dang sbyor ba dang / sbyor ba'i sbyor bas ltung ba rnam par gzhag pa dang /ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa la sogs pa gzhan thams cad ni gzhi med par skur pa 'debs pa'i skabs dang 'dra'o//bye brag tu na sngar brdzun du smra bas zhes smos pa de'i phyir bye brag 'ga' zhig 'dir brjod par bya ste/ 'dir ni brjod par bya ba gzhan la gnas pa'i tshig gis brdzun du smras na dngos gzhir 'gyur ro zhes bya bar sbyar ro/ /de la brjod par bya ba gzhan zhes bya ba ni gang zag 'dis pham par 'gyur ba lhag par spyod par byas so zhes bya ba'i brjod par bya ba don gsal ba de las gzhan pa'i brjod par bya ba don mi gsal ba'o//de la gnas pa'i tshig ces bya ba ni brjod par bya ba'i don mi gsal ba de la gnas pa'i tshig ste/ tshig des dge slong nyams pa dang ma nyams pa gang yang rung ba la brdzun gyis pham par 'gyur bas skur pa 'debs sam/mi'i 'gro ba gang yang rung ba la thabs gang yang rung bas go bar byed pa na dge 'dun lhag mar 'gyur ro/ /dper na kho bo cag gis tshe dang ldan pa gyad bu nor mthong ngo //dge slong ma ut+pa la'i mdog mthong ngo / /mi tshangs par spyod pa 'khrig pa'i chos bsten pa mthong ngo zhes sgra de gsum gcig la gcig ma sbyar bar kho bo cag gis mthong ngo zhes zer ba lta bu'o/ /des na 'di ltar 'gyur te/ nyams par 'dun pas brjod par bya ba gzhan la gnas pa'i tshig brdzun pas dge slong dang dge slong ma ma nyams pa dang nyams pa la pham par 'gyur ba'i chos kyis skur pa mi'i 'gro ba pa gang yang rung ba la thabs gang yang rung bas go bar byas na dge 'dun lhag mar 'gyur ro//'di la yang yan lag lngas dngos gzhi'i ltung bar 'gyur te/ nyams par 'dun pa dang / brjod par bya ba gzhan la gnas pa'i tshig brdzun pas skur pa dang / bsnyen par rdzogs pa dang / pham par 'gyur ba'i chos dang / don go ba'o/ /de dag las yan lag ma tshang na ci rigs par na smad do/ /dge slong gis dge slong pham par 'gyur ba dag /dge 'dun lhag ma dang / ltung byed dang / so sor bshags par bya ba dang / nyes byas kyi ltung ba gang yang rung ba 'byin par mthong zhing / de la ltung ba med pa'am/ dge 'dun lhag ma'am/ ltung byed dam/ so sor bshags par bya ba'am/ nyes byas kyi ltung ba gang yang rung ba thob par gyur nas/des 'du shes bsgyur te/ 'di skad ces bdag gis dge slong pham par 'gyur ba'i ltung ba 'byin pa mthong ngo zhes zer na thams cad la na smad pa med de dge 'dun lhag mar 'gyur ro/ /dngos gzhi dang sbyor ba dang sbyor ba'i sbyor ba dang / ltung ba med pa dang /bslab par bya ba dang / phyir bcos pa'i bye brag gzhan thams cad ni gzhi med par skur pa 'debs pa'i dge 'dun lhag ma'i skabs su bstan pa dang 'dra bar sbyar ro/ /de la ming gi khyad par ni snga ma ni mthong ba dang thos pa dang / dogs pa'i gzhi med par skur pa 'debs pa'o//'di ni gzhan gyi cha ma yin pa dang mthun pa pham par 'gyur ba'i chos kyis bag tsam gyi skur pa 'debs pa ste/ de la gzhan gyi cha ma yin pa dang mthun pa zhes bya ba lung nyid las ni gzhan zhes bya ba ni mya ngan las 'das pa'o/ /de'i cha ma yin pa dang mthun pa zhes bya ba ni pham par 'gyur ba'i chos bzhi po dag go zhes gsungs so//'dul ba 'dzin pa dag gis bshad pa las ni gzhan gyi cha dang mthun pa zhes bshad do/ /gzhan la brten pa ni gzhan gyi cha'o/ /de dang rjes su mthun pa ni gzhan gyi cha dang mthun pa'o/ /de yang gzhi med par skur pa 'debs pa don gsal bar go bar byed pa las rnam pa gzhan pa'i skur pa 'debs pa don mi gsal bas go bar byed pa'i tshig dge 'dun lhag ma byed pa ni gzhan gyi cha dang mthun pa zhes bya ste/bag tsam zhes kyang bya'o zhes zer ro/ /gzhan gyi cha ma yin pa dang mthun pa'i dge 'dun lhag ma ste dgu pa bshad zin to// //dge 'dun gyi dbyen byed pa'i dge 'dun lhag ma'i gleng gzhi ni/ sangs rgyas bcom ldan 'das rgyal po'i khab na 'od ma'i tshal bya ka lan da ka'i gnas na bzhugs so/ /de'i tshe na mu ge nyam nga ba dgon pa slong mo bas bsod snyoms rnyed dka' ba byung ngo //de na dge slong gang dag rdzu 'phrul thob pa de dag ni shing gang gi ming gis 'dzam bu'i gling zhes bya bar shes pa'i shing 'dzam bu de las shing 'dzam bu'i 'bras bu lhags pa kha dog dang dri dang ro dang ldan pa dag dang / de'i nye 'khor na skyu ru ra'i tshal dang / bil ba'i tshal dang / ka pid ta'i tshal yod pa nas/ de dag gi 'bras bu lhags pa kha dog dri dang ro dang ldan pa dag gis lhung bzed bkang ste khyer nas bdag nyid kyang yongs su longs spyod par byed/ lhag ma yod na dge slong rnams la yang bgo bsha' byed do//shar gyi lus 'phags dang / nub kyi ba lang spyod dang / byang gi sgra mi snyan du yang song ste ma rmos ma btab pa'i 'bras sA lu'i 'bru dag gis lhung bzed bkang ste khyer nas bdag nyid kyang yongs su longs spyod par byed/ lhag ma yod na dge slong rnams la yang bgo bsha' byed do//rgyal chen bzhi'i ris kyi lha rnams dang / sum cu rtsa gsum pa'i ris kyi lha rnams kyi nang du yang song ste/ lha'i bdud rtsi dag gis lhung bzed bkang ste khyer nas bdag nyid kyang yongs su longs spyod par byed/ lhag ma yod na dge slong rnams la yang bgo bsha' byed do//yul gang dag 'byor pa rgyas pa bde ba lo legs pa skye bo dang mi mang pos gang ba de dag tu yang song ste/ bca' ba dang bza' ba gtsang ba bsod pa dag gis lhung bzed bkang ste khyer nas bdag nyid kyang yongs su longs spyod par byed/ lhag ma yod na dge slong rnams la yang bgo bsha' byed do//de nas dge slong lhas byin 'di snyam du sems te/ da lta mu ge nyam nga ba dgon pa slong mo pas bsod snyoms rnyed dka' ba dag byung ste/ 'di na dge slong gang dag rdzu 'phrul thob pa de dag ni de lta de ltar byed kyi bdag gis kyang gal te rdzu 'phrul thob par gyur na de lta de ltar bya zhing bcom ldan 'das kyi 'khor dbye bar yang bya na/de'i phyir bdag la rdzu 'phrul gyi lam ston par nus pa su yod snyam mo/ /de nas lhas byin bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te/mtha' gcig tu 'dug nas 'di skad ces gsol to/ /bcom ldan 'das kyis bdag la rdzu 'phrul gyi lam bstan du gsol/ de nas bcom ldan 'das kyis lhas byin la sdig pa can gyi 'dod pa'i rnam pa de lta bu byung bar thugs su chud nas bka' stsal pa/ gau ta ma'i bu khyod kyis lhag pa'i tshul khrims dang /lhag pa'i sems dang / lhag pa'i shes rab la mngon par brtson par gyis shig dang / khyod la rdzu 'phrul dang gzhan yang 'byung bar 'gyur ro/ /de nas lhas byin 'di snyam du sems te/ bcom ldan 'das kyis bdag la rdzu 'phrul gyi lam mi ston to snyam du rig nas/bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song nas tshe dang ldan pa kun shes kauN+Di n+ya ga la ba der song ste phyin nas tshe dang ldan pa kun shes kauN+Di n+ya la 'di skad ces smras so/ /gnas brtan gyis bdag la rdzu 'phrul gyi lam bstan du gsol/de nas tshe dang ldan pa kun shes kauN+Di n+yas bcom ldan 'das kyi thugs la yang rnam par bltas/ lhas byin la sdig pa can gyi 'dod pa'i rnam pa de lta bu byung bar yang rig nas/ lhas byin la smras pa/ lhas byin khyod kyis gzugs dang /tshor ba dang / 'du shes dang / 'du byed dang / rnam par shes pa tshul bzhin yid la gyis shig dang / khyod la rdzu 'phrul dang gzhan yang 'byung bar 'gyur ro/ /de nas lhas byin 'di snyam du sems te/ gnas brtan kun shes kauN+Di n+ya yang bdag la rdzu 'phrul gyi lam ston par mi byed do snyam du rig nas/tshe dang ldan pa rta thul dang / bzang po dang / rlangs pa dang / ming chen dang / grags pa dang / gang po dang / dri med dang / ba lang bdag dang / lag bzangs la sogs pa gnas brtan lnga brgya po dag ga la ba der song ste phyin nas/gnas brtan lnga brgya po dag la 'di skad ces smras so/ /gnas brtan dag gis bdag la rdzu 'phrul gyi lam bstan du gsol/ de nas gnas brtan lnga brgya po dag gis bcom ldan 'das dang dge slong gnas brtan gnas brtan rnams kyi thugs yid la yang rnam par bltas/lhas byin la sdig pa can gyi 'dod pa'i rnam pa de lta bu de byung bar yang rig nas lhas byin la smras pa/ lhas byin khyod kyis gzugs dang / tshor ba dang / 'du shes dang / 'du byed dang / rnam par shes pa tshul bzhin yid la gyis shig dang / khyod la rdzu 'phrul dang gzhan yang 'byung bar 'gyur ro//de nas lhas byin 'di snyam du sems te/ gnas brtan lnga brgya po dag kyang bdag la rdzu 'phrul gyi lam mi ston te/ 'di ltar tshe dang ldan pa 'di dag gis sngar bcom ldan 'das dang lhan cig yang dag par bgros par gyur pas/ des na bdag la 'ga' yang rdzu 'phrul gyi lam ston par mi byed na/ bdag la rdzu 'phrul gyi lam ston par nus pa gzhan su yod snyam mo/ /de'i tshe na tshe dang ldan pa 'od srungs stobs bcu pa rgyal po'i khab na sde can ma'i phug na 'dug go/ /de nas lhas byin 'di snyam du sems te/ gnas brtan 'od srungs stobs bcu pa 'di ni yun ring po nas g.yo med pa sgyu med pa drang po drang ba'i rang bzhin can bdag gi phu nu po rgan po kun dga' bo'i mkhan po yang yin pas/'dis bdag la rdzu 'phrul gyi lam ston par nus so snyam du rig nas/ tshe dang ldan pa 'od srungs stobs bcu pa ga la ba der song ste phyin nas/tshe dang ldan pa 'od srungs stobs bcu'i rkang pa gnyis la mgo bos phyag 'tshal te/ mtha' gcig tu 'dug nas 'di skad ces smras so/ /gnas brtan gyis bdag la rdzu 'phrul gyi lam bstan du gsol/ de nas tshe dang ldan pa 'od srungs stobs bcu pas bcom ldan 'das dang dge slong gnas brtan gnas brtan rnams kyi thugs yid dang /lhas byin la sdig pa can gyi 'dod pa'i rnam pa de lta bu de byung ba la rnam par ma bltas par lhas byin la rdzu 'phrul gyi lam bstan to/ /de nas lhas byin gyis nam gyi cha stod dang nam gyi cha smad la mi nyal bar sbyor ba'i rjes su brtson par spyod cing bsam gtan dang po la brten nas 'jig rten pa'i lam gyis rdzu 'phrul mngon par bsgrubs nas de gcig tu gyur nas mang por 'gyur ro//mang por gyur nas gcig tu 'gyur ro/ /shes pa dang mthong bas snang ba dang mi snang ba yang nyams su myong bar byed do//ngos kyi rtsig pa dang ngos kyi ra ba dang ri la yang lus kyis mi thogs par 'gro ste/ dper na nam mkha' la bya ba bzhin no/ /sa la yang steng du 'byung ba dang / bye'u zul byed de/ dper na chu la bya ba bzhin no/ /chu la yang mi nub par rgyun phyogs su 'gro ste/dper na sa chen po la bya ba bzhin no/ /nam mkha' la yang skyil mo krung gis 'gro ste/ dper na 'dab chags bya bzhin no/ /du ba 'thul bar yang byed/ me 'bar bar yang byed de/ dper na me'i phung po chen po bzhin no/ /lus las chu'i rgyun chen po 'byin te/dper na sprin chen po bzhin no/ /nyi ma dang zla ba 'di gnyis 'di ltar rdzu 'phrul che ba 'di ltar mthu che ba 'di ltar gzi brjid che ba la yang lag pas nom zhing nyug par byed do/ /de nas lhas byin 'di snyam du sems te/ bdag la dge slong gang dag rdzu 'phrul thob pa dag de lta de ltar byed pa lta bu ci zhig byas/bdag gis yul ma ga d+hA 'di na mi'i gtso bo gang yin pa rjes su 'jug par bya na yul ma ga d+hA 'di na gang rjes su 'jug par byas na tshegs chung ngus skye bo phal bo che'i tshogs kyang rjes su 'jug par 'gyur ba'i mi'i gtso bo rjes su 'jug par bya ba gang yod snyam mo//de nas lhas byin 'di snyam du sems te/ rgyal po gzhon nu ma skyes dgra 'di ni pha 'das nas pha'i rgyal srid kyi dbang phyug gi bdag po la gnas par 'gyur ba yin gyi/ bdag gis gzhon nu ma skyes dgra rjes su 'jug par bya ste/ de rjes su zhugs pa na tshegs chung ngus skye bo phal po che'i tshogs kyang rjes su 'jug par 'gyur ro snyam mo//de nas lhas byin gyis glang po che mthu dang ldan pa'i phru gu rigs btsun par bdag nyid bsgyur nas gzhon nu ma skyes dgra'i khyim du sgo nas zhugs te/ sge'u chung nas phyir byung zhing sge'u chung nas zhugs te sgo nas phyir byung ngo //mthu dang ldan pa'i rte'u rigs btsun par bdag nyid bsgyur nas gzhon nu ma skyes dgra'i khyim du sgo nas zhugs te sge'u chung nas phyir byung zhing / sge'u chung nas zhugs te/ sgo nas phyir byung ngo / /de nas dge slong mgo bregs pa snam sbyar gyon par bdag nyid bsgyur nas gzhon nu ma skyes dgra'i khyim du sgo nas zhugs te/sge'u chung nas phyir byung zhing / sge'u chung nas zhugs te sgo nas phyir byung ba dang / gzhon nu ma skyes dgras kyang kye ma 'di ni 'phags pa lhas byin yin no snyam du shes so/ /de nas lhas byin gyis skyes phran gzhon nu gser gyi 'og pag can zhig tu bdag nyid bsgyur nas/gzhon nu ma skyes dgra'i pang pa na 'gre bar byed ldog par byed cing / gzhon nu ma skyes dgra yang de la 'khyud par byed/ kha sbyor bar byed kun du 'khyud par byed cing / de'i bar mchil ma yang ldugs par byed pa na/'di ltar lhas byin rnyed pa dang bkur stis zil gyis non cing sems yongs su gtugs pas de yang med par byed do/ /gzhon nu ma skyes dgras kyang kye ma 'di ni 'phags pa lhas byin yin no snyam du yang shes so/ /de nas gzhon nu ma skyes dgra kye ma 'phags pa lhas byin ni ston pa bas kyang ches rdzu 'phrul che ba yin no snyam pa'i sdig pa can gyi lta ba rgya chen po thob par gyur cing de la dad pa thob par gyur nas/dad pa'i ched du bya ba byed par gyur te/ nang par dang / dgongs kar shing rta lnga brgya tsam gyi 'khor dang lhan cig 'byung zhing de la bsnyen bkur byed do//de la zas g.yos byas shing snod du btsos pa sna lnga brgya tsam gyi tshom bu tshom bu dag kyang 'bul bar byed do/ /lhas byin yang dge slong lnga brgya tsam dang lhan cig zas kyi gral du bkod par byed do/ /de nas dge slong rab tu mang po dag snga dro sham thabs bgos lhung bzed dang chos gos thogs te rgyal po'i khab tu bsod snyoms la zhugs pa na lhas byin la rnyed pa dang bkur sti rnam pa de lta bu byung bar thos so//thos nas kyang rgyal po'i khab tu bsod snyoms brgyus nas zas kyi bya ba byas te/ phyi dro bsod snyoms mi byed par chos gos dang lhung bzed mkhos su phab ste/rkang pa gnyis bkrus nas bcom ldan 'das ga la ba der dong ste phyin nas bcom ldan 'das kyi zhabs gnyis la mgo bos phyag 'tshal te/ mtha' gcig tu 'khong nas/ bcom ldan 'das la lhas byin gyi rnyed pa dang bkur sti rnam pa de lta bu de byung bar thos pa rgyas par gsol pa dang /bcom ldan 'das kyis bka' stsal pa/ dge slong dag khyod cag lhas byin gyi rnyed pa dang bkur sti la dga' bar ma byed cig /de ci'i phyir zhe na/ lhas byin gyi rnyed pa dang bkur sti ni gsod par 'gyur ba dang / zil gyis gnon par 'gyur ba yin pa'i phyir ro//dge slong dag 'di lta ste dper na chu shing 'bras bu rgyal ba dang 'od ma dang 'dam bu 'bras bu rgyal ba dang / dre'u mo sbrum ma ni gsod par 'gyur ba dang / zil gyis gnon par 'gyur ba yin pa bzhin du lhas byin gyi rnyed pa dang bkur sti yang gsod par 'gyur ba dang /zil gyis gnon par 'gyur ba yin no/ /dge slong dag lhas byin la ji tsam du rnyed pa dang bkur sti rnam pa de lta bu de 'byung bar 'gyur ba ni mi gti mug can de la yun ring por don med pa dang / gnod pa dang sdug bsngal du 'gyur ro/ /dge slong dag de lta bas na khyod kyis 'di ltar bslab par bya ba ste/rnyed pa dang bkur sti zil gyis mnan par bya zhing / rnyed pa dang bkur sti byung bas sems yongs su gtugs shing gnas par mi bya ste/ dge slong dag khyod kyis de ltar bslab par bya'o/ /de nas lhas byin rnyed pa dang bkur sti zil gyis gnon cing sems yongs su gtugs pa la sdig pa can gyi 'dod pa'i rnam pa 'di lta bu 'di byung ste/da ltar bcom ldan 'das ni rgan pa rgas pa dgog tu gyur pas 'khor bzhi po la 'doms pas ngal bar 'gyur bas kye ma bcom ldan 'das kyis dge slong gi dge 'dun bdag la btang bar gyur na bdag gis kyang dge slong gi dge 'dun yongs su drang bar bya zhing /bcom ldan 'das kyang tshe 'di la bde bar gnas pa la sbyor ba'i rjes su brtson pas thugs las chung ngur gnas par 'gyur ro snyam mo/ /des sems de lta bu de skyes ma thag tu de'i rdzu 'phrul yongs su nyams par gyur cing /yongs su nyams kyang bdag yongs su nyams so snyam du mi shes par gyur to/ /de'i tshe na bcom ldan 'das kyi nyan thos kauN+Di n+ya'i bu dge slong nog can gyis bcom ldan 'das kyi drung du tshangs par spyod pa spyad de/tshangs pa'i gnas bzhi po dag bsgoms nas 'dod pa dag la 'dun pa spangs te/ des mang du gnas pas tshangs pa'i 'jig rten dang ris mthun par skyes so/ /de'i tshe na tshe dang ldan pa maud gal gyi bu chen po yul ngan spong gi bu dag na chu srin byis pa gsod kyi ri la 'jigs su rung gi tshal ri dgas kyi gnas na 'dug go//de nas tshangs pa nog can gyis lhas byin rdzu 'phrul de las yongs su nyams par rig nas 'di lta ste/ dper na skyes bu stobs dang ldan pas lag ngar bskum pa las brkyang ba'am/ brkyang ba las bskum par byed pa de bzhin du tshangs pa'i 'jig rten nas mi snang bar gyur nas tshe dang ldan pa maud gal gyi bu chen po'i mdun du 'dug ste 'di skad ces smras so//'phags pa maud gal gyi bu chen po mkhyen par mdzod cig /lhas byin rnyed pa dang bkur stis zil gyis non cing sems yongs su gtugs pa la sdig pa can gyi 'dod pa'i rnam pa 'di lta bu 'di byung ste/da ltar bcom ldan 'das ni rgan po rgas pa dgog tu gyur pas 'khor bzhi po la 'doms pas ngal bar 'gyur bas/ kye ma bcom ldan 'das kyis dge slong gi dge 'dun bdag la btang bar gyur na bdag gis kyang dge slong gi dge 'dun yongs su drang bar bya zhing /bcom ldan 'das kyang tshe 'di la bde bar gnas pa la sbyor ba'i rjes su brtson pas thugs las chung ngur gnas par 'gyur ro snyam nas sems de lta bu de bskyed ma thag tu de'i rdzu 'phrul yongs su nyams par gyur cing /yongs su nyams kyang bdag yongs su nyams so snyam du mi shes par 'gyur gyi/ btsun pa maud gal gyi bu chen po bcom ldan 'das ga la ba der bzhud de byon nas don de bcom ldan 'das la rgyas par gsol na legs so/ /tshe dang ldan pa maud gal gyi bu chen pos tshangs pa nog can la cang mi smra bas dang du blangs so//de nas tshangs pa nog can gyis tshe dang ldan pa maud gal gyi bu chen pos cang mi smra bas dang du blangs par rig nas tshe dang ldan pa maud gal gyi bu chen po'i rkang pa gnyis la mgo bos phyag 'tshal te de nyid du mi snang bar gyur to//de nas tshe dang ldan pa maud gal gyi bu chen pos tshangs pa nog can song nas ring po ma lon par rig nas/ ji ltar sems mnyam par bzhag nas 'di lta ste/ dper na skyes bu stobs dang ldan pas lag ngar bskum pa las brkyang ba'am/ brkyang ba las bskum par byed pa de bzhin du de nas mi snang bar gyur cing rgyal po'i khab tu 'od ma'i tshal bya ka lan da ka'i gnas su gnas par gyur pa de lta bu'i ting nge 'dzin la snyoms par zhugs so//de nas tshe dang ldan pa maud gal gyi bu chen po bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te/ mtha' gcig tu 'dug nas tshangs pa nog can dang lhan cig tu gtam brjod pa ci byung bar gyur pa de dag thams cad bcom ldan 'das la rgyas par gsol to/ /bcom ldan 'das kyis bka' stsal pa/ maud gal gyi bu khyod kyis ches sngar lhas byin gyi sems la sems kyis khyab par byas te rig nas/de'i 'og tu tshangs pa nog can gyis ma brjod dam/ gsol pa/ btsun pa de lags so/ /bcom ldan 'das tshe dang ldan pa maud gal gyi bu chen po dang lhan cig tu bka' mchid 'di gsungs pa'i skabs su lhas byin grogs dge slong bzhi po ko ka li ka dang /khaN+Da drab bya dang / ka Da mo ra ka ti sh+ya dang / rgya mtshos byin dang / lhan cig bcom ldan 'das ga la ba der song ngo / /bcom ldan 'das kyis lhas byin thag ring po nas gzigs nas/ tshe dang ldan pa maud gal gyi bu chen po la bka' stsal pa/maud gal gyi bu chen po lhas byin de 'ong zhing mi gti mug can de nga'i mdun du bdag nyid kyis bdag nyid lung ston par byed kyi da tshig srungs shig /de nas tshe dang ldan pa maud gal gyi bu chen pos bcom ldan 'das kyi zhabs gnyis la phyag 'tshal te/rdzu 'phrul mngon par 'du bya ba'i mthus de nas mi snang bar gyur te/ rang gi gnas su song ngo / /de nas lhas byin bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug nas/ bcom ldan 'das la 'di skad ces gsol to/ /da ltar bcom ldan 'das bgres po bgres pa dgog tu gyur pas 'khor bzhi po la 'doms pas mnyel bar 'gyur bas bcom ldan 'das kyis dge slong gi dge 'dun bdag la gtad na legs te/ bdag gis dge slong gi dge 'dun yongs su drang bar bgyi zhing /bcom ldan 'das kyang tshe 'di la bde bar gnas pa la sbyor ba'i rjes su brtson pas thugs las chung ngur gnas par 'gyur ro/ /bka' stsal pa/ mi gti mug can khyod ci zer/ nga re zhig shA ri'i bu dang maud gal gyi bu lta bu tshangs pa mtshungs par spyod pa des pa dag la yang dge slong gi dge 'dun gtong bar mi byed na/ro dang 'dra ba mchil ma za ba khyod la gtong re skan/ de nas lhas byin 'di snyam du sems te/ bcom ldan 'das kyis shA ri'i bu dang maud gal gyi bu gnyis kyi bsngags pa brjod cing / bdag la ni ro dang 'dra ba mchil ma za ba zhes brjod pas kun du spyos so snyam nas/lhas byin gyis de'i dang por bcom ldan 'das la kun nas mnar sems dang / mi bzod pa dang / yid mi ches par byas par gyur to/ /de nas lhas byin gyis sdod cig ces brjod de/ mgo lan gsum lcogs nas bcom ldan 'das kyi spyan snga nas song ngo //de'i tshe na tshe dang ldan pa kun dga' bo bcom ldan 'das kyi snam logs na bsil yab thogs te/ bcom ldan 'das la bsil yab kyis g.yo bcing 'dug go/ /de nas bcom ldan 'das kyis lhas byin song nas ring po ma lon par thugs su chud nas/tshe dang ldan pa kun dga' bo la bka' stsal ba/ kun dga' bo song la 'od ma'i tshal ka lan dka'i gnas na dge slong ji snyed nye bar rten cing gnas pa de dag thams cad dpong sa'i khang pa chen por bsdus shig /tshe dang ldan pa kun dga' bos btsun pa bka' bzhin 'tshal lo zhes bcom ldan 'das kyi bka' mnyan nas/'od ma'i tshal ka lan dka'i gnas na dge slong ji snyed nye bar rten cing gnas pa de dag thams cad dpong sa'i khang par bsdus nas/ bcom ldan 'das ga la ba der song ste phyin nas/bcom ldan 'das kyi zhabs gnyis la mgo bos phyag 'tshal te/ mtha' gcig tu 'dug nas gsol pa/ btsun pa 'od ma'i tshal ka lan dka'i gnas na dge slong ji snyed nye bar rten cing gnas pa de thams cad dpong sa'i khang par mchis shing mthun par gyur na/bcom ldan 'das kyis da de'i dus la bab par dgongs su gsol/ de nas bcom ldan 'das dpong sa'i khang pa ga la ba der gshegs te byon nas/ dge slong gi dge 'dun gyi gung la gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/dge slong dag lnga po 'di dag ni 'jig rten na yod cing srid pa'i ston pa dag yin te/ lnga gang zhe na/ tshul khrims yongs su ma dag bzhin du bdag tshul khrims yongs su dag cing kun nas nyon mongs pa med do zhes dam bca' bar byed pa dang /'tsho ba yongs su ma dag bzhin du bdag gi 'tsho ba yongs su dag cing kun nas nyon mongs pa med do zhes dam bca' bar byed pa dang / shes pa dang mthong ba yongs su ma dag bzhin du bdag gi shes pa dang mthong ba yongs su dag cing kun nas nyon mongs pa med do zhes dam bca' bar byed pa dang /brda sprod pa phun sum tshogs pa ma yin bzhin du bdag ni brda sprod pa phun sum tshogs shing kun nas nyon mongs pa med do zhes dam bca' bar byed pa dang / chos 'dul ba nyes par bshad pa dang ldan bzhin du bdag ni chos 'dul ba la legs par gsungs pa dang ldan zhing /kun nas nyon mongs pa med do zhes dam bca' bar byed pa yin te/ de dag ni rang gi nyan thos rnams kyis de ltar shes kyang yid srung ba dang zang zing la re bas gleng bar mi byed pas/ nyan thos rnams las rjes su bsrung ba re bar byed do//dge slong dag nga ni de lta ma yin pas ngas ni khyed la tshar gcad cing tshar gcad cing smra bar byed/ zil gyis mnan cing zil gyis mnan cing smra bar byed de/ khyed la dbyig tu mi 'dzin cing / rdza mkhan gyi snod so ma btang ba dag bzhin du gang snying po yod pa de 'jog par byed kyi nga'i tshig gi lam dag la bzod par gyis shig /de nas lhas byin gyis ko ka li ka dang / khaN+Da drab bya dang / ka Da mo ra ka ti sh+ya dang / rgya mtshos byin dag la smras pa/ khyed cag tshur sheg dge sbyong gau ta ma 'dug bzhin du nyan thos kyi dge 'dun mthun par dbye bar bya zhing 'khor lo yang dbye bar bya ste/des na bdag cag shi zhing dus la bab pa dag na dge sbyong gau ta ma de tsam du rdzu 'phrul che ba de tsam du mthu che ba 'dug bzhin du/ lhas byin 'khor dang bcas pas nga'i dge 'dun nyan thos mthun pa phye zhing 'khor lo yang dbye ba byas so zhes phyogs dang phyogs mtshams rnams su snyan pa'i sgra'i tshogs rgya chen po mngon par grags par 'gyur ro//de dag gis smras pa/ lhas byin bdag cag gis de ltar mi nus te/ de ci'i phyir zhe na/ bcom ldan 'das kyi nyan thos mthu che ba rdzu 'phrul che ba lha'i mig dang ldan pa gzhan gyi sems shes pa gang dag yod pa de dag ni thag ring po yang mthong la drung na 'dug pas kyang mthong zhing /de dag gi sems kyis bdag cag gi sems la khyab par byas shing / yid kyis kyang bdag cag rnam par shes par byed pas de dag gis bdag cag gzhi nas 'phags pa dag kyang shes par 'gyur ba'i phyir ro//lhas byin gyis smras pa/ grogs po dag thabs 'ga' zhig yod do/ /smras pa/ thabs de gang yin/ tshur sheg dang bdag cag gis dge slong gnas brtan gnas brtan rnams la ni yo byad thams cad kyis bstab par bya/gzhon nu rnams la ni chos dang zang zing gi ston mo bya'o/ /lhas byin gal te thabs de lta bu yod na de ltar bya'o/ /de nas lhas byin gyis dge 'dun mthun pa dbye ba'i phyir brtul ba dang / dge slong gnas brtan gnas brtan rnams kyis 'phags ma thag tu lhas byin gyis dge 'dun mthun par dbye ba'i phyir brtul to zhes rnam par shes par gyur nas dge slong rnams kyis skabs de bcom ldan 'das la gsol pa dang /de nas bcom ldan 'das kyis dge slong rnams la bka' stsal pa/ dge slong dag khyed kyis lhas byin dang gzhan yang de lta bu gang yin pa la dang por bzhams te bsgo bar bya'o//'di skad ces bsgo bar bya ste/ tshe dang ldan pa lhas byin khyed dge 'dun mthun pa dbye ba'i phyir brtul bar ma byed cig /dbyen byed par 'gyur ba'i rtsod pa yang dag par blangs nas rab tu bzung ste ma 'dug shig /tshe dang ldan pa lhas byin khyod dge 'dun dang mthun par gyis shig /dge 'dun mthun mi phyed kun du dga' mi rtsod mchog gcig 'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal bar byed na/bde ba la reg par gnas par 'gyur gyi/ tshe dang ldan pa lhas byin khyod dge 'dun 'byed par byed pa'i gzhi 'di lta bu 'di thong shig ces bsgo bar bya'o/ /dge slong rnams kyis btsun pa bka' bzhin 'tshal zhes bcom ldan 'das kyi bka' mnyan nas lhas byin la dang por bzhams te bsgo'o//dge slong rnams kyis de la bzhams te bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed pa'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ dge slong dag khyed kyis lhas byin dang gzhan yang de lta bu gang yin pa la gsol ba dang bzhi'i las kyis bsgo bar bya'o/ /'di ltar bsgo bar bya ste/ gnas mal bsham pa byas te gaN+DI brdungs nas dris pa'i tshig gis dge slong rnams la yang dag par bsgo nas/dge 'dun thams cad 'dug cing mthun par gyur pa la dge slong gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/dge slong lhas byin 'dis dge 'dun mthun pa dbye ba'i slad du brtul te/ dbyen byed par 'gyur ba'i rtsod pa yang dag par blangs nas rab tu bzung ste/ mchis nas 'di la dge slong mang pos bzhams te bsgo na/ 'di la dge slong mang pos bzhams te bsgo yang gzhi de nyid la nan gyis mchog tu bzung zhing mngon par zhen nas/'di nyid bden gyi gzhan ni brdzun pa'o zhes rjes su tha snyad 'dogs par bgyid na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis lhas byin la tshe dang ldan pa lhas byin khyod dge 'dun mthun pa dbye ba'i phyir brtul bar ma byed cig /dbyen byed par 'gyur ba'i rtsod pa yang dag par blangs nas rab tu bzung ste ma 'dug shig /tshe dang ldan pa lhas byin khyod dge 'dun mthun par gyis shig dge 'dun mthun mi phyed kun du dga' mi rtsod mchog gcig 'don pa gcig cing /chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyis/ tshe dang ldan pa lhas byin khyod dge 'dun 'byed par byed pa'i gzhi 'di lta bu 'di thong shig ces gsol ba dang /bzhi'i las kyis bsgo ba mdzad de/ 'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong lhas byin 'dis dge 'dun mthun pa dbye ba'i slad du brtul te/ dbyen bgyid par 'gyur ba'i rtsod pa yang dag par blangs nas rab tu bzung ste mchis nas 'di la dge slong mang pos bzhams te bsgo na/'di la dge slong mang pos bzhams te bsgo yang gzhi de nyid la nan kyis mchog tu bzung zhing mngon par zhen nas/ 'di nyid bden gyi gzhan ni brdzun pa'o zhes rjes su tha snyad 'dogs par bgyid do//de'i slad du dge 'dun gyis lhas byin la tshe dang ldan pa lhas byin khyod dge 'dun mthun pa dbye ba'i phyir brtul bar ma byed cig /dbyen byed par 'gyur ba'i rtsod pa yang dag par blangs nas rab tu bzung ste ma 'dug shig /tshe dang ldan pa lhas byin khyod dge 'dun dang mthun par gyis shig /dge 'dun mthun mi phyed kun du dga' mi rtsod/ mchog gcig 'don pa gcig cing chu dang 'o ma 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyis/ tshe dang ldan pa lhas phyin khyod dge 'dun 'byed par byed pa'i gzhi 'di lta bu 'di thong shig ces gsol ba dang bzhi'i las kyis bsgo ba mdzad na tshe dang ldan pa gang dag lhas byin la gsol ba dang bzhi'i las kyis bsgo ba mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas/ dge 'dun gyis lhas byin la gsol ba dang bzhi'i las kyis bsgo ba mdzad lags te/ 'di ltar cang mi gsung bas de de bzhin du 'dzin to//dge slong rnams kyis btsun pa bka' bzhin 'tshal zhes/ bcom ldan 'das kyi bka' mnyan nas/ lhas byin la gsol ba dang bzhi'i las kyis bsgo'o/ /gsol ba dang bzhi'i las kyis bsgo yang gzhi de nyid la nan gyis mchog tu bzung zhing mngon par zhen nas/ 'di nyid bden gyi gzhan ni brdzun pa'o zhes rjes su tha snyad 'dogs par byed do//de'i grogs byed pa'i dge slong mi mthun par smra ba'i rjes su phyogs par byed pa bzhi po ko ka li ka dang / khaN+Da drab bya dang / ka Da mo ra ka ti sh+ya dang / rgya mtshos byin de dag kyang dge slong rnams la 'di skad ces tshe dang ldan pa dag khyed cag dge yang rung sdig kyang rung dge slong 'di la ci yang ma smra shig /de ci'i phyir zhe na/ tshe dang ldan pa dag dge slong 'di ni chos smra ba 'dul ba smra ba dge slong 'di ni chos dang 'dul ba yang dag par blangs nas rab tu bzung ste rjes su tha snyad 'dogs par byed pa/dge slong 'di ni shes bzhin du smra'i/ mi shes par ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do zhes zer ba'i skabs de dge slong rnams kyis bcom ldan 'das la rgyas par gsol pa dang /bcom ldan 'das kyis bka' stsal pa/ dge slong dag khyod kyis de dag dang gzhan yang de lta bu gang yin pa de dag la dang por bzhams te bsgo bar bya'o/ /'di skad ces bsgo bar bya ste/ tshe dang ldan pa ko ka li ka /khaN+Da dra ba bya/ ka Da mo ra ka ti sh+ya/ rgya mtshos byin khyed cag shes bzhin du dge slong gang dge 'dun mthun pa dbye ba'i phyir brtul bar byed cing dbyen byed par 'gyur ba'i rtsod pa yang dag par blangs nas rab tu bzung ste/'dug pa de'i grogs byed cing mi mthun par smra ba'i rjes su phyogs par ma byed cig /dge slong rnams la 'di skad ces tshe dang ldan pa dag khyed cag dge yang rung sdig kyang rung dge slong 'di la ci yang ma smra shig /de ci'i phyir zhe na/ tshe dang ldan pa dag dge slong 'di ni chos smra ba 'dul ba smra ba/ dge slong 'di ni chos dang 'dul ba yang dag par blangs nas rab tu bzung ste/ rjes su tha snyad 'dogs par byed pa/dge slong 'di ni shes bzhin du smra'i/ mi shes par yang ma yin pa'i phyir te/ dge slong 'di ni gang la 'dod cing bzod pa de la bdag cag kyang 'dod cing bzod do zhes ma zer cig /de ci'i phyir zhe na/ tshe dang ldan pa dag dge slong 'di ni chos smra ba ma yin 'dul ba smra ba ma yin gyi tshe dang ldan pa dag dge slong 'di ni chos ma yin pa smra ba/'dul ba ma yin pa smra ba/ dge slong 'di ni chos ma yin pa dang / 'dul ba ma yin pa yang dag par blangs nas rab tu bzung ste/ rjes su tha snyad 'dogs par byed pa/ dge slong 'di ni mi shes bzhin du smra'i/shes par ni ma yin pa'i phyir te/ dge slong 'di gang la 'dod cing bzod pa de la tshe dang ldan pa dag 'dod cing bzod par ma byed cig /tshe dang ldan pa dag khyed dge 'dun 'byed pa 'dod par ma byed par/ tshe dang ldan pa dag dge 'dun mthun pa nyid du 'dod par gyis shig /tshe dang ldan pa dag dge 'dun dang mthun par gyis shig /dge 'dun mthun mi phyed kun tu dga' mi rtsod mchog gcig 'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyi/tshe dang ldan pa dag dge 'dun 'byed pa'i rjes su phyogs shing mi mthun par smra ba 'di lta bu 'di thong shig ces bsgo bar bya'o/ /dge slong rnams kyis btsun pa bka' bzhin 'tshal zhes bcom ldan 'das kyi bka' mnyan nas/ de'i grogs byed pa'i dge slong mi mthun par smra ba'i rjes su phyogs pa bzhi po/ko ka li ka dang / khaN+Da drab bya dang / ka Da mo ra ka ti sh+ya dang / rgya mtshos byin rnams la dang por bzhams te bsgo'o/ /dge slong rnams kyis dge slong de dag la bzhams te bsgo yang gzhi de nyid la nan gyis mchog tu bzung zhing mngon par zhen nas/'di nyid bden gyi gzhan ni brdzun pa'o zhes rjes su tha snyad 'dogs par byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis ko ka li ka dang /khaN+Da drab bya dang / ka Da mo ra ka ti sh+ya dang / rgya mtshos byin rnams dang / gzhan yang de lta bu gang yin pa rnams la gsol ba dang bzhi'i las kyis bsgo bar bya'o/ /'di ltar bsgo bar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa la dge slong gcig gis gsol ba byas te las bya'o//'di ltar bya ste 'dug la 'di skad ces brjod par bya'o/ /dge 'dun btsun pa rnams gsan du gsol/ ko ka li ka dang / khaN+Da drab bya dang /ka Da mo ra ka ti sh+ya dang / rgya mtshos byin 'di dag dge slong gang dge 'dun mthun ba dbye ba'i slad du brtul bar bgyid cing / dbyen bgyid par 'gyur ba'i rtsod pa yang dag par blangs nas rab tu bzung ste mchis pa de'i grogs bgyid cing mi mthun par smras nas/ 'di dag la dge slong rnams kyis bzhams te bsgo na/'di dag la dge slong rnams kyis bzhams te bsgo yang gzhi de nyid la nan gyis mchog tu bzung zhing mngon par zhen nas/ 'di nyid bden gyi gzhan ni brdzun pa'o zhes rjes su tha snyad 'dogs par bgyid na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong ko ka li ka dang / khaN+Da drab bya dang / ka Da mo ra ka ti sh+ya dang / rgya mtshos byin rnams la tshe dang ldan pa dag khyed shes bzhin du dge slong gang dge 'dun mthun pa dbye ba'i phyir brtul bar byed cing dbyen byed par 'gyur ba'i rtsod pa yang dag par blangs nas rab tu bzung ste/'dug pa de'i grogs byed cing mi mthun par smra ba'i rjes su phyogs par ma byed cig /dge slong rnams la 'di skad ces tshe dang ldan pa dag khyed cag dge yang rung sdig kyang rung dge slong 'di la ci yang ma smra shig/de ci'i phyir zhe na/ tshe dang ldan pa dag dge slong 'di ni chos smra ba/ 'dul ba smra ba/ dge slong 'di ni chos dang 'dul ba yang dag par blangs nas rab tu bzung ste/ rjes su tha snyad 'dogs par byed pa dge slong 'di ni shes bzhin du smra'i mi shes par ma yin pa'i phyir te/dge slong 'di gang la 'dod cing bzod pa de la bdag cag kyang 'dod cing bzod do zhes ma zer cig /de ci'i phyir zhe na/ tshe dang ldan pa dag dge slong 'di ni chos smra ba ma yin/ 'dul ba smra ba ma yin gyi/ tshe dang ldan pa dag dge slong 'di ni chos ma yin pa smra ba/ 'dul ba ma yin pa smra ba/ dge slong 'di ni chos ma yin pa dang / 'dul ba ma yin pa yang dag par blangs nas rab tu bzung ste rjes su tha snyad 'dogs par byed pa/ dge slong 'di ni mi shes bzhin du smra'i shes par ma yin pa'i phyir te/ dge slong 'di gang la 'dod cing bzod pa 'di la tshe dang ldan pa dag 'dod cing bzod par ma byed cig /tshe dang ldan pa dag khyed dge 'dun 'byed 'dod par ma byed par tshe dang ldan pa dag dge 'dun mthun pa nyid du 'dod par gyis shig /tshe dang ldan pa dag dge 'dun dang mthun par gyis shig /dge 'dun mthun mi 'byed kun du dga' mi rtsod/mchog gcig 'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyis/ tshe dang ldan pa dag dge 'dun 'byed pa'i rjes su phyogs shing mi mthun par smra ba 'di lta bu 'di thong shig ces gsol ba dang bzhi'i las kyis bsgo ba mdzad do//'di ni gsol ba'o/ /las ni 'di lta bya ste/ dge 'dun btsun pa rnams gsan du gsol/ ko ka li ka dang / khaN+Da drab bya dang / ka Da mor ka ti sh+ya dang / rgya mtshos byin 'di dag dge slong gang dge 'dun mthun pa dbye ba'i slad du brtul bar bgyid cing /dbyen bgyid par 'gyur ba'i rtsod pa yang dag par blangs nas rab tu bzung ste mchis pa de'i grogs bgyid cing mi mthun par smras nas/ 'di dag la dge slong rnams kyis bzhams te bsgo na/ 'di dag la dge slong rnams kyis bzhams te bsgo yang gzhi de nyid la nan gyis mchog tu bzung zhing mngon par zhen nas/ 'di nyid bden gyi gzhan ni brdzun pa'o zhes rjes su tha snyad 'dogs par bgyid de/ de'i slad du dge 'dun gyis ko ka li ka dang / khaN+Da drab bya dang / ka Da mo ra ka ti sh+ya dang /rgya mtshos byin rnams la tshe dang ldan pa dag khyed shes bzhin du dge slong gang dge 'dun mthun pa dbye ba'i phyir brtul bar byed cing / dbyen byed par 'gyur ba'i rtsod pa yang dag par blangs nas rab tu bzung ste 'dug pa de'i grogs byed cing mi mthun par smra ba de'i grogs rjes su phyogs par ma byed cig /dge slong rnams la 'di skad ces tshe dang ldan pa dag khyed cag dge yang rung sdig kyang rung dge slong 'di la ci yang ma smra zhig /de ci'i phyir zhe na/ tshe dang ldan pa dag dge slong 'di ni chos smra ba/ 'dul ba smra ba/ dge slong 'di ni chos dang 'dul ba yang dag par blangs nas rab tu bzung ste rjes su tha snyad 'dogs par byed pa/dge slong 'di ni shes bzhin du smra'i mi shes par ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do zhes ma zer cig / de ci'i phyir zhe na/ tshe dang ldan pa dag dge slong 'di ni chos smra ba ma yin/ 'dul ba smra ba ma yin gyi/ tshe dang ldan pa dag dge slong 'di ni chos ma yin pa smra ba/ 'dul ba ma yin pa smra ba/ dge slong 'di ni chos ma yin pa dang / 'dul ba ma yin pa yang dag par blangs nas rab tu bzung ste rjes su tha snyad 'dogs par byed pa dge slong 'di ni mi shes bzhin du smra'i shes par ni ma yin pa'i phyir te/dge slong 'di ni gang la 'dod cing bzod pa de la tshe dang ldan pa dag 'dod cing bzod par ma byed cig /tshe dang ldan pa dag khyed cag dge 'dun 'byed 'dod par ma byed par tshe dang ldan pa dag dge 'dun mthun pa nyid du 'dod par gyis shig /tshe dang ldan pa dag dge 'dun dang mthun par gyis shig /dge 'dun mthun mi phyed kun du dga' mi rtsod mchog gcig 'don pa gcig cing / chu dang 'o ma 'dres pa lta bur gyur la/ston pa'i bstan pa gsal bar byed na bde ba la reg par gnas par 'gyur gyi/ tshe dang ldan pa dag dge 'dun 'byed pa'i rjes su phyogs shing mi mthun par smra ba 'di lta bu 'di thong shig ces gsol ba dang bzhi'i las kyis bsgo ba mdzad na/ tshe dang ldan pa gang dag ko ka li ka dang /khaN+Da drab bya dang / ka Da mo ra ka ti sh+ya dang / rgya mtshos byin rnams la gsol ba dang bzhi'i las kyis bsgo ba mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du/lan gnyis lan gsum du bzlas/ dge 'dun gyis bzod cing gnang nas/ dge 'dun gyis ko ka li ka dang / khaN+Da drab bya dang / ka Da mo ra ka ti sh+ya dang / rgya mtshos byin rnams la gsol ba dang bzhi'i las kyis bsgo ba mdzad lags te/ 'di ltar cang mi gsung bas de de bzhin du 'dzin to//dge slong rnams kyis btsun pa bka' bzhin 'tshal zhes bcom ldan 'das kyi bka' mnyan nas/ ko ka li ka dang / khaN+Da drab bya dang / ka Da mo ra ka ti sh+ya dang / rgya mtshos byin rnams la gsol ba dang bzhi'i las kyis bsgo ba'o//gsol ba dang bzhi'i las kyis bsgo yang gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis dge slong rnams la bka' stsal pa/dge slong dag lhas byin gyis nga'i nyan thos kyi dge 'dun mthun pa dbye ba dang 'khor lo yang 'byed par nus te/ 'di ltar de'i grogs byed pa'i dge slong mi mthun pa smra ba nyid kyi rjes su phyogs pa bzhi po/ ko ka li ka dang /khaN+Da drab bya dang / ka Da mo ra ka ti sh+ya dang / rgya mtshos byin dag yod pa'i phyir ro/ /lhas byin gyis dge sbyong gau ta mas dge slong dag lhas byin gyis nga'i nyan thos kyi dge 'dun mthun pa dbye ba dang 'khor lo yang 'byed nus te/ de ltar grogs byed pa'i dge slong mi mthun pa smra ba nyid kyi rjes su phyogs pa bzhi po/ko ka li ka dang / khaN+Da drab bya dang / ka Da mo ra ka ti sh+ya dang / rgya mtshos byin dag yod pa'i phyir ro zhes bdag la lung bstan to zhes thos so/ /thos nas kyang ko ka li ka dang / khaN+Da drab bya dang / ka Da mo ra ka ti sh+ya dang / rgya mtshos byin rnams la smras pa/ grogs po dag shes par gyis shig /dge sbyong gau ta mas dge slong dag lhas byin gyis nga'i nyan thos kyi dge 'dun mthun pa dbye ba dang / 'khor lo yang 'byed par nus te/ de ltar de'i grogs byed pa'i dge slong mi mthun pa smra ba nyid kyi rjes su phyogs pa bzhi po dag ko ka li ka dang /khaN+Da drab bya dang / ka Da mo ra ka ti sh+ya dang / rgya mtshos byin dag yod pa'i phyir ro zhes kho bo la lung bstan to/ /de dag gis smras pa/ lhas byin gal te de lta na legs so/ /de nas lhas byin gyis rgya cher dge 'dun mthun pa dbye ba'i phyir brtul bar brtsams te/dge 'dun gyi dbyen ni rgyu gnyis kyis 'gyur te/ chos las tha dad pa'i dngos por gsol bas dbye na byed pa dang / don des tshul shing len du 'jug pas dbyen byed pa'o/ /de la dang po ni bcom ldan 'das kyi nyan thos kyi dge 'dun mthun pa tshogs pa las gzhan pa chos ma yin pa'i phyogs dang mthun pa'i dge 'dun ko ka li ka dang /khaN+Da drab bya dang / ka Da mo ra ka ti sh+ya dang / rgya mtshos byin rnams la lhas byin gyis gsol ba'i las 'di skad bya ste/ tshe dang ldan pa dag dge sbyong gau ta ma ni sha za ste/bdag cag gis sha za bar mi bya'o/ /de ci'i phyir zhe na/ gzhi de las srog chags gsod par 'gyur ba'i phyir ro/ /dge sbyong gau ta ma ni 'o ma 'thung ste/ bdag cag gis btung bar mi bya'o/ /de ci'i phyir zhe na/ gzhi de las be'u la gnod pa'i phyir ro/ / dge slong gau ta ma ni lan tshwa za ste/ bdag cag gis bza' bar mi bya'o/ /de ci'i phyir zhe na/ khu ba las gyur pa'i phyir ro/ /dge slong gau ta ma ni gos dras pa gyon te bdag cag gis bgo bar mi bya'o/ /de ci'i phyir zhe na/ gzhi de las dad pas sbyin par bya ba chud zos par 'gyur ba'i phyir ro//dge sbyong gau ta ma ni dgon pa na gnas par byed de bdag cag grong du gnas par bya'o/ /de ci'i phyir zhe na/ gzhi de las dad pas sbyin par bya ba yongs su ma spyad par 'gyur ba'i phyir ro/ /tshe dang ldan pa dag gang khyed cag las brtul zhugs kyi gnas lnga po 'di dag gis dag pa dang /grol ba dang / nges par 'byung bar 'dod pa dang / bzod pa dang legs par 'dzin pa des dge sbyong gau ta ma las thag ring du gyis shig /so sor gyis shig /tha dad du gyis shig /rgyang srings shig /thag srings shig / logs shig na 'dug cig ces smras pa yin no/ /de skad ces smras pa dang / bcom ldan 'das kyi nyan thos kyi dge 'dun mthun pa rnams kyi nang nas/ dge slong ko ka li ka dang / khaN+Da drab bya dang / ka Da mo ra ka ti sh+ya dang / rgya mtshos byin bzhi po logs shig tu 'dug go/ / gnyis pa ni lhas byin gyi chos ma yin pa'i phyogs kyi tshul shing thogs te/ chos ma yin pa'i phyogs kyi mdun du 'dug ste/ 'di skad ces smras te/ tshe dang ldan pa dag dge sbyong gau ta ma ni sha za ste/ bdag cag gis sha za bar mi bya'o/ /de ci'i phyir zhe na/ gzhi de las srog chags gsod par 'gyur ba'i phyir ro//dge sbyong gau ta ma ni 'o ma 'thung ste/ bdag cag gis btung bar mi bya'o/ /de ci'i phyir zhe na/ gzhi de las be+e'u la gnod par 'gyur ba'i phyir ro/ /dge sbyong gau ta ma ni lan tshwa za ste/ bdag cag gis bza' bar mi bya'o//de ci'i phyir zhe na/ khu ba las gyur pa'i phyir ro/ /dge sbyong gau ta ma ni gos dras pa gyon te/ bdag cag gis bgo bar mi bya'o/ /de ci'i phyir zhe na/ gzhi de las dad pas sbyin par bya ba chud zos par 'gyur ba'i phyir ro/ /dge sbyong gau ta ma ni dgon pa na gnas par byed de/bdag cag ni grong du gnas par bya'o/ /de ci'i phyir zhe na/ gzhi de las dad pas sbyin par bya ba yongs su ma spyad par 'gyur ba'i phyir ro/ /tshe dang ldan pa dag khyed cag las gang brtul zhugs kyi gnas lnga po 'di dag gis dag pa dang / grol ba dang /nges par 'byung bar 'dod pa dang legs par 'dzin pa des tshul shing long shig ces smras pa yin no/ /de nas lhas byin gyi grogs/ dge slong ko ka li ka dang / khaN+Da drab bya dang / ka Da mo ra ka ti sh+ya dang / rgya mtshos byin rnams kyis chos ma yin pa'i tshul shing blangs te 'khor lo bye'o//chos nyid kyis de bzhin gshegs pa'i 'khor lo bye ba ni nyi ma de nyid kyi skya rengs ma shar bar slar mthun par 'gyur ba yin gyi/ skya rengs shar ba las 'da' ba ni mi srid pas des rgya cher dge 'dun mthun pa dbye ba'i phyir brtul bar brtsams pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ lhas byin la smras nas/ rnam grangs du mas smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang dge 'dun mthun pa dbye ba'i phyir brtul bar byed cing / dbyen byed par 'gyur ba'i rtsod pa yang dag par blangs nas rab tu bzung ste 'dug na dge slong de las dge slong rnams kyis 'di skad ces tshe dang ldan pa khyod dge 'dun mthun pa dbye ba'i phyir brtul bar ma byed cig /dbyen byed par 'gyur ba'i rtsod pa yang dag par blangs nas rab tu bzung ste ma 'dug shig /tshe dang ldan pa dge 'dun dang mthun par gyis shig /dge 'dun mthun mi phyed kun du dga' mi rtsod/ mchog gcig 'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyis/ tshe dang ldan pa dag khyed dge 'dun 'byed par byed pa'i gzhi 'di lta bu 'di thong shig ces bsgo bar bya'o//dge slong de la dge slong rnams kyis de skad ces bsgo ba na/ gal te gzhi de gtong na de lta na legs gal te mi gtong na gzhi de gtang bar bya ba'i phyir lan gnyis lan gsum du yang dag par bsgo bar bya/yang dag par bstan par bya'o/ /lan gnyis lan gsum du yang dag par bsgo bar byas yang dag par bstan pa na gzhi de gtong na de lta na legs/ gal te mi gtong na dge 'dun lhag ma'o zhes bca' ba mdzad de/ yul ni rgyal po'i khab/ gang zag ni lhas byin/nyon mongs pa ni rnyed pa dang bkur sti 'dod pa/ nyes pa ni dge 'dun gyi dbyen byed pa'o/ /de la yang dge slong gang zhes bya ba ni lhas byin nam/ gzhan yang de lta bu gang yin pa'o/ /dge 'dun zhes bya ba ni de bzhin gshegs pa'i nyan thos kyi dge 'dun no//mthun pa zhes bya ba ni ro gcig pa dang / bya ba gcig pa ste/ lam gcig tu zhugs pa'i phyir ro/ /dbye ba'i phyir zhes bya ba ni dbye bar bya ba'i phyir te/ gnyis su dbye ba'i phyir ro/ /gzhan yang ston pa gzhan du tshol ba dang / lam gzhan du tshol ba ste/ ston pa gzhan du tshol ba ni bcom ldan 'das las lhas byin gyi phyogs su'o//lam gzhan du tshol ba ni 'phags pa'i lam yan lag brgyad las lhas byin gyi brtul zhugs gnas lnga po sha mi za ba dang / 'o ma mi 'thung ba dang / lan tshwa mi za ba dang / gos dras pa mi gyon pa dang / grong du gnas par bya ba dag gang yang dag par len pa'o/ /brtul bar byed cing zhes bya ba ni rtsom par byed cing ngo / /dbyen byed par 'gyur ba'i rtsod pa yang dag par rab tu blangs nas rab tu bzung ste 'dug na zhes bya ba ni ko ka li ka dang / khaN+Da drab bya dang / ka Da mo ra ka ti sh+ya dang / rgya mtshos byin yang dag par blangs nas rab tu bzung ste 'dug na'o/ /dbyen byed par 'gyur ba zhes bya ba ni rgyu gnyis kyis dbyen byed de/ 'grogs pa dang / longs spyod pas so/ /ji ltar 'grogs pas she na/ ko ka li ka la sogs pa dang ngo / /ji ltar longs spyod pas she na/ma skyes dgra la sogs pas zas g.yos byas pa snod lnga brgyas dge slong kha 'dren pas so/ /rtsod pa zhes bya ba ni 'khrug long gi rgyu'o/ /yang dag par blangs nas zhes bya ba ni de la dmigs nas so/ /rab tu bzung ste 'dug na zhes bya ba ni dam du bzung ste 'dug pa'o/ / dge slong de la zhes bya ba ni lhas byin nam/ gzhan yang de lta bu gang yin pa de la'o/ /dge slong rnams kyis zhes bya ba ni chos 'di pa rnams kyis so/ /'di skad ces zhes bya ba ni bzhams te bsgo ba ji skad sngar bstan pa ltar bsgo bar bya ba'o/ /tshe dang ldan pa khyod dge 'dun mthun pa dbye ba'i phyir brtul bar ma byed cig ces bya ba ni rtsol bar ma byed cig ces pa'o//dbyen byed par 'gyur ba'i rtsod pa yang dag par blangs nas rab tu bzung ste ma 'dug shig ces bya ba ni de la dmigs nas dam du bzung ste ma 'dug shig ces pa'o/ /tshe dang ldan pa dge 'dun dang mthun par gyis shig ces bya ba ni tshul khrims mthun pa dang /lta ba mthun pa dang / 'tsho ba mthun pa dang / spyod pa mthun par gyis shig ces pa'o/ /dge 'dun mthun mi phyed/ kun du dga' mi rtsod/ mchog gcig 'don pa gcig cing zhes bya ba la/ mthun zhes bya ba ni bya ba gcig pa ste/lam gcig tu zhugs pa'i phyir ro/ /mi phyed ces bya ba ni 'dres pa ste bar du chod pa med pa'o/ /kun du dga' ba zhes bya ba ni phan tshun yon tan brjod pas dga' ba'o/ /mi rtsod ces bya ba ni rtsod pa ma byung ba'o/ /mchog gcig ces bya ba ni 'bras bu gcig pa ste/mya ngan las 'das pa ste 'bras bu mchog gcig dang ldan pa'i phyir ro/ /'don pa gcig cing zhes bya ba ni gso sbyong dang mthun pa'o/ /chu dang 'o ma gcig tu 'dres pa lta bur gyur la zhes bya ba ni mthun pa'i dpe ste/ dgag dbye la sogs pa'i las mthun pa'i phyir ro//ston pa'i bstan pa gsal bar byed na zhes bya ba la ston pa ni bcom ldan 'das so/ /bstan pa ni sde snod gsum ste/ 'dod chags dang zhe sdang dang gti mug 'dul bar byed pa'o/ /gsal bar byed na zhes bya ba ni lung nod pa dang /klog pa dang kha don byed pa la sogs pa rab tu ston par byed na'o/ /bde ba la reg par gnas par 'gyur gyis zhes bya ba ni mya ngan las 'das pa thob par 'gyur ba ste/ bde ba ni tshe 'di la bde bar gnas pa bsam gtan bzhi po rnams so/ /de dag la reg par ni 'phags pa'i rigs bzhi la brten pa'i rim gyis bsam gtan bzhi po dag la brten nas 'phags pa'i bden pa bzhi mngon par rtogs shing dge sbyong gi 'bras bu bzhi po dag la reg pa'o//gnas par 'gyur gyi zhes bya ba ni thob par 'gyur gyi zhes bya ba'o/ /tshe dang ldan pa khyod dge 'dun 'byed par byed pa'i gzhi 'di lta bu 'di thong shig ces bsgo bar bya'o zhes bya ba ni bzhams te bsgo ba ji skad sngar bstan pa ltar bsgo bar bya'o//dge slong de la dge slong rnams kyis de ltar bsgo ba na zhes bya ba ni bzhams te bsgo ba na'o/ /gal te gzhi de gtong na zhes bya ba ni gal te lta ba de yongs su gtong na'o//de lta na legs zhes bya ba ni de lta na bzang ba ste/ rtsom pa'i nyes byas gcig byung bar zad kyi nyes pa sbom po yang ma byung ba'i phyir ro/ /gal te mi gtong na zhes bya ba ni gzhi de yongs su mi gtong na ste/ de ltar bzhams te bsgo ba na mi gtong na brtsams pa la nyes byas gcig dang bzhams te bsgo ba na ma btang ba'i mthar nyes pa sbom po gcig kyang 'byung ngo //gzhi de gtang bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o zhes bya ba ni gsol ba dang bzhi'i las kyis bsgo ba ji skad sngar bstan pa ltar bsgo bar bya ste/yang dag par bsgo ba ni de yin yang dag par bstan pa ni de yin no/ /lan gnyis lan gsum du zhes bya ba ni gsol ba dang gcig dang las brjod pa gsum bya ba'o/ /yang dag par bsgo ba ni kun du dri ba'o//yang dag par bstan pa ni dbye ba las bzlog pa'o/ /lan gnyis lan gsum du yang dag par bsgo ba la yang dag par bstan pa na gzhi de gtong na de lta na legs zhes bya ba ni de lta na bzang ba ste/ dge 'dun lhag ma'i dngos gzhi'i ltung ba ma byung ba'i phyir ro/ / sngar ni sbyor ba brtsams pa las nyes byas gcig pa'o/ /bzhams te bsgo ba ma mnyan pa'i mthar nyes pa sbom po gcig go/ /gsol pa byas pa rdzogs pa'i mthar yang nyes pa sbom po gcig go/ /las brjod pa dang po byas pa rdzogs pa'i mthar yang nyes pa sbom po gcig go//las brjod pa gnyis pa byas pa rdzogs pa'i mthar yang nyes pa sbom po gcig go/ /gal te mi gtong na dge 'dun lhag ma'o zhes bya ba ni las brjod pa gsum pa dang mjug sdud pa rdzogs pa'i mthar dge 'dun lhag ma'i dngos gzhi gcig 'byung ba'o/ /dge 'dun lhag ma'o zhes bya ba ni snga ma bzhin te/des na dge 'dun lhag ma'o zhes gsungs so/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir dge 'dun gyi dbyen byed pa dang / de'i rjes su phyogs pa dang / khyim sun 'byin pa dang / bka' blo mi bde ba zhes bya ba dge 'dun lhag ma tha ma bzhi po rnams kyi spyi'i thun mong gi mtshan nyid de bshad par bya ste/de'i phyir bzlog pa'i tshul gyis mi gtong bar rjes su sgrub pa'i rang bzhin ni rjes su mthun no zhes bya ba smras te/ dge 'dun gyi dbyen byed pa dang / de'i rjes su phyogs pa dang / khyim sun 'byin pa dang / bka' blo mi bde ba zhes bya ba dge 'dun lhag ma bzhi po 'di dag la dang po rtsom par sbyor ba ni sbyor ba'i sbyor ba zhes bya ba'i nyes byas gcig 'byung ngo //de'i 'og tu de dag la dge 'dun gyis bzhams te bsgo bas bzlog pa'i cho ga bya'o/ /de'i 'og tu gsol ba dang bzhi'i las kyis bsgo bas bzlog pa'i cho ga dang las bya ste/de la rim pa ni dge 'dun lhag ma bzhi po 'di dag la dang po rtsom par sbyor ba na sbyor ba'i sbyor ba zhes bya ba'i nyes byas gcig byung ba de la dge 'dun gyis dang por bzhams te bsgo bar bya ba dang / de'i 'og tu gsol ba bya ba dang / de'i 'og tu las brjod pa dang po bya ba dang /de'i 'og tu las brjod pa gnyis pa bya ba dang / de'i 'og tu las brjod pa gsum pa dag gis bzlog pa'i tshul gyis bzlog pa'i cho ga dang las byed pa na bzhams te bsgo ba dang / gsol ba dang / las brjod pa dang po dang / las brjod pa gnyis pa dag mi gtong bar rjes su sgrub pa'i rang bzhin ni nyes pa sbom po re rer 'gyur bar rjes su mthun te 'dra'o//las brjod pa gsum pa mjug sdud pa dang bcas par rdzogs na ni dge 'dun lhag ma'i dngos gzhir 'gyur ro/ /de ltar na dang po sbyor ba rtsom pa na nyes byas so//de'i 'og tu bzhams te bsgo ba mi gtong na de'i mthar nyes pa sbom po gcig go/ /de'i 'og tu gsol ba dang bzhi'i las byed pa na/ gsol ba byas pa na mi gtong na gsol ba rdzogs pa'i mthar yang nyes pa sbom po gcig go/ /de'i 'og tu las brjod pa dang po byas pa na mi gtong na las brjod pa dang po rdzogs pa'i mthar yang nyes pa sbom po gcig go//de'i 'og tu las brjod pa gnyis pa byas na mi gtong na las brjod pa gnyis pa rdzogs pa'i mthar yang nyes pa sbom po gcig go/ /de'i 'og tu las brjod pa gsum pa mjug sdud pa dang bcas pa rdzogs pa'i mthar dge 'dun lhag ma'i dngos gzhi gcig tu 'gyur ro//de ltar na dge 'dun lhag ma 'di bzhi la dang por rtsom par sbyor ba ni nyes byas byed pa yin/ bzhams te bsgo ba dang / gsol ba dang / las brjod pa dang po dang / gnyis pa ni nyes pa sbom po re rer byed pa yin/las brjod pa gsum pa mjug sdud pa dang bcas pa rdzogs pa'i mthar dge 'dun lhag ma'i dngos gzhi byed pa yin no/ /de dag gi tshig gi skad cig ma rnams ni gcig nyid de/ tshig gang la skad cig ma gcig la ltung ba 'byung bar 'gyur ba'i skad cig ma de'i khongs su tshig mtha' dag 'dus so//des na de dag gi tshig shin tu rgyun ring du zin na yang tshig gcig tu zad de/ ltung ba yang gcig kho na 'byung ba yin gyi cha shas re re la yang ma yin rtsa ba re re la yang ma yin no/ /mjug sdud pa ni tha dad pa ma yin te/las brjod pa tha ma'i nang du 'dus so/ /de ltar na dge 'dun lhag ma tha ma bzhi char gyi thun mong gi mtshan nyid bstan nas/ da ni dge 'dun gyi dbyen byed pa'i dge 'dun lhag ma'i dngos gzhi'i ltung ba rnam par gzhag pa bstan par bya ste/ ci zhig byas na dge 'dun gyi dbyen byed pa'i dge 'dun lhag mar 'gyur zhe na/dge 'dun gyi dbyen byed pa la brtul bar byed pa nyid mi gtong na dge 'dun lhag mar 'gyur ro/ /de'i bye brag ni ston pa bzhugs pa'i tshe/ de bzhin gshegs pa'i nyan thos kyi dge 'dun mthun pa'i tshogs las dge slong bzhi yan chad logs shig tu bkar te chos dang zang zing gi longs spyod tha dad par byed pa la dge 'dun gyis bzhams te bsgo ba dang gsol ba dang bzhi'i las kyis bzlog pa na las brjod pa gsum pa mjug sdud pa dang bcas pa'i mthar mi gtong na dge 'dun lhag ma'i dngos gzhir 'gyur ro//dge slong 'gro ba gzhan gyi rnam pa bsten pa na dge slong gi 'du shes yod pa la na smad pa med do/ /dngos po bzang ngan dang 'dra ba la na smad pa med do/ /mtshan gyur pa ltung ba thun mong gi yul la na smad pa med do/ /'gro ba gzhan las skyis pa dang 'gro ba gzhan gyi rnam pa bsten pa la na smad pa med do//gnas skabs gzhan thob pa la na smad pa med do/ /gzhi gcig la bslab pa du ma bcas pa nyid la na smad pa med do/ /dngos po la the tshom za bas bsam pa dang bcas par zhugs pa la na smad pa med do/ /yul bsams pa dang ma bsams pa la na smad pa med do//rang dang gzhan gyi don du byed pa la na smad pa med do/ /dngos gzhi 'di la chos dang chos ma yin pa gnyis ka la de bzhin nyid du shes pa dang / byed pa la chos su 'du shes pa dang / de gnyis la yid gnyis za na mtshams med par 'gyur ro//'di'i byed pa po ni ston pa bzhugs bzhin du dge 'dun gyi dbyen byed pa'o/ /'di la yan lag lngas dngos gzhi'i ltung bar 'gyur te/ ston pa bzhugs pa dang / dge 'dun du longs pa dang / dge 'dun gyi dbyen la brtul bar byed pa nyid dang chos dang mthun pa las bzlog pa dang /las brjod pa gsum pa'i mthar mi gtong ba'o/ /de dag las yan lag ma tshang na ci rigs par na smad pa med do/ /sbyor ba'i ltung ba ni rang bzhin gyi 'khor kha 'dren na nyes pa sbom po'o/ /ston pa yongs su mya ngan las 'das pa'i tshe na nyes pa sbom po'o//phyogs dang gzhan gyi phyogs gnyis ka dge 'dun du ma longs pa dang / 'byed par byed pa rang gis kha bskang na nyes pa sbom po'o/ /bzhams te bsgo bas bzlog pa na mi gtong na nyes pa sbom po'o/ /gsol bas bzlog pa na mi gtong na nyes pa sbom po'o//las brjod pa dang pos bzlog pa na mi gtong na nyes pa sbom po'o/ /las brjod pa gnyis pas bzlog pa na mi gtong na nyes pa sbom po'o/ /dang po rtsom pa ma gtogs pa bzhams te bsgo ba phyin chad kyi 'jug pa ni sbyor ba nyid de nyes pa sbom po'o/ /dge slong 'gro ba gzhan gyi rnam pa bsten pa na dge slong gi 'du shes med pa na nyes pa sbom po'o//mtshan dang lta ba mi mthun pa'i dbyen byed na nyes pa sbom po'o/ /sbyor ba'i sbyor ba'i ltung ba ni dge slong gis cung zad ji tsam du dge 'dun mthun pa dbye ba'i phyir brtul bar byed pa thams cad du nyes byas su 'gyur ro//sbyor ba'i ltung ba la sbyor ba tha dad pa ji snyed byas pa re re la nyes byas re rer 'gyur ro/ /chos kyi phyogs khas blangs pa dag khas ma blangs pa dag dang lhan cig longs spyod par byed na nyes byas so/ /mtshan dang lta ba las rang gi phyogs ma yin pa'i dbyen byed na nyes byas so//ltung ba med pa ni mi mthun pa dang chos ma yin par sgo bar byed na ltung ba med do/ /mthun pa dang chos gcig yod gcig med pas sgo bar byed na ltung ba med do/ /mthun pa ltar bcos pa dang chos ltar bcos pas sgo bar byed na ltung ba med do/ /chos dang 'dul ba dang /ston pa'i bstan pa ji lta ba bzhin du ma yin par sgo bar byed na ltung ba med do/ /chos kyi phyogs ni khas ma blangs pa dag khas blangs pa dag dang lhan cig longs spyod par byed pa la ni ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni yul thams cad la gnas skabs thams cad du dge 'dun gyi dbyen gyi sbyor ba'i sbyor ba nyes byas dang / sbyor ba sbom po dang / dngos gzhir 'gyur ba rnam pa thams cad mi bsten par bslab par bya'o/ /bsgo ba las gyur pa'i dge 'dun lhag ma byung ma thag tu stan de nyid la 'dug bzhin du mthol bar bya'o//gzhi des ma bshags shing so sor ma bshags par gsol ba dang / /gsol ba dang gnyis dang gsol ba dang bzhi'i las thams cad nyams su myong bar mi bya'o/ /phyir bcos pa ni 'og nas ston to//dge 'dun gyi dbyen byed pa'i dge 'dun lhag ma ste bcu pa bshad zin to// //so sor thar pa'i mdo rgya cher 'grel pa 'dul ba kun las btus pa bam po bdun pa/ de'i rjes su phyogs pa'i dge 'dun lhag ma'i gleng gzhi ni dge 'dun gyi dbyen byed pa'i dge 'dun lhag ma'i gleng gzhi dang gcig go//khyad par du na de ltar bcom ldan 'das kyis dge 'dun gyi dbyen byed pa'i gleng gzhi dang bslab pa bca' ba dang ltung ba rnam par gzhag pa mdzad pa'i mjug thogs su de nas bcom ldan 'das kyis gdan de nyid la bzhugs bzhin du 'dul ba la nyan thos rnams kyi bslab pa'i gzhi gnyis pa bca' bar bzhed nas/dge slong rnams la bka' stsal pa/ dge slong dag dge 'dun gyi bya ba cung zhig yod kyi re zhig stan las ma ldang shig /sangs rgyas bcom ldan 'das rnams ni mkhyen bzhin du rmed par mdzad pas/bcom ldan 'das kyis ko ka li ka dang / khaN+Da drab bya dang / ka Da mo ra ka ti sh+ya dang / rgya mtshos byin rnams la smras pa/ ko ka li ka dang / khaN+Da drab bya dang / ka Da mo ra ka ti sh+ya dang / rgya mtshos byin khyed shes bzhin du dge slong gi dge 'dun mthun pa dbye ba'i phyir brtul bar byed cing dbyen byed par 'gyur ba'i rtsod pa yang dag par blangs nas rab tu bzung ste 'dug pa de'i grogs byed cing mi mthun par smra ba'i rjes su phyogs nas/dge slong rnams la 'di skad ces tshe dang ldan pa dag khyed cag dge yang rung sdig kyang rung dge slong 'di la ci yang ma smra shig /de ci'i phyir zhe na/ tshe dang ldan pa dag dge slong 'di ni chos smra ba/ 'dul ba smra ba/ dge slong 'di ni chos dang 'dul ba yang dag par blangs nas rab tu bzung ste rjes su tha snyad 'dogs par byed pa/ dge slong 'di ni shes bzhin du smra'i/ mi shes par ma yin pa'i phyir te/dge slong 'di gang la 'dod cing bzod pa de la bdag cag kyang 'dod cing bzod do zhes smra ba bden nam/ btsun pa mad do/ /sangs rgyas bcom ldan 'das kyis dge sbyong gi tshul ma yin pa rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes bya ba la sogs pas rnam grangs du mar smad nas/bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong de'i grogs byed pa'i dge slong mi mthun par smra ba nyid kyi rjes su phyogs pa gcig gam gnyis sam mang po dag yod cing /gal te de dag dge slong rnams la 'di skad ces tshe dang ldan pa dag khyed cag dge yang rung sdig kyang rung dge slong 'di la ci yang ma smra shig /de ci'i phyir zhe na/ tshe dang ldan pa dag dge slong 'di ni chos smra ba 'dul ba smra ba/ dge slong 'di ni chos dang 'dul ba yang dag par blangs nas rab tu bzung ste rjes su tha snyad 'dogs par byed pa/dge slong 'di ni shes bzhin du smra'i/ mi shes par ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do zhes zer na/ dge slong de dag la dge slong rnams kyis 'di skad ces tshe dang ldan pa dag khyed cag dge yang rung sdig kyang rung dge slong 'di la ci yang ma smra shig /de ci'i phyir zhe na/ tshe dang ldan pa dag dge slong 'di ni chos smra ba/ 'dul ba smra ba/ dge slong 'di ni chos dang 'dul ba yang dag par blangs nas rab tu bzung ste/ rjes su tha snyad 'dogs par byed pa/dge slong 'di ni shes bzhin du smra'i/ mi shes pa ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do zhes ma zer cig /de ci'i phyir zhe na/ tshe dang ldan pa dag dge slong 'di ni chos smra ba ma yin/ 'dul ba smra ba ma yin gyi/tshe dang ldan pa dag dge slong 'di ni chos ma yin pa smra ba/ 'dul ba ma yin pa smra ba/ dge slong 'di ni chos ma yin pa dang 'dul ba ma yin pa yang dag par blangs nas rab tu bzung ste rjes su tha snyad 'dogs par byed pa/ dge slong 'di ni mi shes bzhin du smra'i/ shes par ma yin pa'i phyir te/dge slong 'di gang la 'dod cing bzod pa de la tshe dang ldan pa dag 'dod cing bzod par ma byed cig /tshe dang ldan pa dag khyed dge 'dun 'byed 'dod par ma byed par tshe dang ldan pa dag dge 'dun mthun pa nyid du 'dod par gyis shig /tshe dang ldan pa dge 'dun dang mthun par gyis shig / dge 'dun mthun mi phyed kun du dga' mi rtsod mchog gcig 'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal bar byed na bde ba la reg par gnas par 'gyur gyi/ tshe dang ldan pa dag dge 'dun mthun pa 'byed pa'i rjes su phyogs shing mi mthun par smra ba 'di thong shig ces bsgo bar bya'o//dge slong de dag la dge slong rnams kyis de skad bsgo ba na/ gal te gzhi de gtod na de lta na legs/ gal te mi gtong na gzhi de gtang bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo yang dag par bstan pa na gzhi de gtong na de lta na legs gal te mi gtong na dge 'dun lhag ma'o zhes bca' ba mdzad de/yul ni rgyal po'i khab gang zag ni ko ka li ka dang / khaN+Da drab bya dang / ka Da mo ra ka ti sh+ya dang / rgya mtshos byin/ nyon mongs pa ni dbyen byed par 'dod pa/nyes pa ni de'i rjes su phyogs pa'o/ /de la dge slong 'di zhes bya ba ni lhas byin gyi'o/ /grogs byed pa'i dge slong zhes bya ba ni ko ka li ka dang / khaN+Da drab bya dang / ka Da mo ra ka ti sh+ya dang / rgya mtshos byin dag go/ /mi mthun par smra ba nyid kyi rjes su phyogs pa zhes bya ba ni lta ba de dag dang 'dod pa de dag dang bsam pa de dag dang ldan pa'o//gcig gam gnyis sam mang po dag yod cing zhes bya ba ni grangs su yang rung ba ste gnyis las lhag pa ni mang po'o/ /gal te de dag ces bya ba ni rjes su phyogs pa de dag go/ /dge slong rnams la zhes bya ba ni chos 'di pa rnams la'o/ /'di skad ces bya ba ni rjes su phyogs pa'i tshig 'di skad ces zer na'o//tshe dang ldan pa dag khyed cag dge yang rung zhes bya ba ni dge ba la sbyor bar yang ma byed cig ces pa'o/ /sdig kyang rung zhes bya ba ni sdig pa las zlog par yang ma byed cig ces pa'o/ /dge slong 'di la zhes bya ba ni lhas byin la'o/ /ci yang ma smra shig ces bya ba ni cung zad kyang ma smra shig pa'o//de ci'i phyir zhe na/ tshe dang ldan pa dag dge slong 'di ni chos smra ba 'dul ba smra ba zhes bya ba la chos smra ba zhes bya ba ni rigs pa smra ba'o/ /'dul ba smra ba zhes bya ba ni lung gi rjes su 'brang ba'o/ /gzhan yang chos ni 'phags pa'i lam yan lag brgyad pa las/ yang dag pa'i lta ba dang /yang dag pa'i rtog pa dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to/ /'dul ba ni yang dag pa'i ngag dang / yang dag pa'i las kyi mtha' dang / yang dag pa'i 'tsho ba'o/ /gzhan yang chos smra ba ni don dang ldan par smra ba'o/ /'dul ba smra ba ni 'jam zhing mdza' ba ltar smra ba'o//de yang rjes su phyogs pa rnams kyis bsngags par zad kyi/ lhas byin nyid de dang ldan pa ni ma yin no/ /dge slong 'di ni chos dang 'dul ba yang dag par blangs nas rab tu bzung ste rjes su tha snyad 'dogs par byed pa zhes bya ba ni chos ji lta ba dang 'dul ba ji lta ba dang /ston pa'i bstan pa ji lta ba de ltar rjes su tha snyad 'dogs par byed pa ste/ yang dag par blangs nas zhes bya ba ni de la dmigs nas so/ /rab tu bzung ste zhes bya ba ni dam du gzung ste zhes bya ba'i tha tshig go/ /dge slong 'di ni shes bzhin du smra'i mi shes par ma yin pa'i phyir te zhes bya ba ni don rtogs pa yin gyi don ma rtogs pa ma yin pa'i phyir ro//dge slong 'di gang la 'dod cing bzod pa de la bdag kyang 'dod cing bzod do zhes zer na zhes bya ba ni dge slong lhas byin 'di gzhi gang la 'dod cing bzod pa de la bdag cag kyang 'dod cing bzod do zhes zer na ste/'dod cing zhes bya ba ni yid dang mthun pa'i sgo nas so/ /bzod pa zhes bya ba ni rigs pas rtogs pa'i sgo nas te/ re zhig de dag ni rjes su phyogs pa'i tshig yin no/ /dge slong de dag la zhes bya ba ni ko ka li ka dang / khaN+Da drab bya dang / ka Da mo ra ka ti sh+ya dang /rgya mtshos byin dag la'o/ /dge slong rnams kyis zhes bya ba ni chos 'di pa rnams kyis so/ /'di skad ces tshe dang ldan pa dag khyed cag dge yang rung sdig kyang rung dge slong 'di la ci yang ma smra shig /de ci'i phyir zhe na/ tshe dang ldan pa dag dge slong 'di ni chos smra ba/'dul ba smra ba/ dge slong 'di ni chos dang 'dul ba yang dag par blangs nas rab tu bzung ste/ rjes su tha snyad 'dogs par byed pa dge slong 'di ni shes bzhin du smra'i mi shes par ma yin pa'i phyir te/ dge slong 'di gang la 'dod cing bzod pa de la bdag cag kyang 'dod cing bzod do zhes ma zer cig /de ci'i phyir zhe na/ tshe dang ldan pa dag dge slong 'di ni chos smra ba ma yin 'dul ba smra ba ma yin gyi/ tshe dang ldan pa dag dge slong 'di ni chos ma yin pa smra ba/ 'dul ba ma yin pa smra ba/ dge slong 'di ni chos ma yin pa dang 'dul ba ma yin pa yang dag par blangs nas rab tu bzung ste rjes su tha snyad 'dogs par byed pa/dge slong 'di ni mi shes bzhin du smra'i shes par ma yin pa'i phyir te/ dge slong 'di gang la 'dod cing bzod pa de la tshe dang ldan pa dag 'dod cing bzod do zhes ma zer cig /tshe dang ldan pa dag khyed dge 'dun 'byed par 'dod par ma byed par tshe dang ldan pa dag dge 'dun mthun pa nyid du 'dod par gyis shig /tshe dang ldan pa dag dge 'dun dang mthun par gyis shig /dge 'dun mthun mi phyed kun du dga' mi rtsod mchog gcig 'don pa gcig cing chu dang 'o ma gcig tu 'dres pa lta bur gyur la/ston pa'i bstan pa gsal bar byed na bde ba la reg par gnas par 'gyur gyi/ tshe dang ldan pa dag dge 'dun 'byed pa'i rjes su phyogs shing mi mthun par smra ba 'di lta bu 'di thong shig ces bsgo bar bya'o zhes bya ba ni bzhams te/ bsgo ba sngar ji skad bstan pa ltar bsgo bar bya'o/ /dge slong de dag la dge slong rnams kyis de skad bsgo ba na zhes bya ba ni bzhams te bsgo ba de skad ces bsgo ba na'o/ /gal te gzhi de yongs su gtong na zhes bya ba ni gal te lta ba de yongs su gtong na'o/ /de lta na legs zhes bya ba ni de lta na bzang ba ste/rtsom pa'i nyes byas gcig byung bar zad kyi nyes pa sbom po yang ma byung ba'i phyir ro/ /gal te mi gtong na zhes bya ba ni gzhi de yongs su mi gtong na ste/ de ltar bzhams te bsgo ba mi gtong na rtsom pa la nyes byas gcig dang / bzhams te bsgo ba na ma btang ba'i mthar nyes pa sbom po gcig kyang 'byung ngo //gzhi de gtong bar bya ba'i phyir lan gnyis lan gsum du yang dag par bsgo bar bya yang dag par bstan par bya'o zhes bya ba ni gsol ba dang bzhi'i las kyis bsgo ba ji skad sngar bstan pa ltar bsgo bar bya ste/ yang dag par bsgo ba ni de yin/yang dag par bstan pa ni de yin no/ /lan gnyis lan gsum du zhes bya ba ni gsol ba gcig byas pa'i 'og tu las brjod pa gsum bya ba'o/ /yang dag par bsgo ba ni kun du dri ba'o/ /yang dag par bstan pa ni dbyen las bzlog pa'o/ /lan gnyis lan gsum du yang dag par bsgo yang dag par bstan pa na gzhi de gtong na de lta na legs zhes bya ba ni de lta na bzang ba ste/dge 'dun lhag ma'i dngos gzhi'i ltung ba ma byung ba'i phyir ro/ /sngar sbyor ba brtsams pa la nyes byas gcig go/ /bzhams te bsgo ba ma btang na mthar nyes pa sbom po gcig go//gsol ba byas pa rdzogs pa'i mthar yang nyes pa sbom po gcig go/ /las brjod pa dang po byas pa rdzogs pa'i mthar yang nyes pa sbom po gcig go/ /las brjod pa gnyis pa byas pa rdzogs pa'i mthar yang nyes pa sbom po gcig go/ / gal te mi gtong na dge 'dun lhag ma'o zhes bya ba ni las brjod pa gnyis pa dang gsum pa dang mjug sdud pa rdzogs pa'i mthar dge 'dun lhag ma'i dngos gzhi gcig 'byung ngo / /dge 'dun lhag ma'o zhes bya ba ni snga ma bzhin no/ /des na dge 'dun lhag ma'o zhes gsungs so/ / de la ltung ba ji ltar 'gyur zhe na/ 'dir yang dngos gzhi dang / sbyor ba dang sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la sngar dge 'dun gyi dbyen byed pa dang /de'i rjes su phyogs pa dang / khyim sun 'byin pa dang / bka' blo mi bde ba zhes bya ba dge 'dun lhag ma tha ma bzhi po rnams kyi spyi'i thun mong gi mtshan nyid ji skad bstan pa thams cad dran par byas nas 'dir de'i rjes su phyogs pa'i dge 'dun lhag ma'i dngos gzhi'i ltung ba rnam par gzhag pa bshad par bya ste/ci zhig byas na de'i rjes su phyogs pa'i dge 'dun lhag mar 'gyur zhe na/ de'i grogs nyid rjes su sgrub par byed pa mi gtong na dge 'dun lhag mar 'gyur ro/ /de'i bye brag ni ston pa bzhugs pa'i tshe gang zag gang de bzhin gshegs pa'i nyan thos kyi dge 'dun mthun pa'i tshogs pa las dge slong bzhi yan chad logs shig tu bkar te chos dang zang zing gi longs spyod tha dad par byed pa de'i rjes su phyogs shing grogs nyid rjes su sgrub par byed pa la/dge 'dun gyis bzhams te bsgo ba dang / gsol ba dang bzhi'i las kyis bzlog pa na las brjod pa gsum pa mjug sdud pa dang bcas pa'i mthar mi gtong na dge 'dun lhag ma'i dngos gzhir 'gyur ro//gzhan ni snga ma bzhin no/ /'di'i byed pa po ni ston pa bzhugs bzhin du dge 'dun gyi dbyen byed pa'i rjes su phyogs pa'o/ / 'di la yan lag lngas dngos gzhi'i ltung bar 'gyur te/ ston pa bzhugs pa dang / dge 'dun du longs pa dang / dge 'dun gyi dbyen byed pa'i rjes su phyogs pa dang / chos dang mthun pas bzlog pa dang / las brjod pa gsum pa'i mthar mi gtong ba'o/ /de dag las yan lag ma tshang na ci rigs par na smad do//sbyor ba dang / sbyor ba'i sbyor ba dang / ltung ba med pa dang / bslab par bya ba dang / phyir bcos pa'i mtshan nyid thams cad ni dge 'dun gyi dbyen gyi lhag ma dang 'dra'o/ /de'i rjes su phyogs pa'i dge 'dun lhag ma ste bcu gcig pa bshad zin to// //khyim sun 'byin pa'i dge 'dun lhag ma'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na re lde'i ri la dge slong 'gro mgyogs dang nab so gnyis dang /dge slong dmar ser can khyim sun 'byin pa'i sdig pa'i chos kun du spyod pa dag 'khod de/ de dag bud med dang lhan cig tho 'tshams par byed/ kun du rtse bar byed/ kun du ca co 'don par byed/ rgod pa dang dregs pa dang / lus la rdeg par byed/stan gcig la 'dug par byed/ snod gcig tu za bar byed/ phor bu gcig tu myos par 'gyur ba'i btung ba sna tshogs dag 'thung bar byed/ me tog dag 'thog par byed/ 'thog tu 'jug par byed/ phreng ba dag brgyud par byed/ brgyud du 'jug par byed/me tog rna rgyan dag thogs par byed/ thogs su 'jug par byed/ bro rdung bar byed/ bro rdung du 'jug par byed/ glu len par byed/ glu len du 'jug par byed/ rol mo'i sgra 'byin par byed/ rol mo'i sgra 'byin du 'jug par byed/ bro mkhas pa dang glu mkhas pa dang / rol mo'i sgra 'byin pa mkhas pa la bya dga' sbyin par byed/ chos gos dag brdzes te rgyug par byed/ mchong bar byed/ rab tu mchong bar byed/ brla skor bar byed/ lag pa skor bar byed/ nya ltar skor bar byed/ chur 'phyo ba na 'phen par byed/ chu la rnga mad du ka ltar rdung bar byed/chu la rnga bo che ltar rdung bar byed/ glang po che'i skad kyi sgra 'byin par byed/ rta'i skad kyi sgra 'byin par byed/ khyu mchog gi skad kyi sgra 'byin par byed/ rma bya'i skad kyi sgra 'byin par byed/ khu byug gi skad kyi sgra 'byin par byed/ khas rdza rnga'i sgra 'byin par byed/ khas dung gi sgra 'byin par byed/khas rnga bo che'i sgra 'byin par byed/ glang po che'i sgra'i 'thab mo yang byed/ glang po che'i 'thab mo byed du 'jug par yang byed/ rta'i 'thab mo dang / khyu mchog gi 'thab mo dang / ma te'i 'thab mo dang / ra'i 'thab mo dang / lug gi 'thab mo dang / bud med kyi 'thab mo dang /skyes pa'i 'thab mo dang / gzhon nu'i 'thab mo dang / gzhon nu ma'i 'thab mo dang / phyag ga gi 'thab mo dang / thi ba'i 'thab mo dang / bung ba'i 'thab mo yang byed du 'jug /byed du 'jug par yang byed/ de dag dang gzhan yang dge sbyong gi las ma yin pa dag byed cing byed du 'jug ste/de dag gi spyod tshul dang spyod pa dang / log par sgrub pa des re lde'i ril dge slong ma 'ongs pa dag kyang mi 'ong la/ 'ongs pa dag kyang mngon par mi dga' zhing / re lde'i ri'i gnas spong bar byed do/ /re lde'i ri la gnas pa'i bram ze dang khyim bdag dag kyang yid mi dga' zhing zhe lce bar gyur nas/dge slong gnyug mar gnas pa dag la yang bsod snyoms dbul ba dang bya bar sems pa dka' na/ glo bur du lhags pa rnams la lta smos kyang ci dgos par gyur to/ /ji tsam dus gzhan zhig na tshe dang ldan pa kun dga' bo yul ka shi dag tu ljongs rgyu zhing 'gro ba na re lde'i ri la phyin nas re lde ri'i gnas na 'dug go//de nas tshe dang ldan pa kun dga' bo snga dro sham thabs bgos lhung bzed dang chos gos thogs te re lde ri la bsod snyoms la zhugs nas/ ji ltar lhung bzed bkrus pa kho nas re lde ri la bsod snyoms la zhugs pa de ltar lhung bzed bkrus pa kho nas tha na slong mo gcig sbyin pa yang ma thob phyir gtong ba yang ma thob par phyir byung ngo //de nas tshe dang ldan pa kun dga' bo 'di snyam du sems te/ sngon ni yang re lde'i ri 'di 'byor pa dang rgyas pa dang / bde ba dang lo legs pa dang /skye bo dang mi mang pos kyang gang bar gyur la/ 'dir slong mo pas kyang bsod snyoms rnyed sla bar gyur na/ da ltar yang re lde'i ri 'di 'byor pa dang / rgyas pa dang / bde ba dang / lo legs pa dang / skya bo dang / mi mang pos gang ba yin na/ 'on kyang ji ltar bdag lhung bzed bkrus pa kho nas re sde ri la bsod snyoms la zhugs pa de ltar lhung bzed bkrus pa kho nas tha na slong mo gcig sbyin pa yang ma thob phyir gtong ba yang ma thob par phyir byung ba lags na/'dir bcom ldan 'das kyi nyan thos byis pa blun pa mi gsal ba mi mkhas pa 'ga' zhig gis nyon mongs pa'i dbang du gyur pas spyod yul lam spyod yul gyi lam mam/rigs kyi bud med dam rigs kyi gzhon nu ma dag la kun du smras pa'am/ nom pa'am/ nyug par byas par ma gyur tam snyam mo/ /de'i tshe na re lde ri pa'i bram ze dang /khyim bdag rnams kyi dpong sa'i gnas na bram ze dang khyim bdag lnga brgya tsam bya ba zhig gi phyir 'dus te mthun par gyur te/ de nas tshe dang ldan pa kun dga' bo re lde ri pa'i bram ze dang khyim bdag rnams kyi dpong sa'i gnas ga la ba der song ste phyin nas/ re lde ri pa'i bram ze dang khyim bdag rnams la sngar ji ltar gyur pa de dag rgyas par smras so//de skad ces smras pa dang / re lde ri pa'i bram ze dang khyim bdag de rnams dbang po rnams phyir blan te 'khod do/ /de'i tshe na dge bsnyen chu rgyun can 'khor de nyid du 'dug cing mthun par gyur pas tshe dang ldan pa kun dga' bo'i lag pa gnyis nas bzung ste mtha' gcig tu khrid nas/tshe dang ldan pa kun dga' bo la ji ltar re lde ri la dge slong 'gro mgyogs dang nab so gnyis dang dge slong dmar ser can khyim sun 'byin pa sdig pa'i chos kun du spyod pa rnams kyis khyim sun phyung zhing /sdig pa'i chos kun du spyad pa de dag rgyas par brjod nas/ btsun pa kun dga' bo gal te khyod la mi dga' na/ khyod kyis thugs brtse ba'i slad du don 'di bcom ldan 'das la rgyas par gsol cig ces smras so/ /de nas tshe dang ldan pa kun dga' bos dge bsnyen chu rgyun can la cang mi smra bas dang du blangs so//de nas dge bsnyen chu rgyun can gyis tshe dang ldan pa kun dga' bos cang mi smra bas dang du blangs par rig nas/ tshe dang ldan pa kun dga' bo la 'di skad ces smras so/ /btsun pa kun dga' bo bdag cag gi sdum par bsod snyoms cig gsol bar ci gnang /tshe dang ldan pa kun dga' bos dge bsnyen chu rgyun can la cang mi smra bas dang du blangs so/ /de nas dge bsnyen chu rgyun can gyis tshe dang ldan pa kun dga' bos cang mi smra bas dang du blangs par rig nas/ tshe dang ldan pa kun dga' bo bde bar 'dug pa la rang gi lag nas bca' ba dang bza' ba gtsang zhing bsod pas tshim par byed/stobs par byed cing / rang gi lag nas bza' ba dang bca' ba bzang zhing bsod pa rnam grangs du mas tshim par byas shing bstabs nas/ tshe dang ldan pa kun dga' bos zos shing lag pa bsnyal lhung bzed dang chos gos gzhag par rig nas stan ches dma' ba zhig blangs te/tshe dang ldan pa kun dga' bo'i mdun du chos mnyan pa'i phyir 'dug go/ /de nas tshe dang ldan pa kun dga' bo dge bsnyen chu rgyun can la chos dang ldan pa'i gtam yang dag par ston/yang dag par 'dzin du 'jug /yang dag par gzengs stod/ yang dag par rab tu dga' bar byed cing / chos dang ldan pa'i gtam yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar byas nas stan las langs te song ngo //de nas tshe dang ldan pa kun dga' bos ji ltar yongs su spyad pa'i gnas mal mkhos su phab nas/ lhung bzed dang chos gos thogs te mnyan yod ga la ba der rgyu zhing song nas mthar gyis rgyu zhing 'gro ba na mnyan yod du phyin to//de nas tshe dang ldan pa kun dga' bos lhung bzed dang chos gos mkhos su phab ste/ rkang pa gnyis bkrus nas bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te/ mtha' gcig tu 'dug go/ /mtha' gcig tu 'dug nas tshe dang ldan pa kun dga' bos sngar dge bsnyen chu rgyun can dang lhan cig skabs su gtam brjod pa ci byung ba de dag thams cad bcom ldan 'das la rgyas par gsol to//de skad ces gsol pa dang / bcom ldan 'das kyis tshe dang ldan pa kun dga' bo la bka' stsal pa/kun dga' bo khyod dge slong gnas brtan gnas brtan rnams dang lhan cig re lde ri la song la dge slong 'gro mgyogs dang nab so gnyis bskrad pa'i las gyis shig /'di ltar bya ste/ lam gyi bar du 'dug la dge slong gleng ba po 'dun pas mi 'gro ba dang /zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / glengs pa dang ma glengs pa shes pa'i chos lnga dang ldan pa bsko bar bya'o/ /'di ltar bsko bar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/dge 'dun thams cad du 'dug cing mthun par gyur pa la/ je dang por spro bar bya ste/ tshe dang ldan pa ming 'di zhes bya ba khyod re lde'i ri la song ste/ dge slong 'gro mgyogs dang nab so la dge slong gi chos ma yin pa rnam pa mang pos gleng bar spro'am/gal te spro na des spro'o zhes brjod par bya'o/ /de'i 'og tu dge slong gcig gis gsol ba byas te las bya'o/ /'di ltar bya ste 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong gleng ba po ming 'di zhes bgyi ba 'di re lde'i ri la mchis te/dge slong 'gro mgyogs dang nab so la dge sbyong gi chos ma lags pa rnam pa mang pos gleng bar spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong gleng ba po ming 'di zhes bgyi ba dge slong 'gro mgyogs dang nab so la gleng bar bsko'o//'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong gleng ba po ming 'di zhes bgyi ba 'di re lde ri la mchis nas/ dge slong 'gro mgyogs dang nab so la dge slong gi chos ma lags pa rnam pa mang pos gleng bar spro ste/de'i slad du dge 'dun gyis dge slong gleng ba po ming 'di zhes bgyi ba dge slong 'gro mgyogs dang nab so la gleng bar bsko na/ tshe dang ldan pa gang dag dge slong gleng ba po ming 'di zhes bgyi ba dge slong 'gro mgyogs dang /nab so la gleng bar bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong gleng ba po ming 'di zhes bgyi ba dge slong 'gro mgyogs dang nab so la gleng bar bsko lags te/'di ltar cang mi gsung bas de de bzhin du 'dzin to/ /dge slong gang dag ngas dge slong gleng ba po'i kun du spyod pa'i chos bca' bar bya ste/ dge slong gleng ba pos re sde'i ri la song ste/ gnas mal bsham pa byas nas/ gaN+DI brdungs te dris pa'i tshig gis dge slong rnams la yang dag par bsgo ba nas/dge 'dun thams cad 'dug cing mthun par gyur pa na/ dge slong 'gro mgyogs dang nab so gnyis la khyed kyis khyim sun phyung zhing sdig pa'i chos kun du spyad pa bden nam zhes gleng bar bya'o/ /gal te mthun pa mi sbyin nam gus pa de nyid kyis bskrad pa'i las bya'o//gal te mthun pa ster na skabs 'byed du gzhug par bya'o/ /gal te skabs mi 'byed na ma gus pa de nyid kyis bskrad pa'i las bya'o/ /gal te skabs 'byed na gleng bar bya'o/ /gal te ltung ba ma mthong ngo zhes zer na ma gus pa de nyid kyis bskrad pa'i las bya'o//gal te ltung ba mthong ngo zhes zer na/ 'di skad ces de kho na'i phyir dge 'dun gyis khyed gnyis la bskrad pa'i phrin las mdzad de zhes brjod par bya'o/ /dge slong gleng ba pos gleng ba po'i chos ji ltar bcas pa yang dag par blangs te 'jug par mi byed nas 'gal tshabs can du 'gyur ro//bskrad pa'i las ni 'di ltar bya ste/ dge slong gleng ba pos glengs nas ltung ba mthong zhes zer ba na dge slong gcig gis gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/dge 'dun thams cad 'dug cing mthun par gyur pa na gsol ba byas te las bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong 'gro mgyogs dang / nab so 'di gnyis khyim sun 'byin pa sdig pa'i chos kun du spyod pa lags te/'di gnyis khyim sun 'byin par yang snang zhing thos la 'tshal/ 'di gnyis sdig pa'i chos kun du spyod par yang snang zhing thos la 'tshal na/ gal te dge 'dun gyi dus la bab cing bzod na/ dge 'dun gyis gnang bar mdzod cig dang /dge 'dun gyis dge slong 'gro mgyogs dang nab so gnyis la khyim sun 'byin pa ma btang ba la bskrad pa'i phrin las mdzad do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong 'gro mgyogs dang nab so 'di gnyis khyim sun 'byin pa sdig pa'i chos kun du spyod pa lags te/'di gnyis khyim sun 'byin par yang snang zhing thos la 'tshal/ sdig pa'i chos kun du spyod par yang snang zhing thos la 'tshal te/ de'i slad du dge 'dun gyis dge slong 'gro mgyogs dang nab so khyim sun 'byin pa ma btang ba la bskrad pa'i phrin las mdzad na/tshe dang ldan pa gang dag dge slong 'gro mgyogs dang nab so la bskrad pa'i phrin las mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong 'gro mgyogs dang nab so khyim sun 'byin pa ma btang ba la bskrad pa'i phrin las mdzad lags te/ 'di ltar cang mi gsung bas de de bzhin du 'dzin to//de nas tshe dang ldan pa kun dga' bos btsun pa bka' bzhin 'tshal zhes bcom ldan 'das kyi bka' mnyan nas/ dge slong gnas brtan gnas brtan rnams dang lhan cig re lde ri la song ste/ lam gyi bar du 'dug nas dge slong gleng ba po bskos so/ /de nas dge slong dmar ser can gang dag dge slong 'gro mgyogs dang nab so gnyis dang mtshungs par byed pa de dag gis tshe dang ldan pa kun dga' bo dge slong gnas brtan gnas brtan rnams dang lhan cig 'dir 'ongs te/lam gyi bar du 'dug nas dge slong gleng ba po bskos so//dge slong 'gro mgyogs dang nab so gnyis skrod pa'i las byed par 'gyur ro zhes thos so/ /thos nas kyang de dag 'di snyam du sems te tshe dang ldan pa 'di gnyis kyis kun du spyad pa dang / smras pa dang brtul ba gang dag yin pa de dag las bdag cag gis kun du ma spyad pa dang /ma smras pa dang / ma brtul ba ci yang med pas de'i phyir 'di gnyis la skrod pa'i las byed na/ bdag cag la yang ci'i phyir mi byed de/ gang gi tshe tshe dang ldan pa kun dga' bo dang dge slong gnas brtan gnas brtan rnams 'dir 'ongs te/ dang por 'gro mgyogs dang nab so gnyis bskrad pa'i las byas pas de'i 'og tu bdag cag la yang skrod pa'i las byed pa'i gnas yod par 'gyur bas bdag cag gtur bu'i khur drags te/nyan rna ba gzhag cing 'khod nas tshe dang ldan pa kun dga' bo dang dge slong gnas brtan gnas brtan rnams sgo gcig nas 'jug par 'gyur ba na/bdag cag gtur bu'i khur dag thogs te/ sgo gcig nas 'byung zhing mnyan yod du 'dong bar bya gor ma chag snyam mo/ /de nas dge slong gleng ba po re lde ri la song ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/dge 'dun thams cad 'dug cing mthun par 'gyur ba na/ dge slong 'gro mgyogs dang nab so gnyis kyi mthun pa byin te skabs phye nas/ dge slong gleng ba pos glengs pa dang de gnyis kyis smras pa/ tshe dang ldan pa ltung ba mthong ngo //gleng ba pos smras pa/ de kho na'i phyir dge 'dun gyis khyed gnyis la bskrad pa'i phrin las mdzad do/ /de nas tshe dang ldan pa kun dga' bo dang dge slong gnas brtan gnas brtan rnams sgo gcig nas zhugs par gyur pa na/ dge slong dmar ser can dag gtur bu'i khur dag thogs te sgo gcig nas byung zhing mnyan yod du dong nas de dag gis ltung ba bshags par bya ba gang dag yin pa de dag kyang bshags shing /sems kyi rnam par rtog pa sna tshogs bsdam par bya ba dag kyang sems kyis bsdams te/ dge slong rang bzhin du gnas pa dag dang lhan cig gnas shing dge 'dun gyi bya ba yang rjes su srung bar byed do/ /de nas tshe dang ldan pa kun dga' bo dang dge slong gnas brtan gnas brtan rnams kyis dge slong 'gro mgyogs dang nab so gnyis la bskrad pa'i las byas nas mnyan yod ga la ba der song ste/mthar gyis rgyu zhing 'gro ba na mnyan yod du phyin to/ /'gro mgyogs dang nab so gnyis kyis bsams pa/ gang sa la sgyel bde ni sa nyid la brten te ldang ba yin pas bdag cag gnyis kyang mnyan yod du song ste/ bcom ldan 'das dang dge slong gi dge 'dun la bzod pa gsol bar bya'o snyam nas de gnyis kyis gros byas nas de nyid kyi mtshan mo 'das pa dang / snga dro chos gos dang sham thabs bgos lhung bzed thogs te/ re lde ri la bsod snyoms la zhugs nas re lde ri la bsod snyoms brgyus te zas kyi bya ba byas nas phyi dro bsod snyoms mi byed pas ji ltar spyad pa'i gnas mal mkhos su phab ste/chos gos dang lhung bzed thogs nas mnyan yod ga la ba der rgyu zhing song ste/ mthar gyis rgyu zhing 'dong ba na mnyan yod du phyin nas dge slong gnas brtan gnas brtan rnams kyis de gnyis mthong ba dang /de rnams de gnyis la gtam 'dre bar mi byed/ phebs par smra bar mi byed do/ /dge 'dun dmar ser can dag gis kyang de gnyis mthong ba dang de gnyis la gtam 'dre bar mi byed/ phebs par smra bar mi byed do/ /de nas dge slong 'gro mgyogs dang /nab so gnyis kyis dge slong dmar ser can dag la smras pa/ tshe dang ldan pa dag dge slong gnas brtan gnas brtan rnams ni kho bo cag gnyis la gtam 'dre bar mi byed/ phebs par smra bar mi byed pa ni rigs na khyed cag ci'i phyir kho bo cag gnyis la gtam 'dre bar mi byed/phebs par smra bar mi byed/ kho bo cag gnyis kyis kun du spyad pa dang smras pa dang / brtul ba gang dag yin pa dag las/ khyed cag gis kun du ma spyad pa dang ma smras pa dang ma brtul ba ci zhig yod de dag gis smras pa/ tshe dang ldan pa gnyis de yang bden mod kyi 'on kyang kho bo cag gis ltung ba bshags par bya ba gang dag yin pa de dag kyang bshags shing /sems kyi rnam par rtog pa sna tshogs bsdam par bya ba dag kyang sems kyis bsdams te/ de ltar dge slong rang bzhin du gnas pa dag dang lhan cig gnas shing dge 'dun gyi bya ba yang rjes su srung bar byed pas kho bo cag phyin chad gnas ngan len kun du spyod pa dag lhan cig longs spyod par mi byed do//de gnyis kyis smras pa/ tshe dang ldan pa dag 'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho nas dge slong kha cig ni skrod par byed/ kha cig ni skrod par mi byed do zhes 'phya bar brtsams pa dang / dge slong rnams kyis de gnyis la smras pa/ tshe dang ldan pa gnyis khyed gnyis su la 'dun pas 'gro ba/ zhe sdang gis 'gro ba/gti mug gis 'gro ba/ 'jigs pas 'gro ba zhes zer/ tshe dang ldan pa kun dga' bo dang / dge slong gnas brtan gnas brtan gang dag re lde ri la dong nas bdag cag bskrad pa'i las byas pa dag la'o/ /dge slong don nyung ngu dag ci'i phyir dge slong dag tshe dang ldan pa kun dga' bo dang dge slong gnas brtan gang dag re lde'i ri la dong nas bdag cag bskrad pa'i las byas par shes bzhin du de dag la 'dun pas 'gro ba/zhe sdang gis 'gro ba/ gti mug gis 'gro ba/ 'jigs pas 'gro ba zhes zer zhing dge slong rnams la yang de skad ces tshe dang ldan pa dag 'di na/dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed/ kha cig ni skrod par mi byed ces smod par byed/phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong 'gro mgyogs dang nab so gnyis dang / gzhan yang de lta bu gang yin pa la bzhams te bsgo bar bya'o//'di skad ces bsgo bar bya ste/ tshe dang ldan pa 'gro mgyogs dang / nab so gnyis khyed tshe dang ldan pa kun dga' bo dang / dge slong gnas brtan gnas brtan gang dag re lde'i ri la dong nas khyed bskrad pa'i las byas par shes bzhin du de dag la 'dun pas 'gro ba/zhe sdang gis 'gro ba/ gti mug gis 'gro ba/ 'jigs pas 'gro ba zhes ma zer cig /dge slong rnams la yang 'di skad ces tshe dang ldan pa dag 'di na dge slong kha cig 'dun pas 'gro ba/ zhe sdang gis 'gro ba/gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed/ dge slong kha cig ni skrod par mi byed do zhes ma zer cig /de ci'i phyir zhe na/ dge slong de dag ni 'dun pas 'gro ba ma yin/ zhe sdang gis 'gro ba ma yin/gti mug gis 'gro ba ma yin/ 'jigs pas 'gro ba ma yin gyi/ 'di ltar tshe dang ldan pa dag nyid khyim sun 'byin pa sdig pa'i chos kun du spyod pa dag yin te/ khyed kyis khyim dag sun phyung ba yang mthong zhing thos la rab tu shes/ khyod sdig pa'i kun du spyod par yang mthong zhing thos la rab tu shes pa'i phyir te/tshe dang ldan pa dag 'dun pas 'gro ba zhes bya ba'i tshig gi lam dang / zhe sdang gis 'gro ba/ gti mug gis 'gro ba/ 'jigs pas 'gro ba zhes bya ba'i tshig gi lam 'di lta bu 'di thong shig ces bsgo bar bya'o/ /dge slong rnams kyis btsun pa bka' bzhin 'tshal zhes bcom ldan 'das kyi bka' mnyan nas/dge slong 'gro mgyogs dang nab so gnyis la bzhams te bsgo'o/ /dge slong rnams kyis de gnyis la bzhams te bsgo yang gzhi de nyid la nan gyis mchog tu bzung zhing mngon par zhen nas/de nyid bden gyi gzhan ni brdzun pa'o zhes rjes su tha snyad 'dogs par byed pa'i skabs de dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ dge slong dag khyed kyis 'gro mgyogs dang nab so gnyis dang gzhan yang de lta bu gang yin pa la gsol ba dang bzhi'i las kyis bsgo bar bya'o//'di ltar bsgo bar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa la dge slong gcig gis gsol ba byas te las bya'o//'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong 'gro mgyogs dang nab so 'di gnyis tshe dang ldan pa kun dga' bo dang dge slong gnas brtan gnas brtan gang dag re ldi'i ri la mchis nas/'di gnyis bskrad pa'i las bgyis par 'tshal bzhin du de dag la 'dun pas 'gro ba zhes mchi zhe sdang gis 'gro ba/ gti mug gis 'gro ba/ 'jigs pas 'gro ba zhes mchi zhing / dge slong rnams la yang 'di skad ces tshe dang ldan pa dag 'di na/ dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed/ kha cig ni skrod par mi byed do zhes mchi nas/ 'di gnyis la dge slong mang pos bzhams te bsgo na/'di gnyis la dge slong mang pos bzhams te bsgo yang gzhi de nyid la nan gyis mchog tu bzung zhing / mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par bgyid na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong 'gro mgyogs dang nab so gnyis la/ tshe dang ldan pa 'gro mgyogs dang nab so gnyis khyed tshe dang ldan pa kun dga' bo dang / dge slong gnas brtan gnas brtan gang dag re lde ri la dong nas khyed bskrad pa'i las byas par shes bzhin du de dag la 'dun pas 'gro ba zhes ma zer cig /zhe sdang gis 'gro ba/ gti mug gis 'gro ba/ 'jigs pas 'gro ba zhes ma zer cig /dge slong rnams la yang 'di skad ces tshe dang ldan pa dag 'di na dge slong kha cig 'dun pas 'gro ba/zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed/ kha cig ni skrod bar mi byed do zhes ma zer cig /de ci'i phyir zhe na/ dge slong de dag ni 'dun pas 'gro ba ma yin/zhe sdang gis 'gro ba ma yin/ gti mug gis 'gro ba ma yin/ 'jigs pas 'gro ba ma yin gyi/ 'di ltar tshe dang ldan pa dag nyid khyim sun 'byin pa sdig pa'i chos kun du spyod pa dag yin te/ khyed kyis khyim dag sun phyung bar yang mthong zhing thos la rab tu shes/khyed sdig pa'i chos kun du spyod pa yang mthong zhing thos la rab tu shes pa'i phyir te/ tshe dang ldan pa dge 'dun pas 'gro ba zhes bya ba'i tshig gi lam dang / zhe sdang gis 'gro ba dang / gti mug gis 'gro ba dang / 'jigs pas 'gro ba zhes bya ba'i tshig gi lam 'di lta bu 'di thong shig ces gsol ba dang bzhi'i las kyis bsgo ba mdzad do//'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong 'gro mgyogs dang nab so 'di gnyis tshe dang ldan pa kun dga' bo dang dge slong gnas brtan gnas brtan gang dag re lde ri la mchis nas 'di gnyis bskrad pa'i las bgyis par 'tshal bzhin du de dag la 'dun pas 'gro ba zhes mchi/zhe sdang gis 'gro ba/ gti mug gis 'gro ba/ 'jigs pas 'gro ba zhes mchi zhing / dge slong rnams la yang 'di skad ces tshe dang ldan pa dag 'di na dge slong kha cig 'dun pas 'gro ba/zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed/ kha cig ni skrod par mi byed do zhes mchi nas/'di gnyis la dge slong mang pos bzhams te bsgo na/ 'di gnyis la dge slong mang pos bzhams te bsgo yang gzhi de nyid la nan gyis mchog tu bzung zhing mngon par zhen nas/ 'di nyid bden gyi gzhan ni brdzun pa'o zhes rjes su tha snyad 'dogs par bgyid de/ de'i slad du dge 'dun gyis dge slong 'gro mgyogs dang nab so gnyis la/ tshe dang ldan pa 'gro mgyogs dang nab so gnyis khyed tshe dang ldan pa kun dga' bo dang / dge slong gnas brtan gnas brtan gang dag re lde'i ri la dong nas/ khyed bskrad pa'i las byas par shes bzhin du de dag la 'dun pas 'gro ba'o zhes ma zer cig /zhe sdang gis 'gro ba/ gti mug gis 'gro ba/ 'jigs pas 'gro ba zhes ma zer cig /dge slong rnams la yang 'di skad ces tshe dang ldan pa dag 'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed kha cig ni skrod par mi byed do zhes ma zer cig /de ci'i phyir zhe na/ dge slong de dag ni 'dun pas 'gro ba ma yin/ zhe sdang gis 'gro ba ma yin/ gti mug gis 'gro ba ma yin/ 'jigs pas 'gro ba ma yin gyi/ 'di ltar tshe dang ldan pa dag nyid khyim sun 'byin pa sdig pa'i chos kun du spyod pa dag yin te/ khyed gnyis kyis khyim dag sun phyung bar yang mthong zhing thos la rab tu shes/ khyod sdig pa can kun du spyod par yang mthong zhing thos la rab tu shes pa'i phyir te/tshe dang ldan pa dag 'dun pas 'gro ba zhes bya ba'i tshig gi lam dang / zhe sdang gis 'gro ba/ gti mug gis 'gro ba/ 'jigs pas 'gro ba zhes bya ba'i tshig gi lam 'di lta bu 'di thong shig ces gsol ba dang bzhi'i las kyis bsgo ba mdzad na/tshe dang ldan pa gang dag dge slong 'gro mgyogs dang nab so gnyis la gsol ba dang bzhi'i las kyis bsgo ba mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/dge 'dun gyis bzod cing gnang nas dge 'dun gyis dge slong 'gro mgyogs dang nab so gnyis la gsol ba dang bzhi'i las kyis bsgo ba mdzad lags te/ 'di ltar cang mi gsung bas de de bzhin du 'dzin to/ /dge slong rnams kyis btsun pa bka' bzhin 'tshal zhes bcom ldan 'das kyi bka' mnyan nas/dge slong 'gro mgyogs dang nab so gnyis la gsol ba dang bzhi'i las kyis bsgo'o/ /gsol ba dang bzhi'i las kyis bsgo yang gzhi de nyid la nan gyis mchog tu bzung zhing mngon par zhen nas/'di nyid bden gyi gzhan ni brdzun pa'o zhes rjes su tha snyad 'dogs par byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad de/mkhyen bzhin du rmed pas 'gro mgyogs dang nab so gnyis la smras nas/ rnam grangs du mas smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong rab tu mang po dag grong ngam grong rdal zhig na nye bar brten cing gnas par gyur la/de dag kyang khyim sun 'byin pa sdig pa'i chos kun du spyod par gyur cing / de dag gis khyim dag sun phyung bar mthong ngam/ thos sam/ rab tu shes sam/ de dag sdig pa kun du spyod par mthong ngam thos sam rab tu shes na/dge slong de dag la dge slong rnams kyis 'di skad ces tshe dang ldan pa dag khyim sun 'byin pa sdig pa'i chos kun du spyod pa dag yin te/ khyod kyis khyim dag sun phyung ba yang mthong zhing thos la rab tu shes/ khyed sdig pa'i chos kun du spyod par yang mthong zhing thos la rab tu shes kyi/tshe dang ldan pa dag khyed cag 'di na gnas pas chog gi gnas 'di nas dengs shig ces bsgo bar bya'o/ /gal te de dag dge slong rnams la 'di skad ces tshe dang ldan pa dag 'di na dge slong kha cig 'dun pas 'gro ba/ zhe sdang gis 'gro ba/gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed/ kha cig ni skrod par mi byed do zhes zer na/ dge slong de dag la dge slong rnams kyis 'di skad ces tshe dang ldan pa dag khyed cag 'di na dge slong kha cig 'dun pas 'gro ba/zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed/ kha cig ni skrod par mi byed do zhes ma zer cig /de ci'i phyir zhe na/ dge slong de dag ni 'dun pas 'gro ba ma yin/zhe sdang gis 'gro ba ma yin/ gti mug gis 'gro ba ma yin/ 'jigs pas 'gro ba ma yin gyi/ 'di ltar tshe dang ldan pa dag nyid khyim sun 'byin pa/ sdig pa'i chos kun du spyod pa dag yin te/ khyed nyid kyis khyim dag sun phyung bar yang mthong zhing thos la rab tu shes/khyed sdig pa'i chos kun du spyod par yang mthong zhing thos la rab tu shes pa'i phyir te tshe dang ldan pa dge 'dun pas 'gro ba zhes bya ba'i tshig gi lam dang / zhe sdang gis 'gro ba dang / gti mug gis 'gro ba/ 'jigs pas 'gro ba zhes bya ba'i tshig gi lam 'di lta bu 'di thong shig ces bsgo bar bya'o//dge slong de dag la dge slong rnams kyis de skad ces bsgo ba na gal te gzhi de gtong na de lta na legs/ gal te mi gtong na gzhi de gtang bar bya ba'i phyir lan gnyis lan gsum du yang dag par bsgo bar bya yang dag par bstan par bya'o//lan gnyis lan gsum du yang dag par bsgo yang dag par bstan pa na gzhi de gtong na de lta na legs/ gal te mi gtong na dge 'dun lhag ma'o zhes bca' ba mdzad de/ yul ni mnyan yod/ gang zag ni 'gro mgyogs dang nab so gnyis/ nyon mongs pa ni rang skrod pa'i dge 'dun la log pa'i bsam pas 'dun pas 'gro ba'o zhes bya ba la sogs pas brdzun du smra ba/nyes pa ni khyim sun 'byin pa'o/ /de la dge slong zhes bya ba ni 'gro mgyogs dang nab so dag gam/ gzhan yang de lta bu gang yin pa'o/ /rab tu mang po dag ces bya ba ni grangs su yang rung ba ste/gnyis las lhag pa ni rab tu mang po dag go/ /grong ngam grong rdal zhig nas zhes bya ba ni re lde ri 'am gzhan yang de lta bu gang yin pa na'o/ /nye bar brten cing gnas par gyur la zhes bya ba ni chos dang zang zing gi longs spyod dag gis so/ /de dag kyang khyim sun 'byin pa zhes bya ba ni bram ze dang khyim bdag gi khyim dag go//sun 'byin pa zhes bya ba ni de dag rgyu gnyis kyis sun 'byin par byed de/ 'grogs pa dang longs spyod pas so/ /ji ltar 'grogs pas she na/ bud med dang lhan cig stan gcig la 'dug par byed/snod gcig tu za bar byed/ phor bu gcig tu myos par 'gyur ba'i btung ba sna tshogs dag 'thung bar byed pas te de ltar 'grogs pas so/ /ji ltar longs spyod pas she na/ zas kyis dang / skom gyis dang / gos kyis dang / me tog gis dang / 'bras bus dang /so shing gis te/ de ltar longs spyod pas so/ /sdig pa'i chos kun du spyod par gyur cing zhes bya ba ni gnas ngan len kun du spyod par gyur cing ngo / /de dag gi khyim dag ces bya ba ni bram ze dang khyim bdag gi khyim dag go/ /sun phyung bar mthong ngam zhes bya ba ni mig gi rnam par shes pas so//thos sam zhes bya ba ni rna ba'i rnam par shes pas so/ /rab tu shes sam zhes bya ba ni de las gzhan pa'i rnam par shes pa'i tshogs dag gis so/ /de dag gis sdig pa kun du spyod par zhes bya ba ni gnas ngan len kun du spyod par ro/ /mthong ngam/ thos sam rab tu shes na zhes bya ba ni snga ma bzhin no//dge slong de dag la zhes bya ba ni 'gro mgyogs dang nab so gnyis dang gzhan yang de lta bu gang dag yin pa de dag la'o/ /dge slong rnams kyis zhes bya ba ni chos 'di pa rnams kyis so/ /'di skad ces tshe dang ldan pa dag khyim sun 'byin pa sdig pa'i chos kun du spyod pa dag yin te/khyed kyis khyim dag sun phyung bar yang mthong zhing thos la rab tu shes khyed sdig pa kun du spyod par yang mthong zhing thos la rab tu shes kyi tshe dang ldan pa dag khyed cag gnas 'di na gnas pas chog gi gnas 'di nas dengs shig ces bsgo bar bya'o zhes bya ba ni glengs nas ltung ba mthong ba'i 'og tu bskrad pa'i las ji skad sngar bstan pa ltar bskrad pa'i las bya'o//gal te de dag dge slong rnams la 'di skad ces tshe dang ldan pa dag 'di na dge slong kha cig 'dun pas 'gro ba/ zhe sdang gis 'gro ba/ gti mug gis 'gro ba/'jigs pas 'gro ba dag yin te/ 'di ltar ltung ba 'dra ba kho na las/ dge slong kha cig ni skrod par byed/ kha cig ni skrod par mi byed do zhes zer na zhes bya ba ni nyon mongs pa'i dbang gis rang skrod par byed pa'i dge 'dun la log pa'i bsam pas 'dun pas 'gro ba zhes bya ba la sogs pas brdzun du smra ba de skad zer na'o//dge slong de dag la zhes bya ba ni 'gro mgyogs dang nab so gnyis dang gzhan yang de lta bu gang dag yin pa de dag la'o/ /dge slong rnams kyis zhes bya ba ni chos 'di pa rnams kyis so/ /'di skad ces tshe dang ldan pa dag khyed 'di na dge slong kha cig 'dun pas 'gro ba/zhe sdang gis 'gro ba/ gti mug gis 'gro ba/ 'jigs pas 'gro ba dag yin te/ 'di ltar ltung ba 'dra ba kho na las dge slong kha cig ni skrod par byed/ kha cig ni skrod par mi byed do zhes ma zer cig /de ci'i phyir zhe na/ dge slong de dag ni 'dun pas 'gro ba ma yin/zhe sdang gis 'gro ba ma yin/ gti mug gis 'gro ba ma yin/ 'jigs pas 'gro ba ma yin gyi/ 'di ltar tshe dang ldan pa dag nyid khyim sun 'byin pa/ sdig pa'i chos kun du spyod pa dag yin te/ khyed nyid kyis khyim dag sun phyung bar yang mthong zhing thos la rab tu shes/khyed sdig pa kun du spyod par yang mthong zhing thos la rab tu shes pa'i phyir te/ tshe dang ldan pa dge 'dun pas 'gro ba zhes bya ba'i tshig gi lam dang / zhe sdang gis 'gro ba/ gti mug gis 'gro ba/ 'jigs pas 'gro ba zhes bya ba'i tshig gi lam 'di lta bu 'di thong shig ces bsgo bar bya'o zhes bya ba ni bzhams te bsgo ba ji skad sngar bstan pa ltar bsgo bar bya'o//dge slong de dag la dge slong rnams kyis de skad bsgo ba na zhes bya ba ni/ bzhams te bsgo ba na'o/ /gal te gzhi de gtong na zhes bya ba ni lta ba de yongs su gtong na'o//de lta na legs zhes bya ba ni de lta na bzang ba ste/ rtsoms pa'i nyes byas gcig byung bar zad kyi nyes pa sbom po yang ma byung ba'i phyir ro/ /gal te mi gtong na zhes bya ba ni yongs su mi gtong na ste/ de ltar bzhams te bsgo ba mi gtong na/ rtsom pa la nyes byas gcig dang / bzhams te bsgo ba ma btang ba'i mthar nyes pa sbom po gcig kyang 'byung ngo / /gzhi de gtang bar bya ba'i phyir lan gnyis lan gsum du yang dag par bsgo bar bya yang dag par bstan par bya'o zhes bya ba ni gsol ba dang bzhi'i las kyis bsgo ba ji skad sngar bstan pa ltar bsgo bar bya ste/yang dag par bsgo ba ni de yin/ yang dag par bstan pa ni de yin no/ /lan gnyis lan gsum du zhes bya ba ni gsol ba gcig byas pa'i 'og tu las brjod pa gsum bya ba'o/ /yang dag par bsgo ba ni kun du dri ba'o/ /yang dag par bstan pa ni khyim sun 'byin pa las bzlog pa'o//lan gnyis lan gsum du yang dag par bsgo/ yang dag par bstan pa ni gzhi de gtong na de lta na legs zhes bya ba ni de ltar na bzang ba ste/ dge 'dun lhag ma'i dngos gzhi'i ltung ba ma byung ba'i phyir ro/ /sngar ni sbyor ba brtsams pa la nyes byas gcig go//bzhams te bsgo ba ma btang ba'i mthar nyes pa sbom po gcig go/ /gsol ba byas pa rdzogs pa'i mthar yang nyes pa sbom po gcig go/ /las brjod pa dang po byas pa rdzogs pa'i mthar yang nyes pa sbom po gcig go/ /las brjod pa gnyis pa byas pa rdzogs pa'i mthar yang nyes pa sbom po gcig go//gal te mi gtong na dge 'dun lhag ma'o zhes bya ba ni las brjod pa gsum pa dang / mjug sdud pa rdzogs pa'i mthar dge 'dun lhag ma'i dngos gzhi gcig 'byung ba'o/ /dge 'dun lhag ma'o zhes bya ba ni snga ma bzhin te/des na dge 'dun lhag ma'o zhes gsungs so/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang sbyor ba'i sbyor bas ltung ba rnam par gzhag pa dang ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la sngar dge 'dun gyi dbyen byed pa dang / de'i rjes su phyogs pa dang / khyim sun 'byin pa dang / bka' blo mi bde ba zhes bya ba dge 'dun lhag ma tha ma bzhi po rnams kyis spyi'i thun mong gi mtshan nyid ji skad bstan pa thams cad dran par byas nas/ 'dir khyim sun 'byin pa'i dge 'dun lhag ma'i dngos gzhi'i ltung ba rnam par gzhag pa bshad par bya ste/ci zhig byas na khyim sun 'byin pa'i dge 'dun lhag mar 'gyur zhe na/ rang skrod par byed pa'i dge 'dun la log pa'i bsam pas de de la de ltar zhugs so zhes brdzun du smra ba nyid mi gtong na dge 'dun lhag mar 'gyur ro//de'i bye brag ni khyim sun 'byin par byed pa'i dge slong la gleng ba pos glengs shing mthun pa byin te skabs 'byed pa la glengs nas ltung ba mthong ngo zhes zer ba la skrod pa'i las byas nas khyim sun 'byin par byed pa'i dge slong rang skrod par byed pa'i dge 'dun la log pa'i bsam pas 'dun pa dang /zhe sdang dang / gti mug dang / 'jigs pa'i dbang gis dge 'dun de bdag skrod pa'i las gang yin pa de la 'dun pas 'gro ba la sogs pas 'di ltar ltung ba 'dra ba kho na las/ dge slong kha cig ni skrod par byed/kha cig ni skrod par mi byed pa de ltar zhugs so zhes brdzun du smra ba nyid la dge 'dun gyis bzhams te bsgo ba dang / gsol ba dang / bzhi'i las kyis bzlog pa na las brjod pa gsum pa mjug sdud pa dang bcas pa rdzogs pa'i mthar mi gtong na dge 'dun lhag ma'i dngos gzhir 'gyur ro//dge slong 'gro ba gzhan gyi rnam pa bstan pa na dge slong gi 'du shes yod pa la na smad pa med do/ /dngos po bzang ngan dang 'dra ba lan smad pa med do/ /mtshan gyur pa ltung ba thun mong gi yul la na smad pa med do/ /'gro ba gzhan las skyes pa dang / 'gro ba gzhan gyi rnam pa bsten pa la na smad pa med do//gnas skabs gzhan thob pa la na smad pa med do/ /gzhi gcig la bslab pa du ma bcas pa nyid la na smad pa med do/ /dngos po la the tshom za bas bsam pa dang bcas par zhugs pa la na smad pa med do/ /yul bsams pa dang ma bsams pa la na smad pa med do//rang dang gzhan gyi don du byed pa la na smad pa med do/ /'di'i byed pa po ni khyim sun 'byin pa dang bskrad pa'i las byas pa'o/ /'di la yan lag drug gis dngos gzhi'i ltung bar 'gyur te/ khyim sun 'byin pa dang / gleng ba dang / bskrad pa dang rang skrod pa'i dge 'dun la log pa'i bsam pas de de la de ltar zhugs so zhes brdzun du smra ba nyid dang /chos dang mthun pas bzlog pa dang / las brjod pa gsum pa'i mthar mi gtong ba'o/ /de dag las yan lag ma tshang na ci rigs par na smad do/ / sbyor ba'i ltung ba ni bzhams te bsgo bas bzlog pa na mi gtong na nyes pa sbom po'o/ /gsol bas bzlog pa na mi gtong na nyes pa sbom po'o/ /las brjod pa dang pos bzlog pa na mi gtong na nyes pa sbom po'o/ /las brjod pa gnyis pas bzlog pa na mi gtong na nyes pa sbom po'o/ / dang po rtsom pa ma gtogs pa gleng ba dang bskrad pa'i las byas pa phyin chad kyi 'jug pa ni sbyor ba nyid de nyes pa sbom po'o/ /khyim pa dang mi ma yin pa'i 'gro ba la nyes pa sbom po'o/ /khyim pa rang bzhin nyams pa dang brda mi phrad pa la nyes pa sbom po'o/ /dge slong mi ma yin pa'i 'gro ba'i rnam pa bsten pa na dge slong gi 'du shes med pa la nyes pa sbom po'o//sbyor ba'i sbyor ba'i ltung ba ni dge slong gis cung zad ji tsam du dge slong de dag gis bdag nyid bskrad pa'i las byas par shes bzhin du de dag la 'dun pas 'gro ba/ zhe sdang gis 'gro ba/ gti mug gis 'gro ba/ 'jigs pas 'gro ba zhes zer na thams cad du nyes byas su 'gyur ro/ /sbyor ba'i ltung ba la sbyor ba tha dad pa ji snyed byas pa re re la nyes byas re rer 'gyur ro/ /gleng ba dang bskrad pa ma byas pa'i tshe na 'dun pas 'gro ba zhes bya ba la sogs pa zer ba yang nyes byas so/ /khyim pa dud 'gro la yang nyes byas so//'di la sngar gleng ba dang bskrad pa ma byas par bzlog pa'i cho ga dang las byed na cho ga las 'das pa'i las mi 'chags par byed pa yin pas/ byed pa po'i dge 'dun la yang 'gal tshabs can du 'gyur ro/ /ltung ba med pa ni mi mthun pa dang / chos ma yin pas bsgo bar byed na ltung ba med do//mthun pa dang chos gcig yod gcig med pas bsgo bar byed na ltung ba med do/ /mthun pa ltar bcos pa dang / chos ltar bcos pas bsgo bar byed na ltung ba med do/ /chos dang mthun pa dang ston pa ji lta ba bzhin ma yin pas bsgo bar byed na ltung ba med do//las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni yul thams cad la gnas skabs thams cad du khyim sun 'byin pa'i sdig pa'i chos kun du spyod pa'i sbyor ba'i sbyor ba nyes byas dang / sbyor ba sbom po dang /dngos gzhir 'gyur ba rnam pa thams cad mi bsten par bslab par bya'o/ /bsgo ba las gyur pa'i dge 'dun lhag ma byung ma thag tu stan de nyid la 'dug bzhin du mthol bar bya'o/ /gzhi des ma bshags shing so sor bshags par gsol ba dang / gsol ba dang gnyis dang /gsol ba dang bzhi'i las thams cad nyams su myong bar mi bya'o/ /phyir bcos pa ni 'og nas ston to/ /khyim sun 'byin pa'i dge 'dun lhag ma ste bcu gnyis pa bshad zin to// //bka' blo mi bde ba'i dge 'dun lhag ma'i gleng gzhi ni/ sangs rgyas bcom ldan 'das kau shAm+bI na gdangs can gyi kun dga' ra ba na bzhugs so//de'i tshe na tshe dang ldan pa 'dun pa ltung ba byung ba chos bzhin du phyir mi byed nas/ de la dge slong don 'dod pa phan par 'dod pa bde bar 'dod pa bde ba la reg par 'dod pa/ grub pa dang bde bar 'dod pa rnams kyis tshe dang ldan pa 'dun pa khyod ltung ba byung ba de dag chos bzhin du phyir gyis shig ces gleng bar byed dran par byed pa na/des smras pa su la ltung ba byung ba de phyir byed par 'gyur ro/ /khyod la ltung ba byung na su zhig phyir byed par 'gyur/ su la ltung ba byung ba de phyir 'gyod par 'gyur ba'o/ / khyod la ltung ba byung ba la su 'gyod par 'gyur/ de la dge slong rnams kyis phyir zhing phyir zhing smras pa na de 'thur zhing smras pa/ tshe dang ldan pa dag khyed cag dge yang rung snyig kyang rung bdag la ci yang ma smra shig /bdag kyang dge yang rung sdig kyang rung tshe dang ldan pa dag la ci yang mi smra'i/tshe dang ldan pa dag gis bdag la tshig gi lam thong shig /khyed la bdag gis smras pas ci zhig bya/ 'di ltar khyed cag ni rigs sna tshogs dang / rus sna tshogs dang / khyim sna tshogs nas rab tu byung ba dag yin te/ 'di lta ste/ dper na shing ljon pa dag gi lo ma sna tshogs rlung gis lhags pa dag gcig tu ltung zhing gcig tu 'dus pa bzhin du/kho bo'i 'phags pa sangs rgyas bcom ldan 'das kyis ni byang chub thugs su chud pa yin te/ khyed dang kho bo mi 'das kho bo la ci yang ma zer cig ces zer nas/dge slong don nyung ngu dag ci'i phyir dge slong dag dge slong rnams kyis gdon par gtogs pa bslab pa'i gzhi rnams dang / bde bar gshegs pa'i mdor gtogs pa rnams kyis chos dang mthun pa dang 'dul ba dang mthun par smras pa na/ bdag nyid brjod par bya ba ma yin par byed ces smod par byed/phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ dge slong dag khyed kyis dge slong 'dun pa dang gzhan yang de lta bu gang yin pa la bzhams te bsgo bar bya'o//'di skad ces bsgo bar bya ste/ tshe dang ldan pa 'dun pa khyod dge slong rnams kyis gdon par gtogs pa bslab pa'i gzhi rnams dang bde bar gshegs pa'i mdor gtogs pa rnams kyis chos dang mthun pa dang 'dul ba dang mthun par smras pa na/ bdag nyid brjod par bya ba ma yin par ma byed par tshe dang ldan pas bdag nyid brjod par bya ba kho nar gyis shig /dge slong rnams tshe dang ldan pa 'dun pa la chos dang mthun pa dang 'dul ba dang mthun par smra na/ tshe dang ldan pa yang dge slong rnams la chos dang mthun pa dang / 'dul ba dang mthun par smros shig /'di lta ste/ gcig la gcig brjod par bya ba nyid du byed pa dang gcig la gcig 'doms shing rjes su ston pa dang / gcig gis gcig ltung ba las slong ba nyid de lta bus bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i 'khor 'di 'phel bar 'gyur gyis/tshe dang ldan pa 'dun pa khyod bdag nyid brjod par bya ba ma yin par byed pa'i las kyi mtha' 'di lta bu 'di thong shig ces bsgo bar bya'o/ /dge slong rnams kyis btsun pa bka' bzhin 'tshal zhes bcom ldan 'das kyi bka' mnyan nas/tshe dang ldan pa 'dun pa la bzhams te bsgo'o/ /de la dge slong rnams kyis bzhams te bsgo ba na gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed pa'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ dge slong dag khyed kyis dge slong 'dun pa dang gzhan yang de lta bu gang yin pa la gsol ba dang bzhi'i las kyis bsgo bar bya'o/ /'di ltar bsgo bar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/dge 'dun thams cad du 'dug cing mthun par gyur pa la dge slong gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/dge slong 'dun pa 'di ltung ba byung ba chos bzhin du slar mi bgyid nas/ 'di la dge slong rnams kyis gdon par gtogs pa'i bslab pa'i gzhi rnams dang / bde bar gshegs pa'i mdor gtogs pa rnams kyis chos dang mthun pa dang / 'dul ba dang mthun par smras pa na/tshe dang ldan pa dag khyed cag dge yang rung sdig kyang rung / bdag la ci yang ma smra shig /bdag kyang dge yang rung sdig kyang rung tshe dang ldan pa dag la ci yang mi smra'o/ /tshe dang ldan pa dag gis bdag la tshig gi lam thong shig /khyed la yang bdag gis smras pas ci zhig bya zhes bdag nyid brjod par bgyi ba ma lags par bgyid nas/'di la dge slong mang pos bzhams te bsgo yang gzhi de nyid la nan gyis mchog tu bzung zhing mngon par zhen nas/ 'di nyid bden gyi gzhan ni brdzun pa'o zhes rjes su tha snyad 'dogs par bgyid na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'dun pa la tshe dang ldan pa 'dun pa khyod dge slong rnams kyis gdon par gtogs pa bslab pa'i gzhi rnams dang bde bar gshegs pa'i mdor gtogs pa rnams kyis chos dang mthun pa dang 'dul ba dang mthun par smras pa na/bdag nyid brjod par bya ba ma yin par ma byed par tshe dang ldan pas bdag nyid brjod par bya ba kho nar gyis shig /dge slong rnams kyis tshe dang ldan pa la chos dang mthun pa dang 'dul ba dang mthun par smra ba na/tshe dang ldan pa yang dge slong rnams la chos dang mthun pa dang / 'dul ba dang mthun par smos shig /'di lta ste/ gcig la gcig brjod par bya ba nyid du byed pa dang / gcig la gcig 'doms shing rjes su ston pa dang / gcig gis gcig ltung ba las slong ba nyid de lta bus bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i 'khor 'di 'phel bar 'gyur gyis/tshe dang ldan pa 'dun pa khyod bdag nyid brjod par bya ba ma yin par byed pa'i las kyi mtha' 'di lta bu 'di thong shig ces gsol ba dang bzhi'i las kyis bsgo ba mdzad do//'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong 'dun pa 'di ltung ba byung ba chos bzhin du slar mi bgyid nas/ 'di ltar dge slong rnams kyis gdon bar gtogs pa bslab pa'i gzhi rnams dang bde bar gshegs pa'i mdor gtogs pa rnams kyis chos dang mthun pa dang /'dul ba dang mthun par smras pa na/ tshe dang ldan pa dag khyed cag dge yang rung sdig kyang rung bdag la ci yang ma smra shig /bdag kyang dge yang rung sdig kyang rung tshe dang ldan pa dag la ci yang mi smra'o//tshe dang ldan pa dag gis bdag la tshig gi lam thong shig /khyed la yang bdag gis smras pas ci zhig bya zhes bdag nyid brjod par bgyi ba ma lags par bgyid nas/ 'di la dge slong rnams kyis bzhams te bsgo na 'di la dge slong rnams kyis bzhams te bsgo ba yang gzhi de nyid la nan gyis mchog tu bzung zhing mngon par zhen nas/'di nyid bden gyi gzhan ni brdzun pa'o zhes rjes su tha snyad 'dogs par bgyid de/ de'i slad du dge 'dun gyis dge slong 'dun pa la tshe dang ldan pa 'dun pa khyod dge slong rnams kyis gdon par gtogs pa bslab pa'i gzhi rnams dang /bde bar gshegs pa'i mdor gtogs pa rnams kyis chos dang mthun pa dang / 'dul ba dang mthun par smras pa na/ bdag nyid brjod par bya ba ma yin par ma byed par tshe dang ldan pas bdag nyid brjod par bya ba kho nar gyis shig /dge slong rnams tshe dang ldan pa la chos dang mthun pa dang /'dul ba dang mthun par smra ba na/ tshe dang ldan pa yang dge slong rnams la chos dang mthun pa dang 'dul ba dang mthun par smros shig /'di ltar gcig la gcig brjod par bya ba nyid du byed pa dang / gcig la gcig 'doms shing rjes su ston pa dang /gcig gis gcig ltung ba las slong ba nyid de lta bus bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i 'khor 'di 'phel bar 'gyur gyi/ /tshe dang ldan pa 'dun pa khyod bdag nyid brjod par bya ba ma yin par byed pa'i las kyi mtha' 'di lta bu 'di thong shig ces gsol ba dang bzhi'i las kyis bsgo ba mdzad na tshe dang ldan pa gang dag dge slong 'dun pa la gsol ba dang bzhi'i las kyis bsgo bar mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong 'dun pa la gsol ba dang bzhi'i las kyis bsgo ba mdzad lags te/ 'di ltar cang mi gsung bas de de bzhin du 'dzin to/ /dge slong rnams kyis btsun pa bka' bzhin 'tshal zhes bcom ldan 'das kyi bka' mnyan nas dge slong 'dun pa la gsol ba dang bzhi'i las kyis bsgo'o//gsol ba dang bzhi'i las kyis bsgo ba na de gzhi de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ mkhyen bzhin du tshe dang ldan pa 'dun pa la smras nas/rnam grangs du mas smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste 'di na dge slong 'ga' zhig bka' blo mi bde ba'i rang bzhin can du gyur la/de la dge slong rnams kyis gdon par gtogs pa'i bslab pa'i gzhi rnams dang bde bar gshegs pa'i mdor gtogs pa rnams kyis chos dang mthun pa dang 'dul ba dang mthun par smras pa na/ tshe dang ldan pa dag khyed cag dge yang rung sdig kyang rung ba dag la ci yang ma smra shig /bdag kyang dge yang rung sdig kyang rung tshe dang ldan pa dag la ci yang mi smra'o/ /tshe dang ldan pa dag gis bdag la tshig gi lam thong shig /khyed la yang bdag gis smras pas ci zhig bya zhes bdag nyid brjod par bya ba ma yin par byed na/ dge slong de la dge slong rnams kyis 'di skad ces tshe dang ldan pa khyod dge slong rnams kyis gdon par gtogs pa bslab pa'i gzhi rnams dang /bde bar gshegs pa'i mdor gtogs pa rnams kyis chos dang mthun pa dang 'dul ba dang mthun par smras pa na/ bdag nyid brjod par bya ba ma yin par mi byed par tshe dang ldan pas bdag nyid brjod par bya ba kho nar gyis shig /dge slong rnams tshe dang ldan pa la chos dang mthun pa dang 'dul ba dang mthun par smra ba na/ tshe dang ldan pa yang dge slong rnams la chos dang mthun pa dang / 'dul ba dang mthun par smros shig /'di lta ste/gcig la gcig brjod par bya ba nyid du byed pa dang / gcig la gcig 'doms shing rjes su ston pa dang / gcig gis gcig ltung ba las slong ba nyid de lta bus bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i 'khor 'di 'phel bar 'gyur gyi tshe dang ldan pa khyod bdag nyid brjod par bya ba ma yin par byed pa'i las kyi mtha' 'di lta bu 'di thong shig ces bsgo bar bya'o//dge slong de la dge slong rnams kyis de skad bsgo ba na gal te gzhi de gtong na de lta na legs/ gal te mi gtong na gzhi de gtang bar bya ba'i phyir lan gnyis lan gsum du yang dag par bsgo bar bya yang dag par bstan par bya/lan gnyis lan gsum du yang dag par bsgo yang dag par bstan pa na gzhi de gtong na de lta na legs/ gal te mi gtong na dge 'dun lhag ma'o zhes bca' ba mdzad de/ yul ni kau shAm+bI/gang zag ni 'dun pa/ nyon mongs pa ni gleng bar mi 'dod pa/ nyes ba ni bka' blo mi bde ba'o/ /de la 'di na dge slong 'ga' zhig ces bya ba ni 'dun pa'am gzhan yang de lta bu gang yin pa'o/ /bka' blo mi bde ba'i rang bzhin can du gyur pa la zhes bya ba la/ bka' blo mi bde ba zhes bya ba ni tshig gi lam rjes su mthun pa rjes su mnyan par bya ba/tshul dang mthun pa/ drang por 'jug pa/ 'grus skyong gi yan lag gi tshogs kun du 'gog pa dang / mi 'dzin pa dang / mi bya ba dang / mi byed pa dang / mi mthun par 'dzin pa'o/ /de la zhes bya ba ni 'dun pa'am gzhan yang de lta bu gang yin pa la'o//dge slong rnams kyis zhes bya ba ni chos 'di pa rnams kyis so/ /gdon par gtogs pa bslab pa'i gzhi rnams zhes bya ba ni so sor thar pa'i mdo gdon pa rnam pa bzhi po dag tu gtogs pa ste/ pham par 'gyur ba gdon pa dang / dge 'dun lhag ma gdon pa dang /ma nges pa gdon pa dang / ril gyis gdon par gtogs pa'i bslab pa'i gzhi pham par 'gyur ba'i chos bzhi dang / dge 'dun lhag ma'i chos bcu gsum dang / ma nges pa'i chos gnyis dang / spang ba'i ltung byed kyi chos sum cu dang / ltung byed kyi chos dgu bcu dang /so sor bshags par bya ba'i chos bzhi dang / bslab pa'i chos mang po dang / rtsod pa zhi bar bya ba'i chos bdun po dag go/ /bde bar gshegs pa'i mdor gtogs pa rnams kyis zhes bya ba ni so sor thar pa'i mdo ril gyis gdon par gtogs pa rnams kyis te/bde bar gshegs pa zhes bya ba ni ston pa'o/ /mdo zhes bya ba ni des nges par sbyar ba'i mdo'am/ yang na mdo yang dag par sbyor ba'o/ /chos dang mthun pa dang zhes bya ba ni chos kyi rjes su 'gro ba ste/ mdo sde dang ma mo dang mthun pa'o/ /'dul ba dang mthun par zhes bya ba ni 'dul ba'i rjes su 'gro ba ste/'dul ba nyid dang mthun par ro/ /smras pa na zhes bya ba ni bzlog pa na ste/ chos ji lta ba dang 'dul ba ji lta ba dang ston pa'i bstan pa ji lta ba de ltar bsgo ba na'o/ /tshe dang ldan pa dag khyed cag dge yang rung sdig kyang rung bdag la ci yang ma smra shig ces bya ba ni dge ba la sbyor bar yang ma byed la/sdig pa las bzlog par yang ma byed cig ces pa'o/ /bdag kyang dge yang rung sdig kyang rung tshe dang ldan pa dag la ci yang mi smra'o zhes bya ba ni dge ba la sbyor bar yang mi byed la sdig pa las bzlog par yang mi byed do zhes pa'o//tshe dang ldan pa dag gis bdag la tshig gi lam thong shig /khyed la yang bdag gis smras pas ci zhig bya zhes bya ba ni rgya cher bdag nyid brjod par bya ba ma yin pa nyid du 'jog par byed pa'o/ /bdag nyid brjod par bya ba ma yin pa nyid du byed na zhes bya ba ni bdag nyid gleng bar bya ba ma yin pa nyid du 'jog par byed na'o//de dag ni re zhig ltung ba 'byin pa la dge slong rnams kyis gleng ba dang dran par byas pa na bka' blo mi bde ba'i rang bzhin ston pa yin no/ /de la gleng ba ni phyogs gcig tu gyur pa gleng ba yin no/ /dran par bya ba ni yongs su rdzogs par dran par bya ba'o//de'i rim pa ni gal te gleng bar bya ba de'i ltung ba shes pa'i dge slong du ma yod pa nyid yin na de lta gleng ba dang dran par bya ba la sogs pa la de dag la rgan rims kyis 'jug par bya bar ma nges kyi gang gleng bar 'dod pa gcig gis ci dgar gleng bar bya'o/ / gleng ba po des kyang dus ma yin par gleng bar mi bya'o/ /dran pa dang shes bzhin nye bar ma bzhag par gleng bar mi bya'o/ /dben pa'i mtha' ma yin par gleng bar mi bya'o/ /skabs 'byed du ma bcug par gleng bar mi bya'o/ /de ltar gleng ba la yang gzhi dang bcas pas gleng bar bya'i/ gzhi med pas gleng bar mi bya ste/ de la gzhi dang bcas pa ni mthong ba'am/ thos pa'am/ dogs pa'i gzhi legs par gleng ba'o/ /gzhi med pa ni de las bzlog pa dang / lha'i mig dang lha'i rna ba dang / gzhan gyi sems shes pa la sogs pa mi'i chos bla mar gyur pa'o/ / de ltar gzhi dang bcas pas glengs pa na mi dran pa dran par bya ste/ yul dang dus dang gzhi gang las ltung ba gang byung ba gleng ba pos ji ltar mthong ba'am thos pa'am/ dogs pa'i sgo nas dran par bya ba'o/ /de ltar glengs shing dran par byas pa na skabs 'byed par mi byed na de la brjod pa dang bcas pa nyid bya ste/tshe dang ldan pa khyod la brjod pa dang bcas pa nyid byas khyod kyis gnas 'di nas ma zhus par 'gro bar mi bya'o/ /kho bo la tshe dang ldan pa la brjod par bya ba'i phyir dogs pa yod do zhes brjod pa dang bcas pa nyid bya'o/ /des skabs 'byed par mi byed na mi gdams pa nyid du bya ste/de la gdams ngag dang rjes su bstan pas phan gdags par mi bya'o/ /des kyang skabs 'byed par mi byed na/ de la gtam 'dre ba la sogs pa yang bzlog par bya ste/ de la gtam 'dre ba dang phebs par smra ba dang / so sor kun dga' bar bya ba'i tha snyad kyi tshig sbyin par yang mi bya'o//de lta na yang skabs 'byed par mi byed na/ de la gso sbyong gzhag par bya ste/ gso sbyong gi dus su de la gsol ba dang bzhi'i las kyis de'i gso sbyong gzhag par bya'o/ /gso sbyong gzhag pa'i cho ga dang las ni 'di ltar bya ste/ dge 'dun gyis tshes bcu bzhi'am bco lnga'i gso sbyong gi dus su dge 'dun tshogs pa'i mdun du gang zag de bkug ste/dge slong gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong ming 'di zhes bgyi ba 'di glengs shing dran par bgyis kyang skabs 'byed du mi btub ste/'di dge slong rnams kyis smra bar mi bgyi ba nyid du rnam par gzhag cing mi gdams par bgyis kyang skabs mi 'byed na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong ming 'di zhes bgyi ba'i gso sbyong gzhag par bgyi'o/ /'di ni gsol ba'o/ /las ni 'di ltar bya ste dge 'dun btsun pa rnams gsan du gsol/ dge slong ming 'di zhes bgyi ba 'di glengs shing dran par bgyis kyang skabs 'byed du mi btub ste/'di dge slong rnams kyis smra bar mi bgyi ba nyid du rnam par gzhag cing / mi gdams par bgyis kyang skabs mi 'byed do/ /de'i slad du dge 'dun gyis dge slong ming 'di zhes bgyi ba'i gso sbyong gzhag par bgyi na/ tshe dang ldan pa gang dag dge slong ming 'di zhes bgyi ba'i gso sbyong gzhag par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong ming 'di zhes bgyi ba'i gso sbyong gzhag lags te/'di ltar cang mi gsung bas de de bzhin du 'dzin to/ /gso sbyong gzhag par zhes bya ba ni gang zag 'di 'dug pa dang lhan cig dge slong rnams kyis gso sbyong mi bya'o zhes bya ba yin par rig par bya'o//de lta na yang skabs 'byed par mi byed na/ de la dgag dbye gzhag par bya ste/ dgag dbye'i dus su de la gsol ba dang bzhi'i las kyis de'i dgag dbye gzhag par bya'o/ /dgag dbye gzhag pa'i cho ga dang las ni 'di ltar bya ste/ dge 'dun gyis dbyar snga ma'am phyi ma'i dgag dbye'i dus su dge 'dun tshogs pa'i mdun du gang zag de bkug ste/dge slong gcig gis gsol ba byas te las bya'o/ /'di ltar bya ste 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong ming 'di zhes bya ba 'di glengs shing dran par bgyis kyang skabs 'byed du mi btub ste/'di dge slong rnams kyis smra bar mi bgyi ba nyid du rnam par gzhag cing / mi gdams par bgyis kyang skabs mi 'byed na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong ming 'di zhes bgyi ba'i dgag dbye gzhag par bgyi'o/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong ming 'di zhes bgyi ba 'di glengs shing dran par bgyis kyang skabs 'byed par mi btub ste/'di dge slong rnams kyis smra bar mi bgyi ba nyid du rnam par gzhag cing / mi gdams par bgyis kyang skabs mi 'byed de de'i slad du dge 'dun gyis dge slong ming 'di zhes bgyi ba'i dgag dbye gzhag par bgyi na/ tshe dang ldan pa gang dag dge slong ming 'di zhes bgyi ba'i dgag dbye gzhag par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong ming 'di zhes bgyi ba dgag dbye gzhag lags te/'di ltar cang mi gsung bas de de bzhin du 'dzin to/ /dgag dbye gzhag pa zhes bya ba ni gang zag 'di 'dug pa dang lhan cig dge slong rnams kyis dgag dbye mi bya'o zhes bya ba yin par rig par bya'o/ /skabs phye ba nyid na gal te mnyen pa nyid ma yin na phur pa dang bcas pa bya ste/gnas 'di'am gzhan du'am/ gzhi 'di'am gang yang rung ba la ji 'dod pa smra bar bya'o zhes bya ba dang / de la ltung ba bkal cing nyes pa bstan te btang bas rta rmu rgod rtod phur la btags pa bzhin du phur pa dang bcas pa bya'o/ / de ltar gzhi dang bcas pas tshul khrims dang / lta ba dang cho ga dang / 'tsho ba nyams pa gleng ba dang / dran pa dang / skabs 'byed du gzhug pa dang / brjod pa dang bcas pa nyid dang / mi gdams pa nyid dang / gtam 'dre bar mi byed pa dang / gso sbyong gzhag pa dang / dgag dbye gzhag pa dang /phur pa dang bcas pa dag byas kyang bka' blo mi bde ba'i rang bzhin mi gtong na de la dge 'dun gyis bzhams te bsgo bar bya'o/ /de'i phyir dge slong de la dge slong rnams kyis zhes bya ba la sogs pa gsungs te/ dge slong de la zhes bya ba ni 'dun pa'am gzhan yang de lta bu gang yin pa la'o//dge slong rnams kyis zhes bya ba ni chos 'di pa rnams kyis so/ /'di skad ces tshe dang ldan pa khyod dge slong rnams kyis gdon par gtogs pa bslab pa'i gzhi rnams dang / bde bar gshegs pa'i mdor gtogs pa rnams kyis chos dang mthun pa dang /'dul ba dang mthun par smras pa na bdag nyid brjod par bya ba ma yin par ma byed par tshe dang ldan pas bdag nyid brjod par bya ba kho nar gyis shig /dge slong rnams tshe dang ldan pa la chos dang mthun pa dang / 'dul ba dang mthun par smra ba na tshe dang ldan pa yang dge slong rnams la chos dang mthun pa dang 'dul ba dang mthun par smros shig ces bya ba la sogs pa ni bzhams te bsgo ba ji skad sngar bstan pa ltar bsgo bar bya'o//brjod par bya ba nyid du byed pa'i phan yon gang zhe na/ 'di lta ste zhes bya ba la sogs pa gsungs so//gcig la gcig brjod par bya ba nyid du byed pa zhes bya ba ni gcig la gcig gleng ba nyid du byed pa'o/ /gcig la gcig 'doms shing rjes su ston pa zhes bya ba ni gcig la gcig slob pa'o/ /gcig gis gcig ltung ba las slong ba nyid ces bya ba ni gcig gis gcig gi ltung ba sbyong ba'o//de lta bus bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i zhes bya ba ni ston pa de'i'o/ /'khor 'di zhes bya ba ni dge 'dun no/ /'phel bar 'gyur gyi zhes bya ba ni sngon chad do/ /tshe dang ldan pa khyod bdag nyid brjod par bya ba ma yin par byed pa'i las kyi mtha' 'di lta bu 'di thong shig ces bsgo bar bya'o zhes bya ba ni bzhams te bsgo ba ji skad sngar bstan pa ltar bsgo bar bya ba'o//brjod par bya ba ma yin par byed pa'i las kyi mtha' zhes bya ba ni brjod par bya ba ma yin par byed pa'i bya ba'o/ /dge slong de la dge slong rnams kyis de skad bsgo ba na zhes bya ba ni bzhams te bsgo bas bzlog pa na'o//gal te gzhi de zhes bya ba ni bka' blo mi bde ba nyid do/ /gtong na zhes bya ba ni yongs su gtong na'o/ /de lta na legs zhes bya ba ni de lta na bzang ba ste/ rtsom pa'i nyes byas gcig byung bar zad kyi nyes pa sbom po yang ma byung ba'i phyir ro//gal te mi gtong na zhes bya ba ni yongs su mi gtong na ste/ de ltar bzhams te bsgo ba mi gtong na rtsom pa la nyes byas gcig dang / bzhams te bsgo ba ma btang ba'i mthar nyes pa sbom po gcig kyang 'byung ngo / /gzhi de gtang bar bya ba'i phyir lan gnyis lan gsum du yang dag par bsgo bar bya/yang dag par bstan par bya'o zhes bya ba ni gsol ba dang bzhi'i las kyis bsgo ba ji skad sngar bstan pa ltar bsgo bar bya ste/ yang dag par bsgo ba ni de yin/ yang dag par bstan pa ni de yin no/ /lan gnyis lan gsum du bzlas zhes bya ba ni gsol ba gcig byas pa'i 'og tu las brjod pa gsum pa bya ba'o//yang dag par bsgo ba ni kun du dri ba'o/ /yang dag par bstan pa ni bka' blo mi bde ba las bzlog pa'o/ /lan gnyis lan gsum du yang dag par bsgo/ yang dag par bstan pa na gzhi de gtong na de lta na legs zhes bya ba ni de lta na bzang ba ste/dge 'dun lhag ma'i dngos gzhi'i ltung ba ma byung ba'i phyir ro/ /sngar ni sbyor ba brtsams pa la nyes byas gcig go/ /bzhams te bsgo ba ma btang ba'i mthar nyes pa sbom po gcig go/ /gsol ba byas pa rdzogs pa'i mthar yang nyes pa sbom po gcig go//las brjod pa dang po byas pa rdzogs pa'i mthar yang nyes pa sbom po gcig go/ /las brjod pa gnyis pa byas pa rdzogs pa'i mthar yang nyes pa sbom po gcig go/ /gal te mi gtong na dge 'dun lhag ma'o zhes bya ba ni las brjod pa gsum pa dang /mjug sdud pa rdzogs pa'i mthar dge 'dun lhag ma'i dngos gzhi gcig 'byung ba'o/ /dge 'dun lhag ma'o zhes bya ba ni snga ma bzhin te/ des na dge 'dun lhag ma'o zhes gsungs so/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la sngar dge 'dun gyi dbyen byed pa dang / de'i rjes su phyogs pa dang / khyim sun 'byin pa dang / bka' blo mi bde ba zhes bya ba ni dge 'dun lhag ma tha ma bzhi po rnams kyi spyi'i thun mong gi mtshan nyid ji skad bstan pa thams cad dran par byas nas/ 'dir bka' blo mi bde ba'i dge 'dun lhag ma'i dngos gzhi'i ltung ba rnam par gzhag pa bshad par bya ste/ ci zhig byas na bka' blo mi bde ba'i dge 'dun lhag mar 'gyur zhe na/dge slong gis lhag pa'i tshul khrims kyis glengs pa nyid na bdag nyid kyi de la dge slong dag gis brjod par bya ba ma yin pa nyid du byed pa mi gtong na dge 'dun lhag mar 'gyur ro/ /de'i bye brag ni bka' blo mi bde ba'i dge slong la dge slong rnams kyis gleng ba dang dran par byas pa na bdag nyid la phyogs bcu na gnas pa'i de bzhin gshegs pa'i dge slong gi dge 'dun thams cad kyis lhag pa'i tshul khrims su gtogs pa'i bslab pa'i gzhi thams cad kyis gleng bar mi bya'o zhes zer ba la dge 'dun gyis bzhams te bsgo ba dang /gsol ba dang bzhi'i las kyis bzlog pa na/ las brjod pa gsum pa mjug sdud pa dang bcas pa rdzogs pa'i mthar mi gtong na dge 'dun lhag ma'i dngos gzhir 'gyur ro/ /dge slong 'gro ba gzhan gyi rnam pa bsten pa na dge slong gi 'du shes yod pa la na smad pa med do//dngos po bzang ngan dang 'dra ba la na smad pa med do/ /mtshan gyur pa ltung ba thun mong gi yul la na smad pa med do/ /'gro ba gzhan las skyes pa dang 'gro ba gzhan gyi rnam pa bsten pa la na smad pa med do/ /gnas skabs gzhan thob pa la na smad pa med do//gzhi gcig la bslab pa du ma bcas pa nyid la na smad pa med do/ /dngos po la the tshom za bas bsam pa dang bcas par zhugs pa la na smad pa med do/ /yul bsams pa dang ma bsams pa la na smad pa med do/ /rang dang gzhan gyi don du byed pa la na smad pa med do//'di'i byed pa po ni bka' blo mi bde ba dang gleng ba la sogs pa'i las byas pa'o/ /'di la yan lag drug gis dngos gzhi'i ltung bar 'gyur te/ bka' blo mi bde ba dang / glengs pa dang / dran par byas pa dang / bdag nyid brjod par bya ba ma yin pa nyid du byed pa dang /chos dang mthun pas bzlog pa dang / las brjod pa gsum pa'i mthar mi gtong ba'o/ /de dag las brjod pa yan lag ma tshang na ci rigs par na smad do/ /sbyor ba'i ltung ba ni bzhams te bsgo bas bzlog pa na mi gtong na nyes pa sbom po'o/ /gsol bas bzlog pa na mi gtong na nyes pa sbom po'o//las brjod pa dang pos bzlog pa na mi gtong na nyes pa sbom po'o/ /las brjod pa gnyis pas bzlog pa na mi gtong na nyes pa sbom po'o/ /dang po rtsom pa ma gtogs pa gleng ba dang / dran pa dang / skabs 'byed du gzhug pa dang / brjod pa dang bcas pa dang / mi gdams pa dang /gtam 'dre bar mi bya ba dang / gso sbyong gzhag pa dang / dgag dbye gzhag pa dang / phur pa dang bcas pa byas pa phyin chad kyi 'jug pa dang ni sbyor ba nyid de nyes pa sbom po'o/ /sbyor ba'i sbyor ba'i ltung ba ni dge slong cung zad tsam du dge slong rnams kyis gdon par gtogs pa bslab pa'i gzhi rnams dang /bde bar gshegs pa'i mdor gtogs pa rnams kyis chos dang mthun pa dang 'dul ba dang mthun pas smras pa na bdag nyid brjod par bya ba ma yin par byed pa thams cad nyes byas su 'gyur ro/ /sbyor ba'i ltung ba la sbyor ba tha dad pa ji snyed byas pa re re la nyes byas re rer 'gyur ro//gleng ba dang / dran pa dang / skabs 'byed du gzhug pa dang / brjod pa dang bcas pa dang / mi gdams pa dang / gtam 'dre bar mi bya ba dang / gso sbyong gzhag pa dang / dgag dbye gzhag pa dang / phur pa dang bcas pa ma byas pa'i tshe na bdag nyid brjod par bya ba ma yin pa nyid du byed pa yang nyes byas so//phyogs bcu na de bzhin gshegs pa'i nyan thos kyi dge 'dun ji snyed pa thams cad ma yin pa kha cig gis mi gleng ba nyid du byed pa la yang nyes byas so/ /lhag pa'i tshul khrims su gtogs pa'i gzhi ji snyed pa thams cad ma yin pa kha cig gis mi gleng ba nyid du byed pa yang nyes byas so//lhag pa'i sems dang lhag pa'i shes rab la sogs pa bslab pa gzhan gyis mi gleng ba nyid du byed pa la yang nyes byas so/ /'di la sngar gleng ba dang / dran pa dang / skabs 'byed du gzhug pa dang / brjod pa dang bcas pa dang / mi gdams pa dang gtam 'dre bar mi bya'o/ /gso sbyong gzhag pa dang / dgag dbye gzhag pa dang / phur pa dang bcas pa ma byas par bzlog pa'i cho ga dang las byed na cho ga las 'das pa'i las mi 'chags pa byed pa yin pas byed pa po'i dge 'dun la yang 'gal tshabs can du 'gyur ro//ltung ba med pa dang / bslab par bya ba dang / phyir bcos pa'i mtshan nyid ni khyim sun 'byin pa'i lhag ma dang 'dra'o/ /bka' blo mi bde ba'i dge 'dun lhag ma ste bcu gsum pa bshad zin to// // da 'di man chad ni dge 'dun lhag ma gdon pa'i mjug bsdu ba dang / de dag gi rnam par gzhag pa dang / phyir bcos pa dang / rnam par gzhag pa bsgrag par bya ba rnams ston to/ /de la dge 'dun lhag ma gdon pa'i mjug bsdu ba ni/ tshe dang ldan pa dag bdag gis dge 'dun lhag ma'i chos bcu gsum po dag bton zin to zhes bya bas bstan to//tshe dang ldan pa dag ces bya ba ni bod pa'o/ /bdag gis zhes bya ba ni 'don pas so/ /dge 'dun lhag ma'o zhes bya ba ni ltung ba de dge 'dun la rag las pa dang / dge 'dun dang 'brel pa dang / dge 'dun la bsten pa yin te/ltung ba de dge 'dun las rnam par ldang bar 'gyur gyi gang zag las ma yin pa'o/ /gzhan yang pham par 'gyur ba'i chos bzhi po de dag ni lhag ma med pa yin gyi/ 'di ni lhag ma dang bcas pa yin pa ste/ des na dge 'dun lhag ma'o zhes gsungs so/ /chos zhes bya ba ni rang gi mtshan nyid 'dzin pa'i phyir ro//bcu gsum po dag ces bya ba ni grangs sngar smos pa rnams kyis byung gdab pa'o/ /bton zin to zhes bya ba ni dam bca' ba'i don gyi mjug bsdu ba'i phyir dang / nyan pa po rnams spro bar bya ba'i phyir smos so/ /de dag gi rnam par gzhag pa ni de dag las dgu ni ltung ba dang po dag nyid kyis so//bzhi ni lan gsum gyi bar gyis zhes bya bas bstan to/ /de dag las zhes bya ba ni dge 'dun lhag ma'i chos bcu gsum po gdon pa de dag las so/ /dgu ni zhes bya ba ni khu ba 'byin pa dang / lus kyis reg pa dang /'khrig pa dang ldan par smra ba dang / bsnyen bkur bsngags pa dang / smyan byed pa dang / khang pa dang / gtsug lag khang dang gzhi med par skur pa 'debs pa dang / gzhan gyi cha ma yin pa dang mthun pa rnams so/ /ltung ba dang po dag nyid kyis so zhes bya ba ni dang po sbyor ba rtsom pa dang nyes pa sbom po dang /dngos gzhi'i rim gyis dang por ltung bar 'gyur la/ 'byung ba dang bcas pa ste/ 'di dag la dge 'dun gyis dang por bzhams te bsgo ba dang gsol ba dang bzhi'i las kyis bzlog pa'i tshul gyis mi gtong bar rjes su sgrub pa las dngos gzhir gzhag pa med pa'i phyir ro//bzhi zhes bya ba ni dge 'dun gyi dbyen byed pa dang / de'i rjes su phyogs pa dang / khyim sun 'byin pa dang bka' blo mi bde ba rnams so/ /lan gsum gyi bar gyis so zhes bya ba ni las brjod pa lan gsum gyi bar gyis dngos gzhir 'gyur ba ste/ dang po sbyor ba rtsom pa dang /dge 'dun gyis bzhams te bsgo ba dang / gsol ba dang bzhi'i las kyis bzlog pa'i tshul gyis mi gtong bar rjes su sgrub pa na gsol ba byas pa'i 'og tu las brjod pa lan gsum gyi bar du mi gtong na las brjod pa gsum pa rdzogs pa'i mthar dngos gzhir 'gyur la/'byung ba dang bcas pa ste/ 'di dag ni bsgo ba las 'gyur ba'i dge 'dun lhag ma zhes bya'o/ /phyir bcos pa ni dge slong gis de dag las ltung ba gang yang rung ba zhig byas la/ ji srid du shes bzhin du 'chab par byed pa de srid du/ des mi 'dod bzhin du spo ba bya'o/ / dge slong gis mi 'dod bzhin du spo ba byas nas/ de'i 'og tu zhag drug gi bar du dge 'dun la mgu bar bya ba spyad par bya'o/ /dge slong gis mgu bar bya ba spyad nas dbyung ba la thogs te chos dang mthun par byas la/ dge slong gi dge 'dun gyi sems mgu bar byas na gang na dge slong nyi shu'i tshogs kyi dge 'dun yod pa der dge slong de dbyung bar bya'o//gal te dge slong nyi shur gcig gis ma tshang ba'i tshogs kyi dge 'dun gyis dge slong de 'byin par byed na/ dge slong de yang ma phyin la dge slong de dag kyang smad par bya ba yin te/ de la 'di ni cho ga yin no zhes bya bas bstan te/'dis ni dge 'dun lhag ma'i ltung ba phyir bcos pa'i cho ga dang las spyir bstan te/ de la dge slong gis zhes bya ba ni ltung ba 'byin par byed pas so/ /de dag las ltung ba gang yang rung ba zhig byas la zhes bya ba ni dge 'dun lhag ma'i chos bcu gsum po de dag las dngos gzhi'i ltung ba gang yang rung ba zhig byas la'o//ji srid du shes bzhin du 'chab par byed pa zhes bya ba ni/ bdag la dge 'dun lhag ma'i dngos gzhi'i ltung ba byung bar shes bzhin du bcab pa'i sems kyis 'chab cing gzhan la mthol bar mi byed pa'o//de srid du des mi 'dod bzhin du spo ba bya'o zhes bya ba ni ji srid du shes bzhin du 'chab par byed pa'i dus de srid du dge slong des bdag nyid mi 'dod cing ma dad bzhin du yang spo ba'i las bya dgos pa ste/ spo ba zhes bya ba ni dge 'dun lhag ma'i ltung ba bcabs pa sbyang ba'i chad pa'i las kyi ming ste/dge slong rang bzhin du gnas pa yongs su dag pa'i sa nas yongs su ma dag pa'i sa gzhan du spo ba'o/ /dge slong gis mi 'dod bzhin du spo ba byas nas/ de'i 'og tu zhag drug gi bar du dge slong mgu bar bya ba spyad par bya'o zhes bya ba ni de ltar ji srid du shes bzhin du 'chab par byed pa de srid des mi 'dod bzhin du spo ba byas nas/de'i 'og tu des bdag nyid dge 'dun lhag ma'i ltung ba las dbyung ba'i ched du mtshams gcig gi dge 'dun la mgu bar bya ba spyad par bya ste/ mgu bar bya ba spyad pa zhes bya ba ni bsnyen bkur dang chos dang zang zing gi longs spyod kyis dge 'dun thams cad thugs mnyes par bya ba'i bsnyen bkur gyi las kyi ming ngo //dge slong gis mgu bar bya ba spyad nas dbyung ba la thogs te zhes bya ba ni de ltar dge slong gis zhag drug gi bar du dge 'dun mgu bar bya ba spyad nas/ de'i 'og tu dge 'dun gyis de dge 'dun lhag ma'i ltung ba las dbyung ba'i las bya ba 'ba' zhig la thogs shing rag las pa ste/dbyung ba zhes bya ba ni dge 'dun lhag ma'i ltung ba las bslang ba'i las kyi ming ngo / /chos dang mthun par byas zhes bya ba ni des bdag nyid dge 'dun lhag ma'i ltung ba las dbyung ba'i don du gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par bya ba la sogs pa chos dang mthun pa'i las byas la'o//dge slong gi dge 'dun gyi sems mgu par byas nas zhes bya ba ni des dge 'dun thams cad 'dug cing mthun par gyur pa la mchil lham gnyis phud de bla gos phrag pa gcig tu byas nas rgan pa'i mtha' logs su phyag 'tshal te/tsog pur 'dug nas thal mo sbyar ba btud de/ bdag nyid dge 'dun lhag ma'i ltung ba las dbyung bar gsol ba'i sngags lan gsum brjod pas dge slong gi dge 'dun gyi sems mgu bar byas nas so//gang na dge slong nyi shu'i tshogs kyi dge 'dun yod pa der dge slong de dbyung bar bya'o zhes bya ba ni/ dge 'dun gyis mtshams gang na dge slong nyi shu yan chad kyi tshogs kyi dge 'dun yod pa der dge slong de dge 'dun lhag ma'i ltung ba las dbyung ba'i cho ga dang las bya'o//dbyung ba zhes bya ba ni dge 'dun gyis dge slong de dge 'dun lhag ma'i ltung ba las dbyung ba'i cho ga dang las kyi ming ngo / /gal te dge slong nyi shur gcig gis ma tshang ba'i tshogs kyi dge 'dun gyis dge slong de 'byin par byed na dge slong de yang ma phyin la/dge slong de dag kyang smad par bya ba yin te/ de la de ni cho ga ni 'di yin no zhes bya ba ni cho ga las 'das na las mi 'chags so zhes bya ba'i gzhung bstan pa yin te/ 'dir dge 'dun lhag ma las dbyung ba'i cho ga ni bcabs pa na spo ba byed du gzhug pa dang /zhag drug mgu bar bya ba spyad pa dang / dge 'dun la dbyung bar gsol ba dang / dge slong nyi shu yan chad kyi tshogs kyis chos bzhin bya'o/ /las ni dge 'dun gyis gsol ba dang bzhi'i las mi g.yo ba dang gzhag par mi 'os pas de dbyung ba'i las bya ba'o/ / de dag ni re zhig dge 'dun lhag ma phyir bcos pa phyogs tsam zhig bstan pa yin no// //so sor thar pa'i mdo rgya cher 'grel pa 'dul ba kun las btus pa bam po brgyad pa/ da ni bde bar gshegs pas gsungs pa'i 'dul ba rgya mtsho las dge 'dun lhag ma phyir bcos pa'i gzhung rgya chen po 'byung ba las 'dir gzhung ji lta ba bzhin du ci ran cig bshad par bya'o//de la dge 'dun lhag ma phyir bcos pa ni dge 'dun lhag ma'i sbyor ba'i sbyor ba nyes byas dang / sbyor ba sbom po dang / dngos gzhi mthol ba dang bshags pa gnyis kyis ltung ba las bslang bar bya'o//de la dge 'dun lhag ma'i sbyor ba'i sbyor ba nyes byas phyir bcos pa ni de bsdam par bya ba'i nyes byas yin na ni gzhan la mthol ba dang bshags mi dgos par rang gi yid kyis ltung ba snga ma mthong ba dang / phyin chad bsdams pas snga ma 'gyod pa dang phyin chad mi bya'o snyam du bsdam pa byas na ltung ba las ldang ngo //bshags par bya ba'i nyes byas yin na ni gzhan la mthol ba dang bshags pas phyir bcos par bya dgos so/ /de la bsdam par bya ba'i phyir nyes byas ni bshags par bya ba'i nyes byas kyi phyogs su gtogs pa yid kyi nyes byas zhes bya ba ste/dper na khu ba dbyung ba'i don du yid kyis rtsol ba zhes bya ba la sogs pa lta bu'o/ /bshags par bya ba'i nyes byas ni lus dang ngag gis sbyor ba'i sbyor ba ji skad bstan pa rnams so/ /bshags par bya ba'i nyes byas mthol ba dang / bshags par bya ba'i cho ga ni dge slong gis ltung ba bcab par mi bya ste/ dge 'dun lhag ma'i sbyor ba'i sbyor ba nyes byas bshags par bya ba gang yang rung ba byung na/ bcab pa'i sems gcig tsam gyis kyang bcab par mi bya bar de nyid kyi mod la mchil lham gnyis phud nas dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las mi mthun pa gcig gi mdun du tsog pur 'dug ste/thal mo sbyar ba btud nas ltung ba'i sde tshan gyi ming dang gang byung ba'i rigs smos te/ cig car mthol be dang bshags par byar rung ngo //de'i sngags ni 'di yin te/ tshe dang ldan pa dag dgongs su gsol/ bdag dge slong ming 'di zhes bgyi ba la ltung ba dge 'dun lhag ma'i sde tshan las rigs 'di zhes bgyi ba'i sbyor ba'i sbyor ba che ge mo las gyur pa'i nyes byas byung ste/ bdag dge slong ming 'di zhes bgyi ba ltung ba de tshe dang ldan pa'i mdun du mthol lo/ /mi 'chab po 'chags so mthol zhing bshags na bde ba la reg par gnas par 'gyur gyi/ ma mthol ma bshags na ni mi 'gyur ro zhes lan gnyis lan gsum du bzlas/ nyan pas ltung ba mthong ngam zhes smra zhing /'chags pas mthong zhes brjod par bya/ nyan pas phyin chad sdom mam zhes smra zhing 'chags pas sdom mo zhes lan gnyis lan gsum bzlas/ de'i rjes la nyan pas thabs yin no zhes brjod par bya/ 'chags pas legs so zhes brjod par bya ste/ de tsam gyis na ltung ba las ldang ngo //de'i mod la gang la mthol zhing bshags par bya ba'i gang zag med na skya rengs ma shar gyi bar du 'chab pa'i nyes pa med do/ /ji srid du gang la mthol zhing bshags par bya ba'i gang zag ma rnyed pa de srid du skya rengs shar kyang ma mthol ma bshags pa la 'chab pa'i nyes pa med do//gang la mthol zhing bshags par bya ba'i gang zag med na ji srid du gang la mthol zhing bshags par bya ba'i gang zag ma rnyed pa de srid du mthol zhing bshags pa'i sems med pa la 'chab pa'i nyes pa med do/ /gang la mthol zhing bshags par bya ba'i gang zag yod du zin kyang rkyen 'ga' zhig gis bdag nyid der 'gro ba'i skabs med dam/bdag nyid gnas gzhan du song bar gyur na de'i bar du mthol zhing bshags pa'i sems med pa la 'chab pa'i nyes pa med do/ /gang la mthol zhing bshags par bya ba'i gang zag yod du zin kyang ltung ba byung ba de 'di snyam du gal te de'i gan du song la ma brjod na 'chab pa'i nyes pa 'gyur du dogs pas de'i dbang gis der mi 'gro'am/gzhan du song bas brjod pa ma byas pa la yang 'chab ba'i nyes pa med do/ /rkyen cis kyang ma bskal bar de'i gan du mi 'gro ba dang / gzhan du 'gro ba dang skya rengs kyi mdun du mi mthol ba dang / 'chab pa'i sems skyed pa dag ni nyes byas so/ /gang la mthol zhing bshags par bya ba'i gang zag dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las mi mthun pa med na chos 'di pa gcig la je mthol la de'i 'og tu dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las mi mthun pa gcig gi mdun du bshags par bya'o//ltung ba ming las mi mthun pa'i gang zag med na ltung ba rigs las mi mthun pa'i mdun du bshags par bya'o//'dir ming ni ltung ba'i sde tshan no/ /rigs ni ltung ba gang byung ba'o/ /chos 'di pa zhes bya ba ni dge slong ma dang / bslab pa byin pa dang / dge slob ma dang / dge tshul dang / dge tshul ma dang / dge bsnyen dang / dge bsnyen ma dang / khyim pa de bzhin gshegs pa'i lta ba can mtshams kyi nang na 'dug pa dang / lta ba mi mthun pa mtshams gzhan na 'dug pa dag go/ /'dir de dag gi rnam par gzhag pa ni mtshan mi mthun pa bsnyen par rdzogs pa la mthol na bcabs par ni mi 'gyur la nyes byas su ni 'gyur ro//bsnyen par ma rdzogs pa dag la mthol na bcabs par ni mi 'gyur la gnas ngan len rig par byed pa las ni ltung byed du 'gyur ro/ /gnas ngan len ma yin par rig par byed pa las ni nyes byas su 'gyur ro//chos 'di pa de dag gang yang rung ba mtshams gzhan na 'dug pa dang / lta ba mi mthun pa la mthol na bcabs par ni mi 'gyur la nyes byas su ni 'gyur ro/ /dge slong bsnyen par rdzogs pa rang bzhin du gnas pa ma yin pa la mthol na yang bcabs par ni mi 'gyur la nyes byas su ni 'gyur ro//dge slong bsnyen par rdzogs pa rang bzhin du gnas pa lta ba dang mtshan mthun pa/ mtshams kyi nang na 'dug pa ltung ba ming dang rigs las mi mthun pa la mthol na yang bcabs par ni mi 'gyur la nyes byas su ni 'gyur ro/ /dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las mi mthun pa la mthol na bcabs par yang mi 'gyur la ltung bar yang mi 'gyur te/'og ma gzhan dag la yang de bzhin no/ /ltung ba mthol ba la spyir bstan pa ni mthol ba'i sngags rdzogs par bya'o//mthol ba'i sngags ril gyis brjod ma nus na/ tha na ming ngam rigs gcig go bar byas na yang mthol bar 'gyur ro/ /bshags pa'i sngags ni rdzogs par brjod dgos so/ /nyes byas mthol ba la ni ming dang rigs ma brjod par bdag la ltung ba byung ngo zhe'am bdag gis kha na ma tho ba byas so zhes bya ba rnam pa gang yang rung bas rig par byas na yang rung ngo //pham par 'gyur ba'i dngos gzhi ma gtogs pa sbyor ba dang / nyes pa la sogs pa ltung ba gzhan thams cad la yang bcab pa yod na sngar bcabs pa'i nyes pa phyir bcos par bya zhing /phyis ltung ba nyid phyir bcos par shes par bya'o/ /bcabs pa'i nyes pa phyir bcos pa ni ltung ba ming dang rigs gang byung ba dang / ji srid du bcabs pa de dag je mthol bar bya'o/ /dge 'dun lhag ma la ni bcabs pa'i nyes pa yod na spo ba zhes bya ba'i las kyis de med par bya dgos te/de ni 'og nas ston to/ /mthol ba dang bshags par bya ba'i skabs yod bzhin du mi mthol mi 'chags na zhag re re nyes byas re rer 'gyur ro/ /gang la mthol ba'i gang zag dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las mi mthun pa yod na/chos 'di pa gzhan la mthol bar mi bya'o/ /bshags pa ni chos 'di pa gzhan la rnam pa thams cad du mi bya'o/ /dge 'dun lhag ma'i sbyor ba nyes pa sbom po phyir bcos pa yang mthol ba dang bshags pa gnyis kyis nyes pa sbom po'i ltung ba las bslang ba ste/de la mthol ba ni dge slong gis kha na ma tho ba bcab par mi bya ste/ dge 'dun lhag ma bcu gsum gyi sbyor ba'i nyes pa sbom po lci ba dang yang ba gang yang rung ba byung ba bcab pa'i sems gcig tsam gyis kyang bcab par mi bya bar de nyid kyi mod la mchil lham gnyis phud nas/dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las mi mthun pa gcig gi mdun du tsog pur 'dug ste/ thal mo sbyar ba btud nas ltung ba'i sde tshan gyi ming dang gang byung ba'i rigs smos te mthol bar bya'o//de'i sngags ni 'di yin te/ tshe dang ldan pa dgongs su gsol/ bdag dge slong ming 'di zhes bgyi ba la ltung ba dge 'dun lhag ma'i sde tshan las rigs 'di zhes bgyi ba'i sbyor ba che ge mo las gyur pa'i nyes pa sbom po byung ste/bdag dge slong ming 'di zhes bgyi ba ltung ba tshe dang ldan pa'i mdun du mthol lo/ /mi 'chab po/ mthol na bdag bde ba la reg par gnas par 'gyur gyi/ ma mthol na mi 'gyur ro zhes lan gsum du bzlas/ de'i rjes la nyan pas thabs yin no zhes brjod par bya/mthol bas legs so zhes brjod par bya ste/ de tsam gyis na mthol ba yin no/ /de'i mod la mthol bar bya ba'i gang zag med na skya rengs ma shar gyi bar du 'chab pa'i nyes pa med do/ /ji srid du gang la mthol bar bya ba'i gang zag ma rnyed pa de srid du skya rengs shar kyang ma mthol ba la 'chab pa'i nyes pa med do//gang la mthol bar bya ba'i gang zag med na/ ji srid du gang la mthol bar bya ba'i gang zag ma rnyed pa de srid du mthol ba'i sems med pa la 'chab pa'i nyes pa med do/ /gang la mthol bar bya ba'i gang zag yod du zin kyang rkyen 'ga' zhig gis bdag nyid der 'gro ba'i skabs med dam/bdag nyid gnas de nas gzhan du song bar gyur na de'i bar du mthol ba'i sems med pa la 'chab pa'i nyes pa med do/ /gang la mthol bar bya ba'i gang zag yod du zin kyang ltung ba byung ba de 'di snyam du gal te de'i gan du song la ma brjod na 'chab pa'i nyes pa 'gyur du dogs nas de'i dbang gis der mi 'gro'am/gzhan du song bas brjod pa ma byas pa la yang 'chab pa'i nyes pa med do/ /rkyen cis kyang ma bskal par de'i gan du mi 'gro ba dang / gzhan du 'gro ba dang / skya rengs kyi mdun rol du mi mthol ba dang /'chab pa'i sems bskyed pa dag ni nyes byas so zhes bya ba yang snga ma bzhin no/ /gang la mthol bar bya ba'i gang zag dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las mi mthun pa med na chos 'di pa sngar bstan pa dag la mthol na yang mthol ba nyid yin te/de dag gi rnam par gzhag pa yang snga ma bzhin no/ /ltung ba mthol ba spyir bsdams pa yang snga ma bzhin te/ mthol ba'i sngags rdzogs par bya'o/ /mthol ba'i sngags ril gyis brjod ma nus na tha na ming ngam/rigs gcig go bar byas na yang mthol bar 'gyur te/ 'dir yang ming ni ltung ba'i sde tshan no/ /rigs ni ltung ba gang byung ba'o/ /de ltar ltung ba mthol na sbyor ba de'i sbyor ba nyes byas ni logs shig tu mthol mi dgos so/ /de ltar mthol nas bshags pa ni dge 'dun lhag ma'i nyes pa sbom po lci ba ni mtshams gang na dge slong lnga yan chad 'dug pa'i dge slong gud du ma bcad pa thams cad la bshags par bya ste/gang na dge slong lngar ma longs pa'i gnas su bshags su mi rung ngo / /der gnas gzhan nas dge slong dag gnyer te/lnga yan chad du kha bskang ba la ni bshags su rung ngo / /dge slong lnga yan chad gnas par dge slong gzhan gzhag ste lnga yan chad logs shig tu bcad pa la yang bshags su rung ngo / /lnga yan chad gnas de na dge slong ji snyed gnas pa thams cad la bshags par bya dgos so//dge 'dun lhag ma'i nyes pa sbom po yang ba ni mtshams kyi nang yang rung ste/ dge slong gcig la bshags pas ltung ba las ldang bar 'gyur ro/ /des na dge 'dun lhag ma'i nyes pa sbom po lci ba ni mtshams kyi nang du dge slong lnga la sogs pa thams cad kyi mdun du bshags par bya ba kho na yin no//dge 'dun lhag ma'i nyes pa sbom po yang ba ni mtshams kyi nang yang rung phyi rol du yang rung ste/ dge slong gcig la bshags su rung ngo / /dge 'dun lhag ma'i nyes pa sbom po lci ba dang yang ba ji ltar shes par bya zhe na/ kha na ma tho ba che ba ni lci ba yin la kha na ma tho ba chung ba ni yang ba yin te/kha na ma tho ba che ba dang chung ba nyid ni yul dang bsam pa shas ches che chung nyid las shes par bya ste/ dper na phyi rol gyi gos la sogs pa sems can du bgrang ba ma yin pa gang gos kyi bar du khu ba phyung ba'i nyes pa sbom po ni yang ba yin la/yan lag gi rnam pa las su rung ba la sems can du bgrang ba'i lag pa la sogs pas nom pa'i nyes pa spom po ni lci ba yin no/ /de bzhin du skyes pa dang / za ma dang / ma ning dang / mtshan gnyis pa bsten nus pa gos kyis bar du ma chod pa dang /ma nyams pa la reg pa'i nyes pa sbom po ni yang ba yin la/ bud med dam gzhon nu ma mi tshangs par spyod pa 'khrig pa'i chos bsten nus pa gos kyis bar du chod pa dang nyams pa la reg pa'i nyes pa sbom po ni lci ba yin no/ /skyes pa dang za ma dang ma ning dang mtshan gnyis pa kun shes par nus pa la 'khrig pa dang ldan par smras pa'i nyes pa sbom po ni yang ba yin la/rdzu 'phrul gyi rnam par 'phrul ba'i chos can mo la 'khrig pa dang ldan pa smra ba'i nyes pa sbom po ni lci ba yin no/ /skyes pa dang za ma dang ma ning dang mtshan gnyis pa legs par smras pa dang nyes par smras pa'i chos rnams kyi don kun shes par nus pa la bsnyen bkur bsngags pa'i nyes pa sbom po ni yang ba yin la/bud med dam gzhon nu ma legs par smras pa dang nyes par smras pa'i chos rnams kyi don kun shes par mi nus pa la bsnyen bkur bsngags pa'i nyes pa sbom po ni lci ba yin no//mi ma yin pa'i 'gro ba dang / rang bzhin nyams pa'i smyan byed pa'i nyes pa sbom po ni yang ba yin la/ mi'i 'gro ba dang / rang bzhin ma nyams pa'i smyan byed pa'i nyes pa sbom po ni lci ba yin no/ / sa gzhi dang yo byad gzhan las btsal ba dang / mi rung ba dang / rtsod pa dang bcas pa dang / brtsam du mi rung ba dang / ma bstan pa dang / tshad las lhag pa'i zhes bya ba dag gcig las 'das pa'i khang pa brtsigs pa'i nyes pa sbom po ni yang ba yin la/ de dag gnyis sam/ gsum mam thams cad las 'das pa'i khang pa brtsigs pa'i nyes pa sbom po ni lci ba yin no/ /de dag las tshad ma gtogs pa gcig las 'das pa'i gtsug lag khang brtsigs pa'i nyes pa sbom po ni yang ba yin la/ gnyis sam gsum mam thams cad las 'das pa'i gtsug lag khang brtsigs pa'i nyes pa sbom po ni lci ba yin no//nyams par 'dun pa med pa'i gzhi med par skur pa 'debs pa'i nyes pa sbom po ni yang ba yin la/ nyams par 'dun pas gzhi med par skur pa 'debs pa'i nyes pa sbom po ni lci ba yin no/ /nyams par 'dun pa med par brdzun gyi tshig bag tsam gyis skur ba 'debs pa'i nyes pa sbom po ni yang ba yin la/nyams par 'dun pas brdzun gyi tshig bag tsam gyis skur ba 'debs pa'i nyes pa sbom po ni lci ba yin no/ /bsgo ba las gyur pa'i dge 'dun lhag ma bzhi po dag la yang bzhams te bsgo bas bzlog pa na mi gtong ba yan chad kyi nyes pa sbom po ni yang ba yin la/las brjod pa dang po dang gnyis pas bzlog pa na mi gtong ba'i nyes pa sbom po ni lci ba yin pa la sogs pa ci rigs par shes par bya'o/ /de ltar dge 'dun lhag ma'i nyes pa sbom po lci ba bshags pa'i cho ga dang sngags ni mtshams kyi nang du dge slong bsnyen par rdzogs pa rang bzhin du gnas pa lta ba dang mtshan mthun pa ltung ba ming dang rigs las mi mthun pa lnga yan chad ji snyed 'khod pa bsdus nas/mchil lham gnyis phud de bla gos phrag pa gcig tu byas nas rgan rims la phyag 'tshal te/rgan pa'i mtha' logs su tsog pur 'dug nas thal mo sbyar ba btud de/ 'di skad ces brjod par bya'o/ /tshe dang ldan pa dag dgongs su gsol/ bdag dge slong ming 'di zhes bgyi ba la ltung ba dge 'dun lhag ma'i sde tshan las rigs 'di zhes bgyi ba'i sbyor ba che ge mo las gyur pa'i nyes pa sbom po lci ba byung ste/bdag dge slong ming 'di zhes bgyi ba ltung ba de tshe dang ldan pa dag gi mdun du 'chags so/ /bshags na bdag bde ba la reg par gnas par 'gyur gyi ma bshags na ni mi 'gyur ro zhes lan gsum bzlas/ nyan pa rnams las rgan pa gcig gis ltung ba mthong ngam zhes smra zhing 'chags pas mthong ngo zhes brjod par bya/nyan pas phyin chad sdom mam zhes smra zhing / 'chags pas sdom mo zhes brjod par bya ste/ de bzhin lan gnyis lan gsum du bzlas/ de'i rjes su la nyan pas thabs yin no/ / zhes brjod par bya/ 'chags pas legs so zhes brjod par bya ste/ de tsam gyis na dge 'dun lhag ma'i nyes pa sbom po lci ba las ldang ngo / /dge 'dun lhag ma'i nyes pa sbom po yang ba bshags pa'i cho ga dang sngags ni mtshams kyi nang ngam phyi rol du yang rung ste/ mchil lham gnyis phud nas dge slong bsnyen par rdzogs pa rang bzhin du gnas pa lta ba dang mtshan mthun pa ltung ba ming dang rigs las mi mthun pa gcig gi mdun du tsog pur 'dug ste/thal mo sbyar ba btud nas 'di skad ces brjod par bya'o/ /tshe dang ldan pa dgongs su gsol/bdag dge slong ming 'di zhes bgyi ba la ltung ba dge 'dun lhag ma'i sde tshan las rigs 'di zhes bgyi ba'i sbyor ba che ge mo las gyur pa'i nyes pa sbom po yang ba byung ste/ bdag dge slong ming 'di zhes bgyi ba ltung ba de tshe dang ldan pa'i mdun du 'chags so/ /bshags na bdag bde ba la reg par gnas par 'gyur gyi/ma bshags na ni mi 'gyur ro zhes lan gsum bzlas/ nyan pas ltung ba mthong ngam zhes smra zhing / 'chags pas mthong ngo zhes brjod par bya'o/ /nyan pas phyin chad sdom mam zhes smra zhing / 'chags pas sdom mo zhes brjod par bya ste/de bzhin lan gnyis lan gsum du bzlas/ de'i rjes la nyan pas thabs yin no zhes brjod par bya/ 'chags pas legs so zhes brjod par bya ste/ de tsam gyis na dge 'dun lhag ma'i nyes pa sbom po yang ba las ldang ngo / /de ltar nyes pa sbom po bshags na de'i sbyor ba'i nyes byas ni logs shig tu bshags mi dgos so//dge 'dun lhag ma'i dngos gzhi'i phyir bcos pa yang mthol ba dang bshags pa gnyis kyis dge 'dun lhag ma'i dngos gzhi las bslang ba ste/ de la dge 'dun lhag ma'i dngos gzhi mthol ba ni/ dge slong gis kha na ma tho ba bcab par mi bya ste/dge 'dun lhag ma dang po dgu las gang yang rung ba'i dngos gzhi byung ba dang / bcab pa'i sems gcig tsam gyis kyang bcab par mi bya bar de nyid kyi mod la mchil lham gnyis phud nas dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las mi mthun pa gcig gi mdun du tsog pur 'dug ste/thal mo sbyar ba btud nas ltung ba'i sde tshan gyi ming dang gang byung ba'i rigs smos te/ mthol bar bya'o/ /de'i sngags ni 'di yin te/ tshe dang ldan pa dgongs su gsol/bdag dge slong ming 'di zhes bgyi ba la ltung ba dge 'dun lhag ma'i sde tshan las rigs 'di zhes bgyi ba byung ste/ bdag dge slong ming 'di zhes bgyi ba ltung ba de tshe dang ldan pa'i mdun du mthol lo/ /mi 'chab po/ /mthol na bdag bde ba la reg par gnas par 'gyur gyi/ma mthol na mi 'gyur ro zhes lan gsum bzlas/ de'i rjes la nyan pas thabs yin no zhes brjod par bya/ mthol bas legs so zhes brjod par bya'o/ /bsgo ba las gyur pa'i dge 'dun lhag ma bzhi ni byung ma thag tu bcab pa'i sems gcig tsam gyis kyang bcab bar mi bya bar de nyid kyi mod la/las de'i mtshams kyi nang du gtogs pa'i dge 'dun thams cad la mthol bar bya dgos te/ de'i cho ga dang sngags ni dge slong stan de nyid la 'dug pa des tshe dang ldan pa dag bdag la dge 'dun lhag ma'i ltung ba byung ngo zhes brjod par bya ste/ gal te rjod par byed na de lta na legs/gal te mi brjod na de la nyi ma de nyid nas brtsams te 'chab pa 'byung ngo zhes gsungs pa las shes par bya ste/ de la dge 'dun gyis bzhams te bsgo ba dang / gsol ba dang bzhi'i las byas te las brjod pa gsum pa mjug sdud pa dang bcas pa rdzogs ma thag tu des mchil lham gnyis phud nas las de'i mtshams kyi nang du gtogs pa'i dge 'dun thams cad la bla gos phrag pa gcig tu byas nas rgan rims la phyag 'tshal te/rgan pa'i mtha' logs su tsog pur 'dug nas thal mo sbyar ba btud de 'di skad ces brjod par bya'o//tshe dang ldan pa dag dgongs su gsol/ bdag dge slong ming 'di zhes bya ba la ltung ba dge 'dun lhag ma'i sde tshan las rigs dge 'dun dbyen byed pa'am/ de'i rjes su phyogs pa'am/ khyim sun 'byin pa'am bka' blo mi bde ba de byung ste/ bdag dge slong ming 'di zhes bgyi ba ltung ba de tshe dang ldan pa dag gi mdun du mthol lo//mi 'chab po/ /mthol na bdag bde ba la reg par gnas par 'gyur gyi/ ma mthol na ni mi 'gyur ro zhes lan gsum bzlas/ de'i rjes la nyan pa rnams las rgan pa gcig gis thabs yin no zhes brjod par bya/ mthol bas legs so zhes brjod par bya'o/ /dge 'dun lhag ma'i dngos gzhi mthol ba 'di la gal te bcabs pa yod na dus ji srid du bcabs pa nyid sngags kyi nang du bsnan te mthol lo/ /bcabs pa med na mthol ba nyi tshe snga ma bzhin bya ste/ de tsam gyis na mthol ba yin no//de'i mod la gang la mthol bar bya ba'i gang zag med na skya rengs ma shar gyi bar du 'chab pa'i nyes pa med do/ /ji srid du gang la mthol bar bya ba'i gang zag ma rnyed pa de srid du skya rengs shar kyang ma mthol ba la 'chab pa'i nyes pa med do/ /gang la mthol bar bya ba'i gang zag med na ji srid du gang la mthol bar bya ba'i gang zag ma rnyed pa de srid du mthol ba'i sems med pa la 'chab pa'i nyes pa med do//gang la mthol bar bya ba'i gang zag yod du zin kyang / rkyen 'ga' zhig gis bdag nyid der 'gro ba'i skabs med dam/ bdag nyid gnas de nas gzhan du song bar gyur na/de'i bar du mthol ba'i sems med pa la 'chab pa'i nyes pa med do/ /gang la mthol bar bya ba'i gang zag yod du zin kyang ltung ba byung ba de 'di snyam du gal te de'i gan du song la ma brjod na 'chab pa'i nyes par 'gyur du dogs pas de'i dbang gis der mi 'gro'am/gzhan du song bas brjod par ma byas pa la yang 'chab pa'i nyes pa med do/ /rkyen cis kyang ma bskal par de'i gan du mi 'gro ba dang / gzhan du 'gro ba dang / skya rengs kyi mdun rol du mi mthol ba dang / 'chab pa'i sems bskyed pa dag ni nyes byas so zhes bya ba yang snga ma bzhin no//'chab pa la dge 'dun lhag ma la yid gnyis za ba ni shes pa dang 'dra'o/ /dge 'dun lhag ma ma shes pa nyid dang bcab pa'i sems ma bzhag pas brjed pa dang / byas sam ma byas ci zhig ci lta bu zhig ces dran par mi nus pa nyid dang / bsnyen par ma rdzogs pa nyid dang /gnas nas phyung ba nyid la 'chab pa mi 'byung ngo / /las dang po pa dang / smyos pa dang / sems 'khrugs pa dang / tshor ba dag gis nyen pa la ni ltung ba thams cad dang / de dag 'chab pa'i nyes pa yang mi 'byung ngo / /sa gang la 'chab pa mi 'byung ba de la spo ba la sogs pa spyad pa yang mi 'byung ngo //gang la mthol bar bya ba'i gang zag dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las mi mthun pa med na chos 'di pa sngar bstan pa dag la mthol na yang mthol ba nyid yin te/de dag gi rnam par gzhag pa yang snga ma bzhin no/ /ltung ba mthol ba spyir bstan pa snga ma bzhin te/ mthol ba'i sngags rdzogs par bya'o/ /mthol ba'i sngags ril gyis brjod ma nus na tha na ming dang rigs gcig go bar byas na yang mthol bar 'gyur ro/ / 'dir yang ming ni ltung ba'i sde tshan no/ /rigs ni ltung ba gang byung ba'o/ /de ltar ltung ba'i dngos gzhi mthol na de'i sbyor ba dang sbyor ba'i sbyor ba ni logs shig tu mthol mi dgos so/ /de ltar mthol nas bshags pa ni dge 'dun lhag ma las dbyung ba zhes bya ste dge 'dun lhag ma las dbyung ba 'di ni dge slong ngo tsha dang ldan pa dang /mdo sde 'dzin pa dang / 'dul ba 'dzin pa dang / ma mo 'dzin pa dang / shes pas ni dge slong gcig gi mdun du bshags pas dge 'dun lhag ma las ldang ste/ spo ba dang mgu bar bya ba spyad pa dang / dbyung ba'i cho ga dang las gzhan bya mi dgos so//de ci'i phyir zhe na/ bsam pas ltung ba las ldang gi chad pa'i las kyis ni ma yin pa'i phyir te/ 'dir gzhung ni sil bu dag las de lta bas na gang dag rnam pa de lta bur rang bzhin gyis ngo tsha shes pa dang ldan pa de dag gis ni gcig gi mdun du bshags par rjes su gnang ngo zhes bya ba la sogs pa gsungs pa yin no//dge slong gcig gi mdun du bshags pa'i cho ga dang sngags ni zhal nas gsungs pa'i lung gi rjes su 'brang ba dang / 'dul ba 'dzin pa snga rabs dag gi man ngag las 'di skad 'byung ste/ des dge 'dun lhag ma'i ltung ba byung ba na bcab pa'i sems skad cig tsam gyis kyang bcab par mi bya bar de'i mod la mchil lham gnyis phud nas mtshams kyi nang du dge slong bsnyen par rdzogs pa rang bzhin du gnas pa lta ba dang /mtshan mthun pa ltung ba ming dang rigs las mi mthun pa zhig gi mdun du tsog pur 'dug ste/thal mo sbyar ba btud nas ltung ba'i sde tshan gyi ming dang / gang byung ba'i rigs smos te cig car mthol ba dang bshags par bya'o/ /de'i sngags ni 'di yin te/ tshe dang ldan pa dgongs su gsol/ bdag dge slong ming 'di zhes bgyi ba la ltung ba dge 'dun lhag ma'i sde tshan las rigs 'di zhes bgyi ba'i dngos gzhi byung ste/bdag dge slong ming 'di zhes bgyi ba ltung ba de tshe dang ldan pa'i mdun du mthol lo/ /mi 'chab bo/ /'chags so/ /mthol zhing bshags na bdag bde ba la reg par gnas par 'gyur gyi/ma mthol ma bshags na ni mi 'gyur ro zhes lan gsum bzlas/ nyan pas ltung ba mthong ngam zhes smra zhing / 'chags pas mthong ngo zhes brjod par bya/ nyan pas phyin chad sdom mam zhes smra zhing / 'chags pas sdom mo zhes brjod par bya ste/ de ltar lan gsum gsum bzlas/ de'i rjes la nyan pas thabs yin no zhes brjod par bya/ 'chags pas legs so zhes brjod par bya ste/ de tsam gyis na dge slong ngo tsha shes pa dang ldan pa dang / mdo sde 'dzin pa dang / 'dul ba 'dzin pa dang / ma mo 'dzin pa dang / shes pa dag dge 'dun lhag ma'i dngos gzhi'i ltung ba las ldang bar rig par bya'o//de ltar dge 'dun lhag ma'i ltung ba'i dngos gzhi cig car du mthol zhing bshags na/ de'i sbyor ba'i nyes byas dang / sbom po yang logs shig tu mthol zhing bshags mi dgos so/ /de las gzhan pa dag gis ni bcabs pa'i nyes pa yod na ji srid bcabs pa'i dus de srid du spo ba'i las kyis bcabs pa'i nyes pa med par byas nas/de'i 'og tu zhag drug mgu bar bya ba spyad nas dbyung bar bya'o/ /bcabs pa'i nyes pa med na ni/ zhag drug mgu bar bya ba spyad nas dbyung bar bya'o/ /de ltar na bcabs pa'i nyes pa yod pa la ni tshigs gsum bya dgos te/spo ba sbyin pa dang / mgu bar bya ba sbyin pa dang / dbyung ba sbyin pa'o/ /bcabs pa'i nyes pa med pa la ni tshigs gnyis bya dgos te/ mgu bar bya ba sbyin pa dang / dbyung ba sbyin pa'o/ /de la spo ba sbyin pa'i go rims ni 'di yin te/ dge 'dun lhag ma'i ltung ba byung ba la bcabs pa'i gang zag des dge 'dun la spo ba gsol ba dang /dge 'dun gyis de la gsol ba dang bzhi'i las kyis spo ba sbyin pa dang / des dus de srid du sa gzhan na gnas pa'i spyod pas spo ba spyad par bya'o/ /de la dge 'dun lhag ma'i ltung ba byung la bcabs pa'i gang zag des dge 'dun la spo ba gsol ba'i cho ga dang sngags ni 'di ltar bya ste/des dge 'dun lhag ma'i ltung ba gang yang rung ba byung la/ zla ba phyed bcabs na de nyid kyis gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/dge 'dun thams cad 'dug cing mthun par gyur pa la mchil lham gnyis phud de bla gos phrag pa gcig tu byas nas rgan rims la phyag 'tshal te/ rgan pa'i mtha' logs su tsog pur 'dug nas thal mo sbyar ba btud de/ rang gi spo ba gsol ba'i sngags 'di skad ces brjod par bya'o//dge 'dun btsun pa rnams gsan du gsol/ bdag dge slong 'char ka la che ge mo las byung ba'i dge 'dun lhag ma'i ltung ba byung la zla ba phyed bcabs pas bdag dge slong 'char ka che ge mo las byung ba'i dge 'dun lhag ma'i ltung ba byung ba zla ba phyed bcabs pa de'i slad du dge 'dun las zla ba phyed spo ba gsol na/thugs brtse ba can dge 'dun btsun pa rnams kyis thugs brtse ba'i slad du bdag dge slong 'char ka la che ge mo las byung ba'i dge 'dun lhag ma'i ltung ba byung la zla ba phyed bcabs pa de'i slad du zla ba phyed spo ba stsal du gsol/ lan gsum du bzlas/de ni dge 'dun lhag ma'i ltung ba bcabs pa'i gang zag des dge 'dun la spo ba gsol ba'i cho ga dang sngags so/ /dge 'dun gyis de la gsol ba dang bzhi'i las kyis spo ba sbyin pa'i cho ga dang las ni 'di ltar bya ste/ des de ltar sbo ba gsol ma thag tu dge slong gcig gis gsol ba byas te las bya'o//'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong 'char ka 'di la che ge mo las byung ba'i dge 'dun lhag ma'i ltung ba byung la zla ba phyed bcabs te/ dge slong 'char ka 'di che ge mo las byung ba'i dge 'dun lhag ma'i ltung ba byung la/zla ba phyed bcabs pa de'i slad du dge 'dun las zla ba phyed spo ba gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'char ka la che ge mo las byung ba'i dge 'dun lhag ma'i ltung ba byung la zla ba phyed bcabs pa de'i slad du zla ba phyed spo ba stsal to//'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong 'char ka 'di la che ge mo las byung ba'i dge 'dun lhag ma'i ltung ba byung ba zla ba phyed bcabs te/dge slong 'char ka 'di che ge mo las byung ba'i dge 'dun lhag ma'i ltung ba byung la zla ba phyed bcabs pa de'i slad du dge 'dun las zla ba phyed spo ba gsol te/ de'i slad du dge 'dun gyis dge slong 'char ka la che ge mo las byung ba'i dge 'dun lhag ma'i ltung ba byung la zla ba phyed bcabs pa de'i slad du dge 'dun las zla pa phyed spo ba gsol na/tshe dang ldan pa gang dag dge slong 'char ka la che ge mo las byung ba'i dge 'dun lhag ma'i ltung ba byung la zla ba phyed bcabs pa de'i slad du zla ba phyed spo ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong 'char ka la che ge mo las byung ba'i dge 'dun lhag ma'i ltung ba byung la zla ba phyed bcabs pa de'i slad du zla ba phyed spo ba stsal lags te/'di ltar cang mi gsung bas de de bzhin du 'dzin to/ /de ni dge 'dun gyis de la gsol ba dang bzhi'i las kyis spo ba sbyin pa'i cho ga dang las so/ /de dus de srid dus gzhan na gnas pa'i spyod pas spo ba spyad par bya ba'i go rims ni 'di yin te/ des kun du spyod pa'i chos ji ltar bcas pa rnams la spyad par bya ba dang /dge 'dun la brjod par bya ba dang / 'thab krol byed pa 'ong na btang ba dang / de song na bslang ba'o/ /spo ba spyod pa des kun du spyod pa'i chos ni sa gzhan na gnas pa'i spyod pa'i gzhi las 'byung ste/ des dge slong rang bzhin du gnas pa las mngon par smra ba dang /phyag dang mngon du ldang ba dang / thal mo sbyar ba dang / gus pa'i las dag bdag gir mi bya'o/ /dge slong rang bzhin du gnas pas kyang de la de dag ma bya'o/ /dge slong rang bzhin du gnas pa dang lhan cig tu gom pa bsri ba nyid las gzhan pas bcag par mi bya'o//stan ches dma' ba nyid las gzhan pas 'dug par mi bya'o/ /phyi bzhin 'brang ba'i dge sbyong gi dbang nyid las gzhan pas khyim dag tu 'gro bar mi bya'o/ /g.yogs ma gcig par mal bsham par mi bya'o/ /rab tu byung ba dang / bsnyen par rdzogs pa dang /gnas sbyin pa dang / dge tshul nye bar gzhag par mi bya'o/ /gsol ba dang las brjod pa dag bya bar khas mi blang ngo / /las byed pa dang dge slong ma'i ston pa dang dge 'dun gyi yid brtan par bsgo ba khas mi blang ngo / /de dag tu sngar bskos pas kyang mi bya'o/ / dge slong ma la ston par bskos pas kyang bstan par mi bya'o/ /'don pa gzhan med na yang gso sbyong la so sor thar pa 'don par mi bya'o/ /dge slong dge 'dun las ma bkar ba la tshul khrims dang / lta ba dang / cho ga dang 'tsho ba nyams pas gleng bar mi bya'o/ /brjod pa dang bcas pa dang /phur pa dang bcas pa nyid dag mi bya'o/ /gdams ngag dang gso sbyong dang / dgag dbye dang / gsol ba dang / brjod pa dag gzhag par mi bya'o/ /rang bzhin du gnas pa dang mgo mnyam du bsten par mi bya'o/ /spo ba byin pa de'i rgyu gang yin pa'i nyes pa de spong ngo / / nyes pa gzhan yang spang ngo / /tshangs pa mtshungs par spyod pa rnams la nyes pa dang mthun pa nyid mi bya'o/ /kun du spyad pa'i chos ji ltar spyad pa dag nyams su ma blangs na brtul zhugs snying po med par 'gyur ro snyam du yid la bya'o/ /nang par snga bar langs te gtsug lag khang du sgo dbye ba dang /mar me'i kong bu bsal bar bya'o/ /gtsug lag khang du chag chag dang phyag dar dang / lci ba 'jam po'i byug pas bsku ba dag bya'o/ /dge 'dun gyi bshang ba dang gci ba'i skyabs dag sbyang ngo / /der sa phyogs pa dang dus dang mthun pa'i chu dag gzhag par bya'o/ / gtsug lag khang gi wa'i kha dag bsal lo/ /dge 'dun gyi gdan bsham par bya'o/ /mchod pa'i dus shes par bya ste/ bdug spos dang de'i pog phor dag nye bar gzhag par bya'o/ /gal te nus pa nyid yin na ston pa'i yon tan yang dag par bsgrag par bya'o//gal te mi nus na smra ba po la bcol lo/ /dge 'dun gyi bshos kyi spyi bungs bshams pa na gaN+DI brdung ngo / /gal te dge slong rnams tsha na bsil yab bya'o/ /de'i 'dug pa la sogs pa ni bsnyen par rdzogs pa thams cad kyi mtha' nyid du'o/ /zas kyi bya ba byas nas gdan cha dben par brtul lo//lhung bzed kyi gzhi dor ro/ /dus shes par byas te mchod rten dag gi phyag dar bya'o/ /lci ba 'jam po'i byug pas bsku'o/ /dge 'dun 'du ba'i dus su yang sngar bstan pa bzhin du gdan bshams nas/ ston pa'i yon tan yang dag par bsgrag pa'i par dag bya'o//gal te nus pa nyid yin na tshes grangs nyid kyi nyi ma brjod pa dag bya'o/ /gal te mi nus na dge slong gzhan la bcol lo/ /dgongs kar dus dang mthun pa'i chus dge slong rnams kyi rkang pa bkru'o/ /dgongs kar dge slong rnams kyi rkang pa bsku'o//dge slong dag rkang pa bkru ba dang bsku bar mi 'dod na snum dbul lo/ /de'i gtsug lag khang tha mar 'os pa nyid yin no/ /thams cad du rnyed pa dbang ba nyid yin no/ /dge ba'i phyogs la mi g.yel bar bya'o/ /spo ba byed pas dge slong rang bzhin du gnas pa ma yin pa dang /dge 'dun du ma longs pa dang gnas de nas dge slong yongs su bcad pa dag la spo ba spyad pa mi 'chags so/ /dge slong mang po nyid yongs su spang bar mi bya'o/ /gnas brtan dang so sor thar pa dang bcas pa nyid du spyad par 'bad par bya'o/ /mtshams gzhan du zhag lon par mi bya'o//mtshams gzhan du zhag lon na mtshan mo de spo ba spyod pa'i zhag gi kha nas bcad do/ /dge 'dun gyi kha bskang ba'i grangs las ma gtogs so/ /de'i kun du spyod pa dge 'dun la spyad par bya'o/ /spo ba spyod pa bzhi yan chad mtshams gcig gi dge 'dun la spyod du mi gnang ngo //las brgya rtsa gcig ni dge 'dun dang mthun par bya'o/ /bslab pa las 'das pa'i ltung ba thams cad ni dge slong rang bzhin du gnas pa dang 'dra'o/ /de la 'dun pa dbul du mi rung ngo / /de'i 'dun pa blang du mi rung ngo / /de la dge slong dang dge slong ma dang /dge slob ma dang / dge tshul dang dge tshul mas gtugs te phyag mi bya'o/ /spo ba spyod pa de rang bzhin du gnas pa dang lhan cig g.yogs ma gcig par nyal bar mi bya'o/ /der nyal na mtshan mo de gcad do/ /spo ba byed pas spo ba byed pa gzhan dang lhan cig g.yogs ma gcig par nyal bar mi bya'o//ma gus pas spyod pa gtong na nyes byas so/ /de la de'i bde ba lhag par spyod pa yang nyes byas so/ /spo ba spyod pa'i sa nas mi spyod pa'i sar song ste yang phyir 'ong na spyod pa'i gnas skabs nyid yin no/ /des sbyangs pa'i gzhi lhag ma rjes su bsgrub dgos so//nyi ma de nyid la phyir 'ong na mtshams gzhan du 'gro ba la nyes pa med do/ /de dang mu stegs can gnas pa la gnas pa dang lhan cig g.yogs ma gcig par nyal ba la nyes pa med do/ /re zhig de dag ni des kun du spyad pa'i chos ji ltar bcas pa rnams la spyad par bya ba yin no//dge 'dun la brjod par bya ba ni 'di yin te/ spo ba spyod pa des spyad pa'i dus zla ba phyed tshun chad ni yun thung ngu ba yin la/ zla ba phyed phan chad ni ring ba yin te/ gal te yun thung ngu spyod pa yin na des nyin re lan re nang par ram dro ka'am dgongs ka gang yang rung bar mtshams de'i dge 'dun gaN+DI brdungs te 'dus pa thams cad dam bzhi yan chad tshogs pa la rang gis spo ba blangs pa de'i sngar zhag du 'das pa dang phyis zhag du 'byung ba de sngags kyi tshig gis brjod par bya'o//gal te yun ring du spyod pa yin na ni/ des nyi ma gsum mam/bzhi zhing lan re brjod par bya'o/ /de'i cho ga dang sngags ni rang gis gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas dge slong bzhi yan chad ji snyed tshogs pa la mchil lham gnyis phud de bla gos phrag pa gcig tu byas nas rgan rims la phyag 'tshal te/rgan pa'i mtha' logs su tsog pur 'dug nas thal mo sbyar ba btud de 'di skad ces brjod par bya'o/ /dge 'dun btsun pa rnams gsan du gsol/ bdag dge slong ming 'di zhes pa la che ge mo las byung ba'i dge 'dun lhag ma'i ltung ba byung ba la zla ba phyed bcabs pas bdag dge slong ming 'di zhes bgyi ba che ge mo las byung ba'i dge 'dun lhag ma'i ltung ba byung la zla ba phyed bcabs pa de'i slad du dge 'dun las zla ba phyed spo ba gsol te/dge 'dun gyis bdag dge slong ming 'di zhes bgyi ba la che ge mo las byung ba'i dge 'dun lhag ma'i ltung ba byung ba la zla ba phyed bcabs pa de'i slad du spo ba stsal bas zhag 'di snyed cig ni bgyis lags bgyi ba ni zhag 'di snyed cig mchis te/dge 'dun btsun pa rnams kyis bdag spo ba bgyid pa gzung du gsol zhes lan gsum du bzlas/gal te dus ring thung las nyin re la lan re'am nyi ma gsum mam bzhi zhing de skad ma brjod na dus gang gi tshe ma brjod pa'i nyin mtshan de bcad par zla ba phyed bya'o/ /de ni des dge 'dun la brjod par bya ba'i cho ga dang sngags so/ /des 'thab krol byed pa 'ong na btang ba'i cho ga dang sngags 'di yin te/spo ba spyod pa des gal te gang zag thams cad la 'thab krol byed cing phyir rgol ba'am de nyid dang mi mdza' ba nyid du gnas pa'i gang zag 'thab krol byed pa gcig gan du 'ong bar thos shing gal te de dag gis gzhi des dran pa dang gleng bar byed pas 'jigs na de'i tshe des dge 'dun tshogs pa la yang rung gang zag la yang rung ste/spo ba spyod pa de'i cho ga dang sngags kyis phyir gtang bar bya zhing / bdag nyid rang bzhin du gnas pa nyid du gzhag par bya'o/ /dge 'dun la phyir btang ba'i cho ga dang sngags ni 'di yin te/ bdag nyid kyis gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la mchil lham gnyis phud de bla gos phrag pa gcig tu byas nas rgan rims la phyag 'tshal te/ rgan pa'i mtha' logs su tsog pur 'dug nas thal mo sbyar ba btud de 'di skad ces brjod par bya'o//dge 'dun btsun pa rnams gsan du gsol/ bdag dge slong ming 'di zhes bgyi ba spo ba bgyid pas dge slong 'thab krol bgyid pa/ mtshang 'bru bar bgyid pa/ 'thab mo bgyid pa/'gyed par bgyid pa/ rtsod par bgyid pa dag mchi zhes thos te/ de dag gis bdag la gzhi 'dis gleng bar 'gyur dran par bgyid par 'gyur bas bdag gis tshe dang ldan pa dag gi mdun du spo ba slar gtang bar bgyi'o/ /phyir rgol ba mi mdza' ba de dag slar mchis nas yang spo ba blang bar bgyi'o//dge 'dun btsun pa rnams kyis bdag rang bzhin du gnas par gzung du gsol zhes lan gsum bzlas/ gang zag la phyir gtang ba'i cho ga dang sngags kyi gzhung ni zhu ba las/ btsun pa bcom ldan 'das kyis gal te spo ba byed pa'i dgra bo 'ong na des spo ba'i spyod pa bag yangs su bya'o zhes bka' stsal na/der ji ltar bag yangs su bgyi/ nye ba 'khor dge slong des mchil lham gnyis phud de bla gos phrag pa gcig tu byas nas phyag 'tshal te/ dge slong gi mdun du tsog pur 'dug nas thal mo sbyar ba btud de 'di skad ces brjod par bya'o//tshe dang ldan pa dgongs su gsol/ bdag dge slong spo ba bgyid pa'i dge slong dgra bo mchis te/ bdag dge slong ming 'di zhes bgyi ba'i spo ba'i spyod pa bag yangs su bgyid slar yang len par bgyid do/ /yang blangs te spyad par bgyid na tshe dang ldan pas bdag ngo tsha ma mchis par mi gzung du gsol zhes lan gsum du bzlas/dge slong nyan pas thabs yin no zhes brjod par bya/ spo ba gtong bas legs so zhes brjod par bya'o zhes gsungs pa yin no/ /des spo ba btang nas phyir ma blangs kyi bar du spo ba spyod mi dgos par rang bzhin du gnas par bya'o//de ni 'thab krol byed pa 'ong ba na spo ba gtong ba'i cho ga dang sngags so/ /'thab krol byed pa song na blang ba'i cho ga dang sngags ni 'di yin te/ gang zag 'thab krol can de song zhing 'jigs pa dang bral na gtsug lag khang de nyid du spo ba spyod pa de dge 'dun nam gang zag las cho ga dang sngags kyis phyir blang bar bya'o//dge 'dun las blang ba'i cho ga dang sngags ni de rang gis gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la mchil lham gnyis phud de bla gos phrag pa gcig tu byas nas rgan rims la phyag 'tshal te/rgan pa'i mtha' logs su tsog pur 'dug nas thal mo sbyar ba btud nas 'di skad ces brjod par bya'o/ /dge 'dun btsun pa rnams gsan du gsol/bdag dge slong ming 'di zhes bgyi ba spo ba bgyid pas dge slong 'thab krol bgyid pa/ mtshang 'bru bar bgyid pa/ 'thab mo bgyid pa/ 'gyed par bgyid pa/ rtsod par bgyid pa dag mchi zhing thos te/ de dag gis bdag la gzhi 'dis gleng bar 'gyur/ dran par bgyid par 'gyur bas bdag gis de skad thos nas dge slong rnams kyi mdun du spo ba slar btang ba phyir rgol ba mi mdza' ba de dag slar mchis lags pas bdag spo ba yang slar len to/ /spo ba zhag ma 'khor ba rnams bgyi'o/ /dge 'dun btsun pa rnams kyis bdag spo ba bgyid par gzung du gsol zhes lan gsum du bzlas/gang zag gi mdun du phyir blang ba'i cho ga dang sngags kyang des mchil lham gnyis phud de bla gos phrag pa gcig tu byas nas phyag 'tshal te/ dge slong gi mdun du tsog pur 'dug nas thal mo sbyar ba btud de 'di skad ces brjod par bya'o//tshe dang ldan pa dgongs su gsol/ bdag dge slong ming 'di zhes bgyi ba spo ba bgyid pa'i dgra bo dge slong mchis te/ bdag ming 'di zhes bgyi bas spo ba'i spyod pa bag yangs su bgyis pa/ dgra bo dge slong de dag slar mchis lags pas bdag spo ba yang slar len to//spo ba zhag ma 'khor ba rnams bgyi'o/ /tshe dang ldan pas bdag spo ba bgyid par gzung du gsol zhes lan gsum du bzlas/ nyan pas thabs yin no zhes brjod par bya'o/ /spo ba len pas legs so zhes brjod par bya'o/ / des spo ba phyir blangs nas kun du spyad pa'i chos snga ma bzhin du spo ba zhag ma 'khor ba rnams bya'o/ /re zhig de dag ni spo ba spyod pa des dus de srid du sa gzhan na gnas pa'i spyod pas spo ba spyad par bya ba'i chos rnams yin te/ de lta bus bcabs pa'i zhag 'khor na spo ba spyad zin par rig par bya'o//da ni spo ba byas la mgu bar bya ba ma byin gyi bar du des kun du spyad par bya ba'i chos rnams bstan par bya ste/ spo ba byas la mgu bar bya ba ma byin pa de ni spo ba'i las ni byas la rang bzhin du gnas pa nyid ni ma yin pa'i phyir des ni sngar spo ba spyod pa'i kun du spyad pa'i chos ji skad bstan pa rnams las des dge slong rang bzhin du gnas pa las mngon par smra ba dang phyag dang mngon du ldang ba dang /thal mo sbyar ba dang / gus pa'i las dag bdag gir mi bya'o zhes bya ba man chad nas nang par sngar langs te gtsug lag khang du sgo dbye ba dang mar me'i kong bu bsal bar bya'o zhes smos pa nyid ma gtogs pa de yan chad dang /de'i 'og nas de'i gtsug lag khang tha mar 'os pa yin no/ /thams cad du rnyed pa dbang ba nyid yin no/ /dge ba'i phyogs la mi g.yel bar bya'o zhes smos pa'i tshig de gsum ni ril gyis spyad par bya dgos so//gzhan ni spyad par bya ba la ci dgar zad do/ /de ltar de dag ni bcabs pa'i nyes pa yod pa la spo ba sbyin pa'i cho ga dang las yin no/ /mgu bar bya ba sbyin pa'i go rims ni 'di yin te/ dge 'dun lhag ma'i ltung ba byung la bcabs pa'i nyes pa spo ba'i las kyis med par byas pa yang rung bcabs pa'i nyes pa ye med pa yang rung ste/des dge 'dun la zhag drug mgu bar bya ba spyad par gsol ba dang / dge 'dun gyis de la gsol ba dang bzhi'i las kyis zhag drug mgu bar bya ba spyad pa sbyin pa dang / des zhag drug tu sa gzhan na gnas pa'i spyod pas mgu bar bya ba spyad par bya'o//de la des dge 'dun la zhag drug mgu bar bya ba spyad pa gsol ba'i cho ga dang sngags ni 'di ltar bya ste/ des dge 'dun lhag ma'i ltung ba gang yang rung ba byung ba la bcabs pa'i nyes pa med na de nyid kyis gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/dge 'dun thams cad 'dug cing mthun par gyur pa la mchil lham gnyis phud de bla gos phrag pa gcig tu byas nas rgan rims la phyag 'tshal te/ rgan pa'i mtha' logs su tsog pur 'dug nas thal mo sbyar ba btud de rang gis zhag drug mgu bar bya ba spyad par gsol ba'i sngags 'di skad ces brjod par bya'o//dge 'dun btsun pa rnams gsan du gsol/ bdag dge slong 'char ka la che ge mo las byung ba'i dge 'dun lhag ma'i ltung ba byung ste/bdag dge slong 'char ka la che ge mo las byung ba'i dge 'dun lhag ma'i ltung ba byung bas de'i slad du dge 'dun las zhag drug mgu bar bgyi ba gsol na thugs brtse ba can dge 'dun btsun pa rnams kyis thugs brtse ba'i slad du bdag dge slong 'char ka la che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyi ba stsal du gsol zhes lan gsum du bzlas/de ni des dge 'dun la zhag drug mgu bar bya ba spyad pa gsol ba'i cho ga dang sngags so/ /de dge 'dun gyis de la gsol ba dang bzhi'i las kyis zhag drug mgu bar bya ba spyad pa sbyin pa'i cho ga dang las ni 'di ltar bya ste/des de ltar zhag drug mgu bar bya ba spyad par gsol ma thag tu dge slong gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/dge slong 'char ka 'di la che ge mo las byung ba'i dge 'dun lhag ma'i ltung ba byung la dge slong 'char ka 'di che ge mo las byung ba'i dge 'dun lhag ma'i ltung ba byung ba de'i slad du dge 'dun las zhag drug mgu bar bgyi ba gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong 'char ka 'di la che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyi ba spyad par gsol to/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/dge slong 'char ka 'di la che ge mo las byung ba'i dge 'dun lhag ma'i ltung ba byung la dge slong 'char ka 'di che ge mo las byung ba'i dge 'dun lhag ma'i ltung ba byung ba de'i slad du dge 'dun las zhag drug mgu bar bgyi ba gsol te/ de'i slad du dge 'dun gyis dge slong 'char ka la che ge mo las byung ba'i dge 'dun lhag ma'i ltung ba de'i slad du zhag drug mgu bar bgyi ba gsol na/tshe dang ldan pa gang dag dge slong 'char ka la che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyi ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong 'char ka la che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyi ba stsal lags te/'di ltar cang mi gsung bas de de bzhin du 'dzin to/ /de ni dge 'dun gyis de la gsol ba dang bzhi'i las kyis zhag drug mgu bar bya ba spyad pa sbyin pa'i cho ga dang las so/ /des zhag drug tu sa gzhan na gnas pa'i spyod pas mgu bar bya ba'i go rims ni 'di yin te/des kun du spyad pa'i chos ji ltar bcas pa rnams la spyad par bya ba dang / dge 'dun la brjod par bya ba dang / 'thab krol byed pa 'ong na btang ba dang / de song na blang ba'o/ /zhag drug mgu bar bya ba spyod pa des kun du spyad pa'i chos ni sa gzhan na gnas pa'i spyod pa'i gzhi las 'byung ste/sngar spo ba spyod pas kun du spyod pa'i chos ji skad bstan pa thams cad lhag chad med par 'dir yang sbyar bar bya'o/ /re zhig de dag ni des kun du spyad pa'i chos ji ltar bcas pa rnams la spyad par bya ba yin no/ /dge 'dun la brjod par bya ba ni 'di yin te/sngar spo ba spyod pa des spyad pa'i dus zla ba phyed tshun chad ni yun thung ba yin la/ zla ba phyed phan chad ni yun ring ba yin te zhes bya ba lta bu 'di la med de/ 'dis ni zhag drug kho na mgu bar bya ba spyad par zad pas des nyin re lan re nang par ram/ dro kha'am/dgongs ka gang yang rung bar mtshams de'i dge 'dun la gaN+DI brdungs te 'dus pa thams cad dam bzhi yan chad tshogs pa la rang gis zhag drug mgu bar bya ba spyad pa blangs pa de'i sngar zhag du 'das pa dang / phyis zhag du 'byung ba de sngags kyi tshig gis brjod par bya'o//de'i cho ga dang sngags ni rang gis gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge slong bzhi yan chad ji snyed tshogs pa la mchil lham gnyis phud de bla gos phrag pa gcig tu byas nas rgan rims la phyag 'tshal te/rgan pa'i mtha' logs su tsog pur 'dug nas thal mo sbyar ba btud de 'di skad brjod par bya'o/ /dge 'dun btsun pa rnams gsan du gsol/ /bdag dge slong ming 'di zhes bgyi ba la che ge mo las byung ba'i dge 'dun lhag ma'i ltung ba byung la bdag dge slong ming 'di zhes bgyi ba la che ge mo las byung ba'i dge 'dun lhag ma'i ltung ba byung ba de'i slad du dge 'dun las zhag drug mgu bar bgyi ba gsol to//dge 'dun gyis bdag dge slong ming 'di zhes bgyi ba la che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyi ba stsal bas zhag 'di snyed cig na bgyis lags/bgyi ba ni zhag 'di snyed cig mchis te/ dge 'dun btsun pa rnams kyis bdag mgu bar bgyi ba spyod par gzung du gsol zhes lan gsum du bzlas/ gal te nyin re lan re de skad ma brjod na dus gang gi tshe ma brjod pa nyin mtshan de gcad par bya'o//de ni des dge 'dun la brjod par bya ba'i cho ga dang sngags so/ /des 'thab krol byed pa 'ong na gtang ba'i cho ga dang sngags ni 'di yin te/ zhag drug mgu bar bya ba spyod pa des gal te gang zag thams cad la 'thab krol byed cing phyir rgol ba'am/de nyid dang mi mdza' ba nyid du gnas pa'i gang zag 'thab krol byed pa gcig gam du ma 'ong bar thos shing gal te de dag gis gzhi des gleng ba dang dran par byed pas 'jigs na de'i tshe des dge 'dun tshogs pa la yang rung gang zag la yang rung ste/ mgu bar bya ba spyod pa des cho ga dang sngags kyis phyir gtang bar bya zhing bdag nyid rang bzhin du gnas pa nyid du gzhag par bya'o//dge 'dun la phyir btang ba'i cho ga dang sngags ni 'di yin te/ bdag nyid kyis gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa la mchil lham gnyis phud de bla gos phrag pa gcig tu byas nas rgan rims la phyag 'tshal te/rgan pa'i mtha' logs su tsog pur 'dug nas thal mo sbyar ba btud de 'di skad ces brjod par bya'o//dge 'dun btsun pa rnams gsan du gsol/ bdag dge slong ming 'di zhes bgyi ba mgu bar bgyid pas dge slong 'thab krol bgyid pa mtshang 'bru bar bgyid pa/ 'thab mo bgyid pa/ 'gyod par bgyid pa/ rtsod par bgyid pa dag mchi zhes thos te/ de dag gis bdag la gzhi 'dis gleng bar 'gyur dran par bgyid par 'gyur bas bdag gis tshe dang ldan pa dag gi mdun du mgu bar bgyid pa slar gtang bar bgyi'o/ /phyir rgol ba mi mdza' ba de dag slar mchis nas yang mgu bar bgyi ba blang bar bya'o/ /dge 'dun btsun pa rnams kyis bdag rang bzhin du gnas par gzung du gsol zhes lan gsum du bzlas/gang zag la phyir btang ba'i cho ga dang sngags kyi gzhung ni zhu ba las/ btsun pa bcom ldan 'das kyis gal te mgu ba byed pa'i dgra bo 'ong na des mgu ba byed pa'i spyod pa bag yangs su bya'o zhes bka' stsal na/des ji ltar bag yangs su bgyi/ nye ba 'khor dge slong des mchil lham gnyis phud de bla gos phrag pa gcig tu byas nas rgan rims la phyag 'tshal te dge slong gcig gi mdun du tsog pur 'dug nas thal mo sbyar ba btud de 'di skad ces brjod par bya'o/ /tshe dang ldan pa dgongs su gsol/bdag dge slong mgu bar bgyid pa'i dgra bo dge slong mchis te/ bdag ming 'di zhes bgyi ba mgu ba'i spyod pa bag yangs su bgyid cing slar yang len par bgyid do/ /yang blangs te spyod par bgyid na/ tshe dang ldan pas bdag ngo tsha ma mchis par mi gzung du gsol zhes lan gsum du bzlas/dge slong nyan pas thabs yin no zhes brjod par bya/ mgu bar bya ba gtong bas legs so zhes brjod par bya'o zhes gsungs pa yin no/ /des mgu par bya ba spyod pa btang nas phyir ma blangs kyi bar du mgu bar bya ba spyad mi dgos par rang bzhin du gnas par bya'o//de ni 'thab krol byed pa 'ong na btang ba'i cho ga dang sngags so/ /'thab krol byed pa song na blang ba'i cho ga dang sngags ni 'di yin te/ gang zag 'thab krol can de song zhing 'jigs pa dang bral na gtsug lag khang de nyid du mgu bar bya ba spyad pa de dge 'dun nam gang zag las cho ga dang sngags kyis phyir blang bar bya'o//dge 'dun las blang ba'i cho ga dang sngags ni de rang gis gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la mchil lham gnyis phud de bla gos phrag pa gcig tu byas nas rgan rims la phyag 'tshal te/rgan pa'i mtha' logs su tsog pur 'dug nas thal mo sbyar ba btud de 'di skad ces brjod par bya'o/ /dge 'dun btsun pa rnams gsan du gsol/bdag dge slong ming 'di zhes bgyi ba mgu bar bgyid pas dge slong 'thab krol bgyid pa/ mtshang 'dru bar bgyid pa/ 'thab mo bgyid pa/ 'gyed par bgyid pa/ rtsod par bgyid pa dag mchi zhes thos te/ de dag gis bdag la gzhi 'dis gleng bar 'gyur dran par bgyid par 'gyur bas bdag gis de skad thos nas dge 'dun rnams kyi mdun du mgu bar bgyi ba slar btang ba'i phyir rgol ba mi mdza' ba de dag slar mchis lags pas bdag mgu bar bgyi ba yang slar len to//mgu bar bgyi ba zhag ma 'khor ba rnams bgyi'o/ /dge 'dun btsun pa rnams kyis bdag mgu bar bgyid par gzung du gsol zhes lan gsum du bzlas/gang zag gi mdun du phyir blang ba'i cho ga dang sngags kyang des mchil lham gnyis phud de bla gos phrag pa gcig tu byas nas phyag 'tshal te/ dge slong gi mdun du tsog pur 'dug nas thal mo sbyar ba btud de 'di skad ces brjod par bya'o//tshe dang ldan pa dgongs su gsol/ bdag dge slong ming 'di zhes bgyi ba mgu bar bgyid pa dge slong dgra bo mchis te/ bdag ming 'di zhes bgyi bas mgu ba'i spyod pa bag yangs su bgyis pa/ dgra bo dge slong de dag slar mchis lags pas bdag mgu bar bgyi ba yang slar len to//mgu bar bgyi ba zhag ma 'khor ba rnams bgyi'o/ /tshe dang ldan pa bdag mgu bar bgyid par gzung du gsol zhes lan gsum du bzlas/ nyan pas thabs yin no zhes brjod par bya'o/ /mgu bar bya ba len pas legs so zhes brjod par bya'o//des mgu bar bya ba'i spyod pa phyir blangs nas/ kun du spyod pa'i chos snga ma bzhin du mgu bar bya ba zhag ma 'khor ba rnams bgyi'o/ /de dag ni mgu bar bya ba spyod pa des zhag drug tu sa gzhan na gnas pa'i spyod pas mgu bar bya ba spyad pa'i chos rnams yin te/de lta bus zhag drug spyad na mgu bar bya ba spyad zin par rig par bya'o/ /da ni mgu bar bya ba byas la ma phyung gi bar du des kun du spyad pa'i chos rnams bstan par bya ste/ mgu bar bya ba byas la ma phyung ba de ni mgu bar bya ba'i las ni byas la rang bzhin du gnas pa nyid ma yin pa'i phyir des kyang sngar spo ba byas la mgu bar bya ba ma yin pas kun du spyad pa'i chos ji skad bstan pa rnams lhag chad med par spyad par bya'o//de ltar na spo ba spyad pa dang mgu ba spyod pa gnyis kyi kun du spyad pa'i chos kyang 'dra la/ spo ba byas la mgu ba ma byin pa dang /mgu bar byas la ma phyung ba gnyis kyi kun tu spyad pa'i chos kyang 'dra'o/ /dbyung ba byas zin pas ni kun du spyad pa'i chos de dag gang yang spyad mi dgos te rang bzhin du gnas par 'gyur zin pa'i phyir ro zhes bya bar shes par bya'o/ /de ltar de dag ni zhag drug mgu bar bya ba sbyin pa'i cho ga dang las yin no//de'i 'og tu dbyung ba sbyin pa'i go rims ni 'di yin te/ mgu bar bya ba spyad zin pa des mtshams gang na dge slong stong nyi shu yan chad kyi dge 'dun gnas pa gud du ma spyad pa thams cad dam dkyil 'khor bar gud du spyad pa la yang rung ste/ de dag la rang gis dbyung ba gsol ba dang dge 'dun gyis de la gsol ba dang bzhi'i las kyis bsdigs pa dang gzengs bstod pa dang bcas pas gang zag de dge 'dun lhag ma'i ltung ba las dbyung bar bya'o//de la dge 'dun la rang gis dbyung bar gsol ba'i cho ga dang sngags ni 'di ltar bya ste/ des dge 'dun lhag ma'i ltung ba gang yang rung ba byung la mgu ba zhag drug spyad zin na de nyid kyis gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa la mchil lham gnyis phud de bla gos phrag pa gcig tu byas nas rgan rims la phyag 'tshal te/rgan pa'i mtha' logs su tsog pur 'dug nas thal mo sbyar ba btud de rang gi dbyung ba gsol ba'i sngags 'di skad ces brjod par bya'o/ /dge 'dun btsun pa rnams gsan du gsol/ bdag dge slong 'char ka la che ge mo las byung ba'i dge 'dun lhag ma'i ltung ba byung la/ bdag dge slong 'char ka dge 'dun gyi gan du mchis te/che ge mo las byung ba'i dge 'dun lhag ma'i ltung ba byung ba de'i slad du dge 'dun las zhag drug mgu bar bgyi ba gsol nas dge 'dun gyis bdag dge slong 'char ka la che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyi ba stsal te/bdag dge slong 'char kas che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyis lags te/ dge 'dun las dbyung ba gsol na/ thugs brtse ba can dge 'dun btsun pa rnams kyis thugs brtse ba'i slad du bdag dge slong 'char ka la che ge mo las byung ba'i dge 'dun lhag ma'i ltung ba byung ba de'i slad du zhag drug mgu ba bgyis lags pa las dbyung ba stsal du gsol/lan gsum du bzlas/ de ni dge 'dun la rang gi dbyung ba gsol ba'i cho ga dang sngags so/ /dge 'dun gyis de la gsol ba dang bzhi'i las kyis bsdigs pa dang / gzengs bstod pa dang bcas pas de dbyung bar bya ba'i go rims ni 'di yin te/dang por dge slong gcig gis gsol ba bya'o/ /de'i rjes la bsdigs pa bya'o/ /de'i rjes la las brjod pa dang po dang gnyis pa dang gsum pa mjug sdud pa dang bcas pa bya'o/ /de'i rjes la gzengs bstod par bya ste/ de tsam gyis na dge 'dun lhag ma'i ltung ba las byung ba yin no/ /de la dang por dge slong gcig gis gsol ba bya ba'i cho ga dang sngags 'di yin te/des de ltar dbyung ba gsol ma thag tu dge slong gcig gis gsol ba bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong 'char ka 'di la che ge mo las byung ba'i dge 'dun lhag ma'i ltung ba byung la/dge slong 'char ka 'di dge 'dun gyi gan du mchis te/ che ge mo las byung ba'i dge 'dun lhag ma'i ltung ba byung ba de'i slad du dge 'dun las zhag drug mgu bar bgyi ba gsol nas/ dge 'dun gyis dge slong 'char ka 'di la che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyi ba stsal te/dge slong 'char ka 'dis che ge mo las byung ba'i dge 'dun lhag ma'i ltung ba byung ba de'i slad du zhag drug mgu ba bgyis lags te/ dge 'dun las dbyung ba gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'char ka che ge mo las byung ba'i dge 'dun lhag ma'i ltung ba byung ba de'i slad du zhag drug mgu ba bgyis pa dbyung bar bgyi'o/ /'di ni gsol ba'o/ /de ni dang por dge slong gcig gis gsol ba bya ba'i cho ga dang sngags so//de'i rjes la bsdigs par bya ba'i cho ga dang sngags ni 'di yin te/ de ltar dge slong des gsol ba byas ma thag tu dge slong de nyid kyis ltung ba byung ba rtsa ba bcad de sa la bkram pa ltar lus thams cad sa la khu bub bam gan rkyal lam glos 'gyel du bcug ste/de ltar skyel ba de la 'di skad ces brjod par bya'o/ /'char ka khyod nyon cig khyod kyis legs pa ma byas so/ /legs pa shin tu ma byas so/ /bya ba gzhan yin na gzhan byas so/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i chos ni 'di ltar 'dod chags dang bral bar bya ba'i phyir sems rnam par grol ba dang /shes rab rnam par grol ba'i chos ston cing zhe sdang 'dod chags dang bral bar bya ba dang / gti mug 'dod chags dang bral bar bya ba'i phyir sems rnam par grol ba dang /shes rab rnam par grol ba'i chos ston bzhin du khyod kyis mi mdzes pa 'di lta bu 'di byas pa mi rigs so/ /mi gti mug can khyod kyis sbrul nag po dug myur du khyab par byed pa dug drag pa dug rno ba la lag pa gnyis kas gzung ba ni bla'i/kun du chags pa'i sems kyis rang gi yan lag gi rnam pa la bzung ba ni de lta ma yin no/ /mi gti mug can khyod lag pa gang dag gis bram ze dang khyim bdag dad pa can rnams kyis dad pas sbyin par bya ba blang par bya ba'i lag pa de gnyis kyis mi mdzes pa 'di lta bu 'di bya bar mi rigs so//mi gti mug can khyod kyis bdag la bsnyen bkur bya ba nyams su blangs par gyur to/ /'char ka gnyis po 'di dag ni chos kyi sgron ma dang / chos kyi snang ba dang / chos kyi 'od dang / chos kyi gsal ba dang / chos kyi snang gsal dang / chos kyi mar me dang /chos kyi rab gsal med par byed pa ste/ gnyis gang zhe na/ ltung ba 'byin pa gang yin pa dang / ltung ba byung nas chos bzhin du phyir mi 'chos pa gang yin pa'o/ /gnyis ni sdig pa'i rtsa ba mi rko/ rgyun las bzlog pa la mi 'bad/ 'bab chu dang 'khri shing mi skems/ bdud mi 'dul/bdud kyi rgyal mtshan mi snyol/ chos kyi rgyal mtshan mi bsgreng / sdig pa'i rgyun mi gcad do/ /de bzhin gshegs pa dgra bcom pa yang dag par rdzogs pa'i sangs rgyas kyi chos kyi 'khor lo chos dang rjes su mthun par bskor ba rjes su mi bskor ba ste/ gnyis gang zhe na/ ltung ba 'byin pa gang yin pa dang / ltung ba byung nas chos bzhin du phyir mi 'chos pa gang yin pa'o/ /gnyis ni kun nas nyon mongs par 'gyur ba dang / gnyis kyis zag pa 'phel bar 'gyur ba ste/ gnyis gang zhe na/ ltung ba 'byin pa gang yin pa dang / ltung ba byung nas chos bzhin du phyir mi 'chos pa gang yin pa'o//'char ka khyod kyis ltung ba byung ba 'di ma bshags shing so sor ma bshags na mi rtag pa'i 'du shes dang / mi rtag pa la sdug bsngal ba'i 'du shes dang / sdug bsngal ba la bdag med pa'i 'du shes dang / zas la mi mthun pa'i 'du shes dang / 'jig rten thams cad la mngon par mi dga' ba'i 'du shes dang / nyes dmigs kyi 'du shes dang / spong ba'i 'du shes dang / 'dod chags dang bral ba'i 'du shes dang / 'gog pa'i 'du shes dang / 'chi ba'i 'du shes dang / mi sdug pa'i 'du shes dang / rnam par bsngos pa'i 'du shes dang /rnam par rnags pa'i 'du shes dang / rnam par bam pa'i 'du shes dang / rnam par 'bus gzhigs pa'i 'du shes dang / rnam par zos pa'i 'du shes dang / rnam par dmar ba'i 'du shes dang / rnam par 'thor ba'i 'du shes dang / rus gong gi 'du shes dang / stong pa nyid du so sor rtog pa'i 'du shes kyi 'os ma yin/bsam gtan dang po dang / gnyis pa dang / gsum pa dang / bzhi pa dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang /'du shes med 'du shes med min skye mched dang / rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / rdzu 'phrul gyi yul dang / lha'i rna ba dang / sems kyi rnam grangs dang / sngon gyi gnas dang / 'chi 'pho dang /skye ba dang / zag pa zad pa'i 'os ma yin no/ /'char ka ltung ba 'di ma bshags shing so sor ma bshags na/ 'gro ba gnyis las gang yang rung ba zhig khyod kyi 'gro ba yin par shes par bya ste/ sems can dmyal ba'am dud 'gro'o/ /bcom ldan 'das kyis kyang las kyi mtha' 'chab pa'i 'gro ba ni gnyis te/sems can dmyal ba'am dud 'gro'o/ /gang dag nyes pa la yid mi ches pa de dag ni 'chab par sems so zhes gsungs so/ /de ni bsdigs par bya ba'i cho ga dang sngags so/ /de'i 'og tu las brjod pa dang po dang gnyis pa dang gsum pa mjug sdud pa dang bcas pa bya ba'i cho ga dang sngags ni 'di yin te/de ltar bsdigs pa byas ma thag tu de'i mjug thogs su dge slong las byed pa de nyid kyis ltung ba byung ba de yang thal mo sbyar te/ tsog pur 'dug tu bcug la bdag kyang 'dug bzhin du 'di skad ces brjod par bya'o/ /dge 'dun btsun pa rnams gsan du gsol/dge slong 'char ka 'di la che ge mo las byung ba'i dge 'dun lhag ma'i ltung ba byung la/ dge slong 'char ka 'di dge 'dun gyi gan du mchis te/ che ge mo las byung ba'i dge 'dun lhag ma'i ltung ba byung ba de'i slad du dge 'dun las zhag drug mgu bar bgyi ba gsol nas/dge 'dun gyis dge slong 'char ka 'di la che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyi ba stsal te/ dge slong 'char ka 'dis che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyis lags te/dge 'dun las dbyung ba gsol na/ de'i slad du dge 'dun gyis dge slong 'char ka che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyis pa dbyung bar mdzad nas/ tshe dang ldan pa gang dag dge slong 'char ka che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyis pa dbyung bar bzod pa de dag ni cang ma gsung shing //gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/dge 'dun gyis bzod cing gnang nas/ dge 'dun gyis dge slong 'char ka che ge mo las byung ba'i dge 'dun lhag ma'i ltung ba byung ba de'i slad du zhag drug mgu bar bgyis pa phyung lags te/ 'di ltar cang mi gsung bas de de bzhin du 'dzin to/ /de ni las brjod pa dang po dang gnyis pa dang gsum pa mjug sdud pa dang bcas pa bya ba'i cho ga dang sngags so//de'i 'og tu gzengs bstod pa'i cho ga dang sngags ni 'di yin te/ dge slong las byed pa de nyid kyis de'i mod la dge 'dun gyi dbus su gang zag de thal mo sbyar te tsog pur 'dug tu bcug la 'di skad ces brjod par bya'o//'char ka khyod kyis legs pa byas so/ /legs pa shin tu byas so/ /gnyis ni mkhas pa/ gnyis ni gsal ba/ gnyis ni dge ba/ gnyis ni skyes bu dam pa ste/ gnyis gang zhe na/ ltung ba mi 'byin pa gang yin pa dang / ltung ba byung nas chos bzhin du phyir bcos pa gang yin pa'o//gnyis ni sdig pa'i rtsa ba rko ba/ rgyun las bzlog pa la 'bad pa/ 'bab chu dang 'khri shing skems pa/ bdud 'dul ba/ bdud kyi rgyal mtshan snyol ba/ chos kyi rgyal mtshan sgreng ba/ sdig pa'i rgyun gcod pa/ de bzhin gshegs pa dgra bcom pa yang dag par rdzogs pa'i sangs rgyas kyi chos kyi 'khor lo chos dang mthun par bskor ba rjes su bskor ba ste/gnyis gang zhe na/ ltung ba mi 'byin pa gang yin pa dang / ltung ba byung nas chos bzhin du phyir 'chos pa gang yin pa'o/ /gnyis ni rnam par byang bar 'gyur zhing kun nas nyon mongs par mi 'gyur ba dang /gnyis kyis zag pa 'phel bar mi 'gyur te/ gnyis gang zhe na/ ltung ba mi 'byin pa gang yin pa dang / ltung ba byung nas chos bzhin du phyir 'chos pa gang yin pa'o/ /'char ka khyod ltung ba 'di bshags shing so sor bshags pas/ mi rtag pa'i 'du shes dang mi rtag pa la sdug bsngal ba'i 'du shes dang /sdug bsngal ba la bdag med pa'i 'du shes dang / zas la mi mthun pa'i 'du shes dang / 'jig rten thams cad la mngon par mi dga' ba'i 'du shes dang / nyes dmigs kyi 'du shes dang / spong ba'i 'du shes dang / 'dod chags dang bral ba'i 'du shes dang /'gog pa'i 'du shes dang / 'chi ba'i 'du shes dang / mi sdug pa'i 'du shes dang / rnam par bsngos pa'i 'du shes dang / rnam par rnags pa'i 'du shes dang / rnam par bam pa'i 'du shes dang / rnam par 'bus gzhigs pa'i 'du shes dang / rnam par zos pa'i 'du shes dang /rnam par dmar ba'i 'du shes dang / rnam par 'thor ba'i 'du shes dang / rus gong gi 'du shes dang / stong pa nyid du so sor rtog pa'i 'du shes kyi 'os su gyur pa yin/ bsam gtan dang po dang / gnyis pa dang / gsum pa dang / bzhi pa dang / byams pa dang / snying rje dang / dga' ba dang / btang snyoms dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched dang / rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / rdzu 'phrul gyi yul dang / lha'i rna ba dang / sems kyi rnam grangs dang / sngon gyi gnas dang / 'chi 'pho dang skye ba dang / 'bras bu'i mchog dgra bcom pa'i 'os su gyur pa yin no/ /'char ka ltung ba 'di bshags shing so sor bshags pas 'gro ba gnyis po las gang yang rung ba zhig khyod kyi 'gro ba yin par shes par bya ste/lha dang mi'o/ /bcom ldan 'das kyis kyang las kyi mtha' mi 'chab pa'i 'gro ba ni gnyis te/ lha dang mi'o/ /gang dag ngas bshad pa la yid ches pa de dag ni 'chab par mi sems so zhes gsungs so//yang gsungs pa/ bcabs pa char pa bzhin du bab/ /bshags pa char bzhin bab mi 'gyur/ /de lta bas na bshags par bya/ /de ltar char bzhin mi 'bab ce'o/ /tshe dang ldan pa 'char ka khyod phyung zin gyis bag yod par sgrubs shig /de ni gzengs bstod pa'i cho ga dang sngags te/de tsam gyis na de dge 'dun lhag ma'i ltung ba las byung bar rig par bya'o/ /da ni 'dul ba'i gzhi bsdu ba'i khyad par cung zhig bshad par bya ste/ spo ba zhes bya ba'i khyad par ni rnam pa gsum ste/ spo ba dang / gzhi nas spo ba dang / yang gzhi nas blang ste spo ba'o/ / mgu bar bya ba zhes bya ba'i khyad par yang rnam pa gsum ste/ mgu bar bya ba dang / gzhi nas mgu bar bya ba dang / yang gzhi nas bslang ste mgu bar bya ba'o/ /de la spo ba zhes bya ba ni dge 'dun lhag ma'i ltung ba byung la/ ji srid du bcabs pa'i dus de srid du sa gzhan na gnas pa'i spyod pas spo ba byed du gzhug pa ji skad sngar bstan pa'o//gzhi nas spo ba byed pa nyid ni dge 'dun lhag ma'i ltung ba rigs mthun pa yang byung na/ spo ba snga ma mnos te byas pa de zhig pas de'i phyir yang gzhi nas bslang ste spo ba gdod brtsam pa'o/ /yang gzhi nas bslang ste spo ba zhes bya ba ni gzhi nas spo ba byed pa nyid na dge 'dun lhag ma'i ltung ba rigs mthun pa yang byung na/spo ba dang gzhi nas spo ba snga ma mnos te byas pa de nyid zhig pas de'i phyir yang gzhi nas bslang ste spo ba gdod brtsam pa'o/ /mgu bar bya ba zhes bya ba ni dge 'dun lhag ma'i ltung ba las dbyung ba'i phyir zhag drug gi bar du sa gzhan na gnas pa'i spyod pas mgu bar bya ba spyad pa ji skad sngar bstan pa'o//gzhi nas mgu bar bya ba zhes bya ba ni mgu bar bya ba byed pa nyid ni dge 'dun lhag ma'i ltung ba rigs mthun pa yang byung na mgu bar bya ba snga ma mnos te byas pa de zhig pas de'i phyir gzhi nas mgu bar bya ba gdod brtsam pa'o//yang gzhi nas bslang ste mgu bar bya ba zhes bya ba ni gzhi nas mgu bar bya ba byed pa nyid na dge 'dun lhag ma'i ltung ba rigs mthun pa yang byung na mgu bar bya ba dang / gzhi nas mgu bar bya ba snga ma mnos te byas pa de gnyis zhig pas de'i phyir yang gzhi nas bslang ste mgu bar bya ba gdod brtsam pa'o//de dag la dge 'dun lhag ma'i ltung ba rigs mthun par byung bas de ltar 'gyur gyi rigs mi mthun pas ni de ltar mi 'gyur ro/ /de dag las spo ba sbyin pa'i tshigs la mu gsum yod de/ spo ba sbyin pa dang / gzhi nas spo ba sbyin pa dang /yang gzhi nas bslang ste spo ba sbyin pa'o/ /mgu bar bya ba sbyin pa'i tshigs la mu bcu gnyis yod de/ mgu bar bya ba sbyin pa dang / gzhi nas mgu bar bya ba sbyin pa dang / yang gzhi nas bslang ste mgu bar bya ba sbyin pa gsum dang / spo ba byas pa la mgu bar bya ba sbyin pa dang /spo ba byas pa la gzhi nas mgu bar bya ba sbyin pa dang / spo ba byas pa la yang gzhi nas bslang ste mgu bar bya ba sbyin pa gsum dang / gzhi nas spo ba byas pa la mgu bar bya ba sbyin pa dang / gzhi nas spo ba byas pa la gzhi nas mgu bar bya ba sbyin pa dang / gzhi nas spo ba byas pa la yang gzhi nas bslang ste mgu bar bya ba sbyin pa gsum dang /yang gzhi nas bslang ste spo ba byas pa la mgu bar bya ba sbyin pa dang / yang gzhi nas bslang ste spo ba byas pa la gzhi nas mgu bar bya ba sbyin pa dang / yang gzhi nas bslang ste spo ba byas pa la yang gzhi nas bslang ste mgu bar bya ba sbyin pa gsum ste bcu gnyis so//de dag sbyin pa'i rim pa yang dang por bdag gis lan gsum gsol ba dang / de nas dge 'dun gyis gsol ba dang bzhi'i las kyis sbyin pa dang / byin nas sa gzhan na gnas pa'i spyod pa kun du spyod pa'i chos ji ltar bcas par spyad cing nyin re lan re'am nyi ma gsum mam bzhi zhing dge 'dun nam gang zag la nyi ma thal ba dang /'byung ba brjod pa dang / dgra bo 'ong na phyir btang la dgra bo song na phyir blang ba'i cho ga dang rim pa ni snga ma bzhin no/ /sngags kyi tshig la ni bye brag yod de/kha cig ni 'dul ba'i gzhi dang / las brgya rtsa gcig pa dag las 'byung ba bzhin dngos su sbyar ro/ /kha cig ni 'khor lo bzhin du sbyar ro/ /dbyung ba sbyin pa'i tshigs la yang mu bcu gnyis yod de/ mgu bar bya ba spyad pa dbyung ba dang / gzhi nas mgu bar bya ba spyad pa dbyung ba dang /yang gzhi nas bslang ste mgu bar bya ba spyad pa dbyung ba gsum dang / spo ba dang mgu bar bya ba spyad pa dbyung ba dang / spo ba dang gzhi nas mgu bar bya ba spyad pa dbyung ba dang / spo ba dang yang gzhi nas bslang ste mgu bar bya ba spyad pa dbyung ba gsum dang / gzhi nas spo ba dang mgu bar bya ba spyad pa dbyung ba dang /gzhi nas spo ba dang gzhi nas mgu bar bya ba spyad pa dbyung ba dang / gzhi nas spo ba dang yang gzhi nas bslang ste mgu bar bya ba spyad pa dbyung ba gsum dang / yang gzhi nas bslang ste spo ba dang mgu bar bya ba spyad pa dbyung ba dang / yang gzhi nas bslang ste spo ba dang gzhi nas mgu bar bya ba spyad pa dbyung ba dang /yang gzhi nas bslang ste spo ba dang yang gzhi nas bslang ste mgu bar bya ba spyad pa dbyung ba gsum ste bcu gnyis so/ /de dag sbyin pa'i rim pa yang dang por bdag gis lan gsum dbyung ba gsol ba dang / de nas dge 'dun gyis gsol ba dang bzhi'i las kyis bsdigs pa dang /gzengs bstod pa dang bcas pas dbyung ba'i cho ga dang rim pa ni snga ma bzhin no/ /sngags kyi tshig la ni bye brag yod de/ kha cig ni 'dul ba'i gzhi dang las brgya rtsa gcig pa dag las 'byung ba bzhin dngos su sbyar ro/ / kha cig ni 'khor lo bzhin du sbyar ro/ /gzhi nas spo ba dang yang gzhi nas bslang ste spo ba sbyin pa'i tshigs 'di gnyis la ni ltung ba phyis byung ba de bcabs pa'i dus lhag pa der gzhug dgos la/ dus mnyam pa dang nyung ba ni der gzhug mi dgos te/ des gang la ltung ba snga ma bcabs pa'i dus zla ba phyed yod la/ltung ba phyi ma bcabs pa'i dus kyang zla ba phyed dam de bas nyung ba yod pa de la ni/ mthol ba dang gzhi nas spo ba dang / yang gzhi nas bslang ste spo ba gsol ba dang / sbyin pa'i sngags kyi tshig tu yang zla ba phyed kho na smos la/ gzhi nas spo ba dang yang gzhi nas bslang ste spo ba yang zla ba phyed kho na sbyin par bya'o//gang la ltung ba snga ma bcabs pa'i dus zla ba phyed yod la/ ltung ba phyi ma bcabs pa'i dus zla ba gcig yod pa de la ni mthol ba dang / gzhi nas spo ba dang / yang gzhi nas bslang ste spo ba gsol ba dang / sbyin pa'i sngags kyi tshig tu yang zla ba gcig smos la/gzhi nas spo ba dang yang gzhi nas bslang ste spo ba yang zla ba gcig sbyin par bya ste/ des ltung ba snga ma zla ba phyed bcabs pa dang / ltung ba phyi ma bcabs pa'i nyes pa gnyis ka med par 'gyur bar shes par bya'o/ /ltung ba phyi ma bcabs pa'i dus lhag ma gnas skabs gang la srid ce na/spo ba spyod bzhin pa nyid na ltung ba snga ma dang 'dra ba byung la de'i mod la spo ba spyod pa mthar thug pa'i dus dang / de bas 'phyi ba'i dus gzhan du yang ltung ba bar ma mthol ba'i gnas skabs dang / spo ba'am gzhi nas spo ba bas ltung ba rigs mthun pa byung nas 'thab krol byed pa 'ong ba'i tshe phyir spo ba la sogs pa btang ste/yang phyir len pa des btang ba'i gnas skabs su ltung ba bar ma dang phyi ma ma mthol bar bcabs pa'i dus ches ring du sgrub pa'i gnas skabs la srid do/ /spo ba sbyin pa dang / gzhi nas spo ba sbyin pa dang /yang gzhi nas bslang ste spo ba sbyin pa'i mu 'di gsum la bcabs pa'i dus nges par mi shes pa dang / ltung ba'i grangs nges par mi shes pa dang / ltung ba mang po byung ba la spo ba la sogs pa sbyin pa'i cho ga dang sngags ni 'di ltar bya ste/ bcabs pa'i dus nges par mi shes na bcabs pa'i phyir ni dus dpag tu med pa la brten par bya/spo ba spyad pa'i phyir ni dag pa'i mtha' can zla ba bzhi la sogs pa la brten par bya ste/ des na spo ba la sogs pa gsol ba dang / sbyin pa dang / brjod pa dang gtong ba dang len pa'i sngags kyi tshig la 'di skad ces dge 'dun btsun pa rnams gsan du gsol/bdag dge slong ming 'di zhes bgyi ba la che ge mo las byung ba'i dge 'dun lhag ma'i ltung ba byung ba dpag tu ma mchis par bcabs pas bdag dge slong ming 'di zhes bgyi ba la che ge mo las byung ba'i dge 'dun lhag ma'i ltung ba byung la/dpag tu ma mchis par bcabs pa de'i slad du dge 'dun las dag pa'i mtha' can zla ba bzhi spo ba gsol na/ thugs brtse ba can dge 'dun btsun pa rnams kyis thugs brtse ba'i slad du bdag dge slong ming 'di zhes bgyi ba la che ge mo las byung ba'i dge 'dun lhag ma'i ltung ba byung ba dpag tu ma mchis par bcabs pa de'i slad du dag pa'i mtha' can zla ba bzhi spo ba stsal du gsol zhes brjod par bya'o//de la bcabs pa'i dus nges par mi shes pa'i phyir dpag tu med par bcabs zhes smos pas ni bcabs pa'i dus nyung ngur mi 'gyur ro//spo ba spyod pa'i phyir dag pa'i mtha' can zla ba bzhi smos pas ni spyad pa'i dus nyung ngur mi 'gyur te/ dge ba'i mtha' can zhes bya ba ni sngon ltung ba ma byung ba dag pa'i mtha' gang yin pa rang gis dran pa tshun chad nas ltung ba mthol ba'i bar ro/ /zla ba bzhi zhes bya ba ni mtshon pa ste/zla ba phyed dam gcig gam gnyis sam gsum mam bzhi'am lnga la sogs pa dang po dag pa'i mtha' nas bzung ste/ ji tsam gyis na bcabs pa'i dus mi dran pa de nyung ba nyid du mi 'gyur ba de tsam gyi dus la brten na spo ba spyod pa'i dus tshang bar 'gyur ro/ /ltung ba'i grangs nges par mi shes na ltung ba'i phyir yang dpag tu med pa la brten par bya/bcabs pa'i dus nges par shes na ni spo ba spyad pa'i phyir ni dus zla ba phyed la sogs pa nges pa la brten par bya/ bcabs pa'i dus kyang nges par ma shes na ni dpag tu med pa dang dag pa'i mtha' can zla ba bzhi la brten par bya ste/des na spo ba la sogs pa gsol ba dang / sbyin pa dang brjod pa dang / gtong ba dang len pa'i sngags kyi tshig 'di skad ces/ dge 'dun btsun pa rnams gsan du gsol/ bdag dge slong ming 'di zhes bgyi ba la che ge mo las byung ba'i dge 'dun lhag ma'i ltung ba dpag tu ma mchis pa byung la/zla ba phyed dang dpag tu ma mchis par bcabs pas/ bdag dge slong ming 'di zhes bgyi ba la che ge mo las byung ba'i dge 'dun lhag ma'i ltung ba dpag tu ma mchis pa byung la zla ba phyed dam dpag tu ma mchis pa bcabs pa de'i slad du dge 'dun las zla ba phyed dam dag pa'i mtha' can zla ba bzhi spo ba gsol na zhes brjod par bya'o//de la ltung ba'i grangs nges par mi shes pa'i phyir/ dpag tu med pa byung la zhes smos pas ni ltung ba bcabs pa nyung ngur mi 'gyur ro/ /bcabs pa'i dus nges par shes pa'i phyir zla ba phyed la sogs pa slob pas ni spo ba zla ba phyed la sogs pa'i dus nyung ngur mi 'gyur ro//bcabs pa'i dus nges par mi shes pa'i phyir dpag tu med par bcabs pas zhes smos pas ni spo ba dag pa'i mtha' can zla ba bzhi la sogs pa las nyung ngur mi 'gyur ro/ /ltung ba mang bo byung na ltung ba'i phyir ni tshad shin tu mang po dang ldan pa zhes bya ba la brten par bya/bcabs pa'i dus nges par shes pa dang / mi shes pa'i phyir ni snga ma bzhin te/ shes na zla ba phyed la sogs pa la brten par bya/ mi shes na ni dpag tu med pa dang dag pa'i mtha' can zla ba bzhi la sogs pa la brten par bya'o//ltung ba grangs mang po 'di la ni bcabs pa'i dus ni ltung ba bcabs pa'i dus tha dad pa rnams las gang gi dus yun ring bar gzhi gzung ngo / /gang dag gang byung ba'i rigs rnams kyi ming ni stsogs pa zhes bya bas mgo drang ngo / /de bas ni spo ba la sogs pa gsol ba dang /sbyin pa dang / brjod pa dang / gtong ba dang / len pa'i sngags kyi tshig la 'di skad ces dge 'dun btsun pa rnams gsan du gsol/ bdag dge slong ming 'di zhes bgyi ba la bsams bzhin du khu ba phyung ba'i dge 'dun lhag ma'i ltung ba la sogs pa lus kyis reg pa las byung ba'i dge 'dun lhag ma'i ltung ba dang /'khrig pa dang ldan pa smra ba las byung ba'i dge 'dun lhag ma'i ltung ba dang / bsnyen bkur bsngags pa las byung ba'i dge 'dun lhag ma'i ltung ba dang / smyan bgyid pa las byung ba'i dge 'dun lhag ma'i ltung ba tshad shin tu mang po dang ldan pa byung la zla ba phyed dam dpag tu ma mchis par bcabs pas bdag dge slong ming 'di zhes bgyi ba la bsams bzhin du khu ba phyung ba'i dge 'dun lhag ma la sogs pa lus kyis reg pa las byung ba'i dge 'dun lhag ma'i ltung ba dang /'khrig pa dang ldan pa smra ba las byung ba'i dge 'dun lhag ma'i ltung ba dang bsnyen bkur bsngags pa las byung ba'i dge 'dun lhag ma'i ltung ba dang /smyan bgyid pa las byung ba'i dge 'dun lhag ma'i ltung ba tshad shin tu mang po dang ldan pa byung ba la zla ba phyed dam dpag tu ma mchis par bcabs pa de'i slad du dge 'dun las zla ba phyed dam/dag pa'i mtha' can zla ba bzhi spo ba gsol na zhes brjod par bya'o/ /de ltar ltung ba mang po'i phyir tshad shin tu mang po dang ldan pa zhes smos pas ni grangs nyung ngur bcabs par mi 'gyur ro/ /bcabs pa'i dus nges par shes pa'i phyir zla ba phyed la sogs pa smos pas ni spo ba zla ba phyed la sogs pa'i dus las nyung ngur mi 'gyur ro//bcabs pa'i dus nges par mi shes pa'i phyir dpag tu med par bcabs pas shes zhes smos pas ni spo ba dag pa'i mtha' can zla ba bzhi la sogs pa las nyung ngur mi 'gyur ro/ /bcabs pa'i dus gang yun ring bas gzhi gzung bas ni gzhan dag gi bcabs pa'i dus thung ngu rnams ma lus par 'gyur ro//sogs pa zhes smos pas ni lhag ma rnams de'i khongs su 'du bar 'gyur ro/ /go rims gang lci ba dang / bsam pa drag pos byas pa dang por smos pas na nyes pa che rims kyis sbyang ba bstan par 'gyur bas de'i phyir ltung ba grangs mang po de dag gi go rims kyang sngar ltung ba gang byung ba de'i ming dang por smos par mi bya bar lci ba dang bsam pa drag pos byas pa nyid dang por smos par bya ste/'dir gzhung ni zhu ba las/ btsun pa dge slong la dge 'dun lhag ma'i ltung ba byung zhing bsams bzhin du khu ba phyung ba las byung ba'i dgung gcig bcabs la reg pa las byung ba ni dgung gnyis bcabs pa nas bka' blo mi bde ba las byung ba dgung bcu gsum bcabs pa'i bar du byung na/btsun pa ltung ba de dag dus gcig dang skad cig gcig la las bgyis pa gcig gis spo ba dang /gzhi nas spo ba dang / mgu bar bgyi ba dang / gzhi nas mgu bar bgyi ba stsal zhing dbyung bar bgyi ba dang / las de dag kyang bgyis par brjod pa dang / des dge 'dun la yang 'gal tshabs can du mi 'gyur bar rung ngam/ nye ba 'khor rung ste/bsams bzhin du khu ba phyung ba las byung ba zhag gcig bcabs pa'i ltung ba gang yin pa nas/ bka' blo mi bde ba las byung ba zhag bcu gsum bcabs pa'i bar gyi ltung ba gang dag yin pa de dag las dam pa dang rab tu dam pa dang / lci ba dang zhag mang du bcabs pa gang yin pa de'i phyir spo ba dang /gzhi nas spo ba dang / mgu bar bya ba dang / gzhi nas mgu bar bya ba sbyin zhing dbyung bar bya ste/ las de dag kyang byas par brjod par byas la des dge 'dun la yang 'gal tshabs can du mi 'gyur ro zhes gsungs pa yin no/ /spo ba spyod pa la gzhi nas spo ba dang /yang gzhi nas bslang ste spo ba byung ba phyir gso bar 'dod pa skyes na tha dad par sbyin zhing cig car spyad du rung ngo / /mgu bar bya ba spyod pa la gzhi nas mgu bar bya ba dang / yang gzhi nas bslang ste mgu bar bya ba byung ba'i phyir gsol bar 'dod pa skyes na yang tha dad par sbyin zhing cig car spyad du rung ngo //spo ba dang mgu bar bya ba gnyis ni cig car sbyin zhing cig car spyad du mi rung ste/ /mgu bar bya ba ni sems mgu bar bya ba'i phyir yin la/ spo ba ni bcabs pa'i kha na ma tho ba gzhom par bya ba'i phyir yin pa'i phyir ro/ /des na de gnyis cig car spyad pa mi srid de/sngar bcabs pa'i phyir spo ba byed du gzhug cing / de'i 'og tu dbyung ba'i phyir mgu bar bya ba byed du gzhug go/ /dge 'dun lhag ma phyir bcos pa bshad zin to// //da ni dge 'dun lhag ma rnam par gzhag pa bsgrag par bya ba bshad par bya ste/ de'i phyir de la bdag gis tshe dang ldan pa dag la ci 'di la khyed yongs su dag gam zhes dri'o//ci 'di la khyod yongs su dag gam zhes lan gnyis lan gsum du dri'o/ /'di la tshe dang ldan pa dag yongs su dag na 'di ltar cang mi smra bas de de bzhin du 'dzin to zhes bya ba gsungs te/ de la zhes bya ba ni dge 'dun lhag ma bton pa de la'o//ci zhes bya ba ni yongs su dri ba'o/ /'di la zhes bya ba ni gso sbyong la'o/ /khyed ces bya ba ni khyed cag go/ /yongs su dag gam zhes bya ba ni ltung ba ma byung ngam zhes bya ba'o zhes zhes bya ba ni dri ba spyi la snyegs so/ /dri'o zhes bya ba ni dri ba dang po'o//lan gnyis lan gsum du dri'o zhes bya ba ni lan gsum kho na dri bar bya dgos pas lan gnyis lan gsum du zhes bya ba smos te/ nyung na yang la las mi thos la/ mang na yang dus yol ba la sogs pa'i nyes dmigs yod pas de'i phyir lan gsum ni ran par dgongs te/ bshags pa dang /byin gyis brlabs pa gnyis kyis ltung ba ma bcabs pa sha stag tshogs pa yin nam zhes bya ba'i tha tshig go/ /cang mi smra bas brda byas pas dge 'dun lhag ma rnam par gzhag pa bsgrag par bya ba'i mjug bsdu ba bstan pa'i phyir/ 'di la tshe dang ldan pa dag yongs su dag na 'di ltar cang mi smra bas de de bzhin du 'dzin to zhes bya ba gsungs te/bshags pa dang / byin gyis brlabs pa gnyis kyis ltung ba ma bcabs pa sha stag tshogs pa yin no zhes bya ba'i tha tshig go/ /dge 'dun lhag ma gdon pa bshad zin to// //da ni ma nges pa gdon pa bshad par bya ste/ de'i phyir sdom la/ dben pa skyabs yod 'dug pa'o zhes bya ba gsungs so/ /sdom la zhes bya ba'i dgos pa dang tshig gi don ni snga ma bzhin no/ /ma nges pa ni rnam pa gnyis te/ pham par 'gyur ba dang / dge 'dun lhag ma dang / ltung byed kyi chos gsum las gang yin ma nges pa dang / dge 'dun lhag ma dang / ltung byed kyi chos gnyis las gang yin ma nges pa'o/ /de gnyis ka yang sdom las/ dben pa skyabs yod 'dug pa'o zhes gsungs pa 'di'i khongs su 'dus te/ dben pa skyabs yod pa nas 'dod pa byar rung bar 'gyur la 'dug pa las ni ma nges pa dang por 'gyur la/dben pa skyabs yod pa na 'dod pa byar mi rung bar stan la 'dug pa las ni ma nges pa gnyis par 'gyur ro/ /'di gnyis ni gleng gzhi'i dbang gis dge slong gis ma nges pa'i chos 'di lta bur 'gyur ba'i gnas su 'dug par mi bya'o zhes bca' ba mdzad par zad kyi/ ltung ba rnam par gzhag pa la ni yang na pham par 'gyur/ yang na dge 'dun lhag mar 'gyur/ yang na ltung byed du 'gyur bar ci rigs par sbyar te/ ltung ba sde lngar gzhag pa la ni ma gtogs so/ /tshe dang ldan pa dag ma nges pa'i chos gnyis po 'di dag ni zla ba phyed phyed cing so sor thar pa'i mdo 'don pa las 'byung ngo zhes bya bas ni ma nges pa gdon pa 'di'i lung dbog pa bstan to//ma nges pa'i chos zhes bya ba ni gang yin gtol med pas ma nges pa'o/ /de nyid kha na ma tho ba'i mtshan nyid 'dzin pas chos zhes bya'o/ /gnyis po 'di dag ni zhes bya ba ni pham par 'gyur ba dang /dge 'dun lhag ma dang / ltung byed kyi chos gsum las gang yin ma nges pa dang / dge 'dun lhag ma dang ltung byed kyi chos gnyis las gang yin ma nges pa'o/ /zla ba phyed phyed cing so sor thar pa'i mdo 'don pa las 'byung ngo zhes bya ba ni sde snod gsum las 'dul ba'i sde snod ni yi ger mi 'dri ba yin pas thams cad kyi mngon sum du ma gyur pa'i phyir gso sbyong 'don pas ma nges pa gdon pa 'di ga las shes snyam pa la zla ba phyed phyed cing gso sbyong 'don pa'i tshe 'dul ba 'dzin pa'i kha ton las 'byung ngo zhes bstan pa yin no//de ltar 'dul ba'i sde snod yang dag par bsdus pa'i gzhung 'di ni ma 'ongs pa'i skye bo dbang po rtul po tshig dang don gyi bdag nyid 'dzin mi nus pa rnams la phan gdags pa'i phyir bcom ldan 'das kyis yang dag par bsdu bar gnang ba yin te/de bas na 'dul ba'i sde snod kyi las gsang ba 'di ni bsnyen par ma rdzogs pa rnams kyis thos par mi bya'o zhes sngar bstan pa bzhin 'dir yang sbyar ro//de la ma nges pa'i chos dang po'i gleng gzhi ni sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa 'char ka snga dro sham thabs bgos lhung bzed dang chos gos thogs te/mnyan yod du bsod snyoms la zhugs nas mthar gyis rgyu ba na khyim bdag gi chung ma sbed ma'i khyim ga la ba der song ngo / /khyim bdag gi chung ma sbed mas tshe dang ldan pa 'char ka rgyang ring po kho na nas mthong ste/ mthong nas kyang tshe dang ldan pa 'char ka'i phyir stan shom par byed cing 'di skad ces kyang smras so/ /btsun pa 'char ka tshur spyon/ btsun pa 'char ka byon pa legs so/ /btsun pa 'char ka gdan bshams pa nyid la bzhugs shig /tshe dang ldan pa 'char ka stan bshams pa de la 'dug go//de nas khyim bdag gi chung ma sbed mas tshe dang ldan pa 'char ka'i rkang pa gnyis la mgo bos phyag 'tshal te/ pus mo gnyis la pus mo gnyis gtad de/ chos mnyan pa'i phyir 'dug go/ /tshe dang ldan pa 'char kas de la chos snyan pa snyan pa dag bstan par brtsams so//de'i tshe na ri dgas 'dzin gyi ma sa ga khyim de'i nye 'khor na 'gro bas khyim bdag gi chung ma sbed ma'i khyim na tshe dang ldan pa 'char ka'i skad kyi gdangs grag pa thos so/ /thos nas kyang de 'di snyam du sems te/ kye ma 'phags pa 'char ka skad kyi gdangs kyis khyim bdag gi chung ma sbed ma la sbrang bu sbrang rtsi 'byin pa dang 'dra bar chos snyan pa snyan pa dag ston par byed kyi bdag kyang gzhan la brtsams pa'i chos mnyan pa'i phyir der 'gro'o snyam mo//de nas ri dgas 'dzin gyi ma sa ga khyim bdag gi chung ma sbed ma'i khyim ga la ba der song ba dang / ri dgas 'dzin gyi ma sa gas khyim bdag gi chung ma sbed ma tshe dang ldan pa 'char ka'i pus mo gnyis la pus mo gnyis gtad de/ chos mnyan pa'i phyir 'dug pa mthong ngo / /mthong nas kyang de 'di snyam du sems te/ gal te khyim bdag gam khyim bdag gi chung ma'am khyim bdag gi bu mo dad pa 'ga' zhig gis 'di mthong bar gyur na/'phags pa 'char ka 'dis khyim bdag gi chung ma sbed ma dang lhan cig dben pa skyabs yod par dge sbyong gi tshul ma yin pa sdig pa'i las cung zhig byas sam byed par sems so snyam du gdon mi za bar mthar thug par 'gro bar 'gyur bas de'i phyir 'di ni bdag gi bya ba yin no snyam nas/de nas ri dgas 'dzin gyi ma sa ga bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te/ mtha' gcig tu 'dug go/ /mtha' gcig tu 'dug nas bcom ldan 'das la ri dgas 'dzin gyi ma sa gas tshe dang ldan pa 'char ka dang khyim bdag gi chung ma sbed ma'i byung ba'i mtha' de dag rgyas par gsol to//btsun pa de'i slad du bcom ldan 'das kyis thugs brtse ba'i slad du gang gis 'phags pa dag bud med kyi yul dang lhan cig gcig pu gcig dang dben pa skyabs mchis pa na stan la mchis par mi 'gyur bar 'phags pa rnams la dran par bgyi ba cung zhig bca' ba mdzad na legs so zhes kyang gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ tshe dang ldan pa 'char ka la rmas nas rnam grangs du mar smad de/bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang bud med dang lhan cig gcig pu gcig dang dben pa skyabs yod pa na 'dod pa byar rung bar stan la 'dug par byed cing /de la gal te dge bsnyen ma yid ches pa'i tshig dang ldan pas chos gsum po pham par 'gyur ba'am/ dge 'dun lhag ma'am/ ltung byed las chos gang yang rung bas smras par 'gyur la/ /dge slong gis 'dug par khas blangs nas/ chos gsum po pham par 'gyur ba'am/dge 'dun lhag ma'am/ ltung byed las chos gang yang rung bas byed du gzhug cing / dge slong de la dge bsnyen ma yid ches pa'i tshig dang ldan pas chos gang dang gang gis smras par gyur pa'i chos de dang des dge slong de byed du gzhug ste/ de ni ma nges pa'i chos so zhes bca' ba mdzad de/yul ni mnyan yod/ gang zag ni 'char ka /nyon mongs pa ni 'dod chags/ nyes pa ni ma nges pa'o/ /de la yang dge slong gang zhes bya ba ni 'char ka'am gzhan yang de lta bu gang yin pa'o/ /bud med dang zhes bya ba ni bud med dam gzhon nu ma mi tshangs par spyod pa 'khrig pa'i chos bsten nus pa dang ngo //lhan cig ces bya ba ni de dang lhan cig go/ /gcig pu gcig dang zhes bya ba ni de de dang ngo / /dben pa zhes bya ba ni gang na skyes pa dang / bud med dang ma ning gzhan 'ga' yang med pa'o/ /skyabs yod pa na zhes bya ba ni lngas bskyabs pa ste/rtsig pas bskyabs pa dang / rib mas bskyabs pa dang / yol bas bskyabs pa dang / thibs pos bskyabs pa dang / mtshan mos bskyabs pa na'o/ /'dod pa byar rung bar zhes bya ba ni bud med mi tshangs par spyod pa byar rung bar thag nye bar ro//stan la zhes bya ba ni khri dang khri'u la sogs pa la'o/ /'dug par byed cing zhes bya ba ni 'dom gang gi nang du rkub tshos 'jog par byed cing ngo / /de la gal te dge bsnyen ma yid ches pa'i tshig dang ldan pas zhes bya ba la/ de la zhes bya ba ni 'char ka la'o/ /dge bsnyen ma zhes bya ba ni ri dgas 'dzin gyi ma sa ga'o//yid ches pa zhes bya ba ni sangs rgyas la mngon par dad chos dang dge 'dun la mngon par dad pa dang / sangs rgyas la skyabs su song / chos dang dge 'dun la skyabs su song ba dang / sangs rgyas la gcig tu gyur/ chos dang dge 'dun la gcig tu gyur pa dang /sangs rgyas la nem nur med cing je tshom med/ chos dang dge 'dun la nem nur med cing the tshom med pa dang / sdug bsngal dang / kun 'byung dang / 'gog pa dang / lam la nem nur med cing the tshom med pa dang / bden pa mthong ba dang / 'bras bu thob pa dang / mngon par rtogs pa dang ldan pa dang /gang gis rang gi srog gi phyir yang shes bzhin du brdzun gyi tshig smra bar mi nus pa'o/ /tshig dang ldan pas zhes bya ba ni de lta bu'i tshig gi bya ba dang ldan pas so/ /chos gsum po zhes bya ba ni grangs bstan pa'o/ /pham par 'gyur ba'am/ dge 'dun lhag ma'am/ltung byed las chos gang yang rung bas zhes bya ba la/ pham par 'gyur ba zhes bya ba ni bzhi po dag las gang yang rung ba'o/ /dge 'dun lhag ma zhes bya ba ni bcu gsum po dag las gang yang rung ba'o/ /ltung byed ces bya ba ni dgu bcu po dag las gang yang rung ba'o//smras par gyur la zhes bya ba ni brtal bar gyur pa'o/ /dge slong gis 'dug par khas blangs na zhes bya ba ni drang por khas blangs na'o/ /chos gsum po pham par 'gyur ba'am/ dge 'dun lhag ma'am/ ltung byed las chos gang yang rung bas byed du gzhug cing zhes bya ba ni de dag gang khas blangs pa 'chags su gzhug pa'o//dge slong de la dge bsnyen ma yid ches pa'i tshig dang ldan pas chos gang dang gang gis smras par gyur pa'i chos de dang des dge slong de byed du gzhug ste zhes bya ba ni 'di ltar dge bsnyen ma yid ches pa'i tshig dang ldan pa ni ltung ba la mi mkhas pa dang /ltung ba'i gleng gzhi la mi mkhas pa dang / ltung ba kun nas slong ba la mi mkhas pa yin pas 'di ltar des dge slong mi'i chos bla ma smra ba'am/ bud med dang lhan cig stan gcig la lus kyis reg par byed pa'am/ snod gcig tu za bar byed pa'am/ phor bu gcig tu myos par 'gyur ba'i btung ba sna tshogs 'thung ba'am/sa brko ba'am/ rtswa sngon po gcod pa'am/ dus ma yin par za ba'am/ gzhan yang rang bzhin dang bcas pa'i kha na ma tho ba dang bcas pa'i las gang byed par mthong ba de dag las gang khas blangs pa de byed du gzhug pa'o/ /byed du gzhug ste zhes bya ba ni 'chags su gzhug pa'o//de ni ma nges pa'i chos so zhes bya ba ni de ni rnam par ma bzhag pa'i chos yin pa'o/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang /phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge bsnyen ma yid ches pa'i tshig dang ldan pa'i tshig gis dge slong la 'gro ba'am/ 'greng ba'am/ 'dug pa'am/ nyal ba'i spyod lam rnam pa bzhi gang yang rung ba'i sgo nas pham par 'gyur ba'i chos kyis smras la/dge slong gis kyang khas blangs na pham par 'gyur ba'i dngos gzhir 'gyur ro/ /dge bsnyen ma yid ches pa'i tshig dang ldan pa'i tshig gis dge slong la 'gro ba'am/ 'greng ba'am/ 'dug pa'am/ nyal ba'i spyod lam rnam bzhi gang yang rung ba'i sgo nas/dge 'dun lhag ma'i chos kyis smras la/ dge slong gis kyang khas blangs na dge 'dun lhag ma'i dngos gzhir 'gyur ro/ /dge bsnyen ma yid ches pa'i tshig dang ldan pa'i tshig gis dge slong la 'gro ba'am/ 'greng ba'am/ 'dug pa'am/ nyal ba'i spyod lam rnam bzhi gang yang rung ba'i sgo nas ltung byed kyi chos kyis smras la/ dge slong gis kyang khas blangs na ltung byed kyi dngos gzhir 'gyur ro/ /sbyor ba'i ltung ba ni dge bsnyen ma yid ches pa'i tshig dang ldan pa'i tshig gis dge slong la 'gro ba'am/ 'greng ba'am/ 'dug pa'am/ nyal ba'i spyod lam rnam bzhi gang yang rung ba'i sgo nas pham par 'gyur ba'i sbyor ba nyes pa spom po'i chos kyis smras la/ dge slong gis kyang khas blangs na pham par 'gyur ba'i sbyor ba'i nyes pa sbom por 'gyur ro/ /dge bsnyen ma yid ches pa'i tshig dang ldan pa'i tshig gis dge slong la 'gro ba'am/'greng ba'am/ 'dug pa'am/ nyal ba'i spyod lam rnam bzhi gang yang rung ba'i sgo nas dge 'dun lhag ma'i sbyor ba nyes pa spom pa'i chos kyis smras la/ dge slong gis kyang khas blangs na dge 'dun lhag ma'i sbyor ba'i nyes pa spom por 'gyur ro//dge bsnyen ma yid ches pa'i tshig dang ldan pa'i tshig gis dge slong la 'gro ba'am/ 'greng ba'am/ 'dug pa'am/ nyal ba'i spyod lam rnam bzhi gang yang rung ba'i sgo nas ltung byed kyi sbyor ba nyes byas kyi chos kyis smras la/ dge slong gis kyang khas blangs na ltung byed kyi sbyor ba'i nyes byas su 'gyur ro/dge slong gis kyang khas blangs na pham par 'gyur ba'i sbyor ba'i sbyor ba nyes byas su 'gyur ro/ /dge bsnyen ma yid ches pa'i tshig dang ldan pa'i tshig gis dge slong la 'gro ba'am/ 'greng ba'am/ 'dug pa'am/ nyal ba'i spyod lam rnam bzhi gang yang rung ba'i sgo nas dge 'dun lhag ma'i sbyor ba'i sbyor ba nyes byas kyi chos kyis smras la/dge slong gis kyang khas blangs na dge 'dun lhag ma'i sbyor ba'i sbyor ba nyes byas su 'gyur ro/ /dge bsnyen ma yid ches pa'i tshig dang ldan pa'i tshig gis dge slong la 'gro ba'am/ 'greng ba'am/ 'dug pa'am/ nyal ba'i spyod lam rnam bzhi gang yang rung ba'i sgo nas dge 'dun lhag ma'i sbyor ba'i sbyor ba nyes byas kyi chos kyis smras la/dge slong gis kyang khas blangs na dge 'dun lhag ma'i sbyor ba'i sbyor ba nyes byas su 'gyur ro/ /dge bsnyen ma yid ches pa'i tshig dang ldan pa'i tshig gis dge slong la 'gro ba'am/ 'greng ba'am/'dug pa'am/ nyal ba'i spyod lam rnam bzhi gang yang rung ba'i sgo nas ltung byed kyi sbyor ba'i sbyor ba nyes byas phra mo'i chos kyis smras la/ dge slong gis kyang khas blangs na ltung byed kyi sbyor ba'i sbyor ba nyes byas phra mor 'gyur ro/ /'di'i byed pa po ni mi'i 'gro bar gtogs pa'i bud med dam/gzhon nu ma mi tshangs par spyod pa 'khrig pa'i chos bsten du rung ba dang / legs par smras pa dang / nyes par smras pa'i chos rnams kyi don kun shes par nus pa dang / gcig pu dben pa skyabs yod pa na 'dod pa byar rung bar 'dug pa'o/ /'di la yan lag lngas dngos gzhi dang /sbyor ba dang / sbyor ba'i sbyor ba'i ltung ba ci rigs par 'gyur te/ dngos po dang / phyogs dang / bsam pa dang / che bzhi dang / khas blangs pa'o/ /de la dngos po ni dge slong dang bud med dang lhan cig ces bya ba'o/ /phyogs ni gcig pu gcig dang dben pa skyabs yod pa na zhes bya ba'o//bsam pa ni 'dod pa byar rung bar stan la 'dug cing zhes bya ba'o/ /che bzhi ni dge bsnyen ma yid ches pa'i tshig dang ldan pa'i chos gsum po pham par 'gyur ba'am/ dge 'dun lhag ma'am/ ltung byed las chos gang yang rung bas smras par gyur pa zhes bya ba'o//khas blangs pa ni dge slong gis 'dug par khas blangs na zhes bya ba'o/ /de dag las yan lag ma tshang na ci rigs par na smad do/ /ltung ba med pa ni bud med ma yin pa dang / gcig pu ma yin pa dang / gcig dang ma yin pa dang / dben pa ma yin pa dang /skyabs yod pa ma yin pa dang / 'dod pa byar mi rung ba dang / stan la mi 'dug pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba la ni yul thams cad la gnas skabs thams cad du ma nges pa dang po'i chos 'di gsum gyi sbyor ba'i sbyor ba dang /sbyor ba dang / dngos gzhir 'gyur ba rnam pa thams cad mi bsten par bslab par bya'o/ /de dag gi phyogs tsam du 'gyur ba'i shan dang / drings pa yang bsten par mi bya'o/ /phyir bcos pa ni 'dul ba las 'khrug long gi rgyu bzhi las 'khrug long gi rtsod pa rnam pa bzhi 'byung bar gsungs te/'khrug long gi rgyu bzhi ni dngos po'i de bzhin nyid la log par sgrub pa dang / gdams ngag la sogs pa 'jog pas gzhan sbong ba dang / ltung ba dang bcas pa nyid dang / las la mthun pa mi sbyin pa'o//'khrug long gi rtsod pa rnam pa bzhi ni 'gyed pa'i phyir rtsod pa dang / mi gdams pa'i phyir rtsod pa dang / ltung ba'i phyir rtsod pa dang / bya ba'i phyir rtsod pa ste/ 'khrug long gi rgyu bzhi po de dag las 'khrug long gi rtsod pa rnam pa bzhi po de dag go rims bzhin du 'byung ngo / / de la gzhan gsum ni rtsod pa zhi bar bya ba'i chos bdun gyi skabs su 'og nas rgya cher ston to/ /'dir re zhig 'khrug long gi rgyu gsum pa ltung ba dang bcas pa nyid ces bya ba las 'khrug long byung ba'i phyir rtsod pa zhes bya ba 'byung ste/ de'i phyir bcos pa bshad par bya'o/ /de la ltung ba dang bcas pa nyid ni rnam pa gnyis te rnam par shes pa na rang gi ngo bo'i nyes pas ltung ba dang bcas pa nyid dang /rnam par shes pa na rang gi ngo bo'i nyes pas ltung ba dang bcas pa nyid do/ /de la rnam par shes pa na rang gi ngo bo'i nyes pas ltung ba dang bcas pa nyid ces bya ba ni dngos po dang phyogs dang bsam pa dang /che bzhi dang / khas blangs pa'i sgo nas ltung ba rnam par shes pa na pham par 'gyur ba'am/ dge 'dun lhag ma'am/ ltung byed las gang yang rung ba dang / dngos gzhi'am/ sbyor ba'am/ sbyor ba'i sbyor ba zhes bya ba'i rang gi ngo bo'i nyes pas ltung ba dang bcas pa nyid de/de las kyang gal te che bzhis phye ba dang / bud med kyis smras pa dang / dge slong gis khas blangs par mthun na che bzhi gnyis la dri ba dang / che bzhi gnyis dang bud med kyis smras par mthun na dge slong mi btsan pa la sogs pa'i sgo nas ltung ba'i phyir rtsod pa 'byung ngo //rnam par shes pa na rang gi ngo bo'i nyes pas ltung ba dang bcas pa nyid ces bya ba ni brjed pas khas ma blangs pa'i sgo nas ltung ba rnam par mi shes pa na dngos po dang phyogs dang bsam pa dang che bzhi'i sgo nas pham par 'gyur ba'am/ dge 'dun lhag ma'am ltung byed las gang yang rung ba dag gi dngos gzhi'am/sbyor ba'am/ sbyor ba'i sbyor ba zhes bya ba'i rang gi ngo bo'i nyes pas ltung ba dang bcas pa nyid de/ de las kyang ltung ba ma mthong bas gnas nas dbyung ba dang / phyir mi 'chos pas gnas nas dbyung ba la sogs pa'i sgo nas ltung ba'i phyir rtsod pa 'byung ngo //rtsod pa de gnyis nye bar zhi bar bya ba ni 'dir phyir bcos pa yin te/ rtsod pa de gnyis nye bar zhi bar bya ba'i rgyu yang rnam pa gnyis te/ phyir bcos pa dang / nges par 'dzin pa la sbyar ba nyid sbyin pa'o/ /de la rnam par shes pa na rang gi ngo bo'i nyes pas ltung ba dang bcas pa nyid la ni khas blang ba dang /mngon sum du bya ba dang / rtswa bkram pa lta bus phyir bcos pas bstsal bar byas na de las byung ba'i rtsod pa nye bar zhi bar 'gyur te/ pham par 'gyur ba'am/ dge 'dun lhag ma'am/ ltung byed kyi chos gsum po dag gi dngos gzhi'am sbyor ba'i sbyor ba gang byung ba de la 'khrug long rnam pa gsum ste/phyir bcos pa med pa dang / phyir bcos pa dang bcas pa rnam pa gnyis po nyi tshe ba dang / dge slong mtha' dag dang 'brel pa'o/ /de la dang po ni gleng bar bya ba dang / gleng ba po gnyis su la 'khrug long yod pa ste/ de ni khas blangs pas phyir bcos so//gnyis pa ni de gnyis 'ba' zhig tu ma zad kyi de dang 'brel pa kha cig la yang 'khrug long yod pa ste/ de ni mngon sum du bya bas phyir bcos so/ /gsum pa ni dge 'dun thams cad la 'khrug long yod pa ste/ de ni rtswa bkram pa lta bus phyir bcos par bya'o/ /rnam par mi shes pas na rang gi ngo bo'i nyes pas ltung ba dang bcas pa nyid la ni rang gi ngo bo btsal nas gsal bar nus pas de la ni nges par 'dzin pa la sbyor ba nyid sbyin pas de las byung ba'i rtsod pa nye bar zhi bar 'gyur te/gal te dge slong de dge bsnyen ma yid ches pa'i tshig dang ldan pa'i tshig gis spyod lam rnam pa bzhi gang yang rung ba'i sgo nas pham par 'gyur ba'am/dge 'dun lhag ma'am/ ltung byed kyi chos gsum po dag gi dngos gzhi dang / sbyor ba dang / sbyor ba'i sbyor ba gang yang rung ba brjod pas khas mi len na de la chad pa'i las 'os pa yin pas dge bsnyen ma yid ches pa'i tshig dang ldan pa'i tshig gis de'i ngo bo nyid tshol du gzhug pa sbyin par bya'o//de la de'i ngo bo nyid tshol du gzhug pa sbyin pa'i go rims ni 'di yin te/ de rang gis dge 'dun la gsol ba dang / dge 'dun gyis de la gsol ba dang bzhi'i las kyis de'i ngo bo nyid tshol du gzhug pa sbyin pa dang /des ji srid du khas ma blangs kyi bar du sa gzhan na gnas pa'i spyod pa spyad par bya ba dang / des bzod pa gsol na rang bzhin du gnas pa thob par 'gyur ba'o/ /de la de rang gi dge 'dun la gsol ba ni gang zag de rang gis dge 'dun la de'i ngo bo nyid tshol du gzhug pa'i sbyin pa stsal bar gsol ba'i sngags lan gsum bzlas pa'o//dge 'dun gyis de la gsol ba dang bzhi'i las kyis de'i ngo bo nyid tshol du gzhug pa sbyin pa ni 'di ltar sbyin par bya ste/ gnas mal bsham pa byas nas gaN+DI brdungs te dris pas tshig gis dge slong rnams la yang dag par bsgo nas/dge 'dun thams cad 'dug cing mthun par gyur pa la dge slong gcig gis gsol ba byas te las bya'o/ /'di ltar bya ste 'dug la 'di skad ces brjod par bya'o/ /dge 'dun btsun pa rnams gsan du gsol tshe dang ldan pa dge slong 'char ka 'di dge bsnyen ma yid ches pa'i tshig dang ldan pa'i tshig gis 'gro ba yang mchid kyis mi 'tshal/'greng ba yang mi 'tshal/ 'dug pa yang mi 'tshal/ nyal ba yang mi 'tshal na/ /gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis tshe dang ldan pa 'char ka la dge bsnyen ma yid ches pa'i tshig dang ldan pa'i tshig gis de'i ngo bo nyid tshol du gzhug pa stsol to/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ tshe dang ldan pa 'char ka 'di dge bsnyen ma yid ches pa'i tshig dang ldan pa'i tshig gis 'gro ba yang mchid kyis mi 'tshal/'greng ba yang mi 'tshal/ 'dug pa yang mi 'tshal/ nyal ba yang mi 'tshal te/ de'i slad du dge 'dun gyis tshe dang ldan pa 'char ka la dge bsnyen ma yid ches pa'i tshig dang ldan pa'i tshig gis de'i ngo bo nyid tshol du gzhug pa stsol na/tshe dang ldan pa gang dag tshe dang ldan pa 'char ka la dge bsnyen ma yid ches pa'i tshig dang ldan pa'i tshig gis de'i ngo bo nyid tshol du gzhug pa stsal bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis tshe dang ldan pa 'char ka la dge bsnyen ma yid ches pa'i tshig dang ldan pa'i tshig gis de'i ngo bo nyid tshol du gzhug pa stsal lags te/'di ltar cang mi gsung bas de de bzhin du 'dzin to/ /de ni dge 'dun gyis de la gsol ba dang bzhi'i las kyis de'i ngo bo nyid tshol du gzhug pa sbyin pa'i cho ga dang las so/ /de ji srid du khas ma blangs kyi bar du sa gzhan na gnas pa'i spyod pa spyad par bya ba ni 'di yin te/sngar bslab pa byin nas dgra bcom pa nyid ma thob kyi bar du kun du spyad pa'i chos ji ltar bcas pa de dag thams cad 'di'i kun du spyad pa'i chos kyang yin te/ des dge slong rang bzhin du gnas pa la mngon par smra ba dang phyag dang mngon du ldang ba dang thal mo sbyar ba dang gus pa'i las dag bdag gir mi bya'o//dge slong rang bzhin du gnas pas kyang de la de dag mi bya'o/ /dge slong rang bzhin du gnas pa dang lhan cig gom pa bsri ba nyid las gzhan pas bcag par mi bya'o/ /stan ches dma' ba nyid las gzhan pas 'dug par mi bya'o/ / phyi bzhin 'brang ba'i dge sbyong gi bdag nyid las gzhan pa'i khyim dag tu 'gro bar mi bya'o/ /g.yogs ma gcig par mal bsham par mi bya'o/ /rab tu dbyung ba dang / bsnyen par rdzogs pa dang / gnas sbyin pa dang / dge tshul nye bar gzhag par mi bya'o/ /gsol pa dang las brjod pa dag bya bar khas mi blang ngo //las byed pa dang dge slong ma'i ston pa dang dge 'dun gyi yid brtan par bsgo ba khas mi blang ngo / /de dag tu sngar bskos pas kyang mi bya'o/ /dge slong ma'i ston par sngar bskos pas kyang bstan par mi bya'o/ /'don pa gzhan med na sngar yang gso sbyong la so sor thar pa gdon par mi bya'o//dge slong dge 'dun las ma bkar ba la tshul khrims dang lta ba dang / cho ga dang 'tsho ba nyams pas gleng bar mi bya'o/ /brjod pa dang bcas pa nyid dang / phur pa dang bcas pa nyid dag mi bya'o/ /gdams ngag dang gso sbyong dang dgag dbye dang gsol ba dang brjod pa dag gzhag par mi bya'o//rang bzhin du gnas pa dang mgo mnyam du bsten par mi bya'o/ /de'i ngo bo nyid tshol du gzhug pa byin pa de'i rgyu gang yin pa'i nyes pa de spang ngo / /nyes pa gzhan yang spang ngo / /tshangs pa mtshungs par spyod pa rnams la nyes pa dang mthun pa nyid mi bya'o//kun du spyad pa'i chos ji ltar bcas pa dag nyams su ma blangs na brtul zhugs snying po med par 'gyur ro snyam du yid la bya'o/ /nang par sngar langs te gtsug lag khang du sgo dbye ba dang mar me'i kong bu bstsal bar bya'o/ / gtsug lag khang du chag chag dang phyag dar dang lci ba 'jam po'i byug pas bsku ba dag bya'o/ /dge 'dun gyi bshang ba dang gci ba'i skyabs dag sbyang ngo / /der sa phyags pa dang dus dang mthun pa'i chu dag gzhag par bya'o/ /gtsug lag khang gi wa'i kha dag bsal lo/ /dge 'dun gyi gdan bsham par bya'o//mchod pa'i dus shes par bya ste/ bdug spos dang de'i pog phor dag nye bar gzhag par bya'o/ /gal te nus pa nyid yin na ston pa'i yon tan yang dag par bsgrag par bya'o/ /gal te mi nus na smra ba po la bcol lo/ /dge 'dun gyi bshos kyi spyi bungs bshams pa na gaN+DI brdung ngo //gal te dge slong rnams tsha na bsil yab bya'o/ /de'i 'dug pa la sogs pa ni bsnyen par rdzogs pa thams cad kyi mtha' nyid du'o/ /zas kyi bya ba byas nas gdan cha dben par brtul lo/ /lhung bzed kyi gzhi dor ro/ /dus shes par byas te mchod rten dag gi phyag dar bya'o//lci ba 'jam po'i byug pas bsku'o/ /dge 'dun 'du ba'i dus su yang gdan bshams pa nas ston pa'i yon tan yang dag par bsgrag pa'i bar dag bya'o/ /gal te nus pa nyid yin na tshes grangs kyi nyi ma brjod pa dag bya'o/ /gal te mi nus na dge slong gzhan la bcol lo//dgongs kar dus dang mthun pa'i chus dge slong rnams kyi rkang pa bkru'o/ /dgongs kar dge slong rnams kyi rkang pa bsku'o/ /dge slong dag rkang pa bkru ba dang bsku bar mi 'dod na snum dbul lo/ /de'i gtsug lag khang tha mar 'os pa nyid yin no/ /thams cad du rnyed pa dbang ba nyid yin no//dge ba'i phyogs la mi g.yel bar bya'o/ /de'i ngo bo nyid tshol du gzhug pa byin pas dge slong rang bzhin du gnas pa ma yin pa dang / dge 'dun du ma 'ongs pa dang gnas de nas dge slong yongs su bcad pa dag las kun du spyad pa mi 'chags so/ /dge slong mang po nyid yongs su spang bar mi bya'o//gnas brtan dang so sor thar pa dang bcas pa nyid du spyad par 'bad par bya'o/ /mtshams gzhan du zhag lon pa la ni nyes pa med do/ /dge 'dun gyi kha bskang ba'i grangs las ma gtogs so/ /de'i kun du spyad pa dge 'dun la spyad par bya'o//de'i ngo bo nyid tshol du gzhug pa byin pa bzhi yan chad mtshams gcig gi dge 'dun la spyod du mi gnang ngo / /las brgya rtsa gcig ni dge 'dun dang mthun par bya'o/ /bslab pa las 'das pa'i ltung ba thams cad ni dge slong rang bzhin du gnas pa dang 'dra'o/ /de la 'dun pa dbul du mi rung ngo //de'i 'dun pa ni blang du mi rung ngo / /de la dge slong dang / dge slong ma dang / dge slong ma dang dge tshul dang / dge tshul mas gtugs te phyag mi bya'o/ /de'i ngo bo nyid tshol du gzhug pa byin pa de ni nam bzod pa gsol ba na rang bzhin du gnas pa thob par 'gyur ro/ / bzod pa ma gsol na ji srid 'tsho'i bar du de'i ngo bo nyid tshol du gzhug pa byin pa spyad pa'i cho ga ji skad bstan pa de dag la de bzhin du bslab par bya'o/ /de ni des ji srid khas ma blangs kyi bar du sa gzhan na gnas pa'i spyod pa spyad par bya ba yin no/ /des bzod pa gsol na rang bzhin du gnas pa thob par 'gyur ba'i go rims ni 'di yin te/de rang gis dge 'dun la bzod par gsol pa dang / dge 'dun gyis de la gsol ba dang bzhi'i las kyis bzod pa mdzad pa'o/ /de rang gis dge 'dun la bzod pa mdzad par gsol ba'i cho ga dang sngags ni 'di ltar bya ste/ de rang gis gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la mchil lham gnyis phud de bla gos phrag pa gcig tu byas nas rgan rims la phyag 'tshal te/rgan pa'i mtha' logs su tsog pur 'dug nas thal mo sbyar ba btud de 'di skad ces brjod par bya'o/ /dge 'dun btsun pa rnams gsan du gsol/ bdag dge slong 'char ka de'i ngo bo nyid tshol du stsal te/ skra 'greng bar gyur/ skra 'phyar bar gyur cing / dge 'dun la spu snyol bar bgyid cing /'byung bar bskyod/ mtshungs par nye bar ston la/ mtshams kyi nang du mchis te/ bzod par gsol zhing gzhi gang las smad bab pa'i phrin las mdzad pa'i gzhi de las slar ldog na thugs brtse ba can dge 'dun btsun pa rnams kyis thugs brtse ba'i slad du bdag dge slong 'char ka de'i ngo bo nyid tshol du stsal ba la bzod pa mdzad du gsol/lan gsum du bzlas/ de ni rang gis dge 'dun la bzod pa mdzad par gsol ba'o/ /dge 'dun gyis de la gsol ba dang bzhi'i las kyis bzod pa mdzad pa'i cho ga dang las ni 'di ltar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la/ dge slong gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o/ / dge 'dun btsun pa rnams gsan du gsol/ dge slong 'char ka de'i ngo bo nyid tshol du stsal ba 'di skra 'greng bar gyur/ skra 'phyar bar gyur cing / dge 'dun la spu snyol bar bgyid/ 'byung bar bskyod/ mtshungs par nye bar ston la/ mtshams kyi nang du mchis te bzod par gsol zhing gzhi gang las sma dbab pa'i phrin las mdzad pa'i gzhi de las slar ldog na gal te dge 'dun gyi dus la bab cing bzod na/dge 'dun gyis gnang bar mdzod cig dang / dge 'dun gyis tshe dang ldan pa 'char ka de'i ngo bo nyid tshol du stsal ba la bzod pa mdzad do/ / 'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong 'char ka de'i ngo bo nyid tshol du stsal ba 'di skra 'greng bar gyur/ skra 'phyar bar gyur cing / dge 'dun la sbu snyol bar bgyid/ 'byung bar bskyod/ mtshungs par nye bar ston pa la mtshams kyi nang du mchis te bzod pa gsol zhing gzhi gang las sma dbab pa'i phrin las mdzad pa'i gzhi de las slar ldog ste/de'i slad du dge 'dun gyis dge slong 'char ka de'i ngo bo nyid tshol du stsal ba la bzod pa mdzad na/ tshe dang ldan pa gang dag dge slong 'char ka de'i ngo bo nyid tshol du stsal ba la bzod pa mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong 'char ka de'i ngo bo nyid tshol du stsal ba la bzod pa mdzad lags te/'di ltar cang mi gsung bas de de bzhin du 'dzin to/ /de ni de la dge 'dun gyis gsol ba dang bzhi'i las kyis bzod pa bya ba'i cho ga dang las so/ /de ltar bzod pa byas nas dge slong des dge bsnyen ma yid ches pa'i tshig dang ldan pas chos gsum po dag las gang smras pa khas blangs pa'i chos des de byed du gzhug go//'dir dge bsnyen ma zhes smos pa dang / bden pa mthong ba ni gleng gzhi'i dbang gis gsungs par zad kyi su yang rung bar brdzun gyis skur pa mi 'debs par yid ches pa'i che bzhi'i tshig kyang de dang 'dra'o/ /ma nges pa dang po bshad zin to// //ma nges pa'i chos gnyis pa'i gleng gzhi ni sangs rgyas bcom ldan 'das rgyal po'i khab na 'od ma'i tshal bya ka lan da ka'i gnas na bzhugs so/ /de nas dge slong shi ri ka snga dro sham thabs bgos lhung bzed dang chos gos thogs te/ rgyal po'i khab tu bsod snyoms la zhugs nas mthar gyis rgyu ba na khyim bdag gi chung ma gso sbyong 'phags kyi khyim ga la ba der song ngo //khyim bdag gi chung ma gso sbyong 'phags kyis dge slong shi ri ka thag ring po kho na nas mthong ste/ mthong nas kyang dge slong shi ri ka'i phyir stan shom par byed cing 'di skad ces kyang smras so//btsun pa shi ri ka tshur spyon btsun pa shi ri ka byon pa legs so/ /btsun pa shi ri ka gdan bshams pa nyid la bzhugs shig /dge slong shi ri ka gdan bshams pa de la 'dug go/ /de nas khyim bdag gi chung ma gso sbyong 'phags kyis dge slong shi ri ka'i rkang pa gnyis la mgo bos phyag 'tshal te/pus mo gnyis la pus mo gnyis ma reg par chos mnyan pa'i phyir 'dug go/ /dge slong shi ri kas de la chos snyan pa snyan pa dag bstan par brtsams so/ /de'i tshe na dge bsnyen ma legs skyes khyim de'i nye 'khor na 'gro bas khyim bdag gi chung ma gso sbyong 'phags kyi khyim na dge slong shi ri ka'i skad kyi gdangs grag pa thos so//thos nas kyang de 'di snyam du sems te/ kye ma 'phags pa shi ri ka skad kyi gdangs kyis khyim bdag gi chung ma gso sbyong 'phags la sbrang bu sbrang rtsi 'byin pa dang 'dra par chos snyan pa snyan pa dag ston par byed kyi bdag kyang gzhan la brtsams pa'i chos mnyan pa'i phyir der 'gro'o snyam mo//de nas dge bsnyen ma legs skyes khyim bdag gi chung ma gso sbyong 'phags kyi khyim ga la ba der song ba dang / dge bsnyen ma legs skyes kyis khyim bdag gi chung ma gso sbyong 'phags dge slong shi ri ka'i pus mo gnyis la pus mo gnyis ma reg par chos mnyan pa'i phyir 'dug pa mthong ngo //mthong nas kyang de 'di snyam du sems te gal te khyim bdag gam khyim bdag gi chung ma'am/ khyim bdag gi bu mo dad pa 'ga' zhig gis 'di mthong bar gyur na 'phags pa shi ri ka 'dis khyim bdag gi chung ma gso sbyong 'phags dang lhan cig dben pa skyabs yod par dge slong gi tshul ma yin pa sdig pa'i las cung zhig byas sam/byed par sems so snyam du gdon mi za bar mthar thug par 'gro bar 'gyur bas de'i phyir 'di ni bdag gi bya ba yin no snyam nas/de nas dge bsnyen ma legs skyes bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas/ /bcom ldan 'das la dge bsnyen ma legs skyes kyis dge slong shi ri ka dang khyim bdag gi chung ma gso sbyong 'phags kyi byung ba'i mtha' de dag rgyas par gsol te/btsun pa de'i slad du bcom ldan 'das kyis thugs brtse ba'i slad du gang gis 'phags pa dag bud med dang lhan cig gcig pu gcig dang dben pa skyabs mchis pa na stan la mchis par mi 'gyur bar 'phags pa rnams la dran par bgyi ba cung zhig bca' ba mdzad na legs lags so zhes kyang gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/dge slong shi ri ka la rmas nas rnam grangs du mar smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang bud med dang lhan cig gcig pu gcig dang dben pa skyabs yod pa na 'dod pa byar mi rung bar stan la 'dug par byed cing /gal te de la dge bsnyen ma yid ches pa'i tshig dang ldan pas chos gnyis po dge 'dun lhag ma'am/ ltung byed las chos gang yang rung ba smras par gyur la/ dge slong gis 'dug par khas blangs na chos gnyis po dge 'dun lhag ma'am/ltung byed las chos gang yang rung bas byed du gzhug cing dge slong de la dge bsnyen ma yid ches pa'i tshig dang ldan pas chos gang dang gang gis smras par 'gyur ba'i chos de dang des dge slong de byed du gzhug ste/ de yang ma nges pa'i chos so zhes bca' ba mdzad de/yul ni rgyal po'i khab/ gang zag ni dge slong shi ri ka /nyon mongs pa ni shes bzhin ma yin pa/ nyes pa ni ma nges pa'o/ /de la yang dge slong gang zhes bya ba ni shi ri ka'am/ gzhan yang de lta bu gang yin pa'o/ /bud med dang zhes bya ba ni bud med dam gzhon nu ma mi tshangs par spyod pa 'khrig pa'i chos bsten nus pa dang ngo //lhan cig ces bya ba ni de dang lhan cig go/ /gcig pu gcig dang zhes bya ba ni de dang ngo / /dben pa zhes bya ba ni gang na skyes pa dang bud med dang / /ma ning gzhan 'ga' yang med pa'o/ /skyabs yod pa na zhes bya ba ni lngas bskyabs pa ste/rtsig pas bskyabs pa dang / rib mas bskyabs pa dang / yol bas bskyabs pa dang / thibs pos bskyabs pa dang / mtshan mos bskyabs pa na'o/ /'dod pa byar mi rung bar zhes bya ba ni mi tshangs par spyod pa byar mi rung bar thag ring bar ro//stan la zhes bya ba ni khri dang khri'u la sogs pa la'o/ /'dug par byed cing zhes bya ba ni 'dom gang gi nang ma yin par rkub tshos 'jog par byed cing ngo / /de la gal te dge bsnyen ma yid ches pa'i tshig dang ldan pas zhes bya ba la de la zhes bya ba ni shi ri ka la'o/ / dge bsnyen ma zhes bya ba ni legs skyes so/ /yid ches pa zhes bya ba ni sangs rgyas la mngon par dad chos dang dge 'dun la mngon par dad pa dang / sangs rgyas la skyabs su song / chos dang dge 'dun la skyabs su song ba dang / sangs rgyas la gcig tu gyur/ chos dang dge 'dun la gcig tu gyur pa dang sangs rgyas la ne ma nur med cing the tshom med pa dang /chos dang dge 'dun la ne ma nur med cing the tshom med pa dang / sdug bsngal dang / kun 'byung dang / 'gog pa dang / lam la ni ma nur med cing the tshom med pa dang / bden pa mthong ba dang / 'bras bu thob pa dang /mngon par rtogs pa dang ldan pa dang gang gis rang gi srog gi phyir yang shes bzhin du brdzun gyi tshig smra mi nus pa'o/ /tshig dang ldan pas zhes bya ba ni de lta bu'i tshig gi bya ba dang ldan pas so/ /chos gnyis po zhes bya ba ni grangs bstan pa'o/ /dge 'dun lhag ma'am/ ltung byed las chos gang yang rung bas zhes bya ba la/ dge 'dun lhag ma zhes bya ba ni bcu gsum po de dag las gang yang rung ba'o/ /ltung byed ces bya ba ni dgu bcu po dag las gang yang rung ba'o/ /smras par gyur la zhes bya ba ni brtal bar gyur pa la'o/ /dge slong gis 'dug par khas blangs na zhes bya ba ni drang por khas blangs na'o//chos gnyis po dge 'dun lhag ma'am ltung byed las chos gang yang rung bas byed du gzhug cing zhes bya ba ni de dag gang khas blangs pa 'chags su gzhug pa'o/ /dge slong de la dge bsnyen ma yid ches pa'i tshig dang ldan pas gang dang gang gis smras par gyur pa'i chos de dang des dge slong de byed du gzhug ste zhes bya ba ni 'di ltar dge bsnyen ma yid ches pa'i tshig dang ldan pa ni ltung ba la mi mkhas pa dang /ltung ba'i gleng gzhi la mi mkhas pa dang / ltung ba kun nas slong ba la mi mkhas pa yin pas/ 'di ltar des dge slong mi'i chos bla ma smra ba'am/bud med dang lhan cig stan gcig la lus kyis reg par byed pa'am/ snod gcig tu za bar byed pa'am/ phor bu gcig tu myos par 'gyur ba'i btung ba sna tshogs 'thung ba'am/ sa brko ba'am rtswa sngon po gcod pa'am/ dus ma yin par za ba'am/gzhan yang rang bzhin dang / bcas pa'i kha na ma tho ba dang bcas pa'i las gang byed par mthong ba de dag las gang khas blangs pa de byed du gzhug pa'o/ /byed du gzhug ste zhes bya ba ni 'chags su gzhug pa'o/ /de yang ma nges pa'i chos so zhes bya ba ni de yang rnam par ma bzhag pa'i chos yin no//de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la gzhan thams cad ni ma nges pa'i chos dang po'i skabs su bstan pa kho na yin no//khyad par du ni 'dir dge slong ni shi ri ka /bud med ni khyim bdag gi chung ma gso sbyong 'phags/ dge bsnyen ma ni legs skyes/ bsam pa ni 'dod pa byar mi rung bar stan la 'dug pa/ ltung ba ni pham par 'gyur ba ma gtogs pa dge 'dun lhag ma dang /ltung byed kyi chos gnyis gang yin pa ma nges pa'o/ /ma nges pa gnyis pa bshad zin to// //tshe dang ldan pa dag bdag gis ma nges pa'i chos gnyis po dag bton zin to zhes bya ba ni ma nges pa gdon pa'i mjug bsdu ba ste/ ma nges pa'i chos gnyis po dag ces bya ba ni sngar bstan pa'i chos gnyis so//bton zin to zhes bya ba ni dam bcas pa'i don gyi mjug bsdu ba'i phyir dang / nyan pa po rnams spro bar bya ba'i phyir smos so/ /de la bdag gis tshe dang ldan pa dag la ci 'di la khyed yongs su dag gam zhes dri'o/ /ci 'di la khyed yongs su dag gam zhes lan gnyis lan gsum du dri'o//'di la tshe dang ldan pa dag yongs su dag na 'di ltar cang mi smra bas de de bzhin du 'dzin to zhes bya ba ni ma nges pa rnam par gzhag pa bsgrag par bya ba yin te/ de la zhes bya ba ni ma nges pa'i chos gnyis po bton pa de la'o//lhag ma ni snga ma bzhin no/ /ma nges pa gdon pa bshad zin to// //so sor thar pa'i mdo rgya cher 'grel pa 'dul ba kun las btus pa bam po dgu pa/ gzhung rgyas pa'i mtshan nyid kyi bsdus pa'i don rnam pa gnyis te/ dus dang por bya ba dang mdo gdon pa'o zhes smos pa la/dus dang por bya ba ni cho ga ste/ de ni bsdus pa'i don rnam pa drug gis sngar bstan zin to/ /mdo gdon pa'i ni las te/ de'i bsdus pa'i don kyang rnam pa drug ste/ gsol ba dang / gleng gzhi gdon pa dang / pham par 'gyur ba gdon pa dang / dge 'dun lhag ma gdon pa dang / ma nges pa gdon pa dang /ril gyis gdon pa'i mtshan nyid bstan pa'o zhes smos pa la/ gsol ba dang / gleng gzhi gdon pa dang / pham par 'gyur ba gdon pa dang / dge 'dun lhag ma gdon pa dang / ma nges pa gdon pa rnams ni de yan chad du bshad zin to/ /da ni ril gyis gdon pa'i mtshan nyid bshad par bya ste/ril gyis gdon pa zhes pa ni spang ba'i ltung byed dang / ltung byed 'ba' zhig dang / so sor bshags par bya ba dang / bslab pa'i chos mang po dang / rtsod pa zhi bar bya ba'i chos bdun po rnams sde tshan gcig tu bsdus te/ so sor thar pa'i mdo ril gyis gdon pa'o//de la dang por spang ba'i ltung byed gdon pa bshad par bya ste/ de'i phyir sdom la/ 'chang ba 'bral ba 'jog pa dang / /'khrur 'jug pa dang len pa dang / /slong dang stod g.yogs smad g.yogs bcas/ /rin thang so sor bskur ba'o/ /zhes bya ba la sogs pa bcu pa phrag gsum gsungs so//sdom la zhes bya ba'i dgos pa dang tshig gi don ni snga ma bzhin no/ /bcu pa dang po 'dis ni spang ba'i ltung byed kyi chos bcu bstan te/ 'chang ba dang / 'bral ba dang / 'jog pa dang / 'khrur 'jug pa dang / len pa dang / slong ba dang / slong bar rigs pa dang / spags pa slong ba dang / so so nas spags pa slong ba dang / bskur ba'o/ /bcu pa gnyis pas kyang spang ba'i ltung byed kyi chos bcu ston la/ bcu pa gsum pas kyang bcu ston te/ spyir spang ba'i ltung byed kyi chos sum cu'o/ /tshe dang ldan pa dag spang ba'i ltung byed kyi chos sum cu po 'di dag ni zla ba phyed phyed cing so sor thar pa'i mdo 'don pa las 'byung ngo zhes bya bas ni spang ba'i ltung byed gdon pa'i lung dbog pa bstan to//spang ba'i ltung byed kyi chos zhes bya ba ni dge slong gi yo byad spang bar gyur na de sems kyis chos spangs shing zhag gcig yan chad bdag nyid dang bral bar byas na ltung ba bshags par bya dgos pas spang ba'i ltung byed do//de nyid kha na ma tho ba'i mtshan nyid 'dzin pas chos zhes bya'o/ /sum cu po 'di dag ni zhes bya ba ni bcu pa dang po dang / gnyis pa dang / gsum pa las byung ba dag go/ /zla ba phyed phyed cing so sor thar pa'i mdo 'don pa las 'byung ngo zhes bya ba ni sde snod gsum las 'dul ba'i sde snod ni yi ger bri ba ma yin pas thams cad kyi mngon sum du ma gyur pa'i phyir gso sbyong 'don pas spang ba'i ltung byad 'don pa 'di ga las shes snyam pa la/zla ba phyed phyed cing gso sbyong 'don pa'i tshe 'dul ba 'dzin pa'i kha ton las 'byung ngo zhes bstan pa yin no//de ltar 'dul ba'i sde snod yang dag par bsdus pa'i gzhung 'di ni ma 'ongs pa'i skye bo rnams dbang po rtul po tshig dang don gyi bdag nyid 'dzin mi nus pa rnams la phan gdags pa'i phyir bcom ldan 'das kyis yang dag par bsdu ba gnang ba yin te/de bas na 'dul ba'i sde snod kyi las gsang ba 'di ni bsnyen par ma rdzogs pa rnams kyis thos par mi bya'o/ /spang ba'i ltung byed rnams brjod par 'dod nas/ 'dir dang po kho nar 'chang ba dang / 'bral ba la sogs pa spang ba'i ltung byed rnams kyi spyi'i thun mong gi mtshan nyid rnam par gzhag pa cung zhig je bstan par bya'o//de'i phyir nyin mtshan gyi dang po ma yin pa la tha ma ma yin pa med pa nyid do zhes bya ba smras te/ nyin mtshan gyi dang po ma yin pa zhes bya ba ni nyin mtshan gyi tha ma ste/ zhag phyi ma'i skya rengs dang po 'char ka'i mtha'i skad cig ma'o/ /tha ma ma yin pa med pa nyid do zhes bya ba ni mtha'i skad cig ma tha ma de ma yin pa de'i mdun rol gyi dus rnams med pa nyid do//'di skad bstan te/ zhag phyi ma'i skya rengs dang po 'char ka'i mtha'i skad cig ma de la de'i mdun rol gyi dus zhag snga ma'i skya rengs dang po shar ba'i 'og rol tshun chad nas zhag phyi ma'i skya rengs dang po nyid ma shar ba phan chad kyi dus rnams med pa nyid de/med pa nyid ces bya ba ni zhag tu mi brtsi'o zhes bya ba'i tha tshig go/ /de nas zhag phyi ma'i skya rengs dang po 'char ka'i mtha'i skad cig ma de nyid la zhag tu brtsi'o/ /de'i mdun rol gyi dus zhag snga ma'i skya rengs dang po shar ba'i 'og rol tshun chad nas/zhag phyi ma'i skya rengs dang po nyid ma shar ba phan chad kyi dus rnams la zhag tu mi brtsi bas 'dir ltung ba rnam par gzhag pa la zhag bcu 'das pa dang / zla ba gcig 'das pa dang / zhag drug 'das pa dang / zhag bdun 'das pa la yang nyin mtshan dang po'i mthar gyur pa zhag phyi ma'i skya rengs dang po 'char ka'i mtha'i skad cig ma gang yin pa de kho na la nyin mtshan zhe'am/zhag ces bya ba'i ming 'thob pas spang ba la yang de nyid yan lag tu gyur pa yin par rig par bya'i/ /skad cig ma snga ma thun bcu'i khongs su gtogs pa rnams ni spang ba rnam par gzhag pa'i yan lag nyid ma yin te/mdor na skya rengs dang po shar na spang bar 'gyur gyi/ skya rengs dang po ma shar ba'i mdun rol gyi dus zhag snga ma'i skya rengs dang po shar ba'i 'og rol tshun chad nas zhag phyi ma'i skya rengs dang po nyid ma shar ba'i bar gyi nyin mtshan gyi thun rnams la zhag tu mi brtsi bas spang bar mi 'gyur ro zhes spyir bstan pa yin no//gnas pa la ni sbyor ba'i snod nyid do zhes bya ba ni tha ma ma yin pa'i dus de rnams gnas pa la ni dngos gzhi'i sbyor ba nyes byas kyi snod nyid yin no zhes bya bar sbyar ro/ /de nas ltung ba rnam par gzhag pa la 'di lta ste/bsnyen par ma rdzogs pa dang lhan cig gnas pa dang / bsnyen par rdzogs na yang lta ba mi gtong ba dang lhan cig gnas pa dang / dge tshul bsnyil ba dang lhan cig gnas pa dang / mtshan mi mthun pa dang gnas gcig na lhan cig nyal ba dang /mar me dang bcas par nyal ba dang / dmag gi nang na gnas pa dag la mtha'i skad cig ma ma yin pa'i dus snga ma rnams kyang med pa nyid ma yin te/ sbyor ba'i snod nyid yin no/ /de la yang dmag gi nang na gnas pa ma gtogs pa gnas pa'i bslab pa'i gzhi gzhan dag la ni mtshan mor gtogs pa'i dus kho nar sbyor ba'i snod nyid yin gyi nyin par gnas pa ni ma yin no//dmag gi nang na gnas pa la ni nyin par gnas pa yang sbyor ba'i snod nyid yin te/ der gnas pa tsam nyid kyis nyes pa sbom po'i ltung ba las bslang ba ste/ de la mthol ba ni dge slong gis kha na ma tho ba bcab par mi bya ste/dge 'dun lhag ma bcu gsum gyi sbyor ba'i nyes pa sbom po lci ba dang yang ba gang yang rung ba byung ba na bcab pa'i sems gcig tsam gyis kyang bcab par mi bya bar de nyid kyi mod la/ mchil lham gnyis phud nas dge slong bsnyen par rdzogs pa rang bzhin du gnas pa lta ba dang /mtshan mthun pa mtshams kyi nang na 'dug pa ltung ba ming dang rigs las mi mthun pa gcig gi mdun du tsog pur 'dug ste thal mo sbyar ba btud nas/ ltung ba sde tshan gyi ming dang gang byung ba'i rigs smos te mthol bar bya'o/ /de'i sngags ni 'di yin te/ tshe dang ldan pa dgongs su gsol/bdag dge slong ming 'di zhes bgyi ba la ltung ba dge 'dun lhag ma'i sde tshan rigs 'di zhes bgyi ba'i sbyor ba che ge mo las gyur pa'i nyes pa sbom po byung ste/ bdag dge slong ming 'di zhes bgyi ba ltung ba de tshe dang ldan pa'i mdun du mthol lo mi 'chab bo/ /mthol na bdag bde ba la reg par gnas par 'gyur gyi ma mthol na mi 'gyur ro zhes lan gsum bzlas/de'i rjes la nyan pas thabs yin no zhes brjod par bya'o/ /mthol bas legs so zhes brjod par bya ste/ de tsam gyis na mthol ba yin no/ /de'i mod la gang la mthol bar bya ba'i gang zag med na skya rengs ma shar gyi bar du 'chab pa'i nyes pa med do//ji srid du gang la mthol bar bya ba'i gang zag ma rnyed pa de srid du skya rengs shar kyang ma mthol ba la 'chab pa'i nyes pa med do/ /gang la mthol bar bya ba'i gang zag med na ji srid du mthol bar bya ba'i gang zag ma rnyed pa de srid du mthol ba'i sems yod pa la 'chab pa'i nyes pa med do//gang la mthol bar bya ba'i gang zag yod du zin kyang rkyen 'ga' zhig gis bdag nyid der 'gro ba'i skabs med dam/ bdag nyid gnas de nas gzhan du song bar gyur na/ de'i bar du mthol ba'i sems med pa la 'chab pa'i nyes pa med do//gang la mthol bar bya ba'i gang zag yod du zin kyang ltung ba byung ba de 'di snyam du gal te de'i gan du song la ma brjod na 'chab pa'i nyes par 'gyur du dogs nas de'i dbang gis der mi 'gro'am/ gzhan du song bas brjod pa ma byas pa la yang 'chab pa'i nyes pa med do//rkyen cis kyang ma bskal bar de'i gan du mi 'gro ba dang / gzhan du 'gro ba dang / skya rengs kyi mdun rol du mi mthol ba dang / 'chab pa'i sems skyes pa dag ni nyes byas so zhes bya ba yang snga ma bzhin no/ /gang la mthol bar bya ba'i gang zag dge slong bsnyen par rdzogs pa rang bzhin du gnas pa lta ba dang /mtshan mthun pa mtshams kyi nang na 'dug pa ltung ba ming dang rigs las mi mthun pa med na chos 'di pa sngar bstan pa ngag la mthol na yang mthol ba nyid yin te/ de dag gi rnam par gzhag pa yang snga ma bzhin no/ /ltung ba mthol ba spyir bstan pa yang snga ma bzhin te/mthol ba'i sngags rdzogs par bya'o/ /mthol ba'i sngags ril gyis brjod ma nus na tha na ming ngam rigs gcig go bar byas na yang mthol bar 'gyur te/ 'dir ming ni ltung ba'i sde tshan no/ /rigs ni ltung ba gang byung ba'o/ /de ltar ltung ba'i sbyor ba mthol na sbyor ba de'i sbyor ba nyes byas ni logs shig tu mthol mi dgos so//de ltar mthol nas bshags pa ni dge 'dun lhag ma'i nyes pa sbom po lci ba ni/ mtshams gang na dge slong lnga yan chad 'dug pa'i dge slong gud du ma bcad pa thams cad la bshags par bya ste/ gang na dge slong lngar ma langs pa'i gnas su bshags su mi rung ngo //der gnas gzhan nas dge slong dag gnyer te lnga yan chad du kha bskang ba la ni bshags su rung ngo / /dge slong lnga yan chad gnas par dge slong gzhan gzhag ste/ lnga yan chad logs shig tu bcad pa la yang bshags su mi rung ste/lnga yan chad nas de na dge slong ji snyed gnas pa thams cad la bshags par bya dgos so/ /dge 'dun lhag ma'i nyes pa sbom po spang ba ni mtshams kyi nang yang rung phyi rol du yang rung ste/ dge slong gcig la bshags pa nyid nyes byas su 'gyur ba'i phyir ro/ /nyin mtshan de'i dang po ni skya rengs dang po de'o zhes bya ba ni nyin mtshan de'i dang po ni skya rengs dang po ni 'di lta ste/skya rengs po dang / skya rengs bar ma dang / skya rengs tha ma dag las skya rengs dang po de'i skad cig ma dang por gyur pa gang yin pa de'o/ /des na ltung ba rnam par gzhag pa la 'chang ba dang /'bral ba dang / 'jog pa la sogs pa dag la yang zhag bcu gcig pa'i skya rengs dang po shar ba dang / zhag gcig gi skya rengs dang po shar ba dang / zla ba gcig las lhag pa'i skya rengs dang po shar na spang bar 'gyur bar shes par bya'o/ /las la ni 'das na nyi ma shar ba'i 'o zhes bya ba ni mtshan nyid snga ma de'i dmigs kyis bsal ba yin te/gso sbyong dang dgag dbye la sogs pa tshes grangs kyi bye brag dang 'brel pa'i las dag la ni rkyen 'ga' zhig gis dus 'das shing yol bar gyur na nyi ma shar ba'i skad cig ma de'i dang por gyur pa gang yin pa de nyin mtshan gyi dang po yin no//des na tshes zhes bya ba ni skya rengs dang po shar bar gyur du zin kyang ji srid du nyi ma shar bar ma gyur na de'i tshe gso sbyong la sogs pa'i las byar rung ngo / /spang ba la ni 'du shes las gtso cher rang gi nyid do zhes bya ba ni spang ba'i dngos po la ni 'du shes las gtso cher rang gi nyid yin gyi dngos po las ni ma yin no//ma byin par len pa dang / shi ba'i yo byad gnyis ni dngos po las gtso cher rang gi nyid yin gyi 'du shes las ni ma yin no/ /'dir gzhung ni ko lpags kyi gzhi las/ dge slong gis dge slong la chos gos dag bskur zhing 'di nas btang ba der ma phyin pa dag la ni gang la yang spang bar mi 'gyur ro zhes gsungs pa yin no//'di skad bstan te/ 'di ltar chos gos la sogs pa bskur ba de thag ring po nas gnas pa'i dge slong de dbang bar byas na dngos po de la dge slong de rang gi nyid yin pa'i 'du shes med pas des na spang bar mi 'gyur ro//gal te bskur ba'i dngos po de nyid las brkus na yang gang la bskur ba de las brkus par mi 'gyur gyi/ gang gis bskur ba de las brkus pa yin no/ /de bzhin du gal te dge slong yang dag par byin pa'i 'du shes can gyis bskur ba'i dngos po de ma thob pa kho nar shi'am/bskur bar byed pa dang / gnyi ga shi bar gyur na/ de ltar na yang dngos po de skur bar byed pa'i shi ba'i yo byad kho na yin par rig par bya'i/ yang dag par byin pa'i ni ma yin te/ de la ni dngos po las rnam par gzhag gi /'du shes las ni ma yin no//de ltar na 'du shes yod pa nyid la ni dngos gzhir 'gyur la/ 'du shes med pa nyid la ni ltung bar mi 'gyur ro/ /de las kyang rang gi ma yin pa la rang gir 'du shes na ni nyes byas so/ /rang gi la yid gnyis za ba ni spang bar 'gyur te/ don ji lta ba nyid la ni dngos gzhi'o//don ji lta bu nyid ma yin pa la ni dngos gzhi ma yin no zhes gsungs pa'i phyir ro/ /rang gi ma yin pa la yid gnyis za ba la ni nyes byas te/ yid gnyis ni nyes byas dang 'dra'o zhes gsungs pa'i phyir ro/ /de ni bsngos pa nyid na dral ba nyid do zhes bya ba ni spang bar 'gyur ba rang gi nyid gang yin pa de ni sems kyis yongs su btang ste bsngos pa nyid na byin gyis ma brlabs sam/rung bar ma byas su zin kyang rang gi nyid dang bral ba nyid de/ rang gi nyid ma yin no/ /'di skad bstan te/ dge slong gis chos gos la sogs pa dag dge 'dun la'am/ gang zag la'am/gzhan la sngo bar byed na gang la sngo bar byed pa des de shes kyang rung mi shes kyang rung / de'i gan du bskur kyang rung / ma bskur kyang rung ste/ rang gi nyid dang bral ba'i phyir de byin gyis ma brlabs sam/ rung bar ma byas kyang spang bar bya bar mi 'gyur ro/ /'dir gzhung ni ko lpags kyi gzhi las/gang gis bskur ba de la spang ba 'byung bar mi 'gyur ro zhes gsungs pa gang yin pa de nyid yin no/ /shi ba'i yo byad la ni dngos po las rnam par gzhag gi 'du shes ni ma yin te/ de ltar yang 'dir gzhung ni dge slong gis dge slong la chos gos dag bskur ba gang gis bskur ba des kyang spangs par gyur/gang la bskur pa des kyang spangs par gyur na/ de la de dag gang la bskur ba de la byin gyis rlob par byed na ni byin gyis ma brlabs pa yin no/ /gang gis bskur ba de la byin gyis rlob par byed na ni byin gyis brlabs pa yin te/ legs par byin gyis brlabs pa yin no zhes gsungs pa yin no/ /de lta bas na rdzas de gang gis sgrub pa de nyid kyi shi ba'i yo byad du rnam par gzhag gi /gang la bsngos pa de ni ma yin no/ /rab tu 'byung ba'i don du nges par byas pa yang de nyid yin no zhes bya ba ni rab tu 'byung ba'i rgyur nges par byas pa rnam par gzhag par nges par bsngos pa yang de nyid de bsngos pa nyid yin pa'o//'dir gzhung ni rab tu 'byung ba'i don du srel bar byed na ltung ba med do zhes gsungs pa yin no/ /de yang 'di ltar lhang bzed la gsungs mod kyi/ 'on kyang chos gos la sogs pa dag la yang rung bas spyir bstan to//chos gos las kyang rung bar bya'o zhes bya ba ni/ chos gos las kyang rung bar bya ba'i phyir bsngo bar byas na rang gi nyid dang 'bral bar ston to/ /rung bar bya ba'i cho ga dang sngags ni dge slong gi mdun du 'greng ste/ gnyi gas gos kyi grwa nas bzung nas 'di skad ces brjod par bya ste/tshe dang ldan pa dgongs su gsol/ bdag ming 'di zhes bgyi ba'i gos lhag pa rung bar ma byas pa/ rung bar bya bar 'os pa 'di mkhan po la rung bar bgyi'o/ /mkhan po la yid brtan te bcang bar bgyi'o/ /rkyen ji lta ba bzhin du bgyi'o zhes lan gsum du bzlas/mkhan po las gzhan pa zhig la rung bar bya na yang che ge mo zhes ming brje bar bya'o/ /'di la rjes su zhugs pa nyid kyang nyams pa yin no zhes bya ba na rang gi nyid ces pa'i ltung ba 'di la bsngos pa nyid dang rung bar bya ba nyid kyi thabs kyis ni rang nyid kyi rjes su zhugs pa nyid ces bya ba ni rgyun 'brel pa nyid kyang nyams pa nyid yin par rig par bya'o//rang gi nyid 'ba' zhig nyams par ma zad do/ /'di skad bstan te/ gal te dge slong gis tshes la chos gos rnyed la tshes lnga'i nyin par chos gos de rung bar byed dam sngo bar byed na/ phyis de'i nyin mo nyid la chos gos gzhan zhig rnyed kyang snga ma'i shan 'dres par mi 'gyur te/rjes su zhugs pa nyid nyams pa'i phyir ro/ /rang bzhin las nyams na yang ngo zhes bya ba yang rjes su zhugs pa nyid nyams pa yin no zhes bya bar sbyar ro/ /'di skad bstan te/ dge slong rang nyid sems rnam par 'khrugs pa la sogs pas rang bzhin tha mal pa'i ngo bo nyid las nyams par gyur na yang de'i tshe rang nyid kyis rjes su mthun pa'i rgyus 'brel pa nyams pa yin pas/sngar rang bzhin las ma nyams pa'i rjes su mthun pa'i shan des phyis rang gi sems phyir rnyed pa'i gnas skabs kyi rang bzhin la shan 'dres par mi 'gyur ro//'dir gzhung ni nye ba 'khor gyis zhus pa las btsun pa dge slong gis chos gos rnyed nas dgung lnga lags nas sems rnam par 'khrugs par gyur na de'i dgung bcu po slad ma gang tshun chad nas bgrang bar bgyi/ nye ba 'khor gang tshun chad nas rang gi sems phyir rnyed pa nas so zhes gsungs pa yin no//zhag lnga po snga ma dag mi bgrang ba las na rjes su zhugs pa'i rgyun 'brel pa nyams par mngon te/ bar du sems rnam par 'khrugs pa'i phyir ro/ /de yod na dngos po de lta bu gzhan la yang 'byung ba nyid do zhes bya ba ni rjes su zhugs pa de nyid yod na phyis rnyed pa'i dngos po de lta bu gzhan la yang 'byung ba nyid do//dngos po de lta bu zhes bya ba ni khyad par ji lta bu can zhig ce na/ dngos po gang la rjes su mthun pa nyid yod pa de lta bu'i dngos po la ste/ 'di lta ste/ gos zhag bcur gtogs pa'i ni zhag bcu pa la 'byung ba nyid do//zla ba gcig par gtogs pa'i ni zla ba gcig la'o/ /lhung bzed du gtogs pa'i ni lhung bzed la'o/ /sman zhag bdun par gtogs pa'i ni sman zhag bdun pa la 'byung ba nyid lta bu'o/ /'di skad bstan te/ chos gos sngar rnyed pa la rang gi nyid kyi rjes su zhugs pa nyid de yod na chos gos phyis rnyed pa la yang rang gi nyid kyi rjes su zhugs pa de nyid du 'byung ba nyid du rig par bya'o//de bas na chos gos sngar rnyed pa de nyid dang lhan cig tu phyis rnyed pa'i chos gos de yang zhag bcu'i nang rol de nyid du byin gyis brlabs par bya ba'am/ spang bar bya ba yin gyi/chos gos phyis rnyed pa de'i zhag bcur bgrang ba logs shig tu ni mi bya ste/ chos gos sngar rnyed pa de nyid kyi shan des phyis rnyed pa de yang shan 'dres par 'gyur bar byas pa'i phyir ro/ /'dir gzhung ni dge slong gis tshes la chos gos shig rnyed la/ des tshes gnyis la chos gos gzhan zhig kyang rnyed par gyur na/dge slong des zhag bcu po de nyid kyi nang rol du snga ma shos byin gyis brlab par bya zhing phyi ma shos gtang bar bya ba'am/ rung bar bya ba'am/ gzhan la sbyin par bya ba'o/ /gtong bar mi byed dam/ rung bar mi byed dam/ gzhan la sbyin par mi byed na zhag bcu gcig pa'i skya rengs shar nas spang ba'i ltung byed do zhes gsungs pa yin no//zhag bdun pa la ni rigs mthun pa la'o zhes bya ba ni sman zhag bdun pa la de'i bye brag gzhan bstan te/ zhag bdun pa la ni zhes bya ba ni mar dang 'bru mar la sogs pa'i rdzas zhag bdun pa nyid du byin gyis brlabs pa la'o//rigs mthun pa la'o zhes bya ba ni phyis rnyed pa'i rdzas rigs mthun pa rang bzhin 'dra ba la rang gi nyid kyi rjes su zhugs pa nyid de 'byung ba nyid du shes par bya'i dngos po de lta bu thams cad la 'byung ba ni ma yin pa ste/ 'di lta ste/ rang gi nyid kyi rjes su zhugs pa nyid mar du gtogs pa'i ni mar phyis rnyed pa la 'byung ba nyid yin gyi/'bru mar la sogs pa dag la mi 'byung ba dang / de bzhin du rang gi nyid kyi rjes su zhugs pa nyid 'bru mar du gtogs pa'i ni 'bru mar phyis rnyed pa la 'byung ba nyid yin gyi mar la sogs pa dag la mi 'byung ba lta bu'o//'dir gzhung ni rnam par 'byed pa las dge slong gis tshes la mar rnyed la des tshes gnyis la gzhan zhig kyang rnyed par gyur na dge slong des snga ma shos bza' bar bya zhing / phyi ma shos gtang bar bya ba'am/ rung bar bya ba'am/ gzhan la sbyin par bya ba'o/ /gtong bar mi byed dam/rung bar mi byed dam/ gzhan la sbyin par mi byed na/ zhag brgyad pa'i skya rengs shar na/ spang ba'i ltung byed do zhes gsungs pa yin no/ /ltung ba de yin na yo byad tsam bdag gir byas pa la spang ba nyid do zhes bya ba ni spang ba'i ltung byed kyi ltung ba de yod bzhin pa ma bshags pa la phyis yo byad rigs mthun pa'am/rigs mi mthun pa ci yang rung ba zhig rnyed cing bdag gir byas na spang bar bya dgos pa nyid 'byung gi ltung ba ni mi 'byung ba'o/ /'di skad bstan te dge slong gang la spang ba'i ltung byed yod pa'i dge slong des gal te phyis rigs mthun pa'am/rigs mi mthun pa'i yo byad tsam rnyed na de'i tshe/ bshags pa'i dus na dge slong des de yang spang bar bya'o/ /de'i phyir ltung ba ni bshags par bya mi dgos te/ de'i gzhi las ltung ba ma byung ba'i phyir ro/ /'dir gzhung ni dge slong gis chos gos spang ba ma spangs shing bral bar ma byas la ltung ba de yang ma bshags par gzhan zhig rnyed na de yang spang ba yin te/snga ma'i shugs kyis so zhes bya ba la sogs pa gsungs pa yin no/ /chung ba nyid kyi dum bu de ni mi 'gyur ro zhes bya ba ni khru gang khor yug las chung ba nyid kyi dum bu de ni spang ba nyid du mi 'gyur ro/ /'di skad bstan te/spang bar bya ba'i dngos po snga ma'am/ phyi ma gang yang rung ba dam dum du gyur na bshags pa'i dus na spang bar bya mi dgos te/ khru gang khor yug pas chung ba'i phyir dang / chung ba ni spang bar 'os pa ma yin pa'i phyir ro/ /'dir gzhung ni nye ba 'khor gyis zhus pa las btsun pa dge slong gis chos gos spang ba 'tshig gam/srog chags dag dang sril dag gis 'tshal bar gyur nas/ de la dam dum gang dag mchis pa dag spang bar bgyi'am/ nye ba 'khor mi bya ste/ ltung byed 'ba' zhig bshags par bya'o zhes gsungs pa yin no/ /dge 'dun gyi yang ngo zhes bya ba ni dge 'dun mnga' ba'i rdzas ris su ma bcad pa yang spang bar mi bya ba nyid do//dge 'dun mnga' ba'i dngos po ni rnam pa gnyis te/ dge 'dun mnga' ba gang zag gi bdag nyid du ris su bcad pa dang / dge 'dun mnga' ba'i ris su ma bcad pa'o/ /de la dge 'dun mnga' ba gang zag gi bdag nyid du ris su bcad pa'i dngos po la ni 'chang ba dang 'bral ba dang /'jog pa'i rgyus spang ba'i ltung byed dag 'byung ste/ de la thams cad gang zag gi dang 'dra bar bdag gir bya ba 'byung ba'i phyir ro/ /dge 'dun mnga' ba ris su ma bcad pa la ni gang zag gzhan gyi dang 'dra bar bdag gir bya ba mi 'byung bas de la ni sngar bstan pa thams cad mi 'byung ngo //gal te dge 'dun mnga' ba ris su ma bcad pa'i chos gos gang zag 'ga' zhig gis byin gyis rlob par byed cing chos gos de dang 'bral bar byed na/ de'i tshe ltung byed 'ba' zhig bshags par bya ba'i chos gos de spang bar ni mi bya'o//'dir gzhung ni nye ba 'khor gyis zhus pa las/ btsun pa dge slong gis dge 'dun gyi chos gos byin gyis brlabs nas/ mtshams kyi slad rol du 'bral bar bgyid na chos gos de dang bral zhes bgyi'am ma bral zhes bgyi/ bka' stsal pa/ chos gos dang bral zhes bya'o/ /chos gos de spang bar bgyi'am/ nye ba 'khor mi bya ste/ ltung byed 'ba' zhig bshags par bya'o zhes gsungs pa yin no/ /de ma yin pa'i phyir de dang bral bar bya mi dgos so/ /'di la med pa nyid gtso bo'i zhes bya ba ni spang bar bya ba 'di la dngos po de gang zag de la mi bdog cing med pa nyid yin na/de nyid spang ba nyid la gtso bo yin gyi spang bar bya ba'i rdzas ni gtso bo ma yin no/ /de bas na tshig pa la sogs pas nyams pa'i chos gos la ni ltung byed 'ba' zhig bshags par bya'o/ /'dir gzhung ni zhu ba las/ btsun pa dge slong gis chos gos spang ba nyams par gyur na/ltung byed bshags par bgyi'am/ nye ba 'khor ltung byed 'ba' zhig bshags par bya'o zhes gsungs pa yin no/ /'di gsum ni sra brkyang bting ba la mi 'byung ngo zhes bya ba ni 'og kho na nas 'byung ba 'chang ba dang bral ba dang / 'jog pa zhes bya ba'i spang ba'i ltung byed 'di gsum ni dge slong sra brkyang bting ba mi 'byung ste/sra brkyang bting ba la dbyar gnas par khas blangs pa'i phan yon bcu yod pa'i skabs yin pa'i phyir ro/ /spang ba'i ltung byed rnams [(]gyi [,]kyi[)]thun mong gi mtshan nyid spyir bstan pa bshad zin to// // da ni spang ba'i ltung byed so so'i skabs brjod par bya ste/ de la 'chang ba'i spang ba'i gleng gzhi ni bcas pa dang / gnang ba'i dbang gis rnam pa gnyis te/ bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//de'i tshe na dge slong rnams la chos gos mang po nyid 'di lta bu 'di byung ste/ chos gos gzhan gyis ni gtsug lag khang du chag chag 'debs par byed/ gzhan gyis ni legs par nyug par byed/ gzhan gyis ni lci ba sar pa'i byug pas skud par byed/gzhan gyis ni lag pa dang rkang pa dag 'khru bar byed/ gzhan gyis ni so shing 'dor bar byed/ gzhan gyis ni grong du bsod snyoms la rgyu bar byed/ gzhan gyis ni zas kyi gral du bkad par byed/ gzhan gyis ni mkhan po dang slob dpon dag la ltar 'gro bar byed/ gzhan gyis ni ston pa'i gdams ngag nyams su myong bar byed/gzhan gyis ni nyin mo chos mnyan pa nyams su myong bar byed/ gzhan gyis ni mtshan mo chos mnyan pa nyams su myong bar byed de/ de dag gyon pa dang 'bud par byed pa na/ bya ba mang ba dang / byed pa mang bar gyur cing / lung nod pa dang /klag pa dang / kha ton dang / rnal 'byor dang / yid la bya ba dang / nang gi sems kyi zhi gnas gtong bar byed nas/ dge slong don nyung ngu dag ci'i phyir dge slong rnams la chos gos mang po nyid 'di lta bu 'di phyung zhing nyes dmigs de lta bur gyur ces smod par byed/ phyar kha gtong bar byed/kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad de/ dge slong rnams la rmas nas rnam grangs du mar smad de/ bslab pa bca' ba'i phan yon bcu yang dag par gzigs pas/nyan thos rnams kyis 'dul ba la bslab pa'i gzhi 'di ltar gdon par bya ste/ dge slong chos gos zin pas sra brkyang phyung na chos gos gsum bcang bar bya'o/ /de las lhag par 'chang na spang ba'i ltung byed do zhes bca' ba mdzad de/ yul ni mnyan yod/ gang zag ni dge slong rab tu mang po/nyon mongs pa ni zang zing la gdu ba/ nyes pa ni bya ba shor ba'o/ /gnang ba'i gleng gzhi ni sangs rgyas bcom ldan 'das rgyal po'i khab na 'od ma'i tshal ka lan dka'i gnas na bzhugs so/ /de'i tshe na tshe dang ldan pa 'od srungs chen po rgyal po'i khab na dgon pa'i spyil bu na 'dug ste/gang gi tshe bcom ldan 'das kyis tshe dang ldan pa 'od srungs chen po la dge 'dun gtad pa de'i tshe khyim bdag gcig yun ring po nas smon pa/ kye ma bdag gis gnas brtan 'od srungs chen po lha dang mis mchod pa bshos gsol te/ ras yug chen zhig bskon na ci ma rung snyam na de'i 'dod pa yongs su rdzogs par ma gyur nas/de nas khyim bdag de ras yug chen thogs nas tshe dang ldan pa kun dga' bo ga la ba der song ste phyin nas/ tshe dang ldan pa kun dga' bo'i rkang pa gnyis la mgo bos phyag 'tshal te/ 'di skad ces smras so//btsun pa kun dga' bo khyod kyis da ltar gnas brtan 'od srungs chen po ga la bzhugs/ ci gsan/ khyim bdag /dgon pa'i spyil bu na 'dug ces thos so/ /ji tsam na 'dir byon par 'gyur/ 'di nyid kyi gso sbyong bco lnga pa'i tshe'o/ /btsun pa kun dga' bo mkhyen par mdzod cig /'di na bdag yun ring po nas smon pa/ kye ma bdag gis gnas brtan 'od srungs chen po lha dang mis mchod pa bshos gsol te/ ras yug chen zhig bskon na ci ma rung snyam nas/ bdag gis ras yug chen de yang 'tshal te mchis na/ bdag cag khyim pa dag ni bgyi ba mang ba dang /bgyid pa mang ba lags kyi/ kye ma btsun pa kun dga' bos bdag la thugs brtse ba'i slad du gnas brtan 'od srungs chen po lha dang mis mchod pa la ras yug chen 'di bskon du gsol/ de nas tshe dang ldan pa kun dga' bo 'di snyam du sems te/ gal te bdag gis khyim bdag las ras yug chen blangs na ni bslab pa'i gzhi ral bar yang 'gyur/gal te ma blangs na ni khyim bdag gi bsod nams kyi bar chad dang / gnas brtan 'od srungs chen po'i rnyed pa'i bar chad du yang 'gyur na bdag gis blangs par gyur na dus ma yin pa'i phyir bcom ldan 'das kyis gnang bar 'gyur ba gang yin pa de'i gnas kyang yod par 'gyur grang snyam nas khyim bdag las ras yug chen blangs te/bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te/ mtha' gcig tu 'dug go/ /mtha' gcig tu 'dug nas tshe dang ldan pa kun dga' bos skabs de bcom ldan 'das la rgyas par gsol to//de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo legs so legs so/ /ngas gnang ba gang yin pa de khyod kyis shes te/ de lta bas na dge slong gis zhag bcu'i bar du gos lhag pa rung bar ma byas pa bcang bar rjes su gnang ngo //de nas bcom ldan 'das kyis bslab pa 'dod pa rnams dang / bslab pa la gus pa rnams dang / bslab pa la yo byad bsnyungs pa rnams dang / sbyangs pa'i yon tan rnams dang / mdzes pa rnams dang / chog shes pa rnams kyi bsngags pa brjod nas dge slong rnams la bka' stsal pa/dge slong dag de lta bas na snga ma ni bcas pa yin la/ 'di ni gnang ba yin no/ /nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong chos gos zin pas sra brkyang phyung na zhag bcu'i bar du chos gos lhag pa rung bar byas pa bcang bar bya'o//de las 'das par 'chang na spang ba'i ltung byed do zhes gnang bar mdzad de/ yul ni rgyal po'i khab/ gang zag ni tshe dang ldan pa kun dga' bo/ /nyon mongs pa dang nyes pa ni med do/ /de la dge slong zhes bya ba ni chos 'di pa'o/ /chos gos zin pas zhes bya ba ni dge slong gang gis chos gos dag bkru ba dang /dra ba dang / drub pa dang / kha bsgyur bas so/ /sra brkyang phyung na zhes bya ba la/ sra brkyang zhes bya ba ni dge 'dun dbyar snga ma'am/ phyi mar gnas par khas blangs nas dgag dbye byas pa'i 'og tu dge slong thams cad dbyar gyi rnyed pa dang / phan yon gyi gtan pa bca' ba'i chos gos gtan pa lta bu byin gyis brlabs pa'o//phyung na zhes bya ba la/ sra brkyang dbyung ba'i dus ni rnam pa gnyis te/ dbyar snga mar gnas par khas blangs pas ston zla 'bring po nya la dgag dbye byas te/ tshes bcu drug la sra brkyang bting na ni de dbyung ba'i dus dpyid zla ra ba'i nya'o/ /dbyar phyi mar gnas par khas blangs pas ston zla tha chungs nya la dgag dbye byas te/tshes bcu drug la sra brkyang bting na ni de dbyung ba'i dus dpyid zla 'bring po'i nya'o/ /de dag gi rnam par gzhag pa zhib tu ni dbyar gyi gzhi dang / dgag dbye'i gzhi dang / sra brkyang gi gzhi las 'byung ngo / /de la dge slong chos gos zin pas sra brkyang phyung na zhes bya ba la/chos gos zin la sra brkyang ma phyung ba yang yod/ sra brkyang phyung la chos gos ma zin pa yang yod/ chos gos zin cing sra brkyang phyung ba yang yod/ chos gos ma zin cing sra brkyang ma phyung ba yang yod do/ /de la re zhig ji tsam gyis na chos gos zin la sra brkyang ma phyung ba yin zhe na/'di lta ste/ dge slong gis chos gos dag bkru ba dang / dra ba dang / drub pa dang / kha bsgyur zin la dge 'dun gyi sra brkyang ma phyung ba yin no/ /ji tsam gyis na sra brkyang phyung la chos gos ma zin pa yin zhe na/ 'di lta ste/ dge slong gis chos gos dag bkru ba dang / dra ba dang / drub pa dang / kha bsgyur ma zin pa la dge 'dun gyis sra brkyang phyung ba yin no//ji tsam gyis na chos gos zin cing sra brkyang phyung ba yin zhe na/ 'di lta ste/ dge slong gis chos gos dag bkru ba dang / dra ba dang / drub pa dang / kha bsgyur zin cing dge 'dun gyis kyang sra brkyang phyung ba yin no/ /ji tsam gyis na chos gos ma zin cing sra brkyang ma phyung ba yin zhe na/rnam pa de dag ma gtogs pa'o/ /'dir ni sra brkyang phyung ba yan lag gi gtso bor bzhed do/ /zhag bcu pa'i bar du zhes bya ba ni mtshan mo bcu'i mthar ro/ /gos lhag pa zhes bya ba ni byin gyis brlab par bya ba las lhag pa'o/ /rung bar ma byas pa zhes bya ba ni brtag pa ma byas pa'o/ / bcang bar bya'o zhes bya ba ni bdag gir bya'o/ /de las 'das par 'chang na zhes bya ba ni de las thal bar 'chang na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /de la ltung ba ji ltar 'gyur zhe na/ 'dir yang dngos gzhi dang sbyor ba dang /sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gis rang gi gos 'khor gsum khebs pa'i mtha'i tshad dang ldan pa yod la byin gyis ma brlabs par zhag bcu'i rjes su zhugs pa nyid yin na zhag bcu gcig pa'i skya rengs dang po shar na 'chang ba'i spang ba'i ltung byed kyi dngos gzhir 'gyur ro//dge slong gis nyin mtshan gyi rim gyis snga phyir gzhan las 'byung ba'i gos rnyed la/ snga ma byin gyis ma brlabs shing phyi ma byin gyis brlabs na snga ma shos zhag bcu gcig pa'i skya rengs dang po shar na 'chang ba'i spang ba'i ltung byed du gyur pa'i shan gyis phyi ma shos byin gyis brlabs pa yang snga ma'i dus de kho na'i 'chang ba'i spang ba'i ltung byed kyi dngos gzhir 'gyur ro//dge slong gis nyin zhag gcig kho nas dus gcig tu gzhan las byung ba'i gos gnyis rnyed la gang yang rung ba cig byin gyis brlabs shing gcig ni ma brlabs na/gnyi ga zhag bcu gcig po'i skya rengs dang po shar na 'chang ba'i spang ba'i ltung byed kyi dngos gzhir 'gyur ro/ /dge slong gis dge 'dun mnga' ba'i rdzas gang zag gi bdag nyid du ris su bcad pa 'chang ba'i spong bar gtogs pa zhag bcu gcig gi skya rengs las 'das par byas na 'chang ba'i spang ba'i ltung byed kyi dngos gzhir 'gyur ro//dge slong la 'chang ba'i spang ba'i ltung byed byung na de ma spangs shing bral bar ma byas la ltung ba ma bshags par ram/ spangs shing bral bar ma byas la ltung ba ma bshags par ram/ spangs shing bral bar byas la ltung ba ma bshags par gos zhag bcu par gtogs pa de lta bu gzhan zhig rnyed na yang snga ma'i shugs kyis spang bar 'gyur te/ de las ltung bar mi 'gyur ro/ /dge slong gis 'chang ba'i spang ba'i ltung byed byung la ji srid du spang ba'i dngos po las ma bshags shing so sor ma bshags par lhung bzed dam chos gos sam/dra ba'am/ phor bu'am/ ska rags sam/ dge sbyong gi 'tsho ba'i yo byad gang yang rung ba gzhan nye bar 'jog par byed na/ de yang snga ma'i shugs kyis spang bar 'gyur te/ de las ltung bar ni mi 'gyur ro//rdzas bzang ngan dang / mang nyung la na smad pa med do/ /kha bskang ba la re ba med na chung ba khru gang yan chad la na smad pa med do/ /byin gyis brlabs par bya ba'i chos gos gsum yod pa nyid yin na yang chung ba khru gang yan chad la na smad pa med do/ /tshes grangs gcig nas bcu'i bar dang / gnyis nas bcu gcig gi bar du lta ba la sogs pa la na smad pa med do//gdong phyis dang chu tshags dang / stan dbyam dang dre'u rdog la sogs pa yo byad kyi gos byin gyis ma brlabs pa dag la na smad pa med do/ /gos rung ba nyid dang / tshad dang ldan pa dang / tshad las lhag pa la na smad pa med do/ /'di'i byed pa po ni rang gi gos dang byin gyis ma brlabs pa'o//'di la yan lag bdun gyis dngos gzhi'i ltung bar 'gyur te/ rang gi dang / gos dang / 'khor gsum khebs pa'i mtha'i tshad dang / yod pa dang byin gyis ma brlabs pa dang / zhag bcur rjes su zhugs pa dang / zhag bcu gcig pa'i skya rengs shar ba'o/ /de dag las yan lag ma tshang na ci rigs par na smad do//sbyor ba'i ltung ba ni nyes byas te/ ji srid du zhag bcu 'das pa'i spang ba'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /kha bskang ba la re ba med pa dang /byin gyis brlab tu rung ba'i chos gos gsum med la gos khru gang gi tshad pas chung ba dang / 'khor gsum gyi phyed mi khebs pa la nyes byas so/ /rung ba ma yin pa dang / tshad pas chung ba 'chang ba la nyes byas sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed do//sbyor ba nyes byas kyi sbyor ba yang nyes byas te nyes byas phra mo'o/ /de yang dang po yid la sems pa ni sbyor ba'i sbyor ba'i nyes byas phra mo'o/ /de nas lus dang ngag gi sbyor ba ni sbyor ba'i nyes byas dngos so/ /de nas mthar thug pa ni spang ba'i ltung byed kyi dngos gzhir 'gyur ro zhes bya bar shes par bya'o//ltung ba med pa ni rang gi ma yin pa dang / gos ma yin pa dang / med pa dang / byin gyis brlabs pa dang / zhag bcur rjes su ma zhugs pa dang / zhag bcu gcig pa'i skya rengs ma shar ba la ltung ba med do/ /sra brkyang bting ba ma phyung ba la ltung ba med do/ /las dang po pa dang /smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du 'chang ba'i spang bar 'gyur ba rnam pa thams cad mi bsten par bslab par bya'o/ /phyir bcos pa ni spang ba'i ltung byed kyi sbyor ba'i sbyor ba nyes byas phra mo dang sbyor ba'i nyes byas dang /ltung byed kyi dngos gzhi mthol ba dang / bshags pa gnyis kyis ltung ba mi 'byung ba la bslab par bya'o/ /de la spang ba'i ltung byed kyi sbyor ba'i sbyor ba yid kyi nyes byas phra mo phyir bcos pa ni de bsdam par bya ba'i nyes byas yin pas gzhan la mthol ba dang bshags mi dgos par rang gi yid kyis ltung ba snga ma mthong ba dang /phyin chad bsdams pas snga ma 'gyod pa dang / phyin chad mi bya'o snyam du bsdam pa byas na ltung ba las ldang ngo / /spang ba'i ltung byed kyi sbyor ba'i nyes byas phyir bcos pa ni/ ltung ba de bshags par bya ba'i nyes byas yin pas de mthol ba dang bshags pa'i cho ga ni dge slong gis ltung ba bcab par mi bya ste/spang ba'i ltung byed kyi sbyor ba'i nyes byas bshags par bya ba gang yang rung ba byung ba na bcab pa'i sems gcig tsam gyis kyang bcab par mi bya bar de nyid kyi mod la/ mchil lham gnyis phud nas dge slong bsnyen par rdzogs pa rang bzhin du gnas pa lta ba dang mtshan mthun pa/mtshams kyi nang du 'dug pa dang ltung ba ming dang rigs las byung ba mi mthun pa gcig gi mdun du tsog pur 'dug ste/ thal mo sbyar ba btud nas ltung ba'i sde tshan gyi ming dang / gang byung ba'i rigs smos te cig car mthol ba dang bshags par byar rung ngo //de'i sngags ni 'di yin te/ tshe dang ldan pa dgongs su gsol/ bdag dge slong ming 'di zhes bgyi ba la spang ba'i ltung byed kyi sde tshan las rigs 'di zhes bgyi ba'i sbyor ba che ge mo las byung ba'i nyes byas byung ste/ bdag dge slong ming 'di zhes bgyi ba ltung ba de tshe dang ldan pa'i mdun du mthol lo//mi 'chab bo/ /'chags so/ /mthol zhing bshags na bdag bde ba la reg par 'gyur gyi/ ma mthol ma bshags na ni mi 'gyur ro zhes lan gsum bzlas nyan pas ltung ba mthong ngam zhes smra zhing / 'chags pas mthong ngo zhes brjod par bya/nyan pas phyin chad sdom mam zhes smra zhing / 'chags pas sdom mo zhes lan gsum bzlas/ de'i rjes la nyan pas thabs yin no zhes brjod par bya'o/ /'chags pas legs so zhes brjod par bya ste/ de tsam gyis na spang ba'i ltung byed kyi sbyor ba'i nyes byas bshags par bya ba'i ltung ba las ldang ngo //de'i mod la gang la mthol zhing bshags par bya ba'i gang zag med na/ skya rengs ma shar gyi bar du 'chab pa'i nyes pa med do/ /ji srid du gang la mthol zhing bshags par bya ba'i gang zag ma rnyed pa de srid du skya rengs shar kyang ma mthol ma bshags pa la 'chab pa'i nyes pa med do//gang la mthol zhing bshags par bya ba'i gang zag med na/ ji srid du gang la mthol zhing bshags par bya ba'i gang zag ma rnyed na de srid du mthol zhing bshags pa'i sems med pa la 'chab pa'i nyes pa med do/ /gang la mthol zhing bshags par bya ba'i gang zag yod du zin kyang rkyen 'ga' zhig gis bdag nyid der 'gro ba'i skabs med dam/bdag nyid gnas de nas gzhan du song bar gyur na de'i bar du mthol zhing bshags pa'i sems med pa la 'chab pa'i nyes pa med do/ /gang la mthol zhing bshags par bya ba'i gang zag yod du zin kyang ltung ba byung ba de 'di snyam du gal te de'i gan du song la ma brjod na/'chab pa'i nyes par 'gyur du dogs pas de'i dbang gis der mi 'gro'am/ gzhan du song bas brjod pa ma byas pa la yang 'chab pa'i nyes pa med do/ /rkyen cis kyang ma bskal par de'i gan du mi 'gro ba dang /gzhan du 'gro ba dang / skya rengs kyi mdun rol du mi mthol ba dang / 'chab pa'i sems bskyed pa dag ni nyes byas so/ /gang la mthol zhing bshags par bya ba'i gang zag dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang du 'dug pa ltung ba ming dang rigs las mi mthun pa med na/chos 'di pa gcig la je mthol la/ de'i 'og tu dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las mi mthun pa'i mdun du bshags par bya'o/ /ltung ba ming dang rigs las mi mthun pa'i gang zag med na ltung ba rigs las mi mthun pa'i mdun du bshags par bya'o//'dir ming ni ltung ba'i sde tshan no/ /rigs ni ltung ba gang byung ba'o/ /chos 'di pa zhes bya ba ni dge slong ma dang / bslab pa byin pa dang / dge slob ma dang / dge tshul dang / dge tshul ma dang / dge bsnyen dang /dge bsnyen ma dang / khyim pa de bzhin gshegs pa'i lta ba can mtshams kyi nang na 'dug pa dang / lta ba mi mthun pa mtshams gzhan na 'dug pa dag go/ /'dir de dag 'ba' zhig gi rnam par gzhag pa ni mtshan mi mthun pa bsnyen par rdzogs pa la mthol na bcabs par ni mi 'gyur la nyes byas su ni 'gyur ro//bsnyen par ma rdzogs pa dag la mthol na bcabs par ni mi 'gyur la/ gnas ngan len rig par byed pa las ni ltung byed du 'gyur ro/ /gnas ngan len ma yin par rig par byed pa las ni nyes byas su 'gyur ro/ /chos 'di pa de dag gang yang rung ba mtshams gzhan na 'dug pa dang lta ba mi mthun pa la mthol na bcabs par ni mi 'gyur la nyes byas su ni 'gyur ro//dge slong bsnyen par rdzogs pa rang bzhin du gnas pa ma yin pa la mthol na yang bcabs par ni mi 'gyur la nyes byas su ni 'gyur ro/ /dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa la ltung ba ming dang rigs las mthun pa la mthol na yang bcabs par ni mi 'gyur la nyes byas su ni 'gyur ro//dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang du 'dug pa ltung ba ming dang rigs las mi mthun pa la mthol na bcabs par yang mi 'gyur la ltung bar yang mi 'gyur ro//'og ma gzhan dag la yang de bzhin no/ /ltung ba mthol ba la spyir bstan pa ni mthol ba'i sngags rdzogs par bya'o/ /mthol ba'i sngags ril gyis brjod ma nus na tha na ming ngam rigs gcig go bar byas na yang mthol bar 'gyur ro//bshags pa'i sngags ni rdzogs par brjod dgos so/ /nyes byas mthol ba la ni ming dang rigs ma brjod par bdag la ltung ba byung ngo zhe'am/ bdag gis kha na ma tho ba byas so zhes bya ba rnam pa gang yang rung bas rig par byas na yang rung ngo //pham par 'gyur ba'i dngos gzhi ma gtogs pa/ sbyor ba dang nyes byas la sogs pa ltung ba gzhan thams cad la yang bcabs pa yod na sngar bcabs pa'i nyes pa phyir bcos par bya zhing phyis ltung ba nyid phyir bcos par shes par bya'o/ /bcabs pa'i nyes pa phyir bcos pa ni ltung ba ming dang rigs gang byung ba dang /ji srid bcabs pa de dag je mthol bar bya'o/ /dge 'dun lhag ma la ni bcabs pa'i nyes pa yod na spo ba zhes bya ba'i las kyis de med par bya dgos te/ de ni sngar bstan pa yin no/ /mthol ba dang bshags par bya ba'i skabs yod bzhin du mi mthol mi bshags na zhag re re la nyes byas re rer 'gyur ro//gang la mthol ba'i gang zag bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las mi mthun pa yod na chos 'di pa gzhan la mthol bar mi bya'o//bshags pa ni chos 'di pa gzhan la rnam pa thams cad du mi bya'o/ /de ltar sbyor ba'i nyes byas mthol zhing bshags na/ de'i sbyor ba'i sbyor ba'i nyes byas phra mo ni logs shig tu mthol zhing bshags mi dgos so/ /spang ba'i ltung byed kyi dngos gzhi phyir bcos pa yang mthol ba dang bshags pa gnyis kyis spong ba'i ltung byed kyi dngos gzhi las bslang pa ste/de la spang ba'i ltung byed kyi dngos gzhi mthol ba ni dge slong gis kha na ma tho ba bcab par mi bya ste/ spang ba'i ltung byed sum cu po dag las gang yang rung ba'i dngos gzhi byung ba na/ bcab pa'i sems gcig tsam gyis kyang bcab par mi bya bar de nyid kyi mod la mchil lham gnyis phud nas dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las mi mthun pa gcig gi mdun du tsog pur 'dug ste/thal mo sbyar ba btud nas/ltung ba'i sde tshan gyi ming dang / gang byung ba'i rigs smos te mthol bar bya'o/ /de'i sngags ni 'di dag yin te/ tshe dang ldan pa dgongs su gsol/ bdag dge slong ming 'di zhes bgyi ba la/ ltung ba spang ba'i ltung byed kyi sde tshan las rigs 'di zhes bgyi ba byung ste/ bdag dge slong ming 'di zhes bgyi ba ltung ba de tshe dang ldan pa'i mdun du mthol lo mi 'chab bo/ /mthol na bdag bde ba la reg par gnas par 'gyur gyi ma mthol na mi 'gyur ro zhes lan gsum bzlas/ de'i rjes su nyan pas thabs yin no zhes brjod par bya/ mthol bas legs so zhes brjod par bya'o//spang ba'i ltung byed kyi dngos gzhi mthol ba 'di la gal te bcabs pa yod na dus gzhan ji srid bcabs pa nyid sngags kyi nang du bsnan te mthol lo/ /bcabs pa med na mthol ba nyi tshe snga ma bzhin bya ste/ de tsam gyis na mthol ba yin no/ /de'i mod la gang la mthol bar bya ba'i gang zag med na/skya rengs ma shar gyi bar du 'chab pa'i nyes pa med do/ /ji srid du gang la mthol bar bya ba'i gang zag ma rnyed pa de srid du skya rengs shar kyang ma mthol ba la 'chab pa'i nyes pa med do/ /gang la mthol bar bya ba'i gang zag med na ji srid du gang la mthol bar bya ba'i gang zag ma rnyed pa de srid du mthol ba'i sems med pa la 'chab pa'i nyes pa med do//gang la mthol bar bya ba'i gang zag yod du zin kyang rkyen 'ga' zhig gis bdag nyid der 'gro ba'i skabs med dam/ bdag nyid gnas de nas gzhan du song bar gyur na/ de'i bar du mthol ba'i sems med pa la 'chab pa'i nyes pa med do//gang la mthol bar bya ba'i gang zag yod du zin kyang ltung ba byung ba de 'di snyam du gal te de'i gan du song la ma brjod na 'chab pa'i nyes par 'gyur du dogs pas de'i dbang gis der mi 'gro ba'am/ gzhan du song bas brjod pa ma byas pa la yang 'chab pa'i nyes pa med do//rkyen cis kyang ma bskal par de'i gan du mi 'gro ba'am/ gzhan du 'gro ba dang / skya rengs kyi mdun rol du mi mthol ba dang / 'chab pa'i sems bskyed pa dag ni nyes byas so zhes bya ba yang snga ma bzhin no/ /'chab pa la yang spang ba'i ltung byed la yid gnyis za ba ni shes pa dang 'dra'o//spang ba'i ltung byed mi shes pa nyid dang 'dra'o/ /bcab pa'i sems ma bzhag pas brjed pa dang / byas sam ma byas ci zhig ji lta bu zhig ces dran par mi nus pa nyid dang / bsnyen par ma rdzogs pa nyid dang / gnas nas phyung ba nyid la 'chab pa mi 'byung ngo //las dang po pa dang / smyos pa dang / sems 'khrugs pa dang / tshor ba dag gis nyen pa la ni ltung ba thams cad dang / de dag 'chab pa'i nyes pa yang mi 'byung ngo / /sa gang la 'chab pa mi 'byung ba de la bcab pa'i nyes pa yang mi 'byung ngo / /gang la mthol bar bya ba'i gang zag dge slong bsnyen par rdzogs pa rang bzhin du gnas pa/lta ba dang mtshan mthun pa mtshams kyi nang na 'dug pa/ ltung ba ming dang rigs las mi mthun pa med na chos 'di pa sngar bstan pa dag la mthol ba na yang mthol ba nyid yin te/ de dag gi rnam par gzhag pa yang snga ma bzhin no/ /ltung ba mthol ba phyir bstan pa yang snga ma bzhin te/mthol ba'i sngags brjod par bya'o/ /mthol ba'i sngags ril gyis brjod ma nus na tha na ming dang rigs gcig go bar byas na yang mthol bar 'gyur ro/ /'dir yang ming ni ltung ba'i sde tshan no/ /rigs ni ltung ba gang byung ba'o/ /de ltar ltung ba'i dngos gzhi mthol na bar mtshams de'i sbyor ba dang sbyor ba'i sbyor ba ni logs shig tu mthol mi dgos so//de ltar mthol nas bshags pa ni spang ba'i ltung byed kyi ltung ba las bslang ba zhes bya ste/ spang ba'i ltung byed kyi ltung ba las bslang ba 'di ni dge slong ngo tsha dang ldan pa dang / mdo sde 'dzin pa dang / 'dul ba 'dzin pa dang / ma mo 'dzin pa dang / shes pas ni dge slong gcig gi mdun du bshags pas spang ba'i ltung byed kyi ltung ba las ldang ste/ dngos po spang ba dang bral bar bya ba'i cho ga dang las gzhan bya mi dgos so/ /de ci'i phyir zhe na/ bsams pas ltung ba las ldang gi chad pa'i las kyis ni ma yin pa'i phyir te/'dir gzhung ni sil bu dag las dge 'dun lhag ma'i skabs nas de lta bas na gang dag rnam pa de lta bu rang bzhin gyis ngo tsha shes pa dang ldan pa de dag gis ni gcig gi mdun du bshags par rjes su gnang ngo zhes bya ba la sogs pa gsungs pa de nyid las 'dir spang ba'i ltung byed kyang de dang 'dra bar shes so//gzhan yang 'dul ba mdor bsdu ba'i skabs nas rung ba dang mthun la mi rung ba dang 'gal ba ni rung bar bsdu'o/ /rung ba dang 'gal la mi rung ba dang mthun pa ni mi rung bar bsdu'o zhes 'byung bas dge 'dun lhag ma la de ltar rung na spang ba'i ltung byed la yang rung bar mngon no//dge slong gcig gi mdun du bshags pa'i cho ga dang sngags ni zhal nas gsungs pa'i lung gi rjes su 'brang ba dang / 'dul ba 'dzin pa snga rabs dag gi man ngag las 'di skad 'byung ste/ de spang ba'i ltung byed kyi ltung ba byung ba na bcab pa'i sems gcig tsam gyis kyang bcab par mi bya bar de'i mod la mchil lham gnyis phud nas/mtshams kyi nang du dge slong bsnyen par rdzogs pa rang bzhin du gnas pa lta ba dang mtshan mthun pa ltung ba ming dang rigs las mi mthun pa gcig gi mdun du tsog pur 'dug ste/ thal mo sbyar ba btud nas/ ltung ba'i sde tshan gyi ming dang gang byung ba'i rigs smos te cig car mthol ba dang bshags par bya'o//de'i sngags ni 'di yin te/ tshe dang ldan pa dgongs su gsol/ bdag dge slong ming 'di zhes bgyi ba la ltung ba spang ba'i ltung byed kyi sde tshan las rigs 'di zhes bgyi ba'i dngos gzhi byung ste/ bdag dge slong ming 'di zhes bgyi ba spang ba'i ltung ba de tshe dang ldan pa'i mdun du mthol lo/ /mi 'chab bo/ /'chags so/ /mthol zhing bshags na bdag bde ba la reg par gnas par 'gyur gyi ma mthol ma bshags na ni mi 'gyur ro zhes lan gsum bzlas/ nyan pas ltung ba mthong ngam zhes smra zhing 'chags pas mthong ngo zhes brjod par bya/nyan pas phyin chad sdom mam zhes smra zhing / 'chags pas sdom mo zhes brjod par bya ste/ de ltar lan gsum bzlas/ de'i rjes la nyan pas thabs yin no zhes brjod par bya/ 'chags pas legs so zhes brjod par bya ste/ de tsam gyis na dge slong ngo tsha dang ldan pa dang /mdo sde 'dzin pa dang / 'dul ba 'dzin pa dang / ma mo 'dzin pa dang / shes pa dag spang ba'i ltung byed kyi dngos gzhi'i ltung ba las ldang bar rig par bya'o/ /de ltar spang ba'i ltung byed kyi dngos gzhi'i ltung ba cig car mthol zhing bshags na de'i sbyor ba'i nyes byas dang / sbyor ba'i sbyor ba'i nyes byas phra mo ni logs shig tu mthol zhing bshags mi dgos so/ /de las gzhan pa dag gis ni spang ba'i ltung byed kyi ltung ba byung na dngos po spangs shing bral bar byas la/ de'i 'og tu ltung ba bshags par bya'o/ /de'i cho ga ni 'di yin te/ dge slong spang ba'i ltung byed kyi ltung ba byung na des rdzas de spang bar bya ba dang bral ba sngon du btang ste ltung ba bshags par bya'o//de la spang ba sngon du btang ba ni rdzas de la bdag gis 'dzin pa'i sems med par bya'o/ /bral ba sngon du btang ba ni rdzas de zhag gcig yan chad ji srid du ltung ba ma bshags kyi bar du dge slong bsnyen par rdzogs pa rang bzhin du gnas pa lta ba dang /mtshan mthun pa ltung ba ming dang rigs las mi mthun pa mtshams kyi nang na 'dug pa yang rung phyi rol na 'dug pa yang rung ba gcig la gzhag par bya zhing / dus de'i tshe rdzas gzhan gyis byin gyis mi brlab cing byin gyis brlab tu rung ba ci yang med par gnas par bya'o//de ltar byas nas de'i 'og tu zhag gcig yan chad nam bshags pa'i tshogs ba rnyed pa na dge slong bsnyen par rdzogs pa rang bzhin du gnas pa lta ba dang mtshan mthun pa ltung ba ming dang rigs las mi mthun pa mtshams kyi nang na 'dug pa gcig gi mdun du tsog pur 'dug ste/thal mo sbyar ba btud nas/ ltung ba'i sde tshan gyi ming dang / gang byung ba'i rigs smos te bshags par bya'o/ /de'i sngags ni 'di yin te/ tshe dang ldan pa dgongs su gsol/ bdag dge slong ming 'di zhes bgyi ba la ltung ba spang ba'i ltung byed kyi sde tshan las rigs 'di zhes bgyi ba'i dngos gzhi byung ste/bdag dge slong ming 'di zhes bgyi ba ltung ba de tshe dang ldan pa'i mdun du 'chags so/ /bshags na ni bdag bde ba la reg par gnas par 'gyur gyi/ ma bshags na ni mi 'gyur ro zhes lan gsum bzlas/ nyan pas ltung ba mthong ngam zhes smra zhing 'chags pas mthong ngo zhes brjod par bya/nyan pas phyin chad sdom mam zhes smra zhing / 'chags pas sdom mo zhes brjod par bya ste/ de ltar lan gsum bzlas/ de'i rjes su nyan pas thabs yin no zhes brjod par bya/ 'chags pas legs so zhes brjod par bya ste/ de tsam gyis na spang ba'i ltung byed kyi ltung ba'i dngos gzhi las ldang ngo //de ltar dngos gzhi bshags na de'i sbyor ba dang sbyor ba'i sbyor ba ni logs shig tu bshags mi dgos so/ /ltung ba bshags nas rdzas spangs shing bral bar byas pa de yang ci bder spyod do/ /gang la spangs shing bral bar byas pa des kyang rdzas de mi brnogs par phyir dbul lo//mi ster na dgug par bya'o/ /spang ba'i ltung byed phyir bcos pa'i cho ga 'di 'og ma gzhan thams cad la yang thun mong du ci rigs par sbyar ro/ /'chang ba'i spang ba ste dang po bshad zin to// //'bral ba'i spang ba'i gleng gzhi yang bcas pa dang / gnang ba'i dbang gis rnam pa gnyis te/bcas pa'i gleng gzhi ni sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong rnams la chos gos mang po nyid 'di lta bu byung ste/ dge slong dbyar gnas par khas blangs pa gang yang rung bas chos gos rnyed nas/des de bkrus shing / dras te drubs nas kha bsgyur te/ gtur pu'i bam po bsgres nas dge slong gnas pa dang gnyug mar gnas pa rnams la rjes su gtad de/ dge slong dag chos gos stod g.yogs dang smad g.yogs dang bcas pas ljongs rgyur 'dod zhing /de dag chos gos stod g.yogs smad g.yogs dang bcas pas ljongs rgyur 'dong ba na/ lus ma sbas pa dang / sbed du ma bcug par gyur to/ /dge slong gnas pa dang / gnyug mar gnas pa dag kyang chos gos de dag skems pa dang gsang ba dang / 'ding ba dang / sprug pa dang / rtul ba dang / sbed pa dag kyang byed pas bya ba mang ba dang byed pa mang bar gyur cing / lung nod pa dang / klag pa dang / kha ton dang / rnal 'byor dang / yid la bya ba dang / nang gi sems kyi zhi gnas gtong bar byed nas/ dge slong don nyung ngu dag ci'i phyir dge slong rnams la chos gos mang ba nyid 'di lta bu 'di byung zhing nyes dmigs de lta bur gyur ces smod par byed/phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/dge slong rnams la rmas nas rnam grangs du mar smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong chos gos zin pas sra brkyang phyung na gal te nub gcig kyang chos gos gsum las chos gos gang yang rung ba dang mtshams kyi phyi rol du bral bar byed na spang ba'i ltung byed do zhes bca' ba mdzad de//yul ni mnyan yod/ gang zag ni dge slong rab tu mang po/ nyon mongs pa ni chos gos stod g.yogs smad g.yogs dang bcas pas ljongs rgyu ba/ nyes pa ni rang gi lus ma sbas pa dang /gzhan gyi bya ba shor ba'o/ /gnang ba'i gleng gzhi ni/ sangs rgyas bcom ldan 'das rgyal po'i khab na 'od ma'i tshal ka lan dka'i gnas na bzhugs so/ /de'i tshe na tshe dang ldan pa 'od srungs chen po rgyal po'i khab na sde tshan ma'i phug na gso sbyong gcig pa'i gnas kyi sdom pas dge 'dun dang mthun par 'dug go//de nas dge slong rab tu mang po dag de nyid kyi gso sbyong bco lnga pa'i tshe gso sbyong gi gnas su 'dug cing mthun par gyur nas/ gtso cher tshe dang ldan pa 'od srungs chen po 'ong ba la sdod do/ /de nas tshe dang ldan pa 'od srungs chen po gso sbyong gi gnas su 'phags pa na chu klung dbyar bzang ldan rgal ba dang /chu rlabs chen po byung ba des de'i snam sbyar gsher bar gyur to/ /de nas tshe dang ldan pa 'od srungs chen pos snam sbyar de btsir ba dang / 'ding ba dang skems pa na yun ring du thogs par gyur to/ /de nas tshe dang ldan pa 'od srungs chen pos snam sbyar de btsir zhing bting ste/bskams nas gso sbyong gi gnas ga la ba der song ste phyin nas/ dge slong gi dge 'dun gyi gong du stan bshams pa nyid la 'dug go/ /de nas dge slong rab tu mang po dag gis tshe dang ldan pa 'od srungs chen po la 'di skad ces smras so/ / btsun pa 'od srungs chen pos mkhyen par mdzod cig /'di na bdag cag dge slong rab tu mang po dag gso sbyong gi gnas su 'dug cing mthun par gyur nas/ gtso cher tshe dang ldan pa 'od srungs chen po la sdod cing 'khod na/ 'di ltar tshe dang ldan pa 'od srungs chen po 'phyis par gyur to/ / smras pa/ tshe dang ldan pa dag 'di na bdag gso sbyong gi gnas su 'phags pa na chu klung dbyar bzang ldan rgal ba dang / chu rlabs chen po byung ba des bdag gi snam sbyar gsher bar gyur na/ bdag snam sbyar 'tshir ba dang / 'ding ba dang / skems pa na yun ring zhig thogs par gyur to/ /tshe dang ldan pa dag da ltar bdag dge slong 'od srungs chen po rgan po rgas pa dgog tu gyur pa lags la/bdag gi snam sbyar ni lci bas yongs su skyong bar rngo mi thogs na/ bdag gis ji ltar bgyi zhes zer ba'i skabs de dge slong rnams kyis bcom ldan 'das la gsol to/ /de'i tshe na tshe dang ldan pa shA ri'i bu 'khor de nyid du 'dug cing mthun par gyur to//de nas tshe dang ldan pa shA ri'i bus dge slong rnams la smras pa/ tshe dang ldan pa dag da ltar bdag dge slong shA ri'i bu rlung nad can lags la bdag gi snam sbyar ni lci bas yongs su skyong bar rngo mi thogs na/ bdag gis ji ltar bgyi zhes zer ba'i skabs de yang dge slong rnams kyis bcom ldan 'das la gsol to//bcom ldan 'das kyis bka' stsal pa/ dge slong dag khyed kyis dge slong 'od srungs chen po rgan po rgas pa dgog tu gyur pa dang / dge slong shA ri'i bu rlung nad can dang / gzhan yang de lta bu gang yin pa la snam sbyar dang bral bar mi 'gyur ba'i gnang ba byin cig /'di ltar sbyin par bya ste/ gnas mal bsham pa byas nas gaN+DI brdungs te/ dris pa'i tshig gis dge slong rnams la yang dag par bsgo nas/ mtshams chen por dge 'dun thams cad 'dug cing mthun par gyur pa la yang rung / dkyil 'khor par dge slong bzhi'i tshogs las mi nyung ba'i dge 'dun thams cad 'dug cing mthun par gyur pa na/ dge slong 'od srungs chen po dang shA ri'i bus mchil lham gnyis phud nas bla gos phrag pa gcig tu byas te/ rgan rims la phyag 'tshal nas rgan pa'i mtha' logs su tsog pur 'dug ste/thal mo sbyar ba btud nas dge 'dun la snam sbyar bstan te/ 'di skad ces brjod par bya'o/ /dge 'dun btsun pa rnams gsan du gsol/ bdag dge slong 'od srungs chen po rgan po rgas pa dgog tu gyur pa'am/ bdag dge slong shA ri'i bu rlung nad can lags la/ bdag gi snam sbyar ni lci bas yongs su skyong bar rngo mi thogs na/bdag dge slong 'od srungs chen po rgan po rgas pa dgog tu gyur pa'am/ bdag dge slong shA ri'i bu rlung nad can dge 'dun las snam sbyar dang bral bar mi 'gyur ba'i gnang ba gsol na/ thugs brtse ba can dge 'dun btsun pa rnams kyis thugs brtse ba'i slad du/ bdag dge slong 'od srungs chen po rgan po rgas pa dgog tu gyur pa'am/ bdag dge slong shA ri'i bu rlung nad can la snam sbyar dang 'bral bar mi 'gyur ba'i gnang ba stsal du gsol/ de bzhin du lan gnyis lan gsum du bzlas/ de ni snam sbyar dang 'bral bar mi 'gyur ba'i gnang ba gsol ba'o/ / de'i 'og tu dge slong gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong 'od srungs chen po 'di rgan po rgas pa dgog tu gyur pa'am/ dge slong shA ri'i bu 'di rlung nad can lags la 'di'i snam sbyar ni lci bas yongs su skyong bar rngo mi thogs na/dge slong 'od srungs chen po rgan po rgas pa dgog tu gyur pa'am/ dge slong shA ri'i bu rlung nad can 'di dge 'dun las snam sbyar dang 'bral bar mi 'gyur ba'i gnang ba gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong 'od srungs chen po rgan po rgas pa dgog tu gyur pa'am/ dge slong shA ri'i bu rlung nad can la snam sbyar dang 'bral bar mi 'gyur ba'i gnang ba stsol lo/ /'di ni gsol ba'o/ las ni 'di ltar bya ste/ dge 'dun btsun pa rnams gsan du gsol/dge slong 'od srungs chen po 'di rgan po rgas pa dgog tu gyur pa'am/ dge slong shA ri'i bu 'di rlung nad can lags la/ 'di'i snam sbyar ni lci bas yongs su skyong bar rngo mi thogs na/ dge slong 'od srungs chen po rgan po rgas pa dgog tu gyur pa'am/ dge slong shA ri'i bu rlung nad can 'di dge 'dun las snam sbyar dang 'bral bar mi 'gyur ba'i gnang ba gsol te/de'i slad du dge 'dun gyis dge slong 'od srungs chen po rgan po rgas pa dgog tu gyur pa'am/ dge slong shA ri'i bu rlung nad can la snam sbyar dang 'bral bar mi 'gyur ba'i gnang ba stsol na/ tshe dang ldan pa gang dag dge slong 'od srungs chen po rgan po rgas pa dgog tu gyur pa'am/dge slong shA ri'i bu rlung nad can la snam sbyar dang 'bral bar mi 'gyur ba'i gnang ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong 'od srungs chen po rgan po rgas pa dgog tu gyur pa'am/dge slong shA ri'i bu rlung nad can la snam sbyar dang 'bral bar mi 'gyur ba'i gnang ba stsal lags te/ 'di ltar cang mi gsung bas de de bzhin du 'dzin to/ /dge 'dun gyis dge slong gang yang rung ba la snam sbyar dang 'bral bar mi 'gyur ba'i gnang ba byin par gyur na/des chos gos stod g.yogs smad g.yogs dang bcas pas ljongs rgyur 'gro bar bya ste/ 'di la 'gyod par mi bya'o/ /de nas bcom ldan 'das kyis bslab pa 'dod pa rnams kyi bsngags pa brjod cing bslab pa la gus pa rnams dang / bslab pa la yo byad bsnyungs pa rnams dang /phri ba rnams dang / sbyangs pa'i yon tan rnams dang / mdzes pa rnams dang / tshod shes pa rnams kyi yon tan brjod nas/ dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin no/ / nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong chos gos zin pas sra brkyang phyung na gal te nub gcig kyang chos gos gsum las/ chos gos gang yang rung ba dang mtshams kyi phyi rol du 'bral bar byed na/ dge 'dun gyis gnang ba ma gtogs te spang ba'i ltung byed do zhes bca' ba mdzad de/yul ni rgyal po'i khab/ gang zag ni tshe dang ldan pa 'od srungs chen po dang shA ri'i bu/ nyon mongs pa ni rgas pa dang na ba/ nyes pa ni med do/ /de la dge slong zhes bya ba ni chos 'di pa'o/ /chos gos zin pas zhes bya ba ni/ dge slong gis chos gos dag bkru ba dang /dra ba dang / drub pa dang / kha bsgyur bas so/ /sra brkyang phyung na zhes bya ba la sra brkyang zhes bya ba ni dge 'dun dbyar snga ma'am/ phyi mar gnas par khas blangs nas dgag dbye byas pa'i 'og tu dge slong thams cad kyi dbyar gyi rnyed pa dang / phan yon gyi gtan pa bca' ba'i chos gos gtan pa lta bu byin gyis brlabs pa'o//phyung na zhes bya ba la sra brkyang dbyung ba'i dus ni rnam pa gnyis te/ dbyar snga mar gnas par khas blangs pas ston zla 'bring po'i nya la dgag dbye byas te/ tshes bcu drug la sra brkyang bting na ni/ de dbyung ba'i dus dpyid zla ra ba nya'o/ /dbyar phyi mar gnas par khas blangs pas ston zla tha chungs nya la dgag dbye byas te/tshes bcu drug la sra brkyang bting na ni de dbyung ba'i dus dpyid zla 'bring po'i nya'o/ /de dag gi rnam par gzhag pa zhib tu ni dbyar gyi gzhi dang dgag dbye'i gzhi dang / sra brkyang gi gzhi las 'byung ngo / /de la dge slong chos gos zin pas sra brkyang phyung na zhes bya ba la chos gos zin la sra brkyang ma phyung ba yang yod/sra brkyang phyung la chos gos ma zin pa yang yod/ chos gos zin cing sra brkyang phyung ba yang yod/ chos gos ma zin cing sra brkyang ma phyung ba yang yod do/ /de la re zhig ji tsam gyis na chos gos zin la sra brkyang ma phyung ba yin zhe na/ 'di lta ste dge slong gis chos gos dag bkru ba dang /dra ba dang / drub pa dang / kha bsgyur zin la dge 'dun gyis sra brkyang ma phyung ba yin no ji tsam gyis na sra brkyang phyung la chos gos ma zin pa yang yin zhe na/ 'di lta ste dge slong gis chos gos dag bkru ba dang / dra ba dang / drub pa dang / kha bsgyur te ma zin la dge 'dun gyis sra brkyang phyung ba yin no//ji tsam gyis na chos gos zin cing sra brkyang phyung ba yin zhe na/ 'di lta ste dge slong gis chos gos dag bkru ba dang / dra ba dang / drub pa dang / kha bsgyur zin cing dge 'dun gyis sra brkyang phyung ba yin no/ /ji tsam gyis na chos gos ma zin cing sra brkyang ma phyung ba yin zhe na/rnam pa de dag ma gtogs pa'o/ /'dir ni sra brkyang phyung ba yan lag gi gtso bor bzhed do/ /gal te nub gcig kyang zhes bya ba ni nub gcig gi mthar yang ngo / /chos gos gsum las chos gos gang yang rung ba dang zhes bya ba ni snam sbyar dang / bla gos dang / mthang gos las gang yang rung ba dag go//mtshams kyi phyi rol du 'bral bar byed na zhes bya ba ni gzhan du skya rengs 'char bar byed na'o/ /dge 'dun gyis gnang ba ma gtogs te zhes bya ba ni dge 'dun gyis gnang ba gzhag ste'o/ /spang ba'i ltung byed do zhes bya ba ni/ dngos po de spangs nas ltung byed kyi ltung ba bshags par bya ba ste/des na spang ba'i ltung byed do zhes gsungs so/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la 'di'i dngos gzhi'i ltung ba rnam par gzhag pa ni dge slong gnang ba ma thob pas chos gos byin gyis brlabs pa dang / gnas nye 'khor dang bcas pa nas zhag gcig bral na/ 'bral ba'i spang ba'i ltung byed kyi dngos gzhir 'gyur ro/ /dge slong la 'bral ba'i spang ba'i ltung ba byung na de ma spangs shing bral bar ma byas pa/ltung ba ma bshags par ram/ spangs shing bral bar ma byas la ltung ba ma bshags par ram/ spangs shing bral bar byas la ltung ba ma bshags par chos gos byin gyis brlab tu rung ba gzhan zhig rnyed na de yang snga ma'i shugs kyis spang bar 'gyur te/de las ltung bar ni mi 'gyur ro/ /dge slong gis 'bral ba'i spang ba'i ltung byed byung la ji srid du spang ba'i dngos po de las ma bshags shing so sor ma bshags par lhung bzed dam/ chos gos sam/ dra ba'am/ phor bu'am/ ska rags sam/ dge slong gi 'tsho ba'i yo byad gang yang rung ba gzhan nye bar 'jog na de yang snga ma'i shugs kyis spang bar 'gyur te/de las ltung bar ni mi 'gyur ro/ /dge slong gis dge 'dun la mnga' ba'i chos gos gang zag gi bdag nyid du ris su bcad pa rang gis byin gyis brlabs pa dang bral na/ 'bral ba'i spang ba'i ltung byed kyi dngos gzhir 'gyur ro//dge slong gis dge 'dun mnga' ba'i chos gos gang zag gi bdag nyid du ris su ma bcad pa rang gis byin gyis brlab pa dang bral na spang bar ni mi bya la ltung byed du 'gyur ro/ /chos gos bzang ngan dang mang nyung la na smad pa med do/ /chos gos rung ba dang / tshad dang ldan pa nyid dang /tshad las lhag pa la na smad pa med do/ /chos gos dam dum du gyur pa la na smad pa med do/ /gos zhag bcu 'das pa'i spang ba la thug pa la na smad pa med do/ /dge 'dun gyis rang gi byin gyis brlabs pa la na smad pa med do/ /'di'i byed pa po ni byin gyis brlabs pa dang / gnang ba ma thob pa'o/ / 'di la yan lag lngas dngos gzhi'i ltung bar 'gyur te/ gnang ba ma thob pa dang / byin gyis brlabs pa dang / chos gos rung ba dang / gnas nye 'khor dang bcas pa dang / zhag gcig bral ba'o/ /de dag las yan lag ma tshang na ci rigs par na smad do/ /gnang ba ma thob pa dag ni chos gos dang mi 'bral ba'i gnang ba dge 'dun las ma thob pa ste/rgan po dang nad pas gsol te/ dge 'dun gyis byin na 'thob kyi gzhan gyis ni mi 'thob bo/ /byin gyis brlabs pa ni chos gos gsum ste/ dam dum dang / spang ba dang / dge 'dun gyi rdzas la yang byin kyis brlabs pa 'chags so/ / chos gos rung ba ni rgyu dag rung ba dang tshad dang ldan pa'o/ /gnas nye 'khor dang bcas pa ni mtshan nyid 'og nas 'byung ba lta bu'o/ /zhag gcig bral ba ni mtshams gzhan du skya rengs 'char ba'o/ /gnas nye 'khor dang bcas pa zhes smos pa ni/ 'dir zlos pa tsam la gnas pa mi bzhed de/ / de'i phyir 'di man chad gnas de'i mtshan nyid bstan par bya'o/ /de'i phyir rnam par 'byed pa'i bar sdom las/ khyim gcig pa dang khyim gnyis dang / /khyim gyi tshogs dang ldan pa dang / /rtsig pa rib ma 'obs bskor dang / /rnam bzhir bya ba grong dang khyim/ /sten 'gro mu stegs tshong rdal dang //tshong khang dgra khang g.yul dang ni/ /g.yul tshoms gru dang shing rta dang / /shing ljon kun dga' ra ba yin/ /lam du 'gro sdod 'dug nyal dang / /thad kar yang ni de bzhin nyid/ /mtshams gzhan nyal ba tha ma yi/ /sde tshan yang dag bsdus pa yin/ /zhes gsungs pa'i rim gyis khyim gcig dang ldan pa'i grong dang /khyim gnyis dang ldan pa'i grong dang / khyim gyi tshogs dang ldan pa'i grong dang / rtsig pas bskor ba'i grong dang / rib mas bskor ba'i grong dang / 'obs kyis bskor ba'i grong dang / rnam bzhir bya ba'i grong nye 'khor gcig pa dang / grong nye 'khor tha dad pa dang / grong rab tu mang po nye 'khor gcig pa dang / grong rab tu mang po nye 'khor tha dad pa dang / khyim nye 'khor gcig pa dang / khyim nye 'khor tha dad pa dang / khyim rab tu mang po nye 'khor gcig pa dang / khyim rab tu mang po nye 'khor tha dad pa dang / sten 'gro'i khyim nye 'khor gcig pa dang / sten 'gro'i khyim nye 'khor tha dad pa dang /sten 'gro'i khyim rab tu mang po nye 'khor gcig pa dang / sten 'gro'i khyim rab tu mang po nye 'khor tha dad pa dang / mu stegs can gyi khyim nye 'khor gcig pa dang / mu stegs can gyi khyim nye 'khor tha dad pa dang / mu stegs can gyi khyim rab tu mang po nye 'khor gcig pa dang /mu stegs can gyi khyim rab tu mang po nye 'khor tha dad pa dang / tshong rdal nye 'khor gcig pa dang / tshong rdal nye 'khor tha dad pa dang / tshong rdal rab tu mang po nye 'khor gcig pa dang / tshong rdal rab tu mang po nye 'khor tha dad pa dang / tshong khang nye 'khor gcig pa dang / tshong khang nye 'khor tha dad pa dang /tshong khang rab tu mang po nye 'khor gcig pa dang / tshong khang rab tu mang po nye 'khor tha dad pa dang / dgra khang nye 'khor gcig pa dang / dgra khang nye 'khor tha dad pa dang / dgra khang rab tu mang po nye 'khor gcig pa dang / dgra khang rab tu mang bo nye 'khor tha dad pa dang / g.yul nye 'khor gcig pa dang / g.yul nye 'khor tha dad pa dang / g.yul rab tu mang po nye 'khor gcig pa dang / g.yul rab tu mang po nye 'khor tha dad pa dang / g.yul gyi tshoms nye 'khor gcig pa dang / g.yul gyi tshoms nye 'khor tha dad pa dang / g.yul gyi tshoms rab tu mang po nye 'khor gcig pa dang /g.yul gyi tshoms rab tu mang po nye 'khor tha dad pa dang / gru nye 'khor gcig pa dang / gru nye 'khor tha dad pa dang / gru rab tu mang po nye 'khor gcig pa dang / gru rab tu mang po nye 'khor tha dad pa dang / shing rta nye 'khor gcig pa dang / shing rta nye 'khor tha dad pa dang /shing rta rab tu mang po nye 'khor gcig pa dang / shing rta rab tu mang po nye 'khor tha dad pa dang / shing ljon pa nye 'khor gcig pa dang / shing ljon pa nye 'khor tha dad pa dang / shing ljon pa rab tu mang po nye 'khor gcig pa dang / shing ljon pa rab tu mang po nye 'khor tha dad pa dang / kun dga' ra ba nye 'khor gcig pa dang /kun dga' ra ba nye 'khor tha dad pa dang / kun dga' ra ba rab tu mang po nye 'khor gcig pa dang / kun dga' ra ba rab tu mang po nye 'khor tha dad pa dang / lam du 'gro ba la sogs pa dang / thad kar 'gro ba la sogs pa dang / mtshams gzhan dag gi gnas su thun mong dang / thun mong ma yin pa'i bye brag gis dge slong chos gos dang mi 'bral ba dang / 'bral ba'i ltung ba nyid rnam par gzhag pa'i bye brag rgya cher bstan to/ /khyim gcig dang ldan pa'i grong la sogs pa ji skad smos pa de dag la/ las kyi mtshams rnams bcad pa dang / rtsig pa dang / rib ma dang / 'obs kyis bskor ba la sogs pa dang /chu klung dang / ngam grog dang / nam mkhas chod pa la sogs pa mtshams byas pa la ni mtshams gnas kyi mtha'o/ /mtshams ma byas pa la ni bdag po gcig pa nyid ma yin pa'i bar gyi mtshams rnams ni tha dad pa nyid do/ /bdag po nor las dad pa tha dad pa dang / lta ba las dad pa tha dad pa rnams kyi bar gyi mtshams rnams kyang tha dad pa nyid do//bdag po chos 'di pa dang chos gzhan pa dag ni lta ba las dad pa tha dad pa nyid yin pas de dag gi bar gyi mtshams rnams kyang tha dad pa nyid do/ /bdag po pha dang bu nor tha dad pa dag gis nor las dad pa tha dad pa nyid yin pas de dag gi bar gyi mtshams rnams kyang tha dad pa nyid do//bdag po pha'am bu gang yang rung ba lhung bzed khas phub pas sam/ khrims su bya bas spangs pa dang ma spangs pa dag ni pha dang bu nor las dad pa tha dad pa nyid dang 'dra bas de dag gi bar gyi mtshams rnams kyang tha dad pa nyid do/ /mtshams tha dad pa de dag la dge slong gis chos gos nang du gzhag ste/bdag phyi rol du skya rengs 'char bar byed dam/ bdag nang du 'dug ste chos gos phyi rol du skya rengs 'char bar byed na spang ba'i ltung byed du 'gyur ro/ /khyim gcig dang ldan pa'i grong la sogs par ji skad smos pa de dag la nang dang nye 'khor thun mong ba dang /grong nye 'khor gcig pa la lha'i gnas thun mong ba dang / khyim nye 'khor tha dad pa la sgo thun mong ba dang / sten 'gro'i khyim nye 'khor tha dad pa la rgyal mtshan gyi shing thun mong ba dang / mu stegs can gyi khyim nye 'khor tha dad pa la lha'i gnas tha dad pa thun mong ba dang / tshong rdal nye 'khor tha dad pa la gzhag stegs thun mong ba dang / tshong khang nye 'khor tha dad pa la 'dug stegs thun mong ba dang / dgra khang nye 'khor tha dad pa la ya gad thun mong ba dang / g.yul nye 'khor tha dad pa la g.yul gyi dbus thun mong ba dang / g.yul gyi tshogs nye 'khor tha dad pa la sgo thun mong ba dang /gru nye 'khor tha dad pa la gru gdong thun mong ba dang / shing rta nye 'khor tha dad pa la kha lo ba'i gnas thun mong ba dang / shing ljon pa nye 'khor tha dad pa la rtsa ba thun mong ba dang / kun dga' ra ba nye 'khor tha dad pa la khron pa thun mong ba dang / de dag thams cad la yang sgo yang thun mong ba dag la ni thun mong gi gnas ni mtshams gcig pa yin la de las gzhan pa ni mtshams tha dad pa yin pas mtshams tha dad pa de dag la dge slong gis chos gos thun mong gi gnas su gzhag ste/bdag thun mong ma yin par skya rengs 'char bar byed dam/ bdag thun mong gi gnas su 'dug ste/chos gos thun mong ma yin pa'i gnas su skya rengs 'char bar byed na spang ba'i ltung byed du 'gyur ro/ /shing ljon pa la yal ga dang yal ga phra mo dag ma reg pa ni gnas tha dad pa nyid do/ /rtsa ba dang rtsa ba'i rtsa ba la sogs pa ni thun mong ste gnas gcig pa nyid do/ /yal ga dang lo ma reg pa'i shing ljon pa rnams kyang thun mong ste gnas gcig pa nyid do//shing ljon pa de'i cha 'og mar dpyangs pa dang / bla gab kyi cha 'og mar dpyangs pa dang / gru dang shing rta dag gi cha 'og mar dpyangs pa yang thun mong ste gnas gcig pa nyid do/ /khang khyim la sogs pa lta bu'i mtshams med pa dgon pa la sogs pa lta bu'i gnas la ni lus kyi yan lag gis khyab pa mtha' nyid de/de tshun chad gnas gcig pa nyid do/ /phyogs thams cad du shing ljon pa'i yal ga nyid dang / lo ma la sogs pa 'brel pa dang / grong khyer gyi steng la sogs pa 'brel pa dang / thag pas 'brel pa la sogs pas khyab pa'i gnas su ni dbus nas rgyang grags kyi mtha' phan chad ni tha dad pa nyid do//lta ba dang mtshan mthun pa gzhan gnas pas dge slong gi mtshams mi nyams so/ /shing ljon pa la sogs pa la de dag la gnas tha dad pa ni mtshams su ma gtogs la/ gnas gcig pa nyid ni mtshams su gtogs pas/gnas tha dad pa de dag la dge slong gis chos gos gnas tha dad par gzhag ste/ bdag gnas gcig par skya rengs 'char bar byed dam/ bdag gnas tha dad par 'dug ste/ chos gos gnas gcig par skya rengs 'char bar byed na spang ba'i ltung byed du 'gyur ro/ / gnas bstan nas/ da ni gnas de'i nye 'khor brjod par bya ste/ nye 'khor ni rnam pa gnyis te brtsam du rung ba nyid kyi nye 'khor dang / nyes par spyod pa nyid kyi nye 'khor ro/ /de la brtsam du rung ba nyid kyi nye 'khor ni thams cad la yang kho ra khor yug tu 'dom re re'o/ /grong gi bye brag gsum gyi gzhi las ni brtsam du rung ba nyid kyi nye 'khor gyi bye brag ris su chad pa dang /bsgrub pa zhes bya ba dag yod do/ /de la rtsig pas bskor ba'i grong la ni ji tsam du ba lang drug dang ldan pa'i shing rta smyig ma can gyi lam gyis khyab pa'am/ bya gag spar nas 'dug pa'i lam gyis khyab pa nye 'khor ro/ / rib mas bskor ba'i grong la ni ra lug gi rdul gyi lam gyis khyab pa'am/ mi rang bzhin gyi ngo tsha dang ldan pa'i bshang ba'i lam gyis khyab pa nye 'khor ro/ /'obs kyis bskor ba'i grong la ni/ skas gdang bu gcig pa'i srid kyi lam gyis khyab pa'am/ phyag dar bor ba'i bong ba rags pa 'dril ba'i lam gyis khyab pa nye 'khor ro//grong gi bye brag gsum gyis gzhi las nye 'khor gyi bye brag de dag las/ rtsig pas bskor ba'i grong gi nye 'khor rnam pa gnyis dang / 'obs kyis bskor ba'i grong gi nye 'khor dang po shos ni ris su bcad pa'i nye 'khor yin no/ /rib mas bskor ba'i grong gi nye 'khor rnam pa gnyis dang /'obs kyis bskor ba'i grong gi nye 'khor 'og ma shos ni bsgrub pa'i nye 'khor yin te/ de dag ni brtsam du rung ba nyid kyis gnas kyi khongs su gtogs pa zhes bya ba'i nye 'khor ro/ /nye bar spyod pa nyid kyis gnas dang nye bar gyur pa'i nye 'khor ni gnas de'i 'phral gyi bya ba dang /'gro ba dang / 'dug pa dang / rdul de dag gis der gtogs pa khyab pa ste/ lung las khyim la sogs pa gang na de dag 'drub dang / rdo ba dang / 'thag pa dang / khye'u sus byed pa la sogs pa ni nye 'khor ro zhes gsungs pa yin no/ /mtshams med pa'i lam du dge slong dang chos gos khyer ba tha dad du ma yin par 'gro ba la ni snga phyir 'dom bzhi bcu rtsa dgu tshun chad nye 'khor ro//g.yas g.yos su ni skye bo dag gis lam gcig tu gtogs par shes pa de tshun chad nye 'khor ro/ /nam mkha' dang chu la sogs pas chod pa mtshams gzhan ni drung na 'dug kyang nye 'khor ma yin no//grong gi nye 'khor du gtogs pa ni gtsug lag khang gi nye 'khor nyid ma yin te/ dper na grong gi nye 'khor du mtshams gcod par byed na yang mtshams su mi 'gyur la/ mtshams su gyur zin pa'i nang du grong gi nye 'khor zhig phyis byung na yang de nyi tshe mtshams su ma gtogs par khol du byung ba lta bu'o//de ltar nye 'khor ji skad bstan pa de dag ni gnas kyi khongs su gtogs pa la/ de las gzhan pa ni gnas su ma gtogs pa nyid yin pas dge slong gis chos gos nye 'khor du gzhag ste/ bdag phyi rol du skya rengs 'char bar byed dam/ bdag nye 'khor du 'dug ste/ chos gos phyi rol du skya rengs 'char bar byed na spang ba'i ltung byed du 'gyur ro//sbyor ba'i ltung ba ni nyes byas te/ ji srid du zhag gcig 'bral ba'i spang ba'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//chos gos rung ba ma yin pa dang / tshad pas chung ba byin gyis brlabs pa dang bral ba la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed do/ /sbyor ba nyes byas kyi sbyor ba'i sbyor ba yang nyes byas te nyes byas phra mo'o//de yang dang po yid la sems pa ni sbyor ba'i sbyor ba'i nyes byas phra mo'o/ /de nas lus dang ngag gis sbyor ba ni sbyor ba'i nyes byas so/ /de nas mthar thug pa ni spang ba'i ltung byed kyi dngos gzhi'o zhes bya bar shes par bya'o/ /ltung ba med pa ni gnang ba thob pa dang / byin gyis ma brlabs pa dang /zhag gcig ma bral ba la ltung ba med do/ /sra brkyang bting ba ma phyung ba la ltung ba med do/ /gding ba dang bral ba la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du 'bral ba'i spang bar 'gyur ba rnam pa thams cad mi bsten par bslab par bya'o//gal te deng nyid phyir ldog cing gnas par bya'o snyam pa med na ni gding ba gzhag ste 'gro bar mi bya'o/ /de ltar bsams te song nas dus ma 'byor na de brnyas te der gnas par bya'o/ / ma rnyed na bla gos bzhi ltab tu byas pa'i sting du yun ring du mi nyal bar mtshan mo 'da' bar bya'o/ /gnas gang na dge slong med pa dang / sgo glegs med pa der snam sbyar gzhag par mi bya'o/ /snam sbyar gzhag par mi 'os pa'i gnas su dbyar gyi gos ras chen yang gzhag par mi bya ste/ char 'bab na dbyar gyi gos ras chen gzhag ste 'gro bar mi bya'o//chu [(]glung [,]klung [)]gis chod par 'gro na yang dbyar gyi gos ras chen mi gzhag go/ /char pa 'bab pa dang / chu klung gis chod pa de nyid yod par dogs pa'i gnas su 'gro na yang dbyar gyi gos ras chen mi gzhag go/ /dge slong dang bcas pa nyid dang / sgo glegs dang bcas pa nyid du bcas pa'i gnas med pa dang /char 'bab pa dang / char 'bab par dogs pa med pa dang / bgrod par bya ba chu klung gis chod pa lta bu med na snam sbyar gzhag ste gar yang 'gro bar mi bya'o/ /de dag yod na yang gnang ba ma byin pa dang / sra brkyang ma bting bas snam sbyar med par gar yang 'gro bar mi bya'o//gal te dge slong char pa 'bab pa la sogs pa'i rkyen gyis snam sbyar med par grong gzhan du 'gro zhing / nyi ma de nyid la gnas su phyin par mi 'gyur na chos gos kyi sngags phyung ste rang gi gos gzhan nam/ khyim pa yan chad kyi gos sam/ gzhan las brnyas pa la yang byin gyis brlab par bya'o//de'i cho ga ni las spyir bstan pa las chos gos dbyung ba dang byin gyis brlab pa ni nye bar mi gnas na/ yid kyis rnam par brtag pas 'chags so zhes 'byung ba yin te/ chos gos byin gyis brlab pa ni dge slong gzhan nye bar mi gnas na chos gos nye bar gnas pa rang gi yid kyis rnam par brtag pas 'chags so//chos gos dbyung ba la ni chos gos nye bar mi gnas na dge slong gzhan nye bar gnas pa la yang rung / dge slong gzhan yang nye bar mi gnas na rang gi yid kyis rnam par brtag pas 'chags te/ de bas na chos gos nye bar mi gnas kyang dbyung ba grub pa kho nar 'gyur ro//de'i cho ga dang sngags ni ji ltar dge slong gzhan dang chos gos nye bar gnas pa la byin gyis brlab pa dang dbyung ba de ltar dge slong gzhan dang / chos gos nye bar mi gnas pa la yang rang gi yid kyis rnam par brtags te gzhag par bya'o/ /'dir gzhung ni dge slong dag lnga po 'di dag ni sems bskyed pas 'grub pa yin te/gso sbyong dang / dgag dbye dang / chos gos byin gyis brlabs pa dang / chos gos dbyung ba dang / gang zag gis mgron du bos pa'o zhes gsungs pa yin no/ /snam sbyar lci ba nyid yin na/ rgan po dang nad pa la sogs pa dag la mi 'bral ba'i gnang ba sbyin no//de'i cho ga ni sngar gleng gzhi'i skabs su tshe dang ldan pa 'od srungs chen po dang / shA ri'i bu byung ba'i mtha' logs su bstan pa bzhin du bya'o/ /phyir bcos pa ni snga ma bzhin no/ /'bral ba'i spang ba ste gnyis pa bshad zin to// //so sor thar pa'i mdo rgya cher 'grel pa 'dul ba kun las btus pa/bam po bcu pa/ 'jog pa'i spang ba'i gleng gzhi ni sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyis kun dga' ra ba na bzhugs so/ /de'i tshe na dge slong rnams la gos mang ba nyid 'di lta bu 'di byung ste/ dge slong gang yang rung bas gos sngon po zhig rnyed na des de byed du mi 'jug par gnas gang gi tshe 'di dang 'dra ba rnyed par gyur ba/de'i tshe gos byed du gzhug go snyam du re bas de 'jog par byed cing / sngon po ji lta ba bzhin du ser po dang / dmar po dang / stug po dang srab mo yang de bzhin nas dge slong don nyung ngu dag ci'i phyir dge slong rnams la gos mang ba nyid 'di lta bu 'di byung ste/dge slong gang yang rung bas gos sngon po zhig rnyed na des de byed du mi 'jug par de gang gi tshe 'di dang 'dra ba rnyed par gyur pa de'i tshe gos byed du gzhug go snyam du re bas de 'jog par byed cing sngon po ji lta ba bzhin du ser po dang /dmar po dang / stug po dang / srab mo yang de bzhin no zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/dge slong rnams la rmas nas rnam grangs du mar smad de bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong chos gos zin pas sra brkyang phyung na dus ma yin pa'i gos zhig rnyed la 'dod na dge slong des gos de blang bar bya'o//blangs nas gal te langs na myur ba kho nar gos su byas te bcang bar bya'o/ /gal te mi langs la kha ma langs pa kha skong ba'i gos la re ba yod na dge slong des gos de zla ba gcig gi mthar gzhag par bya'o/ /de las 'das par 'jog na spang ba'i ltung byed do zhes bca' ba mdzad de/yul ni mnyan yod/ gang zag ni dge slong rab tu mang po/ nyon mongs pa ni zang zing la gdu ba/ nyes pa ni gos kyi kha sogs 'jog pa'o/ /de la dge slong zhes bya ba ni chos 'di pa'o/ /chos gos zin pas zhes bya ba ni dge slong gis chos gos dag bkru ba dang /dra ba dang / drub pa dang / kha bsgyur bas so/ /sra brkyang phyung na zhes bya ba la sra brkyang zhes bya ba ni dge 'dun dbyar snga ma'am/ phyi mar gnas par khas blangs nas dgag dbye byas pa'i 'og tu dge slong thams cad kyi dbyar gyi rnyed pa dang phan yon gyi gtan pa bca' ba'i chos gos gtan pa lta bu byin gyis brlabs pa'o//phyung na zhes bya ba la sra brkyang phyung ba'i dus ni rnam pa gnyis te/ dbyar snga mar gnas par khas blangs pas ston zla 'bring po nya la dgag dbye byas te/ tshes bcu drug la sra brkyang bting na ni de dbyung ba'i dus dpyid zla ra ba nya'o/ /dbyar phyi mar gnas par khas blangs pas ston zla tha chungs nya la dgag dbye byas te tshes bcu drug la sra brkyang bting na ni de dbyung ba'i dus dpyid zla 'bring po nya'o//de dag gi rnam par gzhag pa zhib tu ni dbyar gyi gzhi dang / dgag dbye'i gzhi dang / sra brkyang gi gzhi las 'byung ngo / /de la dge slong chos gos zin pas sra brkyang phyung na zhes bya ba la chos gos zin la sra brkyang ma phyung ba yang yod/sra brkyang phyung la chos gos ma zin pa yang yod/ chos gos zin cing sra brkyang phyung ba yang yod/ chos gos ma zin la sra brkyang ma phyung ba yang yod do/ /de la re zhig ji tsam gyis na chos gos zin la sra brkyang ma phyung ba yin zhe na/'di lta ste/ dge slong gis chos gos dag bkru ba dang / dra ba dang / drub pa dang / kha bsgyur zin la dge 'dun gyis sra brkyang phyung ba ma yin no/ /ji tsam gyis na sra brkyang phyung la chos gos ma zin pa yin zhe na/ 'di lta ste/ dge slong gis chos gos dag bkru ba dang / dra ba dang / drub pa dang / kha bsgyur ma zin pa la dge 'dun gyis sra brkyang phyung ba yin no//ji tsam gyis na chos gos zin cing sra brkyang phyung ba yin zhe na/ 'di lta ste/ dge slong gis chos gos dag bkru ba dang / dra ba dang / drub pa dang / kha bsgyur zin cing dge 'dun gyis kyang sra brkyang phyung ba yin no/ /ji tsam gyis na chos gos ma zin cing sra brkyang ma phyung ba yin zhe na/rnam pa de dag ma gtogs pa'o/ /'dir ni sra brkyang phyung ba la yan lag gi gtso bor bzhed do/ /dus ma yin pa'i gos shig ces bya ba la dge slong gi gos kyi dus ni gang yin/ dus ma yin pa ni gang yin zhe na/ sra brkyang bting ba'i gnas na ni ston zla 'bring po nya nas dpyid zla ra ba'i nya'i bar gyi zla ba de dag ni gos kyi dus yin la de phan chad ni dus ma yin no//sra brkyang ma bting ba'i gnas na ni thams cad dus ma yin no/ /rnyed pa zhes bya ba ni gzhan las so/ /'dod na zhes bya ba ni gal te don du gnyer na'o/ /dge slong des gos de blang bar bya'o zhes bya ba ni bdag gir bya ba'o//gal te langs na zhes bya ba ni gal te chog na'o/ /myur ba kho nar gos su byas te bcang bar bya'o zhes bya ba ni mi brkyang ba kho nar byin gyis brlab tu rung bar byas te'o/ /gal te mi langs la zhes bya ba ni gal te mi chog la'o/ /kha ma langs pa kha skong ba'i zhes bya ba ni snam sbyar ram/bla gos sam/ mthang gos kha ma langs pa kha skong ba'i'o/ /gos la re ba yod na zhes bya ba ni dge slong ma las bdag la gos sbyin pa'i re ba'am/ pha'am phu nu'am/ sring mo'am/ slob dpon nam/ mkhan pos bdag la gos sbyin pa'i re ba'am/ lo lnga'i dus ston gyi tshe'am/lo drug gi dus ston gyi tshe'am/ gtsug phud 'breg pa'i dus ston gyi tshe'am/ gnas khang gi dus ston gyi tshe'am/ dus ston chen po'i tshe rnyed du re ba yod na'o/ /dge slong des gos ras chen zla ba gcig gi mthar gzhag par bya'o zhes bya ba ni zla ba gcig gi mtha' tshun chad du'o/ /de las 'das par 'jog na zhes bya ba ni de las thal bar ro//spang ba'i ltung byed do zhes bya ba ni dngos po de spang pa'i ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang /ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gos kha bskang ba la re ba yod pa dang / byin gyis brlab par bya ba'i chos gos gsum med pas gos chung ba khru gang yan chad pa zhag sum cu 'das par 'jog na 'jog pa'i spang ba'i ltung byed kyi dngos gzhir 'gyur ro//gos kha bskang bar bya ba'i re ba med pa dang / byin gyis brlab par bya ba'i chos gos gsum yod pa ni gos chung ba khru gang yan chad pa de 'khor gsum khebs pa'i tshad du 'jog pa dang 'dra bas zhag sum cu 'das par 'jog tu mi dbang ste/zhag bcu 'das na 'chang ba'i spang ba sngar bstan pa nyid kyi dngos gzhir 'gyur ro/ /kha dog la sogs pa las rigs mi mthun pa ni chog pa nyid ma yin te/ des na gos kyi kha sogs chung ba khru gang yan chad pa ni de'i kha skong ba kha dog sngon po dang /ser po dang / dmar po dang / de dag gi bye brag las byas pa las rigs mi mthun pa dang / rgyu dag pa la gos dang ras gos la sogs pa dang / de dag gi bye brag las byas pa la rigs mi mthun pa gzhan rnyed cing sngar gzhag pa dang / phyis rnyed pa bsdongs nas 'khor gsum khebs pa'i tshad yin du zin kyang de 'khor gsum khebs pa'i tshad du chog pa nyid ma yin pas zhag bcu 'das na 'chang ba'i spang bar mi 'gyur ro//dkar po nyid ni kha dog thams cad pa nyid yin te/ des na kha sogs kyi gos mang ba nyid sngon po la sogs pa gzhag pa la kha skong ba'i gos dkar po ras chen rnyed pa dang /kha sogs kyi gos dkar po gzhag pa la kha skong ba'i gos sngon po la sogs pa rnyed pa ni rigs mi mthun pa ma yin pas de gnyis bsdongs na 'khor gsum khebs pa'i tshad du langs pa ni zhag bcu 'das pa dang 'chang ba'i ltung ba spang ba'i dngos gzhir 'gyur ro/ /de rnyed na zhag bcu pa de'i dang po la bag la glon pa nyid yin te/des na kha sogs kyi gos gzhan pa gang yin pa de dang rigs mthun pa kha skong ba'i gos de rnyed na kha sogs kyi gos gzhag pa dang 'brel pa'i dus kyi zhag bcu pa dang po'am/ gnyis pa'am/ gsum pa'am gang dag yin pa'i zhag bcu pa'i skabs de'i dang po de la kha skong ba'i gos phyis rnyed pa de dang /kha sogs kyi gos sngar gzhag pa de nyid so so na 'dug kyang bla ste/ de de'i bag la glon pa nyid yin no/ /de yang gal te de'i tshe bag la glon pa nyid yin na 'khor gsum khebs pa'i tshad du chog pa nyid yin na ni de'i tshe zhag bcu pa de nyid la byin gyis brlab par bya'o//gal te byin gyis ma brlabs na zhag bcu 'das na 'chang ba'i spang ba'i ltung byed du 'gyur ro/ /ji ste de gnyis bsdoms kyang 'khor gsum khebs pa'i tshad du ma chog pa nyid yin na ni/ de'i tshe na phyis rnyed pa de yang sngar gzhag pa dang 'dra bar zla ba gcig pa'i khongs su gtogs pa yin te/ sngar gzhag pa de'i shan gyi dbang gis phyi ma de snga ma'i bag la glon pa nyid yin pa'i phyir phyi ma de la yang zla ba gcig pa'i de nyid rnam par gzhag par rig par bya'o/ /zla ba gcig pa'i spang ba 'di la zhag bcu pa dang po dang / gnyis pa dang / gsum pa dag ni shan gyi phyir phan tshun ltos pa med do/ /de ltar yang gzhung las gal te dge slong gis kha sogs kyi gos kyi khru gang gi tshad gcig bzhag nas zhag bcu gcig pa la kha bskang brnyed de chog na ni zhag bcu pa gnyis pa de nyid kyi nang rol du byin gyis brlab par bya ba'am/gtang bar bya'o/ /gal te byin gyis rlob par mi byed dam/ gtong bar mi byed na zhag nyi shu gcig pa la spang ba'i ltung byed du 'gyur ro zhes gsungs pa yin no/ /dge slong la 'jog pa'i spang ba'i ltung byed du byung na de ma spangs shing bral bar ma byas la ltung ba ma bshags par ram/ spangs shing bral bar ma byas la ltung ba ma bshags par ram/ spangs shing bral bar byas la ltung ba ma bshags par gos zla ba gcig par gtogs pa de lta bu gzhan zhig rnyed la de yang snga ma'i shugs gyis spang bar 'gyur te/de las ltung bar ni mi 'gyur ro/ /dge slong gis 'jog pa'i spang ba'i ltung byed byung la/ ji srid du spong ba'i dngos po las ma bshags shing so sor ma bshags par lhung bzed dam/chos gos sam/ dra ba'am/ phor bu'am/ ska rags sam/ dge sbyong gi 'tsho ba'i yo byad gang yang rung ba gzhan nye bar 'jog na de yang snga ma'i shugs kyis spang bar 'gyur te/ de las ltung bar ni mi 'gyur ro/ /dge slong gis dge 'dun mnga' ba'i rdzas gang zag gi bdag nyid du ris su bcad pas zla bas spangs par gtogs pa zhag sum cu gcig pa'i skya rengs las 'das par byas na/'jog pa'i spang ba'i ltung byed kyi dngos gzhir 'gyur ro/ /rdzas bzang ngan dang / mang nyung la na smad pa med do/ /gdong phyis dang chu tshags dang / stan dbyam dang / dre'u rngog la sogs pa yo byad kyi gos byin gyis ma brlabs pa dag la na smad pa med do//gos rung ba nyid dang / tshad dang ldan pa dang / tshad las lhag pa la na smad pa med do/ /'di'i byed pa po ni gos kha bskang ba la re ba yod pa dang / byin gyis brlab par bya ba'i chos gos gsum med pa'o/ /'di la yan lag lngas dngos gzhi'i ltung bar 'gyur te/gos kha bskang ba la re ba yod pa dang / byin gyis brlab par bya ba'i chos gos gsum med pa dang / gos kyi tshad khru gang yan chad dang zhag sum cu 'das pa'o/ /de dag la yan lag ma tshang na ci rigs par na smad do/ /'di man chad ni gos ji lta bu dang / tshad ji tsam la byin gyis brlab pa 'chags par 'gyur ba dang /de las bzlog pa la spang bar 'gyur ba spyir bstan pa brjod par bya'o/ /de'i phyir sar pa las snam sbyar gyi mtha' ni nyis rim mo zhes bya ba gsungs te/ sar pa zhes bya ba ni gang dus tshigs gsum po dag la dus tshigs gcig gis rangs par ma spyad pa ste/ de las snam sbyar byed na snam sbyar de'i rim pa'i tshad kyi mtha' ni nyis rim mo/ /gding ba'i yang ngo zhes bya ba yang snga ma sar pa las byed na de'i rim pa'i tshad kyi mtha' ni nyis rim mo/ /bla gos dang mthang gos gnyis kyi ni chig rkyang ngo zhes bya ba ni bla gos dang / mthang gos gal te sar pa las byed na de/ gnyis kyi rim pa'i tshad kyi mtha' ni chig rkyang ngo / /'dir gzhung ni gal te dge slong des bcag pa dang / kha bsgyur ba dang btsem par nus na gos de las snam sbyar dang / gding ba ni nyis rim du bya'o/ /bla gos dang / mthang gos ni chig rkyang du bya'o zhes gsungs pa yin no/ /dus tshigs su spyad pa las ni nyis 'gyur du bya'o zhes bya ba ni gal te gos dus tshigs gcig tu spyad pa las de dag byed na/snam sbyar dang gding ba ni bzhi rim du bya'o/ /bla gos dang mthang gos ni nyis rim du bya'o zhes bya ba'i tha tshig go/ /'dir gzhung ni dus tshigs su spyad pa'i chos gos ni bgo zas chung ba yin te/ dus tshigs gsum po dag las dus tshigs gang yang rung ba las gcig tu spyad pa'o zhes gsungs pa yin no/ /phyag dar khrod las byas pa dag la ni nges pa med do zhes bya ba ni phyag dar khrod las byas pa'i gos dag la ni rim pa dag nges pa med do/ /'dir gzhung ni phyag dar khrod la ni ji tsam 'dod par bya'o zhes gsungs pa yin no//rnying pa nyid dang dengs pa nyid las ni ci dgos pa lhag par sbyar ro zhes bya ba ni phyag dar khrod pa ma yin pa la yang chos gos rang zad de rnying pa dang / sgo skyes kyis bshud pa la sogs pas dngas pa nyid la ni lhan pa ji tsam dgos pa rim pa'am/ mtha' sngar bstan pa dag las lhag par sbyar bar bya'o//'di ni ma mo las gsungs pa bsdus pa yin no/ /lhag par sbyor ba nyid du mi bya'o zhes bya ba ni snam sbyar la sogs pa phyag dar khrod las byas pa ma yin pa ma rnyings ma dengs pa la rim pa sngar bstan pa las lhag par mi sbyar ba ste/ sbyor na sbyor ba nyid na thams cad nyes byas so//spang bar 'gyur ba nyid kyang yin no zhes bya ba ni lhag par sbyar ba'i rim pa de zhag bcu 'das na spang ba'i ltung byed du 'gyur ba'o/ /'di skad bstan te/ de la rim pa lhag par sbyar ba gang yin pa de spang bar 'gyur gyi rim pa ji skad bstan pa dag ni spang bar mi 'gyur ro//rigs pa ji lta ba bzhin spang bar mi 'gyur ro/ /rigs pa can byi dor byas nas 'di nyid du sbyar bar bya'o snyam pa'i sems ma bskyed pa dbog par mi bya'o zhes bya ba ni rim pa snga ma sbyar zin pa ni byin gyis brlabs pa'i 'os yin pas rigs pa can zhes bya ste/ rim pa rigs pa ji lta ba ji srid du bcag pa la sogs pa'i byi dor byas nas chos gos 'di nyid du phyir sbyar bar bya'o snyam pa'i rnam pa de lta bu'i sems ma bskyed pa de srid du dbog par mi bya'o//'di skad bstan te/ gal te dge slong chos gos las rim pa gzhan gyi byi dor bya ba'i ched du dbog par 'dod pas ji srid du bcag pa la sogs pa'i byi dor byas nas phyis 'di nyid du sbyar ro snyam pa'i rnam pa de lta bu'i sems ma bskyed pa de srid kyi bar du dbog par mi bya'o//dbog par byed na 'gal tshabs can du 'gyur ro/ /gang yang rung bas phog pas ma sbyar ba'i snga rol du spang bar 'gyur ba nyid do zhes bya ba ni sngar bstan ma thag pa'i rnam pa de lta bu'i sems sam sems kyi rnam pa gzhan gang yang rung bas sbyar ma gzhan phog pa ni phyir de nyid du ma sbyar ba'i snga rol du zhag bcu 'das na spang ba'i ltung byed du 'gyur ba nyid yin no//sbyar na ni tshigs gcig pa nyid du gyur pa yin pas nyes pa med do/ /sbyar ma rnam par gzhag pa dang 'brel pa bstan pa'i phyir snam sbyar gyi snam phran dag ni dgu yan chad nyi shu rtsa lnga man chad de zung ma gtogs so zhes bya ba gsungs te chos gos snam sbyar gyi snam phran gyi grangs ni dgu yan chad nas nyi shu rtsa lnga man chad gang yang rung ba yin par rig par bya'o//zung ma gtogs so zhes bya ba ni 'di lta ste/bcu dang / bcu gnyis dang / bcu bzhi dang / bcu drug dang / bco brgyad dang / nyi shu dang / nyi shu gnyis dang / nyi shu rtsa bzhi ma gtogs pa'o/ /de yan chad ni tshem bu'o zhes bya ba ni snam phran nyi shu rtsa lnga po de yan chad las lhag pa dag gis snam bur sbyar ba ni tshem bu ste/ de bas na snam sbyar la ni de las lhag par mi bya'o//snam phran de dag la ni glegs bu dang / glegs bu phyed ji ltar rnam par gzhag ce na/ de'i phyir dang po gsum la ni de dag gi glegs bu phyed dang gsum pa nyid do zhes bya ba gsungs te/ dang por gsum la zhes bya ba ni snam sbyar rnam pa dgu las gsum pa dang po la ste/snam phran dgu pa dang / bcu gcig pa dang / bcu gsum pa dag la'o/ /de dag gi glegs bu phyed dang gsum pa nyid do zhes bya ba ni de dag la glegs bu ni phyed dang gsum pa nyid du bya'o/ /'dir snam phran zhes bya ba'i sgra ni tshal bu la bya'o/ glegs bu dang glegs bu phyed la ni mi bya'o//gnyis pa la ni glegs bu phyed dang bzhi pa nyid do zhes bya ba ni snam sbyar gsum pa gnyis pa la ste/ snam phran bco lnga pa dang / bcu bdun pa dang / bcu dgu pa dag la'o/ /glegs bu phyed dang bzhi pa nyid do zhes bya ba ni de dag la glegs bu ni phyed dang bzhi pa nyid du bya ba'o/ /gsum pa la ni glegs bu phyed dang lnga pa nyid do zhes bya ba ni snam sbyar gsum pa gsum pa la ste/snam phran nyi shu gcig pa dang / nyi shu gsum pa dang / nyi shu lnga pa dag la'o/ /glegs bu phyed dang lnga pa nyid do zhes bya ba ni de dag la glegs bu ni phyed dang lnga pa nyid du bya ba'o/ /bla gos ni snam phran bdun pa dang glegs bu phyed dang gsum pa'o//mthang gos ni snam phran lnga pa dag dang glegs bu phyed dang gnyis pa'o/ /de dag gi tshad las lhag pa ji tsam zhe na/ de'i phyir byin gyis brlab tu rung ba chen po dag ni rang gi khru gsum dang lnga dag go zhes bya ba gsungs te/ snam sbyar dang bla gos dang / mthang gos byin gyis brlab tu rung ba chen po dag ni tshad gcig ste/zheng du khru phyed dang gsum/ chur khru lnga'o/ /de las lhag par byed na gnas spang bar 'gyur ba nyid do/ /chung ngu dag ni gnyis ka las khru phyed phyed phri ba'o zhes bya ba ni chos gos snam sbyar dang / bla gos dang / mthang gos chung ngu dag gi tshad ni sngar chen po dag gi zheng du khru gsum zhes bya ba dang /chur khru lnga zhes bya ba'i tshad de gnyis las khru phyed phyed phri ba yin par rig par bya'o/ /'bring rnams kyi tshad ni bar ma'o zhes bya ba ni chos gos snam sbyar dang / bla gos dang / mthang gos dang 'bring rnams kyi tshad ni chen po rnams kyi khru gsum dang /lnga gang yin pa dang / chung ngu rnams kyi khru phyed dang gsum dang / phyed dang lnga gang yin pa de'i bar ma'i tshigs te zheng du khru phyed dang gsum dang khru'i bzhi cha gcig /chur khru phyed dang lnga dang khru'i bzhi cha gcig yin par rig par bya'o/ /glegs bu dang glegs bu phyed dag mnyam par bya'o zhes bya ba ni glegs bu rnams kyang logs shig tu mnyam par bya/glegs bu phyed rnams kyang logs shig tu mnyam par bya ba'o/ /tshal bu dag kyang ngo zhes bya ba yang mnyam pa nyid du bya ba'o/ /tshal bu che tshad ni sor bzhi'am bya rog gi mtho gang ngo / /chung tshad ni sor gsum pa dag kyang rung sor phyed dang gsum mam/sor gnyis sam mtheb sor gcig go/ /'bring tshad ni che chung gnyis kyi bar ma'i zhes bya ba dag ni tshal bu'i zhing tshad de ni gos kyi gzhi phran tshegs la sogs pa'i skabs nas 'byung ngo / /mthang gos kyi tshad kyi rnam pa bstan pa'i phyir mthang gos ni do dang lnga yang yin pa do dang bzhi yang yin no zhes gsungs te/mthang gos kyi tshad ni zheng du khru do dang / chur khru lnga yang yin la zheng du khru do dang / chur khru bzhi yang yin no zhes bya bar sbyar ro/ /'khor gsum khebs pa nyid yan chad kyang yin no zhes bya ba ni mthang gos kyi rnam pa gzhan yang zheng du khru do chur khru bzhi pa man chad nas 'khor gsum khebs pa nyid yan chad kyi bar gang yang rung ba yang yin par rig par bya'i zheng du khru do dang chur khru do dang lnga bdag dang /zhing du khru do dang chur khru bzhi pa nyi tsher ma zad do/ /khru'i don ni lus kyi cha bdun las gnyis so zhes bya ba ni khru zhes sngar smos pa'i khru tshad ni lus la cha mnyam pa bdun du rnam par phye ba gang dag yin pa de dag las cha gnyis ni khru'i tshad kyi don yin gyi lus la gru mo nas gung mo'i rtse mo'i bar ji tsam yod pa de'i tshad ni ma yin no//de ni gang zag gang gi lus la ltos na lag pa'i tshad du thung ba'am ring ba de'i ched du 'di gsungs kyi gang zag gang lus kyi rkyen dang lag pa'i rkyen du 'tsham pa dag la ni rang rang gi khru nyid 'dir yang tshad yin no//mi yogs na ral ga dpung chad bya'o zhes bya ba la gang gi lus che ches pas mthang gos kyi tshad de tsam gyis lus mi yogs na/ lus dang 'tsham pa'i ral ga dpung chad can bya ba ste/ khebs par g.yogs par bya'o/ /sbyor ba'i ltung ba ni nyes byas te/ji srid du zhag sum cu 'das pa'i spang ba'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /khru gang gi tshad pas chung ba la nyes byas so/ /rung ba ma yin par 'jog pa la nyes byas so//sbyor ba'i sbyor ba'i ltung ba la ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /de yang dang po yid la sems pa ni sbyor ba'i sbyor ba'i nyes byas phra mo'o/ /de nas lus dang ngag gis sbyor ba ni sbyor ba'i nyes byas dngos so//de nas mthar thug pa ni spang ba'i ltung byed kyi dngos gzhi'o zhes bya bar shes par bya'o/ /ltung ba med pa ni gos kha bskang ba la re ba med pa dang / byin gyis brlab par bya ba'i chos gos gsum po yod pa dang / zhag sum cu ma 'das pa la ltung ba med do/ /sra brkyang bting ba ma phyung ba la ltung ba med do//las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du 'jog pa'i spang bar 'gyur ba rnam pa thams cad mi bsten par bslab par bya'o//phyir bcos pa ni snga ma bzhin no/ 'jog pa'i spang ba'i ltung byed de gsum pa bshad zin to// //'khrur 'jug pa'i spang ba'i ltung byed kyi gleng gzhi ni/ gang gi tshe bcom ldan 'das byang chub sems dpa' dga' ldan gyi gnas na bzhugs pas gzigs pa lnga po rigs dang /yul dang / dus dang / rus dang / bud med la gzigs pa dag gis 'jig rten la gzigs nas/ glang po cher snang bar bsgyur nas yum gyi lhums su zhugs pa dang / zla ba bcu 'das nas yum gyi lhums nas bltams pa de'i tshe sa chen po shin tu g.yos par gyur cing 'jig rten du snang ba chen pos khyab par gyur to//gang gi nyin mo bcom ldan 'das byang chub sems dpa' bltams par gyur pa de'i nyin mor mnyan yod na rgyal po chen po rtsibs kyis 'phur tshangs byin gyi bu gsal rgyal dang / rgyal po'i khab na rgyal po pad ma chen po'i bu gzugs can snying po dang /kau shaM bI na rgyal po chen po dmag brgya pa'i bu shar ba dang / 'phags rgyal na rgyal po chen po mu khyud mtha' yas kyi bu rab snang dag kyang btsas so/ /de nyid kyi nyin mor shAkya gzhon nu bzang ldan la sogs pa lnga brgya dang / bsnyen bkur ba 'dun byed la sogs pa lnga brgya yang btsas so//rte'u bsngags ldan la sogs pa lnga brgya yang 'brang ngo / /lha rnams kyi gter lnga brgya yang bstan to/ /bcom ldan 'das byang chub sems dpa' de bram ze ltas pa dang / mtshan mkhan dag gis khab na bzhugs par gyur na/ 'khor los sgyur ba'i rgyal po mtha' bzhir rgyal ba chos kyi rgyal po chos dang ldan pa rin po che sna bdun dang ldan pa/bu dpa' ba rtul phod pa/ yan lag mchog gi gzugs dang ldan pa pha rol gyi sde rab tu 'joms pa stong tshang ba mnga' ba rgya mtsho la thug pa'i sa chen po ma lus pa gnon pas sdo ba med cing 'tshe ba med pa 'di nyid chad pa med cing mtshon gyis bda' ba med la chos dang mthun zhing snyoms pas legs par phab ste gnas par 'gyur ro//gal te skra dang kha sbu bregs te gos ngur smrig dag bgos nas/ yang dag pa kho nar dad pas khyim nas khyim med par rab tu byung na ni de bzhin gshegs pa dgra bcom pa yang dag par rdzogs pa'i sangs rgyas 'jig rten du rnam par grags pa'i sgra dang ldan par 'gyur ro zhes lung yang bstan to//gang gi tshe bcom ldan 'das byang chub sems dpa' 'jig rten du byung ba de'i tshe na thams cad ri bo gangs kyi ngos dang nye ba chu klung skal ldan shing rta'i tshogs 'gram drang srong ser skya'i bsti gnas dang ha cang mi ring bar shAkya rnams kyi gzhon nu byung ste/de bram ze ltas pa dang mtshan mkhan dag gis de skad lung bstan to zhes sgra yang grags par gyur to/ /nyi 'og gi rgyal po dag gis kyang de skad thos par gyur cing / thos nas kyang nyi 'og gi rgyal po de dag dag gzhon nu de bsten na dus su 'bras bu ster bar 'gyur bas je gzhon nu bsten pa'i don du de'i yab rgyal po zas gtsang bsten par bya'o snyam nas dus dang mthun pa'i dus su rgyal po zas gtsang la 'dud pas pho nya dang dkor sgrom dag kyang bskur bar byed do//de'i tshe gzhon nu de'i mtshan don thams cad grub pa zhes bya ba yang gsol to//gang gi tshe bcom ldan 'das byang chub sems dpa' chen por 'khrungs shing / des rgan po dang / nad pa dang / shi ba gzigs nas thugs byung ste/ dka' thub kyi nags tshal du gshegs pa'i tshe rgyal po zas gtsang dang shAkya legs rab rtogs kyi zham 'bring ba mi lnga brgya bkye ste bka' mchid phyir yang skyel bar gyur to//nyi 'og gi khams kyi rgyal po dag gis de ltar gzhon nu don thams cad grub pa rab tu byung bar thos nas/ ko sa la'i rgyal po gsal rgyal ma gtogs pa gzhan thams cad kyis da rgyal po zas gtsang bsten kyang don med do zhes de la 'dud pa dang / pho nya dang / kor sgrom 'bul ba rgyun chad par gyur na ko sa la'i rgyal po gsal rgyal 'ba' zhig rgyal po zas gtsang dang snga mkho bzhin 'dud pa dang / pho nya dang / skyes kyis 'drul lo/ /de'i tshe na ko sa la'i rgyal po gsal rgyal la ni blon po'i mchog sbed pa zhes bya ba zhig yod la/ rgyal po zas gtsang la ni mdun na 'don gyi bu 'char ka zhes bya ba zhig yod de/gang gi tshe ko sa la'i rgyal po gsal rgyal rgyal po zas gtsang gi gan du pho nya gtong bar byed pa de'i tshe na blon po'i mchog sbed pa gtong bar byed/ des rgyal po'i bya ba dang byed pa dag byas nas mdun na 'don gyi bu 'char ka'i khyim du 'jug par byed do//gang gi tshe rgyal po zas gtsang ko sa la'i rgyal po gsal rgyal gyi gan du pho nya gtong bar byed pa de'i tshe na ni mdun na 'don gyi bu 'char ka gtong bar byed do/ /des kyang rgyal po'i bya ba dang byed pa dag byas nas blon po'i mchog sbed pa'i khyim du 'jug par byed do/ /sbed pa la chung ma sbed ma zhes bya ba gzugs bzang ba dang /blta na sdug pa/ mdzes pa/ skyes bu dga' ba zhig yod de/ de'i tshe 'char ka sbed ma dang lhan cig kha dum par gyur to/ /sbed pas ji ltar 'char ka sbed ma dang lhan cig kha dum par gyur par shes nas/ des bsams pa 'di gsad par bya'o snyam mo/ / yang bsams pa/ gal te 'di gsad par gyur na yul 'khor gnyis 'khrug pa chen por 'gyur bas/ bdag gis bud med kyi lus kyi phyir ci'i phyir bram ze gsad par bya snyam nas/ des btang snyoms su gzhag go/ /de nas 'char ka 'di snyam du sems te/ bdag sbed pas 'phrigs so snyam du rig nas skrag ste/khyim nas byung zhing gzhan du 'dug pa dang / sbed pas smras pa/ 'char ka khyod ci'i phyir rang gi khyim spangs te gzhan na 'dug tshur shog /'di khyod rang gi khyim yin gyi ji bder 'dug shig /de nas 'char ka 'di snyam du sems te/ don gyis na 'dis bdag la rjes su gnang ngo snyam du rig nas de nyid na 'dug go//de nas dus gzhan zhig na blon po'i mchog sbed pa shi nas/ ko sa la'i rgyal po gsal rgyal gyis de la bu med pa'i phyir nor thams cad rang gi mdzod dang bang bar bcug go/ /sbed mas 'char ka ser skya'i gnas na 'dug pa la gang gi tshe kho mo'i khyim thab gson zhing 'dug ste 'tsho zhing sdod pa de'i tshe na khyod rtag pa kho nar 'ong na da de shi ste ko sa la'i rgyal po gsal rgyal gyis kyang bu med pa'i phyir nor thams cad rang gi mdzod dang bang bar bcug na da khyod kyis gtam tsam yang mi 'dri'am zhes yi ge spring ngo // de nas 'char kas spring yig gi don thos nas 'di snyam du sems te/ gal te bdag der song bar gyur na gzhi de las 'char ka bud med la chags pas bud med kyi phyir der song ngo zhes gzhan dag kha zer bar 'gyur gyi/ bdag gis thabs kyi rnam pa zhig bya'o snyam nas des lan gnyis lan gsum du rgyal po'i bya ba dang byed pa dag byas nas rgyal po zas gtsang ga la ba der song ste phyin nas 'di skad ces smras so//lha gang gi tshe gzhon nu don thams cad grub pa bltams pa de'i tshe na nyi 'og gi khams kyi rgyal po thams cad 'dud cing pho nya dang / dkor sgrom gsol nas/ gang gi tshe gzhon nu don thams cad grub pa rgan po dang nad pa dang /gum pa gzigs nas thugs byung ste/ dka' thub kyi nags tshal du gshegs pa de'i tshe na nyi 'og gi khams kyi rgyal po de dag las ko sa la'i rgyal po gsal rgyal ma gtogs pa gzhan thams cad kyis 'dud pa dang pho nya dang dkor sgrom 'bul bar rgyun bkum nas/slar ko sa la'i rgyal po gsal rgyal la pho nya dang dkor sgrom dag bka' stsal gyi na bskur nas/ da lta de ltar skyen par gyur pa las da yal bar bor na slad kyis gnod pa chen por 'gyur bas/ de 'o skol dang mtshams 'brel par mchis pas de dang lhan cig sten par mdzad pa rigs so//rgyal po zas gtsang gis smras pa/ 'char ka gal te/ de lta na khyod nyid pho nyar song shig /lha bka' bzhin 'tshal zhes de nas 'char kas dkor sgrom dag khyer te mnyan yod ga la ba der 'phags nas mthar gyis mnyan yod du phyin to/ /de nas 'char ka 'di snyam du sems te/bsten pa la bsten par mi bya bar mi bsten pa la bsten par bya ba yin pas je dang por blon po rnams blta bar bya zhing de'i 'og tu rgyal po bltas te/ sbed ma'i phyir rgyal po la gsol bar bya'o snyam nas/ des blon po rnams la blta bar brtsams te smras pa/ shes ldan dag khyod kyis kho bo ji ltar sbed ma dang lhan cig bshes pa de mi shes sam/de'i khyim thab shi nas ko sa la'i rgyal po gsal rgyal gyis bu med pa'i phyir de'i nor thams cad rang gi mdzod dang / bang bar bcug pas/ de'i phyir kho bo rgyal po la gsol ba byed kyi khyed kyis grogs kyis shig /de dag gis de bzhin du khas blangs so/ /de nas 'char ka ko sa la'i rgyal bo gsal rgyal ga la ba der song ste phyin nas/ ko sa la'i rgyal po gsal rgyal la rgyal ba dang / tshe spel ba byas te/ mtha' gcig tu 'dug nas/ des lan gnyis lan gsum du rgyal po'i bya ba dang byed pa dag byas te/ko sa la'i rgyal po gsal rgyal la 'di skad ces smras so/ /lha bdag gi gnas stsol cig /'char ka khyod sngon gang du zhugs/ lha blon po'i mchog sbed pa'i sdum par mchis so/ /'char ka song la de nyid du zhugs shig /lha blon po'i mchog sbed pa gum mo/ / gal te de shi na ji de'i khyim yang shi'am/ lha de'i sdum pa ni ma gum mod kyi 'on kyang de na stan tsam yang ma mchis so/ /rgyal pos blon po rnams la smras pa/ shes ldan dag khyed kyis 'char ka'i gnas byin cig /'char ka phyir byung ba dang / blon po rnams kyis smras pa/ lha ci lags 'char ka la gnas ma mchis snyam mam/ji ltar 'char ka sbed ma dang lhan cig mjal bas/ don gyis na 'char ka sbed ma'i slad du lha la gsol bar bgyis kyi lha 'char ka ni bram ze mdun na 'don gyi bu lags pas/ bram ze ni mi 'tshal bzhin du dgang bar bgyi ba lags te/ 'di legs par gzung na rgyal po zas gtsang legs par gzung bar 'gyur ro//de nas rgyal pos 'char ka la bos te smras pa/ 'char ka ngas khyod ji ltar sbed ma dang lhan cig bshes par sngar ma shes kyi/ da song la sbed ma dang de'i khyim dang / nor thams cad khyod khyer cig /lha bka' drin che'o zhes smras nas/'char ka sbed ma'i khyim ga la ba der song ba dang / sbed mas 'char ka 'ongs so zhes thos nas/ sgo gang du 'dug ste ngu bar brtsams so/ /'char kas mthong nas smras pa/ sbed ma khyod ci'i phyir du/ des smras pa/ bdag 'tshal ba'i khyim thab gum na ci bdag khyod kyis kyang yongs su btang ngam/de nas 'char ka 'di snyam du sems te/ gal te bdag gis mthun par smras na 'di shin tu ngu bar 'gyur bas bdag gis 'di tshar gcad par bya'o snyam du rig nas smras pa/ sbed ma byang chub sems dpa' dka' ba byed pa gang gis btsun mo grags 'dzin dang /sa 'tsho ma dang / ri dgas skyes la sogs pa bud med drug khri spangs te rab tu byung ba de dag gi rkang pa'i rdul tsam du yang khyod kyis mi phod do/ /de nas de cang mi smra bar 'dug pa dang / 'char kas smras pa/ kho bos khyod ma btang bas khyod nyid kyi phyir 'dir 'ongs pa yin no//kho bos rgyal po las khyod dang / khyod kyi khyim dang nor thams cad thob na ci khyod 'di nyid du 'dug gam/ ser skya'i gnas su 'gro /des bsams pa/ gal te ser skya'i gnas su song na 'di'i bram ze mo las srog kyang mi thob bo snyam du rig nas/ 'di nyid du mchis so zhes smras te de de nyid du 'dug go//de'i tshe da 'char ka la khyim gnyis yod de/ gcig ni mnyan yod na'o/ /gcig ni ser skya'i gnas na'o/ /gang gi tshe bcom ldan 'das byang chub sems dpas lo drug tu dka' ba spyad de/ dka' ba byed pa la don ci yang med par rig nas/ ci bder dbugs rngub pa dang / 'byin pa dang / zhal zas rgya chen po dag gsol ba dang / sku'i bsku mnye dang / dril byas mdzad nas grong sde 'dong du gshegs te/ grong pa'i bu mo dga' mo dang dga' stobs ma gnyis las lan bcu drug brlas pa'i 'o ma gsol nas/ klu'i rgyal po nag pos mngon par bstod de/ rtswa bkra shis 'chong pa las rtswa gser gyi mdog lta bu dag bzhes nas byang chub kyi snying por gshegs te/mtshan mo'i gung thun la bdud 'byung po dung phyur phrag gsum dang / bye ba phrag drug gi 'khor dang ldan pa byams pa'i stobs kyis mngon par btul nas bla na med pa'i byang chub mngon par rdzogs par sangs rgyas te tshangs pas gsol nas yul bA rA Na sbor gshegs te/bden pa bzhi la lan gsum du bzlas te rnam pa bcu gnyis su chos kyi 'khor lo bskor nas/ lnga pa dang nye lnga pa dang / grong khyer pa'i khye'u mtho ba mtho ba lnga bcu btul ba dang / ras bal can gyi tshal gseb tu gshegs nas bzang sde'i tshogs drug cu bden pa dag la bkod pa dang /grong sde'i 'dong du gshegs nas grong ba'i bu mo dga' mo dang / dga' stobs ma gnyis bden pa dag la bkod pa dang / lteng rgyas su gshegs nas ral pa can stong rab tu phyung bsnyen par rdzogs par mdzad pa dang /g.ya'i mgo'i mchod rten du gshegs nas/ dge slong stong stong po de dag cho 'phrul gsum gyis gdams par mdzad nas/ dgra bcom pa nyid thob par mdzad pa dang / ltang brang gi tshal gseb tu gshegs nas ma ga d+h+wa'i rgyal po bzo sbyangs gzugs can snying po lha brgyad khri dang / ma ga d+hA'i bram ze dang khyim bdag 'bum phrag du ma dang lhan cig bden pa dag la gzhag pa dang /rgyal po'i khab tu gshegs nas 'od ma'i tshal bzhes te shA ri'i bu dang maud gal gyi bu 'khor nyis brgya lnga bcu dang ldan pa rab tu phyung bsnyen par rdzogs par mdzad pa dang mnyan yod du gshegs nas rgyal byed kyi tshal bzhes te ko sa la'i rgyal po gsal rgyal gzhon nu'i dpe'i mdos btul nas/de nas sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de nas kos la'i rgyal po gsal rgyal gyis rgyal po zas gtsang gi gan du pho nya btang ste/lha dgyes ba skyed cig /khyod kyi sras kyis bdud rtsi thugs su chud de bdud rtsis 'gro ba tshim par mdzad cing mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so zhes spring ngo / /rgyal po zas gtsang gis thos nas bcom ldan 'das kyi spyan sngar pho nya btang ste/gzhon nu bdag gis ring du ma mthong ste/ bdag gzhon nu mthong bas yongs su skom mo zhes gsol pa dang / pho nya de de nyid du rab tu byung ngo / /pho nya gnyis pa btang ba dang / de yang de nyid du rab tu byung ngo / /de nas rgyal po zas gtsang yid la gcags nas rang gi lag nas bcom ldan 'das spyan drangs pa'i tshigs su bcad pa bris te mdun na 'don gyi bu 'char ka pho nyar btang ngo //de nas 'char kas phrin yig de blangs te mnyan yod du 'phags nas/ de mthar gyis mnyan yod du phyin te/ bcom ldan 'das la phyag 'tshal nas phran yig phul ba dang /bcom ldan 'das kyis kyang 'dul ba'i don gyi phrin yig klag pa mdzad nas 'char ka rab tu phyung nas rgyal po'i pho nyar bka' stsal te/ zhag bdun na yab sras mjal zhing ser skya'i gnas su gshegs so zhes spring yig spring ngo / /de nas 'char ka rab tu byung bas rgyal po'i pho nya byas te yab zas gtsang la sbran nas/rgyal po zas gtsang gis bcom ldan 'das kyi phyir rgyal po'i 'byor pa chen po dang / rgyal po'i mthu chen pos yo lang rgya chen po bshams pa dang / bcom ldan 'das kyis kyang gdul ba'i don chen po dag mdzad nas/ tshe dang ldan pa maud gal gyi bu chen po la bka' stsal pa/maud gal gyi bu khyod song la dge slong rnams la de bzhin gshegs pa ser skya'i gnas su gshegs kyi khyed cag las gang de bzhin gshegs pa dang thabs cig ser skya'i gnas su 'gro ba dang / yab dang sras mjal ba lta bar spro ba des chos gos dag longs shig ces bsgos shig /tshe dang ldan pa maud gal gyi bu chen pos btsun pa bka' bzhin 'tshal zhes bcom ldan 'das kyi bka' mnyan nas dge slong rnams la de skad bsgo'o/ /dge slong dag gis tshe dang ldan pa de bzhin bgyi'o zhes tshe dang ldan pa mod gal gyi bu chen po'i tshig mnyan no//de nas bcom ldan 'das dul ba 'khor dul ba dang ldan pa/ zhi ba 'khor zhi ba dang ldan pa/ grol ba 'khor grol ba dang ldan pa/ dbugs phyin pa 'khor dbugs phyin pa dang ldan pa/ thul ba 'khor thul ba dang ldan pa/ dgra bcom pa 'khor dgra bcom pa dang ldan pa/ 'dod chags dang bral ba 'khor 'dod chags dang bral ba dang ldan pa/ mdzes pa 'khor mdzes pa dang ldan pa/ khyu mchog ba lang gi tshogs kyis yongs su bskor ba lta bu/ glang po che glang po che'i phru gu'i tshogs kyis yongs su bskor ba lta bu/ seng ge mche ba can gyi tshogs kyis yongs su bskor ba lta bu/ngang pa'i rgyal po ngang pa'i tshogs kyis yongs su bskor ba lta bu/ nam mkha' lding bya'i tshogs kyis yongs su bskor ba lta bu/ bram ze slob ma'i tshogs kyis yongs su bskor ba lta bu/ sman pa mkhas pa nad pa'i tshogs kyis yongs su bskor ba lta bu/ dpa' bo ru pa'i tshogs kyis yongs su bskor ba lta bu/sa mkhan 'dron pa'i tshogs kyis yongs su bskor ba lta bu/ ded dpon tshong pa'i tshogs kyis yongs su bskor ba lta bu/ tshong dpon 'khor gyi tshogs kyis yongs su bskor ba lta bu/ mkhar gyi rgyal po blon po'i tshogs kyis yongs su bskor ba lta bu/ 'khor los sgyur ba'i rgyal po bu stong gi tshogs kyis yongs su bskor ba lta bu/ zla ba rgyu skar gyi tshogs kyis yongs su bskor ba lta bu/ nyi ma 'od zer stong gi tshogs kyis yongs su bskor ba lta bu/ yul 'khor srung dri za'i tshogs kyis yongs su bskor ba lta bu/ 'phags skyes po grul bum gyi tshogs kyis yongs su bskor ba lta bu/mig mi bzang klu'i tshogs kyis yongs su bskor ba lta bu/ nor sbyin gnod sbyin gyi tshogs kyis yongs su bskor ba lta bu/ thags bzangs ris lha ma yin gyi tshogs kyis yongs su bskor ba lta bu/ brgya byin sum cu rtsa gsum pa'i tshogs kyis yongs su bskor ba lta bu/tshangs pa tshangs ris kyis yongs su bskor ba lta bu dang / dbang po rnams shin tu dul ba/ spyod lam dang spyod pa ma 'khrugs pa/ rgya mtsho ltar ting nge ba/ sprin ltar chu dang bcas pa/ glang po che'i rgyal po ltar dregs pa dang bral ba/ skyes bu chen po'i mtshan sum cu rtsa gnyis kyis legs par brgyan pa/dpe byad bzang bo brgyad cus sku rnam par mdzes pa/ 'od 'dom gang gis gzugs can brgyan pa nyi ma stong bas lhag pa'i 'od dang ldan pa/ rin po che'i ri bo 'gro ba lta bu kun du bzang po/ stobs bcu dang / mi 'jigs pa bzhi dang / ma 'dres pa'i tshogs dran pa nye bar gzhag pa gsum dang /thugs rje chen po dang ldan pa/ 'jig rten la phan par zhugs pa/ srung ba gcig pu ba nyag gcig pa/ gnyis pa med pa/ gnyis su mi gsung ba/ zhi gnas dang / lhag mthong gis zhugs pa/ rig pa gsum gsal bar mdzad pa/bslab pa gsum la legs par bslabs pa/ dul ba'i gnas gsum gyi gzhi la mkhas pa/ chu bo bzhi las rgal ba/ rdzu 'phrul gyi rkang pa bzhis spyod pa'i gzhi la legs par gnas pa/ bsdu ba'i dngos po bzhi la yun ring po nas yongs su sbyong bar mdzad pa/ mi 'jigs pa bzhis bsnyengs pa mi mnga' ba/yan lag lnga spangs pa 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu gnas pa drug gis gnas pa/ byang chub kyi yan lag bdun gyi me tog gis phyug pa/ lam gyi yan lag brgyad ston pa/mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/ phyogs bcu'i snyan pas yang dag par rgyas pa/ brgya phrag bcur dbang bsgyur ba las khyad par du 'phags pa 'khor nyan thos chen po tshe dang ldan pa lteng rgyas 'od srungs dang / ga ya 'od srungs dang / chu klung 'od srungs la sogs pa sngon gyi ral pa can stong dang / tshe dang ldan pa shA ri'i bu dang / maud gal gyi bu chen po la sogs pa dge slong gi dge 'dun mang pos mdun du bdar te/ ser skya'i gnas ga la ba der rgyu zhing gshegs so/ /de'i tshe rgyal po zas gtsang gis nyi ma bdun pa la grong khyer ser skya'i gnas thams cad rdo ba dang /gseg ma dang gyo mo med par byas te/ bdug pa dang phye ma 'khrigs pa dang / me tog sna tshogs bkram pa dang / rgyal mtshan dang ba dan bsgreng ba la sogs pa mchod pa'i yo byad rgya chen po dag bshams shing / n+ya gro d+ha'i kun dga' ra bar sa phyogs go skabs yangs par gdan thabs zla gam lta bur bshams te/n+ya gro d+ha'i kun dga' ra ba nas grong khyer ser skya'i gnas kyi bar gyi lam thams cad mdzes shing rdo ba dang / gseg ma dang gyo mo med par byas te/ spos chu'i chag chag btab cing / bar bar du dar gyi chun po mang po dbyangs te/me tog gi tshogs dag kyang bshams/ bdug spos dri zhim po'i du ba 'khrigs pa dang / me tog sna tshogs bkram pa dang / rgyal mtshan dang ba dan bsgreng ba dag rnam par gzhag go/ /rgyal po zas gtsang nyid kyang rgyal po'i 'byor pa chen po dang / rgyal po'i mthu chen pos n+ya gro d+ha'i kun dga' ra ba na 'di lta ste/bcom ldan 'das la sdod cing 'dug go/ /de nas bcom ldan 'das mthar gyis rgyu zhing gshegs pa na chu klung ro ha ka'i 'gram du gshegs so/ /de na dge slong kha cig ni lag pa dang rkang pa dag 'khru bar byed/ kha cig ni so shing 'dor bar byed/ kha cig ni chu 'tshags par byed/ kha cig ni khrus byed do/ /grong khyer ser skya'i gnas na 'khod pa'i shAkya rnams kyis gzhon nu don thams cad grub pa 'ongs shing / rgyal po zas gtsang gis n+ya gro d+ha'i kun dga' ra bar sa phyogs go skabs yangs par gnas mal bshams zhes thos so/ / thos nas kyang shAkya 'bum phrag du ma dag n+ya gro d+ha'i kun dga' ra ba na 'dus par gyur cing de na kha cig ni sngon gyi dge ba'i rtsa ba dag gis bskul zhing lhags so/ /kha cig ni ya mtshan skyes te ji ltar dang por yab kyis sras kyi zhabs la phyag bzhes par mdzad dam/ 'on te sras kyis yab kyi zhabs la phyag bzhes par mdzad pa lta'o snyam pas lhags so//de nas bcom ldan 'das 'di snyam du dgongs te/ gal te de bzhin gshegs pa zhabs kyis ser skya'i gnas su gshegs na shAkya nga rgyal can dag gzhon nu don thams cad grub pas chen po ma rnyed de/ 'di ltar 'di sngon byang chub sems dpar gyur pa na grong khyer ser skya'i gnas nas lha 'bum phrag du mas bsu zhing steng gi nam mkha' las byung ste/song na da 'dis bla na med pa'i ye shes rtogs kyang rkang pas 'ongs so zhes ma dad pa skye bar 'gyur bas bdag rdzu 'phrul gyis ser skya'i gnas su 'jug par bya'o snyam du dgongs shing rig nas/dge slong rnams la bka' stsal pa/ dge slong dag khyed ni rkang pa dag gis chu klung ro ha ka rgol cig /de bzhin gshegs pa ni rdzu 'phrul gyis gshegs so/ /dge slong rnams kyis btsun pa bka' bzhin 'tshal zhes bcom ldan 'das kyi bka' mnyan nas rkang pa dag gis chu klung ro ha ka rgal te n+ya gro d+ha'i kun dga' ra ba ga la ba der song ngo //de nas bcom ldan 'das kyis dge slong gi dge 'dun song nas ring po ma lon par thugs su chud nas ting nge 'dzin la snyoms par zhugs te/ rdzu 'phrul gyis chu klung ro ha ka'i pha rol gyi 'gram nas mi snang bar gyur cing /steng gi nam mkha' la ngang pa'i rgyal po 'dab ma brkyang ba ltar mngon par 'phags nas grong khyer ser skya'i gnas kyi steng nas n+ya gro d+ha'i kun dga' ra ba der gshegs te byon nas/ n+ya gro d+ha'i kun dga' ra ba'i steng gi nam mkha' la skyil mo krung bcas te bzhugs so/ /de nas bcom ldan 'das shar phyogs su spyod lam bzhi po 'di lta ste/bzhud pa dang / bzhengs pa dang / bzhugs pa dang / mnal ba dag mdzad do/ /cho 'phrul zung dag kyang rnam par ston par mdzad de/ sku'i smad nas me 'bar zhing sku'i stod nas chu grang mo'i rgyun 'bab par mdzad do/ /sku'i stod nas me 'bar zhing sku'i smad nas chu grang mo'i rgyun 'bab par mdzad do//me'i khams la yang snyoms par 'jug par mdzad de/ sangs rgyas bcom ldan 'das me'i khams la snyoms par zhugs pa'i sku las 'od zer sna tshogs 'di lta ste/ sngon po dag dang / ser po dag dang / dmar po dag dang / dkar po dag dang /bcod ka dag dang / shel dang dngul gyi kha dog lta bu dag byung ngo / /shar phyogs su ji lta ba bzhin du lho phyogs dang / nub phyogs dang / byang phyogs su yang de bzhin te/ de ltar phyogs bzhir rdzu 'phrul gyi cho 'phrul rnam pa bzhi ston par mdzad do/ /de nas bcom ldan 'das 'di snyam du dgongs te/gal te de bzhin gshegs pas rgyal po zas gtsang gi rkang pa gnyis la gtugs par gyur na ni de'i spyi bo tshal pa bdun du 'gas par gyur la/ gal te rgyal po zas gtsang gis de bzhin gshegs pa'i zhabs gnyis la gtugs par gyur na ni/ shAkya nga rgyal can dag ci'i phyir yab tu gyur pas sras kyi rkang pa gnyis la gtugs par byed ces ma dad pa skye bar 'gyur bas bdag gis ji nas kyang rgyal po zas gtsang gis lus ma btud bzhin du de bzhin gshegs pa'i zhabs gnyis la phyag 'tshal bar 'gyur ba de lta bu'i rdzu 'phrul mngon par 'du bya ba mngon par 'du bya'o snyam du dgongs par rig nas/ta la bdun srid tsam gyi steng gi nam mkha' la gzhes shing ta la drug dang / lnga dang / bzhi dang / gsum dang / gnyis dang / gcig srid tsam na gzhes so/ /de nas skyes bu bdun srid tsam na gzhes shing skyes bu drug dang / lnga dang / bzhi dang / gsum dang / gnyis dang / gcig srid tsam na gzhes so/ /de nas rgyal po zas gtsang gis lus ma btud bzhin du de bzhin gshegs pa'i zhabs gnyis la mgo bos phyag 'tshal nas shAkya rnams la go bar bya ba'i phyir de'i tshe tshigs su bcad pa smras pa/ gang tshe khyod bltams dogs rab g.yos dang //'dzam bu'i grib mas khyod sku ma btang dang / /'di dang lan gsum kun gzigs mkhyen ldan pa/ /sangs rgyas khyod kyi zhabs la bdag phyag 'tshal/ /de nas bcom ldan 'das kyis rdzu 'phrul mngon par 'du mdzad pa de slar bsdu ba mdzad nas/ n+ya gro d+ha'i kun dga' ra bar gshegs te/dge slong gi dge 'dun gyi gung la gdan bshams pa nyid la bzhugs so/ /de nas rgyal po zas gtsang dang / bre bo zas dang / zas dkar dang / bdud rtsi zas dang / shAkya 'bum phrag du ma dag gis bcom ldan 'das kyi zhabs gnyis la mgo bos phyag 'tshal te/ mtha' gcig tu 'khod do//shAkya kha cig ni bcom ldan 'das ga la ba de logs su thal mo sbyar te mtha' gcig tu 'khod do/ /shAkya kha cig ni thag ring po kho na nas bcom ldan 'das mthong nas cang mi smra bar mtha' gcig tu 'khod do/ /de nas rgyal po zas gtsang gis bcom ldan 'das la tshigs su bcad pa'i skad kyis phan tshun kun dga' ba'i gtam mang po zhu ba zhus nas/bcom ldan 'das kyis de'i yi rangs par mdzad do/ /de nas rgyal po zas gtsang 'di snyam du sems te/ bdag gi bus yon tan gyi tshogs 'di lta bu rtogs pa ni bdag gis rnyed pa legs par rnyed do snyam mo//de nas bcom ldan 'das kyis rgyal po dang / skye bo phal po che'i tshogs de'i bsam pa dang bag la nyal ba dang khams dang rang bzhin thugs su chud nas de'i nyin mo rgyal po zas dkar la sogs pa shAkya bdun khri bdun stong gis bden pa dag mthong bar gyur pa de ltar chos bstan pa mdzad do//nyi ma gnyis pa la skyed mos tshal skye yod du rgyal po bre bo zas la sogs pa shAkya bdun khri drug stong gis bden pa dag mthong bar gyur pa de ltar chos bstan pa mdzad do/ /nyi ma gsum pa la/ skyed mos tshal tshangs pa'i gnas su rgyal po bdud rtsi zas la sogs pa shAkya bdun khri lnga stong gis bden pa dag mthong bar gyur pa de ltar chos bstan pa mdzad do//nyi ma bzhi pa la rgyal po zas gtsang gi sems ha cang zhum pa dang / ha cang mtho ba'i sgrib pa lha la chos kyi 'khor lo bskor ba dang / tshe dang ldan pa maud gal gyi bu rdzu 'phrul bstan pas bsal nas stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste/rgyun du zhugs pa'i 'bras bu mngon sum du byas pa de ltar chos bstan pa mdzad do/ /de nas rgyal po zas gtsang gis bden pa mthong nas/ zas dkar dang / bre bo zas dang / bdud rtsi zas la rgyal srid bstabs na de dag kyang sngar bden pa mthong zin pas rgyal srid nod du ma btub nas shAkya gzhon nu bzang ldan rgyal srid kyi bdag por dbang bskur to//de'i tshe na bcom ldan 'das nyan thos kyi dge 'dun dang bcas pa nyin gcig mi 'chad bar rgyal po'i pho brang du gdugs tshod gsol ba dang /rgyal po zas gtsang gis tshe dang ldan pa lteng rgyas 'od srungs la sogs pa ral pa can las rab tu byung ba dka' thub kyis lus mi sdug par snang ba dag mthong ngo / /mthong nas kyang de 'di snyam du sems te/ bdag nyid chen po 'di dag sems ni bzang ba yin na lus mi bzang ste/ dka' thub drag po dag gis lus mi sdug par snang ba dag yin no//bcom ldan 'das kyi 'khor ni bcom ldan 'das nyid ci 'dra bar 'khor yang de 'dra ba nyid du gyur na de lta na bcom ldan 'das mdzes par 'gyur ro snyam mo/ /de nas rgyal po zas gtsang gis shAkya rnams bsdus te smras pa/ shes ldan dag gal te gzhon nu don thams cad grub pa rab tu ma byung bar gyur na cir 'gyur/lha 'khor los sgyur ba'i rgyal por 'gyur ro/ /khyod kyi bu dag cir 'gyur/ lha zham ring bar 'gyur ro/ /'o na da gzhon nu don thams cad grub pas bdud rtsi thugs su chud de/ bdud rtsis 'gro ba tshim par mdzad na khyod kyi bu dag ci'i phyir zham ring mi byed/lha ci lags de dag rab tu dbyung ngam/ rab tu phyung shig /lha shAkya'i rgyud chad par 'gyur ro/ /rgyal pos smras pa/ khyim re re nas re re rab tu phyung shig /lha bka' stsal pa bzhin 'tshal lo/ /rgyal po zas gtsang gis shAkya gzhon nu rnams kyi khyim re re nas re re byung bar bya'o zhes dril bsgrag par byas so//gang gi tshe rgyal po zas gtsang gis dril bsgrags pa de'i tshe na bzang ldan dang / ma 'gags pa dang / nam gru la sogs pa shAkya gzhon nu lnga brgya rab tu byung ngo / /gang gi tshe bcom ldan 'das kyis shAkya gzhon nu lnga brgya rab tu byung ba de'i tshe na bcom ldan 'das kyis 'di lta ste/rigs mthon po las rab tu byung ba ni rnyed pa phyed dang nye ba yin no zhes gsungs pas de dag la rnyed pa dang bkur sti chen po byung bar gyur to/ /bcom ldan 'das kyis dgongs pa/ rigs kyi bu 'di dag gzhan gyi phyir kho nar rab tu byung ba yin no gzhan kho na 'chags so snyam du dgongs nas/de nas bcom ldan 'das de dag la rnyed pa dang / bkur sti byung ba gcad par bzhed nas/ ser skya'i gnas su ci dgyes par bzhugs nas mnyan yod ga la ba der gshegs te/ mthar gyis rgyu zhing gshegs pa na mnyan yod du byon nas/ mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de nas tshe dang ldan pa 'char ka snga dro sham thabs bgos/ lhung bzed dang chos gos thogs te/ mnyan yod du bsod snyoms la zhugs nas mthar gyis mnyan yod du bsod snyoms la rgyu ba na khyim bdag gi chung ma sbed ma'i khyim ga la ba der song ngo //khyim bdag gi chung ma sbed mas tshe dang ldan pa 'char ka thag ring po kho na nas mthong ngo / /mthong nas kyang brang brdungs te smras pa/ 'char ka ci'i slad du khyod kyis bdag sbed ma spangs te rab tu 'byung / 'char kas smras pa/ byang chub sems dpas btsun mos 'tsho ma dang grags 'dzin dang / ri dgas skyes la sogs pa bud med drug khri spangs te rab tu byung ba ni shin tu dka' ba yin gyi/ rdul gyi rdzab dang 'dra ba khyod la mi bra ba ci yod/ 'char ka bdag kyang rab tu 'byung ngo / /de ltar gyis shig /de nas 'char ka 'di snyam du sems te/sngon yang bdag cag lhung bzed nag po can rnams kyis brnyas par gyur pas/ gal te bdag gis dge slong ma rab tu phyung bar gyur na/ drug sde dag gis dge slong ma rab tu phyung ngo zhes rgya cher brnyas par 'gyur gyi bdag ni re zhig rgyal po'i khab tu song ste/der dbyar gnas par khas blangs la sbed ma ni ji nas kyang skye dgu'i bdag mo chen mo gau ta mIs rab tu 'byin cing bsnyen par rdzogs par byed par 'gyur bar bya'o snyam nas/ 'char ka rgyal po'i khab tu song ste/ dbyar gnas par khas blangs pa de'i tshe sbed ma mnyan yod du skye dgu'i bdag mo chen mo gau ta mIs rab tu byung bsnyen par rdzogs par byas so//de nas mnyan yod na rgan zhugs shig rgyal po'i khab tu song bas/ 'char ka la sbed ma rab tu byung ba'i gtam brjod pa dang / 'char ka yang sbed ma de gzhan dag gis kha drangs su dogs pas/ myur ba myur ba kho nar mnyan yod du 'ongs te rang gi gtsug lag khang du zhugs so//de'i tshe na dge slong ma rgyal byed kyi tshal du 'dun pa 'bul du dong ba rnams kyis 'char ka 'ongs par thos nas sbed ma la sbran pa dang / sbed mas nas kyi ngar phye dang / khrus kyi chal dang / 'bru mar thogs te 'char ka'i gtsug lag khang du song nas sgo brdungs so//'char kas smras pa/ de su yin/ sbed mas smras pa/ bdag sbed ma'o/ /khyim bdag gi chung ma sbed ma 'ongs pa legs so legs so/ /bdag da dung yang khyod khyim bdag gi chung ma lags snyam mam/ 'o na ci yin bdag rab tu byung ngo //khyod sus rab tu phyung / 'phags ma skye dgu'i bdag mo chen mo gau ta mIs so/ /sbed mas ci'i phyir kho bo bdag nyid kyi lag pa la sos 'debs par byed dam/ skye dgu'i bdag mo chen mo gau ta mIs khyod rab tu phyung yang rung kho bos rab tu phyung yang rung ste/ legs kyi nang du zhugs shig dang chos bstan par bya'o//sbed ma nang du zhugs te 'char ka'i rkang pa gnyis la phyag 'tshal te chos nyan par bya ba'i phyir mdun du 'dug go/ /des de la chos bstan par brtsams te/ des de la ji tsam pa de tsam du chos bstan nas/ sngon gyi bgad ba dang dga' bar byed pa dang /rtses pa dang / dga' mgur spyad pa dran par bya bar brtsams te/ sbed ma bdag cag gnyis kyis skyed mos tshal dang / lha'i gnas ga ge mo zhig tu zas 'di dang 'di lta bu zos pa dang / bca' ba 'di dang 'di lta bu 'chos pa dang / btung ba 'di dang 'di lta bu 'thungs pa gang yin pa de dran nam zhes smras pa dang /'char ka kun du chags par gyur to/ /ji lta ji ltar kun du chags par gyur pa de lta de ltar dral lo/ /sbed mas 'char ka chags so snyam du shes nas smras pa/ slad rol du mchis te slad mchi'o/ /'char kas bsams pa/ 'di bshad pa'am gci ba byed 'dod gor ma chag snyam nas smras pa song shig /sbed ma phyir byung bas shing nga dpung bcad brdzes te/ brgyug par brtsams pa dang / 'char ka sgra la mkhas pas/ des de'i ting sgra thos nas phyir byung ste/ dge sbyong ma mgo reg ma gar bros zhes des de'i phyi bzhin brgyug par brtsams pa dang /de la brla'i reg pas khu ba byung nas/ de kun nas dkris pa dang bral te/ glang po che chags pa dang bral ba bzhin du gzhi de nyid na 'dug go/ /sbed mas de kun nas dkris pa dang bral zhing phyir log pa mthong nas drung du song ste smras pa/ 'phags pa gal te bdag gis dang du blangs par gyur na bdag kyang dge slong ma nyid du mi rung la khyod kyang dge slong nyid du mi rung bar 'gyur ro//sring mo bcom ldan 'das kyis kyang bdag srung na gzhan srung bar byed la/ gzhan srung na bdag nyid srung bar byed do zhes gsungs pa legs so/ /'phags pa sham thabs 'di tshur stsol bkru bar bgyi'o//'char kas sham thabs de sbed ma la byin no/ /sbed mas khu ba de mthong nas 'gyod pa skyes te/ bdag gi lus kyi phyogs btsun pa 'char kas sngon ma mthong ba'am/ ma mnams pa'am/ ma byugs pa ji zhig yod na/ bdag gis dang du ma blangs pa ni ma legs pa zhig byas so snyam du 'gyod pa skyes so zhes sbed ma de ltar rnam par rtog pa na de kun du chags shing dral bar gyur pa'i sems kyis khu ba de rang gi mngal gyi sgor blugs so//sems can rnams kyi las kyi rnam par smin pa bsam gyis mi khyab pas de la sems can zhugs par gyur to//dge slong ma rnams kyis mthong nas smras pa/ sbed ma kho mo cag ko khyod chos bzang po'i chos kyis 'phags pa 'char ka'i gan du 'gro bar sems kyi kho mo cag des khyod gnas skabs 'di lta bu byas par mi sems so/ /sbed mas smras pa/ phu nu mo dag dge slong de ni tshul khrims dang ldan pa yin te/gang tshun chad rab tu byung nas/ de kho mo sngon chad lan 'ga' yang lag gis kyang ma byugs so/ /de dag gis smras pa/ ma byugs na yang des khyod gnas skabs 'di 'dra bar byas na/ gal te byugs na des khyod gnas skabs ji lta bur byas par 'gyur zhes zer ba'i skabs de dge slong ma rnams kyis dge slong rnams la brjod do//dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong ma de ni pham par ma gyur gyi/ 'di ltar sa phyogs dben par gzhag ste bsod snyoms kyis brel ba med par gyis shig dang /bu 'od srungs gzhon nu zhes bya ba btsa' bar 'gyur zhing de nga'i bstan pa la rab tu byung nas nyon mongs pa thams cad spangs pas dgra bcom pa nyid mngon sum du byed par 'gyur te/ 'di lta ste/ dge slong 'od srungs gzhon nu de ni nga'i gtam sna tshogs dang /gtan snyan pa dang / spobs pa dge ba can rnams kyi mchog tu 'gyur ro/ /bcom ldan 'das kyis dgongs pa dge slong rnams kyi nyes dmigs gang yin pa de ni dge slong ma nye du ma yin pa la gos rnying pa 'khrur 'jug pa las gyur pa yin no snyam nas de nas bcom ldan 'das kyis byung ba 'di dang /gleng gzhi 'di dang / gnas skabs 'di la dge slong gi dge 'dun bsdu ba mdzad de/ 'char ka la rmas nas rnam grangs du mar smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang dge slong ma nye du ma yin pa la gos rnying pa 'khrur 'jud dam/ 'tshed du 'jud dam/ 'chag tu 'jud na spang ba'i ltung byed do zhes bca' ba mdzad de/ yul ni mnyan yod/ gang zag ni 'char ka /nyon mongs pa ni 'dod chags nyes pa ni dge slong ma nye du ma yin pa la gos rnying pa 'khrur 'jug pa'o//de la yang dge slong gang zhes bya ba ni 'char ka'am/ gzhan yang de lta bu gang yin pa'o/ /dge slong ma zhes bya ba ni chos 'di pa'o/ /nye du ma yin pa la zhes bya ba ni phyi mo dang / mes po dang / phrugs la brten pa'i bdun pa tshun chad ni nye du yin la de phan chad ni nye du ma yin no//gos zhes bya ba ni bdun po bal gos dang / sha na'i gos dang / zar ma'i gos dang / du gu la'i gos dang / ras bal gyi gos dang / ko tam pa'i gos dang / nyi 'og gi gos dag las gang yang rung ba'o/ /rnying pa zhes bya ba ni dus tshigs gsum po dag las dus tshigs gang yang rung bar spyad pa gang yin pa'o//'khrur 'jud dam zhes bya ba ni tha na chur smyug pa byed du 'jud na'o/ /'tshed du 'jud dam zhes bya ba ni tha na tshon du smyug pa byed du 'jug na'o/ /'chag tu 'jug na zhes bya ba ni tha na thal mos rdebs pa byed du 'jug na'o//spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang /ltung pa med pa dang / bslab par bya ba dang phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gis byin gyis brlabs pa dang rang gi rnying pa 'khrur gzhug par 'os pa chos gos dang gding ba dag las 'ga' zhig dge slong ma nye du ma yin pa la bsgo bas 'khrur bcug gam/'tshed du bcug gam 'chag tu bcug pa dag byas pa nyid ni 'khrur 'jug pa'i spang ba'i ltung byed kyi dngos gzhir 'gyur ro/ /'khru ba dang 'tshed pa dang 'chag pa rigs mi mthun pa'i tshigs rnams dang / de dag grub pa'i mtha' man chad bar skabs su chad pa'i tshigs rnams la ltung ba re rer rnam par mi gzhag par spyir dngos gzhi'i 'bras bu gcig rnam par gzhag go//dge slong la 'khrur 'jug pa'i spang ba'i ltung byed byung na de ma spangs shing bral bar ma byas la ltung ba ma bshags par ram/spangs shing bral bar ma byas la ltung ba ma bshags par ram/ spangs shing bral bar byas la ltung ba ma bshags par gos 'khrur gzhug pa dang / 'tshed du gzhug pa dang / 'chag tu gzhug par 'os pa de lta bu gzhan zhig rnyed na de yang snga ma'i shugs kyis spang bar 'gyur te/de las ltung bar ni mi 'gyur ro/ /dge slong gis 'khrur 'jud pa'i spang ba'i ltung ba byung la ji srid du spang ba'i dngos po las ma bshags shing so sor ma bshags par lhung bzed dam/ chos gos sam/ dra ba'am/ phor bu'am/ ska rags sam/ dge slong gi 'tsho ba'i yo byad gang yang rung ba gzhan nye bar 'jog na de yang snga ma'i shugs kyis spang bar 'gyur te/de las ltung bar ni mi 'gyur ro/ /gos kyi grwa la sogs pa phyogs gcig la byas pa dang / 'khru ba la sogs pa las kyi phyogs gcig pa byas pa lan smad pa med do/ /gos kyi rdzas bzang ngan dang mnyam pa la na smad pa med do//gos rung ba nyid dang / chos gos dang / gding ba tshad dang ldan pa dang / tshad las lhag pa la na smad pa med do/ /dge slong ma nye du ma yin pa bsnyen par rdzogs pa ma nyams pa la na smad pa med do/ /bshang ba dang / gci ba dang / ljan ljin dang / 'dam rdzab la sogs pas ma rungs par gyur pa 'khru ba dang /'tshed pa dang / 'chag tu 'jug pa la na smad pa med do/ /'di'i byed pa po ni gos dang dge slong ma nye du ma yin pa'i yul la 'du shes gtso cher byed pa po nyid yin no/ /'di la yan lag brgyad kyis dngos gzhi'i ltung bar 'gyur te/ byin gyis brlabs pa dang /rang gi dang / rnying pa dang / 'khrur gzhug par 'os pa dang / gos dang / dge slong ma nye du ma yin pa dang / bsgo ba dang byas pa'o/ /de dag las yan lag ma tshang na ci rigs par na smad pa med do/ /'di'i byed pa po ni dge slong ma nye du ma yin pa'i yul la 'du shes gtso cher byed pa po nyid yin no zhes smos pas ltung ba 'di dang 'og ma dag gi yan lag ni nye du dang nye du ma yin pa dag yin pas de'i phyir da 'dir nye du'i mtshan nyid brjod par 'dod nas/sngar lung nyid las nye du ma yin pa la zhes bya ba ni phyi mo dang / mes po dang phrugs la brten pa'i bdun pa tshun chad ni nye du yin la/de phan chad ni nye du ma yin no zhes gsungs pa'i rjes su 'brang bas pha ma dag gi bdun pa tshun chad las gang yang rung ba gcig tu sngan chad gyur pa yang nye du yin no zhes bya ba smras te pha ma dag ces bya ba ni pha dang ma ni pha ma dag go/ /de bas na pha ma dag gi bdun pa tshun chad ces bya ba ni pha'i phrugs bdun pa tshun chad dang /ma'i phrugs bdun pa tshun chad ces bya ba'i tha tshig go/ /mdo las pha ma zhes bya ba smos pa'i sgra ni pha'i rgyud ma'i yan lag dang bcas pa dang / de bzhin du ma'i rgyud pha'i yan lag dang bcas pa zhes bya bar sbyar ro/ /de ltar na pha'i pha dang pha de'i yang pha dang /de lta bu la sogs pa ni pha'i rgyud do/ /pha de'i ma gang yin pa dang / ma de'i yang ma dang / de lta bu la sogs pa ni pha'i rgyud ma'i yan lag dang bcas pa'o/ /de bzhin du ma'i ma dang / ma de'i yang ma dang / de lta bu la sogs pa ni ma'i rgyud do/ /ma de'i pha gang yin pa dang /pha de'i yang pha dang / de lta bu la sogs pa ni ma'i rgyud pha'i yan lag dang bcas pa yin par rig par bya'o/ /de ltar byas na pha'i rgyud kyang ma'i yan lag dang bcas pa yin pa'i phyir phrugs su gyur pa yin la/ de bzhin du ma'i rgyud kyang pha'i yan lag dang bcas pa yin pa'i phyir phrugs su gyur pa yin no//pha ma dag gi phrugs su gyur pa bdun pa tshun chad las pha'i rgyud ma'i yan lag dang bcas pa phrugs su gyur pa dag gam/ ma'i rgyud pha'i yan lag dang bcas pa phrugs su gyur pa dag las gang yang rung ba pha'i rgyud ma'i yan lag dang bcas pa'am/ma'i yan lag dang bcas pa gcig tu sngan chad gyur pa ste/ pha'i rgyud du sngan chad gyur pa'am/ ma'i yan lag dang bcas pa sngan chad gyur pa'am/ ma'i rgyud du sngan chad gyur pa'am/ pha'i yan lag dang bcas par sngan chad gyur pa de ni nye du zhes bya'o/ /yang zhes bya ba'i sgra ni gnyi gar sngan chad gyur pa 'ba' zhig nye du yin par ma zad kyi gcig tu sngan chad gyur pa yang nye du yin par ston to//'di skad bstan te/ 'dir nye du zhes bya ba ni sngan chad pha'i rgyud ma'i yan lag dang bcas pa'am/ ma'i rgyud pha'i yan lag dang bcas pa'am/ gnyi ga'i rigs grangs bdun pa tshun chad du skyes pa de yin no//ji skad smras pa las gzhan pa ni nye du ma yin no/ /des na pha'i rgyud la ni pha dang mes po dang yang mes dang / sum mes dang / bzhi mes dang / lnga mes dang / drug mes tshun chad du sngon chad gyur pa ni nye du yin la/ de phan chad ni nye du ma yin no//pha'i rgyud ma'i yan lag dang bcas pa la ni pha dang phyi mo dang / yang phyi dang / sum phyi dang / bzhi phyi dang / lnga phyi dang / drug phyi tshun chad du sngon chad du gyur pa ni nye du yin la de phan chad ni nye du ma yin no/ /ma'i rgyud la ni ma dang / ma phyi dang ma rgyud yang phyi dang / ma rgyud sum phyi dang ma rgyud bzhi phyi dang /ma rgyud lnga phyi dang / ma rgyud drug phyi tshun chad du sngan chad gyur pa ni nye du yin la de phan chad ni nye du ma yin no/ /ma'i rgyud pha'i yan lag dang bcas pa la ni ma dang / ma mes dang / ma rgyud yang mes dang / ma rgyud sum mes dang / ma rgyud bzhi mes dang / ma rgyud lnga mes dang /ma rgyud drug mes tshun chad du sngan chad gyur pa ni nye du yin la de phan chad ni nye du ma yin no/ /de la 'khor lo bzhin du sbyar na pha'i rgyud las drug mes spun tshun chad dang / pha'i rgyud ma'i yan lag dang bcas pa las kyang drug phyi spun tshun chad dang ma'i rgyud las kyang ma rgyud drug phyi spun tshun chad dang /ma'i rgyud pha'i yan lag dang bcas pa las kyang ma rgyud drug mes spun tshan chad kyi rus dang / snag gi pho smos kyi rgyud thams cad ni nye du yin la/ de phan chad ni nye du ma yin no/ /bu rgyud dang / spun rgyud dang / bu mo'i rgyud dang / sring mo'i rgyud du phyin chad gyur pa las kyang /bu dang bu rgyud tsha bo dang / yang tsha dang / sum tsha dang / bzhi tsha dang / lnga tsha dang / drug tsha tshun chad dang / spun rgyud kyi bu dang / tsha bo dang / yang tsha dang / sum tsha dang / bzhi tsha dang / lnga tsha dang / drug tsha tshun chad dang / bu mo dang bu mo'i rgyud kyi tsha bo dang / yang tsha dang / sum tsha dang / bzhi tsha dang / lnga tsha dang / drug tsha tshun tshad dang / sring mo'i rgyud kyi bu dang / tsha bo dang yang tsha dang / sum tsha dang / bzhi tsha dang / lnga tsha dang drug tsha tshun chad kyi rus dang / snag gi pho smos kyi rgyud thams cad nye du yin la de phan chad ni nye du ma yin no/ /de la pha'i rgyud ma'i yan lag dang bcas pa dang /ma'i rgyud pha'i yan lag dang bcas pa'i bdun rgyud ni sngan chad der gyur pa yin la/ bu dang spun dang bu mo dang sring mo'i rgyud kyi bdun rgyud ni phyin chad der 'gyur ba yin te da ltar bdag nyid yod pa la ltos pas bdag nyid ma gtogs par pha dang ma nas phyi mes gyen du bgrangs pa'i bdun pa man chad dang /bu dang bu mo dang / spun dang / sring mo'i bu dang / bu mo nas thur du bgrangs pa'i bdun pa yan chad dang / thad kar pha'i rgyud kyi drug mes spun tshun chad kyi ming sring dang / pha'i rgyud ma'i yan lag dang bcas pa'i drug phyi spun tshun chad kyi me'u'i ming sring dang / ma'i rgyud kyi drug phyi spun tshun chad kyi me'u'i ming sring dang /ma'i rgyud pha'i yan lag dang bcas pa'i drug mes spun tshun chad kyi zhang po dang / sru mo dang / bdun ni tsha bo'i tsha bo dang / tsha mo tshun chad kyi rus dang / snag gi pho smos kyi rgyud thams cad la nye du'i sde tshan gyi 'khor lo gcig tu brtsi'o/ / de ltar nye du dang nye du ma yin pa'i mtshan nyid bstan nas/ dge slong ma nye du ma yin pa'i yul la 'du shes gtso cher byed pa po yin no zhes smos par bstan pa'i phyir 'du shes gtso bo nyid la don ji lta ba nyid la ni dngos gzhi'o/ /don ji lta ba nyid ma yin pa la ni dngos gzhi dang nye ba'o zhes bya ba gsungs te/'du shes gtso cher byed pa po yin no zhes gsungs pa'i skabs 'di la/ gal te 'du shes ji lta ba bzhin du don yang de lta bu nyid yin te/ dge slong ma nye du ma yin pa nyid du 'du shes shing / dge slong ma nyid kyang nye du ma yin pa nyid yin na/ dngos gzhi ste/ spang ba'i ltung byed nyid du 'gyur ro//gal te don ji lta ba nyid ma yin te/ dge slong ma ni nye du yin la 'du shes kyis ni nye du ma yin no snyam na dngos gzhi dang nye ba ste nyes byas su 'gyur ro/ /yid gnyis ni 'du shes dang 'dra ste/ dge slong ma nye du ma yin pa la yid gnyis za bas ni dngos gzhir 'gyur la/dge slong ma nye du la yid gnyis za bas ni nyes byas su 'gyur ro/ /'di la yan lag brgyad kyis dngos gzhi'i ltung bar 'gyur te/ byin gyis brlabs pa dang / rang gi dang / rnying pa dang / 'khrur gzhug par 'os pa dang / gos dang / dge slong ma nye du ma yin pa dang / bsgo ba dang byas pa'o zhes sngar smos pa dang byin gyis brlabs pa'o zhes smos pa ni byin gyis ma brlabs pa 'khrur 'jug pa la sogs pa byas na nyes byas su bstan pa'i phyir te/ 'dir gzhung ni btsun pa re zhig dge slong gis chos gos spang ba 'khrur stsol na ltung ba cir 'gyur gal te ma spangs pa 'khrur 'jug na ni spang bar 'gyur ro//'on te spangs pa 'khrur 'jug na ni nyes byas su 'gyur ro zhes gsungs pa yin no/ /rang gi zhes smos pa ni gzhan gyi bsal ba'i phyir te/ 'dir gzhung ni btsun pa re zhig dge slong gis gzhan dbang ba'i chos gos 'khrur stsol na ltung ba cir 'gyur nyes byas su 'gyur ro zhes gsungs pa yin no//rnying pa zhes smos pa ni sar pa dgag pa'i phyir te/ 'dir gzhung ni rnying pa zhes bya ba ni dus tshigs gsum po dag las/ dus tshigs gang yang rung bar spyad pa gang yin pa'o zhes gsungs pa yin no/ /de yang mtshon pa yin par rig par bya ste/gal te ji srid spyad kyang rung / mi gtsang ba la sogs pas gos pa 'khrur gzhug par 'os pa ni dus tshigs su ma spyad na yang spang bar 'gyur ba bskyed pa kho na'o/ /'dir gzhung ni btsun pa dge slong chos gos rung bas grong du zhugs shing de'i chos gos de yang lus las ma phud par de spang bar bgyi ba'i slad du 'byung bar 'gyur ba mchis sam/nye ba 'khor yod de/ 'di lta ste/ khyim gyi nang du zhugs pa'i chos gos mi gtsang ba la sogs pas gos par gyur pa de dge slong ma nye du ma yin pa la 'khrur bcug na spang ba'i ltung byed du 'gyur ro zhes gsungs pa yin no//'khrur gzhug par 'os pa zhes smos pa ni de las bzlog pa la nyes byas su bstan pa'i phyir te/ 'dir gzhung ni btsun pa re zhig dge slong gis dge 'dun gyi chos gos 'khrur stsol na ltung ba cir 'gyur/ gal te gang zag gis spyad pas dri ma can du gyur pa yin na ni nyes byas su 'gyur ro zhes gsungs pa yin no//gos zhes smos pa ni chos gos dang gding ba ste/ de dag ma yin pa thams cad la nyes byas su bstan pa'i phyir te/ 'dir gzhung ni chos gos zhes bya ba ni bdun po bal gos dang / sha na'i gos dang / zar ma'i gos dang / du gu la'i gos dang / ras bal gyi gos dang /ko tam pa'i gos dang / nyi 'og gi gos dag las gang yang rung ba'o zhes gsungs pa yin no/ /dge slong ma nye du ma yin pa zhes smos pa ni de las bzlog pa na smad pa'i phyir ro/ /bsgo ba zhes smos pa ni mngags pa la sogs pa la nyes byas su bstan pa'i phyir te/ 'dir de gnyis kyi gzhung ni btsun pa re zhig dge slong gis dge slong ma nye du ma lags pa la mngags pas chos gos 'khrur stsol na ltung ba cir 'gyur/nyes byas su 'gyur ro zhes gsungs pa yin no/ /byas pa'o zhes smos pa ni dge slong ma nye du ma yin pas bkru ba la sogs pa ma byas na nyes byas su bstan pa'i phyir te/'dir gzhung ni 'khrur 'jug pa dang / 'tshed du 'jug pa dang / 'chag tu 'jug pa dag byas na spang ba'i ltung byed du 'gyur ro zhes gsungs pa yin no/ /sbyor ba'i ltung ba ni nyes byas te/ ji srid du 'khrur 'jug pa'i spang ba'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /phyi rol pa'i rab tu byung ba dang ma chags pa dang nyams pa la nyes byas so/ /gos rung ba nyid ma yin pa dang / tshad pas chung ba la nyes byas so/ /byin gyis ma brlabs pa dang /gzhan gyi dang / sar pa dang / 'khrur gzhug par mi 'os pa dang / chos gos dang / gding ba ma yin pa dang / mngag pa la sogs pa dang dge slong mas ma byas pa dag la nyes byas so/ /nye du la nye du ma yin par 'du shes pa dang / nye du la yid gnyis za ba la nyes byas so//dre'u rngog dang khyim pa'i gos dang / sngas nang tshangs can dang / rung ba byas pa dang / spangs pa dang / dge 'dun gyi rnams la yang nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed do/ /sbyor ba nyes byas kyi sbyor ba'i sbyor ba yang nyes byas te/nyes byas phra mo'o/ /de yang dang po yid la sems pa ni sbyor ba'i sbyor ba'i nyes byas phra mo'o/ /de nas lus dang ngag gis sbyor ba ni sbyor ba'i nyes byas dngos so/ /de nas mthar thug pa ni spang ba'i ltung byed kyi dngos gzhi'o zhes bya bar shes par bya'o/ /khyim pa'i rtags can mo la nyes byas phra mo'o//ltung ba med pa ni nye du la nye dur 'du shes pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du 'khrur 'jug pa'i spang bar 'gyur ba rnam pa thams cad mi bsten par bslab par bya'o//dge slong ma sbrum ma dben par gzhag go/ /der dge slong ma rnams kyis yal bar mi dor ro/ /de la zas sbyin par bya'o/ /dge 'dun gyi khrims su bya ba bsrung bar bya'o//glo bur du 'ongs pas kyang de las mi 'gal ba nyid du bya'o/ /yod dam med pa nyid dang / ji lta bur yongs su shes par bya ba'i phyir des de dri bar bya'o/ /ha cang yun mi ring bar te 'jug pa dang 'jug pa'i gnas btsal ba dang / rdzas gzhag pa dang / re zhig sdod pa de dag thams cad je dang por byas la de'i 'og tu khrims su bya ba dri bar bya'o//sangs rgyas kyis gsungs pa dge 'dun las g.yo ba med do/ /lhung bzed dang / chos gos dang / dra ba dang / phor bu dang / ska rags lhag pa 'bul ba na dge 'dun gyis nye bar gzhag pa'i don du blang bar bya'o//de ltar nye bar gzhag pa ni de med pa dag gis ji dgar bkur ro/ /phyir bcos pa ni snga ma bzhin no/ /'khrur 'jug pa'i spang ba ste bzhi pa bshad zin to// //so sor thar pa'i mdo rgya cher 'grel pa 'dul ba kun las btus pa/ bam po bcu gcig pa/ len pa'i spang ba'i gleng gzhi ni bcas pa dang gnang ba'i dbang gis rnam pa gnyis te/bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe bcom ldan 'das kyis dge slong ma rnams dgon par gnas pa ma bkag pa de'i tshe na dge slong ma rnams kyang dgon pa'i gnas su dong ste/bsam gtan dang / rnam par thar pa dang / ting nge 'dzin dang / snyoms par 'jug pa'i bde ba dag nyams su myong bar byed do/ /de nas dge slong ma ut+pala'i mdog 'khor lnga brgya dang nags mun pa can ga la ba der song ste phyin nas/shing ljon pa zhig gi drung du brten te skyil mo krung phyed kyis 'dug nas bsam gtan dang / rnam par thar pa dang / ting nge 'dzin dang / snyoms par 'jug pa'i bde ba dag nyams su myong bar byed do/ /dge slong ma de dag phyi 'phreng mnyan yod du 'jug 'dod nas smras pa/'phags ma ut+pa la'i mdog bslang bar bya'o/ /kha cig gis smras pa/ 'phags ma ut+pa la'i mdog ni mthu che ba rdzu 'phrul che ba yin pas dang po kho nar dbyar khang du 'gro bar 'gyur ba'i gnas skabs kyang yod do zhes zer nas/ de dag gis de ma bslangs pa kho nar dang ngo //ut+pa la'i mdog kyang phyi 'phred langs nas dge slong ma de dag thams cad dong bar mthong ba dang / des bsams pa/ cid 'gro'am 'on te 'di nyid du 'dug snyam nas/ de de nyid du 'gog pa la snyoms par zhugs so/ /chom rkun pa g.yon can lnga brgya tsam gyis chom rkun gyi las dag kyang byas nas nags mun pa can du lhags te/de dag gis smras pa/ bdag cag las nyis brgya lnga bcus ni skal ba dag bgo bar byas te/ nyis brgya lnga bcus ni nags byul bar bya'o zhes de dag las nyis brgya lnga bcus ni skal ba dag bgo bar brtsams/ nyis brgya lnga bcus ni nags byul bar brtsams pa dang /de dag gis ut+pala'i mdog 'dug pa mthong ngo / /des na kha cig na re shes ldan dag 'di dag mtho yor zhig yin no zhes zer/ kha cig na re 'di ni mi zhig yin no zhes zer ro/ /kha cig na re 'di ni dge slong zhig yin no zhes zer ro/ /de na dge slong gi rgyus shes pa gcig 'dug pa des smras pa/'di ni dge slong ma zhig yin gyi/ dge slong ni ma yin no/ /ji ltar shes/ dge slong dag ni skyil mo krung gis 'dug la dge slong ma rnams ni skyil mo krung phyed kyis 'dug go/ /de dag ngo mtshar skyes nas shes ldan dag 'di lta bu'i nags 'jigs su rung ba'i nang na dge slong ma gcig pu mtshan mo gnas par khas blangs pa la ltos zhes zer ro//de dag dmag dpon gyi gan du dong ba dang / dmag dpon gyis de dag la dris pa/ shes ldan dag khyed kyis nags mun pa can 'di na ngo mtshar cung zad mthong ba yod dam/ mchis te 'di lta bu'i nags 'jigs su rung ba'i nang na dge slong ma gcig pu mtshan mo gnas par khas blangs pa mchis so/ /de bltas 'dong ngo zhes de dag de'i drung du dong ba dang / dmag dpon gyis dge slong ma ut+pa la'i mdog /gzugs bzang ba blta na sdug pa/ mdzes pa mthong ngo / /mthong nas kyang mngon par dad par gyur nas/ de mngon par dad pa skyes nas smras pa/ kye ma dge slong ma 'di gnyi ga nas bzang ba yin te/ mtshan mo zla nyi mo ltar 'dug pa gang yin pa dang / gzugs bzang ba blta na sdug pa mdzes pa gang yin pas so zhes de bslang bar brtsams pa dang /de dag gis smras pa/ ci'i phyir 'di slong bar byed/ zan sbyin par bya'o/ /dge slong gi rgyus shes pa gcig gis smras pa/ 'di ni dus ma yin par mi za'o/ /dmag dpon gyis smras pa/ ci'i phyir/ des smras pa/ 'dis dus ma yin pa'i zas spangs pa yin no/ /dmag dpon gyis smras pa/kye ma dge slong ma 'di ni gnyi ga nas bzang ba yin te/ gzugs bzang ba blta na sdug pa mdzes pa gang yin pa dang / dus ma yin pa'i zas spangs pa gang yin pas so/ /yang smras pa 'di la chang blud par bya'o/ /dge slong gi rgyus shes pa des smras pa/ 'di ni myos par 'gyur ba'i ltung ba spangs pa yin no//dmag dpon gyis smras pa/ kye ma dge slong ma 'di ni gnyis ka nas bzang ba yin te/ gzugs bzang ba blta na sdug pa mdzes pa gang yin pa dang / myos par 'gyur ba'i ltung ba spangs pa gang yin pas so/ /yang smras pa/ kho bos yon gnas zhing 'di lta bu la bsod snyoms kyis bsgrub par ma nus so zhes des ras yug chen po la 'os pa cig dang /bsod snyoms kyi phud cig phul nas shing ljon pa'i yal ga la btags nas smras pa/ 'phags ma 'di ltar khyod la mi mkhyen pa dang / mi gzigs pa dang / mi rig pa dang / rnam par mi mkhyen pa ci yang mi mnga' bas bdag gis khyod la bsod snyoms dang na bza' 'di 'bul lo zhes smras te song ngo //ut+pa la'i mdog nang par sngar langs pas skye bo phal po che'i rjen shul mthong nas/ des bsams pa dang / chom rkun pa g.yon can lnga brgya nye bar 'ongs par mthong nas/ smras pa/ mi mdzes pa 'ga' zhig rig par ma byas sam snyam nas 'ga' yang ma byas par mthong ngo / /shing ljon pa'i yal ga la ras yug chen dang bsod snyoms btags te gzhag pa mthong nas/ des bsams pa/ 'di ni dad par gyur pa rnams kyis dad pa'i dbang du byas pa yin no snyam nas des bsams pa/gal te byin len stobs pa la bsdad na bya'am spre'us chud gsan par 'gyur bas bdag ni dge 'dun la bsod snyoms kyi phud 'bul ba yin la/ 'di ltar dge slong rnams la mi rung ba gang yin pa de ni dge slong ma rnams la rung ba yin la/ dge slong ma rnams la mi rung ba gang yin pa de ni dge slong rnams la rung ba yin pas bdag rang nyid kyis 'di khyer te/dge 'dun la bsod snyoms kyi phud 'bul du 'gro'o snyam nas/ des de khyer te rgyal byed kyi tshal du song ngo / /drug sde rnams kyi kun du spyod pa ni drug sde las gang yang rung bas/ rgyal byed kyi tshal gyi sgo stong par mi 'jog pas nye dga' rgyal byed kyi tshal gyi sgo na 'chag cing 'dug pa des ut+pa la'i mdog mthong nas smras pa/ sring mo ci'i phyir nang par sngar mnyan yod kyi sgo dag phye ste 'ongs/ des smras pa/ bdag mnyan yod du ma mchis kyi/ bdag mdang sum nags mun pa can du mchis par khas blangs so//nye dgas smras pa/ nye dga' ni nyin mo nyid nags mun pa can du zhugs na yang spu dag gyen du 'greng bar 'gyur ro/ /sring mo khyer ba 'di ci yin/ des smras pa/ chom rkun pa lnga brgya tsam der mchis nas/ de dag dad par gyur pas bdag nyid la dad pa'i dbang du bgyis pa la stsal to//sring mo khyod ni chom rkun pas kyang dad par byas pa yin gyi/ gal te nye dga' de dag gis mthong du zin na lcag rgod mang pos brdabs te khur tsa bar khrid par 'gyur ro/ /'di ltar gang la ras yug chen 'di lta bu yod pa de ni gos sar pa las snam sbyar nyis rim du byas te/sems las chung ngus dge ba'i phyogs la tron byed par 'gyur ro/ /'phags pa khyod ras yug chen 'di bzhed dam/ lha'i gnas kyi lhag ma bzhin du'o/ /'phags pa bdag gis dge 'dun la bsod snyoms kyi phud phul te slar mchis kyi bar du gzhes shig dang /de'i 'og tu khyod la ras yug chen gsol lo/ /nye dgas bsams pa/ lhung bzed nag po can 'ga' zhig gis 'di la bslangs pa dang / de la byin par 'gyur ro snyam nas/ sring mo bdag gis bsod snyoms kyi phud len pa dag khrid de 'ong gi / de'i bar du 'di nyid du sdod cig /nye dga' rgyal byed kyi tshal du zhugs pa dang / des dge slong bsod snyoms kyi phud len pa dag snying las chung ngur 'khod pa dag mthong nas des smras pa/ tshe dang ldan pa dag sbyin bdag gi khur gyis ngal zhing sdod la khyed cag ni 'dir snying las chung ngur 'khod na tshur sheg /bsod snyoms kyi phud longs shig /de dag gis gzhong bu thogs te dong ba dang / ut+pa la'i mdog gis de dag la bsod snyoms kyi phud phul nas ras yug chen sprugs te nye dga' la phul lo/ /nye dgas khyod sbyin pa 'dis sems kyi rgyan dang / sems kyi yo byad dang /rnal 'byor gyi tshogs dang / don gyi mchog dang / lha dang mi rnams kyi gos kyi mchog dag thob par gyur cig ces smras so/ /ut+pa la'i mdog gis bsams pa/ da dbyar khang du song ste ci rung / bcom ldan 'das kyi zhabs la phyag 'tshal te 'gro bar bya'o snyam nas/des ut+pa la'i mdog bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te/ mtha' gcig tu 'dug go/ /de'i tshe ut+pa la'i mdog gi chos gos lnga ngan cing snam sbyar yang rnyings par gyur nas/ de nas bcom ldan 'das kyis tshe dang ldan pa kun dga' bo la bka' stsal pa/kun dga' bo dge slong ma rnams kyis dbyar gyi gos kyi rnyed pa ma grub sam/ btsun pa grub bo/ /'o na ci'i phyir dge slong ma ut+pa la'i mdog gi chos gos lnga ngan cing snam sbyar yang rnyings par gyur/ btsun pa sring mo 'di ni dad pa dang ldan zhing bzang la dge ba'i bsam pa can lags te/'dis sangs rgyas sam/ chos sam/ dge 'dun nam/ dge slong yid du 'thad pa dag la ma phul ba'am/ yongs su ma btang ba ci yang ma mchis te/ 'dis deng yang ras yug chen rnyed nas/ de yang 'dis btsun pa nye dga' la stsal to//kun dga' bo dge slong dag dge slong ma nye du ma yin pa las gos lhag ma len tam/ btsun pa len to/ /kun dga' bo dge slong ma nye du ma yin pa ni 'di snyam du 'di'i chos gos lnga tshang ngam/ 'on te ma tshang snyam du mi sems par 'di ltar thob bo cog len par byed kyi/nye du la ni byin yang len par mi byed do/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo dge slong ma ut+pa la'i mdog la gtsug lag khang chen po nas chos gos lnga byin cig /tshe dang ldan pa kun dga' bos dge slong ma ut+pa la'i mdog la/gtsug lag khang chen po nas chos gos lnga byin no/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ nye dga' la rmas nas rnam grangs du mar smad de/ bslab pa bca' ba'i phan yon bcu yang dag par gzigs pas/nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ma nye du ma yin pa las gos len na spang ba'i ltung byed do zhes bca' ba mdzad de/ yul ni mnyan yod/ gang zag ni nye dga'/nyon mongs pa ni 'dod zhen/ nyes pa ni dge slong ma nye du ma yin pa las gos len pa'o/ /gnang ba'i gleng gzhi ni/ sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag gcig 'dug pa des rigs mnyam pa las chung ma blangs te/de de dang lhan cig tu rtse bar byed dga' bar byed dga' mgur spyod par byed do/ /de bdag gi khyim nor du ma dang ldan na/ bdag gis 'jig rten pha rol gyi lam brgyags cung zad kyang ma khyer ro snyam nas/ lag pa la 'gram pa gtad de sems khong du chud cing 'dug pa chung mas mthong nas smras pa/ rje'i sras khyod ci'i slad du lag pa la 'gram pa gtad de sems khong du chud cing bzhugs/ bzang mo kho bo'i khyim nor du ma dang ldan na bdag gis 'jig rten pha rol gyi lam brgyags cung zad kyang ma khyer te/gal te bdag gis sangs rgyas la sogs pa dge slong gi dge 'dun bshos gsol te/ re re la ras bcos bu sar pa phrugs re re bskon na des bdag gis 'jig rten pha rol gyi lam brgyags khyer bar 'gyur ro/ /chung mas smras pa/ rje'i sras de bzhin mdzod cig /de nas khyim bdag de bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas/ bcom ldan 'das kyis khyim bdag de la chos dang ldan pa'i bka' mchid kyis yang dag par ston par mdzad/yang dag par 'dzin du 'jug par mdzad/ yang dag par gzengs stod par mdzad/ yang dag par rab tu dga' bar mdzad de/ rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cang mi gsung ngo / /de nas khyim bdag de stan las langs nas/ bla gos phrag pa gcig tu byas te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to//bcom ldan 'das sang bdag gi sdum par dge slong gi dge 'dun dang thabs cig tu gdugs tshod gsol bar ci gnang / bcom ldan 'das kyis khyim bdag de la cang mi gsung bas gnang ngo / /de nas khyim bdag des bcom ldan 'das kyis cang mi gsung bas gnang bar rig nas/bcom ldan 'das kyis bka' stsal ba la mngon par dga' ba dang rjes su yi rang bar byas te/ bcom ldan 'das kyi zhabs gnyis la mgo bos phyag 'tshal nas/ bcom ldan 'das kyi spyan snga nas song ngo / /de nas khyim bdag des de nyid kyi mtshan mo bca' ba dang / bza' ba gtsang zhing bsod pa legs par spyad nas nang par sngar langs te/gdan bshams nas chur bzhag ste/ bcom ldan 'das la spyan 'dren gyi/ btsun pa gdugs tshod sbyar ba'i dus lags na/ de bcom ldan 'das kyis de'i dus la bab par mkhyen par mdzad du gsol zhes gdugs tshod la spyan drangs so//de nas bcom ldan 'das snga dro sham thabs gsol lhung bzed dang chos gos bsnams te/ dge slong gi tshogs kyis yongs su bskor zhing / dge slong gi dge 'dun gyis mdun du bdar te/ khyim bdag de'i bkad sa ga la ba der gshegs te byon nas/ dge slong gi dge 'dun gyi gung la gdan bshams pa nyid la bzhugs so//de nas khyim bdag des sangs rgyas la sogs pa dge slong gi dge 'dun bde bar bzhugs par rig nas/ rang gi lag nas bca' ba dang / bza' ba gtsang zhing bsod pas tshim par byed/ stobs par byed do/ /rnam grangs du mar bca' ba dang bza' ba gtsang zhing bsod pas rang gi lag nas tshim par byas shing bstabs nas sangs rgyas la sogs pa dge slong gi dge 'dun re re la ras bcos bu sar pa phrugs re re phul lo//de nas khyim bdag des stan ches dma' ba zhig blangs nas/ bcom ldan 'das kyi spyan sngar chos mnyan pa'i phyir 'dug go//de nas bcom ldan 'das kyis khyim bdag de la chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/ yang dag par gzengs stod par mdzad/ yang dag par rab tu dga' bar mdzad de/rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas gdan las bzhengs te gshegs so/ /de nas khyim bdag des bcom ldan 'das kyi slad bzhin pha zad tsam du song nas/bcom ldan 'das kyi zhabs gnyis la mgo bos phyag 'tshal te/ bcom ldan 'das la lan gsum bskor ba byas nas/ bcom ldan 'das kyi spyan snga nas phyir log ste rang gi khyim ga la ba der song ste phyin pa dang / steng gi khang bzangs kyi gzhir gtogs pa na gtong ba rjes su dran pa bsgom pa'i tshe/chung ma la smras pa/ bzang mo bdag gis 'jig rten pha rol gyi lam brgyags mang du khyer gyis/ mchog tu dga' ba dang rjes su yi rang bar gyis shig /chung mas smras pa/ rje'i sras kyis ni 'jig rten pha rol gyi lam brgyags bsnams na bdag gis ma 'tshal to//bzang mo bdag cag gnyis kyi longs spyod dag thun mong ma yin nam/ rje'i sras 'di ltar 'o skol cag gi longs spyod dag thun mong lags te/ 'di ltar bdag gis kyang skye dgu'i bdag mo chen mo gau ta mI la sogs pa dge slong ma'i dge 'dun bshos gsol te chen po la 'os pa'i gos dag phul na/de lta na bdag gis kyang 'jig rten pha rol gyi lam brgyags pa tshal bar 'gyur ro/ /khyim bdag gis smras pa/ bzang mo ci sngar sbyin pa byin pas phyis sbyin pa byar med dam/ de bzhin gyis shig /de nas khyim bdag gi chung ma de skye dgu'i bdag mo chen mo gau ta mI ga la ba der song ste phyin nas/ skye dgu'i bdag mo chen mo gau ta mI'i rkang pa gnyis la mgo bos phyag 'tshal nas mtha' gcig tu 'dug go/ /mtha' gcig tu 'dug nas/ skye dgu'i bdag mo chen mo gau ta mI sa khyim bdag gi chung ma de la chos dang ldan pa'i gtam gyis yang dag par ston par byed/yang dag par 'dzin du 'jug par byed/ yang dag par gzengs stod par byed/ yang dag par rab tu dga' bar byed de rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar byas nas cang mi smra'o/ /de nas khyim bdag gi chung ma de stan las langs te/ skye dgu'i bdag mo chen mo gau ta mI ga la ba der logs su thal mo sbyar ba btud nas/ skye dgu'i bdag mo chen mo gau ta mI la 'di skad ces smras so//'phags ma sang bdag gi sdum par dge slong ma'i dge 'dun dang thabs cig gdugs tshod gsol bar cig nang / skye dgu'i bdag mo chen mo gau ta mIs/ khyim bdag gi chung ma de la cang mi smra bas dang du blangs so/ /de nas khyim bdag gi chung ma des skye dgu'i bdag mo chen mo gau ta mIs cang mi smra par dang du blangs par rig nas skye dgu'i bdag mo chen mo gau ta mIs smras pa la mngon par dga' ba dang rjes su yi rang bar byas te/skye dgu'i bdag mo chen mo gau ta mI'i rkang pa gnyis la mgo bos phyag 'tshal nas/ skye dgu'i bdag mo chen mo gau ta mI'i drung nas song ngo //de nas khyim bdag gi chung ma des de nyid kyi mtshan mo bca' ba dang / bza' ba gtsang zhing bsod pa legs par sbyar nas/ nang par sngar langs te/ stan bshams nas chur bzhag ste/ skye dgu'i bdag mo chen mo gau ta mI la spyan 'dren gyi 'phags ma gdugs tshod sbyar ba'i dus lags na/da 'phags mas de'i dus la bab par mkhyen par mdzad du gsol zhes dro la bos so/ /de nas skye dgu'i bdag mo chen mo gau ta mIs snga dro sham thabs bgos lhung bzed dang chos gos thogs te/ dge slong ma'i tshogs kyis yongs su bskor zhing /dge slong ma'i dge 'dun gyis mdun du bdar te/ khyim bdag gi chung ma de'i bkad sa ga la ba der song ste phyin nas dge slong ma'i dge 'dun gyi gung la stan bshams pa nyid la 'dug go/ /de nas khyim bdag gi chung ma des skye dgu'i bdag mo chen mo gau ta mI la sogs pa dge slong ma'i dge 'dun bde bar 'dug par rig nas/rang gi lag nas bca' ba dang / bza' ba gtsang zhing bsod pas tshim par byed stobs par byed do/ /rnam grangs du mar bca' ba dang bza' ba gtsang zhing bsod pas rang gi lag nas tshim par byas shing bstabs nas/ des chen po la 'os pa'i gos dag gi sprog ma phye nas/chen po la 'os pa'i gos dag thogs te/ rgan pa'i mtha' logs su 'dug go/ /de nas skye dgu'i bdag mo chen mo gau ta mI 'di snyam du sems te/ bcom ldan 'das kyis dge slong ma rnams la chen po la 'os pa'i gos dag dgag pa mdzad pas/gal te re zhig blangs par gyur na ni bslab pa'i gzhi 'khrugs par yang 'gyur/ gal te ma blangs na ni khyim bdag gi chung ma'i bsod nams kyi bar chad dang / dge slong ma'i dge 'dun gyi rnyed pa'i bar chad du'ang 'gyur ro snyam mo/ /dge slong ma rnams kyis bsams pa/ kye ma 'phags ma skye dgu'i bdag mo chen mo gau ta mIs chen po la 'os pa'i gos dag blangs par gyur cing /bdag cag gis blangs par gyur na bcom ldan 'das kyis kyang dus lags pa'i slad du gnang bar 'gyur ro snyam mo/ /de nas skye dgu'i bdag mo chen mo gau ta mIs/ chen po la 'os pa'i gos dag blangs nas khyim bdag gi chung ma la yon bshad par byas te/stan las langs nas song ste/ bcom ldan 'das ga la ba der song ste phyin pa dang / bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas skye dgu'i bdag mo chen mo gau ta mIs skabs de bcom ldan 'das la rgyas par gsol to//de skad ces gsol ba dang / bcom ldan 'das kyis skye dgu'i bdag mo chen mo gau ta mI la 'di skad ces bka' stsal to/ /gau ta mI ngas gnang ba gang yin pa de khyod kyis shes pa legs so/ / legs so/ /de lta bas na ngas dge slong ma rnams kyis chen po la 'os pa'i gos dag blangs nas dge slong rnams dang lhan cig brje bar bya bar rjes su gnang ngo / /de nas dge slong ma bcu gnyis sde dag gis gos de dag khyer te drug sde dag gi gan du dong nas smras pa/ 'phags pa dag bcom ldan 'das kyis dge slong ma rnams la chen po la 'os pa'i gos dag dgag pa mdzad de/bdag cag gis chen po la 'os pa'i gos dag rnyed pa 'di dag khyed bzhes la bdag cag la ngan pa dag stsol cig /drug sde dag gis smras pa/ sring mo dag bdag cag la dge slong ma'i ras ma dag dgos pa med do//de'i tshe yang bdag cag byis pa rmongs pa/ mi gsal ba/ mi mkhas pa dag la khur dag bslang bar gyur gyis bdag cag mi len to/ /dge slong ma gzhan dag gnas brtan gnas brtan rnams kyi drung du song ste/ smras pa/ 'phags pa dag bcom ldan 'das kyis dge slong ma rnams la chen po la 'os pa'i gos dag dgag pa mdzad de/bdag cag gis chen po la 'os pa'i gos dag rnyed pa 'di dag khyed bzhes la bdag cag la ngan pa dman pa dag stsol cig /sring mo dag bcom ldan 'das la zhu'o zhes zer ba'i skabs de dge slong rnams kyis bcom ldan 'das la gsol ba dang /bcom ldan 'das kyis bka' stsal ba/ de lta bas na brjes pa ma gtogs te/ de la brje ba ni 'di yin te/ de tsam gyis sam ji tsam gyis dge slong ma dga' bar 'gyur bas brje bar bya'o/ /de nas bcom ldan 'das kyis bslab pa 'dod pa'i bsngags pa brjod de bslab pa la gus pa dang /bslab pa la yo byad bsnyungs pa dang / sbyangs pa'i yon tan dang / phri ba dang / drod rig pa'i bsngags pa brjod de/ dge slong ma rnams la yang de dang mthun pa dang / de dang 'tsham pa dang / de'i shas che ba dang / de dang ldan pa'i chos dang mthun pa'i bka' mchid bka' stsal nas dge slong rnams la bka' stsal pa/dge slong dag de lta bas na snga ma ni bcas pa yin la 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ma nye du ma yin pa las gos len na brjes pa ma gtogs te spang ba'i ltung byed do zhes gnang ba mdzad de/yul ni mnyan yod/ gang zag ni dge slong rab tu mang po/ /nyon mongs pa dang nyes pa ni med do/ /de la yang dge slong gang zhes bya ba ni nye dga' 'am/ gzhan yang de lta bu gang yin pa'o/ /dge slong ma zhes bya ba ni chos 'di pa'o/ /nye du ma yin pa las zhes bya ba ni phyi mo dang /mes po dang / phrugs kyi bdun pa tshun chad ni nye du yin la/ de phan chad ni nye du ma yin no/ /gos zhes bya ba ni gos bdun po bal gos dang / sha na'i gos dang / gso ma'i gos dang / du gu la'i gos dang / ras bal gyi gos dang / ko tam pa'i gos dang / nyi 'og gi gos las gang yang rung ba'o/ /len na zhes bya ba ni bdag gir byed na'o/ /brjes pa ma gtogs te zhes bya ba ni brjes pa gzhag ste'o/ /spang pa'i ltung byed do zhes bya ba ni dngos po de spangs nas/ ltung byed kyi ltung ba bshags par bya ba ste/ des na spang ba'i ltung byed do zhes gsungs so//de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gis dge slong ma nye du ma yin pa la nye du ma yin par 'du shes pas gos dag ngag gi rnam par rig byed kyis len na lag tu 'ongs pa'am/blta ba'i nye 'khor du gyur pa na len pa'i spang pa'i ltung byed kyi dngos gzhir 'gyur ro/ /dge slong la len pa'i spang ba'i ltung byed byung na/de ma spangs shing bral bar ma byas la ltung ba ma bshags par ram/ spangs shing ma bral bar ma byas la ltung ba ma bshags par ram/ spangs shing bral bar byas la ltung ba ma bshags par gos blang bar 'os pa de lta bu gzhan zhig rnyed na/ de yang snga ma'i shugs kyis spang bar 'gyur te/ de las ltung bar ni mi 'gyur ro/ /dge slong gis len pa'i spang ba'i ltung byed byung la ji srid du spang ba'i dngos po las ma bshags shing / so sor ma bshags par lhung bzed dam/ chos gos sam/ dra ba'am/ phor bu'am/ ska rags sam/dge sbyong gi 'tsho ba'i yo byad gang yang rung ba gzhan nye bar 'jog na de yang snga ma'i shugs kyis spang bar 'gyur te/ de las ltung bar ni mi 'gyur ro/ /rung ba nyid dang / tshad dang ldan pa dang / tshad las lhag pa la na smad pa med do/ /dge slong ma nye du ma yin par bsnyen par rdzogs pa ma nyams pa la na smad pa med do//lag tu 'ongs pa nyid dang / blta ba'i nye 'khor du gyur pa nyid la na smad pa med do/ /ngag gi rnam par rig byed la na smad pa med do/ /'di'i byed pa po yang snga ma bzhin te/ dge slong ma nye du ma yin pa'i yul la 'du shes gtso cher byed pa po nyid yin no/ / nye du ma yin pa dang / 'du shes kyi mtshan nyid ni snga ma bzhin no/ /'di la yan lag lngas dngos gzhi'i ltung bar 'gyur te/ dge slong ma nye du ma yin pa dang / gos dang / rung ba dang / ngag gi rnam par rig byed dang len pa'o/ /de dag las yan lag ma tshang na ci rigs par na smad do/ /de la dge slong ma nye du ma yin pa zhes smos pas ni dge slong ma nye du ma yin pa la der 'du shes pa'am/yid gnyis za ba yan lag tu bstan to/ /gos zhes smos pas ni lhung bzed dang / sman la sogs pa sel to/ /rung ba zhes smos pas ni rgyu dag rung ba dang / tshad dang ldan pa yan lag tu bstan to//ngag gi rnam par rig byed ces smos pas ni cang mi smra bas dang du len pa dang / ngag las gzhan pa'i rnam par rig byed sel to/ /len pa zhes smos bas ni lag tu ma 'ongs pa nyid dang / blta ba'i nyen kor du ma gyur pa sel to/ /sbyor ba gcig gis gos gcig gam/ gnyis sam/ mang po zhig len na ltung ba'i dngos gzhi gcig tu rnam par gzhag go/ /sbyor ba'i ltung ba ni nyes byas te/ ji srid du len pa'i spang ba'i ltung byed kyi sbyor ba brtsams nas/ dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//dge slong ma nye du la nye du ma yin par 'du shes pa dang / nye du la yid gnyis za ba la nyes byas so/ /gos ma yin pa la nyes byas so/ /mi rung ba la nyes byas so/ /ngag gi rnam par rig byed ma yin pa la nyes byas so/ /nye bar ma gyur pa nod pa la nyes byas so/ /phyi rol pa'i rab tu byung ba dang /ma chags pa dang / nyams pa la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba'i nyes byas kyi sbyor ba'i sbyor ba yang nyes byas te/ nyes byas phra mo'o/ /de yang dang po yid la sems pa ni sbyor ba'i sbyor ba'i nyes byas phra mo'o//de nas lus dang ngag gis sbyor ba ni sbyor ba'i nyes byas dngos so/ /de nas mthar thug pa ni spang ba'i ltung byed kyi dngos gzhi'o zhes bya bar shes par bya'o/ /khyim pa'i rtags can la nyes byas phra mo'o/ /ltung ba med pa ni nye du la nye dur 'du shes pa la ltung ba med do/ / dge 'dun la gos 'bul ba dang / legs par smra ba la 'bul ba la ltung ba med do/ /bsnyen par rdzogs par byed pa dang por rlag byung ba dag la ltung ba med do/ /dad rdzas brjod de mdun du bzhag nas mi ltos par rang song ba la ltung ba med do/ /dge slong ma rgya che ba dang nyo tshong gi tha snyad dang bral bas gos la sogs pa byin pa la ltung ba med do//re zhig gi sems kyis len pa la ltung ba med do/ /rin sbyin pa brjed pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du len pa'i spang bar 'gyur ba rnam pa thams cad mi bsten par bslab par bya'o//dge slong mas gos rin chen po dge slong dang brje bar bya ba'i phyir sbyin bdag las blang bar bya'o/ /dge slong gis dge slong ma dang lhan cig gos la sogs pa brje bar bya'o//rin mnyam pas sam yang na de dga' ba nyid kyis brje bar bya'o/ /phyir bcos pa ni snga ma bzhin no/ /len pa'i spang ba ste lnga pa bshad zin to// //slong ba'i spang ba'i gleng gzhi yang bcas pa dang / gnang ba'i dbang gis rnam pa gnyis te/ bcas pa'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed pa las des chung ma la smras pa/ bzang mo kho bo zong thogs te yul gzhan du 'gro'o/ /rje'i sras re zhig gzhon pa'i gnas skabs su rol pa dang dgyes pa dang dgyes dgur spyod pa mdzod la bgres pa'i gnas skabs su nor bsgrub pa mdzod cig /bzang mo ci tsam du gzhon pa'i 'byung ba chen po de dag ni grang ba dang tsha ba bzod pa yin pas/ji nor bsgrub par bya zhing rgas pa'i gnas skabs su bde ba spyad cing 'dug par bya'o/ /chung mas bsams pa/ bdag gis bskul bar bya ba gang yin pa de rang nyid byed do snyam nas/ smras pa/ rje'i sras de ltar mdzod cig /khyim bdag des chung ma de la kha zas tsam byin nas/ zong khyer te yul gzhan du song ngo / /de'i chung ma des bsams pa/ bdag gi khyim thab grang ba na grang bas sbrebs bzhin pa dang / tsha ba na tsha bas gdungs bzhin pa dang / bkres pa dang skom pa dag gis gnod bzhin pa dang /sha sbrang dang / sbrang bu dang / rlung dang nyi ma dang sdig sbrul gyi reg pa dag gis nyen bzhin du longs spyod dag mngon par bsgrub pa'i phyir spro bar byed/ 'bad par byed/ rtsol bar byed pa gang yin pa de dag thams cad bdag gi phyir bya'o snyam pa yin pas/ bdag las med par 'dug pa ni bdag gi tshul dang mthun pa ma yin no snyam nas des tshong dus su song ste/ras bal bzang po blangs nas dog pa bzang po bkal te/ thag pa mkhas pa la ras zung bzang po 'thag tu bcug nas/ des ras de spos sna tshogs kyis bsgos te/ gos kyi za ma tog tu bcug ste bzhag go//khyim bdag des kyang don legs par grub nas khe spogs rnyed de legs par 'ongs nas/ chung ma des khyim bdag de khrus byas nas de la ras zung de phul lo/ /khyim bdag des bsams pa/ bdag gis 'di la kha zas tsam bzhag pa gang yin pa de dag thams cad kyis kyang ras zung 'di mi rnyed do snyam du rig nas/chung ma la smras pa/ bzang mo ras zung 'di ga las rnyed/ rje'i sras je gsol cig /khyim bdag des de gyon nas yang dris pa/ bzang mo ras zung 'di ga las rnyed/ rje'i sras je bshos gsol cig /des zan zos nas yang dris pa/ bzang mo ras zung 'di ga las rnyed/ des skabs de rgyas par brjod pa dang / khyim bdag gis smras pa/ bzang mo legs so/ /kho bo ni bsgrub pa yin la khyod kyang 'di ltar sred pa yin na bdag cag gi longs spyod dag ring po mi thogs pa kho nar 'phel zhing rgyas pa dang yangs par 'gyur ro//chung mas smras pa/ rje'i sras 'di ni bdag gi dka' bas bsgrubs pa lags kyi/ khyod kyis su la yang ma stsal cig /khyim bdag de dad pa dang ldan zhing bzang la/ dge ba'i bsam pa can yin pas de bcom ldan 'das kyi zhabs la phyag 'tshal du rgyal byed kyi tshal du byung ste 'gro ba na mi sgo bas mthong nas des bsams pa/khyim bdag 'di ras zung 'di lta bu gyon pa las na 'dis ni rnyed pa mang po rnyed pa yin no snyam mo/ /drug sde dag gi kun du spyod pa ni drug sde dag las gang yang rung bas rgyal byed kyi tshal gyi sgo stong par mi 'jog pas/ nye dga' rgyal byed kyi tshal gyi sgo na 'chag cing 'dug pa des khyim bdag de mthong nas des bsams pa/khyim bdag 'di ras zung 'di lta bu gyon pa las na 'dis ni rnyed pa mang po rnyed pa yin gyi/ gal te bdag gis 'di ma phrogs na nye dga' zhes bya ba'i ming mi bzung ngo snyam nas/ des de la smras pa/ khyim bdag 'ongs pa legs so 'ongs pa legs so//khyod yun ring mo ring mo nas zla ba bzhin du ga las 'khor 'khor/ 'phags pa dag zong thogs te yul gzhan du mchis par gyur to/ /khyim bdag khyod kyis rnyed pa mang po grub bam/ 'phags pa chang chung tsam mo/ /khyim bdag mtshe'u ni rnyog pa can nam/dang ba'i rgyu mthun pas rig par bya ste/ khyod ras zung 'di lta bu gyon pa las na khyod kyis rnyed pa mang po grub par mngon gyi tshur shog chos bstan par bya'o/ /drug sde dag gi kun du spyod pa ni gal te tshul khrims kyi gtam dag byed na nyan pa po dag bdag cag lha rnams su skyes so snyam du sems la/gal te sbyin pa'i gtam dag byed na nyan pa po dag rang gi sha gang yin pa de yang bcad cing bcad cing sbyin par bya'o snyam du sems so/ /gal te ngan song gi gtam dag byed na nyan pa po dag bdag cag ngan song rnams su skyes so snyam du sems par 'gyur ba yin no//khyim bdag des nye dga'i rkang pa gnyis la phyag 'tshal te/ chos mnyan pa'i phyir mdun du 'dug pa dang / nye dgas de la chos bstan par brtsams nas/ des de la ci nas kyang de'i sems dad par 'gyur ba de ltar chos kyi gtam byas so/ /de dad par gyur nas smras pa/bdag gis 'phags pa la legs par gsungs pa'i na bza' phrugs cig 'bul lo/ /bzhin bzangs a rog gya sbyin pa 'dis khyod kyi sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob par gyur cig /bzhin bzangs bcom ldan 'das kyis kyang 'di skad ces/sang dag 'chi yang sus shes kyi/ /de ring nyid du brtun te bya/ /'chi bdag sde can de dang ni/ /khyed cag bshes pa ma yin no/ /zhes gsungs so/ /bzhin bzangs khyod kyis ras zung bzang po gyon pa 'di nyid kho bo la byin cig dang / kho bos 'di las snam sbyar nyis rim byas te/sems las chung ngus dge ba'i phyogs la bde bar tron bya'o/ /'phags pa khyod 'di bzhed dam/ lha'i gnas kyi lhag ma ji lta ba bzhin du'o/ /'phags pa bdag khyod la mi 'bul ba ni ma lags na/ 'di ltar 'di ni mchis brang gis bdag la stsal ba lags so/ /khyim bdag kho bos khyod gzhan la dad par byas na/khyod ko bud med kho na'i dbang yin nam zhes nye dgas dang na dus kyi phyed kyis de'i bla gos blangs nas/ de lag pa gnyis 'dril bar byed bzhin sgyur bar byed do/ /khyim bdag gis de la smras pa/ 'phags pa 'di ci'i tha tshig /khyim bdag 'di ni khyod la yongs su btang ba las byung ba'i bsod nams bya ba'i gzhi ni yod na yongs su longs spyod pa las byung ba'i bsod nams bya ba'i gzhi ni med de/nam zhig na 'di dang 'dra ba rnyed na/ 'di las chos gos byed par 'gyur bas 'di ni chos gos kyi gdang kho na la zad par 'gyur ro/ / 'phags pa ci bdag sgren mor mchi bar bgyi'am/ khyim bdag khyod la gos gyon pas ci zhig bya/ tshul khrims dang rigs dang / spyod pa gyon pas chog mod gcer bu pa ngo tsha shes pa dang / khrel yod pa nyams pa de dag ni sgren mor 'gro na mi sdug pa yin gyi khyod lta bu ngo tsha shes pa dang / khrel yod pa dang ldan pa la sgren mor 'gro ba mi sdug pa ci yod/ khyim bdag khyod dor thung mi gyon nam/ 'phags pa 'tshal lo/ /khyim bdag khyim bdag rnams kyi kun du spyod pa ni/ dor thung gyon te shing tshal thogs nas ba lang gi phyi bzhin 'gro ba yin pas khyod kyang shing tshal thogs la ba lang gi phyi bzhin song shig dang /skye bo dag gis ba lang bstsur 'gro ba phyir byung ba zhig yin par shes par 'gyur ro zhes/ nye dgas dngan dus kyi phyed kyis de'i smad g.yogs kyang blangs so/ /khyim bdag de shing tshal thogs te ba lang gi phyi bzhin du zhugs pa dang / mi sgo bas mthong nas smras pa/khyim bdag kho bos da ci kho na khyod chen po la 'os pa'i ras zung gyon par mthong na/ ci de dag chom rkun pa dag gis bcom ba'am/ bzhin bzangs kho bo chom rkun pa dag gis ni ma bcom mod kyi 'di ltar btsun pa nye dgas kha'i chos kyis bcom mo/ /khyim bdag mgon med zas sbyin gyi kun du spyod pa ni nang par sngar langs te 'khor lnga brgya dang lhan cig bcom ldan 'das dang dge slong gnas brtan gnas brtan rnams kyi zhabs la phyag 'tshal du 'gro ba yin pas/khyim bdag mgon med zas sbyin nang par sngar langs te/ 'khor lnga brgya dang lhan cig mnyan yod nas byung ste/'gro ba mi sgo bas mthong nas/ des smras pa/ khyim bdag khyod kyis don mthun mang du khrid de 'ongs kyis ci nas kyang mi chom par bag gyis shig /kye nang rje rgyal byed kyi tshal dang lam gyi bar na chom rkun ba dag 'khod dam ci/ lam gyi bar ma yin gyi/ rgyal byed kyi tshal nyid na 'khod do/ /kye nang rje khyed ni bal gyi rigs nag po dang 'dra ste/ sgo 'di nas bcom ldan 'das dang dge slong gnas brtan gnas brtan dag gshegs pa gang gis kyang khyod dkar por mdzad ma spyod do/ /bcom ldan 'das dang dge slong gnas brtan gnas brtan rnams kyi zhabs kyi rdul ni bdag gis mgo bos blang ba yin na/khar sang gi nyin mo khyim bdag cig chen po la 'os pa'i ras zung gyon te byung ba de'i ras de nye dgas kha'i chos kyis phrogs nas khyim bdag de smod cing dor thung gis zhugs par gyur to/ /de nas khyim bdag mgon med zas sbyin 'di snyam du sems te/de ni bdag gi bya ba yin no snyam nas/ rgyal byed kyi tshal du song ba dang / nye dgas mthong nas smras pa/ khyim bdag a rog gya khyim bdag gis smras pa/ a rog gam gya yang rung ngo / /khyim bdag khyod kho bo la sngon chad du ba 'thul na da ni me kho nar 'bar ro//kho bo me mi 'bar du ji ltar rung / gzhan dag rab tu byung ba ni 'di 'dod pa spang pa'i phyir yin na/ btsun pa nye dga' ni 'dod pa mngon par spel ba'i phyir kho nar yin no/ /kho bos ci byas/ khyod kyis khyim bdag cig rgyal byed kyi tshal bltar 'ongs pa de'i ras zung dang na dus kyis phrogs nas/khyim bdag de smod par mi byed dam/ nye dgas smras pa/ de ni 'jig rten na lha ni sbyin par byed la/ yi dags ni zlog par byed do zhes zer ba yin no/ /ci des khyod la ril ba b+h+r-ing ga ra thogs te phul lam/ khyim bdag gal te mi bzod na bslab pa'i gzhi 'char chug shig /ci kho bos de yal bar bor du re'am/ de nas khyim bdag mgon med zas sbyin bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas/ bcom ldan 'das la khyim bdag mgon med zas sbyin gyis 'di skad ces gsol to//btsun pa 'phags pa 'di dag khyim bdag gam/ khyim bdag gi mchis brang nye du ma lags pa las gos slong bar bgyid na/ kye ma bcom ldan 'das kyis thugs brtse ba'i slad du/ gang gis 'phags pa dag khyim bdag gam/ khyim bdag gi mchis brang nye du ma lags pa la gos slong bar mi 'gyur bar 'phags pa rnams la dran par bgyi ba cung zhig bca' ba mdzad pa'i rigs so/ /bcom ldan 'das kyis khyim bdag mgon med zas sbyin la cang mi gsung bas gnang ngo / /de nas khyim bdag mgon med zas sbyin gyis/bcom ldan 'das kyis cad mi gsung bas gnang bar rig nas stan las langs te/ bcom ldan 'das kyi zhabs gnyis la mgo bos phyag 'tshal nas/ bcom ldan 'das kyi spyan snga nas song ngo / /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/nye dga' la rmas nas rnam grangs du mar smad de/ bslab pa btsa' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang khyim bdag gam/ khyim bdag gi chung ma nye du ma yin pa'i gan du song ste/gos slong na sbang ba'i ltung byed do zhes bca' ba mdzad de/ yul ni mnyan yod/ gang zag ni nye dga'/ nyon mongs pa ni 'dod zhe na/ nyes pa ni khyim bdag gam khyim bdag gi chung ma nye du ma yin pa las gos slong ba'o/ /gnang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//grong phreng ba can pa'i dge slong bzhi bcu don mthun dang lhan cig ljongs rgyu zhing 'dong pa na chom rkun bdag gis bcom nas de dag 'di snyam du sems te/ bcom ldan 'das kyis yang dge slong gang khyim bdag gam/khyim bdag gi chung ma nye du ma yin pa'i gan du song ste gos slong na spang ba'i ltung byed do zhes bslab pa'i gzhi bca' bar mdzad pas/ 'di na bdag cag la nye du 'ga' yang med kyi/ bdag cag mnyan yod du song na der bdag cag la tshangs pa mtshungs par spyod pa rnams kyis gos dag gi bgo bsha' byed par 'gyur ro snyam nas/de dag gis smras pa/ ci bdag cag sgren mor 'dong bar bya'am/ mtshan mo 'gebs pas 'dong bar bya zhing nyin mo tshang tshing gi nang du zhugs te/ 'khod la mtshan mo lam du 'jug par bya'o zhes de dag mtshan mo 'gebs bas rgyal byed kyi tshal du 'dong ba dang /dge slong nam gyi cha stod dang / nam gyi cha smad la mi nyal bar sbyor ba'i rjes su brtson bdag gis de dag mthong nas smras pa/ gcer bu pa sgre byi dag 'di khyed kyi 'dug gnas kyang ma yin/gtsug lag khang yang ma yin na khyod ga las 'ongs/ tshe dang ldan pa dag bdag cag ni gcer bu ba ma yin no/ /'o na khyed cag su yin/ dge slong dag go/ /dge slong la 'di lta bu dag yod dam/ gang dag chom rkun pa dag gis bcom pa dag ci 'dra ba yin/ khyed cag ci ming /grong phreng ba can pa'i dge slong bzhi bcu po'o/ /tshe dang ldan pa dag 'ongs pa legs so 'ongs pa legs so zhes de dag gis de dag la la las ni snam sbyar byin/ la las ni bla gos byin/ la las ni mthang gos byin/ la las ni rdul gzan byin pa'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal ba/ de lta bas na dus ma gtogs te/ de la dus ni 'di yin te/ dge slong gos phrogs sam/ gos rlag gam/ gos tshig gam/ gos rlung gis khyer ram/ gos chus khyer ram/ de la de ni dus yin no/ /de nas bcom ldan 'das kyis bslab pa 'dod pa dang /bslab pa la gus pa dang / bslab pa la yo byad bsnyungs pa'i bsngags pa brjod nas/ dge slong rnams la yang de dang mthun pa dang / de'i shas che ba dang / de dang ldan pa'i chos dang mthun pa'i bka' mchid mdzad nas/ dge slong rnams la bka' stsal pa/dge slong dag da lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang khyim bdag gam khyim bdag gi chung ma nye du ma yin pa'i gan du song ste/ gos slong na dus ma gtogs te spang ba'i ltung byed do//de la dus ni 'di yin te/ dge slong gos phrogs sam/ gos rlag gam/ gos tshig gam/ gos rlung gis khyer ram/ gos chus khyer na de la de ni dus yin no zhes gnang ba mdzad de/ yul ni mnyan yod/ gang zag ni grong phreng ba can pa'i dge slong bzhi bcu/nyon mongs pa dang nyes pa ni med do/ /de la yang dge slong gang zhes bya ba ni nye dga' 'am/ gzhan yang de lta bu gang yin pa'o/ /khyim bdag gam zhes bya ba ni skyes pa'o/ /khyim bdag gi chung ma zhes bya ba ni bud med do/ /nye du ma yin pa'i zhes bya ba ni phyi mo dang / mes po dang / phrugs kyi bdun pa tshun chad ni nye du yin la/de phan chad ni nye du ma yin no/ /gan du song ste zhes bya ba ni drung du song ste'o/ /gos zhes bya ba ni bdun po bal gos dang / sha na'i gos dang / zar ma'i gos dang / ras bal gyi gos dang / du gu la'i gos dang / ko tam pa'i gos dang / nyi 'og gi gos las gang yang rung ba'o//slong na zhes bya ba ni slong mo byed na'o/ /dus ma gtogs te zhes bya ba ni dus gzhag ste'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya'o/ /de la dus ni 'di yin te/ dge slong gos phrogs sam zhes bya ba ni 'di lta ste/ dge slong gi gos dag chom rkun pa dag gam/g.yon can dag gis phrogs par gyur pa'o/ /gos rlag gam zhes bya ba ni 'di lta ste/ dge slong gi gos dag rlag par gyur pa'am/ 'khyams par gyur pa'o/ /gos tshig gam zhes bya ba ni 'di lta ste/ dge slong gi gos dag mes tshig par gyur pa'o/ / gos rlung gis khyer ram zhes bya ba ni 'di lta ste/ dge slong gi gos dag rlung gis khyer bar gyur pa'o/ /gos chus khyer na zhes bya ba ni 'di lta ste/ dge slong gi gos dag chus khyer bar gyur na'o/ /de la de ni dus yin no zhes bya ba ni bslab pa'i gzhi de la de ni gnang ba'i dus yin pa'o/ /de la ltung ba ji ltar 'gyur zhe na/'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gos phrogs pa dang /rlag pa dang / tshig pa dang / rlung gis khyer ba dang / chus khyer bar ma gyur pa slong bar mi rigs pas mi'i 'gro bar gtogs pa khyim par gyur pa srog dang ldan pa nye du ma yin pa las gos rung ba tshad dang ldan pa las mi chung ba/ rin thang dang / kha dog dang / khru tshad las rnam pa gang bslangs pa de nyid thob nas/slong ba'i spang ba'i ltung byed kyi dngos gzhir 'gyur ro/ /dge slong la slong ba'i spang ba'i ltung byed byung na de ma spangs shing bral bar ma byas la ltung ba ma bshags par ram/ spangs shing bral bar ma byas la ltung ba ma bshags par ram/ spangs shing bral bar byas la ltung ba ma bshags par gos rin thang dang / kha dog dang / khru tshad de lta bu gzhan zhig rnyed na/ de yang snga ma'i shugs kyis spang bar 'gyur te/ de las ltung bar ni mi 'gyur ro/ /dge slong gis slong ba'i spang ba'i ltung byed byung la ji srid du spang ba'i dngos po las ma bshags shing so sor ma bshags par lhung bzed dam/chos gos sam/ dra ba'am/ phor bu'am/ ska rags sam/ dge sbyong gi 'tsho ba'i yo byad gang yang rung ba gzhan nye bar 'jog na/ de yang snga ma'i shugs kyis spang bar 'gyur te/ de las ltung bar ni mi 'gyur ro/ /rin thang dang / kha dog dang / khru tshad las rnam pa gang bslangs pa de lta bu nyid thob pa lan smad pa med do/ /rin thang dang kha dog dang / khru tshad kyi dbye ba ma byas par spyir bslangs pa na gang yang rung ba zhig thob pa lan smad pa med do/ /rung ba nyid dang tshad dang ldan pa dang tshad las lhag pa lan smad pa med do/ /'di'i byed pa po ni mi'i 'gro bar gtogs pa khyim par gyur pa srog dang ldan pa nye dum yin pa'o//de la dge slong ji lta bu la ltung ba 'di'i byed pa po yin zhe na/ gos phrogs pa dang / rlag pa dang / tshig pa dang / rlung gis khyer ba dang / chus khyer bar ma gyur pa slong bar mi rigs pa la'o/ /'di la yan lag lngas dngos gzhi'i ltung bar 'gyur te/dge slong gos phrogs pa dang / rlag pa dang / tshig pa dang / rlung gis khyer ba dang / chus khyer bar ma gyur pa slong bar mi rigs pa dang / sbyin bdag mi'i 'gro bar gtogs pa khyim par gyur pa srog dang ldan pa nye du ma yin pa dang / gos rung ba tshad dang ldan pa las mi chung ba dang /rin thang dang / kha dog dang / khru tshad las rnam pa gang bslangs pa dang / de nyid thob pa'o/ /de dag las yan lag ma tshang na ci rigs par na smad do/ /de la dge slong gos phrogs pa la sogs par ma gyur pa'o zhes smos pas ni de dge slong bar mi rigs pa'i phyir ro//sbyin bdag mi'i 'gro bar gtogs pa khyim par gyur pa srog dang ldan pa nye du ma yin pa zhes smos pa ni de las bzlog pa la nyes byas su 'gyur ba'i phyir ro/ /gos rung ba dang / tshad dang ldan pa las mi chung ba zhes smos pa ni zhu ba las nye du ma yin pa las chos gos mi rung ba dang / mi chog pa nyid slong na nyes byas so zhes gsungs pa'i phyir ro/ /rin thang dang / kha dog dang / khru tshad las rnam pa gang bslangs pa dang / de nyid thob pa zhes smos pa ni gzhan thob pa dang / de nyid ma thob pa la ltung ba med do zhes gsungs pa'i phyir ro/ /sbyor ba gcig gis gos gcig gam/ gnyis sam/mang po zhig thob pa na yang ltung ba'i dngos gzhi gcig rnam par gzhag go/ /sbyor ba'i ltung ba ni nyes byas te/ ji srid du slong ba'i spang ba'i ltung byed kyi sbyor bas brtsams nas/ dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed pa brtsams pa re re la nyes byas re re'o//mi'i 'gro bar gtogs pa dang / khyim par gyur pa dang / srog dang ldan pa dang / nye du ma yin pa las bzlog pa la nyes byas so/ /ma grub pa la nyes byas so/ /slong ba'i tshe nyid na nyes byas so/ /mi rung ba la nyes byas so/ /chung ngu la nyes byas so/ /rgyu spun la nyes byas so//rgyu spun gyi rang bzhin bal dang / ras bal la sogs pa la nyes byas so/ /khyim bdag dang khyim bdag gi chung ma gnyi ga'am/ gcig ma ning dang mtshan gnyis pa la nyes byas so/ /phyi rol pa'i rab tu byung ba dang ma chags pa dang / nyams pa la yang nyes byas so/ /sbyor ba'i sbyor ba'i ltung ba ni nyes byas phra mo ste/sbyor ba ji snyed pa la sbyor ba'i sbyor ba yang de snyed do/ /sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /de yang dang po yid la sems pa ni sbyor ba'i sbyor ba'i nyes byas phra mo'o/ /de nas lus dang ngag gis sbyor ba ni sbyor ba'i nyes byas dngos so/ / de nas mthar thug pa ni spang ba'i ltung byed kyi dngos gzhi'o zhes bya bar shes par bya'o/ /ltung ba med pa ni dge slong gos phrogs pa dang / rlag pa dang / tshig pa dang / rlung gis khyer ba dang / chus khyer ba dag ni slong bar rigs pa yin pas de dag la ltung ba med do/ /rin thang gzhan nam kha dog gzhan nam khru tshad gzhan thob pa la ltung ba med do//ras ma dang kha tshar slong ba la ltung ba med do/ /kha tshar bslangs pa las ras ma thob pa la ltung ba med do/ /ras ma bslangs na ras yug chen dang / ras yug phran dag 'thob bo snyam nas bslangs shing thob na yang ltung ba med do//las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du slong ba'i spang bar 'gyur ba rnam pa thams cad mi bsten par bslab par bya'o/ /phyir bcos pa ni snga ma bzhin no//slong ba'i spang ba ste drug pa bshad zin to// //slong bar rigs pa'i spang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /nye dga' la blo skyes pa 'di dag thams cad khyim bdag mgon med zas sbyin gyis bslab pa'i gzhi dag gis bsdams pas phyin chad gang nas kyang bca' ba'i rin tsam yang bslang bar mi nus na/'di ltar bcom ldan 'das kyis grong phreng ba can pa'i dge slong bzhi bcu la brten nas bslab pa'i gzhi bag yangs su mdzad pa yod pas/ bdag gis grong phreng ba can pa'i dge slong bzhi bcu po dag sngon du btang ste/rnyed pa bsgrub par bya'o snyam nas de grong phreng ba can pa'i dge slong bzhi bcu po dag ga la ba der song ba dang / ji tsam na grong phreng ba can pa'i dge slong bzhi bcu po dag rnyang rnying dag 'tshem zhing 'khod pa mthong nas des de dag la smras pa/ tshe dang ldan pa dag bdag gis gzhan thos la gzhan mthong ste/bdag ko grong phreng ba can pa'i dge slong bzhi bcu po dag bsam gtan dang / rnam par thar pa dang / ting nge 'dzin dang snyoms par 'jug pa'i bde ba dag nyams su myong bar byed cing 'dug par sems kyi/ bdag tshe dang ldan pa dag 'di ltar rnyang rnying dag 'tshem zhing 'khod par ni mi sems so//gnas brtan bdag cag chom rkun pa dag gis bcom mo/ /kye ma ma legs so ma legs so/ /gnas brtan su'i mya ngan byed ci kho bo cag gi'am/ ma yin te/ gang dag gis khyed cag bcom pa'i ma byin par len pa de dag sgren mo kho nar skye bar 'gyur zhing sgren mo kho nar dus byed par 'gyur bas de dag gi mya ngan byed do//tshe dang ldan pa dag khyod ci'i phyir gos dag mi slong / gnas brtan su zhig sangs rgyas dang / chos dang / dge 'dun spangs te kho bo cag la sbyin pa dag bya bar sems par 'gyur/ tshe dang ldan pa dag khyed cag bcom ldan 'das kyis mdo sde'i mtha' de dang de dag tu nges par bstod pa dang /bkur ba dang / bsngags pa dang / rab tu bsngags pa dag ma yin nam/ gnas brtan kho bo cag gis gos su la bslang bar yang mi shes so/ /tshe dang ldan pa dag dge slong rab tu shes pa gang gis khyed cag gi gos dag slong bar 'gyur ba 'ga' zhig la ci'i phyir mi bcol/gnas brtan dge slong rab tu shes pa su zhig bdag nyid kyi dge ba'i phyogs yongs su nyams par byas te/ kho bo cag gi don du gos dag slong bar 'gyur/ tshe dang ldan pa dag re zhig kho bo bdag nyid dang bcu pa la yang thabs yod la/ gzhan yang kho bo cag mi drug re re la yang bdag nyid dang bcu pa yin pas kho bo cag mi drug cu la yang thabs yod do/ /gzhan yang gal te khyed cag la mi gnod na kho bo cag kyang gzhon nu dag gi don du ras yug phran dang / ras yug chen slong bar byed do/ /gnas brtan de la kho bo cag la gnod pa ci yod/re zhig re re kyang chos gos gsum gsum slong la rag go/ /tshe dang ldan pa dag kho bo cag gis bsod snyoms la rgyu ba dang / gos dag bslong ba gnyi ga mi nus kyi 'di ltar gang gi tshe phyi rol du zas la bos pa de'i tshe bslang bar bya'o zhes nye dga' de gtsug lag khang gi phyi rol du rkang pa gnyis bkrus nas/gtsug lag khang gi nang du zhugs te 'dug nas des bsams pa/ thabs ci zhig byas na des mnyan yod thams cad chub par 'gyur snyam nas des yang bsams pa/ je dang po kho nar dbul po'i srang du 'gro bar bya zhing de'i 'og tu phyug po'i srang du 'gro bar bya/ de'i 'og tu ko sa la'i rgyal po gsal rgyal gyi pho brang dang /btsun mo rgyal rigs dbyar tshul ma'i khyim dang / btsun mo phreng ldan ma'i khyim dang / khyim bdag mgon med zas sbyin gyi khyim dang / btsun mo'i 'khor gyi zhal ta pa drang srong byin dang / rnying pa gnyis kyi khyim dang / dge bsnyen ma ri dgas 'dzin gyi ma sa ga'i khyim dang /dge bsnyen ma khyim bdag gi chung ma legs skyes kyi khyim dag tu 'gro bar bya'o snyam mo/ /de'i tshe na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas/ nye dgas gzhon nu rnams la smras pa/ tshe dang ldan pa dag gal te khyed cag la las su bsko ba dag 'ong bar gyur na/ khyed cag gis mi gnod par 'di skad ces bdag cag la mkhan po dang / slob dpon dag gi bya ba cung zhig yod do zhes brjod par bya'o/ /nye dgas phyi de nyin par gzhon nu zhig grong phreng ba can pa'i dge slong bzhi bcu po dag gi gan du btang ste/chos gos dag bslang gi tshur sheg shig ces spring ngo / /gzhon nu de der ma song ba dang / nye dgas smras pa/ bkren pa khyod brtson 'grus 'di lta bus zag pa zad pa mngon sum du byed par 'gyur ram/ nye dga' rang nyid 'gro'o zhes de song nas/ dpong sa'i khang pa'i sgo glegs la rting pas brdabs pa dang /dbong sa'i khang pa thams cad 'gul nas/ de dag ting nge 'dzin de las langs nas smras pa/ tshe dang ldan pa dge slong bzhi bcu po dag chos gos gsum bslang bar bya na/ khyed cag snying las chung ngur 'khod dam tshur sheg 'dong ngo / /gnas brtan je so shing por nas 'dong ngo //tshur sheg lam ka nyid du 'or cig /de dag 'phags pa dang nye dgas smras pa/ tshe dang ldan pa dag kho bo cag drug sde dag ni bya rog dkar po dang 'dra bas kho bo cag gis rgan rims bzhin du 'khod par mi bya bar/ bar bar du rgan pa dag gis 'khod par bya'o/ /de dag dbul po'i srang du dong nas dngar ka byas te bsdad pa dang /de dag gis de dag mthong nas nyam nga bar gyur te smras pa/ 'phags pa dag nyes dmigs 'ga' zhig ma byung ngam/ bzhin bzangs dag nyes dmigs byung ngo / /ci nongs khyed kyis grong phreng ba can pa'i dge slong bzhi bcu po gang dgra bcom ldan 'das kyis mdo sde'i mtha' de dang de dag tu bstod pa/bkur ba/ bsngags pa/ rab tu bsngags pa de dag thos sam/ thos so/ /de dag chom rkun pa dag gis bcom mo/ /de dag gis smras pa/ shes ldan dag mda' gzhu long shig /phub dang dbyug pa dag long shig / chom rkun pa dag 'dzin du 'dong ngo / /drug sde dag gis smras pa/ de dag bcom nas yun ring du lon cing yul 'khor gzhan du bcom par gyur to/ /'o na ji ltar bgyi/ de dag la gos dag byin cig /de dag gis de dag la gos sar pa dang rnying pa dag byin no/ /de dag gis gos dag khur du drags te/gzhon nu dag la gtad nas smras pa/ deng la 'di dag gtsug lag khang du skyol cig /gzhon nu dag gis de dag khyer te/ gtsug lag khang du dong ba dang / de dag phyug po'i srang du dong nas dngar ka byas te bsdad pa dang / de dag nyam nga bar gyur te smras pa/ 'phags pa dag nyes dmigs 'ga' zhig ma byung ngam/bzhin bzangs dag nyes dmigs byung ngo / /ci nongs/ khyed kyis grong phreng ba can pa'i dge slong bzhi bcu po gang dag bcom ldan 'das kyis mdo sde'i mtha' de dang de dag tu bstod pa/ bkur ba/ bsngags pa/ rab tu bsngags pa de dag thos sam/thos so/ /de dag chom rkun pa dag gis bcom mo/ /de dag gis smras pa/ shes ldan dag mda' gzhu long shig /phub dang dbyug pa dag long shig /chom rkun pa dag 'dzin du 'dong ngo / /drug sde dag gis smras pa/ de dag bcom nas yun ring du lon cing yul 'khor gzhan du bcom par gyur to//'o na ji ltar bgyi/ de dag la gos dag byin cig /de dag gis de dag la chen po la 'os pa'i gos dag byin no/ /drug sde dag gis gos de dag khur du drags te gzhon nu dag la gtad nas smras pa/ deng la 'di dag gtsug lag khang du skyol cig / gzhon nu dag gis de dag khyer te gtsug lag khang du dong ba dang / de dag ko sa la'i rgyal po gsal rgyal gyi pho brang du dong nas dngar ka byas te bsdad pa dang / ko sa la'i rgyal po gsal rgyal gyis de dag mthong nas nyam nga bar gyur te smras pa/ 'phags pa dag nyes dmigs 'ga' zhig ma byung ngam/lha nyes dmigs byung ngo / /ci nongs/ lhas grong phreng ba can pa'i dge slong bzhi bcu po gang dag bcom ldan 'das kyis mdo sde'i mtha' de dang de dag tu bstod pa/ bkur ba/ bsngags pa/ rab tu bsngags pa de dag gsan tam/ thos so/ /de dag chom rkun pa dag gis bcom mo//rgyal pos dmag dpon 'phags skyes po la bsgo ba/ song la myur du chom rkun pa dag dang rkun rdzas dag khug shig /drug sde dag gis smras pa/ lha de dag ni bcom nas yun ring du lon cing yul 'khor gzhan du bcom par gyur to/ /'o na ji ltar bya/ lha de dag la gos dag stsol cig /rgyal pos dge slong re re la yo byad bcu gsum bcu gsum byin no/ /drug sde dag gis gos de dag khur du drags te gzhon nu rnams la gtad nas smras pa/ deng la 'di dag gtsug lag khang du skyol cig /gzhon nu dag gis de dag khyer te gtsug lag khang du dong ba dang /grong phreng ba can pa'i dge slong bzhi bcu po dag gis smras pa/ gnas brtan dag da chog gis thong shig /drug sde dag gis smras pa/ tshe dang ldan pa dag ha cang brtabs mang shig /khyed la kho bo cag gis dang po nyid nas tshe dang ldan pa dag gal te khyed la mi gnod na kho bo cag gzhon nu dag gi don du ras yug phran dang /ras yug chen dag slong ngo zhes ma smras sam/ de dag dge slong dbang che bar grags pas/ bsgo bas cang mi smra bar 'khod do/ /de dag btsun mo rgyal rigs dbyar tshul ma'i khyim dang / btsun mo phreng ldan ma'i khyim dang / khyim bdag mgon med zas sbyin gyi khyim dang /btsun mo'i 'khor gyi zhal ta pa drang srong byin dang / rnying pa gnyis kyi khyim dang / dge bsnyen ma ri dgas 'dzin gyi mas ga'i khyim dang / dge bsnyen ma khyim bdag gi chung ma legs skyes kyi khyim du mthar gyis song ste/ sngar bstan pa skad brjod pa dang / de dag gis kyang dge slong re re la yo byad bcu gsum bcu gsum byin no//de nas drug sde dag gis smras pa/ tshe dang ldan pa dag gal te dge slong brgya gral du ma bkad na gral stong par 'gyur gyis deng la gral du bkod cig /ma nyes te bdag cag kyang bsod snyoms blangs te 'ong ngo / /drug sde dag gis gtsug lag khang du dong ste/rnyang rnying dag las bzhi bcu phung por byas te gzhag go/ /dge slong bzhi bcu po dag zas kyi bya ba byas te 'ongs pa dang / drug sde dag gis lhan cig gnas pa dang / nye gnas dag la smras pa/ tshe dang ldan pa dag tshur sheg don nyung ngu dag bos shig /de dag gis de dag bos pa dang /drug sde dag gis smras pa/ tshe dang ldan pa dag ci kho bo cag khyed kyi gos srung ba yin nam rang gi gos dag long shig /dge slong bzhi bcu po dag gis phan tshun gdong du blta bar brtsams pa dang / drug sde dag gis smras pa/ tshe dang ldan pa dag ci'i phyir phan tshun gdong du blta/gnas brtan thams cad rnyang rnying sha stag yin no/ /tshe dang ldan pa dag 'di dag mdud pa bor cig dang snam sbyar yin no/ /'di dag ni drubs shig dang bla gos yin no/ /'di dag ni drubs shig dang mthang gos yin no/ /'di dag ni drubs shig dang rdul gzan yin no/ / gal te mi dga' na 'dong dang yang bslong bar bya'o/ /kye ma'o gnas brtan dag 'di dag nyid kyang ma bslangs kyang rung ngo / /de dag gis rnyang rnying de dag khyer te dgon par dong nas 'tshem zhing 'khod do/ /thams cad du sgra grags pa grong phreng ba can pa'i dge slong bzhi bcu po dag re res kyang yo byad bcu gsum bdun bdun rnyed do zhes grags so//de dag dge slong rnams kyis mthong nas smras pa/ tshe dang ldan pa dag bdag cag gis gzhan thos la gzhan mthong ste/ bdag cag gis grong phreng ba can pa'i dge slong bzhi bcu po dag re res kyang yo byad bcu gsum bdun bdun rnyed do zhes thos na/ tshe dang ldan pa dag ko rnyang rnying dag 'tshem zhing 'khod do//de dag gis smras pa/ khyed cag gis lta kho bo cag rang rang gis phrag pa dag gis khyer zhes kyang thos so zhes zer ba'i skabs de dge slong rnams la brjod nas dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang /gleng gzhi 'di dang / skabs 'di la dge slong gi dge 'dun bsdu ba mdzad de/ grong phreng ba can pa'i dge slong bzhi bcu dang drug sde rnams la rmas nas rnam grangs du mar smad de/ /bslab pa bca' ba'i phan yon bcu yang dag par gzigs pas/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/dge slong gos phrogs sam/ gos rlag gam/ gos tshig gam/ gos rlung gis khyer ram/ gos chus khyer na khyim bdag gam/ khyim bdag gi chung ma nye du ma yin pa'i gan du song la gos bslang bar bya'o/ /gal te de la bram ze'am khyim bdag dad pa zhig gis dus kyis gos mang po stobs la 'dod na dge slong des de las gos stod g.yogs smad g.yogs dang bcas pa'i mthar thug par blang bar bya'o//de las lhag par len na spang ba'i ltung byed do zhes bca' ba mdzad de/ yul ni mnyan yod/ gang zag ni grong phreng ba can pa'i dge slong bzhi bcu dang drug sde rnams/ nyon mongs pa ni ma brtags par spyod pa dang 'dod zhe na/ nyes pa ni len pa'i drod mi shes pa'o/ /de la dge slong zhes bya ba ni chos 'di pa'o/ /gos phrogs sam zhes bya ba ni 'di lta ste/ dge slong gi gos dag chom rkun pa dag gam/g.yon can dag gis phrogs par gyur pa'o/ /gos rlag gam zhes bya ba ni 'di lta ste/ dge slong gi gos dag rlag par gyur pa'am/ 'khyams par gyur pa'o/ /gos tshig gam zhes bya ba ni 'di lta ste/ dge slong gi gos dag mes tshig par gyur pa'o//gos rlung gis khyer ram zhes bya ba ni 'di lta ste/ dge slong gi gos dag rlung gis khyer bar gyur pa'o/ /gos chus khyer na zhes bya ba ni 'di lta ste/ dge slong gi gos dag chus khyer bar gyur na'o/ /khyim bdag gam zhes bya ba ni skyes pa'o/ /khyim bdag gi chung ma zhes bya ba ni bud med do//nye du ma yin pa zhes bya ba ni phyi mo dang / mes po dang / phrugs kyi bdun pa tshun chad ni nye du yin la de phan chad ni nye du ma yin no/ /gan du song la zhes bya ba ni drung du song la'o/ /gos zhes bya ba ni bdun po bal gos dang / sha na'i gos dang / zar ma'i gos dang / ras bal gyi gos dang / du gu la'i gos dang /ko tam pa'i gos dang / nyi 'og gi gos las gang yang rung ba'o/ /bslang bar bya'o zhes bya ba ni slong mo bya ba'o/ /gal te de la bram ze'am khyim bdag dad pa zhig gis dus kyis gos mang po stobs la zhes bya ba ni 'bul ba'o/ /'dod na zhes bya ba ni don du gnyer na'o/ /dge slong des de las gos stod g.yogs smad g.yogs dang bcas pa'i mthar thug pa blang bar bya'o zhes bya ba ni stod g.yogs smad g.yogs dang bcas pa ni gnyis te/dge slong gi stod g.yogs smad g.yogs dang bcas pa dang / khyim pa'i stod g.yogs smad g.yogs dang bcas pa'o/ / dge slong gi stod g.yogs smad g.yogs dang bcas pa ni sar pa las snam sbyar nyis rim dang / ras yug phran khru lnga pa dang do pa'o/ /khyim pa'i stod g.yogs smad g.yogs dang bcas pa ni ras yug chen khru bcu gnyis pa dang / ras yug phran khru bdun pa dang do pa'o/ /de las lhag par len na zhes bya ba ni de las gong ma'o//spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /de la ltung ba ji ltar 'gyur zhe na/ 'dir yang dngos gzhi dang sbyor ba dang / sbyor ba'i sbyor bas ltung ba rnam par gzhag pa dang /ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gos phrogs pa dang / rlag pa dang / tshig pa dang / rlung gis khyer ba dang / chus khyer ba slong bar rigs pas mi'i 'gro bar gtogs pa khyim par gyur pa srog dang ldan pa nye du ma yin pa las stod g.yogs smad g.yogs dang bcas pa rung ba tshad las mi chung ba phrugs gcig las lhag par len na slong bar rigs pa'i spang ba'i ltung byed kyi dngos gzhir 'gyur ro//dge slong la slong bar rigs pa'i spang ba'i ltung byed byung na de ma spangs shing bral bar ma byas na ltung ba ma bshags par ram/spangs shing bral bar ma byas la ltung ba ma bshags par ram/ spangs shing bral bar byas la ltung ba ma bshags par gos stod g.yogs smad g.yogs dang bcas pa'i mthar thug pa de lta bu gzhan zhig rnyed na de yang snga ma'i shugs kyis spang bar 'gyur te/de las ltung bar ni mi 'gyur ro/ /dge slong gis slong bar rigs pa'i spang ba'i ltung byed byung la ji srid du spang ba'i dngos po las ma bshags shing so sor ma bshags par lhung bzed dam/ chos gos sam/ dra ba'am/ phor bu'am/ ska rags sam/ dge sbyong gi 'tsho ba'i yo byad gang yang rung ba gzhan nye bar 'jog na de yang snga ma'i shugs kyis spang bar 'gyur te/ de las ltung bar ni mi 'gyur ro/ /tshe tshad las lhag pa la na smad pa med do/ /phrugs las lhag pa la na smad pa med do/ /pha las lhag pa la na smad pa med do//lhag pa sbyin par bya ba mi sbyin pa la na smad pa med do/ /rung ba nyid dang / tshad dang ldan pa dang / tshad las lhag pa la na smad pa med do/ /'di'i byed pa po yang snga ma bzhin te/ mi'i 'gro bar gtogs pa khyim par gyur pa srog dang ldan pa nye du ma yin pa'o//de la dge slong ji lta bu la ltung ba 'di'i byed pa po yin zhe na/ gos phrogs pa dang / rlag pa dang / tshig pa dang / rlung gis khyer ba dang / chus khyer bar gyur pa slong bar rigs pa la'o/ /'di la yan lag lngas dngos gzhi'i ltung bar 'gyur te/ dge slong gos phrogs pa dang /rlag pa dang tshig pa dang / rlung gis khyer ba dang / chus khyer bar gyur pa slong bar rigs pa dang / sbyin bdag mi'i 'gro bar gtogs pa khyim par gyur pa srog dang ldan pa nye du ma yin pa dang / stod g.yogs smad g.yogs dang bcas pa rung ba tshad dang ldan pa las mi chung ba dang / stod g.yogs smad g.yogs dang bcas pa gcig gi mthar thug pa las lhag pa dang len pa'o/ /de dag las yan lag ma tshang na ci rigs par na smad do/ /de la dge slong gos phrogs pa la sogs par gyur pa zhes smos pa ni de dag slong bar rigs pa'i phyir te/ dge slong gang las chos gos gsum la sogs pa yo byad bcu gsum po byin gyis brlab par bya ba thams cad dam/gang dang gang med pa de slong bar rigs pa nyid de slong bar mi rigs pa slong bar byed na ni slong ba'i spang bar gtogs pa'i ltung bar 'gyur la slong bar rigs pa slong bar byed na ni stod g.yogs smad g.yogs dang bcas pa'i mthar thug pa las lhag pa len na slong bar rigs pa'i spang bar gtogs pa'i ltung bar 'gyur te bye brag ni de yod do//sbyin bdag mi'i 'gro bar gtogs pa khyim par gyur pa srog dang ldan pa nye du ma yin pa zhes smos pa ni de las bzlog pa las nyes byas su 'gyur ba'i phyir ro//stod g.yogs smad g.yogs dang bcas pa rung ba tshad dang ldan pa las mi chung ba zhes smos pa ni zhu ba las nye du ma yin pa las chos gos mi rung ba dang / mi chog pa nyid slong na nyes byas so zhes gsungs pa'i phyir ro/ /stod g.yogs smad g.yogs dang bcas pa phrugs cig gi mthar thug pa las lhag pa len pa zhes smos pa ni phrugs cig gi mthar thug pa len pa la nyes pa med pa'i phyir ro//stod g.yogs smad g.yogs dang bcas pa ni rnam pa gnyis te/ khyim pa dang / dge slong gi'o/ /de gnyis smos pa ni dge slong gos 'chang bar 'dod pa rnam pa gnyis kyi dbang du mdzad pa'i phyir te/gos ma dras pa 'chang bar 'dod pa dang / dras pa 'chang bar 'dod pa'o/ /de la gos ma dras pa 'chang bar 'dod pa ni khyim pa'i stod g.yogs smad g.yogs dang bcas pa slong ngo / /gos dras pa 'chang bar 'dod pa ni dge slong gi stod g.yogs smad g.yogs dang bcas pa slong ngo //de la khyim pa'i stod g.yogs che tshad ni ras yug chen srid du khru bcu gnyis dang / zheng du khru gsum pa yin la/ smad g.yogs che tshad ni ras yug phran srid du khru bdun dang zheng du khru do pa'o/ /dge slong gi stod g.yogs che tshad ni snam sbyar gyi rim pa ji skad bstan pa'o/ / smad g.yogs che tshad ni sham thabs kyi rim pa ji skad bstan pa'o/ /de la dge slong khyim pa'i stod g.yogs smad g.yogs dang bcas pa slong bas de thob na gal te chung na yang bslang bar mi bya la lhag na yang sbyin par mi bya'o/ /dge slong gis stod g.yogs smad g.yogs dang bcas pa slong bas de dag thob na ni gal te chung na yang bslang bar bya la lhag na yang sbyin par bya'o//sbyor ba gcig gis stod g.yogs smad g.yogs dang bcas pa gcig gam gnyis sam/ mang po zhig thob na yang ltung ba'i dngos gzhi gcig rnam par gzhag go/ /sbyor ba'i ltung ba ni nyes byas te/ji srid du slong bar rigs pa'i spang ba'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /mi'i 'gro bar gtogs pa dang / khyim par gyur pa dang / srog dang ldan pa dang /nye du ma yin pa las slong ba la nyes byas so/ /slong ba'i tshe nyid na nyes byas so/ /mi rung ba la nyes byas so/ /chung ngu la nyes byas so/ /khyim bdag dang khyim bdag gi chung ma gnyis ka'am/ gcig ma ning dang / mtshan gnyis pa la nyes byas so/ /phyi rol pa'i rab tu byung ba dang /ma chags pa dang nyams pa dag la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /de yang dang po yid la sems pa ni sbyor ba'i sbyor ba'i nyes byas phra mo'o//de nas lus dang ngag gis sbyor ba ni nyes byas dngos so/ /de nas mthar thug pa ni spang ba'i ltung byed kyi dngos gzhi'o zhes bya bar shes par bya'o/ /ltung ba med pa ni slong bar rigs pas ma lhag pa len pa la ltung ba med do/ /las dang po pa dang / smyos pa dang /sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du slong bar rigs pa'i spang bar 'gyur ba rnam pa thams cad mi bsten par bslab par bya'o/ /phyir bcos pa ni snga ma bzhin no/ /slong bar rigs pa'i spang ba ste bdun pa bshad zin to// //so sor thar pa'i mdo rgya cher 'grel pa 'dul ba kun las btus pa/ bam po bcu gnyis pa/ spags pa slong ba'i spang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//mnyan yod na khyim bdag cig 'dug pa des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed do/ /khyim bdag de gzhan gyi chung ma la chags par gyur nas/ de la chung mas rje'i sras de ltar ma mdzad cig ces phyir bzlog na/ji tsam du de phyir bzlog kyang phyir ma log pa de tsam du de'i chung ma de yang skyes pa gzhan dag dang lhan cig 'khrul pa rtsom par byed do/ /khyim bdag de yang bud med gzhan dag la sbyin par byed la/ chung ma de yang skyes pa gzhan dag la sbyin par byed pas/de ltar khyim de gnyis ka nas rgud par gyur nas/ de gnyis la bu mo mngag gzhug ma zhig yod nas/ khyim bdag des bu mo de la 'dis khyim rgud par byas so zhes khu tshur dang thal lcag dag gis rdeg par byed do/ /bu mo des smras pa/ bdag gis khyim rgud par gyur pa 'di ci las gyur ba 'tshal mod kyi 'on kyang bdag gis ji ltar rje dag la bsngags pa ma lags par brjod par bgyir rung /nye dgas de tshor nas khyim bdag de dang khyim bdag gi chung ma de'i gan du song ste/ ci nas kyang de nyid skyabs su 'gro ba dang bslab pa'i gzhi dag la gnas par 'gyur ba de lta de ltar tshul khrims kyi bsngags pa brjod cing /tshul khrims 'chal ba'i bsngags pa ma yin pa yang brjod nas/ des de gnyis skyabs su 'gro ba dang / bslab pa'i gzhi dag la gnas par byas so/ /khyim bdag de gtum pa brtun ngas pa drag shul che ba yin pas yang bu mo de dag la rdeg par brtsams pa dang /chung mas de la smras pa/ rje'i sras gang gi tshe bdag cag las dang las kyi rnam par smin pa mi mkhyen pa de'i tshe go rdeg par mdzad mod/ da bdag cag dge ba'i bshes gnyen 'phags pa nye dga' la brten nas las dang las kyi rnam par smin pa mkhyen pas/ 'di ltar 'jig rten ni rang gi las kyi 'bras bu la spyod pa lags pas su zhig su'i bran lags/bu mo 'di la rdeg par ma mdzad cig /bzang mo khyod zer ba ma nyes so/ /bu mo tshur shog /khrus gyis la shog shig /bu mo de khrus byas te 'ongs pa dang / des de la gos phrugs cig bskon nas smras pa/ bu mo dga' zhing las byos shig /bu mo des bsams pa/ khyim bdag khyo shug 'di sngon gtum pa brtun ngas pa/ drag shul che ba yin te/ yang dang yang du bdag la khu tshur dang thal lcag dag gis rdeg par byed cing / zas dang gos ngan pa dag sbyin par byed na/ da 'di bdag gi pha ma dang 'dra bar gyur to snyam nas yang bsams pa/gang tshun chad nas 'phags pa nye dga'i khyim 'dir 'jug par brtsams pa de tshun chad nas khyim bdag 'di pha ma dang 'dra bar gyur pas bdag gis 'phags pa nye dga' la ci zhig gis dga' bar bya snyam nas/ des bsams pa/ gal te bdag gis 'di las cung zhig brkus te dbul du ni khyim bdag 'dis bdag rdeg 'tshog mang po byas te sngon gyi gnas su gzhag par 'gyur ro snyam nas/de sdod cing 'dug go/ /khyim bdag gi chung ma des khyim bdag de la smras pa/ rje'i sras mkhyen par mdzod cig /'phags pa nye dga' ni bdag cag gi dge ba'i bshes gnyen lags te/'phags pa nye dgas bdag cag las kyi mtha' dri ma can dang phral nas skyabs su 'gro ba dang / bslab pa'i gzhi dag la bkod de/ yang dang yang du bdag cag la chos kyis sdud par byed pas/ bdag cag gis kyang de la zang zing cung zad kyis bsdu bar bgyi'o//bzang mo de bzhin bya'o/ /ci zhig bgyi/ de la ras yug chen cig dbul bar bya'o/ /bu mo des de thos nas bsams pa/ bdag gis 'phags pa nye dga' la dga' ba de sbran par bya'o snyam mo/ /nye dga' yang snga dro sham thabs bgos/ lhung bzed dang chos gos thogs te mnyan yod du bsod snyoms la zhugs nas mthar gyis bsod snyoms la rgyu ba na khyim der zhugs pa dang /bu mo des khyim legs par byugs shing phyag dar bor nas des nye dga' mthong ba dang / rkang pa gnyis la phyag 'tshal te smras pa/ bdag gis 'phags pa nye dga' la dgyes pa sbran par bgyi'o//khyim bdag 'di khyod la ras yug chen 'bul bar 'gyur ro/ /nye dgas bsams pa/ sa'i steng na 'dod pa'i bdag nyid can gang ji snyed pa de dag dang bdag mnyam par deng bu mo 'dis kyang 'phrigs so snyam nas des bshes te smras pa/ bu mo gal te bden par gyur na ni ngas khyod la gshe ba dag la shugs ma bya'o//ci ste brdzun par gyur na ni rdeg 'tshog mang po byed du bcug ste/ sngon gyi gnas ji lta bar gzhag par bya'o/ /'phags pa spyo ba mang du mdzad na bzhud cig dang khyod nyid kyis mkhyen par 'gyur ro/ /de zhugs nas stan bshams pa nyid la 'dug pa dang /khyim bdag chung ma dang bcas pas rkang pa la phyag 'tshal te/ stan ches dma' ba blangs nas chos mnyan pa'i phyir mdun du 'dug go /nye dgas smras pa/ khyim bdag kho bo la ras yug chen sbyin par byas pa gang yin pa de blta'o/ /de gnyis kyis phan tshun gdong du blta bar brtsams te/'di skad ces kyang smras so/ /'phags pa bdag cag gis gsangs te smras pa/ 'phags pa la sus bgyis/ ci 'phags pas gzhan gyi sems kyang mkhyen tam/ nye dgas smras pa/ kho bo lhung bzed du zos shing so lhags pa dang / skra dkar por gyur pa yin na kho bo la de tsam yang mi srid dam/khyim bdag des ras yug chen blangs te nye dga' la phul ba dang / nye dgas ras yug chen mthong nas lag pa gnyis 'dril bar byed/ bzhin sgyur bar byed do/ /khyim bdag gis smras pa/ 'phags pa ci'i slad du phyag gnyis 'dril bar mdzad/zhal sgyur bar mdzad/ nye dgas smras pa/ khyim bdag 'di ni khyod la yongs su btang ba las byung ba'i bsod nams ni yod na/ yongs su longs spyad pa las byung ba'i bsod nams ni med de/ /ras yug chen 'di ni mchil lham phyi ba'am skar khung klan par rung ste/ 'di ni chos gos kyi gdang la yongs su zad pa dang mthar thug par 'gyur ro/ /'o na ji ltar bgyi/ ras yug chen bzang po gzhan byin cig /ras yug chen gzhan ma mchis so/ /tshong dus nas nyos te byin cig /rin ma mchis so/ /dus thob la byin cig /khyim bdag des chung ma'i gdong du blta bar brtsams pa dang /chung mas smras pa/ rje'i sras bdag cag la 'phags pa nye dgas phan btags kyi ras yug chen 'jol la phul cig /khyim bdag de nye dga' dang lhan cig srang du song nas tshong khang du phyin pa dang / nye dgas bsams pa/ tshong pa 'di nga rgyal bskyed par bya ste/ des na ras yug chen bzang po ster bar 'gyur ro snyam nas/nye dgas khyim bdag la smras pa/ khyim bdag tshong pa 'di ni gcam bu zhig yin pas 'di la ras yug chen bzang po med kyi gzhan du 'dong ngo / /tshong pa des de thos nas chen po la 'os pa'i ras yug chen bstan te smras pa/ 'phags pa ras yug chen la gzigs/ras yug chen 'di ni bzang na rin ji tsam 'di dang 'di tsam mo/ /khyim bdag 'di 'jal lo/ /khyim bdag 'jal lam/ 'jal lo/ /dus ji tsam na/ dus 'di tsam na'o/ /tshong pa des khyim bdag de la ras yug chen de byin nas khyim bdag des nye dga' la phul ba dang / nye dgas khyim bdag a rog gya zhes smras nas/khyed sbyin pa 'dis sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob pa dang / lha dang mi rnams kyi gos thob par gyur cig ces smras te song ngo / /khyim bdag de longs spyod srabs nas des rin de dus de tsam gyis 'bul bar ma nus nas tshong pa des khyim bdag de nyi ma la btags pa dang /de chung po grogs dag gis mthong nas smras pa/ ji khyod zhun mar 'thungs sam/ 'on te rims kyis btab/ bu lon pas bzung ste 'dug go/ /khyod kyi phas kyang bu lon pa yod par ma byas/mes po dag gis kyang ma byas na bu lon pa ga las byung / des smras pa/ gang dag shAkya'i bu'i dge sbyong dag la dad par byed pa de dag 'di ltar 'gyur te/ 'di ltar gang byin pa de mi len par lhag pa slong bar byed do zhes zer ba'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ nye dga' la rmas nas/ rnam grangs du mar smad de/ bslab pa bca' ba'i phan yon bcu yang dag par gzigs pas/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/dge slong gi phyir khyim bdag gam/ khyim bdag gi chung ma nye du ma yin pas gos kyi rin dag spags nas/ bdag gi gos kyi rin 'di dag gis gos 'di dang 'di lta bu zhig nyos la dge slong ming 'di zhes bya ba 'ongs pa dang / de la gos rung ba dus su bskon no snyam pa las de na gal te dge slong de la sngar ma bstabs par rnam par rtog pa 'ga' zhig byung ste/bzang po 'dod pa'i phyir khyim bdag dang / khyim bdag gi chung ma nye du ma yin pa de'i gan du song nas/ 'di skad ces tshe dang ldan pas bdag gi phyir gos kyi rin gang dag spags pa'i gos kyi rin de dag gis tshe dang ldan pa gos 'di dang 'di lta bu zhig nyos la/bdag la gos rung ba dus su legs par skon cig ces smras te gos grub na spang ba'i ltung byed do zhes bca' ba mdzad de/ yul ni mnyan yod/ gang zag ni nye dga'/ nyon mongs pa ni 'dod zhe na/ nyes pa ni spags pa slong ba'o//de la dge slong gi phyir zhes bya ba ni shAkya'i bu nye dga' 'am/ gzhan yang de lta bu gang yin pa'i phyir ro/ /khyim bdag gam zhes bya ba ni skyes pa'o/ /khyim bdag gi chung ma zhes bya ba ni bud med do/ /nye du ma yin pa zhes bya ba ni phyi mo dang / mes po dang / phrugs kyi bdun pa tshun chad ni nye du yin la de phan chad ni nye du ma yin no//gos kyi rin dag ces bya ba ni gser ram dngul lo/ /spags nas zhes bya ba ni sta gon byas nas so/ /bdag gis gos kyi rin 'di dag gis zhes bya ba ni gser ram dngul la sogs pa gang dag spags pa dag gis so/ /gos 'di dang 'di lta bu zhig ces bya ba ni bdun po bal gos dang /sha na'i gos dang / zar ma'i gos dang / du gu la'i gos dang / ras bal gyi gos dang / ko ta ma pa'i gos dang / nyi 'og gi gos las gang yang rung ba'o/ /nyos la zhes bya ba ni nyos te'o/ /dge slong ming 'di zhes bya ba 'ongs pa dang zhes bya ba ni shAkya'i bu nye dga' 'am/gzhan yang de lta bu gang yin pa'o/ /de la gos rung ba dus su bskon no snyam pa las zhes bya ba ni longs spyod par bzod pa'o/ /de na gal te dge slong de la sngar ma bstabs par zhes bya ba ni sngar mgron du ma bos par ro/ /rnam par rtog pa 'ga' zhig byung ste zhes bya ba ni bsnyen bkur byed pa 'ga' zhig byung ste'o//bzang po 'dod pa'i phyir zhes bya ba ni rab dang mchog 'dod pa'i phyir ro/ /khyim bdag gam khyim bdag gi chung ma nye du ma yin pa de'i gan du song nas zhes bya ba ni drung du song nas so/ /'di skad ces tshe dang ldan pa bdag gi phyir gos kyi rin gang dag spags pa'i gos kyi rin de dag gis tshe dang ldan pa gos 'di dang 'di lta bu zhig nyos la zhes bya ba ni cig nyos te'o//bdag la gos rung ba dus su legs par skon cig ces smras te zhes bya ba ni spags pa slong ba'i tshig de skad ces smras te'o/ /gos grub na zhes bya ba ni gos thob na'o//spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i spyor bas ltung ba rnam par gzhag pa dang / ltung ba med pa dang /bslab par bya ba dang / phyir bcos pa rnams kyis 'di'i mtshan nyid shes par bya'o/ /de la spags pa slong ba'i ltung byed 'di ni sngar slong ba'i spang ba bshad pa'i rab tu dbye bar gyur pa yin pas de'i phyir spags pa slong ba'i spang ba 'di'i dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang /ltung ba med pa dang / bslab par bya ba dang / phyir bcos pa'i mtshan nyid rnams ni sngar slong ba'i spang ba'i skabs su bstan pa kho na bzhin du shes par bya'o/ /de'i bye brag cung zhig brjod par bya ste/ de'i phyir spags pa ma phul bar shes pa ni ma spags pa dang 'dra'o zhes bya ba smras te/spags pa ma phul bar shes pa zhes bya ba ni spags pa slong ba'i spang ba 'di nyid kyi skabs yin te/ sbyin bdag gis dge slong la gos spags pa dge slong de la ma phul bar dge slong des gang yang rung ba zhig gis shes pa'o/ /ma spags pa dang 'dra'o zhes bya ba la ma spags pa zhes bya ba ni sngar slong ba'i spang ba bshad pa'i skabs yin te/sbyin bdag gis dge slong la gos 'bul bar ma spags pa'o/ /'dra'o zhes bya ba ni spags pa ma phul bar shes pa zhes bya ba spags pa slong ba'i spang ba 'di dang / ma spags pa zhes bya ba slong ba'i spang ba sngar bstan pa de'i mtshan nyid dang 'dra'o zhes bya ba'i tha tshig go//spags pa'am ma spags pa mi shes par gyur pa ni slong ba'i spang ba'i yul yin la/ spags pa shes pa ni 'di'i yul yin no/ /don de nyid bstan pa'i phyir de nyid gzhan yin no zhes smras te/ de nyid ces bya ba ni gos spags pa ltung ba 'byin pa'i gang zag gis mi shes pa de nyid do//gzhan yin no zhes bya ba ni ma spags pa nyid yin pa'o/ /de ltar na bye brag 'di yod de/ spags pa ma phul bar shes pa ni spags pa slong ba'i spang ba 'di'i yul yin la/ spags kyang rung ma spags kyang rung mi shes pa ni slong ba'i spang ba sngar bstan pa'i yul yin no//de ltar spags pa slong ba'i spang ba dang / slong ba'i spang ba gnyis kyi mtshan nyid spyir 'dra ba dang / khyad par cung zad yod pa go sla bar bya ba'i phyir dang por bstan nas/ da ni spags pa slong ba'i spang ba nyid kyi mtshan nyid rgya cher bstan par bya ste/de la 'dir dngos gzhi'i ltung ba rnam par gzhag pa ni dge slong gos phrogs pa dang / rlag pa dang / tshig pa dang / rlung gis khyer ba dang / chus khyer bar ma gyur pa slong bar mi rigs pas mi'i 'gro bar gtogs pa khyim par gyur pa srog dang ldan pa nye du ma yin pa las gos rung ba tshad dang ldan pa las mi chung ba spags pa ma phul bar shes pa rin thang dang kha dog dang khru tshad las rnam pa gang bslangs pa de nyid thob na spags pa slong ba'i spang ba'i ltung byed kyi dngos gzhir 'gyur ro//dge slong la spags pa slong ba'i spang ba'i ltung byed byung na de ma spangs shing bral bar ma byas la ltung ba ma bshags par ram/spangs shing bral bar ma byas la ltung ba ma bshags par ram/ spangs shing bral bar byas la ltung ba ma bshags par gos spags pa ma phul bar shes pa rin thang dang kha dog dang khru tshad de lta bu gzhan zhig rnyed na de yang snga ma'i shugs kyis spang bar 'gyur te/de las ltung bar ni mi 'gyur ro/ /dge slong gis spags pa slong ba'i spang ba'i ltung byed byung la/ ji srid du spang ba'i dngos po las ma bshags shing so sor ma bshags par lhung bzed dam/ chos gos sam/ dra ba'am/ phor bu'am/ ska rags sam/ dge sbyong gi 'tsho ba'i yo byad gang yang rung ba gzhan nye bar 'jog na de yang snga ma'i shugs kyis spang bar 'gyur te/ de las ltung bar ni mi 'gyur ro/ /rin thang dang kha dog dang khru tshad las spags pa ma phul bar shes pa rnam pa gang bslangs pa de lta bu nyid thob pa la na smad pa med do//rin thang dang kha dog dang khru tshad kyi dbye ba ma byas par spags pa ma phul bar shes pa spyir bslangs pa na gang yang rung ba zhig thob pa la na smad pa med do/ /rung ba nyid dang tshad dang ldan pa dang / tshad las lhag pa spags pa ma phul bar shes pa la na smad pa med do/ /'di'i byed pa po yang snga ma bzhin te/mi'i 'gro bar gtogs pa khyim par gyur pa srog dang ldan pa nye du ma yin pa'o/ /de dge slong ji lta bu la ltung ba 'di'i byed pa po yin zhe na/ gos phrogs pa dang / rlag pa dang / tshig pa dang / rlung gis khyer ba dang / chus khyer bar ma gyur par slong bar mi rigs pa la'o//'di la yan lag lngas dngos gzhi'i ltung bar 'gyur ro/ /dge slong gos phrogs pa dang / rlag pa dang / tshig pa dang / rlung gis khyer ba dang / chus khyer bar ma gyur pa slong bar mi rigs pa dang / sbyin bdag mi'i 'gro bar gtogs pa khyim par gyur pa srog dang ldan pa nye du ma yin pa dang /gos rung ba tshad dang ldan pa las mi chung ba spags pa ma phul bar shes pa dang / rin thang dang kha dog dang khru tshad las spags pa ma phul bar shes pa rnam pa gang bslangs pa dang / de nyid thob pa'o/ /de dag las yan lag ma tshang na ci rigs par na smad do/ /de la dge slong gos phrogs pa la sogs par ma gyur pa zhes smos pa ni de de dag slong bar mi rigs pa'i phyir ro//sbyin bdag mi'i 'gro bar gtogs pa khyim par gyur ba srog dang ldan pa nye du ma yin pa zhes smos pa ni de las bzlog pa la nyes byas su 'gyur ba'i phyir ro/ /gos rung ba tshad dang ldan pa las mi chung ba spags pa ma phul bar shes pa zhes smos pa ni zhu ba las nye du ma yin pa las chos gos mi rung ba dang /mi chog pa spags pa ma phul bar shes pa nyid slong na nyes byas so zhes gsungs pa'i phyir ro/ /rin thang dang / kha dog dang / khru tshad las spags pa ma phul bar shes pa rnam pa gang bslangs pa dang /de nyid thob pa zhes smos pa ni gzhan thob pa dang / de nyid ma thob pa la ltung ba med do zhes gsungs pa'i phyir ro/ /sbyor ba gcig gis gos spags pa gcig gam/ gnyis sam/ mang po zhig thob na yang ltung ba'i dngos gzhi gcig rnam par gzhag go/ /spyor ba'i ltung ba ni nyes byas te/ji srid du spags pa slong ba'i spang ba'i ltung byed kyi sbyor ba brtsams nas/ dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /mi'i 'gro bar gtogs pa dang / khyim par gyur pa dang / srog dang ldan pa dang / nye du ma yin pa las bzlog pa la spags pa ma phul bar shes pa slong ba dang thob pa la nyes byas so/ /spags pa ma phul bar shes pa slong ba'i tshe nyid na nyes byas so/ /spags pa ma phul bar shes pa mi rung ba slong ba dang thob pa la nyes byas so/ /spags pa ma phul bar shes pa chung ngu slong ba dang thob pa la nyes byas so//rgyu spun spags pa ma phul bar shes pa slong ba dang thob pa la nyes byas so/ /rgyu spun gyi rang bzhin pa la dang / ras bal la sogs pa spags pa ma phul bar shes pa slong ba dang thob pa la nyes byas so/ /khyim bdag gam khyim bdag gi chung ma gnyi ga'am gcig ma ning dang mtshan gnyis pa la spags pa ma phul bar shes pa slong ba dang thob pa la nyes byas so//phyi rol pa'i rab tu byung ba dang / chos 'di pa'i rab tu byung ba mtshams med pa byas pa la sogs pa gtan gyi bar chad kyis sdom pa dang po nas ma chags pa dang / sdom pa chags pa bslab pa nyams pa dag la spags pa ma phul bar shes pa slong ba dang thob pa la nyes byas so//sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /de yang dang po yid la sems pa ni sbyor ba'i sbyor ba'i nyes byas phra mo'o//de nas lus dang ngag gis sbyor ba ni sbyor ba'i nyes byas dngos so/ /de nas mthar thug pa ni spang ba'i ltung byed kyi dngos gzhi'o zhes bya bar shes par bya'o/ /ltung ba med pa ni dge slong gos phrogs pa dang / rlag pa dang / tshig pa dang /rlung gis khyer ba dang / chus khyer ba dag ni slong bar rigs pa yin pas de dag spags pa ma phul bar shes pa slong ba la ltung ba med do/ /rin thang gzhan nam/ kha dog gzhan nam/ khru tshad gzhan spags pa ma phul bar shes pa thob pa la ltung ba med do/ /ras ma dang / kha tshar spags pa ma phul bar shes pa slong ba la ltung ba med do//kha tshar spags pa ma phul bar shes pa bslangs pa las ras ma thob pa la ltung ba med do/ /ras ma spags pa ma phul bar shes pa bslangs na ras yug chen dang / ras yug phran dag thob bo snyam nas bslangs shing thob na yang ltung ba med do//las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab bar bya ba ni dge slong gis yul thams cad la gnas skabs thams cad du spags pa slong ba'i spang bar 'gyur ba rnam pa thams cad mi bsten par bslab par bya'o/ / phyir bcos pa ni snga ma bzhin no/ /spags pa slong ba'i spang ba ste brgyad pa bshad zin to// //so so nas spags pa slong ba'i spang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des rigs mnyam pa las chung ma blangs te/de de dang lhan cig rtse bar byed/ dga' bar byed/ dga' dgur spyod par byed do/ /khyim bdag de gzhan gyi chung ma la chags par gyur nas/ de la chung mas rje'i sras de ltar ma mdzad cig ces phyir bzlog na ji tsam du de phyir bzlog kyang phyir ma log pa de tsam du de'i chung ma de yang skyes pa gzhan dag dang lhan cig 'khrul pa rtsom par byed do//khyim bdag de yang bud med gzhan dag la sbyin par byed la/ chung ma de yang skyes pa gzhan dag la sbyin par byed pas de ltar khyim de gnyis ka nas rgud par gyur nas de gnyis la bu mo mngag gzhug ma zhig yod nas khyim bdag des bu mo de la 'dis khyim rgud par byas so zhes khu tshur dang thal lcag dag gis rdeg par byed do//bu mo des smras pa/ bdag gis khyim rgud par gyur pa 'di ji las gyur pa 'tshal mod kyi/ 'on kyang bdag gis ji ltar rje dag la bsngags pa ma lags pa brjod pa bgyir rung /nye dgas de tshor nas des khyim bdag de dang khyim bdag gi chung ma de'i gan du song ste ci nas kyang de gnyis skyabs su 'gro ba dang / bslab pa'i gzhi dag la gnas par 'gyur ba de lta de ltar tshul khrims kyi bsngags pa brjod cing /tshul khrims 'chal pa'i bsngags pa ma yin pa yang brjod nas des de gnyis skyabs su 'gro ba dang / bslab pa'i gzhi dag la gnas par byas so/ /khyim bdag de gtum pa brtun ngas pa drag shul che ba yin pas yang bu mo de la rdeg par brtsams pa dang / chung mas de la smras pa/rje'i sras gang gi tshe bdag cag las dang las kyi rnam par smin pa mi mkhyen pa de'i tshe ko rdeg par mdzad mod/ da bdag cag dge ba'i bshes gnyen 'phags pa nye dga' la brten nas las dang las kyi rnam par smin pa mkhyen pas/ 'di ltar 'jig rten ni rang gi las kyi 'bras bu la spyod pa lags pas su zhig su'i bran lags/bu mo 'di la rdeg par ma mdzad cig /bzang mo khyod zer ba ma nyes so/ /bu mo tshur shog khrus gyis la shog shig /bu mo de khrus byas te 'ongs pa dang / des de la gos phrugs cig bskon nas smras pa/ bu mo dga' zhing las byos shig /bu mo des bsams pa/ khyim bdag khyo shug 'di sngon gtum pa brtun ngas pa drag shul che ba yin te/ yang dang yang du bdag la khu tshur dang thal lcag dag gis rdeg par byed cing zas dang / gos ngan pa dag sbyin par byed na/ da 'di bdag gi pha ma dang 'dra bar gyur to snyam nas yang bsams pa/gang tshun chad nas 'phags pa nye dga' khyim 'dir 'jug par brtsams pa de tshun chad nas khyim bdag 'di pha ma dang 'dra bar gyur pas bdag gis 'phags pa nye dga' la ji zhig gis dga' bar bya snyam nas/ des bsams pa/ gal te bdag gis 'di las cung zhig brkus te dbul du ni khyim bdag 'dis bdag la rdeg btsog mang po byas te sngon gyi gnas su gzhag par 'gyur ro snyam nas/de sdod cing 'dug go/ /khyim bdag gi chung ma des khyim bdag de la smras pa/ rje'i sras mkhyen par mdzod cig /'phags pa nye dga' ni bdag cag gi dge ba'i bshes gnyen lags te/'phags pa nye dgas bdag cag las kyi mtha' dri ma can dang phral nas skyabs su 'gro ba dang bslab pa'i gzhi dag la bkod de/ yang dang yang du bdag cag la chos kyis sdud par byed pas bdag cag gis kyang de la zang zing cung zad kyis bsdu bar bgyi'o//bzang mo de bzhin bya'o/ /ci zhig bgyi/ de la bdag cag so so nas ras yug chen dag dbul bar bya'o/ /bu mo des de thos nas bsams pa/ bdag gis 'phags pa nye dga' la dga' ba de sbran par bya'o snyam mo/ /nye dga' yang snga dro sham thabs bgos lhung bzed dang chos gos thogs te/mnyan yod du bsod snyoms la zhugs nas mthar gyis bsod snyoms la rgyu ba na khyim der zhugs pa dang / bu mo des khyim legs par phyags shing / phyag dar bor nas des nye dga' mthong ba dang / rkang pa gnyis la phyag 'tshal te smras pa/ bdag gis 'phags pa nye dga' la dgyes pa sbran par bgyi'o//khyim bdag dang khyim bdag gi chung ma 'di khyod la so so nas ras yug chen dag 'bul bar 'gyur ro/ /nye dgas bsams pa/ sa'i steng na 'dod pa'i bdag nyid can gang ji snyed pa de dag dang bdag mnyam par deng bu mo 'dis kyang 'phrigs so snyam nas/des bshes te smras pa/ bu mo gal te bden par gyur na ni ngas khyod la gshe ba dag la shugs ma bya'o/ /ji ste brdzun par gyur na ni rdeg btsog mang po byed du bcug ste sngon gyi gnas ji lta bar gzhag par bya'o/ /'phags pa spyod mang du mdzad na bzhud cig dang khyod nyid kyis mkhyen par 'gyur ro//de zhugs nas stan bshams pa nyid la 'dug pa dang / khyim bdag de chung ma dang bcas pas rkang pa la phyag 'tshal te stan ches dma' ba blangs nas chos mnyan pa'i phyir mdun du 'dug go/ /nye dgas smras pa/ khyim bdag kho bo la so so nas ras yug chen sbyin par byas pa gang dag yin pa de dag blta'o//de gnyis kyis phan tshun gdong du blta bar brtsams te 'di skad ces smras so/ /'phags pa bdag cag gis gsangs te smras pa de 'phags pa la sus bgyis/ ci 'phags pas gzhan gyi sems kyang mkhyen tam/nye dgas smras pa/ kho bo cag lhung bzed du zos shing so lhags pa dang / skra dkar por gyur pa yin na kho bo la de tsam yang mi srid dam/ khyim bdag de dang khyim bdag gi chung ma des so so nas ras yug chen blangs te/ nye dga' la phul ba dang / nye dgas ras yug chen de dag mthong nas lag pa gnyis 'dril bar byed/bzhin sgyur bar byed do/ /khyim bdag gis smras pa/ 'phags pa ci'i slad du phyag gnyis 'dril bar byed/ zhal sgyur bar byed/ nye dgas smras pa/ khyim bdag 'di dag ni khyed la yongs su btang ba las byung ba'i bsod nams ni yod na/yongs su longs spyod pa las byung ba'i bsod nams ni med do/ ras yug chen 'di dag ni mchil lham phyi ba'am/ skar khung glan par rung ste/ 'di dag ni chos gos kyi gdang la yongs su zad pa dang mthar thug par 'gyur ro/ /'o na ji ltar bgyi/ras yug chen bzang po gzhan dag byin cig /ras yug chen gzhan dag ma mchis so/ /tshong dus nas nyos te byin cig /rin dag ma mchis so/ /dus thob la byin cig /khyim bdag des chung ma'i gdong du blta bar brtsams pa dang / chung mas smras pa/ rje'i sras bdag cag la 'phags pa nye dgas phan btags kyi/ ras yug chen dag 'jol la de la phul cig /khyim bdag de nye dga' dang lhan cig srang du dong nas/ tshong khang du phyin pa dang / nye dgas bsams pa/ tshong pa 'di nga rgyal bskyed par bya ste/ des na ras yug chen bzang po ster bar 'gyur ro snyam nas nye dgas khyim bdag la smras pa/khyim bdag tshong pa 'di ni gcam bu zhig yin pas 'di la ras yug chen bzang po med kyi gzhan du 'dong ngo / /tshong pa des de thos nas/ des chen po la 'os pa'i ras yug chen dag bstan te smras pa/ 'phags pa ras yug chen dag la gzigs/ras yug chen 'di dag ni bzang na rin ji tsam 'di dang 'di tsam mo/ /khyim bdag 'jal lo/ /khyim bdag 'jal lam/ 'jal lo/ /dus ji tsam na dus 'di tsam na'o/ /tshong pa des khyim bdag de la ras yug chen de dag byin nas khyim bdag des nye dga' la phul ba dang /nye dgas khyim bdag a rog gya zhes smras nas/ khyod sbyin pa 'dis sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob pa dang / lha dang mi rnams kyi gos dag thob par gyur cig ces smras te song ngo / /khyim bdag de longs spyod srabs nas des rin de dag dus de tsam gyis 'bul bar ma nus nas/tshong pa des khyim bdag de nyi ma la btags pa dang / de chung po grogs dag gis mthong nas smras pa/ ji khyod zhun mar 'thungs sam/ 'on te rims kyis btab/ bu lon pas bzung ste 'dug go//khyod kyi phas kyang bu lon pa yod par ma byas/ mes po dag gis kyang ma byas na bu lon pa ga las byung / des smras pa/ gang dag shAkya'i bu'i dge slong dag la dad par byed pa dag 'di ltar 'gyur te/ 'di ltar gang byin pa de dag mi len par lhag pa dag slong bar byed do/ / zhes zer ba'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ nye dga' la rmas nas rnam grangs du mar smad de/ bslab pa bca' ba'i phan yon bcu yang dag par gzigs pas/nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gi phyir khyim bdag dang khyim bdag gi chung ma nye du ma yin pas gos kyi rin so so ba dag spags nas/ bdag cag gnyis kyis gos kyi rin so so ba 'di dag gis gos 'di dang /'di lta bu so so ba dag nyos la dge slong ming 'di zhes bya ba 'ongs pa dang / bdag cag gnyis kyis so so nas de la gos rung ba dus su bskon no snyam pa las/ de na gal te dge slong de la sngar ma bstabs par rnam par rtog pa 'ga' zhig byung ste/bzang po 'dod pa'i phyir khyim bdag dang khyim bdag gi chung ma nye du ma yin pa de dag gi gan du song nas/ 'di skad ces tshe dang ldan pa dag gis bdag gi phyir gos kyi rin so so ba gang dag spags pa'i gos kyi rin so so ba de dag gis tshe dang ldan pa dag gos 'di dang 'di lta bu so so ba dag nyos la gnyi ga 'dus te/bdag la gos rung ba cig dus su legs par skon cig ces smras te gos grub na spang ba'i ltung byed do zhes bca' ba mdzad de/ yul ni mnyan yod/ gang zag ni nye dga'/ nyon mongs pa ni 'dod zhe na/ nyes pa ni so so nas spags pa slong ba'o//de la dge slong gi phyir zhes bya ba ni shAkya'i bu nye dga' 'am/ gzhan yang de lta bu gang yin pa'i phyir ro/ /khyim bdag dang zhes bya ba ni skyes pa'o/ /khyim bdag gi chung ma zhes bya ba ni bud med do/ /nye du ma yin pa zhes bya ba phyi mo dang / mes po dang / phrugs kyi bdun pa tshun chad ni nye du yin la/de phan chad ni nye du ma yin no/ /gos kyi rin ces bya ba ni gser ram dngul lo/ /so so ba dag ces bya ba ni tha dad pa dag go/ /spags nas zhes bya ba ni sta gon byas nas so/ /bdag cag gnyis kyis gos kyi rin so so ba 'di dag gis zhes bya ba ni gser ram/dngul la sogs pa so so ba gang dag spags pa dag gis so/ /gos 'di dang 'di lta bu zhes bya ba ni bdun po bal gos dang / sha na'i gos dang / zar ma'i gos dang / du gu la'i gos dang / ras bal gyi gos dang / ko tam pa'i gos dang / nyi 'og gi gos las gang yang rung ba'o//so so ba dag ces bya ba ni tha dad pa'o/ /nyos la zhes bya ba ni nyos te'o/ /dge slong ming 'di zhes bya ba 'ongs pa dang zhes bya ba ni shAkya'i bu nye dga' 'am/ gzhan yang de lta bu gang yin pa'o/ /bdag cag gnyis kyis so so nas de la gos rung ba dus su bskon no snyam pa las zhes bya ba ni longs spyod par bzod pa'o//de na gal te dge slong de la sngar ma bstabs par zhes bya ba ni sngar mgron du ma bos par ro/ /rnam par rtog pa 'ga' zhig byung ste zhes bya ba ni bsnyen bkur byed pa 'ga' zhig byung ste'o/ /bzang po 'dod pa'i phyir zhes bya ba ni rab dang mchog 'dod pa'i phyir ro/ /khyim bdag dang khyim bdag gi chung ma nye du ma yin pa de dag gi gan du song nas zhes bya ba ni drung du song nas so//'di skad ces tshe dang ldan pa dag gis bdag gi phyir gos kyi rin so so ba gang dag spags pa'i gos kyi rin so so ba de dag gis tshe dang ldan pa dag gos 'di dang 'di lta bu so so ba dag nyos la zhes bya ba ni tha dad pa dag nyos te'o//gnyi ga 'dus te zhes bya ba ni gnyi ga tshogs te'o/ /bdag la gos rung ba cig dus su legs par skon cig ces smras te zhes bya ba ni so so nas spags pa slong ba'i tshig de skad ces smras te'o/ /gos grub na zhes bya ba ni gos thob na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/des na spang ba'i ltung byed do zhes gsungs so/ /de la ltung ba ji ltar 'gyur zhe na/ 'dir yang dngos gzhi dang sbyor ba dang sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la so so nas spags pa slong ba'i spang ba 'di ni sngar spags pa slong ba'i spang ba bshad pa'i rnam pa yin mod kyi/ 'on kyang sbyin par byed pa'i spungs kyi bye brag las ltung ba tha dad par rnam par gzhag par bya ste/'di ltar tshe dang ldan pa nye dgas khyim bdag dang khyim bdag gi chung ma la so so nas ras yug chen yang dag par sbyin du gzhug par bya ba'i phyir ro/ /spags pa slong bar 'dra mod kyi 'on kyang bye brag brjod par bya ste/ de'i phyir sbyin par byed pa spungs che bas spags pa ma phul bar shes pa yang ma spags pa dang 'dra'o zhes bya ba smras te/sbyin par byed pa spungs che ba zhes bya ba ni khyim gcig nas khyim bdag dang khyim bdag gi chung ma gnyi gas so so nas tsham tshom med par gos kyi rin spog phod pa'o/ /de lta bu'i sbyin par byed pa spungs che bar spags pa ma phul bar shes pa zhes bya ba ni sngar spags pa slong ba'i spang ba'i skabs su sbyin par byed pa khyim bdag dang khyim bdag gi chung ma gnyi gas spyi la gos kyi rin gcig spogs pa spungs chung ngu'i bye brag las ltung ba tha dad par rnam par gzhag par bya ste/so so nas spags pa slong ba'i spang ba 'di nyid kyi skabs yin no//sbyin par byed pa spungs che bas so so nas dge slong la gos dag spags pa dge slong de la ma phul bar dge slong des gang yang rung ba zhig gis shes pa ni sbyin par byed pa spungs che bas spags pa ma phul bar shes pa zhes bya'o/ / de yang ma spags pa dang 'dra'o zhes bya bar sbyar te/ ma spags pa zhes bya ba ni sngar slong ba'i spang ba bshad pa'i skabs yin te/ sbyin bdag gis dge slong la gos dbul bar ma spags pa'o/ /'dra'o zhes bya ba ni sbyin par byed pa spungs che bas spags pa ma phul bar shes pa zhes bya ba so so nas spags pa slong ba'i spang ba 'di yang ma spags pa zhes bya ba ni slong ba'i spang ba sngar bstan pa de'i mtshan nyid dang 'dra'o zhes bya ba'i tha tshig go//so so nas spags pa'am/ ma spags pa mi shes par gyur pa ni slong ba'i spang ba'i yul yin la so so nas spags pa shes pa ni 'di'i yul yin no//don de nyid bstan pa'i phyir 'dir yang snga ma bzhin du de nyid gzhan yin no zhes bya ba smras te/ de nyid ces bya ba ni 'dir sbyin par byed pa spungs che bas gos spags pa ltung ba 'byin pa'i gang zag gis mi shes pa de nyid do/ /gzhan yin no zhes bya ba ni ma spags pa nyid yin pa'o//de ltar na slong ba'i spang ba dang / spags pa slong ba'i spang ba dang / so so nas spags pa slong ba'i spang ba la bye brag 'di yod de/ sbyin par byed pas spags kyang rung ma spags kyang rung / mi shes pa ni slong ba'i spong ba sngar bstan pa'i yul yin la sbyin par byed pa spungs chung ngus spags pa ma phul bar shes pa ni spags pa slong ba'i spang ba'i yul yin/sbyin par byed pa spungs che bas spags pa ma phul bar shes pa ni so so nas spags pa slong ba'i spang ba 'di'i yul yin no/ /de ltar na sngar spags pa slong ba'i spang ba'i skabs su spags pa slong ba'i spong ba dang /slong ba'i spang ba gnyis kyi mtshan nyid spyir 'dra ba dang / khyad par cung zad yod par bstan pa bzhin du 'dir so so nas spags pa slong ba'i skabs su yang so so nas spags pa slong ba'i spang ba 'di nyid dang / sngar spags pa slong ba'i spang ba dang / slong ba'i spang ba bstan pa dag gi mtshan nyid spyir 'dra ba dang /khyad par cung zad yod pa yang bstan pa yin no/ /de ltar so so nas spags pa slong ba'i spang ba dang / spags pa slong ba'i spang ba dang / slong ba'i spang ba gsum gyi mtshan nyid spyir 'dra ba dang / khyad par cung zad yod pa go sla bar bya ba'i phyir dang por bstan nas/da ni so so nas spags pa slong ba'i spang ba nyid kyi mtshan nyid rgya cher bstan par bya ste/ de la 'dir dngos gzhi'i ltung ba rnam par gzhag pa ni dge slong gos phrogs pa dang / rlag pa dang / tshig pa dang / rlung gis khyer ba dang / chus khyer bar ma gyur pa slong bar mi rigs pas sbyin par byed pa spungs che ba mi'i 'gro bar gtogs pa khyim par gyur pa srog dang ldan pa nye du ma yin pa las gos rung ba tshad dang ldan pa las mi chung ba so so nas spags pa ma phul bar shes pa dag rin thang dang kha dog dang khru tshad las rnam pa gang dag bslangs pa de dag nyid thob nas/so so nas spags pa slong ba'i spang ba'i ltung byed kyi dngos gzhir 'gyur ro/ /dge slong la so so nas spags pa slong ba'i ltung byed byung na de ma spangs shing bral bar ma byas la ltung ba ma bshags par ram/ spangs shing bral bar ma byas la ltung ba ma bshags par ram/ spangs shing bral bar byas la ltung ba ma bshags par sbyin par byed pa spungs che bas gos so so nas spags pa phul bar shes pa rin thang dang /kha dog dang / khru tshad de lta bu gzhan zhig rnyed na de dag kyang snga ma'i shugs kyis spang bar 'gyur te/ de dag las ltung bar ni mi 'gyur ro/ /dge slong gis so so nas spags pa slong ba'i spong ba'i ltung byed byung la/ji srid du spang ba'i dngos po las ma bshags shing so sor ma bshags par lhung bzed dam/ chos gos sam/ dra ba'am/ phor bu'am/ ska rags sam/ dge sbyong gi 'tsho ba'i yo byad gang yang rung ba gzhan nye bar 'jog na de yang snga ma'i shugs kyis spang bar 'gyur te/de las ltung bar ni mi 'gyur ro/ /rin thang dang kha dog dang khru tshad las so so nas spags pa ma phul bar shes pa rnam pa gang bslangs pa de lta bu nyid thob pa la na smad pa med do/ /rin thang dang / kha dog dang / khru tshad kyi dbye ba ma byas par so so nas spags pa ma phul bar shes pa spyir bslangs pa na gang yang rung ba zhig thob pa la na smad pa med do/ /rung ba nyid dang tshad dang ldan pa dang / tshad las lhag pa so so nas spags pa ma phul bar shes pa la na smad pa med do/ /'di'i byed pa po ni sbyin par byed pa spungs che ba mi'i 'gro bar gtogs pa khyim par gyur pa srog dang ldan pa nye du ma yin pa'o//de dge slong ji lta bu la ltung ba 'di'i byed pa po yin zhe na/ gos phrogs pa dang / rlag pa dang / tshig pa dang / rlung gis khyer ba dang / chus khyer bar ma gyur pa slong bar mi rigs pa la'o/ /'di la yan lag lngas dngos gzhi'i ltung bar 'gyur te/dge slong gos phrogs pa dang / rlag pa dang / tshig pa dang / rlung gis khyer ba dang / chus khyer bar ma gyur pa slong bar mi rigs pa dang / sbyin bdag spungs che ba mi'i 'gro bar gtogs pa khyim par gyur pa srog dang ldan pa nye du ma yin pa dang / gos rung ba tshad dang ldan pa las mi chung ba so so nas spags pa ma phul bar shes pa dang / rin thang dang / kha dog dang / khru tshad las so so nas spags pa ma phul bar shes pa rnam pa gang bslangs pa dang / de nyid thob pa'o/ /de dag las yan lag ma tshang na ci rigs par na smad do/ /de la dge slong gos phrogs pa la sogs par ma gyur pa zhes smos pa ni de dag slong bar mi rigs pa'i phyir ro//sbyin bdag spungs che ba mi'i 'gro bar gtogs pa'i khyim par gyur pa srog dang ldan pa nye du ma yin pa zhes smos pas ni de las bzlog pa la nyes byas su 'gyur ba'i phyir ro/ /gos rung ba tshad dang ldan pa las mi chung ba so so nas spags pa ma phul bar shes pa zhes smos pa ni zhu ba las nye du ma yin pa las chos gos mi rung ba dang /mi chog pa so so nas spags pa ma phul bar shes pa nyid slong na nyes byas so zhes gsungs pa'i phyir ro/ /rin thang dang / kha dog dang / khru tshad las so so nas spags pa ma phul bar shes pa rnam pa gang bslangs pa dang /de nyid thob pa zhes smos pa ni gzhan thob pa dang / de nyid ma thob pa la ltung ba med do zhes gsungs pa'i phyir ro/ /sbyor ba gcig gis gos so so nas spags pa gcig gam/ gnyis sam/ mang po zhig thong na yang ltung ba'i dngos gzhi gcig rnam par gzhag go//sbyor ba'i ltung ba ni nyes byas te/ ji srid du so so nas spags pa slong ba'i spong ba'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//sbyin par bya ba spungs che ba mi'i 'gro bar gtogs pa dang / khyim par gyur pa dang / srog dang ldan pa dang / nye du ma yin pa las bzlog pa las so so nas spags pa ma phul bar shes pa slod pha la nyes byas so/ /so so nas spags pa ma phul bar shes pa slong ba'i tshe nyid na nyes byas so//so so nas spags pa ma phul bar shes pa mi rung ba slang ba dang / thob pa la nyes byas so/ /so so nas spags pa ma phul bar shes pa chung ngu slong ba dang thob pa la nyes byas so/ /rgyu spun so so nas spags pa ma phul bar shes pa slong ba dang thob pa la nyes byas so//rgyu spun gyi rang bzhin bal dang / ras bal la sogs pa so so nas spags pa ma phul bar shes pa slong ba dang thob pa la nyes byas so/ /khyim bdag dang khyim bdag gi chung ma gnyis ka'am/ gcig ma ning dang mtshan gnyis pa la so so nas spags pa ma phul bar shes pa slong ba dang thob pa la nyes byas so//phyi rol pa'i rab tu byung ba dang / chos 'di pa'i rab tu byung ba mtshams med pa byas pa la sogs pa gtan gyi bar chad kyis sdom pa dang po nas ma chags pa dang / sdom pa chags pa bslab pa nyams pa dag la so so nas spags pa ma phul bar shes pa slong ba dang thob pa la nyes byas so//sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas phra mo'o/ /de yang dang po yid la sems pa ni sbyor ba'i nyes byas phra mo'o//de nas lus dang ngag gi sbyor ba ni sbyor ba'i nyes byas dngos so/ /de nas mthar thug pa ni spang ba'i ltung byed kyi dngos gzhi'o zhes bya bar shes par bya'o/ /ltung ba med pa ni dge slong gos phrogs pa dang / rlag pa dang / tshig pa dang / rlung gis khyer ba dang /chus khyer ba dag ni slong bar rigs pa yin pas de dag so so nas spags pa ma phul bar shes pa slong ba la ltung ba med do/ /rin thang gzhan nam kha dog gzhan nam/ khru tshad gzhan so so nas spags pa ma phul bar shes pa thob pa la ltung ba med do/ /ras ma dang kha tshar so so nas spags pa ma phul bar shes pa slong ba la ltung ba med do//kha tshar so so nas spags pa ma phul bar shes pa las ras ma thob pa la ltung ba med do/ /ras ma so so nas spags pa ma phul bar shes pa bslangs na ras yug chen dang ras yug phran dag thob bo snyam nas bslangs shing thob na yang ltung ba med do//las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du so so nas spags pa slong ba'i spang bar 'gyur ba rnam pa thams cad mi bsten pa bslab par bya'o//phyir bcos pa ni snga ma bzhin no/ /so so nas spags pa slong ba'i spang ba ste dgu pa bshad zin to// //so sor thar pa'i mdo rgya cher 'grel pa 'dul ba kun las btus pa bam po bcu gsum pa/ skur pa spang ba'i gleng gzhi ni sangs rgyas bcom ldan 'das rgyal po'i khab na 'od ma'i tshal ka lan dka'i gnas na bzhugs so//nye dga' la blo skyes pa 'di dag thams cad khyim bdag mgon med zas sbyin gyis bslab pa'i gzhi dag gis bsdam par byas pas phyin chad ras yug phran sgre bo yang su las kyang bslang bar mi nus kyi 'di na bdag dang lhan cig yi ge'i grwa na yig 'bru'i yi ge dag slob pa bram ze dbyar tshul yod kyis de'i gan du song ste bltas na de nas de las chung zad 'thob kyang srid do snyam nas de de'i khyim du song ba dang /sgo bas 'phags pa ma 'jug cig ces dgag go/ /nye dgas smras pa/bzhin bzangs bcom ldan 'das kyis bdag cag gi spyod yul ma yin pa ni rnam pa lnga gsungs te/ rol mo mkhan gyi khyim dang / smad 'tshong ma'i khyim dang / chang 'tshong ma'i khyim dang / rgyal po'i pho brang dang / gdol pa'i khyim yin na/ ji 'di de dag gcig gi khyim yin nam/sgo bas smras pa/ 'phags pa khyod spyo ba mang du mdzad de/ 'di ni de dag gang gi khyim yang ma lags kyi/ 'di ltar de ni bram ze dbyar tshul gyi sdum pa lags so/ /nye dgas smras pa/ kwa'e nang rje song la bram ze dbyar tshul la nye dgas shes ldan lta bar 'dod cing sgo na sdod do zhes gyis shig /sgo bas smras pa/ khyod rgyal po gzugs can snying po'i snying tshoms gces pa lags sam/ nye dgas smras pa/ bkren pa gal te sbron na ni son cig /mi sbron na khyod la mtshams chen po gcod pa sbyin par bya'o/ /sgo bas bsams pa/ 'di 'di ltar 'jigs pa med pa dang /bag tsha ba med par tshig gtong ba las na ma sbran na gnod pa byed kyi song la sbran no snyam nas de der song ste smras pa/ jo bo btsun pa nye dga' jo bo lta bar 'chal zhing chab sgo na sdod do/ /dbyar tshul gyis smras pa/ btsun pa nye dga' la su 'gog /btsun pa nye dga' 'jug tu chug shig /nye dga' zhugs pa dang / dbyar tshul gyis smras pa/ btsun pa nye dga' byon pa legs so/ /byon pa legs so/ /btsun pa nye dga' gdan bshams pa nyid la bzhugs shig /nye dga' de'i mdun du 'dug ste/ des sgra mthon po dang / sgra yid du 'ong ba dang /sgra zab mos sbyin pa'i bsngags pa brjod par brtsams so/ /gang gi tshe nye dga' yid dga' zhing yid dga' nas sbyin pa'i bsngags pa rjod par byed pa de'i tshe na bram ze dang khyim bdag dad pa can dag 'di snyam du kye ma rang gi sha dag kyang bcad cing bcad cing sbyin par bya'o snyam du sems pas/bram ze dbyar tshul gyis smras pa/ btsun pa nye dga' dbyar gnas pa la kAr ShA pa Na drug cu 'bul lo/ /nye dgas a rog gya sbyin pa 'dis khyod sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob pa dang / lha dang mi rnams kyi longs spyod kyang thob par gyur cig ces smras te song ngo / /de'i tshe mnyan yod nas dge slong gnyis shig bcom ldan 'das kyi zhabs la phyag 'tshal du rgyal po'i khab tu 'ongs so/ /bcom ldan 'das kyis kyang tshe dang ldan pa kun dga' bo la bka' stsal pa/kun dga' bo khyod song la dge slong rnams la de bzhin gshegs pa ko sa la dag tu ljongs rgyur gshegs kyi/ khyod cag las gang de bzhin gshegs pa dang thabs cig ko sa la dag tu ljongs rgyur 'gro bar spro ba des chos gos kyi las gyis shig ces sgo shig /tshe dang ldan pa kun dga' bos btsun pa bka' bzhin 'tshal zhes bcom ldan 'das kyi bka' mnyan nas dge slong rnams la de skad bsgo'o/ /dge slong rnams kyis kyang tshe dang ldan pa kun dga' bo bka' bzhin 'tshal zhes tshe dang ldan pa kun dga' bo'i tshig mnyan to//mnyan yod nas 'ongs pa'i dge slong de gnyis kyis de thos nas bdag cag kyang mnyan yod du 'gro dgos so snyam nas/ mi dga' bar gyur to/ /nye dgas kyang de thos nas nyam nga bar gyur te/ bdag la brgya la brgya lam na rnyed pa byung ba de'i bar chad byung ngo snyam nas/ de bram ze dbyar tshul gyi gan du song ste sgra dma' ba dang /sgra yid du mi 'ong ba dang / sgra mi zab pas sbyin pa'i bsngags pa brjod par brtsams pa dang / dbyar tshul gyis smras pa/ btsun pa nye dga' khyod sngon sgra mthon po dang / sgra yid du 'ong ba dang / sgra zab mos sbyin pa'i bsngags pa brjod par mdzad na/khyod da ltar sgra dma' ba dang / sgra yid du mi 'ong ba dang / sgra mi zab pas sbyin pa'i bsngags pa brjod par mdzad na 'di la rgyu ci mchis/ nye dgas smras pa/ chung po grogs bdag cag brgya la brgya lam na phrad pa byung na/ de yun mi ring ba kho nas 'bral bar 'gyur ba'i phyir ro//ma ga d+hA pa zur gyis go/ /ko sa la pa brjod na shes/ /pany+tsal pa yig phyed kyis/ /nub mi ma smras mi shes so/ /zhes bya ba yin pas dbyar tshul gyis bsams pa 'di ni shAkya'i rigs rgya che ba spangs te/ rab tu byung ba yin pas 'di bdag dang 'bral ba la mya ngan mi byed kyi kA ra ShA pa Na drug cu 'tshor ba'i mya ngan byed do snyam nas smras pa/btsun pa nye dga' gang dang gang du gnas par bdag gis kAr ShA pa Na drug cu bskur bar bya'o/ /nye dgas a rog gya de lta na phan tshun med pa dang / kun nas nyon mongs pa med pa'i sbyin pa dag sbyin zhing bsod nams dag byed pa yin no zhes smras nas/stan las langs te song ngo / /de nas bcom ldan 'das dul ba 'khor dul ba dang ldan pa/ zhi ba 'khor zhi ba dang ldan pa/ grol ba 'khor grol ba dang ldan pa/ dbugs phyin pa 'khor dbugs phyin pa dang ldan pa/thul ba 'khor thul ba dang ldan pa/ dgra bcom pa 'khor dgra bcom pa dang ldan pa/ 'dod chags dang bral ba 'khor 'dod chags dang bral ba dang ldan pa/ mdzes pa 'khor mdzes pa dang ldan pa/ khyu mchog ba lang gi tshogs kyis yongs su bskor ba lta bu/ glang po che glang po che'i phru gu'i tshogs kyis yongs su bskor ba lta bu/ seng ge mche ba can gyi tshogs kyis yongs su bskor ba lta bu/ ngang pa'i rgyal po ngang pa'i tshogs kyis yongs su bskor ba lta bu/ nam mkha' lding bya'i tshogs kyis yongs su bskor ba lta bu/ bram ze slob ma'i tshogs kyis yongs su bskor ba lta bu/sman pa mkhas pa nad pa'i tshogs kyis yongs su bskor ba lta bu/ dpa' bo ru pa'i tshogs kyis yongs su bskor ba lta bu/ sa mkhan 'gron po'i tshogs kyis yongs su bskor ba lta bu/ ded dpon tshong pa'i tshogs kyis yongs su bskor ba lta bu/tshong dpon 'khor gyi tshogs kyis yongs su bskor ba lta bu/ mkhar gyi rgyal po blon po'i tshogs kyis yongs su bskor ba lta bu/ 'khor los sgyur ba'i rgyal po bu stong gi tshogs kyis yongs su bskor ba lta bu/ zla ba rgyu skar gyi tshogs kyis yongs su bskor ba lta bu/nyi ma 'od zer stong gi tshogs kyis yongs su bskor ba lta bu/ yul 'khor srung dri za'i tshogs kyis yongs su bskor ba lta bu/ 'phags skyes po grul bum gyi tshogs kyis yongs su bskor ba lta bu/ mig mi bzang klu'i tshogs kyis yongs su bskor ba lta bu/nor sbyin gnod sbyin gyi tshogs kyis yongs su bskor ba lta bu/ thags bzangs ris lha ma yin gyi tshogs kyis yongs su bskor ba lta bu/ brgya byin sum cu rtsa gsum pa'i tshogs kyis yongs su bskor ba lta bu/ tshangs pa tshangs ris kyi tshogs kyis yongs su bskor ba lta bu/dbang po rnams shin tu dul ba/ spyod lam dang spyod pa ma 'khrugs pa/ mtsho ltar ting nge ba/ sprin ltar chu dang bcas pa/ glang po che'i rgyal po ltar dregs pa dang bral ba/ skyes bu chen po'i mtshan sum cu rtsa gnyis kyis legs par brgyan pa/ dpe byad bzang po brgyad cus sku rnam par mdzes pa/'od 'dom gang gis gzugs can brgyan pa/ nyi ma stong bas lhag pa'i 'od dang ldan pa/ rin po che'i ri bo 'gro ba ltar kun du bzang ba/ stobs bcu dang mi 'jigs pa bzhi dang / ma 'dres pa'i dran pa nye bar gzhag pa gsum dang / thugs rje chen po dang ldan pa/'jig rten la phan par zhugs pa/ srung ba gcig pu pa/ nyag gcig dpa' ba/ gnyis pa med pa/ gnyis su mi gsung ba/ zhi gnas dang lhag mthong gis bzhugs pa/ rig pa gsum gsal bar mdzad pa/ bslab pa gsum la legs par bslabs pa/ dul ba'i gnas gsum gyi gzhi la mkhas pa/ chu bo bzhi las rgal ba/ rdzu 'phrul gyi rkang pa bzhis spyod pa'i gzhi la legs par gnas pa/ bsdu ba'i dngos po bzhi la yun ring po nas yongs su sbyang ba mdzad pa/ mi 'jigs pa bzhis bsnyengs pa mi mnga' ba/ yan lag lnga spangs pa/'gro ba lnga las yang dag par 'das pa/ yan lag drug dang yang dag par ldan pa/ pha rol tu phyin pa drug yongs su rdzogs pa/ rtag tu gnas pa drug gis gnas pa/ byang chub kyi yan lag bdun gyi me tog gis phyug pa/ lam gyi yan lag brgyad ston pa/ mthar gyis gnas pa'i snyoms par 'jug pa dgu la mkhas pa/stobs bcu'i stobs dang ldan pa/ phyogs bcur snyan pas yang dag par rgyas pa/ brgya phrag bcur dbang bsgyur ba las khyad par du 'phags pa/ 'khor nyan thos chen po tshe dang ldan pa kun shes kauN+Di n+ya dang / rlangs pa dang /ming chen dang / ma 'gags pa dang / shA ri'i bu dang / maud gal gyi bu dang / 'od srungs dang / kun dga' bo dang / nam gru la sogs pa nyan thos chen po dag dang / gzhan yang dge slong gi dge 'dun mang pos yongs su bskor zhing mdun du bdar nas/ ko sa la dag tu ljongs rgyur gshegs te/mnyan yod du byon nas/ mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod kyi tshong pa dag zong thogs te rgyal po'i khab tu dong ba dag gal te 'gron po don mthun mang na de la rgyal po'am/ bram ze dbyar tshul shog ma gcod par byed pas bram ze dbyar tshul gyis sho gam pa dag la smras pa/gang gi tshe mnyan yod pa'i tshong pa dag mnyan yod du phyir 'gro ba de'i tshe na kho bo la sbron cig /sho gam pa dag gis tshong pa dag la bsgo nas/ de dag gis zong bsgyur te rin blangs nas/ bram ze dbyar tshul gyi gan du dong ste/bdag cag mnyan yod du mchi na bgyi ba ci mchis zhes smras pa dang / bram ze dbyar tshul gyis tshong pa cig la kAr ShA pa Na drug cu gtad de/ khyod kyis 'di btsun pa nye dga'i gan du khyer la phul cig ces bsgo'o/ /tshong pa des bsams pa/ gang bram ze dbyar tshul gyis dad par bya ba'i dge slong de ni gdon mi za bar grags pa yin pas bdag gis kyang de la dga' ba cung zad byas/gos dag bskon no snyam nas/ de 'od ma'i tshal du song ste dge slong gi gan du phyin nas dris pa/ 'phags pa dge slong gi tshul dang mthun pa'i gos dag ji lta bu lags/dge slong des smras pa/ bzhin bzangs ji khyod dge 'dun la ras yug chen gyi sbyin pa byed dam/ tshong pas smras pa/ 'phags pa bdag dge 'dun la ras yug chen gyi sbyin pa mi bgyid de/ de ltar bram ze dbyar tshul gyis btsun pa nye dga' la/ kAr ShA pa Na drug cu bskur ba dag de'i gos dag tu bsgyur te mchi'o//dge slong des smras pa/ bzhin bzangs gos dag kyang len cing / khyod kAr ShA pa Na drug cu yang 'bul du 'jug pa gang yin pa de lta bu'i gnas yod par 'gyur ro/ /tshong pa des bsams pa/ 'di ni gor ma chag par de dang kho na yod pa yin no snyam nas/de dge slong gzhan zhig gi gan du song ste dris pa/ 'phags pa dge slong gi tshul dang mthun pa'i gos dag ji lta bu lags/ bzhin bzangs ji khyod dge 'dun la ras yug chen gyi sbyin pa byed dam/ 'phags pa dag dge 'dun la ras yug chen gyi sbyin pa mi bgyid de/'di ltar bram ze dbyar tshul gyis btsun pa nye dga' la kAr ShA pa Na drug cu bskur ba dag de'i gos dag tu bsgyur te mchi'o/ /dge slong des smras pa/ gal te rgyas ma btab par khyer na khyod yul gyi khe spogs 'bul du 'jug pa gang yin pa de lta bu'i gnas yod par 'gyur ro//tshong pa des bsams pa/ 'di dang de gnyis mthun no snyam nas/ de bram ze dbyar tshul gyi gan du song ste smras pa/ dbyar tshul kAr ShA pa Na 'di dag rgyas thob shig /bzhin bzangs yid ches kyi khyod nyid kyis khyer cig dbyar tshul bdag la thugs ches mod kyi/ 'on kyang bdag gis legs par bgyi ba bgyi'o//dbyar tshul gyis rgyas btab nas des de dag khyer te mnyan yod du song nas de rgyal byed kyi tshal du song ste dge slong rnams la dris pa/ 'phags pa dag btsun pa nye dga'i gtsug lag khang gang lags/ de dag gis de'i gtsug lag khang 'di yin no zhes bstan nas/de der song ba dang / nye dga' mi snang nas des de dge slong zhig la dris pa/ 'phags pa btsun pa nye dga' gar bzhud/ des smras pa/ nyin mo spyod pa'i phyir ro/ /tshong pa des smras pa/ bram ze dbyar tshul gyis de la kAr ShA pa Na drug cu bskur ba 'di dag zhog la de mchis na stsol cig /bzhin bzangs khyod kyis sgron ma rab tu 'bar ba mgo bos 'dzin pa 'ga' mthong ngam/ des bsams pa/ 'di ni gdon mi za bar de dang kho na yod pa yin no snyam nas/ de dge slong gzhan zhig gi gan du song ste smras pa/ 'phags pa bram ze dbyar tshul gyis/ btsun pa nye dga' la kAr ShA pa Na drug cu bskur ba 'di dag zhog la de mchis na stsol cig /bzhin bzangs gal te khyod kyis rgyas ma btab par 'ongs na/ khyod yul gyi khe spogs 'jal du 'jug pa gang yin pa de lta bu'i gnas yod par 'gyur ro/ /des bsams pa/ 'di dang de gnyis mthun gyi khyim du song la de nyid du de 'ongs pa la bde bar tshig gi lan gdab bo snyam nas smras pa/'phags pa btsun pa nye dga' mchis na 'di skad ces bdag gi sdum pa ni phyogs ga ge mo zhig na mchis kyi/ gal te kAr ShA pa Na bzhed na gshegs su gsol zhes gsungs shig ces smras te song ngo //nye dga' yang gtsug lag khang du 'ongs nas/ dge slong rnams kyis smras pa/ btsun pa nye dga' bcom ldan 'das kyis tshul khrims dang ldan pa'i sems kyi smon pa 'grub ste/ de yang tshul khrims rnam par dag pa'i phyir ro zhes bka' stsal pa de legs par gsungs pa yin te/khyod deng kho na'i nyin mo spyod yul du song bas deng nyid du kAr ShA pa Na drug cu grub bo/ /gang gis bcom ldan 'das kyi 'khor stong nyis brgya lnga bcu re re la kAr ShA pa Na drug cu sbyin pa'i sbyin bdag de lta bu gang yin/ btsun pa nye dga' dge 'dun thams cad la ma yin gyi khyod gcig pu la'o//gang gis nye dga' la kAr ShA pa Na drug cu sbyin pa'i sbyin bdag de lta bu de gang yin/ bram ze dbyar tshul gyis bskur ro/ /de ni phyi rol gyi rnyed pa kho na yin na/ rgya ma byid dam/ ma zhu'am/ sgyu ma zhugs sam/ sus brtags/ ma brtags pa kho nar blangs sam/ sus blangs/ kho bo ni dgra bo sha stag gi nang na 'dug go/ /de la dge slong gzhan mas smras pa/ btsun pa nye dga' yi chad du ci yod/ khyim bdag de na re bdag gi sdum pa ni phyogs ga ge mo zhig na mchis kyi gal te kAr ShA pa Na bzhed na gshegs su gsol zhes zer ro/ /nye dgas snam sbyar blangs nas gom pa bskyed de song ba dang /khyim bdag des thag ring po kho na nas 'ong ba mthong nas/ des bsams pa/ dge sbyong hral po gom pa 'di lta bus 'ong ba 'di ni btsun pa nye dga' yin gor ma chag snyam nas/ des thag ring po kho na nas de la smras pa/ khyod btsun pa nye dga' ma lags sam kho bo yin no//bram ze dbyar tshul gyis khyod la kAr ShA pa Na drug cu bskur ba 'di lags kyi bzhes shig /a rog gya sbyin pa 'dis khyod sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob pa dang /lha dang mi rnams kyi longs spyod kyang thob par gyur cig /'phags pa ci'i slad du bdag gi ming gis phan yon bshad pa mdzad/ bram ze dbyar tshul gyi ming gis yon bshad pa mdzod cig /bkren pa 'di la 'god pa ci yod/ 'di ltar khyod kyis kyang mang du byas te/ khyod kyis khyer te 'ongs pa'i phyir ro/ /gang gis 'di khyer te srang du 'gro ba'i khye'u zhig re zhig rnyos shig /'phags pa bdag cag la khye'u ma mchis so/ /bkren pa rgyal po'i khab nas thag ring po 'di srid du khyer te 'ongs na srang du skyel mi nus sam/ des khye'u la smras pa/ kAr ShA pa Na khyer te 'phags pa'i phyi bzhin song la phyi rol du ma byung shig /'dis khyod la bca' ba'i rin dag phab pa re/ khye'u des kAr ShA pa Na de khyer te de'i phyi bzhin srang du song nas/ tshong rdal dang por phyin pa dang / des smras pa/ 'phags pa kAr ShA pa Na 'di dag 'dir thoms shig / nye dgas khye'u khyod shin tu legs par bslabs so zhes des spos 'tshong [(]gyi [,]gi [)]khye'u zhig la smras pa/ bzhin bzangs kAr ShA pa Na 'di dag re zhig gtams so/ /'phags pa bdag ni bla ma la rag las pa lags so/ /khyod nam yang rang dbang can du ma gyur cig /des spos 'tshong gi khye'u gzhan zhig gi gan du song ste smras pa/bzhin bzangs kAr ShA pa Na 'di dag re zhig gtams so/ /'phags pa bdag gi bla ma slad rol du mchis so/ /nam yang nang du 'jug par ma gyur cig /des spos 'tshong gi khye'u dad pa gsar dang ldan pa zhig yod pa de'i gan du song ste smras pa/bzhin bzangs kAr ShA pa Na 'di dag re zhig gtams so/ /'phags pa bdag ma la rag las pa lags so/ /kho bos khyod dad pa dang ldan par shes kyi/ kho bos khyod ji ltar rtug pa la dad par ni mi shes so/ /gal te khyod kyis dad pa ma thob tu zin na ni khyod kyis shing tshal blangs te/ dge slong skrod par yang 'gyur ro/ /de skyengs nas smras pa/ 'phags pa gzhag tu gsol/ nye dgas kAr ShA pa Na de dag der gtams nas/ khyim bdag gi khye'u de phyir btang ste song ngo / /de nas tshong ba'i tshogs kyis kyang bdag cag las gang nang par sngar mi 'du bar nyi ma shar nas 'ong ba de dag bdag cag gis kAr ShA pa Na drug cu 'jal du gzhug go zhes khrims su bya ba bcas nas spos 'tshong gi khye'u de la mas smras pa/bu ci nas kyang bdag nyid kAr ShA pa Na drug cu 'jal du mi bcug pa de ltar gyis shig /nye dga' mtshan mo 'gyod pa skyes te/ spos 'tshong gi khye'u de dad pa gsar dang ldan pa yin pas kAr ShA pa Na de dag bsnyon par 'gyur ba gang yin pa de lta bu'i gnas yod par 'gyur ro snyam nas/de nang par sngar langs te khye'u zhig khrid nas de'i tshong rdal du song ba dang / spos 'tshong gi khye'u de tshong rdal 'byed cing 'dug pa des mthong nas smras pa/bzhin bzangs kAr ShA pa Na de dag byin cig /'phags pa tshong pa'i tshogs kyis bdag cag las gang nang par sngar mi 'du bar gdugs shar na mchi ba de kAr ShA pa Na drug cu 'jal du stsal ba'i khrims su bgyi ba bcas pas/ bdag tshong pa'i tshogs kyi nang du mchis te/slar mchis kyi bar du yud tsam zhig gzhes su gsol/ bkren pa su zhig khyod kyi lto gol ba yin snyam/ su zhig byin pa gnyis skrangs skrangs su khyod kyi sgo na sdod par 'gyur/ gal te ma byin par 'gro na ko sa la'i rgyal po gsal rgyal gyis kAr ShA pa Na drug cu 'jal du gzhug pa'i gyod la bsgrin par bya'o//spos 'tshong gi khye'u de khros nas kAr ShA pa Na'i thum po de 'phangs pa dang / de'i rgya gogs so/ /nye dgas smras pa/ rgya ma byid dam/ ma zhu'am/ sgyu ma zhugs sam blta'o/ /ci kho bo la khyod kyis brtags te gtad dam/ gal te khyod kyis brtags te blangs na ci'i phyir rgya 'tshog par byed/nye dgas spos 'tshong gi khye'u de de srid du bsgor gyi bar du tshong pa'i tshogs kyis de'i khyim nas kAr ShA pa Na drug cu'i gta' bcad nas de la mas smras pa/ bu khyod kyis las ci byas na des khyod kyis bdag nyid kAr ShA pa Na drug cu'i gyod la bsgrin par gyur/khye'us smras pa/ gang dag shAkya'i bu'i dge sbyong rnams la mngon par dad par byed pa de dag 'di ltar gyur te/ dad pa'i myu gu skyes ma thag pa nyid nyams par byas so zhes zer ba'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang /gleng gzhi 'di dang / skabs 'di la dge slong gi dge 'dun bsdu ba mdzad de/ nye dga' la rmas nas rnam grangs du mar smad pa mdzad de/ bslab pa bca' ba'i phan yon bcu yang dag par gzigs pas/ nga'i nyan thos rnams kyis 'dul ba la bslab pa'i gzhi 'di ltar gdon par bya ste dge slong gi phyir/rgyal po'am/ blon po chen po'am/ bram ze'am/ khyim bdag gam/ grong rdal gyi mi'am/ yul mi'am/ nor can nam/ tshong dpon nam/ ded dpon gyis pho nya'i lag tu gos kyi rin dag bskur bar gyur la/ de nas pho nye de gos kyi rin de dag khyer nas dge slong de ga la ba der song ste phyin nas/dge slong de la 'di skad ces 'phags pa mkhyen par mdzod cig /khyod la rgyal po'am blon po chen po'am/ bram ze'am/ khyim bdag gam/ grong rdal gyi mi'am/ yul gyi mi'am/ nor can nam/ tshong dpon nam/ ded dpon che ge mos gos kyi rin 'di dag bskur gyi/'phags pa thugs brtse ba'i slad du 'di dag bzhes shig ces zer nas/ dge slong des pho nya de la 'di skad ces tshe dang ldan pa pho nya dge slong dag ni gos kyi rin dag len du mi rung ste/ bdag cag gos rung ba dus su rnyed na ni len to zhes brjod par bya'o//gal te pho nya de dge slong de la 'di skad ces 'phags pa rnams kyi zhal ta bgyid pa 'phags pa rnams kyi zhal ta nyams su len pa gang lags pa 'ga' mchis sam zhes zer na dge slong gos 'dod pas pho nya 'di ni dge slong rnams kyi zhal ta byed pa ste/ 'di ni dge slong rnams kyi zhal ta nyams su len pa'o zhes kun dga' ra ba pa'am dge bsnyen zhal ta byed pa bstan par bya'o//de nas pho nya des gos kyi rin de dag khyer nas zhal ta byed pa ga la ba der 'gro bar bya zhing phyin nas/ zhal ta byed pa de la 'di skad ces/ tshe dang ldan pa zhal ta byed pa shes par gyis shig khyod kyis gos kyi rin 'di dag gis gos 'di dang 'di lta bu zhig nyos la dge slong ming 'di zhes bya ba 'ongs pa dang /de la gos su rung ba dus su skon cig ces brjod par bya'o/ /de nas pho nya des zhal ta byed pa de la shin tu legs par yang dag par bsgo zhing / yang dag par bstan nas/dge slong de ga la ba der 'gro bar bya zhing phyin nas dge slong de la 'di skad ces 'phags pas zhal ta bgyid pa bstan pa gang lags pa de la bdag gis yang dag par bstan lags kyi de'i gan du bzhud cig dang / des khyod la gos su rung ba dus su bskon par 'gyur ro zhes brjod par bya'o//dge slong gos 'dod pas zhal ta byed pa'i gan du song la tshe dang ldan pa zhal ta byed pa bdag gos 'dod do/ /tshe dang ldan pa zhal ta byed pa bdag gos 'dod do zhes lan gnyis lan gsum du bskul bar bya'o/ /dran par bya'o/ /lan gnyis lan gsum du bskul zhing dran par byas pa na/gal te gos dag grub pa na de lta na legs/ gal te ma grub na lan bzhi lan lnga lan drug gi bar du phyogs su cang mi smra bar bsdad par bya'o/ /lan bzhi lan lnga lan drug gi bar du phyogs su cang mi smra bar bsdad pa na/ gal te gos de grub na de lta na legs/ gal te ma grub na de'i 'og tu gos bsgrub pa'i phyir brtsal te/gos grub na spang pa'i ltung byed do/ /gal te ma grub na phyogs gang nas gos kyi rin de dag 'ongs pa der bdag 'gro bar bya'o/ /yang na yid brtan pa'i pho nya las/ tshe dang ldan pa dag gis dge slong che ge mo'i phyir gos kyi rin gang dag bskur ba de dag ni dge slong de'i don ji ltar yang ma grub kyi shes par gyis shig /tshe dang ldan pa dag gis rang gi nor chud ma gzan cig ces spring bar bya ste/ de la de ni cho ga yin no zhes bca' ba mdzad de/ yul ni mnyan yod/ gang zag ni nye dga'/ nyon mongs pa ni nor dang /nyes pa ni mi mdzes pa'o/ /de la dge slong gi phyir zhes bya ba ni shAkya'i bu nye dga' 'am/ gzhan yang de lta bu gang yin pa'i phyir ro/ /rgyal po'am zhes bya ba ni 'di lta ste/ bud med rgyal srid la dbang bskur bas dbang bskur bar gyur na de yang rgyal po rgyal rigs spyi bo nas dbang bskur ba yin la/rgyal rigs dang / bram ze'i rigs dang / rje'u'i rigs dang / dmangs rigs rgyal srid la dbang bskur bas dbang bskur bar gyur na de yang rgyal po rgyal rigs spyi bor dbang bskur ba yin no/ /blon po chen po'am zhes bya ba ni rgyal po las gzhan pa blon po dang /rtsis mkhan dang / sna chen po la gtogs pa rgyal srid byed pas gsang tshig mthun pas 'tsho ba gang dag rgyal po la brten nas 'tsho bar byed pa dag go/ /bram ze'am zhes bya ba ni bram ze gtsang sbra can no/ /khyim bdag gam zhes bya ba ni phyug po'o/ /grong rdal gyi mi'am zhes bya ba ni grong khyer gyi mi'o//yul mi'am zhes bya ba ni yul gyi mi'o/ /nor can nam zhes bya ba ni nor bye bas phyug pa'o/ /tshong dpon nam zhes bya ba ni cod pan bcings pa'o/ /ded dpon gyis zhes bya ba ni gang gis lan gnyis sam lan gsum 'gron pa don mthun bdas par gyur pas so//pho nya'i lag tu zhes bya ba ni skyes pa dang / bud med dang / ma ning gi lag tu'o/ /gos kyi rin dag ces bya ba ni gser ram dngul dag go/ /bskur bar gyur la zhes bya ba ni bsrang bar gyur pa la'o/ /de nas pho nya de gos kyi rin de dag khyer nas dge slong de ga la ba der song ste/ phyin nas dge slong de la 'di skad ces 'phags pa mkhyen par mdzod cig /khyod la rgyal po'am/ blon po chen po'am/ bram ze'am/ khyim bdag gam/ grong rdal gyi mi'am/ yul mi'am/ nor can nam/ tshong dpon nam/ ded dpon che ge mos gos kyi rin 'di dag bskur gyi/ 'phags pas thugs brtse ba'i slad du 'di dag bzhes shig ces zer na zhes bya ba ni pho nyas dge slong la sbyin bdag gi gos kyi rin bskur ba dag phul nas phrin de skad ces smra na'o//dge slong des pho nya de la 'di skad ces tshe dang ldan pa pho nya dge slong dag ni gos kyi rin dag len du mi rung ste/ bdag cag gos rung ba dus su rnyed na ni len to zhes brjod par bya'o zhes bya ba ni dge slong dag dngos po mi rung ba rung bar ma byas pa dag mi len pa dang /gos rung ba dus su rnyed pa len du rung ba'i tshul go bar bya ste/ gos kyi rin dag ni gser dang / dngul la sogs pa mi rung ba rung bar ma byas pa dag go/ / gos rung ba ni spyad bzod pa'o/ /dus su rnyed pa ni gos [(]bged [,]'gebs [)]pa'i dus dang / slong bar rigs pa'i dus dang / bstabs pa'i dus su rnyed pa'o/ /len to zhes bya ba ni bdag gir byed do zhes bya ba ste/ de skad brjod par bya'o/ /gal te pho nya de dge slong de la 'di skad ces 'phags pa rnams kyi zhal ta bgyid pa 'phags pa rnams kyi zhal ta nyams su len pa gang lags pa 'ga' mchis sam zhes zer na zhes bya ba ni pho nyas dge slong rnams kyi rung bar byed pa su yod ces brtags pa ste/zhal ta bgyid pa zhes bya ba dang / zhal ta nyams su len pa zhes bya ba ni brnan pa'i tshig gi gzhi gcig tu bsdu'o//dge slong gos 'dod pas pho nya 'di ni dge slong rnams kyi zhal ta byed pa ste/ 'di ni dge slong rnams kyi zhal ta nyams su len pa'o zhes kun dga' ra ba pa'am/ dge bsnyen zhal ta byed pa bstan par bya'o zhes bya ba ni dge slong gis dge slong rnams kyi rung bar byed pa bstan pa ste/dge slong gos 'dod pa zhes bya ba ni gal te gos don du gnyer bas so/ /kun dga' ra ba pa zhes bya ba dang / dge bsnyen zhal ta byed pa zhes bya ba ni gzhi tha dad de gnyis ka yang zhal ta byed pa dang / zhal ta nyams su len pa yin par sbyar ro/ /de la kun dga' ra ba pa zhes bya ba ni rung ba byed pa ste/lha 'bangs dang / rtse rgod la sogs pa'o/ /dge bsnyen zhes bya ba ni gsum la skyabs su song ba bslab pa'i gzhi lnga blangs pa ste/ dge slong gi 'khor du gtogs pa'o/ /de nas pho nya des gos kyi rin de dag khyer nas zhal ta byed pa ga la ba der 'gro bar bya zhing phyin nas zhal ta byed pa de la 'di skad ces tshe dang ldan pa zhal tu byed pa shes par gyis shig /khyod kyis gos kyi rin 'di dag gis gos 'di dang 'di lta bu zhig nyos la/ dge slong ming 'di zhes bya ba 'ongs pa dang / de la gos rung ba dus su skon cig ces brjod par bya'o zhes bya ba ni pho nyas gos kyi rin dag zhal ta byed pa la gtad cing /de dag gos rung bar bsgyur la/ dge slong de la dus su phul cig ces gdams shing rjes su bstan pa'i tshig yin no/ /de nas pho nya des zhal ta byed pa de la shin tu legs par yang dag par bsgo zhing / yang dag par bstan nas/dge slong de ga la ba der 'gro bar bya zhing phyin nas dge slong de la 'di skad ces 'phags pas zhal ta bgyid pa bstan pa gang lags bde la/ bdag gis yang dag par bstan lags kyi de'i gan du bzhud cig dang / des khyod la gos rung ba dus su bskon par 'gyur ro zhes brjod par bya'o zhes bya ba ni yid gcugs pa'i tshig gis sngar mngon sum du gtugs pa'i don bsgrub pa phyir rjes su go bar bya ba'i tshig yin no//dge slong gos 'dod pas zhal ta byed pa'i gan du song la/ tshe dang ldan pa zhal ta byed pa bdag gos 'dod do/ /tshe dang ldan pa zhal ta byed pa bdag gos 'dod do zhes lan gnyis lan gsum du bskul bar bya/dran par bya'o zhes bya ba ni dge slong gis 'jig rten dang mi 'gal ba dang / 'dul ba dang mi 'gal bar bya ba'i tshul bstan pa ste/ lan gcig gis grub na gnyis pa bya mi dgos/ gnyis pas grub na gsum pa bya mi dgos/ gnyis pas yang ma grub na gsum pa yang bya ste/re zhig de dag ni dus dang por bya ba yin no/ /lan gnyis lan gsum du bskul zhing dran par byas nas gal te gos de grub na de lta na legs zhes bya ba ni de lta na bzang ba ste/ sbyin bdag dang pho nya dang zhal ta byed pa la yang btang ba las byung ba dang / yongs su longs spyad pa las byung ba'i bsod nams bya ba'i gzhi 'phel bar 'gyur la/ dge slong la yang 'jig rten dang 'gal ba dang / 'dul ba dang 'gal ba'i nyes pa med pa'i phyir ro/ /gal te ma grub na lan bzhi lan lnga lan drug gi bar du phyogs su cang mi smra bar bsdad par bya'o zhes bya ba ni dge slong gis 'jig rten dang mi 'gal ba dang /'dul ba dang mi 'gal bar spyad pa'i cho ga yin no/ /phyogs su zhes bya ba ni phyogs bzhi po dag tu ste phyogs bzhi po dag gang zhe na/ 'bod gnas dang / khyim gnas dang / las kyi mtha' dang las kyi gnas dag go//de la 'bod gnas ni rdza mkhan gyi gnas dang / 'dreg mkhan gyi gnas so/ /khyim gnas ni khyim gyi gnas sam/ chu'i gnas so/ /las kyi mtha' ni bu ram shing gi las kyi mtha' dang / 'bras sA lu'i las kyi mtha' dang / lan tshwa'i las kyi mtha' dag go/ /las kyi gnas ni tshong khang dang tshong rdal lo//cang mi smra bar bsdad par bya'o zhes bya ba ni bskul ba'i sgo drug po dag gi ste/ bskul ba'i sgo drug po dag gang zhe na/ khyod 'ongs sam zhes zer ba la de'i phyir ro zhes bya ba dang / 'ongs pa legs so zhes zer ba la de'i phyir ro zhes bya ba dang / stan 'di la 'dug shig ces zer ba la de'i phyir ro zhes bya ba dang / rkang pa khrus shig ces zer ba la de'i phyir ro zhes bya ba dang / bca' ba dang / bza' ba zo shig ces zer ba la de'i phyir ro zhes zer ba dang / btung ba 'thungs shig ces zer ba la de'i phyir ro zhes bya ba'o/ /bskul ba'i sgo drug po de dag ha cang myur ba dang /thogs pa med par brjod cing / de la gzhan gyi tshig gi skabs med par byed na bskul ba'i sgo drug po dag yongs su ma rdzogs pa yin par rig par bya'o/ /bskul ba'i sgo drug po de dag ha cang mi myur ba dang / thogs pa dang bcas par brjod cing /de la gzhan gyi tshig gi skabs yod par byed na bskul ba'i sgo drug po dag yongs su rdzogs pa yin par rig par bya'o/ /lan bzhi lan lnga lan drug gi bar du phyogs su cang mi smra bar bsdad pa na/ gal te gos de grub na de lta na legs zhes bya ba ni dge slong la 'dul ba dang 'gal ba'i kha na ma tho ba'i dngos gzhi dang /sbyor ba dang sbyor ba'i sbyor ba'i ltung ba yang med la/ sbyin bdag dang / pho nya dang / zhal ta pa dag la yang btang ba las byung ba dang / yongs su longs spyod pa las byung ba'i bsod nams bya ba'i dngos gzhi 'phel bar 'gyur ba'i phyir ro/ /gal te ma grub na de'i 'og tu gos bsgrub pa'i phyir brtsal te/gos grub na spang ba'i ltung byed do zhes bya ba ni ltung ba 'di'i byed pa po yin te/ de'i 'og tu zhes bya ba ni de'i 'og rol du'o/ /gos bsgrub pa'i phyir brtsal te zhes bya ba ni 'jig rten dang 'gal ba dang / 'dul ba dang 'gal ba'i 'dzem pa spangs nas so//gos grub na zhes bya ba ni thob na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /da ni dus dang por bya ba dang / ltung ba med par bya ba'i cho ga sngar bstan pa de dag la tshul bzhin du gnas pa'i dge slong bslab pa'i gzhi 'di'i ltung ba ma byung bas sbyin bdag dang /pho nya dang dge slong rang nyid kyi 'dod pa bzhin ma grub na zhal ta byed pas/ 'jig rten 'di dang pha rol gyi don la ma gzems par spyi thun gyi rdzas dang bsod nams bar du brnogs pa la dge slong gis chos bzhin du bsgrub pa'i cho ga bstan par bya ste/gal te ma grub na phyogs gang nas gos kyi rin de dag 'ongs pa der bdag 'gro bar bya'o zhes bya ba ni dge slong bdag nyid sbyin bdag gi drung du brda sprod du 'gro bar bya'o/ /yang na yid brtan pa'i pho nya las tshe dang ldan pa dag gis dge slong che ge mo'i phyir gos kyi rin gang dag bskur ba de dag ni dge slong de'i don cir yang ma grub kyi shes par gyis shig /tshe dang ldan pa dag gi nor chud ma gzan cig ces spring bar bya ste zhes bya ba ni yang na lhan cig gnas pa'am/ nye gnas las de skad ces spring bar bya'o/ /de la de ni cho ga yin no zhes bya ba ni skabs de la thabs de ltar bya ba de ni 'jig rten dang mi 'gal ba dang / 'dul ba dang mi 'gal ba'i rjes su mthun pa'i chos yin pa'o/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang sbyor ba'i sbyor ba'i ltung ba rnam par gzhag pa dang /ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gis sbyin bdag mi'i 'gro bar gtogs pa khyim par gyur pas gos kyi rin gser dngul la sogs pa rung ba ma yin pa pho nya mi'i 'gro bar gtogs pa khyim par gyur pa las skur pa spangs nas pho nyas dge slong gi zhal ta byed pa mi'i 'gro bar gtogs pa khyim par gyur pa dris shing dge slong gis bstan pa la pho nyas bsgo zhing smras te/dge slong la yang brjod pa'i zhal ta byed pa de la bskul ba lan gsum dang bsdad pa lan gsum las lhag gam/sbyin bdag gi sems bsdu bar rjes su bsgrub pa khas ma blangs pa las gos blangs na skur ba'i spang ba'i ltung byed kyi dngos gzhir 'gyur ro/ /dge slong la bskur ba'i spang ba'i ltung byed byung na/de ma spangs shing bral bar ma byas la ltung ba ma bshags par ram/ spangs shing bral bar ma byas la ltung ba ma bshags par ram/ spangs shing bral bar byas la ltung ba ma bshags par sbyin bdag dang / pho nya dang / zhal ta byed pa'i mi'i 'gro bar gtogs pa khyim par gyur pa las gos kyi rin gser dngul la sogs pa rung ba ma yin pa dang /gos de lta bu gzhan zhig rnyed na de yang snga ma'i shugs kyis spang bar 'gyur te/ de las ltung bar ni mi 'gyur ro/ /dge slong gis skur pa'i spang ba'i ltung byed byung la/ ji srid du spang ba'i dngos po las ma bshags shing /so sor ma bshags par lhung bzed dam/ chos gos sam/ dra ba'am/ phor bu'am/ ska rags sam/ dge sbyong gi 'tsho ba'i yo byad gang yang rung ba gzhan nye bar 'jog na de yang snga ma'i shugs kyis spang bar 'gyur te/ de las ltung bar ni mi 'gyur ro/ /'di'i rnam par gzhag pa ni sbyin bdag mi'i 'gro bar gtogs pa khyim par gyur pas gos kyi rin gser dngul la sogs pa rung ba ma yin pa pho nya mi'i 'gro bar gtogs pa khyim par gyur pa las skur pa pho nyas dge slong la phul ba na dge slong gis tshe dang ldan pa pho nya dge slong dag ni gos kyi rin dag len du mi rung ste/bdag cag gos rung ba dus su rnyed na ni len to zhes re zhig spang bar bya'o/ /pho nyas kyang dge slong de la 'phags pa rnams kyi zhal ta bgyid pa/ 'phags pa rnams kyi zhal ta nyams su len pa gang lags pa 'ga' mchis sam zhes dge slong gi zhal ta byed pa mi'i 'gro bar gtogs pa khyim par gyur pa ji yod pa dri bar bya'o//de la dge slong gis kyang pho nya 'di ni dge slong rnams kyi zhal ta byed pa ste/ 'di ni dge slong rnams kyi zhal ta nyams su len pa'o zhes kun dga' ra ba pa'am/ dge bsnyen zhal ta byed pa bstan par bya'o/ /de nas pho nya des kyang gos kyi rin de dag khyer nas zhal ta byed pa ga la ba der 'gro bar bya zhing byin nas zhal ta byed pa de la 'di skad ces tshe dang ldan pa zhal ta byed pa shes par gyis shig /khyod kyis gos kyi rin 'di dag gis gos 'di dang 'di lta bu zhig nyos la dge slong ming 'di zhes bya ba 'ongs pa dang /de la gos rung ba dus su skon cig ces brjod par bya'o/ /de nas pho nya des zhal ta byed pa de la shin tu legs par yang dag par bsgo zhing yang dag par bstan nas/ dge slong de ga la ba der 'gro bar bya zhing phyin nas dge slong de la 'di skad ces 'phags pas zhal ta bgyid pa bstan pa gang lags pa de la bdag gis yang dag par bstan lags kyi de'i gan du bzhud cig dang /des khyod la gos rung ba dus su bskon par 'gyur ro zhes brjod par bya'o/ /de nas zhal ta byed pa des kyang gos rung ba dus su bsgrub cing dge slong la dbul bar bya ste/re zhig de dag ni sbyin bdag dang / pho nya dang / zhal ta pa la yang sbyin pa las byung ba'i bsod nams bya ba'i dngos po rgya chen por 'gyur la dge slong la yang 'jig rten dang 'gal ba dang / 'dul ba dang 'gal ba'i nyes pa med par 'gyur ba'i sbyor ba bzang po yin no/ /gal te zhal ta byed pas de bzhin ma bsgrubs na dge slong gos 'dod pas zhal ta byed pa'i gan du song la tshe dang ldan pa zhal ta byed pa bdag gos 'dod do//tshe dang ldan pa zhal ta byed pa bdag gos 'dod do zhes lan gnyis lan gsum du bskul bar bya/ dran par bya'o/ /gal te des kyang ma grub na yang lan gnyis lan gsum gyi bar du phyogs su cang mi smra bar bsdad par bya'o//gal te des kyang ma grub na phyogs gang nas gos kyi rin de dag 'ongs pa der bdag 'gro bar byed pa'am/ yang na yid brtan pa'i pho nya las tshe dang ldan pa dag gis dge slong che ge mo'i phyir gos kyi rin gang dag bskur ba de dag ni dge slong de'i don cir yang ma grub kyi shes par gyis shig /tshe dang ldan pa dag gis rang gi nor chud ma gzan cig ces spring par bya ste/ de la de ni dus dang por bya ba dang cho ga yin no/ /de'i 'og tu dge slong gis zhal ta byed pa la gos bsgrub pa'i phyir sngar bskul ba lan gsum byas pa las lhag pa dang /sngar bsdad pa lan gsum byas pa las lhag par 'tshal tam/ zhal ta byed pas sbyin bdag gi sems bsdu bar rjes su bsgrub pa khas ma blangs par dus der gos blangs na bskul ba'i spang ba'i ltung byed kyi dngos gzhir rnam par gzhag go//sbyin bdag dang / pho nya dang zhal ta byed pa mi nyid dang / khyim pa nyid lan smad pa med do/ /de gsum nye du dang nye du ma yin pa la na smad pa med do/ /de gsum skyes pa dang bud med nyid la na smad pa med do/ /bskul ba dang phyogs na sdod pa go rims bzhin nam/ snga phyir byas pa la na smad pa med do/ /'di'i byed pa po ni sbyin bdag dang pho nya dang zhal ta byed pa gsum char mi nyid dang khyim pa nyid yin pa dang / bskul ba dang bsdad pa lhag pa dang / sbyin par byed pa'i sems bsdu bar rjes su bsgrub pa khas ma blangs pa'o/ /'di la yan lag lngas dngos gzhi'i ltung bar 'gyur te/sbyin bdag dang / pho nya dang / zhal ta byed pa gsum char mi nyid yin pa dang / gos kyi rin rung ba ma yin pa spangs pa dang / bskul ba dang bsdad pa lhag pa dang / sbyin par byed pa'i sems bsdu bar rjes su bsgrub par khas ma blangs pa dang gos blangs pa'o//de dag las yan lag ma tshang na ci rigs par na smad do/ /de la sbyin bdag dang / pho nya dang / zhal ta byed pa gsum char mi nyid dang / khyim pa nyid ces smos pa ni de las bzlog pa dag la nyes byas su gsungs pa'i phyir ro/ /gos kyi rin rung ba ma yin pa spangs pa zhes smos pa yang de las bzlog pa dag la nyes byas su gsungs pa'i phyir ro//'dir kha cig 'di skad ces zer te/ gos kyi rin gser la sogs pa rung bar ma byas pa dag ni rigs pa 'di nyid kyis nye bar sbyar bar bya'o/ /gos kyi rin gser la sogs pa rung bar byas pa dag ni blangs kyang nyes pa med do//de skad du yang bcom ldan 'das kyis bka' stsal pa/ blang bar bya zhing blangs nas kyang sbyin bdag de nyid la yid brtan te bcang bar bya'o zhes gsungs pa yin no zhes zer ro/ /kho bo ni 'di skad ces zer te/ gal te sbyin bdag gis gos kyi rin gyi bsam pas sbyin par byed cing /dge slong la yang gos kyi dgos pa yod na de'i tshe ni gos kyi rin de dag sngar bstan pa'i rim pa 'di nyid kyis nye bar sbyar bar bya'o/ /ji ste sbyin pa'i bsam pas sbyin par byed cing dge slong la yang sangs rgyas mchod pa la sogs pa dang / dge 'dun mchod ston gsol ba la sogs pa dag la dgos pa yod na de'i tshe ni bcom ldan 'das kyis gsungs pa'i rung ba byas nas bdag gir bya'o//bskul ba dang / bsdad pa lhag pa zhes smras pa bskul ba lan gsum las ma lhag pa dang / bsdad pa lan gsum las ma lhag pa la nyes pa med pa'i phyir te/bskul ba gsum ni tshig gi bdag nyid do/ /bsdad pa gsum ni phyogs na sdod pa'i bdag nyid do/ /de dag la go rims nges pa ni med de/ gal te sngar phyogs na sdod par byed la phyis skul bar byed na de lta na yang nyes pa med do/ /de bzhin du gal te bskul ba gnyis byed cing sdod pa bzhi byed na yang de lta na yang nyes pa med de/sdod pa'i gnas skabs dman pa'i phyir ro/ /bskul ba dang bsdad pa'i don pha rol pos brda ma phrad na bskul ba nyid ma yin no/ /bcom ldan 'das kyis bskul ba'i sgo drug po gang dag gsungs pa de dag ni mngon par smra ba dang legs par sbyor ba dang /zas skom dag gi dbang du byas nas re re la yang gnyis gnyis te drug tu 'gyur ro/ /de la mngon par smra ba ni khyod 'ongs sam zhes zer ba la de'i phyir ro zhes zer ba dang / legs par 'ongs sam zhes zer ba la de'i phyir ro zhes zer ba'o/ /legs par sbyor ba ni stan 'di la 'dug shig ces zer ba la de'i phyir ro zhes zer ba dang /rkang pa khrus shig ces zer ba la de'i phyir ro zhes zer ba'o/ /zas skom gyi dbang du byas pa ni zan zo shig ces zer ba la de'i phyir ro zhes zer ba dang / skom 'thungs shig ces zer ba la de'i phyir ro zhes zer ba de dag thams cad kyang so sor dbye bar bya ste/sbyor ba gcig gis byas na ni drug po thams cad kyang bskul ba'i sgo gcig kho nar 'gyur bas de'i phyir so sor dbye bar bya'o/ /sbyin par byed pa'i sems bsdu bar rjes su bsgrub pa khas ma blangs pa zhes smos pa ni zhal ta byed pas sbyin par byed pa'i sems bsdu bar rjes su bsgrub pa khas blangs pa la dge slong gis gos len pa la ltung ba med pa'i phyir te/sbyin par byed pa'i sems bsdu bar rjes su bsgrub pa khas blangs pa zhes bya ba ni dge slong gis sngar ji skad bstan pa'i rnam pa de dag gis zhal ta byed pa las gos kyi rnyed pa ma grub cing re ba med par gyur nas sbyin par byed pa'i sbyin bdag la zhal ta byed pas bdag la ci yang ma byin gyi khyod nyid shes par gyis shig ces bsgrags shing spangs par gyur zin pa'i 'og tu phyis zhal ta byed pas dge slong la gos 'bul bar byed na de'i tshe dge slong des zhal ta byed pa de la 'di skad ces kho bos sbyin bdag la zhal ta byed pas bdag la ci yang ma byin gyi khyod nyid shes par gyis shig ces gos spangs pa smras zin to zhes rjes su bsgrag par bya zhing de ltar gos spangs pa shes par byas kyang gal te zhal ta byed pas de 'di skad ces 'phags pa bdag las gos 'di long shig dang /bdag gis sbyin bdag gi sems bsdu bar bya'o zhes khas len par byed na de'i tshe dge slong des zhal ta byed pa de las gos de blang bar bya'o/ /gos blangs pa'o zhes smos pa ni ma blangs pa la ltung ba med pa'i phyir ro/ /sbyor ba gcig gis gos gcig gam gnyis sam mang po zhig thob na yang ltung ba'i dngos gzhi gcig rnam par gzhag go//sbyor ba'i ltung ba ni nyes byas te ji srid du bskur ba'i spang ba'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//sbyin par byed pa dang pho nya dang zhal ta byed pa gsum char mi nyid ma yin pa dang / khyim pa nyid ma yin pa la nyes byas so/ /mi ma yin pas sbyin par byed cing mi ma yin pa'i pho nya dang / mis rung bar byed na yang nyes byas so/ /mi ma yin pas sbyin par byed cing mi'i pho nya dang / mi ma yin pas rung bar byed na yang nyes byas so//mis sbyin par byed cing mi ma yin pa'i pho nya dang mi ma yin pas rung bar byed na yang nyes byas so/ /mis sbyin par byed cing mi'i pho nya dang / mi ma yin pas rung bar byed na yang nyes byas so/ /mis sbyin par byed cing mi ma yin pa'i pho nya dang / mis rung bar byed na yang nyes byas so//mi ma yin pas sbyin par byed cing mi'i pho nya dang mis rung bar byed na yang nyes byas so/ /khyim pa nyid dang khyim pa nyid ma yin pa'i 'gres la yang de bzhin du sbyar ro/ /pho nyas byung ba'i mtha' rjes su brjod pa sngar byas pa ma smras par dge slong gis zhal ta byed pa la skul par byed na nyes byas so//rung ba ma yin pa dbyig la sogs pa chos gos kyi rin dge slong des pho nya la 'di skad ces tshe dang ldan pa pho nya dge slong dag ni gos kyi rin dag len du mi rung ste zhes bya ba la sogs pa'i tshig gis ma spangs par len na nyes byas so//bskul bar byas pa dang / phyogs su bsdad pa byas pas spang ba byas pa na zhal ta byed pas gos sbyin par byed pa'i tshe kho bos 'di yongs su spangs kyi song la sbyin bdag nyid la phyir byin cig ces de skad du yongs su spong bar mi byed par len na yang nyes byas so/ / pho nyas ma dris par zhal ta byed pa ston na nyes byas so/ /zhal ta byed pa'i lag nas gos 'thob pa'i phyir re ba med pa nyid na sbyin bdag la ma sbran na nyes byas so/ /bskul ba dang bsdad pa lhag pa rtsom pa'i tshe nyid na nyes byas so/ /gos mi rung ba len pa dang thob pa la nyes byas so/ /chung ngu len pa dang thob pa la nyes byas so//rgyu spun len pa dang thob pa la nyes byas so/ /rgyu spun gyi rang bzhin bal dang ras bal la sogs pa len pa dang thob pa la nyes byas so/ /sbyin bdag dang pho nya dang zhal ta byed pa gsum char ram gnyis sam gcig ma ning dang mtshan gnyis pa la nyes byas so//de gsum char ram gnyis sam gcig gi phyi rol pa'i rab tu byung ba dang chos 'di pa'i rab tu byung ba dang ma chags pa dang nyams pa la nyes byas so/ /sbyor ba'i sbyor ba'i ltung ba ni nyes byas phra mo ste sbyor ba ji snyed pa la sbyor ba'i sbyor ba yang de snyed de sbyor ba nyes byas kyi sbyor ba'i sbyor ba yang nyes byas te nyes byas phra mo'o//de yang dang bo yid la sems pa ni sbyor ba'i sbyor ba'i nyes byas phra mo'o/ /de nas lus dang ngag gi sbyor ba ni sbyor ba'i nyes byas dngos so/ /de nas mthar thug pa ni spang ba'i ltung byed kyi dngos gzhi'o zhes bya bar shes par bya'o/ / ltung ba med pa ni bskul ba gsum dang bsdad pa gsum byed pa la ltung ba med do/ /sbyin par byed pa'i sems bsdu bar rjes su bsgrub pa khas len pa la ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ / bslab par bya ba ni dge slong gis yul thams cad la gnas skabs thams cad du bskur ba'i spang bar 'gyur ba rnam pa thams cad mi bsten par bslab par bya'o/ /ma grub na sbyin par byed pa la bsgrag par bya'o/ /phyir bcos pa ni snga ma bzhin no/ /bskur ba'i spang ba ste bcu pa bshad zin to// //so sor thar pa'i mdo rgya cher 'grel pa 'dul ba kun las btus pa/ bam po bcu bzhi pa/ sdom la/ srin bal 'ba' zhig cha gnyis dang / /drug dang mtho gang lam dang ni/ /'khru ba dang ni gser dngul dang / /mngon mtshan can dang nyo tshong ngo / /zhes bya ba ni bcu pa gnyis pa yin te/sdom la zhes bya ba'i dgos pa dang / tshig gi don ni snga ma bzhin no/ /bcu pa gnyis pa 'dis kyang spang ba'i ltung byed kyi chos bcu bstan te/ srin bal dang / bal nag po 'ba' zhig dang / cha gnyis bsres pa dang / lo drug tu bcang ba dang / mtho gang dang /bal thogs pa dang bal rmel du 'jug pa dang gser dngul la reg pa dang / mngon mtshan can gyis spyod pa dang / nyo tshong byed pa'o/ /de la srin bal gyi spang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//de'i tshe na dge slong dag srin bal gyi stan sar pa byed pa dang / byed du 'jug ste/ dge slong dag srin bal gyi stan sar pa byed pa dang / byed du 'jug pa na srin bal dkon zhing rin che bas bya ba mang ba dang / byed pa mang bar gyur cing / lung nod pa dang / klag pa dang /kha don dang / rnal 'byor dang / yid la bya ba dang / nang gi sems kyi zhi gnas kyang gtong bar byed/ srin bal 'dod pa dang srin bal gyi don nyid du 'ongs pa dag bram ze dang / khyim bdag rnams la yang dang yang du rig par byed nas/ gzhan mu stegs can dag shes ldan dag shAkya'i bu'i dge sbyong 'di dag ni srog gcod par byed pa dag ste srog gcod pa las ma log ma spangs so sor ma spangs pas des na srin bal gyi stan sar pa byed pa dang /byed du 'jug ste/ de dag srin bal gyi stan sar pa byed pa dang byed du 'jug pas srin bal 'byung ba'i srin bu srog chags mang po'i tshogs bsgrubs shing srog gcod par byed de/su zhig dge sbyong mgo reg 'di dag la bsod snyoms sbyin pa dang / bya bar sems zhes smod par byed phyar kha gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ dge slong rnams la rmas nas/ rnam grangs du mar smad de/ bslab pa bca' ba'i phan yon bcu yang dag par gzigs pas pa'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang srin pa la gyi stan sar pa byed na spang ba'i ltung byed do zhes bca' ba mdzad de/ yul ni mnyan yod/ gang zag ni dge slong rab tu mang po/ nyon mongs pa ni 'dod zhe na/ nyes pa ni srin bal gyi stan sar pa byed pa'o//de la yang dge slong gang zhes bya ba ni chos 'di pa'o/ /srin bal gyi zhes bya ba ni dar gyi srin bu las byung ba'i srin bal gyi'o/ /stan sar pa zhes bya ba ni stan gnyis te/ nang tshangs can dang blings pa'o/ /don 'dir ni gnyis ka yin par dgongs so/ / sar ba zhes bya ba ni sar pa gnyis te gsar pas sar pa dang rnyed pas sar pa'o/ /don 'dir ni gsar pas sar pa yin par dgongs so/ /byed na zhes bya ba ni bdag nyid kyis byed dam gzhan byed du 'jug na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/des na spang ba'i ltung byed do zhes gsungs so/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni dge slong gis srin bal sar pa'i chun po dang 'da' ba dang / phung po las stan nang tshangs can nam/ blings pa rang gis byas sam/ gzhan byed du bcug na dang po bkram pa nyid kyi tshe na srin bal gyi spang ba'i ltung byed kyi dngos gzhir 'gyur ro//dge slong la srin bal gyi spang ba'i ltung byed byung na de ma spangs shing bral bar ma byas la ltung ba ma bshags par ram/ spangs shing bral bar ma byas la ltung ba ma bshags par srin bal dang srin bal gyi stan de lta bu gzhan zhig rnyed na de yang snga ma'i shugs kyis spang bar 'byung te/de las ltung bar ni mi 'gyur ro/ /dge slong gis srin bal gyi spang ba'i ltung byed byung la ji srid du spang ba'i dngos po las ma bshags shing so sor ma bshags par lhung bzed dam/ chos gos sam/ dra ba'am/ phor bu'am/ ska rags sam/ dge sbyong gi 'tsho ba'i yo byad gang yang rung ba gzhan nye bar 'jog na de yang snga ma'i shugs kyis spang bar 'gyur te/ de las ltung bar ni mi 'gyur ro/ /srin bal sar pa'i stan nang tshangs can dang blings pa la na smad pa med do/ /gsar pas sar pa la na smad pa med do/ /rang gis byas pa dang gzhan byed du bcug pa la na smad pa med do//stan la ni bkram pa nyid byed pa mthar thug pa'i dang po yin pas der dgos pa'i srin bal 'byed pa dang / 'jig pa dang / rmel ba'i 'og rol du dang por bkram pa nyid la na smad pa med do/ /srin bal gyi rdzas bzang ngan dang mnyam pa la na smad pa med do//srin bal ma nyams pa la na smad pa med do/ /srin bal dang bal nag po la sogs pa dkon zhing rin che ba cha mnyam pa bsres pa la na smad pa med do/ /srin bal rung ba la na smad pa med do/ /stan gyi tshad ni gsum ste/ chen po dang / 'bring dang / chung ngu'o/ /chen po'i srid ni khru phyed dang lnga chung ngu'i srid ni khru phyed dang gsum/'bring gi srid ni de gnyis kyi bar te/ khru phyed dang bzhi'o/ /de dag gi zheng tshad ni gding ba'i zheng dang tshad mnyam ste/ zhed du bde bar gshegs pa'i mtho phyed dang do ste/ tha mal pa'i khru do dang sor drug go/ /srin bal gyi stan tshad de dag dang /de dag pas ltag pa la na smad pa med do/ /yul gang na bal dkar po dkon zhing rin che la srin bal mod cing rin chung ba der ni srin bal gyi gnas su bal dkar po rig par bya ste/ de ltar na srin bal gyi stan byed pa la ni ltung ba med la bal dkar po'i stan byed pa la ni skabs 'di'i ltung bar 'gyur ro//'di'i byed pa po ni srin bal sar pa'i stan nang tshangs can dang blings pa tshad dang ldan pa'am/ de bas lhag par byed pa nyid do/ /'di la yan lag lngas dngos gzhi'i ltung bar 'gyur te/ srin bal dang / sar pa dang / stan dang / byas pa dang / byed pa mthar thug pa'i dang po bkram pa nyid do/ /de dag las yan lag ma tshang na ci rigs par na smad do/ /de la srin bal zhes smos pa ni de las gzhan pa dag la kha cig la nyes pa med la/ kha cig la nyes byas su gsungs pa'i phyir ro/ /sar pa zhes smos pa ni rnying pa dang nyams pa dag la nyes byas su gsungs pa'i phyir ro//stan zhes smos pa ni stan las gzhan pa gding ba la sogs pa dag la na smad pa'i phyir te/ gding ba dang stan ni tha dad de/ 'di ltar gding ba ni gos kyi ngo bo nyid yin te/ tshig rkyang dang sbyar ma zhes bya ba la sogs par brjod pa'i phyir ro//stan ni stan gyi ngo bo nyid yin te/ nang tshangs can dang blings pa'i ngo bo nyid yin pa'i phyir ro/ /dgos pa tha dad pa'i yang phyir te/ stan ni grang ba'i gnyen po yin te/ 'di ltar 'phrog phyogs dag tu grang bas gnod par gyur pa dag gi dbang du mdzad nas stan rjes su gnang ba yin la/gding ba ni mal stan g.yogs pa dang kun du bsrung ba dag gi dbang du mdzad nas rjes su gnang ba yin pa'i phyir ro/ /de ltar yang 'dir gzhung ni rnam par 'byed pa las/ gding ba ni so sor gding ba dang / kun du gding ba dang / nye bar gding ba zhes rgya cher gsungs la/mdo sde las kyang gding ba phrag pas blangs nas 'gro bar bya'o zhes 'byung ste/ lam du 'gro bas stan nang tshangs can dang / blings pa ras bal can dang / dbyam po dag phrag pas blangs nas khyer ba ni tshul ma yin pas de'i phyir gding ba dang stan ni tha dad do/ /byas pa zhes smos pa ni ma byas pa dang byed du ma bcug pa la ltung ba med pa'i phyir ro//byed pa mthar thug pa'i dang po bkram pa nyid ces smos pa ni stan byed pa la der gtogs pa'i byed pa ni mthar thug pa'i dang po ni srin bal bkram pa nyid yin te/ de tsam byas na dngos gzhir 'gyur zhing de phyin chad gang byed pa de ni de'i khongs su 'dus pa yin la/bkram pa nyid kyi sngon rol du 'byed pa dang 'jig pa dang / rmel ba dag ni sbyor ba'i nyes byas yin pa'i phyir ro/ /sbyor ba gcig gis srin bal gyi stan gcig gam gnyis sam mang po zhig byed na yang ltung ba'i dngos gzhi gcig rnam par gzhag go//sbyor ba'i ltung ba ni nyes byas te/ ji srid du srin bal gyi spang ba'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /srin bal dang bal dkar po'am/ sha na'i ras bal lam/gso bal la sogs pa'i rdzas nyung ngu dang bsres te stan byed pa nyid la nyes byas so/ /srin bal rnying pa dang nyams pa nyid la nyes byas so/ /stan las gzhan pa byed pa la nyes byas so/ /byed pa mthar thug pa'i dang po 'grems pa'i mdun rol du 'byed pa dang / 'jig pa dang rmel ba dag la nyes byas so//rgyu rung ba ma yin pa la nyes byas so/ /tshad pas chung ba la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /de yang dang po yid la sems pa ni sbyor ba'i sbyor ba'i nyes byas phra mo'o//de nas lus dang ngag gis sbyor ba ni sbyor ba'i nyes byas dngos so/ /de nas mthar thug pa ni spang ba'i ltung byed kyi dngos gzhi'o zhes bya bar shes par bya'o/ /ltung ba med pa ni byas zin pa rnyed pa dang / gzhan gyis byas pa la yongs su longs spyod pa dang /rnyed pa'i byi dor mngon par 'du byed pa la ltung ba med do/ /stan gyi phyi shun gyi rdzas gzhan la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du srin bal gyi spang bar 'gyur ba rnam pa thams cad mi bsten par bslab par bya'o//stan tha mal pa nang tshangs can dang / blings pa ras bal can dang / dbyam po zhes bya ba dag bcang bar bya'o/ /phyir bcos pa ni snga ma bzhin no/ /srin bal gyi spang ba ste bcu gcig pa bshad zin to// //bal nag po 'ba' zhig gi spang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe dge slong dag lug bal nag po 'ba' zhig gi stan sar pa byed pa dang byed du 'jug ste/dge slong dag lug bal nag po 'ba' zhig gi stan sar pa byed pa dang / byed du 'jug pa na lug bal nag po 'ba' zhig dkon shing rin che bas bya ba mang ba dang byed pa mang bar gyur cing / lung nod pa dang / klag pa dang / kha ton dang / rnal 'byor dang / yid la bya ba dang / nang gi sems [(]gyi [,]kyi[)]zhi gnas kyang gtong bar byed/ lug bal nag po 'ba' zhig 'dod pa dang / lug nag po 'ba' zhig gi don nyid du 'ongs pa dag bram ze dang / khyim bdag rnams la yang dang yang du rig par byed nas dge slong don nyung ngu dag ci'i phyir dge slong dag lug bal nag po 'ba' zhig gi stan sar pa byed pa dang byed du 'jug ste/dge slong dag lug bal nag po 'ba' zhig gi stan sar pa byed pa dang / byed du 'jug pa na lug bal nag po 'ba' zhig dkon zhing rin che bas bya ba mang ba dang byed pa mang bar gyur cing / lung nod pa dang klag pa dang /kha ton dang / rnal 'byor dang yid la bya ba dang nang gi sems kyi zhi gnas kyang gtong bar byed/ lug bal nag po 'ba' zhig 'dod pa dang / lug bal nag po 'ba' zhig gi don nyid du 'ongs pa dag bram ze dang khyim bdag rnams la yang dang yang du rig par byed ces smod par byed/ phyar kha gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ dge slong rnams la rmas nas rnam grangs du mar smad de/bslab pa bca' ba'i phan yon bcu yang dag par gzigs pas/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang lug bal nag po 'ba' zhig gi stan sar pa byed na spang ba'i ltung byed do zhes bca' ba mdzad de/ yul ni mnyan yod/gang zag ni dge slong rab tu mang po/ nyon mongs pa ni 'dod zhe na/ nyes pa ni lug bal nag po 'ba' zhig gi stan sar pa byed pa'o/ /de la yang dge slong gang zhes bya ba ni chos 'di pa'o/ /lug bal zhes bya ba ni lug gi bal lo/ /nag po 'ba' zhig gi zhes bya ba ni nag po bzhi ste/rang bzhin gyis gnag pa dang / sngo bas gnag pa dang / 'dam kha dang / kham pa'o/ /stan zhes bya ba ni stan gnyis te/ nang tshangs can dang / blings pa'o/ /don 'dir ni blings pa yin par dgongs so/ /sar pa zhes bya ba ni sar pa gnyis te gsar pas sar pa dang rnyed pas sar pa'o//don 'dir ni gsar pas sar pa yin par dgongs so/ /byed na zhes bya ba ni bdag nyid kyis byed dam gzhan byed du 'jug na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so//de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la bal nag po 'ba' zhig gi spang ba 'di dang /sngar srin bal gyi spang ba'i rnam pa bstan pa'i gnas skabs thams cad 'dra ste/ khyad par du na sngar srin bal zhes bya ba de'i gnas su 'dir/ bal nag po 'ba' zhig ces bya ba'i ming gzhan brjod par bya ste/ de'i phyir lug gi bal nag po 'ba' zhig dag go zhes bya ba smras so//de la 'dir dngos gzhi'i ltung ba rnam par gzhag pa ni dge slong gis lug bal nag po sar pa 'ba' zhig gi chun po dang 'dra ba dang / phung po las stan blings pa rang gis byas sam gzhan byed du bcug na dang po bkram pa nyid kyi tshe na bal nag po 'ba' zhig gi spang ba'i ltung byed kyi dngos gzhir 'gyur ro//dge slong la bal nag po 'ba' zhig gi spang ba'i ltung byed byung na/ de ma spangs shing bral bar ma byas la ltung ba ma bshags par ram/ spangs shing bral bar ma byas la ltung ba ma bshags par ram/ spangs shing bral bar byas la ltung ba ma bshags par lug bal nag po 'ba' zhig dang /lus bal nag po 'ba' zhig gi stan de lta bu gzhan zhig rnyed na/ de yang snga ma'i shugs kyis spang bar 'gyur te/ de las ltung bar ni mi 'gyur ro/ /dge slong gis bal nag po 'ba' zhig gi spang ba'i ltung byed byung la/ji srid du spang ba'i dngos po las ma bshags shing so sor ma bshags par lhung bzed dam/ chos gos sam/ dra ba'am/ phor bu'am/ ska rags sam/ dge sbyong gi 'tsho ba'i yo byad gang yang rung ba gzhan nye bar 'jog na de yang snga ma'i shugs kyis spang bar 'gyur te/de las ltung bar ni mi 'gyur ro/ /lug bal nag po sar pa 'ba' zhig gi stan blings pa la na smad pa med do/ /ci zhig gis nag por gyur pa yin zhe na/ nag po bzhi ste rang bzhin gyis gnag pa dang / rang bzhin gyis sngo ba dang / rang bzhin gyis 'dam kha dang / rang bzhin gyis kham pa ste/ de dag la na smad ba med do/ /gsar pas sar pa la na smad pa med do/ /rang gis byas pa dang / gzhan byed du bcug pa la na smad pa med do/ /stan la ni bkram pa nyid byed pa mthar thug pa'i dang po yin pas/ der dgos pa'i lug nag po 'ba' zhig 'byed pa dang /'jig pa dang / rmel ba'i 'og rol du dang po bkram pa nyid la na smad pa med do/ /lug bal nag po 'ba' zhig gi rdzas bzang ngan dang mnyam pa la na smad pa med do/ /lug bal nag po 'ba' zhig ma nyams pa la na smad pa med do/ /lug bal nag po dang srin bal la sogs pa dkon zhing rin che ba cha mnyam par bsres pa la na smad pa med do//lug bal nag po rung ba la na smad pa med do/ /stan gyi tshad ni gsum ste/ chen po dang / 'bring dang / chung ngu'o/ /chen po'i srid ni khru phyed dang lnga/ chung ngu'i srid ni khru phyed dang gsum/ 'bring gi srid ni de gnyis kyi bar te khru phyed dang bzhi'o//de dag gi zheng tshad ni gding ba'i zheng dang mnyam ste/ zheng du bde bar gshegs pa'i mtho phyed dang do ste tha mal pa'i khru do dang sor drug go/ /lug bal nag po 'ba' zhig gi stan tshad de dag dang / de dag las lhag pa la na smad pa med do/ / yul gang na bal dkar po dkon zhing rin che ba la bal nag po mod cing rin chung ba der ni bal nag po'i gnas su bal dkar por rig par bya ste/ de ltar na bal nag po phyed pas lhag pa la ni ltung ba med la/ bal dkar po phyed pas lhag pa la ni skabs 'di'i ltung bar 'gyur ro/ / 'di'i byed pa po ni lug bal nag po sar pa 'ba' zhig gi stan blings pa tshad dang ldan pa dang / de bas lhag par byed pa nyid do/ /'di la yan lag lngas dngos gzhi'i ltung bar 'gyur te/ lug bal nag po 'ba' zhig dang / sar pa dang / stan dang byas pa dang / byed pa mthar thug pa'i dang po bkram pa nyid do//de dag las yan lag ma tshang na ci rigs par na smad do/ /de la lug bal nag po 'ba' zhig ces smos pa ni de las gzhan pa dag la/ kha cig la nyes pa med la/ kha cig la nyes byas su gsungs pa'i phyir ro/ /sar pa zhes smos pa ni rnying pa dang nyams pa dag la nyes byas su gsungs pa'i phyir ro//stan zhes smos pa ni stan las gzhan pa gding ba la sogs pa dag la na smad pa'i phyir ro/ /byas pas zhes smos pa ni ma byas pa dang byed du ma bcug pa la ltung ba med pa'i phyir ro/ /byed pa mthar thug pa'i dang po bkram pa nyid ces smos pa ni stan byed pa la der gtogs pa'i byed pa mthar thug pa'i dang po ni lug bal nag po 'ba' zhig bkram pa nyid yin te/de tsam byas na dngos gzhir 'gyur zhing / de phyin chad gang byed pa de ni de'i khongs su 'dus pa yin la/ bkram pa nyid kyi sngon rol du 'byed pa dang /'jig pa dang / rmel ba dag ni sbyor ba'i nyes byas yin pa'i phyir ro/ /sbyor ba gcig gis bal nag po 'ba' zhig gi stan gcig gam gnyis sam mang po zhig byed na yang ltung ba'i dngos gzhi gcig rnam par gzhag go/ /sbyor ba'i ltung ba ni nyes byas te/ ji srid du bal nag po 'ba' zhig gi spang ba'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /bal nag po dang bal dkar po'am sha na'i ras bal lam/ gso bal la sogs pa'i rdzas nyung ngu dang bsres te stan byed pa nyid la nyes byas so//lug bal nag po rnying pa dang nyams pa nyid la nyes byas so/ /stan las gzhan pa dag byed pa la nyes byas so/ /byed pa mthar thug pa'i dang po 'grems pa'i mdun rol du 'byed pa dang / 'jig pa dang / rmel bdag la nyes byas so//rgyu rung ba ma yin pa la nyes byas so/ /tshad pas chung ba la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /de yang dang po yid la sems pa ni sbyor ba'i sbyor ba'i nyes byas phra mo'o//de nas lus dang ngag gis sbyor ba ni sbyor ba'i nyes byas dngos so/ /de nas mthar thug pa ni spang ba'i ltung byed kyi dngos gzhi'o zhes bya bar shes par bya'o/ /ltung ba med pa ni byas zin pa rnyed pa dang / gzhan gyis byas pa la yongs su longs spyad pa dang /rnying pa'i byi dor mngon par 'du byed pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du bal nag po 'ba' zhig gi spang bar 'gyur ba rnam pa thams cad mi bsten par bslab par bya'o//stan tha mal pa nang tshangs can dang blings pa ras bal can dang / dbyam po zhes bya ba dag bcang bar bya'o/ /phyir bcos pa ni snga ma bzhin no/ /bal nag po 'ba' zhig gi spang ba ste/ bcu gnyis pa bshad zin to// //cha gnyis bsres pa'i spang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis dge slong gis lug bal nag po 'ba' zhig gi stan sar pa mi bya'o zhes gsungs pas/de dag bal dkar po dang 'khob bal cung zhig bcug nas lug bal nag po 'ba' zhig gi stan sar pa byed pa dang byed du 'jug ste/ des kyang de dag bya ba mang ba dang byed pa mang bar gyur cing / lung nod pa dang / klag pa dang / kha ton dang / rnal 'byor dang yid la bya ba dang / nang gi sems kyi zhi gnas kyang gtong bar byed/ de 'dod pa dang de'i don nyid du 'ongs pa dag bram ze dang khyim bdag rnams la yang dang yang du rig par byed nas/ dge slong don nyung ngu dag ci'i phyir dge slong dag bal dkar po dang 'khob bal cung zhig bcug nas/ lug bal nag po 'ba' zhig gi stan sar pa byed pa dang byed du 'jug ste/des kyang bya ba mang ba dang / byed pa mang bar gyur cing / lung nod pa dang / klag pa dang / kha ton dang / rnal 'byor dang / yid la bya ba dang nang gi sems kyi zhi gnas kyang gtong bar byed/ de 'dod pa dang de'i don nyid du 'ongs pa dag bram ze dang khyim bdag rnams la yang dang yang du rig par byed ces smod par byed/phyar kha gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang /gleng gzhi 'di dang / skabs 'di la dge slong gi dge 'dun bsdu ba mdzad de/ dge slong rnams la rmas nas/ rnam grangs du mar smad de/ bslab pa bca' ba'i phan yon bcu yang dag par gzigs pas/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/dge slong gis stan sar pa byed pa na cha gnyis ni lug bal nag po 'ba' zhig las gzhug par bya/ gsum pa ni dkar po las/ bzhi pa ni 'khob bal las gzhug par bya'o/ /gal te dge slong gis cha gnyis lug bal nag po 'ba' zhig las ma bcug gam/ gsum pa dkar po las/bzhi pa 'khob bal las ma bcug par stan sar pa byed na spang ba'i ltung byed do zhes bca' ba mdzad de/ yul ni mnyan yod/ gang zag ni dge slong rab tu mang po/ nyon mongs pa ni 'dod zhe na/ nyes pa ni bal dkar po dang 'khob bal cung zhig bcug nas lug bal nag po 'ba' zhig gi stan sar pa byed pa'o//de la dge slong gis zhes bya ba ni chos 'di bas so/ /stan zhes bya ba ni stan gnyis te/ nang tshangs can dang blings pa'o/ /don 'dir ni blings pa yin par gsungs so/ /sar pa zhes bya ba ni sar pa gnyis te/ gsar pas sar pa dang /rnyed pas sar pa'o/ /don 'dir ni gsar pas sar pa yin par dgongs so/ /byed na zhes bya ba ni bdag nyid kyis byed dam gzhan byed du 'jug na'o/ /cha gnyis ni lug bal nag po 'ba' zhig las gzhug par bya zhes bya ba la cha gnyis zhes bya ba ni rangs pa gcig la bzhi cha bzhir bsres pa'i bzhi cha gnyis te phyed do//lug bal zhes bya ba ni lug gi bal lo/ /nag po 'ba' zhig las zhes bya ba ni nag po bzhi ste/ rang bzhin gyis gnag pa dang / sngo bas gnag pa dang / 'dam kha dang / kham pa ste de las so/ / gzhug par bya zhes bya ba ni bsre bar bya'o/ /gsum pa ni dkar po las zhes bya ba la/ gsum pa zhes bya ba ni rangs pa gcig la bzhi cha bzhir bsres pa'i bzhi cha gsum pa ste bzhi cha gcig go/ /dkar po las zhes bya ba ni glo'i bal dang rgyab kyi bal dang gnya' ba'i bal te de las so/ / bzhi pa ni 'khob bal las gzhug par bya'o zhes bya ba la/ bzhi pa zhes bya ba ni rangs pa gcig la bzhi cha bzhir bsres pa'i bzhi cha bzhi pa ste bzhi cha gcig go/ /'khob bal las zhes bya ba ni/ rkang pa'i bal dang / mgo bo'i bal dang / lto ba'i bal te de las so/ /gzhug par bya'o zhes bya ba ni bsre bar bya ba'o//de ltar stan rangs pa gcig gi rgyu'i phyed ni lug bal nag po bzhi cha ni dkar po/ bzhi cha ni 'khob bal las spyir bsres te bling bar bya'i/ stan phyed nag po bzhi cha dkar po bzhi cha 'khob bal kyi kha dog las khra bor bya ba ni ma yin no/ /gal te dge slong gis cha gnyis lug bal nag po 'ba' zhig las ma bcug gam/gsum pa dkar po las/ bzhi pa 'khob bal las ma bcug par zhes bya ba ni ma bsres par ro/ /stan sar pa byed na zhes bya ba ni stan blings pa gsar pas sar pa bdag nyid kyis byed dam gzhan byed du 'jug na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ste/des na spang ba'i ltung byed do zhes gsungs so/ /de la ltung ba ji ltar 'gyur zhe na/ 'dir yang dngos gzhi dang sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang /bslab par bya ba dang / phyir bcos pa rnams kyis 'di'i mtshan nyid shes par bya'o/ /cha gnyis bsre ba'i spang ba 'di yang sngar srin bal gyi spang ba dang bal nag po 'ba' zhig gi spang ba'i rnam pa bstan pa'i gnas skabs dang 'dra ste/ khyad par du na sngar srin bal zhes bya ba dang /bal nag po 'ba' zhig ces bya ba de'i gnas su 'dir cha gnyis bsre ba zhes bya ba'i ming gzhan brjod par bya ste/ de'i phyir lug bal nag po de dag phyed pas lhag pa nyid na'o zhes bya ba smras so/ /de la 'dir dngos gzhi'i ltung ba rnam par gzhag pa ni dge slong gis stan sar pa byed na phyed ni lug bal nag po bzhi cha gcig ni dkar po//bzhi cha gcig ni 'khob bal las gzhug par gsungs pa'i srang tshad las lug bal nag po dag phyed pas lhag pa nyid las stan blings pa gsar pas sar pa rang gis byas sam gzhan byed du bcug na dang por bkram pa nyid kyi tshe na cha gnyis bsre ba'i spang ba'i ltung byed kyi dngos gzhir 'gyur ro//dge slong la cha gnyis bsre ba'i spang ba'i ltung byed byung na de ma spangs shing bral bar ma byas la ltung ba ma bshags par ram/ spangs shing bral bar ma byas la ltung ba ma bshags par ram/ spangs shing bral bar byas la ltung ba ma bshags par cha gnyis bsre ba'i bal dang /cha gnyis bsres pa'i stan de lta bu gzhan zhig rnyed na de yang snga ma'i shugs kyis spang bar 'gyur te/ de las ltung bar ni mi 'gyur ro/ /dge slong gis cha gnyis bsre ba'i spang ba'i ltung byed byung la ji srid du spang ba'i dngos po las ma bshags shing so sor ma bshags par lhung bzed dam chos gos sam dra ba'am phor bu'am ska rags sam dge sbyong gi 'tsho ba'i yo byad gang yang rung ba gzhan nye bar 'jog na de yang snga ma'i shugs kyis spang bar 'gyur te/de las ltung bar ni mi 'gyur ro//lug bal nag po sar pa stan phyed kyi srang tshad las lhag pa las stan blings pa lan smad pa med do/ /ji zhig gis nag por gyur pa yin zhe na/ nag po bzhi ste/ rang bzhin gyis gnag pa dang / rang bzhin gyis sngo ba dang / rang bzhin gyis 'dam kha dang / rang bzhin gyis kham pa ste/de dag lan smad pa med do/ /dkar po dang 'khob bal gnyi ga bsdoms pa phyed kyi tshad pas chung ba la na smad pa med do/ /gsar pas sar pa lan smad pa med do/ /rang gis byas pa dang / gzhan byed du bcug pa la na smad pa med do/ / stan la ni bkram pa nyid byed pa mthar thug pa'i dang po yin pas der dgos pa'i lug bal nag po phyed pas lhag pa dang / dkar po dang 'khob bal gnyi ga bsdoms pa phyed pas chung ba 'byed pa dang / 'jig pa dang rmel ba'i 'og rol du dang po bkram pa nyid la na smad pa med do/ / lug bal gyi rdzas bzang ngan dang mnyam pa la na smad pa med do/ /lug bal ma nyams pa la na smad pa med do/ /lug bal dang srin bal la sogs pa dkon zhing rin che ba cha mnyam par bsres pa la na smad pa med do/ /yul gang na bal dkar po dkon zhing rin che la nag po dang 'khob bal mod cing rin chung na de ni bal nag po'i gnas su dkar po rig par bya ste/dkar po phyed pas lhag cing nag po dang 'khob bal bsdoms pa phyed pas chung ba la na smad pa med do/ /yul gang na 'khob bal rin che zhing dkon pa la yang de bzhin du sbyar ro/ /cha gnyis bsre ba'i bal rung ba la na smad pa med do//stan gyi tshad ni gsum ste/ chen po dang / 'bring dang / chung ngu'o/ /chen po'i srid ni khru phyed dang lnga/ chung ngu'i srid ni khru phyed dang gsum/ 'bring gi tshad ni de gnyis kyi bar te khru phyed dang bzhi'o/ /de dag gi zheng tshad ni gding ba'i zheng dang mnyam ste/ zheng du bde bar gshegs pa'i mtho phyed dang do ste/tha mal pa'i khru do dang sor drug go/ /lug bal nag po phyed pas lhag pa'i stan tshad de dag dang de dag pas lhag pa lan smad pa med do/ /lug bal dkar po ni gang yin/ 'khob bal ni gang yin zhe na/ glo dang rgyab dang gnya' ba nas skyes pa ni dkar po'o//mgo dang rkang pa dang lto ba nas skyes pa ni 'khob bal lo/ /'di'i byed pa po ni yul gang na lug bal nag po dkon zhing rin che bar lug bal nag po sar pa phyed pas lhag pa nyid kyi stan tshad dang ldan pa dang / de bas lhag par byed pa nyid do/ /'di la yan lag lngas dngos gzhi'i ltung bar 'gyur te/lug bal nag po dang phyed pas lhag pa nyid dang / sar pa dang / stan dang / byas pa dang / byed pa mthar thug pa'i dang po bkram pa nyid do/ /de dag las yan lag ma tshang na ci rigs par na smad do/ /de la lug bal nag po dag phyed pas lhag pa nyid ces smos pa ni ma lhag pa la ltung ba med pa'i phyir ro//sar pa zhes smos pa ni rnying pa dang nyams pa dag la nyes byas su gsungs pa'i phyir ro/ /stan zhes smos pa ni stan las gzhan pa gding ba la sogs pa dag la na smad pa'i phyir ro/ /byas pa zhes smos pa ni ma byas pa dang byed du ma bcug pa la na ltung ba med pa'i phyir ro//byed pa mthar thug pa'i dang po bkram pa nyid ces smos pa ni stan byed pa la der gtogs pa'i byed pa mthar thug pa'i dang po ni lug bal nag po dag phyed pas lhag pa bkram pa nyid yin te/ de tsam byas na dngos gzhir 'gyur zhing de phyin chad gang byed pa de ni de'i khongs su 'dus pa yin la bkram pa nyid kyi sngon rol du 'byed pa dang /'jig pa dang / rmel ba dag ni sbyor ba'i nyes byas yin pa'i phyir ro/ /sbyor ba gcig gis bal nag po dag byed pas lhag pa'i stan gcig gam gnyis sam mang po zhig byed na yang ltung ba'i dngos gzhi gcig rnam par gzhag go//sbyor ba'i ltung ba ni nyes byas te/ ji srid du cha gnyis bsre ba'i spang ba'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//'khob bal bas dkar po lhag par byed na nyes byas so/ /lug bal rnying pa dang nyams pa nyid la nyes byas so/ /stan las gzhan pa dag byed na nyes byas so/ /byed pa mthar thug pa'i dang po 'grems pa'i mdun rol du 'byed pa dang / 'jig pa dang / rmel ba dag la nyes byas so/ / rgyu rung ba ma yin pa la nyes byas so/ /tshad pas chung ba la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /de yang dang po yid la sems pa ni sbyor ba'i sbyor ba'i nyes byas phra mo'o//de nas lus dang ngag gis sbyor ba ni sbyor ba'i nyes byas dngos so/ /de nas mthar thug pa ni spang ba'i ltung byed kyi dngos gzhi'o zhes bya bar shes par bya'o/ /ltung ba med pa ni byas zin pa rnyed pa dang / gzhan gyis byas pa la yongs su longs spyod pa dang /rnying pa'i byi dor mngon par 'du byed pa la ltung ba med do/ /dkar po dang 'khob bal dag ni lhag par gyur pa la bal nag po dag ni nyung ba'am mnyam par gyur pa la ltung ba med do/ /dkar po'am 'khob bal lhag pa la yang ltung ba med do/ /las dang po pa dang /smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du cha gnyis bsre ba'i spang bar 'gyur ba rnam pa thams cad mi bsten par bslab par bya'o/ /stan tha mal pa nang tshangs can dang blings pa ras bal can dang /dbyam po zhes bya ba dag bcang bar bya'o/ /phyir bcos pa ni snga ma bzhin no/ /cha gnyis bsre ba'i spang ba ste bcu gsum pa bshad zin to// //lo drug tu bcang ba'i spang ba'i gleng gzhi ni bcas pa dang gnang ba'i dbang gis rnam pa gnyis te/ de la re zhig bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//de'i tshe na dge slong rnams la stan mang ba nyid 'di lta bu 'di byung bar gyur te/ de dag stan 'di ni ha cang ring ngo / /'di ni ha cang thung ngo / / zhes de bor nas gzhan byed du 'jug go/ /stan 'di ni ha cang dog go/ /'di ni ha cang yangs so/ /'di ni thams cad kyi thams cad du bug rdol dang sha zad pa dang bcos dka' ba nyid yin no zhes de bor nas gzhan byed du 'jug pas dge slong de dag stan byas shing byas shing 'dor ba na bya ba mang ba dang /byed pa mang bar gyur cing / lung nod pa dang / klag pa dang / kha ton dang / rnal 'byor dang / yid la bya ba dang / nang gi sems kyi zhi gnas gtong bar byed nas dge slong don nyung ngu dag ci'i phyir dge slong rnams la stan mang ba nyid 'di lta bu 'di byung bar gyur to/ /'di dag stan 'di ni ha cang ring ngo //'di ni ha cang thung ngo zhes de bor nas gzhan byed du 'jug /stan 'di ni ha cang dog go/ /stan 'di ni ha cang yangs so/ /'di ni thams cad nas thams cad du bug rdol dang sha zad pa dang bcos dka' ba yin no zhes de bor nas gzhan byed du 'jug pas dge slong 'di dag stan byas shing byas shing 'dor ba na/bya ba mang ba dang / byed pa mang bar gyur cing / lung nod pa dang / klag pa dang / kha ton dang / rnal 'byor dang / yid la bya ba dang / nang gi sems kyi zhi gnas gtong bar byed ces smod par byed/ phyar kha gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ dge slong rnams la rmas nas/ rnam grangs du mar smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/dge slong gis stan sar pa byed na mi 'dod bzhin du lo drug tu bcang bar bya'o/ /gal te dge slong gis lo drug tshun chad du stan rnying pa de spangs kyang rung ma spangs kyang rung stan sar pa gzhan byed na spang ba'i ltung byed do zhes bca' ba mdzad de/yul ni mnyan yod/ gang zag ni dge slong rab tu mang po/ nyon mongs pa ni 'dod zhe na/ nyes pa ni stan lo drug ma lon par stan sar pa gzhan byed pa'o/ /gnang ba'i gleng gzhi ni sangs rgyas bcom ldan 'das 'brog gnas na 'brog gi gnas mchog na bzhugs so//'brog gnas grang zhing rlung che bas dge slong lag gi bla dag lo drug tu stan gyis mi thub pa de dag grang ba dag gis mkhar lan dag rgyun bcad par gyur to/ /sangs rgyas bcom ldan 'das rnams ni mkhyen bzhin du rmed par mdzad pa ste/mkhyen bzhin du rmed pa/ mkhyen kyang mi rmed pa/ dus las yol bar mi rmed pa/ don dang ldan pa rmed pa/ don dang mi ldan pa ni mi rmed pas sangs rgyas bcom ldan 'das rnams ni don dang mi ldan pa rmed pa la chu lon gyis bzlog pa mdzad pa yin no/ /de la sangs rgyas bcom ldan 'das rnams ni don dang ldan pa rmed pa la dus mkhyen pa yin pas/sangs rgyas bcom ldan 'das kyis tshe dang ldan pa kun dga' bo la rmas pa/ kun dga' bo ci'i phyir dge slong lag gi bla dag gis mkhar len dag rgyun bcad par gyur/ btsun pa bcom ldan 'das kyis 'di ltar dge slong gis stan sar pa byed na mi 'dod bzhin du lo drug tu bcang bar bya'o//gal te dge slong gis lo drug tshun chad du stan rnying pa de spangs kyang rung / ma spangs kyang rung / stan sar pa gzhan byed na spang ba'i ltung byed do zhes 'dul ba la nyan thos rnams kyi bslab pa'i gzhi bca' ba mdzad pas/dge slong lag gi bla dag dgung lo drug gi bar du stan gyis mi thub pa de dag grang ba dag gis mkhar lan dag rgyun bkum par gyur to/ /bcom ldan 'das kyis bka' stsal pa/ kun dga' bo dge slong lag gi bla gang la la lo drug tu stan gyis mi thub pa'i dge slong des dge 'dun las lo drug tshun chad du stan gyi gnang ba gsol bar bya'o//'di ltar gsol par bya ste/ de rang gi gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la dge slong lag gi bla des mchil lham gnyis phud de bla gos phrag pa gcig tu byas nas rgan rims bzhin du phyag 'tshal te/rgan pa'i mtha' logs su tsog pur 'dug nas thal mo sbyar te/ 'di skad ces brjod par bya'o/ /dge 'dun btsun pa rnams gsan du gsol/bdag dge slong lag gi bla ming 'di zhes bgyi ba lo drug stan mi bgyid pa las/ bdag dge slong lag gi bla ming 'di zhes bgyi ba dge 'dun las lo drug tshun chad du stan gnang ba gsol na/ thugs brtse ba can dge 'dun btsun pa rnams kyis thugs brtse ba'i slad du/bdag dge slong lag gi bla ming 'di zhes bgyi ba la lo drug tshun chad du stan gnang ba stsal du gsol/ de bzhin du lan gnyis lan gsum du bzlas/ de ni dge slong lag gi blas lo drug tshun chad du dge 'dun las stan gyi gnang ba gsol ba'o/ /de'i 'og tu dge slong de dag gis kyang dge slong lag gi bla de la dad pas sam/yid ches pas 'gro bar mi bya bar 'di ltar dge 'dun thams cad der 'dong bar bya ba dang / dge 'dun gyis bskos pa'i dge slong dag gtang bar bya zhing / de dag gis stan de rang gi mig sngar bab par bya ba'am/ yang na stan de dge 'dun gyi dbus su dbyung bar bya ste/ gal te stan de ha cang ring ba yin na de dag gis gcad par bya'o/ /gal te ha cang thung ba yin na bal sbyin par bya'o/ /gal te ha cang yangs pa yin na de de dag gis gcad par bya'o/ /gal te ha cang dog pa yin na bal sbyin par bya'o/ /gal te ral ba dang rdol ba yin na bal sbyin par bya'o/ /gal te thams cad kyi thams cad du bug rdol dang sha zad pa dang /bcos dka' ba nyid yin na de'i tshe dge slong de dag gis rgan pa'i mtha' logs su gus pa dang bcas pas 'dug ste/ 'di skad ces brjod par bya'o/ /gnas brtan dag dge slong lag gi bla ming 'di zhes bgyi ba'i stan de dag thams cad kyi thams cad du bug rdol dang sha zad pa dang /bcos dka' ba nyid lags kyi de de'i dus la bab par mkhyen par mdzod cig /de ni dus dang por bya ba'o/ /de'i 'og tu dge slong gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/dge slong lag gi bla ming 'di zhes bgyi ba 'di lo drug tu stan mi bgyid pa las dge slong lag gi bla ming 'di zhes bgyi ba 'di dge 'dun las lo drug tshun chad du stan gnang ba gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong lag gi bla ming 'di zhes bgyis pa la lo drug tshun chad du stan gnang ba stsol to/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong lag gi bla ming 'di zhes bgyi ba lo drug tu stan mi bgyid pa las/dge slong lag gi bla ming 'di zhes bgyi ba 'di dge 'dun las lo drug tshun chad du stan gnang bar gsol te/ de'i slad du dge 'dun gyis dge slong lag gi bla ming 'di zhes bgyi ba la lo drug tshun chad du stan gnang ba stsol na/ tshe dang ldan pa gang dag dge slong lag gi bla ming 'di zhes bgyi ba 'di la lo drug tshun chad du stan gnang ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong lag gi bla ming 'di zhes bgyi ba la lo drug tshun chad du stan gnang ba stsal lags te/'di ltar cang mi gsung bas de de bzhin du 'dzin to/ /dge 'dun gyis dge slong lag gi bla gang la lo drug tshun chad du stan gnang ba byin pa des lo drug tshun chad du stan byed du bzhug ste 'di la 'gyod par mi bya'o/ /de nas bcom ldan 'das kyis bslab pa 'dod pa dang /bslab pa la gus pa dang / bslab pa la yo byad bsnyungs pa'i bsngags pa brjod de/ dge slong rnams la yang de dang mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas/ dge slong rnams la bka' stsal pa/dge slong dag de lta bas na snga ma ni bcas pa yin la 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis stan sar pa byed na mi 'dod bzhin du lo drug tu bcang bar bya'o/ /gal te dge slong gis lo drug tshun chad du stan rnying pa de spangs kyang rung ma spangs kyang rung stan sar pa gzhan byed na dge 'dun gyis gnang ba ma gtogs te spang ba'i ltung byed do zhes gnang ba mdzad de/yul ni 'brog gnas/ gang zag ni dge slong lag gi bla/ nyon mongs pa dang nyes pa ni med do/ /de la dge slong gis zhes bya ba ni chos 'di pas so//stan zhes bya ba ni stan gnyis te/ nang tshangs can dang / blings pa'o/ /don 'dir ni blings pa yin par dgongs so/ /sar pa zhes bya ba ni sar pa gnyis te/ gsar pas sar pa dang / rnyed pas sar pa'o/ /don 'dir ni gsar pas sar pa yin par dgongs so//byed na zhes bya ba ni bdag nyid kyis byed dam gzhan byed du 'jug na'o/ /mi 'dod bzhin du zhes bya ba ni ma dad bzhin du'o/ /lo drug tu bcang bar bya'o zhes bya ba ni lo drug tshun chad du bcang bar bya ba'o/ /gal te dge slong gis lo drug tshun chad du zhes bya ba ni de tshun chad du'o/ / stan rnying pa de zhes bya ba ni stan gang yod pa de'o/ /spangs kyang rung ma spangs kyang rung zhes bya ba ni yod kyang rung med kyang rung ste'o/ /stan sar pa gzhan byed na zhes bya ba ni gnyis pa'o/ /dge 'dun gyis gnang ba ma gtogs te zhes bya ba ni dge 'dun gyis gnang ba gzhag ste'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/des na spang ba'i ltung byed do zhes gsungs so/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang /bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni/ dge slong lo drug tshun chad du stan sar pa bya ba'i phyir dge 'dun las gnang ba ma thob pa stan snga ma gzhan yod pa'am rang dgar btang bas/lo drug ma lon par stan blings pa phyi ma gzhan byed na zin pa'i mtha' lo drug tu bcang ba'i spang ba'i ltung byed kyi dngos gzhir 'gyur ro/ /dge slong la lo drug tu bcang ba'i spang ba'i ltung byed byung na/ de ma spangs shing bral bar ma byas la ltung ba ma bshags par ram/ spangs shing bral bar ma byas la ltung bar ma bshags par ram/ spangs shing bral bar byas la ltung ba ma bshags par lo drug tu bcang ba'i stan de lta bu gzhan zhig rnyed na de yang snga ma'i shugs kyis spang bar 'gyur te/ de las ltung bar ni mi 'gyur ro/ /dge slong gis lo drug tu bcang ba'i spang ba'i ltung byed byung la ji srid du spang ba'i dngos po las ma bshags shing so sor ma bshags par lhung bzed dam chos gos sam dra ba'am/phor bu'am/ ska rags sam/ dge sbyong gi 'tsho ba'i yo byad gang yang rung ba gzhan nye bar 'jog na de yang snga ma'i shugs kyis spang bar 'gyur te/de las ltung bar ni mi 'gyur ro/ /gnang ba ma thob pa la na smad pa med do/ /stan snga ma gzhan yod pa dang med pa la na smad pa med do/ /lo drug tu ma lon pa la na smad pa med do/ /stan blings pa la na smad pa med do/ /stan gsar pas sar pa la na smad pa med do//rang gis byas pa dang gzhan byed du bcug pa la na smad pa med do/ /stan la ni bkram pa nyid byed pa mthar thug pa 'di'i dang po yin pas der dgos pa'i bal dag 'byed pa dang / 'jig pa dang rmel ba'i 'og rol du dang po bkram pa nyid la na smad pa med do//bal gyi rdzas bzang ngan dang mnyam pa la na smad pa med do/ /bal ma nyams pa la na smad pa med do/ /bal dang srin bal la sogs pa dkon zhing rin che ba cha mnyam par bsres pa la na smad pa med do/ /rgyu rung ba la na smad pa med do/ /stan gyi tshad ni gsum ste/chen po dang 'bring dang chung ngu'o/ /chen po'i srid ni khru phyed dang lnga/ chung ngu'i srid ni khru phyed dang gsum/ 'bring gi tshad ni de gnyis kyi bar te khru phyed dang bzhi'o/ /de dag gi zheng tshad ni gding ba'i zheng dang mnyam ste/ zheng du bde bar gshegs pa'i mtho phyed dang do ste/ tha mal pa'i khru do dang sor drug go//bal gang yang rung ba las stan blings pa tshad de dag dang de dag pas lhag pa la na smad pa med do/ /'di'i byed pa po ni gnang ba ma thob pas lo drug tshun chad du stan blings pa tshad dang ldan pa dang / de bas lhag pa byed pa nyid do/ /'di la yan lag drug gis dngos gzhi'i ltung bar 'gyur te/gnang ba ma thob pa dang / lo drug ma lon pa dang / sar pa dang / stan dang / byas pa dang / byed pa thams cad mthar thug pa'i dang po bkram pa nyid do/ /de dag las yan lag ma tshang na ci rigs par na smad do/ /de la gnang ba ma thob pa zhes smos pa ni gnang ba thob pa la ltung ba med pa'i phyir ro//lo drug ma lon pa zhes smos pa ni lo drug lon pa la ltung ba med pa'i phyir ro/ /sar pa zhes smos pa ni rnying pa dang nyams pa dag la nyes byas su gsungs pa'i phyir ro/ /stan zhes smos pa ni stan las gzhan pa gding ba la sogs pa dag la med pa'i phyir ro//byas pa zhes smos pa ni ma byas pa dang byed du ma bcug pa la ltung ba med pa'i phyir ro/ /byed pa mthar thug pa'i dang por bkram pa nyid ces smos pa ni/ stan byed pa la der gtogs pa'i byed pa mthar thug pa'i dang po ni bal bkram pa nyid yin te/ de tsam byas na dngos gzhir 'gyur zhing / de phyin chad gang byed pa de ni de'i khongs su 'dus pa yin la/ bkram pa nyid kyi sngon rol du 'byed pa dang / 'jig pa dang / rmel ba dag ni sbyor ba'i nyes byas yin pa'i phyir ro/ /sbyor ba gcig gis lo drug tshun chad du stan gcig gam gnyis sam mang po zhig byed na yang ltung ba'i dngos gzhi gcig rnam par gzhag go//sbyor ba'i ltung ba ni nyes byas te/ ji srid du lo drug tu bcang ba'i spang ba'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//bal rnying pa dang nyams pa nyid la nyes byas so/ /byed pa mthar thug pa'i dang po 'grems pa'i mdun rol du 'byed pa dang / 'jig pa dang / rmel ba dag la nyes byas so/ /rgyu rung ba ma yin pa la nyes byas so/ /tshad pas chung ba la nyes byas so/ / stan snga ma ma zin pa'i 'og rol du phyi ma rtsom pa la nyes byas so/ /stan snga ma brtsams pa nyid na de dang lhan cig tu'am phyis stan gnyis pa rtsom pa la nyes byas so/ /stan snga ma brtsams pa ma zin par de nyid dang lhan cig tu'am phyis stan gnyis pa la brtsams pa sngar zin par gyur na nyes byas so//sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /de yang dang po yid la sems pa ni sbyor ba'i sbyor ba'i nyes byas phra mo'o/ /de nas lus dang ngag gis sbyor ba ni sbyor ba'i nyes byas dngos so//de nas mthar thug pa ni spang ba'i ltung byed kyi dngos gzhi'o zhes bya bar shes par bya'o/ /ltung ba med pa ni byas zin pa rnyed pa dang / gzhan gyis byas pa la yongs su longs spyod pa dang / rnying pa'i byi dor mngon par 'du byed pa la ltung ba med do//sngar stan brtsams nas bar du khyim pa la sogs par babs te yang phyis rab tu byung zhing bsnyen par rdzogs pa'i tshe mthar thug par byed pa la ltung ba med do/ /gnang ba thob pa la ltung ba med do/ /lo drug lon pa la ltung ba med do/ /ma byas pa dang / byed du ma bcug pa la ltung ba med do//las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du lo drug tu bcang pa'i spang bar 'gyur ba rnam pa thams cad mi bsten par bslab par bya'o//stan thams cad kyi thams cad du bug rdol dang sha zad pa dang / bcos dka' ba nyid ma yin pas gnang ba gsol bar mi bya'o/ /dge slong rang dag rtog tu 'dong bar bya'o/ /yang na dge slong bskos pa dag rtog tu btang ngo //rtog pa'i dge slong dag gis kyang / chu dang zheng gnyi gar lhag pa nyid yin na gcad par bya'o/ /thung ba nyid dang dog pa nyid dag ni bskyed par bya'o/ /ral na btsem par bya'o/ /bug rdol du gyur tam sha zad pa dag ni sbyar bar bya'o/ /bcos dka' ba nyid yin na dge 'dun gyis gsol ba dang gnyis kyi las kyis stan gyi gnang ba sbyin par bya'o//lag gi bla ni gleng gzhi'i dbang gis smos par zad kyi dge slong gzhan dag la yang cho ga 'dra bar shes par bya'o/ /phyir bcos pa ni snga ma bzhin no/ /lo drug tu bcang ba'i spang ba ste bcu bzhi pa bshad zin to// // mtho gang gi spang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe bcom ldan 'das kyis bla na med pa'i mkhyen pa thugs su chud pa de'i tshe na thams cad du yul dbus su sangs rgyas 'jig rten du byung ngo zhes grag go zhes sgra grags so//byang phyogs na tshong pa dag gis yul dbus su sangs rgyas 'jig rten du byung ste/ gang dag de la mchod pa dag byed pa de dag gi mchod pa byas pa de dag ni shin tu 'bras bu che ba dang / phan yon che ba dang gsal ba che ba dang / rgya chen por 'gyur ro zhes thos so//thos nas kyang de dag 'di snyam du sems te/ bdag cag zong dag thogs te mnyan yod du 'dong zhing / der bdag cag gis khe spogs kyang bsgrub par bya/ bcom ldan 'das la yang bsnyen bkur bya'o snyam du rig nas/ tshong pa lnga brgya byang phyogs nas zong dag thogs te yul dbus su 'phags so//de dag mthar gyis mnyan yod du phyin nas de dag gis zong mkhos su phab ste/ khyim bdag mgon med zas sbyin ga la ba der dong nas phyin pa dang / khyim bdag mgon med zas sbyin la 'di skad ces smras so/ /khyim bdag bdag cag sangs rgyas bcom ldan 'das lta bar 'dod do//shes ldan dag de bzhin gshegs pa dgra bcom pa yang dag par rdzogs pa'i sangs rgyas rnams ni blta bar bya ba rin po che kho na yin te/ de bzhin gshegs pa dgra bcom pa yang dag par rdzogs pa'i sangs rgyas rnams ni 'di lta ste/ dper na u dum bA ra'i me tog ltar blta ba dang 'byung ba dkon pa yin no/ /de nas khyim bdag mgon med zas sbyin gyis tshong pa lnga brgya po de dag khrid nas bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te mtha' gcig tu 'dug go mtha' gcig tu 'dug nas/bcom ldan 'das tshong pa de dag la chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/ yang dag par gzengs stod par mdzad/ yang dag par rab tu dga' bar mdzad do/ / rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cang mi gsung ngo / /de nas tshong pa de dag gis bcom ldan 'das la bsnyen bkur byas nas/dge slong gnas brtan gnas brtan rnams kyi gtsug lag khang blta bar brtsams pa dang / tshong pa de dag gis dge slong gnas brtan gnas brtan rnams kyi mal dag ni gding ba dbus rdol ba dag mthong ngo / /mthong nas kyang khyim bdag mgon med zas sbyin la 'di skad ces smras so//khyim bdag ci'i phyir dge slong gnas brtan gnas brtan 'di dag gi gding ba dag dbus rdol bar gyur/ khyim bdag mgon med zas sbyin gyis smras pa/ bdag nyid chen po 'di dag ni phal cher mtshan mo skyil mo krung gis 'da' bar byed do/ /de dag sems mngon par dad par gyur nas/dad pa skyes pa de dag gis dge slong rnams la ras yug chen lnga brgya phul lo/ /dge slong rnams kyis gding ba rnying pa de dag khang pa chen po'i gtsug lag khang bla gab med pa zhig tu gzhag go/ /de'i tshe na khyim bdag gcig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs pa dang /dge slong gi dge 'dun ni zhugs so/ /bcom ldan 'das ni rdzas las byung ba na bzhugs shing bsod snyoms mngon par bsgrubs so/ /sangs rgyas bcom ldan 'das rnams ni rgyu lngas rdzas las byung ba na bzhugs shing bsod snyoms mngon par bsgrub par mdzad de/lnga gang zhe na/ nang du yang dag 'jog la bzhed pa dang lha rnams la chos ston par bzhed pa dang / nad pa la blta bar bzhed pa dang / gnas mal la rtog par bzhed pa dang / 'dul ba la nyan thos rnams kyi bslab pa'i gzhi bca' bar bzhed pa'o//don 'dir ni bcom ldan 'das gnas mal la rtog par bzhed pa dang / 'dul ba la nyan thos rnams kyi bslab pa'i gzhi bca' bar bzhed pas rdzas las byung ba na bzhugs shing bsod snyoms mngon par bsgrub par mdzad do/ /de nas bcom ldan 'das kyis dge slong gi dge 'dun song nas ring po ma lon par thugs su chud nas/lde mig bsnams te kun dga' ra ba nas kun dga' ra bar/ gtsug lag khang nas gtsug lag khang du/ khang khyim nas khang khyim du/ 'chags nas 'chag sar dang / gol ba nas gol bar gshegs shing mthar gyis gshegs pa na khang pa chen po'i gtsug lag khang ga la ba der gshegs so//de'i tshe na khang pa chen po'i gtsug lag khang de na gding ba rnying pa rdol ba dang ral bas rdul gyi phye ma dang 'dres pa rab tu mang po dag sa la bkram zhing 'dug go//bcom ldan 'das kyis gding ba rnying pa rdol ba dang ral bas rdul gyi phye ma dang 'dres pa rab tu mang po dag sa la bkram zhing 'dug pa dag gzigs so/ /gzigs nas kyang e ma zhes gsung zhing smad nas 'di snyam du dgongs te/ bram ze dang khyim bdag dad pa can dag gis pags pa dang sha dang khrag dag btsir zhing btsir zhing sbyin pa dag sbyin bsod nams dag byed pa gang yin pa de la dge slong dag drod mi shes pa dang /so sor mi rtog par yongs su longs spyod par byed do snyam du dgongs so/ /de nas bcom ldan 'das kyis gding ba rnying pa de dag legs par brtul zhing sprugs nas bting zhing bskams te rtsig pa la mi reg par mdzad nas gtsug lag khang gi phyi rol du zhabs gnyis bsil te/nang du yang dag 'jog gi slad du gtsug lag khang du gshegs so/ /de nas dge slong bsod snyoms bsgrubs pas bsod snyoms blangs nas bcom ldan 'das ga la ba der song ngo //sangs rgyas bcom ldan 'das rnams ni chos nyid kyis bsod snyoms sgrub pa'i dge slong la dge slong ji ltar zas bsod dam dge slong gi dge 'dun tshim par byas sam zhes so sor kun dga' bar mdzad pa 'dis so sor kun dga' bar mdzad pa yin pas bcom ldan 'das kyis dge slong bsod snyoms bsgrub pa la/dge slong ji ltar zas bsod dam/ dge slong gi dge 'dun tshim par byas sam zhes so sor kun dga' bar mdzad pa dang / des gsol pa dang / btsun pa te por zas bsod cing dge slong gi dge 'dun tshim par bgyis so//de nas bcom ldan 'das zhal zas kyi bya ba mdzad nas/ gtsug lag khang gi phyi rol du zhabs gnyis bsil te nang du yang dag 'jog gi slad du gtsug lag khang du gshegs so/ /de nas bcom ldan 'das phyi dro nang du yang dag 'jog las bzhengs nas dge slong gi dge 'dun gyi gung la gdan bshams pa nyid la bzhugs so//bzhugs nas bcom ldan 'das kyis dge slong rnams la bka' stsal pa/ dge slong dag 'di na ngas dge slong gi dge 'dun song nas ring po ma lon par shes nas/ lde mig khyer te kun dga' ra ba nas kun dga' ra bar/ gtsug lag khang nas gtsug lag khang du/ khang khyim nas khang khyim du/ 'chags nas 'chag sar dang / gol ba nas gol bar song zhing mthar gyis 'gro ba na khang pa chen po'i gtsug lag khang zhig ga la ba der phyin nas/ ngas khang pa chen po'i gtsug lag khang de na gding ba rnying pa rdol ba dang /ral bas rdul gyi phye ma dang 'dres pa rab tu mang po dag sa la bkram zhing 'dug pa mthong ngo / /mthong nas kyang e ma zhes byas te smad nas 'di snyam du bram ze dang khyim bdag dad pa can dag gis pags pa dang sha dang khrag dag btsir zhing btsir zhing sbyin pa dag sbyin bsod nams dag byed pa gang yin pa de la/dge slong dag drod mi shes pa dang so sor mi rtog par yongs su longs spyod par byed do snyam du dgongs kyi/ dge slong dag khyed kyis dad pas sbyin par bya ba la drod ran par yongs su longs spyod pa dang / spang zhing yongs su longs spyad pa dang /dus su yongs su longs spyad pa dang / brtag cing brtag cing yongs su longs spyad pa dang / khad kyis yongs su longs spyad na legs so/ /de nas bcom ldan 'das kyis drod ran pa dang / spang ba dang / dus dang / brtag pa dang / khad kyis yongs su longs spyad pa'i bsngags pa brjod nas dge slong rnams la bka' stsal pa/dge slong dag de lta bas na phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis gding ba sar pa spyod na sar pa kha dog mi sdug par bya ba'i phyir gding ba rnying pa bde bar gshegs pa'i mtho gang 'khor bas glan par bya'o//gal te dge slong gis sar pa kha dog mi sdug par bya ba'i phyir gding ba rnying pa bde bar gshegs pa'i mtho gang 'khor bas ma glan par gding ba sar pa spyod na spang ba'i ltung byed do zhes bca' ba mdzad de/yul ni mnyan yod/ gang zag ni dge slong rab tu mang po/ /nyon mongs pa ni drod mi shes pa dang so sor mi rtog par yongs su longs spyod par byed pa/ nyes pa ni gding ba sar pa la rnying pas ma glan par rnying pa bor ba'o/ /de la dge slong gis zhes bya ba ni chos 'di pas so//gding ba zhes bya ba ni so sor gding ba'o/ /sar pa zhes bya ba ni sar pa gnyis te/ gsar pas sar pa dang rnyed pas sar pa'o/ /don 'dir ni gsar pas sar pa yin par dgongs so/ /byed na zhes bya ba ni bdag nyid kyis byed dam gzhan byed du 'jug pa'o/ / sar pa kha dog mi sdug par bya ba'i phyir zhes bya ba ni sar pa sra bar bya ba'i phyir ro/ /gding ba rnying pa bde bar gshegs pa'i mtho gang 'khor bas glan par bya'o zhes bya ba ni gal te de la gding ba rnying pa bde bar gshegs pa'i mtho gang 'khor ba gzhan yod na'o/ /bde bar gshegs pa'i zhes bya ba ni ston pa'o//bde bar gshegs pa'i mtho gang la ni tshad dang ldan pa'i khru'i khru phyed dang do yod do/ /'khor bas zhes bya ba ni kun nas mtho re yod pas so/ /glan par bya'o zhes bya ba ni sbyar bar bya ba'o/ /gal te dge slong gis sar pa kha dog mi sdug par bya ba'i phyir gding ba rnying pa bde bar gshegs pa'i mtho gang 'khor bas ma glan par zhes bya ba ni ma sbyar ro//gding ba sar pa spyod na zhes bya ba ni gding ba'i dgos par spyod na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so//de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gis gding ba rnying pa las bde bar gshegs pa'i mtho gang gis ma glan pa'i gding ba sar pa spyod na spyad par brtsams pa'i tshe nyid na mtho gang gi spang ba'i ltung byed kyi dngos gzhir 'gyur ro//dge slong la mtho gang gi spang ba'i ltung byed byung na/de ma spangs shing bral bar ma byas la ltung ba ma bshags par ram/ spangs shing bral bar ma byas la ltung ba ma bshags par ram/ spangs shing bral bar byas la ltung ba ma bshags par bde bar gshegs pa'i mtho gang gis glan dgos pa'i gding ba de lta bu gzhan zhig rnyed na de yang snga ma'i shugs kyis spang bar 'gyur te/de las ltung bar ni mi 'gyur ro/ /dge slong gis mtho gang gis spang ba'i ltung byed byung la/ ji srid du spang ba'i dngos po las ma bshags shing so sor ma bshags par lhung bzed dam/ chos gos sam/ dra ba'am/phor bu'am/ ska rags sam/ dge sbyong gi 'tsho ba'i yo byad gang yang rung ba gzhan nye bar 'jog na de yang snga ma'i shugs kyis spang bar 'gyur te/ de las ltung bar ni mi 'gyur ro/ /gal te gding ba rnying pa ril gyis yod na des de ltar bya ste/ de la na smad pa med do//gal te gding ba rnying pa bde bar gshegs pa'i mtho gang tsam zhig yod na yang des de ltar bya ste/ de la na smad pa med do/ /gal te gding ba rnying pa mi sra ba bcos par nus pa zhig yod na yang des de ltar bya ste/ de la na smad pa med do/ /gal te gding ba rnying pa dam dum mthud cing sbyar du rung ba zhig yod na yang des de ltar bya ste/de la na smad pa med do/ /gding ba sar pa shos gsar pas sar pa yin na des de ltar bya ste/ de la na smad pa med do/ /rang gis byas pa dang / gzhan byed du bcug pa lan smad pa med do/ /gding ba'i rdzas bzang ngan dang mnyam pa la na smad pa med do//rgyu rung ba la na smad pa med do/ /gding ba'i tshad ni srid du bde bar gshegs pa'i mtho'i mtho do/ zheng du bde bar gshegs pa'i mtho'i mtho phyed dang do ste/ gding ba gsar pas sar pa tshad de dag dang de dag pas lhag pa la na smad pa med do/ /'di'i byed pa po ni gding ba gsar pas sar pa byas pa dang /gding ba rnying pa yod pa nyid yin no/ /'di la yan lag lngas dngos gzhi'i ltung bar 'gyur te/ gding ba gsar pas sar pa dang / byas pa dag gding ba rnying pa yod pa dang / bde bar gshegs pa'i mtho gang gis ma glan pa dang spyod pa nyid do//de dag las yan lag ma tshang na ci rigs par na smad do/ /de la gding ba gsar pas sar pa dang / byas pa zhes smos pa ni/ gsar pas sar pa ma yin pa dang / ma byas pa la ltung ba med pa'i phyir ro/ /gding ba rnying pa yod pa zhes smos pa ni gding ba rnying pa med pa la ltung bar mi 'gyur ba'i phyir ro//bde bar gshegs pa'i mtho gang gis ma glan pa zhes smos pa ni chad de tsam dang / de bas che bas glan pa la ni ltung ba med la/ de bas chung bas glan pa la ni na smad pa'i phyir ro/ /sbyor ba nyid ces smos pa ni rang gir mi sbyor bar ltung ba med pa'i phyir ro//sbyor ba gcig gis gding ba gcig gam gnyis sam mang po zhig byed na yang ltung ba'i dngos gzhi gcig rnam par gzhag go/ /sbyor ba'i ltung ba ni nyes byas te/ ji srid du mtho gang gi spang ba'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /rgyu rung ba ma yin pa la nyes byas so/ /tshad pas tshung ba la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o//de yang dang po yid la sems pa ni sbyor ba'i sbyor ba'i nyes byas phra mo'o/ /de nas lus dang ngag gis sbyor ba ni sbyor ba'i nyes byas dngos so/ /de nas mthar thug pa ni spang ba'i ltung byed kyi dngos gzhi'o zhes bya bar shes par bya'o//ltung ba med pa ni byas zin pa rnyed pa dang / gzhan gyis byas pa la yongs su longs spyod pa dang / rnying pa'i byi dor mngon par 'du byed pa la ltung ba med do/ /gding ba gsar pa ma byas pa dang / rnying pa mi bdog pa dang / bde bar gshegs pa'i mtho gang gis glan pa dang mi spyod pa la ltung ba med do//gding ba rnying pa ril gyis mi bdog pa dang / bde bar gshegs pa'i mtho gang tsam yang mi bdog pa dang / mi sra bar bcos par mi nus pa dang / dam dum mthud cing sbyar du mi rung ba la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du mtho gang gi spang bar 'gyur ba rnam pa thams cad mi bsten par bslab par bya'o/ /gding ba rnying pa ril gyis bdog gam/ bde bar gshegs pa'i mtho gang gi tshad tsam zhig bdog gam/mi sra bar bcos par nus pa zhig bdog gam/ dam dum mthud cing sbyar du rung ba zhig bdog na yang de dag gis ci rigs par glan par bya'o/ /phyir bcos pa ni snga ma bzhin no/ /mtho gang gi spang ba ste bco lnga pa bshad zin to// //so sor thar pa'i mdo rgya cher 'grel pa 'dul ba kun las btus pa/ bam po bco lnga pa/ bal thogs pa'i spang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ / drug sde dag gis smras pa/ kye dga' bo nye dga' lhung bzed nag po can 'di dag ni rkang pa spre'u zhag gis bskus te 'gro na yang 'gro bar chas pa'i rnyed pa sgrub par byed/ 'ong na yang glo bur du 'ongs pa'i rnyed pa sgrub par byed cing / skye bo mang po dga' ba dang yid du 'ong bar yang 'gyur ro//yu bu cag ni khron ba'i rus sbal dang 'dra bar gar yang mi 'dong gang nas kyang mi 'ong bas rnyed pa 'thob pa dang / skye bo mang po dga' ba dang yid du 'ong ba ga la 'gyur gyi yu bu cag kyang 'dod ngo / /gang du 'dong / gang du 'dron pa don mthun 'grub par ro/ /de dag gis bsams pa/ gal te thams cad 'dong bar gyur na bdag cag gi slong mo ster ba'i khyim gang dag yin pa de dag kyang lhung bzed nag po can dag gis kha phyin par 'gyur gyis bdag cag gis gcig gzhag ste 'dong bar bya na su gzhag par bya/ btsun pa 'char ka'o/ /btsun pa 'char ka khyod ni 'di nyid du 'dug shig dang /kho bo cag 'dong bar bya'o/ /de bzhin gyis shig ces 'char ka de nyid du 'dug go/ /lnga po dag gis 'dron pa don mthun btsal bar brtsams pa dang / de dag gis bal yul du 'gro ba'i 'dron pa don mthun mthong nas de'i drung du song ste smras pa/ bzhin bzangs dag khyed gang du 'dong /'phags pa dag bal yul du'o/ /bzhin bzangs dag kho bo cag kyang khyed dang lhan cig 'dong ngo / /'phags pa dag bal yul ni rnga mo'i rgyab 'dra ba lags pas khyed cag der dgyes par mi 'gyur ro/ /bzhin bzangs dag gal te de lta bu yin du zin kyang yul mthong bar 'gyur gyi 'dong bar bya'o//'phags pa dag gal te de lta na tshur spyon bzhud do/ /drug sde dag 'dron pa don mthun de dang lhan cig bal yul du 'phags nas mthar gyis bal yul du phyin pa dang / nyi ma gang kho na la bal yul du phyin pa'i nyi ma de la mngon par mi dga' bar gyur nas/de dag nang par sngar langs te lam srang du dong ba dang / tshong pa dag gis drug sde dag mthong nas de dag gi rkang pa la phyag 'tshal te smras pa/ 'phags pa dag bal yul ji 'dra/ khyed cag mngon par mi dgyes par ma gyur tam/ bzhin bzangs dag nyi ma gang kho na la bal yul du phyin pa'i nyi ma de nyid la mngon par mi dga' bar gyur to//'phags pa dag bdag cag gis khyed la dang po kho na nas bal yul na ni rnga mo'i rgyab 'dra ba lags pas khyed cag der dgyes par mi 'gyur ro zhes ma bgyis sam/ bzhin bzangs dag ji de lta na 'gro'am/ 'dong ngo / /'phags pa dag bdag cag gis zong ma bsgyur te/ de ltar lags mod kyi 'on kyang bdag cag dang bshes pa'i tshong pa gzhan dag mchis pa de dag gis zong bsgyur bas/ de dag la gtad par bgyi yis de dag dang thabs cig tu bzhud cig /drug sde dag gis smras pa/de ma nongs kyi de bzhin bgyi'o/ /bal yul na bal dang ldong ros gnyis mod pas/ 'dron pa don mthun de dag gis bal gyis shing rta bkram ste chas pa dang / drug sde dag kyang 'dron pa don mthun pa de dag dang lhan cig 'phags so/ /drug sde dag gi kun du spyod pa ni rdul gyis 'jigs pas yang na ni don mthun gyi mdun du 'gro//yang na ni phyi bzhin 'brang zhing 'gro bas/ de dag don mthun gyi phyi bzhin 'gro bar brtsams pa dang / ji tsam na tshong pa de dag gi shing rta'i srog shing chag nas tshong ba de dag gis bsams pa/ gal te shing rta'i srog shing bcos na/sgras chom rkun pa dag 'ong bar 'gyur zhing / de dag gis dang por bdag cag gsad par 'gyur la de'i 'og tu nor yang 'phrog par 'gyur gyi/ bdag cag gis gces pa dag khyer te 'dong ngo snyam nas yid mi dga' zhing 'khod pa dang / drug sde dag lhags nas de dag gis smras pa/shes ldan dag ci'i phyir yid mi dga' zhing 'khod/ 'phags pa dag shing rta'i srog shing chag ste/ gal te shing rta'i srog shing bcos na sgras chom rkun pa dag mchi bar 'gyur zhing de dag gis dang por bdag cag bkum par 'gyur la/ de'i 'og tu nor yang 'phrog par 'gyur bas bdag cag gis gces pa dag 'tshal te mchi'o snyam nas yid mi dga' zhing mchis so//bzhin bzangs dag khyed kyis bal dag yongs su btang ngam/ gal te khyed cag la mi gnod na zhwa dang lham sgro gu can dang / stod kor nang tshangs can dang rgya cang dang lcag pod dang shur bu phre'u la sogs pa'i don du cung zhig bskur ro//'phags pa dag bdag cag la 'dis ci bgyi/ thams cad snoms shig /drug sde dag gis smras pa/ kye dga' bo nye dga' phyag dar khrod rnyed do zhes de dag gis lnga char gyi lhung bzed dang chos gos dag gcig la bskur nas/mi bzhis de nyid las thag pa bkal te/ khur po che bzhi drags nas de dag gis de khur te dong ngo / /de dag gis khur de dag khyer te/ 'phags pa dang / tshong pa de dag gis drug sde dag bal gyi khur bslang ste phyi bzhin 'ong ba mthong nas smras pa/'phags pa dag bdag cag gis gla mi dag khrid de mchi'o snyam du bsams na khyed cag gis bal 'di thams cad bsnams te byin gyis 'phags pa dag la gla gsol lo/ /bkren pa dag kho bo cag khyed kyi gla mi dag yin nam/ 'phags pa dag med kyang bzhad gad bgyi'o//don mthun de'i nang du mu stegs can dag cig 'dong ba de dag gis smras pa/ kye ma drug sde dag khyed cag gang du khur 'jig par 'gyur/ gang du rnyed pa 'grub par 'gyur/ mu stegs can dag khyed kyi ma'i lto dral te der 'jig par 'gyur zhing / der rnyed pa 'grub par 'gyur ro/ /drug sde dag gis smras pa/ kye dga' bo nye dga' gal te don mthun dang lhan cig 'dong na tho 'tshams pa mang du 'byung gi /don mthun gyi mdun du 'dong ngo zhes de dag don mthun gyi mdun du 'phags te dong ba dang / ri brags shig na chom rkun pa bcad pa'i phyir yang rgod kyi mi mang po bkod cing 'khod pa de dag gis de dag thag ring po kho na nas mthong ngo //mthong nas kyang nyam nga bar gyur nas/ de dag gis smras pa/ shes ldan dag glang po che dang bcas pa'i dmag byung ngo zhes ri brags pa de dag thams cad skrag nas nags khrod du byer ro//de dag gi nang nas kha cig gis smras pa/ 'di dag ni glang po che dang bcas pa'i dmag ma yin gyi 'di ltar rnga mo dag cig 'ongs pa yin no/ /kha cig gis smras pa/ 'di dag ni rnga mo ma yin gyi 'di ltar glang dag cig yin no/ /kha cig gis smras pa/ 'di dag glang ma yin gyi 'di dag ni khur thogs pa dag cig yin no/ /de dag thag nye bar gyur pa dang / yang rgod de dag gis ngo shes te smras pa/ 'phags pa dag khyed cag 'di lta bu'i khur dag thogs pas de'i phyir ri brags pa thams cad skrag ste/ nags khrod du phyir ro/ / bkren pa dag gal te chom rkun pa dag gis khyed cag de ltar bred ngas par shes par gyur na nyin mo'i nyi ma kho na la yang bcings te nags khrod du khrid par 'gyur ro/ /kye dga' bo nye dga' gal te lam du 'dong na tho 'tshams pa mang du 'byung gi lam gol bar 'dod do zhes de dag lam gol bar zhugs te dong ba dang /sho gam pa dag gis tshong pa sho gam 'dral ba bsgugs pa'i phyir 'gag sgugs pa'i mi mang po dag bkod cing 'khod pa de dag gis de dag mthong nas smras pa/ e ma'o tshong pa sho gam 'dral ba dag ci'i phyir sho gam 'dral te 'dong / bkren pa dag kho bo cag khyed kyi tshong pa sho gam 'dral ba dag yin nam/khyed cag su yin/ 'phags pa drug sde dag gam/ yin no/ /bzhud cig /de dag gis smras pa/ kye dga' bo nye dga' gal te rgyal byed kyi tshal gyi sgo nas zhugs na lhung bzed nag po can dag las tho 'tshams pa mang du 'byung gi /sge'u chung nas 'jug par bya'o zhes de dag sge'u chung nas zhugs pa dang / rgan zhugs zhig gis mthong nas des smras pa/ e ma 'o khur tsa ba dag ci'i phyir grong dral te 'jug par byed/ rgan zhugs kho bo cag khyod kyi khur tsa ba dag yin nam/ des smras pa khyed cag su yin/tshe dang ldan pa drug sde dag gam/ yin no/ /tshe dang ldan pa dag byon pa legs so byon pa legs so/ /de dag nang du zhugs nas de dag gis bal gyi khur de dag bshig pa dang / ri rab kyi rnam pa 'dra ba'i phung po chen por rnam par gnas so/ /de dag la dge slong rnams kyis smras pa/tshe dang ldan pa dag khyed cag khur 'di lta bu dag thogs na khyod la tho 'tshams pa dag mi 'byung ngam/ tshe dang ldan pa dag ji kho bo cag gis kha zas bza' ba kho na'i phyir mngon par bsgrubs sam/ gang kho bo cag la tho 'tshams bar byed pa de la kho bo cag gis kyang nyis bsgyur sbyin par bya'o zhes zer na/dge slong don nyung ngu dag ci'i phyir dge slong dag yan lag gang gis ngo tsha bar bya ba'i yan lag de nyid kyis khengs par byed ces smod par byed/ phyar kha gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ drug sde dag la rmas nas/ rnam grangs du mar smad de bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/dge slong lam du zhugs pas lug bal dag rnyed la 'dod na dge slong des blang bar bya'o/ /blangs nas khyer ba med na dpag tshad gsum gyi mtha'i bar du bdag nyid kyis bskur bar bya'o//de las 'das par khyer na spang ba'i ltung byed do zhes bca' ba mdzad de/ yul ni mnyan yod/ gang zag ni drug sde/ nyon mongs pa ni 'dod zhen dang ngo tsha med pa/ nyes pa ni rgyang grags kyi mthar bal khur ba'o/ /de la dge slong zhes bya ba ni drug sde'am/ gzhan yang de lta bu gang yin pa'o//lam du zhugs pas zhes bya ba ni dgon pa'i lam du zhugs pas so/ /lug bal dag ces bya ba ni lug gi bal dag go/ /rnyed la zhes bya ba ni gzhan las so/ /'dod na zhes bya ba ni gal te don du gnyer na'o/ /dge slong des blang bar bya'o zhes bya ba ni mnod par bya ba'o//blangs nas khyer ba med na zhes bya ba ni rung bar byed pa med na'o/ /dpag tshad gsum gyi mtha'i bar du zhes bya ba ni dpag tshad gsum gyi mthar thug pa'i bar tshun chad du'o/ /bdag nyid kyis bskur bar bya'o zhes bya ba ni bdag rang gis bskur bar bya'o/ /de las 'das par khyer na zhes bya ba ni de las thal bar byed na'o//spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong lam du zhugs pas lug bal dag rnyed la 'dod cing blangs nas khyer ba med na dpag tshad gsum las rgyang grags gcig gi mtha' las 'das par khyer na bal thogs pa'i spang ba'i ltung byed kyi dngos gzhir 'gyur ro//dge slong la bal thogs pa'i spang ba'i ltung byed byung na de ma spangs shing bral bar ma byas la ltung ba ma bshags par ram/spangs shing bral bar ma byas la ltung ba ma bshags par ram/ spangs shing bral bar byas la ltung ba ma bshags par lug bal de lta bu gzhan zhig rnyed na de yang snga ma'i shugs kyis spang bar 'gyur te de las ltung bar ni mi 'gyur ro/ / dge slong gis bal thogs pa'i spang ba'i ltung byed byung la/ ji srid du spang ba'i dngos po las ma bshags shing so sor ma bshags par lhung bzed dam/ chos gos sam/ dra ba'am/ phor bu'am/ ska rags sam/ dge sbyong gi 'tsho ba'i yo byad gang yang rung ba gzhan nye bar 'jog na/de yang snga ma'i shugs kyis spang bar 'gyur te/ de las ltung bar ni mi 'gyur ro/ /khyer ba med pa la dpag tshad gsum las 'das pa'i mtha' nas rgyang grags gcig gi mthar phyin pa la na smad pa med do/ /khyer ba yod bzhin du bdag nyid kyis khyer na gzhi nyid nas brtsams te rgyang grags gcig gi mthar phyin pa la na smad pa med do//lug bal gyi rdzas bzang ngan dang mnyam pa la na smad pa med do/ /bal rung ba la na smad pa med do/ /zhwa dang lham sgro gu can dang stod kor nang tshangs can dang rgya cang dang lcag pod dang shur bu phre'u la sogs pa de tsam dag gi rgyu'i tshad las lhag pa la na smad pa med do//'di'i byed pa po ni lug bal rung ba dang rgyang grags kyi mthar khyer ba nyid yin no/ /'di la yan lag lngas dngos gzhi'i ltung bar 'gyur te/ lug bal dang rung ba dang / zhwa rgyu la sogs pa'i tshad las lhag pa dang /rang gis khyer ba dang rgyang grags kyi mthar phyin pa'o/ /de dag la yan lag ma tshang na ci rigs par na smad do/ /de la lug bal dang rung ba zhes smos pa ni lug bal ma yin pa dang / ra bal la sogs pa rung ba ma yin pa la nyes byas su gsungs pa'i phyir ro/ /zhwa rgyu la sogs pa'i tshad las lhag pa zhes smos pa ni de dag gi don du de tsam dag khyer ba la ni nyes pa med la de dag gi don ma yin par de tsam dag khyer ba la ni na smad pa'i phyir ro//rang gis khyer ba zhes smos pa ni gzhan gyis bskur ba la nyes pa med pa'i phyir ro/ /rgyang grags kyi mthar phyin pa zhes smos pa ni rgyang grags phyed du phyin pa la nyes byas su gsungs pa'i phyir ro//sbyor ba gcig gis lug bal rung ba zhwa rgyu la sogs pa'i tshad las lhag pa'i chun po gcig gam gnyis sam mang po zhig khyer na yang ltung ba'i dngos gzhi gcig rnam par gzhag go/ /rgyang grags kyi mthar phyin pa zhes smos pa de la 'dir rgyang grags dang dpag tshad kyi tshad rdul phra rab la sogs pa las bsgyur te bsgre ba bstan pa'i phyir rdul phra rab dang rdul phra mo dang /chu dang lcags dang ri bong dang lug dang glang dang nyi zer gyi rdul dang / sro ma dang / shig dang nas dang sor rnams ni snga ma drug las phyi ma gcig tu bsgre'o//sor nyi shu rtsa bzhi la khru gang ngo / /khru phyed dang bzhi la mi'i srid do/ /khru bzhi la gzhu gcig go/ /gzhu lnga brgya la yang rgyang grags gcig go/ /rgyang grags brgyad la dpag tshad gcig go/ /dgon pa'i dang po yang rgyang grags gcig gi mtha'o zhes gsungs so//sbyor ba'i ltung ba ni nyes byas te/ ji srid du bal thogs pa'i spang ba'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//bal rung ba ma yin pa la nyes byas so/ /zhwa rgyu la sogs pa'i tshad dang de bas chung ba de dag gi don ma yin par khyer ba la nyes byas so/ /khyer ba med pa na bdag nyid kyis dpag tshad gsum gyi mtha' nas brtsams te rgyang grags phyed du khyer na nyes byas so/ /khyer ba yod bzhin du bdag nyid kyis khyer na ni rtsom pa'i dus kho na nas nyes byas gzhan gcig go//rgyang grags phyed du phyin na nyes byas gzhan gcig go/ /rdzu 'phrul las gzhan pas nam mkha' la khyer te 'gro na nyes byas so/ /sprul pas khyer te 'gro na nyes byas so/ /sbyor ba'i sbyor ba'i ltung ba ni nyes byas phra mo ste/sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /de yang dang po yid la sems pa ni sbyor ba'i sbyor ba'i nyes byas phra mo'o/ /de nas lus dang ngag gis sbyor ba ni sbyor ba'i nyes byas dngos so//de nas mthar thug pa ni spang ba'i ltung byed kyi dngos gzhi'o zhes bya bar shes par bya'o/ /ltung ba med pa ni khyer ba med na bdag nyid kyis dpag tshad gsum gyi bar du khyer ba la ltung ba med do/ /zhwa dang lham sgro gu can dang / stod kor nang tshangs can dang rgya cang dang lcag pod dang shur bu phre'u la sogs pa'i don du de tsam dag khyer ba la nyes pa med do//las dang bo pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du bal thogs pa'i spang bar 'gyur ba rnam pa thams cad mi bsten par bslab par bya'o//lus kyi khur phrag rdang zhes bya ba ni mi bskur ro/ /glo dang rgyab dang rked pa dang mgo bo dag gis khur ba yang mi bskur ro/ /khur phyed kyi srang tshad las lhag pa mi bskur ro/ /'dir dge slong dang dge slong ma thun mong ma yin pa nyid du dogs par mi bya'o//phyir bcos pa ni snga ma bzhin no/ /bal thogs pa'i spang ba ste bcu drug pa bshad zin to// //bal rmel du 'jug pa'i spang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med sbyin gyi kun dga' ra ba na bzhugs so//drug sde dag gis smras pa/ kye dga' bo nye dga' bal bgo bar bya'o/ /cha dur bya/ de dag gis smras pa/ bdag cag gis btsun pa 'char ka 'di nyid na 'dug 'dug pa la ci'i phyir skal ba sbyin cha ldar bya'o/ /'char kas thos nas des smras pa tshe dang ldan pa dag khyed kyis der rnyed pa gang grub pa de yang khyed nyid kyir gyis shig /kho bo 'di nyid na 'dug 'dug pas rnyed pa gang grub pa de yang kho bo nyid kyir bya'o/ /nye dgas bsams pa/ 'di 'di nyid na 'dug 'dug pas rnyed pa mang po grub gor ma chag snyam nas/ des smras pa/tshe dang ldan pa dag bdag cag dus thams cad du drug sde yin na/ de ci'i phyir lnga sder 'gyur bar bya/ cha drug kho nar bya'o/ /su 'god du gzhug /btsun pa 'char ka sdum pa yin gyis de 'god du gzhug go/ /'char kas cha drug tu byas te bdag nyid kyi skal ba rang gi gnas khang du bcug ste gzhag go//de dag gis smras pa/ btsun pa 'char ka khyod kyis rnyed pa gang grub pa de khyer shog bgo'o/ /'char kas smras pa/ kho bos de'i bar du ka ka ni gcig tsam yang ma rnyed do/ /khyod kyis kho bo cag bslus so/ /'char kas bsams pa/ bdag gis bal nyung du ma zhig rnyed pa 'di su rmel du gzhug /gal te khyim bdag la bcol na ni de dag bslab pa yang dag par ma blangs pa yin pas thams cad brku bar 'gyur ro/ /gal te bcu bdun sde de dag la bcol na ni bca' ba'i rin du 'jog par 'gyur ro/ /chos byin la bcol du yang chos byin na mdo sde'i mtha' pa yin la/'khor yang mdo sde'i mtha' pa dang ldan pa yin pas de mdo sde'i tshig dag sems pa na dus 'gyangs par 'gyur ro/ /gau ta ma'i skem mo la bcol du yang gau ta ma'i skem mo ni 'dul ba 'dzin pa yin la 'khor yang 'dul ba 'dzin pa dang ldan pa yin pas de 'di ni ltung ba yin no//'di ni ltung ba ma yin no zhes sems pa na dus 'gyangs par 'gyur ro/ /skye dgu'i bdag mo chen mo gau ta mI ni spong ba yin la 'khor yang spong ba dang ldan pa yin pas de sems rtse gcig tu 'jog pa la bal rmel ba mi gnod kyi/ bdag gis de la bal rmel du bcol lo snyam nas/de de snyam sems shing 'dug ba na skye dgu'i bdag mo chen mo gau ta mI bcom ldan 'das ga la ba la ba der 'ongs pa de'i tshe tshe dang ldan pa 'char kas thag ring po kho na nas mthong nas smras pa/ gau ta mI bcom ldan 'das kyis tshul khrims dang ldan pa'i sems kyis smon pa 'grub ste/de yang tshul khrims rnam par dag pa'i phyir ro zhes bka' stsal pa de legs par gsungs pa yin te/ da gzod kho na bdag kye ma skye dgu'i bdag mo chen mo gau ta mI 'ongs na ci ma rung snyam pa'i blo skyes na khyod kyang 'dir 'ongs so/ /bdag gis bal nyung ngu zhig rnyed pa de khyod kyis rmel du chug ste byin cig /'phags pa bdag bcom ldan 'das kyi zhabs la phyag 'tshal te slar mchis nas/ dge slong ma gnyis gtang gi de gnyis kyi sug par stsol cig /'char kas bal de dag gzar thag gis bam po gnyis su dam rab tu bcings te sgo glegs kyi phag tu gzhag ste/de nas skye dgu'i bdag mo gau ta mI bcom ldan 'das kyi zhabs la phyag 'tshal te/ dbyar khong du song nas des de'i gan du dge slong ma gnyis btang ste/ 'phags pa 'char ka'i gan du deng la bal de bskur du gsol zhes gyis shig ces bsgo'o//de gnyis der dong ste smras pa/ 'phags pa gau ta mI'i mchid nas bal de bskur du gsol zhes mchi'o/ /'char kas de gnyis la smras pa/ sgo glegs kyi phag na bam po gnyis su 'dug pa de gnyis khyer la deng shig de gnyis gnas khang du zhugs te gdeg par brtsams pa dang /bsgul ba tsam du yang ma nus nas de gnyis kyis smras pa/ 'phags pa ci 'dir rang thag gi gor ma dag stsal tam/ gzhon nu ma gnyis ji khyed gnyis gzhon nu ma gta' gam pa yin nam zhes des mthe'u chung gis gdeg ste gcig ni gcig gi mgor bskur/gcig ni gcig gi rked du bskur ro/ /de gnyis mgo chag la thug go/ /rked pa chag la thug go zhes zer zhing dbyar khang du dong nas khur sa la bzhag ste khri steng du sgyel cing 'dug go/ /dge slong ma rnams kyis de gnyis la smras pa/ 'phags ma gnyis gzhon nu ma gta' gam pa yin nam/de gnyis kyis smras pa/ khyed cag las stobs dang ldan pa gang yin pa des je 'di thegs shig /de dag gis de gdeg par brtsams pa dang / bsgul ba tsam du yang mi nus nas de dag gis smras pa/ 'phags ma gnyis ji 'dir rang thag gi rdo dag bcug gam zhes de dag gis bam po de gnyis bshig pa dang /ji tsam na bal de dag 'bongs te phung po chen por rnam par gnas par gyur to/ /dge slong ma rnams kyis rta gad kyis btab ste smras pa/ 'phags pa 'char ka na re bal cung zhig ces zer ba yang 'di lta bur gyur na/gal te mang bar gyur na ji lta bur 'gyur/ skye dgu'i bdag mo chen mo gau ta mIs smras pa/ nu mo dag mgo bregs shing mchan khung ral bu can dag yin na dgod du ci yod/ 'phags pa 'char ka'i mched nas bal nyung ngu zhig ces mchi ba yang 'di lta bur gyur na/gal te mang bar gyur na ni ji lta bur 'gyur/ skye dgu'i bdag mo chen mo gau ta mIs smras pa/ nu mo dag de dag ni gnas ngan len kun du spyod pa dag yin pas de dag gis bcom ldan 'das kyi bstan pa la 'drums pas ltung bas ltung bar byed do/ /nu mo dag bcom ldan 'das kyis 'di gnyis ni skyes bu dam pa yin te khur ma blangs pa mi len pa gang yin pa dang /khur blangs pa mthar phyin par byed pa gang yin pa'o zhes gsungs te/ 'di'i khur blangs pa yin pas mthar phyin par bya dgos kyi/ khyed cag las gang gis ji tsam rmel bar spro ba des de tsam rmel ba de'i gan du khyer te byin cig /de dag yun ring du thogs pa dang 'char kas bsams pa/ de dag gis bal de bca' ba'i rin du gzhag gor ma chag /bdag gis ma legs pa zhig byas te/ bdag gis bal de ni char pas 'jig pa dang la khar bzhag pa dang 'dra bar gyur to snyam mo//dge slong ma gnyis kyis bal kha cig rmel te khyer 'ongs nas smras pa/ 'phags pa 'char ka bal dag 'tshal te mchis na gang du gzhag par bgyi/ 'char kas bsams pa/ da dung spyod yul lhag ma dang bcas pa yin no snyam nas smras pa/gnas khang du chug ste zhog shig /de gnyis kyis bzhag ste song ba dang / gzhan dag gis kyang khyer te 'ongs so/ /ji tsam na thams cad kyis kyang khyer te lhags so/ /de nas skye dgu'i bdag mo chen mo gau ta mIs bcom ldan 'das ga la ba der song ste phyin nas bcom ldan 'das kyi zhabs gnyis la phyag 'tshal te mtha' gcig tu 'dug go//de'i tshe na skye dgu'i bdag mo chen mo gau ta mI'i lag pa gnyis 'di lta ste dper na btso blag mkhan gyi lag pa dmar ba ltar dmar ba shin tu dmar bar gyur to/ /de nas bcom ldan 'das kyis skye dgu'i bdag mo chen mo gau ta mI la 'di skad ces bka' stsal to//gau ta mI ci'i phyir khyod kyi lag pa gnyis 'di lta ste dper na btso blag mkhan gyi lag pa dmar ba ltar dmar ba shin tu dmar bar gyur/ bcom ldan 'das 'di na bgyi ba gzhan lags na gzhan bgyid do/ /ji ltar gyur/'phags pa 'char kas bdag bal rmel du stsal to/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo dge slong ma nye du ma yin pa la lug bal dag rmel du 'jud dam/ btsun pa rmel du gsol to/ /de nas bcom ldan 'das kyis byung ba 'di dang /gleng gzhi 'di dang / skabs 'di la dge slong gi dge 'dun bsdu ba mdzad de/ 'char ka la rmas nas rnam grangs du mar smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang dge slong ma nye du ma yin pa la lug bal 'khrur 'jud dam 'tshed du 'jud dam rmel du 'jug na spang ba'i ltung byed do zhes bca' ba mdzad de/ yul ni mnyan yod/ gang zag ni 'char ka /nyon mongs pa ni dge sbyong gi tshul ma yin par 'dod pa/ nyes pa ni dge slong ma nye du ma yin pa la lug bal dag rmel du 'jug pa'o//de la yang dge slong gang zhes bya ba ni 'char ka'am gzhan yang de lta bu gang yin pa'o/ /dge slong ma zhes bya ba ni chos 'di pa'o/ /nye du ma yin pa la zhes bya ba ni phyi mo dang mes po dang phrugs la brten pa'i bdun pa tshun chad ni nye du yin la de phan chad ni nye du ma yin no//lug bal zhes bya ba ni lug gi bal lo/ /'khrur 'jud dam zhes bya ba ni tha na chur smyug pa byed du 'jud na'o/ /'tshed du 'jud dam zhes bya ba ni tha na tshon du smyug par byed du 'jud na'o/ /rmel du 'jud na zhes bya ba ni tha na 'da' ba byed du 'jud na'o//spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /de la ltung ba ji ltar 'gyur zhe na 'dir yang dngos gzhi dang / sbyor ba dang / sbyor pa'i sbyor bas ltung ba rnam par gzhag pa dang /ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /bal rmel du 'jud pa'i spang ba 'di ni sngar 'khrur 'jug pa'i spang bar bstan pa dang mtshan nyid thams cad 'dra bar shes par bya'o//'dir bye brag 'ga' tsam zhig yod pa gang yin pa de bstan pa'i phyir chos gos rnying pa'i gnas su lug gi bal dag go/ /'chag par rmel ba'o zhes bya ba smras te/ sngar 'khrur 'jug pa'i skabs su byin gyis brlabs pa rang gi rnying pa 'khrur gzhug par 'os pa chos gos dang gding ba dag las 'ga' zhig ces smos pa'i gnas su 'dir lug gi bal dag ces bya ba'i ming gzhug pa dang /sngar 'khrur 'jug pa'i sdang ba'i skabs su 'chag pa zhes smos pa'i gnas su 'dir rmel ba zhes bya ba'i ming gzhug par shes par bya'o/ /de la 'dir dngos gzhi'i ltung ba rnam par gzhag pa ni dge slong gis lug bal dag dge slong ma nye du ma yin pa la bsgo bas 'khrur 'jug gam 'tshed du 'jug gam rmel du bcug bdag byas pa nyid na/bal rmel du 'jug pa'i spang ba'i ltung byed kyi dngos gzhir 'gyur ro/ /'khru ba dang 'tshed pa dang / rmel ba'i rigs mi mthun pa'i tshigs rnams dang /de dag grub pa'i mtha' man chad bar skabs su chad pa'i tshigs rnams la ltung ba re rer rnam par mi gzhag par spyir dngos gzhi'i 'bras bu gcig rnam par gzhag go/ /dge slong la bal rmel du 'jug pa ni spang ba'i ltung byed byung na de ma spangs shing bral bar ma byas la ltung ba ma bshags par ram/spangs shing bral bar ma byas la ltung ba ma bshags par ram/ spangs shing bral bar byas la ltung ba ma bshags par lug bal 'khrur gzhug pa dang 'tshed du gzhug pa dang rmel du gzhug pa de lta bu gzhan zhig rnyed na de yang snga ma'i shugs kyis spang bar 'gyur te/de las ltung bar ni mi 'gyur ro/ /dge slong gis bal rmel du 'jug pa'i spang ba'i ltung byed byung la/ ji srid du spang ba'i dngos po las ma bshags shing so sor ma bshags par lhung bzed dam chos gos sam dra ba'am phor bu'am ska rags sam/ dge slong gi 'tsho ba'i yo byad gang yang rung ba gzhan nye bar 'jog na de yang snga ma'i shugs kyis spang bar 'gyur te/de las ltung bar ni mi 'gyur ro/ /bal gyi grwa la sogs pa phyogs gcig la byas pa dang / 'khru ba la sogs pa las phyogs gcig byas pa la na smad pa med do/ /lug bal gyi rdzas bzang ngan dang mnyam pa la na smad pa med do//bal rung ba la na smad pa med do/ /zhwa dang lham sgro gu can dang stod kor nang tshangs can dang rgya cang dang lcag pod dang shur bu phre'u la sogs pa de tsam gyi rgyu'i tshad las lhag pa la na smad pa med do/ /dge slong ma nye du ma yin pa bsnyen par rdzogs pa ma nyams pa la na smad pa med do//bshang ba dang gci ba dang ljan ljin dang / 'dam rdzab la sogs pas ma rung bar gyur pa 'khru ba dang 'tshed pa dang rmel du 'jug pa la na smad pa med do/ /'di'i byed pa po ni lug bal dang dge slong ma nye du ma yin pa'i yul la 'du shes gtso cher byed pa po nyid yin no//'di la yan lag lngas dngos gzhi'i ltung bar 'gyur te/ lug bal dang rung ba dang dge slong ma nye du ma yin pa dang bsgo ba dang byas pa'o/ /de dag las yan lag ma tshang na ci rigs par na smad do/ /de la lug bal dang rung ba'o zhes smos pa ni lug bal ma yin pa dang ra bal la sogs pa rung ba ma yin pa la nyes byas su gsungs pa'i phyir ro//dge slong ma nye du ma yin pa la zhes smos pa ni nye du la ltung ba med pa'i phyir ro/ /bsgo ba zhes smos pas ni mngags pa la sogs pa la nyes byas su gsungs pa'i phyir ro/ /byas pa'o zhes smos pa ni dge slong ma nye du ma yin pas bkru ba la sogs pa ma byas na nyes byas su gsungs pa'i phyir ro//sbyor ba gcig gis lug bal rung ba zhwa rgyu la sogs pa'i tshad las lhag pa'i chun po gcig gam gnyis sam mang po zhig 'khru ba dang 'tshed pa dang rmel ba dang bar skabs su bcad na yang ltung ba'i dngos gzhi gcig rnam par gzhag go//sbyor ba'i ltung ba ni nyes byas te ji srid du bal rmel du 'jug pa'i spang ba'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /phyi rol pa'i rab tu byung ba dang ma chags pa dang nyams pa la nyes byas so//bal rung ba ma yin pa la nyes byas so/ /zhwa rgyu la sogs pa'i tshad dang de bas chung ba la nyes byas so/ /lug bal ma yin par ra bal la sogs pa la nyes byas so/ /tshig gis ma bsgo bar mngags pa la sogs pa ni nyes byas so//dge slong mas ma byas pa la nyes byas so/ /nye du la nye du ma yin par 'du shes pa dang nye du la yid gnyis za ba la nyes byas so/ /rung bar byas pa dang / spangs pa dang dge 'dun gyi la nyes byas so/ /nye du dang nye du ma yin pa'i mtshan nyid ni sngar 'khrur 'jug pa'i spang ba'i skabs su bstan pa bzhin no//sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed do/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /de yang dang po yid la sems pa ni sbyor ba'i sbyor ba'i nyes byas phra mo'o/ /de nas lus dang ngag gis sbyor ba ni sbyor ba'i nyes byas dngos so//de nas mthar thug pa ni spang ba'i ltung byed kyi dngos gzhi'o zhes bya bar shes par bya'o/ /khyim pa'i rtags can mo la nyes byas phra mo'o/ /ltung ba med pa ni dge slong ma nye du la nye du nyid du 'du shes pa la ltung ba med do/ /las dang po pa dang / smyos pa dang /sems 'khrugs pa dang tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du bal rmel du 'jug pa'i spang bar 'gyur ba rnam pa thams cad mi bsten par bslab par bya'o/ /phyir bcos pa ni snga ma bzhin no/ / bal rmel du 'jug pa'i spang ba ste bcu bdun pa bshad zin to// //gser dngul la reg pa'i spang ba'i gleng gzhi ni byung ba dang bcas pa'i dbang gis rnam pa gnyis te/ de la re zhig byung ba'i gleng gzhi ni sangs rgyas bcom ldan 'das rgyal po'i khab na 'od ma'i tshal ka lan dka'i gnas na bzhugs so//de nas grong dpon gtsug na nor bu bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das la grong dpon gtsug na nor bus 'di skad ces gsol to//btsun pa sngon gyi gdugs rnams kyi ches snga ba zhig na rgyal po'i pho brang na rgyal po dang blon po'i 'khor mchis shing mthun par gyur pa rnams la bar skabs kyi bka' mchid kun du brjod pa ni 'di lta bu byung bar gyur te/ shes ldan dag ji ltar dge slong rnams la mngon mtshan can rung zhing shAkya'i sras kyi dge sbyong rnams gser bdag gir bgyid dam 'on te dge slong rnams la mngon mtshan can mi rung zhing shAkya'i sras kyi dge sbyong rnams gser bdag gir mi bgyid ces mchi nas de na kha cig ni 'di skad ces dge slong rnams la mngon mtshan can rung zhing shAkya'i sras kyi dge sbyong rnams gser bdag gir bgyid do zhes mchi/kha cig ni 'di skad ces dge slong rnams la mngon mtshan can mi rung zhing shAkya'i sras kyi dge slong rnams gser bdag gir mi bgyid do zhes mchi na btsun pa de la gang dag de skad ces dge slong rnams la mngon mtshan can rung zhing shAkya'i sras kyi dge sbyong rnams gser bdag gir bgyid do zhes mchi na/btsun pa ji ltar gang dag de skad mchi ba de dag de ltar brda sprod par bgyid pa na bcom ldan 'das la skur pa 'debs par mi bgyid cing ha cang thal bar yang mi bgyid pa dang / de dag bcom ldan 'das kyis gsungs pa'i rjes su smra ba dang /chos smra ba dang / chos kyi rjes su mthun pa'i chos brda sprod par bgyid pa dang / gsungs pa'i rjes su smra ba de dag la gzhan las chos dang mthun pas smad pa'i gnas lta bu'i chos 'ga' yang mi mchi ba lags sam/ bcom ldan 'das kyis bka' stsal pa/ grong dpon gang dag de skad ces dge slong rnams la mngon mtshan can rung zhing shAkya'i sras kyi dge sbyong rnams gser bdag gir byed do zhes zer ba de dag de ltar brda sprod par byed na nga la skur pa 'debs par byed cing ha cang thal bar byed pa dang /de dag ngas smras pa'i rjes su smra ba ma yin pa dang /chos smra ba ma yin pa dang / chos kyi rjes su mthun pa'i chos brda sprod par byed pa ma yin pa dang / smras pa'i rjes su smra ba ma yin pa de dag la gzhan las chos dang mthun pas na smad pa'i gnas lta bu'i chos shin du 'ong ba yin no/ /de ci'i phyir zhe na/ grong dpon dge slong rnams la mngon mtshan can mi rung zhing shAkya'i sras kyi dge sbyong rnams gser bdag gir mi byed do//gang la la la mngon mtshan can rung zhing gser bdag gir byed pa de ni dge sbyong gi chos ma yin zhing de ni shAkya'i sras kyi chos ma yin pa'i phyir ro/ /grong dpon ngas khyod la don de nyid kyi phyir lan gnyis lan gsum gyi bar du brjod par bya ste/dge slong rnams la mngon mtshan can mi rung zhing shAkya'i sras kyi dge sbyong rnams gser bdag gir mi byed de gang la la la mngon mtshan can rung zhing gser bdag gir byed pa de ni dge sbyong gi chos ma yin zhing de ni shAkya'i sras kyi chos ma yin no//btsun pa gang gi slad du bcom ldan 'das kyis de skad ces dge slong rnams la mngon mtshan can mi rung zhing shAkya'i sras kyi dge slong rnams gser bdag gir mi byed do/ gang la la la mngon mtshan can rung zhing gser bdag gir byed pa de ni dge sbyong gi chos ma yin zhing de ni shAkya'i sras kyi chos ma yin no zhes bka' stsal te/ji tsam du bcom ldan 'das kyis legs par gsungs pa de ni ngo mtshar to/ /btsun pa gang gi slad du bcom ldan 'das kyis de skad ces grong dpon ngas khyod la don de nyid kyi phyir lan gnyis lan gsum gyi bar du brjod par bya ste/ dge slong rnams la mngon mtshan can mi rung zhing shAkya'i sras kyi dge sbyong rnams gser bdag gir mi byed do/gang la la la mngon mtshan can rung zhing gser bdag gir byed pa de ni dge sbyong gi chos ma yin zhing de ni shAkya'i sras kyi chos ma yin no zhes bka' stsal pa'i bcom ldan 'das kyis bka' de ni rgya cher bzang ba lags so//btsun pa bdag kyang 'di snyam bgyid de/ dge slong rnams la mngon mtshan can mi rung zhing shAkya'i sras kyi dge sbyong rnams gser bdag gir mi bgyid de/ gang la la la mngon mtshan can rung zhing gser bdag gir bgyid pa de la ni 'dod pa'i yon tan lnga po dag kyang rung ba kho na lags so//grong dpon de de bzhin no/ /de de bzhin te/ dge slong rnams la mngon mtshan can mi rung zhing shAkya'i sras kyi dge sbyong rnams gser bdag gir mi byed de/ gang la la la mngon mtshan can rung zhing gser bdag gir byed pa de ni dge sbyong gi chos ma yin zhing de ni shAkya'i sras kyi chos ma yin no//de nas grong dpon gtsug na nor bus bcom ldan 'das kyis bka' stsal pa la mngon par dga' ba dang rjes su yi rang ba byas nas bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song ngo / /de nas bcom ldan 'das kyis tshe dang ldan pa kun dga' bo bcom ldan 'das kyi snam logs na bsil yab thogs te bcom ldan 'das la g.yob cing 'dug pa la bka' stsal nas/'od ma'i tshal ka lan dka'i gnas na dge slong ji snyed nye bar brten cing gnas pa de dag thams cad dpong sa'i khang par bsdus te/grong dpon gtsug na nor bus ji skad gsol ba dang / bcom ldan 'das kyis ji skad bka' stsal pa de dag thams cad dge slong rnams la bzlas nas 'di skad ces bka' stsal to/ /dge slong dag de ltar grong dpon gtsug na nor bu de rgyal po dang bcas pa'i mdun du dge slong rnams la mngon mtshan can mi rung zhing shAkya'i sras kyi dge sbyong rnams gser bdag gir mi byed do//gang la la la mngon mtshan can rung zhing gser bdag gir byed pa de ni 'dod pa'i yon tan lnga po dag kyang gdon mi za bar rung ba yin no zhes cha gcig bzung ste/ khyu mchog gi tshig rgya chen po smras shing 'khor gyi nang du yang dag par seng ge'i sgra bsgrags so//dge slong dag ngas kyang de skad ces dge slong rnams la mngon mtshan can mi rung zhing shAkya'i sras kyi dge sbyong rnams gser bdag gir mi byed do/ /gang la la la mngon mtshan can rung zhing gser bdag gir byed pa de ni dge sbyong gi chos ma yin zhing de ni shAkya'i sras kyi chos ma yin no zhes smras so//dge slong dag de lta bas na khyed la da deng phyin chad shing 'dod pa dag gis ni shing yongs su btsal bar bya/ rtswa 'dod pa dag gis ni rtswa/ shing rta'i las 'dod pa dag gis ni shing rta'i las/mi blas 'dod pa dag gis ni mi blas yongs su btsal bar bya zhes smra'i/ 'di skad ces rnam grangs gang gis kyang gser bdag gir bya ba ni mi smra'o/ /'di ni re zhig byung ba yin gyi sangs rgyas bcom ldan 'das re zhig 'dul ba la nyan thos rnams kyi bslab pa'i gzhi 'cha' bar ni mi mdzad de/yul ni rgyal bo'i khab/ gang zag ni shAkya'i sras kyi dge sbyong spyi/ nyon mongs pa dang nyes pa ni med do/ /bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong drug sde dag rang gi lag gis gser dang dngul len par byed/len du 'jug par byed/ phung po gcig tu byed/ phung po gnyis su byed/ khri dang khri'u dang khri'u chung ngu dag tu 'jog par byed nas/ gzhan mu stegs can dag shes ldan dag shAkya'i bu'i dge sbyong dag ni ma log ma spangs so sor ma spangs pa yin te/'di ltar rang gi lag gis gser dang / dngul len par byed/ len du 'jug par byed/ phung po gcig tu byed/ phung po gnyis su byed/ khri dang khri'u dang khri'u chung ngu dag tu 'jog par byed do/ /bram ze dang khyim bdag dag kyang rang gi lag gis gser dang dngul len par byed/len du 'jug par byed/ phung po gcig tu byed/ phung po gnyis su byed/ khri dang khri'u dang khri'u chung ngur 'jog par byed na/ shes ldan dag shAkya'i bu'i dge sbyong rnams dang bram ze dang khyim bdag rnams kyi bya ba 'di la bye brag ni ci yod/ bsam pa ni ci yod/ tha dad du bya ba ni ci yod su zhig dge sbyong mgo reg 'di dag la bsod snyoms sbyin par bya bar sems zhes smod par byed/ phyar kha gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ drug sde dag la rmas nas/ rnam grangs du mar smad de/ bslab pa bca' ba'i phan yon bcu yang dag par gzigs pas/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang rang gi lag gis gser dang dngul len tam len du 'jug na spang ba'i ltung byed do zhes bca' ba mdzad de/ yul ni mnyan yod/ gang zag ni drug sde/ nyon mongs pa ni dge sbyong gi tshul ma yin pa byed 'dod pa nyes pa ni rang gi lag gis gser dang dngul len pa dang /len du 'jug pa'o/ /de la yang dge slong gang zhes bya ba ni drug sde'am gzhan yang de lta bu gang yin pa'o/ /rang gi lag gis zhes bya ba ni rang gi lag pas so/ /gser dang dngul zhes bya ba ni gser dang dbyig go/ /len tam zhes bya ba ni bdag nyid kyis so/ len du 'jug na zhes bya ba ni gzhan no/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang /ltung ba med pa dang / bslab par bya ba dang phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni/ dge slong gis rin po che nor bu dang mu tig dang bai DUr+ya dang shang ka shi la dang byi ru dang dngul dang gser dang rdo'i snying po dang spug dang dmar po dang g.yas su 'khyil ba la sogs pa rung bar ma byas pa 'thob par lcogs pa nyid kyi phyogs na 'dug pa bdag gir byas pa dang /rang gi rin po che rung bar ma byas pa la rnam pa gang yang rung bas reg gam reg tu bcug na/gser dang dngul la reg pa'i spang ba'i ltung byed kyi dngos gzhir 'gyur ro/ /dge slong la gser dngul la reg pa'i spang ba'i ltung byed byung la/ de ma spangs shing bral bar ma byas la ltung ba ma bshags par ram/ spangs shing bral bar ma byas la ltung ba ma bshags par ram/spangs shing bral bar byas la ltung ba ma bshags par rin po che de lta bu gzhan zhig rnyed na/ de yang snga ma'i shugs kyis spang bar 'gyur te/ de las ltung bar ni mi 'gyur ro/ /dge slong gis gser dngul la reg pa'i spang ba'i ltung byed byung la/ ji srid du spang ba'i dngos po las ma bshags shing so sor ma bshags par lhung bzed dam chos gos sam dra ba'am phor bu'am ska rags sam/ dge sbyong gi 'tsho ba'i yo byad gang yang rung ba gzhan nye bar 'jog na/ de yang snga ma'i shugs kyis spang bar 'gyur te/ de las ltung bar ni mi 'gyur ro//rkang pa'i drung dang 'thob par lcogs pa nyid kyi phyogs na 'dug pa'i rin po che bdag gir byas pa la na smad pa med do/ /lus dang ngag dang yid kyi rnam par rig byed gang yang rung ba bdag gir byas pa la na smad pa med do/ /rin po che'i rnam pa gang yang rung ba la na smad pa med do/ / gang rin po che rung bar ma byas pa la reg gam reg tu bcug pa la na smad pa med do/ /lus dang ngag dang yid kyi rnam par rig byed gang yang rung bas reg gam reg tu bcug pa la na smad pa med do/ /'di long shig /'di nas long shig /'di tsam long shig ces bya ba dang / 'di khyer shog /'di nas khyer shog /'di tsam khyer shog ces bya ba dang / 'di zhog shig /'dir zhog shig /'di tsam zhog shig ces bya ba dang / de long shig /de nas long shig /de tsam long shig ces bya ba dang / de khyer shog /de nas khyer shog /de tsam khyer shog ces bya ba dang /de zhog shig /der zhog shig /de tsam zhog shig ces bya ba'i gzhi bco brgyad kyi dngos gzhi la na smad pa med do/ /rin po che rdungs su byas pa dang / mngon mtshan can la na smad pa med do/ /'di'i byed pa po ni rin po che nor bu la sogs pa rung bar ma byas pa nyid yin no/ /'di la yan lag lngas dngos gzhi'i ltung bar 'gyur te/rin po che dang 'thob par lcogs pa nyid kyi phyogs na 'dug pa dang / bdag gir byas pa dang / rung bar ma byas pa dang / reg gam reg tu bcug pa'o/ /de dag las yan lag ma tshang na ci rigs par na smad do/ /de la rin po che zhes smos pa ni rin po che nor bu dang mu tig dang be+e DUr+ya dang shang ka shi la dang byi ru dang dngul dang gser dang rdo'i snying po dang spug dang dmar po dang /g.yas su 'khyil pa la sogs pa ma yin pa de dag las gzhan pa kha cig la ni nyes byas su 'gyur la/ kha cig ni ltung ba med pa'i phyir ro/ / 'thob par lcogs pa nyid kyi phyogs na 'dug pa zhes smos pa ni 'thob pa dang lag tu 'ong bar lcogs pa nyid kyi phyogs na 'dug pa la bdag gir byed na dngos gzhir 'gyur gyi/ de bas pha zad na 'dug pa la bdag gir byed pa ni phyed nyid du na smad de nyes byas su 'gyur ba'i phyir ro/ /bdag gir byas pa zhes smos pa ni bdag gir ma byas pa gzhan gyi la ltung byed du na smad pa'i phyir ro//rung bar ma byas pa zhes smos pa ni sbyin bdag bdag po nyid du mos su gzhug pa dang / zhal ta byed pa la sogs pa bdag po nyid du khas len du gzhug pa dang / byin gyis brlab pa zhes bya ba'i rung ba rnam pa gsum gang yang rung ba gcig byas pa la reg gam reg tu bcug pa la nyes pa med pa'i phyir ro//reg gam reg tu bcug pa zhes smos pa ni rang gi rung bar ma byas pa la reg gam reg tu ma bcug na ltung ba med pa'i phyir ro/ /sbyor ba gcig gis rin po che gcig gam gnyis sam mang po zhig bdag gir byas sam reg gam reg tu bcug na yang ltung ba'i dngos gzhi gcig rnam par gzhag go//sbyor ba'i ltung ba ni nyes byas te/ ji srid du gser dngul la reg pa'i spang ba'i ltung byed kyi sbyor ba brtsams nas/ dngos gzhi la ma thug gi bar du nyes byas so//dngos gzhi la sbyor ba tha dad pa ji snyed pa brtsams pa re re la nyes byas re re'o/ /'thob par lcogs pa nyid kyi phyogs pas pha zad na 'dug pa la bdag gir byed na nyes byas so/ /dong tse dang pa na la sogs pa'i ming dang mtshan ma byas pa la yul gyi tha snyad gdags su rung ba'i zangs ma la nyes byas so//rin po che yin yang gas pa dang chag pa dang dum bu dang tshig pa dang mngon mtshan can song na lan 'ga' nyo tshong byas pa'i dus kyang 'jig rten na mi grag pa dang / mngon mtshan can gyi zong du ma byas pa dang / mtshan dang mi ldan pa dang / sa dang rtswa dang rdo ba la sogs pa dag las nor bu dang /dong tse dang / mngon mtshan can dang / rgyan dang 'gron bu la sogs pa'i rnam par bcos pa nyo tshong gi tha snyad gdags su mi rung ba dag la nyes byas so/ /'di long shig /'di nas long shig /'di tsam long shig ces bya ba la sogs pa gzhi bco brgyad kyi sbyor ba la nyes byas so//sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te/ nyes byas phra mo'o/ /de yang dang po yid la sems pa ni sbyor ba'i sbyor ba'i nyes byas phra mo'o//de nas lus dang ngag gis sbyor ba ni sbyor ba'i nyes byas dngos so/ /de nas mthar thug pa ni spang ba'i ltung byed kyi dngos gzhi'o zhes bya bar shes par bya'o/ /ltung ba med pa ni dong tse dang pa na la sogs pa'i ming dang mtshan ma byas pa yul gyi tha snyad gdags su rung ba'i zangs ma las gzhan pa'i zangs ma la ltung ba med do//zha nye dang khro chu dang ro nye dang lcags dang rag na dang rno lcags dang khar ba dag la yang ltung ba med do/ /dge tshul dang dge tshul ma gnyis kyis rin po che la reg gam reg tu bcug pa la ltung ba med do/ /sbyin bdag bdag po nyid du mos su gzhug pa dang /zhal ta byed pa bdag po nyid du khas len du gzhug pa dang / byin gyis brlab pa zhes bya ba'i rung ba rnam pa gsum gang yang rung ba gcig byas pa bdag gir bya ba med pa la reg gam reg tu bcug pa la ltung ba med do/ /las dang po pa dang / smyos pa dang / sems 'khrugs pa dang /tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du gser dngul la reg pa'i spang bar 'gyur ba rnam pa thams cad mi bsten par bslab par bya'o/ /rang gi rin po che rung ba ma byas pa la reg gam reg tu bcug pa la na smad pa med do zhes smras na/rung ba gang ma byas na rung ba ma yin pa'i rung ba de ji 'dra ba zhig ce na/ de'i phyir sbyin bdag bdag po nyid du mos su gzhug pa dang / zhal te byed pa bdag po nyid du khas len du gzhug pa dang / byin gyis brlab pa zhes bya ba ni rung ba dag yin no zhes bya ba smos so//'dir gzhung ni de nas bcom ldan 'das 'di snyam du dgongs te/ kye ma bram ze dang khyim bdag dad pa can dag kyang gos kyi rin dag sbyin par byed la/ nga'i nyan thos rnams kyang gos kyi rin dag 'dod kyi ngas nyan thos rnams la rung bar bya ba cung zhig gnang bar bya'o snyam du dgongs nas/bcom ldan 'das kyis bka' stsal pa/ dge slong dag de lta bas na/ chos gos kyi rin dag rnyed pa na blang bar bya zhing blangs nas kyang sbyin pa dag de nyid la yid brtan te bcang bar bya bar ngas rjes su gnang ngo zhes gsungs pa de ni rung ba dang po yin no/ / de bzhin du dge slong rnams kyis ji srid 'tsho'i bar du rung ba ma yin pa'i dngos po gang cung zad ci snyed pa de dag thams cad kun dga' ra ba pa'am/ dge bsnyen zhal ta byed pa spro bar bya zhing de'i ming gis bcang bar bya'o zhes gsungs pa de ni rung ba gnyis pa yin no/ /sbyin bdag dang zhal ta byed pa de gnyis ji srid du gson pa dang /'dug pa dang 'tsho ba dang sdod pa'i bar du shin tu ring du song yang cho ga de gnyis nyams pa med do/ /rung ba gsum pa ni byin gyis brlab pa zhes bya ba yin par rig par bya ste/ de ltar yang 'dir gzhung ni rnam par 'byed pa dang / bram ze'i bu mos zhus pa las dge slong rnams kyis chos gos kyi rin dag rnyed la sbyin bdag med nas de dag 'gyod pa skyes te mi len pa'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ blang bar bya zhing blangs nas kyang dge slong gi mdun du 'greng ste 'di skad ces tshe dang ldan pa dgongs su gsol/bdag dge slong ming 'di zhes bgyi bas dngos po rung ba ma lags pa 'di rnyed de/ bdag dge slong ming 'di zhes bgyi bas dngos po rung ba ma lags pa 'di byin gyis brlab po/ /dngos po rung ba ma lags pa 'dis dngos po rung ba bsgrub par bgyi'o//lan gsum du bzlas/ thabs yin no/ /legs so zhes brjod par bya zhing / 'gyod par yang mi bya'o zhes gsungs pa yin no/ /'di'i cho ga ni len pa'i tshe rang gi lag gis mi blang bar mdun du gzhag ste/ cho ga dang sngags 'dis byin gyis brlabs pa yin no/ / rung ba rnam pa gsum po de dag ni bdag gir bya ba spang ba'i thabs yin te/ de gsum gang byas kyang rung ste/ bdag gir bya ba med na de'i tshe dngos po rung ba ma yin pa la dgos pa'i dbang gis reg gam reg tu bcug pa la ltung bar mi 'gyur ro/ /ji ste rung ba gsum yang byed bzhin du rdzas de la bdag nyid kyir bdag gir byed pa dang /rjes su 'brel na ni de lta na yang thams cad du ltung bar 'gyur ba kho na yin no/ /de'i phyir dge slong gis gos kyi rin rung ba ma yin pa dag rnyed pa na rung ba 'di gsum las gang yang rung ba gcig bya zhing rdzas de la bdag nyid kyir bdag gir byar med pa'i sems bskyed par bslab par bya'o//rung ba de dag gsum yang chos dang ldan pa'i don ni mi bdog pa'i rkyen las gzhan pa la mi 'chags te chos dang ldan pa'i don ces bya ba ni rang gi lhung bzed dang chos gos dang dra ba'am phor bu'am ska rags sam dge spong gi 'tsho ba'i yo byad gang yang rung ba dang /na ba'i rkyen dang sman gyi yo byad la sogs pa dag go/ /de dag mi bdog pa'i rkyen las gzhan pa zhes bya ba ni/ gal te chos dang ldan pa'i don bdog pa kho na yin bzhin du rung ba ma yin pa'i rdzas de la rung ba byed pa yang mi 'chags la/ chos dang ldan pa'i don mi bdog pa btsal ba'i rkyen las gzhan pa chos dang ldan pa'i don ma yin pa gzhan gyi ched du rdzas de rung bar byed na yang mi 'chags so/ /de lta bas na chos dang ldan pa'i don mi bdog pa'i rkyen las gzhan pa la rung ba de gsum byed du zin kyang dge slong des de la reg gam reg tu bcug na spang ba'i ltung byed du 'gyur bas/de lta bu'i mi 'chags pa mi bya bar bslab par bya'o/ /dge slong gtsug lag khang nas gzhan du 'gro dgos pa'i rkyen byung na/ dge 'dun gyi'am mchod rten gyi dbyig dang gser sbas te 'gro bar bya'o/ /de sba ba la kun dga' ra ba pa'am dge bsnyen nam/dge bsnyen dad pa can nam/ dge tshul dag med na dge slong rang gis sba bar bya'o/ /de sba ba la dong brko dgos pa la kun dga' ra ba pa'am/ dge bsnyen nam/ dge bsnyen dad pa can nam/ dge tshul med na dge slong rang gis brko bar bya'o/ /sbas pa de la 'jigs pa dang bral ba na kun dga' ra ba pa la sogs pa'i rnam pa de lta bu nyid kyis phyung ste dge 'dun la dbul bar bya'o//phongs pa'i dus dag tu gnang ba gang yin pa de bde ba'i dus dag tu spyad par mi bya bar bslab par bya'o/ /dge slong gis bdag nyid kyi lus 'tsho bar bya ba'i don du rdzas rung bar byas pa des bza' btung gi zas sbyor du gzhug tu rung bas de ltar bslab par bya'o//bza' ba de byed pa'i mi la zong dbul ba'i phyir yon bdag las rung ba byed pa'i lag nas kAr ShA pa Na blangs pa yang rung bas de ltar bslab par bya'o/ /dge slong lam du 'gro bas lam brgyags ni rin po che man chad las bskur du rung bas de ltar bslab par bya'o//'dir gzhung ni dge slong dag gis lam brgyags ji lta bu mi shes nas/ bcom ldan 'das kyis bka' stsal pa/ dge slong gi lam brgyags ni bza' ba lnga dang / bza' bar smos pa lnga dang / rin po che lnga dang /rin po cher smos pa lnga'o/ /bza' ba lnga gang zhe na/ 'bras chan dang / zan dron dang / sha dang / nya sha dang / snum khur ro/ /bza' bar smos pa lnga gang zhe na/ ci tse dang / khre rgod dang / rgya sran dang / bra rgod dang / khre'o/ /rin po che lnga gang zhe na/ gser dang / dngul dang / bai DUR+Ya dang / shel dang / mu tig go/ /rin po cher smos pa lnga gang zhe na/ zhe nye dang / zangs dang / ro nye dang / khro chu dang / lcags so zhes gsungs pa yin no/ /dge slong gis me'i don du me shel nye bar gzhag par bya'o/ /de ma sbas par gzhag par mi bya'o/ /ma byin par len pa la bsten par mi bya'o//des me phyung nas me ni ma byin par len pa la yang sbyin par bya'o/ /chu'i don du chu shel nye bar gzhag par bya'o/ /de bsrung ba la sogs pa'i cho ga yang snga ma bzhin no/ /shan bsre ba'i kha na ma tho ba dgag pa'i phyir yo byad rjes su gnang bar rin po che bdag gir bya ba'i shan bsre bar mi bya ba nyid do zhes bya ba smras te/rgya la sogs pa'i 'tshog chas ni yo byad de/ de ni rjes su gnang ba yin no/ /de rjes su gnang ba'i khongs su rin po che bdag gir bya ba'i shan bsre ba gzhug par mi bya ba nyid du bslab par bya'o/ /der yang 'dir gzhung ni phran tshegs dag las/bcom ldan 'das kyis bka' stsal pa/ de lta bas na dge slong dag gis rgya dang / khab dang / sman phor dang / phul ba'i btung phor bcang bar bya ba rjes su gnang ngo / /dge slong gis gser dang dngul dang bai DUr+ya dang shel las byas pa'i rgyal sogs pa bcang bar mi bya'o zhes gsungs pa yin no//gleng gzhi dag las kyang bcom ldan 'das kyis dud pa'i sman gce'u bcang bar bya'o zhes gsungs pa dang / zhus pa ji lta bu zhig bcang bar bgyi/ bka' stsal pa nye ba 'khor rin po che las byas pa ma gtogs so/ / snar blugs pa'i spyad dang / phul ba'i btung phor dang / khab dang / khab ral dang / mig sman gyi gab tse dang / sman phor dang / rkang rten dang / khri'u dang / sman gyi nal ze bcang bar bya'o/ /lcags kyi gar bu la lu gu rgyud gdags par bya'o zhes gsungs pa thams cad la yang ji lta bu zhig bcang bar bgyi zhes bya ba nas ji lta bu zhig gdags par bgyi zhes bya ba'i bar du zhus pa dang /nye ba 'khor rin po che las byas pa ma gtogs so zhes bka' stsal pa de lta bu'i tshig yod do/ /rag na dang zangs dang khar ba dang shing gi lhung bzed bdag gir mi bya'o/ /ra gan la sogs pa'i lhung bzed de dag bsnyen par rdzogs pa'i gnas skabs kyi sngon rol bsnyen par ma rdzogs pa'i tshe bdag gir byas pa'am/bdag gir ma byas pa gzhan dang 'brel pa dag kyang rung ste gal te yongs su spyad dgos pa de lta bu'i rkyen cig byung bar gyur na/ sman phor du bsngos te yongs su spyad par bya zhing /bsod snyoms la sogs pa la bskur bar bya bar bslab par bya'o/ /de la snga ma shos kyi lung ni 'di yin te/ nye bar ma bzhag pa dag ni nye bar gzhag par mi bya'o zhes gsungs pa'o/ /phyi ma shos kyi lung ni 'di yin te/ nye bar bzhag pa dag ni sman phor gyi yongs su spyad pas yongs su longs spyad par bya'o zhes gsungs pa yin no//lhung bzed byin gyis brlab tu rung ba ni gnyis te/ lcags las byas pa dang / sa las byas pa'o/ /de gnyis byin gyis brlab par bya'o/ /rin po che'i rnam pa bstan pa'i phyir nor bu dang / mu tig dang / bai DUr+ya dang / shang ka shi la dang / byi ru dang / dngul dang / gser dang / rdo'i snying po dang / spug dang / dmar po dang / g.yas su 'khyil pa la sogs pa ni rin po che'o zhes bya ba smras te/ de dag bdag gir mi bya ba dang / rung bar ma byas pa la reg gam/ reg tu mi gzhug par bslab par bya'o//sangs rgyas kyi sku gdung la sogs pa yang de bzhin no/ /phyir bcos pa ni snga ma bzhin no/ /gser dngul la reg pa'i spang ba ste bco brgyad pa bshad zin to// //so sor thar pa'i mdo rgya cher 'grel pa 'dul ba kun las btus pa/ bam po bcu drug pa/mngon mtshan can gyis spyod pa'i spang ba'i gleng gzhi ni byung ba dang bcas pa'i dbang gis rnam pa gnyis te/ de la re zhig byung ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe bcom ldan 'das 'jig rten du byung ba de'i tshe na thams cad du yul dbus su sangs rgyas bcom ldan 'das byung ngo zhes sgra grags te/de'i nyan thos rnams 'bar ba dang gsal ba dang char 'bab pa dang / glog 'byin pa'i cho 'phrul dag byed pas gang dag de la mchod pa dag byed pa de dag gi mchod pa byas pa de dag ni shin tu 'bras bu che ba dang /phan yon che ba dang / gsal ba che ba dang / rgyas pa chen po kho nar 'gyur ro zhes byang phyogs pa'i tshong pa dag gis thos nas de dag gis smras pa/ shes ldan dag yul dbus su 'dong ngo / /der khe spogs mang po yang bsgrub par bya/ sangs rgyas dang / chos dang dge 'dun dag la yang mchod pa bya'o zhes byang phyogs pa'i tshong pa de dag zong thogs te yul dbus su 'phags nas mthar gyis mnyan yod du phyin to/ /mnyan yod na shes pa can rtsis mkhan pa zhig 'dug pa des byang phyogs nas tshong pa don mthun dag 'ongs zhes thos nas/des bsams pa/ song ste je bltas na der cung zad 'thob po snyam nas des cung zad dmigs pas kyang shes/ cung zad rtog gis kyang shes nas/ des song ste ded dpon la ming dang rus nas brjod cing ming 'di zhes bya ba 'ongs pa legs so/ /'ongs pa legs so/ /khyod kyi ma ni ming 'di zhes bya/khyod kyi pha ni ming 'di zhes bya/ khyod kyi rdzas ni 'di snyed cig 'ongs so/ /nyi ma mang ge mo zhig la ni khal 'jig par 'gyur ro/ /khe spogs ni 'di snyed cig 'grub par 'gyur ro zhes smras pa dang / ded dpon des bsams pa/ bcom ldan 'das kyi nyan thos gang dag 'bar ba dang /gsal ba dang / char 'bab pa dang / glog 'byin pa'i cho 'phrul byed ces grags pa de dag las 'ga' zhig 'di yin gor ma chag snyam nas/ des de la dad pas byang phyogs kyi nags kyi 'bras bus slong phor bkang ste byin nas/ la ba srin bu'i mdog lta bu cig kyang bskon no//shes pa can des de blangs shing gyon te/ tshangs pa mtshungs par spyod pa rnams kyi gan du song ba dang / de dag gis de mthong nas smras pa/ shes pa can khyod kyis mgo bzlog ste/ nyal ba gang zhig las bzlog /des smras pa/ byang phyogs nas tshong pa don mthun pa 'ongs nas der kho bos ded dpon la ming dang rus nas brjod nas/des kho bo la dad pas dad pa'i dbang du byas pa yin no/ /de dag gis smras pa/ shes pa can bdag cag la shAkya'i bu'i dge sbyong de dag rtag tu khyed cag la tha ga pa dag dang phreng rgyud dag dang 'bru mar mkhan dag las gzhan pa mi gtso bo 'ga' yang mngon par dad par mi byed do zhes tho 'tshams par byed kyi khyod la ba 'di gyon te song la shAkya'i bu'i dge sbyong de dag gi snying dag gas par gyis shig /de ltar bya'o zhes smras te/ de nas shes pa can de la ba de gyon nas rgyal byed kyi tshal du song ngo / /drug sde dag gi kun du spyod pa ni 'dir bdag cag gis bram ze dang khyim bdag 'ongs pa rnams la yang chos bstan par bya/rgol ba dag kyang tshar gcad par bya/ rang gi grags pa yang bsgrag par bya'o snyam nas drug sde las gang yang rung bas rgyal byed kyi tshal gyi sgo stong bar mi 'jog pas nye dga' rgyal byed kyi tshal gyi sgo na 'chag cing 'dug pa des shes pa can de thag ring po kho na nas mthong ngo //de nas nye dgas bsams pa/ gcer bu pa ngan pa 'di la ba bzang po zhig gyon te 'ongs kyi/ gal te bdag gis de ma phrogs na nye dga' zhes bya ba'i ming mi gzung ngo snyam nas/des de la smras pa/ shes pa can khyod gcer bu pa yin la la ba 'di lta bu gyon na phyir babs sam ci/ kho bos phyir ma babs te/ 'di ltar byang phyogs nas tshong pa don mthun 'ongs nas der kho bos ded dpon la ming dang rus nas brjod nas des kho bo la dad pas dad pa'i dbang du byas pa byin no//ma legs so ma legs so/ /khyod kyis rgas pa'i gnas skabs su tshul khrims 'chal ba kun du spyod do/ /tshur shog 'dug shig dang chos bstan par bya'o/ /shes pa can de nye dga'i mdun du 'dug pa dang / nye dga' yid dga' zhing yid dga' nas de la sbyin pa'i bsngags pa brjod par brtsams so//drug sde dag gi kun du spyod pa ni gal te tshul khrims kyi gtam dag byed na nyan pa po dag bdag cag lha rnams su skyes so snyam du sems la/ gal te sbyin pa'i gtam dag byed na/ nyan pa po dag rang gi sha gang yin pa de yang bcad cing bcad cing sbyin par bya'o snyam du sems so//gal te ngan song gi gtam dag byed na nyan pa po dag bdag cag ngan song rnams su skyes so snyam du sems par 'gyur ba yin pas nye dgas shes pa can de la smras pa/ shes pa can khyod kyi ston pa ni ngan pa la mos pa yin te/ gal te de bzang po 'dod par gyur na des khyod cag la gos 'bum ri ba dang /zas ro brgya dang ldan pa dang khang pa brtsegs pa mig lnga brgya pa yang gnang bar 'gyur ba zhig na ma gnang ngo / /kho bo cag gi ston pa ni bzang po la mos pa yin pas de kho bo cag la gos 'bum ri ba dang zas ro brgya dang ldan pa dang khang pa brtsegs pa mig lnga brgya pa yang gnang ngo //gal te khyod la ba 'di lta bu gyon te slong mo la 'gro bar gyur na bram ze dang khyim bdag dad pa can dag gis shes pa can 'dis tshul khrims 'chal pa kun du spyod do snyam du shes pas khyod kyi slong mo yang mi rnyed par 'gyur gyi khyod kyi la ba 'di kho bo la byin cig dang /kho bos khyod la la ba gzhan zhig sbyin no/ /kho bo la ba 'di gyon te bsod snyoms la 'jug pa na/ bram ze dang khyim bdag dad pa can dag gis kho bo mthong nas btsun pa nye dgas la ba 'di lta bu ga las rnyed ces zer na kho bos de dag la 'di skad ces shes pa can che ge mo zhig gis byin no zhes brjod par bya'o//des na de dag gis shes pa can dad pa dang ldan par gyur to snyam du shes par 'gyur zhing de dag gis khyod slong mo la zhugs pa la chang dang nur rdzis slong phor bkang ste sbyin par 'gyur ro/ /des smras pa/ btsun pa nye dga' ba zhes shig /nye dgas smras pa/shes pa can khyod kyi tshangs pa mtshungs par spyod pa dag ni tshul khrims 'chal pa yin pas khyod de dag gi tshig thos nas yang phyir 'phrog tu 'ong bar 'gyur ba de lta bu'i gnas yod do/ /btsun pa nye dga' ji kho bo'i la ba 'di tshangs pa mtshungs par spyod pa de dag dbang ba yin nam/la ba 'di ni kho bo nyid dbang ba yin gyi bzhes shig dang slar 'phrog tu mi mchi'o/ /nye dgas la ba de blangs nas klam rtsub mo gzhan zhig de la byin nas shes pa can de klam rtsub mo de gyon nas tshangs pa mtshungs par spyod pa rnams kyi gan du phyir song ba dang / de dag gis de mthong nas smras pa/shes pa can khyod kyis yang mgo bsgyur te nyal ba gang las thob/ des smras pa/ 'di ni blo gzhan nas grub pa yin no/ /ji ltar 'gyur/ kho bos la ba de btsun pa nye dga' la byin nas des kyang kho bo la la ba 'di byin no/ /de dag gis spyos te smras pa/ shes pa can shAkya'i bu'i dge sbyong rnams ni yu bu cag gson pas kyang mi dga' ba yin no//drug sde dag ji lta bar gzhan de lta ma yin pa la/ nye dga' ji lta bar drug sde gzhan de lta ma yin no/ /gal te khyod kyis dge slong gnas brtan gzhan 'ga' zhig la byin par gyur na/ kho bo cag kyang rjes su yi rang bar byed na khyed kyis nye dga' la byin te/de ni bdag cag la zong gis kyang khrag gi phyis bu len par 'dod pa yin gyi gal te la ba khyer te 'ongs na de lta na legs/ gal te khyer te mi 'ong na kho bo cag gis khyod tshangs pa mtshungs par spyod pa'i nang nas gnas nas dbyung bar bya zhing / tshul shing yang dbyung bar bya/spang leb khri'u yang bsgyur bar bya/ slong phor yang khas dbub par bya/ khar ba yang dor bar bya'o/ /de skrag nas nye dga' ga la ba der song ba dang nye dgas thag ring po kho na nas de 'ong ba mthong nas/ des bsams pa/ shes pa can 'gros 'di lta bus 'ong ba 'di ni bdag gi la ba 'phrog par byed pa yin no snyam nas/de gtsug lag khang gi nang du zhugs nas sgo bcad de 'dug go/ /shes pa can des sgo brdung bar brtsams te/ btsun pa nye dga' btsun pa nye dga' zhes bos pa dang / nye dga' cang mi smra bar 'dug go/ /dge slong rnams kyis de la smras pa/ shes pa can khyod la btsun pa nye dgas ci bya/des smras pa/ des kho bo'i la ba zhig khyer ro/ /shes pa can gal te khyod la ba 'dod na song la bcom ldan 'das la skyabs sgrubs shig /de bcom ldan 'das ga la ba der song ba dang / bcom ldan 'das kyis shes pa can de thag ring po kho na nas 'ongs pa gzigs so//gzigs nas kyang dge slong rnams la bka' stsal pa/ dge slong dag khyed shes pa can thag ring po kho na nas 'ong ba la ltos shig /btsun pa bka' bzhin 'tshal/ 'di ni la ba'i phyir 'ongs te gal te la ba thob na de lta na legs/ gal te ma thob na khrag tsha ba skyugs te dus byed par 'gyur ro//de nas shes pa can de phyin nas bcom ldan 'das la 'di skad ces gsol to/ /bcom ldan 'das btsun pa nye dgas bdag gi la ba 'tshal ba de bcom ldan 'das kyis bdag la slar stsal du stsol cig /gal te bcom ldan 'das kyis bdag la la ba slar stsal du ma stsal na/'di ltar bdag tshangs pa mtshungs par spyod pa'i nang nas gnas nas phyung bar 'gyur zhing tshul shing yang phyung bar 'gyur/ spang leb khri'u yang bsgyur bar 'gyur/ slong phor yang khas phub par 'gyur/ khar ba yang bor bar 'gyur ro/ /de nas bcom ldan 'das kyis tshe dang ldan pa kun dga' bo la bka' stsal pa/kun dga' bo song la nye dga'i gan du song ste shes pa can gyi la ba phyir byin cig /gal te ma byin na shes pa can 'di khrag tsha ba skyugs te dus byed par 'gyur ba'i gnas de lta bu yod do zhes gyis shig /tshe dang ldan pa kun dga' bos btsun pa bka' bzhin 'tshal zhes bcom ldan 'das kyi bka' mnyan nas/nye dga' ga la ba der song ba dang / nye dgas tshe dang ldan pa kun dga' bo thag ring po kho na nas 'ong ba mthong nas/ des bsams pa/ shes pa can gyis pho nya 'di lta bu khrid de 'ong bas 'dis kho bo'i la ba phrog par 'gyur ro snyam mo//de nas tshe dang ldan pa kun dga' bos nye dga' la 'di skad ces smras so/ /bcom ldan 'das kyis bka' stsal pa/ shes pa can gyi la ba phyir byin cig gal te 'di'i la ba phyir ma byin na/ shes pa can 'di khrag tsha ba skyugs te dus byed par 'gyur ba'i gnas de lta bu yod par 'gyur ro zhes 'byung ngo //nye dgas smras pa/ btsun pa kun dga' bo ston pa'i bka' mnyan par zad kyi gzhan du na sgre byi gcer bu 'di khrag tsha ba skyugs te dus byed par 'gyur ba las/ gal te shes pa can sha stag gis 'dzam bu'i gling 'di lta ste dper na/bu ram shing gi tshal lam/ 'dam bu'i tshal lam/ 'od ma'i tshal bzhin du gang bar gyur la/ de dag thams cad khrag tsha ba skyugs te kha dag cing dus byed par gyur kyang / nye dga'i spu'i rtse mo tsam yang mi g.yos te/ 'on kyang bzhud cig dang sbyin no/ /de nas tshe dang ldan pa kun dga' bo song ba dang /nye dgas smras pa/ kwa ye gcer pu pa nyon cig /khyod kyi ston pa brdzun ma des brdzun du smra bas 'jig rten bslus nas/ sems can dmyal ba rnams su skyes te de'i lce la thong gshol lnga brgyas rmed par byed na/ khyod kyang de bas kyang brdzun ma chen po yin pas khyod kyi lce la yang thong gshol stong gis rmo bar yang 'gyur ro//gzhan yang kho bo'i la ba khyod kyis spyad na ci kho bos kyang khyod kyi la ba spyad snyam mam/ btsun pa nye dga' ma lags so/ /nye dgas de'i la ba des mdoms kyi phyogs thams cad phyis nas bzhi bltab tu bltab ste lag pa g.yon pa'i steng du bzhag nas lag pa g.yas pas thal lcag gis bsnun pa dang rim pa thams cad rdol bar gyur nas smras pa/shes pa can lag pa gnyis rkyong shig /des lag pa gnyis brkyang ba dang / nye dga'i lag pas de khas bub tu sgyel bar 'gyur ba de lta bu'i shugs kyis la ba lag tu byin pa dang /de khas bub tu sgyel nas/ nye dgas rdog pas bsnun te smras pa/ gcer bu ba sgre byi gtsug lag khang slad pas ma bslad par song shig /btsun pa nye dga' gal te ma gum na mchi ste/ slan chad rgyal byed kyi tshal du mi mchi'o/ /de ni re zhig byung ba yin gyi bcom ldan 'das re zhig 'dul ba la nyan thos rnams kyi bslab pa'i gzhi 'cha' bar ni mi mdzad de/yul ni mnyan yod/ gang zag ni nye dga'/ nyon mongs pa ni 'dod zhe na/ nyes pa ni gcer bu pa'i la ba mngon mtshan can zhe nom byas pa'o/ /bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//de'i tshe na dge slong drug sde dag mngon mtshan can gyis spyod pa rnam pa sna tshogs byed de/ kun du sbyor bar byed/ rab tu sbyor bar byed/ bun 'gyed par byed/ skyed 'gyed par byed/ byas pa'i phyir byas pa dang /byas pa'i phyir ma byas pa dang / ma byas pa'i phyir byas pa dang / ma byas pa'i phyir ma byas par gtong bar byed do/ /ji ltar kun du sbyor bar byed ce na/ kun du rtsom par byed/ yul tshol bar byed/ shing rta sogs par byed/ yul du 'gro ba'i rdzas shom par byed/ le'u pa dang / gro ba dang / snag tsa dang / smyu gu dang / yi ge pa tshol bar byed de/ de ltar kun du sbyor bar byed do/ /ji ltar rab tu sbyor bar byed ce na/ brgyad shas dang / bcu shas dang / bcu gnyis kyi shas kyi phyir dpang po dang / gro ba dang / snag tsa dang / smyu gu dang / yi ge pa tshol bar byed do/ /de ltar rab tu sbyor bar byed do//ji ltar bun 'gyed par byed ce na/ nas dang 'bru rnying pa gsar byed dang nyes sde'i phyir gtong ba dang / gzhal ba'i snod dang bre'u chung ngu dang / phul dang / gro ba dang / snag tsa dang / smyu gu dang / yi ge pa tshol bar byed de/ de ltar bun 'gyed par byed do/ /ji ltar skyed 'gyed par byed ce na/dung gi tshogs kyi phyir nor bu'i tshogs gtong bar byed pa dang / nor bu'i tshogs kyi phyir mu tig gi tshogs gtong bar byed pa dang / mu tig gi tshogs kyi phyir bai DUr+ya'i tshogs gtong bar byed cing / dpang po dang gro ba dang / snag tsa dang / smyu gu dang / yi ge ba tshol bar byed de/de ltar skyed 'gyed par byed do/ /ji ltar byas pa'i phyir byas pa gtong bar byed ce na/ gser mngon mtshan can gyi phyir mngon mtshan can gtong bar byed de/ de ltar byas pa'i phyir byas pa gtong bar byed do/ /ji ltar byas pa'i phyir ma byas pa gtong bar byed ce na/ gser mngon mtshan can gyi phyir mngon mtshan can med pa gtong bar byed de/de ltar byas pa'i phyir ma byas pa gtong bar byed do/ /ji ltar ma byas pa'i phyir byas pa gtong bar byed ce na/ gser mngon mtshan can ma yin pa'i phyir mngon mtshan can gtong bar byed de/ /de ltar ma byas pa'i phyir byas pa gtong bar byed do//ji ltar ma byas pa'i phyir ma byas pa gtong bar byed ce na/ gser mngon mtshan can ma yin pa'i phyir mngon mtshan can ma yin pa gtong bar byed de/ de ltar ma byas pa'i phyir ma byas pa gtong bar byed nas gzhan mu stegs can dag shes ldan dag shAkya'i bu'i dge sbyong rnams ni ma log ma spangs so sor ma spangs pa yin te/'di ltar mngon mtshan can gyis spyod pa rnam pa sna tshogs byed de/ kun du sbyor bar byed/ rab tu sbyor bar byed/ bun 'gyed par byed/ skyed 'gyed par byed/ byas pa'i phyir byas pa dang / byas pa'i phyir ma byas pa dang /ma byas pa'i phyir byas pa dang / ma byas pa'i phyir ma byas par gtong bar byed do/ /bram ze dang khyim bdag rnams kyang mngon mtshan can gyis spyod pa rnam pa sna tshogs byed de/ kun du sbyor bar byed/ rab tu sbyor bar byed/ bun 'gyed par byed/ skyed 'gyed par byed/ byas pa'i phyir byas pa dang /byas pa'i phyir ma byas pa dang / ma byas pa'i phyir byas pa dang / ma byas pa'i phyir ma byas pa gtong bar byed na/ shes ldan dag shAkya'i bu'i dge sbyong rnams dang / bram ze dang khyim bdag rnams la bye brag ni ci yod/ bsam pa ni ci yod/ tha dad du bya ba ni ci yod/su zhig dge sbyong mgo reg 'di dag la bsod snyoms sbyin pa dang / bya bar sems zhes smod par byed/ phyar kha gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ drug sde dag la rmas nas/ rnam grangs du mar smad de/ bslab pa bca' ba'i phan yon bcu yang dag par gzigs pas/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang mngon mtshan can gyis spyod pa rnam pa sna tshogs byed na spang ba'i ltung byed do zhes bca' ba mdzad de/ yul ni mnyan yod/ gang zag ni drug sde/ nyon mongs pa ni dge sbyong gi tshul ma yin pa byed 'dod pa/ nyes pa ni mngon mtshan can gyis spyod pa rnam pa sna tshogs byed pa'o/ /de la yang dge slong gang zhes bya ba ni drug sde dag gam gzhan yang de lta bu gang yin pa'o//mngon mtshan can gyis spyod pa zhes bya ba ni khe spogs 'dod pa nyid kyis pa na dang rin po che la sogs pa mngon mtshan can gyis spyod pa'o/ /rnam pa sna tshogs zhes bya ba ni rnam pa du ma'o/ /byed na zhes bya ba ni kun du sbyor bar byed pa dang /rab tu sbyor bar byed pa dang / bun 'gyed par byed pa dang / skyed 'gyed par byed pa dang / byas pa'i phyir byas pa dang / byas pa'i phyir ma byas pa dang / ma byas pa'i phyir byas pa dang / ma byas pa'i phyir ma byas pa gtong ba lhag par spyod par byed na'o/ / spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang /bslab par bya ba dang / phyir bcos pa rnams kyis 'di'i mtshan nyid shes par bya'o/ /de la spang ba snga ma dang 'di dang 'og ma gsum gyi yul la bye brag ni 'di yin par rig par bya ste/ snga ma ni rin po che la sogs pa la reg pa las so/ /'di ni khe spogs 'dod pa nyid kyis pa na dang rin po che la sogs pa spyod pa las so//'og ma ni gang yang rung bas rnyed pa 'dod cing nyo tshong la sogs pas spyod pa las skyed phyin na'o/ /de ltar bye brag bstan nas/ da ni spang ba'i dngos gzhi'i ltung ba rnam par gzhag pa bstan par bya ste/ dge slong gis rnyed pa 'dod pas pha rol po khyim pa nyid dang nye du ma yin pa nyid la pa na dang rin po ches spyod pa las skyed phyin na skyed de las mngon mtshan can gyis spyod pa'i spang ba'i ltung byed kyi dngos gzhir 'gyur ro//dge slong la mngon mtshan can gyis spyod pa'i spang ba'i ltung byed byung na/ de ma spangs shing bral bar ma byas la ltung ba ma bshags par ram/spangs shing bral bar ma byas la ltung ba ma bshags par ram/ spangs shing bral bar byas la ltung ba ma bshags par mngon mtshan can gyis spyod pa de lta bu gzhan zhig rnyed na de yang snga ma'i shugs kyis spang bar 'gyur te/ de las ltung bar ni mi 'gyur ro//dge slong gis mngon mtshan can gyis spyod pa'i spang ba'i ltung byed byung la/ ji srid du spang ba'i dngos po las ma bshags shing so sor ma bshags par lhung bzed dam chos gos sam dra ba'am phor bu'am ska rags sam/ dge sbyong gi 'tsho ba'i yo byad gang yang rung ba gzhan nye bar 'jog na de yang snga ma'i shugs kyis spang bar 'gyur te/de las ltung bar ni mi 'gyur ro/ /kun du sbyor bar byed pa dang / rab tu sbyor bar byed pa dang / bun 'gyed par byed pa dang / skyed 'gyed par byed pa dang / byas pa'i phyir byas pa dang / byas pa'i phyir ma byas pa dang / ma byas pa'i phyir byas pa dang /ma byas pa'i phyir ma byas pa gtong bar byed pa la na smad pa med do/ /rnyed pa 'dod pa skyed 'dod pas pa na dang rin po che la sogs pa spyod pa las skyed phyin pa la na smad pa med do/ /bdag nyid kyi don du rnyed par 'dod pa nyid kyi dngos gzhi la na smad pa med do/ /pha rol po khyim pa nyid dang nye du ma yin pa nyid la na smad pa med do//rtsa ba bas sngon nam phyis skyed thob pa la na smad pa med do/ /bshags pa'i dus na yang skyed nyid spang bar 'os pa nyid yin gyi rtsa bar gyur pa'i rdzas ni ma yin no/ /gang gi tshe skyed dang rtsa ba gnyis dus gcig tu byung na de'i tshe cha gang las ltung ba 'byin pa po'i gang zag skyed du gyur pa nyid du lhag par chags pa skye ba de nyid spang bar bya ba yin no//skyed phyin pa la na smad pa med do zhes smras na skyed phyin pa ni tshong la sogs pa las kyang 'byung la khe spogs 'dod pa nyid las kyang 'byung na de'i phyir mngon mtshan can gyis spyod pa'i spang ba 'di la skyed gang las phyin na dngos gzhi'i ltung bar 'gyur zhe na/de'i phyir pa na'am rin po ches spyod pa las so zhes bya ba smras te/ pa na dang rin po che dag gis rnyed pa'i don du skyed skye zhing spyod pa gang yin pa de las skyed gang phyin pa de la mngon mtshan can gyis spyod pa'i spang bar 'gyur ro//gal te dge slong gis mngon mtshan can gyis spyod pa'i phyir rin po che la sogs pa la reg gam gzhan reg par byed du 'jug na de de lta na ni reg gam reg tu 'jug pa las byung ba'i spang ba'i ltung byed snga mas bsdus pa yin par rig par bya'i 'dir gtogs par bya ba ni ma yin no/ / dge slong gang gis nyo tshong ma byas par snga ma bskyed pa tsam kho na las rnyed pa grub na yang 'dir gtogs pa'i kha na ma tho ba'i dngos gzhir 'gyur ro/ /lus dang ngag dang yid kyi rnam par rig byed gang yang rung bas bskyed pa la na smad pa med do/ /pa na dang rin po che'i rnam pa gang yang rung bas spyad pa la na smad pa med do//rin po che rdungs su byas pa dang mngon mtshan can la na smad pa med do/ /'di'i byed pa po ni rnyed pa 'dod pa dang pha rol po khyim pa nyid dang nye du ma yin pa nyid dang / pa na dang rin po ches spyad pa dang / skyed phyin pa nyid yin no/ /'di la yan lag lngas dngos gzhi'i ltung bar 'gyur te/rnyed pa 'dod pa dang / pha rol po khyim pa nyid dang nye du ma yin pa nyid dang / pa na dang rin po ches spyad pa dang / skyed phyin pa'o/ /de dag las yan lag ma tshang na ci rigs pa na smad do/ /de la rnyed pa 'dod pa zhes smos pa ni rnyed pa 'dod pa'i ltung ba 'byin pa po de la ltung ba 'di rnam par gzhag gi thob pa tsam la na smad pa'i phyir ro//pha rol po khyim pa nyid dang nye du ma yin pa nyid ces smos pa ni pha rol po gang dang lhan cig tu mngon mtshan can gyis spyod pa 'di byed pa de gal te/ khyim pa nyid dang nye du ma yin pa nyid yin na de'i tshe dngos gzhi'i ltung bar 'gyur gyi de las gzhan pa la na smad pa'i phyir ro//pa na dang rin po ches spyad pa zhes smos pa ni pa na dang rin po che dag gis rnyed pa'i don du skyed bkye zhing spyod pa gang yin pa de las skyed gang phyin pa de la mngon mtshan can gyis spyod pa'i spang bar 'gyur gyi/ nyo tshong la sogs pa las skyed phyin pa ni nyo tshong byed pa'i spang ba'i skabs yin pa'i phyir ro//skyed phyin pa'o zhes smos pa ni gang gi tshe skyed phyin pa de'i tshe na dngos gzhi'i ltung bar 'gyur gyi/ skyed med na ni sbyor ba tsam du zad pa'i phyir ro/ /sbyor ba gcig gis mngon mtshan can gcig gam gnyis sam mang po zhig gis spyad na yang ltung ba'i dngos gzhi gcig rnam par gzhag go//sbyor ba'i ltung ba ni nyes byas te ji srid du mngon mtshan can gyis spyod pa'i spang ba'i ltung byed kyi sbyor ba brtsams nas dngos gzhi lam thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//gal te bdag nyid kyi don du rnyed pa 'dod pa nyid yin na ni sbyor ba la nyes byas so/ /gzhan gyi don du na ni dngos gzhi'i gnas skabs la nyes byas su 'gyur la/ sbyor ba la nyes byas phra mor 'gyur ro/ /pha rol po khyim pa nyid ma yin pa dang nye du nyid la nyes byas so/ /skyed ma phyin na nyes byas so//rnyed pa ma grub na ni de'i tshe sbyor ba zhes bya ba'i nyes byas su 'gyur te/ 'di la nyo tshong ni yan lag ma yin pa'i phyir ro/ /skyed grub pa bas mdun rol du dge slong gis rnyed pa bsgrub pa'i phyir brtsal ba gang cung zad byed na brtsal ba de dag thams cad ni gcig pa nyid yin pas de'i phyir sbyor ba la ni gcig pa nyid do zhes smras te/de ltar yang 'dir gzhung ni ji srid du rnyed pa sgrub par mi byed kyi bar du ni nyes byas so/ /rnyed pa bsgrubs na ni spang ba'i ltung byed du 'gyur ro zhes gsungs pa yin no/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /de yang dang po yid la bsams pa ni sbyor ba'i sbyor ba'i nyes byas phra mo'o/ /de nas lus dang ngag gis sbyor ba ni sbyor ba'i nyes byas dngos so/ /de nas mthar thug pa ni spang ba'i ltung byed kyi dngos gzhi'o zhes bya bar shes par bya'o//gzhan gyi don du rnyed pa 'dod pa nyid yin na sbyor ba la nyes byas phra mo'o/ /ltung ba med pa ni dkon mchog gi don du bskyed pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ / bslab par bya ba ni dge slong gis yul thams cad la gnas skabs thams cad du mngon mtshan can gyis spyod pa'i spang bar 'gyur ba rnam pa thams cad mi bsten par bslab par bya'o/ /dge 'dun gyi phyir mkhar lan gyi rgyu mi zad pa blang bar bya'o/ /dge slong gi dge 'dun gyi gtsug lag khang ni sum rtseg tu bya'o//dge slong ma'i dge 'dun gyi dbyar khang ni nyis rtseg tu bya'o/ /dge 'dun gyi phyir mkhar lan gyi rgyu mi zad pa rab tu sbyar bar bya'o/ /sangs rgyas dang chos dang dge 'dun gyi phyir mi zad pa rab tu sbyar bar bya zhing de las skyed gang grub pa des sangs rgyas dang chos dang dge 'dun la mchod par bya'o//yon bdag de dag nyid dang phyug po dag dang dbul po dag la gtang bar mi bya'o/ /kun dga' ra ba pa'am/ dge bsnyen dag yod na bsgo bas dkon mchog gi don du bskyed par bya'o/ /gta' nyi rir blang bar bya'o/ /dpang po dang lo dang zla ba dang nyi ma dang dge 'dun gyi gnas brtan dang dge skos dang len pa po dang rdzas dang skyed rnams dpang rgyar bris nas skyed du gtang bar bya'o//rgyus shes pas de gzhan la yang khong du chud par bya'o/ /'dir de dag gi gzhung ni ma mo las 'di lta ste/ yangs pa can gyi tshong pa rnams kyis bcom ldan 'das kyis mchod rten yang byed du bcug /gtsang khang phyur bu yang byed du bcug nas dge slong rnams la mchod rten dang / gtsang khang phyur bu dag zhig ral du mi 'gyur ba'i yo byad rjes su gtad pa na dge slong dag 'gyod cing len par mi byed pa'i skabs de dge slong rnams kyis bcom ldan 'das la gsol ba dang /bcom ldan 'das kyis bka' stsal pa/ kun dga' ra ba pa'am/ dge bsnyen dag gis mchod rten zhig ral du mi 'gyur ba'i yo byad blang bar bya zhing blangs nas kyang bskyed par bya ste/ de las rnyed pa ji tsam byung ba des mchod rten la mchod pa bya bar ngas rjes su gnang ngo zhes gsungs pa dang /gzhan las kyang dge slong gnyug mar gnas pa dag gis dge slong glo bur du lhags pa dag la gang zag che ge mo las zla ba re re zhing 'di tsam zhig mnod do zhes brjod par bya'o zhes gsungs pa yin no/ /phyir bcos pa ni snga ma bzhin no mngon mtshan can gyis spyod pa'i spang ba ste bcu dgu pa bshad zin to// //nyo tshong byed pa'i spang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong drug sde dag nyo tshong rnam pa sna tshogs byed de/ len par byed/ gtong bar byed/ nyo bar byed/ 'tshong bar byed do/ /ji ltar len par byed ce na/ gang gi tshe ljongs su lo legs shing grong khyer du lo nyes pa de'i tshe ljongs nas grong khyer du len par byed de/ de ltar len par byed do/ /ji ltar gtong bar byed ce na/ gang gi tshe grong khyer du lo legs shing ljongs su lo nyes pa de'i tshe na grong khyer nas ljongs su gtong bar byed de/de ltar gtong bar byed do/ /ji ltar nyo bar byed ce na/ gang gi tshe rin chung ba de'i tshe na nyo bar byed de/ de ltar nyo bar byed do/ /ji ltar 'tshong bar byed ce na/ gang gi tshe rin che ba de'i tshe na 'tshong bar byed de/de ltar 'tshong bar byed nas gzhan mu stegs can dag shes ldan dag shAkya'i bu'i dge sbyong rnams ni ma log ma spangs so sor ma spangs pa yin te/ 'di ltar nyo tshong rnam pa sna tshogs byed de/ len par byed/ gtong bar byed/ nyo bar byed/ 'tshong bar byed cing bram ze dang khyim bdag rnams kyang nyo tshong rnam pa sna tshogs byed de/len par byed/ gtong bar byed/ nyo bar byed/ 'tshong bar byed na/ shAkya'i bu'i dge sbyong rnams dang bram ze dang khyim bdag 'di dag la bye brag ni ci yod/ bsam pa ni ci yod/ tha dad du bya ba ni ci yod/ su zhig dge sbyong mgo reg 'di dag la bsod snyoms sbyin pa dang /bya bar sems zhes smod par byed/ phyar kha gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/drug sde rnams la rmas nas/ rnam grangs du mar smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang nyo tshong rnam pa sna tshogs byed na spang ba'i ltung byed do zhes bca' ba mdzad de/yul ni mnyan yod/ gang zag ni drug sde/ nyon mongs pa ni dge sbyong gi tshul ma yin pa byed 'dod pa/ nyes pa ni nyo tshong rnam pa sna tshogs byed pa'o/ /de la yang dge slong gang zhes bya ba ni drug sde dag gam/ gzhan yang de lta bu gang yin pa'o//nyo tshong zhes bya ba ni gang yang rung bas rnyed pa 'dod cing nyo tshong byed pa'o/ /rnam pa sna tshogs zhes bya ba ni rnam pa du ma'o/ /byed na zhes bya ba ni len par byed pa dang / gtong bar byed pa dang / nyo bar byed pa dang / 'tshong bar byed pa dag lhag par spyod par byed na'o/ / spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ste/ des na spang ba'i ltung byed do zhes gsungs so/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang /bslab par bya ba dang / phyir bcos pa rnams kyis 'di'i mtshan nyid shes par bya'o/ /nyo tshong byed pa'i spang ba 'di ni sngar mngon mtshan can gyis spyod pa'i spang pa bstan pa'i bye brag yin te/ de'i phyir sngar skyed phyin na dngos gzhi'o zhes smras na/ 'dir gang gis skyed phyin pa bstan pa'i phyir gzhan gyis so zhes bya ba smras te/sngar bstan pa'i spyod pa las gzhan gyis skyed phyin na 'di'i dngos gzhi'o zhes bya bar sbyar ro/ /gzhan gyis so zhes bya ba ni sngar bstan pa'i pa na dang rin po che dag las gzhan pa gzhal bar bya ba la sogs pa'i spyod pa las skyed phyin na ltung ba 'dir 'gyur ro//yang na gzhan gyis so zhes bya ba ni bskyed pa'i khe spogs 'dod pa las gzhan pa nyo tshong gi spyod pa las skyed phyin na ltung ba 'dir 'gyur ro/ /de lta bas na spang ba snga ma gnyis dang / 'di dang gsum gyi yul la bye brag ni 'di yin par rig par bya ste/ gser dngul la reg pa'i spang ba ni rin po che la sogs pa la reg pa las so/ /mngon mtshan can gyis spyod pa'i spang ba ni khe spogs 'dod pa nyid kyis pa na dang rin po che la sogs pa spyod pa las so/ /nyo tshong byed pa'i spang ba ni gang yang rung bas rnyed pa 'dod cing nyo tshong la sogs pas spyod pa las skyed phyin na'o//de ltar bye brag bstan nas/ da ni nyo tshong byed pa'i spang ba'i dngos gzhi'i ltung ba rnam par gzhag pa bstan par bya ste/ dge slong gis rnyed pa 'dod pas pha rol po khyim pa nyid dang nye du ma yin pa nyid la nyo tshong la sogs pas spyod pa las skyed phyin na skyed de las nyo tshong byed pa'i spang ba'i ltung byed kyi dngos gzhir 'gyur ro//dge slong la nyo tshong byed pa'i spang ba'i ltung byed byung na/ de ma spangs shing bral bar ma byas la ltung ba ma bshags par ram/ spangs shing bral bar ma byas la ltung ba ma bshags par ram/ spangs shing bral bar byas la ltung ba ma bshags par nyo tshong byed pa de lta bu gzhan zhig rnyed na de yang snga ma'i shugs kyis spang bar 'gyur te/ de las ltung bar ni mi 'gyur ro/ /dge slong gis nyo tshong byed pa'i spang ba'i ltung byed byung la/ ji srid du spang ba'i dngos po las ma bshags shing so sor ma bshags par lhung bzed dam chos gos sam dra ba'am phor bu'am ska rags sam/dge sbyong gi 'tsho ba'i yo byad gang yang rung ba gzhan nye bar 'jog na de yang snga ma'i shugs kyis spang bar 'gyur te/ de las ltung bar ni mi 'gyur ro/ /len par byed pa dang / gtong bar byed pa dang /nyo bar byed pa dang / 'tshong bar byed pa lan smad pa med do/ /rnyed pa 'dod pa skyed 'dod pas nyo tshong la sogs pas skyed pa las skyed phyin pa la na smad pa med do/ /bdag nyid kyi don du rnyed pa 'dod pa nyid kyi dngos gzhi la na smad pa med do/ /pha rol po khyim pa nyid du ma yin pa nyid la na smad pa med do//rtsa ba bas sngon nam phyis skyed thob pa la na smad pa med do/ /bshags pa'i dus na yang skyed nyid spang bar 'os pa nyid yin gyi rtsa bar 'dod pa'i rdzas ni ma yin no/ /gang gi tshe skyed pa dang rtsa ba gnyis dus gcig tu byung na de'i tshe cha gang las ltung ba 'byin pa po'i gang zag skyed du gyur pa nyid du lhag par chags pa skye ba de nyid spang bar bya ba yin no//skyed phyin pa la na smad pa med do zhes smras na/ skyed phyin pa ni tshong la sogs pa las kyang 'byung la/ khe spogs 'dod pa nyid las kyang byung na de'i phyir nyo tshong byed pa'i spang ba 'di la skyed gang las phyin na dngos gzhi'i ltung bar 'gyur zhe na/de'i phyir gzhan gyis so zhes bya ba smras te/ pa na dang rin po che dag las gzhan pa gzhal bar bya ba la sogs pa'i spyod pa las skyed phyin na ltung ba 'dir 'gyur ro/ /yang na gzhan gyis so zhes bya ba ni bskyed pa'i khe spogs 'dod pa las gzhan pa nyo tshong gi spyod pa las skyed phyin na ltung ba 'dir 'gyur ro//gal te dge slong gis nyo tshong bya ba'i phyir rin po che la sogs pa la reg gam gzhan reg par byed du 'jug na de lta na ni gser dngul la reg pa'i spang ba'i ltung byed snga mas bsdus pa yin par rig par bya'i 'dir gtogs pa ni ma yin no/ / dge slong gis khe spogs 'dod pa nyid kyis pa na dang rin po che la sogs pa spyod pa las skyed phyin na ni mngon mtshan can gyis spyod pa'i spang bar 'gyur ro/ /dge slong gis gang yang rung bas rnyed pa 'dod cing nyo tshong byas nas skyed par byed pa las skyed phyin pa ni nyo tshong byed pa'i spang ba 'dir gtogs pa'i dngos gzhi'i kha na ma tho bar 'gyur ro//lus dang ngag dang yid kyi rnam par rig byed gang yang rung bas bskyed pa la na smad pa med do/ /nyo tshong gi dam pa gang yang rung bas spyad pa la na smad pa med do/ /zong gi rnam pa gang yang rung bas spyad pa la na smad pa med do/ /'di'i byed pa po ni rung ba 'dod pa dang pha rol po khyim pa nyid dang nye du ma yin pa nyid dang /nyo tshong gis spyad pa dang skyed phyin pa nyid yin no/ /'di la yan lag lngas dngos gzhi'i ltung bar 'gyur te rnyed pa 'dod pa dang / pha rol po khyim pa nyid dang / nye du ma yin pa nyid dang / nyo tshong gis spyad pa dang / skyed phyin pa'o/ /de dag las yan lag ma tshang na ci rigs par na smad do//de la rnyed pa 'dod pa zhes smos pa ni rnyed pa 'dod pa'i ltung ba 'byin pa po de la ltung ba rnam par gzhag gi thob pa tsam la na smad pa'i phyir ro/ /pha rol po khyim pa nyid dang nye du ma yin pa nyid ces smos pa ni pha rol po gang dang lhan cig tu nyo tshong byed pa 'di gal te khyim pa nyid dang nye du ma yin pa nyid yin na de'i tshe dngos gzhi'i ltung bar 'gyur gyi/de las gzhan pa la na smad pa'i phyir ro/ /nyo tshong gis spyad pa zhes smos pa ni len pa dang gtong ba dang / nyo ba dang 'tshong bas rnyed pa'i don du skyed bkye zhing spyod pa gang yin pa de las skyed gang phyin pa de la nyo tshong byed pa'i spang bar 'gyur gyi/pa na dang rin po che la sogs pas spyad pa las skyed phyin pa ni mngon mtshan can gyis spyod pa'i spang ba'i skabs yin pa'i phyir ro/ /skyed phyin pa'o zhes smos pa ni gang gi tshe skyed phyin pa de'i tshe na dngos gzhi'i ltung bar 'gyur gyi/ skyed med na ni sbyor ba tsam du zad pa'i phyir ro//sbyor ba gcig gis nyo tshong gcig gam gnyis sam mang po zhig gis spyod na yang ltung ba'i dngos gzhi gcig rnam par gzhag go/ /sbyor ba'i ltung ba ni nyes byas te/ ji srid du nyo tshong byed pa'i spang ba'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /gal te bdag nyid kyi don du rnyed pa 'dod pa nyid yin na ni sbyor ba la nyes byas so/ /gzhan gyi don du ni dngos gzhi'i gnas skabs la nyes byas su 'gyur la sbyor ba la nyes byas phra mor 'gyur ro//pha rol po khyim pa nyid ma yin pa dang nye du nyid la nyes byas so/ /skyed ma phyin na nyes byas so/ /rnyed pa ma grub na ni de'i tshe sbyor ba zhes bya ba'i nyes byas su 'gyur te/ 'di la nyo tshong nyid yan lag yin pa'i phyir ro/ /skyed grub pas mdun rol du dge slong gis rnyed pa bsgrub pa'i phyir brtsal ba gang cung zad byed na brtsal ba de thams cad ni gcig pa nyid yin pas de'i phyir sbyor ba la ni gcig pa nyid do zhes smras te/de ltar yang 'dir gzhung ni ji srid du rnyed pa sgrub par mi byed kyi bar du ni nyes byas so/ /rnyed pa grub na ni spang ba'i ltung byed du 'gyur ro zhes gsungs pa yin no//sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /de yang dang po yid la sems pa ni sbyor ba'i sbyor ba'i nyes byas phra mo'o/ /de nas lus dang ngag gis sbyor ba ni sbyor ba'i nyes byas dngos so//de nas mthar thug pa ni spang ba'i ltung byed kyi dngos gzhi'o zhes bya bar shes par bya'o/ /gzhan gyi don du rnyed pa 'dod pa nyid yin na sbyor ba la nyes byas phra mo'o/ /ltung ba med pa ni dkon mchog gi don du nyo tshong byed pa la ltung ba med do//las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du nyo tshong byed pa'i spang bar 'gyur ba rnam pa thams cad mi bstan par bslab par bya'o/ / dge 'dun gyi bshos kyi phyir dge 'dun gyi 'bras la sogs pa rim gyis nyo ba la sbyin par bya'o/ /gal te de nyid kyis dge 'dun gyi bshos kyi phyir nyo bar byed na/ 'theb dang bcas par bskyed de sbyin par bya'o/ /dge 'dun gyi 'bras la sogs pa zad na ni rin des 'bras la sogs pa gzhan dag nyo bar bya'o//dge 'dun gyi 'bras la sogs pa 'bru sar pa yang nyo bar bya'o/ /dge 'dun gyi 'bras la sogs pa 'bru rnying pa dag la gal te srog chags med na btsong bar bya'o/ /rin thang mi gdab po/ /khyim pa'i nyo tshong dag tu lag gzhug par mi bya'o/ /chos gos la sogs pa dag khyim pa nyor gzhug go//gal te khyim pa med na rang gis rdzas de'i rin thang nges par gcad par bya zhing rin 'di tsam gyis byin cig ces lan gsum gyi bar du tshig brjod par bya'o/ /zong la rtseg pa ni gzhan gyi don du yang mi bya na rang gi don du lta ci smos te/ dkon mchog gsum ni ma gtogs so//yal zug 'khra zhing gta' gzhug par mi bya'o/ /dge 'dun gyi sbyin par bya'o zhes smras na/ de la ji ltar sbyin par bya/ sus rjes su bsgrub par bya zhe na/ de'i phyir dge 'dun gyis rdzas de spogs pa la dge 'dun gyi las byed pa la gtad do zhes bya ba smras te/ dge 'dun mnga' bdag tu gyur pas dge 'dun gyi las byed pa la dge slong spogs pa 'di la dbyig la sogs pa phog cig ces bka' stsal bar bya zhing dam zhag pa la sogs pa las byed pa des dge slong skyed mkhan la sogs pa spogs pa de la dbyig la sogs pa gtad par bya ste/dge slong spogs pa des chos bzhin tshul bzhin du dge 'dun gyi rnyed pa bsgrub par bya'o//dge slong spogs pa de'i kun du spyad pa'i chos ni 'di ltar bya ste/ des rgan rabs rgan rabs dag la ma zhus par dge 'dun gyi don du brtson par mi bya'o/ /de'i tshig yi ge bri ba'i dam zhag la nan tan bya'o/ /de dag ni gzhan gyi kha'i skabs brtsal ba dang /bdag nyid kyis dran par bya ba dang / 'gyod pa mi bskyed par bya ba'i phyir ro/ /phyir bcos pa ni snga ma bzhin no/ /nyo tshong byed pa'i spang pa ste nyi shu pa bshad zin to/ /sdom la/ lhung bzed gnyis dang tha ga gnyis/ /byin 'phrog ston zla tha chungs dang / / dgon pa pa dang ras chen dang / /bsdos pa dang ni gsog 'jog go/ /zhes bya ba ni bcu pa gsum pa yin te/ sdom la zhes bya ba'i dgos pa dang tshig gi don ni snga ma bzhin no/ /bcu pa gsum pa 'dis kyang spang pa'i ltung byed kyi chos bcu bstan te/ lhung bzed 'chang ba dang /lhung bzed 'tshol ba dang / 'thag tu 'jug pa dang / 'thag pa skyed pa dang / 'phrog pa dang / brtad pa las byung ba dang / zhag bdun gyis 'bral ba dang / dbyar gyi ras chen dang / bsdos pa la bsgrub pa dang gsog 'jog go/ /de la lhung bzed 'chang ba'i spang ba'i gleng gzhi ni byung ba dang bcas pa'i dbang gis rnam pa gnyis te/byung ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de nas tshe dang ldan pa nye dga' 'di snyam du sems te/ 'di dag thams cad khyim bdag mgon med zas sbyin gyis bslab pa'i gzhi dag gis khyab par byas pas phyin chad gang nas kyang rnyed pa bsgrub par mi nus so snyam nas/de de snyam du sems pa na dga' 'dun drug cu skyed mos tshal du dong ba de dag nye dgas mthong ngo / /mthong nas kyang 'di snyam du sems te/ gal te 'di dag las rnyed pa ma grub na nye dga' zhes bya ba'i ming gzung bar mi bya'o snyam mo//drug sde dag gi kun du spyod pa ni gal te sbyin pa'i gtam dag byed na nyan pa po dag bdag cag gis rang gi sha dag kyang bcad cing bcad cing sbyin par bya'o snyam du sems la/ gal te tshul khrims kyi gtam dag byed na nyan pa po dag bdag cag lha rnams kyi nang du skyes so snyam du sems so//gal te ngan song gi gtam dag byed na nyan pa po dag bdag cag ngan song rnams su skyes so snyam du sems pa yin pas des lhung bzed gsal ba zlum pa longs spyad par bzod pa mchan khung gis khyer te/ dga' 'dun de dag ga la ba der song ste phyin nas dga' 'dun gcig la ci nas kyang de'i sems mngon par dad par 'gyur ba de ltar sbyin pa'i gtam byas nas//de sems dad par gyur te smras pa/ 'phags pa ci'i slad du byon/ nye dgas smras pa/ bzhin bzangs bdag la lhung bzed dgos so/ /'phags pa bdag la lhung bzed ma mchis te/gal te rin gyis rnyed na bdag gis 'jal te gsol lo/ /nye dgas lhung bzed mchan khung nas phyung ste/ de bstan nas smras pa/ bzhin bzangs lhung bzed 'di yang rin gyis rnyed pa yin no/ /'phags pa 'di'i rin ci tsam/ kAr ShA pa Na drug cu'o/ / bdag gis 'di'i rin kAr ShA pa Na drug cu 'bul lo/ /bzhin bzangs a rog gya de dag khyod kyir gyur cig /sbyin pa 'dis khyod kyi sems kyi rgyan dang / sems kyi yo byad dang / rnal 'byor gyi tshogs dang don gyi mchog thob pa dang / lha dang mi rnams kyi nang du snod du 'gyur bar gyur cig de bzhin du des dga' 'dun drug cu po dag re re yang kAr ShA pa Na drug cu drug cu sbyor du bcug nas song ngo //dga' 'dun de dag thams cad gcig tu 'dus par gyur nas/ de na dga' 'dun gcig gis smras pa/ shes ldan dag kho bos btsun pa nye dga' shAkya'i rigs las rab tu byung ba chos sgrog pa'i rigs pa dang grol pa'i spobs pa dang ldan pa la lhung bzed kyi rin du kAr ShA pA Na drug cu phul gyi rjes su yi rang bar gyis shig /gzhan zhig gis smras pa/ kho bos kyang phul lo/ /yang gzhan zhig gis smras pa/ kho bos kyang dbul lo/ /de bzhin du thams cad kyis kho bos kyang dbul lo//kho bos kyang dbul lo zhes smras nas/ de dag phan tshun blta bar brtsams te/ shes ldan dag dge slong gcig la lhung bzed du dgos zhes de dag gis dge slong zhig la dris pa/ 'phags pa dge slong gcig la lhung bzed du 'tshal/ des smras pa bzhin bzangs dag gcig kho na dgos so//de dag gis shAkya'i sras kyi dge sbyong rnams ni rnyed pa 'dod pas zil gyis non pa dag yin no zhes smad par brtsams so/ /de ni re zhig byung ba yin gyi sangs rgyas bcom ldan 'das re zhig 'dul ba la bslab pa'i gzhi 'cha' bar ni mi mdzad de/ yul ni mnyan yod/gang zag ni nye dga'/ nyon mongs pa ni 'dod zhen/ nyes pa ni lhung bzed kyi rin slong ba'o/ /bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong drug sde dag lhung bzed rnyed do cog sogs par byed cing bdag nyid kyang spyod par byed de/dge slong gzhan dag la sbyin par mi byed nas dge slong don nyung ngu dag ci'i phyir dge slong dag lhung bzed rnyed do cog sogs par byed cing / bdag nyid kyang spyod par mi byed/ dge slong gzhan dag la yang sbyin par mi byed ces smod par byed/ phyar kha gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/drug sde dag la rmas nas rnam grangs du mar smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis lhung bzed lhag pa zhag bcu'i bar du bcad bar bya'o/ / de las 'das par 'chang na spang ba'i lhung byed do zhes bca' ba mdzad de/ yul ni mnyan yod/ gang zag ni drug sde/ nyon mongs pa ni dge sbyong gi tshul dang mthun pa ma yin pa byed 'dod pa/ nyes pa ni lhung bzed lhag pa zhag bcu las 'das par 'chang ba'o/ /de la dge slong gis zhes bya ba ni chos 'di pas so//lhung bzed lhag pa zhes bya ba ni byin gyis brlab par bya ba las lhag pa'o/ /zhag bcu'i bar du zhes bya ba ni nyin mtshan bcu'i mtha'i bar du'o/ /bcang bar bya'o zhes bya ba ni bdag gir bya ba'o/ /de las 'das par 'chang na zhes bya ba ni de las thal bar 'chang na'o//spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /de la ltung ba ji ltar 'gyur zhe na/ 'dir yang dngos gzhi dang sbyor ba dang / sbyor ba'i sbyor bas ltung ba rnam par gzhag pa dang /ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la lhung bzed 'chang ba'i spang ba 'di'i mtshan nyid ni sngar gos 'chang ba'i spang ba'i mtshan nyid bstan pa dang thams cad 'dra ste/ bye brag tu na sngar gos zhes smos pa'i gnas su 'dir lhung bzed ces bya ba'i ming gzhug par bya ba dang /sngar 'khor gsum khebs pa'i mtha'i tshad dang ldan pa zhes smos pa'i gnas su 'dir byin gyis brlab tu rung ba chung ngu dang / 'bring dang chen po'i mtha'i tshad dang ldan pa zhes brjod par bya'o/ /de ltar mtshan nyid 'dra ba dang mi 'dra bar bstan nas/da ni lhung bzed 'chang ba'i spang ba 'di'i dngos gzhi'i ltung ba rnam par gzhag pa bstan par bya ste/ dge slong gis rang gi lhung bzed byin gyis brlab tu rung ba chung ngu'am/ 'bring ngam/ chen po'i mtha'i tshad dang ldan pa yod la byin gyis ma brlabs par zhag bcur rjes su zhugs pa nyid yin na zhag bcu gcig pa'i skya rengs dang po shar na lhung bzed 'chang ba'i spang ba'i ltung byed kyi dngos gzhir 'gyur ro//dge slong gis nyin mtshan gyi rim gyis snga phyir gzhan las byung ba'i lhung bzed rnyed la snga ma byin gyis ma brlabs shing phyi ma byin gyis brlabs na snga ma shos zhag bcu gcig pa'i skya rengs dang po shar na spang ba'i ltung byed du 'gyur ba'i shan gyis phyi ma shos byin gyis brlabs pa yang snga ma'i dus de kho nar lhung bzed 'chang ba'i spang ba'i ltung byed kyi dngos gzhir 'gyur ro//dge slong gis nyin zhag gcig kho nar dus gcig tu gzhan las byung ba'i lhung bzed gnyis rnyed na gang yang rung ba cig byin gyis brlabs shing gcig ni ma brlabs na/gnyi ga zhag bcu gcig pa'i skya rengs dang po shar na lhung bzed 'chang ba'i spang ba'i ltung byed kyi dngos gzhir 'gyur ro/ /dge slong gis dge 'dun mnga' ba'i lhung bzed gang zag gi bdag nyid du ris su bcad pa lhung bzed 'chang ba'i spang bar gtogs pa zhag bcu gcig pa'i skya rengs las 'das par byed na lhung bzed 'chang ba'i spang ba'i ltung byed kyi dngos gzhir 'gyur ro//dge slong la lhung bzed 'chang ba'i spang ba'i ltung byed byung na/ de ma spangs shing bral bar ma byas la ltung ba ma bshags par ram/spangs shing bral bar ma byas la ltung ba ma bshags par ram/ spangs shing bral bar byas la ltung ba ma bshags par ltung byed zhag bcu par gtogs pa de lta bu gzhan zhig rnyed na de yang snga ma'i shugs kyis spang bar 'gyur te/ de las ltung bar ni mi 'gyur ro//dge slong gis lhung bzed 'chang ba'i spang ba'i ltung byed byung la/ ji srid du spang ba'i dngos po las ma bshags shing so sor ma bshags par lhung bzed dam chos gos sam dra ba'am phor bu'am skar gas sam dge sbyong gi 'tsho ba'i yo byad gang yang rung ba gzhan nye bar 'jog par byed na/de yang snga ma'i shugs kyis spang bar 'gyur te/ de las ltung bar ni mi 'gyur ro/ /lhung bzed bzang ngan dang mang nyung la na smad pa med do/ /lhung bzed byin gyis brlab tu rung ba la na smad pa med do/ /lhung bzed byin gyis ma brlabs pa dang byin gyis brlabs pa yod pa lan smad pa med do//rang gi nyid lan smad pa med do/ /zhag bcur rjes su zhugs pa nyid la na smad pa med do/ /zhag bcu gcig pa'i nyi ma'i dang po lan smad pa med do/ /'di la gzhan yod na byin gyis ma brlabs pa de'i shan tshun chad las na smad pa med do/ /tshe grangs gcig nas bcu'i bar dang gnyis nas bcu gcig gi bar lta bu la sogs pa la na smad pa med do//lhung bzed rung ba nyid na tshad dang ldan pa la na smad pa med do/ /'di'i byed pa po ni rang gi lhung bzed dang byin gyis ma brlabs pa'o/ /'di la yan lag bdun gyis dngos gzhi'i ltung bar 'gyur te/ rang gi dang / lhung bzed dang / byin gyis brlab tu rung ba gsum gyi mtha'i tshad dang / yo byad dang / byin gyis ma brlabs pa dang / zhag bcur rjes su zhugs pa dang / zhag bcu gcig pa'i skya rengs dang po shar ba'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ji srid du lhung bzed 'chang ba'i spang ba'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /skya ba dang dkar ba dang che ba rnams ni rung ba nyid ma yin te/ byin gyis brlab par bya ba ma yin pas de dag 'chang ba la nyes byas so//ma tshos pa la yang chung ngu nyid yin te/ lhung bzed nag por gyur kyang ma tshos na chung ngu nyid dang rung ba ma yin pa nyid yin pas de 'chang na nyes byas so/ /rung ba ma yin pa dang tshad las chung ba dang / che ba 'chang ba la nyes byas so//sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /de yang dang po yid la sems pa ni sbyor ba'i sbyor ba'i nyes byas phra mo'o/ /de nas lus dang ngag gis sbyor ba ni sbyor ba'i nyes byas dngos so//de nas mthar thug pa'i spang ba ni ltung byed kyi dngos gzhi'o zhes bya bar shes par bya'o/ /ltung ba med pa ni rang gi ma yin pa dang / lhung bzed ma yin pa dang / med pa dang / byin gyis brlabs pa dang / zhag bcur rjes su ma zhugs pa dang / zhag bcu gcig pa'i skya rengs ma shar ba la ltung ba med do//rab tu 'byung ba la ltos pa'i don nyid du nges par byas pa ni spang ba nyid yin pas de 'chang ba la ltung ba med do/ /lhung bzed chung ngu dag sman phor du yongs su spyad pa'i bsam pas 'chang ba la ltung ba med do/ /lhung bzed chung ngu gcig la ni nyes pa med do/ /las dang po pa dang /smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du lhung bzed 'chang ba'i spang bar 'gyur ba rnam pa thams cad mi bsten par bslab par bya'o/ /phyir bcos pa ni snga ma bzhin no//lhung bzed 'chang ba'i spang ba ste nyi shu gcig pa bshad zin to// //lhung bzed 'tshol ba'i spang ba'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na spos 'tshong gi khye'u zhig 'dug pa des lhung bzed shin tu gsal ba dbyibs legs pa longs spyad par bzod pa zhig rnyed do//bsod snyoms pa zhig kyang snga dro sham thabs bgos lhung bzed dang chos gos thogs te mnyan yod du bsod snyoms la zhugs nas des bsod snyoms brgyus te srang du phyin pa dang / spos 'tshong gi khye'u des de mthong nas smras pa/'phags pa bdag gis lhung bzed shin tu gsal ba dbyibs legs pa longs spyad par bzod pa zhig rnyed kyi gal te bzhed na snoms shig /bzhin bzangs bdag la lhung bzed yod do/ /'phags pa gal te dge slong gzhan 'ga' zhig lhung bzed 'tshal ba mchis na de gtang du gsol/gtang bar bya'o/ /de nas bsod snyoms pa des mnyan yod du bsod snyoms la brgyus nas rgyal byed kyi tshal du song ste/ des zas zos nas lhung bzed 'khru ba na dge slong rnams la smras pa/ tshe dang ldan pa dag srang che ge mo zhig na spos 'tshong gi khye'u zhig 'dug pa des lhung bzed shin tu gsal ba dbyibs legs pa longs spyad par bzod pa zhig rnyed kyi khyed cag las gang lhung bzed 'dod pa de song shig /de dang ha cang thag mi ring ba na nye dga' 'dug pa des de thos nas des bsams pa/ de lhung bzed nag po can 'ga' zhig gis thos nas rab tu rgyug par gyur na mi rung gi smad par bya'o snyam nas/des de la smras pa/ tshe dang ldan pa khyod dad pas byin pa zos nas lhung bzed kyi gtam dang chos gos kyi gtam las gzhan 'ga' yang med mod/ des bsams pa/ 'jig rten na 'dod pa'i bdag nyid can gang ji snyed pa de dag dang nye dga' mtshungs pa yin na 'dis kyang re zhig bdag smad par gyur na gal te dge slong gnas brtan gnas brtan gzhan zhig gis thos par gyur na des rgya cher smad par 'gyur ro snyam nas de cang mi smra bar 'dug go//nye dgas de bkar te smras pa/ tshe dang ldan pa khyod kyi mkhan po dang kho bo bshes pas de'i phyir kho bos khyod smad kyi ma gshe shig /gnas brtan gal te bdag yang smra bar gyur na khyod kyis bdag la yang smad par mdzod cig /tshe dang ldan pa kho bo yang nye bar ma zhi ba tsam du zad kyi ji lhung bzed de lhung bzed ma yin nam/ gnas brtan snga ma nyid kyang smra bar mi bgyi ba lags kyi 'tshal to/ /tshe dang ldan pa de lta mod kyi 'on kyang re zhig smros shig gnas brtan srang ga ge mo zhig na spos 'tshong gi khye'u zhig mchis pa des lhung bzed shin tu gsal ba dbyibs legs pa longs spyad par bzod pa zhig rnyed nas/ de'i mchid nas gal te dge slong lhung bzed 'tshal ba 'ga' mchis na de gtang du gsol zhes mchi'o//de ni de tsam du zad de/ de yang nye bar ma zhi ba tsam kho nar zad do/ /de nas nye dgas snam sbyar gyon te 'gros bskyed nas phar song ba dang / spos 'tshong gi khye'u des de 'gros bskyed de 'ong ba thag ring po kho na nas mthong nas/des bsams pa/ dge slong hral po 'gros 'di lta bus 'ong ba 'dis bdag gi lhung bzed 'di 'phrog par 'ong ngo snyam nas des lhung bzed de blangs te/ 'jong tse'i 'og tu bcug ste gzhag pa dang / nye dgas de sbed pa'i tshe mthong nas/ des smras pa bzhin bzangs ci lhung bzed 'di nal gyi bu yin nam/ci na de'i phyir sbed par byed ces de la lag pa brkyang ste/ lhung bzed blangs nas smras pa/ bzhin bzangs a rog gya sbyin pa 'dis khyod kyi sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob pa dang / lha dang mi rnams kyi nang na snod du 'gyur bar gyur cig /'phags pa bdag cag tshong pa dag ni khe spogs 'tshal bas 'tsho ba lags pas 'dir rin ma mchis par mi 'bul te 'di ltar rin gyi phyir 'bul lo/ /bzhin bzangs ci khyod drang srong gi snod 'tshong bar byed dam/ tshigs su bcad pa yang smras pa/ gal te skyes bus sa snod kyis//gser gyi snod ni thob gyur na/ /de yis mya ngan ci phyir bya/ /bslus pa med par kho bos mthong / /'phags pa khyod mang du gsungs mod kyi 'on kyang rin ma mchis par mi 'bul lo/ /nye dgas smras pa/ khyod kyis lhung bzed la lhag par chags pa 'dis yi dags wa ba can dag gi nang du skye bar bya dgos so zhes de de skad spyo bar byed pa na/khyim bdag cig phyogs der 'ongs nas des smras pa/ 'phags pa phyag 'tshal lo/ /btsun pa nye dga' phyag 'tshal lo/ /nye dgas smras pa/ bzhin bzangs dag khyod kyi phyag skam po 'dis ji bya/ 'phags pa bdag la btsun pa nye dgas bka' stsal pa gang zhig bdag gis ma bsgrubs/lhung bzed 'di nyos te byin cig /khyim bdag des spos 'tshong gi khye'u de la smras pa/ bzhin bzangs lhung bzed 'di rin ji tsam/ 'di dang 'di tsam mo/ /kho bos khyod la sbyin no/ /spos 'tshong gi khye'u des lhung bzed de khyim bdag de la byin nas/khyim bdag des kyang nye dga' la phul lo/ /nye dgas smras pa/ a rog gya sbyin pa 'dis khyod kyi sems kyi rgyan dang / sems kyi yo byad dang / rnal 'byor gyi tshogs dang / don gyi mchog thob pa dang / lha dang mi rnams kyi nang na snod du 'gyur bar gyur cig /khyim bdag de song ba dang / nye dgas spos 'tshong gi khye'u de la smras pa/ bkren pa khyod kyis nye dgas lhung bzed kyi rin sbyor du 'jug mi nus snyam du shes sam/ khyod kyis lhung bzed la lhag par chags pa 'dis yi dags spa ba can dag gi nang du skye bar bya dgos so//'phags pa ji zhig sbyor mchis/ khyod kyis kyang lhung bzed thob la/ bdag gis kyang rin thob kyi bzhud cig /nye dgas yang lhung bzed de khyer te gtsug lag khang du song nas/ des lhung bzed de dge slong rnams la bstan te smras pa/ tshe dang ldan pa dag ltos shig /kho bo'i lhung bzed ji 'dra/gzhon nu zhig gis smras pa/ gnas brtan ji khyod la lhung bzed gzhan ma mchis sam/ yod do/ /'o na gnas brtan gyis lhung bzed yod cing bdog bzhin du lhung bzed gzhan btsal du rung ngam/ dgra bo rnams kyi gre bar rkang pas mnan nas so/ /gnas brtan la dgra bo dag kyang mchis sam/gang gi phyir khyod kho bo'i lhung bzed gnyis pa yang mi bzod pas je khyod kho bo'i dgra thu bo yin no zhes zer nas dge slong don nyung ngu dag ci'i phyir dge slong dag lhung bzed yod cing bdog bzhin du lhung bzed gzhan 'tshol bar byed ces smod par byed/ phyar kha gtong bar byed/kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ nye dga' la rmas nas rnam grangs du mar smad de/ dge slong rnams la bka' stsal pa/dge slong dag de lta bas na dge slong gis lhung bzed yod cing bdog bzhin du lhung bzed gzhan btsal bar mi bya'o/ /bcom ldan 'das kyis dge slong gis lhung bzed yod cing bdog bzhin du lhung bzed gzhan btsal bar mi bya'o zhes bka' stsal nas/ bsod snyoms pa zhig gi lhung bzed cung zhig rdol nas des de thogs te mnyan yod du bsod snyoms la zhugs pa dang / des phye dag rnyed nas des de dag lhung bzed kyi snod kyis mnos so/ /'bras chan gsher ba dag rnyed nas des de dag lhung bzed kyis mnos pa dang / de nas zags pas phye dag gsher bar gyur te/de dag gis lhung bzed kyi snod ma rung bar gyur nas/ de sbrang bu dag gis yongs su bskor bar gyur pa na/ de la khye'u dang bu mo dag gis mtho btsams shing khyim bdag mgon med zas sbyin gyis ci'i phyir lhung bzed gzhan mi tshol zhes bskul ba na bsod snyoms pa des smras pa/bcom ldan 'das kyis dge slong gis lhung bzed yod cing bdog bzhin du lhung bzed gzhan btsal bar mi bya'o zhes dgag pa mdzad do/ /khyim bdag mgon med zas sbyin gyis smras pa/ 'phags pa khyod kyi lhung bzed 'di 'dra ba yod cing bdog pa yin nam zhes zer ba'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ gang gi lhung bzed rdol ba des glan par bya'o/ /lhan pa snyi ba lnga po/ bu ram dang / rgya skyegs kyi tshigs ma dang / spra tshil dang / ro nye dang / tshon mo steng dag gis mi glan par lhan pa sra ba lnga po/lhan rings dang / tham phran dang / lhan pa dang / chu srin gyi so lta bu dang / phye mas glan par bya'o/ /phye ma gnyis te/ lcags kyi phye ma dang / rdo'i phye ma'o/ /lcags kyi lhung bzed la ni lcags kyi phye mas glan par bya'o/ /sa'i lhung bzed la ni rdo'i phye mas glan par bya'o/ / lcags kyi phye ma ni 'bru mar dang sbyar te lcags sam ku ru bin das bdar zhing spra tshil 'dra bar gyur pas lhung bzed dro ba la glan zhing gro bas g.yogs te 'jim pas bskus la ji ran tsam du bsro zhing / 'bru mar gyis spangs la rdo 'jam po la sogs pas bdar ro/ /rdo'i phye ma ni bu ram dang 'jim pa dang sbyar te snga ma bzhin bya'o//lcags kyi lhung bzed rtag tu spyod pa nyid yin na zla ba drug cing bsreg go/ /sa'i lhung bzed ni zla ba phyed cing bsreg go/ /lhung bzed la zas med par bya'o/ /lhung bzed chag pa la srad bus brgyu bar mi bya'o zhes bka' stsal pa nas/ bcom ldan 'das kyis rnam grangs du mar bslab pa 'dod pa dang /bslab pa la gus pa dang / bslab pa la yo byad bsnyungs pa'i bsngags pa brjod nas/ dge slong rnams la de dang mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas/ bslab pa pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang lhung bzed lhan pa lnga med pa spyad bzod pa yod bzhin du bzang po 'dod pa'i phyir lhung bzed sar pa gzhan tshol zhing lhung bzed grub na spang ba'i ltung byed do//dge slong des lhung bzed de dge slong gi 'khor la dbul bar bya'o/ /dge slong gi 'khor de'i lhung bzed tha mar gyur pa gang yin pa de dge slong de la dge slong khyod kyis lhung bzed 'di byin gyis brlab par mi bya/ gtang bar mi bya/ gzhan la sbyin par mi bya bar chag pa'i mthar thug gi bar du khad kyis dal bu dal bus spyad par bya'o zhes sbyin par bya ste/de la de ni cho ga yin no zhes bca' ba mdzad de/ yul ni mnyan yod/ gang zag ni nye dga'/ nyon mongs pa ni 'dod zhe na/ nyes pa ni lhung bzed yod cing bdog bzhin du lhung bzed gzhan tshol bar byed pa'o//de la yang dge slong gang zhes bya ba ni chos 'di pa'o/ /lhung bzed lhan pa lnga med pa zhes bya ba ni lhung bzed lhan pa lnga ma tshang ba'o/ /spyad bzod pa yod bzhin du zhes bya ba ni yongs su longs spyad par bzod pa yod bzhin du'o/ /bzang po 'dod pa'i phyir zhes bya ba ni mchog 'dod pa'i phyir ram/yang dang yang du 'dod pa'i phyir ro/ /lhung bzed sar pa zhes bya ba ni sar pa gnyis te/ gsar pas sar pa dang / rnying pas sar pa ste/ don 'dir ni gnyi ga yin par dgongs so/ /gzhan zhes bya ba ni gnyis pa'o/ /tshol zhing zhes bya ba ni tshol bar byed cing ngo //lhung bzed grub na zhes bya ba ni lhung bzed thob na'o/ /spang ba'i ltung byed do zhes bya ba ni snga ma bzhin no/ /'di man chad ni lhung bzed 'brel ba med pa brim pa dang spyad pa la sogs pa'i cho ga ston te/ dge slong des zhes bya ba ni dge slong gang yin pa des so/ /lhung bzed de zhes bya ba ni lhung bzed 'brel pa med pa'o//dge slong gi 'khor la dbul bar bya'o zhes bya ba ni de na dge slong gang dag 'khod pa la'o/ /dge slong gi 'khor de'i lhung bzed tha mar gyur pa gang yin pa de dge slong de la dge slong khyod kyis lhung bzed 'di byin gyis brlab par mi bya/ gtang bar mi bya/gzhan la sbyin par mi bya bar chag pa'i mthar thug gi bar du khad kyis dal bu dal bus spyad par bya'o zhes sbyin par bya ste zhes bya ba la/ de'i rnam par gzhag pa zhes bya ba ni dge slong gi dge 'dun gyis lhung bzed 'brel pa med pa 'drim pa'i dge slong chos lnga dang ldan pa spro bar byas pa ste gsol ba dang gnyis kyi las kyis bsgo zhing /des kyang kun du spyad pa'i chos ji ltar bcas pa bzhin du dge 'dun la zhag gcig gi mdun rol nas bsgo zhing / dge 'dun tshogs pa'i dus su brims te dge slong gi 'khor de'i lhung bzed tha mar gyur pa gang yin pa de dge slong de la dge slong khyod kyis lhung bzed 'di byin gyis brlab par mi bya/gtang bar mi bya/ gzhan la sbyin par mi bya bar chag pa'i mthar thug gi bar du khad kyis dal bu dal bus spyad par bya'o zhes sbyin par bya'o/ /lhung bzed 'brel pa med pa 'chang ba'i dge slong gis kyang de snod bzang por gzhug pa dang /'bras chan skam po blang ba dang / de dkyil 'khor gyi steng du gzhag pa dang / de byi dor sngar bya ba dang / de ngos khung bzang por gzhug pa dang / de bsregs pa la sogs pa'i byi dor gces par bya ba dang / de bdag gis bskur ba dang / phrag pa g.yas pas bskur ba dang / de ji srid 'tsho'i bar du 'chang ba la sogs pa gzhung las ji skad gsungs pa bzhin du bya'o//de la de ni cho ga yin no zhes bya ba ni de la de ni rjes su mthun pa'i chos yin pa'o/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam pa par gzhag pa dang /ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong de la lhung bzed lhan pa bzhi man chad nas de dag rung zhing yongs su spyad pa bzod pa yod bzhin du bzang po 'dod pa'i phyir lhung bzed sar pa gzhan khyim pa nye du ma yin pa las/ngag gi rnam par rig byed kyi bslang bas yongs su btsal te grub na lhung bzed tshol ba'i spang ba'i ltung byed kyi dngos gzhir 'gyur ro/ /dge slong la lhung bzed tshol ba'i spang ba'i ltung byed byung na de ma spangs shing bral bar ma byas la ltung ba ma bshags par ram/spangs shing bral bar ma byas la ltung ba ma bshags par ram/ spangs shing bral bar byas la ltung ba ma bshags par lhung bzed tshol bar gtogs pa de lta bu gzhan zhig rnyed na de yang snga ma'i shugs kyis spang bar 'gyur te/de las ltung bar ni mi 'gyur ro/ /dge slong gis lhung bzed 'tshol ba'i spang ba'i ltung byed byung la ji srid du spang ba'i dngos po las ma bshags shing so sor ma bshags par lhung bzed dam chos gos sam dra ba'am phor bu'am ska rags sam/ dge sbyong gi 'tsho ba'i yo byad gang yang rung ba gzhan nye bar 'jog par byed na de yang snga ma'i shugs kyis spang bar 'gyur te/de las ltung bar ni mi 'gyur ro/ /lhung bzed bzang ngan dang mang nyung la na smad pa med do/ /lhung bzed byin gyis brlab tu rung ba gsum la na smad pa med do/ /lhung bzed yod pa nyid dang /tshad dang ldan pa la na smad pa med do/ /'di'i byed pa po ni lhung bzed lhan pa lnga med pa spyad bzod pa yod pa dang / bzang po 'dod pa'i phyir lhung bzed sar pa gzhan 'tshol ba'o/ /'di la yan lag lngas dngos gzhi'i ltung bar gyur te/ lhung bzed yod pa nyid dang / bzang po 'dod pa dang /khyim pa nye du ma yin pa las tshol ba dang / ngag gi rnam par rig byed kyi bslang bas tshol ba dang / lhung bzed thob pa'o/ /de dag las yan lag ma tshang na ci rigs par na smad do/ /sbyor ba'i sbyor ba'i ltung ba ni nyes byas te/ ji srid du lhung bzed tshol ba'i spang ba'i ltung byed kyi sbyor ba brtsams nas dngos gzhi lam thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /lhung bzed mi rung ba nyid dang / tshad dang ldan pa ma yin pa la nyes byas so/ /lhung bzed tshol ba tsam nyid la nyes byas so/ /lhung bzed med pa nyid la yod pa'i blo can gyis gzhan tshol ba la nyes byas so//ngag gi rnam par rig byed kyi bslang ba ma yin pa rang gi yo byad dag gis lhung bzed gzhan tshol na nyes byas so/ /rang gi yo byad lhung bzed kyi rin du rung ba dag yod pa nyid na lhung bzed med cing mi nyo bar lhung bzed gzhan slong bar byed na nyes byas so//lhung bzed bzang po 'dod pas brjes na nyes byas so/ /nye du dang rab tu byung ba las tshol na nyes byas so/ /bdag po med pa'i lhung bzed btsal ba las grub na nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/sbyor ba nyes byas kyi sbyor ba'i sbyor ba yang nyes byas te/ nyes byas phra mo'o/ /de yang dang po yid la sems pa ni sbyor ba'i sbyor ba'i nyes byas phra mo'o/ /de nas lus dang ngag gis sbyor ba ni sbyor ba'i nyes byas dngos so/ /de nas mthar thug pa ni spang ba'i ltung byed kyi dngos gzhi'o zhes bya bar shes par bya'o//ltung ba med pa ni lhung bzed med pa nyid na slong ba la ltung ba med do/ /bzang po 'dod pa nyid med par lhung bzed rin gyis len pa dang brje bas len pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do//bslab par bya ba ni dge slong gis yul thams cad la gnas skabs thams cad du lhung bzed tshol ba'i spang bar 'gyur ba rnam pa thams cad mi bsten par bslab par bya'o/ /dngos po thams cad la ha cang chags par mi bya'o/ /yo byad la ha cang chags par mi bya'o/ / gang la zhen pa de bcang bar mi bya'o/ /chos gos dang lhung bzed kyang med na bslang bar bya'o/ /phyir bcos pa'i sbyor ba gzhan ni snga ma bzhin no/ /'dir bshags pa'i sbyor ba'i bye brag gzhan bstan par bya ste/ de'i phyir dge slong des lhung bzed de dge slong gi 'khor la dbul bar bya'o/ / dge slong gi 'khor de'i lhung bzed tha mar gyur pa gang yin pa de dge slong de la dge slong khyod kyis lhung bzed 'di byin gyis brlab par mi bya/ gtang bar mi bya/ gzhan la sbyin par mi bya bar chag pa'i mthar thug pa'i bar du khad kyis dal bu dal bus spyad par bya'o zhes sbyin par bya ste/ de la de ni cho ga yin no zhes gsungs te/dge slong lhung bzed lhag pa tshol ba des lhung bzed de sems kyis spangs shing dge slong gi dge 'dun la dbul bar byas te/ de'i 'og tu ltung ba bshags par bya'o/ /de'i lhung bzed de dge 'dun la phul nas de la chad par dge 'dun thams cad kyi lhung bzed las gang tha chad du gyur pa snyigs te byin pa'i lhung bzed de'i ming ni lhung bzed 'brel pa med pa zhes bya ste/de yang dge slong rnams kyis lhung bzed kyi yul 'brel pa ni gnyis te/ byin gyis brlab pa bdag nyid kyis spyad pa dang / yongs su spang ba'i dus na yang rang dbang nyid du bstan par bya ba yin na lhag pa'i chad pa can gyi lhung bzed de la dge slong de 'brel pa de gnyis kyi rang dbang med de/bdag nyid kyis byin gyis rlob tu yang mi dbang la/ gzhan la gtong zhing sbyin du yang mi dbang bas de'i phyir lhung bzed de'i ming ni 'brel pa med pa zhes bya'o/ /dge slong des lhung bzed de dge slong gi 'khor la dbul zhing dge slong gi 'khor de'i lhung bzed tha mar gyur pa 'brel pa med pa de dge slong de la sbyin pa'i go rims rnam par gzhag pa ni 'di ltar bya ste/dang por dge 'dun gyi lhung bzed 'brel pa med pa 'drim pa'i dge slong bsko bar bya ste/ lhung bzed 'brel pa med pa 'drim pa'i dge slong chos lnga dang ldan pa ni ma bskos pa yang bsko bar mi bya la/bskos pa yang dbyung bar bya ste/ lnga gang zhe na/ 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang / lhung bzed 'brel pa med pa brims pa dang ma brims pa mi shes pa'o//lhung bzed 'brel pa med pa 'drim pa'i dge slong chos lnga dang ldan pa ni ma bskos pa yang bsko bar bya la/ bskos pa yang dbyung bar mi bya ste/ lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / lhung bzed 'brel ba med pa brims pa dang ma brims pa shes pa'o/ /'di ltar bsgo bar bya'o/ /je dang por spro bar bya ste/ ming 'di zhes bya ba khyod dge 'dun la lhung bzed 'brel ba med pa 'drim par spro'am zhes 'dri bar bya'o/ /gal te spro na des spro'o zhes rjod par bya'o//de'i 'og tu des gnas mal bsham pa byas nas/ gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa la dge slong gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun la lhung bzed 'brel pa med pa 'drim par spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'di dge 'dun la lhung bzed 'brel pa med pa 'drim par bsko'o//'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun la lhung bzed 'brel pa med pa 'drim par spro ste/ de'i slad du dge 'dun gyis dge slong ming 'di zhes bgyi ba 'di dge 'dun la lhung bzed 'brel pa med pa 'drim par bsko na tshe dang ldan pa gang dag dge slong ming 'di zhes bgyi ba 'di dge 'dun la lhung bzed 'brel pa med pa 'drim pa bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba 'di dge 'dun la lhung bzed 'brel pa med pa 'drim par bskos lags te/ 'di ltar cang mi gsung bas de de bzhin du 'dzin to/ /lhung bzed 'brel pa med pa 'drim pa'i dge slong gi kun du sbyar ba'i chos ni 'di ltar bya ste/lhung bzed 'brel pa med pa 'drim pa'i dge slong gis dge 'dun tshe dang ldan pa dag sang dge 'dun la lhung bzed 'brel pa med pa 'drim par 'gyur gyi khyed cag nang par gaN+DI brdubs pa na rang rang gi lhung bzed dag thogs la dge 'dun gyi nang na gshegs par mdzod cig ces bsgo bar bya'o//de nas lhung bzed 'brel pa med pa 'drim pa'i dge slong gis phyi de nyin par gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo bar bya'o/ /dge slong rnams kyis kyang rang rang gi lhung bzed dag byin gyis brlabs pa phyung zhing thogs te dge 'dun gyi nang du 'jug par bya'o//de nas lhung bzed 'brel pa med pa 'drim pa'i dge slong gis dge 'dun thams cad 'dug cing mthun par gyur pa la lhung bzed 'brel ba med pa thogs te rgan pa'i mtha' logs su phyag 'tshal nas dge 'dun gyi gnas brtan gyi mdun du 'dug ste/gnas brtan lhung bzed 'di ni shin tu gsal ba/ dbyibs legs pa/ longs spyad par bzod pa lags kyi gal te bzhed na snoms shig ces yon tan ji lta ba bzhin du lhung bzed 'brel pa med pa'i bsngags pa brjod de dbul bar bya'o//dge 'dun gyi gnas brtan gyis kyang gal te 'dod na blang bar bya'o/ /gal te dge 'dun gyi gnas brtan gyis lhung bzed de blangs nas dge 'dun gyi gnas brtan gyi lhung bzed gang yin pa de gnas brtan gnyis pa la dbul bar bya'o/ /gnas brtan gnyis pa'i lhung bzed gang yin pa de gnas brtan gsum pa la dbul bar bya'o//de bzhin du dge 'dun gyi gsar bu gnyis pa'i lhung bzed gang yin pa de dge 'dun gyi gsar bu la dbul ba'i bar du bya'o/ /gal te dge 'dun gyi gnas brtan gyis ma blangs na gnas brtan gnyis pa la dbul bar bya'o/ / gal te gnas brtan gnyis pas ma blangs na gnas brtan gsum pa la dbul bar bya'o/ /gal te gnas brtan gsum pas blangs pa na dge 'dun gyi gnas brtan slong bar byed na brjod pa dang po la sbyin par mi bya zhing / brjod pa gnyis pa la yang sbyin par mi bya'o/ /brjod pa gsum pa la sbyin par bya ste/dge 'dun gyi gnas brtan gyis 'dul ba dang 'gal ba'i nyes byas kyi ltung ba bshags par bya'o/ /de bzhin du dge 'dun gyi gsar bu gsum pas ma blangs na gsar bu gnyis pa la dbul bar bya'o/ /gal te gsar bu gnyis pas ma blangs na gsar bu la dbul bar bya'o//gal te dge 'dun gyi gsar bus blangs pa na gsar bu gsum pa slong bar byed na brjod pa dang po la sbyin par mi bya zhing / brjod pa gnyis pa la yang sbyin par mi bya'o/ /brjod pa gsum pa la sbyin par bya ste/ dge 'dun gyi gsar bu gsum pas 'dul ba dang 'gal ba'i nyes byas kyi ltung ba bshags pa'i bar du bya'o//dge slong gi 'khor de'i lhung bzed tha mar gyur pa gang yin pa de dge slong de la dge slong khyod kyis lhung bzed 'di byin gyis brlab par mi bya/ gtang bar mi bya/ gzhan la sbyin par mi bya bar chag pa'i mthar thug gi bar du khad kyis dal bu dal bus spyad par bya'o zhes sbyin par bya'o//lhung bzed 'brel pa med pa 'chang ba'i dge slong gi kun du spyad pa'i chos ni 'di ltar bya ste/ lhung bzed 'brel pa med pa 'ching ba'i dge slong gis lhung bzed kyi snod gnyis nye bar gzhag par bya ste/ de la bzang po gang yin pa der lhung bzed 'brel pa med pa gzhug par bya zhing /cig shos su lhung bzed byin gyis brlabs pa gzhug par bya'o/ /des lhung bzed gnyis ka thogs te bsod snyoms la 'jug par bya zhing / gal te 'bras chan skam po rnyed na lhung bzed 'brel pa med pas blang bar bya'o/ /gal te 'bras chan gsher ba rnyed na lhung bzed byin gyis brlabs pas blang bar bya'o//gtsug lag khang du 'ongs nas dkyil 'khor byas te lhung bzed 'brel pa med pa mdun du gzhag nas lhung bzed byin gyis brlabs par bza' bar bya'o/ /zos zin nas byi dor dang kha zas 'bags pa'i dril phyi bya ba yang dang por lhung bzed 'brel pa med pa la bya zhing de'i 'og tu lhung bzed byin gyis brlabs pa la bya'o//bkru ba dang bskam pa dang lci bas drud pa la yang de bzhin bya'o/ /gal te lhung bzed kyi ngos khung gnyis yod na bzang po gang yin pa der lhung bzed 'brel ba med pa gzhug par bya zhing / cig shos su lhung bzed byin gyis brlabs pa gzhug par bya'o//gal te ngos khung gcig yod la gal te shod bzang na shod du lhung bzed 'brel ba med pa gzhag par bya zhing ngos khung du lhung bzed byin gyis brlabs pa gzhag par bya'o/ /gal te ngos khung bzang na ngos khung du lhung bzed 'brel ba med pa gzhug par bya zhing shod du lhung bzed byin gyis brlabs pa gzhag par bya'o//lhung bzed kyi las byed pa na gal te rdza bo gnyis yod na rdza bo bzang po gang yin pa der lhung bzed 'brel pa med pa bsreg par bya zhing / cig shos su lhung bzed byin gyis brlabs pa bsreg par bya'o/ /gal te rdza bo gcig yod na gal te 'og ma legs par tshos par 'gyur na 'og tu lhung bzed 'brel ba med pa gzhag par bya zhing /steng du lhung bzed byin gyis brlabs pa gzhag par bya'o/ /gal te steng du gzhag pa legs par tshos par 'gyur na steng du lhung bzed 'brel pa med pa gzhag par bya zhing 'og tu lhung bzed byin gyis brlabs pa gzhug par bya'o//lam du 'gro na lhung bzed kyi snod gnyis bskur bar bya ste/ de la bzang po gang yin pa der lhung bzed 'brel pa med pa gzhug par bya zhing / cig shos su lhung bzed byin gyis brlabs pa gzhug par bya'o//gal te khur tsa ba 'ga' zhig yod na de la lhung bzed byin gyis brlabs pa bskur bar bya zhing / bdag nyid kyis lhung bzed 'brel pa med pa bskur bar bya'o/ /gal te khur tsa ba 'ga' yang med na phrag pa g.yon pas lhung bzed 'brel pa med pa bskur bar bya zhing phrag pa g.yas pas lhung bzed byin gyis brlabs pa bskur bar bya'o//'di ni de'i chad pa'i las yin te tshul khrims yang dag par rjes su bsrung bas ji srid 'tsho'i bar du bcad bar bya'o/ /de ltar lhung bzed 'brel pa med pa 'drim pa bsko ba'i rim gyis dge slong ltung ba 'byin pa de la lhung bzed du ma yod pa nyid yin na mchog tu 'dod pa gcig dge 'dun la spang ba dang gzhan ni rab tu byung ba 'di pa la thams cad kyi thams cad du spang bar bya zhing de la lhung bzed tha chad 'brel pa med pa sbyin par bya ste/de'i cho ga dang las zin pa'i rjes la des ltung ba snga ma dag bzhin du chos bzhin phyir bya'o//lhung bzed tshol ba'i spang ba ste nyi shu gnyis pa bshad zin to// //so sor thar pa'i mdo rgya cher 'grel pa 'dul ba kun las btus pa/ bam po bcu bdun pa/ 'thag tu 'jug pa'i spang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//nye dgas bsams pa/ 'di dag thams cad khyim bdag mgon med zas sbyin gyis bslab pa'i gzhi dag gis bsdams pas phyin chad ras yug phran spom po gcig gi rin yang ga las kyang bslang bar mi nus kyi/ song ste bltas na gal te la las bslang bar nus so snyam nas de snga dro sham thabs bgos/lhung bzed dang chos gos thogs te mnyan yod du bsod snyoms la zhugs nas yugs sa mo lnga brgya dog pa 'khal zhing 'dug pa dag las dog pa shas shas kyis bslangs nas/ bu mo bde gnas ma zhig dang lag brjes te dog pa phra mo bslangs nas/ko sa la'i rgyal po gsal rgyal gyi yid brtan pa'i mi che ba zhes bya ba dang bsdongs te/ tha ga pa'i sna bo spyi ther nan khugs kyis 'thag tu bcug nas/ de smod par byed/ phyar kha gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ nye dga' la rmas nas rnam grangs du mar smad de/ bslab pa bca' ba'i phan yon bcu yang dag par gzigs pas/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang rang gis bslangs pa'i dog pas tha ga pa nye du ma yin pa la gos 'thag tu 'jug na gos grub na spang ba'i ltung byed do zhes bca' ba mdzad de/ yul ni mnyan yod/ gang zag ni nye dga'/ nyon mongs pa ni 'dod zhe na/ nyes pa ni tha ga pa nye du ma yin pa la gos 'thag tu 'jug pa'o/ /de la yang dge slong gang zhes bya ba ni shAkya'i bu nye dga' 'am gzhan yang de lta bu gang yin pa'o/ /rang gis bslangs pa'i dog pas zhes bya ba ni 'dun pas la la las srang gcig /la la las srang phyed/la la las zho gnyis/ la la las zho gcig bslangs pa'i dog pas so/ /tha ga pa zhes bya ba ni thags mkhan no/ /nye du ma yin pa la zhes bya ba ni phyi mo dang / mes po dang / phrugs la brten pa'i bdun pa tshun chad ni nye du yin la de phan chad ni nye du ma yin no/ /gos 'thag tu 'jug na zhes bya ba ni bdun po bal gos dang /sha na'i gos dang / zar ma'i gos dang / du gu la'i gos dang / ras bal gyi gos dang / ko tam pa'i gos dang / nyi 'og gi gos las gang yang rung ba'o/ /gos grub na zhes bya ba ni gos thob na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/des na spang ba'i ltung byed do zhes bya ba gsungs so/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni tha ga pa khyim pa nye du ma yin pa la rin med par ngag gis bsgo bas sam/ pho nya la sogs pa gzhan gyis kyang gos 'thag tu bcug na 'thag tu 'jug pa'i spang ba'i ltung byed kyi dngos gzhir 'gyur ro//dge slong la 'thag tu 'jug pa'i spang ba'i ltung byed byung na/ de ma spangs shing dral bar ma byas la ltung ba ma bshags par ram/ spangs shing bral bar ma byas pa ltung ba ma bshags par ram/spangs shing bral bar byas la ltung ba ma bshags par 'thag tu 'jug par gtogs pa de lta bu gzhan zhig rnyed na/ de yang snga ma'i shugs kyis spang bar 'gyur te/ de las ltung bar ni mi 'gyur ro/ /dge slong gis 'thag tu 'jug pa'i spang ba'i ltung byed byung la/ji srid du spang ba'i dngos po las ma bshags shing so sor ma bshags par lhung bzed dam/ chos gos sam/ dra ba'am/ phor bu'am/ ska rags sam/ dge sbyong gi 'tsho ba'i yo byad gang yang rung ba gzhan nye bar 'jog par byed na de yang snga ma'i shugs kyis spang bar 'gyur te/de las ltung bar ni mi 'gyur ro/ /tha ga pa khyim pa dang nye du ma yin pa la na smad pa med do/ /rin med par ngag gis bsgo ba la na smad pa med do/ /pho nya la sogs pa gzhan gyis 'thag tu bcug pa la na smad pa med do//gos rung ba nyid dang tshad dang ldan pa la na smad pa med do/ /tha ga pa nye du dang nye du ma yin pa gnyi gas cig car grub pa la na smad pa med do/ /tha ga pa khyim pa dang rab tu byung ba gnyi gas cig car grub pa la ni smad pa med do/ /bdag nyid dang nye du ma yin par bcas pas 'thag pa la na smad pa med do//rin byin pa dang ma byin pa gnyi gas 'thag tu bcug pa la na smad pa med do/ /'di'i byed pa po ni tha ga pa khyim pa nye du ma yin pa dang rin med par bsgo bas sam gzhan gyis kyang 'thag tu 'jug pa'o/ /'di la yan lag lngas dngos gzhi'i ltung bar 'gyur te/thag pa khyim pa nye du ma yin pa dang rin med pa dang / ngag gi rnam par rig byed dam gzhan gyis bsgo ba dang / gos rung ba tshad dang ldan pa dang / 'thag tu bcug pa dang / gos grub pa'o/ /de dag las yan lag ma tshang na ci rigs par na smad do//sbyor ba'i ltung ba ni nyes byas te/ ji srid du 'thag tu 'jug pa'i spang ba'i ltung byed kyi sbyor ba brtsams nas/ dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /tha ga pa ma ning dang mtshan gnyis pa dag la nyes byas so//tha ga pa phyi rol pa dang / 'di pa'i rab tu byung ba dang / ma chags pa dang nyams pa dag la nyes byas so/ /rdzas mi rung ba nyid dang tshad dang ldan pa ma yin pa la nyes byas so/ /'thag tu bcug pa'i don ma go na nyes byas so//gos ma grub na nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te/ nyes byas phra mo'o/ /de yang dang po yid la sems pa ni sbyor ba'i sbyor ba'i nyes byas phra mo'o//de nas lus dang ngag gis sbyor ba ni sbyor ba'i nyes byas dngos so/ /de nas mthar thug pa ni spang ba'i ltung byed kyi dngos gzhi'o zhes bya bar shes par bya'o/ /ltung ba med pa ni tha ga pa nye du la ltung ba med do/ /bdag nyid la ltung ba med do/ / rin byin pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du 'thag tu 'jug pa'i spang bar 'gyur ba rnam pa thams cad mi bsten par bslab par bya'o//phyir bcos pa ni snga ma bzhin no/ /'thag tu 'jug pa'i spang ba ste nyi shu gsum pa bshad zin to// //'thag pa bskyed pa'i spang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//mnyan yod na khyim bdag bza' bran gnyis shig 'dod pa la log par spyod pas bu mo mngag gzhug ma cig yod pa la rtag tu brdegs nas nye dgas de tshor nas khyim bdag bza' bran gnyis ci nas kyang skyabs su 'gro ba dang bslab pa'i gzhi dag la gnas par 'gyur ba de de ltar tshul khrims kyi bsngags pa brjod cing /tshul khrims 'chal ba'i bsngags pa ma yin pa yang brjod nas/ des de gnyis skyabs su 'gro ba dang bslab pa'i gzhi dag la gnas par byas so//de phyin chad de gnyis bu mo de la yang mi brdeg cing nye dga' la yang dog pa 'jam bo dag cig tha ga pa che ge mo zhig la ras yug chen 'thag tu bcug ste bskon par glengs pa bu mo des thos nas/ nye dga' la smras pa dang / nye dga' snga dro bsod snyoms la rgyu ba na btsun mo phreng ldan ma'i khyim nas hwags kyi la du dag thob pa khyer te/tha ga pa de'i gan du song nas smras pa/ bzhin bzangs la du 'di dag zo la kho bo'i ras yug chen 'di zhing che ba dang / khrun ring ba dang / thar gyis zhag pa dang / thag ran bzang bar legs par gyis shig ces 'thag pa bskyed du bcug nas/khyim bdag bza' bran gnyis kyi dog pa yang gron skyes/ tha ga pas kyang khyim bdag bza' bran gnyis las gla ma thob nas/ nye dga' la bdas pa dang / nye dgas tha ga pa de nyi tshan la btags te btang nas des smod par byed/ phyar ka gtong bar byed/kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ nye dga' la rmas nas/ rnam grangs du mar smad de/ bslab pa bca' ba'i phan yon bcu yang dag par gzigs pas/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gi phyir khyim bdag gam/ khyim bdag gi chung ma nye du ma yin pas tha ga pa nye du ma yin pa la gos 'thag tu 'jug pa las/de na gal te dge slong de la sngar ma bstabs par rnam par rtog pa 'ga' zhig 'di byung nas thag pa nye du ma yin pa'i gan du song ste 'di skad ces tshe dang ldan pa tha ga pa shes par gyis shig /gos 'di kho bo'i phyir 'thag gi tshe dang ldan pa tha ga pa gos 'di zhing che ba dang / khrun rin ba dang /thar gyis zhag pa dang thag ran bzang bar legs par gyis shig /tshe dang ldan pa tha ga pa 'di ltar kho bos gla rngan 'di lta ste/ bza' ba'am/ bza' ba tsam mam bza' rgyu cung zad cig sbyin no zhes smras na/ de la gal te dge slong des gos bsgrub pa'i phyir gla rngan 'di lta ste bza' ba'am bza' ba tsam mam bza' rgyu cung zad cig sbyin zhing gos grub na spang ba'i ltung byed do zhes bca' ba mdzad de/yul ni mnyan yod/ gang zag ni nye dga'/ nyon mongs pa ni 'dod zhe na/ nyes pa ni gos 'thag pa bskyed pa'o/ /de la dge slong gi phyir zhes bya ba ni shAkya'i bu nye dga' 'am/ gzhan yang de lta bu gang yin pa'i phyir ro//khyim bdag gam zhes bya ba ni skyes pa'o/ /khyim bdag gi chung ma zhes bya ba ni bud med do/ /nye du ma yin pa zhes bya ba ni phyi mo dang mes po dang phrugs kyi bdun pa tshun chad ni nye du yin la/ de phan chad ni nye du ma yin no/ /tha ga pa zhes bya ba ni thags mkhan no/ / nye du ma yin pa zhes bya ba ni phyi mo dang mes po dang phrugs kyi bdun pa tshun chad ni nye du yin la de phan chad ni nye du ma yin no/ /gos 'thag tu bcug pa las zhes bya ba ni bdun po bal gos dang / sha na'i gos dang / zar ma'i gos dang / du gu la'i gos dang / ras bal gyi gos dang / ko tam pa'i gos dang /nyi 'og gi gos dag las gang yang rung ba'o/ /de na gal te dge slong de la zhes bya ba ni shAkya'i bu nye dga' la'o/ /sngar ma bstabs par zhes bya ba ni sngar mgron du ma bos par ro/ /rnam par rtog pa 'ga' zhig byung zhes bya ba ni bsnyen bkur byed pa 'ga' zhig byung nas so//tha ga pa nye du ma yin pa'i gan du song ste zhes bya ba ni drung du song ste'o/ /de skad ces tshe dang ldan pa tha ga pa shes par gyis shig /gos 'di kho bo'i phyir 'thag gi zhes bya ba ni bdag nyid nye bar ston par byed pa'o/ /tshe dang ldan pa tha ga pa gos 'di zhes bya ba ni 'thag tu bcug pa'i'o//zhing che ba zhes bya ba ni rgya che ba'o/ /khrun ring ba zhes bya ba ni chu ring ba'o/ /thar gyis zhag pa zhes bya ba ni 'jur mdud med pa'o/ /thag ran bzang ba zhes bya ba ni byer zug snyoms pa dang / shas bzang ba dang sang seng med par ro/ /legs par gyis shig ces bya ba ni lag byad bzang por ro//tshe dang ldan pa tha ga pa 'di ltar kho bos gla rngan 'di lta ste zhes bya ba ni 'og ma lta bu dag sbyin no zhes dam bcas pa'o/ /bza' ba'am zhes bya ba ni bza' ba lnga po dag go/ /bza' ba tsam mam zhes bya ba ni bca' ba lnga po dag go/ /bza' rgyu zhes bya ba ni bza' ba'i rgyu'o//cung zad cig sbyin no zhes smras nas zhes bya ba ni khas blangs nas so/ /de la gal te dge slong des zhes bya ba ni shAkya'i bu nye dgas so/ /gos bsgrub pa'i phyir zhes bya ba ni gos thob par bya ba'i phyir ro/ /gla rngan 'di lta ste bza' ba'am bza' ba tsam mam bza' rgyu cung zad cig sbyin zhing zhes bya ba ni btsun mo phreng ldan ma'i khyim nas thob pa'i hwags kyi la du la sogs pa lta bu'o//gos grub na zhes bya ba ni gos thob na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes bya ba gsungs so//de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni sbyin bdag dang thag pa nye du ma yin pas dge slong gi phyir gos btags par bsams pa'i 'thag pa bskyed nas/gal te sbyin bdag gi dog pa la sogs pa zad pa dang / tha ga pa la gla rngan ma byin par gos grub na 'thag pa bskyed pa'i spang ba'i ltung byed kyi dngos gzhir 'gyur ro//dge slong la 'thag pa bskyed pa'i spang ba'i ltung byed byung na/ de ma spangs shing bral bar ma byas la ltung ba ma bshags par ram/ spangs shing bral bar ma byas la ltung ba ma bshags par ram/ spangs shing bral bar byas la ltung ba ma bshags par 'thag pa bskyed par gtogs pa de lta bu gzhan zhig rnyed na de yang snga ma'i shugs kyis spang bar 'gyur te/de las ltung bar ni mi 'gyur ro/ /dge slong gis 'thag pa bskyed pa'i spang ba'i ltung byed byung la ji srid du spang ba'i dngos po las ma bshags shing so sor ma bshags par lhung bzed dam chos gos sam dra ba'am phor bu'am ska rags sam dge sbyong gi 'tsho ba'i yo byad gang yang rung ba gzhan nye bar 'jog par byed na de yang snga ma'i shugs kyis spang bar 'gyur te/de las ltung bar ni mi 'gyur ro/ /sbyin bdag dang tha ga pa khyim pa dang nye du ma yin pa la na smad pa med do/ /dge slong de'i phyir gos btags pa bsams pa las byung ba nyid la na smad pa med do//kho lag che ba nyid dam 'bras bzang ba nyid la thag pa nges par sbyar ba la na smad pa med do/ /gal te sbyin bdag gi dog pa la sogs pa zad par gyur pa la na smad pa med do/ /tha ga pa la rngan pa ma byin pa la na smad pa med do/ /sbyin par byed pas dge slong gos kho lag che ba nyid dam 'bras bzang ba nyid du bya ba'i don du rjes su ma gnang bas de dag byas pa la na smad pa med do//gos rung ba nyid dang tshad dang ldan pa la na smad pa med do/ /sbyin bdag dang / tha ga pa nye du dang nye du ma yin pa gnyi gas cig car 'thag pa bskyed pa la na smad pa med do/ /sbyin bdag dang tha ga pa khyim pa dang rab tu byung ba gnyi gas cig car 'thag pa bskyed pa la na smad pa med do//bdag nyid dang sbyin bdag dang tha ga pa nye du ma yin par bcas pas 'thag pa bskyed pa la na smad pa med do/ /rngan pa khas blangs kyang rung ma blangs kyang rung ste/ bcol bas 'thag pa bskyed pa nyid la na smad pa med do/ /'di'i byed pa po ni dge slong de'i phyir btags par bya ba bsams pa las byung ba nyid dang /kho lag che ba nyid dam 'bras bzang ba nyid la 'thag pa nges par sbyar ba dang / sbyin par byed pas de'i don du rjes su ma gnang ba lta bu ni byed pa po dag yin no/ /'di la yan lag drug gis dngos gzhi'i ltung bar 'gyur te/ sbyin bdag dang tha ga pa khyim pa nye du ma yin pa nyid dang /dge slong de'i gos 'thag tu bcug pa dang / dge slong gis 'thag pa bskyed pa dang / gal te sbyin bdag gi dog pa la sogs pa zad pa dang / tha ga pa la gla rngan ma byin pa dang gos grub pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du 'thag pa bskyed pa'i spang ba'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /gos grub pa'i mdun rol du gos bsgrub pa de'i phyir bsod snyoms la 'gro ba dang /bca' ba la sogs pa tshol zhing der khyer ba dang / lag pa dag snyol bar byed pa dang / lhung bzed dag 'khru bar byed pa dang / 'gro ba dang 'ong ba dang / bsod snyoms thob nas tha ga pa la sbyin par byed pa la sogs pa bsams pa las byung ba rjes su bsgrub pa tha dad pa dag ni nyes byas so/ /sbyin bdag gis ma bsgo bar dge slong sbyin bdag dang tha ga pa'i gan du 'gro ba la yang nyes byas so//sbyin bdag dang tha ga pa ma ning dang mtshan gnyis pa dag la nyes byas so/ /sbyin bdag dang tha ga pa phyi rol pa dang / 'di pa'i rab tu byung ba dang / ma chags pa dang nyams pa dag la nyes byas so/ /rdzas mi rung ba nyid dang tshad dang ldan pa ma yin pa la nyes byas so//'thag pa bskyed pa'i don ma go na nyes byas so/ /gos ma grub na nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o//de yang dang po yid la sems pa ni sbyor ba'i sbyor ba'i nyes byas phra mo'o/ /de nas lus dang ngag gis sbyor ba ni sbyor ba'i nyes byas dngos so/ /de nas mthar thug pa ni spang ba'i ltung byed kyi dngos gzhi'o zhes bya bar shes par bya'o/ /ltung ba med pa ni sbyin bdag dang thag pa nye du la ltung ba med do//bdag nyid la ltung ba med do/ /gla rngan byin pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la/ gnas skabs thams cad du 'thag pa bskyed pa'i spang bar 'gyur ba rnam pa thams cad mi bsten par bslab par bya'o//phyir bcos pa ni snga ma bzhin no/ /'thag pa bskyed pa'i spang ba ste nyi shu bzhi pa bshad zin to// // @##/ /'phrog pa'i spang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dga' bo la lhan cig gnas pa dge slong chos zhes bya ba ngo tsha shes pa 'gyod pa dang ldan pa bsdams pa bslab pa 'dod pa zhig yod pa des ji srid du dga' bo gnas ngan len kun tu spyod par mi shes pa de srid du de dang lhan cig gnas so//gang gi tshe des de gnas ngan len kun tu spyod par shes pa de'i tshe na de rang bzhin du gnas pa'i dge slong rnams dang lhan cig gnas par brtsams te/ bcom ldan 'das kyi bka' lung gis dus gsum du rkang pa la phyag 'tshal du 'gro ba 'ba' zhig byed do//de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong rnams la de bzhin gshegs pa ko sa la dag tu ljongs rgyur gshegs kyi khyed cag las gang de bzhin gshegs pa dang thabs cig tu ko sa la dag tu ljongs rgyur 'gro bar spro ba des chos gos kyi las gyis shig ces sgo shig /tshe dang ldan pa kun dga' bo dge slong rnams la de skad ces bsgo ba dga' bos thos nas nye dga' la smras pa/ gal te bdag cag 'di nyid du 'dug na ni sgo 'phar brgya dag 'das te ji nas kyang lto dgang ba bsgrub par bya dgos so//ji ste bcom ldan 'das kyi zham 'bring du 'dong na ni sangs rgyas gshegs pa la phan yon bco brgyad yod par gsungs pas srog chags brgya stong phrag du ma dag kyang 'gro bar 'gyur bas bdag cag gis re zhig chu yang rnyog pa can dag btung dgos par 'gyur la/shing ljon pa'i drung du yang go thob par mi 'gyur gyi/ bdag cag dge slong rab tu shes pa 'ga' zhig khrid de sna la dong nas rnyed pa 'grub par 'gyur na su bkri/nye dgas smras pa/ khyod nyid kyi lhan cig gnas pa dge slong chos de zang zing gis brid de khrid cig /de nas dga' bos dge slong chos rang gi drung du chos gos snam sbyar 'drub pa zhur 'ongs pa'i tshe smras pa/khyod la ngas chos gos snam sbyar gcig sbyin gyis khyod rang gis drub mi dgos so/ /de nas chos kyis dga' bos byin pa'i snam sbyar gyon te rang gi ras yug chen dge 'dun la phul nas snam sbyar rnying pa yang bsod snyoms pa zhig la byin no//de nas dga' bos chos la khyod nga'i phyi bzhin sngar 'dong ngo zhes smras pa dang chos ma btub nas/ dga' bos chos gos snam sbyar byin pa de phyir phrogs so/ /de nas dge slong chos snam sbyar med bar bcom ldan 'das kyi zham 'bring du ljongs rgyur song ba bcom ldan 'das kyis gzigs nas tshe dang ldan pa kun dga' bo la smras pa dang /tshe dang ldan pa kun dga' bos de'i lo rgyus bcom ldan 'das la rgyas par gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ dga' bo la smras nas rnam grangs du mar dmad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong la gos byin nas de'i 'og tu khros 'khrugs rngam par gyur te/ yi ma rangs nas 'phrog gam 'phrog tu 'jug cing de la 'di skad ces dge slong khyod la gos mi sbyin gyi phyir byin cig ces zer na dge slong des lhag ma yod pa phyir sbyin par bya zhing btang na spang ba'i ltung byed do zhes bca' ba mdzad do//yul ni mnyan yod/ gang zag ni dga' bo/ nyon mongs pa ni mi bzod pa/nyes pa ni byin 'phrog byed pa'o/ /de la yang dge slong gang zhes bya ba ni shAkya'i bu dga' bo'am/ gzhan yang de lta bu gang yin ba'o/ /dge slong la zhes bya ba ni chos 'di pa la'o/ /gos zhes bya ba ni bdun po bal gos dang / sha na'i gos dang / zar ma'i gos dang / du ku la'i gos dang / ras bal gyi gos dang / ko tam pa'i gos dang / nyi 'og gi gos las gang yang rung ba'o/ /byin nas zhes bya ba ni phyir sbyin mi dgos par ro/ /de'i 'og tu zhes bya ba ni dus gzhan na'o/ /khros 'khrugs rngam par gyur te yi ma rangs nas zhes bya ba ni khro ba ma sangs par ro//'phrog gam zhes bya ba ni bdag nyid kyis so/ /'phrog tu 'jug cing zhes bya ba ni gzhan no/ /de la 'di skad ces dge slong khyod la gos mi sbyin gyi/ phyir byin cig ces zer ba na zhes bya ba ni dbrog pa'i bsam pas tshig de skad ces zer na'o/ /dge slong des zhes bya ba ni/ dge slong gang yin pa des so//lhag ma yod pa zhes bya ba ni/ de'i lhag ma gang yin pa'o/ /phyir sbyin par bya zhing zhes bya ba ni gtang rmye bar bya zhing ngo / /btang na zhes bya ba ni lus dang bral bar byas na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/des na spang ba'i ltung byed do zhes gsungs so/ /de la ltung ba ji ltar 'gyur zhe na/ 'dir yang dngos gzhi dang sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni de dbral bar bya ba'i dge slong nyid las dbrog par bya ba rang gi nyid ma yin pa'i gos la sogs pa yo byad gang yang rung ba de'i 'am des bskos pa'i lus dang ngag bsdus pa'am tha dad pa dag gis dbrog pa'i don du zhugs shing lus las tha dad pa'i dngos por gyur pa mthar thug pa na/'phrog pa'i spang pa'i ltung byed kyi dngos gzhir 'gyur ro/ /dge slong la 'phrog pa'i spong ba'i ltung byed byung na de ma spangs shing bral la bar ma byas la ltung ba ma bshags par ram/ spangs shing bral bar ma byas la/ltung ba ma bshags par ram/ spangs shing bral bar byas la ltung ba ma bshags par 'phrog par gtogs pa de lta bu gzhan zhig rnyed na de yang snga ma'i shugs kyis spang bar 'gyur te/ de las ltung bar ni mi 'gyur ro/ /dge slong gis 'phrog pa'i spang ba'i ltung byed byung la/ ji srid du spang ba'i dngos po las ma bshags shing so sor ma bshags par/lhung bzed dam chos gos sam/ dra ba'am phor bu'am/ ska rags sam/ dge sbyong gi 'tsho ba'i yo byad gang yang rung ba gzhan nye bar 'jog par byed na de yang snga ma'i shugs kyis spang bar 'gyur te/ de las ltung bar ni mi 'gyur ro//dbral bar bya ba dge slong nyid la na smad pa med do/ /dbrog par bya ba rang gis byin nam/ gzhan gyis byin pa dang dbral bar bya ba rang gi nyid ma yin pa la na smad pa med do/ /gos nyid du gtogs pa chos gos la sogs pa dge slong gi yo byad gang yang rung ba la na smad pa med do//ltung ba 'byin pa de'i 'am des bskos pa'i lus dang ngag dang bsdus pa'am tha dad pa dag gis dbrog pa'i don du zhugs pa lta bu la na smad pa med do/ /dbral bar bya ba'i lus las tha dad pa'i dngos por gyur pa mthar thug pa la na smad pa med do/ /rang gi phyir 'phrog pa dang gzhan gyi phyir 'phrog pa la na smad pa med do//rang gi nyid sel par byed pa'i 'phrog pa la na smad pa med do/ /rang gi nyid sel bar gyur pa'i 'phrog pa zhes bya ba ni dbral bar bya ba rang gi nyid kyi rdzas dang bdag po nyid sel bar gyur pa'o/ /gos rung ba nyid dang / tshad dang ldan pa la na smad pa med do//dbral bar bya ba la dge slong bsnyen par rdzogs pa can ma nyams pa la na smad pa med do/ /mtshan dang khas blangs pa dag gis rang gi phyogs kyi khongs su gtogs pa la na smad pa med do/ /'di'i byed pa po ni dbral bar bya ba dge slong nyid dang / dbrog par bya ba rang gi nyid ma yin pa gos la sogs pa dang de'i 'am des bskos pa'i lus dang ngag bsdus pa'am/tha dad pa dag gis dbrog pa'i don du zhugs pa lta bu ni byed pa po dag yin no/ /'di la yan lag lngas dngos gzhi'i ltung bar 'gyur te/ dbral bar bya ba dge slong nyid dang dbrog par bya ba rang gi nyid ma yin pa gos la sogs pa yo byad gang yang rung ba dang /de'i 'am des bskos pa'i lus dang ngag bsdus pa'am/ tha dad pa gang yang rung ba dang dbrog pa'i don du zhugs pa dang / lus las tha dad pa'i dngos por gyur pa mthar thug pa'o/ /de dag las yan lag ma tshang na ci rigs par na smad pa med do//sbyor ba'i ltung ba ni nyes byas te/ ji srid du 'phrog pa'i spang ba'i ltung byed kyi sbyor ba brtsams nas dngos gzhi la ma thug pa'i bar du nyes byas so/ /dngos gzhi la sbyor ba tha dad pa ji snyed pa brtsams pa re re la nyes byas re re'o/ /dbral bar bya ba ba bsnyen par ma rdzogs pa la rang ngam des bsgos pa bsnyen par rdzogs pa dang ma rdzogs pas 'phrog pa la nyes byas so//blo gros ngan pas byas pa'i 'phrog pa rgod pa'i bsam pas dus chung zad cig sems gdung bar bya'o snyam pas co dris par gyur cig /gnod par gyur cig /mthu bstan par gyur cig ces bya ba de lta bus chos gos la sogs pa dbrog par byas nas phyir sbyin par bya'o zhes bya ba la sogs pa lta bu la nyes byas so//gos mi rung ba nyid dang / tshad dang ldan pa ma yin pa la nyes byas so/ /dbral bar bya ba phyi rol pa'i rab tu byung ba dang chos 'di pa ma chags pa dang ma nyams pa dag la nyes byas so//mtshan dang lta ba khas ma blangs pa dag gis rang gi phyogs kyi khongs su ma gtogs pa la nyes byas so/ /khyim pa'i rtags can nyid la nyes byas so/ /rang gis mngon sum du ma bskos pa lkog nas bskos pa dang brgyud pas bskos pas 'phrog pa la nyes byas so//sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /de yang dang po yid la sems pa ni sbyor ba'i sbyor ba'i nyes byas phra mo'o/ /de nas lus dang ngag gis sbyor ba'i sbyor ba'i nyes byas dngos po de nas mthar thug pa ni spang ba'i ltung byed kyi dngos gzhi'o zhes bya bar shes par bya'o//ltung ba med pa ni rigs pa'i don gyi dbang gis byas pa'i 'phrog pa gnod pa dang mi phan pa byed pa la 'jug pa'i bgegs bya ba'i phyir 'phrog pa la ltung ba med de/gnod pa ni tshe 'di'i lus la gnod par 'gyur ba'o/ /mi phan pa ni 'jig rten pha rol du 'bras bu mi 'dod pa 'byin pa'i sems kun nas nyon mongs pa can no/ /'dir gzhung ni don gzhan dang 'dul ba'i yo byad kyi phyir ni ltung ba med do/ /ji ltar don gzhan gyis she na/ 'di lta ste/slob dpon dang mkhan po'i lhan cig gnas pa dang nye gnas dag 'jigs pa dang bcas pa'i phyogs su dus ma yin pa dang chu klung gi kha'am yur po che'i khar 'gro ba de dag la/ slob dpon dang mkhan pos chom rkun pa dang g.yon can dag gis gos dag phrog par gyur na mi rung ngo snyam pas 'phrog gam 'phrog tu 'jug pa lta bu yin no//ji ltar 'dul ba'i yo byad kyis she na/ 'di lta ste/ dge slong rnams kyi lhan cig gnas pa dang / nye gnas dag sdig pa'i grogs po dang sdig pa'i zla bo dang sdig pa'i rten grogs dang lhan cig sdig pa brten cing lam du 'gro bar gyur na/ de dag la mkhan po dang slob dpon gyis 'di dag sdig pa'i grogs po dang sdig pa'i zla bo dang sdig pa'i rten grogs la bsten par gyur na mi rung ngo snyam pas gos dag 'phrog gam/'phrog tu 'jug pa lta bu'o zhes gsungs pa yin no/ /las dang po pa dang / smos pa dang / sems 'khrugs pa dang tshor ba dag gis nyen pa la ltung ba med do//bslab par bya ba ni dge slong gi yul thams cad la gnas skabs thams cad du 'phrog pa'i spang bar 'gyur ba rnam pa thams cad mi bsten par bslab par bya'o/ /phrogs pa'i chos gos gang yin pa de yong su longs spyad par mi bya'o/ /de ni phyir sbyin par bya ba nyid do//phyir bcos pa'i sbyor ba gzhan ni snga ma bzhin no/ /bye brag tu na phrogs pa'i gos de yongs su longs spyad par mi bya ba de la phyir sbyin par bya'o/ /ji ste yongs su longs spyad par gyur na yang de'i lhag ma gang yod pa gang yin pa de la phyir sbyin par bya ste ji srid du mi sbyin pa de srid du ltung ba bshags su mi rung ngo //'dir gzhung ni dge slong des gos de'i lhag ma yod pa phyir sbyin par bya zhes gsungs pa yin te/ phyir sbyin par bya ba ni spang zhing bral bar bya ba'i cho ga yin la de'i 'og tu zhag gcig la sogs pa lon na ltung ba de chos bzhin du phyir bcos par bya'o//'phrog pa'i spang ba ste nyi shu lnga pa bshad zin to// //brtad pa las byung ba'i spang ba'i gleng gzhi ni bcas pa dang gnang ba'i dbang gis rnam pa gnyis te/ bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//ri brags shig na khyim bdag dad pa dang ldan zhing bzang la dge ba'i bsam pa can zhig 'dug pa des dgon par dge 'dun gyi gtsug lag khang rta babs mthon po dang ldan pa skar khung dang skar khung dra ba can dang lan kan gyis brgyan pa/ snying dang mig 'phrog par byed pa mtho ris kyi them skas su gyur pa khri dang /khri'u dang yo byad phun sum tshogs pa zhig byed du bcug ste/ de na dge slong drug cu gnas pa de dag la khyim bdag des chos gos dang bsod snyoms la sogs pas mkho ba stobs par byed do/ /de nas dus gzhan zhig na khyim bdag de dus kyi chos dang ldan par gyur nas de'i bus yo byad ma sbyar nas dge slong drug cu po de dag ni gzhan du dong ngo //rgan zhugs gnyis shig de na 'khod pa'i tshe byang phyogs nas tshong pa don mthun dag der lhags pas dge slong drug cu dbyar zla ba gsum gnas par khas len pa'i bsod snyoms dang brgyad ston dang bcu bzhi ston dang nya ston dang na pa'i rkyen dang sman gyi yo byad dang rnyed pa dang chos gos kyi zong dag phul te/dge slong bzang po dag bos la dbyar 'dir gnas par khas long shig dang / bdag cag kyang dbyar 'das nas 'dir mchis te/ dge slong brgya la mkho ba bstabs par bya'o zhes rgan zhugs gnyis la smras te dong ngo //de nas rgan zhugs gcig gis rnyed pa sbas te/ gcig gis mnyan yod nas drug sde dag sbran pa dang / drug sde dag gis rgan zhugs gnyis las las phyung ste/ dge slong lto 'dun can zhig bsgos nas nyi ma re re zhing bca' ba rnam pa bco brgyad dang tshod ma snum bag can mang po sna tshogs dag dang /legs par sbyar ba'i btung ba sha stag brims pas dbyar zla ba gsum gyi bsod snyoms thams cad zos te/ gos kyi rnyed pa yang bgos nas mnyan yod du dong nas dbyar phyi mar gnas par khas blangs te 'khod do//dbyar snga ma 'das pa dang byang phyogs pa'i tshong pa don mthun dag der lhags te/ bltas na drug sde dag gis de ltar byas par mthong nas de dag shAkya'i bu'i dge sbyong rnams kyi dge sbyong gi tshul ni tshig go/ /bram ze'i tshul ni tshig ste/ 'di ltar bdag cag gi dad pa'i myu gu skyes ma thag tu bcom mo zhes smod par byed/phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ drug sde dag la smras nas rnam grangs du mar smad de/bslab pa bca' ba'i phan yon bcu yang dag par gzigs pas 'dul ba la nyan thos rnams kyi bslab pa'i gzhi 'di ltar bca' bar bya ste/ de lta bas na dge slong rnams kyis dbyar gyi nang du bgo bar mi bya'o/ /dge slong rnams kyis dbyar gyi rnyed pa dbyar gyi nang du 'god par byed na 'gal tshabs can du 'gyur ro zhes bcom ldan 'das kyis 'dul ba la nyan thos rnams kyi bslab pa'i gzhi de ltar bca' ba mdzad do//gnang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//mnyan yod na dge slong ma skye dgu'i bdag mo chen mo gau ta mi dang / chos sbyin gnyis las skye dgu'i bdag mo chen mo gau ta mi ni spong ba ma 'khor yang spong ba mo dang ldan pa yin la/ chos sbyin ni mdo sde'i mtha' la 'khor yang mdo sde'i mtha' dang ldan pa yin te/ de gnyis dbyar khang gcig tu dbyar gnas par khas blangs nas gang gi tshe skye dgu'i bdag mo chen mo gau ta mi'i 'khor rnam par langs par gyur pa de'i tshe na chos byin gyis rang gi 'khor la nu mo dag bcom ldan 'das kyis dge slong ma rnams la rab tu byung ba dang bsnyen par rdzogs pa dge slong ma'i dngos po rjes su gnang ba gang yin pa de thams cad skye dgu'i bdag mo chen mo gau ta mi la brten pa yin la/bcom ldan 'das kyis kyang gzhan gyi sems bsrung ba'i gang zag ni bsod nams mang du skyed par byed do zhes gsungs kyi/ khyed cag kyang re zhig mi rtag pa nyid yid la bya ba sgoms shig ces 'doms par byed cing /de dag kyang mi rtag pa nyid yid la bya ba sgom par rtsom mo/ /gang gi tshe chos sbyin gyi 'khor rnam par langs par gyur pa de'i tshe na skye dgu'i bdag mo chen po gau ta mi yang rang gi 'khor la nu mo dag bcom ldan 'das kyis bskal pa grangs med pa gsum gyis dka' ba spyad pa brgya slong phrag du ma dag gis pha rol tu phyin pa drug yongs su rdzogs par mdzad de/bla na med pa'i mkhyen pa thugs su chud pa gang yin pa de thams cad sems can la phan pa'i rgyu yin la/ bcom ldan 'das kyis kyang gzhan gyi sems bsrung ba'i gang zag ni bsod nams mang pa skyed par byed do zhes gsungs kyis/khyed cag kyang re zhig mi rtag pa nyid dang ldan pa'i mdo sde'i mtha' dag kha ton gyis shig ces 'doms par byed cing de dag kyang mi rtag pa nyid dang ldan pa'i mdo sde'i mtha' dag kha ton byed par rtsom mo/ /dge slong ma dag de ltar phan tshun sems rjes su srung bas dge ba'i chos rnams kyis mi 'phel te chu med pa nas ut+pa la bzhin no//de nas chos sbyin gyis dge bsnyen ma sa ga yo byad sbyor du bcug ste/ btsun mo phreng ldan ma las brgyud nas ko sa la'i rgyal po gsal rgyal las kyang dbyar khang gi gzhi blangs te/ ko sa la'i rgyal po gsal rgyal la ral gri'i mthu can dang rgyal rigs bzang po pa zhes bya ba'i khrom gnyis yod pa las/ral gri'i mthu can gyi khrom dmag gi gnas su song ba dang de dag gi chung ma rnams skyes pa gzhan dag dang lhan cig dga' dgur spyod par byed pas phyogs der go skabs dben par gyur nas/ chos sbyin gyis dge bsnyen ma sa ga phyogs der dbyar khang byed du bcug nas dge slong ma rnams kyis kyang der gnas par brtsams so/ /de nas dge slong ma chos sbyin gyis ral gri'i mthu can gyi khrom de dmag gi gnas su song ba'i chung ma rnams la chos bstan pas de dag gis rgyun du zhugs pa'i 'bras bu thob par gyur to//ral gri'i mthu can gyi khrom dmag gnas nas phyir 'ongs ba rnams la yang chos bstan pas de dag gis kyang rgyun du zhugs pa'i 'bras bu thob par gyur to/ /de nas dus gzhan zhig na ko sa la'i rgyal po gsal rgyal gyi ri brags pa zhig log nas ko sa la'i rgyal po gsal rgyal gyis ral gri'i mthu can gyi khrom de 'bebs su btang ba dang de dag gis dge slong ma chos sbyin la zhus te/gzhu gzhu rgyud med pa dang / mda' mde'u med pa dang / shing gi ral gri dag thogs te/ der dong nas mtshan mo rgyun chags gsum pa klags shing mi mjed kyi bdag po tshangs pa dang /lha rnams kyi dbang po brgya byin dang / 'jig rten skyong ba bzhi dang / gnod sbyin gyi dmag dpon chen po nyi shu rtsa brgyad dang / gnod sbyin gyi sde dpon chen po lngas rtsen dang / klu'i rgyal po dga' bo dang / nye dga'i ming gis yon tan bshad pa byas pa dang / rgyal po chen po rnam thos kyi bus thos nas chos kyi spun de dag rgyal pos gnas ma yin par bskos pa mthong nas/ gnod sbyin gyi dmag dpon chen po lngas rtsen la smras pa nga'i chos kyi spun 'di dag rgyal pos gnas ma yin par bskos kyi song la ri brags pa de phob ste de dag la byin la/ srog chags 'ga' la yang mi gnod par gyis shig /de nas gnod sbyin gyi dmag dpon chen po lngas rtsen gyis dpung gi tshogs yan lag bzhi pa khyad par can dag mngon par sprul nas ri brags pa de dag bzung ste/ sgyu dpya dang bcas par ral gri'i mthu can gyi khrom la byin nas de dag gis de dag sgyu dpya dang bcas te mnyan yod du bdas nas ko sa la'i rgyal po gsal rgyal la phul ba dang rgyal po dga' nas des smras pa/shes ldan dag sgyu dpya dag khyed cag nyid khyer cig /de dag gis sgyu dpya de dag khyer te chos sbyin gyi gan du dong nas smras pa/ 'phags ma bdag cag gson zhing lhags pa dang /bdag cag gi dpal dang skal ba bzang po phun sum tshogs pa gang lags pa de thams cad 'phags ma kho na'i mthu lags kyis rgyal pos bdag cag la sgyu dpya stsal ba 'di dag thams cad 'phags mas thugs brtse ba'i slad du bzhes su gsol/ des smras pa/ bu dag sangs rgyas dang chos dang dge 'dun la mchod pa gyis shig dang /des khyed cag la yun rin po'i dong dang / phan pa dang bde bar 'gyur ro/ /de dag gis bcom ldan 'das nyan thos kyi dge 'dun dang bcas pa zla ba gsum du yo byad thams cad kyis spyan drangs nas/ de dag snga dro ni sangs rgyas dang chos dang dge 'dun la mchod pa byed/phyi dro ni chos nyan par byed do/ /de nas yang dus gzhan zhig na ko sa la'i rgyal po gsal rgyal gyi ri brags pa gzhan zhig log nas rgyal pos ral gri'i mthu can gyi khrom la bsgo ba/ khyed deng la ri brags pa che ge mo zhig phob zhig dang res gzhan la mi gtong ngo / / de dag gis bsams pa sngar de'i tshe ni bdag cag gis gnod sbyin gyi dmag dpon chen po lngas rtsen gyi mthus ri brags pa de phab kyi/ de ni bdag cag gis de nyid du mchi bar bya dgos par 'gyur bas 'di ltar bdag cag gis 'phags pa dag zla ba gsum du yo byad thams cad kyis spyan drangs pa de dag la chos gos dag phul te 'dong bar bya'o snyam nas de dag chos gos dag thogs te/gtsug lag khang du dong nas dge slong rnams la smras pa/ 'phags pa dag bdag cag rgyal pos dmag gi gnas su btang ste/ gal te na bdag cag de nyid du 'gum par 'gyur ba gang lags pa de lta bu'i gnas kyang mchis par 'gyur bas chos gos 'di dag bzhes su gsol/dge slong rnams kyis smras pa/ bzhin bzangs dag bcom ldan 'das kyis dge slong rnams kyi dbyar gyi rnyed pa dbyar gyi nang du bgo bar mi bya'i zhes bslab pa'i gzhi bca' ba mdzad pas bdag cag mi len to//de dag gis smras pa/ 'phags pa dag khyed cag gis bzhes te zhog la dgag dbye bgyis nas bgo bar mdzod cig ces de dag gis de dag gnas khang du bcug ste dong ngo / /de dag dmag gi gnas su 'phags pa khyim bdag mgon med zas sbyin gyis mthong nas des kos la'i rgyal po gsal rgyal la smras pa/lha ral gri'i mthu can gyi khrom gzhu gzhu rgyud ma mchis pa dang / mda' mde'u ma mchis pa dang / zhugs shing gi ral gri thogs pa de dag gis ri brags pa dag mi phebs par mi mkhyen tam/ gzhan yang de dag ni sangs rgyas kyi sras sha stag ste/de dag gis dge ba'i bshes gnyen 'phags ma chos byin la brten nas thams cad kyis rgyun du zhugs pa'i 'bras bu mngon sum du bgyis so/ /kos la'i rgyal po gsal rgyal gyis blon po rnams la bsgo ba/ shes ldan dag deng phyin chad khyed kyi dmag dpon 'phags skyes po la bsgo bar bya'i/ral gri'i mthu can gyi khrom la bsgo bar mi bya'o/ /de nas ral gri'i mthu can gyi khrom de dag phyir mkhos su phab nas dge slong rnams kyi dgag dbye byas pa'i tshe de dag la smras pa/ bzhin bzangs dag kho bo bdag cag dgag dbye byas kyi chos gos dag byin cig /de dag gis smras pa/ 'phags pa dag bdag cag gis chos gos dag phul lags kyi de dag bzhes shig /dge slong de dag dong nas gnas khang gi sgo phye ba dang / phyogs des snum zhing dngar bas chos gos de dag sril dag gis rmugs te rdul du brlags shing 'dug par snang ba'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ dge slong dag de lta bas na gos sbed pa'i dge slong bsko bar bya ste/ gos sbed pa'i dge slong chos lnga dang mi ldan pa ni ma bskos pa yang bskos bar mi bya la bskos pa yang dbyung bar bya ste/ lnga gang zhe na/ 'dun pas 'gro ba dang /zhe sdang gis 'gro ba dang / gti mug gis 'gro ba dang / 'jigs pas 'gro ba dang / gos kyi rnyed pa sbas pa dang / ma sbas pa mi shes pa'o/ /gos sbed pa'i dge slong chos lnga dang ldan pa ni ma bskos pa yang bskos bar bya la/ bskos pa yang dbyung bar mi bya ste/ lnga gang zhe na 'dun pas mi 'gro ba dang /zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / gos kyi rnyed pa sbas pa dang ma sbas pa shes pa'o/ /'di ltar bsko bar bya'o/ /je dang por spro bar bya ste/ ming 'di zhes bya ba khyod dbyar dge 'dun gyi gos kyi rnyed pa sped par spro'am/gal te spro na des spro'o zhes brjod par bya'o/ /de'i 'og tu gnas mal bsham pa byas te/ gaN+DI brdungs nas dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa la dge slong gcig gis gsol ba byas te las bya'o//des dge 'dun btsun pa rnams gsan du gsol/ dge slong ming 'di zhes bgyi ba 'di dbyar dge 'dun gyi gos kyi rnyed pa sped par spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'di dbyar dge 'dun gyi gos kyi rnyed pa sbed par bsko bar bgyi ste/des dge slong ming 'di zhes bgyi ba 'di dbyar dge 'dun gyi gos kyi rnyed pa sbed do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong ming 'di zhes bgyi ba 'di dbyar dge 'dun gyi gos kyi rnyed pa sbed par spro ste/dge slong ming 'di zhes bgyi ba 'di dbyar dge 'dun gyi gos kyi rnyed pa sbed par bsko na/ tshe dang ldan pa gang dag dge slong ming 'di zhes bgyi ba 'di dbyar dge 'dun gyi gos kyi rnyed pa sbed par bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba 'di dbyar dge 'dun gyi gos kyi rnyed pa sbed par bskos lags te/ 'di ltar cang mi gsung bas de de bzhin du 'dzin to/ /de nas bcom ldan 'das kyis bslab pa 'dod pa rnams dang /bslab pa la gus pa rnams dang / bslab pa la yo byad bsnyungs pa rnams dang / phra ba rnams dang / sbyangs pa'i yon tan rnams dang / mdzes pa rnams dang / drod rig pa rnams kyi bsngags pa brjod nas dge slong rnams la bka' stsal pa/ dge slong dag de lta bas na snga ma ni bcas pa yin la 'di ni gnang ba yin no//nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis ston zla tha chungs nyar zhag bcus ma tshang ba tshun chad du brtad pa las byung ba'i gos shig rnyed la 'dod na dge slong nges gos de blang par bya'o//blangs nas gos sbyin pa'i dus kyi bar du bcang bar bya'o/ /de las 'das par bcangs na spang ba'i ltung byed do zhes bca' ba mdzad de/ yul ni mnyan yod/ gang zag ni drug sde / nyon mongs pa ni rnyed pa la gdu ba/ nyes pa ni dbyar gyi rnyed pa dbyar gyi nang du 'god par byed pa'o//de la dge slong gis zhes bya ba ni chos 'di pas so/ /ston zla tha chungs nyar zhag bcu ma tshang ba tshun chad du zhes bya ba ni zhag bcu na dgag dbye 'byung ba tshun chad du'o/ /brtad pa las byung ba'i gos shig zhes bya ba ni brtad pa las byung ba'i gos lnga po dag ste/ lnga gang zhe na/ nad pa la sbyin pa dang /nad pa'i phyir sbyin pa dang / 'chi ba la sbyin pa dang / shi ba'i phyir sbyin pa dang / 'gro bar chas pa la sbyin pa'o/ /de dag kyang dpe tsam du zad do/ /rgyal po dang chom rkun dang / rigs rgyud dang chu la sogs pas khyer du dogs pa dang / mchod gnas bgo skal la gtogs pa 'chir dogs pa la sogs pa dag kyang yongs su bsdu'o//rnyed pa zhes bya ba ni gzhan las so/ /'dod na zhes bya ba ni gal te don du gnyer ba'o/ /dge slong des zhes bya ba ni dge slong gang yin pa des so/ /gos des zhes bya ba ni/ bdun po bal gos dang / sha na'i gos dang / zar ma'i gos dang /du gu la'i gos dang / ras bal gyi gos dang / go tam pa'i gos dang / nyi 'og gi gos las gang yang rung ba'o/ /blang bar bya'o zhes bya ba ni bdag gir bya ba'o/ /blangs nas gos sbyin pa'i dus kyi bar du bcang bar bya'o zhes bya ba ni sba bar bya'o/ /dge slong gi gos sbyin pa'i dus ni gang yin/dus ma yin pa ni gang zhe na/ sra brkyang ma bting ba'i gnas na ni ston zla tha chungs nya tshun chad ni gos sbyin pa'i dus ma yin la/ lhag ma ni dus yin no/ /sra brkyang bting ba'i gnas na ni ston zla 'bring po tha chungs nya phan chad nas dbyar zla 'bring po nya tshun chad ni dus ma yin la lhag ma ni dus yin no//de las 'das par 'chang na zhes bya ba ni de las thal bar 'chang na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so/ /de la ltung ba ji ltar 'gyur zhe na/ 'dir yang dngos gzhi dang /sbyor ba dang / sbyor ba'i sbyor bas ltung ba rnam par gzhag pa dang ltung ba med pa dang / bslab par bya ba dang / phyis bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gis/ dbyar gyi rnyed pa dbyar gyi nang logs su bdag gir byed dam/de bgos sam de sbed pa ma bskos pa rnams kyi dgag dbye'i nyin mo'i phyi de nyin par ma bgos na brtad pa las byung ba'i spang ba'i ltung byed kyi dngos gzhir 'gyur ro/ /dge slong la brtad pa las byung ba'i spang ba'i ltung byed byung na de ma spangs shing bral bar ma byas la ltung ba ma bshags par ram/spangs shing bral bar ma byas la ltung ba ma bshags par brtad pa las byung bar gtogs pa de lta bu gzhan zhig rnyed na de yang snga ma'i shugs kyis spang bar 'gyur te/ de las ltung bar ni mi 'gyur ro/ /dge slong gis brtad pa las byung ba'i spang ba'i ltung byed byung la/ji srid du spang ba'i dngos po las ma bshags shing so sor ma bshags par lhung bzed dam chos gos sam dra ba'am phor bu'am ska rags sam dge slong gi 'tsho ba'i yo byad gang yang rung ba gzhan nye bar 'jog par byed na de yang snga ma'i shugs kyis spang bar 'gyur te/ de las ltung bar ni mi 'gyur ro//dbyar gyi rnyed pa lan smad pa med do/ /dbyar gyi nang logs su bdag gir byed pa la na smad do/ /brtad pa'i dbang gis mtha'i zhag bcu la rnyed pa ma gtogs pa la na smad pa med do/ /brtad pa las byung ba'i rnyed pa bdag gir byas pa dbyar gyi nang logs su dgos pa lan smad pa med do//brtad pa las byung ba'i rnyed pa dbyar dag las byung ba dag gis sbyin pa 'dus ma bgos par de las 'das par 'chang ba la na smad pa med do/ /sbyin bdag gis tshig gis 'god par dbang med pa ma gtogs pa gos sbyin pa'i dus sum bgos par de las 'das par 'chang ba lan smad pa med do//gos sped pa ma bgos pa rnams kyi dbyar gyi rnyed pa dgag dbye'i nyin mo'i phyi de nyin par ma bgos pa lan smad pa med do/ gos rung ba nyid dang tshad dang ldan pa lan smad pa med do/ 'di'i byed pa po ni dbyar gyi rnyed pa dang / dbyar gyi nang logs su bdag gir byed pa dang /dbyar gyi nang logs su bgos pa dang / de sbed pa ma bskos pa rnams kyis dgag dbye'i nyin mo'i phyi de nyin par ma bskos pa dag ni byed pa po nyid yin no/ /'di la yan lag lngas dngos gzhi'i ltung bar 'gyur te/ dbyar gyi rnyed pa dang / rung ba nyid dang / brtad pa'i dbang gis mtha'i zhag bcu la rnyed pa ma gtogs par dbyar gyi nang logs su bdag gir byed pa dang /de dbyar gyi nang logs su bgos pa dang / de sbed pa ma bskos pa rnams kyis dgag dbye'i nyin mo'i phyi de nyin par ma bgos pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ji srid du brtad pa las byung ba'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /dbyar gyi rnyed pa sped pa mi bsko na nyes byas so/ /gos mi rung ba nyid dang tshad dang ldan pa ma yin pa la nyes byas so//sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed do/ sbyor ba nyes byas kyi sbyor ba yang nyes byas te nyes byas phra mo'o/ /de yang dang po yid la sems pa ni sbyor ba'i sbyor ba'i nyes byas phra mo'o/ /de nas lus dang ngag gis sbyor ba ni sbyor ba'i nyes byas dngos so//de nas mthar thug pa ni spang ba'i ltung byed kyi dngos gzhi'o zhes bya bar shes par bya'o/ /ltung ba med pa ni dbyar gyi rnyed pa ma yin pa la ltung ba med do/ /dbyar gyi nang logs su bdag gir ma byed pa la ltung ba med do/ /brtad pa'i dbang gis mtha'i zhag bcu la rnyed pa bdag gir byas pa la ltung ba med do//brtad pa'i dbang gis 'byung ba ni rnam pa lnga ste/ nad pa la ni sbyin pa dang / nad pa'i phyir sbyin pa dang / 'chi ba la sbyin pa dang / 'chi ba'i phyir sbyin pa dang / 'gro bar chas pa la sbyin pa'o/ /mtha'i zhag bcu zhes bya ba ni dbyar gnas par bya ba'i zla ba gsum po de dag gi mtha'i zhag bcu ste/ston zla 'bring po tshes lnga nas nya'i bar ram/ ston zla tha chungs tshes lnga nas nya'i bar ro/ brtad pa las byung ba'i rnyed pa de dbyar gyi nang logs sum bgos pa la ltung ba med do/ /gos sbyin pa'i dus su bgos pa la ltung ba med do/ sbyin bdag gis tshig gis 'god par dbang med par ma gtogs pa la ltung ba med do//gos sbed pa bskos pa rnams kyis dgag dbye'i nyin mo'i phyi de nyin par ma bgos pa la ltung ba med do/ /las dang po pa dang smyos pa dang sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du brtad pa las byung ba'i spang bar 'gyur ba rnam pa thams cad mi bsten par bslab bar bya'o//dbyar gos sbed pa'i dge slong bsko bar bya'o/ /dbyar gyi rnyed pa gos sbyin pa'i dus su bgo bar bya'o/ /dge slong gi gos sbyin pa'i dus ni gang yin/dus ma yin pa ni gang zhe na/ sra brkyang ma bting ba'i gnas na ni ston zla tha chungs nya tshun chad ni gos sbyin pa'i dus ma yin la lhag ma ni dus yin no/ /sra brkyang bting ba'i gnas na ni ston zla tha chungs nya phan chad nas dpyid zla 'bring po nya tshun chad ni dus ma yin la lhag ma ni dus yin no/ /de ni dbyar phyi ma'i dbang du byas pa yin te/dbyar snga ma la ni ston zla 'bring po nya tshun chad do/ /dbyar gnas par las blangs pas sra brkyang bting bar bya'o/ /phyir bcos pa ni snga ma bzhin no/ /brtad pa las byung ba'i spang ba ste nyi shu drug pa bshad zin to// //zhag bdun la 'bral ba ri spad ba'i gleng gzhi ni/sangs rgyas bcom ldan 'das mnyan yod na rgyal byed kyi tshal mgon med pas sbyin gyi kun dga' rab na bzhugs so/ /mnyan yod nas ha cang thag mi ring ba na ri brags shig yod pa de na khyim bdag phyug pa nor mang ba longs spyod che ba zhig 'dug ste/ de yang dad pa dang ldan zhing bzang la dge ba'i bsam pa can yin pas des dge 'dun la bsngos te gtsug lag khang rta babs mthon po dang ldan pa/skar khung dang skar khung dra ba can dang lan kan gyis brgyan pa/ snying dang mig 'phrog par byed pa mtho ris kyi them skas su gyur pa/ khri dang khri'u dang yo byad phun sum tshogs pa zhig byed du bcug ste/der dge slong drug cus dbyar dgag dbye byas te dong nas/ ji tsam dus gzhan zhig na dge slong gzhan drug cu ljongs rgyu zhing 'gro ba na der lhags nas khyim bdag des yo byad sna tshogs bstabs te der dbyar gnas par khas blangs so/ /khyim bdag de dang ri brags de'i nye 'khor na yang gtsug lag khang gzhan med pas de dag sbyin pa dag bya bar sems pa gang yin pa de thams cad gtsug lag khang de nyid du sbyin zhing byed pas der dbyar gnas par khas blangs pa'i dge slong rnams la rnyed pa mang po byung ngo //ston zla tha chungs kyi g.yon can dag gis de thos nas dge 'dun tshes bcu bzhi la mtshan mo chos sgrog pa'i tshe nang du brtul nas dge slong dag bcom nas gos phrogs te/dong ba dang / dge slong de dag kyang mtshan mo sgren mor mnyan yod na dong nas dge slong rnams kyis dge slong dag la gos kyi bgo bsha' byas pa'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ de lta bas na dge slong dgon pa pas chos gos gsum las chos gos gang yang rung ba khyim gzhan du gzhag par bya'o/ /der nyal bar mi bya'o/ /der skya rengs 'char bar mi bya'o/ /gtsug lag khang nyid du skya rengs 'char bar bya'o//dge slong dgon pa pas zhag drug gi mtha' tshun chad du chos gos de dang mtshams kyi phyi rol du 'bral bar bya'o zhes rjes su gnang ba dang / dge slong drug sde dag bsams bzhin du zhag bdun du 'bral bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad de/ drug sde dag la smras nas/ rnam grangs du mar smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/dge slong rab tu mang po dag gnas mal dgon pa dogs pa dang bcas par grags pa/ 'jigs pa dang bcas par grags pa/ 'jigs pa tha dad pas 'jigs su rung ba dang bcas par grags pa dag tu dbyar phyi mar gyur la dge slong dgon pa pas 'dod na chos gos gsum las chos gos gang yang rung ba khyim gzhan du gzhag par bya'o//dge slong dgon pa pa la mtshams kyi phyi rol du 'gro dgos pa de lta bu'i rkyen zhig byung na/ dge slong dgon pa pa des zhag drug gi mtha' tshun chad du chos gos de dang mtshams kyi phyi rol du 'bral bar bya'o//de las 'das par 'bral na spang ba'i ltung byed do zhes bca' ba mdzad de/ yul ni mnyan yod/ gang zag ni drug sde/ nyon mongs pa ni rang nyams byed pa/ nyes pa ni dgon par chos gos khyim gzhan du gzhag pa dang zhag bdun du 'bral bar byed pa'o/ /de la dge slong zhes bya ba ni chos 'di pa'o//rab tu mang po dag ces bya ba ni gnyis yan chad ni rab tu mang po dag yin no/ /gnas mal zhes bya ba ni gtsug lag khang ngo / /dgon pa zhes bya ba ni rdul phra rab dang / rdul phra mo dang / chu rdul dang / lcags rdul dang / ri bong rdul dang / lug rdul dang / glang rdul dang / nyi zer gyi rdul dang /sro ma dang / shig dang / nas dang / sor dang / khru rnams snga ma drug la phyi ma gcig tu bsgre ste khru phyed dang bzhi la mi'i srid do/ /khru bzhi la gzhu'o/ /gzhu lnga brgya la rgyang grags te/ de phan chad dgon pa'o/ /dogs pa dang bcas par grags pa zhes bya ba ni chom rkun pas 'jigs par grags pa'o//'jigs pa dang bcas par grags pa zhes bya ba ni seng ge dang stag gis 'jigs par grags pa'o/ /'jigs pa tha dad pas 'jigs su rung ba dang bcas par grags pa dag tu zhes bya ba ni sha sbrang dang sbrang bu mchu rings dang / rlung dang nyi ma dang sdig sbrul gyi 'jigs pa tha dad pas 'jigs su rung ba dang bcas par grags pa dag tu'o//dbyar phyi mar gyur la zhes bya ba ni dbyar phyi mar gnas par khas blangs par gyur pa ste/ de ni gleng gzhi'i dbang gis gsungs par zad kyi lung bstan pa la ni yan lag ma yin no/ /dge slong dgon pa pas zhes bya ba ni/dge slong gang yin pa des so/ /'dod na zhes bya ba ni gal te don du gnyer na'o/ /chos gos gsum las chos gos gang yang rung ba zhes bya ba ni snam sbyar dang bla gos dang mthang gos las gang yang rung ba'o/ /khyim gzhan du zhes bya ba ni/ gang na lam po che dang / srang dang bzhi mdo dang sum mdo dag yod par ro//gzhag par bya'o zhes bya ba ni gdams par bya'o/ /dge slong dgon pa pa la mtshams kyi phyi rol du 'gro dgos pa de lta bu'i rkyen zhig byung na zhes bya ba ni dge 'dun gyi'am mchod rten gyi'am gang zag gi bya ba'i phyir mtshams kyi phyi rol du 'gro dgos pa de lta bu'i rkyen zhig byung na'o//dge slong dgon pa pa des zhes bya ba ni dge slong gang yin pa des so/ /zhag drug gi mtha' tshun chad du zhes bya ba ni nyin mtshan drug gi mtha' tshun chad du ste/ zhag bdun pa'i skya rengs ma shar tshun chad du'o/ /chos gos de dang mtshams kyi phyi rol du 'bral bar bya'o zhes bya ba ni chos gos gzhag pa gang yin pa de dang ngo //de las 'das par 'bral na zhes bya ba ni de las lhag par skya rengs 'char bar byed na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes gsungs so//de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong dgon pa pas chos gos gsum las gang yang rung ba khyim gzhan du gzhag pa las don gyi dbang gis mtshams kyi phyi rol du song ba zhag bdun pa'i skya rengs shar na/zhag bdun na 'bral ba'i spang ba'i ltung byed kyi dngos gzhir 'gyur ro/ /dge slong la zhag bdun na 'bral ba'i spang ba'i ltung byed byung na/de ma spangs shing bral bar ma byas la ltung ba ma bshags par ram/ spangs shing bral bar ma byas la ltung ba ma bshags par ram/ spangs shing bral bar byas la ltung ba ma bshags par zhag bdun na 'bral bar gtogs pa de lta bu gzhan zhig rnyed na de yang snga ma'i shugs kyis spang bar 'gyur te/de las ltung bar ni mi 'gyur ro/ /dge slong gis zhag bdun na 'bral ba'i spang ba'i ltung byed byung la ji srid du spang ba'i dngos po las ma bshags shing so sor ma bshags par lhung bzed dam/ chos gos sam dra ba'am phor bu'am ska rags sam dge sbyong gis 'tsho ba'i yo byad gang yang rung ba gzhan nye bar 'jog par byed na de yang snga ma'i shugs kyis spang bar 'gyur te/de las ltung bar ni mi 'gyur ro/ /zhag drug pa las lhag pa bdun pa'i skya rengs shar ba lan smad pa med do/ /'jigs pa'i dbang ma gtogs par grong gzhan du 'jog pa la na smad pa med do//bar chad kyi chos dbang ma gtogs pa la na smad pa med do/ /chos gos rung ba tshad dang ldan pa byin gyis brlabs pa lan smad pa med do/ /nye 'khor dang bcas pa'i mtshams las 'das pa la na smad pa med do/ /'di'i byed pa po'i dge slong dgon pa pa'i chos gos dang mtshams gzhan dang /zhag bdun pa'i skya rengs shar ba'o/ /'di la yan lag lngas dngos gzhi'i ltung bar 'gyur te/ dge slong dgon pa pa'i chos gos gsum las gang yang rung ba dang / grong gzhan du bzhag pa dang / mtshams kyi phyi rol du song ba dang / bar chad kyi dbang ma gtogs pa dang /zhag bdun pa'i skya rengs shar ba'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas so/ /ji srid du zhag bdun na 'bral ba'i spang ba'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//don gyi dbang ma gtogs par grong gzhan na 'dug pa de las zhag drug tshun chad du 'bral ba la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o//de yang dang po yid la sems pa ni sbyor ba'i sbyor ba'i nyes byas phra mo'o/ /de nas lus dang ngag gis sbyor ba ni sbyor ba'i nyes byas dngos so/ /de nas mthar thug pa ni spang pa'i lhung byed kyi dngos gzhi'o zhes bya bar shes par bya'o//ltung ba med pa ni dgon pa pa 'jigs pa dang bcas pa nyid yin na chos gos gcig grong gzhan du zhag drug bzhag pa la ltung ba med do/ /don gyi dbang gis grong gzhan na 'dug pa de las zhag drug tshun chad du 'bral ba la ltung ba med do/ /bar chad kyi dbang gis zhag bdun pa la sogs par thal ba la ltung ba med do//zhag drug tu 'gro ba la sogs par brnag pa la sogs pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du zhag bdun na 'bral ba'i spang bar 'gyur ba rnam pa thams cad mi bsten par bslab par bya'o//dge slong dgon pa pa 'jigs pa dang bcas pa nyid yin na chos gos gcig grong gzhan du gzhag par bya'o/ /des don gyi dbang gis grong gzhan na 'dug pa de las zhag drug tshun chad du 'bral bar bya'o//bar chad kyi dbang gis rkyen byung na zhag bdun pa la sogs par yang 'bral bar bya'o/ /phyir bcos pa ni snga ma bzhin no/ /zhag bdun na 'bral ba'i spang ba ste nyi shu bdun pa bshad zin to// //dbyar gyi ras chen gyi spang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//bcom ldan 'das kyis dge slong gis dbyar gyi gos ras chen bcad par bya'o zhes bka' stsal nas/ de na dge slong gang dag dbyar gnas pa snga mar khas len pa de dag ni rang gi dus yin no zhes tshol bar byed cing bdag cag gis ci'i phyir mi bcang zhes 'chang bar byed do//dbyar phyi mar gnas par khas len pa de dag kyang rang gi dus yin no zhes tshol bar byed cing bdag cag ci'i phyir mi bcang zhes 'chang bar byed de/ de dag ha cang myur bar tshol ba dang ha cang yun ring du 'chang bar byed pas bya ba mang ba dang byed pa mang bar gyur te/lung mnos pa dang klag pa dang kha ton dang rnal 'byor dang yid la bya ba dang nang gi sems kyi zhi gnas gtod bar byed nas/ dge slong don nyung ngu dag smod par byed phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad de/ dge slong rnams la smras nas gso dka' ba dang dgang dka' ba dang 'dod pa che ba dang chog mi shes pa rnam par smad pa mdzad de/gso sla ba dang dgang sla ba dang 'dod pa chung ba dang chog shes pa dang / phri ba dang sbyangs pa'i yon tan dang / mdzes pa dang / drod rig pa'i bsngags pa brjod nas/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/dge slong gis so ga rnams kyi zla ba gcig lus na dbyar gyi gos ras chen btsal bar bya'o/ /dbyar zad nas 'og tu zla ba phyed kyi bar du bcang bar bya'o/ /gal te dge slong gis so ga rnams kyi zla ba gcig lus pa'i sngon rol du dbyar gyi gos ras chen tshol bar byed dam/dbyar zad nas 'og tu zla ba phyed las 'das par 'chang na spang ba'i ltung byed do zhes bca' ba mdzad de/ yul ni mnyan yod/ gang zag ni dge slong rab tu mang po/ nyon mongs pa ni 'dod zhen/ nyes pa ni dbyar gyi gos ras chen ha cang sngar tshol ba dang ha cang yun ring du 'chang bar byed pa'o//de la dge slong gis zhes bya ba ni chos 'di pas so/ /so ga rnams kyi zla ba gcig lus na zhes bya ba ni zla ba gcig na dbyar nye bar sgrub pa 'byung bar 'gyur ba na'o/ /dbyar gyi gos ras chen zhes bya ba ni char 'bab pa'i gos so/ /btsal bar bya'o zhes bya ba ni gzhan las so/ / dbyar zad nas 'og tu zla ba phyed kyi bar du bcang bar bya'o zhes bya ba ni dgag dbye byas nas zla ba phyed kyi bar du'o/ /gal te dge slong gis so ga rnams kyi zla ba gcig lus pa'i sngon rol du/ dbyar gyi gos ras chen tshol bar byed dam zhes bya ba ni de'i mdun rol du'o/ /dbyar zad nas 'og tu zla ba phyed las 'das par 'chang na zhes bya ba ni de las 'das par ro//spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/ des na spang ba'i ltung byed do zhes bya ba gsungs so/ /de la ltung ba ji ltar 'gyur zhe na/ 'dir yang dngos gzhi dang sbyor ba dang /sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong bdag nyid dbyar gnas pa snga ma'am phyi ma gang du khas blangs pa de'i mdun rol gyi zla ba gcig pas snga rol du dbyar gyi gos ras chen rung ba tshol lam//dgag dbye byas nas zla ba phyed las 'das par dbyar gyi gos ras chen 'chang na dbyar gyi gos ras chen gyi spang ba'i ltung byed kyi dngos gzhir 'gyur ro//dge slong la dbyar gyi ras chen kyi spang ba'i ltung byed byung na/ de ma spangs shing bral bar ma byas la ltung ba ma bshags par ram/ spangs shing bral bar ma byas la ltung ba ma bshags par ram/ spangs shing bral bar byas la ltung ba ma bshags par dbyar gyi ras chen du gtogs pa de lta bu gzhan zhig rnyed na de yang snga ma'i shugs kyis spang bar 'gyur te/de la ltung bar ni mi 'gyur ro/ /dge slong gis dbyar gyi ras chen gyi spang ba'i ltung byed byung la/ ji srid du spang ba'i dngos po las ma bshags shing so sor ma bshags par/ lhung bzed dam chos gos sam dra ba'am phor bu'am ska rags sam/dge sbyong gi 'tsho ba'i yo byad gang yang rung ba gzhan zhig nye bar 'jog par byed na de yang snga ma'i shugs kyis spang bar 'gyur te/ de la ltung bar ni mi 'gyur ro/ /bdag nyid gnas par khas blangs pa'i nyin mo'i zla ba snga ma'i dang po phan chad du btsal te grub pa la na smad pa med do//bdag nyid kyi dbyar gyi 'og gi zla ba phyed kyi mtha' las 'das par 'chang ba la na smad pa med do/ /dbyar gyi ras chen rung ba dang tshad dang ldan pa la sogs pa lan smad pa med do/ /'di'i byed pa po ni dbyar gnas par khas blangs pa'i zla ba gcig gi sngon rol du tshol ba dang /dgag dbye byas pa'i 'og tu zla ba phyed las 'das par 'chang ba dang / dbyar gyi gos ras chen rung ba nyid do/ /'di la tshol ba dang 'chang ba'i dus gnyi ga la yang yan lag gsum gsum gyis dngos gzhi'i ltung bar 'gyur te/ dbyar gnas par khas len pa'i zla ba cig gi sngon rol gyi dus dang /der btsal te grub pa dang / dbyar gyi gos ras chen rung ba nyid dang / dgag dbye byas pa'i 'og rol gyi zla ba phyed kyi dus dang / de las 'das par 'chang ba dang / dbyar gyi gos ras chen rung ba nyid do/ /de las dbyar gnas par khas len pa'i zla ba gcig gi sngon rol gyi dus zhes bya ba ni dbyar gnas par khas blangs pa snga ma'i ni dbyar zla ra ba tshes bcu drug phan chad do//dbyar gnas pa phyi ma'i ni dbyar zla 'bring po tshes bcu drug phan chad do/ /dgag dbye byas pa'i 'og rol gyi zla ba phyed kyi dus zhes bya ba ni dbyar gnas par khas blangs pa snga ma'i ni ston zla tha chungs tshes gcig tshun chad do//dbyar gnas par khas blangs pa phyi ma'i ni dgun zla ra ba'i tshes gcig tshun chad do/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du dbyar gyi gos ras chen spang pa'i lhung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams par re la nyes byas re re'o/ /sngar tshol ba'i tshe tshol ba tsam la nyes byas so/ /dbyar gyi gos ras chen rnying pa la nyes byas so/ /mi rung ba dang tshad las chung ba la nyes byas so/ /sbyor ba'i sbyor ba'i ltung ba ni nyes byas phra mo ste/sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas phra mo'o/ /de yang dang po'i yid la sems pa ni sbyor ba'i sbyor ba'i nyes byas phra mo'o/ /de nas lus dang ngag gi sbyor ba ni sbyor ba'i nyes byas dngos so/ /de nas mthar thug pa ni spang ba'i ltung byed kyi dngos gzhi'o zhes bya bar shes par bya'o//lhung ba med pa ni sngon dang phyi ma gnyis las de ma yin pa'i dus gnyis su mi tshol ba dang mi 'chang ba la ltung ba med do/ /bdag nyid gnas par khas blangs pa'i nyin mo'i zla ba snga ma'i dang po tshun chad nas tshol ba la ltung ba med do//bdag nyid kyi dbyar gyi 'og gi zla ba phyed kyi mtha'i bar du 'chang ba la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du dbyar gyi ras chen gyi spang bar 'gyur ba rnam pa thams cad mi bsten par bslab par bya'o//bdag nyid gnas par khas blangs pa'i nyin mo'i zla ba snga ma'i dang po tshun chad nas dbyar gyi ras chen btsal bar bya'o/ /bdag nyid kyi dbyar gyi 'og gi zla ba phyed kyi mtha'i bar du bcang bar bya'o//dbyar gnas par khas blangs pa de'i rjes su 'gro ba'i bya ba thams cad ni dbyar gnas par khas blangs pa snga ma'am/ phyi ma ji lta ba bzhin du bya ste/ dper na mtha'i zhag bcu la brtad pa las byung ba'i gos blang ngo zhes gsungs pa ni bdag nyid kyi dbyar gyi mtha'i zhag bcu gang yin pa la bya ste/ston zla 'bring po tshes lnga nas nya'i bar gyi zhag bcu'am/ ston zla tha chungs tshes lnga nas nya'i bar zhag bcu la bya ba lta bu dang / dbyar gyi ras chen yang bdag nyid kyi dbyar gyi tshad la ltos nas btsal ba dang / bcang bar bya ba lta bu dang / dgag dbye yang bdag nyid kyi dbyar gyi tshad la ltos nas/ston zla 'bring po nya'am/ ston zla tha chungs nyal bya ba lta bu yin no/ /sra brkyang bting ba ni dbyar gnas par khas blangs pa zla ba snga ma shos dang 'brel pa kho na yin no/ /phyir bcos pa ni snga ma bzhin no/ /dbyar gyi ras chen gyi spang ba ste nyi shu brgyad pa bshad zin to// //so sor thar pa'i mdo rgya cher 'grel pa 'dul ba kun las btus pa/ bam po bco brgyad pa/ bsngos pa las bsgyur ba'i spang ba'i gleng gzhi ni byung ba dang bcas pa'i dbang gis rnam pa gnyis te/ byung ba'i gleng gzhi ni sangs rgyas bcom ldan 'das shAkya rnams kyi grong rdal wa tshongs can zhes bya ba na bzhugs so//de'i tshe na khyim bdag gcig gis rang gi dad pa dang / rang gis btsugs pa dang rang gi dang bas gtsug lag khang byed du bcug nas/ tshe dang ldan pa sgra gcan zin la gang zag gir phul lo/ /de nas tshe dang ldan pa pa sgra gcan zin gtsug lag khang der ji tsam pa de tsam 'dug nas lhung bzed dang chos gos thogs te ljongs rgyur song ngo //khyim bdag des 'phags pa sgra gcan zin gtsug lag khang der ji tsam pa de tsam 'dug nas lhung bzed dang chos gos thogs te ljongs rgyur song zhes thos te/ thos nas kyang khyim bdag des gtsug lag khang de dge 'dun la phul lo/ /de nas tshe dang ldan pa sgra gcan zin ji dgar ljongs su 'dug nas/ phyir 'ongs nas de thos nas bcom ldan 'das la gsol ba/ btsun pa de la bdag gis ji ltar bgyi/ bka' stsal pa/ sgra gcan zin tshur shog khyod khyim bdag de ga la ba der song la phyin nas khyim bdag de la 'di skad ces/khyim bdag khyod kho bo'i lus sam ngag la chung zad kyang smod par mi byed dam zhes smros shig /tshe dang ldan pa sgra gcan zin gyis khyim bdag de la de skad ces smras ba na/ des smras pa/ 'phags pa sgra gcan zin bdag khyod kyi sku'am gsung la cung zad kyang smod par mi bgyid do//de nas tshe dang ldan pa sgra gcan zin gyis khyim bdag de de skad ces zer ba bcom ldan 'das la gsol to/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong ji snyed wa tshongs can na nye bar brten cing 'khod pa de dag thams cad dpong sa'i khang par sdus shig /tshe dang ldan pa kun dga' bos de dag der bsdus te/ bcom ldan 'das la mkhyen par gsol ba dang / de nas bcom ldan 'das dpong sa'i khang pa ga la ba der gshegs te byon nas dge slong gi dge 'dun gyi gung la gdan bshams pa nyid la bzhugs so//bzhugs nas bcom ldan 'das kyis dge slong rnams la bka' stsal pa dge slong dag gang gis gang zag gcig gam/ gnyis sam rab tu mang po'am dge 'dun la sbyin pa byin na gzhan gcig gam gnyis sam rab tu mang po'am dge 'dun la sbyin pa sbyin par byed pa ni chos dang ldan pa'i sbyin pa ma yin zhing /chos dang ldan pa'i len pa ma yin la/ yongs su longs spyad du rung ba ma yin no/ /dge slong dag gang gis dge 'dun bye zhing gnyis su gyur te/ phyogs dang gzhan gyi phyogs su rnam par gnas pa na/phyogs gcig la sbyin par byin nas phyogs gnyis pa la sbyin par byed pa ni chos dang ldan pa'i sbyin pa ma yin zhing / chos dang ldan pa'i len pa ma yin la/ longs spyad du rung ba ma yin no/ /dge slong dag gang gis gang zag gcig la sbyin pa byin nas gzhan gcig gam gnyis sam rab tu mang po'am/dge 'dun la sbyin par mi byed pa ni chos dang ldan pa'i sbyin pa yin zhing / chos dang ldan pa'i len pa yin la yongs su longs spyad du rung ba yin no/ /dge slong dag gang gis dge 'dun bye zhing gnyis su gyur te/ phyogs dang gzhan gyi phyogs su rnam par gnas pa na/phyogs gcig la sbyin par byin nas phyogs gnyis pa la sbyin par mi byed pa ni chos dang ldan pa'i sbyin pa yin zhing / chos dang ldan pa'i len pa yin la/ longs spyad du rung ba yin no/ /dge slong dag de lta bas na snga ma ni sbyin pa yin la phyi ma ni ma yin no/ rgyal po ni sa gzhi la dbang la/ bdag po ni gnas mal la dbang / dge slong ni lhung bzed dang chos gos la dbang ngo / /sbyin pa po dang sbyin bdag gis rang gis sbyin par bya ba'i chos mngon par 'du bya ba ni rung gi gzhan la sbyin du ni mi rung ngo / /dge slong dag dge slong sgra gcan zin la gtsug lag khang de phyir byin cig dge slong de dag gis tshe dang ldan pa sgra gcan zin la gtsug lag khang de phyir byin no//'di ni re zhig byung ba yin gyi/ bcom ldan 'das re zhig 'dul ba la nyan thos rnams kyi bslab pa'i gzhi 'cha' bar ni mi mdzad do/ /bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//bsod snyoms pa zhig gis khyim bdag cig skyabs su 'gro ba dang / bslab pa'i gzhi dag la gzhag ste/ rdzas las byung ba'i bsod nams bya ba'i gzhi bdun po dag gi bsngags pa brjod pa dang /khyim bdag des sangs rgyas la sogs pa dge slong gi dge 'dun gdugs tshod la spyan drang zhing ras zung gcig yon du dbul bar bsngos pa nye dgas thos nas/ der rang la bsgyur du bcug ste/ de'i 'og tu khyim bdag des sangs rgyas la sogs pa dge slong gi dge 'dun rang gi khyim du mchod ston gsol nas/ras zung de rgan pa'i mtha' logs su bstan te/ rjes su yi rang bar mdzod cig /rjes su yi rang bar mdzod cig ces smras nas/ nye dga' la byin pa dang / dge slong don nyung ngu dag ci'i phyir dge slong dag dge 'dun la bsngos pa'i rnyed pa shes bzhin du gang zag bdag la bsgyur du 'jug ces smod par byed/phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/nye dga' la rmas nas/ rnam grangs du mar smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun la bsngos pa'i rnyed pa shes bzhin du gang zag bdag la bsgyur du 'jug na spang ba'i ltung byed do zhes bca' ba mdzad de/yul ni mnyan yod/ gang zag ni nye dga'/ nyon mongs pa ni brnab sems/ nyes pa ni gzhan gyis gzhan la bsngos pa'i gos gang zag bdag la bsgyur du 'jug pa'o/ /de las yang dge slong gang zhes bya ba ni shAkya'i bu nye dga' 'am/gzhan yang de lta bu gang yin pa'o/ /dge 'dun la zhes bya ba ni de bzhin gshegs pa'i nyan thos kyi dge 'dun la'o/ /bsngos pa'i zhes bya ba ni gzas pa'i'o/ /rnyed pa zhes bya ba ni rnyed pa gnyis te/ gos kyi rnyed pa dang / zas kyi rnyed pa ste/don 'di ni gos kyi rnyed pa yin par dgongs so/ /shes bzhin du zhes bya ba ni bdag nyid kyis de shes par gyur pa'am/ gzhan dag gis brjod pas so/ /gang zag bdag la bsgyur du 'jug na zhes bya ba ni bdag nyid la 'bul du 'jug na'o/ /spang ba'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/des na spang ba'i ltung byed do zhes gsungs so/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gis yon bdag gzhan gyis gang zag dge slong gzhan nam dge 'dun la bsngos pa'i gos kyi rnyed pa shes bzhin du bdag nyid la bsgyur te thob na/ bsngos pa las bsgyur ba'i spang ba'i ltung byed kyi dngos gzhir 'gyur ro//dge slong la bsngos pa las bsgyur ba'i spang ba'i ltung byed byung la de ma spangs shing bral bar ma byas la ltung ba ma bshags par ram/ spangs shing bral bar ma byas la ltung ba ma bshags par ram/ spangs shing bral bar byas la ltung ba ma bshags par bsngos pa las bsgyur bar gtogs pa de lta bu gzhan zhig rnyed na de yang snga ma'i shugs kyis spang bar 'gyur te/de las ltung bar ni mi 'gyur ro/ /dge slong gis bsngos pa las/ bsgyur ba'i spang ba'i ltung byed byung la/ ji srid du spang ba'i dngos po las ma bshags shing so sor ma bshags par lhung bzed dam chos gos sam dra ba'am phor bu'am ska rags sam/dge sbyong gi 'tsho ba'i go byad gang yang rung ba gzhan nye bar 'jog par byed na/ de yang snga ma'i shugs kyis spang bar 'gyur te/ de las ltung bar ni mi 'gyur ro//yon bdag gzhan nye du dang nye du ma yin pa khyim pa dang rab tu byung ba mtshan dang lta ba mthun pa dang mi mthun pa gang yang rung ba la na smad pa med do/ /gang zag gzhan nam dge 'dun la bsngos pa la na smad pa med do/ /gos kyi rnyed pa rung ba nyid dang / tshad dang ldan pa dang /tshad pas lhag pa la na smad pa med do/ /der 'du shes pa dang yid gnyis za ba la na smad pa med do/ /bdag nyid la bsgyur te thob pa la na smad pa med do/ /'di'i byed pa po ni gzhan gyis gzhan la bsngos pa'i gos kyi rnyed pa dang de shes bzhin du bdag nyid la bsgyur te thob pa'o/ / 'di la yan lag lngas dngos gzhi'i ltung bar 'gyur te/ yon bdag gzhan gang yang rung ba dang / gang zag dge slong gzhan nam dge 'dun la bsngos pa dang / gos kyi rnyed pa dang / shes bzhin du bdag nyid la bsgyur ba dang thob pa'o/ /de dag las yan lag mtshang na ci rigs par na smad do/ / sbyor ba'i ltung ba ni nyes byas te/ ji srid du bsngos pa la bsgyur ba'i spang ba'i ltung byed kyi sbyor ba brtsams nas/ dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /sgyur ba la nyes byas so/ /gang zag gzhan li bsngos pa gang zag gzhan la bsgyur ba la nyes byas so//gang zag gzhan la bsngos pa gang zag gzhan la bsgyur ba thob pa la yang nyes byas so/ /zas kyi rnyed pa la bsgyur ba dang thob pa gnyi ga la yang nyes byas so/ /dbral ba dang sbyar ba gnyi ga sems can du bgrang ba nyid ma yin pa gnas khang la sogs pa bdag la bsgyur ba dang thob pa gnyi ga la nyes byas so//them skas dang khang pa dang sgo la sogs pa'i phyogs gcig la bsngos pa phyogs gcig la bsgyur ba dang thob pa gnyi ga la nyes byas so/ /bsngos pa ma byin na nyes byas so/ /mtshams kyi phyi rol du song ste/ dge 'dun gyi shi ba'i yo byad la sogs pa'i rnyed pa byin gyis rlob par byed na nyes byas so//rnyed pa dbang ba'i gang zag ma tshogs pa dag gis 'god na nyes byas so/ /shi ba'i yo byad la sogs pa'i rnyed pa byin gyis ma brlabs par 'god na nyes byas so/ /kun dbang ba'i rnyed pa dge 'dun las gcig gam gnyis sam gsum gyis rku sems med par len pa la nyes byas so//rung ba ma yin pa nyid kyi dngos po dag la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed do/ /sbyor ba nyes byas kyi sbyor ba'i sbyor ba yang nyes byas te nyes byas phra mo'o//de yang dang po yid la sems pa ni sbyor ba'i sbyor ba'i nyes byas phra mo'o/ /de nas lus dang ngag gis sbyor ba ni sbyor ba'i nyes byas dngos so/ /de nas mthar thug pa ni spang ba'i ltung byed kyi dngos gzhi'o zhes bya bar shes par bya'o/ /ltung ba med pa ni der 'du shes med pa la ltung ba med do//lhag ma za ba dud 'gro la sogs pa btsal te ma rnyed pa la ltung ba med do/ /bde bar gshegs pa'i sku gzugs gzhan mnga' ba'i rgyan la sogs pa dag gal te sku gzugs gzhan la g.yar por sbyin par byed pa la nyes pa med do//mchod rten byang chub chen po dang chos kyi 'khor lo dang / cho 'phrul chen po dang / lha las babs pa rnams ma gtogs par gzhan la bsngos pa'i rnyed pa de nyid la dbul bar ma grub cing der khyer yang mi nus na mchod rten gzhan dag la bsgyur ba la nyes pa med do/ /byang chub chen po dang / chos kyi 'khor lo dang / cho 'phrul chen po dang / lha las babs pa rnams kyi rgyud du mnga' ba rnams kyi rnyed pa ni mchod rten gzhan dag la bsgyur du mi rung ngo / /mchod rten chen po bzhi po de dag gi nang nas gcig la bsngos pa'i rnyed pa de nyid la dbul bar ma grub cing der khyer yang mi nus na gzhan gsum po gang yang rung ba la bsgyur ba la ni nyes pa med do//las dang po pa dang / smyos pa dang / sems 'khrugs pa dang tshor ba dag gis nyen pa la ltung ba med do/ /bslab par bya ba ni dge slong rnams kyis yul thams cad la gnas skabs thams cad du smos pa las bsgyur ba'i spang bar 'gyur ba rnam pa thams cad mi bsten par bslab par bya'o//gnas gang na dge slong gcig pu zhig gnas pa der sbyin bdag gis dge 'dun gyi phyir rnyed pa 'bul bar byed na/ dge slong des gcig pus rnyed pa byin gyis brlab par bya'o/ /pha rol gyi dmag tshogs dang chom rkun la sogs pa'i gnod pa med par gya tshom du gtsug lag khang dor bar mi bya'o//dge slong gang gtsug lag khang de la rjes su chags pa dang bcas pa der srung ma gzhag go/ /der dge 'dun ma lhags na dge slong srung ma bzhag pa des gtsug lag khang de nyid du lo bcu 'da' bar bya'o//dge slong de lo bcur de na gnas pa'i tshe lo lnga ni bsod snyoms kyis 'da' bar bya'o/ /der dus su sbyin bdag ma byung na lo gzhan lnga ni nye 'khor gyi gtsug lag khang dang lhan cig tu 'tsho ba thun mong du bya bas 'da' bar bya'o/ /dge slong de gal te gtsug lag khang de nas 'gro na dngos po rnams nye 'khor gyi gtsug lag khang dag tu gdams par bya'o//gtsug lag khang bor ba der dge slong dag lhags te/ gnyug mar gnas na nye 'khor gyi gtsug lag khang gzhan na gnas pa'i dge slong de dag gis gnas mal dang snod spyad la sogs pa'i dngos po de dag gtsug lag khang de nyid du phyir sbyin par bya'o//gtsug lag khang gzhan du gdams pa'i rdzas de dag gtsug lag khang de kho nar mi snang zhing phyir mi ster na dge slong gang dag gis dang po der gzhag pa de dag gis rma zhing phyir sbyin par bya'o/ /khyim bdag de nyid gtsug lag khang de dang gnas gzhan gyi bdag po nyid yin yang des sngar gtsug lag khang der phul ba'i rdzas dag phyis gnas/gzhan der bsgyur zhing dbul du mi rung ngo / /khyim bdag des rdzas de dag sngar phul ba'i gtsug lag khang der mi ster na gtsug lag khang de na gnas pa'i dge slong rnams kyi mthus gzung bar bya'o//gnas gzhan gyi rdzas gzhan du g.yar po nyid du ni sbyin par bya'o/ /gnas gzhan gyi rdzas gnas gzhan du sbyin par mi bya ste/ rnyed pa rnam par gzhag pa ni ji ltar nges par byas pa bzhin no/ /de dag gi skabs dge slong bram ze'i bu mos zhus pa las gnas gang na dge slong gcig pu zhig gnas pa der sbyin bdag gis dge 'dun gyi phyir rnyed pa la dbul bar byed na dge slong des gcig bus rnyed pa byin gyis brlab par bya'o//byin gyis ma brlabs par bdag gir byed na nyes byas su 'gyur ro zhes gsungs pa la gcig pus rnyed pa byin gyis brlab pa'i cho ga dang sngags ni 'di yin te/bdag gnas 'di na gcig pu gnas te/ dge 'dun la gos kyi rnyed pa 'di byung bas bdag gis gos 'di nyams su blang ngo / /dus su byin gyis brlab po zhes lan gsum sems bskyed par bya zhing tshig tu yang brjod par bya ba yin no//de nyid kyi skabs dge slong bram ze'i bu mos zhus pa las gtsug lag khang gi bdag po bcom mam/ bcings sam/ shi'am spyugs na/ dge slong dag gis gtsug lag khang de yal bar mi 'dor bar dge slong gang gtsug lag khang de la rjes su chags pa shas chen po yod pa der srung ma gzhag cing der dge 'dun dang /sbyin bdag dus sum lhags na dge slong des lo lnga ni bsod snyoms kyi phyir 'da' bar bya'o/ /lo gzhan lnga ni nye 'khor gyi gtsug lag khang dang lhan cig 'tsho ba thun mong du bya bas 'da' bar bya zhing / gtsug lag khang de dang nye 'khor gyi gtsug lag khang de gnyis rnyed pa ni thun mong la gso sbyong ni tha dad pa'i las bya'o zhes gsungs pa ni 'di ltar bya ste/des gnas mal bshams pa byas nas gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa la dge slong gcig gis gsol ba byas te las bya'o//'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ gtsug lag khang 'di'i gtsug lag khang gi bdag po bcom mam bcings sam gum mam spyugs na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis gtsug lag khang 'di dang pha bi lo lngar rnyed pa ni thun mong la gso sbyong ni tha dad par mdzad do/ /'di ni gsol ba'o/ /las ni 'di ltar bya ba ste/dge 'dun btsun pa rnams gsan du gsol/ gtsug lag khang 'di'i gtsug lag khang gi bdag po bcom mam bcings sam/ gum mam spyugs te/ de'i slad du dge 'dun gyis gtsug lag khang 'di dang pha bi lo lngar rnyed pa ni thun mong la gso sbyong ni tha dad du mdzad kyi tshe dang ldan pa gang dag gtsug lag khang 'di dang pha bi lo lngar rnyed pa ni thun mong la gso sbyong ni tha dad du mdzad par bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas/ dge 'dun gyis gtsug lag khang 'di dang pha bi lo lngar rnyed pa ni thun mong la gso sbyong ni tha dad du mdzad lags te/'di ltar cang mi gsung bas de de bzhin du 'dzin to zhes gsungs pa yin no/ /phyir bcos pa ni snga ma bzhin no/ /bsngos pa las bsgyur ba'i spang ba ste nyi shu dgu pa bshad zin to// //gsog 'jog gi spang ba'i gleng gzhi ni/sangs rgyas bcom ldan 'das rgyal po'i khab na 'od ma'i tshal bya ka lan dka'i gnas na bzhugs so/ /de'i tshe na tshe dang ldan pa pi lin da'i bu'i lhan cig gnas pa dang nye gnas dge slong dag sman gang dag de nas lag nyar blangs pa dang / de las byin len byas pa dang /zas kyi phye ma dang 'dres pa dang / phan tshun 'dres pa dang / rang gi rgyud kyis myangs pa gang dag rnam par dbyer yang mi mngon pa de dag dus su yang za bar byed/ dus ma yin par yang za bar byed cing / de dag la bza' bar rnam par dbye bar yang mi mngon nas/dge slong don nyung ngu dag smod par byed/ phyar ka gtong bar byed kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad de/ tshe dang ldan pa pi lin da'i bu'i lhan cig gnas pa dang nye gnas dge slong rnams la smras nas/gso dka' ba dang dgang dka' ba dang 'dod pa che ba dang chog mi shes pa rnam par smad de/ gso sla ba dang dgang sla ba dang 'dod pa chung ba dang chog shes pa dang sbyangs pa'i yon tan dang mdzes pa dang drod rig pa'i bsngags pa brjod nas/bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ bcom ldan 'das kyis dge slong na ba rnams la phan pa so sor bsten par bya ba ni/ sman gang dag bka' stsal pa 'di lta ste/zhun mar dang 'bru mar dang sbrang rtsi dang bu ram gyi dbu ba de dag las dge slong na bas 'dod na rang gis zhag bdun par byin gyis brlabs te/ gsog 'jog gis yongs su longs spyad pas yongs su longs spyad par bya'o/ /de las 'das par yongs su longs spyod par byed na spang ba'i ltung byed do zhes bca' ba mdzad de/yul ni rgyal po'i khab/ gang zag ni tshe dang ldan pa pi lin da'i bu'i lhan cig gnas pa dang nye gnas dge slong dag /nyon mongs pa ni lto 'dun che ba/ nyes pa ni gsog 'jog byed pa'o/ /de la bcom ldan 'das kyis zhes bya ba ni de bzhin gshegs pa dgra bcom pa yang dag par rdzogs pa'i sangs rgyas kyis so//dge slong zhes bya ba ni chos 'di pa'o/ /na ba rnams la zhes bya ba ni nad pa rnams la'o/ /phan pa zhes bya ba ni rjes su mthun pa'o/ /so sor bsten par bya ba'i zhes bya ba ni rung ba'o//sman gang dag bka' stsal pa 'di lta ste zhes bya ba ni rab tu bsten pa'o/ /zhun mar zhes bya ba ni mar bzhugs pa'o/ /'bru mar zhes bya ba ni 'bru mar nyid do/ /sbrang rtsi zhes bya ba ni sbrang bu'i sbrang rtsi'o/ /bu ram gyi dbu ba zhes bya ba ni bu ram mo/ /de dag las zhes bya ba ni bka' stsal pa de dag las so//dge slong zhes bya ba ni dge slong gang yin pa de'o/ /na bas zhes bya ba ni nad pas so/ /'dod na zhes bya ba ni gal te don du gnyer na'o/ rang gis zhes bya ba ni bdag nyid kyis so/ /zhag bdun par byin gyis brlabs te/ zhes bya ba ni nyin mtshan bdun par ro/ /gsog 'jog gis yongs su longs spyad pas yongs su longs spyad par bya'o zhes bya ba ni rang gis blangs te bza' bar bya ba'o/ /de las 'das par yongs su longs spyod par byed na zhes bya ba ni zhag bdun las 'das par ro/ /spang pa'i ltung byed do zhes bya ba ni dngos po de spangs nas ltung byed kyi ltung ba bshags par bya ba ste/de nas spang ba'i ltung byed do zhes gsungs so/ /de la ltung ba ji ltar 'gyur zhe na/ 'dir yang dngos gzhi dang sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang /bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gis sman zhag bdun par byin gyis brlabs pa bza' ba'i phyir 'chang ba skya rengs brgyad pa shar na gsog 'jog gi spang ba'i ltung byed kyi dngos gzhir 'gyur ro//skabs 'dir dngos gzhi dang sbyor ba'i ltung ba rnam par gzhag pa la 'dul ba 'dzin pa dag gis gzhung lugs tha dad par rtog pa yod de/ sngon gyi 'dul ba 'dzin pa du rgyus kyi bye brag tu smra ba'i slob dpon d+harma mi tras 'dul ba'i mdo rgya cher 'grel ba'i gzhung bshad pa las ni dge slong gis sman zhag bdun par byin gyis brlabs pa dang /bza' bar bya ba rung ba ma yin pa dang / dus su rung ba'i zas dang / thun tshod du rung ba'i ltung ba dag bza' ba'i phyir 'chang ba gsog 'jog du gyur na/ gsog 'jog gi spang ba'i ltung byed kyi dngos gzhir 'gyur ba 'byung /bar gyi 'dul ba 'dzin pa kha che'i yul bye brag tu smra ba'i slob dpon ka l+yA Na mi tra la sogs pas so sor thar pa'i mdo'i 'grel pa gzhan zhig bshad pa las ni sman zhag bdun par byin gyis brlabs pa bza' ba'i phyir 'chang ba gsog 'jog tu gyur na/gsog 'jog gi spang ba'i ltung byed kyi dngos gzhir 'gyur la/ bza' bar bya ba rung ba ma yin pa dang / dus su rung ba'i zas dang thun tshod du rung ba'i ltung ba dag bza' ba'i phyir 'chang ba gsog 'jog tu gyur pa ni gsog 'jog gi spang ba'i ltung byed kyi dngos gzhir mi 'gyur te/gsog 'jog gi spang ba'i ltung byed kyi dngos gzhi'i skabs kyi sbyor ba'i nyes byas su 'gyur ba byung ste/ 'dir ni so sor thar pa'i mdo dang / rnam par 'byed pa dang / gzhung bla ma dang / 'dul ba'i mdo las dge slong gis sman zhag bdun par byin gyis brlabs pa bza' ba'i phyir 'chang pa skya rengs brgyad pa shar na gsog 'jog gi spang ba'i ltung byed kyi dngos gzhir 'gyur la/dus su rung ba dang / thun tshod du rung ba dang / 'tsho ba'i bar du bcang ba dang / bza' bar bya ba rung ba ma yin pa dang / gsog 'jog tu gyur pa ni skabs 'di'i nyes byas su 'gyur bar gsungs pa'i gzhung dang sbyar te/slob dpon ka l+yA Na mi tras bshad pa'i lugs bzhin du bris so/ /dge slong la gsog 'jog gi spang ba'i ltung byed byung na de ma spangs shing bral bar ma byas la ltung ba ma bshags par ram/ spangs shing bral bar ma byas la ltung ba ma bshags par ram/spangs shing bral bar byas la ltung ba ma bshags par/ sman zhag bdun par gtogs pa'i rigs mthun pa de lta bu gzhan zhig rnyed na/ de yang snga ma'i shugs kyis spang bar 'gyur te/ de las ltung bar ni mi 'gyur ro//'dir zhag bdun pa la rang nyid kyi rjes su zhugs pa nyid kyi bye brag gzhan bstan pa'i phyir zhag bdun la ni rigs mthun pa la'o zhes bya ba smras te/ spang ba gzhan dag la ni rang nyid kyi rjes su zhugs pa nyid 'chang bar gtogs pa spyi'i shan nyid kyang 'chang bar gtogs pa gzhan spyi la 'byung zhing /'bral bar gtogs pa gzhan spyi'i shan nyid kyang 'bral bar gtogs pa gzhan spyi la 'byung / 'jog par gtogs pa gzhan spyi'i shan nyid kyang 'jog par gtogs pa gzhan spyi la 'byung ba la sogs pa lta bu yin la/ zhag bdun pa 'di la ni rang nyid kyi rjes su zhugs pa nyid zhag bdun par gtogs pa spyi la 'byung ba ma yin gyi/rigs mthun pa nyid la 'byung ste/ 'di lta ste rang nyid kyi rjes su zhugs pa nyid mar du gtogs pa'i ni mar phyis rnyed pa la 'byung ba nyid yin gyi/ 'bru mar la sogs pa dag mi 'byung ba dang /de bzhin du rang nyid kyi rjes su zhugs pa nyid 'bru mar du gtogs pa'i ni 'bru mar phyis rnyed pa la 'byung ba nyid yin gyi mar la sogs pa dag la mi 'byung ba lta bu'o/ /'dir gzhung ni rnam par 'byed pa las dge slong gis tshes la mar rnyed la/ des tshes gnyis la gzhan zhig kyang rnyed par gyur na dge slong des snga ma shos bza' bar bya zhing /phyi ma shos gtang bar bya ba'am/ rung bar bya ba'am/ gzhan la sbyin par bya'o/ /gtong bar mi byed dam/ rung bar mi byed dam/ gzhan la sbyin par mi byed na zhag brgyad pa'i skya rengs shar na spang ba'i ltung byed do zhes gsungs pa yin no//dge slong gis gsog 'jog gi spang ba'i ltung byed byung la ji srid du spang ba'i dngos po las ma bshags shing so sor ma bshags par lhung bzed dam chos gos sam dra ba'am phor bu'am ska rags sam dge sbyong gi 'tsho ba'i yo byad gang yang rung ba gzhan nye bar 'jog par byed na/de yang snga ma'i shugs kyis spang bar 'gyur te/ de las ltung bar ni mi 'gyur ro/ /gsog 'jog gi spang ba'i ltung byed 'di dang / /'og nas gsog 'jog gi ltung byed ces 'byung ba la bye brag ni 'di yod de/ 'di ni sman zhag bdun par byin gyis brlabs pa bza' ba'i phyir bcang ba skya rengs brgyad pa shar te gsog 'jog tu gyur pa la/spang ba'i ltung byed du rnam par gzhag go/ /'og ma ni dus su rung ba'i zas bca' ba lnga dang bza' ba lnga gsog 'jog tu gyur pa zos pa la ltung byed 'ba' zhig tu rnam par gzhag go/ /sman zhag bdun par byin gyis brlabs pa bza' ba'i phyir bcang ba skya rengs brgyad pa shar ba la na smad pa med do//sman zhag bdun pa ni zhun mar dang 'bru mar dang sbrang rtsi dang bu ram dang bu ram gyi dbu ba dag go/ /zhun mar zhes bya ba ni mar bzhus pa ste bdud rtsi yang de'i khongs su gtogs so/ /'bru mar zhes bya ba ni 'bru mar nyid de/zhag rnam pa lnga po nya'i zhag dang / ri bong gi zhag dang / chu srin byis pa gsod kyi zhag dang / dom gyi zhag dang / phag gi zhag dus su bskol/ dus su btsags/ dus su byin gyis brlabs pa dag kyang 'di'i khongs su gtogs so/ /sbrang rtsi zhes bya ba ni sbrang bu'i sbrang rtsi'o/ / bu ram dang bu ram gyi dbu ba zhes bya ba ni bu ram nyid de/ hwags dang li kha ra la sogs pa yang 'di'i khongs su gtogs so/ /sman zhag bdun pa byin len byas pa dang byin gyis brlabs pa de dag ni/ dge slong nad pas zhag bdun gyi mtha'i dus tshun chad du rang gis byin len byas shing byin gyis brlabs te bsten par bya ba nyid yin gyi/mi na bas ni byin gyis brlab tu yang mi rung la gzhan gyis byin gyis brlabs pa dag bzar yang mi rung ngo / /sos pa nyid na de dag nad pa'i phyir slong na sbyin no/ /slong ba med na dge 'dun gyi sman khang du gzhag par bya'o/ /de dag zhag bdun par byin gyis brlabs pa'i cho ga dang sngags ni 'di yin te/sman de dag sman pa dang sman pa rab tu byung ba dang sman g.yog bsnyen par ma rdzogs pa mkhas pa gang yang rung bas rung ba'i sa gzhir snga dro bskol cing btsags nas/ bza' bar bya ba rung ba ma yin pa lag nyar blangs pa dang / nang du btsos pa dang / nang du zhag lon pa dang / dge slong gis btsos pa la sogs pa dang ma 'dres par byas la/ dge slong nad pas kyang snga dro lag pa bsnyal te byin len byas la dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na gnas pa gcig mdun du tsog pur 'dug ste/gnyi gas lhung bzed dam sman snod lag pa g.yon par gzhag la g.yas pas kha nas bkab ste/ nad pas 'di skad ces brjod par bya'o/ /tshe dang ldan pa dgongs su gsol/ bdag dge slong ming 'di zhes bgyi ba'i sman zhag bdun pa 'di dag bdag dang tshangs pa mtshungs par spyod pa rnams kyir bgyi bar zhag bdun par byin gyis brlab po//lan gsum du bzlas/ de'i rjes la nyan pas thabs yin no zhes brjod par bya/ nad pas legs so zhes brjod par bya'o/ /de phyin chad zhag bdun gyi bar du byin len ma zhig par byas te rang gis bsten cing bza' bar bya'o//zhag bdun par byin gyis brlabs pa'i nyi ma 'das so cog dge slong la nyi ma re re zhing deng phan chad du nyi ma dang po 'das te deng ni nyi ma gnyis pa lags so zhes bya ba la sogs pa brjod par bya'o/ /zhag brgyad pa'i skya rengs ma shar tshun chad du zos zin cing lhag ma byed na der zad/yod na nad pa'i phyir slong ba la sbyin pa'am/ dge 'dun gyi sman khang du gzhag pa'am/ bsam pa thag pa nas ltos pa med pa'i sems kyis gzhan la gtang bar bya'o/ /de ltar ma byas par bza' ba'i phyir 'chang na skya rengs brgyad pa shar na gsog 'jog tu 'gyur zhing spang ba'i ltung byed kyi dngos gzhir 'gyur ro//'di'i byed pa po ni sman zhag bdun par byin gyis brlabs pa bza' ba'i phyir 'chang ba dang de dag skya rengs brgyad pa shar te gsog 'jog tu gyur pa nyid do/ /'di la yan lag bzhis dngos gzhi'i ltung bar 'gyur te/ sman zhag bdun par byin gyis brlabs pa nyid dang /rang nyid bza' ba'i phyir dang / 'chang ba dang skya rengs brgyad pa shar te gsog 'jog tu gyur pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du gsog 'jog gi spang ba'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /bza' bar bya ba rung ba ma yin pa lag nyar blangs pa dang / nang du zhag lon pa dang / nang du btsos pa dang / dge slong gis bcos pa dang /rung ba ma yin pa mi sha la sogs pa dang / rung ba ma yin pa dang 'dres pa dang / brtags pa la gzhan dang 'dres pa/ dper na dus su rung ba'i zas dang 'dres pa'i thun tshod du rung ba la sogs pa lta bu'i skyon gyis rung ba ma yin pa nyid du gyur pa dag ni bza' ba'i phyir 'chang na nyin zhag gcig lon na gsog 'jog tu 'gyur bas de dag zhag lon par 'chang ba la nyes byas so//dus su rung ba'i zas bca' ba lnga dang bza' ba lnga byin len byas pa ma zhig pa bza' ba'i phyir 'chang na phyed yol na gsog 'jog tu 'gyur bas de phyed yol gyi bar du 'chang ba la nyes byas so//thun tshod du rung ba'i btung ba byin len byas pa byin gyis brlabs pa byin len ma zhig par btung ba'i phyir 'chang na thun tshod las 'das na gsog 'jog tu 'gyur bas de thun tshod las 'das par 'chang ba la nyes byas so/ /sbyor ba'i sbyor ba'i ltung ba ni nyes byas phra mo ste/sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /de yang dang po yid la sems pa ni sbyor ba'i sbyor ba'i nyes byas phra mo'o/ /de nas lus dang ngag gis sbyor ba ni sbyor ba'i nyes byas dngos so/ /de nas mthar thug pa ni spang ba'i ltung byed kyi dngos gzhi'o zhes bya bar shes par bya'o//ltung ba med pa ni sman zhag bdun par byin gyis ma brlabs pa la ltung ba med do/ /skya rengs brgyad pa dang nyin mtshan dang / phyed yol dang / thun tshod ma 'das pa gsog 'jog tu ma gyur pa la ltung ba med do//zhag bdun pa'i 'bru mar la sogs pa rkang pa bsku ba la sogs pa'i don gang gi phyir rung ba byas pa de'i phyir 'chang ba la ltung ba med do/ /snar blugs pa dang bsku mnye bya ba dag gi gsog 'jog byas kyang rung ngo / /las dang po pa dang / smyos pa dang sems 'khrugs pa dang /tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du gsog 'jog gi spang ba'i ltung byed du 'gyur ba rnam pa thams cad mi bsten par bslab par bya'o/ /sman zhag bdun par byin gyis brlabs pa'i nyi ma 'das so cog dge slong la 'di skad ces deng phan chad du nyi ma dang po 'das te/deng ni nyi ma gnyis pa lags so zhes bya ba la sogs pa brjod par bya'o/ /phyir bcos pa ni snga ma bzhin no/ /gsog 'jog gi spang ba ste sum cu pa bshad zin to// //tshe dang ldan pa dag bdag gis spang ba'i ltung byed kyi chos sum cu po dag bton zin to zhes bya ba ni spang ba'i ltung byed gdon pa'i mjug bsdu pa ste/spang ba'i ltung byed kyi chos sum cu po dag ces bya ba ni sngar bstan pa'i bcu tshan gsum po dag go/ /bton zin to zhes bya ba ni dam bca' ba'i don gyi mjug bsdu ba'i phyir dang /nyan pa po rnams spro bar bya ba'i phyir smos so/ /de la bdag gis tshe dang ldan pa dag la ji 'di la khyed yongs su dag gam zhes dri'o/ /ji 'di la khyed yongs su dag gam zhes lan gnyis lan gsum du dri'o/ /'di la tshe dang ldan pa dag yongs su dag na 'di ltar cang mi smra bas de de bzhin du 'dzin to zhes bya ba ni spang ba'i ltung byed rnam par gzhag pa bsgrag par bya ba yin te/de la zhes bya ba ni spang ba'i ltung byed kyi chos sum cu po dag bton pa de la'o/ /lhag ma ni snga ma bzhin no/ /spang ba'i ltung byed gdon pa bshad zin to// //da ni ltung byed 'ba' zhig tu 'gyur ba gdon pa bshad par bya ste/ de'i phyir/ spyi sdom la/ shes bzhin dang ni sa bon dang / /ma bskos pa dang yang yang dang / /chu dang khyim dang bsams bzhin dang / /'dron mang rkun ma mchod ston no/ /zhes bya ba la sogs pa gsungs so//spyi sdom la zhes bya ba ni ltung byed dgu bcu la bcu pa phrag dgu 'og nas 'byung ba rnams kyi spyi'i don tshig su bcad pa gcig tu bsdus pa yin no/ /de la shes bzhin dang ni zhes bya ba ni 'og nas sdom la/ brdzun skyon dge slong phra ma dang / /skyo sdogs byed dang ston pa dang / / 'dod dang gnas ngan len dang chos/ /bshes ngor byed dang khyad du gsod/ /ces byung ba'i spyi sdom yin no/ /sa bon dang zhes bya ba ni 'og nas sdom la/ sa bon 'phya ba bsgo ba dang / /khri dang gding dang skrod pa dang / /phyis gnon 'byung ba 'debs pa dang / /rim pa gnyis su brtsigs pa'o//zhes 'byung ba'i spyi sdom yin no/ /ma bskos pa dang zhes bya ba ni 'og nas sdom la/ ma bskos nyi ma nub pa dang / /zas dang chos gos gnyis dag dang / /don mthun gru dang dben pa gnyis/ /dge slong ma yi sbyor bcug pa'o/ /zhes 'byung ba'i spyi sdom yin no/ /yang yang dang zhes bya ba ni 'og nas snga ma la yang yang dang ni 'dug gnas gcig /phye dang bca' dang stobs pa dang / /'dus dang dus min gsog 'jog dang / /kha nas mid dang gsod pa nyid/ /ces 'byung ba'i spyi sdom yin no/ /chu dang zhes bya ba ni 'og nas sdom la/ srog chags bca' dang nyal sar 'dug /'greng dang gcer bu dmag dang ni/ /zhag gnyis bshams dkrug 'gro ba dang / /brdeg dang gzas dang gnas ngan len/ /ces 'byung ba'i spyi sdom yin no/ /khyim dang zhes bya ba ni 'og nas sdom la/ /bde dang med dang 'dun pa dang / /bsnyen par ma rdzogs chos dang smra/ / dge tshul kha dog bsgyur ba dang / /rin po che dang tsha ba'i dus/ /zhes 'byung ba'i spyi sdom yin no/ /bsam bzhin dang zhes bya ba ni/ 'og nas sdom la/ dud 'gro 'gyod pa sor mo dang / /rtse dang lhan cig sngangs byed dang / /sbed dang gdeng med gzhi med dang / /skyes pa med par lam 'gro ba'o/ / zhes 'byung ba'i spyi sdom yin no/ /'dron mang rkun ma zhes bya ba ni/ 'og nas sdom la/ rku dang nyi shu ma lon dang / /rko dang mgron dang bslab pa dang / /'thab dang mi smra 'gro ba dang / /mi gus chang 'thung dus min pa'o/ /zhes 'byung ba'i spyi sdom yin no/ /mchod ston zhes bya ba ni 'og nas sdom la/zas bcas skya rengs da gdod dang / /khab ral dang ni khri rkang dang / /bdal dang gding dang g.yan pa dang / /ras chen bde gshegs chos gos so/ /zhes 'byung ba'i spyi sdom yin no/ /da ni spyi sdom gyis bsdus pa'i don gyi bcu pa phrag dgu go rims bzhin du bshad par bya ste/de'i phyir sdom la/ brdzun skyon dge slong phra ma dang / /skyo sngogs byed dang ston pa dang / /'don dang gnas ngan len dang chos/ /bshes dor byed dang khyad du gsod/ /ces bya ba gsungs te/ sdom la zhes bya ba'i tshig gi don dang dgos pa ni snga ma bzhin no/ /bcu pa dang po'i sdom 'dis ltung byed kyi chos bcu ston te/brdzun du smra ba dang / skyon nas smra ba dang / phra ma byed pa dang / skyo sngogs byed pa dang / ston pa dang / 'don pa dang gnas ngan len brjod pa dang / mi'i chos bla ma brjod pa dang / skur pa 'debs pa dang / khyad du gsod pa'o/ /tshe dang ldan pa dag ltung byed kyi chos dgu bcu po 'di dag ni zla ba phyed phyed cing so sor thar pa'i mdo 'don pa las 'byung ngo zhes bya bas ni/ltung byed gdon pa 'di'i lung dbog pa bstan to/ /ltung byed kyi chos zhes bya ba ni spang ba'i ltung byed dag de ltar dngos po de spangs nas ltung byed kyi ltung ba bshags par bya ba de lta bu ma yin te/spang bar bya ba'i dngos po med pa'i phyir des na ltung byed 'ba' zhig ces bya ba'i ming 'thob po/ /de dag nyid kha na ma tho ba'i mtshan nyid 'dzin pas chos zhes bya'o/ /dgu bcu po 'di dag ni zhes bya ba ni grangs dgu bcur chad pa'i bcu phrag dgu 'og nas 'byung ba dag go//zla ba phyed phyed cing so sor thar pa'i mdo 'don pa las 'byung ngo zhes bya ba ni zla ba phyed phyed cing gso sbyong 'don pa'i tshe 'dul ba 'dzin pa'i kha ton las 'byung ngo zhes bstan pa yin no/ /brdzun du smra ba'i ltung byed kyi gleng gzhi ni byung ba dang bcas pa'i dbang gis rnam pa gnyis te/byung ba'i gleng gzhi ni/ sangs rgyas bcom ldan 'das rgyal po'i khab na 'od ma'i tshal bya ka lan dka'i gnas na bzhugs so/ /de'i tshe na tshe dang ldan pa sgra gcan zin rgyal po'i khab na chu dron gyi kun dga' ra ba na 'dug ste/ bram ze dang khyim bdag dad pa can dag /tshe dang ldan pa sgra gcan zin ga la ba der dong ste phyin nas tshe dang ldan pa sgra gcan zin la btsun pa sgra gcan zin/ bcom ldan 'das ga la bzhugs zhes 'dri ba na gal te bcom ldan 'das 'od ma'i tshal na bzhugs na ni de na re bya rgod phung po'i ri la bzhugs so zhes zer/ gal te bcom ldan 'das bya rgod phung po'i ri la bzhugs na ni de na re 'od ma'i tshal na bzhugs so zhes zer/gal te bcom ldan 'das pib pa la'i phug na bzhugs na ni de na re re lde can ma'i phug na bzhugs so zhes zer/ gal te bcom ldan 'das re lde can ma'i phug na bzhugs na ni de na re pib pa la'i phug na bzhugs so zhes zer nas/de dag gis bcom ldan 'das btsal na ma rnyed nas/ de dag lus ngal ba dang lus dub pa dang lus dgu pas tshe dang ldan pa sgra gcan zin ga la ba der dong ba dang / de nas tshe dang ldan pa sgra gcan zin gyis de dag la dris pa/ shes ldan dag bcom ldan 'das mthong ngam/btsun pa sgra gcan zin ma mthong ngo / /de dgod pa dang / de dag gis smras pa/ btsun pa sgra gcan zin bsams bzhin du bdag cag la tho 'tshams par mi mdzad dam/ de yin no/ /de dag smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das snga dro sham thabs gsol/ lhung bzed dang chos gos bsnams te/ rgyal po'i khab tu bsod snyoms la gshegs nas rgyal po'i khab tu bsod snyoms brgyus te/ zas kyi bya ba mdzad nas phyi dro bsod snyoms mi mdzad pas chu dron gyi kun dga' bar tshe dang ldan pa sgra gcan zin gyi gtsug lag khang ga la ba der gshegs so//tshe dang ldan pa sgra gcan zin gyis thag ring po kho na nas bcom ldan 'das mthong ngo / /mthong nas kyang bcom ldan 'das kyi slad du gdan bshams par byed zhabs bsil ba'i chab dang / zhabs brten mtha' gcig tu 'jog par byed cing /bsus nas chos gos len par byed cing / 'di skad ces bcom ldan 'das gshegs su gsol/ bcom ldan 'das byon pa legs so/ /bcom ldan 'das gdan bshams pa nyid la bzhugs su gsol zhes kyang smras so/ /bcom ldan 'das gdan bshams pa nyid la bzhugs nas/de nas bcom ldan 'das nyid kyis zhabs gnyis bsil nas chu snod du chu'i lhag ma nyung ngu zhig bzhag nas sa la pho ste chu snod sa la bzur nas kha spub ste/ tshe dang ldan pa sgra gcan zin la bka' stsal pa/ sgra gcan zin khyod kyis ngas chu snod du chu'i lhag ma nyung ngu zhig bzhag nas sa la 'pho ste/chu snod sa la bzur nas khas spub pa mthong ngam/ gsol pa/ btsun pa mthong ngo / /bka' stsal pa/ sgra gcan zin de bzhin du nga ni mi gti mug can gang la la shes bzhin du brdzun du smra zhing ngo tsha med pa 'dzem pa med pa 'gyod pa med pa de'i dge slong gi tshul chung ba dang pho ba dang bzur ba dang khas spub par smra'o//sgra gcan zin 'di lta ste dper na/ rgyal po'i glang po che dregs pa ma tang gnas byung ba gzhon pa lo drug cu lon pa mche ba shing rta'i mda' tsam dang ldan pa brang dkyil che ba g.yul ngor spyad pa g.yul gye nang du son pa/ lag pa gnyis dang /rkang pa gnyis dang / brla gnyis dang / rked pa dang mjug ma dang / glo gnyis dang / glo gnyis dang / rgyab dang / za 'gram gnyis dang / mgrin pa dang / rna ba gnyis dang / mche ba gnyis kyis las byed cing snas las mi byed pa pha rol gyi dpung dang / pha rol gyi dmag 'joms par byed pa na de na rgyal po glang po che la zhon pa 'di snyam du 'di ltar rgyal po'i glang po che 'di ni sna srung bar byed pas srog yongs su ma btang ngo snyam du sems so//gang gi tshe rgyal po'i glang po che de lag pa gnyis dang / rkang pa gnyis dang / brla gnyis dang / rked pa dang / mjug ma dang / glo gnyis dang / rgyab dang /za 'gram gnyis dang / mgrin pa dang / rna ba gnyis dang / mche ba gnyis dang / snas kyang las byed pa/ pha rol gyi dpung dang / pha rol gyi dmag 'joms par byed pa na de na rgyal po glang po che la zhon pa 'di snyam du 'di ltar rgyal po'i glang po che 'di ni sna srung bar mi byed pas srog yongs su btang ngo snyam du sems te/sgra gcan zin nga ni de'i tshe na rgyal po'i glang po che de las mi bya ba ci yang med par smra'o/ /sgra gcan zin de bzhin du gang la la shes bzhin du brdzun smra zhing ngo tsha med pa 'dzem pa med pa 'gyod pa med par gyur na nga ni mi gti mug can des sdig pa'i las mi bya ba cung zad kyang med par smra'o//de nas bcom ldan 'das kyis de'i tshe tshigs su bcad pa gnyis bka' stsal pa/ lus can brdzun du smra ba yi/ /chos gcig las ni 'das gyur cing / /'jig rten pha rol dral ba yi/ /'di la sdig pa mi bya med/ /lcags gong me lce 'dra ba dag /zos par gyur pa mchog yin gyi//tshul 'chal yang dag mi sdom pas/ /yul 'khor bsod snyoms za ba min/ /sgra gcan zin mi rnams kyis me long bzhin gyi gzugs so sor brtag pa'i phyir 'chang ba de bzhin du/ khyod kyis kyang 'di ltar lus kyi las dang ngag gi las dang / yid kyi las la so sor brtags shing so sor brtags nas yongs su sbyangs shing yongs su sbyangs nas mang du gnas par bya'o zhes bslab par bya ste/sgra gcan zin khyod kyis de ltar bslab par bya'o/ /bcom ldan 'das kyis de skad ces bka' stsal te/ bde bar gshegs pas de skad ces gsungs nas/ ston pas gzhan yang 'di skad ces bka' stsal to//sangs rgyas bstan pa dran byed na/ /lus kyi las dang ngag las dang / /yid kyi las la mang du ni/ /so sor rtogs shig sgra gcan zin/ /'di ni dge slong las yin te/ /'di la slobs shig sgra gcan zin/ /'di la khyod ni slob byed na/ /bde bar 'gyur zhing sdig med yin/ /de nas bcom ldan 'das kyis tshe dang ldan pa sgra gcan zin la chos dang ldan pa'i bka' mchid kyis yang dag par bstan/yang dag par 'dzin du bcug /yang dag par gzengs bstod/ yang dag par rab tu dga' bar mdzad nas gdan las bzhengs te gshegs so/ /'di ni re zhig byung ba yin te sangs rgyas bcom ldan 'das re zhig 'dul ba la nyan thos rnams kyi bslab pa'i gzhi 'cha' bar ni mi mdzad do//bca' ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na mnyan yod na shAkya'i bu dge slong lag brgyud ces bya ba zhig 'dug pa de shin tu smra ba dang /gzhan gyi smra ba'i rjes su brtson par gnas so/ /lho phyogs nas bram ze rig byed dang / rig byed kyi yan lag gi pha rol du son pa/ yul tha dad pa na gnas pa'i bram ze rnams kyi ston par gyur pa zhig kyang bram ze'i khye'u mang po'i 'khor dang lhan cig tu mnyan yod du phyin to//mnyan yod na gnas pa'i bram ze 'khor shin tu mang po dang ldan pa zhig gis de dang brtsad par brtsams pa na rig pa'i gnas gang dang gang la gtam 'dre bar byed pa de dang de la lho phyogs pa des mnyan yod pa 'khor dang bcas pa de dag spobs pa med par byas so//de'i tshe shAkya'i bu dge slong lag brgyud der 'ongs pa dang / lho phyogs pa'i bram ze des smras pa/ kye dge slong khyod la slob dpon gyi mtshan ma yod pas khyod ni smra ba'i khyu mchog gcig yin pa 'dra na bdag la yang bla ma las yi ge cung zad blangs pa dag cig yod de/ bdag khyod dang lhan cig cung zad gtam rnam par gtan la dbab pa byed par 'dod do//lag brgyud kyis smras pa/ bram ze ma nyes te kho bo la yang gang du bdag gis rgol ba'i bstan bcos rnon por bya snyam pa'i blo skyes na khyod kyang 'dir 'ongs kyi de bzhin du bya'o zhes phyi de nyin par skyed mos tshal ga ge mo zhig tu 'gyed par dus btab po//de'i nub mo lag brgyud kyis bsams pa/ gal te bdag gis re zhig bram ze tshar bcad na ni de lta na yang bdag gis sgo 'phar brgya dag 'das te/ ji ltar lto dgong pa bsgrub par bya dgos so/ /gal te bram zes bdag tshar bcad na ni de lta na bdag gis grags pa'i phreng ba med par 'gyur ro snyam nas/de phyi de nang par rgol ba'i sar ma song ngo / /de lta bu lan gnyis lan gsum tsam du 'thus pa las/ shAkya'i bu lag brgyud kyis de tho 'tshams pa'i phyir yul phyogs dang brda dang mtshan ma byas nas ched du bsams te mi 'gro nas gzhan mu stegs can dag /shes ldan shAkya'i bu'i dge slong 'di dag ni brdzun smra ba/ brdzun smra ba las ma log /ma spangs/ so sor ma spangs pa dag yin te/ sngar 'thus pa las yul phyogs dang brda dang mtshan ma byas nas ched du bsams te/ 'gro bar mi byed do zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de shAkya'i bu dge slong lag brgyud la smras nas/ dge slong gi tshul ma yin pa rjes su mthun pa ma yin pa/rung ba ma yin pa/ tshul dang mthun pa ma yin pa de ni rab tu byung bas bya ba ma yin pa zhes rnam grangs du mar smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ shes bzhin du brdzun du smra na ltung byed do zhes bca' ba mdzad do//yul ni mnyan yod/ gang zag ni shAkya'i bu dge slong lag brgyud/ nyon mongs pa ni gzhan la tho 'tshams pa/ nyes pa ni shes bzhin du brdzun smra ba'o/ /de la shes bzhin du zhes bya ba ni rnam par dpyad nas so/ /brdzun smra na zhes bya ba ni/ brdzun smra ba la ni rnam pa dgu yang yod/rnam pa brgyad kyang yod/ rnam pa bdun yang yod/ rnam pa drug kyang yod/ rnam pa lnga yang yod/ rnam pa bzhi yang yod/ rnam pa gsum yang yod/ rnam pa gnyis kyang yod do/ /de la brdzun smra ba rnam pa dgu gang zhe na/ gzhi med par pham par 'gyur ba dang / dge 'dun lhag ma dang /ltung byed dang / so sor bshags par bya ba/ nyes byas dang / tshul khrims nyams pa dang / lta ba nyams pa dang / cho ga nyams pa dang / 'tsho ba nyams pas gleng ba'o/ /rnam pa brgyad gang zhe na/ gzhi med par pham par 'gyur ba dang / dge 'dun lhag ma dang / ltung byed dang / so sor bshags par bya ba dang / nyes byas dang / mthong ba dang / thos pa dang / dogs pas gleng ba'o/ /rnam pa bdun gang zhe na/ gzhi med par tshul khrims nyams pa dang / lta ba nyams pa dang / cho ga nyams pa dang / 'tsho ba nyams pa dang / mthong ba dang / thos pa dang / dogs pas gleng ba'o//rnam pa drug gang zhe na/ dge slong brdzun smra bar 'dod pa na/ 'di snyam du brdzun smra bar bya'o snyam pa dang / brdzun smra ba ni 'di snyam du brdzun smra'o snyam pa dang / brdzun smras pa na 'di snyam du brdzun smras so snyam pa dang / gzhi med par mthong ba dang / thos pa dang / dogs pas brdzun smra ba'o/ /rnam pa lnga gang zhe na/gzhi med par pham par 'gyur ba dang / dge 'dun lhag ma dang / ltung byed dang / so sor bshags par bya ba dang / nyes byas kyis gleng ba'o/ /rnam pa bzhi gang zhe na/ gzhi med par tshul khrims nyams pa dang / lta ba nyams pa dang / cho ga nyams pa dang / 'tsho ba nyams pas gleng ba'o//rnam pa gsum gang zhe na/ gzhi med par mthong ba dang / thos pa dang / dogs pas gleng ba'o/ /gzhan yang rnam pa gsum gang zhe na brdzun smra bar 'dod pa na 'di snyam du brdzun smra bar bya'o snyam pa dang / brdzun smra ba na 'di snyam du brdzun smra'o snyam pa dang / brdzun smras pa na 'di snyam du brdzun smras so snyam pa'o//rnam pa gnyis gang zhe na/ brdzun smra ba na 'di snyam du brdzun smra'o snyam pa dang / brdzun smras pa na 'di snyam du brdzun smras so snyam pa'o/ /brdzun smra ba na rnam pa gcig pu 'ba' zhig ni med do/ /brdzun smra ba ni/ pham par 'gyur ba yang yod/ dge 'dun lhag mar 'gyur ba yang yod/nyes pa sbom por 'gyur ba yang yod/ ltung byed du 'gyur ba yang yod/ nyes byas su 'gyur ba yang yod/ de la brdzun smra ba pham par 'gyur ba gang zhe na/ 'di lta ste dge slong med la med bzhin du mi'i chos bla me smra ba'o/ /dge 'dun lhag mar 'gyur ba gang zhe na/ 'di lta ste dge slong khros shing zhe sdang bar gyur nas ji nas kyang 'di tshangs par spyod pa dang dbral lo snyam nas/dge slong dag la ltung ba med pa la gzhi med par pham par 'gyur ba'i chos kyis skur pa 'debs pa'o/ /nyes pa sbom por 'gyur ba gang zhe na/ 'di lta ste dge slong dge 'dun gyi nang du ched du bsams te/chos ma yin pa'i chos su ston pa dang / chos chos ma yin par ston pa dang / 'dul ba ma yin pa 'dul bar ston pa dang / 'dul ba 'dul ba ma yin par ston pa'o/ /nyes byas su 'gyur ba gang zhe na/ 'di lta ste/ dge slong zla ba phyed phyed cing so sor thar pa'i mdo gdon pa 'don pa na ci 'di la/khyed yongs su dag gam zhes dris pa na yongs su ma dag bzhin du cang mi smra bar sdod pa'o/ /ltung byed du 'gyur ba gang zhe na/ 'di lta ste/ brdzun du smra ba rnam pa bzhi po de dag ma gtogs pa brdzun du smra ba gzhan gang dag yin pa de dag thams cad ni ltung byed du 'gyur ba yin no/ / ltung byed ces bya ba ni sems can dmyal ba dang dud 'gro dang yi dags dang ngan song dang ngan 'gro dang log par ltung ba dag tu sreg par byed 'tshed par byed ltung bar byed pa'o/ /gzhan yang ltung ba de ma bshags shing so sor ma bshags na/ dge ba'i chos rnams la sgrib par byed pa ste/ des na ltung byed do zhes gsungs so//de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab bar bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni pham par 'gyur ba dang /dge 'dun lhag mar 'gyur ba dang / nyes pa spom por 'gyur ba dang / nyes byas su 'gyur ba las gzhan pa'i brdzun du smra ba don shes pa'i yul la 'du shes gzhan du bsgyur te brdzun du smra ba na 'di snyam du brdzun smra'o snyam pa dang / brdzun smras pa na 'di snyam du brdzun smras so snyam na brdzun du smra ba'i ltung byed kyi dngos gzhir 'gyur ro//brdzun du smra ba ni 'du shes kyi dbang gis rnam par gzhag pa yin gyi/ dngos po'i dbang gis ni ma yin pas don shes pa'i yul la 'du shes gzhan du bsgyur ba thams cad la na smad pa med do/ / brdzun smra ba na 'di snyam du brdzun smra'o snyam pa na sbyor ba dang bcas pa'i dngos gzhi yin pas de la na smad pa med do/ /brdzun smras pa na 'di snyam du brdzun smras so snyam pa ni dngos gzhi mjug dang bcas pa yin pas de la yang na smad pa med do/ /gzhi gcig la du ma nyid dang bcas pa la na smad pa med do//yid gnyis ni 'du shes dang 'dra bas de la na smad pa med do/ /ltung byed du gtogs pa'i brdzun gyi don gang yang rung ba la na smad pa med do/ /nyan pa po mi'i 'gro bar gtogs pa don go ba bsams pa la na smad pa med do/ /'di'i byed pa po ni don shes pa'i yul la 'du shes gzhan du bsgyur ba'o//'di la yan lag lngas dngos gzhi'i ltung bar 'gyur te/ 'du shes bsgyur ba nyid dang / bdag nyid kyis smras pa nyid dang / nyan pa po mi'i 'gro bar gtogs pa rang bzhin du gnas pa nyid dang / ltung byed du 'gyur ba'i brdzun nyid dang / gzhan gyis don go ba'o/ /de dag las yan lag ma tshang na ci rigs par na smad do//sbyor ba'i ltung ba ni nyes byas te/ ji srid du brdzun smra ba'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /brdzun smra bar 'dod pa na 'di snyam du brdzun smra bar bya'o snyam pa ni sbyor ba yin pas de la nyes byas so//mi'i 'gro ba pa ni tha snyad du bya ba nyid kyi yan lag yin pas mi ma yin pa'i 'gro ba la nyes byas so/ /dud 'gro la nyes byas na smad do/ /rnam par rig byed la ni don go ba nyid yan lag yin pas nyan pa po rang bzhin nyams pa la sogs pas don ma go ba la nyes byas so//sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de nyid de/ sbyor ba nyes byas sbyor ba'i sbyor ba yang nyes byas te/ nyes byas phra mo'o/ /ltung ba med pa ni dngos po brdzun yang 'du shes bden pas smra ba la ltung ba med do//brdzun smra ba la rnam pa gcig pu 'ba' zhig ni med pas brdzun du smra ba 'jug pa nyi tshe la ni ltung ba med do/ /tshig thal zin pa'i phyir ro/ /gal te brjod par bya ba sdug bsngal bar 'gyur ba yin na ni gzhan brjod kyang ltung ba med de/ de'i phyir gsad par bya ba mthong ngam zhes 'dri ba la/re zhig me 'de shig /re zhig skom 'thung shig /re zhig ngal sos shig /nam mkha' mthong ngo / /sen mo mthong ngo / /don dam par na/ sems can nam/ gsad par bya ba ma mthong ngo zhes smras na ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do//bslab par bya ba ni dge slong gis yul thams cad la gnas skabs thams cad du brdzun du smra ba'i ltung byed du 'gyur ba rnam pa thams cad mi bsten par bslab par bya'o/ /mna' 'dor bar mi bya'o/ /phyir bcos pa ni snga ma bzhin no/ /brdzun du smra ba'i sbyor ba'i sbyor ba nyes byas phra mo'o//sbyor ba nyes byas dang / dngos gzhi ltung byed bsdam pa dang / mthol ba dang bshags pas ltung ba las bslang bar bya'o/ /de la sbyor ba'i sbyor ba nyes byas phra mo dang / sbyor ba nyes byas de gnyis bsdam par bya ba'i nyes byas yin na ni gzhan la mthol ba dang bshags mi dgos par rang gi yid kyis ltung ba snga ma mthong ba dang phyin chad bsdam pas snga ma 'gyod pa dang /phyin chad mi bya'o snyam du bsdam pa byas na ltung ba las ldang ngo / /bshags par bya ba'i nyes byas yin na ni gzhan la mthol ba dang bshags pas phyir bcos par bya dgos so/ /de la bsdam par bya ba'i nyes byas ni bshags par bya ba'i nyes byas kyi phyogs su gtogs pa yid kyi nyes byas zhes bya ba dag yin no//bshags par bya ba'i nyes byas ni lus dang ngag gis sbyor ba'i sgrub pa dag yin no/ /de la bshags par bya ba'i nyes byas mthol ba dang bshags pa'i cho ga ni 'di yin te/dge slong gis ltung ba bcab par mi bya ste/ ltung byed kyi sbyor ba'i sbyor ba nyes byas phra mo dang / sbyor ba nyes byas bshags par bya ba gang yang rung ba byung na bcab pa'i sems gcig tsam gyis kyang bcab par mi bya bar de nyid kyi mod la mchil lham gnyis phud nas dge slong bsten par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las mi mthun pa gcig gi mdun du tsog pur 'dug ste thal mo sbyar ba btud nas ltung ba'i sde tshan gyi ming dang gang byung ba'i rigs smros te/cig car mthol ba dang bshags par byar rung ngo / / de'i sngags ni 'di yin te/ tshe dang ldan pa dgongs su gsol/ bdag dge slong ming 'di zhes bya ba la ltung ba brdzun du smra ba'i ltung byed kyi sbyor ba'i sbyor ba dang / sbyor ba che ge mo las gyur pa'i nyes byas phra mo dang / nyes byas byung ste/ bdag dge slong ming 'di zhes bgyi ba'i ltung ba de tshe dang ldan pa'i mdun du mthol lo//mi 'chab po/ /'chags so/ /mthol zhing bshags na bdag bde ba la reg par gnas par 'gyur gyi/ ma mthol ma bshags na ni mi 'gyur ro zhes lan gsum bzlas/ nyan pas ltung ba mthong ngam zhes smra zhing 'chags pas mthong ngo zhes brjod par bya/ nyes byas phyin chad sdom mam zhes smra zhing /'chags pas sdom mo zhes lan gsum bzlas/ de'i rjes la nyan pas thabs yin no zhes brjod par bya zhing / 'chags pas legs so zhes brjod par bya ste/ de tsam gyis na brdzun du smra ba'i ltung byed kyi sbyor ba'i sbyor ba dang / sbyor ba'i ltung ba las ldang ngo //brdzun du smra ba'i ltung byed kyi dngos gzhi byung na de'i phyir bcos pa yang snga ma bzhin du mthol ba dang bshags pas phyir bcos par bya dgos te/ de'i cho ga dang sngags kyang snga ma bzhin te/ sngags kyi bye brag tu na bdag dge slong ming 'di zhes bgyi ba la ltung ba brdzun du smra ba'i ltung byed byung ba ste zhes bya ba brjod par bya'o//de ltar ltung byed kyi dngos gzhir cig car mthol ba dang / bshags par byas na de'i sbyor ba'i sbyor ba dang / sbyor ba ni logs shig tu mthol zhing bshags mi dgos te/ de tsam gyis na brdzun smra ba'i ltung byed kyi ltung ba las ldang ngo / /de'i mod la gang la mthol zhing bshags par bya ba'i gang zag med na/skya rengs ma shar gyi bar du 'chab pa'i nyes pa med do/ /ji srid du gang la mthol zhing bshags par bya ba'i gang zag ma rnyed pa de srid du skya rengs shar kyang ma mthol ma bshags pa la 'chab pa'i nyes pa med do/ /gang la mthol zhing bshags par bya ba'i gang zag med na ji srid du gang la mthol zhing bshags par bya ba'i gang zag ma rnyed pa de srid du mthol zhing bshags pa'i sems med pa la 'chab pa'i nyes pa med do//gang la mthol zhing bshags par bya ba'i gang zag yod du zin kyang rkyen 'ga' zhig gis bdag nyid der 'gro ba'i skabs med dam/bdag nyid gnas de nas gzhan du song bar gyur na de'i bar du mthol zhing bshags pa'i sems med pa la 'chab pa'i nyes pa med do/ /gang la mthol zhing bshags par bya ba'i gang zag yod du zin kyang ltung ba byung ba de 'di snyam du gal te de'i gan du song la ma brjod na 'chab pa'i nyes par 'gyur du dogs pas de'i dbang gis der mi 'gro'am/gzhan du song bas brjod pa ma byas pa yang 'chab pa'i nyes pa med do/ /rkyen cis kyang ma bskal bar de'i gan du mi 'gro ba dang / gzhan du 'gro ba dang / skya rengs kyi mdun rol du mi mthol ba dang /'chab pa'i sems bskyed pa dag ni nyes byas so/ /gang la mi mthol zhing bshags par bya ba'i gang zag dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug la ltung ba ming dang rigs las mi mthun pa med na chos 'di pa gcig la ji mthol de'i 'og tu dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las mi mthun pa gcig gi mdun du bshags par bya'o//ltung ba ming las mi mthun pa'i gang zag med na/ ltung ba rigs las mi mthun pa'i mdun du bshags par bya'o//'dir ming ni ltung ba'i sde tshan no/ /rigs ni ltung ba gang byung ba'o/ /chos 'di pa zhes bya ba ni dge slong ma dang / bslab pa byin pa dang / dge slob ma dang / dge tshul dang / dge tshul ma dang / dge bsnyen dang / dge bsnyen ma dang / khyim pa de bzhin gshegs pa'i lta ba can mtshams kyi nang na 'dug pa dang / lta ba mi mthun pa mtshams gzhan na 'dug pa dag go/ /'dir de dag gi rnam par gzhag pa ni mtshan mi mthun pa bsnyen par rdzogs pa la mthol na bcab par ni mi 'gyur la/ nyes byas su ni 'gyur ro/ /bsnyen par ma rdzogs pa dag la mthol na bcab par ni mi 'gyur la/gnas ngan len rig par byed pa las ni ltung byed du 'gyur ro/ /gnas ngan len ma yin pa rig par byed pa las ni nyes byas su 'gyur ro/ /chos 'di pa de dag gang yang rung ba mtshams gzhan du 'dug pa dang / /lta ba mi mthun pa la mthol na bcab par ni mi 'gyur la/nyes byas su ni 'gyur ro/ /dge slong bsnyen par rdzogs par rang bzhin du gnas pa ma yin pa la mthol na yang bcab par ni mi 'gyur la/ nyes byas su ni 'gyur ro/ /dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las mthun pa la mthol na yang bcab par ni mi 'gyur la/nyes byas su ni 'gyur ro/ /dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las mi mthun pa la mthol na bcab par yang mi 'gyur la/ltung bar yang mi 'gyur te/ 'og ma gzhan dag la yang de bzhin no/ /ltung ba mthol ba la spyir bstan pa ni mthol ba'i sngags rdzogs par brjod par bya'o/ /mthol ba'i sngags ril gyis brjod par ma nus na tha na ming ngam/ rigs gcig go bar byas nas yang mthol bar 'gyur ro//bshags pa'i sngags ni rdzogs par brjod dgos so/ /nyes byas mthol ba la ni ming dang rigs lam brjod par bdag la ltung ba byung ngo zhe'am/ bdag gis kha na ma tho ba byas so zhes bya ba rnam pa gang yang rung bas rig par byas na yang rung ngo / /phan par 'gyur ba'i dngos gzhi ma gtogs pa sbyor ba dang nyes byas la sogs pa ltung ba gzhan thams cad la yang bcabs pa yod na sngar bcabs pa'i nyes pa phyir bcos par bya zhing /phyis ltung ba nyid phyir bcos par shes par bya'o/ /bcabs pa'i nyes pa phyir bcos pa ni ltung ba ming dang rigs gang byung ba dang /ji srid bcabs pa de gnyis ji mthol bar bya'o/ /dge 'dun lhag ma la ni bcabs pa'i nyes pa yod na spo ba zhes bya ba'i las kyis de med par bya dgos so/ /mthol ba dang bshags par bya ba'i skabs yod bzhin du mi mthol mi 'chags na zhag re nyes byas re rer 'gyur ro/ /gang la mthol ba'i gang zag dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ltung ba ming dang rigs las mi mthun pa yod na chos 'di pa gzhan la mthol bar mi bya'o//bshags par ni chos 'di pa gzhan la rnam pa thams cad du mi bya'o//de ltar ltung byed kyi sbyor ba'i sbyor ba'i nyes byas phra mo dang / sbyor ba nyes byas dang / dngos gzhi phyir bcos pa'i cho ga dang sngags de dag ni ltung byed dgu bcu po thams cad dang ci rigs par sbyar te/ bye brag tu na ltung ba'i sde tshan gyi ming dang / gang byung ba'i rigs tha dad pa so sor smos par bya ba'i cho ga gzhan thams cad ni 'dra'o//brdzun du smra ba'i ltung byed de dang po bshad zin to// //so sor thar pa'i mdo rgya cher 'grel pa 'dul ba kun las btus pa/ bam po bcu dgu pa/ skyon nas smra ba'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//de'i tshe na dge slong drug sde dag dge slong rnams la 'di lta ste/ zhar ba dag /theng po dag /smad 'chal dag /lag sor rdum po dag /sgur po dag /mi'u thung dag /lba ba can dag/ lkugs pa dag /'on pa dag /rten 'phye dag /rkang bam dag /gyol po dag /mchu 'phyangs dag /mgo bo che dag ces mi'i skyon nas smra ba kun tu spyod par byed do/ /des dge slong dag spa gong ba dang / gzengs dma' ba dang / zhum par gyur nas/ lung nod pa dang / klag pa dang / kha ton dang /rnal 'byor dang / yid la bya ba dang / nang gi sems kyi zhi gnas btang zhing / sdug bsngal dang yid mi bde ba mang bar gnas nas/ dge slong don nyung ngu dag smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ drug sde dag la smras nas dge sbyong gi tshul ma yin pa rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar smad de/dud 'gro'i skye gnas su skyes pa'i srog chags dag kyang skyon nas smra bas kun du spyad pa na byams pa'i rgyun gcod par byed na mi rnams lta smos kyang ci dgos/ zhes sngon byung ba'i bka' mchid dag bka' stsal nas/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi'i skyon nas smra ba na ltung byed do zhes bca' ba mdzad de/ yul ni mnyan yod/ gang zag ni drug sde/ nyon mongs pa ni ngag yang dag par ma bsdams pa/ / nyes pa ni mi'i skyon nas smra ba'o/ /de la mi'i skyon nas smra na zhes bya ba ni mi'i skyon nas smra ba'i bsams pas ngag dang / tshig dang / tha snyad dang / skad dang / brjod pa dang / nges pa'i tshig dang / tshig gi lam dang / tshig gi sgra dang / ngag gi las dang / ngag gi rnam par rig byed smra ba'o/ ltung byed do zhes bya ba ni snga ma bzhin no//de la ltung ba ji ltar 'gyur zhe na/ 'dir yang dngos gzhi dang sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / /phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba je rnam par gzhag pa ni dge slong gis dge slong gi skyon nyid brjod par 'dod pas tshig 'jam pos kyang rung /rtsub pos kyang rung ste/ skyon gyi rnam pa rung ba ma yin par bsam pa gang yang rung bas smra na mi dga' ba nyid du ma gyur na yang skyon nas smra ba'i ltung byed kyi dngos gzhir 'gyur ro/ /dge slong bsnyen par rdzogs pa tsam ma nyams pa nyid kyi yul la na smad pa med do//skyon nyid brjod par 'dod pa'i bsam pa gang yang rung bas brjod pa la na smad pa med do/ /tshig 'jam rtsub gang yang rung bas brjod pa la na smad pa med do/ /'di'i byed pa po ni skyon rung ba ma yin par bsam pa gang yang rung ba smras pa lan smad pa med do//mi dga' ba nyid du gyur kyang rung ma gyur kyang rung ba la na smad pa med do/ /gzhi gcig la du ma nyid bcas pa la na smad pa med do/ /'di'i byed pa po ni/ skyon nyid brjod par 'dod pa dang / pha rol po dge slong nyid do/ /'di la yan lag lngas dngos gzhi'i ltung bar 'gyur te/pha rol po dge slong nyid dang / skyon nyid brjod par 'dod pa dang / rang gi tshig gang yang rung ba dang / skyon rung ba ma yin par bsam pa gang yang rung ba smras pa dang / pha rol pos don go ba nyid do/ /de dag las yan lag mtshang na ci rigs par na smad do/ /sbyor ba'i ltung ba ni nyes byas te/ji srid du skyon nas smra ba'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ mi'i skyon nas smra bar 'dod pa na 'di snyam du skyon nas smra bar bya'o snyam pa ni sbyor ba yin pas de la nyes byas so//mi'i 'gro ba pa ni tha snyad du byas pa nyid kyi yan lag yin pas mi ma yin pa'i 'gro ba pa la nyes byas so/ /dud 'gro la nyes byas na smad do/ /rnam par rig byed la ni don go ba nyid yan lag yin pas nyan pa po rang bzhin nyams pa la sogs pas don ma go ba la nyes byas so//khyim pa dang phyi rol pa'i rab tu byung ba dang chos 'di pa'i rab tu byung ba nyams pa dang / mtshan mi mthun pa dang / bsnyen par ma rdzogs pa dag la nyes byas so/ /skyon rung ba ma yin par bsams pa las gzhan la rgyal rigs nyid dang bram ze nyid la sogs pa dag la nyes byas so//skyon ma yin pa tshig kyal ba 'ba' zhig smra ba la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas phra mo'o/ /ltung ba med pa ni skyon nyid brjod par 'dod pa ma yin pas bstod pa'i phyogs la ltung ba med do//las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du skyon nas smra ba'i ltung byed du 'gyur ba rnam pa thams cad mi bsten par bslab par bya'o//phyir bcos pa ni snga ma bzhin no/ /skyon nas smra ba'i ltung byed de gnyis pa bshad zin to// //phra ma byed pa'i ltung byed kyi gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//de'i tshe na dge slong drug sde dag dge slong rnams la phra mas kun du spyod par byed de/ des dge slong dag spa gong ba dang / gzengs dma' ba dang / zhum par gyur nas lung mnod pa dang / klag pa dang / kha ton dang / rnal 'byor dang / yid la bya ba dang / nang gi sems kyi zhi gnas kyang gtong bar byed/ 'di ltar dus yun ring po nas nye bar bsags pa chos dang ldan pa'i gcugs pa'i rgyun yang gcod par byed nas/ dge slong don nyung ngu dag smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ drug sde dag la smras nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar smad de/dud 'gro'i skye gnas su skyes pa'i srog chags dag kyang phra mas kun tu spyad pa na gsod par sems na/ mi rnams la lta smos kyang ci dgos zhes sngon byung ba'i bka' mchid dag bka' stsal nas/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/dge slong la phra ma byed na ltung byed do zhes bca' ba mdzad de/ yul ni mnyan yod/ gang zag ni drug sde/ nyon mongs pa ni dbyen gyi bsam pa/ nyes pa ni dge slong la phra ma byed pa'o/ /de la dge slong la phra ma byed na zhes bya ba ni dge slong la phra ma bya ba'i bsam pas ngag dang / tshig dang / tha snyad dang / skad dang / brjod pa dang / nges pa'i tshig dang / tshig gi lam dang / tshig gi sgra dang / ngag gi las dang / ngag gi rnam par rig byed smra na'o//ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni dge slong phra ma byed 'dod pas dge slong gzhan la dge slong che ge mo zhig 'di skad ces zer ro zhes phra ma'i tshig gang yang rung ba smras na phra ma byed pa'i ltung byed kyi dngos gzhir 'gyur ro/ /dbye bar bya ba gnyi ga dge slong bsnyen par rdzogs pa can mnyams pa nyid kyi yul la na smad pa med do//'dir brdzun dang skyon dang / rung ba ma yin par bsam pa yan lag ma yin te/ dbye ba'i bsam pa nyid yan lag yin pas dbye bar 'dod pa'i bsam pa gang yang rung bas bden pa dang /brdzun pa gang yang rung ba smras pa la na smad pa med do/ /dge slong ming 'di zhes bya ba 'di skad ces zer ro zhes smras pa la na smad pa med do/ /gzhi gcig la du ma nyid bcas pa la na smad pa med do/ /'di'i byed pa po ni dbye ba'i bsam pa nyid dang / dbye bar bya ba gnyi ga dge slong nyid yin pa'o/ /'di la yan lag lngas dngos gzhi'i ltung bar 'gyur te/ dbye ba'i bsam pa nyid dang / dbye bar bya ba gnyi ga dge slong nyid dang / rang gi tshig gang yang rung ba dang / ngor smras pa dang pha rol pos don go ba'o/ /de dag las yan lag ma tshang na ci rigs par na smad do//sbyor ba'i ltung ba ni nyes byas te/ ji srid du phra ma byed pa'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /mi ma yin pa'i 'gro ba pa la nyes byas so//dud 'gro la nyes byas na smad do/ /nyan pa po rang bzhin nyams pa la sogs pas don ma go ba la nyes byas so/ /gnyi ga khyim pa dang phyi rol pa'i rab tu byung ba dang / chos 'di pa'i rab tu byung ba nyams pa dang / mtshan mi mthun pa dang / bsnyen par ma rdzogs pa dag la nyes byas so//ming nas ma smos par dper na rgyal rigs dang / bram ze'am/ 'od srungs kyi rigs shig 'di skad zer ro zhes smras pa lta bu la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de//sbyor ba nyes byas kyi sbyor ba'i sbyor ba yang nyes byas te/ nyes byas phra mo'o/ /ltung ba med pa ni dbye bar 'dod pa'i bsam pa ma yin pas 'phrin la sogs pa bzlas pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do//bslab par bya ba ni dge slong gi yul thams cad la gnas skabs thams cad du phra ma byed pa'i ltung byed du 'gyur ba rnam pa thams cad du mi bsten par bslab par bya'o/ /phyir bcos pa ni snga ma bzhin no/ /phra ma byed pa'i ltung byed de gsum pa bshad zin to// //skyo sngogs byed pa'i ltung byed kyi gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong drug sde dag dge 'dun mthun pas chos bzhin du rtsod pa sbyangs par shes bzhin du/rtsod pa 'di ni shad kyis ma byang ba dang / legs par shad kyis ma byang ba yin gyis yang shad kyis sbyang bar bya'o/ /rtsod pa 'di ni nges par ma brtags pa dang / legs par nges par ma brtags pa yin gyi yang nges par brtags par bya'o/ /rtsod pa 'di ni nye bar ma zhi ba dang / legs par nye bar ma zhi ba yin gyi yang nye bar zhi bar bya'o zhes yang las kyis skyo sngogs byed de/dge slong dag yang dang yang du rtsod pa nye bar zhi bar byed pa na/ bya ba mang ba dang / byed pa mang bar gyur nas/ lung nod pa dang / klag pa dang / kha ton dang / rnal 'byor dang / yid la bya ba dang / nang gi sems kyi zhi gnas gzhan gtong bar byed nas/dge slong don nyung ngu dag smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/drug sde dag la smras nas/ dge sbyong gi tshul ma yin pa/ rjes su mthun pa ma yin pa rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang dge 'dun mthun pas chos bzhin du rtsod pa sbyangs par shes bzhin du yang las kyis skyo sngogs byed na ltung byed do zhes bca' ba mdzad de/ yul ni mnyan yod/gang zag ni drug sde/ nyon mongs pa ni rtsod pa la dga' ba/ nyes pa ni skyo sngogs byed pa'o/ /de la yang dge slong gang zhes bya ba ni drug sde'am/ /gzhan yang de lta bu gang yin pa'o/ /dge 'dun zhes bya ba ni de bzhin gshegs pa'i nyan thos kyi dge 'dun no/ /mthun pas zhes bya ba ni blo mthun pas so//chos bzhin du zhes bya ba ni chos ji lta ba dang / 'dul ba ji lta ba dang / ston pa'i bstan pa ji lta ba bzhin du'o/ /rtsod pa zhes bya ba ni rtsod pa bzhi po 'gyed pa'i phyir rtsod pa dang / mi gdams pa'i phyir rtsod pa dang / ltung ba'i phyir rtsod pa dang / bya ba'i phyir rtsod pa'o/ /sbyangs par zhes bya ba ni nye bar zhi bar byas par ro/ /shes bzhin du zhes bya ba ni rang nyid kyis de yongs su rig pa'am/ gzhan dag gis brjod pas so/ /yang las kyis skyo sngogs byed na zhes bya ba ni yang byed na'o/ /ltung byed do zhes bya ba ni snga ma bzhin no/ / de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung pa med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gnyug mar gnas pa dang /las byed pa dang / 'dun pa 'bul ba dag gis dge slong gnyis kyi rtsod pa gang yang rung ba dge 'dun gyis legs par zhi bar byas par shes par bya'o de bzhin du yang las kyis skyo sngogs byed na skyo sngogs byed pa'i ltung byed kyi dngos gzhir 'gyur ro//dge slong rtsod pa chos 'di pa bsnyen par rdzogs pa can rang bzhin du gnas pa lta ba dang mtshan mthun pa gnyis yan chad kyi rtsod pa lan smad pa med do/ /'gyed pa'i phyir rtsod pa dang / mi gdams pa'i phyir rtsod pa dang / ltung ba'i phyir rtsod pa dang / bya ba'i phyir rtsod pa lan smad pa med do//dge 'dun gyis chos bzhin du legs par zhi bar byas pa nyid la na smad pa med do/ /'khrug long gi rgyu bzhi po dngos po'i de bzhin nyid la log par sgrub pa dang / gdams ngag la sogs pa 'jog pas gzhan spong ba dang / ltung ba dang bcas pa nyid dang / las la mthun pa mi sbyin pas 'khrug long byed cing yang rtsod pa zhi bar bya ba'i chos bdun po gang yang rung ba'i las kyis skyo sngogs byed pa lan smad pa med do//ltung ba 'byin par byed pa dge slong gnyug mar gnas pa dang las byed pa dang 'dun pa dbul ba dag la na smad pa med do/ / rtsod pa gzhan nyid la rtsod pa gzhan du 'du shes pa la na smad pa med do/ /'di'i byed pa po ni dge slong gnyis kyi rtsod pa nyid dge 'dun gyis legs par zhi bar byas pa nyid la 'du shes gtso cher byed pa po nyid yin no/ /'di la yan lag lngas dngos gzhi'i ltung bar 'gyur te/ rgol ba dang phyir rgol ba gnyi ga dge slong nyid yin pa dang /rtsod pa bzhi po gang yang rung ba dang / dge 'dun gyis legs par zhi bar byas pa dang / ltung ba 'byin pa pos de ltar shes pa dang / yang las kyis skyo sngogs byed pa'o/ /de dag las yan lag ma tshang na ci rigs par na smad do//sbyor ba'i ltung ba ni nyes byas te/ ji srid du skyo sngogs byed pa'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /rtsod pa gnyis khyim pa dang / phyi rol pa'i rab tu byung ba dang /chos 'di pa'i rab tu byung ba nyams pa dang / mtshan mi mthun pa dang / bsnyen par ma rdzogs pa dag la nyes byas so/ /rtsod pa bzhi po dag las gzhan pa dag la nyes byas so/ /dge 'dun gyis legs par zhi bar ma byas pa nyid la nyes byas so/ /rtsod pa zhi bar bya ba'i chos bdun po dag gi las las gzhan pas yang bya bar skyo sngogs byed pa la nyes byas so//ltung ba 'byin par byed pa dge slong gnyug mar gnas pa dang las byed pa dang 'dun pa 'bul ba dag las gzhan pa la nyes byas so/ /lta ba smra ba dang glo bur du 'ongs pa dag la 'du shes pas skyo sngogs byed pa la nyes byas so//bslab pa byin pa la khyod bslab pa byin pa ma yin no zhes zer na nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te/ nyes byas phra mo'o//ltung ba med pa ni dge 'dun gyis chos ji lta ba dang / 'dul ba ji lta ba dang / ston pa'i bstan pa ji lta ba bzhin du legs par zhi bar byas pa nyid ma yin pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen ba la ltung ba mod do//bslab par bya ba ni dge slong gi yul thams cad la gnas skabs thams cad du skyo sngogs byed pa'i mtshan nyid ltung byed du 'gyur ba rnam pa thams cad mi bsten par bslab par bya'o/ /phyir bcos pa ni snga ma bzhin no/ /skyo sngogs byed pa'i ltung byed de bzhi pa bshad zin to// //ston pa'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa 'char ka sha mtshan gyi rig pa shes zer te/ snga dro sham thabs bgos ltung bzed dang chos gos thogs te mnyan yod du bsod snyoms la zhugs shing /bram ze dang khyim bdag dag la chos bstan nas mna' ma la dris pa/ sru mo khyod kyi sgyug mo ci 'dra/ des smras pa/ 'phags pa ri bong mo mdas phog pa ci 'dra ba de 'dra ro/ /'char kas smras pa/ sru mo ci 'dra ba de de'i nyes pa yin snyam mam/'di ltar de la gtum pa'i mtshan nu ma'i bar dang / mdoms kyi bar dang / rked pa'i bar dag na sha rman dang / mdzer bu dang / sme ba dang / sme ba dmar po dang / spu 'khyil pa dag yod pas de ni de'i nyes pa yin no/ /de'i 'og tu sgyug mo'i gan du song ste dris pa/sru mo khyod kyi mna' ma ci 'dra/ des smras pa/ 'phags pa de'i skyon ni seg dar gyis bdar 'tshal te/ le lo can sgrub mi phod pa gtum pa gshe ba/ sbyor bar bgyid pa lags/ 'char kas smras pa/ sru mo ci de de'i nyes pa yin snyam mam/ 'di ltar de la gtum pa'i mtshan nu ma'i bar dang / mdoms kyi bar dang / rked pa'i bar dag na sha rman dang / mdzer bu dang / sme ba dang / sme ba dmar po dang / spu 'khyil pa dag yod pa de ni de'i nyes pa yin no/ /des bram ze dang / khyim bdag gzhan dag la chos bstan nas/ sgyug mo la dris pa/ sru mo khyod kyi mna' ma ci 'dra/ des smras pa/ 'phags pa bu mo'am nu mo ci 'dra ba de 'dra'o/ /'char kas smras pa/ sru mo de ni 'di'i yon tan ma yin te/ 'di ltar de la nges pa'i mtshan nu ma'i bar dang / mdoms kyi bar dang / rked pa'i bar dag na dpal be+e'u dang /bum pa gang ba dang / bkra shis dang / g.yung drung dag yod pas de ni de'i yon tan dag yin no/ /de'i 'og tu mna' ma'i gan du song ste dris pa/ sru mo khyod kyi sgyug mo ci 'dra des smras pa/ 'phags pa ma'am bu mo ci 'dra ba de 'dra'o/ /'char kas smras pa/ sru mo de ni 'di'i yon tan ma yin te/'di ltar de la nges pa'i mtshan nu ma'i bar dang / mdoms kyi bar dang / rked pa'i bar dag na dpal be'u dang / bum pa gang ba dang / bkra shis dang / g.yung drung dag yod pas de ni de'i yon tan dag yin no/ /des na dus gzhan zhig na bud med de dag bsku mnye dang /dril phyis dang / khrus byed pa'i tshe gcig la gcig gsang ba'i gnas kyi mtshan ma rtog par byed pa na/ tshe dang ldan pa 'char kas ji skad bstan pa de kho na lta bu'i mtshan bzang po dang ngan pa dag mthong nas/ ma dum zhing gang gi tshe de dag 'thab pa'i tshe gcig la gcig skur pa yang 'debs shing /'dum pa'i tshe phebs par yang smra ste/ tshe dang ldan pa 'char ka la smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis 'di snyam du dgongs te/ gang gi phyir nyes dmigs gang chung zad ci byung ba de dag thams cad ni dge slong bud med la chos ston pa las gyur pa yin par dgongs nas/dge slong gis bud med la chos bstan par mi bya ba dang / tshig lngas chos bstan par bya ba dang / tshig drug gis chos bstan par bya ba dang / skyes pa gzhag ste ji tsam 'dod par chos bstan par bya'o zhes bka' stsal pa dang /drug sde dag gis khyi dang / spre'u dang / be'u dang / phyi rgan du nyal ba dang / gog pa dang / khye'u dag drung du gzhag ste/ ji tsam 'dod par bud med la chos ston cing / des rlom pa dang / khengs par byed nas dge slong don nyung ngu dag smod par byed/phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to / /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ drug sde dag la smras nas/dge sbyong gi tshul ma yin pa/ rjes su mthun pa ma yin pa/rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar smad do/ /bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang bud med la tshig lnga'am/ drug las lhag par chos ston na rig pa'i skyes pa ma gtogs te ltung byed do zhes bca' ba mdzad de/ yul ni mnyan yod/ gang zag ni 'char ka /nyon mongs pa ni sred pa/nyes pa ni bud med la rig pa'i skyes pa med par tshig lnga'am/ drug las lhag par chos ston na/ de la yang dge slong gang zhes bya ba ni drug sde'am/ gzhan yang de lta bu gang yin pa'o/ /bud med la zhes bya ba ni bud med gzhon nu ma legs nu ma legs par smra ba dang / nyes par smras pa'i chos rnams kyi don kun shes par nus pa la'o/ /tshig lnga'am/ drug las lhag par zhes bya ba ni tshig lngas chos ston pa na bsams bzhin du tshig drug las thal bar byed pa dang / tshig drug gis chos bstan pa na yang bsams bzhin du tshig bdun pa las thal bar byed pa'o//chos zhes bya ba ni sangs rgyas kyis gsungs pa'am/ sangs rgyas kyi nyan thos kyis bshad pa'o/ /ston na zhes bya ba ni 'chad na'o/ /rig pa'i skyes pa ma gtogs te zhes bya ba ni rig pa'i skyes pa gzhag ste'o/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/'dir yang dngos gzhi dang sbyor ba dang / sbyor ba'i sbyor bas ltung pa rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gi khyim pa mo bud med dang /gzhon nu ma legs par smras pa dang / nyes par smras pa'i chos rnams kyi don kun shes par nus pa la/ gnas gcig tu sangs rgyas sam/ sangs rgyas kyi nyan thos kyis gsungs pa'i chos tshig drug pa las lhag pa shes bzhin du rig pa'i skyes pa med par ston na ston pa'i ltung byed kyi dngos gzhir 'gyur ro//mi'i 'gro bar gtogs pa'i bud med khyim pa mo khyim so bzung ba dang / khyim so ma bzung ba legs par smras pa dang / nyes par smras pa'i chos rnams kyi don kun shes par nus pa la na smad pa med do/ /khyams dang sgo phugs la sogs pa gnas gzhan ma yin pa gcig tu bstan pa la na smad pa med do//sangs rgyas sam/ sangs rgyas kyi nyan thos kyis gsungs pa'i chos nyid la na smad pa med do/ /tshig 'di lta ste/ smra bar 'dod pa'i dbang gis gzugs mi rtag pa bye brag dang bcas pa ni tshig gcig go//mdor bstan pa rgyas par bshad pa'i dbang gis phung po ni 'di lta ste zhes bya ba rgyas par bshad pa dang bcas pa ni/ tshig gi gzhan gcig go zhes bya ba ni de lta bu drug pa las lhag pa lan smad pa med do/ /tshig kyang drug pa las lhag pa nyid yin la der 'du shes pa nyid dang yid gnyis za ba la na smad pa med do//rig pa'i skyes pa/ mi'i 'gro bar gtogs pa brda phrad pa nyid med par ston pa la na smad pa med do/ /rig pa'i skyes pa de lta bu yod kyang bud med mi rung ba 'di lta ste/ spyir ma'i spyod pa gang dag yin pa de dag la nye bar ston pa la na smad pa med do//'di'i byed pa po ni bud med dam gzhon nu ma legs par smras pa dang / nyes par smras pa'i chos rnams kyi don kun shes par nus pa la chos tshig drug las lhag par ston pa la 'du shes gtso cher byed pa po nyid yin no/ /'di la yan lag drug gis dngos gzhi'i ltung bar 'gyur te/bud med khyim pa mo legs par smras pa dang / nyes par smras pa'i chos rnams kyi don kun shes par nus pa dang / gnas gcig tu bstan pa dang / sangs rgyas kyi chos dang / tshig drug pa las lhag pa dang / rig pa'i skyes pa med pa dang /shes bzhin du ston pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du ston pa'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//khyim pa mo bud med dam gzhon nu ma rang bzhin nyams pa dang / skad brda mi phrad pa dang / gnyid log pa dang / snyoms par zhugs pa la sogs pa don kun shes par mi nus pa la nyes byas so/ /rab tu byung ba mo dang / za ma dang / ma ning dang /mtshan gnyis pa la nyes byas so/ /mi ma yin pa'i 'gro ba mo don kun shes par nus pa la nyes byas so/ /mi nus pa la nyes byas na smad do/ /dud 'gro mo don kun shes par nus pa dang mi nus pa gnyi ga la nyes byas na smad do/ /khyams dang sgo phugs la sogs pa gnas gzhan dang gzhan du bstan pa spyir bsdoms pa la tshig drug pa las lhag pa nyes byas so//sangs rgyas dang / sangs rgyas kyi nyan thos kyis gsungs pa'i chos las slob dpon la sogs pas btus pa dang / snyan dngags su sbyar ba la nyes byas so/ /tshig drug pa las ma lhag pa dang rig pa'i gnas skyes pa med par ston pa la nyes byas so//tshig drug pa las ma lhag par 'du shes pa dang / yid gnyis za ba la nyes byas so/ /rig pa'i skyes pa brda mi phrad pa dang / mi rung ba dang / gling gzhan nas skyes pa dang / 'gyur ba bsten pa dang / bud med dang / za ma dang / ma ning dang / mtshan gnyis pa la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te/ nyes byas phra mo'o/ /ltung ba med pa ni bud med mkhas pas gong nas gong du dris pa gtan la dbab par byas pa dang /slob gnyer gsod pa dang / kha ton zhu ba dang / dmigs kyis 'dri ba dang / dus khrims dbog pa dang / yon bshad pa dag byed pa la ltung ba med do/ /gnas tha dad pa gzhan dang gzhan du tshig drug pa las ma lhag par bstan pa la ltung ba med do//lam dri ba la sogs pa la lam rgyus ston pa la sogs pa gzhan la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du ston pa'i ltung byed du 'gyur ba rnam pa thams cad mi bsten par bslab par bya'o//phyir bcos pa ni snga ma bzhin no/ /ston pa'i ltung byed de lnga pa bshad zin to// //'don pa'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//de'i tshe na dge slong drug sde dag gang zag bsnyen par ma rdzogs pa dag dang tshig gis chos 'don par byed/ des kun dga' ra ba'i mthar sgra mthon po dang / sgra chen po dang skye bo phal po che 'tshogs pa'i sgra lta bu 'di lta ste dper na bram ze rnams bram ze'i gsang tshig 'don pa lta bu dang /rtsis mkhan rnams rtsis kyi gnas na smra ba lta bur grags par 'gyur ba bcom ldan 'das kyis gsan te/ tshe dang ldan pa kun dga' bo la smras nas/ kun dga' bos ji ltar gyur pa rgya cher gsol to/ / de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad de/ drug sde dag la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar smad de/bslab pa bca' ba'i phan yon bcu yang dag par gzigs pas/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang gang zag bsnyen par ma rdzogs pa dang / tshig gis chos 'don na ltung byed do zhes bca' ba mdzad de/ yul ni mnyan yod/ gang zag ni drug ste/ nyon mongs pa ni ma zhi ba/ nyes pa ni gang zag bsnyen par ma rdzogs pa dang / tshig gis chos 'don pa'o/ /de la yang dge slong gang zhes bya ba ni drug sde'am/ gzhan yang de lta bu gang yin pa'o//gang zag bsnyen par ma rdzogs pa dang zhes bya ba la bsnyen par rdzogs pa ni gnyis te/ dge slong dang dge slong ma'o/ /de las gzhan pa ni bsnyen par ma rdzogs pa'o/ /tshig gis zhes bya ba ni tshig mnyam pa dang / tshig snga ba dang yi ge mnyam pa dang yi ge snga bas so//ji ltar tshig mnyam pas she na/ slob dpon 'di skad ces sdig pa thams cad mi bya ste zhes 'don pa na nye gnas kyang dus gcig tu sdig pa thams cad mi bya ste zhes 'don pa ste/ de ltar tshig mnyam pas so/ /ji ltar tshig snga bas she na/ slob dpon gyis re zhig sdig pa thams cad mi bya ste zhes ma bton par nye gnas dge ba phun sum tshogs par bya zhes 'don pa ste/de ltar tshig snga bas so/ /ji ltar yi ge mnyam pas she na/ slob dpon a zhes 'don pa na nye gnas kyang dus gcig tu a zhes 'don pa ste/ de ltar yi ge mnyam pas so//ji ltar yi ge snga bas she na/ slob dpon gyis re zhig /a zhes ma bton par nye gnas a zhes 'don pa ste/ de ltar yi ge snga bas so/ /chos zhes bya ba ni sangs rgyas kyis gsungs pa'am/ sangs rgyas kyi nyan thos kyis bshad pa'o/ /'don na zhes bya ba ni 'dzin du 'dzud na'o//ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni dge slong gang zag bsnyen par ma rdzogs pa dang / cig car ram de'i mjug thogs su de'i lung gi chos sam yi ge klag pa'i phyir 'don na 'don pa'i ltung byed kyi dngos gzhir 'gyur ro/ /gang zag bsnyen par ma rdzogs pa chos 'di pa'i rab tu byung ba dang lta ba dang mtshan mthun pa la na smad pa med do//cig car ram de'i mjug thogs su dge slong gis 'don pa la na smad pa med do/ /lung gi chos sangs rgyas sam/ sangs rgyas kyi chos nyan thos kyis gsungs pa ming dang tshig gi bdag nyid la na smad pa med do//lung gi yi ge sangs rgyas sam/ sangs rgyas kyi nyan thos kyis gsungs pa a A i I la sogs pa la na smad pa med do/ /lung nod pa'i bsam pas klag pa'i phyir 'don pa la na smad pa med do/ /'di'i byed pa po ni gang zag bsnyen par ma rdzogs pa dang lung gi chos dang yi ge'o//'di la yan lag lngas dngos gzhi'i ltung bar 'gyur te/ gang zag bsnyen par ma rdzogs pa dang / lung gi chos sam yi ge dang / cig car ram/ de'i mjug thogs dang / klag pa'i ched dang / 'don pa'o/ /de dag las yan lag ma tshang na ci rigs par na smad do//sbyor ba'i ltung ba ni nyes byas te/ ji srid du 'don pa'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /gang zag bsnyen par ma rdzogs pa dang lta ba dang /mtshan mi mthun pa dang / khyim pa'i rtags can dang / phyi rol pa'i rab tu byung ba la nyes byas so/ /dge slong gis bsnyen par ma rdzogs pa las lung nod cing de dang cig car ram mjug thogs su 'don pa la nyes byas so/ /lung du gtogs pa nyid ma yin pa lung las btus pa'i chos dper na chos thams cad bdag med do//'dus byas thams cad skad cig ma'o zhes bya ba la sogs pa lta bu dang / lung gi don las btus shing lung gi yi ge med pa ming dang tshig dang yi ge gzhan gyi bye brag dang ldan pa/ dper na slob dpon dpa' bos byas pa'i skyes pa'i rabs kyi rgyud la sogs pa lta bu la nyes byas so//yi ge zhes bya ba ni yi ge'i 'bru'o/ /ming zhes bya ba ni sangs rgyas chos dang dge 'dun zhes bya ba la sogs pa lta bu'o/ tshig ces bya ba ni dper na/ bsod nams dag gi rnam smin bde/ / zhes bya ba la sogs pa lta bu'o/ /de dag kyang lung du gtogs pa nyid yin na dngos gzhi'o/ /lung las btus na nyes byas so/ /lung nod cing klag pa'i phyir ma yin par 'don pa la nyes byas so/ /'don pa ma rdzogs na nyes byas so/ /mi ma yin pa la nyes byas na smad do/ /dud 'gro la nyes byas te de bas kyang na smad do//sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyis sbyor ba'i sbyor ba yang nyes byas te/ nyes byas phra mo'o/ /ltung ba med pa ni mi 'dod bzhin du grub pa la ltung ba med do//kho bo'i rjes su phyis thon cig ces rjes su nyan du bcug pa 'don pa la ni ltung ba med do/ /kha ton zhu ba dang / slob gnyer gsod pa dang / dmigs kyis 'dri ba la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do//bslab par bya ba ni dge slong gis yul thams cad la gnas skabs thams cad du 'don pa'i ltung byed du 'gyur ba rnam pa thams cad mi bsten par bslab par bya'o/ /phyir bcos pa ni snga ma bzhin no/ /'don pa'i ltung byed de drug pa bshad zin to// //gnas ngan len brjod pa'i ltung byed kyi gleng gzhi ni/ bcas pa dang gnang ba'i dbang gis rnam pa gnyis te/ bcas pa'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /'dod chags dang bral ba med pa na nyon mongs pa rnams ma spangs pa'i phyir dge slong dag dge 'dun lhag ma'i ltung ba 'byin par byed pa dang /kha cig ni lam gol par rgas pas de dag gang gi tshe/ dge slong mdo sde 'dzin pa dang / 'dul ba 'dzin pa dang / ma mo 'dzin pa rnams las thos pa de'i tshe na de dag ltung ba de chos bzhin du phyir byed cing /spo ba dang mgu bar bya ba spyod pa na dge 'dun la chu 'brim pa'i tshe bram ze dang khyim bdag dang pa can dag gis smras pa/ gang dag rin po che rtog pa dag kyang de las nye bar brtags shing nye bar brtags shing rin po che dag sdud par byed do//dge slong gnas brtan gnas brtan bsod nams 'dod pa 'di dag kyang dge 'dun la chu 'brim zhing bsod nams sogs par byed do/ /drug sde tshon po de dag ni za zhing 'khong par byed do zhes zer bas drug sde dag gis thos nas de dag gis smras pa/ shes ldan dag ji 'di dag chos bzang po'i chos kyis dge 'dun la chu 'brim par byed snyam mam/'di ltar 'di dag ni chad pa'i las byed pa yin no/ /de dag gis dris pa/ 'di dag gis ci byas drug sde dag gis lag pas bya ba ma yin pa byas te/ 'di ltar 'di ltar byas so zhes smras nas/ de dag dge slong gnas brtan gnas brtan gang dag yin pa de dag gi gnas skabs kyang re zhig 'di 'dra na dge slong par ma dang gsar bu gang dag yin pa de dag gi gnas skabs ci 'dra bar 'gyur zhes smod par byed/phyar ka gtong bar byed/ kha zer bar byed do/ /dge slong spo ba byed pa de dag gis phyi dro dbu skra dang /sen mo'i mchod rten dag lci ba 'jam po'i byug pas nyug par byed pa dag gi lhan cig gi gnas pa dang / nye gnas dag la yang drug sde dag gis de dag gi gnas ngan len brjod nas/ gang gi tshe de dag ltung ba de las langs par gyur pa de'i tshe na de dag gi rang rang gi dge tshul dag la las gyis shig ces bsgo ba dang /dge tshul de dag 'di skad ces las 'di ni khyed cag gnas ngan len kun du spyod pa dag gis bya ba yin gyi kho bo cag mi byed do zhes zer ba na dge slong don nyung ngu dag ci'i phyir dge slong dag gang zag bsnyen par ma rdzogs pa la gnas ngan len gyi ltung ba ci'i phyir rjod par byed ces smod par byed phyar ka gtong bar byed/kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/drug sde dag la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar smad de bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ba ste/yang dge slong gang gang zag bsnyen par ma rdzogs pa la dge slong gnas ngan len gyi ltung ba brjod na ltung byed do zhes bca' ba mdzad de/ yul ni mnyan yod/ gang zag ni drug sde/ nyon mongs pa ni gzhan gyi bsngags pa la phrag dog byed pa/ nyes pa ni gang zag bsnyen par ma rdzogs pa la dge slong gi gnas ngan len brjod pa'o/ /gnang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//mnyan yod na dge slong 'phral ba dang / dge slong ma gsal ma zhes bya ba ci nas kyang skye bo phal po che'i tshogs ma dad par rig par 'gyur ba de lta de ltar khyim rnams su spyod par byed pa'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ dge slong dag khyed kyis dge slong 'phral ba dang / dge slong ma gsal ma khyim rnams su so sor go bar byed pa'i dge slong bsko bar bya ste/ khyim rnams su so sor go bar byed pa'i dge slong chos lnga dang ldan pa ni ma bskos pa yang bsko bar mi bya la/bskos pa yang dbyung bar bya ste/ lnga gang zhe na/ 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang / go bar byas pa dang / ma byas pa'i khyim mi shes pa'o/ /khyim rnams su so sor go bar byed pa'i dge slong chos lnga dang ldan pa ni ma bskos pa yang bsko bar bya la/bskos pa yang dbyung bar mi bya ste/ lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / go bar byas pa dang / ma byas pa'i khyim shes pa'o/ /'di ltar bsko bar bya'o//je dang por spro bar bya ste/ dge slong 'di zhes bya ba khyod dge slong 'phral ba dang / dge slong ma gsal ma khyim rnams su so sor go bar byed pa spro'am ma zhes dri bar bya'o/ /gal te spro na des spro'o zhes brjod par bya'o/ /de'i 'og tu des gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/dge 'dun thams cad 'dug cing mthun par 'gyur ba la dge slong gcig gis gsol ba byas te las bya'o/ /'di lta ste/ 'dug la 'di skad ces brjod par bya'o/ /dge 'dun btsun pa rnams gsan du gsol/dge slong 'phral ba dang / dge slong ma gsal ma gnyis ci nas kyang skye bo phal po che'i tshogs ma dad par rig par gyur pa de lta de ltar khyim rnams su so sor go bar bgyid de/ dge slong ming 'di zhes bgyi ba 'di dge slong 'phral ba dang / dge slong ma gsal ma khyim rnams su so sor go bar bgyid par spro na/gal te dge 'dun gyi dus la bab cing bzod na dge 'dun gyis gnang bar mdzod cig dang dge 'dun gyis dge slong ming 'di zhes bgyi ba 'di khyim rnams so sor go bar bgyid par bsko ste/ dge slong ming 'di zhes bgyi ba 'di dge slong 'phral ba dang / dge slong ma gsal ma khyim rnams su so sor go bar bgyid do/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong 'phral ba dang / dge slong ma gsal mas ci nas kyang skye bo phal po che'i tshogs ma dad par rig par 'gyur ba de lta de ltar khyim rnams su spyod par bgyid nas/dge slong ming 'di zhes bgyi ba 'di dge slong 'phral ba dang / dge slong ma gsal ma khyim rnams su so sor go bar bgyid par spro ste/ de'i slad du dge 'dun gyis dge slong ming 'di zhes bgyi ba 'di khyim rnams su so sor go bar bgyid par bsko ste/dge slong ming 'di zhes bgyi ba 'di dge slong 'phral ba dang / dge slong ma gsal ma khyim rnams su so sor go bar bgyid na/ tshe dang ldan pa gang dag dge slong ming 'di zhes bgyi ba 'di khyim rnams su so sor go bar bgyid par bsko bar bzod pa de dag ni cang ma gsung shig /gang zag mi bzod pa de dag ni gsungs shig /dge 'dun gyis bzod cing gnang nas/ dge 'dun gyis dge slong ming 'di zhes bgyi ba 'di khyim rnams su so sor go bar bgyid par bskos lags te/ 'di ltar cang mi gsung bas de de bzhin du 'dzin to/ /dge slong khyim rnams su so sor go bar byed pa'i kun tu spyod pa'i chos ni 'di ltar bya ste/dge slong khyim rnams su so sor go bar byed pas khyim rnams su 'di skad ces brjod par bya ste/ tshe dang ldan pa dag khyod nyon cig /khyim rnams su khyim sun par byed pa dang / gnas rnams su gnas sun par byed pa 'di lta ste/dper na 'bras sA lu'i zhing phun sum tshogs pa la ser ba'i 'khor lo mi bzad pa bab na de ltar 'bras sA lu de nyid shin te ma dang / chud za ba dang / tshul ma yin pas ma rung bar 'gyur ba dang / bur ma shing gi zhing phun sum tshogs pa la nad kyi rigs dmar po zhes bya ba byung na 'di ltar bu ram shing de nyid shin te ma dang /chud za ba dang / tshul ma yin pas ma rung bar 'gyur ba lta bu dag yod kyi/ tshe dang ldan pa dag khyed cag dge slong 'di dang dge slong ma 'dis bstan pa'i tshod ma 'dzin cig /'di ltar dge slong 'di dang / dge slong ma 'di ni yos tshig pa bzhin du chos 'dul ba 'di la skyer mi rung ba'i chos can yin gyi/ bcom ldan 'das dang / gnas brtan kun shes kauN+Di n+ya dang / rlangs pa dang / rta thul dang / bzang ldan dang / ming chen dang / gnas brtan grags pa dang / gang po dang / dri med dang /ba lang bdag dang / lag bzangs dang / shA ri'i bu dang / maud gal gyi bu chen po dang / gsus po che chen po dang / skul byed chen po dang / kA t+yA'i bu chen po dang / lteng rgyas 'od srungs dang / chu klung 'od srungs dang / ga ya 'od srungs dang / 'gab ma 'od srungs dang / 'ong srungs chen po dang /dga' byed dang / kim pi li dang / legs skyes dang / nam gru dang / sa ri dang / nye sde dang / som nyi nam gru dang / lam bstan dang / lam phran bstan dang / brtag pa'i shing rta dang / chen po pa dang / grags byin dang / de dag la sogs pa dge slong gnas brtan gnas brtan rnams la ltos shig ces brjod par bya'o//dge slong khyim rnams su so sor go bar byed pa de khyim rnams su so sor go bar byed du song ba dang / dge slong 'phral bas dge 'dun gyis dge slong ming 'di zhes bya ba dang / de khyim rnams su so sor go bar byed par bskos so zhes thos nas/de de'i gan du song nas smras pa/ khyod khyim rnams su kho bo sun 'byin du 'gro'am/ des smras pa/ dge 'dun gyi chos dang ldan pa'i bka' bsgrub par bya'o/ /kho bos de dang de byar rung na/ khyod kyi lto dral te rgyu ma dag gis rgyal byed kyi tshal dkri bar bya ba dang / mgo yang 'bru mar gyi snod bzhin du rgyal byed kyi tshal gyi sgor dpyang la gdags par ci ma rung ba ci yod ces zer nas dge slong des dge slong rnams la 'phral bas bdag spyos te/de na re de skad zer gyis bdag khyim rnam su so sor go bar byed par mi spro'o zhes zer ba'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ dge slong dag mi gti mug can des gang zag ni gsod par nus kyi dge 'dun ni mi nus pas de'i phyir dge 'dun gyis khyim rnams su so sor go bar bya'o/ /'di ltar so sor go bar bya ste/ gsol ba 'ba' zhig gi las bya'o/ / de yang 'di ltar bya ste/ gnas mal bsham pa byas nas/ gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par 'gyur ba la/ dge slong gcig gis gsol ba byas te/ dge 'dun btsun pa rnams gsan du gsol/ dge slong 'phral ba 'di dang /dge slong ma gsal ma 'di ci nas kyang skye bo phal po che'i tshogs ma dad par rig par 'gyur ba de lta de ltar khyim rnams su spyod par bgyid de/ dge slong 'phral ba dang / dge slong ma gsal ma ci nas kyang skye bo phal po che'i tshogs ma dad par rig par 'gyur ba de lta de ltar khyim rnams su spyod par bgyid kyang /dge slong 'phral ba dang / dge slong ma gsal ma khyim rnams su so sor go bar bgyid par spro ba su yang ma mchis na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'phral ba dang /dge slong ma gsal ma ci nas kyang skye bo phal po che'i tshogs ma dad par rig par 'gyur ba de lta de ltar khyim rnams su spyod par bgyid pa gang gis mthong zhing gang du mthong ba des khyim der khyed dge slong 'di dang / dge slong ma 'dis bstan pa'i tshod ma 'dzin cig dge slong 'di dang dge slong ma 'di ni yos tshig pa bzhin du chos 'dul ba 'di la skyer mi rung ba'i chos can yin gyi/bcom ldan 'das dang dge slong gnas brtan gnas brtan rnams la ltos shig ces so sor go bar bgyid du stsal to/ /'di ni gsol ba'o/ /bcom ldan 'das kyis so sor rig pa'i khyim dag tu so sor go bar bya'o zhes bka' stsal nas/de dag so sor ma rig pa dang / so sor ma rig pa'i khyim dag tu yang so sor go bar byed pa na de dag bsod snyoms kyis phongs par gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/so sor rig pa'i khyim dag tu so sor go bar bya'i/ so sor ma rig pa'i khyim dag tu so sor go bar mi bya ste/ de lta bas na dge 'dun gyis gnang ba ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas de dang mthun pa dang /de'i shas che ba dang de dang 'tsham pa'i chos dang ldan pa'i bka' mchid mdzad nas/ dge slong rnams la bka' stsal pa/ dge slong dag de lta bas na snga ma ni bcas pa yin la 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang zag bsnyen par ma rdzogs pa la gnas ngan len gyis ltung ba brjod na dge 'dun gyis gnang ba ma gtogs te ltung byed do zhes bca' ba mdzad de/ yul ni mnyan yod/ gang zag ni chos 'di pa/ nyon mongs pa dang nyes pa ni med do//de la yang dge slong gang zhes bya ba ni drug sde'am/ gzhan yang de lta bu gang yin pa'o/ /gang zag bsnyen par ma rdzogs pa la zhes bya ba la/ bsnyen par rdzogs pa ni gnyis te/ dge slong dang dge slong ma'o/ /de las gzhan pa ni bsnyen par ma rdzogs pa'o/ /gnas ngan len zhes bya ba la/gnas ngan len ni gnyis te/ pham par 'gyur ba kun nas slong ba dang / dge 'dun lhag ma kun nas slong ba'o/ /ci'i phyir de dag gnas ngan len zhes bya zhe na ngo bo nyid las dang kun nas slong ba las so/ /ltung ba brjod na zhes bya ba ni smra na'o/ /dge 'dun gyis gnang ba ma gtogs te zhes bya ba ni dge 'dun gyis gnang ba gzhag ste'o//ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni dge slong dge 'dun gyis gnas ngan len brjod par ma bskos pas nyan pa po bsnyen par ma rdzogs pa la pham par 'gyur ba dang / dge 'dun lhag ma'i ltung ba mi shes pa nyid du shes pa la pham par 'gyur ba dang /dge 'dun lhag ma dag so so yang rung bsdus pa yang rung ba smras na/ gnas ngan len brjod pa'i ltung byed kyi dngos gzhir 'gyur ro/ /ltung ba 'byin pa po'i dge slong dge 'dun gyis gnas ngan len brjod par ma bskos pa lan smad pa med do/ /gnas ngan len brjod pa'i phyir dge 'dun la ma gsol ba la na smad pa med do//nyan pa po bsnyen par ma rdzogs pa mi'i 'gro ba khyim pa dang rab tu byung ba mtshan dang lta ba mthun pa dang / mi mthun pa la na smad pa med do/ /nyan pa pos snga nas dge slong gis pham par 'gyur ba dang / dge 'dun lhag ma zhes bya ba'i ltung ba mi shes pa la na smad pa med do//pham par 'gyur ba dang / dge 'dun lhag ma dag so so yang rung bsdus pa yang rung ba la na smad pa med do/ /de gnyis gang yang rung ba rang gis smras pa la na smad pa med do/ /de gnyis so sor yang rung / bsdus par yang rung /sbyor ba gcig gis tshig gcig tu yang smras pa la ni don du ma yod kyang dngos gzhi gcig tu rnam par gzhag pa la na smad pa med do/ /'di'i byed pa po ni nyan pa po bsnyen par ma rdzogs pa pham par 'gyur ba dang / dge 'dun lhag ma'i ltung ba mi shes pa nyid la 'du shes gtso cher byed pa po nyid yin no//'di la yan lag lngas dngos gzhi'i ltung bar 'gyur te/ dge slong dge 'dun gyis gnas ngan len brjod par ma bskos pa dang / des nyan pa po bsnyen par ma rdzogs pa gnas ngan len mi shes pa nyid du shes pa dang / nyan pa po mi'i 'gro ba pa bsnyen par ma rdzogs pa nyid dang /gnas ngan len pham par 'gyur ba dang / dge 'dun lhag ma dag so so'am/ bsdus pa gang yang rung ba smas pa dang / pha rol pos don go ba'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te ji srid du gnas ngan len brjod pa'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /nyan pa po mi ma yin pa'i 'gro ba la nyes byas so/ /dud 'gro la nyes byas na smad do/ / pham par 'gyur ba dang / dge 'dun lhag ma'i gnas ngan len las gzhan pa'i ltung ba brjod pa la nyes byas so/ /bsnyen par ma rdzogs pa'i gnas ngan len brjod pa la nyes byas so/ /bden par smras pa la kha na ma tho ba 'dir 'gyur gyis/ brdzun du smras na ni ltung ba gzhan smras pa yang yin no//pha rol pos don ma go ba la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni dge 'dun gyis gnas ngan len brjod par bskos pa la ltung ba med do//dge 'dun la gsol ba la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gi yul thams cad la gnas skabs thams cad du gnas ngan len brjod pa'i ltung byed du 'gyur ba rnam pa thams cad mi bsten par bslab par bya'o//dge 'dun gyis dge slong dang dge slong ma sdig pa can dag khyim du so sor go bar byed pa'i dge slong spro bar byas te/ gsol ba dang gnyis kyi las kyis bsko bar bya'o/ / khyim rnams su so sor go bar byed pas dge slong gis gnas ngan len so sor rig pa dag tu 'di skad ces tshe dang ldan pa dag khyed nyon cig /khyim rnams su khyim sun par byed pa dang / gnas rnams su gnas sun par byed pa 'di lta ste/ dper na 'bras sA lu'i zhing phun sum tshogs pa la ser ba'i 'khor lo mi bzad pa bab na 'di ltar 'bras sA lu de nyid shin te ma dang /chud za ba dang / tshul ma yin pas ma rung bar 'gyur ba dang / bu ram shing gi zhing phun sum tshogs pa la nad kyi rigs dmar po zhes bya ba byung na 'di ltar bu ram shing de nyid shin te ma dang / chud za ba dang / tshul ma yin pas ma rung bar 'gyur ba lta bu dag yod kyi/ tshe dang ldan pa dag khyed cag dge slong 'di dang dge slong ma 'dis bstan pa'i tshod ma 'dzin cig /'di ltar dge slong 'di dang / dge slong ma 'di ni yos tshig pa bzhin du chos 'dul ba 'di la skyer mi rung ba'i chos can yin gyi/bcom ldan 'das dang dge slong gnas brtan gnas brtan rnams la ltos shig ces smra bar bya'o/ /gal te dge slong khyim du so sor go bar byed pa khyim rnams su so sor go bar byed par mi spro na de'i tshe dge slong thams cad kyis dge slong dang dge slong ma 'di gnyis sdig can yin no zhes khyim du so sor go bar bya ba'i phyir/gsol ba 'ba' zhig gi las bya'o/ /phyir bcos ba ni snga ma bzhin no/ /gnas ngan len brjod pa'i ltung byed de bdun pa bshad zin to// //mi'i chos bla ma brjod pa'i ltung byed kyi gleng gzhi ni sangs rgyas bcom ldan 'das yangs pa can na/spre'u rdzing gi 'gram khang pa brtsegs pa'i khang bzangs na bzhugs so/ /gang gi tshe bcom ldan 'das kyis nya pa lnga brgya chu klung yid 'ong ldan la brten cing 'khod pa dag gis chu srin nya'i rigs gzung ba'i gleng gzhi las de dag legs par gsungs pa'i chos 'dul ba la rab tu byung zhing bsnyen par rdzogs par mdzad nas/de dag gis dgra bcom pa nyid mngon sum du byas te/ de dag mu ge byung ba'i tshe nya ba'i grong gi nye 'khor du dbyar gnas par khas blangs pa dag gis mi'i chos bla ma ji ltar thob pa nye du dag la brjod nas/'jig rten ni yon tan la dga' ba yin pas nye du dag gis re zhig rang gi bu dag las kyang phrogs te/ de dag la bsod snyoms legs par bstabs pas 'tshag brtas par gyur to/ /gang gi tshe dbyar 'das nas 'dus pa chen po'i tshe dge slong rnams bcom ldan 'das kyi zhabs la phyag 'tshal du 'dod ba'i tshe tshe dang ldan pa kun dga' bos dge slong gang dag spong byed kyi grong du dbyar gnas par khas blangs pa de dag ni bsod snyoms kyis brel pas rid pa dang /nyam chung ba dang / rke ba dang / skoms pa dang / lus ma thob pa dang / pags pa dang / sha dang khrag bri bar mthong /dge slong gang dag nye ba'i grong gi nye 'khor du dbyar gnas par khas blangs pa de dag ni bsod snyoms kyis brel ba med pas tsho ba dang / pags pa dang / sha dang / khrag rgyas par mthong nas/ de ci las gyur pa'i rgyu dris pa dang / de dag gis kyang rgyas par smras pa dang /tshe dang ldan pa kun dga' 'bos de dag la khyed cag gang zag bsnyen par ma rdzogs pa la mi'i chos bla ma bden pa brjod du rung ngam zhes dris pa dang / de dag gis smras pa/ rung yang srid/ mi rung yang srid de/ 'di ltar bdag cag gis ni smras so zhes zer ba dang /dge slong don nyung ngu dag ci'i phyir dge slong gang zag bsnyen par ma rdzogs pa la mi'i chos bla ma bden pa brjod ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang /gleng gzhi 'di dang / skabs 'di la dge slong gi dge 'dun bsdu ba mdzad de/ chu klung yid 'ong ldan gyi 'gram na gnas pa'i dge slong rnams la rmas nas/ mi brtson pa dang mi sbyor ba dang ma brtags par sbyor ba rnam par smad pa mdzad de/ brtson pa dang sbyor ba dang /brtags te spyod pa'i bsngags pa brjod nas/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste yang dge slong gang gang zag bsnyen par ma rdzogs pa la mi'i chos bla ma bden pa smras na ltung byed do zhes bca' ba mdzad de/yul ni yangs pa can/ gang zag ni nya pa las rab tu byung ba'i dge slong dgra bcom pa lnga brgya/ nyon mongs pa ni bag chags ma byang bas ma brtags pa/ nyes pa ni gang zag bsnyen par ma rdzogs pa la mi'i chos bla ma bden pa smras pa'o//de la yang dge slong gang zhes bya ba ni chos 'di pa'o/ /gang zag bsnyen par ma rdzogs pa la zhes bya ba ni bsnyen par rdzogs pa ni gnyis te/ dge slong dang / dge slong ma'o/ /de las gzhan pa ni bsnyen par ma rdzogs pa'o/ /mi'i chos bla ma zhes bya ba ni mi rnams kyi chos mya ngan las 'das pa ste/de ni mi rnams kyis 'thob kyi/ za ma dang ma ning dang / mtshan gnyis pa dag gis kyang mi 'thob na sems can dmyal ba dang / dud 'gro dang yi dags rnams kyis lta smos kyang ci dgos pa'i phyir ro/ /bla ma zhes bya ba ni 'dod pa'i khams pas gzugs kyi khams bla ma yin la/gzugs kyi khams pas gzugs med pa'i khams bla ma yin pa'o/ /yang na mi'i chos zhes bya ba ni sgrib pa lnga dag go/ /bla ma zhes bya ba ni de dag spangs pa gang yin pa'o/ /bden pa zhes bya ba ni de'i dngos po bden pa kho na yin pa'o/ / smra na zhes bya ba ni brjod na'o/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni dge slong gis 'du shes ma bsgyur bar bdag nyid mi'i chos bla ma dang ldan pa bden pa nyid gang zag bden pa ma mthong ba bsnyen par ma rdzogs pa la brjod na mi'i chos bla ma brjod pa'i ltung byed kyi dngos gzhir 'gyur ro//mi'i chos bla ma brjod pa'i ltung byed 'di dang / sngar smras pa'i pham par 'gyur ba'i rnam par bstan pa gzhan thams cad ni 'dra'o/ /khyad par du na snga ma ni 'du shes bsgyur te/ brdzun du smras pa dang / nyan pa po gang yang rung ba'o/ /'di ni 'du shes ma bsgyur bar bden par smras pa dang /nyan pa po bden pa ma mthong ba bsnyen par ma rdzogs pa la smras na dngos gzhi rnam par gzhag go/ /de'i phyir 'du shes ma bsgyur bar bden par smras pa la na smad pa med do/ /bdag nyid mi'i chos bla ma gang yang rung ba dang ldan par smras pa la na smad pa med de/ / mi'i chos bla ma dang de'i 'bras bu la na smad pa med do/ /nyan pa po mi'i 'gro ba po bden pa ma mthong ba dang / bsnyen par ma rdzogs pa la na smad pa med do/ /'di'i byed pa po ni mi'i 'gro ba pa'i gang zag ni bden pa ma mthong ba dang bsnyen par ma rdzogs pa dang / mi'i chos bla ma bden pa nyid do//'di la yan lag lngas dngos gzhi'i ltung bar 'gyur te mi'i chos bla ma dang / bden pa nyid dang / nyan pa po mi'i 'gro ba bden pa ma mthong ba bsnyen par ma rdzogs pa dang / rang gis brjod pa dang / pha rol pos don go ba'o/ /de dag las yan lag ma tshang na ci rigs par na smad do//sbyor ba'i ltung ba ni nyes byas te/ ji srid du mi'i chos bla ma brjod pa'i ltung byed kyi sbyor ba brtsams nas dngos gzhi la ma thug gi bar du nyes byas so/ dngos gzhi la sbyor ba tha dad pa ji snyed pa brtsams pa re re la nyes byas re re'o/ /gzhan de dang ldan par smras pa la nyes byas so//nyan pa po mi'i 'gro ba pa dang rang bzhin nyams pa la sogs pas smra mi shes pa dang / don brda mi 'phrad pa la nyes byas so/ /mi ma yin pa'i 'gro ba pa la nyes byas so/ /dud 'gro la nyes byas na smad do/ /sbyor ba'i sbyor ba'i ltung ba ni nyes byas phra mo ste/sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni mi'i chos bla ma ma yin pa la ltung ba med do/ /nyan pa po bden pa mthong ba dang / bsnyen par rdzogs pa la ltung ba med do/las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gi yul thams cad la gnas skabs thams cad du mi'i chos bla ma brjod pa'i ltung byed du 'gyur ba rnam pa thams cad mi bsten par bslab par bya'o//gdul ba'i don nyid ma gtogs par khyim pa'i mdun du rdzu 'phrul rnam par bstan par mi bya'o/ /dge slong ma ston pa'i spyan sngar rdzu 'phrul rnam par bstan par mi bya'o/ /phyir bcos pa ni snga ma bzhin no/ /mi'i chos bla ma brjod pa'i ltung byed de brgyad pa bshad zin to// //so sor thar pa'i mdo rgya cher 'grel ba 'dul ba kun las btus pa/ bam po nyi shu ba/ skur ba 'debs pa'i ltung byed kyi gleng gzhi ni/ sangs rgyas bcom ldan 'das rgyal po'i khab na 'od ma'i tshal bya ka lan dka'i gnas na bzhugs so//gang gi tshe tshe dang ldan pa gyad bu nor gnas mal 'bogs pa dang / zas la bsko bar bskos pa'i tshe na/ de dad pa dang ldan zhing bzang la dge ba'i bsam pa can yin pas dge 'dun la chos dang ldan pas zhal ta byed pa'i las la brtson pa yin la des sangs rgyas sam chos sam//dge 'dun nam yid du 'thad pa'i dge slong rnams la ma phul ba'am/ yongs su ma btang ba ci yang med de/ des de ltar phul zhing yongs su btang bas chos gos gsum ngan cing snam sbyar rnyings nas/ dge slong rnams kyis bcom ldan 'das la gsol to/ /de la gsol ba'i las kyis ras yug chen byin pa dang /dge slong mdza' bo dang sa las skyes gnyis tshe dang ldan pa gyad bu nor dang / tsher bas tsher bas nas rjes su 'brel pa'i khon yod pas de gnyis dge slong rnams kyi mdun na tshe dang ldan pa dag 'di ltar dge 'dun gyi rnyed pa rnyed do cog gcig gis gang zag la yongs su sngo bar byed na dge 'dun gyis rnyed pa bsgrub par ga la 'gyur zhes smod par byed nas dge slong rnams kyis de gnyis la smras nas tshe dang ldan pa dag khyed gnyis der ma 'dus sam/'dus so/ /'o na ci'i phyir smod par byed/ de gnyis kyis smras pa/ ji kho bo cag gnyis ngur yang mi gnang ngam zhes zer ba na/dge slong don nyung ngu dag ci'i phyir dge slong dag sngar legs par rung bar byas nas de'i 'og tu 'di skad ces tshe dang ldan pa dag gis 'di ltar bshes ngor byas te/ dge 'dun gyi rnyed par bsngos pa bdag gis gang zag la bsngos so zhes smod par byed/phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ dge slong mdza' bo dang /sa las skyes gnyis la smras nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar smad de/ bslab pa bca' ba'i phan yon bcu yang dag par gzigs pas/nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang sngar legs par rung bar byas nas de'i 'og tu 'di skad ces tshe dang ldan pa dag gis 'di ltar bshes ngor byas te/ dge 'dun gyi rnyed par bsngos pa bdag gis gang zag la bsngos so zhes zer na ltung byed do zhes bca' ba mdzad de/yul ni rgyal po'i khab/ gang zag ni mdza' bo dang sa las skyes gnyis/ nyon mongs pa ni mi bzod pa/ nyes pa ni skur ba 'debs pa'o/ /de la yang dge slong gang zhes bya ba ni mdza' bo dang sa las skyes sam gzhan yang de lta bu gang yin pa'o//sngar legs par rung bar byas nas zhes bya ba ni sngar dad pa phul nas so/ /de'i 'og tu zhes bya ba ni dus gzhan na'o/ /'di skad ces zhes bya ba ni 'di skad ces zer na'o/ /tshe dang ldan pa dag gis 'di ltar bshes dor byas te zhes bya ba ni dge slong gi bshes pa gang zhe na/mkhan po'i ni lhan cig gnas pa'o/ /lhan cig gnas pa'i ni mkhan po'o/ /slob dpon gyi ni nye gnas so/ /nye gnas kyi ni slob dpon no/ /mkhan po gcig pa'i ni mkhan po gcig pa'o/ /slob dpon gcig pa'i ni slob dpon gcig pa'o//mdza' bo'i ni mdza' bo'o/ /dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o/ /rnyed pa zhes bya ba la/ rnyed pa ni gnyis te/ gos kyi rnyed pa dang / zas kyi rnyed pa ste/ don 'dir ni gos kyi rnyed pa yin par dgongs so/ / bsngos pa zhes bya ba ni/ dge 'dun gyi nang du grub pa'o/ /bdag gis gang zag la bsngos so zhes zer na zhes bya ba ni bdag gis gang zag gi don du'o/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang sbyor ba'i sbyor bas ltung ba rnam par gzhag pa dang /ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni ltung ba 'byin pa po bdag nyid kyang dge 'dun gyi las de'i nang du gtogs pa'i dge slong gi dge 'dun gyis gos kyi rnyed pa gang zag gzhan la byin pa'i 'og tu 'di skad ces dge slong 'dis dge slong gi dge 'dun gyi zas kyi rnyed pa ma yin pa gos kyi rnyed pa gang zag la log par bsngos so zhes yang dag pa ma yin pa'i don de nyid dam/gzhan gyi mdun du ming nas smos kyang rung /ma smos kyang rung ste smras na skur pa 'debs pa'i ltung byed kyi dngos gzhir 'gyur ro/ /ltung ba 'byen pa po bdag nyid kyis dad pas phul ba la na smad pa med do/ /dge slong gi dge 'dun la mnga' ba'i rnyed pa la na smad pa med do/ /gos kyi rnyed pa rung ba nyid dang / tshad dang ldan pa dang /tshad las lhag pa la na smad pa med do/ /mi'i 'gro bar gtogs pa'i gang zag rab tu byung ba'am/ khyim pa la byin pa la na smad pa med do/ /log par mi rigs par bsngos so zhes zer ba la na smad pa med do/ /yang dag pa ma yin pa'i don brdzun pa nyid la na smad pa med do//skur pa gdab par bya ba'i dge slong de nyid dam/ gzhan gyi mdun du smras pa la na smad pa med do/ /gang la skur ba gdab par bya ba'i dge slong de'i ming nas smos pa dang / ma smos pa la na smad pa med do/ /rang gis smras pa la na smad pa med do/ /'di'i byed pa po ni dge 'dun gyi gos kyi rnyed pa dang gang la bsngos pa'i gang zag mi'i 'gro bar gtogs pa rab tu byung ba'am/khyim pa gang yang rung ba'o/ /'di la yan lag lngas dngos gzhi'i ltung bar 'gyur te/ sngar dad pas phul ba dang / dge 'dun gyi gos kyi rnyed pa dang gang la bsngos pa'i mi'i 'gro ba pa gang yang rung ba dang /brdzun du smras pa dang / pha rol pos thabs gang yang rung bas don go ba'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du skur pa 'debs pa'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /mtshan dang lta ba mi mthun pa dang bsnyen par ma rdzogs pa la gzhi 'dis skur pa 'debs pa la nyes byas so/ dge slong gi dge 'dun gyi rnyed pa la nyes byas so/ /zas kyi rnyed pa la nyes byas so//gos kyi rnyed pa mi rung ba nyid dang / tshad las chung ba la ni nyes byas so/ /dge 'dun la log par bsngos so zhes zer ba la nyes byas so/ /gang zag gis rnyed pa gang zag gzhan la log par bsngos so zhes zer ba la nyes byas so/ /gang la bsngos pa'i gang zag mi ma yin pa'i 'gro ba la nyes byas so//dud 'gro la nyes byas na smad do/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni dad pas ma phul ba la ltung ba med do//log par bsngos pa bden na ltung ba med do/ /las dang po pa dang / smyos pa dang sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du skur ba 'debs pa'i ltung byed du 'gyur ba rnam pa thams cad mi bsten par bslab par bya'o//gnas mal stobs pa la sogs pa 'dul bar gtogs pa'i bya ba la gal te bstan pa nyid du dgos na gsol ba sngar btang ba'i don gyi las bya'o/ /dge slong chos gos gsum ngan cing snam sbyar yang yongs su rnyings pa la dge 'dun gyis gsol ba 'ba' zhig gi las byas te ras yug chen sbyin par bya'o//de ni 'di ltar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur ba la dge slong gcig gis gsol ba bya'o//'di ltar bya ste 'dug la 'di skad ces brjod par bya'o/ dge 'dun btsun pa rnams gsan du gsol/ /tshe dang ldan pa gyad bu nor 'di ni dad pa ldan zhing bzang la dge ba'i bsam pa can te/ dge 'dun la yang chos kyis zhal ta bgyid pa'i las la brtsom pa la gsal/des sangs rgyas sam/ chos sam/ dge 'dun nam/ yid du 'thad pa'i dge slong rnams la ma phul ba'am/ yongs su ma btang ba ci yang ma mchis te/ des de ltar phul zhing yongs su btang bas chos gos gsum ngan cing snam sbyar yang yongs su rnyings la/dge 'dun la ni ras yug chen 'byor par mnga' na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis tshe dang ldan pa gyad bu nor la ras yug chen stsol to/ /'di ni gsol ba'o//phyir bcos pa ni snga ma bzhin no/ /skur pa 'debs pa'i ltung byed de dgu pa bshad zin to/ /khyad du gsod pa'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ bcom ldan 'das kyis zla ba phyed phyed cing so sor thar ba'i mdo gdon pa gdon par bya'o zhes bka' stsal nas/dge slong rnams zla ba phyed phyed cing so sor thar pa'i mdo gdon pa 'don par byed pa na/ drug sde dag pham par 'gyur ba bzhi po dag 'don pa'i tshe na cad mi smra bar 'khod do/ /dge 'dun lhag ma bcu gsum dang /ma nges pa gnyis dang / spang ba'i ltung byed kyi chos sum cu dang / ltung byed kyi chos dgu bcu dang / so sor bshags par bya ba'i chos bzhi dang / bslab par bya ba'i chos mang po dang / rtsod pa zhi bar bya ba'i chos bdun po dag 'don pa'i tshe na ni/ /'di skad ces tshe dang ldan pa dag gang la gzhi nges pa dang /gang zag nges par rab tu shes pa yod bzhin du bdag cag gi rma sos pa dag ci'i phyir 'dral bar byed/ gang dag gis dge slong rnams 'gyod pa dang / yid la gcags pa dang / gnod par 'gyur ba bslab pa'i gzhi phran tshegs rab tu phra ba 'di dag gis zla ba phyed phyed cing so sor thar pa'i mdo gdon pa bton pa dag gis ci bya zhes zer nas/dge slong rnams kyis smras pa/ tshe dang ldan pa dag gi phyir kho bo cag zla ba phyed phyed cing so sor thar pa'i mdo gdon pa 'don pa yin gyis/ 'di ltar kho bo cag ni ston pa'i bka' lung gis 'don to//gal te khyed cag sdug bsngal ba dang / yid mi bde ba skye na ci'i phyir lhag par spyod ces tshar bcad cing dge slong don nyung ngu dag kyang drug sde dag la smod par byed phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gling gzhi 'di dang /skabs 'di la dge slong gi dge 'dun bsdu ba mdzad de/ drug sde dag la rmas nas/ dge slong gi tshul ma yin pa rjes su mthun pa ma yin pa/ rung ba ma yin pa/ tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar smad de/bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang zla ba phyed phyed cing so sor thar pa'i mdo gdon pa 'don pa na 'di skad ces tshe dang ldan pa dag gang dag gis dge slong rnams 'gyod pa dang /yid la gcags pa dang / gnod par 'gyur ba bslab pa'i gzhi phran tshogs rab tu phra ba 'di dag gis zla ba phyed phyed cing so sor thar pa'i mdo gdon pa bton pa dag gis ci bya zhes zer zhing bslab pa khyad du gsod na ltung byed do zhes bca' ba mdzad de/yul ni mnyan yod gang zag ni drug sde/ nyon mongs pa ni bag med pa/ nyes pa ni bslab pa khyad du gsod pa'o/ /de la yang dge slong gang zhes bya ba ni drug sde'am/ gzhan yang de lta bu gang yin pa'o/ /zla ba phyed phyed cing zhes bya ba ni gso sbyong gi dus kyi zla ba phyed phyed cing ngo //so sor thar pa'i zhes bya ba ni pham par 'gyur pa'i chos bzhi dang / dge 'dun lhag ma'i chos bcu gsum dang / ma nges pa'i chos gnyis dang / spang pa'i ltung byed kyi chos sum cu dang / ltung byed kyi chos dgu bcu dang / so sor bshags par bya ba'i chos bzhi dang / bslab pa'i chos mang po dang / rtsod pa zhi bar byed pa'i chos bdun po dag gi'o/ /mdo zhes bya ba ni des nye bar sbyar ba'i mdo'o/ /yang na mdo yang dag par sbyor ba'o/ gdon pa 'don pa zhes bya ba ni/ so sor thar pa'i mdo gdon pa lnga po dag rab tu bton pa na'o/ /'di skad ces tshe dang ldan pa dag gang dag gis dge slong rnams 'gyod pa dang /yid la gcags pa dang / gnod par 'gyur ba bslab pa'i gzhi phran tshogs rab tu phra ba 'di dag gis zla ba phyed phyed cing so sor thar pa'i mdo gdon pa bton pa dag gis ci bya zhes zer zhing bslab pa khyad du gsod na zhes bya ba ni bslab pa khyad du gsod pa'i bsam pas ngag dang tshig dang tha snyad dang skad dang /brjod pa dang nges pa'i tshig dang / tshig gi lam dang / tshig gi sgra dang / ngag gi las dang / ngag gi rnam par rig byed brjod na'o/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gis sde snod gsum las mdo sde ma gtogs pa la 'dul ba nyid dang /chos mngon pa las 'dul bar gtogs pa gang yang rung ba la brnyas thabs su gyur pa brjod pa na khyad du gsod pa'i ltung byed kyi dngos gzhir 'gyur ro/ /'dul ba dang ldan pa nyid du gtogs pa so so thar pa dang / de rnam par 'byed pa dang / gzhi dang / phran tshegs dang / gzhung bla ma'i tshig la brnyas thabs su gyur pa brjod pa'i tshig re re la na smad pa med do/ /'dir brnyas thabs kyi bye brag las tshig gi bye brag sbyor ba gcig pa re re la ltung ba bye brag re rer rnam par gzhag gi gdon pa'i bye brag las ni ma yin no/ /gang dag gis dge slong rnams 'gyod pa dang /yid la gcags pa dang / gnod par 'gyur ba bslab pa'i gzhi phran tshegs rab tu phra ba 'di dag gis zla ba phyed phyed cing so sor thar pa'i mdo gdon pa bton pa dag gis ci bya zhes zer ba'i tshig re re la na smad pa med do/ /'di'i byed pa po ni sde snod gsum las 'dul bar gtogs pa thams cad dang khyad du gsod pa'i bsam pa'o//'di la yan lag lngas dngos gzhi'i ltung bar 'gyur te/ khyad du gsod pa'i bsam pa dang / tshig tu smras pa dang / 'dul bar gtogs pa nyid dang / rang gi tshig dang / gzhan gyis don go ba'o/ /de dag las yan lag ma tshang na ci rigs par na smad do//sbyor ba'i ltung ba ni nyes byas te/ ji srid khyad du gsod pa'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed pa brtsams pa re re la nyes byas re re'o/ /khyad du gsod pa bsams pa tsam la nyes byas te/tshig ma rdzogs pa la nyes byas so/ /mdo sde la nyes byas so/ /gzhan smrar bcug pa la nyes byas so/ /gzhan gyis don ma go ba la nyes byas so/ /dge slong ma'i bslab pa la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/sbyor ba nyes byas kyi sbyor ba'i sbyor ba yang nyes byas te/ nyes byas phra mo'o/ /ltung ba med pa ni khyad du gsod pa'i bsam pa med pa dang / tshig tu ma smras pa la ni ltung ba med do/ /las dang po pa dang / smyos pa dang / sems 'khrugs pa dang /tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du khyad du gsod pa'i ltung byed du 'gyur ba rnam pa thams cad mi bsten par bslab par bya'o/ /sde snod gsum gyi bye brag dang / bslab par bya ba'i mtshan nyid la mkhas par bya'o//phyir bcos pa ni snga ma bzhin no/ /khyad du gsod pa'i ltung byed de bcu pa bshad zin to// //sdom la/ sa bon 'phya ba bsgo ba dang / /khri dang gding dang skrod pa dang / /phyis gnon 'byung ba 'debs pa dang / /rim pa gnyis su brtsegs pa'o/ /zhes bya ba ni bcu pa gnyis te/sdom la zhes bya ba ni/ tshig gi don dang dgos pa ni snga ma bzhin no/ /bcu pa gnyis pa 'dis kyang ltung byed kyi chos bcu bstan te/ sa bon dang / skye ba 'jig pa dang / 'phya ba dang / bsgo ba rnal gzon pa dang / gnas mal dang / gding ba dang / skrod pa dang / phyis gnon dang / rtse ba 'byung ba la 'dug pa dang / srog chags dang bcas pa la spyod pa dang / gtsug lag khang gi ltung byed do/ /de las sa bon dang skye ba 'jig pa'i ltung byed kyi gleng gzhi ni byung ba dang bcas pa'i dbang gis rnam pa gnyis te/ byung ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//de'i tshe na sngon shing mkhan rgan zhugs byis pa rmongs pa mi mkhas pa mi gsal ba zhig gis shing ljon pa bcad nas dge 'dun gyi gtsug lag khang byed du bcug go/ /de shing ljon pa de la gnas pa'i lha kha dog shin tu 'das pa gang yin pa de mtshan mo nam sros pa dang /bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te/ mtha' gcig tu 'dug pa dang / 'di ltar lha de'i kha dog gi mthus rgyal byed kyi tshal thams cad snang ba rgya chen pos khyab par gyur to//de nas bcom ldan 'das la lha des 'di skad ces gsol to/ /btsun pa sngon shing mkhan rgan zhugs byis pa rmongs pa mi gsal ba mi mkhas pa zhig gis bdag gis gnas dang / gling dang / skyob pa dang / skyabs dang / dpung gnyen dang / gnas mal dang / gzhi dang /rten gyi zhugs shing ljon pa gang lags pa de bkum nas dge 'dun gyi gtsug lag khang bgyid du stsal te/ btsun pa dgun gyi dgun ni ring / /dgun smad kyi dus kyi tshe ni tshes brgyad kyi bar la 'od ma 'gas pa'i gser ma dag ldang zhing / btsun pa bdag gi bu phrug dag ni chung na bdag gis ji ltar bgyi/de nas bcom ldan 'das kyis lha zhig la bka' stsal pa/ lha khyod kyi gnas su lha 'di'i gnas byin cig /lha des 'di lta ste ston pa'i bka' lung gis rang gi gnas su lha de'i gnas byin no/ /de nas bcom ldan 'das de nyid kyi mtshan mo 'das pa dang / dge slong gi dge 'dun gyi gung la gdan bshams pa nyid la bzhugs so//bzhugs nas bcom ldan 'das kyis dge slong rnams la bka' stsal pa/ dge slong dag ma dang lha kha dog shin tu 'das pa zhig mtshan mo nam sros pa dang de'i gan du 'ongs te 'di skad ces zer ro zhes lha des ji skad gsol pa'i tshig bzlas nas bka' stsal pa/dge slong dag 'di ltar lha dag de skad ces kye ma shAkya'i bu'i dge sbyong rnams ni 'di lta ste/ dge ba'i chos rnams kyis yongs su nyams par 'gyur ro zhes smod par byed/ phyar ka gtong bar byed/ kha zer bar byed pa de ni mi mdzes shing tshul dang mthun pa ma yin no/ /de nas bcom ldan 'das 'di snyam du dgongs te/nyes dmigs gang cung zad ci byung ba de ni dge slong shing ljon pa gcod par byed pa las gyur pa yin no snyam du dgongs nas dge slong rnams la bka' stsal pa/ dge slong dag de lta bas na/ dge slong gis shing ljon pa gcad par mi bya'o/ /gcod pa na 'gal tshabs can du 'gyur ro//sangs rgyas bcom ldan 'das 'brog gnas na 'brog gi gnas mchog na bzhugs so/ /bcom ldan 'das kyis dge slong gis shing ljon pa gcad par mi bya'o zhes bka' stsal nas/ dge slong lag gi bla dag gis shing med pas mkhar lan dag gtang bar gyur to//sangs rgyas bcom ldan 'das rnams ni mkhyen bzhin du rmed pa mdzad pas/ sangs rgyas bcom ldan 'das kyis tshe dang ldan pa kun dga' bo la bka' stsal pa/ kun dga' bo ci'i phyir dge slong lag gi bla dag gis mkhar len dag btang bar gyur/ btsun pa bcom ldan 'das kyis dge slong gis shing ljon pa bcad par mi bya'o zhes bka' stsal nas/ dge slong lag gi bla dag gis zhugs shing ma mchis pas mkhar lan dag btang bar gyur to/ /kun dga' bo ngas dge slong lag gi bla'i kun du spyad pa'i chos dag bca' bar bya ste/ dge slong lag gi blas zhag bdun nam brgyad kyis shing ljon pa gcod par 'gyur pa ni shing ljon pa de'i drung du dkyil 'khor bya zhing spos dang /me tog dang / gtor ma yang sbyin par bya/ rgyun chags gsum pa yang klag par bya/ yon bshad pa yang bya zhing dge ba bcu'i las kyi lam dag gis bsngags pa yang brjod par bya/mi dge ba bcu'i las kyi lam dag gi bsngags pa ma yin pa yang brjod par bya'o/ /'di skad ces shing ljon pa 'di la lha gang gnas pa de gnas gzhan tshol cig /shing ljon pa 'dis mchod rten gyi'am/ chos kyi'am/ dge 'dun gyi bya ba byed par 'gyur ro zhes kyang brjod par bya'o//de'i 'og tu nyi ma bdun nam brgyad kyis shing ljon pa de gcad par bya'o/ /gal te 'gyur ba ston na gcad par mi bya'o/ /'on te mi ston na gcad par bya'o/ /dge slong lag gi blas kun du spyad pa'i chos ji ltar bcas pa dag yang dag par blangs te 'jug par mi byed na 'gal tshabs can du 'gyur ro//'di ni re zhig byung ba yin te/ sangs rgyas bcom ldan 'das re zhig 'dul ba la nyan thos rnams kyi bslab pa'i gzhi bca' bar ni mdzad do/ /bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//de'i tshe na dge slong drug sde dag rang gi lag gis shing ljon pa gcod cing gcod du 'jug par yang byed/ rtswa sngon po rnga zhing brngar 'jug par yang byed/ me tog dag 'thog cing 'thog tu 'jug par yang byed nas//gzhan mu steg can dag shes ldan dag shAkya'i bu'i dge sbyong 'di dag ni de ltar byed de/ bram ze dang khyim bdag 'di dag kyang de ltar byed pas/ shAkya'i bu'i dge sbyong 'di dag dang / bram ze dang khyim bdag 'di dag la bye brag ni ci yod/ bsam pa ni ci yod/ tha dad du bya ba ni ci yod/su zhig dge sbyong mgo reg 'di dag la bsod snyoms sbyin pa dag bya bar sems zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang /skabs 'di la dge slong gi dge 'dun bsdu ba mdzad de/ drug sde dag la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar smad de bslab pa bca' ba'i phan yon bcu yang dag par gzigs las nga'i nyan thos rnams kyis 'dul ba la bslab pa'i gzhi 'di ltar gdon par bya ste/sa bon gyi tshogs dang / 'byung po'i gnas 'jig gam/ 'jig tu 'jug na ltung byed do zhes bca' ba mdzad do/ /yul ni mnyan yod/ gang zag ni drug ste/ nyon mongs pa ni 'dod zhen/ nyes pa ni sa bon gyi tshogs dang / 'byung po'i gnas 'jig pa'o/ /de las sa bon gyi tshogs zhes bya ba ni sa bon lnga ste rtsa ba'i sa bon dang / sdong bu'i sa bon dang / thog gu'i sa bon dang / 'gas pa'i sa bon dang / sa bon gyi sa bon nyid ni lnga pa'o//rtsa ba'i sa bon gang zhe na/ gla sgang dang / shu dag dang / yung ba dang / sge'u gsher dang / bong nga dkar po dang / gzhan yang rtsa ba btab pa las rtsa ba nyid skye ba gang yin pa'o/ /sdong bu'i sa bon gang zhe na/ shing kany+tsa na dang / ka pi ta la dang /a shwad tha dang / u dum wA ra dang / n+ya gro d+ha dang / gzhan yang sdong bu btab pa las sdong bu nyid skye ba gang yin pa'o/ /thog gu'i sa bon gang zhe na/ bu ram shing dang / 'dam bu dang / smyig ma dang / rgya mtsho nas 'byung ba dang / gzhan yang thog gu btab pa las thog gu nyid skye ba gang yin pa'o//'gas pa'i sa bon gang zhe na/ ardza ka dang / sardza ka dang / pha niny+dza ka dang / b+hu s+t+ri na dang / dzaM b+hi ra dang / gzhan yang 'gas pa btab pa las 'gas pa nyid skye ba gang yin pa'o/ /sa bon gyi sa bon gang zhe na/ sA lu dang / nas dang / gro dang / mon sran gre'u dang / mon sran sde'u dang / yungs kar dang / gzhan yang sa bon btab pa las sa bon nyid skye ba gang yin pa'o/ /'byung po'i gnas zhes bya ba la/ /'byung po zhes bya ba ni grog sbur dag dang / phye ma leb dag dang /sbrang bu dag dang / til dang phub ma za ba dag dang /sbrul dang sdig pa dag dang / sbrang bu tre ma bu ga dag dang / trail ta ka dag go/ /de dag gi gnas zhes bya ba ni shing ljon pa'o/ /de dag 'jig gam/ 'jig tu 'jug na zhes bya ba ni 'byin pa dang / snyol ba dang / gcod pa dang / 'bigs pa dang / 'tsheg pa dag bdag nyid kyis byed dam gzhan byed du 'jug na'o//ltung byed do zhes bya ba ni/ sems can dmyal ba dang / dud 'gro dang / yi dags ngan song dang / ngan 'gro dang log par ltung ba dag tu sreg par byed/ 'tshe par byed/ ltung bar byed pa'o/ /gzhan yang ji srid ltung ba de ma bshags shing so sor ma bshags na/dge ba'i chos rnams la sgrib par byed pa ste/ des na ltung byed do zhes gsungs so/ /de la ltung ba ji ltar 'gyur zhe na/ 'dir yang dngos gzhi dang sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni/ dge slong gis sa bon gyi tshogs dang / 'byung po'i gnas kyis bon dang / khye'u kha 'thon par rung bar ma byas pa ma nyams pa nyid du shes bzhin du tha na rtsa rgyud yan chad thabs ji ltar yang rung bas nyams par 'dun pas rang ngam gzhan gyis kyang nyams par byas na/nyams par bya ba'i sdong bu dang / 'brul la sogs pa'i grangs ji snyed pa de snyed kyi sa bon gyi tshogs dang / 'byung po'i gnas 'jig pa'i ltung byed kyi dngos gzhir 'gyur ro/ /sa bon lnga po rtsa ba'i sa bon dang /sdong bu'i sa bon dang / thog gu'i sa bon dang / 'gas pa'i sa bon dang / sa bon gyi sa bon ma nyams pa nyid du rung bar ma byas pa la na smad pa med do/ /shing ljon pa dang / rtswa la sogs pa skye ba dag gi tha na rtsa rgyud yan chad ma nyams pa nyid rung bar ma byas pa dag la na smad pa med do//nyams par bya ba'i thabs sprug par bya ba la sogs pa ji ltar rung ba la na smad pa med do/ /nyams par byed pa'i yo byad rtswa dang / 'dam rdzab dang / sa rdul dang / khu tshan dang / 'chag pa dang / 'dren pa dang / dkyil 'khor dang / skyang nul dang / rlung dang / nyi ma dang / sa gzhi skam por 'jog pa la sogs pa la na smad pa med do/ /gzhan yang lus kyi yan lag dang / de dang 'brel pa dang / des 'phangs pa sems can dang sems can du bgrang ba ma yin pa gang yang rung ba la na smad pa med do/ /sa bon dang skye ba nyams par 'dun pa'i bsam pa gang yang rung ba la na smad pa med do//rang dang gzhan gang yang rung pas byas sam/ byed du bcug pa lan smad pa med do/ /nyams par gyur pa na dngos gzhi la na smad pa med do/ /sa bon la ni sbubs dang / thog gu dang / snye ma'i nang dang / phyi rol na nyams par bya ba'i 'bru grangs ji snyed pa re re la ltung ba re rer rnam par gzhag go//skye ba la ni nyams par bya ba'i sdong bu'i grangs ji snyed pa re re la ltung ba re rer rnam par gzhag go/ /nyams par byed pa'i yo byad kyang sa de na 'bru gcig gam/ sdong bu drung pa gcig la bsnun pa'i rdzas ji snyed pa re re la/ltung ba re rer rnam par gzhag go/ /shing ljon pa la sogs pa rang gi gnas nas rtsa ba bton du gdon pa la sogs pa'i rnam pas bton na bton pa de gnas gzhan du bskyed par bya ba nyid yin du zin kyang na smad pa med do/ /nya lcibs dang / nya tshong dag chu nas bton na skyer rung ba'i chos nyid yin du zin kyang na smad pa med do//sa bon dang skye ba gzhan dag la gzhan nyid du 'du shes pa la na smad pa med do/ /sa bon dang skye ba la der 'du shes pa dang / yid gnyis za ba la na smad pa med do/ /shun pa dang / phri dang / 'dab ma skya bo dang / me tog kha bye ba dang / 'bras bu smin pa de dag gi rtsa bar gyur ba rang bzhin las ma bye ba la na smad pa med do/ /'di'i byed pa po ni sa bon dang / khye'u kha 'thon pa rung bar ma byas pa dag gis ma nyams pa nyid la 'du shes gtso cher byed pa po nyid yin no/ / 'di la yan lag lngas dngos gzhi'i ltung bar 'gyur ro/ /sa bon dang / khye'u kha 'thon ba rung ba ma byas pa dang / ma nyams pa nyid dang / rang dang gzhan gang yang rung ba dang / thabs gang yang rung ba dang / nyams par byas pa nyid do/ /de dag las yan lag ma tshang na ci rigs par na smad do//sbyor ba'i ltung ba ni nyes byas te/ ji srid du sa bon dang / skye ba 'jig pa'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /sa bon dang sdong bu nyams bar bya ba'i grangs ji snyed pa re re la sbyor ba'i nyes byas re re'o//de dag la nyams par byed pa'i yo byad bsnun pa'i rdzas kyi grangs re re'i sbyor ba la nyes byas re re'o/ /tshi gu ma bcom par ril mid byed pa la nyes byas so/ /gal te 'di bcad par gyur na legs so zhes gzhogs kyis bcol na nyes byas so//sa bon dang skye ba ma yin pa la der 'du shes pa dang / yid gnyis za ba la nyes byas so/ /shun pa dang / phri dang / 'dab ma skya bo dang / me tog kha bye ba dang / 'bras bu smin pa rnams ni phyed shi ba nyid du rjes su tha snyad gdags pas de dag la nyes byas so//ut+pa la la sogs pa kha bye ba'i chu ba gcod pa dang / pha bong gi dreg pa 'chu na nyes byas so/ /sa bon gyi khams btab pa la rtsa ba ma skyes pa ni phyed skyes pa nyid du rjes su tha snyad gdags pas de la nyes byas so/ sa 'bus pa dang / sha mo dang / sha bal dang / snod dang gos la sogs pa'i rlan rnams kyang phyed skyes ba nyid du rjes su tha snyad 'dogs pas de dag la yang nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te/nyes byas phra mo'o/ /ltung ba med pa ni nyams pa nyid dang / rung bar byas pa dag la ltung ba med do/ /der 'dun pa dang / der 'du shes med pa la ltung ba med do/ /phongs pa'i tshe rdzu 'phrul gyis gcod pa la ltung ba med do/ /'u sha'i khu tshan la sogs pa dbo ba dang /'chag pa dang / yan lag la sogs pa 'dren pa dang / dkyil 'khor dang skyang nul dag byed pa la de dag gi bsam pa nyid la ltung ba med do/ /phongs pa'i tshe rtswa ku sha la sogs pas bcings pa de ni mi thar na bcad pa la yang ltung ba med do/ /dge slong du ma rtswa ku sha la sogs pas bcings pa de dag gis mi thar na de dag las dge slong gcig gis bcad pa la ltung ba med do//sa bon gyi chos nyid med pa ni nyes pa med pa nyid yin pas sa bon gyi chos nyid med pa de nyams par byas kyang ltung ba med do/ /mes reg pa dang / mtshon dang / sen mo dang / ne tso dag gis rma phyung ba dang / rnyis pa dang / phyung ba dang / bkrum pa dang / bkas pa dang / bcad pa lta bu dag gis rung ba nyid yin pas/ des de dag la dge slong gis brtag pa gzhan gyis rung bar bya ba la ltos kyang mi dgos la/ de dag nyams par byas pa la yang ltung ba med do//'bru la sogs pa dag brtag pas rung bar byed pa na ji srid du sa bon ma yin pa nyid du gyur gyi bar de srid du de la bsdad mi dgos te/ brtag pa tsam byas pa nyid rung ba yin pas de la ltung ba med do/ /'bru la sogs pa dag brtag pas rung bar bya ba la me dang rlangs pa nyid ni 'dra bas de gnyis gang gis brtags kyang rung ba nyid yin pas de la ltung ba med do//rgun 'bru la sogs pa'i 'bras bu dag me'i brtag pas rung bar byas pa la spyi'i tshoms spyi bungs su bcer ba la mes phyogs gnyis sam/ gsum la brtags na thams cad rung ba nyid yin pas de la ltung ba med do//dge slong gzhan gyis mes rung bar byas pa ma gtogs pa mtshon dang / sen mo la sogs pas sa bon gyi rigs lnga po dag rung bar byas pa nyid ni dge slong gzhan la rung ba nyid yin pas de la yang ltung ba med do/ / rung bar byed pa'i dge slong nyid la ni sa bon gyi tshogs 'jig pa'i ltung byed du 'gyur ro/ /mes rung bar byas pa ni de byed pa'i dge slong la yang sa bon gyi tshogs 'jig pa'i ltung byed du 'gyur la de za ba la yang dge slong gis btsos pa za ba'i gsog 'jog gi ltung byed du 'gyur ro//rung ba'i khang pa ma yin pa'i sa rung ba ma yin par 'bru la sogs pa gzhag ste/ dge tshul la sogs pas mes rung bar byed pa gang yin pa de yang rung bar byas pa nyid yin pas/ de la yang ltung ba med do/ /sman zhag bdun pa dang / 'tsho ba'i bar du bcangs pa chu grang mos ma gtor bar bza' bar mi bya ste/des gtor na rung ba nyid yin pas de la yang ltung ba med do/ /thun tshod du rung ba yang chu grang mos ma gtor bar btung bar mi bya ste/ des gtor na rung ba nyid yin pas de la yang ltung ba med do/ /zhag bdun pa la ni mes rung bar bya ba mi srid do//rung bar bya ba ni gang gis dus su byas kyang rung ba nyid yin gyi/ bza' ba'i dus kho nar bya bar ni ma nges so/ /de dag ni rung bar bya ba dang 'brel pa yin pas zhar la smos par zad kyi skabs 'di'i ltung ba rnam par gzhag par gtogs pa ni ma yin no//las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du sa bon dang / skye ba 'jig pa'i ltung byed du 'gyur ba rnam pa thams cad mi bsten par bslab par bya'o//dge slong lag gi blas mchod rten dang / chos dang / dge 'dun gyi don du shing ljon pa dag gcad par bya'o/ /gcad par bya ba'i phyir sta gon bya ba ni de'i mdun rol du nyi ma bdun nam/ brgyad nas de'i drung du dkyil 'khor dang / dri dang / ma tog dang / bdug pa dang / mar me dang gtor ma sbyin pa dang / rgyun chags gsum pa gdon pa dang sbyin pa bshad par byas nas/ lha gang dag shing ljon pa 'di la gnas pa 'di dag gnas gzhan tshol cig /shing ljon pa 'dis mchod rten dang / chos sam/dge 'dun gyi bya ba byed par 'gyur ro zhes brjod nas/ dge slong lag gi bla/ smra ba pos rang gi lag dar te mi gcad par khyim pa shing mkhan la sogs pa la shes par gyis shig ces zur gyis bsgo ste gcod du gzhug par bya'o/ /de ltar shing ljon pa de gcod du bcug pa na gal te me 'byung ba'am/khrag 'dzag pa'am/ yal ga 'gul ba'am/ lo ma lhags pa la sogs pa rnam par 'gyur ba ston na/ de'i tshe lag gi bla des mchod rten nam/ chos sam/ dge 'dun bsod nams kyi zhing la sbyin pa dang / ser sna dag gis bsngags pa dang / bsngags pa ma yin pa brjod par bya'o/ /de ltar byas kyang me 'byung ba la sogs pa'i rnam par 'gyur ba mi gtong na shing ljon pa de gcad par mi bya'o/ /phyir bcos pa ni snga ma bzhin no/ /sa bon dang skye ba 'jig pa'i ltung byed de bcu gcig pa bshad zin to// //'phya ba'i ltung byed kyi gleng gzhi ni/sangs rgyas bcom ldan 'das rgyal po'i khab na 'od ma'i tshal bya ka lan dka'i gnas na bzhugs so/ /gang gi tshe tshe dang ldan pa gyad bu nor dge 'dun gyis gnas mal 'bogs pa dang / zas la bsko bar bskos pa'i tshe na/ dge slong mdza' bo dang / sa las skyes gnyis tshe dang ldan pa gyad bu nor dang tshe rabs tshe rabs nas rjes su 'brel pa'i khon yod pas/ dge slong mdza' bo dang / sa las skyes gnyis tshe dang ldan pa nye dga' dang lhan cig tu 'du 'dzi'i gtam gyis 'khod pa na/ tshe dang ldan pa gyad bu nor phyogs der 'ongs pa dang /de gnyis kyis nye dga' la smras pa tshe dang ldan pa nye dga' khyod kyang gal te dge 'dun gyis gnas mal 'bogs pa dang / zas la bsko bar bskos par gyur na/ kho bo cag la 'di lta ste/ dper na tshe dang ldan pa gyad bu nor ram/ kha cig bzhin du tho 'tshams bar 'gyur ro//nye dgas de gnyis la smras pa/ tshe dang ldan pa dag khyed gnyis dge 'dun mthun pas dge slong gang gnas mal 'bogs pa dang / zas la bsko bar bskos par shes bzhin du/ de la ngor 'phya ba dang / gzhogs 'phyas byed dam/ de gnyis kyis smras pa/kho bo cag gnyis ngur yang mi dbang ngam zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag khyed kyis dge slong mdza' bo dang / sa las skyes gnyis sam/gzhan yang de lta bu gang yin pa de gsol ba 'ba' zhig gi las kyis ngor 'phya ba dang / gzhogs 'phyas byed pa'i grangs su chug shig/ /dge slong rnams kyis de gnyis gsol ba 'ba' zhig gi las kyis ngor 'phya ba dang / gzhogs 'phyas byed pa'i grangs su bcug kyang /de gnyis tshe dang ldan pa gyad bu nor la ngor 'phya ba dang / gzhogs 'phyas byed nas/ dge slong don nyung ngu dag ci'i phyir dge slong dag dge 'dun mthun pas dge slong gang gnas mal 'bogs pa dang / zas la bsko bar bskos par shes bzhin du de la ngor 'phya ba dang /gzhogs 'phyas byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/dge slong mdza' bo dang / sa las skyes gnyis la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar smad de/bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'phya ba'am gzhogs 'phyas byed na ltung byed do zhes bca' ba mdzad de/ yul ni rgyal po'i khab/ gang zag ni mdza' bo dang sa las skyes gnyis/nyon mongs pa ni mi bzod pa/ nyes pa ni dge 'dun gyi las byed pa'i dge slong la 'phya ba dang / gzhogs 'phyas byed pa'o/ /de la 'phya'am gzhogs 'phyas byed na zhes bya ba ni 'phya ba dang gzhogs 'phyas bya ba'i bsam pas ngag dang /tshig dang / tha snyad dang / skad dang / brjod pa dang / nges pa'i tshig dang / tshig gi lam dang / tshig gi sgra dang / ngag gi las dang / ngag gi rnam par rig byed brjod na'o/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung rnam par gzhag pa dang / ltung ba med pa dang / bsrab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni/ dge slong gang dge 'dun gyis gang zag bcu gnyis kyi las su bskos pa las kyi sbyor ba bag yangs su byas pa yang rung /ma bskos pa las kyi sbyor ba bag yangs su ma byas pa yang rung la/ bdag dang 'brel pa'i don gyis skur bas ngor 'phya yang rung / gzhogs 'phyas byed kyang rung ba'i dge 'dun gyis de'i grangs su bcug nas/yang byed na 'phya ba'i ltung byed kyi dngos gzhir 'gyur ro/ /dge slong gi dge 'dun gyis gsol ba dang gnyis kyi las kyis gang zag bcu gnyis kyi las su bskos pa gang yang rung ba las kyi sbyor ba btang ba dang /ma bskos pa las kyi sbyor ba btang ba dag la na smad pa med do/ /de dag nyid bsnyen par rdzogs pa can ma nyams pa mtshan dang khas blangs pas rang gi phyogs su gyur ba nyid la na smad pa med do/ /bdag dang 'brel pa'i don gyis 'phya ba'am/ gzhogs 'phyas byed pa la na smad pa med do//'phya ba dang gzhogs 'phyas bya ba'i don brdzun gyis skur ba nyid la na smad pa med do/ /de dge 'dun gyis gsol ba'i las kyis 'phya ba dang gzhogs 'phyas byed pa'i grangs su bcug pa la na smad pa med do/ /'di'i byed pa po ni dge slong gang zag bcu gnyis kyi las su bskos pa las kyi sbyor ba bag yangs su byas pa dang /ma bskos pa las kyi sbyor ba bag yangs su ma byas pa dang / skur bas 'phya ba dang / gzhogs 'phyas byed pa'o/ /'di la yan lag lngas dngos gzhi'i ltung bar 'gyur te/dge slong dge 'dun gyis gang zag bcu gnyis kyi las su bskos pa la sbyor ba bag yangs su byas pa'am/ ma bskos pa sbyor ba bag yangs su ma byas pa dang / skur ba nyid dang / 'phya'am gzhogs 'phyas sam/ gnyi ga byed pa dang /bdag dang 'brel ba'i don dang / dge 'dun gyis de'i grangs su bcug pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du 'phya ba'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /dge slong dge 'dun gyis gang zag bcu gnyis kyi las su ma bskos pa las kyi sbyor ba bag yangs su byas pa la nyes byas so/ /dge slong nyams pa dang / ma chags pa la nyes byas so/ /dge slong ma la nyes byas so/ /bsnyen bar ma rdzogs pa dag la nyes byas so/ /phyi rol pa'i rab tu byung ba dang / khyim pa'i rtags can dang / mi ma yin pa'i 'gro ba pa dang / dud 'gro la nyes byas na smad do/ /gzhan gyi don du 'phya'am gzhogs 'phyas byed na nyes byas so//skur ba'i don brdzun pa la der 'du shes pa dang / yid gnyis za ba la nyes byas so/ /'phya ba dang gzhogs 'phyas nyid ma yin pa'i zur gzhan la nyes byas so/ /dge 'dun gyis 'phya ba dang / gzhogs 'phyas byed pa'i grangs su ma bcug pa la nyes byas so//sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed do/ /sbyor ba nyes byas kyi sbyor ba'i sbyor ba yang nyes byas te/ nyes byas phra mo'o/ /ltung ba med pa ni ma skur bar bden pa nyid yin na ltung ba med do//las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du 'phya ba'i ltung byed du 'gyur ba rnam pa thams cad du mi bsten par bslab par bya'o//gang zag rigs pa'i tshig cung zad tsam yang bzod cing dang du len par mi nus pa la bskul ba dang / dran par bya ba la sogs pa mngon sum du brjod par mi bya'o/ /cung zad tsam yang dang du len par mi nus pa'i gang zag de zhe sdang bar 'gyur na dge 'dun gyis las byed pa'i dge slong rang gis dge 'dun gyi las su bsko bar mi bya ste/brgyud pas ni bsko bar bya'o/ /ngor 'phya ba dang / gzhogs 'phyas byed pa'i dge 'dun gyi gsol ba 'ba' zhig gi las kyis ngor 'phya ba dang / gzhogs 'phyas byed pa'i grangs su mi gzhag par mi bya'o/ /'phya ba'i grangs su gzhug pa ni 'di ltar bya ste/ gnas mal bsham pa byas nas gaN+DI brdungs nas dris pa'i tshig gi sa dge slong rnams la yang dag par bsgo nas/ dge 'dun thams cad 'dug cing mthun par gyur pa la dge slong gcig gis gsol ba bya'o//'di lta ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong mdza' bo dang sa las skyes 'di gnyis 'tshal bzhin du/ dge slong gang dge 'dun mthun pas gnas mal 'bogs pa dang /zas la bsko bar bskos pa tshe dang ldan pa gyad bu nor de la ngor 'phya na gal te dge 'dun gyi dus la bab cing bzod na dge 'dun gyis gnang bar mdzod cig dang dge 'dun gyis dge slong mdza' bo dang sa las skyes gnyis ngor 'phya ba'i grangs su stsal to/ /'di ni gsol ba'o//gzhogs 'phyas byed pa'i grangs su gzhug pa ni 'di ltar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa la dge slong gcig gis gsol ba bya'o/'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong mdza' bo dang sa las skyes 'di gnyis 'tshal bzhin du dge slong gang dge 'dun mthun pas gnas mal 'bogs pa dang / zas la bsko bar bskos pa tshe dang ldan pa gyad bu nor de la gzhogs 'phyas bgyid na gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong mdza bo dang sa las skyes gzhogs 'phyas byed pa'i grangs su stsal to//'di ni gsol ba'o/ /phyir bcos pa ni snga ma bzhin no/ /'phya ba'i ltung byed de bcu gnyis pa bshad zin to// //bsgo ba rna la gzon pa'i ltung byed kyi gleng gzhi ni sangs rgyas bcom ldan 'das kau shAm+bI na gdangs can gyi kun dga' ra ba na bzhugs so//de'i tshe na tshe dang ldan pa 'dun pa ltung ba byung ba chos bzhin du phyir mi byed nas de la dge slong don 'dod pa/ phan pa 'dod pa/ bde ba la reg par 'dod pa/ grub pa dang bde ba 'dod pa rnams kyis smras pa/ tshe dang ldan pa 'dun pa ltung ba byung ba chos bzhin du phyir gyis shig /des smras pa/ su la ltung ba byung ba dang su 'gyod pa'i phyir byed par 'gyur ro/ /gal te tshe dang ldan pa khyed cag la ltung ba byung na kho bo'i mdun du ma 'chags par gzhan gyi mdun du shogs shig /tshe dang ldan pa khyed cag ni 'di lta ste/ dper na shing ljon pa dag gi lo ma sna tshogs rlung gi blags pa dag gcig tu ltung zhing gcig pu 'dug pa bzhin du rigs sna tshogs dang rus sna tshogs dang / khyim sna tshogs nas rab tu byung ba dag yin gyi/ kho bo'i 'phags pas ni byang chub thugs su chud pa yin no/ /zhes dge slong rnams kyis bsgo ba rnal gzon pa dang cang mi smra bas rnal gzon par byed pa'i skabs de dge slong rnams kyis bcom ldan 'das la gsol ba dang /bcom ldan 'das kyis bka' stsal pa/ dge slong dag khyed kyis dge slong 'dun pa dang / gzhan yang de lta bu gang yin pa de gsol ba 'ba' zhig gi las kyis bsgo ba rnal gzon pa dang cang mi smra bas rnal gzon pa'i grangs su chug shig /dge 'dun gyis de gsol ba 'ba' zhig gi las kyis bsgo ba rnal gzon pa dang cang mi smra bas rnal gzon pa'i grangs su bcug kyang / de dge slong rnams kyis bsgo ba rnal gzon pa dang /cang mi smra bas rnal gzon par byed nas/ dge slong don nyung ngu dag ci'i phyir dge slong dag dge slong rnams kyis bsgo ba rnal gzon pa dang cang mi smra bas rnal gzon par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ 'dun pa la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/bsgo ba rnal gzon na ltung byed do zhes bca' ba mdzad de/ yul ni kau shAm+bI/ gang zag ni 'dun pa/ nyon mongs pa ni log thabs byed pa/ nyes pa ni dge slong gis bsgo ba rnal gzon pa'o/ /de la bsgo ba rnal gzon na zhes bya ba ni bsgo ba rnal gzon pa'i bsam bas/ngag dang / tshig dang / tha snyad dang / skad dang / brjod pa dang / nges pa'i tshig dang / tshig gi lam dang / tshig gi sgra dang / ngag gi las dang / ngag gi rnam par rig byed brjod na'o/ /ltung byed do zhes bya ba ni snga ma bzhin no//de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gis gleng bar gtogs pa bsgo ba tshig gis rnal gzon par 'dun pas gzhan brjod pas rnal gzon na bsgo ba rnal gzon pa'i ltung byed kyi dngos gzhir 'gyur ro//dge slong rnams kyis gleng bar gtogs pa'i bsgo ba tshig gis rnal gzon pa la na smad pa med do//rnal gzon par 'dun pa'i bsam pa gang yang rung ba la na smad pa med do/ /ci tsam du gzhan 'dri ba la lan gzhan 'debs pa thams cad la na smad pa med do/ /'dis log thabs smras so//zhes nyan pa pos don go ba la na smad pa med do/ /'di'i byed pa po ni dge slong gis gleng bar gtogs pa'i bsgo ba tshig gis rnal gzon pa'o/ /'di la yan lag lngas dngos gzhi'i ltung bar 'gyur te/ dge slong gis dang / gleng bar gtogs pa'i bsgo ba dang /de'i tshig gis rnal gzon pa dang / der 'dun pa dang / dge 'dun gyis de'i grangs su bcug pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du bsgo ba rnal gzon pa'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /dge slong nyams pa dang / ma chags pa'i bsgo ba la nyes byas so/ /dge slong ma'i bsgo ba la nyes byas so/ /bsnyen par ma rdzogs pa'i bsgo ba la nyes byas so//phyi rol pa'i rab tu byung ba dang / khyim pa'i rtags can dang / mi ma yin pa'i 'gro ba pa dang / dud 'gro'i bsgo ba la nyes byas na smad do/ /gleng bar gtogs pa'i bsgo ba ma yin pa la nyes byas so/ /cang mi smra bas rnal gzon na nyes byas so//mi dran no zhes rnal gzon na nyes byas so/ /nyan pa pos don ma go ba la nyes byas so/ /dge 'dun gyis de'i grangs su ma bcug pa la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te/nyes byas phra mo'o/ /ltung ba med pa ni der 'dun pa med pa dang / gzhan la brjod pa la ltung ba med do/ /gal te brjod par bya ba ni sdug bsngal bar gyur pa yin na gzhan brjod pa la ltung ba med do/ /de'i phyir gsad par bya ba mthong ngam zhes 'dri ba la re zhig me 'di shig /re zhig skom 'thung shig /re zhig ngal so shig /nam mkha' mthong ngo / /sen mo mthong ngo / /don dam par ni sems can nam gsad par bya ba ma mthong ngo zhes smra na ltung ba med do/ / las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du bsgo ba rnal gzon pa'i ltung byed du 'gyur ba rnam pa thams cad mi bsten par bslab par bya'o//gang du che bzhi nyid bya dgos par gyur pa'i gnas der bsten par mi bya'o/ /gnod pa'i sgo ma bcad pas che bzhi dbye bar mi bya'o/ /dge slong gis bsgo ba'i tshig gis rnal gzon pa dang cang mi smra bas rnal gzon pa dge 'dun gyis gsol ba 'ba' zhig gi las kyis bsgo ba rnal gzon pa dang cang mi smra bas rna la gzon pa'i grangs su mi gzhug par mi bya'o//bsgo ba rna la gzon pa'i grangs su gzhug pa ni 'di ltar bya ste/ gnas mal bsham pa byas nas gaN+DI rdungs te dris pa'i tshig gis dge slong rnams la yang dag par bsgo nas/dge 'dun thams cad 'dug cing mthun par gyur pa la dge slong gcig gis gsol ba bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ tshe dang ldan pa 'dun pa ni ltung ba byung yang chos bzhin du slar mi bgyid de/'di la dge slong don 'tshal ba/ phan pa 'tshal ba/ bde ba 'tshal ba/ bde ba la reg par 'tshal ba/ grub pa dang / bde ba 'tshal ba rnams kyis gzhi des glengs kyang / dge slong rnams kyis bsgo ba rna la gzon na gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis tshe dang ldan pa 'dun pa bsgo ba rnal gzon pa'i grangs su stsal to/ /'di ni gsol ba'o/ /cang mi smra bas rnal gzon pa'i grangs su gzhug pa ni 'di ltar bya ste/gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la dge slong gcig gis gsol ba bya'o/ /'di ltar bya ste/'dug la 'di skad ces brjod par bya'o/ /dge 'dun btsun pa rnams gsan du gsol/ tshe dang ldan pa 'dun pa 'di ltung ba byung yang / chos bzhin du slar mi bgyid de/ 'di la dge slong don 'tshal ba/ phan pa 'tshal pa/ bde ba 'tshal ba/ bde ba la reg par 'tshal ba/grub pa dang bde bar 'tshal ba rnams kyis gzhi des glengs kyang / dge slong rnams la cang mi smra bas rna la gzon na/ gal te dge 'dun gyi dus la bab cing bzod na/ dge 'dun gyis gnang bar mdzod cig dang / dge 'dun gyis tshe dang ldan pa 'dun pa cang mi smra bas rna la gzon pa'i grangs su stsal to//'di ni gsol ba'o/ /phyir bcos pa ni snga ma bzhin no/ /bsgo ba rna la gzon pa'i ltung byed de bcu gsum pa bshad zin to// //so sor thar pa'i mdo rgya cher 'grel pa 'dul ba kun las btus pa/ bam po nyi shu gcig pa/gnas mal gyi ltung byed kyi gleng gzhi ni bcas pa dang gnang ba'i dbang gis rnam pa gnyis te/ bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na khyim bdag gcig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs pa dang /dge slong gi dge 'dun ni zhugs so/ /bcom ldan 'das ni rdzas las byung ba na bzhugs shing bsod snyoms mngon par bsgrubs so/ sangs rgyas bcom ldan 'das rnams ni rgyu lngas rdzas las byung ba na bzhugs shing bsod snyoms mngon par sgrub par mdzad de/lnga gang zhe na/ nang du yang dag 'jog bzhed pa dang / lha rnams la chos ston par bzhed pa dang / nad pa la lta bar bzhed pa dang / gnas mal la rtog par bzhed pa dang / 'dul ba la nyan thos rnams kyi bslab pa'i gzhi 'cha' bar bzhed pa dang / don 'di ni bcom ldan 'das gnas mal la rtog par bzhed pa dang / 'dul ba la nyan thos rnams kyi bslab pa'i gzhi 'cha' bar bzhed pas rdzas las byung ba na bzhugs shing bsod snyoms mngon par sgrub pa mdzad do/de nas bcom ldan 'das kyis dge slong gi dge 'dun song nas ring po ma lon par thugs su chud nas lde mig bsnams te kun dga' ra ba nas kun dga' ra bar/ gtsug lag khang nas gtsug lag khang du/ khang khyim nas khang khyim du/ 'chag sa nas 'chag sar dang / gol bar gshegs shing mthar gyis gshegs pa na khang pa chen po'i gtsug lag khang zhig ga la ba der gshegs so/ /de'i tshe na khang pa chen po'i gtsug lag khang de na gnas mal rab tu mang po dag bla gab med par gzhag cing dus ma yin pa'i sprin chen po yang 'dus par gzigs nas/e ma'o zhes gsungs shing smad nas/ 'di snyam du dgongs te/ bram ze dang khyim bdag dad pa can dag gis pags pa dang sha dang / khrag dag btsir cing btsir cing sbyin pa dag sbyin/ bsod nams dag byed pa gang yin pa de la dge slong dag drod mi shes pa dang /so sor mi rtog par yongs su longs spyod par byed do snyam du dgongs nas/ rdzu 'phrul gyis dus ma yin pa'i sprin chen po de phyir dgag pa mdzad de/ bcom ldan 'das kyis rdzu 'phrul gyis dgag pa mdzad pas de steng gi bar snang la chu lon lta bur gyur te/mtha' nar bar 'dug cing shas cher bcom ldan 'das la sdod cing 'dug go/ /de nas bcom ldan 'das kyis gnas mal rab tu mang po de dag skyabs yod par brubs nas/ dbyar gyi na bza' ras chen bsnams te/ sku bsil bar bzhed nas bang rim na bzhugs so//de nas bcom ldan 'das kyis dus ma yin pa'i sprin chen po de dgag pa'i rdzu 'phrul de slar bsdu ba mdzad de/ bcom ldan 'das kyis rdzu 'phrul de slar bsdu bar mdzad nas 'brug grags shing char gyis gshong dang thang thams cad tshim par gyur to/ /de nas bcom ldan 'das sku bsil nas zhabs gnyis bsil te/nang du yang dag 'jog gi slad du gtsug lag khang du gshegs so/ /de nas dge slong bsod snyoms sgrub pas bsod snyoms blangs nas bcom ldan 'das ga la ba der song ngo / / sangs rgyas bcom ldan 'das rnams ni chos nyid kyis bsod snyoms sgrub pa'i dge slong la dge slong ji ltar zas bsod dam/ dge slong gi dge 'dun tshim par byas sam zhes so sor kun dga' bar mdzad pa 'dis so sor kun dga' bar mdzad pa yin pas/ bcom ldan 'das kyis dge slong bsod snyoms sgrub pa la dge slong ji ltar zas bsod dam/dge slong gi dge 'dun tshim par byas sam zhes so sor kun dga' bar mdzad pa dang / des gsol pa/ btsun pa te por zas bsod cing dge slong gi dge 'dun tshim par bgyis so/ /de nas bcom ldan 'das zhal zas kyi bya ba mdzad nas gtsug lag khang gi slad rol du zhabs gnyis bsil te/nang du yang dag 'jog gi slad du gtsug lag khang du gshegs so/ /de nas bcom ldan 'das phyi dro nang du yang dag 'jog las bzhengs nas dge slong gi dge 'dun gyi gung la gdan bshams pa nyid la bzhugs so//bzhugs nas bcom ldan 'das kyis dge slong rnams la bka' stsal pa/ dge slong dag ngas 'di na dge slong gi dge 'dun song nas ring po ma lon par shes nas lde mig khyer te/ kun dga' ra ba nas kun dga' ra bar/gtsug lag khang nas gtsug lag khang du/ khang khyim nas khang khyim du/ 'chag sa nas 'chag sar dang / gol bar song zhing mthar gyis 'gro ba na/ khang pa chen po'i gtsug lag khang zhig ga la ba der phyin nas/ khang pa chen po'i gtsug lag khang de na gnas mal rab tu mang po dag bla gab b+hu med par gzhag cing dus ma yin pa'i sprin chen po 'dus par mthong ngo //mthong nas kyang e ma'o zhes byas te smad nas/ 'di snyam du bram ze dang / khyim bdag dad pa can dag gis pags pa dang / sha dang / khrag dag btsir cing btsir cing sbyin pa dag sbyin/bsod nams dag byed pa gang yin pa de la dge slong ngag drod mi shes pa dang so sor mi rtog par yongs su longs spyod do snyam du dgongs shing dge slong dag khyed kyis dad pas sbyin par bya ba la drod ran par yongs su longs spyod pa dang / spang zhing yongs su longs spyod pa dang / dus su yongs su longs spyod pa dang / brtag cing yongs su longs spyod pa dang / khad kyis yongs su longs spyod na legs so/ /de nas bcom ldan 'das kyis drod ran pa dang / spangs pa dang / dus dang / brtag pa dang / khad kyis yongs su longs spyod pa'i bsngags pa brjod nas/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun gyi khri'am/ khri'u 'am/ stan nang tshangs can nam/ la ba'am/ sngas sam/ gor bu bla gab med par bting ngam/ 'ding du bcug nas ma bsdus sam/ sdud du ma bcug gam/ dge slong 'khod pa la ma bcol bar de nas song na ltung byed do zhes bca' ba mdzad de/ yul ni mnyan yod/ gang zag ni dge slong rab tu mang po/ nyon mongs pa ni drod mi shes pa dang / so sor mi rtog par yongs su longs spyod par byed pa/ nyes pa ni gnas mal rab tu mang po dag bla gab med par gzhag pa'o/ /gnang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//dge slong rab tu mang po dag 'gron pa don mthun dang lhan cig ljongs rgyur 'dong ba na ri brags shig tu phyin nas/ de dag gis ri brags der gnas btsal bar brtsams pa dang / ri brags de na gtsug lag khang zhig yod na de dag la mi zhig gis smras pa/ 'phags pa dag khyed cag gtsug lag khang du mi gnas sam/ bzhin bzangs mi gnas te/ kho bo cag ni 'gron pa don mthun la rag las pa yin pas/ gal te kho bo cag gtsug lag khang du gnas par gyur na 'gron pa don mthun gyis kho bo cag bor te 'gro bar 'gyur ro//des smras pa/ 'phags pa dag bzhud la gtsug lag khang du gzims shig dang / 'gron pa don mthun cha ba'i dus kyi tshe bdag gis 'phags pa dag bslab bar bgyi'o//de dag gtsug lag khang du dong ste gnas mal bshams nas nyal lo/ /nang par 'gron pa don mthun chas te glang tha ma bkal zin pa dang / de nas mi des de nas song ste dge slong de dag la smras pa/ 'phags pa dag 'gron pa don mthun chas kyis myur du spyon cig /de dag ji srid du lag pa dag snyol bar byed/ so shing 'dor bar byed/ gnas mal dag gtod par byed pa de srid du/ 'gron pa don mthun thal bar gyur nas/ de dag phyi bzhin 'brang zhing 'dong ba na chom rkun pa dag gis bcom par gyur nas de dag mthar gyis gtsug lag khang du phyin pa dang /de dag dge slong rnams kyis mthong nas smras pa/ tshe dang ldan pa dag 'ongs pa legs so 'ongs pa legs so/ /ji ltar bde bar brgyus sam/ tshe dang ldan pa dag bde bar brgyus re skan/ ci nyes/ tshe dang ldan pa dag kho bo cag chom rkun pa dag gis bcom mo zhes zer ba'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ dge slong 'khod pa dag la bcol bar bya'o/ /bcom ldan 'das kyis dge slong 'khod pa dag la bcol bar bya'o zhes bka' stsal nas mnyan yod na khyim bdag gnyis shig 'khod pa de gnyis phan tshun khon yod cing /gcig ni dad pa dang ldan pa yin la/ gcig ni ma dad pa dang ldan pa yin nas/ dad pa can gyis bsams pa/ kho na spel bas ci bya ste/ kho na zhi bar byas te song la rab tu 'byung bar bya'o snyam nas/ de rgyal byed kyi tshal du song nas dge slong zhig gi gan du rab tu byung ngo / /khyim bdag ma dad pa shos des rgyal byed kyi tshal du rab tu byung ngo zhes mi zhig las thos nas smras pa/ ci de mi 'jigs pa'i grong khyer yin nam/kho bo der yang song la gnod par bya'o/ /dge slong des thos nas de rgyal po'i khab tu 'phags pa dang / des bsnyags so/ /dge slong ni dus su 'gro zhing dus ma yin par mi 'gro la/ khyim pa ni dus su yang 'gro /dus ma yin par yang 'gro bas dge slong de ri brags kyi gtsug lag khang zhig tu zhugs pa dang /khyim bdag des mthong ngo / /dge slong de nang par snga bar langs te/ dge slong rnams la gnas mal gtad pa dang / dge slong rnams kyis smras pa/ tshe dang ldan pa lam 'di ni dogs pa dang bcas pa yin gyi 'di nas ma 'gro shig /'di ni lam gzhan yin gyi de nas song shig /de lam de nas song ba dang / khyim bdag des bsnyegs nas shin tu brdegs te/ lhung bzed kyang bcag /chos gos kyang dral nas/ tha ma ma shi tsam du byas te btang nas de gtsug lag khang de nyid du phyir phyin pa dang /dge slong rnams kyis smras pa/ tshe dang ldan pa ci'i phyir khyod gnas skabs 'di lta bur gyur/ des gnas skabs 'di dge slong rnams la rgyas par brjod nas yang smras pa/ gal te kho bos tshe dang ldan pa dag gis bstan pa ltar ma byas na kho bo gnas skabs 'di 'dra bar mi 'gyur ro zhes zer ba'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal ba/ de 'dra ba'i rkyen ma gtogs so/ /de nas bcom ldan 'das kyis bslab ba 'dod pa dang / bslab pa la gus pa dang /bslab pa la yo byad bsnyungs pa'i bsngags pa brjod nas dge slong rnams la de dang mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas/ dge slong rnams la bka' stsal pa/ dge slong dag de lta bas na snga ma ni bcas pa yin la/'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dag dge 'dun gyi khri'am/ khri'u'am/ stan nang tshangs can nam/ la ba'am/ sngas sam/ gor bu bla gab med par bting ngam/'ding du bcug nas ma bsdus sam sdud du ma bcug gam dge slong 'khod pa la ma bcol bar de nas song na de 'dra ba'i rkyen ma gtogs te ltung byed do zhes bca' ba mdzad de/ yul ni mnyan yod/ gang zag ni chos 'di pa/nyon mongs pa dang nyes pa ni med do/ /de la yang dge slong gang zhes bya ba ni chos 'di pa'o/ /dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o/ /khri'am zhes bya ba ni khri nyid do/ /khri'u'am zhes bya ba yang khri'u nyid do/ /stan nang tshangs can nam zhes bya ba ni shing bal can no//la ba'am zhes bya ba ni la ba nyid do/ /sngas sam zhes bya ba ni sngas su gzhug pa'o/ /gor bu zhes bya ba ni gru bzhi'o/ /bla gab med pa zhes bya ba ni ma g.yogs par ro/ /bting ngam zhes bya ba ni rang gis so/ /'ding du bcug nas zhes bya ba ni gzhan no//ma bsdus sam zhes bya ba ni rang gis so/ /sdud du ma bcug gam zhes bya ba ni gzhan no/ /dge slong 'khod ba la zhes bya ba ni de na dge slong gang 'dug pa la'o/ /ma bcol bar zhes bya ba ni bcol ba ni rnam pa lnga ste/ gtsug lag khang 'od re zhes bya ba dang /gtsug lag khang ltos shig ces bya ba dang / gnas mal 'de re zhes bya ba dang / gnas mal sdus shig ces bya ba dang / sgo lcags chug cig ces bya ba nyid ni lnga pa'o/ /gal te dge slong med na dge tshul la bcol bar bya'o/ /gal te dge tshul med na khyim bdag la bcol bar bya'o//gal te khyim bdag med na phyogs bzhir rnam par bltas te lde mig sbas te 'gro bar bya'o/ /gal te lam khar dge slong mthong na kho bos phyogs che ge mo zhig tu lde mig sbas kyi long shig ces brjod par bya'o/ /de nas song nas zhes bya ba ni nye 'khor spangs na'o//de'i nye 'khor ni 'dom bzhi bcu dgu tshun chad de/ de yang rtsig pa la sogs pas ma bskor ba la ni drung nyid nas so/ /bskor ba la ni sgo gang nas so/ /de 'dra ba'i rkyen ma gtogs te zhes bya ba ni de 'dra ba'i rkyen bzhag ste'o//ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni dge slong gis dge 'dun gyi gnas mal khri dang / khri'u dang / stan nang tshangs can dang / la ba dang / sngas dang / gor bu la sogs pa gnas mal gyi yan lag tu gtogs pa gang yang rung ba rang ngam bskos pas bla gab med par gzhag pa ma bsdus sam/sdud du ma bcug gam/ dge slong 'khod pa la ma bcol bar 'dom bzhi bcu rtsa dgu'i mtha' las 'das par song na gnas mal phan tshun du ma gyur kyang rung de nyid du gnyid log gam snyoms par zhugs te gnas mal phan tshun du gyur na nye 'khor las ma 'das kyang rung ste/gnas mal gyi ltung byed kyi dngos gzhir 'gyur ro/ /dge 'dun thams cad kyi gnas mal la na smad pa med do/ /gnas mal khri dang / /khri'u dang / stan nang tshangs can dang / la ba dang / sngas dang /gor bu dang / dre'u rdog dang / dbyam po dang / be'u ras la sogs pa gnas mal gyi yan lag tu gtogs pa gang yang rung ba la na smad pa med do/ /dge 'dun gyi gnas mal nyid rang ngam bskos pas bla gab med par gzhag pa la na smad pa med do/ /ma bsdus sam sdud du ma bcug gam dge slong 'khod pa la ma bcol ba la na smad pa med do//brjed pas kyang rung ma brjed par blo sngon du btang bas kyang rung ste/ 'dom bzhi bcu rtsa dgu'i mtha' las 'das par song na gnas mal phan tshun du ma gyur pa la yang na smad pa med do//de nyid du gnyid log gam snyoms par zhugs pa la sogs pas gnas mal phan tshun du gyur na 'dom bzhi bcu rtsa dgu'i mtha' las ma 'das kyang na smad pa med do/ /'dom bzhi bcu rtsa dgu'i mtha' las kyang 'das la gnas mal phan tshun du yang gyur pa la na smad pa med do//spyod pa ni byed pa dang 'dra bas gzhan gyis gnas mal bla gab med par bting ba la spyod pa gang yin pa de 'gro ba dang / de nyid na 'dug pa ni rang gis 'ding bar byed pa dang 'dra ste/ gal te bdag gcig pu spyod spyod na bdag nyid la na smad pa med do//gzhan yang gnyis cig car spyod spyod pa la ni/ phyis langs pa la na smad pa med do/ /gal te gnyi ga mnyam du langs na gzhon pa shos la na smad pa med do/ gal te gnyi ga lo mnyam pa yin na gnyi ga la na smad pa med do/ /gnas mal gyi nye 'khor ni 'dom bzhi bcu rtsa dgu tshun chad de/de yang rtsig pa la sogs pas ma bskor ba la ni drung nyid nas so/ /bskor ba la ni sgo gang nas te/ de las 'das pa la na smad pa med do/ /gnas mal gyi phan tshun ni rnam pa gsum ste/ rlung gis bzlog pa dang / char pas rim pa gzhan slebs pa dang /sril la sogs pas rim pa gzhan slebs pa ste/ phan tshun rnam pa de gsum las gang byung yang rung ste na smad pa med do/ /bcol ba'i yul ni dge slong ngo tsha med pa dang / nad dang bcas pa dang / rgas pa dang / na ba dang / bsnyen par ma rdzogs pa ma gtogs pa dge slong bsnyen par rdzogs pa rang bzhin du gnas pa/lta ba dang mtshan mthun pa la bcol ba rnam pa lnga po gtsug lag khang 'di re zhes bya ba dang / gtsug lag khang ltos shig ces bya ba dang / gnas mal 'de re zhes bya ba dang / /gnas mal sdus shig ces bya ba dang /sgo lcags chug cig ces bya ba dag las gang yang rung ba ma byas pa la na smad pa med do/ /bsod snyoms kyi don nyid du song ba la na smad pa med do/ /phan tshun du gyur pa dang nye 'khor gyi mtshams las 'das pa gnyi ga'am gang yang rung ba la na smad pa med do//'di'i byed pa po ni dge 'dun gyi gnas mal nyid rang ngam/ bskos pas bla gab med par gzhag pa byas pa lta bu ni byed pa lta bu ni byed pa po dag yin no/ /'di la yan lag lngas dngos gzhi'i ltung bar 'gyur te/ dge 'dun gyi gnas mal nyid/rang ngam bskos pas bla gab med par gzhag pa dang / ma bsdus sam sdud du ma bcug gam/ dge slong 'khod pa la ma bcol ba dang / nye 'khor las 'das sam/ de nyid du gnyid log gam/ snyoms par zhugs pa la sogs pa dang / phan tshun gsum po rlung gis bzlog gam/char pas rim pa gzhan slebs sam/ sril la sogs pas rim pa gzhan slebs pa gang byung yang rung ba'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du gnas mal gyi ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /gang zag gi gnas mal la nyes byas so/ /dge slong ma'i dge 'dun gyi gnas mal la nyes byas so/ /phan tshun dang nye 'khor gyi mtshams las 'das pa'i mdun rol du sbyor ba'i nyes byas so//spyod pa ni byed pa dang 'dra bas gzhan dang gnyis cig car spyod spyod pa la ni sngar langs pa la nyes byas so/ /gal te gnyi ga mnyam du langs na rgan pa shos la nyes byas so/ /bcol ba'i yul dge slong ngo tsha med pa dang / nad dang bcas pa dang /rgas pa dang / na ba dang / bsnyen par ma rdzogs pa rnams la bcol ba la nyes byas so/ /bcol ba rnam pa lnga po gtsug lag khang 'di re zhes bya ba dang / gtsug lag khang ltos shig ces bya ba dang / gnas mal 'de re zhes bya ba dang / gnas mal sdus shig ces bya ba dang /sgo lcags chug cig ces bya ba dag las gang yang rung ba dngos su ma smras pa la nyes byas so/ /re zhig gi dus su gzhan 'dug pa'i bar du yang phan tshun du gyur na nyes byas so/ /sbyor ba thams cad la nyes byas so/ /bslab par bya ba las 'das pa la nyes byas so//sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te/ nyes byas phra mo'o/ /ltung ba med pa ni/ brtul ba byas sam byed du bcug pa la ltung ba med do//bcol ba'i dge slong yod pa la ltung ba med do/ /gser la sogs pa rin po che dge slong gis reg par bya ba ma yin pa nyid bla gab med par gzhag ste ma brtul lam/ brtul du ma bcug par de nas song ba la ltung ba med do//tshul khrims dang / srog gi bar chad la sogs pa'i nyam nga ba dang / phrad pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du gnas mal gyi ltung byed du 'gyur pa rnam pa thams cad du mi bsten par bslab bar bya'o//nye 'khor las 'das pa'i phyir 'gro ba dang / de nyid du gnyid log pa dang / snyoms par 'jug pa la sogs pa mi bya bar bslab par bya'o/ / brtul ba dang brtul du gzhug par bya'o/ /dge slong 'khod pa la bcol bar bya'o/ /dge slong ngo tsha med pa dang / nad dang bcas pa dang / rgas pa dang / na ba dang / bsnyen par ma rdzogs pa rnams la bcol bar mi bya'o/ /bcol ba rnam pa lnga po las gang ya nga rung ba dag bya'o//brtul bar bya ba bting ste bsod snyoms la zhugs pa na/ gal te rlung dang char ba 'ong na gtsug lag khang na 'khod pa rnams kyis brtul bar bya'o/ /gal te brjed pas lam ring du 'das sam phyin nas dran pa rnyed na phyin chad 'di ltar mi bya'o zhes sems bskyed par bya zhing tshig tu yang brjod par bya'o//gal te dge slong lam nas tshur 'ong ba zhig dang phrad par gyur na de la bcol bar bya'o/ /khas blangs pas son pa nyid ni de bya ba nyid do/ /gnas nas 'phags par gyur pa ni nyam nga ba dang phrad par mi 'gyur ba lta na gnas mal bsdu bar bya'o//gal te dri ma can du gyur na sprug par bya'o/ /gnas mal g.yar por spyad pa 'gro khar dbul bar bya'o/ /gal te dus kyis mi mthun cing nyam nga ba dang phrad par 'gyur ba lta na gzhan la bcol bar bya'o/ / su la bcol zhe na/ dge slong la'o/ /de med na dge tshul la'o/ /de yang med na khyim bdag la'o/ /thams cad med na phyogs bzhir rnam par bltas te lde mig sbas nas 'gro bar bya'o/ /gal te lam kar dge slong mthong na phyogs de de la brjod par bya'o/ /gal te 'ongs pa na khyim gzhan du mgron du bos shing sgo bcad par gyur na rtsig drung ngam shing ljon pa'i drung du stan gzhag ste 'jug par bya'o//dge slong dag mgron du 'bod pa'i khyim gzhan der gtsug lag khang dang 'brel ba'i stan dag g.yar por sbyin no/ /dge slong dag rang nyid kyis khyim gzhan de nas stan de dag phyir bskur bar mi bya'o//gnas mal khyim gzhan nas gtsug lag khang du phyir bskur ba de ni khyim pa dang dge tshul dag gi las yin no/ /khyim pa dang dge tshul dag med na bskyal ba'i phyir khyim bdag la bcol te 'dod bar bya'o//gal te khyim bdag dag bdag cag gis bskyal lo zhes zer na gzhag ste 'dong bar bya'o/ /de dag gis ma bskyal na nye gnas dag gis blang bar bya'o/ /nye gnas dag med na gnas brtan dang / dge slong dag rang gis blang bar bya'o/ / gal te dge slong thams cad kyis blang bar bya dgos na gaN+DI brdung bar bya'o/ /yon bdag dag gtsug lag khang du lhags te rang gi don du stan dag g.yar po byed na g.yar por sbyin par bya'o/ /de dag bsrung ba'i phyir dge slong yang gzhag par bya'o/ /dge slong srung mar gzhag pa des khyim pa dag bza' btung byed cing gtam zer ba'i nang du mi 'jug par phyogs gcig tu bsdad par bya'o//des rang gi las bsam gtan dang kha ton dang klog pa dang 'dri ba la sogs pa gang yin pa de dag kyang bya'o/ /des gdan cha de dag la sems gtad cing ye mig cher bya'o//yon bdag dag dong na gdan cha de dag brtul bar bya'o/ /gdan cha khyim pas ma rung bar byas pa yod na dge skos la sogs pas byi dor bya'o/ /chang gis ma rung na chu dag gis bkru'o/ /snum gyis ma rung na chal gyis byi dor bya'o//mi gtsang bas ma rung na sa'am 'dag rdzas sam lci bas sbyang ngo / /'breng bu la sogs pa las byas pa'i thags ma dag mi gtsang bar 'gyur ba 'dag rdzas kyis ma dag na bcad de bor zhing sar ba dag gis yang glan bar bya'o//gdan cha gang dag la khyim pa 'dug 'dug pas gal te ma brtul bar 'dug pa mthong na dge slong gang gis mthong ba de nyid kyis de dag brtul bar bya ba nyid yin no/ /gal te mthong ba rgas pa'am/ na ba yin na des dge skos la sbran cing brtul tu gzhug par bya ba nyid yin no//mtshams der gtogs pa'i dge slong mi na ba thams cad kyis nad pa blta bar bya'o/ /nad pa'i drung du 'dug ste blta bar bya'o/ /nad pa blta ba de rang gi stan thogs te 'gro bar mi bya'o/ /nad pa'i nad g.yog gis der stan dag bsham par bya'o//mkhan po'am slob dpon dge ba'i phyogs la 'gro na slob ma dang nye gnas dag gis gal te gzhan gyis dge pa'i phyogs mi 'phel na phyi bzhin 'gro bar bya'o/ /slob ma'am nye gnas des bdag kyang slad bzhin mchi'o zhes ma zhus par mkhan po'am slob dpon gyi stan mi bskur ro//slob ma la sogs pas stan phar khyer ba de slob dpon la sogs pas rang nyid kyis phyir bskur bar bya'o/ /bla gab med par chos nyan pa na rlung dang char byung na rang rang gi stan brtul bar bya'o/ /rgan po rnams kyi gnas mal gzhon rabs kyi bas mtho zhing che bas lci ba nyid kyi phyir rang gis brtul mi nus na gzhon nu rnams dang brtul ba'i las brje bar bya'o//gnas mal mthun pa dang mthun par gzhag par bya ste/ gor bu yang gor bu dag dang / dbyam po yang dbyam po dag dang /khri la sogs pa yang khri la sogs pa dag dang mthun mthun du gzhag par bya'o/ /gtsug lag khang gzhan du dge slong dag gdan cha dang / mchod pa'i rdzas dag rnyed na dge 'dun du langs pa'i dge slong dag gis bskur bar bya'o/ /gal te de'i tshe char 'bab pa dang char 'bab tu dogs pa med na bskur bar bya'o//gal te lam kar rlung dang char byung na shing ljon pa'am rtsig drung du bcer bar bya'o/ /bcer ba de srung ba dag gis rdzas ngan pa cig gis g.yogs par bya'o/ /gtsug lag khang du phyin nas rdzas rnams skam bsrad bya'o//gang yang rung bar me shor tam chu byung na dang por rang gi lhung bzed dang / chos gos dang gang zag gi rdzas gdon par bya zhing / phyis dge 'dun gyi yang gdon par bya'o/ /bton zin pa bsrung ba'i phyir dge slong chen po mi nus pa gzhag par bya'o//me dang chu dang brnag mi bzod pa khyad du bsad du mi rung ba'i nang du rdzas gdon pa'i ched du 'jug par mi bya'o/ /phyir bcos pa ni snga ma bzhin no/ /gnas mal gyi ltung byed de bcu bzhi ba bshad zin to// //gding ba'i ltung byed kyi gleng gzhi ni bcas pa dang gnang ba'i dbang gis rnam pa gnyis te/bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /lho phyogs nas dge slong rgan pa dang gzhon pa gnyis shig bcom ldan 'das kyi zhabs la phyag 'tshal du mnyan yod du 'ongs nas rgan pa shos kyi gtsug lag khang ni gnas mal dang bcas pa zhig tu bskos/gzhon pa shos kyi gtsug lag khang ni gnas mal med pa zhig tu bskos pa dang / gzhon pa shos de sgrub phod pa zhig yin pas des rtswa mang po zhig blangs nas pus mo nub tsam gyi gding ba bshams so//rgan pa des bsams pa/ gzhon nu de'i gtsug lag khang ji lta bu zhig tu bskos pa ji bltas 'gro'o snyam nas de der song ba dang / ji tsam na gding ba bzang po bshams pa mthong nas des bsams pa/bdag ji srid du gnas mal phyir gtod par byed pa de srid du yang 'gro ba 'phyis par 'gyur gyi 'di nyid du 'dug go snyam nas/ des gnas mal dang bcas pa'i gtsug lag khang de dge slong gnas mal 'bogs pa la phyir gtad nas/de gnyi ga gtsug lag khang der mtshan mo gnas nas nang par sngar langs te dong ngo / /phyogs de snum zhing dngar ba yin pas rtswa bting ba dag la sril dag chags nas gtsug lag khang de'i phyi nang bcas pa thams cad sril gyis khyab par gyur to//de'i tshe na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs ba dang / dge slong gi dge 'dun ni zhugs so/ /bcom ldan 'das ni rdzas las byung ba na bzhugs shing bsod snyoms mngon par bsgrubs so//sangs rgyas bcom ldan 'das rnams ni rgyu lngas rdzas las byung ba na bzhugs shing bsod snyoms mngon par sgrub par mdzad de/ lnga gang zhe na/ nang du yang dag 'jog bzhed pa dang / lha rnams la chos ston par bzhed pa dang /nad pa la lta bar bzhed pa dang / gnas mal la rtog par bzhed pa dang / 'dul ba la nyan thos rnams kyi bslab pa'i gzhi bca' bar bzhed pa'o/ /don 'dir ni bcom ldan 'das gnas mal la rtog par bzhed pa dang / 'dul ba la nyan thos rnams kyi bslab pa'i gzhi 'cha' bar bzhed pas rdzas las byung ba na bzhugs shing bsod snyoms mngon par sgrub par mdzad do//de nas bcom ldan 'das kyis dge slong gi dge 'dun song nas ring po ma lon par thugs su chud nas lde mig bsnams te kun dga' ra ba nas kun dga' ra bar/gtsug lag khang nas gtsug lag khang du/ khang khyim nas khang khyim du/ 'chag sa nas 'chag sar dang / gol bar gshegs shing mthar gyis gshegs pa na/ gtsug lag khang de ga la ba der gshegs pa dang /bcom ldan 'das kyis gtsug lag khang de sril dag gis phyi nang thams cad khyab par gzigs so/ /gzigs nas kyang e ma zhes gsungs shing smad nas 'di snyam du dgongs te/ bram ze dang khyim bdag dad pa can dag gis pags pa dang / sha dang khrag dag btsir zhing btsir zhing sbyin pa dag sbyin/ bsod nams dag byed pa gang yin pa de la dge slong dag drod mi shes pa dang / so sor mi rtog par yongs su longs spyod par byed do snyam du dgongs so/ /de nas bcom ldan 'das kyis ci nas kyang sril dag kyang logs shig tu 'gyur zhing rtswa dag kyang logs shig tu 'gyur ba de lta bu'i rdzu 'phrul mngon par 'du bya ba mngon par 'du mdzad nas/'khor lo dang bkra shis dang g.yung drung dang / lcags kyo dag dang ldan pa'i phyag dra bas 'brel pa bsod nams brgya phrag du ma las 'khrungs pa gnyis kyis sril de dag legs par bsdus te bsil ba'i phyogs su gzhag par mdzad do//de nas bcom ldan 'das kyis gtsug lag khang de chag chag btab ste/ phyag dar mdzad nas nyal nyil gtsug lag khang gi phyi rol du bor te/phyag dang zhabs gnyis bsil nas nang du yang dag 'jog gi slad du gtsug lag khang du gshegs so/ /de nas dge slong bsod snyoms sgrub pas bsod snyoms blangs nas bcom ldan 'das ga la ba der song ngo / /sangs rgyas bcom ldan 'das rnams ni chos nyid kyis bsod snyoms sgrub pa'i dge slong la dge slong ji ltar zas bsod dam/dge slong gi dge 'dun tshim par byas sam zhes so sor kun dga' bar mdzad pa 'dis so sor kun dga' bar mdzad pa yin pas bcom ldan 'das kyis dge slong bsod snyoms sgrub pa la dge slong ji lta zas bsod dam dge slong gi dge 'dun tshim par byas sam zhes so sor kun dga' bar mdzad pa dang /des gsol pa/ btsun pa te bor zas bsod cing dge slong gi dge 'dun tshim par bgyis so/ / de nas bcom ldan 'das zhal zas kyi bya ba mdzad nas gtsug lag khang gi slad rol du zhabs gnyis bsil te/ nang du yang dag 'jog gi slad du gtsug lag khang du gshegs so/ /de nas bcom ldan 'das phyi dro nang du yang dag 'jog las bzhengs nas dge slong gi dge 'dun gyi gung la gdan bshams pa nyid la bzhugs so//bzhugs nas bcom ldan 'das kyis dge slong rnams la bka' stsal pa/ dge slong dag ngas 'di na dge slong gi dge 'dun song nas ring po ma lon par shes nas/lde mig khyer te/ kun dga' ra ba nas kun dga' ra bar/ gtsug lag khang nas gtsug lag khang du/ khang khyim nas khang khyim du/ 'chags nas 'chag sar dang / gol bar song zhing mthar gyis 'gro ba na/ gtsug lag khang zhig ga la ba der phyin nas/ngas gtsug lag khang de sril dag gis phyi nang bcas pa thams cad khyab par mthong ngo / /mthong nas kyang e ma zhes byas te smad nas 'di snyam du bram ze dang khyim bdag dad pa can dag gis pags pa dang / sha dang khrag dag btsir zhing btsing zhing sbyin pa dag sbyin/bsod nams dag byed pa gang yin pa de la/ dge slong dag drod mi shes pa dang so sor mi rtog par yongs su longs spyod do snyam du dgongs kyi/ dge slong dag khyed kyis dad pas sbyin par bya ba la drod ran par yongs su longs spyad pa dang spang zhing yongs su longs spyad pa dang //dus su yongs su longs spyad pa dang / brtag cing yongs su longs spyad pa dang / khad kyis yongs su longs spyad na legs so/ /de nas bcom ldan 'das kyis drod ran pa dang / spang ba dang / dus dang / brtag pa dang / khad kyis yongs su longs spyad pa'i bsngags pa brjod nas bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang dge 'dun gyi gtsug lag khang du rtswa'i gding ba'am lo ma'i gding ba gding ngam 'ding du bcug nas ma bsdus sam sdud du ma bcug par de nas song na ltung byed do zhes bca' ba mdzad de/yul ni mnyan yod gang zag ni lho phyogs pa'i dge slong gnyis/ nyon mongs pa ni drod mi shes pa dang / so sor mi rtog par yongs su longs spyod par byed pa/nyes pa ni dge 'dun gyi gtsug lag khang du gding ba mang po dag bting nas ma bsdus par de nas song ba'o/ /gnang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//dge slong rab tu mang po dag 'gron pa don mthun pa dang lhan cig ljongs rgyur 'dong ba na ri brags shig tu phyin nas/ der de dag gis khyim bdag la gnas mal g.yar ba dang / khyim bdag gis smras pa/ 'phags pa dag dam tshig gis g.yar bar bgyi ste/gal te bdag gis bsod snyoms gsol te gshegs na g.yar ro/ /dge slong rnams kyis smras pa/ khyim bdag kho bo cag ni 'gron ba don mthun pa la rag las pa yin pas gal te de dag sdong na bza' bar bya'o//de na khri dang khri'u dag med nas de dag gis rtswa bam mang po blangs nas pus mo nub pa tsam gyi gding ba bshams so/ /'gron pa don mthun pa dag nam ma langs pa nyid du 'phags nas/ dge slong de dag gis kyang gding ba ma bor bar dong ngo / / khyim bdag de chung ma dang bcas pas gding ba de dag 'dor ba na snga dro ril gyis yol bar gyur to/ /yang dge slong rab tu mang po gzhan dag der 'ongs te khyim bdag de la gnas brnyas pa dang / khyim bdag gis smras pa/ 'phags pa dag dam tshig gis g.yar bar bgyi ste/gal te khyed cag ran gyi gding ba mi 'ding na g.yar ro/ /dge slong rnams kyis smras pa/ khyim bdag 'di na khri dang khri'u dag med na/ kho bo cag sa sgre bo la ji ltar nyal bar bya/ 'phags pa dag khyed cag dag gi tshangs pa mtshungs par spyod pa dag 'dir lhags pas ran gyi gding ba bting ba ma bor bar dong nas/bdag mchis brang dang bcas pas de 'dor ba na snga dro ril gyis yol bar gyur to/ /dge slong de dag sa sgre bo la mtshan thog thag 'gre ldog bas 'da' bar byas nas/ nang par sngar langs te dong nas dge slong rnams la khyim bdag des dge slong snga ma dag gis khyim gzhan du gding ba bting ba ma bor bar dong ba la smod pa dang /bdag cag sa sgre bo la mtshan thog thag 'gre ldog pa byas so zhes zer ba'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ khyim gzhan nas kyang gding ba bor bar bya'o/ /bcom ldan 'das kyis khyim gzhan nas kyang gding ba bor bar bya'o zhes bka' stsal nas/ dge slong rab tu mang po dag 'gron pa don mthun pa dang lhan cig ljongs rgyur 'dong ba ni ri brags shig tu phyin nas/de nas khyim bdag cig gis dge sbyong dang bram ze glo bur du lhags pa rnams kyi don du thag ring po nas rtswa mang po dag blangs te/ gding ba bshams pa der de dag nyal nas/nam ma langs pa kho nar khyim bdag la ma dris par gding ba bor te dong ngo / /khyim bdag de nang par sngar langs te bltas nas/ phyogs mi gtsang bar bor ba mthong nas des de ma blangs so/ /yang der dge slong rab tu mang po gzhan dag 'ongs nas de dag gis khyim bdag de la gnas brnyas pa dang /des gnas brnyas nas/ dge slong rnams kyis smras pa/ 'dir ni gnas mal dag med na kho bo cag sa sgre bo la ji ltar nyal bar bya/ 'phags pa dag bdag gis dge sbyong dang bram ze glo bur du lhags pa rnams kyi don du thag ring po nas rtswa mang po blangs te gding ba bshams par gyur pa las/khyed cag nyid kyi tshangs pa mtshungs par spyod pa dag lhags par gyur te/ de dag der nyal nas nam ma langs pa kho nar bdag la ma dris par gding ba de dag phyogs mi gtsang bar bor te dong ngo //de dag der sa sgre bo la nyal te dong nas/ de dag dge slong rnams la dge slong snga ma dag gis khyim bdag la ma dris par gding ba phyogs mi gtsang bar bor te dong ba la khyim bdag de smod pa dang / bdag cag sa sgre bo la mtshan thog thag 'gre ldog ste/nam langs so zhes zer ba'i skabs de dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ khyim bdag 'dug pa la dri bar bya'o/ /gal te de dag dor cig zer na dor bar bya'o//gal te ma dor shig ces na dor bar mi bya'o/ /ri brags shig na gtsug lag khang gnas mal med pa zhig yod pa der dge slong rnams kyis dge slong glo bur du lhags pa rnams kyi don du thag ring po nas rtswa mang po dag blangs te gding ba bshams bar dge slong rab tu mang po dag 'gron pa don mthun dang lhan cig ljongs rgyur 'dong ba na der lhags te nyal nas/nang par sngar langs te gding ba de dor bar brtsams pa dang / dge slong rnams ma dor cig ces byas na/ de dag gis de dag spyos te gding ba de dag mthus bor nas dong ngo //yang dge slong rab tu mang po gzhan dag 'gron pa don mthun dang lhan cig ljongs rgyur 'dong ba na der lhags te/ dge slong rnams la gtsug lag khang 'di na gnas mal med dam zhes dris pa dang / de dag gis smras pa/ kho bo cag gis tshangs pa mtshungs par spyod pa glo bur du lhags pa rnams kyi don du thag ring po nas rtswa mang po dag blangs te gding ba bshams par gyur pa las/tshangs pa mtshungs par spyod pa gzhan dag cig 'dir lhags te/ der nyal nas nang par sngar langs te gding ba dor bar brtsams pa dang /kho bo cag gis ma dor cig ces byas na/ de dag gis kho bo cag spyos te mthus dor nas dong ngo / /dge slong de dag kyang der sa sgre bo la nyal nas nang par sngar langs te dong nas/ dge slong dag la der de dag gis gnas mal de mthus bor nas dong ba la/ tshangs pa mtshungs par spyod pa de dag spyo bar byed pa dang /bdag cag mtshan thog thag sa sgre bo la 'gre ldog byed de/ nam langs so zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de bzhin du dor bar mi bya bar dge slong 'khod pa dag la dri bar bya'o//dge slong rab tu mang po dag 'gron pa don mthun dang lhan cig ljongs rgyu zhing 'dong ba na/ dgon pa'i drung zhig tu mtshan mo rtswa'i gding ba bshams te nyal lo/ /de dang ha cang thag mi ring bar bram ze zhig kyang mtshan mo nyal lo//dge slong de dag ni nang par sngar langs te dong ngo / /bram ze de ni 'gron pa don mthun phyir 'gro ba dang lhan cig de'i nub mo yang dge slong dag gis longs spyad pa'i gding ba de dag gi thog tu nyal ba dang / de na gcer bu pa zhig sril gyis zin nas des smras pa/gding ba 'di la su nyal bar gyur/ de dang ha cang thag mi ring ba zhig na bram ze de nyal bas smras pa/ shAkya'i bu'i dge slong dag go/ /de dag gis smras pa/ shes ldan dag shAkya'i bu'i dge sbyong dag 'jig rten la bdag nyid mkhas par bgrang bar byed na/'di ltar dgon par gding ba dor bar bya ba de yang mi shes so zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dgon par yang rtswa'i gding ba dor bar bya'o/ /bcom ldan 'das kyis dgon par yang rtswa'i gding ba dor bar bya'o zhes bka' stsal nas dge slong rab tu mang po dag 'gron pa don mthun dang lhan cig ljongs rgyu zhing 'dong ba dang /dgon pa'i gnas shig tu bzhag pa dang / don mthun de nam ma langs pa nyid du/ 'phags nas dge slong de dag ji srid du gding ba 'dor bar byed pa de srid du don mthun thal nas de dag phyi bzhin du 'brang zhing 'dong ba na chom rkun pa dag gis bcom pa'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ thams cad kyi thams cad du dor bar mi bya bar glongs te 'gro bar bya'o//dge slong dag tshon rtsi'i las byed pa na/ dag ra dag tu rtswa dag bkram ste/ gos dag skem par byed cing de dag rtswa de dag 'dor bar mi byed nas/ der sril dag byung bar gyur nas bcom ldan 'das kyis bka' stsal pa/rtswa dag dor bar bya'o/ /dge slong gzhan dag tshon rtsi'i las byed par 'dod nas de dag gis smras pa/ tshe dang ldan pa dag rtswa 'di dag ma dor cig dang kho bo cag gis kyang 'dir gos dag bskam par bya'o/ /de dag gis de dag la mi ster nas/bcom ldan 'das kyis bka' stsal pa/ sbyin par bya'o/ /de dag gis de dang de dag tu gos dag bskams nas/ kho bo cag gis ma bting ngo zhes rtswa de dag 'dor bar mi byed nas/ bcom ldan 'das kyis bka' stsal pa/ de dag la rtswa 'dor ram mi 'dor zhes 'dri bar bya zhing /gal te 'dor ro zhes zer na sbyin par bya'o/ gal te mi 'dor ro zhes zer na sbyin par mi bya'o/ /dge slong dag 'chag sa dag tu 'chag pa na de nas rtsub pas de dag gi rkang mthil tsha nas/ bcom ldan 'das kyis bka' stsal pa/ der rtswa dag gding bar bya'o/rtswa dag bting ba dang der sril dag byung nas/ bcom ldan 'das kyis bka' stsal pa/ dor bar bya'o/ /de dag nyi ma re re zhing 'dor bar byed nas/ bcom ldan 'das kyis bka' stsal pa/ nyi ma re re zhing dor bar mi bya bar 'di ltar dus dang dus su so sor brtag par bya'o//gal te thams cad du 'dong na de'i tshe bsdus te 'dong bar bya'o/ /dge slong dag 'chag sa dag tu rtswa'i chun po dag sa la 'jog par byed pa na/ der sril dag byung nas/ bcom ldan 'das kyis bka' stsal pa/ thag pas bcings nas shing ljon pa dag la dpyangs te gzhag par bya'o//dge slong dag lci ba dag sa la 'jog par byed pa na/ de dag tu sril dag byung nas bcom ldan 'das kyis bka' stsal pa/ gyo mor gzhag par bya'o/ /de nas bcom ldan 'das kyis bslab pa 'dod pa rnams dang bslab pa la gus pa dang bslab pa la yo byad bsnyungs ba'i bsngags pa brjod nas/dge slong rnams la de dang mthun pa dang / de'i shas che ba dang de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun gyi gtsug lag khang du rtswa'i gding ba'am lo ma'i gding ba bting ngam/ 'ding du bcug nas ma bsdus sam/sdud du ma bcug gam/ dge slong 'khod pa la ma bcol bar de nas song na de 'dra ba'i rkyen ma gtogs te ltung byed do zhes gnang ba mdzad de/ /yul ni mnyan yod/ gang zag ni chos 'di pa/ nyon mongs pa dang nyes pa ni med do/ /de la yang dge slong gang zhes bya ba ni chos 'di pa'o//dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o/ /gtsug lag khang zhes bya ba ni/ gang du spyod lam bzhis 'gro ba dang / 'greng ba dang / 'dug pa dang / nyal ba dag byar rung bar ro//rtswa'i gding ba'am zhes bya ba ni rtswa dag go/ /lo ma'i gding ba zhes bya ba ni lo ma dag go/ /bting ngam zhes bya ba ni bdag nyid kyis so/ /'ding du bcug nas zhes bya ba ni gzhan no/ /ma bsdus sam zhes bya ba ni bdag nyid kyis so/ /sdud du ma bcug gam zhes bya ba ni gzhan no//dge slong 'khod pa la zhes bya ba ni de na dge slong gang yod pa la'o/ /ma bcol bar zhes bya ba ni ma gtad par ro/ /de nas song nas zhes bya ba ni nye 'khor spangs nas so/ /de'i nye 'khor ni 'dom bzhi bcu rtsa dgu tshun chad do/ de yang rtsig pa la sogs pas ma bskor ba la ni drung nyid nas so//bskor ba la sgo gang nas so/ /de 'dra ba'i rkyen ma gtogs te zhes bya ba ni de 'dra ba'i rkyen bzhag ste'o/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang /sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gis dge 'dun gyi gtsug lag khang rdo ba dang /bye ma'i gzhi nyid la sogs pa'i bdag nyid ma yin pas snum zhing dngar ba sril la sogs pa'i srog chags skye ba de lta bu'i nyes dmigs yod pa nyid kyis gzhir rang ngam bskos pas rtswa'am lo ma'i gding ba bting ba ma bsdus sam/ sdud du ma bcug gam/dge slong 'khod pa la ma bcol bar 'dom bzhi bcu rtsa dgu'i mtha' las 'das par song na gtsug lag khang du nyes dmigs su ma gyur kyang rung / de nyid du gnyid log gam snyoms par zhugs te/ gtsug lag khang du nyes dmigs su gyur na nye 'khor las ma 'das kyang rung ste/gding ba'i ltung byed kyi dngos gzhir 'gyur ro/ /dge 'dun gyi gtsug lag khang la na smad pa med do/ /gding ba dang rtswa dang lo ma la sogs pa sril la sogs pa'i srog chags skye ba'i nyes dmigs yod pa la na smad pa med do/ /dge 'dun gyi gtsug lag khang nyid rdo ba dang /bye ma'i gzhi nyid la sogs pa'i bdag nyid ma yin pa nyid dang / de lta bu'i nyes dmigs yod pa nyid kyis gzhir rang ngam bskos pas bting ba la na smad pa med do/ /ma bsdus sam sdud du ma bcug gam dge slong 'khod pa la ma bcol ba la na smad pa med do//brjed pas kyang rung ma brjed par blo sngon du btang bas kyang rung ste/ 'dom bzhi bcu rtsa dgu'i mtha' las 'das par song na gtsug lag khang du nyes dmigs su ma gyur pa la yang na smad pa med do/ /de nyid du gnyid log gam snyoms par zhugs pa la sogs pas gtsug lag khang du nyes dmigs su gyur na 'dom bzhi bcu rtsa dgu'i mtha' las ma 'das kyang na smad pa med do//'dom bzhi bcu rtsa dgu'i mtha' las kyang 'das la/ gtsug lag khang du nyes dmigs su yang gyur pa la na smad pa med do/ /cig car spyod pa ni 'dra ba nyid yin pas cig car spyod spyod na thams cad kyis dor ba la sogs pa bya bar 'dra ba nyid yin te/ji ltar gnas mal gyi skabs su gnyi ga cig car spyod spyod pa la ni phyis langs pas bya ba ma yin la/ gal te gnyi ga mnyam du langs na ni gzhon pa shos kyis bya ba lta bu ma yin te/'di la ni cha gang la gang gis longs spyod pa de de nyid kyis dor ba la sogs pa bya ba yin pas de la na smad pa med do/ /gding ba'i nye 'khor ni 'dom bzhi bcu rtsa dgu tshun chad do/ /de yang rtsig pa la sogs pas ma bskor ba la ni drung nyid nas so//bskor ba la ni sgo khang nas te/ de las 'das pa la na smad pa med do/ /gding ba'i nyes dmigs ni sril la sogs pa srog chags kyis gtsug lag khang gi phyi nang bcas pa khyab pa ste/ 'dir srog chags kyi rigs gtso cher yan lag tu bzhag pas grang gcig gam gnyis sam rab tu mang po yan chad nas gtsug lag khang phyi nang bcas pa thams cad khyab pa'i bar la na smad pa med do//sbyor ba'i sbyor ba gcig pa'i dngos gzhi la ltung ba gcig rnam par gzhag go/ /bcol ba'i yul ni dge slong ngo tsha med pa dang /nad dang bcas pa dang / rgas pa dang / na ba dang / bsnyen par ma rdzogs pa ma gtogs pa dge slong bsnyen par rdzogs pa rang bzhin du gnas pa lta ba dang mtshan mthun pa la/ bcol ba rnam pa lnga po gtsug lag khang 'di re zhes bya ba dang /gtsug lag khang ltos shig ces bya ba dang / gding ba 'di re zhes bya ba dang / gding ba sdus shig ces bya ba dang / sgo lcags chug shig ces bya ba dag las gang yang rung ba ma byas pa la na smad pa med do/ /bsod snyoms kyi don nyid du song ba la na smad pa med do//nyes dmigs su gyur pa dang / nye 'khor gyi mtshams las 'das pa gnyi ga'am gang yang rung ba la na smad ba med do/ /'di'i byed pa po ni dge 'dun gyi gtsug lag khang nyid dang / rdo ba dang bye ma'i gzhi nyid la sogs pa'i bdag nyid ma yin pa nyid dang / sril la sogs pa skye ba de lta bu'i nyes dmigs yod pa nyid kyi gzhir rang ngam bskos pas rtswa dang lo ma la sogs pa'i gding ba byed pa nyid lta bu ni byed pa po dag yin no/ /'di la yan lag lngas dngos gzhi'i ltung bar 'gyur te/ dge 'dun gyi gtsug lag khang nyid dang /rang ngam bskos pas de lta bu'i nyes dmigs yod pa nyid kyi sa gzhir bting ba dang / ma bsdus sam/ sdud du ma bcug gam/ dge slong 'khod pa la ma bcol ba dang / nye 'khor las 'das sam/ de nyid du gnyid log gam/ snyoms par zhugs pa dang /nyes dmigs sril la sogs pa gang byung yang rung ba'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du gding ba'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /gang zag gi gtsug lag khang la nyes byas so/ dge slong ma'i dge 'dun gyi gtsug lag khang la nyes byas so/ /nyes dmigs dang nye 'khor gyi mtshams las 'das pa'i mdun rol du sbyor ba'i nyes byas so//bcol ba'i yul ni dge slong ngo tsha med pa dang / nad dang bcas pa dang / rgas pa dang / na ba dang / bsnyen par ma rdzogs pa rnams la bcol ba la nyes byas so/ /bcol ba rnam pa lnga po gtsug lag khang 'de re zhes bya ba dang /gtsug lag khang ltos shig ces bya ba dang / gding ba 'de re zhes bya ba dang / gding bsdus shig ces bya ba dang / sgo lcags chug shig ces bya ba dag las gang yang rung ba dngos su ma smras pa la nyes byas so/ /re zhig gi dus su gzhan 'dug pa'i bar du yang nyes dmigs su gyur na yang nyes byas so//sbyor ba thams cad la nyes byas so/ /bslab par bya ba las 'das pa la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te/nyes byas phra mo'o/ /ltung ba med pa ni bsdu ba byas sam byed du bcug pa la ltung ba med do/ /bcol ba'i dge slong yod pa la ltung ba med do/ /tshul khrims dang srog gi bar chad la sogs pa nyam nga ba dang phrad pa la ltung ba med do/ / las dang po pa dang / smyos pa dang / sems 'khrugs pa dang / tshor ba dag gis nyen pa dag la ltung ba med do/ /bslab par bya ba ni dge slong gis yul thams cad la gnas skabs thams cad du gding ba'i ltung byed du 'gyur ba rnam pa thams cad du mi bsten par bslab par bya'o//nye 'khor las 'das pa'i phyir 'gro ba dang / de nyid du gnyid log pa dang / snyoms par 'jug pa la sogs pa mi bya bar bslab par bya'o/ /bsdu ba dang / sdud du gzhug pa dag bya'o/ /dge slong 'khod pa la bcol bar bya'o/ /dge slong ngo tsha med pa dang /nad dang bcas pa dang / rgas pa dang / na ba dang / bsnyen par ma rdzogs pa rnams la bcol bar mi bya'o/ /bcol ba rnam pa lnga po dag las gang yang rung ba dag bya'o/ /bsdu bar bya ba bting ste/ bsod snyoms la zhugs pa na/ gal te nyes dmigs byung na gtsug lag khang na 'khod pa rnams kyis bsdu bar bya'o//gal te brjed pas lam ring du 'das sam phyi nas dran pa rnyed na phyin chad 'di ltar mi bya'o zhes sems bskyed par bya zhing tshig tu brjod par yang bya'o/ /gal te dge slong lam nas tshur 'ong ba zhig dang phrad par gyur na de la bcol bar bya'o//khas blangs pas son pa nyid na de bya ba nyid do/ /gnas nas 'phags par 'gyur ba na nyam nga ba dang phrad par mi 'gyur ba lta na gding ba bsdu bar bya'o/ /khyim gzhan du gding ba byas pa khyim bdag la dris te dor bar bya'o//dgon par ni yang na dor bar bya yang na glong bar bya'o/ /glong ba de ni rtswa la sogs pa'i mgo 'am mjug bzlog pa tsam byas pa nyid na byas pa nyid do/ /gos dag bskem pa'i phyir rtswa bting ba gang zag 'ga' zhig slong ba la dor bar khas len na sbyin no/ /'chag sa dag tu rkang mthil gnyis la rtsub na rtswa dag gding bar bya'o//de dag kyang dor bar bya'o/ /'chag sa gtong zhing gud du 'gro ba'i dus nye bar gnas par gyur pa na sngar 'chag sar bting ba'i rtswa dag rdog shags la sogs pas phye mar brlags shing srogs chags dag mi skye ba ma gtogs pa gzhan dor bar bya'o//'chag sa mi gtong zhing gud du mi 'gro ba'i tshe ni/ 'chag sar bting ba'i rtswa dag la dus dus su so sor brtag pa dang / bsgyur bzlog bya'o/ /de yang sa snum pa dang dngar bar ni nyin re zhing ngo / /gzhan du zla ba phyed cing ngo //'chag sa dag tu rtswa'i chun po dag 'chag sar dgram pa'i thog tu thag pas bcings shing ljon pa la dpyangs shing gzhag par bya'o/ /'dag rdzas kyi rgyu lci ba dag gyo mor gzhag par bya'o/ /phyir bcos pa ni snga ma bzhin no/ /gding ba'i ltung byed de bco lnga pa bshad zin to// //so sor thar pa'i mdo rgya cher 'grel pa 'dul ba kun las btus pa/ bam po nyi shu gnyis pa/ skrong ba'i ltung byed kyi gleng gzhi ni/ bcas pa dang gnang ba'i dbang gis rnam pa gnyis te/ bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//de'i tshe na tshe dang ldan pa 'char kas dge slong gsar bu gsar bu dag la/ tshe dang ldan pa dag tshur shog ljongs rgyur 'dong dang / der bdag cag gis rgol ba dag kyang tshar gcad par bya/rang gi grags pa yang bsgrags par bya/ rnyed pa yang bsgrub par bya zhing / khyed cag kyang lhung bzed dang chos gos dang dra ba dang phor bu dang ska rags dang / lung dbog pa dang klag pa dang kha ton dang rnal 'byor dang yid la bya bas brel ba med par bya'o zhes spro bar byas nas 'char kas de dag rang la gnas 'char bcug nas/ri brags kyi gtsug lag khang zhig gi 'dab tu phyin pa na gtsug lag khang der dge 'dun gyi gnas mal gyi gaN+DI brdungs nas 'char ka'i nye gnas rnams ni nang du dong ste/'char ka dang rang rang gi gnas mal mnos te bsdang na 'char ka phyi rol na 'du 'dzi'i gtam la yengs pa nam sros kyi bar du ma 'ongs nas de dag gis 'char ka'i gnas mal gud du bshams te gcig la gcig zhus nas nyal ba dang /ji tsam mig lam chad pa'i dus kyi tshe 'char ka 'ongs nas sgo brdungs te nye gnas de dag phyi rol du bskrad do/ /de dag de na mtshan thog thag bla gab med par lhags pas nyen cing na bar gyur nas nang par sngar langs te mnyan yod du dong nas bdag cag ji ltar gyur pa dge slong rnams la rgyas par brjod pa dang /dge slong don nyung ngu dag ci'i phyir dge slong dag dge 'dun gyi gtsug lag khang nas dge slong skrod par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang skabs 'di la dge slong gi dge 'dun bsdu ba mdzad de/ 'char ka la rmas nas/ dge sbyong gi tshul ma yin pa/ rjes su mthun pa ma yin pa/rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang khros 'khrugs rngam par gyur te yi ma rangs nas dge 'dun gyi gtsug lag khang nas dge slong skrod dam skrod du 'jug na ltung byed do zhes bca' ba mdzad de/ yul ni mnyan yod/ gang zag ni 'char ka/nyon mongs pa ni gnod sems/ nyes pa ni dge 'dun gyi gtsug lag khang nas dge slong skrod pa'o/ /gnang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ / mnyan yod na sa'i gtsug lag khang zhig yod pa de na dge slong nad pa zhig 'dug nas ji tsam na sprin kha dog lnga pa 'dus nas dge slong rnams kyis de la smras pa/ tshe dang ldan pa sprin kha dog lnga pa 'dus pas gtsug lag khang rdib par 'gyur srid kyi phyir byung zhig kho bo rang 'byung mi nus so//dge slong rnams kyi 'gyod pas ma phyung nas char babs te gtsug lag khang rdib nas dge slong de non te dus la bab pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis bslab pa 'dod pa dang /bslab pa la gus pa dang / bslab pa la yo byad bsnyungs pa'i bsngags pa brjod nas/ de dge slong rnams la de dang mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang khros 'khrugs rngam par gyur te/ yi ma rangs nas dge 'dun gyi gtsug lag khang nas dge slong skrod dam skrod du bcug na de 'dra ba'i rkyen ma gtogs te ltung byed do zhes gnang ba mdzad de/yul ni mnyan yod/ gang zag ni chos 'di pa/ nyon mongs pa dang nyes pa ni med do/ /de la yang dge slong gang zhes bya ba 'di ni 'char ka'am gzhan yang de lta bu gang yin ba'o//khros 'khrugs rngam par gyur te/ yi ma rangs nas zhes bya ba ni khro zhing khro ba'i zil gyis non nas so/ /dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o/ /gtsug lag khang nas zhes bya ba ni gang du spyod lam bzhi po gro ba dang /'greng ba dang / 'dug pa dang / nyal ba dag byar rung ba nas so/ /dge slong zhes bya ba ni chos 'di pa'o/ /skrod dam zhes bya ba ni bdag nyid kyis so/ /skrod du 'jug na zhes bya ba ni gzhan no/ /de 'dra ba'i rkyen ma gtogs te zhes bya ba ni de 'dra ba'i rkyen gzhag ste'o//ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang sbyor ba'i sbyor bas ltung ba rnam par gzhag pa dang / lhung ba med pa dang / bslab par bya ba dang / phyir bcas pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni dge slong gis dge 'dun gyi gtsug lag khang nas rang ngam/ dge slong gzhan nam/ dge slong ma'am/ bsnyen par ma rdzogs pas dge slong bskrad par bya ba de la gnod pa srog gi bar chad la sogs pa bskyed par dogs pa yod dam/skyes pa nye bar zhi bar mi 'gyur ba'i dogs pa yod pa dang / dge 'dun 'khrug pa skye bar dogs pa yod dam/ skyes pa nye bar zhi bar mi 'gyur bar dogs pa yod pa'i gnyen por 'dod pa ma yin pa'i bsam pa gang yang rung bas dge slong skrod na skrod pa'i ltung byed kyi dngos gzhir 'gyur ro//gtsug lag khang nas bskrad par bya ba'i gtsug lag khang de dge 'dun gyi gtsug lag khang gang yin na de la na smad pa med do/ /ltung ba 'byin pa rang ngam dge slong gzhan gyis dge slong skrod dam skrod du 'jug pa la na smad pa med do//bskrad par bya ba dge slong bsnyen par rdzogs pa ma nyams pa rang bzhin du gnas pa la na smad pa med do/ /gal te dge slong bskrad par bya ba de la gnod pa srog gi bar chad la sogs pa skye bar dogs pa yod dam/skyes pa nye bar zhi bar mi 'gyur bar dogs pa yod pa dang / dge 'dun 'khrug pa skye bar dogs pa yod dam/ skyes pa nye bar zhi bar mi 'gyur bar dogs pa yod pa'i gnyen po 'dod pa ma yin pa'i bsam pa gang yang rung ba la na smad pa med do//gzhan gyi dring 'jog pas dge slong gis dge 'dun gyi gtsug lag khang nas skrod pa la na smad pa med do/ /dge slong gis dge slong ma dang / dge slob ma dang / dge tshul dang / dge tshul ma dang / khyim pa dang / khyim pa mos dge slong skrod du bcug pa la na smad pa med do//'di'i byed pa po ni bskrad par bya ba dge slong nyid dang / gang nas bskrad par bya ba dge 'dun gyi gtsug lag khang nyid dag ni byed pa po nyid do/ /'di la yan lag lngas dngos gzhi'i ltung bar 'gyur te/ bskrad par bya ba dge slong nyid dang / gang nas bskrad par bya ba dge 'dun gyi gtsug lag khang nyid dang / rang ngam dge slong gzhan nam dge slong ma'am bsnyen par ma rdzogs pa gang yang rung bas bskrad pa dang / gal te de la gnod pa dang / dge 'dun 'khrug pa skye ba dang / nye bar zhi bar mi 'gyur ba'i gnyen po 'dod pa ma yin pa'i bsam pa gang yang rung bas skrod pa dang bskrad pa mthar thug pa'o//de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du skrod pa'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /gang zag gi gtsug lag khang la nyes byas so/ /dge slong ma'i dge 'dun gyi gtsug lag khang la nyes byas so/ /bskrad par bya ba dge slong nyid ma yin pa dang /nyams pa dang / lta ba dang / mtshan mi mthun pa dang / bsnyen par ma rdzogs pa dang / phyi rol pa'i rab tu byung ba dang / khyim pa la nyes byas so/ /mi ma yin pa'i 'gro ba pa dang / dud 'gro la nyes byas na smad do/ /bzhad gad kyis skrod na nyes byas so//bskrad pa mthar ma thug na nyes byas so/ /dge slong gis bskos pa'i dge slob ma dang / dge tshul dang / dge tshul ma dag la yang nyes byas so/ /bskrad par bya ba de dag nyid la yang nyes byas so/ /khyim pa rnams la ni bsod nams ma yin pa mang ngo / / sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te/ nyes byas phra mo'o/ /ltung ba med pa ni/ gal te de la gnod pa dang / dge 'dun 'khrug pa skye ba dang / nye bar zhi bar mi 'gyur ba'i gnyen por 'dod pa'i bsam pas skrod pa la ltung ba med do//dge slong dang dge tshul nyams pa nyid chos bzhin du skrod pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du skrod pa'i ltung byed du 'gyur ba rnam pa thams cad mi bsten par bslab par bya'o//gang du nyes dmigs 'byung ba'i gnas su 'dug par mi bya'o/ /phyir bcos pa ni snga ma bzhin no//skrod pa'i ltung byed de bcu drug pa bshad zin to// //phyis gnon gyi ltung byed kyi gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa 'char kas dge slong gsar bu dag la tshe dang ldan pa dag tshur shog ljongs rgyur 'dong ba dang /der bdag cag gis rgol ba dag kyang tshar gcad par bya/ rang gi grags pa yang bsgrags par bya/ rnyed pa yang bsgrub par bya zhing / khyed cag kyang lhung bzed dang /chos gos dang / dra ba dang / phor bu dang / ska rags dang / lung dbog pa dang / klag pa dang / kha ton dang / rnal 'byor dang / yid la bya bas brel ba med par bya'o zhes spro bar byas nas 'char kas de dag rang la gnas 'char bcug ste/ ri brags kyi gtsug lag khang zhig gi 'dab tu phyin pa na gtsug lag khang der dge 'dun gyi gnas mal gyi gaN+DI brdungs nas 'char ka'i nye gnas rnams ni nang du dong ste/'char ka dang rang rang gi gnas mal mnos te bsdad na/ 'char ka phyi rol na 'du 'dzi'i gtam la yengs pa nam sros kyi bar du ma 'ongs nas/de dag gis 'char ka'i gnas mal gud du bshams te/ gcig la gcig zhus nas nyal ba dang / ji tsam mig lam 'chad pa'i dus kyi tshe 'char ka 'ongs nas sgo brdungs te nang du zhugs nas/ des de dag kha cig la gru mos bsnun/kha cig la ni pus mos bsnun nas su la gnod pa de 'gro bar 'gyur ba de nyid rkyen du byas te phyis gnon byas nas nye gnas de dag phyi rol du phyung ngo / /de dag de na mtshan thog thag bla gab med par lhags pas nyen cing na bar gyur nas/nang par sngar langs te mnyan yod na dong nas bdag cag ji ltar gyur pa dge slong rnams la rgyas par brjod pa dang / dge slong don nyung ngu dag ci'i phyir dge slong dag dge 'dun gyi gtsug lag khang na dge slong dag snga na 'khod par shes bzhin du phyis 'ongs nas su la gnod pa de 'gro bar 'gyur ba de nyid rkyen du byas te/phyis gnon byed cing stan la nyal ba dang 'dug par byed ces smod par byed/ phyar ka gtong bar byed kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang /gleng gzhi 'di dang / skabs 'di la dge slong gi dge 'dun bsdu ba mdzad de/ 'char ka la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni/ rab tu byung bas bya ba ma yin no zhes rnam grangs du mar rnam par smad de/bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun gyi gtsug lag khang na dge slong dag snga na 'khod par shes bzhin du phyis 'ongs nas su la gnod pa de 'gro bar 'gyur ba de nyid rkyen du byas te phyis gnon byas nas stan la nyal lam 'dug na ltung byed do zhes bca' ba mdzad de/yul ni mnyan yod/ gang zag ni 'char ka /nyon mongs pa ni tho 'tshams pa/nyes pa ni dge slong la phyis gnon byed pa'o/ /de la yang dge slong gang zhes bya ba ni 'char ka'am/ gzhan yang de lta bu gang yin pa'o/ /dge 'dun gyi zhes bya ba ni/ de bzhin gshegs pa'i nyan thos kyi dge 'dun gyi'o/ /gtsug lag khang na zhes bya ba ni/gang du spyod lam bzhi po 'gro ba dang / 'greng ba dang / 'dug pa dang / nyal ba dag byar rung ba na'o/ /dge slong dag ces bya ba ni/ chos 'di pa dag go/ /snga nas 'khod par zhes bya ba ni snga na gnas par ro/ /shes bzhin du zhes bya ba ni de rang gis rig par gyur pa'am/gzhan dag gis brjod pas so/ /phyis 'ongs nas zhes bya ba ni/ de'i 'og tu 'ongs nas so/ /su la gnod pa zhes bya ba ni su bde ba la reg par mi 'gyur ba'o/ /de 'gro bar 'gyur ba zhes bya ba ni de de nas gzhan du 'gro bar 'gyur ba'o//de nyid rkyen du byas te zhes bya ba ni/ gzhan ma yin pa'o/ /phyis gnon byas nas zhes bya ba ni gnod pas zil gyis mnan nas so/ /stan la zhes bya ba ni gnas mal la'o/ /nyal lam zhes bya ba ni lus bsnyal na'o/ /'dug na zhes bya ba ni rkub tshos gzhag na'o/ / ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni dge slong na ba dang 'jigs pa'i dbang ma gtogs par tho 'tshams pa'i bsam pas dge 'dun gyi gtsug lag khang gi gnas su dge slong sngar zhugs pa nyid du shes bzhin du/ phyis 'ongs nas su la gnod pa de 'gro bar 'gyur ba de nyid rkyen du byas te/phyis gnon byas nas stan la nyal lam 'dug na phyis gnon gyi ltung byed kyi dngos gzhir 'gyur ro/ /dge slong phyis gnon byed pa na ba dang 'jigs pa dang na ba'i dbang ma gtogs pa la na smad pa med do/ /tho 'tshams par 'dun pa'i bsam pa gang yang rung ba la na smad pa med do//bsam pa de lta bus phyis gnon byed pa ni dpe tsam du zad de/ rnam par 'byed pa'i bar sdom las/ nan dang gsod dang grang dro dang / /chol zangs dang ni bkru sman dang / /rnal 'byor mthun dang kha ton dang //'jigs dang bcas dang 'jigs med do/ /zhes gsungs pa lta bu dag gis dge slong la ji tsam cung zad tho 'tshams par byed pa thams cad bslab pa'i gzhi 'dir gtogs pa'i ltung byed la na smad pa med do/ /gang du phyis gnon bya ba'i gnas dge 'dun gyi gtsug lag khang nyid yin na de la na smad pa med do//phyis gnon pa'i dge slong gzhan dge slong bsnyen par rdzogs pa ma nyams pa nyid la na smad pa med do/ /dge 'dun gyi gtsug lag khang gi gnas su dge slong gzhan sngar zhugs pa nyid la der 'du shes dang yid gnyis za ba la na smad pa med do//phyis 'ongs nas su la gnod pa de 'gro bar 'gyur ba de nyid rkyen du byas pa nyid la na smad pa med do/ /phyis gnon byas nas stan la nyal lam/ 'dug pa la na smad pa med do/ /dus yun ring thung dang nyin mtshan dang skya rengs la sogs pa'i cha la na smad pa med do//'di'i byed pa po ni dge slong na ba dang 'jigs pa'i dbang ma gtogs par dge 'dun gyi gtsug lag khang gi gnas su dge slong gzhan sngar zhugs pa nyid la 'du shes gtso cher byed pa po nyid ma yin no/ /'di la yan lag lngas dngos gzhi'i ltung bar 'gyur te/gang la phyis gnon bya ba dge slong nyid dang / gang du phyis gnon bya ba dge 'dun gyi gtsug lag khang nyid dang / der 'du shes pa dang / tho 'tshams pa'i bsam pa dang / na ba dang 'jigs pa'i dbang ma gtogs par phyis gnon byed pa'o/ / de dag las yan lag ma tshad na ci rigs par na smad do/ /sbyor ba'i ltung ba ni nyes byas te/ ji srid du phyis gnon gyi ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//gang la phyis gnon bya ba de dge slong nyid ma yin pa dang / mtshan dang lta ba mi mthun pa dang / bsnyen par ma rdzogs pa la nyes byas so/ /gang du phyis gnon bya ba gang zag gi gtsug lag khang la nyes byas so/ / dge slong ma'i dge 'dun gyi gtsug lag khang dang / mu stegs can dang / khyim pa'i gnas la nyes byas so/ /dge 'dun gyi gtsug lag khang gi gnas su dge slong sngar ma zhugs pa nyid la zhugs par 'du shes pa dang yid gnyis za ba la nyes byas so/ /tho 'tshams pa'i bsam pa nyid ma yin pa ma brtags par spyod pa tsam la nyes byas so//sbyor ba'i sbyor ba'i ltung ba ni nyes byas phra mo'o/ /sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni tho 'tshams pa'i bsam pa med pa dang /der 'du shes pa med pa la ltung ba med do/ /na ba dang 'jigs pa'i dbang gis ni ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du phyis gnon gyi ltung byed du 'gyur ba rnam pa thams cad mi bsten par bslab par bya'o//gtsug lag khang dang grong la sogs par shes bzhin du 'jug par bya'o/ /phyir bcos pa ni snga ma bzhin no/ /phyis gnon gyi ltung byed de bcu bdun pa bshad zin to// //rtsa ba 'byung ba la 'dug pa'i ltung byed kyi gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na tshe dang ldan pa nye dgas dge slong gsar bu gsar bu dag la tshe dang ldan pa dag tshur shog ljongs rgyur 'dong dang /der bdag cag gis rgol ba dag kyang tshar gcad par bya/ rang gi grags pa yang bsgrags par bya/ rnyed pa yang bsgrub par bya zhing / khyed cag kyang lhung bzed dang / chos gos dang / dra ba dang / phor bu dang / ska rags dang / lung dbog pa dang / klag pa dang / kha ton dang / rnal 'byor dang / yid la bya ba dang / nad g.yog gis brel ba med par bya'o zhes spro bar byas pa dang / de gang gi tshe na dge slong rnams kyis 'di gnas ngan len kun du spyod pa yin no zhes bya bar shes par gyur pa de'i tshe na 'ga' yang de dang lhan cig ljongs rgyur 'gro bar spro ba med do//bsod snyoms pa zhig gis smras pa/ btsun pa nye dga' kho bo khyod dang lhan cig ljongs rgyur 'dong ngo / dge slong rnams kyis bsod snyoms pa de la smras pa/bsod snyoms pa de ni gnas ngan len kun du spyod pa yin pas khyod la tho 'tshams par 'gyur ro/ /bsod snyoms pas smras pa kho bo ni lo 'das pa yin pas/ kho bo de la gnas bca' ba dang / lung ma nod pa dang / klag pa dang / kha ton dang / rnal 'byor dang /yid la bya ba'i rag lus pa cung zad kyang med pas des kho bo la ci byar yod ces des dge slong de dag gi tshig tshig ma yin par byas te/ de dang lhan cig ljongs rgyur song ngo / /nye dgas gang gi tshe phyi rol gyi mtshams 'das pa de'i tshe na smras pa/ bsod snyoms pa gtur bu 'di re zhig khyer cig /btsun pa nye dga' ci khyod kyis sangs rgyas dang chos dang dge 'dun ma mthong ngam/ yo byad don med pa 'dis ci bya/ nye dgas smras pa/ bsod snyoms pa khyod re zhig mi khyer ba ni yus na/ ci khyod kho bo bas kyang mkhas pa yin snyam mam ci na khyod kho bo la de skad zer/bsod snyoms pas smras pa/ mkhas pa ma yin yang rigs pa tsam smra'o/ /nye dgas bsams pa/ bsod snyoms pa 'di mi dga' bar bya'o snyam nas de gnyis mthar gyis ljongs rgyu zhing 'gro ba na/ ri brags kyi gtsug lag khang zhig gi 'dab tu phyin pa na/gtsug lag khang der dge 'dun gyi gnas mal gyi gaN+DI brdungs nas bsod snyoms pa ni nang du song ste/ nye dga' dang rang gi gnas mal mnos te bsdad na/ nye dga' phyi rol na 'du 'dzi'i gtam la yengs pa nam sros kyi bar du ma 'ongs nas/bsod snyoms pa des khang thog tu nye dga'i gdan bshams nas/ rkang pa'i chu dang / rkang pa bkru ba mtha' gcig tu bzhag nas/ bdag nyid gtsug lag khang gi phyi rol du rkang pa gnyis bkrus nas 'og khang du mal bshams par zhugs te nyal ba dang / ji tsam mig lam chad pa'i dus kyi tshe nye dga' 'ongs nas sgo brdungs pa dang / bsod snyoms pas sgo ma phye bar/ steng du mal bshams par nyol cig ces smras so/ /nye dga' khang thog tu 'dzegs nas rkang pa gnyis bkrus te/ gnas khang du zhugs nas/ bsod snyoms pa zhes bos pa dang /bsod snyoms pas btsun pa nye dga' ci zer zhes byas so/ /nye dga' sgra la mkhas pas/ des bsod snyoms pa'i dpral ba'i thad kar khri rkang gtad de/ ci nas kyang khri rkang gis khang thog brtol bas bsod snyoms pa de'i dpral bar 'bab par 'gyur ba de ltar shugs drag pos mnan pa dang /des bsod snyoms pa de'i dpral bar phog ste/ dpral ba zho mo/ /bsod snyoms pas smras pa/ btsun pa nye dga' kho bo gnad do/ /nye dgas smras pa/ kwa ye bsod snyoms pa ci zer/ bsod snyoms pas bsams pa/ gal te skad phyung na 'dis rgan rims kyi bdag gi khri yang phrog par 'gyur ro snyam nas de cang mi smra bar 'dug 'dug nas nang par sngar langs te/ mnyan yod du song nas bdag nyid ji ltar gyur pa de dge slong rnams la rgyas par brjod pa dang /dge slong don nyung ngu dag ci'i phyir dge slong dag dge 'dun gyi gtsug lag khang gi steng gi nam mkha' la thog bor bar khri'am khri'u rtsa ba 'byung ba la shes bzhin du ljid kyis phab ste/ 'dug pa dang nyal bar byed ces smod par byed phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ nye dga' la rmas nas/ dge slong gi tshul ma yin ba/rjes su mthun pa ma yin pa/ rung ba ma yin pa/ tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang dge 'dun gyi gtsug lag khang gi steng gi nam mkha' la thog bor bar khri'am khri'u rtsa ba 'byung ba la shes bzhin du ljid kyis phab ste 'dug gam nyal na ltung byed do zhes bca' ba mdzad de/ yul ni mnyan yod/gang zag ni nye dga'/ nyon mongs pa ni tho 'tshams pa/ nyes pa ni dge 'dun gyi gtsug lag khang gi yang thog tu rtsa ba 'byung ba la 'dug pa'o/ /de la yang dge slong gang zhes bya ba ni shAkya'i bu nye dga' 'am/ gzhan yang de lta bu gang yin pa'o/ / dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o/ /gtsug lag khang gi zhes bya ba ni gang du spyod lam bzhi po 'gro ba dang / 'greng ba dang / 'dug pa dang / nyal ba dag byar rung ba'i'o/ /steng gi nam mkha' la zhes bya ba ni steng gi nam mkha' la'o//thog bor bar zhes bya ba ni rtswa'i thog gam/ lo ma'i thog bor bar ro/ /khri'am zhes bya ba ni khri nyid do/ /khri'u zhes bya ba ni khri'u nyid do/ /rtsa ba 'byung ba la zhes bya ba ni rkang pa 'byung ba la'o/ /shes bzhin du zhes bya ba ni de rang nyid kyis rig par gyur pa'am/gzhan dag gis brjod pas so/ /ljid kyis phab ste zhes bya ba ni mthus mnan te'o/ /'dug gam zhes bya ba ni rkub tshos 'jog par byed na'o/ /nyal na zhes bya ba ni lus bsnyal na'o/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya ste/ de la 'dir dngos gzhi'i ltung ba rnam par gzhag pa ni/ dge slong gis dge 'dun gyi gtsug lag khang gi thog byin gyis gzhol ba nyid dam/spang leb nyid dam/ de dang 'dra bas g.yogs pa nyid ma yin par mnan par 'os pa khri la sogs pa'i rtsa ba phur bu ltar phyung ba dang / gzhug tu rung ba ma bkan pa nyid dang / rkang rten bcug pa nyid ma yin par shes bzhin du ljid kyis phab ste gnon par byed pa rtsa ba 'byung ba la 'dug pa'i ltung byed kyi dngos gzhir 'gyur ro//dge 'dun gyi gtsug lag khang nyid la na smad pa med do/ /steng gi thog byin gyis gzhol bar g.yogs pa ma yin pa nyid dang / spang leb kyis g.yogs pa ma yin pa nyid dang de dang 'dra bar sra bas g.yogs pa ma yin pa nyid dag la na smad pa med do//mnan par 'os pa khri la sogs pa'i rtsa ba phur bu ltar dbyung ba dang / gzhug tu rung ba la na smad pa med do/ /de ma bkan pa nyid dang rkang rten ma bcug pa nyid la na smad pa med do//dge 'dun gyi gtsug lag khang gi thog dang mnan par 'os pa khri la sogs pa'i rtsa ba yang de lta bu nyid yin la/ dge slong gis kyang de ltar 'du shes pa dang / yid gnyis za ba la na smad pa med do/ /de la ljid kyis phab ste gnon pa la na smad pa med do//'di'i byed pa po ni dge 'dun gyi gtsug lag khang gi thog nyid dang / mnan par 'os pa khri la sogs pa'i rtsa ba 'byung ba nyid gnon pa la 'du shes gtso cher byed pa po nyid yin no/ /'di la yan lag lngas dngos gzhi'i ltung bar 'gyur te/ dge 'dun gyi gtsug lag khang gi steng gi thog byin gyis gzhol ba nyid dam/spang leb nyid dam/ de dang 'dra bas g.yogs pa nyid ma yin pa dang / mnan par 'os pa khri la sogs pa'i rtsa ba 'byung ba bkan pa nyid dang / rkang rten bcug pa nyid ma yin pa dang / der 'du shes pa dang / ljid kyis phab pa dang /gnon pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du rtsa ba 'byung ba la 'dug pa'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//gang zag gi gtsug lag khang la nyes byas so/ /dge slong ma'i dge 'dun gyi gtsug lag khang dang / mu stegs can dang / khyim pa'i gnas la nyes byas so/ /dge 'dun gyi gtsug lag khang ma yin pa dang / mnan par 'os pa'i rtsa ba 'byung ba ma yin pa nyid la de nyid yin par 'du shes pa dang / yid gnyis za ba la nyes byas so/ /ljid kyis mi gnon par gyi na 'dug pa tsam la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed do//sbyor ba nyes byas kyi sbyor ba'i sbyor ba yang nyes byas te/ nyes byas phra mo'o/ /ltung ba med pa ni dge 'dun gyi gtsug lag khang gi thog byin gyis gzhol ba nyid dang / spang leb nyid dang / de dang 'dra bas g.yogs pa la ltung ba med do/ /mnan par 'os pa'i rtsa ba mi 'byung ba nyid dang /bkan pa nyid dang / rkang rten bcug pa nyid la ltung ba med do/ /der 'du shes med pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du rtsa ba 'byung ba la 'dug pa'i ltung byed du 'gyur ba rnam pa thams cad mi bsten par bslab par bya'o//khri la sogs pa la shes bzhin du 'dug par bya'o/ /phyir bcos pa ni snga ma bzhin no/ / rtsa ba 'byung ba la 'dug pa'i ltung byed de bco brgyad pa bshad zin to// //srog chags dang bcas pa la spyod pa'i ltung byed kyi gleng gzhi ni/ sangs rgyas bcom ldan 'das kau shAm+bI na gdangs can gyi kun dga' ra ba na bzhugs so/ /de'i tshe na tshe dang ldan pa 'dun pa shes bzhin du srog chags dang bcas pa'i chus rtswa dang lci ba dang sa la 'debs par byed/'debs su 'jug par byed nas dge slong rnams kyis de la smras pa/ tshe dang ldan pa 'dun pa khyod shes bzhin du srog chags dang bcas pa'i chus rtswa dang lci ba dang / sa la ma 'debs shig /'debs su ma 'jug cig /'dun pas smras pa/ kho bo la 'ga' zhig gis bgrangs te/ gtad dam ci/ shar gyi rgya mtsho chen por 'dong na ci nyes/ lho dang / nub dang / byang gi rgya mtsho chen por 'dong na ci nyes/ 'bab chu dang / mtsho dang / lteng ka dag tu 'jug na ci nyes zhes zer nas/ dge slong don nyung ngu dag ci'i phyir dge slong dag shes bzhin du/ srog chags dang bcas pa'i chus rtswa dang lci ba dang sa la 'debs pa dang / 'debs su 'jug par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ 'dun pa la rmas nas/ dge slong gi tshul ma yin pa/rjes su mthun pa ma yin pa/ rung ba ma yin pa/ tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang shes bzhin du srog chags dang bcas pa'i chus rtswa 'am/ lci ba'am/ sa la 'debs sam/ 'debs su 'jug na ltung byed do zhes bca' ba mdzad de/ yul ni kau shAm+bI/ gang zag ni 'dun pa/ nyon mongs pa ni bag med pa/ nyes pa ni shes bzhin du srog chags dang bcas pa'i chu dang spyod pa'i don las gzhan du spyod pa'o/ /de la yang dge slong gang zhes bya ba ni 'dun pa'am gzhan yang de lta bu gang yin pa'o/ /shes bzhin du zhes bya ba ni/ de rang nyid kyis rig par gyur pa'am gzhan dag gis brjod pas so//srog chags dang bcas pa zhes bya ba la srog chags dang bcas pa ni gnyis te/ gang dag mig gis mthong bar 'gyur ba dang / gang dag chu tshags kyis zin par 'gyur ba'o/ /chu zhes bya ba ni chu nyid kyis so/ /rtswa'am zhes bya ba ni rtswa nyid do//lci ba zhes bya ba yang lci ba nyid do/ /sa la zhes bya ba yang sa nyid la'o/ /'debs sam zhes bya ba ni rang gis so/ /'debs su 'jug na zhes bya ba ni gzhan no/ /ltung byed do zhes bya ba ni snga ma bzhin no/ /'dir srog chags dang bcas pa la spyod pa'i ltung byed dang /'og nas srog chags dang bcas pa'i chu la spyod pa'i ltung byed ces 'byung na/ de gnyis kyi spyi'i mtshan nyid ni 'dra'o/ /bye brag tu na 'di ni rang spyod pa ma yin pa'i don nyid la 'jug pa dang / 'jug tu 'jug pa de gnyis kyi yul la rnam par gzhag go//'og ma ni rang spyod pa'i don nyid la 'jug pa dang / 'jug tu 'jug pa de gnyis kyi yul la rnam par gzhag go/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang sbyor ba'i sbyor bas ltung ba rnam par gzhag pa dang / ltung ba med pa dang /bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gis shes bzhin du srog chags dang bcas pa'i chus rtswa'am/ lci ba'am sa la sogs pa dang rang spyod pa ma yin pa'i yul la 'debs sam 'debs su 'jug na/dud 'gro'i skyes gnas su skyes pa'i srog chags re re shi ba'i mthar srog chags dang bcas pa la spyod pa'i ltung byed kyi dngos gzhir 'gyur ro/ /chu yang srog chags dang bcas pa nyid yin la/ dge slong gis kyang de ltar 'du shes pa dang /yid gnyis za ba la na smad pa med do/ /chu dang rtsab mo dang / 'o ma dang / rtswa dang shing la sogs pa rang spyod pa ma yin pa chag chag dang / me shing la sogs pa dang / khrus la sogs pa phyi rol gyi don du yod do cog la na smad pa med do/ / dud 'gro'i skyes gnas su gtogs pa'i srog chags gang yang rung ba la na smad pa med do/ /rang nyid 'jug pa dang gzhan 'jug tu bcug pa la na smad pa med do/ /dud 'gro'i skye gnas su skyes pa'i srogs chags re re shi ba la na smad pa med do/ /'di'i byed pa po ni rang spyod pa ma yin pa'i don du srog chags dang bcas pa'i chu la 'du shes gtso cher byed pa po nyid yin no//'di la yan lag lngas dngos gzhi'i ltung bar 'gyur te/ rang spyod pa ma yin pa'i don gang yang rung ba dang / dud 'gro'i skye gnas su gtogs pa'i srog chags gang yang rung ba dang bcas pa dang /der 'du shes pa dang / spang ba dang srog chags ji snyed shi ba'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du srog chags dang bcas pa la spyod pa'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /srog chags med pa nyid la srog chags dang bcas par 'du shes pa dang / yid gnyis za ba la nyes byas so/ /srog chags ma shi na sbyor ba'i nyes byas so//sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed do/ /sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni srog chags med pa nyid la ltung ba med do/ / sha'i mig gis mi mthong ba'i srog chags la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du srog chags dad bcas pa la spyod pa'i ltung byed du 'gyur ba rnam pa thams cad mi bsten par bslab par bya'o//chu dang / sa dang / lci ba dang / shing la sogs pa phyi rol gyi don du spyod do cog la srog chags med par legs par brtag par bya'o/ /phyir bcos pa ni snga ma bzhin no//srog chags dang bcas pa la spyod pa'i ltung byed de bcu dgu pa bshad zin to// //gtsug lag khang gi ltung byed kyi gleng gzhi ni/ sangs rgyas bcom ldan 'das kau shAm+bI na/ gdangs can gyi kun dga' ra ba na bzhugs so/ /de'i tshe na drug sde dag gzhan gyis byed du bcug pa'i gtsug lag khang na gnas shing 'phyas 'dogs pa dge slong rnams kyis smras pa dang /tshe dang ldan pa 'dun pa nga rgyal skyes nas/ des kau shAm+bI na bram ze phyug pa/ nor mang ba longs spyod che ba/ yongs su bzung ba yangs shing rgya che la/ser sna can mig phra ba bya rog la yang gtor ma mi ster ba yo byad kun 'dzin pa de dad pa skyes nas rdzas las byung ba'i bsod nams bya ba'i gzhi bdun po dag gi bsngags pa brjod pa dang / gtsug lag khang brtsig par khas blangs te/ kAr ShA pa Na dag sbyar te smras pa btsun pa bdag la kAr ShA pa Na dag ni mchis na bsod nams kyi grogs bgyid pa ma mchis so/ /'dun pas smras pa/ kho bos khyod kyi bsod nams kyi grogs bya'i/ 'di ltar khyod kyis kho bo dge 'dun gyi lag gi blar bskor chug shig /bram ze dag gtsug lag khang du song ste dge 'dun la gsol pa dang / de na dge 'dun gyi nang na tshe dang ldan pa shA ri'i bu dge 'dun gyi gnas brtan byed pas 'dun pa la smras pa/ tshe dang ldan pa 'dun pa/ gang gi tshe kho bos rgyal byed kyi tshal brtsig tu bcug pa de'i tshe na yang kho bo sus kyang lag gi blar ma bskos so//gang gi tshe tshe dang ldan pa skul byed chen pos gdangs can gyi kun dga' ra ba brtsig tu bcug pa de'i tshe na yang sus kyang lag gi blar ma bskos/ khyod kyang gal te gtsug lag khang byed du 'jug par 'dod na ma bskos pa nyid du chug shig /tshe dang ldan pa 'dun pas bsams pa lhung bzed nag po can bdag cag mthong bar yang mi dga' na/ lag gi blar bsko bar ga na 'gyur snyam nas de bram ze'i gan du song ste/ kAr ShA pa Na dag blangs nas so phag mkhan dang /phyag mkhan dang / shing mkhan dang / zhal zhal mkhan dang / ri mo mkhan dang / bla ma'i gan du song ste/ kAr ShA pa Na dag byin nas/ de nyi ma gcig kha nas gtsug lag khang sum brtsegs sgo'i sbubs kyi gnas dang / gtan pa'i gnas dang /skar khung dang chu khung gi gnas dag kyang ma bzhag par/ de bzhin kho nar sbyang 'dra bar brtsigs te/ de bram ze de'i gan du song nas smras pa/ bram ze khyod kyi gtsug lag khang zin gyi tshur shog /dge 'dun la phul cig /bram zes smras pa/'phags pa deng bdag gis zhal zas sta gon ma bgyis kyi/ sang bdag gis zhal zas sta gon bgyis te mchi'o/ bcom ldan 'das kyis dgongs pa/ gtsug lag khang 'di deng nyid du rdib par 'gyur te/ gal te yongs su ma spyod pa kho nar rdib par gyur na bram ze de khrag tsha ba skyugs te dus byed par 'gyur ba gang yin pa de lta bu'i gnas yod par 'gyur ro snyam du dgongs nas/de nas bcom ldan 'das kyis dge slong snyoms par 'jug pa'i gnas pa thob pa dag mtshan mo'i thun dang po la gtsug lag khang der bzhag nas bcom ldan 'das nyid brgya byin dang /tshangs pa la sogs pa lha rnams kyi 'khor dang bcas pa mtshan mo'i gung thun la der chos bstan pa mdzad nas slar gshegs so/ /mtshan mo'i thun tha ma la sprin kha dog lnga pa 'dus nas/ des gtsug lag khang de dper na sbyang chus gang bar gyur pa bzhin du chus gang bar gyur nas rdib par gyur to/ /drug sde dag gis de thos nas skrag ste bros so/ /bram ze des kyang phyi de nyin par bca' ba dang / bza' ba gtsang zhing bsod pas shing rta bkang ste der 'ongs pa na/rang gi gtsug lag khang rdib par mthong nas brgyal te sa la 'gyel lo/ /de nas bcom ldan 'das kyis tshe dang ldan pa kun dga' bo las bram ze de la bka' stsal te/ mang po dag gis de bzhin gshegs pa la bsngos te gtsug lag khang dag byed du bcug pa de dag ni de bzhin gshegs pas yongs su ma spyad kyi/khyod kyi gtsug lag khang gang yin pa de ni mdang mtshan mo'i thun dang po la dge slong gnas brtan gnas brtan dag gis yongs su longs spyad/ 'di lta bu mtshan mo'i gung thun la yang bcom ldan 'das brgya byin dang /tshangs pa la sogs pa rnams kyi 'khor dang bcas pas yongs su longs spyad pas/ khyed kyis ni rnyed pa legs par rnyed do zhes bsgo'o/ /de nas bram za des btsun pa kun dga' bo gal te de lta na bdag gdugs re re zhing gtsug lag khang 'di lta bu sha stag bgyid du stsol par yang spro'i zhes zer ba drug sde dag gis thos nas der lhags pa dang /bram ze des de dag la ras yug chen sar pa re re bskon zhing / yo byad thams cad kyis kyang bstabs pa dang / drug sde dag kho bo cag gis de ltar bram ze de'i nor de snyed chud gsan du zin kyang /'on kyang des kho bo cag la ras yug chen sar pa re re bskon zhing yo byad thams cad kyis kyang bstabs par gyur pa de ltar kho bo cag gis bram ze mngon par dad par byas so zhes rlom par byed nas/ dge slong don nyung ngu dag ci'i phyir dge slong dag yan lag gang gis ngo tsha bar byas pa'i yan lag de nyid kyis rlom par byed ces smod par byed/ phyar ka gtong bar byed kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang /gleng gzhi 'di dang / skabs 'di la dge slong gi dge 'dun bsdu ba mdzad de/ drug sde dag la rmas nas/ mi mdzes so zhes rnam grangs du mas rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/dge slong gis gtsug lag khang chen po zhig rtsig tu 'jug na sgo'i sbubs dang / gtan pa dang / snang ba'i gnas ji tsam pa'i 'du shes kyis sa brtag pa nas bzung ste/pha gu'i rim pa 'jim pa dang bcas pa gnyis sam gsum pa brtsig par bya'o/ /de las lhag par brtsigs na ltung byed do zhes bca' ba mdzad de/ yul ni kau shAm+bI gang zag ni drug sde/ nyon mongs pa ni las ngan pa la dga' ba/ nyes pa ni gtsug lag khang pha gu'i rim pa 'jim pa dang bcas pa gnyis sam gsum las lhag par brtsig pa'o//de la dge slong gis zhes bya ba ni drug sde'am/ gzhan yang de lta bu gang yin pas so/ /gtsug lag khang zhes bya ba ni gang du spyod lam bzhi po 'gro ba dang /'greng ba dang / 'dug pa dang nyal ba dag byar rung ba'o/ /chen po zhes bya ba ni chen po gnyis te/ sbyin par bya ba las dang tshad las te/ don 'dir ni gnyis ka yin par dgongs so/ /rtsig tu 'jug na zhes bya ba ni bdag nyid kyis sam gzhan no//sgo sbubs dang / gtan pa zhes bya ba ni sgo'i sbubs dang gtan gzhug par bya'o/ /snang ba'i gnas ji tsam pa'i 'du shes kyis zhes bya ba ni skar khung gi dag dang chu khung gi gnas ji tsam gdod par bya ba'i 'du shes kyis so/ / sa brtag pa nas bzung ste pha gu'i rim pa 'jim pa dang bcas pa gnyis sam gsum zhes bya ba la/ pha gu'i rim pa zhes bya ba ni pha gu rtseg ma'o/ /'jim pa dang bcas pa zhes bya ba ni sa 'jim pa dang bcas pa'o/ /brtsig par bya'o zhes bya ba ni gzhag par bya ba'o//de las lhag par brtsigs na zhes bya ba ni de las lhag par 'jog na'o/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor ba rnams kyis ltung ba rnam par gzhag pa dang /ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gis gtsug lag khang spyod lam bzhi shong ba yan chad thams cad rdo'am so phag gam shing las byas pa ma yin pa char chu bskyab pa'i g.yogs par byas pa dge 'dun gyi 'am/gang zag gi'am/ khyim pa dbang ba yang rung ba yin/ bdag gis byas sam zin nas blta'o zhes smras pa chu khung dag ma btod pa'am brkos te rmang gi rtsa ba ma btsugs pa'am/sgo cha gong ma ma bcug pa gang yang rung ba las rang ngam gzhan gyis nyi ma de nyid la pha gu'i rim pa 'jim pa dang bcas pa gsum las lhag par rtsig gam/ nyi ma gzhan la yang pha gu 'jim pa med par rim pa gsum las lhag par brtsigs na gtsug lag khang gi ltung byed kyi dngos gzhir 'gyur ro//gtsug lag khang nyid la na smad pa med do/ /spyod lam bzhi po shong pa yan chad la na smad pa med do/ /thams cad rdo ba'am so phag gam shing las byas pa yin pa la na smad pa med do//char chu bskyab pa'i g.yogs pa ma byas pa la na smad pa med do/ /yon bdag gis byas sam zin nas blta'o zhes ma smras pa la na smad pa med do/ /nyin gcig la pha gu 'jim pa dang bcas pa rim pa gsum las lhag par rtsig pa byas pa la na smad pa med do//bdag gis brtsigs pa dang / gzhan rtsig tu bcug pa la na smad pa med do/ /nyi ma gzhan la yang pha gu 'jim pa med par rim pa gsum las lhag par rtsig pa byas pa la na smad pa med do/ /rang gi gnas su chu khung dag ma btod pa la na smad pa med do//brkos te rmang gi rtsa ba ma btsugs pa nyid la na smad pa med do/ /sgo skyes la sogs pa sgo cha gong ma ma bcug pa la na smad pa med do/ /dge 'dun gyi'am gang zag gi'am/ khyim pa dbang ba gang yang rung ba la na smad pa med do/ /'di'i byed pa po ni gtsug lag khang spyod lam bzhi shong ba yan chad thams cad rdo'am so phag gam shing las byas pa ma yin pa char chu bskyab pa'i g.yogs pa ma byas pa dge 'dun gyi'am/gang zag gi'am/ khyim pa dbang ba'o/ /'di la yan lag lngas dngos gzhi'i ltung bar 'gyur te/gtsug lag khang spyod lam bzhi shong ba yan chad thams cad rdo'am so phag gam shing las byas pa ma yin pa char chu bskyab pa'i g.yogs pa ma byas pa dge 'dun gyi'am/ gang zag gi'am/ khyim pa dbang ba yang rung ba dang /yon bdag gis byas nas blta'o zhe'am zin nas blta'o zhes dge slong la ma smras pa/ chu khung dag ma btod pa'am/ brkos te rmang gi rtsa ba ma btsugs sa ba sgo cha gong ma ma bcug pa gang yang rung ba dang / rang ngam gzhan gang yang rung bas rtsig pa dang /nyi ma de nyid la pha gu'i rim pa 'jim pa dang bcas pa gsum las lhag par rtsig gam/ nyi ma gzhan la yang pha gu 'jim pa med pa rim pa gsum las lhag par rtsig pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ji srid du gtsug lag khang gi ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /gtsug lag khang ma yin pa la nyes byas so//spyod lam bzhi mi shong ba la nyes byas so/ /sgo cha gong ma las gzhan ma bcug pa la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te/nyes byas phra mo'o/ /ltung ba med pa ni gal te thams cad rdo ba'am so phag gam/ shing las byas pa yin na ltung ba med do/ /char chu bskyab pa'i g.yogs pa byas pa la ltung ba med do/ /yon bdag gis byas sam zin nas blta'o zhes smras pa la ltung ba med do/ / nyin gcig la pha gu 'jim pa dang bcas pa rim pa gsum man chad brtsigs pa la ltung ba med do/ /nyi ma gzhan la yang pha gu 'jim pa med pa rim pa gsum man chad brtsigs pa la ltung ba med do/ /rang gi gnas su chu khung dag btod pa la ltung ba med do/ / brkos te rmang gi rtsa ba btsugs pa nyid la ltung ba med do/ /sgo skyes la sogs pa'i sgo cha gong ma btsug pa la ltung ba med do/ /nyi ma snga ma la rim pa snga ma dag brtsigs pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do//bslab par bya ba ni dge slong gis yul thams cad la gnas skabs thams cad du gtsug lag khang gi ltung byed du 'gyur ba rnam pa thams cad du mi bsten par bslab par bya'o/ /sgo cha dang po gzhug par bya'o/ /sgo glegs dag kyang gzhug par bya'o//skar khung dag kyang gdod par bya'o/ /chu khung dag kyang gdod par bya'o/ /phyir bcos pa ni snga ma bzhin no/ /gtsug lag khang gi ltung byed de nyi shu pa bshad zin to// //so sor thar pa'i mdo rgya cher 'grel pa 'dul ba kun las btus pa/bam po nyi shu gsum pa/ sdom la/ ma bskos nyi ma nub pa dang / /zas dang chos gos gnyis dag dang / /don mthun gru dang dben pa gnyis/ /dge slong ma yis sbyor bcug pa'o/ /zhes bya ba ni bcu pa gsum pa yin te/sdom la zhes bya ba'i tshig gi don dang / dgos pa ni snga ma bzhin no/ /bcu pa gsum pa 'dis kyang ltung byed kyi chos bcu bstan te/ ma bskos par ston pa dang / nyi ma nub kyi bar du ston pa dang / zas cung zad tsam gyi phyir ston pa dang / gos sbyin pa dang /gos byed pa dang / dge slong ma dang lhan cig 'gron lam du 'jug pa dang / dge slong ma dang lhan cig grur 'jug pa dang / gcig pu 'dug pa dang / gcig pu 'greng ba dang / dge slong mas sbyor du bcug pa za ba'i ltung byed do/ /de la ma bskos par ston pa'i ltung byed kyi gleng gzhi ni byung ba dang bcas pa dang gnang ba'i dbang gis rnam pa gsum ste/byung ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ / de'i tshe na dge slong ma 'phags ma nyan thos chen mo gnas brtan mo gnas brtan mo 'di lta ste/ skul byed ma dang / min da dang / maN Da ba dang / pa thad tsa ra dang / 'brog gnas dang / bde ba dang / zla ba dang / gau ta mi skem mo dang / ut+pa la'i mdog dang / dge slong ma skye dgu'i bdag mo chen mo gau ta ma'i dang / de dag dang / gzhan yang dge slong ma 'phags ma nyan thos chen mo gnas brtan mo gnas brtan mo dag mnyan yod du dge slong ma'i dbyar khang rgyal po'i kun dga' ra bar dbyar gnas par khas blangs so//de nas skye dgu'i bdag mo chen mo gau ta mI'i 'khor dge slong ma lnga brgya dang bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te/ mtha' gcig tu 'dug go/ /mtha' gcig tu 'dug nas bcom ldan 'das skye dgu'i bdag mo chen mo gaunya mI la chos dang ldan pa'i bka' mchid kyis yang dag par ston par mdzad yang dag par 'dzin du 'jug par mdzad/yang dag par gzengs stod par mdzad/ yang dag par rab tu dga' bar mdzad do//rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas gau ta mI khyod kyi dus yin gyi song shig ces bskul bar mdzad do//de nas skye dgu'i bdag mo chen mo gau ta mIs bcom ldan 'das kyis bka' stsal pa la mngon par dga' ba dang rjes su yi rang ba byas te/ bcom ldan 'das kyi zhabs gnyis la mgo bos phyag 'tshal nas bcom ldan 'das kyi spyan snga nas song ngo //de nas bcom ldan 'das kyis skye dgu'i bdag mo chen mo gau ta ma'i song nas ring po ma lon par thugs su chud nas/ dge slong rnams la bka' stsal pa/ dge slong dag /nga ni rgan po rgas pa dgog tu gyur pa yin pas 'khor bzhi po dag la chos ston na ngal bar 'gyur gyi/dge slong dag de lta bas na deng phyin chad dge slong gnas brtan gnas brtan rnams kyis dge slong ma la ston cig /de'i tshe na dge slong gnas brtan gnas brtan rnams res kyis dge slong ma la ston par byed do/ /tshe dang ldan pa dga' byed ni res babs pa na dge slong ma la ston par mi btub po//de nas skye dgu'i bdag mo chen mo gau ta ma'i 'khor lnga brgya dang / bcom ldan 'das kyi spyan sngar 'ongs nas/ bcom ldan 'das kyis de la chos bstan nas song ngo / /de nas bcom ldan 'das kyis skye dgu'i bdag mo chen mo gau ta ma'i song nas ring po ma lon par thugs su chud nas/tshe dang ldan pa kun dga' bo la bka' stsal pa/ kun dga' bo dge slong gnas brtan gnas brtan gang dag dge slong ma la res kyis ston par byed dam/ btsun pa dge slong gnas brtan gnas brtan dag phal cher dge slong ma la res kyis ston par bgyid de/tshe dang ldan pa dga' byed ni res babs kyang dge slong ma la ston bar mi 'tshal lo/ /de'i tshe na tshe dang ldan pa dga' byed 'khor de nyid na 'dug cing mthun par gyur to/ /de nas bcom ldan 'das kyis tshe dang ldan pa dga' byed la bka' stsal pa/dga' byed khyod kyis dge slong ma la thoms shig dge slong ma la rjes su ston cig /dge slong ma la chos dang ldan pa'i gtam gyis shig de ci'i phyir zhe na dga' byed/ dge slong ma la da'am/ khyod kyis gtams kyang rung zhing rjes su bstan kyang rung la/chos dang ldan pa'i gtam byar yang rung ba'i phyir ro/ /tshe dang ldan pa dga' byed kyis cang mi smra bas bcom ldan 'das las dang du blangs so/ /de nas tshe dang ldan pa dga' byed kyis bcom ldan 'das kyis bka' stsal pa la mngon par dga' ba dang /rjes su yi rang bar byas te/ bcom ldan 'das kyi zhabs gnyis la mgo bos phyag 'tshal te/ bcom ldan 'das kyi spyan snga nas song ngo / /de nas tshe dang ldan pa dga' byed de nyid kyi mtshan mo 'das nas snga dro sham thabs bgos lhung bzed dang chos gos thogs te/mnyan yod du bsod snyoms la zhugs so/ /de nas mnyan yod du bsod snyoms brgyus nas zas kyi bya ba byas te/ phyi dro bsod snyoms mi byed nas lhung bzed dang chos gos mkhos su phab ste/ rkang pa gnyis bkrus nas nang du yang dag 'jog gi phyir gtsug lag khang du zhugs so//de nas tshe dang ldan pa dga' byed phyi ma red nang du yang dag 'jog las langs nas/ snam sbyar thogs te phyi bzhin 'brang ba'i dge sbyong dge slong zhig dang / dge slong ma'i dbyar khang rgyal po'i kun dga' ra ba ga la ba der song ngo //dge slong ma de dag gis tshe dang ldan pa dga' byed thag ring po kho na nas mthong ngo / /mthong nas kyang tshe dang ldan pa dga' byed kyi phyir stan shom par byed cing 'di skad ces kyang smras so/ /btsun pa dga' byed tshur gshegs/ btsun pa dga' byed byon pa legs so//btsun pa dga' byed gdan bshams pa nyid la bzhugs su gsol tshe dang ldan pa dga' byed stan bshams pa nyid la 'dug go/ /de nas dge slong ma de dag gis tshe dang ldan pa dga' byed kyi rkang pa gnyis la phyag 'tshal te mtha' gcig tu 'khod do//mtha' gcig tu 'khod nas tshe dang ldan pa dga' byed kyis/ dge slong ma de dag la 'di skad ces smras so/ /sring mo dag khyed cag rnam par sel ba yongs su dris shig dang / chos dang ldan pa'i gtam brjod par bya'o/ /de la khyod kyis kun shes pa dag gis kyang kun shes so zhes brjod par gyis shig /kun mi shes pa dag gis kyang kun mi shes so zhes brjod par gyis shig /gang gis smras pa dang / gang gi don kun shes pa des ni de kho na bzhin du zung shig /gang gis smras pa/ gang gi don kun mi shes pa de ni bdag nyid la btsun pa dga' byed smras pa 'di'i don ci lags/'di ji lta bu lags zhes yongs su dris shig ces nang gi skye mched drug dang / phyi'i skye mched drug dang / rnam par shes pa'i tshogs drug dang / reg pa'i tshogs drug dang / tshor ba'i tshogs drug dang /sred pa'i tshogs drug po dag la bdag dang bdag gi med par chos bstan pas/ bcom ldan 'das kyis dge slong ma lnga brgya po de dag phyir mi 'ong ba nyid du lung bstan to/ /de nas yang tshe dang ldan pa dga' byed kyis de dag la chos dang ldan pa'i gtam gyis yang dag par bstan/yang dag par 'dzin du bcug /yang dag par gzengs bstod/ yang dag par rab tu dga' bar mdzad nas bcom ldan 'das kyis dge slong ma lnga brgya po de dag mchog nyid du lung bstan to/ /'di ni re zhig 'byung ba yin te/ sangs rgyas bcom ldan 'das re zhig 'dul ba la nyan thos rnams kyis bslab pa'i gzhi 'cha' bar ni mi mdzad do//bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis dge slong gnas brtan gnas brtan dag gis res kyis dge slong ma la bstan par bya'o zhes bka' stsal nas dge slong drug sde dag la dge slong ma la ston pa'i res bab pa na de dag ji tsam pa de tsam bstan nas de dag dang lhan cig tho 'tshams par byed/kun du rtse bar byed/kun du ca co 'don par byed/ gzhogs stegs dang 'phyar g.yeng dang / lus la rdeg pa dag byed de de nas gang dag bdag gir byed pa de dag ni de dag dang lhan cig tho 'tshams par byed/ kun du rtse bar byed/ kun du ca co 'don par byed/ gzhogs stegs dang / 'phyar g.yeng dang / lus la rdeg pa dag byed do/ /gang dag bdag gir mi byed pa de dag ni 'chags dang dag ra dang / sgo gang dag na gnas ngan len kun du spyod pa 'di lta bu dag bdag cag la ston par byed do zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong drug sde dag dge slong ma'i ston par bsko bar mi bya'o/ /de ltar bcom ldan 'das kyis drug sde dag dge slong ma'i ston par bsko bar mi bya'o zhes bka' stsal nas/de dag gcig gis gcig bskos pa dang / mtshams kyi phyi rol du dong ste/ gcig gis gcig bskos pa dang / mtshams kyi nang du dge slong nad pa rnams kyis 'dun pa blangs te lhag ma rnams dang mi mthun par byas te gcig gis gcig bskos te/dge slong ma la ston par byed pa na nyes dmigs de nyid du gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ma bskos pa dang mtshams kyi phyi rol du bskos pa dang / mtshams kyi nang du dge slong nad pa rnams kyis 'dun pa blangs te lhag ma rnams dang mi mthun par byas nas gcig gis gcig bskos te dge slong ma la bstan par mi bya ba dang 'di ltar gso sbyong bco lnga pa de nyid kyi tshe dge 'dun thams cad 'dun cing mthun par gyur pa na dge slong chos lnga dang ldan pa bsko bar bya ste/lnga gang zhe na/ tshul khrims dang ldan pa dang / mang du thos pa dang / gnas brtan rgyal tshab lta bu dang / grong khyer ba'i skad dang ldan pa dang /des dge slong ma la lus kyis reg pas sun ma phyung zhing / gal te sun phyung na yang des ltung ba de chos bzhin du phyir byas pa'am/ yang na dge slong ma'i ston pa phyi ma ni sring mo dag ci khyed cag dge slong ma'i dge 'dun tshogs sam/yongs su dag gam/ mthun nam/ kha na ma tho ba med dam/ khyed cag la dge 'dun gyis ma bskos pa'i gang zag 'ga' zhig ston par mi byed dam/ khyed cag la ston pa'i gang zag ni 'ga' zhig dge 'dun las 'ong ngo / /khyed cag la dge slong 'ga' yang ston par mi spro'o//khyed cag gi gdams ngag dang rjes su bstan pa ni dge 'dun las so/ /sring mo dag gis bag yod par sgrubs shig ces bya ba de ston nus pa ste/ de lta bus spro bar bya zhing gsol ba dang gnyis kyi las kyis bsko bar bya'o/ /bcom ldan 'das kyis de skad ces bka' stsal nas/drug sde dag ma bskos pa kho nar dge slong ma la ston par byed nas/ dge slong don nyung ngu dag ci'i phyir dge slong dag ma bskos pa kho nar dge slong ma la ston par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang skabs 'di la dge slong gi dge 'dun bsdu ba mdzad de/ drug sde dag la rmas nas/ dge sbyong gi tshul ma yin pa/ rjes su mthun pa ma yin pa/rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang dge 'dun gyis ma bskos par dge slong ma la ston na ltung byed do zhes bca' ba mdzad de/ yul ni mnyan yod/ gang zag ni drug sde/ nyon mongs pa ni gtogs 'dod/ nyes pa ni ma bskos par dge slong ma la ston pa'o/ /gnang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//mnyan yod na bram ze zhig 'dug pa des rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod bar byed do/ /de'i bu btsas so cog dus byas nas/ dus gzhan zhig na de'i chung ma la sems can zhugs par gyur nas/ de nas bram ze de lag pa 'gram pa la gtad de sems khong du chud cing 'dug pa dang / de dang ha cang thag mi ring ba na bud med rgan mo zhig 'dug pa des de mthong nas des smras pa/bram ze ci'i slad du khyod lag pa la 'gram pa gtad de sems khong du chud cing bzhugs/ bram ze des smras pa/ kho bo'i bu btsas so cog dus byas te/ nga yang kho bo'i chung ma la sems can zhugs par gyur pas bu gzhan btsa' bar 'gyur ba gang yin pa de yang dus byed par 'gyur bas mya ngan mang po 'byin te 'gro bar 'gyur ro//rgan mo des smras pa/ gang gi tshe khyod kyi btsun mo btsa' bar 'gyur ba de'i tshe na kho mo sbron cig /de nas dus gzhan zhig na de'i chung ma btsa' ba'i dus la bab nas bram ze des bud med rgan mo de bos nas de yang 'ongs so//ji tsam na de'i chung ma btsas pa dang de las khye'u zhig byung nas bud med rgan mo des khye'u de khrus byas te/ ras dkar pos dkris nas de'i kha zhun mar gyis bkang ste bu mo zhig gi lag tu byin nas des bu mo de la smras pa/bu mo khye'u 'di lam po che'i bzhi mdor zung la gal te dge slong ngam bram ze 'ga' snang na de la rjes dang bcas gus pa dang bcas pas rkang pa la phyag 'tshol la/ de la 'di skad ces khye'u 'di 'phags pa dag gi zhabs la phyag 'tshal lo zhes gyis shig /nyi ma nub pa na gal te gson na khyer te shog shig /gal te dus byed na de nyid du 'or cig /bu mo de grims pa sgrub phod pa yin pas/ des khye'u de khyer nas lam po che'i bzhi mdor song nas 'dug go/ /mu stegs can dag gi kun tu spyod pa ni nang par sngar langs te chu ngogs su nye reg gi phyir 'gro ba yin pas mu stegs can chu ngogs su nye reg gi phyir 'dong ba dang der lhags nas bu mo des rdzas dang bcas gus pa dang bcas pas rkang pa la phyag 'tshal te smras pa/'phags pa dag khye'u 'di 'phags pa dag gi zhabs la phyag 'tshal lo//de dag gis smras pa/ yun ring du 'tsho bar gyur cig /tshe ring du skyong bar gyur cig /pha ma gnyis kyi yid la bsams pa yongs su rdzogs par gyur cig /dge slong gnas brtan gnas brtan dag kyang snga dro sham thabs bgos lhung bzed dang chos gos thogs te mnyan yod du bsod snyoms la zhugs pa dang /bu mo des rjes dang bcas gus pa dang bcas pas gnas brtan gnas brtan dag gi rkang pa la phyag 'tshal te/ smras pa/ 'phags pa dag khye'u 'di 'phags pa dag gi zhabs la phyag 'tshal lo//gnas brtan gnas brtan dag gis smras pa/ yun ring du 'tsho bar gyur cig /tshe ring du skyong bar gyur cig /pha ma gnyis kyi yid la bsams pa yongs su rdzogs par gyur cig /bu mo des khye'u de rgyal byed kyi tshal gyi lam kar khyer ba dang /bcom ldan 'das kyis snga dro sham thabs gsol lhung zed dang chos gos bsnams te/ mnyan yod du bsod snyoms la gshegs nas/ bu mo des rgya cher rjes dang bcas gus pa dang bcas pas bcom ldan 'das kyi zhabs gnyis la phyag 'tshal te gsol pa/bcom ldan 'das khye'u 'di bcom ldan 'das kyi zhabs gnyis la phyag 'tshal lo/ /bcom ldan 'das kyis bka' stsal pa/ yun ring du 'tsho bar gyur cig /tshe ring du skyong bar gyur cig /pha ma gnyis kyi chos dang ldan pa'i bsams pa yongs su rdzogs par gyur cig /bu mo des nyi ma nub kar bltas na de gson par mthong nas/ des khye'u de khyer te khyim du 'ongs pa dang / de dag gis bu mo de la dris pa khye'u gson nam/ bu mos smras pa/ gson no/ /de dag gis smras pa/ khyod kyis gang du bzung / lam po che ga ge mo zhig tu'o//de dag gis smras pa/ khye'u 'di'i ming cir gdags khye'u 'di lam po cher bzung bas/ 'di'i ming lam chen pa zhes gdags so zhes de'i ming lam chen pa lnga zhes bya bar btags so/ /khye'u lam chen pa de bsrings shing bskyed de chen por gyur to//de gang gi tshe chen por gyur pa de'i tshe na yi ge dang grangs dang / rtsis dang / lag rtsis dang / dbyung ba dang / gzhug pa dang / gzhag pa dang / 'byed pa dang / klog pa'i pha rol du son cing / de'i tshe na bram ze'i spyod tshul dang / spyod pa dang / gtsang sbra dang / kun du spyod pa dang / thal ba blang ba dang / bya ma bum blang ba dang / sa blang ba dang / lag stangs dang / thor tshugs dang rab bsngags bya ba dang / kye zhes bya ba dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang /bram ze'i las drug po/ mchod sbyin byed pa dang / mchod sbyin byed du 'dzud pa dang / klog pa dang / klog du 'dzud pa dang / sbyin pa dang / lan pa la mkhas pa'i bram ze rig byed dang / rig byed kyi yan lag gi pha rol du son pa me lta bu'i shes pas rang gi smra ba gsal bar byed pa/gzhan gyi smra ba tshar gcod nus par gyur to/ /de'i tshe na bram ze lam chen pa des bram ze'i khye'u lnga brgya tsam dag bram ze'i gsang tshig dag 'don du bcug go/ /ji tsam dus gzhan zhig na yang bram ze de/ chung ma dang lhan cig rtse bar byed/ dga' bar byed dga' dgur spyod par byed pa de'i chung ma la sems can zhugs par gyur nas de btsa' ba'i dus la bab pa'i tshe bram ze des bud med rgan mo de bos nas de yang 'ongs so/ /ji tsam na de'i chung ma btsas pa dang / de las khye'u zhig byung nas bud med rgan mo des khye'u de khrus byas te/ras dkar pos dkris nas de'i kha zhun mar gyis bkang ste bu mo zhig gi lag tu byin nas/ des bu mo de la smras pa/ bu mo khye'u 'di lam po che'i bzhi mdor zung la/ gal te dge slong ngam/ bram ze 'ga' snang na de la rjes dang bcas gus pa dang bcas pas rkang pa la phyag 'tshol la/de la 'di skad ces khye'u 'di 'phags pa dag gi zhabs la phyag 'tshal lo zhes gyis shig /nyi ma nub pa na gal te gson na khyer te shog shig /gal te dus byed na de nyid du 'or cig /bu mo de blun mo le lo can yin bas/des khye'u de khyer te lam phran du song ste 'dug go/ /mu stegs can dag kun du spyod pa na nang par sngar langs te chu ngogs su nye reg gi phyir 'gro ba yin pas mu stegs can chu ngogs su nye reg gi phyir 'dong ba dag der lhags nas bu mo des rjes dang bcas gus pa dang bcas pas rkang pa la phyag 'tshal te smras pa/'phags pa dag khye'u 'di 'phags pa dag gi zhabs la phyag 'tshal lo/ /de dag gis smras pa/ yun ring du 'tsho bar gyur cig /tshe ring du skyod bar gyur cig /pha ma gnyis kyi yid la bsams pa yongs su rdzogs par gyur cig /bu mo des nyi ma nub kar bltas te gson par mthong nas des khyer te khyim du 'ongs pa dang / de dag gis bu mo de la dris pa/ khye'u gson nam/ bu mos smras pa/ gson no/ /de dag gis smras pa/ khyod kyis gang du bzung /lam phran ga ge mo zhig tu'o/ de dag gis smras pa/ khye'u 'di'i ming cir gdags/ khye'u 'di lam phran du bzung bas 'di'i ming lam phran pa zhes btags so zhes de'i ming lam phran pa zhes bya bar btags so/ /khye'u lam phran pa de bsrings shing bskyed de chen por gyur to//de gang gi tshe chen por gyur pa de'i tshe na yi ge la bcug na des sid ces brjod na d+ham brjed par byed la/ d+ham zhes brjod nas sid brjed par byed nas de'i slob dpon des bram ze la smras pa/ kho bos bram ze'i khye'u mang po gzhan dag kyang klog tu gzhug dgos pas/kho bos lam phran pa klog tu 'jug mi nus so/ /bram zes bsams pa/ bram ze thams cad yi ge dang 'bru la mkhas pa ma yin te/ 'di rigs kyi bram zer 'gyur ro snyam nas/ des de klog mkhan la rig byed slob par phul ba dang /des oM zhes brjod na b+hu brjed par byed la/ b+hu zhes brjod na oM brjed par byed pas klog mkhan gyis bram ze la smras pa/ bram ze kho bos bram ze'i khye'u mang po gzhan dag kyang klog tu gzhug dgos pas/ kho bos lam phran la klog tu 'jug mi nus so//bram ze des bsams pa bram ze thams cad rig byed klog pa ma yin te/ mkhas kyang rung / mi mkhas kyang rung gtsang yang rung mi gtsang yang rung ste/ bram ze gang yin pa de nyid lha yin pas 'di ni rigs bram ze kho nar 'gyur ro snyam mo/ de bul ba mchog tu bul ba/ chung ba mchog tu chung ba yin pas de'i ming lam chung ba lam chung ba zhes bya bar yang gyur to//bram ze de gang du chung zad cig mgron du bos pas lam chung ba de khrid de 'gro'o/ /dus gzhan zhig na/ bram ze de na bar gyur nas/ des rtsa ba dang sdong bu dang / 'dab ma dang / me tog dang / 'bras bu'i sman dag gis bsnyen bkur byas kyang nyams pa nyid du gyur nas/ des lam chen pa bos te smras pa/ bu kho bo 'das nas khyod ni mya ngan bya mi dgos kyi/ khyod kyi nu bo lam chung ba 'di la khyod kyis mkho ba bstabs par gyis shig ces smras nas/ bsags pa kun gyi mtha' zad cing / /mthon po rnams kyi mtha' ltung 'gyur/ /phrad pa'i mtha' ni 'bral ba ste/ /gson pa'i mtha' ni 'chi ba yin/ /zhes bya ba yin pas de dus kyi chos dang ldan par gyur to/ /de gnyis kyis gos sngon po dang / ser po dang / dmar po dang / dkar po dag gis khyogs spyil brgyan te dur khrod du bskyal nas bsregs te/ de'i 'og tu mya ngan bsang bar byas te 'khod do/ /bram ze lam chen pa mnyan yod dang rgyal byed kyi tshal gyi bar na gnas kyi shing ljon pa zhig yod pa de'i drung na bram ze'i khye'u lnga brgya bram ze'i gsang tshig klog tu 'jug cing 'dug pas/tshe dang ldan pa shA ri'i bu dang / tshe dang ldan pa mod gal gyi bu chen po gnyis kyis gdul ba'i bya ba byas nas 'khor lnga brgya dang ko sa la dag tu ljongs rgyu zhing 'dong ba na/ mnyan yod du phyin nas/mnyan yod pa'i skye bo phal po che'i tshogs kyis de thos nas/ srog chags brgya phrag du ma dag der 'dong ba mthong nas bram ze lam chen pa yang rgyal byed kyi tshal du song ba dang dge slong zhig dang phrad nas/ dge slong des de la dge ba bcu'i las kyi lam dang /mi dge ba bcu'i las kyi lam dang / rten cing 'brel bar 'byung ba'i yan lag bcu gnyis lugs su 'byung ba dang / lugs las bzlog pa rgya cher bstan to/ /bram ze lam chen pa mngon par dad par gyur nas des smras pa/ dge slong dag rab tu dbyung du gsol/dge slong des bram ze de ljongs su khrid de rab tu phyung zhing / bsnyen par rdzogs par byas nas smras pa/ bzhin bzangs dge slong gi las ni gnyis te/ bsam gtan dang / klog pa yin na khyod gang 'dod/ lam chen pas smras pa/ mkhan po gnyis yang bgyi ste/gdugs la ni klag par bgyi/ dgung la ni bsam gtan bgyi'o/ /de bzhin gyis shig /de nas tshe dang ldan pa lam chen pas nyin mo klog pa dang / kha ton byas pas sde snod gsum po dag rtogs par gyur te/ sde snod gsum dang ldan pa chos sgrog pa rigs pa dang /grol ba'i spobs pa can du gyur to/ /mtshan mo bsam gtan byas pas gong nas gong du yid la byed pa'i khyad par thob nas 'khor ba'i 'khor lo cha lnga pa g.yo ba dang mi g.yo ba 'di nyid rig ste/ 'du byed kyi rnam pa thams cad nyams pa dang /ltung ba dang / rnam par 'thor ba dang / rnam par 'jig pa'i chos nyid kyis zil gyis mnan nas nyon mongs pa thams cad spangs pas rigs kyi bu dag gang gi phyir skra dang kha spu bregs te gos ngur smrig bgos nas yang dag pa kho nar dad pas khyim nas khyim med par rab tu 'byung bar byed pa tshangs par spyod pa'i mtha' bla na med pa de/tshe de nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyod pa spyad do/ /bya ba byas so/ /srid pa 'di las gzhan mi shes so zhes go bar byed cing /dgra bcom pa khams gsum pa las 'dod chags dang bral ba/ bong ba dang gser du mnyam pa/ nam mkha' dang lag mthil du mnyam pa'i sems dang ldan pa/ tsan dan zhag lon par bzhag pa lta bu rig pas sgo nga'i sbubs dral bar gyur cing /rig pa dang mngon par shes pa dang / so so yang dag par rig pa thob pa/ srid pa dang 'dod pa'i rnyed pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to//gang gi tshe tshe dang ldan pa lam chen pa rab tu byung ba de'i tshe na/ lam chung ba'i longs spyod bsrabs pa dang / yongs su zad pa dang / yongs su gtugs par gyur nas/ des tshegs chen pos 'tsho ba sbyar bar brtsams so/ /de nas tshe dang ldan pa lam chen pa 'di snyam du sems te/bdag gis thob par bya ba gang yin pa de bdag gis thob kyi/ bdag mnyan yod du song la bcom ldan 'das la bsnyen bkur bya'o snyam mo/ /de nas tshe dang ldan pa lam chen pa 'khor lnga brgya dang / ko sa la ngag tu ljongs rgyu zhing 'gro ba na mnyan yod du phyin pa dang /mnyan yod pa'i skye bo phal po che'i tshogs kyis de thos nas srog chags brgya phrag du ma dag der dong ba lam chung bas mthong nas de yang der song ba dang / lam chen pas de mthong nas smras pa dang / de yang rab tu 'byung bar gsol to//tshe dang ldan pa lam chen pas de la dge ba'i rtsa ba bcud zad yod dam zhes bltas na yod par mthong ngo / su la rag las snyam na bdag nyid la rag las par mthong nas des smras pa/ lam pa thub pa'i dbang po'i gsung rab 'di la ni rigs gces pa ma yin rus gces pa ma yin/thos pa gces pa ma yin gyi/ sgrub pa gces pa yin gyis gal te 'dod na rab tu byung zhig /'phags ba rab tu 'byung ngo / /tshe dang ldan pa lam chen pos lam chung ba de rab tu byung zhing bsnyen par rdzogs par byas nas/des de klog tu gzhug par brtsams pa dang / lus ngag yid kyis sdig pa mi bya zhing / /'jig rten kun la yongs 'dzin 'dod bral ba/ /dran dang ldan zhing shes bzhin can gyis ni/ /snod ldan sdug bsngal gang yin bsten mi bya/ /zhes bya ba'i tshigs su bcad pa 'di zla ba gsum gyis kyang lobs par ma gyur to//ba lang rdzi dang phyugs rdzi gzhan dag gis thos nas lobs par gyur pa la/ de rjes dang bcas gus pa dang bcas pas de dag gi gan du song ste dris pa dang / de dag gis de la bstan to/ /gang gi tshe bcom ldan 'das dang /nyan thos chen po rnams kyi nyan thos 'dus pa chen po'i tshe tshe dang ldan pa lam chen po'i lhan cig gnas pa dang nye gnas gang dag ljongs su dbyar gnas par khas blangs pa de dag dbyar gyi zla ba gsum po dag 'das nas chos gos byas pa dang ldan chos gos zin pa dang ldan zhing /lhung bzed dang chos gos thogs te tshe dang ldan pa lam chen pa ga la ba der dong nas phyin pa dang / tshe dang ldan pa lam chen pa'i rkang pa gnyis la phyag 'tshal te mtha' gcig tu 'khod do/ /mtha' gcig tu 'khod nas de dag kha cig ni ji ltar thob pa rjod par byed do//kha cig ni mdo sde dang 'dul ba dang chos mngon pa dag gi kha ton dag dang / yongs su dri ba dag tshol bar byed do/ /de na gang dag bul ba mchog tu bul ba/ chung ba mchog tu chung ba de de dag drug sde dag la rten par byed/bsnyen par byed/ bsnyen bkur byed pas tshe dang ldan pa lam pa yang drug sde dag la rten par byed/ bsnyen par byed/ bsnyen bkur byed pa na/ nye dgas de la smras pa/ lam pa khyod kyi mkhan po gcig pa 'di dag kyang mkhan po las kha ton dag dang /yongs su dri ba dag tshol bar byed kyi khyod kyang song la re zhig mkhan po las kha ton dag dang yongs su dri ba dag tshol cig /bcom ldan 'das kyis kyang gsang tshig gi dri ba ni mi klog pa yin no zhes ma gsungs sam/ re zhig lhogs shig dang tshigs su bcad pa ci'i phyir lobs par mi 'gyur tshol cig /lam pa song ste smras pa/ mkhan po bdag la re zhig kha ton dag stsol cig /tshe dang ldan pa lam chen pas/ de smad pas 'dul ba yin par mkhyen nas/ des de'i gnya' ba nas bzung ste/ rgyal byed kyi tshal gyi phyi rol du bskrad nas smras pa/khyod ni re zhig bul ba mchog tu bul ba/ chung ba mchog tu chung ba yin na khyod bcom ldan 'das kyi bstan pa la rab tu byung nas ci bya 'di nyid na 'dug shig /lam pas bsams pa 'di na bdag dge sbyong yang ma yin la/ bram ze yang ma yin no snyam nas des du bar brtsams pa dang /bcom ldan 'das kyis gzigs nas bkas rmas te tshigs su bcad pa bka' stsal pa/ byis pa bstod pa gang yin dang / /mkhas par dmod pa gang yin pa/ /'di ni mkhas dmod mchog yin gyi/ /byis pa bstod pa ma yin no//de nas bcom ldan 'das kyis bka' stsal pa/ lam pa khyod de bzhin gshegs pa las klog nus sam/ gsol pa btsun pa bdag ni bul ba mchog tu bul ba chung ba mchog tu chung ba lags so/ /de nas bcom ldan 'das kyis byung ba 'di la tshigs su bcad pa bka' stsal pa/gang gis byis pa byis nyid rig /de la des na de mkhas yin/ /byis pa mkhas par rlom byed pa/ /de 'dir shin tu byis pa yin/ /sangs rgyas bcom ldan 'das rnams tshig re re nas chos 'don par mdzad pa ni gnas ma yin/ skabs ma yin te/de ni gnas med pas/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis lam pa klog tu chug shig /tshe dang ldan pa kun dga' bos lam pa klog tu gzhug par brtsams pa dang / des klog ma nus nas/kun dga' bos gsol pa/ btsun pa bdag gis re zhig ston pa la yang bsnyen bkur bgyi 'tshal/ thos pa yang bzung 'tshal/ tshogs dag kyang klog tu stsal 'tshal/ bram ze dang khyim bdag mchis shing lhags pa rnams la yang chos bstan par bgyi 'tshal bas bdag gis lam pa klog tu stsol ba'i rngo mi thogs so//bcom ldan 'das kyis de la rdul spang ngo / /dri ma spang ngo zhes bya ba'i tshig gnyis bka' stsal nas des tshig de gnyis ma zin nas/ bcom ldan 'das kyis 'di'i las sbyang bar bya'o snyam du dgongs nas bka' stsal pa/lam pa khyod kyis dge slong rnams kyi mchil lham dang / lham sgrog gu can dag phyis shig /dge slong rnams la yang bka' stsal pa dge slong dag dge slong lam pa khyed kyi mchil lham dang lham sgrog gu can dag phyir chug la 'di la tshig gnyis kyi kha ton dag kyang rjes su slobs shig /lam pas dge slong rnams kyi mchil lham dang lham sgrog gu can dag 'phyi ba na dge slong rnams kyis de la rdul spang ngo / /dri ma spang ngo zhes bya ba'i kha ton gnyis po dag kyang bslabs nas lam pas dus gzhan zhig na/kha ton gnyis po de yang lobs par gyur to/ /de nas tshe dang ldan pa lam pa mtshan mo'i nam langs pa'i tshe 'di snyam du sems te/ bcom ldan 'das kyis rdul spang ngo / /dri ma spang ngo zhes bka' stsal pa gang yin pa de bcom ldan 'das kyis nang gi rdul la dgongs te bka' stsal tam/'on te phyi rol gyi rdul la dgongs te bka' stsal snyam mo/ /de de ltar sems pa na/ de'i tshe de la sngon ma thos pa'i tshigs su bcad pa gsum po 'di dag blo la snang bar gyur to/ /rdul 'di 'dod chags de ni sa rdul min//rdul ni 'dod chags ming ste rdul gyi min/ /mkhas pa gang gis rdul de rnam spangs pa/ /de dag bde gshegs bstan la bag yod 'gyur/ /rdul 'di zhe sdang de ni sa rdul min/ /rdul ni zhe sdang ming ste rdul gyi min/ /mkhas pa gang gis rdul de rnam spangs pa//de dag bde gshegs bstan la bag yod 'gyur/ /rdul 'di gti mug de ni sa rdul min/ /rdul ni gti mug ming ste rdul gyi min/ /mkhas pa gang gis rdul de rnam spangs pa/ /de dag bde gshegs bstan la bag yod 'gyur/ /des spro ba dang 'bad pa dang brtsal ba byas pas gong nas gong du yid la byed pa'i khyad par thob nas/'khor ba'i 'khor lo cha lnga pa g.yo ba dang mi g.yo ba 'di nyid rig ste/ 'du byed kyi rnam pa thams cad nyams pa dang / ltung ba dang / rnam par 'thor ba dang / rnam par 'jig pa'i chos nyid kyis zil gyis mnan nas nyon mongs pa thams cad spangs pas rigs kyi bu dag gang gi phyir skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu 'byung bar byed pa tshangs par spyod pa'i mtha' bla na med pa de/tshe de nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyod pa spyad do/ /bya ba byas so/ /srid pa 'di las gzhan mi shes so zhes go bar byed cing / dgra bcom pa khams gsum pa las 'dod chags dang bral ba/bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan zhag lon par bzhag pa lta bu rig pas sgo nga'i sbubs dral bar gyur cing rig pa dang mngon par shes pa dang so so yang dag par rig pa thob pa/srid pa dang 'dod pa'i rnyed pa dang bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra bar byed par gyur to/ /thams cad du bcom ldan 'das kyis lam chung ba rab tu phyung ngo zhes sgra grags nas/rgyal po'i khab kyi 'tsho byed gzhon nus gsos kyis de thos nas bsams pa/ bcom ldan 'das rgyal po'i khab tu gshegs par gyur na/ btsun pa lam pa ma gtogs pa sangs rgyas la sogs pa dge slong gi dge 'dun khyim gzhan du spyan drangs te/gdugs tshod gsol lo snyam mo/ /gzhan mu stegs can dag kyang shes ldan dag dge slong gau ta ma 'di skad ces nga'i chos ni zab pa/ zab par snang ba mthong bar dka' ba/ rtogs par dka' ba/ brtag mi nus pa/rtog ge'i spyod yul ma yin pa/ zhib mor brtags pa/ mkhas pa mdzangs pas rig par bya ba yin no zhes zer na/ 'di ltar lam chung ba la sogs pa bul ba mchog tu bul ba/ chung ba mchog tu chung ba dag kyang rab tu 'byin par byed na/ de'i chos ji ltar zab pa yin zhes smod par byed/phyar ka gtong bar byed/ kha zer bar byed do/ /bcom ldan 'das kyis dgongs pa nyan thos chen po ri rab dang 'dra ba la skye bo phal po che'i tshogs kyis smras pa skyed par byed kyi 'di'i yon tan bsgrag par bya'o snyam nas/ de nas bcom ldan 'das kyis tshe dang ldan pa kun dga' bo la bka' stsal pa/kun dga' bo song la lam pa la de bzhin gshegs pa'i zhal nas khyod kyis dge slong ma la chos ston cig ces bka' stsal to zhes gyis shig /tshe dang ldan pa kun dga' bos tshe dang ldan pa lam pa la 'di skad ces bsgo'o//de'i tshe na dge slong ma gso sbyong 'bul ba gnyis rgyal byed kyi tshal du 'ongs te de gnyis kyis smras pa/ bdag cag dge slong ma'i ston pa su mchis/ dge slong rnams kyis smras pa/ tshe dang ldan pa lam pa'o/ /ci lags 'phags pa lam chen pa'am/tshe dang ldan pa lam pa'o/ /de gnyis kyis smras pa/ phu nu mo ji ltar bud med brnyas pa la ltos/ des zla ba gsum gyis tshigs su bcad pa gcig klags na yang ma lobs pa yin la/ dge slong ma rnams ni sde snod gnyis pa dang / sde snod gsum pa chos sgrog pa rigs pa dang grol ba'i spobs pa can dag yin na/de dge slong ma la ston par 'gyur ro/ /ji ltar byed pa bltas 'dong ngo zhes tshe dang ldan pa lam pa ga la ba der song ste phyin nas tshe dang ldan pa lam pa'i rkang pa gnyis la mgo pos phyag 'tshal te smras pa/ btsun pa lam pa dgongs su gsol/rgyal po'i kun dga' ra ba'i dge slong ma'i dge 'dun mthun pa rgyal byed kyi tshal gyi dge slong gi dge 'dun mthun pa'i zhabs la mgo bos phyag 'tshal lo/ /gnod pa nyung ngam/ nyam nga ba nyung ngam/ bskyod pa yang ngam/ 'tsho'am stobs dang ldan nam/bde'am/ kha na ma tho ba ma mchis sam/ bde ba la reg par gnas sam zhes bsnyun gsol lo/ /zla ba phyed phyed cing gdams ngag dang rjes su bstan pa gsol lo/ /'dun pa'i gso sbyong bgyi bar gsol ba 'debs so/ /gsol ba yang ngam mkhyen par gsol lo//thabs yin no/ /de gnyis kyis smras pa/ thabs yin no zhes bya ba tsam yang shes pa lta zhes de gnyis dbyar khang du 'dong ba dang / dge slong ma rnams kyis mthong nas smras pa/ bdag cag dge slong ma'i ston par su byon de gnyis kyis smras pa/ 'phags pa lam pa'o//ci 'phags pa lam chen pa'am/ ma yin te/ 'di ltar lam pa'o/ /de dag gis smras pa/ phu nu mo dag ji ltar bud med brnyas pa la ltos/ des zla ba gsum gyis tshigs su bcad pa gcig klags na de yang ma lobs pa yin la/ dge slong ma rnams ni sde snod gnyis pa dang /sde snod gsum pa chos sgrog pa dang / rigs pa dang grol ba'i spobs pa can dag yin na des ji ltar dge slong ma la ston par 'gyur/ bdag cag ji ltar bcom ldan 'das kyis zil gyis mnan pa ltar ni ya mtshan can dgu bcu rtsa drug po dag gis kyang bud med gzhan 'ga' yang zil gyis ma mnan to//dge slong ma bcu gnyis sde dag gis smras pa/ phu nu mo dag bdag cag gis ci nas kyang phyin chad thos pa nyung ngu 'ga' yang dge slong ma la ston par mi 'gyur ba de ltar bu zan mo'i bu de mi dge bar bya'o zhes de dag gis smras pa/phu nu mo dag /bdag cag las mi mo drug gis ni yal ga khru bcu gnyis pa dag las seng ge'i khri shoms shig /mi mo drug gis ni mnyan yod du zhugs la lam po che dang / srang dang / bzhi mdo dang / sum mdo dag tu skye bo phal bo che'i tshogs la sang bdag cag dge slong ma'i ston pa nyan thos chen po 'di 'dra ba zhig byon par 'gyur gyi/khyed cag las gang gis der bden pa dag mthong bar ma gyur pa des yun ring por 'khor bar 'khor ba bya dgos so zhes sgrogs shig /bcu gnyis sde dag las drug gis ni seng ge'i khri de lta bu bshams shing /drug gis ni mnyan yod du de skad ces bsgrags so/ /de nas srog chags 'bum phrag du ma dag las kha cig ltad mo skyes pa na/ kha cig ni sngon gyi dge ba'i rtsa ba dag gis bskul ba na des 'dul bar gyur to//de nas tshe dang ldan pa lam pa de nyid kyi mtshan mo 'das nas snga dro sham thabs bgos/ lhung bzed dang chos gos thogs nas mnyan yod du bsod snyoms la zhugs so/ /de mnyan yod du bsod snyoms la brgyus nas zas kyi bya ba byas te/ phyi dro bsod snyoms mi byed pas lhung bzed dang chos gos mkhos su phab ste/rkang pa gnyis bkrus nas nang du yang dag 'jog gi phyir gtsug lag khang du zhugs so/ /de nas tshe dang ldan pa lam pa phyi 'bred nang du yang dag 'jog las langs te snam sbyar thogs nas phyi bzhin 'brang ba'i dge slong zhig dang /dge slong ma'i dbyar khang rgyal po'i kun dga' ra ba ga la ba der song ngo / /skye bo phal po che'i tshogs kyis de mthong nas de dag gis smras pa/ dge slong ma'i ston pa de gang yin/ ci dge sbyong snga ma yin nam/ 'on te phyi bzhin 'brang ba'i dge slong yin/gzhan dag gis smras pa/ khyed kyis phyi bzhin 'brang ba'i dge slong 'ga' zhig dge slong ma la ston par byed ces thos sam/ dge slong snga ma nyid dge slong ma'i ston pa yin no/ /de dag gis smras pa/ 'dis zla ba gsum gyis tshigs su bcad pa gcig klags na de yang ma lobs pa yin na/des dge slong ma sde snod gnyis pa dang gsum pa chos sgrog pa rigs pa dang grol ba'i spobs pa can dag la ji ltar ston par 'gyur/ dge sbyong ma sgre byi mo 'di dag gis bdag cag brid par gyur gyis tshur shog 'dong ngo / /gzhan dag gis smras pa/ji ltar byed pa yang bltas re zhig sdod cig /de nas tshe dang ldan pa lam pa 'khor de'i nang du zhugs nas seng ge'i khri ga la ba der song ba dang / ji tsam na yal ga khru bcu gnyis pa dag la seng ge'i khri bshams pa mthong nas des bsams pa/ ci re zhig dad par gyur pa dag gis bshams par gyur pa yin nam/'on te tho 'tshams pa'i bsam pa can dag gis bshams pa yin snyam na/ ji tsam na tho 'tshams pa'i bsam pa can dag gis bshams par mthong ngo / /de nas tshe dang ldan pa lam pas/ glang po che'i sna lta bu'i lag pa brkyang ste seng ge'i khri de ji ltar gnas su bshams pa/de ltar bzhugs nas tshe dang ldan pa lam pa ci nas kyang kha cig gis mthong / kha cig gis ma mthong ba de ltar seng ge'i khri la 'dug go/ /de nas tshe dang ldan pa lam pa ting nge 'dzin 'di lta bu la snyoms par zhugs te/ji ltar sems mnyam par gzhag na rang gi stan las mi snang bar gyur cing / shar phyogs kyi steng gi nam mkha' la mngon par 'phags te/ spyod lam bzhi po 'di lta ste/ 'gro ba dang / 'greng ba dang / 'dug pa dang / nyal ba dag byed do/ me'i khams la yang snyoms par 'jug ste/ tshe dang ldan pa lam pa me'i khams la snyoms par zhugs pa'i lus las 'od zer sna tshogs 'di lta ste/ sngon po dag dang / ser po dag dang / dmar po dag dang / dkar po dag dang / btsod ka dag dang / shel dang dngul gyi kha dog lta bu dag byung ngo //cho 'phrul zung dag kyang rnam par ston te/ lus kyi smad nas me 'bar zhing lus kyi stod nas chu grang mo'i rgyun dag 'byin par byed do/ /lus kyi stod nas me 'bar zhing lus kyi smad nas chu grang mo'i rgyun dag 'byin par byed do/ /shar phyogs su ji lta ba de bzhin du lho dang nub dang byang phyogs su yang de bzhin te/des phyogs bzhir rdzu 'phrul gyi cho 'phrul rnam pa bzhi bzhi bstan nas/ rdzu 'phrul mngon par 'du bya ba de phyir bsdus te/ 'khor gyi gung la seng ge'i khri bshams pa nyid la 'dug go/ /'dug nas tshe dang ldan pa lam pas dge slong ma rnams la smras pa/sring mo dag kho bo zla ba gsum gyis/ lus ngag yid kyis sdig pa mi bya zhing / /'jig rten kun la yongs 'dzin 'dod bral ba/ /dran dang ldan zhing shes bzhin can gyis ni/ /snod ldan sdug bsngal gang yin bsten mi bya//zhes bya ba'i tshigs su bcad pa gcig bzung ste/ kho bo tshigs su bcad pa de nyin mtshan bdun gyi bar du tshig gzhan dag dang / tshig dang yi ge gzhan dag gis don rnam par 'byed par spro'o/ /sring mo dag de la lus zhes bya bas ni bcom ldan 'das kyis lus kyis nyes par spyod pa gsum mi bya bar bstan to//ngag ces bya bas ni bcom ldan 'das kyis ngag gis nyes par spyod pa bzhi mi bya ba bstan to/ /yid kyis zhes bya bas ni bcom ldan 'das kyis yid kyis nyes par spyod pa gsum mi bya ba bstan to/ sdig pa mi bya zhing zhes bya bas ni bcom ldan 'das kyis sdig pa thams cad mi bya ste zhes bya ba bstan to/ /'jig rten kun la zhes bya bas ni bcom ldan 'das kyis nye bar len pa'i phung po thams cad bstan to/ /yongs 'dzin zhes bya bas ni bcom ldan 'das kyis yongs 'dzin rnam pa gsum bstan te/'dod chags kyis yongs 'dzin dang / zhe sdang gis yongs 'dzin dang / gti mug gis yongs 'dzin no/ /tshe dang ldan pa lam pas ji tsam gyis tshigs su bcad pa phyed kyi don kyang rnam par phye ba de tsam gyis srog chags khri nyis stong gis bden pa dag mthong ste/kha cig gis ni rgyun du zhugs pa'i 'bras bu mngon sum du byas/ kha cig gis ni lan cig phyir 'ong ba'i 'bras bu mngon sum du byas/ kha cig gis ni phyir mi 'ong ba'i 'bras bu mngon sum du byas/ kha cig gis ni rab du byung ste nyon mongs pa thams cad spangs pas dgra bcom pa nyid mngon sum du byas so//kha cig gis ni nyan thos kyi byang chub tu sems bskyed/ kha cig gis ni rang byang chub tu sems bskyed/ kha cig gis ni bla na med pa yang dag par rdzogs pa'i sangs rgyas kyi byang chub tu sems bskyed do//'khor phal cher ni sangs rgyas la gzhol ba dang / chos la 'bab pa dang / dge 'dun la bab par rnam par bkod do/ /de nas tshe dang ldan pa lam pa 'khor de dag phal cher sangs rgyas la gzhol ba dang / chos la 'bab pa dang /dge 'dun la bab par rnam par bkod nas stan las langs te song ngo / /de'i tshe na tshe dang ldan pa lam pas ji ltar bcom ldan 'das kyis bA rA Na sa'i drang srong smra ba ri dgas kyi nags su 'phags pa'i bden pa bzhi la lan gsum du bzlas te rnam pa bcu gnyis su chos kyi 'khor lo chos dang ldan pa bskor ba rjes su bskor to//de nas bcom ldan 'das kyis dge slong rnams la bka' stsal pa/ dge slong dag nga'i nyan thos rnams kyi dge slong sems bsgyur ba la mkhas pa'i nang na 'di lta ste/ lam pa 'di mchog yin no/ /de lta bas na chos 'di lta bu dang ldan pa ma gtogs so//de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas/dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge 'dun gyis ma bskos pas dge slong ma la ston na chos 'di lta bu dang ldan pa ma gtogs te ltung byed do zhes gnang ba mdzad de/yul ni mnyan yod/ gang zag ni tshe dang ldan pa lam pa/ nyon mongs pa dang nyes pa ni med do/ /de la yang dge slong gang zhes bya ba ni drug sde'am/gzhan yang de lta bu gang yin pa'o/ /dge 'dun gyis zhes bya ba ni/ de bzhin gshegs pa'i nyan thos kyi dge 'dun gyis so/ /ma bskos par zhes bya ba ni gsol ba dang gnyis kyi las kyis so/ /dge slong ma la zhes bya ba ni chos 'di pa la'o//ston na zhes bya ba ni lhag pa'i tshul khrims dang / lhag pa'i sems dang / lhag pa'i shes rab bo/ /chos 'di lta bu dang ldan pa ma gtogs te zhes bya ba ni cha dang ldan pa lam pa'i chos 'di lta bu dang ldan pa gzhag ste'o/ ltung byed do zhes bya ba ni/ sems can dmyal ba dang / dud 'gro dang / yi dags ngan song dang / ngan 'gro log par ltung ba dag tu sred bar byed/ 'tshed par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/des na ltung byed do zhes gsungs so/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir yang dngos gzhi'i ltung ba rnam par gzhag pa ni/ dge slong dge 'dun gyis gso sbyong bco lnga pa la mtshams kyi nang du spro bar byas te/ gsol ba dang gnyis kyi las kyis ma bskos pa dang / bskos pa chos lnga dang / ston pa phyi ma'i yon tan de dag las gcig dang yang mi ldan pa dang / ma bskos pa yon tan de dag dang ldan yang rung mi ldan yang rung bas dge slong ma la ston na ma bskos par ston pa'i ltung byed kyi dngos gzhir 'gyur ro/ /'dir dge slong ma'i ston pa dge 'dun gyis spus bdams pa dang /bsko ba'i rnam par gzhag pa ni 'di yin te/ dge slong chos lnga dang ldan pa dge slong ma'i ston par bskor bar bya'o/ /lnga gang zhe na/ tshul khrims dang ldan pa dang / mang du thos pa dang / gnas brtan rgyal tshab lta bu dang /grong khyer ba'i skad dang ldan pa dang / des dge slong ma la lus kyis reg pas sun ma phyung zhing / gal te sun phyung na yang / des ltung ba de chos bzhin du phyir byas pa'o/ /de la tshul khrims dang ldan pa'i pham par 'gyur ba ma byung ba'o/ /mang du thos pa ni 'dul ba dang mdo sde dang ma mo 'dzin pa'o//gnas brtan rgyal tshab lta bu ni bsnyen par rdzogs nas lo nyi shu las mi nyung ba'o/ /grong khyer ba'i skad dang ldan pa ni/ rigs pa dang grol bar smra ba'o/ /des dge slong ma la lus kyis reg pas sun ma phyung zhing / gal te sun phyung na yang des ltung ba de chos bzhin du phyir byas pa ni lus kyis reg pa'i dge 'dun lhag ma'i ltung ba med pa'o//chos lnga po de dag las gzhi ni nges pa yin no/ /mang du thos pa ni med na so sor thar pa'i mdo thon pa yang bsko'o/ /de yang med na dge slong ma'i pham par 'gyur ba brgyad dang /lci ba'i chos brgyad po dag ston nus pa yang bsko'o/ /de yang med na dge slong ma'i ston pa phyi ma ni dge slong tshul khrims dang ldan pa gnas brtan rgyal tshab lta bu grong khyer ba'i skad dang ldan pa des dge slong ma la lus kyis reg pas sun ma phyung zhing /gal te sun phyung na yang des ltung ba de chos bzhin du phyir byas pa yin la/ sring mo dag ci khyed cag dge slong ma'i dge 'dun tshogs sam/ yongs su dag gam/ mthun nam/ kha na ma tho ba med dam/ byed cag la dge 'dun gyis ma bskos pa gang zag 'ga' zhig ston par mi byed dam/khyed cag la ston pa'i gang zag ni 'ga' zhig dge 'dun las 'ong ngo / /khyed cag la dge slong 'ga' yang ston par mi spro'o/ /khyed cag gi gdams ngag dang rjes su bstan pa ni dge 'dun las so/ /sring mo dag gis bag yod par sgrubs shig ces bya ba de ston nus pa bsko'o//mang du thos pa'i yan lag de yang snga ma yod pa nyid yin na gnyis pa bskor mi rung la gnyis pa yod na gsum pa bskor mi rung zhing gsum pa yod na bzhi pa bskor mi rung ngo / /dge slong ma'i ston pa de lta bu bsko ba ni dge 'dun gyis gso sbyong bco lnga pa la/dge 'dun gso sbyong byas pa'i rjes la las kyi mtshams de nyid kyi nang du dge 'dun las dang 'dun pas 'dug cing mthun par gyur pa thams cad kyis spro bar bya ste/ gsol ba dang gnyis kyi las kyis bsko bar bya'o//cho ga de dag las 'das na las mi 'chags so/ /dge slong dge 'dun gyis gso spyod bco lnga pa la mtshams kyi nang du spro bar bya ste/ gsol ba dang gnyis kyi las kyis ma bskos pa dge slong ma la ston pa la na smad pa med do/ /bskos pa chos lnga dang ston pa phyi ma'i yon tan de dag las gcig dang yang mi ldan pa dge slong ma la ston pa la na smad pa med do//ma bskos pa yon tan de dag dang ldan yang rung mi ldan yang rung dge slong ma la ston pa la na smad pa med do/ /dge slong ma chos 'di pa la bsnyen par rdzogs pa can ma nyams pa rang bzhin du gnas pa gcig gam/gnyis sam/ rab tu mang po'am/ dge 'dun du langs pa la ston pa la na smad pa med do/ /lhag pa'i tshul khrims dang ldan pa'i sems dang / lhag pa'i shes rab lung nyid du gtogs pa gang yang rung ba'i ston pa la na smad pa med do//dge slong chos bla ma'i mthu dang ldan pa ma gtogs pa la na smad pa med do/ /sngar bskos pa ma gtogs pa la na smad pa med do/ /dge 'dun du ma langs pa'i gnas na ston par 'os pa yod pa la dge slong mas gsol ba ma gtogs pa la na smad pa med do//'di'i byed pa po ni ma bskos par dge slong ma la ston pa'o/ /'di la yan lag lngas dngos gzhi'i ltung bar 'gyur te/ gso sbyong bco lnga po de nyid la mtshams kyi nang du dge 'dun gyis spro bar byas te/ gsol ba dang gnyis kyi las kyis ma bskos pa dang /bskos pa chos lnga dang ston pa phyi ma'i yon tan de dag las/ gcig dang yang mi ldan pa dang / ma bskos pa yon tan de dag dang ldan yang rung ba dang / dge slong ma rang bzhin du gnas pa gcig la sogs pa dang / sde snod gsum gyi chos gang yang rung ba ston pa'o//de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du ma bskos par ston pa'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//dge slong ma ma chags pa dang / nyams pa dang / bsnyen par ma rdzogs pa mtshan mi mthun pa dag la nyes byas so/ /sde snod gsum gyi chos lung du gtogs pa nyid ma yin pa la nyes byas so/ / sbyor ba'i sbyor ba'i lhung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te/ nyes byas phra mo'o/ /ltung ba med pa ni dge slong chos bla ma'i mthu dang ldan pa la ltung ba med do/ /sngar bskos pa la ltung ba med do//dge 'dun du ma langs pa'i gnas na ston par 'os pa yod pa la dge slong mas gsol te bstan pa la ltung ba med do/ /de la gsol ba 'debs pa'i dge slong ma dag la yang ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab bar bya ba ni dge slong gis yul thams cad la gnas skabs thams cad du ma bskos par snyon pa'i ltung byed du 'gyur ba rnam pa thams cad mi bsten par bslab par bya'o/ /ma bskos par ston pa'i ltung byed 'di nyid kyi skabs nas dge slong ma'i ston pa bsko bar bya'o zhes gsungs pa ni 'di ltar bya ste/dge slong chos lnga dang ldan pa dge slong ma'i ston par bskor bar bya'o/ /lnga gang zhe na/ tshul khrims dang ldan pa dang / mang du thos pa dang / gnas brtan rgyal tshab lta bu dang / grong khyer ba'i skad dang ldan pa dang /des dge slong ma la lus kyis reg pas sun ma phyung zhing / gal te sun phyung na yang / des ltung ba de chos bzhin du phyir byas pa'o/ /chos lnga po de dag las bzhi ni nges pa yin no/ /mang du thos pa ni med na so sor thar pa'i mdo thon pa yang bsko'o//de yang med na dge slong ma'i pham par 'gyur ba brgyad dang / lci ba'i chos brgyad po dag ston nus pa yang bsko'o/ /de yang med na dge slong ma'i ston pa phyi ma ni dge slong tshul khrims dang ldan pa gnas brtan rgyal tshab lta bu grong khyer ba'i skad dang ldan pa des dge slong ma la lus kyis reg pas sun ma phung zhing /gal te sun phyung na yang des ltung ba de chos bzhin du phyir byas pa yin la/ sring mo dag ci khyed cag dge slong ma'i dge 'dun tshogs sam/ yongs su dag gam/ mthun nam/ kha na ma tho ba med dam khyed cag la dge 'dun gyis ma bskos pa'i gang zag 'ga' zhig ston par mi byed dam/khyed cag la ston pa'i gang zag ni 'ga' zhig dge 'dun las 'ong ngo / /khyed cag la dge slong 'ga' yang ston par mi spro'o/ /khyed cag gi gdams ngag dang rjes su bstan pa ni dge 'dun las so//sring mo dag gis bag yod par sgrubs shig ces bya ba de ston nus pa bsko'o/ /'di ltar bsko bar bya ste/ gso sbyong bco lnga pa de nyid kyi tshe mtshams kyi nang du dge 'dun thams cad 'dug cing mthun par gyur pas gso sbyong byas nas dge slong ma'i ston pa je dang por spro bar bya ste/ming 'di zhes bya ba khyod dge slong ma'i ston par spro'am zhes dri bar bya'o/ /gal te spro na des spro'o zhes brjod par bya'o/ /de'i 'og tu dge slong gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o//dge 'dun btsun pa rnams gsan du gsol/ dge slong ming 'di zhes bgyi ba 'di dge slong ma'i ston par spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi pa dge slong ma'i ston par bskos te/dge slong ming 'di zhes bgyi ba 'di dge slong ma la ston to/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong ming 'di zhes bgyi ba 'di/ dge slong ma'i ston par spro na/de'i slad du dge 'dun gyis dge slong ming 'di zhes bgyi ba dge slong ma'i ston par bskos te/ dge slong ming 'di zhes bgyi ba 'di dge slong ma la ston na/ tshe dang ldan pa dag dge slong ming 'di zhes bgyi ba dge slong ma'i ston par bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas/ dge 'dun gyis dge slong ming 'di zhes bgyi ba dge slong ma'i ston par bskos lags te/ 'di ltar cang mi gsung bas de de bzhin du 'dzin to//phyir bcos pa ni snga ma bzhin no/ /ma bskos par ston pa'i ltung byed de nyi shu gcig pa bshad zin to// //so sor thar pa'i mdo rgya cher 'grel pa/ 'dul ba kun las btus pa/ bam po nyi shu bzhi ba/ /nyi ma nub kyi bar du ston pa'i ltung byed kyi gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis tshe dang ldan pa dga' byed la dga' byed khyed kyis dge slong ma la thoms shig /dge slong ma la rjes su ston cig /dge slong ma la chos dang ldan pa'i gtam gyis shig ces bka' stsal nas dge slong ma ut+pa la'i mdog 'khor lnga brgya dang /tshe dang ldan pa dga' byed ga la ba der song ste phyin nas/ tshe dang ldan pa dga' byed kyi rkang pa gnyis la mgo bos phyag 'tshal te mtha' gcig tu 'dug go/ / tshe dang ldan pa dga' byed kyis bsams pa/ bud med ni shes rab chung ba yin no snyam nas des de la don dang tshig dang / yi ge mdor bsdus pa dag gis chos bstan to/ /de shes rab can yin pas gong nas gong du dri bar byed nas tshe dang ldan pa dga' byed kyis lan btab cing / des de la ji tsam na nyi ma nub pa'i dus la bab pa de tsam gyi bar du chos bstan nas/de dag gis de'i rkang pa gnyis la mgo bos phyag 'tshal te stan las langs te dong ba dang / ji tsam na mnyan yod kyi sgo dag bcad par gyur nas dge slong ma rnams kyis sgo ba la sgo phye shig ces bos pa dang /lde mig dag rgyal po'i pho brang du khyer zin to zhes zer ro/ /de dag gis bsams pa/ 'di nyid du 'khod do snyam nas/ mnyan yod dang ha cang mi ring ba na kun dga' ra ba zhig yod pa der de dag dong ngo / /bcom ldan 'das kyis shing ljon pa yang rgan rims kyis bsko bar bya'o zhes bka' stsal pas/de dag shing ljon pa dag rgan rims kyis bsko ba na gcig la gcig 'bod pa'i sgra mthon po dang / sgra chen po byung ba mnyan yod 'joms par 'dod pa'i g.yon can lnga brgya tsam de na bskungs pa dag gis thos nas/de dag gis dge slong ma rnams btsun mo'i 'khor yin snyam nas gzhom par brtsams pa dang / ut+pa la'i mdog gis rgyal bu 'phags skyes po'i dpung sprul te/ rnga brdungs pa dang / de dag skrag ste byer ro/ /dge slong ma dag nang par sngar langs te/ mnyan yod du zhugs pa dang /bram ze dang khyim bdag gis mthong nas shAkya'i bu'i dge sbyong rnams kyi chos 'dre ba dang lhag par 'dre shing tshangs par spyad pa spyod pa bzang ngo zhes tho 'tshams par byed nas/ dge slong don nyung du dag ci'i phyir dge slong dag nyi ma nub pa'i dus kyi bar du dge slong ma la ston par byed ces smod par byed/phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/tshe dang ldan pa dga' byed la rmas nas/ mi brtson pa dang / mi sbyor ba dang / ma brtags par spyod pa rnam par smad pa mdzad de/ brtson pa dang / sbyor ba dang / brtags te spyod pa'i bsngags pa brjod nas/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/dge slong gi dge 'dun gyis bskos kyang / nyi ma nub pa'i dus kyi bar du dge slong ma la ston na ltung byed do zhes bca' ba mdzad de/ yul ni mnyan yod/ gang zag ni tshe dang ldan pa dga' byed/nyon mongs pa ni bag chags ma byang bas so sor ma brtags pa/ nyes pa ni nyi ma nub kyi bar du dge slong ma la ston pa'o/ /de la dge slong zhes bya ba ni chos 'di pa'o/ /dge 'dun gyis zhes bya ba ni de bzhin gshegs pa'i nyan thos kyi dge 'dun gyis so//bskos kyang zhes bya ba ni gsol ba dang gnyis kyi las kyis so/ /nyi ma nub pa'i dus kyi bar du zhes bya ba ni/ nyi ma nub pa'i dus la bab par ro/ /dge slong ma la zhes bya ba ni chos 'di pa la'o/ /ston na zhes bya ba ni lhag pa'i tshul khrims dang /lhag pa'i sems dang / lhag pa'i shes rab po/ ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang /phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong mtshan thog thag tu chos ston pa ma gtogs pas dge slong gis gtsug lag khang sgo phye ba'i dus na/ dge slong ma'i dbyar khang du 'dug pa la sogs pa ma yin par nyi ma nub pa nyid la nyi ma nub pa nyid du 'du shes bzhin du dge slong ma la ston na nyi ma nub kyi bar du ston pa'i ltung byed kyi dngos gzhir 'gyur ro//dge slong mtshan thog thag tu chos ston pa ma gtogs pa la na smad pa med do/ /dge slong gis gtsug lag khang gi sgo phye ba'i mdun na dge slong ma'i dbyar khang 'dug pa la sogs pa ma yin pa la na smad pa med do//nyi ma nub pa nyid la nyi ma nub pa nyid du 'du shes pa dang / yid gnyis za ba la na smad pa med do/ /dge slong ma bsnyen par rdzogs pa can ma nyams pa gcig la sogs pa la na smad pa med do//lhag pa'i tshul khrims dang / lhag pa'i sems dang / lhag pa'i shes rab nyid du gtogs pa ston pa la na smad pa med do/ /'di'i byed pa po ni nyi ma nub pa nyid la 'du shes gtso cher byed pa po nyid yin no/ / 'di la yan lag lngas dngos gzhi'i ltung bar 'gyur te/ dge slong mtshan thog thag tu chos ston pa ma yin pa dang / dge slong gis gtsug lag khang sgo phye ba'i mdun na dge slong ma'i dbyar khang 'dug pa la sogs pa ma yin pa dang / nyi ma nub pa nyid dang / der 'du shes pa nyid dang /dge slong ma la ston pa'o/ /de dag nyid las yan lag mtshang na ci rigs par na smad do/ /sbyor ba'i ltung ba ni nyes byas te/ ji srid du nyi ma nub kyi bar du ston pa'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /nyi ma nub pa nyid la nyi ma nub pa nyid du 'du shes pa dang / yid gnyis za ba la nyes byas so/ /dge slong ma ma chags pa dang nyams pa la nyes byas so/ /mtshan mi mthun pa bsnyen par ma rdzogs pa la nyes byas so//lung nyid ma yin pa ston pa la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni dge slong mtshan thog thag tu chos ston pa yin na ltung ba med do//dge slong gis gtsug lag khang sgo phye ba'i mdun na dge slong ma'i dbyar khang 'dug pa la sogs pa dang dge slong ma myur du thags thogs med par rang gi gnas su phyin par rung ba'i gnas dang / dge slong ma'i dbyar khang nyid dang / dge slong ma rnams kyi grong mtha'i gtsug lag khang dang / khang khyim dag tu ston pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ bslab par bya ba ni dge slong gis yul thams cad la gnas skabs thams cad du nyi ma nub kyi bar du ston pa'i ltung byed du 'gyur ba rnam pa thams cad mi bsten par bslab par bya'o//grong dang gtsug lag khang gi phyi rol du mi bstan par bslab par bya'o/ /phyir bcos pa ni snga ma bzhin no//nyi ma nub kyi bar du ston pa'i ltung byed de nyi shu gnyis pa bshad zin to// //zas cung zad tsam gyi phyir ston pa'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//bcom ldan 'das kyis tshe dang ldan pa dga' byed la dga' byed khyed kyis dge slong ma la thoms shig /dge slong ma la rjes su ston cig /dge slong ma la chos dang ldan pa'i gtam gyis shig ces bka' stsal nas/ dge slong ma skye dgu'i bdag mo chen mo gau ta mI 'khor lnga brgya dang tshe dang ldan pa dga' byed ga la ba der song ste/phyin nas tshe dang ldan pa dga' byed kyi rkang pa gnyis la mgo bos phyag 'tshal te mtha' gcig tu 'dug go/ /de nas tshe dang ldan pa dga' byed kyis de la don dang tshig dang yi ge zab pa zab pa dag gis chos bstan to/ / bud med ni shes rab 'chal ba'i phyir brda mi phrad cing / 'jigs pa'i phyir 'dri mi nus so/ /de nas skye dgu'i bdag mo chen mo gau ta mI bcom ldan 'das kyi spyan sngar song ste de skad ces gsol pa dang / bcom ldan 'das kyis sbyin pa ni mi 'jigs pa'i rgyu yin pas dge slong ma rnams kyis dge slong rnams la bca' ba lnga po rtsa ba dang /sdong bu dang / 'dab ma dang / me tog dang 'bras bu dag dang / bza' ba lnga po 'bras chan dang / zan dron dang / 'dag gu dang / sha dang / snum khur dag dang / lhung bzed dang / chos gos dang /dra ba dang / phor bu dang / shur bu dang / lcag pod dang / shur bu phre'u dang / rgya cang dag gis kun dga' bar 'gyur ba dag bya'o zhes bka' stsal nas dge slong ma dag kha cig gis ni 'o thug /kha cig gis ni zho thug /kha cig gis ni hwags kyi la du dag khyer te rgyal byed kyi tshal du tshe dang ldan pa dga' byed la 'bul du 'ongs pa nye dgas mthong nas smras pa/nye dgas kyang gal te 'di lta bu dag rnyed par gyur na/ rtag pa kho nar dge slong ma la ston par 'gyur ro/ /kho bo tshe dang ldan pa dga' byed chos bzang po'i chos kyis dge slong ma la ston snyam gyi kho bo tshe dang ldan pa dga' byed zas cung zad tsam gyi phyir dge slong ma la ston snyam mi sems so zhes zer nas/dge slong don nyung du dag ci'i phyir dge slong dag dge slong rnams la 'di skad ces/ dge slong dag zas cung zad tsam gyi phyir dge slong ma la ston par byed ces zer zhes smod par byed/phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/nye dga' la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang / dge slong rnams la 'di skad ces/ dge slong dag gis zas cung zad tsam gyi phyir dge slong ma la ston to zhes zer na ltung byed do zhes bca' ba mdzad de/yul ni mnyan yod/ gang zag ni nye dga'/ nyon mongs pa ni phrag dog /nyes pa ni phyar ka gtong ba'o/ /de la yang dge slong gang zhes bya ba ni shAkya'i bu nye dga' 'am gzhan yang de lta bu gang yin pa'o/ /dge slong rnams la zhes bya ba ni/chos 'di pa rnams la'o/ /'di skad ces bya ba ni 'di skad ces zer na'o/ /dge slong dag ces bya ba ni chos 'di pa dag go/ /zas cung zad tsam gyi phyir zhes bya ba ni bca' ba lnga dang bza' ba lnga'i phyir ro/ /dge slong ma la zhes bya ba ni chos 'di pa la'o/ /ston to zhes zer na zhes bya ba ni lhag pa'i tshul khrims dang /lhag pa'i sems dang / lhag pa'i shes rab bo/ ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang /bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gis dge slong zas cung zad tsam gyi phyir ston pa ma yin pa la/ dge slong 'di kha zas cung zad tsam gyi phyir dge slong ma la ston to zhes de nyid dam gzhan nyid la smra na/zas cung zad tsam gyi phyir ston pa'i ltung byed kyi dngos gzhir 'gyur ro/ /zas cung zad tsam gyi phyir ston pa ma yin pa la na smad pa med do/ /dge slong de nyid dam gzhan la smras pa la na smad pa med do/ /pha rol pos don go ba la na smad pa med do//bza' ba lnga dang / bca' ba lnga dang / dge slong gi 'tsho ba'i yo byad gang yang rung bas phyar ka gtong ba la na smad pa med do/ /'di'i byed pa po ni dge slong ma la ston pa'i dge slong zas cung zad tsam gyi phyir ston pa ma yin pa'o/ /'di la yan lag lngas dngos gzhi'i ltung bar 'gyur te/dge slong ma la ston pa'i dge slong dang / zas cung zad kyi phyir ston pa ma yin pa dang / de la dge slong 'di zas cung zad tsam gyi phyir dge slong ma la ston to zhes phyar ka gtong ba dang / de nyid dam gzhan la smras pa dang / pha rol pos don go ba'o//de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du zas cung zad tsam gyi phyir ston pa'i ltung byed kyi sbyor ba brtsams nas dngos gzhi lam thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//dge slong ma la ston pa'i dge slong nyid ma yin pa la nyes byas so/ /dge slong ma la ston pa'i dge slong ma chags pa dang / nyams pa la nyes byas so/ /pha rol pos don ma go ba la nyes byas so/ /sbyor ba'i sbyor ba'i ltung ba ni nyes byas phra mo ste/sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni zas cung zad tsam gyi phyir dge slong ma la ston pa bden na ltung ba med do/ /las dang po pa dang / smyos pa dang / sems 'khrugs pa dang /tshor ba dag gis nyen ba la ltung ba med do/ /bslab par bya ba ni dge slong gis yul thams cad la gnas skabs thams cad du zas cung zad tsam gyi phyir ston pa'i ltung byed du 'gyur ba rnam pa thams cad mi bsten par bslab par bya'o/ /dge slong ma'i chos 'dri ba la mi 'jigs par bya ba'i phyir/dge slong la zas dbul bar bya'o/ /rgya cang dang / shur bu dang / lcag pod dang / shur bu phre'u yang dbul bar bya'o/ /dge slong gis kyang de dag blang bar bya'o/ /phyir bcos pa ni snga ma bzhin no/ / zas cung zad tsam gyi phyir ston pa'i ltung byed de nyi shu gsum pa bshad zin to// //gos sbyin pa'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na tshong dpon zhig 'dug pa des/rigs mnyam pa las chung ma blangs nas de de dang lhan cig rtse bar byed dga' bar byed/dga' mgur spyod par byed do/ /de rgas pa'i gnas skabs su nye du zad par gyur cing / nor zad pa dang longs spyod zad par gyur nas des chung ma la smras pa/ bzang mo kho bos da nor bsgrub par mi nus kyi kho bo rab tu 'byung du 'gro'o//chung mas smras pa/ rje'i sras bdag kyang rab tu 'byung ngo / /des chung ma 'di skye dgu'i bdag mo chen mo gau ta mI la gsol te/ rab tu byung zhing bsnyen par rdzogs par byas so/ /rang yang rgyal byed kyi tshal du song ste/dge slong gi dge 'dun la gsol nas rab tu byung zhing bsnyen par rdzogs so/ /mnyan yod na de grags shing bsod nams che bas thams cad kyis mnyan yod pa'i tshong dpon rab tu byung ngo zhes thos nas/ de la chos gos dang / bsod snyoms dang / gnas mal dang / na ba'i rkyen dang / sman gyi yo byad dag 'bul bas des de dag grub po/ /des dus gzhan zhig na snam sbyar dmar ser gyon te/ dge slong ma de'i dbyar khang du song ba dang / dge slong ma des de'i rkang pa gnyis la mgo bos phyag 'tshal te mdun du 'dug nas de'i snam sbyar de la yang dang yang du rtog nas/dge slong des smras pa/ sring mo snam sbyar 'di 'dod dam/ des smras pa/ lha'i gnas kyi lhag ma bzhin du'o/ /des bsams pa/ bdag gis 'di la snam sbyar 'di sbyin par bya zhing /bdag gis snam sbyar gzhan btsem par bya'o/ snyam nas des de la snam sbyar de byin te song ngo / /de nas bcom ldan 'das dge slong gi dge 'dun gyi 'khor dang bcas pa ko sa la dag tu ljongs rgyur gshegs pas dge slong de snam sbyar med par chos gos stod g.yogs smad g.yogs dang bcas pas ljongs rgyur 'gro ba gzigs pas tshe dang ldan pa kun dga' bo la smras pa dang /tshe dang ldan pa kun dga' bos de ji ltar gyur pa rgyas par gsol to/ /bcom ldan 'das kyis bka' stsal pa/ kun dga' bo dge slong dag dge slong ma nye du ma yin pa la gos dag sbyin nam/btsun pa stsal to/ /bcom ldan 'das kyis bka' stsal pa/ kun dga' bo dge slong ma nye du ma yin pa 'di snyam du 'di'i chos gos gsum tshang ngam/ 'on te ma tshang snyam du mi sems par 'di ltar thob po cog len par byed kyi/nye du la ni byin yang len par mi byed do/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ dge slong de la rmas nas/ dge sbyong gi tshul ma yin pa/ rjes su mthun pa ma yin pa/rung ba ma yin pa/ tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang dge slong ma nye du ma yin pa la gos sbyin na ltung byed do zhes bca' ba mdzad de/ yul ni mnyan yod/ gang zag ni mnyan yod pa la brten pa'i tshong dpon las rab tu byung ba/ nyon mongs pa ni sngon gyi bud med la sred pa/nyes pa ni dge slong ma nye du ma yin pa la gos sbyin pa'o/ /de la yang dge slong gang zhes bya ba ni chos 'di pa'o/ /dge slong ma zhes bya ba yang chos 'di pa'o/ /nye du ma yin pa la zhes bya ba ni/ phyi mo dang / mes po dang / phrugs la brten pa'i bdun pa tshun chad ni nye du yin la/de phan chad ni nye du ma yin no/ /gos zhes bya ba ni/ bdun po bal gos dang / sha na'i gos dang / zar ma'i gos dang / du gu la'i gos dang / ras bal gyi gos dang / ko tam pa'i gos dang / nyi 'og gi gos dag las gang yang rung ba'o/ / sbyin na zhes bya ba ni bsab mi dgos par ro/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni dge slong gis dge slong ma'i dge 'dun la gos 'bul ba ma gtogs par/ dge slong ma nye du ma yin pa bor rlag byung ba dang / legs par smra ba dang / bsnyen par rdzogs par byed pa dang /brje bar 'dod pa ma yin pa la/ der 'du shes pas gos rung ba 'khor gsum khebs pa'i tshad dang ldan pa byin na/ gos sbyin pa'i ltung byed kyi dngos gzhir 'gyur ro/ /dge slong dge slong ma'i dge 'dun la gos 'bul ba ma gtogs pa lan smad pa med do//dge slong ma nye du ma yin pa la na smad pa med do/ /dge slong ma nye du ma yin pa bor rlag byung ba dang / legs par smra ba dang / bsnyen par rdzogs par byed pa dang brje bar 'dod pa ma yin pa lan smad pa med do/ /dge slong ma nye du ma yin pa la der 'du shes pa dang /yid gnyis zab la na smad pa med do/ /gos rung ba dang / 'khor gsum khebs pa'i tshad dang ldan pa dang / de bas lhag pa la na smad pa med do/ /bsab mi dgos par byin pa la na smad pa med do/ /'di'i byed pa po ni dge slong ma nye du ma yin pa nyid la 'du shes gtso cher byed pa po nyid yin no//'di la yan lag drug gis dngos gzhi'i ltung bar 'gyur te/ dge slong dge slong ma'i dge 'dun la gos 'bul ba ma yin pa dang / dge slong ma nye du ma yin pa dang / de bor rlag byung ba'am/ legs par smra ba'am/ bsnyen par rdzogs par byed pa'am/brje bar 'dod pa ma yin pa dang / der 'du shes pa dang / gos rung ba 'khor gsum khebs pa'i tshad yan chad dang / byin pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du gos sbyin pa'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /dge slong ma nye du ma yin pa nyams pa dang / ma chags pa la nyes byas so/ /mtshan mi mthun pa nye du ma yin pa bsnyen bar ma rdzogs pa la nyes byas so//dge slong ma nye du la nye du ma yin par 'du shes pa dang / yid gnyis za ba la nyes byas so/ /gos mi rung ba dang / 'khor gsum khebs pa'i tshad du ma chog pa la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/sbyor ba nyes byas kyi sbyor ba'i sbyor ba yang nyes byas te/ nyes byas phra mo'o/ /ltung ba med pa ni dge slong ma'i dge 'dun la gos 'bul ba la ltung ba med do/ /dge slong ma nye du la ltung ba med do/ /dge slong ma nye du ma yin pa bor rlag byung ba dang /legs par smra ba dang / bsnyen par rdzogs par byed pa dang / rin gyi phyir dang / brje bar 'dod pa la ltung ba med do/ /g.yar por byin pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do//bslab par bya ba ni dge slong gis yul thams cad la gnas skabs thams cad du gos sbyin pa'i ltung byed du 'gyur ba rnam pa thams cad mi bsten par bslab par bya'o/ /phyir bcos pa ni snga ma bzhin no/ /gos sbyin pa'i ltung byed de nyi shu bzhi pa bshad zin to// //gos byed pa'i ltung byed kyi gleng gzhi ni/ sangs rgyas bcom ldan 'das mnyan yod na/ rgyal byed kyi tshal mgon med zas sbyin gyi kun dga' ra ba na bzhugs so/ /dge slong ma sbed ma'i chos gos lnga ngan cing snam sbyar yang rnyings nas des ras yug chen zhig rnyed pa tshe dang ldan pa 'char ka la snam sbyar du 'tshem du bcug nas/drug sde dag log ste ras yug chen de brgyangs nas dras shing drubs te 'char kas snam sbyar de dang tshon sna lnga pa'i skud pa khyer te 'chag tu song nas/snam sbyar de la tshon sna lnga pa'i skud pas bdag nyid sbed ma'i mgul nas 'khyud de 'dug pa zhig skud ris su btsems nas bltab ste/ sbed ma la byin nas/ re zhig ji srid du mtshon gyis ma bcal ba de srid du ma dbye shig /ltung ba dang bcas par gyur ta re zhes smras so//sbed mas snam sbyar de de bzhin kho nar dbyar khang du 'phags pa dang / dge slong ma grogs mo dag gis 'phags pa 'char kas snam sbyar ji ltar btsems pa blta'o 'on cig ces byas pa na sbed mas ma ster nas/ de dag gis snam sbyar hud ces phrogs nas phye ste bltas pa dang /de la tshon sna lnga pa'i skud pas 'char ka sbed ma'i mgul nas 'khyud de 'dug pa skud ris su btsems pa mthong nas/ de dag gis rta gad kyis btab ste smras pa/ sbed ma khyod la 'phags pa 'char kas yun ring mo zhig gis gzod 'khyud do//de skye dgu'i bdag mo chen mo gau ta mIs thos nas/ nu mo dag drug sde gnas ngan len kun du spyod pa dag gis 'drum pa ltung bas bcom ldan 'das kyi bstan pa 'jig par byed do zhes zer ba'i skabs de dge slong ma rnams kyis dge slong rnams la brjod nas/dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ tshe dang ldan pa 'char ka la rmas nas/ dge sbyong gi tshul ma yin pa/rjes su mthun pa ma yin pa/ rung ba ma yin pa/ tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang dge slong ma nye du ma yin pa'i gos byed na ltung byed do zhes bca' ba mdzad de/ yul ni mnyan yod/ gang zag ni 'char ka /nyon mongs pa ni 'dod chags/ nyes pa ni dge slong ma nye du ma yin pa'i gos byed pa'o//de la yang dge slong gang zhes bya ba ni/ 'char ka'am/ gzhan yang de lta bu gang yin pa'o/ /dge slong ma zhes bya ba ni chos 'di pa'o/ /nye du ma yin pa'i zhes bya ba ni/ phyi mo dang mes po dang / phrugs kyi bdun pa tshun chad ni nye du yin la/ de phan chad ni nye du ma yin no/ /gos zhes bya ba ni bdun po bal gos dang / sha na'i gos dang / zang ma'i gos dang / du gu la'i gos dang / ras bal gyi gos dang / ko ta ma pa'i gos dang / nyi 'og gi gos dag las gang yang rung ba'o/ /byed na zhes bya ba ni 'tshem na'o//ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni/ /dge slong gis dge slong ma nye du ma yin pa la der 'du shes pas gos rung ba 'khor gsum khebs pa'i tshad dang ldan pa byed na gos byed pa'i ltung byed kyi dngos gzhir 'gyur ro/ / dge slong ma nye du ma yin pa la der 'du shes pa dang / yid gnyis za ba la na smad pa med do/ /gos rung ba dang 'khor gsum khebs pa'i tshad dang ldan pa dang / gos de las lhag pa la na smad pa med do/ /'tshem pa la sogs pa byed pa'i rnam pa gang yang rung ba la na smad pa med do//'di'i byed pa po ni/ dge slong ma nye du ma yin pa nyid la 'du shes gtso cher byed pa po nyid yin no/ /'di la yan lag lngas dngos gzhi'i ltung bar 'gyur te/ dge slong ma nye du ma yin pa dang / der 'du shes pa dang / gos rung ba 'khor gsum khebs pa'i tshad yan chad dang /byed pa dang / zin pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du gos byed pa'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /dge slong ma nye du ma yin pa dang / nyams pa dang / ma chags pa la nyes byas so/ /mtshan mi mthun pa nye du ma yin pa dang / bsnyen par ma rdzogs pa la nyes byas so/ /dge slong ma nye du ma yin par 'du shes pa dang /yid gnyis za ba la nyes byas so/ /gos mi rung ba dang 'khor gsum khebs pa'i tshad du ma chog pa la nyes byas so/ /byed du bcug pa la nyes byas so/ /ma zin pa la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni dge slong ma nye du la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do//bslab par bya ba ni dge slong gis yul thams cad la gnas skabs thams cad du gos byed pa'i ltung byed du 'gyur ba rnam pa thams cad mi bsten par bslab par bya'o/ /phyir bcos pa ni snga ma bzhin no/ /gos byed pa'i ltung byed de nyi shu lnga pa bshad zin to// //dge slong ma dang lhan cig 'gron lam du 'jug pa'i ltung byed kyi gleng gzhi ni/ bcas pa dang gnang ba'i dbang gis rnam pa gnyis te/ bcas pa'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//drug sde dag gis smras pa/ dga' bo nye dga' lhung bzed nag po can 'di dag rkang pa spre'u zhag gis bskus te 'gro na yang 'gro bar chas pa'i rnyed pa sgrub par byed/ 'ong na yang glo bur du 'ongs pa'i rnyed pa sgrub par byed cing / skye bo mang po dga' ba dang /yid du 'ong bar yang 'gyur ro/ /yu bu cag ni khron pa'i rus sbal dang 'dra bar gar yang mi 'dong / gang nas kyang mi 'ong bas rnyed pa thob pa dang / skye bo mang po la dga' ba dang / yid du 'ong bar ga la 'gyur gyi/ yu bu cag kyang ljongs rgyur 'dong ngo zhes de dag dge slong ma'i dbyar khang du dong ste/dge slong ma bcu gnyis sde dag lam brgyags sbyor du bcug nas de dag kyang khrid cing / dge slong bsod snyoms pa zhig kyang khrid de ljongs rgyur 'phags so/ /de dag gis gang gi tshe mtshams kyi phyi rol du son pa de'i tshe na smras pa/ dga' bo nye dga' bdag cag gis yun ji srid du gzhan gyi spyod lam gyis 'khod par byas/ tshur shog bdag cag rang rang gi spyod lam gyis 'khod par bya'o zhes dang por dga' bo 'dug nas de'i 'og tu dga' mo 'dug /de'i 'og tu dga' bo'i lhan cig gnas pa 'dug /de'i 'og tu dga' mo'i lhan cig gnas pa 'dug /de'i 'og tu dga' bo'i dge tshul 'dug /de'i 'og tu dga' mo'i dge tshul ma 'dug go/ /de bzhin du nye dga' dang / gtsug dga' mo la sogs pa yang spel mar bkod de dong ngo / /don mthun de dang bram ze zhig lhan cig 'gro ba des de dag mthong nas smras pa/'di ni dge sbyong yin/ de'i chung ma ni 'di yin/ de'i bu ni 'di yin/ de'i mna' ma ni 'di yin/ de'i tsha bo ni 'di yin/ de'i tsha bo'i chung ma ni 'di yin par shes so/ /nye dgas thos nas smras pa/ bkren pa khyod kyi gnya' ba rdog pas mnan nas de lta yin no//bsod snyoms pa des bsams pa/ bdag shi ba ni bla'i gnas ngan len kun du spyod pa 'di dag dang lhan cig ljongs rgyur 'gro ba ni mi rung ngo snyam nas de phyir log ste/ rgyal byed kyi tshal du song nas des skabs de dge slong rnams la rgyas par brjod pa dang /dge slong don nyung ngu dag ci'i phyir dge slong dag dge slong ma'i don mthun dang lhan cig 'thams nas 'gron lam du 'jug par byed ces smod par byed/ phyar ka gtong bar byed/ kha zer bar byed pa'i skabs de/ dge slong rnams kyis bcom ldan 'das la gsol pa dang /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ drug sde dag la rmas nas/ dge slong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang dge slong ma'i don mthun dang lhan cig 'thams nas 'gron lam du 'jug na ltung byed do zhes bca' ba mdzad de/ yul ni mnyan yod/ gang zag ni drug sde/ nyon mongs pa ni 'dod zhen/ nyes pa ni dge slong ma'i don mthun dang lhan cig 'thams nas 'gron lam du 'jug pa'o//gnang ba'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dge slong ma rab tu mang po dag gis rgyal po'i khab tu dge slong ma'i dbyar khang du rgyal po'i kun dga' ra bar dbyar gnas par khas blangs nas/de dag dbyar gyi zla ba gsum po dag 'das nas/ bcom ldan 'das kyi zhabs la phyag 'tshal du mnyan yod du 'phags te/ de dag gis mnyan yod du 'gro ba'i don mthun btsal bar brtsams pa dang /ji tsam na de dag gis dge slong dang bcas pa'i don mthun mthong nas/ dge slong med pa'i don mthun gzhan btsal bar brtsams pa dang / ma rnyed nas de dag dge slong dang bcas pa'i don mthun de dang lhan cig mgo snang tsam gyis 'phags so/ / don mthun de shin tu rings par song nas de dag phyi bzhin du 'brang zhing 'gro ba na/ chom rkun pa dag gis bcom nas/ de dag mthar gyis mnyan yod du phyin te dge slong ma'i dbyar khang du song ba dang / dge slong ma rnams kyis mthong nas smras pa/ phu nu mo dag ji ltar bde bar brgyus sam ji ltar bde bar brgyus/bdag cag chom rkun pa dag gis bcom mo/ /phu nu mo dag ji ltar bdag cag bcom ldan 'das kyis yongs su btang ba de ltar ni ya mtshan can dgu bcu rtsa drug po dag gis kyang bud med gzhan 'ga' yang yongs su ma btang ngo zhes zer ba'i skabs de dge slong ma rnams kyis dge slong rnams la brjod nas/dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na dus ma gtogs so/ /dge slong dag don mthun dang / lhan cig ljongs rgyur 'dong ba na/de dag bsod snyoms kyis phongs par gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ lam brgyags bskur bar bya'o/ /de dag gis sus bskur bar bya ba mi shes nas/ bcom ldan 'das kyis bka' sprul pa/ rtse rgod kyis bskur bar bya'o/ /rtse rgod med na rtse rgod mos bskur bar bya'o/ /rtse rgod mo med na dge tshul gyis bskur bar bya'o/ /dge tshul med na/ dge tshul mas bskur bar bya'o/ /dge tshul ma med na/ dge slong rnams kyis dge slong ma rnams kyi lam brgyags bskur bar bya zhing /dge slong ma rnams kyis dge slong rnams la lam brgyags bskur bar bya ste/ dge slong rnams kyis dge slong ma rnams kyi byin len bstabs par bya zhing / dge slong ma rnams kyis dge slong rnams kyi byin len bstabs par bya'o//dge slong dag ljongs rgyu zhing 'dong ba na/ gzhan dag na bar gyur nas dge slong dag gis de dag bor te dong nas/ bcom ldan 'das kyis bka' stsal pa/ mi dor bar bskur bar bya'o/ /dge slong dag nyung nas/ bcom ldan 'das kyis bka' stsal pa/dge slong ma rnams kyis kyang dge slong dag gi bskur bar bya'o/ /dge slong ma dag gis rkang pa logs nas 'dzin cing / dge slong dag mgo logs nas 'dzin pa na dge slong ma dag 'dod chags skyes nas/ bcom ldan 'das kyis bka' stsal pa/ dge slong dag gis rkang pa logs nas bzung bar bya zhing /dge slong ma dag gis mgo logs nas gzung bar bya'o/ /de dag grong du phyin nas thams cad sdod pa na de dag bsod snyoms kyis phongs par gyur nas/ bcom ldan 'das kyis bka' stsal pa/ thams cad kyis bsdad par mi bya bar de na ba'i sman dang zas legs par sbyar te/ dge slong gcig gzhag nas/ lhag ma rnams 'dod bar bya'o/ /dge slong ma rnams la yang de bzhin du bya'o/ /de nas bcom ldan 'das kyis bslab pa 'dod pa dang / bslab pa la gus pa dang /bslab pa la yo byad bsnyungs pa'i bsngags pa brjod nas dge slong rnams la de dang mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas/ dge slong rnams la bka' stsal pa/ dge slong dag de lta bas na/ snga ma ni bcas pa yin la/'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ma'i don mthun dang lhan cig 'thams nas 'gron lam du 'jug na dus ma gtogs te/ ltung byed do/ /de la dus ni 'di yin te/lam don mthun gyis bgrod par bya ba dogs pa dang bcas par grags pa/ 'jigs pa dang bcas par grags pa/ 'jigs pa tha dad pas 'jigs su rung ba dang bcas par grags pa zhig de la de ni dus yin no zhes gnang ba mdzad de yul ni mnyan yod/ gang zag ni chos 'di pa/nyon mongs pa dang nyes pa ni med do/ /de la yang dge slong gang zhes bya ba ni drug sde'am gzhan yang de lta bu gang yin pa'o/ /dge slong ma'i don mthun dang lhan cig ces bya ba ni snga ma bzhin no/ /'thams nas zhes bya ba ni brda byas nas so/ 'gron lam du zhes bya ba ni dgon pa'i lam du'o//'jug na zhes bya ba ni 'gro na'o/ /dus ma gtogs te zhes bya ba ni dus gzhag ste'o/ /ltung byed do zhes bya ba ni snga ma bzhin no/ /de la dus ni 'di yin te/ lam don mthun gyis bgrod par bya ba zhes bya ba ni don mthun med par bgrod mi nus pa'o//dogs pa dang bcas par grags pa zhes bya ba ni chom rkun pa dang g.yon can gyis 'jigs par grags pa'o/ /'jigs pa dang bcas par grags pa zhes bya ba ni/ seng ge dang / stag dang / gung gis 'jigs par grags pa'o/ /'jigs pa tha dad pas 'jigs su rung ba dang bcas par grags pa zhig na zhes bya ba ni sha sbrang dang /sbrang bu mchu rings dang / rlung dang / nyi ma dang / sdig sbrul gyi 'jigs pa tha dad pas 'jigs su rung ba dang bcas par grags pa zhig na'o/ /de la de ni dus yin no zhes bya ba ni/ bslab pa'i gzhi bcas pa de la de ni gnang ba'i dus yin pa'o/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang ltung ba med pa dang bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni 'jigs pa dang bcas pa'i lam nyid du sngar ma 'thams par dge slong ma dang 'gron thabs cig tu zhugs shing tha mi dad par 'gro ba nyid ma gtogs par dge slong ma gcig dang yang lam las 'da' zhing 'gro na rgyang grags re rer dge slong ma dang lhan cig 'gron lam du 'jug pa'i ltung byed kyi dngos gzhir 'gyur ro//lam 'jigs pa med pa nyid la na smad pa med do/ /dge slong ma bsnyen par rdzogs pa can ma nyams pa gcig yan chad la na smad pa med do//sngar 'thams pa la na smad pa med do/ /lam gcig pa la na smad pa med do/ /rgyang grags gcig gi mtha' las 'das pa la na smad pa med do/ /nyin mtshan gyi cha la na smad pa med do/ /'di'i byed pa po ni lam 'jigs pa med pa dang / dge slong ma'i 'gron pa dang 'thams pa'o//'di la yan lag lngas dngos gzhi'i ltung bar 'gyur te/ lam 'jigs pa med pa nyid dang / dge slong ma gcig yan chad kyi 'gron pa dang / 'thams pa dang lam du zhugs pa dang / rgyang grags gcig gi mtha' las 'das pa'o/ / de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du dge slong ma dang lhan cig 'gron lam du 'jug pa'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//dge slong ma ma chags pa dang / nyams pa la nyes byas so/ /mtshan mi mthun pa bsnyen par ma rdzogs pa la nyes byas so/ /rgyang grags kyi phyed du nyes byas so/ /sbyor ba'i sbyor ba'i ltung ba ni nyes byas phra mo ste/sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni lam 'jigs pa dang bcas pa nyid la ltung ba med do/ /ma 'thams pa la ltung ba med do/ /lam tha dad pa la ltung ba med do//las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du dge slong ma dang lhan cig 'gron lam du 'jug pa'i ltung byed du 'gyur ba rnam pa thams cad mi bsten par bslab par bya'o//dge slong dang dge slong ma 'gron lam du 'gro bas lam brgyags rin po che lnga'am/ rin po cher smos pa lnga'am/ bza' ba lnga dang / bza' bar smos pa lnga las gang sbyor cing 'os pa bskur bar bya'o//su dag gis bskur bar bya zhe na/ rtse rgod dang / rtse rgod mo dang / dge tshul dang / dge tshul mo dag las gang yod pa dag gis bskur bar bya'o/ /de dag med na dge slong dang dge slong ma rnams gcig gi lam brgyags gcig gis bskur du rung ngo //dge slong dang dge slong ma rnams gcig gis gcig gi byin len yang bstabs su rung ngo / /tshangs pa mtshungs par spyod pa na ba lam du dor bar mi bya'o/ /lam du nad kyis btab pa de bskur bar bya'o/ /dge slong ma la yang de bzhin du'o/ /nad pa bskur ba de la dge slong dang dge slong ma rnams phan tshun gcig gi grogs gcig gis bya'o//mtshan mi mthun pas mgo logs nas bzung zhing mtshan mthun pas rkang pa logs nas bzung ngo / /grong du phyin pa nyid na nad pa'i sman dang zan legs par sbyar te rang bzhin mthun pa'i nad g.yog gcig kyang bzhag nas bsod snyoms pa la sogs pa la song yang nyes pa med do//phyir bcos pa ni snga ma bzhin no/ /dge slong ma dang lhan cig 'gron lam du 'jug pa'i ltung de nyi shu drug pa bshad zin to// //dge slong ma dang lhan cig grur 'jug pa'i ltung byed kyi gleng gzhi ni/bcas pa dang gnang ba'i dbang gis rnam pa gnyis te/ bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag gis smras pa/ dga' bo nye dga' lhung bzed nag po can 'di dag ni rkang pa spre'u zhag gis bskus te 'gro na yang 'gro bar chas pa'i rnyed pa sgrub par byed/'ong na yang glo bur du 'ongs pa'i rnyed pa sgrub par byed cing / skye bo mang po dga' ba dang / yid du 'ong bar yang 'gyur ro/ /yu bu cag ni khron pa'i rus sbal dang 'dra bar gar yang mi 'dong /gang nas kyang mi 'ong bas rnyed pa 'thob pa dang / skye bo mang po la dga' ba dang / yid du 'ong bar ga la 'gyur gyi/ yu bu cag kyang grur zhugs te 'dong ngo zhes de dag dge slong ma'i dbyar khang du dong ste dge slong ma bcu gnyis sde dag lam brgyags sbyor du bcug nas de dag kyang khrid cing dge slong bsod snyoms pa zhig kyang khrid de grur 'jug tu 'phags so//de dag gis gang gi tshe mtshams kyi phyi rol du grur zhugs pa de'i tshe na smras pa/ dga' bo nye dga' bdag cag gis yun ji srid du gzhan gyi spyod lam gyis 'khod par byas/tshur sheg bdag cag rang rang gi spyod lam gyis 'khod par bya'o zhes dang por dga' bo 'dug nas/ de'i 'og tu dga' mo 'dug /de'i 'og tu dga' bo'i lhan cig gnas pa 'dug /de'i 'og tu dga' mo'i lhan cig gnas pa 'dug /de'i 'og tu dga' bo'i dge tshul 'dug /de'i 'og tu dga' mo'i dge tshul 'dug go/ /de bzhin du nye dga' bo dang gtsug dga' mo la sogs pa yang spel mar bkod de dong ngo / /don mthun de dang bram ze zhig lhan cig 'gro ba des di dag mthong nas smras pa/'di ni dge sbyong yin/ de'i chung ma ni 'di yin/ de'i bu ni 'di yin/ de'i mna' ma ni 'di yin/ de'i tsha bo ni 'di yin/ de'i tsha bo ni chung ma ni 'di yin par shes so/ /nye dgas thos nas smras pa/ bkren pa khyod kyi gnya' bar rdog pas mnan nas de ltar yin no//bsod snyoms pa des bsams pa/ bdag shi ba ni bla'i gnas ngan len kun du spyod pa 'di dag dang / lhan cig ljongs rgyur 'gro ba ni mi rung ngo snyam nas de phyir log ste/ rgyal byed kyi tshal du song nas des skabs de dge slong rnams la rgyas par brjod pa dang /dge slong don nyung ngu dag ci'i phyir dge slong dag dge slong ma'i don mthun dang lhan cig 'thams nas grur 'jug par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ / de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ drug sde dag la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ma'i don mthun dang lhan cig 'thams nas/gru gcig tu 'jug cing gyen du 'gro'am thur du 'gron ltung byed do zhes bca' ba mdzad de/ yul ni mnyan yod gang zag ni drug sde/ nyon mongs pa ni 'dod zhen/ nyes pa ni dge slong ma'i don mthun dang 'thams nas gru gcig tu 'jug pa'o//gnang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na khyim bdag gcig gis chu klung gnas can gyi phyi rol tha ba can gyi kun dga' ra bar dge 'dun gyi phyir gtsug lag khang byed du bcug nas/des gtsug lag khang de dbul ba'i phyir gnyi ga'i dge 'dun spyan drangs so/ /dge slong ma zhig dge ba'i phyogs la brtson par gyur pa des bsams pa/ deng bdag gis bsod snyoms la rgyu ma dgos pas ji srid du gdugs tshod la nye bar ma gyur pa de srid kyi bar du dge ba'i phyogs la tron bya zhing /de'i 'og tu dus shes par byas te 'gro'o snyam nas des ji srid du gdugs tshod la nye bar ma gyur pa de srid kyi bar du dge ba'i phyogs la tron byas nas/ de'i 'og tu dus shes par byas te chu klung gi 'gram du song ba dang /ji tsam na dge slong dag grur zhugs nas gru pas smras pa/ 'phags ma grur zhugs shig /dge slong ma des smras pa/ bzhin bzangs je song shig dang gru gzhan bkang ba na 'gro'o/ /gru pa des yang dang yang du 'ongs te smras pa/ 'phags ma grur zhugs shig /des kyang smras pa/ bzhin bzangs je song shig dang / gru gzhan bkang ba na 'gro'o/ /gru pa de song nas chu klung gi phyi rol du gru phur pa la brtod de skye bo phal po che'i tshogs kyi nang du zhugs shing 'dug go/ /dge slong ma des yang dang yang du bos pa dang /gru pa des tshig kyang ma ster nas de de na sdod sdod nas ji tsam na gdugs tshod yol nas de'i 'og tu dbyar khang du phyir log ste/ de ji srid du lus las mdangs ma yal ba de srid kyi bar du dge ba'i phyogs la tron byas nas/ gang gi tshe lus las mdangs yal ba de'i tshe na glos phab ste nyal ba dang /dge slong ma rnams lhags te de la smras pa/ 'phags ma gal te zas gzhan gyi yin zhes te lto yang gzhan gyi yin snyam mam ci byas/ ci tsam gyis glos phab ste nyal bar gyur pa de tsam gyis zas zos so/ /sus zos/ khyod kyis so/ / kho mos ma zos so/ /'o na ci'i phyir glos phab ste nyal/ des skabs de rgyas par dge slong ma rnams la brjod nas dge slong ma rnams kyis dge slong rnams la rgyas par brjod do/ /dge slong rnams kyis bcom ldan 'das la gsol ba dang / bcom ldan 'das kyis bka' stsal pa/dge slong dag de lta bas na thad kar pha rol du 'gro ba ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas/ dge slong rnams la de dang mthun pa dang /de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang dge slong ma'i don mthun dang lhan cig 'thams nas gru gcig tu 'jug cing gyen du 'gro'am thur du 'gro na thad kar pha rol du 'gro ba ma gtogs te ltung byed do zhes gnang ba mdzad de/ yul ni mnyan yod/ gang zag ni chos 'di pa'i dge slong dang /dge slong ma/ nyon mongs pa dang nyes pa ni med do/ /de la yang dge slong gang zhes bya ba ni drug sde'am/ gzhan yang de lta bu gang yin pa'o/ /dge slong ma'i don mthun dang lhan cig ces bya ba ni chos 'di pa'o/ /'thams nas zhes bya ba ni brda byas nas so/ / gru gcig tu zhes bya ba ni shog ma gcig pa dang / la gcan gcig pa dang / gru btsas gcig par ro/ /'jug cing zhes bya ba ni zhon cing ngo / /gyen du 'gro'am zhes bya ba ni rgyun las bzlog phyogs su 'gro na'o/ /thur du 'gron zhes bya ba ni rgyun phyogs su 'gro na'o/ / thad kar pha rol du 'gro ba ma gtogs te zhes bya ba ni thad kar pha rol du 'gro ba gzhag ste'o/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang /bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni 'gram gnyis 'jigs pa dang bcas pa nyid ma gtogs par 'thams nas dge slong ma gcig dang yang cig car gru gcig gis lam las 'das zhing 'gro na thad kar pha rol du 'gro ba ma gtogs te rgyang grags re rer dge slong ma dang lhan cig grur 'jug pa'i ltung byed kyi dngos gzhir 'gyur ro//'gram gnyis 'jigs pa med pa nyid la na smad pa med do/ /dge slong ma bsnyen par rdzogs pa can ma nyams pa gcig yan chad la na smad pa med do//sngar 'thams pa la na smad pa med do/ /gru tshugs sho gam gcig pa dang / la gcan gcig pa dang / gru btsas gcig pa'i gru tha dad pa la na smad pa med do/ /gyen du 'gro yang rung thur du 'gro yang rung ste rgyang grags gcig gi mtha' las 'das pa la na smad pa med do//nyin mtshan gyi cha la na smad pa med do/ /'di'i byed pa po ni 'gram gnyis 'jigs pa med pa dang / dge slong ma'i 'gron pa dang 'thams pa'o/ /'di la yan lag lngas dngos gzhi'i ltung bar 'gyur te/ 'gram gnyis 'jigs pa med pa nyid dang / dge slong ma gcig yan chad kyi 'gron pa dang 'thams pa dang /grur zhugs pa dang / rgyang grags gcig gi mtha' las 'das pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du dge slong ma dang lhan cig grur 'jug pa'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /dge slong ma ma chags pa dang nyams pa la nyes byas so/ /mtshan mi mthun pa bsnyen par ma rdzogs pa la nyes byas so/ /rgyang grags kyi phyed du nyes byas so/ /sbyor ba'i sbyor ba'i ltung ba ni nyes byas phra mo ste/sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni 'gram gnyis 'jigs pa dang bcas pa nyid la ltung ba med do/ /ma 'thams pa la ltung ba med do/ /gru tshugs sho gam tha dad pa dang /lag can tha dad pa dang / gru btsas tha dad pa la ltung ba med do/ /thad kar pha rol du 'gro ba la ltung ba med do/ /thad kar pha rol du 'gro ba de'i phyir zhugs pa na chu'i gzhung yo ba dang / chu klung gis gtib chad pa dang / dba' klong las gzur ba'i dbang dang ru skya dang gdos pa chag pa'i dbang dang ru skya 'dzin pa'i dbang gis rgyun las bzlog pa'i phyogs sam/rgyun phyogs kyi 'jug pa gzhan du song ba la nyes pa med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du dge slong ma dang lhan cig grur 'jug pa'i ltung byed du 'gyur ba rnam pa thams cad mi bsten par bslab par bya'o//gru tshugs kyi sho gam dang la gcan dang gru btsas gcig gam tha dad pa brtag par bya'o/ /'gram gnyis las gcig 'jigs pa yod la gcig 'jigs pa med na/gang na 'jigs pa med pa der gzur bar bya'o/ /phyir bcos pa ni snga ma bzhin no/ /dge slong ma dang lhan cig grur 'jug pa'i ltung byed de nyi shu bdun pa bshad zin to// //so sor thar pa'i mdo rgya cher 'grel pa 'dul ba kun las btus pa/ bam po nyi shu lnga pa/gcig pu 'dug pa'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de nas tshe dang ldan pa 'char ka snga dro sham thabs bgos/ /lhung bzed dang / chos gos thogs te mnyan yod du bsod snyoms la zhugs nas mthar gyis mnyan yod du bsod snyoms la rgyu ba na khyim bdag gi chung ma sbed ma'i khyim ga la ba der song ngo //khyem bdag gi chung ma sbed mas tshe dang ldan pa 'char ka thag ring po kho na nas mthong ste/ mthong nas kyang tshe dang ldan pa 'char ka'i phyir stan shom par byed cing 'di skad ces kyang smras so//btsun pa 'char ka tshur spyon/ btsun pa 'char ka byon pa legs so/ /btsun pa 'char ka gdan bshams pa nyid la bzhugs shig /tshe dang ldan pa 'char ka kha nang du bltas te 'dug go/ /khyim bdag gi chung ma sbed ma yang tshe dang ldan pa 'char ka'i rkang pa gnyis la phyag 'tshal te kha phyir bltas te 'dug go//'char kas de la ji tsam pa de tsam gyis chos bstan nas sngon bgad pa dang / rtses pa dang / dga' bar byas pa dang / dga' mgur spyad pa dag dran par bya bar brtsams te/ sbed ma khyod kyis bdag cag gnyis skyed mos tshal dang / 'dun sa dang lha'i gnas ga ge mo zhig tu bca' ba 'di dang 'di lta bu 'chos pa dang / bza' ba 'di dang 'di lta bu zos pa dang / btung ba 'di dang 'di lta bu 'thungs pa dang / gnas mal 'di dang 'di lta bu bshams pa dang / 'bru mar gyi mar me 'di dang 'di lta bu btsugs shing der bdag cag gnyis kyis 'di dang 'di lta bu byas pa dran nam/sbed mas smras pa/ dran no/ /bsod snyoms pa zhig der 'ongs pa dang / sbed mas mthong nas bsams pa/ gal te langs te bsod snyoms phul bar gyur na btsun pa 'char ka'i gtam spong bar 'gyur ro snyam nas/ des lag pas song shig ces brda byas so//'char kas smras pa/ sbed ma khyod kyi snying lam na kho bos khyod la 'phags pa'i bden pa bzhi'i gtam byas snyam mam/ ci 'di ltar kho bos lag pas btsal ba brgya dag gis longs spyod dag bsgrubs nas khyod kyis sbyin pa dag sbyin zhing bsod snyoms dag byed kyang mi nus sam zhes 'char kas sbed ma bsod snyoms pa de la bsod snyoms 'bul du bcug nas gtsug lag khang du song ba dang /bsod snyoms pa des 'char ka la deng don gyis na bdag gis khyod kyi bsod snyoms zos so zhes smras pa dang / 'char kas smras pa/ bsod snyoms pa shes te des dang por khyod bos snyam mam ci/des khyod song shig ces lag brda byas nas kho bos de'i 'og tu de khyod phyir 'bod du bcug go/ /bsod snyoms pas smras pa/ de'i tshe na btsun pa 'char ka de nyid na 'dug par gyur tam/ 'dug go/ /khyod bud med dang lhan cig gcig pu gcig dang dben ba skyabs yod pa na stan la 'dug tu rung ngam/rung yang srid mi rung yang srid de kho bo de ltar 'dug go zhes zer nas dge slong don nyung ngu dag ci'i phyir dge slong dag bud med dang lhan cig gcig pu gcig dang dben bskyabs yod pa na stan la 'dug par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ 'char ka la rmas nas/ dge sbyong gi tshul ma yin ba/ rjes su mthun pa ma yin ba/rung ba ma yin ba/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang bud med dang lhan cig gcig pu gcig dang dben pa skyabs yod pa na stan la 'dug na ltung byed do zhes bca' ba mdzad de/ yul ni mnyan yod/ gang zag ni 'char ka /nyon mongs pa ni 'dod chags/ nyes pa ni bud med dang lhan cig gcig pu gcig dang dben pa skyabs yod pa na stan la 'dug pa'o//de la yang dge slong gang zhes bya ba ni 'char ka'am gzhan yang de lta bu gang yin pa'o/ /bud med dang zhes bya ba ni bud med dam/ gzhon nu ma mi tshangs par spyod pa 'khrig pa'i chos bsten nus pa dang ngo / /lhan cig ces bya ba ni de dang lhan cig go/ / gcig pu gcig dang zhes bya ba ni de de dang ngo / /dben pa zhes bya ba ni gang na bud med dang / skyes pa dang ma ning gzhan 'ga' yang med pa'o/ /skyabs yod pa na zhes bya ba ni lngas bskyabs pa na ste/ rtsig pas bskyabs pa dang / rib mas bskyabs pa dang / yol bas bskyabs pa dang / thibs pos bskyabs pa dang /mtshan mos bskyabs pa na'o/ /stan la zhes bya ba ni gzhi la'o/ /'dug na zhes bya ba ni 'dom gang gi nang du rkub tshos 'jog par byed na'o/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang /sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong ma'i 'gro ba pa'i bud med dam gzhon nu ma mi tshangs par spyod pa 'khrig pa'i chos bsten nus pa gcig pu nyid dang /skye bo'i rgyun lugs med pa nyid kyis phyogs dben pa nyid dang / skyabs dang bcas pa nyid dang bar 'dom gang gi nang du gnyi ga rkub tshos bzhag ste 'dug na gcig pu 'dug pa'i ltung byed kyi dngos gzhir 'gyur ro/ /mi'i 'gro ba pa'i bud med dam gzhon nu ma mi tshangs par spyod pa 'khrig pa'i chos bsten nus pa nyid la na smad pa med do//bud med gcig pu nyid la na smad pa med do/ /dge slong gcig pu nyid la na smad pa med do/ /skye bo'i rgyun lugs med pa nyid kyis phyogs dben pa nyid la na smad pa med do/ /skyabs lnga po rtsig pas bskyabs pa dang /rib mas bskyabs pa dang / yol bas bskyabs pa dang / thibs pos bskyabs pa dang / mtshan mos bskyabs pa dag la na smad pa med do/ /bar 'dom gang nyid dang de bas nye ba la na smad pa med do/ /gnyi ga rkub tshos bzhag ste 'dug pa la na smad pa med do/ /'di'i byed pa po ni rkub tshos bzhag ste 'dug pa la bud med gcig pu nyid dang /skye bo'i rgyun lugs med pa nyid kyis phyogs dben pa nyid dang / skyabs dang bcas pa nyid dang / bar 'dom gang nyid ni byed pa po dag yin no/ /'di la yan lag lngas dngos gzhi'i ltung bar 'gyur te/ mi'i 'gro ba pa'i bud med dam gzhon nu ma mi tshangs par spyod pa 'khrig pa'i chos bsten nus pa gcig pu nyid dang /skye bo'i rgyun lugs med pa nyid kyis phyogs dben pa nyid dang / skyabs dang bcas pa nyid dang / bar 'dom gang nyid dang / gnyis ka rkub tshos bzhag ste 'dug pa'o/ /de dag las yan lag ma tshad na ci rigs par na smad do//sbyor ba'i ltung ba ni nyes byas te/ ji srid du gcig pu 'dug pa'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la ma sbyor ba tha dad pa ji snyed brtsams pa re re la nyes byas re re'o/ /mi'i 'gro ba pa'i bud med mi tshangs par spyod pa 'khrig pa'i chos bsten mi nus pa la nyes byas so//mi ma yin pa'i 'gro ba mo dang dud 'gro mo la nyes byas na smad do/ /dge slong ma la nyes byas so/ /rab tu byung ba bsnyen par ma rdzogs pa mo la nyes byas so/ /bar 'dom gang bas ring ba la nyes byas so/ /gcig gam gnyis ka 'greng ba la nyes byas so//sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni sgo gang na 'dug pa dang / sman 'thag tu 'jug pa dang /sgo ma bcad par 'dug pa dang / gzhan dag 'jug cing gzhan dag 'byung ba la ltung ba med do/ /skyabs lnga po dag gis ma bskyabs pa la ltung ba med do/ /nye du la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do//bslab par bya ba ni dge slong gis yul thams cad la gnas skabs thams cad du gcig pu 'dug pa'i ltung byed du 'gyur ba rnam pa thams cad du mi bsten par bslab par bya'o/ /phyir bcos pa ni snga ma bzhin no/ /gcig pu 'dug pa'i ltung byed de nyi shu brgyad pa bshad zin to// //gcig pu 'greng ba'i ltung byed kyi gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe sbed ma rab tu byung nas de khang skyong byed pa na dge slong ma rnams snga dro sham thabs bgos/ lhung bzed dang chos gos thogs te bsod snyoms la dong ba'i tshe sbed ma gtsug lag khang na phyag dar byed cing 'dug go//tshe dang ldan pa 'char ka yang snga dro sham thabs bgos/ lhung bzed dang chos gos thogs te/ mnyan yod du bsod snyoms la zhugs nas/ mnyan yod du bsod snyoms la rgyu ba na dge slong ma'i dbyar khang ga la ba der song ngo //sbed mas tshe dang ldan pa 'char ka thag ring po kho na nas mthong ste/ mthong nas kyang 'di skad ces smras so/ /'phags pa 'char ka byon pa legs so/ /byon pa legs so zhes des phyags ma phyogs gcig tu bzhag nas tshe dang ldan pa 'char ka'i rkang pa gnyis la phyag 'tshal te mdun du 'greng ngo //'char kas de la ji tsam pa de tsam gyis chos bstan nas sngon bgad pa dang / rtses pa dang / dga' bar byas pa dang / dga' dgur spyad pa dag dran par brtsams te/ sbed ma khyod kyis bdag cag gnyis skyed mos tshal dang / 'dun sa dang lha'i gnas ga ge mo zhig tu bca' ba 'di dang 'di lta bu 'chos pa dang / bza' ba 'di dang 'di lta bu zos pa dang / btung ba 'di dang 'di lta bu 'thungs pa dang / gnas mal 'di dang 'di lta bu bshams pa dang / 'bru mar gyi mar me 'di dang 'di lta bu btsugs shing der bdag cag gnyis kyis 'di dang 'di lta bu byas pa dran nam/sbed mas smras pa dran no/ /de na dge slong ma rgan mo nad pa zhig 'dug nas des bsams pa/ 'di gnyis ci'i phyir ma bag mar blangs pa tshun chad kyang gcig la gcig rjod par byed do snyam mo/ /de nas 'char ka song ba na sbed mas dbyar khang phyag dar bya bar brtsams pa dang /dge slong ma de dag kyang lhags nas de dag gis smras pa/ sbed ma khyod kyis ci byas nas dbyar khang 'di kho na bzhin du phyag dar dang bcas par 'dug /sbed mas smras pa/ phu nu mo dag gang tshun chad nas khyed cag bsod snyoms la dong ba de tshun chad nas kho mo ma 'dug go//dge slong ma rgan mo nad pa des thos nas des dge slong ma rnams la ji ltar gyur pa rgyas par brjod pa dang / dge slong ma de dag ci'i phyir dge slong dag dge slong ma dang lhan cig gcig pu gcig dang dben pa skyabs yod pa na 'greng bar byed ces smod par byed/ phyar ka gtong bar byed/kha zer bar byed pa'i skabs de dge slong ma rnams kyis dge slong rnams la brjod pa dang / dge slong don nyung ngu dag ci'i phyir dge slong dag dge slong ma rnams dang lhan cig gcig pu gcig dang dben pa skyabs yod pa na 'greng bar byed ces smod par byed/ phyar ka gtong par byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ tshe dang ldan pa 'char ka la rmas nas/ dge sbyong gi tshul ma yin pa/ rjes su mthun pa ma yin pa/rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ma dang lhan cig gcig pu gcig dang dben pa skyabs yod pa na 'greng na ltung byed do zhes bca' ba mdzad de/ yul ni mnyan yod/ gang zag ni 'char ka /nyon mongs pa ni 'dod chags/ nyes pa ni dge slong ma dang lhan cig gcig pu gcig dang dben pa skyabs yod pa na 'greng ba'o//de la yang dge slong gang zhes bya ba ni 'char ka'am gzhan yang de lta bu gang yin pa'o/ /dge slong ma dang zhes bya ba ni chos 'di pa dang ngo / /lhan cig ces bya ba ni de dang lhan cig go/ /gcig pu gcig dang zhes bya ba ni de de dang ngo / /dben pa zhes bya ba ni gang na skyes pa dang bud med dang ma ning gzhan 'ga' yang med pa'o//skyabs yod pa na zhes bya ba ni lngas bskyabs pa na ste/ rtsig pas bskyabs pa dang / rib mas bskyabs pa dang / yol bas bskyabs pa dang / thibs pos bskyabs pa dang mtshan mos bskyabs pa na'o/ / 'greng na zhes bya ba ni 'dom gang gi nang na 'greng na'o/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//gcig pu 'dug pa'i ltung byed sngar bstan pa dang / gcig pu 'greng ba'i ltung byed 'di gnyis kyi mtshan nyid gzhan thams cad ni 'dra'o/ /bye brag tu sngar bud med ces smos pa'i gnas su 'dir dge slong ma zhes brjod par bya ba dang / sngar 'dug pa zhes smos pa'i gnas su 'dir 'greng ba zhes brjod par bya'o/ /de la 'dir dngos gzhi'i ltung ba rnam par gzhag pa ni dge slong ma khyim so bzung ba'am ma bzung ba mi tshangs par spyod pa 'khrig pa'i chos bsten nus pa gcig dang / skye bo'i rgyun lugs med pa nyid kyis phyogs dben pa nyid dang /skyabs dang bcas pa nyid dang / bar 'dom gang gi nang du gnyis ka 'greng ste sdod na gcig pu 'greng ba'i ltung byed kyi dngos gzhir 'gyur ro/ /chos 'di pa'i dge slong ma khyim so bzung ba'am ma bzung ba mi tshangs par spyod pa 'khrig pa'i chos bsten nus pa bsnyen par rdzogs pa can ma nyams pa nyid la na smad pa med do//dge slong ma gcig pu nyid la na smad pa med do/ /skye bo'i rgyun lugs med pa nyid kyis phyogs dben pa nyid la na smad pa med do/ /skyabs lnga po rtsig pas bskyabs pa dang / rib mas bskyabs pa dang / yol bas bskyabs pa dang /thibs pos bskyabs pa dang / mtshan mos bskyabs pa nyid la na smad pa med do/ /bar 'dom gang nyid dang / de bas nye ba la na smad pa med do/ /gnyi ga 'greng ste sdod pa la na smad pa med do/ /'di'i byed pa po ni 'greng ste sdod pa nyid dang / dge slong ma gcig pu nyid dang / skye bo'i rgyun lugs med pa nyid kyis phyogs dben pa nyid dang /skyabs dang bcas pa nyid dang / bar 'dom gang nyid ni byed pa po dag yin no/ /'di la yan lag lngas dngos gzhi'i ltung bar 'gyur te/ dge slong ma khyim so bzung ba'am ma bzung ba mi tshangs par spyod pa 'khrig pa'i chos bsten nus pa gcig pu nyid dang /skye bo'i rgyun lugs med pa nyid kyis phyogs dben pa nyid dang / skyabs dang bcas pa nyid dang / bar 'dom gang nyid dang / gnyi ga 'greng ste sdod pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du gcig pu 'greng ste sdod pa'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /dge slong ma yan lag thams cad dang du blang du mi rung ba mi tshangs par spyod pa 'khrig pa'i chos bsten mi nus pa la nyes byas so//chos 'di pa'i rab tu byung ba bsnyen par ma rdzogs pa mo dang / phyi rol pa'i rab tu byung ba mo la nyes byas so/ /mi'i 'gro ba pa'i bud med rab tu ma byung ba la nyes byas so/ /mi ma yin pa'i 'gro ba mo dang / dud 'gro mo la nyes byas na smad do/ / bar 'dom gang bas ring ba la nyes byas so/ /gcig gam gnyi ga 'dug pa la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni sgo gang nas 'greng ba dang /sman 'thag tu 'jug pa dang / sgo ma bcad par 'greng ba dang / gzhan dag 'jug cing gzhan 'byung ba la ltung ba med do/ /skyabs lnga po dag gis ma bskyabs pa la ltung ba med do/ /nye du la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du gcig pu 'greng ba'i ltung byed du 'gyur ba rnam pa thams cad du mi bsten par bslab par bya'o/ /phyir bcos pa ni snga ma bzhin no//gcig pu 'greng ba'i ltung byed de nyi shu dgu pa bshad zin to// //dge slong mas spyor du bcug pa'i ltung byed kyi gleng gzhi ni byung ba dang bcas pa dang / gnang ba'i dbang gis rnam pa gsum ste/ byung ba'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//de'i tshe na tshe dang ldan pa 'od srungs chen po mnyan yod na shar gyi kun dga' ra ba na ri dgas 'dzin gyi ma'i khang bzangs na 'dug go/ /de nas tshe dang ldan pa 'od srungs chen po phyi 'phred nang du yang dag 'jog las langs nas bcom ldan 'das ga la ba der song ste phyin nas/bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas/ bcom ldan 'das kyis tshe dang ldan pa 'od srungs chen po la 'di skad ces bka' stsal to/ /'od srungs da ltar khyod ni rgan pa rgas pa dgog tu gyur pa yin la/nga'i smad g.yogs sha na'i gos phyag dar khrod dag ni lcis/ 'od srungs khyod dge 'dun gyi gtsug lag khang du shog la gang zag gis mgron du bos pa dag bdag gir gyis shig khyim bdag gi gos mtshon gyis dras pa dag kyang kha dog ngan par gyis la chongs shig /de'i tshe na mnyan yod na khyim bdag gcig 'dug pa de la yun ring po nas smon pa 'di lta bu skyes te/ kye ma bdag gis gnas brtan 'od srungs chen po lha dang mis mchod pa khyim gzhan du spyan drangs te bshos gsol na ci ma rung snyam nas khyim bdag des bcom ldan 'das kyis 'phags pa 'od srungs chen po dge 'dun la gtad pa thos so//thos nas kyang tshe dang ldan pa 'od srungs chen po ga la ba der song ste phyin nas rkang pa gnyis la mgo bos phyag 'tshal te 'di skad ces smras so/ /'phags pa 'od srungs chen po sang bdag gi sdum par bdag nyid dang gzhi gdugs tshod gsol bar ci gnang /tshe dang ldan pa 'od srungs chen pos khyim bdag de la cang mi smra bas dang du blangs so/ /de nas khyim bdag de rang gi khyim ga la ba der song ste phyin nas chung ma zhal zas bsod pa mang po dag sta gon byed du bcug nas je nang par sngar langs te bar gyi gzhir stan bshams nas tshe dang ldan pa 'od srungs chen po spyan 'dren du btang ngo //bcom ldan 'das kyis gang gi ngor mgron du bos pa des dus sngar der 'gro bar bya'o zhes bka' stsal pas/ de nas tshe dang ldan pa 'od srungs chen po dus snga ba kho nar sham thabs bgos lhung bzed dang chos gos thogs te khyim bdag de'i khyim ga la ba der song ste phyin nas bar gyi gzhir 'dzegs te stan bshams pa nyid la 'dug go//de nas khyim bdag des tshe dang ldan pa 'od srungs chen po'i rkang pa gnyis la mgo bos phyag 'tshal te/ mtha' gcig tu 'dug go//mtha' gcig tu 'dug nas tshe dang ldan pa 'od srungs chen po khyim bdag de la chos dang ldan pa'i gtam gyis yang dag par ston par byed/ yang dag par 'dzin du 'jug par byed/ yang dag par gzengs stod par byed/ yang dag par rab tu dga' bar byed do/ / de nas dge slong ma sbom dga' mo snga dro sham thabs bgos/ lhung bzed dang chos gos thogs te mnyan yod du bsod snyoms la zhugs nas de mthar gyis bsod snyoms la rgyu ba na khyim der zhugs te/ 'di skad ces smras so/ /mtshan bzangs a rog gya bsod snyoms byin cig /khyim bdag des smras pa/'phags ma deng 'phags pa 'od srungs chen po lha dang mis mchod pa bdag gis sdum par spyan drangs te zhal zas sta gon bgyis pas re zhig cung brel gyis bzhud cig /sbom dga' mos smras pa/ de ni gzhan mu stegs can las rab tu byung ba bul ba mchog tu bul ba chung ba mchog tu chung ba yin la kho mo ni shAkya'i bu mo las rab tu byung ba/sde snod gsum dang ldan pa chos sgrog pa/ rigs pa dang grol ba'i spobs pa can yin na de'i zas sbyor zhing kho mo la bsod snyoms mi ster mod/ tshe dang ldan pa 'od srungs chen pos de thos te/thos nas kyang bsams pa/ de la bsod nams ma yin pa mang po skye bar gyur na mi rung ngo snyam nas/ des mgul bsal ba'i sgra phyung ba dang / tshe dang ldan pa 'od srungs chen po dbyig gi gdangs dang ldan pa yin pas de'i sgras khyim thams cad gang bar gyur to/ /sbom dga' mos de'i sgra thos nas smras pa/klu'i ming can 'di nyid na bzhugs so/ /khyim bdag des de thos nas smras pa/ da gzod kho na de skad ces zer zhing / da 'di skad ces zer ro zhes de gshe zhing shod du 'bab par brtsams pa dang / sbom dga' mos de'i ting sgra thos nas skrag ste bros so/ /des smras pa dge sbyong ma mgo reg mo ma 'bros par sdod cig /khyod kyis kho bo'i khyim du 'jug par mi bya'o/ /sbom dga' mos smras pa/ khyod kyi khyim rtug khung dang btson bar gyur cig /khyod kyi khyim du gdol ba dag 'jug par gyur cig /kho mo cag gis rgyal po las btsun mo'i 'khor gyi yongs su spangs ba thob pas kho mo la ji tsam du rig par byed pa de tsam du kho mos khyod kyi lag pa gnyis mkhrig ma nas gcod du gzhug go//khyim bdag des smras pa/ dge sbyong ma mgo reg mo dge slong ma gnas brtan mo gnas brtan mo dag gis rgyal po las btsun mo'i 'khor gyi yongs su spang ba thob pa yin gyi/gnas ngan len kun tu spyod pa khyod kyis ma thob po/ /de nas khyim bdag de phyir log ste/ tshe dang ldan pa 'od srungs chen po gdugs tshad gsol nas/ tshe dang ldan pa 'od srungs chen pos de la chos bstan te/ de nas bcom ldan 'das kyi spyan sngar song nas zhabs la mgo bos phyag 'tshal te gsol pa/btsun pa bcom ldan 'das kyis bdag deng kho na dge 'dun la gtad par gyur na/ bdag deng kho na gzhan mu stegs can las rab tu byung ba/ bul ba mchog tu bul ba/ chung ba mchog tu chung ba zhes bgyi bar yang gyur/ bdag deng kho na klu'i ming can zhes bgyi bar yang gyur te/btsun pa bdag ni yun ring po nas dgon pa pa lags shing dgon pa pa nyid kyi bsngags pa yang brjod/ bsod snyoms pa lags shing bsod snyoms pa nyid kyi bsngags pa yang brjod/ phyag dar khrod pa lags shing phyag dar khrod pa nyid kyi bsngags pa yang brjod pa lags so//'od srungs khyod kyis don gyi dbang du zhig yang dag par rjes su mthong ba de lta bu yin/ btsun pa gnyis te/ bdag nyid tshe 'di la bde bar gnas pa'i slad du dang / slad ma'i skye bo dag la smad pa bgyi ba'i slad du'o/ /'od srungs khyod yun ring po nas skye bo mang po la phan pa dang /skye bo mang po la bde ba dang / 'jig rten la snying brtse ba dang / lha dang mi rnams kyi don dang phan pa dang / bde ba'i phyir zhugs pa legs so legs so/ /'od srungs gang la la zhig sbyangs pa'i yon tan de dag gi bsngags pa ma yin pa rjod par byed pa de ni nga'i bsngags pa ma yin pa rjod par byed pa yin la/gang la la zhig sbyangs pa'i yon tan de dag gi bsngags pa rjod par byed pa de ni nga'i bsngags pa rjod par byed pa yin no/ /de ci'i phyir zhe na/ ngas yun ring po nas sbyangs pa'i yon tan de dag bstod cing bkur la/ bsngags shing rab tu bsngags pa'i phyir ro/ /'od srungs de lta bas na khyod ni dgon pa pa yin zhing /dgon pa nyid kyi bsngags pa brjod pa dang / bsod snyoms pa yin zhing bsod snyoms pa nyid kyi bsngags pa brjod pa dang / phyag dar khrod pa yin zhing / phyag dar khrod pa nyid kyi bsngags pa brjod pa yin te/ khyod kyis de ltar bslab par bya'o/ / 'di ni re zhig byung ba yin te/ sangs rgyas bcom ldan 'das re zhig 'dul ba la nyan thos rnams kyis bslab pa'i gzhi 'cha' bar ni mi mdzad do/ /bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /phongs pa dang bcas pa'i dus byung nas bram ze dang khyim bdag dad pa can dag gis dge slong gnas brtan gnas brtan rnams kyi bsod snyoms sbyor te/drug sde dag snga dro sham thabs bgos lhung bzed dang chos gos thogs te mnyan yod du bsod snyoms la zhugs nas de dag dge slong ma bcu gnyis sde dag gi gan du dong ba dang /de dag gis smras pa/ 'phags pa dag bzhugs la zhal tshus gsol cig /sus sbyin par 'gyur/ bdag cag gis gsol lo/ /drug sde dag gis smras pa/ sring mo dag de tsam gyis kho bo cag 'tsho bar mi nus so/ /'di ltar bram ze dang /khyim bdag dad pa can gang dag gis dge slong gnas brtan gnas brtan dag gi bsod snyoms sbyar ba de dag gal te khyod kyis kho bo cag gi phyir sbyor du bcug na de lta na kho bo cag 'tsho bar nus so/ /de nas dge slong ma sbom dga' mo snga dro sham thabs bgos lhung bzed dang chos gos thogs te mnyan yod du bsod snyoms la zhugs nas de khyim gang dag tu tshe dang ldan pa kun shes kauN+Di n+ya dang /dge slong gnas brtan gnas brtan dag gi bsod snyoms sbyar ba'i khyim de dag tu song ste/ 'di skad ces smras so/ /khyed kyis su'i bsod snyoms sbyar/ de dag gis smras pa/ 'phags pa kun shes kauN+Di n+ya dang dge slong gnas brtan gnas brtan dag gi'o//sbom dga' mos smras pa khyod kyis shAkya'i rigs las rab tu byung ba/ sde snod gsum dang ldan pa/ chos sgrog pa/ rigs pa dang grol ba'i spobs pa can gang dag yin pa de dag gi bsod snyoms sbyar na/ de lta na khyod la bsod nams che bar 'gyur ro//de dag gis smras pa/ de dag gang lags/ sbom dga' mos smras pa/ 'phags pa dga' bo dang / nye dga' bo dang / 'dun pa dang / 'char ka dang / 'gro mgyogs dang / na bas so dag go/ /de dag gis smras pa/ de ltar bgyi'o zhes de dag gis 'phags pa kun shes kauN+Di n+ya dang /dge slong gnas brtan gnas brtan dag gi bsod snyoms sbyar ba gang dag yin pa/ de dag drug sde dag gi phyir sbyor du bcug go/ /drug sde dag snga dro sham thabs bgos/ lhung bzed dang chos gos thogs te mnyan yod du bsod snyoms la dong ba dang / de dag lhung bzed khas btags pa'i bsod snyoms dag gis 'ongs pa dge slong rnams kyis mthong nas smras pa/e ma'o drug sde dag gis lhung bzed khas btags so/ /drug sde dag gis smras pa/ gang dag gis bdag cag gi phyir bsod snyoms dag sbyor du bcug pa'i sring mo dag nad med par gyur cig /dge slong rnams kyis smras pa/khyed cag shes bzhin du dge slong mas sbyor du bcug pa'i zas bzar rung ngam/ drug sde dag gis smras pa/ rung ba yang srid mi rung ba yang srid de/ ji kho bo cag ltogs te 'chi bar bya'am/ zhes zer nas/ dge slong don nyung ngu dag ci'i phyir dge slong dag dge slong mas sbyor du bcug pa'i zas za bar byed ces smod par byed/phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ drug sde dag la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang shes bzhin du dge slong mas sbyor du bcug pa'i zas za na ltung byed do zhes bca' ba mdzad de/ yul ni mnyan yod/ gang zag ni drug ste/ nyon mongs pa ni lto 'dun/ nyes pa ni dge slong mas sbyor du bcug pa'i zas za ba'o//gnang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag gcig 'dug pa de las kyi mtha' kyi mtha' gnyis byed du 'jug ste/ tshong dang zhing las kyi mtha'o/ /des dgon par zhing rmos nas sa bon btab ste/zhing de'i drung du spyil bu byas nas zong thogs te yul gzhan du song ngo / dge slong bsod snyoms pa zhig ljongs rgyu zhing 'gro ba na/ mnyan yod du phyin nas/ des der byul ba na zhing de'i drung na spyil bu zhig 'dug pa mthong nas/ des bsams pa/ phyogs 'di go skabs dben pa yin gyi 'di nyid du 'dug par bya'o snyam pas/des de nyid du 'dug par brtsams te/ mnyan yod du bsod snyoms rgyus nas de nyid du gnas 'cha'o/ /der mi'i dris ri dgas dang bya 'ga' yang mi 'ong zhing der lhas kyang dus dang dus su char gyi rgyun legs par phab pas zhing de shin tu phun sum tshogs par gyur to//khyim bdag de yang don legs par grub ste bkra shis shing bde bar 'ongs so/ /de nas khyim bdag de rdzas sbas nas khrus byas te/ zan zos pa dang chung mas smras pa/ rje'i sras khyod kyis dgon pa'i zhing de la sa bon btab nas yul gzhan du bzhud na/gal te sa bon gyi skyin pa tsam grub par gyur tam je gzigs shig /khyim bdag de der song ba dang / ji tsam du zhing de lo tog phun sum tshogs pa mthong nas des bsams pa/ bdag gis 'dir rib ma yang ma byas/ srung ba'i mi 'ga' ma bzhag par zhing lo tog shin tu phun sum tshogs par gyur pa 'di la rgyu ci yod snyam nas des der byul ba dang mi'i rjes mthong nas de rjes bzhin du spyil bu der song ba dang /ji tsam na dge slong bsod snyoms pa zhig skyil mo krung gis 'dug pa mthong nas/ des bsams pa/ 'di'i mthus zhing 'di shin tu lo tog phun sum tshogs par gyur to snyam nas des smras pa/'phags pa spyil bu 'di na bzhugs sam/ des smras pa/ khyim bdag yin no/ /khyim bdag gis smras pa/ 'phags pa zhing 'di bdag gi lags kyi/ 'phags pas me tog dang 'bras bu dang tshems shing dag ji bder longs spyad du gsol/ 'phags pa sang bdag gi sdum par bsod snyoms gsol bar ci gnang zhes mgron du bos nas de khyim du song ste/chung mas zas gtsang zhing bsod pa dag sta gon byed du bcug go/ /de'i tshe na dge slong ma sbom dga' mo snga dro sham thabs bgos/ lhung bzed dang chos gos thogs te mnyan yod du bsod snyoms la zhugs nas de mthar gyis bsod snyoms la rgyu ba na khyim der zhugs te smras pa/mtshan bzangs a rog gya bsod snyoms byin cig khyim bdag gi chung mas smras pa/ 'phags ma bdag gis bsod snyoms pa zhig spyan drangs pa de mchis te/ zan bcad par gyur na mi rung bas bdag bral gyi re zhig bzhud cig /sbom dga' mos smras pa/ gal te kho mos bsod snyoms pa de khrid de 'ongs na khyod kyis kho mo la bsod snyoms sbyin nam/ des smras pa/ gsol lo/ /sbom dga' mos bsams pa/ dge slong gzhan dag gis bsod snyoms la rgyus nas de tsam phyir 'byung bas gang gzod 'jug pa de bsod snyoms pa yin no snyam nas de grong khyer gyi sgor song ste bsdad do//bsod snyoms pa des kyang bsams pa/ deng bdag gis bsod snyoms la rgyu mi dgos pas dge ba'i phyogs la tron bya zhing dus shes par byas te 'gro'o snyam nas des dus shes par byas nas snga dro sham thabs bgos/lhung bzed dang chos gos thogs te mnyan yod du bsod snyoms la 'jug par brtsams pa dang / de sbom dga' mos mthong nas bsams pa/ bsod snyoms pa de 'di yin no snyam nas de la dris pa/ 'phags pa sdum pa ga ge mo zhig tu spyan ma drangs sam/ sring mo g.yar drangs so//'phags pa bdag gis khyod kyi khyim der khyod kyi bsngags pa brjod do/ /des smras pa/ sring mo ci kho bos khyod la kho bo'i bsngags pa rjod cig ces byas sam/ 'phags pa bka' ma stsal to/ /bsod snyoms pa des bsams pa/ 'di ni dge slong mas sbyor du bcug pa'i zas yin par gyur gyi bdag gi zan bcad pa ni bla'i bdag ltung ba dang bcas par gyur na mi rung ngo snyam nas des phyir ldog par brtsams pa dang /sbom dga' mos smras pa/ 'phags pa bdag gis khyod kyi gdung yang ma 'tshal mtshan yang ma 'tshal bas bdag gis khyod kyi bsngags pa brjod re skan/ bsod snyoms pas smras pa/ sring mo gal te khyod kyi tshig snga ma bden na ni phyi ma brdzun la/ gal te phyi ma bden na ni snga ma brdzun no zhes de phyir log ste spyil bu de nyid du song nas de ji srid du lus las mdangs ma yal ba de srid du dge ba'i phyogs la tron byas nas gang gi tshe lus las mdangs yal ba de'i tshe na glos phab ste nyal ba dang /bsod snyoms pa gzhan dag 'ongs te de la smras pa/ gal te zas gzhan gyi yin zhes te lto yang gzhan gyi yin snyam mam/ ji tsam gyis glos phab ste nyal bar 'gyur ba de tsam gyis zas zos so/ /sus zos/ khyod kyis zos so/ /kho bos ma zos so/ /'o na ci'i phyir glos phab ste nyal/des skabs de dge slong rnams la rgyas par brjod nas dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na sngar khyim du bos pa ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang /bslab pa la yo byad bsnyungs pa'i bsngags pa brjod nas dge slong rnams la de dang mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas/ dge slong rnams la bka' stsal pa/ dge slong dag de lta bas na snga ma ni bcas pa yin la/'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang shes bzhin du dge slong mas sbyor du bcug pa'i zas za na sngar khyim du bos pa ma gtogs te ltung byed do zhes bca' ba mdzad de/yul ni mnyan yod/ gang zag ni dge slong bsod snyoms pa/ nyon mongs pa dang nyes pa ni med do/ /de la yang dge slong gang zhes bya ba ni drug sde'am gzhan yang de lta bu gang yin pa'o/ /shes bzhin du zhes bya ba ni bdag nyid kyis rig pa'am/ gzhan dag gis brjod pas so/ / dge slong mas zhes bya ba ni chos 'di pas so/ /sbyor du bcug pa'i zhes bya ba ni sbyor du bcug pa gnyis te/ tshul khrims kyis sbyor du bcug pa dang / thos pas sbyor du bcug pa'o/ /zas zhes bya ba ni bca' ba lnga dang / bza' ba lnga'o/ /zan zhes bya ba ni mgul du mid na'o/ /sngar khyim du bos pa ma gtogs te zhes bya ba ni sngar khyim du mgron du bos pa bzhag ste'o//ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang /phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni sbyin bdag gis dge slong mgron du ma bos pa la dge slong mas yon tan yang dag pa ma yin pa dag gis ngag gi rnam par rig byed kyis zas sbyor du bcug pa dang / bos pa la yang dge slong mas yon tan yang dag pa ma yin pa dag gis ngag gi rnam par rig byed kyis zas lhag pa sbyor du bcug pa dge slong gis der 'du shes pas zos na dge slong mas sbyor du bcug pa za ba'i ltung byed kyi dngos gzhir 'gyur ro//sbyin bdag gis dge slong mgron du bos pa la dge slong mas tshul khrims dang /thos pa dang / de gnyis kyi 'bras bu rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / mdo sde 'dzin pa dang / 'dul ba 'dzin pa dang / ma mo 'dzin pa'i yon tan gang yang rung ba yang dag pa ma yin pa dag gis ngag gi rnam par rig byed kyis zas sbyor du bcug pa dge slong gis der 'du shes pas zos pa la na smad pa med do//sbyin bdag gis dge slong mgron du bos pa la dge slong mas yon tan yang dag pa ma yin pa dag gis ngag gi rnam par rig byed kyis zas lhag pa sbyor du bcug pa dge slong gis der 'du shes pas zos pa la na smad pa med do//sbyin bdag mi'i 'gro ba pa khyim par gyur pa srog dang ldan pa za ma dang ma ning dang mtshan gnyis pa ma yin pa skyes pa nyid dam bud med nyid la na smad pa med do/ /dge slong mgron du ma bos pa dang bos pa la na smad pa med do/ /dge slong ma bsnyen par rdzogs pa can ma nyams pa nye du dang nye du ma yin pas sbyor du bcug pa la na smad pa med do//yon tan dang / tshul khrims dang / thos pa dang / de dag gi 'bras bu 'phags pa'i gang zag brgyad dang / sde snod gsum dang ldan pa gang yang rung ba dag gis yang dag pa ma yin pas sbyor du bcug pa pa la na smad pa med do//tshig gis bcol zhing ngag gi rnam par rig byed kyis sbyor du bcug pa la na smad pa med do/ /zas bza' bar bya ba lnga dang / bca' bar bya ba lnga gang yang rung ba la na smad pa med do/ /zas lhag ma gsum 'phel ba las rtsad byed dang / ra mar las ba mar dang / 'gyur byed kyi lan tshwa las rgyam tshal sogs pa dang /rtsab mo las dar ba dang / tsha dang sbyar ba'i btung ba las tshogs la sogs pa dang / mon sran gre'u'i khur ba las hwags kyi khur ba la sogs pa dang / tsha skyur las sngo sha la sogs pa dang / bu ram chu las hwags chu la sogs pa dang / 'bras chen rtsub mo dang /ko dra ba'i chan las 'bras sA lu'i chan dang / mon sran gre'u'i sran tshod las mon sran sde'u'i sran tshod dang / sngo tshod las sha rnam pa sna tshogs dang / hwags tshod dang zho dang 'o ma'i tshan la sogs pa lta bur lhag par sbyor du bcug pa gang yang rung ba la na smad pa med do/ /zas kyang dge slong mas sbyor du bcug pa nyid yin la/dge slong gis kyang der 'du shes pa dang / yid gnyis za ba la na smad pa med do/ /zos te mgul du mid pa nyid la na smad pa med do/ /'di'i byed pa po ni dge slong mas sbyor du bcug pa nyid la 'du shes gtso cher byed pa po nyid yin no//'di la dge slong mgron du ma bos pa nyid dang bos pa gnyi ga la yan lag drug drug gis dngos gzhi'i ltung bar 'gyur te/ mgron du ma bos pa la ni mgron du ma bos pa nyid dang / dge slong mas yang dag pa ma yin pa'i yon tan dang / ngag gi rnam par rig byed dang / zas sbyor du bcug pa dang /dge slong gis der 'du shes pa dang zas zos pa'o/ /mgron du bos pa la ni mgron du bos pa nyid dang / dge slong mas yang dag pa ma yin pa'i yon tan dang / ngag gi rnam par rig byed dang / zas lhag ma sbyor du bcug pa dang / dge slong gis der 'du shes pa dang zos pa'o//de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du dge slong mas sbyor du bcug pa'i ltung byed kyi sbyor bar rtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//sbyin bdag mi'i 'gro ba pa za ma dang ma ning dang mtshan gnyis pa la nyes byas so/ /chos 'di pa dang phyi rol pa'i rab tu byung ba la nyes byas so/ /mi ma yin pa'i 'gro ba pa la nyes byas so/ /dud 'gro la nyes byas na smad do/ /dge slong ma ma chags pa dang / nyams pas sbyor du bcug pa la nyes byas so//dge slong dang bsnyen par ma rdzogs pa dang khyim pas sbyor du bcug pa la nyes byas so/ /bro gar dang glu gling la mkhas pa la sogs pa yon tan gzhan dag gis sbyor du bcug pa la nyes byas so/ /dge slong bsod snyoms la zhugs pa na dge slong mas 'di la byin cig ces zer ba zos pa la nyes byas so//spring yig dang lag yig dang lag rtsis dang / mngags pa dang / brgyud pa dang / zur gyis sbyor du bcug pa la nyes byas so/ /dge slong mas gzhan gyi don du sbyor du bcug pa la dge slong gzhan gyis zos pa la nyes byas so/ /dge slong mas sbyor du bcug pa ma yin pa de la yin par 'du shes pa dang /yid gnyis za ba la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni yon tan yang dag pa dag gis sbyor du bcug pa la ltung ba med do//zas ma yin ba la ltung ba med do/ /ma zos pa la ltung ba med do/ /der 'du shes pa med pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ / bslab par bya ba ni dge slong gis yul thams cad la gnas skabs thams cad du dge slong mas sbyor du bcug pa'i ltung byed du 'gyur ba rnam pa thams cad mi bsten par bslab par bya'o/ /phyir bcos pa ni snga ma bzhin no/ /dge slong mas sbyor du bcug pa'i ltung byed de sum cu pa bshad zin to/ / sdom la/ yang yang dang ni 'dug gnas gcig /phye dang bca' dang stobs pa dang / 'dus dang dus min sog 'jog dang / /kha nas mid dang gsod pa nyid/ /ces bya ba ni bcu pa bzhi pa yin te/ sdom la zhes bya ba'i tshig gi don dang dgos pa ni snga ma bzhin no/ /bcu pa bzhi pa 'dis kyang ltung byed kyi chos bcu bstan te/yang yang za ba dang / 'dug gnas su za ba dang / lhung bzed do gsum tsam las lhag par len pa dang / stan gcig pa'i zas dang / spangs pa la stobs pa dang / 'dus shing za ba dang / dus ma yin par za ba dang / gsog 'jog dang / byin len ma byas par za ba dang /bsod pa slong ba'i ltung byed do/ /de la yang yang za ba'i ltung byed kyi gleng gzhi ni byung ba dang / bcas pa dang / gnang ba'i dbang gis rnam pa gsum ste/ byung ba'i gleng gzhi ni sangs rgyas bcom ldan 'das rgyal po'i khab na 'od ma'i tshal bya ka lan dka'i gnas na bzhugs so//tshe dang ldan pa shA ri'i bu dang / mod gal gyi bu chen po gnyis kyi kun du spyod pa ni dus dang dus su sems can dmyal ba rgyu ba dang / dud 'gro rgyu ba dang / yi dags rgyu ba dang / lha rgyu ba dang / mi rgyur 'gro ba yin pas/ de gnyis kyis de dag tu brgyus nas 'dzam bu'i gling du 'ongs te 'khor bzhi po dag la sems can dmyal ba pa'i sems can rnams kyi byung ba dang gtubs pa dang /gcad pa dang gshegs pa la sogs pa'i sdug bsngal dang / dud 'gro rnams kyi gcig la gcig za ba la sogs pa'i sdug bsngal dang / yi dags rnams kyi bkres pa dang skom pa la sogs pa'i sdug bsngal dang /lha rnams kyi 'chi 'pho dang / ltung ba dang rnam par 'thor ba dang rnam par 'jig pa la sogs pa'i sdug bsngal dang / mi rnams kyi tshol ba dang / chags pa la sogs pa'i sdug bsngal gang dag yin pa de dag rjod par byed pas gang la la'i lhan cig gnas pa dang /nye gnas tshangs par spyod pa la mngon par mi dga' ba de dag des khrid de tshe dang ldan pa shA ri'i bu dang maud gal gyi bu chen po gnyis ga la ba der dong ste phyin nas/ tshe dang ldan pa shA ri'i bu dang maud gal gyi bu chen po gnyis la yang dag par 'doms su 'tshol par byed/yang dag par rjes su ston du 'tshol bar byed cing tshe dang ldan pa shA ri'i bu dang maud gal gyi bu chen po gnyis kyang de la yang dag par 'doms par byed/ yang dag par rjes su ston par byed do/ /tshe dang ldan pa shA ri'i bu dang maud gal gyi bu chen po gnyis kyis kyang yang dag par gdams shing yang dag par rjes su bstan pa na de dag tshangs par spyod pa la mngon par dga' zhing gong du khyad par du yang rtogs par byed do//de'i tshe na tshe dang ldan pa shA ri'i bu dang maud gal gyi bu chen po gnyis 'khor bzhi po dag gis kun du bskor zhing 'khod do/ /de nas bcom ldan 'das kyis tshe dang ldan pa kun dga' bo la bka' stsal pa/kun dga' bo gang gis dge slong shA ri'i bu dang maud gal gyi bu gnyis 'khor bzhi bo dag gis kun du bskor zhing 'khod pa'i rgyu ni gang yin rkyen ni gang yin/ tshe dang ldan pa kun dga' bos skabs de rgyas par gsol pa dang / bcom ldan 'das kyis bka' stsal pa/kun dga' bo thams cad du dge slong shA ri'i bu dang maud gal gyi bu chen po gnyis dang de gnyis lta bu dag mi 'byung bas de'i phyir gtsug lag khang gi sgo khang du cha lnga pa'i 'khor lo bri bar rjes su gnang ste/ 'gro ba lnga po sems can dmyal ba'i 'gro ba dang / dud 'gro'i 'gro ba dang /yi dags kyi 'gro ba dang / lha'i 'gro ba dang / mi'i 'gro ba dag las ma mthar sems can dmyal ba dang / dud 'gro dang / yi dags kyi 'gro ba bri bar bya'o/ /gong du lha dang mi'i 'gro ba bri bar bya'o/ /nang gi phyogs bzhir shar gyi lus 'phags dang / nub kyi ba lang spyod dang /byang gi sgra mi snyan dang / 'dzam bu'i gling yang bri bar bya'o/ /dbus su 'dod chags dang / zhe sdang dang / gti mug dag phug ron dang / sbrul dang / phag gi gzugs su bri bar bya'o/ /gong du sangs rgyas kyi sku gzugs mya ngan las 'das pa'i dkyil 'khor dkar po bri bar bya'o//kho ra khor yug tu rdzus te skye ba'i sems can zo chun rgyud mo'i tshul gyis 'chi 'pho ba dang skye ba dag kyang bri bar bya'o/ /rten cing 'brel par 'byung ba'i yan lag bcu gnyis lugs su 'byung ba dang / lugs las bzlog pa dag kyang bri bar bya zhe na/ thams cad mi rtag pa srin po'i gzugs kyis bzung ba bri bar bya'o//tshigs su bcad pa gnyis po/ /brtsam par bya zhing 'byung bar bya/ /sangs rgyas bstan la 'jug par bya/ /'dam bu'i khyim la glang chen bzhin/ /'chi bdag sde ni gzhom par bya/ /gang zhig rab tu bag yod par/ /chos 'dul 'di la spyod 'gyur ba//skye bo'i 'khor ba rab spangs nas/ /sdug bsngal tha mar byed par 'gyur/ /zhes bya ba yang bri bar bya'o/ /der bram ze dang khyim bdag 'ongs shing lhags pa rnams la de ston par 'gyur ba ni dge slong nus pa bsko bar bya'o zhes bka' stsal nas/ dge slong rnams kyis de bzhin rjes su bsgrubs so//rgyal po'i khab na khyim bdag cig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed pa de'i bu byung nas/ des chung ma la smas pa/ bzang mo bdag cag gis nor 'phrog pa/ longs spyod 'phrog pa byung gi kho bos zong thogs te rgya mtsho chen por 'jug go//rje'i sras de ltar mdzod cig /de zong thogs te rgya mtsho chen por zhugs pa dang / de de nyid du tshul ma yin bas sdug bsngal bar gyur to/ /chung ma des khye'u de nye du'i stobs dang lag stobs kyis bsnyod cing gsos te/ bskyed nas des yi ge dang yig 'bru dag slob tu bcug nas/ de 'jig rten gyi gtam rgyud la shin tu mkhas par gyur te/ khye'u de ne'u ldangs dang lhan cig 'od ma'i tshal du song ste gtsug lag khang du zhugs pa dang / des sgo khang na cha lnga pa'i 'khor lo bris pa mthong nas des dge slong la dris pa/'phags pa 'di ci lags/ dge slong des de'i lo rgyus rgya cher bshad pa dang / khye'u de lhar skye bar 'dod nas des smras pa/ 'phags pa bdag gis las ci bgyis na des bdag lhar skye bar 'gyur ba ma mchis sam/ bzhin bzangs yod do/ /'phags pa gang lags/bzhin bzangs bcom ldan 'das kyi spyan sngar rab tu byung la ji srid 'tsho'i bar du tshangs par spyad pa spyod cig /gal te de mi nus na bcom ldan 'das kyi spyan sngar ji srid 'tsho'i bar du lnga pa tshangs par spyod pa'i bslab pa'i gzhi dag long shig /gal te mi nus na sangs rgyas la sogs pa'i dge slong gi dge 'dun gdugs tshod gsol cig dang des khyod lha rnams kyi nang du skye bar 'gyur ro//khye'u de la kAr ShA pa Na'i 'byor ba dag med nas des tshong dpon dad pa can zhig la gla mir khas blangs nas kAr ShA pa Na dag bsgrubs te/ sangs rgyas la sogs pa dge slong gi dge 'dun de nyid du gdugs tshod la spyan drangs so//drug sde dag gis dris pa/ su'i khyim du sangs rgyas la sogs pa dge slong gi dge 'dun spyan drangs/ khyim bdag gi bu che ge mo zhig gi'o/ /drug sde dag gis smras pa/ de ni gla mi yin pas des ci zhig sbyin par 'gyur/ sbyin bdag gi khyim dag tu dong la dbyar sus bzas 'dong ngo zhes de dag sbyin bdag gi khyim dag tu dong ba dang /de dag gis smras pa/ 'phags pa dag gdan cung gsol cig /de ltar bya'o zhes de dag gis der khye'u sus zos te/ khye'u de'i bkad sar bkad pa dang / de dag sngar khyim gzhan du khye'u sus zos pas mnga' gang bas gus par byas te zas mi za ba khye'u des mthong ngo //mthong nas kyang des bcom ldan 'das la gsol pa/ bcom ldan 'das 'di na 'phags pa kha cig gus par bgyis te mi 'tshal na bdag lha rnams kyi nang du skye bar mi 'gyur lags pa snyam/ bcom ldan 'das kyis bka' stsal pa/bzhin bzangs re zhig gnas mal gyi longs spyod kyis kyang khyod lha rnams kyi nang du skye bar 'gyur na kha zas kyi longs spyod kyis lta smos kyang ci dgos/ de nas bcom ldan 'das kyis khyim bdag gi bu de la chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/yang dag par gzengs stod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas gdan las bzhengs te gshegs so//de'i tshe na tshong pa lnga brgya tsam rgya mtsho chen po nas rgyal po'i khab tu lhags nas rgyal po'i khab tu dus ston byung bas tshong cung zad kyang ma rnyed nas ltogs par gyur pa dag gis khye'u des tshong dpon de'i khyim du sangs rgyas la sogs pa dge slong gi dge 'dun gdugs tshod gsol par thos nas der lhags te zas kyi mjug lhag nyo bar brtsams pa dang /khye'u des rin mi dgos par de dag kha zas kyis tshim par byas so/ /tshong pa de dag dga' nas khye'u de la rin po che mang po dag kyang byin no/ /de'i tshe rgyal po'i khab na tshong dpon bu med pa zhig dus la bab nas/nor can dag dang tshong dpon dag dang ded dpon dag 'dus te/ shes ldan dag bdag cag gis gang zhig grong khyer gyi tshong dpon du dbang bskur bar bya zhes mi ma yin pa che bzhir dris pa dang khye'u de la bab nas/ khye'u de grong khyer gyi tshong dpon du dbang bskur ro/ tshong dpon des kyang sems can 'di ni bsod nams dang dbang che bar grags pa yin gyi 'di la gcam bsag bya'o snyam nas/ rang gi bu mo rgyan thams cad kyis brgyan te grong khyer gyi tshong dpon de'i chung mar byin nas/ de'i khyim nor mang zhing longs spyod dag gis 'phral la mngon par mthos par gyur nas de'i ming 'phral la mthos zhes bya bar gyur to de nas tshong dpon 'phral la mthos 'di snyam du sems te/bdag gi khyim na dpal gyis 'byor pa phun sum tshogs pa gang yin pa de dag thams cad sangs rgyas bcom ldan 'das la brten nas bdag gis sangs rgyas la sogs pa dge slong gi dge 'dun khyim gzhan du spyan drangs te/gdugs tshod gsol ba las gyur pa yin no snyam nas/ de nas tshong dpon 'phral la mthos kyis kyang bcom ldan 'das dge slong gi dge 'dun dang bcas pa rang gi khyim du spyan drangs te gdugs tshod gsol nas/ bcom ldan 'das kyis chos bstan pas tshong dpon 'phral la mthos khyo shug gnyis kyis rgyun du zhugs pa'i 'bras bu mngon sum du byas par gyur to//'di ni re zhig byung ba yin te/ sangs rgyas bcom ldan 'das re zhig 'dul ba la nyan thos rnams kyis bslab pa'i gzhi 'cha' bar ni mi mdzad do// //so sor thar pa'i mdo rgya cher 'grel pa 'dul ba kun las btus pa/bam po nyi shu drug pa/ bcas pa'i gleng gzhi ni sangs rgyas bcom ldan 'das rgyal po'i khab nas yangs pa can ga la ba de logs su ljongs rgyu zhing gshegs nas yangs pa can na spre'u rdzing gi 'gram khang pa brtsegs pa'i khang bzangs na bzhugs so//khyim bdag drag shul can gyis thos nas/ bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te/ mtha' gcig tu 'dug go/ /mtha' gcig tu 'dug nas bcom ldan 'das khyim bdag drag shul can la chos dang ldan pa'i bka' mchid kyis yang dag par ston par mdzad/yang dag par 'dzin du 'jug par mdzad/ yang dag par gzengs stod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cang mi gsung ngo / /de nas khyim bdag drag shul can gyis bcom ldan 'das dge slong gi dge 'dun dang bcas pa sang bdag gi sdum par gdugs tshod gsol bar ci gnang zhes spyan drangs so//phyi de nyin par gdugs tshod la bab pa dang / spyan 'dren gyis spyan drangs pa'i tshe dge slong gi dge 'dun ni zhugs so/ /bcom ldan 'das ni rdzas las byung ba na bzhugs shing bsod snyoms mngon par bsgrubs so/ /drug sde dag gis smras pa/ dga' bo nye dga' sbyin bdag gi khyim dag tu 'dong zhes de dag gis bsod snyoms pa zhig kyang khrid nas ches sngar yangs pa can du zhugs nas/sbyin bdag gi khyim dag tu dong ba dang de dag gis smras pa/ 'phags pa dag zhal sus gsol cig /drug sde dag gis smras pa/ kho bo cag mgron du bos so/ /sus/ khyim bdag drag shul can gyis so/ /de dag gis smras pa/ 'phags pa dag 'o na a mra'i khur ba dag gsol cig /de ltar bya'o zhes de dag gis a mra'i khur ba dag zos so/ /bsod snyoms pa de mi za nas de dag gis smras pa/ 'phags pa khyod kyang a mra'i khur ba dag gsol cig /des smras pa/ kho bo stan gcig pa yin no/ /de dag gis smras pa/ 'o na snoms te bzhud la de nyid du gsol cig /des lhung bzed chung ngu bkang ste der song ngo / /de nas khyim bdag drag shul can gyis dge slong gi dge 'dun bde bar 'khod par rig nas/ bca' ba dang bza' ba gtsang zhing bsod pas rang gi lag nas tshim par byed cing stobs par byed do//de nas khyim bdag drag shul can bsod snyoms pa de'i mdun du 'dug pa dang / bsod snyoms pa des bsams pa/ khyim bdag 'dis bdag la 'di ltar 'dis a mra'i khur bzos so zhes bya ba de ltar rig par 'gyur gyi/ ji srid du 'dis bdag la klan ka ma rnyed pa de srid du bdag gis 'di la brjod par bya'o snyam nas smras pa/khyim bdag bdag 'ba' zhig a mra'i khur ba dag zos par ma zad kyi drug sde 'di dag gis kyang a mra'i khur ba dag zos so/ /khyim bdag gis 'phags pa ci'i phyir de skad ces zer zhes spyos te smras pa/ 'phags pa ci kho bo la a mra'i khur ba dag med snyam mam zhes des zho shas 'tsho ba dag a mra'i khur ba dag gi sprog mdag kha 'byed du bcug go//de nas dge slong bsod snyoms grub pa des skabs de bcom ldan 'das la rgyas par gsol ba dang / bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ drug sde dag la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di/ltar gdon par bya ste/ yang yang za na ltung byed do zhes bca' ba mdzad de/ yul ni spong byed/ gang zag ni drug sde/ nyon mongs pa ni zas la gdu ba/nyes pa ni yang yang za ba'o/ /gnang ba'i gleng gzhi ni sangs rgyas bcom ldan 'das yangs pa can na spre'u rdzing gi 'gram khang pa brtsegs pa'i khang bzangs na bzhugs so/ /dge slong na ba zhig sman pa'i gan du song ste smras pa/ bzhin bzangs kho bo la sman ston cig /'phags pa ji zhal sus gsol cig /bzhin bzangs bcom ldan 'das kyis ma gnang ngo / /'phags pa khyod kyi ston pa thugs rje can lags pas/ de nyid rkyen du mdzad nas gnang bar gyur pa gang lags pa de lta bu'i gnas mchis par 'gyur ro zhes zer ba'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ de lta bas na na ba'i dus ma gtogs so/ /dge slong dag mchod rten gyi las dang dge 'dun gyi las dag byas pa na de dag bkres nas glos phab ste nyal zhing dge ba'i phyogs la tron byed par mi nus pa na/ bram ze dang khyim bdag dad pa can dag lhags nas de dag gis smras pa/'phags pa dag bstan pa la gcig tu brtson par bgyi ba lags na/ ci'i slad du glos phab ste gzims shing dge ba'i phyogs la tron mi mdzad/ bzhin bzangs dag kho bo cag bkres so/ /'phags pa dag zhal sus gsol cig /bzhin bzangs dag bcom ldan 'das kyis bslab pa'i gzhi bca' ba mdzad do zhes zer ba'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ de lta bas na las kyi dus ma gtogs so/ /dge slong gzhan dag lam du zhugs pa na bkres par gyur nas glos phab ste nyal zhing dge ba'i phyogs la tron byed par mi nus pa na/bram ze dang khyim bdag dad pa can dag lhags nas de dag gis smras pa/ 'phags pa dag bstan pa la gcig tu brtson par bgyi ba lags na ci'i slad du glos phab ste gzims shing dge ba'i phyogs la tron mi mdzad/ bzhin bzangs dag kho bo cag bkres so/ /'phags pa dag zhal sus gsol cig /bzhin bzangs dag bcom ldan 'das kyis bslab pa'i gzhi bca' ba mdzad do zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na lam gyi dus ma gtogs so/ /de nas bcom ldan 'das mnyan yod du gshegs te/ mnyan yod na khyim bdag cig 'dug pa de'i kun tu spyod pa ni tshes brgyad dang bcu bzhi la bsnyen gnas la gnas shing / ji srid du dge 'dun bkres pa dag zan ma byin gyi bar du bdag nyid zan za bar mi byed do//de nas khyim bdag de bsnyen gnas la gnas pa'i dus la bab pa'i tshe des gtsug lag khang du dge 'dun bkres pa dag 'bod par btang ba dang / de'i tshe khyim bdag cig gis sangs rgyas la sogs pa'i dge slong gi dge 'dun khyim gzhan du spyan drangs nas/ gtsug lag khang na dge slong gcig kyang mi 'khod nas khyim bdag des mi mngags te/gang du sangs rgyas la sogs pa'i dge slong gi dge 'dun spyan drangs pa de nas dge 'dun bkres pa dag 'bod du btang ba dang / de dag der zan zos zin pas ma 'ongs so/ /de nas yang mi mngags te khyim bdag gi mchid nas/tshur spyon gdugs tshod gsol dang / ras yug chen 'bul zhes mchi'o zhes byos shig ces gos sbyin pa'i zas la bos pa na dge slong rnams kyis smras pa/ kho bo cag gis spangs so zhes zer zhing ma 'ongs nas khyim bdag des bdag gis dge 'dun bkres pa bshos ma gsol to zhes zan bcad pa bsgrubs pa dang /de'i ngos kyi khyim tshes dag shAkya'i bu'i dge sbyong 'di dag gis byin na yang zan zar mi btub pas khyim bdag 'dis dge slong dag gis zan ma zos pa'i phyir zan bcad pa byas so zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ de lta bas na gos sbyin pa'i tshe ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas/dge slong rnams la de dang mthun pa dang de'i shas che ba dang / de dang ldan pa'i chos kyis bka' mchid mdzad nas/ dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang yang za na dus ma gtogs te ltung byed do/ /de la dus ni 'di yin te/ na ba dus so/ /las dus so/ /lam dus so/ /gos sbyin pa'i tshe dus te de la de ni dus yin no zhes gnang ba mdzad de/ yul ni spong byed dang mnyan yod/gang zag ni chos 'di pa/ nyon mongs pa dang nyes pa ni med do/ /de la yang yang za na zhes bya ba ni yang dang yang du za na'o/ /dus ma gtogs te zhes bya ba ni dus gzhag ste'o/ /ltung byed do zhes bya ba ni sems can dmyal ba dang / dud 'gro dang / yi dags ngan song dang / ngan 'gro dang log par ltung ba dag tu sreg par byed/'tshed par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/ des na ltung byed do zhes gsungs so/ /de la dus ni 'di yin te/ na ba dus so zhes bya ba ni 'di lta ste/ dge slong zas gcig gis 'tsho bar mi nus na'o//las dus so zhes bya ba ni/ 'di lta ste/ dge slong gi dge 'dun gyi 'am/ mchod rten gyi las phyag dar re lde tsam byas sam/ dkyil 'khor ba mal tsam byas na'o/ /lam dus so zhes bya ba ni 'di lta ste dge slong dpag tshad gcig tu song ngam de'i phyed du song ste phyir log na'o//gos sbyin pa'i tshe dus te zhes bya ba ni ras yug phran nam ras yug chen thob na'o/ /de la de ni dus yin no zhes bya ba ni bslab pa'i gzhi bca' ba mdzad pa de la de ni gnang ba'i dus yin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang /sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong na ba ma yin pa dang / las ma byas pa dang / lam du ma song bas nyi ma gcig la sbyin bdag tha dad pas cig car yang rung /phyis kyang rung ste/ gos sam gos kyi rin gyi rnyed pa med pa'i zas bza' ba rnam pa lnga'i mgron du bos pa gnyis pa rnyed pa zos na yang za ba'i ltung byed kyi dngos gzhir 'gyur ro/ /dge slong na ba ma yin pa dang / las ma byas pa dang /lam du ma song ba la na smad pa med do/ /'dir na ba'i tshad ni zas gcig gis 'tsho bar mi nus pa'o/ /las kyi chad ni dge 'dun gyi 'am/ mchod rten gyi las phyag dar re lde tsam byas nas sam/ dkyil 'khor ba mal tsam byas pa'o/ /lam gyi tshad ni dpag tshad gcig tu song ba nyid do//nyi ma gcig la sbyin bdag tha dad pas cig car yang rung ba phyis kyang rung ba ste/ gos sam gos kyi rin gyi rnyed pa med pa'i zas bza' ba rnam pa lnga'i mgron du bos pa gnyis pa rnyed pa zos pa la na smad pa med do/ /de'i rnam par gzhag pa ni nyi ma gcig la dge slong sbyin bdag tha dad pas zas bza' ba rnam pa lnga'i khongs su gtogs pa la dus gcig du bos kyang rung snga phyir bos kyang rung ste/dus gcig tu bos pa la ni dge slong nyid kyi blos gang sngar bza'o snyam pa de ni snga ma yin la/ gang phyis bza'o snyam pa de ni phyi ma yin no/ /snga phyir bos pa la ni sbyin bdag gang gis sngar bos pa de ni snga ma yin la/sbyin bdag gis phyis bos pa de ni phyi ma yin no/ /de dag las snga ma dang phyi ma nyi ma gcig pa la na smad pa med do/ /sbyin bdag tha dad pa la na smad pa med do/ /snga ma dang phyi ma gnyi ga zas bza' ba rnam pa lnga gang yang rung ba'i khongs su gtogs pa nyid la na smad pa med do//snga ma zos nas phyi ma yang za ba la na smad pa med do/ /snga ma la gos sam gos kyi rin gyi rnyed pa yod kyang rung med kyang rung ste/ phyi ma la gos sam gos kyi rin gyi rnyed pa med pa nyid la na smad pa med do/ /'dir gos kyi mthar gyur pa ni gos rung ba khru gang gi khyon te/ gos mi rung ba dang / rung ba khru gang gi byon bas chung ba dang / de tsam ri ba'i rin la na smad pa med do/ /'di'i byed pa po ni mgron du bos pa gnyi ga yang nyi ma gcig pa nyid dang / sbyin bdag tha dad pa dang / zas bza' ba lnga'i khongs su gtogs pa rnyed pa nyid yin pa dang / dge slong na ba dang / las byas pa dang / lam du song ba ma yin pa nyid dang / mgron du bos pa phyi ma la gos sam gos kyi rin gyi rnyed pa med pa nyid do/ /'di la yan lag ldas dngos gzhi'i ltung bar 'gyur te/ dge slong na ba 'am las byas pa dang lam du song ba ma yin pa nyid dang / mgron du bos pa gnyi ga yang nyi ma gcig la sbyin bdag tha dad pas zas bza' ba lnga'i khongs su gtogs pa'i zas la bos pa nyid yin pa dang /snga ma zos pa dang / mgron du bos pa phyi ma la gos sam gos kyi rin gyi rnyed pa med pa nyid dang phyi ma de zos pa'o/ /de dag las yan lag ma tshang na ci rigs par na smad do/ / sbyor ba'i ltung ba ni nyes byas te/ ji srid du yang yang za ba'i ltung byed kyi sbyor ba brtsams nas dngos gzhi lam thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /mgron du bos pa gnyis cig car dang du len pa la nyes byas so/ /snga ma zos nas phyi mkhas blangs pa'i dus na nyes byas so//sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te/ nyes byas phra mo'o/ /ltung ba med pa ni dge slong na ba dang / las byas pa dang / lam du song ba nyid la ltung ba med do//mgron du bos pa gnyis nyi ma tha dad pa la ltung ba med do/ /sbyin bdag gcig pa nyid la ltung ba med do/ /mgron du bos pa gnyis las gang yang rung ba gcig bza' ba lnga'i khongs su gtogs pa'i zas kyi rnyed pa yin la/ gcig de ma yin pa'i zas gzhan nyid yin pa la ltung ba med do//snga ma ma zos pa la ltung ba med do/ /mgron du bos pa phyi ma la gos sam gos kyi rin gyi rnyed pa yod pa nyid la ltung ba med de/ 'dir gos kyi mthar gyur pa ni gos rung ba khru gang gi khyon te/ de yan chad la ltung ba med do/ /gos kyi rin ni gos kyi zong ste/ de yang gos rung ba khru gang gi khyon yan chad ri ba la ltung ba med do//bshams pa ni mgron du bos pa nyid ma yin pas de la ltung ba med do/ /de'i mtshan nyid ni yon bdag gis nyin gcig ma chad par bshams pa'i zas nar ma bshams pa ni dus ston la sogs pa'i nyi ma dag la lan 'ga' gang du glo bur du bos pa de'i mgron du bos pa gzhan nyid ma yin pa'o//kun du lta ba yang mgron du bos ba nyid ma yin bas de la yang ltung ba med do/ /de'i mtshan nyid ni 'jig rten gyi tha snyad kyi dbang ngam/ bshes pa'i dbang gis nye bar lta ba ni kun du lta ba ste/ de la mgron du byas pa zos pa yang mgron du bos pa gzhan nyid ma yin pa'o//tho 'tshams pas byas pa yang mgron du bos pa nyid ma yin pas de la yang ltung ba med do/ /de'i mtshan nyid ni gal te tho 'tshams pa'i bsam pa can 'ga' zhig gis dge slong mgron du bos nas de'i 'og tu dge slong des mgron du bos pa gzhan du song ste/ zos pa de mgron du bos pa gzhan nyid ma yin pa'o/ /mi rung ba la bos pa yang mgron du bos pa nyid ma yin pas de la yang ltung ba med do/ /de'i mtshan nyid ni bza' bar bya ba mi rung ba 'di lta ste/ byin len ma byas pa dang / mi gcig pa la sogs pa'i sha la sogs pa la mgron du bos pa yang mgron du bos pa gzhan nyid ma yin pa'o//dge slong de'i phyir ma yin par dge 'dun spyir spyan drangs pa yang dge slong de'i mgron du bos pa gzhan nyid ma yin pas de la yang ltung ba med de/ de'i tshe mtshan nyid ni 'phags pa legs 'ongs kyis klu a mra'i chu dogs pa btul ba'i phyir chu srin byis pa gsod kyi ri'i bram ze dang khyim bdag rnams kyis sangs rgyas la sogs pa dge slong gi dge 'dun spyan drangs pa lta bu ma yin pa'o//gzhan du lnga po 'jog pa yang mgron du bos pa nyid ma yin pas de la yang ltung ba med de/ de'i mtshan nyid ni dge slong kha gnyis su mgron du bos pas mgron du bos pa'i gnas gcig tu bdag nyid za zhing mgron du bos pa'i gnas gzhan cig shos su dge slong dang /dge slong ma dang / dge slob ma dang / dge slob ma dang / dge tshul dang / dge tshul ma'i sde pa lnga po thams cad dam/ gang yang rung ba 'jog par yang de'i mgron du bos pa gzhan nyid ma yin pa'o/ /mgron du bos pa gzhan blang ba yod par lnga po 'jog par yang mgron du bos pa nyid ma yin bas de la yang ltung ba med do//de'i mtshan nyid ni sbyin bdag gi zas blang zhing sngon du yod pa de sde pa lnga po nod du bcug pa yang dge slong de'i mgron du bos pa gzhan nyid ma yin pa'o/ mu ge byung ba na mgron du bos pa ji snyed byung ba dag bdag gir byas pa dang /zos pa dang / lnga po la sbyin pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du yang yang za ba'i ltung byed du 'gyur ba rnam pa thams cad mi bsten par bslab par bya'o//gtsug lag khang dang khyim gzhan du yang zas la bos pa dang du blang bar bya'o/ /dus shes par byas te 'jug par bya'i/ snga tshogs su mi bya'o/ /khyim gzhan du mgron du bos pa de'i phyir dus la bab na gaN+DI brdungs te/gnas brtan gnas brtan rnams kyis rang gi 'khor gang dang gang yin pa dag la blta bar bya'o/ /dge slong glo bur du 'ongs pa rnams la ni dge 'dun gyi gnas brtan gyis blta bar bya'o/ /dge slong nad pa la sogs pa rgyu med par khro ba la sogs pas sam/ le lo la sogs pas gya tshom du rang gi zan gcad par mi bya'o//gal te yon bdag 'dir dge slong dag gis skom btung bar bya'o zhes gsol ba 'debs par byed na dge slong dag gis khyim gzhan du der ci ran gcig bsdad par bya'o/ /gal te dge slong nyi ma gcig la sbyin bdag tha dad pas sngar gos sam gos kyi rin dang bcas pa yang rung de med pa yang rung ba zhig tu bza' ba lnga'i khongs su gtogs pa'i zas la mgron du bos te zos pa'i rjes la gos sam gos kyi rin med pa dang /gos mi rung ba dang / gos rung ba khru gang gi khyon pas chung ba dang / de tsam ri ba'i gos kyi rin dang bcas pa'i mgron du bos pa bza' ba lnga'i khongs su gtogs pa'i zas kyi rnyed pa can du 'gro bar mi bya'o//gal te dge slong nyi ma gcig la sbyin bdag tha dad pas sngar gos sam gos kyi rin dang bcas pa yang rung de med pa yang rung ba zhig tu zas la mgron du bos pa'i rjes la gos sam gos kyi rin dang bcas pa'i mgron du bos pa zas kyi rnyed pa can gzhan zhig kyang byung na de'i tshe dge slong des zas snga ma la spong ba bsrung zhing 'jug par bya ste/de'i rjes la phyi mar yang 'gro bar bya'o/ /zan snga ma la spong ba srung ba ni phyi ma la spangs pa za ba'i ltung byed dang lhag bor bya ba'i tshegs spang ba'i phyir ro/ /mu ge byung na dge slong mgron du bos pas 'khor lnga po dag la sbyin bdag de'i zas sbyin pa na/gal te sbyin pa po mngon par mi dga' bar 'gyur ba ltan rang gi kham gnyis sam gsum zos pa'i 'og tu sbyin pa po la khyim bdag dge slong ngam 'khor lnga po 'di bsod snyoms kyis phongs pa yin gyi rjes su yi rang bar gyis shig dang /'di la sbyin par bya'o zhes mngon par dga' bar byas nas/ de'i 'og tu 'khor lnga po dag la sbyin par bya'o/ /phyir bcos pa ni snga ma bzhin no/ /yang yang za ba'i ltung byed de sum cu gcig pa bshad zin to// //'dug gnas su za ba'i ltung byed kyi gleng gzhi ni/ bcas pa dang gnang ba'i dbang gis rnam pa gnyis te/bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /ri brags shig na khyim bdag cig 'dug pa des phyogs bzhi'i dge sbyong dang bram ze rnams kyi don du 'dug gnas byed du bcug ste/de 'dug gnas de na phyogs bzhi'i dge sbyong dang bram ze gang 'dug pa de la bsod snyoms kyi mkho ba stobs par byed de gang gi tshe bcom ldan 'das kyis mnyan yod du cho 'phrul chen po rnam par bstan te/ gzhan mu stegs can dag tshar bcad cing / lha dang mi rnams kun du dga' bar mdzad pa dang /skye bo mdzangs pa dag gi snying dag rangs par mdzad pa de'i tshe na gzhan mu stegs can dag mtha' 'khob dag na brten cing gnas so/ /dus gzhan zhig na gcer bu pa drug cu ri brags der lhags nas khyim bdag des de dag la mkho ba stobs par byed pa de'i tshe na mnyan yod nas tshong pa dad pa can zhig zong thogs te ri brags der 'ongs pa de yang khyim bdag des der bos pa na tshong pa des 'di dag bcom ldan 'das kyi nyan thos dag yin gor ma chag gi song la blta'o snyam nas/des der song ba dang ji tsam na gcer bu pa ngo tsha dang khrel bor ba sha stag yin bar mthong ngo //khyim bdag des tshong pa de la smras pa/ grogs po sa bon bzang zhing zhing bzang ngam/ des smras pa/ grogs po sa bon ni bzang na zhing ni gcer bu pa ngo tsha dang khrel bor ba sdig pa'i lta ba can dgon dung tsha sgo can tha chad sdig pa can gyi sa gzhi sha stag yin no/ /khyim bdag gis smras pa/grogs po zhing bzang po gzhan 'ga' yang yod dam/ des smras pa/ yod de/ bcom ldan 'das kyi nyan thos dag go/ /khyim bdag gis smras pa/ gal te de dag der byon na bdag gis de dag la bsod snyoms kyi mkho ba bstabs par bgyi'o/ /tshong pa des zong bsgyur te rin blangs nas mnyan yod du song ste/nye dga' la sbran pa/ drug sde dag ri brags der dong nas khyim bdag des de dag la mkho ba bstabs so/ /gcer bu pa de dag gis gcig gzhis srung du bzhag nas gzhan dag gshed du dang ba'i tshe/ drug sde dag gis gzhis srung de bskrad nas/ de nas yun ring mo zhig tu za zhing 'dug 'dug nas/re zhig na khyim bdag de ri brags gzhan zhig tu bya ba zhig la song ba'i phyi nas/ drug sde dag gis de'i chung ma zas 'drim pa la lus kyi skyon brjod cing 'phyas btags nas/ khyim bdag bza' bran ma dad par gyur te/ 'tsho ba dang gnas mal yang khad kyis phri ba na gcer bu pa gzhis srung bskrad pa des kyang rang gi dpung drug cu po dag sbran te/drug sde dag la gdol thabs kyis g.yul sprad nas drug sde dag gis rang rang gi kha mig dang khrims kyi rtsa ba tsam bsrungs te gcer bu pa drug cu po dag rgya lcag dag dang khu tshur dag dang / rdog pa dag dang / lcug ma dag gis shin tu bcal zhing brims nas/de dag gis gcer bu pa dag rdeg bzhin du 'dug gnas kyi nang nas phyi rol du 'dzings te byung ba dang / bram ze dang khyim bdag dag gis de dag mthong nas smras pa/ shes ldan dag ltos shig ltos shig dge sbyong g.yul 'gyed pas char 'bab par 'gyur ro zhes zer ro//drug sde dag gis smras pa/ dga' bo nye dga' spyod yul tshig cing me mdag zhi bar ma gyur gyi tshur shog mnyan yod du 'dong ngo zhes de dag mnyan yod du dong ba na/ lho phyogs nas 'jig rten rgyang pan pa'i rgol ba 'char ka zhes bya ba zhig mnyan yod du 'ongs pa tshe dang ldan pa shA ri'i bus btul te/legs par gsungs pa'i chos 'dul ba la rab tu byung zhing bsnyen par rdzogs par byas nas dgra bcom pa nyid kyi 'bras bu mngon sum du byas shing / de la brten nas skye bo phal po che'i tshogs 'bum phrag du ma dag gis kyang 'phags pa'i 'bras bu thob par gyur pa'i tshe drug sde mnyan yod du lhags nas/dge slong rnams kyis de dag la smras pa/ tshe dang ldan pa dag 'ongs pa legs so/ /'ongs pa legs so/ /khyed cag ga las 'ongs/ tshe dang ldan pa shA ri'i bus lho phyogs nas 'jig rten rgyang phan pa'i rgol ba bram ze kun du rgyu 'char ka zhes bya ba 'gyed 'dod cing 'gyed pa'i yo byad kyi phyir 'os mtshar bcad de g.yul las rnam par rgyal lo//drug sde dag gis smras pa/ tshe dang ldan pa dag 'di ltar tshe dang ldan pa shA ri'i bu tshogs can gnyis pa chos kyi dmag dpon chos kyi 'khor lo rjes su bskor bas rgol ba gcig tshar bcad pa 'di ngo mtshar ci che/ gal te tshe dang ldan pa shA ri'i bus tshar bcad par ma gyur na yang bcom ldan 'das slad na bzhugs pa de ngo mtshar mi che'i/kho bo cag mi drug gis gcer bu pa drug cu tshar bcad pa ngo mtshar che'o/ /rig pa'i gnas gang gis dbyug pa'i rig pas lus la chos bshad pas so/ /ji 'tsho 'am 'on te shi/ de'i tshe na ni 'tsho na da tsam 'tsho 'am shi gtol med do zhes zer nas dge slong don nyung ngu dag ci'i phyir dge slong dag yan lag gang gis ngo tsha bar bya ba'i yan lag de nyid kyis rlom par byed ces smod par byed/phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang /gleng gzhi 'di dang / skabs 'di la dge slong gi dge 'dun bsdu ba mdzad de/ drug sde dag la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar rnam par smad de/bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'dug gnas gcig tu zhag lon pa'i dge slong gis bsod snyoms gcig bca' bar bya'o/ /de las lhag par za na ltung byed do zhes bca' ba mdzad de/yul ni mnyan yod/ gang zag ni drug sde nyon mongs pa ni 'dod zhen dang 'thab krol byed pa/ nyes pa ni 'dug gnas gcig tu zhag lon pas bsod snyoms gcig las lhag par za ba'o/ /gnang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//de nas yang mnyan yod pa'i tshong pa de zong thogs te/ ri brags de nyid du phyin nas de khyim bdag de'i tshong khang du zhugs pa dang / ri brags pa'i khyim bdag des yang gcer bu pa dag la zas brim par brtsams nas/des mnyan yod ba'i tshong pa de'i gan du mi mngags te grogs po sbyin gnas dag la zas brim par byas tshur shog ces sbran pa dang / mnyan yod pa'i tshong pa de dad pa can yin pas des bsams pa/ bcom ldan 'das kyi nyan thos dag yin gor ma chag gi song la blta'o snyam nas de der song ba dang /ji tsam na gcer bu pa ngo tsha dang khrel bor ba dag yin par mthong nas mngon sum du mi snyan par brjod pa ni sdug bsngal ba yin pas de cang mi smra bar 'dug go/ /gcer bu pa de dag zos te dong ba dang ri brags pa'i khyim bdag gis mnyan yod pa'i tshong pa de la smras pa/ grogs po sa bon bzang zhing zhing bzang ngam/des smras pa/ grogs po sa bon ni bzang na zhing ni gcer bu pa ngo tsha dang khrel bor ba sdig ba'i lta ba can dgon dung tsha sgo can tha chad sdig pa can gyi sa gzhi sha stag yin no/ /khyim bdag gis smras pa/ grogs po zhing bzang po gzhan 'ga' yod dam/ des smras pa/ yod de bcom ldan 'das kyi nyan thos dag go//khyim bdag gis smras pa/ grogs po de dag gi ming yang ma smos shig /des smras pa ji de dag 'dir lhags par gyur tam lhags so/ /gang dag drug sde dag go/ /de dag gis re zhig ci byas/ 'di dang 'di lta'o/ /des smras pa/ grogs po khyod kyis rgya mtsho chen po nas nor bu mching bu dag blangs so//khyim bdag gis smras pa/ bcom ldan 'das kyi nyan thos bzang po gzhan dag kyang yod dam/ des smras pa/ yod de/ gal te khyod kyis tshe dang ldan pa shA ri'i bu dang / maud gal gyi bu chen po dang / nam gru dang / ma 'gags pa la sogs pa bcom ldan 'das kyi nyan thos chen po gzhan dag mthong bar gyur na khyod mngon par dad par 'gyur ba de lta bu'i gnas yod do//khyim bdag gis smras pa/ gal te de dag 'dir byon par gyur na bdag gis de dag la bsod snyoms kyi mkho ba bstabs par bya'o/ /mnyan yod pa'i tshong pa des bsams pa/ da ni bdag song la bcom ldan 'das la gsol bar bya'o snyam nas/tshong pa des zong bsgyur te rin blangs nas mnyan yod du song ste/ bcom ldan 'das kyi zhabs gnyis la mgo bos phyag 'tshal te gsol pa btsun pa ri brags che ge mo zhig na khyim bdag che ge mo zhig mchis pa des phyogs bzhi'i dge sbyong dang bram ze rnams kyi slad du 'dug gnas bgyid du stsal te/de de na gang gnas pa de la bsod snyoms kyi mkho ba stobs par bgyid cing / de bcom ldan 'das kyi nyan thos dag mthong bar 'tshal na/ bcom ldan 'das kyis de la thugs brtse ba'i slad du dge slong dag cig bka' stsal na legs so/ /bcom ldan 'das kyis khyim bdag de la cang mi gsung bas gnang ngo //de nas bcom ldan 'das kyis dge slong gang gis khyim bdag de 'khor dang bcas pa dang ri brags de na gnas pa'i skye bo'i tshogs dag sus 'dul bar 'gyur snyam du dgongs na dge slong shA ri'i bus 'dul bar gzigs nas/ de nas bcom ldan 'das kyis tshe dang ldan pa shA ri'i bu la bka' stsal pa/shA ri'i bu khyod kyis ri brags ga ge mo zhig na/ khyim bdag che ge mo 'khor dang bcas pa dang / ri brags de na gnas pa'i skye bo'i tshogs dag la soms shig /tshe dang ldan pa shA ri'i bus btsun pa bka' bzhin 'tshal zhes bcom ldan 'das kyi bka' mnyan nas 'khor lnga brgya dang /ri brags de ga la ba de logs su ljongs rgyu zhing song nas/ mthar gyis rgyu zhing 'gro ba na ri brags der phyin nas/ khyim bdag de'i 'dug gnas su zhugs so/ /khyim bdag des de thos nas der song ste/ tshe dang ldan pa shA ri'i bu'i rkang pa gnyis la mgo bos phyag 'tshal te mtha' gcig tu 'dug go//mtha' gcig tu 'dug nas tshe dang ldan pa shA ri'i bus khyim bdag de la chos dang ldan pa'i gtam gyis yang dag par ston par byed/ yang dag par 'dzin du 'jug par byed/ yang dag par gzengs stod par byed/ yang dag par rab tu dga' bar byed do//rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzengs bstod/ /yang dag par rab tu dga' bar byas nas cang mi smra'o/ /de nas khyim bdag de stan las langs te/ bla gos phrag pa gcig tu byas nas tshe dang ldan pa shA ri'i bu ga la ba de logs su thal mo sbyar ba btud nas tshe dang ldan pa shA ri'i bu la 'di skad ces smras so//btsun pa shA ri'i bu sang bdag gi sdum par dge slong gi dge 'dun dang thabs cig tu gdugs tshod gsol bar ci gnang / tshe dang ldan pa shA ri'i bus khyim bdag de la cang mi smra bas dang du blangs so//de nas khyim bdag des de nyid kyi mtshan mo bca' ba dang bza' ba gtsang zhing bsod pa sta gon byas nas/ nang par sngar langs te stan bshams nas/ chu ra nor bu can bzhag ste/ tshe dang ldan pa shA ri'i bu spyan 'dren gyis btsun pa shA ri'i bu gdugs tshod g.yar dgongs 'tshal na/btsun pa shA ri'i bus da de'i dus la bab par dgongs su gsol zhes bskul to/ /de nas tshe dang ldan pa shA ri'i bu snga dro sham thabs bgos lhung bzed dang chos gos thogs te/ dge slong gi tshogs kyis yongs su bskor cing / dge slong gi dge 'dun gyis mdun du bdar nas khyim bdag de'i khyim ga la ba der song ste phyin nas dge slong gi dge 'dun gyi gung la gdan bshams pa nyid la 'dug go//de nas khyim bdag des tshe dang ldan pa shA ri'i bu la sogs pa dge slong gi dge 'dun bde bar 'dug bar rig nas/ bca' ba dang bza' ba gtsang zhing bsod pas rang gi lag nas tshim par byed cing stobs par byed do//rnam grangs du mar bca' ba dang bza' ba gtsang zhing bsod pas rang gi lag nas tshim par byas shing bstabs te/ tshe dang ldan pa shA ri'i bu zan zos shing lag pa bsnyal/ lhung bzed bzhag par rig nas stan ches dma' ba zhig blangs te/ tshe dang ldan pa shA ri'i bu'i mdun du chos mnyan pa'i phyir 'dug go//'dug nas khyim bdag des tshe dang ldan pa shA ri'i bu la 'di skad ces smras so/ /btsun pa shA ri'i bu chos bstan du gsol/ tshe dang ldan pa shA ri'i bus smras pa/ khyim bdag de'i phyir khyod kyis sa phyogs go skabs yangs par stan 'ding du chug la/ ri brags 'dir skye bo phal po che'i tshogs la sang 'phags pa shA ri'i bu chos ston par 'gyur gyi/khyed cag las gang chos nyan par 'dod pa de shog shig ces dril bsgrags pa byed du chug shig /de nas tshe dang ldan pa shA ri'i bus yon bshad pa byas nas stan las langs te song ngo / /khyim bdag de ri brags de na gtso bor grags pa yin bas des sa phyogs go skabs yangs par stan shom du bcug nas/ri brags der skye bo phal po che'i tshogs la sang 'phags pa shA ri'i bus chos ston par 'gyur gyis khyed cag las gang chos nyan par 'dod pa de shog shig /khyed cag las gang gis der bden pa dag mthong bar ma gyur pa/ des 'khor bar yun ring du 'khor bar bya dgos so zhes dril bsgrags pa byed du bcug go/ /de nas tshe dang ldan pa shA ri'i bu de'i phyi de nyin par phyogs der song ste/ dge slong gi dge 'dun gyi gung la gdan bshams pa nyid la 'dug pa dang / srog chags 'bum phrag du ma dag kyang kha cig ni ltad mo skyes pa na/kha cig ni sngon gyi dge ba'i rtsa ba dag gis bskul ba na 'dus par gyur nas/ tshe dang ldan pa shA ri'i bus 'khor de'i bsam pa dang bag la nyal ba dang khams dang rang bzhin shes nas/ 'di ltar khyim bdag de 'khor dang bcas pa dang / srog chags khri nyis stong gis bden pa dag mthong zhing kha cig gis ni rgyun du zhugs pa'i 'bras bu mngon sum du byas/kha cig gis ni lan cig phyir 'ong ba'i 'bras bu mngon sum du byas/ kha cig gis ni phyir mi 'ong ba'i 'bras bu mngon sum du byas/ kha cig gis ni rab tu byung ste/ nyon mongs pa thams cad spangs pas dgra bcom pa nyid mngon sum du byas/kha cig gis ni nyan thos kyi byang chub tu sems bskyed/ kha cig gis ni rang sangs rgyas kyi byang chub tu sems bskyed/ kha cig gis ni bla na med pa yang dag par rdzogs pa'i byang chub tu sems bskyed pa de ltar chos bstan par byas te/ 'khor de las phal cher sangs rgyas la gzhol ba dang /chos la 'bab pa dang / dge 'dun la bab par rnam par gzhag go/ /tshe dang ldan pa shA ri'i bus ha cang yun ring du chos bstan pas gdugs tshod yol zhing rlung gis de'i rgyab na bar gyur nas/ khyim bdag des smras pa/ btsun pa shA ri'i bu de'i slad du bdag gi 'dug gnas su bzhugs shig dang /bdag gis khyod la bsod snyoms kyi mkho ba stabs par bgyi'o/ /tshe dang ldan pa shA ri'i bus smras pa/ khyim bdag khyod nyid la brten nas bcom ldan 'das kyis 'dul ba la nyan thos rnams kyis bslab pa'i gzhi bca' bar mdzad kyi 'gro'o/ / de nas tshe dang ldan pa shA ri'i bu na bzhin du zan bcad de/ ri brags de nas mnyan yod ga la ba de logs su rgyu zhing song ste/ mthar gyis rgyu zhing 'gro ba na mnyan yod du phyin nas/ dge slong rnams kyis tshe dang ldan pa shA ri'i bu'i lhan cig gnas pa dang / nye gnas dag la dris pa/tshe dang ldan pa dag ji ltar bde bar brgyus sam/ tshe dang ldan pa dag cung zhig bde bar yang brgyus/ cung zhig sdug bsngal bar yang brgyus so/ /ci zhig bde bar brgyus/ mkhan pos gdul ba'i bya ba 'di snyed cig mdzad pa gang yin pa de ni bde bar brgyus pa yin no/ /ci zhig sdug bsngal bar brgyus/mkhan po bsnyung bzhin du gdugs tshod bcad de ri brags de nas bzhud pa gang yin pa de ni sdug bsngal bar gnas pa yin no zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na/ na ba ma gtogs te dge slong gis pus 'khyud bcad bar rjes su gnang ngo //de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags ba brjod nas/ dge slong rnams la de dang mthun pa dang / de'i shas che ba dang / de dang 'tsham pa'i chos dang ldan pa'i bka' mched mdzad nas dge slong rnams la bka' stsal pa/dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'dug gnas gcig tu zhag lon pa'i dge slong mi na bas bsod snyoms gcig bza' bar bya'o//de las lhag par za na ltung byed do zhes gnang ba mdzad de/ yul ni mnyan yod/ gang zag ni tshe dang ldan pa shA ri'i bu/ nyon mongs pa dang nyes pa ni med do/ /de la 'dug gnas gcig tu zhag lon pa'i zhes bya ba ni mu stegs can gyi 'dug gnas su zhag lon pa'i 'o//dge slong zhes bya ba ni chos 'di pa'o/ /mi na bas zhes bya ba ni na ba ma gtogs pas so/ /bsod snyoms gcig bza' bar bya'o zhes bya ba ni zan lan cig go/ /de las lhag par za na zhes bya ba ni de las lan mang du za na'o/ /ltung byed de zhes bya ba ni snga ma bzhin no/ /de la ltung ba ji ltar 'gyur zhe na/'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong mi na bas chos 'di pa'i ma yin pa bdag po khyim pa dang bcas pa mu stegs can gyi 'dug gnas su zhag gcig lon pa la sbyin bdag gis ma bstabs par nyi ma gnyis pa'i bsod snyoms zos na 'dug gnas su za ba'i ltung byed kyi dngos gzhir 'gyur ro//dge slong mi na ba la na smad pa med do//'dug gnas chos 'di pa'i ma yin pa la na smad pa med do/ /'dug gnas de'i bdag po khyim pa dang bcas pa la na smad pa med do/ /'dug gnas de mu stegs can gyi yin pa la na smad pa med do/ /der dge slong nyi ma dang po la bsod snyoms gcig zos nas zhag gcig lon pas nyi ma gnyis pa'i bsod snyoms zos pa la na smad pa med do//nyi ma gnyis pa'i bsod snyoms sbyin bdag gis ma bstabs pa la na smad pa med do/ /bza' ba lnga'i khongs su gtogs pa gang yang rung ba la na smad pa med do/ /nyi ma gnyis pa de'i bsod snyoms sbyin bdag gis ma bstabs bar zos na zos pa de la dngos gzhi la na smad pa med do//'di'i byed pa po ni dge slong mi na ba sbyin bdag gis ma bstabs pa la chos 'di pa'i ma yin pa mu stegs can gyi 'dug gnas bdag po khyim pa dang bcas pa byed pa po nyid yin no/ /'di la yan lag drug gis dngos gzhi'i ltung bar 'gyur te/ dge slong mi na ba dang /sbyin bdag gis ma bstabs pa dang / 'dug gnas chos 'di pa'i ma yin pa dang gzhan mu stegs can gyi yin pa dang / bdag po khyim pa dang bcas pa dang / dge slong des zan zos nas zhag gcig lon pa dang / nyi ma gnyis pa'i bsod snyoms zos pa'o/ /de dag las yan lag ma tshang na ci rigs par na smad do//sbyor ba'i ltung ba ni nyes byas te ji srid du 'dug gnas su za ba'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /der nyi ma dang po la zan zos pa nyi ma gnyis pa'i bar du gnas pa nyi ma gnyis pa'i bsod snyoms ma zos pa la nyes byas so//'dug gnas de'i bdag po med pa dang / bdag po rab tu byung ba dang / bdag po mu stegs can dang / bdag po nye du yin na nyes byas so/ /nyi ma gnyis pa la gzhan nas bsod snyoms blangs nas 'dug gnas der zos pa la nyes byas so//nyi ma gnyis pa la bza' bar bya ba las gzhan pa bca' ba dang btung ba dang / gzhib pa dang bldag pa dag zos pa la nyes byas so/ /bza' bar bya ba ni bza' ba lnga'i khongs su gtogs pa'o/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni dge slong na ba la ltung ba med do/ /sbyin bdag gis bstabs pa la ltung ba med do/ /'dug gnas chos 'di pa yin zhing gzhan mu stegs can gyi ma yin pa la ltung ba med do//nyi ma dang po la gnas pa dang zos pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du 'dug gnas su za ba'i ltung byed du 'gyur ba rnam pa thams cad mi bsten par bslab par bya'o//dge slong chos ston pas pus 'khyud bcang bar bya'o/ /phyir bcos pa ni snga ma bzhin no/ /'dug gnas su za ba'i ltung byed de sum cu gnyis pa bshad zin to// //lhung bzed do gsum tsam las lhag par len pa'i ltung byed kyi gleng gzhi ni byung ba dang bcas pa'i dbang gis rnam pa gnyis te byung ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//byang phyogs nas tshong pa don mthun dag mnyan yod du lhags pa na drug sde dag gis thos nas smras pa/dga' bo nye dga' bdag cag gis byang phyogs nas tshong pa don mthun dag mnyan yod du lhags zhes thos kyi gal te cung zad sgrub par nus kyang srid kyi 'dong ngo / /gal te bsod snyoms zo shig ces zer na lto gang bas chog go zhes brjod par bya'o/ /gal te gos long shig ces zer na blang bar bya'o zhes de dag 'dong ste/tshong pa de dag la chos bstan nas de dag dga' bas 'phags pa dag 'di nyid du bsod snyoms gsol cig ces smras pa dang / drug sde dag gis smras pa/ bzhin bzangs dag lto gang bas chog go zhes zer zhing mi za bar yang dang yang du der 'ongs shing de skad smra'o//dus gzhan zhig na tshong pa de dag de na glang dag gi rtswa med nas/ ri brags shig tu glang dag gzan du dong ba dang / drug sde dag gis phyi bzhin rmas te btsal nas/ der yang dong ste de dag la chos bstan pa dang / de dag dga' bas 'phags pa dag 'di nyid du bsod snyoms gsol cig ces smras pa dang /drug sde dag gis smras pa/ bzhin bzangs dag lto gang bas chog go/ /ded dpon gyis smras pa/ shes ldan dag 'phags pa dag yang dang yang du lto gang bas chog go zhes gsungs pa las na/ 'di dag la na bza' mi mnga' gor ma chag gi / 'di dag la na bza' dbul bar bya'o//de ltar bgyi'o zhes de dag gis drug sde dag la la ba srin bu'i mdog lta bu re re bskon to/ /de nas drug sde dag gis smras pa/bzhin bzangs dag khyed cag yang dang yang du bsod snyoms zo shig ces zer na/ bsod snyoms ji lta bu sbyin pa ltas 'on cig ces drug sde dag las gcig gis thab kyi sgyed pu'i steng du gzugs pa'i snod chen po lta bu lhung bzed tshad las 'das pa che ba thab snod lta bu bzed nas/'dir ldugs shig ces smras pa dang /tshong pa de dag gis bsams pa/ snod 'di re che zhig ste/ 'di bkang bas 'di dag thams cad kyi lto khengs pa'i bsod snyoms 'byung bar 'gyur ro snyam nas de dag gis lam brgyags las snod de bkang ste phul lo//drug sde dag gis kyang de bzhin du mthar gyis re re nas thab snod lta bu re re bzed pa dang ji tsam na tshong pa de dag gis lam brgyags las thabs snod lta bu'i snod drug bkang ste phul ba dang / de dag gis lam brgyags thams cad zad par gyur nas/de dag gis smras ba/ 'phags pa dag bdag cag gis 'dir shul brgyags nyung shas shig 'tshal te mchis pa de dag thams cad bas kyi bdag cag gis mi 'di la kAr ShA pa Na dag bskur te/ 'phags pa dag dang / thabs cig mnyan yod du gtang gi 'phags pa dag gis bdag cag gi shul brgyags dag 'jol te/stsol ba bstsel ba dang bcas te gtong du gsol/ bzhin bzangs dag de ltar bya'o zhes drug sde dag gis tshong pa dag gi mi kAr ShA pa Na dang bcas pa mnyan yod du gtsug lag khang du khrid nas/ mi de drug sde dag spyi dang re re'i las sha stag la bkol bkol nas ji tsam na nyi ma yol bar gyur pa dang /de'i 'og tu btang ste smras pa/ da khyod rang gis lam brgyags nyos te song shig /mi de rang gis lam brgyags dag nyos te 'phags pa dang / mnyan yod kyi then kor thabs bor son pa na chom rkun pa dag gis bcom nas/de gcig pu grogs kyi nang na song ngo / /de dag gis smras pa/ khyod kyis ci khyer te 'ongs/ des smras pa/ ci yang ma 'ongs so/ /ci'i phyir/ chom rkun pa dag gis bcom mo/ /de dag gis smras pa/ 'phags pa dag gis khyod kyi bsel ba ma btang ngam/ des smras pa/shes ldan dag bsel ba lta btang re skan gyi/ don gyis na de dag nyid kyis bcom mo/ /de dag gis smras pa/ ji ltar gyur/ des skabs de rgyas par brjod pa dang / de dag shA kya'i bu'i dge sbyang rnams kyi dge sbyong gi tshul ni tshig go/ /bram ze'i tshul ni tshig ste/ 'di ltar phan par bya'o zhes zer nas gnod pa kho na byed do zhes smod par byed/phyar ka gtong bar byed/ kha zer bar byed do/ /'di ni re zhig byung ba yin te/ sangs rgyas bcom ldan 'das re zhig 'dul ba la nyan thos rnams kyi bslab gzhi 'cha' bar ni mi mdzad do/ /bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//mnyan yod na khyim bdag cig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ / de la bu mo g.yas zhar ma cig byung nas/ de bsrengs shing bskyed de chen mor gyur te/ bu mo de'i na zla gzhan thams cad bag mar btang na/ bu mo de g.yas zhar ma yin pa'i phyir slong ba 'ga' 'ang ma 'ongs so/ /mnyan yod na khyim bdag gzhan zhig 'dug pa des rigs mnyam pa las chung ma blangs nas/de'i chung ma de rang gi las dag gis dus la bab po/ /des chung ma gnyis pa dang gsum pa nas bdun pa'i bar du blangs pa dang / de dag kyang de bzhin du dus la bab po/ /khyim bdag de yang skur ba btab par gyur pa'i las dag gis chung ma gsod pa chung ma gsod pa zhes bya ba'i ming du gyur te/des yang gzhan gyi bu mo dang yugs sa mo yan chad bslangs na sus kyang ma ster nas/ de rang nyid so nam byed cing 'dug go/ /de'i chung po grogs po zhig gis smras pa/ gal te de lta na g.yas zhar mo slongs shig ces zer nas/ des g.yas zhar ma'i pha ma dag las g.yas zhar ma bslangs te/bag mar blangs pa'i dus btab po/ /de'i chung po grogs de yang 'gyod pa skyes te bdag gis grogs po la g.yas zhar ma slongs shig ces bskul ba de ni ma legs pa zhig byas te/ de mtshan ngan pa yin pas des grogs po bsad par gyur na mi rung gi de 'dor du bcug la bdag gi sring mo yugs sa mo zhig yod pa sbyin no snyam nas/des de la de skad smras pa dang / khyim bdag des smras pa/ grogs po da de bzhin dor bar mi nus te/ 'on kyang 'di la thabs kyi rnam pa zhig bya'o/ /g.yas zhar ma'i ma des kyang bag rdzongs sta gon bya bar brtsams so/ / de drug sde dag gi sbyin bdag yin pas/ drug sde dag snga dro sham thabs bgos lhung bzed dang chos gos thogs te/ mnyan yod du bsod snyoms la zhugs nas mthar gyis bsod snyoms la rgyu ba na khyim der zhugs pa dang / ji tsam na g.yas zhar ma brdzang ba dang / gnyen ston gyi khur pa dag sreg pa mthong nas de dag gis smras pa/sring mo dus ston la bab du nye 'am ci/ des smras pa/ 'phags pa khyod kyi lcam mo bag mar mchi ba la thug nas de'i bag rdzongs sta gon bgyi'o/ /drug sde dag gis smras pa/ sring mo kho bo cag gis cung zad mi 'thob bam/ 'phags pa dag khyed cag la su zhig gis dbul 'tshal/ 'di nyid khyed kyi lags so zhes des bag rkyong ste de dag gi lhung bzed thams cad khur ba dag gis bkang nas/ drug sde dag gis de'i kha zas thams cad bsdus te dong ngo / /de nas g.yas zhar ma'i mas chung ma gsod pa la bu bdag cag gis kha zas dag sta gon byas par gyur pa gang yin pa de sbyin gnas dag gis bzhes kyi da nye du dag gi phyir kha zas sta gon byed kyi bar du sdod cig ces smras pa dang /chung ma gsod pas smras pa/ kho bo mi sdod de gal te nyi ma de nyid la bag mar rdzong zhing sbyin na ni bag mar blang ngo //gal te mi sbyin na kho bo chung ma gzhan len gyi/ khyod kyi bu mo dor bar bya'o zhes zer nas g.yas zhar ma'i pha mas dus su ma brdzangs pa'i skabs su chung ma gsod pas g.yas zhar mo mi blang bar byas pa na/ g.yas zhar ma'i phas chung ma gsod pa bzung ste/rgyal po'i pho brang du 'o dod bos nas shags la bkug pa dang / chung ma gsod pas g.yas zhar ma'i pha pham par byas so/ /g.yas zhar ma'i ma de bdag gi bu mo ma lam mo zhes ngu zhing 'dug pa dang / de'i ngos kyi khyim tshes dag shA kya'i bu'i dge sbyong rnams kyi dge sbyong gi tshul ni tshig go//bram ze'i tshul ni tshig ste/ 'di ltar bu mo sbyin zin pa'i bar chad byed do zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang skabs 'di la dge slong gi dge 'dun bsdu ba mdzad de/drug sde dag la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/dge slong rab tu mang po dag khyim rnams su dong ba las/ gal te de dag las bram ze dang khyim bdag dad pa can dag gis phye dag dang khur ba dag dus kyis stobs par gyur la/'dod na dge slong de dag gis lhung bzed gang ba gnyis sam gsum blang bar bya'o/ /de las lhag par len na ltung byed do/ /lhung bzed gang ba gnyis sam gsum blangs nas phyi rol kun dga' ra bar dong la dge slong 'khod pa rnams la'ang bgo bsha' bya/ bdag cag kyang bza' bar bya ste/de la de ni cho ga yin no zhes bca' ba mdzad de/ yul ni mnyan yod/ gang zag ni drug sde/ nyon mongs pa ni lto 'dun/ /nyes pa ni sbyin bdag khyim pas yongs su ma spangs pa ji bder ma byas pa'i kha zas bstabs pa la lhung bzed 'bring tshang gsum las lhag par len pa'o//de la dge slong zhes bya ba ni drug sde dag go/ /rab tu mang po dag ces bya ba ni gnyis las lhag pa ni rab tu mang po dag go/ /khyim rnams su zhes bya ba ni bram ze dang khyim bdag dag gi khyim rnams su'o/ /dong ba las zhes bya ba ni song ba las so/ / gal te de dag la zhes bya ba ni dge slong de dag la'o/ /bram ze dang khyim bdag dad pa can dag gis zhes bya ba la/ dad pa can zhes bya ba ni sangs rgyas la mngon par dad pa dang / chos dang dge 'dun la mngon par dad pa dang / sangs rgyas la skyabs su song ba dang / chos dang dge 'dun la skyabs su song ba dag go//phye dag ces bya ba ni phye dad 'dag gu dag go/ /khur ba dag ces bya ba ni bag chos dag go/ /dus kyis stobs par gyur la zhes bya ba ni yang dang yang du stobs par gyur la'o/ /'dod na zhes bya ba ni gal te don du gnyer na'o/ /dge slong de dag gis zhes bya ba ni dge slong gang yin pa dag gis so//lhung bzed gang ba gnyis sam gsum bslang bar bya'o zhes bya ba la lhung bzed ni gsum ste/ chen po dang / 'bring dang / chung ngu'o/ /de la chen po ni gang du 'bras thug po che drus pa skam po ma ga d+hA'i bre'u chung do btsos pa sran tshod dang bcas tshod ma dang bcas pa blugs na kha'i mtha'i cha kho nas mthe bo'o lto gang gis mi reg pa'o//'bring ni bre'u chung phyed dang do btsos pa de lta bu'o/ /chung ngu ni bre'u chung gang btsos pa de lta bu'o/ /ma ga d+hA'i bre'u chung gang la ni 'bras thug po che drus pa skam po ma ga d+hA'i srang bcu drug ste/ ma ga d+hA'i srang gcig la bod kyi srang gnyis yod do//'bras thug po che drus pa skam po ma ga d+hA'i bre'u chung gang la bod kyi srang ni sum cu rtsa gnyis yod do/ /phul tshad du brtsis na ni bdun phul do dang khyor gang yod do/ /ma ga d+hA'i srang gcig la bre'u chung phyed dang do la ni bod kyi bdun phul phyed dang bzhi yod do//ma ga d+hA'i bre'u chung do la ni bod kyi bdun phul bzhi dang khyor do yod do/ /'bras drus pa skam po ni chan du btsos nas sum 'gyur du brtsi'o/ /de ltar na lhung bzed chen po ni 'bras thug po che drus pa skam po bod kyi bdun phul bzhi dang khyor do btsos pa'i chan bre do de'i rkyen gyi tshod ma dang bcas pa blugs na mtheb sor gcig gis ma gang ba'o//lhung bzed 'bring ni 'bras thug po che drus pa skam po bod kyi bdun phul phyed dang bzhi btsos pa'i chan bre phyed dang do de'i rkyen gyi tshod ma dang bcas pa blugs na mtheb sor gcig gis ma gang ba'o//lhung bzed chung ngu ni 'bras thug po che drus pa skam po bod kyi bdun phul do dang khyer gang btsos pa'i chan bre gang de'i rkyen gyi tshod ma dang bcas pa blugs na mtheb sor gcig gis ma gang ba'o/ /lhung bzed kyi kha'i cha'i mtha' zhes bya ba ni kha'i zur gang du mchus rngub pa'o/ /mthe bo'i lto gang zhes bya ba ni mtheb sor gcig ste/mthe bo'i tshigs dang po'i zur ya gcig nas lto rol du dkris te zur ya gcig la thug pa'o/ /'dir lhung bzed gang ba gnyis sam gsum blang bar bya'o zhes gnang ba ni gsum man chad ji tsam 'dod pa blang bar bya'o/ /ltung ba rnam par gzhag pa la ni lhung bzed 'bring po'i tshad dang sbyar te/lhung bzed 'bring po'i tshad kyi 'bras chan bre phyed dang do la ni 'bras thug po che drus pa skam po ma ga d+hA'i bre'u chung phyed dang do yod do/ /lhung bzed 'bring po gsum gyi tshad kyi 'bras chan bre phyed dang lnga la ni 'bras thug po che drus pa skam po ma ga d+hA'i bre'u chung phyed dang lnga yod do//de man chad ci 'dod pa blang bar bya'i/ de las lhag par len na ltung byed du 'gyur to/ 'dir gzhung ni dge slong gis ji tsam du bre'u chung phyed dang lnga las lhag pa'i bsod snyoms len na thams cad du ltung byed do zhes gsungs pa yin to/ /de ni 'bras skam po'i tshad las dgongs te gsungs pa yin no//de la chan du btsos na sum 'gyur du brtsi bas/ 'bras drus pa skam po bre'u chung phyed dang lnga la 'bras chan bre'u chung phyed dang bcu bzhi yod do/ /yul chos su brtsi na 'bras drus pa skam po bre'u chung phyed dang lnga la bod kyi bre phyed dang do yod do//de'i chan ni sum 'gyur te bre phyed dang lnga yod do/ /de ltar na lhung bzed 'bring po gsum la 'bras skam ni bre phyed dang do/ /'bras chan ni bre phyed dang lnga yod do/ /'bras chan bre phyed dang lnga de'i rkyen gyi byan dang tshod ma dang bcas pa man chad blang bar bya'i/ /de las lhag na ltung byed du 'gyur ro//phye dang khur ba la sogs pa bza' ba dang bca' ba'i bsod snyoms gzhan dag la yang blang ba dang dgag pa'i tshad ni 'bras chan bre phyed dang lnga/ de'i rkyen gyi bya na dang tshod ma dang bcas pa 'dis ci rigs par bsgre zhing brtsi'o/ /dge slong ma rnams kyi lhung bzed chen po ni dge slong rnams kyi lhung bzed chung ngu dang tshad gcig ste/'bring dang chung ngu yang de bzhin du na smad de/ chung tshad ni 'grangs pa tsam shong ba yin no/ /de las lhag par len na zhes bya ba ni lhung bzed 'bring po gsum gyi tshad 'bras chan bre phyed dang lnga de'i rkyen gyi bya na dang tshod ma dang bcas pa de las lhag par len na'o//phye dang khur ba la sogs pa bza' ba dang bca' ba'i bsod snyoms gzhan dag la yang tshad 'dis ci rigs par bsgre zhing brtsis pa las lhag par len na'o/ /ltung byed do zhes bya ba ni snga ma bzhin no/ /lhung bzed gang ba gnyis sam gsum blangs nas phyi rol kun dga' ra bar dong la dge slong 'khod pa rnams la yang bgo bsha' bya zhes bya ba ni blang bar bya ba 'bras thug po che drus pa skam po ma ga d+hA'i bre'u chung phyed dang lnga btsos pa'i chan bod kyi bre phyed dang lnga de'i rkyen gyi bya na dang tshod ma dang bcas pa tsam ste/gal te bdag nyid grogs dang bcas pas bza' ba las lhag cing mang ba nyid yin na/khyim gyi phyi rol gtsug lag khang du dong la de na dge slong gang dag 'khod pa rnams la yang sbyin par bya'o/ /bdag cag kyang bza' bar bya ste zhes bya ba ni blang bar bya ba la gal te mang ba nyid yin na dge slong dag la yang bgo bsha' bya/ bdag kyang bza' bar bya'i/gal te mang ba nyid ma yin na dge slong dag la bgo bsha' bya ba gdon mi za bar bya ba ma yin te/ bdag cag bza' bar bya ba kho na yin no/ /de la de ni cho ga yin no zhes bya ba ni bslab pa'i gzhi bca' ba mdzad pa de la ni nges pa yin pa'o/ /de la ltung ba ji ltar 'gyur zhe na/ 'dir yang dngos gzhi dang /sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gcig gam gnyis sam/rab tu mang po yang rung ba dag khyim rnams su dong ba la/ sbyin bdag khyim pa stobs pa'i bsod snyoms yongs su ma spags pa ci bder ma byas pa lhung bzed 'bring po gsum gyi tshad 'bras thug po che drus pa skam po ma ga d+hA'i bre'u chung phyed dang lnga la bod kyi bre phyed dang do yod pa btsos pa'i chan bre phyed dang lnga/de'i rkyen gyi bya na dang tshod ma dang bcas pa tsam las lhag pa mnos te zos na lhung bzed do gsum tsam las lhag par len pa'i ltung byed kyi dngos gzhir 'gyur ro/ /lhung bzed do gsum tsam las lhag par len pa'i ltung byed 'di ni dge slong gzhan dag tha mal par rang rang gi bsod snyoms lhung bzed gcig gis khyim bdun tshun chad du bsod snyoms rung ba lto 'grangs tsam len du gnang ba las mtshan nyid gzhan ma yin no//de'i phyir dge slong gcig gam gnyis sam rab tu mang po yang rung ba dag la na smad pa med do/ /bram ze dang khyim bdag gi khyim gang yang rung ba dag tu 'dod pa lan smad pa med do//sbyin bdag mi'i 'gro bar gtogs pa khyim pa skyes pa 'am bud med gang yang rung ba la na smad pa med do/ /stobs pa la na smad pa med do/ /bsod snyoms rung ba bza' ba dang bca' ba lnga'i khongs su gtogs pa gang yang rung ba la na smad pa med do//lhung bzed 'di snyed cig bzhes shig ces tshad yongs su ma spags pa la na smad pa med do/ /sbyin bdag gis ci dgyes pa mdzod cig ces ci bder ma byas pa la na smad pa med do/ /khyim pa stobs pa'i bsod snyoms pa la na smad pa med do/ /lhung bzed 'bring po gsum gyi tshad 'bras thug po che drus pa skam po yul ma ga d+hA'i bre'u chung phyed dang lnga la bod kyi bre phyed dang do yod pa btsos pa'i chan bre phyed dang lnga/de'i rkyen gyi bya na dang tshod ma dang bcas pa las lhag pa dang phye dang khur ba la sogs pa bza' ba dang bca' ba'i bsod snyoms gzhan dag la yang tshad 'dis ci rigs par bsgreng zhing brtsis pa de tsam las lhag pa la na smad pa med do//khyim nas mnos te khyer ba la na smad pa med do/ /zos te mgul du mid pa la na smad pa med do/ /'di'i byed pa po ni sbyin bdag khyim pa stobs pa'i bsod snyoms yongs su ma spags pa ci bder ma byas pa/ dge slong gis lhung bzed 'bring po gsum gyi tshad las lhag pa mnos te za ba'o//dge slong gi lhung bzed ni gsum ste/ chen po dang 'bring dang / chung ngu'o/ /de la chen po ni gang du 'bras thug po che drus pa skam po ma ga d+hA'i bre'u chung do btsos pa sran tshod dang bcas tshod ma dang bcas pa blugs na kha'i cha'i mtha' kho na nas mthe bo'i lto gang gis mi reg pa'o//'bring ni bre'u chung phyed dang do btsos pa de lta bu'o/ /chung ngu ni bre'u chung gang btsos pa de lta bu'o/ /ma ga d+hA'i bre'u chung gang la ni 'bras thug po che drus pa skam po ma ga d+hA'i srang bcu drug ste/ ma ga d+hA'i srang gcig la bod kyi srang gnyis yod do/ / 'bras thug po che drus pa skam po ma ga d+hA'i bre'u chung gang la bod kyi srang ni sum cu rtsa gnyis yod do/ /phul tshad du brtsis na ni bdun phul do dang khyor gang yod do/ /ma ga d+hA'i bre'u chung phyed dang do la ni bod kyi bdun phul phyed dang bzhi yod do/ /ma ga d+hA'i bre'u chung phyed dang do la ni bod kyi bdun phul bzhi dang khyor do yod do//'bras drus pa skam po ni chan du btsos na sum 'gyur du brtsi'o/ /de lta na lhung bzed chen po ni 'bras thug po che drus pa skam po bod kyi bdun phul bzhi dang khyor do btsos pa'i chan bre do/ /de'i rkyen gyi tshod ma dang bcas pa blugs na mtheb sor gcig gis ma gang ba'o/ /lhung bzed 'bring ni 'bras thug po che drus pa skam po bod kyi bdun phul phyed dang bzhi btsos pa'i chan bre phyed dang do//de'i rkyen gyi tshod ma dang bcas pa blugs na mtheb sor gcig gis ma gang ba'o/ /lhung bzed chung ngu ni 'bras thug po che drus pa skam pa bod kyi bdun phul do dang khyor gang btsos pa'i chan bre gang dang de'i rkyen gyi tshod ma dang bcas pa blugs na mtheb sor gcig gis ma gang ba'o//'dir ltung ba'i byed pa po ni lhung bzed 'bring po'i tshad dang sbyar te/ dge slong gcig gam gnyis sam rab tu mang po ji snyed yod kyang rung ste/ grogs kyi skal ba dang yang bcas par lhung bzed 'bring po gsum gyi tshad las lhag par mnos te za ba'o//'di la yan lag lngas dngos gzhi'i ltung bar 'gyur te/ sbyin bdag mi'i 'gro bar gtogs pa khyim ba skyes pa'am bud med gang yang rung ba dang / bstabs pa'i bsod snyoms yongs su spags pa ci bder ma byas pa nyid dang / lhung bzed 'bring po gsum gyi tshad las lhag pa nyid dang /khyim nas mnos te khyer ba dang zos pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du lhung bzed do gsum tsam las lhag par len pa'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /sbyin bdag mi'i 'gro bar gtogs pa za ma dang ma ning dang mtshan gnyis pa la nyes byas so/ /chos 'di pa dang phyi rol pa'i rab tu byung ba la nyes byas so/ /mi ma yin pa'i 'gro ba la nyes byas so/ /dud 'gro la la nyes byas na smad do//mi stobs pa len pa la nyes byas so/ /bsod snyoms mnos pa de las lhag par nod na sbyor ba'i tshe na nyes byas so/ /gzhan nod du bcug pa la nyes byas so/ /zas rung ba ma yin pa la nyes byas so/ /ma zos kyi bar du sbyor ba la nyes byas so/ /sbyor ba'i sbyor ba'i ltung ba ni nyes byas phra mo ste/sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni gal te yongs su spags te stobs la chos dang ldan pa'i dgos pa yod na lhung bzed brgya blangs kyang nyes pa med do/ /ci dgar gyis shig ces ci bder byas pa la nyes pa med do//tshad las ma lhag pa la nyes pa med do/ /de nyid du 'dug ste ji snyed zos kyang ltung ba med do/ /'bras la sogs pa rngo btags pa dang g.yos kyi las su ma byas pa mnos te za ba la skabs 'di'i ltung ba med do/ /las dang po pa dang smyos pa dang /sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du lhung bzed do gsum tsam las lhag par len pa'i ltung byed du 'gyur ba rnam pa thams cad mi bsten par bslab par bya'o/ / mi stobs par blang bar mi bya'o/ /blang bar bya ba gal te mang ba nyid na dge slong dag la bgo bsha' bya'o/ /thab kyi sgyed [(]po'i [,]pu'i [)]steng du gzugs pa'i snod chen po lta bu'i lhung bzed tshad las 'das par che ba thab snod lta bu bcang bar mi bya'o/ /phyir bcos pa ni snga ma bzhin no/ /lhung bzed do gsum las lhag par len pa'i ltung byed de sum cu gsum pa bshad zin to// //so sor thar pa'i mdo rgya cher 'grel pa 'dul ba kun las btus pa/ bam po nyi shu bdun pa/ stan gcig pa'i zas kyi ltung byed kyi gleng gzhi ni bcas pa dang gnang ba'i dbang gis rnam pa gnyis te/ bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//de nas bcom ldan 'das kyis dge slong rnams la bka' stsal ba/ dge slong dag nga ni stan gcig pa'i zas za ste/ nga stan gcig pa'i zas za ba ni snying las chung ngur 'tsho zhing gnod pa nyung ba dang /nyam nga ba chung ba dang / bskyod pa yang ba dang / 'tsho ba dang stobs dang ldan pa dang / bde ba dang kha na ma tho ba med pa dang / bde ba la reg par gnas par tshor ro/ /dge slong dag khyed kyang tshur sheg la stan gcig pa'i zas zo shig dang / khyod kyang stan gcig pa'i zas za ba na snying las chung dur 'tsho zhing /gnod pa nyung ba dang / nyam nga ba chung ba dang / bskyod pa yang ba dang / 'tsho ba dang stobs dang ldan pa dang / bde ba dang kha na ma tho ba med pa dang / bde ba la reg par gnas par tshor bar 'gyur ro/ /zas ma spangs pas ji tsam gyis chog pa bza' bar bya zhing / zas brtsams pas slob dpon dang mkhan po dang bla ma dang bla ma lta bu mthong na yang ldang bar mi bya'o/ /bca' ba lnga po rtsa ba dang / sdong bu dang / 'dab ma dang / me tog dang / 'bras bu dag gis ni spangs par mi 'gyur la/ bza' ba lnga po 'bras chan dang / zan dron dang / sha dang / snum khur dang /'dag gu dag gis ni spangs par 'gyur ro/ /rgyu lnga po zas yod pa dang / zas stobs pa yod pa dang / zas brtsams pa yod pa dang / zas spangs pa yod pa dang / spyod lam las nyams pa dag gis ni spangs pa brjod par bya la/ rgyu lnga po zas med pa dang / zas stobs pa med dang /zas brtsams pa med pa dang / zas spangs pa med pa dang / spyod lam las ma nyams pa dag gis ni ma spangs par brjod par bya'o/ /gzhan yang tshig lhag ma med pa lnga po thong shig ces bya ba dang / gzhan la byin cig ces bya ba dang / song shig ces bya ba dang /zos zin to zhes bya ba dang / chog go zhes bya ba dag gis ni spangs par brjod par bya la/ tshig lhag ma dang bcas pa lnga po re zhig thong shig ces bya ba dang / re zhig gzhan la byin cig ces bya ba dang / re zhig song shig ces bya ba dang / re zhig zos zin to zhes bya ba dang / re zhig chog go zhes bya ba dag gis ni ma spangs par brjod par rig par bya'o//bcom ldan 'das kyis dge slong dag gis spangs pa bza' bar mi bya'o zhes bka' stsal nas/ drug sde dag spangs pas kyang za bar byed/ ma spangs pas kyang za bar byed nas/ dge slong don nyung ngu dag bcom ldan 'das kyis dge slong gis spangs pa bza' bar mi bya'o zhes bka' stsal na/ci'i phyir dge slong dag spangs pas kyang za bar byed/ ma spangs pas kyang za bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang /gleng gzhi 'di dang / skabs 'di la dge slong gi dge 'dun bsdu ba mdzad de/ drug sde dag la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad nas/bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang zas zos zin cing spangs pa las bca' ba'am bza' ba 'cha' 'am za na ltung byed do zhes bca' ba mdzad de/yul ni mnyan yod/ gang zag ni drug sde/ nyon mongs pa ni bslab pa la g.yel ba dang bka' la ma gus pa dang / nyes pa ni zas spangs pas za bar byed pa'o/ /gnang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas dge slong nad pa rab tu mang po dag gi nad g.yog rab tu mang po dag yod pa de dag gis bdag nyid kyis zos nas nad pa rnams kyi lto khengs pa'i bsod snyoms dag mnos pa dang /dge slong nad pa rnams kyis za bar mi nus shing / dge slong nad g.yog dag gis kyang bdag cag gis spangs so zhes za bar mi byed/ kun dga' ra ba pa dang / dge tshul dag kyang med nas/ de dag gis kun dga' ra ba'i nang du zas kyi phung po chen po rnam par gzhag pa dang /der bya rog dag za ba na/ bya rog gi sgra 'byin pa chen po byung bar gyur to/ /sangs rgyas bcom ldan 'das rnams ni mkhyen bzhin du rmed pa mdzad pas/ sangs rgyas bcom ldan 'das kyis tshe dang ldan pa kun dga' bo la bka' stsal pa/ kun dga' bo kun dga' ra ba'i nang na bya rog sgra 'byin pa chen po byung bar gyur ba 'di ci las gyur/tshe dang ldan pa kun dga' bos skabs de rgyas par gsol to/ /de nas bcom ldan 'das 'di snyam du dgongs te/ ngas dge slong rnams bde ba la reg par gnas par bya ba'i phyir dang / sbyin pa po rnams kyi sbyin par bya ba'i chos yongs su longs spyod par bya ba'i phyir lhag bor gnang bar bya'o snyam du dgongs nas dge slong rnams la bka' stsal pa/dge slong dag de lta bas na lhag bor byas te bza' bar rjes su gnang ngo / /bcom ldan 'das kyis lhag bor byas te bza' bar rjes su gnang ngo zhes bka' stsal nas/dge slong rnams kyis lhag bor ji ltar bya ba mi shes nas/ bcom ldan 'das kyis bka' stsal ba/ dge slong zas zos zin nas spangs te yongs su rdzogs shing mthar thug par byas pa gang yang rung ba zhig gis bca' ba'am bza' ba rnyed cing za bar 'dod na dge slong des lag pa gnyis bsnyal te byin len byas la/dge slong zas zos zin cing ma spangs la spyod lam las ma nyams pa gang yin pa'am/ dge slong zas zos zin cing spangs la spyod lam las ma nyams pa gang yin pa de'i mdun du tsog pur 'dug ste/ 'di skad ces brjod par bya'o/ / tshe dang ldan pa dgongs su gsol/ bdag dge slong ming 'di zhes bgyi ba 'tshal ma 'tshal lags shing spangs te yongs su rdzogs shing / mthar thug par bgyis pa las bca' ba dang bza' ba rnyed cing 'tshal bar 'tshal na/ lhag por bgyis te bdag la stsal du gsol/lhag por byed pa'i dge slong gis zas zos zin cing ma spangs la spyod lam las ma nyams pa gang yin pa de ni bdag nyid kyis kham gnyis sam gsum zos nas/ khyed kyir gyur gyis bzhud cig ces brjod pas lhag por bya'o/ /dge slong zas zos zin cing spangs la spyod lam las ma nyams pa gang yin pa des ni bza' bar mi bya bar lag par byin nas khyod kyir gyur gyis bzhud cig ces brjod pas lhag por bya'o//gal te za na 'gal tshabs can du 'gyur ro/ /rgyu lngas lhag bor ma byas par brjod par bya ste lnga gang zhe na/ mtshams kyi phyi rol du dang / mi 'thob pa'i phyogs su dang /rgyab nas dang / glo nas dang / spyod lam las nyams par byed du 'jug pa'o/ /rgyu lngas lhag por byas par brjod par bya ste/ lnga gang zhe na/ mtshams kyi phyi rol ma yin pa dang / 'thob pa'i phyogs su dang / rgyab ma yin pa nas dang / glo ma yin pa nas dang /spyod lam las ma nyams par byed du 'jug pa'o/ /gzhan yang rgyu lngas ni lhag por ma byas par brjod par bya ste/ lnga gang zhe na/ mtshams kyi phyi rol du dang / mi 'thob pa'i phyogs su dang / lhung bzed kyi gzhir dang / thu bar dang / spyod lam las nyams par byed du 'jug pa'o//rgyu lngas ni lhag bor bya bar brjod par bya ste/ lnga gang zhe na/ mtshams kyi phyi rol ma yin pa dang / 'thob pa'i phyogs su dang / lhung bzed kyi gzhi ma yin pa dang / thu bar ma yin pa dang / spyod lam las ma nyams par byed du 'jug pa'i dge slong gis lhag por byas pa mang po dag gis bza' bar bya ste/'di la 'gyod par mi bya'o/ /de nas bcom ldan 'das kyis bslab par bya bar 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang mthun pa dang / de'i shas che ba dang / de dag dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/dge slong dag de lta bas na snga ma ni bcas pa yin la 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang zas zos zin cing spangs pa las lhag por ma byas par bca' ba'am/bza' ba 'cha' ba'am za na ltung byed do zhes gnang ba mdzad do/ /yul ni mnyan yod/ gang zag ni dge slong nang g.yog rab tu mang po dag /nyon mongs pa dang nyes pa ni med do/ /de la yang dge slong gang zhes bya ba ni drug sde 'am gzhan yang de lta bu gang yin pa'o//zas zos zin cing spangs pa las zhes bya ba ni yongs su rdzogs shing mthar thug par byas pa las so/ /lhag bor ma byas par zhes bya ba ni lhag mar ma byas shing ma bor yongs su ma btang bar ro/ /bca' ba 'am bza' ba zhes bya ba ni bca' ba lnga po dang bza' ba lnga po dag go//'cha' 'am za na zhes bya ba ni mgul du mid na'o/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni dge slong zas spangs pa nyid dang / lhag bor ma byas pa nyid kyi dus su rung ba'i zas gang yang rung ba zos na stan gcig pa'i zas kyi ltung byed kyi dngos gzhir 'gyur ro/ /dge slong zas spangs pa nyid dang /lhag bor ma byas pa nyid kyis dus su rung ba'i zas gang yang rung ba zos na 'dir dngos gzhir gsungs pa la/ zas spangs pa nyid ni gang yin/ lhag bor ni gang yin par brjod par bya zhe na/ zas spangs pa nyid ces bya ba ni dge slong zas brtsams pas 'dug pa'i gnas btang ba ste/de yang rgyu lnga po zas yod pa dang / zas stobs pa yod pa dang / zas brtsams pa yod pa dang / zas spangs pa yod pa dang / spyod lam las nyams pa dag gis ni zas brtsams pas 'dug pa'i gnas gtong par 'gyur ro/ /dge slong zas brtsams pa'i gnas su 'dug ste/bca' ba lnga dang bza' ba lnga'i zas brtsams shing tha na lan tshwa tsam yan chad bza' bar bya ba gang yang rung ba cung zad cig byin len byas te zas brtsams pa dang / zas yod pa dang / zas stobs pa yod pa dang / zas brtsams pa yod pas bca' ba lnga dang thug pa dang skyo ma ma gtogs pa bza' ba lnga'i zas rung ba dang mi rung ba dang ma 'dres pa'i byin len stobs pa tho 'tshams pa ma yin pa/dge slong byin len byed pa rang gi zas 'thob pa'i phyogs na 'greng ba la tshig lhag ma med pa lnga po thong shig ces bya ba dang / gzhan la byin cig ces bya ba dang / song shig ces bya ba dang / zos zin to zhes bya ba dang / chog go zhes bya ba dag las gang yang rung bas byin len stobs pa de spangs pa byas nas zas brtsams pa'i phyogs gang du sngar 'dug par gyur pa'i gnas btang ste/ zas spangs pa yod pa dang /spyod lam las nyams par gyur pa ni zas spangs pa nyid yin no/ /'di la rgyu lngas ni zas brtsams pas 'dug pa'i gnas gtong bar mi 'gyur te/ zas med pa dang / zas stobs pa med pa dang / zas brtsams pa med pa dang / zas spangs pa med pa dang / spyod lam las ma nyams pa dag gis so//tshig lhag ma dang bcas pa lngas ni byin len stobs pa spangs par mi 'gyur te/ re zhig thong shig ces bya ba dang / re zhig gzhan la byin cig ces bya ba dang / re zhig song shig ces bya ba dang / re zhig zos zin to zhes bya ba dang / re zhig chog go zhes bya ba dag gis so//bca' ba lnga dang / thug pa dang skyo ma btang bas ni zas spangs par mi 'gyur te/ bca' ba lnga ni rtsa ba dang / sdong bu dang / 'dab ma dang / me tog dang / 'bras bu dag go/ /thug pa ni gang du kha gzar btsugs na kha gzar gyen du 'greng du mi btub pa nyid man chad kyi thug pa dag ni thug pa nyid yin no//skyo ma ni skyo ma gang gi steng du sor mo lnga gzhag pa'i rjes mi mngon pa nyid man chad kyi skyo ma dag ni skyo ma nyid yin no/ /byin len stobs pa tho 'tshams pa btang bas kyang zas spangs par mi 'gyur te/ byin len stobs pa tho 'tshams pa ni gal te 'ga' zhig tho 'tshams pa'i bsam pas dge slong la byin len stobs par byed pa ste/de ni byin len stobs pa nyid ma yin pas dge slong gis kyang de shes nas de la tshig lhag ma med pa lnga po thong shig ces bya ba dang / gzhan la byin cig ces bya ba dang / song shig ces bya ba dang / zos zin te zhes bya ba dang / chog go zhes bya ba dag las gang smras kyang des zas spangs par mi 'gyur ro/ /bza' ba lnga dang zas mi rung ba dang ma 'dres pa btang bas ni zas spangs par 'gyur ro/ /bza' ba lnga ni 'bras chan dang / zan dron dang / sha dang / snum khur dang / lde gu dag go/ /zas mi rung ba dang ma 'dres pa ni de dag nyid byin len ma byas pa dang /nang du zhag lon pa dang / nang du btsos pa dang dge slong gis btsos pa dang / gsog 'jog tu gyur pa dang / rmig gcig pa'i sha dang / mi sha la sogs pa dang ma dres pa'o/ /byin len stobs pa tho 'tshams pa ma yin pa btang bas kyang zas spangs par 'gyur te/byin len stobs pa tho 'tshams pa ma yin pa de dge slong ma dang / dge slob ma dang / dge tshul dang / dge tshul ma dang / dge bsnyen dang / dge bsnyen ma dang / gzhan yang rung bar byed pa byin len stobs par gnang ba tho 'tshams pa'i bsam pa med pa zas 'thob pa'i phyogs na 'dren pa'o//lhag por ma byas pa nyid ces bya ba la lhag por ji ltar bya zhe na/ dge slong zas zos zin cing spangs te/ yongs su rdzogs shing mthar thug par byas pa gang yang rung ba zhig gis bca' ba'am bza' ba rnyed cing bza' bar 'dod na dge slong des lag pa gnyis bsnyal te byin len byas la/dge slong zas zos zin cing ma spangs la/ spyod lam las ma nyams pa gang yin pa'am dge slong zas zos zin cing spangs la spyod lam las ma nyams pa gang yin pa de'i mdun du tsog pur 'dug ste 'di skad ces brjod par bya'o/ /tshe dang ldan pa dgongs su gsol//bdag dge slong ming 'di zhes bgyi ba 'tshal ma 'tshal lags shing / spangs te yongs su rdzogs shing mthar thug par bgyis pa las bca' ba dang bza' ba rnyed cing 'tshal bar 'tshal na lhag bor bgyis te bdag la stsal du gsol/ /des kham gnyis sam gsum zos nas 'di skad ces khyod kyir gyur gyi bzhud cig ces brjod par bya'o//slob dpon kha cig na re khyod kyir gyur gyi ci bder gsol cig ces brjod par bya'o zhes kyang zer ro/ /de la dge slong zas zos zin cing ma spangs la spyod lam las ma nyams pa gang yin pa des ni bdag nyid kyis kham gnyis sam gsum zos nas de ltar lhag por bya'o//dge slong zas zos zin cing spangs la spyod lam las ma nyams pa gang yin pa des ni bza' bar mi bya bar des lag par byin nas de ltar lhag bor bya'o/ /za na 'gal tshabs can du 'gyur ro/ /dge slong gang gis bdag gis deng 'di las zas gzhan mi bza'o zhes de ltar brtag par byas te zas spangs pa dang /de ltar brtag par ma byas par spyod lam las nyams pa tsam gyis zas spangs pa byas pas kyang lhag por byed du gzhug tu rung ngo / /dus su rung ba ma yin pa dang / de dang 'dres pa la ni mi bya ba nyid do//rgyu lngas lhag bor ma byas par brjod par bya ste/ mtshams kyi phyi rol du dang / mi 'thob pa'i phyogs su dang / rgyab nas dang / glo nas dang / spyod lam las nyams par byed du 'jug pas so/ /de las zlog pa lngas ni lhag bor byas par brjod par bya'o/ /gzhan yang rgyu lngas ni lhag bor ma byas par brjod par bya ste/mtshams kyi phyi rol du dang / mi 'thob pa'i phyogs su dang / lhung bzed kyi gzhi dang / thu bar dang / spyod lam las nyams par byed du 'jug pas so/ /de las bzlog pa lngas ni lhag bor byas par brjod par bya'o/ /lhag bor zhes bya ba ni lhag mar byas shing bor ba ste/lhag bor byed pa'i dge slong gis zos pa'i lhag ma bor ba ni lhag bor zhes bya'o/ /gcig gis lhag bor byas pa mang po dag gis kyang bzar rung ngo / /lhag bor byas pa'i rnam pa ji skad bstan pa de ltar ma byas pa ni lhag bor ma byas pa nyid do/ /de ltar dge slong zas spangs pa nyid dang lhag bor ma byas pa nyid kyi mtshan nyid bstan nas/da ni ltung ba rnam par gzhag pa'i mtshan nyid bstan par bya ste/ dge slong zas spangs pa nyid la na smad pa med do/ /lhag bor ma byas pa nyid la na smad pa med do/ /spangs pa nyid dang lhag bor ma byas pa nyid kyang yin la/ de dag tu 'du shes pa nyid dang yid gnyis za ba nyid la na smad pa med do//zas dus su rung ba bza' ba lnga dang bza' ba lnga'i khongs su gtogs pa gang yang rung ba la na smad pa med do/ /zos shing mgul du mid pa la na smad pa med do/ /'dir stan gcig pa'i zas kyi ltung byed ni bcas pa dang gnang ba'i dbang gis rnam par gzhag pa yin pas/dge slong zas spangs pa nyid kyis lhag bor ma byas par dus su rung ba'i zas gang yang rung ba zos na stan gcig pa'i zas kyi ltung byed du 'gyur la/ lhag bor byas te zos pa la ni ltung ba med par ston to/ /stan gcig pa'i sbyangs pa'i yon tan yang dag par blangs pa'i dge slong 'di yang dag par blangs pa las byung ba'i yi dam khyad par can yin pas des ni spangs pa nyid yin yang rung /spangs pa nyid ma yin yang rung ste/ lan cig stan gcig gi steng du byin len byas te zos zin phan chad phyis byin len byas kyang rung ma byas kyang rung / lhag bor byas kyang rung ma byas kyang rung ba'i bza' ba dang bca' ba dag bza' bar mi bya ste/zos na yi dam ral bar 'gyur ro/ /'di'i byed pa po ni zas spangs pa nyid dang lhag bor ma byas pa nyid dag la 'du shes gtso cher byed pa po nyid yin no/ /'di la yan lag lngas dngos gzhi'i ltung bar 'gyur te/zas spangs pa nyid dang / lhag bor ma byas pa nyid dang / der 'du shes pa nyid dang / dus su rung ba'i zas dang zos pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te ji srid du stan gcig pa'i zas kyi ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /zas spangs pa nyid ma yin pa dang / lhag bor byas pa nyid ma yin pa la spangs pa nyid dang / lhag bor byas pa nyid du 'du shes pa dang yid gnyis za ba la nyes byas so/ / zas brtsams pas ldang ba la nyes byas so/ /lhag bor byed pa zas zos zin cing spangs pa spyod lam las ma nyams pas lhag bor byas pa'i zas las kham gcig gam gnyis za na nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/sbyor ba nyes byas kyi sbyor ba'i sbyor ba yang nyes byas te nyes byas phra mo'o/ ltung ba med pa ni zas ma spangs pa nyid la ltung ba med do/ /lhag bor byas pa nyid la ltung ba med do/ /der 'du shes pa nyid la ltung ba med do/ /dus su rung ba'i zas ma yin pa thun tshod du rung ba dang /zhag bdun pa dang / 'tsho ba'i bar du bcang ba dang / dus kun tu rung ba la ltung ba med do/ /ma zos pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du stan gcig pa'i zas kyi ltung byed du 'gyur ba rnam pa thams cad mi bsten par bslab par bya'o//stan gcig pa'i zas bza' bar bslab par bya'o/ /zas ma spangs pas ji tsam gyis chog pa bza' bar bya'o/ /zas brtsams pa'i gnas su 'dug ste/ bca' ba lnga dang bza' ba lnga'i zas brtsams shing tha na lan tshwa tsam yan chad bza' bar bya ba gang rung ba cung zad cig byin len byas te zas brtsams pas ldang bar mi bya'o//dge slong zas zos zin cing spangs te yongs su rdzogs shing mthar thug par byas pa gang yang rung ba zhig gis bca' ba'am bza' ba rnyed cing za bar 'dod na/des lhag bor byed du bcug ste bza' bar bya'o/ /phyir bcos pa ni snga ma bzhin no/ /stan gcig pa'i zas kyi ltung byed de sum cu bzhi pa bshad zin to// //spangs pa la stobs pa'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//mnyan yod na khyim bdag cig 'dug pa des rigs mnyam pa las chung ma blangs nas de de dang lhan cig rtse bar byed dga' bar byed dga' mgur spyod par byed do/ /de rgas pa'i gnas skabs su nye du zad pa dang / nor zad pa dang / longs spyod zad par gyur nas des chung ma la smras pa/bzang mo kho bo rgas pa'i gnas skabs su nor bsgrub mi nus kyi rab tu 'byung du 'gro'o/ /rje'i sras de bzhin mdzod cig /de rgyal byed kyi tshal du song ste/ de dge slong zhig la rab tu 'byung bar gsol pa dang / des mkhan po spong ba la dgon pa na bsam gtan byed pa zhig yod pa'i gan du khrid de/legs par gsungs pa'i chos 'dul ba la rab tu byung zhing bsnyen par rdzogs par byas nas/ de dge slong de la gtad de gtang ngo / /dge slong des rgan zhugs de klog pa dang / slob tu 'jug pa na rgan zhugs de brjed ngas pas/ yang dang yang du ltung ba 'byin nas des de mdun du tsog pur 'dug tu bcug ste ltung ba 'chags su 'jug par byed do/ rgan zhugs des bsams pa/ bdag slob dpon 'dis rtag tu mdun du tsog pur 'dug tu bcug ste ltung ba 'chags su 'dzud pas bdag gis kyang 'di mdun du tsog pur 'dug tu bcug ste ltung ba 'chags su gzhug pa'i thabs ci yod snyam mo//khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas sangs rgyas la sogs pa dge slong gi dge 'dun gshegs te bcom ldan 'das kyis gdugs tshod gsol nas khyim bdag de la chos bstan par brtsams so//dge slong des rgan zhugs de khrid de sbyin bdag gi khyim du song ba dang / sbyin bdag gis de gnyis la zas bstabs nas de gnyis kyis kho bo cag zas zos zin to zhes spangs pa dang / sbyin bdag gis smras pa/ bsnoms te bzhud la lhag bor mdzod cig /de gnyis kyis byin len byas te dong nas/rgyal byed kyi tshal du phyin pa dang / dge slong de ni chu 'chag /rgan zhugs de ni lhag bor byed du bcug na/ rgan zhugs kyis rang gi skal ba ni lhag bor byas la/ dge slong de'i skal ba ni lhag bor ma byas par byas so zhes zer te zar bcug nas de'i 'og tu khyod kyis lhag bor ma byas pa'i bca' ba dang bza' ba zos kyi ltung ba shogs shig ces byas pa dang /dge slong des smras pa/ rgan zhugs kho bos ltung ba mi 'chags kyi 'di ltar khyod nyid ltung ba dang bcas par 'gyur ba gang yin pa de lta bu'i gnas yod par 'gyur ro zhes des dge slong rnams la skabs de brjod pa dang / dge slong don nyung ngu dag ci'i phyir dge slong dag shes bzhin du dge slong zas zos zin cing spangs pa la skabs tshol zhing ci nas kyang dge slong 'di nyes pa 'byung bar bya'o snyam pa de nyid rkyen du byas nas tshe dang ldan pa 'di 'cho shig 'di zo zhig ces lhag bor ma byas pa'i bca' ba dang bza' ba dus kyis stobs bar byed ces smod par byed/phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ rgan zhugs de la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang shes bzhin du dge slong zas zos zin cing spangs pa la skabs tshol zhing ci nas kyang dge slong 'di nyes pa 'byung bar bya'o snyam pa de nyid rkyen du byas nas tshe dang ldan pa 'di 'cho shig 'di zo shig ces lhag bor ma byas pa'i bca' ba dang bza' ba dus kyis stobs par byed na ltung byed do zhes bca' ba mdzad de/yul ni mnyan yod/ gang zag ni dge slong rgan zhugs/ nyon mongs pa ni nyes rtsom/ nyes pa ni shes bzhin du dge slong zas zos zin cing spangs pa la lhag bor ma byas pa'i bca' ba dang / bza' ba dus kyis stobs pa'o//de la yang dge slong gang zhes bya ba ni chos 'di pa'o/ /shes bzhin du zhes bya ba ni de rang nyid kyis rig pa'am gzhan dag gis brjod pas so/ /dge slong zhes bya ba ni chos 'di pa'o/ /zas zos zin cing spangs pa la zhes bya ba ni yongs su rdzogs shing mthar thug par byas pa la go skabs tshol zhing zhes bya ba ni klan ka tshol zhing ngo //ci nas kyang dge slong 'di nyes pa 'byung bar bya'o/ snyam pa dang zhes bya ba ni ci nas kyang dge slong 'di ltung ba dang bcas par byas par 'gyur ro snyam pa'o/ /de nyid rkyen du byas nas zhes bya ba ni gzhan ma yin pa'o/ /tshe dang ldan pa 'di 'cho shig 'di zo shig ces bya ba ni bca' ba dang bza' ba'o//lhag bor ma byas pa'i zhes bya ba ni lhag mar ma byas shing ma bor yongs su ma btang ba'i'o/ /bca' ba dang bza' ba zhes bya ba ni bca' ba lnga po dang bza' ba lnga bo dag go/ /dus kyis stobs na zhes bya ba ni yang dang yang du stobs na'o/ /ltung byed do zhes bya ba ni snga ma bzhin no//de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong shes bzhin du dge slong zas zos zin cing spangs pa lhag bor ma byas pa'i zas rung ba dus kyis stobs na spangs pa la stobs pa'i ltung byed kyi dngos gzhir 'gyur ro//dge slong yang zas zos zin cing spangs pa nyid yin la/ ltung ba 'byin pa pos kyang der 'du shes pa dang /yid gnyis za ba la na smad pa med do/ /dge slong nyid la na smad pa med do/ /lhag bor ma byas pa nyid la na smad pa med do/ /zas rung ba bza' ba lnga dang bca' ba lnga'i khongs su gtogs pa gang yang rung ba la na smad pa med do/ /dus kyis stobs pa la na smad pa med do//ngag gi rnam par rig byed kyis stobs pa la na smad pa med do/ /pha rol pos dang du blangs kyang rung ma blangs kyang rung ba la na smad pa med do/ /'di'i byed pa po ni zas spangs pa nyid dang / lhag bor ma byas pa nyid dag la 'du shes gtso cher byed pa po nyid yin no/ /'di la yan lag lngas dngos gzhi'i ltung bar 'gyur te/dge slong zas spangs pa nyid dang / lhag bor ma byas pa nyid dang / der 'du shes pa dang / dus su rung ba'i zas dang stobs pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du spangs pa la stobs pa'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /zas spangs pa nyid ma yin pa dang / lhag bor ma byas pa nyid ma yin pa la spangs pa nyid dang lhag bor ma byas pa nyid du 'du shes pa dang /yid gnyis za ba la nyes byas so/ /zas rung ba ma yin pa la nyes byas so/ /dge slong nyams pa dang ma chags pa la nyes byas so/ /dge slong ma la nyes byas so/ /phrin pa dang spring yig la sogs pas stobs pa la nyes byas so/ /sbyor ba'i sbyor ba'i ltung ba ni nyes byas phra mo ste/sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni zas ma spangs pa nyid la ltung ba med do/ /lhag por ma byas pa nyid la ltung ba med do/ /der 'du shes med pa nyid la ltung ba med do//lhag por bya mi dgos pa thun tshod du rung ba dang / zhag bdun pa dang / 'tsho ba'i bar du bcang ba dang / dus kun tu rung ba la ltung ba med do/ /ma bstabs pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do//bslab par bya ba ni dge slong gis yul thams cad la gnas skabs thams cad du spangs pa la stobs pa'i ltung byed du 'gyur ba rnam pa thams cad mi bsten par bslab par bya'o/ /nyes rtsom mi bya'o/ /klan ka mi btsal lo/ /phyir bcos pa ni snga ma bzhin no/ spangs pa la stobs pa'i ltung byed de sum cu lnga pa bshad zin to// //'dus shing za ba'i ltung byed kyi gleng gzhi ni/ bcas pa dang / gnang ba'i dbang gis rnam pa gnyis te/ bcas pa'i gleng gzhi ni sangs rgyas bcom ldan 'das rgyal po'i khab na 'od ma'i tshal bya ka lan dka'i gnas na bzhugs so/ /de'i tshe na lha sbyin dge slong rab tu mang po dag dang lhan cig kun dga' ra ba'i nang na 'dus shing zas za na dge slong don nyung ngu dag ci'i phyir dge slong dag kun dga' ra ba'i nang na 'dus shing zas za bar byed ces smod par byed/phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ lha sbyin la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar rnam par smad de/bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'dus shing za na ltung byed do zhes bca' ba mdzad de/ yul ni rgyal po'i khab/ gang zag ni lha sbyin 'khor dang bcas pa/nyon mongs pa ni mi mthun pa 'dod pa/ nyes pa ni 'dus shing za ba'o/ /gnang ba'i gleng gzhi ni sangs rgyas bcom ldan 'das rgyal po'i khab na 'od ma'i tshal ka lan dka'i gnas na bzhugs so/ /dge slong rab tu mang po na ba dag sman pa'i gan du song ste smras pa/ bzhin bzangs kho bo cag la sman ston cig /des smras pa/ 'phags pa dag zhal sus gsol cig /sus sbyin par 'gyur/ bdag gis gsol lo/ /ci dge 'dun thams cad dam/ ma lags te dge slong bsnyung ba ji snyed pa dag go/ /bzhin bzangs bcom ldan 'das kyis 'dus shing za ba la bslab pa'i gzhi bca' ba mdzad do//'phags pa dag khyed kyi ston pa thugs rje can lags pas de nyid rkyen du mdzad nas gnang bar 'gyur ba de lta bu'i gnas mchis par 'gyur ro zhes zer ba'i skabs de dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na na ba'i dus ma gtogs so//dge slong dag gis dge 'dun gyi dang mchod rten gyi las dag kyang byas nas de dag bkres pas glos phab ste nyal zhing dge ba'i phyogs la tron byed par mi nus pa na/ bram ze dang khyim bdag dad pa can dag gtsug lag khang du lhags nas de dag gis smras pa/ 'phags pa dag bstan pa la gcig pu brtson par bgyi ba lags na/ci'i slad du glos phab ste gzims shing dge ba'i phyogs la tron mi mdzad/ de dag gis smras pa/ kho bo cag bkres so/ /ci'i slad du zhal sus mi gsol/ sus sbyin par 'gyur/ bdag cag gis gsol lo/ /ci dge 'dun thams cad la gsol lam/ma lags te khyed cag kho na la gsol lo/ /bzhin bzangs dag bcom ldan 'das kyis 'dus shing za ba la bslab pa'i gzhi bca' ba mdzad do zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na las kyi dus ma gtogs so//dge slong dag 'gron pa don mthun dang lhan cig 'gron lam du 'dong ba na ci tsam na ri brags shig tu phyin nas de dag gis smras pa/ bzhin bzangs dag kho bo cag ri brags su bsod snyoms la rgyu'i bar du re zhig yud tsam zhig sdod cig /don mthun gyis smras pa/ 'phags pa dag shul 'di na chom rkun pa'i 'jigs pa mchis kyi tshur gshegs dang /bdag cag nyid kyis bsod snyoms gsol lo/ /ci gcig gis thams cad sbyin nam ma lags te/ la las bzhi la'o/ /la las lnga la'o/ /bzhin bzangs dag bcom ldan 'das kyis 'dus shing za ba la bslab pa'i gzhi bca' ba mdzad do zhes dge slong de dag gis shas cher zan bcad bar byas pa'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ de lta bas na lam gyi dus ma gtogs so/ /dge slong rab tu mang po dag 'gron pa don mthun dang lhan cig grur zhugs te ljongs rgyur 'dong ba na ri brags shig tu phyin nas de dag gis smras pa/bzhin bzangs dag kho bo cag ri brags su bsod snyoms la rgyu ba'i bar du re zhig yud tsam zhig sdod cig /don mthun gyis smras pa/ 'phags pa dag gru'i shul 'di na chom rkun pa'i 'jigs pa mchis kyi tshur gshegs dang bdag cag nyid kyis bsod snyoms gsol lo//ci gcig gis thams cad sbyin nam/ ma lags te la las bzhi la'o/ /la las lnga la'o/ /bzhin bzangs dag bcom ldan 'das kyis 'dus shing za ba la bslab pa'i gzhi bca' ba mdzad do zhes dge slong de dag gis shas cher zan bcad par byas pa'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ de lta bas na grur zhugs pa'i dus ma gtogs so/ /bcom ldan 'das kyis gtsug phud kyi dus ston dang / dus ston chen po dang /lo lnga'i dus ston bya'o zhes bka' stsal nas/ de na dge slong rnams kyi 'dus ba chen por byung bar gyur nas bram ze dang khyim bdag dad pa can dag gis dge slong rnams la smras pa/ 'phags pa dag tshur gshegs gdugs tshod gsol cig /dge slong rnams kyis smras pa/ ci dge 'dun thams cad la gsol lam/'phags pa dag bdag cag la dge 'dun thams cad gsol ba'i 'byor pa gang lags pa de lta bu ga la mchis te/ 'di ltar la las nyi shu la gsol lo/ /la las sum cu la gsol lo/ /bzhin bzangs dag bcom ldan 'das kyis 'dus shing bza' ba la bslab pa'i gzhi bca' ba mdzad do zhes zer ba'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ de lta bas na 'dus pa chen po'i dus ma gtogs so/ /gang gi tshe rgyal po gzugs can snying pos/ bden pa dag ma mthong ba de'i tshe na 'od ma'i tshal kun du 'tsho dag la phul bar gyur to//gang gi tshe bden pa dag mthong ba de'i tshe na 'od ma'i tshal kun du 'tsho dag las phrogs te bcom ldan 'das kyi nyan thos kyi dge 'dun la phul lo/ /rgyal po gzugs can snying po'i zhang po kun tu 'tsho dag gi nang du rab tu byung nas rgyal pos smras pa/'phags pa dag 'di bdag gi zhang po lags kyi ji srid du 'gyur ba bsten par mi bgyid kyi bar du 'di gcig pu gzhag tu gsol/ /gang gi tshe 'gyur ba bsten par 'gyur ba de'i tshe/ bdag gis 'di yang bskrad par bgyi'o zhes rgyal po gzugs can snying pos kun du 'tsho de la kha zas kyi mkho ba stobs par byed do//dge slong dag nam gyi cha stod dang nam gyi cha smad la mi nyal bar sbyor ba'i rjes su brtson par gnas pa de dag kun du 'tsho des mthong nas de shin tu dad pa skyes te/ des dge slong rnams la smras pa/ bdag gis kyang dge slong rnams kyi gdugs tshod bgyi'o/ /de ltar gyis shig /ci dge 'dun thams cad kyi byed dam/ ma lags te/ bdag gis rgyal pos zhal zas kyi mkho ba stobs par bgyid pa ltar bdag la dge 'dun thams cad kyi gdugs tshod bgyid pa'i 'byor ba dag gang lags pa de lta bu ma mchis te/ 'di ltar dge slong nyi shu'am/ nyi shu rtsa lnga'i gdugs tshod bgyi'o//dge slong rnams kyis smras pa/ bcom ldan 'das kyis 'dus shing za ba la bslab pa'i gzhi bca' ba mdzad do zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge sbyong gi zas kyi dus ma gtogs so//de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'dus shing za na dus ma gtogs te ltung byed do/ /de la dus ni 'di yin te/na ba dus so/ /las dus so/ /lam dus so/ /grur zhugs pa dang / 'dus pa chen po dang / dge sbyong gi zas dus te/ de la de ni dus yin no zhes gnang ba mdzad de/ yul ni rgyal po'i khab/ gang zag ni chos 'di pa'i dge slong rab tu mang po dag /nyon mongs pa dang nyes pa ni med do//de la 'dus shing za na zhes bya ba ni mi mthun par za na'o/ /dus ma gtogs te zhes bya ba ni dus bzhag ste'o/ /ltung byed do zhes bya ba ni snga ma bzhin no/ /de la dus ni 'di yin te/ na ba dus so zhes bya ba ni 'di lta ste/ dge slong na ba zas gcig gis 'tsho bar mi nus pa'o//las dus so zhes bya ba ni 'di lta ste/ dge slong gis dge 'dun gyi 'am/ mchod rten gyi las tha na phyag dar re lde tsam mam/ dkyil 'khor ba mal tsam byas pa'o/ /lam dus so zhes bya ba ni 'di lta ste/ dge slong dpag tshad phyed du song ba'am de'i phyed du song ste phyir 'ongs pa'o/ / grur zhugs pa dus so zhes bya ba ni 'di lta ste/ dge slong grur zhugs te dpag tshad phyed du song ba'am de'i phyed du/ song ste phyir 'ongs pa'o/ /'dus pa chen po dus so zhes bya ba ni spags pa'o/ /dge sbyong gi zas dus te zhes bya ba ni 'di las phyi rol pa'i rab tu byung ba dag 'khod na de yang dge sbyong zhes bya ba'i grangs su 'gro'o//de la de ni dus yin no zhes bya ba ni bslab pa'i gzhi bca' ba mdzad pa de la de ni gnang ba dang mthun pa'i chos yin pa'o/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang /bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong na ba ma yin pa dang / las ma byas pa dang / lam du ma song ba dang / grur ma zhugs pa dang so sor nges pa'i zas kyi gnas can dag las gzhan pa dge 'dun du longs pa'i dge slong cig car du za bas mtshams kyi nang du dge 'dun gzhi'i 'dug gnas su za ba las logs shig tu 'dug ste dus ston chen po ma yin pa dang /dge slong gi zas ma yin pa zas gang yang rung ba chung zad kyis gzhi'i 'dug gnas su za ba'am 'dus te za ba gang yang rung ba cig la ma bsrul bar der 'du shes pas dus su rung ba'i zas zos na 'dus shing za ba'i ltung byed kyi dngos gzhir 'gyur ro//dge slong na ba ma yin pa dang / las ma byas pa dang / lam du ma song ba dang / grur ma zhugs pa nyid la na smad ba med do/ /na ba'i tshad ni dge slong na ba zas gcig gis 'tsho bar mi nus pa'o//las kyi tshad ni dge slong gis dge 'dun gyi 'am mchod rten gyi las tha na phyag dar re lde tsam mam/ dkyil 'khor ba mal tsam byas pa'o/ /lam gyi tshad ni dge slong dpag tshad phyed du song ba'am de'i phyed du song ste phyir 'ongs pa'o/ /grur zhugs pa'i tshad ni dge slong grur zhugs te dpag tshad phyed du song ba'am de'i phyed du song ste phyir 'ongs pa'o//dge slong na ba ma yin pa dang / las ma byas pa dang / lam du ma song ba dang / grur ma zhugs pa de dag so sor nges pa'i zas kyi gnas can dag las gzhan pa nyid la na smad pa med do/ /so sor nges pa'i zas kyi gnas can dag ces bya ba ni gnas gang na zas tha dad pa nyid du nges pa de ni/so sor nges pa'i zas so/ /dge slong gang dag la gnas de yod pa de dag ni so sor nges pa'i zas kyi gnas can dag ces bya'o/ /de yang mtshams gcig gi nang na dge 'dun gyi zas kyi 'du ba'i sgo tha dad pa nyid kyis zan lhan cig ma yin pa nyid dang /sbyin bdag gcig nyid yin kyang zas kyi gnas so sor nges par byas pas zan lhan cig ma yin pa nyid dang / sbyin bdag tha dad pas zas kyi gnas so sor nges par byas pas zan lhan cig ma yin pa dag ni so sor nges pa'i zas kyi gnas can dag ces bya ste/de dag la ltung ba 'di rnam par mi gzhag pas de dag las gzhan pa zhes smod de/ de dag las bzlog pa mtshams kyi nang na dge 'dun gyi zas kyi 'du ba'i sgo yang tha mi dad la/ zan yang lhan cig nyid du nges par byas pa las zan lhan cig byas pa ma yin pa nyid du za ba dang / sbyin bdag kyang gcig nyid yin la des zas kyi gnas kyang gcig pa nyid du nges par byas pa las zan lhan cig ma yin pa nyid du za ba dang / sbyin bdag tha dad pa yin du zin kyang zan de dag gi zas dang zas kyi gnas gcig pa nyid dus nges par byas pa las zan lhan cig ma yin pa de nyid du za ba dag la ltung ba 'di rnam par gzhag go//so sor nges pa'i zas kyi gnas can dag las gzhan pa de yang dge 'dun du longs pa'i dge slong cig car du za ba la na smad pa med do/ /dge 'dun du ma longs pa dang / dge slong ma yin pa dang / dus gcig tu cig car mi za ba la ltung ba 'di rnam par mi gzhag pas dge 'dun du longs pa'i dge slong cig car du za ba zhes smos te/de la ltung ba 'di rnam par gzhag go/ /mtshams gcig gi nang du 'dus shing za ba lan smad pa med do/ /dge 'dun gzhi'i 'dug gnas su za ba las logs shig tu 'dug ste za ba la na smad pa med do//dus ston chen po dang dge sbyong gi zas ma yin pa'i zas la na smad pa med do/ /dus ston chen po zhes bya ba ni gtsug phud kyi dus ston dang / dus ston chen po dang / lo lnga'i dus ston lta bu'i tshe mtshams kyi nang du dge 'dun la dus ston chen po byung ba na dge slong gi dge 'dun du longs pa dag gis rang rang gi skal ba spags te mnos nas mtshams kyi nang gi skyed mos tshal la sogs pa dag tu khyer te dge 'dun gzhi'i 'dug gnas su za ba las logs shig tu 'dus te tshoms so so tha dad par za ba la ltung ba 'di rnam par ma bzhag pas dus ston chen po ma yin pa zhes smos te/dus ston chen po de lta bu ma yin pa'i zas la ltung ba 'di rnam par gzhag go/ /dge sbyong gi zas zhes bya ba ni dge 'dun gyi mtshams kyi nang na rgyal po gzugs can snying po'i zhang po kun du 'tsho dag gi nang du rab tu byung ba 'di las phyi rol pa'i rab tu byung ba'i dge sbyong 'dug pas dge 'dun gzhi'i 'dug gnas su za ba las logs shig tu dge sbyong nyi shu 'am nyi shu rtsa lnga'i tshogs kyi zan sbyar ba lta bu la ltung ba 'di rnam par mi gzhag pas dge sbyong gi zas ma yin pa zhes smos te/dge sbyong gi zas de lta bu ma yin pa zas gzhan la ltung ba 'di rnam par gzhag go//zas gang yang rung ba chung zad kyis gzhi'i 'dug gnas su za ba'am 'dus shing za ba gang yang rung ba cig la ma bsrul bar 'dus shing za ba la na smad pa med do/ /zas brims pa tha na lan tshwa tshums gang ngam/ ldam ldum srang gcig tsam yan chad gang yang rung ba dge 'dun gzhi'i 'dug gnas su za ba la 'dus shing za bas phul yang rung /'dus shing za ba la dge 'dun gzhi'i 'dug gnas su za bas phul yang rung ste/ de'i tshe na zan gcig pa nyid yin pas de la ltung ba 'di rnam par mi gzhag pas gang yang rung ba chung zad kyis gzhi'i 'dug gnas su za ba'am 'dus shing za ba gang yang rung ba cig la ma bsrul ba zhes bya ba smos te/de ltar ma bsrul bar 'dus shing za ba la ltung ba 'di rnam par gzhag go/ /mtshams kyi nang nyid la der 'du shes pa dang yid gnyis za ba la na smad pa med do/ /zan lhan cig ma yin pa nyid la der 'du shes pa dang /yid gnyis za ba la na smad pa med do/ /dus su rung ba'i zas bza' ba lnga dang bca' ba lnga'i khongs su gtogs pa gang yang rung ba zos pa la na smad pa med do/ /ltung ba 'di gnas dang gang zag las rnam par gzhag pa ni dge 'dun gyi mtshams gcig gi nang na zas kyi bkad sa gzhi'i 'dug gnas gcig dang khang khyim dag yod cing dge 'dun gyi bkang sa lan 'ga' ni gzhi'i 'dug gnas su byed/lan 'ga' ni khang khyim dag tu byed la/ de gnyis gang du byed kyang der dge 'dun zan lhan cig pa dag 'ong bar bya ba nyid yin pa las de na gal te gzhi'i 'dug gnas su bkad sa byed pa'i tshe na khang khyim dag tu 'dus shing za ba la ltung ba 'di rnam par gzhag go//gal te khang khyim dag tu bkad sa byed pa'i tshe na gzhi'i 'dug gnas su 'dus shing za ba la ltung ba 'di rnam par gzhag go/ /de'i phyir de gnyis las dge 'dun gzhi por gyur pa gang yin pa des zan gyi dus su dge slong 'dus shing za ba dag 'dir 'ongs sam zhes dri bar bya ste/ma dris par za na nyes byas so/ /'dus shing za ba gang yin pa des kyang zan gyi dus su dge 'dun gzhi po dag 'dir 'ongs sam zhes dri bar bya ste/ ma dris par za na ltung byed du 'gyur ro/ /'dus shing za ba'i ltung byed kyi rgyu ni zan lhan cig ma yin pa nyid yin te/de yang mtshams gcig gi nang na dge 'dun gyi zas kyi 'du ba'i sgo tha dad pa nyid kyis zan lhan cig ma yin pa nyid dang / sbyin bdag gcig nyid yin yang des zas kyi gnas so sor nges par byas pas zan lhan cig ma yin pa nyid dang / sbyin bdag tha dad pas zas kyi gnas so sor nges par byas pas zan lhan cig ma yin pa nyid dag ni ltung ba'i rgyu yin pas de dag la ni ltung ba 'di rnam par mi gzhag go/ /de dag las bzlog pa mtshams kyi nang na dge 'dun gyi zas kyi 'du ba'i sgo yang tha mi dad la/ zan yang lhan cig nyid du nges par byas pa las zan lhan cig ma yin pa nyid du za ba dang /sbyin bdag kyang gcig nyid yin la/ des zas kyi gnas kyang gcig pa nyid du nges par bya ba las zan lhan cig ma yin pa nyid du za ba dang / sbyin bdag tha dad pa yin du zin yang de dag gis zas dang zas kyi gnas gcig pa nyid du nges par byas pa las zan lhan cig ma yin pa nyid du za ba dag ni ltung ba'i rgyu yin pas de dag la ltung ba 'di rnam par gzhag go//'di'i byed pa po ni so sor nges pa'i zas kyi gnas can dag las gzhan pa'i dge slong gi dge 'dun du gyur pa mtshams kyi nang na gnas pa dag gi zan lhan cig ma yin pa nyid la 'du shes gtso cher byed pa po nyid yin no//'di la yan lag bcus dngos gzhi'i ltung bar 'gyur te/ dge slong na ba'am las byas pa 'am lam du song ba'am grur zhugs pa ma yin pa nyid dang / so sor nges pa'i zas kyi gnas can dag las gzhan pa nyid dang / dge 'dun du longs pa'i dge slong cig car za ba dang /mtshams kyi nang nyid dang / dge 'dun gzhi'i 'dug gnas su za ba las logs shig tu 'dus pa dang / dus ston chen po ma yin pa dang / dge sbyong gi zas ma yin pa dang / zas gang yang rung ba chung zad kyis gzhi'i 'dug gnas su za ba'am 'dus shing za ba gang yang rung ba zhig la ma bsrul ba dang /der 'du shes pa dang / dus su rung ba'i zas zos pa'o/ /de dag las yan lag ma tshang na ci rigs pa na smad do/ /sbyor ba'i ltung ba ni nyes byas te/ ji srid du 'dus shing za ba'i ltung byed kyi sbyor ba brtsams nas dngos gzhi la ma thug gi bar du nyes byas so/ / dngos gzhi la sbyong ba tha dad pa ji snyed brtsams pa re re la nyes byas re re'o/ /dge slong nyams pa dang ma chags pa dag la nyes bya so/ /mtshams kyi nang ma yin pa nyid la mtshams kyi nang nyid du 'du shes pa dang / yid gnyis za ba la nyes byas so/ /zas lhan cig pa nyid la lhan cig ma yin pa nyid du 'du shes pa dang yid gnyis za ba la nyes byas so//dge 'dun gzhi por gyur ba dang 'dus shing za ba gnyis kas zan gyi dus su dge slong ma lhags pa dag 'dir 'ongs sam zhes dri bar bya ste/ ma dris par za na nyes byas so/ /sbyor ba'i sbyor ba'i ltung ba nyid ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de//sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni dge slong na ba dang las byas pa dang lam du song ba dang / grur zhugs pa la ltung ba med do/ /dge slong so sor nges ba'i zas kyi gnas can dag la ltung ba med do/ /dge 'dun du ma longs pa dang /gsum za zhing gcig las byas pa dang / gsum bsnyen par rdzogs shing gcig bsnyen par ma rdzogs pa la ltung ba med do/ /dge slong gi dge 'dun gzhi'i 'dug gnas su za ba las logs shig tu 'dus pa dag cig car du mi za ba la ltung ba med do/ /mtshams kyi phyi rol du ltung ba med do//dge 'dun gzhi'i 'dug gnas su za ba las logs shig tu ma 'dus pa la ltung ba med do/ /'dus pa chen po la ltung ba med do/ /dge sbyong gi zas la ltung ba med do/ /zas 'brim ba tha na lan tshwa tshums gang ngam ldam ldum srang gcig tsam yan chad zas gang yang rung ba cung zad kyis gzhi'i 'dug gnas su za ba'am 'dus shing za ba gang yang rung ba zhig la bsrul zhing phul ba la ltung ba med do//der shes pa la ltung ba med do/ /dus su rung ba'i zas las gzhan pa thun tshod du rung ba la sogs pa dang zas rung ba ma yin pa la ltung ba med do/ /ma zos shing mgul du ma mid pa la ltung ba med do//las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du 'dus shing za ba'i ltung byed du 'gyur ba rnam pa thams cad mi bsten par bslab par bya'o//dge 'dun gzhi por gyur pa dang 'dus shing za ba gang yin pas kyang zan gyi dus su phan tshun nas de dag 'dir 'ongs sam zhes dri bar bya'o/ /dge slong 'gro bar chas pa dang / glo bur du 'ongs pa dang nad pa dang nad g.yog dang las su bskos pa las gzhan pas ji srid du tshangs pa mtshungs par spyod pa dge slong ngam dge slong ma der gtogs pa thams cad kyis zan ma brtsams kyi bar du g.yos mal dang spyi bungs las rang gi skal ba mnos te bza' bar mi bya'o//dge slong gnyis sam gsum zhig mgron du bos na der yang g.yos mal dang spyi bungs nas mnos te bza' bar mi bya'o//gtsug lag khang na dge slong gcig pu zhig gnas na des kyang zan nar ma bkad sa las gzhan du bza' bar mi bya'o/ /dge slong gcig pu zhig mgron du bos par gyur na des kyang sbyin bdag gis bskos pa ma gtogs pa g.yos mal dang spyi bungs la mnos te bza' bar mi bya'o//mgron du bos par 'gro mi nus pa'i rkyen byung na yon bdag gis spangs pa ma gtogs par tshus zan mnod par mi bya'o/ /dge slong dang dge slong ma ni lhan cig bkad sa gcig tu zan bzar yang rung ngo / /phyir bcos pa ni snga ma bzhin no/ /'dus shing za ba'i ltung byed de sum cu drug pa bshad zin to// //so sor thar pa'i mdo rgya cher 'grel pa 'dul ba kun las btus pa/ bam po nying shu brgyad pa/ dus ma yin par za ba'i ltung byed kyi gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa maud gal gyi bu chen pos nye ba 'khor la sogs pa sar pa skyes phran gzhon nu bcu bdun sde'i tshogs rab tu byung zhing bsnyen par rdzogs par byed de/de'i tshe na de dag snga dro sham thabs bgos/ lhung bzed dang chos gos thogs te/ mnyan yod du bsod snyoms la zhugs so/ /bud med ni sred pa spyad pa yin pas bud med kyis de dag mthong nas brang brdungs te smras pa/'di dag skyes pa gang dag gis 'di dag skyes ma thag gi kha lan tshwas 'gengs par ma nus pa dang / brla phrag tu khron pa bcug ste/ 'brang bar mi nus pa de dag gis ci thob/ bcu bdun sde dag nyam nga bar gyur nas smras pa/bdag cag gis zan bcad par gyur pa ni bla'i/ tshig ngan pa 'di lta bu dag thos par gyur pa ni mi rung ngo zhes de dag de nyid nas phyir log ste/ zan bcad pa byas nas/ de dag gis ji srid du lus las mdangs ma yal ba de srid du dge ba'i phyogs la tron byas nas gang gi tshe lus las mdangs yal ba de'i tshe na glos phab ste nyal lo//grong khyer bskyed mos tshal la dga' ba dag bza' ba dang btung ba dag khyer te mnyan yod kyi phyi rol rgyal byed kyi tshal du dong nas 'cha' bar byed/ za bar byed 'thung bar byed pa na bcu bdun sde dag gis de dag mthong nas lto ba la nyug par byed pa na/de dag gis smras pa/ 'phags pa dag gsol bzhed dam/ 'dod do// de dag gis bcu bdun sde dag la bza' ba dang btung ba byin pa dang / de dag gis longs spyad nas zung du bsdebs te 'chag cing kha ton bya bar brtsams pa dang / nye dgas de dag kha ton byed pa mthong nas smras pa/ kye ma'o bcu bdun sde dag gis shin tu brtson 'grus brtsams so/ /btsun pa nye dga' bcom ldan 'das kyis bden chos mngon par rjod par byed do/ /sbyin pa po dang sbyin bdag gis len pa po la zas byin na gnas lnga sbyin par byed de/ tshe sbyin pa dang / kha dog sbyin pa dang / stobs sbyin pa dang /spobs pa sbyin pa dang / brtson 'grus sbyin pa ni bde bar 'gyur ro zhes bka' stsal pa ni legs par gsungs pa yin te/ zos na spobs pa dang ldan par 'gyur gyi ma zos na mi 'gyur ro/ /khyod kyi sa zos sam/ zos so/ /khyed dus ma yin par zar rung ngam/ gal te dus su ma rnyed na kho bo cag gis ltogs te 'chi bar bya 'am ci zhes zer nas/dge slong don nyung ngu dag ci'i phyir dge slong dag dus ma yin par bca' ba dang za bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ bcu bdun sde dag la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa/de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dus ma yin par bca' ba 'am bza' ba 'cha' 'am za na ltung byed do zhes bca' ba mdzad de/yul ni mnyan yod/ gang zag ni bcu bdun sde/ nyon mongs pa ni sbyor mi bzod pa/ nyes pa ni dus ma yin par za ba'o/ /de la yang dge slong gang zhes bya ba ni bcu bdun sde 'am gzhan yang de lta bu gang yin pa'o/ /dus ma yin par zhes bya ba ni dus ma yin pa gnyis te/skye rengs ma shar ba dang / byed yol bar ro/ /bca' ba 'am bza' ba zhes bya ba ni bca' ba lnga po dang bza' ba lnga po dag go/ /'cha' 'am zan zhes bya ba ni mgul du mid na'o/ /ltung byed do zhes bya ba ni snga ma bzhin no/ /de la ltung bar ji ltar 'gyur zhe na 'dir yang dngos gzhi dang /sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong mi na bas 'dzam bu'i gling la sogs pa gnas gang na bdag nyid gnas pa'i rang gi nyi ma phyed yol phan chad nas phyi de nyin par gyi skya rengs dang po ma shar bar shes bzhin du bca' ba dang bza' ba 'chos sam zos na dus ma yin par za ba'i ltung byed kyi dngos gzhir 'gyur ro//dge slong mi na ba la na smad pa med do//'dzam bu'i gling la sogs pa gnas gang na dge slong bdag nyid gnas pa'i rang gi nyi ma phyed yol phan chad nas phyi de nyin par skya rengs dang po ma shar tshun chad ni dge slong gi zas kyi dus ma yin pas de'i bar gyi dus thams cad la na smad pa med do/ /'dzam bu'i gling la sogs pa'i gling bzhi gang na gnas kyang rang gi dus ma yin pa la na smad pa med do//mtho ris dang ngan song dag tu ni 'du shes kyis rnam par gzhag pa la na smad pa med do/ /rang gi dus ma yin pa la der 'du shes pa dang yid gnyis za ba la na smad pa med do/ /dus su rung ba'i zas bca' ba lnga dang bza' ba lnga'i khongs su gtogs pa gang yang rung ba la na smad pa med do//zos shing mid pa la na smad pa med do/ /'di'i byed pa po ni dus ma yin pa de nyid la 'du shes gtso cher byed pa po nyid yin no/ /'di la yan lag lngas dngos gzhi'i ltung bar 'gyur te/ dge slong min pa dang /dus ma yin pa nyid dang / der 'du shes pa dang / dus su rung ba'i zas zos pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du dus ma yin par za ba'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /dus la dus ma yin par 'du shes pa dang / yid gnyis za ba la nyes byas so/ /zas rung ba ma yin pa nyid la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni dge slong na ba la ltung ba med do/ /dus nyid du ltung ba med do/ /der 'du shes med pa la ltung ba med do/ /dus su rung ba'i zas las gzhan pa dus ma yin par rung ba 'bras bu lnga dang bu ram dang sbrang rtsi dang khar dang btung ba dang thun tshod du rung ba la sogs pa la ltung ba med do//ma zos shing mgul du ma mid pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du dus ma yin par za ba'i ltung byed du 'gyur ba rnam pa thams cad mi bsten par bslab par bya'o//dge slong na bas sman pas bstan pa'i zas rung ba bsten par bya'o/ /phyir bcos pa ni snga ma bzhin no/ /dus ma yin par za ba'i ltung byed de sum cu bdun pa bshad zin to// //gsog 'jog gi ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa nag po'i kun du spyod pa ni grong ngam/ grong rdal gang na nye bar brten cing gnas pa na de snga dro sham thabs bgos/lhung bzed dang chos gos thogs te/ grong ngam grong rdal de nyid du lus shin tu bsrungs pa dang / dbang po rnams kyis shin tu bsrungs pa dang / dran pa shin tu nye bar gzhag pas bsod snyoms la 'jug cing gal te 'bras chan gsher rnyed na ni lhung bzed kyis len par byed/gal te 'bras chan skam po rnyed na ni lhung bzed kyi snod kyis len par byed de/ de grong ngam grong rdal der bsod snyoms brgyus nas gtsug lag khang du song ste/ 'bras chan gsher ba ni za bar byed/ 'bras chan skam po ni bskams nas rdza ma so btang ba bkang ste 'jog par byed cing /de rlung ldang ba 'am yul ngan byung ba 'am char pa 'bab pa 'am lhags pa 'byung ba gang dag byung bar gyur pa na 'bras chan skam po chu dron mos spangs te zos nas bsam gtan dang / rnam par thar pa dang / ting nge 'dzin la snyoms par 'jug pa'i bde ba dag nyams su myong bar byed do//de nas bcom ldan 'das dge slong gi tshogs kyis yongs su bskor zhing dge slong gi dge 'dun gyis mdun du bdar te gtsug lag khang du rgyu zhing gshegs pa na tshe dang ldan pa nag po'i gtsug lag khang ga la ba der gshegs so/ /de'i tshe na tshe dang ldan pa nag po'i gtsug lag khang du 'bras chan skam po rab tu mang po dag bting zhing 'dug pa bcom ldan 'das kyis gzigs nas/tshe dang ldan pa kun dga' bo la rmas pa dang / tshe dang ldan pa kun dga' bos rgyas par gsol to/ /bcom ldan 'das kyis bka' stsal pa/ kun dga' bo dge slong dag gsog 'jog byas pa za 'am/ btsun pa 'tshal lo/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ tshe dang ldan pa nag po la rmas nas/ mi brtson pa dang / mi sbyor ba dang / ma brtags par spyod pa rnam par smad pa mdzad de/ brtson pa dang / sbyor ba dang / brtags te spyod pa'i bsngags pa brjod nas bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang bca' ba dang bza' ba gsog 'jog byas pa 'cha' 'am za na ltung byed do zhes bca' ba mdzad do/yul ni mnyan yod/ gang zag ni tshe dang ldan pa nag po/ nyon mongs pa ni bag chags ma byang bas so sor ma brtags pa/ nyes pa ni zas gsog 'jog byas pa za ba'o/ /de la yang dge slong gang zhes bya ba ni tshe dang ldan pa nag po'am gzhan yang de lta bu gang yin pa'o//bca' ba dang bza' ba zhes bya ba ni bca' ba lnga po dang bza' ba lnga po dag go/ /gsog 'jog byas pa zhes bya ba ni gsog 'jog byas pa rnam pa gnyis te/ snga dro byin len byas pa phyi dro'i bar du gsog 'jog byas pa dang / phyi dro byin len byas pa thun tshod las yol bar gsog 'jog byas pa'o/ 'cha' 'am za na zhes bya ba ni mgul du mid na'o/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /sngar gsog 'jog gi spang ba'i ltung byed bsten pa dang /gsog 'jog gi ltung byed 'di'i mtshan nyid gzhan thams cad ni 'dra'o/ /khyad par du ni snga ma ni sman zhag bdun par byin gyis brlabs pa bza' ba'i phyir 'chang ba skya rengs brgyad pa shar te gsog 'jog tu gyur pa la spang ba'i ltung byed du rnam par gzhag go//'di'i dus su rung ba'i zas bca' ba lnga dang bza' ba lnga gsog 'jog tu gyur pa zos pa la ltung byed 'ba' zhig tu rnam par gzhag go/ /de la 'dir dngos gzhi'i ltung ba rnam par gzhag pa ni dge slong gis dus su rung ba'i zas bca' ba lnga dang bza' ba lnga las gang yang rung ba byin len byas pa ma zhig par bza' ba'i phyir 'chang ba phyed yol las 'das nas gsog 'jog tu gyur pa la der 'du shes pas zos na gsog 'jog gi ltung byed kyi dngos gzhir 'gyur ro//dus su rung ba'i zas byin len byas pa ni byin len ma zhig par bza' ba'i phyir 'chang na phyed yol na gsog 'jog tu gyur pas dus su rung ba'i zas kyang gsog 'jog byas pa yin la dge slong gis kyang der 'du shes pa dang yid gnyis za bas de zos pa la na smad pa med do//dus su rung ba'i zas ni snga dro ba'i zas bca' ba lnga dang bza' ba lnga'i khongs su gtogs pa nad pa dang nad pa ma yin pa thams cad kyis rang gi gung tshigs kyi dus tshun chad du bye brag med par bsten par bya ba gang yin pa'o//de gsog 'jog tu gyur pa ni dus su rung ba'i zas kyi dus ni skya rengs shar ba nas brtsams nas gung tshigs kyi skad cig ma'i bar de/ dus der dus su rung ba'i zas byin lan byas pa byin len de nyid ma zhig par phyi dro'i dus su gung tshigs las yol bar thal ba ni gsog 'jog byas pa yin te/byin len de zhig na ni gsog 'jog byas par mi 'gyur ro/ /'di'i byed pa po ni dus su rung ba'i zas gsog 'jog tu gyur pa de nyid la 'du shes gtso cher byed pa bo nyid yin no//'di la yan lag bzhis dngos gzhi'i ltung bar 'gyur te/ dus su rung ba'i zas dang / gsog 'jog tu gyur pa dang / der 'du shes pa dang / zos pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du gsog 'jog gi ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /thun tshod du rung ba'i btung ba byin len byas pa ma zhig par btung ba'i phyir 'chang na thun tshod las 'das na gsog 'jog tu 'gyur bas de 'thungs pa la nyes byas so//thun tshod du rung ba'i btung ba ni shing thog tso tsa dang / chu shing gi 'bras bu dang / rgya shug dang / a shwad tha dang / u dum bA ra dang / rtsub 'gyur dang / rgun chu dang / 'bra go'i btung ba rnam pa brgyad dang / bcos pa'i chang dang / 'bru'i chang dang / zhog chu dang / dar ba'i dongs ma dang / rtsab mo chus btab pa tshags kyis btsags pa shin tu sla ba bzhin snang ba 'dam bu'i nyag ma'i mdog lta bu rnam pa lnga dang / bal po se'u dang / ma du lung ga dang / rtsa ba dang /sdong bu dang / 'dab ma dang / me tog dang 'bras bu zas kyi don du khyab par byed pa dag las sbyor ba'i btung ba shin tu sla ba dag dang /bu ram shing la sogs pa'i ro dang phye ma chang gi rlangs pa'i dris bsgos pa dang sbyar ba'i btung ba dag dang / sman rtsabs rtsa ba dang / sdong bu dang / 'dab ma dang / me tog dang / 'bras bu'i sman chus spangs shing bskus pa'i khu ba skyur bag can shin tu sla ba dag yin te/btung ba de dag kyang khyim pa'am dge tshul gyis sbyar cing btsags la phyi dro'i btung ba nyid du ma gyur gyi bar du bsnyen par rdzogs pa mtshan mthun pas ma reg par byas te/ gang gi tshe rung ba nyid du gyur pa de'i tshe byin len byas pa nad pas thun tshod du rung ba nyid du byin gyis ma brlabs pas ni dus dang dus ma yin par yang na ba ma yin pa thams cad kyis kyang btung du rung ba nyid yin no//de dag byin len byas pa nad pas thun tshod du rung bar byin gyis brlabs pa ni nad pa 'ba' zhig gis btung la tha na thun tshod du rung ba zhes bya'o/ /btung ba de dag gal te dus su rung ba'i rdzas las sbyor na ni bsnyen par ma rdzogs pas sbyar zhing btsags te/chu grang mos btab la byin len bstabs par bya'o/ /gal te dus ma yin par rung ba'i rdzas las sbyar na ni bsnyen par rdzogs pas kyang rdzas de nyid byin len byas te sbyar te btsags la gang gi tshe mthun pa'i tshe na chu grang mos gdab pa'i bstabs pa dang byin len stobs su bcug nas btung du yang rung ngo //dus su rung ba'i rdzas las sbyar ba'i btung ba de ni btung ba'i mtha' yang thun tshod gcig gi mtha' tshun chad du btung bar bya ba yin gyi/ de las ring du bzhag na zas kyi 'gyur ba bsten pas gal te ska ba la sogs par gyur na gsog 'jog gi nyes pa bsten par yang 'gyur ro//dus ma yin par rung ba'i rdzas las sbyor ba'i btung ba ni rdzas de'i bza' ba'i dus kyi mtha' zhag bdun pa'am/ 'tsho ba'i bar du bcang ba gang yin pa de srid du btung ba de yang gzhag cing btung du rung ngo //de la yang thun tshod du rung bar byin gyis ma brlabs pa'i dbang du mdzad de gsungs pa yin gyi thun tshod du rung bar byin gyis brlabs pa ni rang gi tshogs ji lta ba bzhin du bya'o/ /thun tshod du rung ba'i ltung ba byin gyis brlabs pa'i chog dang / sngags ni 'di yin te/ thun tshod du rung ba'i rgyu ba'i rdzas de dag gang zag bsnyen par ma rdzogs pa mkhas pa gang yang rung ba'i sa gzhir sbyar cing btsags nas bza' bar bya ba rung ba ma yin pa lag nyar blangs pa dang /nang du btsos pa dang / nang du zhag lon pa dang / dge slong gis btsos pa la sogs pa dang ma 'dres par byas la/dge slong nad pas kyang snga dro lag pa bsnyal te byin len byas la/ de dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na gnas pa cig gi mdun du tsog phur 'dug ste/ gnyi gas lhung bzed dam skom snod lag mthil g.yon par bzhag ste/g.yas pas steng nas bkab nas nad pas 'di skad ces brjod par bya'o/ /tshe dang ldan pa dgongs su gsol/ bdag dge slong ming 'di zhes bgyi ba'i sman thun tshod du rung ba 'di dag bdag dang tshangs pa mtshungs par spyod pa rnams kyis bgyi bar thun tshod du rung bar byin gyis brlab po//lan gsum du bzlas/ de'i rjes la nyan pas thabs yin no zhes brjod par bya'o/ /nad pas legs so zhes brjod par bya'o/ /de phyin chad nyi ma phyed yol nas de nyid kyi mtshan mo'i thun tshod dang po'i mtha'i bar du byin len ma zhig par byas te/ rang gis bsten cing btung bar bya'o//mtshan mo'i thun tshod dang po mtha'i tshud chad du 'thungs zin cing lhag ma med na der zad/ yod na yang btung ba'i phyir 'chang na thun tshod dang po las 'das na gsog 'jog tu 'gyur zhing de 'thungs na nyes byas so/ /dge slong mi na bas ni thun tshod du rung ba'i btung ba byin gyis brlab tu yang mi rung la/gzhan gyis byin gyis brlabs pa btung du yang mi rung ngo / /dge slong na ba ma yin pas thun tshod du rung bar byin gyis ma brlabs pa dus dang dus ma yin par na ba dang / na ba ma yin pas kyang btung du rung ba de dag las gang yang rung ba gal te byin len byas pa ma zhig par btung ba'i phyir 'chang na thun tshod las 'das na de yang gsog 'jog tu 'gyur zhing de 'thungs na yang nyes byas so//sman zhag bdun par byin gyis brlabs pa bza' ba'i phyir 'chang na skya rengs brgyad pa shar te gsog 'jog tu 'gyur ba de zos pa yang skabs 'di'i nyes byas te/ sman zhag bdun pa ni zhun mar dang / 'bru mar dang /sbrang rtsi dang / bu ram dang / bu ram gyi dbu ba dag go/ /zhun mar zhes bya ba ni mar bzhus pa ste/ bdud rtsi yang de'i khongs su gtogs pa'o/ /'bru mar zhes bya ba ni 'bru mar nyid do/ /zhag rnam pa lnga po nya'i zhag dang / ri bong gi zhag dang / chu srin byis pa gsod kyi zhag dang /dom gyi zhag dang / phag gi zhag dus su bskol/ dus su btsags/ dus su byin len byas/ dus su byin gyis brlabs pa de dag kyang 'di'i khongs su gtogs so/ /sbrang rtsi zhes bya ba ni sbrang bu'i sbrang rtsi'o/ /bu ram dang bu ram gyi dbu ba zhes bya ba ni bu ram nyid de/ hwags dang /li kha ra la sogs pa yang 'di'i khongs su gtogs so/ /sman zhag bdun pa byin len byas pa dang / byin gyis brlabs pa de dag ni dge slong nad pas zhag bdun gyi mtha'i dus tshun chad du rang gis byin len byas shing byin gyis brlabs te bsten par bya ba nyid yin gyi mi na bas na byin gyis brlab tu yang mi rung la/gzhan gyis byin gyis brlabs pa dag bzar yang mi rung ngo / /sos pa nyid na de dag nad pa'i phyir slong na sbyin no/ /slong ba med na dge 'dun gyi sman khang du gzhag par bya'o/ /de dag zhag bdun par byin gyis brlabs pa'i cho ga dang sngags ni 'di yin te/ sman de dag sman pa dang /sman pa rab tu byung ba dang / sman g.yog bsnyen par ma rdzogs pa mkhas pa gang yang rung bas rung ba'i sa gzhir snga dro bskol zhing btsags na bza' bar bya ba rung ba ma yin pa/ lag nyar blangs pa dang / nang du btsos pa dang / nang du zhag lon pa dang / dge slong gis btsos pa la sogs pa dang ma 'dres par byas la/dge slong nad pas kyang snga dro lag pa bsnyal te byin len byas la/ dge slong bsnyen par ma rdzogs pa rang bzhin du gnas pa lta ba dang mtshan mthun pa mtshams kyi nang na gnas pa cig gi mdun du tsog pur 'dug ste/ gnyi gas lhung bzed dam sman snod lag mthil g.yon par bzhag la g.yas pas kha nas bkab ste nad pas 'di skad ces brjod par bya'o//tshe dang ldan pa dgongs su gsol bdag dge slong ming 'di zhes bgyi ba'i sman zhag bdun pa 'di dag bdag dang tshangs pa mtshungs par spyod pa rnams kyir bgyi bar zhag bdun par byin gyis brlab po//lan gsum du bzlas/ de'i rjes la nyan pas thabs yin no zhes brjod par bya'o/ /nad pas legs so zhes brjod par bya'o/ /de phyin chad zhag bdun gyi bar du byin len ma zhig par byas te rang gis bsten cing bza' bar bya'o/ /zhag bdun par byin gyis brlabs pa'i nyi ma 'das so cog dge slong la nyi ma re re zhing deng phan chad du nyi ma dang po 'das te/deng ni nyi ma gnyis pa lags so zhes bya ba la sogs pa brjod par bya'o/ /zhag brgyad pa'i skya rengs ma shar tshun chad du zos zin cing lhag ma med na der zad/ yod na nad pa'i phyir slong ba la sbyin pa'am/dge 'dun gyi sman khang du gzhag pa'am bsam pa thag pa nas ltos pa med pa'i sems kyis gzhan la gtang bar bya'o/ /de ltar ma byas par bza' ba'i phyir 'chang na skya rengs brgyad pa shar na gsog 'jog tu 'gyur zhing spang ba'i ltung byed kyi dngos gzhir yang 'gyur la/ de zos na gsog 'jog gi ltung byed 'di nyid kyi skabs kyi nyes byas su 'gyur ro//bza' bar bya ba rung ba ma yin pa lag nyar blangs pa dang / nang du zhag lon pa dang / nang du btsos pa dang / dge slong gis btsos pa dang / rung ba ma yin pa mi sha la sogs pa dang / rung ba ma yin pa dang 'dres pa dang /brtag pa gzhan dang 'dres pa dper na dus su rung ba'i zas dang 'dres pa'i thun tshod du rung ba la sogs pa lta bu'i skyon gyis rung ba ma yin pa nyid du gyur pa dag ni bza' ba'i phyir 'chang na nyin zhag gcig lon na gsog 'jog tu 'gyur bas de dag zos pa la yang nyes byas so/ / de la lag nyar blangs pa zhes bya ba ni byin len ma byas par dge slong rang gis blangs pa dang reg pa'i zas te/ de ni byin len ma byas par dge slong gis reg pa nyid kyis na phyis byin len byar yang mi rung la/ byin len byas su zin kyang dge slong gis bzar rung ba nyid ma yin pas gsog 'jog byas pa'i cha la bstan pa yin no//dge slong sdom pas mnyam pa lta ba tha mi dad pa dag gis gsog 'jog byas pa dang / byin len byas pa dang / lag nyar blangs pa de dag ni gcig pa nyid yin no/ /dge slong ma sdom pas mnyam pa lta ba tha mi dad pa dag gis gsog 'jog byas pa dang /byin len byas pa dang / lag nyar blangs pa dag kyang gcig pa nyid yin no/ /dge slob ma sdom pas mnyam pa lta ba tha mi dad pa dag gis gsog 'jog byas pa dang / byin len byas pa dang / lag nyar blangs pa dag kyang gcig pa nyid yin no/ /sdom pa mchog dang ldan pa'i dge slong ma dang /bslab pa byin pa mo dang / sdom pa mchog ma yin pa dang ldan pa'i dge slong mas ni gsog 'jog byas pa dang / byin len byas pa dang lag nyar blangs pa dag gcig pa nyid yin no/ /lag nyar blangs pa la sogs pa'i rdzas de dag yang phyir blang ngo snyam pa'i ltos pa dang bcas pas gzhan la byin pas ni btang ba nyid ma yin no//chud za ba'i rkyen dag nye bar 'gyur ba'am/ bsnyen par ma rdzogs pa dag med dam/ 'drub par byed pa gzhan dag med pa la sogs pa'i rkyen de lta bu dag med par zhing sa dag las 'bras la sogs pa'i thog shas mnod pa'i phyir de la dge slong gis reg pa dang /'bras la sogs pa mnos pa dag bang ba la sogs par brub pa'i phyir dge slong gis reg pa yang lag nyar blangs pa dag yin no/ /rkyen de lta bu dag yod du zin kyang bza' bar bya ba bkal ba'i shing rta'i kha lo ba'i stan nyid la dge slong gis reg pa ni lag nyar blangs pa nyid yin no//rkyen de lta bu dag yod du zin kyang 'bras la sogs pas gang ba'i shing rta'i kha lo ba'i stan nyid la dge slong gis reg pa yang lag nyar blangs pa nyid yin no/ /rkyen de lta bu dag yod du zin yang zas kyis stong ba'i shing rtar nad pa dang nad pa ma yin pa dag bzhon zhing dgal ba la yang kha lo ba'i stan nyid la dge slong gis reg na de rung ba'i sa gzhi nyid ma yin no//rkyen de lta bu dag yod du zin kyang bza' bar bya ba bcug pa'i gru dang / 'bras la sogs pas gang ba'i gru dang / grur nad pa dang mi na ba gzhug pa la yang ru skya la dge slong gis reg na lag nyar blangs pa nyid yin no//grur gzhan dag gzhug pa la yang de bzhin no/ /ru skya 'dzin pa'i stan yang de bzhin no/ /dge 'dun dang gang zag gi bza' ba la sogs pa sman dag thab tu bskol ba'i tshe lud pa na dang por shing da bri ba dang me bsad pa dang / gos kyi thu ba la sogs pas rlung g.yab pas 'bad par bya ba'i thabs kyis zhi bar nus pa'i thabs gzhan yod bzhin du dge slong gis bskyam pa dang /dbyung ba dang / gzar bu'i las dang dpog pa dag byed pa yang lag nyar blangs pa nyid yin no/ /nang du zhag lon pa zhes bya ba ni kun dga' ra ba'i nang du blo mthun par ma byas shing rung ba ma yin pa'i sa gzhir zhag lon pa gang yin pa'o//nang du btsos pa zhes bya ba ni kun dga' ra ba'i nang du blo mthun par ma byas shing rung ba ma yin pa'i sa gzhir btso ba bsreg pa la sogs pa'i g.yos dang / mes rung bar byas pa gang yin pa'o/ /'dir nang du zhag lon pa dang / nang du btsos pa zhes bya ba ni gnyi ga'i skabs nas nang du zhes bya ba'i sgra smos pa ni spyir 'dra ste/kun dga' ra ba'i nang dang dge 'dun gyi mtshams gsol ba la sogs pas bcad pa dang / rtsig pa la sogs pa'i rang mtshams dang / dge slong gi gnas dang / de dag gi nye 'khor dang bcas pa ji skad du chos gos kyi mtshams sngar bstan pa lta bu dag las dge 'dun gyi rung ba'i khang pa dang /rung ba'i sa gzhir blo mthun par byas pa ma yin pa gang yang rung ba thams cad spyir gzung ngo / /sbyin bdag gis nang de dag tu zas phul te zhag lon pa 'am btsos pa rang 'ongs te brim mo zhes zer ba yang nang du zhag lon pa dang / nang du btsos pa nyid yin no/ /dge slong gis grong khyer du dge slong gi don du bang mdzod la sogs pa byas shing de dag gi nang du dge slong nyin mtshan du gnas pa yang dge slong gi gnas nyid yin pas der zhag lon pa dang btsos pa yang nang du zhag lon pa dang nang du btsos pa nyid yin no/ /gtsug lag khang stong par dge slong zhig zhag 'ga' tsam gnas 'cha' bar byed na yang dge slong gi gnas nyid yin pas der zhag lon pa dang btsos pa yang nang du zhag lon pa dang nang du btsos pa nyid yin no//shing thog la sogs pa 'bras bu dang / snye ma dang / tho gu la sogs pa rang gi skye ba'i rgyun gyi rtsa ba dang ma bral ba'i rtsa ba nyid du rung ba ma yin pa'i sa nas skyes pa'i 'bras bu la sogs pa rung ba'i sa na 'dug pa der zhag lon pa yang nang du zhag lon pa nyid yin no//shing thog la sogs pa 'bras bu dang / snye ma dang / tho gu la sogs pa rang gi skye ba'i rgyun gyi rtsa ba dang ma bral ba'i rtsa ba nyid rung ba ma yin pa'i sa nas skyes pa'i 'bras bu la sogs pa mes ma brtsal bar rang brul ba rung ba'i sa na 'dug pa der zhag lon pa yang nang du zhag lon pa nyid yin no//mtshams kyi nang du skyes pa'i dngos po'i mtshams kyi phyi rol du 'phel bar gyur pa dper na ku sman da la sogs pa lta bu dang / nang du zhag lon pa'i 'o ma phyi rol du zhor gyur pa lta bu yang nang du zhag lon pa nyid yin no//mtshams kyi nang du zhag lon pa'i bzhon pa las 'o ma byung ba gang yin pa de yang nang du zhag lon pa nyid yin no/ /mes rung bar byed pa ni btsos pa nyid yin pas nang du gzhan gyis kyang mes rung bar mi bya la/ dge slong gis ni phyi nang gang du yang mes rung bar mi bya'o//btsos pa'i snod rung ba ma yin pa'i phyogs na 'dug na des kyang btso bar bya ba'i rdzas de rung ba yin pa'i sa der btsos pa nyid yin pas nang du btsos pa nyid yin no/ /brgyud pa'i tshul gyis kyang de ltar 'gyur te/ dper na rlung ma yin pa'i sar me mdag gi steng du sgyed [(]po [,]pu [)]la sogs pa 'am/lcags sgyed rkang gsum la sogs ba btsugs pa'i steng du phru ba la sogs pa snod bzhag pa'i nang du sha la sogs pa btsos na de yang rung ba ma yin pa'i sar btsos pa nyid yin par 'gyur ba lta bu ste/ de yang nang du btsos pa nyid yin no/ /me mdag ni snod dang 'dra ba nyid yin pas me mdag mtshams kyi nang du 'dug pa de dag gi steng du bsreg par bya ba'i rdzas sreg pa yang nang du btsos pa nyid yin no//mtshams dang gnas kyi nye 'khor 'dom gang tshun chad kyang gnas nyid yin pas der zhag lon pa dang btsos pa yang nang du zhag lon pa dang / nang du btsos pa nyid yin no//gnas steng ma g.yogs pa la ni steng du nam mkha' la mgo bos slebs pa man chad gnas nyid yin pas der zhag lon pa dang btsos pa yang nang du zhag lon pa dang nang du btsos pa nyid yin no/ /gnas steng ma g.yogs pa la ni nang gi nam mkha' thams cad gnas nyid yin pas der zhag lon pa dang btsos pa yang nang du zhag lon pa dang nang du btsos pa nyid yin no//'og khang gi steng gi yang thog gzhan yang 'og khang de nyid kyi gnas yin pas/ der zhag lon pa dang btsos pa yang nang du zhag lon pa dang / nang du btsos pa nyid yin no/ /gnas stong par byas pa zhig tu gal te dge slong re zhig gnas par gyur na de yang dge slong gi gnas nyid yin pas de ra zhag lon pa dang nang du btsos pa nyid yin no//dge slong gi gnas sam/ dge slong gi dge 'dun gyi gnas na dge tshul tsam gnas su zin kyang de dge slong gi gnas nyid yin pas der zhag lon pa dang btsos pa yang nang du zhag lon pa dang nang du btsos pa nyid yin la dge slong gis btsos pa zhes bya ba ni mtshams kyi nang yang rung phyi rol yang rung ste dge 'dun gyi rung ba'i khang pa dang sa gzhir yang rung dge slong gi gnas dang gzhan du yang rung ste/dge slong bsnyen par rdzogs pa can ma nyams pas btso ba dang sreg pa la sogs pas g.yos su byas pa'o//dge slong gis btsos pa yang dge slong kho nas bza' bar bya ba ma yin gyi/ dge slong ma rnams kyis bza' bar mi bya ba ni ma yin no/ /dge slong mas btsos pa yang dge slong ma kho nas bza' bar bya ba ma yin gyi/ dge slong rnams kyis bza' bar mi bya ba ni ma yin no//nang du btsos pa dang dge slong gis btsos ba zhes bya ba gnyis ka'i skabs nas btsos pa zhes bya ba'i sgra smos pa'i mtshan nyid ni spyir 'dra ste/ rjen pa btsos pa gang yin pa de ni btsos pa zhes bya'o/ /de yang til dang 'bras dang sha la sogs pa mi snyi ba rnams kyi rjen pa nyid ni bshur ba la sogs pas sum cha bangs pa nyid kyi mdun rol phan chad de/de phyin chad ni rjen pa nyid ma yin no/ /rdzas snyi ba rnams kyi rjen pa nyid ni kha dog gyur pa'i mdun rol phan chad de/ de phyin chad rjen pa nyid ma yin no/ /'o ma la sogs pa khu ba rnams kyi rjen pa nyid ni lan gnyis khol bar gyur pa nyid kyi mdun rol phan chad de/de phyin chad ni rjen pa nyid ma yin no/ /lhung bzed dang lhung bzed chung ngu dang / kha ga zar dang / kham phor dang / tshwa khug dang / lhung bzed kyi snod dang / gos dang / man shel dang / khri dang / khri'u dang / 'khar ba dang / phru ba dang / bum pa dang / ril ba dang / lde mig dang / lde mig kyog po gsog 'jog byas pas 'bags pa za na nyes byas so/ /kha dri ma can gyis bza' ba dang / btung ba dag zos sam 'thungs na nyes byas so/ /lan tshwa dang / 'gyur byed dang / rnyog pa dag las lan tshwa tsha chur gyur pa dang /'gyur byed 'gyur byed kyi chur gyur pa dang / rnyog pa rnyog chur gyur pa gsog 'jog byas pa 'am byin len ma byas par 'thungs pa la nyes byas so/ /lag nyar blangs pa la sogs pa'i rdzas ltos pa med par btang ba la yang ltos pa dang bcas pa nyid yin na de byin len byas te zos pa la nyes byas so//bza' ba dang bca' ba gsog 'jog ma byas pa la dge slong gis gsog 'jog byas par 'du shes pa dang / yid gnyis za bas zos pa la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni 'tsho ba'i bar du bcang ba byin gyis brlabs pa rnams ni dus thams cad du za ba la nyes pa med do/ /'tsho ba'i bar du bcang ba byin gyis ma brlabs pa rnams ni snga dro ba dang phyi dro ba'i dus kyis phyir bsdus pa yin no//'tsho ba'i bar du bcang ba ni/ rtsa ba dang / sdong bu dang / 'dab ma dang / me tog dang / 'bras bu dang / tshe ba dang / 'gyur byed dang / lan tshwa dang / sman khu dang / dug sman zas kyi don du khyab par byed pa ma yin pa dag go/ /de la rtsa ba ni gla sgang dang / shu dag dang /yung ba dang / sge'u gsher dang / bong nga dkar po la sogs pa dag go/ /sdong bu ni tsan dan dang / sbyi mo dang / shug pa dang / sle tres dang / thang shing dang / skyer pa la sogs pa dag go/ /'dab ma ni ba sha ka dang / ko sha ti ka dang / pa to la dang / nim pa dang / sap+ta par+Na'i 'dab ma la sogs pa dag go/ / me tog ni ba sha ka dang / nim pa dang / d+ha ta ki dang / klu shing dang / pad ma'i ze ba la sogs pa dag go/ /'bras bu ni a ru ra dang / skyu ru nga dang / ba ru ra dang / ne la sham dang / pi pi ling la sogs pa dag go/ /tshi ba ni shing kun dang /sra rtsi dang / rgya skyegs dang / spra tshil dang / shing ma zhol sogs pa dag go//'gyur byed ni til gyi dang / rgya skyegs shing gi dang / sa tshur gyi dang / nas kyi dang / nas kyi gra ma'i dang / ba sha ka'i dang / thal ba'i 'gyur byed la sogs pa dag go/ /lan tshwa ni rgyam tsha dang / kha ru tsha dang / tsha dmar dang / rgya mtsho'i tsha dang / ba tsha la sogs pa dag go/ /sman khu ni shing a mra dang /nim pa dang / ko sham pa dang / shi ri sha dang / 'dzam bu la sogs pa'i sman khu dag go/ /dug sman ni nu zhos 'tsho ba'i be'u'i lci ba dang / gcin dang / shing kan+tsa dang / ka pi ta la dang / a shwad tha dang / u dum bA ra dang / n+ya gro d+ha la sogs pa'i thal ba dang / sa gzhi sor bzhi'i 'og nas brkos pa'i sa dag go/ /'tsho ba'i bar du bcang ba'i sman byin gyis brlabs pa'i cho ga dang sngags ni 'di yin te/ 'tsho ba'i bar du bcang ba'i sman de dag gang zag bsnyen par ma rdzogs pa mkhas pa gang yang rung bas rung ba'i sa gzhir bshams shing bsdogs nas bza' bar bya ba rung ba ma yin pa lag nyar blangs pa dang /nang du btsos pa dang / nang du zhag lon pa dang / dge slong gis btsos pa la sogs pa dang ma 'dres par byas la dge slong nad pas kyang snga dro lag pa bsnyal te byin len byas la/ dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na gnas pa cig gi mdun du tsog pur 'dug ste gnyi gas lhung bzed dam sman snod lag mthil g.yon par gzhag ste/g.yas pas steng nas bkab nas nad pas 'di skad ces brjod par bya'o/ /tshe dang ldan pa dgongs su gsol/ /bdag dge slong ming 'di zhes bgyi ba'i sman 'tsho ba'i bar du bcang ba 'di dag bdag dang tshangs pa mtshungs par spyod pa rnams kyir bgyid par 'tsho ba'i bar du bcang bar byin gyis brlab bo//lan gsum bzlas/ de'i rjes la nyan pas thabs yin no zhes brjod par bya/ nad pas kyang legs so zhes brjod par bya'o//de phyin chad bdag nyid ji srid 'tsho ba'i bar du'am sman de dag ji srid ma zad kyi bar du byin len ma zhig par bgyis te/ rang gis bsten zhing bza' bar bya'o/ /dge slong mi na bas ni 'tsho ba'i bar du bcang ba'i sman byin gyis brlab tu yang mi rung la/ gzhan gyis byin gyis brlabs pa yang bza' bar yang mi rung ngo //sos pa nyid na de dag nad pa'i phyir slong na sbyin no/ /slong ba med na dge 'dun gyi sman khang du gzhag par bya'o/ /bdag po dag gi gnas 'dir dge slong su yang gnas par mi bya'o zhes gtsug lag khang gi phyogs kyi gnas 'ga' zhig spangs pa ni dge slong gi gnas nyid ma yin pa der zhag lon pa dang btsos pa la nang du zhag lon pa dang /nang du btsos pa'i nyes pa med do/ /gtsug lag khang stong par dge slong zhig zhag 'ga' tsam gnas 'cha' bar byed na yang dge slong gi gnas nyid yin pa las dge slong de de nas song na ni dge slong gi gnas nyid ma yin pas der zhag lon pa dang btsos pa la nang du zhag lon pa dang /nang du btsos pa'i nyes pa med do/ /sbyin bdag gis rung ba ma yin pa'i gzhir zhag tu bzhag pa dang / btsos pa 'bul bar byed pa la ni nyes pa med do/ /sa bon mtshams kyi nang du zhag lon pa dang mtshams kyi phyi rol du btab pa las/ rtsa ba dang / myu gu dang /'bras bu la sogs pa skyes pa gang yin pa de ni nang du zhag lon pa nyid ma yin zhing / de der btsos na yang nang du btsos pa nyid ma yin pas de la nyes pa med do/ /'tshod par byed pa'i me mtshams kyi nang rol na 'dug pa nyid kyis btso bar bya ba'i rdzas mtshams kyi phyi rol na 'dug pa 'tshed par byed pa ni nang du btsos pa nyid ma yin pas de la nyes pa med do//me lce ni nam mkha' dang 'dra ba nyid yin pas mtshams kyi nang na 'bar ba'i me lce la bsreg pa ni nang du btsos pa nyid ma yin pas de la nyes pa med do/ /mtshams kyi nang na 'dug pa'i me lce las 'ga' zhig gis bor ba la sogs pa dag gis me phyir byung ba dang /rlung la sogs pa'i dbang gis me rang byung ba dag ni mtshams kyi nang gi de'i ngo bo nyid kyang ma yin la/ sa der gtogs pa nyid kyang ma yin pas me de dag gis btsos pa la nyes pa med do/ /gzhan gnas pa nyid ni gzhan gyi gnas nyid ma yin pas gnas gcig na khyim pa dang dge slong gnyi ga gnas na de dge slong gi gnas nyid ma yin pas der zhag lon pa dang btsos pa la nyes pa med do//gnas gcig na khyim pa dang dge slong gnyi ga gnas pa las khyim pa med kyang khyim pa'i rdzas yod na dge slong gi gnas nyid ma yin pas der zhag lon pa dang btsos pa la nyes pa med do/ /dge tshul rnams kyi gang zag gi gnas dang /dge tshul gyi tshogs spyir dbang ba'i gnas de ni dge slong gi gnas nyid ma yin pas der zhag lon pa dang btsos pa la nyes pa med do/ /lag nyar blangs pa dang nang du zhag lon pa dang / nang du btsos pa dang / dge slong gis btsos pa de dag mu ge byung ba la sogs pa'i dus su snga dro'i zas snga dro de la lag nyar blangs pa la sogs pa snga dro de nyid la za ba dang /phyi dro'i zas phyi dro de la lag nyar blangs pa la sogs pa yang phyi dro de nyid thun tshod kyi mtha' tshud chad du za ba la nyes pa med do/ /kha dri ma can gyis bza' ba dang btung ba dag zos sam 'thungs na nyes byas su gsungs pas/ kha bkru ste bza' bar bya ba rung ba dag zos pa dang 'thungs pa la ni ltung ba med do//ci tsam gyis na kha dag pa yin zhe na kha'i phyi rol mchu gnyis ni lci ba'am sas kun nas bkrus te chus bshal na dag pa yin no/ /kha'i nang na chu mkhur ba do'am gsum gyis bshal na dag pa yin no/ /lhung bzed ni bsam pa dag pas lan gnyis sam gsum bkru bshal byas na sgra mi snyan kyang dag pa nyid yin no//lhung bzed kyi rtsi langs pas 'bags pa la nyes pa med do/ /lhung bzed bza' bar bya ba la reg kyang 'bags pa med na de la yang nyes pa med do/ /lhung bzed 'dag rdzas sam lci ba'am sa gang yang rung bas lan gsum bkrus pa la snum pa nyid yod pa la nyes pa med do//lhung bzed dag par byas pa la snum bag gam tshon rtsi'i bag langs par gyur na steng gi snum bag la sogs pa bsal te spyad pa la nyes pa med do/ /lhung bzed kyi phyogs zas la sogs pas 'bags pa'i phyogs de nyi tshe bkrus nas spyad pa la nyes pa med do//lan tshwa tsha chur gyur pa dang / 'gyur byed 'gyur byed kyi chur gyur pa dang / rnyog pa rnyog chur gyur pa de nad pa dang / nad pa ma yin pa thams cad la dus ma yin par byin len byas na ma btsags par 'thungs pa la ltung ba med do/ /lan tshwa dang 'gyur byed rang gi bya ba mi byed pa dag la ni gsog 'jog byas pa'am byin len ma byas par spyad pa la ltung ba med do//khron pa la sogs pa'i 'byung khung dag tu zas la sogs pa btab pa mi mngon pa ni yod pa'i grangs nyid ma yin pas de bstsal te 'thungs pa la ltung ba med do/ /zas kyi phyogs gcig tu rung ba ma yin pa'am/ byin len ma byas pas 'dren par gyur na phyogs de nyi tshe bsal bar bya ba nyid yin gyi lhag ma gzhan zos pa la ltung ba med do//khwa'i mchus reg pa nyid la ni phyogs de nyid dang / de'i than 'khor yang bstsal bar bya ba nyid yin no/ /ring ba la sogs pa dang 'brel pa'i 'o ma la sogs pa'i rgyun gyis lhung bzed la reg pa ni de la reg pa nyid ma yin no//nor ba dang brjed pas reg pa dang / de gnyis kyi spos pa phyir gzhag pa'i ched du gnas kyi thag shin tu nye bar khyer ba ni lag nyar blangs pa nyid ma yin no/ /g.yel bas lag nyar blangs pa nyid dang / byin len blangs pa nyid ni de gnyi ga ma yin no/ /byin len stobs pa'i gang zag gis bza' bar bya ba 'dzin gyi bar du ma bral ba la yang lag nyar blangs pa dang byin len byas pa nyid med do//byin len stobs pa des gzung ba'i thag pa la sogs pa dang / zas su 'brel pa nyid la yang lag nyar blangs ba byin len byas pa nyid med do/ /sdom pa mchog ma yin pa dang ldan pa'i dge slong ma dang /sdom pa mchog dang ldan pa'i dge slong ma dang / bslab pa byin pa mor ni gsog 'jog byas pa dang / byin len byas pa dang / lag nyar blangs pa dag gcig pa nyid ma yin no/ /skyes pa dang bud med dag ni phan tshun khyim pa dang 'dra ste/ dper na khyim pas gsog 'jog byas pa dang /byin len byas pa dang / lag nyar blangs pa dag dge slong gi yang ma yin pa dang / dge slong ma'i yang ma yin/ bslab pa byin pa'i yang ma yin/ dge slob ma'i yang ma yin pa de bzhin du dge slong ma dang / bslab pa byin pa dang dge slong ma mtshan mi mthun pa dag gis gsog 'jog byas pa dang / byin len byas pa dang / lag nyar blangs pa dag kyang gcig pa nyid ma yin no/ /dge slong dbang ba'i bza' bar bya ba la dge tshul dag gis reg pa la lag nyar blangs pa la sogs pa'i nyes pa med do/ /dge tshul dbang ba'i bza' bar bya ba la dge slong dag gis reg pa la lag nyar blangs pa la sogs pa'i nyes pa med do//dge slong ma dang dge tshul ma la yang de bzhin no/ /dge tshul dbang ba gang yin pa de dge slong gis sbed par byed du zin kyang des dge slong de nyid dang / dge slong gzhan dag la yang rung ba ma yin pa nyid kyi nyes pa med do/ /dge tshul ma dang dge slong ma la yang de bzhin no/ /gsog 'jog/ byas pa dang / lag nyar blangs pa dang / nang du zhag lon pa dang / nang du btsos pa dang / dge slong gis btsos pa la sogs pa dag bsam pa thag pa nas tshig bzhin byed pa gzhan la btang na rung ba ma yin pa nyid dang bral bar 'gyur bas de dag ma blangs par gzhan gyis phyir byin te zos pa la nyes pa med do//zhing ba dag las 'bras la sogs pa'i thog shas mnod pa'i phyir de la dge slong gis reg pa dang 'bras la sogs pa mnos pa dag bang ba la sogs pa brub pa'i phyir dge slong gis reg pa la chud za ba'i rkyen dag nye bar gyur pa'am bsnyen par ma rdzogs pa dag med dam/ 'drub par byed pa gzhan dag med pa la sogs pa'i rkyen de lta bu dag yod na de de dag la dge slong gis reg pa la lag nyar blangs ba'i nyes pa med do//bza' bar bya ba bkal ba'i shing rta la yang gal te rkyen de lta bu dag yod par gyur na de'i tshe kha lo pa'i stan 'ba' zhig ma gtogs pa nyid kyi shing rta la dge slong gis reg pa la lag nyar blangs pa'i nyes pa med do//gal te rkyen de lta bu dag yod na 'bras la sogs pas gang ba'i shing rta'i kha lo pa'i stan ma gtogs pa nyid kyi shing rta la dge slong gis reg pa la yang lag nyar blangs pa'i nyes pa med do/ /rkyen de lta bu yod par gyur na bza' bar bya ba bcu ga pa'i gru dang /'bras la sogs pas gang ba'i gru dang / grur nad pa dang / min pa zhugs pa la yang ru skya ma gtogs pa nyid kyi gru la dge slong gis reg pa lag nyar blangs pa'i nyes pa med do/ /ru skya 'dzin pa'i stan yang de bzhin no/ /dge 'dun dang gang zag gis bza' ba la sogs pa sman dag thab tu skol ba'i tshe lud pa na/dang por shing dbri ba dang / me bsad pa dang / gos kyi thu ba la sogs pas rlung g.yab pas 'bad par bya ba'i thabs kyis zhi bar ma gyur na de'i tshe dge slong gis bskyam pa dang / dbyung ba dang / gzar bu'i las dang / dbog pa dag la lag nyar blangs pa'i nyes pa med do/ /dge slong chu klung rgal ba'i phyir ram dam lam brgyags khyer ba'i khur tsa ba snyag pa'i phyir chog ma 'byor tam/lam brgyags gzhan med na lag nyar blangs pa'i lam brgyags bzar rung ste de la nyes pa med do/ /dge slong lam du zhugs pas lam brgyags khyer ba'i khur tsa ba med na sbyin bdag spro bar bya'o/ /khyer ba med na rang gis bskur ro//rang gis khyer ba'i lam brgyags de nyid las gzhan la sbyin pas lam brgyags brje zhing bza' bar bya'o/ /de yang ma grub na de bza' bar bya ba nyid do/ /byin len stobs pa med na byin len ma byas pa rang gis khyer ba de 'am/ gzhan yang bza' bar bya ba nyid yin te/ rang gis khyer ba dang / byin len ma byas pa de gnyis bza' ba yang dge slong gang gis sngar nyin gcig zan bcad pa byas pa des bza' bar bya ba nyid yin te/de bza' ba'i tshad ni nyi ma dang po la spar gang ngo / /nyi ma gnyis pa la spar ba do'o/ /nyi ma gsum pa la ni ji tsam gyis chog pa bza' bar bya ba nyid de/ de la nyes pa med do/ / dge slong zan med pa shin tu bkres pa nyid yin na shing thog dang / rtsa ba rung bar ma byas pa dang / byin len ma byas pa dang / lag nyar blangs pa dag kyang dus ma yin par yang bza' bar bya ba nyid yin la/ rang gis kyang btogs pa nyid dang / dbyung ba nyid dang / btso ba bsgrub par bya ba nyid kyang byar rung la/gzhan byed du gzhug tu yang rung ste/ de la nyes pa med do/ /dge slong zan med pa shin tu bkres pa nyid des byin len ma bstabs pa dang / rung bar ma byas pa dang / dus ma yin bar za ba la sogs pa rung bar bya ba dag la rtsom 'dod pa na byang gi sgra mi snyan na grags pa'i yid la byed pa byas pa la nyes pa med do//'dab ma dag snod nyid du spyod pa na byin len ma byas pa nyid la nyes pa med do/ /snod nyid du spyod pa 'di la 'dab ma dag shing ljon pa la sogs pa dag las brngas pa dang ma brngas pa dag ni byin len bstabs pa nyid kyi phyir khyad par med do/ /'dab ma brngas pa dag yod na de nyid spyad do//brngas pa gzhan med na ma brngas pa dag kyang spyad de de la nyes pa med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du gsog 'jog gi ltung byed du 'gyur ba rnam pa thams cad mi bsten par bslab par bya'o//bum pa la sogs pa snum can dag snum med par bya ba'i phyir chu'i rdzing bu zab mo'i nang du nya 'am rus sbal lam sbal ba'am chu srin byis pa gsod dam nya khyi ba dag gis ma lus par bldags kyi bar du gzhag par bya'o/ /bum pa la sogs pa snum can dag yang na mer bsregs pas kyang snum med pa nyid du 'gyur ro//de ltar ma lus par bldags pa dang bsregs pa dag 'dag rdzas sam lci bas bkru bar bya'o/ /chu rnyog pa can ni gzhan gyi gzugs brnyan 'byung gi bar du dang bar bya'o/ /ka ta ka'i 'bras bus chu shin tu dang bar 'gyur ro//'gyur byed kyis kyang chu shin tu dang bar 'gyur ro/ /zan gyis kyang chu shin tu dang bar 'gyur ro/ /zan de mi 'jig par bya ba'i phyir snum gyis bsku'o/ /lag nyar blangs pa la sogs pa'i rdzas ltos pa med par btang ba de bza' ba'i phyir blang bar mi bya'o/ /lag nyar blangs pa la sogs pa'i rdzas ltos pa med par btang ba de shes bzhin du phyir blang bar mi bya'o//dge slong gi lam brgyags khyer ba'i khur tsa ba med na sbyin bdag gis de bskur bar spro bar bya'o/ /sbyin bdag spro bar bya bar ma grub ste/ khyer ba med na rang gis lam brgyags bskur bar bya'o//rang gis khyer ba'i lam brgyags de nyid las gzhan la sbyin pas lam brgyags brje zhing gzhan bza' bar bya'o/ /dge slong zan med pa shin tu bkres pa nyid na byin len ma bstabs pa dang / dus ma yin par za ba la sogs pa rung bar bya bdag la rtsom 'dod pa na byang gi sgra mi snyan na grags pa'i yid la byed pa bya'o//lag pa bsnyal ba dang 'dab ma dag yod na skyogs kyis skom mi btung ngo / /med na ma bsgribs par mi bya'o/ /skyogs de chu dang bcas pa nyid dam/ chu med pa nyid na yang kha ma bcad pa nyid du mi gzhag go/ /de'i kha gab ni rnam pa gsum ste/ shing las byas pa dang /rdo las byas pa dang / sa las byas pa ste de bcang ngo / /skyogs gzhi shing las byas pa'am/ rdo las byas pa bcang bar bya'o/ /phyir bcos pa ni snga ma bzhin no/ /gsog 'jog gi ltung byed de sum cu brgyad pa bshad zin to// //so sor thar pa'i mdo rgya cher 'grel pa 'dul ba kun las btus pa/bam po nyi shu dgu pa/ byin len ma byas bar za ba'i ltung byed kyi gleng gzhi ni bcas pa dang / gnang ba'i dbang gis rnam pa gnyis te/ bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//tshe dang ldan pa nag po chen po ni thams cad dur khrod pa dang ldan pa yin te/ de'i lhung bzed kyang dur khrod pa yin/ chos gos kyang dur khrod pa yin/ bsod snyoms kyang dur khrod pa yin/ gnas mal yang dur khrod pa yin te/ gang gi tshe skye bo phal po che la mi ngas byung ba de'i tshe na tshe dang ldan pa nag po chen po tsho ba dang /pags pa dang / sha dang khrag rgyas par gyur cing de yang dang yang du grong du bsod snyoms la 'jug par mi byed la/ gang gi tshe skye bo phal po che la mi ngas ma byung ba de'i tshe na tshe dang ldan pa nag po chen po ring ba dang nyam chung ba dang skem pa dang skam pa dang / lus ma thob par gyur cing / de yang dang yang du grong du bsod snyoms la 'jug par byed de/ sgo bas de mtshan mar bzung nas 'phags pa nag po chen po 'di mi sha mi za'am snyam zhing / thams cad du yang 'phags pa nag po chen po mi sha za 'o zhes sgra grags so/ /mnyan yod na bram ze zhig 'dug pa des/rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do/ /de'i bu mo zhig byung nas bsring zhing bskyed de chen mor gyur to/ /dus gzhan zhig na bram ze de dus la bab nas nye du rnams kyis gos sngon po dang / ser po dang dmar po dang dkar po dag gis khyogs spyil brgyan nas dur khrod du khyer te bsregs shing dong nas/ de'i chung ma dang bu mo gnyis mtha' gcig tu dong ste bsdad pa dang / tshe dang ldan pa nag po chen po de'i gdong du lta zhing sdod pa mthong nas bu mos smras pa/ yum 'phags pa nag po chen po 'di bya rog mo zhar ma bzhin du nges par rtog cing sdod do zhes ngag gi las rtsub po yang smras par gyur to//mnyan yod na bram ze'i khye'u dag gis 'phags pa nag po chen po mi sha za'o zhes thos nas de dag gis de bgam pa'i phyir de'i tshe gcig shi ba'i cha lugs su byas nas yung dang 'bru mar gyis bskus te khyogs spyil du bzhag nas mnyan yod nas phyir dbyung bar brtsams pa dang /tshe dang ldan pa nag po chen po yang mnyan yod du bsod snyoms la zhugs te/ des de mthong nas bsams pa/ bdag dgang dka' ba 'di'i don du grong du bsod snyoms la zhugs te/ ci rung phyir log la zas lnga po 'di dag nyid bza' bar bya'o snyam nas de phyir log go//de dag gis de dur khrod du bor te mtha' gcig tu dong nas tshang tshing dang lhab lhub dag gi nang du mgo bcum ste bsdad do/ /der wa zhig gis bgrod par brtsams pa dang / tshe dang ldan pa nag po chen pos bsams pa/ was zas lnga po dag zos shing bdag gi zan chad par gyur na mi rung ngo snyam du rig nas des myur ba myur bar 'gro bar brtsams pa dang /bram ze'i khye'u de skrag ste/ kho bo zos zhes ngu bar brtsams so/ /bram ze'i khye'u de dag dbyug pa thogs te myur ba myur bar dong nas/ de dag gis smras pa/ 'phags pa drang srong gi rgyal mtshan thogs shing sdig pa'i las rtsub mo 'di dang 'di lta bu lhag par spyod dam/des smras pa/ ji byas/ mi sha za'o/ /bzhin bzangs dag khyod kyis kho bo mtshon thogs te sha gcod cing za ba mthong ngam de dag gis smras pa/ 'o na ci'i slad du myur ba kho nar byon/ bzhin bzangs dag kho bo la blo skyes te/wa 'dis zas lnga po dag zos shing bdag gi zan chad par gyur na mi rung ngo snyam du rig nas myur ba myur bar 'ongs so/ /'phags pa zas lnga po dag gsol lam/ mi sha gsol ni ma 'tshal gyi/ 'di ltar thams cad du 'phags pa nag po chen po mi sha gsol zhes ni grags par gyur to zhes zer ba'i skabs de dge slong rnams kyis bcom ldan 'das la gsol to//de nas bcom ldan 'das 'di snyam du dgongs te/ nyes dmigs gang cung zad ci byung ba de ni dge slong dag byin len byed du ma bcug par za ba las gyur pa yin pas de lta bas na dge slong rnams kyis byin len byed du bcug ste/ za na de nyid dbang por 'gyur ro snyam du dgongs nas bka' stsal pa/de lta bas na dge slong rnams la byin len byed du bcug ste bza' bar bya'o/ /byin len ni rnam pa lnga ste/ lnga gang zhe na/ lus kyis lus su dang / lus dang 'brel pas lus su dang / lus kyis lus dang 'brel pa dang / lus dang 'brel pas lus dang 'brel par dang /gzhag pa'i cho ga nyid ni lnga pa'o/ /rung ba ni rnam pa lnga ste/ lnga gang zhe na/ mes rung ba dang / mtshon gyis rung ba dang / sen mos rung ba dang / rnyings pas rung ba dang / ne tsos rma phyung bas rung ba dang lnga pa'o/ /gzhan yang rung ba rnam pa lnga ste/ lnga gang zhe na/ phyung ba dang / gshegs pa dang bcad pa dang /phug pa dang / sa bon gyi chos nyid med pa nyid ni rnam pa lnga pa'o/ /lag pa bkan par byin len rnam pa lnga ste/ lnga gang zhe na/ man shel dang / khri dang khri'u dang / thu ba dang / lhung bzed kyi gzhi 'di nyid ni lnga pa'o/ /mes rung bar bya ba ni phung por byas te/ mes gnas gnyis sam gsum du reg par byas na thams cad du rung bar 'gyur ro//mtshon dang sen mos ni re re nas so/ /khyim pa rnams mi snyoms par 'drim na dge tshul dag 'drim du gzhug par bya'o/ /de dag kyang mi snyoms na dge slong dag gis lag pa dag bsnyal te byin len byas nas brim par bya'o/ /'on kyang ma snyoms na brim par bya ba gces pa dang bar ma dang /tha ma dag so sor bya'o/ /'drim par byed pa'i skal ba ni mkhan po dang / slob dpon nam/ drung na 'dug pa dag gis 'drim du gzhug par bya'o/ /stan las ma 'phags pas ci tsam nus pa de tsam dag byin len byed du gzhug go/ /'dril ba dag stan las ma 'phags pas len nus pa dag ni byin len byed du gzhug mi dgos la/mi nus pa dag ni yang byin len byed du gzhug par bya'o/ /khyim pa dag kyang 'drim du gzhug par bya zhing / dge slong gis dang por bzung zhing khyim pas phyis bzung bar bya'o/ /dge slong dag las blangs pa gang dag yin pa de dag gi byin len ni de nyid lan no//khyim pa dag las blangs pa gang dag yin pa de dag ni byin len byed du gzhug go/ /dang po dge slong dag gis gtang bar bya zhing / phyis khyim pa dag gis gtong bar bya ste/ phyi de nyin par dge 'dun la brim par bya'o/ /bram ze dang khyim bdag dad pa can dag dge 'dun la zhun mar gyi bum pa la sogs pa dag dbul na blang bar bya zhing /blangs nas dge 'dun la brim par bya'o/ /de dag gi chos gos dag snum par 'gyur ba lta na bar du rtswa dang lo ma dag bcug ste brim par bya'o/ /de dag bzung ste 'greng ba na ngal bar gyur pa lta na gzhag par bya'o/ /gzhag pa na 'dril ba lta na 'og gzhi la gzhag par bya'o//snod phul ba dag kyang blang zhing chu'i rdzing bu zab mo'i nang du zhag bdun nam brgyad gzhug par bya zhing / gang gi tshe nya 'am rus sbal lam sbal pa'am mchu srin byis pa gsod dam/ nya khyi ba dag gis ma lus par ldags par gyur ba de'i tshe na rung ba'i khang par bcug ste spyad par bya'o/ /rnam pa lngas ni byin len byed du ma bcug par brjod par bya ste/lnga gang zhe na/ mtshams kyi phyi rol na 'dug pa dang / mi 'thob pa'i phyogs nas dang / glo nas dang / rgyab nas dang / lag pa khas phub pas byin len byed du 'jug pa'o/ /rnam pa lngas ni byin len byed du bcug par brjod par bya ste/ lnga gang zhe na/snga ma las bzlog pa dag gis so/ /bcom ldan 'das kyis byin len byed du bcug ste/ bza' bar bya'o zhes bka' stsal nas/ drug sde dag byin len byed du bcug pa dang / byin len byed du ma bcug pa yang za bar byed nas dge slong don nyung ngu dag bcom ldan 'das kyis byin len byed du bcug ste bza' bar bya'o zhes bka' stsal na/ci'i phyir dge slong dag byin lan byed du bcug pa dang / byed du ma bcug par yang za bar byed ces smod par byed/ phyag gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ drug sde dag la rmas nas dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar rnam par smad de/bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang ma byin par kha nas mid pa'i zas za na ltung byed do zhes bca' ba mdzad de/ yul ni mnyan yod/gang zag ni drug sde/ nyon mongs pa ni bka' dang bslab pa la g.yel ba/ nyes pa ni byin len byed du ma bcug par za ba'o/ /gnang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dge slong dgon pa pa dgon pa na gnas pa rnams la chu dang so shing gi byin len stobs pa med nas de dag gis dgon pa'i gnas mal dag bor te/grong mtha'i gnas mal dag tu zhugs so/ /sangs rgyas bcom ldan 'das rnams ni mkhyen bzhin du rmed pa mdzad pas sangs rgyas bcom ldan 'das kyis tshe dang ldan pa kun dga' bo la rmas pa/kun dga' bo ci'i phyir dge slong dgon pa ba dag gis dgon pa'i gnas mal dag bor te grong mtha'i gnas mal dag tu zhugs/ tshe dang ldan pa kun dga' bos skabs de rgyas par gsol ba dang / bcom ldan 'das kyis bka' stsal pa/ de lta bas na chu dang so shing ma gtogs so//glang po che cang shes dang spre'u cang shes dang dom cang shes dag yod nas de dag gis dge slong rnams la shing thog dag dbul ba na dge slong rnams 'gyod pas de dag mi len nas/ bcom ldan 'das kyis bka' stsal pa/ gang la len pa yod pa de la stobs pa yang yod pas/ de lta bas na de dag gis bstabs pa ni byin len byas par brjod par bya ste/de la 'gyod par mi bya'o/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas/ dge slong rnams la de dang mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas/dge slong rnams la bka' stsal ba/ dge slong dag de lta bas na snga ma ni bcas pa yin la 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang ma byin par kha nas mid pa'i zas za ba na chu dang so shing ma gtogs te ltung byed do zhes gnang ba mdzad de/yul ni mnyan yod/ gang zag ni dge slong dgon pa pa dag /nyon mongs pa dang nyes pa ni med do/ /de la yang dge slong gang zhes bya ba ni drug sde'am gzhan yang de lta bu gang yin pa'o/ /ma byin par zhes bya ba ni de la skyes pa'am bud med dam ma ning gang gis kyang ma byin par ro//kha nas mid pa'i zas zhes bya ba ni bca' ba lnga po dang / bza' ba lnga po dag go/ /zan zhes bya ba ni mgul du mid na'o/ /chu dang so shing ma gtogs te zhes bya ba ni chu dang so shing bzhag ste'o/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gis byang gi sgra mi snyan pa'i dus dang chu dang so shing ma gtogs pa'i bza' bar bya ba byin len ma bstabs pa nyid la der 'du shes pas khar zos na byin len ma byas par zos pa'i ltung byed kyi dngos gzhir 'gyur ro//byang gi sgra mi snyan pa'i dus su byin gyis ma brlabs pa la na smad pa med do/ /dge slong byang gi sgra mi snyan pa'i gling nyid na 'dug pa dang /gling dang gnas 'di dang gzhan du yang byang gi sgra mi snyan pa'i dus su byin gyis brlabs na byin len ma byas par zos kyang ltung ba med pas/ de ma gtogs pa la ltung ba 'di rnam par gzhag go/ /chu dang so shing ma gtogs pa'i bza' bar bya ba la na smad pa med do//chu dang so shing ni byin len ma bstabs par zos kyang ltung ba med pas/ de ma gtogs pa'i bza' bar bya ba thams cad la ltung ba 'di rnam par gzhag go/ /byin len ma bstabs pa lan smad pa med do/ /byin len gyi mtshan nyid ni mngon sum du mtshams kyi nang du 'thob pa'i phyogs na 'dug pas lag pa bkan pas lus sam de dang 'brel par gyen du 'degs nus pa bsnyen par ma rdzogs pa mi ma yin pa las kyang sbyin par 'dod pas yan lag gis sam/de dang 'brel pas byin pa mnos pa ni byin len yin te/ de lta bur byin len bstabs pa la ltung ba med pas/de ltar byin len ma bstabs pa la ltung ba 'di rnam par gzhag go/ /de la mngon sum du zhes bya ba ni drang thad nas blangs na byin len yin gyi/ glo 'am brgyab nas blangs pa ni byin len ma yin no/ /mtshams kyi nang du zhes bya ba ni mtshams kyi nang na gnas pa'i dge slong gis blangs na byin len yin gyi/sgo 'phar la sogs pas bar du gcod pa'i mtshams kyi phyi rol na gnas pas blangs pa ni ma yin no/ /'thob pa'i phyogs na 'dug pa zhes bya ba ni phyogs gang du byin len 'thob pa'i phyogs de na 'dug pa'i dge slong gis blangs na byin len yin gyi/ khang stengs la sogs pa na 'dug pa las 'og na 'dug pa'i dge slong gis blangs pa ni ma yin no//lag pa bkan pa zhes bya ba ni dge slong lag pa gnyis bkan pas de blangs na byin len yin gyi/ gzhan gyis ni ma yin no/ /de dag gi mtshan nyid ni rnam pa lngas ni byin len byed du ma bcug par brjod par bya ste/ lnga gang zhe na/ mtshams kyi phyi rol na 'dug pa dang / mi 'thob pa'i phyogs nas dang /glo nas dang / rgyab nas dang / lag pa khas phub pas byin len byed du 'jug pa'o/ /rnam pa lngas ni byin len byed du bcug par brjod par bya ste/ lnga gang zhe na snga ma las bzlog pa dag gis so zhes gsungs pa yin no/ /lus sam zhes bya ba ni lag pa la sogs par mnos pa'o/ /de dang 'brel par zhes bya ba ni lag pa dang 'brel pa'i lhung bzed la sogs pas mnos pa ste/de gnyis su mnos pa ni byin len yin gyi/ gzhan gyi mnos pa ni ma yin no/ /gyen du 'degs nus pa la zhes bya ba ni gang gis sbyin par bya ba'i zas de gyen du 'degs nus pa ste/ de las mnos na byin len yin gyi/ de las gzhan pa las ni ma yin no//bsnyen par ma rdzogs pa las zhes bya ba ni bsnyen par ma rdzogs pa las ma nos pa byin len yin gyi/ dge slong las ni ma yin no/ /mi ma yin pa las kyang zhes bya ba ni glang po che cang shes dang / rta cang shes dang / spre'u cang shes dang / dom cang shes la sogs pa gang la len pa dang stobs pa yod pa dag las kyang mnos na byin len yin pa'o//sbyin par 'dod pas zhes bya ba ni sbyin par 'dod pas byin pa mnos pa byin len yin gyi sbyin par mi 'dod pa dang / dbang med pa la sogs pas byin pa ni ma yin no/ /yan lag gis sam zhes bya ba ni lag pas so/ /de dang 'brel pas byin pa zhes bya ba ni lag pa dang 'brel pa'i ril ba la sogs pa nas zas la sogs pa byin pa'o//mnos pa ni byin len yin te zhes bya ba ni dge slong ji skad smos pa'i rnam pa de lta bus byin len stobs pa ji skad smos pa'i rnam pa de lta bu la sogs pa mnos pa ni byin len byas pa yin gyi gzhan ni ma yin no/ /'thob pa'i phyogs na gnas pas zhes smos pa'i khyad par gzhan bstan pa'i phyir spre'u rnams kyi spyod yul ni yal ga dag yin pas yal ga de nas spre'us byin len bstabs pa ni 'thob pa'i phyogs na gnas pa nyid yin no zhes gsungs so//lag pa bkan pas zhes smos pa'i khyad par gzhan bstan pa'i phyir lag pa bkan pa'i byin len rnam pa lnga ste/ lnga gang zhe na/man shel dang / khri dang / khri'u dang / thu ba dang / lhung bzed kyi gzhi nyid ni lnga pa'o zhes gsungs so/ /lus sam de dang 'brel par zhes bya ba dang / yan lag gis sam/ de dang 'brel pas zhes smos pa'i khyad par gzhan bstan pa'i phyir byin len ni rnam pa lnga ste/ lnga gang zhe na/ lus kyis lus su dang /lus dang 'brel pas lus su dang / lus kyis lus dang 'brel ba dang / lus dang 'brel pas lus dang 'brel pa dang / gzhag pa'i cho ga nyid ni lnga pa'o/ /ji ltar lus kyis lus su zhe na/ lus kyis sbyin par byed cing lus su len par byed pa'o/ /ji ltar lus dang 'brel pas lus su zhe na/ lhung bzed kyis sbyin par byed cing lus su len par byed pa'o/ /ji ltar lus kyis lus dang 'brel par zhe na/ lus kyis sbyin par byed cing lhung bzed du len par byed pa'o/ /ji ltar lus dang 'brel pas lus dang 'brel bar zhe na/ lhung bzed kyis sbyin par byed cing lhung bzed du len par byed pa'o/ /ji ltar gzhag pa'i cho ga nyid lnga pa yin zhe na/smad par bya ba'i yul gyi mi dag yod de/ de dag gi pha ma dang phu nu dang bu sring yang smad par bya ba nyid yin pas dge slong der 'gro ba des dkyil 'khor byas te 'dir zhog shig ces brjod par bya zhing / de dag gis der gang gzhag pa de la byang gi sgra mi snyan gyi dus byin gyis brlabs te bza' bar bya zhing de la 'gyod par mi bya'o zhes gsungs so//lhung bzed dang lhung bzed kyi gzhi dag ni 'dra ba nyid do/ /byin len byas pa zhig pa nyid la na smad pa med do/ /byin len byas pa'i zas 'dril zhing gnas nas gud du song ba gang yin pa de ni dge slong rang stan las ma 'phags pas len nus pa nyid yin na byin len ma zhig pa yin la/gzhan du zhig pa kho na yin no/ /sbrang bu dang / grog sbur dang / byi phrug byung ma thag pa'i tshad pas kyang chung ba'i skye bo phra mo dag gis reg pa na byin len ma zhig pa yin la/ byi ba dang byi mangs la sogs pa'i byi ba dang / de tsam yan chad kyi srog chags gzhan gyis reg pa dge slong rang dang ma 'brel bas ni byin len zhig pa kho na yin no//dge slong gis ma btang ba la dge slong ma dang bsnyen par ma rdzogs pa'i mi gzhan gyis reg pas ni byin len ma zhig pa yin la/ dge slong gis btang ba la de dag gis reg pas ni byin len zhig pa kho na yin no/ /byin len bstabs zin pa kho na la yang stobs par byed pa ni mi rigs pa nyid ma yin te/'di las gzhan dag gis reg par ma gyur tam snyam pa'i the tshom bsal ba'i phyir ro/ /byang gi sgra mi snyan pa'i dus dang chu dang so shing ma gtogs pa'i bza' bar bya ba'i byin len ma bstabs pa nyid la der 'du shes pa dang yid gnyis za ba la na smad pa med do/ /rna ba la sogs pa sgo gzhan ma gtogs pa khar zos pa la na smad pa med do//khar zos shing mgul du mid pa la na smad pa med do/ /'di'i byed pa po ni byang gi sgra mi snyan pa'i dus dang chu dang so shing ma gtogs pa'i bza' bar bya ba byin len ma bstabs pa nyid la 'du shes gtso cher byed pa po nyid yin no/ /'di la yan lag drug gis dngos gzhi'i ltung bar 'gyur te byang gi sgra mi snyan pa'i dus ma gtogs pa dang /chu dang so shing ma gtogs pa'i bza' bar bya ba dang / byin len gyi mtshan nyid mngon sum du mtshams kyi nang du 'thob pa'i phyogs na 'dug pas lag pa bkan pas lus sam de dang 'brel par gyen du 'degs nus pa bsnyen par ma rdzogs pa ma yin pa las kyang sbyin par 'dod pas yan lag gis sam de dang 'brel pas byin la/mnos pa lta bu'i byin len ma bstabs pa nyid dang / der 'du shes pa dang / khar bcug pa dang zos pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du byin len ma byas par za ba'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /byang gi sgra mi snyan pa'i dus su byin gyis mi rlob pa nyid kyi tshe na nyes byas so/ /byang gi sgra mi snyan pa'i gling nyid dang / bza' bar bya ba byin len bstabs pa nyid la de gnyis ma yin par 'du shes pa dang /yid gnyis zab la nyes byas so/ /kha nyid ma gtogs pa rna ba la sogs pa'i sgo gzhan du 'jug pa la nyes byas so/ /kha nas mgul du mid pa la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni byang gi sgra mi snyan gyi gling nyid dang / gzhan du de'i dus byin gyis brlabs pa la ltung ba med do/ /chu dang so shing la ltung ba med do/ /byin len ma bstabs pa nyid dang de ma zhig pa yin pa la ltung ba med do/ / der 'du shes med pa la ltung ba med do/ /byin len byas zin pa'i zas gzhan med dam byin len stobs pa'i mi la sogs pa med na zas de sbyin bdag gis bsam pa thag pas btang ba yin na rang gis byang gi sgra mi snyan pa'i dus su byin gyis brlabs shing blangs te zos pa la ltung ba med do/ /las dang po pa dang / smyos pa dang /sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du byin len ma byas par za ba'i ltung byed du 'gyur ba rnam pa thams cad mi bsten par bslab par bya'o/ /byin len byed du bcug ste bza' bar bya'o//rung ba lnga po mes rung ba dang mtshon gyis rung ba dang sen mos rung ba dang / rnyings pas rung ba dang / ne tsos rma phyung bas rung ba nyid dag bza' bar bya'o/ /gzhan yang rung ba lnga po/ dbyung ba dang / gshegs pa dang / bcad pa dang / phug pa dang / sa bon gyi chos nyid med pa nyid dag bza' bar bya'o//chu grang mos rung bar byas pa dag kyang bsten par bya'o/ /rung ba de dag slob ma dang nye gnas dag gis cang mi smra bas so sor brtag par bya'o/ /mes rung bar bya ba ni phung por byas te mes gnas gnyis sam gsum du reg par byas na thams cad du rung bar 'gyur ro/ /mtshon dang sen mos ni re re nas so//khyim pa rnams mi snyoms par 'drim na dge tshul dag 'drim du gzhug par bya'o/ /de dag kyang mi snyoms na dge slong dag gis lag pa bsnyal te byin len byas nas brim par bya'o/ /dge slong byin len byas pas brim pa nyid ni rung ba nyid yin no/ /'on kyang ma snyoms na brim par bya ba'i zas gces pa dang bar ma dang /tha ma dag so sor bya'o/ /a mra zhim po rnams logs shig tu btsal te brim par bya'o/ /'drim par byed pa'i skal ba ni mkhan po dang slob dpon gyis mnos par bya'o/ /de gnyis rgan pa'i phyir gces pa der 'ong ba 'dri ma par byed pa'i skal ba mi 'thob pa yin na 'drim par byed pa nyid kyi gral gyi drung na 'dug pa dag gis de'i skal ba mnos par bya'o//'drim par byed pa du ma nyid yin na drung na 'dug pa'i dge slong stan las ma 'phags pa gang yin pa des de dag gi skal ba ci tsam len nus pa de tsam mnod par bya zhing gzhan ni gzhan dag gis gnod par bya'o/ /'dril ba dag stan las ma 'phags pas len nus pa dag ni byin len byed du gzhug mi dgos la/mi nus pa dag ni yang byin len byed du gzhug par bya'o/ /dge slong gis byin len byas pa khyim pa dag kyang 'drim du gzhug par bya zhing / byin len 'jig pa spang ba'i phyir dge slong gis dang por bzung zhing khyim pas phyis gzung bar bya'o/ /dge slong gis byin len byas pa khyim pa dag kyang 'drim du bcug pa de dge slong dag las blangs pa gang dag yin pa de dag gi byin len ni sngar dge slong gis byin len byas pa de nyid yin no//khyim pa dag las blangs pa gang dag yin pa de dag ni byin lan byed du gzhug go/ /'jug lhag gsog 'jog byas par mi 'gyur bar bya ba'i phyir dang por dge slong dge slong dag gis gtang bar bya zhing phyis khyim pa dag gis gtang bar bya ste/phyi de nyin par dge 'dun la brim par bya'o/ /bram ze dang khyim bdag dad pa can dag dge 'dun la zhun mar gyi bum pa la sogs pa dag 'bul na blang bar bya zhing / blangs nas dge 'dun la brim par bya'o//de dag gis chos gos dag snum par gyur pa ltan par du rtswa 'am lo ma dag bcug ste brim par bya'o/ /de dag bzung ste 'greng ba na ngal bar 'gyur ba lta na gzhag par bya'o/ /gzhag pa na 'dril ba lta na 'og gzhi la gzhag par bya'o/ /snod phul ba dag kyang blang zhing chu'i rdzing bu zab mo'i nang du zhag bdun nam brgyad gzhug par bya zhing /gang gi tshe nya'am rus sbal lam sbal pa'am chu srin byis pa gsod dam/ nya khyi ba dag gis ma lus par ldogs par gyur pa de'i tshe na rung ba'i khang par bcug ste spyad par bya'o/ /dge slong nad pas rang gi khar zan bcug ste mnod pa bsnyen par rdzogs pa las kyang mnod par bya'o//de med na bsnyen par ma rdzogs pa las kyang mnod par bya'o/ /nad pa bsnyen par ma rdzogs pas ni de gnyis bstabs pa bza' bar bya'o/ /phyir bcos pa ni snga ma bzhin no/ /byin len ma byas par za ba'i ltung byed de sum cu dgu pa bshad zin to// // bsod pa slong ba'i ltung byed kyi gleng gzhi ni bcas pa dang gnang ba'i dbang gis rnam pa gnyis te/ bcas pa'i gleng gzhi ni sangs rgyas bcom ldan 'das shAkya rnams kyi nang du ljongs rgyu zhing gshegs pa na ser skya'i gnas su byon nas ser skya'i gnas na n+ya gro d+ha'i kun dga' ra ba na bzhugs so/ /shAkya ming chen gyis de thos nas bcom ldan 'das ga la ba der song ste phyin nas/bcom ldan 'das kyi zhabs gnyis la mgo bos phyag 'tshal te/ mtha' gcig tu 'dug go/ /mtha' gcig tu 'dug nas/ bcom ldan 'das shAkya ming chen la chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/yang dag par gzengs stod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ /yang dag par rab tu dga' bar mdzad nas cang mi gsung ngo //de nas shAkya ming chen gyis bcom ldan 'das dge slong gi dge 'dun dang bcas pa sang bdag gi sdum par gdugs tshod gsol bar ci gnang zhes spyan drangs nas gshegs te gdugs tshod gsol nas shAkya ming chen la chos bstan nas gdan las bzhengs te gshegs so/ /de'i nang par drug sde dag sngar langs te sbyin bdag gi khyim du dod ba dang /de dag gis smras pa/ 'phags pa dag 'di nyid du gdugs tshod gsol cig /drug sde dag gis smras pa/ kho bo cag mgron du bos so/ /sus shAkya ming chen gyis so/ /'o na sang gdugs tshod gsol cig /de ltar bya'o zhes drug sde dag gis sbyin bdag de dag phyi de nyin par gyi zan drug cu sbyor du bcug nas shAkya ming chen gyi khyim du dong ba dang / ci tsam na kha zas sta gon byas pa yang med/ gnas mal bshams pa yang med par mthong nas/ drug sde dag gis shAkya ming chen gyi zho shas 'tsho ba dag la smras pa/shes ldan dag khyed kyis sangs rgyas la sogs pa dge slong gi dge 'dun spyan drangs nas snying las chung ngur 'khod cing gdugs tshod kyang sta gon mi byed/ gnas mal kyang shom par mi byed na ji ltar sangs rgyas la sogs pa dge slong gi dge 'dun gyi gdugs tshod gcod par byed dam/ de dag gis smras pa/ 'phags pa dag khyed cag gcig pu dag rnal bar gyur tam ci/ sangs rgyas la sogs pa dge slong gi dge 'dun gdugs tshod gsol te gshegs lags so/ /drug sde dag gis smras pa/ ji kho bo cag gi zan gcad par bya'am de dag gis smras pa/ 'phags pa dag bdag cag gis shAkya ming chen la sbran gyi bar du re zhig yud tsam zhig gzhes shig ces de dag dong ste shAkya ming chen la smras pa/'phags pa drug sde dag gzod mchis te 'tshal ma slong ngo / /shAkya ming chen gyis smras pa/ deng la lhag rol chung zad cig gda' ba de byin cig /de dag dong ste smras pa/ 'phags pa dag bzhugs la gsol cig ces de dag gis brim par brtsams pa dang / drug sde dag gis smras pa/ shAkya ming chen gyis kha shin tu chen pos bcom ldan 'das kyis sang bdag gi sdum par dge slong gi dge 'dun dang thabs cig tu gdugs tshod gsol bar ci gnang zhes spyan drangs na/ gal te zan 'di 'dra bas sangs rgyas la sogs pa dge slong gi dge 'dun spyan drang du rung na ni nye dgas kyang nyi ma re re zhing sangs rgyas la sogs pa dge slong gi dge 'dun spyan 'dren par 'gyur ro/ /'di ltar bkren pa 'di la ci bdog gi deng la khyim bdag che ge mo'i khyim nas 'o ma long shig /che ge mo'i khyim nas zho long shig /che ge mo'i khyim nas mar long shig /che ge mo'i khyim nas nya sha long shig /che ge mo'i khyim nas sha long shig /che ge mo'i khyim nas sha skam dag long shig ces de dag gis bdag nyid kyi phyir zas bsod pa de lta bu dag gzhan gyi khyim dag nas blangs te der zos nas gtsug lag khang du dong ba dang /dge slong rnams kyis de dag la smras pa/ tshe dang ldan pa dag khyed kyis zan gar zos/ de nyid du'o/ /khyed cag de na ma mthong ngo / /kho bo cag phyis lhags so/ /khyed cag gis zan ji lta bu zos/ 'o ma dang zho dang mar dang nya sha dang sha dang sha skam po dag go/ /dge slong rnams kyis smras pa/kho bo cag gis zan de lta bu ma thob po/ /drug sde dag gis smras pa/ bkren pa de la zan de lta bu ga la yod/ kho bo cag gis khyim du 'gro ba'i khyim dag nas blangs te der zos so/ /khyed cag bdag nyid kyi phyir zas bsod pa de lta bu dag gzhan gyi khyim dag nas blangs te bza' rung ngam/ rung yang srid mi rung yang srid de ji kho bo cag gis ltogs te 'chi bar bya'am zhes zer nas dge slong don nyung du dag ci'i phyir dge slong dag bdag nyid kyi phyir zas bsod pa de lta bu dag gzhan gyi khyim dag nas blangs te 'cha' ba dang za bar byed ces smod par byed/phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol ba dang /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ drug sde dag la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ bcom ldan 'das kyis dge slong rnams kyi zas bsod pa gang dag gsungs pa 'di lta ste/'o ma dang zho dang mar dang nya sha dang sha dang sha skam dag ste/ yang dge slong gang bdag nyid kyi phyir zas bsod pa de lta bu dag gzhan gyi khyim dag nas blangs te 'cha' 'am za na ltung byed do zhes bca' ba mdzad de/ yul ni ser skya'i gnas/ gang zag ni drug sde/ nyon mongs pa ni rang nyams dang lto 'dun/nyes pa ni mi na bas bdag nyid kyi phyir zas bsod pa dag gzhan gyi khyim dag nas blangs te za ba'o/ /gnang ba'i gleng gzhi ni sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /dge slong na ba zhig gis sman pa la dris pa/bzhin bzangs je kho bo la sman ston cig /'phags pa 'o ma gsol cig /bzhin bzangs kho bo la 'o ma sus sbyin par 'gyur/ 'phags pa khyim gzhan dag nas slongs shig /bzhin bzangs bcom ldan 'das kyis bslab pa'i gzhi bca' ba mdzad do/ /'phags pa khyod kyi ston pa thugs rje can lags pas de nyid rkyen du mdzad nas gnang bar 'gyur ba gang lags pa de lta bu'i gnas mchis par 'gyur ro zhes zer ba'i skabs de dge slong rnams kyis bcom ldan 'das la gsol ba dang /bcom ldan 'das kyis bka' stsal pa/ de lta bas na na ba'i dus ma gtogs so/ /de bzhin du dge slong na pa gzhan la zho dang mar dang nya sha dang sha dang sha skam po dag khyim gzhan dag nas slong du gnang ba'i bar du snga ma bzhin no//de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ /dge slong dag de lta bas na snga ma ni bcas pa yin la 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ bcom ldan 'das kyis dge slong rnams kyi zas bsod par gang dag gsungs pa 'di lta ste/'o ma dang zho dang mar dang nya sha dang sha dang sha skam dag ste/ yang dge slong gang mi na bar bdag nyid kyi phyir zas bsod pa de lta bu dag gzhan gyi khyim dag nas blangs te 'cha' 'am za na ltung byed do zhes gnang ba mdzad do/ /yul ni ser skya'i gnas/ gang zag ni dge slong nad pa dag /nyon mongs pa dang nyes pa ni med do/ /de la bcom ldan 'das kyis zhes bya ba ni de bzhin gshegs pa dgra bcom pa yang dag par rdzogs pa'i sangs rgyas kyis so/ /dge slong rnams kyis zhes bya ba ni chos 'di pa rnams kyis so/ /zas bsod pa gang dag gsungs pa zhes bya ba ni rab tu bstan pa'o//'di lta ste 'o ma dang zho dang mar dang nya sha dang sha dang sha skam dag ste zhes bya ba ni zas bsod pa dag go/ /yang dge slong gang zhes bya ba ni drug sde'am gzhan yang de lta bu gang yin pa'o/ /mi na bar zhes bya ba ni na ba ma gtogs par ro/ /bdag nyid kyi phyir zhes bya ba ni bdag nyid la bsngos te'o//zas bsod pa de lta bu dag ces bya ba ni 'o ma dang zho dang mar dang nya sha dang sha dang sha skam dag go/ /gzhan gyi khyim dag nas zhes bya ba ni bram ze dang khyim bdag gi khyim dag nas so/ /blangs te zhes bya ba ni gsol te'o/ /'cha' 'am za na zhes bya ba ni mgul du mid na'o/ /ltung byed do zhes bya ba ni snga ma bzhin no//de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong min pas ji bder bstabs pa ma byas pas sbyin par byed pa nye du ma yin pa khyim pa nyid las zas bsod pa 'o ma'am/zho'am mar ram/ nya sha'am/ sha'am/ sha skam lta bu rang gis blangs te zos pa dang ngan pa'am bsod pa'am tha mal pa'am/ bzang po 'thob pa na zas bsod pa snga ma lta bu rang gis blangs te zos na bsod pa slong ba'i ltung byed kyi dngos gzhir 'gyur ro//dge slong mi na ba la na smad pa med do/ /na ba la ni rang slong ba dang / bslangs pa 'thob ba zos pa dang / gzhan slob du bcug pa dang / gzhan slong du bcug pa thob pa zos pa dang / de dag ma zos pa thob pa thams cad la ltung ba med pa'i phyir ro//dge slong ci bder bstabs pa ma byas pa la na smad pa med do/ /dge slong bsod snyoms la rgyu ba khyim dag tu nye bar phyin pa na bud med zas khyer te phyis byung bas dge slong la cang mi smra ba'am kho bo la 'di mi dgos so zhes phyir spong ba la/ bud med kyis 'phags pa 'o na ci slong zhes 'dri na bstabs pa yin pas de la ci 'dod pa bslangs kyang ltung ba med do//sbyin bdag la ci 'dod pa slongs shig ces ci bder byas par gyur pa na yang de la ci 'dod pa bslangs kyang ltung ba med do zhes gsungs pa'i phyir ro/ /sbyin par byed pa nye du ma yin pa khyim pa nyid la na smad pa med do/ / zhu ba las btsun pa dge slong gis bro ma 'tshal bar bdag nyid kyi slad du khyim dag nas zas bsod pa bslangs te 'cha' 'am 'tshal ba de la ltung bar mi 'gyur ba mchis sam/ yod de nye du las bslangs te za na ltung ba med do/ /gal te rtags 'di pa sbyin bdag yin na de'i tshe yang ltung ba med do/ / gal te phyi rol pa rab tu byung ba sbyin bdag yin na ni nyes byas so zhes gsungs pa'i phyir ro/ /zas bsod pa 'o ma dang zho dang mar dang nya sha dang sha dang sha skam lta bu thams cad dam de dag gang yang rung ba la na smad pa med do/ /so sor thar pa dang de rnam par 'byed pa las/ bcom ldan 'das kyis dge slong rnams kyi zas bsod pa gang dag gsungs pa 'di lta ste/'o ma dang zho dang mar dang nya sha dang sha dang sha skam dag ste/ yang dge slong gang mi na bar bdag nyid kyi phyir zas bsod pa de lta bu dag gzhan gyi khyim dag nas bslangs te 'cha' 'am za na ltung byed do zhes gsungs pa'i phyir ro/ /'o ma la sogs pa de dag kyang mtshon pa tsam du zad de rnam pa de lta bu dag dang mar khu la sogs pa'i zas bsod pa gzhan dag kyang de bzhin no//rang gis blangs te zos pa la na smad pa med do/ /dge slong mi na pas zas bsod pa de dag rang gis blangs pa tsam dang / gzhan slong du bcug pa nyid dang / gzhan slong du bcug pa thob pa zos pa ni nyes byas la/ de ma zos pa ni nyes byas phra mor gsungs pa'i phyir ro//zas ngan pa'am bsod pa'am tha mal pa'am bzang po thob pa na gal te zas bsod pa snga ma dag lta bu'i yul la rang gis blangs te zos pa la na smad pa med do/ /gang gi phyir 'dir ci bder bstabs pa kho na 'ba' zhig la ltung ba med pa de'i phyir dge slong ci bder bstabs pa ma byas pa des zas ngan pa'am/bsod pa'am tha mal pa'am bzang po thob pa na gal te zas bsod pa snga ma dag lta bu'i yul la rang gis bslangs te zos na dngos gzhir 'gyur ro/ /de la zas ngan pa zhes bya ba ni 'o ma la sogs pa las gzhan pa 'bru mar la sogs pa'o/ /bsod pa zhes bya ba ni 'o ma la sogs pa'o/ / tha mal pa zhes bya ba ni 'o ma de nyid ra la sogs pa'i yin pa'o/ /bzang po zhes bya ba ni 'o ma de nyid ba la sogs pa'i yin pa'o/ /yang na ngan pa zhes bya ba ni ra'i 'o ma'o/ /bsod pa zhes bya ba ni 'bras kyi 'o thug mar dang sha ka ra dang bsres pa'o/ /tha mal pa zhes bya ba ni ba'i 'o ma'o/ /bzang po zhes bya ba ni gang ma sreg la sogs pa'i sha bal po se'u'i khu ba na le sham la sogs pa spod kyi bye brag dang sbyar ba'o//'di'i byed pa po ni dge slong mi na ba ci bder bstabs pa ma byas pa nyid dang / sbyin par byed pa nye du ma yin pa khyim pa nyid dang zas bsod pa dag ni byed pa po nyid yin no/ /'di la yan lag lngas dngos gzhi'i ltung bar 'gyur te/dge slong mi na ba nyid dang / tsi bder bstabs pa ma byas pa nyid dang / zas bsod pa nyid dang / sbyin par byed pa nye du ma yin pa khyim pa nyid dang / rang gis blangs te zos pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas ste ji srid du zas bsod pa slong ba'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /dge slong mi na bas rang gis blangs pa tsam la nyes byas so/ /dge slong mi na bas gzhan slong du bcug pa dang / de thob pa zos pa la nyes byas so//dge slong mi na bas gzhan slong du bcug cing za bar mi byed na nyes byas na smad do/ /sbyin par byed pa phyi rol pa'i rab tu byung ba la nyes byas so/ /bza' bar bya ba ngan pa rang gis bslangs te za na sbyor ba dang dngos gzhi gnyis ka la nyes byas so/ /bza' bar bya ba ngan pa gzhan slong du bcug pa dang /de zos pa la nyes byas na smad pa'o/ /ngan pa thob pa na bsod pa slong ba la nyes byas so/ /bsod pa thob pa na ngan pa slong ba dang de thob pa zos pa la nyes byas so/ /ngan pa mi 'thob par bsod pa slong na thams cad du nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni dge slong na ba la ltung ba med do/ /sbyin bdag gis ci bder bstabs pa la ltung ba med do/ /sbyin bdag nye du dang rtags 'di pa'i rab tu byung ba la ltung ba med do/ / las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du bsod pa slong ba'i ltung byed du 'gyur ba rnam pa thams cad mi bsten par bslab par bya'o/ /rang nyams dang lto 'dun mi bya'o//phyir bcos pa ni snga ma bzhin no/ /bsod pa slong ba'i ltung byed de bzhi bcu pa bshad zin to// //sdom la/ srog chags bcas dang nyal sar 'dug /'greng dang gcer bu dmag dang ni/ /zhag gnyis bsham dkrugs 'gro ba dang / /rdeg dang gzas dang gnas ngan len//ces bya ba ni bcu pa lnga pa yin te/ sdom la zhes bya ba'i tshig gi don dang dgos pa ni snga ma bzhin no/ /bcu pa lnga pa 'dis kyang ltung byed kyi chos bcu bstan te/ srog chags dang bcas pa'i chu la spyad pa dang / nyal po byed par shom pa'i khyim na 'dug pa dang / nyal po byed par shom pa'i khyim na 'greng ba dang / gcer bu la sbyin pa dang / dmag la lta ba dang / dmag gi nang na gnas lta ba dang / dpung gi yan lag nyams su myong ba dang / rdeg pa dang / gzas pa dang / gnas ngan len 'chab pa'i ltung byed do/ /de la srog chags dang bcas pa'i chu la spyod pa'i ltung byed kyi gleng gzhi ni sangs rgyas bcom ldan 'das kau shAm bI na gdang can gyi kun dga' ra ba na bzhugs so//tshe dang ldan pa 'dun pa shes bzhin du srog chags dang bcas pa'i chu la spyod nas/ de la dge slong rnams kyis smras pa/ tshe dang ldan pa 'dun pa khyod shes bzhin du srog chags dang bcas pa'i chu la ma spyod cig /des smras pa/ kho bo la 'ga' zhig gis bgrangs te gtad dam ci shar gyi rgya mtsho chen por 'dong na ci nyes/lho dang nub dang byang gi rgya mtsho chen por 'dor na ci nyes/ 'bab chu dang mtsho dang lteng ka dag tu 'jug na ci nyes zhes zer ba na/ dge slong don nyung ngu dag ci'i phyir dge slong dag shes bzhin du srog chags dang bcas pa'i chu la spyod ces smod par byed/ phyar ka gtong bar byed/kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ 'dun pa la rmas nas/ dge sbyong gi tshul ma yin pa/ rjes su mthun pa ma yin pa/rung ba ma yin pa/ tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang shes bzhin du srog chags dang bcas pa'i chu la spyod na ltung byed do zhes bca' ba mdzad de/yul ni kau shAm bI/ gang zag ni 'dun pa/ nyon mongs pa ni bag med pa/ nyes pa ni shes bzhin du srog chags dang bcas pa'i chu la spyod pa'o/ /de la yang dge slong gang zhes bya ba ni 'dun pa'am gzhan yang de lta bu gang yin pa'o//shes bzhin du zhes bya ba ni de rang nyid kyis rig par gyur pa'am/ gzhan dag gis brjod pas so/ /srog chags dang bcas pa'i zhes bya ba ni srog chags dang bcas pa rnam pa gnyis te/ gang dag mi sngar snang bar 'gyur ba dang gang dag chu tshugs kyis zin par 'gyur ba'o/ /chu la spyod na zhes bya ba ni chu la spyod pa gnyis te/nang gi dang phyi rol gyi'o/ /nang gi spyod pa ni khrus byed pa dang / 'thung ba dang / so shing 'dor ba dang / lag pa dang rkang pa 'khru ba'o/ /phyi rol gyi spyod pa ni lhung bzed 'khru ba dang / lhung bzed chung ngu 'khru ba dang / chos gos dag 'khru ba dang / tshon gyi las byed pa dang / gtsug lag khang du chag chag 'debs pa dang /zhal zhal skud pa dang / lci ba sar pa'i byug pas nyug pa'o/ /ltung byed do zhes bya ba ni sems can dmyal ba dang / dud 'gro dang yi dwags ngan song dang / ngan 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i tshogs rnams la sgrib par byed pa ste/des na ltung byed do zhes gsungs so/ /sngar srog chags dang bcas pa'i chu la spyod pa'i ltung byed bstan pa dang / 'dir srog chags dang bcas pa'i chu la spyod pa'i ltung byed bstan pa de gnyis ni spyi'i mtshan nyid ni 'dra'o/ /bye brag tu na snga ma ni rang spyod pa ma yin pa gzhan spyod pa'i don nyid la 'jug pa dang /'jug tu 'jud pa de gnyis kyi yul la rnam par gzhag go/ /'di ni rang spyod pa'i don nyid la 'jug pa dang 'jug tu 'jud pa de gnyis kyi yul la rnam par gzhag go/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab bar bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gis rang spyod pa'i don la lus kyi nye bar spyad pa'i mtshan nyid dang / de'i ngo bo nyid khrus dang /btung ba dang / so shing dor ba dang / lag pa dang rkang pa bkru ba dang / lus kyi yo byad bza' bar bya ba dang / lhung bzed dang chos gos dang gnas dang so bkru ba dang / me la sogs pa dang / yo byad de dag tu nye bar sbyar ba dang / lci ba dang / tshon dang / rtswa dang / shing la sogs pa dang /nye bar sbyar ba de dag la chu la sogs pa dgos pa 'di lta ste/ byi dor bya ba dang / bkru pa dang / kha bsgyur ba dang / chag chag gdab pa dang / phyag dar bya ba dang / zhal zhal bya ba dang / 'u sha dang / thang dang / thug pa dag tu bya ba'i chu dang / zhun mar dang / 'bru mar dang / sbrang rtsi dang / bu ram gyi dbu ba dang /'o ma dang / zho dang / mar dang / tshwa dang / 'bru'i tsha dang / zho ga chu dang / rtsab mo dang / shing thog dang / bca' bar bya ba la sogs pa la dud 'gro'i skye gnas su skyes pa'i srog chags ltar nus pas snang ba dag gis srog chags dang bcas pa dang / chu'i srol bkag pa dang / bsal ba dag dang / shing dang / g.yeng ba dang / chur gzhug pa dang / drang ba dang / bshal ba dag dang / gos rim pa gcig pa las gzhan pa spu can la sogs pa chur bkru ba dang / gos rim pa gcig pa de yang srog chags kyi khams lhag par mang ba'i chur 'khru ba lta bu'i sbyor ba dag la yang srog chags dang bcas pa nyid du 'du shes pas rang nyid 'jug gam gzhan 'jug tu 'jud na/dud 'gro'i skye gnas su skyes pa'i srog chags re re shi ba'i mthar srog chags dang bcas pa'i chu la spyod pa'i ltung byed kyi dngos gzhir 'gyur ro/ /dge slong gis rang spyod pa'i don du chu la sogs pa dag la dud 'gro'i skye gnas su skyes pa'i srog chags sha'i mig gis ltar snang ba dag yod par shes bzhin du de la bdag nyid 'jug pa dang /gzhan 'jug tu 'jud pas srog chags ji snyed shi ba re re'i mthar lhung byed kyi dngos gzhi re rer 'gyur ba lan smad pa med do/ /de la rang spyad pa'i don ces bya ba ni lus kyis nye bar spyad pa'o/ /de yang rnam pa gsum ste/ mtshan nyid dang ngo bo nyid dang /lus kyi yo byad do/ /mtshan nyid ni lus kyis nye bar spyad pa'i mtshan nyid do/ /ngo bo nyid ni lus kyis nye bar spyad pa de'i ngo bo nyid de/ khrus dang btung ba dang so shing dor ba dang lag pa dang rkang pa dag bkru ba'o/ /lus kyi yo byad ni bza' bar bya ba dang lhung bzed dang chos gos dang gnas dang so bkru ba dang /me la sogs pa ste/ bza' bar bya ba zhes bya ba ni bza' ba dang btung ba la sogs pa'o/ /lhung bzed dang chos gos dang gnas dang so bkru ba dang me la sogs pa zhes bya ba'i sgras ni khri dang khri'u dang stan nang tshangs can dang la ba la sogs pa dag bsdus te/ de dag ni lus kyi yo byad dag yin par rig par bya'o//lus kyi yo byad de dag tu nye bar sbyar ba ni sa dang lci ba dang tshon dang rtswa dang shing la sogs pa dag yin par rig par bya'o/ /lus kyi yo byad de dag tu nye bar sbyar ba de dag la chu la sogs pa de ji ltar dgos she na nye bar sbyar ba de dag sa chu la sogs pa dgos pa 'di lta ste/ byi dor bya ba dang / bkru ba dang / kha bsgyur ba dang /chag chag gdab pa dang / phyag dar bya ba dang / zhal zhal bya ba dang / 'u sha dang / thang dang / thug pa dag tu bya ba'i zhes bya ba smras te/ byi dor bya ba dang / bkru ba dang / kha bsgyur ba zhes bya ba ni lhung bzed la sogs pa'o/ /chag chag gdab pa dang / phyag dar bya ba dang / zhal zhal bya ba zhes bya ba ni gnas khang la sogs pa'o//'u sha dang thang dang / thug pa dag tu bya ba'i zhes bya ba ni bza' ba dang btung ba dag tu bya ba'o/ /de dag tu bya ba'i chu la sogs pa dag gang zhe na/ chu dang zhun mar dang / 'bru mar dang / sbrang rtsi dang / bu ram gyi dbu ba dang / 'o ma dang / zho dang / mar dang / tshwa dang 'bru'i tsha dang / zho ga chu dang /rtsab mo dang / shing thog dang bca' bar bya ba la sogs pa zhes bya ba smras so/ /de dag srog chags ji lta bu dag gis srog chags dang bcas pa nyid yin zhe na/ dud 'gro'i skye gnas su skyes pa'i srog chags ltar nus pas snang ba dag gis srog chags dang bcas pa zhes bya ba smras so/ /chu la sogs pa de dag nyi tshe srog chags dang bcas pa 'ba' zhig 'dir bzung bar ma zad kyi/srog chags 'chi ba'i sbyor ba gzhan dag kyang bzung ba'i phyir chu'i srol dgag pa dang bsal ba dag ces bya ba smos te/ yur ba la sogs pa chu'i srol dgag pa dang bsal ba dag bya ba lta bu yang srog chags 'chi ba'i sbyor ba yin pas de dag dud 'gro'i skyes gnas su skyes pa'i srog chags ltar nus pas snang ba dag gis srog chags dang bcas pa dag kyang 'dir gzung ngo //srog chags 'chi ba'i sbyor ba gzhan dag kyang gzung ba'i phyir shing dang g.yeng ba dag chur gzhug pa dang drang ba dang bshal ba dag ces bya ba smras te/ shing chu'i nang du gzhug pa dang / chu'i nang nyid du drang ba dang / chu'i nang nas skam sar bshal ba dang / chu lon la sogs pa chur g.yeng ba dag chur gzhug pa dang / chu'i nang nyid du drang ba dang / chu'i nang nas skam sar bshal ba dag bya ba lta bu yang srog chags 'chi ba'i sbyor ba yin pas/de dag dud 'gro'i skye gnas su skyes pa'i srog chags ltar nus pas snang ba dag gis srog chags dang bcas pa dag 'dir gzung ngo / /shing dang g.yeng ba dag ces smos pa ni dpe tsam du zad de de lta bu dang mthun pa gzhan dag kyang bsdu'o/ /srog chags 'chi ba'i sbyor ba rnam pa gzhan dag kyang gzung ba'i phyir gos rim pa gcig pa las gzhan pa spu can la sogs pa chur bkru ba zhes bya ba smos te/gos chig rkyang las gzhan pa nyis rim spu can dang / lhan pa can la sogs pa dag chur bkru ba dag bya ba lta bu yang srog chags 'chi ba'i sbyor ba yin pas de dag dud 'gro'i skye gnas su skyes pa'i srog chags ltar nus pas snang ba dag gis srog chags dang bcas pa dag kyang 'dir gzung ngo //yang srog chags 'chi ba'i sbyor ba rnam pa gzhan dag kyang gzung ba'i phyir gos rim pa gcig pa de yang srog chags kyi khams lhag par mang ba'i chur 'khru ba lta bu'i sbyor ba dag la yang srog chags dang bcas pa nyid du 'du shes pas rang nyid 'jug gam/gzhan 'jug tu 'jud na dud 'gro'i skye gnas su skyes pa'i srog chags re re shi ba'i mthar srog chags dang bcas pa'i chu la spyod pa'i ltung byed kyi dngos gzhir 'gyur zhes bya ba smras so/ /rang spyod pa'i don gang yang rung ba la na smad pa med do/ /dud 'gro'i skye gnas su skyes pa'i srog chags gang yang rung ba la na smad pa med do//sha'i mig gis ltar snang ba la na smad pa med do/ /srog chags dang bcas pa nyid las der 'du shes pa dang yid gnyis za ba la na smad pa med do/ /rang nyid 'jug gam gzhan 'jug tu bcug pa la na smad pa med do/ / srog chags re re shi ba'i mthar ltung byed kyi dngos gzhi re rer 'gyur ba la na smad pa med do/ /'di'i byed pa po ni rang spyad pa'i don du chu la sogs pa srog chags dang bcas pa la 'du shes gtso cher byed pa po nyid yin no/ /'di la yan lag lngas dngos gzhi'i ltung bar 'gyur te/ rang spyad pa'i don gang yang rung ba dang /dud 'gro'i skye gnas su gtogs pa'i srog chags gang yang rung ba dang bcas pa'i chu la sogs pa dang / der 'du shes pa dang / rang dang gzhan gyis spyad pa dang / srog chags ji snyed shi ba'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du srog chags dang bcas pa'i chu la spyod pa'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /srog chags dang bcas pa nyid ma yin pa la srog chags dang bcas pa nyid du 'du shes pa dang / yid gnyis za ba la nyes byas so//rang spyod pa ma yin pa dang dud 'gro ma yin pa dag ni ltung ba gzhan gyi yul yin no/ /ma shi na sbyor ba'i nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o//ltung ba med pa ni der 'du shes med pa la ltung ba med do/ /rang dang gzhan gyis ma spyad pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du srog chags dang bcas pa'i chu la spyod pa'i ltung byed du 'gyur ba rnam pa thams cad mi bstan par bslab par bya'o//srog chags dang bcas pa'i chu legs par btsag par bya'o/ /de'i don du dpyang tshags bcang bar bya'o/ /dpyang tshags de ji 'dra ba zhig ce na shing bu gsum mdung khyim lta bur ya thog bsnol mal lcags gzer gyis sbrel la/rtsa ba gsum phral te sa la gzugs shing / de'i rked par lcags gzer gyi zungs btab pa la dpyang tshags chu dgang bar bya ba dang / btsag par bya ba'i ras bzang po las byas pa bcang bar bya'o/ /de'i 'og tu dpyang tshags de nas chu 'dzag pa zed par byed pa'i zed snod bum pa la sogs pa sa la gzhag par bya ste/chu snod gzhan gyis dpyang tshags kyi nang du chus dgang bar bya zhing dpyang tshags nas zags pa'i chu zed snod kyis gzung bar bya ste de ni dpyang tshags zhes bya'o/ /dpyang tshags kyis chu btsags pa'i 'og tu dpyang tshags kyi nang na gnas pa'i srog chags mi 'chi bar dpyang tshags kyi nang na chu gnas par bya ba'i phyir tshags gcal gzhug par bya'o//tshags gcal de ci 'dra ba zhig ce na/ bye ma'am lci ba gang yang rung ba gcal du gzhug pa'o/ /yang na tshags gcal zhes bya ba ni tshags rten snod du gzhug pa'o//tshags rten snod de yang ci 'dra ba zhig ce na/ sa las byas pa yang rung / zangs ma las byas pa yang rung ba'i snod kha'i thon kor gyi phyogs ngos gnyis sam gsum du bu gu phug pa shing bu gsum rked bsnol du gzer btab pa'am/ bcings pa'i rtsa ba sa la btsugs pa'i ya thog gsum la tha gu'am lcags thag 'jam pos dpyangs te de'i nang du dpyang tshags kyi zhabs gzhug par bya'o//de yang sa las byas pa ni tha gus gdags so/ /zangs ma las byas pa ni lcags thag 'jam pos gdags so/ /de ni tshags rten snod ces bya ste de bcang bar bya'o/ /chu tshags gang yang rung ba dag thags bzang bas chu mi 'dzag na chu tshags de la shing leb kyis dal bus dal bus gdab par bya'o//bum tshags gce'u can ni tshegs chung zhing bya sla bas de la 'dod pa bskyed bar bya'o/ /bum tshags gce'u can de ci 'dra ba zhig ce na/ sa las byas pa yang rung zangs ma las byas pa yang rung ba'i snod bum pa'i dbyibs lta bu kha yangs pa/nang pad ma'i snying po'i sa bon gyi gnas kyi sbu gu lta bu mang po dang ldan pa/ sbu gu de rnams kyi kha phyir bltas pa 'og ma rnams gce'u sbubs can bcug pa/ nang gi zhabs su bu gu de dag nas chu 'dzag pa'i steng du gcal thabs su chu tshags su rung ba'i rdzas kyi ras mas g.yogs pa ste/ de ni bum tshags gce'u can zhes bya ste de bcang bar bya'o/ /dge 'dun dang gang zag gis kyang chu tshags nye bar gzhag par bya ste/ chu tshags zhes bya ba ni chu la sogs pa kun nas 'dzag par byed pa'i chu tshags ras la sogs pa las byas pa spyi la bsnyegs so/ /chu tshags gru gsum mam ril ba zhabs tshags can nam bsal tshags kyang nye bar gzhag par bya'o//chu tshags gru gsum zhes bya ba de ci 'dra ba zhig ce na/ ras la sogs pa chu tshags su rung ba'i rdzas las kha logs gru gsum pa zhabs 'phyang ba byin gyis phra mor btsems pa smyig ma'am khar ba la sogs pa'i yang mig gru gsum yu ba can la bu gu phug pa las dpyangs pa'o//ril ba zhabs tshags can zhes bya ba de ci 'dra ba zhig ce na/ sa las byas pa yang rung / shing las byas pa yang rung zangs ma las byas pa yang rung ba'i snod ril ba'i dbyibs 'dra ba/ zhabs ril gyis zo ba zhabs ma bcug pa 'dra bar gsod ldong du gzhag par chu tshags su rung ba'i ras kyis nang rol nas zhabs thabs su sbyar ba/kha'i mthongs phye ste rlung gi gsang btod la/ zhabs chu'i 'jings su btsir te chu nang du gzhib thabs su btsags la/ phyir dbyung khar kha'i mthongs bkag ste rlung gi gsang bsubs nas chu rang gang dang bcas te dbyung ba'o/ /bsal tshags zhes bya ba de ci 'dra ba zhig ce na/ dpyang tshags la sogs pas chu btsags pa'i nang du srog chags 'tshigs pa rnams khron pa'am lu ma'am 'bab chu la sogs pa'i 'jings su gang nas bcus pa'i gzhi nyid du phyir bskyal ba'i snod sa las byas pa yang rung / shing ngam zangs ma las byas pa yang rung zo ba'am bum pa'i dbyibs 'dra ba kha dang zhabs nas dpyang thag re re btags pa thur du btang ba'i tshe ni kha'i dpyang thag bsdams te zhabs kyi dpyang thag klod de 'jings su bor ba'i tshe ni kha'i dpyang thag klod de/zhabs kyi dpyang thag bsdams nas khas sbub ste srog chags dbo ba kha nas mi g.yeng bar dal bus chur btang ba'i snod yin no/ /bya ma bum dang ril ba dag gis chu rung ba bcus pa nyid ni chu tshags dang 'dra ba nyid yin no//lam ji srid du chu rung ba yod pa nyid yin na de yang chu tshags dang 'dra ba nyid yin no/ /chu tshags la sogs pa de med par ljongs rgyu zhing 'gro bar mi bya'o/ /dge slong zhe 'gras pa nad dang bcas pa dang lhan cig ljongs rgyu zhing 'gro bar mi bya'o/ /gal te de dang 'grogs te mi 'gro na tshul khrims dang srog la sogs pa'i bar chad byed pa de lta bu'i rkyen yod na gtsug lag khang nyid du des bzod pa gsol nas sam de yis bzod par byas te lhan cig ljongs rgyu zhing 'gro bar bya'o//chu tshags la sogs pa'i yo byad ni bya ba byed pa'i dus nyid na yod na yod pa nyid yin gyi/yul dang dus kyis bskal pa na yod pa nyid ni ma yin no/ /dge slong gzhan gyis 'di ltar chu btsags pa'i dus der chu tshags sbyin no zhes khas blangs pa ni chu tshags de dang ldan pa nyid yin gyi gal te de ltar khas ma blangs na dge slong gzhan la chu tshags yod du zin kyang dge slong de la chu tshags yod pa nyid ma yin no//ljongs rgyu ba'i tshe 'bral ba ni chu tshags sbyin par pha rol pos khas ma blangs na gzhi nas cha ba'i tshe nas de'i chu tshags la brten par mi bya'o/ /rgyang grags lnga'i mtha' tshun chad chus phongs par mi 'gyur bas nges par 'gro ba ni ljongs rgyu ba yang ma yin la/ der chu tshags med par yang 'gror rung ngo //der song na chu tshags kyang yod par 'gyur bar ma nges par rang gi chu tshags bzhag ste 'gro bar mi bya'o/ /chu tshags gcig yod na des dge 'dun man chad dge slong du ma dag chu tshags dang ldan pa nyid du gyur pas des ljongs rgyu zhing 'dong du rung ngo / /rgyang grags lnga'i mtha' tshun chad du 'gro ba la yang chu rgyun mgyogs pa sngar thal ba lta na chu tshags bskur bar bya'o//chu rgyun mgyogs pa de la chu rgyun phyogs su rjes su 'brel par 'gro bas ni rgyang grags kyi mgor chu brtags pa des rgyang grags gcig gi bar du brtag mi dgos par 'jug tu rung la/ de man chad ni yang de bzhin du brtag par bya'o/ / rgyang grags gcig gi bar der gal te chu gzhan dang 'dres par gyur na de yan chad du sngar brtags pas 'jug tu rung gi de man chad yang brtag par bya'o/ /chu'i kha'i nye 'khor ni 'dom gang yin pas chu brtags pa'i gnas nas 'dom gang khor khor yug tshun chad ni brtags pa nyid yin no/ /lha'i mig ma yin pa sha'i mig tha mal bas brtags te/dag pa nyid kyi chu ni dag pa yin na/ /chu mi g.yo ba nyid dang rnyog pa med pa la brtag par bya'o/ /bum pa gang ba nyid la brtag par bya'o/ /chu brtags pa de la yun ni bya ba las 'das par bgrang ba'i yun ring po nyid du mi bya ste/ ji srid kyis ba lang drug dang ldan pa'i shing rta smyig ma'i shar bas bkang ba g.yangs kyis lan cig 'khor bar 'gyur ba de srid dam/ji srid kyis sems dag par gyur pa de srid du brtag par bya'o/ /gal te la la chu'i srog chags la the tshom za ba'am mi mthong na de'i tshe thur ma'am rtsa'am shing bu rtse mo 'jam pos srog chags dag bstan par bya'o//de dag 'chi bar 'gyur ba'i lam du mi dor ro/ /de las gzhan pa zhig dang rtswa shig la sogs pa dag kyang 'chi bar 'gyur ba'i lam du mi dor ro/ /gal te mar me'i nang du srog chags ltung na mar me snang bar byed pa'i 'od khang gis mar me de g.yogs par bya'o/ /'od khang de ci 'dra ba zhig ce na/smyig tshal gyi gzeb dar dkar ram lhang tsher srab mos g.yogs pa ni 'od khang zhes bya ste/ yul gzhan dag ni ting khang zhes kyang zer ro/ /'od khang ma rnyed na mig brgya bas g.yogs su rung ngo / /mig brgya pas zhes bya ba ni ci 'dra ba zhig ce na/ dang po nas sa las byas pa'i snod khrol ma'i mig lta bu'i bu gu mang po can nam/phyis bum pa la sogs pa la gsor bus de ltar phug pa'i snod bu gu can ni 'od khang mig brgya pa zhes bya'o/ /skra dang rnga ma dang / rngog ma la sogs pa'i rnyis sbrul gzung bar mi bya'o/ /sbrul bsal ba la se gol gyi sgra phyung ste/ bzhin bzangs mig lam na ma 'dug shing ces brjod par bya'o//'on kyang 'dug na dbyu gu skam khas dal bus rdza ma'am bum par bcug ste kha bcad nas rlung rgyu ba'i bu gu dag btod de bsal bar bya'o/ /gal te thabs de lta bu ma grub na lcag khod dam shur bu'am shur bu phre'u 'am tha gu ras mas dkris pa'i zhags mig gis mgul bar bcings te dor bar bya'o/ / thabs de ni rdza ma'am/ bum par gzhug pa la yang bya'o/ /sbrul de gang du rang gis me gtong ba'i nyes dmigs su 'gyur ba'i tshang tshing gi nang du dor bar mi bya bar sa sgre bo la khung la sogs pa yod par dor bar bya'o/ /khung du ma zhugs kyi bar du 'ol pa la sogs pas 'khyer ba bsrung ba'i phyir bsdad par bya'o//shig rnams ni ras mas dkris te ka ba la sogs pa'i gzeb tu gzhag go/ /rtswa shig rnams ni gsing bar dor ba'am yang na phyogs bsil bar dor ro/ /chu'i srog chags chu tshags kyis btsags pa phyir gzhug pa'i ched du dge 'dun dang gang zag gis kyang bsal tshags dang dpyang thag gnyis pa bcang bar bya'o//yang na chu tshags de nyid kyis gzhug par bya ste/ de la yang kha dang zhabs gnyis kar dpyang thag gnyis kyis gdags par bya'o/ /chu tshags la srog chags dag chags pa bsal ba'i thabs ni bshal ba yin no/ /chu tshags la dri ma chags pa bsal ba'i thabs ni chur bkru ba yin no/ /chu tshags rul ba nyid du mi 'gyur ba'i thabs ni skam pas so//dri ma bkru ba dang skam pa de gnyi ga la yang dam du btsir te chu gzags na phan pa nyid do/ /chu rung ba rnam pa lnga po dge 'dun gyis rung ba dang / gang zag gis rung ba dang / chu tshags kyis rung ba dang / khron pas rung ba dang / nyin zhag gcig rung ba rnyed pa'i shes pas 'jug pa'i kha na ma tho ba med do//dge 'dun gyis rung ba zhes bya ba ni dge 'dun 'di la srog chags dang bcas pa'i chu tha snyad byed par mi spyod do zhes bya ba'o/ /gang zag gis rung ba zhes bya ba ni gang zag rab tu byung ba dang khyim pa yang gal te gang zag 'di srog chags dang bcas pa'i chu mi spyod do zhes bya ba'o//chu tshags kyis rung ba zhes bya ba ni chu tshags 'dis btsags pa'i chu dus thams cad du dag pa yin no zhes bya ba'o/ /khron pas rung ba zhes bya ba ni khron pa'i chu 'di la nam yang srog chags dang bcas par ma gyur to zhes bya ba'o/ /nyin zhag gcig rung ba zhes bya ba ni chu bcus pa dang khron pa dag gis nyi ma 'char kha tshun chad brtags pa nyid kyi rjes su 'jug pa yin no//dge 'dun gyis rkang khrus snod stong par mthong na dgang bar bya'o/ /dge 'dun gyis chu dang mar dang 'bru mar la sogs pa'i snod kyang bcang bar bya'o/ /dge 'dun gyis chu snod la sogs pa snod spyad du gtogs so cog brubs pa dang /dbyung ba la sogs pa ni dge slong snod spyad brubs pa'i las yin no/ /de dag sbyin pa dang blang ba dag kyang de'i las yin no/ /khyim bdag dge 'dun la snod spyad rnying pa brnyan pa nyid la de yod pa nyid na snod spyad brubs pas g.yar por sbyin par bya'o//khyim pa yon bdag rnams gtsug lag khang du 'ongs te snod spyad rnying pa brnyan pa nyid la yang de yod pa nyid na snod spyad brubs pas g.yar por sbyin par bya'o/ /dge slong dag dge 'dun la snod spyad brnyan tam slong na snod spyad brubs pas snod spyad sar pa dag yod pa nyid ni gtan sbyin par bya'o/ /snod spyad kyi ched du mdzod khang bskor bar bya'o//sa dang zangs ma'i snod spyad dag so sor gzhag par bya'o/ /de'i dge 'dun gyi chu nye bar gzhag par bya'o/ /chu de gar bab bab tu mi gzhag go/ /de'i ched du chu khang bya'o/ /chu khang ni gtsug lag khang gi rgyab logs dang rgyab kyi g.yas logs kyi mtshams sam lho nub kyi mtshams su bya'o//chu khang de la skar khung gdod pa dang / so phag gi gcal dgram pa dang / chu khung gdod pa dang / sgo gdod pa dang / sgo glegs dang yang mig gzhug par bya'o/ /chu khung de'i nang du chu tshags gzhag pa'i phyir gdang bu bya'o/ /chu snod shing gi khri'u dag gi steng du gzhag par bya'o/ / yang na so phag gi stegs bu'i steng du shing leb dang / lcug 'khor la sogs pa'i gzhi bting ba dag gi steng du gzhag par bya'o/ /dge 'dun gyi dang gang zag gi dang rang dang gzhan gyi chu snod ni khrus chu'i ched kyi bar yan chad kyang gtsang sbra bya'o/ /khrus chu nyid kyang gtsang sbrar bya'o/ /btung bar bya ba'i chu yang gtsang bar bya'o//btung bar bya ba'i chu de lag pa dang gos rung ba ma yin pa dag gis brim par mi bya'o/ /chu snod rnams kyi nang du dus dus su sbyang bar bya'o/ /chu snod zab mo rnams kyi nang lag pas zhabs mi slebs pa dag ni u shi ra'i khru da shing ngam 'dab ma'i chang bu'am ras ma shing bu'i rtse mo la btags pas sbyang bar bya'o//u shi ra'i khrud shing la sogs pa de zas kyi bram zer mi shor bar bsrung ngo / /chu snod bkru bshal byas pa rnams bskam par yang bya'o/ /bkru ba dang bskam pa byed pa'i tshe brel bar mi 'gyur bar bya ba'i phyir snod thams cad dus gcig bkru ba dang bskam par mi bya'o//chu khang gi 'khor du gtogs pa dang chu tshags la sogs pa chu dang 'brel pa'i las thams cad ni slob ma dang nye gnas dag gis bya ba yin no/ /phyir bcos pa ni snga ma bzhin no/ /srog chags dang bcas pa'i chu la spyod pa'i ltung byed de bzhi bcu gcig pa bshad zin to// //so sor thar pa'i mdo rgya cher 'grel pa 'dul ba kun las btus pa/bam po sum cu pa/ nyal po byed par shom pa'i khyim na 'dug pa'i ltung byed kyi gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa 'char ka bsam pa'i nor bu'i rig pa shas te/snga dro sham thabs bgos/ lhung bzed dang chos gos thogs te mnyan yod du bsod snyoms la zhugs so/ /mnyan yod na spos 'tshong gi khye'u chung ma blangs nas ring po ma lon pa zhig 'dug pa des zong bkram pa na bdag chung ma dang lhan cig dga' mgur spyod du 'gro'o snyam pa'i tshul bzhin ma yin pa yid la byed pa skyes nas de zong phyir bsdu bar brtsams pa dang /tshe dang ldan pa 'char kas de'i bsam pa shes te/ bdag song la 'di'i re ba med par bya'o snyam nas de dang por de'i khyim du song ste stan la 'dug nas bu mo de la chos bstan par brtsams so/ /ji tsam na spos 'tshong gi khye'u de 'ongs nas des chung ma la smras pa/'phags pa 'char ka la bsod snyoms phul la bzhud du gsol cig /tshe dang ldan pa 'char kas smras pa bzhin bzangs kho bos bdag nyid kyi dge ba'i phyogs yongs su nyams par byas te 'ongs nas chos ston par byed na khyod chos nyan mi 'dod dam/'dug la chos nyon cig ces des nan gyis 'dug tu bcug ste/ des ji tsam gyis de'i kun nas dkris pa dang bral ba de tsam du chos bstan pa dang / de shAkya'i bu'i dge sbyong rnams kyi dge sbyong gi tshul ni tshig go/ /bram ze'i tshul ni tshig ste/ 'di ltar rang gi chung ma la yang dbang med do zhes smod par byed/phyar ka gtong bar byed/ kha zer bar byed nas dge slong don nyung du dag ci'i phyir dge slong dag shes bzhin du nyal po byed par shom pa'i khyim du phyis gnon byas te stan la 'dug par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ 'char ka la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar rnam par smad de/bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang shes bzhin du nyal po byed par shom pa'i khyim du phyis gnon byas te stan la 'dug na ltung byed do zhes bca' ba mdzad de/yul ni mnyan yod/ gang zag ni 'char ka /nyon mongs pa ni 'dod chags kyi kun du sbyor ba/ nyes pa ni shes bzhin du nyal po byed par shom pa'i khyim du phyis gnon byas te stan la 'dug pa'o/ /de la yang dge slong gang zhes bya ba ni 'char ka'am gzhan yang de lta bu gang yin pa'o/ /shes bzhin du zhes bya ba ni de rang nyid kyis rig par 'gyur ba'am/gzhan dag gis brjod pas so/ /nyal po byed par shom pa'i zhes bya ba ni bud med ni skyes pa'i nyal po bya ba yin la/ skyes pa ni bud med la nyal po byed pa yin no/ /khyim du zhes bya ba ni bram ze dang khyim bdag gi khyim dag tu'o/ /phyis gnon byas te zhes bya ba ni phyis zhugs pa'o//stan la zhes bya ba ni gzhi la'o/ /'dug na zhes bya ba ni 'dom gang gi nang du rkub tsos gzhag na'o/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang /ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong 'jigs pa'i dbang dang gnas gzhan la sems gtod pa ma yin pas khyim pa la skyes pa dang bud med gnas gzhan mthong ba'i spyod yul gyi mtha' tshun chad kyi bza' tha dad pa ma yin pa nyid dang /mi gzhan med pa nyid kyis sprad du rung ba nyid na 'khrig pa spyod pa la zhugs pa'am/ phyogs par shes bzhin du mngon sum du brnag pas 'dug na nyal po byed par shom pa'i khyim na 'dug pa'i ltung byed kyi dngos gzhir 'gyur ro/ /dge slong 'jigs pa'i dbang dang gnas gzhan la sems gtod pa ma yin pa la na smad pa med do//dge slong gal te glang po che la sogs pa'i 'jigs pa'i dbang gis der mngon sum du brnag pas 'dug pa la ltung ba med la/ der mngon sum du brnag pas 'dug pa'i dge slong gis lta ba dang nyan pa spro bar byed pa gnyis kyis gnas las gzhan pa'i gnas la sems gtod pa ni nyes byas kyi byed pa po nyid yin pas de gnyis la ltung ba'i dngos gzhir rnam par mi gzhag pas dge slong 'jigs pa'i dbang dang /gnas gzhan la sems gtod pa ma yin pa la ltung ba 'di rnam par gzhag go/ /khyim pa'i skyes pa dang bud med la na smad pa med do//gal te gnyi ga'am sbyor zla gcig mu stegs can gyi dge sbyong la sogs pa khyim pa nyid ma yin na de'i tshe nyes byas kyi byed pa po nyid yin la/ gal te khyim pa nyid yin yang gnyi ga skyes pa'am sbyor zla gcig za ma dang ma ning dang mtshan gnyis pa yin na yang de'i tshe nyes byas kyi byed pa po nyid yin pas de la ltung ba'i dngos gzhir rnam par mi gzhag pas khyim pa'i skyes pa dang bud med nyid la ltung ba 'di rnam par gzhag go//gnas gzhan mthong ba'i spyod yul gyi mtha' tshun chad kyi bza' tha dad pa ma yin pa nyid la na smad pa med do/ /khyim pa'i skyes pa dang bud med nyal po byed par shom pa'i gnas de dge slong de nyid kyi gnas yin la de na ltung ba med pas/dge slong de'i gnas las gzhan pa skyes pa dang bud med de gnyi ga'am gang yang rung ba cig gi gnas gzhan nyid yin na de la ltung ba'i dngos gzhir rnam par gzhag go/ /gal te gnas de dge slong gi yin la dge slong gis khyim pa la g.yar por byin zhing dge slong der 'dug pa la yang ltung ba'i dngos gzhir rnam par gzhag go//dgon pa la yang gal te khyim pa sngon 'dug pa yin la dge slong phyis 'ongs te 'dug pa la yang ltung ba'i dngos gzhir rnam par gzhag go/ /gnas de dge slong mngon sum du brnag pas 'dug pa'i gnas kyi khongs kyang mthong ba'i spyod yul gyi mtha' phan chad ni gnas tha dad pa yin pas de la ltung ba med pas mthong ba'i spyod yul gyi mtha' tshun chad kyi gnas gcig tu brnag pas 'dug pa la ltung ba'i dngos gzhir rnam par gzhag go//mthong ba'i spyod yul gyi mtha' tshun chad kyi gnas de yang gal te khyim gzhan gyi sgo'i byang gtad khyams la sogs pas chod pa na dge slong 'dug pa'i gnas de'i bdag po dang sprod par byed pa gnyis bza' tha dad pa nyid yin na de la ltung ba med pas bza' tha dad pa ma yin pa nyid kyi gnas la ltung ba'i dngos gzhir rnam par gzhag go//mdzod ni khyams kyi bdag nyid kyi khang khyim dang gnas gcig pa nyid yin no/ / mi gzhan med pa nyid kyis sprad du rung ba nyid la na smad pa med de/ gal te gnas de na dge slong de ma gtogs pa mi gzhan yod na de la ltung ba med pas gal te gnas de na dge slong ma gtogs pa mi gzhan med pa nyid kyis skyes pa dang bud med de gnyis 'khrig pa sprad du rung ba nyid yin la/ de'i tshe dge slong de yang mngon sum du brnag pas der 'dug pa la ltung ba'i dngos gzhir rnam par gzhag go//'khrig pa spyod pa la zhugs pa'am phyogs pa la na smad pa med do/ /skyes pa dang bud med de gnyis 'khrig pa sprod pa ma yin pa'i don gzhan la zhugs pa'i gnas der dge slong mngon sum du brnag pas 'dug pa la ltung ba med pas de gnyis mi tshangs par spyod pa gnyis kyis gnyis sprod pa nyid la dngos su zhugs pa'am sprad pa rtsom pa'i phyir phyogs pa'i gnas der dge slong mngon sum du brnag pas 'dug pa la ltung ba'i dngos gzhir rnam par gzhag go//skyes pa dang bud med de gnyis kyang 'khrig pa spyod pa la zhugs pa'am phyogs pa nyid yin la/dge slong gis kyang der 'du shes pa dang / yid gnyis za ba la na smad pa med do/ /mngon sum du brnag pas 'dug pa la na smad pa med de/ ma bsgribs par mngon sum du brnag pas rkub tshos bzhag ste 'dug pa la ltung ba'i dngos gzhir rnam par gzhag go/ /'di'i byed pa po ni khyim pa'i skyes pa dang /bud med dge slong rang gi gnas las gzhan pa nyid dang / mig zhan med pa nyid kyis sprad du rung ba nyid ni 'khrig pa spyod pa la zhugs pa'am/ phyogs pa la 'du shes gtso cher byed pa po nyid yin no/ /'di la yan lag bdun gyis dngos gzhi'i ltung bar 'gyur te/ dge slong 'jigs pa'i dbang dang gnas gzhan la sems gtod pa ma yin pa nyid dang / khyim pa'i skyes pa dang bud med nyid dang / gnas gzhan mthong ba'i spyod yul gyi mtha' tshun chad kyi bza' tha dad pa ma yin pa nyid dang / mi gzhan med pa nyid kyis sprad du rung ba nyid dang / 'khrig pa spyod pa la zhugs pa'am phyogs pa nyid dang /der 'du shes pa nyid dang / mngon sum du brnag pas 'dug pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du nyal po byed par shom pa'i khyim na 'dug pa'i ltung byed kyi sbyor ba brtsams nas dngos gzhi la ma thug gi bar du nyes byas so/ / dngos gzhi la sbyor ba tha dad pa ji snyed brtsams pa re re la nyes byas re re'o/ /dge slong der mngon sum du brnag pas 'dug pa'i lta ba dang nyan pa sprod par byed pa gnyis kyi gnas las gzhan pa'i gnas la sems gtod pa la nyes byas so/ /skyes pa dang bud med gnyi ga mu stegs can gyi dge sbyong ngam/ sbyor zla gcig mu stegs can gyi dge sbyong ngam/gal te khyim pa nyid yin yang gnyi ga skyes pa'am/ sbyor zla gcig pa za ma dang / ma ning dang / mtshan gnyis pa yin na nyes byas so/ /khyim pa'i skyes ba dang bud med nyal po byed par shom pa'i gnas de dge slong dang / khyim pa'i thun mong ngam/ mu stegs can gyi dge sbyong ngam/khyim pa'i thun mong ngam/ za ma dang ma ning dang / mtshan gnyis pa dang / thun mong ba nyid la nyes byas so/ /de gnyis 'khrig pa sprod pa la zhugs pa'am phyogs pa nyid ma yin pa la der 'du shes pa dang / yid gnyis za ba la nyes byas so/ /dben par brnag pas 'dug pa la nyes byas so//sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te/ nyes byas phra mo'o/ /ltung ba med pa ni dge slong gal te glang po che la sogs pas 'jigs pa'i dbang gis der 'dug pa la ltung ba med do//gnas de dge slong nyid kyi yin na ltung ba med do/ /gal te khyim pa'i gnas de khyim bdag gis dge slong la g.yar por byin zhing / de na dge slong 'dug pa yin na yang / de'i tshe ltung ba med do/ /dgon pa la yang gal te dge slong snga na gnas pa yin na/ de la yang ltung ba med do/ /mthong ba'i spyod yul gyi mtha' phan chad kyi gnas la ltung ba med do//bza' tha dad pa'i gnas la ltung ba med do/ /mi gzhan yod na ltung ba med do/ /'khrig pa sprod pa ma yin pa'i don la ltung ba med do/ /der 'du shes pa med pa la ltung ba med do/ /las dang po pa dang / smyos pa dang / sems 'khrugs pa dang /tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du nyal po byed par shom pa'i khyim na 'dug pa'i ltung byed du 'gyur ba rnam pa thams cad mi bsten par bslab par bya'o/ /'dod chags kyi kun du spyod pa spang bar bya'o/ /phyir bcos pa ni snga ma bzhin no//nyal po byed par shom pa'i khyim na 'dug pa'i ltung byed de bzhi bcu gnyis pa bshad zin to// //nyal po byed par shom pa'i khyim na 'greng ba'i ltung byed kyi gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//tshe dang ldan pa 'char kas bsam pa'i nor bu'i rig pa shes te/ de snga dro sham thabs bgos/ lhung bzed dang chos gos thogs te/ mnyan yod du bsod snyoms la zhugs so/ /mnyan yod na spos 'tshong gi khye'u chung ma blangs nas ring po ma lon pa zhig 'dug ste/ des zong bkram pa na/bdag chung ma dang lhan cig dga' dgur spyod du 'gro'o snyam pa'i tshul bzhin ma yin pa yid la byed pa skyes nas/ des zong phyir bsdu bar brtsams pa dang / tshe dang ldan pa 'char kas de'i bsam pa shes nas/ bdag song la lta'o snyam nas/ de dang por de'i khyim du song ste/ sgo glegs kyi rgyab na mgo sri zhing 'greng ngo //de'i 'og tu spos 'tshong gi khye'u de 'ongs nas/ des chung ma khrid de/ gnas khang du zhugs pa dang / bu mo des 'char ka dben pa na 'greng ba mthong nas/ des khyo la smras pa/ rje'i sras 'phags pa 'char ka sgo glegs kyi rgyab na 'greng ngo / /spos 'tshong gi khye'us smras pa/ 'phags pa 'char ka gtsug lag khang na bsam gtan dang /rnam par thar pa dang / ting nge 'dzin la snyoms par 'jug pa'i bde ba dag nyams su myong zhing 'greng ngo zhes des chung ma la dga' mgur spyad nas/ gang gi tshe kun nas dkris pa dang bral bar gyur pa de'i tshe na/ des 'char ka mthong ba dang / des shAkya'i bu'i dge sbyong rnams kyi/dge sbyong gi tshul ni tshig go/ /bram ze'i tshul ni tshig ste/ 'di ltar rang gi chung ma la yang dbang med do zhes smod par byed/ phyar ka gtong bar byed/ kha zer bar byed nas/ dge slong don nyung ngu dag ci'i phyir dge slong dag shes bzhin du nyal po byed par shom pa'i khyim du dben pa skyabs yod par 'greng bar byed ces smod par byed/phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ 'char ka la rmas nas/dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa/de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang shes bzhin du nyal po byed par shom pa'i khyim du dben pa skyabs yod par 'greng na ltung byed do zhes bca' ba mdzad de/ yul ni mnyan yod/ gang zag ni 'char ka / nyon mongs pa ni 'dod chags kyi kun tu sbyor ba/ nyes pa ni shes bzhin du nyal po byed par shom pa'i khyim du dben pa skyabs yod par 'greng ba'o//de la yang dge slong gang zhes bya ba ni 'char ka'am gzhan yang de lta bu gang yin pa'o/ /shes bzhin du zhes bya ba ni de rang nyid kyis rig par gyur pa'am/ gzhan dag gis brjod pas so/ /nyal po byed par shom pa'i zhes bya ba ni bud med ni skyes pa'i nyal po bya ba yin la/skyes pa ni bud med kyi nyal bo byed pa yin no/ /khyim du zhes bya ba ni bram ze dang khyim bdag gi khyim du'o/ /dben pa zhes bya ba ni gang na bud med dang skyes pa dang ma ning gzhan 'ga' yang med pa'o/ /skyabs yod par zhes bya ba ni lngas bskyabs pa ste/ rtsig pas bskyabs pa dang / rib mas bskyabs pa dang / yol bas bskyabs pa dang / thibs pos bskyabs pa dang / mtshan mos bskyabs par ro/ /'greng na zhes bya ba ni 'dom gang gi nang du 'greng na'o/ /ltung byed do zhes bya ba ni snga ma bzhin no/ /sngar nyal po byed par shom pa'i khyim na 'dug pa'i ltung byed bstan pa dang / 'dir nyal po byed par shom pa'i khyim na 'greng ba'i ltung byed bstan pa de gnyis kyi spyi'i mtshan nyid ni 'dra'o/ /bye brag tu na snga ma ni mngon sum du brnag pas 'dug pa'i yul la rnam par gzhag go/ /'di ni dben pa skyabs yod par brnag pas 'greng ba'i yul la rnam par gzhag go/ /de la ltung ba ji ltar 'gyur zhe na/'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya ste/ /de la 'dir dngos gzhi'i ltung ba rnam par gzhag pa ni dge slong 'jigs pa'i dbang dang gnas gzhan la sems gtod pa ma yin pas khyim pa'i skyes pa dang bud med gnas gzhan mthong ba'i spyod yul gyi mtha' tshun chad kyi bza' tha dad pa ma yin pa nyid dang /mi gzhan med pa nyid kyis sprad du rung ba nyid na 'khrig pa sprod pa la zhugs pa'am phyogs par shes bzhin du dben pa skyabs yod par brnag pas 'greng zhing sprod par byed pa tshor bya gnyis dang /ltung ba 'byin pa tshor byed nyid kyis tshor na nyal po byed par shom pa'i khyim na 'greng ba'i ltung byed kyi dngos gzhir 'gyur ro/ /dge slong 'jigs pa'i dbang dang / gnas gzhan la sems gtod pa ma yin pa la na smad pa med do//dge slong gal te glang po che la sogs pas 'jigs pa'i dbang gis der dben pa skyabs yod par brnag pas 'greng ba la ltung ba med la/ der dben pa skyabs yod par brnag pas 'greng ba'i dge slong gis lta ba dang / nyan pa sprod par byed pa gnyis kyi gnas las gzhan pa'i gnas la sems gtod pa ni nyes byas kyi byed pa po nyid yin pas de gnyis la ltung ba'i dngos gzhir rnam par mi gzhag pas dge slong 'jigs pa'i dbang dang gnas gzhan la sems gtod pa ma yin pa la ltung ba 'di rnam par gzhag go//khyim pa'i skyes pa dang bud med la na smad pa med do/ /gal te gnyi ga'am sbyor zla gcig mu stegs can gyi dge sbyong la sogs pa khyim pa nyid ma yin na de'i tshe nyes byas kyi byed pa po nyid yin la/gal te khyim pa nyid yin yang gnyi ga skyes pa'am sbyor zla gcig za ma dang ma ning dang mtshan gnyis pa yin na yang de'i tshe nyes byas kyi byed pa po nyid yin pas de la ltung ba'i dngos gzhir rnam par mi gzhag pas khyim pa'i skyes pa dang bud med nyid la ltung ba 'di rnam par gzhag go//gnas gzhan mthong ba'i spyod yul gyi mtha' tshun chad kyi bza' tha dad pa ma yin pa nyid la na smad pa med do/ /khyim pa'i skyes pa dang bud med nyal po byed par shom pa'i gnas de dge slong de nyid kyi gnas yin na de la ltung ba med pas dge slong de'i gnas las gzhan pa skyes pa dang bud med de gnyi ga'am gang yang rung ba cig gnas gzhan nyid yin na de la ltung ba'i dngos gzhir rnam par gzhag go//gal te gnas de dge slong gi yin la/ dge slong gis khyim pa la g.yar por byin zhing dge slong der 'dug pa la ltung ba'i dngos gzhir rnam par gzhag go//dgon pa la yang khyim pa snga na 'dug pa yin la dge slong phyis 'ongs te 'dug pa la yang ltung ba'i dngos gzhir rnam par gzhag go/ /gnas de dge slong dben pa skyabs yod par brnag pas 'greng ba'i gnas kyi khongs kyang mthong ba'i spyod yul gyi mtha' phan chad ni gnas tha dad pa yin pas de la ltung ba med pas mthong ba'i spyod yul gyi mtha' tshun chad kyi gnas gcig tu brnag pas 'greng ba la ltung ba'i dngos gzhir rnam par gzhag go//mthong ba'i spyod yul gyi mtha' tshun chad kyi gnas de yang gal te khyim gzhan gyi sgo'i byang gtad khyams la sogs pas ma chod pa na dge slong 'greng ba'i gnas de'i bdag po dang sprod par byed pa gnyis bza' tha dad pa nyid yin na de la ltung ba med pas bza' tha dad pa ma yin pa nyid kyi gnas la ltung ba'i dngos gzhir rnam par gzhag go//mdzod ni khyams kyi bdag nyid kyi khang khyim dang gnas gcig pa nyid yin no//mi gzhan med pa nyid kyis sprad du rung ba nyid la na smad pa med do/ /gal te gnas de na dge slong de ma gtogs par mi gzhan yod na de la ltung ba med pas/ gal te gnas de na dge slong de ma gtogs pa mi gzhan med pa nyid kyis skyes pa dang bud med de gnyis 'khrig pa sprad du rung ba nyid yin la/de'i tshe dge slong de yang dben pa skyabs yod par brnag pas der 'greng ba la ltung ba'i dngos gzhir rnam par gzhag go/ /'khrig pa sprod pa la zhugs pa'am phyogs pa la na smad pa med de/ skyes pa dang bud med de gnyis 'khrig pa sprod pa ma yin pa'i don gzhan la zhugs pa'i gnas der dge slong dben pa skyabs yod par brnag pas 'greng ba la ltung ba med pas/de gnyis mi tshangs par spyod pa gnyis kyis gnyis sprod pa nyid la dngos su zhugs pa'am sprad pa rtsom pa'i phyir phyogs pa'i gnas der dge slong dben pa skyabs yod par brnag pas 'greng ba la ltung ba'i dngos gzhir rnam par gzhag go//skyes pa dang bud med de gnyis kyang 'khrig pa sprod pa la zhugs pa'am phyogs pa nyid yin la dge slong gis kyang der 'du shes pa dang yid gnyis za ba la na smad pa med do/ /dben pa skyabs yod par brnag pas 'greng ba la na smad pa med de/rtsig pas bskyabs pa dang / rib mas bskyabs pa dang / yol bas bskyabs pa dang / thibs pos bskyabs pa dang / mtshan mos bskyabs par brnag pas 'greng ba la ltung ba'i dngos gzhir rnam par gzhag go/ /sprod pa byed pa tshor bya gnyis dang ltung ba 'byin pa tshor byed nyid kyis tshor ba la na smad pa med do//'di'i byed pa po ni khyim pa'i skyes pa dang bud med dge slong rang gi gnas las gzhan pa nyid dang / mi gzhan med pa nyid kyis sprad du rung ba nyid na 'khrig pa spyod pa la zhugs pa'am phyogs pa la 'du shes gtso cher byed pa po nyid yin no/ /'di la yan lag brgyad kyis dngos gzhi'i ltung bar 'gyur te/dge slong 'jigs pa'i dbang dang gnas gzhan la sems gtod pa ma yin pa nyid dang / khyim pa'i skyes pa dang / bud med nyid dang / gnas gzhan mthong ba'i spyod yul gyi mtha' tshun chad kyi bza' tha dad pa ma yin pa nyid dang / mi gzhan med pa nyid kyis sprad du rung ba nyid dang /'khrig pa spyod pa la zhugs pa'am/ phyogs pa nyid dang / der 'du shes pa nyid dang / dben pa skyabs yod par brnag pas 'greng ba nyid dang / sprod par byed pa tshor bya gnyis dang / ltung ba 'byin pa po tshor byed nyid kyis tshor ba'o/ /de dag las yan lag ma tshang na ci rigs par na smad do/ / sbyor ba'i ltung ba ni nyes byas te/ ji srid du nyal po byed par shom pa'i khyim na 'greng ba'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /dge slong de dben pa skyabs yod par brnag pas 'greng ba'i lta ba dang nyan pa dang nyan pa sprod par byed pa gnyis las gzhan pa'i gnas la sems gtod pa la nyes byas so//skyes pa dang bud med gnyis su mu stegs can gyi dge sbyong ngam/ sbyor zla gcig mu stegs can gyi dge sbyong ngam/ gal te khyim pa nyid yin yang gnyi ga skyes pa'am/ sbyor zla gcig za ma dang ma ning dang mtshan gnyis pa yin na nyes byas so//khyim pa'i skyes pa dang bud med nyal po byed par shom pa'i gnas de dge slong dang khyim pa'i thun mong ngam/ mu stegs can gyi dge sbyong dang / khyim pa'i thun mong ngam/ za ma dang ma ning dang mtshan gnyis pa dag dang thun mong nyid la nyes byas so/ /de gnyis 'khrig pa spyod pa la zhugs pa'am phyogs pa nyid ma yin pa la der 'du shes pa dang yid gnyis za ba la nyes byas so//sprod par byed pa tshor bya gnyis dang / ltung ba 'byin pa tshor byed nyid kyis ma tshor ba la nyes byas so/ /mngon sum du brnag pas 'greng ba la nyes byas so/ /sbyor ba'i sbyor ba'i ltung ba ni nyes byas phra mo ste/sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni dge slong gal te glang po che la sogs pas 'jigs pa'i dbang gis der 'greng ba la ltung ba med do/ /gnas de dge slong nyid kyi u0f37yin na ltung ba med do//gal te khyim pa'i gnas de khyim bdag gis dge slong la g.yar por byin zhing de na dge slong 'dug pa yin na yang de'i tshe na ltung ba med do/ /dgon pa la yang gal te dge slong snga na gnas pa yin na de la yang ltung ba med do/ /mthong ba'i spyod yul gyi mtha' phan chad kyi gnas la ltung ba med do//bza' tha dad pa'i gnas la ltung ba med do/ /mi gzhan yod na ltung ba med do/ 'khrig pa sprod pa ma yin pa'i don la ltung ba med do/ /der 'du shes pa med pa la ltung ba med do/ /las dang po pa dang / smyos pa dang / sems 'khrugs pa dang /tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du nyal po byed par shom pa'i khyim na 'greng ba'i ltung byed du 'gyur ba rnam pa thams cad mi bsten par bslab par bya'o/ /'dod chags kyis kun tu spyod pa spang bar bya'o/ / phyir bcos pa ni snga ma bzhin no/ /nyal po byed par shom pa'i khyim na 'greng ba'i ltung byed de bzhi bcu gsum pa bshad zin to// //gcer bu pa la sbyin pa'i ltung byed kyi gleng gzhi ni byung ba dang bcas pa'i dbang gis rnam pa gnyis te/ byung ba'i gleng gzhi ni sangs rgyas bcom ldan 'das rgyal po'i khab na 'od ma'i tshal bya ka lan dka'i gnas na bzhugs so//de nas rgyal po'i khab pa'i tshong pa rab tu mang po dag bcom ldan 'das ga la ba der dong ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas bcom ldan 'das rgyal po'i khab pa'i tshong pa rab tu mang po dag la chos dang ldan pa'i bka' mchid kyis yang dag par ston par mdzad/yang dag par rab tu 'dzin du 'jug par mdzad/ yang dag par gzengs stod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cang mi gsung ngo / /de nas rgyal po'i khab pa'i tshong pa rab tu mang po de dag tshe dang ldan pa kun dga' bo ga la ba der song ste smras pa/ btsun pa kun dga' bo bcom ldan 'das dbyar gnas par zhal gyis bzhes nas gang du gshegs par 'gyur/shes ldan dag sangs rgyas bcom ldan 'das la zhus shig /btsun pa kun dga' bo sangs rgyas bcom ldan 'das ni bsnyen par dka' ba bzod par dka' ba lags pas bdag cag gis sangs rgyas bcom ldan 'das la zhu ba'i rngo mi thogs so//btsun pa kun dga' bos mtshan ma'am bka' mchid kyis bcom ldan 'das dbyar gnas par zhal gyis bzhes nas phyogs gang du gshegs pa ji ltar mkhyen shes ldan dag /bcom ldan 'das dbyar gnas par zhal gyis bzhes nas phyogs gang du gshegs par bzhed pa'i phyogs de logs su zhal gzigs shing bzhugs la/de dag gi bsngags pa yang brjod par mdzad de/ da ltar bcom ldan 'das kos lar zhal gzigs shing bzhugs la/ mnyan yod du yod pa'i mi dag gis bsngags pa yang brjod par mdzad do/ / de nas tshong pa de dag gi tshe dang ldan pa kun dga' bo la phyag 'tshal te dong nas mnyan yod du 'dong ba'i zong sta gon du byas so/ /de nas bcom 'das dbyar gnas par zhal gyis bzhes te dbyar zla gsum po dag 'das nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong dag la de bzhin gshegs pa ko sa la dag tu ljongs rgyur gshegs na khyed las gang de bzhin gshegs pa dang thabs cig ko sa la dag tu ljongs rgyur 'gro bar spro ba des chos gos kyi las kyis shig ces bsgo shig /tshe dang ldan pa kun dga' bos dge slong rnams la de skad bsgo ba rgyal po'i khab pa'i tshong pa de dag gis thos nas de dag bcom ldan 'das ga la ba der dong ste zhabs la mgo bos phyag 'tshal nas gsol pa/bcom ldan 'das dge slong gi dge 'dun dang bcas pas rgyal po'i khab nas mnyan yod kyi bar ji tsam bar bdag cag las na bza' dang bsod snyoms dang gnas mal dang bsnyung ba'i rkyen dang sman gyi yo byad dag bzhed par ci gnang /bcom ldan 'das kyis de dag la cang mi gsung bas gnang ngo / /de nas rgyal po'i khab pa'i tshong pa rab tu mang po de dag gis tshe dang ldan pa kun dga' bo la de bzhin gshegs pa'i dgongs mal ci tsam pa dris nas 'khor los sgyur ba'i rgyal po'i dgongs mal bzhin du rgyang grags bcur gshegs pa thos nas/de dag gis rgyang grags bcu bcur bcom ldan 'das dge slong gi dge 'dun dang bcas pa'i tshogs dag bshams nas bcom ldan 'das dge slong gi dge 'dun dang bcas pa mnyan yod ga la ba de logs su ljongs rgyu zhing gshegs so//tshong pa de dag dang mu stegs gcer bu pa zhig dang lhan cig 'gro ba de phongs pa'i dus la bab cing bkres pas nyam thag par gyur nas/ de dge slong rnams kyi gan du song ste smras pa/ khyed cag gi ston pa ni bzang po la mos pa yin te/de gser gyi thong gshol gyis zhing rmos pa des khyed cag la zas ro brgya pa dang / gos 'bum ri ba dang / khang pa brtsegs pa lnga brgya pa yang rjes su gnang bas khyed cag re zhig tshe 'di nyid la yang bde ba la reg par gnas la/ tshe 'di nas shi 'phos pa rnams kyang lha rnams kyi nang du skye bar 'gyur ro//kho bo cag gi ston pa ni ngan pa la mos pa yin te/ de til gyi tshigs ma'i gshol gyis zhing rmo bas des kho bo cag la gcer bu dang sgre byi dang sprod zan dang / yul rgyu ba dang sa la nyal ba las gzhan rjes su ma gnang bas kho bo cag ni re zhig tshe 'di nyid la yang sdug bsngal la reg par gnas shing /'di nas shi 'phos pa rnams kyang sems can dmyal ba rnams kyi nang du skye bar 'gyur ro/ /dge slong rnams kyis bsams pa/ gcer bu pa shes pa can 'di dad par gyur to snyam nas de dag gis de la smras pa/ shes pa can ji ltar 'tsho dka' bas so//dge slong rnams kyi lhung bzed kyi lhag ma 'dod dam/ des bsams pa/ gal te dge slong rnams kyi lhung bzed kyi lhag ma ma zos na ltogs te 'chi bar 'gyur ro snyam nas des smras pa/ 'tshal lo/ /dge slong rnams kyis smras pa/ shes pa can dge slong dag zan za ba'i mig lam du 'dug cig dang /khyod la lhung bzed kyi lhag ma sbyin par 'gyur ro/ /de der 'dug pa dang dge slong rnams kyis de la lhung bzed kyi lhag ma byin nas de'i slong phor khur bas byur bur byas so/ /de slong phor khur bas byur bur byas pa thogs te/ phyir byung ba de ded dpon gyis mthong nas smras pa/ gcer bu pa khyod la khur ba sus byin des smras pa/ khyod kyi yon gnas ni dge slong de dag yin la/ de dag gi yon gnas ni kho bo yin la/ kho bo la de dag gis phul lo/ ded dpon gyis spyos te btang ba dang / lam de nas 'gron pa don mthun tshur 'ong ba dag cig gi zla la gcer bu pa zhig 'ong ba des de mthong nas smras pa/shes pa can nyod pa nyod dam/ des smras pa nyod do/ /gang nas des smras pa/ khyim bdag sgre byi 'di dag kho bo la stobs par byed do/ /des smras pa/ gcer bu pa khyod ni byas pa mi shes pa yin te/ 'di dag khyod kyi khyim bdag sgre byi dag yin nam/ de dag las ni lnga brgya pa'i tshogs dag yongs su mya ngan las 'das par snang gi khyod kyis shes pa can ni gcig 'ga' yang yongs su mya ngan las 'das par mthong ngam zhes spyos te tshigs su bcad pa dag smras pa/ngan pa ci'i phyir sa la 'bying mi byed/ /ci'i phyir lce yang tshal pa brgyar mi 'gas/ /khyod kyi lus la ci phyir gsang ba dag /rdo rje'i ser ba mdung thung mda' mi 'phen/ /ji ltar seng ge'i lhag ma za ba'i wa/ /seng ge nyid la gsod pa 'dod pa ltar/ /de bzhin khyod kyang stobs bcu'i khyor zas za/ /stobs bcu nyid la smod byed ma 'phags pa/ /gang du gang la nyes par bsten byas na/ /mi ngan 'dris 'dra 'tsho ba 'thob pa las//de ni nges par mdza' bshes dgra rnams la/ /mnyam mdzad blo ldan thams cad mkhyen pa yin/ /mi rnams gang dag byas pa mi shes pa/ /de dag khyim pas shin tu ngan par bsam/ /khyi yang mi la byas pa shes snang na/ /sbrul 'dra'i mi dag dug ni gtong bar byed/ 'di ni re zhig byung ba yin te/sangs rgyas bcom ldan 'das re zhig 'dul ba la nyan thos rnams kyi bslab pa'i gzhi 'cha' bar ni mi mdzad do/ /bcas pa'i gleng gzhi ni bcom ldan 'das ko sa la dag tu ljongs rgyu zhing gshegs pa na mnyan yod du byon to/ /mnyan yod na skyed mos tshal zhig na yugs sa mo lnga brgya tsam dog pa 'khal zhing 'khod pa de dag gis sangs rgyas bcom ldan 'das skyes bu chen po'i mtshan sum cu rtsa gnyis kyis gzugs brgyan cing gsal ba la sogs pa mthong ngo //mthong nas kyang 'di lta ste dge ba'i rtsa ba bsags pa'i rgyu las byung ba'i sems can gyis dang por sangs rgyas mthong ba na sems nyams bde ba skyed par byed pa de ltar ni lo bcu gnyis su zhi gnas kyi sems goms par byas pa dang /dbul pos gter mthong ba dang / bud med bu thob pa dang / rgyal srid la mngon par dga' ba rgyal srid la dbang bskur ba yang sems nyams bde ba skyed par mi byed pas/de dag bcom ldan 'das ga la ba der dong ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas bcom ldan 'das kyis de dag gi bsam pa dang / bag la nyal dang / khams dang rang bzhin thugs su chud nas ci nas kyang de dag gis 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon sum du byas par gyur pa de ltar chos bstan pa mdzad pas de dag gis rgyun du zhugs pa'i 'bras bu thob po/ /de dag gis bcom ldan 'das dge slong gi dge 'dun dang bcas pa sang bdag gi gdugs tshod gsol bar ci gnang zhes spyan drangs nas gnang ba dang /kAr ShA pa Na dag khyer te tshe dang ldan pa kun dga' bo'i gan du song nas smras pa/ btsun pa kun dga' bo bdag cag la snod spyad dang mi blas dang gnas mal gyi 'byor pa ma mchis kyi/khyed kyis kAr ShA pa Na 'di dag gis zhal zas sta gon bgyid du gsol cig dang / bdag cag mchis te brim par bgyi'o/ /tshe dang ldan pa kun dga' bos khyim bdag mgon med zas sbyin la khyim bdag khyod kyis 'di dag dang bdag nyid kyis kAr ShA pa Na gzhan dag bsres te zhal zas bsod pa sta gon gyis la 'dir skur cig ces smras so//des de ltar byas nas rgyal byed kyi tshal du bskur ro/ /tshe dang ldan pa kun dga' bos rigs kyi bu mo de dag la zhal zas lta gon byas kyi tshur gshegs la sangs rgyas la sogs pa dge slong gi dge 'dun la brims shig ces spring ba dang / de dag lhags te smras pa/btsun pa kun dga' bo khyod bdag cag gi dge ba'i bshes gnyen lags kyi tshur spyon khyed kyis kyang brim du gsol/ tshe dang ldan pa kun dga' bos brims par brtsams pa dang der gcer bu ma rgan gzhon gnyis shig 'ongs te de gnyis kyis khyim bdag mo de dag la zas bslangs pa na de dag gis smras pa/zas 'di ni rgyal bu 'di'i yin no/ /gcer bu ma de gnyis kyis tshe dang ldan pa kun dga' bo la bslangs pa dang / tshe dang ldan pa kun dga' bos ma bsams par brims pa na rgan mo la ni khur ba gcig byin/ gzhon nu ma la ni khur ba gnyis byin nas/rgan mos smras pa/ gzhon nu ma khyod rgyal bu 'dis khyod don du gnyer gyi sta gon gyis shig ces zer nas dge slong don nyung ngu dag ci'i phyir dge slong dag gcer bu pa dang / gcer bu ma kun du rgyu dang / kun du rgyu mo la rang gi lag nas bca' ba dang bza' ba sbyor bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ tshe dang ldan pa kun dga' bo la rmas nas/ mi brtson pa dang / mi sbyor ba dang / ma brtags par spyod pa rnam par smad de/ brtson pa dang / spyod pa dang / brtags te spyod pa'i bsngags pa brjod nas bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang gcer bu pa'am/gcer bu ma kun du rgyu'am/ kun du rgyu mo la rang gi lag nas bca' ba dang bza' ba sbyin na ltung byed do zhes bca' ba mdzad de/ yul ni mnyan yod/ gang zag ni tshe dang ldan pa kun dga' bo/ nyon mongs pa ni ma brtags par spyod pa/ nyes pa ni gcer bu pa la rang gi lag nas zas sbyin pa'o//de la yang dge slong gang zhes bya ba ni chos 'di pa'o/ /gcer bu pa'am gcer bu ma kun du rgyu'am kun du rgyu mo la zhes bya ba ni rtags 'di pa dang rab tu byung ba 'di med pa la bya'o/ /rang gi lag nas zhes bya ba ni lag pas lag par ro/ /bca' ba dang bza' ba zhes bya ba ni bca' ba lnga po dang bza' ba lnga po dag go//sbyin na zhes bya ba ni bsam mi dgos par ro/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gis gzhan mu stegs can gyi rab tu byung ba gcer bu pa pho yang rung mo yang rung ba rtags 'di dang / rab tu byung ba 'di med par nye du dang rab tu byung ba la ltos pa dang nad pa dang /sdig pa can gyi lta ba'i rnam pa dang 'bral ba nyid ma gtogs pa la rang gi lag nas bca' ba dang / bza' ba rang dang de la rung ba dag de'i lus sam lus dang 'brel par sbyin na gcer bu la sbyin pa'i ltung byed kyi dngos gzhir 'gyur ro/ / gzhan mu stegs can gyi rab tu byung ba gcer bu pho yang rung mo yang rung brtags 'di dang rab tu byung ba 'di med pa la na smad pa med do/ /nye du dang rab tu byung ba la ltos pa dang / nad pa dang sdig pa can gyi lta ba'i rnam pa dang dbral ba nyid ma gtogs pa la na smad pa med do/ /rang gis sbyin pa la na smad pa med do//zas bca' ba lnga dang bza' ba lnga'i khongs su gtogs pa rang dang de la rung ba de dag la na smad pa med do/ /de'i lus sam lus dang 'brel par sbyin pa la na smad pa med do/ /'di'i byed pa po ni gzhan mu stegs can gyi rab tu byung ba dang rang gis sbyin pa dang zas dus su rung ba dag go/ / 'di la yan lag lngas dngos gzhi'i ltung bar 'gyur te/ gzhan mu stegs can gyi rab tu byung ba gcer bu pho yang rung mo yang rung ba rtags 'di dang rab tu byung ba 'di med pa nye du dang rab tu byung ba la ltos pa dang / nad pa dang / sdig pa can gyi lta ba'i rnam pa dang dbral ba nyid ma gtogs pa dang rang gis sbyin pa dang /zas rung ba dag go/ /gnyi ga la rung ba nyid dang / de'i lus dang lus 'brel par sbyin pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ci srid du gcer bu pa la sbyin pa'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /zas bca' ba lnga dang bza' ba lnga ma yin pa la nyes byas so/ /rang dang de la mi rung ba'i zas la nyes byas so/ /gzhan sbyin du 'jug pa la nyes byas so/ /rang gi zhal ta byas pa la nyes byas so/ /lus sam de dang 'brel pa las gzhan pa'i phyogs su bgo bsha' byed pa'i tshul gyis 'jog pa la nyes byas so//gcer bu pa las gzhan pa'i mu stegs can dag la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te/nyes byas phra mo'o/ /ltung ba med pa ni rtags 'di dang rab tu byung ba 'di yod pa la ltung ba med do/ /nye du dang rab tu byung ba la ltos pa dang / nad pa dang sdig pa can gyi lta ba'i rnam pa dang / dbral bar 'dod pa la ltung ba med do/ /zas dum bur byas nas sbyin na sbyin du 'jug pa la ltung ba med do/ / gzhan pa'i blos gdol ba bzhin du gzhan 'jog pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du gcer bu la sbyin pa'i ltung byed du 'gyur ba rnam pa thams cad mi bsten par bslab par bya'o//mi brtson pa dang mi sbyor ba dang ma brtags par spyod pa spang bar bya'o/ /phyir bcos pa ni snga ma bzhin no/ /gcer bu pa la sbyin pa'i ltung byed de/ bzhi bcu bzhi pa bshad zin to// //dmag la lta ba'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//ko sa la'i rgyal po gsal rgyal gyis ri brags pa zhig log nas der ru pa gcig btang ba dang / bcom zhing rab tu bcom ste phyir 'ongs so/ /ru pa gnyis pa dang / gsum pa btang ba dang / de yang bcom zhing rab tu bcom ste phyir 'ongs te/ ko sa la'i rgyal po gsal rgyal gyis nga'i g.yul na mtshon gyis 'tsho ba gang dag 'khod pa de dag thams cad 'dong bar bya'o zhes dril bsgrags pa byed du bcug ste/rgyal po dpung gi tshogs yan lag bzhi pa dang bcas te 'phags pa dang / drug sde dag gis smras pa/ dga' bo nye dga' gsus po che'i dpung gi tshogs yan lag bzhi pa ci 'dra ba bltas 'dong ngo zhes de dag lam kar dong ste 'khod pa dang /ci tsam na ko sa la'i rgyal po gsal rgyal gyi dpung gi tshogs yan lag bzhi pa dag 'ongs nas drug sde dag gis de dag la smras pa/ shes ldan dag gar 'dong / 'phags pa dag ko sa la'i rgyal po gsal rgyal gyis ri brags pa zhig log pa de 'bebs su mchi'o//drug sde dag gis smras pa/ bkren pa dag dpung gi tshogs 'di lta bu dag gis ri brags pa phebs par 'gyur ram/ khyed kyi glang po che 'di dag ni phag 'dra la/ ri brags pa'i glang po che dag ni ri bo brtsegs pa 'dra'o/ /khyod kyi rta 'di dag ni bong bu 'dra la/ri brags pa'i rta dag ni glang po che'i phru gu 'dra'o/ /khyed kyi shing rta 'di dag ni shing rta zhig pa 'dra la/ ri brags pa'i shing rta dag ni gzhal med khang 'dra'o/ /khyed kyi mi 'di dag ni rtswa mi 'dra la/ ri brags pa'i mi dag ni gnod sbyin gdug pa dang 'dra bas khyed cag phar 'gro ba yod kyang phyir ldog pa med kyi/phyir deng la pha ma dag la til gyi chu byin la gzod deng shig /de dag mtha' gcig tu dong ste sems khong du chud cing 'khod do/ /ci tsam na ko sa la'i rgyal po gsal rgyal 'ongs nas des smras pa/ khyed cag ci'i phyir mi 'dong bar mtha' gcig tu dong ste sems khong du chud cing 'khod/de dag gis smras pa/ lha bdag cag rgyal bar ga la 'gyur 'di ltar dge sbyong mgo reg ras yug chen glegs pa 'tshal ba 'di dag mi mchi dgu mchi'o/ /gang dag 'phags pa drug sde dag go/ /shes ldan dag de dag ni dge sbyong hral po dag yin pas/ de dag gis smras pa/ khyed la ci gnod deng shig /ko sa la'i rgyal po gsal rgyal gyis bsams pa/ 'di dag yang dang yang du bdag la tho 'tshams par 'gyur ro snyam du rig nas/ bcom ldan 'das kyi spyan sngar mi zhig las 'phrin gyis bsnyun gsol te/ btsun pa 'phags pa 'di dag dmag chas pa la ltar mchi na/ kye ma bcom ldan 'das kyis thugs brtse ba'i slad du gang gi 'phags pa dag dmag chas pa la ltar mchi bar mi 'gyur bar dran par bgyi ba cung zhig bca' ba mdzad na legs so zhes gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ drug sde dag la rmas nas/dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang dmag chas pa la ltar 'gro na ltung byed do zhes bca' ba mdzad de/ yul ni mnyan yod/ gang zag ni drug sde/ nyon mongs pa ni ma dul ba/ nyes pa ni dmag chas pa la ltar 'gro ba'o/ /de la yang dge slong gang zhes bya ba ni/drug sde'am gzhan yang de lta bu gang yin pa'o/ /dmag ces bya ba ni dmag yan lag gcig pa yang yod/ yan lag gnyis pa yang yod/ yan lag gsum pa yang yod/ yan lag bzhi pa yang yod do/ /dmag yan lag gcig pa gang zhe na/ glang po che'i tshogs so/ /dmag yan lag gnyis pa gang zhe na/glang po che'i tshogs dang / rta pa'i tshogs so/ /dmag yan lag gsum pa gang zhe na/ glang po che'i tshogs dang / rta pa'i tshogs dang / shing rta'i tshogs so/ /dmag yan lag bzhi pa gang zhe na/ glang po che'i tshogs dang / rta pa'i tshogs dang / shing rta'i tshogs dang / dpung bu chung gi tshogs so/ /chas par zhes bya ba ni g.yul 'gyed pa la mngon par dga' ba'o/ /ltar 'gro na zhes bya ba ni ltad mo ltar 'gro na'o/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang /ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong rgyal po dang / btsun mo dang gzhon nu dang / zhang blon dang khrom gyi ru sna dang grong rdal gyi mi dang ljongs kyi mis bkug pa dang bar chad byung ba'i dbang nyid ma gtogs pas g.yul la mngon par dga' ba'i dmag la lta ba'i don nyid kyis 'phags pa'i nye 'khor gyi mtha' las 'das te mthong na dmag la lta ba'i ltung byed kyi dngos gzhir 'gyur ro//dge slong rgyal po dang btsun mo dang gzhon nu ma dang zhang blon dang / khrom gyi ru sna dang grong rdal gyi mi dang ljongs kyi mis dmag gi nang du rang dbang med par bkug pa nyid ma gtogs pa la na smad pa med do/ /tshul khrims dang / srog gi bar chad la sogs pa gang yang rung ba 'ga' zhig nye bar gyur pa'i dbang gis der mi 'gror mi rung ba'i bar chad byung ba'i dbang nyid ma gtogs pa la na smad pa med do//g.yul la mngon par dga' ba'i dmag la lta ba'i don nyid kyis mthong ba la na smad pa med do/ /gnas gang nas 'phags pa'i nye 'khor gyi mtha' las 'das te mthong ba la na smad pa med do/ /'dir yang nye 'khor ni sngar chos gos kyi mtshams kyi nye 'khor bstan pa dag nyid yin par rig par bya'o//'di'i byed pa po ni g.yul la mngon par dga' ba'i dmag la lta ba'i don nyid kyis 'phags pa'i nye 'khor gyi mtha' las 'das te mthong ba'o/ /'di la yan lag lngas dngos gzhi'i ltung bar 'gyur te/ dge slong rgyal po dang btsun mo dang gzhon nu dang zhang blon dang khrom gyi ru sna dang grong rdal gyi mi dang ljongs kyi mis bkug pa dang /bar chad byung ba'i dbang nyid ma gtogs pa dang / g.yul la mngon par dga' ba'i dmag nyid dang / lta ba'i don nyid dang / 'phags pa'i nye 'khor gyi mtha' las 'das pa dang mthong ba'o/ /de dag las yan lag ma tshang na ci rigs par na smad do//sbyor ba'i ltung ba ni nyes byas te ci srid du dmag la lta ba'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /lta ba'i phyir 'gro na ji srid du mig gis ma mthong gi bar du nyes byas so//nye 'khor gyi mtha' las ma 'das par bzhin bsgyur ba tsam gyis mthong ba la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni dge slong rgyal po dang btsun mo dang gzhon nu dang zhang blon dang khrom gyi ru sna dang grong rdal gyi mi dang /ljongs kyi mis rang dbang med par bkug pa la ltung ba med do/ /bar chad byung ba'i dbang nyid kyis song ste mthong ba la ltung ba med do/ /g.yul la mngon par dga' ba'i dmag nyid ma yin pa la ltung ba med do//lta ba'i don nyid ma yin pa la gyi na mthong ste mi lta ba la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du dmag la lta ba'i ltung byed du 'gyur ba rnam pa thams cad mi bsten par bslab par bya'o//dge sbyong gi tshul ma yin pa mi bya'o/ /phyir bcos pa ni snga ma bzhin no/ /dmag la lta ba'i ltung byed de bzhi bcu lnga pa bshad zin to// //so sor thar pa'i mdo rgya cher 'grel pa 'dul ba kun las btus pa/ bam po sum cu gcig pa/dmag gi nang na gnas pa'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /ri brags pa de de lta na yang mi phebs nas rgyal pos de nyid du phru ma btab ste 'dug pa dang / blon po rnams kyis smras pa/lha khyim bdag mgon med zas sbyin ni bsod nams kyi rnam par smin pa can dbang che bar grags pa lags pas gal te mchis par gyur na de'i mthus ri brags pa 'di phebs par 'gyur ba gang lags pa de lta bu'i gnas mchis par 'gyur gda'o/ /rgyal pos khyim bdag mgon med zas sbyin la khyim bdag mthong bar 'dod do zhes yi ge spring ba dang /khyim bdag mgon med zas sbyin der 'ongs so/ /de lta na yang ri brags pa de ma phebs nas/ ko sa la'i rgyal po gsal rgyal gyis khyim bdag mgon med zas sbyin la smras pa/ khyim bdag khye'u dag mi dran nam/ lha khye'u dag ni mi dran te 'di ltar 'phags pa dag mthong bar 'tshal lo//ko sa la'i rgyal po gsal rgyal gyis dge 'dun la 'phags pa dag mthong bar 'tshal lo zhes yi ge spring ba dang / dge skos kyis dge 'dun gyi dbus su yi ge klags te/ gang der 'gro bar spro ba des tshul shing long shig ces tshul shing brims pa dang /dge slong gnas brtan dag gis smras pa/ kho bo cag ni rgan po sbyor mi bzod pa dag yin pas der 'gro bar mi nus so/ /dge slong gsar bu gsar bu dag gis smras pa/ der chos bstan par bya dgos na bdag cag ni thos pa nyung ba yin pas chos bstan par mi nus na/ der chu brims par bya'am/ ci bdag cag kyang der 'gro bar mi nus so/ /drug sde dag gis smras pa/ dga' bo nye dga' ji srid du bcom ldan 'das bzhugs shing bdag cag gson pa de srid du bstan pa gnas la/ bcom ldan 'das yongs su mya ngan las 'das shing bdag cag dus la bab na bstan pa nub par brjod par bya ste/ji srid du bdag cag gson pa de srid du bstan pa la gces pa bskyed par byas/ tshul shing blang ngo zhes de dag gis tshul shing blangs te der dong nas/ rgyal po la chos bstan pas rgyal po mngon par dad par byas so/ /btsun mo dang gzhon nu dag dang zhang blon dang khrom gyi ru sna dag la yang chos bstan pas skye bo phal po che'i tshogs mngon par dad par byas so//ko sa la'i rgyal po gsal rgyal gyis blon po rnams la smras pa/ ri brags pa bskor du 'dong ngo zhes de dag la 'phags pa dang drug sde dag gis smras pa/ dga' bo nye dga' bdag cag gis yun ji srid du gzhan gyi spyod lam gyis gnas par bya/rang gi spyod lam gyis gnas par bya'o/ /gsus po che'i dmag ci 'dra ba de 'drar 'dong ngo zhes de dag lam kar dong ste 'khod pa dang ci tsam na dpung gi tshogs yan lag bzhi pa 'ongs nas de dag gis smras pa/ 'phags pa dag shul phye shig shul phye shig ci bya/dpung gi tshogs yan lag bzhi pa mchi'o/ /bkren pa dag 'di 'dra ba dag glang po che yin nam phag dang 'dra'o zhes de dag gis mche ba dag nas bzung ste mtha' gcig tu bor ro/ /'di 'dra ba dag rta yin nam bong bu dag 'dra'o zhes de dag gis de dag gi mjug ma dag nas bzung ste mtha' gcig tu bor ro//'di 'dra ba dag shing rta yin nam shing rta zhig pa dag 'dra'o zhes de dag gis de dag srog shing dag nas bzung ste mtha' gcig tu bor ro/ /'di 'dra ba zhig mi yin nam rtswa mi dag 'dra'o zhes de dag gis de dag gi gnya' ba dag nas bzung ste mtha' gcig tu bor nas de dag sems khong du chud cing 'khod do/ / ci tsam na ko sa la'i rgyal po gsal rgyal 'ongs nas des smras pa/ shes ldan dag ci'i phyir khyed cag mi 'dong bar sems khong du chud cing 'khod/ lha dag bdag cag rgyal bar ga la 'gyur/ 'di ltar dge sbyong mgo reg ras yug chen glegs pa 'tshal ba 'di dag mi mchi dgu mchi'o/ /gang dag 'phags pa drug sde dag go//shes ldan dag de dag ni dge sbyong hral po dag yin pas de dag gis smras pa/ khyed la ci gnod deng shig /ko sa la'i rgyal po gsal rgyal gyis bsams pa/ 'di dag yang dang yang du bdag la tho 'tshams par 'gyur ro snyam du rig nas/ bcom ldan 'das kyi spyan sngar mi zhig la 'phrin gyis bsnyun gsol te/btsun pa 'phags pa 'di dag dmag chas pa la ltar mchis nas shin tu yun ring por dmag gi nang na gnas na/ kye ma bcom ldan 'das kyis thugs brtse ba'i slad du gang gis 'phags pa dag dmag chas pa la ltar mchis nas shin tu yun ring por dmag gi nang na gnas par mi 'gyur bar bcom ldan 'das kyis 'phags pa rnams la dran par bgyi ba chung zhig bca' ba mdzad na legs so zhes gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ drug sde dag la rmas nas/ dge sbyong gi tshul ma yin pa/ rjes su mthun pa ma yin pa/rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dmag chas pa la ltar 'gro ba de lta bu'i rkyen zhig byung na/de dge slong des dmag de'i nang du zhag gnyis tshun chad gnas par bya'o/ /de las lhag par gnas na ltung byed do zhes bca' ba mdzad de/ yul ni mnyan yod/ gang zag ni drug sde/ nyon mongs pa ni ma dul ba/ nyes ba ni shin tu yun ring por dmag gi nang na gnas pa'o//de la yang dge slong gang zhes bya ba ni drug sde'am gzhan yang de lta bu gang yin pa'o/ /dmag ces bya ba la/ dmag ni yan lag gcig pa yang yod la/ yan lag gnyis pa yang yod/ yan lag gsum pa yang yod/ yan lag bzhi pa yang yod do/ /dmag yan lag gcig pa gang zhe na/glang po che'i tshogs so/ /dmag yan lag gnyis pa gang zhe na/ glang po che'i tshogs dang / rta'i tshogs so/ /dmag yan lag gsum pa gang zhe na/ glang po che'i tshogs dang / rta pa'i tshogs dang / shing rta'i tshogs so/ /dmag yan lag bzhi pa gang zhe na/ glang po che'i tshogs dang /rta pa'i tshogs dang / shing rta'i tshogs dang / dpung bu chung gi tshogs so/ /chas pa la zhes bya ba ni g.yul 'gyed par mngon par dga' ba la'o/ /ltar 'gro ba zhes bya ba ni rgyu gang gis so/ /de lta bu'i rkyen zhig byung na zhes bya ba ni rgyal po dang btsun mo dang gzhon nu dang zhang blon dang / khrom gyi ru sna dang / grong rdal gyi mi dang ljongs kyi mis bkug na'o//dge slong des zhes bya ba ni dge slong gang yin pa des so/ /dmag de'i nang du zhes bya ba ni dmag chas pa de'i nang du'o/ /zhag gnyis tshun chad gnas par bya'o zhes bya ba ni zhag gnyis kyi mtha' tshun chad gnas par bya'o/ /de las lhag par gnas na zhes bya ba ni de las 'das par gnas na'o//ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni dge slong rgyal po dang btsun mo dang / gzhon nu dang zhang blon dang / khrom gyi ru sna dang grong rdal gyi mi dang ljongs kyi mis bkug pa dang / bar chad kyi dbang nyid byung na g.yul la mngon par dga' ba'i dmag de'i nang du nyin mtshan gnyis las lhag par nyin mtshan gsum pa'i skya rengs dang po shar bar gnas sam/rgyal po la sogs pas bkug pa dang / bar chad kyi dbang de dag med par lta ba'i don nyid kyis g.yul la mngon par dga' ba'i dmag de'i nang du nyin mtshan gsum pa'i snga ma nyin mtshan gcig dang gnyis kyi mthar gnas na yang dmag gi nang na gnas pa'i ltung byed kyi dngos gzhir 'gyur ro//dge slong rgyal po dang btsun mo dang gzhon nu dang zhang blon dang / khrom gyi ru sna dang grong rdal gyi mi dang ljongs kyi mis bkug pa dang bar chad kyi dbang nyid yod du zin yang g.yul la mngon par dga' ba'i dmag de'i nang du nyin mtshan gsum pa'i skya rengs dang po shar ba la na smad pa med do//rgyal po la sogs pas bkug pa dang bar chad kyi dbang de dag med par lta ba'i don nyid kyis g.yul la mngon par dga' ba'i dmag de'i nang du nyin mtshan gsum pa'i snga ma nyin mtshan gcig dang gnyis kyi mthar gnas pa la yang dngos gzhi re rer 'gyur ba la na smad pa med do//'di'i byed pa po ni rgyal po la sogs pas bkug pa dang / bar chad kyi dbang de dag yod na g.yul la mngon par dga' ba'i dmag gi nang du skya rengs gsum pa shar ba dang / de dag med par der zhag gcig dang gnyis kyi skya rengs shar ba'o/ /'di la yan lag lngas dngos gzhi'i ltung bar 'gyur te/dge slong rgyal po la sogs pas bkug pa dang / bar chad kyi dbang gis dgos pa yod pa dang / g.yul la mngon par dga' ba'i dmag nyid dang / der skya rengs gsum pa shar ba dang / dgos pa de dag med par der zhag gcig gi skya rengs shar ba dang / dgos pa de dag med par der zhag gnyis pa'i skya rengs shar ba'o//de dag las yan lag ma tshang na ci rigs par na smad do/ /sbyor ba'i ltung ba ni nyes byas te ci srid du dmag gi nang na gnas pa'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//rgyal po la sogs pas bkug pa dang bar chad kyi dbang de dag yod na nyin mtshan gnyis pa las 'das pa phan chad gsum pa'i skya rengs 'char ka tshun chad du nyes byas so/ /de dag med par nyin mtshan gcig dang gnyis kyi skya rengs 'char ka tshun chad du yang nyes byas so/ /sbyor ba'i sbyor ba'i ltung ba ni nyes byas phra mo ste/sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni rgyal po la sogs pas bkug pa dang / bar chad kyi dbang gis dgos pa yod na zhag gnyis pa'i skya rengs dang po shar gyi bar du der gnas pa la ltung ba med do//las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du dmag gi nang na gnas pa'i ltung byed du 'gyur ba rnam pa thams cad mi bsten par bslab par bya'o//phyir bcos pa ni snga ma bzhin no/ /dmag gi nang na gnas pa'i ltung byed de bzhi bcu drug pa bshad zin to// //dpung gi yan lag nyams su myong bar byed pa'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//ri brags pa de de lta na yang ma phebs nas ko sa la'i rgyal po gsal rgyal gyis khyim bdag mgon med zas sbyin la smras pa/ khyim bdag khye'u mi dran nam/ lha khye'u dag ni mi dran te/ 'di ltar 'phags pa dag mthong bar 'tshal lo/ /ko sa la'i rgyal po gsal rgyal gyis dge 'dun la 'phags pa dag mthong bar 'tshal lo zhes yi ge spring ba dang /dge skos kyis dge 'dun gyi mdun du yi ge klags te/ gang der 'gro bar spro ba des tshul shing long shig ces tshul shing brims pa dang / dge slong gnas brtan gnas brtan dag gis smras pa/ kho bo cag ni rgan po sbyor mi bzod pa dag yin pas der 'gro mi nus so//dge slong gsar bu gsar bu dag gis smras pa/ der chos bstan par bya dgos na/ bdag cag ni thos pa nyung ba yin pas chos bstan par ni mi nus na/ der chu brim par bya ba'am ci bdag cag der 'gro mi nus so/ /drug sde dag gis smras pa/ dga' bo nye dga' ji srid du bcom ldan 'das bzhugs shing bdag cag gson pa de srid du bstan pa gnas la/bcom ldan 'das yongs su mya ngan las 'das shing bdag cag dus la bab na bstan pa nub par brjod par bya ste/ ci srid du bdag cag gson pa de srid du bstan pa la gces pa bskyed par byas tshul shing blang ngo zhes de dag gis tshul shing blangs te der dong nas rgyal po la chos bsten pas/rgyal po mngon par dad par byas so/ /btsun mo dang gzhon nu dang / zhang blon dang khrom gyi ru sna dag la yang chos bstan pas skye bo phal po che'i tshogs mngon par dad par byas so/ /ko sa la'i rgyal po gsal rgyal gyis blon po rnams la smras pa/ der la g.yul shoms shig dang ri brags pa bskor bar bya'o//de dag gis g.yul bsham par brtsams pa dang / drug sde dag gis smras pa/ dga' bo nye dga' bdag cag gis yun ji srid du gzhan gyi spyod lam gyis gnas par byas/ rang gi spyod lam gyis gnas par byas/ gsus po che'i rgyal mtshan gyi mchog dang dpung gi mchog dang g.yul bkod cing bshams pa'i dmag la lta ba nyams su myong bar byas 'dong ngo zhes de dag g.yul shom pa'i nang du dong ste dris pa/shes ldan dag ci byed/ de dag gis smras pa/ 'phags pa dag bkod pa shom mo/ /drug sde dag gis smras pa/ bkren pa dag glang po che bcos ma 'di lta bu dag phyogs 'dir 'jog gam/'di dag sol cig ces de dag gis mche ba dag nas bzung ste mtha' gcig tu bor ro/ /rta theng po 'di lta bu dag phyogs 'dir 'jog gam 'di sol cig ces de dag gis mjug ma dag nas bzung ste mtha' gcig tu bor ro/ /shing rta zhig pa 'di lta bu 'di dag phyogs 'dir 'jog gam/'di sol cig ces dag gis de dag gi srog shing dag nas bzung ste mtha' gcig tu bor ro/ mi zhar ba 'di lta bu dag phyogs 'dir 'jog gam/ 'di sol cig ces de dag gis de dag gi gnya' ba nas bzung ste mtha' gcig tu bor ro/ /drug sde dag de'i mdun logs su ri brags pa dang / thag mi ring bar 'khod de glag tshor gyi sgra phyung ba dang /de dag gis bsams pa/ ri brags pa dag rdzong nas rlugs te byung ngo snyam du rig nas skrag cing sngangs te 'bros par brtsams pa dang / drug sde dag myur ba myur bar dong ste/ khrom gyi ru sna'i mdun du 'khod de smras pa/ shes ldan dag ci'i phyir 'bros/ de dag gis smras pa 'phags pa dag ri brags pa dag rdzong nas rlugs te byung ngo //drug sde dag gis smras pa/ bkren pa dag de ni kho bo cag gis ku re cung zhig byas pa yin te/ gal te ri brags pa dag gis khyed cag de ltar bred ngas par shes shing rig par gyur na nang par snga ba kho nar yang khyed cag gnya' ba dag nas btags te ri brags shig tu khrid par 'gyur gyi/ma 'jigs par phyir log shig /de dag phyogs gcig tu dong ste sems khong du chud cing 'khod do/ /ci tsam na ko sa la'i rgyal po gsal rgyal 'ongs nas des smras pa/ shes ldan dag khyed kyis da dung yang g.yul gyi bkod pa ma bshams sam/ de dag gis smras pa/ lha bdag cag rgyal bar ga la 'gyur/ 'di ltar dge sbyong mgo reg ras yug chen glegs pa 'tshal ba 'di dag mchis nas bdag cag la tho 'tshams shing mi mchi dgu mchi'o/ /gang dag 'phags pa drug sde dag go/ /shes ldan dag de dag ni dge sbyong hral po dag yin pas de dag gis smras pa khyed la ci gnod/ deng la g.yul gyi bkod pa shoms shig /ko sa la'i rgyal po gsal rgyal gyis bsams pa/ 'di dag yang dang yang du bdag la tho 'tshams par 'gyur ro snyam du rig nas bcom ldan 'das kyi spyan sngar mi zhig las 'phrin gyis bsnyun gsol te// btsun pa 'phags pa 'di dag shin tu yun ring por dmag gi nang na gnas pa'i tshe na yang bshams pa 'khrug tu mchi zhing rgyal mtshan gyi mchog dang dpung gi mchog dang g.yul bshams pa'i dmag la lta ba nyams su myong bar bgyid na kye ma bcom ldan 'das kyis thugs brtse ba'i slad du gang gis 'phags pa dag shin tu yun ring por dmag gi nang na gnas pa'i tshe yang bshams pa 'khrug tu mi mchi zhing /rgyal mtshan gyi mchog dang / dpung gi mchog dang / g.yul bshams pa'i dmag la lta ba nyams su myong bar bgyid par mi 'gyur bar bcom ldan 'das kyis 'phags pa rnams la dran par bgyi ba cung zhig bca' ba mdzad na legs so zhes gsol to/ /de nas bcom ldan 'das kyis byung ba 'di dang /gleng gzhi 'di dang / skabs 'di la dge slong gi dge 'dun bsdu ba mdzad de/ drug sde dag la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong zhag gnyis dmag de'i nang na gnas pa'i tshe yang gal te bshams pa 'khrug tu 'gro'am/ rgyal mtshan gyi mchog gam/ dpung gi mchog gam/ g.yul bshams pa'i dmag la lta ba nyams su myong bar byed na ltung byed do zhes bca' ba mdzad de/ yul ni mnyan yod/ gang zag ni drug sde/ nyon mongs pa ni ma dul ba/ nyes pa ni zhag gnyis dmag de'i nang na gnas pa'i tshe yang dpung gi yan lag bzhi nyams su myong bar byed pa'o//de la dge slong zhes bya ba ni drug sde'am gzhan yang de lta bu gang yin pa'o/ /zhag gnyis zhes bya ba ni zhag gnyis tshun chad do/ /dmag ces bya ba la/ dmag ni yan lag gcig pa yang yod/ yan lag gnyis pa yang yod/ yan lag gsum pa yang yod/ yan lag bzhi pa yang yod do/ /dmag yan lag gcig pa gang zhe na/glang po che'i tshogs so/ /dmag yan lag gnyis pa gang zhe na/ glang po che'i tshogs dang / rta pa'i tshogs so/ /dmag yan lag gsum pa gang zhe na/ glang po che'i tshogs dang / rta pa'i tshogs dang / shing rta'i tshogs so/ /dmag yan lag bzhi pa gang zhe na/ glang po che'i tshogs dang /rta pa'i tshogs dang / shing rta'i tshogs dang / dpung bu chung gi tshogs so/ /de'i nang na gnas pa'i tshe yang zhes bya ba ni 'dug pa'i tshe yang ngo / /gal te bshams pa 'khrug tu 'gro'am zhes bya ba ni g.yul la chas pa 'khrug tu 'gro ba'o/ /rgyal mtshan gyi mchog ces bya ba ni rgyal mtshan rnam pa bzhi ste/ khyu mchog gi rgyal mtshan dang /chu srin gyi rgyal mtshan dang / seng ge'i rgyal mtshan dang / klu'i rgyal mtshan no/ /dpung gi mchog ces bya ba ni dpung gi tshogs yan lag bzhi pa ste/ glang po che'i tshogs dang / rta pa'i tshogs dang / shing rta'i tshogs dang / dpung bu chung gi tshogs so/ /g.yul bshams pa'i dmag la lta ba nyams su myong bar byed na zhes bya ba ni bshams pa ni rnam pa bzhi ste/'bru'i kha lta bu dang / shing rta'i dbyibs lta bu dang zla gam gyi dbyibs lta bu dang / nam mkha' lding gi dbyibs lta bu'o/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong bar chad kyi dbang gis 'gro ba ma yin pas dpung gi yan lag sdud pa'am/ so so ba sta gon byas pa rnams kyi dngos kyi reg pa dang /bshams pa dkrugs pa dang / lta ba'i phyir 'phags shing nye 'khor gyi mtha' las 'das te/ mthong ba lta bu nyams su myong na dpung gi yan lag nyams su myong bar byed pa'i ltung byed kyi dngos gzhir 'gyur ro/ /dge slong bar chad brgyad dang / gnod pa nye bar zhi bar bya ba'i don du 'gro ba la sogs pa ma yin pa la na smad pa med do//g.yul la mngon par dga' ba'i dmag gi dpung gi yan lag glang po che dang / rta dang / shing rta dang dpung bu chung dag la na smad pa med do/ /dpung gi yan lag de dag bsdus pa'am/ so so ba lan smad pa med do/ /bsdus pa zhes bya ba ni rgyal mtshan gyi mchog dang /dpung gi mchog bsdus pa ste/ rgyal mtshan gyi mchog ni rnam pa bzhi ste/ khyu mchog gi rgyal mtshan dang / chu srin gyi rgyal mtshan dang / seng ge'i rgyal mtshan dang / klu'i rgyal mtshan no/ /dpung gi mchog ces bya ba ni dpung gi tshogs yan lag bzhi pa ste/ glang po che'i tshogs dang /rta pa'i tshogs dang / shing rta pa'i tshogs dang / dpung bu chung gi tshogs so/ /so so ba zhes bya ba ni g.yul bkod cing bshams pa'i dmag so so ba ste/ g.yul bkod cing bshams pa ni rnam pa bzhi ste/ 'bru'i kha lta bu dang / shing rta'i dbyibs lta bu dang / zla gam gyi rnam pa lta bu dang / nam mkha' lding gi 'dab ma lta bu'o//de la 'bru'i kha lta bu zhes bya ba ni mdun du yang ru dngar/ rgyab tu yang ru dang ra la/ dbus na rgyal po 'dug pa'o/ /shing rta'i dbyibs lta bu zhes bya ba ni mdun du yang ru dngar/ glor yang ru dngar la/ rgyab na rgyal po 'dug pa'o/ /zla gam gyi rnam pa lta bu zhes bya ba ni mdun du yang ru dngar/rgyab tu yang ru dngar/ glor yang ru dngar la/ dbus na rgyal po 'dug pa'o/ /nam mkha' lding gi 'dab ma lta bu zhes bya ba ni rgyab tu yang ru dngar/ glor yang ru dngar la/ mdun na rgyal po 'dug pa'o/ /dpung gi yan lag bsdus pa'am/ so so ba de dag sta gon byas ba rnams kyi dngos la na smad pa med do//sta gon byas pa zhes bya ba ni glang po che la sogs pa go bskon pa dang / shing rta bshams pa dang / rgyal mtshan bsgreng ba dang / gzhu bdungs pa dang / mda' mde'u can bstar ba dang / ral gri phyung ba nyid la sogs pa yin par rig par bya'o/ /sta gon byas pa rnams kyi dngos zhes bya ba gang zhe na/reg pa dang bshams pa dkrugs pa dang / lta ba'i phyir 'phags shing nye 'khor gyi mtha' las 'das te mthong ba lta bu ni dngos dag yin no/ /dngos de dag la ltung ba'i dngos gzhi la na smad pa med do/ /reg pa zhes bya ba ni glang po che la sogs pa sta gon byas pa rnams la reg pa ste/ dpung gi yan lag la reg pa 'di rin po cher smos pa la reg pa'i ltung byed las yul gzhan yin par reg par bya'o//bshams pa dkrugs pa zhes bya ba ni glang po che la sogs pa gnas nas bskyod pa'o/ /lta ba'i phyir 'phags shing nye 'khor gyi mtha' las 'das te mthong ba zhes bya ba ni dge slong gis dpung gi yan lag dag lta ba'i phyir gnas nas 'phags shing nye 'khor gyi mtha' las 'das te dpung gi yan lag dag mthong ba gang yin pa'o//lta ba ni dngos dag yin no zhes bya ba ni reg pa dag dang bshams pa dkrugs pa dang blta ba'i phyir 'phags shing nye 'khor gyi mtha' las 'das te mthong ba zhes bya ba rnam pa gsum po de lta bu'i dngos gzhi'i kha na ma tho ba'i rgyur gyur pa'i dngos dag yin pa'o//de lta bu nyams su myong ba la na smad pa med do/ /nyams su myong ba la sbyor ba'i nyes byas su na smad pa'i phyir ro/ /'di'i byed pa po ni dge slong bar chad kyi dbang gis 'gro ba ma yin pa la dpung gi yan lag bsdus pa'am/ so so ba sta gon byas pa rnams kyi dngos byed pa po nyid yin no//'di la yan lag lngas dngos gzhi'i ltung bar 'gyur te/ dge slong bar chad kyi dbang gis 'gro ba ma yin pa dang / dpung gi yan lag bzhi po rnams dang bsdus pa'am/ so so ba gang yang rung ba dang / sta gon byas pa rnams kyi dngos la reg pa dang / bshams pa dkrugs pa dang / lta ba'i phyir 'phags shing nye 'khor gyi mtha' las 'das te mthong ba lta bu gang yang rung ba dang de dag nyams su myong ba'o/ /dge slong de dag las yan lag ma tshang na ci rigs par na smad do/ /sbyor ba'i ltung ba ni nyes byas te ci srid du dpung gi yan lag nyams su myong bar byed pa'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed pa brtsams pa re re la nyes byas re re'o/ /dpung ma chas pa nyid la nyes byas so/ nyams su ma myong ba'i sbyor ba la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ci snyed pa la sbyor ba'i sbyor ba yang de snyed de/sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni dge slong bar chad kyi dbang gis 'gro ba la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du dpung gi yan lag nyams su myong bar byed pa'i ltung byed du 'gyur ba rnam pa thams cad mi bsten bar bslab par bya'o//glang po che dang / rta dang / bya gag dang / bya la ba ka dang / bya brta ka dang / skyes pa dang / bud med 'thab pa la sogs pa bya ba dang / byed du gzhug pa dang / blta bar mi bya'o//phyir bcos pa ni snga ma bzhin no/ /dpung gi yan lag nyams su myong bar byed pa'i ltung byed de bzhi bcu bdun pa bshad zin to// //brdeg pa'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa maud gal gyi bu chen pos nye ba 'khor la sogs pa sar ba skyes pa gzhon nu bcu bdun sde'i tshogs dag rab tu phyung zhing bsnyen par rdzogs par byas pa de'i tshe na/de dag drug sde dag la rten par byed/ bsnyen par byed/ bsnyen bkur byed do/ /de nas 'char kas smras pa/ bcu bdun sde dag tshur sheg /'di dang 'di gyis shig /de dag gis smras pa/ ci khyed kho bo cag gi slob dpon nam mkhan po yin mi byed do/ /des glen pa dag khyed gzhan ci zhig byed ces de dag las gcig brdegs pa dang / de dag thams cad kyis bdag cag brdegs so/ /bdag cag brdegs so zhes phyi rgan du 'gyel te ngu bar brtsams so//dge slong rnams kyis smras pa/ tshe dang ldan pa 'char ka ci'i phyir gzhon nu dag la rdeg par byed/ 'char kas smras pa/ tshe dang ldan pa dag kho bos gcig brdegs pa dang thams cad sa la 'gyel te ngu'o/ /dge slong rnams kyis bcu bdun sde dag la smras pa/tshe dang ldan pa dag khyed cag las gcig brdegs na ci'i phyir thams cad sa la 'gyel te ngu / de dag gis smras pa/ gal te ma ngus spyon thams cad la brdeg par 'gyur ro zhes zer nas/ dge slong don nyung ngu dag ci'i phyir dge slong dag khros 'khrugs rngam par gyur te yi ma rangs nas dge slong la rdeg par byed ces smod bar byed/phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ 'char ka la rmas nas/ dge sbyong gi tshul ma yin pa/rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang khros 'khrugs rngam par gyur te/ yi ma rangs nas dge slong la rdeg na ltung byed do zhes bca' ba mdzad de/ yul ni mnyan yod/ gang zag ni 'char ka nyon mongs pa ni zhe sdang gi kun du sbyor ba/ nyes pa ni dge slong la brdeg pa'o/ /de la yang dge slong gang zhes bya ba ni 'char ka'am/gzhan yang de lta bu gang yin pa'o/ /khros 'khrugs rngam par gyur te yi ma rangs nas zhes bya ba ni khros shing 'khrugs pa'i zil gyis mnan nas so/ /dge slong la zhes bya ba ni chos 'di pa la'o/ /rdeg na zhes bya ba ni rdeg par byed na'o/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gis rnyog pa can gyi sems nyid kyis dge slong pha rol la lus sam des 'phangs pa'am/de dang 'brel ba dang gang yang rung ba na tha na rkang pa'i mthe bo'am yungs kar ram rtswa dag gis brdegs na reg pa tsam gyis brdeg spyad re re la rdeg pa'i ltung byed kyi dngos gzhir 'gyur ro/ /rnyog pa can gyi sems khros 'khrugs rngam par gyur te/yi ma rangs pa gang yang rung ba la na smad pa med do/ /dge slong pha rol po brdeg par bya ba chos 'di pa bsnyen par rdzogs pa can ma nyams pa mtshan dang lta ba mthun pa gang yang rung ba la na smad pa med do/ /lus sam des 'phangs pa'am de dang 'brel pa dag gang yang rung ba la na smad pa med do//lus zhes bya ba ni nang gi zin pa ste/ sor mo gcig gam gnyis sam gsum dang bzhi dang lnga'am/ khu tshur dang gru mo dang phrag pa dang mgo dang glo dang rgyab dang rked pa dang brla dang pus mo dang rje ngar la sogs pas so/ /des 'phangs pa zhes bya ba ni phyi rol du 'phangs pa ste/ mda' dang / lcags mda' dang / mda' phyed lcags las byas pa dang / mde'u ste'u kha dang / mde'u be'u so lta bu dang / mde'u zur bzhi ma dang / mde'u ka ra bi ra'i 'dab ma lta bu dang / mde'u bye snying ma dang / 'khor lo dang / rdo rje rtse gcig pa dang / mda' bo che dang / mtshon rtse gcig pa dang / rgya shug gi tshi gu la sogs pas so//de dang 'brel pa zhes bya ba ni de gnyi ga dang ldan pa ste/ ral gri dang / shang lang dang / ral gri so gcig pa dang / ral gri so gnyis pa dang / mdung thung dang / 'phang mdung dang / chu gri dang / rtswa'i nyag ma la sogs pas so/ /de gsum gyi mtha' bstan pa'i phyir tha na rkang pa'i mthe bong dang yungs kar ram rtswa dag gis brdegs na zhes bya ba smras te/nang gi zin pa tha na rkang pa'i mthe bo'am/ phyi rol du 'phangs pa yungs kar ram/ de gnyis ga dang ldan pa tha na rtswa dag gis brdegs pa'am/ de bas kyang ches chung ba'i dngos pos brdegs na yang ltung ba la na smad pa med do/ /ci brdegs pa'i 'og tu gang gi tshe snad cing skrangs par gyur pa de'i tshe na dngos gzhir 'gyur ro//'on te rdeg pa'i tshe nyid na zhe na/ de'i phyir reg pa tsam gyis zhes bya ba smras te/ de dag gis lus la sogs pa la reg pa tsam la na smad pa med do/ /ci brdeg spyad mang po yin na yang ltung byed gcig tu 'gyur ram zhe na/ ma yin te/ de'i phyir brdeg spyad re re la zhes bya ba smas te/ brdeg spyad re re la ltung byed re rer 'gyur te/ sor mo re re la ltung byed re re dang / yungs kar 'bru re re la ltung byed re re dang / rtswa nyag re re la ltung byed re rer 'gyur ba la lta bu la na smad pa med do/ /'di'i byed pa po ni pha rol po brdeg par bya ba dge slong nyid dang /brdeg spyad gang yang rung ba ci snyed pa'o/ /'di la yan lag lngas dngos gzhi'i ltung bar 'gyur te/ rnyog pa can gyi sems nyid dang / pha rol po brdeg par bya ba dge slong nyid dang / brdeg pa lus sam des 'phangs pa'am de dang 'brel par gang yang rung ba dang brdeg spyad tha na rkang pa'i mthe bong ngam yungs kar ram/rtswa bas chung ba gang yang rung ba dang tha na lus la reg pa dang / de dag las yan lag ma tshad na ci rigs par na smad do/ /sbyor ba'i ltung ba ni nyes byas te ci srid du brdeg pa'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la yang nyes byas re re'o//rnyog pa can gyi sems kyis khros 'khrugs rngam par gyur te yi ma rangs pa nyid med pa la nyes byas so/ /pha rol po brdeg par bya ba dge slong nyams pa dang / ma chags pa la nyes byas so/ /dge slong ma dang chos 'di pa'i rab tu byung ba pho mo bsnyen par ma rdzogs pa la nyes byas so//pha rol po'i rab tu byung ba dang khyim pa mi'i 'gro ba pa la nyes byas so/ /mi ma yin pa'i 'gro ba dang dud 'gro la nyes byas na smad do/ /ma phog na nyes byas so/ /rang la brdegs na nyes byas so/ /ka ba dang rtsig pa dang sa dang shing ljon pa dang / gzhan la brdegs na nyes byas so//sbyor ba'i sbyor ba'i ltung ba ni nyes byas phra mo ste sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni brnangs pa dang thal lcag gi rig sngags sgrub par byed pa la ltung ba med do/ /dgos pa'i dbang gis shing gshegs pa dang sa brdung ba la sogs pa la ltung ba med do//las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du brdeg pa'i ltung byed du 'gyur ba rnam pa thams cad mi bsten par bslab par bya'o//brdeg par bya ba gzhan yin la gzhan la brdeg par mi bya'o/ /ka ba la brdeg par mi bya'o/ /rtsig pa dang shing ljon pa dang sgo glegs la sogs pa gzhan la yang brdeg par mi bya'o/ /byir bcos pa ni snga ma bzhin no/ /brdeg pa'i ltung byed de bzhi bcu brgyad pa bshad zin to// //gzas pa'i ltung byad kyi gleng gzhi ni sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa maud gal gyi bu chen pos nye ba 'khor la sogs pa sar pa skyes phran gzhon nu bcu bdun sde'i tshogs dag rab tu phyung zhing bsnyen par rdzogs par byas pa de'i tshe na/de dag drug sde dag la rten par byed/ bsnyen par byed/ bsnyen bkur bar byed do/ /de nas 'char kas smras pa/ bcu bdun sde dag tshur sheg /'di dang 'di gyis shig /de dag gis smras pa/ ci khyed kho bo cag gi slob dpon yin nam mkhan po yin/mi byed do/ /des glen pa dag khyed gzhan ci zhig byed ces de dag las gcig la brdeg par gzas pa dang / de dag thams cad kyis bdag cag la brdeg par gzas so/ /bdag cag la brdeg par gzas so zhes phyi rgan du 'gyel te ngu bar brtsams so/ /dge slong rnams kyis smras pa/tshe dang ldan pa 'char ka ci'i phyir gzhon nu dag la brdeg par gzas/ 'char kas smras pa tshe dang ldan pa dag kho bos gcig la brdeg par gzas pa dang / thams cad sa la 'gyel te ngu'o/ /dge slong rnams kyis bcu bdun sde dag la smras pa/ tshe dang ldan pa khyed cag las gcig la brdeg par gzas na ci'i phyir thams cad sa la 'gyel te ngu /de dag gis smras pa/ gal te ma ngus na gang cis brdeg gtol med do zhes zer nas dge slong don nyung ngu dag ci'i phyir dge slong dag khros 'khrugs rngam par gyur te yi ma rangs nas dge slong la brdeg par gzas par byed ces smod par byed/ phyar ka gtong bar byed/kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ 'char ka la rmas nas/ dge sbyong gi tshul ma yin pa/ rjes su mthun pa ma yin pa/rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang khros 'khrugs rngam par gyur te yi ma rangs nas dge slong la brdeg par gzas na tha na thal mos kyang rung ste ltung byed do zhes bca' ba mdzad de/ yul ni mnyan yod/ gang zag ni 'char ka /nyon mongs pa ni zhe sdang gi kun du sbyor ba/ nyes pa ni dge slong la brdeg par gzas pa'o/ /de la yang dge slong gang zhes bya ba ni 'char ka'am gzhan yang de lta bu gang yin pa'o//khros 'khrugs rngam par gyur te yi ma rangs nas zhes bya ba ni khros shing khro ba'i zil gyis non nas so/ /dge slong la zhes bya ba ni chos 'di pa la'o/ /brdeg par gzas na zhes bya ba ni brdeg par bshams na'o/ /tha na thal mos kyang ste zhes bya ba ni tha na thal lcag tsam gzas kyang rung ste'o//ltung byed do zhes bya ba ni snga ma bzhin no/ /de la ltung ba ci ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//sngar brdegs pa'i ltung byed bstan pa dang / 'dir gzas pa'i ltung byed bstan pa de gnyis kyi spyi'i mtshan nyid ni 'dra'o/ /bye brag tu snga ma ni brdeg pa'i yul la rnam par gzhag go/ /'di ni brdeg par gzas pa'i yul la rnam par gzhag go/ /de la 'dir dngos gzhi'i ltung ba rnam par gzhag pa ni dge slong gis rnyog pa can gyi sems nyid kyis dge slong pha rol la lus sam des 'phangs pa'am de dang 'brel ba dag gang yang rung ba tha na rkang pa'i mthe bo'am yungs kar ram/rtswa dag gis brdeg par gzas na gzas pa tsam gyis rdzas re re la gzas pa'i ltung byed kyi dngos gzhir 'gyur ro//rnyag pa can gyi sems khros 'khrugs rngam par gyur te/ yi ma rang ba gang yang rung ba la na smad pa med do/ /dge slong pha rol pos brdeg par gzas pa chos 'di pa bsnyen par rdzogs pa ma nyams pa mtshan dang lta ba mthun pa gang yang rung ba la na smad pa med do/ /lus sam ma des 'phangs pa'am/de dang 'brel pa dag gang yang rung ba la na smad pa med do/ /lus zhes bya ba ni nang gi zin pa ste sor mo gcig gam gnyis sam/ gsum dang / bzhi dang / lnga'am/ khu tshur dang / gru mo dang / phrag pa dang / mgo dang / glo dang / rgyab dang / brla dang / pus mo dang / rje ngar la sogs pa'o/ / des 'phangs pa zhes bya ba ni phyi rol du 'phangs pa ste/ mda' dang lcags mda' dang / mda' phyed lcags las byas pa dang / mde'u ste'u kha dang / mde'u be'u'i so lta bu dang / mde'u zur bzhi ma dang / mde'u ka ra bi ra'i 'dab ma lta bu dang / mde'u bye'u snying ma dang / 'khor lo dang / rdo rje rtse gcig pa dang / mda' bo che dang mtshon rtse gcig pa dang /rgya shug gi tshi gu la sogs pa'o/ /de dang 'brel pa zhes bya ba ni de gnyi ga dang ldan pas te ral gri dang / shang lang dang / ral gri so gcig pa dang /ral gri so gnyis pa dang / mdung dang / 'phang mdung dang / chu gri dang / rtswa'i nyag ma dang / thur ma'i thag pa dang / thag pa'i chun po la sogs pas so//de gsum gyi mtha' bstan pa'i phyir/ tha na rkang pa'i mthe bo'am yungs kar ram/ rtswa dag gis brdeg par gzas na zhes bya ba smras te/ nang gi zin pa tha na rkang pa'i mthe bo'am/ phyi rol du 'phangs pa tha na yungs kar ram/ de gnyi ga dang ldan pa tha na rtswa dag gis brdeg par gzas sam/ de bas kyang ches chung ba'i dngos pos brdeg par gzas na yang ltung ba la smad pa med do//ci brdeg par gzas pa'i 'og tu gang gi tshe bsnun cing phog par gyur pa de'i tshe na dngos gzhir ro/ /'on te brdeg par gzas pa'i tshe nyid na zhe na/ de'i phyir gzas pa tsam gyis zhes bya ba smras te/ de dag gis lus la sogs pa la brdeg par gzas pa tsam la na smad pa med do//ci gzas pa'i spyad mang po nyid yin na yang ltung byed gcig tu 'gyur ram zhe na/ ma yin te/ de'i phyir rdzas re re la zhes bya ba smos te/ gzas par bya ba'i rdzas re re la ltung byed re rer 'gyur te/ sor mo re re la ltung byed re re dang / yungs kar 'bru re re la ltung byed re re dang /rtswa nyag ma re re la ltung byed re rer gyur pa lta bu la na smad pa med do/ /'di'i byed pa po ni pha rol po brdeg par gzas pa dge slong nyid dang / gzas pa'i rdzas gang yang rung ba ji snyed pa'o/ /'di la yan lag lngas dngos gzhi'i ltung bar 'gyur te/ rnyog pa can gyi sems nyid dang / pha rol po brdeg par gzas pa'i dge slong nyid dang /gzas pa lus sam des 'phangs pa'am/ de dang 'brel pa gang yang rung ba dang / gzas pa'i rdzas tha na rkang pa'i mthe bo'am/ yungs kar ram rtswa bas chung ba gang yang rung ba dang / tha na gzas par brtsams pa'o/ /de dag las yan lag ma tshang na ci rigs par na smad do//sbyor ba'i ltung ba ni nyes byas te ji srid du gzas pa'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /rnyog pa can gyi sems khros 'khrugs rngam par gyur te/ yi ma rangs pa nyid med pa la nyes byas so//pha rol pos brdeg par gzas pa dge slong nyams pa dang / ma chags pa la nyes byas so/ /dge slong ma dang chos 'di pa'i rab tu byung ba pho mos bsnyen par ma rdzogs pa la nyes byas so/ /phyi rol pa'i rab tu byung ba dang khyim pa mi'i 'gro ba pa la nyes byas so/ /mi ma yin pa'i 'gro ba dang /dud 'gro la nyes byas na smad do/ /rang la brdeg par gzas na nyes byas so/ /ka ba dang rtsig pa dang sa dang shing ljon pa dang gzhan la yang brdeg par gzas na nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ci snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o//ltung ba med pa ni brnangs pa bsal ba dang / thal lcag gi rig sngags sgrub par gzas pa la ltung ba med do/ /dgos pa'i dbang gis shing gshegs pa dang sa brdung ba la sogs par gzas pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du gzas pa'i ltung byed du 'gyur ba rnam pa thams cad mi bsten par bslab par bya'o/ /brdeg par gzas pa gzhan yin la/ / gzhan dang gzhan la brdeg par gzas par mi bya'o/ /ka ba la brdeg par gzas par mi bya'o/ /rtsig pa dang sa dang shing ljon pa dang / sgo glegs la sogs pa gzhan la yang brdeg par gzas par mi bya'o/ /phyir bcos pa ni snga ma bzhin no/ /gzas pa'i ltung byed de bzhi bcu dgu pa bshad zin to// // gnas ngan len 'chab ba'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dga' bo la lhan cig gnas pa'i dge slong chos zhes bya ba ngo tsha shes pa/ 'gyod pa dang ldan pa/ bsdams pa/ bslab pa 'dod pa zhig yod pa des ci srid du de gnas ngan len de kun du spyod par mi shes pa de srid du de dang lhan cig gnas so//gang gi tshe des de gnas ngan len kun du spyod par shes pa de'i tshe na de rang bzhin du gnas pa'i dge slong rnams dang lhan cig gnas par brtsams te/ bcom ldan 'das kyi bka' lung gis dus gsum du rkang pa la phyag 'tshal du 'gro ba 'ba' zhig byed do//de dga' bo'i gan du song ste/ mkhan po gdugs la spyod du mchi'o zhes zhus pa dang / nye dgas de thos nas smras pa/ bu chos kho bo'i stan yang khyer la song shig /des de'i stan khyer te nyin mo spyod du song nas des de'i stan de shing ljon pa zhig gi drung du gzhag ste dben pa'i phyogs su 'dug nas yid la byed pa bskyed par brtsams pa dang /de'i 'og tu nye dga' 'ongs nas chos kyis smras pa/ slob dpon gdan shing ljon pa'i drung du gzhag gi der bzhud la bzhugs shig /nye dga' der song nas mgo g.yogs te 'dug pa dang /der des mos pa ma rnyed nas stan las langs te phyogs bzhir rnam par blta bar brtsams pa dang / ci tsam na bu mo zhig rgyal byed kyi tshal gyi rib ma 'dral ba mthong nas/ nye dga' song ste smras pa/ bu mo khyod ci'i phyir rgyal byed kyi tshal gyi rib ma 'dral bar byed/ bu mo des 'dzum phyung ba dang / nye dgas de'i yan lag dang nying lag dag nas mnams te 'o byas nas/ des chos kyi gan du song ste dris pa/ bu chos khyod kyis cung zad mthong ngam/ slob dpon gzhug 'jug pa 'ba' zhig ma gtogs pa gzhan thams cad mthong ngo / /bu chos su la yang ma zer cig /slob dpon ji srid du rang bzhin du gnas pa'i dge slong ma mthong ba de srid kyi bar du su la yang mi mchi'o//nye dgas smras pa/ kho bo khyod kyi mkhan po'i gnas ngan len gyi ltung ba 'chab par byed na khyod kho bo'i 'chab par mi byed dam/ sleb dpon khyod 'chab par mdzad kyang bdag gis 'chab par mi bgyid do zhes zer ba'i skabs de dge slong rnams la brjod pa dang /dge slong don nyung ngu dag ci'i phyir dge slong dag shes bzhin du dge slong gi gnas ngan len gyi ltung ba 'chab par byed ces smod par byed/ phyar ka gtong bar byed/ /bzer bar byed pa'i skabs de dge slong rnams kyis bcom ldan 'das la gsol to/ / de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ nye dga' la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang shes bzhin du dge slong gi gnas ngan len gyi ltung ba 'chab na ltung byed do zhes bca' ba mdzad de/ yul ni mnyan yod/gang zag ni nye dga'/ nyon mongs pa ni nyes pa brtsams pa/ nyes pa ni shes bzhin du dge slong gi gnas ngan len 'chab pa'o/ /de la yang dge slong gang zhes bya ba ni shAkya'i bu nye dga'a'am gzhan yang de lta bu gang yin pa'o/ /shes bzhin du zhes bya ba ni de rang nyid kyis rig par 'gyur ba'am gzhan dag gis brjod pa'o//dge slong gis zhes bya ba ni chos 'di pa'o/ /gnas ngan len gyi ltung byed ces bya ba ni gnas ngan len gnyis te/ pham par 'gyur ba kun nas slong ba dang / dge 'dun lhag ma kun nas slong ba'o/ /ci'i phyir de dag gnas ngan len ces bya zhe na/ ngo bo nyid las dang / kun nas slong ba las so//'chab na zhes bya ba ni mkhyud na'o/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni dge slong gis shes bzhin du dge slong gi pham par 'gyur ba dang / dge 'dun lhag ma'i ltung ba 'chab na bde ba la mi reg pa dang / dge sbyong gi tshul dang / tshangs par spyod pa'i bar chad dang / dge 'dun 'khrug tu dogs pa'i dbang nyid ma gtogs pa nyin mtshan gcig gi skya rengs dang po shar ba'i mthar gnas ngan len 'chab pa'i ltung byed kyi dngos gzhir 'gyur ro//dge slong gis pha rol po pham par 'gyur ba 'am/ dge 'dun lhag ma'i ltung ba byung ba nyid la der 'du shes pa dang / yid gnyis za bzhin du 'chab pa la na smad pa med do//bdag la de ma bcabs pa'i gzhi 'dis bde ba la mi reg pa'i dbang nyid dang / dge sbyong gi tshul gyi bar chad kyi dbang nyid dang tshangs par spyod pa'i bar chad kyi dbang nyid dang / dge 'dun 'khrug tu dogs pa'i dbang nyid ma gtogs par dge slong gi pham par 'gyur ba dang /dge 'dun lhag ma'i ltung ba 'chab pa la na smad pa med do/ /de dag gi dbang gis bcabs pa la ni ltung ba med pa'i phyir ro/ /de la bde ba la mi reg pa'i dbang nyid ces bya ba ni gal te de ma bcabs pa'i gzhi des bdag nyid la srog gi bar chad la sogs pa'i sdug bsngal 'byung bar 'gyur ba'o//dge sbyong gi tshul gyi bar chad kyi dbang nyid ces bya ba ni gal te de ma bcabs pa'i gzhi des bdag la 'phags pa'i lam gyi bar chad 'byung bar 'gyur ba'o/ /tshangs par spyod pa'i bar chad kyi dbang nyid ces bya ba ni gal te de ma bcabs pa'i gzhi des de dag la tshangs par spyod pa'i bar chad 'byung bar 'gyur ba'o//dge 'dun 'khrug tu dogs pa'i dbang nyid ces bya ba ni gal te de ma bcabs pa'i gzhi des dge 'dun dbye ba dang / dge 'dun 'khod pa dang / dge 'dun gnyis su 'gyur ba dang / dge 'dun tha dad par 'gyur ba'o/ /nyin mtshan gcig gi skya rengs dang po shar ba'i mthar 'chab pa la na smad pa med do//de yang gang zag gi gzhi 'khor dang bcas pa'i skabs nas de'i mod la mthol bar bya ba'i gang zag dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na gnas pa yod bzhin du 'chab pa'i sems bskyed de/ ci srid du skya rengs shar ba'i bar du mi mthol ba la dngos gzhir rnam par gzhag go//de'i mod la gang la mthol bar bya ba'i gang zag de lta bu med na skya rengs ma shar gyi bar du 'chab pa'i nyes pa med do/ /ji srid du gang la mthol bar bya ba'i gang zag ma rnyed pa de srid du skya rengs shar kyang ma mthol ba la 'chab pa'i nyes pa med do//gang la mthol bar bya ba'i gang zag med na ji srid du gang la mthol bar bya ba'i gang zag ma rnyed pa de srid du mthol ba'i sems med pa la 'chab pa'i nyes pa med do/ /gang la mthol bar bya ba'i gang zag yod du zin kyang rkyen 'ga' zhig gis bdag nyid 'gro ba'i skabs med dam/bdag nyid gnas de nas gzhan du song bar gyur na de'i bar du mthol ba'i sems med pa la 'chab pa'i nyes pa med do/ /gang la mthol bar bya ba'i gang zag yod du zin kyang ltung ba yod pa de 'di snyam du gal te de'i gan du song ba ma brjod na 'chab pa'i nyes par 'gyur du dogs pas de'i dbang gis der mi 'gro'am gzhan du song bas brjod par ma byas pa la yang 'chab ba'i nyes pa med do//rkyen cis kyang ma bskal ba'i bar de'i gan du mi 'gro ba dang / skya rengs kyi mdun rol du mi mthol ba dang / 'chab pa'i sems bskyed pa dag ni nyes byas su 'gyur la skya rengs dang po shar ba'i mthar ni dngos gzhir 'gyur ro zhes gsungs pa'am bye brag gzhan dag kyang skabs 'dir shes par bya'o//'di'i byed pa po ni dge slong gzhan gyi pham par 'gyur ba dang / dge 'dun lhag ma'i ltung ba byung ba nyid la 'du shes gtso cher byed pa po nyid yin no/ /'di la yan lngas las dngos gzhi'i ltung bar 'gyur te/dge slong gzhan gyi pham par 'gyur ba'am dge 'dun lhag ma kun nas slong ba'i gnas ngan len byung ba nyid dang / der 'du shes pa dang / 'chab pa dang / bdag la gzhi des bde ba la mi reg pa dang / dge sbyong gi tshul dang tshangs par spyod pa'i bar chad dang / dge 'dun 'khrug tu dogs pa'i dbang nyid ma gtogs pa dang /nyin mtshan gyi mthar thug pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du gnas ngan len 'chab pa'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /skya rengs ma shar gyi snga rol du nyes byas so/ /pham par 'gyur ba dang / dge 'dun lhag ma'i gnas ngan len gyi ltung ba de gnyis ma gtogs pa'i ltung ba gzhan 'chab pa la ni sbyor ba dang / dngos gzhi gnyis ka la nyes byas so//dge slong la gnas ngan len ma byung bar der 'du shes pa dang / yid gnyis za ba la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ / ltung ba med pa ni bde ba la mi reg pa dang dge sbyong gi tshul dang / tshangs par spyod pa'i bar chad dang / dge 'dun 'khrug tu dogs pa'i dbang nyid kyis 'chab pa la ltung ba med do/ /gang la mthol bar bya ba'i gang zag dge slong bsnyen par rdzogs pa rang bzhin du gnas pa lta ba dang mtshan mthun pa mtshams kyi nang na 'dug pa ma rnyed kyi bar du ltung ba med do//las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du gnas ngan len 'chab pa'i ltung byed du 'gyur ba rnam pa thams cad mi bsten par bslab par bya'o//phyir bcos pa ni snga ma bzhin no/ /gnas ngan len 'chab pa'i ltung byed de lnga bcu pa bshad zin to// //so sor thar pa'i mdo rgya cher 'grel pa 'dul ba kun las btus pa/ bam po sum cu gnyis pa/ sdom la/ bde dang me dang 'dun pa dang //bsnyen par ma rdzogs chos dang smra/ /dge tshul kha dog bsgyur ba dang / /rin po che dang tsha ba'i dus/ /zhes bya ba ni bcu pa drug pa yin te/ sdom la zhes bya ba'i tshig gi don dang dgos pa ni snga ma bzhin no/ /bcu pa drug pa 'dis kyang ltung byed kyi chos bcu bstan te/ zan gcod du 'jug pa dang /me la reg pa dang / 'dun pa phyir bsgyur ba dang / bsnyen par ma rdzogs pa dang lhan cig nyal ba dang / lta ba'i rnam pa mi gtong ba dang / spangs pa'i rjes su phyogs pa dang / bsnyil ba sdud pa dang / kha ma bsgyur ba'i gos gyon pa dang / langs pa'i gzhir gtogs pa dang khrus byed pa'i ltung byed do//de la zan gcod du 'jug pa'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dga' bo la lhan cig gnas pa dge slong chos zhes bya ba ngo tsha shes pa/ 'gyod pa dang ldan pa/ bsdams pa/ bslab pa 'dod pa zhig yod pa des ji srid de gnas ngan len kun du spyod par mi shes pa de srid du de dang lhan cig gnas so/ /gang gi tshe des de gnas ngan len kun du spyod par shes pa de'i tshe na rang bzhin du gnas pa'i dge slong rnams dang lhan cig gnas par brtsams te/bcom ldan 'das kyi bka' lung gis dus gsum du rkang pa la phyag 'tshal du 'gro ba 'ba' zhig byed do/ /nye dgas dga' bo la smras pa/ slob dpon chos 'di kho bo sangs rgyas la sogs pa dge slong gi dge 'dun gyi mdun du mtho btsams pa la ltos kho bos kyang 'di la nges par gnod pa cung zhig bya'o//dga' bos smras pa/ dge slong chos 'di ni ngo tsha shes pa 'gyod pa dang ldan pa/ bsdams pa/ bslab pa 'dod pa yin pas khyod kyis 'di la gnod pa ci zhig byar yod/ nges par 'di'i zan gcad par bya'o/ /de ni nus so/ /khyim bdag cig gis dga' bo dang nye dga' gnyis zan la mgron du bos pa dang /nye dgas bsams pa/ deng chos 'di pa'i zan gcad par bya'o snyam nas/ chos kyis dga' bo'i gan du bsod snyoms la 'gro bar zhur 'ongs pa'i tshe dga' bos chos la smras pa/ chos kho bo cag deng khyim bdag cig gis zan la mgron du bos kyis tshur gshegs la de nyid du zan zo shig /des smras pa/ lhung bzed dang chu tshags blangs te mchi'o/ /nye dgas smras pa/ der lhung bzed dang chu tshags kyis ci bya/ der snod bkrus pa dag dang / chu btsags pa dag 'thob kyis tshur shog 'dong ngo / /de de gnyis dang lhan cig mnyan yod du zhugs pa dang /de gnyis sngon du song ste/ tshong khang du 'khod pa dang / nye dga' khyim bdag de'i khyim du song ste zan zos nas phyir 'ongs so/ /de'i 'og tu yang dga' bo yang khyim bdag de'i khyim du song ste zan za zhing 'dug go/ /chos kyis nye dga' la smras pa/ slob dpon gdugs tshod la bab kyi bzhud do//nye dgas smras pa/ der thams cad sta gon byas zin pas der song ste bza' ba las gzhan pa'i bya ba ci yang med kyi gdugs tshod kyi kha kho nar 'dong ngo / /chos langs te rkang pa gnyis kyis grib tshod gzhal bar brtsams pa dang / nye dgas smras pa/ glen pa khyod kho bo cag gis bslab pa la cung zad yid mi ches sam/ci khyod kyi snying lam na kho bo cag dus ma yin par za bar 'gyur snyam mam/ kho bo khyod dang lhan cig tu smra'am 'dug pa bde ba ma yin gyi/ 'di ltar kho bo cag gcig pu kho na smra'am 'dug na bdes khyod song shig /chos kyis bsams pa/gal te bdag gis lhung bzed dang chu tshags khyer te 'ongs par gyur na bdag bsod snyoms la rgyu bar 'gyur na/ da ni ci byar yang med do snyam nas de gtsug lag khang du song ste ci srid du de'i lus las mdangs ma yal ba de srid du dge ba'i phyogs la tron byas nas/ gang gi tshe de'i lus las mdangs yal ba de'i tshe na glos phab ste nyal ba dang /dge slong rnams kyis de la smras pa/ tshe dang ldan pa chos gal te zan gzhan gyi yin zhes te lto yang gzhan gyi yin nam/ ji na ci tsam gyis dge ba'i phyogs la tron byed kyang mi nus pa de tsam gyi zan zos so/ /sus zos/ khyod kyis ma zos sam/ ma zos so ci'i phyir/ des skabs de rgyas par brjod pa dang / dge slong don nyung ngu dag ci'i phyir dge slong dag ched du bsams te dge slong gi zan gcod du 'jug ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad de/ nye dga' la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang klan ka tshol zhing ci nas kyang dge slong 'di la klan ka btsal bar 'gyur ro snyam pa de nyid rkyen du byas te/dge slong dag la 'di skad ces tshe dang ldan pa tshur shog khyim dag tu 'dod dang / /der khyed la bca' ba dang bza' ba bsod pa ci tsam 'dod pa sbyin du gzhug go zhes smras nas des de la sbyin du ma bcug par de'i 'og tu 'di skad ces tshe dang ldan pa kho bo khyod dang lhan cig smra'am 'dug pa bde ba ma yin gyi/'di ltar kho bo gcig pu kho na smra'am 'dug na bdes khyod song shig ces zer na ltung byed do zhes bca' ba mdzad de/ yul ni mnyan yod/ gang zag ni nye dga'/nyon mongs pa ni zhe dku/ nyes pa ni ched du bsams te dge slong gi zan gcod du 'jud pa'o/ /de la yang dge slong gang zhes bya ba ni shAkya'i bu nye dga' 'am/ gzhan yang de lta bu gang yin pa'o/ /klan ka tshol zhing ci nas kyang dge slong 'di la klan ka btsal bar 'gyur ro snyam pa zhes bya ba ni ji nas kyang dge slong 'di zan gcod du 'jug par 'gyur ro snyam pa'o//de nyid rkyen du byas te zhes bya ba ni gzhan ma yin pa'o/ /dge slong la zhes bya ba ni chos 'di pa'o/ /'di skad ces bya ba ni 'di skad ces smras nas so/ /tshe dang ldan pa tshur shog khyim dag tu 'dod dang zhes bya ba ni bram ze dang khyim bdag gi khyim dag tu'o//der khyod la bca' ba dang bza' ba bsod pa zhes bya ba ni bca' ba lnga po dang / bza' ba lnga po dag go/ /ci tsam 'dod pa sbyin du gzhug go zhes smras nas zhes bya ba ni ji tsam gyis chog pa'o/ /des de la sbyin du ma bcug par de'i 'og tu 'di skad ces tshe dang ldan pa kho bo khyod dang lhan cig smra'am 'dug pa bde ba ma yin gyi/'di ltar kho bo gcig pu kho na smra'am 'dug na bdes khyod song shig ces zer na zhes bya ba ni de skad ces zer na'o/ /ltung byed do zhes bya ba ni sems can dmyal ba dang /dud 'gro dang / yi dags ngan song dang / ngan 'gro dang / log par ltung ba dag tu sreg par byed/ 'tshed par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/des na ltung byed do zhes gsungs so/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni dge slong dag dge slong pha rol po'i nad kyi gnyen po'i don nyid ma gtogs par ched du bsams te khyim pa sbyin pa po tshig gis bsgo bas zan gcod du bcug na zan gcod du 'jug pa'i ltung byed kyi dngos gzhir 'gyur ro//dge slong pha rol po'i nad kyi gnyen po'i don du zan gcod du 'jug pa ma gtogs pa la na smad pa med do/ /klan ka'i bsam pas ched du bsams pa la na smad pa med do/ /sbyin bdag khyim pa yin pa la na smad pa med do/ /tshig gis bsgo bas zan gcod du bcug pa la na smad pa med do//zan gcod par bya ba dge slong nyid yin pa la na smad pa med do/ /'di'i byed pa po ni zan gcod par bya ba dge slong nyid dang / sbyin bdag khyim pa dang zas nyid do/ 'di la yan lag lngas dngos gzhi'i ltung bar 'gyur te/ ched du bsams pa dang /zan gcod par bya ba dge slong nyid dang / nad kyi gnyen po'i don nyid ma gtogs pa dang / sbyin pa po khyim pa nyid dang / tshig gis bsgo bas zan gcod du bcug pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ji srid du zan gcod du 'jug pa'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /ched du ma bsams par gya tshom du zan gcod du 'jug pa la nyes byas so//zan gcod par bya ba dge slong nyid ma yin pa la nyes byas so/ /sbyin pa po khyim pa nyid ma yin pa mu stegs can gyi khyim la sogs pa dag la nyes byas so/ /tshig gis bsgo ba ma yin pa spring yig dang / lag yig dang / lag rtsis dang / mngags pa dang / brgyud pa dang /zur gyis gcod du bcug pa la nyes byas so/ /zas bca' ba lnga dang bza' ba lnga'i khongs su gtogs pa las gzhan pa la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o//ltung ba med pa ni nad kyi gnyen po'i don nyid kyis zan gcod du 'jug pa la nyes pa med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ / bslab par bya ba ni dge slong gis yul thams cad la gnas skabs thams cad du zan gcod du 'jug pa'i ltung byed du 'gyur ba rnam pa thams cad mi bsten par bslab par bya'o/ /zhe dku dang klan ka btsal bar mi bya'o/ /phyir bcos pa ni snga ma bzhin no/ /zan gcod du 'jug pa'i ltung byed de lnga bcu gcig pa bshad zin to// //me la reg pa'i ltung byed kyi gleng gzhi ni byung ba dang / bcas pa dang / gnang ba'i dbang gis rnam pa gsum ste/ byung ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//de nas mnyan yod pa'i tshong pa rab tu mang po dag bcom ldan 'das ga la der song ste phyin nas/ bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas bcom ldan 'das mnyan yod pa'i tshong pa rab tu mang po dag la chos dang ldan pa'i bka' mchid kyis yang dag par ston par mdzad/yang dag par 'dzin du 'jug par mdzad/ yang dag par gzengs stod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cang mi gsung ngo / /de nas mnyan yod pa'i tshong pa rab tu mang po dag gis bcom ldan 'das kyis bka' stsal pa la mngon par dga' ba dang rjes su yi rang ba byas nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas tshe dang ldan pa kun dga' bo ga la ba der song ste phyag 'tshal nas smras pa/btsun pa kun dga' bo bcom ldan 'das dbyar gnas par zhal gyis bzhes nas gang du gshegs par 'gyur/shes ldan dag sangs rgyas bcom ldan 'das la zhus shig /btsun pa kun dga' bo bcom ldan 'das ni bsnyen par dka' ba dang bzod par dka' ba lags pas bdag cag gis sangs rgyas bcom ldan 'das la zhu ba'i rdo mi thogs so//btsun pa kun dga' bos mtshan ma'am bka' mchid kyis bcom ldan 'das dbyar gnas par zhal gyis bzhes nas phyogs gang du gshegs par 'gyur ba ji ltar mkhyen/ shes ldan dag bcom ldan 'das dbyar gnas par zhal gyis bzhes nas phyogs gang du gshegs par bzhed pa'i phyogs de logs su zhal gzigs shing bzhugs la de dag gi bsngags pa yang brjod par mdzad do//da ltar ni bcom ldan 'das ma ga d+hAr gzigs shing bzhugs la/ rgyal po'i khab pa'i mi dag gi bsngags pa yang brjod par mdzad do/ /de nas mnyan yod pa'i tshong pa rab tu mang po de dag gis tshe dang ldan pa kun dga' bo la mngon par dga' ba dang rjes su yi rang ba byas nas phyag 'tshal te mngon du dong nas rgyal po'i khab tu 'dong ba'i zong sta gon byas so//de nas bcom ldan 'das dbyar gnas par zhal gyis bzhes te dbyar gyi zla ba gsum po de dag 'das nas/bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong rnams la de bzhin gshegs pa ma ga d+hA dag tu ljongs rgyur gshegs kyis khyed cag las gang de bzhin gshegs pa dang thabs cig tu ma ga d+hA dag tu ljongs rgyur 'gro bar spro ba des chos gos kyi las gyis shig ces bsgo shig /tshe dang ldan pa kun dga' bos dge slong rnams la de skad ces bsgo ba mnyan yod pa'i tshong pa rab tu mang po de dag gis thos nas bcom ldan 'das ga la ba der dong ste phyin nas/ bcom ldan 'das kyi zhabs gnyis la mgo bos phyag 'tshal te/gsol pa/ bcom ldan 'das dge slong gi dge 'dun dang bcas pas mnyan yod nas rgyal po'i khab kyi bar du ji tsam par bdag cag las na bza' dang bsod snyoms dang / gnas mal dang bsnyung ba'i rkyen dang sman gyi yo byad dag bzhes par ci gnang /bcom ldan 'das kyis de dag la cang mi gsung bas gnang ngo / /de nas mnyan yod pa'i tshong pa rab tu mang po de dag tshe dang ldan pa kun dga' bo ga la ba der dong ste phyag 'tshal nas de bzhin gshegs pa'i dgongs mal ji tsam pa dris nas/'khor los sgyur ba'i rgyal po'i dgongs mal bzhin du rgyang grags bcu bcur gshegs pa mthong nas/ de dag gis rgyang grags bcu bcur bcom ldan 'das dge slong gi dge 'dun dang bcas pa'i tshogs dag bshams so/ /de nas bcom ldan 'das dge slong gi dge 'dun gyi 'khor dang bcas pa rgyal po'i khab ga la ba de logs su ljongs rgyu zhing gshegs so/tshe dang ldan pa kun dga' bo tshong pa don mthun gyi mdun du song ba dang / ji tsam na lam kha brag mthong nas des bcom ldan 'das ma gshegs kyi bar du der bsdad do/ / bcom ldan 'das gshegs nas bka' stsal pa/ kun dga' bo khyod ci sdod/ btsun pa 'di ni shul kha brag lags te/ shul 'di ni drang la seng ge'i 'jigs pa dang bcas pa lags/ shul 'di ni 'khyog la bde ba lags na/ shul gang nas mchi bar bgyi/ kun dga' bo lam drang po nas song shig dang / de bzhin gshegs pa ni seng ge'i 'jigs pa dang bral ba yin no/ /de nas bcom ldan 'das shul drang po nas gshegs par brtsams nas ji tsam na lam de na ri brags shig yod pa der byon pa dang / ri brags de nas byis pa khye'u gnyis shig lam kar 'ongs te rtse zhing 'dug go//de na gcig gi lag na ni rnga pa Ta ha thogs so/ /cig shos kyi lag na ni gzhu thogs so/ /de gnyis kyis bcom ldan 'das mthong nas phyag 'tshal te 'di skad ces gsol to/ /bcom ldan 'das tshur gshegs su gsol/ bcom ldan 'das byon pa legs so/ /bcom ldan 'das 'jigs pa dang bcas pa'i shul du gar gshegs/ /'on kyang bcom ldan 'das mi bsnyengs su gsol/ bdag cag gnyis kyis bcom ldan 'das kyi bsel bgyi'o/ /de nas dad pa skyes pa gcig gis ni rnga pa Ta ha brdungs/dad pa skyes pa cig shos kyis ni gzhu bdungs te de gnyis kyis bcom ldan 'das kyi mdun du 'gro bar brtsams pa dang / bcom ldan 'das 'di snyam du dgongs te khye'u 'di gnyis kyis dge ba'i rtsa ba dag bskyed do snyam du rig nas bcom ldan 'das kyis khye'u de gnyis la 'di skad ces bka' stsal to//khye'u gnyis phyir log shig /de bzhin gshegs pa ni seng ge'i 'jigs pa dang bral ba yin no/ /de gnyis kyis bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ba dang / bcom ldan 'das 'dzum pa mdzad de/zhal gyi sgo nas 'od zer bkye nas ngan song dang mtho ris dang / stong gsum gyi stong chen po'i 'jig rten gyi khams thams cad khyab par mdzad de/ 'od zer de dag gis bcom ldan 'das la lan gsum bskor ba byas te bcom ldan 'das kyi mdzod spur nub po//de nas tshe dang ldan pa kun dga' bos zhus nas bcom ldan 'das kyis khye'u de gnyis dge ba'i rtsa ba de dang legs par spyad pa des bskal pa bcu gsum du log par ltung bar 'gro bar mi 'gyur zhing lha dang mi rnams su mtshams sbyor zhing 'khod nas/ srid pa tha ma dang / gnas tha ma dang /gzugs tha ma dang / lus tha ma thob pa na/ las de nyid dang / dge ba'i rtsa ba de nyid dang / legs par spyad pa de nyid kyis rab tu byung nas rang byang chub mngon du byed par 'gyur te/ gcig ni rang sangs rgyas rnga sgra zhes bya bar 'gyur/ cig shos ni rang sangs rgyas mi 'jigs sbyin zhes bya bar 'gyur ro zhes lung bstan to//de nas bcom ldan 'das grong med pa'i dgon pa'i gnas shig tu mtshan mo gnas par zhal gyis bzhes so/ /bcom ldan 'das kyis shing ljon pa yang rgan rims kyis bsko bar bya'o zhes bka' stsal pas/ drug sde dag gis shing ljon pa khong stong zhig thob nas/de dag grang ba dag gis shing ljon pa khong stong de la me btang ba dang / shing ljon pa khong stong de la sbrul dug myur du khyab par byed pa zhig gnas pa de du bas dkrugs nas steng gi yal ga la 'dzegs te 'phyang zhing 'dug go/ /drug sde dag gis de mthong nas byung ngo byung ngo zhes smras pa dang /tshong pa don mthun dag gis de thos nas bsams pa/ seng ge byung ngo snyam nas de dag skrag ste phyogs bzhir byer ro/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo ci'i phyir tshong pa don mthun 'di dag phyogs bzhir byer/tshe dang ldan pa kun dga' bos skabs de rgyas par gsol ba dang / bcom ldan 'das kyis bka' stsal pa/ kun dga' bo song la tshong pa don mthun dag la de bzhin gshegs pa ni seng ge'i 'jigs pa dang bral ba yin gyi phyir log shig ces bsgo shig /tshe dang ldan pa kun dga' bos de dag la de skad bsgo nas phyir log par gyur to/ /drug sde dag gis tshong pa don mthun gyi tshogs skrag par byas te/ phyogs bzhir byer ba bcom ldan 'das kyis dbugs phyung bar gyur pa'i skabs de las bcom ldan 'das kyis sngon ri bong drug cig mtshe'u 'gram na shing bil ba'i tshal gseb na 'dug pa na shing bil ba zhig mtshe'u'i nang du rdib pa'i sgra cal zhes zer ba ri bong drug gis thos nas de dag 'bros par brtsams pa/wa dang sbre dang ri dgas dang phag dang / ma he dang bse dang glang po che dang dom dang dred dang gung dang /stag dang / seng ge dag gis brgyud mar thos nas de dag kyang 'bros par brtsams pa na/ ri bong drug dang nye ba zhig na seng ge ral pa can cod pan lta bu dang ldan pa zhig 'dug pa des phyir log cing dbyugs phyung ste/ ri bong drug ni drug sde dag yin la/ wa la sogs pa ri dgas kyi tshogs chen po skrag ste byer ba dag ni tshong pa dag yin no//seng ge ral pa can cod pan lta bu dang ldan pa dag gis ri dwags kyi tshogs chen po skrag pa phyogs bzhir byer ba dag dbugs phyung bar gyur pa de ni de bzhin gshegs pa nyid lags pa'i bka' mchid kyang stsal to//de ni re zhig byung ba yin te/ sangs rgyas bcom ldan 'das re zhig 'dul ba la nyan thos rnams kyis bslab pa'i gzhi 'cha' bar ni mi mdzad do/ /bcas pa'i gleng gzhi ni de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong dang tshong pa rnams la khyed cag las gang yang don mthun gyi mdun du ma 'gro shig /de bzhin gshegs pa nyid don mthun gyi mdun du gshegs so zhes bsgo shig /tshe dang ldan pa kun dga' bos de skad bsgo nas de bzhin gshegs pa nyid don mthun gyi mdun du gshegs pa dang /ci tsam na seng ge ral pa can cod pan lta bu dang ldan pa rngam ste bcom ldan 'das kyi spyan sngar 'dong zhing byung ba dang / bcom ldan 'das kyis phyag g.yas pa'i mthil du seng ge ral pa can cod pan lta bu dang ldan pa lnga sprul pa mdzad nas/ des de dag gi dri tshor nas skrag ste 'bros par brtsams pa dang /bcom ldan 'das kyis phyogs bzhir me sprul pa mdzad do/ /seng ge des phyogs bzhir 'bar rab tu 'bar te me lce gcig tu gyur cing 'bar bar mthong ngo / /bcom ldan 'das kyi zhabs kyi drung 'ba' zhig na zhi bar mthong nas/ des bcom ldan 'das kyi zhabs gnyis la gtugs pa dang /bcom ldan 'das kyi phyag 'khor lo dang / bkra shis dang / g.yung drung dang dra bas 'brel pa bsod nams brgya phrag du ma las 'khrungs pa 'jigs pa rnams dbugs 'byin par mdzad pas mgo la byugs te bka' stsal pa/ bzhin bzangs khyod sngon gyi nyes par spyad pa dang ldan pas dud 'gro'i skye gnas su skyes te/khyod da ltar drag shul can lag pa dmar ba/ bsnun pa dang rab tu bsnun pa la zhugs pa gzhan gyi srog 'phrog pa/ gzhan gyi srog gcod du 'jug na gzhan gyi srog gcod pas 'tsho bar byed pa yin pas khyod 'di nas shi 'phos pa'i 'gro ba ni cir 'gyur/skye ba ni cir 'gyur/ tshe phyi ma ni cir 'gyur/ bzhin bzangs 'di ltar 'du byed thams cad ni mi rtag pa'o/ /chos thams cad ni bdag med pa'o/ /mya ngan las 'das pa ni zhi ba'o zhes tshig gsum gyis chos bstan nas/bzhin bzangs khyod nga la sems mngon par dad par gyis shig dang des dud 'gro'i skye gnas su 'dod chags dang bral bar 'gyur ro zhes bka' stsal to/ /dge slong dag seng ge de la reg par byed pa na de sgra 'byin to/ /de nas bcom ldan 'das kyis dge slong rnams la bka' stsal pa/dge slong dag khyod seng ge la ma reg shig de ci'i phyir zhe na/ dge slong dag seng ge ni bzod par dka' ba dag dang bsnyen par dka' ba yin pa'i phyir ro/ /dge slong dag de lta bas na dge slong gis seng ge la reg par mi bya'o/ / dge slong seng ge la reg par byed na 'gal tshabs can du 'gyur ro/ /de nas ri dgas kyi rgyal po seng ge des rang gi zan bcad par byas te/ bcom ldan 'das la sems mngon par dad par byas nas dus la bab pa dang / rgyal chen bzhi'i lha rnams kyi nang du skyes te/ bcom ldan 'das kyi spyan sngar 'ongs nas/bcom ldan 'das kyis sngon seng ge lha'i bu'i bsam pa dang / bag la nyal ba dang / khams dang / rang bzhin thugs su chud nas des rgyun du zhugs pa'i 'bras bu thob par mdzad do/ /bcom ldan 'das kyis de'i sngon byung ba'i tshul yang rgya cher bka' stsal to//de nas bcom ldan 'das kyis ma ga d+hA dag tu ljongs rgyu zhing gshegs pa na rgyal po'i khab tu byon nas/ rgyal po'i khab na 'od ma'i tshal ka lan dka'i gnas na bzhugs so/ /de'i tshe na drug sde dag mes gzhan la gtong bas rtse bar byed cing zla ba yang byed/ nyi ma yang byed/ mgal me'i 'khor lo yang byed nas/ gzhan mu stegs can dag shes ldan dag shAkya'i bu'i dge sbyong 'di dag ni mes gzhan la gtong bas rtse bar byed cing zla ba yang byed/ nyi ma yang byed mgal me'i 'khor lo yang byed/ byis pa khye'u dag kyang de ltar byed na/ shes ldan dag byis pa khye'u dag dang /shAkya'i bu'i dge sbyong 'di dag la bye brag ni ci yod bsam pa ni ci yod/ tha dad du bya ba ni ci yod/ su zhig dge sbyong mgo reg 'di dag la bsod snyoms sbyin pa dang / bya bar sems zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang gleng gzhi 'di dang / skabs 'di la dge slong gi dge 'dun bsdu ba mdzad de/ drug sde dag la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang me la reg gam reg tu 'jug na ltung byed do zhes bca' ba mdzad de//yul ni rgyal po'i khab/ gang zag ni drug sde/ nyon mongs pa ni 'dran gtor la dga' ba/ nyes pa ni min par bdag nyid kyi phyir me la reg par byed pa'o/ /gnang ba'i gleng gzhi ni sangs rgyas bcom ldan 'das kyis yang dge slong gang me la reg gam reg tu 'jug na ltung byed do zhes 'dul ba la nyan thos rnams kyis bslab pa'i gzhi de ltar bca' ba mdzad nas/dge slong dag phyin chad de bzhin gshegs pa'i dbu skra dang sen mo'i mchod rten dag la bdug spos kyang gsol bar mi byed/ mar me yang sbor bar mi byed/slob dpon dang mkhan po dag la chu dron 'bul bar mi byed/ lhung bzed kyi las kyang mi byed/ tshon gyi las kyang mi byed do/ /sangs rgyas bcom ldan 'das rnams ni mkhyen bzhin du rmed par mdzad pa yin pas/ bcom ldan 'das kyis tshe dang ldan pa kun dga' bo la rmas pa dang /tshe dang ldan pa kun dga' bos skabs de rgyas par gsol to/ /bcom ldan 'das kyis bka' stsal pa/ kun dga' bo de lta bas na dus byin gyis brlab par bya ste/ sangs rgyas dang / chos dang / dge 'dun dang / slob dpon dang / mkhan po dang / tshangs pa mtshungs par spyod pa rnams kyis chos dang ldan pa'i bya ba'i don nyid kyis dus byin gyis brlab par bya'o//dge slong dag lhung bzed kyi las dang tshon gyi las dag byed pa na yang dang yang du brjed nas me la reg nas de dag 'gyod pa skyes pa'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ dus yun ring du byin gyis brlab par bya'o/ /dge slong cig na zhing rlung nad can du gyur nas des sman pa'i gan du song nas dris pa/ bzhin bzangs kho bo la sman ston cig /'phags pa zhugs bsten cig /bzhin bzangs bcom ldan 'das kyis bslab pa'i gzhi bca' ba mdzad do//'phags pa khyod kyi ston pa thugs rje can lags pas 'di ltar de nyid rkyen du mdzad nas rjes su gnang bar 'gyur ba gang lags pa de lta bu'i gnas mchis par 'gyur ro zhes zer ba'i skabs de dge slong rnams kyis bcom ldan 'das la gsol pa dang /de nas bcom ldan 'das kyis bka' stsal pa/ de lta bas na na ba'i dus ma gtogs so/ /de nas yang bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas/dge slong rnams la de dang mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas/ dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang mi na bar bdag nyid kyi phyir me la reg gam reg tu 'jug na ltung byed do zhes gnang ba mdzad de/ yul ni rgyal po'i khab/ gang zag ni chos 'di pa'i dge slong rab tu mang po dang nad pa/ nyon mongs pa dang /nyes pa ni med do/ /de la yang dge slong gang zhes bya ba ni drug sde'am gzhan yang de lta bu gang yin pa'o/ /mi na bar zhes bya ba ni na ba bzhag ste'o/ /bdag nyid kyi phyir zhes bya ba ni bdag nyid kyi ched du'o/ /me la reg gam zhes bya ba ni bdag nyid kyis so/ /reg tu 'jug na zhes bya ba ni gzhan no//ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir yang dngos gzhi'i ltung ba rnam par gzhag pa ni dge slong gis mes rtse ba nyid kyis gzhan la gtong bas zla ba dang nyi ma dang mgal me'i 'khor lo la sogs pa byed pa dang / ston pa dang / chos dang / dge 'dun dang / tshangs pa mtshungs par spyod pa rnams kyis chos dang ldan par bya ba'i don nyid dang /lhung bzed dang tshon gyi las la brtag pa lta bus dus byin gyis ma brlabs pa'i dge slong na ba'i dbang nyid du gnas pa ma yin pas spang ba dang / gsod pa dang / mes reg pa dang / ma reg pa'i bud shing bskul ba dang /me dang bcas pa 'dren pa dang / bskul ba dang / mdag ma spung ba dang / 'dru ba dag dang / me ma mur dang / me lcer bud shing 'jud pa dang / 'byin pa rang ngam bsgo bas byed na me la reg pa'i ltung byed kyi dngos gzhir 'gyur ro/ /dge slong mes rtse ba nyid la na smad pa med do//mes rtse ba nyid ces bya ba de rnam pa gang gis yin zhe na/ de'i phyir gzhan la gtong bas zla ba dang nyi ma dang mgal me'i 'khor lo la sogs pa byed pa zhes bya ba smras te/ gzhan la gtong bas zhes bya ba ni byis pas bud shing mes sbar te gcig gi lag nas gcig gi lag tu gzhan la thong shig gzhan la thong shig ces gzhan la gtong bar byed pa'i rtsed mo gang la yod pa de lta bus so//des zla ba lta bur byed pa dang / nyi ma lta bur byed pa dang / mgal me'i 'khor lo la sogs pa byed pas rtse ba yin te/ de dag la na smad pa med do/ /me nyid kyis rtse ba la na smad pa med do//ci rtse ba 'ba' zhig la ltung ba 'dir 'gyur ram zhe na/ de 'ba' zhig tu ma zad de/ dus phyin gyis ma brlabs pa dang / dge slong na ba'i dbang nyid du gnas pa ma yin pas me la rang ngam bsgo bas reg par byed pa dag la yang na smad pa med do/ / dus byin gyis ma brlabs pa ji lta bu zhe na/ de'i phyir ston pa dang / chos dang / dge 'dun dang / tshangs pa mtshungs par spyod pa rnams kyis chos dang ldan pa'i don nyid dang lhung bzed dang / tshon gyi las la brtag pa lta bus dus byin gyis ma brlabs pa zhes bya ba smras te/ ston pa dang / chos dang / dge 'dun dang / tshangs pa mtshungs par spyod pa rnams kyis chos dang ldan pa'i bya ba'i don nyid ces bya ba ni sangs rgyas dang / chos dang / de bzhin gshegs pa'i mchod rten dang / dge 'dun dang / mkhan po dang / slob dpon dang / dge slong tshangs pa mtshungs par spyod pa rnams la bdug spos dang /mar me dang / chu dron la sogs pa 'bul ba ste/ de dag gi don nyid du dus byin gyis brlab pa ni dgos pa de dang / de dag gi don du 'di ltar bya'o zhes sems kyis mngon par 'du bya zhing lta ba yin no/ /lhung bzed dang tshon gyi las zhes smos pas ni rang gi lhung bzed dang chos gos kyi las bstan te/de dag gi don nyid du dus byin gyis brlab pa yang lhung bzed kyi las bya'o zhe'am/ tshon gyi las bya'o zhes yid kyis brtag pa gang yin pa de ni dus byin gyis brlabs pa yin no/ /de lta bus dus byin gyis brlabs pa la ltung ba med pas de lta bus dus byin gyis ma brlabs pa la na smad pa med do//dge slong na ba'i dbang nyid du gnas pa la ltung ba med pas dge slong na ba'i dbang nyid du gnas pa ma yin pa la na smad pa med do/ /me la rang ngam bsgo bas reg par byed pa ji lta bu zhe na/ de'i phyir sbar ba dang /gsod pa dang / mes reg pa dang / ma reg pa'i bud shing bskul ba dang / me dang bcas pa 'dren pa dang / skul ba dang / mdag ma spung ba dang / 'dru ba dag dang / me mar mur dang / me lcer bud shing 'jug pa dang / 'byan pa rang ngam/ sgo bar byed na zhes bya ba smras te/dus byin gyis brlabs pa'i dge slong na ba'i dbang nyid du gnas pa ma yin pa rang ngam bsgo bas me sbar ram/ gsod dam/ mes reg pa'i bud shing bskul tam/ mes ma reg pa'i bud shing bskul tam/ me dang bcas pa'i bud shing 'dren tam bskul tam/ mdag ma spung ngam/ 'dru'am me mar mur dang / me lce'i nang du bud shing 'dzud dam 'byin na thams cad la na smad pa med do/ /rang gis reg gam gzhan la bsgo bas reg tu bcug pa la na smad pa med do/ 'di'i byed pa po ni me mar mur dang me lce ma gtogs pa'i me nyid dang / mes rtse ba nyid dang /dus byin gyis ma brlabs pa dang / na ba'i dbang nyid du gnas pa ma yin no/ /'di la yan lag lngas dngos gzhi'i ltung bar 'gyur te/ me nyid dang / mes rtse ba nyid dang / dus phyin gyis ma brlabs pa dang / na ba'i dbang nyid du gnas pa ma yin pa dang rang ngam bsgo bas reg pa'o//de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du me la reg pa'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//me mar mur ni phyed shi ba nyid yin pas de la reg gam/ reg tu bcug na nyes byas so/ /me lce dag kyang de bzhin no/ /skra dang spu dang rus pa dang / sen mo dang / mchil ma dang / snabs dang / skyugs pa dang / rlugs pa dang / mon sran sde'u dang mon sran gre'u dang til dang 'bru mar dang sbrang rtsi dang mar dag ni bud shing gi phyed nyid yin pas/de dag rang ngam bsgo bas mer bcug pa dang byung ba ni nyes byas so/ /de dag kyang dpe tsam du zad de/ ras bal dang bal la sogs pa yang bsdu'o/ /'bar ba'i chos can yang de dang 'dra'o/ /gzhan gyi bya ba gzhan la byin gyis rlob pa ni phyed byin gyis brlabs pa yin pas dge slong gis dus byin gyis ma brlabs par mkhan po la sogs pa'i bya bas me la reg pa dang mkhan po la sogs pa gzhan gyi bya ba slob dpon la sogs pa gzhan gyis byin gyis rlob pa dang /log par byin gyis rlob pa thams cad kyang nyes byas so//sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyar ba yang nyes byas te nyes byas phra mo'o/ /ltung ba med pa ni dge slong dus byin gyis brlabs pa dang na ba'i dbang nyid du gnas pa la ltung ba med do//las dang po ba dang / smyos ba dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du me la reg pa'i ltung byed du 'gyur ba rnam pa thams cad mi bsten par bslab par bya'o//seng ge la reg par mi bya'o/ /ston pa dang / chos dang / dge 'dun dang / tshangs pa mtshungs par spyod pa rnams kyis chos dang ldan pa'i bya ba'i don nyid dang / lhung bzed dang tshon gyi las la brtag pa lta bus dus byin gyis brlab par bya'o//dus yun ring du byin gyis brlab par bya'o/ /phyir bcos pa ni snga ma bzhin no/ /me la reg pa'i ltung byed de lnga bcu gnyis pa bshad zin to// //'dun pa phyir bsgyur ba'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//gang gi tshe tshe dang ldan pa 'char kas nyon mongs pa thams cad spangs pas dgra bcom pa nyid mngon sum du byas pa dang / tshe dang ldan pa 'dun pa ni kau shAm bIr song ste yid dal du 'dug pa dang /'gro mgyogs dang nab so gnyis ni dus la bab pa dang / dga' bo dang nye dga' gnyis ni dge 'dun gyi nang na gnas pa de'i tshe na bcu bdun sde dag gdug pa dang pha rol gnon par gyur cing / mdo sde 'dzin pa dang / 'dul ba 'dzin pa dang / ma mo 'dzin pa yang yin pas de dag gis smras pa/tshe dang ldan pa dag bdag cag yun ring po nas drug sde dag gis mtho btsams te/ ji ltar dga' bo dang nye dga' gnyis kyis mtho btsams pa ltar yang gzhan dag gis mtho ma btsams la/ ji ltar nye dgas mtho btsams pa ltar yang dga' bos mtho ma btsams kyi tshur shag /de gnas nas dbyung ba'i las bya'o/ /de nas gcig gis smras pa/ phu nu bo dag de'i phu nu bo dga' bo rtsod pa la mkhas pas bdag cag gis nye dga' gnas nas dbyung ba'i las bya bar mi nus so/ /de brel ba bskyed par bya'o zhes de dag dga' bo'i gan du song ste smras pa/gnas brtan phyag 'tshal lo/ /tshe dang ldan pa dag a rog gya/ gnas brtan gyi chos gos dag dri ma can du gyur to/ /bu dag kho bo rgas par gyur pas dge slong lhan cig gnas pa dang nye gnas dag gis kyang rgas pa'i phyir brnyas te phyin chad chos gos kyi las byed du mi btub po//bdag cag gis gnas brtan gyi chos gos dag bkru bar bgyi/ chos gos dag tshur stsol cig ces bcu bdun sde dag gis dga' bo rnyang rnying dag bskon te/ de'i chos gos thams cad blangs nas 'gyur byed kyi tshal der gnas mal bshams nas gaN+DI brdungs te dga' bo'i gan du song ste smras pa/gnas brtan dge 'dun gyi bya ba cung zhig mchis te gaN+DI brdungs kyi tshur spyon/ dga' bos smras pa/ bu dag kho bo 'di 'dra ba'i gnas skabs kyis dge 'dun gyi nang du ci ltar 'gro bar bya/dge 'dun gyi bya ba chos dang ldan pa la 'dun pa 'bul lo/ /de nas dge 'dun thams cad 'dug cing mthun par 'gyur ba na dge slong gleng ba po rgan pa'i mtha' logs su 'dug ste nye dga' la smras pa/ btsun pa nye dga' khyod kyis bcu bdun sde dag gi lto dral te/rgyu ma dag gis rgyal byed kyi tshal bskor bar bya'o zhes bya ba de lta bu'i tshig smras pa gang yin pa de dran nam/ tshe dang ldan pa dag rma sos pa dag dral te ci bya/ de ni 'das pa'i don yin no/ /de dag gis smras pa/ bcom ldan 'das kyis 'das pa'i dus kho na las brtsams te 'dul ba la nyan thos rnams kyi bslab pa'i gzhi bca' ba mdzad do zhes de dag gis nye dga' la gya tshom du nan gyis gnas nas dbyung ba'i las byas so//nye dga' gnas nas dbyung ba'i las byas nas phu bo dga' bo'i gan du song ste ngu bar brtsams pa dang dga' bos smras pa/nye dga' ci'i phyir ngu /nye dgas smras pa/ lhung bzed nag po can dag gis kho bo gnas nas dbyung ba'i las byas so/ /dga' bos smras pa/ gang dag gis kho bo'i nu bo gnas nas dbyung ba'i las byas pa de dag grong dang grong khyer dang ljongs dang khams gsum nas gnas nas phyung bar gyur cig kho bos bdag gi nu bo gnas nas dbyung ba'i las byed par ma shes kyi/dge slong 'dun pa phyir byin cig /khyod la 'dun pa mi sbyin no zhes zer nas/ dge slong don nyung ngu dag ci'i phyir dge slong dag dge 'dun gyi bya ba chos dang ldan pa la dge slong la 'dun pa phul nas de'i 'og tu khros 'khrugs rngam par gyur te yi ma rangs nas spang ba'i chos su byed cing /'di skad ces dge slong 'dun pa phyir byin cig /khyod la mi sbyin no zhes zer zhing smod par byed/phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/dga' bo la rmas nas dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar rnam par smad da/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang dge 'dun gyi bya ba chos dang ldan pa la dge slong la 'dun pa phul nas/ de'i 'og tu khros 'khrugs rngam par gyur te yi ma rangs nas spong ba'i chos su byed cing 'di skad ces dge slong 'dun pa phyir byin cig /khyod la mi sbyin no zhes zer na ltung byed do zhes bca' ba mdzad de/ /yul ni mnyan yod/ gang zag ni dga' bo/ /nyon mongs pa ni spong ba'i chos su byed pa/ nyes pa ni 'dun pa phyir bsgyur ba'o/ /de la yang dge slong gang zhes bya ba ni shAkya'i bu dga' bo'am gzhan yang de lta bu gang yin pa'o//dge 'dun gyi zhas bya ba ni de bzhin gshegs pa'i nyan thos kyi dge 'dun gyi'o/ /bya ba chos dang ldan pa zhes bya ba ni las chos dang ldan pa la'o/ /dge slong la zhes bya ba ni chos 'di pa la'o//'dun pa phul nas zhes bya ba ni 'dun pa byin nas so/ /de'i 'og tu zhes bya ba ni dus gzhan na'o/ /khros 'khrugs rngam par gyur te yi ma rangs nas zhes bya ba ni khros shing khro ba'i zil gyis non nas so/ /spod pa'i chos su byed cing zhes bya ba ni smyon pa'i chos su byed cing ngo //'di skad ces zhes bya ba ni 'di skad ces zer na'o/ /dge slong 'dun pa phyir byin cig /khyod la mi sbyin no zhes zer na zhes bya ba ni de skad ces zer na'o/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang /sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni/ dge slong gi las brgya rtsa gcig gi nang nas nan thur gyi las lnga dang /gang zag bcu gnyis bsko ba dang grangs su gzhug pa bzhi la sogs pa de lta bu dge slong gi don gyi ched kyi las dge 'dun gyi chos bzhin du byas pa la 'dun pa phul ba phyir bsgyur ba'i phyir dge slong 'dun pa phyir byin cig/khyod la mi sbyin no zhes smras na 'dun pa phyir bsgyur ba'i ltung byed kyi dngos gzhir 'gyur ro/ /las brgya rtsa gcig gi nang nas bsdigs pa dang / smad pa dang / bskrad pa dang / phyir dgyed pa dang / mi mthong bas gnas nas dbyung ba dang / phyir mi 'chos pa rnams gnas nas dbyung ba dang /sdig pa can gyi lta ba'i rnam pa mi gtong bas gnas nas dbyung ba'i nan thur lnga dang / gnas khang bsko ba dang / zas la bsko ba dang / thug pa 'drim pa dang / bag chos 'drim pa dang / phran tshegs 'drim pa dang / snod spyad 'drub pa dang / gos kyi rnyed pa sbed pa dang / gos kyi rnyed pa 'gyed pa dang / dbyar gyi gos ras chen sbed pa dang / dbyar gyi gos ras chen 'gyed pa dang /mngag gzhug dang / mdzes chos dang / sde spyad 'dri ma pa dang / gnas mal 'dogs pa dang / gnas mal byi bo 'bogs pa dang / shing thog 'drim pa dang / chu'i zhil ta pa dang / bang rim gyi zhal ta ba dang / sge'u chung srung ba dang / sra brkyang sbed pa dang / lag gi bla la sogs pa gang zag las bsko ba dang / dor 'phya ba dang / gzhogs 'phyas byed pa dang / bsgo ba rna la gzon pa dang / cang mi smra bas rna la gzon pa'i grangs su gzhug pa la sogs pa dge slong gdon gyi ched kyi las gsol ba dang /brjod pa dang / dgag dbye la sogs pa gang yang rung ba la na smad pa med do/ /las de dag dge 'dun gyi chos bzhin du byas pa la na smad pa med do/ /de dag la dge slong rang gi 'dun pa phul ba la na smad pa med do//de'i phyir bsgyur ba ni phyir smras pa la na smad pa med do/ /'di'i byed pa po ni dge slong gi don gyi ched kyi las byas pa las 'dun pa phul ba'o/ /'di la yan lag lngas dngos gzhi'i ltung bar 'gyur te/ dge slong gi don gyi ched dang las dang de la 'dun pa phul ba dang dge 'dun gyi chos bzhin du byas pa dang /de phyir bsgyur ba'i phyir smras pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te ji srid du 'dun pa phyir bsgyur ba'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /dge slong gi don gyi ched ma yin pa'i las gzhan la nyes byas so/ /las brgya rtsa gcig gi khongs su gtogs pa ma yin pa'i las gzhan pa nyes byas so//sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed do/ /sbyor ba nyes byas kyi sbyor ba'i sbyor ba yang nyes byas te/ nyes byas phra mo'o/ /ltung ba med pa ni 'dun pa ma phul ba la ltung ba med do/ /dge 'dun gyi las chos bzhin ma byas pa la ltung ba med do//phyir bsgyur ba'i phyir ma smras pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du 'dun pa phyir bsgyur ba'i ltung byed du 'gyur ba rnam pa thams cad mi bsten par bslab par bya'o//bsnyon pa'i chos mi bya'o/ /mi mthun pa mi bya'o/ /phyir bcos pa ni snga ma bzhin no/ /'dun pa phyir bsgyur ba'i ltung byed de lnga bcu gsum pa bshad zin to// // so sor thar pa'i mdo rgya cher 'grel pa 'dul ba kun las btus pa/ bam po sum cu gsum pa/ bsnyen par ma rdzogs pa dang lhan cig nyal ba'i ltung byed kyi gleng gzhi ni byung ba dang gnang ba dang / bcas pa'i dbang gis rnam pa gsum ste/ byung ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra na bzhugs so//bram ze dang khyim bdag dad pa can dag gtsug lag khang du lhags nas dge slong rnams la smras pa/ 'phags pa dag chos bstan du gsol/ dge slong rnams kyis smras pa/bzhin bzangs dag bcom ldan 'das kyis ma gnang ngo zhes zer ba'i skabs de dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na dge slong rnams kyis kyang chos bstan par bya bar gnang ngo / /dge slong rnams nyin mo chos ston par byed do/de ni khyim pa gang dag bsod nams kyi 'bras bus 'tsho ba de dag ni nyin mo chos mnyan nas mtshan mo rtsol ba'i 'bras bus 'tsho ba rnams la shes ldan dag 'phags pa dag chos snyan pa snyan pa ston par mdzad cing sbrang rtsi byed pa'i sbrang bu bzhin du chos sbrang rtsi lta bur ston cig /stobs par mdzad do zhes rjod par byed do/ /gang dag rtsol ba'i 'bras bus 'tsho ba de dag ni de la smod cing gal te bdag cag gis nyin mo las dag ma byas na ltogs te 'chi bar 'gyur bas/ 'phags pa dag khyod la mtshan mo chos ston par 'gyur na bdag cag gis kyang mnyan par bya'o zhes zer ba'i skabs de dge slong rnams kyis bcom ldan 'das la gsol ba dang /bcom ldan 'das kyis bka' stsal pa/ mtshan mo chos bstan par bya'o/ /dge slong rnams mtshan thog thag tu chos ston par byed cing ngal bar gyur nas/bcom ldan 'das kyis bka' stsal pa/ nam phyed kyi bar du chos bstan par bya'o/ /de lta na yang ngal bar gyur nas/ bcom ldan 'das kyis bka' stsal pa/ tshes brgyad dang tshes bcu bzhi la chos bstan par bya'o/ /dge slong rnams kyis tshes brgyad dang /tshes bcu bzhi'i nam phyed kyi bar du chos bsten pa dang / dge slong bsod snyoms pa zhig chos nyan du 'ongs pa de'i tshe mtshan mo mtha' gcig tu song nas skyil mo krung bcas te 'dug go/ /de ltar lhags pa'i khyim pa de dag kyang de nyid du nyal nas khang skyong gis mar me gsad par brtsams pa dang /de dag gis smras pa/'phags pa zhugs mar ma dgums shig dang bdag cag gis 'bru mar dbul lo/ /khang skyong gis mar me gsos te song ngo / /de nas dge slong rgan zhugs brjed ngas pa zhig nyal ba de'i rmi lam na sngon gyi rnying ba dang lhan cig nyal ba rmis nas/des ci dang ci dag cig brdol bar brtsams pa khyim pa de dag gis thos nas 'di su yin zhes mar me'i 'od la bltas na/ ji tsam na rgan zhugs de phyi rgan du nyal zhing ci dang ci dag brdol ba mthong nas de dag gis smras pa/shes ldan dag rgan po rnams kyi gnas skabs kyang re zhig 'di 'dra na/ rab tu byung ba gzhon nu dag gi gnas skabs ji lta bur gyur zhes ma dad pa go bar byed do/ /dge slong bsod snyoms pa des nang bar sngar langs te dgon pa'i gnas su song ba dang / dge slong spong ba pa dag gis smras pa/ tshe dang ldan pa ji ltar tshangs pa mtshungs par spyod pa dag gis chos snyan pa snyan pa dag ston cing skye bo phal po che'i tshogs mngon par dad par byas sam/ des smras pa/ tshangs pa mtshungs par spyod pa rnams kyis ni de ltar byas so/ /rgan zhugs cig gis ni skye bo phal po che'i tshogs mngon par ma dad par byas so//ji ltar gyur pa'i skabs de dge slong rnams la brjod nas/ dge slong rnams kyis bcom ldan 'das la rgyas par gsol to/ /de nas bcom ldan 'das 'di snyam du dgongs te/ nyes dmigs gang cung zad ci byung bar gyur pa de ni dge slong rnams bsnyen par ma rdzogs pa dang lhan cig nyal bar byed pa dang /snang ba la nyal bar byed pa las gyur to snyam nas bcom ldan 'das kyis bka' stsal pa/ de lta bas na dge slong gang zag bsnyen par ma rdzogs pa dang / lhan cig nyal bar mi bya zhing / snang ba la yang nyal bar mi bya'o/ /nyal bar byed na 'gal tshabs can du 'gyur ro/ /'di ni byung ba yin te/ sangs rgyas bcom ldan 'das re zhig 'dul ba la nyan thos rnams kyi bslab pa'i gzhi bca' bar ni mi mdzad do/ /gnang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//de nas tshe dang ldan pa shA ri'i bu la dge tshul sgra gcan zin dang skul byed ces bya ba gnyis yod de/ tshe dang ldan pa sgra gcan zin nyin mo spyod du song ba'i gtsug lag khang du dge slong glor bur du 'ongs pa zhig gi gtsug lag khang bskos nas de mi dga' ba dang /tshe dang ldan pa skul byed kyis sgra gcan zin la smras pa/ tshe dang ldan pa sgra gcan zin mi dgar ma byed par gang yang rung bar nyol cig /tshe dang ldan pa sgra gcan zin de'i nub mo bcom ldan 'das kyi snam phyis bram ze dang khyim bdag dad pa can dag gis spos kyi byug pas bskus pa der song ste zhabs rten la mgo bo bzhag ste nyal lo//de'i tshe mtshan mo sprin kha dog lnga pa 'dus nas des char 'bab par brtsams pa dang / snom phyis pa de dang ha cang thag mi ring ba na sbrul dug myur du khyab par byed pa'i gtso bo zhig gi tshang 'dug pa de char bab pa'i chus gang nas sbrul dug myur du khyab par byed pa'i gtso bo de bcom ldan 'das kyi snam phyis pa ga la ba der 'phags so/ /sangs rgyas bcom ldan 'das rnams ni bsnyel ba mi mnga' ba'i chos nyid can yin pas/bcom ldan 'das kyis dgongs pa/ gal te sbrul dug myur du khyab par byed pa'i gtso bo des sgra gcan zin rnyed par gyur na ming gi lhag ma tsam las par byed par 'gyur te/ des shAkya nga rgyal can dag gal te gzhon nu sgra gcan zin bzang po rab tu byung bar ma gyur na rgyal po dngos brtsan par 'gyur ba zhig na/de rab tu byung nas mgon med pa'i bya bas dus la bab po zhes ma dad pa go bar byed par 'gyur bar thugs su chud nas glang po che'i sna 'dra ba'i phyag brkyang ste sgra gcan zin blangs nas nyid kyi gzims mal du bsnyal te gzhag go//sangs rgyas bcom ldan 'das rnams gang zag bsnyen par ma rdzogs pa dang lhan cig gnas gcig na gzims par 'gyur ba ni gnas ma yin zhing skabs med pas/ bcom ldan 'das kyis dgung la 'chag pa dang bzhugs pa gnyis kyis shas cher mtshan mo 'da' bar mdzad do//dge slong gnas brtan gnas brtan dag nang par sngar langs te/ bcom ldan 'das kyi zhabs la mgo bos phyag 'tshal du 'ongs pa na/ tshe dang ldan pa skul byed kyis se gol gyi sgras tshe dang ldan pa sgra gcan zin bslang ngo //de nas bcom ldan 'das kyis dge slong rnams la bka' stsal pa/ dge slong dag dge tshul 'di dag la ni ma yang med/ pha yang med/ byams pa dang mdza' bshes kyi tshogs gzhan yang med/ tshangs pa mtshungs par spyod pa khyed cag 'ba' zhig tu zad cing /'di dag ni dgra bcom pa'i sgo nga dang ldan pa dag yin no/ /gal te khyed cag gis 'di dag yongs su skyong bar mi byed na gzhan su zhig byed par 'gyur/ dge slong dag de lta bas na gang zag bsnyen par ma rdzogs pa dang lhan cig nub gnyis tshun chad gnas gcig tu nyal bar rjes su gnang ngo //dge slong zhig la 'khru ba'i nad byung ste/ de mun pa'i nang du mi bde bar gyur nas bcom ldan 'das kyis bka' stsal pa/ de lta bas na snang bar bya'o/ /der nyal bar yang bya'o/ /dge slong nad g.yog dag kyang der nyal bar yang bya'o//byin len stobs pa bsnyen par ma rdzogs pa dag kyang der nyal bar bya'o/ /nad pa dang nad g.yog dang / byin len stobs pa dag gis nub gsum pa la yang nyal bar bya'o/ /nad g.yog gis byin len byas pa nad pa dang nad g.yog nyid kyis kyang bza' bar bya'o//rgan pa dang gzhon pa dag gis kyang bza' bar bya'o/ /rgan pa rnams la gsar bu rnams dang / bsnyen par ma rdzogs pa rnams kyis nad g.yog bya zhing zas kyang bsnyod par bya'o/ /bsnyen par ma rdzogs pa dang / gsar bu rnams la yang rgan pa rnams kyis de bzhin bya'o//zla ba dang nyi ma'i snang ba dag ni tha snyad du bya ba ma yin bas de la nyal bar bya'o/ /gang zag bsnyen par ma rdzogs pa dang lhan cig nub gnyis gnas gcig na nyal bas nub gsum pa la gtsug lag khang dang khyams nas phyir dbyung bar mi bya bar 'di ltar nye 'khor du spang bar bya'o//gal te gnas par khas ma blangs pa rnams kyi nang du dge slong sdig can 'ongs shing de dge tshul la 'tshe na de bskrad par bya'o/ /gal te skrod mi nus na dge tshul khrid de gtsug lag khang gzhan du 'gro bar bya'o/ /gal te gnas par khas blangs pa rnams kyi nang du dge slong sdig can 'ongs shing dge tshul la 'tshe na de bskrad par bya'o//gal te skrod mi nus na ni dge tshul dge slong mdza' bo'i gan du gzhag par bya'o/ /gal te dge slong mdza' bo med na gnas gcig tu lhan cig zla ba gnyis 'da' bar bya'o/ / dgag dbye byas nas gal te dge slong sdig can de skrod par nus na bskrad par bya'o/ /gal te mi nus na dge tshul khrid de gtsug lag khang gzhan du 'gro bar bya'o/ /dge slong dag lam du 'dong ba na de na dge tshul yang 'dong na nub gsum pa la 'gron pa don mthun gyi phyi rol du 'byung bar mi bya bar don mthun gnyis su byas te gcig gi nang du dbyung bar bya'o//gal te don mthun dpung chung na gnyis su mi bya bar dge slong rnams kyis mi nyal bar tron bya'o/ /gal te dge slong rnams dal bar gyur na thun gsum mam gnyis sam gcig gam tha na skya rengs 'char kar tron bya'o//de lta na yang ngal bar gyur na nyal bar bya ste/ 'di la 'gyod par mi bya'o/ /dge slong lam du 'dong bas dge tshul gnyid bro bas rmya bar gyur na mdun du btang ste 'gro bar bya'o/ /der dge tshul dag gal te bru ba tsha bar gyur na de la nang par gyi dus su g.yar sus sbyin par bya'o//dge tshul dag ni me'i khams che ba yin pas de dag gal te dro kar yang bkres na/ de'i tshe yang zan sbyin par bya'o/ /bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//bcom ldan 'das kyis dge slong gis gang zag bsnyen par ma rdzogs pa dang lhan cig nyal bar mi bya zhing snang ba la yang nyal bar mi bya'o/ /zhes bka' stsal nas/ nye dga' la dge tshul tsher ma dang chen po pa zhes bya ba gnyis yod de/de de gnyis dang lhan cig nub gnyis las lhag par gnas gcig tu nyal bar byed nas/ dge slong rnams kyis de la smras pa/ tshe dang ldan pa nye dga' bcom ldan 'das kyis dge slong gis gang zag bsnyen par ma rdzogs pa dang lhan cig nub gnyis las lhag par gnas gcig tu nyal bar mi bya'o zhes bka' stsal gyi khyod gang zag bsnyen par ma rdzogs pa dang lhan cig nub gnyis las lhag par gnas gcig tu ma nyal cig /nye dgas smras pa/ gang la nub gnyis rung ba de la nub gsum pa yang rung mod/ nub gsum pas chang 'thungs sam/ kun dong zos sam ji nyes zhes zer nas/ dge slong don nyung ngu dag bcom ldan 'das kyis dge slong gis gang zag bsnyen par ma rdzogs pa dang / lhan cig nub gnyis las lhag par gnas gcig tu nyal bar mi bya'o zhes bka' stsal pa na/ci'i phyir dge slong dag ched du bsams te nub gnyis las lhag par 'da' bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang /gleng gzhi 'di dang / skabs 'di la dge slong gi dge 'dun bsdu ba mdzad de/ drug sde dag la rmas nas dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar rnam par smad de/bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang zag bsnyen par ma rdzogs pa dang lhan cig tu nub gnyis las lhag par gnas gcig tu nyal na ltung byed do zhes bca' ba mdzad de/yul ni mnyan yod/ gang zag ni nye dga'/ nyon mongs pa ni 'dod chags kyi cha la bsten pa/ nyes pa ni gang zag bsnyen par ma rdzogs pa dang lhan cig nub gnyis las lhag par gnas gcig tu nyal ba'o//de la yang dge slong gang zhes bya ba ni shAkya'i bu nye dga' 'am gzhan yang de lta bu gang yin pa'o/ /gang zag bsnyen par ma rdzogs pa dang lhan cig ces bya ba la/ bsnyen par rdzogs pa ni gnyis te/ dge slong dang / dge slong ma'o/ /de las gzhan pa ni bsnyen par ma rdzogs pa'o//nub gnyis las lhag par zhes bya ba ni nub gnyis las 'das par ro/ /gnas gcig tu nyal na zhes bya ba ni gnas bzhi po thams cad g.yogs shing / thams cad bskor ba dang / thams cad g.yogs shing phal cher bskor ba dang / phal cher g.yogs shing thams cad bskor ba dang / phal cher g.yogs shing phal cher bskor ba dag tu nyal bas skya rengs 'char bar byed na'o/ /de la gnas thams cad g.yogs shing thams cad bskor ba ni gnas khang dang / 'khor gyi khyams dang / khang pa brtsegs pa dag go//thams cad g.yogs shing phal cher bskor ba ni sgo bcu pa dang / sgo bcu gnyis pa dag go/ /phal cher g.yogs shing thams cad bskor ba ni khyams ngos bzhi pa dag go/ /phal cher g.yogs shing phal cher bskor ba ni khyams ngos gsum pa dang / 'khor gyi khyams dag go//ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni dge slong lam gyis dub pa rmya ba dang / dge slong gis byar mi rung ba sgrub par byed pa bsnyen par ma rdzogs pa dang / lhan cig pa'i nad pa dang / nad g.yog dang / khon yod pa'i dge slong sdig can rang gi dge tshul la 'tshe ba gnas der 'ongs pa ma gtogs pas khyim pa'am rab tu byung ba'i gang zag bsnyen par ma rdzogs pa mtshan dang lta ba gang yang rung ba dag lhan cig gnyi ga nyal ba'i spyod lam gyis gnyid log pas gnas phal cher g.yogs pa dang bskor ba la sogs pa gcig tu mtshan mo gsum pa'i skya rengs shar ba'i tha mar nyal na bsnyen par ma rdzogs pa dang /lhan cig nyal ba'i ltung byed kyi dngos gzhir 'gyur ro/ /dge slong lam gyis dub pa rmya ba ma gtogs pa la na smad pa med do/ /dge slong gis byar mi rung ba byin len bstabs pa la sogs pa sgrub par byed pa bsnyen par ma rdzogs pa dang lhan cig pa'i dge slong nad pa dang nad g.yog ma gtogs pa la na smad pa med do//khon yod pa'i dge slong sdig can rang gi dge tshul la 'tshe ba gnas der 'ongs pa'i dge slong ma gtogs pa la na smad pa med do/ /de yang gal te dge tshul dang ldan pa'i dge slong de dbyar gnas par khas blangs pa dang khas blangs na yang dbyar gnas pa snga ma'i zla ba dang po dang /dbyar gnas pa phyi ma'i zla ba tha ma la na smad pa med do/ /khyim pa'am rab tu byung ba'i gang zag bsnyen par ma rdzogs pa mtshan dang lta ba gang yang rung ba la na smad pa med do//lhan cig gnyi ga nyal ba'i spyod lam gyis gnyid log pa la na smad pa med do/ /gnas phal cher g.yogs pa dang bskor ba la sogs pa gcig pa la na smad pa med do/ /gnas kyi mtshan nyid ni bzhi ste/ thams cad g.yogs shing thams cad bskor ba dang /thams cad g.yogs shing phal cher bskor ba dang / phal cher g.yogs shing thams cad bskor ba dang / phal cher g.yogs shing phal cher bskor ba'o/ /de la gnas thams cad g.yogs shing thams cad bskor ba ni gnas khang dang 'khor gyi khyams dang khang pa brtsegs pa dag ste/steng thams cad g.yogs shing ngos thams cad bskor ba'o/ /thams cad g.yogs shing phal cher bskor ba ni sgo bcu pa dang sgo bcu gnyis pa dag ste/ steng thams cad g.yogs shing ngos phal cher bskor ba ste/ 'dir phal cher zhes bya ba ni sum cha gcig lus par rig par bya'o//phal cher g.yogs shing thams cad bskor ba ni khyams ngos bzhi pa dag ste/ steng phal cher g.yogs shing ngos phal cher bskor ba ste/ khyams ngos bzhi pa zhes bya ba ni gang la ngos bzhi char dang 'brel pa'i steng g.yogs yod pa dbus kyi mthongs khab med pa'o//phal cher g.yogs shing phal cher bskor ba ni khyams ngos gsum pa dang / 'khor gyi khyams dag ste/ steng phal cher g.yogs shing ngos phal cher bskor ba ste khyams ngos gsum pa zhes bya ba ni gang la ngos gsum dang 'brel pa'i steng g.yogs yod la/ ngos gcig gi steng g.yogs dang dbus kyi mthongs khab med pa'o//gnas bzhi po de dag gi sgo'i ngos dang 'brel ba'i nye 'khor gnas su gyur pa ni de'i khongs su gtogs pa nyid yin no/ /grong khyer gzhan bar du ma chod pa sgo de dang 'brel pa yang de'i khongs su gtogs pa nyid yin no/ /nang gcig tu rgyu zhing gnas gzhan med pa ma yin pa nyid la ni g.yogs thams cad gcig pa nyid yin no//rang gi char gtogs pa'i sgo gcad pa la nye 'khor tha dad pa yang 'dir gnas gcig pa nyid do/ /rim khang gzhan la ni skas steng du brtul na gnas gcig pa nyid yin te gnas gcig pa de dag la na smad pa med do//mtshan mo gsum pa'i skya rengs dang po shar ba'i mthar nyal ba la na smad pa med do/ /'di'i byed pa po ni khyim pa'am rab tu byung ba'i gang zag bsnyen par ma rdzogs pa mtshan dang lta ba gang yang rung ba dang / gnas gcig pa nyid do/ /'di la yan lag lngas dngos gzhi'i ltung bar 'gyur te/dge slong lam gyis dub pa rmya ba la sogs pa ma yin pa nyid dang / khyim pa 'am rab tu byung ba'i gang zag bsnyen par ma rdzogs pa mtshan dang lta ba gang yang rung ba dang / gnas gcig pa nyid dang / gnyi ga nyal ba'i spyod lam gyis gnyid log pa nyid dang /mtshan mo gsum pa'i skya rengs shar ba'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du bsnyen par ma rdzogs pa dang lhan cig nyal ba'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed pa rtsams pa re re la nyes byas re re'o/ /nyal ba ma yin pa'i spyod lam gyis gnyid log pa ni mtha' dang mdun rol gnyis kar nyes byas so/ /nyin mo ni mtshan mo las ltung ba tha dad pa nyid pas nyin mo bsnyen par ma rdzogs pa dang gnas gcig tu nyi ma gnyis pa las lhag par nyal ba la yang mtha' dang mdun rol gnyi gar nyes byas so//shing ljon pa'i drung dang rtsig pa'i bar dang / tshang tshing gi drung dag ni gnas kyi phyed nyid yin pas der nyal ba la nyes byas so/ /gnas kyi nye 'khor yang gnas nyid ma yin pas der nyal ba la yang nyes byas so//skya rengs gsum pa'i mdun rol du yang nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o//ltung ba med pa ni dge slong lam gyis dub pa rmya ba la nyes pa med do/ /dge slong gis byar mi rung ba byin len stobs pa la sogs pa sgrub par byed pa la bsnyen par ma rdzogs pa dang lhan cig pa'i dge slong nad pa dang / nad g.yog la nyes pa med do/ /dge slong dge tshul dang ldan pa gang gis dge slong sdig can spyug pa la 'bad pa byas sam byed pa'i sgo nas khon yod pa'i dge slong sdig can rang gi dge tshul la 'tshe ba gnas der 'ongs nas dge tshul dang ldan pa'i dge slong de la gal te dbyar gnas pa snga mar khas blangs pa yin na/dbyar snga ma'i zla ba gsum las/dbyar zla 'bring po nya nas dbyar zla tha chungs nya'i bar gyi zla ba dang po ma gtogs par dbyar zla tha chungs nya nas ston zla ra ba nya'i bar gyi zla ba gcig dang / ston zla ra ba nya nas ston zla 'bring po'i nya'i bar gyi zla ba gcig ste/ dbyar zla snga ma'i dus phyi ma'i zla ba gnyis po de dag la bab pa na dge slong de dge tshul dang lhan cig nyal ba la nyes pa med do//dge tshul dang ldan pa'i dge slong de gal te dbyar gnas pa phyi mar khas blangs pa yin na/ dbyar phyi ma'i zla ba gsum las ston zla 'bring po nya nas ston zla tha chungs nya'i bar gyi zla ba tha ma ma gtogs pa dbyar zla tha chungs nya nas ston zla ra ba nya'i bar gyi zla ba gcig dang /ston zla ra ba nya nas ston zla 'bring po nya'i bar gyi zla ba gcig ste/ dbyar phyi ma'i dus dang po'i zla ba gnyis po de dag la bab pa na dge slong de dge tshul dang lhan cig nyal ba la nyes pa med do/ /dbyar gnas par khas ma blangs pa dang khas blangs pa la yang dbyar snga ma'i zla ba dang po dang dbyar phyi ma'i zla ba tha ma la ni nyes par 'gyur ba kho na yin no//gnas nye 'khor dang bcas pa nas gnas khang tsam gyi pha rol na tha dad par gyur cing gnas pa ni de'i khongs su gtogs pa nyid ma yin pas/ der nyal ba la nyes pa med do//tshe dang ldan pa sgra gcan zin sbrul dug myur du khyab par byed pas de'u bsad pa lta bu'i rkyen yod na dge slong gang zag bsnyen par ma rdzogs pa dang lhan cig nub gnyis tshun chad gnas gcig tu nyal bar rjes su gnang ba la sbyor ba'i nyes byas kyang med do/ /las dang po pa dang /smyos pa dang / sems 'khrugs pa dang / tshor bdag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du bsnyen par ma rdzogs pa dang lhan cig nyal ba'i ltung byed du 'gyur ba rnam pa thams cad mi bsten par bslab par bya'o//zla ba dang nyi ma ma gtogs pa'i snang ba dang bcas pa'i gnas kyi phyogs su nyal bar mi bya'o/ /nad pa dang nad g.yog gi dbang nyid kyis snang ba dang bcas pa'i gnas kyi phyogs su nyal ba ni rjes su gnang ngo / /nad pa dang nad g.yog ma gtogs pa gzhan snang ba dang bcas ba'i gnas kyi phyogs su nyal ba 'di la kha cig skabs 'di'i ltung byed kyi dngos gzhir 'chad pa ni mi rung ste/'di ni byung ba'i gleng gzhi'i dbang gis dgag pa mdzad de/ bslab par bya ba'i khongs su gtogs par bya ba yin la/ skabs 'di'i dngos gzhi ni phyis bcas pa'i gleng gzhi las gnang ba med par yang ltung byed nyid du bca' ba mdzad de/gnang ba dang bcas pa dang / bsnyen par ma rdzogs pa 'di gnyis ni rigs gcig pa nyid ma yin te/ shin tu tha dad pa'i phyir ro/ /dge slong nad pa dang nad g.yog dang / de dag gis byin len stobs pas mtshan mo snang bar bya'o/ /der nyal bar yang bya'o//de dag nub gsum pa la yang nyal bar bya'o/ /nad g.yog gis byin len byas pa nad pa dang / nad g.yog nyid dang / rgan pa dang gzhon pa dag gis kyang bza' bar bya'o/ /rgan rabs dang gsar bu dang bsnyen par ma rdzogs pa rnams phan tshun nad g.yog dang zan bstabs par bya'o//zla ba dang nyi ma'i snang ba dag ni tha snyad du bya ba ma yin pas de la nyal bar bya'o/ /gang zag bsnyen par ma rdzogs pa dang lhan cig nub gnyis gnas gcig na nyal bas nub gsum pa la gtsug lag khang dang khyams nas phyir dbyung bar mi bya bar 'di ltar nye 'khor du spang bar bya'o//gal te gnas par khas ma blangs pa rnams kyi nang du dge slong sdig can 'ongs shing de dge tshul la 'tshe na de bskrad par bya'o/ /gal te skrod mi nus na dge tshul khrid de gtsug lag khang gzhan du 'gro bar bya'o/ /gnas par khas blangs pa rnams kyi nang du dge slong sdig can 'ongs shing dge tshul la 'tshe na de bskrad par bya'o//gal te skrod mi nus na/ dge tshul dge slong mdza' bo'i gan du gzhag par bya'o/ /gal te dge slong mdza' bo med na gnas gcig tu lhan cig zla ba gnyis 'da' bar bya ste/ de yang dge tshul dang ldan pa'i dge slong de gal te dbyar gnas pa snga mar khas blangs pa yin na/dbyar snga ma'i zla ba gsum las dang po ma gtogs pa zla ba phyi ma gnyis dge tshul dang lhan cig nyal bas 'da' bar bya'o/ /gal te dbyar gnas pa phyi mar khas blangs pa yin na/ dbyar phyi ma'i zla ba gsum las tha ma ma gtogs pa dang po gnyis dge tshul dang lhan cig nyal bas 'da' bar bya'o//dbyar phyi mar gnas par khas blangs pa des zla ba dang po gnyis las lhag par gnas par mi bya'o/ /des dbyar gnas pa snga mar khas blangs par mi bya'o/ /khas blangs na yang zla ba gnyis kyi snga ma mi bsrung bar bya'o//dgag dbye byas nas gal te dge slong sdig can de bskrad par nus na bskrad par bya'o/ /gal te mi nus na dge tshul khrid de gtsug lag khang gzhan du 'gro bar bya'o/ /rang gi gnas na dge slong sdig can gnas par gyur pa'i dge slong des gnas sbyin pa la sogs pas dge tshul sngar nye bar ma bzhag pa nye bar gzhag par mi bya'o//dge slong dag lam du 'dong ba na de na dge tshul yang 'dod na nub gsum pa la 'dron pa don mthun gyi phyi rol du dbyung bar mi bya bar don mthun gnyis su byas te/ gcig gi gan du dbyung bar bya'o/ /gal te don mthun dpung chung na gnyis su mi bya bar dge slong rnams kyis mi nyal bar tron bya'o//gal te dge slong rnams ngal bar gyur na thun gsum mam gnyis sam gcig gam tha na skya rengs 'char kar tron bya'o/ /de lta na yang ngal bar gyur na nyal bar bya ste/ 'di la 'gyod par mi bya'o/ /dge slong lam du 'dong bas dge tshul gnyid bro bas rmya bar gyur na mdun du btang ste 'gro bar bya'o//der dge tshul dag gal te bru ba tsha bar gyur na de la nang bar gyi dus su g.yar sus sbyin par bya'o/ /dge tshul dag ni me'i khams shes che ba yin pas de dag gal te dro khar yang bkres na de'i tshe yang zan sbyin par bya'o//phyir bcos pa ni snga ma bzhin no/ /bsnyen par ma rdzogs pa dang lhan cig nyal ba'i ltung byed de lnga bcu bzhi pa bshad zin to// //lta ba'i rnam pa mi gtong ba'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//de'i tshe na sngon bong rdzi dge slong 'chi ltas la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes zer ro/ /dge slong rab tu mang po dag gis de thos nas skabs de bcom ldan 'das la gsol ba dang / bcom ldan 'das kyis bka' stsal pa/ dge slong dag khyed kyis sngon bong rdzi dge slong 'chi ltas dang / gzhan yang de lta bu gang yin pa la/gzhi de gtong du gzhug pa'i phyir dang por bzhams te bsgo bar bya'o/ /de lta na yang mi gtong na gsol ba dang bzhi'i las kyis bsgo bar bya'o/ /dge slong dag gis de bzhin byas kyang de sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ 'chi ltas la rmas nas dge slong gi tshul ma yin pa/rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang 'di skad ces 'chi ltas bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes zer na/dge slong de la dge slong rnams kyis 'di skad ces tshe dang ldan pa khyod ci ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bsten pa bdag gis shes so zhes de skad ma zer cig /bcom ldan 'das la skur ba ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo / /tshe dang ldan pa bar du gcod pa'i chos rnams ni bar du gcod pa nyid do zhes bcom ldan 'das kyis rnam grangs du mar gsungs te/de dag bsten na bar du gcod par 'gyur ro/ /tshe dang ldan pa khyod sdig pa can gyi lta ba'i rnam pa 'di lta bu 'di thong shig ces bsgo bar bya'o/ /dge slong de la dge slong rnams kyis de skad bsgo ba na gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/ yang dag par bstan par bya'o/ /lan gnyis lan gsum du yang dag par bsgo/ yang dag par bstan pa na gzhi de gtong na de lta na legs/ gal te mi gtong na ltung byed do zhes bca' ba mdzad de/yul ni mnyan yod/ gang zag ni sngon bong rdzi dge slong 'chi ltas/ nyon mongs pa ni lta ba'i kun du sbyor ba/ nyes pa ni sdig pa can gyi lta ba'i rnam pa mi gtong ba'o/ /de la yang dge slong gang zhes bya ba ni 'chi ltas sam gzhan yang de lta bu gang yin pa'o/ /'di skad ces bya ba ni 'di skad ces zer na'o//ji ltar bcom ldan 'das kyis bar du gcod pa'i chos su gsungs pa gang dag yin pa zhes bya ba la bar du gcod pa'i chos zhes bya ba ni pha ma par gyur pa'i chos bzhi dang / dge 'dun lhag ma'i chos bcu gsum dang / ma nges pa'i chos gnyis dang / spang ba'i ltung byed kyi chos sum cu dang / ltung byed kyi chos dgu bcu dang / so sor bshad par bya ba'i chos bzhi dang / bslab pa'i chos mang po dang / rtsod pa zhi bar bya ba'i chos bdun po gang dag bcom ldan 'das kyis gsungs pa dag go/ /de dag bsten kyang zhes bya ba ni de dag lhag par spyad kyang ngo //bar du gcod par mi 'gyur te zhes bya ba ni des dge sbyong gi tshul gyi bar du gcod par mi 'gyur te zhes zer ba'o/ /de ltar bcom ldan 'das kyis zhes bya ba ni de bzhin gshegs pa dgra bcom pa yang dag par rdzogs pa'i sangs rgyas kyi'o/ /chos zhes bya ba ni sangs rgyas kyis gsungs pa dang nyan thos kyis bshad pa'o//bstan pa zhes bya ba ni rab tu bstan pa'o/ /bdag gis shes so zhes zer na zhes bya ba ni bdag gis kun shes so zer na'o/ /dge slong de la zhes bya ba ni 'chi ltas sam gzhan yang de lta bu gang yin pa la'o/ / dge slong rnams kyis zhes bya ba ni chos 'di pa rnams kyis so/ /'di skad ces zhes bya ba ni bzhams te bsgo bas bsgo bar bya'o/ /dge slong de la dge slong rnams kyis de skad bsgo ba na zhes bya ba ni bzhams te bsgo ba na'o/ /gal te gzhi de gtong na zhes bya ba ni lta ba'i rnam pa de yongs su gtong na'o//de lta na legs zhes bya ba ni de lta na bzang ba'o/ /gal te mi gtong na zhes bya ba ni yongs su mi gtong na'o/ /lan gnyis lan gsum du yang dag par bsgo bar bya yang dag par bstan par bya'o zhes bya ba ni gsol ba dang bzhi'i las kyis bsgo bar bya ba ste/ yang dag par bsgo ba dang /yang dag par bstan pa ni sngar bsgo ba las gyur pa'i dge 'dun lhag ma bzhi'i skabs su bstan pa bzhin no/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang /ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/de ltar bcom ldan 'das kyis chos bstan pa bdag gis shes so zhes bya ba la sogs par 'jug pa la dge 'dun gyis bzhams te bsgo ba dang / gsol ba dang bzhi'i las kyis bzlog pa las brjod pa gsum pa mjug sdud pa dang bcas pa'i mthar mi gtong na lta ba'i rnam pa mi gtong ba'i ltung byed kyi dngos gzhir 'gyur ro//dge slong sdig pa can gyi lta ba'i rnam pa mi gtong ba rtsom par sbyor ba la dge 'dun gyis bzhams te bsgo bas bzlog par bya zhing / de'i 'og tu gsol ba dang bzhi'i las kyis bsgo bas bzlog pa na las brjod pa gsum pa mjug sdud pa dang bcas pa rdzogs pa'i mthar ltung byed kyi dngos gzhir 'gyur ba la na smad pa med do//de ltar na dge slong ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/de ltar bcom ldan 'das kyis chos bstan pa bdag gis shes so zhes bya ba la sogs par 'jug pa la na smad pa med do/ /ji ltar bcom ldan 'das kyis bar du gcod pa'i chos su gsungs pa gang dag yin pa zhes bya ba ni pham par 'gyur ba'i chos bzhi dang / dge 'dun lhag ma'i chos bcu gsum dang /ma nges pa'i chos gnyis dang / spang ba'i ltung byed kyi chos sum cu dang / ltung byed kyi chos dgu bcu dang / so sor bshags par bya ba'i chos bzhi dang / bslab pa'i chos mang po dang / rtsod pa zhi bar byed pa'i chos bdun po dag go/ /de dag bsten kyang zhes bya ba ni de dag lhag par spyad kyang ngo //bar du gcod par mi 'gyur te zhes bya ba ni des dge sbyong gi tshul gyi bar du gcod par mi 'gyur te/ de ltar na bcom ldan 'das kyis chos bstan pa bdag gis shes so zhes zer ba de la ltung ba 'di ni rnam par gzhag go/ /de skad zer ba de la dge 'dun gyis bzhams te bsgo ba dang /gsol ba dang bzhi'i las kyis bzlog pa na las brjod pa gsum pa mjug sdud pa dang bcas pa rdzogs pa'i mthar sdig pa can gyi lta ba'i rnam pa mi gtong ba la na smad pa med do/ /dge slong de la dge slong rnams kyis dang por bzhams te bsgo ba ni 'di skad ces bsgo bar bya ste/tshe dang ldan pa 'chi ltas khyod ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes de skad ma zer cig / bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo / /ji ltar bar du gcod pa'i chos rnams ni bar du gcod pa nyid do zhes bcom ldan 'das kyis rnam grangs du mar gsungs te/ de dag bsten na bar du gcod par 'gyur gyi/'chi ltas khyod sdig pa can gyi lta ba'i rnam pa 'di lta bu 'di thong shig ces bsgo bar bya ste/ de ni dus dang por bya ba'o/ /dge slong rnams kyis de la bzhams te bsgo yang gzhi de nyid la nan gyis chos mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed na de la gsol ba dang bzhi'i las kyis bsgo bar bya'o//'di ltar bsgo bar bya ste/ gnas mal bsham pa byas nas gaN+DI brdungs te dris ba'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa la dge slong gcig gis gsol ba byas te las bya'o//'di ltar bya ste 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong 'chi ltas 'di la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/de ltar bcom ldan 'das kyis chos bsten pa bdag gis shes so zhes mchi nas/ 'di la dge slong rab tu mang pos bzhams te bsgo na 'di la bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs na/gal te dge 'dun gyi dus la bab cing bzod na/ dge 'dun gyis gnang bar mdzod cig dang / dge 'dun gyis dge slong 'chi ltas la khyod ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/de ltar bcom ldan 'das kyis chos bstan pa bdag gis shes so zhes de skad ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro//bcom ldan 'das ni de skad mi gsung ngo / /'chi ltas bar du gcod pa'i chos rnams ni bar du gcod pa nyid do zhes bcom ldan 'das kyis rnam grangs du mar gsungs te/ de dag bsten na bar du gcod par 'gyur gyi/ 'chi ltas khyod sdig pa can gyi lta ba'i rnam pa 'di lta bu 'di thong shig ces gsol ba dang bzhi'i las kyis bsgo ba mdzad de/'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong 'chi ltas 'di la sdig pa can gyi lta ba'i rnam pa 'di lta bu 'di byung ste/ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos gsungs pa bdag gis shes so zhes mchi nas 'di la dge slong rab tu mang pos bzhams te bsgo na 'di la bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs te/de'i slad du dge 'dun gyis dge slong 'chi ltas la 'chi ltas khyod ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/de ltar bcom ldan 'das kyis chos bstan pa bdag gis shes so zhes de skad ma zer cig /bcom ldan 'das la skur ba ma 'debs shig /bcom ldan 'das la skur pa btab pas legs par mi 'gyur ro//bcom ldan 'das ni de skad mi gsung ngo / /'chi ltas bar du gcod pa'i chos ni bar du gcod pa nyid do zhes bcom ldan 'das kyis rnam grangs du mar gsungs te/ de dag bsten na bar du gcod par 'gyur gyi/ 'chi ltas khyod sdig pa can gyi lta ba'i rnam pa 'di lta bu 'di thong shig ces gsol ba dang bzhi'i las kyis bsgo ba mdzad nas tshe dang ldan pa gang dag dge slong 'chi ltas la gsol ba dang bzhi'i las kyis bsgo ba mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong 'chi ltas la gsol ba dang bzhi'i las kyis bsgo ba mdzad lags te/ 'di ltar cang mi gsung bas de de bzhin du 'dzin to/ /de ni dge slong sdig pa can gyi lta ba'i rnam pa mi gtong ba la gsol ba dang bzhi'i las kyis bzlog pa'i phyir bsgo ba'i cho ga dang las so//'di'i byed pa po ni sdig pa can gyi lta ba'i rnam pa nyid dang / dge 'dun gyis bzhams pa dang / gsol ba dang bzhi'i las kyis bzlog pa nyid do/ /'di la yan lag lngas dngos gzhi'i ltung bar 'gyur te/bar du gcod pa'i chos nyid dang / de dag bsten kyang bar du gcod par mi 'gyur ro zhes zer ba dang / dge 'dun gyis bzhams pa dang / gsol ba dang bzhi'i las chos dang mthun pas bzlog pa dang / las brjod pa gsum pa mjug sdud pa dang bcas pa rdzogs pa dang /der mi gtong ba'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du lta ba'i rnam pa mi gtong ba'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//sdig pa can gyi lta ba'i rnam pa mi gtong bar rtsom par sbyor ba ni sbyor ba'i nyes byas gcig go/ /de'i 'og tu bzhams te bsgo ba mi gtong na de'i mthar yang nyes byas gcig go/ /de'i 'og tu gsol ba dang bzhi'i las byed pa na gsol ba byas pa na mi gtong na gsol ba rdzogs pa'i mthar yang nyes byas gcig go//de'i 'og tu las brjod pa dang po byas pa na mi gtong na las brjod pa dang po rdzogs pa'i mthar yang nyes byas gcig go/ /de'i 'og tu las brjod pa gnyis pa byas pa na mi gtong na las brjod pa gnyis pa rdzogs pa'i mthar yang nyes byas gcig go//de'i 'og tu las brjod pa gsum pa mjug sdud pa dang bcas pa rdzogs pa'i mthar ni ltung byed kyi dngos gzhi nyid du bstan pa yin no/ /dge slong des ji tsam du gzhi nges ma bshags shing / so sor ma bshags par gsol ba dang /gsol ba dang / gnyis dang / gsol ba dang bzhi'i las nyams su myong bar byed na thams cad du nyes byas su 'gyur ro/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o//ltung ba med pa ni gal te mthun pa dang chos ma yin pas bsgo bar byed na ltung ba med do/ /mi mthun pa dang chos kyis bsgo bar byed na ltung ba med do/ /mthun pa dang chos ltar bcos pas bsgo bar byed na ltung ba med do/ /mi mthun pa dang chos ltar bcos pas bsgo bar byed na ltung ba med do//chos ji lta ba dang 'dul ba ji lta ba dang ston pa'i bstan pa ji lta ba de ltar bsgo bar mi byed na ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ / bslab par bya ba ni dge slong gis yul thams cad la gnas skabs thams cad du lta ba'i rnam pa mi gtong ba'i ltung byed du 'gyur ba rnam pa thams cad mi bsten par bslab par bya'o/ /lta ba'i rnam pa mi gtong ba'i ltung byed kyi sbyor ba brtsams pa de dag la dge 'dun gyis dang por bzhams te bsgo bas bzlog par bya'o//gal te de lta na yang mi gtong na de'i 'og tu gsol ba dang bzhi'i las kyis bsgo bas bzlog par bya'o/ /bsgo ba las gyur pa'i ltung byed byung ma thag tu dge slong des stan de la 'dug bzhin du 'di skad ces tshe dang ldan pa dag bdag la ltung byed kyi ltung ba byung ngo zhes brjod par bya ste/gal te de skad brjod na de lta na legs gal te mi brjod na de phyin chad nas de la 'chab pa'i nyes pa 'byung bar 'gyur ro/ /lta ba'i rnam pa mi gtong ba'i ltung byed kyi dngos gzhi byung ma thag tu dge 'dun gyis de la gsol ba dang bzhi'i las kyis gnas nas dbyung ba dang smad pa cig car du bya'o//dge 'dun gyis de la gsol ba dang bzhi'i las kyis gnas nas dbyung ba dang smad pa cig car bya ba'i cho ga dang sngags ni 'di ltar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la dge slong gcig gis gsol ba byas te las bya'o//'di ltar byas te/ 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong 'chi ltas 'di la sdig pa can gyi lta ba'i rnam pa 'di lta bu 'di byung ste/ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes mchi nas/ 'di la dge slong rab tu mang pos bzhams te bsgo na/'di la dge slong rab tu mang pos bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs te/ 'di la dge 'dun gyis gsol ba dang bzhi'i las kyis bsgo na/de la dge 'dun gyis gsol ba dang bzhi'i las kyis bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs na gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge slong 'chi ltas sdig pa can gyi lta ba'i rnam pa mi gtong ba la gnas nas dbyung ba'i las bgyis te/ ji srid du dge slong 'chi ltas sdig pa can gyi lta ba'i rnam pa 'di lta bu 'di thams cad kyi thams cad dang rnam pa thams cad kyi thams cad du mi gtong ba de srid du gtam 'dre bar mi bgyi/phebs par smra bar mi bgyi zhing / dper na gdol bu bzhin du smad par bgyi zhing / mchog tu smad par bgyi'o/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/dge slong 'chi ltas 'di la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bsten pa bdag gis shes so zhes mchi nas/'di la dge slong rab tu mang pos bzhams te bsgo na/ 'di la dge slong rab tu mang pos bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas/ 'di nyid bden gyi gzhan ni brdzun pa'o zhes rjes su tha snyad 'dogs te/'di la dge 'dun gyis gsol ba dang bzhi'i las kyis bsgo na 'di la gsol ba dang bzhi'i las kyis bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs na/de'i slad du dge 'dun gyis dge slong 'chi ltas sdig pa can gyi lta ba'i rnam pa mi gtong ba la gnas nas dbyung ba'i las bgyis te/ ji srid du dge slong 'chi ltas sdig pa can gyi lta ba'i rnam pa 'di lta bu 'di thams cad kyi thams cad dang /rnam pa thams cad kyi thams cad du mi gtong ba de srid du gtam 'dre bar mi bgyi/ phebs par smra bar mi bgyi zhing dper na gdol bu bzhin du smad par bgyi zhing mchog tu smad par bgyi na/ tshe dang ldan pa gang dag dge slong 'chi ltas sdig pa can gyi lta ba'i rnam pa mi gtong ba la gnas nas dbyung ba'i las bgyi zhing /ji srid du dge slong 'chi ltas sdig pa can gyi lta ba'i rnam pa 'di lta bu 'di thams cad kyi thams cad dang / rnam pa thams cad kyi thams cad du mi gtong ba de srid du gtam 'dre bar mi bgyi/ phebs par smra bar mi bgyi zhing dper na gdol bu bzhin du smad par bgyi zhing mchog tu smad par bgyi bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas/ dge 'dun gyis dge slong 'chi ltas sdig pa can gyi lta ba'i rnam pa mi gtong ba la gnas nas dbyung ba'i phrin las mdzad cing ji srid du dge slong 'chi ltas sdig pa can gyi lta ba'i rnam pa 'di lta bu 'di thams cad kyi thams cad dang /rnam pa thams cad kyi thams cad du mi gtong ba de srid du gtam 'dre bar mi bgyi/phebs par smra bar mi bgyi zhing dper na gdol bu bzhin du smad par bgyis shing mchog tu smad par bgyis lags te/ 'di ltar cang mi gsung bas de de bzhin du 'dzin to/ /de ni dge slong sdig pa can gyi lta ba'i rnam pa mi gtong ba la gnas nas dbyung ba dang smad pa'i cho ga dang las so//phyir bcos pa ni snga ma bzhin no/ /'di la khyad par du na lta ba'i rnam pa mi gtong ba'i ltung byed byung ba la dge 'dun gyis gsol ba dang bzhi'i las kyis gnas nas dbyung ba dang / smad par byas pas gzhan na gnas pa des rang gi dge 'dun la bzod pa gsol ba'i sngags lan gsum brjod de/dge 'dun gyis gsol ba dang bzhi'i las kyis de la bzod pa mdzad nas des ltung ba chos bzhin du phyir bya'o/ /rang gi dge 'dun la bzod pa gsol ba'i sngags lan gsum brjod pa'i cho ga dang sngags ni 'di ltar bya ste/ de rang gi gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la mchil lham gnyis phud de/ rgan pa'i mtha' logs su phyag 'tshal nas tsog tsog pur 'dug ste/thal mo sbyar nas 'di skad ces brjod par bya'o/ /dge 'dun btsun pa rnams gsan du gsol/ bdag dge slong 'chi ltas la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/de ltar bcom ldan 'das kyis chos bstan pa bdag gis shes so zhes mchi bas dge 'dun gyis bdag sdig pa can gyi lta ba'i rnam pa mi gtong ba la gnas nas dbyung ba'i phrin las mdzad cing smad lags te/bdag dge slong 'chi ltas sdig pa can gyi lta ba'i rnam pa mi gtong ba gnas nas dbyung ba'i phrin las mdzad cing smad lags pas skra 'greng bar gyur skra 'phyar bar gyur cing dge 'dun la spu snyol bar bgyid/ 'byung bar bskyod/ mtshungs pa nye bar ston/ mtshams kyi nang du mchis te bzod pa gsol zhing sdig pa can gyi lta ba'i rnam pa de yang gtong na thugs brtse ba can dge 'dun btsun pa rnams kyis thugs brtse ba'i slad du bdag dge slong 'chi ltas sdig pa can gyi lta ba'i rnam pa btang lags pa la bzod pa mdzad du gsol/lan gsum du bzlas zhes gsungs pa yin no//dge 'dun gyis gsol ba dang bzhi'i las kyis de la bzod pa mdzad pa'i cho ga dang sngags ni 'di ltar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la dge slong gcig gis gsol ba byas te las bya'o//'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong 'chi ltas 'di la sdig pa can gyi lta ba'i rnam pa 'di lta bu 'di byung ste/ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes mchi nas dge slong 'chi ltas sdig pa can gyi lta ba'i rnam pa mi gtong ba 'di la dge 'dun gyis gnas nas dbyung ba'i phrin las mdzad cing smad lags te/dge slong 'chi ltas gnas nas dbyung ba'i phrin las mdzad pa 'di skra 'greng bar gyur/ skra 'phyar bar gyur cing dge 'dun la spu snyol bar bgyid/ 'byung bar bskyod/mtshungs pa nye bar ston la mtshams kyi nang du mchis te bzod pa gsol zhing sdig pa can gyi lta ba'i rnam pa de yang gtong ngo zhes mchi na/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong 'chi ltas sdig pa can gyi lta ba'i rnam pa mi gtong ba gnas nas dbyung ba'i phrin las mdzad cing smad lags pa la bzod pa mdzad do//'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong 'chi ltas la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes mchi nas/ de'i slad du dge 'dun gyis dge slong 'chi ltas sdig pa can gyi lta ba'i rnam pa mi gtong ba 'di gnas nas dbyung ba'i phrin las mdzad cing smad lags te/dge slong 'chi ltas gnas nas dbyung ba'i phrin las mdzad cing smad lags pa 'di skra 'greng bar 'gyur/ skra 'phyar bar gyur cing dge 'dun la spu snyol bar bgyid/ 'byung bar bskyod/ mtshungs pa nye bar ston la mtshams kyi nang du mchis te bzod pa gsol zhing sdig pa can gyi lta ba'i rnam pa de yang gtong ngo zhes mchi bas de'i slad du dge 'dun gyis dge slong 'chi ltas sdig pa can gyi lta ba'i rnam pa mi gtong bas gnas nas dbyung ba'i phrin las mdzad cing smad lags pa la bzod par mdzad na/tshe dang ldan pa gang dag dge slong 'chi ltas sdig pa can gyi lta ba'i rnam pa mi gtong bas gnas nas dbyung ba'i phrin las mdzad cing smad pa lags pa la bzod pa mdzad par bzod pa de dag ni cang ma gsung shig/ gang dag mi bzod pa de dag ni gsungs shing / /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis dge slong 'chi ltas sdig pa can gyi lta ba'i rnam pa mi gtong bas gnas nas dbyung ba'i phrin las mdzad cing smad lags pa la bzod pa mdzad lags te/'di ltar cang mi gsung bas de de bzhin du 'dzin to zhes gsungs pa yin no/ /de'i 'og tu des ltung ba de snga ma bzhin phyir bcos par bya'o/ /lta ba'i rnam pa mi gtong ba'i ltung byed de lnga bcu lnga pa bshad zin to// //so sor thar pa'i mdo rgya cher 'grel ba 'dul ba kun las btus pa/bam po sum cu bzhi pa/ spang ba'i rjes su phyogs pa'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /'chi ltas de gnas nas dbyung ba'i las byas pa na ngu zhing nye dga'i gan du song ba na nye dgas smras pa/'chi ltas khyod ci'i phyir ngu / 'chi ltas kyis smras pa/ lhung bzed nag po can dag gis bdag gnas nas dbyung ba'i las byas so/ /nye dgas smras pa/ gang dag gis 'chi ltas gnas nas dbyung ba'i las byas pa de dag grong dang /grong khyer dang / ljongs dang / khams gsum nas gnas nas phyung bar gyur cig /'on kyang gnas nas dbyung ba'i las byas pa dag la grong ngam grong rdal dag med dam ci/ sdod la bzod pa gsol cig ces nye dgas 'chi ltas dang ldan cig gtam 'dre bar byed/phebs par smra bar byed/ kun du gnas par byed/ kun du longs spyod par byed cing / de dang lhan cig gnas gcig tu nyal bar byed nas/ dge slong don nyung ngu dag ci'i phyir dge slong dag shes bzhin du de skad zer ba'i gang zag chos bzhin du ma byas pa sdig pa can gyi lta ba'i rnam pa de ma spangs pa dang gtam 'dre bar byed/phebs par smra bar byed/ kun du gnas par byed/ kun du longs spyod par byed cing de dang lhan cig gnas gcig tu nyal bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ nye dga' la rmas nas/ dge slong gi tshul ma yin pa/ rjes su mthun pa ma yin pa/rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang shes bzhin du de skad zer ba'i gang zag chos bzhin ma byas pa'i sdig pa can gyi lta ba'i rnam pa de ma spangs pa dang / gtam 'dre bar byed/ phebs par smra bar byed/ kun du gnas par byed/ kun du longs spyod par byed cing de dang lhan cig gnas gcig tu nyal na ltung byed do zhes bca' ba mdzad de/yul ni mnyan yod/ gang zag ni nye dga'/ nyon mongs pa ni sdig pa 'dod pa/ nyes pa ni spangs pa'i rjes su phyogs pa'o/ /de la yang dge slong gang zhes bya ba ni shAkya'i bu nye dga' 'am/ gzhan yang de lta bu gang yin pa'o//shes bzhin du zhes bya ba ni de rang nyid kyis rig par gyur pa'am/ gzhan dag gis brjod pas so/ /de skad zer ba'i gang zag ces bya ba ni 'chi ltas sam/ gzhan yang de lta bu gang yin pa'o/ /chos bzhin ma byas zhes bya ba ni chos dang mthun par ma byas pa'o//sdig pa can gyi lta ba'i rnam pa de ma spangs zhes bya ba ni lta ba'i rnam pa gang yin pa'o/ /gtam 'dre bar byed ces bya ba ni lung dbog pa sbyin par byed pa'o/ /phebs par smra bar byed ces bya ba ni dmigs kyis 'dri ba sbyin par byed pa'o/ /kun du gnas par byed ces bya ba ni gnas sbyin par byed pa'o//kun du longs spyod par byed cing zhes bya ba ni de las bsnyen bkur bdag gir byed cing ngo / /de dang lhan cig tu gnas gcig tu nyal na zhes bya ba ni gnas bzhi po thams cad g.yogs shing thams cad bskor ba dang / thams cad g.yogs shing phal cher bskor ba dang /phal cher g.yogs shing thams cad bskor ba dang / phal cher g.yogs shing phal cher bskor bdag tu nyal bas skya rengs 'char bar byed na'o/ /de la gnas thams cad g.yogs shing thams cad bskor ba ni gnas khang dang / 'khor gyi khyams dang / khang pa brtsegs pa dag go/ /thams cad g.yogs shing phal cher bskor ba ni sgo bcu pa dang / sgo bcu gnyis pa dag go/ /phal cher g.yogs shing thams cad bskor ba ni khyams ngos bzhi pa dag go/ /phal cher g.yogs shing phal cher bskor ba ni khyams ngos gsum pa dang /'khor gyi khyams dag go/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang /bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong ji ltar bcom ldan 'das kyis bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur te/de ltar bcom ldan 'das kyis chos bstan pa bdag gis shes so zhes bya ba la sogs par 'jug pa'i tshig de skad smra bas dge 'dun gyis gnas nas dbyung ba dang smad pa'i las byas shing spangs pa phyir bcos pa nyid ma byas pa'i dge slong la nad pa dang / lta ba dang dbral bar gtogs pa'i don gyi dbang ma gtogs par shes bzhin du lung 'bogs pa dang /dmigs kyis 'dri ba dang / gnas 'cha' ba dang / rjes su bstan pa dang / gdams ngag sbyin pa dang / lta ba smra ba dang / zang zing gi longs spyod byed pa dang / bsnyen bkur bdag gir byed pa dang /gnas gcig tu gnyi ga nyal ba'i spyod lam gyis gnyid log pas skya rengs 'char bar byed pa dang / tha na 'dag rdzas tsam yan chad gzhan gyis bsrul na yang spangs pa'i rjes su phyogs pa'i ltung byed kyi dngos gzhir 'gyur ro/ /dge slong ji ltar bcom ldan 'das kyis bar du gcod pa'i chos su gsungs pa gang dag yin pa pham par 'gyur ba'i chos bzhi dang /dge 'dun lhag ma'i chos bcu gsum dang / ma nges pa'i chos gnyis dang / spang ba'i ltung byed kyi chos sum cu dang / ltung byed kyi chos dgu bcu dang /so sor bshags par bya ba'i chos bzhi dang / bslab par bya ba'i chos mang po dang / rtsod pa zhi bar byed pa'i chos bcu bdun po de dag bsten cing lhag par spyad kyang des dge slong gi tshul gyi bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes bya ba la sogs par 'jug pa'i tshig de skad smra bas dge 'dun gyis gsol ba dang bzhi'i las kyis gnas nas dbyung ba dang smad par byas shing spangs pas gzhan na gnas pa dge 'dun la bzod par gsol ba dang /dge 'dun gyis gsol ba dang bzhi'i las kyis bzod pa bya bas phyir bcos pa nyid ma byas pa'i rjes su phyogs par byed pa'i dge slong la ltung ba 'di rnam par gzhag go//de lta bu'i dge slong spangs pa nad dang lta ba dang dbral bar gtogs pa'i don gyi dbang ma gtogs pa la na smad pa med do//de la ji zhig rjes su bsgrubs na kha na ma tho ba 'dir 'gyur zhe na/ shes bzhin du lung dbog pa dang / dmigs kyis dris pa dang / gnas 'cha' ba dang / rjes su bstan pa dang / gdams ngag sbyin pa dang / lta ba smra ba dang / zang zing gi longs spyod byed pa dang /bsnyen bkur bdag gir byed pa dang / gnas gcig tu gnyi ga nyal ba'i spyod lam gyis gnyid log pas skya rengs 'char bar byed pa dang / tha na 'dag rdzas tsam yan chad gzhan gyis bsrul na yang de dag gang yang rung ba la na smad pa med do/ /dge slong yang de skad smra bas spangs pa phyir bcos pa nyid ma byas pa yin la ltung ba 'byin pa pos kyang de ltar 'du shes pa dang /yid gnyis za bas lung 'bogs pa la sogs pa byas pa la na smad pa med do/ /de la lung 'bogs pa sbyin pa zhes bya ba ni gtam 'dre bar byed pa'o/ / dmigs kyis 'dri ba sbyin pa zhes bya ba ni phebs par smra bar byed pa'o/ /gnas 'cha' ba sbyin pa zhes bya ba ni kun du gnas par byed pa'o/ /rjes su bstan pa sbyin pa zhes bya ba ni thob pa chud mi za bar byed pa'o/ /gdams ngag sbyin pa zhes bya ba ni ma thob pa thob par byed pa'o//lta ba smra ba zhes bya ba ni de la rang gi lta ba smra zhing ston pa'o/ /zang zing gi longs spyod byed pa zhes bya ba ni lhung bzed la sogs pa zang zing gi longs spyod sbyin par byed pa'o/ /bsnyen bkur bdag gir byed pa zhes bya ba ni de las bsnyen bkur bdag gir byed cing kun du longs spyod par byed pa'o//gnas gcig tu zhes bya ba ni gnas phal cher g.yogs pa dang bskor ba la sogs pa gcig pa la na smad pa med de/ gnas kyi mtshan nyid ni bzhi ste/ thams cad g.yogs shing thams cad bskor ba dang / thams cad g.yogs shing phal cher bskor ba dang / phal cher g.yogs shing thams cad bskor ba dang / phal cher g.yogs shing phal cher bskor ba'o/ /de la gnas thams cad g.yogs shing thams cad bskor ba ni gnas khang dang / 'khor gyi khyams dang / khang pa brtsegs pa dag ste/steng thams cad g.yogs shing ngos thams cad bskor ba'o/ /thams cad g.yogs shing phal cher bskor ba ni sgo bcu pa dang / sgo bcu gnyis pa dag ste/ steng thams cad g.yogs shing ngos phal cher bskor ba ste/ 'dir phal cher zhes bya ba ni sum cha gcig lus par rig par bya'o//phal cher g.yogs shing thams cad bskor ba ni khyams ngos bzhi pa dag ste/ steng phal cher g.yogs shing ngos thams cad bskor ba ste/ khyams ngos bzhi pa zhes bya ba ni gang la ngos bzhi char dang 'brel pa'i steng g.yogs yod la dbus kyi mthongs khabs med pa'o//phal cher g.yogs shing phal cher bskor ba ni khyams ngos gsum pa dang 'khor gyi khyams dag ste/ steng phal cher g.yogs shing ngos phal cher bskor ba ste/ khyams ngos gsum pa zhes bya ba ni gang la ngos gsum dang 'brel pa'i steng g.yogs yod la ngos gcig gi steng g.yogs dang dbus kyi mthongs khabs med pa'o//gnas bzhi po de dag gis sgo'i ngos dang 'brel pa'i nyen 'khor gnas su 'gyur ba ni de'i khongs su gtogs pa nyid yin no/ /khyer gzhan bar du ma chod pa sgo de dang 'brel pa yang de'i khongs su gtogs pa nyid yin no//nang gcig tu rgyu zhing gnas gzhan med pa ma yin pa nyid la ni g.yogs pa thams cad gcig pa nyid yin no/ /rang gi char gtogs pa'i sgo bcad pa la nyen 'khor tha dad pa yang 'dir gnas gcig pa nyid do//rim khang gzhan la ni skas steng du brtul na gnas gcig pa nyid yin te/ gnas gcig pa de dag la na smad pa med do/ /lhan cig gnyi ga nyal ba'i spyod lam gyis gnyid log pa la na smad pa med do/ /mtshan mo gcig gi skya rengs dang po shar ba'i mthar nyal ba la na smad pa med do//tha na 'dag rdzas tsam yan chad gzhan gyis bsrul ba zhes bya ba ni de dang lhan cig tu 'du 'dzi byed pa ste/ de la yang na smad pa med do/ /'di'i byed pa po ni de skad smra bas spangs pa phyir bcos pa nyid ma byas pa'i dge slong la 'du shes gtso cher byed pa po nyid yin no//'di la yan lag lngas dngos gzhi'i ltung bar 'gyur te/ dge 'dun gyis gnas nas dbyung ba'i las byas pa dang / de'i phyir bcos pa nyid ma byas pa dang / der 'du shes pa dang / nad dang lta ba dang dbral bar gtogs pa'i don gyi dbang ma gtogs pa dang /lung 'bogs pa nas gzhan gyis bsrul ba zhes smos pa'i bar gang yang rung ba byas pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du spangs pa'i rjes su phyogs pa'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /nyal ba ma yin pa'i spyod lam gyis gnyid log pa ni mtha' dang mdun rol gnyi gar nyes byas so/ /nyin mo ni mtshan mo'i las ltung ba tha dad pa nyid ma yin pas nyin mo gang zag spangs pa dang gnas gcig tu nyal ba yang mtha' dang mdun rol gnyi gar nyes byas so//shing ljon pa'i drung dang rtsig pa'i bar dang tshang tshing gi drung dag ni gnas kyi phyed nyid yin pas der nyal ba la nyes byas so/ /gnas kyi nye 'khor yang gnas nyid ma yin pas der nyal ba la yang nyes byas so//skya rengs kyi mdun rol du yang nyes byas so/ /gang zag de skad smra bas spangs pa phyir bcos pa nyid ma byas pa ma yin pa la de yin par 'du shes pa dang yid gnyis za ba la nyes byas so//sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te/ nyes byas phra mo'o/ /ltung ba med pa ni de skad smra bas spangs pa'i phyir bcos pa nyid ma byas pa'i dge slong nad pa dang lta ba dang dbral bar gtogs pa'i don gyi dbang la ltung ba med do//gnas nyen 'khor dang bcas pa nas gnas khang tsam gyi phyi rol na tha dad par gyur cing gnas pa ni de'i khongs su gtogs pa nyid ma yin pas der nyal ba la nyes pa med do/ /las dang po dang / smyos pa dang /sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du spangs pa'i rjes su phyogs pa'i ltung byed du 'gyur pa rnam pa thams cad mi bsten par bslab par bya'o/ /lta pa'i rnam pa la mngon par zhen par mi bya'o//sdig pa 'dod par mi bya'o/ /phyir bcos pa ni snga ma bzhin no/ /spangs pa'i rjes su phyogs pa'i ltung byed de lnga bcu drug pa bshad zin to/ //bsnyil bsdus pa'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' rab na bzhugs so//nye dga' la dge tshul tsher ma dang chen po pa zhes bya ba gnyis shig yod de/ 'dod chags dang bral ba med pa na dge slong rnams de gnyis dang lhan cig gzhogs stegs byed/ 'phyag g.yeng byed/tho 'tshams par byed/ kun du rtsa bar byed/ ca co 'don par byed/ rgod pa dang dregs pa dang lus la rdeg par byed do/ /phyis de dag gis bsdam par bya ba'i ltung ba gang dag yin pa de dag kyang bsdams par byas/ bshags par bya ba'i ltung ba gang dag yin pa de dag kyang bshags par byas te/spro bar byed/ 'bad par byed rtsol bar byed pa dag gis nyon mongs pa thams cad spangs pas dgra bcom pa nyid mngon sum du byas shing rdzu 'phrul yang mngon par bsgrubs so/ /dus gzhan zhig na dge tshul tsher ma dang chen po pa gnyis me tog dag 'thu zhing 'khod na nam mkha' las dge slong dag cig rdzu 'phrul gyis dong ba mthong nas de gnyis kyis smras pa/khyed cag su dag yin/ de dag gis smras pa/ kho bo cag ming 'di zhes bya ba dag yin no/ /de gnyis kyis smras pa/ khyed cag gis kho bo cag gnyis dang lhan cig 'di dang 'di lta bu byas so//de dag gis smras pa/ de lta yin mod kyi 'on kyang kho bo cag gis bsdams par bya ba'i ltung ba gang dag yin pa de dag kyang bsdams par byas/ bshags par bya ba'i ltung ba gang dag yin pa de dag kyang bshags par byas te/spro bar byed/ 'bad par byed/ rtsol bar byed pa dag gis nyon mongs pa thams cad spangs pas dgra bcom pa nyid mngon sum du byas shing / rdzu 'phrul yang mngon par bsgrubs so/ /de na dge tshul tsher ma dang chen po pa gnyis la sdig pa can gyi lta ba'i rnam pa 'di lta bu 'di byung ste/ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag gis shes so zhes zer ro/ /dge slong rab tu mang po dag gis thos nas skabs de bcom ldan 'das la gsol pa dang /bcom ldan 'das kyis bka' stsal pa/ dge slong dag khyed kyis dge tshul tsher ma dang chen po pa dang / gzhan yang de lta bu gang yin pa la gzhi de gtong du gzhug pa'i phyir dang por bzhams te bsgo bar bya'o//de lta na yang mi gtong na gsol ba dang bzhi'i las kyis bsgo bar bya'o/ /de lta na yang mi gtong na gsol ba dang bzhi'i las kyis bsnyil ba'i las bya'o/ /dge slong dag gis de bzhin du byas kyang de dag sdig pa can gyi lta ba'i rnam pa de nyid la nan gyis mchog tu bzung zhing mngon bar zhen nas 'di nyid bden gyi gzhan ni brdzun pa'o zhes rjes su tha snyad 'dogs par byed nas dge slong rnams kyis de gnyis bsnyil ba'i las byas so//de gnyis bsnyil ba'i las byas pa na ngu zhing nyer dga'i gan du song ba dang / nye dgas smras pa/ tsher ma dang chen po pa khyed gnyis ci'i phyir ngu /de gnyis kyis smras pa/ lhung bzed nag po can dag gis bdag cag gnyis bsnyil ba'i las byas so/ /nye dgas smras pa/ gang dag gis khyed gnyis bsnyil ba'i las byas de dag grong dang / grong khyer dang / ljongs dang / khams gsum nas bsnyil bar gyur cig /'on kyang bsnyil ba'i las byas pa dag la grong dang grong khyer dag med dam ci/ sdod la bzod pa gsol cig ces de gnyis nye bar 'jog par byed/ nye bar ston par byed cing de gnyis dang lhan cig gnas gcig tu nyal bar byed nas dge slong don nyung ngu dag ci'i phyir dge slong dag shes bzhin du de ltar bsnyil ba'i dge tshul dag nye bar 'jog par byed/nye bar ston par byed cing de dang lhan cig gnas gcig tu nyal bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ nye dga' la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge tshul zhig kyang 'di skad ces ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/de ltar bcom ldan 'das kyis chos bstan pa bdag gis shes so zhes zer na dge tshul de la dge slong rnams kyis 'di skad ces dge tshul khyod ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/de ltar bcom ldan 'das kyis chos bstan pa bdag gis shes so zhes de skad ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo / /tshe dang ldan pa dge tshul 'dod pas bar du gcod pa de dag ni bar du gcod pa nyid do zhes bcom ldan 'das kyis rnam grangs du mar gsungs te/de dag bsten na bar du gcod par 'gyur gyi/ dge tshul khyod sdig pa can gyi lta ba'i rnam pa 'di lta bu 'di thong shig ces bsgo bar bya'o/ /dge tshul de la dge slong rnams kyis de skad bsgo ba na gal te gzhi de gtong na de lta na legs/ gal te mi gtong na gzhi de gtong bar bya ba'i phyir lan gnyis lan gsum du yang dag par bsgo bar bya/yang dag par bstan par bya'o/ /lan gnyis lan gsum du yang dag par bsgo/ /yang dag par bstan pa na gzhi de gtong na de lta na legs gal te mi gtong na dge tshul de la dge slong rnams kyis deng phyin chad dge tshul khyod bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de la ston pa'o zhes ma zer cig tshangs pa mtshungs par spyod pa mkhas pa bla ma'i gnas lta bu gang yang rung ba'i phyi bzhin du yang ma 'gro shig /dge slong rnams dang dge tshul lhan cig nub gnyis tshun chad gnas gcig tu nyal du dbang ba gang yin pa de yang deng phyin chad khyod la med de/mi gti mug can khyod bsnyil gyi gzhan du song shig ces bsgo bar bya'o/ /yang dge slong gang shes bzhin du de ltar bsnyil ba'i dge tshul nye bar 'jog par byed dam nye bar ston par byed dam de dang lhan cig gnas gcig tu nyal na ltung byed do zhes bca' ba mdzad de/yul ni mnyan yod/ gang zag ni nye dga'/ nyon mongs pa ni sdig pa 'dod pa/ nyes pa ni dge tshul bsnyil ba sdud pa'o/ /de la dge tshul zhig kyang zhes bya ba ni tsher ma dang chen po pa'am/gzhan yang de lta bu gang yin pa'o/ /'di skad ces zhes bya ba ni 'di skad zer na'o/ /ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa zhes bya ba la 'dod pa dag ces bya ba ni 'dod pa'i yon tan lnga po dag go//de dag bsten kyang zhes bya ba ni de dag lhag par spyad kyang ngo / /bar du gcod par mi 'gyur te zhes bya ba ni des dge sbyong gi tshul gyis bar du gcod par mi 'gyur te zhes zer na'o/ /de ltar bcom ldan 'das kyis zhes bya ba ni de bzhin gshegs pa dgra bcom pa yang dag par rdzogs pa'i sangs rgyas rnams kyi'o//chos zhes bya ba ni sangs rgyas kyis gsungs pa 'am nyan thos kyis bshad pa'o/ /bstan pa zhes bya ba ni rab tu bstan pa'o/ /bdag gis shes so zhes zer na zhes bya ba ni bdag gis kun shes so zhes zer na'o//dge tshul de la zhes bya ba ni tsher ma dang chen po pa'am gzhan yang de lta bu gang yin pa la'o/ /dge slong rnams kyis zhes bya ba ni chos 'di pa rnams kyis so/ /'di skad ces zhes bya ba ni bzhams te bsgo bas bsgo bar bya'o/ /dge tshul de la dge slong rnams kyis de skad bsgo ba na zhes bya ba ni bzhams te bsgo ba na'o//gal te gzhi de gtong na zhes bya ba ni lta ba'i rnam pa de yongs su gtong na'o/ /de lta na legs zhes bya ba ni de lta na bzang ba'o/ /de la mi gtong na zhes bya ba ni yongs su mi gtong na'o/ /lan gnyis lan gsum du yang dag par bsgo bar bya/yang dag par bstan par bya'o zhes bya ba ni gsol ba dang bzhi'i las kyis bsgo bar bya ste/ yang dag par bsgo ba dang / yang dag par bstan pa ni sngar bsgo ba las 'gyur ba'i dge 'dun lhag ma bzhi'i skabs su bstan pa bzhin no/ /dge tshul de la zhes bya ba ni tsher ma dang chen po pa'am/gzhan yang de lta bu gang yin pa'o/ /dge slong rnams kyis zhes bya ba ni chos 'di pa rnams kyis so/ /deng phyin chad dge tshul khyod bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de la ston pa'o zhes ma zer cig /tshangs pa mtshungs par spyod pa mkhas pa bla ma'i gnas lta bu gang yang rung ba'i phyi bzhin du yang ma 'gro shig /dge slong rnams dang dge tshul lhan cig nub gnyis tshun chad gnas gcig tu nyal du dbang ba gang yin pa de yang deng phyin chad khyod la med de/mi gti mug can khyod bsnyil gyi gzhan du song shig ces bsgo bar bya'o zhes bya ba ni gsol ba dang bzhi'i las kyis bsnyil bar bsgo bar bya'o/ /yang dge slong gang zhes bya ba ni shAkya'i bu nye dga' 'am gzhan yang de lta bu gang yin pa'o/ /shes bzhin du zhes bya ba ni de rang nyid kyis rig par gyur pa'am gzhan dag gis brjod pas so//de ltar bsnyil ba'i dge tshul zhes bya ba ni tsher ma dang chen po pa ji ltar bar ro/ /nye bar 'jog par byed ces bya ba ni gnas sbyin par byed pa'o/ /nye bar ston par byed ces bya ba ni lhung bzed dang / chos gos dang /dra ba dang / phor bu dang / ska rags dang / lung 'bogs pa dang / bklag pa dang / kha ton dang / dmigs kyis 'dri ba sbyin pas so/ /de dang lhan cig gnas gcig tu nyal na zhes bya ba ni gnas bzhi po thams cad g.yogs shing thams cad bskor ba dang / thams cad g.yogs shing phal cher bskor ba dang /phal cher g.yogs shing thams cad bskor ba dang / phal cher g.yogs shing phal cher bskor ba dag tu nyal bas skya rengs 'char bar byed na'o/ /de la gnas thams cad g.yogs shing thams cad bskor ba ni gnas khang dang 'khor gyi khyams dang khang pa brtsegs pa dag go//thams cad g.yogs shing phal cher bskor ba ni sgo bcu pa dang / sgo bcu gnyis pa dag go/ /phal cher g.yogs shing thams cad bskor ba ni khyams ngos bzhi pa dag go/ /phal cher g.yogs shing phal cher bskor ba ni khyams ngos gsum pa dang 'khor gyi khyams dag go//ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//sngar spangs pa'i rjes su phyogs pa'i ltung byed bstan pa dang 'dir bsnyil ba sdud pa'i ltung byed bstan pa de gnyis spyi'i mtshan nyid ni 'dra'o/ /khyad par du na snga ma ni dge slong ji ltar bcom ldan 'das kyis 'dul bar gtogs pa'i kha na ma tho ba bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur ro zhes sdig pa can gyi lta ba'i rnam pa smra ba la dge 'dun gyis bzhams te bsgo ba dang /gsol ba dang bzhi'i las kyis bzlog pa'i mthar mi gtong ba dang /dge 'dun gyis gsol ba dang bzhi'i las kyis gnas nas dbyung ba dang / smad pa'i las byas pa phyir bcos pa nyid ma byas pa'i dge slong sa gzhan na gnas pa de'i rjes su phyogs pa'i yul la rnam par gzhag go/ /'di ni dge tshul ji ltar bcom ldan 'das kyis 'dod pa'i yon tan lnga po'i khongs su gtogs pa'i 'dod pa bar du gcod pa'i chos su gsungs pa gang dag yin pa de dag bsten kyang bar du gcod par mi 'gyur ro zhes sdig pa can gyi lta ba'i rnam pa smra ba la dge 'dun gyis bzhams te bsgo ba dang /gsol ba dang bzhi'i las kyis bzlog pa'i mthar mi gtong ba dge 'dun gyis gsol ba dang bzhi'i las kyis bsnyil ba'i las byas pa'i phyir bcos pa nyid ma byas pa'i dge tshul sa gzhan na gnas pa de sdud pa'i yul la rnam par gzhag go//de la 'dir dngos gzhi'i ltung ba rnam par gzhag pa ni dge tshul ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/de ltar bcom ldan 'das kyis chos bstan pa bdag gis shes so zhes bya ba la sogs par 'jug pa'i tshig de skad smra bas dge 'dun gyis bsnyil ba'i las byas shing spangs pa phyir bcos pa nyid ma byas pa'i dge tshul la nad pa dang lta ba dang dbral bar gtogs pa'i don gyi dbang ma gtogs par dge slong gis shes bzhin du lung 'bogs pa dang /dmigs kyis 'dri ba dang / gnas 'cha' ba dang / rjes su bstan pa dang / gdams ngag sbyin pa dang / lta ba smra ba dang / zang zing gi longs spyod byed pa dang / bsnyen bkur bdag gir byed pa dang / gnas gcig tu gnyi ga nyal ba'i spyod lam gyis gnyid log pas skya rengs 'char bar byed pa dang tha na 'dag rdzas tsam yan chad gzhan gyis bsrul na yang bsnyil ba sdud pa'i ltung byed kyi dngos gzhir 'gyur ro//'di'i go rims rnam par gzhag pa ni dge tshul sdig pa can gyi lta ba'i rnam par mi gtong bar rtsom par sbyor ba la dang por dge 'dun gyis bzhams te bsgo bas bzlog par bya'o/ /de lta na yang mi gtong na de'i 'og tu dge 'dun gyis gsol ba dang bzhi'i la sa kyis bsgo bas bzlog par bya'o//de lta na yang mi gtong na yang de'i 'og tu dge 'dun gyis gsol ba dang bzhi'i las kyis bsnyil ba'i las bya'o/ /de ltar bsnyil ba'i dge tshul phyir bcos pa ma byas pa nyid la dge slong gis shes bzhin du chos dang zang zing gis bsdus na bsnyil ba sdud pa'i ltung byed kyi dngos gzhir 'gyur bar sbyar ro//de la dge tshul sdig pa can gyi lta ba'i rnam pa mi gtong bar rtsom par sbyor ba la dang por dge 'dun gyis bzhams te bsgo bas bzlog par bya ba ni 'di ltar bya ste/tsher ma dang chen po pa khyed gnyis ji ltar bcom ldan 'das kyis 'dod pa dag ni bar du gcod pa'o zhes gsungs so gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag cag gis shes so zhes de skad ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo / /tsher ma dang / chen po pa 'dod pa bar du gcod pa dag ni bar du gcod pa nyid do zhes bcom ldan 'das kyis rnam grangs du mar gsungs te/de dag bsten na bar du gcod par 'gyur gyi tsher ma dang chen po pa khyed gnyis sdig pa can gyi lta ba'i rnam pa 'di lta bu 'di thong shig ces gsungs pa yin te/ de ni dus dang por bya ba yin no/ /de'i 'og tu dge 'dun gyis gsol ba dang bzhi'i las kyis bsgo bas bzlog pa ni 'di ltar bya ste/gnas mal bsham ba byas nas gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa na dge tshul de thos pa'i nye 'khor nas bkar te/ mthong ba'i nye 'khor du bzhag nas/de'i 'og tu dge slong gcig gis gsol ba byas te las bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dge tshul tsher ma dang / chen po pa 'di gnyis la sdig pa can gyi lta ba'i rnam pa 'di lta bu 'di byung ste/ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag cag gis shes so zhes mchi nas 'di gnyis la dge slong rab tu mang pos bzhams te bsgo na/'di gnyis la bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs na gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge tshul tsher ma dang / chen po pa khyed gnyis ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag cag gis shes so zhes de skad ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo / /tsher ma dang / chen po pa 'dod pa dag ni bar du gcod pa nyid do zhes bcom ldan 'das kyis rnam grangs du mar gsungs te/de dag bsten na bar du gcod par 'gyur gyi/ tsher ma dang chen po pa khyed gnyis sdig pa can gye lta ba'i rnam pa 'di lta bu 'di thong shig ces gsol ba dang bzhi'i las kyis bsgo ba mdzad do//'di ni gsol ba'o/ /de'i 'og tu dge slong gcig gis dge tshul de la khyod la dge 'dun gyis gsol ba dang bzhi'i las mdzad par 'gyur ba las/ gsol ba mdzad lags kyis khyod sdig pa can gyi lta ba'i rnam pa 'di lta bu 'di thong shig ces bsgo bar bya'o de skad ces bsgo ba na gzhi de gtong na de lta na legs/gal te mi gtong na de'i 'og tu las bya'o/ /las ni 'di ltar bya ste/ dge 'dun btsun pa rnams gsan du gsol/ dge tshul tsher ma dang /chen po pa 'di gnyis la sdig pa can gyi lta ba'i rnam pa 'di lta bu 'di byung ste/ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag cag gis shes so zhes mchi nas/ 'di gnyis la dge slong rab tu mang pos bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs nas/de'i slad du dge 'dun gyis dge tshul tsher ma dang / chen po pa la khyed gnyis ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/de ltar bcom ldan 'das kyis chos bstan pa bdag cag gis shes so zhes de skad ma zer cig /bcom ldan 'das la skur pa ma 'debs shig /bcom ldan 'das la skur pas legs par mi 'gyur ro/ /bcom ldan 'das ni de skad mi gsung ngo / /tsher ma dang chen po pa 'dod pa dag ni bar du gcod pa nyid do zhes bcom ldan 'das kyis rnam grangs du mar gsungs te/ de dag bsten na bar du gcod par 'gyur gyi/ tsher ma dang chen po pa khyed gnyis sdig pa can gyi lta ba'i rnam pa 'di lta bu 'di thong shig ces gsol pa dang bzhi'i las kyis bsgo ba mdzad de/ tshe dang ldan pa gang dag dge tshul tsher ma dang / chen po pa la gsol ba dang bzhi'i las kyis bsgo ba mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po'o/ /de'i 'og tu dge slong gcig gis dge tshul de la khyod la dge 'dun gyis gsol ba dang bzhi'i las mdzad par 'gyur ba las/las brjod pa dang po yang mdzad lags kyi khyod sdig pa can gyi lta ba'i rnam pa 'di lta bu 'di thong shig ces bsgo bar bya'o/ /de skad ces bsgo ba na gzhi de gtong na de lta na legs/ gal te mi gtong na de'i 'og tu las brjod pa gnyis pa bya'o/ /las brjod pa gnyis pa byas nas kyang de'i 'og tu dge slong gcig gis dge tshul de la khyod la dge 'dun gyis gsol ba dang bzhi'i las mdzad par 'gyur ba las/las brjod pa gnyis pa yang mdzad lags kyi khyod sdig pa can gyi lta ba'i rnam pa 'di lta bu 'di thong shig ces bsgo bar bya'o//de skad ces bsgo ba na gzhi de gtong na de lta na legs/ gal te mi gtong na de'i 'og tu las brjod pa gsum pa bya'o/ /las brjod pa gsum pa byas nas kyang de'i 'og tu dge slong gcig gis dge tshul de la khyod la dge 'dun gyis gsol ba dang bzhi'i las mdzad par 'gyur ba las/las brjod pa gsum pa yang mdzad lags kyi/ khyod sdig pa can gyi lta ba'i rnam pa 'di lta bu 'di thong shig ces bsgo bar bya'o/ /de skad ces bsgo ba na gzhi de gtong na de lta na legs gal te mi gtong na de'i 'og tu mjug bsdu bar bya ste/ dge 'dun gyis bzod cing gnang nas/dge 'dun gyis dge tshul tsher ma dang / chen po pa la gsol ba dang bzhi'i las kyis bsgo ba mdzad lags te/ 'di ltar cang mi gsung bas de de bzhin du 'dzin to zhes brjod par bya'o/ /de ni dge tshul sdig pa can gyi lta ba'i rnam pa mi gtong ba las bzlog pa'i phyir bsgo ba'i cho ga dang las so//de'i 'og tu dge 'dun gyis gsol ba dang bzhi'i las kyis bsnyil ba'i las ni 'di ltar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa na dge tshul de thos pa'i nye 'khor nas bkar te/mthong ba'i nye 'khor du bzhag nas de'i 'og tu dge slong gcig gis gsol ba dang las bya'o/ /'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dge tshul tsher ma dang chen po pa 'di gnyis la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/ de ltar bcom ldan 'das kyis chos bstan pa bdag cag gis shes so zhes mchi nas/'di gnyis la dge slong rab tu mang pos bzhams te bsgo na/ 'di gnyis la dge slong rab tu mang pos bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs na 'di gnyis la dge 'dun gyis gsol ba dang bzhi'i las kyis bsgo na/'di gnyis la dge 'dun gyis gsol ba dang bzhi'i las kyis bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs na gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis dge tshul tsher ma dang / chen po pa sdig pa can gyi lta ba'i rnam pa mi gtong ba la deng phyin chad dge tshul khyed gnyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de la ston pa'o zhes ma zer cig /tshangs pa mtshungs par spyod pa mkhas pa bla ma'i gnas lta bu gang yang rung ba'i phyi bzhin du yang ma 'gro shig / dge slong rnams dang dge tshul lhan cig nub gnyis tshun chad gnas gcig tu nyal du dbang ba gang yin pa de yang deng phyin chad khyod la med de/ mi gti mug can khyed gnyis bsnyil gyi gzhan du song shig ces bsnyil ba'i phrin las mdzad do/ /'di ni gsol ba'o/ /de'i 'og tu dge slong gcig gis dge tshul de la khyed la dge 'dun gyis gsol ba dang bzhi'i las mdzad par 'gyur ba las gsol ba mdzad lags kyi khyod sdig pa can gyi lta ba'i rnam pa 'di lta bu 'di thong shig ces bsgo bar bya'o//de skad ces bsgo ba na gzhi de gtong na de lta na legs/gal te mi gtong na de'i 'og tu las bya'o/ /las ni 'di ltar bya ste/ dge 'dun btsun pa rnams gsan du gsol/ dge tshul tsher ma dang chen po pa 'di gnyis la sdig pa can gyi lta ba'i rnam pa 'di lta bu 'di byung ste/ ji ltar bcom ldan 'das kyis 'dod pa dag ni bar du gcod pa'o zhes gsungs pa gang dag yin pa de dag bsten kyang bar du gcod par mi 'gyur te/de ltar bcom ldan 'das kyis chos bstan pa bdag cag gis shes so zhes mchi nas/ 'di gnyis la dge slong rab tu mang pos bzhams te bsgo na 'di gnyis la bzhams te bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs nas/'di gnyis la dge 'dun gyis gsol ba dang bzhi'i las kyis bsgo na/ 'di gnyis la dge 'dun gyis gsol ba dang bzhi'i las kyis bsgo yang sdig pa can gyi lta ba'i rnam pa de nyid la nan gyis mchog tu bzung zhing mngon par zhen nas 'di nyid bden gyi gzhan ni brdzun pa'o zhes rjes su tha snyad 'dogs te/de'i slad du dge 'dun gyis dge tshul tsher ma dang / chen po pa sdig pa can gyi lta ba'i rnam pa mi gtong ba la tsher ma dang chen po pa khyed gnyis deng phyin chad bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de la ston pa'o zhes ma zer cig /tshangs pa mtshungs par spyod pa mkhas pa bla ma'i gnas lta bu gang yang rung ba'i phyi bzhin du yang ma 'gro shig /dge slong rnams dang dge tshul lhan cig tu nub gnyis tshun chad gnas gcig tu nyal du dbang ba gang yin pa de yang deng phyin chad khyod la med de/ mi gti mug can khyed gnyis bsnyil gyi gzhan du song shig ces bsnyil ba'i phrin las mdzad na tshe dang ldan pa gang dag dge tshul tsher ma dang chen po pa sdig pa can gyi lta ba'i rnam pa mi gtong ba la bsnyil ba'i phrin las mdzad par bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po'o/ /de'i 'og tu dge slong gcig gis dge tshul de la khyod la dge 'dun gyis gsol ba dang bzhi'i las mdzad par gyur pa las las brjod pa dang po yang mdzad lags kyi khyod kyis sdig pa can gyi lta ba'i rnam pa 'di lta bu 'di thong shig ces bsgo bar bya'o//de skad ces bsgo ba na gzhi de gtong na de lta na legs/gal te mi gtong na de'i 'og tu las brjod pa gnyis pa bya'o/ /las brjod pa gnyis pa byas nas kyang de'i 'og tu dge slong gcig gis dge tshul de la khyod la dge 'dun gyis gsol ba dang bzhi'i las mdzad par gyur pa las/ las brjod pa gnyis pa yang mdzad lags kyi khyod sdig pa can gyi lta ba'i rnam pa 'di lta bu 'di thong shig ces bsgo bar bya'o//de skad bsgo ba na gzhi de gtong na de lta na legs/ gal te mi gtong na de'i 'og tu las brjod pa gsum pa bya'o/ /las brjod pa gsum pa byas nas kyang de'i 'og tu dge slong gcig gis dge tshul de la khyod la dge 'dun gyis gsol ba dang bzhi'i las mdzad par gyur pa las/las brjod pa gsum pa yang mdzad lags kyi khyod sdig pa can gyi lta ba'i rnam pa 'di lta bu 'di thong shig ces bsgo bar bya'o/ /de skad bsgo ba na gzhi de gtong na de lta na legs/gal te mi gtong na de'i 'og tu mjug bsdu ba bya ste/ dge 'dun gyis bzod cing gnang nas dge 'dun gyis dge tshul tsher ma dang chen po pa gsol ba dang bzhi'i las kyis bsnyil ba'i phrin las mdzad lags te/ 'di ltar cang mi gsung bas de de bzhin du 'dzin to zhes brjod par bya'o//de ni dge tshul bsnyil ba'i cho ga dang las so/ /de ltar bsnyil ba'i dge tshul dge 'dun la bzod pa gsol ba dang / dge 'dun gyis bzod par bya bas phyir bcos pa nyid ma byas pa nyid la/ dge slong gis shes bzhin du chos dang zang zing gis bsdus pa la ltung ba 'di rnam par gzhag go//de lta bu'i dge tshul bsnyil ba nad pa dang lta ba dang dbral bar gtogs pa'i don gyi dbang ma gtogs pa la na smad pa med do/ /de la ji zhig rjes su bsgrubs na kha na ma tho ba 'dir 'gyur zhe na/ shes bzhin du lung 'bogs pa dang /dmigs kyis 'dri ba dang / gnas 'cha' ba dang / rjes su bstan pa dang / gdams ngag sbyin pa dang / lta ba smra ba dang / zang zing gi longs spyod byed pa dang / bsnyen bkur bdag gir byed pa dang / gnas gcig tu gnyi ga nyal ba'i spyod lam gyis gnyid log pas skya rengs 'char bar byed pa dang /tha na 'dag rdzas tsam yan chad gzhan gyis bsrul ba yang de dag gang yang rung ba la na smad pa med do/ /dge tshul yang de skad smra bas bsnyil ba'i phyir bcos pa nyid ma byas pa yin la/ ltung ba 'byin pa pos kyang de ltar 'du shes pa dang /yid gnyis za bas lung 'bogs pa la sogs pa byas pa la na smad pa med do/ /de la lung 'bogs pa sbyin pa zhes bya ba ni gtam 'dre bar byed pa'o/ /dmigs kyis 'dri ba sbyin pa zhes bya ba ni phebs par smra ba'o/ /gnas 'cha' ba sbyin pa zhes bya ba ni nye bar 'jog par byed pa'o//rjes su bstan pa sbyin pa zhes bya ba ni thob pa chud mi za ba'o/ /gdams ngag sbyin pa zhes bya ba ni ma thob pa thob par byed pa'o/ /lta ba smra ba zhes bya ba ni de la rang gi lta ba smra zhing ston pa'o/ /zang zing gi longs spyod byed pa zhes bya ba ni lhung bzed la sogs pa zang zing gi longs spyod sbyin par byed pa'o//bsnyen bkur bdag gir byed pa zhes bya ba ni de las bsnyen bkur bdag gir byed cing kun du longs spyod byed pa'o/ /gnas gcig tu zhes bya ba ni gnas phal cher g.yogs pa dang bskor ba la sogs pa gcig la na smad pa med do//gnas kyi mtshan nyid bzhi ste/ thams cad g.yogs shing thams cad bskor ba dang / thams cad g.yogs shing phal cher bskor ba dang / phal cher g.yogs shing thams cad bskor ba dang / phal cher g.yogs shing phal cher bskor ba'o/ / de la gnas thams cad g.yogs shing thams cad bskor ba ni gnas khang dang 'khor gyi khyams dang / khang pa brtsegs pa dag ste/ steng thams cad g.yogs shing ngos thams cad bskor ba'o/ /thams cad g.yogs shing phal cher bskor ba ni sgo bcu pa dang / sgo bcu gnyis pa dag ste/steng thams cad g.yogs shing ngos phal cher bskor ba ste/ 'dir phal cher zhes bya ba ni sum cha cig lus par rig par bya'o/ /phal cher g.yogs shing thams cad bskor ba ni khyams ngos bzhi pa dag ste/ steng phal cher g.yogs shing ngos thams cad bskor ba ste/khyams ngos bzhi pa zhes bya ba ni gang la ngos bzhi char dang 'brel ba'i steng g.yogs yod la/ dbus kyi mthongs khabs med pa'o/ /phal cher g.yogs shing phal cher bskor ba ni khyams ngos gsum pa dang / 'khor gyi khyams dag ste/ steng phal cher g.yogs shing ngos phal cher bskor ba ste/khyams ngos gsum pa zhes bya ba ni gang la ngos gsum dang 'brel ba'i steng g.yogs yod la ngos gcig gi steng g.yogs dang dbus kyi mthongs khabs med pa'o/ /gnas bzhi po de dag gis sgo'i ngos dang 'brel ba'i nye 'khor gnas su gyur pa ni de'i khongs su gtogs pa nyid yin no//khyer gzhan bar du ma chod pa sgo de dang 'brel ba yang de'i khongs su gtogs pa nyid yin no/ /nang gcig tu rgyu zhing gnas gzhan med pa gang yin pa nyid la ni g.yogs pa thams cad gcig pa nyid yin no//rang gi char gtogs pa'i sgo bcad pa la nye 'khor tha dad pa yang 'dir gnas gcig pa nyid do/ /rim khang gzhan la ni skas steng du brtul na gnas gcig pa nyid yin te/ gnas gcig pa de dag la na smad pa med do/ /lhan cig gnyi ga nyal ba'i spyod lam gyis gnyid log pa la na smad pa med do//mtshan mo gcig gi skya rengs dang po shar ba'i mthar nyal ba la ni smad pa med do/ /tha na 'dag rdzas tsam yan chad gzhan gyis bsrul ba zhes bya ba dag ni de dang lhan cig tu 'du 'dzi byed pa ste de la yang na smad pa med do/ /'di'i byed pa po ni de skad smras pas bsnyil ba'i dge tshul phyir bcos pa ma byas pa nyid la 'du shes gtso cher byed pa po nyid yin no//'di la yan lag lngas dngos gzhi'i ltung bar 'gyur te/ de skad smra ba'i dge tshul dge 'dun gyis bsnyil ba'i las byas pa dang / de'i phyir bcos pa nyid ma byas pa dang / dge slong gi der 'du shes pa dang / nad pa dang lta ba dang dbral bar gtogs pa'i don gyi dbang ma gtogs pa dang / de la lung 'bogs pa nas gzhan gyis bsrul ba zhes smos pa'i bar gang yang rung bas bsrul bar bya'o/ / de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du bsnyil ba sdud pa'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//nyal ba ma yin pa'i spyod lam gyis gnyid log pa na mtha' dang mdun rol gnyis kar nyes byas so/ /nyin mo ni mtshan mo las ltung ba tha dad pa nyid yin pas nyin mo dge tshul bsnyil ba dang gnas gcig tu nyal ba la yang mtha' dang mdun rol du gnyi ga nyes byas so//shing ljon pa'i drung dang rtsig pa'i bar dang tshang tshing gi drung dag gnas kyi phyed yin pas der nyal ba la nyes byas so/ /gnas kyi nye 'khor yang gnas nyid ma yin pas der nyal ba la nyes byas so/ /skya rengs kyi mdun rol du yang nyes byas so/ /dge tshul de skad smra bas bsnyil ba phyir bcos pa nyid ma byas pa ma yin par 'du shes pa dang yid gnyis za ba la nyes byas so//sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ /sbyor ba nyes byas kyi sbyor ba'i sbyor ba yang nyes byas te nyes byas phra mo'o//ltung ba med pa ni de skad smra bas bsnyil ba'i phyir bcos pa nyid ma byas pa'i dge tshul nad pa dang lta ba dbral bar gtogs pa'i don gyi dbang la ltung ba med do/ /gnas nye 'khor dang bcas pa nas gnas khang tsam gyi pha rol na tha dad par gyur cing gnas pa ni de'i khongs su gtogs pa nyid ma yin pas der nyal ba la nyes pa med do//las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du bsnyil ba sdud pa'i ltung byed du 'gyur ba rnam pa thams cad mi bsten par bslab par bya'o//lta ba'i rnam pa la mngon par zhen par mi bya'o/ /sdig pa 'dod par mi bya'o/ /dge tshul sdig pa can gyi lta ba la 'jug pa la dge 'dun gyis dang por bzhams te bsgo bas bzlog par bya'o//de lta na yang mi gtong na gsol ba dang bzhi'i las kyis bsgo bas bzlog par bya'o/ /de lta na yang mi gtong na gsol ba dang bzhi'i las kyis bsnyil bar bya'o/ /phyir bcos pa ni snga ma bzhin no/ /bsnyil ba sdud pa'i ltung byed de lnga bcu bdun pa bshad zin to// //kha ma bsgyur ba'i gos gyon pa'i ltung byed kyi gleng gzhi ni sangs rgyas bcom ldan 'das rgyal po'i khab na 'od ma'i tshal ka lan dka'i gnas na bzhugs so/ /ma ga d+hA'i rgyal po bzo sbyangs gzugs can snying pos rgyal po'i khab tu klu'i rgyal po ri bo dang /yid 'ong gnyis kyi rten 'dzugs su bcug ste dus ston byed pa'i tshe lho phyogs nas gar mkhan zhig der 'ongs pas dge slong ma sbom dga' mo las gang gi tshe bcom ldan 'das byang chub sems dpa' dga' ldan gyi gnas na bzhugs pa nas bla na med pa yang dag par rdzogs pa'i byang chub ji ltar mngon par rdzogs par sangs rgyas pa'i bar dag mngon par 'byung ba'i mdo las rgya cher ji skad gsungs pa bzhin thams cad rgyas par mnyan te gar thabs su sbyar nas de'i 'og tu drug sde dag yang zan zos zin cing spangs pas bca' ba dang bza' ba bsod pa rnyed pa'i lhag por byed pa mthong nas de yang smyon thabs su sbyar nas bla re bres te rdza rnga chen po brdungs pa dang /skye bo phal po che'i tshogs der lhags te 'dug cing mthun par gyur ba'i tshe des mngon par 'byung ba'i mdo las rgya cher ji skad gsungs pa dang 'dra bar de ltar bcos pa thams cad gar thabs su rgya cher sbyar te gar byas te de'i 'og tu gar mkhan gcig gis 'char ka'i cha lugs su byas shing gar mkhan gzhan gcig gis 'dun pa'i cha lugs su byas te kham phor thal bas bkang nas steng du bu ram gyi dum bu gnyis sam gsum bzhag ste/'char ka dang 'dun pa lhag por byed pa ltar bcos pa thams cad smyon thabs su rgya cher sbyar te bzhad gad byas pa dang / skye bo phal po che'i tshogs dad pa dang ldan pa dag ni dad pa mngon par 'phel bar gyur cing ma dag pa dag kyang dad par gyur nas gar mkhan des kyang rnyed pa mang po grub par gyur te/ji tsam na mthar gyis drug sde dag gis gar mkhan des bdag cag ltar bcos zhes grag go zhes thos nas de dag gis smras pa/bdag cag gis gar mkhan de mi dga' bar byas/ sring mo dag gi gam du gros byed du 'dong ngo zhes de dag dge slong ma bcu gnyis sde dag gi gam du dong nas smras pa/ sring mo dag bdag cag gis bcom ldan 'das byang chub sems dpa'i spyod pa la 'jug pa na sgra mi snyan zhes bya ba'i gar thabs byas pa gang yin pa de las cung zad ci dran pa 'gro'o zhes de rnams de dag dang lhan cig skyed mos tshal du dong ste 'gro bar brtsams pa dang /ji tsam na cung zad kyang ma brjed nas de dag gis rgyal po'i pho brang nas rgyan dang cha lugs blangs te gar mkhan de dang ha cang thag mi ring bar bla re bres nas/nye dgas mgo ras kyis dkris te rdza rnga chen po brdungs pa dang / gar la lta ba de'i nang nas skye bo phal po che'i tshogs phyir byung ste/ der lhags so/ /gar mkhan de yang der song ba dang ji tsam na lha'i gar thabs lta bu mthong nas des bsams pa dang /'di dag lha dag gar byed pa yin nam/ 'on te klu dag gam/ 'on te gnod sbyin dag gam/ dri za dag gam/ mi'am ci dag gam/ lto 'phye chen po dag gar byed pa yin snyam du rig nas ya mtshan skyes par gyur to//drug sde dag gis kyang gar byas nas cha byad brtul te dong ba dang gar mkhan des bsams pa 'di dag su zhig yin snyam nas de dag gi phyi bzhin phyi bzhin du 'brang zhing song ba dang / ji tsam na de dag 'od ma'i tshal du zhugs nas gar mkhan des sgor bsdad pa dang /ji tsam na 'char ka rnab ba blas bskus bzhin du sgor byung nas gar mkhan des de la smras pa/ 'phags pa gar de khyed kyis bgyis sam/ 'char kas smras pa/ kho bo cag gis khyod de ltar mi dga' bar bya'o/ /bkren pa khyod kho bo cag kho na'i sgyu rtsal gyis nye bar 'tsho la kho bo cag nyid ltar 'chos pas khyod gang dang gang du gar byed pa de dang der kho bo cag 'dong la tho 'tshams par byed do/kho bo cag gi rdza rnga chen po dang cha byad gzhan yang ci yang rung ba bskur mi dgos par 'dod do/ /gar mkhan des smras pa 'phags pa de ni bdag cag gi 'tsho ba lags kyi bzod pa mdzod cig /'char kas smras pa/ gal te khyod kyis rnyed pa ci rnyed pa de dag thams cad kho bo cag la byin na bzod par bya'o/ /des bsams pa/ 'di dag yang dang yang du tho 'tshams par 'gyur gyi sbyin no snyam nas/ des rnyed pa thams cad de dag la byin nas sems khong du chud cing 'dug go/ /ji tsam na de'i chung po grogs po 'ongs nas des de la dris pa grogs po khyod ci'i phyir sems khong du chud cing 'dug /des smras pa/ kho bo chad pas bcad do/ /sus/ shAkya'i bu dge sbyong dag gis so//ci'i phyir/ des skabs de rgyas par brjod pa dang / shAkya'i bu'i dge sbyong rnams kyi dge sbyong gi tshul ni tshig go/ /bram ze'i tshul ni tshig ste/ 'di ltar gar mkhan dag la yang chad pas gcod par byed do zhes smod par byed/ phyar ka gtong bar byed/ kha zer bar byed nas/ dge slong don nyung ngu dag ci'i phyir dge slong dag mi mdzes pa de lta bu byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das 'di snyam du dgongs te/nyes dmigs gang cung zad ci byung ba de ni dge slong dag khyim pa'i gos gyon pa las gyur pa yin pas de'i phyir dge slong gis khyim pa'i gos gyon par mi bya'o snyam du dgongs nas de nas bcom ldan 'das kyis byung ba di dang / gleng gzhi 'di dang /skabs 'di la dge slong gi dge 'dun bsdu ba mdzad de/ drug sde dag la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis gos sar pa zhig rnyed na kha bsgyur ba gsum po sngon po'am/ dmar po'am/ ngur smrig las gang yang rung bar kha bsgyur bar bya'o//gal te dge slong gis gos sar pa kha bsgyur ba gsum po sngon po'am/ dmar bo'am/ ngur smrig las gang yang rung bar kha ma bsgyur bar spyod na ltung byed do zhes bca' ba mdzad de/ yul ni rgyal po'i khab/ gang zag ni drug sde/ nyon mongs pa ni mi bzod pa dang rnyed pa 'dod pa/ nyes pa ni kha ma bsgyur ba'i gos gyon pa'o/ /de la dge slong gis zhes bya ba ni drug sde'am gzhan yang de lta bu gang yin pas so/ /gos zhes bya ba ni bdun po bal gos dang / sha na'i gos dang / zar ma'i gos dang / du gu la'i gos dang /ko tam pa'i gos dang / ras bal gyi gos dang / nyi 'og gi gos las gang yang rung ba'o/ /sar pa zhig ces bya ba ni sar pa gnyis te/ gsar pas sar pa dang / rnyed pas sar pa ste/ don 'dir ni rnyed pas sar pa yin par dgongs so/ /rnyed na zhes bya ba ni gzhan las so//kha bsgyur ba gsum po sngon po'am/ dmar po'am/ ngur smrig las gang yang rung bar zhes bya ba la/ sngon po nyid ces bya ba ni rams nyid do/ /dmar po zhes bya ba ni btsag go/ /ngur smrig ces bya ba ni shing shun no/ /kha bsgyur bar bya'o zhes bya ba ni kha dog ngan par bya'o//gal te dge slong gis gos sar pa kha bsgyur ba gsum po sngon po'am/ dmar po'am/ ngur smrig las gang yang rung bar kha ma bsgyur bar spyod na zhes bya ba ni gyon na'o/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/'dir yang dngos gzhi dang / sbyor ba dang sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gis sar pa'am dus tshigs su gcad pa rnyed pa yang rung ste/gsar du rnyed pas sar pa zhig rnyed na sde pa gzhan las 'ongs pa dang / khyim pas gzhan las brkus pa'i gos rung bar byas zin pa ma gtogs pa rang gi gos dang tha na lhung bzed kyi kha g.yogs dang /lhung bzed kyi snod dang / rkang ba'i 'bob dang / ska rags dag dang bgo ba la sogs pa kha dog chen po brgyad ma gtogs pa sngon po'am/ dmar po'am/ ngur smrig las gang yang rung bar kha ma bsgyur ba la yongs su longs spyod na kha ma bsgyur ba'i gos gyon pa'i ltung byed kyi dngos gzhir 'gyur ro//gos bdun po bal gos dang / sha na'i gos dang / zar ma'i gos dang / du gu la'i gos dang / ko tam pa'i gos dang / ras bal gyi gos dang / nyi 'og gi gos las gang yang rung ba'i rgyu dag las byas pa'i gos sar pa'am/ dus tshigs gsum po dag las gang yang rung ba gcig tu spyad pa rnyings pa yang rung ste/gsar du rnyed pas sar pa la ni na smad pa med do/ /de dag kyang dge slong dang / dge slong ma dang / dge slong ma dang / dge tshul dang / dge tshul ma'i sde pa gzhan las 'ongs pa dang / rgyal po'i phyir rgol ba gzhan dag gis gzhan las brkus pa'i gos rung bar byas zin pa zhig gsar du rnyed na de dag ni yang gzod rung bar bya mi dgos pas de dag ma gtogs pa'i gos gsar du rnyed pas gsar pa gzhan la na smad pa med do//gzhan gyis gos spyod pa la ni kha na ma tho ba na smad par 'gyur bas de'i phyir rang gi gos zhes smos so//tha na zhes bya bas ni chos gos la sogs pa gtso chen po dag lta smos kyang ci dgos zhes bya bar ston to/ /lhung bzed kyi kha g.yogs zhes bya ba ni lhung bzed kyi steng nas g.yogs pa'i rjes so//lhung bzed kyi snod ces bya ba ni lhung bzed gzhug pa'i snod do/ /rkang pa'i 'bob ces bya ba ni rkang pa dkri ba'i rdzas so/ /ska rags dag ces bya ba ni rgya cang dang / lcag pod la sogs pa dag go/ /bgo ba zhes bya ba ni gos kyi rnam pa spyi la snyegs so/ /sogs pa zhes bya ba'i sgras ni bgo ba dag nyi tsher ma zad kyi/sle'u la sogs pa dag kyang bzung ste/ rang gi gos gsar du rnyed pa tha na de dag tsam yan chad la na smad pa med do/ /ji de dag tshon gang yang rung bas kha bsgyur bar bya'am zhe na ma yin te/ de'i phyir kha dog chen po brgyad ma gtogs pa zhes bya ba smras te/kha dog chen po brgyad po li khri dang / thing shing dang / rgya skyegs dang / mtshal dang / gur kum dang / btsod dang / rma shing dang / le brgan rtsis bsgyur ba'i gos bsten par mi bya'o/ /'o na gang gis kha bsgyur zhe na/ de'i phyir sngon po'am/ dmar po'am/ ngur smrig las gang yang rung ba zhes bya ba smras te/ sngon po zhes bya ba ni rnams nyid de/ des ni skye ba'i tshon sngon po kha dog gzhan yang bsdu'o/ /dmar po zhes bya ba ni btsag ste/ des ni sa'i khams na dmar po gzhan yang bsdu'o/ /ngur smrig ces bya ba ni shing shun te/ des ni me tog dang 'bras bu gzhan dag kyang bsdu'o//de dag las gang yang rung ba cig tu kha ma bsgyur ba la yongs su longs spyod pa la na smad pa med do/ /chu tshags ni kha bsgyur bar mi rigs par snang ngo / /'di'i byed pa po ni rang gi gos tha na lhung bzed kyi kha g.yogs la sogs pa rnyed pas sar pa nyid yin no//'di la yan lag lngas dngos gzhi'i ltung bar 'gyur te/ gsar du rnyed pa dang / rang gi dang / gos dang / kha dog chen po brgyad ma gtogs pa sngon po'am/ dmar po'am/ ngur smrig las gang yang rung bar kha ma bsgyur ba dang spyod pa'o//de dag las yan lag ma tshang na ci rigs par na smad do/ /sbyor ba'i ltung ba ni nyes byas te ji srid du kha ma bsgyur ba'i gos gyon pa'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//gos gsar pas sar pa ni dge slong rang gis byar mi rung bas de la nyes byas so/ /gos rung ba ma yin pa la nyes byas so/ /gzhan gyi gos kha dog ma bsgyur ba spyod pa la nyes byas so/ /sbyor ba'i sbyor ba'i ltung ba ni nyes byas phra mo ste/sbyor ba ji snyed pa la sbyor ba'i sbyor ba yang de snyed de sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni gos ma yin pa la ltung ba med do/ /sde pa gzhan las 'ongs pa la ltung ba med do/ /khyim pas gzhan las brkus pa'i gos rung bar byas zin pa la ltung ba med do//chu tshags la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyan pa la ltung ba med do/ /bslab par bya ba ni dge slong gis yul thams cad la gnas skabs thams cad du kha ma bsgyur ba'i gos gyon pa'i ltung byed du 'gyur ba rnam pa thams cad du mi bsten par bslab par bya'o//kha dog chen po brgyad du bsgyur ba'i gos bsten par mi bya'o/ /khyim pa'i gos kha tshar dang phun tshar ma bcad pa bsten par mi bya'o/ /rkyen de lta bu dag yod na gtsug lag khang gi nang du ngur smrig gis g.yogs te bgo ba bsten par bya'o//lam du 'gro bas gos g.yar po rnyed na grogs po dge slong dang dge tshul dang thun mong du spyod par bya'o/ /gos g.yar po gcig pu nyid yin na rgan rabs nas brtsams te ji srid du slebs pa'i steng du g.yogs par bya'o//dmigs kyis ma bsngos par phyir g.yar ba gzhan las bshus nas rang gyon te 'chag tu 'gro bar mi bya'o/ /bsod nams 'dod pas mgron du bos na kha tshar ma bcad pa man chad sar pa la mi rtag pas nyen par 'gyur ba yid la byed pas steng du brdzi bar bya'o//phyir bcos pa ni snga ma bzhin no/ /kha ma bsgyur ba'i gos gyon pa'i ltung byed de lnga bcu brgyad pa bshad zin to// //so sor thar pa'i mdo rgya cher 'grel pa 'dul ba kun las btus pa/ bam po sum cu lnga pa/ longs pa'i gzhir gtogs pa'i ltung byed kyi gleng gzhi ni byung ba dang /bcas pa dang / gnang ba'i dbang gis rnam pa gsum ste/ byung ba'i gleng gzhi ni sangs rgyas bcom ldan 'das rgyal po'i khab na bya rgod kyi phung po'i ri la bzhugs so/ /de nas bcom ldan 'das snga dro sham thabs gsol/ lhung bzed dang chos gos bsnams te/ bya rgod kyi phung po'i ri las babs nas slad bzhin 'brang ba'i dge slong tshe dang ldan pa kun dga' bo dang rgyal po'i khab tu bsod snyoms la gshegs pa dang / bcom ldan 'das kyis bskal pa dang po'i mi rnams kyis gter sbas pa lhas char phab pas phyogs der chu'i 'od pa bab cing de yang 'od lam me 'bar zhing 'dug par gzigs so//gzigs nas kyang tshe dang ldan pa kun dga' bo la bka' stsal pa/ kun dga' bo sbrul dug myur du khyab par byed pa yin no/ /bcom ldan 'das sbrul dug drag po lags so//kun dga' bo sbrul dug myur du khyab par byed pa yin no/ /bde bar gshegs pa sbrul dug drag po lags so/ /de na ha cang thag mi ring ba na mi 'bras bu dang rtsa ba thu ba zhig 'dug pa des de thos pas phyogs der song ste bltas pa dang / gter 'od 'bar ba de mthong nas des bsams pa/shAkya'i bu'i dge sbyong rnams kyi sbrul dug drag po ni mdzes pa dang shin tu bzang po yin te/ 'dis pha ma dang bu dang chung ma dang bran dang bran mo dang las mi dang zho shas 'tsho ba dang mdza' bshes dang / blon po dang nye du dang snag gi gnyen mtshams sdug pa dag zin kyang bla'o snyam nas/gter de lo ma'i chun po dag gis g.yogs te khad kyis rang gi khyim du bskyal ba dang / lus 'phags ma'i bu ma ga d+hA'i rgyal po ma skyes dgras tshor nas gter yang de'u phrogs/ dngos kyang nye du dang bcas pa de'u gsad pa las/ de sangs rgyas la dad pa gsar du rnyed pas bcom ldan 'das kyi bka' la yid ches pas btang ngo //de nas mi de sangs rgyas la mngon par dad nas bcom ldan 'das dge slong gi dge 'dun dang bcas pa rang gi khyim du gdugs tshod la spyan drangs nas bcom ldan 'das kyis chos bstan pas mi de rgyun du zhugs pa'i 'bras bu thob par mdzad do//'di ni byung ba yin te sangs rgyas bcom ldan 'das re zhig 'dul ba la nyan thos rnams kyis bslab pa'i gzhi 'cha' bar ni mi mdzad do/ /sangs rgyas bcom ldan 'das rgyal po'i khab na 'od ma'i tshal ka lan dka'i gnas na bzhugs so//tshe dang ldan pa 'char ka snga dro sham thabs bgos lhung bzed dang chos gos thogs te rgyal po'i khab tu bsod snyoms la zhugs pa dang / ji tsam na des bsod snyoms brgyus nas 'phong gi 'phongs dag mthong nas de der zhugs te lag cha dag blangs nas g.yas 'phongs dang /g.yon 'phongs dang / gom stangs dang / 'dzin stangs dang / zhags pa gdab pa dang / mda' bo che 'phang ba dang / bcad pa dang / dral ba dang / dbug pa dang / rdo rje rtse gcig pa dang / mtshon rtse gcig pa 'phang ba dag kyang byas nas/'phong gi slob dpon dang 'phong slob pa thams cad sun phyung nas 'phong gi yo byad thams cad 'tshong du bcug ste bca' ba'i rin dag blangs te song ngo / /yang 'char kas rol mo'i 'phong sa mthong nas de der zhugs te/ lag cha dag blangs nas drug ldan dang /drang srong ba dang / sa 'dzin pa dang / blo gsal ba dang / 'khor nyan dang / bar ma dang / ke shi ka dag byas nas/ rol mo'i slob dpon dang / rol mo slob pa thams cad sun phyung nas rol mo'i yo byad thams cad 'tshong du bcug ste bca' ba'i rin dag blangs te song ba dang /de dag na re shAkya'i bu'i dge sbyong rnams kyi dge sbyong gi tshul ni tshig go/ /bram ze'i tshul ni tshig ste/ 'di ltar 'phong gi slob dpon dang / rol mo mkhan gyi slob dpon dag kyang chad pas gcod par byed do zhes smod par byed/ phyar ka gtong bar byed/ kha zer bar byed do/ / 'di yang byung ba yin te/ sangs rgyas bcom ldan 'das re zhig 'dul ba la nyan thos rnams kyis bslab pa'i gzhi bca' bar ni mi mdzad do/ /de nas bcom ldan 'das rgyal po'i khab tu ji dgyes par bzhugs nas yangs pa can ga la ba de logs su ljongs rgyu zhing gshegs te mthar gyis yangs pa can du byon nas/yangs pa can du spre'u'i rdzing gi 'gram khang pa brtsegs pa'i khang bzangs na bzhugs so/ /nye dgas snga dro sham thabs bgos/ lhung bzed dang chos gos thogs te yangs pa can du bsod snyoms la zhugs pa dang /lits+tsha bI'i khye'u rab tu mang po dag kyang yangs pa can nas byung ste/ yangs pa can gyi phyi rol du rgyan thams cad phyogs gcig tu bzhag ste rtse bar brtsams so/ /nye dgas de mthong nas gnod sbyin gyi nor yin no zhes rgyan de dag thams cad khyer te song ba dang /yangs pa can gyi lits+tsha bI'i khye'u de dag gis nye dga' la las ni lag pa nas bzung / la las ni rkang pa nas bzung / la las ni chos gos nas bzung ste/ 'phags pa ci'i phyir kho bo cag gi rgyan 'phrog par byed ces zer ro/ /lits+tsha bI chen pos de mthong nas smras pa/khye'u dag ci'i phyir 'phags pa nye dga' la tho 'tshams par byed/ de dag gis smras pa/ 'dis bdag cag gi rgyan dag phrogs so/ /des smras pa/ 'phags pa nye dga' ci'i slad du khye'u dag gi rgyan 'phrog par mdzad/ nye dgas smras pa/kho bos gnod sbyin gyi nor 'di rnyed do/ /des smras pa/ 'di 'dra ba gnod sbyin gyi nor lags te skan/ gzhon nu dag gi rgyan lags kyi ma 'phrog par 'or cig nye dgas de bor te rdul gyis gos pa'i chos gos dag gis gtsug lag khang du song ba dang / dge slong dag gis de la smras pa/btsun pa nye dga' ci'i phyir rdul gyi tshogs kyis gos/ nye dgas smras pa/ lits+tsha bI chen po nad med par gyur cig /kho bos gnod sbyin gyi nor thob pa der 'dor du bcug go/ /'di yang byung ba yin te/ sangs rgyas bcom ldan 'das re zhig 'dul ba la nyan thos rnams kyis bslab pa'i gzhi 'cha' bar ni mi mdzad do//bcas pa'i gleng gzhi ni sangs rgyas bcom ldan 'das yangs pa can na spre'u'i rdzing gi 'gram khang pa brtsegs pa'i khang bzangs na bzhugs so/ /drug sde dag snga dro sham thabs bgos/lhung bzed dang chos gos thogs te/ yangs pa can du bsod snyoms la zhugs so/ /lam gyi bar na yangs pa can gyi lits+tsha bI rnams kyi skyed mos tshal dag yod nas/ de dag de ltar zhugs pa dang / ci tsam na de na yo byad rnam pa sna tshogs dang / khrus kyi chal dang so phag dag dang /ska ba dag dang / phrug spyad dag dang / sa dkar dag dang / skyu ru ra dag dang / mgo bkru ba dag dang / pi wang dang / 'od ma dang / ma ha ri dang / bal la ri dang / su g+ho Sha ka dag bzhag pa mthong nas/ de dag gis glu blang zhing bro brdung bar bya'o zhes de dag gis glu blang zhing bro brdung bar brtsams so//rgyal po zas gtsang gis skyed mos tshal du spyad pa'i rol mo'i sgra gang yin pa de ni lus 'phags ma'i bu ma ga d+hA'i rgyal po ma skyes dgra'i g.yul ngor spyad pa'i rol mo'i sgra yin pas yangs pa can gyi lits+tsha bI dag gis rol mo'i sgra de thos nas de dag sdangs te smras pa/shes ldan dag pha gsod pas ma sbran par dmag drangs te 'ongs so zhes de dag go bgos te phyir dbyung bar brtsams pa dang / drug sde dag gis smras pa/ shes ldan dag de ni kho bo cag gis bzhad gad byas pa yin no//khyed cag de ltar bred ngas sam 'phags pa dag khyed kyis rol mo'i sgra'i yo byad de dag sgra phyung ngam/ kho bo cag gis sgra phyung ngo / /de dag gis smras pa/ 'phags pa dag yangs pa can gyi lits+tsha bI dag sdangs pas khyed la gnod pa byed na mi rung gi slar log shig /de dag phyir log pa dang / dge slong rnams kyis de dag la smras pa/ tshe dang ldan pa dag khyed cag ci ste phyir log /drug sde dag gis smras pa/ tshe dang ldan pa dag nged cag de'u bsad do/ /sus/ yangs pa can gyi lits+tsha bI dag gis so/ /ci'i phyir/ de dag gis skabs de rgyas par brjod pa dang / dge slong don nyung dag ci'i phyir dge slong dag mi mdzes pa de lta bu byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang /gleng gzhi 'di dang / skabs 'di la dge slong gi dge 'dun bsdu ba mdzad de/ drug sde dag la rmas nas dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang rin po che'am rin po cher smos pa rang gis len tam len du 'jug na ltung byed do zhes bca' ba mdzad de/yul ni yangs pa can/ gang zag ni drug sde/ nyon mongs pa ni longs pa'i gzhir gtogs pa/ nyes pa ni rin po cher smos pa dag rang gi lag gis len pa'o/ /gnang ba'i gleng gzhi ni de nas bcom ldan 'das yangs pa can du ci dgyes par bzhugs nas mnyan yod ga la ba de logs su ljongs rgyu zhing gshegs nas mthar gyis mnyan yod du byon nas mnyan yod na shar gyi kun dga' ra ba na ri dwags 'dzin gyi ma'i khang bzangs na bzhugs so//ri dwags 'dzin gyi ma sa gas bcom ldan 'das ko sa la dag tu ljongs rgyu zhing gshegs pa na mnyan yod du byon nas mnyan yod na bdag gi khang bzangs na bzhugs zhes thos so//thos nas kyang rgyan thams cad kyis brgyan te mnyan yod nas byung nas bcom ldan 'das ga la ba der song ngo / /de ngo tsha dang ldan pa yin pas der rgyan bkrol te thum por bcings nas bu mo'i lag tu byin nas/de bcom ldan 'das kyi spyan sngar song nas bcom ldan 'das kyi zhabs gnyis la phyag 'tshal te mtha' gcig tu 'dug go/ /bu mo des rgyan de mtha' gcig tu gzhag ste/ sna ma'i me tog dag thogs te bcom ldan 'das la gtor te mtha' gcig tu 'dug go//bcom ldan 'das kyis de la yun ring du chos bstan nas de nas bcom ldan 'das kyi zhabs la phyag 'tshal te song ba dang / rgyan gyi thum po de nyid du brjed de lus so/ /tshe dang ldan pa kun dga' bos des rgyan de bor te song ba mthong nas bsams pa/'di ltar bcom ldan 'das kyis ma gnang mod kyi 'di nyid rkyen du mdzad de gnang bar 'gyur ba gang yin pa de lta bu'i gnas yod par 'gyur ro snyam nas rgyan de sbed du bcug nas bcom ldan 'das la 'di skad ces gsol to//btsun pa ri dwags 'dzin gyi ma sa ga mos rgyan bskyud de mchis nas bdag gis rgyan de sbed du stsal to/ /bka' stsal pa/ kun dga' bo 'di skad ngas ma gnang yang gnang bar gyur pa gang yin pa de khyod kyis shes pa legs so legs so kun dga' bo de lta bas na kun dga' ra bar gtogs pa na 'dug pa'am gnas khang na 'dug pa ma gtogs so//bud med ni rgyan la nye bar spyod pa yin pas sa gas phyi de nyin par rgyan dran nas bu mo la smras pa/ bu mo rgyan ga re/ jo mo de nyid du bskyud do/ /song la long shig /de'i bu mo dag gis de thos nas ma la smras pa yum mdzod khang du gzhag pa mkhyen nam ci las blangs te mchi bar 'gyur/sa gas bu rnams la smras pa/ bu dag kho mo ni nor chud mi za ba yin no/ /de nas bu mo de tshe dang ldan pa kun dga' bo'i gan du song ste smras pa/ /'phags pa jo mos rgyan bskyud do//tshe dang ldan pa kun dga' bos smras pa 'di na 'dug gi khyer te song shig /bu mo des khyer te song nas sa ga la phul ba dang / sa gas bu rnams la smras pa/ bu dag kho mos kho mo ni nor chud mi za ba yin no zhes ma smras sam zhes rgyan de bu dag la bstan to//gzhan yang sa ga nor chud mi za ba'i rtags su bu dag gis sa ga'i sor gdub rgya khron pa'i nang du stsal te bor bas sa ga'i bu mo chu chun ma'i bum pa'i nang du 'ongs pa dang / yang bu dag gis sor gdub rgya de chu klung gnas can gyi nang du 'phangs pa nya bo che dag gis mid nas nya bo che de nya pa dag gis rgya mos bcus te phyung ba sa ga'i bu mo mngag gzhug mas tshong dus nas nya bo che'i sha de nyos pa'i ltos nas byung ba dang /yang sa ga'i bu rnams kyis sa ga'i nor bu de na ra ba dag gis sre mo lta bu'i rkyal bu bkang ste/ lam po che'i bzhi mdor bor ba skye bo dag gis mthong ba na sbrul dug myur du khyab par byed pa yin no zhes yongs su sngangs te/sa gas phyir rnyed pa'i byung ba'i mtha' dag kyang mang du bstan to/ /dge slong rnams kyis skabs de bcom ldan 'das la gsol pa dang / bcom ldan 'das kyis bka' stsal pa/de bzhin du gya tshom du smra bar mi bya bar de la sre mo lta bu'i rkyal pa ci 'dra ba zhig srang du ba zhig ces dri bar bya'o/ /gal te rtags la bab par smra na sbyin par bya'o/ /gal te rtags la ma bab par smra na sbyin par mi bya'o/ /de dag gis de bor te dong ba na de gzhan dag gis brkus nas bcom ldan 'das kyis bka' stsal pa/de bzhin du bor te 'dong bar mi bya bar 'gro ba'i lam g.yogs su sa'am lo ma'i tshogs dag gis g.yogs par bya'o/ /de dag gis de yal ba kho nar bor nas bcom ldan 'das kyis bka' stsal pa/ der yal bar dor bar mi bya bar zhag bdun nam brgyad du der song ste bsdad par bya'o/ /gal te bdag po 'ongs shing rtags la bab par smra na sbyin par bya'o/ /gal te ma 'ongs na de'i tshe de'i 'og tu dge 'dun gyi mdzod du bcug ste gzhag par bya'o/ /gal te bdag po zla ba drug 'das nas 'ongs shing rtags la bab par smra na sbyin par bya'o//gal te ma 'ongs na de'i 'og tu dngos po brtan por btsongs te gzhag par bya'o/ /gal te de'i tshe bdag po 'ongs par gyur na de la dngos po 'dir btsongs kyi rjes su yi rang bar gyis shig ces brjod par bya'o/ /gal te rjes su yi rang na de lta na legs/gal te rjes su yi rang bar mi byed na sbyin par bya'o/ /gal te skyed slong na kho bo cag gis yongs su bskyangs pa gang yin pa de nyid drin che bar mi sems sam khyer te song shig ces brjod par bya'o/ /de lta bas na kun dga' ra bar gtogs pa na 'dug pa'am/gnas khang du gtogs pa na 'dug pa ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas/ dge slong rnams la de dang mthun pa dang / de'i shas che ba dang /de dang 'tsham pa'i chos dang ldan pa'i bka' mchid mdzad nas/ dge slong rnams la bka' stsal pa/ dge slong dag de lta bas na snga ma ni bcas pa yin la 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang rin po che'am rin po cher smos pa rang gi lag gis len tam len du 'jug na kun dga' ra bar gtogs pa na 'dug pa'am/gnas khang du gtogs pa na 'dug pa ma gtogs te ltung byed do/ /dge slong gis kun dga' ra bar gtogs pa'am/ gnas khang du gtogs pa na rin po che'am rin po cher smos pa 'dug pa la 'di su'i yin pa de lon par 'gyur grang snyam pa de lta bu'i sems kyis blang bar bya ste/de la de ni cho ga yin no zhes gnang ba mdzad de/ yul ni mnyan yod/ gang zag ni tshe dang ldan pa kun dga' bo dang dge slong don nyung ngu dag /nyon mongs pa dang nyes pa ni med do/ /de la yang dge slong gang zhes bya ba ni drug sde'am gzhan yang de lta bu gang yin pa'o/ /rin po che'am zhes bya ba la rin po che zhes bya ba nor bu dang / mu tig dang / baiDU r+ya dang / shang ka shi la dang / byi ru dang / gser dang /dngul dang / rdo'i snying po dang / spug dang / dmar po dang / g.yas su 'khyil pa'o/ /rin po cher smos pa zhes bya ba la/ rin po cher smos pa zhes bya ba ni g.yul ngor spyod pa'i mtshon cha thams cad dang / rol mor spyad pa'i yo byad thams cad do/ /rang gi lag gis zhes bya ba ni lag pas lag par ro//len tam zhes bya ba ni bdag nyid kyis so/ /len du 'jug na zhes bya ba ni gzhan no/ /kun dga' ra bar gtogs pa na 'dug pa'am zhes bya ba ni kun dga' ra ba'i phyi rol na'o/ /gnas khang du gtogs pa na 'dug pa zhes bya ba ni kun dga' ra ba'i nang na'o//ma gtogs te zhes bya ba ni kun dga' ra bar gtogs pa na 'dug pa'am/ gnas khang du gtogs pa na 'dug pa bzhag ste'o/ /ltung byed do zhes bya ba ni snga ma bzhin no/ /dge slong gis zhes bya ba ni chos 'di pas so/ /kun dga' ra bar gtogs pa'am/gnas khang du gtogs pa na rin po che'am rin po cher smos pa 'dug pa la 'di su'i yin pa de len par 'gyur grang snyam pa de lta bu'i sems kyis blang bar bya ste/ de la de ni cho ga yin no zhes bya ba ni bslab pa'i gzhi bca' ba mdzad pa de la de ni gnang ba'i rjes su mthun pa'i chos yin pa'o//de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni dge slong gis rin po che rang gi ma yin pa dang / rin po cher smos pa rang gi yang rung / gzhan gyi yang rung ba la reg gam reg tu bcug na longs pa'i gzhir gtogs pa'i ltung byed kyi dngos gzhir 'gyur ro//de la rin po che zhes bya ba ni nor bu dang / mu tig dang / bai DUR+Ya dang / shang ka shi la dang / byi ru dang / gser dang / dngul dang / rdo'i snying po dang / sbug dang / dmar po dang / g.yas su 'khyil pa la sogs pa'o/ /rang gi ma yin pa zhes smos pa ni gzhan gyi ste/ rang gi la ni spang ba'i ltung byed du bstan pa'i phyir ro//rin po cher smos pa zhes bya ba ni g.yul ngor spyad pa'i mtshon cha thams cad dang / rol mor spyad pa'i yo byad thams cad do/ /g.yul ngor spyad pa'i mtshon cha ni gzhu dang / ral gyi dang / ral gyi khyog po dang / ral gyi so gcig pa dang /mdung dang / 'phang mdung dang / lcags kyo dang / mda' dang / lcags mda' dang / mda' phyed lcags las byas pa la sogs pa'o/ /rol mor spyod pa'i yo byad ni pi wang dang / 'od ma dang / bal la ri dang / ma ha ti dang / su g+ho Shaka dang / dung dang / rnga bo che dang /rnga pa Ta ha dang / rdza rnga la sogs pa'o/ /rang gi yang rung / gzhan gyi yang rung zhes bya ba ni de gnyi ga yang kha na ma tho ba 'di'i byed pa po yin pa'i phyir ro/ /rin po che dang / rin po cher smos pa de dag ji lta bu zhig kha na ma tho ba 'di'i dngos gzhi'i byed pa por 'gyur zhe na/dgos pa'i phyir rung ba nyid du 'gyur ba dag go/ /de la rin po che dgos pa'i phyir rung ba nyid du gyur pa ni bdar ba dang / phug pa nyid de de dag la na smad pa med do/ /mgul rgyan dang / gdu bu rgyan can dang / dpung rgyan dang / do shal dang / se mo do dag ni de nyid du gnas na dgos pa'i phyir rung ba nyid du gyur pa yin te/de dag la na smad pa med do/ /pi wang dang / 'od ma dang / bal la ri dang / ma ha ti dang / su g+ho Shaka rnams ni rgyud dang bcas pa nyid na/ dgos pa'i phyir rung ba nyid du gyur pa yin te/ de dag la na smad pa med do/ /dung dang rnga bo che dang /rnga pa Ta ha dang / rdza rnga rnams ni sgra 'byin pa na dgos pa'i phyir rung ba nyid du gyur pa yin te/ de dag la na smad pa med do/ /gzhu ni rgyud dang bcas pa na dgos pa'i phyir rung ba nyid du gyur pa yin te/ de la ni na smad pa med do/ /ral gyi dang / ral gyi khyog po dang / ral gyi so gcig pa dang /mdung dang / 'phang mdung dang / lcags kyo rnams ni de nyid yin na dgos pa'i phyir rung ba nyid du gyur pa yin te/ de la ni na smad pa med do/ /mda' dang / lcags mda' dang / mda' phyed lcags las byas pa rnams ni mde'u dang bcas pa nyid na dgos pa'i phyir rung ba nyid du gyur pa yin te/de dag la na smad pa med do/ /rin po che las byas pa'i sangs rgyas kyi sku gzugs sku gdung dang bcas pa nyid yin na dgos pa'i phyir rung ba nyid du gyur pa yin te/ de dag la na smad pa med do/ /mchod rten rin po che las byas pa sku gdung dang bcas pa nyid yin na dgos pa'i phyir rung ba nyid du gyur pa yin te/de dag la na smad pa med do/ /sbyor ba gcig pa'i bar du gzhan dang 'brel pa ni char bsdoms te/ de dag la na smad pa med do/ /de dag gtsug lag khang dang de'i nye 'khor na 'dug pa ma yin pa la bdag gir bya ba dang ma 'brel ba rdzas chud mi za bar bya ba'i phyir sems ma gtogs par reg gam reg tu bcug pa la na smad pa med do//'di'i byed pa po ni rin po che rang gi ma yin pa dang / rin po cher smos pa su'i yang rung ba dgos pa'i phyir rung ba nyid du gyur pa dang bdag gir bya ba dang ma 'brel bar rdzas chud mi za bar bya ba'i sems ma gtogs pa'o//'di la yan lag lngas dngos gzhi'i ltung bar 'gyur te/ rin po che rang gi ma yin pa'am/ rin po cher smos pa su'i yang rung ba nyid dang / de dag dgos pa'i phyir rung ba nyid du gyur pa dang / gtsug lag khang dang de'i nye 'khor na 'dug pa ma yin pa nyid dang bdag gi bya ba dang ma 'brel par rdzas chud mi za bar bya ba'i sems ma gtogs pa nyid dang /reg gam reg tu bcug pa nyid do/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ji srid du longs pa'i gzhir gtogs pa'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /rin po che dang / rin po cher smos pa dgos pa'i phyir rung ba nyid du gyur pa ma yin pa la nyes byas so//rin po che las byas pa'i sangs rgyas kyi sku gzugs sku gdung med pa nyid la nyes byas so/ /rin po che ma yin pa las byas pa'i sangs rgyas kyi sku gzugs sku gdung dang bcas pa nyid la nyes byas so/ /mchod rten rin po che las byas pa'am/sku gdung dang bcas pa nyid gang yang rung ba cig ma tshang ba la nyes byas so/ /nyan thos dang / rang sangs rgyas kyi sku gzugs rin po che las byas pa de dag gi sku gdung dang bcas pa'am/ sangs rgyas kyi sku gdung dang bcas pa nyid la nyes byas so/ /sred med kyi bu la sogs pa'i gzugs rin po che las byas pa nyid la ni rdzas tsam las nyes byas so//nor bu mching du dang / sogs ma'i phreng ba dang / chu sbrang dang / rdza rnga kha gcig pa dang / gzhu dang mda' ltar bcos pa nyid la nyes byas so/ /gser gyi stegs bu la nyes byas so/ /sbyor ba'i sbyor ba'i ltung ba ni nyes byas phra mo ste/sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni rin po che dang rin po cher smos pa gtsug lag khang dang gtsug lag khang gi nye 'khor na 'dug pa la bdag gir bya ba dang /ma 'brel bar rdzas chud mi za bar bya ba'i sems kyis reg gam reg tu bcug pa la ltung ba med do/ /rin po che ma yin pa las byas pa'i sangs rgyas kyi sku gzugs sku gdung med pa la ltung ba med do/ /sred med kyi bu la sogs pa'i gzugs rin po che las byas pa ma yin pa de dag gi rus pa dang bcas pa'am sangs rgyas kyi sku gdung dang bcas pa la ltung ba med do//sku gzugs de la ston pa'i 'du shes nye bar gzhag pa la ltung ba med do/ /mi ma yin pa'i gnas na gal te de dag gi bsod nams kyis byung ba rin po che'i rang bzhin gyis gzhi dang them skas la sogs pa la ltung ba med do//mi ma yin pa'i gnas sam gnas gzhan du zan gyi phyir snod gzhan med na rin po che las byas pa'i snod la ltung ba med do/ /de dag tu 'dug pa'i phyir rin po che las byas pa'i gnas mal la ltung ba med do/ /khyim pa dang dge tshul med na sangs rgyas kyi sku gzugs la ston pa'i 'du shes nye bar gzhag pa rnams kyis chos dang ldan pa'i don gyi dbang nyid kyis reg pa la ltung ba med do//de'i rdzas la yang de bzhin du ltung ba med do/ /chu brtag pa'i ched dang / rma dang / gnyer ma dang / skra dkar lta ba dang / snga phyi'i mtshan ma gzung ba'i phyir me long dang chu yan chad kyis bzhin lta ba la ltung ba med do//las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du longs pa'i gzhir gtogs pa'i ltung byed du 'gyur ba rnam pa thams cad du mi bsten par bslab par bya'o//rin po che dang rin po cher smos pa gtsug lag khang dang gtsug lag khang gi nye 'khor na 'dug pa yal bar mi 'dor ro/ /de zhag bdun nam brgyad du bsdu bskyog bya'o/ /de bya ba ni 'gro ba'i lam g.yogs su sa'am lo ma'i tshogs dag gis g.yogs par bya'o/ / bdag po rtags thams cad la ma bab par kho bo yin no zhes zer ba la sbyin par mi bya'o/ /zhag bdun nam brgyad kyi bar du bdag po 'ongs bar ma gyur na de'i 'og tu dge 'dun gyi mdzod du gzhug par bya'o/ /dge 'dun gyi mdzod du ni zla ba drug gi mtha' tshun chad du bcang bar bya'o/ /zla ba drug gi 'og tu bdag po ma 'ongs na sangs rgyas sam dge 'dun gyi ris gang nas rnyed pa der spyad du rung ngo //rdzas de sangs rgyas dang dge 'dun la rung ba nyid ma yin pa des rung ba brtan po nyo bar bya'o/ /gal te des rung ba brtan po nyos pa de'i tshe bdag po 'ongs par gyur na rjes su gnang ba gsol te mi ster na sbyin par bya'o//gal te skyed slong na kho bo cag gis yongs su bskyangs pa gang yin pa de nyid drin che bar mi sems sam zhes brjod par bya'o/ /rkun po la sogs pas 'jigs par gyur na je dang po rang gi rdzas sbas nas sam khyer nas 'gro bar bya'o/ /de'i 'og tu nus na dge 'dun gyi dang mchod rten gyi dbyig dang /gser la sogs pa sngags nas sam khyer te 'gro bar bya'o/ /de dag sba ba'am bskur ba ni khyim pa dad pa can nam dge tshul gyis bya'o/ /de dag med na rang gis bya'o/ /sba ba'am bskur ba des sa brko dgos na yang khyim pa dad pa can nam dge tshul gyis bya'o/ /de dag med na rang gis bya'o//'jigs pa dang bral na rdzas sbas pa dang khyer ba de phyir sbyin par bya'o/ /rdzas sba ba dang bskur ba de sa'i 'og nas bru dgos na yang khyim pa dad pa can nam dge tshul gyis bya'o/ /de dag med na rang gis bya'o/ /rgas pa dang na ba dag las gzhan pas glang po che la sogs pa'i bzhon pas 'gro bar mi bya'o//de dag gis chos dang ldan pa'i don gyi dbang nyid kyis bzhon pas 'gro bar bya'o/ /bzhon pa de la cha sgeg dang ldan pa nyid kyis bzhon par mi bya'o/ /chos nyan du gzhug pa'i phyir rin po che las byas pa'i seng ge'i khri la mi rtag pas nyen par 'gyur ba'i yid la byed pas 'dug par bya'o//khyim pa'i khyim du khyim pas gshegs pa na gser dang dngul gyis spras pa dril bu g.yer khas gshibs pa'i gos dag la khyim pa'i yin no snyam du 'du shes bskyed nas 'dug par bya'o/ /chos nyan du gzhug pa'i phyir seng ge'i khri la nor bus spras ba gser dang dngul gyis brgyan pa dag la yang mi rtag pas nyen par 'gyur ba'i yid la byed pas 'dug par bya'o//seng ge'i khri la gos rnam pa de lta bu bshams pa de dag drubs par bya'o/ /rgyan gdags pa bsten par mi bya'o/ /rgya bcang bar bya'o/ /rgya ni ro nye 'am/ zangs sam ra gan nam 'khar ba'am/ rgya skyegs kyi tshigs ma'am shing ngam rdo'am sa'am ba so'am rwa las byas pa bcang ngo //rgyal rtags ni dge 'dun gyi rgyal ni dbus su 'khor lo/ /ngos gnyis su ri dwags/ 'og tu gtsug lag khang gi bdag po'i ming bri/ gang zag gi rgyal ni rus ba'i keng rus sam mgo'i thod pa bri bar bya'o/ /so mangs dang smyig shad la sogs pas skra bshad par mi bya'o//me long dang chu yan chad kyis kyang bzhin blta bar mi bya'o/ /'phral ris gsum bsten par mi bya'o/ /gi wang gi bsku ba bsten par mi bya'o/ /gso ba'i ched ma gtogs par dri dag gis bsku bar mi bya'o/ /bsod nams 'dod pas rkang pa gnyis la lus bsku ba'i dris skud pa bsten par mi bya'o//de blangs nas sbyin bdag de nyid kyi mdun du dor bar mi bya'o/ /gso ba'i ched du dri de dag gis bskus pa dag dge 'dun gyi nang du 'du bar mi bya'o/ /des khyim pa dag la chos bsten par mi bya'o/ /de khyim dag tu 'gro bar mi bya'o//de nad sos nas mjug tu khrus bya'o/ /sbyin bdag gis byin pa'i dri de dag blang bar bya'o/ /phreng ba rgyu dag kyang blang bar bya'o/ /phreng ba rgyu de dag mchod rten la dbul bar bya'o/ /nyan thos kyi mchod rten dag la yang dbul du rung ngo / /phreng ba rgyu de dag la dbul bar sbyin bdag ma dad na rang gi mgo logs sam rkang pa logs su gzhag go//de yang sgo'i byang tad ma yin par gzhag go/ /de rtsig ngos la khab bam tsher ma btsugs pa la 'phyang bar bya'o/ /mig la phan pa'i dri zhim po dus dus su bsnam par bya'o/ /bram ze'i srad bu thogs pa bsten par mi bya'o/ /sngags skud thogs pa yang bsten par mi bya'o//gso ba'i phyir ni sngags skud dpung pa g.yon par gdags so/ /sos nas gar bab bab du mi dor ro/ /gal te nad kyi lhag ma dang bcas par gyur na chos gos kyi tha ma'am ska rags la gdags so/ /gal te nad kyi lhag ma dang bcas par ma gyur na de ka ba'am rtsig pa'i gseb tu gzhug go//gar dang glu dang rol mo kun du spyad par mi bya'o/ /de dag bslab par mi bya'o/ /bzlas par mi bya'o/ /lta ba'i phyir 'gro bar mi bya'o/ /dge slong ma kun du gar byed du mi gzhug go/ /ston pa'i yon tan yang dag par bsgrags pa dang / rgyud chags gsum pa gdon pa la dbyangs kyis nga ro bya'o//de dag dben pa'i phyogs su bslab par bya'o/ /mtho btsams pa dang kun du gtse ba dang kun du ca co 'don pa dang rgod pa dang dregs pa dang lus la brdeg pa dag mi bya'o/ /rgod pa'i bsam pas lus dang ngag gi rnam par 'gyur bar mi bya'o/ /snod brgyus pas zas kyi bya ba mi bya'o//me tog rna rgyan brgyu bar mi bya'o/ /de gdags par mi bya'o/ /rol mo mkhan rang gi ched du bya dga' sbyin par mi bya'o/ /mi rings par brgyug par mi bya'o/ /myur bar dang mchong bar mi bya'o/ /brla dang lag pa dang nya ltar skor ba bskor bar mi bya'o/ /chur gseg ma gdab par mi bya'o//chur rdza rnga kha gcig pa dang / rnga bo che ltar brdung bar mi bya'o/ /rdza ba la byil mo nyug par mi bya'o/ /glang po che'i skad dang / rta'i skad dang / khyu mchog gi skad dang / rma bya'i skad dang / khu byug gi skad mi bya'o/ /khas dung dang sil khrol dang rnga bo che'i skad mi bya'o/ /phyir bcos ba ni snga ma bzhin no//longs pa'i gzhir gtogs pa'i ltung byed de lnga bcu rtsa dgu pa bshad zin to// //khrus byed pa'i ltung byed kyi gleng gzhi ni bcas pa dang / gnang ba'i dbang gis rnam pa gnyis te/ bcas pa'i gleng gzhi ni sangs rgyas bcom ldan 'das rgyal po'i khab na 'od ma'i tshal ka lan dka'i gnas na bzhugs so//rgyal po'i khab na chu dron gsum yod pa gcig tu ma ga d+hA'i rgyal po bzo sbyangs gzugs can snying pos khrus byed/ gnyis par ni btsun mo'i 'khor khrus byed/ gsum par ni grong rdal gyi mi dang yul mi dag khrus byed do/ /ma ga d+hA'i rgyal po bzo sbyangs gzugs can snying pos bsams pa/'di ltar bdag gis bcom ldan 'das nyan thos kyi dge 'dun dang bcas pa rnam pa du ma'i sgo nas yo byad thams cad kyis bstabs na khrus kyis ma bstabs pas de yang bstabs par bya'o snyam du rig nas bcom ldan 'das la gsol ba btsun pa rgyal po'i khab 'di na chab dron gsum mchis pa gang du bdag khrus bgyid ba der 'phags pa dag kyang byed cing /gang du mchis brang gi 'khor khrus bgyid pa der 'phags ma dag khrus mdzad par gsol/ drug sde dag la blo skyes ba dga' bo nye dga' ma ga d+hA'i rgyal po bzo sbyangs gzugs can snying po dad pa dang ldan pa ni yin na dad pa ci lta bu dang ldan pa bltas khrus byed du 'dong ngo zhes de dag der khrus byed du dong nas de dag gis smras pa/dga' bo nye dga' gal te bdag cag thams cad cig car khrus byas na myur du zin par 'gyur gyi gnyis kyis khrus bya zhing bzhis grogs bya'o//de'i 'og tu yang gnyis kyis khrus bya zhing bzhis grogs bya'o/ /de ltar bya'o zhes de dag las gnyis kyis khrus bya bar brtsams te bzhis grogs byed cing 'dug go/ /de'i tshe ma ga d+hA'i rgyal po bzo sbyongs gzugs can snying po yang der khrus byed du 'phags nas der mi gsang la gtogs pa zhig da lta sus khrus byed par rtog tu btang ba dang /des drug sde dag khrus byed par mthong nas rgyal pos der khri'u btsugs nas bsdad do/ /ci tsam na yun ring zhig lon nas yang de bzhin du rtog tu btang na yang de bzhin nas rgyal pos smras pa/shes ldan dag 'o na ni yun ring po ring por nga la tho 'tshams par byed kyi chu 'on cig dang dbang bskur ba'i khrus kyis khrus bya'o de dag gis chu blangs nas rgyal pos de nyid du dbang bskur ba'i khrus kyis khrus byas nas bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te/chos nyan pa ma mnyan pa kho nar bcom ldan 'das kyi spyan snga nas song ngo / /de nas bcom ldan 'das kyis tshe dang ldan pa kun dga' bo la bka' stsal ba dang /de nas rgyal po gzugs can snying po drug sde dag gis tho btsams pa'i skabs de rgyas par gsol to/ /de nas bcom ldan 'das 'di snyam du dgongs te nyes dmigs gang cung zad ci byung ba 'di ni dge slong dag khrus byed pa las gyur pas de'i phyir dge slong rnams kyis khrus mi bya'o snyam du dgongs nas/de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de drug sde dag la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ bcom ldan 'das kyis zla ba phyed phyed cing khrus byed par gsungs pa de las 'dum par byed na ltung byed do zhes bca' ba mdzad de yul ni rgyal po'i khab/gang zag ni drug sde/ nyon mongs pa ni tho 'tshams pa/ nyes pa ni rgyal po'i chus khrus byed pa'o/ /gnang ba'i gleng gzhi ni sangs rgyas bcom ldan 'das rgyal po'i khab na 'od ma'i tshal ka lan dka'i gnas na bzhugs so//bcom ldan 'das kyis dge slong rnams kyis khrus mi bya'o zhes bka' stsal nas dge slong dag phyin chad khrus mi byed pas de dag dri ma'i rdzab kyis gos pa'i lus dring bar gyur nas bram ze dang khyim bdag dag gis smras pa/'phags pa dag dri nga ba 'di su lags/ dge slong rnams kyis smras pa/ kho bo cag go/ /'phags pa dag ci'i slad du khrus mi mdzad/ bcom ldan 'das kyis ma gnang ngo / /ci khyed cag dri ma'i rdzab 'chang bas dag par 'gyur ram zhes zer ba'i skabs de dge slong rnams kyis bcom ldan 'das la gsol ba dang /bcom ldan 'das kyis bka' stsal pa/ de lta bas na zla ba phyed phyed cing khrus bya bar gnang ngo / /bcom ldan 'das kyis zla ba phyed phyed cing khrus bya'o zhes bka' stsal nas/ so ga'i dus la bab pa dang / dge slong dag tshabs snyom nas de dag skya bo bseng bseng por gyur cing rid pa dang /nyam chung ba dang / rke ba dang / lus ma thob par gyur nas bram ze dang khyim bdag dad pa can dag gis smras pa/ 'phags pa dag ci'i slad du khyed 'di ltar gyur/ dge slong rnams kyis smras pa/ tsha bas snyom mo/ ci'i slad du khrus mi mdzad/ bcom ldan 'das kyis ma gnang ngo zhes zer ba'i skabs de dge slong rnams kyis bcom ldan 'das la gsol ba dang /bcom ldan 'das kyis bka' stsal pa/de lta bas na tsha ba'i dus ma gtogs so/ /dge slong dag na bar gyur nas de dag sman pa'i gnas su song ste dris pa dang / bzhin bzang kho bo cag na na sman ston cig /des smras pa/ 'phags pa dag gdugs re re zhing khrus sten cig dang des sos par 'gyur ro/ /bzhin bzangs bcom ldan 'das kyis ma gnang ngo / /'phags pa dang khyed kyi ston pa thugs rje dang ldan pas de nyid rkyen du mdzad nas gnang bar 'gyur ba gang lags pa de lta bu'i gnas mchis par 'gyur ro zhes zer ba'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal ba/ de lta bas na na ba'i dus ma gtogs so/ /dge slong dag gis dge 'dun dang mchod rten gyi las dag byas nas de dag 'jim rdzab kyis gos shing 'bags bzhin du 'khod nas bram ze dang khyim bdag dad pa can dag 'ongs te dris pa 'phags pa dag ci'i slad du khyed cag 'di ltar 'khod/khrus mdzad na ci nongs/ bcom ldan 'das kyis ma gnang ngo zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal ba/ de lta bas na las kyi dus ma gtogs so//dge slong dag lam du song zhing 'ongs par gyur pa na de dag lus ngal bas glos phab ste nyal ba na bram ze dang khyim bdag dad pa can dag 'ongs te dris pa/ 'phags pa dag bstan pa la gcig tu brtsal bar bgyi ba lags na/ ci'i slad du glos phab ste gzims shing dge ba'i phyogs la tron mi mdzad/dge slong rnams kyis smras pa/ kho bo cag lam du song zhing 'ongs pas tsha bas snyom nas glos phab ste nyal zhing dge ba'i phyogs la tron byed mi nus par gyur to/ /khrus mdzad na ci nongs/ bcom ldan 'das kyis ma gnang ngo zhes zer ba'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ de lta bas na lam gyi dus ma gtogs so/ /rlung byung nas dge slong dag rdul gyis rdul can du gyur nas de dag de kho na bzhin du 'khod pa na/ bram ze dang bdag dad pa can dag 'ongs te dris pa/ 'phags pa dag ci'i slad du rdul gyis gos shing bzhugs/khrus mdzad na ci nongs/ bcom ldan 'das kyis ma gnang ngo zhes zer ba'i skabs de dge slong rnams kyis bcom ldan 'das la gsol pa dang /bcom ldan 'das kyis bka' sprul pa/ de lta bas na rlung gi dus ma gtogs so / /char bab nas dge slong dag mngon par ldar nas de dag de kho na bzhin du 'khod pa dang bram ze dang khyim bdag dad pa can dag 'ongs te dris pa/'phags pa dag ci'i slad du char gyis mngon par ltar zhing bzhugs/ khrus mdzad na ci nongs/ bcom ldan 'das kyis ma gnang ngo zhes zer ba'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ de lta bas na char gyi dus ma gtogs so/ /rdzi char byung nas dge slong dag lus khra bor gyur nas de kho na bzhin du 'khod pa dang bram ze dang khyim bdag dad pa can dag 'ongs te dris pa/ 'phags pa dag ci'i slad du lus khra bor gyur cing bzhugs/khrus mdzad na ci nongs/ bcom ldan 'das kyis ma gnang ngo zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na rdzi char gyi dus ma gtogs so/ /de nas bcom ldan 'das kyis bslab pa 'dod pa dang /bslab pa la gus pa dang bslab pa la yo byad bsnyungs pa'i bsngags pa brjod nas dge slong rnams la de dang mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ bcom ldan 'das kyis zla ba phyed phyed cing khrus bya bar gsungs pa de las 'dums par byed na dus ma gtogs te ltung byed do/ /de la dus ni 'di yin te/so ga rnams kyi zla ba lhag ma phyed dang gnyis dang / dbyar rnams kyi dang po dang zla ba phyed dang gsum pa 'di dag ni tsha ba'i dus so/ /lhag ma ni na ba'i dus so/ /las dus so/ /lam dus so/ /rlung dus so/ /char dus so/ /rdzi char dus so/ /de la de ni dus yin no zhes gnang ba mdzad de/yul ni rgyal po'i khab/ gang zag ni dge slong don nyung ngu dag /nyon mongs pa dang nyes pa ni med do/ /de la bcom ldan 'das kyis zhes bya ba ni de bzhin gshegs pa dgra bcom pa yang dag par rdzogs pa'i sangs rgyas kyis so ga zla ba phyed phyed cing khrus bya bar gsungs pa zhes bya ba ni zla ba ngo phyed phyed cing ngo //de las 'dums par byed na zhes bya ba ni zla ba phyed las 'dums par byed na'o/ /dus ma gtogs te zhes bya ba ni dus gzhag ste'o/ /ltung byed do zhes bya ba ni snga ma bzhin no/ /de la dus ni 'di yin te/ so ga rnams kyi zla ba lhag ma phyed dang gnyis dang / dbyar rnams kyi dang po dang zla ba phyed dang gsum po 'di dag ni tsha ba'i dus zhes bya ba la/so ga rnams kyi zla ba lhag ma phyed dang gnyis zhes bya ba ni zla ba phyed dang gnyis ni dbyar nye bar bsgrub par 'byung bar 'gyur ba ste/ dbyar zla ra ba tshes nas dbyar zla 'bring po nya'i bar gyi zla ba phyed dang gnyis so/ /dbyar rnams kyi dang po zhes bya ba ni gnas par khas blangs pa rnams kyi dang po zla ba gcig ste/dbyar zla 'bring po'i tshes bcu drug nas dbyar zla tha chungs nya'i bar gyi zla ba gcig go/ /zla ba phyed dang gsum po 'di dag ni tsha ba'i dus so zhes bya ba ni de ltar dbyar zla ra ba tshes nas dbyar zla 'bring po nya'i bar gyi zla ba phyed dang gnyis dang /dbyar zla 'bring po tshes bcu drug nas dbyar zla tha chungs nya'i bar gyi zla ba gcig po de rnams spyir bsdoms pa la zla ba phyed dang gsum yod pa de dag ni tsha ba'i dus yin pas de dag tu zla ba phyed las 'dums par khrus byed pa la ltung ba med do/ /lhag ma ni na ba dus so zhes bya ba ni 'di lta ste dge slong na ba khrus ma byas par 'tsho bar mi nus na'o//las dus so zhes bya ba ni 'di lta ste dge slong gi dge 'dun gyi'am mchod rten las tha na phyag dar re lde tsam mam/ byug pa ba ma la tsam zhig byas na'o/ /lam dus so zhes bya ba ni 'di lta ste dge slong dpag tshad gcig tu song ba'am dpag tshad phyed du song ste phyir 'ongs na'o//rlung dus so zhes bya ba ni 'di lta ste tha na rlung gis gos kyi grwa bskul bar gyur na'o/ /char dus so zhes bya ba ni 'di lta ste tha na lus la char gyi thigs pa gnyis sam gsum bab par gyur na'o/ /rdzi char dus te zhes bya ba ni 'di lta ste tha na rdzi bas gos kyi mtha' bsgul bar gyur cing lus la char pa'i thigs pa gnyis sam gsum bab par gyur na'o//de la de ni dus yin no zhes bya ba ni bslab pa'i gzhi bca' ba mdzad pa de la de ni gnang ba'i rjes su mthun pa'i chos yin pa'o/ /de la ltung ba ji ltar 'gyur zhe na/ 'dir yang dngos gzhi dang /sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong na ba ma yin pa dang / las ma byas pa dang /lam du ma zhugs pa dang rlung gis gos kyi grwa ma bsgul ba dang char thigs pa gnyis kyis lus nyid la ma phog pa dang / rdzi char gyis kyang de ltar ma gyur pa dang / yul a mra pa ran+tan gnas pa ma gtogs pas dbyar zla ra ba tshes nas dbyar zla tha chungs nya'i bar gyi zla ba phyed dang gsum las gzhan pa'i dus su nyi ma gang la khrus byas pa'i nyi ma de nyid nas zhag bco lnga'i mdun rol du don gzhan la gzhol bas chu nyams su myong ba dang de'i phyir ma bsams par rgal ba dang /brgyal ba la gdab pa dag ma gtogs par chu ma yin pa 'bru mar dang mar dang phrum khu dang 'o ma la sogs pa ma yin pa chu nyid kyis dbang bskur bas sam 'jug pas khrus lte bar son pa byed na khrus byed pa'i ltung byed kyi dngos gzhir 'gyur ro//so ga rnams kyi zla ba lhag ma phyed dang gnyis dang dbyar rnams kyi dang po zla ba gcig gi tsha ba'i dus dang na ba dang las byas pa dang lam du zhugs pa dang rlung gis gos kyi grwa bsgul ba dang /char thigs pa gnyis kyis lus nyid la phog pa dang / rdzi char gyis de ltar gyur pa dang / yul a mra pa ran+tan gnas pa dang / don gzhan las gzhol bas chu nyams su myong ba dang /de'i phyir ma bsams par rgal ba dang ba rgyal ba la gdab pa dag ma gtogs pa'i dus rnams lan smad pa med do/ /chu ma yin pa 'bru mar dang zhun mar dang phrum khu dang 'o ma la sogs pa ma yin pa chu nyid la na smad pa med do/ /mgo nas dbang bskur bas lte bar son pa dang /rkang gis 'jug pas lte bar son pa dang / g.yas g.yon nas lte bar son pa la na smad pa med do/ /mdo las bcom ldan 'das kyis zla ba phyed phyed cing khrus bya bar gsungs pa de las 'dums par byed na dus ma gtogs te ltung byed do/ /de la dus ni 'di yin te/so ga rnams kyi zla ba lhag ma phyed dang gnyis dang / dbyar rnams kyi dang po dang zla ba phyed dang gsum po 'di dag ni tsha ba'i dus so zhes gsungs pa de la ci zhig rjes su bsgrub na khrus byed pa'i ltung byed du 'gyur zhe na/ de'i phyir 'dul ba'i mdo las gzhan gyi dus su khrus kyi nyin mo ma yin pa zhag bco lnga'i mdun rol du khrus byas na'o zhes bshad de/gzhan gyi dus su zhes bya ba ni so ga rnams kyi zla ba lhag ma phyed dang gnyis dang dbyar rnams kyi dang po zla ba gcig ste zla ba phyed dang gsum bstan pa gang yin pa de las gzhan gyi dus so/ /khrus kyi nyin mo ma yin pa zhag bco lnga'i mdun rol du zhes bya ba ni bcom ldan 'das kyis zla ba phyed phyed cing khrus gyis shig ces bka' stsal pa las gang gi nyin mo khrus byas par gyur pa nas brtsams te zhag bcu bzhi tshun chad kyi bar du khrus byar mi rung bas de ni khrus kyi nyin mo ma yin pa yang yin la zhag bco lnga'i mdun rol yang yin pas der ro//khrus byed na'o zhes bya ba ni dus der khrus byed na ltung byed do zhes bya ba'i tha tshig ste de la na smad pa med do/ /bcom ldan 'das kyis zla ba phyed phyed cing khrus gyis shig ces gsungs pa yang gang gi nyin mo khrus byed par gyur pa de nyid kyi nyin mo yang khrus gzhan mi bya ste/nyi ma de nyid kyang nyi ma gcig tu brtsi zhing de nas brtsams te zhag bco lnga'i mdun rol zhag bcu bzhi pa tshun chad du khrus byed na ltung byed du gsungs pa yin te/ de ltar brtsis nas bcom ldan 'das kyis zla ba phyed phyed cing khrus gyis shig ces gsungs pa gang yin pa de dang mthun par 'gyur gyi/gal te gang gi nyin mo khrus byas par gyur pa de'i phyir de'i nyin par gyi nyi ma gang yin pa de nas bgrang bar rtsom na ni de'i tshe nyi ma bcu drug pa la khrus byas par 'gyur te/ bco lnga pa la khrus bya'o zhes gsungs pa dang 'gal bar 'gyur bas de'i phyir gang gi nyin mo dge slong khrus byed pa na khrus zin pa nas brtsams te de de nyid kyi nyin mo yang khrus gzhan mi bya ba yin pas nyi ma de nyid gtogs par de phyin chad nyi ma bco lnga ni khrus kyi nyin mo ma yin pa zhes bya ste de dag tu khrus byed na ltung byed du 'gyur bas de dag la na smad pa med do//mdo las lhag ma ni na ba dus so/ /las dus so/ /lam dus so/ /rlung dus so/ /char dus so/ /rdzi char dus te zhes gsungs pa ni 'dul ba'i mdo las gos med pa'i zas gnyis rnyed pa'i rnam pa gang yin pa la'o zhes bshad de/yang yang za ba'i skabs su ji skad bstan pa dang 'dra bar sbyar te/ dus de dag na ma gtogs pa la na smad pa med do/ /na ba'i dus kyi tshigs ni dge slong na bas khrus ma byas par 'tsho bar mi nus na'o/ /las kyi dus kyi tshigs ni dge slong gi dge 'dun gyi'am mchod rten gyi las tha na re lde tsam zhig byas sam ba mal tsam zhig byug pa byas na'o//lam gyi dus kyi tshigs ni dge slong dpag tshad gcig tu song ngam dpag tshad phyed du song ste phyir 'ongs na'o/ /rlung gi dus kyi tshigs ni tha na rlung gis gos kyi grwa bsgul bar gyur na'o//char gyi dus kyi tshigs ni tha na lus la char gyi thigs pa gnyis sam gsum bab par gyur na'o/ /rdzi char gyi dus kyi tshigs ni tha na rdzi bas gos kyi mtha' bsgul bar gyur cing lus la char pa'i thigs pa gnyis sam gsum bab par gyur na'o/ /dus de dag tu khrus byed pa la ni yul dang dus dang gnas skabs thams cad du ltung ba med pas dus de dag ma gtogs pa la na smad pa med do//dbang bskur ba dang 'jug pa gnyis dus gcig tu khrus rtsom pa na de gnyis lte ba'i phyogs su dus gcig tu phrad pa la na smad pa med do//de gnyis kyi shas che chung lte ba'i ltag 'og dang g.yas g.yon gar phrad kyang phyogs spyir bsdoms te chog par gyur pa la na smad pa med do/ /'di'i byed pa po ni zla ba phyed phyed kyi nang rol du chu nyid kyis khrus byed pa'o/ /'di la yan lag lngas dngos gzhi'i ltung bar 'gyur te/zla ba phyed las 'dums pa nyid dang / dus ma gtogs pa nyid dang / chu nyid dang / khrus nyid dang / mgo rkang ngam g.yas g.yon gang nas kyang rung ste lte bar son pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du khrus byed pa'i ltung byed kyi sbyor ba brtsams nas dngos gzhil ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /dbang bskur bas lte bar ma son pa dang / 'jug pas lte bar ma son pa dang / g.yas g.yon nas lte bar ma son pa la nyes byas so//de gnyis kyis shas che chung lte ba'i ltag 'og dang g.yas g.yon du thal lam ma slebs pas phyogs spyir bsdoms te/ chog par ma gyur pa la nyes byas so/ /chu ma yin pa 'bru mar dang mar dang phrum khu dang / 'o ma la sogs pa la nyes byas so/ /thams cad la dus dag yod kyang byin gyis ma brlabs pa la nyes byas so//sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni don gzhan la gzhol bas chu nyams su myong ba ni khrus ma yin pas ltung ba med do//ma bsams par brgal ba dang / brgyal ba la gdab pa la ltung ba med do/ /a mra pa ran+ta'i yul dag na gnas pa la ltung ba med do/ /tsha ba la sogs pa'i dus la bab pa dang dus byin gyis brlabs pa la ltung ba med do/ /las dang po pa dang /smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du khrus byed pa'i ltung byed du 'gyur ba rnam pa thams cad du mi bsten par bslab par bya'o/ /cho ga brtsan po yod pa na bag yangs su bya ba la brten par mi bya'o//phyir bcos pa ni snga ma bzhin no/ /khrus byed pa'i ltung byed de drug cu pa bshad zin to// //so sor thar pa'i mdo rgya cher 'grel pa 'dul ba kun las btus pa/ bam po sum cu drug pa/ sdom la/ dud 'gro 'gyod pa sor mo dang / /rtse dang lhan cig sngangs byed dang //sbed dang gdeng med gzhi med dang / /skyes pa med par lam 'gro ba'o/ /zhes bya ba ni bcu pa bdun pa yin te/ sdom la zhes bya ba ni tshig gi don dang dgos pa ni snga ma bzhin no/ /bcu pa bdun pa 'dis kyang ltung byed kyi chos bcu bstan te/ dud 'gro gsod pa dang / 'gyod pa bskyed pa dang /ga ga tshil byed pa dang / chu la rtse ba dang / bud med dang lhan cig nyal ba dang / sngangs par byed pa dang / sbed pa dang / byin pas nye bar 'tsho ba dang / skur ba 'debs pa dang / bud med dang lhan cig 'gro ba'i ltung byed do/ /de la dud 'gro gsod pa'i ltung byed kyi gleng gzhi ni sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so//tshe dang ldan pa 'char ka snga dro sham thabs bgos/ lhung bzed dang chos gos thogs te mnyan yod du bsod snyoms la zhugs nas des der bsod snyoms brgyus nas 'phong gi spong sar zhugs pa dang 'phong gi slob dpon ni med khye'u dag 'khod nas des dris pa/khye'u dag ci byed/ de dag gis smras pa/ 'phags pa 'phong slob po/ 'char kas smras pa/ bu dag legs te/ khyed kyis sgyu rtsal mchog la rgal to/ /bltas g.yon 'phongs dang / g.yas 'phongs dang mda' lnga 'phong bar byos shig /de dag gis bya bar brtsams pa dang /de lag pa gnyis 'dril bar byed/ /bzhin sgyur bar byed do/ /de dag gis smras pa/ 'phags pa ci nongs/ 'char kas smras pa/ da dung khyed cag gi slob dpon gyis kyang mi shes na khyed cag gis ji ltar shes par 'gyur re skan/ de dag gis smras pa/ 'phags pa 'di la mkhyen pa cung zad kyang mnga' ba'am/'char kas smras pa/ sa'i steng na kho bos mi shes pa'i bzo'i gnas dang / las kyi gnas gang yod/ de dag gis smras pa/ 'phags pa g.yar snga brim gyis mdzad du gsol/ 'char kas smras pa/ gzhu 'on cig de dag gis gzhu phul ba dang / 'char kas smras pa/ gzhu 'di ras bal gyi gzhu 'dras gzhu gzhan 'on cig /de dag gis gzhu gzhan gnyis pa dang gsum pa phul ba dang / 'char kas smras pa/ gzhu 'di dag kyang ras bal gyi gzhu 'dras khyed kyi slob dpon gyi gzhu 'on cig /de dag gis slob dpon gyi gzhu phul ba dang / 'char kas smras pa/ 'di yang tshod yod pa zhig go zhes des gzhu de ras bal gyi gzhu bzhin du bdungs te rgyud sgreng ba dang /steng gi nam mkha' la bya rog gi tshogs rgyu bar brtsams nas/ 'char kas smras pa/ ji ltar je bya rog 'di rkub tu bsnun la khar dbyung bar bya'am/ 'on te khar bsnun la rkub tu dbyung bar bya/ de dag gis smras pa/ 'phags pa rkub tu bsnun la khar dbyung du gsol/'char kas shar phyogs kyi steng gi nam mkha' la mda' cig 'phangs shing / lho dang / nub dang / byang phyogs kyi steng gi nam mkha' la yang mda' re re 'phangs pa dang bya rog des kha gyen du phyogs te 'gro bar brtsams nas/ 'char kas de'i phyi bzhin mda' gcig 'phangs pas rkub tu bsnun te khar phyung nas bya rog de sa la ltung ba dang /de dag ya mtshan skyes nas sems khong du chud cing 'khod do/ /'char kas smras pa/ bu dag bzo 'di ltar bslab par bya ba 'am/ yang na slob dpon gzhan btsal bar bya'i/ /'bras bu med pa'i sbrun pa 'phyar zhing 'khod de ci rung zhes smras te song ngo //de dag sems khong du chud cing 'khod pa dang / ji tsam na de dag gi slob dpon 'ongs nas des smras pa/ khye'u dag ci'i phyir sems khong du chud cing 'khod/ de dag gis skabs de rgyas par smras pa dang / des bsams pa de yang dang yang du bdag la tho 'tshams par 'gyur bas bdag gis de mi dga' bar bya'o snyam nas phyi de nyin par tshe dang ldan pa 'char kas snga dro sham thabs bgos/lhung bzed dang chos gos thogs te mnyan yod du bsod snyoms la zhugs pa dang / khye'u de dag bya rog gi ro de smyig ma ring po'i rtse mo la btags te bskur nas/tshe dang ldan pa 'char ka'i phyi bzhin phyi bzhin rjes su btang ste mi 'o cog la 'di skad ces 'phags pa 'char kas mda' lnga 'phangs pa 'di lta bu bya bas bya rog 'di rkub tu bsnun nas khar phyung ba la ltos zhes sgrogs su bcug pa dang / 'char kas de dag mthong nas des smras pa/ khye'u dag ci'i phyir kho bo la tho 'tshams par byed/phyir log shig /'on kyang de dag phyir ma log par de skad sgrog par byed nas bram ze dang khyim bdag dag shes ldan dag shAkya'i bu'i dge sbyong 'di dag ni srog gcod par byed pa ste/ srog gcod pa las ma log/ ma spangs/ so sor ma spangs pa yin no/ /shes ldan dag shAkya'i bu dge sbyong sems can gang gi pags pa yang dgos par mi rung /sha dang rgyus pa dang rus pa yang dgos par mi rung ba 'di lta bu yang gsod par byed pa la ltos/ su zhig dge sbyong mgo reg 'di dag la bsod snyoms sbyin pa dang bya bar sems zhes smod par byed/phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ 'char ka la rmas nas/ dge sbyong gi tshul ma yin pa/rjes su mthun pa ma yin pa/ rung ba ma yin pa de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang bsams bzhin du dud 'gro'i skye gnas su gtogs pa'i srog chags gsod na ltung byed do zhes bca' ba mdzad de/ yul ni mnyan yod/ gang zag ni 'char ka / nyon mongs pa ni ngan sems/ nyes pa ni dud 'gro gsod pa'o/ /de la yang dge slong gang zhes bya ba ni 'char ka'am gzhan yang de lta bu gang yin pa'o//bsams bzhin du zhes bya ba ni rnam par brtags nas so/ /dud 'gro'i skye gnas su gtogs pa'i srog chags zhes bya ba ni bya rog gam gzhan yang de lta bu gang yin pa'o/ /gsod na zhes bya ba ni de'i srog gcod par byed na'o//ltung byed do zhes bya ba ni sems can dmyal ba dang dud 'gro dang yi dags ngan song dang ngan 'gro log par ltung ba dag tu sreg par byed/ 'tshed par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste/des na ltung byed do zhes gsungs so/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni dge slong gis gsod sems kyis dud 'gro gang yang rung ba la mtshon la sogs pa lus dang des 'phangs pa dang gnyis ka dang ldan pa gang yang rung bas bsnun te gzhi des de'i tshe'am gzhan gyi tshe shi na sbyor ba gcig gis gsad par bya ba ji snyed pa re re la dud 'gro gsod pa'i ltung byed kyi dngos gzhir 'gyur ro//de'i bye brag ni gsod sems kyis dud 'gro'i 'gro bar gtogs pa gang yang rung ba la der 'du shes pa la rnam pa gang yang rung bas gsod dam gsod du bcug na ltung byed kyi dngos gzhir 'gyur ro//dud 'gro'i 'gro bar gtogs pa gang yang rung ba la na smad pa med do/ /pho dang mo dang ma ning dang mngal na gnas pa la na smad pa med do/ /lus dang de dang 'brel pa dang 'phangs pa dang gzhan yang rang la bsgo ba la na smad pa med do/ /dug dang phye ma dang dong dang shing dang rang bzhin nyams pa gtong ba dang brang du 'debs pa dang 'khrul 'khor dang sgyu thabs dang ro longs dang rjes su sbyor ba rnams la na smad pa med do//g.yang du gtong ba dang me dang chur 'jug pa dang grang ba dang tsha bar gtogs pa dang 'chi ba'i phyogs su gtong ba la na smad pa med do/ /rkang pa'i mthe bong dang rgya shug gi tshi gu dang shing bal la sogs pa 'chi ba rjes su bsgrubs pa chung ngu la na smad pa med do//sbyor ba'i gzhi des de'i tshe dang dus gzhan na shi ba la na smad pa med do/ /phan par 'dod pa nyid kyis 'chi ba'i phyir sman ma yin pa byin pa la na smad pa med do/ /ga ge mo na 'dug go zhes ston pas bsgo ba la na smad pa med do//dge slong 'gro ba gzhan gyi rnam pa bsten pa la dge slong gi 'du shes yod pa la na smad pa med do/ /dngos po bzang ngan 'dra ba la na smad pa med do/ /mtshan 'gyur ba ltung ba thun mong gi yul la na smad pa med do/ /'gro ba gzhan la skyes pa dang 'gro ba gzhan gyi rnam pa bsten pa la na smad pa med do//gnas skabs gzhan thob pa la na smad pa med do/ /gzhi gcig la bslab pa du ma bcas pa nyid la na smad pa med do/ /dngos po la the tshom za ba bsams pa dang bcas par zhugs pa la na smad pa med do/ /yul bsams pa la na smad pa med do//rang dang gzhan gyi don du byed pa la na smad pa med do/ /'di'i byed pa po ni gsod sems dang / dud 'gro'i skye gnas nyid du gtogs pa'i srog chags nyid do/ /'di la yan lag lngas dngos gzhi'i ltung bar 'gyur te/ gsod sems dang /dud 'gro'i 'gro ba dang / der 'du shes pa dang / bsnun pa dang / shi ba'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du dud 'gro gsod pa'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /der 'du shes med pa dang / srog ma chod na nyes byas so/ /'chir bcug nas de 'chir ma btub na nyes byas so/ /'chir bcug nas de'i 'og tu phyir bzlog kyang nyes byas so/ /'chir bcug nas de'i 'og tu phyir bzlog kyang ma btub ste shi na yang nyes byas so//dku mnye bas ma dang mngal na gnas pa gnyis las ma bsams pa shos shi na nyes byas so/ /gsod pa la 'jug pa dang du blang na nyes byas so/ /khyod kyi ming gis 'chi ba'i yo byad sbyin no zhes zer ba dang du len na nyes byas so//dud 'gro kho bo 'chir 'ong ngo zhes zer ba la yid mi ches shing de bzhin du sgrub par byed na nyes byas so/ /dud 'gro nad pa shi yang bla'i zhes g.yog mi byed na nyes byas so/ /ltor mid pa sman la sogs pa mi 'phrod pa sbyin na nyes byas so/ /dud 'gro dong du 'jug pa dang sgo glegs kyis 'tshir ba la sogs pas nyon mongs par byed na nyes byas so//sems can gyi gzugs sems can ma yin pa la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te/nyes byas phra mo'o/ /ltung ba med pa ni dud 'gro bas bdag sngar shi ba'am/ mnyam du shi na nyes pa med de/ tshe rabs gzhan du las skye ba med pa'i phyir ro/ /las dang po pa dang smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du dud 'gro gsod pa'i ltung byed du 'gyur ba rnam pa thams cad mi bsten par bslab par bya'o//dud 'gro nad pa la 'chi ba'i sems pa dang rjes su mthun pa'i nye bar bsgrub pa nye bar bsgrub par mi bya'o/ /dud 'gro'i nad g.yog mi shes pa la 'chi ba'i dgra bo ma smras par nad g.yog tu mi gzhag go//dud 'gro'i nad g.yog shes pa gzhan yod na/ mi shes pa gzhan mi gzhag go/ /dud 'gro nad pa'i drung du 'chi ba'i 'tshog chas mi gzhag go/ /dud 'gro nad pa 'chi bar rjes su bsgrub na nad g.yog gis bzlog par bya'o//dud 'gro'i mngal rlugs par byed pa la sogs pa bya ba ma yin pa byed pa la sems kyis rjes su yi rang bar mi bya'o/ /dud 'gro'i rdzas thob tu re ba'i phyir de 'chi bar 'dod par mi bya'o/ /dud 'gro'i sman dri bar bya ba sman pa dang / de'i rab tu byung ba dang /des bkol ba dang / dge slong rgan rabs la ma dris par dud 'gro nad pa la sman sbyin par mi bya'o/ /dud 'gros khur 'degs par mi nus pa la grogs nyid mi bya'o/ /gal te de lta bu'i rkyen gyis na khyim pa dag rub pa nyid la cig car gdeg pa skad sbyar te/ 'degs par bya'o//gzhag pa la yang cig car gzhag pa skad sbyar te gzhag par bya'o/ /dud 'gro nad pa mi nus pa lam du mi bkri'o/ /phyir bcos pa ni snga ma bzhin no/ /dud 'gro gsod pa'i ltung byed de drug cu gcig pa bshad zin to// //'gyod pa bskyed pa'i ltung byed kyi gleng gzhi ni/sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa maud gal gyi bu chen pos nye ba 'khor la sogs pa sar pa skyes phran gzhon nu bcu bdun sde'i tshogs dag rab tu byung zhing /bsnyen par rdzogs par byas pa de'i tshe na de dag drug sde dag la rten par byed/ bsnyen par byed/ bsnyen bkur byed do/ /de nas tshe dang ldan pa 'char kas bcu bdun sde dag la smras pa/ bcu bdun sde dag tshur shog /'di dang 'di gyis shig /de dag gis smras pa/ khyed kho bo cag gi slob dpon yin nam/mkhan po yin nam ci mi byed do/ /'char kas smras pa/ glen pa dag 'o na gzhan ci zhig byed ces de dag gnya' ba dag nas bzung ste phyi rol du bskrad do/ /de dag gis smras pa/ tshe dang ldan pa dag bdag cag drug sde dag gis gang cung zad brnyas par gyur pa de dag thams cad ni bdag cag thos pa nyung ba las gyur pa yin gyi/je thos pa 'dzin du 'dong na des na phyin chad drug sde dag la cung zad kyang dri mi dgos par 'gyur ro zhes de dag dge slong zhig gi gan du dong ste smras pa/ btsun pa bdag cag glog tu stsol cig /des de dag la thabs yin no zhes smras nas/ de dag gis de'i gan du klags par brtsams so/ /nye dgas smras pa/ btsun pa 'char ka bcu bdun sde dag de bar bdag cag la rten par mi byed/ bsnyen par mi byed/ bsnyen bkur mi byed do/ /kho bos de dag bskrad nas de ltar thos pa 'dzin par brtsams so//btsun pa 'char ka khyed kyis bdag cag gi sbrul nyal ba lcag gis gzhus so/ /ji srid du glen pa de dag thos pa nyung ba de dag bdag cag la rten par byed/ bsnyen par byed/ bsnyen bkur byed kyi/ gang gi tshe de dag thos pa mang por gyur cing / mdo sde 'dzin pa dang / 'dul ba 'dzin pa dang / ma mo 'dzin pa dang / gdug cing pha rol gnon par gyur pa de'i tshe na de dag bdag cag la gnod par bya bar sems par 'gyur ro/ /'char kas smras pa/ kho bos de dag ji nas kyang thos pa 'dzin par mi 'gyur ba dang / thos pa 'dzin pa las kyang yongs su nyams par 'gyur ba de ltar bya'o zhes de dag gi gan du song ste 'di skad ces smras so//kye bcu bdun sde dag shin tu brtson 'grus brtsams sam/ de dag gis smras pa/ brtsams so/ /brtson 'grus kyis ci bya/ thos pa gzung ngo / /thos pa gzung bas cir 'gyur/ mang du thos par 'gyur ro/ /mang du thos pas cir 'gyur/ dbang po yongs su smin par 'gyur ro/ /dbang po yongs su smin pas cir 'gyur/ nges pa la 'jug pa dang zag pa zad par 'gyur ro/ /khyed nges pa la 'jug pa dang zag pa zad par 'gyur re skan/ btsun pa 'char ka kho bo cag mtshams med pa'i las dag byas pa'am/dge ba'i rtsa ba chad pa yin nam ci/ khyed cag mtshams med pa'i las dag byas pa yang ma yin/ dge ba'i rtsa ba chad pa yang ma yin mod kyi/ 'on kyang khyed kyis bcom ldan 'das kyis yang dge slong gang gang zag lo nyi shum lon pa dge slong gi dngos por bsnyen par rdzogs par byed na gang zag de yang bsnyen par rdzogs par mi 'gyur la/dge slong de dag kyang smad par 'gyur ro zhes gsungs pa ma thos sam/ khyed cag lo nyi shu ma lon par bsnyen par rdzogs pas khyed cag nges pa la 'jug pa dang zag pa zad par 'gyur re skan/de dag gis de thos nas sems khong du chud cing 'khod pa dang / de dag gi slob dpon de 'ongs nas smras pa/ gzhon nu dag ci'i phyir sems khong du chud cing 'khod/ de dag gis skabs de rgyas par brjod pa dang / des smras pa/ khyed kyis de ni thos na bcom ldan 'das kyis las dang po pa la ltung ba med do zhes gsungs pa de ma thos sam/khyed cag las dang po pa yin pas bsnyen par rdzogs par 'gyur gyi tshur shog la lung nos shig /gzhan yang 'di ltar khyed sus 'gyod pa skyed/ btsun pa 'char kas so zhes zer nas dge slong don nyung ngu dag ci'i phyir dge slong dag bsams bzhin du dge slong la 'gyod pa skyed par byed ces smod par byed/phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad de 'char ka la rmas nas/dge slong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang bsams bzhin du ci nas kyang dge slong 'di'i yud tsam zhig kyang bde ba la mi reg par bya'o snyam pa de nyid rkyen du byas te dge slong la 'gyod pa skyed na ltung byed do zhes bca' ba mdzad de/yul ni mnyan yod/ gang zag ni 'char ka / nyon mongs pa ni phrag dog /nyes pa ni dge slong la 'gyod pa skyed pa'o/ /de la yang dge slong gang zhes bya ba ni 'char ka'am gzhan yang de lta bu gang yin pa'o/ /bsams bzhin du zhes bya ba ni rnam par brtags nas so//ci nas kyang dge slong 'di yud tsam zhig kyang bde ba la mi reg par bya'o snyam pa zhes bya ba ni tha na yud tsam zhig kyang yid mi dga' bar bya'o snyam pa'o/ /de nyid rkyen du byas te zhes bya ba ni gzhan ma yin pa'o/ /dge slong la zhes bya ba ni chos 'di ba la'o/ /'gyod pa skyed na zhes bya ba ni sems la cung zad 'gyod pa skyed pa dang rnam par 'gyod pa dang rab tu 'gyod pa skyed na'o//ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gis dge slong la bde ba la mi reg par bskyed pa'i sems kyis tha na bzhad gad kyis kyang khyod bsnyen par ma rdzogs pa ma yin zhing pham par 'gyur ba byung ngo zhes bya ba la sogs pa dge slong ma yin pa'i don gyis 'gyod pa skyed na yang 'gyod pa skyed pa'i ltung byed kyi dngos gzhir 'gyur ro//lo nyi shu ma lon par bsnyen par ma rdzogs par zhes bya ba dang / bar chad kyi chos yongs su ma dag par bsnyen par rdzogs so zhes bya ba dang /dge 'dun dang mkhan po dang slob dpon rigs pa ma yin pas bsnyen par rdzogs so zhes bya ba dang / gsol ba dang las brjod pa gzhag par mi 'os pa mi g.yo ba ma yin pas bsnyen par rdzogs so zhes bya ba la sogs pa bsnyen par rdzogs pa ma yin pa'i don gang yang rung bas 'gyod pa skyed pa dag la na smad pa med do//pham par 'gyur ba byung ngo zhes bya ba dang / dge sbyong gi tshul med do/ /bram ze'i tshul med do zhes bya ba la sogs pa nyams pa nyid du ston pa'i tshig gang yang rung bas 'gyod pa skyed pa dag la na smad pa med do//dge slong gang yang rung ba la na smad pa med do/ /bde ba la mi reg pa skyed pa'i sems gang yang rung ba la na smad pa med do/ /tha na bzhad gad yan chad la yang na smad pa med do/ /'gyod pa ma skyes na yang na smad pa med do/ /'di'i byed pa po ni pha rol po dge slong nyid dang dge slong ma yin pa'i don gyis 'gyod pa skyed pa'o//'di la yan lag lngas dngos gzhi'i ltung bar 'gyur te/ pha rol po dge slong nyid dang bde ba la mi reg pa skyed pa'i sems nyid dang / dge slong ma yin pa'i don nyid kyis dang / tha na bzhad gad yan chad kyis kyang 'gyod pa skyed pa dang 'gyod pa skyes kyang rung ma skyes kyang rung ba'o//de dag las yan lag ma tshang na ci rigs par na smad do/ /sbyor ba'i ltung ba ni nyes byas te ji srid du 'gyod pa skyed pa'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//dge slong ma yin pa la nyes byas so/ /dge slong ma yin pa'i don las gzhan pas 'gyod pa skyed pa la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te/nyes byas phra mo'o/ /ltung ba med pa ni mi'i skyon las smra ba'i bsam pas go bar byed pa la skabs der gtogs pa'i ltung byed du 'gyur te 'di'i ltung ba med do/ /bde ba la mi reg par skyed pa'i bsam pas go bar byed pa la skabs 'dir gtogs pa'i ltung byed du 'gyur te/skabs gzhan gyi ltung ba med do/ /skur pa gdab pa'i bsam pas go bar byed pa la dge 'dun lhag mar gtogs pa'i ltung bar 'gyur te 'di'i ltung ba med do/ /las dang po ba dang smyos pa dang / sems 'khrugs pa dang / tshor ba dag gis nyen pa la ltung ba med do//bslab par bya ba ni dge slong gis yul thams cad la gnas skabs thams cad du 'gyod pa skyed pa'i ltung byed du 'gyur ba rnam pa thams cad mi bsten par bslab par bya'o/ /phyir bcos pa ni snga ma bzhin no/ /'gyod pa skyed pa'i ltung byed de drug cu gnyis pa bshad zin to// //ga ga tshil byed pa'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa maud gal gyi bu chen pos nye ba 'khor la sogs pa sar pa skyes phran gzhon nu bcu bdun sde'i tshogs dag rab tu byung zhing bsnyen par rdzogs par byas pa de'i tshe bcu bdun sde dag gal te gcig la las su sko ba bab na yang de dag thams cad bsdongs te byed do//ci tsam dus gzhan zhig na gtsug lag khang der mtshan mo thog thag tu chos mnyan pa byung nas der de dag thams cad kyis bsdongs te tron byas so//de'i phyi de nyin par dge 'dun gyi bsro gang byung nas der yang de dag thams cad kyis bsdongs te tron byas so/ /de'i phyi de nyin par bcu bdun sde las gcig la dge skos bab nas de'i nyin mo yang thams cad kyis gtsug lag khang brgyan te 'khod do//de nas dge skos tron byed pa'i tshe bcu bdun sde dag las gcig la blo chung ba bdag ni chad cing nyal lo/ /mi bcu drug gis ci'i phyir tron mi nus snyam mo/ /de de bzhin du re re la yang blo de lta bu byung nas gzhan bcu drug po thams cad so sor nyal du dong ngo //dge skos de 'ba' zhig gcig pus mtshan thog thag las byas te mtshan mo nam nangs pa dang mar me'i kong bu dag bsdus te/ sgo dag phye/ gtsug lag khang chag chag btab/ byug pas byugs te/ dus shes par byas nas stan bshams shing / mchod rten gyi 'khor sar bdug spos brims te/ gtsug lag khang gi steng du 'greng nas gaN+DI brdung bar brtsams so/ /de nas bcu drug po'i sde de dag gaN+DI'i sgras sad nas rang rang gi gnas khang dag nas lhung bzed thogs te byung ba dang de dag gis dge skos de gcig pu phar rgyug tshur rgyug cing 'dug pa mthong nas de dag gis phan tshun smras pa/tshe dang ldan pa dag 'di gcig pu phar rgyug tshur rgyug cing 'dug na 'u bu cag las sus kyang 'di'i grogs ma byas sam/ gcig gis smras pa/ kho bo la blo byung ba/ bdag ni chad kyis nyal lo/ /mi bcu drug gis ci'i phyir tron mi nus snyam mo//de bzhin du gzhan yang de skad zer/ gzhan dag kyang de skad zer te/ thams cad kyis de skad smras so/ /de nas bcu drug po de dag gis smras pa/ tshe dang ldan pa dag 'di bdag cag gis 'phral gyi bya ba thams cad la thog mar 'gro ba yin na bdag cag gis 'di'i grogs ma byas pa ni 'u bu cag gis ma legs pa byas te 'di bdag cag la gshe bar 'gyur gyi zan zos ma thag tu bzod pa gsol bar bya'o zhes de dag gis zan zos nas bzod pa gsol bar brtsams te/gzhon pa rnams kyis ni de rkang pa gnyis la gtugs/ rgan pa rnams kyis ni mgul nas 'khyud de/tshe dang ldan pa bzod par gsol zhes bya ba na de cang mi smra bar 'dug go/ /de dang ches bshes pa gcig yod pa des ga ga tshil byas pa dang / des dgod par brtsams te bzod do zhes kyang zer ro/ /de dag gis bsams pa/ de ni thabs legs pa yin no snyam nas gzhan gyis kyang ga ga tshil byas shing de bzhin du thams cad kyi bar gyis ga ga tshil byas pa dang de rlung gyen du 'tshubs te dus la bab po//de dag brtad cing mya ngan bya bar brtsams te sems khong du chud cing 'khod pa dge slong rnams dang 'char kas mthong nas smras pa/khyed cag ci'i phyir sems khong du chud cing 'khod/ de dag gis skabs de rgyas par brjod pa dang / dge slong don nyung ngu dag ci'i phyir dge slong dag dge slong la sor mos ga ga tshil byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ bcu bdun sde la rmas nas/ dge slong gi tshul ma yin pa rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ sor mos ga ga tshil byed na ltung byed do zhes bca' ba mdzad de/yul ni mnyan yod/ gang zag ni bcu bdun sde/ nyon mongs pa ni bag med pa/ nyes pa ni dge slong la ga ga tshil byed pa'o/ /de la sor mos ga ga tshil byed na zhes bya ba ni sor mos ga ga tshil bya ba'i bsam pas lus kyi las dang / lus kyi spyod pa dang / lus kyi g.yo ba gang yin pa byed na'o//ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni dge slong lus kyi dbang po ma nyams pas dge slong lus kyi dbang po ma nyams pa la skyi g.ya' bar bya ba'i sems kyis sor mo'am khu tshur ram gru mo'am/ phrag pa'am mgo'am glo'am rgyab bam rked pa'am brla'am pus mo'am byin pa'am rkang ba'i mthe bong la sogs pa rang gi lus kyi yan lag gos ma gtogs pa gang yang rung ba dag gis ga ga tshil byed pas pha rol po'i gos ma gtogs pa lus kyi yan lag gang yang rung ba la reg na reg byed gcig gam du ma nyid la spyir ga ga tshil byed pa'i ltung byed kyi dngos gzhi gcig tu 'gyur ro//dge slong gnyis ka'i lus ma nyams pas gos la sogs pas bar du ma chod pa la na smad pa med do/ /sor mo dang khu tshur dang gru mo dang phrag pa dang mgo dang glo dang rgyab dang rked pa dang brla dang pus mo dang byin pa dang rkang pa'i mthe bo la sogs pa lus kyi dbang por gtogs pa dag la na smad pa med do//skyi g.ya' ba dang bag 'khums pa dang 'dar ba la sogs pa lus kyi las dang spyod pa dang g.yo ba'i bsam pa dag la na smad pa med do/ /reg byed re re las ltung ba re rer mi gzhag ste/ reg byed gcig gam du ma nyid la spyir ltung byed kyi dngos gzhi gcig tu 'gyur ba la na smad pa med do//'di'i byed pa po ni gnyis ka'i lus kyi dbang po ma nyams pa nyid dang / skyi g.ya' bar byed pa'i sems nyid do/ /'di la yan lag lngas dngos gzhi'i ltung byed du 'gyur te/ pha rol po'i dge slong nyid dang gnyi ga'i lus kyi dbang po ma nyams pa nyid dang kun du chags pa dang zhe sdang byed pa'i sems sam de gnyis kyi sems ma yin pa skyi g.ya' bar byed pa'i sems nyid dang /sor mo la sogs pa lus kyi yan lag gang yang rung ba nyid dang reg pa nyid do/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du ga ga tshil byed pa'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /rang gi'am gzhan gyi'am gnyi ga'i lus kyi dbang po nyams pa nyid la reg na nyes byas so/ /lus ma yin pas lus ma yin pa la reg pa dang /skra dang sen mo dang so dag gis reg pa la nyes byas so/ /gos la sogs pas bar du chod pa la nyes byas so/ /sbyor ba'i sbyor ba'i ltung ba la nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o//ltung ba med pa ni rma dang sbrang bu dang / 'brum bu dang sme ba dang / spu'i tshoms bstan pa dag la ltung ba med do/ /skyi g.ya' bar bya ba'i rnam pa ma yin pa kun du chags pa med pa'i sems kyis reg pa la ltung ba med do/ /kun du 'dod chags dang ldan pa'i sems kyis reg pa la ni dge 'dun lhag mar gtogs pa'i kha na ma tho bar 'gyur te/skabs 'di'i ltung ba med do/ /zhe sdang dang ldan pa'i sems kyis reg pa la gsod pa dang brdeg par gtogs pa'i kha na ma tho bar 'gyur te/ skabs 'di'i ltung ba med do/ /las dang po pa dang smyos pa dang sems 'khrugs pa dang /tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du ga ga tshil byed pa'i ltung byed du 'gyur ba rnam pa thams cad du mi bsten par bslab par bya'o/ /phyir bcos pa ni snga ma bzhin no//ga ga tshil byed pa'i ltung byed de drug cu gsum pa bshad zin to// //chu la rtse ba'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe bcu bdun sde dag las tshe dang ldan pa nye ba 'khor gyis nyon mongs pa thams cad spangs pas dgra bcom pa nyid mngon sum du byas pa de'i tshe na des bsams pa/bdag gis tshangs pa mtshungs par spyod pa 'di dag la dge ba'i rtsa ba cung zad yod dam snyam na des yod par mthong ngo / /su la rag las snyam na bdag nyid la rag las par mthong nas/de bcu drug po gzhan dag 'dul ba la ltos pas de dag phyi bzhin phyi bzhin rjes su 'brang ba na de dag gis smras pa/ tshe dang ldan pa dag chu klung gnas can gyi ngogs su chu bo'i don du 'dong zhing der khrus kyang bya'o zhes de dag chu tshags dang chu bum thogs te chu klung gnas can ga la ba der dong nas de dag gis smras pa/tshe dang ldan pa dag ji ltar je khrus bya'am/ chu btsag par bya/ de dag gis smras pa/ je chu btsag par bya ste/ de'i 'og tu khrus bya'o zhes de dag gis chu btsags nas gos dag mtha' gcig tu phud de khrus bya bar brtsams nas chur zhugs te/de dag steng du 'byung bar yang byed 'og tu nub par yang byed/ tshu rol gyi 'gram nas pha rol gyi 'gram du 'gro bar yang byed/ pha rol gyi 'gram nas tshu rol gyi 'gram du 'ong bar yang byed/ rgyun phyogs su 'gro bar yang byed/ rgyun las bzlog phyogs su 'gro bar yang byed/ chu la rnga bo che'i sgra 'byin par yang byed/rdza rnga kha gcig pa'i sgra 'byin par yang byed/ chu la gseg ma 'khrab pa dang / 'phen par yang byed/ chu la khor yug dang rdo rje lta bu yang byed/ chu la khron pa dang dba' klong dang chu srubs 'dren par yang byed/ chu la rgod bag dang 'phyar g.yeng dang / lus bsgyur ba dag kyang byed do//tshe dang ldan pa nye ba 'khor yang shes bzhin du khrus byas te chu klung gnas can rgal nas chos gos dag bgos te sdod do/ /de'i tshe ko la la'i rgyal po gsal rgyal steng gi khang bzangs kyi gzhir gtogs pa na btsun mo phreng ldan ma dang lhan cig 'dug pas ci tsam na bcu bdun sde dag chu la rtse bas rtse ba dag mthong ngo //mthong nas kyang des btsun mo phreng ldan ma la smras pa/ phreng ldan ma yon gnas dag gi mdzes pa la ltos shig ltos shig /phreng ldan mas smras pa/ lha de ni ngo mtshar mi che ste/ lang tsho gsar du gyur nas tshangs par spyad pa spyod lags kyi/ lha bgres pa'i gnas skabs su gyur kyang da dung thugs ma phyung ba ngo mtshar che lags so//rgyal po skyengs nas cang mi smra bar 'dug go/ /tshe dang ldan pa nye ba 'khor gyis ko sa la'i rgyal po gsal rgyal steng gi khang bzangs kyi gzhir gtogs pa na mi dga' bar sems pa mthong nas des de dag la smras pa/ tshe dang ldan pa dag ko sa la'i rgyal po gsal rgyal mi dga' bar sems kyi byung zhig dang de dga' bar bya'o//de nas de dag byung ste gos dag gyon pa na tshe dang ldan pa nye ba 'khor mos pa las byung ba'i ting nge 'dzin la snyoms par zhugs nas/ 'di ltar de dag thams cad chu tshags dang chu bum dang bcas te steng gi nam mkha' la ngang pa'i rgyal po 'dab ma brkyang ba ltar 'phags te dong ngo //de btsun mo phreng ldan mas mthong nas ko sa la'i rgyal po gsal rgyal la smras pa/ lha yon gnas dag gi mdzes pa la gzigs shig gzigs shig /rgyal pos smras pa/ phreng ldan ma dgra bcom pa zag pa zad pa dag chu la 'phyar g.yeng gis rtse bar gyur pa de dag ni gnas ma yin skabs ma yin te de ni gnas med do//phreng ldan mas smras pa/ lhas de ni gsan na bcom ldan 'das kyis 'di nangs dge slong 'dug pa na 'dod chags dang bcas zhe sdang dang bcas gti mug dang bcas par mthong la/ de nyid langs pa na 'dod chags dang bral zhe sdang dang bral gti mug dang bral ba yang mthong ste/dge slong dag de lta bas na sems ni glog dang 'dra la/ ting nge 'dzin ni rdo rje dang 'dra bas nyon mongs pa rnams ni ye shes kyis 'joms so zhes gsungs pa de ma gsan nam/ rgyal po thos pa nyung bas de cang mi smra bar 'dug go//phreng ldan mas kyang bsams pa/ dgra bcom pa zag pa zad pa dag pa chu la 'phyar g.yeng gis rtse ba de ni gnas ma yin skabs ma yin te de ni gnas med do snyam nas/ de nas btsun mo phreng ldan mas bcom ldan 'das kyi spyan sngar mi zhig las phrin gyis bsnyun gsol te/btsun pa 'phags pa 'di dag chu la 'phyar g.yeng gis rtse bar bgyid pas rgyal po glo ba mi dga' bar sems na/ kye ma bcom ldan 'das kyis thugs brtse ba'i slad du gang gis 'phags pa dag chab la 'phyar g.yeng gis rtse bar mi 'gyur bar dran par bgyi ba cung zhig bca' ba mdzad na legs so zhes gsol to//bcom ldan 'das kyis kyang mi gsung bas mi de la btsun mo phreng ldan mas gsol pa bzhin du gnang ngo / /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad de/ bcu bdun sde dag la rmas nas/dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/chu la rtse na ltung byed do zhes bca' ba mdzad de/ yul ni mnyan yod/ gang zag ni bcu bdun sde/ nyon mongs pa ni ma dul ba/ nyes pa ni chu la rtse ba'o/ /de la chu la rtse na zhes bya ba ni chu la rtse ba'i bsam pas lus kyi las dang lus kyi spyod pa dang lus kyi g.yo ba byed na'o//ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gis sim par 'dod pas rgal ba la sogs pa dang / rkyal slob pa thad ka'am ltag 'og tu rtsol ba dang / grang bar 'dod pas tsha ba dag la ri mo 'dod pa ma gtogs/rgod pas dga' ba nyams su myong bar bya ba'i 'dun pas chu ma yin pa ma gtogs pa chu'i yul la rtse ba rjes su sgrub pa dbang bskur bas nub pa la sogs pa ma gtogs par chu'i nang du lte ba man chad nub par zhugs shing 'og tu nub pa dang / 'byung ba dang ngogs gzhan du rgal ba dang /rgyun phyogs dang / rgyun las bzlog phyogs su rtsol ba dang / chu la rnga bo che dang / rdza rnga kha gcig pa'i sgra 'byin pa dang / gseg ma 'khrab pa dang / 'phen pa dang / khor yug dang / rdo rje dang / khron pa dang / dba' klong dang / chu srubs 'dren pa dag byed dam byed du bcug na chu la rtse ba'i ltung byed kyi dngos gzhir 'gyur ro//chu'i yul nyid la rtse ba'i bsam pas lte ba man chad nub pa la na smad pa med do/ /rgod pas dga' ba nyams su myong bar bya ba'i 'dun pa la na smad pa med do/ /zhugs shing nub pa dang 'byung ba dang /ngogs gzhan du rgal ba dang /rgyun phyogs dang / rgyun las bzlog phyogs su rtsol ba dang / chu la rnga bo che dang / rdza rnga kha gcig pa'i sgra 'byin pa dang / gseg ma 'khrab pa dang / 'phen pa dang / khor yug dang / rdo rje dang / khron pa dang / dba' klong dang / chu srubs 'dren pa dag la na smad pa med do//de dag byed dam byed du bcug pa la na smad pa med do/ /'di'i byed pa po ni rgod pas dga' ba nyams su myong bar bya ba'i 'dun pa dang / chu'i yul la rtse bas rjes su sgrub pa'o/ /'di la yan lag lngas dngos gzhi'i ltung bar 'gyur te/ rgod pas dga' ba nyams su myong bar bya ba'i 'dun pa nyid dang /chu'i yul nyid dang / lte ba nub pa nyid dang / rtse bas rjes su sgrub pa nyid dang / byed dam byed du bcug pa nyid do/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du chu la rtse ba'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /be+em tol gyis brdeg na nyes byas so/ /chur ma zhugs par rtse ba thams cad la nyes byas so/ /bum pa dang / phru ba dang / ril ba dang / kham phor dang /bu ram shing btsir ba'i khu ba 'dzag pa dang / sran tshod dang / 'u sha dang / thang tsha ba nyid yod pa la nyes byas so/ /chu ma yin pa la rtse ba yang nyes byas so/ /chu ma yin pa la rtse ba byed du 'jug na yang nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba'ang de snyed de/sbyor ba nyes byas kyi sbyor ba'i sbyor ba'ang nyes byas te nyes byas phra mo'o/ /ltung ba med pa ni sim par 'dod pas rgal ba la sogs pa la ltung ba med do/ /rkyal slob pa thad ka'am/ ltag 'og tu rtsol ba la ltung ba med do/ /khu tshan la sogs pa grang bar 'dod pas tsha ba dag la dkrugs pa la sogs pas ri mo 'dod pa la ltung ba med do//dbang bskur ba la sogs pas nub pa la ltung ba med do/ /rgal bas nub pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyan pa la ltung ba med do/ /bslab par bya ba ni dge slong gis yul thams cad la gnas skabs thams cad du chu la rtse ba'i ltung byed du 'gyur ba rnam pa thams cad mi bsten par bslab par bya'o/ /sim par 'dod pas rgal ba la sogs pa bya'o/ /rkyal slob pas thad ka'am ltag 'og tu btsal bar bya'o//grang bar 'dod pas tsha ba dag la ri mo gdod par bya'o/ /rgod pa dga' ba nyams su myong bar bya ba'i 'dun pa mi bskyed do/ phyir bcos pa ni snga ma bzhin no/ /chu la rtse ba'i ltung byed de drug cu bzhi pa bshad zin to// //bud med dang lhan cig nyal ba'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//gang gi tshe tshe dang ldan pa ma 'gags pas nyon mongs pa thams cad spangs pas dgra bcom pa nyid mngon sum du byas shing /des rnam par grol ba'i bde ba nyams su myong ba'i tshe de 'di snyam du sems te/ bcom ldan 'das de ni bdag la phan pa mdzad pa/ legs par mdzad pa yin te/ 'di ltar bcom ldan 'das de ni bdag gi sdug bsngal gyi chos mang po sel bar mdzad pa/ bde ba'i chos mang po bsgrub par mdzad pa/sdig pa mi dge ba'i chos mang po sel bar mdzad pa/ dge ba'i chos mang po sgrub par mdzad pa yin na bdag gis de la ji zhig byas na lan byas pa dang / nye bar byas pa dang / rab tu byas par 'gyur snyam nas yang de 'di snyam du sems te/ sangs rgyas bcom ldan 'das rnams dka' ba mdzad pa brgya stong du ma dag gis bskal pa grangs med pa gsum gyis pha rol tu phyin pa drug yongs su rdzogs par mdzad nas bla na med pa'i mkhyen pa thugs su chud pa gang yin pa de dag thams cad ni sems can gyi don gyi phyir yin pas bdag gis kyang gdul ba'i bya ba cung zhig bya'o snyam nas bcom ldan 'das la zhus te ljongs rgyur song ngo //ri brags zhig na khyim bdag cig 'dug pa de la bu gnyis dang bu mo gcig yod nas des bu de gnyis kyi khyim phub cing bu mo de yang bag mar btang ngo / /dus gzhan zhig na khyim bdag de yang dus la bab de'i bu mo de yang khyo shi bar gyur nas/ming po gnyis kyi khyim na gnas pa'i tshe skyes pa gzhan dag dang lhan cig dga' mgur spyod pa las khye'u spyi rtol can zhes bya ba zhig byung nas/ de'i ma yang spyi rtol can gyi ma zhes bya ba'i ming du gyur to/ /tshe dang ldan pa ma 'gags pa ljongs rgyu zhing 'gro ba na ri brags der phyin nas/dgra bcom pa rnams kyi chos nyid ni ma bsams par shes pa dang mthong ba mi 'jug pas de der song ste bsti gnas brnyas nas der 'dug pa dang / des de'i rkang pa bkru ba'i chu dang / rkang pa bkru ba dang dus ma yin pa'i zas bstabs pa dag ni des blangs so/ /des de'i gnas mal bshams pa dang /tshe dang ldan pa ma 'gags pa mal der skyil mo krung bcas nas lus drang por bsrangs te dran pa phyogs par bzhag nas 'dug go/ /de de'i gan du mtshan mo thun dang po dang nam phyed nas 'ongs te bud med kyi g.yo dag nye bar bstan par brtsams pa dang / tshe dang ldan pa ma 'gags pa dbang po dag 'bebs par byed do//des 'khyud par brtsams pa dang / tshe dang ldan pa ma 'gags pa ngang pa'i rgyal po 'dab ma brkyang ba ltar steng gi nam mkha' la mngon par 'phags nas 'bar ba dang gsal ba dang char 'bebs pa dang / glog 'byin pa'i cho 'phrul dag bya bar brtsams nas bud med de la rjes su snying brtse ba'i phyir steng gi nam mkha' las shod du babs te/de'i bsam pa dang / bag la nyal ba dang / khams dang rang bzhin khong du chud nas gang thos na bud med des stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon sum du byas pa de lta bus 'phags pa'i bden pa bzhi yang dag par so sor rtogs par byed pa'i chos bstan pa byas pas des bden pa mthong nas/phyi de nyin par 'phags pa ma 'gags pa sgo bcad de gdugs tshod gsol nas chos ston pa'i tshe de'i ming po gnyis mi zhig dang lhan cig thab mo byung ba na mi de na re khyed gnyis kyang smra'am khyed gnyis kyi sring mo ya mtshan can sna tshogs dang ldan pa'i mchod sbyin byed pas shAkya'i bu'i dge sbyong yang ma btang ste/shAkya'i bu'i dge sbyong khar rtsang zhugs na da dung yang ma byung ngo zhes zer ro//de gnyis kyis bsams pa bdag cag gnyis gang cung zad mis brnyas par gyur pa de dag thams cad ni 'di'i le len yin gyi de gsod du 'dong ngo snyam nas ral gri shubs nas phyung ste de'i khyim ga la ba de logs su phyogs te brgyugs pa dang srog chags brgya stong phrag du ma dag kyang kha cig ni ltad mo skyed pa na/kha cig ni sngon gyi dge ba'i rtsa ba dag gis bskul ba na de gnyis kyi phyi bzhin phyi bzhin rjes su 'brang ngo / /de nas tshe dang ldan pa ma 'gags pas smras pa/ sring mo kho bo phyir byung gi khyod kyis sgo chod cig /de phyir byung ba dang des sgo bcad do//de nas tshe dang ldan pa ma 'gags pas ngang pa'i rgyal po 'dab ma brkyang pa ltar steng gi nam mkha' la 'phags nas cho 'phrul dag bya bar brtsams nas shod du babs te chos bstan pas srog chags nyi khris rgyun du zhugs pa'i 'bras bu thob par byas so/ /ri brags de dang ha cang mi ring ba na skyed mos tshal zhig yod pa der mtshan mo gnas par khas blangs pa'i tshe chom rkun pa lnga brgya tsam der lhags pa dag la yang chos bstan pas rgyun du zhugs pa'i 'bras bu thob par byas so//ri brags de dag tu chos bstan pas srog chags khri nyis stong gis kyang 'phags pa'i 'bras bu thob par byas so//de nas tshe dang ldan pa ma 'gags pas chom rkun pa las bden pa mthong ba'i rigs kyi bu lnga brgya po de dag bcom ldan 'das la gdul ba'i skyes su khrid de bcom ldan 'das ga la ba der song nas/ bcom ldan 'das kyis kyang de dag dge slong tshur shog ces bya bas rab tu phyung zhing bsnyen par rdzogs pa mdzad nas de dag gis dgra bcom pa nyid mngon sum du byas so//dge slong rnams kyis tshe dang ldan pa ma 'gags pa la dris pa/ tshe dang ldan pa ma 'gags pa ji ltar bde bar brgyus sam/ tshe dang ldan pa dag cung zad ni bde bar brgyus/ cung zad ni sdug bsngal bar yang brgyus so//ji ltar 'dir re zhig gdul ba'i bya ba byas pa gang yin pa de ni bde bar brgyus pa yin no/ /had bor de'u gsad pa gang yin pa de ni sdug bsngal bar brgyus pa yin no/ /ci'i phyir/ des skabs de rgyas par brjod pa dang / dge slong rnams kyis smras pa/tshe dang ldan pa ma 'gags pa khyod bud med dang lhan cig nyal du rung ngam/ gang gi phyir mi rung ba de nyid kyi phyir nyes dmigs byung bar gyur to zhes zer nas dge slong don nyung ngu dag ci'i phyir dge slong dag bud med dang lhan cig gnas gcig tu nyal zhes smod par byed/ phyar ka gtong bar byed/kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad de/ tshe dang ldan pa ma 'gags pa la rmas nas/ mi brtson pa dang / mi sbyor ba dang /ma brtags par spyod pa rnam par smad pa mdzad de/ brtson pa dang sbyor ba dang brtags te spyad pa'i bsngags pa brjod nas bslab pa bca' ba'i phan yon bcu yang dag par gzigs pas/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang bud med dang lhan cig gnas gcig tu nyal na ltung byed do zhes bca' ba mdzad de/yul ni mnyan yod gang zag ni tshe dang ldan pa ma 'gags pa/ nyon mongs pa ni bag chags ma byang bas ma bsams par shes pa dang / mthong ba mi 'jug pa'o/ /nyes pa ni bud med dang lhan cig gnas gcig tu nyal ba'o//de la yang dge slong gang zhig ces bya ba ni chos 'di pa'o/ /bud med dang zhes bya ba ni bud med dam gzhon nu ma mi tshangs par spyod pa 'khrig pa'i chos bsten nus pa dang ngo / /lhan cig ces bya ba ni de dang de'o/ /gnas gcig tu zhes bya ba ni gnas bzhi po thams cad g.yogs shing thams cad bskor ba dang /thams cad g.yogs shing phal cher bskor ba dang / phal cher g.yogs shing thams cad bskor ba dang / phal cher g.yogs shing phal cher bskor ba dag tu'o/ /de la gnas thams cad g.yogs shing thams cad bskor ba ni gnas khang dang 'khor gyi khyams dang khang pa brtsegs pa dag go//thams cad g.yogs shing phal cher bskar ba ni sgo bcu pa dang bcu gnyis pa dag go/ /phal cher g.yogs shing thams cad bskor ba ni khyams ngos bzhi pa dag go/ /phal cher g.yogs shing phal cher bskor ba ni khyams ngos gsum pa dang 'khor gyi khyams dag go//nyal na zhes bya ba ni mtshan mo glos phab ste nyal na'o/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang sbyor ba'i sbyor bas ltung ba rnam par gzhag dang / ltung ba med dang /bslabs par bya ba dang / phyir bcos ba rnam kyis 'di'i mtshan nyid shes bar bya'o/ de la 'dir dngos gzhi'i ltung ba rnam par gzhag pa ni dge slong ma'i 'gro ba'i bud med dang gzhon nu ma mi tshangs bar spyod pa 'khrig pa'i chos bsten nus pa dang lhan cig gnas gcig tu mtshan mo gnyid log na skya rengs 'char ba'i mthar bud med dang lhan cig nyal ba'i ltung byed kyi dngos gzhir 'gyur ro//mi'i 'gro ba'i bud med dam gzhon nu ma mi tshangs par spyod pa 'khrig pa'i chos bsten nus pa nyid la na smad pa med do/ /gnas gcig gi khongs su gtogs pa nyid la na smad pa med do//mtshan mo skya rengs 'char ba'i mtha' la na smad pa med do/ /gnyid log pa la na smad pa med do/ 'di'i byed po ni mi'i 'gro ba'i bud med dam/ gzhon nu ma mi tshangs par spyod pa 'khrig pa'i chos bsten nus pa nyid do/ /'di la yan lag lngas dngos gzhi'i ltung bar 'gyur te/ mi'i 'gro ba pa'i bud med dam gzhon nu ma mi tshangs par spyod pa 'khrig pa'i chos bsten nus pa nyid dang lhan cig gnas gcig pa nyid dang / mtshan mo nyid dang / gnyid log pa nyid dang / skya rengs shar ba nyid do/ /de dag las yan lag ma tshang na ci rigs par na smad do/ / sbyor ba'i ltung ba ni nyes byas te ji srid du bud med dang lhan cig nyal ba'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /mi'i 'gro ba pa'i bud med dam gzhon nu ma mi tshangs par spyod pa 'khrig pa'i chos bsten mi nus pa la nyes byas so//mtshan mo ma yin pa dang / skya rengs ma shar ba dang / lhan cig gnas gcig pa nyid ma yin ba dang / gnyid ma log pa la nyes byas so/ /ma ning pho dang / ma ning mo dang / mtshan gnyis pa dang / mi ma yin pa'i 'gro bar gtogs pa la nyes byas so//de dag gi bong tshod bya gag gi tshad kyi mtha' yan chad la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te/ nyes byas phra mo'o/ /ltung ba med pa ni bud med dang /ma ning pho dang / ma ning mo dang / mtshan gnyis pa dang / mi ma yin pa'i 'gro bar gtogs pa mo nyid ma yin pa la ltung ba med do/ /khyim thab kyis bsrungs pa la ltung ba med do/ /srung ba dge slong gzhag ba la ltung ba med do/ /skas bsdus sam/ sgo gtan bcug gam/sgo bcad dam re lde la sogs pas bskor ba la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du bud med dang lhan cig nyal ba'i ltung byed du 'gyur ba rnam pa thams cad mi bsten par bslab par bya'o//dge slong bar khang na nyal zhing bud med 'og khang na nyal lam/ dge slong steng khang na nyal zhing bud med bar khang na nyal lam/ dge slong bar khang na nyal zhing bud med steng khang na nyal lam/ dge slong 'og khang nyal zhing bud med bar khang na nyal na dge slong des skas bsdu bar bya ba'am/sgo gtan pas gcad par bya ba'am/ srung ba dge slong gzhag par bya'o/ /dge slong gnas khang na nyal zhing bud med khyams na nyal na dge slong des sgo gtan pas gcad par bya ba'am/ srung ba dge slong gzhag par bya'o//dge slong khyams na nyal zhing bud med gnas khang na nyal na dge slong des sgo phyi rol nas gcad par bya ba'am/ srung ba dge slong gzhag par bya'o/ /dge slong sgo khang nyal zhing bud med bang rim na nyal na dge slong des sgo nang nas gcad par bya ba'am/ srung ba dge slong gzhag par bya'o//dge slong bang rim la nyal zhing bud med sgo khang na nyal na dge slong des sgo phyi rol nas sgo gcad par bya ba'am/ srung ba dge slong gzhag par bya'o/ /dge slong ba lang gi lhas sam/ phyugs lhas na nyal zhing bud med nang ngam nyen 'khor na nyal na dge slong des phyogs de re lde dag gam gsog ma dag gam yal ga dag gis bskor bar bya ba'am/srung ba dge slong gzhag par bya'o/ /phyir bcos pa ni snga ma bzhin no/ /bud med dang lhan cig tu nyal ba'i ltung byed de drug cu lnga pa bshad zin to// //so sor thar pa'i mdo rgya cher 'grel pa 'dul ba kun las btus pa/bam po sum cu bdun pa/ sngangs par byed pa'i ltung byed kyi gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa maud gal gyi bu chen pos nye ba 'khor la sogs pa sar pa skyes phran gzhon nu bcu bdun sde'i tshogs dag rab tu phyung zhing bsnyen par rdzogs par byas pa de'i tshe na de dag drug sde dag la rten par byed/bsnyen par byed/ bsnyen bkur byed do/ /de nas 'char kas de dag la smras pa bcu bdun sde dag tshur shog 'di dang 'di dag gyis shig /de dag gis smras pa/ khyod kho bo cag gi slob dpon yin nam/ mkhan po yin nam ci mi byed do/ /'char kas smras pa/ glen pa dag 'o na gzhan ci byed ces des de dag gnya' ba nas bzung nas bskrad do/ /de dag gis smras pa/ tshe dang ldan pa dag bdag cag drug sde dag gis gang cung zad brnyas par 'gyur ba de dag thams cad ni bdag cag thos pa nyung ba las gyur pa yin gyi/bdag cag thos pa 'dzin du 'dong ba dang / des na phyin chad drug sde dag la cung zad kyang dri bar mi bya'o zhes de dag dge slong zhig gi gan du dong ste smras pa/ btsun pa bdag cag klog tu stsol cig /des de dag la thabs yin no zhes smras nas/ de dag gis de la klag par brtsams so/ /nye dgas smras pa/ btsun pa 'char ka bcu bdun sde dag de bar bdag cag la rten par mi byed/ bsnyen bkur mi byed do/ /'char kas smras pa/ de dag kho bos bskrad nas thos pa 'dzin par brtsams so//btsun pa 'char ka khyod kyis bdag cag gi sbrul nyal ba lcag gis gzhus so/ /ji srid du glen pa de dag thos pa nyung bar gyur pa de srid du de dag bdag cag la rten par byed/ bsnyen par byed/ bsnyen bkur byed kyi/ gang gi tshe de dag mang du thos par gyur cing mdo sde 'dzin pa dang 'dul ba 'dzin pa dang /ma mo 'dzin pa dang / gdug cing pha rol gnon par gyur pa de'i tshe na de dag bdag cag la gnod pa bya bar sems par 'gyur ro/ /'char kas smras pa/ kho bos ci nas kyang de dag gis ma rtogs pa yang rtogs par mi 'gyur zhing /rtogs pa las kyang yongs su nyams par 'gyur ba de ltar bya'o/ /bcu bdun sde dag kyang me khang du mar me btsugs te kha ton bya bar brtsams pa dang / ji tsam na tshe dang ldan pa 'char ka la ba zhig spu phyir bstan te gyon nas me khang du zhugs te mar me bsad nas 'byung po 'byung po zhes smras pa dang de dag sngangs shing skrag nas me khang nas phyir byung ste mtha' gcig tu 'khod do//de dag slob dpon gyis mthong nas des smras pa/ gzhon nu dag ci'i phyir kha ton mi byed par kha rog ste 'khod/ de dag gis smras pa/ slob dpon bdag cag mi ma lags pas gtses so//des bsams pa rgyal byed kyi tshal gnod sbyin gos sngon po gyon pa lnga brgyas rtag tu mi gtong bas 'di na mi ma yin pa yod re skan/ lhung bzed nag po can gnas ngan len kun du spyod pa 'ga' zhig gis 'di dag bsdigs so snyam nas des smras pa/ gzhon nu dag khyed cag mi ma yin pa de dag 'dzin par 'dod dam/'tshal lo/ /des smras pa/ gzhon nu dag me khang gi grwa bzhir mar me btsugs te/ rdza mas khob la dbus su mar me tshugs la kha ton gyis shig dang / gal te de 'ongs te dbus kyi mar me bsad nas 'byung po 'byung po zhes zer ba na sgo chod la me khang gi grwa bzhir mar me phye la zung shig /de dag gis de ltar byas pa dang / ci tsam na tshe dang ldan pa 'char ka la ba zhig spu phyir bstan te/ gyon te me khang du zhugs te dbus kyi mar me bsad nas 'byung po 'byung po zhes smras pa dang / de dag gis sgo bcad nas me khang gi grwa bzhir mar me phye ste bzung nas brdeg par brtsams pa dang /des smras pa/ 'char ka'o 'char ka'o/ /de dag gis smras pa/ khyod kyi snying lam na 'char ka kho bo cag gi grogs po yin pas de yin no zhes byas na gtang bar 'gyur snyam mam/ shi drod kyis ma bzung gi bar du mi gtong ngo //de dag gis yang smras pa/ tshe dang ldan pa dag mi ma yin pa ni shin tu yang chen po zhig bsad kyang nyes pa sbom por 'gyur bar zad par bdag cag gis ltung ba mthol zhing bshags par byas/ te por brdeg go zhes de dag gis te bor tal tal te btang nas 'char kas 'phyes 'khrud de rang gi gnas su phyin nas/de'i phyi de nyin par lus dag 'bru mar gyis bsku mnye byas nas khri la nyal zhing 'dug pa dang / dge slong rnams kyis de la smras pa/ tshe dang ldan pa 'char ka khyod ci nyes/ 'char kas smras pa/ tshe dang ldan pa dag kho bos ku re cung zhig byas nas nyes dmigs 'di lta bu byung bar gyur to//ci byas/ des skabs de rgyas par brjod pa dang / dge slong rnams kyis de la smras pa/ khyod dge slong la sngangs par byed du rung ngam/ gang gi phyir mi rung ba de nyid kyi phyir nyes dmigs 'di lta bu byung bar gyur to zhes zer nas dge slong don nyung ngu dag ci'i phyir dge slong dag dge slong la sngangs par byed ces smod par byed/phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang /gleng gzhi 'di dang / skabs 'di la dge slong gi dge 'dun bsdu ba mdzad de/ 'char ka la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar rnam par smad de/bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong la sngangs par byed dam/ sngangs par byed du 'jud na tha na bzhad gad bya bar bsams kyang rung ste ltung byed do/ / zhes bca' ba mdzad de/ yul ni mnyan yod/ gang zag ni 'char ka / nyon mongs pa ni phrag dog /nyes pa ni dge slong la sngangs par byed pa'o/ /de la yang dge slong gang zhes bya ba ni 'char ka'am gzhan yang de lta bu gang yin pa'o/ /dge slong la zhes bya ba ni chos 'di pa la'o/ / sngangs par byed dam zhes bya ba ni bdag nyid kyis so/ /sngangs par byed du 'jud na zhes bya ba ni gzhan no/ /tha na bzhad gad bya bar bsams kyang rung ste zhes bya ba ni tha na ku re bya bar bsams kyang rung ste'o/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang /sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gis bzhad gad bya bar bsams pas kyang rung khro ba sngon du btang bas kyang rung ste sngangs par 'dod pas 'jigs pa'i rgyu nye bar sgrub pa sngon du btang ba 'jigs par byed pa yid du mi 'ong ba 'di lta ste dper na/yi dags sam/ sha za'am/ grul bum mam/ lus srul po'i gzugs la ba nag po'am/ sol ba'am/ka ba tshig pa lta bu/ sgra seng ge'am/ stag gam/ gung ngam/ mtsha' 'am/ gzig gam/ wa'i skad lta bu'am/ dri bshang ba'am/ gci ba'am/ ra'am/ ra'i ze ba'i dri lta bu/ reg pa sreg gam/ re lde'am phyar ba'i reg pa lta bu dag 'di na yod do zhes dge slong la bdag nyid kyis go bar byed dam/gzhan gyis kyang go bar byed du bcug na 'jigs pa skyes kyang rung / ma skyes kyang rung / skyo bar byed pa'i ched nyid ma gtogs te/ sngangs par byed pa'i ltung byed kyi dngos gzhir 'gyur ro/ /bzhad gad bya bar bsams pa dang / khro ba sngon du btang ba la na smad pa med do//sngangs par 'dod pa dang / 'jigs pa'i rgyu nye bar bsgrub pa sngon du btang ba la na smad pa med do/ /'jigs par byed pa yid du mi 'ong ba gang yang rung ba lan smad pa med do/ /'jigs par byed pa yid du mi 'ong ba 'di lta ste dper na/ yi dags sam/ sha za dang / grul bum dang /lus srul po gang yang rung ba la na smad pa med do/ /de dag gi gzugs la ba nag po dang / sol ba dang ka ba tshig pa lta bu gang yang rung ba la na smad pa med do/ /de dag gi sgra seng ge dang / stag dang / gung dang / mtsha' dang / gzig dang / wa'i skad lta bu gang yang rung ba la na smad pa med do//de dag gi dri bshang ba dang / gci ba dang / ra dang / ra'i ze ba'i dri lta bu gang yang rung ba la na smad pa med do/ /de dag gi reg pa gseg dang / re lde dang / phyar ba'i reg pa lta bu gang yang rung ba la na smad pa med do/ /go bar bya ba'i dge slong gang yang rung ba la na smad pa med do//'di na yod do zhe'am/ pha gi na yod do zhes zer ba gang yang rung ba la na smad pa med do/ /de dag gis khyod khrid par 'gyur/ gsod par 'gyur/ srog dang bral bar byed par 'gyur ro zhes zer ba gang yang rung ba la na smad pa med do/ /bdag nyid go bar byed dam gzhan gyis go bar byed du bcug pa gang yang rung ba la na smad pa med do//'jigs pa skyes pa'am ma skyes pa gang yang rung ba la na smad pa med do/ /skyo bar byed pa'i ched nyid ma gtogs par gang yang rung ba la na smad pa med do/ /'di'i byed pa po ni sngangs par 'dod pa dang yid du mi 'ong ba nyid do//'di la yan lag drug gis dngos gzhi'i ltung bar 'gyur te bzhad gad bya bar bsams pa'am/ khro ba sngon du btang ba'i bsams pa gang yang rung ba nyid dang / sngangs par 'dod pa nyid dang / 'jigs pa'i rgyu yid du mi 'ong ba gang yang rung ba nyid dang /pha rol po sngangs par bya ba dge slong nyid dang / bdag nyid dam gzhan gang yang rung bas go bar byed pa nyid dang / pha rol po 'jigs pa skyes kyang rung ma skyes kyang rung ba'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te ji srid du sngangs par byed pa'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed pa brtsams pa re re la nyes byas re re'o/ /yid du 'ong ba'i rgyu nye bar bsgrub pa sgrogs pa la nyes byas so/ /yid du 'ong ba 'di lta ste dper na/ lha dang /klu dang / dri za dang / gnod sbyin dang / mi'am ci dang / lto 'phye chen po dang / yi dags dbang che bar grags pa gang yang rung ba dag la nyes byas so/ /de dag gi gzugs nor can dang / tshong dpon dang / ded dpon dang / rgyal po dang blon po lta bu gang yang rung ba la nyes byas so/ /de dag gi sgra pi wang dang /'od ma dang / ba la ri dang / ma ha ti dang / su g+ho Sha ka lta bu gang yang rung ba la nyes byas so/ /de dag gi dri a ka ru dang / tsan dan dang / gur kum dang / ta ma la'i lo ma lta bu gang yang rung ba la nyes byas so/ /de dag gi reg pa dar dang / ras yug chen dang /be'u ras dang / dar la dang / du gu la'i ras dang / ko tam pa'i ras lta bu gang yang rung ba la nyes byas so/ /go bar bya ba dge slong ma yin pa la nyes byas so/ /de dag 'di na yod do zhe'am pha gi na yod do zhes zer ba gang yang rung ba la nyes byas so/ /de dag gis khyod la yid du 'ong ba'i rgyu nye bar bsgrub par 'gyur ro zhes zer ba gang yang rung ba la nyes byas so//de dag bdag nyid kyis go bar byed dam/ gzhan gyis go bar byed du bcug pa gang yang rung ba la nyes byas so/ /yid du 'ong ba'i rgyus dga' ba skyes pa'am/ ma skyes pa gang yang rung ba la nyes byas so//de dag gis skyo bar byed pa'i ched nyid ma gtogs pa gang yang rung ba la nyes byas so/ /sbyor ba'i sbyor ba'i stung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni skyo bar bya ba'i ched nyid la ltung ba med do//de'i phyir skyo bar bya ba'i ched nyid la sems can dmyal ba dang / dud 'gro dang yi dags kyi gtam la sogs pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do//bslab par bya ba ni dge slong gis yul thams cad la gnas skabs thams cad du sngangs par byed pa'i ltung byed du 'gyur ba rnam pa thams cad mi bsten par bslab par bya'o/ /skyo bar bya ba'i ched nyid du de dag bsgrag par bya'o/ /phyir bcos pa ni snga ma bzhin no/ /sngangs par byed pa'i ltung byed de drug cu drug pa bshad zin to// //sbed pa'i ltung byed kyi gleng gzhi ni bcas pa dang gnang ba'i dbang gis rnam pa gnyis te bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//gang gi tshe tshe dang ldan pa maud gal gyi bu chen pos nye ba 'khor la sogs pa sar pa skyes phran gzhon nu bcu bdun sde'i tshogs dag rab tu phyung zhing bsnyen par rdzogs par byas pa de'i tshe na de dag drug sde dag la sten par byed bsnyen par byed bsnyen bkur byed do/ / khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas sangs rgyas la sogs pa dge slong gi dge 'dun ni gshegs so/ /drug sde dag dang bcu bdun sde dag phyi bzhin 'brang zhing 'dong ngo / /de'i lam ka na rdzing bu chus gang ba zhig 'dug nas drug sde dag gis bcu bdun sde dag la smras pa/bcu bdun sde dag kye ma khyed cag dang kho bo cag lhan cig tu 'gran pa yin na tshur sheg 'u bu cag chu'i nang du gang yun ring du nub cing 'dug phod pa lta'o/ /de dag gis smras pa/ de ltar bya'o zhes de dag thams cad chur zhugs pa dang /nye dga' chu nas byung ste bcu bdun sde dag gi gos dag sa 'bus pa zhig gi 'og tu sbas pa dang / drug sde dag myur ba myur bar rdzing bu'i nang nas byung ste/ gos dag gyon nas song ngo / /bcu bdun sde dag chu'i steng du byung ba dang / drug sde dag mi snang nas de dag gis bdag cag pham par gyur na mi rung ngo zhes de dag yang chu'i 'og tu zhugs so//de dag yang dang yang du steng du byung ste bltas na drug sde dag mi snang nas de da dung yang chu'i 'og tu 'dug go snyam nas/ de dag gis smras pa/ tshe dang ldan pa dag drug sde dag gis gos dag sbas te 'dong ngo zhes bgros pa dang /ci tsam na gos gcig kyang mi snang nas/ de dag gis smras pa/ tshe dang ldan pa dag de dag gis bdag cag la mtho btsams so zhes de dag rdzing bu nas byung ste mtha' gcig tu 'khod do/ /de'i tshe tshe dang ldan pa shA ri'i bu dang / maud gal gyi bu chen po gnyis 'khor lnga brgya dang /ko sa la dag tu ljongs rgyu zhing 'dong ba na phyogs der 'ongs nas/ tshe dang ldan pa maud gal gyi bu chen pos de dag gis gos dag phyung ste de dag la byin no/ /de nas de dag dge slong dag gi nang du dong nas gos bshus te smras pa/ tshe dang ldan pa dag gal te kho bo cag la mkhan pos ma dgongs su zin na kho bo cag gi zan gcad par byas par 'gyur ro//ci'i phyir de dag gis skabs de rgyas par brjod pa dang / dge slong don nyung du dag ci'i phyir dge slong dag dge slong gi gos dag sbed par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ drug sde dag la rmas nas dge sbyong gi tshul ma yin pa/ rjes su mthun pa ma yin pa/ rung ba ma yin pa/tshul dang mthun pa ma yin pa de ni rab tu byung bas bya ba ma yin na zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong ngam dge slong ma'am/dge slong ma'am/ dge tshul lam/ dge tshul ma'i lhung bzed dang gos sam/ dra ba'am/ phor bu'am/ ska rags sam/ dge sbyong gi 'tsho ba'i yo byad gang yang rung ba sbed dam/ sbed du 'jug na ltung byed do zhes bca' ba mdzad de/ yul ni mnyan yod/ gang zag ni drug sde/nyon mongs ba ni mtho btsams pa/ nyes pa ni rab tu byung ba'i yo byad sbed pa'o/ /gnang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dge slong zhig gis dge slong zhig gi lag tu gos gtams nas 'jigs pa byung ba dang /dge slong des rang gi gos dag ni sbas/ dge slong de'i gos dag ni ma sbas pa dang / de dag ma byin par len pa dag gis phrogs nas/ dge slong de phongs par gyur ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na de 'dra ba'i rkyen ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas/ dge slong rnams la de'i shas che ba dang /de dang mthun pa dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bca' ba yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang dag dge slong ngam/ dge slong ma'am/ dge slob ma'am/ dge tshul lam/ dge tshul ma'i lhung bzed dam/ chos gos sam/ dra ba'am/ phor bu'am/ ska rags sam/ dge sbyong gi 'tsho ba'i yo byad gang yang rung ba sbed dam/ sbed du 'jug na de 'dra ba'i rkyen ma gtogs te ltung byed do zhes gnang ba mdzad de/yul ni mnyan yod/ gang zag ni dge slong don nyung ngu dag /nyon mongs pa dang nyes pa med do/ /de la yang dge slong gang zhes bya ba ni shAkya'i bu nye dga'a'am/ gzhan yang de lta bu gang yin pa'o/ /dge slong ngam/ dge slong ma'am dge slob ma'am/dge tshul lam/ dge tshul ma'i zhes bya ba ni chos 'di pa la'o/ /lhung bzed ces bya ba ni lhung bzed nyid do/ /gos zhes bya ba ni bdun po dag las gang yang rung ba'o/ /dra ba zhes bya ba ni lhung bzed kyi snod do/ /phor bu zhes bya ba ni kha phor ro/ /ska rags zhes bya ba ni shur bu dang / lcag bod dang rgya cang dang shur bu phre'u'o/ /dge sbyong gi 'tsho ba'i yo byad gang yang rung ba'o zhes bya ba ni de dag las gzhan gang yang rung ba'o/ /sbed dam zhes bya ba ni bdag nyid kyis so/ /sbed du 'jug na zhes bya ba ni gzhan no/ /de 'dra ba'i rkyen ma gtogs te zhes bya ba ni phan par 'dod pas sbed pa de 'dra ba'i rkyen gzhag ste'o//ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni dge slong gis rab tu byung ba 'di pa dbang ba'i lhung bzed dang / /chos gos dang / dra ba dang / phor bu dang / ska rags la sogs pa dge sbyong gi 'tsho ba'i yo byad gang yang rung ba sbed dam/ sbed du bcug na phan par 'dod pas sbed pa ma gtogs te sbed pa'i ltung byed kyi dngos gzhir 'gyur ro//bcom ldan 'das kyi gsung rab la rab tu byung ba dge slong ngam dge slong ma dang / dge slob ma dang / dge tshul dang / dge tshul ma gang yang rung ba la na smad pa med do/ /de dag dbang ba'i lhung bzed dang /chos gos dang / dra ba dang / phor bu dang / ska rags la sogs pa dag sbyong gi 'tsho ba'i yo byad gang yang rung ba la na smad pa med do/ /de dag tshad dang ldan pa dang rung ba la na smad pa med do/ /rang gis sbed dam gzhan sbed du bcug pa la na smad pa med do/ /phan par 'dod pa'i bsam pa ma gtogs pa la na smad pa med do//'di'i byed pa po ni mtho btsams pa'i bsam pa dang / rab tu byung ba 'di pa gang yang rung ba'i yo byad gang yang rung ba'o/ /'di la yan lag lngas dngos gzhi'i ltung bar 'gyur te/ tho 'tshams pa'i bsams pa dang / rab tu byung ba 'di pa dang / yo byad gang yang rung ba dang / sbed dam sbed du 'jug pa dang / phan par 'dod pa ma gtogs pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du sbed pa'i ltung byed kyi sbyor ba brtsams nas dngos gzhi lam thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /rab tu byung ba 'di pa ma yin pa'i mi dang / 'gro ba gzhan du gtogs pa gang yang rung ba la nyes byas so/ /tshad dang ldan pa ma yin pa dang rung ba ma yin pa la nyes byas so/ / sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni phan par 'dod pas sbed dam sbed du 'jud pa la ltung ba med do/ /las dang po ba dang / smyos pa dang /sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du sbed pa'i ltung byed du 'gyur ba rnam pa thams cad mi bsten par bslab par bya'o/ phan par 'dod pa'i bsam pas rang dang gzhan gyi yo byad sbed dam sbed du gzhug par bya'o//dang por rang gi sba bar bya'o/ /de nas nus na gzhan gyi sba bar bya'o/ /phyir bcos pa ni snga ma bzhin no/ /sbed pa'i ltung byed de drug cu bdun pa bshad zin to// //byin pas nye bar 'tsho ba'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//gang gi tshe tshe dang ldan pa 'char kas ni nyon mongs pa thams cad spangs pas dgra bcom pa nyid mngon sum du byas/ tshe dang ldan pa 'dun pa ni kau shAm+bIr song ste snying las chung ngur 'dug /'gro mgyogs dang nab so gnyis ni dus la bab/ dga' bo dang nye dga' gnyis ni dge 'dun gyi nang na 'khod pa de'i tshe na tshe dang ldan pa nye dga' rgas par gyur nas de la lhan cig gnas pa dang / nye gnas dag nye dga' la mi nyan pas de'i chos gos dag dri ma can du gyur kyang des 'khru ba dang /kha bsgyur bar mi nus nas de la blo byung ba thabs zhig bya'o snyam nas des chos gos de dag lhan cig gnas pa dang / nye gnas dag la bu dag kho bo rgas pas 'di dag khyed kyi yin no zhes la la la snam sbyar byin/ la la la bla gos byin/ la la la mthong gos byin no//de dag gis rang gi sred pas chos gos de dag legs par bkrus shing legs par kha bsgyur bar byas so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong rnams la de bzhin gshegs pa ko sa la dag tu ljongs rgyu rgyur gshegs kyi khyed cag las gang de bzhin gshegs pa dang thabs cig ko sa la dag tu ljongs rgyur 'gro bar spro ba des chos gos kyi las gyis shig ces bsgo shig /tshe dang ldan pa kun dga' bos de skad bsgo ba na dge slong de dag gis chos gos de dag nye dga' la gtams te dong ngo / /nye dgas de dag spyad nas phyir gtur bur bcug go//ci tsam na dge slong de dag phyir 'ongs nas khyim bdag gis sangs rgyas la sogs pa dge slong gi dge 'dun glo bur du gshegs pa'i gshegs ston la spyan drangs pa'i tshe de dag gis chos gos de dag phyir blangs pa dang nye dgas spyad par mthong nas gzhag ste chos gos rnying pa dag gis zhugs so//dge slong rnams kyis de dag la smras pa/ tshe dang ldan pa dag khyed cag gis chos gos dag cig gtams te gzhag na ci'i phyir lam gyi chos gos dag gyon te 'ongs/ de dag gis smras pa/ gtams te gzhag go/ /'o na ci'i phyir de dag mi byon/de dag gis skabs de rgyas par brjod pa dang / dge slong don nyung ngu dag ci'i phyir dge slong dag dge slong la chos gos byin nas de'i 'og tu gdeng med par spyod par byed ces smod par byed/ phyar ka gtong bar byed/ /kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de nye dga' la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong la gos sbyin nas de'i 'og tu gdeng med par spyod na ltung byed do zhes bca' ba mdzad de/yul ni mnyan yod/ gang zag ni nye dga'/ nyon mongs pa ni thug thub/ nyes ba ni dge slong la gos sbyin pa gdeng med par spyod pa'o/ /de la yang dge slong gang zhes bya ba ni sha' kya'i bu nye dga' 'am gzhan yang de lta bu gang yin pa'o/ /dge slong la zhes bya ba ni chos 'di pa la'o//gos zhes bya ba ni snam sbyar dang bla gos dang mthang gos gsum las gang yang rung ba'o/ /byin nas zhes bya ba ni blang ba med par byin nas so/ /de'i 'og tu zhes bya ba ni dus gzhan nas so/ /gdeng med par zhes bya ba ni ma bslangs par ro/ /spyod na ni zhes bya ba ni gyon pa'o//ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni dge slong gis dge slong la gos snam sbyar dang / bla gos dang mthang gos las gang yang rung ba gzhan la byin nas de'i 'og tu des gnang ba'i gdeng med par gzhi des de dga' bar mi 'gyur bar spyod na byin pas nye bar 'tsho ba'i ltung byed kyi dngos gzhir 'gyur ro//chos 'di pa'i dge slong gang yang rung ba la na smad pa med do/ /gos snam sbyar dang / bla gos dang / mthang gos gsum las gang yang rung ba la na smad pa med do/ /phyir blang ba med par byin pa la rang gi blos nye bar 'tsho ba la na smad pa med do//pha rol pos gnang ba'i gdeng med pa la na smad pa med do/ /gzhi des pha rol po dga' bar mi 'gyur ba la na smad pa med do/ /spyad pa shas ches che chung dang yun ring thung la na smad pa med do/ /'di'i byed pa po ni dge slong gis gos dang gdeng med par spyod pa'o/ /'di la yan lag lngas dngos gzhi'i ltung byed du 'gyur te/dge slong gi dang dge slong gi yo byad gzhan ma gtogs pa'i gos nyid dang / rang gi phar byin pa dang / pha rol bo'i gdeng med par rang gi blos nye bar 'tsho ba dang / gzhi des dga' bar mi 'gyur bar spyod pa'o/ /de dag las yan lag ma tshad na ci rigs par na smad do//sbyor ba'i ltung ba ni nyes byas te/ ji srid du byin pas nyes bar 'tsho ba'i ltung byed kyi sbyor ba brtsams nas dngos gzhi la ma thug gi bar du nyes byas so/ dngos gzhi la sbyor ba tha dad pa ji snyed brtsams pa re re la nyes byas re re'o/ /gos las gzhan pa'i yo byad la nyes byas so//chos 'di pa'i dge slong las gzhan pa la nyes byas so/ /phyir blang ba med par stan byin pa ma yin pa la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o//ltung ba med pa ni pha rol pos gnang ba'i gdeng yod pa la ltung ba med do/ /gal te gzhi des pha rol po de dga' bar 'gyur ro snyam pa'i bsam pa la ltung ba med do/ /las dang po dang / smyos pa dang / sems 'khrugs pa dang / tshor ba dag gis nyen pa la ltung ba med do//bslab par bya ba ni dge slong gis yul thams cad la gnas skabs thams cad du byin pas nye bar 'tsho ba'i ltung byed du 'gyur ba rnam pa thams cad mi bsten par bslab par bya'o/ /gzhan la byin pa phyir gtams pa la rang gi 'du shes mi bskyed do/ /de yal bar mi 'dor ro//der thug thub tu mi spyod do/ /phyir bcos pa ni snga ma bzhin no/ /byin pas nye bar 'tsho ba'i ltung byed de drug cu brgyad pa bshad zin to// //skur ba 'debs pa'i ltung byed kyi gleng gzhi ni sangs rgyas bcom ldan 'das rgyal po'i khab 'od ma'i tshal bya ka lan dka'i gnas na bzhugs so//de'i tshe tshe dang ldan pa gyad bu nor rgyal po'i khab na bya rgod phung po'i ri la rdzing bu rdo rtsig can zhes bya ba'i 'gram na 'dug go/ /dge slong ma ut+pa la'i mdog bcom ldan 'das dang / dge slong gnas brtan gnas brtan rnams kyi zhabs la phyag 'tshal nas tshe dang ldan pa gyad bu nor ga la ba der dong ste phyin nas tshe dang ldan pa gyad bu nor gyi rkang pa gnyis la mgo bos phyag 'tshal te chos mnyan pa'i phyir mdun du 'dug go//de'i tshe na dge slong mdza' bo dang / sa las skyes gnyis kyis phyag dar khrod cig rnyed cing de gnyis tshe dang ldan pa gyad bu nor dang tshe rabs tshe rabs nas rjes su 'brel ba'i khon yod pas rtag tu klan ka tshol ba la brtson pa yin pas de gnyis phyag dar khrod kyi gos de khyer te rdzing bu rdo rtsig can du 'khur bcug nas nyi ma la bting ste 'khod do//de'i tshe na tshe dang ldan pa gyad bu nor gyi chos gos kyi grwa rlung gis bskyod nas/ dge slong ut+pa la'i mdog gi mgo la reg go/ /de mdza' bos mthong nas sa las skyes la smras pa/ sa las skyes gyad bu nor 'di la dge slong ma ut+pa'i mdog dang lhan cig lus kyi reg pa'i dge 'dun lhag ma byung gi 'dod la dge slong rnams la brjod par bya'o zhes de gnyis dong ste/ dge slong rnams la de skad smras so/ /dge slong rnams kyis smras pa/ tshe dang ldan pa gnyis khyed cag gnyis lha dang mi rnams gcig tu yongs su btang zhing sems can dmyal ba dang / yi dwags dang / dud 'gro rnams su gcig tu gnas sam/ ci nas dge slong dgra bcom pa rnam par thar pa brgyad la bsam gtan pa mi'i chos bla ma'i rdzu 'phrul gyi cho 'phrul rnam par ston pa de la khyed gnyis gzhi med pa'i dge 'dun lhag ma'i chos kyis skur pa 'debs par byed ces zer ba'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ /dge slong dag khyed kyis de gnyis la ji zhig mthong / ji ltar mthong / gang du mthong / khyed gnyis ci'i phyir der son pas der mthong zhes legs par rab tu gleng zhing rtogs shig /dge slong rab tu mang po dag gis legs par rab tu glengs shing brtags pa na de gnyis kyis smras pa/tshe dang ldan pa dag tshe dang ldan pa gyad bu nor la dge slong ma ut+pa la'i mdog dang lhan cig lus kyi reg pa'i dge 'dun lhag ma byung ste/ 'di ltar bdag cag gnyis kyis tshe dang ldan pa gyad bu nor la 'dun pas smras pa/ zhe sdang dang /gti mug dang / 'jigs pas smras so zhes zer nas dge slong don nyung ngu dag ci'i phyir dge slong dag dge slong dag pa ltung ba med pa la gzhi med par dge 'dun lhag ma'i chos kyis skur pa 'debs par byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ mdza' bo dang sa las skyes la rmas nas dge sbyong gi tshul ma yin pa/ rjes su mthun pa ma yin pa/ rung ba ma yin pa/tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab ba'i gzhi 'di ltar gdon par bya ste/ yang dge slong gang khros shing zhe sdang bar gyur nas dge slong dag pa ltung ba rnam pa med pa la gzhi med par dge 'dun lhag ma'i chos kyis skur na ltung byed do zhes bca' ba mdzad de/yul ni rgyal po'i khab/ gang zag ni mdza' bo dang / sa las skyes gnyis/ nyon mongs pa ni khon du 'dzin ba/ nyes pa ni dge slong la gzhi med par dge 'dun lhag ma'i chos kyis skur pa 'debs pa'o//de la yang dge slong gang zhes bya ba ni mdza' bo dang sa las skyes sam gzhan yang de lta bu gang yin pa'o/ /khros shing zhes bya ba ni 'khrugs shing ngo / /zhe sdang bar gyur nas zhes bya ba yid mi dga' bar gyur nas de 'khrugs pa ma bsal bar ro//dge slong dag pa zhes bya ba ni tshe dang ldan pa gyad bu nor ram gzhan yang de lta bu gang yang rung ba'o/ /ltung ba med pa la zhes bya ba ni gzhi de'i ltung ba med ba'o/ /gzhi med par zhes bya ba ni gzhi gsum po mthong ba'i gzhi dang thos pa'i gzhi dang dogs pa'i gzhi med par ro//dge 'dun lhag ma'i chos kyis zhes bya ba ni bcu gsum po gang yang rung ba ste/ de ni chos ma yin pa la chos kyi sgra gsungs pa yin no/ skur na zhes bya ba ni skur ba 'debs na'o/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/'dir yang dngos gzhi dang sbyor ba dang sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni/ dge slong gis skur ba 'debs par 'dod pas dge slong la 'du shes bsgyur te/dge 'dun lhag mas skur pa gsal ba'am bag tsam gyis kyang brjod na skur ba 'debs pa'i ltung byed kyi dngos gzhir 'gyur ro/ /de'i bye brag ni 'di ltar ltung ba 'byin par byed pas pha rol po la skur ba 'debs pa'i bsam pas mthong ba dang /thos pa dang / dogs pa'i gzhi gang yang med par brdzun gyi tshig gis dge slong yang rung / dge slong ma yang rung / pham par 'gyur ba byung yang rung / ma byung yang rung ba la dge 'dun lhag ma'i chos bcu gsum pa'am nyi shu gang yang rung bas skur pa de nyid dang / mi'i 'gro ba pa khyim pa'am/ rab tu byung ba'am/ skyes pa'am bud med dam ma ning la sogs pa gang yang rung ba la mngon sum mam brgyud pa la sogs pa'i thabs gsal ba'am/ bag tsam gyis brjod pa gang yang rung bas brda sprod cing go bar byas na dngos gzhir 'gyur te/de dag la na smad pa med do/ /dge 'dun lhag mas skur pa gdab pa'i bsam pa gang yang rung ba la na smad pa med do/ /mthong ba dang / thos pa dang / dogs pa'i gzhi gsum po dang / brjed pa gang yang rung ba lan smad pa med do/ /'du shes dang / bzod pa dang /'dod pa dang / blo gros dang / rtog pa dang / lta ba bsgyur ba'i brdzun gyi tshig gang yang rung ba la na smad pa med do/ /dge slong dang dge slong ma bsnyen par ma rdzogs pa dang bcas pa gang yang rung ba la na smad pa med do/ de gnyis pham par 'gyur ba'i chos dang / dge 'dun lhag mas nyams pa dang /ma nyams pa gang yang rung ba lan smad pa med do/ /dge 'dun lhag ma'i chos thun mong ba gang yang rung ba la na smad pa med do/ /nyan pa po nyid dang mi'i 'gro ba bo khyim pa 'am rab tu byung ba dang / skyes ba'am bud med dang ma ning la sogs pa gang yang rung ba la na smad pa med do//brda sprod pa'i thabs mngon sum mam/ brgyud pa'am/ phrin dang / spring yig dang / brda la sogs pas go bar byed pa gang yang rung ba la na smad pa med do/ /gang zag ma nyams pa dag la gzhi bcus ltung bar 'gyur te/ ma mthong ba dang ma thos pa dang /mi dogs par 'du shes bsgyur te mthong ngo zhe'am/ thos so zhe'am/ /dogs so zhes zer ba gsum dang / thos la brjed pa dang / dogs la brjed pa las 'du shes bsgyur te thos te ma brjod do zhe'am/ dogs te ma brjod do zhes zer ba gnyis dang / thos pa la yid ches nas mthong ngo zhe'am/thos pa la yid mi ches par mthong ngo zhe'am/ thos pa la dogs nas mthong ngo zhe'am/thos pa la mi dogs par mthong ngo zhe'am/ dogs pa la dogs nas mthong ngo zhes zer ba lnga ste/ de ltar gzhi bcu po de dag gang brjod kyang na smad pa med do/ /gang zag dag pa ma dag pa ltar bcos pa la yang gzhi de bcus ltung bar 'gyur ro//gyur zag nyams pa ma dag pa la ni gzhi bcu gcig gis ltung bar 'gyur te/ ma mthong ba dang / ma thos pa dang / mi dogs par 'du shes bsgyur te mthong ngo zhe'am/ thos so zhe'am/ dogs so zhes zer ba gsum dang mthong la brjed ba dang /thos la brjed pa dang / dogs la brjed pa las 'du shes bsgyur te mthong ste ma brjed do zhe'am/ thos te ma brjed do zhe'am/ dogs te ma brjed do zhes zer ba gsum dang / thos pa la yid ches nas mthong ngo zhe'am/ thos pa la yid ma ches nas mthong ngo zhe'am/thos pa la dogs nas mthong ngo zhe'am/ thos pa la mi dogs bar mthong ngo zhe'am/ dogs pa la dogs pa na mthong ngo zhes zer ba lnga ste/ de ltar gzhi bcu gcig po dag gang brjod kyang na smad pa med do/ /gang zag ma dag pa dag pa ltar bcos pa la yang gzhi bcu gcig po de dag gis ltung bar 'gyur ro//mtshan dang lta ba las rang gi phyogs ma yin pa la na smad pa med do/ /yid gnyis ni 'du shes dang 'dra bas yid gnyis dang bcas pas skur pa la na smad pa med do/ /gzhi gsum po dag ni tha dad pas de dag nang bsnur ba la na smad pa med do//brjed pa ni med pa dang 'dra bas brjed bas skur ba la na smad pa med do/ /don gyi de nyid ni mi brdzun par smra ba nyid kyi rgyu ma yin pas de nyams pa yin yang gzhi med par 'du shes bsgyur ba la na smad pa med do/ /dge slong 'gro ba gzhan gyi rnam pa bsten pa na dge slong gi 'du shes yod pa la na smad pa med do//dngos po bzang ngan dang 'dra ba la na smad pa med do/ /mtshan gyur ba lta ba thun mong gi yul la na smad pa med do/ /'gro ba gzhan las skyes pa dang / 'gro ba gzhan gyi rnam pa bsten pa la na smad pa med do/ /gnas skabs gzhan thob pa la na smad pa med do/ /gzhi gcig la bslab pa du ma bcas pa nyid la na smad pa med do//dngos po la the tshom za bas bsam pa dang bcas par zhugs pa la na smad pa med do/ /yul bsams pa dang ma bsams pa la na smad pa med do/ /rang dang gzhan gyi don du byed pa la na smad pa med do/ /'di'i byed pa po ni skur pa 'debs par 'dod pas gzhi med par dge slong la dge 'dun lhag ma'i chos kyis skur pa 'debs pa'o//'di la yan lag lngas dngos gzhi'i ltung bar 'gyur te/ skur ba 'debs par 'dod pa dang / pha rol po bsnyen par rdzogs pa nyid dang / gzhi med par 'du shes bsgyur ba dang /dge 'dun lhag ma'i chos dang / gsal ba'am bag tsam gyis brjod de don go ba'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du skur pa 'debs pa'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /mi bsten pa la dge 'dun lhag ma'i chos kyis skur pa 'debs na nyes byas so/ /des na dge slong la pho'i dbang po med pa ma ning pho lta bu dang dge slong ma la mo'i dbang po med pa ma ning mo lta bus skur pa 'debs na nyes byas so//skur pa gdab par bya ba'i ming ma smos par skur ba 'debs na nyes byas so/ /dge slong 'gro ba gzhan gyi rnam pa bsten pa na dge slong gi 'du shes med pa la nyes byas so/ /khros par gyur pa dang rgod bag dang / byung rgyal gyis skur pa 'debs na nyes byas so/ /dud 'gro'i 'gro ba la go bar byas na nyes byas so/ /bsnyen par ma rdzogs pa la skur pa 'debs na nyes byas so/ /de bzhin gshegs pa la ngan sems kyis khrag phyung ba dang dge 'dun gyi dbyen byas pas skur na nyes byas so/ /gzhi gsum po dag med par bdag gis bsams te smras so zhes bya ba la sogs pas gzhogs smos byed na nyes byas so//ltung ba gzhan gyis skur na nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o//nyes byas kyis skur na yang nyes byas phra mor 'gyur ro/ /ltung ba med pa ni gang zag ma nyams pa dag la gzhi 'di lngas ltung bar mi 'gyur te/ ma mthong ba dang / ma thos pa dang / mi dogs pa la 'du shes ma bsgyur bar ma mthong ngo zhe'am/ma thos so zhe'am/ mi dog so zhes zer ba gsum dang / thos la brjed pa dang / dogs la brjed pa las 'du shes ma bsgyur bar thos te brjed do zhe'am/ dogs te brjed do zhes zer ba gnyis te/ de ltar gzhi lnga po dag gang brjed kyang ltung ba med do//gang zag dag pa ma dag pa ltar bcos pa la yang gzhi de lnga la ltung ba med do/ /gang zag nyams pa ma dag pa la ni gang gzhi drug gis ltung bar mi 'gyur te/ mthong ba dang / thos pa dang / dogs pa la 'du shes ma bsgyur bar mthong ngo zhe'am/ thos so zhe'am/ dogs so zhes zer ba gsum dang /mthong la ma brjed pa dang / thos la ma brjed pa dang / dogs la ma brjed pa la 'du shes ma bsgyur bar mthong ste ma brjed do zhe'am/ thos te ma brjed do zhe'am/ /dogs te ma brjed do zhes zer ba gsum ste/ de ltar gzhi drug po de dag gang brjod kyang ltung ba med do//gang zag ma dag pa dag pa ltar bcos pa la yang gzhi de drug la ltung ba med do/ /dril bsgrags pa la ltung ba med do/ /ngos la ri mo bris la phan chad pa ji ltar bdag gis shes pa de bzhin du 'jig rten thams cad kyis kyang shes so snyam na ltung ba med do/ /las dang po ba dang /smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du skur ba 'debs pa'i ltung byed du 'gyur ba rnam pa thams cad mi bsten par bslab par bya'o/ /'du shes bsgyur ba dang /gzhi med par smra bar mi bya'o/ /phyir bcos pa ni snga ma bzhin no/ /skur pa 'debs pa'i ltung byed de drug cu dgu pa bshad zin to// //bud med dang lhan cig 'gro ba'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/rgyal po'i khab na tha ga pa spyi cer zhes bya ba zhig 'dug pa des mnyan yod pa'i tha ga pa zhig gi bu mo bag mar blangs nas des bu mo de la yang dang yang du khu tshur dang thal lcag gis rdeg par byed nas dus gzhan zhig na tha ga pa spyi cer tshong khang du chang 'thungs te ra ro nas rang gi khyim ga la ba der song ste phyin nas des bu mo de shin tu brdegs te gnyid log pa dang /des tha ga pa de gnyid log par rig nas sgo dang po phye ba kho na nas byung ste bros so/ /dge slong zhig rgyal po'i khab tu dbyar gnas par khas blangs nas mnyan yod du bcom ldan 'das kyi zhabs la phyag 'tshal du 'phags pa de yang sgo dang po phye ba kho na nas byung ste song ba dang /bu mo des dge slong de mthong nas des smras pa/ 'phags pa gar bzhud/ dge slong des smras pa/ sring mo mnyan yod du 'gro'o/ /bdag kyang mnyan yod du mchi yis 'phags pa dang lhan cig 'grogs te mchi'o//de ltar gyis shig /bu mo de dge slong de dang lhan cig 'grogs te 'gro bar brtsams so/ /ci tsam na tha ga pa spyi cer ra ro ba sangs te sad pa na bu mo snang nas des song ste sgo ba la dris pa/ kye nang rje sgo 'di nas bu mo zhig phyir byung ngam/sgo bas smras pa/ sgo dang po phye ba kho na nas byung ste song ngo / /tha ga pa de ra ba la 'dzegs te phyi bzhin bltas pa dang ci tsam na thag ring ba kho na nas song ba mthong nas de myur ba myur bar bab ste bsnyegs pa dang / ci tsam na dge slong zhig dang lhan cig 'gro ba mthong nas des bsams pa/bdag ni gcig pu yin la 'di gnyis ni gnyis yin pas gal te bzung na 'di gnyis log ste bdag la brdeg bar 'gyur ba yang yin pa de lta bu'i gnas yod par 'gyur gyi ra mda' bzlog go snyam nas ri brags shig na tha ga pa lnga brgya tsam 'khod pa dag gi gan du song ste smras pa/shes ldan dag kho bo'i chung ma shAkya'i bu'i dge sbyong gis phrogs kyi de la grogs gyis shig ces ra mda' bzlog tu bcug go/ /tha ga pa dag ni yongs su mi rtogs pa yin pas de dag gis thag bzangs lnga brgya tsam thogs te ri brags nas phyir byung ste de dag gis dge slong de shin tu brdegs te lhung bzed kyang bcag /phor bu dang khar ba dag kyang bcag /chos gos dag kyang dral nas shi'o snyam du bsams te bor ro/ /bu mo des dge slong de la smras pa/ 'phags pa khyed cag gis rgyal po las gzhon nu'i yongs su spang ba thob pa lags kyi rgyal po'i khab tu bzhud de gsungs la 'di dag gi lag pa dang rkang pa dag gcod du gsol cig /de dag skrag nas dge slong de la bzod par gsol ba dang / dge slong gi snying mar dang 'dra bas des bzod par byas so/ /bu mo des smras pa/ gal te 'phags pas bzod kyang bdag gis mi bzod do//de dag gis bu mo de la yang bzod par gsol ba dang / bu mo des smras pa/ khyed cag la ni bzod na tha ga pa spyi cer 'di la mi bzod de bdag gis 'di'i lag pa dang rkang pa dag gcad par bya'o/ /de dag gis smras pa/ 'di la yang bzod par gyis shig /bu mo des smras pa/gal te phyin chad bdag la mi brdeg na de lta na bzod par bya'o/ /dge slong de mthar gyis mnyan yod du phyin nas dge slong rnams kyis de la smras pa/ tshe dang ldan pa 'ongs pa legs so 'ongs pa legs so/ /ji ltar bde bar brgyus sam tshe dang ldan pa dag ji ltar bde bar brgyus/kho bo tha ga pa dag gis had por srog dang de'u phul lo/ /ci'i phyir des skabs de rgyas par brjod pa dang / dge slong rnams kyis smras pa/ khyod skyes pa med par bud med dang lhan cig 'gron lam du 'gror rung ngam gang gi phyir mi rung ba de nyid kyi phyir nyes dmigs 'di lta bu byung ngo //dge slong don nyung ngu dag ci'i phyir dge slong dag skyes pa med par bud med dang lhan cig 'gron lam du 'gro zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu pa mdzad de/dge slong de la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar rnam par smad de/bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang skyes pa med par bud med dang lhan cig 'gron lam du 'gro na tha na grong bar du yang rung ste ltung byed do zhes bca' ba mdzad do/yul ni mnyan yod/ gang zag ni dge slong chos 'di pa zhig /nyon mongs pa ni shes bzhin ma yin pa/ nyes pa ni skyes pa med par bud med dang lhan cig 'gron lam du 'gro ba'o/ /de la yang dge slong gang zhes bya ba ni chos 'di pa'am gzhan yang de lta bu gang yin pa'o//skyes pa med par zhes bya ba ni de dang de'o/ /bud med dang lhan cig ces bya ba ni bud med dam gzhon nu ma mi tshangs par spyod pa 'khrig pa'i chos bsten nus pa dang ngo / /'gron lam du 'gro na zhes bya ba ni dgon pa'i lam du 'gro na'o//tha na grong bar du 'gro yang rung ste zhes bya ba ni tha na rgyang grags kyi bar du yang rung ste'o/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang /bslab bar bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong skyes ba gzhan med par mi'i 'gro ba pa'i bud med dam gzhon nu ma mi tshangs bar spyod pa 'khrig pa'i chos bsten nus pa rang gi bsel byed pa dang lam du 'jud pa dang /mi nus pa 'khrid pa ma gtogs pa dang / lhan cig 'dod pas lam du 'gro na rgyang grags re re'i mthar bud med dang lhan cig 'gro ba'i ltung byed kyi dngos gzhir 'gyur ro/ /gzhan gyi dbang ma gtogs pa dang rang dga'i 'dod pas 'gro ba la na smad pa med do//bud med bsel byed pa dang / lam du 'jud pa dang / mi nus pa 'khrid pa ma gtogs pa dag la na smad pa med do/ /lam 'jigs pa med pa nyid la na smad pa med do/ /mi'i 'gro ba pa'i bud med dam gzhon nu ma mi tshangs par spyod pa 'khrig pa'i chos bsten nus ba gang yang rung ba la na smad pa med do//sngar thams cad pa la na smad pa med do/ /lam gcig pa la na smad pa med do/ /rgyang grags kyi mtha' las 'das pa la na smad pa med do/ /nyin mtshan gyi cha la na smad pa med do/ /'di'i byed pa po ni mi'i 'gro ba pa'i bud med dam gzhon nu ma mi tshangs par spyod pa 'khrig pa'i chos bsten nus pa nyid dang /lam rgyang grags kyi mtha' nyid do/ /'di la yang yan lag lngas dngos gzhi'i ltung bar 'gyur te/ mi'i 'gro ba pa'i bud med dang gzhon nu ma mi tshangs par spyod pa 'khrig pa'i chos bsten nus pa nyid dang /rang dgar 'dod pas lam du 'gro ba nyid dang / bsel byed pa'am/ lam du 'jud pa'am/ /mi nus pa 'khrid pa ma gtogs pa nyid dang / rig pa'i skyes pa med pa nyid dang / lam rgyang grags kyi mtha' las 'das pa nyid do/ /de dag las yan lag ma tshang na ci rigs par na smad do//sbyor ba'i ltung ba ni nyes byas te/ ji srid du bud med dang lhan cig 'gro ba'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /mi tshangs par spyod pa 'khrig pa'i chos bsten mi nus pa la nyes byas so//mi'i 'gro ba mo ma yin pa la nyes bya so/ /rig pa'i skyes pa la legs par smra ba dang / nyes par smra ba'i chos rnams kun shes par mi nus pa la nyes byas so/ /mi'i 'gro ba ma yin pa'i rig pa'i skyes pa la nyes byas so//rig pa'i bud med la nyes byas so/ /rgyang grags kyi phyed nyid du nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa la bud med de dge slong rang gi bsel byed pa dang /dge slong gis lam nor ba des lam du 'jug pa dang / dge slong 'gro mi nus pa la des khrid pa de la ltung ba med do/ /lam tha dad pa la ltung ba med do/ /rig pa'i skyes pa yod pa la ltung ba med do/ /rang dbang med pa la ltung ba med do//las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du bud med dang lhan cig 'gro ba'i ltung byed du 'gyur ba rnam pa thams cad mi bsten par bslab par bya'o//phyir bcos pa ni snga ma bzhin no/ /bud med dang lhan cig 'gro ba'i ltung byed de bdun cu pa bshad zin to// //so sor thar pa'i mdo rgya cher 'grel pa 'dul ba kun las btus pa/ bam po sum cu brgyad pa/ /sdom la/ rku dang nyi shu ma lon dang / / rko dang mgron dang bslab pa dang / /'thab dang mi smra 'gro ba dang / mi gus chang 'thung dus min pa'o/ /zhes bya ba ni bcu pa brgyad pa yin te/ sdom la zhes bya ba'i tshig gi don dang / dgos pa ni snga ma bzhin no/ /bcu pa brgyad pa 'dis kyang ltung byed kyi chos bcu bstan te/ rkun ma dang lhan cig 'gro ba dang /ma lon par bsnyen par rdzogs par byed pa dang / sa rko ba dang / mgron du gnyer ba las ring du 'dug pa dang / bslab pa la nye bar 'jog pa spong ba dang / nyan rna las gyur pa dang / mi smra bar 'gro ba dang / ma gus pa'i tshul dang / myos par 'gyur ba 'thung ba dang / dus ma yin par 'gro ba'i ltung byed do//de la rkun ma dang lhan cig 'gro ba'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dge slong zhig rgyal po'i khab 'od ma'i tshal ka lan dka'i gnas su dbyar gnas par khas blangs so//de nas dge slong de dbyar gyi zla ba gsum po dag 'das nas chos gos byas pa dang ldan/ chos gos zin pa dang ldan zhing lhung bzed dang chos gos thogs te/ bcom ldan 'das kyi zhabs la phyag 'tshal du 'phags nas mnyan yod du 'gro ba'i don mthun btsal ba dang /des tshong pa sho gam 'dral ba dag mthong nas des smras pa/ shes ldan dag gar 'gro/ 'phags pa mnyan yod du mchi'o/ /shes ldan dag kho bo yang khyed dang lhan cig tu mnyan yod du 'gro'o zhes de dag dang lhan cig 'phags so/ /ci tsam na ri brags shig tu sho gam gyi gnas su phyin pa dang /tshong pa sho gam 'dral pa de dag sho gam gcod pa dag gis 'jigs pas lam gol ba nas 'gro bar brtsams pa dang / dge slong de yang mdun du song ngo / /de dag sho gam gcod pa dag gis mthong nas/ de dag gis smras pa/ kwa'i tshang pa sho gam 'dral ba dag gar 'dod/de dag gis dge slong de mdun du 'gro ba mthong nas de dag gis smras pa/ shes ldan dag tshong pa sho gam 'dral ba 'di dag gis ma nyes kyi shAkya'i bu'i dge sbyong mdun du 'gro ba 'dis nyes kyi 'di gsad par bya'o zhes de dag gis dge slong de shin tu brdegs te lhung bzed kyang bcag /phor bu dang khar ba dag kyang bcag /chos gos dag kyang dral te shi'o snyam nas bor ro/ /tshong pa sho gam 'dral ba de dag gis dge slong de la smras pa/ 'phags pa khyed kyis rgyal po las gzhon nu'i yongs su spang pa thob pa lags kyi rgyal po'i gan du bzhud de gsungs la/shog ma pa 'di dag gi lag pa dang rkang pa dag gcod du gsol cig /de dag skrag nas dge slong de la bzod par gsol ba dang / dge slong gi snying ni mar dang 'dra bas/ des bzod par byas so/ /sho gam 'dral ba dag gis smras pa/ gal te 'phags pas bzod kyang bdag cag gis mi bzod do//de dag gis sho gam 'dral ba de dag la yang bzod par gsol ba dang / sho gam 'dral ba de dag gis smras pa/ gal te khyed cag sho gam pa ji snyed pa dag gis kho bo cag tshong pa ji snyed pa dag sho gam 'jal du mi 'jud na kho bo cag gis kyang bzod par bya'o//dge slong de mthar gyis mnyan yod du phyin nas dge slong rnams kyis de la smras pa/ tshe dang ldan pa 'ongs pa legs so 'ongs pa legs so/ /ji ltar bde bar brgyus sam/ tshe dang ldan pa dag ji ltar bde bar brgyus/ kho bo sho gam pa dag gis had por srog dang de'u 'phral lo//ci'i phyir des skabs de rgyas par brjod pa dang / dge slong rnams kyis smras pa/ khyod don mthun rkun ma dang lhan cig 'gron lam du 'gror rung ngam/ gang gi phyir mi rung ba de nyid kyi phyir nyes dmigs 'di lta bu dag byung bar 'gyur to zhes zer nas/ dge slong don nyung ngu dag ci'i phyir dge slong don mthun rkun ma dang lhan cig 'gron lam du 'gro zhes smod par byed/phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang gleng gzhi 'di dang skabs 'di la dge slong gi dge 'dun bsdu ba mdzad de/dge slong de la rmas nas dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad pa mdzad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang don mthun pa rkun ma dang lhan cig 'gron lam du 'gro na tha na grong bar du yang rung ste ltung byed do zhes bca' ba mdzad de/ yul ni mnyan yod/gang zag ni dge slong chos 'di pa zhig /nyon mongs pa ni shes bzhin ma yin pa/ nyes pa ni don mthun rkun ma dang lhan cig 'gron lam du 'gro ba'o/ /de la yang dge slong gang zhes bya ba ni chos 'di pa'am/ gzhan yang de lta bu gang yin pa'o/ /don mthun rkun ma dang lhan cig ces bya ba la rkun ma zhes bya ba ni chom rkun pa grong 'joms par byed pa dag dang /tshong pa sho gam 'dral ba dag go/ /'gron lam du 'gro ba zhes bya ba ni dgon pa'i lam du 'gro na'o/ /tha na grong bar du yang rung ste zhes bya ba ni tha na rgyang grags kyi bar du yang rung ste'o/ /ltung byed do zhes bya ba ni sems can dmyal ba dang /dud 'gro dang / yi dags ngan song dang / ngad 'gro dang log par ltung ba dag tu sreg par byed/ 'tshod par byed/ ltung bar byed pa'o/ /gzhan yang ji srid du ltung ba de ma bshags shing so sor ma bshags na dge ba'i chos rnams la sgrib par byed pa ste des na ltung byed do zhes gsungs so//de la ltung ba ji ltar 'gyur zhe na/ 'dir yang dngos gzhi dang sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ / de la 'dir dngos gzhi'i ltung ba rnam par gzhag pa ni dge slong grong 'joms par byed pa'i rkun ma dag gam/ sho gam 'dral ba'i tshong pa rang gi bsel byed pa dang / lam du 'jug pa dang / mi nus pa 'khrid pa ma gtogs pa dang / lhan cig 'dod pa las lam du 'gro na rgyang grags re re'i mthar rkun ma dang lhan cig 'gro ba'i ltung byed kyi dngos gzhir 'gyur ro//gzhan gyi dbang ma gtogs par rang dga'i 'dod pas 'gro ba la na smad pa med do/ /rkun ma dang sho gam 'dral ba bsel byed pa dang / lam du 'jug pa dang mi nus pa 'khrid pa ma gtogs pa dag la na smad pa med do//lam 'jigs pa med pa nyid la na smad pa med do/ /mi'i 'gro ba pa'i chom rkun dang sho gam 'dral ba gang yang rung ba la na smad pa med do/ /sngar thams pa la na smad pa med do/ /lam gcig pa la na smad pa med do/ /rgyang grags kyi mtha' las 'das pa la na smad pa med do//nyin mtshan gyi cha la na smad pa med do/ /'di'i byed pa po ni mi'i 'gro ba ba grong 'joms par byed pa'i chom rkun pa dag gam sho gam 'dral ba'i tshong pa dag dang lam rgyang grags kyi mtha' nyid do/ /'di la yan lag lngas dngos gzhi'i ltung bar 'gyur te/ mi'i 'gro ba pa grong 'joms par byed pa'i chom rkun pa dag gam/sho gam 'dral ba'i tshong pa dag dang / rang dgar 'dod pas lam du 'gro ba nyid dang / bsel byed pa'am/ lam du 'jug pa'am/ mi nus pa 'khrid pa ma gtogs pa nyid dang / /zol pa dag dang rku thabs su rab tu byung ba ma gtogs pa nyid dang /lam rgyang grags kyi mtha' las 'das pa nyid do/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du rkun ma dang lhan cig 'gro ba'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//zol pa dag dang rku thabs su rab tu byung ba dag dang lhan cig 'gro ba la nyes byas so/ /rgyang grags kyi phyed nyid du nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni rkun ma dang sho gam 'dral ba de dge slong rang gi bsel byed pa dang / dge slong gis lam nor ba des lam du 'jud pa dang / dge slong 'gro mi nus pa des khrid pa la ltung ba med do/ /lam tha dad pa la ltung ba med do//rang dbang med pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du rkun ma dang lhan cig 'gro ba'i ltung byed du 'gyur ba rnam pa thams cad mi bsten par bslab par bya'o//phyir bcos pa ni snga ma bzhin no/ /rkun ma dang lhan cig 'gro ba'i ltung byed de bdun cu gcig pa bshad zin to// //ma lon pa bsnyen par rdzogs par byed pa'i ltung byed kyi gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//gang gi tshe tshe dang ldan pa maud gal gyi bu chen pos nye ba 'khor la sogs pa sar pa skyes bran gzhon nu bcu bdun sde'i tshogs dag rab tu byung zhing bsnyen par rdzogs par byas pa de'i tshe na de dag mtshan mo'i tho rangs kyi dus kyi tshe bkres pas nyam chung bas yongs su gzir nas ngu'o//bcom ldan 'das kyis de dag gsan nas tshe dang ldan pa kun dga' bo la smras pa dang / tshe dang ldan pa kun dga' bos skabs de rgyas par gsol to/ /bcom ldan 'das kyis bka' stsal pa/kun dga' bo dge slong dag gang zag lo nyi shu ma lon pa dge slong gi dngos por bsnyen par rdzogs par byed dam/ btsun pa bgyid do/ /kun dga' bo gang zag lo nyid shu ma lon pas ni grang ba dang / tsha ba dang / bkres pa dang / skom pa dang / rlung dang / nyi ma dang / sha sbrang dang / sbrang bu mchu rings dang / sdig sbrul dag gis reg pa dag dang / gzhan las kyi tshig gi lam ngan pa smras pa dang / ngan pa 'ongs pa dag dang / lus kyi tshor ba sdug bsngal mi bzod pa dang / rtsub pa dang / tsha ba dang / yid du mi 'ong ba srog 'phrog par byed pa 'byung ngo cog dag mi bzod cing zag pa dag la ci mi snyam par bya ba yang mi bzod cing dang du len mi nus pa'i rang bzhin can yin no//gang zag lo nyi shu lon pa ni de las bzlog pa yin no/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu pa mdzad de/ tshe dang ldan pa mod gal gyi bu chen po la rmas nas/mi brtson pa dang / mi sbyong ba dang / ma brtags par spyod pa rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang zag lo nyi shu ma lon pa dge slong gi dngos por bsnyen par rdzogs par byed na ltung byed do//gang zag de yang bsnyen par rdzogs par mi 'gyur la/ dge slong de dag kyang smras par 'gyur te/ de la de ni cho ga yin no zhes bca' ba mdzad de/ yul ni mnyan yod/ gang zag ni tshe dang ldan pa mod gal gyi bu chen po/nyon mongs pa ni bag chags ma byang bas so sor ma brtags pa/ nyes pa ni gang zag lo nyi shu ma lon pa/ dge slong gi dngos por bsnyen par rdzogs par byed pa'o/ /de la dge slong gang zhes bya ba ni chos 'di pa'am gzhan yang de lta bu gang yin pa'o/ / gang zag ces bya ba ni dge slong du bya ba gang yin pa de'o/ /lo nyi shu ma lon pa zhes bya ba ni/ lo nyi shu ma lon pa'o/ /dge slong gi dngos por bsnyen par rdzogs par byed na zhes bya ba ni gsol ba dang bzhi'i las kyis so/ ltung byed do zhes bya ba ni snga ma bzhin no/ /gang zag yang bsnyen par rdzogs par mi 'gyur la zhes bya ba ni gang zag gang yin pa de'o//dge slong de dag kyang smad par 'gyur te zhes bya ba ni/ de na dge slong gang 'khod pa de dag go/ /de la de ni cho ga yin no zhes bya ba ni/ bslab pa'i gzhi bca' ba mdzad pa de la de ni nges pa'i rjes su mthun pa'i chos yin pa'o/ / de la ltung ba ji ltar 'gyur zhe na/ 'dir yang dngos gzhi dang sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gang zag dge slong gi dngos por bsnyen par rdzogs par bya ba na tshod lo nyi shu nyid kyang ma lon la dge slong gis kyang de ltar shes bzhin du mkhan po nyid kyis bsnyen par rdzogs par byed na lo nyi shu ma lon pa bsnyen par rdzogs par byed pa'i ltung byed kyi dngos gzhir 'gyur ro// gang zag bsnyen par rdzogs par bya ba na tshod lo nyi shu ma lon pa nyid la na smad pa med do/ /der 'du shes pa la na smad pa med do/ /yid gnyis za ba la na smad pa med do/ /skyes pa dang bud med gang yang rung ba la na smad pa med do/ /mkhan po nyid byed pa la na smad pa med do//bsnyen par rdzogs par byas pa la na smad pa med do/ /'di'i byed pa po ni bsnyen par rdzogs par byed pa lo nyi shu ma lon pa nyid la 'du shes gtso cher byed pa po nyid yin no/ /'di la yan lag lngas dngos gzhi'i ltung bar 'gyur te/ bsnyen par rdzogs par bya ba nyid dang / de'i dus na lo nyi shu ma lon pa nyid dang /der 'du shes pa dang / mkhan po nyid byed pa dang / dge slong gi dngos por bsnyen par rdzogs par byed pa'o/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du ma lon pa la bsnyen par rdzogs par byed pa'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o//ltung ba med pa ni der 'du shes pa med pa dang / yid gnyis mi za ba la ltung ba med do/ /las dang po ba dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du ma lon par bsnyen par rdzogs par byed pa'i ltung byed du 'gyur ba rnam pa thams cad mi bsten par bslab par bya'o//mkhan po des bsnyen par rdzogs par bya ba de la lo nyi shu lon pa nyid mi 'dri bar mi bya'o/ /mkhan po las gzhan pa'i dge slong der gtogs pa gzhan gyis kyang mi 'dri bar mi bya'o//lo nyi shu lon pa nyid du nges par mi shes par de bsnyen par rdzogs par mi bya'o/ /rnam pa thams cad du lo nyi shu lon pa ni bsnyen par rdzogs pa 'chags so/ /lo nyi shu ma lon pa ni lon par 'du shes pa nyid na 'chags so//lo grangs mi shes pa dang / lo tshigs mi dran pa dang / lon nam ma lon yid gnyis za ba dag la yang lo nyi shu lon pa nyid du 'du shes pa nyid na 'chags so/ /lo nyi shu ma lon par bsnyen par rdzogs pa lo nyi shu ma lon par 'du shes na sngar sdom pa 'chags pa de 'jig go//gal te bsnyen par rdzogs pa'i 'og tu bdag nyid lo nyi shu ma lon no snyam pa'i 'du shes skyes pa'i gnas skabs de'i tshe na dge slong des lo nyi shu lon par gyur na ni de'i sdom pa sngar 'chags pa ni mi 'jig go/ /lo nyi shu ma lon par bsnyen par rdzogs par de ltar the tshom skyes pas de'i tshe na mngal na gnas pa'i zla ba dag dang shol gyi zla ba dag gis kyang bsnan te lo nyi shur tshang na sngar sdom pa chags pa de mi 'jig go/bsnyen par rdzogs kar ni de dag gis bsnan te brtsi bar mi bya'o/ /phyir bcos pa ni snga ma bzhin no/ /ma lon par bsnyen par rdzogs par byed pa'i ltung byed de bdun cu gnyis pa bshad zin to// //sa rko ba'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na drug sde dag rang gi lag gis sa rko bar byed/ rkor 'jud par byed/ rnang sgal spyur bar byed/spyur du 'jud par byed/ yur ba 'dren par byed 'dren du 'jud par byed nas gzhan mu stegs can dag shes ldan dag shAkya'i bu'i dge sbyong 'di dag ni rang gi lag gis sa rko bar byed/ rkor 'jud par byed/ rnang sgal spyur bar byed/ spyur du 'jud par byed/ yur ba 'dren par byed/ 'dren du 'jud par byed de/bram ze dang khyim bdag dag kyang de ltar byed na shes ldan dag shAkya'i bu'i dge sbyong 'di dag dang / bram ze dang / khyim bdag dag la bye brag ni ci yod/ bsam pa ni ci yod/ tha dad du bya ba ni ci yod/ su zhig dge sbyong mgo reg 'di dag la bsod snyoms sbyin pa dag bya par sems zhes smod par byed/phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ drug sde dag la rmas nas/dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong rang gi lag gis sa rko'am rkor 'jud par bgyid na ltung byed do zhes bca' ba mdzad de/ yul ni mnyan yod/ gang zag ni drug ste/ nyon mongs pa ni dge sbyong gi tshul ma yin pa/ nyes pa ni sa rko ba'o//de la yang dge slong gang zhes bya ba ni drug sde'am gzhan yang de lta bu gang yin pa'o/ /rang gi lag gis zhes bya ba ni rang gi lag pas so/ /sa zhes bya ba ni sa gnyis te rang bzhin can dang rang bzhin can ma yin pa'o/ /rang bzhin can zhes bya ba ni char chu zhod na zla ba gsum gyis sa 'thas par gyur pa'o//char chu ma zhod na zla ba drug gis 'thas par gyur pa'o/ /rang bzhin can ma yin pa ni de las gzhan pa'o/ /rko'am zhes bya ba ni bdag nyid kyis so/ /rkor 'jud na zhes bya ba ni gzhan no/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang sbyor ba dang sbyor ba'i sbyor bas ltung ba rnam par gzhag pa dang /ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong lag gi blas rgyu skar gyi sbyor bas rung bar byed pa med na thur ma sor bzhi tsam 'dzugs pa ma gtogs par sa tshig pa dang /nyams pa dang / sa zhag dang / rdo thal rgyu dang / bye ma la sogs pa ma gtogs pa'i sa'i sa rang bzhin can 'thas pa nyid dang / rtsig pa nyid dang / khang thog dang / 'dus pa dag la sa'i shas che ba la sogs pa dag la de ltar 'du shes pas gzhig pa'i blos rko'am/rkor 'jud na lan re btab pa'i sbyor ba re re las sa rko ba'i ltung byed kyi dngos gzhir 'gyur ro/ /sa rang bzhin can la na smad pa med do/ /rang bzhin can ni dang po 'thas pa las zhig pa'i yan lag rnams gal te char chu zhod na zla ba gsum lon pa'i 'thas pa'o/ /de char chu ma zhod na zla ba drug lon pa'i 'thas pa ste/de dag la na smad pa med do/ /rtsig pa dang / khang thog la na smad pa med do/ /sa'i tshogs 'dus pa bye ma dang 'dres pa la yang sa phal che ba nyid yin na na smad pa med do/ /gzhig pa'i blo nyid la na smad pa med do/ /sar 'du shes pa la na smad pa med do/ /rko'am rkor bcug pa la na smad pa med do//lan re btab pa'i sbyor ba re re'i dngos gzhi la na smad pa med do/ /'di'i byed pa po ni sa'i sa rang bzhin can 'thas pa nyid la sogs pa 'du shes gtso cher byed pa po nyid yin no/ /'di la yan lag lngas dngos gzhi'i ltung bar 'gyur te/ dge slong lag gi blas rgyu skar gyi sbyor bas rung bar byed pa med na thur ma sor bzhi tsam 'dzugs pa ma gtogs pa nyid dang /sa'i sa rang bzhin can 'thas pa nyid dang / der 'du shes pa nyid dang / gzhig pa'i blo nyid dang / rko'am rkor bcug pa'o/ /de dag las yan lag ma tshang na ci rigs par na smad do//sbyor ba'i ltung ba ni nyes byas te/ ji srid du sa rko ba'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams par re re la nyes byas re re'o/ /sa'i sa rang bzhin can 'thas pa nyid ma yin pa la nyes byas so/ / 'dus pa la sa'i shas chung ba la nyes byas so/ /sa tshig pa ni nyams pa nyid yin pas de la nyes byas so/ /sa zhag dang dogs dang / rtsig pa dang / de'i skyang nul grugs pa dag la nyes byas so/ /rdo thal rgyu dang / bye ma dang / sa'i ngo bo nyid ma yin pa'i rdzas lhag ma dag la nyes byas so/ / phur pa 'byin pa dang / ri mo 'dren pa dang / sa'i phye ma 'dren pa'i lci ba 'gogs pa dang / 'dam bskyod pa dang / 'dam rdzab dang 'brel ba'i phru ba la sogs pa 'degs pa dang / 'jig pa'i bdag nyid kyi tsha sgo dga' nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni lag gi blas rgyu skar gyi sbyor bas rung bar byed pa med na thur ma sor bzhi tsam 'dzugs pa la ltung ba med do/ /gzhi pa'i blo dang mi ldan pa la ltung ba med do//sar 'du shes med pa la ltung ba med do/ /bgrang ba dang shod dgod pa la sogs pa'i bsam pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen ba la ltung ba med do/ /bslab bar bya ba ni dge slong gis yul thams cad la gnas skabs thams cad du sa rko ba'i ltung byed du 'gyur ba rnam pa thams cad mi bsten par bslab par bya'o//phyir bcos pa ni snga ma bzhin no/ /sa rko ba'i ltung byed de bdun cu gsum pa bshad zin to// //mgron du gnyer ba las ring du 'dug pa'i ltung byed kyi gleng gzhi ni bcas pa dang gnang ba'i dbang gis rnam pa gnyis te/bcas pa'i gleng gzhi ni/ sangs rgyas bcom ldan 'das shAkya rnams kyi nang du ljongs rgyu zhing gshegs pa na ser skya'i gnas su byon nas ser skya'i gnas na n+ya gro d+ha'i kun dga' ra ba na bzhugs so/ / shAkya ming chen gyis de thos nas bsams pa/ bdag gis bcom ldan 'das dge slong gi dge 'dun dang bcas pa lan mang du gdugs tshod la khyim gzhan du spyan drangs te/ bshos gsol na lan 'ga' yang yo byad thams cad kyis spyan drangs kyi/ bdag gis bcom ldan 'das dge slong gi dge 'dun dang bcas pas zla ba bzhir yo byad thams cad kyis spyan drang ngo snyam mo//de nas shAkya ming chen bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das kyis shAkya ming chen la chos dang ldan pa'i bka' mchid kyis yang dag par ston par mdzad/yang dag par 'dzin du 'jug par mdzad/ yang dag par gzengs stod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/yang dag par 'dzin du bcug/ /yang dag par gzengs bstod/ yang dag par rab tu dga' bar mdzad nas cang mi gsung ngo / /de nas shAkya ming chen stan las langs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to//bcom ldan 'das dge slong gi dge 'dun dang bcas pas dgung zla bzhir bdag gis na bza' dang / bsod snyoms dang / gnas mal dang / bsnyung ba'i rkyen dang / sman gyi yo byad dag bzhes par ci gnang / bcom ldan 'das kyis shAkya ming chen la cang mi gsung bas gnang ngo //de nas shAkya ming chen gyis bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo pos phyag 'tshal te/ bcom ldan 'das kyi spyan snga nas song nas des bsnyung ba'i rung ba'i khang pa rtsig tu bcug cing / bsnyung ba'i sman dag 'jog tu bcug /bde ba'i sman dus su rung ba dang / thun tshod du rung ba dang / zhag bdun pa dang / 'tsho ba'i bar du bcang ba dang / rtsa ba'i sman dang / sdong bu'i sman dang / lo ma'i sman dang / me tog gi sman dang / 'bras bu'i sman dag kyang 'jog tu bcug/ zhun mar bskol ba dang / ma bskol ba dag kyang 'jog tu bcug /'bru mar bskol ba dang / ma bskol ba dag kyang 'jog tu bcug /ba dag dang / ma he mo dag dang / ra zhon pa dag kyang 'jog tu bcug /yo byad thams cad dag kyang 'jog tu bcug /sman pa dang bsnyung g.yog dag kyang 'jog tu bcug ste/dge slong dag la yang yo byad thams cad kyis bstabs so/ /drug sde dag gis smras pa/ dga' bo nye dga' bo bca' ba dang / bza' ba 'di lta bu rnyed kyi thabs shig bya'o zhes de dag gis sman pa la dris pa/ bzhin bzangs dag kho bo cag la nad ci yod pa je ltos shig /sman pas bsams pa/ 'di dag ni dge sbyong hral po dag yin pas za 'dod kyi 'di dag dang mthun par smra bar bya'o snyam nas des de dag la smras pa/ 'phags pa dag khyed cag ni shul gyis dub pa dag lags pas je bskur snum bag gsol la/ de'i 'og tu bska ba dag gsol cig /de dag gis smras pa/ dga' bo nye dga' 'di ni sman pa chen po nad dang nad kyi gzhi dang khams la mkhas pa rgyal po la mkho ba yin te/ gal te bdag cag thams cad kyis dus gcig tu de ltar bya bar brtsams na myur du zin par 'gyur gyi/je dang por gnyis kyis snum bag bsten cing bzhis nad g.yog bya'o/ /de'i 'og tu yang gnyis kyis snum bag bsten cing bzhis nad g.yog bya'o/ /de'i 'og tu yang gnyis kyis snum bag bsten cing bzhis nad g.yog bya'o/ /de ltar bya'o zhes de dag las gnyis snum bag bsten par brtsams shing bzhis nad g.yog byed pa na ci tsam na zla ba gcig 'das so//de'i 'og tu gzhan gnyis kyis snum bag bsten par brtsams shing bzhis nad g.yog byed pa na zla ba gnyis pa 'das so/ /de'i 'og tu yang gnyis kyis snum bag bsten par brtsams shing bzhis nad g.yog byed pa na zla ba gsum pa 'das so//zla ba bzhi pa la thams cad 'dus te bza' bar brtsams nas zla ba bzhi pa 'das pa dang shAkya ming chen gyis bcom ldan 'das gshegs ston la spyan drangs pa dang / nye dgas phyag tshang la phrin spring ste/bzhin bzangs deng kho bo la khu sha dang / khu ba dang / sha tshod dag gyis shig ces spring ngo / /phyag tshang gis smras pa/ 'phags pa dgung zla bzhi 'das te shAkya ming chen gyis bcom ldan 'das gshegs ston la spyan drangs na khyed kyi bya ba da dung yang ma rdzogs sam/ nye dgas smras pa/ bkren pa shAkya ming chen pos sangs rgyas la sogs pa dge slong gi dge 'dun zla ba bzhir yo byad thams cad kyis spyan 'dren na/ gal te spyan drang ba 'di lta bus sangs rgyas la sogs pa dge slong gi dge 'dun spyan drang du rung na ni nye dgas kyang sangs rgyas la sogs pa dge slong gi dge 'dun ji srid 'tsho'i bar du spyan 'dren par spro'o//des smras pa/ khyed cag zla ba bzhir sha dang khu ba sha stag zos par gyur kyang 'on kyang khyed cag smod par byed na gnas brtan gnas brtan gang dag gis zla ba bzhir a ru ra 'bru gcig kyang ma gsol ba de dag ni shin tu dka' ba byed pa yin no zhes zer nas dge slong don nyung ngu dag ci'i phyir dge slong dag ha cang slong bar byed ces smod par byed/phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong gis ha cang bslang bar mi bya'o//ha cang slong na 'gal tshabs can du 'gyur ro zhes bstabs pa la yang ha cang bslang bar mi bya ba dang / de'i nyes dmigs kyang byung ba'i mtha' sngon grong med pa'i dgon pa'i gnas cig na drang srong zhig 'dug pa la klu gzhon nu zhig rtag tu bsnyen bkur byed cing lus kyis 'khri bas drang srong de la gnod par gyur nas/drang srong gzhan zhig gis smras pa/ khyod klu gzhon nu de phyin chad 'ong bar mi 'gyur bar 'dod na/ gang gi tshe klu gzhon nu de khyod la yo byad thams cad kyis stobs par byed pa de'i tshe na/ de'i mgo la nor bu 'dug pa de slongs shig dang /klu rnams ni ser sna can yin pas mi ster bas phyin chad 'ong bar mi 'gyur ro/ /drang srong des de bzhin byas pa dang klu gzhon nu des pha ma la dris na yang nor bu sbyin du mi rung ngo zhes zer nas phyin chad mi 'ong zhing mi snang ba'i lam la 'dug par gyur pa dang / gzhan yang sngon byung ba 'das pa'i dus na grong med pa'i dgon pa zhig na drang srong zhig 'dug pa de'i bsti gnas su bya mang po dag 'du zhing sgra 'byin te/bsam gtan dag gi tsher ma ni sgra yin pas drang srong des bya mang po dag gi sgra des sems rtse gcig pa nyid ma thob po/ /drang srong gzhan zhig gis de la smras pa/khyod bya de dag phyin chad 'dir 'ong bar mi 'dod na tshes nyi shu dgu'i mtshan mo rtswa'i sgron me spor la shing ljon pa dag gi drung du song ste 'di skad ces sgo nga dag bza'o/ /phru gu dag bza'o zhes smros shig dang phyin chad 'ong bar mi 'gyur ro/ /des de ltar bya bar brtsams pa dang / bya de dag gis bsams pa/drang srong 'di smyos par gyur tam snyam nas bya de dag gi phru gu dag 'dab ma skyes par gyur pa dang / de dag dong ste phyin chad mi 'ong zhing ci tsam na mthar gyis de dag thams cad mi snang ba'i lam la 'khod do/ /dge slong dag re zhig dud 'gro'i skye gnas su skyes pa'i srog chags de dag kyang ha cang bslangs pa na mi snang ba'i lam du 'khod na mi rnams lta smos kyang ci dgos/de bas dge slong gis ha cang bslang bar mi bya'o/ /ha cang slong na 'gal tshabs can du 'gyur ro zhes bka' stsal nas/ de nas bcom ldan 'das kyis byung ba 'di dang gleng gzhi 'di dang /skabs 'di la dge slong gi dge 'dun bsdu ba mdzad de/ nye dga' la rmas nas dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar rnam par smad de/bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gang gis zla ba bzhir mgron du bos pa bdag gir bya'o/ /de las lhag par bdag gir byed na ltung byed do zhes bca' ba mdzad de/yul ni ser skya'i gnas/ gang zag ni drug sde/ nyon mongs pa ni lto 'dun/ nyes pa ni mgron du bos pa'i zan la ha cang slong ba'o/ /gnang ba'i gleng gzhi ni de nas bcom ldan 'das ser skya'i gnas su ci dgyes par bzhugs nas rgyal po'i khab ga la ba der logs su ljongs rgyu zhing gshegs te mthar gyis rgyu zhing gshegs pa na rgyal po'i khab tu byon nas/rgyal po'i khab na 'od ma'i tshal ka lan dka'i gnas na bzhugs so/ /ma ga d+ha'i rgyal po'i bzo sbyangs gzugs can snying pos de thos nas bsams pa/ shAkya ming chen gyis bcom ldan 'das dge slong gi dge 'dun dang bcas pa zla ba bzhir yo byad thams cad kyis spyan drangs te bdag gis kyang bcom ldan 'das dge slong gi dge 'dun dang bcas pa lan mang du gdugs tshod la khyim gzhan du spyan drangs te bshos gsol na/lan 'ga' yang yo byad thams cad kyis spyan ma drangs kyi bdag gis bcom ldan 'das dge slong gi dge 'dun dang bcas pa zla ba bzhir yo byad thams cad kyis spyan drangs ngo snyam mo//de nas ma ga d+ha'i rgyal po bzo sbyongs gzugs can snying pos bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go//mtha' gcig tu 'dug nas bcom ldan 'das ma ga d+ha'i rgyal po bzo sbyangs gzugs can snying po la chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/ yang dag par gzengs stod par mdzad/yang dag par rab tu dga' bar mdzad do/ rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cang mi gsung ngo / / de nas ma ga d+ha'i rgyal po bzo sbyangs gzugs can snying bo stan las langs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das dge slong gi dge 'dun dang bcas pa la dgung zla bzhir bdag gi na bza' dang /bsod snyoms dang / gnas mal dang / bsnyun gyi rkyen sman dang / sman gyi yo byad dag bzhes par ci gnang / bcom ldan 'das kyis ma ga d+ha'i rgyal po bzo sbyangs gzugs can snying po la cang mi gsung pas gnang ngo / /de nas ma ga d+ha'i rgyal po bzo sbyangs gzugs can snying pos bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te/bcom ldan 'das kyi spyan snga nas song nas des bsnyung ba'i rung ba'i khang ba brtsig tu bcug cing / bsnyung ba'i sman yang 'jog tu bcug /bde ba'i sman dus su rung ba dang /thun tshod du rung ba dang / zhag bdun pa dang / 'tsho ba'i bar du bcang ba dang / rtsa ba'i sman dang / sdong bu'i sman dang / lo ma'i sman dang / me tog gi sman dang / 'bras bu'i sman dag kyang 'jog tu bcug /zhun mar bskol ba dang ma bskol ba dag kyang 'jog tu bcug /'bru mar bskol ba dang ma bskol ba dag kyang 'jog tu bcug /ba dang ma he mo dag dang / ra bzhon dag kyang 'jog tu bcug /yo byad thams cad kyang 'jog tu bcug /sman pa dang bsnyung g.yog dag kyang 'jog tu bcug ste/ dge slong dag yo byad thams cad kyang sta gon byas so/de'i tshe na tshe dang ldan pa pi lin da'i bu'i sring mo'i khyo bram ze zhig gis bcom ldan 'das shAkya rnams kyi nang du ljongs rgyu zhing gshegs pa na rgyal po'i khab tu byon nas rgyal po'i khab na 'od ma'i tshal bya ka lan dka'i gnas na bzhugs pa zhes thos so/ /thos nas kyang de 'di snyam du sems te/shAkya ming chen gyis bcom ldan 'das dge slong gi dge 'dun dang bcas ba zla ba bzhir yo byad thams cad kyis spyan drangs te/ bdag gis kyang bcom ldan 'das dge slong gi dge 'dun dang bcas pa lan mang du gdugs tshod la khyim gzhan du spyan drangs te bshos gsol na lan 'ga' yang yo byad thams cad kyis spyan ma drangs kyi/bdag gis bcom ldan 'das dge slong gi dge 'dun dang bcas pa zla ba bzhir yo byad thams cad kyis spyan drang ngo snyam mo/ /de nas bram ze de bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go//mtha' gcig tu 'dug nas bcom ldan 'das kyis bram ze de la chos dang ldan pa'i bka' mchid kyis yang dag par ston par mdzad/ yang dag par 'dzin du 'jug par mdzad/ yang dag par gzengs stod par mdzad/yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cang mi gsung ngo / /de nas bram ze de stan las langs te bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to//bcom ldan 'das dge slong gi dge 'dun dang bcas pa dgung zla bzhir bdag gi na bza' dang / bsod snyoms dang / gnas mal dang / bsnyung ba'i rkyen dang / sman gyi yo byad rnams bzhes par ci gnang / bcom ldan 'das kyis bka' stsal pa/ bram ze nga de'i dang por ma ga d+hA'i rgyal po bzo sbyangs gzugs can snying pos spyan drangs so/ /bram ze des bsams pa/ 'phags pa pi lin da'i bu bdag gi nye du yin pas de spyan drangs na gnang bar 'gyur grang snyam nas de'i gan du song ste de spyan drangs pa dang /tshe dang ldan pa pi lin da'i bus smras pa/ bcom ldan 'das la zhu'o zhes de bcom ldan 'das kyi spyan sngar song ste gsol ba/ btsun pa bdag gi dmag pas bdag dgung zla bzhir g.yar drangs na de la mchid kyis 'tshal lam/ bcom ldan 'das kyis bka' stsal pa/de lta bas na so sor mgron du bos pa ma gtogs te/ dge slong gis so sor mgron du bos pa bdag gir bya'o/ /dge slong gzhan dag phyis lhags pa de dag gis bsams pa/ bdag cag rgyal pos mgron du ma bos kyis bsod snyoms la 'jug par bya'o snyam nas de dag bsod snyoms la zhugs pa ma ga d+hA'i rgyal po bzo sbyangs gzugs can snying pos mthong nas/'phags pa dag yang dang yang du mgron du bod do zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal ba/ de lta bas na yang dang yang du mgron du ma bos pa ma gtogs te/dge slong gis yang dang yang du mgron du bos pa bdag gir bya'o/ dge slong dag gis bsams pa/ rgyal po gzugs can snying po ni bya ba mang ba dang / byed pa mang ba yin la/ bdag cag ni bya ba nyung ba dang byed pa nyung ba yin gyi bdag cag bsod snyoms la 'jug par bya'o snyam nas/de dag bsod snyoms la zhugs pa ma ga d+hA'i rgyal po bzo sbyangs gzugs can snying pos mthong nas/ 'phags pa dag dus kyis mgron du bod do zhes zer ba'i skabs de dge slong rnams kyis bcom ldan 'das la gsol ba dang / bcom ldan 'das kyis bka' stsal pa/de lta bas na dus kyis mgron du bos pa ma gtogs te/ dge slong gis dus kyis mgron du bos pa bdag gir bya'o/ /rgyal po gzugs can snying pos bcom ldan 'das gshegs ston la spyan drangs nas/ phyi de nyin par dge slong rab tu mang po dag bsod snyoms la zhugs pa ma ga d+hA'i rgyal po bzo sbyangs gzugs can snying pos mthong nas/'phags pa dag rtag tu mgron du bod do zhes zer ba'i skabs de dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na rtag tu mgron la bos pa ma gtogs te dge slong gis rtag tu mgron du bod pa bdag gir bya'o//de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas/ dge slong rnams la de dang mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas/dge slong rnams la bka' stsal pa/ dge slong dag de lta bas na snga ma ni bcas pa yin la 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis zla ba bzhir mgron du bos pa bdag gir bya'o//de las lhag par bdag gir byed na ltung byed do zhes so sor mgron du bos pa dang / yang dang yang du mgron du bos pa dang / dus kyis mgron du bos pa dang / rtag tu mgron du bos pa ni ma gtogs te/ de la de ni dus yin no zhes gnang ba mdzad de/yul ni rgyal po'i khab/ gang zag ni 'phags pa pi lin da'i bu la sogs pa dge slong don nyung ngu dag /nyon mongs pa dang nyes pa ni med do/ /de la dge slong gis zhes bya ba ni chos 'di pas so/ /zla ba bzhir zhes bya ba ni zla ba bzhi tshun chad du'o/ /mgron du bos zhes bya ba ni bstabs pa'o//bdag gir bya'o zhes bya ba ni khas blang bar bya'o/ /de las lhag par bdag gir byed na zhes bya ba ni de las 'das par ro/ /ltung byed do zhes bya ba ni snga ma bzhin no/ /so sor mgron du bos pa zhes pa ni 'di lta ste dge slong so so so sor tha dad par mgron du bos pa'o//yang dang yang du mgron du bos pa zhes bya ba ni 'di lta ste dge slong yang dang yang du mgron du bos pa'o/ /dus kyis mgron du bos pa zhes bya ba ni 'di lta ste dge slong nan gyis mgron du bos pa'o/ /rtag tu mgron du bos pa zhes bya ba ni 'di lta ste/ dge slong gtan du mgron du bos pa'o//ma gtogs te zhes bya ba ni gzhag ste'o/ /de la de ni dus yin no zhes bya ba ni bslab pa'i gzhi bca' ba mdzad pa de la de ni gnang ba'i rjes su mthun pa'i chos yin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang /ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong mi na ba sbyin bdag nye du ma yin pas rtag tu mgron du bos pa ma gtogs pas dus kyi tshigs rnam par gzhag pa med par mgron du gnyer ba dang ldan pa sbyin bdag las phyis rnam pa gzhan nam/yang dang yang du'am/ dus kyis mgron du gnyer ba ma byas par zla ba bzhi pa yongs su rdzogs pa'i 'og tu sngar bshams pa'i zas bzang ngan gang yang rung ba bslangs te zos na mgron du gnyer ba las ring du 'dug pa'i ltung byed kyi dngos gzhir 'gyur ro//dge slong mi na ba la na smad pa med do/ /sbyin bdag nye du ma yin pa la na smad pa med do/ /rtag tu mgron du bos pa ma gtogs pa la na smad pa med do/ /zla ba bzhir mgron du bos pa'i zla ba bzhi yongs su rdzogs pa'i 'og rol gyi dus gang yang rung ba la na smad pa med do//zan bzang ngan dang mang nyung gang yang rung ba la na smad pa med do/ /bslangs te zos pa la na smad pa med do/ /'di'i byed pa po ni dge slong mi na ba dang / sbyin bdag nye du ma yin pa dang / ha cang slong ba dang / dus ma gtogs pa'o//'di la yan lag lngas dngos gzhi'i ltung bar 'gyur te/ dge slong mi na ba nyid dang / sbyin bdag nye du ma yin pa nyid dang / dus ma gtogs pa nyid dang / sngar mgron du bos pa la bslangs pa nyid dang / zos pa nyid do/ /de dag las yan lag ma tshang na ci rigs par na smad do//sbyor ba'i ltung ba ni nyes byas te/ ji srid du mgron du gnyer ba las ring du 'dug pa'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /'di'i phyir nye bar 'gro ba dang slong ba la nyes byas so//zas bsrod pa la mgron du bos pa na zas ngan pa bslangs te za ba la nyes byas so/ /gnas skabs gang yang rung ba dang / zla ba bzhir mgron du bos pa'i mdun rol lam/ de'i tshe'am/ 'og rol lam/ khyim pa la sogs par bas nas yang bsnyen par rdzogs pa'i tshe yang rung ste/ha cang slong na nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni dge slong nad pa la ltung ba med do/ /sbyin bdag nye du la ltung ba med do//dus byin gyis brlabs pa la ltung ba med do/ /las dang po ba dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du mgron du gnyer ba las ring du 'dug pa'i ltung byed du 'gyur ba rnam pa thams cad mi bsten par bslab par bya'o//ha cang bslang bar mi bya'o/ /mgron du bos pa'i khyim du gdugs tshod ma bskul bar spyan 'dren med na rang grol rung ngo / /gdan sar phyin nas gdugs tshod kyis dus tshod las yol du byed na brims shig ces bsgor rung ngo //ci bde zhes bya ba dang / bshams so zhes bya ba dang / ci bzhed ces bya ba dang / bzhes shig ces bya ba la sogs pa'i tshig 'bru dag ni gang yang rung ba la brten par bya'o/ /so sor mgron du bos pa dang /yang dang yang mgron du bos pa dang / dus kyis mgron du bos pa dang / rtag tu mgron du bos pa dag bdag gir bya'o/ /dge 'dun dang bcas te mgron du bos pa yang bdag gir bya'o/ /phyir bcos pa ni snga ma bzhin no/ /mgron du bos pa las ring du 'dug pa'i ltung byed de bdun cu bzhi pa bshad zin to// //bslab pa la nyes par 'jog pa spong ba'i ltung byed kyi gleng gzhi ni sangs rgyas bcom ldan 'das rgyal po'i khab na 'od ma'i tshal bya ka lan dka'i gnas na bzhugs so/ /gang gi tshe bcom ldan 'das kyis 'dul ba la nyan thos rnams kyi bslab pa'i gzhi thun mong ba 'cha' bar mdzad pa de'i tshe na gnyi ga'i dge 'dun bsdu ba mdzad pas/'dir yang bcom ldan 'das kyis 'dul ba la nyan thos rnams kyi bslab pa'i gzhi thun mong ba bca' ba mdzad pa yin na/ 'di la gnyi ga'i dge 'dun bsdu ba mdzad pas/ de nas bcom ldan 'das kyis tshe dang ldan pa kun dga' bo la bka' stsal pa/kun dga' bo song la dge slong rnams la dge slong zhig dge slong ma rnams kyi nang du thong la 'di skad ces sring mo dag bcom ldan 'das kyis 'dul ba la nyan thos rnams kyis bslab pa'i gzhi thun mong 'di lta bu bca' bar mdzad de/ dge slong gis zla ba bzhir mgron du bos pa bdag gir bya'o/ /de las lhag par bdag gir byed na ltung byed do/ /so sor mgron du bos pa dang / yang dang yang du mgron du bos pa dang / dus kyis mgron du bos pa dang / rtag tu mgron du bos pa ni ma gtogs te/ dal de ni dus yin no zhes bca' ba mdzad kyi//khyod kyis bslab pa 'di la bslab par bya'o zhes bsgo shig ces kyis shig /tshe dang ldan pa kun dga' bos btsun pa bka' bzhin 'tshal lo zhes bcom ldan 'das kyi bka' mnyan nas/ /tshe dang ldan pa lam pa gang na ba der song ste phyin nas tshe dang ldan pa lam pa la de skad ces bsgo'o//tshe dang ldan pa lam bas btsun pa bka' bzhin 'tshal zhes tshe dang ldan pa kun dga' bo'i tshig mnyan nas dge slong ma'i dbyar khang ga la ba der song ba dang / ci tsam na drug sde dag gis de mthong nas de dag gis dris pa/ tshe dang ldan pa lam pa khyod gar 'gro/tshe dang ldan pa lam pas bsams pa/ 'di dag gis kyang ma thos pa 'dras 'di dag la yang brjod par bya'o snyam nas des de dag la yang de skad bsgo ba dang / de dag gis smras pa/ bdag cag dge slong mdo sde 'dzin pa dang / 'dul ba 'dzin pa dang /ma mo 'dzin pa rnams la 'dri ba'i bar du byis pa rmongs pa/ mi gsal ba/ mi mkhas pa/ khyod kyi tshig gis bslab pa 'di la mi slob bo zhes de dag gis byis pa dang / rmongs pa dang / mi gsal ba dang / mi mkhas pa zhes bya ba dag gis khur bslang ngo //tshe dang ldan pa lam pa de nas song ste 'gro ba na/ dge slong ma bcu gnyis sde dag gis mthong nas/ de dag gis de la smras pa/ btsun pa lam pa gar bzhud/ des de dag la sring mo dag shes par gyis shig /bcom ldan 'das kyis 'dul ba la nyan thos rnams kyi bslab pa'i gzhi thun mong 'di ltar bca' ba mdzad de zhes bslab pa'i gzhi de rgyas par brjod nas khyed kyis kyang bslab pa 'di la bslab par bya'o zhes byas pa dang /de dag gis smras pa/ bdag cag dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la 'dri ba'i bar du byis pa/rmongs pa/ mi gsal ba/ mi mkhas pa khyod kyi tshig gi bslab pa 'di la mi slob po zhes byis pa dang / rmongs pa dang / mi gsal ba dang / mi mkhas pa zhes bya ba dag gis khur bslangs te dong ngo / /tshe dang ldan pa lam pas bsams pa/bdag la gnas ngan len kun du spyod pa 'di dag la brjod pas ci bya/ da ni song la skye dgu'i bdag mo chen mo gau ta mI ma gtogs pa gzhan 'ga' la yang brjod par mi bya'o snyam nas/ de skye dgu'i bdag mo gau ta mI ga la ba der song ste phyin nas/ skye dgu'i bdag mo chen mo gau ta mI la 'di skad ces smras so//gau ta mI shes par gyis shig /bcom ldan 'das kyis 'dul ba la nyan thos rnams kyi bslab pa'i gzhi thun mong 'di ltar bca' ba mdzad do zhes bslab pa'i gzhi de rgyas par brjod nas/ khyed kyis kyang bslab pa 'di la bslab par bya'o zhes bsgo ba dang /skye dgu'i bdag mo chen mo gau ta mIs smras pa/ btsun pa lam pa bcom ldan 'das kyis 'dul ba la nyan thos rnams kyi bslab pa'i gzhi thun mong de ltar bca' ba mdzad pa gang lags pa de bdag mgo dang ngag dang yid kyis kyang nod do/ /tshe dang ldan pa lam pas bsgo ste phyir 'ongs pa dang /tshe dang ldan pa kun dga' bos de mthong nas dris pa/ tshe dang ldan pa lam pa khyed kyis dge slong ma rnams la bsgo'am/ des smras pa/ bsgo ste/ 'di ltar byis pa dang / rmongs pa dang / mi gsal ba dang mi mkhas pa zhes bya ba dag gis khur bslang ngo / / sus/ drug sde dag gis so/ /ci'i phyir des skabs de rgyas par brjod pa dang / dge slong don nyung ngu dag ci'i phyir dge slong dag dge slong rnams kyis tshe dang ldan pa dag khyod kyis bslab pa 'di la bslab par bya'o zhes bsgo ba na/ de dag la 'di skad ces bdag cag dge slong mdo sde 'dzin pa dang /'dul ba 'dzin pa dang / ma mo 'dzin pa rnams la 'dri ba'i bar du byis pa rmongs pa/ mi gsal ba/ mi mkhas pa/ khyed kyi tshig gis bslab pa 'di la mi slob bo zhes zer zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ drug sde dag la rmas nas dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dge slong rnams kyis tshe dang ldan pa khyod kyis bslab pa 'di la bslab par bya'o zhes bsgo ba na de dag la 'di skad ces bdag cag dge slong mdo sde 'dzin pa dang /'dul ba 'dzin pa dang / ma mo 'dzin pa rnams la 'dri ba'i bar du byis pa/ rmongs pa mi gsal ba/ mi mkhas pa khyod kyi tshig gis bslab pa 'di la mi slob bo zhes zer na ltung byed do//dge slong kun shes par 'dod pas kyang bslab pa 'di la bslab par bya'o/ /dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la yang 'dri bar bya ste/ de la de ni cho ga yin no zhes bca' ba mdzad de/yul ni rgyal po'i khab/ /gang zag ni drug sde/ nyon mongs pa ni bka' dang bslab pa la ma gus pa/ nyes pa ni bslab pa la nye bar 'jog pa spong ba'o/ /de la yang dge slong gang zhes bya ba ni drug sde'am/ gzhan yang de lta bu gang yin pa'o/ / dge slong rnams kyis zhes bya ba ni/ chos 'di pa rnams kyis so/ /tshe dang ldan pa khyod kyis bslab pa 'di la bslab par bya'o zhes bsgo ba na zhes bya ba ni bslab pa gang yin pa de la'o/ /de dag la zhes bya ba ni dge slong de dag la'o/ /'di skad ces bya ba ni 'di skad ces zer na'o/ dge slong mdo sde 'dzin pa zhes bya ba ni/ mdo sde mtha' dag 'dzin pa gang dag yin pa rnams so/ /'dul ba 'dzin pa zhes bya ba ni/ 'dul ba mtha' dag 'dzin pa gang dag yin pa rnams so/ /ma mo 'dzin pa rnams la 'dri ba'i bar du zhes bya ba ni/ ma mo mtha' dag 'dzin pa gang dag yin pa rnams la'o//byis pa zhes bya ba la byis pa zhes bya ba ni/ nyes par bsam pa sems pa dang / nyes par smra bar brjod par dang / nyes par bya ba'i las byed pa'o/ /rmongs pa zhes bya ba la rmongs pa zhes bya ba ni/ mdo sde 'dzin pa ma yin pa dang /'dul ba 'dzin pa ma yin pa dang / ma mo 'dzin pa ma yin pa'o/ /mi gsal ba zhes bya ba la mi gsal ba zhes bya ba ni/ mdo sde la mi gsal ba dang / 'dul ba la mi gsal ba dang / ma mo la mi gsal ba'o/ /mi mkhas pa zhes bya ba la mi mkhas pa zhes bya ba ni/mdo sde la mi mkhas pa dang 'dul ba la mi mkhas pa dang ma mo la mi mkhas pa'o/ khyod kyi tshig gis bslab pa 'di la mi slob po zhes zer na zhes bya ba ni/ de skad zer na'o/ /ltung byed do zhes bya ba ni snga ma bzhin no/ /dge slong kun shes par 'dod pas kyang bslab pa de la bslab par bya'o//dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la yang dri bar bya ste/ de la de ni cho ga yin no zhes bya ba ni/ bslab pa'i gzhi bca' ba mdzad pa de la ni rjes su mthun pa'i chos yin pa'o/ /de la ltung ba ji ltar 'gyur zhe na/'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni//dge slong ltung ba 'byin pa pos rang nyid bslab pa de la nye bar 'jog pa'i dge slong sde snod gsum las mdo sde ma gtogs pa 'dul ba dang / ma mo las 'dul ba'i char gtogs pa'i bslab pa la mngon par shes pa nyid kyis smra ba po byis pa dang /rmongs pa dang / mi mkhas pa ma yin pas khyod kyis 'dul bar gtogs pa'i bslab pa 'di la bslab par bya'o zhes brjod pa'am bsgo ba na/ bdag dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la 'dri ba'i bar du mi slob po zhes rgyu'i dngos po des go bar byed pa'i dge slong 'dul ba dang ldan pa'i bslab pa'i gzhi la mngon par shes pa nyid dang ldan pa de la byis pa/rmongs pa/ mi gsal ba/ mi mkhas pa khyod kyi tshig gis bslab pa 'di la mi slob po zhes mi shes pa nyid sgrogs par byed pa'i tshig de skad brjod na bslab pa la nye bar 'jog pa spong ba'i ltung byed kyi dngos gzhir 'gyur ro//ltung ba 'byin pa pos rang nyid bslab pa la nye bar 'jog pa'i dge slong smra ba po de 'dul ba las gsungs pa'i bslab pa la mngon par shes pa nyid yin par shes pa nyid la na smad pa med do//'dul ba dang ma mo las gsungs pa 'dul ba'i char gtogs pa'i bslab pa 'di la bslab par bya'o zhes bsgo ba spong ba la na smad pa med do/ /dngos gzhi'i ltung ba so sor nges pa'i bslab pa la khyod kyis bslab par bya'o zhes brjod pa dang /brjod pa 'di la khyod kyis bslab par bya'o zhes mos par byas shing bsgo ba la spong ba la na smad pa med do/ /bdag dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la 'dri ba'i bar du mi slob po zhes zer ba'i rgyu'i dngos po de dag gang yang rung ba la na smad pa med do//go bar byed pa'i dge slong dag la byis pa dang / rmongs pa dang / mi gsal ba dang / mi mkhas pa khyod kyi tshig gis mi slob bo zhes zer ba'i mi shes pa nyid sgrogs par byed pa'i tshig de dag gang yang rung ba la na smad pa med do/ / 'di'i byed pa po ni bslab pa la nye bar 'jog pa smra bo'o/ /dge slong 'dul ba la ldan pa'i bslab pa'i yul mngon par shes pa byis pa dang / rmongs pa dang / mi gsal ba dang / mi mkhas pa ma yin pa nyid la 'du shes la gtso cher byed pa po nyid yin no/ /'di la yan lag lngas dngos gzhi'i ltung bar 'gyur te/bslab pa la nye bar 'jog pa'i dge slong smra ba po 'dul ba dang ldan pa'i bslab pa'i yul mngon par shes pa byis pa dang / rmongs pa dang / mi gsal ba dang / mi mkhas pa ma yin pa nyid dang / ltung ba 'byin pa pos de ltar 'du shes pa nyid dang / 'dul ba dang ldan pa'i bslab pa'i gzhi 'di la bslab par bya'o zhes brjod dam/ bsgo ba nyid dam mi slob pa'i rgyu'i dngos po dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la 'dri ba'i bar du zhes zer ba nyid dang / go bar byed pa la byis pa'am/ rmongs pa'am/ mi gsal ba'am/mi mkhas pa khyod kyi tshig gis bslab pa 'di la mi slob po zhes mi shes pa nyid sgrogs par byed pa'i tshig brjod pa'o/ /de dag las yan lag ma tshang na ci rigs par na smad do/ /sbyor ba'i sbyor ba'i ltung ba ni nyes byas te/ bslab pa la nye bar 'jog pa spong ba'i ltung byed kyi sbyor ba brtsams nas dngos gzhi lam thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /mdo sde las gsungs pa'i bslab pa la nye bar 'jog pa spong ba'i gnas skabs thams cad la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba'ang de snyed de/sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni bslab pa la nye bar 'jog pa'i dge slong smra ba po 'dul ba dang ldan pa'i bslab pa'i yul mngon par shes pa la byis pa dang / rmongs pa dang / mi gsal ba dang / mi mkhas pa ma yin pa nyid yin na yang ltung ba 'byin pa pos de ltar 'du shes pa nyid med pa la ltung ba med do//yang dag pa kho nar 'dul ba dang ldan pa'i bslab pa'i yul mngon par mi shes pa nyid dang / byis pa dang / rmongs pa dang / mi gsal ba dang / mi mkhas pa nyid yin na ltung ba med do/ /las dang po pa dang / smyos pa dang /sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du bslab pa la nye bar 'jog pa spong ba'i ltung byed du 'gyur ba rnam pa thams cad mi bsten par bslab par bya'o/ /bslab pa thun mong gi yul thams cad dge slong ma la yang bsgrags par bya'o//dge slong kun shes par 'dod pas kyang bslab pa de la bslab par bya'o/ /dge slong mdo sde 'dzin pa dang / 'dul ba 'dzin pa dang / ma mo 'dzin pa rnams la yang dri bar bya'o/ /phyir bcos pa ni snga ma bzhin no/ /bslab pa la nye bar 'jog pa spong ba'i ltung byed de bdun cu lnga bshad zin to// // @##/ /so sor thar pa'i mdo rgya cher 'grel pa 'dul ba kun las btus pa/ bam po sum cu dgu pa/ nyan rna las gyur pa'i ltung byed kyi gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//gang gi tshe tshe dang ldan pa 'char kas ni nyon mongs pa thams cad spangs te dgra bcom pa nyid mngon sum byas/ tshe dang ldan pa 'dun pa ni kau shAm bIr song ste snying las chung ngur 'dug /'gro mgyogs dang nab so gnyis ni dus la bab/ dga' bo dang nye dga' gnyis ni dge 'dun gyi nang na 'dug pa de'i tshe na bcu bdun sde'i tshogs dag gdug cing pha rol gnon pa dang /mdo sde 'dzin pa dang / 'dul ba 'dzin pa dang / ma mo 'dzin par gyur nas de dag gis smras pa/ tshe dang ldan pa dag bdag cag yun ring po nas drug sde dag gis tho 'tshams te/ji ltar dga' bo dang nye dga' gnyis kyis tho 'tshams pa ltar yang gzhan gyis mtho ma btsams la/ ji ltar nye dgas tho 'tshams pa ltar nga yang dga' bos ma btsams kyis de gnas nas dbyung ba'i las bya'o//de dag gis smras pa/ 'di'i phu bo dga' bo rtsod pa la mkhas pa yin gyi tshur sheg je gros bya'o zhes de dag dpong sa'i khang par zhugs te sgo bcad nas gros bya bar brtsams pa dang /nye dgas skar khung nas nyan cing des de dag la bsdigs te/ kye ma bcu bdun sde dag ci'i phyir gros byed/ kho bo tshangs pa mtshungs par spyod pa la la ni yongs su mya ngan las 'das/ la la ni snying las chung ngu kho nar 'dug kha cig ni dus la bab pas da 'di gnas nas dbyung ba'i las bya'o snyam du sems sam/ci khyod kyis da kho bo cag zil gyis mnan te 'khod snyam mam/ kho bo cag gis kyang khyed la mtshams chen po gcad par bya'o/ /khyed kyis/ glang po'i thag pa nyi ma dang //rlung gis yongs su bskams gyur cing / /glang po'i gnya' nas lhung gyur kyang / /lug ni lnga brgyas drang bar bya/ /zhes bya ba ma thos sam zhes bsdigs pa dang / de dag gis bsams pa/ 'dis bdag cag gros byed pa 'phrigs kyi gzhan du 'dong ngo zhes de dag me khang du zhugs te gros bya bar brtsams pa dang /nye dga' yang 'jab cing der 'ongs te nyan cing des der yang de bzhin du bsdigs so/ /de dag steng khang dang / bar khang dang / gnas khang dang / khyams dang / sgo khang dang / bang rim dang / 'chag sa dang / span spun dag gi nang dang / dgon pa dang / tshang tshing gi nang dang / lam nas 'dong zhing gros bya bar brtsams pa dang / nye dga' yang phyi bzhin song te nyan cing des de dag tu yang de bzhin du bsdigs nas/de dag gis smras pa/ tshe dang ldan pa dag bdag cag gis 'di gnas nas dbyung ba'i las bya bar mi nus kyis 'di la bzod par gsol bar bya'o zhes de dag gis de la smras pa/ btsun pa nye dga' bdag cag la bzod pa mdzod cig /nye dgas smras pa/ bzod par bya'o/ /de dag gis de la dris pa/khyod kyis kho bo cag gros byed pa ji ltar shes/ nye dgas skabs de rgyas par brjod pa dang / de dag gis smras pa/ khyod nyan rnas 'dug tu rung ngam/ nye dgas smras pa/ gal te kho bos khyed cag gros byed pa'i tshe nyan rnas 'dug par ma gyur du zin na khyed cag gis kho bo gnas nas dbyung ba'i las byas par gyur to zhes zer nas dge slong don nyung ngu dag ci'i phyir dge slong dag dge slong rnams 'thab par gyur/mtshang 'dru bar gyur/ mi mthun par gyur/ rtsod par gyur cing 'khod pa la dge slong 'di dag ji skad zer ba de bdag gis mnyan te de lta de ltar rjes su tha snyad gdags par bya'o snyam pa de nyid rkyen du byas te cang mi smra bar nyan rnas 'dug par byed ces smod par byed/phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de nye dga' la smad nas/dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang dge slong rnams 'thab par gyur/ mtshang 'bru bar gyur/ mi mthun par gyur/ rtsod par gyur cing 'khod pa la/ dge slong 'di dag ji skad zer ba de bdag gis mnyan te de lta de ltar rjes su tha snyad gdags par bya'o snyam pa de nyid rkyen du byas te cang mi smra bas nyan rnas 'dug na ltung byed do zhes bca' ba mdzad de/yul ni mnyan yod/ gang zag ni nye dga'/ nyon mongs pa ni sha glan pa'i bsam pa/ nyes pa ni rtsod pa'i gros la nyan rna byed pa'o/ /de la yang dge slong gang zhes bya ba ni shAkya'i bu nye dga' 'am gzhan yang de lta bu gang yin pa'o//dge slong rnams zhes bya ba ni chos 'di ba rnams so/ /'thab par gyur/ mtshang 'bru bar gyur/ mi mthun par gyur/ rtsod par gyur cing 'khod pa la zhes bya ba ni phyogs dang gzhan gyi phyogs su rnam par gnas pa'o/ /dge slong 'di dag ji skad zer ba de bdag gis mnyan te de lta de ltar rjes su tha snyad gdags par bya'o snyam pa zhes bya ba ni de lta bu'i bsam pas gnyen pos de lta de ltar pha rol mnan par bya'o snyam pa'o//de nyid rkyen du byas te zhes bya ba ni gzhan ma yin pa'o/ /cang mi smra bas nyan rnas 'dug pa zhes bya ba ni cang mi smra bas rna gtad pas 'dug na'o/ /ltung byed do zhes bya ba ni snga ma bzhin no//de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gis dge slong dag rtsod par gyur pa dge slong dag dang gros byed pa na nye bar zhi bar 'dod pa ma gtogs par 'khrug long bya ba la gzhol bas mnyan pa'i phyir rna gtong cing sgra'i don go ba dang /lam nor tam zhi bar 'dod pa ma gtogs par don gzhan gyi dbang nyid kyis son cing shes pa'i 'og tu rkang pa dang se gol dang lud pa'i sgra dag gis go bar mi byed na nyan rna las gyur pa'i ltung byed kyi dngos gzhir 'gyur ro//dge slong dang rtsod par gyur pa dge slong dag dang gros byed pa'i rtsod pa'i gzhi dang dge slong ji snyed pa dang / gang yang rung ba la na smad pa med do/ /steng khang dang / bar khang dang / 'og khang dang /gnas khang dang / khyams dang / sgo khang dang / bang rim dang / 'chags dang / dgon pa dang / lam dang / lam gol pa la sogs pa'i gnas gang yang rung ba la na smad pa med do/ /nye bar zhi bar 'dod pa ma gtogs par 'khrug long bya ba la gzhol ba la na smad pa med do/ /mnyan pa'i phyir rna gtod cing sgra'i don go ba la na smad pa med do//lam nor tam zhi bar 'dod pa ma gtogs par don gzhan gyi dbang nyid kyis son zhing shes pa'i 'og tu rkang pa dang se gol dang lud pa'i sgra dag gis go bar mi byed pa lan smad pa med do/ /'di'i byed pa po ni dge slong dag rtsod pa'i gros dang 'khrug long bya ba la gzhol ba'i bsam pa'o//'di la yang yan lag lngas dngos gzhi'i ltung bar gyur te/ phyogs gnyi ga dge slong nyid yin pa dang / rtsod pa gang yang rung ba'i gros byed pa dang / 'khrug long bya ba la gzhol ba nyid dang / nyan rnas 'dug pa nyid dang / sgra dang bcas pa'i don go ba nyid do/ /de dag las yan lag ma tshang na ci rigs par na smad do//sbyor ba'i ltung ba ni nyes byas te/ ji srid du nyan rna las gyur ba'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /sgra thos la don ma go ba la nyes byas so//'thab gcugs byed na nyes byas so/ /'thab pa la nyan na nyes byas so/ /'thab mo byed pa'i drung du 'dug na nyes byas so/ /phyogs gcig dge slong nyid ma yin pa dang gnyi ga dge slong nyid ma yin pa la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni nye bar zhi bar 'dod pa la ltung ba med de/ /nang dang bcas pa ma yin pa dang / gya tshom du 'jug pa dang / mnyan nas nye bar zhi bar bya'o snyam pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du nyan rna las gyur pa'i ltung byed du 'gyur ba rnam pa thams cad mi bsten par bslab par bya'o/ /dge slong dag steng khang dang / bar khang dang /'og khang dang / gnas khang dang / khyams dang / sgo khang dang / bang rim dang / 'chags dang / dgon pa dang / lam dang / lam gol ba la sogs pa na gros byed la/ der 'gro dgos na rting sgra'am se gol gyi sgra'am/ mgul bsal ba'i sgra bya'o/ /'thab gcugs mi bya'o//'thab pa mnyan par mi bya'o/ /'thab mo byed pa la nye bar bskor te 'dug par mi bya'o/ /nye bar zhi bar bya ba'i phyir mi 'bad par mi bya'o/ /phyir bcos pa ni snga ma bzhin no/ /nyan rna las gyur pa'i ltung byed de bdun cu drug pa bshad zin to// //mi smra bar 'gro ba'i ltung byed kyi gleng gzhi ni bcas pa dang gnang ba'i dbang gis rnam pa gnyis te/bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa 'char kas ni nyon mongs pa thams cad spangs pas dgra bcom pa nyid mngon sum du byas/tshe dang ldan pa 'dun pa ni kau shAm bIr song ste snying las chung ngu ra 'dug /'gro mgyogs dang nab so gnyis ni dus la bab/ dga' bo dang nye dga' gnyis ni dge 'dun gyi nang na 'dug pa de'i tshe na/ bcu bdun sde'i tshogs dag gdug cing pha rol gnon pa dang /mdo sde 'dzin pa dang / 'dul ba 'dzin pa dang / ma mo 'dzin par gyur nas de dag gis smras pa/ tshe dang ldan pa dag bdag cag yun ring po nas drug sde dag gis tho 'tshams te/ ji ltar dga' bo dang nye dga' gnyis kyis tho 'tshams pa ltar yang gzhan gyis ma btsams la/ ji ltar nye dgas tho 'tshams pa ltar yang dga' bos ma btsams kyis nye dga' gnas nas dbyung ba'i las bya'o//de nas kha cig gis smras pa/ 'di phu bo dga' bo rtsod pa la mkhas pa yin pas bdag cag gis 'di gnas nas dbyung ba'i las bya bar mi nus so/ /kha cig gis smras pa/ gcig smra ba na gnyis kyis mnyan par mi bya bar tshogs smra na tshogs ni rgyal po dang 'dra bas gal te cung zad smra bar gyur na de'i tshe gnas nas dbyung ba'i las bya'o zhes de dag gis gnas ma la bshams nas gaN+DI brdungs te/dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa na gleng ba po rgan pa'i mtha' logs su 'dug ste smras pa/btsun pa nye dga' khyod kyis bcu bdun sde'i tshogs dag gi lto dral te rgyu ma dag gis rgyal byed kyi tshal bskor bar bya'o zhes bya ba de lta bu'i tshig smras pa gang yin pa de dran nam/ nye dgas smras pa/ tshe dang ldan pa dag de ni don 'das pa yin na rma sos pa glengs te ci bya/de dag gis smras pa/ bcom ldan 'das ni 'das pa'i don kho na la brten te 'dul ba la nyan thos rnams kyi bslab pa'i gzhi 'cha' bar mdzad do/ /dga' bos phyir bzlog par btsams pa dang / de dag gis smras pa/ gang gcig phyir zlog par byed pa de yang gnas nas dbyung ba'i las bya'o//dga' bos bsams pa/ 'di dag gi byed stangs las na bdag la yang gnas nas 'byin pa'i las byed par gyur na ma legs par 'gyur ro snyam nas/ de dgun gyi dus la bab pas la ba zhig gyon te 'ongs nas des la bde rtsig drung du blangs te/bzhag nas cang mi smra bar stan las langs te song ngo / /de dag gis smras pa/ tshe dang ldan pa dag 'dod pa smros shig ces de dag gis gya tshom du nye dga' gnas nas dbyung ba'i las byas so/ /de gnas nas dbyung ba'i las byas pa na ngu zhing phu bo'i gan du song ba dang / dga' bos smras pa/nye dga' ci'i phyir ngu / lhung bzed nag po can dag gis bdag gnas nas dbyung ba'i las byas so/ /dga' bos smras pa/ gang dag gis kho bo'i nu bo gnas nas dbyung ba'i las byas pa de dag grong dang grong khyer dang / khams gsum nas gnas nas phyung bar gyur cig /'on kyang gnas nas dbyung ba'i las byas pa dag la grong dang grong khyer med dam ci sdod la phyis bzod par gsol cig /'di ltar de dag gis mi mthun pa'i las kho nar byas so/ /su zhig der ma 'ongs/ dga' bos smras pa/ kho bo'o/ /bdag gis de na rgan pa'i mtha' logs su slob dpon gyi sgra thos so//dga' bos bdag nyid ji ltar cang mi smra bar stan las langs te song ba'i skabs de rgyas par brjod pa dang / dge slong don nyung ngu dag ci'i phyir dge slong dag dge 'dun gyi chos dang ldan pa'i gtam rnam par gtan la 'bebs pa byung na cang mi smra bar stan las langs te 'gro bar byed ces smod par byed/phyar kha gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de dga' bo la smad nas/ dge sbyong gi tshul ma yin pa/rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang dge 'dun gyi chos dang ldan pa'i gtam rnam par gtan la 'bebs par byung ba na cang mi smra bar stan las langs te 'gro na ltung byed do zhes bca' ba mdzad de/ yul ni mnyan yod/ gang zag ni dga' bo/ /nyon mongs pa ni las dang mi mthun par 'dod pa/nyes pa ni dge 'dun gyi chos dang ldan pa'i gtam rnam par gtan la 'bebs pa byung ba na cang mi smra bar stan las langs te 'gro ba'o/ /gnang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//dge slong nad ngan can dag 'khod pa de dag gis yun ring du 'dug par mi nus pa na dge slong nad g.yog dag gis kyang nad pa dag gi bya ba nyams par byed/ dge slong zhal ta byed pa dag gis kyang dge 'dun gyi bya ba nyams par byed pa'i skabs de dge slong rnams kyis bcom ldan 'das la gsol ba dang /bcom ldan 'das kyis bka' stsal pa/ de lta bas na dge slong 'dug pa la smras te 'gro bar bya'o/ /bcom ldan 'das kyis dge slong 'dug pa la smras te/ 'gro bar bya'o zhes bka' stsal nas/ dge slong zhig gis khyim gzhan du lhung bzed dang chos gos bzhag nas ci tsam na der me shor nas dge slong des 'gro bar brtsams te de lam gyi phyed du phyin pa dang /bdag gis dge slong 'dug pa la ma smras so snyam pa'i dran pa skyes nas/ de phyir log ste ji srid du dge slong 'dug pa la smra bar byed pa de srid du de'i lhung bzed dang chos gos tshig nas/ de der song ba dang khyim bdag gis smras pa/'phags pa khyod ci'i slad du 'phyis te byon/ des na khyod kyi lhung bzed dang chos gos tshig gis gal te khyod myur du byon par gyur na khyod kyi lhung bzed dang chos gos tshig par mi 'gyur ro zhes zer zhing / dge slong de yang phongs par gyur pa'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ de lta bas na de 'dra ba'i rkyen ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang mthun pa dang /de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang dge 'dun gyi chos dang ldan pa'i gtam rnam par gtan la 'bebs pa byung ba na cang mi smra bar stan las langs te 'gro zhing / dge slong 'dug pa la mi smra na de 'dra ba'i rkyen ma gtogs te ltung byed do zhes bca' ba mdzad de/ yul ni mnyan yod/ gang zag ni dge slong don nyung ngu dag /nyon mongs pa dang nyes pa ni med do/ /de la yang dge slong gang zhes bya ba ni shAkya'i bu dga' bo'am gzhan yang de lta bu gang yin pa'o/ /dge 'dun kyi zhes bya ba ni de bzhin gshegs pa'i nyan thos kyi dge 'dun gyi'o/ /chos dang ldan pa'i gtam rnam par gtan la 'bebs pa byung ba na zhes bya ba ni gsol pa dang /gsol ba dang gnyis dang / gsol ba dang bzhi las byung ba na'o/ /cang mi smra bar stan las langs te 'gro zhing zhes bya ba ni thos pa'i nye 'khor las langs te 'gro zhing ngo / /dge slong 'dug pa la mi smra na zhes bya ba ni de na dge slong gang 'dug pa la'o/ /de 'dra ba'i rkyen ma gtogs te zhes bya ba ni gleng gzhi las dge slong 'dug pa la smra bar byed pa de srid du de'i lhung bzed dang chos gos tshig par gyur pa de 'dra ba'i rkyen ma gtogs te'o//ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gsol ba dang / gsol ba dang gnyis dang / gsol ba dang bzhi'i las kyis bdag nyid gso sbyong dang dgag dbye la sogs pa las brgya rtsa gcig chos dang ldan pa nyid du byed pa la dge 'dun gyi nang du 'dus pa brtad pa'i bya ba ma byung ba dge slong gcig la ma smras par 'gro na thos pa'i nye 'khor las 'das na mi smra bar 'gro ba'i ltung byed kyi dngos gzhir 'gyur ro//gsol ba la sogs pa'i las brgya rtsa gcig gi khongs su gtogs pa gang yang rung ba la na smad pa med do/ /de dag chos dang ldan pa nyid du byed pa la na smad pa med do/ /bdag la byed pa dang / gzhan la byed pa la na smad pa med do/ /dge 'dun 'dus pa'i nang du lus kyis 'dus pa la na smad pa med do//brtad pa'i bya ba ma byung ba la na smad pa med do/ /ltag 'og na 'dug pa'i dge slong gcig la ma smras pa la na smad pa med do/ /thos pa'i nyen kor las 'das pa la na smad pa med do/ /las brtsams pa la na smad pa med do/ /'di'i byed pa po ni dge 'dun gyi gsol ba la sogs pa'i las chos dang ldan pa nyid dang /dge slong 'khod pa la ma smras pa dang / brtad pa'i bya ba ma byung ba'o/ /'di la yan lag lngas dngos gzhi'i ltung bar 'gyur te/ dge 'dun gyi gsol ba la sogs pa'i las chos dang ldan pa nyid dang / bdag nyid kyi lus kyis der 'dus pa nyid dang /brtad pa'i bya ba ma byung na dge slong 'khod pa la ma smras pa nyid dang / thos pa'i nye 'khor las 'da' bar 'dod pa nyid dang / thos pa'i nye 'khor las 'das par song ba nyid do/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ji srid du mi smra bar 'gro ba'i ltung byed kyi sbyor ba brtsams pa nas/ dngos gzhi la ma thug gi bar du nyes byas so/ /las brgya rtsa gcig nyid ma yin par rab tu 'byung ba la ltos pa zhu ba la sogs pa'i las la nyes byas so/ /thos pa'i nye 'khor las ma 'das kyi bar du nyes byas so//don med pa dang mi rigs pas 'gro ba ni dge slong la smras te 'gro na yang nyes byas so/ /gsol ba dang gnyis sam/ gsol ba dang bzhi'i las la ni gsol ba byas la las brjod pa ma brtsams pa'i skabs su thos pa'i nyen kor las 'das na yang nyes byas so/ /chos dang ldan pa nyid ma yin pa'i las la ni ma smras par thos pa'i nye 'khor las 'das na yang nyes byas so//sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni dge slong la smras pa dang /brtad pa'i bya ba byung ba la ltung ba med do/ /bdag nyid lus ma 'dus par 'dun pa dang yongs su dag pa phul ba la ltung ba med do/ /thos pa'i yul las mi 'da' bar 'dod pas 'das pa la ltung ba med do/ /las dang po pa dang / smyos pa dang / sems 'khrugs pa dang /tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du mi smra bar 'gro ba'i ltung byed du 'gyur ba rnam pa thams cad mi bsten par bslab par bya'o/ /gsol ba la sogs pa'i las chos dang mi ldan pa nyid mi bya'o/ / phyir bcos pa ni snga ma bzhin no/ /mi smra bar 'gro ba'i ltung byed de bdun cu bdun pa bshad zin no// //ma gus pa'i tshul gyi ltung byed kyi gleng gzhi ni sangs rgyas bcom ldan 'das rgyal po'i khab na 'od ma'i tshal ka lan dka'i gnas na bzhugs so/ /de'i tshe glang chen snying po'i bu dge slong nag pa glang chen lhas zhes bya ba dge slong rab tu mang po dag 'di lta ste/'di ni chos so/ /'di ni 'dul ba'o/ /'di ni ston pa'i bstan pa'o zhes rtsod pa nye bar zhi bar bya ba 'ga' zhig gi phyir dpong sa'i khang par 'dug cing mthun par gyur pa na gcig pus dge 'dun zlog par byed/dge 'dun mi mthun par byed cing rtsod pa bzung ste rtsod cing 'dug la/ gtam gyi mjug sdod par mi byed/ gus bar mi byed/ rjes mi byed cing / phyir smra bar bya'o snyam du bsams nas dge slong don nyung ngu dag ci'i phyir dge slong dag dge slong rab tu mang po dag 'di lta ste/ 'di ni chos so//'di ni 'dul ba'o/ /'di ni ston pa'i bstan pa'o zhes rtsod pa nye bar zhi bar byed pa 'ga' zhig gi phyir dpong sa'i khang par 'dug cing mthun par gyur pa na gcig pu'i dge 'dun zlog par byed/ gcig pus dge 'dun mi mthun par byed cing rtsod pa bzung ste rtsod cing 'dug la gtam gyi mjug sdud par mi byed/gus par mi byed/ rjes mi byed cing / phyir smra bar bya'o snyam du sems shing smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ dge slong nag pa la smad nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul bal bslab pa'i gzhi 'di ltar gdon par bya ste/ gus par mi byed na ltung byed do zhes bca' ba mdzad de/ yul ni rgyal po'i khab/ gang zag ni dge slong nag pa glang chen las/ nyon mongs pa ni nga rgyal gyi kun du sbyor ba/nyes pa ni dge 'dun dang gang zag la ma gus pa'o/ /de la gus par mi byed na zhes bya ba ni gnyis la gus par mi byed na ste/ dge 'dun la dang / gang zag la'o/ /de la dge 'dun ni de bzhin gshegs pa'i nyan thos kyi dge 'dun dang / dge 'dun gyi tha snyad do//gang zag ni mkhan po dang slob dpon dag go/ /ltung byed do zhes bya ba ni snga ma bzhin no/ /de la ltung bar ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor ba ltung ba rnam par gzhag pa dang / ltung ba med pa dang bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni dge slong sangs rgyas kyi bka' dang dge 'dun gyi tha snyad pa'i tshig las 'gal bar byed pa dang / dge slong gi dge 'dun gyi 'dug pa dang / 'gro ba dang / gnas mal len pa dang /gtsug lag khang len pa dang / smra ba la sogs pa chos dang ldan pa nyid kyis bsgo ba'i don la ma gus par chos dang ldan par shad kyis sbyangs pa med par de las bzlog ste 'gal bar byed pa dang / gzhan dag chos dang ldan pa'i gtam rnam par gtan la 'bebs pa'i bar du glo bur du gtam zer na ma gus pa'i tshul gyis ltung byed kyi dngos gzhir 'gyur ro//sangs rgyas kyi bka' las 'gal bar byed pa la na smad pa med do/ /dge 'dun gyi tha snyad pa ni dge 'dun gyi kha yin pas de'i phyir dge 'dun gyi tha snyad byed pa gnas brtan dang / dge skos la sogs pa gang zag gi las bcu gnyis su bskos pa rnams kyi tshig las 'gal bar byed pa la na smad pa med do//dge slong gi dge 'dun gyi tshig las 'gal bar byed pa la na smad pa med do/ /dge 'dun gyi 'dug pa dang / 'gro ba dang gnas mal len pa dang / gtsug lag khang len pa dang / smra ba la sogs pa'i don bsgo ba lam gus pas chos dang ldan par shad kyis sbyang ba med par phyir bzlog cing 'gal bar byed pa la na smad pa med do//dge 'dun gyi chos dang ldan pa nyid du bsgo ba las bzlog cing 'gal bar byed do cog la na smad pa med do/ /gzhan dag chos dang ldan pa'i gtam rnam par gtan la 'bebs pa'i bar du glo bur du gtam zer ba la na smad pa med do//'di'i byed pa po ni sangs rgyas kyi bka' dang / dge 'dun gyi tha snyad pa'i tshig dang / dge slong gi dge 'dun gyis chos dang ldan pa nyid du bsgo ba'i don dang / gzhan dag chos dang ldan pa'i gtam rnam par gtan la 'bebs pa nyid do/ /'di la yan lag lngas dngos gzhi'i ltung bar 'gyur te/ sangs rgyas kyi bka' 'am/ dge 'dun gyi tha snyad pa'i tshig gam dge slong gi dge 'dun gyis bsgo ba'i don nam/ gzhan gyi chos dang ldan pa'i gtam dag las gang yang rung ba nyid dang / chos dang ldan pa nyid dang / ma gus pas chos dang ldan par shad kyis sbyang ba med pa nyid dang / log thabs kyi bsam pa nyid dang / 'gal bar byed pa nyid do/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du ma gus pa'i tshul gyis ltung ba'i sbyor ba brtsams nas/ dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//mkhan po dang slob dpon dag gis bsgo ba'i don las 'gal bar byed pa la nyes byas so/ /dge slong gi dge 'dun gyi ltung ba'i sbyor ba chos dang ldan pa nyid ma yin pa 'gal bar byed na nyes byas so/ /rgyal po dang / dgra bcom pa dang / dge 'dun gyi gnas brtan gyi tshig las 'gal bar byed pa la nyes byas so//sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba'ang de snyed de/ sbyor ba nyes byas kyi sbyor ba'i sbyor ba yang nyes byas te/ nyes byas phra mo'o/ /ltung ba med pa ni bdud dang / mu stegs can dang /gang zag phal pa'i tshig chos dang ldan pa ma yin pa la ltung ba med do/ /chos dang ldan par shad kyis sbyar ba sbyin par byed na ltung ba med do/ /las dang po ba dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du ma gus pa'i tshul gyis ltung byed du 'gyur ba rnam pa thams cad mi bsten par bslab par bya'o//yang dag par rdzogs pa'i sangs rgyas kyi bka' dang / dge slong dgra bcom pa zag pa zad pa'i tshig dang / rgyal po rgyal rigs spyi bo nas dbang bskur ba'i tshig dang dge 'dun gyi gnas brtan gyi tshig dang /dge skos kyi tshig rnam par dkrug par mi bya'o/ /phyir bcos pa ni snga ma bzhin no/ /ma gus pa'i tshul gyi ltung byed de bdun cu brgyad pa bshad zin to// //myos par 'gyur ba 'thung ba'i ltung byed kyi gleng gzhi ni/sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /yul ngan spong gi bu zhes bya ba na chu srin byis pa gsod kyi ril khyim bdag rtogs ldan zhes bya ba phyug pa/ nor mang ba longs spyod che ba/ yongs su bzung ba yangs shing rgya che ba/rnam thos kyi bu'i nor dang ldan pa/ rnam thos kyi bu'i nor gyis 'gran pa zhig 'dug pa des rigs mnyam pa las chung ma blangs nas des de dang lhan cig rtse bar byed/ dga' bar byed dga' mgur spyod par byed do/ /de la bu mo gzugs bzang ba blta na sdug pa mdzes pa zhig btsas nas de bsring skyed de chen por gyur nas khyim bdag mgon med zas sbyin gyis dpal gyi 'byor pas bu'i chung mar blangs so/khyim bdag rtogs ldan de dang rtse bar byed/ dga' bar byed dga' mgur spyod par byed pa'i chung ma la sems can srid pa tha ma zhig zhugs nas/ de btsas pa las khye'u zhig byung nas de'i ming legs 'ongs zhes bya bar btags so//khye'u legs 'ongs des khad kyis mnyan yod du bcom ldan 'das kyi spyan sngar song nas bcom ldan 'das kyis de legs par gsungs pa'i chos 'dul ba la rab tu byung zhing bsnyen par rdzogs par mdzad nas/ de la gdams ngag stsal te/ des gcig pu dben par bag yod pa brtun pa dang ldan pa bdag nyid gtang bar gnas pa na dgra bcom pa nyid mngon sum du byas so//de nas bcom ldan 'das dge slong gi dge 'dun 'khor dang bcas pa yul ngan spong gi bu dag tu ljongs rgyu zhing gshegs pa na chu srin byis pa gsod gyi ri la byon nas/ chu srin byis pa gsod kyi ril 'jigs su rung ba'i tshal ri dwags kyi gnas na bzhugs pa'i tshe tshe dang ldan pa legs 'ongs kyis klu a mra'i chu ngogs pa zhes bya ba 'dug pa yun ring po nas chu srin byis pa gsod kyi ril gnas pa'i skye bo khon med pa rnams la khon du 'dzin pa/mi 'gran pa rnams las 'gran tshol ba/mi 'khu ba rnams la 'khu bar byed cing / lo tog skyes so cog ma rung bar byed pa de btul nas bcom ldan 'das dge slong gi dge 'dun 'khor dang bcas pa slar kos la dag tu ljongs rgyu zhing gshegs pa na/ mthar gyis mnyan yod du byon nas/ mnyan yod na rgyal byed kyi tshal mgon med zas sbyin gyi kun dga' ra ba na bzhugs so//de'i tshe bcom ldan 'das dge slong gi dge 'dun 'khor dang bcas pa ni khyim bdag mgon med zas sbyin gyis gdugs tshod la spyan drangs nas der gshegs so/ /tshe dang ldan pa legs 'ongs ni chu srin byis pa gsod kyi ril khyim bdag rtogs ldan gyi chung po grogs bram ze sbrul khas sdigs pa zhig 'dug pa de klu a mra'i chu ngogs pa'i 'jigs pas bros te mnyan yod na song ba na ko sa la'i rgyal po gsal rgyal gyis glang po che'i chang pa'i blar bskos pa des tshe dang ldan pa legs 'ongs kyis klu de btul ba thos nas dga' ba'i dbang du byas pa'i zan la de'i khyim gzhan du bos so//de nas bram ze des tshe dang ldan pa legs 'ongs bde bar 'dug par rig nas kha zas bsod pas tshim par byas so/ /bram ze des bsams pa/ legs 'ongs kyis kha zas bsod pa zos pas 'ju bar mi nus so snyam du rig nas/ tshe dang ldan pa legs 'ongs la 'di skad ces smras so/ /btsun pa legs 'ongs bstsang nan gsol lam/ des smras pa 'thung ngo / /bram ze des glang po che'i chang gi nang du mdzub mo btsugs te skom gyi nang du krog krog dkrugs nas tshe dang ldan pa legs 'ongs la phul lo/ / dgra bcom pa rnams ni ma bsams par shes pa dang mthong ba mi 'jug pas tshe dang ldan pa legs 'ongs kyis de 'thungs te/ yon bshad pa byas nas stan las langs te song ngo / /de mnyan yod kyi srang re ldes g.yogs pa las thal nas nyi ma'i 'od zer dag gis lus la phog pa dang / ra ro nas chang gis myos pa'i shugs kyis sa la 'gyel lo//sangs rgyas bcom ldan 'das rnams ni bsnyel ba mi mnga' ba'i chos nyid mnga' ba yin pas/ bcom ldan 'das kyis der lo ma ma yin pa'i spyil bu zhig sprul pa mdzad de bkab po/ /de nas bcom ldan 'das dge slong gi dge 'dun 'khor dang bcas pa khyim bdag mgon med zas sbyin gyi khyim du gdugs tshod gsol nas yon bshad pa mdzad de gdan las bzhengs nas gshegs te phyogs der byon no//de nas bcom ldan 'das kyis rdzu 'phrul mngon par 'du mdzad pa de brtul nas dge slong rnams la bka' stsal ba dge slong dag 'di ni gang gis klu a mra'i chu ngogs pa btul ba'i dge slong legs 'ongs zhes bya ba de yin na dge slong dag ji snyam du sems/dge slong legs 'ongs 'di da ltar sbrul phrug kyang thub par nus sam/ btsun pa rngo mi thogs so/ /dge slong dag de ltar na nyes dmigs 'di dang gzhan dag kyang myos par 'gyur ba 'thungs pa las 'byung bas dge slong dag nga la ston pa'o zhes zer ba dag gis myos par 'gyur ba tha na rtswa'i rtse mos kyang btung bar mi bya zhing blud par yang mi bya'o//de nas bcom ldan 'das kyis tshe dang ldan pa legs 'ongs sad par mdzad nas bka' stsal pa/legs 'ongs ci'i phyir 'di ltar gyur/ bcom ldan 'das ma bsams so/ /bde bar gshegs pa ma bsams so/ /de nas bcom ldan 'das gtsug lag khang du gshegs te byon nas dge slong gi dge 'dun gyi gung la gdan bshams pa nyid la bzhugs nas dge slong rnams la bka' stsal pa/dge slong dag de lta bas na phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ 'bru'i chang dang bcos pa'i chang myos par 'gyur ba 'thungs na ltung byed do zhes bca' ba mdzad de/ yul ni mnyan yod/gang zag ni tshe dang ldan pa legs 'ongs/ nyon mongs pa ni bag chags ma byang bas ma bsams pa/ nyes pa ni myos par 'gyur ba 'thungs pa'o/ /de la 'bru'i chang zhes bya ba ni chan gyi btud ba dang / phyi'i btung ba dang / phabs kyi btud ba'o/ /bcos pa'i chang zhes bya ba ni rtsa ba'i btung ba dang /sdong bu'i btung ba dang / 'dab ma'i btung ba dang / me tog dang 'bras bu'i btung ba'o/ /de gnyis bsres pa ni 'bru'i chang dang bcos pa'i chang zhes bya'o/ /myos par 'gyur ba zhes bya ba ni 'thungs na myos par 'gyur ba'o/ /'thungs na zhes bya ba ni mgul du mid na'o//ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / phyir bcos pa rnams kyi 'di'i mtshan nyid shes par bya'o/ /de la 'dir yang dngos gzhi'i ltung ba rnam par gzhag na ni dge slong 'bru'i chang dang /bcos pa'i chang myos par 'gyur ba ma bskol ba dang / 'bru'i chang gi sbang ma dang / bcos pa'i chang gi tshigs ma myos par 'gyur ba mgul du mid na myos par 'gyur ba 'thung ba'i ltung byed kyi dngos gzhir 'gyur ro//chan dang phye ma dang phabs kyi ltung ba myos par 'gyur ba bag med pa'i gnas lan smad pa med do/ /rtsa ba dang / sdong bu dang / 'dab ma dang / me tog dang / 'bras bu'i btung ba myos par 'gyur ba bag med pa'i gnas la na smad pa med do/ /'bru'i chang dang bcos pa'i chang myos par 'gyur ba bag med pa'i gnas la na smad pa med do//'bru'i chang gi sbang ma dang / bcos pa'i chang gi tshigs ma myos par 'gyur ba bag med pa'i gnas la na smad pa med do/ /myos par 'gyur ba'i kha dog dang / dri dang ro dang ldan pa dag na smad pa med do/ / 'di'i byed pa po ni myos par 'gyur ba 'thung ba nyid do/ /de la yan lag bzhis dngos gzhi'i ltung bar 'gyur te/ myos par 'gyur ba nyid dang / de nyams par byas pa nyid dang / 'thungs pa nyid dang / myos par 'gyur ba nyid do/ /de dag las yan lag ma tshang na ci rigs par na smad do//sbyor ba'i ltung ba ni nyes byas te/ ji srid du myos par 'gyur ba 'thung ba'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa la nyes byas re re'o/ /phabs kyi chang bu dang / rtsa ba dang /sdong bu dang / 'dab ma dang / me tog dang 'bras bu myos par 'gyur ba rnams dang / myos par 'gyur ba'i dri dang ro bro ba'i thug pa myos par mi byed pa rnams ni phyed nyid de nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni bskol ba 'thungs ba dang / kha'i nad yod pa la sman pa'i lung gis mkhur bar bsrel ba dang / lus dag skud pa la ltung ba med do/ /mdog tsam myos par 'gyur ba dang 'dra ba la ltung ba med do/ /las dang po pa dang /smyos pa dang sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du myos par 'gyur ba 'thung ba'i ltung byed du 'gyur ba rnam pa thams cad mi bstan par bslab par bya'o/ / nad pas sman pa'i lung gis mkhur bar bsrel ba dang / lus dag bsku bar bya'o/ /skyur dang chen pos phye'i phur ma chang gi rlangs pas bdugs pa bsnam par bya'o/ /phyir bcos pa ni snga ma bzhin no/ /myos par 'gyur ba 'thungs pa'i ltung byed de bdun cu dgu pa bshad zin to// // dus ma yin par 'gro ba'i ltung byed kyi gleng gzhi ni bcas pa dang / gnang ba'i dbang gis rnam pa gnyis te/ bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe tshe dang ldan pa 'char kas bram ze'i bu mo zhig rgyal byed kyi tshal du gtsug lag khang ltar 'ongs pa la ku re byas pa'i gzhi la brten nas da phyin chad bdag 'khor bar 'khor ba na nyon mongs pa de lta bu dag kun du spyod par mi 'gyur ba de ltar bya'o snyam nas tshe dang ldan pa shA ri'i bu'i gan du song ste chos bstan par gsol ba dang /des de la 'di dang 'di ltar yid la gyis la bag yod par sgrubs shig ces gdams ngag byin no/ /de nas tshe dang ldan pa 'char kas gcig pu dben pa bag yod pa brtun pa dang ldan pa bdag nyid btang bar gnas pa na rigs kyi bu dag gang gi phyir skra dang kha spu bregs te gos ngur smrig dag bgos nas yang dag pa kho nar dad pas khyim nas khyim med par rab tu 'byung bar byed pa tshangs par spyod pa'i mtha' bla na med pa de tshe 'di nyid la rang gi mngon par shes pas mngon sum du byas te bsgrubs nas bdag gi skye ba ni zad do//tshangs par spyod pa spyad do//bya ba byas so/ /srid pa 'di las gzhan mi shes so zhes go bar byed cing dgra bcom pa khams gsum pa las 'dod chags bral ba/ bong ba dang gser du mnyam pa/ nam mkha' dang lag mthil du mnyam pa'i sems dang ldan pa/ tsan dan zhag lon par bzhag pa lta bu rig pa'i sgo nga'i sbubs dral bar gyur cing /rig pa dang mngon par shes pa dang so so yang dag par rig pa thob pa/ srid pa dang 'dod pa'i rnyed pa dang bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar 'gyur ro/ /de nas tshe dang ldan pa 'char kas dgra bcom pa nyid thob cing rnam par grol ba'i dga' ba dang / bde ba nyams su myong ba na 'di snyem du sems te/ bcom ldan 'das ni bdag la phan par mdzad pa legs par mdzad pa ste/ 'di ltar bcom ldan 'das de ni bdag gi sdug bsngal gyi chos mang po dag sel bar mdzad pa/ bde ba'i chos mang po dag sgrub par mdzad pa/ sdig pa mi dge ba'i chos rnam pa du ma dag sel bar mdzad pa/ dge ba'i chos rnam pa du ma dag sgrub par mdzad pa yin na bdag gis ci zhig byas na des bdag gis bcom ldan 'das la lan byas pa dang /nye bar byas pa dang / rab tu byas par 'gyur snyam pa dang / des yang bsams pa/ sangs rgyas bcom ldan 'das rnams dka' ba mdzad pa brgya stong du ma dag gis bskal pa grangs med pa gsum gyis pha rol tu phyin pa drug yongs su rdzogs par mdzad nas bla na med pa'i mkhyen pa thugs su chud pa gang yin pa de dag thams cad ni sems can la phan pa'i phyir yin pas bdag gis kyang sems can la phan par bya'o snyam mo//des bsams pa bcom ldan 'das kyis khyim pa dad par byed pa rnams kyi mchog tu gsungs pa 'ga' yod dam snyam na des ji tsam na med par mthong ngo //su la ltos snyam na bdag nyid la ltos par mthong nas legs kyis bdag gis ston pa thugs la dgongs pa yongs su rdzogs par bya'o snyam mo/ /de mthar gyis 'dul ba'i don la mnyan yod du zhugs nas bram ze'i khyim dang po dang bcu pa nas lnga brgya lhag tsam gnyi ga nas btul cing gzhag go//de bcom ldan 'das kyis dge slong rnams la bka' stsal pa/ dge slong dag nga'i nyan thos kyi dge slong khyim pa dad par byed pa rnams kyi nang nas mchog ni 'di lta ste/ dge slong 'char ka nag po 'di yin no//de nas tshe dang ldan pa 'char kas mnyan yod na bram ze gsang sngags dag gis mi ma yin pa dbang du byas nas shing rta byas te 'dren du 'jug pa zhig dang / gyad stobs rlom pa zhig kyang btul te de gnyis kyis dgra bcom pa nyid thob par byas nas/ khyim bdag gi chung ma gtum mo'i mna' ma chom rkun pa'i dmag dpon lus brtan pa dam pa mkhrang ba zhig dang 'dod pas log par g.yem pa zhig la tshe dang ldan pa 'char kas bud med de 'dod chags spyad pa zhig yin par shes nas des de la 'dod chags kyi bsngags pa ma yin pa brjod do//des bsams pa/'phags pa 'char ka ni gzhan gyi sems shes pa yin pas des 'phrigs kyis gal te ma bsad na des bdag gi khyim thab la byas shing des bdag la gnod pa byed par 'gyur du 'ong gis bdag gis de bsad do snyam nas des chom rkun gyi dmag dpon la de sod cig ces byas pa dang / chom rkun gyi dmag dpon gyis smras pa/ kho bo de mi gsod do/ /de ni ko sa la'i rgyal po gsal rgyal gyi chung bo grogs/ btsun mo phreng ldan ma'i slob dpon yin pas kho bos de bsad par gyur na kho bo rgyal pos rgya skyegs kyi khang par bcug ste bsregs pas 'chi bar bya dgos pa gang yin pa de lta bu'i gnas yod par 'gyur ro//des smras pa gal te khyod de gsod na de lta na legs/ gal te mi gsod na khyod phyin chad kho mo'i khyim du 'jug par mi bya'o/ /'dod pa bsten pa dag gis ni sdig pa'i chos mi bya ba ci yang med pas chom rkun pa'i dmag dpon des smras pa/ gal te gzhan gyi sems shes pa la mkhas pa yin na kho bos ji ltar gsad par bya/des smras pa/ thabs kyi rnam pa zhig bya'o zhes dus ma yin par tshe dang ldan pa 'char ka'i gan du mngag pa btang ste/ btsun pa 'char ka bdag bro 'tshal bar gyur na khyod kyis bdag gzigs par ci gnang zhes spring ngo //dgra bcom pa dag ni ma bsams par shes pa dang mthong ba mi 'jug pas tshe dang ldan pa 'char ka yang dus ma yin par zhugs te de la chos bstan pa byas nas de phyir 'byung bar brtsams pa dang / des smras pa/ 'phags pa khyod mthong na glo ba dgas/ yud tsam cig bzhugs su gsol zhes des tshe dang ldan pa 'char ka ji srid kyis shin tu nam sros par gyur pa de srid du bzung nas chom rkun pa'i dmag dpon yang ral gri shubs nas phyung ste sgo na sdod do//de nas tshe dang ldan pa 'char ka phyir phyung ba dang chom rkun pa'i dmag dpon snying rje med pa'i sems dang ldan pa 'jig rten pha rol btang ba des tshe dang ldan pa 'char ka'i mgo drung nas bcad de sa la bsgyel to//snying rje med pa'i sems dang ldan pa 'jig rten pha rol btang ba de gnyis kyis tshe dang ldan pa 'char ka'i lus de phyag dar gyi phung po zhig tu sbas te bzhag go/ /de'i nyin mo gso sbyong gi zhal ta ba rgan pa'i mtha' logs su 'dug ste smras pa/'ga' zhig gis btsun pa 'char ka'i 'dun pa blangs sam/ btsun pa 'char ka med do/ /de nas bcom ldan 'das kyis dge slong rnams la bka' stsal pa/ dge slong dag khyim pa dad par byed pa rnams kyi mchog de bsad kyis chos gos dag long shig dang de'i lus la mchod par bya'o//bcom ldan 'das 'phags pa dang ci tsam na mnyan yod kyi sgo bcad nas bcom ldan 'das kyis gser gyi kha dog lta bu'i 'od btang ba mdzad pa dang / des mnyan yod thams cad gser btso ma'i kha dog lta bu'i 'od kyis snang bar gyur to//ko sa la'i rgyal po gsal rgyal gyis de mthong nas ci las gyur snyam na/ bcom ldan 'das gshegs par bzhed gor ma chag snyam nas de btsun mo'i 'khor dang bcas pas mnyan yod kyi lde mig khyer nas sgo phye ba dang bcom ldan 'das mnyan yod du gshegs so/ / sangs rgyas bcom ldan 'das rnams ni bsnyen par dka' ba dang bzod par dka' ba yin pas sangs rgyas bcom ldan 'das la zhu bar ma nus so/ /bcom ldan 'das dge slong gi dge 'dun dang bcas pa mdun du gshegs na ko sa la'i rgyal po gsal rgyal btsun mo'i 'khor dang bcas pas slad bzhin slad bzhin du rjes su 'brang zhing song ba dang ji tsam na phyag dar gyi phung po'i phyogs der byon no//de nas bcom ldan 'das kyis dge slong rnams la bka' stsal pa/ dge slong dag khyim pa dad par byed pa rnams kyi mchog de 'dir sbas kyis phyung shig /de phyung ba dang de na gang dag tshe dang ldan pa 'char ka la brten nas 'phags pa'i bden pa dag mthong ba de dag gis gsol ba 'di bdag cag gi dge ba'i bshes gnyen lags na bcom ldan 'das kyis bdag cag 'di'i lus la mchod pa bgyid par ci gnang /bcom ldan 'das kyis ma gnang ngo / /ko sa la'i rgyal po gsal rgyal gyis gsol pa/'di bdag gi chung bo grogs lags na bcom ldan 'das kyis bdag 'di'i lus la mchod pa bgyid par ci gnang / bcom ldan 'das kyis ma gnang ngo / /btsun mo phreng ldan mas gsol ba/ 'di bdag gi slob dpon lags na bcom ldan 'das kyis bdag 'di'i lus la mchod pa bgyid par ci gnang /bcom ldan 'das kyis gnang ngo / /de nas btsun mo phreng ldan mas tshe dang ldan pa 'char ka'i lus des gar gyis dril phyi byed du bcug nas spos chur 'khrur bcug ste ras kha dog sna tshogs dag gis khyogs spyil brgyan nas da der bcug ste/de nas bcom ldan 'das nyan thos kyi dge 'dun dang bcas pa mdun du gshegs nas rgyal po btsun mo'i 'khor dang bcas pa de'i phyi bzhin rjes su 'brang zhing song ste/ sa phyogs go skabs yangs pa zhig tu bzhag nas btsun mo phreng ldan mas spos kyi shing thams cad kyis phung por bcer te bsregs nas phung po de 'o mas zhi bar byas te rus pa de dag gser gyi bum par bcug nas lam chen po'i bzhi mdor lus kyi mchod rten rtsig tu bcug nas gdugs dang /rgyal mtshan dang / ba dan dag bsgreng zhing / dri dang phreng ba rgyu dang / bdug spos dang / phyi ma dang sil snyan dag gis mchod pa byas te/rkang pa gnyis la phyag 'tshal nas bcom ldan 'das kyis yon bshad pa mdzad de gshegs so/ /de nas bcom ldan 'das gtsug lag khang du byon nas dge slong gi dge 'dun gyi gung la gdan bshams pa nyid la bzhugs nas dge slong rnams la bka' stsal pa/dge slong dag nyes dmigs 'di dang gzhan dag kyang dge slong dag dus ma yin par grong du 'jug pa las gyur pas dge slong gis dus ma yin par grong du 'jug par mi bya'o/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dus ma yin par grong du 'jug na ltung byed do zhes bca' ba mdzad de/ yul ni mnyan yod/gang zag ni tshe dang ldan pa 'char ka /nyon mongs pa ni bag chags ma byang bas ma bsams pa/ nyes pa ni dus ma yin par grong du 'jug pa'o/ /gnang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//dge slong nad ngan pa can dag 'khod pa dag gis yun ring du 'dug par mi nus pa na dge slong nad g.yog dag gis kyang nad pa dag gi bya ba nyams par byed/ dge slong zhal ta byed pa dag gis kyang dge 'dun gyi bya ba nyams par byed pa'i skabs de dge slong rnams kyis bcom ldan 'das la gsol ba dang /bcom ldan 'das kyis bka' stsal pa/ de lta bas na dge slong 'dug pa la smras te 'gro bar bya'o/ /bcom ldan 'das kyis dge slong 'dug pa la smra bar bya'o zhes bka' stsal nas/ dge slong zhig gis khyim gzhan du lhung bzed dang chos gos bzhag nas ji tsam na der me shor nas dge slong des der 'gro bar brtsams te de lam gyi phyed du son pa dang /bdag gis dge slong 'dug pa la ma smras so snyam pa'i dran pa skyes nas de phyir log ste ji srid du dge slong 'dug pa la smra bar byed pa de srid du de'i ltung bzed dang chos gos tshig nas des der song ba dang /khyim bdag gis smras pa/ 'phags pa khyod ci'i slad du 'phyis te byon/ des na khyod kyi lhung bzed dang / chos gos tshig gis gal te khyod myur du byon par gyur na khyod kyi lhung bzed dang / chos gos tshig par mi 'gyur ro zhes zer zhing dge slong de yang phongs par gyur pa'i skabs de dge slong rnams kyis bcom ldan 'das la gsol ba dang /bcom ldan 'das kyis bka' stsal ba/ de lta bas na de 'dra ba'i rkyen ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang mthun pa dang /de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la 'di ni gnang ba yin te/nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang dus ma yin par grong du 'jug cing dge slong 'dug pa la mi smra na de 'dra ba'i rkyen ma gtogs te ltung byed do zhes gnang ba mdzad de/ yul ni mnyan yod/ gang zag ni dge slong don nyung ngu dag /nyon mongs pa dang nyes pa ni med do/ /de la yang dge slong gang zhes bya ba ni chos 'di pa'am gzhan yang de lta bu gang yin pa'o/ /dus ma yin par zhes bya ba ni dus ma yin pa gnyis su dbye ste/ skya rengs ma shar ba dang phyed yol bar ro/ /grong du zhes bya ba ni gang na srang dang /sum mdo dang bzhi mdo dag yod par ro/ /'jug cing zhes bya ba ni 'gro zhing ngo / /dge slong 'dug pa la mi smra na zhes bya ba ni de na dge slong gang 'dug pa la'o/ /de 'dra ba'i rkyen ma gtogs te zhes bya ba ni gleng gzhi las dge slong 'dug pa la smra bar byed pa de srid du de'i lhung bzed dang chos gos tshig par gyur pa de 'dra ba'i rkyen bzhag ste'o//ltung byed do zhes bya ba ni snga ma bzhin no/ /de la ltung bar ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong brtad pa'i bya ba ma byung ba dang / rdzu 'phrul gyis 'gro ba ma gtogs pas dge slong ngam de med na dge slong ma'am/ de med na dge tshul lam/ de med na dge slob ma'am/de med na dge tshul ma 'khod pa la ma smras par rang gi phyed yol nas skya rengs ma shar ba'i bar gyi dus ma yin par khyim pa'i grong gzhan du zhugs na dus ma yin par 'gro ba'i ltung byed kyi dngos gzhir 'gyur ro/ /dus ma yin pa nyid du 'du shes pa la na smad pa med do/ /brtad pa'i bya ba ma byung ba dang /rdzu 'phrul gyis 'gro ba ma gtogs pa la na smad pa med do/ /dge slong ngam de med na dge slong ma'am/ de med na dge tshul lam de med na dge slob ma'am/ de med na dge tshul ma la ma smras pa la na smad pa med do/ /grong khang pa gcig tsam yod pa bskor ba la mtha'i 'dom gang la sogs par zhugs pa la na smad pa med do//khyim pa'i grong la na smad pa med do/ /grong bzhin du na rgyu ba la na smad pa med do/ /'di'i byed pa po ni dus ma yin pa nyid la dge slong 'khod pa la ma smras pa dang / brtad pa'i bya ba ma byung ba dang / rdzu 'phrul gyis 'gro ba ma gtogs pa'i 'du shes gtso cher byed pa po nyid yin no//'di la yan lag lngas dngos gzhi'i ltung bar 'gyur te/ dus ma yin pa nyid dang / der 'du shes pa nyid do/ /dge slong 'khod pa la ma smras pa'am/ brtad pa'i bya ba ma byung ba'am/ rdzu 'phrul gyis 'gro ba ma gtogs pa nyid dang /khyim pa'i grong nyid dang / der zhugs pa nyid do/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du dus ma yin par 'gro ba'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /phyogs gang du 'gro ba'i phyogs de las gzhan du rgyu ba la nyes byas so/ /grong gcig gis khyim gzhan du 'gro ba smra zhing khyim gzhan du rgyu ba yang nyes byas so/ /grong yongs su chad par byed cing khyim yongs su chad par mi byed par grong de'i khyim du 'jug pa dang /phyi rol pa'i rab tu byung ba'i gnas la nyes byas so/ /sbyor ba'i sbyor ba'i ltung byed ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba'ang nyes byas te nyes byas phra mo'o//ltung ba med pa ni dus ma yin par 'du shes med pa la ltung ba med do/ /dge slong 'khod pa la smras pa la ltung ba med do/ /brtad pa'i bya ba byung ba dge slong 'khod pa la ma smras pa la ltung ba med do/ /gang smra bar bya ba brda mi phrad pa dang / mtshams gzhan na gnas pa dang /gnas nas byung ba dang / gzhan gyi phyogs dang mthun pa dag ni med pa nyid yin pas de lta bu sha stag 'khod na de la ma smras pa la ltung ba med do/ /rdzu 'phrul gyis 'gro ba la ltung ba med do/ /las dang po ba dang / smyos pa dang / sems 'khrugs pa dang / tshor ba dag gis nyen pa la ltung ba med do//bslab par bya ba ni dge slong gi yul thams cad la gnas skabs thams cad du dus ma yin par 'gro ba'i ltung byed du 'gyur ba rnam pa thams cad mi bstan par bslab par bya'o/ /dge slong 'khod pa la smra bar bya'o/ /de med na dge slong ma'am/ de med na dge tshul lam/de med na dge slob ma'am/ de med na dge tshul ma la smra bar bya'o/ /brtad pa'i bya ba byung na ma smras par yang 'gro bar bya'o/ /phyir bcos pa ni snga ma bzhin no/ /dus ma yin par 'gro ba'i ltung byed de brgyad cu pa bshad zin to// //so sor thar pa'i mdo rgya cher 'grel ba 'dul ba kun las btus pa//bam po bzhi bcu pa/ sdom la/ zas bcas skya rengs gdod ma dang / /khab ral dang ni khri rkang dang / /bdal dang gding ba g.yan pa dang / /ras chen bde gshegs chos gos so/ /zhes bya ba ni bcu pa dgu pa yin te/ sdom pa zhes bya ba ni tshig gi don dang / dgos pa ni snga ma bzhin no/ /bcu pa dgu pa 'dis kyang ltung byed kyi chos bcu bstan te/ grong rgyu ba dang / rgyal po'i pho brang du 'gro ba dang / nub mo 'gro ba dang / bslab pa'i gzhi'i dngos po la khyad du gsod pa dang / khab ral 'chos pa dang / khri rkang 'chos pa dang / shing bal gyis gos bar bya ba dang /gding ba las gyur pa dang / g.yan pa dgab pa las gyur ba dang / dbyar gyi ras chen las gyur pa dang / bde bar gshegs pa'i chos gos kyi tshad las gyur pa'i ltung byed do/ /de la grong rgyu ba'i ltung byed kyi gleng gzhi ni bcas pa dang / gnang ba'i dbang gis rnam pa gnyis te/bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag gcig 'dug pa de'i khyim du nye dga' dus dang dus su 'gro zhing des de skyabs su 'gro ba dang bslab pa'i gzhi dag la gzhag go//dus gzhan na des de la rdzas las byung ba'i bsod nams bya ba'i gzhi bdun po dag gi bsngags pa rgya cher brjod pa dang / des sangs rgyas la sogs pa'i dge slong gi dge 'dun gdugs tshod gsol bar brtsams nas/ des smras pa/ 'phags pa khyod kyis bdag gi ming gis sangs rgyas la sogs pa dge slong dge 'dun sang bdag gi sdum par gdugs tshod la spyan drang bar rigs so//de dang du blangs nas de bzhin du spyan drangs so/ /chos nyid kyis na gang gi ngor dge slong gi dge 'dun spyan drangs pa de dus sngar 'gro ba yin pas tshe dang ldan pa nye dga' dus sngar der song nas des khyim bdag de la smras pa/khyim bdag kho bo sbyin bdag gi khyim dag lta ba'i bar du khyod re zhig zhal zas sta gon gyis shig /kho bo ma 'ongs kyi bar du yang khyod kyis re zhig brim par mi bya'o zhes smras te song ngo / /de nas bcom ldan 'das dge slong gi dge 'dun dang bcas pa yang de ma bskul bar sngar khyim bdag de'i khyim ga la ba der gshegs te sgo drung nas bzhengs so//de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la khyim bdag de ci bder gyis shig ces bsgos shig / tshe dang ldan pa kun dga' bos khyim bdag de la ci bder gyis shig ces bsgo ba dang / khyim bdag des smras pa/ 'phags pa bdag gis khyed cag gi ci bde ci legs ni ma 'tshal gyi/ 'di ltar khyed cag kho na'i slad du gdan dag bshams kyis bzhugs su gsol/ tshe dang ldan pa kun dga' bos bcom ldan 'das la gsol pa dang /bcom ldan 'das kyis bka' stsal pa/ gal te de skad zer na khyed cag kho na'i phyir stan dag bshams pas ci bder byas par brjod par bya'o/ /'dug par bya zhing 'di la 'gyod par mi bya'o/ /sangs rgyas la sogs pa dge slong gi dge 'dun bzhugs pa na ji tsam na gdugs tshod bab tu nye nas bcom ldan 'das kyis tshe dang ldan pa kun dga' bo la khyim bdag de la gdugs tshod bab kyis zhal zas brims shig /zas rul bar 'gyur ba 'dis khyod la ci zhig bya zhes gyis shig /tshe dang ldan pa kun dga' bos khyim bdag la bsgo ba dang /khyim bdag gis smras pa/ 'phags pa nye dga' mchi ba'i bar du yud tsam zhig gzhes su gsol/ tshe dang ldan pa kun dga' bos bcom ldan 'das la de skad gsol ba dang / bcom ldan 'das kyis yud tsam zhig gzhes nas/yang tshe dang ldan pa kun dga' bo la khyim bdag de la gdugs tshod bab kyis zhal zas brims shig /zas rul bar 'gyur ba 'dis khyed la ci zhig bya zhes gyis shig /tshe dang ldan pa kun dga' bos khyim bdag la bsgo ba dang / khyim bdag gis smras pa/ 'phags pa nye dga' mchi ba'i bar du yud tsam zhig gzhes su gsol/tshe dang ldan pa kun dga' bos bcom ldan 'das la de skad ces gsol ba dang / bcom ldan 'das kyis tshe dang ldan pa kun dga' bo la khyim bdag de la nye dga' 'ongs par ma gyur na zas sbyin par mi byed dam zhes smras pa dang / khyim bdag des smras pa/ 'phags pa mi gsol lo/ /tshe dang ldan pa kun dga' bos bcom ldan 'das la de skad ces gsol ba dang / de nas bcom ldan 'das kyis de'i tshe tshigs su bcad pa bka' stsal pa/ gzhan dbang thams cad sdug bsngal te/ /bdag dbang thams cad bde ba yin/ thun mong dag gis gnod byed de/ /'brel pa shin tu 'da' bar dka'/ /ci tsam na gdugs tshod kyi mtha' la bab pa na nye dga' 'ongs nas des smras pa/ khyim bdag mi 'brim par ci sdod/ des smras pa/ 'phags pa khyod kyi zhal nas kho bo ma 'ongs kyi bar du re zhig brim par mi bya'o zhes byung la 'di skad ces gsung ngam/nye dga' shags med na cang mi smra bar 'dug go/ /de nas khyim bdag des brim par brtsams pa dang / ji tsam na gdugs tshod yol nas dge slong kha cig gis zas thob nas zan bcad pa byas/ kha cig gis zan ma thob pa kho nar zan bcad pa byas nas/bcom ldan 'das kyis yon bshad pa mdzad nas gshegs so/ /nye dga' bo ngo tsha bar gyur ba'i snying gis de nyid du 'dug go/ /de'i nyin mo gso sbyong gi zhal ta ba rgan pa'i mtha' logs su 'dug ste dge slong rnams la yang dag par bsgo zhing smras pa/ btsun pa nye dga' ma mchis sam/'ga' zhig gis de'i 'dun pa blangs sam/ dge slong rnams kyis smras pa/ de ma 'ongs te sus kyang de'i 'dun pa ma blangs so/ /dge slong gzhan dag gis smras pa/ tshe dang ldan pa dag nye dgas bdag cag snga dro ni zang zing gi ched la tho 'tshams nas/ de ni chos kyi ched la tho 'tshams par byed do zhes zer nas dge slong don nyung ngu dag ci'i phyir dge slong dag zas bcad pa'i khyim du mgron du bos nas snga dro dang phyi dro khyim dag tu rgyu bar byed ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ nye dga' la smad nas dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa/de ni rab tu byung bas bya ba ma yin no zhes rnam grangs du mar rnam par smad de bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang zas dang bcas pa'i khyim du mgron du bos nas snga dro dang phyi dro khyim dag tu rgyun ltung byed do zhes bca' ba mdzad de/yul ni mnyan yod/ gang zag ni nye dga'/ nyon mongs pa ni rang nyams kyis kun du spyod pa'o/ /nyes pa ni zas dang bcas pa'i khyim du mgron du bos nas snga dro khyim dag tu rgyu bas dge 'dun gyi zang zing gi bar chad byas pa dang /phyi dro khyim dag tu rgyu bas dge 'dun gyi chos kyi bar chad byas pa'o/ /gnang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dge slong nad ngan can dag 'khod pa dag gis yun ring du 'dug mi nus nas dge slong nad g.yog rnams kyis kyang na ba'i bya ba nyams par byed cing /dge slong zhal ta byed pa dag gis kyang dge 'dun gyi bya ba nyams par byed nas/ bcom ldan 'das kyis bka' stsal pa/ khyim pa 'dug pa la bsgo bar bya'o/ /bcom ldan 'das kyis khyim pa 'dug pa la bsgo bar bya'o zhes bka' stsal nas/dge slong zhig gis khyim gzhan du lhung bzed dang chos gos gzhag pa der me shor nas dge slong des der 'gro bar brtsams te de lam gyi phyed du son pa dang / bdag gis khyim pa 'dug pa la ma bsgo'o snyam pa'i dran pa skyes nas de phyir log ste/ji srid khyim pa 'dug pa la bsgo bar byed pa de srid du lhung bzed dang chos gos tshig nas de der song ba dang / khyim bdag gis smras pa/ 'phags pa khyod ci'i slad du 'phyis te byon/ des na khyod kyi lhung bzed dang chos gos tshig gis/ gal te khyod myur du byon par gyur na khyod kyi lhung bzed dang chos gos tshig par mi 'gyur ro zhes zer zhing /dge slong de yang phongs par gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na de 'dra ba'i rkyen ma gtogs so/ /de nas bcom ldan 'das kyis bslab pa 'dod pa dang /bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang mthun pa dang / de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gang zas dang bcas pa'i khyim du mgron du bos nas snga dro dang phyi dro khyim dag tu rgyu zhing / khyim pa 'dug pa la mi bsgo na de 'dra ba'i rkyen ma gtogs te ltung byed do zhes gnang ba mdzad de/yul ni mnyan yod/ gang zag ni dge slong don nyung ngu dag /nyon mongs pa dang nyes pa ni med do/ /de la yang dge slong gang zhes bya ba ni shA kya'i bu nye dga' 'am/ gzhan yang de lta bu gang yin pa'o/ /zas dang bcas pa'i zhes bya ba ni mgron du bos pa dang bcas pa'o//khyim du zhes bya ba ni bram ze dang khyim bdag gi khyim du'o/ /mgron du bos nas zhes bya ba ni bsod snyoms kyi phyir gshegs so/ /snga dro zhes bya ba ni snga dro nyid de khyim gnyis pas lhag par rgyu na'o/ /phyi dro zhes bya ba ni phyi dro nyid do/ /khyim gsum las lhag par rgyu na'o//khyim dag tu zhes bya ba ni bram ze dang khyim bdag gi khyim dag tu'o/ /rgyu zhing zhes bya ba ni 'gro zhing ngo / /khyim pa 'dug pa la mi bsgo na zhes bya ba ni de na khyim pa gang 'dug pa la'o/ /de 'dra ba'i rkyen ma gtogs so zhes bya ba ni gleng gzhi las khyim pa 'dug pa la bsgo bar byed pa de srid du de'i lhung bzed dang chos gos tshig par gyur pa de 'dra ba'i rkyen ma gtogs so/ltung byed do zhes bya ba ni sems can dmyal ba dang / dud 'gro dang / yi dwags ngan song dang / ngan 'gro log par ltung ba dag tu sreg par byed/ 'tshod par byed/ ltung bar byed pa'o/ /gzhan yang de srid du ltung ba de ma bshags shing so sor ma bshags na dge ba'i chos rnams la sgrib par byed pa ste/des na ltung byed do zhes gsungs so/ /de la ltung bar ji ltar 'gyur zhe na 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang /bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir yang dngos gzhi'i ltung ba rnam par gzhag pa ni dge slong de'i tshig gis dge 'dun zas dang bcas pa'i khyim du spyan drangs na sbyin bdag la kho bo ma 'ongs pa'i dbang gis brim par yol bar ma byas shig ces ma bsgo ba dang /brtad pa'i dbang ma gtogs par khyim gsum pa la sogs par rgyu ba dang / gung tshigs las yol ba'i dus ma yin par dge slong 'khod pa la smras su zin kyang brtad pa'i bya ba ma byas pa ma byung bar khyim bzhi pa la sogs par 'gro na khyim gsum pa dang bzhi pa dang lnga pa dang /khyim bzhi pa dang lnga pa dang drug pa la sogs pa re rer phyin pa na grong rgyu ba'i ltung byed kyi dngos gzhir 'gyur ro/ /dge slong de'i tshig gis dge 'dun zas dang bcas pa'i khyim du spyan drangs pa lan smad pa med do/ /sbyin bdag la kho bo ma 'ongs pa'i dbang gis brim pa yol bar ma bya zhig ces ma bsgo ba la na smad pa med do//brtad pa'i dbang ma gtogs pa la na smad pa med do/ /dge slong 'khod pa dag la smras su zin kyang phyi dro khyim gsum las lhag par rgyu ba la na smad pa med do/ /snga dro khyim gnyis las lhag par rgyu ba la na smad pa med do//'di'i byed pa po ni snga dro la khyim gsum pa la sogs pa nyid dang / khyim pa 'khod pa la ma bsgo ba dang / brtad pa'i bya ba ma byung ba nyid do/ /phyi dro la ni khyim bzhi pa la sogs pa nyid dang / brtad pa'i bya ba ma byung ba nyid do/ /'di la yan lag ni snga dro la ni lngas dngos gzhi'i ltung bar 'gyur te/snga dro nyid dang / de'i tshig gis dge 'dun spyan drangs pa nyid dang / sbyin bdag la kho bo ma 'ongs pa'i dbang gis brim pa yol bar ma bya zhig ces ma bsgo ba nyid dang / brtad pa'i bya ba ma byung ba nyid dang / khyim gsum pa la sogs par son pa nyid do/ /phyi dro la ni yan lag gsum gyis dngos gzhi'i ltung bar 'gyur te phyi dro nyid dang /brtad pa'i bya ba ma byung ba nyid dang / khyim bzhi pa la sogs par son pa nyid dang / de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du grong rgyu ba'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba'ang nyes byas te nyes byas phra mo'o/ /ltung ba med pa ni brtad pa'i bya ba ma byung ba la ltung ba med do//de'i ngor mgron du bos pa ma yin na ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du grong rgyu ba'i ltung byed du 'gyur ba rnam pa thams cad du mi bsten par bslab par bya'o//dge sbyong gi tshul dang srog la sogs pa'i bar chad kyi brtad pa byung na 'gro bar bya'o/ /khyim pa 'dug pa la bsgo bar bya'o/ /phyir bcos pa ni snga ma bzhin no/ /grong rgyu ba'i ltung byed de brgyad cu gcig pa bshad zin to// //rgyal po'i pho brang du nub mo 'gro ba'i ltung byed kyi gleng gzhi ni/ bcas pa dang gnang ba'i dbang gis rnam pa gnyis te/ bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshul mgon med zas sbyin gyi kun dga' ra ba na bzhugs so//de nas bcom ldan 'das kyis tshe dang ldan pa maud gal gyi bu chen po la bka' stsal pa/ klu'i rgyal po dga' bo dang / nye dga' gnyis btul nas ko sa la'i rgyal po gsal rgyal gyis de la brten nas bcom ldan 'das dge slong gi dge 'dun dang bcas pa rgyal po'i pho brang du zhag bdun gyi bar du gdugs tshod gsol to//de'i tshe na mnyan yod na khyim bdag ngan pa bzang sbyin dang / khyim bdag sdum byed dang / khyim bdag tshul khrims tshong dpon dang / rgyal bu nag po rnams kyis bcom ldan 'das la chos mngon pa dang / 'dul ba mngon pa'i zhu ba zhus nas/bcom ldan 'das kyis de dag la gong nas gong du bka' stsal pa dang / ko sa la'i rgyal po gsal rgyal yang de dag gi gdong du lta zhing 'dug ste/ des yud tsam zhig chos dang ldan pa'i gtam mnyan nas bcom ldan 'das kyis zhabs gnyis la mgo bos phyag 'tshal te stan las langs nas song ste/btsun mo'i 'khor gyi nang du zhugs nas btsun mo phreng ldan ma la smras pa/ phreng ldan ma deng khyim bdag ngan pa bzang sbyin dang / khyim bdag sdum byed dang / khyim bdag tshul khrims tshong dpon dang / rgyal bu nag po rnams kyis/ bcom ldan 'das la chos mngon pa dang /'dul ba mngon pa'i zhu ba zhus nas/ bcom ldan 'das kyis kyang de dag la gong nas gong du bka' stsal pa dang / nga yang de dag gi gdong du lta zhing / kha rog par 'dug 'dug nas langs te song ngo / /phreng ldan mas smras pa/ lha khyod kyis ci'i slad du bcom ldan 'das la ma zhus/phreng ldan mang ni thos pa nyung ba yin la/ de dag ni thos pa mang ba yin pas ngas ni ci zhig zhur yod/ lha khyod ci'i slad du sangs rgyas kyi bka' klog par mi mdzad/ phreng ldan ma nga rgyal po'i bya ba dang / rgyal po'i byed pa dag la rtag tu brel bas ji ltar bklag /gal te khyod 'ga' zhig las sangs rgyas kyis bka' klog nas ngas mtshan mo khyod las bklag par bya'o//lha de ltar bgyi'o/ /rgyal pos btsun mo rgyal rigs dbyar tshul ma'i slob dpon du ni tshe dang ldan pa shA ri'i bu gnyer/ btsun mo phreng ldan ma'i slob dpon du ni tshe dang ldan pa 'char ka gnyer te/de gnyis kyis de dag klog tu 'jug pa na tshe dang ldan pa shA ri'i bu ni dus shes pa dang / dus rig pa yin pas des dus su song nas rgyal rigs dbyar tshul ma klog du 'jug gi dus ma yin par mi 'gro'o/ /tshe dang ldan pa 'char ka ni dus mi shes pa dang / dus mi rig pa yin pas/ dus su yang song ste phreng ldan ma klog tu 'jug pa la/ dus ma yin par yang 'gro'o/ /ji tsam na dus gzhan zhig na ko sa la'i rgyal po gsal rgyal ri brags gzhan zhig tu bya ba cung zhig byung nas de mtshan mo nyid du langs te der 'phags pa dang / tshe dang ldan pa 'char ka glang po che'i sgra dang rta'i sgra dang dung gi sgra dag gis sad nas/des bsams pa/ btsun mo phreng ldan ma la bzlas pa sbyin du 'gro'o snyam nas rgyal po'i pho brang sgor song ste nang du zhugs pa na/ btsun mo phreng ldan ma gnyid log cing 'dug nas des se gol gyi sgras de bslang ba dang / des de'i rkang pa la phyag 'tshal te/btsun mo'i 'khor la 'os pa'i gos dag brjes nas gos stug po dag gyon nas mdun du 'dug pa dang / tshe dang ldan pa 'char kas de la bzlas pa byin nas lung gzhan yang phog pa dang / btsun mo phreng ldan mas bza' ba dang bca' ba gtsang zhing bsod pas lhung bzed bkang ste de la phul lo//tshe dang ldan pa 'char kas de blangs te phyir byung ba dang / tshe dang ldan pa shA ri'i bu nang du 'jug pa dang phrad nas/ des smras pa/ don nyung ngu dag khyod kyis brtson 'grus 'di lta bus zag pa zad par byas sam/ ci na khyod gzod 'ongs/ kho bos ni bzlas pa byin nas/lung gzhan yang phog ste kho bos bza' ba dang bca' ba gtsang zhing bsod pas lhung bzed gang ba 'di yang thob bo/ /tshe dang ldan pa shA ri'i bus smras pa/ de'i phyir khyed drug sde yin no zhes zer nas/ dge slong don nyung ngu dag ci'i phyir dge slong dag nam ma langs skya rengs ma shar/rin po che dag gam rin po cher smos par gtogs pa dag ma bsdus par rgyal po rgyal rigs spyi bo nas dbang bskur ba'i sgo gtan nam/ sgo gtan gyi nye 'khor las 'da' bar byed ces smod par byed/ phyar kha gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ tshe dang ldan pa 'char ka la rmas pa/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/bslab pa bca' ba'i phan yon bcu yang dag par gzigs pas/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang nam ma langs skya rengs ma shar bar/ rin po che dag gam rin po cher smos pa dag ma bsdus par/rgyal po rgyal rigs spyi bor dbang bskur ba'i sgo gtan nam sgo gtan gyi nyen kor las 'das na ltung byed do zhes bca' ba mdzad de/ yul ni mnyan yod/ gang zag ni 'char ka /nyon mongs pa ni dus mi shes pa/ nyes pa ni rgyal po'i pho brang du nub mo 'gro ba'o//gnang ba'i gleng gzhi ni/ sangs rgyas bcom ldan 'das rgyal po'i khab 'od ma'i tshal bya ka lan dka'i gnas na bzhugs so/ /de'i tshe na 'dzam bu'i gling na grong khyer chen po rgyal po'i khab dang / sgra sgrogs zhes bya ba gnyis na/ rgyal po gzugs can snying po dang / rgyal po u tra ya na gnyis chos kyis btul te/ bden pa mthong bar gyur ba'i 'byung ba'i mtha' las gleng na/ khyim bdag gdangs can gyi bu mo dpal ldan zhes bya ba/ bad sa'i rgyal po shar ba'i btsun mor blangs pa de/ dge slong gi dge 'dun mthong bar 'dod nas bad sa'i rgyal po shar bas/khyim bdag gdangs can sangs rgyas la sogs pa dge slong gi dge 'dun rang gi khyim du gdugs tshod la spyan 'dren du bcug pa dang / bcom ldan 'das ni gtsug lag khang na bzhugs shing bsod snyoms mnos te gsol to/ /tshe dang ldan pa shA ri'i bu la sogs pa dge slong gi dge 'dun ni der bsod snyoms la zhugs so//khyim bdag gdangs can gyi khyim bad sa'i rgyal po shar ba'i pho brang dang 'dab chags su 'dug pas/ tshe dang ldan pa shA ri'i bu der 'jug pa na/ bad sa'i rgyal po shar ba btsun mo dpal ldan gyi 'khor dang bcas pa 'dug par mthong nas de phyir log par brtsams pa dang /rgyal pos mthong nas smras pa/ 'phags pa shA ri'i bu gshegs su gsol/ de nas tshe dang ldan pa shA ri'i bus dge slong rnams la smras pa/ tshe dang ldan pa dag bdun po dag gi tshig ni mi bcag pa yin te/ de bzhin gshegs pa dgra bcom pa yang dag par rdzogs pa'i sangs rgyas kyi bka' dang /dge slong dgra bcom pa zag pa zad pa'i tshig dang / dge 'dun gyi gnas brtan gyi tshig dang / dge skos kyi tshig dang / mkhan po'i tshig dang / slob dpon gyi tshig dang / rgyal po rgyal rigs spyi bo nas dbang bskur ba'i tshig yin gyis/tshe dang ldan pa dag dran pa nye bar zhog shig dang 'jug par bya'o zhes de zhugs nas dge slong gi dge 'dun gyi gong du stan bshams pa nyid la 'dug go/ /de nas btsun mo dpal ldan gyis tshe dang ldan pa shA ri'i bu la sogs pa dge slong gi dge 'dun bde bar 'khod par rig nas/rang gi lag nas bza' ba dang bca' ba gtsang zhing bsod pas tshim par byed/ stobs par byed do/ /rnam grangs du mar rang gi lag nas bza' ba dang bca' ba gtsang zhing bsod pas tshim par byas shing bstabs nas/ tshe dang ldan pa shA ri'i bu la sogs pa dge slong gi dge 'dun gdugs tshod gsol zhing phyag bcabs nas lhung bzed bzhag par rig nas/stan ches dma' ba zhig blangs nas chos mnyan pa'i phyir/ tshe dang ldan pa shA ri'i bu'i mdun du 'dug go/ /de nas tshe dang ldan pa shA ri'i bu btsun mo dpal ldan ma la chos dang ldan pa'i gtam gyis yang dag par ston par byed/ yang dag par 'dzin du 'jug par byed/ yang dag par gzengs stod par byed/ yang dag par rab tu dga' bar byed do/ /rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar byas nas des bden pa dag ma mthong ngo / / tshe dang ldan pa shA ri'i bus bsams pa/ ci 'di la dge ba'i rtsa ba dag yod dam/ 'on te med snyam na/ yod par mthong ngo / /su la rag las snyam na/ bdag nyid la rag las par mthong nas/ de de la chos ston cing rnam par spyod pa na/ nyi ma nub pa'i dus la bab nas/ dge slong rnams stan las langs te song ngo //tshe dang ldan pa shA ri'i bus bsams pa/ 'di ltar bcom ldan 'das kyis ma gnang mod kyi/ 'di nyid rkyen du mdzad nas gnang bar 'gyur ba gang yin pa de lta bu'i gnas yod par 'gyur ro snyam nas de 'dul ba la ltos pas de nyid du 'dug go/ /tshe dang ldan pa shA ri'i bus btsun mo dpal ldan gyi bsams pa dang bag la nyal ba dang /khams dang rang bzhin khong du chud nas/ gang thos nas btsun mo dpal ldan gyis stan de nyid la 'dug bzhin du 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon sum du byas pa de ltar chos bstan par byas so//des bden pa mthong nas smras pa/ 'phags pa bdag gis dge ba'i bshes gnyen 'phags pa shA ri'i bu la brten nas 'phags pas bdag la gang mdzad pa 'di lta bu ni bdag la phas kyang ma bgyis/ mas kyang ma bgyis/rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang mdza' bshes dang rtsa lag dag gi tshogs dag gis kyang ma bgyis te/ khrag dang mchi ma'i rgya mtsho ni skams/rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang dud 'gro dang yi dwags dag las ni rkang pa phyung / lha dang mi rnams kyis nang du ni bzhag /'khor ba ni mthar bgyis/ thog ma ma mchis pa'i dus nas bsags pa'i 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu ni thob ste/btsun pa bdag ni mngon par zhugs pa lags so/ /btsun pa bdag ni mngon par zhugs pa lags te/ btsun pa bdag bcom ldan 'das dang chos dang dge slong gi dge 'dun la skyabs su mchis/bdag dge bsnyen mar gzung du gsol/ deng slan chad ji srid 'tsho'i bar du glo ba thag pa nas rab tu dang bas skyabs su mchi'o/ /de nas tshe dang ldan pa shA ri'i bus btsun mo dpal ldan bden pa dag la bzhag ste song nas/ bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go//mtha' gcig na 'dug nas/ tshe dang ldan pa shA ri'i bus skabs der bcom ldan 'das la rgyas par gsol ba dang / bcom ldan 'das kyis bka' stsal pa/ shA ri'i bu legs so legs so/ / bdun po dag gi tshig ni mi bca' ba yin te/ de bzhin gshegs pa dgra bcom pa yang dag par rdzogs pa'i sangs rgyas kyi bka' dang / dge slong dgra bcom pa zag pa zad pa'i tshig dang / dge 'dun gyi gnas brtan gyi tshig dang / dge skos kyi tshig dang / mkhan po'i tshig dang / slob dpon gyi tshig dang / rgyal po rgyal rigs spyi bo nas dbang bskur ba'i tshig go/ /de nas bcom ldan 'das kyis bslab pa la 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang mthun pa dang / de'i shas che ba dang /de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la 'di ni rjes su gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang nam ma langs/skya rengs ma shar bar rin po che dag gam rin po cher smos pa dag ma bsdus par rgyal po rgyal rigs spyi bor dbang bskur ba'i sgo gtan nam sgo gtan gyi nye 'khor las 'da' na de 'dra ba'i rkyen ma gtogs te ltung byed do zhes gnang ba mdzad de/ yul ni rgyal po'i khab/ gang zag ni tshe dang ldan pa shA ri'i bu/ nyes pa ni med do/ /de la'ang dge slong gang zhes bya ba ni 'char ka'am/ gzhan yang de lta bu gang yang yin pa'o/ /nam ma langs zhes bya ba ni nam ma langs par gyur pa'o/ /skya rengs ma shar zhes bya ba la/ skya rengs ni gsum ste/ skya rengs dang po dang / skya rengs bar ma dang / skya rengs tha ma'o/ /de la skya rengs dang po ni sngon por snang ba'o/ /skya rengs bar pa ni ser por snang ba'o/ /skya rengs tha ma ni dmar por snang ba ste/ 'dir ni skye rengs tha ma yin par dgongs so/ /ma shar zhes bya ba ni ma byung ba'o/ /rin po che zhes bya ba la/ rin po che dag ces bya ba ni nor bu dag dang /mu tig dag dang / bai DUr+ya dag dang / shang ka shi la dag dang / byi ru dag dang / gser dag dang / dngul dag dang / rdo'i snying po dag dang / spug dag dang / dmar po dag dang / g.yas su 'khyil ba dag go/ /rin po cher smos pa dag ces bya ba la rin po cher smos pa dag ces bya ba ni g.yul ngor spyad pa'i mtshon thams cad dang /rol mor spyod pa'i cha byad thams cad do/ /ma bsdus pa zhes bya ba ni ma brtul bar ro/ /rgyal po rgyal rigs spyi bo nas dbang bskur ba zhes bya ba ni 'di lta ste/ bud med rgyal srid la dbang bskur bas dbang bskur bar gyur na de yang rgyal po rgyal rigs spyi bor dbang bskur ba yin la/rgyal rigs dang / bram ze dang / rje'u rigs dang / dmangs rigs rgyal srid la dbang bskur bas dbang bskur bar gyur na de yang rgyal po rgyal rigs spyi bor dbang bskur ba yin no/ /sgo gtan nam zhes bya ba ni sgo gtan rnam pa gsum ste/grong khyer gyi sgo gtan dang / rgyal po'i pho brang gi sgo gtan dang / btsun mo'i 'khor gyi sgo gtan no/ /sgo gtan gyi nye 'khor las zhes bya ba ni de'i drung las so/ /'da' na zhes bya ba ni 'gro na'o/ /de 'dra ba'i rkyen ma gtogs so zhes bya ba ni gleng gzhi las btsun mo dpal ldan gdul ba'i dbang du byas nas tshe dang ldan pa shA ri'i bus bsams pa/'di ltar bcom ldan 'das kyis ma gnang mod kyis 'di nyid rkyen du mdzad nas gnang bar gyur pa gang yin pa de lta bu'i gnas yod par 'gyur ro snyam nas/ de 'dul ba la ltos pas de nyid du 'dug go zhes bya ba de 'dra ba'i rkyen gzhag go//ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong rgyal po dang / btsun mo dang / gzhon nu dang / zhang blon dang / bar chad dang / gdul ba'i dbang ma gtogs par btsun mo'i 'khor 'dug pa'i gnas sam/ rgyal po'i pho brang gi gnas sam bdag nyid 'gro bar 'bral ba'i gnas skabs der skya rengs tha ma ma shar cing nam ma langs par shes bzhin du mtshan mo'i sgo bcad pa la ni phyi rol gyi nye 'khor 'obs la sogs pa'i nang rol gyi ngos las 'da' ba dang sgom bcad pa la ni sgo 'phar nas nang rol du sgo gtan gyi srid kyi nyis 'gyur las 'das na sbyor ba tha dad pas mtshan mo re re la mtshan mo'i skya rengs shar ba'i mtha' la bsdad mi dgos par nam son pa'i mod nyid la rgyal po'i pho brang du nub mo 'gro ba'i ltung byed kyi dngos gzhir 'gyur ro//'dir mtshan mo'i dang po ni nyi ma nub pa'i 'og tu 'od dmar po chags par gyur pa gang yin pa de 'das par gyur pa yin la/nyin mo'i dang po ni skya rengs tha ma dmar rengs zhes bya ba shar ba yin pas mtshan mo'i dang po nas nyin mo'i dang po la ma thug gi bar ni nam ma nangs skya rengs ma shar ba nyid yin pas dus de dag la na smad pa med do//nam ma langs skya rengs ma shar ba'i dus de dag la de ltar 'du shes pa nyid la na smad pa med do/ /btsun mo'i 'khor 'dug pa'i gnas sam/ rgyal po'i pho brang 'khor gyi gnas gang yang rung ba la na smad pa med do/ /gnas de dag tu dus der bdag nyid 'gro bar 'du shes pa la na smad pa med do//gnas de dag tu dus der song ba'i mtshan mo'i cha gang yang rung ba la na smad pa med do/ /mtshan mo'i cha gang yang rung ba de la sbyor ba tha dad pas yang dang yang du song na sbyor ba re re la dngos gzhi re rer 'gyur ba la na smad pa med do/ /sbyor ba gcig gis mtshan thog thag 'byung 'jug med par 'dug pa la ni dngos gzhi yang gcig tu 'gyur ba la na smad pa med do//gnas de dag gi sgo bcad pa la phyi rol gyi nyen 'khor 'obs la sogs pa'i nang rol gyi ngos las 'das pa dang / sgom bcad pa la sgo 'phar nas nang rol du sgo gtan gyi srid kyi nyis 'gyur las 'das pa la na smad pa med do//ltung ba 'byin pa po bdag nyid gcig pu dang grogs gang yang rung ba dang bcas pa lan smad pa med do/ /nam sros nas skye rengs ma shar ba la na smad pa med do/ /rgyal po dang btsun mo dang / gzhon nu dang / zhang blon dang / bar chad dang / gdul ba'i dbang ma gtogs pa la na smad pa med do//'di'i byed pa po ni dge slong rgyal po dang / btsun mo dang / gzhon nu dang / zhang blon dang / bar chad dang / gdul ba'i dbang gis 'gro ba ma gtogs pa nyid dang / btsun mo'i 'khor 'dug pa'i gnas sam/ rgyal po'i pho brang gi gnas dang / bdag nyid 'gro bar 'brel ba nyid kyi gnas skabs der nam ma nangs pa nyid la 'du shes gtso cher byed pa po nyid yin no//'di la yan lag lngas dngos gzhi'i ltung bar 'gyur te dge slong rgyal po dang / btsun mo dang / gzhon nu dang / zhang blon dang / bar chad dang / gdul ba'i dbang gis 'gro ba ma gtogs pa nyid dang /btsun mo'i 'khor 'dug pa'i gnas sam/ rgyal po'i pho brang gi gnas gang yang rung bar bdag nyid 'brel bar 'gro ba nyid dang / de'i gnas skabs na skya rengs tha ma ma shar cing nam ma langs pa nyid dang / der 'du shes pa nyid dang / de'i sgo bcad pa'am ma bcad pa'i gtan pa'i nye 'khor phyir lta ba'am/nang du lta ba gang yang rung ba la 'das pa nyid do/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du rgyal po'i pho brang du nub mo 'gro ba'i ltung byed kyis sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /gal te de'i don nyid kyi phyir grong khyer gyi gnas dang 'brel ba nyid la nyes byas so/ /khyim gzhan du skya rengs ma shar bar 'jug na nyes byas so/ / sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba yang nyes byas te nyes byas phra mo'o/ /ltung ba med pa ni der 'du shes med pa la ltung ba med do/ /nyin mo 'jug pa la ltung ba med do/ /dgos pa gzhan gyi phyir 'jug pa la ltung ba med do//rgyal po dang btsun mo dang / gzhon nu dang / zhang blon dang / bar chad dang / 'dul ba'i dbang gis 'gro ba la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du rgyal po'i pho brang du nub mo 'gro ba'i ltung byed du 'gyur ba rnam pa thams cad mi bsten par bslab par bya'o//ma bzlugs par rgyal po'i pho brang du 'jug par mi bya'o/ /phyir bcos pa ni snga ma bzhin no/ /rgyal po'i pho brang du nub mo 'gro ba'i ltung byed de brgyad cu gnyis pa bshad zin to// //bslab pa'i gzhi'i dngos po la khyad du gsod pa'i ltung byed kyi gleng gzhi ni sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis zla ba phyed phyed cing so sor thar pa'i mdo gdon pa gdon par bya'o zhes bka' stsal nas dge slong rnams zla ba phyed phyed cing so sor thar pa'i mdo gdon pa gdon pa'i tshe drug sde dag gus par byas te chos nyan par mi byed/bla mar byas te mi byed/ ru shing ltar byas te mi byed/ yid la byas te mi byed/ sems rtse gcig tu mi byed/rna blags te mi byed/ sems thams cad kyis bsams te chos nyan par mi byed cing / dge slong rnams la 'di skad ces tshe dang ldan pa dag 'di ltar chos 'di yang mdo'i nang du gtogs/ mdo'i nang du 'dus par bdag gis da gzod shes so zhes zer nas dge slong rnams kyis de dag la smras pa/tshe dang ldan pa dag gis so sor thar pa'i mdo gdon pa gdon pa da gzod thos sam ci na gang gi phyir de skad zer/ de dag gis smras pa/ tshe dang ldan pa dag ci kho bo cag la las de tsam 'ba' zhig tu zad dam/ 'dod pa'i rnam par rtog pa la yang rnam par brtag dgos so//gnod sems kyi rnam par rtog pa dang / rnam par 'tshe ba'i rnam par rtog pa la yang dag par brtag dgos so zhes zer nas dge slong don nyung ngu dag ci'i phyir dge slong dag zla ba phyed phyed cing so sor thar ba'i mdo gdon pa gdon pa'i tshe gus par byas te chos nyan par mi byed/ bla mar byas te mi byed/ru shing ltar byas te mi byed/ yid la byas te mi byed/ sems rtse gcig tu mi byed/ rna blags te mi byed/ sems thams cad kyis bsams te chos nyan par mi byed cing / dge slong rnams la yang 'di skad ces tshe dang ldan pa dag 'di ltar chos 'di yang mdo'i nang du gtogs/ mdo'i nang du 'dus par bdag cag gis da gdod shes so zhes zer zhing smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/drug sde rnams la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang zla ba phyed phyed cing so sor thar pa'i mdo gdon pa gdon pa'i tshe 'di skad ces tshe dang ldan pa dag 'di ltar chos 'di yang mdo'i nang du gtogs/ mdo'i nang du 'dus par bdag cag gis da gdod shes so zhes zer la/de la gal te dge slong rnams kyis kyang tshe dang ldan pa 'di sngon gso sbyong gi las gnyis sam/ gsum gyi tshe 'dug par shes shing lan mang du lta ci smos/ tshe dang ldan pa de mi shes pas mi 'grol bas de ltung ba gang byung ba de chos bzhin du byed du gzhug gi steng du khyod zla ba phyed phyed cing so sor thar pa'i mdo gdon pa gdon pa'i tshe gus par byas te/chos nyan par mi byed/ bla mar byas te mi byed/ ru shing ltar byas te mi byed/ yid la byas te mi byed/ sems rtse gcig tu mi byed/ na blags te mi byed/sems thams cad kyis bsams te chos nyan par mi byed pas tshe dang ldan pa khyod kyis ma rnyed de rnyed pa ma yin zhing nyes pa rnyed de legs pa rnyed pa ma yin no zhes 'gyod par bya'o/ /tshe dang ldan pa de la 'gyod par bya ba ni de yin te ltung byed do zhes bca' ba mdzad de/ yul ni mnyan yod/gang zag ni drug sde/ nyon mongs pa ni sgyu thabs kyis bsams pa/ nyes pa ni bslab pa'i gzhi'i dngos po la khyad du gsod pa'o/ /de la yang dge slong gang zhes bya ba ni drug sde'am gzhan yang de lta bu gang yin pa'o/ /zla ba phyed phyed cing zhes bya ba ni zla ba phyed cing phyed cing ngo / /so sor thar pa zhes bya ba la so sor thar pa zhes bya ba ni pham par 'gyur ba'i chos bzhi dang /dge 'dun lhag ma'i chos bcu gsum dang / ma nges pa'i chos gnyis dang / spang ba'i ltung byed kyi chos sum cu dang / ltung byed kyi chos dgu bcu dang / so sor bshags par bya ba'i chos bzhi dang / bslab pa'i chos mang po dang /rtsod pa zhi bar bya ba'i chos bdun po dag go/ /mdo gdon pa zhes bya ba la mdo gdon pa zhes bya ba ni/ yang dag par sbyor ba'o/ /gdon pa'i tshe zhes bya ba ni rab tu bton pa'i tshe'o/ /'di skad ces bya ba ni 'di skad ces zer na'o/ /tshe dang ldan pa dag 'di ltar chos 'di yang mdo'i nang du gtogs/mdo'i nang du 'dus par bdag cag gis da gzod shes so zhes zer la zhes bya ba ni bcom ldan 'das kyis gsungs pa'i chos 'di yang ngo / /de la gal te dge slong rnams kyis kyang zhes bya ba ni de na dge slong gang dag 'khod pa rnams kyis kyang ngo / /tshe dang ldan pa 'di zhes bya ba ni dge slong yin pa 'di'o//sngon gso sbyong gi las gnyis sam/ gsum gyi tshe 'dug par shes shing zhes bya ba ni 'dis so sor thar pa lan gnyis sam/ gsum thos par shes shing ngo / /lan mang du lta ci smos na zhes bya ba ni lan mang du 'dug par shes pa lta ci smos na'o/ /tshe dang ldan pa de mi shes pas mi 'grol bas zhes bya ba ni de des ltung ba las mi 'grol bas de ltung ba dang bcas pa nyid yin pa'o//de ltung ba gang byung na zhes bya ba ni ltung byed do/ /de chos bzhin du byed du gzhug ces bya ba ni chas su gzhug pa'o/ /steng du khyod zla ba phyed phyed cing so sor thar pa'i mdo gdon pa gdon pa'i tshe gus par byas te chos nyan par mi byed/bla mar byas te mi byed/ ru shing ltar byas te mi byed/ yid la byas te mi byed/ sems rtse gcig tu mi byed/ rna blags te nyan par mi byed/ sems thams cad kyis bsams te chos nyan par mi byed pas tshe dang ldan pa khyod kyis ma rnyed de rnyed pa ma yin zhing /nyes pa rnyed de legs pa rnyed pa ma yin no zhes 'gyod par bya'o zhes bya ba ni 'gyod du gzhug par bya'o/ /tshe dang ldan pa de la 'gyod par bya ba ni de yin te zhes bya ba ni de ltar 'gyod par bya'o/ /ltung byed do zhes bya ba ni snga ma bzhin no/ /de la ltung bar ji ltar 'gyur zhe na 'dir yang dngos gzhi dang /sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gi dge 'dun zla ba phyed phyed cing gso sbyong la so sor thar pa'i mdo gdon pa gdon pa'i tshe sngar yang de lan gnyis nyams su myong zhing yid rmongs pa ma yin pas bzhad gad tsam gyis kyang so sor thar pa'i mdo gdon pa 'di la bslab pa'i gzhi'i chos 'di yod par bdag gis da gzod shes so zhes dngos su smra ba'am brgyud pas de skad zer na mdo sde dang ldan pa ma gtogs te bslab pa'i gzhi'i dngos po la khyad du gsod pa'i ltung byed kyi dngos gzhir 'gyur ro//zla ba phyed phyed cing gso sbyong la so sor thar pa'i mdo gdon pa gdon pa'i tshe bslab pa'i gzhi'i dngos po la khyad du gsod pa la na smad pa med do/ /ltung ba 'byin pa des sngar yang gso sbyong de lan gnyis nyams su myong ba la na smad pa med do//yid rmongs pa ma yin pa la na smad pa med do/ /bzhad gad tsam yan chad la na smad pa med do/ /so sor thar pa'i mdo gdon pa 'di la bslab pa'i gzhi'i chos 'di yod par bdag gis da gzod shes so zhes zer ba gang yang rung ba la na smad pa med do//dngos su smra ba'am brgyud pas de skad zer ba gang yang rung ba la na smad pa med do/ /'dul ba dang ldan pa'i bslab pa'i gzhi gang yang rung ba la na smad pa med do/ /'di'i byed pa po ni dge slong sngar yang gso sbyong lan gnyis nyams su myong zhing yid rmongs pa ma yin pa dang mdo sde dang ldan pa ma gtogs pa'i bslab pa'i gzhi'i dngos po nyid do//'di la yan lag lngas dngos gzhi'i ltung bar 'gyur te/ dge slong sngar gso sbyong lan gnyis nyams su myong ba nyid dang / yid rmongs pa ma yin pa dang / gso sbyong 'don pa'i dus nyid dang / 'dul bar gtogs pa'i bslab pa'i gzhi'i dngos po nyid dang /dngos su'am brgyud pas khyad du gsod pa nyid do/ /de la yang yan lag ma tshang na ci rigs par na smad do/ /sbyor ba'i ltung ba ni nyes byas te ji srid du bslab pa'i gzhi'i dngos po la khyad du gsod pa'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /sngar gso sbyong lan gnyis ma myong ba la nyes byas so/ /gso sbyong 'don pa'i dus ma yin pa'i tshe nyes byas so/ /dge slong ma rnams kyis gso sbyong 'don pa'i tshe bslab pa'i gzhi'i dngos po thun mong pa la nyes byas so//mdo sde dang ldan pa la nyes byas so/ /sbyor ba'i sbyor ba'i ltung ba ni nyes byas phra mo ste sbyor ba ji snyed pa la sbyor ba'i sbyor ba yang de snyed de sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni yid rmongs pa la ltung ba med do/ / dge slong ma rnams kyis gso sbyong 'don pa'i tshe bslab pa'i gzhi'i dngos po thun mong ma yin pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du bslab pa'i gzhi'i dngos po la khyad du gsod pa'i ltung byed du 'gyur ba rnam pa thams cad mi bsten par bslab par bya'o//so sor thar pa'i mdo 'don pa'i tshe ma gus par nyan pa nye bar sgrub pa la 'gyod du gzhug go/ /phyir bcos pa rnams ni snga ma bzhin no/ /bslab pa'i gzhi'i dngos po la khyad du gsod pa'i ltung byed de brgyad cu gsum pa bshad zin to// //khab ral 'chos pa'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na gcer bu pa'i nyan thos chos zhes bya ba ba so mkhan zhig 'dug pa de gcer bu pa dag la shin tu mngon par dad de de dus gzhan zhig na dge slong bsod snyams pa zhig gis chos bstan pas btul nas des kyang de la skyabs su 'gro ba dang /bslab pa'i gzhi dag blangs so/ /yang bsod snyams pa des de la rdzas las byung ba'i bsod nams bya ba'i gzhi bdun gyi bsngags pa rgya cher brjod pa dang /de mngon par dad par gyur nas smras pa/ 'phags pa bdag gis kyang rdzas las byung ba'i bsod nams bya ba'i gzhi cung zad cig yang dag par blangs te 'jug par bgyi/ bdag gis dge slong gi dge 'dun la rang gis bzos bsnyen bkur bgyi'o/ /bsod snyoms pa de gtsug lag khang du song ste dge slong rnams la smras pa/tshe dang ldan pa dag bdag gis gcer bu ba'i nyan thos chos zhes bya ba bso mkhan de skyabs su 'gro ba dang / bslab pa'i gzhi dag la bzhag nas de dge slong gi dge 'dun la bzos bsnyen bkur byed kyis/ su ci 'dod pa des de byed du chug cig /ci tsam na dge slong zhig la khab ral med nas de de'i gan du song ste smras pa/ bzhin bzangs kho bo la khab ra la med kyis de gyis shig /'phags pa ji lta bu zhig bgyi/ gang bzang ba'o/ 'phags pa bso las bgyis pa bzang ba'o/ /bzhin bzangs ba so las byas pa gyis shig / des de'i khab ral ba so las byas pa byas te byin no/ /dge slong des de dge slong rnams la bstan pa dang / dge slong gzhan gyis kyang de lta bu byed du bcug cing / gzhan gyis kyang byed du bcug /gzhan gyis kyang byed du bcug pas de'i ba so zad par gyur to/ /dge slong gzhan zhig kyang 'ongs te smras pa/bzhin bzangs kho bo'i khab ral gyis shig /'phags pa ji lta bu zhig bgyi/ gang bzang ba'o/ /'phags pa ba so las bgyis pa bzang na ba so ni bas so/ /gal te bzhed na rus pa las bgyis pa bgyi'o/ /bzhin bzangs ma nyes kyis kyis shig /des de'i khab ral rus pa las byas pa byas te byin no/ /dge slong des de dge slong rnams la bstan pa dang / dge slong gzhan gyis kyang de lta bu byed du bcug cing / gzhan gyis kyang byed du bcug /gzhan gyis kyang byed du bcug pas de'i rus pa yang zad par gyur to/ /dge slong gzhan zhig gis kyang 'ongs te smras pa/bzhin bzangs kho bo'i khab ral gyis shig /'phags pa ji lta bu zhig bgyi/ gang bzang ba'o/ /'phags pa ba so las bgyis pa bzang na ba so de ni bas so/ /bzhin bzangs gal te de ltar na rus pa las byas pa gyis shig /'phags pa rus pa yang bas so/ / gal te bzhed na rwa las bgyis pa bgyi'o/ /bzhin bzangs ma nyes kyis gyis shig /des de'i khab ral rwa las byas pa byas te byin no/ /dge slong des de dge slong rnams la bstan pa dang / dge slong gzhan zhig kyang de lta bu byed du bcug cing / gzhan gyis kyang de lta bu byed du bcug /gzhan gyis kyang de lta bu byed du bcug pas de'i rwa yang zad par gyur te/des rang gi zan dang rang gi yo byad dag gis dge slong rnams kyis las byed pa na dbul por gyur to/ /gcer bu bdag chos 'di gang gi tshe kho bo cag la mngon par dad par gyur pa de'i tshe na 'di thams cad phun sum tshogs par gyur nad 'di da ltar shAkya'i bu'i dge slong rnams la mngon par dad pas zin yang slong bar byed do zhes 'phya ba la zhugs pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ dge slong rnams la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas/ nga'i nyan thos rnams kyis 'dul bal bslab pa'i gzhi 'di ltar gdon par bya ste/yang dge slong gang bso'am/ rus pa'am/ rwa'i khab ral byed du 'jug na bcag nas ltung byed do zhes bca' ba mdzad de/ yul ni mnyan yod/ gang zag ni chos 'di pa'i dge slong rab tu mang po/ nyon mongs pa ni 'dod zhe na/nyes pa ni khab ral 'chos pa'o/ /de la yang dge slong gang zhes bya ba ni chos 'di pa'o/ /bso 'am zhes bya ba ni ba so nyid do/ /rus pa'am zhes bya ba yang rus pa nyid do/ /rwa'i zhes bya ba yang rwa nyid kyi'o/ /khab ral zhes bya ba ni khab ral gnyis te/ sbu gu can dang /chang pa lta bu'o/ /don 'dir ni gnyi ga yin par dgongs so/ /byed du 'jug pa zhes bya ba ni rang gis sam gzhan no/ /bcag nas zhes bya ba ni dngos po de bcag nas ltung byed kyi ltung ba bshags par bya ba'o/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na/'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gis rin po che ma gtogs pa bso'am rus pa'am rwa 'am lcags la sogs pa'i khab ral byed dam byed du bcug na khab ral 'chos pa'i ltung byed kyi dngos gzhir 'gyur ro//bso dang rus pa dang rwa gang yang rung ba lan smad pa med do/ /lcags la sogs pa lan smad pa med do/ /khab ral sbu can dang chang ba lta bu gang yang rung ba lan smad pa med do//rang byed dam gzhan byed du bcug pa lan smad pa med do/ /'di'i byed pa po ni 'dod zhen gyi bsam pa dang / rin po che ma gtogs pa'i khab ral nyid do/ /'di la yan lag lngas dngos gzhi'i ltung bar 'gyur te/ 'dod zhen gyi bsam pa nyid dang / rin po che dang gnang ba nyid ma gtogs pa dang /bso 'am rus pa'am rwa 'am lcags la sogs pa'i khab ral nyid dang / byas zin pa la rnyed pa dang / byas zin pa la spyod pa ma gtogs pa nyid dang / rang gis byed dam gzhan byed du bcug pa nyid do/ /de dag las yan lag ma tshang na ci rigs par na smad pa med do//sbyor ba'i ltung ba ni nyes byas so/ /ji srid du khab ral 'chos pa'i ltung byed kyi sbyor ba brtsams nas dngos gzhi la mthug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o/ /rin po che las byas pa ni rung ba ma yin pas nyes byas so//bcag gam zhes ma dris par ltung ba 'chags pa dang du len na nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba'ang de snyed de/ sbyor ba nyes byas kyi sbyor ba'i sbyor ba'ang nyes byas te nyes byas phra mo'o/ /ltung ba med pa ni byas zin pa rnyed pa dang /byas zin pa la spyod pa la ltung ba med do/ /las dang po pa dang / smyos pa dang / sems 'khrugs pa dang / tshor bdag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du khab ral 'chos pa'i ltung byed du 'gyur ba rnam pa thams cad mi bsten par bslab par bya'o//gang gi mdun du 'chags par byed pa des khyod kyis dngos po de bcag gam zhes dri bar bya'o/ /bcag pa bya ba na nyid ma dris par 'chags par blang bar mi bya'o/ /ma bcag par 'chags na ltung bde bshags pa ma yin pas bshags par bya'o//phyir bcos pa rnams ni snga ma bzhin no/ /khab ral 'chos pa'i ltung byed de brgyad cu bzhi pa bshad zin to// //so sor thar pa'i mdo rgya cher 'grel pa 'dul ba kun las btus pa/ bam po bzhi bcu gcig pa/ khri rkang 'chos pa'i ltung byed kyi gleng gzhi ni/ bcas pa dang gnang ba'i dbang gis rnam pa gnyis te/ bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong zhig ljongs rgyu zhing 'gro ba na mnyan yod du phyin nas lam gyis dub pa'i ngal bso ste sgo khang du khri dma' ba zhig rnyed pa'i mdun du rkang pa gnyis bkrus nas skyil mo krung bcas te 'dug pa gnyid kyis yur ba'i tshe lus 'khyog cing khri sgra tsheg zer ba na 'og nas sbrul dug myur du khyab par byed pa zhig byung bas 'phral bar bzung ste dus la bab nas sum cu rtsa gsum pa'i lha'i drang srong rnams kyi nang du skyes te/bcom ldan 'das kyi spyan sngar 'ongs nas rgyun du zhugs pa'i 'bras bu thob pa'i gzhi las bcom ldan 'das kyis dgongs pa/ nyes dmigs gang cung zad ci byung ba thams cad dge slong dag khri dma' ba la mal 'cha' zhing de'i mdun du rkang pa gnyis 'khru ba las gyur pa yin no snyam du dgongs nas bka' stsal pa/de lta bas na dge slong gis khri dma' ba la mal bca' bar mi bya zhing / khri'i mdun du rkang pa gnyis bkru bar mi bya'o/ /de skad ces bka' stsal pa dang / dge slong mchil lham mi bdog pa dag la gnod par gyur nas/bcom ldan 'das kyis bka' stsal pa/ gang dag la mchil lham mi bdog pa de dag gi mgo logs dang rkang pa logs su rkang pa gnyis bkru bar bya ste/ 'di la 'gyod par mi bya'o/ /drug sde dag gis dge slong khri dma' ba la nyal ba sbrul dug myur du khyab par byed pas zin te dus la bab nas bcom ldan 'das kyis dge slong gis khri dma' ba la mal bca' bar mi bya'o zhes bka' stsal pa thos nas/de dag gis khri rkang pa bcu gnyis pa btsugs te ya gad mthon po btsugs pa dang / dge slong rnams kyis de dag la smras pa tshe dang ldan pa dag cig khyed cag byar byed dam/de dag gis smras pa/ su zhig byar byed/ khyed kyis dge slong khri dma' ba la nyal ba sbrul dug myur du khyab pas zin te dus la bab pa ma mthong ngam ci drug sde dag kyang sbrul dug myur du khyab par byed pas bzung ste dus la bab cing kho bo cag shi ba'i yo byad dag 'god par byed 'dod dam zhes zer nas/dge slong don nyung ngu dag ci'i phyir dge slong dag dge slong rnams kyis bzlog pa na de dang de skad ces zer zhing smod par byed/ phyar kha gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / de nas bcom ldan 'das kyis byung ba 'di dang gleng gzhi 'di dang /skabs 'di la dge slong gi dge 'dun bsdu ba mdzad de/ drug sde dag la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/bslab pa bca' ba'i phan yon bcu yang dag par gzigs pas/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gi dge 'dun gyi khri'am khri'u byed du 'jud na rtsa ba bde bar gshegs pa'i sor brgyad kyi tshad du byed du gzhug par bya'o//de las lhag par byed du 'jug na bcad nas ltung byed do zhes bca' ba mdzad de/ yul ni mnyan yod/ gang zag ni drug sde/ nyon mongs pa ni lhag pa tshol ba/ nyes pa ni khri rkang mthon por byed pa'o/ /gnang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//tshe dang ldan pa 'char ka lus tshad las shin tu 'das pa yin pas de'i pus mo gnyis ko sko la reg pa'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ de lta bas na bu gar gzhug pa ma gtogs so/ /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod pa mdzad nas dge slong rnams la de dang mthun pa dang /de'i shas che ba dang / de dang 'tsham pa'i chos dang ldan pa'i bka' mchid mdzad nas dge slong rnams la bka' stsal pa/ dge slong dag de lta bas na snga ma ni bcas pa yin la/ 'di ni rjes su gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/dge slong gi dge 'dun gyi khri'am khri'u byed du 'jug na rtsa ba bu gar gzhug pa ma gtogs pa bde bar gshegs pa'i sor brgyad kyi tshad tsam du byed du 'jug par bya'o/ /de las lhag par byed du 'jug na bcad nas ltung byed do zhes gnang ba mdzad de/yul ni mnyan yod/ gang zag ni tshe dang ldan pa 'char ka /nyon mongs pa dang nyes pa ni med do/ /de la dge slong gis zhes bya ba ni chos 'di pas so/ /dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o/ /khri'am zhes bya ba ni khri nyid do/ /khri'u zhes bya ba yang khri'u nyid do//byed du 'jug na zhes bya ba bdag nyid kyis sam gzhan no/ /rtsa ba bu gar gzhug pa ma gtogs par zhes bya ba ni gleng gzhi las cha dang ldan pa 'char ka'i lus tshad las shin tu 'das pa yin pas de'i pus mo gnyis ko sko la reg nas/ bcom ldan 'das kyis bka' stsal pa/de lta bas na rtsa ba bu gar gzhug pa ma gtogs so zhes gsungs pa de lta bu gzhag ste'o/ /bde bar gshegs pa'i sor brgyad kyi tshad du byed du gzhug par bya'o zhes bya ba la/ bde bar gshegs pa zhes bya ba ni ston pa'o/ /de'i sor brgyad gang dag yin pa de dag la ni tshad dang ldan pa'i khru gang ngo //de las lhag par byed du 'jug na zhes bya ba ni de las gang ma'o/ /bcad nas zhes bya ba ni dngos po de bcad nas ltung byed kyi ltung ba bshags par bya'o/ /ltung byed do zhes bya ba ni snga ma bzhin no/ /de la ltung ba ni ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gi dge 'dun gyi khri'am khri'u rkang pa bzhi pa la sogs pa gang yang rung ba'i rkang pa gang yang rung ba bu gar gzhug pa'i phyogs ma gtogs par tshad dang ldan pa'i khru gang las lhag par byed dam byed du 'jug na khri rkang bcos pa'i ltung byed kyi dngos gzhir 'gyur ro//ba so la sogs pa la na smad pa med do/ /lcags la sogs pa la na smad pa med do//rkang bzhi pa la sogs pa la na smad pa med do/ /dge 'dun gyi khri'am khri'u gang yang rung ba la na smad pa med do/ /rkang pa bu gar gzhug pa'i phyogs ma gtogs pa la na smad pa med do/ /bde bar gshegs pa'i sor brgyad la ni bde bar gshegs pa nyid kyi khru'i sum cha ste/ mi tshad dang ldan pa'i khru gang yod pas de las lhag pa la na smad pa med do//rang byed dam gzhan byed du bcug pa lan smad pa med do/ /'di'i byed pa po ni dge 'dun gyi khri'am khri'u rkang pa'i tshad nyid dang lhag pa tshol ba'i bsam pa nyid do/ /'di la yan lag lngas dngos gzhi'i ltung bar 'gyur te/ dge 'dun gyi nyid dang / khri'am khri'u rung ba dag gi rkang pa nyid dang / bu gar gzhug pa'i phyogs nyid gtogs pa nyid dang / de dag gi tshad khru gang las lhag pa nyid dang / rang gir byed dam gzhan byed du bcug pa nyid do/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ji srid du khri rkang 'chos pa'i ltung byed kyi sbyor ba brtsams nas/ dngos gzhi la mthug gi bar du nyes byas so/ /dngos gzhi la sbyor ba tha dad pa ji snyed brtsams par re la nyes byas re re'o/ /gang zag gi la nyes byas so/ /rung ba ma yin pa la nyes byas so//bcad dam zhes ma dris par ltung ba 'chags pa dang du len pa la nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni byas zin pa rnyed pa dang byas zin pa la ltung ba med do//las dang po ba dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du khri rkang 'chos pa'i ltung byed du 'gyur ba rnam pa thams cad du mi bsten par bslab par bya'o//rkang pa dma' ba dang ldan pa'i khri la nyal bar mi bya'o/ /dge slong mchil lham yod pas mal dang 'brel ba'i khri'i nye 'khor gyi phyogs su rkang pa bkru bar mi bya'o/ /mchil lham med pas ni mgo logs dang / rkang pa logs su rkang pa bkru bar mi bya'o//g.yas g.yon gyi phyogs su mi bya'o/ /mal stan mthon po dang / mal stan chen po la 'dug pa'am/ nyal bar mi bya'o/ /khyim gzhan du gzhan med na de dag 'dug par mi bya'i nyal bar mi bya'o/ /rkang rten dang bcas pa'i khri la mal bca' bar bya'o//khri brtsegs ma'i steng du 'dug par mi bya'o/ /gang gi mdun du 'chags par byed pa des khyed kyis dngos po de bcad dam zhes dri bar bya'o/ /bcad pa nyid ma dris par 'chags pa blang bar mi bya'o/ /ma bcad par 'chags na ltung ba de bshags pa ma yin pas yang bshags par bya'o//phyir bcos pa ni snga ma bzhin no/ /khri rkang 'chos pa'i ltung byed de brgyad cu lnga pa bshad zin to// //shing bal gyis gos par byas pa'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//nye dga' gsar bu yin pas de'i khri thob po/ /khyogs ches rgan pas phrogs shing gnas mal bsgo ba'i dus la yang bab nas des bsams pa/ gang gis bdag gi khri mi 'phrogs pa'i thabs de lta bu ci yod snyam pa dang / des bya ba 'ga' zhig gi phyir shing bal dag kyang blangs nas de la blo skyes pa/shing bal gyis bdal te bzhag go snyam nas/ des khri'i steng du shing bal bdal te bzhag go/ /ci tsam na dge slong ches rgan pa zhig 'ongs nas des smras pa tshe dang ldan pa 'di su'i/ nye dgas smras pa/ kho bo'i shing bal lo/ /de na dge slong zhig 'dug pa des smras pa/nye dga' ji skad zer ba de bzhin te/ shing bal ni nye dga'i yin no/ /'di ltar khri ni dge 'dun gyi yin no/ /de skad smras pa dang / nye dga' khros nas des shing bal khyer te khri de'i steng du shing bal cung zad bdal te bzhag go/ /dge slong des so sor ma brtags pa nyid du der nyal nas mtshan mo nam nangs te langs pa dang /gos thams cad shing bal gyis skya bor gyur nas dge slong rnams kyis de la smras pa/ ci khyod g.yul gyi gzhir nyal lam/ des ji ltar gyur pa brjod pa dang / dge slong don nyung ngu dag ci'i phyir dge slong dag dge 'dun gyi khri'am khri'u la shing bal bdal te 'jog par byed ces smod par byed/phyar kha gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/nye dga' la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang dge 'dun gyi khri'am khri'u la shing ba la bad la lam bdal du 'jug na bsdus nas ltung byed do zhes bca' ba mdzad de/ yul ni mnyan yod//gang zag ni nye dga'/ nyon mongs pa ni zhi gu/ nyes pa ni dge 'dun gyi gnas mal la shing bal bdal ba'o/ /de la yang dge slong gang zhes bya ba ni shAkya'i bu nye dga' 'am gzhan yang de lta bu gang yin pa'o/ /dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o//khri'am zhes bya ba ni khri nyid do/ /khri'u la zhes bya ba yang khri'u nyid do/ /shing bal zhes bya ba ni lnga po shal ma li'i dang / arka'i dang / ka shi dang / sbra ba'i dang / e ra ka'i shing bal dag las gang yang rung ba'o/ /bdal lam zhes bya ba ni bdag nyid kyis so//bdal du 'jug na zhes bya ba ni gzhan no/ /bsdus nas zhes bya ba ni dngos po de bsdus nas ltung byed kyi ltung ba de bshags par bya'o/ /ltung byed do zhes bya ba ni snga ma bzhin no/ /de la ltung bar ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang /ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir yang dngos gzhi'i ltung ba rnam par gzhag pa ni dge slong gi dge 'dun gyi khri'am khri'u dag la gos dang lus ma rung bar 'gyur ba'i shing bal rnam pa lnga'o//shal ma li'am/ arka'i 'am/ ka shi'am/ sbra ba'i 'am/ a ra ka'i shing bal dag las gang yang rung ba rang ngam bskos pas bdal na shing bal gyis gos par byas pa'i ltung byed kyi dngos gzhir 'gyur ro/ /dge 'dun gyi khri'am khri'u 'am gnas mal gang yang rung ba la na smad pa med do//shing bal rnam pa lnga po gang yang rung ba la na smad pa med do/ /de dag ci tsam gyis gos dang lus ma rung bar 'gyur ba la na smad pa med do/ /rang ngam bskos pas bdal ba la na smad pa med do/ /'di'i byed pa po ni dge 'dun gyi khri'am khri'u la sogs pa gnas mal gang yang rung ba nyid dang / lus dang gos ma rung bar 'gyur ba'i shing bal gang yang rung ba nyid do/ /'di la yan lag lngas dngos gzhi'i ltung bar 'gyur te/ dge 'dun gyis gnas mal rung ba gang yang rung ba nyid dang / shing bal gang yang rung ba nyid dang / lus dang gos ma rung bar 'gyur ba nyid dang / zhi gu'i bsam pa nyid dang /rang ngam bskos pas bdal ba nyid do/ /de dag las yan lag ma tshang na ci rigs par na smad pa med do/ /sbyor ba'i ltung ba ni nyes byas te/ ji srid du shing bal gyis gos par byas pa'i ltung byed kyi sbyor ba la brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//gang zag gi la nyes byas so/ /lus dang gos la mi gnod pa la nyes byas so/ /bsdus sam zhes ma dris par ltung ba 'chags pa dang du len na nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/sbyor ba nyes byas kyi sbyor ba'i sbyor ba'ang nyes byas te nyes byas phra mo'o/ /ltung ba med pa ni lus dang gos la mi gnod pa dang / zhi gu'i bsam pa med pa nyid la ltung ba med do/ /las dang po pa dang / smyos pa dang / sems 'khrugs pa dang /tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du shing bal gyis gos par byed pa'i ltung byed du 'gyur ba rnam pa thams cad mi bsten par bslab par bya'o/ /gang gis mdun du 'chags par byed pa des khyod kyis dngos po bsdus sam zhes dri bar bya'o//bsdus pa nyid ma dris par 'chags pa blang bar mi bya'o/ /ma bsdus par 'chags na ltung bde bshags pa ma yin pas yang bshags par bya'o/ /phyir bcos pa ni snga ma bzhin no/ /shing bal gyis gos par byas pa'i ltung byed de brgyad cu drug pa bshad zin to// //gding ba las gyur pa'i ltung byed kyi gleng gzhi ni bcas pa dang / gnang ba'i dbang gis rnam pa gnyis te/ bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis dge slong gi gding ba byed du gzhug go zhes bka' stsal nas/dge slong dag tshad las ha cang lhag par byed du 'jug nas dge slong don nyung ngu dag bcom ldan 'das kyis dge slong gis gding ba byed du gzhug go zhes bka' stsal nas/ ci'i phyir dge slong dag tshad las ha cang lhag par byed du 'jug ces smod par byed/phyar kha gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gling gzhi 'di dang / skabs 'di la dge slong gi dge 'dun bsdu ba mdzad de/ dge slong dag la rmas nas/ 'dod pa che ba dang / chog mi shes pa dang / gso dka' ba dang / dgang dka' ba rnam par smad cing / 'dod pa chung ba dang / chog shes pa dang / gso sla ba dang / dgang sla ba dang / phri ba dang / yo byad bsnyung ba dang / sbyangs pa'i yon tan dang / mdzes pa dang / drod rig pa nyid kyi bsngags pa brjod de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gi gding ba byed du 'jug na tshad shin tu byed du chug shig /de la gding ba'i tshad ni 'di yin te/srid du bde bar gshegs pa'i mtho'i mtho do zheng du mtho phyed dang do'o/ /de las lhag par byed du 'jug na bcad nas ltung byed do zhes bca' ba mdzad de/ yul ni mnyan yod/ gang zag ni dge slong rab tu mang po dag /nyon mongs pa ni tshad mi shes pa/ nyes pa ni gding ba tshad las ha cang lhag par byed du 'jug pa'o//gnang ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa 'char ka tshad las ha cang yang lhag pas de'i gding ba des mi chog nas des gnas mal srung ba'i phyir rkang pa'i mtha' logs su lo ma'i chun po dag bzhag go//sangs rgyas bcom ldan 'das 'tsho zhing bzhugs la gson cing gzhes pa rnams kyi chos nyid ni gdul bar gyur pa'i skye bo la rjes su thugs brtse bas dus dang dus su sems can dmyal bar rgyur gshegs pa dang / dud 'gror rgyu ba dang /yi dwags su rgyu ba dang / lhar rgyu ba dang / ljongs rgyu ba dang / chu grang rgyu ba dang / ri rgyu ba dang / dur khrod rgyu ba dang / gtsug lag khang rgyur gshegs pas don 'dir ni sangs rgyas bcom ldan 'das gtsug lag khang rgyur gshegs par bzhed nas bcom ldan 'das tshe dang ldan pa 'char ka'i gtsug lag khang gal bder gshegs so//bcom ldan 'das kyis tshe dang ldan pa 'char ka'i rkang pa'i mtha' logs su lo ma'i chun po dag bzhag pa gzigs so/ /gzigs nas kyang tshe dang ldan pa kun dga' bo la bka' stsal pa/ kun dga' bo 'di su'i mal/ btsun pa tshe dang ldan pa 'char ka'i mal la lags so//'o na ci'i phyir rkang pa'i mtha' logs su lo ma'i chun po dag bzhag /btsun pa bcom ldan 'das kyis dge slong gi gding ba byed du 'jug na tshad bzhin du byed du chug shig /de la gding ba'i tshad ni 'di yin te/ srid du bde bar gshegs pa'i mtho'i mtho do//zheng du mtho phyed dang do/ /de las lhag par byed du 'jug na bcad nas ltung byed do zhes 'dul ba la nyan thos rnams kyis bslab pa'i gzhi de ltar bca' ba mdzad nas tshe dang ldan pa 'char ka tshad las ha cang lhag pas de'i gding ba des 'tshal nas des gnas mal bsrung ba'i slad du sug pa'i mtha' logs su lo ma'i chun po dag bzhag go//kun dga' bo de lta bas na srid du mtho gang gis sring sa shig /de nas bcom ldan 'das kyis bslab pa 'dod pa dang / bslab pa la gus pa dang / bslab pa la yo byad bsnyungs pa'i bsngags pa brjod nas dge slong rnams la de dang mthun pa dang /de'i shas che ba dang / de dang 'tsham pa'i chos dang ldan pa'i bka' mchid mdzad nas/ dge slong rnams la bka' stsal pa/ dge slong dag de lta bas na snga ma ni bcas pa yin la 'di ni rjes su gnang ba yin te/ nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge slong gis gding ba byed du 'jug na tshad bzhin du byed du chug shig /de la gding ba'i tshad ni 'di yin te srid du bde bar gshegs pa'i mtho'i mtho do/ /zheng du mtho phyed dang do/ /srid du mtho gang gis srings shig /de las lhag par byas sam byed du 'jug na bcad nas ltung byed do zhes gnang ba mdzad de/ yul ni mnyan yod/gang zag ni tshe dang ldan pa 'char ka / nyon mongs pa dang nyes pa ni med do/ /de la dge slong gis zhes bya ba ni chos 'di bas so/ /gding ba zhes bya ba ni steng rim du gding ba'o/ /byed du 'jug na zhes bya ba ni bdag nyid kyis sam/ gzhan no/ /tshad bzhin du byed du chug shig ces bya ba ni gding ba'i tshad gang yin pa de bzhin du/de la gding ba'i tshad ni 'di yin te/ srid du bde bar gshegs pa'i mtho'i mtho do/ /zheng du mtho phyed dang do'o zhes bya ba la srid du zhes bya ba ni chur ro/ /bde bar gshegs pa zhes bya ba ni ston pa'o/ /de'i mtho'i mtho do gang yin pa de la ni tshad dang ldan pa'i khru gsum mo//zheng du zhes bya ba ni rgyar ro/ /mtho phyed dang do zhes bya ba la/ bde bar gshegs pa'i mtho phyed dang do gang yin pa de la ni tshad dang ldan pa'i khru do dang sor drug go/ /srid du mtho gang gis srings shig ces bya ba ni gleng gzhi las tshe dang ldan pa 'char ka'i lus tshad las ha cang lhag pa de'i gding ba des mi chog nas de gnas mal bsrung ba'i phyir rkang pa'i mtha'i logs su lo ma'i chun po dag bzhag pa bcom ldan 'das kyis gzigs nas tshe dang ldan pa kun dga' bo la bka' stsal pa/kun dga' bo de lta bas na srid du mtho gang gis srings shig ces gsungs pas mi chog na srid du bde bar gshegs pa'i mtho gang gis bsrings ba des/bde bar gshegs pa'i mtho gang dag yin pa de la ni tshad dang ldan pa'i khru phyed dang do ste/ des na gding ba'i srid kyi tshad ni tshad dang ldan pa'i khru phyed dang lnga'o/ /de las lhag par byed du 'jug na zhes bya ba ni de las gong ma'o//bcad nas zhes bya ba ni dngos po de bcad nas ltung byed kyi ltung ba bshags par bya'o/ /ltung byed do zhes bya ba ni snga ma bzhin no/ /de la ltung ba ji ltar 'gyur zhe na 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang /bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gis gding ba srid du khru gsum/ zheng du khru do dang sor drug pa des mi chog na srid du khru phyed dang do skyed de khru phyed dang lnga par bya'o zhes gsungs pa las/chu zheng gang yang rung bar tshad las lhag par byed dam byed du 'jug na gding ba las gyur pa'i ltung byed kyi dngos gzhir 'gyur ro/ /gding ba'i rgyu gdags su rung ba la na smad pa med do/ /gding ba'i srid kyi tshad ni bde bar gshegs pa'i mtho do las mtho gang gis skyed par gnang ste/ bde bar gshegs pa'i mtho gang la ni tshad dang ldan pa'i khru phyed dang do yod pas des na gding ba'i srid kyi tshad ni tshad dang ldan pa'i khru phyed dang lnga'o/ /zheng gi tshad ni bde bar gshegs pa'i mtho phyed dang do ste/ de la ni tshad dang ldan pa'i khru do dang sor drug go/ /chu zheng gi tshad ni gang yang rung ba de las lhag par byed na na smad pa med do//byed dam byed du 'jug pa lan smad pa med do/ /'di'i byed pa po ni rang gi gding ba nyid dang / tshad las lhag pa nyid do/ /'di la yan lag lngas dngos gzhi'i ltung bar 'gyur te/ rang gi nyid dang / gding ba nyid dang / tshad las lhag pa nyid dang / rung ba nyid dang / rang ngam bskos pas byas pa nyid do/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du gding ba las gyur pa'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//gding ba tshad las chung ngu la byin gyis rlob na nyes byas so/ /bcad dam zhes ma dris par ltung ba 'chags pa dang du len na nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba'ang de snyed de/ sbyor ba nyes byas kyi sbyor ba'i sbyor ba'ang nyes byas te nyes byas phra mo'o/ /ltung ba med pa ni rgyu rung ba ma yin pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du gding ba las gyur ba'i ltung byed du 'gyur ba'i rnam pa thams cad mi bsten par bslab par bya'o//rgyu rung ba ma yin pa las gding ba mi bya'o/ /gang gi mdun du 'chags par byed pa des khyod kyis dngos po de bcad dam zhes dri bar bya'o/ /bcad pa nyid ma dris par 'chags pa blang bar mi bya'o//ma bcad par 'chags na ltung ba de bshags pa ma yin pas yang bshags par bya'o/ /phyir bcos pa ni snga ma bzhin no/ /gding ba las gyur pa'i ltung byed de brgyad cu bdun pa bshad zin to// //g.yan pa dgab pa las gyur ba'i ltung byed kyi gleng gzhi ni sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so//bcom ldan 'das kyis dge slong gis g.yan pa dgab par byed du gzhug go zhes bka' stsal nas/ dge slong dag ha cang tshad las lhag pa byed du 'jug nas dge slong don nyung ngu dag bcom ldan 'das kyis dge slong gis g.yan pa dgab par byed du gzhug go zhes bka' stsal nas/dge slong dag ci'i phyir tshad las ha cang lhag par byed du 'jug ces smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang /de nas bcom ldan 'das kyis byung ba 'di dang gleng gzhi 'di dang / skabs 'di la dge slong gi dge 'dun bsdu ba mdzad de/ dge slong rnams la rmas nas/ 'dod pa che ba dang / chog mi shes pa dang / gso dka' ba dang / dgang dka' ba rnam par smad cing / 'dod pa chung ba dang /chog shes pa dang / gso sla ba dang / dgang sla ba dang / phri ba dang / yo byad bsnyungs pa dang / sbyangs pa'i yon tan dang / mdzes pa dang drod rig pa nyid kyi bsngags pa brjod pa mdzad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/dge slong gis g.yan pa dgab pa byed du 'jug na tshad bzhin du byed du chug shig /de la g.yan pa dgab pa'i tshad ni 'di yin te/ srid du bde bar gshegs pa'i mtho'i mtho bzhi/ zheng du mtho do'o/ /de las lhag par byed du 'jug na bcad nas ltung byed do zhes bca' ba mdzad de/yul ni mnyan yod/ gang zag ni dge slong rab tu mang po/ /nyon mongs pa ni tshad mi shes pa/ nyes pa ni g.yan pa dgab pa tshad las lhag par byed du 'jug pa'o/ /de la dge slong gis zhes bya ba ni chos 'di bas so/ /g.yan pa dgab pa zhes bya ba ni na ba'i gsos so//byed du 'jug na zhes bya ba ni bdag nyid kyis sam gzhan no/ /tshad bzhin du byed du chug shig ces bya ba ni g.yan pa dgab pa'i tshad gang yin pa de bzhin no/ /de la g.yan pa dgab pa'i tshad ni 'di yin te/ srid du bde bar gshegs mtho'i mtho bzhi/zheng du mtho do'o zhes bya ba la srid du zhes bya ba ni chur ro/ /bde bar gshegs pa zhes bya ba ni ston pa'o/ /de'i mtho'i mtho bzhi gang yin pa de la ni tshad dang ldan pa'i khru drug go/ /zheng du zhes bya ba ni rgyar ro/ /mtho do zhes bya ba la/ bde bar gshegs pa'i mtho do gang yin pa de la ni tshad dang ldan pa'i khru gsum mo//de las lhag par byed du 'jug na zhes bya ba ni de las gong ma'o/ /bcad nas zhes bya ba ni dngos po de bcad nas ltung byed kyi ltung ba bshags par bya'o/ /ltung byed do zhes bya ba ni snga ma bzhin no/ /de la ltung bar ji ltar 'gyur zhe na 'dir yang dngos gzhi dang / sbyor ba dang /sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dge slong gis g.yan pa dgab pa'i tshad srid du khru drug /zheng du khru gsum pa las chu zheng gang yang rung bar tshad las lhag par byed dam/byed du 'jug na g.yan pa dgab pa las gyur pa'i ltung byed kyi dngos gzhir 'gyur ro/ /g.yan pa dgab pa'i rgyu gdags su rung ba la na smad pa med do/ /g.yan pa dgab pa'i srid kyi tshad ni bde bar gshegs pa'i mtho bzhi ste/bde bar gshegs pa'i mtho gang la ni tshad dang ldan pa'i khru phyed dang do yod pas des na g.yan pa dgab pa'i srid kyi tshad ni tshad dang ldan pa'i khru drug go/ /zheng gi tshad ni bde bar gshegs pa'i mtho do ste/ /de la ni tshad dang ldan pa'i khru gsum mo/ /chu zhing gi tshad gang yang rung ba de las lhag pa lan smad pa med do//byed dam byed du bcug pa la na smad pa med do/ /'di'i byed pa po ni rang gi g.yan pa dgab pa nyid dang / tshad las lhag pa nyid do/ /'di la yan lag lngas dngos gzhi'i ltung bar 'gyur ba ste rang gi nyid dang / g.yan pa dgab pa nyid dang / tshad las lhag pa nyid dang / rgyu rung ba nyid dang / rang ngam bskos pas byas pa nyid do/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du g.yan pa dgab pa las gyur pa'i ltung byed kyi sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /g.yan pa dgab pa tshad las chung ngu byin gyis rlob na nyes byas so/ /bcad dam zhes ma dris par ltung ba 'chags pa dang du len na nyes byas so/ /sbyor ba'i sbyor ba'i ltung ba ni nyes byas phra mo ste/sbyor ba ji snyed pa la sbyor ba'i sbyor ba'ang de snyed de/ sbyor ba nyes byas kyi sbyor ba'i sbyor ba'ang nyes byas te nyes byas phra mo'o/ /ltung ba med pa ni rgyu rung ba ma yin pa la ltung ba med do/ /las dang po pa dang / smyos pa dang / sems 'khrugs pa dang / tshor bdag gis nyan pa la ltung ba med do//bslab par bya ba ni dge slong gis yul thams cad la gnas skabs thams cad du g.yan pa dgab pa las gyur pa'i ltung byed du 'gyur ba rnam pa thams cad mi bsten par bslab par bya'o/ /rgyu rung ba ma yin pa las g.yan pa dgab pa mi bya'o/ /gang gi mdun du 'chags par byed pa des khyod kyi dngos po bcad dam zhes dri bar bya'o//bcad pa nyid ma dris par 'chags pa blang bar mi bya'o/ /ma bcad par 'chags na ltung bde bshags pa ma yin pas yang bshags par bya'o/ /phyir bcos pa rnams ni snga ma bzhin no/ /g.yan pa dgab pa las gyur pa'i ltung byed de brgyad cu brgyad pa bshad zin to// //dbyar gyi ras chen las gyur pa'i ltung byed kyi gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//bcom ldan 'das kyis dge slong dbyar gyi gos ras chen byed du gzhug go zhes bka' stsal nas/ dge slong dag ha cang tshad las lhag par byed du 'jug nas dge slong don nyung ngu dag bcom ldan 'das kyis dge slong gis dbyar gyi gos ras chen byed du 'jug go zhes bka' stsal nas/ci'i phyir dge slong dag ha cang tshad las lhag par byed du 'jug ces smod par byed/ phyar kha gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ dge slong dag la rmas nas 'dod pa che ba dang / chog mi shes pa dang / gsod dka' ba dang / dgang dka' ba rnam par smad cing / 'dod pa chung ba dang / chog shes pa dang / gso sla ba dang / dgang sla ba dang / phri ba dang / yo byad bsnyungs pa dang / sbyangs pa'i yon tan dang / mdzes pa dang / drod rig pa nyid kyi bsngags pa brjod de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/dge slong gis dbyar gyi gos ras chen byed du 'jug na tshad bzhin du byed du chug shig /de la dbyar gyi gos ras chen gyi tshad ni 'di yin te/ srid du bde bar gshegs pa'i mtho'i mtho drug /zheng du mtho phyed dang gsum mo/ /de las lhag par byed du 'jug na bcad nas ltung byed do zhes bca' ba mdzad de/ yul ni mnyan yod/ gang zag ni dge slong rab tu mang po/ nyon mongs pa ni tshad mi shes pa/ nyes pa ni dbyar gyi ras chen tshad las lhag par byed du 'jug pa'o/ / de la dge slong gis zhes bya ba ni chos 'di bas so/ /dbyar gyi gos ras chen zhes bya ba ni char pa skyob pa'i gos so/ /byed du 'jug na zhes bya ba ni bdag nyid kyis sam gzhan no/ /tshad bzhin du byed du chug shig ces bya ba ni dbyar gyi gos ras chen gyi tshad gang yin pa de bzhin du'o/ /de la dbyar gyi gos ras chen gyi tshad ni 'di yin te/srid du bde bar gshegs pa'i mtho'i mtho drug /zheng du mtho phyed dang gsum mo zhes bya ba la ni srid du zhes bya ba ni chur ro/ /bde bar gshegs pa zhes bya ba ni ston pa'o/ /de'i mtho'i mtho drug gang yin pa de la ni tshad dang ldan pa'i khru dgu'o/ /zheng du zhes bya ba ni rgyar ro/ / chur mtho phyed dang gsum zhes bya ba la/ bde bar gshegs pa'i mtho phyed dang gsum gang yin pa de la ni/ tshad dang ldan pa'i khru gsum dang sor bco brgyad do/ /de las lhag par byed du 'jug na zhes bya ba ni de las gong ma'o/ /bcad nas zhes bya ba ni dngos po des bcad nas ltung byed kyi ltung ba bshags par bya'o//ltung byed do zhes bya ba ni snga ma bzhin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya pa dang / phyir bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni dge slong gis dbyar gyi gos ras chen gyi tshad srid du khru dgu zheng du khru gsum dang sor bco brgyad pa las chu zheng gang yang rung bar tshad las lhag par byed dam byed du 'jug na dbyar gyi gos ras chen las gyur pa'i ltung byed kyi dngos gzhir 'gyur ro//dbyar gyi gos ras chen gyi rgyu gdags su rung ba la na smad pa med do/ /dbyar gyi gos ras chen gyi srid kyi tshad ni bde bar gshegs pa'i mtho drug ste/ bde bar gshegs pa'i mtho'i mtho gang la ni tshad dang ldan pa'i khru phyed dang do yod pas de ni dbyar gyi gos ras chen gyi srid kyi tshad dang ldan pa'i khru dgu'o//zheng gi tshad ni bde bar gshegs pa'i mtho phyed dang gsum ste/ de la ni tshad dang ldan pa'i khru gsum dang sor bco brgyad do/ /chu zheng gi tshad gang yang rung pa de las lhag pa la na smad pa med do/ /byed dam byed du 'jug pa la na smad pa med do/ / 'di'i byed pa po ni rang gi dbyar gyi gos ras chen nyid dang / tshad las lhag pa nyid do/ /'di la yan lag lngas dngos gzhi'i ltung bar 'gyur te/ rang gi nyid dang / dbyar gyi gos ras chen nyid dang / tshad las lhag pa nyid dang / rgyu rung ba nyid dang / rang ngam bskos pas byas pa nyid do/ / de dag las yan lag ma tshang na ci rigs par na smad do/ /sbyor ba'i ltung ba ni nyes byas te ji srid du dbyar gyi gos ras chen las gyur pa'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//dbyar gyi gos ras chen tshad las chung ngu la byin gyis rlob na nyes byas so/ /bcad dam zhes ma dris par ltung ba 'chags pa dang du len na nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba'ang de snyed de/ sbyor ba nyes byas kyi sbyor ba'i sbyor ba'ang nyes byas te nyes byas phra mo'o//ltung ba med pa ni rgyu rung ba ma yin pa la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du dbyar gyi gos ras chen las gyur pa'i ltung byed du gyur pa rnam pa thams cad mi bsten par bslab par bya'o//rgyu rung ba ma yin pa la dbyar gyi gos ras chen mi bya'o/ /gang gi mdun du 'chags par byed pa des khyod kyis dngos po de bcad dam zhes dri bar bya'o/ /bcad pa nyid ma dris par 'chags pa blang bar mi bya'o//ma bcad par 'chags na ltung ba de bshags pa ma yin pas yang bshags par bya'o/ /phyir bcos pa ni snga ma bzhin no/ /dbyar gyi gos ras chen las gyur pa'i ltung byed de brgyad cu rtsa dgu pa bshad zin to// //bde bar gshegs pa'i chos gos kyi tshad las gyur ba'i ltung byed kyi gleng gzhi ni bcas pa dang rjes su bcas pa'i dbang gis rnam pa gnyis te/bcas pa'i gleng gzhi ni sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa nye dga' bzang mkhan gyi gan du song ste yud tsam zhig gtan 'dre bas 'dug nas smras pa/bzhin bzangs bde bar gshegs pa'i chos gos kyi tshad kyi chos gos 'tshems nus sam/ des smras pa/ 'phags pa khyod la bde bar gshegs pa'i chos gos kyi tshad kyi chos gos kyis ci bya/ des smras pa/ bkren pa khyod la 'dir ci 'god/gal te gla 'dod na tshems shig /des bsams pa/ 'di zer ba ma nyes te/ bdag la 'dir ci 'god/ bdag la gla dgos kyis btsem mo snyam du rig nas smras pa 'phags pa btsem mo/ /des de la ras dang gla byin nas des de btsems so/ /nye dgas de la cha cig gyon te lhag ma phrag pas khyer te 'phags pa dang /de dge slong zhig gis mthong nas des smras pa/ gnas brtan gtur bu gzigs shig dang ngal sor gzhug go/ /nye dgas smras pa/ tshe dang ldan pa 'di gtur bu ma yin no/ /'o na ci lags/ bde bar gshegs pa'i chos gos so/ /gnas brtan khyod bde bar gshegs pa'i chos gos gon du rung ngam/dgra bo dag gi gnya' ba rdog pas mnan na rung ngo / /gnas brtan la yang dgra bo dag yod dam/ je dang por khyod kho bo'i dgra bo thu bo yin te/ des na kho bo bde bar gshegs pa'i chos gos gon pa mi bzod do zhes zer nas dge slong don nyung ngu dag ci'i phyir dge slong dag bde bar gshegs pa'i chos gos kyi tshad kyi chos gos 'chang bar byed ces smod par byed/phyar kha gtong bar byed/ kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang / gleng gzhi 'di dang /skabs 'di la dge slong gi dge 'dun bsdu ba mdzad de/ nye dga' la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/yang dge slong gang bde par gshegs pa'i chos gos kyi tshad kyi chos gos byed du 'jug na ltung byed do zhes bca' ba mdzad de/ yul ni mnyan yod/ gang zag ni nye dga'/ nyon mongs pa ni bla ma ltar 'chos pa/nyes pa ni bde bar gshegs pa'i chos gos kyi tshad kyi chos gos byed du 'jug pa'o/ /rjes su bcas pa'i gleng gzhi ni sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis yang dge slong gang bde bar gshegs pa'i chos gos kyi tshad kyi chos gos byed du 'jug na ltung byed do zhes 'dul ba la nyan thos rnams kyis bslab pa'i gzhi de ltar bca' ba mdzad pa dang /tshe dang ldan pa nye dgas lhag pa byed du bcug nas dge slong don nyung ngu dag bcom ldan 'das kyis yang dge slong gang bde bar gshegs pa'i chos gos kyi tshad kyi chos gos byed du 'jug na ltung byed do zhes 'dul ba la nyan thos rnams kyis bslab pa'i gzhi de ltar bca' ba mdzad na ci'i phyir dge slong dag de bas lhag par byed du 'jug ces smod par byed/phyar kha gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ dge slong dag de lta bas na snga ma ni bcas pa yin la/ 'di ni rjes su gnang ba yin te nga'i nyan thos rnams kyis 'dul ba la bslab pa'i gzhi 'di ltar gdon par bya ste/ yang dge slong gang bde bar gshegs pa'i chos gos kyi tshad kyi chos gos byed du 'jug gam/bde bar gshegs pa'i chos gos kyi tshad las lhag par byed du 'jug na ltung byed do/ /de la bde bar gshegs pa'i chos gos kyi tshad kyi tshad ni 'di yin te/ srid du bde bar gshegs pa'i mtho'i mtho bcu/ zheng du mtho drug ste/ de la 'dir ni bde bar gshegs pa'i chos gos kyi tshad do zhes rjes su bca' ba mdzad de/ yul ni mnyan yod/ gang zag ni nye dga'/ nyon mongs pa ni bla ma bas kyang che bar 'chos pa/ nyes pa ni bde bar gshegs pa'i chos gos kyi tshad las lhag pa'i chos gos byed du 'jug pa'o/ /de la yang dge slong gang zhes bya ba ni shAkya'i bu nye dga' 'am/gzhan yang de lta bu gang yin pa'o/ /bde bar gshegs pa zhes bya ba ni ston pa'o/ /de'i chos gos kyi tshad kyi zhes bya ba ni bde bar gshegs pa'i chos gos kyi tshad gang yin pa de'i'o/ /chos gos zhes bya ba ni bdun po bal gos dang / sha na'i gos dag zar ma'i gos dang /ko tam pa'i gos dang / du gu la'i gos dang / ras bal gyi gos dang / nyi 'og gyi gos dag las gang yang rung ba'o/ /byed du 'jug gam zhes bya ba ni bdag nyid kyis sam gzhan no/ /bde bar gshegs pa'i chos gos las lhag par byed du 'jug na zhes bya ba ni gleng gzhi las bcom ldan 'das kyis yang dge slong gang bde bar gshegs pa'i chos gos kyi tshad kyis chos gos byed du 'jug na ltung byed do zhes 'dul ba la nyan thos rnams kyis bslab pa'i gzhi de ltar bca' ba mdzad pa dang /tshe dang ldan pa nye dga' lhag pa byed du bcug nas/ bcom ldan 'das kyis bka' stsal pa/dge slong dag de lta bas na snga ma ni bcas pa yin la 'di ni rjes su bcas pa yin te/ bde bar gshegs pa'i chos gos las lhag par byed du 'jug na ltung byed do zhes gsungs pas de'i gong ma'o/ /ltung byed do zhes bya ba ni snga ma bzhin no/ /de la bde bar gshegs pa'i chos gos kyi tshad ni 'di yin te/srid du bde bar gshegs pa'i mtho'i mtho bcu/ zheng du mtho drug ste de la 'di ni bde bar gshegs pa'i chos gos kyi tshad do zhes bya ba ni bde bar gshegs pa'i mtho bcu gang yin pa la ni tshad dang ldan pa'i khru bco lnga'o/ /bde bar gshegs pa'i mtho drug gang yin pa de la ni tshad dang ldan pa'i khru dgu'o//de la ltung bar ji ltar 'gyur zhe na 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni dge slong bde bar gshegs pa'i sku'i tshad tsam gyi lus med pas bde bar gshegs pa'i chos gos kyi tshad srid du ston pa rang gi khru lnga/ tshad dang ldan pa'i khru bco lnga'o/ /zheng du ston pa rang gi khru gsum/ tshad dang ldan pa'i khru dgu pa nyid dam/de las lhag par byed dam byed du 'jug na bde bar gshegs pa'i chos gos kyi srid kyi tshad las gyur pa'i ltung byed kyi dngos gzhir 'gyur ro/ /bde bar gshegs pa'i chos gos kyi tshad kyi chos gos kyi rgyu gdags su rung ba la na smad pa med do/ /bde bar gshegs pa'i chos gos kyi srid kyi tshad ni bde bar gshegs pa'i mtho bcu ste/bde bar gshegs pa'i mtho gang la ni bde bar gshegs pa nyid kyi khru phyed yod pas des na bde bar gshegs pa'i chos gos kyi tshad kyi tshad ni bde bar gshegs pa nyid kyi khru lnga'o/ /de la tshad dang ldan pa'i khru ni bco lnga'o/ /zheng gi tshad ni bde bar gshegs pa'i mtho drug ste/bde bar gshegs pa'i mtho gang la ni bde bar gshegs pa nyid kyi khru phyed yod pas des na bde bar gshegs pa'i chos gos kyi zheng gi tshad ni bde bar gshegs pa nyid kyi khru gsum mo/ /de la tshad dang ldan pa'i khru dgu'o/ /chu zheng gi tshad gang yang rung ba de tsam mam de las lhag pa la ni smad pa med do//dge slong rang gi lus bde bar gshegs pa'i sku'i tshad tsam mam de bas lhag pa med pa la na smad pa med do/ /byed dam byed du 'jug pa la na smad pa med do/ /bde bar gshegs pa'i sku'i tshad tsam gyi lus yod pa dang / de bas lhag pa'i lus yod pa rang gi khru lnga dang gsum gyis lhag pa'i chos gos sum 'gyur dang /bzhi 'gyur la sogs pa byed dam byed du 'jug pa la na smad pa med do/ /'di'i byed pa po ni bde bar gshegs pa'i sku'i tshad tsam mam/ de bas lhag pa'i lus med pa nyid dang / bde bar gshegs pa'i chos gos kyi tshad dam de bas lhag pa'i chos gos byed dam byed du 'jug pa nyid do//'di la yan lag lngas dngos gzhi'i ltung bar 'gyur te/ rang gi nyid dang bde bar gshegs pa'i sku'i tshad dam/ de bas lhag pa'i lus med pa nyid dang / bde bar gshegs pa'i chos gos kyi tshad dam de bas lhag pa'i chos gos nyid dang / rgyu rung ba nyid dang / rang ngam bskos pas byed pa nyid do//de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du bde bar gshegs pa'i chos gos kyi tshad las lhag par gyur pa'i ltung byed kyi sbyor ba brtsams nas dngos gzhi la ma thug gi bar du nyes byas so/ /dngos gzhi la sbyor ba tha dad pa ji snyed pa brtsams pa re re la nyes byas re re'o//bde bar gshegs pa'i chos gos kyi tshad dam/ de bas lhag pa la byin gyis brlabs na mi 'chags te nyes byas so/ /bde bar gshegs pa'i chos gos bas ni chung la/ rang gi lus tshad las ni che ba'i chos gos byed dam byed du 'jug cing byin gyis rlob na mi 'chags te nyes byas so//bde bar gshegs pa'i sku'i tshad tsam gyi lus yod pa dang de bas lhag pa'i lus yod pas rang gi khru lnga dang gsum las lhag pa'i chos gos sum 'gyur du ma chog pa man chad nyis 'gyur yan chad byed dam byed du 'jug na nyes byas so/ /sbyor ba'i sbyor ba'i ltung ba ni nyes byas phra mo ste/sbyor ba ji snyed pa la sbyor ba'i sbyor ba'ang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni rgyu rung ba ma yin pa la ltung ba med do/ /bde bar gshegs pa'i sku'i tshad tsam mam/ de bas lhag pa'i lus yod pas bde bar gshegs pa'i chos gos kyi tshad dam de bas lhag pa'i chos gos rang gi lus dang 'tsham pa byed dam byed du 'jug pa la ltung ba med do//las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du bde bar gshegs pa'i chos gos kyi tshad las gyur pa'i ltung byed du 'gyur ba rnam pa thams cad mi bsten par bslab par bya'o//bde bar gshegs pa'i chos gos kyi tshad dam de bas lhag pa'i chos gos de dag gos lhag tu 'dug pa'am/ lus dang 'brel pas byin gyis brlabs nas sam rnam par brtags nas sam rnam par ma brtags pa yang bcang bar mi bya'o//phyir bcos pa ni snga ma bzhin no/ /bde bar gshegs pa'i chos gos kyi tshad las gyur pa'i ltung byed de dgu bcu pa bshad zin to// //tshe dang ldan pa dag ltung byed kyi chos dgu bcu po dag bton zin to zhes bya ba ni ltung byed de 'ba' zhig tu 'gyur ba rnams gdon pa'i mjug bsdu ba ste/ltung byed kyi chos dgu bcu po dag ces bya ba la/ sngar bstan pa'i dgu bcu po dag bton zin to zhes bya ba ni dam bcas pa'i don gyi mjug bsdu ba'i phyir dang / nyan pa po rnams spro bar bya ba'i phyir smos so//de la bdag gis tshe dang ldan pa dag la ci 'di la khyed yongs su dag gam zhes dri bar bya'o/ /ci 'di la khyed yongs su dag gam zhes lan gnyis lan gsum du dri'o/ /'di la tshe dang ldan pa dag yongs su dag na 'di ltar cang mi smra bas de de bzhin du 'dzin to zhes bya ba ni ltung byed rnam par gzhag pa bsgrag par bya ba yin no//de la zhes bya ba ni ltung byed dgu bcu po bton zin pa de la'o/ /lhag ma ni snga ma bzhin no/ /ltung byed gdon pa bshad zin to// //so sor thar pa'i mdo rgya cher 'grel pa 'dul ba kun las btus pa/ bam po bzhi bcu gnyis pa/ da ni so sor thar pa'i bshags pa gdon pa bshad par bya ste/de'i phyir/ sdom la/ grong dang khyim gzhan nyid dang yang / /slob pa rnams dang dgon pa ni/ /sangs rgyas phan pa gsungs pa yis/ /so sor bshags par bya bar gsungs/ /zhes bya ba gsungs te/ sdom la zhes bya ba ni tshig gi don dang / dgos pa ni snga ma bzhin no/ /so sor bshags par bya ba'i chos ni bzhi ste/dge slong ma las zas len pa'i so sor bshags par bya ba dang / gral rims su ma phebs par 'drim du bcug pa ma bzlog par bya ba'i so sor bshags par bya ba dang / bslab pa dral te khyim du 'jug pa'i so sor bshags par bya ba dang / nags brtags pa las gyur pa'i so sor bshags par bya ba ste/sdom gyi tshigs su bcad pa dang go rims bzhin du sbyar ro/ /tshe dang ldan pa dag so sor bshags par bya ba'i chos bzhi po 'di dag ni zla ba phyed phyed cing so sor thar pa'i mdo 'don pa las 'byung ngo zhes bya bas ni so sor bshags par bya ba gdon pa'i lung dbog pa bstan to/ /so sor bshags par bya ba'i chos zhes bya ba ni smre sngags 'don pa'i rnam pas mthol bar bya'o//de nyid kha na ma tho ba'i mtshan nyid 'dzin pas chos zhes bya'o/ /bzhi po 'di dag ni zhes bya ba ni 'og nas 'byung ba'i bzhi po dag go/ /zla ba phyed phyed cing so sor thar pa'i mdo 'don pa las 'byung ngo zhes bya ba ni zla ba phyed phyed cing gso sbyong 'don pa'i tshe 'dul ba 'dzin pa'i kha ton las 'byung ngo zhes bstan pa yin no//de la dge slong ma las zas len pa'i so sor bshags par bya ba'i gleng gzhi ni sangs rgyas bcom ldan 'das rgyal po'i khab na 'od ma'i tshal ka lan dka'i gnas na bzhugs so/ / yul rdo 'jog na khyim bdag phyug pa nor mang ba longs spyod che ba yongs su bzung ba yangs shing rgya che ba rnam thos kyi bu'i nor dang ldan pa/ rnam thos kyi bu la nor gyis 'gran pa zhig 'dug pa des rigs mnyam pa las chung ma blangs nas/ de de dang lhan cig rtse bar byed/ dga' bar byed/ dga' mgur spyod par byed do//de'i chung ma la dus gzhan zhig na sems can zhugs par gyur nas de zla ba brgyad dam dgu 'das te btsas pa na/ bu mo gzugs bzang ba blta na sdug pa/ mdzes pa/ mig ut+pal 'dra ba/ ut+pala'i dri dang ldan pa/ ut+pala'i ze 'bru'i mdog 'dra ba cig byung ngo / /de'i nyid du dag 'dus shing lhags nas zhag bdun gsum nyi shu rtsa gcig tu btsas pa'i btsas ston rgya cher byas nas bu mo 'di'i ming cir gdags zhes de'i ming 'dogs par byed do//nye du dag gis smras pa/ gang gi phyir bu mo 'di'i mig ut+pal 'dra ba ut+pala'i dri dang ldan pa/ ut+pala'i ze'u 'bru'i mdog 'dra ba de'i phyir bu mo 'di'i ming ut+pala'i mdog ces bya bar gdags so zhes de'i ming ut+pala'i mdog ces bya bar btags so//de bsrings shing bskyed nas chen mor gyur te khyim so bzung ba'i rim gyis dus gzhan zhig na tshe dang ldan pa maud gal gyi bu chen pos btul te rgyun du zhugs pa'i 'bras bu thob par byas nas bcom ldan 'das la phul ba dang /bcom ldan 'das kyis skye dgu'i bdag mo chen po gau ta mi la gtad de des de rab tu byung zhing bsnyen par rdzog par byas te/ gdams ngag byin nas de gcig pu bden pa bag yod pa brtun pa dang ldan pas bdag nyid gtang bar gnas pa na dgra bcom pa nyid mngon sum du byas so//de nas bcom ldan 'das kyis dge slong rnams la bka' stsal pa/ dge slong dag nga'i nyan thos ma rdzu 'phrul che ba mthu che ba rnams kyi nang na 'di lta ste/ dge slong ma ut+pala'i mdog 'di mchog yin no/ /ut+pala'i mdog gi kun du spyod pa ni bsod snyoms brgyus nas bsod snyoms kyi phud dang por dge 'dun la 'bul zhing /phyis gzhan du brgyus te bdag nyid za bar byed do/ /ci tsam dus gzhan zhig na de bsod snyoms la zhugs nas des bsod snyoms kyi phud de dge 'dun la phul nas de'i 'og tu bdag nyid kyi don du brgyus pa dang /dge slong glo bur du 'ongs pa zhig bsod snyoms la zhugs pa na de spyod yul mi mkhas pas ci yang ma rnyed pa de/ ut+pala'i mdog gis mthong nas smras pa/ 'phags pa ci yang ma rnyed dam/ 'phags pa ci yang ma rnyed do/ /des bdag nyid kyi bsod snyoms bsod snyoms pa de la phul nas de'i zan chad par gyur to//nye dgas de mthong nas des bsams pa/ sring mo 'di ni dge 'dun la mngon par dad pa 'ba' zhig tu ma zad kyi gang zag la yang mngon par dad pa 'dra na 'di bag ma par bya'o snyam nas/ phyi de nyin par ut+pala'i mdog bsod snyoms la zhugs nas des/ bsod snyoms kyi phud de dge 'dun la phul nas bdag nyid kyi don du gnyis pa bsgrub pa dang /nye dgas yang 'ongs nas smras pa/ 'phags ma rnyed pa cung zad yod dam/ des smras pa/ 'phags pa mchis na gsol bzhed dam/ /lha'i gnas kyi lhag ma ji lta ba bzhin no/ /'phags pa gal te de lta na lhung bzed bzed du gsol/des lhung bzed bzed pa dang / des bsod snyoms de de'i lhung bzed du phul lo/ /ut+pala'i mdog nyi ma gnyis su zan chad pas nyam chung ba'i sbyor bas brgyal te sa la 'gyel ba dang ma dad pa dag gis glags rnyed nas shes ldan dag ut+pala'i mdog 'di 'dod chags dang bral lo zhes grags na shAkya gzhon nu gzugs bzang ba 'di mthong nas 'dod chags kyis brgyal te sa la 'gyel bar gyur pa ji lta zhes smod pa la zhugs pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang skabs 'di la dge slong gi dge 'dun bsdu ba mdzad de/nye dga' la rmas nas/ dge sbyong gi tshul ma yin pa rjes su mthun pa ma yin pa rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul bal bslab pa'i gzhi 'di ltar gdon par bya ste/yang dge slong gang dge slong ma nye du ma yin pa lam po chen 'dug pa bsod snyoms kyi phyir grong du 'gro ba las bca' ba dang bza' ba rang gi lag gis blangs te 'cha' 'am za na dge slong des phyi rol kun dga' ra bar song ste dge slong rnams la tshe dang ldan pa dag bdag la smad pa'i gnas mi rigs pa so sor bshags par bya ba byung gis chos de so sor 'chags so zhes so sor bshags par bya ste/chos 'di ni so sor bshags par bya'o zhes bca' ba mdzad de/ yul ni rgyal po'i khab/gang zag ni nye dga'/ nyon mongs pa ni bag ma gzhug gis tho 'tshams pa/ nyes pa ni dge slong ma nye du ma yin pa lam po chen 'dug pa bsod snyoms kyi phyir grong du 'gro ba las bca' ba dang / bza' ba rang gi lag gis blang ste za ba'o/ /de la yang dge slong gang zhes bya ba ni shAkya'i bu nye dga' 'am gzhan yang de lta bu gang yin pa'o//dge slong ma la zhes bya ba ni chos 'di ba'o/ /nye du ma yin pa zhes bya ba ni phyi mo dang mes po phrug la brten pa'i bdun pa tshun chad ni nye du yin la de phan chad ni nye du ma yin no/ /lam po che na 'dug pa zhes bya ba ni srang du song ba'o/ bsod snyoms kyi phyir grong du 'gro ba zhes bya ba la grong zhes bya ba ni gang la lam po che dang /srang dang / bzhi mdo dang / sum mdo dag yod pa'o/ /lam po che zhes bya ba ni gnas nas so/ /bca' ba dang bza' ba zhes bya ba ni bca' ba lnga dang bza' ba lnga'o/ /rang gi lag gis zhes bya ba ni lag gis lag tu'o/ / blangs te zhes bya ba ni byin len stobs su bcug ste'o/ /bca' 'am zan zhes bya ba ni mgul du mid na'o/ /dge slong des zhes bya ba ni dge slong gang yin pa des so/ /phyi rol kun dga' ra bar song ste zhes bya ba ni grong gi phyi rol gtsug lag khang du song ste'o/ /dge slong rnams la zhes bya ba ni de na dge slong gang dag 'khod pa la'o//tshe dang ldan pa dag bdag la smad pa'i gnas zhes bya ba ni smad par byas pa'o/ /mi rigs par zhes bya ba ni tshul dang mi mthun pa'o/ /so sor bshags par bya ba zhes bya ba ni smre sngags 'don pa'i rnam pas mthol bar bya ba'o/ / byung gis zhes bya ba ni ltung ba byung gis so/ /chos de zhes bya ba ni chos ma yin pa chos kyi sgrar gsungs pa de'o/ /so sor 'chags so zhes bya ba ni mthol lo zhes so/ /so sor bshags par bya ste zhes bya ba ni mthol bar bya ste'o/ /chos 'di ni so sor bshags par bya'o zhes bya ba ni chos 'di ni mthol bar bya ba ste/des na so sor bshags par bya ba'o zhes gsungs so/ /so sor bshags par bya ba'i rnam par gzhag pa ni gtsug lag khang de na dge slong ji snyed 'khod pa la yang rung ji tsam mig sngar snang ba dang thos pa'i nyen kor na 'dug pa dag la yang rung ste/ de dag la tshe dang ldan pa dag bdag la smad pa'i gnas mi rigs pa so sor bshags par bya ba dge slong ma las zas len pa'am/gzhan yang che ge mo zhig byung gis chos de so sor bshags so zhes smre sngags 'don pa'i rnam pas lan cig de skad ces mthol bar bya zhing de'i 'og tu bshags pa ni dge slong gi mdun du ltung byed bshags par bya ste/'di ni ltung byed pas kha na ma thob yang bar bshad do/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o//de la 'dir yang dngos gzhi'i ltung ba rnam par gzhag pa ni dge slong bdag nyid grong ngam lam po chen 'dug pas dge slong ma nye du ma yin pa de la der 'du shes pas dge slong ma nye du ma yin pa de grong ngam gzhan gang yang rung ba na 'dug pa rang gi lag gis mi 'drim pa'i rnam pas bsgrubs shing phul ba'i bca' ba'am/bza' ba dge slong des rang gi lag gis blangs te gnas gang yang rung bar zos na dge slong ma las zas len pa'i so sor bshags par bya ba'i dngos gzhir 'gyur ro/ /dge slong bdag nyid grong ngam lam po che gang yang rung ba lan 'dug pa la na smad pa med do/ /dge slong ma nye du ma yin pa la der 'du shes pa dang yid gnyis za ba la na smad pa med do//dge slong ma nye du ma yin pa des/ grong ngam gzhan gang yang rung ba na 'dug pa la na smad pa med do/ /dge slong ma de rang gi lag gis mi 'drim pa'i rnam pas bsgrubs shing phul ba la na smad pa med do/ /bca' ba lnga dang bza' ba lnga gang yang rung ba la na smad pa med do//dge slong des rang gi lag gis blangs pa la na smad pa med do/ gnas gang yang rung bar zos pa la na smad pa med do/ /'di'i byed pa po ni dge slong ma nye du ma yin pa nyid la 'du shes gtso cher byed pa po nyid yin no/ /'di la yan lag lngas dngos gzhi'i ltung bar 'gyur te/ dge slong ma nye du ma yin pa nyid dang / der 'du shes pa nyid dang / gnyis ka lam po che'am grong na 'dug pa nyid dang / bza' ba dang bca' ba'i zas gang yang rung nyid dang / rang gi lag gis blangs te zos pa nyid do/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ji srid du dge slong ma las zas len pa'i so sor bshags par bya ba'i sbyor ba brtsams nas dngos gzhi la ma thug gi bar du nyes byas te/ dngos gzhi la sbyor ba tha dad pa ji snyed brtsams pa re re la nyes byas re re'o/ /dge slong ma nye du la nye du ma yin par 'du shes pa dang yid gnyis za ba la nyes byas so//dge slong grong dang lam po chen 'dug pa ma yin pas dge slong ma grong ngam lam po chen 'dug pa las bca' ba dang bza' ba len cing za ba la nyes byas so/ /dge slong nam mkha' la 'dug pas blangs te za na nyes byas so/ /sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba'ang de snyed de/sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni dge slong gtsug lag khang na 'dug pas dge slong ma grong ngam lam po chen 'dug pa las bca' ba dang bza' ba len cing za ba la ltung ba med do/ /gnyi ga gtsug lag khang na 'dug pa la ltung ba med do//dge slong dbyar khang na 'dug pas dge slong ma grong ngam lam po chen 'dug pa las bca' ba dang bza' ba len cing za ba la ltung ba med do/ /gnyi ga dbyar khang na 'dug pa la ltung ba med do/ /dge slong gnas na 'dug pas dge slong ma grong ngam lam po chen 'dug pa las bca' ba'am bza' ba len cing za ba la ltung ba med do//gnyi ga gnas na 'dug pa la ltung ba med do/ /dge slong mas grong ngam lam po cher zas bzhag nas 'jog par byed pa'i dge slong ma de nyid gung du song ste nye bar mi gnas na dge slong grong ngam lam po chen 'dug pa des yid gcugs pas zas de len cing za ba la ltung ba med do//las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du dge slong ma las zan len pa'i so sor bshags par bya bar 'gyur ba rnam pa thams cad mi bsten par bslab par bya'o//dge slong mas bsod snyoms kyi phud phul ba blang bar bya'o/ /phyir bcos pa ni so sor bshags par bya ba'i rnam par gzhag pa las shes par bya ste/ so sor bshags par bya ba ni smre sngags 'don pa'i rnam pas mthol bar bya ba dang / dge slong la bshags par bya ba yin no//de la smre sngags 'don pas mthol bar bya ba ni so sor bshags par bya'o/ /dge 'dun la rig par bya ba'i cho ga dang / sngags kyis bya ste so sor bshags par bya ba dge 'dun la rig par bya ba'i cho ga dang sngags ni 'di ltar bya ste/ dge slong la so sor bshags par bya ba byung na de bca' ba'i sems bag tsam yang mi bskyed par gtsug lag khang du song ste gtsug lag khang de na dge slong ji snyed 'khod pa la yang rung ji tsam mig sngar snang ba dang /thos pa'i nye 'khor na 'dug pa la yang rung bas mtshams kyi nang na dge slong ji snyed 'khod pa thams cad bsdu ni mi dgos te/ gnas kyi nang du song bas dge slong gang dag mthong ba de dag gi drung du phyin nas kyang gnas khang la sogs pa na 'khod pa dag la yang grags par 'gyur ba de ltar dge slong de dag la phyag 'tshal te rgan pa'i mtha' logs su tsog pur 'dug nas thal mo sbyar te 'di skad ces brjod par bya'o//tshe dang ldan pa dag bdag la smad pa'i gnas mi rigs pa so sor bshags par bya ba dge slong ma les zas lan pa'am/gral rims su ma phebs par 'drim du 'jug pa ma bzlog par za ba'am/ bslab pa dral te khyim du 'jug pa'am/ nags brtags pa las gyur pa'i so sor bshags par bya ba ming dang rigs che ge mo zhig byung gis chos de so sor 'chags so zhes lan cig brjod par bya'o//'di ni smre sngags 'don pa'i rnam pa brjod pas so sor bshags par bya ba nyid du gsungs pa yin gyis bshags par bya ba ni ma yin no/ /de'i 'og tu bshags pa ni dge slong gi mdun du ltung byed bshags pa bzhin du bshags par bya ste/de ltar ltung byed kyi ltung ba byung bas gcig gi mdun du bshags par bya bar gsungs pa dang 'dra ste/ so sor bshags par bya ba'i phyir bcos pa ni de lta bu yin no/ /dge slong ma la zas len pa'i so sor bshags par bya ba ste dang po bshad zin to// //gral rims su ma phebs par 'drim du 'jug pa la bzlog par za ba'i so sor bshags par bya ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//de'i tshe mu ge nyam nga ba chen po dgon pa'i slong mo bas zas rnyed par dka' zhing pha ma dag kyang rang gi bu dag la zas sbyin pa dang bya bar sems par dka' na slong mo ba dag la lta smos kyang ci dgos pa byung ngo //drug sde dag snga dro sham thabs bgos/ lhung bzed dang chos gos thogs te mnyan yod du bsod snyoms la zhugs pa dang / la las ni thob la las ni ma thob nas de dag bkres pas nyen nas bcu gnyis sde dag gi gan du song ba dang /de dag gis smras pa/ 'phags pa dag 'tsho 'am/ sring mo dag 'di na ci ltar 'tsho/ /kho bo dag bkres pas nyen to/ /'phags pa dag gal te de lta na sang spyon cig dang zhal sus gsol lo/ /sring mo dag sang khyed kyis sbyin na gnang sus sbyin/ 'phags pa dag bdag cag nyid kyis gsol lo/ /sring mo dag de ltar 'tsho bar mi nus kyis 'di ltar sangs rgyas la sogs pa dge slong gi dge 'dun gang du spyan drangs pa der khyed cag gi zhal ta gyis la kho bo cag la yang dang yang du byin cig dang de lta na kho bo cag 'tsho bar 'gyur ro/ /sbom dga' mos smras pa/gal te rung na ma nongs kyis de bzhin du bgyi'o/ /ci tsam na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs pa dang dge slong gi dge 'dun ni zhugs so/ /bcom ldan 'das ni 'dul ba la nyan thos rnams kyi bslab pa'i gzhi 'cha' bar bzhed pas gtsug lag khang na bzhugs shing mnos te gsol to//khyim bdag de nang mi dang bcas pas dge slong gi dge 'dun la brim par brtsams pa dang sbom dga' mo rgan pa'i mtha' logs su 'dug nas smras pa/ khyim bdag 'di ni 'phags pa dga' bo ste/shAkya rab tu byung ba sde snod gsum dang ldan pa chos sgrogs pa rigs pa dang grol ba'i spobs pa can yin gyis 'di la yang gsol cig /'di ni 'phags pa nye dga' bo/ /'di ni 'phags pa 'gro mgyogs so/ /'di ni na ba so'o/ /'di ni 'dun pa ste/ 'di dag kyang shAkya rab tu byung ba sde snod gsum dang ldan pa chos sgrogs pa rigs pa dang grol ba'i spobs pa can yin gyis/'di dag la yang yang gsol cig /'di ni 'phags pa 'char ka ste/ bram ze mdun na 'don gyi bu rab tu byung ba sde snod gsum dang ldan pa/ chos sgrogs pa/ rigs pa dang grol ba'i spobs pa can yin gyis/'di la yang yang gsol cig /khyim bdag des de bzhin du de dag la yang dang yang du byin no/ /de bzhin du sbom dga' mos 'drim mkhan dag la smras nas/ de dag gis kyang de bzhin du de dag la yang dang yang du byin no/ /de na dge slong kha cig la ni 'bras chan chad/kha cig la ni tshod ma chad/ kha cig la ni bca' ba chad/ kha cig la ni bza' ba chad/ kha cig gis ni zas cung zad thob nas zan chad par gyur/ kha cig gis ni zan ma thob par zan chad par gyur to/ /de na dge slong gang dag 'ching ba mtha' dag yod pa de dag gis khyim bdag de la tho 'tshams pa/khyim bdag gal te khyod la 'byor ba med na ci'i phyir sangs rgyas la sogs pa dge slong gi dge 'dun spyan drang bar byed/ des smras pa/ 'phags pa dag bdag gis zhal zas mang po sta gon bgyis na sbom dga' mo bgres pa'i mtha' logs su mchis pas bgres pa'i mtha' logs su 'ba' zhig tu yang dang yang du stobs su stsal nas de la bdag gis ji ltar bgyi zhes zer ba'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/drug sde dag la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/dge slong rab tu mang po khyim rnams su mgron du bos nas zan za ba'i tshe de na gal te dge slong ma zhig 'di la ni bca' ba byin cig /'di la ni 'bras chan byin cig /'di la ni sran tshod byin cig 'di la ni yang byin cig ces bsgo zhing 'dug na dge slong ma de la dge slong de rnams kyis 'di skad ces sring mo khyod dge slong rnams zan za ba'i bar du re zhig sdod cig ces bsgo bar bya'o//gal te dge slong gcig gis kyang dge slong ma de la de skad smra bar ma spobs na dge slong de dag thams cad kyis phyi rol du kun dga' ra bar song ste/dge slong rnams la tshe dang ldan pa dag bdag cag la smad pa'i gnas mi rigs pa so sor bshags pa bya ba byung gis chos de so sor 'chags so zhes so sor bshags par bya ste/ chos 'di yang so sor bshags par bya'o zhes bca' ba mdzad de yul ni mnyan yod/gang zag ni dge slong rab tu mang po dag /nyon mongs pa ni ngo bzlog mi phod pa/ nyes pa ni gral rims su ma phebs par 'drim du 'jug pa'i dge slong ma ma bzlog par za ba'o/ /de la dge slong rab tu mang po zhes bya ba ni gnyis las lhag pa zhes bya ba mang pa'o//khyim rnams su zhes bya ba ni bram ze dang khyim bdag gi khyim rnams su'o/ /mgron du bos nas zhes bya ba ni zan gyi phyir ro/ /zan za ba'i tshe zhes bya ba ni bza' ba lnga dang bca' ba lnga po dag go/ /de na gal te dge slong ma zhig ces bya ba ni sbom dga' mo'am gzhan yang de lta bu gang yin pa'o//dge slong ma de la zhes bya ba ni sbom dga' mo'am gzhan yang de lta bu gang yin pa de la'o/ /dge slong de rnams kyis zhes bya ba ni de na dge slong gang dag 'khod pa rnams kyis so/ /'di skad ces zhes bya ba ni 'di skad ces bsgo bar bya'o/ /sring mo khyed dge slong rnams zan za ba'i bar du re zhig cig sdod cig ces bsgo bar bya'o zhes bya ba ni/sring mo khyod dge slong rnams zan za ba'i bar du re zhig yud tsam cig kha rog par sdod cig ces brjod par bya ba'o/ /gal te dge slong gcig gis kyang dge slong ma de la de skad smra bar ma spobs na zhes bya ba ni gal te dge slong gcig gis kyang dge slong ma de la de skad ma smras na'o//dge slong de dag thams cad kyis zhes bya ba ni de na dge slong gang dag 'khod pa de dag thams cad kyis so/ /phyi rol kun dga' ra bar song ste zhes bya ba ni grong gi phyi rol gtsug lag khang du song ste'o//dge slong rnams la tshe dang ldan pa dag bdag cag la smad pa'i gnas mi rigs pa so sor bshags par bya ba byung gis chos de so sor 'chags so zhes so sor bshags par bya ste/ chos 'di yang so sor bshags par bya'o zhes bya ba ni snga ma bzhin no/ /de la ltung ba ji ltar 'gyur zhe na/'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni khyim mam dgon pa dang gtsug lag khang la sogs par sbyin bdag khyim mi thams cad 'dus pa'am/des bskos pa la sogs pas zan sbyar bar dge slong gsum la sogs par mgron du bos te zan za ba'i tshe de na dge slong ma de'i tshig gis sam de'i nye dus mgron du bos pa ma yin pa byug ris ston pa dang / ma byin pa la sbyin du 'jug pa ma gtogs pa zhig dge slong ltung ba 'byin pa po de'am/dge slong gzhan la 'di la bca' ba'am/ btung ba'am/ sran tshod dam bza' ba'am/ yang dang yang byin cig bya ba la sogs pas bsko sham byed pa la zhugs pa de la dge slong gang yang rung ba zan gcig pa nyid yin la/lhan cig za ba'am/ lhan cig mi za bas kyang rung ste/ rang ngam gzhan gang yang rung bas sring mo khyod dge slong rnams zan zos kyi bar du re zhig sdod cig ces ma bsgo bar dge slong gsum la sogs pa mgron du bos pas zos na bsgo ba'i tshig de nye bar gdags su mi rung ba tsam du thag ring ba ma gtogs pa dang /bsgo ba nyid 'du shes med na gral rims su ma phebs par 'drim du bcug pa ma bzlog par za ba'i so sor bshags par bya ba'i dngos gzhir 'gyur ro/ /bram ze dang khyim bdag gi khyim du mgron du bos pa dang / dgon pa dang gtsug lag khang la sogs par sbyin bdag khyim gyi mi thams cad 'dus pa'am/des bskos pa la sogs pa'i zan sbyar ba'i gnas gang yang rung ba la na smad pa med do/ /dge slong gsum la sogs pa mgron du bos pas zos pa la na smad pa med do/ /dge slong ma de'i tshig gis sam de'i nye dus mgron du bos pa ma yin pa la na smad pa med do//dge slong ma de dge slong gi gral 'dir je rims shig de'i 'og tu 'dir rims shig ces bya ba la sogs pas gral rims bzhin du gral gyi mgo dang mdun du dkyil 'khor gyis byug ris ston pa dang / gral thod rgal du 'das shing gong ma ma byin pa la byin du 'jug pa ma gtogs pa la na smad pa med do//dge slong ltung ba byung ba 'byin pa po de'am dge slong mang po gzhan gang yang rung ba la bsko sham med pa la na smad pa med do/ /'di la bca' ba'am btung ba'am sran tshod dam bza' ba byin cig ces bya ba la sogs pas bsko sham byed pa la na smad pa med do//dge slong ma de la der tshogs pa'i dge slong gang yang rung ba dang / ston mo gcig la lhan cig za ba dang / lhan cig mi za bar rung ngam gzhan gang yang rung bas ma bsgo ba la na smad pa med do/ /dge slong ma de la sring mo khyod dge slong rnams zan zos kyi bar du re zhig sdong cig ces bya ba la sogs pa bzlog par bya ba'i tshig gang yang rung bas ma bzlog pa la na smad pa med do//bsgo ba'i tshig de nye bar gdags su mi rung ba tsam du thag ring ba ma gtogs par nye bar gdags su rung bar thag nye ba la na smad pa med do/ /ma bsgo ba la bsgo ba'am bsgo ba la ma bsgo ba'am/de gnyis la yid gnyis za ba ma gtogs pa bsgo ba la bsgo ba nyid du 'du shes med pa la na smad pa med do/ /'di la rgan pas bsgo nus na gsar bus ma bsgo ba la na smad pa med do/ /'di'i byed pa po ni dge slong ltung ba 'byin pa po de'am dge slong gzhan la 'di la bca' ba'am/btung ba'am/ sran tshod dam/ bza' ba'am/ yang byin cig ces bya ba la sogs pas bsko sham byed pa la zhugs pa'i dge slong ma de'i tshig gis sam/ de'i nye dus mgron du bos pa ma yin pa byug ris ston pa dang / ma byin pa la byin du 'jug pa ma gtogs pa dang bsgo ba'i tshig nye bar gdags su mi rung bar thag ring ba ma gtogs pa de na 'dug pa yin no//'di la yan lag lngas dngos gzhi'i ltung bar 'gyur ste/ khyim mam dgon pa'am gtsug lag khang la sogs pa'i sbyin bdag khyim gyi mi thams cad 'dus pa'am/ des bsgo ba la sogs pas zan sbyar ba nyid dang dge slong gsum yan chad mgron du bos pa nyid dang /dge slong ma de'i tshig gis sam/ de'i nye dus mgron du bos pa ma yin pas byug ris ston pa dang / ma byin pa la byin du 'jug pa ma gtogs pa nyid dang / bsgo ba'i tshig de nye bar gdags su mi rung bar thag ring ba ma yin par thag nye ba na bsko sham byed pa la zhugs pa nyid dang /dge slong zan gcig pa rnams kyis ma bsgo bar 'du shes pas zos pa nyid dang / de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du gral rims su ma phebs par 'drim du 'jug pa ma bzlog par za ba'i so sor bshags par bya ba'i sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /khyim gzhan pa'i gnas su nyes byas so/ /dge slong gnyis man chad za ba la nyes byas so/ /bsgo ba'i tshig de nye bar gdags su mi rung bar thag ring ba la nyes byas so//ma bsgo ba la bsgos pa'am bsgo ba la ma bsgo bar 'du shes pa dang yid gnyis za ba la nyes byas so/ /'di la rgan rims kyis mi 'jug na gsar bu gang gis bsgo ba ma gtogs pa yan chad la nyes byas so/ / sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba'ang nyes byas te nyes byas phra mo'o/ /ltung ba med pa ni dge slong ma de'i tshig gis sam de'i nye dus mgron du bos pa la ltung ba med do/ /dge slong ma de byug ris ston pa dang /ma byin pa la sbyin du 'jud pa la ltung ba med do/ las dang po pa dang / smyos pa dang / sems 'khrugs pa dang / tshor ba dag gis nyan pa la ltung ba med do/ /bslab par bya ba ni dge slong gis yul thams cad la gnas skabs thams cad du gral rims su ma phebs par 'drim du 'jug pa ma bzlog par za ba'i so sor bshags par bya bar 'gyur ba rnam pa thams cad mi bsten par bslab par bya'o//dge slong ma de bzlog par bya'o/ /'di la rgan pas 'jug par bya'o/ /rgan pa mi 'jug na gsar bus 'jug par bya'o/ /de'i phyir dri ba la brtson par bya'o//phyir bcos pa ni snga ma bzhin no/ /gral rims su ma phebs par 'drim du 'jug pa ma bzlog par za ba'i so sor bshags par bya ba ste gnyis pa bshad zin to// //bslab pa dral te khyim du 'jug pa'i so sor bshags par bya ba'i gleng gzhi ni sangs rgyas bcom ldan 'das yangs pa can gyi spri'u'i rdzing gi 'gram khang pa brtsegs pa'i khang bzangs na bzhugs so//gang gi tshe dmag dpon seng ges bcom ldan 'das kyi spyan snga nas bden pa dag mi mthong ba de'i tshe des cha gcig bzung nas 'di ltar khyu mchog rlabs po che'i tshig smra zhing / 'khor gyi nang du seng ge'i sgra yang dag par bsgrags te/deng phyin chad gcer bu pa dag dang / gcer bu ma dag dang / gcer bu pa'i nyan thos dag dang / gcer bu pa'i nyan thos ma dag gi sgo ni bcad do/ /bcom ldan 'das kyi nyan thos dge slong dag dang / dge slong ma dag dang / dge bsnyen dag dang / dge bsnyen ma dag gi sgo ni phye'o zhes bsgrags shing zhing las kyi mtha' dag kyang kha na ma tho ba dang bcas pa yin no zhes yongs su btang ngo //de dad pa dang ldan zhing bzang la dge ba'i bsam pa can yin te/ des sangs rgyas sam chos sam dge 'dun nam yid du 'thad pa'i dge slong rnams la ma phul ba'am yongs su ma btang ba ci yang med de/des de ltar phul zhing yongs su btang ba las longs spyod bsrabs shing yongs su zad de yongs su mthar thug par 'gyur ro/ /de'i skabs su tshe dang ldan pa shA ri'i bu dang / maud gal gyi bu chen po gnyis ljongs rgyu zhing 'dong ba na yangs pa can du phyin nas dmag dpon seng ges de gnyis khyim gzhan du mgron du bos nas des de gnyis kyi zan sbyar ba'i phyir bdag nyid srang du song ba dang /gcer bu ba dag gis mthong nas de dag shes ldan dag gang gi tshe dmag dpon seng ge bdag cag la mngon par dad pa de'i tshe na 'di thams cad phun sum tshogs par gyur na ded ltar shAkya'i bu'i dge slong dag la mngon par dad pas/'di la bcar yang med bzar yang med de/ bdag nyid khyim gyi las byed do zhes smad pa la zhugs pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal ba/ dge slong dag khyed kyis dmag dpon seng ge dang gzhan yang de lta bu gang yin pa la sogs pa 'ba' zhig gi las kyis bslab pa'i sdom pa sbyin zhing der dge slong rnams kyis ji ltar kun du spyod pa'i chos rnams kyang yang dag par blangs te gnas par bya'o/ /'di ltar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa la dge slong gcig gis gsol ba bya'o/'di ltar bya ste 'dug la 'di skad ces brjod par bya'o/ /dge 'dun btsun pa rnams gsan du gsol/ dmag dpon seng ge ni dad pa dang ldan zhing bzang la/dge ba'i bsam pa can te/ sangs rgyas sam/ chos sam/ dge 'dun nam/ yid du 'thad pa'i dge slong rnams la ma phul ba'am yongs su ma btang ba ci yang ma mchis te/ des de ltar phul zhing yongs su btang bas longs spyod bsrabs shing yongs su btang bas te yongs su mthar thug na gal te dge 'dun gyis dus la bab cing bzod na dge 'dun gyis gnang bar mdzod cig dang /dge 'dun gyis dmag dpon seng ge la bslab pa'i sdom pa stsal to/ /'di ni gsol ba'o/ /der dge slong rnams kyis ji ltar kun du spyad pa'i chos ni 'di dag yin te/dge 'dun gyis gang la bslab pa'i sdom pa byin pa der dge slong gis khyim dus dus su 'gro bar bya/ stan la longs spyad par bya/ chos bstan par bya/ bsod snyoms blang bar mi bya/ lhung bzed stong bas 'jug par mi bya'o/ /de'i byis pa slong ba dag la bca' ba ril por mi sbyin par dum bur byas te sbyin par bya'o//ga gon dang la phug la sogs pa 'bras bu dang rtsa ba dag dang ldam ldum la sogs pa tshod ma khyim nas byung ba blang bar bya'o/ /de ni slob pa la khyim gyi bslab pa'i sdom pa sbyin pa'i cho ga dang las so/ /dge slong rnams kyis bcom ldan 'das kyi bka' bzhin du de la bslab pa'i sdom pa byin nas tshe dang ldan pa shA ri'i bu dang /maud gal gyi bu gnyis sngar mgron du bos pa yang de'i khyim du ma dong ba dang / de nas dmag dpon seng ges kha zas sta gon du byas nas tshe dang ldan pa shA ri'i bu dang maud gal gyi bu chen po gnyis gal bder song ste phyin nas rkang pa gnyis la spyi bos phyag 'tshal te 'di skad ces smras so//'phags pa gnyis gdugs tshod g.yar dgongs 'tshal na/ da de'i dus la bab par dgongs su gsol/ de gnyis kyis smras pa/ khyim bdag khyod la dge 'dun gyi bslab pa'i sdom pa byin gyis mi 'gro'o//des smras pa 'phags pa gnyis bdag gis khyed gnyis spyan drangs kyis gshegs su gsol/ de gnyis kyis smras pa/ khyim bdag 'o na bcom ldan 'das la zhu'o zhes de gnyis kyis skabs de bcom ldan 'das la rgyas par gsol ba dang / bcom ldan 'das kyis bka' stsal pa/sngar mgron du bos pa gang yin pa des bza' bar bya ste 'di la 'gyod par mi bya'o/ /de gnyis bcom ldan 'das kyis gnang ste dmag dpon seng ge'i khyim du 'phags pa dang drug sde dag gis de gnyis mthong nas de dag gis smras pa khyed gnyis gar bzhud/ dmag dpon seng ge'i khyim du'o//de la dge 'dun gyis bslab pa'i sdom pa ma byin nam/ gang la byin pa de la byin gyi kho bo cag gnyis sngar mgron du bos so/ /drug sde dag gis smras pa/ gal te de ltar na kho bo cag gang gi tshe dmag dpon seng ges bcom ldan 'das kyi spyan snga nas bden pa dag mthong ba de'i tshe na ches sngar mgron du bos so//de gnyis cang mi smra bar dong ba dang / de dag kyang de gnyis kyi phyi bzhin phyi bzhin rjes su 'brang ba na dmag dpon seng ges dge slong rab tu mang po 'ong ba mthong nas mchog tu dga' ba bskyed de/ khyim mi la dgos pa gang dag yin pa de dag kyang dge slong rnams la brims so//de dag gis zos te dong ba dang / de'i bu dag gis zas blang bar brtsams pa na/ des smras pa/ bu dag khyim mi la dgos pa gang dag yin pa de dag kyang dge slong rnams la brims kyis gzhan ma grub kyi bar du re zhig sdod cig de dag gis ngu bar brtsams pa mthong nas/ dge slong don nyung ngu dag ci'i phyir dge slong dag slob pa dag gis khyim gang dag dge 'dun gyi bslab pa'i sdom pas bsdams pa dag tu sngar mgron du ma bos par dong ste/rang gi lag gis bca' ba dang bza' ba blangs nas 'cha' bar byed/ za bar byed ces smod par byed/ phyar kha gtong bar byed/ kha zer bar byed pa'i skabs de dge slong rnams kyis bcom ldan 'das la gsol to//de nas bcom ldan 'das kyis byung ba 'di dang / gleng gzhi 'di dang / skabs 'di la dge slong gi dge 'dun bsdu ba mdzad de/ drug sde dag la rmas nas/ dge sbyong gi tshul ma yin pa/ rjes su mthun pa ma yin pa/rung ba ma yin pa/ tshul dang mthun pa ma yin pa/ de ni rab tu byung bas bya ba ma yin no zhes rnam grangs du mar rnam par smad de/ bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/slob pa dag gi khyim gang dag dge 'dun gyi bslab pa'i sdom pas bsdams par gyur la/ yang dge slong gang slob pa dag gi khyim gang dag dge 'dun gyi bslab pa'i sdom pas bsdams pa de lta bu dag sngar mgron du ma bos par song ste/ rang gi lag gis bca' ba dang / bza' ba blangs nas 'cha' 'am za na dge slong des phyi rol kun dga' ra bar song ste dge slong rnams la tshe dang ldan pa dag bdag la smad pa'i gnas mi rigs par so sor bshags par bya ba byung gis chos de so sor 'chags so zhes so sor bshags par byas te chos 'di yang so sor bshags par bya'o zhes bca' ba mdzad de/yul ni yangs pa can/ gang zag ni drug sde/ nyon mongs pa ni 'gran zla tshol ba/ nyes pa ni bslab pa dral te khyim du 'jug pa'o/ /de'i tshe na yangs pa can gyi lits+tsha bI dag dpong sa'i khang pa nas gtam 'dri zhing 'khod pa de dag gis dge slong de dag dmag dpon seng ge'i khyim nas byung ba mthong nas de na gang dag ma dad pa de dag gis smas pa/shes ldan dag gang gi tshe dmag dpon seng ge dge sbyong gau ta ma la dad par gyur pa de tshun chad nas de'i longs spyod dag bsrabs pa dang / yongs su zad pa dang / yongs su gtugs par gyur to/ /dad pa can dag gis smras pa/shes ldan dag gang bcom ldan 'das la mngon par dad pa de'i longs spyod dag bsrabs pa dang yongs su zad pa dang yongs su gtugs par gal 'gyur/ 'di ltar dmag dpon seng ges ni bcom ldan 'das kyi spyan snga nas/ bden pa dag mthong nas/ des zhing las kyi mtha' dag kha na ma tho ba dang bcas pa yin no zhes rgyun bcad pas des na de'i longs spyod dag bsrabs pa dang /yongs su zad pa dang yongs su gtugs par gyur to/ /yangs pa can gyi lits+tsha bI dag gis gros byas nas dmag dpon seng ge'i zhing ba dag la smras pa/ shes ldan dag khyed ci'i phyir dmag dpon seng ge'i zhing las kyi mtha' dag mi byed gla ma thob bam ci/de dag gis smras pa/ shes ldan dag gla ma thob pa ma yin te/ dmag dpon gyis bdag cag bkag na ji ltar bya khyed cag la tshogs kyi bsko'i/ deng la dmag dpon gyi zhing las kyi mtha' dag gyis shig / de nas yangs pa can gyi lits+tsha bI dag gi tshig las dmag dpon seng ge'i zhing las kyi mtha' dag bya bar brtsams pa dang / lhas dus su char gyi rgyun dag legs par phab nas lo tog gi 'byor pa chen po skyes par gyur to/ /dmag dpon seng ge longs spyod dag gis mthos par gyur nas bcom ldan 'das gal ba der song ste phyin nas bcom ldan 'das kyi zhabs gnyis la mgo bos phyag 'tshal te mtha' gcig tu 'dug go//mtha' gcig tu 'dug nas bcom ldan 'das la dmag dpon seng ges 'di skad ces gsol to/ /btsun pa sngon bdag gis longs spyod dag bsrabs pa dang /yongs su bas pa dang / yongs su gtugs par gyur nas dge 'dun don bzhed pa dang / phan pa bzhed pas bdag la bslab pa'i sdom pa stsal na/ da ni yangs pa can gyi li ts+tsha bI'i tshogs kyis bdag gi longs spyod bsgrubs nas longs spyod dag 'phel bar gyur na bcom ldan 'das kyis thugs brtse ba'i slad du bdag la bslab pa'i sdom pa gzhig pa mdzad na legs so//bcom ldan 'das kyis dmag dpon seng ge la cang mi gsung bas gnang ngo / /de nas dmag dpon seng ges bcom ldan 'das kyis cang mi gsung bas gnang bar rig nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo //de nas bcom ldan 'das kyis dge slong rnams la bka' stsal pa/ dge slong dag dmag dpon seng ge dang gzhan yang de lta bu gang yin pa'i bslab pa'i sdom pa gzhig par bya zhing / der dge slong rnams ji ltar kun du spyod pa'i chos rnams kyang yang dag par blangs te gnas par bya'o//'di ltar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa la dmag dpon seng ge'am/ sbyin bdag des phyag 'tshal te/rgan pa'i mtha' logs su tsog pur 'dug nas thal mo sbyar te 'di skad ces brjod par bya'o/ /dge 'dun btsun pa rnams gsan du gsol/ bdag dmag dpon seng ge dad pa dang ldan zhing bzang la dge ba'i bsam pa can te/ bdag gis 'di lta ste sangs rgyas sam/ chos sam/dge 'dun nam/ yid du 'thad pa'i dge slong rnams la ma phul ba'am/ yongs su ma btang ba ci yang ma mchis te/ bdag gis de ltar phul zhing de ltar yongs su btang bas longs spyod bsrabs shing yongs su bas te/ yongs su mthar thug nas dge 'dun don bzhed pa/ phan pa bzhed pas bdag la bslab pa'i sdom pa stsal ba las bdag dmag dpon seng ge yang longs spyod 'phel nas/bdag dmag dpon seng ge bslab pa'i sdom bstsal ba/ bslab pa'i sdom pa gzhig par gsol na/ thugs brtse ba can dge 'dun btsun pa rnams kyis thugs brtse ba'i slad du bdag la bslab pa'i sdom pa gzhig pa stsal du gsol/de bzhin du lan gnyis lan gsum du bzlas na/ de ni bslab pa'i sdom pa'i gzhig pa gsol ba'o/ /de'i 'og tu dmag dpon seng ge 'am sbyin bdag de thos pa'i nye 'khor nas bkar te/ mthong ba'i nye 'khor du bzhag nas/ dge slong gcig gis gsol ba 'ba' zhig gi las bya'o//'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dmag dpon seng ge 'di dad pa dang ldan zhing bzang la dge ba'i bsam pa can te/ des sangs rgyas sam chos sam dge 'dun nam yid du 'thad pa'i dge slong rnams la ma phul ba'am yongs su ma btang ba ci yang ma mchis te/des de ltar phul zhing yongs su btang bas longs spyod bsrabs shing yongs su bas te/ /yongs su mthar thug nas de la dge 'dun don bzhed pa phan pa bzhed pas bslab pa'i sdom pa stsal ba las/ dmag dpon seng ge de yang longs spyod 'phel te dmag dpon seng ge bslab pa'i sdom pa stsal ba dge 'dun las sdom pa gzhig par gsol na/ gal te dge 'dun gyis dus la bab cing bzod na dge 'dun gyis gnang bar mdzod cig dang dge 'dun gyis dmag dpon seng ge la bslab pa'i sdom pa gzhig par mdzad do/ / 'di ni gsol ba'o/ /der dge slong rnams kyis ji ltar kun du spyad pa'i chos ni 'di dag yin te/ dge 'dun gyis gang la bslab pa'i sdom pa bshig pa der dge slong rnams kyis 'gro bar bya/ stan la longs spyad par bya/ /bsod snyoms blang bar bya/ chos bstan par bya'o/ /de ni slob pa la khyim gyi bslab pa'i sdom pa gzhig pa'i cho ga dang las so//de la slob pa dag gis zhes bya ba la/ slob pa dag ces bya ba ni rgyun du zhugs pa dag dang / lan cig phyir 'ong ba dag dang / phyir mi 'ong ba dag go/ /khyim pa gang dag ces bya ba ni bram ze dang khyim bdag gi khyim bdag go/ /dge 'dun gyis zhes bya ba ni de bzhin gshegs pa'i nyan thos kyi dge 'dun gyi'o//bslab pa'i sdom pas bsdams par gyur la zhes bya ba ni gsol ba'i las kyis so/ /yang dge slong gang zhes bya ba ni drug sde'am gzhan yang de lta bu gang yin pa'o/ /slob pa dag gi khyim gang dag dge 'dun gyi bslab pa'i sdom pas bsdoms pa de lta bu dag tu zhes bya ba ni ji skad bstan pa lta bu dag tu'o//sngar mgron du ma bos par zhes bya ba ni gleng gzhi las tshe dang ldan pa shA ri'i bu dang / maud gal gyi bu chen po gnyis dmag dpon seng ges sngar mgron du bos nas bcom ldan 'das kyis gnang ngo zhes gsungs pa ltar sngar ma bstabs pa'o//song ste zhes bya ba ni song nas so/ /rang gi lag gis zhes bya ba ni lag pas lag par ro/ /bca' ba dang bza' ba zhes bya ba ni bca' ba lnga dang / bza' ba lnga'o/ /blangs nas zhes bya ba ni byin len stobs su bcug nas so/ /'cha' 'am za na zhes bya ba ni mgul du mid na'o//dge slong des zhes bya ba ni dge slong gang yin pa des so/ /phyi rol kun dga' ra bar song ste dge slong rnams la tshe dang ldan pa dag bdag la smad pa'i gnas mi rigs pa so sor bshags par bya ba byung gis chos de so sor 'chags so zhes so sor bshags par bya ste/chos 'di yang so sor bshags par bya'o zhes bya ba ni snga ma bzhin no/ /de la ltung bar ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang phyir bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni/ dge slong sbyin bdag dad pa can longs spyod 'grib pa gang la dge 'dun gyis bslab pa'i sdom pa byin pa'i mdun rol du mgron du ma bos pas bslab pa'i sdom pa byin pa'i khyim nas ga gon dang la phug dang ldam ldum mod pa dag ma gtogs pa'i bca' ba dang bza' ba dag rang ngam gzhan gang rung bas blangs shing zos na bslab pa dral te khyim du 'jug pa'i so sor bshags par bya ba'i dngos gzhir 'gyur ro//sbyin bdag dad pa can longs spyod 'grib pa gang la dge 'dun gyis bslab pa'i sdom pa byin pa gang yang rung ba lan smad pa med do//bslab pa'i sdom pa byin pa'i mdun rol du sngar mgron du bos pa'i dge slong gang yang rung ba la na smad pa med do/ /bslab pa'i sdom pa byin pa'i khyim nas blangs shing zos pa la na smad pa med do/ /ga gon dang la phug dang ldam ldum mod pa dag ma gtogs pa'i bca' ba rnam pa lnga dang bza' ba rnam pa lnga'i zas gang yang rung ba la na smad pa med do//rang ngam gzhan gang yang rung bas blangs shing zos pa la na smad pa med do/ /'di'i byed pa po ni sngar mgron du ma bos pa dang / dge 'dun gyi bslab pa'i sdom pa byin pa'i khyim nyid do/ / 'di la yan lag lngas dngos gzhi'i ltung bar 'gyur te/ khyim pa'i khyim nyid dang / sngar mgron du ma bos pa nyid dang / dge 'dun gyis bslab pa'i sdom pa byin pa nyid dang / de'i khyim nas ga gon dang la phug dang ldam ldum mod pa de dag ma gtogs pa'i bza' ba dang bca' ba dag rang gis blangs pa nyid dang /zos pa nyid do/ /de dag las yan lag ma tshang na ci rigs par na smad do/ /sbyor ba'i ltung ba ni nyes byas te ji srid du bslab pa dral te khyim du 'jug pa'i so sor bshags par bya ba'i sbyor ba brtsams nas dngos gzhi la mthug gi bar du nyes byas so/ /dngos gzhi la sbyor ba tha dad pa ji snyed brtsams pa re re la nyes byas re re'o//bslab pa dral te khyim du 'jug pa gang yin pa de ni shin tu lto 'dun can nyid yin pas de'i phyir ltung ba 'di rnam par gzhag pa mdzad nas gnas skabs thams cad du lto 'dun byed na nyes byas so/ /sbyor ba'i sbyor ba'i ltung ba ni nyes byas phra mo ste/sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba'i sbyor ba yang nyes byas te nyes byas phra mo'o/ /ltung ba med pa ni de sngar mgron du bos pa la ltung ba med do/ /ga gon dang la phug dang ldam ldum mod pa dag la ltung ba med do/ /las dang po pa dang / smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du bslab pa dral te khyim du 'jug pa'i so sor bshags par bya bar 'gyur ba rnam pa thams cad du mi bsten par bslab par bya'o/ / sbyin bdag dad pa can la gal te sbyin pa byin na/ de phongs par 'gyur ba lta na dge 'dun gyis khyim gyi bslab pa'i sdom pa sbyin par bya'o/ /de sbyin pa ni gsol ba 'ba' zhig gis las kyis so/ /sbyin pa de ni sems rtogs nas dge slong gis khyim du 'gro bar bya'o/ /stan la longs spyad par bya'o//chos bstan par bya'o/ /bsod snyoms blang bar mi bya'o/ /lhung bzed stong pas 'jug par mi bya'o/ /de'i byis pa slang ba dag la bca' ba ril bor mi sbyin par dum bur byas te sbyin par bya'o/ /ga gon dang la phug la sogs pa 'bras bu dang rtsa ba dag dang ldam ldum la sogs pa tshod ma khyim nas byung ba blang bar bya'o//gal te sbyin bdag dad pa can de khyim gyi bslab pa'i sdom pa gzhig par 'dod pa na bag yangs su bya'o/ /de ni dang po sbyin bdag nyid kyi khyim gyi bslab pa'i sdom pa gzhig par gsol bar bya'o/ /de nas dge 'dun gyis gsol ba 'ba' zhig gi las kyis de gzhig par bya'o//der dge slong rnams kyis 'gro bar bya'o/ /stan la longs spyad par bya'o/ /bsod snyoms blang bar bya'o/ /chos bstan par bya'o/ /phyir bcos pa ni snga ma bzhin no/ /bslab pa dral te khyim du 'jug pa'i so sor bshags par bya ba ste gsum pa bshad zin to// //nags brtags pa las gyur ba'i so sor bshags par bya ba'i gleng gzhi ni sangs rgyas bcom ldan 'das ser skya'i gnas na ser skya'i gnas kyi gnas su dbyar gnas par zhal gyis bzhes so/ /bcom ldan 'das kyis dge slong rnams kyis zhag bdun nam brgyad na dgag dbye 'byung bar 'gyur ba na spyod yul gyi grong dag tu zhag 'di snyed na dgag dbye 'byung bar 'gyur ro zhes brjod par bya'o zhes bka' stsal nas/dge slong rnams kyis dong ste brjod do/ /de nas ser skya'i gnas na gnas pa'i shAkya dag de nyid kyis dgag dbye bco lnga pa la bcom ldan 'das ga la ba der song ste phyin nas/bcom ldan 'das kyi zhabs gnyis la mgo bos phyag 'tshal te mtha' gcig tu 'khod do/ /mtha' gcig tu 'khod nas bcom ldan 'das ser skya'i gnas na gnas pa'i shAkya rnams la chos dang ldan pa'i bka' mchid kyis yang dag par ston par mdzad/yang dag par 'dzin du 'dzud par mdzad/ yang dag par gzengs stod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i bka' mchid kyis yang dag par bstan/ yang dag par 'dzin du bcug yang dag par gzengs bstod/yang dag par rab tu dga' bar mdzad nas cang mi gsung ngo / /de nas ser skya'i gnas na gnas pa'i shAkya rnams kyis bcom ldan 'das kyis bka' stsal pa la mngon par dga' ba dang / rjes su yi rang ba byas nas bcom ldan 'das la 'di skad ces gsol to/ /bcom ldan 'das dge slong gi dge 'dun dang bcas pas sang 'di nyid du bdag cag gi gdugs tshod gsol bar ci gnang /sang dge slong 'gas kyang bsod snyoms la 'jug par mi bgyi ste/ bdag cag bsod snyoms 'tshal te mchi zhing bcom ldan 'das nyan thos kyi dge 'dun dang bcas pa la rang gi sug pa nas tshim zhing stobs par bgyid do//bcom ldan 'das kyis ser skya'i gnas na gnas pa'i shAkya rnams la cang mi gsung bas gnang ngo / /de nas de dag gis ser skya'i gnas su dong ste de nyid kyi mtshan mo bca' ba dang bza' ba gtsang zhing bsod pa dag sta gon byas nas nang par sngar langs te bca' ba dang bza' ba dag gis shing rta dag bkang nas shAkya mo rnams la smras pa/khyed cag shing rta dag zhon la deng shig dang / kho bo cag kyang phyi bzhin 'ong ngo / /de dag rgyan thams cad kyis brgyan te shing rta dag la zhon nas 'phags so/ /ser skya'i gnas kyi nye 'khor thibs po yin pas de dag lam gar chom rkun pa dag gis mthong nas chom rkun pa dag gis smras pa/shes ldan dag shAkya mo rgyan thams cad kyis brgyan pa 'di dag 'dong gis tshur shog gzhom mo/ /chom rkun pa'i dmag dpon gyis smras pa/ shes ldan dag 'di dag 'dong du zad mod/khyed cag la 'di dag bcom pas ci bya/ shAkya gdug pa pha rol gnon pa dag gnon pa byed par 'gyur gyis thong shig /de dag gis smras pa/ dmag dpon zla ba'i rgyab sus mthong / gzhom mo zhes de dag gis de'i tshig tshig ma yin par byas te/ de dag bcom nas gos dang rgyan thams cad phrogs te dong ngo //shAkya mo de dag 'jigs shing skrag nas sgren mor tshang tshing dang nags ma de dag gi nang du yib ste 'khod do/ /shing rta ded pa dag kyang skrag nas byer ro/ /glang dag kyang chu dag bcad nas ci dgar yan cing 'khod do/ /shing rta dag kyang shing rta'i mda' dang bral te 'dug go//drug sde dag gis phan tshun gros bya bar brtsams nas dga' bo nye dga' shAkya bag med pa dag yun ring du thogs pas bdag cag gi zan gcad par bya ba'am ci/ bsod snyoms la 'dong ngo / /de ltar bya'o zhes de dag gi lhung bzed dang chos gos thogs te 'phags pa dang /ci tsam na lam ka na shing rta bca' ba dang bza' bas gang ba shing rta'i mda' dang bral ba dag 'dug pa dang glang dag chu dag bcad de ci dgar yan cing 'khod pa dag mthong nas de dag gis phan tshun rnam par bltas nas 'bod par brtsams pa shes ldan dag 'di na su 'khod/de dag gis skad phyung ba dang / drug sde dag gis smras pa/ khyed cag su yin/ 'phags pa dag bdag cag shAkya mo dag go/ /tshur sheg kho bo cag la brims shig /'phags pa dag bdag cag chom rkun pa dag gis bcom ste sgren mor mchis so/ /kho bo cag gdugs tshod yol gyis tshur sheg /khyed cag gi yan lag dang nying lag dag las kho bo cag gis sngon ma mthong ba gang yod tshur shog de dag lo ma dag gis g.yogs te byung nas brims par brtsams pa dang / drug sde dag gis smras pa/ dga' bo nye dga' ltos shig ltos shig /shAkya mo 'di dag gi mig ci 'dra/ sna ci 'dra/ mchu ci 'dra/ nu ma ci 'dra/ lag pa ci 'dra/ rked pa ci 'dra/ rkang pa ci 'dra ba ltos shig /de dag de ltar rtses pa na ngo tsha nas tshang tshing dang nags ma de dag nyid kyi nang du yib ste song ngo / /bsel ba rnams kyis shAkya rnams la shAkya mo rnams bcom mo zhes sbran pa dang /de nas shAkya dag mda' gzhu lag na thogs shing mtshon gzas pa dag gis lam kar dong ste/ lam bgags nas de dag gis chom rkun pa de dag bzung ngo / /de na kha cig gis smras pa/ 'di dag la btang snyoms byar ci yod/ gsad do/ / kha cig gis smras pa/ re zhig deng khrid la shAkya mo rnams la dris la bya'o/ /de dag gis de dag khrid nas shAkya mo rnams kyi gan du dong ste dris pa dang / shAkya mo rnams kyis smras pa/ chom rkun pa'i dmag dpon 'di ni nyes pa med pa gnod pa mi byed pa yin te/ 'dis de dag bzlog na de dag ma btub pas 'di ni thong shig//de dag gis de btang ngo / /de srog de'u chad pa las phyir thob nas des de dag gi rkang pa la gtugs te smras pa/ shes ldan dag khyed cag dad pa skyes te/ sangs rgyas la sogs pa dge slong gi dge 'dun gdugs tshod gsol du 'gro ba yin na 'di dag bsad pas khyed la ci bya/nyes pa byed pa 'di dag kyang gtang bar gsol/ de dag gis de dag las bcom pa'i rdzas dag phyir bkug ste btang ngo / /de nas shAkya de dag gis shAkya mo de dag la gos bskon cing rgyan thogs su bcug nas shing rta dag kyang chu dag la btags te/shing rta la zhon nas bcom ldan 'das kyi spyan sngar dong ngo / /bcom ldan 'das dge slong gi dge 'dun gyi gung la gdan bshams pa nyid la bzhugs pa dang / shAkya dang shAkya mo rnams kyis sangs rgyas la sogs pa dge slong gi dge 'dun la brims par brtsams so/ /shAkya mo rnams drug sde dag la zas sbyin nas shAkya rnams kyis smras pa/ci'i phyir 'phags pa dag la zhal zas mi gsol/ de dag gis smras pa/ 'di dag gis zos zin to/ /gang du gsol de nyid du'o/ /sus brims kho bo cag gis so/ /khyed cag sgren mo dag gis ji ltar brims/ de'i phyir 'di dag gis kho mo cag la mtho btsams/ ji ltar/ kho mo cag lo ma dag gis g.yogs te tshang tshing dang nags ma dag gi nang nas byung ste brims par brtsams pa dang 'di dag gis mtho btsams te 'di ltar brjod par bya ba mang du yod do/ /de ni 'jal gyis 'di dag ni gnas ngan len kun du spyod pa yin gyis/'di dag la zas mi sbyin no/ /de dag cang mi smra bar 'khod do/ /de nas de dag gis dge slong gi dge 'dun brims nas smras pa/ 'phags pa dag kye ma khyed kyi lam 'di 'jigs pa dang bcas pa yin no zhes bka' stsal nas/ bdag cag bag bgyid cing mchi ba zhig na zhes zer ba'i skabs de dge slong rnams kyis bcom ldan 'das la gsol ba dang /bcom ldan 'das kyis bka' stsal pa/ dge slong dag de lta bas na khyed kyis dge slong nags nyul ba chos lnga dang ldan pa spro bar byas te gsol ba dang / gnyis kyi las kyis bsko bar bya zhing /dge slong nags nyul ba'i kun du spyod pa'i chos dag kyang yang dag par blangs te gnas par bya'o/ /'di ltar byas te dge slong nags nyul ba chos lnga dang mi ldan pa ni ma bskos pa yang bsko bar mi bya/ bskos pa yang dbyung bar bya ste/ lnga gang zhe na/ 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang / nags nyul ba dang ma nyul ba mi shes pa'o/ /nags nyul ba chos lnga dang ldan pa ni ma bskos pa yang bsko bar bya la/ bskos pa yang dbyung bar mi bya ste/ lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / nags nyul ba dang ma nyul ba shes pa'o/ /'di ltar bsko bar bya'o/ /je dang por spro bar bya ste/ ming 'di zhes bya ba khyod dge 'dun gyi nags nyul bar spro'am zhes dri bar bya'o//gal te spro na des spro bar bya'o zhes brjod par bya'o/ /de'i 'og tu des gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa la dge slong gcig gis gsol ba byas te las bya'o//'di ltar bya ste/ 'dug la 'di skad ces brjod par bya'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun gyi nags nyul bar spro na/ gal te dge 'dun gyi dus la bab cing bzod na dge 'dun gyis gnad par mdzod cig dang /dge 'dun gyis dge slong ming 'di zhes bgyi ba 'di dge 'dun gyi nags nyul bar bsgo ste/ dge slong nags nyul ba ming 'di zhes bgyi ba 'di dge 'dun gyi nags nyul ba'o/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun gyi nags nyul bar spro na/ de'i slad du dge 'dun gyis ming 'di zhes bgyi ba nags nyul bar bskos te/ ming 'di zhes bgyi ba 'di dge 'dun gyi nags nyul ba na tshe dang ldan pa gang dag ming 'di zhes bgyi ba nags nyul bar bsko bar bzod pa de dag ni cang ma gsung shig /gang dag mi bzod pa de ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba nags nyul bar bskos lags pas ming 'di zhes bgyi ba 'di dge 'dun gyi nags nyul te//de ltar cang ma gsung bas de de bzhin du 'dzin to/ /de ni dge slong nags nyul ba spro bar bya ba dang / gsol ba dang gnyis kyi las kyis bsgo ba'i cho ga dang las so/ /dge slong nags nyul ba'i kun du spyad pa'i chos ni 'di ltar bya ste/ dge slong nags nyul bas dpag tshad phyed nas bzung ste/kho ra khor yug tu nags nyul bar bya'o/ /gal te 'dod na khye'u sus sbyin par bya zhing grogs kyang bsgo bar bya'o/ /gal te nags 'jigs pa dang bcas pa nyid yin na des dud brda gtul bar bya/ ba dan sngon po bsgreng bar bya/ 'dab ma'i chang bu dag lam kar gzhag par bya'o//gal te nags 'jigs pa med pa nyid yin na ba dan dkar po bsgreng bar bya'o/ /dge slong nags nyul bas kun du spyod pa'i chos ji ltar bcas pa yang dag par blangs te 'jug par mi byed na 'gal tshabs can du 'gyur ro/ /dge slong don nyung ngu dag ci'i phyir dge slong dag nags sngar ma nyul bar kun dga' ra ba'i phyi rol du bca' ba dang bza' ba blangs te 'cha' zhing za zhes smod par byed phyar kha gtong bar byed/kha zer bar byed pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis byung ba 'di dang /gleng gzhi 'di dang / skabs 'di la dge slong gi dge 'dun bsdu ba mdzad de/ drug sde dag la rmas nas/ dge sbyong gi tshul ma yin pa/ rjes su mthun pa ma yin pa/ rung ba ma yin pa/ tshul dang mthun pa ma yin pa de ni rab tu byung bas bya ba ma yin no zhes rnam grangs du mar rnam par smad de/bslab pa bca' ba'i phan yon bcu yang dag par gzigs pas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ dge 'dun gyi gnas mal dgon pa gang dag dogs pa dang bcas par grags pa/ 'jigs pa dang bcas par grags pa/'jigs pa tha dad pas 'jigs su rung ba dang bcas par grags par gyur la/ yang dge slong gang dge 'dun gyi gnas mal dgon pa gang dag dogs pa dang bcas par grags pa/ 'jigs pa dang bcas par grags pa/ 'jigs pa tha dad pas 'jigs su rung ba dang bcas par grags pa de lta bu dag tu sngar ma nyul bar kun dga' ra ba'i phyi rol du bca' ba dang bza' ba blangs te 'cha' 'am zan dge slong de phyi rol kun dga' ra bar song ste dge slong rnams la tshe dang ldan pa dag bdag la smad pa'i gnas mi rigs pa so sor bshags par bya ba byung gis chos de so sor 'chags so zhes so sor bshags par bya ste/chos 'di yang so sor bshags par bya'o zhes bca' ba mdzad de/ yul ni ser skya'i gnas/ gang zag ni drug ste/ nyon mongs pa ni bdag nyid 'gengs shing dge 'dun gyi don yal bar 'dor ba/ nyes pa ni nags ma nyul bar kun dga' ra ba'i phyi rol du bca' ba dang bza' ba blangs te za ba'o//de la dge 'dun gyi zhes bya ba ni de bzhin gshegs pa'i nyan thos kyi dge 'dun gyi'o/ /gnas mal dgon pa gang dag ces bya ba la dgon pa zhes bya ba ni rdul phra rab drug la rdul phra mo gcig go/ /rdul phra mo drug la chu rdul gcig go//chu rdul drug la lcags rdul gcig go/ /lcags rdul drug la ri bong gi rdul gcig go/ /ri bong gi rdul drug la lug rdul gcig go/ /lug rdul drug la glang rdul gcig go/ /glang rdul drug la nyi zer gyi rdul gcig go/ /nyi zer gyi rdul drug la sro ma gcig go//sro ma drug la shig gcig go/ /shig drug la nas gcig go/ /nas drug la sor gcig go/ /sor bzhi drug la khru gang ngo / /khru phyed dang bzhi la mi'i srid do/ /khru bzhi la gzhu'o/ /gzhu lnga brgya la rgyang grags gcig go/ /grong nas rgyang grags gcig ni dgon pa ste/ de na gtsug lag khang yod pa de ni gnas mal dgon pa yin no//dogs pa dang bcas par grags pa zhes bya ba ni chom rkun pa dang g.yon can gyi 'jigs pa dang bcas par grags pa'o/ /'jigs pa dang bcas par grags pa zhes bya ba ni seng ge dang stag dang gung gi 'jigs par grags pa'o//'jigs pa tha dad pas 'jigs su rung ba dang bcas par grags par gyur la zhes bya ba ni sha sbrang dang sbrang bu mchu rings dang rlung dang nyi ma dang sdig sbrul gyi 'jigs pa tha dad pas 'jigs su rung ba dang bcas par grags pa'o/ /yang dge slong gang zhes bya ba ni drug sde'am gzhan yang de lta bu gang yin pa'o//dge 'dun gyi gnas mal dgon pa gang dag dogs pa dang bcas par grags pa/ 'jigs pa dang bcas par grags pa/ 'jigs pa tha dad pas 'jigs su rung ba dang bcas par grags pa de lta bu dag tu zhes bya ba ni ji skad bstan pa lta bu dag tu'o/ / sngar ma nyul bar zhes bya ba ni nags nyul bas sngar ma nyul bar ro/ /kun dga' ra ba'i phyi rol du zhes bya ba ni gtsug lag khang gi phyi rol du'o/ /bca' ba dang bza' ba zhes bya ba ni bca' ba lnga dang bza' ba lnga'o/ /blangs te zhes bya ba ni byin len stobs su bcug ste'o/ /'cha' 'am za na zhes bya ba ni mgul du mid na'o//dge slong des phyi rol kun dga' ra bar song ste dge slong rnams la tshe dang ldan pa dag bdag la smad pa'i gnas mi rigs pa so sor bshags par bya ba byung gis chos de so sor 'chags so zhes so sor bshags par bya ste/ chos 'di yang so sor bshags par bya'o zhes bya ba ni snga ma bzhin no//de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyis bcos pa rnams kyis 'di'i mtshan nyid shes par bya'o//de la 'dir dngos gzhi'i ltung ba rnam par gzhag pa ni dge slong gis nags sam/ dgon par rgyang grags kyi mthar 'jigs pa dang bcas pa ma byung ba nyid la der 'du shes par kun dga' ra ba'i phyi rol gyi dgon par bca' ba dang bza' ba rang ngam gzhan gang yang rung bas blangs te zos na nags brtags pa las gyur pa'i so sor bshags pa'i dngos gzhir 'gyur ro//nags ma nyul ba la ma nyul bar 'du shes pa dang / yid gnyis za ba la na smad pa med do/ /nags dang dgon pa dang mya ngan dang tshang tshing thibs po la sogs pa 'jigs pa'i gnas gang yang rung ba la na smad pa med do//grong nas rgyang grags kyi mthar thug pa phan chad la na smad pa med do/ /dogs pa dang bcas par grags pa dang / 'jigs pa dang bcas par grags pa dang / 'jigs pa tha dad pas 'jigs su rung ba dang bcas par grags pa gang yang rung ba la na smad pa med do//kun dga' ra ba'i phyi rol grong nas rgyang grags kyi mthar thug pa'i dgon pa gang yang rung ba la na smad pa med do/ /bca' ba rnam pa lnga dang bza' ba rnam pa lnga'i zas gang yang rung ba la na smad pa med do/ /rang dang gzhan dang phrin pa dang spring yig dang lag brda la sogs pa gang yang rung bas blangs te zos pa la na smad pa med do//'di'i byed pa po ni nags sam dgon par 'jigs pa dang bcas pa ma nyul ba nyid la 'du shes gtso cher byed pa po nyid yin no/ /'di la yan lag lngas dngos gzhi'i ltung bar 'gyur te/grong gi phyi rol nas rgyang grags gcig phan chad gyi mtha' nyid dang / nags sam dgon pa 'jigs pa dang bcas par gyur pa nyid dang / ma nyul ba nyid dang / der 'du shes pa nyid dang / kun dga' ra ba'i phyi rol gyi dgon par bza' ba dang bca' ba rang ngam gzhan nas spring yig dang mngag pa la sogs pa gang yang rung bas blangs te zos pa nyid do//de dag las yan lag ma tshang na ci rigs par na smad do/ /sbyor ba'i ltung ba ni nyes byas te/ ji srid du nags brtags pa las gyur pa'i so sor bshags par bya ba'i sbyor ba brtsams nas dngos gzhi la ma thug gi bar du nyes byas so//dngos gzhi la sbyor ba tha dad pa ji snyed brtsams pa re re la nyes byas re re'o/ /nags byul ba la ma byul bar 'du shes pa dang / yid gnyis za ba la nyes byas so/ /gang gi tshe nags de 'jigs pa med pa nyid du nyul bas sbyin pa po dag gis bsrung bar bsgrubs par gyur pa de'i tshe kun dga' ra ba'i phyi rol dgon par bca' ba dang bza' ba dag zos pa la nyes byas so//kun dga' ra ba'i phyi rol gyi dgon pa 'jigs pa dang bcas par grags pa de las gzhan du gyur pa'i phyogs su bsrung ba ma bsgrubs par za ba la nyes byas so/ / sbyor ba'i sbyor ba'i ltung ba ni nyes byas phra mo ste/ sbyor ba ji snyed pa la sbyor ba'i sbyor ba yang de snyed de/ sbyor ba nyes byas kyi sbyor ba yang nyes byas te nyes byas phra mo'o/ /ltung ba med pa ni nags nyul ba shi'am bros na ltung ba med do/ /las dang po pa dang / smyos pa dang / sems 'khrugs pa dang /tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du nags brtags pa las gyur pa'i so sor bshags par bya bar 'gyur ba rnam pa thams cad mi bsten par bslab par bya'o/ /dge 'dun gyi gnas mal dgon pa gang dag dogs pa dang 'jigs pa dang 'jigs pa tha dad pas 'jigs su rung ba dang bcas par grags par gyur na dge 'dun gyis dge slong nags nyul ba chos lnga dang ldan pa spro bar bya'o//des gsol ba dang gnyis kyi las kyis bsko bar bya'o/ /dge slong nags nyul bas dpag tshad phyed nas bzung ste kho ra khor yug tu nags nyul bar bya'o//gal te de 'dod na khye'u sus sbyin par bya zhing grogs kyang bsgo bar bya'o/ /gal te nags 'jigs pa dang bcas pa nyid yin na des dud brda gtul bar bya/ ba dan sngon po bsgreng bar bya/'dab ma'i chang bu dag lam kar gzhag par bya'o/ /gal te nags 'jigs pa med pa nyid yin na ba dan dkar po bsgreng par bya'o/ /bslab pa'i gzhi ni re zhig bdag gi don ni grub zin gyi dge 'dun gyi sbyin pa po'i gnod pa bsrungs pa 'dis kho bo la ci bya zhes bdag nyid bkang ba tsam gyis chog par 'dzin cing 'jigs pa dang bcas pa'i gnas su zas blangs te za ba las gyur pas de'i phyir sbyin pa po dag gis bsrung bar bsgrub par bya'o//phyir bcos pa rnams ni snga ma bzhin no/ /nags brtags pa las gyur pa'i so sor bshags par bya ba ste bzhi pa bshad zin to// //tshe dang ldan pa dag bdag gis so sor bshags par bya ba'i chos bzhi po dag bton zin to zhes bya ba ni so sor bshags par bya ba dag gdon pa'i mjug bsdu ba ste/ so sor bshags par bya ba'i chos bzhi po dag ces bya ba ni sngar bstan pa bzhi bo dag go/ / bton zin to zhes bya ba ni dam bca' ba'i don gyis mjug bsdu ba'i phyir dang / nyan pa po rnams spro bar bya ba'i phyir smos so/ /de la bdag gis tshe dang ldan pa dag la ci 'di khyed yongs su dag gam zhes dri'o/ /ci 'di la tshe dang ldan pa dag yongs su dag na 'di/ ltar cang mi smra bas de de bzhin du 'dzin to zhes bya ba ni so sor bshags par bya ba rnam par gzhag pa bsgrag par bya ba yin te/ de la zhes bya ba ni so sor bshags par bya ba'i chos bzhi po bton pa de la'o/ /lhag ma ni snga ma bzhin no/ /so sor bshags par bya ba gdon pa bshad zin to// //so sor thar pa'i mdo rgya cher 'grel ba 'dul ba kun las btus pa/ bam po bzhi bcu gsum pa/ da ni bslab pa'i chos mang po rnams gdon pa bshad par bya ste/ de'i phyir sdom la/ sham thabs la ni rnam bdun dang / /stod g.yogs la yang rnam gsum dang //shin tu bsdams la sogs pa lnga/ /mgo g.yogs la sogs rnam pa lnga/ /mchong la sogs pa rnam pa lnga/ /lus la sogs pa rnam pa lnga/ /'dug par bya ba dgu dag dang / /byin len bya ba brgyad rnams so/ /zhes bya ba la sogs pa gsungs so/ /sdom la zhes bya ba'i tshig gi don dang //dgos pa ni snga ma bzhin no/ /sham thabs la ni rnam bdun dang / /zhes bya ba la sogs pa sdom gyi tshigs su bcad pa gong ma gnyis la bslab pa'i chos bzhi bcu rtsa bdun yod pa rnams kyis go rims bzhin du 'og nas gzhung nyid las ston to/ /tshe dang ldan pa dag bslab pa'i chos mang po 'di dag ni zla ba phyed phyed cing so sor thar pa'i mdo gdon pa las 'byung ngo zhes bya ba ni bslab pa'i chos mang po gdon pa'i lung 'bogs pa yin te/bslab pa'i chos zhes bya ba ni 'dul ba dang mi 'gal ba dang / 'jig rten dang mi 'gal bar nges par 'byung ba'i tshul khrims kyi rjes su mthun par bslab pa'i chos des de dag nyid rang gi mtshan nyid 'dzin pa'i phyir chos zhes bya'o//mang po 'di dag ni zhes bya ba ni bslab pa'i chos brgya rtsa bcu gnyis 'og nas byung ba dag ste/ 'di dag la ltung bar ji ltar 'gyur zhe na/ spyir bstan pa ni 'dir yang dngos gzhi dang /sbyor ba dang / sbyor ba'i sbyor bas ltung ba rnam par gzhag pa dang / ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni 'di dag las 'das na dngos gzhi la ni bshags par bya ba'i nyes byas su 'gyur ro//sbyor ba'i ltung ba ni bsdam par bya ba'i nyes byas te/ nyes byas phra mo'o/ /sbyor ba'i sbyor ba'i ltung ba ni de bas kyang na smad de/ bsdam par bya ba'i nyes byas phra mor 'gyur ro/ /ltung ba med pa ni bslab par bya ba las ma 'das pa dang las dang po pa dang /smyos pa dang / sems 'khrugs pa dang / tshor ba dag gis nyen pa la ltung ba med do/ /bslab par bya ba ni dge slong gis yul thams cad la gnas skabs thams cad du bslab pa'i chos rnams las 'gal bar 'gyur ba rnam pa thams cad mi bsten par bslab par bya bya ba dang /'dul ba dang mi 'gal ba dang 'jig rten dang mi 'gal bar nges par 'byung ba'i tshul khrims kyi rjes su mthun par bslab par bya'o/ /phyir bcos pa ni ji ltar ltung byed kyi ltung ba bsdams pa dang / mi bca' ba dang / gang zag gcig la mthol ba dang / bshags pa'i rim gyis dngos gzhi dang sbyor ba dang /sbyor ba'i sbyor ba'i ltung ba phyir bcos pa'i rnam pa ji skad bstan pa bzhin du bya ba dang / dngos gzhi'i nyes byas ni bshags par bya la/ sbyor ba dang sbyor ba'i sbyor ba'i nyes byas ni yid kyis bsdam par bya ba'i tshul sngar ji skad bstan pa bzhin du shes par bya'o//zla ba phyed phyed cing so sor thar pa'i mdo gdon pa las 'byung ngo zhes bya ba ni zla ba phyed phyed cing gso sbyong gdon pa'i tshe 'dul ba 'dzin pa'i kha ton las 'byung ngo zhes bya bar stan to/ /sdom la/ sham thabs la ni rnam bdun dang / /zhes gsungs pa'i bslab pa bsdu ba'i mdo ni sham thabs zlum por bgo bar bslab par bya/sham thabs ha cang rtsengs ba ma yin pa dang / ha cang 'jol ba ma yin pa dang / glang po che'i sna ltar ma yin pa dang / ta la'i lo ma ltar bltab pa ma yin pa dang / 'bru'i phur ma ltar ma yin pa dang / sbrul mgo'i gdengs ka ltar ma yin par bgo bar bslab par bya'o zhes bya ba dag yin no//de la sham thabs zlum por bgo bar bslab par bya ba'i gleng gzhi ni/ sangs rgyas bcom ldan 'das wA rA Na sI na drang srong smra ba ri dwags kyi nags na bzhugs so/ /gang gi tshe bcom ldan 'das kyis lnga pa dag skyon med pa la 'jug pas dge slong nyid la bkod pa de'i tshe na de dag sngon goms pa'i sbyor bas sham thabs khyim pa bzhin du gyon par byed nas bram ze dang khyim bdag dad pa can dag gis mthong nas smras pa/'phags pa dag ji ltar khyed sham thabs gsol ba 'di ltar nor can dag dang /tshong dpon dag dang / ded dpon dag 'tshal bar bgyid do zhes zer ba'i skabs de dag dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden gyis ngas sngon gyi yang dag par rdzogs pa'i sangs rgyas rnams kyis nyan thos dag sham thabs ji ltar gyon par gyur pa bsam mo snyam du dgongs pa dang /lha rnams kyis bcom ldan 'das la gsol pa/ btsun pa 'di lta ste gnas gtsang ma'i ris kyi lha rnams ji lta ba bzhin no/ /bcom ldan 'das nyid la yang 'di lta ste gnas gtsang ma'i ris kyi lha rnams lta bur mkhyen pa dang gzigs pa byung ngo //de nas bcom ldan 'das kyis dge slong rnams la bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ sham thabs zlum por bgo bar bslab par bya'o zhes bca' ba mdzad de/yul ni wA rA Na sI/ gang zag ni lnga po dag /nyon mongs pa ni bag chags ma byang bas sngon goms pa'i sbyor ba/ nyes pa ni sham thabs khyim pa bzhin du gyon pa'o/ /'dir dngos gzhi'i ltung ba bstan pa la dgag pa'i tshul gyis 'di dang 'di ltar mi bya'o zhes dgag pa'i sgo nas bstan tam/sgrub pa'i tshul gyis 'di dang 'di ltar bya'o zhes bsgrub pa'i sgo nas bstan ce na/ sgrub pa'i sgo nas bstan te/ sham thabs ci nas kyang zlum por 'dug par gyur pa de ltar bgo bar bslab par bya'o zhes bya ba la sogs pa lta bur bsgrub pa'i tshul gyis bstan to//de la sham thabs zlum po zhes bya ba ni mtha'i dang kha mnyam par 'dug pa des/ sham thabs ji nas kyang zlum por 'dug par 'gyur bde ltar bgo bar bslab par bya'o/ /sham thabs zlum por bgo bar bslab par bya ba 'di ni mdor bstan pa yin la/'og nas sham thabs ha cang rtsengs pa ma yin par bgo bar bslab par bya ba la sogs pa drug 'byung ba dag ni 'di'i spros pa yin gyis rnam pa gzhan bstan pa ni ma yin no/ /de la ltung ba ji ltar 'gyur zhe na/ 'dir yang dngos gzhi dang / sbyor ba dang / sbyor ba'i sbyor bas ltung ba rnam par gzhag pa dang /ltung ba med pa dang / bslab par bya ba dang / phyir bcos pa rnams kyis 'di'i mtshan nyid shes par bya'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni sham thabs rung ba dang tshad dang ldan pa nyid do/ /'di la yan lag ni gcig ste/ dngos gzhi'i bsgrub pa nyid dang / sbyor ba dang / sbyor ba'i sbyor ba'i bsgrub pa nyid dag la ci rigs par na smad do/ /ltung ba med pa dang /bslab par bya ba dang / phyir bcos pa rnams ni gong du spyir bstan pa bzhin no/ /bslab pa 'og ma thams cad la yang dngos gzhi dang / byed pa po dang yan lag dang / sbyor ba dang / sbyor ba'i sbyor ba dang / ltung ba med pa dang / bslab par bya ba dang / phyir bcos pa dag 'di bzhin ci rigs par sbyar ro//bslab pa dang po'o// //sham thabs ha cang rtsengs pa ma yin par bgo bar bslab par bya ba'i gleng gzhi ni/ sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /bcom ldan 'das kyis sham thabs zlum por bgo bar bslab par bya'o zhes bka' stsal nas/dge slong lnga pa dag gis sham thabs zlum por bgo bar brtsams so/ /de bzhin du nye lnga pa dag dang / mngon par mtho ba lnga bcu dang / bzang sde'i tshogs drug cu dang / gzhan yang bcom ldan 'das kyis brgyud pas dge slong dag gis rab tu phyung ba gang dag yin pa de dag gis kyang sham thabs zlum por bgo bar brtsams so//gang gi tshe drug sde dag rab tu byung ba de'i tshe na de dag gis sham thabs ha cang rtsengs par bgo bar brtsams pa dang / bram ze dang khyim bdag dad pa can dag gis mthong nas smod par byed de/'phags pa dag dwa dag dang / rgyan po pa dag dang / nal gyi bu dag sham thabs 'di ltar 'tshal bas 'di ni tshul dang mthun pa ma lags kyis sham thabs ha cang rtsengs par ma gsol cig /de dag gis smras pa/shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang /bcom ldan 'das kyis dgongs pa/ khyim pa dag zer ba bden no snyam nas snga ma bzhin du sham thabs ha cang rtsengs pa ma yin par bgo bar bslab par bya'o zhes bca' ba mdzad de/ yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/nyes pa ni sham thabs ha cang rtsengs par gyon pa'o/ /de la sham thabs ha cang rtsengs pa zhes bya ba ni pus mo gnyis las gong du thal ba nyid de/ de lta bu ma yin par sham thabs zlum por bgo bar bslab par bya'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni sham thabs rung ba dang tshad dang ldan pa nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no//bslab pa gnyis pa'o// //sham thabs ha cang 'jol ba ma yin par bgo bar bslab par bya ba'i gleng gzhi ni/ sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so//bcom ldan 'das kyis sham thabs ha cang rtsengs pa ma yin par bgo bar bslab par bya'o zhes bka' stsal nas drug sde dag gis sham thabs ha cang 'jol bar bgo bar brtsams pa dang / bram ze dang khyim bdag dad pa can dag gis mthong nas smod par byed de/ 'phags pa dag ta ga ka'i yul na gnas pa'i bud med dag dang rigs kyi mna' ma dag sham thabs 'di ltar 'tshal bas 'di ni tshul dang mthun pa ma lags kyis sham thabs ha cang 'jol bar ma gsol cig /de dag gis smras pa/ shes ldan dag 'di la dgos pa yod do/ / 'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas snga ma bzhin du sham thabs ha cang 'jol ba ma yin par bgo bar bslab par bya'o zhes bca' ba mdzad de/yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/ nyes pa ni sham thabs ha cang 'jol bar gyon pa'o/ /de la sham thabs ha cang 'jol ba zhes bya ba ni long bu'i tshigs la reg pa de nyid de/de lta bu ma yin par sham thabs zlum por bgo bar bslab par bya'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni sham thabs rung ba dang chad dang ldan pa nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no//bslab pa gsum pa'o// //sham thabs glang po che'i sna ltar ma yin par bgo bar bslab par bya ba'i gleng gzhi ni/ sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /drug sde dag sham thabs gyon pa na mdun 'phyang bar byed nas bram ze dang khyim bdag dad pa can dag gis mthong nas smod par byed de/'phags pa dag byis pa khye'u dag dang / chang gis ra ro ba dag dang / 'byung po dang / sha zas brlams pa dag sham thabs 'di ltar 'tshal bas 'di ni tshul dang mthun pa ma lags kyis sham thabs 'di ltar ma gsol cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol ba dang /bcom ldan 'das kyis dgongs pa/ khyim pa dag zer ba ni bden no snyam nas snga ma bzhin du sham thabs glang po che'i sna ltar ma yin par bgo bar bslab par bya'o zhes bca' ba mdzad de/ yul ni ser skya'i gnas/gang zag ni drug sde/ nyon mongs pa ni tshul dang mthun pa ma yin pa/ nyes pa ni sham thabs glang po che'i sna ltar gyon pa'o/ /de la glang po che'i sna ltar zhes bya ba ni grwa glang po che'i sna ltar nar ba ste/ 'dir kha tshar dang phun tshar gyi mtha' ma bcad pa grwa dag la glang po che'i sna ltar nar ba dag yod pas de lta bu ma yin par sham thabs zlum por bgo bar bslab par bya'o//de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni sham thabs rung ba dang tshad dang ldan pa nyid do//'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ci rigs par na smad do zhes bya ba yang snga ma bzhin no/ /bslab pa bzhi pa'o// //sham thabs ta la'i lo ma ltar bltab pa ma yin par bgo bar bslab par bya ba'i gleng gzhi ni/sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /drug sde dag sham thabs gyon pa na glo dag lteb par byed nas/ bram ze dang khyim bdag dad pa can dag gis mthong nas smod par byed de/'phags pa dag gar mkhan dag tshogs kyi nang du sham thabs 'di ltar 'tshal bas 'di ni tshul dang mthun pa ma lags kyis sham thabs 'di ltar ma gsol cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/je dang por khyed cag nyid mi shes pa dang bral ba dang / bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol to/ /bcom ldan 'das kyis dgongs pa/ khyim bdag zer ba bden no snyam nas snga ma bzhin du sham thabs ta la'i lo ma ltar bltab pa ma yin par bgo bar bslab par bya'o zhes bca' ba mdzad nas/yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/ nyes pa ni sham thabs ta la'i lo ma ltar bltab ste gyon pa'o/ /de la ta la'i lo ma ltar bltab pa zhes bya ba ni gang du ltebs pa ste/sham thabs kyi steng gi kha logs lte ba'i gong rol du ta la'i lo ma ltar ltebs shing 'dug pa de lta bu ma yin par sham thabs zlum por bgo bar bslab par bya'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni sham thabs rung ba dang tshad dang ldan pa nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa dag ni ci rigs par na smad do zhes bya ba yang snga ma bzhin no//bslab pa lnga pa'o// //sham thabs 'bru'i phur ma ltar ma yin par bgo bar bslab par bya ba'i gleng gzhi ni/ sangs rgyas bcom ldan 'das ser skya'i gnas n+ya gro d+ha'i kun dga' ra ba na bzhugs so/ /drug sde dag sham thabs gyon pa na glor bltabs te phur ma ltar 'jog par byed nas bram ze dang khyim bdag dad pa can dag gis mthong nas smod par byed de/'phags pa dag nor can dang / tshong dpon dag dang / ded dpon dag dang / bud med dag sham thabs 'di ltar 'tshal bas 'di ni tshul dang mthun pa ma lags kyis/sham thabs 'di ltar ma gsol cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang / bslabs par gyur pa'o/ / de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas snga ma bzhin du sham thabs 'bru'i phur ma ltar ma yin par bgo bar bslab par bya'o zhes bca' ba mdzad de/yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/ nyes pa ni sham thabs 'bru'i phur ma ltar gyon pa'o/ /de la 'bru'i phur ma ltar zhes bya ba ni glo nas phyi rol gyi rim pa'i grwa phur ma lta bur 'dug pa ste/ de lta bu ma yin par sham thabs zlum por bgo bar bslab par bya'o//de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni sham thabs rung ba dang tshad dang ldan pa nyid do/ /'di la yan lag ni gcig ste/dngos gzhi'i sgrub pa nyid do/ /sbyor ba dang / sbyor ba'i sbyor ba sgrub pa nyid dag ni ci rigs par na smad do zhes bya ba ni snga ma bzhin no/ /bslab pa drug pa'o// //sham thabs sbrul mgo'i gdengs ka ltar ma yin par bgo bar bslab par bya ba'i gleng gzhi ni/ sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so//drug sde dag sham thabs gyon pa na lte ba'i 'og tu sbrul mgo'i gdengs ka ltar byed nas bram ze dang khyim bdag dad pa can dag gis mthong nas smad par byed de/ 'phags pa dag rgyan po pa dag sham thabs 'di ltar 'tshal bas 'di ni tshul dang mthun pa ma lags kyis/sham thabs 'di ltar ma gsol cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ / de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas snga ma bzhin du sham thabs sbrul mgo'i gdengs ka ltar ma yin par bgo bar bslab par bya'o zhes bca' ba mdzad de/yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/ nyes pa ni sham thabs sbrul mgo'i gdengs ka ltar phyir byung ba gyon pa'o/ /de la sbrul mgo'i gdengs ka ltar zhes bya ba ni sham thabs kyi nang dang 'brel pa'i kha logs su mdun gyi lte ba'i 'og tu rim pa sbrul mgo'i gdengs ka ltar phyir byung ba ste/de lta bu ma yin par sham thabs zlum por bgo bar bslab par bya'o/ /de la 'dir dngos gzhi'i ltung ba rnam par gzhag pa ni/ dngos gzhi'i gnas skabs su bslab pa de ltar ma byas na/ bshags par bya ba'i nyes byas kyi dngos gzhir 'gyur ro//'di'i byed pa po ni sham thabs rung ba dang tshad dang ldan pa nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ci rigs par na smad do zhes bya ba yang snga ma bzhin no/ / bslab pa bdun pa'o// //sdom la/ stod g.yogs la yang rnam gsum dang / /zhes gsungs pa'i bslab pa bsdus pa'i mdo ni chos gos zlum por bgo bar bslab par bya ba dang / chos gos ha cang rtsengs pa ma yin pa dang / ha cang 'jol ba ma yin par bgo bar bslab par bya'o zhes bya ba dag yin no//de la chos gos zlum por bgo bar bya ba'i gleng gzhi ni/ sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /bcom ldan 'das kyis dge slong gis sham thabs zlum por bgo par bslab par bya/ sham thabs ha cang rtsengs pa ma yin pa dang /ha cang 'jol ba ma yin pa dang / glang po che'i sna ltar ma yin pa dang / ta la'i lo ma ltar bltab pa ma yin pa dang / 'bru'i phur ma ltar ma yin pa dang / sbrul mgo'i gdengs ka ltar ma yin par bgo bar bslab par bya'o zhes bka' stsal nas/ dge slong dag chos gos gyon pa na ji ltar bgo ba mi shes nas bcom ldan 'das kyis bka' stsal ba/de lta bas na dge slong rnams kyis chos gos zlum por bgo bar bslab par bya'o zhes bca' ba mdzad de/ yul ni ser skya'i gnas/ gang zag ni dge slong rab tu mang po dag /nyon mongs pa ni bslab pa la ma bslabs pa/nyes pa ni chos gos ji ltar bgo bar bya ba mi shes pa'o/ /de la chos gos zlum po zhes bya ba chos gos zhes bya ba ni bla gos dang snam sbyar ro/ /sham thabs byin gyis ma brlabs pa la sogs pa dag la yang rnam pa 'di dag rig par bya'o/ /zlum po zhes bya ba ni ma mtha'i kha mnyam par 'dug pa ste/chos gos ci nas kyang zlum por 'dug par 'gyur ba de ltar bgo bar bslab par bya'o/ /chos gos zlum por bgo bar bslab par bya ba 'di ni mdor bstan pa yin la/ 'og nas chos gos ha cang rtsengs pa ma yin pa dang / ha cang 'jol ba ma yin par bgo bar bslab par bya ba gnyis 'byung ba dag ni 'di'i spros pa yin gyis rnam pa gzhan bstan pa ni ma yin no//de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni chos gos rung ba dang tshad dang ldan pa nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do/ /bslab pa brgyad pa'o// //chos gos ha cang rtsengs pa ma yin par bgo bar bslab par bya ba'i gleng gzhi ni/sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /bcom ldan 'das kyis chos gos zlum por bgo bar bslab par bya'o zhes bka' stsal nas/ drug sde dag chos gos ha cang rtsengs par gyon par byed nas bram ze dang khyim bdag dad pa can dag gis mthong nas smod par byed/'phags pa dag dwa dag dang rgyan po pa dag dang / nal gyi bu dag stod g.yogs 'di ltar 'tshal bas 'di ni tshul dang mthun pa ma lags kyis chos gos de 'di ltar ma gsol cig/ de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/khyim pa dag zer ba bden no snyam nas snga ma bzhin du chos gos ha cang rtsengs pa ma yin par bgo bar bslab par bya'o zhes bca' ba mdzad nas/ yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/ nyes pa ni chos gos ha cang rtsengs par gyon pa'o//de la chos gos ha cang rtsengs pa zhes bya ba ni pus mo gnyis las gong du thal ba de nyid de/ de lta bu ma yin par chos gos zlum por bgo bar bslab par bya'o/ /de la 'dir ni dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni chos gos rung ba dang tshad dang ldan pa nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no//bslab pa dgu pa'o// //chos gos ha cang 'jol ba ma yin par bgo bar bslab par bya ba'i gleng gzhi ni/ sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /bcom ldan 'das kyis chos gos ha cang rtsengs pa ma yin par bgo bar bslab par bya'o zhes bka' stsal nas/drug sde dag ha cang 'jol bar gyon par byed nas bram ze dang khyim bdag dad pa can dag gis mthong nas smod par byed de/ 'phags pa dag ta la ka'i yul na gnas pa'i mi dag dang /rigs kyi mna' ma dag stod g.yogs 'di ltar 'tshal bas 'di ni tshul dang mthun pa ma lags kyis chos gos 'di ltar ma gsol cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o//de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas snga ma bzhin du chos gos ha cang 'jol ba ma yin par bgo bar bslab par bya'o zhes bca' ba mdzad de/yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/ nyes pa ni chos gos ha cang 'jol bar gyon pa'o/ /de la ha cang 'jol ba zhes bya ba ni long bu'i tshigs la reg pa nyid de/de lta bu ma yin par chos gos zlum por bgo bar bslab par bya'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni chos gos rung ba dang tshad dang ldan pa nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid la ni ci rigs par na smad do zhes bya ba yang snga ma bzhin no/ /bslab pa bcu pa'o// // sdom la/ shin tu bsdams la sogs pa lnga/ /zhes gsungs pa'i bslab pa bsdu ba'i mdo ni shin tu bsdams pa dang / legs par bgos pa dang / sgra bskyung ba dang / mig mi g.yeng bar byed pa dang / gnya' shing gang tsam du lta zhing khyim gzhan du 'gro bar bslab par bya'o zhes bya ba dag yin no//de la shin tu bsdams shing khyim gzhan du 'gro bar bslab par bya ba'i gleng gzhi ni/ sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /drug sde dag lag pa dang rkang pa skyod par byed cing khyim gzhan du dong nas bram ze dang khyim bdag dad pa can dag gis mthong nas smod par byed de/'phags pa dag byis pa khye'u dag dang / chang gis ra ro ba dag dang / 'byung po dang sha zas brlams pa dag lag pa dang rkang pa 'di ltar skyod par bgyid cing mchi bas 'di ni tshul dang mthun pa ma lags kyis 'di ltar ma bzhud cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol ba dang /bcom ldan 'das kyis dgongs pa/ khyim pa dag zer ba bden no snyam nas snga ma bzhin du shin tu bsdams shing khyim gzhan du 'gro bar bslab par bya'o zhes bca' ba mdzad de/ yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/nyes pa ni shin tu ma bsdams par khyim gzhan du 'gro ba'o/ /de la shin tu bsdams zhes bya ba ni rnam par rab tu brtags pa las sbyar ba ste/ lag pa dang rkang pa skyod pa la sogs pa mi bya bar mnyam par gzhag pa'i rnam pas khyim gzhan du 'gro bar bslab par bya'o zhes bya ba'i tha tshig go//shin tu bsdams shing khyim gzhan du 'gro bar bslab par bya ba 'di ni mdor bstan pa yin la 'og nas legs par bgos shing khyim gzhan du 'gro bar bslab par bya ba la sogs pa bcu dgu 'byung ba dag ni 'di'i spros pa yin gyis/ rnam pa gzhan bstan pa ni ma yin no//de la 'dir dngos gzhi'i ltung ba rnam par gzhag pa ni/ dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni shin tu ma bsdams pa dang khyim gzhan nyid do/ / 'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do/ /bslab pa bcu gcig pa'o// //legs par bgos shing khyim gzhan du 'gro bar bslab par bya ba'i gleng gzhi ni/ sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so//drug sde dag chos gos bsdus shing phrag pa la gzar te/ khyim gzhan du 'gro bar byed nas bram ze dang khyim bdag dad pa can dag gis mthong nas smod par byed de/ 'phags pa dag gyad 'gyed par mchis pa dag stod g.yogs 'di ltar 'tshal bas 'di ni tshul dang mthun pa ma lags kyis chos gos 'di ltar ma gsol cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o//de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim bdag zer ba bden no snyam nas snga ma bzhin du legs par bgos shing khyim gzhan du 'gro bar bslab par bya'o zhes bca' ba mdzad de/yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/ nyes pa ni legs par ma bgos par khyim gzhan du 'gro ba'o/ /de la legs par bgos zhes bya ba ni sham thabs dang stod g.yogs dag gis g.yogs par bya ba'i lus la mnyam par g.yogs shing zhes bya ba'i tha tshig ste/de lta bus shin tu bsdams shing khyim gzhan du 'gro bar bslab par bya'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni legs par ma bgos pa dang / khyim gzhan nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang /sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa bcu gnyis pa'o// //sgra bskyung zhing khyim gzhan du 'gro bar bslab par bya ba'i gleng gzhi ni/ sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so//drug sde dag byung rgyal smra bas sgra 'byin cing khyim gzhan du 'dong nas bram ze dang khyim bdag dad pa can dag gis mthong nas smod par byed de/ 'phags pa dag byis pa khye'u dag dang chang gis ra ro ba dang / 'byung bo dang / sha zas brlams pa dag 'di ltar byung rgyal du smra bas sgra 'byin cing mchi bas 'di ni tshul dang mthun pa ma lags kyis 'di ltar sgra 'byin cing ma bzhud cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o//de dag rgya cher smod pa la zhugs pa thos nas/ skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas snga ma bzhin du sgra bskyungs shing khyim gzhan du 'gro bar bslab par bya'o zhes bca' ba mdzad de/yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/ nyes pa ni sgra ma bskyungs par khyim gzhan du 'gro ba'o/ /de la sgra bskyungs zhes bya ba ni ca co bskyungs pa ste/de lta bus shin tu bsdams shing khyim gzhan du 'gro bar bslab par bya'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ / 'di'i byed pa po ni sgra ma bskyungs pa dang khyim gzhan nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa bcu gsum pa'o// // mig g.yeng bar mi bya zhing khyim gzhan du 'gro bar bslab par bya ba'i gleng gzhi ni/ sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /drug sde dag mig g.yeng zhing khyim gzhan du dong ba na de dag glang po che 'khrul pa lhan cig 'dom pa dang /rta 'khrul pa dang / shing rta 'khrul pa dang / rkang thang 'khrul pa dang / 'dom zhing de dag gis brdos shing phul ba na mi gtsang ba dang / rdzab kyi khung dang / phyag dar gyi khrod du bsgyel nas/ bram ze dang khyim bdag dad pa can dag gis mthong nas smod par byed de/ 'phags pa dag skar ma la rtog pa dag dang / mig btsums pa dag bzhin ci'i phyir gzigs/ sa la gzigs na ci nongs/ 'di ni tshul dang mthun pa ma lags kyis 'di ltar yengs shing ma bzhud cig /de dag gis smras pa/ shes ldan dag 'di la dgos pa yod do//'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol ba dang / bcom ldan 'das kyis dgongs pa/khyim pa dag zer ba bden no snyam nas snga ma bzhin du mig g.yeng bar mi bya zhing / khyim gzhan du 'gro bar bslab par bya'o zhes bca' ba mdzad de/ yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/ nyes pa ni mig g.yeng zhing khyim gzhan du 'gro ba'o//de la mig g.yeng bar mi bya zhes bya ba ni mig 'khrul ba med pa ste/ de ltar shin tu bsdams shing khyim gzhan du 'gro bar bslab par bya'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyis byas kyi dngos gzhir 'gyur ro//'di'i byed pa po ni mig g.yeng ba dang / khyim gzhan nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya bar yang snga ma bzhin no//bslab pa bcu bzhi pa'o// //gnya' shing gang tsam du lta zhing khyim gzhan du 'gro bar bslab par bya ba'i gleng gzhi ni/ sangs rgyas bcom ldan 'das ser skya'i gnas na n+ya gro d+ha'i kun dga' rab na bzhugs so/ /drug sde dag mig rgyang ring por lta zhing khyim gzhan du dong ba na de dag spyod lam nyams shing lam shor ba la sogs par gyur nas bram ze dang khyim bdag dad pa can dag gis mthong nas smod par byed de/'phags pa dag skar ma la rtog pa dag dang / bya rab dag 'di ltar lta bar bgyid pas 'di ni tshul dang mthun pa ma lags kyis 'di ltar gzigs shing ma bzhud cig/de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol ba dang /bcom ldan 'das kyis dgongs pa/ khyim pa dag zer ba bden no snyam nas snga ma bzhin du gnya' zhing gang tsam du lta zhing khyim gzhan du 'gro bar bslab par bya'o zhes bca' ba mdzad de/ yul ni ser skya'i gnas/gang zag ni drug sde/ nyon mongs pa ni tshul dang mthun pa ma yin pa/ nyes pa ni gnya' shing gang tsam du mi lta bar khyim gzhan du 'gro ba'o/ /de la gnya' shing gang tsam du lta ba zhes bya ba ni gang la gnya' shing gang tsam du lta ba'i ngang tshul yod pa de ni gnya' shing gang tsam du lta ba sta/de ltar shin tu bsdams shing khyim gzhan du 'gro bar bslab par bya'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni gnya' shing gang tsam du mi lta ba dang /khyim gzhan nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa bco lnga pa'o// //sdom la/mgo g.yogs la sogs rnam pa lngas/ /zhes gsungs pa'i bslab pa bsdu ba'i mdo ni mgo mi g.yogs pa dang / mi brdze ba dang / mi gzar ba dang / gnya' gong du mi bsnol ba dang / ltag par mi bsnol bar khyim gzhan du 'gro bar bslab par bya'o zhes bya ba dag yin no//de la mgo mi g.yogs par khyim gzhan du 'gro bar bslab par bya ba'i gleng gzhi ni/ sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /drug sde dag mgo g.yogs shing khyim gzhan du 'gro bar byed nas bram ze dang khyim bdag dad pa can dag gis mthong nas smod par byed de/'phags pa dag rigs kyi mna' ma dag dang / mig na bdag dang / sbrang rtsi'i sbrang bus 'jigs pa dag 'di ltar bgyid pas 'di ni tshul dang mthun pa ma lags kyis 'di ltar mgo ma g.yogs shig de dag gis smras pa/shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang /bcom ldan 'das kyis dgongs pa/ khyim pa dag zer ba bden no snyam nas snga ma bzhin du mgo mi g.yogs par khyim gzhan du 'gro bar bslab par bya'o zhes bca' ba mdzad de/ yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/nyes pa ni mgo g.yogs shing khyim gzhan du 'gro ba'o/ /de la mgo mi g.yogs pa zhes bya ba ni ras la sogs pas mgo g.yogs pa de'i rnam pa de lta bus mgo mi g.yogs pa ste/ de lta bus shin tu bsdams shing khyim gzhan du 'gro bar bslab par bya'o//de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni mgo g.yogs pa dang / khyim gzhan nyid do/ /'di la yan lag ni gcig ste/dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa bcu drug pa'o// //mi brdze bar khyim gzhan du 'gro ba bslab par bya ba'i gleng gzhi ni sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so//drug sde dag sham thabs brdzes te khyim gzhan du 'dong bar byed nas bram ze dang khyim bdag dad pa can dag gis mthong nas smod par byed de/ 'phags pa dag bshang ba dang gci ba dag bgyid pa'i mi dag 'di ltar bgyid pas 'di ni tshul dang mthun pa ma lags kyis 'di ltar ma brdze shig/de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslab par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang /bcom ldan 'das kyis dgongs pa/ khyim pa dag zer ba bden no snyam nas snga ma bzhin du mi brdze bar khyim gzhan du 'gro bar bslabs par bya'o zhes bca' ba mdzad de/ yul ni ser skya'i gnas/gang zag ni drug sde/ nyon mongs pa ni tshul dang mthun pa ma yin pa/ nyes pa ni sham thabs brdzes te khyim gzhan du 'gro ba'o/ /de la mi brdze ba zhes bya ba ni ci tsam gyis mdoms kyi phyogs snang bar gyur pa de tsam du sham thabs mi brdze pa ste/ da lta bus shin du bsdams shing khyim gzhan du 'gro bar bslab par bya'o//de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni sham thabs brdzes pa dang khyim gzhan nyid do//'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa bcu bdun pa'o// //mi gzar bar khyim gzhan du 'gro bar bslab par bya ba'i gleng gzhi ni/sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /drug sde dag chos gos phrag pa la gzar te khyim gzhan du dong bar byed nas/ bram ze dang khyim bdag dad pa can dag gis mthong nas smod par byed de/ 'phags pa dag dwa dag dang rgyan po pa dag dang nal gyi bu dag 'di ltar bgyid pas 'di ni tshul dang mthun pa ma lags kyis 'di ltar ma gzar cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o//de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas snga ma bzhin du mi gzar bar khyim gzhan du 'gro bar bslab par bya'o zhes bca' ba mdzad de/yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/ nyes pa ni chos gos phrag pa la gzar te khyim gzhan du 'gro ba nyid do/ /de la mi gzar ba zhes bya ba ni chos gos phrag pa'i phyogs su gzar te gzhag pa nyid kyis gzar ba de ltar mi gzar bas te/dge slong dag la ni phrag pa g.yon par gzar bar grags pa nyid yin la/ yul dza ta dag na ni ngos gnyi gar gzar bar grags pas de lta bu ma yin par shin tu bsdams shing khyim gzhan du 'gro bar bslab par bya'o//de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni chos gos phrag pa la gzar ba dang / khyim gzhan nyid do//'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa bco brgyad pa'o// //gnya' gong du mi bsnol bar khyim gzhan du 'gro bar bslang par bya ba'i gleng gzhi ni/sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /drug sde dag lag pa gnya' gong du bsnol te khyim gzhan du dong bar byed nas/ bram ze dang khyim bdag dad pa can dag gis mthong nas smod par byed de/ 'phags pa dag dwa dag dang rgyan po pa dag dang / nal gyi bu dag 'di ltar bgyid pas 'di ni tshul dang mthun pa ma lags kyis 'di ltar gnya' gong du ma bsnol cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas snga ma bzhin du gnya' gong du mi bsnol bar khyim gzhan du 'gro bar bslab par bya'o zhes bca' ba mdzad de/yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa'o/ /nyes pa ni lag pa gnya' gong du bsnol te khyim gzhan du 'gro ba'o/ / de la gnya' gong du mi bsnol ba zhes bya ba ni lag pa g.yas pa mdun du btang ste dpung pa 'am phrag pa 'am gnya' ba'i phyogs su gzhag la g.yon pa yang g.yas pa bzhin du byas pa de ni gnya' gong du bsnol ba ste/ de ltar mi bsnol bar shin tu bsdams shing khyim gzhan du 'gro bar bslab par bya'o//de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni lag pa gnya' gong du bsnol ba dang / khyim gzhan nyid do//'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa bcu dgu pa'o// //ltag par mi bsnol bar khyim gzhan du 'gro bar bslab par bya ba'i gleng gzhi ni/sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /drug sde dag lag pa ltag par bsnol te khyim gzhan du dong bar byed nas bram ze dang khyim bdag dad pa can dag gis mthong nas smod par byed de/ 'phags pa dag g.yog dag 'di ltar bgyid pa 'di ni tshul dang mthun pa ma lags kyis 'di ltar ltag par ma bsnol cig /de dag gis smras pa/ shes ldan dag 'di la dgos pa yod de/ 'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o//de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas snga ma bzhin du ltag par mi bsnol bar khyim gzhan du 'gro bar bslab par bya'o zhes bca' ba mdzad de/yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/ nyes pa ni lag pa ltag par bsnol te khyim gzhan du 'gro ba'o/ /de la ltag par mi bsnol ba zhes bya ba ni lag pa cung zad dam te por brkyangs te ltag pa'am dpung mgor lag pa gnyis phan tshun nas sprad cing bsnol ba ni ltag par bsnol ba zhes bya ba ste/de ltar ltag pa'i phyogs su lag pa phan tshun nas sprad de/ sor mo bsnol ba ltar ltag par mi bsnol bar shin tu bsdams shing khyim gzhan du 'gro bar bslab par bya'o//de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni lag pa ltag par bsnol ba dang khyim gzhan nyid do//'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa nyi shu pa'o// //sdom la/ mchong la sogs pa rnam pa lnga/ /zhes gsungs pa'i bslab pa bsdu ba'i mdo ni mi mchong ba dang /mi brkyang ba dang / tsog pus ma yin pa dang / brang bas ma yin pa dang / dkur mi brten par khyim gzhan du 'gro bar bslab par bya'o zhes pa dag yin no/ /de la mi mchong bar khyim gzhan du 'gro bar bslab par bya ba'i gleng gzhi ni/sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /drug sde dag rib ma la mchong zhing khyim gzhan du 'dong nas bram ze dang khyim bdag dad pa can dag gis mthong nas smod par byed de/ 'phags pa dag 'jigs pas skrag nas bros pa dag 'di ltar bgyid pas 'di ni tshul dang mthun pa ma lags kyis 'di ltar ma mchong shig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o//de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas snga ma bzhin du mi mchong bar khyim gzhan du 'gro bar bslab par bya'o zhes bca' ba mdzad de/yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/ nyes pa ni mchong zhing khyim gzhan du 'gro ba'o/ /de la mi mchong ba zhes bya ba ni mchong zhing 'gro bar mi bya ba ste/ de lta bus shin tu bsdams shing khyim gzhan du 'gro bar bslab par bya'o//de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na/ bshags par bya ba'i nyes byas kyi dngos gzhir 'gyur ro/ /'di'i byed pa po ni mchong ba dang khyim gzhan nyid do/ /'di la yan lag ni gcig ste/dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa nyi shu gcig pa'o// //mi brkyang bar khyim gzhan du 'gro bar bslab par bya ba'i gleng gzhi ni/ sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so//drug sde dag gom pa ha cang chen po dag gis khyim gzhan du 'dong nas bram ze dang khyim bdag dad pa can dag gis mthong nas smod par byed de/ 'phags pa dag chang gis ra ro ba dag dang / 'byung po dag dang /sha zas brlams pa dag 'di ltar bgyid pas 'di ni tshul dang mthun pa ma lags kyis 'di ltar ma bzhud cig /de dag gis smras pa/ shes ldan dag 'di la dgos pa yod de/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o//de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas snga ma bzhin du mi brkyang bar khyim gzhan du 'gro bar bslab par bya'o zhes bca' ba mdzad de/yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/ nyes pa ni sgyid pa brkyang zhing khyim gzhan du 'gro ba'o/ /de la mi brkyang ba zhes bya ba ni sgyid pa brkyang bskum byed cing 'gro bar mi bya ba ste/de lta bus shin tu bsdams shing khyim gzhan du 'gro bar bslab par bya'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ / 'di'i byed pa po ni sgyid pa brkyang ba dang / khyim gzhan nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya bar yang snga ma bzhin no/ /bslab pa nyi shu gnyis pa'o// //tsog pus ma yin par khyim gzhan du 'gro bar bslab par bya ba'i gleng gzhi ni/sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /drug sde dag tsog pus khyim gzhan du 'dong nas bram ze dang khyim bdag dad pa can dag gis mthong nas smod par byed de/'phags pa dag 'gros nyams pa dag dang / rkang bam can dag dang / byis pa khye'u dag 'di ltar bgyid pas 'di ni tshul dang mthun pa ma lags kyis 'di ltar ma mdzad cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas snga ma bzhin du tsog pus ma yin par khyim gzhan du 'gro bar bslab par bya'o zhes bca' ba mdzad de/yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/ nyes pa ni tsog pus khyim gzhan du 'gro ba'o/ /de la tsog pus ma yin pa zhes bya ba ni tsog pus 'gro bar mi bya ba ste/de lta bus shin tu bsdams shing khyim gzhan du 'gro bar bslab par bya ba'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni tsog pus 'gro ba dang / khyim gzhan nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa nyi shu gsum pa'o// //brang bas ma yin par khyim gzhan du 'gro bar bslab par bya ba'i gleng gzhi ni/ sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /drug sde dag rkang pa'i brang ba dag gis khyim gzhan du 'dong bar byed nas bram ze dang khyim bdag dad pa can dag gis mthong nas smod par byed de/'phags pa dag byis pa khye'u smig ma bzhin du rtse bar byed pa dang / rkang mthil smas pa dag 'di ltar bgyid pas 'di ni tshul dang mthun pa ma lags kyis 'di ltar ma bzhud cig/ de dag gis smras pa/ shes ldan dag 'di la dgos pa yod do//'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol ba dang / bcom ldan 'das kyis dgongs pa/khyim pa dag zer ba bden no snyam nas snga ma bzhin du brang bas ma yin par khyim gzhan du 'gro bar bslab par bya'o zhes bca' ba mdzad de/ yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/ nyes pa ni rkang pa'i brang bas khyim gzhan du 'gro ba'o//de la brang bas ma yin zhes bya ba ni rkang pa'i rting pa bteg ste/ sor mo'i dra bas la phab ste 'gro bar mi bya ba ste/ de lta bus shin tu bsdams shing / khyim gzhan du 'gro bar bslab par bya'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na/bshags par bya ba'i nyes byas kyi dngos gzhir 'gyur ro/ /'di'i byed pa po ni rkang pa'i brang bas 'gro ba dang / khyim gzhan nyid do/ /'di la yan lag ni gcig ste/ dngos gzhi'i sgrub pa nyid do//sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa nyi shu bzhi pa'o// //dkur mi brten par khyim gzhan du 'gro bar bslab par bya ba'i gleng gzhi ni/ sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so//drug sde dag lag pa gnyis dkur brten te khyim gzhan du 'dong bar byed nas bram ze dang khyim bdag dad pa can dag gis mthong nas smod par byed de/ 'phags pa dag nor chen dag dang tshong dpon dag dang / ded dpon dag 'di ltar bgyid pas 'di ni tshul dang mthun pa ma lags kyis 'di ltar ma bzhud cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang /bcom ldan 'das kyis dgongs pa/ khyim pa dag zer ba bden no snyam nas snga ma bzhin du dkur mi brten par khyim gzhan du 'gro bar bslab par bya'o zhes bca' pa mdzad de/ yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/ nyes pa ni lag pa gnyis dkur brten te khyim gzhan du 'gro ba'o/ /de la dkur mi brten pa zhes bya ba ni lag pa gnyis rked pa'i phyogs su brten te gru mo'i phyogs su smyung smyung por byas shing 'gro bar mi bya ba ste/de lta bus shin tu bsdams shing khyim gzhan du 'gro bar bslab par bya'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni lag pa gnyis dkur brten pa dang / khyim gzhan nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa nyi shu lnga pa'o// //so sor thar pa'i mdo rgya cher 'grel pa 'dul ba kun las btus pa/ bam po bzhi bcu bzhi pa/ sdom la/ lus la sogs pa rnam pa lnga/ /zhes gsungs pa'i bslab pa bsdu ba'i don ni lus mi bsgyur ba dang / lag pa mi kyog pa dang / mgo mi bsgyur ba dang / phrag pa mi sprad pa dang / lag pa mi sbrel bar khyim gzhan du 'gro bar bslab par bya'o zhes bya ba dag yin no/ /de la lus mi bsgyur bar khyim gzhan du 'gro bar bslab par bya ba'i gleng gzhi ni/ sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so//drug sde dag lus bsgyur cing khyim gzhan du 'dong bar byed nas/ bram ze dang khyim bdag dad pa can dag gis mthong nas smod par byed de/ 'phags pa dag gzugs 'tshong ma dag dang / glang po che dag dang / bal glang mo dag 'di ltar mchis pas/ 'di ni tshul dang mthun pa ma lags kyis 'di ltar ma bzhud cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang /bcom ldan 'das kyis dgongs pa/ khyim pa dag zer ba bden no snyam nas snga ma bzhin du lus mi bsgyur bar khyim gzhan du 'gro bar bslab par bya'o zhes bca' ba mdzad de/ yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/nyes pa ni lus bsgyur zhing khyim gzhan du 'gro ba'o/ /de la lus mi bsgyur ba zhes bya ba ni gang du 'gro ba der lus bsgyur zhing 'gro ba ni lus bsgyur zhing 'gro ba zhes bya ba ste/ 'di ni bya ba'i bye brag yin pas de'i phyir lus bsgyur ba zhes bya ba'i bya ba de mi bya bar de lta bus shin tu bsdams shing khyim gzhan du 'gro bar bslab par bya'o//de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni lus bsgyur ba dang /khyim gzhan nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa nyi shu drug pa'o// //lag pa mi kyog par khyim gzhan du 'gro bar bslab par bya ba'i gleng gzhi ni/sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /drug sde dag lag pa kyog cing khyim gzhan du 'dong bar byed nas bram ze dang khyim bdag dad pa can dag gis mthong nas smod par byed de/ 'phags pa dag dwa dag dang rgyan po pa dag dang /nal gyi bu dag 'di ltar mchis pas/ 'di ni tshul dang mthun pa ma lags kyis 'di ltar ma bzhud cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ ji dang por khyed cag nyid mi shes pa dang bral ba dang bslabs par gyur pa'o//de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas snga ma bzhin du lag pa mi kyog par khyim gzhan du 'gro bar bslab par bya'o zhes bca' ba mdzad de/yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/ nyes pa ni lag pa kyog cing khyem gzhan du 'gro ba'o/ /de la lag pa mi kyog pa zhes bya ba yang bya ba'i bye brag yin te/ lag pa kyog cing 'gro bar mi bya ba de lta bus shin tu bsdams shing khyem gzhan du 'gro bar bslab par bya'o//de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni lag pa kyog pa dang /khyim gzhan nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa nyi shu bdun pa'o// //mgo mi bsgyur bar khyim gzhan du 'gro bar bslab par bya ba'i gleng gzhi ni/sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /drug sde dag mgo bsgyur zhing khyim gzhan du 'dong bar byed nas bram ze dang khyim bdag dad pa can dag gis mthong nas smod par byed de/ 'phags pa dag glang po che dag dang srog chags rtsangs pa dag 'di ltar mchis pas 'di ni tshul dang mthun pa ma lags kyis 'di ltar ma bzhud cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o//de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyem pa dag zer ba bden no snyam nas snga ma bzhin du mgo mi bsgyur bar khyim gzhan du 'gro bar bslab par bya'o zhes bca' ba mdzad de/yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/ nyes pa ni mgo bsgyur zhing khyim gzhan du 'gro ba'o/ /de la mgo mi bsgyur ba zhes bya ba yang bya ba'i bye brag yin te/ mgo bsgyur zhing 'gro bar mi bya ba de lta bus shin tu bsdams shing khyim gzhan du 'gro bar bslab par bya'o//de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni mgo bsgyur ba dang /khyim gzhan nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa nyi shu brgyad pa'o// //phrag pa mi sprad par khyim gzhan du 'gro bar bslab par bya ba'i gleng gzhi ni/sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /drug sde dag phrag pa sprod cing khyim gzhan du 'dong ban ci tsam na mi zhig spos dang me tog gis brgyan te/ 'jig rten la bu tsam du sems shing 'gro nas/drug sde dag gis smras pa/ dga' bo nye dga' bkren pa 'di 'jig rten la bu tsam du sems shing 'gro na/ ji 'di'i snying lam na drug sde dag gis sngon lan 'ga' yang dri dang me tog thogs ma myong snyam pa 'dras/ tshur shog 'di mi dga' bar bya'o/ /de ltar bya'o zhes de na de dag gcig dang gcig phrag pa sprad cing gzhan dang gzhan yang phrag pa sprad de/de la phul ba dang sa la 'gyel nas des smras pa/ bdag gis khyed cag la nongs pa ci bgyis/ bkren pa khyod ci snying lam na/ drug sde dag gis sngon lan 'ga' yang / spos dang me tog thogs ma myong snyam nas khyod de ltar mi dga' bar bya'o//de smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol ba dang / bcom ldan 'das kyis dgongs pa/ khyim bdag de gnas su smod par byed do snyam nas snga ma bzhin du phrag pa mi sprad par khyim gzhan du 'gro bar bslab par bya'o zhes bca' ba mdzad de/yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/ nyes pa ni phrag pa sprod cing khyim gzhan du 'gro ba'o/ /de la phrag pa mi sprad ces bya ba ni gzhan dag dang phrag pa gnyis mi sprad pa ste/de lta bus shin tu bsdams shing khyim gzhan du 'gro bar bslab par bya'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni phrag pa sprad pa dang /khyim gzhan nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa nyi shu dgu pa'o// //lag pa mi sbrel bar khyim gzhan du 'gro bar bslab par bya ba'i gleng gzhi ni/sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /drug sde dag lag pa sbrel zhing khyim gzhan du 'dong ba na ci tsam na mi zhig sbos dang me tog gis brgyan te 'jig rten la bu tsam du sems shing 'gro nas/drug sde dag gis smras pa/ dga' bo nye dga' bkran pa 'di 'jig rten la bu tsam du sems shir 'gro na ci 'di'i snying lam na/ drug sde dag gis sngon lan 'ga' yang dri dang me tog thogs ma myong snyam pa 'dras tshur sheg 'di mi dga' bar bya'o/ /de ltar bya'o zhes de na de dag gcig dang gcig lag pa sbrel cing gzhan dang gzhan lag pa sbrel te de phul ba dang sa la 'gyel nas/des smras pa bdag gis khyed cag la nongs pa ci bgyis/ bkren pa khyod ni snying lam na/ drug sde dag gis lan 'ga' yang spos dang me tog thogs ma myong snyam pas khyod de ltar mi dga' bar bya'o/ /de smod par byed/phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas snga ma bzhin du lag pa mi sbrel bar khyim gzhan du 'gro bar bslab par bya'o zhes bca' ba mdzad de/yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/ nyes pa ni lag pa sbrel te khyim gzhan du 'gro ba'o/ /de la lag pa mi sbrel ba zhes bya ba ni gzhan dang lag pa sbrel te 'gro bar mi bya ba ste/ de lta bus shin tu bsdams shing khyim gzhan du 'gro bar bslab par bya ba'o//de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni lag pa sbrel ba dang khyim gzhan nyid do/ /'di la yan lag ni gcig ste/dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /shin tu bsdams shing khyim gzhan du 'gro bar bslab par bya'o zhes bya ba man chad 'di yan chad thams cad shin du bsdams shing khyim gzhan du 'gro bar bslab par bya ba de'i spros pa yin par sbyar ro//de dag gi gleng gzhi ni ser skya'i gnas zhes smos pa ni gzhung gzhan las ser skya'i gnas su yab dang sras mngal nas shAkya rnams rab tu byung ba'i tshe drug sde dag gsar bu rab tu byung ba las bcas so zhes gsungs pa las shes par bya'o//bslab pa sum cu pa'o// //sdom la/ 'dug par bya ba dgu dag dang / /zhes gsungs pa'i bslab pa bsdus pa'i mdo ni ma bsgo bar khyim gzhan du stan la mi 'dug par bslab par bya'o/ /stan la ma brtags pa dang /lus thams cad kyi lcid kyis mi dbab pa dang rkang pa mi bsnol ba dang / brla mi bsnol ba dang / long bu'i steng du long bu mi gzhag pa dang / rkang pa mi dgug pa dang / rkang pa mi gdangs pa dang / mdoms mi snang bar khyim gzhan du stan la 'dug par bslab par bya'o zhes bya ba dag yin no//de lam bsgo bar khyim gzhan du stan la mi 'dug par bslab par bya ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na bram ze gtsang sbra 'dod pa zhig 'dug pa der sgo khang du mal bshams nas de na bu mo zhig bsil yab thogs te sbrang ma skyob cing 'dug go//tshe dang ldan pa nye dga' de'i khyim du bsod snyoms la zhugs nas des smras pa bu mo bram ze'i gan du song la nye dga' sgo na sdod ces gyis shig /des smras pa/ 'phags pa bdag 'di na sbrang ma skyob cing mchis pas mi mchi'o//des smras pa bu mo gal te de ltar na kho bos re zhig srung gis khyod song la smros shig /de song ba dang nye dga' rkang pa dang bcas par 'dzegs te mal de'i steng du 'dug go/ /bram ze de phyir phyung ba dang nye dga' rkang pa dang bcas par mal gyi steng du 'dzegs te 'dug pa mthong ngo //mthong nas kyang smras pa/ 'jig rten kyi gtsang sbra ni tha dad pa yin na ci'i phyir rkang pa dang bcas par 'dzegs te 'dug/ /des smras pa/ bram ze dang dge slong gis mal la longs spyad pa gang yin pa de ni khyod kyi khyim bdun pa tshun chad la phan btags pa yin no//de smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol ba dang / bcom ldan 'das kyis dgongs pa/ bram ze de gnas su smod par byed do snyam nas snga ma bzhin du ma bsgo bar khyim gzhan du stan la mi 'dug par bslab par bya'o zhes bca' ba mdzad de/yul ni mnyan yod/ gang zag ni nye dga'/ nyon mongs pa ni thug thub/ nyes pa ni ma bsgo bar khyim gzhan du stan la 'dug pa'o/ /de la ma bsgo bar khyim gzhan du stan la mi 'dug par bslab par bya zhes bya ba ni khyim gzhan der khyim bdag gis ma bsgo bar dge slong stan la mi 'dug par bslab par bya'o//ma bsgo bar khyim gzhan du stan la mi 'dug par bslab par bya zhes bya ba 'di ni mdor bstan pa yin la 'og nas stan la ma brtags par khyim gzhan du stan la 'dug par mi bya bar bslab par bya ba la sogs pa brgyad 'byung ba dag ni 'di'i spros pa yin te/rnam pa gzhan bstan pa ni ma yin no/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni ma bsgo ba dang 'dug pa nyid do//'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do/ /bslab pa sum cu gcig pa'o// //stan la ma brtags par khyim gzhan du stan la 'dug par mi bya bar bslab par bya ba'i gleng gzhi ni/sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe tshe dang ldan pa 'char kas gtum mo btul ba de'i tshe na des drang srong gi stan bshams nas tshe dang ldan pa 'char kas longs spyod cing 'gro ba'o//ji tsam dus gzhan zhig na des gtum mo la smras pa/ sring mo khyod bltas kyis ljongs rgyur 'gro/ des smras pa/ 'phags pa myur du slar spyon cig/ gdod skyo ba skyed par ma mdzad cig /des smras pa/ sring mo ma nyes kyis de bzhin du bya'o//des de bltas te rgyal byed kyi tshal du song ba dang / bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong rnams la bcom ldan 'das nyi ma bdun pa la ljongs rgyur gshegs kyis khyed cag las gang bcom ldan 'das dang thabs cig ljongs rgyur 'gro bar spro ba des chos gos kyi las gyis shig ces bsgo shig /tshe dang ldan pa kun dga' bos dge slong rnams la de skad ces bsgo ba na/ tshe dang ldan pa 'char kas bsams pa/ sangs rgyas ljongs rgyur gshegs pa la phan yon bco brgyad yod kyis bcom ldan 'das nyid dang thabs cig 'gro'o snyam nas de ma 'phags so//de'i tshe na gtum mo'i khyim na khye'u btsas nas ring po ma lon pa zhig yod nas/ des bu mo la smras pa/ bu mo khye'u 'di drang srong gi gdan la snyol cig dang yun ring du 'tsho zhing tshe ring du skyong bar 'gyur ro/ /des ni gos dkar po bskon te bsnyal ba dang /tshe dang ldan pa 'char ka mnyan yod du bsod snyoms la zhugs nas des bsams pa/ je gtum mo'i khyim du stan la longs spyod du 'gro zhing phyis bsod snyoms brgyus te 'gro'o snyam nas de der song ngo / /dgra bcom pa dag ni ma bsams par shes pa dang mthong ba mi 'jug pas de stan de nyid la gya tshom du 'dug pa dang /nang mi brtad pa dang bcas pa dang 'phags pa khye'u khye'u zhes smras pa dang / de myur ba myur bar langs nas ci tsam na de dag gis de dus la bab par mthong nas de dag ngu bar brtsams pa dang / des smras pa/sring mo dag 'di la ci 'dud/ 'du byed thams cad kyi chos nyid 'di lta bu yin no/ /'on kyang kho bo la brten te bcom ldan 'das 'dul ba la nyan thos rnams kyis bslab pa'i gzhi 'cha' bar 'gyur bas 'di la kho bo 'dud par bya ba yin no/ /'khor ba na sems can rnams nye du la byams pa ni thog ma med pa'i dus nas goms pa yin pas de dag de bzhin du ngu zhing mi sdod pa thos nas dge slong rnams kyis skabs de bcom ldan 'das la gsol pa dang /bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/stan la ma brtags par khyim gzhan du stan la 'dug par mi bya bar bslab par bya'o zhes bca' ba mdzad de/ yul ni mnyan yod/ gang zag ni tshe dang ldan pa 'char ka /nyon mongs pa ni bag chags ma byang bas ma bsams par shes pa dang mthong ba mi 'jug pa/nyes pa ni stan la ma brtags par khyim gzhan du stan la 'dug pa'o/ /de la stan la ma brtags pa zhes bya ba ni khyim gzhan der stan la ma brtags pa ste/ de ltar khyim gzhan du stan la 'dug par mi bya bar bslab par bya ba'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni ma brtags par byed pa nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no//bslab pa sum cu gnyis pa'o// //lus thams cad kyi ljid kyis mi dbab par khyim gzhan du stan la 'dug par bslab par bya ba'i gleng gzhi ni/ sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ / gang gi tshe bcom ldan 'das mngon par byung nas lo bcu gnyis lon zhing rdzogs par sangs rgyas nas/ lo drug lon nas ser skya'i gnas su byon pa de'i tshe nyi ma gcig na yab kyi thad du gdugs tshod gsol/ nyi ma gnyis pa la ni rang gi btsun mo'i 'khor du gdugs tshod gsol ba na tshe dang ldan pa 'char kas btsun mo grags 'dzin ma bshos 'dri ma gsol zer ba la rkang pas rkang pa la phul ba dang /de stobs dang ldan pas ma 'gyel nas/ des btsun mo sa 'tsho ma la smras pa/ sa 'tsho ma 'phags pa 'char kas bdag sangs rgyas la sogs pa dge slong gi dge 'dun gyi spyan sngar mtho btsams so//ci byas des ji ltar gyur pa brjod pa dang / des smras pa/ de ci nas kyang phyin chad de lta byed par mi 'gyur ba de ltar mi dga' bar bya'o/ /ci tsam nyi ma gzhan zhig la btsun mo grags 'dzin gyis khri'u ma brgyus pa zhig ras kyis g.yogs nas bu mo mngag gzhug ma tshe dang ldan pa 'char kas bram ze'i ming gis 'bod du btang ba dang /des bsam pa/ der gor ma chag par sbyin pa byed kyis 'gro'o snyam nas de myur ba myur bar song ste smras pa/ je slong mo pa dag la ci zhig sbyin par bya ba de lta'o/ /grags 'dzin gyis smras pa/'phags pa zho'i kham phor 'di dang phye'i kham phor 'di 'greng ste long la khri'u 'di la bzhugs shig/ ci khri'u 'di yang kho bo la sbyin nas 'phags pa khri'u ni mi gsol lo/ /des bsams pa gal te khri'u mi ster na khri'u 'di yang bcag par bya'o snyam nas des zho'i kham phor dang phye'i kham phor de gnyis 'greng ste blangs nas khri'u de nyid la lus thams cad kyi ljid kyis phab ste 'dug par brtsams pa dang khri'u zhig ste sgyel nas zho'i kham phor dang phye'i kham phor de de'i mgor bo ba dang /de dag gis rta gad kyis btab ste lag pa dang rkang pa dag nas bzung nas byang chub sems dpa' rol pa'i rdzing bur 'phangs so//de langs te gos dag 'chir ba dge slong rnams kyis mthong nas smras pa/ tshe dang ldan pa 'char ka 'di ci nyes/ des smras pa/ kho bos ku re cung zhig byas nas nyes dmigs 'di lta bu 'di byung ngo / /de dag smod par byed phyar ka gtong bar byed/kha zer bar byed pa'i skabs de dge slong rnams kyis bcom ldan 'das la gsol ba dang / bcom ldan 'das kyis dgongs pa/ de dag gnas su smod do snyam nas snga ma bzhin du lus thams cad kyi ljid kyis mi dbab par khyim gzhan du stan la 'dug par bslab par bya'o zhes bca' ba mdzad de/yul ni ser skya'i gnas/ gang zag ni tshe dang ldan pa 'char ka/ nyon mongs pa ni tho 'tshams pa/ nyes pa ni lus thams cad kyi ljid kyis phab ste khyim gzhan du stan la 'dug pa'o/ /de lus thams cad kyi ljid kyis mi dbab ces bya ba'i khyim gzhan der stan la gya tshom du lus thams cad kyi ljid kyis phab ste thrig ces 'dug par mi bya ba ste/de ltar khyim gzhan du stan la 'dug par bslab par bya'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni lus thams cad kyi ljid kyis 'bebs pa dang 'dug pa nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rags par na smad do zhes bya ba yang snga ma bzhin no//bslab pa sum cu gsum pa'o// //rkang pa mi bsnol bar khyim gzhan du stan la 'dug par bslab par bya ba'i gleng gzhi ni sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /drug sde dag gis khyim gzhan du rkang pa bsnol te 'dug par byed nas bram ze dang khyim bdag dad pa can dag gis mthong nas smod par byed de/'phags pa dag /dwa dag dang rgyan po pa dag dang / nal gyi bu dag 'di ltar mchis pas 'di ni tshul dang mthun pa ma lags kyis 'di ltar ma bzhugs shig/ de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang /bcom ldan 'das kyis dgongs pa/ khyim pa dag zer ba bden no snyam nas snga ma bzhin du rkang pa mi bsnol bar khyim gzhan du stan la 'dug par bslab par bya'o zhes bca' ba mdzad de/ yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/nyes pa ni rkang pa bsnol te khyim gzhan du stan la 'dug pa'o/ /de la rkang pa mi bsnol ba zhes bya ba ni rkang pa'i steng du rkang pa gzhag ste 'dug par mi bya'o/ /de ltar khyim gzhan du stan la 'dug par bslab par bya ba'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni rkang pa bsnol ba dang 'dug pa nyid do/ /'di la yan lag ni gcig ste/ dngos gzhi'i sgrub pa nyid do//sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa sum cu bzhi pa'o// //brla mi bsnol bar khyim gzhan du stan la 'dug par bslab par bya ba'i gleng gzhi ni/ sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so//drug sde dag brla bsnol te khyim gzhan du 'dug par byed nas bram ze dang khyim bdag dad pa can dag gis mthong nas smod par byed de/ 'phags pa dag dwa dag dang rgyan po pa dag dang nal gyi bu dag 'di ltar mchis pas 'di ni tshul dang mthun pa ma lags kyis 'di ltar ma bzhugs shig/de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang /bcom ldan 'das kyis dgongs pa/ khyim pa dag zer ba bden no snyam nas snga ma bzhin du brla mi bsnol bar khyim gzhan du stan la 'dug par bslab par bya'o zhes bca' ba mdzad de/yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/ nyes pa ni brla bsnol te khyim gzhan du stan la 'dug pa'o/ /de la brla mi bsnol ba zhes bya ba ni brla'i steng du brla bzhag ste 'dug par mi bya ba ste/ de ltar khyim gzhan du stan la 'dug par bslab par bya ba'o//de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni brla bsnol ba dang 'dug pa nyid do/ /'di la yan lag ni gcig ste/dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa sum cu lnga pa'o// //long bu'i steng du long bu mi gzhag par khyim gzhan du stan la 'dug par bslab par bya ba'i gleng gzhi ni/sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /drug sde dag long bu'i steng du long bu gzhag ste khyim gzhan du 'dug par byed nas bram ze dang khyim bdag dad pa can dag gis mthong nas smod par byed de/ 'phags pa dag dwa dag dang rgyan po pa dag dang nal gyi bu dag 'di ltar mchis pas 'di ni tshul dang mthun pa ma lags kyis 'di ltar ma bzhugs shig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o//de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas snga ma bzhin du long bu'i steng du long bu mi gzhag par khyim gzhan du stan la 'dug par bslab par bya'o zhes bca' ba mdzad de/yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/ nyes pa ni long bu'i steng du long bu bzhag ste khyim gzhan du stan la 'dug pa'o/ /de la long bu'i steng du long bu mi gzhag pa zhes bya ba ni long bu'i steng du long bu bzhag ste 'dug par mi bya ba ste/de ltar khyim gzhan du stan la 'dug par bslab par bya ba'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni long bu'i steng du long bu gzhag pa dang 'dug pa nyid do/ /'di la yan lag ni gcig ste/ dngos gzhi'i bsgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ / bslab pa sum cu drug pa'o// //rkang pa mi 'gugs par khyim du stan la 'dug par bslab par bya ba'i gleng gzhi ni/ sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /drug sde dag rkang pa bkug ste khyim gzhan du 'dug par byed na dge bsnyen ma dag lhags te phyag 'tshal ba na de dag a rog gya mi zer nas de dag gis smras pa/'phags pa dag ci'i slad du a rog gya mi gsung / de dag gis smras pa/ khyed cag gis kho bo cag gi rkang pa la phyag ma byas so/ /de dag de dag gis rkang pa la phyag 'tshal ba na rkub tsos 'jal bar byed cing dga' bo nye dga' 'di dag ni rkub tsos che khyad la ltos zhes smras pa dang /de dag ngo tsha nas cang mi smra bar 'khong pa'i skabs de dge slong rnams kyis bcom ldan 'das la gsol ba dang / bcom ldan 'das kyis snga ma bzhin du rkang pa mi dgug par khyim gzhan du stan la 'dug par bslab par bya'o zhes bca' ba mdzad de/yul ni ser skya'i gnas/ gang zag ni drug sde/ nyon mongs pa ni tho 'tshams pa/ nyes pa ni rkang pa bkug de khyim gzhan du stan la 'dug pa'o/ /de la rkang pa mi dgug pa zhes bya ba ni rkang pa gnyis 'gab kung du bkug ste 'dug par mi bya ba ste de ltar khyim gzhan du stan la 'dug par bslab par bya ba'o//de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ / 'di'i byed pa po ni rkang pa dgug pa dang 'dug pa nyid do/ /'di la yan lag ni gcig te/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa sum cu bdun pa'o// //rkang pa mi gdangs par khyim gzhan du stan la 'dug par bslab par bya ba'i gleng gzhi ni/sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /drug sde dag rkang pa gdangs te khyim gzhan du stan la 'dug par byed nas dge bsnyen ma dag lhags te phyag 'tshal bar byed pa na de dag a rog gya lhag ma dang bcas par zer nas de dag gis smras pa/'phags pa dag ci'i slad du a rog gya lhag ma dang bcas par gsungs/ de dag gis smras pa/ khyed cag gis kho bo cag gi rkang pa la phyag ma byas so/ /de dag de dag gi rkang pa la phyag 'tshal ba na rku btsos 'jal bar byed cing dga' bo nye dga' 'di dag gi rkub cos che khyad la ltos zhes smras pa dang /de dag ngo tsha nas cang mi smra bar 'khod pa'i skabs de dge slong rnams kyis bcom ldan 'das la gsol ba dang / bcom ldan 'das kyis snga ma bzhin du rkang pa mi gdangs par khyim gzhan du stan la 'dug par bslab par bya'o zhes bca' ba mdzad de/yul ni ser skya'i gnas/ gang zag ni drug sde/ nyon mongs pa ni tho 'tshams pa/ nyes pa ni rkang pa gdangs te khyim gzhan du stan la 'dug pa'o/ /de la rkang pa mi gdangs pa zhes bya ba ni brla gnyis gzhibs te byin pa dang rkang pa gnyis bar thag ring du so sor phral te 'dug par mi bya ba ste/de ltar khyim gzhan du stan la 'dug par bslab par bya'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni rkang pa gdangs pa dang 'dug pa nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa sum cu brgyad pa'o// //mdoms mi snang bar khyim gzhan du stan la 'dug par bslab par bya ba'i gleng gzhi ni/ sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /drug sde dag mdoms snang bar stan la 'khod cing sgren mor snang nas bram ze dang khyim bdag dad pa can dag gis mthong nas smod par byed de/'phags pa dag byis pa khye'u dag dang chang gis ra ro ba dag dang 'byung po dang sha zas brlams pa dag 'di ltar mchis pas 'di ni tshul dang mthun pa ma lags kyis 'di ltar ma bzhugs shig de dag gis smras pa/ shes ldan dag 'di la dgos pa yod do//'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang /bcom ldan 'das kyis dgongs pa/ khyim pa dag zer ba bden no snyam nas snga ma bzhin du mdoms mi snang bar khyim gzhan du stan la 'dug par bslab par bya'o zhes bca' ba mdzad de/ yul ni ser skya'i gnas/ gang zag ni drug sde/ nyon mongs pa ni tshul dang mthun pa ma yin pa/nyes pa ni khyim gzhan du stan la 'dug pa'o/ /de la mdoms mi snang ba zhes bya ba ni brla gnyis sam byin pa gnyis sam rkang pa gnyis sam yang na thams cad kyang rung la thad kar gdangs te 'dug par mi bya ba ste/ de ltar khyim gzhan du stan la 'dug par bslab par bya'o//de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni mdoms snang ba dang 'dug pa nyid do/ /'di la yan lag ni gcig ste/dngos gzhi'i sgrub pa nyid dang / sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /ma bsgo bar khyim gzhan du stan la mi 'dug par bslab par bya ba man chad 'di yan chad thams cad ni khyim gzhan du stan la 'dug par bslab par bya ba'i spros pa yin par sbyar ro//bslab pa sum cu dgu pa'o// //sdom la/ byin len bya ba brgyad rnams so/ /zhes gsungs pa'i bslab pa bsdu ba'i mdo ni legs par zas blang bar bslab par bya/ mu dang kha da chad du ma yin pa dang / tshod ma dang mnyam par ma yin pa dang /mthar chags su dang / lhung bzed la lta ba dang / bca' ba dang / bza' ba ma 'ongs par lhung bzed mi bzed pa dang / yang 'dod pa'i phyir 'bras chan gyis tshod ma mi dgab tshod mas 'bras chan mi dgab pa dang bza' ba dang bca' ba'i steng du lhung bzed mi bzung bar bslab par bya'o zhes bya ba dag yin no//de la legs par zas blang bar bslab par bya ba'i gleng gzhi ni/ sangs rgyas bcom ldan 'das chu srin byis pa gsod kyi ril 'jigs su rung gi tshal ri dwags kyi nags na bzhugs so/ /rgyal bu rtogs ldan gyis khang bzangs pad+ma can tshon brgya rtsa gcig gis bris pa der dge slong gi dge 'dun spyan drangs te bshos gsol ba dang /rgyal bu rtogs ldan ni dad pa dang ldan pa yin la 'khor ni ma dad pas 'brim mkhan rnams kyis la du dag gis dge slong rnams kyi lhung bzed dag gcog par byed nas/ drug sde dag gis gros byas pa 'di dag mi dga' bar bya'o zhes de dag 'bras chan dang tshod ma 'drim na/ drug sde dag gis lhung bzed phyir 'gyed pa dang / de dag sa la bo nas de dag gis smras pa/ 'phags pa dag rgyal bu rtogs ldan gyi khang bzangs pad+ma can tshon brgya rtsa gcig gis bris pa'i sa gzhi khyed kyis ma rung bar byas so//de dag gis smras pa/ bkren pa dag khyed cag sa gzhi ma rung ba na mi dga' bar byed na dge slong gang dag gi lhung bzed dag bcag pa de dag ji ltar byed ces zer ba thos nas skabs de dge slong rnams kyis bcom ldan 'das la gsol ba dang /bcom ldan 'das kyis snga ma bzhin du legs par zas blang bar bslab par bya'o zhes bca' ba mdzad de/ yul ni chu srin byis pa gsod kyi ri/ gang zag ni drug sde/ nyon mongs pa ni nga rgyal/ nyes pa ni zas legs pa mi len pa'o/ / de la legs par zas blang par bslab par bya zhes bya ba ni grong 'ba' zhig tu ma zad kyi gzhan du yang rung ste/ legs par zas kyi byin len blang bar bslab par bya'o/ /legs par zas blang bar bslab par bya'o bya ba 'di ni mdor bstan pa yin no/ /'og nas mu dang kha da chad du ma yin par zas blang bar bslab par bya ba la sogs bdun 'byung ba dag ni 'di'i spros pa yin te/rnam pa gzhan bstan pa ni ma yin no/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni legs par mi len pa dang zas nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do/ /bslab pa bzhi bcu pa'o// //mu dang kha da chad du ma yin par zas blang bar bslab par bya ba'i gleng gzhi ni/ sangs rgyas bcom ldan 'das chu srin byis pa gsod kyi ril 'jigs su rung gi tshal ri dwags kyi nags na bzhugs so/ /drug sde dag rgyal bu rtogs ldan gyi khyim du bsod snyoms la zhugs nas/de dag dang por 'bras chan ji tsam gyis lhung bzed gang ba de tsam len par byed na bsod snyoms 'bul ba dag gis smras pa/ 'phags pa dag sgyu rum gang du stsal/ de dag gis smras pa/ 'di nyid du lugs shig de dag gis der blugs pa dang / de steng du lud de sa la bo nas de dag gis smras pa/'phags pa dag rgyal bu rtogs ldan gyi khang bzangs pad+ma can tshon brgya rtsa gcig gis bris pa'i sa gzhi khyed kyis ma rung bar byas so/ /de dag gis smras pa/ bkren pa dag re zhig rgyal bu rtogs ldan gyis 'di la lhag par chags par byas nas gan du skye bar 'gyur ba ni ma shes kyis/khyed cag ni 'di la lhag par chags par byas nas yi dwags lba ba can rnams kyi nang du skye bar 'gyur ro zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis snga ma bzhin du mu dang kha da chad du ma yin par khas blang bar bslab par bya'o zhes bca' ba mdzad de/yul ni chu srin byis pa gsod kyi ri/ gang zag ni drug sde/ nyon mongs pa ni bye brag mi shes pa/ nyes pa ni mu dang kha da chad du zas len pa'o/ /de la mu dang kha da chad du ma yin pa zhes bya ba la mu zhes bya ba'i sgra ni lhung bzed kyi kha logs kyi mu la bya ste/ci nas kyang mu dang kha da chad du gang bar 'gyur ba de ltar ma yin par kha zas blang bar bya ba ste/ de ltar legs par blang bar bslab par bya'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni mu dang kha da chad du len pa dang / zas nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no//bslab pa bzhi bcu gcig pa'o// //tshod ma dang mnyam pa ma yin par zas blang bar bslab par bya ba'i gleng gzhi ni/ sangs rgyas bcom ldan 'das chu srin byis pa gsod kyi ri la 'jigs su rung gi tshal ri dwags kyi nags na bzhugs so//drug sde dag rgyal bu rtogs ldan gyi khyim du bsod snyoms la zhugs nas de dag dang por tshod ma ji tsam gyis lhung bzed gang ba de tsam len par byed pa na bsod snyoms dbul ba dag gis smras pa/ 'phags pa dag 'bras chan gang du stsal/ de dag gis smras pa/ 'di nyid du lugs shig /de dag gis der blugs pa dang steng du lud de bo nas de dag gis smras pa/ 'phags pa dag rgyal bu rtogs ldan gyi khang bzangs pad+ma can tshon brgya rtsa gcig gis bris pa'i sa gzhi khyod kyis ma rung bar byas so/ /de dag gis smras pa/ bkren pa dag re zhig rgyal bu rtogs ldan gyis 'di la lhag par chags par byas nas gang du skye bar 'gyur ba ni ma shes kyis khyed cag ni 'di la lhag par chags par byas nas yi dwags lba ba can rnams kyi nang du skye bar 'gyur ro zhes zer ba'i skabs de dge slong rnams kyis bcom ldan 'das la gsol ba dang bcom ldan 'das kyis snga ma bzhin du tshod ma dang mnyam pa ma yin par zas blang bar bslab par bya'o zhes bca' ba mdzad de/yul ni chu srin byis pa gsod kyi ri/ gang zag ni drug sde/ nyon mongs pa ni bye brag mi shes pa/ nyes pa ni tshod ma dang mnyam par zas len pa'o/ /de la tshod ma dang mnyam pa ma yin pa zhes bya ba ni bza' ba gang la tshod ma dang mnyam pa de ltar tshod ma dang mnyam pa ma yin pa ste/gang gi phyir bza' bar bya ba'i zas g.yos su byas zin pa thams cad bsod snyoms nyid du bstan pa yin pa de'i phyir nga la tshod ma'am bya na ci tsam gyis zas rdegs pa dang /'brus par dgos pa'i tshad las ma lhag par de ltar legs par zas blang bar bslab par bya ba'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni tshod ma dang mnyam par len pa dang zas nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ / bslab pa bzhi bcu gnyis pa'o// //mthar chags su zas blang bar bslab par bya ba'i gleng gzhi ni/ sangs rgyas bcom ldan 'das chu srin byis pa gsod kyi ri la 'jigs su rung gi tshal ri dwags kyi nags na bzhugs so/ /drug sde dag zas za ba na tshod ma mi len par phyis thag ring du song ba dang 'bod par byed nas 'brim mkhan dag brel bar gyur pa'i skabs de dge slong rnams kyis bcom ldan 'das la gsol pa dang /bcom ldan 'das kyis snga ma bzhin du mthar chags su zas blang bar bslab par bya'o zhes bca' ba mdzad de/ yul ni chu srin byis pa gsod kyi ri/gang zag ni drug sde/ nyon mongs pa ni 'phral gyi bya ba mi shes pa/ nyes pa ni mthar chags su ma yin par zas len pa'o/ /de la mthar chags su zhes bya ba ni rgan rims kyang rung / rgan gzhon 'chol bar bkad kyang rung / stan la 'dug ste rim pa bzhin mthar chags su zas blang bar bya ste/de ltar legs par zas blang bar bslab par bya ba'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni mthar chags ma yin par len pa dang zas nyid do//'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa bzhi bcu gsum pa'o// //lhung bzed la blta zhing zas blang bar bslab par bya ba'i gleng gzhi ni/sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 'dug pa des sangs rgyas la sogs pa dge slong gi dge 'dun khyim gzhan du gdugs tshod la spyan drangs nas des zhal zas bsod pa lta gon byas nas des dang por zan brim par brtsams pa dang /dge slong rnams kyis mang du blang bar brtsams pa dang / des smras pa/ 'phags pa dag bdag gis zhal zas bsod pa dag lta gon bgyis kyis 'di mang du ma bzhes shig /drug sde dag gis smras pa/ dga' bo nye dga' khyim bdag bkren pa 'di rnam pa 'dis zan yang 'gog par byed kyis mang du blang ngo zhes de dag gis mang du blangs so/ /ci tsam na rgan pa'i mtha' logs su bca' ba bsod pa dag 'brim pa drug sde dag gis mthong nas de dag gi 'og na dge slong rgan zhugs zhig 'dug pa 'di rgan pa'i mtha' logs su rnam par lta ba'i tshe drug sde dag gis de'i lhung bzed zan gyi chang bus bkang ngo //khyim bdag des bca' ba bsod pa brim pa na rgan zhugs de la bca' ba byin pa dang de lhung bzed kyi gzhir ltung nas des khyim bdag gi gdong du blta bar brtsams pa dang /des smras pa/ 'phags pa ci'i slad du khyod kyis zan mang po dag blangs/ khyim bdag bdag gis ma blangs so/ /'o na 'di dag ga las mchis ma shes so/ /drug sde dag gis smras pa/khyim bdag rgyal po nga las nu la nyi ma bdun du dbyig gi char bab ces grags pas rgan zhugs 'di la yang de dang 'dra bar zan gyi chang bu'i char bab po/ /de cang mi smra bar 'dug pa'i skabs de dge slong rnams kyis bcom ldan 'das la gsol pa dang / bcom ldan 'das kyis snga ma bzhin du lhung bzed la blta zhing zas blang bar bslab par bya'o zhes bca' ba mdzad de/yul ni mnyan yod/ gang zag ni dge slong rgan zhugs/ nyon mongs pa ni g.yengs pa/ nyes pa ni lhung bzed la mi lta bar zas len pa'o/ /de la lhung bzed la blta ba zhes bya ba ni snod du shes par bya zhing blang ba ste/gang la lhung bzed la lta ba'i 'du shes yod pa'i dge slong de ni lhung bzed la lta ba'o/ /'dir lhung bzed la lta ba zhes bya ba ni yid kyis lta ba la bya'i/ mig gi dbang pos lta ba ni sngar gnya' shing gang tsam du lta ba'i skabs nyid kyis bsdus zin te de ltar blta zhing legs par zas blang bar bslab par bya ba'o//de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ / 'di'i byed pa po ni lhung bzed la mi lta bar len pa dang zas nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa bzhi bcu bzhi pa'o// // bca' ba dang bza' ba ma 'ongs par lhung bzed mi bzed par bslab par bya ba'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag bsod snyoms la zhugs pa na ji srid du bsod snyoms mi sbyin pa de srid du lhung bzed bzed de sdod nas bram ze dang khyim bdag dad pa can dag gis mthong nas smod par byed de/'phags pa dag ci'i slad du bca' ba dang bza' ba ma mchis par lhung bzed bzed de bzhes par mdzad 'di ni tshul dang mthun pa ma lags kyis 'di ltar ma mdzad cig de dag gis smras pa/shes ldan dag 'di la dgos pa yod do/ /'phags pa dag 'di la dgos pa yod pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang /bcom ldan 'das kyis dgongs pa/ khyim pa dag zer ba bden no snyam nas snga ma bzhin du bca' ba dang bza' ba ma 'ongs par lhung bzed mi bzed par bslab par bya'o zhes bca' ba mdzad de/ yul ni mnyan yod/gang zag ni drug sde/ nyon mongs pa ni tshul dang mthun pa ma yin pa/ nyes pa ni bca' ba dang bza' ba ma 'ongs par lhung bzed bzed pa'o/ /de la bza' ba dang bca' ba ma 'ongs par lhung bzed mi bzed par zhes bya ba ni ji srid du bza' ba dang bca' ba mngon sum du ma 'ongs pa de srid du lhung bzed mi bzed pa de ltar legs par zas blang bar bslab par bya ba'o//de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni bca' ba dang bza' ba ma 'ongs par lhung bzed bzed pa dang zas nyid do//'di la yan lag ni gcig go/ /dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa bzhi bcu lnga pa'o// // yang 'dod pa'i phyir 'bras chan gyis tshod ma mi dgab tshod mas 'bras chan mi dgab par bslab par bya ba'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas khyim bdag de la 'bras chan ni mang tshod ma ni nyung nas drug sde dag gis 'bras chan gyis tshod ma bkab pa dang /khyim bdag des 'bras chan mthong nas smras pa/ 'phags pa dag skyu rum ma mchis sam ci de dag gis smras pa/khyim bdag 'dir ltos shig des tshod ma gzhan yang byin no/ /yang mnyan yod na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas/ khyim bdag de la tshod ma ni mang 'a bras chan ni nyung nas drug sde dag gis tshod mas 'bras chan bkab pa dang /khyim bdag des tshod ma mthong nas smras pa/ 'phags pa dag 'bras chan ma mchis sam ci/ de dag gis smras pa/ khyim bdag 'dir ltos shig des 'bras chan gzhan yang byin no/ /dge slong rnams gtsug lag khang du dong ste smras pa/tshe dang ldan pa dag khyim bdag snga ma des 'bras chan bzang po byas na 'di ltar tshod ma nyung ngo / /khyim bdag phyi ma des tshod ma bzang po byas na 'di ltar 'bras chan nyung ngo / /drug sde dag gis smras pa/ kho bo cag gis ni snga mar yang tshod ma mang po thob la phyi mar yang 'bras chan mang po thob bo//ji ltar de dag gis ji ltar gyur pa brjod pa dang / dge slong rnams kyis smras pa/ khyed cag de ltar byar rung ngam rung ba yang srid mi rung ba yang srid de kho bo cag gis ni de ltar byas so zhes zer ba'i skabs de dge slong rnams kyis bcom ldan 'das la gsol pa dang /bcom ldan 'das kyis snga ma bzhin du yang 'dod pa'i phyir 'bras chan gyis tshod ma la mi dgab tshod mas 'bras chan mi dgab par bslab par bya'o zhes bca' ba mdzad de/ yul ni mnyan yod/ gang zag ni drug sde/nyon mongs pa ni yeb rngam/ nyes pa ni yang 'dod pa'i phyir 'bras chan gyis chod ma 'gebs pa dang tshod mas 'bras chan 'gebs pa'o/ /de la yang 'dod pa'i phyir 'bras chan gyis tshod ma mi dgab tshod mas 'bras chan mi dgab par zhes bya ba ni yang thob par bya'o snyam pa'i bsam pas 'bras chan gyis tshod ma mi dgab tshod mas 'bras chan mi dgab pa ste/de ltar legs par zas blang bar bslab par bya'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po yang 'dod pa'i bsam pa dang gcig gis gcig 'gebs pa dang zas nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no//bslab pa bzhi bcu drug pa'o// //bca' ba dang bza' ba'i steng du lhung bzed mi gzung bar bslab par bya ba'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dge slong dag bca' ba dang bza' ba'i steng du lhung bzed 'dzin par byed nas bram ze dang khyim bdag dad pa can dag gis mthong nas smod par byed de 'phags pa dag gtsang sbra ni tha dad pa lags na ci'i slad du bca' ba dang bza' ba'i steng du lhung bzed 'dzin par mdzad/'di ni tshul dang mthun pa ma lags kyis 'di ltar ma mdzad cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang /bcom ldan 'das kyis dgongs pa/ khyem pa dag zer ba bden no snyam nas snga ma bzhin du bca' ba dang bza' ba'i steng du lhung bzed mi gzung bar bslab par bya'o zhes bca' ba mdzad de/ yul ni mnyan yod/ gang zag ni drug sde/ nyon mongs pa ni tshul dang mthun pa ma yin pa/nyes pa ni bca' ba dang bza' ba'i steng du lhung bzed 'dzin pa'o/ /de la bca' ba dang bza' ba'i steng du lhung bzed mi gzung bar bslab par bya'o zhes bya ba ni bca' ba dang bza' ba'i steng du lhung bzed gzung bar mi bya ba ste/ de ltar legs par zas blang bar bslab par bya'o//de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni bza' ba dang bca' ba'i steng du lhung bzed 'dzin pa dang zas nyid do/ /'di la yan lag ni gcig ste/dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /legs par zas blang bar bslab par bya zhes bya ba man chad 'di yan chad thams cad ni grong dang gtsug lag khang la sogs pa'i gnas skabs thams cad du legs par zas blang bar bslab par bya ba'i spros pa yin par sbyar ro//bslab pa bzhi bcu bdun pa'o// //so sor thar pa'i mdo rgya cher 'grel ba 'dul ba kun las btus pa/ bam po bzhi bcu lnga pa/ sdom la/ zas la legs par bya ba drug /tsug tsug la sogs rnam pa lnga/ /'bru nas tha dad byed pa lnga/ /lag pa bldag la sogs pa lnga/ /zhes gsungs pa la/ sdom la zhes bya ba'i tshig gi don dang dgos pa ni snga ma bzhin no/ /sdom gyi tshigs su bcad pa 'dis bslab pa nyi shu rtsa gcig bstan pa dag kyang 'og nas gzhung nyid las go rims bzhin du bstan pa'o//sdom la/ zas la legs par bya ba drug /ces gsungs pa'i bslab pa bsdu ba'i mdo ni legs par zas bza' bar bslab par bya/ kham ha cang chung ba ma yin pa dang / kham ha cang chen po ma yin pa dang /kham ran pa dang / kham ma gzas par kha mi gdang ba dang / kha kham gyis bkang ste mi smra bar bslab par bya'o zhes bya ba dag yin no/ /de la legs par zas bza' bar bya ba'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//drug sde dag rnam par 'gyur ba dag gis zas za bar byed nas/ bram ze dang khyim bdag dad pa can dag gis mthong nas smod par byed/ 'phags pa dag byis pa khye'u dag dang gzugs 'tshong ma dag 'di ltar 'tshal bar bgyid pas 'di ni tshul dang mthun pa ma lags kyis 'di ltar ma gsol cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang /bcom ldan 'das kyis dgongs pa/ khyim pa dag zer ba bden no snyam nas snga ma bzhin du legs par zas bza' bar bslab par bya'o zhes bca' ba mdzad de/ yul ni mnyan yod/ gang zag ni drug sde/ nyon mongs pa ni tshul dang mthun pa ma yin pa/nyes pa ni rnam par 'gyur ba dag gis legs par zas za bar mi byed pa'o/ /de la legs par zas bza' bar bslab par bya zhes bya ba ni grong 'ba' zhig tu ma zad kyis gzhan du yang rung ste/ kham ha cang chung ba la sogs pa'i rnam par 'gyur ba dag mi bya bar legs par zas bza' bar bslab par bya'o//legs par zas bza' bar bslab par bya zhes bya ba 'di ni mdor bstan pa yin la/ 'og nas kham ha cang chung ba ma yin par zas bza' bar bslab par bya ba la sogs pa nyi shu 'byung ba dag ni 'di'i spros pa yin te rnam pa gzhan bstan pa ni ma yin no//de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni legs par mi bza' ba dang zas nyid do/ /'di la yan lag ni gcig ste/dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa bzhi bcu brgyad pa'o// //kham ha cang chung ba yang ma yin par zas bza' bar bslab par bya ba'i gleng gzhi ni/sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag khyim gzhan du zan za ba na kham ha cang chung ngur za bar byed nas bram ze dang khyim bdag dad pa can dag gis mthong nas smod par byed de 'phags pa dag byis pa khye'u dag dang rigs kyi mna' ma dag dang gzugs 'tshong ma dag 'di ltar 'tshal bas 'di ni tshul dang mthun pa ma lags kyis 'di ltar ma gsol cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags je dang por khyed cag nyid mi shes pa dang bral ba dang bslabs par gyur pa'o//de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas snga ma bzhin du kham ha cang chung ba ma yin par zas bza' bar bslab par bya'o zhes bca' ba mdzad de/yul ni mnyan yod/ gang zag ni drug sde/ nyon mongs pa ni tshul dang mthun pa ma yin pa/ nyes pa ni kham ha cang chung ngur zas za ba'o/ /de la kham ha cang chung ba ma yin pa zhes bya ba la kham zhes bya ba ni khar kham tshad du gzhug cing mid par bya ba'i phyir kham zhes pa'o//de la ha cang chung ba ma yin pa ste/ de ltar legs par zas bza' bar bslab par bya ba'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni kham ha cang chung ba dang zas nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no//bslab pa bzhi bcu dgu pa'o// //kham ha cang chen po ma yin par zas bza' bar bslab par bya ba'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//drug sde dag khyim gzhan du zan za ba na kham ha cang chen por za bar byed nas bram ze dang khyim bdag dad pa can dag gis mthong nas smod par byed de/ 'phags pa dag byis pa khye'u dag dang mu to ba dag 'di ltar 'tshal bas 'di ni tshul dang mthun pa ma lags kyis 'di ltar ma gsol cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol ba dang /bcom ldan 'das kyis dgongs pa/ khyim pa dag zer ba bden no snyam nas snga ma bzhin du kham ha cang chen po ma yin par zas bza' bar bslab par bya'o zhes bca' ba mdzad de/ yul ni mnyan yod/ gang zag ni drug sde/ nyon mongs pa ni tshul dang mthun pa ma yin pa/ nyes pa ni kham ha cang chen por zas za ba'o/ /de la kham ha cang chen por ma yin par zhes bya ba ni kham ha cang chen por yang ma yin pa ste/ de ltar legs par zas bza' bar bslab par bya'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni kham ha cang che ba dang zas nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang /sbyor ba'i sbyor ba'i sgrub pa nyid dag la ci rigs par na smad do zhes bya ba yang snga ma bzhin no/ /bslab pa lnga bcu pa'o// //kham ran par zas bza' bar bslab par bya ba'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//drug sde dag khyim gzhan du yang zan za ba na kha ma ran par ma yin par za nas bram ze dang khyim bdag dad pa can dag gis mthong nas smod par byed de/ 'phags pa dag byis pa khye'u dag dang mu to ba dag 'di ltar 'tshal bas 'di ni tshul dang mthun pa ma lags kyis 'di ltar ma gsol cig /de dag gis smras pa/ shes ldan dag 'di dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang /bcom ldan 'das kyis dgongs pa/ khyim bdag zer ba bden no snyam nas snga ma bzhin du kham ran par zas bza' bar bslab par bya'o zhes bca' ba mdzad de/ yul ni mnyan yod/ gang zag ni drug sde/ nyon mongs pa ni tshul dang mthun pa ma yin pa nyes pa ni kham ran par ma yin par zas za ba'o//de la kham ran par zhes bya ba ni rang dang mthun pa dang 'jig rten dang mthun pa'i kham ran pa ste/ de ltar legs par zas bza' bar bslab par bya'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni kham ran pa ma yin pa dang zas nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no//bslab pa lnga bcu gcig pa'o// //kham ma gzas par kha mi gdang bar bslab par bya ba'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//mnyan yod na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drang ba dang / ci tsam na drug sde dag gis 'og na dge slong rgan zhugs shig 'dug pa kha gdangs te rgan pa'i mtha' logs su lta bar byed pa dang /nye dgas de'i khar bong pa bcug ste/ je 'di zo shig ces smras pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis snga ma bzhin du kham ma gzas par kha mi gdang bar bslab par bya'o zhes bca' ba mdzad de/yul ni mnyan yod/ gang zag ni rgan zhugs/ nyon mongs pa ni rnge che ba/ nyes pa ni kham ma gzas par kha gdangs pa'o/ /de la kham ma gzas par zhes bya ba ni ji srid du kham kha'i sgor nye bar ma 'ong bar de srid du kha'i sgo gdang bar mi bya ba ste/ de ltar legs par zas bza' bar bslab par bya'o//de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni kham ma gzas par kha gdangs pa dang zas nyid do/ / 'di la yan lag ni gcig ste/ dngos gzhi'i sgrub pa nyid do/ /sbyor ba dang / /sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa lnga bcu gnyis pa'o// //kha kham gyis bkang ste mi smra bar bslab par bya ba'i gleng gzhi ni/sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag kha kham gyis bkang ste smra bar byed pa na skad nyams par gyur pa'i skabs de dge slong rnams gyis bcom ldan 'das la gsol pa dang / bcom ldan 'das kyis snga ma bzhin du kha kham gyis bkang ste mi smra bar babe+eb par bya'o zhes bca' ba mdzad de/yul ni mnyan yod/ gang zag ni drug sde/ nyon mongs pa ni brkam bag/ nyes pa ni kha kham gyis bkang ste smra ba'o/ /de la kha kham gyis bkang ste mi smra ba zhes bya ba ni kha kham gyis bkang ste kha des tshig mi smra bar bya ba ste/de ltar legs par zas za bar bslab par bya ba'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni kha kham gyis bkang ba dang smra ba nyid do//'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ci rigs par na smad do zhes bya ba yang snga ma bzhin no/ /bslab pa lnga bcu gsum pa'o// //sdom la/ tsug tsug la sogs rnam pa lnga//zhes gsungs pa'i bslab pa bsdu ba'i mdo ni tsug tsug mi bya ba dang / balcag balcag mi bya ba dang hu hu mi bya ba dang / phu phu mi bya ba dang / lce phyung ste zas mi za bar bslab par bya'o zhes bya ba dag yin no/ /de la tsug tsug mi bya bar zas bza' bar bslab par bya ba'i gleng gzhi ni/sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas des tshod ma te por mngar ba dag sta gon byas pa dang /drug sde dag gis khas sgra phyung ste smras pa/ dga' bo nye dga' tshod ma te bor skyur ro/ /khyim bdag des thos nas de skyengs nas cang mi smra bar 'dug pa'i skabs de dge slong rnams kyis bcom ldan 'das la gsol ba dang / bcom ldan 'das kyis snga ma bzhin du tsug tsug mi bya bar zas bza' bar bslab par bya'o zhes bca' ba mdzad de/yul ni mnyan yod/ gang zag ni drug sde/ nyon mongs pa ni bsting slad kyis bsam pa/ nyes pa ni zas myang ba na kha sgra tsug tsug zer ba'o/ /de la tsug tsug mi bya bar bslab par bya ba ni tsug tsug zer zhing za bar mi bya ba ste/de ltar legs par zas bza' bar bslab par bya ba'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni kha'i rnam par 'gyur ba'i sgra tsug tsug zer ba dang zas nyid do/ /'di la yan lag ni gcig te/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no//bslab pa lnga bcu bzhi pa'o// //balcag balcag mi bya bar zas bza' bar bslab par bya ba'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas des tshod ma ste por skyur ba dag sta gon byas pa dang /drug sde dag gis khas sgra phyung ste smras pa/ dga' bo nye dga' tshod ma ste por mngar ro/ /khyim bdag des thos nas de skyengs nas cang mi smra bar 'dug pa'i skabs de dge slong rnams kyis bcom ldan 'das la gsol pa dang /bcom ldan 'das kyis snga ma bzhin du balcag balcag mi bya bar zas bza' bar bslab par bya'o zhes bca' ba mdzad de/ yul ni mnyan yod/ gang zag ni drug sde/ nyon mongs pa ni bsting slad kyis bsam pa/nyes pa ni zas myang ba na kha'i sgra bcag bcag zer ba'o/ /de la balcag balcag mi bya ba zhes bya ba ni balcag balcag zer zhing zas za bar mi bya ba ste/ de ltar legs par zas bza' bar bslab par bya ba'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni kha'i rnam par 'gyur ba'i sgra balcag balcag zer ba dang zas nyid do/ /'di la yan lag ni gcig ste/ dngos gzhi'i sgrub pa nyid do//sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa lnga bcu lnga pa'o// //hu hu mi bya bar zas bza' bar bya ba'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//mnyan yod na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas khyim bdag de la snod spyad med pas des 'bras chan btsos te sgrom du blugs pa dang / de tsha nas drug sde dag gis khas sgra phyung ste smras pa/dga' bo nye dga' 'bras chan 'di te por grang gis kha'i dbugs kyis bsros te bza'o/ /khyim bdag des thos nas de skyengs te cang mi smra bar 'dug pa'i skabs de dge slong rnams kyis bcom ldan 'das la gsol ba dang / bcom ldan 'das kyis snga ma bzhin du hu hu mi bya bar zas bza' bar bslab par bya'o zhes bca' ba mdzad de/yul ni mnyan yod/ gang zag ni drug sde/ nyon mongs pa ni bsting slad kyis bsam pa/ nyes pa ni zas myang ba na kha'i sgra hu hu zer ba'o/ /de la hu hu mi bya ba zhes bya ba ni hu hu zer zhing za bar mi bya ba ste/de ltar legs par zas bza' bar bslab par bya ba'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni kha'i rnam par 'gyur ba'i sgra hu hu zer ba dang zas nyid do//'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa lnga bcu drug pa'o// //phu phu mi bya bar zas bza' bar bslab par bya ba'i gleng gzhi ni/sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig gis sangs rgyas la sogs pa dge slong gi dge 'dun khyim gzhan du gdugs tshod la spyan drangs nas des 'bras chan btsos te re lder bdal ba dang de grangs par gyur nas/drug sde dag gis khas sgra phyung ste smras pa/ dga' bo nye dga' 'bras chan 'di te por tsha yis kha'i dbugs kyis bsgrang ste bza'o/ /khyim bdag des thos nas de skyengs te cang mi smra bar 'dug pa'i skabs de dge slong rnams kyis bcom ldan 'das la gsol pa dang /bcom ldan 'das kyis snga ma bzhin du phu phu mi bya bar zas bza' bar bslab par bya'o zhes bca' ba mdzad de/ yul ni mnyan yod/ gang zag ni drug sde/ nyon mongs pa ni bsting slad kyis bsam pa/nyes pa ni zas myang ba na kha'i sgra phu phu zer ba'o/ /de la phu phu mi bya ba zhes bya ba ni phu phu zer zhing zas bza' bar mi bya ba ste/ de ltar legs par zas bza' bar bslab par bya ba'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni kha'i rnam par 'gyur ba'i sgra phu phu zer ba dang zas nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa/ nyid dag la ni ci rigs par na smad do zhes bya ba yang snga ma bzhin no/ /bslab pa lnga bcu bdun pa'o// //lce phyung ste zas mi za bar bslab par bya ba'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//drug sde dag khyim gzhan du zan za ba na lce phyung ste lta zhing mchu gnyis la ldag par byed nas dge slong rnams kyis de dag la smras pa/ tshe dang ldan pa dag ci'i phyir lce phyung ste lta de dag gis smras pa/ tshe dang ldan pa dag ma bcas par mid na mi rung bas de lta'o/ /de dag smod par byed pa'i skabs de dge slong rnams kyis bcom ldan 'das la gsol pa dang /bcom ldan 'das kyis snga ma bzhin du lce phyung ste zas mi bza' bar bslab par bya'o zhes bca' ba mdzad de/ yul ni mnyan yod/ gang zag ni drug sde/ nyon mongs pa ni mi dgos par byed pa/ nyes pa ni lce phyung ste zas za ba'o//de la lce phyung ste zas mi bza' bar bslab par bya'o zhes bya ba ni zan za ba na lce phyung ste za bar mi bya bar bya ba ste de ltar legs par zas bza' bar bslab par bya ba'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni lce phyung ste za ba dang zas nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no//bslab pa lnga bcu brgyad pa'o// //sdom la/ 'bru nas tha dad byed pa lnga/ /zhes gsungs pa'i bslab pa bsdu ba'i mdo ni/ 'bru nas tha dad du mi bya ba dang / 'phyas mi gdags pa dang / mkhur ba mi spo ba dang / rkan mi gtogs pa dang / kham 'phro mi bcad par zas bza' bar bslab par bya'o zhes bya ba dag yin no//de la 'bru nas tha dad du mi bya bar zas bza' bar bslab par bya ba'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag khyim gzhan du zan za ba na 'bras chan 'bru re re nas thu zhing za nas bram ze dang khyim bdag dad pa can dag gis mthong nas smod par byed de/'phags pa dag byis pa khye'u dag dang dwa dag dang / rgyan po pa dag dang nal gyi bu dag 'di ltar 'tshal bas 'di ni tshul dang mthun pa ma lags kyis 'di ltar ma gsol cig /de dag gis smras pa/ shes ldan dag 'di la dgos pa yod do//'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/khyim pa dag zer ba bden no snyam nas snga ma bzhin du 'bru nas tha dad du mi bya bar zas bza' bar bslab par bya ba'o zhes bca' ba mdzad de/ yul ni mnyan yod/ gang zag ni drug sde/ nyon mongs pa ni tshul dang mthun pa ma yin pa/ nyes pa ni 'bras chan 'bru re re nas btu zhing za ba'o//de la 'bru nas tha dad du mi bya ba zhes bya ba la 'bru zhes bya ba ni 'bras chan la sogs pa'i 'bru ste zan gang la 'bru de lta bu yod pas/ de dag re re nas btu zhing bza' bar mi bya ba ste de ltar legs par zas bza' bar bslab par bya ba'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni 'bru nas tha dad du byed pa dang zas nyid do/ /'di la yan lag ni gcig ste/ dngos gzhi'i sgrub pa nyid do/ sbyor ba dang / sbyor ba'i sbyor ba'i sgrub pa nyid dag la ci rigs par na smad do zhes bya ba yang snga ma bzhin no/ /bslab pa lnga bcu dgu pa'o// //'phyas mi gdags par zas bza' ba bslab par bya ba'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//drug sde dag khyim gzhan du zan zab na dga' bo nye dga' tshod ma 'di dag ha cang kha'o/ /ha cang skyur ro zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis snga ma bzhin du 'phyas mi gdags par zas bza' bar bslab par bya'o zhes bca' ba mdzad de/yul ni mnyan yod/ gang zag ni drug sde/ nyon mongs pa ni gzhan gyi yid mi srung ba/ nyes pa ni zas la 'phyas 'dogs pa'o/ /de la 'phyas mi gdags pa zhes bya ba ni zas la 'phya smod mi bya ba ste/ de ltar legs par zas bza' bar bslab par bya ba'o//de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni 'phyas 'dogs pa dang zas nyid do/ / 'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa drug cu pa'o// //mkhur ba mi spo bar zas bza' bar bslab par bya ba'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//drug sde dag khyim gzhan du zan za ba na mkhur ba nas mkhur bar kham spo zhing za bar byed pa nas/ bram ze dang khyim bdag dad pa can dag gis mthong nas smod par byed de/ 'phags pa dag byis pa khye'u dag dang mu to ba dag 'di ltar 'tshal bas 'di ni tshul dang mthun pa ma lags kyis 'di ltar ma gsol cig /de dag gis smras pa/ shes ldan dag 'di la dgos pa yod do/ /'phags pa dag dgos pa gang lags/ je dang por khyed cag nyid mi shes pa dang bral ba dang bslabs par gyur pa'o//de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas snga ma bzhin du mkhur ba mi spo bar zas bza' bar bslab par bya'o zhes bca' ba mdzad de/yul ni mnyan yod/ gang zag ni drug sde/ nyon mongs pa ni tshul dang mthun pa ma yin pa/ nyes pa ni mkhur ba nas mkhur bar kham spo zhing za bar byed pa'o/ /de la mkhur ba mi spo bar zhes bya ba ni mkhur ba gnyis dag gal bzhin du bkang de g.yas g.yon spo bar mi bya'o zhes bya ba'i tha tshig ste/de ltar legs par zas bza' bar bslab par bya ba'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni mkhur ba spo ba dang zas nyid do//'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa drug cu gcig pa'o// //rkan mi gtogs par zas bza' bar bslab par bya ba'i gleng gzhi ni/sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag khyim gzhan du zan za ba na rkan sgra gtogs par byed nas bram ze dang khyim bdag dad pa can dag gis mthong nas smod par byed de/'phags pa dag byis pa khye'u dag dang / mu to ba dag 'di ltar 'tshal bas 'di ni tshul dang mthun pa ma lags kyis 'di ltar ma mdzad cig /de dag gis smras pa/ bzhin bzangs dag 'di la dgos pa yod do/ /'phags pa dag 'di la dgos pa gang lags/je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ khyim pa dag zer ba bden no snyam nas snga ma bzhin du rkan mi gtogs par zas bza' bar bslab par bya'o zhes bca' ba mdzad de/yul ni mnyan yod/ gang zag ni drug sde/ nyon mongs pa ni tshul dang mthun pa ma yin pa nyes pa ni zan za ba na rkan sgra gtogs par byed pa'o/ /de la rkan sgra mi gtogs pa zhes bya ba ni lces rkan gtogs shing zas bza' bar mi bya ba ste/de ltar legs par zas bza' bar bslab par bya ba'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni rkan gtogs pa dang zas nyid do//'di la yang yan lag ni gcig te/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa drug cu gnyis pa'o// //kham 'phror mi bcad par zas bza' bar bslab par bya ba'i gleng gzhi ni/sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag khyim gzhan du zan zab na kham blangs nas phyed khar 'jud cing phyed lhung bzed du lhung bar byed nas bram ze dang khyim bdag dad pa can dag gis mthong nas smod par byed de/'phags pa dag byis pa khye'u dag dang gzugs 'tshong ma dag 'di ltar 'tshal bas 'di ni tshul dang mthun pa ma lags kyis 'di ltar ma gsol cig /de dag gis smras pa/ shes ldan dag 'di la dgos pa yod do/ /'phags pa dag 'di la dgos pa gang lags/je dang por khyed cag nyid mi shes pa dang bral ba dang bslabs par gyur pa'o/ /de dag rgya cher smod pa la zhugs pa thos nas skabs de dge slong rnams kyis bcom ldan 'das la gsol ba dang / bcom ldan 'das kyis dgongs pa/ khyim pa dag zer ba bden no snyam nas snga ma bzhin du kham 'phror mi gcod par zas bza' bar bslab par bya'o zhes bca' ba mdzad de/yul ni mnyan yod/ gang zag ni drug sde/ nyon mongs pa ni tshul dang mthun pa ma yin pa/ nyes pa ni kham 'phror bcad cing za ba'o/ /de la kham 'phror mi bcad par zas za bar bslab par bya'o zhes bya ba ni kham 'phror bcad cing zan bza' bar mi bya ba ste/de ltar legs par zas bza' bar bslab par bya ba'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ / 'di'i byed pa po ni kham 'phror gcod pa dang zas nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa drug cu gsum pa'o// //sdom la/ lag pa bldag la sogs pa lnga//zhes gsungs pa'i bslab pa bsdu ba'i mdo ni lag pa mi bldag pa dang / lhung bzed mi byog pa dang / lag pa mi sprug pa dang / lhung bzed mi bskyom pa dang / mchod rten 'dra ba bcos ste zas mi bza' bar bslab par bya ba'o zhes bya ba dag yin no/ /de la lag pa mi bldag par zas bza' bar bslab par bya ba'i gleng gzhi ni/sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag khyim gzhan du zan za ba na lag pa ldag par byed nas dge slong rnams kyis smras pa/ tshe dang ldan pa dag ci'i phyir mi mdzes pa 'di lta bu dag byed/de dag gis smras pa/ tshe dang ldan pa dag snying po gang yin pa de ni 'di la chags so/ /de dag smod par byed pa'i skabs de dge slong rnams kyis bcom ldan 'das la gsol ba dang / bcom ldan 'das kyis snga ma bzhin du lag pa mi bldag par zas bza' bar bslab par bya'o zhes bca' ba mdzad de/yul ni mnyan yod/ gang zag ni drug sde/ nyon mongs pa ni mi mdzes pa/ nyes pa ni zan za ba na lag pa bldag pa'o/ /de la lag pa mi bldag pa zhes bya ba ni zas gang la lag pa bldag pa yod pa ni mi bldag pa ste de ltar legs par zas bza' bar bslab par bya'o//de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni lag pa bldag pa dang zas nyid do/ /'di la yan lag ni gcig ste/dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa drug cu bzhi pa'o// //lhung bzed mi byog par zas bza' bar bslab par bya ba'i gleng gzhi ni/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//drug sde dag khyim gzhan du zan za ba na lhung bzed byog par byed nas dge slong rnams kyis smras pa/ tshe dang ldan pa dag ci'i phyir mi mdzes pa 'di lta bu dag byed/ de dag gis smras pa/ tshe dang ldan pa dag snying po gang yin pa de 'di la chags so//de dag smod par byed pa'i skabs de dge slong rnams kyis bcom ldan 'das la gsol ba dang / bcom ldan 'das kyis snga ma bzhin du lhung bzed mi byog par zas bza' bar bslab par bya'o zhes bca' ba mdzad de/ yul ni mnyan yod/ gang zag ni drug sde/ nyon mongs pa ni mi mdzes pa/ nyes pa ni lhung bzed byog pa'o/ /de la lhung bzed mi byog pa zhes bya ba ni lhung bzed gang la byog par bya ba yod pa de sor mos mi byog pa ste/ de ltar legs par zas bza' bar bslab par bya ba'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni lhung bzed byog pa dang zas nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ci rigs par na smad do zhes bya ba yang snga ma bzhin no//bslab pa drug cu lnga pa'o// //lag pa mi sprug par zas bza' bar bslab par bya ba'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ / drug sde dag khyim gzhan du zan za ba na lag pa sprug par byed pas dge slong rnams la lag pa'i chus phog nas de dag smod par byed pa'i skabs de dge slong rnams kyis bcom ldan 'das la gsol ba dang / bcom ldan 'das kyis snga ma bzhin du lag pa mi sprug par zas bza' bar bslab par bya'o zhes bca' ba mdzad de/yul ni mnyan yod/ gang zag ni drug sde/ nyon mongs pa ni bag med pa/ nyes pa ni zas za ba na lag pa sprug pa'o/ /de la lag pa mi sprug pa zhes bya ba ni lag pa la zas chags pa sprug par mi bya ba dang / yang na lag pa la zas chags pa lce'i steng du sprug par mi bya ba ste de ltar legs par zas bza' bar bslab par bya ba'o//de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni lag pa sprug pa dang zas nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no//bslab pa drug cu drug pa'o// //lhung bzed mi bskyam par zas bza' bar bslab par bya ba'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//drug sde dag khyim gzhan du zan za ba na de dag gi 'og nas dge slong snam sbyar dmar ser can zhig 'dug nas drug sde dag gis smras pa/ dga' bo nye dga' bkren pa 'di'i snying lam na/ yu bu cag gis sngon lan 'ga' yang snam sbyar 'di lta bu gyon pa ma myong snyam gyis 'di mi dga' bar bya'o zhes de dag gis lhung bzed bskyam pa dang /dge slong de'i snam sbyar lhung bzed kyi chus ma rung bar gyur nas de smod pa la zhugs pa'i skabs de dge slong rnams kyis bcom ldan 'das la gsol pa dang / bcom ldan 'das kyis snga ma bzhin du lhung bzed mi bskyam par zas bza' bar bslab par bya'o zhes bca' ba mdzad de/ yul ni mnyan yod/gang zag ni drug sde/ nyon mongs pa ni phrag dog /nyes pa ni zan bza' ban lhung bzed bskyam pa'o/ /de la lhung bzed mi bskyam pa zhes bya ba ni lhung bzed kyi nang du zas la sogs pa blugs te bskyam par mi bya ba dang / yang lhung bzed kyi nang du zas blugs te lci yang ci yod pa lag srang la mi gdab pa ste/de ltar legs par zas bza' bar bslab par bya ba'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni lhung bzed bskyam pa dang zas nyid do/ /'di la yan lag ni gcig ste/dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa drug cu bdun pa'o// //mchod rten 'dra ba bcos te/ zas mi bza' bar bslab par bya ba'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//mnyan yod na khyim bdag cig 'dug pa des gcer bu pa dag la mngon par dad do/ /dus gzhan zhig na bcom ldan 'das la mngon par dad par gyur nas/ des dge slong gi dge 'dun khyim gzhan du gdugs tshod la spyan drangs nas der phye dag brims pa dang /drug sde dag gis de dag sbrus ste mchod rten 'dra bar rnam par bzhag go/ /la phug gi phye tshal dag brims pa dang / de yang de nyid la btsugs te srog shing 'dra bar rnam par bzhag go/ /khur bdag brims pa dang / de yang la phug de nyid kyi steng du gdugs 'dra bar rnam par bzhag go//de dag gis smras pa/ dga' bo nye dga' mchod rten 'di ni ngan 'gro rdzogs par byed pa rdzogs byed kyi yin no zhes zer ro/ /yang bcom ste za zhing smras pa dga' bo nye dga' ngan 'gro rdzogs par byed pa rdzogs byed kyi mchod rten rdib bo zhes zer ba la khyim bdag des thos nas des smras pa/'phags pa dag bdag ni sdig pa can gyi lta ba'i rnam pa de dang bral ba lags na khyed cag da dung du zhe sdang dang ma bral lo/ /de dag cang mi smra bar 'dug pa'i skabs de dge slong rnams kyis bcom ldan 'das la gsol pa dang / bcom ldan 'das kyis snga ma bzhin du mchod rten 'dra ba bcom ste zas mi bza' bar bslab par bya'o zhes bca' ba mdzad de/yul ni mnyan yod/ gang zag ni drug sde/ nyon mongs pa ni zhe sdang dang ma bral ba/ nyes pa ni zas la mchod rten 'dra bar rnam par bcom ste za ba'o/ /de la mchod rten 'dra ba bcom ste zas mi bza' bar bslab par bya'o/ zhes bya ba ni zan la mchod rten gyi dbyibs 'dra bar byas te gzhom zhing mi bza' bar bslab par bya ba ste/ de ltar legs par zas bza' bar bslab par bya'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni mchod rten 'dra bar rnam par gzhag pa bcom pa dang zas nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no//legs par zas bza' bar bslab par bya'o zhes bya ba man cad 'di yan cad thams cad ni grong dang gtsug lag khang la sogs pa gnas skabs thams cad du legs par zas bza' bar bslab par bya ba de'i spros pa yin par sbyar ro/ /bslab pa drug cu brgyad pa'o// //sdom la/ 'phya la sogs pa rnam pa bzhi/ /lhung bzed la yang rnam pa bcu/ /'greng bar byed la sogs pa lnga/ /mgo g.yogs la sogs rnam pa lnga/ /do ker can la sogs pa lnga/ /glang chen la sogs zhon pa lnga/ /lag na dbyug pa la sogs drug /na ba rnam pa bzhi rnams so/ /zhes gsungs pa la/ sdom la zhes bya ba ni tshig gi don dang dgos pa ni snga ma bzhin no/ /sdom gyi tshigs su bcad pa 'di dag gis bslab pa bzhi bcu rtsa bzhi bstan pa dag kyang 'og nas gzhung nyid las go rims bzhin du ston to/ / sdom la/ 'phya ba la sogs rnam pa bzhi/ /zhes gsungs pa'i bslab pa bsdu ba'i mdo ni drung na 'dug pa'i dge slong gi lhung bzed la 'phyas gdags pa'i phyir mi blta bar bslab par bya/ lag pa zas dang 'bags pas chu snod la mi gzung bar bslab par bya/ drung na 'dug pa'i dge slong la zas dang 'bags pa'i chus mi gtor bar bslab par bya/khyim pa 'dug pa la ma dris par chu zas dang 'bags pa khyim gzhan du mi dbo bar bslab par bya'o zhes bya ba dag yin no/ /de la drung na 'dug pa'i dge slong gi lhung bzed la 'phyas gdags pa'i phyir mi blta bar bslab par bya ba'i gleng gzhi ni/sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag khyim gzhan du zas zab na de dag gi drung na 'dug pa'i dge slong mang du za ba dag dang / drug sde dag 'phyas 'dogs shing /dga' bo nye dga' rgan zhugs 'di mang po 'di snyed za ba la ltos zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis snga ma bzhin du drung na 'dug pa'i dge slong gi lhung bzed la 'phyas gdags pa'i phyir mi blta bar bslab par bya'o zhes bca' ba mdzad de/yul ni mnyan yod/ gang zag ni drug sde/ nyon mongs pa ni 'phyas smod kyi nyes rtsom/ nyes pa ni dge slong gi lhung bzed la 'phyas gdags pa'i phyir blta ba'o/ /de la drung na 'dug pa'i dge slong gi lhung bzed la 'phyas gdags pa'i phyir mi blta ba zhes bya ba ni gang la 'phyas gdags pa'i phyir blta ba'i ngang tshul yod pa de ni 'phyas gdags pa'i phyir lta ba ste/de ltar 'phyas smod kyi nyes rtsom mi bya bar bslab par bya ba'o/ /drung na 'dug pa zhes bya ba ni mtshon pa tsam du zad do/ /thag ring po na 'dug pa yang 'dis bsdus par rig par bya'o//bslab pa 'di dang 'og ma gsum ni nyes rtsom mi bya bar bslab par bya ba ste 'di ni mdor bstan pa yin no/ /'og ma gsum ni de'i spros pa yin te/ rnam pa gzhan bstan pa ni ma yin no/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni dge slong gi lhung bzed la 'phyas 'dogs pa dang lta ba nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no//bslab pa drug cu dgu pa'o// //lag pa zas dang 'bags pas chu snod la mi gzung bar bslab par bya ba'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//drug sde dag khyim gzhan du zan za ba na lag pa zas dang 'bags pas chu snod la 'dzin par byed nas ma dad pa dag shAkya'i bu'i dge sbyong dag ni lag pa zas dang 'bags pas chu snod la 'dzin pas/ gtsang sbra med pa yin no zhes co 'dri bar byed pa'i skabs de dge slong rnams kyis bcom ldan 'das la gsol pa dang /bcom ldan 'das kyis snga ma bzhin du lag pa zas dang 'bags pas chu snod la mi gzung bar bslab par bya'o zhes bca' ba mdzad de/ yul ni mnyan yod/ gang zag ni drug sde/ nyon mongs pa ni gtsang sbra med pa'i nyes rtsom/ nyes pa ni lag pa zas dang 'bags pas chu snod la 'dzin pa'o//de la lag pa zas dang 'bags pas chu snod la mi gzung bar zhes bya ba ni lag pa zas dang 'bags pas bya ma bum la sogs pa'i chu snod la mi gzung ba ste/ de ltar gtsang sbra med pa'i nyes rtsom mi bya bar bslab par bya ba'o/ / de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni lag pa zas dang 'bags pa dang chu snod la 'dzin pa nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa bdun cu pa'o// //drung na 'dug pa'i dge slong la zas dang 'bags pa'i chus mi gtor bar bslab par bya ba'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//drug sde dag khyim gzhan du zan za ba na de dag gi 'og na dge slong snam sbyar dmar ser can zhig 'dug nas drug sde de dag gis smras pa/ dga' bo nye dga' bkren pa 'di'i snying lam na yu bu cag gis sngon 'ga' yang snam sbyar 'di lta bu gyon ma myong snyam gyis 'di ni mi dga' bar bya'o zhes de dag gis zas dang 'bags pa'i chus gtor ba dang /de smod pa la zhugs pa'i skabs de dge slong rnams kyis bcom ldan 'das la gsol ba dang / bcom ldan 'das kyis snga ma bzhin du drung na 'dug pa'i dge slong la zas dang 'bags pa'i chus mi gtor bar bslab par bya'o zhes bca' ba mdzad de/ yul ni mnyan yod/ gang zag ni drug sde/ nyon mongs pa ni gnod par byed pa'i nyes rtsom/ nyes pa ni dge slong la zas dang 'bags pa'i chus gtor ba'o//de la drung na 'dug pa'i dge slong la zas dang 'bags pa'i chus gtor bar mi bya ba ste/ de ltar gnod par byed pa'i nyes rtsom mi bya bar bslab par bya ba'o/ /'dir yang drung na 'dug pa zhes bya ba ni mtshon pa tsam du zad do/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni zas dang 'bags pa'i chu dang dge slong la 'thor ba nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa 'di dag la ni ci rigs par na smad do zhes bya ba ni snga ma bzhin no//bslab pa bdun cu gcig pa'o// //khyim pa 'dug pa lam dris par chu zas dang 'bags pa khyim gzhan du mi dbo bar bslab par bya ba'i gleng gzhi ni/ sangs rgyas bcom ldan 'das chu srin byis pa gsod kyi ril 'jigs su rung gi nags ri dwags kyi tshal na bzhugs so//rgyal bu rtogs ldan gyis khang bzangs pad+ma can tshon brgya rtsa gcig gis bris pa der dge slong gi dge 'dun spyan drangs te bshos gsol ba na drug sde dag gis lhung bzed kyi chu de nyid pho ba dang / 'brim mkhan dag 'phags pa dag rgyal bu rtogs ldan gyi khang bzangs pad+ma can tshon brgya rtsa gcig gis bris pa'i sa gzhi khyed kyis ma rung bar byas so zhes smod par byed pa dang /drug sde dag gis smras pa/ rgyal bu rtogs ldan gyis re zhig 'di la lhag par chags par byas nas gang du skye bar 'gyur ba ni ma shes kyi khyed cag ni 'di la lhag par chags par byas nas yi dwags lba ba can rnams kyi nang du skye bar 'gyur ro//de dag smod pa la zhugs pa'i skabs de dge slong rnams kyis bcom ldan 'das la gsol ba dang / bcom ldan 'das kyis snga ma bzhin du khyim pa 'dug pa la ma dris par chu zas dang 'bags pa khyim gzhan du mi dbo bar bslab par bya'o zhes bca' ba mdzad de/yul ni chu srin byis pa gsod kyi ri/ gang zag ni drug sde/ nyon mongs pa ni sa gzhi ma rung bar byed pa'i nyes rtsom/ nyes pa ni chu zas dang 'bags pa khyim gzhan du pho ba'o/ /de la khyim pa 'dug pa la ma dris par chu zas dang 'bags pa khyim gzhan du mi dbo ba zhes bya ba ni khyim pa dag la ma dris par chu zas dang 'bags pa khyim pa'i khyim gzhan du dbo bar mi bya ba ste de ltar sa gzhi ma rung bar gyur pa'i nyes rtsom mi bya bar bslab par bya ba'o//de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni chu zas dang 'bags pa dang khyim gzhan nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no//bslab pa bzhi po de dag gi nyes rtsom mi bya bar bslab pa mdor bstan pa dang / de'i spros pa yin par sbyar ro/ /bslab pa bdun cu gnyis pa'o// //so sor thar pa'i mdo rgya cher 'grel pa 'dul ba kun las btus pa/bam po bzhi bcu drug pa/ sdom la/ lhung bzed la yang rnam pa bcu/ /zhes gsungs pa'i bslab pa bsdu ba'i mdo ni lhung bzed kyi nang du zas kyi lhag ma blugs te mi dor bar bslab par bya'o/ /'og gzhi med pa'i sa phyogs su lhung bzed mi gzhag par bslab par bya/ gad ka ma yin pa dang / g.yang sa ma yin pa dang / dkan gzar po ma yin par lhung bzed gzhag par bslab par bya/ 'greng ste lhung bzed mi bkru bar bslab par bya/ gad ka ma yin pa dang / g.yang sa ma yin pa dang / dkan gzar po ma yin par lhung bzed bkru bar bslab par bya/ 'bab chu drag po'i rgyun las bzlog ste lhung bzed kyis chu mi bcu bar bslab par bya'o zhes bya ba dag yin no/ /de la lhung bzed kyi nang du zas kyi lhag ma blugs te mi dor bar bslab par bya ba'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//mnyan yod na bram ze zhig 'dug pa de'i bun bar gyur nas de sman pa'i gan du song ste smras pa/ bzhin bzangs kho bo'i bun bas sman ston cig/ sman pa de dad pa can zhig yin pas des smras pa/ bram ze 'phags pa rnams kyi lhung bzed kyi chus khrus gyis shig /de rgyal byed kyi tshal du song ste nye dga' la smras pa/ 'phags pa bdag gi bu bro 'tshal te de la 'phags pa dag gis lhung bzed kyi chab cig 'tshal na stsal du gsol/ des smras pa bram ze 'di nyid du re zhig sdod cig dang lhung bzed kyi chu khyer te 'ong ngo //des gtsug lag khang du song ste lhung bzed du phye nyung shas zhig dang / 'bras chan nyung shas zhig dang / khur ba nyung shas zhig dang / sha nyung shas zhig dang / rus pa nyung shas zhig blugs nas phyir byung ste smras pa/ bram ze longs shig/ bram ze des mthong nas smras pa/'phags pa khyed kyi lhung bzed kyi chab 'di lta bu'am/ bram ze 'di lta bu'o/ /'phags pa bdag gi bu gum pa ni legs kyis 'di lta bu'i mi gtsang bas bkru ba ni mi rung ngo zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis snga ma bzhin du lhung bzed kyi nang du zas kyi lhag ma blugs te mi dor bar bslab par bya'o//'di ltar gang lhung bzed kyi chu slong ba de la lhung bzed lan gsum bkrus te gtsug lag khang gi tshigs su bcad pa dag gi bzlas brjod byas pa'i lhung bzed kyi chu sbyin par bya'o zhes bca' ba mdzad de/yul ni mnyan yod/ gang zag ni drug sde/ nyon mongs pa ni brnyas thabs/ nyes pa ni lhung bzed kyi nang du zas kyi lhag ma blugs pa'o/ /de la lhung bzed kyi nang du zas kyi lhag ma blugs te mi dor ba zhes bya ba ni shing thog la sogs pa phyed phyed zos pa ngan mar gyur pa lhung bzed kyis mi dor bar bslab par bya'o//'di ni lhung bzed mig bzhin du yongs su bskyang bar bya ba'o zhes gsungs pa'i bslab pa mdor bstan pa yin la 'og nas 'og gzhi med pa'i sa phyogs su lhung bzed mi gzhag par bslab par bya ba la sogs pa dgu 'byung ba dag ni 'di'i spros pa yin te/rnam pa gzhan bstan pa ni ma yin te/ de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di'i byed pa po ni lhung bzed dang zas kyi lhag ma nyid do/ / 'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa bdun cu gsum pa'o// //'og gzhi med pa'i sa phyogs su lhung bzed mi gzhag par bslab par bya ba dang gad ka ma yin pa dang g.yangs ma yin pa dang /dkan gzar po ma yin par lhung bzed bzhag par bslab par bya ba dang / 'greng ste lhung bzed mi bkru bar bslab par bya ba dang / gad ka ma yin pa dang / g.yang sa ma yin pa dang / dkan gzar po ma yin par lhung bzed bkru bar bslab par bya ba dang /'bab chu drag po'i rgyun las bzlog ste lhung bzed kyis chu mi bcu bar bslab par bya ba dgu'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dge slong dag 'og gzhi med pa'i sa phyogs su lhung bzed 'jog par byed nas de btsas zos pa dang gad ka dang g.yang sa dang /dkan gzar por lhung bzed 'jog par byed nas de 'dril te chag pa dang 'greng ste lhung bzed 'khru nas de shor te chag pa dang gad ka dang g.yang sa dang / dkan gzar por lhung bzed 'khru bar byed nas de shor te 'dril nas chag pa dang 'bab chu drag po'i rgyun las bzlog ste lhung bzed kyis chu 'chu bar byed nas de shor te chus khyer ba'i skabs de dge slong rnams kyis bcom ldan 'das la gsol pa dang /bcom ldan 'das kyis snga ma bzhin du 'og gzhi med pa'i sa phyogs su lhung bzed mi gzhag par bslab par bya/gad ka ma yin pa dang g.yang sa ma yin pa dang / dkan gzar po ma yin par lhung bzed bzhag par bslab par bya/ 'greng ste lhung bzed mi 'khru bar bslab par bya/ gad ka ma yin pa dang g.yang sa ma yin pa dang dkan gzar po ma yin par lhung bzed bkru bar bslab par bya/'bab chu drag po'i rgyun las bzlog ste lhung bzed kyis chu mi bcu bar bslab par bya'o zhes bca' ba mdzad de/ yul ni mnyan yod/ gang zag ni dge slong chos 'di pa dag /nyon mongs pa ni shes bzhin ma yin pa/ nyes pa ni 'og gzhi med pa'i sa phyogs/gad ka dang g.yang sa dang dkan gzar por lhung bzed 'jog pa dang / 'greng bzhin du dang g.yang sa dang / dkan gzar por lhung bzed 'khru ba dang / 'bab chu drag po'i rgyun las bzlog ste lhung bzed kyis chu 'chu ba dang / de la 'og gzhi med pa'i sa phyogs su lhung bzed mi bzhag pa zhes bya ba ni lo ma la sogs pa dag gis ma g.yogs par 'og gzhi med pa'i sa phyogs su lhung bzed mi gzhag pa'o//gad ka ma yin pa zhes bya ba ni ngos chad pa'i ngam grog gi kha yin pa'o/ /g.yang sa ma yin pa zhes bya ba ni byin gyis gzhol ba'i g.yang sa ma yin pa'o/ / dkan gzar po ma yin pa zhes bya ba ni bang rim bzhi pa ma yin par ro/ /'greng ste zhes bya ba ni 'greng bzhin du'o/ /'bab chu drag po'i rgyun las bzlog ste lhung bzed kyis chu mi bcu ba zhes bya ba ni lhung bzed des 'bab chu drag po'i rgyun las bzlog ste chu mi bcu ba ste de ltar lhung bzed kyis nyes pa de dag mi bya bar lhung bzed mig bzhin du yongs su bskyang bar bslab par bya ba'o//de la 'dir de dag dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro/ /'di dag gi byed pa po ni lhung bzed 'og gzhi med pa'i sa phyogs dang /gad ka dang g.yang sa dang / dkan gzar po dang / 'greng ba dang 'bab chu drag po'i rgyun las bzlog pa nyid do/ /'di dag la yan lag ni re re ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smod do zhes bya ba yang snga ma bzhin no//lhung bzed kyi nang du zas kyi lhag ma blugs te mi dor bar bslab par bya'o zhes bya ba man chad 'di yan chad thams cad ni lhung bzed mig bzhin du yongs su bskyang bar bya'o zhes gsungs pa'i bslab pa mdor bstan pa dang de'i spros pa yin par sbyar ro//bslab pa snga ma bdun cu gsum gyi steng du 'di dgus bsnan te brgyad cu rtsa gnyis pa'o// //sdom la/ 'greng bar byed pa la sogs lnga/ /zhes gsungs pa'i bslab pa bsdu ba'i mdo ni mi na bar 'dug pa la 'greng ste chos mi bshad par bslab par bya/ mi na par nyal ba la 'dug ste chos mi bshad par bslab par bya/mi na bar stan mthon po la 'dug pa la stan dma' ba la 'dug ste chos mi bshad par bslab par bya/ mi na bar mdun du 'gro ba la phyi nas 'gro zhing chos mi bshad par bslab par bya/ mi na bar lam nas 'gro ba la lam gyi 'gram nas 'gro zhing chos mi bshad par bslab par bya'o zhes bya ba dag yin no//sdom la/ mgo g.yogs la sogs rnam pa lnga/ /zhes gsungs pa'i bslab pa bsdu ba'i mdo ni mi na bar mgo g.yogs pa dang / brdzes pa dang / gzar ba dang / gnya' gong du bsnol ba dang / ltag par bsnol ba la chos mi bshad par bslab par bya'o zhes bya ba dag yin no//sdom la/ do ker can la sogs pa lnga/ /zhes gsungs pa'i bslab par sdu ba'i mdo ni mi na bar skra do ker can dang / zhwa gyon pa dang / mgo cod pan can dang / mgo phreng ba can dang / mgo dkris pa la chos mi bshad par bslab par bya'o zhes bya ba dag yin no//sdom la/ glang chen la sogs bzhon pa lnga/ /zhes gsungs pa'i bslab pa bsdu ba'i mdo ni mi na bar glang po che zhon pa dang / rta zhon pa dang / khyogs na 'dug pa dang / bzhon pa'i steng na 'dug pa dang / mchil lham gyon pa la chos mi bshad par bslab par bya'o zhes bya ba dag yin no//sdom la/ lag na 'khar ba la sogs drug /ces gsungs pa'i bslab pa bsdu ba'i mdo ni mi na bar lag na 'khar ba thogs pa dang / lag na gdugs thogs pa dang / lag na mtshon thogs pa dang / lag na ral gri thogs pa dang / lag na dgra cha thogs pa dang /go cha gyon pa la chos mi bshad par bslab par bya'o zhes bya ba dag yin no/ /de la bslab pa nyi shu rtsa drug po de dag gi gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /drug sde dag nyan pa po mi na bar 'dug pa la bdag nyid 'greng ste chos 'chad pa dang /nyan pa po mi na bar nyal ba la bdag nyid 'dug ste chos 'chad pa dang / nyan pa po mi na bar stan mthon po la 'dug pa la bdag nyid stan dma' ba la 'dug ste chos 'chad pa dang / nyan pa po mi na bar mdun du 'gro ba la bdag nyid phyi nas 'gro zhing chos 'chad pa dang /nyan pa po mi na par lam nas 'gro ba la bdag nyid lam gyi 'gram nas 'gro zhing chos 'chad pa dang / nyan pa po mi na bar mgo g.yogs pa dang / brdzes pa dang / gzar ba dang / gnya' gong du bsnol ba dang / ltag par bsnol ba la chos 'chad pa dang /nyan pa po mi na bar skra do ker can dang / zhwa gyon pa dang / mgo cod pan can dang / mgo phreng ba can dang / mgo dkris pa la chos 'chad pa dang / nyan pa po mi na bar glang po che zhon pa dang / rta zhon pa dang / khyogs na 'dug pa dang / bzhon pa'i steng na 'dug pa dang / mchil lham gyon pa la chos 'chad pa dang / nyan pa po mi na bar lag na 'khar ba thogs pa dang / lag na gdugs thogs pa dang / lag na mtshon thogs pa dang / lag na ral gri thogs pa dang / lag na dgra cha thogs pa dang / go cha gyon pa la chos 'chad par byed nas bram ze dang khyim bdag dad pa can dag 'phags pa dag bcom ldan 'das kyis bskal pa grangs med pa gsum gyi dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i ye shes brnyes na khyed cag nyan pa po mi na bar rjes med pa dang /gus pa med par 'dug pa la sogs pa la bdag nyid 'greng ba la sogs pas chos 'chad par byed dam zhes smod par byed nas/de dag cang mi smra bar 'khod pa'i skabs de dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/mi na bar 'dug pa la 'greng ste chos mi bshad par bslab par bya/ mi na bar nyal ba la 'dug ste chos mi bshad par bslab par bya/ mi na bar stan mthon po la 'dug pa la stan dma' ba la 'dug ste chos mi bshad par bslab par bya/ mi na bar mdun du 'gro ba la phyi nas 'gro zhing chos mi bshad par bslab par bya/mi na bar lam nas 'gro ba la lam gyi 'gram nas 'gro zhing chos mi bshad par bslab par bya'o/ /mi na bar mgo g.yogs pa dang / brjes pa dang / gzar ba dang / gnya' gong du bsnol ba dang / ltag par bsnol ba la chos mi bshad par bslab par bya'o//mi na par skra do ker can dang / zhwa gyon pa dang / mgo cod pan can dang / mgo phreng ba can dang / mgo dkris pa la chos mi bshad par bslab par bya'o/ /mi na bar glang po che zhon pa dang / rta zhon pa dang / khyogs na 'dug pa dang / bzhon pa'i steng na 'dug pa dang / mchil lham gyon pa la chos mi bshad par bslab par bya'o/ /mi na bar lag na 'khar ba thogs pa dang / lag na gdugs thogs pa dang / lag na mtshon thogs pa dang / lag na ral gri thogs pa dang / lag na dgra cha thogs pa dang / go cha gyon pa la chos mi bshad par bslab par bya'o zhes bca' ba mdzad de/yul ni mnyan yod/ gang zag ni drug sde/ nyon mongs pa ni bstan bcos dang 'jig rten mi shes pa/ nyes pa ni nyan pa po mi na bar 'dug pa la bdag nyid 'greng ste chos 'chad pa la sogs pa bslab pa nyi shu rtsa drug po 'di dag nyid la de ltar de ma byas pa'i nyes pa rnams so sor ci rigs par sbyar ro//de la mi na bar 'dug pa la 'greng ste chos mi bshad par bslab par bya'o zhes bya ba ni nyan pa po mi na bar 'dug pa la dge slong 'greng ste chos mi bshad par bslab par bya'o/ /mi na bar 'dug pa la 'greng ste chos mi bshad par bslab par bya zhes bya ba 'di man chad bslab par bya ba nyi shu rtsa drug ni dge slong gis bstan bcos shes pa dang 'jig rten shes pa'i sgo nas sangs rgyas bcom ldan 'das kyis bskal pa grangs med pa gsum gyi dka' ba spyad pa brgya stong phrag du ma dag gis pha rol tu phyin pa drug yongs su rdzogs par mdzad nas bla na med pa'i mkhyen pa brnyes te/de kho na nyid thugs su chud pa'i dpal gyi mgul nas gsungs pa'i chos la gus par bya ba'i bslab pa mdor bstan pa dang / de'i spros pa yin te/ rnam pa gzhan bstan pa ni ma yin no/ /mi na par nyal ba la 'dug ste chos mi bshad par bslab par bya zhes bya ba ni/nyan pa po mi na bar nyal ba la dge slong 'dug ste chos mi bshad par bslab par bya'o/ /mi na bar stan mthon po la 'dug pa la stan dma' ba la 'dug ste chos mi bshad par bslab par bya zhes bya ba ni nyan pa po mi na bar stan mthon po la 'dug pa la dge slong stan dma' ba la 'dug ste chos mi bshad par bslab par bya'o//'dir stan zhes bya ba ni 'dug pa'i sa phyogs kyang bzung bar rig par bya'o/ /stan ngan pa dang bzang po yang de yin te gang gi tshe stan tshad mnyam pa de'i tshe ngan pa ni dma' ba nyid yin la/ bzang po ni mthon po nyid yin par shes par bya'o/ /'dir gzhung gi rgyud mchog gis de dag ni stan bzang po la mchis te chos nyan la bdag ni stan ngan pa la mchis te chos ston pa'o zhes gsol ba dang /bcom ldan 'das kyis bka' stsal pa/ de ltar chos bstan par mi bya'o zhes gsungs pa yin na/ mi na bar mdun du 'gro ba la phyi nas 'gro zhing chos mi bshad par bslab par bya zhes bya ba ni nyan pa po mi na bar mdun du 'gro ba la dge slong phyi nas 'gro zhing chos mi bshad par bslab par bya'o//mi na bar lam nas 'gro ba la lam gyi 'gram nas 'gro zhing chos mi bshad par bslab par bya'o zhes bya ba ni nyan pa po mi na bar lam nas 'gro ba la dge slong lam gyi 'gram nas 'gro zhing chos mi bshad par bslab par bya ba'o//mi na bar mgo g.yogs pa dang / brjes pa dang / gzar ba dang / gnya' gong du bsnol ba dang / ltag par bsnol ba dang / chos mi bshad par bslab par bya'o zhes bya ba ni nyan pa po mi na bar mgo g.yogs pa dang / brjes pa dang / gzar ba dang / gnya' gong du bsnol ba dang / ltag par bsnol ba la dge slong gis chos mi bshad par bslab par bya'o/ /'di lnga'i mtshan nyid ni sngar/ mgo g.yogs la sogs rnam pa lnga/ /zhes bya ba snga ma'i rim gyis bshad zin to/ /mi na bar skra do ker can dang / zhwa gyon pa dang / mgo cod pan can dang / mgo phreng ba can dang / mgo dkris pa la chos mi bshad par bslab par bya'o zhes bya ba ni nyan pa po mi na bar mgo do ker can dang / mgo zhwa gyon pa dang / mgo cod pan can dang / mgo phreng ba can dang / mgo thod bcings pa la dge slong gis chos mi bshad par bslab par bya'o/ /mi na bar glang po che zhon pa dang / rta zhon pa dang / khyogs na 'dug pa dang / bzhon pa'i steng na 'dug pa dang / mchil lham gyon pa la chos mi bshad par bslab par bya ba'o zhes bya ba ni nyan pa po mi na bar glang po che zhon pa dang / rta zhon pa dang / khyogs na 'dug pa dang / bzhon pa'i steng na 'dug pa dang / mchil lham gyon pa la dge slong gis chos mi bshad par bslab par bya'o//mi na bar lag na 'khar ba thogs pa dang / lag na gdugs thogs pa dang / lag na mtshon cha thogs pa dang / lag na ral gri thogs pa dang / lag na dgra cha thogs pa dang / go cha gyon pa la chos mi bshad par bslab par bya ba'o zhes bya ba ni nyan pa po mi na bar lag na mkhar ba thogs pa dang /lag na gdugs thogs pa dang / lag na mtshon thogs pa dang / lag na ral gri thogs pa dang / lag na dgra cha thogs pa dang / go cha gyon pa la dge slong gis chos mi bshad par bslab par bya'o/ /de la 'dir de dag gi dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di dag gi byed pa po ni nyan pa po dang dge slong dang chos nyid do/ /'di dag la yan lag ni re re ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no//mi na bar 'dug pa la 'greng ste chos mi bshad par bslab par bya'o zhes bya ba man chad 'di yan chad thams cad chos la gus par bslab par bya ba mdor bstan pa dang / /de'i spros pa dag yin par sbyar ro/ /bslab pa snga ma brgyad cu rtsa gnyis kyi steng du 'dir nyi shu rtsa drug gis bsnan te/brgya rtsa brgyad pa'o// //sdom la/ na ba rnam pa bzhi rnams so/ /zhes gsungs pa'i bslab pa bsdu ba'i mdo ni mi na bar 'greng ste bshang gci mi bya bar bslab par bya/ mi na bar chu'i nang du bshang gci dang / mchil ma dang / snabs dang skyugs pa dang /rlugs pa mi dor bar bslab par bya/ mi na bar rtswa sngon po yod pa'i phyogs su bshang gci dang mchil ma dang / snabs dang skyugs pa dang / rlugs pa mi dor bar bslab par bya/ gnod pa byung ba ma gtogs par shing la mi gang tsam las mthor mi 'dzeg par bslab par bya'o zhes bya ba dag yin no//de la mi na bar 'greng ste bshang gci mi bya bar bslab par bya ba'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa nye dga' 'greng bzhin du bshang gci byed nas bram ze dang khyim bdag dad pa can dag gis mthong nas smod par byed de/'phags pa dag ston pa'i nyan thos ni ngo tsha dang ldan pa lags na nyan thos ngo tsha dang khrel med pa 'di 'greng bzhin du bshang gci bgyid pa lta ga la gda' zhes zer ba'i skabs de dge slong rnams kyis bcom ldan 'das la gsol ba dang /bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar 'greng ste bshang gci mi bya bar bslab par bya'o zhes bca' ba mdzad de/ yul ni mnyan yod/ gang zag ni nye dga'/ nyon mongs pa ni ngo tsha dang khrel med pa/nyes pa ni mi na bar 'greng ste bshang gci byed pa'o/ /de la mi na bar 'greng ste bshang gci mi bya bar bslab par bya zhes bya ba ni/ dge slong mi na bar 'greng ste bshang ba dang gci ba mi bya bar bslab par bya'o/ /bslab pa 'di dang 'og nas chu dang rtswa sngon po'i phyogs su bshang gci la sogs pa mi dor bar bslab par bya ba ni/dge slong gis sman dang kha zas kyi rgyu mthun pa 'jig rten dang mi 'gal ba dang / 'dul ba dang mi 'gal bar bag yongs su sgrub pa'i tshul mdor bstan pa dang spros pa dang bcas pa yin te/ rnam pa gzhan bstan pa ni ma yin no/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni dge slong mi na ba dang / 'greng ste bshang gci byed pa nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ci rigs par na smad do zhes bya ba yang snga ma bzhin no//bslab pa brgya rtsa dgu pa'o// //mi na bar chu'i nang du bshang gci dang mchil ma dang / snabs dang / skyugs pa dang / rlugs pa mi dor bar bslab par bya ba'i gleng gzhi ni/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so//tshe dang ldan pa nye dga' btso blag mkhan gyi nang du song ste/ smras pa/ bzhin bzangs gos 'di khrus te byin cig /des smras pa/ 'phags pa khyod kyis sngon ni bdag cag bsrung ba byas par gyur na/ deng sang mi byed pas ci'i phyir khyod kyi gos bkrus te sbyin/ des sdod cig ces byas te song nas des bsams pa bkren pa 'di mi dga' bar bya snyam nas des bkru sman zos te/ mi gtsang bas gyo mo bkang nas btso blag mkhan de'i bkru ba shal sar blugs so/ /de nas btso blag mkhan de nang par sngar langs te gos dag bkru bar brtsam pa dang /ci tsam na mi gtsang ba'i dri bro nas de lag pa la 'gram pa gtad te sems khong du chud cing 'dug pa dang / nye dga' ched du bsams te phyogs der song nas des smras pa/ bzhin bzangs khyod ci'i phyir sems khong du chud cing 'dug /des smras pa/ 'phags pa bkru bshal sa 'dir cig gis mi gtsang ba blugs te las bgyir ma mchis pas da ji ltar 'tsho ba sbyar bar bgyi ba ma 'tshal to/ /nye dgas smras pa/ bkren pa khyod de ltar mi dga' bar bya'o/ /de smod pa la zhugs pa'i skabs de dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas nas nga'i nyan thos rnams kyis 'dul ba la bslab pa'i gzhi 'di ltar gdon par bya ste/ mi na bar chu'i nang du bshang gci mi bya bar bslab par bya'o/ /thams cad chus gang ste go skabs med pa ni ma gtogs so/ /bshang gci ji lta ba bzhin du chu'i nang du mchil ma dang /snabs dang / skyugs pa dang / rlugs pa mi dor bar bslab par bya ba yang de bzhin no zhes bca' pa mdzad de/ yul ni mnyan yod/ gang zag ni nye dga'/ nyon mongs pa ni mi bzod pa/ nyes pa ni mi na bar chu'i steng du bshang gci la sogs pa 'dor ba'o/ /de la mi na bar chu'i nang du bshang gci dang mchil ma dang /snabs dang / skyugs pa dang / rlugs pa mi dor bar bslab par bya'o zhes bya ba ni/ dge slong mi na bar chu'i nang du bshang gci la sogs pa mi bya ba dang / byas zin pa yang mi dor bar bslab par bya'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni dge slong mi na bar chu'i nang du bshang gci la sogs byed pa dang byas pa dor ba nyid do/ /'di la yan lag ni gcig ste/ dngos gzhi'i sgrub pa nyid do//sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa brgya rtsa bcu pa'o// //mi na bar rtswa sngon po yod pa'i sa phyogs su bshang gci dang / mchil ma dang / snabs dang / skyugs pa dang / rlugs pa mi dor bar bslab par bya ba'i gleng gzhi ni/sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /tshe dang ldan pa nye dga' ldum pa'i ngang du song ste smras pa/ bzhin bzangs ldum cung zhig byin cig /des smras pa/ 'phags pa dag khyod kyis sngon ni bdag cag bsrung ba byas par gyur na/deng sang mi byed pas ci'i phyir khyod la ldum bu sbyin/ des sdod cig ces byas te song nas des bsams pa/ bkren pa 'di mi dga' bar bya'o snyam nas/ des bkru sman zos te mi gtsang bas gyo mo bkang nas phyags ma thogs te ldum zhing gi steng thams cad mi gtsang bas gtor nas ldum thams cad ma rung bar byas so//mi gtsang ba'i dris der wa dag 'dus nas de dag gis kyang ldum bu thams cad ma rung bar byas so/ /de nas ldum pa de ldum btsong ba'i phyir nang par sngar langs te ldum rar song ba dang / ci tsam na ldum thams cad mi gtsang bas gtor zhing was kyang zos te zong du ma rung bar mthong nas de lag pa la 'gram pa gtad de sems khong du chud cing 'dug pa dang /nye dga' ched du bsams te phyogs der song nas des smras pa/ bzhin bzangs khyod ci'i phyir sems khong du chud cing 'dug des smras pa/ 'phags pa ldum zhing 'dir cig gis mi gtsang bas gtor zhing was kyang zos te zong du mi rung bas da ci ltar 'tsho ba sbyar bar bgyi ba 'tshal to//nye dgas smras pa/ bkren pa khyod de ltar mi dga' bar bya'o/ /de smod pa la zhugs pa'i skabs de dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na nga'i nyan thos rnams kyis 'dul ba la bslab pa'i gzhi 'di ltar gdon par bya ste/mi na bar rtswa sngon po yod pa'i sa phyogs su bshang gci mi bya bar bslab par bya'o/ /thams cad sngos gang ste go skabs med pa ni ma gtogs so/ /bshang gci ji lta ba bzhin du rtswa sngon po yod pa'i sa phyogs su mchil ma dang / snabs dang / skyugs pa dang / rlugs pa mi dor bar bslab par bya ba yang de bzhin no zhes bca' ba mdzad de/yul ni ser skya'i gnas/ gang zag ni nye dga'/ nyon mongs pa ni mi bzod pa/ nyes pa ni mi na bar rtswa sngon po yod pa'i sa phyogs su bshang gci la sogs pa 'dor ba'o/ /de la mi na bar rtswa sngon po yod pa'i sa phyogs su bshang gci dang /mchil ma dang / snabs dang / skyugs pa dang / rlugs pa mi dor bar bslab par bya zhes bya ba ni dge slong mi na bar rtswa sngon po yod pa'i sa phyogs su bshang gci la sogs pa mi bya ba dang / byas pa mi dor bar bslab par bya ba'o/ /de la 'dir dngos gzhi'i ltung ba rnam par gzhag pa ni dngos gzhi'i gnas skabs su bslab pa de ltar ma byas na bshags par bya ba'i nyes byas kyi dngos gzhir 'gyur ro//'di'i byed pa po ni dge slong mi na bar dang rtswa sngon po yod pa'i sa phyogs su bshang gci la sogs pa mi 'dor ba nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no/ /bslab pa brgya bcu rtsa gcig pa'o// //gnod pa byung ba ma gtogs par shing la mi gang tsam las mthor mi 'dzeg par bslab par bya ba'i gleng gzhi ni rjes su bcas pa'i sgo nas gnang ba dang / rjes su gnang ba'i dbang gis rnam pa gsum ste/bcas pa'i gleng gzhi ni sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag gcig gis sangs rgyas la sogs pa dge slong gi dge 'dun khyim gzhan du gdugs chod brtsam du mi rung ba'o//de la gzhi mi rung ba ni skye ba po phra mo'i gnas dang ldan pa nyid de/ sbrul dang sdig pa dang sril dang grog ma la sogs pa'i gnas dang 'dom pa'o/ /gzhi rtsod pa dang bcas pa ni rgyal po dang lha'i gnas dang mu stegs can gyi 'dug gnas la brten pa nyid dang /shing ljon pa gcad par bya ba ma yin pa dang 'dom pa nyid de/ rgyal po dang mchod rten dang khyim bdag dang mu stegs can dang dge slong ma'i dbyar khang dang shing ljon pa gcad par bya ba ma yin pa gcad dgos pa dang 'dom pa'o/ /gzhi brtsam du mi rung ba ni phyi rol 'dom gang gi mtha'i gang gi nye 'khor gyi nang rol na chu klung ngam lam mam ngam grog gam khron pa dang 'dom pa nyid de/chu klung dang khron pa dang lam dang ngam grog la brten pa nyid do/ /ma bstan pa zhes bya ba ni dge 'dun las gzhi bstan ba ma gsol ba ste/dge slong de nyid kyis gzhi dag par brtags nas dge 'dun la bstan pa gsol ba'i sngags lan gsum bzlas pa dang / dge 'dun gyis dge slong ril tam bskos pa rtog tu btang ba dang / de dag gis dge 'dun la gnyer dgum pa dang / dge slong 'dul ba 'dzin pas gsol ba dang gnyis kyi las kyis gzhi bstan pa'i sbyin pa'i cho ga dang las ma byas pa'o//tshad kyi mtshan nyid ni tshad dang ldan pa'i khru phyed dang don ni bde bar gshegs pa'i mtho gang ste/ nang srid du de bcu gnyis dang zheng du de bdun gyi tshad do/ /sbyor ba'i ltung ba ni khang pa'i dge 'dun lhag ma'i sbyor ba brtsams pa nas dngos gzhi la ma thug gi bar du nyes pa sbom por 'gyur ro//sa gzhi dang yo byad gzhan las btsal ba dang / mi rung ba dang / rtsod pa dang bcas pa dang / brtsam du mi rung ba dang / ma bstan pa dag dang gcig gi don dang tshad las lhag pa zhes bya ba ni 'di dag skabs 'dir ltung ba re re'i byed pa po ma yin te/gcig las 'das na yang nyes pa sbom po gcig go/ /gnyis dang gsum dang bzhi dang lnga dang drug dang bdun char las 'das na yang spyir nyes pa sbom po gcig go//des nas gzhi dang yo byad gzhan las btsal na rung ba dang / rtsod pa med pa dang brtsam du rung ba med pa dang / bstan pa gsol ba dang / gcig gi don la ma yin pa dang / tshad las ma lhag kyang nyes pa sbom po'o/ /sa gzhi dang yo byad btsal ba dang mi rung ba yin na rtsod pa med pa dang /brtsam du rung ba dang bstan pa gsol ba dang / gcig gi don ma yin pa dang / tshad las ma lhag kyang nyes pa sbom po'o/ /sa gzhi dang yo byad btsal ba dang mi rung ba dang rtsod pa dang bcas pa yin na brtsam du rung ba dang bstan pa gsol ba dang /gcig gi don ma yin pa dang tshad las ma lhag kyang nyes pa sbom po'o/ /sa gzhi dang yo byad btsal ba dang mi rung ba dang / rtsod pa dang bcas pa dang brtsam du mi rung ba yin na bstan pa gsol ba dang / gcig gi don ma yin pa dang / tshad las ma lhag kyang nyes pa sbom po'o//sa gzhi dang yo byad btsal ba dang mi rung ba dang rtsod pa dang bcas pa dang brtsam du mi rung ba bstan pa ma gsol na gcig gi don ma yin pa dang tshad las ma lhag kyang nyes pa sbom po'o/ /sa gzhi dang yo byad btsal ba dang mi rung ba dang rtsod pa dang bcas pa dang brtsam du mi rung ba dang bstan pa ma gsol ba dang gcig gi don yin na tshad las ma lhag kyang nyes pa sbom po'o//tshad las lhag pa yan chad yan lag gzhan kun las 'das kyang mthar ma thug na nyes pa sbom po'o/ /dge slong bsko ba bos dge slong byed pa po gzhan la legs par byed du bcug pa las byed pa pos log par sgrub na byed pa po la nyes pa sbom po'o//dge slong bsko ba pos dge slong byed pa po gzhan la legs par spyad du bcug pa las byed pa pos log par sgrub pa la bsko ba bos lus dang ngag gis dang du len na gnyis ka la nyes pa sbom po'o//dge slong bsko ba bos dge slong byed pa po gzhan la legs par byed du bcug pa las byed pa pos log par sgrub pa la bsko ba pos lus dang ngag gis dang du mi len na nyes pa sbom po'o/ /mthar dngos gzhir 'gyur ba rtsom pa la byas kyi dngos gzhir 'gyur ro//'di'i byed pa po ni dge slong gnod pa byung ba ma gtogs pa dang / shing la mi gang tsam las mthor 'dzeg pa nyid do/ /'di la yan lag ni gcig ste/ dngos gzhi'i sgrub pa nyid do/ /sbyor ba dang / sbyor ba'i sbyor ba'i sgrub pa nyid dag la ni ci rigs par na smad do zhes bya ba yang snga ma bzhin no//bslab pa brgya rtsa bcu gnyis pa'o// //bslab pa rnams kyi yul gyi rab tu dbye ba ni mdor bsdu na rnam pa dgu ste/ gos bgo ba dang / spyod yul du 'gro ba dang / der stan la 'dug pa dang / zas blang ba dang / zan bza' ba dang / lhung bzed kyi spyod pa dang /chos bstan pa dang / sgrub pa'i tshul dang / rgyu ba ste de dag ni sham thabs zlum por bgo bar bslab par bya'o zhes bya ba nas gnod pa byung ba ma gtogs par shing la mi gang tsam las mthor mi 'dzeg par bslab par bya'o zhes bya ba'i bar dang go rims bzhin du sbyar ro/ /tshe dang ldan pa dag bdag gis bslab pa'i chos mang po rnams bton zin to zhes bya ba ni bslab pa'i chos mang po rnams gdon pa'i mjug bsdu ba ste/bslab pa'i chos mang po rnams zhes bya ba ni sngar bstan pa'i bslab pa'i chos kyi dngos gzhi brgya rtsa bcu gnyis po dag go/ /bton zin to zhes bya ba ni dam bca' ba'i don gyis mjug bsdu ba'i phyir dang /nyan pa po rnams spro bar bya ba'i phyir smos so/ /de la bdag gis tshe dang ldan pa dag la ci 'di la khyed yongs su dag gam zhes 'dri'o/ /ci 'di la khyed yongs su dag gam zhes lan gnyis lan gsum du dri'o/ /'di la tshe dang ldan pa dag yongs su dag na 'di ltar cang mi smra bar de de bzhin du 'dzin to zhes bya ba ni bslab pa'i chos mang po rnams rnam par gzhag pa bsgrag par bya ba yin te/de la zhes bya ba ni bslab pa'i chos mang po bton pa de la'o/ /lhag ma ni snga ma bzhin no/ /bslab pa'i chos mang po rnams bton pa bshad zin to// //so sor thar pa'i mdo rgya cher 'grel pa 'dul ba kun las btus pa/bam po bzhi bcu bdun pa/ da ni rtsod pa zhi bar bya ba'i gdon pa bshad par bya ste/ de'i phyir/ sdom la/ mngon sum dran pa ma smyos pa/ /de bzhin gang mang ngo bo nyid/ /rtswa rnams bkram pa lta bu dang / /khas blang bar yang bya ba'o/ /zhes bya ba gsungs te/ sdom la zhes bya ba'i tshig gi don dang /dgos pa ni snga ma bzhin no/ /rtsod pa zhi bar bya ba'i chos ni bdun te/ mngon sum gyis 'dul ba dang / dran pas 'dul ba dang / ma smyos pas 'dul ba dang / tshul shing mang po sbyin pa dang / de'i ngo bo nyid tshol du gzhug pa dang / rtswa rnams bkram pa lta bu dang / khas blang bar bya ba ste/ sdom gyi tshigs su bcad pa dang go rims bzhin du sbyar ro//tshe dang ldan pa dag rtsod pa zhi bar bya ba'i chos bdun po 'di dag ni zla ba phyed phyed cing so sor thar pa'i mdo 'don pa las 'byung ngo zhes bya ba ni rtsod pa zhi bar bya ba gdon pa'i lung 'bogs pa bstan to/ /rtsod pa zhi bar bya ba'i chos zhes bya ba ni 'khrug long gi rtsod pa bzhi po dag rgyud gcig tu bya ba dang /dag pa sbyin pa dang / phyir bcos pa dang / nges par 'dzin pa la sbyor ba nyid sbyin pa dang / las la mthun pa sbyin du gzhug pas na ci rigs par zhi bar bya'o/ /de nyid kha na ma tho ba'i mtshan nyid 'dzin pas chos shes par bya'o/ /bdun po 'di dag ni zhes bya ba ni 'og nas 'byung ba bdun po dag go//zla ba phyed phyed cing so sor thar pa'i mdo gdon pa las 'byung ngo zhes bya ba ni zla ba phyed phyed cing gso sbyong 'don pa'i tshe 'dul ba 'dzin pa'i kha ton las 'byung ngo zhes bstan pa yin no/ /mngon sum gyis 'dul bar 'os pa la mngon sum gyis 'dul ba sbyin pa'o/ /dran pas 'dul bar 'os pa la dran pas 'dul ba sbyin no//ma smyos pas 'dul bar 'os pa la ma smyos pas 'dul ba sbyin no/ /gang tshul shing mang po sbyin par 'os pa la tshul shing mang po sbyin no/ /de'i ngo bo nyid tshol du gzhug par 'os pa la de'i ngo bo nyid btsal ba sbyin no/ /rtswa bkram pa lta bur 'os pa la rtswa bkram pa lta bu sbyin no//gang khas blang bar 'os pa la khas blang bar bya'o zhes bya bas ni 'khrug long gi rgyu bzhi las byung ba'i 'khrug long gi rtsod pa bzhi/ rtsod pa zhi bar bya ba'i chos bdun gyis rgyud gcig tu bya ba dang / dag pa sbyin pa dang / phyir bcos pa dang / nges par 'byung ba la sbyor ba nyid sbyin pa dang / las la mthun pa sbyin du gzhug pas ci rigs par zhi bar bya ba bstan to/ /de'i 'khrug long gi rgyu bzhi gang zhe na/ dngos po'i de bzhin nyid la log par bsgrubs pa dang / gdams ngag la sogs pa 'jog pas gzhan spong ba dang / ltung ba dang bcas pa nyid dang / las la mthun pa mi sbyin pa'o/ /'khrug long gi rtsod pa bzhi gang zhe na/'gyed pa'i phyir rtsod pa dang / mi bsdams pa'i phyir rtsod pa dang / ltung ba'i phyir rtsod pa dang / bya ba'i phyir rtsod pa'o/ /rtsod pa zhi bar bya ba'i chos bdun gang zhe na/ mngon sum kyis 'dul ba dang / dran pas 'dul ba dang / ma smyos pas 'dul ba dang /tshul shing mang po sbyin pa dang / de'i ngo bo nyid tshol du gzhug pa dang / rtswa bkram pa lta bu dang / khas blang bar bya ba'o/ /de la 'khrug long gi rgyu dang po dngos po'i de bzhin nyid la log par bsgrubs pa las byung ba'i 'khrug long 'gyed pa'i phyir rtsod pa ni mngon sum gyis 'dul ba dang / tshul shing mang po sbyin pas rgyud gcig tu bya bas zhi bar bya'o//'khrug long gi rgyu gnyis pa gdams ngag la sogs pa 'jog pas gzhan spong ba las byung ba'i 'khrug long mi bsdams pa'i phyir rtsod pa ni mngon sum gyis 'dul ba dang / tshul shing mang po sbyin pas rgyud gcig tu bya ba de nyid dang / dran pas 'dul ba dang / ma smyos pas 'dul ba dag la sbyin pas zhi bar bya'o//'khrug long gi rgyu gsum pa ltung ba dang bcas pa nyid las byung ba'i 'khrug long ltung ba'i phyir rtsod pa ni khas blang bar bya ba dang / mngon sum gyis 'dul ba dang / rtswa bkram pa lta bus phyir bcos pa dang / de'i ngo bo nyid tshol du gzhug pas nges par 'dzin pa la sbyor ba nyid sbyin pas zhi bar bya'o//'khrug long gi rgyu bzhi pa las la mthun pa mi sbyin pa las byung ba'i 'khrug long bya ba'i phyir rtsod pa mi rtsod pa zhi bar bya ba'i chos bdun po thams cad kyis snga ma bzhin du ci rigs par rgyud gcig tu bya ba dang / dag pa sbyin pa dang / phyir bcos pa dang / nges par 'dzin pa la sbyar ba nyid sbyin pa'i rim gyis las la mthun pa sbyin du gzhug pas rtsod pa ni zhi bar bya'o//de ltar na mngon sum gyis 'dul bar 'os pa dang / tshul shing mang po sbyin par 'os pa ni 'khrug long gi rgyu dang po dngos po'i de bzhin nyid la log par bsgrubs pa las byung ba'i 'khrug long 'gyed pa'i phyir rtsod pa yin te/ de la ni mngon sum gyis 'dul ba dang / tshul shing mang po sbyin pa bas rgyud gcig tu bya bas zhi bar bya'o/ /yang mngon sum gyis 'dul bar 'os pa dang / tshul shing mang po sbyin par 'os pa ni 'khrug long gi rgyu gnyis pa gdams ngag la sogs pa 'jog pas gzhan spong ba las byung ba'i 'khrug long mi bsdams pa'i phyir rtsod pa rgyu dang bcas pa nyid yin te/de la yang mngon sum gyis 'dul ba dang / tshul shing mang po sbyin pas rgyud gcig tu bya bas zhi bar bya'o/ /dran pas 'dul bar 'os pa dang / ma smyos pas 'dul bar 'os pa yang 'khrug long gi rgyu gnyis pa gdams ngag la sogs pa 'jog pas gzhan spong ba las byung bas 'khrug long mi bsdams pa'i phyir rtsod pa rgyu med pa nyid yin te/de la ni dran pas 'dul ba dang / ma smyos pas 'dul ba la sbyin pas dag pa sbyin pas zhi bar bya'o/ /khas blang bar 'os pa dang / mngon sum gyis 'dul bar 'os pa dang / rtswa bkram pa lta bur 'os pa ni 'khrug long gi rgyu gsum pa ltung ba dang bcas pa rnam par mi shes pa ni rang gi ngo bo'i nyes pas ltung ba dang bcas pa nyid las byung ba'i 'khrug long ltung ba'i phyir rtsod pa yin te/de la ni khas blang bar bya ba dang / mngon sum gyis 'dul ba dang / rtswa bkram pa lta bu sbyin pas phyir bcos pas zhi bar bya'o/ /de'i ngo bo nyid tshol du gzhug par 'os pa ni 'khrug long gi rgyu gsum pa ltung ba dang bcas pa rnam par mi shes pa ni rang gi ngo bo'i nyes pas ltung ba dang bcas pa nyid las byung ba'i 'khrug long ltung ba'i phyir rtsod pa yin te/de la ni de'i ngo bo nyid btsal ba sbyin pas nges par 'dzin pa la sbyar ba nyid sbyin pas zhi bar bya'o/ / mngon sum la sogs pa rtsod pa zhi bar bya ba'i chos bdun po thams cad kyis 'dul bar 'os pa ni 'khrug long gi rgyu bzhi pa las la mthun pa mi sbyin pa las byung ba'i 'khrug long bya ba'i phyir rtsod pa yin te/ de la ni mngon sum gyis 'dul ba la sogs pa rtsod pa zhi bar bya ba'i chos bdun po thams cad kyis snga ma bzhin du ci rigs par rgyud gcig tu bya ba dang /dag pa sbyin pa dang / phyir bcos pa dang / nges par 'dzin pa la sbyor ba nyid sbyin pa'i rim gyis las la mthun pa sbyin du gzhug pas zhi bar bya ste/ 'dir gzhung ni zhu ba las zhi ba thams cad ni bya ba'i phyir rtsod par 'jug go zhes gsungs pa yin no/ /rtsod pa byung bar gyur pa rnams rtsod pa zhi bar bya ba'i chos bdun po 'di dag gis chos dang 'dul ba dang ston pa'i bstan pa bzhin du dul bar bya zhi bar bya/rnam par zhi bar bya'o zhes bya ba ni rtsod pa'i gzhi bstan pa yin te/ rtsod pa byung bar 'gyur ba rnams zhes bya ba ni 'khrug long gi rgyu bzhi las byung ba'i 'khrug long gi rtsod pa bzhi po rnams so//rtsod pa zhi bar bya ba'i chos bdun po 'di dag gis zhes bya ba ni mngon sum gyis 'dul ba la sogs pa bdun po de dag gis so/ /chos dang 'dul ba dang ston pa'i bstan pa bzhin du zhes bya ba ni shes bya rnam par gzhag pa'i chos dang / tshul khrims rnam par gzhag pa'i 'dul ba dang /chen po bstan pa dang / nag po ston pa'i bstan pa bzhin du'o/ /'dul bar bya/ zhi bar bya/ rnam par zhi bar bya'o zhes bya ba ni chung ngu dang / 'bring dang chen po'i gnas skabs sam/ sbyor ba dang / dngos gzhi dang / mjug gi gnas skabs sam/ chos dang 'dul ba dang / ston pa'i bstan pa'i gnas skabs [(]gyi [,]kyi[)]go rims bzhin du shes par bya'o/ /tshe dang ldan pa dag bdag gis rtsod pa zhi bar bya ba'i chos bdun po dag bton zin to zhes bya ba ni rtsod pa zhi bar bya ba gdon pa'i mjug bsdu ba ste/ rtsod pa zhi bar bya ba'i chos bdun po dag ces bya ba ni sngar bstan pa bdun po dag go//bton zin to zhes bya ba ni dam bca' ba'i don gyis mjug bsdu ba'i phyir ro/ /nyan pa po rnams spro bar bya ba'i phyir smos so/ /de la bdag gis tshe dang ldan pa dag la ji 'di la khyed yongs su dag gam zhes 'dri'o/ /ji 'di la khyed yongs su dag gam zhes lan gnyis lan gsum du dri'o//'di la tshe dang ldan pa dag yongs su dag na 'di ltar cang mi smra bas/ de de bzhin du 'dzin to zhes bya ba dag ni rtsod pa zhi bar bya ba rnam par gzhag pa bsgrag par bya ba yin te/ de la zhes bya ba ni rtsod pa zhi bar bya ba'i chos bdun po bton pa de la'o/ /lhag ma ni snga ma bzhin no/ / de ltar rtsod pa zhi bar bya ba'i chos bdun po rnams rnam par 'byed pa dang / so sor thar pa'i mdor gtogs pa'i gzhung 'grel pa nyi tshe mdor bstan pa nas/ da ni rtsod pa'i gzhi zhu ba dang bcas pa'i skabs brjod par bya ste/ rtsod pa zhi bar bya ba'i chos bdun po zhes gsungs pa la rtsod pa zhes bya ba ni 'khrug long ste/dgra bos mi mthun par smras pa'i tshig gi phyir sems gzhol ba yin gyis khro ba ni ma yin no/ /gal te dgra bos mi mthun par smras pa'i tshig gi phyir sems gzhol ba 'khrug long yin la de nyid rtsod pa ma yin na/ 'o na ji ltar gtsug lag las de la brten te 'thab pa dang mtshang 'bru ba dang rtsod pa dang 'gyed pa byung ba gang yin pa de 'gyed pa'i phyir rtsod pa'o zhes gsungs she na/'di ltar 'thab pa la sogs pa'i dgra bos mi mthun par smra ba'i tshig gi phyir sems gzhol ba'i 'khrug long 'di'i 'khor yin te/ de dang 'brel ba las byung ba'i phyir de dag kyang 'dis bsdus par shes par bya'o//de la rtsod pa ni rnam pa bzhi ste/ 'gyed pa'i phyir rtsod pa dang / mi bsdams pa'i phyir rtsod pa dang / ltung ba'i phyir rtsod pa dang / 'gyed pa'i rgyu las rtsod pa'o/ /mi bsdams pa'i rgyu las rtsod pa ni mi bsdams pa'i phyir rtsod pa'o/ /ltung ba'i rgyu las rtsod pa ni ltung ba'i phyir rtsod pa'o//bya ba'i rgyu las rtsod pa ni bya ba'i phyir rtsod pa'o zhes gsungs pa la rtsod pa bzhi po gang dag yin pa de dag gi ngo bo nges par gzung ba'i phyir 'khrug long gi rgyu bzhi las 'khrug long gi rtsod pa bzhi go rims bzhin du 'byung ste zhes gsungs so/ /'khrug long gi rgyu bzhi gang zhe na/dngos po'i de bzhin nyid la log par sgrub pa dang / gdams ngag la sogs pa 'jog pas gzhan spong ba dang / ltung ba dang bcas pa nyid dang / las la mthun pa nyid sbyin pa'o/ /de la dngos po'i de bzhin nyid la log par sgrub pa ji lta bu zhe na/ dngos po zhes bya ba ni chos rnam par gzhag pa dang /tshul khrims rnam par gzhag pa'i dngos po chos dang 'dul ba dang / ston pa'i bstan pa dang / ltung ba ste sngar gtogs pa dag go/ /de bzhin nyid ces bya ba ni chos rnam par gzhag pa ji lta ba bzhin/ tshul khrims rnam par gzhag pa ji lta ba nyid de/ chos dang chos ma yin pa dang /'dul ba dang 'dul ba ma yin pa dang / ston pa'i bstan pa dang / ston pa'i bstan pa ma yin pa dang / ltung ba dang ltung ba ma yin pa la sogs pa dngos po de'i rang bzhin nyid de/ rang gi ngo bo nyid ces bya ba'i tha tshig go/ /de la log par bsgrubs pa'i zhes bya ba ni ma nges pa nyid de chos rnam par gzhag pa yin no zhes sam ma yin no zhes bya ba dang /tshul khrims rnam par gzhag pa yin no zhe'am ma yin no zhes bya ba la sogs pa lta bur gnyis su 'dren pa'o/ /de ltar dngos po de bzhin nyid la log par bsgrubs pa des dngos po'i rnam par dpyod pa dag kyang bsdus te/dngos po'i rnam pa zhes bya ba ni bya ba dang bya ba ma yin pa nyid dang / blang ba dang / dor ba nyid dang / sbyin par bya ba dang / sbyin par mi bya ba nyid dang / las su bsko ba dang las su mi bsko ba nyid ces bya ba la sogs pa lta bu'o/ /de la dpyod pa zhes bya ba ni ci'i phyir khyod kyi bya ba 'di ni ma byas par bya ba ma yin par 'di ni bya zhe'am/blang ba 'di ni bor la dor ba 'di ni blangs she'am/ sbyin par bya ba 'di ni ma byin la sbyin par mi bya ba 'di ni byin zhe'am/ las la bsko ba 'di ni ma bskos la las su mi bsko ba 'di ni bsko zhes bya ba la sogs pa lta bur dpyod pa'o//de ltar dngos po'i de bzhin nyid la log par sgrub pa dang / dngos po'i rnam pa la dpyod pa de ni 'khrug long gi rgyu dang po yin no/ /de las 'khrug long dang po 'gyed pa'i phyir rtsod pa 'byung ste/ 'gyed pa'i phyir rtsod pa zhes bya ba ni dngos po'i de bzhin nyid la log par sgrub pa dang / dngos po'i rnam pa la dpyod pa de la brten te/ dgra bos mi mthun par smras pa'i tshig gi phyir sems gzhol ba'i 'khrug long 'thab pa dang / mtshang 'dru ba dang / rtsod pa dang / 'gyed pa la sogs pa'i 'khor dang bcas pa'i 'gyed pa'i rgyu las rtsod pa mngon sum gyis 'dul ba dang tshul shing mang po sbyin pas rgyud gcig tu bya bas zhi bar bya ba gang 'byung ba ste/de ni 'gyed pa'i phyir rtsod pa zhes bya'o/ /de ltar 'khrug long gi rgyu dang po dngos po'i de bzhin nyid la log par bsgrubs pa las 'khrug long dang po 'gyed pa'i phyir rtsod pa 'byung bar shes par bya'o/ /gdams ngag la sogs pa 'jog pas gzhan spong ba ji lta bu zhe na/gdams ngag la sogs pa zhes bya ba ni dge slong ltung ba 'byin pa la dge 'dun gyi gang zag gleng ba po chos gsum mam lnga dang ldan pa gsol ba dang gnyis kyi las kyis bsgos te des de la skabs 'byed du bcug nas dus su dben pa'i mthar dran pa dang shes bzhin nye bar gzhag ste/mthong ba'am/ thos pa'am/ dogs pa'i gzhi dang bcas pas gleng bar bya'o/ /des gzhi dang bcas pas gleng pa na mi dran na yul dang dus dang gzhi gang las ltung ba 'byung ba gleng ba pos ji ltar mthong ba'am/ thos pa'am dogs pa'i sgo nas dran par bya'o/ /de ltar glengs shing dran par byas pa na des ltung ba mthong nas skabs phye ste dgra bos gzhi gang gis gleng ba'i ltung ba rgyu dang bcas pa nyid yin na rgyud gcig tu bya bas phyir bcos par bya'o//rgyu med pa nyid yin na dag pa sbyin pas rang bzhin du gnas par bya'o/ /de ltar byas pa de la dge 'dun gyi gdams ngag dang /rjes su bstan pa dang / gtam 'dre ba dang / phebs par smras pa dang / so sor kun dga' bar bya ba dang / rtag tu lhan cig gnas par bya ba dang / gso sbyong dang dgag dbye la sogs pa lhan cig bya ba ste/ de ni gdams ngag la sogs pa zhes bya ba'o/ /'jog pa zhes bya ba ni dge slong ltung ba 'byin pa la dge 'dun gyis gang zag gleng ba po de lta bu de ltar bskos te/des de la de ltar glengs shing dran par byas pa na skabs 'byed par mi byed na de la brjod pa dang bcas pa nyid bya ste/ tshe dang ldan pa khyod la brjod pa dang bcas pa nyid byas khyod kyis gnas 'di nas ma zhus par 'gro bar mi bya'o//kho bo la tshe dang ldan pa la brjod par bya ba'i phyir bsdogs pa yod do zhes brjod pa dang bcas pa nyid bya'o/ /des skabs 'byed par mi byed na mi bsngams pa nyid du bya ste/ de la gdams ngag dang rjes su bstan pas phan gdags par mi bya'o/ /des kyang skabs mi 'byed na gtam 'dre ba la sogs pa yang bzlog par bya ste/de la gtam 'dre ba dang / phebs par smra na dang / so sor kun dga' bar bya ba dang / rtag tu lhan cig gnas par bya ba'i tha snyad kyi tshig sbyin par yang mi bya'o/ /de ltar na yang skabs 'byed par mi byed na de la gso sbyong gzhag par bya ste/ gso sbyong gi dus su de la gsol ba dang bzhi'i las kyis de'i gso sbyong gzhag par bya'o/ /gso sbyong gzhag pa zhes bya ba ni gang zag 'di 'dug pa dang lhan cig dge 'dun gyis gso sbyong mi bya'o zhes bya ba yin par rig par bya'o/ /de ltar na yang skabs 'byed par mi byed na de la dgag dbye gzhag par bya ste/dgag dbye'i dus su gsol ba dang bzhi'i las kyis de'i dgag dbye gzhag par bya'o/ /dgag dbye gzhag pa zhes bya ba ni gang zag 'di 'dug pa dang lhan cig dge 'dun gyis dgag dbye mi bya'o zhes bya ba yin par rig par bya'o/ /skabs phye ba nyid na mnyan pa nyid ma yin na phur pa dang bcas pa bya ste/gnas 'di la'am gzhan du'am/ gzhi 'di'am gang yang rung ba 'di la ci 'dod par smra bar bya'o zhes bya ba dang / de la ltung ba bkal te nyes pa bstan te btang bas rta dmu rgod phur pa la btags pa bzhin du phur ba dang bcas pa bya ste/ de dag ni gdams ngag la sogs pa 'jog pas zhes bya ba yin no//des gzhan spong ba zhes bya ba ni gdams ngag la sogs pa 'jog pa'i rim pa des gang zag ltung ba 'byin pa'o/ /gzhan de dge 'dun rang bzhin du gnas pa las logs shig tu spong bar byed pa'o/ /gzhan spong ba de ni rgyu dang bcas pa yang yod rgyu med pa yang yod de/rgyu dang bcas pa ni yul dang dus dang gzhi gang las ltung ba 'byung ba'i rgyu yod pa nyid kyis spong ba'o/ /rgyu med pa ni gleng gzhi'i kha na ma tho ba med pa la/ gzhi med pas gleng ba dang / gzhan rjes su bsgrub pa'i dbang gis gleng ba dang / phyir bcos pa la mi ltos par gleng ba dang /smyon pas byas pas gleng ba dag gis spong ba'o/ /de ltar gdams ngag la sogs pa 'jog pas gzhan spong ba de ni 'khrug long gi rgyu gnyis pa yin no/ /de las 'khrug long gnyis pa mi bsdams pa'i phyir rtsod pa 'byung ste/ mi bsdams pa'i phyir rtsod pa zhes bya ba ni gdams ngag la sogs pa 'jog pas gzhan spong ba rgyu dang bcas pa dang /rgyu med pa de la brten te dgra bos mi mthun par smras pa'i tshig gi phyir sems gzhol ba'i 'khrug long gzhan spong ba rgyu dang bcas pa la dge slong ltung ba dang bcas pa la dge 'dun gyis gang zag gleng ba po bsgo ba dang / des de la skabs 'byed du gzhug pa dang dus su dben pa'i mthar dran pa dang shes bzhin gyis gzhi dang bcas pa gleng ba dang /yul dang dus dang / gzhi gang las ltung ba 'byung ba'i sgo nas dran par bya ba dang / skabs mi 'byed na brjod pa dang / bcas pa nyid dang mi bsdams pa nyid dang / gtam 'dre ba la sogs pa zlog pa dang gso sbyong gzhag pa dang /dgag dbye gzhag pa dang / phur pa dang bcas pa nyid la sogs pa'i 'khor dang bcas pa nyid mi bsdams pa'i rgyu las rtsod pa mngon sum gyis 'dul ba dang / tshul shing mang po sbyin pas rgyud gcig tu bya bas zhi bar bya ba dang / gzhan spong ba rgyu med pa las dge slong ltung ba med pa las gzhi med pas gleng ba dang /gzhan rjes su sgrub pa'i dbang gis gleng ba dang phyir bcos pa la mi ltos pas gleng ba dang / smyos pas byas pas gleng ba la sogs pa'i 'khor dang bcas pa mi bsdams pa'i rgyu las rtsod pa dran pas 'dul ba dang / ma smyos pas 'dul bas dag pa sbyin pas zhi bar bya ba gang 'byung ba ste de ni mi bsdams pa'i phyir rtsod pa zhes bya'o//de ltar 'khrug long gi rgyu gnyis pa gdams ngag la sogs pa 'jog pas gzhan spong ba las 'khrug long gnyis pa mi bsdams pa'i phyir rtsod pa 'byung bar shes par bya'o/ /ltung ba dang bcas pa nyid ji lta bu zhe na/ltung ba zhes bya ba ni ltung ba sde lnga las lhag ma dang bcas pa gang yang rung ba'o/ /ltung ba dang bcas pa nyid ni rnam pa gnyis ste/ rnam par shes pa na rang gi ngo bo'i nyes pas ltung ba dang bcas pa nyid dang / rnam par mi shes pa na rang gi ngo bo'i nyes pas ltung ba dang bcas pa nyid do//de la rnam par shes pa na rang gi ngo bo'i nyes pas ltung ba dang bcas pa nyid ces bya ba ni gang zag ltung ba dang bcas pa la gleng ba pos glengs nas dngos po dang / phyogs dang / bsam pa dang / che bzhi dang / khas blangs pa la sogs pa'i sgo nas ltung ba rnam par shes pa dang / ltung ba sde lnga gang yang rung ba dag gis dngos gzhi'am sbyor ba'am/sbyor ba'i sbyor ba zhes bya ba'i rang gi ngo bo'i nyes pas ltung ba dang bcas pa nyid do/ /rnam par mi shes pa dang rang gi ngo bo'i nyes pas ltung ba dang bcas pa nyid ces bya ba ni gang zag ltung ba dang bcas pa las gleng ba pos glengs nas ltung ba dran na/dge 'dun la khas blangs nas de'i 'og tu brjod pas dngos po dang / phyogs dang / bsam pa dang / che bzhi dang / khas blangs pa la sogs pa'i sgo nas ltung ba rnam par mi shes pa na ltung ba sde lnga gang yang rung ba dag gis dngos gzhi'am sbyor ba'am/ sbyor ba'i sbyor ba zhes bya ba'i rang gi ngo bo'i nyes pas ltung ba dang bcas pa nyid do//de ltar ltung ba dang bcas pa nyid de ni 'khrug long gi rgyu gsum pa yin no/ /de las 'khrug long gsum pa ltung ba'i phyir rtsod pa 'byung ste/ ltung ba'i phyir rtsod pa zhes bya ba ni ltung ba dang bcas pa rnam par shes pa na rang gi ngo bo'i nyes pas ltung ba dang bcas pa nyid dang /rnam par mi shes pa na rang gi ngo bo'i nyes pas ltung ba dang bcas pa nyid de la brten te dgra bos mi mthun par smras pa'i tshig gis phyed sems gzhol ba'i 'khrug long rnam par shes pa na rang gi ngo bo'i nyes pas ltung ba dang bcas pa nyid las phyir bcos pa med pa'i 'khrug long dang /phyir bcos pa dang bcas pa rnam pa gnyis po nyi tshe ba'i 'khrug long dang / dge 'dun mtha' dag dang 'brel ba'i 'khrug long la sogs pa'i 'khor dang bcas pa ltung ba'i rgyu la rtsod pa khas blang bar bya ba dang / mngon sum gyis 'dul ba dang / rtswa bkram pa lta bus phyir bcos pas zhi bar bya ba dang /rnam par mi shes pa na rang gi ngo bo'i nyes pas ltung ba dang bcas pa nyid la de'i ngo bo nyid tshol ba dang mthun pa sbyin zhing sa gzhan na gnas pa'i spyod pa spyad par bya ba la sogs pa'i 'khor dang bcas pa ltung ba'i rgyu las rtsod pa de'i ngo bo nyid tshol du gzhug pas nges par 'dzin pa la sbyar ba nyid sbyin pas zhi bar bya ba gang 'byung ba ste/de ni ltung ba'i phyir rtsod pa zhes bya'o/ /de ltar na 'khrug long gi rgyu gsum pa ltung ba dang bcas pa nyid las 'khrug long gi rgyu gsum pa ltung ba'i phyir rtsod pa 'byung bar shes par bya'o/ /las la mthun pa mi sbyin pa ji lta bu zhe na/ las zhes bya ba ni gsol ba la sogs pa'i las brgya rtsa gcig po gso sbyong dang dgag dbye la sogs pa'i bdag nyid kyi las dag go/ /de la mthun pa mi sbyin pa ni rnam pa gnyis ste/ 'dul bas rjes su ma zhugs pa nyid dang / phyir zlog par byed pa nyid do/ /de la 'dul ba rjes su ma zhugs pa nyid ni dge slong las de'i mtshams kyi khong du gtogs pa'i tshogs kyis kha skong bar 'os pa lus sam 'dun pas dge 'dun 'dul ba'i nang du rjes su ma zhugs pa nyid kyis mthun pa mi sbyin pa'o//phyir zlog par byed pa nyid ni dge slong las de'i mtshams kyi khongs su gtogs pa rang bzhin du gnas pa/ spyod lam las ma nyams pa/ ngag yang dag par bsdams pa/ 'dul ba'i bya ba mngon par shes pa/ zhe 'gras pa med pas las gzhan la byed pa chos dang mi ldan pa'i phyir bzlog pa nyid kyis mthun pa mi sbyin pa'o/ /de ltar gsol ba la sogs pa'i las la 'dus par rjes su ma zhugs pa nyid dang / phyir zlog par byed pa nyid kyis mthun pa mi sbyin pa 'di ni 'khrug long gi rgyu bzhi pa yin no/ /de las 'khrug long bzhi pa bya ba'i phyir rtsod pa 'byung ste/ bya ba'i phyir rtsod pa zhes bya ba ni gsol ba la sogs pa'i las la 'dus par rjes su ma zhugs pa nyid dang / phyir zlog par byed pa nyid kyis mthun pa mi sbyin pa de la brten te dgra bos mi mthun par smras pa'i tshig gis phyir sems gzhol ba'i 'khrug long 'thab pa dang /mtshang 'dru ba dang / rtsod pa dang / 'gyed pa la sogs pa'i 'khor dang bcas par bya ba'i rgyu la rtsod pa mngon sum gyis 'dul ba dang tshul shing mang po sbyin pa na rgyud gcig tu dbye bas zhi bar bya ba gang 'byung ba de dang /gzhan spong ba rgyu dang bcas pa las dge slong ltung ba dang bcas pa la dge 'dun gyis gang zag gleng ba po bsko ba dang / des de la skabs mi 'byed du gzhug pa dang dus su dben pa'i mtha' dran pa dang / shes bzhin gyis gzhi dang bcas pas gleng ba dang / yul dang dus dang /gzhi gang las ltung ba'i sgo nas dran par bya ba dang / skabs mi 'byed na brjod pa dang bcas pa nyid dang / mi gdams pa nyid dang / gtam 'dre ba la sogs pa zlog pa dang / gso sbyong gzhag pa dang / dgag dbye gzhag pa dang / phur ba dang bcas pa nyid la sogs pa'i 'khor dang bcas pa bya ba'i rgyu las rtsod pa mngon sum gyis 'dul ba dang /tshul shing mang po sbyin pas rgyud gcig tu bya bas zhi bar bya ba gang yin pa de dang gzhan spong ba rgyu med pa las dge slong ltung ba med pa la gzhi med pas gleng ba dang / gzhan rjes su sgrub pa'i dbang gis gleng ba dang / phyir bcos pa la mi ltos par gleng ba dang /smyos pas byas pas gleng ba la sogs pa'i 'khor dang bcas pas bya ba'i rgyu las rtsod pa dran pas 'dul ba dang / ma smyos pas 'dul bas dag pa sbyin pas zhi bar bya ba gang byung ba de dang / ltung ba dang bcas pa rnam par shes pa na rang gi ngo bo'i nyes pas ltung ba dang bcas pa nyid las phyir bcos pa med pa'i 'khrug long dang /phyir bcos pa dang bcas pa rnam pa gnyis po nyi tshe ba'i 'khrug long dang / dge 'dun mtha' dag dang 'brel ba'i 'khrug long la sogs pa'i 'khor dang bcas pa'i rgyu las rtsod pa dang khas blang bar bya ba dang /mngon sum gyis 'dul ba dang / rtswa bkram pa lta bus phyir bcos pas zhi bar bya ba gang byung ba de dang / rnam par mi shes pa na rang gi ngo bo'i nyes pas ltung ba dang bcas pa nyid las de'i ngo bo nyid tshol ba dang mthun pa sbyin zhing sa gzhan na gnas pa'i spyod pa spyad par bya ba la sogs pa'i 'khor dang bcas pa bya ba'i rgyu las rtsod pa de'i ngo bo nyid tshol du zhugs pas nges par 'dzin pa la sbyar ba nyid sbyin pas zhi bar bya ba gang byung ba ste/de dag ni bya ba'i phyir rtsod pa zhes bya'o/ /de ltar na las la mthun pa mi sbyin pa las byung ba'i 'khrug long bya ba'i phyir rtsod pa 'di ni 'gyed pa'i phyir rtsod pa dang /mi gdams pa'i phyir rtsod pa dang / ltung ba'i phyir rtsod pa thams cad kyis yul la yang rgyu de dag nyid kyi sgo nas 'byung zhing de dag zhi bar bya ba yang rtsod pa zhi bar bya ba'i chos bdun po thams cad kyis gong du bstan pa bzhin du ci rigs par rgyud gcig tu bya ba dang /dag pa sbyin pa dang / phyir bcos pa dang / nges par 'dzin pa la sbyar ba nyid sbyin pa'i rim gyis lam la mthun pa sbyin du gzhug pas zhi bar bya ba yin te/ 'dir gzhung gi zhu ba las zhi ba thams cad ni bya ba'i phyir rtsod par gzhug go zhes gsungs pa yin no//de ltar na 'khrug long gi rgyu bzhi pa las la mthun pa mi sbyin pa las 'khrug long bzhi pa bya ba'i phyir rtsod pa 'byung bar shes par bya'o/ /de ltar 'khrug long gi rgyu bzhi las byung ba'i 'khrug long gi rtsod pa bzhi po de dag zhi bar bya ba'i chos ni bdun te/ mngon sum gyis 'dul ba dang / dran pas 'dul ba dang /ma smyos pas 'dul ba dang / tshul shing mang po sbyin pa dang / de'i ngo bo nyid tshol du gzhug pa dang / rtswa bkram pa lta bu dang / khas blang bar bya ba'o/ /de la mngon sum gyis 'dul ba zhes bya ba ni gzu bo'i mdun du gleng bar bya ba dang / gleng ba po dang de dag gi rjes su 'brang ba rnams kyis rgol ba dang lan gyi tshig dag mngon sum du bya ba gang yin pa des 'dul bar 'os pa la mngon sum gyis 'dul ba sbyin zhing rgyud gcig tu bya bas rtsod pa de zhi bar 'gyur ro//dran pas 'dul ba zhes bya ba ni dge slong dran pa dang ldan pa gang la gleng ba'i kha na ma tho ba med pa de la dge 'dun gyis gsol ba dang bzhi'i las kyis dran pas 'dul ba sbyin zhing /de byin nas dge slong de la dge slong gzhan dag gis dran pa dang ldan pa nyid du 'dzin gyi ltung ba dang bcas par mi 'dzin te/ des 'dul bar 'os pa la dran pas 'dul ba sbyin zhing dag pa sbyin pas rtsod pa de zhi bar 'gyur ba'o/ /ma smyos pas 'dul ba zhes bya ba ni dge slong ma smyos pa gang la gleng ba'i kha na ma tho ba med pa de la dge 'dun gyis gsol ba dang bzhi'i las kyis ma smyos pa 'dul ba sbyin zhing de byin na dge slong de la dge slong gzhan dag gis rang bzhin du gnas pa nyid du 'dzin gyi ltung ba dang bcas par mi 'dzin te/des 'dul bar 'os pa la ma smos pas 'dul ba sbyin zhing dag pa sbyin pas rtsod pa de zhi bar 'gyur ba'o//tshul shing mang po sbyin pa zhes bya ba ni chos rnam par gtan la dbab pa la srid kyi tshul khrims rnam par gtan la dbab pa la ni mi srid de/ chos dang 'dul ba dang ston pa'i bstan pa'i chos rnam par gtan la dbab pa'i dngos po'i de bzhin nyid la log par bsgrubs pa las byung ba'i 'khrug long 'gyed pa'i phyir rtsod pa mngon sum gyis 'dul bas rgyud gcig tu bya bas zhi bar ma nus pa nyid yin zhing rgol ba dang phyir rgol ba dag gis rtsod pa de gces par bzung ba nyid dang /rab tu dam pa nyid dang / mi bzod pa nyid dang /bsdam par bya ba ma yin pa'i don nyid yin na/ de la dge 'dun bzhi pos tshul shing 'drim pa'i dge slong bskos te/ chos dang chos ma yin pa'i tshul shing mang po brim zhing gar mang po'i phyogs la skyo sngogs mi bya ba des 'dul bar 'os pa la tshul shing mang po sbyin zhing rgyud gcig tu bya bas rtsod pa de zhi bar 'gyur ro//de'i ngo bo nyid tshol du gzhug pa zhes bya ba gang zag ltung ba dang bcas pa la gleng pa pos glengs nas ltung ba dran pa dge 'dun la khas blangs nas de'i 'og tu brjod de/ rnam par mi shes pa na rang gi ngo bo'i nyes pas ltung ba dang bcas pa nyid yin la/ dge 'dun gyis gsol ba dang bzhi'i las kyis de'i ngo bo nyid tshol ba dang mthun pa sbyin zhing sa gzhan na gnas pa'i spyod pa spyad pa des ltung ba de'i ngo bo nyid tshol du gzhug par 'os pa la de'i ngo bo nyid tshol du gzhug pa sbyin zhing nges par 'dzin pa la sbyar ba nyid sbyin pas rtsod pa de zhi bar 'gyur ba'o//rtswa bkram pa lta bu zhes bya ba ni ltung ba'i phyir rtsod pa'i 'khrug long dge 'dun mtha' dag dang 'brel ba gang la dge slong gi tshogs gcig kyang ma lus par dge slong mtha' dag phyogs dang gzhan gyi phyogs su rnam par gnas pas 'khrug long du 'gyur na/de la dge 'dun gyis phyogs gnyis ka nas dper na rtswa bkram ste/mgo sprad pa lta bur sems btud de gzhi 'di las khyed la ltung ba 'byung ba gang yin pa dang / kho bo cag la ltung ba gang byung ba yang yin pa de dag tshe dang ldan pa dag gi mdun du bshags pa dang / mi bcab par kho bo cag spro'i zhes bya ba dang / ltung ba'i ming dang rigs smos pas gzhan na ltung ba'i ngo bo nyid shes pa snang bar bya ba la sogs pas blo gcig tu bya bar 'os pa la rtswa bkram pa lta bu sbyin zhing phyir bcos pas rtsod pa de zhi bar 'gyur ba'o//khas blang bar bya ba ni ltung ba'i phyir rtsod pa'i 'khrug long phyir 'phros bcos pa med pa gang la dge slong phyogs dang gzhan gyi phyogs la rnam par gnas pa dang /bral ba gleng bar bya ba dang / gleng ba po gnyis 'ba' zhig kho na la 'khrug long yod kyi gzhan gang la yang 'khrug long med par gyur na de la gleng ba pos ji skad glengs pa de gleng bar bya bar khas blang bar 'os pa la khas blang bar bya zhing phyir bcos pas rtsod pa de zhi bar 'gyur ba'o//da ni 'khrug long gi rgyu bzhi las byung ba 'khrug long gi rtsod pa bzhi po de dag rtsod pa zhi bar bya ba'i chos bdun po de dag las gang dang dus zhi bar bya ba bshad par bya ste/ de la 'khrug long gi rgyu dang po dngos po'i de bzhin nyid la log par bsgrubs pa las byung ba'i 'khrug long 'gyed pa'i phyir rtsod pa ni mngon sum gyis 'dul ba dang /tshul shing mang po sbyin pas rgyud gcig tu bya bas zhi bar bya'o/ /'khrug long gi rgyu gnyis pa gdams ngag la sogs pa 'jog pas gzhan spong ba las byung ba'i 'khrug long mi gdams pa'i phyir rtsod pa ni mngon sum gyis 'dul ba dang /tshul shing mang po sbyin pas/ rgyud gcig tu bya ba de nyid dang / dran pas 'dul ba dang / ma smyos pas 'dul bas dag pa sbyin pas zhi bar bya ba'o/ /'khrug long gi rgyu gsum pa ltung ba dang bcas pa nyid las byung ba'i 'khrug long ltung ba'i phyir rtsod pa ni khas blang bar bya ba dang / mngon sum gyis 'dul ba dang /rtswa bkram pa lta bu'i phyir bcos pa dang / de'i ngo bo nyid tshol du gzhug pas nges par sbyor ba nyid ni sbyin pas zhi bar bya'o/ /'khrug long gi rgyu bzhi pa las la mthun pa mi sbyin pa las byung ba'i 'khrug long bya ba'i phyir rtsod pa ni rtsod pa zhi bar bya ba'i chos bdun po thams cad kyis snga ma bzhin du ci rigs par rgyud gcig tu bya ba dang /dag pa sbyin pa dang / phyir bcos pa dang / nges par 'dzin pa la sbyor ba nyid sbyin pa'i rim gyis las la mthun pa sbyin du gzhug pas zhi bar bya'o/ /de la dang por 'gyed pa'i phyir rtsod pa zhi bar bya ba bshad par bya ste/ 'khrug long gi rgyu dang por dngos po'i de bzhin nyid la log par bsgrubs pa las byung ba'i 'khrug long 'gyed pa'i phyir rtsod pa ni mngon sum gyis 'dul ba dang /tshul shing mang po sbyin pas rgyud gcig tu bya bas zhi bar bya'o zhes gsungs pa las 'khrug long gi rgyu dang po dngos po'i de bzhin nyid la log par bsgrubs pa las byung ba'i 'khrul long 'gyed pa'i phyir rtsod pa ni chos rnam par gtan la dbab pa dang /tshul khrims rnam par gtan la dbab pa'i dngos po'i de bzhin nyid la log par bsgrubs pa las byung ba yang yod/ chos rnam par gtan la dbab pa nyi tshe ba'i dngos po'i de bzhin nyid la log par bsgrubs pa las byung ba yod de/snga ma ni mngon sum gyis 'dul bas rgyud gcig tu bya bas zhi bar 'gyur la phyi ma ni tshul shing mang po sbyin pas rgyud gcig tu bya bas zhi bar 'gyur ro/ /de la chos rnam par gtan la dbab pa dang / tshul khrims rnam par gtan la dbab pa'i dngos po'i de bzhin nyid la log par bsgrubs pa las byung ba'i 'khrug long 'gyed pa'i phyir rtsod pa mngon sum gyis 'dul bas rgyud gcig tu byas pas zhi bar 'gyur ba ni/'gyed pa gnyis rang gis mi nus na tshogs par dbyung ba dag gis legs par bsgrubs pas zhi bar 'gyur ro/ /chos rnam par gtan la dbab pa nyi tshe'i dngos po'i de bzhin nyid la log par bsgrubs pa las byung ba'i 'khrug long 'gyed pa'i phyir rtsod pa tshul shing mang po sbyin pas rgyud gcig tu byas pas zhi bar 'gyur ba ni ches mang ba'i blos legs par gzhag pa zhes bya ba ni legs par bsgrub pa'i rnam pa gzhan gyis zhi bar bya'o//de la re zhig chos rnam par gtan la dbab pa dang /tshul khrims rnam par gtan la dbab pa'i dngos po'i de bzhin nyid la log par bsgrubs pa las byung ba'i 'khrug long 'gyed pa'i phyir rtsod pa mngon sum gyis 'dul bas rgyud gcig tu bya bas zhi bar bya ba'i go rims rnam par gzhag pa ni 'di yin te/ dge 'dun gyis gnas der gzu bo dag gtan du bsko ba dang /gzu bo de dag gis don dang log par bsgrubs pa dang / de dag gis nye bar ma zhin dge 'dun la dbul ba dang / dge 'dun des rtsod pa de nye bar zhi bar byed ma nus na gsal ba dag bsko ba dang / sde tshan des ma nus na rang gis gsal ba'i yang gsal ba dag bsko ba dang /de dag gis ma nus shing gzhan mi byed na gang las blangs pa de las dbul ba dang / phyir 'ongs nas dge 'dun bzhi pos rtsod pa sbed pa bsko ba dang / des gnas brtan dang bcas/ so sor thar pa dang bcas pa'i dge 'dun la sngar byung ba brjod de/ dus zla ba gsum du dbul ba dang / des ma nus na de la phyir dbul ba dang / phyir dbul na des mdo sde dang 'dul ba dang / ma mo 'dzin pa dag la sngar byung ba brjod de/ dus zla ba drug tu dbul ba dang / de dag gis ma nus na gnas brtan mthu dang ldan pa la sngar byung ba brjod de/ dus thug pa med par dbul ba'i rim gyis mngon sum gyis 'dul bas rgyud gcig tu bya bas 'gyed pa'i phyir rtsod pa zhi bar bya'o//de la dge 'dun gyis gnas der gzu bo dag gtan du bsko ba dang go rims rnam par gzhag pa ni 'di ltar bya ste/ gleng bar bya ba dang / gleng ba po'i gang zag 'gyed pa gnyis rang gis rtsod pa de nye bar zhi bar byed mi nus na/dge 'dun gyis gnas der dge slong gzu bos tshogs par dbyung ba phyogs gnyi ga 'dra ba 'thab mo mi skyed pa/ ngo tsha shes shing bslab par 'dod pa 'dul ba la shin tu rnam par des pa rtsod pa 'byung ba spyod pa la mkhas pa rnam par zhen pa/ brtan zhing nyes rtsom med par 'jug pa/snyems pa brda phrad pa brda sprod par byed pa/ mkhas pa chos nyi shu rtsa gnyis dang ldan pa gcig yan chad dang por spro bar bya ste/ gsol ba dang gnyis kyi las kyis bsgo zhing / dge 'dun gyis gnas des gzu bo de dag gtan du dge 'dun gyi rtsod pa byung ngo cog rnam par zhi bar bya ba'i phyir bsgo bar bya'i rtsod pa gcig gi phyir 'phral la bsgo bar bya ba ni ma yin no//chos nyi shu rtsa gnyis gang zhe na ma mo las dge slong chos nyi shu rtsa gnyis dang ldan pa btsal bar bya ste/ nyi shu rtsa gnyis gang zhe na/ ji tshe dang ldan pa de tshul khrims dang ldan zhing dang po nas phun sum tshogs pa dang /ngo tsha shes shing 'gyod pa dang ldan la bsdams pa dang / bslab pa 'don pa dang / 'dul ba la shin tu rnam par nges shing thos pa 'dzin la thos pa brtsams pa dang / lud nong pa dang / rtsod pa la mkhas pa dang / rtsod pa kun nas slong ba la mkhas pa dang /rtsod pa'i bye brag la mkhas pa dang / rtsod pa 'gog pa la mkhas pa dang / rtsod pa bgags nas phyis mi 'byung ba la mkhas pa dang / bstan bcos la mkhas pa dang / gzhi lhag par spyod pa la mkhas shing nyes rtsom med par smra ba dang / nyes rtsom byed du mi 'jug pa dang /lus dang ngag gis 'jug pa dang / smra bar byed cing smras pa brda phrad par byed pa dang / go bar byed cing go ba brda phrad par byed pa dang / rnam par rig par byed cing rnam par rig par bya ba brda phrad par byed pa dang / nges par rtogs par byed cing nges par brtags par brda phrad par byed pa dang /'dun pas 'gro ba ma yin pa dang / zhe sdang gis 'gro ba ma yin pa dang / gti mug gis 'gro ba ma yin pa dang / 'jigs pas 'gro ba ma yin pa ste/ gzu bo chos nyi shu rtsa gnyis po de dag dang ldan pa ni chos kyi longs spyod dam zang zing gi longs spyod kyi phyogs gnyi ga la mi brten pa yin no zhes gsungs pa yin no//dge 'dun gyis de dang por spro bar bya zhing gsol ba dang gnyis kyi las kyis bsko ba'i cho ga dang las ni 'di ltar bya zhing / gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par 'gyur ba na je dang por spro bar bya ste/de'i 'og tu dge slong gcig gis gsol ba byas te las bya'o/ /de'i sngags ni 'di yin te ming 'di zhes bya ba khyod dge 'dun la rtsod pa byung ba byung ba rnams mngon sum gyis 'dul bas rnam par zhi bar byed par spro'am/ spro'o/ / dge 'dun btsun pa rnams gsan du gsol/ gzu bo ming 'di zhes bgyi ba 'di dge 'dun la rtsod pa byung ba byung ba rnams mngon sum gyis 'dul bas rnam par zhi bar bgyid par spro na/ gal te dge 'dun gyis dus la bab cing bzod na dge 'dun gyis gnang bar mdzod cig dang /dge 'dun gyis gzu bo ming 'di zhes bgyi ba 'di rtsod pa rnam par zhi bar bgyid par bsko bar bgyi ste/ /gzu bo ming 'di zhes bgyi ba 'di dge 'dun la rtsod pa byung ba byung ba rnams mngon sum gyis 'dul bas rtsod pa rnam par zhi bar bgyid do/ /'di ni gsol ba'o/ /dge 'dun btsun pa rnams gsan du gsol//gzu bo ming 'di dge 'dun la rtsod pa byung ba byung ba rnams rnam par zhi bar bgyid par spro ste/ de'i slad du dge 'dun gyis gzu bo ming 'di zhes bgyi ba 'di rtsod pa rnam par zhi bar bgyid par bsko na tshe dang ldan pa gang dag gzu bo ming 'di zhes bgyi ba rtsod pa rnam par zhi bar bgyid par bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyi gzu bo ming 'di zhes bgyi ba 'di rtsod pa rnam par zhi bar bgyid par bskos lags te/ 'di ltar cang mi gsung bas de de bzhin du 'dzin to zhes gsungs pa yin no// //so sor thar pa'i mdo rgya cher 'grel ba 'dul ba kun las btus pa/ bam po bzhi bcu brgyad pa'o/ /de'i 'og tu gzu bo de dag gis don de legs par bsgrub par bsgrub pa'i go rims rnam par gzhag pa ni 'di ltar bya ste/ 'gyed pa gnyis chos rnam par gtan la dbab pa dang /tshul khrims rnam par gtan la dbab pa'i dngos po'i de bzhin nyid la log par bsgrubs pa dang / dngos po'i rnam pa la spyod pa las byung ba'i 'khrug long 'gyed pa'i phyir rtsod pa de la gzu bo de dag gis chen po bstan pa dang nag po bstan pa'i mdo sde'i tshul gyis gang mdo sde la 'jug pa dang /'dul ba la snang ba dang / chos nyid dang mi 'gal ba de ni chen po bstan pa dang mthun pas yang dag pa'i de bzhin nyid yin no/ /gang mdo sde la mi 'jug pa dang / 'dul ba la mi snang ba dang / chos nyid dang 'gal ba de ni nag po bstan pa dang mthun pas log pa'i de bzhin nyid yin no zhes chos rnam par gtan la dbab pa rnam par nges par bya ba dang /bslab pa dang bcas pa dang / ltung ba rnam par gzhag pa bstan pa'i 'dul ba'i tshul gyis yul dang / gang zag dang / nyon mongs pa dang / nyes pa'i gzhi bya brag gis bslab pa dang bcas pa dang /rjes su bcas pa dang / bcas pa las gnang ba dang / gnang ba las bkag pa dang / rang bzhin gyis kha na ma tho ba dang bcas pa dang / bcas pa'i kha na ma tho ba dang bcas pa bkag pa dang / gnang ba'i ltung ba sde lnga bsam pa dang / sbyor ba'i sgo nas rnam par gzhag pa'i dngos gzhi dang /sbyor ba dang / sbyor ba'i sbyor ba 'jig rten dang mi 'gal ba dang / 'dul ba dang mi 'gal bar bsgrub pa la tshul khrims nyams pa dang / lta ba nyams pa dang / cho ga nyams pa dang / 'tsho ba nyams pa'i ltung ba dang / ltung ba med pa dang / bslab par bya ba dang / phyir bcos pa gang yin zhes tshul khrims rnam par gtan la dbab pa rnam par nges par bya ba gzu bo'i mdun du gleng bar bya ba dang /gleng ba po dang de dag gi rjes su 'brang ba rnams rgol ba dang / lan gyi tshig dag mngon sum du 'byung ba gang yin pa des 'dul bar 'os pa la mngon sum gyis 'dul ba sbyin zhing rgyud gcig tu bya bas 'gyed pa'i phyir rtsod pa'i don legs par bsgrub cing mtha' gcig tu nges par bya bas nye bar zhi bar bya ba'o//rgyud gcig tu bya ba zhes bya ba ni nges par rtogs par bya ba ste/ chos dang tshul khrims kyi dngos po gang la nges par rtogs pa gcig yod pa'i dngos po'i rgyud gang yin pa de mtha' gcig tu nges par bya ba ni rgyud gcig tu bya ba zhes bya'o//'di ltar dngos po'i de bzhin nyid la log par sgrub pa ni the tshom zhes bya ste/ the tshom ni nges par skyed pa las ldog pas des na mngon sum gyis 'dul bar 'os pa la mngon sum gyis 'dul ba sbyin pas rgyud gcig tu byas nas chos dang tshul khrims kyi dngos po'i de bzhin nyid la log par bsgrubs pa las byung ba'i 'khrug long 'gyed pa'i phyir rtsod pa de zhi bar 'gyur ro//de'i 'og tu de dag gis nye bar ma zhin dge 'dun la 'bul ba'i go rims rnam par gzhag pa ni 'di ltar bya ste/ gzu bo de dag gis rtsod pa de nye bar ma zhi na mtshams de'i dge 'dun nyid la bdag gis rtsod pa de mngon sum gyis 'dul ba sbyin zhing rgyud gcig tu byas pas nye bar zhi bar ma nus kyi/dge 'dun gyis chos ji lta ba dang / 'dul ba ji lta ba dang ston pa'i bstan pa ji lta ba dang / ltung ba rnam par gzhag pa ji lta bas gleng bar bya ba dang /gleng ba po dang / de dag gi rjes su 'brang ba rnams kyis rgol ba dang lan gyi tshig dag mngon sum du byung ba gang yin pa des 'dul bar 'os pa la mngon sum gyis 'dul ba sbyin zhing rgyud gcig tu bya ba rtsod pa de zhi bar mdzod cig ces dbul bar bya'o/ / de'i 'og tu dge 'dun des rtsod pa de nye bar zhi bar byed ma nus na gsal ba dag bsko ba'i go rims rnam par gzhag pa ni 'di ltar bya ste/ dge 'dun des rtsod pa de nye bar zhi bar byed mi nus na dge slong gzu bo snga ma dag pas gsal ba'i dge slong dge 'dun gyi tshad las mi nyung ba dag dang por spro bar bya ste/gsol ba dang gnyis kyi las kyis bsko zhing de dag gis rtsod pa de nye bar zhi bar bya'o/ /dge 'dun gyis de dag dang por spro bar bya zhing / gsol ba dang gnyis kyi las kyis bsgo ba'i cho ga dang las ni 'di ltar bya ste/ gnas mal bsham pa byas nas/ gaN+DI brdungs te/dris pa'i tshig gis dge slong rnams la yang dag par bsgo nas/ dge 'dun thams cad 'dug cing mthun par gyur pa na je dang por spro bar bya ste/ do'i 'og tu dge slong gcig gis gsol ba byas te las bya'o/ /de'i sngags ni 'di yin te/ ming 'di zhes bya ba khyod dge 'dun la rtsod pa byung ba 'di rnam par zhi bar byed par spro'am/spro'o/ /dge 'dun btsun pa rnams gsan du gsol/ dge slong gsal ba ming 'di zhes bgyi ba 'di dge 'dun la rtsod pa byung ba rnam par zhi bar bgyid par spro na/ gal te dge 'dun gyi dus la bab cing bzod na/dge 'dun gyis gnang bar mdzod cig dang / dge 'dun gyis ming 'di zhes bgyi ba 'di gsal bar bsgo bar bgyi ste/ gsal ba ming 'di zhes bgyi ba 'di dge 'dun la rtsod pa byung ba rnam par zhi bar bgyid do/ /'di ni gsol ba'o/ /dge 'dun btsun pa rnams gsan du gsol/gsal ba ming 'di zhes bgyi ba 'di dge 'dun la rtsod pa byung ba rnam par zhi bar bgyid par spro ste/ de'i slad du dge 'dun gyis ming 'di zhes bgyi ba 'di rtsod pa rnam par zhi bar bgyid par bsko na/ tshe dang ldan pa gang dag gsal ba ming 'di zhes bgyi ba 'di rtsod pa rnam par zhi ba bgyid par bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis gsal ba ming 'di zhes bgyi ba 'di rtsod pa rnam par zhi bar bgyid par bskos lags te/ 'di ltar cang mi gsung bas de de bzhin du 'dzin to zhes gsungs pa yin no//de'i 'og tu sde tshan des ma nus na rang gis gsal ba'i yang gsal ba dag bsko ba'i go rims rnam par gzhag pa ni 'di ltar bya ste/ gzu bo'i sde tshan nam gsal ba'i sde tshan gang yang rung ba des rtsod pa de nye bar zhi bar ma nus na gzu bo rnams sam/dge 'dun rang gis dge slong gsal ba snga ma dag gis kyang ches gsal ba'i dge slong gsal ba'i yang gsal ba dag dang por spro bar bya ste/ gsol ba dang gnyis kyi las kyis bsko zhing de dag gis rtsod pa de nye bar zhi bar bya'o/ /gzu bo rnams rang gis sam dge 'dun gyis de dag dang por spro bar bya zhing gsol ba dang gnyis kyi las kyis bsko ba'i cho ga dang las ni 'di ltar bya ste/gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa na je dang por spro bar bya ste/de'i 'og tu dge slong gcig gis gsol ba bya ste las bya'o/ /de'i sngags ni 'di yin te/ ming 'di zhes bgyi ba khyod dge 'dun la rtsod pa byung ba rnam par zhi bar byed pa spro'am/ spro'o/ /dge 'dun btsun pa rnams gsan du gsol/ dge slong gsal ba'i yang gsal ba ming 'di zhes bgyi ba 'di dge 'dun la rtsod pa byung ba rnam par zhi bar bgyid par spro na gal te dge 'dun gyis dus la bab cing bzod na dge 'dun gyis gnang bar mdzod cig dang /dge 'dun gyis ming 'di zhes bgyi ba 'di gsal ba'i yang gsal bar bsko bar bgyi ste/ gsal ba'i yang gsal ba ming 'di zhes bgyi ba 'di dge 'dun la rtsod pa byung ba rnam par zhi bar bgyid do//'di gsol ba'o/ /dge 'dun btsun pa rnams gsan du gsol/ gsal ba'i yang gsal ba ming 'di zhes bgyi ba 'di dge 'dun la rtsod pa byung ba rnam par zhi bar bgyid par spro ste/ de'i slad du dge 'dun gyis ming 'di zhes bgyi ba 'di la rtsod pa byung ba zhi bar bgyid par bsko na/tshe dang ldan pa gang dag gsal ba'i yang gsal ba ming 'di zhes bgyi ba 'di rtsod pa rnam par zhi bar bgyid par bsko bar bzod pa de dag ni cang ma gsung shig /gang dag mi bzod pa de dag ni gsungs shig / dge 'dun gyis bzod cing gnang nas dge 'dun gyis gsal ba'i yang gsal ba ming 'di zhes bgyi ba 'di rtsod pa rnam par zhi bar bgyid par bskos lags te/ 'di ltar cang mi gsung bas de de bzhin du 'dzin to zhes gsungs pa yin no/ /de'i 'og tu de dag gis ma nus shing gzhan mi byed gang na gang las blangs pa de la dbul ba'i go rims rnam par gzhag pa ni 'di ltar bya ste/gsal ba dang gsal ba'i yang gsal ba gang dag yin pa de dag gis rtsod pa de nye bar zhi bar byed ma nus shing rang gi sde tshan las sde tshan gzhan bsko bar yang mi byed na de'i tshe dang po rtsod pa de gang las blangs pa de nyid la phyir dbul bar bya ste/gsal ba'i yang gsal ba dag gis ni gsal ba dag la dbul lo/ /gsal ba dag gis ni gzu bo dag gam dge 'dun la dbul lo/ /gzu bo dag gis ni rgol ba dang phyir rgol ba dag la dbul lo/ /de dag gis ni dge 'dun la dbul te/ bdag cag la khyed kyis gtad pa'i rtsod pa 'di bdag cag gis mngon sum gyis 'dul ba sbyin zhing rgyud gcig tu bya bas zhi bar byed ma nus kyi khyed nyid la phyir dbul lo zhes phyir khungs su phul nas dge 'dun bzhi pos nyams su blang bar bya'o//de'i 'og tu phyir 'ongs nas dge 'dun bzhi pos rtsod pa sbed pa bsko ba'i go rims rnam par gzhag pa 'di ltar bya ste/gsal ba'i gsal ba dag las rtsod pa de'i phyir 'ongs nas dge 'dun bzhi pos rtsod pa zhi bar ma nus pa de mtshams gzhan gyi dge 'dun la zhi bar bya bar bcol ba'i phyir rtsod pa mtshams gzhan du sbed pa'i dge slong dang por spro bar bya ste gsol ba dang gnyis kyi las kyis bsko bar bya'o//dge 'dun bzhi bos dge slong rtsod pa sbed pa dang por spro bar bya zhing gsol ba dang gnyis kyi las kyis bsko ba'i cho ga dang las ni 'di ltar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/dge 'dun thams cad 'dug cing mthun par gyur pa na je dang por spro bar bya ste/ de'i 'og tu dge slong gcig gis gsol ba byas te las bya'o/ /de'i sngags ni 'di yin te/ ming 'di zhes bya ba khyod dge 'dun gyi rtsod pa sbed par spro'am/ /spro'o/ /dge 'dun btsun pa rnams gsan du gsol/dge slong ming 'di zhes bgyi ba 'di dge 'dun gyi rtsod pa sbed par spro na gal te dge 'dun gyis dus la bab cing bzod na dge 'dun gyis gnang bar mdzod cig dang / dge 'dun gyis ming 'di zhes bgyi ba 'di rtsod pa sbed par bsko bar bgyi ste/ rtsod pa sbed pa ming 'di zhes bgyi ba 'di dge 'dun la rtsod pa sbed do//'di ni gsol ba'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun gyi rtsod pa sbed par spro ste/ de'i slad du dge 'dun gyis ming 'di zhes bgyi ba 'di rtsod pa sbed par bsko na/ tshe dang ldan pa gang dag ming 'di zhes bgyi ba 'di rtsod pa sbed par bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis ming 'di zhes bgyi ba 'di rtsod pa sbed par bskos lags te/ 'di ltar cang mi gsung bas de de bzhin du 'dzin to zhes gsungs pa yin no//de'i 'og tu de gnas brtan dang bcas so sor thar pa dang bcas pa'i dge 'dun la sngar byung ba brjod de dus zla ba gsum du dbul ba'i go rims rnam par gzhag pa ni 'di ltar bya ste/ rtsod pa sbed pa des rtsod pa'i gzhi de khyer te mtshams gzhan gyi dge 'dun gnas brtan dang bcas pa/so sor thar pa dang bcas pa'i gnas su song nas rtsod pa de sngar ji ltar byung ba'i lo rgyus brjod de dus zla ba gsum tshun cad kyi khyod kyi rtsod pa 'di rnam par zhi bar mdzad du gsol zhes dbul bar bya'o/ /rtsod pa sbed pa des rtsod pa de dbul ba'i cho ga ni 'di ltar bya'o//des der gnas mal bsham pa byas nas gaN+DI brdungs te bris pa'i tshig gis dge slong rnams la yang dag par bsgo ste/ dge 'dun thams cad 'dug cing mthun par gyur pa de la des mchil lham gnyis phud de rgan pa'i mtha' logs su phyag 'tshal nas tsog tsog por 'dug ste thal mo sbyar nas sngags kyi tshig lan cig brjod pas dbul bar bya'o//de'i sngags ni 'di yin te/ dge 'dun btsun pa rnams gsan du gsol/ rtsod pa 'di gnas che ge mo zhes bgyi bar gang zag che ge mo zhes bgyi ba dang / ming che ge mo zhes bgyi ba las gzhi 'di'i slad du byung nas yun 'di srid lags te rtsod pa 'di gzu bo rnams la phul nas gzu bo rnams kyis kyang rnam par zhi bar bgyid rngo ma thogs lags te/de dag gis dge 'dun rnams la phul nas dge 'dun gyis rtsod pa rnam par zhi bar bgyid pa rngo ma thogs te/ dge 'dun gyis dge slong gsal ba dag bskos nas dge slong gsal ba rnams kyis kyang rnam par zhi bar bgyid rngo ma thogs te/de dag gis dge slong gsal ba'i yang gsal ba dag bskos nas/ dge slong gsal ba'i yang gsal ba de dag gis rnam par zhi bar bgyid rngo ma thogs nas/ de dag gis gsal ba rnams la phul ba las gsal ba rnams kyis dge 'dun la phul nas dge 'dun gyis bdag dge slong ming 'di zhes bgyi ba rtsod pa sbed par bskos te/bdag rtsod pa sbed pa dge slong ming 'di zhes bgyi ba rtsod pa 'di gnas brtan dang bcas/ so sor thar ba dang bcas pa'i dge 'dun la dbul lo/ /dge 'dun btsun pa rnams kyis rtsod ba 'di zla ba gsum gyi mtha' tshun chad kyis rnam par zhi bar mdzad du gsol zhes gsungs pa yin no//de'i 'og tu de dag gis ma nus na de la phyir dbul ba'i go rims rnam par gzhag pa ni 'di ltar bya ste/ mtshams gzhan gyi dge 'dun gnas brtan dang bcas pa'i so sor thar pa dang bcas pa des rtsod pa de rnam par zhi bar ma nus na rtsod pa sbed pa'i dge slong de la phyir dbul bar bya ste/dge 'dun bzhi pos rtsod pa bdag cag la spros pa 'di bdag cag gis mngon sum gyis 'dul ba sbyin zhing / rgyud gcig tu bya bas zhi bar ma nus kyi/ khyod nyid la phyir dbul lo zhes bya ba'i tshig gis dbul bar bya'o//de'i 'og tu phyir phul ba na des mdo sde dang 'dul ba dang ma mo 'dzin pa dag la sngar byung ba brjod de dus zla ba drug tu dbul ba'i go rims rnam par gzhag pa ni 'di ltar bya ste/ mtshams gzhan gyi dge 'dun gnas brtan dang bcas/ so sor thar pa dang bcas pas rtsod pa de rnam par zhi bar byed ma nus kyis rtsod pa sbed pa'i dge slong de nyid la phyir phul ba na rtsod pa sbed pa'i dge slong des mtshams snga ma'i dge 'dun bzhi po'i dge slong mdo sde dang 'dul ba dang ma mo 'dzin pa dag la rtsod pa de sngar ji ltar byung ba'i lo rgyus brjod de dus zla ba drug tshun chad kyis khyed kyis rtsod pa 'di rnam par zhi bar mdzad du gsol zhes sngags kyi tshig lan gcig brjod pas dbul bar bya'o//de'i sngags ni 'di yin te/ tshe dang ldan pa mdo sde 'dzin pa dang 'dul ba 'dzin pa dang ma mo 'dzin pa dag gsan du gsol/ rtsod pa 'di gnas che ge mo zhes bgyi bar gang zag che ge mo dang /mang ge mo zhes bgyi ba las gzhi 'di'i slad du byung nas yun de srid cig lags te/ rtsod pa 'di gzu bo rnams la phul na gzu bo rnams kyis kyang rnam par zhi bar bgyid rngo ma thogs te/ de dag gis dge 'dun la phul nas dge 'dun gyis kyang rnam par zhi bar bgyid rngo ma thogs te/dge 'dun gyis dge slong gsal ba dag bskos nas dge slong gsal ba rnams kyis kyang rnam par zhi bar bgyid rngo ma thogs te/ de dag gis dge slong gsal ba'i yang gsal ba dag bskos na dge slong gsal ba'i yang gsal ba de dag gis kyang rnam par zhi bar bgyid rngo ma thogs te/de dag gis gsal ba rnams la phul ba las gsal ba rnams kyis dge 'dun la phul nas dge 'dun gyis bdag dge slong ming 'di zhes bgyi ba rtsod pa sbed par bskos te/ bdag rtsod pa sbed pa bdag dge slong ming 'di zhes bgyi bas rtsod pa 'di gnas brtan dang bcas/ so sor thar pa dang bcas pa'i dge 'dun la zla ba gsum gyi mtha' tshun chad du phul na gnas brtan dang bcas/so sor thar pa dang bcas pa'i dge 'dun gyis kyang rnam par zhi bar bgyid rngo ma thogs te/ des kyang bdag rtsod pa sbed pa ming 'di zhes bya ba la stsal nas/ bdag rtsod pa sbed pa ming 'di zhes bgyi bas rtsod pa 'di mdo sde 'dzin pa dang /'dul ba 'dzin pa dang / ma mo 'dzin pa rnams la 'bul lo/ /mdo sde 'dzin pa dang / 'dul ba 'dzin pa dang / ma mo 'dzin pa rnams kyis rtsod pa 'di zla ba drug gi mtha' tshun chad kyis rnam par zhi bar mdzad du gsol zhes gsungs pa yin no//de'i 'og tu de dag gis ma nus na gnas brtan mthu dang ldan pa la sngar byung ba brjod de dus thug pa med par dbul ba'i go rims rnam par gzhag pa ni 'di ltar bya ste/ dge slong mdo sde dang 'dul ba dang / ma mo 'dzin pa de dag gis rtsod pa de rnam par zhi bar ma nus na de dag gis gnas brtan grags pa bas kyang ches grags pa/gtso bo bas ches gtso bo gang yin pa de la rtsod pa de sngar ji ltar byung ba'i lo rgyus brjod de dus ni gnas de las gzhan med pa'i phyir thug pa med pa la brten te sngags kyi tshig lan cig brjod pas dbul bar bya'o/ / de'i sngags ni 'di yin te/ gnas brtan gsan du gsol/ rtsod pa 'di gnas che ge mo zhes bgyi bar gang zag che ge mo zhes bgyi ba dang / mang che ge mo zhes bgyi ba las gzhi 'di'i slad du byung nas yun 'di srid cig lags te/ rtsod pa 'di gzu bo rnams la phul na gzu bo rnams kyis kyang rnam par zhi bar bgyid rngo ma thogs te/de dag gis dge 'dun la phul nas dge 'dun gyis kyang rnam par zhi bar bgyid rngo ma thogs te/ dge 'dun gyis dge slong gsal ba dag bskos nas dge slong gsal ba rnams kyis kyang rnam par zhi bar bgyid rngo ma thogs te/ de dag gis dge slong gsal ba'i yang gsal ba dag bskos na dge slong gsal ba'i yang gsal ba de dag gis kyang rnam par zhi bar bgyid rngo ma thogs te/de dag gis gsal ba rnams la phul ba las gsal ba rnams kyis kyang dge 'dun la phul nas dge 'dun gyis bdag dge slong ming 'di zhes bgyi ba rtsod pa sbed par bskos te/bdag rtsod pa sbed pa dge slong ming 'di zhes bgyi bas rtsod pa 'di gnas brtan dang bcas/ so sor thar pa dang bcas pa'i dge 'dun la phul nas zla ba gsum gyi mtha' tshun chad du phul na des kyang rnam par zhi bar bgyid rngo ma thogs te/ des bdag rtsod pa sbed pa ming 'di zhes bgyi ba la stsal nas/bdag rtsod pa sbed pa ming 'di zhes bgyi bas rtsod pa 'di mdo sde 'dzin pa dang / 'dul ba 'dzin pa dang / ma mo 'dzin pa rnams la zla ba drug gi mtha' tshun chad du phul na de dag gis kyang rnam par zhi bar bgyid rngo ma thogs nas/ de dag gis bdag rtsod pa skyed pa ming 'di zhes bgyil stsal te/bdag rtsod pa sbed pa ming 'di zhes bgyi bas rtsod pa 'di gnas brtan la 'bul lo/ /gnas brtan gyis rtsod pa 'di thug pa ma mchis pa tshun chad kyis rnam par zhi bar mdzad du gsol zhes gsungs pa yin no/ /gnas brtan des 'dul bar bya ba de gnyis la ji ltar bsgrub par bya zhe na/des de nyid la bdag gi bya ba tha na 'dag rdzas dang so shing yan chad cung zad kyang spang bar bya'o/ /lhan cig 'greng ba dang / 'dug pa dang / lhan cig 'chag sar 'chag ba dang gtam 'dre ba dang phebs par smra ba yang spang bar bya'o/ / rjes su 'brang na de dag la 'di skad ces tshe dang ldan pa dag khyed cag legs par gsungs pa'i chos 'dul ba la rab tu byung nas/ 'thab par gyur mtshang 'dru bar gyur/ rtsod par gyur/ 'gyed par gyur cing gnas pa ni ma rnyed de rnyed pa ma yin no/ /nyes pa rnyed kyi legs pa rnyed pa ma yin gyis tshe dang ldan pa dag ma 'thab shig mtshang ma 'dru shig /ma rtsod cig ma 'gyed cig /'gyed pa gnyi ga rgyal ba med do/ /rgyug pas gnyi ga mgyogs pa med de gcig rgyal gcig 'pham du 'gyur ro zhes brjod par bya'o/ /de tsam gyis chos rnam par gtan la dbab pa dang / tshul khrims rnam par gtan la dbab pa'i dngos po'i de bzhin nyid la log par bsgrubs pa las byung ba'i 'khrug long 'gyed pa'i phyir rtsod pa mngon sum gyis 'dul bas rgyud gcig tu bya bas zhi bar 'gyur ba 'gyed pa gnyis rang gis mi nus na tshogs par dbyung ba dag gis legs par bsgrubs pas zhi bar bya ba ste zhi bar 'gyur ro//re zhig de ltar na 'gyed pa'i phyir rtsod pa mngon sum gyis 'dul bas rgyud gcig tu bya bas zhi ba yin no/ /da ni chos rnam par gtan la dbab pa nyi tshe'i dngos po'i de bzhin nyid la log par bsgrubs pa las byung ba'i 'khrug long 'gyed pa'i phyir rtsod pa tshul shing mang po sbyin pas rgyud gcig tu bya bas zhi bar 'gyur ba ches mang ba'i blos rnam par gzhag pa zhes bya ba legs par bsgrub pa'i rnam pa gzhan gyis zhi bar bya ba bshad par bya ste 'di ni chos rnam par gtan la dbab pa la srid kyi tshul khrims rnam par gtan la dbab pa la ni mi srid de/de'i skabs mi shes pa ni 'gyed pa gnyis dang 'brel ba yin pa'i phyir ro/ /'di'i rnam par gzhag pa ni 'gyed pa gnyis rang gis mi nus na tshogs par dbyung ba dag gis legs par bsgrubs pas zhi bar ma nus pa nyid yin zhing rgol ba dang phyir rgol ba dag gis rtsod pa de gces par gzung ba nyid dang /rab tu dam pa nyid dang mi bzad pa nyid dang / bsdams par bya ba nyid ma yin pa'i don dang gnas brtan mthu dang ldan pa la sngar byung ba brjod de dus thug pa med par dbul ba'i mthar thug pa dag yongs su nyon mongs par gyur pa nyid yin na de la dge 'dun bzhi bos tshul shing 'drim pa'i dge slong bskos te/chos dang chos ma yin pa'i tshul shing mang po brim zhing gang mang ba'i phyogs la skyo sngogs mi bya ba des gdul bar bos pa la tshul shing mang po sbyin pas rgyud gcig tu bya bas rtsod pa de zhi bar bya ba yin no/ /de'i go rims rnam par gzhag pa ni 'di yin te/dge 'dun gyis tshul shing 'drim pa bsko ba dang / tshul shing 'drim pa'i kun du spyod pa'i chos bstan pa dang / tshul shing len pa'i kun du spyod pa'i chos bstan pa dang / de la ches mang pa'i blo legs par gzhag pa zhes bya ba legs par bsgrub pa'i rnam pa gzhan gyis rgyud gcig tu byas pas zhi bar bya'o//de la dge 'dun gyis tshul shing 'dri ma pa bsko ba'i go rims rnam par gzhag pa ni 'di ltar bya ste/ dge 'dun bzhi bos rgol ba dang phyir rgol ba ni phyogs su rnam par gnas pa gnyi gar spyir blo mthun par bya ste/ tshul shing 'drim pa'i dge slong chos lnga dang ldan pa gcig dang por spro bar bya ste gsol ba dang gnyis kyi las kyis bsko bar bya'o//dge 'dun gyis je dang por spro bar bya zhing gsol ba dang gnyis kyi las kyis bsko ba'i cho ga dang las ni 'di ltar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas/dge 'dun thams cad 'dug cing mthun par gyur pa na je dang por spro bar byas te de'i 'og tu dge slong gcig gis gsol ba byas te las bya'o/ /de'i sngags ni 'di yin te/ ming 'di zhes bya ba khyod dge 'dun la tshul shing 'drim pa spro'am/ spro'o/ /dge 'dun btsun pa rnams gsan du gsol/dge slong ming 'di zhes bgyi ba 'di dge 'dun la tshul shing 'drim par spro na/ gal te dge 'dun gyis dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'di tshul shing 'drim par bsko bar bgyi ste/dge slong tshul shing 'drim pa ming 'di zhes bgyi ba 'di tshul shing 'drim mo/ /'di ni gsol ba'o/ /dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun la tshul shing 'drim par spro ste/ de'i slad du dge 'dun gyi sa ming 'di zhes bgyi ba 'di tshul shing 'drim par bsko na/tshe dang ldan pa gang dag dge slong ming 'di zhes bgyi ba 'di tshul shing 'drim par bsko bar bzod pa de dag ni cang ma gsung shig /gang dag mi bzod pa de ngag ni gsungs shig /dge 'dun gyis bzod cing gnang nas dge 'dun gyis dge slong ming 'di zhes bgyi ba 'di tshul shing 'drim par bskos lags te/'di ltar cang mi gsung bas de de bzhin du 'dzin to zhes gsungs pa yin no/ /de'i 'og tu tshul shing 'drim pa'i kun du spyod pa'i chos bstan pa'i go rims rnam par gzhag pa ni 'di ltar bya ste/ dge slong tshul shing 'drim par bskos pas chos dang chos ma yin pa'i phyogs kyis tshul shing rnam pa gnyis nye bar gzhag par bya ste/chos kyi tshul shing dag ni ya yo med pa dang / khyar khyer med pa dang / 'chas 'chus med pa dang / kha dog bzang ba dang / dri zhim pa dang / reg na 'jam pa nyid du bya'o/ /chos ma yin pa'i tshul shing dag ni de las bzlog par bya'o//des dge 'dun la de dang tshul shing 'drim par 'gyur gyi thams cad kyis 'dul bar bya'o zhes gsol lo/ /gal te de ltar 'dun pa sbyin pas tshogs pas na chos ma yin pa'i tshul shing lhag par 'gyur bar sems na brim par mi bya'o/ /'drim pa'i tshe na lag pa g.yas pas chos kyi tshul shing dag bzung zhing g.yon pas chos ma yin pa'i tshul shing dag gzung ngo //chos ma yin pa'i tshul shing de dag g.yogs te chos kyi tshul shing dag snang bar byas nas dge 'dun la 'di skad ces gnas brtan 'di dag ni chos kyi tshul shing ya yo med pa/ khya khyor med pa/ 'chas 'chus med pa dang / kha dog bzang ba dang / dri zhim pa dang / reg na 'jam pa dag yin gyis long shig ces brjod par bya'o/ /gal te len pa dang chos ma yin pa'i tshul shing tshol na tshig gnyis kyi bar du mi dbul lo/ /g.yogs sam phye ba gang gis chos kyi tshul shing mang bar 'gyur ba de ltar brim par bya'o//chos kyi tshul shing blangs pa dag gis slob ma la sogs pa dag chos ma yin pa'i tshul shing len par rtsol ba lta na de dag la 'di skad ces tshe dang ldan pa khyod kyis mkhan po dang / slob dpon dang / mkhan po gcig pa dang / slob dpon gcig pa dang /gtam 'dre ba dang / phebs par smra ba dang / smos 'drin dang / 'grogs bshes dag gis chos kyi tshul shing blangs kyis khyod gyis kyang chos kyi tshul shing long shig /khyod de dag dang lhan cig rtsod par gyur na ma legs so zhes rna drung du bshub bo/ /de'i 'og tu tshul shing len pa'i kun du spyod pa'i chos bstan pa'i go rims rnam par gzhag pa ni 'di ltar bya ste/dge slong tshul shing len pa dag gis chos ma yin pa'i tshul shing blang bar mi bya'o/ /len na 'dul ba dang 'gal ba'i nyes byas kyi ltung ba bshags par bya'o/ /dge slong mdo sde dang 'dul ba dang ma mo 'dzin pa dag la gang blang ba ma dris par tshul shing blang bar mi bya'o//dbyen du 'gyur ba'i bzod pas e ma'o bye bar gyur na ci ma rung snyam pa'i mngon par 'dod pas tshul shing blang bar mi bya'o/ /chos ma yin pas e ma'o chos ma yin pa byung bar gyur na ci ma rung snyam pa'i tshul shing blang bar mi bya'o//'di ltar e ma'o bye bar gyur na ci ma rung snyam pa dang / e ma'o chos ma yin par byung bar gyur na ji ma rung snyam pa byed du zin kyang 'bye pa'i don 'di lta bu dang / 'di la dge slong gang dag dbyen la mngon par zhen par byed pa de lta bu dag yod pas ston pa nyid kyang 'ga' zhig 'byung bar 'gyur ro snyam du shes na de lta na yang tshul shing blang bar mi bya'o//de'i 'og tu de la ches mang ba'i blos legs par gzhag pa zhes bya ba legs par bsgrub pa'i rnam pa gzhan gyis rgyud gcig tu bya bas zhi bar bya ba'i go rims rnam par gzhag pa ni 'di ltar bya ste/ dge 'dun rgol ba dang phyir rgol ba'i phyogs su rnam par gnas na gnas pa gnyi gas blo mthun par bya ste/chos dang chos ma yin pa'i tshul shing brims zin pa'i 'og tu 'grengs te mnyam pa nyid yin na nyan thos chen po btsun pa kun shes kauN+D-i na ya la bsdos te/ chos kyi tshul shing gcig blangs shing chos smra ba rgyal bar bya'o//de ltar na rtsod pa de chos kyis nye bar zhi bar gyur ba yin no/ /chos ma yin pa'i tshul shing lhag na ni rtsod pa de chos ma yin pas nye bar zhi bar gyur ba yin no/ /chos ma yin pas zhi ba la skyo sngogs mi bya'o/ /chos kyis zhi ba la skyo sngogs byed na ltung byed du 'gyur ro//chos ma yin pas zhi ba la skyo sngogs byed na nyes byas su 'gyur ro/ /'dir rtsod pa de nye bar zhi bar bya ba gtso che'i chos dang chos ma yin pa ni chos rnam par gtan la dbab pa'i skabs gzhan yod pas de la dam du gzung bar mi bya'o/ /de tsam gyis ni chos rnam par gtan la dbab pa'i nyi tshe'i dngos po'i de bzhin nyid la log par bsgrubs pa las byung ba'i 'khrug long 'gyed pa'i phyir rtsod pa tshul shing mang po sbyin pas rgyud gcig tu bya bas zhi bar 'gyur bas ches mang ba'i blos legs par gzhag pa zhes bya ba la legs par bsgrub pa'i rnam pa gzhan gyis zhi bar bya bas de zhi bar 'gyur ro//rgyud gcig tu bya bas zhes bya ba ni nges par rtogs par bya ba ste/ 'dir ni chos nyi tshe'i dngos po gang la nges par rtogs pa gcig yod pa'i dngos po'i rgyud gang yin pa de mtha' gcig tu nges par bya ba ni rgyud gcig tu bya ba zhes bya'o/ /'di ltar dngos po'i de bzhin nyid log par bsgrub pa ni the tshom zhes bya ste/the tshom ni nges pa bskyed pas ldog pas des na tshul shing mang po sbyin par 'os pa la tshul shing mang po sbyin pas rgyud gcig tu byas na chos kyi dngos po'i de bzhin nyid la log par bsgrubs pa las byung ba'i 'khrug long 'gyed pa'i phyir rtsod pa de zhi bar 'gyur ro/ / de ltar na 'gyed pa'i phyir rtsod pa tshul shing mang po sbyin pas rgyud gcig tu bya bas zhi ba yin no/ /'gyed pa'i phyir rtsod pa zhi bar bya ba bshad zin to/ /da ni mi gdams pa'i phyir rtsod pa zhi bar bya ba bshad par bya ste/ 'khrug long gi rgyu gnyis pa gdams ngag la sogs pa 'jog pas gzhan spong ba las byung ba'i 'khrug long mi gdams pa'i rtsod pa ni mngon sum gyis 'dul ba dang /tshul shing mang po sbyin pas rgyud gcig tu bya ba de nyid dang / dran pas 'dul ba dang / ma smyos pas 'dul ba dang dag pa sbyin pas zhi bar bya'o zhes gsungs pa la 'khrug long gi rgyu gnyis pa gdams ngag la sogs pa 'jog pas gzhan spong ba las byung ba'i 'khrug long mi gdams pa'i phyir rtsod pa ni mngon sum gyis 'dul ba dang /tshul shing mang po sbyin pas rgyud gcig tu bya ba de nyid dran pas 'dul ba dang / ma smyos pa spong ba las byung ba'i 'khrug long mi gdams pa'i phyir ni gdams ngag la sogs pa 'jog pas gzhan spong ba rgyu dang bcas pa nyid las byung ba yang yod/rgyu med pa nyid kyis byung ba yang yod/ de la rgyu dang bcas pa ni yul dang dus dang gzhi gang las ltung ba byung ba'i rgyu yod pa nyid spong ba'o/ /rgyu med pa ni gleng ba'i kha na ma tho ba med pa la gzhi med pas gleng ba la sogs pa spong ba'o//de la rgyu dang bcas pa nyid las byung ba ni mngon sum gyis 'dul ba dang / tshul shing mang po sbyin pas rgyud gcig tu bya bas zhi bar 'gyur la/ rgyu med pa nyid las byung ba ni dran pas 'dul ba dang / ma smyos pas 'dul bas dag pa sbyin pas zhi bar 'gyur ro//de la re zhig gdams ngag la sogs pa 'jog pas gzhan spong ba rgyu dang bcas pa nyid las byung ba'i 'khrug long mi gdams pa'i phyir rtsod pa mngon sum gyis 'dul ba dang / tshul shing mang po sbyin pas rgyud gcig tu bya bas zhi bas 'gyur ba je bshad par bya ste/ de la 'dir yang mngon sum gyis 'dul ba dang /tshul shing mang po sbyin pas rgyud gcig tu bya bas zhi bar 'gyur ba'i tshul gzhan thams cad ni snga ma bzhin no/ /khyad par du sngar ni 'khrug long gi rgyu dang po chos rnam par gtan la dbab pa dang / tshul khrims rnam par gtan la dbab pa'i dngos po'i de bzhin nyid la log par bsgrubs pa las byung ba'i 'khrug long 'gyed pa'i phyir rtsod pa mngon sum gyis gdul bas rgyud gcig tu bya bas zhi bar bstan pa chos rnam par gtan la dbab pa nyi tshe'i dngos po'i de bzhin nyid la log par bsgrubs pa las byung ba'i 'khrug long 'gyed pa'i phyir rtsod pa ni tshul shing mang po sbyin pas rgyud gcig tu bya bas zhi bar bstan to//'dir ni 'khrug long gi rgyu gnyis pa gdams ngag la sogs pa 'jog pas gzhan spong ba rgyu dang bcas pa chos dang tshul khrims gnyi ga'i gdams ngag la sogs pa 'jog pas gzhan spong ba rgyu dang bcas pa nyid las byung ba'i 'khrug long mi gdams pa'i phyir rtsod pa ni mngon sum gyis 'dul bas rgyud gcig tu bya bas zhi bar 'gyur la/chos nyi tshe'i gdams ngag la sogs pa 'jog pas gzhan spong ba rgyu dang bcas pa nyid las byung ba'i 'khrug long mi gdams pa'i phyir rtsod pa ni tshul shing mang po sbyin pas rgyud gcig tu bya bas zhi bar 'gyur ro zhes bya bar sbyar ro//re zhig de ltar na gdams ngag la sogs pa 'jog pas gzhan spong ba rgyu dang bcas pa nyid las byung ba'i 'khrug long mi gdams pa'i phyir rtsod pa mngon sum gyis 'dul ba dang / tshul shing mang po sbyin pas rgyud gcig tu bya bas zhi ba ma yin no//da ni gdams ngag la sogs pa 'jog pas gzhan spong ba rgyu med pa nyid las byung ba'i 'khrug long mi gdams pa'i phyir rtsod pa dran pas 'dul ba dang / ma smyos pas 'dul ba dag pa sbyin pas zhi bar 'gyur ba bshad par bya ste/ de ni gal te dge slong de la ltung ba gang gis gleng bar bya ba'i ltung ba de'i kha na ma tho ba med par gyur ba na de'i phyir de la dran pas 'dul ba dang /ma smyos pas 'dul ba dag pa sbyin pas zhi bar byas so/ /de la gdams ngag la sogs pa 'jog pas gzhan spong ba rgyu med pa nyid ni rnam pa bzhi ste/ gzhi med pas gleng ba dang gzhan rjes su bsgrub pa'i dbang gis gleng ba dang /phyir bcos pa la mi ltos par gleng ba dang / smyos pas byas pas gleng ba'o/ /de la gzhi med pas gleng ba ni gang zag dag la ltung ba med pa nyid la mthong ba dang / thos pa dang / dogs pa'i gzhi med pas gleng ba'o/ /gzhan rjes su bsgrub pa'i dbang gis gleng ba ni nges ltung ba gzhan rjes su bsgrub pa la gzhan gyis gleng bar byed de/ltung byed kyi rjes su bsgrub pa'i dbang gis de la dge 'dun lhag ma la sogs pas gleng ba lta bu'o/ /phyir bcos pa la mi ltos par gleng ba ni 'di la ltung ba byung bar gyur te zhes bya ba de des chos bzhin du phyir bcos pa nyid ni phyir bcos pa nyid la mi ltos par yang gleng ba'o//smyos pas bya bas gleng ba ni smyos pa'i gnas skabs su des rung ba ma yin pa kun du spyod pa des ma smyos pa'i dus su sleb par byed pa'o/ /de la dang po gsum la ni dran pas 'dul bas dag pa sbyin pas zhi bar bya'o//tha ma la ni ma smyos pas 'dul bas dag pa sbyin pas zhi bar bya'o/ /de la dran pas 'dul bas sbyin pa'i go rims rnam par gzhag pa ni 'di yin te/ rang gis dge 'dun la gsol pa dang / dge 'dun gyis gsol pa dang bzhi'i las kyis sbyin par bya'o/ /de byin na dge slong de la dge slong gzhan dag gis dran pa dang ldan pa nyid du 'dzin gyi ltung ba dang bcas par mi 'dzin te/des 'dul bas 'os pa la dran pas 'dul ba sbyin zhing dag pa sbyin pas rtsod pa de zhi bar 'gyur ro/ /de rang gis dge 'dun la gsol ba'i go rims rnam par gzhag pa ni 'di ltar bya ste/ de rang gis gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa la mchil lham gnyis phud nas rgan pa'i mtha' logs su tsog pur 'dug ste thal mo sbyar ba btud nas/ rang gis dran pas 'dul ba gsol ba'i sngags lan gsum du bzlas pas gsol lo//de'i sngags ni 'di yin te/ dge 'dun btsun pa rnams gsan du gsol/ bdag dge slong gyad bu nor la dge slong ma mdza' mos yang dag pa ma lags pa gso ba gsog brdzun gyis skur te/ bdag la dge slong dag gis gzhi des gleng bas bdag dge slong gyad bu nor dge 'dun las dran pas 'dul bas gsol na thugs brtse ba can dge 'dun btsun pa rnams kyis thugs brtse ba'i slad du bdag dge slong gyad bu nor la dran pas 'dul ba stsal du gsol/lan gsum du bzlas zhes gsungs pa yin no//de'i 'og tu dge 'dun gyis gsol ba dang / gzhi'i las kyis sbyin par bya ba'i go rims rnam par gzhag pa ni 'di ltar bya ste/ de'i 'og tu dge slong gcig gis gsol ba byas te las bya'o/ /de'i sngags ni 'di yin te/ dge 'dun btsun pa rnams gsan du gsol/ dge slong gyad bu nor 'di la dge slong ma mdza' mos yang dag pa ma lags pa gsob gsog brdzun gyis skur te/'di la dge slong dag gis gzhi des gleng bas dge slong gyad bu nor 'di dge 'dun la dran pas 'dul ba gsol na gal te dge 'dun gyis dus la bab cing bzod na dge 'dun gyis gnang bar mdzod cig dang /dge 'dun gyis dge slong gyad bu nor 'di la dran pas 'dul ba stsol to/ /'di ni gsol ba'o/ /dge 'dun btsun pa rnams gsan du gsol/ dge slong gyad bu nor 'di la dge slong ma mdza' mos yang dag pa ma lags pa gsob gsog brdzun gyis skur te/ 'di la dge slong dag gis gzhi des gleng bas dge slong gyad bu nor 'di dge 'dun gyis dran pas 'dul ba stsol te/de'i slad du dge 'dun gyis dge slong gyad bu nor 'di la dran pas 'dul ba gsol na tshe dang ldan pa gang dag dge slong gyad bu nor 'di la dran pas 'dul ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas/ dge 'dun gyis dge slong gyad bu nor la dran pas 'dul ba stsal lags te 'di ltar cang mi gsung bar de de bzhin du 'dzin to zhes gsungs pa yin no//de ltar na gdams ngag la sogs pa 'jog pas gzhan spong ba rgyu med pa gzhi med pas gleng ba dang / gzhan rjes su bsgrub pa'i dbang gis gleng ba dang / phyir bcos pa la mi ltos par gleng ba nyid las byung ba'i 'khrug long mi gdams pa'i phyir rtsod pa dran pas 'dul bas dag pa sbyin pas zhi ba yin no//de la ma smyos pas 'dul ba sbyin pa'i go rims rnam par gzhag pa ni 'di yin te/ de rang gis dge 'dun la dran pa gsol ba dang / dge 'dun gyis gsol ba dang gzhi'i las kyis sbyin par bya'o/ /de byin na dge slong de la dge slong gzhan dag gis rang bzhin du gnas par 'dzin gyi ltung ba dang bcas par mi 'dzin te/des 'dul bar 'os pa la ma smyos pas 'dul ba sbyin zhing dag pa sbyin pas rtsod pa de zhi bar 'gyur ro/ /des rang gi dge 'dun la gsol ba'i go rims rnam par gzhag pa ni 'di ltar bya ste/de rang gis gnas mal bsham pa byas nas gaN+DI brdungs ste dris pa'i tshig gis dge slong rnams la yang dag par bsgo na dge 'dun thams cad 'dus shing mthun par gyur pa la mchil lham gnyis phud nas rgan pa'i mtha' logs su tsog pur 'dug ste/ thal mo sbyar ba btud nas rang gis ma smyos pas 'dul ba gsol ba'i sngags lan gsum bzlas pas gsol lo//de'i sngags ni 'di yin no/ /dge 'dun btsun pa rnams gsan du gsol/ bdag dge slong bye ma skyes smyos pa sems 'khrugs pa sdug bsngal gyi tshor bas gzir bas dge slong gi tshul ma lags pa/rjes su mthun pa ma lags pa/ rung ba ma lags pa/ tshul dang mthun pa ma lags pa mang du spyod cing smras te/ brtsal nas mig 'gyur kha chu zags bzhin bsgyur sa la 'gres ldog gnyid kyis ma log kyang gnyid kyis log pa ltar bcos ma smyos kyang smyos pa ltar bcos/ smra bar ma bsams kyang smras te/ bdag gis dran pa rnyed na bdag la dge slong rnams kyis gzhi des gleng bas bdag dge slong bye ma skyes dge 'dun las ma smyos pas 'dul ba gsol na thugs brtse ba can dge 'dun btsun pa rnams kyis thugs brtse ba'i slad du bdag dge slong bye ma skyes lam smyos pas 'dul ba stsal du gsol//lan gsum du bzlas zhes gsungs pa yin no/ /de'i 'og tu dge 'dun gyis gsol ba dang / bzhi'i las kyis sbyin par bya ba'i go rims kyi rnam par gzhag pa ni 'di ltar bya ste/ de'i 'og tu dge slong gcig gis gsol ba byas te las bya'o/ / 'di'i sngags ni 'di yin te dge 'dun btsun pa rnams gsan du gsol/ dge slong bye ma skyes myos pa/ sems 'khrugs pa/ sdug bsngal gyi tshor bas gzir ba 'dis dge slong gi tshul ma lags pa/ rjes su mthun pa ma lags pa/ rung ba ma lags pa/ tshul dang mthun pa ma lags pa/mang du spyod cing smras te brtsal nas mig 'gyur kha chu zags bzhin bsgyur sa la 'gres ldog /gnyid kyis ma log kyang gnyid kyis log pa ltar bcos/ ma smyos kyang smyos pa ltar bcos/ smra bar ma bsams kyang smras te 'dis dran pa rnyed na 'di la dge slong rnams kyis gzhi des gleng bas dge slong bye ma skyes 'di dge 'dun las ma smyos pa 'dul ba gsol na/gal te dge 'dun gyis dus la bab cing bzod na dge 'dun gyis gnang bar mdzod cig dang / dge 'dun gyis dge slong bye ma skyes la ma smyos pas 'dul ba stsol to/ /'di ni gsol ba'o/ /dge 'dun btsun pa rnams gsan du gsol/dge slong bye ma skyes smyos pa/ sems 'khrugs pa/ sdug bsngal gyi tshor bas gzir ba 'dis dge slong gi tshul ma lags pa/ rjes su mthun pa ma lags pa/ rung ba ma lags pa/ tshul dang mthun pa ma lags pa mang du spyad cing smras te/ brtsal nas mig 'gyur kha chu zags bzhin bsgyur sa la 'gres ldog /gnyid kyis ma log kyang gnyid kyis log pa ltar bcos/ ma smyos kyang smyos pa ltar bcos/ smra bar ma bsams kyang smras te/ 'dis dran pa rnyed na 'di la dge slong rnams kyis gzhi des gleng bas dge slong bye ma skyes 'di dge 'dun las ma smyos pas 'dul ba gsol te/de'i slad du dge 'dun gyis dge slong bye ma skyes la ma smyos pas 'dul ba stsol na/ tshe dang ldan pa gang dag dge slong bye ma skyes la ma smyos pas 'dul ba stsal bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong bye ma skyes la ma smyos pas 'dul ba stsal lags te/ 'di ltar cang mi gsung bas de de bzhin du 'dzin to zhes gsungs pa yin no/ /de ltar gdams ngag la sogs pa 'jog pas gzhan spong ba rgyu med pa smyon pas byas pas gleng ba nyid las byung ba'i 'khrug long mi gdams pa'i phyir rtsod pa ma myos pas 'dul ba dag pa sbyin pas zhi ba yin no//mi gdams pa'i phyir rtsod bzhi bar bya ba bshad zin to/ /da ni ltung ba'i phyir rtsod pa zhi bar bya ba bshad par bya ste/ 'khrug long gi rgyu gsum pa ltung ba dang bcas pa nyid las byung ba'i 'khrug long ltung ba'i phyir rtsod pa ni khas blang bar bya ba dang / mngon sum gyis 'dul ba dang / rtswa bkram pa lta bus phyir bcos pa dang / de'i ngo bo nyid tshol du gzhug pas nges par 'dzin pa las sbyar ba nyid sbyin pas zhi bar bya'o zhes gsungs pa la/'khrug long gi rgyu gsum pa ltung ba dang bcas pa nyid las byung ba'i 'khrug long ltung ba'i phyir rtsod pa la ltung ba dang bcas pa nyid ni rnam pa gnyis te/ rnam par shes pa na rang gi ngo bo'i nyes pas ltung ba dang bcas pa nyid dang / rnam par mi shes pa na rang gi ngo bo'i nyes pas ltung ba dang bcas pa nyid do//de la rnam par shes pa na rang gi ngo bo'i nyes pas ltung ba dang bcas pa nyid ces bya ba ni gang zag ltung ba dang bcas pa la gleng ba pos glengs nas dngos po dang phyogs dang bsam pa dang / che bzhi dang khas blangs pa la sogs pa'i sgo nas ltung ba rnam par shes pa na ltung ba sde lnga gang la yang rung ba dag gis dngos gzhi'am/sbyor ba 'am/ sbyor ba'i sbyor ba zhes bya ba'i rang gi ngo bo'i nyes pas ltung ba dang bcas pa nyid do/ /rnam par mi shes pas na rang gi ngo bo'i nyes pas ltung ba dang bcas pa nyid ces bya ba ni gang zag ltung ba dang bcas pas gleng ba pos glengs nas ltung ba dran pa dag dge 'dun la khas blangs nas de'i 'og tu brjod pas dngos po dang phyogs dang bsam pa dang che bzhi dang khas blangs pa la sogs pa'i sgo nas ltung ba rnam par mi shes pa na ltung ba sde lnga gang yang rung ba dag gis dngos gzhi'am sbyor ba'am sbyor ba'i sbyor ba zhes bya ba'i rang gi ngo bo'i nyes pas ltung ba dang bcas pa nyid do//de la ltung ba dang bcas pa rnam par shes pa na rang gi ngo bo'i nyes pas ltung ba dang bcas pa de nyid las byung ba'i 'khrug long ltung ba'i phyir rtsod pa ni khas blang bar bya ba dang / mngon sum gyis 'dul ba dang /rtswa bkram pa lta bus phyir bcos pas zhi bar 'gyur la/ rnam par mi shes pa na rang gi ngo bo'i nyes pas ltung ba dang bcas pa nyid las byung ba'i 'khrug long ltung ba'i phyir rtsod pa ni de'i ngo bo nyid tshol du zhugs pas nges par 'dzin pa la sbyor ba nyid sbyin pas zhi bar 'gyur ro//de la re zhig ltung ba dang bcas pa rnam par shes pa na rang gi ngo bo'i nyes pas ltung ba dang bcas pa nyid las byung ba'i 'khrug long ltung ba'i phyir rtsod pa khas blang bar bya ba dang / mngon sum gyis 'dul ba dang / rtswa bkram pa lta bus phyir bcos pas zhi bar 'gyur ba je bshad par bya ste/ de ni ltung ba dang bcas pa rnam par shes pa na rang gi ngo bo'i nyes byas ltung ba dang bcas pa nyid las byung ba'i 'khrug long rnam pa gsum ste/ phyir bcos pa med pa'i 'khrug long dang / phyir bcos pa dang bcas pa'i rnam pa gnyis so/ /nyi tshe ba'i 'khrug long dang / dge 'dun mtha' dag dang 'brel ba'i 'khrug long ngo //de la phyir bcos pa med pa'i 'khrug long ni phyogs dang gzhan gyi phyogs su rnam par gnas pa dang bral ba ste/ gang la gleng bar bya ba dang gleng ba po gnyis 'ba' zhig kho na la 'khrug long yod kyis gzhan gang la yang 'khrug long med pa'o/ /phyir bcos pa dang bcas pa rnam pa gnyis po nye tshe ba'i 'khrug long ni gang la yang gleng bar bya ba dang /gleng ba po gnyis 'ba' zhig kho nar ma zad kyi dge 'dun gyi khongs su gtogs pa kha cig la yang 'khrug long 'byung ngo / /dge 'dun mtha' dag dang 'brel ba'i 'khrug long ni gang la yang dge slong gi tshogs gcig kyang ma lus par dge slong mtha' dag phyogs dang gzhan gyi phyogs su rnam par gnas pas 'khrug long du gyur pa'o//de dag las phyir bcos pa med pa'i 'khrug long zhes bya ba ni khas blang bar bya bas phyir bcos pas zhi bar 'gyur te/ de ni khas blang ba tsam gyi dbang gis phyir bcos par bya ba yin pa'i phyir ro//de yang 'di ltar de la gleng ba pos tshe dang ldan pa khyod la ltung ba byung gi chos bzhin du phyir gyis shig ces tshul de ltar gleng bar bya bas kyang khas blang ba 'ba' zhig gis phyir bcos pa byas na 'khrug long de phyir bcos pa gzhan la ltos mi dgos par zhi bar 'gyur bas de'i phyir phyir bcos pa med pa'i 'khrug long ni khas blang bar bya bas phyir bcos pas zhi bar 'gyur ro//phyir bcos pa dang bcas pa rnam pa gnyis po nyi tshe ba'i 'khrug long zhes bya ba ni mngon sum gyis 'dul bas phyir bcos pas zhi bar 'gyur te/de ni mngon sum du bya bas phyir bcos par bya ba yin pa'i phyir ro/ /de yang 'di ltar gzu bo'i mdun du gleng bar bya ba dang / gleng ba po dang / de dag gi rjes su 'brang ba rnams kyis rgol ba dang / len gyi tshig dag mngon sum du byung ba gang yin pa des 'dul bar 'os pa la mngon sum gyis 'dul ba sbyin pas phyir bcos pas rtsod pa de zhi bar 'gyur ro//de'i phyir phyir bcos pa dang bcas pa rnam pa gnyis po nyi tshe ba'i 'khrug long ni mngon sum gyis 'dul bas phyir bcos pas zhi bar 'gyur ro/ /skabs 'dir mngon sum gyis 'dul bas tshul khrims kyi dngos po nyi tshe'i ltung ba dang bcas pa nyid las byung ba'i 'khrug long ltung ba'i phyir rtsod pa gzu bo'i mdun du gleng bar bya ba dang /gleng ba po dang / de dag gi rjes su 'brang ba rnams kyis rgol ba dang lan gyi tshig dag mngon sum du byung ba gang yin pa des 'dul bar 'os pa la mngon sum gyis 'dul ba sbyin pas phyir bcos pas rtsod pa de zhi bar 'gyur ba yin par shes par bya'o//dge 'dun mtha' dag dang 'brel ba'i 'khrug long zhes bya ba ni rtsa bkram pa lta bus phyir bcos pas zhi bar 'gyur te/ de ni dge 'dun mtha' dag gis rtswa bkram pa lta bus phyir bcos par bya ba yin pa'i phyir ro//yang 'di ltar de la dge 'dun gyis phyogs gnyi ga nas dper na rtswa bkram te mgo sprad pa lta bus sems btud de gzhi de las khyed la ltung ba byung ba gang yin pa dang / kho bo cag la ltung ba byung ba gang yin pa de dag tshe dang ldan pa dag gi mdun du bshags pa dang mi bcab par kho bo cag spro'o zhes bya ba dang /ltung ba'i ming dang rigs smos pas gzhan la ltung ba'i ngo bo nyid shes pa snang bar bya ba la sogs pas blo gcig tu bya bar 'os pa la rtswa bkram pa lta bus sbyin pas phyir bcos pas rtsod pa de zhi bar 'gyur bas de'i phyir dge 'dun mtha' dag dang 'brel ba'i 'khrug long ni rtswa bkram pa lta bus phyir bcos pas zhi bar 'gyur ro//'di'i rnam par gzhag pa ni 'di ltar bya ste/ dge slong mtha' dag phyogs dang gzhan gyi phyogs su rnam par gnas pas 'khrug long du gyur pa'i dge 'dun gyis phyogs gnyi ga nas/ dper na rtswa bkram pa ste mgo phrad pa lta bur sems btud de gzhi 'di las khyed la ltung ba byung ba gang yin pa dang /kho bo cag la ltung ba byung ba gang yin pa de dag tshe dang ldan pa dag gi mdun du bshags pa dang mi bcab pa dang kho bo cag spro'o zhes bya ba dang / ltung ba'i ming dang rigs smos pas gzhan la ltung ba byung ba'i ngo bo nyid shes pa snang bar bya ba la sogs pas blo gcig tu bya bar 'os pa la rtswa bkram pa lta bu sbyin pas phyir bcos pa'i sngags phan tshun gnyi ga nas lan gsum gsum brjod pas phyir bcos par bya'o//de'i sngags ni 'di yin te/ tshe dang ldan pa dag bdag cag legs par gsungs pa'i chos 'dul ba la rab tu byung nas 'thab par gyur/mtshang 'dru bar gyur/ rtsod par gyur/ 'gyed par gyur cing gnas te phyogs dang gzhan gyi phyogs su rnam par gnas pa ni bdag cag gis ma rnyed de rnyed pa ma yin no/ /nyes pa rnyed kyis legs pa rnyed pa ma yin no/ /kha na ma tho ba sbom po dang /khyim na gnas pa la brten pa ma gtogs par gzhi 'di las khyed la ltung ba byung ba gang yin pa dang / bdag cag la ltung ba byung ba gang yin pa de dag tshe dang ldan pa dag gi mdun du mthol ba dang / 'chags pa dang / mi 'chab par bdag cag spro'o/ /tshe dang ldan pa dag bdag cag legs par gsungs pa'i chos 'dul ba la rab tu byung nas 'thab par gyur/mtshang 'dru bar gyur/ rtsod par gyur/ 'gyed par gyur cing gnas te phyogs dang gzhan gyi phyogs su rnam par gnas pa ni bdag cag gis ma rnyed de rnyed pa ma yin no/ /nyes pa rnyed kyi legs pa rnyed pa ma yin no/ /kha na ma tho ba sbom po dang /khyim na gnas pa la brten pa ma gtogs par gzhi 'a di las khyed la ltung ba byung ba gang yin pa dang / bdag cag la ltung ba byung ba gang yin pa de dag tshe dang ldan pa dag gi mdun du bdag mthol lo/ /'chags so/ /mi 'chab po/ /mthol zhing bshags na bdag bde ba la reg par gnas par 'gyur ro//ma 'thol ma bshags na ni mi 'gyur ro/ /lan gsum du bzlas/ ltung ba mthong ngam/ mthong ngo / /phyin chad sdom mam/ sdom mo/ /lan gsum du bzlas zhes bya ba gsungs pa yin no/ /'di la phyogs gcig gis de ltar byas na phyogs gzhan gyis kyang mthun par de dag la de ltar bya'o//'di la gang zag mang po dag gi don du nyes pa sbom po dang / dge 'dun lhag ma dang dge 'dun lhag mar gtogs pa'i nyes pa sbom po lci ba dge 'dun la bshags par bya ba de dag ma gtogs pa'i ltung ba dge 'dun ma yin pa gang zag la bshags par bya ba dag ni gang zag gcig gis gang zag gcig la rtswa bkram pa lta bus phyir bcos su rung ngo //'dir gang zag mang po dag gi don du ltung ba du ma dag cig car phyir bcos su yang rung ngo / /ltung ba byung ba la bdag la ltung ba ma byung ngo zhes khas mi len pa dang /ltung ba ma byung ba la bdag la ltung ba byung ngo zhes khas len par byed pa ni chos ma yin pa byed pa yin pas bshags pa ni 'chags so/ /de ltar na ltung ba dang bcas pa rnam par shes pa na rang gi ngo bo'i nyes pas ltung ba dang bcas pa nyid las byung ba'i 'khrug long rnam pa gsum po phyir bcos pa med pa'i 'khrug long dang /phyir bcos pa dang bcas pa rnam pa gnyis po nyi tshe ba'i 'khrug long dang / dge 'dun mtha' dag dang 'brel ba'i 'khrug long zhes bya ba dag khas blang bar bya ba dang / mngon sum gyis 'dul ba dang / rtswa bkram pa lta bus phyir bcos pas zhi ba yin no// //so sor thar pa'i mdo rgya cher 'grel ba 'dul ba kun las btus pa/ bam po bzhi bcu rtsa dgu pa/ da ni ltung ba dang bcas pa rnam par mi shes pa na rang gi ngo bo'i nyes pas ltung ba dang bcas pa nyid las byung ba'i 'khrug long 'gyed pa ltung ba'i phyir rtsod pa de'i ngo bo nyid tshol du gzhug pas nges par 'dzin pa la sbyar ba nyid sbyin pas zhi bar 'gyur ba bshad par bya ste/de'i go rims rnam par gzhag pa ni 'di yin te/ gleng ba po'i spu 'dam pa dang / gleng ba po bsko ba dang / gleng ba pos gleng ba dang / che bzhi dri ba dang / khas blang ba dang / khas blangs pa brjed pa la de'i ngo bo nyid tshol du gzhug pas nges par 'dzin pa la sbyar ba 'di sbyin pa'o//de'i gleng ba po'i spu 'dam pa'i go rims rnam par gzhag pa ni 'di ltar bya ste/ gleng bar bya ba dang / gleng ba po'i bya ba 'di la gleng bar bya ba dang ji snyed bde ba de snyed kho na'i gleng ba po dag gis bya bar ni ma nges so//gleng ba po tshul khrims 'chal ba dang / log par ston pa la ni mthun par mi bya'o/ /gleng ba po tshul khrims 'chal ba dang / log par ston pa ma yin pa sde snod dag gi tshig gi sgo nas 'dzin pa don gyi sgo nas mi shes pas gleng bar byed pa las ni dge 'dun gyis bzlog par lan gdab par bya'o//gleng ba pos lus dang ngag gis gdams pa nyid dang / sde snod dag shes pa nyid dang / dge 'dun gyi nang du bsams bzhin du chos dang 'dul ba log pa dang de las bzlog pa dag mi ston pa nyid ces bya ba'i yon tan gsum dang ldan pa la gus par bya'o/ /gleng ba po yon tan gsum dang ldan pa nyid yin yang sems kyis spyod pa ni g.yo ba nyid yin pas sngar sdig pa la ma zhugs su zin kyang phyis 'jug par 'gyur srid pas de'i phyir de'i sems kyis spyod pa bgam pa'i phyir dus dang yul dang spyod lam dang rjes su bsgrub pa dag gnas su mi bzhag pas brgal zhing brtags par bya'o//de dag gnas gzhan du 'pho ba dang / rnyog pa can du gyur na gleng ba mi 'chags so/ /de'i 'og tu gleng pa po bsko ba'i go rims rnam par gzhag pa ni 'di ltar bya ste/ gleng ba po yon tan gsum dang ldan pa de lta bu dang po spro bar bya ste/ gsol ba dang /gnyis kyi las kyis bsko bar bya'o/ /dge 'dun gyis gleng ba po dang por spro bar bya zhing gsol ba dang / gnyis kyi las kyis bsko ba'i cho ga dang las ni 'di ltar bya ste/ gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsko nas/dge 'dun thams cad 'dug cing mthun par gyur pa la je dang por spro bar bya ste/ de'i 'og tu dge slong gcig gis gsol ba byas te las bya'o/ /de'i sngags ni 'di yin te/ ming 'di zhes bya ba khyod re lde'i ri la song ste/ dge slong 'gro mgyogs dang nab so la dge sbyong gi chos ma yin pa rnam pa mang po gleng ba spro'am/spro'o/ /dge 'dun btsun pa rnams gsan du gsol/ dge slong gleng ba po ming 'di zhes bgyi ba 'di re lde'i ri la mchis te dge slong 'gro mgyogs dang nab sol dge slong gi chos ma lags pa rnam pa mang pos gleng bar spro na/ gal te dge 'dun gyis dus la bab cing bzod na dge 'dun gyis gnang bar mdzod cig dang /dge 'dun gyis dge slong gleng ba po ming 'di zhes bgyi ba dge slong 'gro mgyogs dang nab so la gleng bar bsko'o/ /'di ni gsol ba'o/ /dge 'dun btsun pa rnams gsan du gsol/dge slong gleng ba po ming 'di zhes bgyi ba 'di re lde'i ri la mchis nas dge slong 'gro mgyogs dang nab so la dge slong gi chos ma lags pa rnam pa mang pos gleng bar spro ste/ de srid du dge 'dun gyis dge slong gleng ba po'i ming 'di zhes bgyi ba dge slong 'gro mgyogs dang nab so la gleng bar bsko na/tshe dang ldan pa gang dag dge slong gleng ba po ming 'di zhes bgyi ba dge slong 'gro mgyogs dang nab so la gleng bar bsko bar bzod pa de dag ni cang ma gsung shig /gang dag mi bzod pa de dag ni gsungs shig /dge 'dun gyis bzod cing gnang nas dge 'dun gyis gleng ba po ming 'di zhes bgyi ba dge slong 'gro mgyogs dang nab so la gleng bar bskos lags te/'di ltar cang mi gsung bas de de bzhin du 'dzin to zhes gsungs pa yin no/ /de'i 'og tu gleng ba po dang gleng ba'i go rims rnam par gzhag pa ni 'di ltar bya ste/ lhan cig gis dngos pos kyang gleng ba nyid du rung ste/gang zag gis gang zag la gleng bar byed pa dang / gang zag gis gang zag gnyis la dang / gang zag gis gang zag mang po la dang / gang zag gis dge 'dun la dang / gang zag gnyis kyis gang zag la dang / gang zag gnyis kyis gang zag gnyis la dang /gang zag gnyis kyis gang zag mang po la dang / gang zag gnyis kyis dge 'dun la dang / gang zag mang pos gang zag la dang / gang zag mang pos gang zag gnyis la dang / gang zag mang pos gang zag mang po la dang / gang zag mang pos dge 'dun la dang / dge 'dun gyis gang zag mang po la dang /dge 'dun gyis dge 'dun la gleng bar byed na gleng bar bya ba dang / gleng bar byed pa'i skabs lhan cig gi dngos pos de ltar gleng ba nyid du rung ngo / /gleng ba po nyid kyang de bzhin du lhan cig gi dngos pos gleng du rung ngo / /des de la skabs 'byed du bcug ste/ dus dben pa'i mtha' dran pa dang shes bzhin nye bar bzhag ste/mthong ba 'am/ thos pa'am/ dogs pa'i gzhi dang bcas pas gleng bar bya'o/ /de ltar gzhi dang bcas pa glengs pa na mi dran na yul dang dus dang gzhi gang las ltung ba byung ba gleng ba pos ji ltar mthong ba'am/ thos pa pa'am/dogs pa'i sgo nas dran par bya'o/ /de ltar glengs shing dran par byas pa na/ skabs 'byed par mi byed na de la brjod pa dang bcas pa nyid dang / mi gdams pa nyid dang / gtam 'dre ba la sogs pa bzlog pa dang / gso sbyong gzhag pa dang / dgag dbye gzhag pa dang / phur ba dang bcas pa nyid dag bya'o/ /de nas skabs dbye zhing mnyen pa nyid du gyur te/ glengs pas khas blangs na mthar thug pa nyid yin te/ khas blangs na rtsod pa de nye bar zhi ba yin pa'i phyir ro/ /de'i 'og tu che bzhi'i dri ba'i go rims rnam par gzhag pa ni 'di ltar bya ste/ de ltar gleng ba pos glengs pa na gleng bar bya ba des skabs phye yang dus dang yul dang spyod lam dang rjes su bsgrub pa dag khas mi len na de'i tshe che bzhi dri bar bya ste/che bzhi ni smra ba po bden pa mthong ba nyid dang / yon tan las ches mchog tu gyur pa khyim pa gang yang rung ba gzhan tshad mar bya'o/ /gzhan dang bcas pa nyid yin na tshig bstun par bya'o//the tshom du gyur ba ni shes pa ma yin te mi brtsam pa'o/ /che bzhi bden pa mthong ba dang yon tan las tshes mchog tu gyur pas nges par gyur na rang gis khas blangs pa dang 'dra'o/ /de'i 'og tu khas blangs pa'i go rims rnam par gzhag pa ni 'di ltar bya ste/de ltar gleng ba pos glengs shing che bzhi dri ba la sogs pa'i sgrub pa la ltos kyang rung ma ltos kyang rung ste/ dge slong gis ltung ba bcab par mi bya bas rgyu yod pas ltung ba dang bcas pas dran na dge 'dun la khas blang bar bya zhing / ltung ba de chos bzhin phyir byas na ltung ba dang bcas pa nyid las byung ba'i rtsod pa de nye bar zhi bar 'gyur ro//de'i 'og tu khas blangs pa brjed pa la de'i ngo bo nyid tshol du gzhug pas nges par 'dzin pa la sbyor ba nyid sbyin pa'i go rims rnam par gzhag pa ni 'di ltar bya ste/ gang zag ltung ba dang bcas pa la gleng ba pos glengs nas ltung ba dran pa dge 'dun la khas blangs nas de'i 'og tu brjed pas khyad du gsod par byed na de ni rnam par mi shes pa na rang gi ngo bo'i nyes pas ltung ba dang bcas pa nyid yin pas de la ni dge 'dun gyis de'i ngo bo nyid tshol du gzhug pas nges par 'dzin pa la sbyar ba nyid sbyin par bya ste/des ni rang gi ngo bo btsal nas btsal bar nus pas de la nges par 'dzin pa la sbyar ba nyid byin na ltung ba dang bcas pa las byung ba'i rtsod pa nye bar zhi bar 'gyur ro/ /de'i ngo bo nyid tshol tu gzhug pa zhes bya ba ni gang zag ltung ba dang bcas pa la gleng ba pos glengs nas ltung ba dran pa dge 'dun la khas blangs nas de'i 'og tu brjed de rnam par mi shes pa na rang gi ngo bo'i nyes pas ltung ba byung ba dang bcas pa nyid las dge 'dun gyis gsol ba dang bzhi'i las kyis de'i ngo bo nyid tshol ba dang mthun pa sbyin zhing /sa gzhan na gnas pa'i spyod pa spyad pa des ltung ba de'i ngo bo nyid tshol du gzhug par 'os pa la de'i ngo bo nyid tshol du gzhug pa sbyin zhing nges par 'dzin pa la sbyar ba nyid sbyin pas rtsod pa de zhi bar 'gyur ro//de'i ngo bo nyid tshol tu gzhug pa sbyin pa 'di ni bslab pa sbyin pa dang / spro ba dang mgu bar bya ba byin pa la sogs pa sa gzhan na gnas pa'i tshul dang 'dra ba yin par blta bar bya ste/'di blangs pas de'i ngo bo nyid tshol bar byed la ltung ba de'i ngo bo nyid yongs su shes na dge 'dun gyis de la bzod pa bya zhing de'i 'og tu rang bzhin du gnas pa nyid du 'gyur ro/ /kha cig gis 'di nan tur gyis tshul tu bstan pa ni mdo sde las de rang gis dge 'dun la gsol bar bya zhes gsungs pa dang 'gal ba'i phyir mi rung ngo //de la de'i ngo bo nyid tshol du gzhug pa sbyin pa'i go rims rnam par gzhag pa ni 'di yin te/ de rang gis dge 'dun la gsol ba dang / dge 'dun gyes de la gsol ba dang / bzhi'i las kyis de'i ngo bo nyid tshol du gzhug pa sbyin pa dang / des ji srid du khas ma blangs kyi bar du sa gzhan la gnas pa'i spyod pa spyad par bya ba dang /des ltung ba mthong nas bzod par gsol na rang bzhin du gnas pa thob par 'gyur ba'o/ /de la de rang gi dge 'dun la sogs pa'i go rims rnam par gzhag pa ni 'di ltar bya ste/ de rang gi gnas mal bsham pa byas nas gaN+Di brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa la mchil lham gnyis phud nas rgan pa'i mtha' logs su tsog pur 'dug ste thal mo sbyar ba btud nas rang gi ngo bo nyid tshol du gzhug pa gsol ba'i sngags lan gsum bzlas pas gsol lo//de'i sngags ni 'di yin te/ dge 'dun btsun pa rnams gsan du gsol/ bdag dge slong 'char ka dge bsnyen ma yid ches pa'i tshig dang ldan pa'i tshig gis 'gro ba dang 'greng ba dang 'dug pa dang nyal ba mchid kyis 'tshal ba las bskyud de mi dran pa dang bdag la dge slong dag gis gzhi des gleng bas bdag dge slong 'char ka dge 'dun las de'i ngo bo nyid tshol du gzhug pa la gsol na/thugs brtse ba can dge 'dun btsun pa rnams kyis thugs brtse ba'i slad du bdag dge slong 'char ka la de'i ngo bo nyid tshol du gzhug pa stsal du gsol/ lan gsum du bzlas zhes gsungs pa yin no//de rang gi gsol ba'i cho ga dang sngags 'di deng sang 'dul ba'i gzhung las ni mi snang bas de'i phyir kha cig gis 'di nan tur gyi tshul du bstan te/ 'dir bris pa ni mdo sde las btus pa yin no/ /de'i 'og tu de la dge 'dun gyis gsol ba dang bzhi'i las kyis de'i ngo bo nyid tshol du gzhug pa sbyin pa'i go rims rnam par gzhag pa ni 'di ltar bya ste/de'i 'og tu dge slong gcig gis gsol ba byas te las bya'o/ /de'i sngags ni 'di yin te/ dge 'dun btsun pa rnams gsan du gsol/ tshe dang ldan pa 'char ka dge bsnyen ma yid ches pa'i tshig dang ldan pa'i tshig gis 'gro ba yang mchid kyis mi 'tshal/'greng ba yang mi 'tshal 'dug pa yang mi 'tshal / nyal ba yang mi 'tshal na/ gal te dge 'dun gyis dus la bab cing bzod na dge 'dun kyis gnang bar mdzod cig dang / dge 'dun gyis tshe dang ldan pa 'char ka la dge bsnyen ma yid ches pa'i tshig dang ldan pa'i tshig gis de'i ngo bo nyid tshol du gzhug pa stsol to//'di ni gsol pa'o/ /dge 'dun btsun pa rnams gsan du gsol/ tshe dang ldan pa 'char ka 'di dge bsnyen ma yid ches pa'i tshig dang ldan pa'i tshig gis 'gro ba yang mchid kyis mi 'tshal/'greng ba yang mi 'tshal/ 'dug pa yang mi 'tshal/ nyal ba yang mi 'tshal te/ de'i slad du dge 'dun gyis tshe dang ldan pa 'char ka la dge bsnyen ma yid ches pa'i tshig dang ldan pa'i tshig gis de'i ngo bo nyid tshol du gzhug pa stsol na/ tshe dang ldan pa gang dag tshe dang ldan pa 'char ka la dge bsnyen ma yid ches pa'i tshig dang ldan pa'i tshig gis de'i ngo bo nyid tshol du gzhug pa stsal bar bzod pa de dag ni cang ma gsung shig /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/dge 'dun gyis bzod cing gnang ba'i dge 'dun gyis tshe dang ldan pa 'char ka la dge bsnyen ma yid ches pa'i tshig dang ldan pa'i tshig gis de'i ngo bo nyid tshol du gzhug pa stsal lags te/ 'di ltar cang mi gsung bas de de bzhin du 'dzin to zhes gsungs pa yin no/ /de'i 'og tu des ji srid du khas ma blangs kyi bar du sa gzhan na gnas pa'i spyod pa spyad par bya ba'i go rims rnam par gzhag pa 'di ltar bya ste/ji ltar bslab pa byin pas dgra bcom ma nyid ma thob kyi bar du kun du spyad pa'i chos ji ltar bcas pa de dag thams cad 'di kun du spyad pa'i chos kyang yin te/ des dge slong rang bzhin du gnas pa la mngon par smra ba dang /phyag dang mngon du ldang ba dang / thal mo sbyar ba dang / gus pa'i las dag bdag gir mi bya'o/ /dge slong rang bzhin du gnas pas kyang de la de dag mi bya'o/ /dge slong rang bzhin du gnas pa dang lhan cig gom pa sri ba nyid las gzhan pas bcag par mi bya'o//stan chos dma' ba nyid las gzhan pas 'dug par mi bya'o/ /phyi bzhin 'brang ba'i dge sbyong gi bdag nyid las gzhan pas khyim gzhan du 'gro bar mi bya'o/ /g.yogs ma gcig par mal bsham par mi bya'o/ /rab tu byung ba dang / bsnyen par rdzogs pa dang / gnas sbyin pa dang / dge tshul nye bar gzhag par mi bya'o/ /gsol ba dang las brjod pa dag bya bar khas mi blang ngo / /las byed pa dang / dge slong ma'i ston pa dang / dge 'dun gyis yid brtan brtan par bsko ba khas mi blang ngo / /de dag tu sngar bskos pas kyang mi bya'o/ /dge slong ma la ston par sdar bskos pas kyang bstan par mi bya'o//'don pa gzhan med na yang gso sbyong la so sor thar pa gdon par mi bya'o/ /dge slong gis dge 'dun las ma bkar ba la tshul khrims dang / lta ba dang / cho ga dang / 'tsho ba nyams pas gleng par mi bya'o/ /brjod pa dang bcas pa nyid dang / phur ba dang bcas pa nyid dag mi bya'o//gdams ngag dang / gso sbyong dang / dgag dbye dang / gsol ba dang / brjod pa dag gzhag par mi bya'o/ /rang bzhin du gnas pa dang mgo mnyam du brten par mi bya'o/ /de'i ngo bo nyid tshol du gzhug pa byin pa de'i rgyu gang yin pa'i nyes pa de spang ngo / /nyes pa gzhan yang spang ngo //tshangs pa mtshungs par spyod pa rnams la nyes pa dang mthun pa nyid mi bya'o/ /kun du spyod pa'i chos ji ltar bcas pa dag nyams su ma blangs na brtul zhugs snying po med par 'gyur ro snyam du yid la bya'o/ /nang par sngar langs te gtsug lag khang du sgo dbye ba dang / mar me'i kong bu bsal bar bya'o//gtsug lag khang du chag chag dang phyag dar dang lci ba 'jam po'i byug pas bsku ba dag bya'o/ /dge 'dun gyi bshang ba dang gci ba'i skyabs dag sbyang ngo / /der sa phyags pa dang dus dang mthun pa'i chu dag gzhag par bya'o/ /gtsug lag khang gi wa'i kha dag bsal lo/ /dge 'dun gyi gdan bsham par bya'o//mchod pa'i dus shes par bya'o/ /bdug spos dang de'i bog phor dag nye bar gzhag par bya'o/ /gal te nus pa nyid yin na ston pa'i yon tan dag yang dag par bsgrag par bya'o/ /gal te mi nus na smra ba po la bcol lo/ /dge 'dun gyi bshos kyi spyi bungs bsham pa na gaN+DI brdung ngo //gal te dge slong rnams tsha na bsil yab bya'o/ /de'i 'dug pa la sogs pa ni bsnyen par rdzogs pa thams cad kyi mtha' nyid du'o/ /zas kyi bya ba byas nas gdan cha dben par brtul lo/ /lhung bzed kyi gzhi dor ro/ /dus shes par bya ste mchod rten dag gi phyag dar bya'o//lci ba 'jam po'i byug pas bsku'o/ /dge 'dun 'du ba'i dus su yang gdan bsham pa nas ston pa'i yon tan yang dag par bsgrag pa'i bar dag bya'o/ /gal te nus pa nyid yin na ni tshes grangs kyi nyi ma brjod pa dag bya'o/ /gal te mi nus na dge slong gzhan la bcol lo//dgongs kar dus dang mthun pa'i chus dge slong rnams kyi rkang pa bkru'o/ /dgongs kar yang dge slong rnams kyi rkang pa bkru'o/ /dge slong dag gis rkang pa bkru ba dang bsku ba mi 'dod na snum dbul lo/ /de'i gtsug lag khang tha mar 'os pa nyid yin no//thams cad du rnyed pa dbang ba nyid yin no/ /dge ba'i phyogs la mi g.yel bar bya'o/ /de'i ngo bo nyid tshol du gzhug pa byin pas dge slong rang bzhin du gnas pa ma yin pa dang / dge 'dun du ma langs pa dang gnas de nas dge slong yongs su bcad pa dag la kun du spyad pa mi 'chags so//dge slong mang po nyid yongs su spang bar mi bya'o/ /gnas brtan dang bcas/ so sor thar pa dang bcas pa nyid du spyad pa 'bad par bya'o/ /mtshams gzhan du zhag lon pa la nyes pa med do/ /dge 'dun gyi kha bskang ba'i grangs la ma gtogs so/ / de'i kun du spyod pa dge 'dun la spyad par bya'o/ /de'i ngo bo nyid tshol du gzhug pa byin pa bzhi yan chad mtshams gcig gi dge 'dun la spyad du mi gnang ngo / /las brgya rtsa gcig gis dge 'dun dang mthun par bya'o/ /bslab pa las 'das pa'i ltung ba thams cad ni dge slong rang bzhin du gnas pa dang 'dra'o//de la 'dun pa 'bul du mi rung ngo / /de'i 'dun pa blang du ni rung ngo / /de la dge slong dang dge slong ma dang / dge tshul dang / dge slob ma dang / dge tshul mas gtugs te phyag mi bya'o/ /de'i ngo bo nyid tshol du gzhug pa byin pa de ni nam bzod pa gsol ba na rang bzhin du gnas pa thob par 'gyur ro//bzod pa ma gsol na ji srid 'tsho'i bar du de'i ngo bo nyid tshol du gzhug pa sbyin pa spyad pa'i cho ga ji skad bstan pa de dag la de bzhin bslab par bya'o/ /de tsam gyis na de'i ngo bo nyid tshol ba dang mthun pa byin pa des ltung ba mthong zhing khas len pa de nyid du 'gyur ro/ / de'i 'og tu des ltung ba mthong nas bzod pa gsol na rang bzhin du gnas pa thob par 'gyur ba'i go rims rnam par gzhag pa ni 'di ltar bya ste/ des ltung ba mthong nas rang gi dge 'dun la bzod pa mdzad par gsol ba dang / dge 'dun gyis de la gsol ba dang bzhi'i las kyis bzod pa mdzad pa'o/ / des ltung ba mthong nas rang gis dge 'dun la bzod pa mdzad par gsol ba'i go rims rnam par gzhag pa 'di ltar bya ste/ de rang gis gnas mal bsham pa byas nas gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa mchil lham gnyis phud de bla gos phrag pa gcig tu byas nas rgan rims la phyag 'tshal te/rgan pa'i mtha' logs su tsog pur 'dug nas thal mo sbyar ba btud de sngags lan gsum bzlas pas gsol bar bya'o/ /de'i sngags ni 'di yin te/ dge 'dun btsun pa rnams gsan du gsol/ bdag dge slong 'char ka de'i ngo bo nyid tshol du stsal ba/skra 'greng bar gyur/ spu 'phyar bar gyur cing / dge 'dun la spu snyol bar bgyid/ 'byung bar skyod/ mtshungs par nye bar ston la mtshams kyi nang du mchis te bzod pa gsol zhing / gzhi gang las sma dbab pa'i phrin las mdzad pa'i gzhi de las slar ldog na thugs brtse ba can dge 'dun btsun pa rnams kyis thugs brtse ba'i slad du bdag dge slong 'char ka de'i ngo bo nyid tshol du stsal ba la bzod par mdzad du gsol/lan gsum du bzlas zhes gsungs pa yin no/ /de'i 'og tu dge 'dun gyis de la gsol ba dang bzhi'i las kyis bzod par mdzad pa'i go rims rnam par gzhag pa ni 'di ltar bya ste/de'i 'og tu dge slong gcig gis gsol ba byas te las bya'o/ /de'i sngags ni 'di yin te/ dge 'dun btsun pa rnams gsan du gsol/ dge 'dun gyis dge slong 'char ka de'i ngo bo nyid tshol du stsal pa de'i spu 'greng bar gyur/spu 'phyar bar gyur cing dge 'dun la spu snyol bar bgyid/ 'byung bar skyod/ mtshungs par nye bar ston la/ mtshams kyi nang du mchis te bzod pa gsol zhing gzhi gang las sma dbab pa'i phrin las mdzad pa'i gzhi de las slar ldog na/ gal te dge 'dun gyi dus la bab cing bzod na dge 'dun gyis gnang bar mdzod cig dang /dge 'dun gyis tshe dang ldan pa 'char ka de'i ngo bo nyid tshol du stsal ba la bzod pa mdzad do/ /de ni gsol ba'o/ /dge 'dun btsun pa rnams gsan du gsol/ dge slong 'char ka de'i ngo bo nyid tshol du stsal pa 'di spu 'greng bar gyur/spu 'phyar bar gyur cing / dge 'dun la spu snyol bar gyur/ 'byung bar skyod/ mtshungs par nye bar ston la/ mtshams kyi nang du mchis te bzod pa gsol zhing gzhi gang las sma dbab pa'i phrin las mdzad pa'i gzhi de las slar ldog ste/ de'i slad du dge 'dun gyis dge slong 'char ka de'i ngo bo nyid tshol du stsal ba la bzod pa mdzad na/tshe dang ldan pa gang dge slong 'char ka la de'i ngo bo nyid tshol du stsal ba la bzod par mdzad pa bzod pa de dag ni cang ma gsung shig/ /gang dag mi bzod pa de dag ni gsungs shig /'di ni las brjod pa dang po ste/ de bzhin du lan gnyis lan gsum du bzlas/ dge 'dun gyis bzod cing gnang nas dge 'dun gyis dge slong 'char ka de'i ngo bo nyid tshol du stsal ba las bzod pa mdzad lags te/ 'di ltar cang mi gsung bas de de bzhin du 'dzin to zhes gsungs pa yin no/ /de ltar des ltung ba mthong nas bzod pa gsol te rang bzhin du gnas pa thob na ltung ba de chos bzhin du phyir bcos par bya ste/de tsam gyis ltung ba dang bcas pa rnam par mi shes pa na rang gi ngo bo'i nyes pas ltung ba dang bcas pa nyid las byung ba'i 'khrug long ltung ba'i phyir rtsod pa de zhi bar 'gyur ro/ /de ltar ltung ba dang bcas pa'i rnam par mi shes pa na rang gi ngo bo'i nyes pas ltung ba dang bcas pa nyid las byung ba'i 'khrug long 'byung ba'i phyir rtsod pa de'i ngo bo nyid tshol du gzhug pas nges par 'dzin pa la sbyar ba nyid sbyin pas zhi ba nyid yin no//ltung ba'i phyir rtsod pa zhi bar bya ba bshad zin to/ /da ni bya ba phyir rtsod pa zhi bar bya ba bshad par bya ste/'khrug long gi rgyu bzhi pa las la mthun pa mi sbyin pa las byung ba'i 'khrug long bya ba'i phyir rtsod pa ni rtsod pa zhi bar bya ba'i chos bdun po thams cad kyis snga ma bzhin du ci rigs par rgyud gcig tu bya ba dang / dag pa sbyin pa dang / phyir bcos pa dang / nges par 'dzin pa la sbyar ba nyid sbyin pa'i rim gyis las mthun pa sbyin du gzhug pas zhi bar bya'o zhes gsungs pa la/'khrug long gi rgyu bzhi pa las la mthun pa mi sbyin pa las byung ba'i 'khrug long bya ba'i phyir rtsod pa ni rtsod pa zhi bar bya ba'i chos bdun po thams cad kyis ci rigs par zhi bar bya ba yin te/ de'i phyir zhi ba thams cad ni bya ba'i phyir rtsod par 'jug go zhes gsungs so//rnam pa gang gis rtsod pa zhi bar bya ba thams cad bya ba'i phyir rtsod pa 'jug ce na rgyu'i sgo nas te/ rgyu gang dang gang gis rtsod pa zhi bar bya ba bdun po dag 'jug par 'gyur ba'i rgyu can de dang de ni bya ba'i phyir rtsod pa la yod de/ ji ltar dngos po'i de bzhin nyid la log par bsgrub pa'i rgyu las 'gyed pa'i phyir rtsod pa 'byung zhing /de mngon sum gyis 'dul ba dang / tshul shing mang po sbyin pas rgyud gcig tu bya bas zhi bar 'gyur ba de bzhin du dngos po'i de bzhin nyid la log par bsgrub pa'i rgyus las la mthun pa mi sbyin pa las bya ba'i phyir rtsod pa yang 'byung zhing /de yang mngon sum gyis 'dul ba dang / tshul shing mang po sbyin pas rgyud gcig tu bya bas las la mthun pa sbyin du gzhug pas zhi bar 'gyur te/ de ltar na rgyu gang gis 'gyed pa'i phyir rtsod pa kun nas slong zhing chos gang dag gis thabs ji ltar bya bas de zhi bar gyur ba'i rgyu de nyid kyis bya ba'i phyir rtsod pa yang kun nas slong zhing chos de dag dang thabs de nyid kyis las la mthun pa sbyin du gzhug pas de zhi bar 'gyur bas rgyu gang gis 'gyed pa'i phyir rtsod pa zhi bar bya ba 'jug par 'gyur ba'i rgyud de ni bya ba'i phyir rtsod pa la yang 'jug go//ji ltar gdams ngag la sogs pa 'jog pas gzhan spong ba'i rgyu las mi gdams pa'i phyir rtsod pa 'byung zhing de mngon sum gyis 'dul ba dang /tshul shing mang po sbyin pas rgyud gcig tu bya ba dang / dran pas 'dul ba dang / ma smyos pas 'dul bas dag pa sbyin pas zhi bar 'gyur ba de bzhin du gdams ngag la sogs pa 'jog pas gzhan spong ba'i rgyus las la mthun pa mi sbyin pa las bya ba'i phyir rtsod pa yang 'byung zhing /de yang mngon sum gyis 'dul ba dang / tshul shing mang po sbyin pas rgyud gcig tu bya bas las la mthun pa sbyin du gzhug pa dang / dran pas 'dul ba dang / ma smyos pas 'dul bas dag pa sbyin pas las la mthun pa sbyin du gzhug pas zhi bar 'gyur te/de ltar na rgyu gang gis mi gdams pa'i phyir rtsod pa kun nas slong zhing chos gang dag gis thabs ji ltar bya bas de zhi bar 'gyur ba'i rgyu de nyid kyis bya ba'i phyir rtsod pa yang kun nas slong zhing chos de dag dang / thabs de nyid kyis las la mthun pa sbyin du gzhug pas de zhi bar 'gyur bas rgyu gang gis mi gdams pa'i phyir rtsod pa zhi bar bya ba 'jug par 'gyur ba'i rgyu de ni bya ba'i phyir rtsod pa la yang 'jug go//ji ltar ltung ba dang bcas pa nyid kyis rgyu las ltung ba'i phyir rtsod pa 'byung zhing / des khas blang bar bya ba dang / mngon sum gyis 'dul ba dang /rtswa bkram pa lta bus phyir bcos pa dang / de'i ngo bo nyid tshol du gzhug pas nges par 'dzin pa la sbyar ba nyid sbyin pas zhi bar 'gyur ba/ de bzhin du/ ltung ba dang bcas pa nyid kyi rgyus las la mthun pa mi sbyin pa las bya ba'i phyir rtsod pa yang 'byung zhing / de yang khas blang ba dang / mngon sum gyis 'dul ba dang /rtswa bkram pa lta bus phyir bcos pas las la mthun pa sbyin du gzhug pa dang / de'i ngo bo nyid tshol du gzhug pas nges par 'dzin pa la sbyar ba nyid sbyin pas/ las la mthun pa sbyin du 'jug pas zhi bar 'gyur te/ de ltar na rgyu gang gis ltung ba'i phyir rtsod pa kun nas slong zhing /chos gang dag gis thabs ji ltar bya bas de zhi bar 'gyur ba'i rgyu de nyid kyis bya ba'i phyir rtsod pa yang kun nas slong zhing / chos de dag dang / thabs de nyid kyis las la mthun pa sbyin du gzhug pas/ de zhi bar 'gyur bas rgyu gang gis ltung ba'i phyir rtsod pa zhi bar bya ba 'jug par 'gyur ba'i rgyu de ni bya ba'i phyir rtsod pa la yang 'jug ste/de'i phyir zhi ba thams cad ni bya ba'i phyir rtsod par 'jug go zhes gsungs so/ /'dir gzhung ni/ btsun pa bcom ldan 'das kyis rtsod pa bzhi po gang gsungs pa dang / rtsod pa zhi bar bya ba bdun po gang dag gsungs pa de dag la/ btsun pa dge slong gis rtsod pa bzhi po dag rtsod pa zhi bar bgyid pa bdun po gang yang rung bas nye bar zhi bar bgyid pa dang /zhi bar rung ngam/ nye ba 'khor bya ba'i phyir rtsod pa ma gtogs pa mi rung ngo zhes gsungs pa yin no/ /bya ba'i phyir rtsod pa zhi bar bya ba bshad zin to// //da ni rtsod pa'i gzhi'i zhu ba spyir bstan pa'i skabs cung zad zhig brjod par bya ste/kha skong bar 'os pa ma yin pa de/ dge 'dun gyi tha snyad la tshogs par 'byung ba nyid ma yin no/ /bsnyen par ma rdzogs par gzhan gyi rtsod pa dag ni bsnyen par rdzogs pa dang bcas pa rnams kyis dbang du byas te de dag gis de zhi bar bya'o/ /bud med rnams kyi rtsod pa ni/skyes pas zhi bar bya'o/ /gleng ba pos sam/ gleng bar bya ba gnyi ga 'am/ gang yang rung ba shi'am nyams sam gzhan du song ngam/ nad kyi rnam pas yun ring por btab na rtsod pa nye bar zhi ba nyid yin no/ /rtsod pa nye bar zhi bar bya ba gdon pa bshad zin to/ /sngar so sor thar ba'i mdo 'di'i bsdus pa'i don ni mtshan nyid rnam pa lngas ston te/mchod pa dang / gleng bslang ba dang / yang dag par brtsams pa dang / gzhung rgyas pa dang / bsdu ba'i mtshan nyid kyis so zhes smos pa las/ mchod pa dang / gleng bslang ba dang / yang dag par brtsams pa'i mtshan nyid ni sngar gnas skabs ji lta ba bzhin du bshad zin to//gzhung rgyas pa'i mtshan nyid kyis bsdus pa'i don ni rnam pa gnyis te/ dus dang por bya ba dang / mdo gdon pa'o/ /de la dus dang por bya ba ni mdo gdon pa'i snga rol du bya ba ste/ cho ga'o/ /mdo gdon pa ni gsol ba byas nas so sor thar pa'i mdo gdon pa rnam pa lnga po dag gdon pa de las so//de la dang por bya'i bsdus pa'i don ni rnam pa drug ste/ so sor thar ba'i mnyan pa la rna mi gtod pa'i nyes dmigs dang / mi 'du ba dgag pa dang / mchod cing lung dpog pa dang / yang dag par sgrub tu gzhug pa dang / de'i phan yon dang / yang dag par mi bsgrub pa'i nyes dmigs bstan pa'o//mdo gdon pa bsdus pa'i don yang rnam pa drug ste/ gsol ba dang / gleng gzhi gdon pa dang / pham par 'gyur ba gdon pa dang / dge 'dun lhag ma gdon pa dang / ma nges par gdon pa dang / ril gyis gdon pa'i mtshan nyid bstan pa'o zhes smos pa las dus dang por bya ba'i bsdus pa'i don rnam pa drug dang /mdo gdon pa'i don rnam pa drug las gsol ba gdon pa yan chad kyang sngar gnas skabs ji lta ba bzhin du bshad zin to/ /gleng gzhi gdon pa la sogs pa so sor thar pa'i mdo 'don pa rnam pa lnga po dag kyang sngar gnas skabs ci lta ba bzhin du go rims bstan nas/da 'dir de dag gi mjug bsdu ba bstan pa'i phyir tshe dang ldan pa dag bdag gis so sor thar pa'i mdo gdon pa'i gleng gzhi bton zin to/ /pham par 'gyur ba'i chos bzhi dang / dge 'dun lhag ma'i chos bcu gsum dang / ma nges pa'i chos gnyis dang / spang ba'i ltung byed kyi chos sum cu dang /ltung byed kyi chos dgu bcu dang / so sor bshags par bya ba'i chos bzhi dang / bslab pa'i chos mang po dang / rtsod pa zhi bar bya ba'i chos bdun bton zin to zhes bya ba gsungs te/ so sor thar pa'i mdo gdon pa rnam pa lnga ni gleng gzhi gdon pa dang /pham par gyur pa gdon pa dang / dge 'dun lhag ma gdon pa dang / ma nges par gdon pa dang / ril gyis gdon pa ste/ gleng gzhi dang / pham par 'gyur ba dang / dge 'dun lhag ma dang / ma nges pa yan chad bzhi dang / spang ba'i ltung byed man chad ril gcig tu bsdus pa dang go rims bzhin no//da ni so sor thar pa'i mdo gdon pa rnam pa lnga po de dag dge slong rnams kyis sbyor ba dang / dngos dang mjug gi sgo nas 'jig rten dang mi 'gal ba dang / 'dul ba dang mi 'gal bar mngon par mtho ba'i lam dang / nges par legs pa'i lam la nan tan bya zhing / nges par 'byung ba'i tshul khrims kyi rgyu dang 'bras bu la nye bar sbyar ba bstan pa'i phyir/bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i mdor gtogs shing mdor bsdus pa de ni 'di dag go/ /gang gzhan nas 'byung ba'i chos kyi rjes su mthun pa'i chos de la yang khyed rnams 'dum pa dang /mthun pa dang / dga' ba dang / mi rtsod par sems kun du bsrung ba dang / dran pa dang / bag yod pas rnal 'byor du bya'o zhes bya ba gsungs so/ /de la bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i zhes bya bas ni ston pa'i che ba nyid bstan te/bcom ldan 'das zhes bya ba ni bdud bzhi bcom pa dang / legs pa drug dang ldan pa'i phyir ro/ /de bzhin gshegs pa zhes bya ba ni yang dag pa ji lta ba bzhin du rtogs pa dang gsungs pa'i phyir ro/ /dgra bcom pa zhes bya ba ni nyon mongs pa'i dgra rnams bcom pa dang / mchod par 'os pa'i phyir ro/ /yang dag par rdzogs pa'i sangs rgyas zhes bya ba ni shes bya thams cad ci snyed yod pa nyid dang ji lta ba bzhin du yod pa nyid yang dag pa'i ye shes kyis ma lus pa dang / phyin ci ma log par thugs su chud pas gnyid sangs pa dang pad+ma rgyas pa bzhin du gyur pa'i phyir ro/ / de'i zhes bya bas ni so sor thar pa'i mdo 'di ni ston pa yin no zhes bya bar sbyar te/ des ni sangs rgyas 'dul ba'i gtso/ /zhes bya ba dang / sangs rgyas 'dul ba gang chen mtsho/ /zhes gsungs pa'i don mtshon cing ston pa dang bstan pa'i che ba nyid kyang bstan to/ /mdor gtogs shing mdor bsdus pa ni 'di dag go zhes bya bas ni bstan pa'i che ba nyid bstan te/mdor gtogs shing zhes bya ba ni 'dul ba'i sde snod spyi'i mdor gtogs pa'o/ /mdor bsdus pa zhes bya ba ni so sor thar pa'i mdor bsdus pa'o/ /'di dag go zhes bya ba ni so sor thar pa'i mdor bsdus pa ltung ba sde lnga po dag ste/ ltung ba sde lnga ni pham par 'gyur ba dang /dge 'dun lhag ma dang / ltung byed dang / so sor bshags par bya ba dang / bslab pa'i chos mang po dag go/ /gang gzhan nas 'byung ba zhes bya ba ni sde snod gsum gyi gzhung gzhan nas 'byung ba gang yin pa'o/ /chos kyi rjes su mthun pa'i chos de dag la yang zhes bya ba ni mya ngan las 'das pa'i chos kyi rjes su mthun pa'i chos mya ngan las 'das pa thob pa'i thabs su gyur pa nges par 'byung ba'i tshul khrims dang /sems dang shes rab de la yang ngo / /khyed rnams zhes bya ba ni dge slong rnams so/ /'dum pa dang zhes bya ba ni sbyor ba'i sgo nas so/ /mthun pa dang zhes bya ba ni dngos gzhi'i sgo nas so//dga' ba dang zhes bya ba ni mjug gi sgo nas so/ /mi rtsod par sems kun du bsrung ba dang zhes bya ba ni 'jig rten pa dang mi 'gal bar mngon par mtho ba'i lam la nan tan bya zhing / nges par 'byung ba'i tshul khrims kyi rgyu las nye bar sbyar ba bstan to/ /dran pa dang bag yod pas rnal 'byor du bya'o zhes bya bas ni 'dul ba dang mi 'gal bar nges pa'i legs pa'i lam la nan tan bya zhing /nges par 'byung ba'i tshul khrims kyi 'bras bu la nye bar sbyar ba bstan to/ /gzhung rgyas pa'i mtshan nyid rnam par 'byed pa dang / zhu ba dang 'dul byed dang / phran tshegs kyi skabs bshad zin to// //so sor thar pa'i mdo rgya cher 'grel ba 'dul ba kun las btus pa/ bam po lnga bcu pa ste tha ma'o/ /de ltar re zhig gzhung rgyas pa'i mtshan nyid bstan pa'i skabs kyi ltung ba rnam par gzhag pa rnam par 'byed pa dang / zhu ba dang / 'dul byed dang / phran tshegs kyi skabs ci rigs par bstan nas/da ni 'dul ba spyir bstan pa dang / mdor bsdus pa'i skabs kyi ltung ba rnam par gzhag pa bshad par bya ste/ de la spyir bstan pa ni phal cher rnam par 'byed pa'i skabs yin pas de je bshad par bya'o/ /de'i phyir nyams pa dang / ma chags pa gnyis ltung ba la sbyor ba ni nyes byas so zhes bya ba la sogs pa smras te/nyams pa zhes bya ba ni pham par gyur ba ste/ dge slong gi dngos po yongs su dag pa las phyir bcos su mi rung ba nyid kyis nyams pa yin no/ /ma chags pa zhes bya ba ni sdom pa ma thob pa ste/ rkyen 'ga' zhig ma tshang bas dang po nyid nas dge tshul dang dge slong gi sdom pa gnyis ma chags pa yin no//nyams pa dang ma chags pa'i gang zag de gnyis ni ltung ba sde lnga la sogs pa'i ltung ba la sbyor zhing ltung ba kun nas slong bar byed pa kun du spyod pas lhag par spyod cing sbyor bar byed na thams cad du nyes byas su 'gyur ro/ /bsnyen par ma rdzogs shing rab tu byung bas blangs pa las 'das pa yang ngo zhes bya ba ni bsnyen par ma rdzogs shing rab tu byung bas bslab pa blangs pa las 'das pa yang nyes byas te/bsnyen par ma rdzogs shing rab tu byung ba zhes bya ba ni/ dge tshul dang / dge tshul ma dang / dge slong ma'o/ /de dag gis bslab pa blangs pa zhes bya ba ni dge tshul dang /dge tshul mas srog gcod pa spong ba la sogs pa bslab pa'i gzhi bcu blangs pa dang / dge slong mas chos drug dang / rjes su mthun pa'i chos drug gi bslab pa blangs pa'o/ /de dag gis bslab pa blangs pa de dag las 'das shing dral na yang nyes byas kho na'o//de'i phyogs dang mthun pa la ni yid kyi'o zhes pa ni/ bsnyen par ma rdzogs shing rab tu byung bas bslab pa blangs pa de'i phyogs dang mthun pa las 'das pa la ni yid kyi nyes byas te/ de'i phyogs dang mthun pa zhes bya ba ni bsnyen par ma rdzogs shing rab tu byung ba dang / dge tshul dang / dge tshul ma dang /dge slong mas bslab pa'i gzhi blangs pa srog gcod pa spong ba la sogs pa bcu dang / chos drug dang / rjes su mthun pa'i chos drug po dag nyid ma yin pa de dag dang 'dra zhing de dag gi phyogs bstan pa la ni de dag gi phyogs dang mthun pa zhes bya'o/ /de dag las 'das shing 'gal bar byas pa la ni yid kyi nyes byas su 'gyur te/bsdam par bya ba'i nyes byas yin gyi bshags par bya ba'i nyes byas ni ma yin no zhes bya ba'i tha tshig go/ /de'i phyogs dang mthun pa bstan pa'i phyir spyir bstan pa'i bar sdom la/ dbyar gnas gcig tu gnas pa dang / /gso sbyong dgag dbyer bcas pa dang //de la sogs pa de yi ni/ /blangs pa'i phyogs dang mthun pa yin/ /rtags dang slong dang snod dang ni/ /longs spyod 'phyar g.yeng 'dod pa dang / /gnod pa dang ni gnas pa dang / /ma gus mi sbyong gzhi las byung / /zhes bya ba gsungs so/ /bsnyen par ma rdzogs shing rab tu byung ba de'i bslab pa'i gzhi yang dag par blangs pa'i phyogs dang mthun pa ni 'di lta ste dbyar gnas gcig tu gnas par khas blang ba dang /gso sbyong bya ba dang / dgag dbye bya ba dang / de dag la sogs pa dag ste/ sogs pa'i sgras ni/ rtags dang slong dang snod dang ni/ /zhes bya ba la sogs pa bzhi bcu po dag las byung ba bsdam par bya ba'i nyes byas kyi phyogs su gtogs pa gang dag yin pa de dag bsdus te/bzhi bcu po dag las byung ba gang zhe na/ rtags kyi gzhi las byung ba dang / slong ba'i gzhi las byung ba dang / snod kyi gzhi las byung ba dang / longs spyod kyi gzhi las byung ba dang /'phyar g.yeng gi gzhi las byung ba dang / 'dod pa'i gzhi las byung ba dang / gnod pa'i gzhi las byung ba dang / gnas pa'i gzhi las byung ba dang / ma gus pa'i gzhi las byung ba dang / mi sbyong ba'i gzhi las byung ba'o/ /de la rtags kyi gzhi las byung ba zhes bya ba ni rab tu byung ba'i rtags yang dag par blangs pa'i gzhi las byung ba ste/de la mu stegs can gyi rtags 'chang ba ni ji ltar khyim pa'i rtags 'chang ba de bzhin du rab tu byung ba'i rtags yang dag par blangs pa las 'das pa yin pas/ de la ni bshags par bya ba'i nyes byas su 'gyur ro/ /rdzas rung ba ma yin pa rnga mo'i bal la sogs pa las byas pa'am/chos gos tshad las chung ba dang / che ba'i bdag nyid kyi yo byad dag 'chang bar bya ba dang / sen mo bcos pa rjes su ma gnang ba dag dang / cha lugs nyams par 'gyur ba skra chan pas 'dregs pa la sogs pa dag dang / rjes su ma gnang ba'i phyogs kyi spu 'dreg pa la sogs pa dag ni rtags blangs pa de'i phyogs dang mthun pas de la bsdam par bya ba'i nyes byas su 'gyur ro//lhung bzed kyang rung ba ma yin pa thogs shing bsod snyoms la rgyu ba dang rab tu byung ba gzhan dang / khyim pa'i rtags dang 'dra ba'i lhung bzed 'chang ba yang dag par blangs pa las 'das pa yin pas/de la ni bshags par bya ba'i nyes byas su 'gyur ro/ /zangs ma la sogs pa'i rdzas gzhan las byas pa dang / tshad las chung ba dang che ba dang / skya ba'i lhung bzed 'chang ba gang yin pa de ni rtags blangs pa de'i phyogs dang mthun pa yin pas de la ni bsdam par bya ba'i nyes byas su 'gyur ro//slong ba'i gzhi las byung ba zhes bya ba ni yo byad slong ba'i gzhi las byung ba ste/ de la gser dngul la sogs pa rin po che slong na ni gser dngul 'dzin pa spong ba'i bslab pa'i gzhi yang dag par blangs pa las 'das pa nyid yin pas/de la ni bshags par bya ba'i nyes byas su 'gyur ro/ /chos gos la sogs pa slong ba ni de'i phyogs dang mthun pa yin pas de la ni bsdam par bya ba'i nyes byas su 'gyur ro/ /snod kyi gzhi las byung ba zhes bya ba ni khab ral la sogs pa snod byed pa'i gzhi las byung ba ste/ de la rin po che las byas pa'i khab ral la sogs pa byed du 'jug pa ni gser dngul 'dzin pa spong ba'i bslab pa'i gzhi yang dag par blangs pa las 'das pa nyid yin pas de la ni bshags par bya ba'i nyes byas su 'gyur ro//ba so la sogs pa rjes su gnang ba ma yin pa'i rdzas gzhan las byas pa'i kha bar la la sogs pa byed pa ni de'i phyogs dang mthun pa yin pas de la ni bsdam par bya ba'i nyes byas su 'gyur ro//longs spyod kyi gzhi las byung ba zhes bya ba ni bza' ba dang / btung ba la sogs pa'i longs spyod pa'i gzhi las byung ba ste/ de la dus ma yin par za ba dang 'bru'i chang dang bcos pa'i chang myos par 'gyur ba bag med pa'i gnas 'thung ba de dag spong ba'i bslab pa'i gzhi yang dag par blangs pa las 'das pa nyid yin pas de la ni bshags par bya ba'i nyes byas su 'gyur ro//sgog skya la sogs pa za ba ni de'i phyogs dang mthun pa yin pas de la ni bsdam par bya ba'i nyes byas su 'gyur ro//'phyar g.yeng gi gzhi las byung ba zhes bya ba ni gnas mal dang glu gar la sogs pa'i 'phyar g.yeng gi gzhi las byung ba ste/ de la mal stan chen po dang mal stan mthon po dang / glu gar dang / rol mo'i sgra dang / kha dog dang / spos dang / byug pa thogs pa la sogs pa ni de spong ba'i bslab pa'i gzhi yang dag par blangs pa las 'das pa nyid yin pas de la ni bshags par bya ba'i nyes byas su 'gyur ro//'khru ba dang rkyal ba dang chu la rtse ba la sogs pa dang / rgyags pa dang longs spyod pa dang / rgod pa la sogs pa ni de'i phyogs dang mthun pa yin pa de la ni bsdam par bya ba'i nyes byas su 'gyur ro//'dod pa'i gzhi las byung ba zhes bya ba ni 'dod pa'i yon tan gyi gzhi las byung ba ste/ de la mi tshangs par spyod pa ni/ de spong ba'i bslab pa'i gzhi yang dag par blangs pa las 'das pa yin pas de la ni bshags par bya ba'i nyes byas kyi dngos gzhir 'gyur ro/ /bsams bzhin du khu ba 'byin pa la sogs pa ni de'i phyogs dang mthun pa yin pas de la ni bsdam par bya ba'i nyes byas su 'gyur ro//khang pa dang khang chen rtsig pa yang 'dod pa'i gzhi las byung ba yin te/ 'di ltar khyim byed pa ni khyim nas rab tu byung ba yang dag par blangs pa las 'das pa yin pas de la bshags par bya ba'i nyes byas su 'gyur ba yang yod la/kha cig de'i phyogs dang mthun pa yin pas de la ni bsdam par bya ba'i nyes byas su 'gyur ba yang yod do/ /gnod pa'i gzhi las byung ba zhes bya ba ni dge 'dun gyi dbyen byed pa dang / de'i rjes su phyogs pa dang / khyim sun 'byin pa las gyur pa ste/ de la dge 'dun spong ba dang /chos la 'gal ba dang / sangs rgyas kyi bka' las 'da' ba yod pas dkon mchog gsum spong ba ni mya ngan las 'das pa'i bsam pas gsum la skyabs su 'gro ba'i rgyus rab tu 'byung ba dang dge tshul dang / dge slong ma'i sdom pa yang dag par blangs pa thams cad las 'das pa nyid yin pas de la ni bshags par bya ba'i nyes byas su 'gyur ro//gzhi de las skur ba 'debs pa dang / tshig rtsub mo smra ba la sogs pa ni de'i phyogs dang mthun pa yin pas de la ni bsdam par bya ba'i nyes byas su 'gyur ro/ /gnas pa'i gzhi las byung ba zhes bya ba ni dge 'dun gyis spangs pa'i gang zag bsnyil ba la sogs pa dang lhan cig gnas pa ste/de la mtshan mi mthun pa dang lhan cig nyal ba'i bdag nyid kyis gnas pa ni tshangs par spyod pa spong ba'i bslab pa'i gzhi yang dag par blangs pa las 'das pa nyid yin pas de la ni bshags par bya ba'i nyes byas su 'gyur ro//bsnyen par ma rdzogs pa khyim pa dang mu stegs can dang lhan cig gnas pa dang / rab tu byung ba 'di la bsnyil ba la sogs pa dang / lhan cig gnas pa dang 'dod chags dang bral ba'i mi mthun pa'i phyogs su gyur pa sdom pa thams cad 'jig pa'i phyogs dang mthun pa yin pas de la ni bsdam par bya ba'i nyes byas su 'gyur ro//ma gus pa'i gzhi las byung ba zhes bya ba ni sangs rgyas dang chos dang dge 'dun la ma gus pa las gyur pa ste/ de la dkon mchog gsum la ma gus pa ni gsum la skyabs su song bas sdom pa yang ma yin/ sdom pa ma yin pa yang ma yin pa'i ngo bo nyid kyis rab tu byung ba dang /dge tshul dang / dge slong ma'i sdom pa yang dag par blangs pa las 'das pa nyid yin pas de la ni bshags par bya ba'i nyes byas su 'gyur ro/ /mkhan po dang slob dpon rnams dang / tshangs pa mtshungs par spyod pa gzhan la ma gus pa la sogs pa ni sdom pa thams cad 'jig pa'i phyogs dang mthun pa yin pas de la ni bsdam par bya ba'i nyes byas su 'gyur ro//mi sbyong ba'i gzhi las byung ba zhes bya ba ni gso sbyong dang dgag dbye mi byed pa dang mi gnas par 'dug pa la sogs pas bdag nyid kyi tshul khrims rnam par dag par mi byed pa ste/ de la gzhi des bslab pa'i gzhi yang dag par blangs pa 'dral bar byed pa ni bslab pa'i gzhi yang dag par blangs pa las 'das pa nyid yin pas de la ni bshags par bya ba'i nyes byas su 'gyur ro//gso sbyong la sogs pa la g.yel ba ni bslab pa'i sdom pa thams cad 'jig pa'i phyogs dang mthun pa yin pas de la ni bsdam par bya ba'i nyes byas su 'gyur ro//de ltar de dag ni bsnyen par ma rdzogs shing rab tu byung bas bslab pa blangs pa de'i phyogs dang mthun pa las 'das na yid kyi nyes byas su 'gyur ba dag yin no/ /bslab pa byin pa ni 'dra ba nyid do zhes bya ba ni bslab pa byin pa ni ltung ba la sbyor ba dge slong dang 'dra ba nyid de/ji ltar dge slong mi tshangs par spyod pa la sogs pa la sbyor ba la pham par 'gyur ba la sogs pa'i ltung ba 'byung ba de bzhin du bslab pa byin pa la yang de bzhin no/ /ji ltar dge slong gis dge slong la rdeg pa dang gzas pa dang 'gyod pa skyed pa dang / skrod pa la sogs pa byed pa la ltung byed du 'gyur ba de bzhin du dge slong gis bslab pa byin pa la de dag byas na yang dge slong la ltung byed du 'gyur ro//bslab pa byin pa mo dang dge slong ma yang de bzhin du phan tshun 'dra ba nyid du rig par bya'o/ /bsnyen par ma rdzogs pa dang ldan pa nyid kyang zhes bya ba ni bslab pa byin pa dge slong gzhan gyi yul la ni bsnyen par ma rdzogs pa dang 'dra ba nyid de/bslab pa byin pa de dge slong gzhan gyi yul la ni bsnyen par ma rdzogs pa dang 'dra ba nyid yin la/ rang gi yul la ni bsnyen par rdzogs pa nyid yin te/ des na bslab pa byin pa de dge slong gi yul la des byin len bstabs na yang byin len du rung la/ des reg na yang byin len 'jig pa dang /de la phra ma byas na yang dge slong la phra ma byas pa'i ltung byed du mi 'gyur ba dang / de dang lhan cig nyal na yang zhag gsum 'das na ltung byed du 'gyur ba dang / de la dge slong gis gnas ngan len brjod pa dang / mi'i chos bla ma brjod na yang ltung byed du 'gyur ba dang / de dang tshig mthun pa dang tshig lhag par zlos pa las kyang ltung byed du 'gyur te/de dag la sogs pa ji ltar bsnyen par ma rdzogs pa'i gang zag gi dbang gis dge slong gi yul la kha na ma tho ba gang dag 'byung bar 'gyur ba de dag bslab pa byin pa'i gang zag gi dbang gis kyang dge slong gi yul la 'byung bar 'gyur ro//de la ni ma yin no zhes bya ba ni bslab pa byin pa de la bslab pa byin pa gzhan ni bsnyen par ma rdzogs pa dang 'dra ba nyid ma yin te/ rang bzhin 'dra ba'i phyir ro/ /de ltar yang 'dir gzhung ni btsun pa re zhig bslab pa byin pa la rgyu dus sog 'jog bgyis par 'gyur/ nye ba 'khor bzhi ste/ bzhi gang zhe na/bdag nyid kyis sog 'jog byas pa dang / bslab pa byin pas sog 'jog byas pa dang / dge slong gis sog 'jog byas pa dang / dge slong gi dge 'dun gyis sog 'jog byas pa'o zhes gsungs pa yin no/ /bslab pa byin pa mo la yang de bzhin no/ /dge slob ma la yang ngo zhes bya ba ni bslab pa byin pa de dge slob ma la yang bsnyen par ma rdzogs pa dang 'dra ba nyid ma yin te/de lta bas na dge slob ma'i yul la ni bslab pa byin pa mo bsnyen par ma rdzogs pa dang ldan pa ma yin no/ /'dir gzhung ni btsun pa re zhig dge slong ma la rgyu dus sog 'jog bgyis par 'gyur/nye ba 'khor lnga ste/ lnga gang zhe na/ bdag nyid kyis sog 'jog byas pa dang / dge slong mas sog 'jog byas pa dang / bslab pa byin pa mos sog 'jog byas pa dang / dge slong mas sog 'jog byas pa dang / dge slong ma'i dge 'dun gyis sog 'jog byas pa'o zhes gsungs pa yin no//'gro ba gzhan gyi rnam pa bstan pa na dge slong gi 'du shes yod pa la'o zhes bya ba ni dge slong 'gro ba gzhan gyi rnam pa bstan pa na dge slong gi 'du shes yod na ni ltung ba la sbyor bar 'dra ba nyid de/ dge slong gsang sngags dang sman la sogs pa'i dbang gis dud 'gro la sogs pa 'gro ba gzhan gyi gzugs su gyur nas gzugs des mi tshangs par spyod pa la sogs pa bya ba ma yin pa byed pa na de byed pa'i tshe gal te bdag nyid dge slong yin pa'i 'du shes yod par gyur na de'i tshe dge slong de ltung ba la sbyor ba ni dge slong gzhan dang 'dra ba nyid yin te/ji ltar dge slong gzhan dag ltung ba dang sbyor ba la gzhi ji lta ba las kha na ma tho bar 'gyur ba de bzhin du de la 'gyur ro//med na ni na smad pa nyid do zhes bya ba ni dge slong gi 'du shes med na ni na smad pa nyid de/ de'i tshe ltung ba 'byin pa de la bdag nyid dge slong yin pa'i phyir 'du shes med cing brjed par gyur pa nyid yin na ni ltung ba la sbyor ba de tshig 'og mar na smad pa nyid do/ /de yang sbyor ba tsam kho na la na smad pa'i kha na ma tho ba 'dir 'gyur gyi dngos gzhi nyid du ni mi 'gyur te/smyos pa dang / sems 'khrugs pa dang / tshor ba dag gis nyen pa la sogs pa rang bzhin nyams pa la ltung ba med pa'i phyir ro/ /'dir dge slong la ji lta ba bzhin du dge slong ma dang / dge slong ma dang / bslab pa byin pa dang /dge tshul dag la yang de bzhin du ci rigs par sbyar ro/ /tshig snga mar sbyor ba las yang ngo zhes bya ba ni tshig snga mar sbyor ba byas pa la yang sbyor ba nyid na smad pa nyid de/ khyim pa'am dge tshul lam dge slob ma nyid ces bya ba'i tshig snga ma dag tu sbyor ba'i kha na ma tho ba byas pa'i sbyor ba des phyis dge tshul lam/dge slob ma'am/ dge slong nyid ces bya ba'i tshig phyi ma dag tu dngos gzhi'i kha na ma tho ba 'grub par 'gyur ba'i tshig snga mar byas pa de ni na smad pa nyid de/ sbyor ba'i sbom po la nyes byas la nyes byas phra mor 'gyur ba lta bu'o/ /de'i dngos gzhi tshig phyi mar grub pa nyid la ni na smad pa med de gzhi ji lta ba bzhin no//phyi ma la yang de dang ldan pa nyid yin no zhes bya ba ni tshig phyi mar sbyor ba byas pa la yang na smad pa nyid de/ tshig phyi ma zhes bya ba ni khyim pa dang / dge tshul dang / dge slob ma dag gis tshig phyi ma ste bsnyen par rdzogs pa nyid do/ /des na bsnyen par rdzogs pa nyid ces bya ba'i tshig tu sbyor ba byas pa gang yin pa de tsam gyi dbang gis de'i 'og tu bslab pa phul lam babs nas dge slong ma nyid dam/dge tshul nyid dam/ khyim pa nyid kyi tshig dag tu dngos gzhi'i gnas skabs su ni bsnyen par ma rdzogs pa gnyis la ni nyes byas so/ /khyim pa la ni ltung ba med do/ / bsnyen par rdzogs pa'i sbyor bar gyur pa ni sbom po'o/ /lhag ma rnams kyi sbyor bar gyur pa la ni bsnyen par ma rdzogs pa gnyis kyi ni nyes byas so/ /khyim pa la ni ltung ba med do/ /rdzas bkag pa bas bzang po la yang de dang ldan pa nyid yin no zhes bya ba ni rdzas rin chung ngu la sogs pa las stan byed pa bkag pa'i rdzas de bas bzang po rin che ba la sogs pa las stan byed pa la yang bkag pa de dang ldan pa nyid yin no zhes bya ba'i tha tshig go//'di lta ste/ dper na lug bal nag po 'ba' zhig dang rdzas rin chung ngu dag las byed pa bkag ste/ de dag las stan byed na spang ba'i ltung byed du 'gyur ba bzhin du srin bal dang rdzas rin po che las stan byed pa yang bkag ste/de dag las stan byed na yang spang ba'i ltung byed kho nar 'gyur ba lta bu'o/ /des na ltung ba'i phyir rdzas bzang po yang rdzas ngan pa dang 'dra bas bzang po dang mi tshangs par spyad pa yang ngan pa spyad pa dang 'dra la/ bzang po brkus pa yang ngan pa brkus pa dang 'dra/ bzang po bsad pa yang ngan pa bsad pa dang 'dra/brdzun bzang po smras pa yang ngan pa smras pa dang 'dra bar ltung bar 'gyur ba la sogs pa'i tshul du rig par bya'o/ /'dra ba la yang ngo zhes bya ba ni rdzas 'dra ba la yang bkag pa 'dra ba nyid de/ dper na srin bal la sogs pa'i rdzas rin po che bkag pa de dang 'dra bar mon dar la sogs pa'i rdzas rin po che yang bkag ste/gnyi ga spang bar 'gyur ba lta bu'o/ /des na ltung ba'i rdzas gcig bkag pas de dang 'dra ba gzhan yang bkag pa'i phyir ltung ba sde lnga la sogs pa bslab pa'i gzhi thams cad la rdzas 'dra ba gcig bkag pas 'dra ba gzhan yang bkag par shes par bya zhing 'dra ba gcig las 'das pa la ltung ba gang byung ba bzhin du 'dra ba gzhan las 'das pa la ltung ba de nyid du 'byung bar rig par bya'o//mtshan gyur pa ni de'i zhing nyid yin no zhes bya ba ni pho mo'i mtshan ma gyur pa'i gnas skabs su ltung ba gang yang rung ba'i sbyor ba byed bzhin pa las mtshan gyur na mtshan gyur pa phyi ma de la mtshan ma gyur pa snga ma'i gnas skabs su sbyor ba gang brtsams pa de'i dngos gzhi yang 'byung bar 'gyur ste/re zhig 'dis ni mtshan gyur pa de sbyor ba dang dngos gzhi'i ltung ba gnyi ga'i zhing nyid yin no zhes spyir bstan to/ /na smad pa'i don gyi sbyor ba gang yin pa nyid las so zhes bya ba ni mtshan gyur pa de ltung ba na smad pa'i don gyi sbyor ba gang yin pa nyid las zhing yin te/'dis ni mtshan gyur pa de sbyor ba'i ltung ba'i zhing nyid yin par ston to/ /de yang lhag pa'i don gyi sbyor ba las mtshan mar gyur pa la ni ltung ba na smad pa 'byung bar 'gyur gyi/ na smad pa'i don gyi sbyor ba las mtshan gyur pa la ni lhag pa 'byung bar mi 'gyur bas 'dir yang na smad pa'i don gyi sbyor ba gang yin pa nyid las mtshan gyur pa la yang dngos gzhi yang na smad pa nyid 'byung gi lhag pa mi 'byung bar bstan no//dper na dge slong gnyis khri gcig la reg pa dang bcas bzhin du skya rengs ma shar ba'i mdun rol du nyal ba nyes byas kyi sbyor ba yin pa de las de gnyis dge slong mar gyur te/skya rengs shar na yang nyes byas kho nar zas kyi ltung byed du ni mi 'gyur ba la sogs pa lta bu'o/ /byas pa ni de nyid yin no zhes bya ba ni mtshan ma gyur pa na kha na ma tho ba byas pa ni mtshan gyur pa na yang de nyid yin te/ 'dis ni mtshan ma gyur pa de dngos gzhi'i ltung ba'i zhing nyid yin par ston to//pho mo'i mtshan ma gyur pa'i gnas skabs su kha na ma tho ba gang byas pa de ni phyis mtshan gyur na yang kha na ma tho ba de nyid de/ dper na dge slong ma reg pa'i pham par 'gyur ba gang yin pa de nyid byed bzhin du de mtshan gyur cing dge slong du gyur pa na reg pa de dge slong de la lus kyis reg pa'i dge 'dun lhag mar gtogs pa'i sbom por 'gyur te/'di ltar dge slong skyes pa dang lhan cig lus kyis reg pa'i ro nyams su myong bar byed pa yang lus kyis reg pa'i lhag ma'i sbom por gsungs pa'i phyir ro/ /dge slong ma reg pa'i pham par 'gyur ba'i sbyor ba byed bzhin du de mtshan gyur cing dge slong du gyur na sbyor ba de dge slong de la lus kyis reg pa'i dge 'dun lhag mar gtogs pa'i nyes byas su 'gyur ste/'di ltar sbom por 'gyur ba'i sbyor ba nyes byas yin pa'i phyir ro/ /dge slong ma lus bkan pa'i pham par 'gyur ba gang yin pa de nyid byed bzhin du de mtshan gyur cing dge slong du gyur na lus bkan pa dge slong de la mi tshangs par spyod par gtogs pa'i sbom por 'gyur ro//'di ltar dge slong gis skyes pa'i phyir lus bkan pa mi tshangs par spyod pa'i pham par gtogs pa'i sbom por gsungs pa'i phyir ro/ /dge slong ma 'chab pa'i pham par 'gyur ba de gang yin pa de nyid byed bzhin du de mtshan gyur cing /dge slong du gyur na 'chab pa de dge slong de la gnas ngan lan 'chab pa'i ltung byed du gtogs pa'i nyes byas su 'gyur te/ 'di ltar dge slong gnas ngan len bcabs na ltung byed du 'gyur la/ dge slong ma'i gnas ngan len bcabs na nyes byas su 'gyur bas de mtshan gyur pa'i tshe na gang gis gnas ngan len bcabs pa'i dge slong ma de dang mtshan mi mthun pas de nyes byas su gsungs pa'i phyir ro//dge slong ma bzlog pa'i pham par 'gyur ba gang yin pa de nyid byed bzhin du de mtshan gyur cing dge slong du gyur na bzlog pa de dge slong de la spangs pa'i rjes su phyogs pa'i ltung byed du 'gyur ro/ /dge slong spangs pa'i rjes su phyogs pa'i ltung byed gang yin pa de nyid 'byin bzhin du de mtshan gyur cing dge slong mar gyur na spangs pa'i rjes su phyogs pa de dge slong ma de la bzlog pa'i pham par 'gyur ba'i sbom por 'gyur ba la sogs pa lta bu'o//na smad pa ni rang gi nyid do zhes bya ba ni mtshan gyur nan smad pa ni rang gi nyid do/ /'dis ni snga ma ni dmigs kyis bsal ba ston te/mtshan ma gyur pa'i gnas skabs su na smad pa'i kha na ma tho ba gang byed bzhin du de mtshan gyur na smad pa rang gi kha na ma tho ba nyid du 'gyur gyi lhag par ni mi 'gyur te/ dper na dge slong ma khu ba 'byin pa'i ltung byed byed bzhin du de mtshan gyur te dge slong du gyur na khu ba 'byin pa de dge slong de la yang ltung byed kho nar 'gyur gyi/dge 'dun lhag ma nyid du mi 'gyur ba la sogs pa lta bu'o/ /kha cig ni mnyan pa kho na yang yod de/ dper na srog gcod pa la sogs pa lta bu'o/ /lan 'ga' ni dngos gzhi'i ltung ba byung zhing lhag par spyod pa las 'das pa na rang ltung ba nyid du 'gyur te na smad pa nyid du mi 'gyur te/dper na ltung ba thun mong gi mtshan nyid dag lta bu'o/ /zhag bcur ma lon pa ni cha nyid do zhes bya ba ni mtshan gyur na zhag bcur ma lon pa ni cha nyid de/ dge slong gis lhung bzed lhag ma zhag bcu las 'das par bcang na spong bar 'gyur la/ dge slong mas ni zhag gcig las 'das par bcad na spong bar 'gyur ba de la gal te dge slong gis lhung bzed lhag pa zhag bcur ma lon par zhag dgu tshun chad du bcangs pa las gnas skabs des mtshan gyur te dge slong mar gyur na zhag dgu po de dag ni dge slong ma'i lhung bzed thog ma rnyed pa'i nyi ma dang po nyid kyi cha yin zhing de'i khongs su gtogs pa nyid yin pas zhag dgu thal bas de dag gis spong bar mi 'gyur ro//zhag bcu lon na ni 'chang ba'i dus rdzogs pa yin no/ /'di ni lhung bzed 'chang ba'i yul la dge slong dang dge slong ma'i cho ga tha dad pa'i dbang du bya ba yin gyi gos la sogs pa'i phyir ni ma yin no/ /zhing ma yin pa nyid la ni nyams so zhes bya ba ni mtshan gyur pa zhing ma yin pa nyid ni byas pa nyams te/mtshan gyur na sngar mtshan ma gyur pa'i gnas skabs su kha na ma tho ba thun mong ma yin pa gang byas pa de'i zhing ma yin pas/ phyis mtshan gyur pa'i lus kha na ma tho ba thun mong ma yin pa'i zhing ma yin pa nyid la ni sngar mtshan ma gyur pa'i gnas skabs su ltung ba thun mong ma yin pa byas pa ste nyams shing zhig pa dang med pa nyid yin pas ltung bde bshags mi dgos te dper na ltung ba thun mong ma yin pa sngar gnang ba ma thob par 'khor nye bar 'jog pa'i ltung byed dang /sham thabs rked pa snang bar bgo bar mi bya'o zhes bya ba'i bslab pa la sogs pa las 'das pa'i dge slong ma mtshan gyur te/dge slong du gyur pa'i lus ltung ba thun mong ma yin pa de dag gi zhing ma yin pa nyid la ltung ba de dag med pa la sogs pa lta bu'o/ /de la nyes pa bcabs pa'ang ma yin pa ma yin no zhes bya ba ni mtshan gyur na de la nyes pa bcabs pa yang ma nyams pa ma yin gyi nyes pa bcabs pa yang nyams pa nyid de/des na dge slong gi dge 'dun lhag ma bcabs nas mtshan gyur te/ dge slong ma nyid du 'gyur na des spo ba'i las nyid spyad par bya mi dgos te/ mtshan ma gyur pa nyid la 'chab pa'i nyes pa srid pa'i phyir ro/ /mgu bar spyad pa ni don med pa nyid yin no zhes bya ba ni mtshan gyur na mgu bar spyad pa ni don med pa nyid yin te/mtshan gyur na sngar mtshan ma gyur pa'i gnas skabs su nyes pa las byung ba'i phyir mgu ba spyad par zhag drug gam zla ba phyed ril gyis spyad kyang rung de las shas kyis spyad kyang rung ste/ sngar mgu ba spyad pa de phyis mtshan gyur pa'i gnas skabs na don med pa nyid yin te/gdod gzhi nas mgu ba spyad dgos so/ /'di la cho ga rnams gyur to zhes bya ba ni mtshan gyur pa 'di la gang gi phyir cho ga spyad pa rnams gyur pa de'i phyir mgu ba spyad pa don med pa nyid ces bya ba la sogs pa de dag rnam par bshad do/ /de'i tshe lus byed pa po nyid yin no zhes bya ba ni mtshan gyur tam gnas skabs 'phos na de'i tshe lus ltung ba'i byed pa po nyid yin te/gang gi tshe gsad par bya ba la sogs pa yul gang las ltung bar 'byung bar 'gyur ba'i yul gyi lus gang yin pa de dang ltung ba 'byin par byed pa'i rgyud kyis lus kyi dngos po mtshan gyur te/ pho'am mo'i lus su gnas pa'i lus de nyid ltung ba de'i byed pa po nyid yin te/yul gang las ltung ba 'byung ba'i lus dang rgyud gang la ltung ba 'byung ba'i lus de gnyis gnas skabs gyur pa na gang gi gnas skabs su gnas pa'i lus de nyid yul dang rgyud kyis ltung ba gang yin pa de'i byed pa po nyid yin par rnam par bzhag ste dper na gsad par bya ba dgra bcom pa nyid ma yin pa'i gnas skabs su ltung ba 'byin par byed pas gsad pa'i sbyor ba brtsams nas gsad par bya ba des dgra bcom pa nyid thob pa'i gnas skabs su ltung ba 'byin par byed pa des dgra bcom pa gsod par byed pa na de'i tshe dgra bcom pa'i lus de ltung ba 'byin par byed pa'i rgyud la srog gcod pa'i ltung ba dang mtshams med pa'i las gnyis ka 'byung ba'i byed pa po nyid yin pa lta bu dang /gsad par bya ba dgra bcom pa nyid ma yin pa'i gnas skabs la ltung ba 'byin par byed pas gsad pa'i sbyor ba brtsams nas 'gyod pa drag po skyed pa la sogs pa sbyor ba de las phyir log nas de'i 'og tu gsad par bya ba des dgra bcom pa nyid thob nas gsad pa'i sbyor ba snga ma de nyid kyis de'i tshe dgra bcom pa de shi bar gyur nas de'i che dgra bcom pa gsod pa de ltung ba 'byin par byed pa'i rgyud la srog gcod pa 'ba' zhig gis byed pa po nyid yin gyi mtshams med pa'i las kyi byed pa po nyid ma yin pa lta bu dang /de bzhin du dge slong gis skyes pa'i lus la reg pa'i sbyor ba brtsams pa na skyes pa de mtshan gyur te bud med du gyur na bud med kyi lus la reg pa de ni ltung ba 'byin par byed pa de'i rgyud la bud med kyi lus la reg pa las dge 'dun lhag ma'i ltung ba gang byung ba de'i byed pa po nyid yin gyi sbom po'i byed pa po nyid ma yin pa lta bu dang /de bzhin du dge slong gis bud med kyi lus la reg pa'i sbyor ba brtsams pa bud med de mtshan gyur te skyes par gyur na skyes pa'i lus la reg pa de ni ltung ba 'byin par byed pa de'i rgyud la skyes pa'i lus la reg pa las sbom po'i ltung ba gang 'byung ba de'i byed pa po nyid yin gyi dge 'dun lhag ma'i byed pa po nyid ma yin pa lta bu dang /de bzhin du dge slong du gyur pas bud med kyi lus la reg pa'i phyir sbyor ba brtsams nas dge slong de mtshan gyur te dge slong mar gyur na bud med kyi lus la reg pa de dge slong ma de'i rgyud la bud med kyi lus la reg pa las gyur pa'i pham par 'gyur ba'i sbom po zhes bya ba gang 'byung ba de'i byed pa po nyid yin gyi reg pa'i dge 'dun lhag ma'i byed pa po nyid ma yin pa lta bu dang /de bzhin du dge slong mar gyur pas skyes pa'i lus la reg pa'i phyir sbyor ba brtsams nas dge slong ma de mtshan gyur te dge slong du gyur na skyes pa'i lus la reg pa dge slong de'i rgyud la skyes pa'i lus la reg pa las gyur pa'i lhag ma sbom po zhes bya ba gang 'byung ba de'i byed pa po nyid yin gyi/reg pa'i pham par 'gyur ba'i byed pa po nyid ma yin pa lta bu dang / de bzhin du dge slong brdeg pa'i phyir sbyor ba brtsams nas dge slong de mtshan gyur te dge slong mar gyur pa la rdeg par byed na dge slong ma'i lus de ltung ba 'byin par byed pa de'i rgyud la nyes byas kyi byed pa po nyid yin pa la sogs pa lta bu'o//gzhan las skyes pa ni rang gi 'gro ba nyid ma yin pa ma yin no zhes bya ba ni 'gro ba gzhan las skyes pa ni rang gi 'gro ba nyid yin te/ mi'i dud 'gro'i 'gro ba'am mi ma yin pa'i 'gro ba gzhan las skyes pa'am mi ma yin pa dud 'gro'i 'gro ba gzhan las skyes pa'am/dud 'gro mi'i 'gro ba'am/ mi ma yin pa'i 'gro ba gzhan las skyes pa ni rang nyid 'gro ba gar gtogs pa'i rang gi 'gro ba nyid yin te/ dper na mi ma yin pa mi'i mngal nas skyes pa'i mi'i rgyud du dbang ba'i rdzas la der 'du shes pas brkus na mi nyid las brkus pa yin pas pham pa kho nar gyur pa lta bu dang de bzhin du mi ma yin pa mo'i mngal las skyes pa'am/mngal na gnas pa'i ngo bo nyid bsad pa yin na mi nyid bsad pa yin pas pham pa kho nar 'gyur ba lta bu dang / de bzhin du mi'i bud med kyi mngal nas skyes pa'am/mngal na gnas pa'i mi ma yin pa'i ngo bo nyid bsad na mi ma yin pa nyid bsad pas sbom por 'gyur ba lta bu dang / de bzhin du gang yang rung ba'i skye gnas pa'i dud 'gro'i ngo bo nyid bsad na dud 'gro nyid bsad pa yin pas ltung byed du 'gyur ba lta bu ste/ 'di ltar mi la sogs pa bu de dud 'gro la sogs pa las skyes pa yin mod kyi 'on kyang de bdag nyid 'gro ba gar skyes pa'i 'gro ba de nyid du gtogs pa yin pa'i phyir ro//'gro ba gzhan gyi rnam pa bstan pa bsad pa la yang ngo zhes bya ba ni mi 'gro ba gzhan gyi rnam pa bstan pa bsad pa yang rang gi 'gro ba nyid yin te/ 'di ni ma byin par len pa la sogs pa ltung ba'i sde thams cad la sbyar ba ma yin gyi/srog gcod pa'i skabs 'ba' zhig dang sbyar te/ dper na mig sman dang sngags la sogs pa'i dbang gis mi ma yin pa dang / dud 'gro'i 'gro ba gzhan gyi lus kyi rnam pa bstan pa bsad na mi nyid bsad pa yin pas pham pa kho nar 'gyur ba lta bu dang /de bzhin du mi ma yin pa mi dang dud 'gro'i 'gro ba gzhan gyi lus kyi rnam pa bstan pa bsad na mi ma yin pa nyid bsad pa yin pas sbom por 'gyur ba lta bu dang / de bzhin du dud 'gro mi dang mi ma yin pa'i 'gro ba gzhan gyi lus kyi rnam pa bstan pa bsad na dud 'gro nyid gsad pa yin pas ltung byed du 'gyur ba la sogs pa lta bu'o//'dir ltung ba rnam par gzhag pa ni dngos po'i dbang gis rnam par gzhag pa yin gyi 'du shes kyi dbang kho nas rnam par gzhag pa ni ma yin no/ /de lta bas na dge slong gis mi'i 'gro bar gtogs pa mi ma yin pa dang / dud 'gro'i 'gro ba rnams gzhan gyi lus kyi rnam pa bstan pa zhig bsad na mir 'du shes pas kyang rung /'gro ba gzhan du 'du shes pas kyang rung ste/ gang gsad par brnag pa der 'du shes pas bsad pa'i dus na dngos gzhi la pham pa kho nar 'gyur ro/ /sbyor ba la ni mi'i 'gro bar gtogs par 'du shes na ni sbom po'o/ / mi ma yin pa dang dud 'gro'i 'gro bar gtogs par 'du shes na ni nyes byas so/ /mi ma yin pa'i 'gro bar gtogs pa mi dang dud 'gro'i 'gro ba gzhan gyi lus kyi rnam pa bstan pa zhig gsod na mi ma yin par 'du shes pas kyang rung ba 'gro ba gzhan du 'du shes pas kyang rung ste/ bsad pa'i dus na dngos gzhi la sbom por 'gyur ro//sbyor ba la ni mi'i 'gro bar gtogs par 'du shes na ni sbom po'o/ /mi ma yin pa dang dud 'gro'i 'gro bar gtogs par 'du shes na ni nyes byas so/ /dud 'gro'i 'gro bar gtogs par mi dang mi ma yin pa'i 'gro ba gzhan gyi lus kyi rnam pa bstan pa zhig gsod na dud 'gror 'du shes pas kyang rung /'gro ba gzhan du 'du shes pas kyang rung ste/ bsad pa'i dus na dngos gzhi la ni ltung byed du 'gyur ro/ /sbyor ba la ni mi'i 'gro bar gtogs pa 'du shes na ni sbom po'o/ /mi ma yin pa dang dud 'gro'i 'gro bar gtogs par 'du shes na ni nyes byas so/ /'dir lha sbyin du 'du shes pas mchod sbyin bsad pa la pham par mi 'gyur ba lta bur gyur te/de gnyis ni rgyud tha dad pa'i phyir lha sbyin du 'du shes pas mchod sbyin gsad pa la pham par mi 'gyur bar rigs so/ /'dir ni rgyud gcig yin pa'i phyir sbyor ba la 'du shes log pa'i dbang gis ni sbyor ba'i kha na ma tho ba che chung ngu 'gyur bar zad kyi dngos gzhi la srog gcod pa'i dbang gis ni dngos po ji lta ba las kha na ma tho bar 'gyur ro//'dir khungs ni u tra ya na'i rtogs pa brjod pa dran par bya ste/ 'di ltar gtsug phud can gyi phas dgra bcom pa nyid thob par ma shes su zin kyang phas bu la khyod kyis mtshams med pa gnyis byas te/pha bsad pa'i phyir dang dgra bcom pa bsad pa'i phyir ro zhes springs pa la sogs pa lta bu'o/ /ma byin par len pa dang / lus kyis reg pa dang / gos slong ba dang / gos sbyin pa dang / gsod pa slong ba dang / nyal po byed par shom pa'i khyim na 'greng ba dang 'dug pa la sogs pa gzhan la na gzhan du rnam par gzhag ste/re zhig ma byin par len pa la ni brku bar bya ba'i rdzas gang yin pa de mi'i rgyud du gtogs pa dbang ba yin na mi de 'gro ba gzhan gyi rnam pa bstan du zin kyang / ltung ba 'byin par byed pas mi'i rgyud du gtogs pas yongs su bzung ba yin par 'du shes na ni de la dngos po ji lta ba bzhin du kha na ma tho bar 'gyur ro//gal te de ltar mi shes na ni mtshan nyid ji lta ba bzhin du'o/ /lus kyis reg pa la sogs pa la ni tha snyad kyi phyir rnam par gzhag go/ /gnas skabs gzhan thob pa ni gzhan nyid ma yin no zhes bya ba ni dgra bcom pa nyid ma yin pa la sogs pa'i lus gcig gis dgra bcom pa nyid la sogs pa'i gnas skabs gzhan thob pa ni de'i rgyud gzhan nyid ma yin no//de lta bas na gang gis dgra bcom pa nyid ma yin pa'i gnas skabs su bsad pa'i sbyor ba byas nas des dgra bcom pa nyid thob pa na gsod par byed na de la pham pa dang mtshams med pa gnyi ga 'byung ba kho nar 'gyur te/dgra bcom pa'i gnas skabs gzhan thob bde rgyud gzhan nyid ma yin pa'i phyir ro/ /nyes pa de med pa nyid la 'ong ba ni tha dad do zhes bya ba ni sbyor ba dang dngos gzhi'i bar du nyes pa de med pa'i gnas skabs gzhan gyis chod pa nyid la phyis dngos gzhi'i nyes pa 'ong ba ni tha dad de/ dper na dge slong gis stan gcig lo drug ma lon par lo drug po de nyid kyi nang du stan gzhan cig brtsams nas khyim par babs shing yang phyir bsnyen par rdzogs nas/des stan gzhan zhig byed cing de zin par byas nas de'i 'og tu dus ma yin pa kho nar sngar stan brtsams pa de yang zin par byed na de'i tshe rtsom pa dang / zin par byed pa'i mtshan nyid snga phyi'i cha de gnyis ltung ba tha dad pa'i byed pa po nyid yin te/de la sngar ma babs pa'i mdun rol du dus ma yin par stan gzhan brtsams pa'i cha snga ma de ni sbyor ba las byung ba'i nyes byas kyi byed pa po nyid yin no/ /phyis bsnyen par rdzogs nas stan gzhan zhig byed cing de zin par byas pa de la ni nyes pa med do/ / de'i 'og tu dus ma yin pa kho nar sngar stan brtsams pa de yang zin par byed pa'i cha phyi ma de ni spong ba'i ltung byed kyi dngos gzhi'i byed pa po nyid yin pa la sogs pa lta bu'o/ /btang ba yang ngo zhes bya bas ni sbyor ba brtsams nas btang ba'i dngos gzhi'i phyis byed pa yang tha dad de gang brtsams pa'i las de bsam pa thag pa nas btang ba gang yin pa'i las de phyis byed pa yang tha dad pa yin te/byed 'dod pa log pa'i phyir ro/ /dper na khang pa'am stan brtsams nas btang ste yang byed na sngar brtsams pa dang phyis byas zin pa'i gnas skabs de gnyis sbyor ba dang / dngos gzhi'i ltung ba tha dad pa'i byed pa po nyid yin pa la sogs pa lta bu'o//gzhi gcig la du ma nyid bcas pa la ni ji snyed pa de snyed kyi nyes par 'gyur ro zhes bya ba ni gang du gzhi gcig la bslab pa'i gzhi du ma bcas par gyur pa de la ni ci snyed bcas par gyur pa de kho na'i ltung ba dag 'byung bar 'gyur te/ dper na brdzun du smra ba dang /skyon nas smras pa bkag pa dag gzhi gcig la brdzun gyi skyon nas smras na shes bzhin du brdzun smra ba'i ltung byed dang / skyon nas smra ba'i ltung byed gnyis 'byung ba lta bu dang / dge tshul bsnyil ba dang lhan cig zhag gsum nyal ba la bsnyen par ma rdzogs pa dang lhan cig nyal ba'i ltung byed dang / bsnyil ba sdud pa'i ltung byed gnyis 'byung ba lta bu dang / de bzhin du bud med bsnyen par ma rdzogs pa dang lhan cig zhag gsum nyal ba dang / bsnyen par ma rdzogs pa dang lhan cig nyal ba'i ltung byed dang bud med dang lhan cig nyal ba'i ltung byed gnyis 'byung ba la sogs pa lta bu'o/ /de'i cha ni der gtogs so zhes bya ba ni kha na ma tho ba lci ba de'i cha ni de dang rigs mthun pa'i kha na ma tho ba yang der gtogs te/kha na ma tho ba yang lci ba mi tshangs par spyod pa la sogs pa de'i cha zhes bya ba bshan nam lhag ma ni de dang rigs mthun pa'i kha na ma tho ba yang der gtogs te/ rigs mi mthun par yang ma gtogs la/ rigs mthun pa nyid kyi lci bar yang ma gtogs so//de la re zhig mi tshangs par spyod pa'i cha gang zhe na/ khu ba 'phyin pa dang / lus kyis reg pa dang / 'khrig pa dang ldan pa smra ba dang / bsnyen bkur bsngags pa dang / smyan byed pa dang / 'khrur 'jug pa dang / len pa dang / bal rmel du 'jug pa dang / tshig lnga'am drug las lhag par chos ston pa dang / ma bskos par ston pa la sogs pa bcu dang / nyal po byed par shom pa'i khyim na 'dug pa dang / 'greng ba dang / gcer bu pa dang / gcer bu ma la sbyin pa dang / bud med dang lhan cig nyal ba dang / skyes pa med par bud med dang lhan cig lam du 'gro ba dang /dus ma yin par grong du 'gro ba dang / dge slong ma las zas len pa'i so sor bshags par bya ba dang / gral rims su ma phebs par 'drim du 'jug pa ma bzlog par za ba'i so sor bshags par bya ba dang / shin tu bsdams shing khyim gzhan du 'gro bar bslab par bya zhes bya ba la sogs pa dag go//ma byin par len pa'i cha gang zhe na/ bsngos pa las bsgyur ba dang / skrod pa dang / sbed pa dang / phyir ma blangs par spyod pa dang / rkun ma dang lhan cig lam du 'gro ba dang / ma bsko bar khyim pa'i khyim du stan la 'dug pa la sogs pa'o/ /mi gsod pa'i cha gang zhe na/ rtsod pa dang bcas pa'i gzhi mi gtong ba dag dang /sa bon gyi tshogs dang / skye bo'i tshogs 'jigs pa dang / bsgo ba rnal gzon pa dag dang / phyis gnon byed pa dang / rtsa ba 'byung ba la 'jug pa dang / srog chags dang bcas pa la spyod pa dang / dmag la lta ba dang / dmag gi nang na gnas pa dang / bsham pa dkrugs pa dang /rdeg pa dang / gzas pa dang / zan gcod du 'jug pa dang / dud 'gro gsod pa dang / 'gyod pa skyes pa dang / ga ga tshil byed pa dang / sngangs par byed pa dang / sa rko ba la sogs pa'o/ /mi'i chos bla ma smra ba'i cha gang zhe na/ gzhi med pa dang / bag tsam dang / 'dun pa la sogs pas 'gro'o zhes bya ba'i tshig dang /bshes ngor byed pa dang / 'phya ba dang gzhogs 'phyas byed pa dang / dge 'dun gyi dbyen dang / brdzun du smra ba dang / mi'i chos bla ma bden par smra ba la sogs pa'o/ /pham par 'gyur bas skur ba 'debs pa'i cha gang zhe na/ dge 'dun lhag mas skur ba 'debs pa'o//dge 'dun la dbyen byed pa'i cha gang zhe na/ dge slong la phra ma byed pa dang / skyo sngogs byed pa dang / 'dun pa phyir bsgyur ba dang / lta ba'i rnam pa mi gtong ba dang / spangs pa'i rjes su phyogs pa dang / bsnyil ba sdud pa dang / gnas ngan len brjod pa dang / khyad du gsod pa dang / 'dus shing za ba dang / mi smra bar 'gro ba la sogs pa'o/ /bka' blo mi bde ba'i cha gang zhe na/ bslab pa la nye bar 'jog pa spong ba dang / ma gus pa'i tshul la sogs pa'o/ /ltung byed kyi nang nas kyang sog 'jog byas pa za ba'i cha ni nang du bcos pa dang / nang du zhag lon pa dang / dge slong gis btsos pa za ba la sogs pa'o//ltung ba gzhan gyi cha yang de bzhin du ci rigs par sbyar ro/ /de la 'dir don ni 'di yin te/ mi tshangs par spyod pa'i cha khu ba 'byin pa la sogs pa de dag ni mi tshangs par spyod pa'i kha na ma tho ba lci ba de dang ris mthun pa'i kha na ma tho ba yang bar gtogs pa yin gyi ris mi mthun par gtogs pa ma yin la/ltung ba rnam par gzhag pa ni mi tshangs par spyod pa'i cha ni mi tshangs par spyod pa nyid dang / de'i sbom po dang nyes byas su ma gtogs kyi cha so sor ltung bar gtogs te/ des na khu ba 'byin pa ni mi tshangs par spyod pa'i cha yin la/ dge 'dun lhag ma'i ltung bar 'gyur ba dang /lus kyis reg pa yang mi tshangs par spyod pa'i cha yin la/ dge 'dun lhag ma'i ltung bar 'gyur gyi de dag mi tshangs par spyod pa'i sbom po dang / nyes byas su ma gtogs pa lta bu'o/ /gzhan la yang de bzhin du ci rigs par sbyar ro/ /phyung ba thams cad la mtha' nyid ma gtogs pa ni dge 'dun lhag ma'o zhes bya ba 'dis ni sngar kha na ma tho ba lci ba de'i cha de ni de dang ris mthun pa'i kha na ma tho ba yang 'dir gtogs so zhes bshad pa de nyid kyis spros pa gzhan bstan te khu ba phyung ba thams cad la mtha' nyid ces bya ba pham par 'gyur ba nyid ma gtogs pa la ni dge 'dun lhag ma kho nar 'gyur ba'o//dper na spyad mi bzod pa'i bud med dang lhan cig nyams par byed pa dang / mgo bcad pa'i kha la sogs pa dag tu nyams par byed pa ni sbom por 'gyur la/ khu ba 'byin pa'i 'dun pas khu ba phyung ba la pham pa nyid ma yin la thams cad ni khu ba 'byin pa'i dge 'dun lhag mar shes par bya'o//'dir gang dag dge 'dun lhag mar mi 'gyur ste/ de ni bya ba gzhan yin no snyam du sems pa de dag gi bsam pa bzlog pa'i phyir ro/ /sbyor ba gang la dngos gzhi gzhan du gyur pa kha cig la dge 'dun lhag ma la sogs pa'i ltung ba rnam par ma bzhag pa de la na smad pa'i ltung ba rnam par gzhag pa yang yod de/dper na mi tshangs par spyod pa'i phyir khri las ldang ba dang sham thabs gyon pa la sogs pa mi tshangs par spyod pa'i sbom por gyur pa lta bu'o/ /sbyor ba gang la dngos gzhir 'gyur ba'i ltung ba gzhan du rnam par gzhag pa de la de nyid du 'gyur ba yang yod de/ dper na mi tshangs par spyod pa'i sbyor bas bsnyen bkur bsngags pa la sogs pa dge 'dun lhag ma'i dngos gzhi nyid du 'gyur ba lta bu'o//de lta bas na mi tshangs par spyod pa'i bsam pas bud med la reg pa ni reg pa'i dge 'dun lhag ma yin gyi pham pa'i sbom po ma yin no/ /mi tshangs par spyod pa'am/ 'khyud pa la sogs pa bya bar bsams te dben pa skyabs yod pa na bud med gcig pu dang lhan cig 'dug pa'am/'greng ba nyams su myong bar byed pa ni ltung byed kho na yin gyi mi tshangs par spyod pa dang dge 'dun lhag ma'i sbyor ba'i sbyor ba'i nyes byas ni ma yin no/ /'o na gang mi tshangs par spyod pa'i rtsom pa la zhugs pa la khu ba 'byung ba'i dus na dge 'dun lhag ma'i bya ba la gnas pa'i sbyor ba de la kha na ma tho ba gang gi sbyor ba yin par shes par bya zhe na sbyor ba snga ma ni pham par 'gyur ba'i sbyor ba yin la/gang tshun chad de la khu ba dbyung ba'i bsam pa skyes pa de tshun chad ni dge 'dun lhag mar 'gyur ba'i sbyor ba yin no/ /de ltar na de la nyes pa sbom po gnyis su 'gyur te/ pham par 'gyur ba'i nyes pa sbom po dang /dge 'dun lhag mar 'gyur ba'i nyes pa sbom po'o/ /bya ba du ma'i 'bras bus ltung ba rnam par mi gzhag go zhes bya ba ni bya ba 'bras bu tha dad pas bar du chod pa 'bras bu tha dad pas grub pa du ma dag gi 'bras bu gcig tu bsdus pas dngos gzhi'i ltung ba rnam par mi gzhag ste/ de dag gi 'bras bu ni tha dad pa nyid yin no//dper na nyung ngu nyung ngur brkus pa gcig tu bsdoms pas ma sha ka lnga la sogs pa'i tshad du chog pa gang yin pa des pham par mi 'gyur ba lta bu dang / khang pa chung ngu du ma'i gzhi bsdoms pas tshad las lhag par gyur pa gang yin pa des dge 'dun lhag mar mi 'gyur ba lta bu dang /de bzhin du gos kyi dum bu tshad du mi chog pa dus ma tshang par bcangs te gtong bar byed cing / yang gos kyi dum bu gzhan zhig dus gzhan du bcangs te gtong bar byed pa dang / yang dus gzhan du bcangs te gtong bar byed pa'i dus de dag spyir bsdoms na 'chang ba'i dus las lhag tu zin kyang de lta mod kyi bcangs pa zhag de dag gi 'bras bu tha dad pa'i phyir spang ba'i ltung byed du mi 'gyur ba lta bu dang /de bzhin du lam na bal thogs pa yang nyin re zhing chung zad chung zad du khyer ba'i lam spyir bsdoms pas rgyang grags kyi mtha' las 'das su zin kyang bya ba tha dad pa'i de dag 'bras bu gcig tu bsdoms pas spang pa'i ltung byed du mi 'gyur ba lta bu dang /zhag brgyud ma ma yin par skabs skabs su gzhan du song ba'i zhag spyir bsdoms pas zhag drug las lhag tu zin kyang de dag zhag drug gis 'bral ba'i spang bar mi 'gyur ba lta bu dang / dus gzhan dang gzhan du tshig re re smras pa'i tshig rnams spyir bsdoms pas tshig lnga'am drug las lhag tu zin kyang tshig lnga'am drug las lhag par chos ston pa'i ltung byed du mi 'gyur ba la sogs pa lta bu'o//phyed byas pa la phyed nyid do zhes bya ba la 'dir phyed byas pa la zhes bya ba'i phyed kyi sgra ni yan lag gi tshig ste/ ltung ba kun las slong bar byed pa'i las brtsam pa phyed byas pa de la lhag ma sgrub par byed pa de ni ltung ba'i phyed nyid du 'gyur te na smad do zhes bya ba'i tha tshig go//'di skad bstan te phyed byas pa zin pa'i lhag ma phyed grub par byed pa de la ni dang po brtsams tshun chad nas mthar thug pa'i bar la nyes pa'i dngos gzhi zhes bya ba gang 'byung ba de tshig 'og mar na smad par byas te/ dper na gos rnying pa chung ba zhig bkrus pa dang /btsos pa dang / bcags pa zhig dge slong ma nye du ma yin pa la 'khrur bcol tam/ 'tshed du bcol tam/ 'chag tu bcol na nyes byas su 'gyur ba lta bu dang / srin bal rnying pa dang lug gi bal nag po rnying pa las stan byas na nyes byas su 'gyur ba lta bu dang / lug gi bal cung zad bkrus pa dang /btsos pa dang / rmel ba zhig dge slong ma nye du ma yin pa la 'khrur bcol tam/ 'tshed du bcol tam/ rmel du bcol na nyes byas su 'gyur ba la sogs pa lta bu'o/ /kha na ma tho ba na smad pa dag gi cha nyid ni na smad pa yin no zhes bya ba ni pham par 'gyur ba la sogs pa dngos gzhi'i kha na ma tho ba dag lan smad pa sbom po'o//kha na ma tho ba la sogs pa dag gi cha nyid ni na smad pa yin no/ /na smad pa'i ltung ba'i byed pa po nyid yin no zhes bya ba'i tha tshig go/ /dper na nyes pa sbom po dang / ltung byed dang / so sor bshags par bya ba dang / nyes byas dag gis skur pa btab pa la nyes byas su 'gyur ba lta bu'o/ /'tshams med pa gsum po pha bsad pa dang /ma bsad pa dang / dgra bcom pa bsad pa dag gis skur ba 'debs pa de la ni dge 'dun lhag mar 'gyur te/ de gsum pham par 'gyur ba yin pa'i phyir ro/ /mtshams med pa gnyis po dge 'dun gyi dbyen byed pa dang / de bzhin gshegs pa la ngan sems kyis khrag phyung ba dag gis skur ba 'debs pa de la ni nyes byas su 'gyur te/de gnyis sbom po yin pa'i phyir ro/ /'di skad bstan te pham par 'gyur ba dang / dge 'dun lhag ma dag gis skur ba 'debs pa la ni go rims bzhin du dge 'dun lhag ma dang ltung byed dag tu 'gyur ba la de dag pas na smad pa nyes pa sbom po dang /ltung byed dang / so sor bshags par bya ba dang / nyes byas dag gis skur ba 'debs pa la ni cha nyid na smad pa yin pa'i phyir nyes byas su 'gyur ro/ /thams cad la the tshom za bas zhugs pa ni bsam pa dang bcas pa nyid yin no zhes bya ba ni gzhi thams cad la the tshom za bzhin du 'jug pa'i gang zag gis 'di mi yin nam 'on te mi ma yin/'di bdag gi ma yin nam 'on te bdag gi ma ma yin/ 'di bdag gi pha yin nam 'on te bdag gi pha ma yin/ 'di dgra bcom pa yin nam 'on te dgra bcom pa ma yin/ 'di de yin nam 'on te ma yin zhes bya ba la sogs pa gzhi thams cad la the tshom za bas zhugs pa'i gang zag de ni bsam pa dang bcas pa nyid yin te/de ltar the tshom za bas zhugs pa'i gang zag des gzhi gang yin pa bye brag ma phyed du zin kyang srog gcod pa la zhugs pa'i dus ni gang yin yang blang bar bya'o snyam pa'i gsod sems kyi bsam pa yod pas de'i phyir the tshom za bas zhugs pa ni bsam pa dang bcas pa yin no//de lta ma yin du zin na gsod pa la 'jug par yang mi 'gyur ro/ /'di mi yin nam 'on te mi ma yin snyam du the tshom za bzhin du gsad pa la ni gsad par bya ba'i gzhi ji lta ba las ltung bar 'gyur te/ mi yin na ni pham par 'gyur la/ mi ma yin pa zhig yin na ni smad par 'gyur ro/ / 'di bdag gi ma yin nam 'on te bdag gi ma ma yin zhes bya ba la sogs par the tshom za bzhin du bsad pa la ni gsad par bya ba'i gzhi de bdag gi ma'am pha'am dgra bcom pa nyid yin na ni pham pa dang mtshams med par 'gyur ro/ /gang bdag chags pa de ni 'di yin nam 'on te ma yin/ 'di bud med yin nam 'on te ma yin snyam du the tshom za bzhin du lus kyis reg pa'am/mi tshangs par spyad na gzhi ji lta ba las kha na ma tho bar 'gyur ro/ /lhag ma rnams la yang de bzhin du ci rigs par sbyar ro/ /sbyor ba la ni 'du shes yan lag yin no zhes bya ba ni sbyor ba la ni 'du shes yan lag yin gyi don nyid ni ma yin te/dper na dud 'gro la mir 'du shes pas bsad na sbyor ba la sbom po nyid du 'gyur ba dang / mi la dud 'gror 'du shes pas bsad na sbyor ba la nyes byas su 'gyur ba dang / de bzhin du mi ma yin pa la mir 'du shes pas bsad na sbyor ba la sbom por 'gyur ba dang /mi la mi ma yin par 'du shes pas de bsad na sbyor ba la nyes byas su 'gyur ba lta bu'o/ /ma byin par len pa dang / mi'i chos bla ma smra ba dang / lus kyis reg pa la sogs pa dag la yang de bzhin du ci rigs par sbyar ro/ /bsam pa ni de nyid do zhes bya ba 'dis ni dngos gzhi la don nyid yan lag yin par ston te/sems can nam rdzas la bsams te zhugs pa gang yin pa de la ni bsam pa'i don gyi rang gi ngo bo nyid yan lag yin no/ /'di skad bstan te/ ltung ba 'byin par byed pas gang las bsams te 'jug pa na bsams te zhugs pa'i dngos po de nyid yan lag yin te/ gal te don de nyid yin na ni de'i tshe dngos gzhir 'gyur la/gal te ma yin na ni mi 'gyur ro/ /dper na gnyis 'khod pa las gcig gsad par bya'o snyam pa las cig shos bsad pa dang / dgra bcom pa gsad par bya'o snyam pa las dgra bcom pa ma yin pa bsad pa dang / ma gsad par bya ba snyam pa las ma ma yin par bsad pa dang /pha gsad par bya'o snyam pa las pha ma yin pa bsad pa dang / mi gsad par bya'o snyam pa las mi ma yin pa bsad pa dang / mi ma yin pa gsad par bya'o snyam pa las mi bsad pa la sogs pa ni sbyor ba'i ltung ba kho nar 'gyur gyi dngos gzhir ni mi 'gyur ro/ /de bzhin du dud 'gro gsad par bya'o snyam pa las mi bsad na yang nyes byas so//shing ljon pa la sogs pa sems med pa bcad do snyam pa las ma la sogs pa bsad na yang sbyor ba zhes bya ba'i nyes byas so/ /shing skam po la sogs pa bcad na nyes pa cir yang mi 'gyur ba bcad do snyam pa las ma la sogs pa bsad pa la ni sbyor bar yang mi 'gyur la dngos gzhir yang mi 'gyur ro//de bas na dngos gzhi'i skabs su ni gzhi las bsams te zhugs pa'i gzhi de nyid yan lag yin no/ /mi tshangs par spyod pa dang / khu ba 'byin pa gnyis la ni der ma zad do zhes bya ba ni mi tshangs par spyod pa dang khu ba 'byin pa de nyid la ni bsam pa 'ba' zhig yan lag yin par ma zad kyi bsam pa ma yin pa'i don gzhan la yang yan lag yin no//bud med la sogs pa gang bsams pa'i don de nyid yan lag yin par ma zad kyi ma bsams pa'i don gzhan yang yan lag yin te/ 'di gnyis la ni yul gang yang rung ba'i reg pa bdag gir byed pa gtso bo yin pa'i phyir ro//des na gang bsams pa'i bud med de nyid dang mi tshangs par spyod na yang pham par 'gyur la/ de nyid dang spyad do snyam pa las nor te gzhan zhig dang spyad na yang pham pa kho nar 'gyur ro/ /bsams pas sems can du bgrang ba'i yan lag rked pa la sogs pa la drud pas khu ba phyung ba la yang dge 'dun lhag mar 'gyur la/bsams pa ma yin pa sems can du bgrang ba'i yan lag rked pa la sogs pa la drud pas khu ba phyung ba la yang dge 'dun lhag mar 'gyur ba dang / bsams pa sems can du bgrang ba ma yin pa bum pa la sogs pa las kyang sbom por 'gyur la/ bsams pa de dang nor bas sems can du bgrang ba ma yin pa gzhan las kyang sbom por 'gyur ba dang 'dra ba'i phyir ro//mi bden pa la ni nyan pa po yang ngo zhes bya ba ni brdzun du smra ba'i yul la yang bsams pa yan lag yin par ma zad kyi ma bsams pa yang yan lag yin te/ des na nyan pa po gang la brdzun smra bar bsams pa de gnyis la smras na kha na ma tho bar 'gyur bar ma zad kyi nyan pa po ma bsams pa gzhan la mi'i chos bla mar gyur pa'i brdzun bzlas na de yang pham par 'gyur la/brdzun gzhan smras na ni gzhi ji lta ba las sbom po dang ltung byed du 'gyur ro/ /yan lag thams cad dang du blang du rung ba nyid ni bsten pa'i phyir mthu dang ldan pa nyid yin no zhes bya ba ni mi tshangs par spyod pa dang lus kyis reg pa la sogs pa'i yul la pho mo gang yang rung ba'i zla de'i yan lag thams cad blang du rung ba nyid yin na de bsten pa'i phyir mthu dang ldan pa nyid yin par khas blangs te/de las kha na ma tho ba rdzogs par 'gyur ro zhes bya ba'i tha tshig go/ / 'og ma dag la ni gzhan la na smad pa nyid do/ /du ma tshang ba la ni de bas kyang ngo / /mi la dud 'gro yang ngo zhes bya ba 'di man chad ni yan lag gcig ma tshang ba la na smad pa dang / yan lag du ma tshang ba la de bas kyang na smad pa dang / mi'i gnas su dud 'gro zhes smos pa la yang de bas kyang na smad pa dag ston to//de'i rdzu 'phrul gyi chos can nyid ma yin pa ni reg pa ma yin pa'i yan lag yin no zhes bya ba la sogs pa smras te/ 'dis ni rdzu 'phrul gyi chos can nyid la 'khrig pa dang ldan pa smras pa dang / bsnyen bkur bsngags pa na smad par ston te/ rdzu 'phrul gyi chos can ma yin pa zhes bya ba ni rdzu 'phrul ma thob pa'o//reg pa ma yin zhes bya ba ni mi tshangs par spyod pa dang lus kyis reg pa'i bdag nyid reg pa ma yin te/ 'khrig pa dang ldan pa smra ba dang / bsnyen bkur bsngags pa'i bdag nyid kyi smra ba'o/ /de'i yan lag yin te zhes bya ba ni rdzu 'phrul gyi chos can ma yin pa ni 'khrig pa dang ldan pa smra ba dang /bsnyen bkur bsngags pa las gyur pa'i dge 'dun lhag ma gnyis kyi yan lag yin te/ de la dge slong gis 'khrig pa dang ldan pa smra ba dang / bsnyen bkur bsngags pa smras na dge 'dun lhag ma kho nar 'gyur te na smad pa med do/ /des na rdzu 'phrul gyi chos can nyid ni reg pa ma yin pa de dag gi yan lag ma yin te/rdzu 'phrul gyi chos can mo nyid ni bsam gtan thob pa 'dod chags dang bral ba yin pas de'i yul la 'khrig pa'i bsam pa shas chen po mi skye bas de'i phyir de la reg pa ma yin pa 'khrig pa dang ldan pa smra ba dang / bsnyen bkur bsngags pa ni na smad par shes so/ /reg pa mi tshangs par spyod pa dang lus kyis reg pa ni thams cad la na smad pa med de/mi tshangs par spyad na ni pham par 'gyur la lus kyis reg na ni dge 'dun lhag mar 'gyur ro/ /'dir gzhung ni 'dul byed dag las smra ba'i skabs nas rdzu 'phrul gyi rnam par 'phrul ba'i chos can mo la smras na nyes pa sbom po'o/ /rdzu 'phrul gyi rnam par 'phrul ba'i chos can mo ma yin pa la smras na dge 'dun lhag ma'o zhes gsungs pa yin no//reg par bya ba ni ma nyams pa'o zhes bya ba ni gang la brten par bya ba'i lus kyis reg pa nyid yan lag tu rnam par gzhag pa de la ma nyams pa'i reg par bya ba nyid yan lag yin par rig par bya ste/ 'dir lus kyis reg pa'i bde ba nyams su myong ba gtso bo yin pa'i phyir ro//dper na rma dang nad la sogs pas nyams pa mtshan mi mthun pa'i yan lag gis lus la reg na dge slong la ni dge 'dun lhag mar gtogs pa'i sbom por 'gyur la/ dge slong ma la ni pham par gtogs pa'i sbom por 'gyur ba la sogs pa lta bu'o/ /shu ba can dang g.yan pa can dang /khyi rngo can gyis reg na yang de bzhin du sbom po'o/ /gang gi tshe reg par byed na bdag nyid kyi lus de ltar gyur na de'i tshe yang sbom po kho na'o/ /gnyi ga'i lus de ltar gyur na ni nyes byas so/ /rnam par bsngos pa mo dang / rnam par rnags pa mo dang / rnam par 'bus gzhigs pa mo dang / rnam par bam pa mo dang /rnam par zos pa mo dang / rnam par dmar ba mo dang / rnam par 'thor ba mo dag la 'khyud pa na sbom pa'o/ /'dir yang mi tshangs par spyod pa dang 'dra bar mthu yong pa nyid yan lag yin pas de bas chung ba'i dam dum ni mthu dang ldan pa nyid ma yin no/ /ro nyid la ni na smad pa med pa'i phyir des na rnam par bsngos pa la sogs pa dag la sbom por gsungs so//ga ga tshil byed la la yang ngo zhes bya ba ni gnyi ga'i lus ma nyams pa nyid la ni na smad pa med do/ /gcig gi lus nyams pa'i rnam pa ji skad bstan pa de lta bu la ga ga tshil byed pa la ni na smad do/ /gnyi ga'i lus ji skad bstan pa de lta bur nyams pa dag la ni na smad pa de bas kyang na smad do zhes sbyar ro//sen mo dang so dang / sha med pa'i rus pa dang / spu dag ni gzhan dang ldan pa nyid do zhes bya ba ni ma nyams pa las gzhan nyams pa dang ldan pa nyid de/ des na de dag la yan lag gzhan gyis sam/ de dag gis yan lag gzhan la reg pa dang / ga ga tshil byed pa dag la ni go rims bzhin du sbom po dang nyes byas su 'gyur ro//sen mo la sogs pa dag gis sen mo la reg pa dang / ga ga tshil byed pa dag la ni go rims bzhin du nyes byas dang nyes byas phra mor 'gyur ro/ /mi'i 'gro ba pa ni tha snyad du bya ba nyid yin no zhes bya ba ni kha na ma tho ba gang dag bsten pa 'khrig pa dang ldan pa smra ba dang /bsnyen bkur bsngags pa dang / brdzun smra ba dang / skyon nas smra ba dang / dge slong la phra ma byed pa dang / gnas ngan len brjod pa dang / mi'i chos bla ma byed pa la sogs pa de dag las gyur pa'i kha na ma tho ba de dag thams cad la mi'i 'gro ba pa'i srog chags dag kha na ma tho ba yongs su rdzogs pa'i yan lag nyid yin no//mi ma yin pa'i 'gro ba la ni na smad do/ /dud 'gro la de bas kyang na smad do/ /'di ltar mi'i 'gro bar skyes pa rnams ni tha snyad thams cad la ltung ba nyid yin pa'i phyir de dag nyid kyi tha snyad rdzogs par 'grub kyi 'gro ba gzhan du gtogs pa dag gis ni ma yin pa'i phyir ro/ /de'i phyir mi ma yin pa'i mthu dang mi ldan pa la lus kyis reg pa dang 'khrig pa dang ldan pa smra ba dang /bsnyen bkur bsngags pa ni sbom po'o/ /smyan byed pa la ni gal te mo ma yin pa'am/ pho ma yin pa'am/ pho mo gnyi ga ma yin par gyur na yang de'i phyir sbom pa'o/ /dud 'gro la ni nyes byas so//lha klu la sogs pa mi ma yin dag las slong ba la sogs pa la ni nyes byas so/ /rang bzhin nyams pa ni ma yin no zhes bya ba ni mi'i 'gro ba yin yang rang bzhin nyams pa smyos pa dang / sems 'khrugs pa dang / tshor ba dag gis nyen pa la sogs pa la ni tha snyad du bya ba'i yan lag ma yin pas de dag la yang na smad do//ma ning dang mtshan gnyis pa dag ni de dang 'dra ba nyid do zhes bya ba ni ma ning dang mtshan gnyis pa dag ni nyams pa de dag dang ldan pa nyid de de dag la sogs pa slong ba'i phyir 'di bshad de/ dper na khyim bdag dang chung ma ma ning dang mtshan gnyis pa las gos slong ba dang / smad g.yogs stod g.yogs dang bcas pa las lhag par len pa dang /sbyin bdag de gnyis sam/ tha ga pa de gnyis las rin dang so so ba dang / 'thag tu 'jug pa dang / 'thag pa skyed pa dang / ma ning pho dang / ma ning mo dang / gle 'dams pa dang / mtshan gnyis pa nyal po byed par shom pa'i khyim na 'dug pa dang / 'greng ba dang / de dag la rdeg pa dang / gzas pa dang / ma ning pho dang / ma ning mo dang / mtshan gnyis pa dang lhan cig nyal ba dang / de dag dang nub gsum las lhag par nyal ba dang / ma ning pho dang / mtshan gnyis pa dang lhan cig skyes pa med par lam du 'gro ba la ni nyes byas so/ /reg pa ni tha snyad dang 'dra'o zhes bya ba ni lus kyis reg pa yang tha snyad dang 'dra ste/smra ba'i tha snyad kyis bslab pa'i gzhi dag la ltung ba gang rnam par gzhag pa de 'di la yang de bzhin du rig par bya'o/ /des na mi ma yin pa mthu med pa la reg pa dang smyos pa dang / sems 'khrugs pa dang / tshor ba dag gis nyen pa la reg pa la ni sbom pa'o//dud 'gro la ni nyes byas so/ /phyi rol pa'i rab tu byung ba dang ma chags pa dang / nyams pa dag ni phyed nyid khyim pa'o zhes bya ba ni 'di gsum ni phyed nyid khyim pa dang 'dra bas/ 'di gsum gyi yul las ltung ba gang dag rnam par gzhag pa de dag ni phyed nyid du na smad do/ /mu stegs can gyi dge sbyong las chos gos dang lhung bzed blangs te thogs pa dang /de las stod g.yogs dang smad g.yogs dang bcas pa las lhag par len pa dang / rin thang dang so so dang / skur ba yang sbyin bdag dang pho nya dang zhal ta ba gang yang rung ba gcig mu stegs can gyi dge sbyong yin pa dang / bdag po mu stegs can gyi dge sbyong gi 'dug gnas su zhag gnyis pa las zan zos pa la nyes byas su 'gyur ro//sngon ltung ba byung ba dang po 'khrugs pa dang / rku thabs su gnas pa dang / dge slong ma sun phyung ba dag dang / lhan cig mtshan ma can gyis spyod pa dang nyo tshong byas te thob pa la yang nyes byas so/ /phyi rol pa'i rab tu byung ba las lhung bzed do gsum tsam las lhag par blangs te zos pa la yang nyes byas so//de dag nyal po byed par shom pa'i khyim na 'dug pa dang 'greng ba la yang nyes byas so/ /de dag gis sbyor du bcug pa'i zas za ba la yang nyes byas so/ /dge slong dang dge slong ma bsnyen par rdzogs ba can ma nyams pa nyid ni bslab pa dag la yan lag yin no zhes bya ba 'di gnyis ni dge slong dang dge slong ma'i bslab pa dag la yan lag yin gyi chos gzhan pa'i rab tu byung ba dang /dge tshul nyid la sogs pa dang / ma chags pa dang / khas blangs pa dang nyams pa la sogs pa dag kyang ma yin te/ de dag las gzhi med pa dang bag tsam dag gis skur ba btab pa yang sbom pa'o//de dag gi yul la ltung ba gzhan yang ci rigs par na smad do/ /mtshan dang lta ba khas blangs pa dag gis ni rang gi phyogs kyi khongs su gtogs so zhes bya ba ni pho dang mo'i mtshan dang lta ba khas blangs pa dang / ma blangs pa dag gis ni rang gi phyogs nyid kyi khongs su gtogs par 'gyur te rang gi phyogs nyid dang phyogs gcig pa yin no zhes bya ba'i tha tshig go//rang gi phyogs kyi khongs su gtogs pa gang yin pa de las ni rang gi phyogs dang mthun pa de la brten pa'i kha na ma tho ba nyid du 'gyur bar rig par byas te rang gi phyogs dang mthun pa'i dge slong dang /dge tshul ma la sogs pa'i gang zag dag gi phyir de dag la brdeg pa dang gzas pa la sogs pa'i ltung ba gang dag yin pa de dag ni mtshan mthun pa dang / lta ba mthun pa nyid kyis mtshan mthun pa dang lta ba mthun pa nyid du khas blangs pa nyid gang yin pa de la ni yan lag yin no//de lta bas na rang gi phyogs nyid kyi khongs su gtogs pa ma yin pa la ni tshig 'og mar na smad par 'gyur ro/ /ji ltar rang gi phyogs la log par bsgrub na na smad par bya ba nyid yin pa de ltar gzhan la log par bsgrub pa ni na smad par bya ba nyid ma yin pa'i rnam pa de las 'di ltar shes so//dge slong ma rnams la yang thams cad du rnam pa 'di bzhin du rig par bya'o/ /dper na khas blangs pas khas ma blangs pa la gos byin nas phrogs pa dang / dge slong ma dang / dge slong ma dag la skyon nas brjod pa dang / de gnyis la phra ma byas pa dang / skyo sngogs byas pa dang / de dag gis gnas ngan len brjod pa dang /dge slong ma'i dge 'dun dbang ba'i rnyed pa dge slong mas bshes ngor byas te gzhan du bsgyur ro zhes skur ba 'debs pa dang / de dag gis bslab pa la khyad du gsod pa dang / dge slong ma'i dge 'dun gyi gtsug lag khang gi gnas mal ma brtul bar 'gro ba dang / dge slong ma'i gtsug lag khang nas bting ba ma brtul bar 'gro ba dang /dge slong ma'i gtsug lag khang du phyis gnon byed pa dang / de nas skrod pa dang der rtsa ba 'byung ba la 'dug pa dang / khas blangs pas khas ma blangs pa'i dge slong ma rnams la ma bskos par ston pa dang / gos sbyin pa dang / gos byed pa dag dang / khas ma blangs pas khas blangs pa'i dge slong ma rnams la ma bskos par ston pa dang /gos sbyin pa dang / gos byed pa dag dang / khas ma blangs pas khas blangs pa dag la zang zing cung zad tsam gyi phyir ston to zhes skur ba 'debs pa dang / khas blangs pas khas ma blangs pa la zang zing cung zad tsam gyi phyir ston no zhes skur ba 'debs pa dang /khas ma blangs pa mo dang lhan cig lam dang grur 'gro ba dang / khas blangs pas khas ma blangs pa mo dang lhan cig lam dang grur 'gro ba dang / khas ma blangs pas khas blangs pa mos sbyor du bcug pa za ba dang / khas blangs pas khas ma blangs pa mos sbyor du bcug pa za ba dang / khas ma blangs pas khas blangs pa'i khyim nas lhung bzed do gsum las lhag par len pa dang khas blangs pas khas ma blangs pa'i khyim nas lhung bzed do gsum tsam las lhag par len pa dag la sogs pa dag ni nyes byas so//byin len ni rnam pa thams cad du rang gi phyogs nyid kyi khongs su gtogs pa ma yin pas blangs na ma byas pa yin no//'dir gtogs pa la khyim pa'i rtags can nyid ni na smad do zhes bya ba ni dge slong dang dge slong ma nyid kyi rgyu mtshan gyi kha na ma tho ba 'dir gtogs pa la/ khyim pa rab tu byung ba'i gang zag gi rtags can nyid ni na smad par bya ba ste ji ltar 'dir phyi rol pa'i rab tu byung ba la ni na smad pa nyid bzhin du khyim pa la yang de bzhin te/phyi rol pa'i rab tu byung ba'i rgyu mtshan las na smad par bya ba de bas kyang khyim pa la ches na smad par shes par bya'o/ /dper na khyim par gyur pa'i skyes pa dang bud med la gzhi med pa dang / bag tsam dag gis skur ba 'debs pa dang / rdeg pa dang gzas pa la sogs pa'i tshul gzhan la yang nyes byas phra mor 'gyur ba la sogs pa lta bu dang /mi ma yin pa rtags can ma yin pa la skyon nas smra ba dang / phra ma byed pa yang nyes byas phra mor 'gyur ba la sogs pa lta bu ste/ 'dir mi ma yin pa la rgyu gnyis kyis na smad par shes par bya ste/ khyim pa nyid yin pa'i phyir dang / mi ma yin pa nyid yin pa'i phyir ro//rab tu byung ba'i rdzas dag la ni rung ba nyid dang tshad dang ldan pa la sogs pa nyid do zhes bya ba ni rab tu byung ba'i rdzas lhung bzed dang chos gos la sogs pa dag la ni rung ba nyid dang tshad dang ldan pa la sogs pa nyid ces bya ba de gnyis ltung ba'i yan lag yin te/ de gnyis dang bral ba ltung ba ma yin pa nyid dang tshad dang ldan pa ma yin pa nyid la sogs pa la ni ltung ba na smad pa yin gyi dngos gzhir ni mi 'gyur ro//de la rung ba ma yin pa nyid ces bya ba ni gos gang tha ga bas ma btags pa dang / ba lang dang / rnga mo dang ra dang ri dwags kyi bal las byas pa dang / arka'i shing bal las byas pa dang / rgyu spun gnyis las gang yang rung ba ba lang dang rnga mo dang ra dang ri dwags kyi bal la sogs pa dang 'dres pa dang / de lta bu dag ni rung ba ni ma yin pa nyid do/ /lhung bzed rung ba ma yin pa nyid ni so ma btang ba dang dkar po dang / rin po che la sogs pa las byas pa'o/ /de dag las bzlog pa ni chos gos dang lhung bzed la sogs pa rung ba nyid yin no//tshad dang ldan pa nyid ces bya ba la tshad dang ldan pa zhes bya ba ni chos gos rang gi khru tshad dang ldan pa dang / gos lhag kyang khru gang gi tshad dang ldan pa'o/ /lhung bzed kyang byin gyis brlab tu rung ba gsum gyi tshad dang ldan pa'o/ /sogs pa zhes bya ba'i sgras ni tshad las lhag par bsdus te/chos gos rang gi khru tshad pas lhag pa dang / gos lhag kyang khru gang gi tshad las lhag pa dang / lhung bzed kyang byin gyis brlab tu rung ba gsum gyi tshad pas lhag pa'o/ /de ltar na rab tu byung ba'i rdzas dag la ni rung ba nyid dang tshad dang ldan pa'am tshad pas lhag pa nyid la dngos gzhi'i kha na ma tho bar 'gyur ro//de las bzlog pa la ni na smad do/ /'dir dge tshul la sogs pa dbang ba'i rdzas dag la yang yan lag de gnyis 'jug par bstan pa'i phyir rab tu byung ba'i rdzas dag la zhes smod de/ bsnyen par rdzogs pa'i zhes ma smos so/ /rang gi don de nyid gtso cher yod pa'o zhes bya ba ni kha na ma tho ba gang la rang gi don de nyid gtso cher yod pa byed pa po yin te/kha na ma tho ba gang la rang gi don de nyid gtso cher yod pa de la rang gi don de nyid kha na ma tho ba yongs su rdzogs par byed pa yin gyi/ gzhan gyi don ni kha na ma tho ba yongs su rdzogs par byed pa ma yin te/rang gi don ma yin pa gzhan gyi don du byed pa de ni tshig 'og mar na smad pa'i byed pa po yin no/ /dper na gzhan gyi don du 'khrig pa dang ldan pa smra ba dang / bsnyen bkur bsngags pa dag ni sbom po'o/ /gzhan gyi don du dge slong ma nye du ma yin pa la gos 'khrur 'jug pa la sogs pa ni nyes byas so//'dir dge 'dun gyi don du byed du 'jug pa yang gzhan gyi don kho na yin no/ /rang dang gzhan gnyi ga'i don du byed du 'jug pa yang gzhan gyi don kho na yin te/ de la bdag nyid ma gtogs par don du gnyer ba gzhan yod pa'i phyir ro/ /rnam par rig byed la ni don go ba'o zhes bya ba ni ngag gi rnam par rig byed kyis smra ba dang slong ba la sogs pa la ni gzhan gyi don go ba nyid dngos gzhir 'gyur ba'i yan lag yin te/rnam pa rig byed kyi 'bras bu ni don go ba yin pa'i phyir ro/ /don ma go ba la ni na smad do/ /des na snyoms par zhugs pa la 'khrig pa dang ldan pa smra ba dang / bsnyen bkur bsngags pa dag ni sbom po'o//de bzhin du gnyid log pa dang / snyoms par zhugs pa dang / glen pa dang 'on pa dag la gzhi med pa dang / bag tsam gyis skur ba 'debs pa la yang sbom po'o/ /glen pa dang 'on pa dang lhan cig mngon mtshan can gyi spyod pa dang / nyo tshong byed pa la ni nyes byas dang / 'thag pa dang / 'thag pa skyed du gzhug pa'i phyir de gnyis la go bar byed pa dang /dbus dang mtha' 'khob pa la skad gzhan gyis skyon nas smras te/ don ma go na yang nyes byas so/ /de gnyis la phra ma byed pa dang / glen pa dang 'on pa gnyis la skyo sngogs byed pa dang / bud med gnyid log pa la chos ston pa dang / ngo tsha med pa dang /mtha' 'khob pa dang / gling gzhan nas skyes pa dang / gnyid log pa dang / smyos pa dang / bag med pa dang / snyoms par zhugs pa dang / glen pa dang 'on pa'i rigs pa'i skyes pa dang lhan cig chos ston pa ni nyes byas so/ /glen pa dang 'on pa dag dang tshig mthun pa dang / tshig lhag par zlos pa yang nyes byas so//ngo tsha med pa dang mtha' 'khob pa dang dbus pa dag la skad gzhan gyis gnas ngan len brjod pa dang / 'on pa dang glen pa dag la mi'i chos bla ma brjod pa dang / mtha' 'khob pa dang dbus pa dag la skad gzhan gyis bshes ngor byas so zhes skur ba 'debs pa dang 'on pa dang glen pa dag la bslab pa khyad du gsod pa dang /'phya ba dang / gzhogs 'phyas byed pa dang bsgo ba rna la gzon pa yang nyes byas so/ /de dag la ma bskos par ston pa dang / de dag la zas cung zad tsam gyi phyir ston to zhes skur pa 'debs pa dang / de dag gis sbyor du bcug pa za ba dang / me 'bud du bcug pa dang / 'gyod pa skyed pa dang / sngangs par byed pa dang / gzhi med par skur ba 'debs pa dang / skad gzhan gyis bslab pa la nye bar 'jog pa spong ba yang nyes byas so/ /smra ba po nyid la yod pa ste gsod pa dang rang gi don du rku ba dag las gzhan pa'i'o zhes bya ba ni smra ba po nyid la don go ba yod pa rnam par rig byed kyi yan lag yin pa ste/ smra yang shes shing don go ba ni rnam par rig byed kyi yan lag yin la/smra mi shes shing don go ba ni gsod pa dang rang gi don du rku ba'i yul la yan lag yin gyi/ de las gzhan pa rnam par rig byed kyi yul la yan lag ma yin te/ gang zag gang smra yang shes shing don yang go ba de ni rnam par rig byed kyi yan lag yin gyi lkugs pa dang kla klo la sogs pa smra mi shes shing don go ba gang yin pa de ni rnam par rig byed kyi yan lag ma yin no//des na gang zag smra shes shing don go ba la gzhi med pa dang / bag tsam dag gis skur ba 'debs pa la ni dge 'dun lhag mar 'gyur ro/ /lkugs pa dang kla klo la sogs pa smra mi shes shing don go ba la gzhi med par bag tsam dag gis skur ba 'debs pa la ni na smad pa de spom po'o//smra shes shing don go ba dang lhan cig mngon mtshan can gyi spyod pa dang / nyo tshong byed pa dang / 'thag tu gzhug pa dang / 'thag pa skyed pa'i phyir go bar byed pa dang / skyon nas smra ba dang phra ma byed pa dang /skyo sngogs byed pa dang / ston pa dang klog pa dang / de dag la gnas ngan len dang / mi'i chos bla ma brjod pa dang / bshes ngor byas so zhes smra ba dang / bslab pa khyad du gsod pa dang / 'phya ba dang / gzhogs 'phyas byed pa dang / bsgo ba rnal gzon pa dang / de dag la ma bskos par ston pa dang /de dag la ston pa la zang zing cung zad tsam gyi phyir ston to zhes skur pa 'debs pa dang / de dag gis sbyor du bcug pa za ba dang / de dag me 'bud du bcug pa dang / de dag gi bslab pa la nye bar 'jog pa spong ba la ni ltung byed do/ /lkugs pa dang kla klo la sogs pa smra mi shes shing don go ba dang lhan cig mngon mtshan can gyi spyod pa la sogs pa de dag byas pa la ni nyes byas so//smra mi shes shing don go ba ni gsod pa dang rang gi don du rku ba'i yul la ni yan lag yin te/ de gnyis kyi yul la ni dngos gzhir 'gyur ro/ /des na lkugs pa dang kla klo la sogs pa smra mi shes shing don go ba ni smra ba po ma yin du zin kyang gsod pa dang rang gi don du rku ba'i yul la yan lag yin te/'di ltar dge slong gis gang zag pha rol po smra mi shes shing don go ba gsod pa dang / dge slong gis gang zag pha rol bo smra mi shes shing don go ba gang yin pa de las rang gi don du brkus na dngos gzhir 'gyur ba'i phyir ro/ /gzhan gyi don du rkub la na smad pas 'dir rang gi don du rku ba zhes smos so//yang dag par len par byed pa la ni der ma zad do zhes bya ba ni sdom pa yang dag par len par byed pa la ni sngar smra shes shing don go ba zhes bstan pa gang yin pa de 'ba' zhig yan lag yin par ma zad kyi/ smra mi shes shing don go ba yang yan lag yin te/ 'di ltar lkugs pa la sogs pa smra mi shes pa don go ba dag la yang srog gcod pa spong ba la sogs pa yang dag par len pa 'byung ba'i phyir ro/ /de ni snod yin no zhes bya ba ni smra mi shes shing don go ba de ni snod yin te de ni rnam par rig byed kyi yan lag gi snod dam gzhi'am yul yin no/ /dper na dge slong gis gang zag smra shes shing don go ba gzhan yod bzhin du de la bdag nyid kyi'am/gzhan gyi ltung ba brjod na mthol bar chud pas bcabs pa'i nyes par mi 'gyur la/ ma brjod na yang bcabs pa'i nyes par 'gyur ro/ /de las bzlog pa ni snod ma yin pas de la na smad de des na dge slong gis gang zag smra mi shes shing don go ba gzhan yod kyang de la bdag nyid kyi'am gzhan gyi ltung ba brjod kyang mthol bar mi 'gyur bas don med pa nyid yin la/de la ltung ba ma brjod pa la yang bcabs pa'i nyes pa 'ga' yang yod par mi 'gyur ba'i phyir ro/ /rang gi'o/ /ngag gi'o/ /bdag nyid dang 'brel ba'o zhes bya ba dag ni rang gi ngag gis bdag nyid dang 'brel pa yan lag nyid yin te/ngag gi rnam par rig byed la ni rang gi ngag gis bdag nyid dang 'brel bar smra ba yan lag nyid yin pas de la dngos gzhir 'gyur gyi rang gi ma yin pa dang ngag gis ma smras pa dang / bdag nyid dang ma 'brel ba ni yan lag ma yin pas de la ni na smad do/ / des na dge slong gis rang gi ngag gis bdag nyid dang 'brel bar bdag 'di skad zer zhe'am bdag gis byed du 'jug go zhe'am bdag gi phyir gyis shig ces bya ba la sogs pa lta bus 'khrig pa dang ldan pa smra ba dang / bsnyen bkur bsngags pa dang / gzhi med pa dang / bag tsam dag gis skur ba 'debs pa go bar byed pa la ni dge 'dun lhag mar 'gyur ro//bdag gi ngag gis bdag nyid dang 'brel par dge slong ma nye du ma yin pa la gos 'khrur 'jug pa la sogs pa dang / de las gos len pa dang / khyim bdag dang / khyim bdag gi chung ma dag las slong ba dang / rin spags pa dang / so so nas spags pa dang /'thag tu 'jug pa dang / 'thag pa skyed pa dang / 'phrog pa dang / brdzun smra ba dang / skyon nas smra ba dang / phra ma byed pa dang / skyo sngogs byed pa dang / ston pa dang / zlos pa dang / gnas ngan lan brjod pa dang / mi'i chos bla ma brjod pa dang / za shes dor byas so zhes zer pa dang /bslab pa khyad du gsod pa dang / shing ljon pa gcod pa dang / 'phya ba dang / gzhogs 'phyas byed pa dang / bsgo ba rnal gzon pa dang / skrod pa dang rim pa gsum las lhag par brtsigs pa dang / ma bskos par ston pa dang / zas cung zad tsam gyi phyir ston to zhes skur ba 'debs pa dang / dge slong mas sbyar du bcug pa'i zas za ba dang / zas gcod du 'jug pa dang / me la reg tu 'jug pa dang / 'gyod pa skyed pa dang / sngangs bar byed pa dang / yo byad sbed pa dang / skur ba 'debs pa dang / sa rko ba dang / shing bal gyis gos par byed pa dang / dge slong ma'i lag nas zas len pa dang /ma bzlog par za ba la sogs pa dag ni spang ba'i ltung byed dang ltung byed kyi dngos gzhi ci rigs par 'gyur ro/ /mngags pa dang brgyud pa la sogs pa dang / spring yig dang / lag yig dang / lag rtsis la sogs pa dang / gzhan dag ce'am/ che ge mo zhe'am gzhan la tha snyad 'dogs pa la sogs pas 'khrig pa dang ldan pa smra ba dang /bsnyen bkur bsngags pa dang / gzhi med pa dang / bag tsam dag gis skur ba 'debs pa go bar byed pa la ni sbom po'o/ /mngags pa dang brgyud pa la sogs pa de dag gis dge slong ma nye du ma yin pa la gos 'khrur 'jug pa la sogs pa de dag byed pa la ni nyes byas so//rang gis bskos pa nyid byed du gzhug pa yin no zhes bya ba ni byed du gzhug pa la ni rang gis bskos pa nyid yan lag ste/ gsod pa dang / rang gi don du rku ba las gzhan pa'i don la mngags pa la sogs pa gzhan byed du gzhug cing rjes su sgrub tu gzhug pa gang yin pa de la ni rang gis bskos pa nyid yan lag yin pas/de la dngos gzhir 'gyur la lkog nas brgyud pas byed du bcug pa ni yan lag ma yin pas de la na smad do/ /des na rang gis mngon sum du bskos pa ma yin pa lkog nas bskos pas byed du bcug pas 'khrig pa dang ldan pa smra ba dang / bsnyen bkur bsngags pa dang / gzhi med pa dang / bag tsam dag gis skur ba 'debs pa la sogs pa ni sbom po'o/ /de dag gis dge slong ma nye du ma yin pa la gos 'khrur 'jug pa la sogs pa dang / de las gos len pa dang / khyim bdag dang khyim bdag gi chung ma dag las slong ba dang / rin spags pa dang / so so nas spags pa thob pa dang /lhung bzed tshol ba dang / 'thag tu 'jug pa dang / 'thag pa bskyed pa dang / 'phrog pa dang / brdzun smra ba dang / skyon nas smra ba dang / phra ma byed pa dang / skyo sngogs byed pa dang / ston pa dang / zlos pa dang / gnas ngan len brjod pa dang / mi'i chos bla ma brjod pa dang / bshes dor byas so zhes zer ba dang /bslab pa khyad du gsod pa dang / shing ljon pa gcod pa dang / 'phya ba dang / gzhogs 'phyas byed pa dang / bsgo ba rna la gzon pa dang / skod pa dang / rim pa gsum las lhag par brtsigs pa dang / ma bskos par ston pa dang / zas cung zad tsam gyi phyir ston to zhes skur ba 'debs pa dang / dge slong mas sbyor du bcug pa'i zas za ba dang / zan gcod du bcug pa dang / me la reg tu 'jug pa dang / 'gyod pa skyed pa dang / sngangs par byed pa dang / yo byad sbed pa dang / skur ba 'debs pa dang / sa rko ba dang / shing bal gyis gos par byed pa dang / rin po che la reg tu 'jug pa la sogs pa dang / dge slong ma'i lag nas zan len pa dang / ma bzlog par za ba la sogs pa dag kyang nyes byas so/ /de ltar ji skad bstan pa de dag ni rnam par 'byed par ma gtogs pa phal cher 'dul ba'i phyir bstan pa'i ltung ba rnam par bzhag pa yin no/ /da ni 'dul ba mdor bsdu ba'i skabs bshad par bya ste/ de la 'dul ba mdor bsdu ba'i skabs su gtogs pa lung las dngos su ma gsungs pa da ltar 'jig rten na snang ba yang rung bas lung las gsungs ba dang /cha mthun pa dag lung dang mthun par mdor bsdu ba'o/ /de'i phyir mi rung ba dang mthun la rung ba dang 'gal ba ni rung ba ma yin par bsdu'o/ /rung ba dang mthun la mi rung ba dang 'gal ba ni rung bar bsdu'o zhes smras pa ste/mi rung ba zhes bya ba ni 'dul ba dang 'gal ba de dge slong gis spyad du mi rung ba kha na ma tho ba dang bcas pa'o/ /rung ba zhes bya ba ni 'dul ba dang mi 'gal ba dge slong gis spyad du rung ba kha na ma tho ba med pa'o/ /de la mi rung ba dang mthun la rung ba dang 'gal ba ni rung ba ma yin par bsdu'o zhes bya ba ni bcom ldan 'das kyis 'dul ba'i sde snod las dngos su bka' ma stsal ba 'dul ba dang ldan pa'i bslab pa'i gzhi dge slong gis spyad du mi rung ba gang dag da ltar 'jig rten na snang ba ci yang rung ba de dag gar bsdu zhe na/de dag bcom ldan 'das kyis 'dul ba'i sde snod las 'dul ba dang 'gal ba dge slong gis spyad du mi rung ba kha na ma tho ba dang bcas par gsungs pa gang dag yin pa de dag dang cha mthun la 'dul ba dang mi 'gal ba dge slong gis spyad du rung ba kha na ma tho ba med par gsungs pa gang dag yin pa de dag dang /cha mi mthun zhing 'gal ba ma yin na ni de dag rung ba ma yin par bsdu ste/dge slong gis de dag bsten cing spyad du mi rung ste/ de bsten cing spyad na gzhi ji lta ba las ltung ba sde lnga'i kha na ma tho ba nyid du 'gyur te/ dper na bcom ldan 'das kyis 'dul ba'i sde snod las ming gis bkag pa dang / gnang bar ma gsungs pa dngos su bkag pa dang mthun la/gnang ba dang 'gal ba thams cad bkag pa'i nang du bsdu ba ni 'di lta ste mi dge ba bcu'i nang nas tshig kyal pa dang / ngag rtsub mo dang brnab sems dang / gnod sems dang / log par lta ba dang / gzhan yang de lta bu dang mthun pa dag 'dul ba las de dag byas na ltung ba 'dir 'gyur ro zhes dngos su bkag pa med kyang de dag rang bzhin gyis kha na ma tho ba dang bcas pa la sogs pa yin pas bkag pa dang mthun pa la gnang ba dang 'gal ba'i phyir bkag pa'i nang du bsdu ba lta bu'o//rung ba dang mthun pa mi rung ba dang 'gal ba ni rung bar bsdu'o zhes bya ba ni bcom ldan 'das kyis 'dul ba'i sde snod las dngos su bka' ma stsal pa/'dul ba dang ldan pa'i bslab pa'i gzhi dge slong gis spyad du rung ba gang dag da ltar 'jig rten na snang ba ci yang rung ba de dag gar bsdu zhe na de dag bcom ldan 'das kyis 'dul ba'i sde snod las 'dul ba dang mi 'gal ba'i dge slong gis spyad du rung ba kha na ma tho ba med par gsungs pa gang dag yin pa de dag dang cha mthun la/'dul ba dang 'gal ba dge slong gis spyad du mi rung ba kha na ma tho ba dang bcas par gsungs pa gang dag yin pa de dag dang cha mi mthun zhing 'gal ba yin na ni de dag rung bar bsdu ba ste/ dge slong gis de dag bsten cing spyad du rung ste/ de dag bsten cing spyad na gzhi gang las kyang rung ba sde lnga'i kha na ma tho ba cir yang mi 'gyur te/dper na bcom ldan 'das kyis 'dul ba'i sde snod las ming gis bkag pa dang gnang bar ma gsungs pa dngos su gnang ba dang mthun pa las bkag pa dang 'gal ba thams cad gnang ba'i nang du bsdu ba 'di lta ste/ rig pa'i gnas lnga dang / bsod nams bya ba'i gzhi bdun la sogs pa dag 'dul ba las de dag ma byas na ltung ba 'dir 'gyur ro zhes dngos su bya bar gnang ba med kyang de dag dge ba la sogs pa yin pas gnang ba dang /mthun pa bkag pa dang 'gal ba'i phyir gnang ba'i nang du bsdu ba lta bu'o/ /'di skad bstan te/ bcom ldan 'das kyis mang gis bkag pa'i nang du bka' ma sprul la dngos su mi rung ba yang bstan pa gang yin pa de ni 'dis bkag par rig par bya'o//ming gi rjes su gnang ba'i nang du bka' ma stsal la dngos su rung ba yang bstan pa gang yin pa de ni 'dis rjes su gnang bar rig par bya ste/ dper na khri'u rkang pa bris ba bcang bar mi bya ba nyid dang / nyal ba dang / 'gro bas bshang ba dang gci ba dag mi bya ba nyid dang /nyal ba dang 'gro ba dang zas bza' bar mi bya ba nyid ces bya ba la sogs pa dag ni dgag pa'i rnam pa yin la/ tshwa dang bsres pa'i dgun chu btung bar bya ba nyid dang / kham phor dag tu zas bza' bar bya ba nyid ces bya ba la sogs pa dag ni rjes su gnang ba'i rnam pa yin pa lta bu ste/de dag thams cad 'dis bstan pa nyid yin no/ /de ltar ji skad bstan pa de dag ni 'dul ba mdor bsdus pa'i ltung ba dang ltung ba ma yin pa rnam par gzhag pa yin no/ /'dul ba spyir bstan pa dang / mdor bsdus pa de dag ni ltung ba sde lnga 'dul bar gtogs pa thams cad kyi gzhung rgyas pa'i mtshan nyid dang ci rigs par spyir sbyar ba yin no//gzhung rgyas pa'i mtshan nyid bshad zin to/ /de'i 'og tu bsdu ba'i mtshan nyid bshad par bya ste/ bsdu ba'i mtshan nyid ces bya ba ni sngar de las so sor thar pa'i mdo'i bsdus pa'i don ni mtshan nyid rnam pa lngas ston te/ mchod pa dang / gleng bslang ba dang / yang dag par brtsams pa dang gzhung rgyas pa dang / bsdu ba'i mtshan nyid kyis so zhes smos pa las gzhung rgyas pa'i mtshan nyid yan chad du go rims bzhin bshad zin to/ /da ni lnga pa ste/ bsdu ba'i mtshan nyid ces bya ba tha ma bshad par bya ste/ 'di ni so sor thar pa'i mdo mdor bsdus te/gdon pa'i sgo nas de bzhin gshegs pa rigs bdun gyi 'dul ba mdor ba sdus te bstan pa'o/ /de la bcom ldan 'das de bzhin gshegs pa rnam par gzigs kyi slob ma rnams ni nyes pa chung bar 'gyur te chos la dga' ba'i 'dod chags dang dam pa ma yin pa'i chos la zhugs pa'i mu stegs can rnams la 'tshe ba la mngon par dga' ba tsam zhig yod pas/de dag gis nyes pa de yongs su spang ba'i phyir bcom ldan 'das des so sor thar pa'i mdo 'di ltar mdor bsdus te zla ba phyed phyed cing bton par 'gyur te/ bzod pa dka' thub dam pa bzod pa ni/ /mya ngan 'das pa mchog ces sangs rgyas gsungs//rab tu byung ba gzhan la gnod pa dang / /gzhan la 'tshe ba dge sbyong ma yin no/ /zhes gsungs te/ de la bzod pa zhes bya ba ni bzod par byed pa ste/ gzhan gyi nyes pa dang du len pa'am gzhan la zhe sdang med pa'o/ /de nyid dka' thub dam pa yin te/sems kyi zhe sdang sbyong ba'i phyir dang / snying rje bskyed pa'i phyir ro/ /bzod pa'i mya ngan las 'das pa zhes bya ba ni bzod par byed pa ste/ sdug bsngal gyi bden pa'i yul gyi rnam pa mi rtag pa dang / sdug bsngal ba dang / stong pa dang / bdag med pa dag bzod pa'i shes rab sdug bsngal la chos shes pa'i bzod pa'o//de sngon du btang ba'am des nye bar bstan pa'i mya ngan las 'das pa bzod pa'i phyir mya ngan las 'das pa ste/ zag pa med pa'i lam gyis thob pa'i mya ngan las 'das pa'o/ /de mchog ces sangs rgyas gsungs zhes bya ba ni bzod pa'i mya ngan las 'das pa de dngos po thams cad kyi mchog yin no zhes sangs rgyas bcom ldan 'das rnams kyis bsngags pa ste/'jig rten pa'i lam gyis thob pa'i mya ngan las 'das pa ni gtan du ma yin la/ zag pa med pa'i lam gyis thob pa'i mya ngan las 'das pa ni gtan du ma yin pa nyid kyis gnod pa med pa ste/ zhi ba'i ngo bo nyid yin pa'i phyir ro/ /ji ltar na bzod pa'i dka' thub dam pa yin zhe na de'i phyir/rab tu byung ba gzhan la gnod pa dang / /gzhan la 'tshe ba dge sbyong ma yin no/ /zhes bya ba gsungs te/ gzhan la gnod pa zhes bya ba ni yid kyis gnod pa byed pa'o/ /gzhan la 'tshe ba zhes bya ba ni lus ngag gnyis kyis 'tshe ba'o/ /dge sbyong zhes bya ba ni zhi ba'i bdag nyid do//'di ltar bstan te/ gang gi phyir gzhan la gnod pa dang / gzhan la 'tshe ba rab tu byung ba'i dge sbyong rdzogs pa ma yin pa de'i phyir bzod pa ni dka' thub dam pa yin la/ de'i 'bras bu bzod pas thob pa'i mya ngan las 'das pa yang mchog yin pas de'i phyir rab tu byung bas bzod pa bsten par bya'o zhes bstan to//bcom ldan 'das de bzhin gshegs pa gtsug tor can gyi slob ma rnams kyang nyes pa chung bar 'gyur te/ gzhan gyis nyes pa sgrogs pa mang ba tsam zhig yod pas de dag gi nyes pa de yongs su spang ba'i phyir bcom ldan 'das des so sor thar pa'i mdo 'di ltar mdor bsdus te zla ba phyed phyed cing bton par gyur te/mig ldan 'gro ba yod pa yis/ /nyam nga ba dag ji bzhin du/ /mkhas pa 'tsho ba'i 'jig rten 'dir/ /sdig pa dag ni yongs su sdong / /skur ba mi gdab gnod mi bya/ /so sor thar ba 'ang bsdam par bya/ /zas kyi tshod kyang rig par bya/ /bas mtha'i gnas su gnas par bya//lhag pa'i sems la yang dag sbyor/ /'di ni sangs rgyas bstan pa yin/ /zhes bya ba'o/ /de la mig ldan 'gro ba yod pa yis/ /nyam nga ba dag ji bzhin du/ /zhes bya ba ni ji ltar mi mig dang ldan pa long ba ma yin pa 'gro ba yod pa/ 'gro shes pas ngam grog dang / tsher ma dang / sdig sbrul la sogs pas nyam nga ba sdug bsngal gyi rgyur gyur pa'i gnas mi mnyam pa dag yongs su spong bar byed pa de bzhin du/ mkhas pa 'tsho ba'i 'jig rten 'dir/ /sdig pa dag ni yongs su spong / /zhes bya ba gsungs te mkhas pa blo dang ldan pa rtog pa dang sel nus pa yang 'tsho ba'i 'jig rten 'dir 'khor ba 'di na sdig pa gang dag yin pa de dag yongs su spong bar byed do//ji ltar sdig pa de dag yongs su spang bar bya zhe na/ de'i phyir/ skur pa mi gdab gnod mi bya/ /zhes bya ba la sogs gsungs te/ skur pa mi gdab ces bya ba ni gzhan la yang dag pa dang yang dag pa ma yin pa yang rung bas skur ba mi gdab pa'o//gnod mi bya zhes bya ba ni gzhan la brdeg pa dang / tshig rtsub mo la sogs pas gnod pa mi bya ba'o/ /so sor thar pa bsdam par bya/ /zhes bya ba la/ so sor thar pa zhes bya ba ni srog gcod pa dang / ma byin par len pa dang / mi tshangs par spyod pa dang / brdzun du smra ba dang / phra ma dang / tshig kyal pa dang / ngag rtsub mo la sogs pa spangs pa'i sdom pa dge slong la sogs pa'i ris bdun po dag go//de bsdam par bya ba ni yongs su bsrung bar bya ba ste/ de ni bzlog pa'i mtshan nyid dang / spyad pa'i mtshan nyid rnam pa gnyis kyis lhag pa'i tshul khrims bsten par shes par bya ba'o/ /zas kyi tshod kyang rig par bya/ /zhes bya ba ni 'di ltar dge slong rnams kyis zas rung ba 'di la zas kyi tshod kyang shes par bya ste/ji tsam gyis lus lci ba dang rmya bar mi 'gyur ba de tsam gyis tshod yongs su shes par bya ba'o/ /bas mtha'i gnas su gnas par bya/ /zhes bya ba ni bas mtha' mthar gyur pa gnas dben par gnas par bya ba ste/ 'dis lus dang yul legs par mthun pa dag gis lam bsgom pa'i tshogs bstan par shes par bya'o//lhag pa'i sems la yang dag sbyor/ /zhes bya ba la lhag pa'i sems zhes bya ba ni sems yongs su sbyong bar byed pa ste gang gis 'dod chags kyi sgrib pa dang / gti mug gi sgrib pa las sems rnam par sbyong ba ste/de yang zag pa dang bcas pa dang zag pa med pa'i bsam gtan no/ /de la yang dag pa'i sbyor ba ni yang dag pa'i rnal 'byor du bya ba ste 'dis ni lhag pa'i sems kyi bslab pa dang lhag pa'i shes rab kyi bslab pa bstan par shes par bya'o/ /'di ni sangs rgyas bstan pa yin/ /zhes bya ba ni de bzhin gshegs pas mdor bstan pa 'di ni tshogs dang bcas pa'i lam bstan pa yin te/de nyid sangs rgyas kyi bstan pa yin no zhes bya ba'i tha tshig go/ /bcom ldan 'das de bzhin gshegs pa thams cad skyob kyi slob ma rnams kyang nyes pa chung bar 'gyur te/ 'di ltar khyim pa'i skye bo dang 'grogs par dga' ba tsam zhig yod pas de dag gis nyes pa de yongs su spang ba'i phyir bcom ldan 'das des so sor thar pa'i mdo 'di ltar mdor bsdus te zla ba phyed phyed cing bton par 'gyur te/ji ltar bung ba me tog las/ /kha dog dri la mi gnod par/ /khu ba gzhibs nas 'phur ba ltar/ /de bzhin thub pa grong du rgyu/ / zhes bya ba'o/ /de la ji ltar srog chags bung ba me tog gi kha dog dang dri la mi gnod par khu ba gzhibs te 'phur ba de bzhin du thub pa rab tu byung ba bsod snyoms kyi phyir grong du rgyu bas kyang grong nas kha dog dang dri lta bu sems dang tshul khrims la mi gnod pa khu ba lta bu'i zas blangs te 'gro bar bya'o zhes bya ba'i tha tshig go//bcom ldan 'das de bzhin gshegs pa 'khor ba 'jig gi slob ma rnams kyang nyes pa chung bar 'gyur te/ gzhan gyi skyon dang yon tan la rtog pa tsam zhig yod pas de dag gi skyon de yongs su spang ba'i phyir bcom ldan 'das des so sor thar pa'i mdo 'di ltar mdor bsdus te zla ba phyed phyed cing bton par 'gyur te/bdag gi rigs dang mi rigs la/ /brtags par bya ste gzhan rnams kyi/ /mi mthun pa dang gzhan dag gis/ /byas dang ma byas rnams la min/ /zhes bya ba'o/ /de la bdag gi rigs dang mi rigs la brtag par bya ste zhes bya ba ni bdag nyid kyis rigs pa dang mi rigs pa la so sor brtag par bya ba'o//gzhan rnams kyi mi mthun pa zhes bya ba ni gzhan rnams kyi mi rigs pa'o/ /gzhan dag gis/ byas dang ma byas rnams la min/ /zhes bya ba ni gzhan dag gis rdzogs ba dang ma rdzogs pa rnams la brtag par mi bya'o/ /'di skad bstan pa ste gzhan dag gi yon tan dang skyon la rtog pa la ni rjes su chags pa dang khong khro ba 'byung bas de'i phyir gzhan la rtog pa spangs te bdag nyid la brtag cing bdag nyid la legs par 'dod par byas na phyis gzhan dag la brtag pa'i skabs yod par 'gyur ro zhes bstan to//bcom ldan 'das de bzhin gshegs pa gser thub kyi slob ma rnams kyang nyes pa chung bar 'gyur te/sred pa dang bcas pas bsam gtan skyed par byed pa tsam zhig yod par de dag gi nyes pa de yongs su spang ba'i phyir bcom ldan 'das des so sor thar pa'i mdo 'di ltar mdor bsdus te zla ba phyed phyed cing bton par 'gyur te/ lhag pa'i sems la bag bya ste/ /thub pa'i thub gzhi rnams la bslab/ /nyer zhi rtag tu dran ldan pa'i//skyob pa mya ngan med pa yin/ /zhes bya ba'o/ /de la lhag pa'i sems zhes bya ba ni bsam gtan bzhi po dag go/ /de la bag bya ste zhes bya ba ni sred pa dang nga rgyal dang / lta ba mchog tu 'dzin pa spang zhing bag gyis shig ces bya ba'o/ /spang ba bstan nas blang ba bsten pa'i phyir/ thub pa'i thub gzhi rnams la bslab//ces bya ba gsungs te/ thub pa zhes bya ba ni mkhyen pa dang ldan pa ste/ yang dang yang du mdzad pa'i phyir thub pa ni sangs rgyas bcom ldan 'das so/ /thub pa de'i thub gzhi ni 'phags pa'i bden pa bzhi po dag ste/ gang dag gis thub pa skyed pa'o/ /de rnams la bslab pa ni mchog tu bslab cing nan tan gyis shig ces bya ba'i tha tshig go//de la bslab na cir 'gyur zhe na/ 'bras bu bstan pa'i phyir/ nyer zhi rtag tu dran ldan pa'i/ /skyob pa mya ngan med pa yin/ /zhes bya ba gsungs te/ nye bar zhi ba dang rtag tu dran pa dang ldan pa gnyis kyis skyob pa nyid du bstan par shes par bya'o/ /de la nye bar zhi bar zhes bya ba ni mnyam par gzhag pa ste/lus dang ngag gnyis kyis bsdams pa'o/ /rtag tu dran pa dang ldan pa zhes bya ba ni rtag tu dran pa nye bar gzhag pa'o/ /skyob pa zhes bya ba ni rang gi sems rjes su bsrung ba'o/ /mya ngan med pa yin zhes bya ba 'dis ni skye ba zad pa bstan te/ mya ngan las 'das pa yin par shes par bya'o//bcom ldan 'das de bzhin gshegs pa 'od srungs kyi slob ma rnams kyang nyes pa chung bar gyur te/ sbyin pa la ma gus pa dang dgra mang bar blta ba tsam zhig yod pas de dag gi nyes pa de yongs su spang ba'i phyir bcom ldan 'das des mthar thug pa'i chos bstan pas so sor thar pa'i mdo 'di ltar mdor bsdus te zla ba phyed phyed cing bton par gyur te/sbyin pas bsod nams rab tu 'phel/ /legs bsdams dgra sogs mi 'gyur ro/ /dge dang ldan pas sdig pa spong / /nyon mongs zad pas mya ngan 'da'/ /zhes bya ba'o/ /de la sbyin pa zhes bya ba ni sbyin pa byed pa'i mi ste/des ni longs spyod kyi 'bras bu can gyi bsod nams kyi las rab tu 'phel bar 'gyur ro/ /tshul khrims legs par bsdams pas ni dgra sogs par mi 'gyur ro/ /tshul khrims kyis dgra'i rgyu gsod pa dang / rku ba dang / bud med la chags pa la sogs pa mi bskyed pa'i phyir ro//dge slong dang ldan pas zhes bya ba ni bsam gtan bzhi thob pa ste/ des ni 'dod pa la spyod pa'i sdig pa khong khro ba dang phrag dog dang / khro ba la sogs pa rnam par smin pa mi 'dod par 'gyur ba dag yongs su spong bar 'gyur ro/ /'phags pa'i lam gyis nyon mongs pa thams cad yongs su zad pas ni phung po'i lhag ma dang bcas pa dang /lhag ma med pa'i mya ngan las 'das pa thob par 'gyur ro/ /de bas na sbyin pa ni 'khor ba'i 'bras bu can yin pas de la gus par mi bya zhing dgra mang ba ni sdom brtson dang mi mthun pa yin pas de mi bya zhes pa'i tha tshig go/ /bcom ldan 'das de bzhin gshegs pa shAkya thub pa'i bstan pa la chu bur ma byung ba'i tshe na de'i slob ma rnams kyang nyes pa chung bar gyur pas/bcom ldan 'das kyis de dag la so sor thar pa'i mdo 'di ltar mdor bsdus te tshigs su bcad pa gsum gyis bton par 'gyur te/ sdig pa thams cad mi bya ste/ /dge ba phun sum tshogs par bya//rang gi sems ni yongs su gdul/ /de ni sangs rgyas bstan pa yin/ /lus kyi sdom pa legs pa ste/ /ngag gi sdom pa'ang legs pa yin/ /yid kyi sdom pa legs pa ste/ /thams cad du ni sdom pa legs/ /sdug bsngal kun las rab tu grol/ /ngag rnams bsrung zhing yid kyis rab bsdams te//lus kyis mi dge ba dag mi byed cing / /las lam gsum po 'di dag rab sbyangs na/ /drang srong gsungs pa'i lam ni thob par 'gyur/ /zhes bya'o/ /de la sdig pa thams cad mi bya ste/ zhes bya ba 'dis ni lhag pa'i tshul khrims kyi bslab pa bstan to/ /dge ba phun sum tshogs par bya//zhes bya ba 'dis ni lhag pa'i shes rab kyi bslab pa bstan te/ nyon mongs pa ni thams cad spangs pa ni don dam pa'i dge ba yin pa'i phyir ro/ /rang gi sems ni yongs su gdul/ /zhes bya ba 'dis ni lhag pa'i sems kyi bslab pa bstan to/ /lus kyi sdom pa legs pa ste/ /zhes bya ba la sogs sdom pa rnam pa bzhis ni tshul khrims phun sum tshogs pa bstan to//sdug bsngal kun las rab tu grol/ /zhes bya ba 'dis ni tshul khrims [(]gyi [,]kyi[)]skyes bu'i rtsal gyis 'bras bu thag ring ba bstan to/ /ji ltar tshul khrims kyis sdug bsngal kun las rab tu grol bar 'gyur zhe na/ de'i phyir/ ngag rnams bsrung zhing yid kyis rab bsdams te//zhes bya ba la sogs pa gsungs te/ gang gi phyir tshul khrims phun sum tshogs pas ngan song gsum gyi sgo sbyangs shing / 'phags pa'i lam thob pa de sdug bsngal thams cad las grol ba de'i phyir 'di ni tshul khrims kyi skyes bu'i rtsal gyis 'bras bu thag ring ba yin no//de ltar mdor bsdus pa dang / rgyas par bstan pa dag gis sangs rgyas bdun gyi so sor thar pa gdon pa bstan nas/ da ni mjug bsdu ba'i sgo nas nan tan bya ba bstan pa'i phyir/ sangs rgyas rnam gzigs gtsug tor thams cad skyob/ /'khor ba 'jig dang gser thub 'od srungs dang / / shAkya thub pa gau tam lha yi lha/ /mi 'dul kha lo bsgyur ba bla na med/ /'jig rten mgon po skyob pa mchog /sangs rgyas dpa' bo bdun po dag /grags ldan rnams kyis so sor thar/ /'di ni rab tu rgyas par bstan/ /'di la sangs rgyas rnams dang gang / /sangs rgyas nyan thos rnams kyang gus//'di la gus dang bcas gyur pas/ /'dus ma byas pa 'ang thob par gyis/ /zhes bya ba'i tshigs su bcad pa gsum yang dag par sdud pa byed pa smras so/ /de la sangs rgyas rnam gzigs gtsug tor thams cad skyob/ /'khor ba 'jig dang gser thub 'od srungs dang / /shAkya thub pa zhes bya ba rnams ni sangs rgyas bdun gyi mtshan te go rims bzhin no//gau ta ma lha yi lha/ mi 'dul kha lo bsgyur ba bla na med/ /ces bya ba dag ni bcom ldan 'das shAkya thub pa'i gdung dang yon tan te/ gau tam zhes bya ba ni gdung ste/ drang srong gau ta ma'i rgyud yin pa'i phyir ro//lha'i lha zhes bya ba ni chos nyid kyis grags pa'i sgo nas ni snyigs ma lnga shas che ba'i dus na sems can la phan pa rdzogs par mdzad pa'i phyir ro/ /'jig rten la grags pa'i sgo nas ni lha rnams kyis kyang zhabs la btud de phyag byas pa'i phyir ro/ /mi 'dul kha lo bsgyur ba bla na med/ /ces bya ba ni 'jam pa dang /rtsub po dang / gnyi ga'i rang bzhin gyi 'dul ba rnam pa gsum gyis 'dul ba/ skyes bu rta lta bu dag phyin ci ma log par 'dul bar mdzad pa'i phyir ro/ /'jig rten mgon po zhes bya ba ni khams gsum pa'i mgon po ste/ phan pa dpag tu med pa mdzad pas yongs su skyob par mdzad pa'i phyir ro/ / skyob pa zhes bya ba ni mnga' dbang gi chos thams cad la dbang phyug brnyes pa'i phyir ram/ 'dul ba'i skye bo dus las mi yol bas yongs su skyob par mdzad pa'i phyir ro/ /mchog ces bya ba ni gtso bo ste/ bla na med pa'i mkhyen pa dang ldan pa'i phyir ram/ rjes su mthun pa'i phan pa mdzad pa yongs su mkhyen pa'i phyir ro//sangs rgyas dpa' bo zhes bya ba ni ye shes la sogs pa dag gis 'gro ba thams cad pas dpa' ba'i sangs rgyas zhes bya ba'i tha tshig go/ /grags ldan zhes bya ba ni snyan pa dang ldan pa ste/ 'jig rten gsum las shin tu 'das pa'i snyan pa'i tshogs dang ldan pa zhes bya ba'i tha tshig go/ /rab tu rgyas par bton zhes bya ba ni dus dang por bya ba dang /gsol ba byas nas gdon pa lnga po dag bton pa'o/ /'di la sangs rgyas rnams dang gang / /sangs rgyas nyan thos rnams kyang gus/ /zhes bya ba ni sangs rgyas bcom ldan 'das rnams ni chos 'dul ba gtso bor mdzad pa dang / sangs rgyas kyi nyan thos rnams kyang chos 'dul ba la gus pa'i phyir ro//'di dag gus dang bcas gyur pas/ /'dus ma byas pa thob par gyis/ /zhes bya ba ni so sor thar pa 'di la gus pa dang bcas pas mya ngan las 'das pa 'dus ma byas pa thob par gyis shig ces bya ba'i tha tshig go/ ji ltar 'di la gus pa dang bcas pas 'dus ma byas thob par bya zhe na/de'i phyir/ brtsam par bya zhing 'byung bar bya/ /sangs rgyas bstan la 'jug par bya/ /'dam bu'i khyim la glang chen bzhin/ /'chi bdag sde ni gzhom par bya/ /gang zhig rab tu bag yod par/ /chos 'dul 'di la spyad 'gyur ba/ /skye ba'i 'khor ba rab spangs nas//sdug bsngal tha mar byed par 'gyur/ /zhes bya ba gsungs te/ brtsam par bya zhing zhes bya ba ni brtson par gyis shig pa'o/ /'byung bar bya zhes bya ba ni 'khor ba las nges par 'byung ba'i phyir dgon pa la sogs pa dben par song shig ces bya ba'i tha tshig go/ /sangs rgyas bstan pa zhes bya ba ni bden pa bzhi bstan pa la'o//'jug par bya zhes bya ba la ni mgo dang gos la me 'bar ba ltar mngon par brtson par gyis shig pa'o/ /'dam bu'i khyim la glang chen bzhin/ /zhes bya ba ni/ 'chi bdag sde ni gzhom par bya/ /zhes bya ba'i dpe yin te/ 'dam bu'i khyim glang po ches 'joms pa lta bu'o/ / 'chi bdag ces bya ba ni 'chi ba'o/ /sde zhes bya ba ni sred pa la sogs pa 'khod do/ /gzhom par bya zhes bya ba ni gzhig par gyis shig ces bya ba'o/ /de'i phan yon bstan pa'i phyir/ /gang zhig rab tu bag yod par/ /chos 'dul 'di la spyod 'gyur ba/ /skye ba'i 'khor ba rab spangs nas/ /sdug bsngal tha mar byed par 'gyur//zhes bya ba gsungs te/ rab tu bag yod par zhes bya ba ni rab tu bag med pa spangs pas so/ /chos zhes bya ba ni 'phags pa'i lam yan lag brgyad pa'o/ /'dul ba zhes bya ba ni yang dag par bsgrub pa'i mtshan nyid do/ /'di la spyod 'gyur ba zhes bya ba ni rjes su sgrub par 'gyur ba'o/ / skye ba'i 'khor ba zhes bya ba ni skye ba'i 'khor ba ni 'khor ba'i gtso bo yin pas skye ba'i 'khor ba ste/ 'khor ba'i sdug bsngal gyi rtsa ba ni skye ba yin pa'i phyir ro/ de ltar yang / /skye ba 'di don gang phyir skye ba yod na rga shi dang / /na dang sdug bsngal gsad dang bcings la sogs pa'i dgra dag yod/ /gal te 'jigs mang skye ba med na don med de mi 'byung //shing skyes med na nags me rlung gis skye bar mi 'gyur bzhin/ /zhes gsungs pa'i phyir ro/ /yang na skye ba'i 'khor ba zhes bya ba ni skye ba dag tu 'khor ba'i phyir ro/ /rab spangs nas zhes bya ba ni gtan du spangs nas so/ /sdug bsngal zhes bya ba ni skye ba la sogs pa'o/ /tha mar byed par 'gyur ba zhes bya ba ni rgyun gcod par byed par 'gyur ba'o//da ni so sor thar pa'i mdo gdon pa mjug bsdu ba'i phyir yang dag pa sdud par byed pas/ phan tshun tshul khrims bsrungs pa dang / /bstan pa 'phel bar bya ba'i phyir/ /so sor thar pa 'di bton pas/ /dge 'dun gyis ni gso sbyong byas//zhes bya ba smras te/ de la phan tshun tshul khrims bsrungs pa zhes bya ba ni gcig la gcig 'doms shing rjes su ston pa dang / gcig gis gcig ltung ba las bslang ba'o/ /bstan pa 'phel bar bya ba'i phyir/ /zhes bya ba ni phan tshun tshul khrims bsrungs pa nyid de lta bus bcom ldan 'das de bzhin gshegs pa de'i 'khor 'di 'phel bar 'gyur ba rim gyis ston pa'i bstan pa 'phel zhing yun ring du gnas par bya ba'i phyir ro//so sor thar pa 'di bton pas/ /zhes bya bas ni sems drang por bsgrub pa dang / 'gal ba bzlog pa la sogs pa rnam pa gzhan gyis kyang gso sbyong bya ba yod mod kyi skabs 'dir ni so sor thar pa'i mdo gdon pa rnam pa lnga po gleng gzhi gdon pa dang /pham par 'gyur ba gdon pa dang / dge 'dun lhag ma gdon pa dang / ma nges par gdon pa dang / ril gyis gdon pa dag gis gso sbyong bya dgos pas so sor thar pa 'di bton pas zhes bya ba gsungs so/ /dge 'dun gyis ni gso sbyong byas/ /zhes bya ba ni zhi gnas kyi gso sbyong dang /mthun pa'i gso sbyong las/ 'dir ni mthun pa'i gso sbyong dang sbyar ro/ /mthun pa'i gso sbyong rnam pa lnga po bcu bzhi pa dang / bco lnga pa dang / bkra shis kyi gso sbyong dang / gnod pa byung ba'i gso sbyong dang / bsdum pa'i gso sbyong dag las 'dir ci rigs par sbyar te/ gtso cher ni bcu bzhi pa'am/bco lnga pa dang sbyar ro/ /de'i 'og tu mjug bsdu ba'i sgo nas nan tan bya ba bstan pa'i phyir/ gang gi phyir ni mdo bton dang / /gang phyir gso sbyong byas gyur pa/ /tshul khrims de ni bsrung bya ste/ /g.yag rnga'i rtse mo ji bzhin no/ /zhes bya ba gsungs te/ de la gang gi phyir ni mdo bton dang //gang phyir gso sbyong byas gyur pa/ /zhes bya ba ni phan phun tshul khrims bsrung ba dang / bstan pa 'phel bar bya ba'i phyir/ /zhes gong du smos pa de'i phyir ro/ /tshul khrims de ni bsrung bya ste/ /zhes bya ba ni so sor thar pa'i sdom pas bsdus pa'i tshul khrims rnam pa drug po rnam par dbye ba dang /bsdu ba dang / phun sum tshogs pa dang / rnam grangs dang / rnam par dag pa dang / phan yon de dag sbyor ba dang / dngos dang / mjug gi sgo nas bag yod par srung bar gyis shig ces bya ba'i tha tshig go/ /g.yag rnga'i rtse mo ji bzhin no/ /zhes bya ba ni bag yod par bsrung bar bya ba'i dpe ste/ ji ltar bsil rum gangs khrod na gnas pa'i g.yag rgod rnga ma la bag yod pas bsrung ba rnga ma wa mjug ltar mi rkyong bar rtse mo ldang du gzar te 'gro ba de bzhin du tshul khrims 'di yang bag yod pas srung bar gyis shig ces bya ba'i tha tshig go//da ni yang dag par sdud par byed pas 'dul ba'i sde snod yang dag par bsdu ba mthar phyin nas dge ba'i rtsa ba de/so sor thar pa bton pa yis/ /bsod nams grub pa gang yod pa/ /des ni 'jig rten ma lus pa/ /thub dbang go 'phang thob par shog /ces bya ba gsungs te/ so sor thar pa 'di bton pa'i bsod nams sgrub pa gang yod pa des 'jig rten ma lus pa thams cad thub pa'i dbang po sangs rgyas bcom ldan 'das kyi go 'phang thob par shog shig ces bya ba'i tha tshig ste/thub pa ni nyan thos dang rang sangs rgyas so/ /de'i dbang po ni de bzhin gshegs pa ste/ 'jig rten ma lus pas de thob par gyur cig ces thams cad kyis de ltar yongs su bsngo bar bya'o/ /bsdu ba'i mtshan nyid bshad zin to// // de ltar yang dag par sdud par byed pas so sor thar pa'i mdo yang dag par bsdu ba 'di yang rgyud chags gsum pa'i tshul du brtsams pa yin te/ snyan pa'i ba dan 'jig rten gsum du grags/ /dam pa'i chos sgra seng ge'i sgra bsgrags pa/ /thams cad mkhyen pa dkon mchog mdzod brnyes pa/ /zhabs la tshangs dbang gtsug gi nor bus gtugs//sdug bsngal rgya mtsho gting mtha' med brgal ba/ /'gro ba'i gtso la spyi bos phyag 'tshal te/ /zhes smos pas ni phyag 'tshal ba'i rgyud bstan to/ /de'i 'og tu/ thams cad mkhyen pa'i bslab gzhi dkon mchog snod/ /'phags pa'i tshogs kyis dbus su dbye bar bya//zhes bya ba nas/ tshul khrims de ni bsrung bya ste/ /g.yag rnga'i rtse mo ji bzhin no/ /zhes gsungs pa'i bar gyis ni mdo gdon pa'i rgyud bstan to/ /mjug tu/ so sor thar pa bton pa yis/ /bsod nams grub pa gang yod pa/ /des ni 'jig rten ma lus pa/ /thub dbang go 'phang thob par shog / ces gsungs pas ni bsngo ba'i rgyud bstan to/ /so sor thar pa'i mdo rgya cher 'grel ba 'dul ba kun las btus pa rdzogs so// //dbang phyug dam pa'i mnga' bdag rgyal po chen po dpal lha btsan po'i bka' lung gis 'phags pa gzhi thams cad yod par smra ba'i 'dul ba 'dzin pa chen po kha che'i bye brag tu smra ba'i slob dpon dzi na mi tra dang /sarba dz+nyA de ba dang / bod kyi zhu chen gyi lo tsA ba dge slong cog ro klu'i rgyal mtshan gyis bsgyur cing zhu chen bgyis te gtan la phab pa'o/ /'di la sh+lau ka ni khri lnga stong yod/ bam po ni lnga bcur byas so// //