CLOSE WINDOW

D4096
བོད་ཡིག

@#/ /rgya gar skad du/ a b+hi d+harma ko Sha TI ka lak+Sha N+yA sa ri Ni nA ma/ bod skad du/ chos mngon pa mdzod kyi 'grel bshad mtshan nyid kyi rjes su 'brang ba zhes bya ba/ 'phags pa 'jam dpal gzhon nur gyur pa la phyag 'tshal lo/ /gang zhig rang nyid thugs kyi mun pa shes bya ma lus yul can rgyud kun zhi//nyon mongs can dang nyon mongs can min mtha' yas mkhyen rab zer ma thos mthar bskyal zhing / /thugs rjes yongs su khyab pa'i thugs mnga' chos 'chad pa yi phyag brkyang tshul dag gis/ /'khor ba'i 'dam las 'gro ba drangs mdzad de la dang por rab tu phyag 'tshal te//nyid kyis don legs thugs chud cing / /grol ba'i thugs mnga' thub pa yis/ /chos mngon gang zhig bshad gyur pa/ /de nyid rab tu spro bar bya/ /bstan bcos mdzad par bzhed pas bstan bcos rtsom pa'i dgos pa'i dbang du byas nas bshad de/ de yang ston pa dang bstan bcos la gus pa bskyed pa'o//rang dang gzhan gyi don phun sum tshogs pa brjod pas bcom ldan 'das kyi che ba'i bdag nyid shes pa las ni gus pa skye ste/ spangs pa dang ye shes phun sum tshogs pa dang ldan pa'i phyir dang / 'khor ba'i 'dam du bying ba'i sems can dag drangs pas 'bras bu mthar thug pa la rab tu sbyor bar mdzad pa nyid kyi phyir ro//gus pa skyes nas yang 'khor ba'i 'dam du bying ba rnams klog pa dang kha don dang thos pa dang bsam pa la sogs pa'i bya ba dag la 'bad pa 'jug pas na de la rgal bar 'gyur ro/ /de nas nyan pa po dran pa dang shes rab zhan pa rnams mi rmongs par bya ba'i phyir slob dpon dbyig gnyen gyis sbyar ba chos mngon pa mdzod kyi bshad pa'i don rnam par dbye bar bya'o//byed na yang re zhig gnas brgyad pa rang kho na'i go rims kyi dgos pa brjod par bya ste/ 'di na chos rnams bsdu ba bstan pa 'dus byas dang 'dus ma byas la sogs pa gzhan yod du zin kyang / zag bcas zag pa med chos rnams//zhes bya ba'i tshul 'di las mi 'chol bar bstan pa dang / kun nas nyon mongs pa rnams dang rnam par byang ba'i phyogs las brtsams te bstan bcos 'di mdzad do zhes bya bar nges te/ de'i phyir kun nas nyon mongs pa dang rnam par byang ba'i phyogs dag ci rigs par phung po dang / khams dang skye mched kyis bsdus pa'i phyir dang por phung po la sogs pa'i rnam par gzhag par mdzad de/khams bstan pa ni phal che ba'i phyir khams kyi mdzod kyi gnas zhes sgrogs so/ /kun nas nyon mongs pa dang rnam par byang ba dag 'jug pa dang dmigs pa ni dbang po'i sgo nas yin te/de'i phyir de'i mjug thogs su dbang po nye bar bkod do/ /de nas khams dang 'gro ba dang skye gnas la sogs pa'i dbye bas khams dang dbang po'i bdag nyid can gyi kun nas nyon mongs pa sems can zhes bya ba dang / snod ces bya ba 'di ma rig pa la sogs pa dang / rlung gi dkyil 'khor la sogs pa'i rim pas rten dang brten pa'i khyad par du ji ltar skye ba de bsnyad do//de ltar khyad par mtha' yas pa byung ba de yang dbang phyug la sogs pa dag las ni ma yin gyi 'on kyang las dag las yin pa de'i mjug thogs su las rnams bshad do/ /las de dag kyang nyon mongs pa dang lhan cig tu gyur pa rnams yang skye ba la nus pa dang ldan pa yin gyi 'dod chags dang bral ba la skye ba ma mthong ba'i phyir 'ba' zhig pa dag na ma yin te/de'i phyir de'i mjug thogs su nyon mongs pa bstan to/ /de ltar rab tu zhugs pa'i kun nas nyon mongs pa dang rnam par byang ba'i go rims ni/ de la 'jug pa mi sdug dang / /zhes pa 'di yin la gnas der de'i sgrub pa po gang zag rnam par gzhag pa yang bstan to//rnam par byang ba yang nyon mongs pa dag ni ye shes kyis gzhom par bya ba yin no zhes 'byung ba las na shes pa las yin/ de'i mjug thogs su shes pa rnams dang des thob par bya ba'i yon tan rnams bshad do/ /sems mnyam pa la ni yang dag pa ji lta ba bzhin du rab tu shes so zhes bya ba'i mdo las ni shes pa rnams kyang bsam gtan dag med par ma yin te/de'i phyir bsam gtan dag dang bsam gtan gyi rang bzhin gyi yon tan rnams bstan to/ /gang zag rnam par gtan la dbab pa ni mdzod kyi gnas brgyad pa'i zhar la 'ongs par 'brel pa kho na'o//gal te de dag yod bzhin du bye brag tu bshad pa la sogs pa dang dgos pa mtshungs pas 'di brtsams pa dgos pa med par ji ltar mi 'gyur zhe na/ bye brag tu bshad pa la sogs pa rnams la rgyas pa dang bsdus pa dang sil bu la sogs pa'i nyes pa mthong bas yongs su dga' ba ma skyes pas bya ba mang po'i spros pas blo dkrugs pa rnams la phan gdags par bya ba'i phyir chos mngon pa mdzod ces bya ba'i bstan bcos rgyas pa dang bsdus pa spangs pa/don ma dkrugs pa nye bar ston pa/ chos mngon pa bsdus pa gzhan zhig brtsams pa yin te/ de'i phyir 'di brtsams pa dgos pa med pa ma yin no zhes tshigs su bcad pa nye bar bkod do//'brel pa ni gang zhig /dgos pa ni ci/ brjod bya ni gang zhe na/ bstan bcos byed par 'dod pas zhes bya ba 'di ni 'brel pa'o/ /rang gi ston pa'i che ba'i bdag nyid shes par bya ba'i phyir zhes bya ba 'di ni dgos pa'o/ /de la yon tan brjod pa sngon du 'gro ba'i phyag 'tshal ba rtsom pa zhes bya ba 'di ni brjod par bya ba'o//'dris par bya bas na yon tan te/ legs pa don du gnyer ba rnams kyis goms par bya'o zhes bya ba'i don to/ /kun la zhes bya ba ni spangs pa phun sum tshogs pa'o/ /gzhan zhes bya ba ni ye shes phun sum tshogs pas/'khor ba'i 'dam las 'gro ba grangs mdzad pa/ /zhes bya ba ni gzhan la phan pa phun sum tshogs pa'o/ /don bzhin ston pa de la phyag 'tshal nas/ /zhes bya ba 'di ni khams gsum gyi ston pa gcig pu nyid phun sum tshogs pa'o/ /chos mngon pa smos pas rtog ge la sogs pa'i bstan bcos bcos pa'o/ / mdzod smos pas mngon pa gzhan las khyad par du byas pa'o/ /rang gi ston pa'i zhes bya ba la de ni skyabs su 'gro bar khas blangs pa'i phyir dang / de'i bstan pa rjes su sgrub pa'i phyir rang gi ston par 'gyur ro/ /yang na de dag bdag gis lam dang lam gyi 'bras bu la rjes su bstan pa yin zhes byang chub tu sems bskyed pa'i dus nyid nas sems can thams cad slob ma'i dngos por khas blangs pa'i phyir dang /de'i don kho nar tshogs dag la rab tu zhugs pa dang mngon par rdzogs par byang chub par bya ba'i phyir 'di nyid sems can thams cad kyi rang nyid kyi ston pa yin gyi gzhan ni ma yin no/ /'o na ci'i phyir sangs rgyas bcom ldan 'das zhes gnyi ga brjod pa ni sangs rgyas kyi sgra nye ba'i tshig dang bral ba ni nyan thos dang rang sangs rgyas dang yang dag par rdzogs pa'i sangs rgyas gsum char la 'jug ste/de'i phyir sangs rgyas bcom ldan 'das kyi dbang du byas nas smras pa/ bcom ldan 'das kyi sgra yang bdag nyid ma sbyangs pa kha cig gis gzhan du yang thal byas pas sangs rgyas bcom ldan 'das zhes smras so//yang ni nye ba'i tshig med pa mi rigs pas gnyis smras so/ /gal te 'dod chags la sogs pa dag kyang shes bya thams cad la phyis mi skye ba'i chos can du 'gyur ba'i phyir gtan bcom pa yin na/ci'i phyir mi shes pa kho na'i sgo nas bstod pa brjod ce na/ mi shes pa ni gtso bo yin pa'i phyir ro/ /gzhan yang ston pa nyid phun sum tshogs par bstan par bya ba'i phyir ro/ /ston pa nyid phun sum tshogs pa yang thams cad la thogs pa med pa'i ye shes dang / 'gro ba 'khor ba las 'dren par mdzad pa'i sbyor ba ste/ gzhan gyi don la rab tu mi sbyor ba'am/ phyin ci log tu sbyor ba ni ston pa ma yin no/ /gal te nyan thos la sogs pa yang nyon mongs pa can gyi rmongs pa dang gtan bral mi 'gyur na ni nyon mongs pa dang las dang skye ba'i kun nas nyon mongs pa dang bral bar mi 'gyur te/de gsum ni nyon mongs pa can gyi rmongs pa'i rgyu can yin pa'i phyir ro/ /yang ji ltar na nyon mongs pa can ma yin pa'i mi shes pa yod pas nyan thos dang rang sangs rgyas la kun nas nyon mongs pa gsum ldog par 'gyur zhe na/ nyon mongs pa can nyid kun nas nyon mongs pa'i rgyu yin pa'i phyir te/nyon mongs pa can ma yin pa ni ma yin no/ /yang ci shes rab dri ma med pa kho na chos mngon pa yin nam/ smras pa ma yin no/ /'o na ci zhe na rjes 'brang bcas te/ shes rab kyi 'khor dus dang 'bras bu la sogs pa dag dang dge ba nyid kyis shes rab kyi rjes su 'jug pa'i gzugs la sogs pa'o/ /de la mi lcogs pa med pa dang bsam gtan dang bsam gtan khyad par can la rten pa'i shes rab la ni gang gis gang de skad du bshad pa'i yang dag pa'i ngag dang las kyi mtha' dang 'cho bas bstabs pa rnam par rig byed ma yin pa'i gzugs dang rjes su 'jug par 'dod do//gal te sems las byung ba thams cad kyi rten yin pas sems gtso bo yin pa'i phyir de nyid dri ma med pa rjes su 'brang ba dang bcas pa chos mngon pa rig mod ce na/bya ba dang mthong ba dang dmigs pa mngon par rtogs pa la nus pa dang ldan pas shes rab kho na gtso bo yin no/ /rjes su 'brang ba dang bcas zhes kho nar bstan pa ni thos pa las byung ba la sogs pa yang sbyar te/skye nas thob pa phung po bzhi'i rang bzhin yin pa ltar thos pa dang bsams pa las byung ba yang yin no/ /bsgoms byung ni phung po lnga pa ste/ nyer bsdogs dang / bsam gtan dang / bsam gtan khyad par can dag na bsam gtan gyi sdom pa yod pa'i phyir ro/ /nye bar bsdogs pa rnams dang gzugs med pa bzhi ni phung po bzhi pa'o//de lta na 'o na mdo sde la sogs pa de bzhin gshegs pa'i gsung gi rnam pa thams cad zag pa med pa'i shes rab kyi tshogs su gyur pas chos mngon pa nyid du 'gyur ro zhe na/ de ni de ltar yin mod kyi 'on kyang mdo sde ni phal cher gdul bya'i bsam pa la mngon du phyogs pa yin zhing /'dul ba ni byung bas rab tu phye ba yin la/ mngon pa ni chos kyi mtshan nyid la mngon du phyogs pa kho na yin pas de kho na la chos mngon pa zhes ming du grags so/ /de'i phyir gzhan la thob par 'gyur ba med do/ /yang dag par 'gro ba'i rnam grangs ni gnas brtan shA ri'i bu'i 'o/ / ston pa yongs su mya ngan las 'das nas gsung rab tu gyur pa na gnas brtan kA t+yA'i bu la sogs pa mngon par shes pa dang ldan pa rnams kyis chos kyi rje'i dgongs pa dang chos nyid la ltos te bsdus shing tshoms su byas so/ /grangs dang mtshan nyid bstan pa dang / /de bzhin rab byed bsdu ba dang / /sgrub byed mtshungs par ldan pa ste//chos ni ngang du rab tu bsgrags/ /yang na grub bzhin du rtsom pa ni nges pa'i phyir yin te/ lam gyi bden pa 'dus byas dag las bkol bas zag pa med pa nyid du grub bzhin slar yang zag pa med pa dag gi nang du smos pa ni nges par bya ba'i don du'o/ /kha cig ni dgra bcom pa'i gzugs dang ma zin pa'i gzugs zag pa med par 'dod de/de'i phyir 'dus byas dag las lam gyi bden pa dag kho na zag pa med pa yin gyi gzhan ni ma yin no zhes nges pa yin no/ /de bzhin du kha cig brtags pa'i 'gro ba 'gog pa kho na 'dus ma byas dang zag pa med par khas len gyi nam mkha' ni ma yin no//de ni 'dus byas yin te/ sgra de tsam las byung ba'i phyir ro/ /brtags pa ma yin pa ni khas mi lan pa nyid do/ /gzhan dag ni 'dus ma byas gsum char btags par khas lan gyi rdzas su ma yin no/ /de'i phyir 'dus ma byas zag pa dang bcas pa nyid yin pa bsal du zin kyang 'dus ma byas nyid dang zag pa med pa nyid dang /dngos po nyid du khas blangs par shes par bya ba'i phyir/ 'dus ma byas rnam gsum yang ste/ /zhes bya ba smos so/ /yang gi sgra ni nges par gzung ba ste/ lugs gzhan dgag par bya ba'i phyir rnam pa gsum kho na'o zhes ston par byed do/ /ji ltar 'ga' zhig gis rten cing 'brel bar 'byung ba yang 'dus ma byas nyid du 'dod pa bzhin no//'phags pa'i bden pa smos pa ni tshor ba rnam par bcad par bya ba'i phyir ro/ /bstan pa 'di ni phal che ba'am gtso bo yin te gzhan du na 'jig rten pa'i lam gyis thob pa so sor brtags pa'i 'gog par mi 'gyur ro/ /de la ma zin pa'i 'byung ba chen po bzhi'i rgyu las grub pa ni 'di lta ste/lag pa dang lag chings lta bu'o zhes bya ba la gal te ngag gi sgra ma zin pa'i 'byung ba chen po'i rgyu las byung ba yang yod pa ma yin nam/ dper na tshangs par 'dod par gtogs pa'i sprul pas smras pa dang / bsam gtan gnyis pa skyes pa rnams kyi ngag gi rnam par rig byed lta bu ste/rnam rig dpyod dang bcas dag na/ /zhes 'byung ba'i phyir ro zhe na/ /yod mod kyi 'di ni nges pa med de/ dpe nyid du nye bar blangs pa'i phyir te/ 'di ltar lag pa dang ngag gi sgra ni zin pa'i 'byung ba chen po'i rgyu kho na las 'byung ba yin zhes nges par gzung ba'i phyir ma yin no gnod par byed pa'i grang ba med kyi phan par byed pa ni yod do lo zhes bya ba la kha cig na re lo'i sgra ni ting nge 'dzin las tha dad pa'i phan 'dogs par byed pa khas ma blangs par gsal bar bya ba'i don du'o zhe'o//kha cig ni de dag gi ltar na bsam gtan dang po na rnam par shes pa tshogs gsum gyi bde bas phan 'dogs par byed par mi 'gyur ro zhe'o//gzhan dag na re de ni shin tu sbyangs pa zhes bya ba'i reg bya'i khyad par las gzhan pa'i reg pa phan 'dogs par byed pa med do zhes zer ro/ /yul mnyam zhing za bar 'dod pa med na rten gang g.yer ba de sngar skye'o/ /g.yengs dang sems med kyis ngag gi rnam par rig byed las khyad par du byas la/rjes 'brel gyi ni lus kyi rig byed las khyad par du byas so/ /gnyid dang brgyal ba sems med par khas ma blangs ba'i phyir dang / 'du shes med pa pa la rnam par rig byed ma yin pa med pa'i phyir mig 'du shes med pa dang 'gog pa'i snyoms par 'jug pa la snyoms par zhugs pa'i yang yin no zhes bya ba smos te/sems med pa ni snyoms par 'jug pa gnyis kho na yin no zhes ston par byed do/ /slob dpon gyi tshig yin par ston pa'o zhes bya ba ni ston pa'i gsung rnams yin no snyom du dgongs pa'o/ /'di skad bstan par 'gyur te/gal te rten gzugs su yod pa'i phyir mig la sogs pa'i rnam par shes pa dag kyang rnam par rig byed ma yin pa ltar gzugs nyid yin na ni/ de lta na de'i rten gzugs su yod pa ma yin pa'i phyir 'ga' zhig gzugs nyid ma yin par yang 'gyur na/ gcig la chos can phan tshun 'gal ba 'du ba yang ma yin te/rtag pa dang mi rtag pa bzhin no/ /rnam par rig byed ma yin pa de lta na rten tha dad du 'gyur ba ma yin te/ 'o na ci zhe na thams cad gzugs su yod pa yin no/ /de lta bas na 'dra bar thal ba med do/ /sha dang lha dang 'phags pa'i shes rab kyi mig gsum gyi spyod yul pa yin pa'i phyir zhes bya ba la sha'i mig ni bdag cag lta bu rnams kyi'o//lha ni lha rnams kyi'o/ /'phags pa'i shes rab kyi mig ni 'phags pa rnams kyi ste zag pa med pa'i shes pa'o/ /sha'i mig ni chos thams cad la dmigs pa'o/ /lha'i mig ni gzugs kyi yul can kho na'o/ /gzhan dag na re/phung po la sogs gtam re yin/ /zhes bya ba 'di nyid/ spyod pa rnams kyi gnyen por ni/ /zhes rnam grangs gzhan gyis bstan te/ gang zhig nyon mongs pa'i gnyen por mi 'gyur ba'i phung po bstan pa de ni 'ga' yang med pa'i phyir ro zhes zer ro / lo'i sgra ni rdul phra rab rnams phan tshun reg pa med pa'i phyir bsags pa la gdon mi za bar bu ga yod par 'gyur bas ma rangs pa'i don to//gzhan dag na re bye brag tu smra ba'i tshig yin no zhes zer ro/ /'o na khams brgyad po thams cad bdag med pa'i shes pa'i yul yin pa'i phyir chos kyi khams bzhin du ston pa dang bcas par 'gyur ro zhe na/mi 'gyur te de dag ni rang gi byed pa la ltos nas ston pa dang bcas pa de dang mtshungs pa nyid du 'jog pa'i phyir ro/ /dri la sogs pa de dag ni gang dag gcig gis 'dzin pa de dag gzhan gyis mi 'dzin te/ /ji ltar zhe na/ phrad nas 'dzin pa'i phyir ro zhes bya ba smos te/ de phyir mig la sogs pa bzhin du de dag kyang thun mong ma yin no//'di la smra ba gcig gi sna la sogs pa'i rnam par shes pa skyed par 'gyur ba'i dri la sogs pa gang dag yin pa zhes bya ba la res 'ga' zhig rkyen nye na de dag nyid thun mong ma yin pa'i phyir gzhan gyi sna la sogs pa'i yul du skyes pa ni de dag gi rnam par shes pa skyes par 'gyur ba de ni yod kyi/gzhan gyi mig gis gzhan lta ba ni nam yang yod pa ma yin te/ yul thun mong pa nyid kyi phyir ro/ /mu stegs byed kha cig na re sgra rgyun chags par 'jug pa'i rim pas rna bar 'ongs par rtogs par byed pa'i phyir rna ba ni yul dang phrad pa kho na yin no zhes zer ro//de ni de lta ma yin te lag par bcangs pas dril bu'i sgra 'gags ma thag tu sgra mi thos pa'i phyir ro/ /de zhig kyang 'ga' zhig par nas chu rlabs kyi tshul du 'ong ba'i sgra de 'dzin pa sus bzlog /de'i phyir dril bu'i yul na gnas pa'i sgra kho na 'dzin gyi/ chu rlabs kyi tshul du rna 'brug gi bu gar phyin pa ni ma yin no//skad cig mar 'dzin pa dang 'gal ba la sgyu smras pa ni skad cig ma phyi mar gnas par 'gyur ro zhes bya ba ste/ reg pa'i skad cig ma ni skyes pa'i skad cig pas 'phyi ba yin te/ bdag nyid thob ma thag tu phan tshun reg pa'i phyir ro/ /skad cig mar gnas pa yang ma yin te de'i phyir reg pa'i dus su 'gag pa'i phyir mi rig go//res 'ga' ni mnyam zhes ni mi brjod de tshad nges par ma bzung ba'i phyir ro/ /yang na ni brjod par bya ste/ gang gi tshe rna ba'i nang du thos pa de'i tshe mnyam pa yin pa'i phyir ro/ /rnam par shes pa'ang gong ma ni mig gi ma yin te zhes bya ba/'dir yang rang gi sa pa dang sa gong ma khas blangs par 'gyur te/ ji ltar sa 'og ma'i gzugs sa gong ma'i mig gi yul ma yin pa de bzhin du sa gong ma'i rnam par shes pa yang sa 'og ma'i mig gis rten par mi 'gyur te/ rang gi rten dang lhan cig yul gcig la 'jug pa'i phyir ro//'di na lha tshangs pa la sogs pa mthong ba'i phyir dang / de'i dbang gis rnam par shes pa skye ba'i phyir 'di ni 'byed par bya dgos so zhes bya ba 'di ni rgol ba'i gzhi yin no zhes/ sprul pa'i gzugs mthong ba'i phyir na 'di ni dpyad zin to/ /gnas dang po'i 'grel bshad do// // pho dang mo'i dbang po dag dang bral ba ni za ma rnams te 'byin pa med pa'i phyir ro/ /de nyams pa ni ma ning rnams te gnod pas nyams pa'i phyir ro/ /mtshan gnyis pa ni gnyis ka nyams pa ste gnas nyams pa'i phyir dang bde ba chung ngu'i rgyu yin pa'i phyir ro/ /mtshan gnyis pa ni dbang po gnyis bde 'gro na dge ba'i rnam par smin pa ji ltar yin zhe na/de'i phyir bde 'gro na zhes bya ba rgyas par smos so/ /bde 'gro ste mi dag gi nang nas mi dge ba'i las kyis dbang po gnyis po de mi 'tsham pa'i gnas su skyes pa yin te/ de ni sems dang ldan pa ma yin pa'i 'du byed do/ /dbang po ni lus kyi dbang po'i phyogs yin pa'i phyir dge ba kho na'i yin te/lus kyi dbang po bzhin du bde 'gro na gcig tu dge ba kho na'i rnam par smin pa yin no/ /nyi 'og pa ni yid mi bde ba yang dge mi dge lung ma bstan gsum char du 'dod do/ /yongs su nyams pa med pa'i rgyu ni de'i 'dod chags dang bral ba ni zhes bya ba la sogs pa ste/ 'jig rten pa dang 'jig rten las 'das pa'i lam gnyis kyis thob par byas pas de'i 'dod chags dang bral ba ni brtan pa yin te/ 'bras las nyams 'gyur/ dang po las yin zhes 'chad par 'gyur ro/ /mthong ba'i lam ni 'dod pa'i khams kho nar yin te de'i phyir gdon mi za bar lus kyi dbang po dang ldan no//'dod chags dang bral ba la nges pa la 'jug pa'i tshe yid mi bde ba mi srid do zhe na/ de'i phyir tshor ba bzhi dag dang zhes smos so/ /lhag ma rnams dang ni ldan pa yang yod mi ldan pa yang yod do/ /de dag dang 'brel pa'i 'dir pho dang mo'i dbang po dag kyang gang rung zhig brjod par bya'o zhes bya ba'i rgol ba'i tshig ni brjod par mi bya ste 'khrug pa'i phyir ro//res 'ga' ni rim gyis 'chi ba'i gnas skabs su dbang po 'gags kyang de'i tshe skye ba skye zhing nges pa la 'jug par 'gyur te/ de nyid kyi phyir mo yin pa la mo'i dbang po dang mi ldan pa yod dam zhe na/ yod do zhes brjod de mo'i dbang po 'gags kyang de'i ris mthun pa mi 'gag pa'i phyir ro//pho'i dbang po yang de 'dra'o/ /de ltar na yang sems gcig la rtsing ba dang zhib pa gnyis mi 'thad de phan tshun 'gal ba'i phyir ro/ /slob dpon 'dus bzangs na re sems gcig la dmigs shing rdzas mnyam yang mthu dus gzhan yin pa'i phyir 'gal pa med de/tshogs la rtog pa'i mthus bla lhag na ni dpyod pa'i mthu nyams pa'i phyir sems rtsing bar 'gyur la/ dpyod pa'i mthu bla lhag na ni rtog pa'i mthu nyams pa'i phyir zhig par 'gyur te/ tsha dang chu grang reg bzhin no/ /'dir gang zhig mthu shas che ba de ni sa dang mtshungs la/gang zhig shas chung ba de ni chu dang mtshungs pas dpe la mi mthun pa med do/ /de ltar na rtog pa dpyod pa cig car ba yin la/ sems rtsing ba de nyid zhib pa ma yin no zhes zer ro/ /sa'i bye brag gis ni 'dod pa'i khams na rtog pa kho na yod la/ srid pa'i rtse mo na dpyod pa kho na yod cing bar na gnyis ka yod par 'gyur ro//rnam pa'i bye brag gis ni sa thams cad na gnyis ka yang yod mod kyi 'dod pa'i khams dang bsam gtan dang po gnyis kho na na yod pa yang ma yin no/ /slob dpon 'dus bzangs ni slar yang sems rtsing ba dang zhib pa nyid ni sems rtsing ba dang zhib pa nyid do zhes ni mi smra'o//'o na ji ltar zhe na/ sems rtsing ba ni sems la yod pa'i rtsing ba'o/ /de'i dngos po ni sems rtsing ba nyid do/ /sems zhib pa yang de dang 'dra'o zhes zer ro/ /nam mkha' dang ni 'ga' yang ldan pa med do/ /ci'i phyir zhe na/ 'brel pa med pa'i phyir ro/ /nam mkha' dang ni gang yang 'brel pa med de dgag par bya ba dang 'gog pa med pa'i phyir ro//de'i 'di la thob pa med do/ /yan lag lnga rnam par spangs pa zhes bya ba la/ tha ma'i cha dang mthun pa'i kun du sbyor ba lnga dag spangs par 'gyur zhing yongs su shes par 'gyur zhing / 'di lta ste/ 'jig tshogs la lta ba dang /tshul khrims dang brtul zhugs mchog tu 'dzin pa dang / the tshom dang / 'dod pa la 'dun pa dang / gnod sems so/ /gzhan dag na re tha ma'i cha dang mthun pa rnams ni sngar slob pa'i gnas skabs kho nar spangs zin pa'i phyir 'dir ni gong ma'i cha dang mthun pa rnams kho na gzung ste/ gzugs kyi 'dod chags dang / gzugs med pa'i 'dod chags dang / rgod pa dang nga rgyal dang rmongs pa'o zhes zer ro/ /gzhan dag na re/ lnga par mtshungs pa'i phyir gong ma'i cha dang mthun pa dang tha ma'i cha dang mthun pa rnams gnyis ka gzung ste gnas brgyad la mkhas pa ston pa bzhin no zhes zer ro//thob pa ni gang zhig yod na mngon du ma gyur pa yang chud mi za bar 'gyur ba'i chos zhig go/ /nga 'dir khungs ni/ so sor thob la kun du ldan pas na/ /zhes bya ba 'di yin no/ /'dod pa na spyod pa'i gzugs dge ba dang mi dge ba sbyor ba las byung ba yin gyi skyes nas thob pa ni ma yin no//mnyam par ma bzhag pa'i sa pa yin pa'i phyir ma 'ongs pa'i rnyed pa ni ma yin te/ de'i phyir de'i thob pa sngar skye ba med do/ /ma thob pa ni skye ba'i rten gyi dbang gis rnam par gzhag gi chos kyi dbang gis ma yin no/ /chos dang 'gal ba'i phyir ro/ /slob dpon 'dus bzangs na re skal ba mnyam pa zhes bya ba ni sems can 'gro ba gcig tu skyes pa rnams kyi lus dang dbang po dang dbyibs dang g.yo ba dang zas la sogs pa'i rgyur gyur cing phan tshun dga' bar 'brel pa'i rgyu mtshan yin no//sems can ma yin pa'i skal ba mnyam pa nyid kyang ci'i phyir mi 'dod ces gang smras na khyed cag gis 'gro ba dang skye gnas rnams khas blangs pas rtswa dang a mra la sogs pa'i 'gro ba dang /la phug dang mon sran sde'u skye gnas dag kyang ci ste khas mi len/ bcom ldan 'das kyis ma gsungs pa'i phyir yin na ni sems can ma yin pa'i skal ba mnyam pa yang khas mi len te/ bcom ldan 'das kyis ma gsungs pa'i phyir ro zhes zer ro//'dod pa'i khams su skyes par gyur te zhes bya ba 'di la rgyu ci yod ce na/ de'i phyir gang zhig der skyes par gyur pa zhes rgyas par smos te/ byang gi sgra mi snyan pa rnams kyi lha ltar skye ba'i las bzhin du 'du shes med pa'i sems can rnams kyi 'dod pa'i khams su skye ba myong bar 'gyur ba'i las nges pa yin pa'i phyir ro//'phags pa'i ma yin nges pa la zhugs pa nyid kyis ngan song dang 'du shes med pa pa dang / tshangs pa chen por skye ba rnams kyis brtags pa ma yin pa'i 'gog pa thob ste/ lta ba'i gnas yin pa'i phyir dang / 'phags pa'i lam dang 'gal ba'i phyir ro//de'i phyir 'dris kyang ma brtsal bar mi 'thob po/ /'o na ci zhe na dus gcig pa 'thob po/ /'di ni gnas skabs thams cad du so sor thar pa'i sdom pa bzhin du sngon med pa 'thob pa'i phyir 'das pa mi 'thob po/ /de'i phyir je dang po dus da ltar ba kho na 'thob po/ / skad cig ma gnyis pa la sogs pa dag tu ni 'das pa dang yang ldan la/ ma langs pa ni da ltar ba dag kyang yang ngo / /langs pa ni 'das pa kho na dang ngo / /ji srid mi gtong ba ni de srid du zhes bya ba ni yongs su ma nyams kyi bar du zhes bya ba'i don to/ /sems med pa yin pa'i phyir ma 'ongs pa mi 'thob ste lha'i mig dang rna ba bzhin no//slob dpon 'dus bzangs na re de'i sa pa'i 'ching ba ma spangs pa'i de bskyed par mi nus te/ mthong bas spang bar bya ba las ni ma 'das par ni srid pa'i rtse mor 'gog pa'i snyoms par 'jug pa bskyed par mi nus la/ so so'i skye bo ni de las 'das pa yang yod pa ma yin no zhes zer ro//ci'i phyir srid pa'i rtse mo'i 'og gi sa dag la 'gog pa la snyoms par mi 'jug ce na/ rgyab kyis phyogs pa dang mthar thug par gcod pa dag gi rnam par thar pa der 'gyur ba'i phyir ro/ /rnam par thar pa de ni rgyu gnyis kyis rnam par gzhag ste/ rgyab kyis phyogs pa dang sems mthar thug pa gcod pas so//sa 'og ma dag na de yod na ni dmigs pa dang bcas pa thams cad la rgyab kyis phyogs par mi 'gyur la/ mthar thug pa gcod par yang mi 'gyur gyi sa de'i gong na sems yod pas bar du sems gcod par 'gyur ro/ /gnyis ka'i cha ni nyon mongs pa'i sgrib pa dang /snyoms par 'jug pa'i sgrib pa'o/ /de la rdo rje lta bu'i ni nyon mongs pa'i sgrib pa las grol bar byed la/ zad pa shes pa'i dus na rnam par grol ba yin no/ /'gog pa'i snyoms par 'jug pa bskyed pa na snyoms par 'jug pa'i sgrib pa las grol bar byed la/ bskyed pa'i tshe ni rnam par grol ba yin na bcom ldan 'das ni gang la zad pa mkhyen pa'i dus na gnyis ka'i cha las rnam par grol ba zhes bya ba 'gog pa'i snyoms par 'jug pa ma bskyed pa'i tshe ji ltar snyoms par 'jug pa'i sgrib pa las rnam par grol bar 'gyur zhe na/de'i sgrib pa dang bral ba'i phyir dang /de'i mi ldan pa rnam par nyams pa'i phyir bcom ldan 'das kyis zad pa mkhyen pa'i dus na de bskyed zin pa bzhin du mnga' brnyes zin pa'i phyir te/ de mngon sum du bskyed par nus pa'i gegs dang bral ba'i phyir ro zhes bya ba'i don to/ /de'i phyir ma bskyed pa na yang gnyis ka'i cha las rnam par grol bar grub po//slob dpon 'dus bzangs na re ji ltar na byang chub sems dpa' 'khor ba thog ma med pa dang mi ldan pa nas/ lo ka pa'i snyoms par 'jug pa'i khyad par gyis bslus pa zag pa zad pa'i bsam pas skyil krung bcas te/ srid pa'i rtse mo'i mthong bas spang bar bya ba'i sngon rtsa ba nas ma bton pa rtsa ba dang bcas te drungs phyung nas nyon mongs pa'i dgra drungs phyung ba'i lhag ma spang ba'i phyir yid gtad pa ni de'i gnyen po btang nas 'bad pa thun mong bas thob par bya ba lo ka pa'i snyoms par 'jug pa thob par bya ba'i phyir gus par byed par 'gyur te/de'i phyir bye brag tu smra ba rnams snga ma kho na yin no zhes rjod par byed pa 'di ni rigs pa ma yin no zhes zer ro//kha cig na re rgyu dang 'bras bu dag ha cang de na mi rung bas gzugs kyi khams na ni bsam gtan gsum dag na 'du shes med par snyoms par 'jug gi bzhi pa na ni ma yin no zhes zer ro/ /gzhan dag na re skye ba de ni 'bras bu yin pa'i phyir 'du shes med pa'i sems can ma gtogs pa bzhi par snyoms par 'jug go zhes zer ro//tshig shes pa ni lha rnams dga' ba yin gyi zhes bya ba la sogs pa la/ tshig shes pa ni gang dag rig byed kyi tshig tshad mar byed pa de dag yin te/ sangs rgyas kyi gsung ni don gyis rab tu phye ba yin pa'i phyir ro//rgyu rnams ni gang rkyen rnams ni gang zhes bye brag tu 'dri na/ rgyu rnams las rkyen rnams la khyad par ci yod ce na/ kha cig na re ci yang med de bcom ldan 'das kyis yang dag pa'i lta ba bskyed pa la rgyu gnyis dang rkyen gnyis te/ gzhan gyi sgra dang tshul bzhin yid la byed pa'o zhes gsungs so/ / de'i phyir rgyu dang rkyen dag dang byed rgyu dang rgyu mtshan zhes bya ba ni rnam grangs dag go zhes zer ro/ /gal te khyad par med na ci'i phyir bye brag tu bstan ce na/ gdul ba la ltos nas de khams dang skye mched bzhin no/ /'di ltar rkyen khyad par med par bstan la/ rgyu ni khyad par du bstan to/ /gzhan dag na re nye ba ni rgyu yin la ring ba ni rkyen yin no zhes zer ro//ma gtogs pa gang yin pa'o zhes bya ba 'dir kho bo cag gis ni skye ba la sogs pa kho na bshad de/ de dag gi don du 'dir nye bar bkod pa'i phyir ro/ /ma gtogs pa gzhan gang yin pa de yang 'jig tshogs la lta ba'i rgyu can yang yin la rgyu yang yin par brjod par bya'o//gang dag de dang mtshungs par ldan pa'i chos rnams kyi zhes mi 'don pa de dag gi ltar na rab tu byed pa'i gzhung ji ltar 'gal bar 'gyur zhes khong nas dbyung bar bya'o/ /'o na ji ltar zhe na/ 'jig tshogs la lta ba'i skye ba dang rga ba dang gnas pa dag ma gtogs zhes de skad du 'don te/'di ltar 'di dag gi skye ba la sogs pa'i stobs kyis ni sems mi skyed de/ de rang gi mthun pa'i mtshan nyid bzhin no/ /de'i phyir/ de dang mtshungs par ldan pa'i chos rnams kyis/ /zhes de skad mi 'dod do/ /thob pa dang de dag gi skye ba la sogs pa rnams ni 'du byed kyi phung pos bsdus pa'i phyir na phung po gcig go//thob pa rnams kyi 'bras bu gang yin pa de nyid de dag gi skye ba la sogs pa rnams kyi yang yin pas 'bras bu gcig go/ /thob pa rnams kyi thob pa dang ldan 'bras bu tha dad pa de mtshan nyid rnams ni ma yin te/ mtshan gzhi dang gnyis lhan cig 'byung ba'i rgyu yin pa'i phyir ro//phung po gnyis la zhes bya ba ni lus dang ngag las dga' ba dang mi dga' ba ni gzugs kyi phung po yin la/ de dag gi skye ba la sogs pa rnams ni 'du byed kyi phung po yin no/ /lhan cig 'byung ba'i rgyu yin pa'i phyir lus dang ngag gi las dang / de dag gi skye ba la sogs pa rnams kyi rnam par smin pa'i 'bras bu gcig kho na yin te/'bras bu tha dad pa ni lhan cig 'byung ba'i rgyu yin pa nyid du 'gal ba'i phyir ro/ /'du shes med pa pa yang sems kyi mtshungs pa de ma thag pa can yin pa'i phyir gsum gyis yin par rigs pa ma yin nam zhe na/ 'di brjod par bya ba yin mod kyi rnam par smin pa las skyes pa yin pa'i phyir rang gi ngang gis 'jug pas sems kyi 'du byed las skyes pa ma yin pa des na ma brjod do//snyoms par 'jug pa'i tshe dge ba dang zhes bya ba 'byung ba la dge ba gang gi mjug thogs su dge ba gang dang gang gis bsdus pa 'byung zhe na/'dod pa na spyod pa'i dge ba sbyor ba las byung ba'i mjug thogs su sbyor ba las byung ba kho na yin gyi skyes nas thob pa ni ma yin te/ 'dir skyes pas mngon du byed mi nus pa'i phyir ro/ /kha cig na re mi lcogs pa med pa kho nas bsdus pa 'byung ngo zhes zer ro/ /gzhan dag na re bsam gtan dang po'i yang ngo zhes zer ro//gzhan dag na re bsam gtan khyad par can gyi yang ngo zhes zer ro/ /btsun pa dbyangs sgrogs na re bsam gtan gnyis pa'i bar du yin no zhes zer ro/ /gzhan dag na re mnyam par gzhag pas thod rgal gyi snyoms par 'jug pa ltar sas bar du chod pa 'dren par mi nus so zhes zer ro//bzo'i gnas pa'i mjug thogs su ni drug ste zhes bya ba la 'di ltar de la gnas pa la 'chi ba med de/ de lta ma yin na gzugs dang gzugs med pa na spyod pa'i nyon mongs pa can dag sus bzlog tu yod/ gal te mi slob pa las slob pa mi 'byung na/ 'o na ji ltar na mi slob pa las yongs su nyams pa slob pa yin zhe na/'di ltar langs pa mi slob pa'i ting nge 'dzin las nyams par 'gyur te/ ting nge 'dzin la gnas pa la yongs su nyams pa med pa'i phyir ro/ /gnas gnyis pa'i 'grel bshad do// //chu bur can la sogs pa grang ba'i sems can dmyal ba brgyad ni yang sos la sogs pa rnams kyi ngos bzhi de dag gi 'khor lhag pa lta bur gnas te/des na gtso bo ma yin pa'i phyir grang ba'i dmyal ba rnams logs shig tu ma bstan la/ nyi tshe ba'i dmyal ba rnams kyang yul dang grangs dang tshad ma nges pa logs shig tu ma smos so/ /thos pa dang yongs su nyams nas de la chags pa'i phyir ro zhes bya ba la/rnal 'byor pa rnams ni de ltar 'dod pa na spyod pa'i sprul sems kyis 'dod pa na spyod pa'i sprul pa sprul par byed do zhes nas de la dmigs pa'i 'dod chags skye la/ 'dod pa'i 'dod chags dang bral ba las yongs su nyams te rjes su dran nas sprul pa'i sems la chags par byed do//yang sprul pa'i dbang gis zhes bya ba rgyas par 'byung ba la/ 'dod pa na spyod pa'i sprul pa mthong nas kye ma kyi hud bdag la yang 'di 'dra ba'i sems yod par gyur cig snyam du sprul pa'i sems la yang 'dod pa nyon mongs pa can 'byung ngo / /gal te bdag cag ni des so snyam pa dang /'di dag bdag gis snyam du 'du shes tha dad pa'i phyir 'du shes du ma pa yin no snyam na rgyu'i 'du shes tha mi dad pa'i phyir 'du shes tha dad pa med de/ de dag thams cad tshul khrims dang brtul zhugs mchog tu 'dzin pa'i lta ba la zhen pa'i phyir ro/ /gzhan dag na re 'od gsal na gnas pa dag kho nas bsam gtan dang po'i sa pa'i sprul pa sprul nas tshangs pa dang lhan cig bsdad la/sprul pa'i gnas skabs dang yang bsam gtan dang por skyes pa de dag gi de'i sa pa'i mngon par shes pa'i yul yin pas de dag gis sprul pa'i gnas skabs dran pas de dag 'di snyam du bdag cag ni zhes bya ba rgyas par shes par 'gyur ro zhes zer ro//gzhan dag ni bsam gtan gnyis par skyes pa la sogs pa rnams kyi mig gi rnam par shes pa ni tshangs pa'i lo ka pa kho na yin pas de dag nyams su myong ba dran pa mi srid pa ma yin te/ de'i phyir sngar mthong ba kho na rjes su dran pa yin no zhes zer ro//kha cig na re sems can 'di yang 'di snyam du smon la bdag kyang 'dir skyes so snyam du bsgoms pa las byung ba'i sngon gyi gnas rjes su dran pa'i shes pa'am/ gzhan gyi sems shes pas 'dzin pa ni ma yin te/ 'o na ci zhe na skyes nas thob pa kho nas de snyam du shes pas 'gal ba med do zhes zer ro//gzhan dag na re rjes su dpag pa'i shes pa gzhan gyi bsam pa rnam pa dang bcas pa rtog pas gnod par byed pa ma yin no zhes zer ro/ /'ong ba dang med par 'du shes pa'i phyir dang zhes bya ba rgyas par 'byung ba la/ skyes nas yun ring du ma lon pa rnams ni 'ong bar 'du shes pa'i phyir ro//skyes nas yun ring du lon pa rnams ni med par 'du shes pa'i phyir ro/ /skrag pa dang mi skrag par 'du shes pa'i phyir zhes bya ba ni de dag nyid dang go rims bzhin no/ /skrag pa ni skyo ba'i 'chi 'pho bar dogs pa'i phyir mtshan nyid can te/ bdag tu 'dzin pa ma spangs pa'i phyir de dag la de yod do//sa gzhan du ma yin no zhes bya ba las gzhan gyi phung po rnams ni mngon du gyur pa yin yang rnam par shes pa gnas pa'i bya ba mi byed de/ srid pa kun du spyod pa'i dbang gis na de la rnam par shes pa rab tu gnas pa yin na/ de dag la srid pa kun du spyod pa med pa'i phyir ro/ / rgyud gzhan dag dang sems can du bgrang ba ma yin pa dag ni rang gi sa pa yin yang / rnam par shes pa gnas pa ma yin no/ /gzhan dag na re de dag kyang rnam par shes pa gnas pa yin te/ de la yang rnam par shes pa nye bar brlan pa 'phel bar 'gyur ba yin no zhes zer ro/ /kha cig na re yi dags rnams ni brdzus te skyes pa kho na yin no zhes zer ro//de'i phyir yi dags mngal nas skye ba sgrub pa'i phyir tshe dang ldan pa maud gal gyi bu chen po la zhes rgyas par 'byung ngo / /skye gnas thams cad du skyes pa rnams la 'phags pa'i chos thob pa'i go skabs yod mod kyi/ 'phags pa'i chos thob zin pa rnams ni sgo nga dang drod gsher las skyes pa'i gnas su mi skye'o//sngon dus kyi srid pa'i sha tshugs can yin yang rnam par smin pa'i snying po dang po yin pa'i phyir dang / srid pa tshol ba yin pa'i phyir dbang po ma tshang ba med pa yin te/ de lta ma yin na sna med pa dang / mig med pa skye ba nyid du mi 'gyur ro//sngon gyi slob dpon dag ces bya ba ni sngon gyi mdo sde pa dag go/ /gnas skabs gang gis zhes bya ba ni shan pa la sogs pa'am lings pa la sogs pa dag gi tshe ste/ ji skad du/ ji ltar 'gyur bas de myong las/ /sngar byas pa ni rmi lam ltar/ /sems can de 'dra mthong gyur nas//dmyal bar rab tu rgyug par 'gyur/ /zhes bshad do/ /gzhan dag na re rgyal po lnga len gyi bu lnga brgya sgo nga las skyes pa yin pa de dag gis kyang rang sangs rgyas kyi byang chub rtogs so zhes bya bar grags te/ de'i phyir sgo nga las skyes pa ni rtag tu thams cad du rmongs par 'gyur ro zhes bya ba 'di ni ma nges so zhe na/rang sangs rgyas bse ru lta bu la dgongs nas gsungs pas nyes pa med do/ /gal te/ rtse dgas 'gro ba'i yul du 'gro/ /zhes sngar bstan zin pa ma yin nam/ rlung langs pa'am char 'bab pa'am zhes bya ba rgyas par yang ci'i phyir smos she na/ nges pa med par shes par bya ba'i phyir te/'dod chags dang zhe sdang gnyis kho nas blo phyin ci log tu 'gyur bas skye ba'i yul du 'gro ba ma yin gyi/ 'o na ci zhe na rnam pa gzhan du rtswa thibs po'am nags thibs po'am zhes rgyas par 'gyur ba yin te/ de ltar bshad na/ skye ba'i srid pa nyon mongs can/ /rang gi sa pa'i nyon mongs kun/ /zhes bya ba 'di yang tshad mar 'gyur ro//gzhan dag na re ni rang dang nye ba'i gnas skabs su yin no zhes zer ro/ /gzugs dang gzugs med pa na gzugs dang skye mched drug gi gnas skabs yod pa ma yin te gzugs med pas de dag med do/ /spyod pa yang ma yin te zhes bya ba la gzugs na spyod pa la ni rnam par shes pa dang skye mched drug gi gnas skabs las tha dad pa'i ming dang gzugs kyi gnas skabs med de 'di ltar ming dang gzugs ni de phan chad skye mched drug dod tshun chad do zhes 'chad par 'gyur ro//de'i phyir gzugs kyi khams na yan lag gcig gnyis yod do/ / gzugs med pa na ming dang gzugs dang skye mched drug gi gnas skabs yod pa ma yin te/ gzugs med pas de dag med do/ /de'i phyir yan lag bcu yod do/ /yang ci'i phyir nyon mongs pa thams cad ma rig pa'i sgras brjod ce na/ yang srid pa 'phen pa'i 'du byed rnams kyi rgyu'i ngo bor nges pa'i phyir ro//'dod chags la sogs pa rnams ni de lta ma yin te 'di ltar 'dod chags ni zhe sdang gis mngon par 'du byas pa'i 'du byed rnams kyi rgyu ma yin no/ /de bzhin du gzhan la yang brjod par bya'o/ /ma rig pa ni gdon mi za ste de ni nyon mongs pa thams cad dang lhan cig spyod pa'i phyir ro/ /des gzhag pa'i nus pa'i shugs dang ldan pa'i phyir yang ma rig pa'i phyogs la brten te/de'i phyir de'i sgras nyon mongs pa thams cad bsnyad do/ /'di ga las she na ma rig pa gtso bo yin pa'i phyir dang / de dang lhan cig gi spyod pa'i phyir ro/ /'dir rnam par shes pa dang skye ba'i yan lag gnyis ni skad cig ma yin la gzhan dag ni rgyun chags pa'i phyir skad cig ma mang po dag yin no//rnam par shes pa dang lhan cig 'byung ba'i phung po bzhi ni zhes bya ba la sogs pa 'byung ste/ 'di la kha cig na re rig byed dang rig byed ma yin pa'i gzugs ni gzugs kyi phung po'o zhes zer ro/ /rnam par bshad pa 'di la ni srid pa dang khyad par med par 'gyur te/gang gi phyir/ las byed de ni srid pa yin/ /zhes bya ba'i mtshan nyid kyi phyir ro/ /de'i phyir nges par dbang po dang lhan cig skyes pa kho na la gzugs su gzung ngo zhes bya bar rtogs so/ /las kyi 'phen pa'i dbang gis zhes bya ba la ji skad bstan pa'i las dag gis ni 'phangs pa ni las kyi 'phen pa'o//de'i dbang gis ni de'i rgyu mtshan gyis te/ rgyu des rnam par smin pa'i rgyun srid pa bar ma 'brel pas shin tu thag ring yang 'gro ba de dang der 'gro bar 'gyur ro/ /srid pa bar ma yang rnam par shes pa drug dang ldan pa'i phyir/ de ltar bshad na rnam par shes pa gang zhe na/rnam par shes pa'i tshogs drug go zhes bshad pa de 'thad pa yin no zhes smos so/ /gzhan dag na re bsam gtan gsum pa'i bde ba ni brtan pa yin la nye bar rgyu ba ni mi brtan pa yin no/ /de nyid kyi phyir yid kyi nye bar rgyu ba zhes bya ste/ yid ni mi brtan pa yin pa'i phyir ro zhes zer ro/ / bsam gtan dang po'i sa pa bcu dang ldan pa bshad nas gal te bsam gtan gyi dngos gzhi'i sa pa'i btang snyoms kyi nye bar rgyu ba nyon mongs pa can bzhi dang / mi lcogs pa med pa'i sa pa sa 'og ma la dmigs pa dge ba bzhi dang ldan pa ma yin nam zhe na ldan pa ni bden mod kyi de dag la logs su ma brtsis te/btang snyoms kyi bdag nyid yin pa'i phyir dang / sa tha mi dad pa'i phyir ro/ /bsam gtan dang por skyes pa gnyis pa'i dge ba'i sems nyer bsdogs kyis bsdus pa thob pa ni bsam gtan dang po'i sa pa thams cad dang ldan te 'dod chags dang ma bral ba'i phyir ro//kha cig na re bsam gtan gnyis pa'i sa pa ni gcig gnyis dang ldan te ji ltar zhe na/ dri dang ro la dmigs pa dag med pas yid bde ba dang btang snyoms kyi nye bar rgyu ba nyon mongs pa can gnyis dang btang snyoms kyi nye bar rgyu ba bsam gtan gnyis pa'i nyer bsdogs kyis bsdus pa bzhi dang ldan no zhes zer ro//gzhan dag na re brgyad dang ldan te btang snyoms kyi nye bar rgyu ba bzhi po de dag ni btang snyoms kyi bdag nyid yin pa'i phyir dang / sa tha mi dad pa'i phyir sa tha dad par mi gzhag ste/ bsam gtan dang po'i nyer bsdogs bzhin no zhes zer ro/ /chos mngon pa'i bstan bcos ni drug ste/ye shes la 'jug pa dang / rab tu byed pa'i rkang pa dang / rnam par shes pa'i tshogs dang / yang dag par 'gro ba'i rnam grangs dang / gdags pa'i bstan bcos dang / chos kyi phung po'o/ /kha cig na re dge ba'i rnam par smin pa dang bcas pa yin pa'i phyir dang / dgra bcom pa rnams kyang ma 'ongs pa'i rnam par smin pa la rgyab kyis phyogs pa yin pa'i phyir dge ba'i sems la yongs su mya ngan las 'da' ba yod pa ma yin zhe'o//gzhan dag na re mthar gyis 'khor ba spong ba yin te 'dod pa dang srid rtse las 'dod chags dang bral bas rim par mi dge ba dang bsgribs la lung ma bstan spong la/yongs su mya ngan las 'das pa'i tshe ni lung du ma bstan pa'i sems mngon du gyur pas dge ba'o/ /lhag med kyi dbyings su zhugs pas ni lung du ma bstan pa spangs so zhes zer ro/ /'chi ltas las ni mi 'da' ste/ /zhes bya ba ni bzlog par mi nus pa'i phyir ro/ / 'di dag ni thams cad la 'byung la/ thams cad kyang mi 'byung mod kyi/ lha'i 'chi ltas bsdoms na lnga/ /zhes de ltar brjod do/ /snga ltas de dag ni lha'i zhag lnga 'byung ngo / /btang snyoms la skye zhing 'chi ba na bsam gtan gsum pa na ni nyer bsdogs kyi sems la gnas te skye zhing 'chi'i/ dngos gzhi la ma yin te btang snyoms dang mi ldan pas so//chu'i dkyil 'khor ni khor yug tu ni rlung gi dkyil 'khor 'dra'o/ /thad kar 'bum phrag bcu gnyis zhes bya ba ni chu dang gser gyi dkyil 'khor bye ba phrag pa rgyar gnas pa'o/ /de'i bar gyi gling brgyad ni zhes bya ba de dag thams cad las ngan pa'i dbang gis grub pa zhig ste/de nyid kyi phyir de na gnas pa'i mi rnams ni lus chung ba yin no/ /gcig na srin po gnas pa ni rnga yab po/ /thad ka na yod do zhes bya ba smos te de nyid kyi phyir de dag na grang ba yod do/ /kha cig na re rgya mtsho chen po dang nye ba'i phyir ro zhes zer ro/ /gzhan dag na re las kyis byas pa yin te/de lta ma yin na nya rnams la yang grang bas ches gnod par 'gyur ro zhes zer ro/ /gzhan dag na re grang ba'i dmyal ba rnams kyi gnas ni 'khor yug gis gling bzhi yongs su bskor ba'i ngos na gcig tu mun nag tu gyur pa yin no zhes zer ro/ /bang rim ni nam mkha' la 'phags pa la brjod do//gzhan dag na re thams cad gnyis kyis gnyis yin te/ lnga po yul so sor nges pas dbang po gzhan gyi yul ni dbang po gzhan gyis longs spyod pa ma yin no zhes zer ro/ /de'i 'dod pas 'di na 'khod pa bzhin du mthong zhes pa ni ji ltar 'dod pa na spyod pas 'dod pa mthong ba de bzhin du de'i sa pas gzugs na spyod pa dang sa gong mar skyes pa 'ongs pa 'og ma'i lus su ma sprul pa yang mthong bar 'gyur ro//gang du skyes pa 'ongs pa mthong te/ 'dod pa na spyod pa'am sa mtshungs pas mthong ngo / /de nas sems can gang yang rung ba gcig ces bya ba 'di ni tshangs pa chen po yin te/ de nyid kyi phyir na tshangs pa chen po thams cad ni so so skye bo yin te/ 'phags pa la 'og tu 'gro ba mi srid pa'i phyir dang / gong ma la mthong lam med ces 'byung bas gzugs kyi khams na skyon med par zhugs pa mi srid pa'i phyir ro/ /de nyid kyi phyir gcig gis bar chad med par skye ba gnyis su tshangs pa chen po nyid byed pa ma yin no//gal te tshangs pa chen po ni nangs kyis phyir na 'chi 'pho zhes bshad la/ 'od gsal ba rnams kyi tshe yang bskal pa chen po'i bskal pa brgyad pa yin zhing / bar gyi bskal pa nyi shu na yang slar 'chags pas de'i phyir 'od gsal ba'i tshe ma zad par de nas 'chi 'pho bar 'gyur zhe na de na bar du 'chi ba yod de/bsod nams rlabs chen po las skyes pa dag ni tshe lo bskal pa chen po brgyad pa yin no/ /gang bar gyi bskal pa nyi shu zhes bya ba 'di ni ches nyung ba yin no/ /kha cig na re der skyes pa de na gzhan zhig kho na yin no zhes zer ro/ /gzhan na re las sna tshogs las 'di la nges pa med do zhes zer ro//yang ji ltar yar skyes pa'i rang bzhin dang 'bri ba'i rang bzhin ni yar skyes pa dang 'bri ba'i rang bzhin can gyi bar bskal pa rnams dang dus mnyam par 'gyur zhe na/ mgyogs pa dang mgyogs pa ma yin par 'gro ba'i khyad par las te 'di ltar mtha'i bskal pa gnyis ni dkyil 'khor gyis 'gro la/bar ma gcig gnyis ni mgyogs par 'gro bas thams cad du dus mnyam par 'gyur ro/ /gnas gsum pa'i 'grel bshad do// //glo bur du 'ongs pa la sbyin pa dang / 'gron pa la sbyin pa dang / nad pa la sbyin pa dang / nad g.yog la sbyin pa dang / kun dga' ra ba 'bul ba dang / gcig tu slong ba 'cha' ba dang / rlung mo che la sogs pa dag byung na zan dang skyo ma la sogs pa sbyin pa ste/ 'di ni rdzas las byung ba'i bsod nams bya ba'i dngos po bdun no/ /'dod pa'i khams ni rnam par rig byed la mi ltos pa'i rig byed ma yin pa med do/ /phyi rol pa rnams la sdom pa yod kyi so sor thar pa'i sdom pa ni ma yin no//srid pa la brten pa'i phyir ro/ /sdom pa med na ni don ma yin pa'i tshogs chen por 'gyur te zhar la 'ongs pas chog go/ /'dod gtogs zhes bya ba smos pa ni bsam gtan dang zag pa med pa'i sdom pa gcad par bya ba'i phyir te/ de dag gi rten 'byung ba chen po rnams ni sems dang 'dra bar dus mnyam pa'i phyir ro//'o na sems med pa'i bya ba la gal te de'i dus kyi kun nas slong ba med na shi ba bzhin de yod par mi 'gyur na ni bsnyen par rdzogs pa'i dus su dge 'dun la dge slong dngos por gsol ba btab nas 'gog pa'i snyoms par 'jug pa'i dus kyi rnam par rig byed dang ngag gi rnam par rig byed sngar 'phangs pa ni las brjod pa'i mjug gi dus su sdom pa skye ba'i tshe de'i dus kyi kun nas slang ba med par ji ltar 'gyur zhe na/'o na ni sems dang bcas pa la ches gsal ba yin pa zhes bya ba smos te/ de ltar byas na dgra bcom pa la yang so sor thar pa'i sdom pa chung ngu yod par 'gyur ro//de dag gi so sor thar pa'i sdom pa gdon mi za bar rnam par rig byed la rag lus pa ma yin te zhes bya ba ni rten lnga po dang grags pa la sogs pa dag gi ste/ sngon gyi smon lam gyi dbang ste bsam pa phun sum tshogs pa 'am/sangs rgyas kyi mthus rnam par rig byed med par so sor thar pa'i sdom pa 'thob po/ /slob dpon 'dus bzangs na re ni 'dul ba dang ldan pa'i don dag la ni thams cad mkhyen pa ma yin pa rtog gis de kho na nyid khong du chud par mi nus te/ gang sdom pa de dag las kha cig ni tshogs kyi nang du gsol ba dang bzhi'i las kyis 'thob la/kha cig ni gang zag gcig la gsol ba tsam gyis 'thob pa 'di la rgyu ci yod/ de'i phyir gang de ltar 'thob kyi gzhan du ni ma yin no zhes ston pas gzigs shing de kho na ltar bstan pa 'di ni sdom pa'i rigs de kho na ltar gnas pa yin pas 'di la rgyu mtshan btsal bar mi bya'o zhes zer ro//ci bcom ldan 'das kyis nyin zhag gi 'og tu sdom pa mi skye bar gzigs nas nyin zhag pa'i bsnyen gnas bstan tam/ 'on te dbang po gdul dka' ba rnams zhes 'byung ste/ slob dpon 'dus bzangs na re ni gal te dbang po gdul dka' ba la ltos nas nyin zhag pa bstan na ni dbang po ches gdul dka' ba la ltos nas yud tsam mam nyin mo'am mtshan mo tsam ci'i phyir mi bstan zhes smras so//mi shes pa ni ma gtogs so zhes bya ba ni 'phogs par byed pa dang gnod par byed pa brjed pa dang ma byang ba ste/ dkon mchog gsum la the tshom za ba dang log par zhugs pa'i bsam pa can la ni sdom pa mi skye ste/gang zhig mi shes pas skyabs su 'gro ba yin gyi log par zhugs pa'am the tshom za bas skyabs su mi 'gro ba ma yin pa de la ni skyabs su ma song yang bsnyen gnas kyi sdom pa skye'o/ /mi shes pa ni ma gtogs so zhes bya ba ni 'bogs pa po dang mnod pa pos te the tshom za nas skyabs su mi 'gro ba la ni dge bsnyen gyi sdom pa med do//de dag gi mngon sum zhes bya ba ni ga gon bzang po zhes gnyis kyi'o/ /dge 'dun dkon mchog ces bya ba ni dge 'dun gang chos kyi 'khor lo bskor ba'i mjug thogs su 'byung bar 'gyur ba'o/ /gang zhig 'phags pa rnams kyis tshe rabs gzhan du mi byed pa'i sdom pa thob pa de ni rang bzhin gyi kha na ma tho ba yin te/srog gcod pa dang ma sbyin par len pa la sogs pa bzhin no/ /rten gnyis ka'i nyon mongs pa shas che ba'i phyir zhes bya ba ci de dag skyes pa dang sbyor bar 'dod la/ bud med dang yang sbyor ba 'dod pas nyon mongs pa shas che ba'i phyir so sor brtag mi bzod do//mtshan gnyis pa la ni gnyis ka'i nyon mongs pa shas che ba dang ngo tsha dang khrel yod shas chen po med pa'i phyir sdom pa med la/ za ma dang ma ning la ni ngo tsha shes pa dang khrel yod pa shas chen po med pa'i phyir ro/ / snga phyi med gsum smin ces bya ba de la bde ba myong bar 'gyur ba'i gzugs ni mig la sogs pa'o/ /sdug bsngal myong bar 'gyur ba'i sems dang sems las byung ba'i mig la sogs pa'i rnam par shes pa rnams dang / de dag dang mtshungs par ldan pa'i sems dang sems las byung ba rnams te/yid mi bde ba ni rnam par smin pa ma yin pa'i phyir ro/ /bde ba yang ma yin sdug bsngal ba yang ma yin pa ni ldan pa ma yin pa'i srog gi dbang po la sogs pa'o/ /dpe ston pa rnams zhes bya ba ni/ gang dag dpe de rtog gis tha snyad byed pa de dag ni dpe ston pa rnams so/ /'phags pa gzhan du'ang myong mi byed//ces bya ba la'ang zhes bya ba'i sgras ni skyes nas myong ba yang byed pa ma yin par rtog ste/ de la ni yongs su nyams pa'am slar 'ong ba yod pa ma yin te/ brtan pa'i phyir dang khyad par du 'gro ba'i phyir ro/ /brtan pa zhes bya ba ni mi brtan pa gcad pa'i phyir te mi brtan pa ni skyes nas myong bar 'gyur ba dang /lan grangs gzhan la myong bar 'gyur bar byed pa ma yin te/ yongs su nyams pa la yang skye ba srid pa'i phyir ro/ /'dir kyi hud sems smre sngags 'don pa'i dmyal ba dper bya'o zhes bya ba ni rkun po'i sde dpon zhig gis rang sangs rgyas lnga brgya gsod du bcug pa'o//bdag po med pa'i zhes bya ba ni bu med pa'i gter te yul gyi bdag po las ma byin par blangs so/ /gnyis ka yang mi byed na zhes bya ba rgyas par 'byung ste/ de ltar na bsam gtan dang zag pa med pa'i sdom pa bzhin du las kyi lam sems tsam la rag las pa nyid du thal bar 'gyur na/'dod pa na spyod pa'i rnam par rig byed ma yin pa rnam par rig byed med pa can ni yod pa yang ma yin no/ /'dod pa na spyod pa zhes bya ba ni bsam gtan dang zag pa med pa'i rig byed ma yin pa las khyad par du byed pa'o/ /ji ltar na de gnyis las kyi lam du 'grub ces bya ba ni drang srong dang dge slong gnyis kyi'o//slob dpon 'dus bzangs ni drang srong dag ni don gyis na rnam par rig byed byed pa yin te/ mi ma yin pa dag gis de dag gi bsam pa 'dor bar zhugs pa rtogs nas de dag la dad pa rnams gang gis na drang srong de dag la las kyi lam skye ba lus kyis byed do/ / gzhan yang khro ba las ni de'i tshe gdon mi za bar lus dang ngag gi las g.yo bar 'gyur bas 'gal ba med do/ /gso sbyong la yang ji ltar tshig gis go bar bya ba'i don la lus kyi g.yo ba la yang las kyi lam skye ba de bzhin du bdag gis tshe dang ldan pa yongs su dag go snyam du rig par bya'o snyam du cang mi smra bas mi g.yo ba yang yin pas/tshig gis go bar bya ba'i don la cang mi smra ba la yang ngag gi las kyi lam skye bar 'gyur te/ de ni yongs su ma dag bzhin du cang mi smra bas bdag nyid dag par go bar byed do zhes zer ro/ /gzhan ni 'dod pa'i khams kyi rnam par rig byed ma yin pa ni thams cad rnam par rig byed la rag par nges pa yang ma yin te/sde lnga po la sogs pa 'bras bu thob pa'i mdo las so sor thar pa'i sdom pa skye ba srid pa'i phyir ro/ /de lta bas na mi dge ba yang de lta bu 'ga' zhig rnam par rig byed med par yang 'gyur ro zhes zer ro/ /gang zhig lta ba dang tshul khrims nyams pas gcod par byed pa de yang lus zhig nas so//gzi byin med phyir zhes bya ba la gzi byin ni snying ga'i phyogs na yod do/ /ma skyes pa rnams ni skal ba mnyam pa dang kun du 'gro ba'i rgyu nyid ma yin pa rgyu mthun pa'i 'bras bu ma 'ongs pa med do/ /gal te ma tshang ba'i rgyu yin pa'i phyir phan pa chung ba nyid yin na dmus long la sogs pa dag la yang ches med par 'gyur ro zhe na/za ma la sogs pa'i lus ni rtogs pa dang 'gal ba'i phyir ma tshang bar 'dod do/ /gzhan du ma yin no/ /bzod pa thob pa rnams ni ma yin no zhes bya ba ni bzod pa chen po thob pa rnams te/ mthong ba'i lam nye zhing nges pa la mngon sum du phyogs pa'i phyir ro//'dir sems pa brgyas bsod nams brgya zhes bya ba'i ming 'thob ste dang po sems pa lnga bcus 'phen cing mngon du gyur la/ de'i mjug tu yang rdzogs par byed pa lnga bcus mngon du 'gyur ro/ /gal te de bzhin gshegs pa rnam par gzigs kyi tshe bskal pa grangs med pa gsum pa yongs su rdzogs na ci'i phyir gtsug tor can dang /thams cad skyob dang / 'khor ba 'jig dang / gser thub dang / 'od srungs rnams kyis bar du bcad kyi de ma thag kho nar mngon par rdzogs par sangs ma rgyas zhes bya ba ni brjod par bya'o/ /tshogs yongs su rdzogs pa ni bzhes par mi rigs so zhe na/yongs su rdzogs mod kyi rnam pa thams cad du yongs su rdzogs pa ni ma yin no/ /grangs med pa rdzogs kyi rnam pa thams cad du yongs su rdzogs pa ni ma yin te/ de ltar na 'od srungs mngon par sangs rgyas pa'i tshe tshangs par spyod pa shin tu spyad nas dga' ldan gyi lha'i ris su slar 'khrungs so zhes bya ba'i mdo 'di yang tshad mar 'gyur ba yin no//skyes bu khyu mchog ni skyes bu gtso bo'o/ /da lta ba'i ni sangs rgyas gnyis pa med pas khyod 'dra'i dge sbyong chen po gzhan dag go/ /nyan thos la sogs pa dag kyang dge sbyong yin pas de dgag pa'i phyir dge sbyong chen po zhes smos so//'jig rten gyi khams gzhan dag na yang khyod 'dra ba med par shes par bya ba'i phyir phyogs dang phyogs mtshams dag na med ces smos so/ /gal te yid mi ches na yul gcig ste bdag nyid tshol cig ces bya ba'o/ /sems kyi rgyan gyi don can ni dad pa la sogs pa'i nor 'dren pa'i phyir ro//sems kyi yo byad kyi don can ni ser sna'i dri ma dang bral ba'i phyir ro/ /rnal 'byor gyi tshogs can gyi don ni snyoms par 'jug pa'i bde ba 'dod pa rnams kyi yin te/ de'i rgyu phan tshun mtshams sbyor ba yin pa'i phyir ro/ /don gyi mchog thob par byed pa ni mya ngan las 'das pa 'dren par byed pa'i phyir ro//'khor dang rnam par smin pa las zhes bya ba'i rnam par smin pa ni/ gnas skabs ma nges kyang rnam par smin pa nges par 'gyur ba'i phyir ro/ /bskal par mtho ris dga' gnas phyir/ /zhes bya ba ni 'dod pa na spyod pa'i lha'i skye gnas dag tu zhes bya bar dgongs te/las de 'dod pa na spyod pa yin pa'i phyir ro/ /tshangs pa mdun na 'don pa rnams kyi tshe ni tshangs pa'i bsod nams kyi rnam par smin pas bsod nams kyi bskal pa gcig yin te/ de dang chos mthun par tshangs pa'i bsod nams bskyed do zhes gsungs so/ /gnas bzhi pa'i 'grel bshad do// //dgra bcom pa la las yod du zin kyang phra rgyas med pas yang srid mi 'grub ste/ skye ba'i shing rta skye bo byis pa yis/ /zhon cing nyon mongs las kyi 'phang lo can/ /'di ni nyon mongs 'phang lo gcig nyams pas/ /las kyi 'phang lo gcig pu 'khor ma yin/ / gang dag gang zhig mthong bas spang bar bya ba'i dmigs pa can zhes bya ba rgyas par 'byung ste/ 'dod chags la sogs pa gang dag sdug bsngal mthong bas spang bar bya ba'i lta ba la dmigs pa de dag ni sdug bsngal mthong bas spang bar bya ba yin pas na lam gyi bar du yang de 'dra'o/ /'di skad bstan par 'gyur te 'jig tshogs la lta ba la sogs pa rnams ni sdug bsngal la sogs pa dag la dmigs pa'o//'jig tshogs la lta ba la sogs pa de rnams la ni 'dod chags la sogs pa dag gis dmigs shing 'jig tshogs la lta ba la sogs pa de rnams kyang mthong bas spang bar bya ba yin pa de'i phyir de rnams la dmigs pa 'dod chags la sogs pa dang mthong bas spang bar bya bar 'gyur te/dmigs pa yongs su shes pa dang / /de la dmigs pa yang dag par zad dang zhes 'byung ba'i phyir ro/ /mngon pa'i nga rgyal dang log pa'i nga rgyal gnyis la khyad par ci yod ce na/ khyad par ltar bcos pa'i yon tan gyis bslus pa'i gzhi dang bcas pa ni mngon pa'i nga rgyal yin la/log pa'i nga rgyal ni yon tan med bzhin pa'i bdag yon tan dang ldan no snyam pa'i gzhi med pa ste/ mngon pa'i nga rgyal ni sa bon dang bcas pa'o/ /log pa'i nga rgyal ni sa bon med pa'o/ /'di ni nges pa yin te 'dod pa'i khams dang bsam gtan bzhi pa ni skal pa mi mnyam pa'i khams kun du 'gro ba yod do//bsam gtan gsum pa na ni gnyis ka yod do/ /srid pa'i rtse mo ma gtogs pa'i sa lhag ma rnams na ni skal ba mi mnyam pa'i khams kun du 'gro ba rnams yod do/ /srid pa'i rtse mo na ni gnyis ka yang med de khams dang sa gzhan med pa'i phyir ro//'dod chags ni spang bar bya ba yin na zhes rgyas par 'byung ste/ 'dod chags ni thar pa 'dod pa rnams kyis gcig tu spang bar bya ba yin na de gal te zag pa med pa la dmigs pa yin na ni/ thar pa 'dod par zhugs pa'i phyir dge ba'i chos la 'dun pa ltar rnal 'byor pa rnams kyis spang bar bya ba ma yin par 'gyur ro//'dun pa'i 'dod chags kyi gzhi ni spang bar bya ba yin pa'i phyir zag pa med pa yang spang bar bya bar 'gyur te/ 'dod chags kyi dmigs pa yin pa'i phyir ro/ /bcom ldan 'das kyis kyang 'dun pa'i 'dod chags spangs na de ltar na khyed kyi gzugs de spang bar 'gyur ro zhes gsungs so//de'i phyir zag pa med pa la dmigs pa'i 'dod chags med do/ /gzhan yang gal te mchog tu 'dzin pa gnyis zag pa med pa la dmigs pa yin na ni yang dag pa'i lta ba'i mtshan nyid can du 'gyur te/ zag pa med pa rnams ni dag pa yin pa'i phyir dang / mchog yin pa'i phyir ro/ /de'i phyir mthong bas spang bar bya ba dag tu yang mi 'gyur te nyon mongs pa can ma yin pa'i phyir ro/ /du ni dmigs pa'i sgo nas/ du ni mtshungs par ldan pa'i sgo nas rgyas par 'gyur zhes bya ba la/ du ni dmigs pa kho na'i sgo nas nges par gzung nas 'dri bar mi byed pa ni 'di ltar gang dag dmigs pa'i sgo nas rgyas par 'gyur ba de dag ni gdon mi za bar mtshungs par ldan pa'i sgo nas kyang rgyas par 'gyur ro//rgyu cis dus gsum kho na mi dge ba'i rtsa ba yin gyi lta ba log pa la sogs pa gzhan dag ni ma yin zhe na/brjod par bya ste/ nyon mongs pa gang zhig phra rgyas rnam pa lnga'i rang bzhin yin la/ nye ba'i nyon mongs pa ma yin pa/ lus dang ngag gi las kun nas slong ba/ rnam par shes pa tshogs drug dang mtshungs par ldan pa dge ba'i rtsa ba gcod pa la stobs dang ldan pa'i rgyu yin pa de kho na mi dge ba'i rtsa ba yin gyi gzhan ni ma yin no//smras pa/ phra rgyas rnam pa lnga'i rang bzhin/ /lus ngag bya ba kun slong byed/ /rnam shes sngar sten dkar po'i rtsa/ /kun spyod 'dren pa mi dge'i rtsa'o/ /gzugs med pa na spyod pa gnyis te zhes bya ba 'byung ste/ de la lam mthong bas spang bar bya ba'i dmigs pa yin na ni gang gi tshe log par lta ba la sogs pa dag gis bsam gtan gsum pa'i sa pa'i rjes su mthun pa'i phyogs dang mthun pa'i lam la dmigs pa na'o//bsgom pas spang bar bya ba'i nyon mongs pa can ma yin pa'i dmigs pa yang bde ba'i dbang po zag pa med pa de nyid yin gyi gzhan ni ma yin no//gzugs med dngos gzhi dge rnams kyi/ /spyod yul zag bcas 'og ma min/ /zhes 'byung ba'i phyir ro/ /gzugs med pa'i khams su skyes pa'i 'phags pa rnams ni goms pa'i dbang gis dge ba zag pa dang bcas pa'i rnam par shes pas bsam gtan gsum pa'i zag pa med pa la dmigs pa yin te/de ni de la bde ba'i dbang po la dmigs pa yin par rig par bya'o/ /tha ma'i cha ni gnyis te/ khams las ni 'dod pa'i khams so/ /sems can rnams las ni so so'i skye bo'o/ /de la 'phags pa'i chos thob kyang 'dod pa las mi 'da' ba ni 'dod pa la 'dun pa dang /gnod sems gnyis so/ /'dod pa dang gzugs las 'dod chags dang bral yang so so'i skye bo nyid las mi 'da' zhing 'dod pa'i khams dang sems can gyi tha ma la brtan pa ni lhag ma gsum mo/ /gsum kho na gsungs zhes bya ba ni 'jig tshogs la lta ba dang /tshul khrims dang brtul zhugs mchog tu 'dzin pa dang / the tshom mo/ /ci 'dod chags la sogs pa dag bor nas zhes 'dir yang ci ste ma brtsad ce na/ yongs su gtugs te zhes gsungs pa/ yongs su gtugs pa yang ma lus par zad pa yin na de'i 'dod chags la sogs pa bsgom pas spang bar bya ba ni zad pa ma yin pas ma brtsad do//thag bsring ba'i gnyen po ni khyad par gyi lam mo zhes bya ba ni gsum las gzhan pa'i lam thams cad khyad par gyi lam mo/ /'di'i yongs su shes pa rnam par gzhag pa ni de na gzugs kyi yul can kun du sbyor ba gong ma'i cha dang mthun pa'i 'dod chags gtso bo yin pa'i phyir gzugs kyi 'dod chags zad pa'i yongs shes zhes bshad do//bzod pa rnams ni shes pa'i 'khor yin pa'i phyir te zhes bya ba ni bzod pa rnam shes pa 'di'i 'khor yin pas na 'di dag shes pa'i 'khor yin te phal pa la 'khor gyi sgrar bstan pa'i phyir dang /spang ba yang bzod pa'i 'bras bu yin pa'i phyir ro/ /gnas lnga pa'i 'grel bshad do// //khams gsum pa'i gnyen po yin pa'i phyir dang mthong ba'i lam 'jig rten pa nyid yin na ni srid pa'i rtse mo'i gnyen por mi 'gyur ro//'o na ni bsgom pa'i lam 'jig rten las 'das kyang de'i spang bar bya ba dgu cig car du spang bar thal bar 'gyur ro zhe na/ 'jig rten las 'das pa kho nas cig car spong zhes nges par gzung gi/ 'jig rten las 'das pa cig car du spong ba kho na yin no zhes bya bar ni ma yin pas der thal bar ni mi 'gyur ro//rang gi yan lag la sems gtod par byed ces bya ba ni yul du byed ces bya ba'i tha tshigs go/ /rkang pa'i mthe bong gcig pu la sems gtad nas mthe bong myags shing sha dang bral bar lta ba nas de bzhin du lus thams cad rus pa'i rus gong du smos te rgya mtsho'i mtha' klas pa'i bar gyi sa gzhi keng rus kyis gang bar mos par byed do//yongs su sbyang ba byas pa ni de kho na ltar thod pa la byed kyi bar du'o/ /yid la byed pa rdzogs pa ni de kho na ltar smin ma'i bar du sems 'dzin par byed pa'i bar du yin no/ /nyer bsdogs gsum zhes bya ba ni bsam gtan bzhi pa'i nyer bsdogs dang dbugs 'byung ba dang /rngub pa yod pa ma yin pa nyid do/ /'god pa zhes bya ba 'di ci zhe na/ bden pa rnams la rnam par 'jog par byed pa ste/ de dag la dmigs pa rnams 'jug par byed pa'o zhes bya ba'i don to/ /'phel bar byed pa ni bya bar byed pa'o/ /rnam gnyis de bzhin zhes bya ba ni bzod pa chung ngu dang /'bring ste/ rtse mo rnams ji skad bshad pa bzhin no/ /de kho na bzhin du rnam par gtod pa'i phyir ro zhes bya ba ni chos dran pa nye bar gzhag pas bden pa rnams la rnam par gtod pa'i phyir te de kho na bzhin du rnam par 'god pa'i phyir ro zhes bya ba'i tha tshig go//bzod pa ni thams cad chos kyi 'phel bar byed ces bya ba ni rang bzhin gyis dran pa nye bar gzhag pa mchog tu gyur pa'i phyir ro/ /de dag bden pa'i rnam pa re re dang dmigs pa re re phri nas so/ /ji ltar zhe na rjes su shes pa'i phyogs dang mthun pa'i lam de la ni rnam pa bzhir rnam par gtod par byed do zhes/de nas gsum du'o/ /de nas gnyis su'o/ /de nas gcig tu ste re zhig bden pa'i rnam pa re re phri ba ni de lta'o/ /de nas gcig tu yang rnam pa gtod par mi byed de dmigs pa phri ba ni de lta bu'o/ /rim pa 'dis 'dod pa na spyod pa'i sdug bsngal kho na la mi rtag pa dang sdug bsngal ba'i rnam pa can skad cig ma gnyis kho nar yid la byed pa'i bar de thams cad ni bzod pa 'bring yin no zhes rnam pa 'bring tshul phyogs de bshad nas gang zag bzhir phye ba la sogs pa ni rgyal po'i sras kyis gsungs pa bzhin du snang ngo //rtse mo thob pa rtsa mi 'chad//ces bya ba ni dge ba'i rten lhag pa'i phyir te dkon mchog gsum gyi yon tan rnam par phye ba'i sgo nas de la dang ba thob pa'i phyir ro/ /'o na ji ltar lha sbyin las brtsams nas yongs su nyams pa bshad ce na/ de la dge ba'i rtsa ba de skye ba nye bar gyur pas ma thob pa la yongs su nyams pa la dgongs nas gsungs pa'i phyir ro//bzod pa chung ngu'i tshe ni ngan 'gro'i 'gro ba rnams kyis mi skye ba'i chos nyid thob bo/ /chen po'i tshe sgo nga dang drod gsher las skye ba'i'o/ /chung ngu'i tshe 'du shes med pa'i sems can dang / sgra mi snyan dang / tshangs pa chen po'o/ /chen po'i tshe ni za ma dang ma ning dang mtshan gnyis pa'i'o//chen po nyid kyi tshe ni srid pa brgyad pa la sogs pa dang / mthong bas spang bar bya ba rnams kyi mi skye ba'i chos nyid 'thob bo/ /mi'i nang nas 'phen par byed de/ sangs rgyas 'byung ba yod dam med kyang ngo / /sde pa gzhan dag ces bya ba ni 'phags pa chos srung ba'i sde pa la sogs pa dag bden pa mngon par rtogs pa gcig tu brjod do//ji ltar zhe na kha cig gi ltar na sdug bsngal shes pa kho nas 'phags pa'i bden pa bzhi rtogs pas mngon par rtogs pa gcig pa ni skad cig ma gcig mngon par rtogs pa yin no/ / kha cig ni skad cig ma bzhi ste/ de dag la mnyam par bzhag pa dang ma bzhag pa'i dbye ba ma byas par bden pa bzhi la shes pa'i skad cig ma bzhin no/ /kha cig gi brgyad de/ 'dod pa dang / gzugs dang gzugs med pa'i bden pa'i dbye ba dang / chos dang rjes su shes pa'i dbye ba brgyad yin no//kha cig gi skad gcig ma gnyis yin te skad cig ma brgyad po de dag kho na la gzhan 'jig rten pa'i shes pa bzhi 'byung ngo / /de ltar sde pa dag gi blo tha dad par gyur to/ /bar skabs su ldang ba yod dam med ces dpyad par bya ba yin no zhes bya ba la/ 'di ltar mdo las gang zhig rgyun du zhugs pa'i 'bras bu mngon sum bya ba'i phyir zhugs pa gcig la zas ster na zhes bya ba la sogs pa gsungs te ma langs pa de ni zas za ba srid pa ma yin no//kha cig na re rkyen ma tshang bas bar skabs su ltung ba yod ces zer ro/ /bye brag tu smra ba rnams na re na med de/ srid pa'i dbang du mdzad nas shing sA la dang /gso sbyong bstan pa ltar yongs su brtag pa nye bar brtag pa bzung ste gsungs so zhes zer ro/ /gang zhig bsam gtan gsum pa las 'dod chags dang bral ba la sa 'og ma la brten te zhes bya ba ni mi lcogs pa med pa la sogs pa rnams nas bsam gtan gnyis pa la thug pa ste/gang yang rung ba zhig ste/ de dag la bde ba'i dbang po med pa'i phyir ro/ /de ni 'dod pa'i khams su skyes pa kho na zhig ste/ gang na mthong lam med pa'i phyir ro/ /de ni gdon mi za bar 'bras bu khyad par can gyi lam bsam gtan gsum pa'i zag pa med pa mngon du byed do//de lta ma yin na de'i gong du skyes pa bya ba ni bsam gtan gsum pa de'i gong ma bsam gtan bzhi pa'am/ gzugs med pa dag tu skyes pa'i 'phags pa de bde ba'i dbang po dang mi ldan par 'gyur ro/ /des ni sa 'phos pas bsam gtan gsum pa zag pa dang bcas pa btang la des zag pa yang mngon du ma byas pas bde ba'i dbang po zag pa dang bcas pa dang zag pa med pa gnyis ka dang mi ldan par 'gyur na/'phags pa khong du skyes pa ni gdon mi za bar bde ba'i dbang po dang ldan par gsungs te/ bde ba'i dbang po ni bsam gtan bzhi pa dang gzugs med par skyes pa'i so so'i skye bo mi ldan gyi 'phags pa ni ldan no zhes 'byung ba'i phyir ro//gzhan dag na re 'di ni rnam par bshad pa'i nang du bris pa yod mod kyi de ni gzhan pa'i phyogs yin par mngon te/ gzhan dag na re ni zhes 'byung ba'i phyir ro/ /'phags pa bde ba'i dbang po dang ldan no zhes bya ba ni srid pa'i dbang du byas nas bshad par zad do zhes zer ro//gzhan dag na re ni gnas gzhan gyis mtshan mas so zhes zer ro zhes bya ba la de ni mi 'dod do/ /de dag ni log par rtog pa'i dbang gis dam pa ma yin pa'i las dag la 'jug pa'i phyir ro/ /dam pa ma yin pa mi dge ba la mi 'jug pa ni mi tshangs par spyod pa la sogs pa'i byed pa de mi tshangs par spyod pa la sogs pa ni mi dge ba'i sems kyis byed na 'dod chags dang bral ba de dag ni mi dge ba spangs pa'i phyir dam pa kho na la 'jug gi dam pa ma yin pa la ni mi 'jug go//mnyam par brtsi ba'i phyir zhes bya ba ni ci nas kyang bsam gtan bzhi na dgu dgur 'gyur bar bya ba'i phyir ro//gal te nyon mongs pa rnam pa dgu pa spangs pa'i bye brag gis dgur brtsi na ni de lta na mi 'dra bar brtsis par 'gyur te/ bsam gtan bzhi pa na dgu pa med pa'i phyir ro/ /de'i rnam pa dgu pa las 'dod chags dang bral ba de ni gzugs med par nye bar 'gro ba yin no//'dir gong du 'pho ba yang gzugs su nye bar 'gro ba gzung gi/ gzugs med par nye bar 'gro ba ni ma yin te/ de nyid kyi phyir 'dir bsam gtan pa ni rnam pa dgu pa las 'dod chags dang bral ba ma bgrangs te de ni gzugs med par nye bar 'gro ba yin no//rdo rje lta bu'i rnam pa lnga la gzugs med pa gsum na rnam pa gnyis gcig dang / gnyis bzhi dang nyi shu yod pa'i gzhan 'dor lugs bshad nas/ yang ci'i phyir sa gzhan gyi 'gog pa kho na la dmigs kyi srid pa'i rtse mo'i sdug bsngal dang kun 'byung ba ltar sa gzhan pa'i sdug bsngal dang kun 'byung ba la ni ma yin zhe na/sa 'og ma las 'dod chags dang bral ba'i phyir te de'i phyir srid pa'i rtse mo'i rnam pa brgyad ni lus so/ /yang ci'i phyir rang gi sa pa dang sa gong ma kho na'i 'gog pa la dmigs kyi bsam gtan bzhin du sa 'og ma la ni ma yin zhe na/sa 'og ma'i sdug bsngal la ma dmigs par de'i 'gog pa la dmigs par mi nus so/ /sdug bsngal yang zag pa dang bcas pa thams cad yin la/ gzugs med dngos gzhi dge ba yi/ /spyod yul zag bcas 'og ma yin/ /zhes bya ba 'di yang rgyu yin no/ /bsam gtan rnams ni kun du lta ba'i phyir mi dgag ste/bsam gtan dge yul yod dgu min/ /zhes 'chad par 'gyur ro/ /rdo rje lta bu gnyis gnyis la bzhi gnyis kyis bsnan nas bcu bzhir 'gyur ro/ /de bzhin du sngar bshad pa dag la gnyis dang / bzhi bsnan nas gsum gnyis dang gnyis bzhir 'gyur ro//yang ci'i phyir gzugs med dag rang dang gong ma'i sa pa'i gnyen po kho na la dmigs par 'dod pa bshad kyi/ sa 'og ma pa'i gnyen po la dmigs pa ma yin no zhe na/ rnam pa thams cad du gzugs kyi 'du shes la sogs pa las yang dag par 'das par gsungs pa'i phyir la/sa 'og ma'i gnyen po'i sgo nas ni de'i mi mthun pa'i phyogs la dmigs pa'i phyir ro/ /'o na sa 'og ma'i gnyen po la dmigs pa ni yod de/ de ni phan tshun rgyu yin pa'i phyir ro zhes bshad pa de ji ltar zhe na/ de na khyad par du ma byas pas rjes su shes pa'i phyogs dang mthun pa'i lam dgu po ni sa 'og ma'i gnyen po la dmigs pa yin no zhes bshad kyi/nam mkha' mtha' yas skye mched la sogs pas bsdus pas sa 'og ma'i gnyen po la dmigs so zhes khyad par du byas nas ni ma bstan la/ sa 'og ma pa'i gnyen po la dmigs pa yin zhes pa'i tshul bstan pa 'di bsam gtan gyis pa dag kho na la yin no//thob pa de'i 'bras bur bsdus pa gcig rnyed pa'i phyir ro zhes bya ba ni/ thob pa lan cig phyir 'ong ba dang phyir mi 'ong bas bsdus pa gcig rnyed pa'i phyir ro/ /de nyid kyi phyir mdo las zhes bya ba rgyas par 'byung ste/ gang gi phyir mthong ba'i lam dang bsgom pa'i lam gyi 'bras bu thams cad kyi thob pa de'i 'bras bur bsdus pa gcig rnyed pa'i phyir ro//bral ba'i thob pa zag pa med pas zhes bya ba ni/ 'jig rten pa yis chags bral ba'i/ /'phags la bral ba'i thob rnam gnyis/ /zhes bshad de/ de'i phyir 'jig rten pa'i lam gyi 'bras bu spangs pa de la bral ba'i thob pa zag pa med pa brgya dang 'dra ba dag skye la/ de dag gi spangs pa 'dzin par byed do/ /'di ltar pho brang 'khor ba'i rdzas yin yang rgyal po'i phyag rgyas btab pa gang yin pa de ni yang gang gis 'phags pa de'i yin par brjod pa ma yin pa de dang 'dra'o//de'i stobs kyis zhes bya ba ni bral ba'i thob pa zag pa med pa'i stobs kyis so/ /yongs su nyams pa mi 'chi ba'i phyir zhes bya ba la 'dir yongs su 'dzin pa ni 'di yin par 'dod de/ 'bras las nyams pa 'chi ba med/ /ces bya ba la sogs pa 'byung ngo / /de lta ma yin na 'jig rten pa'i 'dod chags dang bral ba ltar 'chi ba zhig na yongs su nyams pa de ni 'chi ba med do//rigs zhes bya ba 'di ci zhig ce na/ bye brag tu smra ba rnams na re dge ba'i rtsa ba yin te/ de'i bye brag gis 'di bye brag tu 'gyur ro zhes zer ro/ /mdo sde pa rnams ni sems kyi sa bon gyi dngos po'i nus pa yin te yongs su nyams pa'i chos can ni so so'i skye bo'i gnas skabs na yang sa bon yod pas yongs su nyams pa'i chos can gyi rigs can zhes bya ba la/mi slob pa'i gnas skabs su sa bon de'i 'jug pa rnyed pas yongs su nyams pa'i chos can zhes bya'o/ /'chi bar sems pa'i chos can la sogs pa dag la yang de bzhin du rig par bya'o//gang zag gzhan dag kyang ci rigs par de bzhin du brtsi bar bya'o zhes bya ba ni chos kyi rjes su 'brang ba ste/ ji ltar dad pas rjes su 'brang ba dbang po dang rigs dang lam dang 'dod chags dang bral ba dang rten gyi sgo nas brtsis pa bzhin du brtsi bar bya'o//ci rigs par zhes bya ba ni chos kyi rjes su 'brang ba dang mthong bas thob pa dang dus dang sbyor ba'i rnam par grol ba rnams la ni dbang po rnon po yin pa'i phyir rigs kyi khyad par med la/ dad mos mthong thob ni rtul po yin pas yod do/ /srid pa'i rtse mo'i 'dod chags dang bral ba ni 'dir mi rtsi ste/ mthong ba'i lam gyi snga rol du 'jig rten pa'i lam gyis srid pa'i rtse mo las 'dod chags dang bral ba med pa'i phyir ro//yang na phyogs gcig la 'dod chags dang bral ba yin no/ /lam la rjes su shes pa ni rgyun chags pa yin te/ de'i skad cig ma dang po ma gtogs pa lhag ma ni khyad par gyi lam mo//bsgom pa'i lam gyi rnam par grol ba'i shes pa rgyun chags pa gzhan yang de dang 'dra bar brjod par bya ste/ dper na zad pa shes pa la sogs pa dang / de bzhin du dgra bcom pa'i mthong ba'i chos la bde bar gnas pa dang yon tan khyad par can mngon par sgrub par byed pa'i lam gsum ma gtogs pa gang yin pa lta bu'o//gnas drug pa'i 'grel bshad do// //'dod pa'i khams kyi rjes su ma yin zhes bya ba la gal te 'gog pa dang lam la chos shes pa mi ldan pa la dmigs pa'i phyir gzugs dang gzugs med pa'i gnyen po yin na de lta na rjes su shes pa yang 'dod pa'i khams kyi gnyen por 'dod par bya dgos so zhe na/de ni de lta ma yin te shes pa rnams ni rno ba yin pa'i phyir rang gi yul la bya ba byas te gzhan gyi yul la bya ba byed pa dag yin la/ gong na bsgom pas spang bar bya ba lhag ma dang bcas pa'i phyir gnyen por rigs na/ rjes su shes pa la ni 'dod pa'i khams na bya ba cung zad kyang yod pa ma yin te/chos shes pas bya ba thams cad yongs su rdzogs par byas zin pa'i phyir ro/ /skal pa mi mnyam pa'i khams kun du 'gro ba rnams gong ma'i yul can yin pa'i phyir chos shes pa la ni yul gzhom par bya ba la bya ba yod de/ dgra pham par bya ba'i mngon par 'dod pa'i gnas 'joms pa bzhin no//bstan bcos las zhes bya ba ni gal te kun bsdus pa gnyid dang mtshungs par ldan pa yin na ni bstan bcos dang 'gal bar 'gyur ro zhes bya ba'o/ /ji ltar zhe na/ sems kun bsdus pa yang dag pa ji lta ba bzhin du rab tu shes so zhes bya ba 'byung ste rgyas par ni 'grel ba ji lta ba bzhin no//ji ltar rjes su shes pa kun bsdus pa la dmigs par 'gyur te/ 'dod pa'i khams las gong na gnyid med pa'i phyir la rjes su shes pa yang gzugs dang gzugs med pa la dmigs pa'i phyir ro/ /lam shes pa yang kun bsdus pa'i sems la dmigs par mi 'gyur ro//ci'i phyir zhe na lam shes pa ni lam la dmigs pa yin la/ gnyid ni gcig tu zag pa dang bcas pa yin pa'i phyir ro/ /lam gyis bsdus pa'i sems ni gnyid dang mtshungs par ldan pa yang ma yin no/ /kun bsdus pa ni dmigs pa la mngon par zhen pa'i phyir zhes sngar ji ltar bshad pa ltar ni ji skad smras pa'i skyon med de/de ni nyon mongs pa can gyi gnyid dang mtshungs par mi ldan pas bsdus pa yang yin la rnam par g.yengs pa yin par mi 'gyur ro/ /bstan bcos dang yang 'gal ba med de/ kun bsdus pa'i sems dge ba ni khams gsum gyis bsdus pa dang ma bsdus pa yin pa'i phyir kun bsdus pa'i sems la shes pa de ni shes bzhin yin no zhes bya bar grub ste/gzugs dang gzugs med pa'i kun bsdus pa'i sems dge ba la dmigs pa ni rjes su shes pa yin la zag pa med pa'i shes pa dge ba'i sems la dmigs pa lam gyi bden pas bsdus pa ni lam shes pa yin no//nyon mongs pa can ni de dang 'dra ba ma 'ongs pa thob pa med pa'i phyir ro zhes bya ba ni de dang 'dra ba ma 'ongs pa thob pa med pa'i phyir te/ lugs las chos dge ba 'dus byas thob pa yin zhes 'byung ba'i phyir ro/ /phung po gsum gyi rjes su 'brang ba dang bcas pa yin no zhes bya ba ni tshor ba dang 'du shes dang 'du byed kyi phung po dag gis so//rnam par shes pa'i phung po dag gis rjes su 'brang ba dang bcas pa ni ma yin te/ rnam par shes pa de nyid rnam par shes pa'i 'khor yin pa ni mi rigs so/ /dge ba ni 'khor mang ba yin la zhes bya ba ni de dang 'dra ba ma 'ongs pa thob pa dang mngon par shes pa 'brel pa'i phyir ro//bar chad med pa'i lam ni nyon mongs pa'i gnyen po yin pa'i phyir spong ba'i lam yin la/ gzhan gyi sems shes pa ni rnam par grol ba'i lam yin te/ rnam dgu rnam grol blo zhes 'byung ba'i phyir ro/ /gzhan dag na re khyad par gyi lam yang yin no zhes zer ro//nus pa ni bsil ba dang dro ba nyid do/ /rnam par smin pa ni mngar ba dang skyur ba nyid do/ /mig dang rna ba'i mngon par shes pa dag ni lung du ma bstan pa yin pas de'i phyir de dag gi rnam par grol ba'i lam lung du ma bstan pa yin la chos lung du ma bstan pa la ni ma 'ongs pa 'thob pa med de/lung bstan min 'thob lhan cig skyes/ /zhes 'byung ba'i phyir ro/ /mngon par shes pa gsum gyi rnam par grol ba'i lam la yang shes pa gsum kho na 'thob ste/ gsum gang zhe na/ rdzu 'phrul gyi yul shes pa dang / sngon gyi gnas rjes su dran pa'i shes pa dang / sems kyi rnam grangs shes pa'o/ /sogs pa zhes smos pa ci'i phyir zhe na/ rnam par thar pa dang / zil gyis gnon pa dang / zad par la sogs pa'i yon tan mngon par sgrub pa dag gi bsam gtan gyi sa pa'i rnam par grol ba'i lam gang dag yin pa de la yang kun rdzob shes pa ma 'ongs pa dang gzhan gyi sems shes pa 'thob ste/gzhan gyi sems shes pa ni bsam gtan gyi dngos gzhis bsdus pa'i phyir ro zhes bstan pa'i phyir ro/ /so so'i skye bo 'dod pa dang bsam gtan las 'dod chags dang bral ba'i rnam par grol ba'i lam tha ma la kun rdzob shes pa dang sems shes pa gnyis 'thob po//yang bsam gtan bzhi pa la 'dod chags dang bral ba ci'i phyir mi smos she na/ de ni nam mkha' mtha' yas skye mched kyis bsdus pa yin la gzhan gyi sems shes pa gzugs med pa'i khams kyis bsdus pa med de sems shes pa gzugs la brten nas bsgrub par bya ba'i phyir dang /bsam gtan gyi sa pa yin pa'i phyir ro/ /sred med kyi bu'i stobs zhes bya ba'i stobs kyi ming gi khyad par ro/ /dus ji lta ba bzhin du zhes bya ba ni thams cad dang sbyar ro/ /ji ltar zhe na/ yun shin tu ring ba dang thung ngur 'tsho ba'i phyir zhes bya ba ni skye dgu'i tshe lo brgyad khri pa yin na sku tshe lo brgyad khri pa yin la/tshe lo brgya pa yin na tshe lo brgya par 'gyur ba'o/ /bcom ldan 'das kyis rgyud la sor mo'i phreng ba can la sogs pa rnams kyi nyon mongs pa skye ba'i phyir ji ltar bcom ldan 'das nyon mongs pa med pa la gnas pa yin zhe na/skyon 'di ni med de thugs rje mnga' ba gzhan dag ni nyon mongs pa gtan dbyung bar 'dod pa rnams ni res 'ga' dgos pa ches brling ba'i phyir nyon mongs pa btang snyoms su mdzad de/ mngon par rtogs pa'i skabs dang ldan pa'i phyir ro/ /nyan thos rnams ni bsam pa dang bag la nyal ba shes pa dang bral ba'i phyir nyon mongs pa rnam pa thams cad du dbyung bar mi nus te/de'i phyir dus re zhig spang bar byed do/ /'dir mthong bas spang bar bya ba bsrung bar mi nus pas 'dod chags la sogs pa smos so/ /bsam gtan mtha' na zhes bya ba ni sdug bsngal gyi rgyu dang 'gal ba'i phyir dang lam gyi sla ba'i mchog yin pa'i phyir ro//smon nas shes pas gzugs med pa rnams mngon sum du mi shes so zhes bya ba ni smon nas shes pa bsam gtan bzhi pa'i sa pa yin pa'i phyir te/ mngon par shes pa rang dang 'og ma'i yul can yin la smon nas shes pa yang mngon par shes pa dang 'dra'o zhes shes par bya'o//gal te gzugs med pa dag mi dran na ni 'o na mdo las bcom ldan 'das kyis gzugs dag gam gzugs med pa dag tu sngon gnas pa thams cad rnam pa dang bcas par rjes su dran no/ /mdo las gsungs pa ji lta zhe na/ kha cig na re de'i rjes su dpag pa 'khrul pa med pas shes so zhes zer ro/ /gzhan dag na re bzhed pa tsam gyis thams cad mkhyen te/ sangs rgyas rnams kyi mkhyen pa'i yul ni bsam gyis mi khyab po zhes 'byung ba'i phyir ro zhes zer ro/ /tshul gnas zhes bya ba la sogs pa mdzod kyi gnas drug par nyon mongs pa spong ba'i thabs rgyas par bshad pa'i phyir zag pa zad pa'i mngon par shes pa bskyed pa'i sbyor ba ni mi brjod do//zag pa zad pa'i mngon par shes pa ni ji ltar dran pa nye bar gzhag pa yin te 'gog pa la dmigs pa'i phyir ro zhe na/ 'gog pa la dmigs pa'i phyogs yin na ni chos dran pa nye bar gzhag pa kho na yin la/zag pa zad pa'i rgyud kyi phyogs kho na yin na ni dran pa nye bar gzhag pa bzhi yin pas 'gal ba med do/ /slob dpon 'dus bzangs na re 'chi 'pho ba dang skye ba shes pas ni phyi ma'i mtha' la kun du rmongs pa zlog par byed do/ /zag pa zad pa'i mngon par shes pas ni bar la kun du rmongs pa zlog par byed do zhes zer ro//sgra ni rgyun chad med pa'i phyir sprul par mi byed la/ sprul pa sems med pa yin pa'i phyir yid dang chos kyi skye mched dag kyang med do/ /sprul pa sems med pa yin no zhes bya ba 'di ga las she na/ bstan bcos la sprul pa sems dang bcas pa zhes brjod par bya'am sems med pa zhes brjod par bya smras pa/sems med pa zhes brjod par bya'o/ /lha'i mig gam rna ba ni de dang mtshungs pa med do zhes bya ba ni de dag lta ba dang nyan pa'i sgo nas mngon par bsgrubs te de'i phyir rtag tu rnam par shes pa dang bcas pa yin no/ /gnas bdun pa'i 'grel bshad do// //bsam gtan khyad par can na rtog pa med pa dpyod pa yod pas lhan cig dpyod pa med par dogs pa bsu nas rtog pa med par ni zhes bya ba rgyas par 'byung ste/ bsam gtan khyad par can na ni dga' ba dang bde ba dang ldan pa'i phyir dpyod pa med pas rtog pa med do//de'i phyir dga' ba dang dpyod pa dang ldan pa'i dpyod pa ni rtog pa la mi 'khrul te me la du ba bzhin no/ /bsam gtan rnams kho na yan lag dang ldan pa yin gyi gzugs med pa rnams ni ma yin no zhes bya ba la/ kha cig na re zhi gnas su ro gcig pa'i phyir te/ gang dag na rgyu ba rags pa yin pa de dag ni der yan lag nyid du gzhag na gzugs med pa dag ni nye bar zhi ba lhag pa'i phyir sems dang sems las byung ba de dag thams cad nye bar rgyu ba zhan pas de dag la yan lag rnam par gzhag pa mi srid do//sa gang ting nge 'dzin shas che ba de dag ni sems las byung ba gzhan yang gtso bo ma yin no//gcig la ni yan lag gi sgrar yang mi rung ngo / /de'i phyir gzugs med pa dag tu ni yan lag rnam par gzhag go zhes zer ro/ /gzhan dag na re sa gang du sems las byung ba tshad mar phyin pa ni nyan par gyur pa ma yin gyi med par gyur pa la 'dod pa 'dra'i 'gag pa de dag kho nar yan lag rnam par gzhag ste bsam gtan dang por ni sdug bsngal dang yid mi bde ba 'gag go//gnyis par ni rtog pa dang dpyod pa 'gag go/ /gsum par ni dga' ba'o/ /bzhi par ni bde ba'i dbang po 'gag go/ /de yan chad ni sems las byung ba gang yang tshar phyin pas ldog pa med do zhes zer ro//de lta bas na bsam gtan dang po la yod pa'i yan lag lnga la rtog pa dang dpyod pa dang dga' ba dang bde ba dang ting nge 'dzin zhes bya ba gang yin pa de dag kho na las yan lag gnyis dang gsum dang bzhi bor nas yin te/ de la yan lag gnyis bor nas bsam gtan gnyis pa rnam par gzhag ste/de la rtog pa dang dpyod pa dag med pa'i phyir ro/ /yan lag gsum bor nas bsam gtan gsum pa rnam par gzhag ste de na dga' ba yang med pas so/ /yan lag bzhi bor nas bsam gtan bzhi pa rnam par gzhag ste de na bde ba yang med pas so//de nyid kyi phyir de dag bor nas bsam gtan lhag ma rnam par gzhag pa'i phyir bsam gtan dang po la sems las byung ba gzhan yod kyang lnga kho na yan lag tu bshad kyi 'du shes la sogs pa rnams ni ma yin no/ /'du shes la sogs pa rnams bor nas bsam gtan gong ma rnam par gzhag pa ni ma yin te de rnams thams cad na yod pa'i phyir ro//de'i phyir bsam gtan dang po pa de rnams yan lag tu ma gsungs so/ /dang po 'phags pa'ang zhes bya ba la des ni rang gi sa las kyang yid 'byung ba dang ldan pas sa 'og ma'i gnyen po yin pa'i phyir zag pa med pa yin no//'o na bye brag tu bshad pa las nyer bsdogs kyi mtshams sbyor ba'i sems dang 'chi 'pho ba'i sems su 'gyur ro zhes gang bshad pa de ji ltar grang / nyon mongs pa can ma yin pa'i sems la mtshams sbyor ba med pas nyer bsdogs rnams ro myang ba dang mtshungs par ldan par thal bar 'gyur ro zhe na/de ni de lta ma yin te de rnams la ni mnyam par gzhag pa la nyon mongs pa bkag gi skye ba la nyon mongs pa ni ma yin no/ /de nyid bstan pa'i phyir nyer bsdogs kyi sems kyis zhes bya ba rgyas par smos so/ /ji ltar 'di so sor ma brtags pa'i 'gog pa yin zhe na/mi slob pa'i mtshan ma med pa'i ting nge 'dzin las langs pa de'i rjes la zag pa dang bcas pa'i skad cig ma 'da' ba gang dag yin pa ste/ gal te de dag byung bar ma gyur na mi slob pa'i mtshan ma med pa'i skad cig ma rnams 'byung bar 'gyur ro/ /mi slob pa'i mtshan ma med pa'i skad cig ma de dag rkyen ma tshang bar so sor ma brtags pas 'gog pas 'gag par 'gyur te so sor ma brtags pas 'gog pa la zhi ba'i rnam par dmigs so//'jug pa chad pa'i rnam pa can yin pa'i phyir/ zhi ba'i rnam pa kho na yin no/ /zag med pa la so sor brtags pas 'gog pa med pa'i phyir so sor ma brtags pas 'gog pa la dmigs so//'phags pa'i lam la sdang ba'i phyir/ /zhes bya ba la ji ltar sdang zhe na/ stong pa la sogs pa'i rnam pa de dag tu de la rgyab kyis phyogs pa'i phyir ro/ /re zhig ting nge 'dzin gzhan gnyis ni stong pa dang mi rtag pa'i rnam pa dag tu de la dmigs pa'i phyir 'phags pa'i lam la sdang bar rigs na/gsum pa ni zhi ba 'dus ma byas kyi dngos po la dmigs pa'i phyir ji ltar 'phags pa'i lam la sdang ba nyid du rung zhe na/ mi slob pa'i ting nge 'dzin 'jug pa'i rgyu'i chos la bsngags pa'i phyir ro//nyer bsdogs gnyis ni ma gtogs so/ /zhes bya ba ni bsam gtan gnyis pa la sogs pa'i nyer bsdogs dag ma gtogs pa ste/ de dag ni zhi ba dang rags pa la sogs pa'i rnam par zhugs pas spyod yul gong ma dang 'og ma la nges pa'i phyir 'phags pa'i lam bdun mi 'byin no//gzhan dag na re byams pa ni bsam pa thag pa nas 'byung po thams cad la bdag dang 'dra bar gnas pa'o/ /snying rje ni gzhan gyi sdug bsngal la mngon par mi dga' ba'o/ /dga' ba ni gzhan gyi phun sum tshogs pa dag gis dga' ba'o/ /btang snyoms ni phan pa dang gnod pa dag la de'i rgyu mtshan dag la mi gtod pa'o//grangs bzhin zhes bya ba ni 'dod pa na spyod pa'i kha dog gi gnyen po ni bsam gtan dang po'i rnam par thar pa yin la/ bsam gtan dang po'i sa pa'i kha dog gi 'dod chags kyi gnyen por ni bsam gtan gnyis pa'i sa pa'i rnam par thar pa yin te/rnam par thar pa 'di gnyis kyang thag bsring ba'i gnyen po yin par rig par bya'o/ /smras pa bsam gtan gnyis pa la sogs pa na kha dog gi 'dod chags med do zhes bya bar ji ltar shes she na/ mig gi rnam par shes pa med pa'i phyir ro/ /gang zhig yul gang las 'dod chags dang bral ba de ni nges par 'dzin par byed pa'i rnam par shes pa las kyang 'dod chags dang bral ba yin la/bsam gtan gnyis pa la sogs pa na mig gi rnam par shes pa la sogs pa med pas de'i phyir de dag ni kha dog gi 'dod chags dang bral ba'o zhes bya bar grub bo/ /kha cig na re kha dog bzang po rnams la chags pa mi skye la/kha dog ngan pa rnams la khong khro ba mi skye ba ste 'dir zil gyis gnon pa'i ni 'di yin no zhes zer ro/ /gzhan dag na re de lta yin na zil gyis gnon pa rnams ma chags pa dang zhe sdang med pa'i rang bzhin du thal bar 'gyur te/de'i phyir 'dir don ni kha dog bzang po dang ngan pa rnams zil gyis mnan nas kha dog ngan pa ji lta bar kha dog bzang po rnams kyang de 'dra bar mi sdug pa'i rnam par ro gcig par byas nas mthong ste/ 'di'i sems la dbang ba ni 'di yin no zhes zer ro/ /zil gyis mnan nas zhes pa ni shes bya'o//zil gyis mnan nas mthong zhes bya ba ni de'i rgyu mtshan can gyi rnal 'byor rdzogs pa dag go/ /brgyad kyi spyod yul ni 'dod pa na spyod pa'i gzugs kyi skye mched yin no/ /ji ltar zad par 'byung ba'i skye mched rnams kyi dmigs pa gzugs kyi skye mched yin zhe na/sa la sogs pa rnams dang / sa'i khams la sogs pa rnams la khyad par yod pas 'di dag 'di dag zad par sa la sogs pa'i skye mched ces bya'i zad par sa'i khams la sogs pa ni ma yin no/ /sa la sogs pa rnams kyang kha dog dang dbyibs kyi bdag nyid yin pas de rnams gzugs kyi skye mched kyi yul can nyid du mi 'gal lo//kha cig na re rlung ni reg bya'i skye mched yin no zhes bya ba ni gang dag rlung gzugs su 'ong ba'o/ /de nyid kyi phyir mdzod kyi gnas dang por/ rlung tshogs khams nyid yin zhes bshad de de'i lugs kyis so/ /yang / gang dag de dang 'dra ba'ang yin/ /zhes bya ba de'i lugs kyis ni sa la sogs pa ltar rlung gzugs kyi skye mched kho na yin te/kha dog dang dbyibs kyi bdag nyid yin pa'i phyir ro/ /ji ltar gang du khyad du par 'phags she na/ rgyab kyis phyogs pa tsam dang zil gyis gnon pa dang zad par byed pa'i phyir de ltar gong nas gong du khyad par du 'phags pa yin no//de nyid kyi phyir zad par gyi skye mched thob pa des gdon mi za bar gzhan dag kyang thob ste/ yon tan rim gyis 'dzeg pa'i phyir ro/ /gzhan dag na re chung ngu dang 'bring dang chen po tha dad pa'i rnam par thar pa la sogs pa phye ste de lta yin yang rnam par thar pa rnams kyi rgyu kho na yin la zad par gyi skye mched rnams ni 'bras bu kho na yin zhing /zil gyis gnon pa rnams ni gnyis ka yin no zhes zer ro/ /rgyu dang las kyi stobs kyis gzugs dang gzugs med pa'i khams su gzugs med pa skye'i chos nyid kyis ni ma yin no/ /'jig pa'i dbang gis gzugs med pa dag tu mi skye ba'i phyir ro//chos nyid kyi zhes bshad pa chos nyid ces bya ba 'di gang zhig ce na/ re zhig mdo sde pa kha cig na re chos 'jug pa shas che ba de dag nyid sngon gyi bsam gtan gyi bag chags kyi dbang gis lung med par bsam gtan skye ba dang mthun pa ni chos nyid de/ rang bzhin dang dngos po nyid yin no zhes bya ba'i tha tshig go zhes zer ro//bye brag tu smra ba rnams na re sngon gyi bsam gtan bsgoms pa'i dge ba'i chos kyi dbang gis thos pa rgyas pa la de dag mthun pa'i chos nyid yin te/ tshe rabs snga ma'i skal pa mnyam pa'i rgyu las rgyu mthun pa'i 'bras bu 'byin pa la mngon du phyogs pa ni chos nyid yin zhes bya'o zer ro//gzhan dag na re lung 'dzin par byed pa ni smra bar byed pa sgrub par byed pa ste rten yin te/ lung phyin ci ma log pa'i rten ni sgrub pa po rnams yin pa'i phyir ro/ /rtogs par smra bar byed pa ni sgrub par byed pa kho na yin te/ de'i phyir ji srid du sgrub par byed pa yod pa de srid du rtogs pa zhes bya ba'i dam pa'i rjes su chos gnas so zhes zer ro//rtogs pa ni de lta bu yin gyi zhes bya ba ni lo stong du gnas pa'o/ /lung ni yun ring du gnas so zhes bya ba ni stong gi phyi nas kyang bya ba'i tha tshig ste/ phyogs 'di nyid rigs par mthong ngo / /da lta lung gi chos med pa ma yin gyi nyon mongs pa rnams 'jug pa rnyed pas rtogs pa'i chos ni med do//dbang gyur skye bo ni 'dir sangs rgyas kyi slob ma mngon sum du mthong ba po lung dang rtogs pa dang ldan pa rnams dang / rigs pa dang mi 'gal ba'i lung gi rjes su 'brang ba rnams so/ /lung 'bogs pa med par bsod nams dang ye shes kyi tshogs yongs su smin pa la rang nyid kyis thams cad mkhyen pa'i go 'phang rnyed pa na rang byung ngo //rang byung gi bstan pa ni lung dang / de ston pa mdo dang 'dul ba dang chos mngon pa rnams so/ /lung dang rtogs pa dang ldan pa sems can rnams la lta bas bstan pa gnas par bya ba'i phyir rab tu zhugs pa gang yin pa de dag ni bstan pa gces 'dzin rnams te de dag kyang mchog tu zhi bar gshegs pas na zhes bya bar rjes su bsnyeg go//'gro mgon ni sangs rgyas dang de'i sras rnams so/ /yon tan ni tshul khrims dang ting nge 'dzin dang shes rab kyi bdag nyid de 'dod chags dang zhe sdang dang gti mug gi bdag nyid dri ma rab tu 'jug pa dag gis de dag yongs su shes pa sel bar byed la/ma 'ongs pa rnams la ni gegs byed pas dri ma rnams yon tan 'joms par byed pa'o/ /'doms med ces bya ba ni 'gal zla med pa'i phyir ro/ /de ltar lkog mar srog phyin 'dra ste thub pa'i bstan pa lkog mar srog phyin pa lta bu'o//ci'i phyir zhe na sangs rgyas kyi sras po ston pa'i bstan pa bsrung bar zhugs pa rnams med pa'i phyir dang rtog ge ngan pa rnams kyis tshig dang don sgro btags pa la dkrugs pa'i phyir ro/ /slob dpon gang ba spel bas mdzad pa chos mngon pa mdzod kyi 'grel bshad mtshan nyid kyi rjes su 'brangs pa zhes bya ba las snyoms par 'jug pa bstan pa zhes bya ba/gnas brgyad pa'i 'grel bshad do// //nye ba gang dang goms pa gang / /zhes bya ba rgyas par 'byung ba las rgyud gcig la las bzhi po lci ba dang nye ba dang goms pa dang sngon du byas pa de dag yod pas de dag gi nang nas las lci ba snga ma yin pas sngar smin no//nye ba dang goms pa dang skye ba sngar byas pa rnams kyi yang nye ba snga ma yin pas de gnyis pas sngar smin no/ /goms pas sngar byas pa dag las goms pa snga ma yin pas sngar smin no/ /de dag med na tshe snga ma la byas pa lan grangs gzhan la myong ba smin par 'gyur ro//long ba ma yin pa de dag gang zhe na 'phags pa nyan thos shes rab kyi mig rnams so/ /yang na gsung rab kyi chos nyid de kho na la sgrib po zhes bya ba'i tha tshig go/ /chos zab mo rab tu ston pa'i phyir nyi ma yin no/ /ci zhe na gnyen po'i khyad par dang sku gzugs kyi khyad par dang 'od zer gyi khyad par dang yul gyi khyad par gyis so//gnyen po'i khyad par gyis ji ltar zhe na nyi mas phyi rol gyi nam mkha' la mun pa rnam par 'joms pa yin yang bcom ldan 'das ni nang gi mun pa yid la yun ring por zhugs pa 'joms byed do/ /nyi ma shel gyi rang bzhin gyi gzugs ngo bo nyid kyis 'bar bas lhang nge ba yin la/bcom ldan 'das kyang sku gzugs stobs bcu'i dri ma med pas lhan ne ba yin pa sku gzugs kyi khyad par gyis ni de lta bu'o/ /nyi ma'i 'od zer stong gis khyab pa yin la bcom ldan 'das kyang dam pa'i chos kyi gsung gi 'od zer stong gis khyab ste 'od zer gyis ni de lta bu'o//nyi ma'i yul ni gling bzhi pa yin la de bzhin gshegs pa'i khams gsum yin te/ de'i phyir cha cung zad tsam gyis chos mtshungs pas de bzhin gshegs pa ni nyi ma lta bu yin no/ /de ltar 'di ni phyogs tsam zhig gis zhes rgyas par 'byung ba la de ltar ji skad du zhes ji skad bshad pa ston to//phyogs nyid phyogs tsam ste/ chos mngon pa'i bstan bcos chen po las nyung ngu 'di bdag gis bstan to zhes bya ba ni tshig gi lhag ma yin no/ /gzhan dag na re/ de ltar 'di ni phyogs tsam zhig /ces bya ba ni bdag med par dgag pa 'di kho na'i dbang du byas nas bshad pa yin te/bdag gis mngon pa'i chos ni phal cher ni/ /kha che bye brag smra ba'i tshul grub bshad/ /ces bya ba 'di 'di nyid kyis bshad zin pa'i phyir ro zhes zer ro/ /mdzod kyi gnas brgyad pa'i zhar la byung bar 'grel pa gang zag gtan la 'bebs pa rdzogs so// //bdag gis mdzod kyi 'grel 'di dka' ba'i phyir//slob dpon gyi ni lugs su rnam par phye/ /log par gyur gang de 'dir bdag gis nyes/ /don bzang grub la blo de tshad ma yin/ /de ltar bdag gis ston gyi 'grel bshad gzhan/ /dpyad nas de dag sten sngon bstod dngos/ /mdzod kyi 'grel bshad mtshan nyid rjes 'brang ba zhes bya ba 'di de grwa sar sbyar ba yin//bdag gis mdzod bshad las byung dge ba dri med mi dge 'joms byed thob par gyur pa gang yin pa/ /de yis sems can srid pa gsum gtogs sdug bsngal mes gdungs ma lus mya ngan bzla bya ste/ /phyi nas bdag nyid kyang ni nyon mongs dgra bo ma lus rab 'joms sangs rgyas nyid thob nas//slar skye'i 'chi ba med phyir mya ngan 'das pa'i go 'phang dam pa rgya chen 'gro bar shog /slob dpon gang ba spel ba zhes bya ba chos mngon pa'i gzhung lugs rgya mtsho'i pha rol du son pas mdzad pa chos mngon pa'i 'grel bshad mtshan nyid kyi rjes su 'brang ba zhes bya ba rdzogs so// // 'di gangs chen po ti se dang yid bzhin gyi mtsho'i lho ngos ri bo chen po spos kyi ngad ldang ba'i 'dab/ yul pu rangs su dge 'dun gtso bor gyur pa brgya phrag gcig dang / dge 'dun spyir gyis g.yu phag sgur la sogs pa phul te bkas gnyer nas rgya gar gyi mkhan po ka na ka barma dang /