CLOSE WINDOW

D4088
བོད་ཡིག

/[ ]@#/ /rgya gar skad du/ kar ma pradz+nyA p+ti/ bod skad du/ las gdags pa/ dkon mchog gsum la phyag 'tshal lo/ /sdom ni/ ched du byas dang sems pa dang / /'das pa dang ni dge ba dang / /dmigs pa dang ni 'dod pa'i khams//tshigs su bcad dang las bsdu ba/ /'di skad bdag gis thos pa dus gcig na/ bcom ldan 'das mnyan du yod pa na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de nas bcom ldan 'das kyis dge slong rnams la bka' stsal pa/dge slong dag nga ni ched du byas shing bsags pa'i rnam par smin pa nyams su myong bar ston te/ de yang tshe 'di dang / skyes pa'i 'og dang / lan grangs gzhan la myong bar 'gyur ba'o/ /dge slong dag de la lus kyis ched du byas shing bsags pa/mi dge ba sdug bsngal skyed pa/ rnam par smin pa sdug bsngal ba ni rnam pa gsum mo/ /ngag gi ni rnam pa bzhi'o/ /yid kyi ni rnam pa gsum mo/ /dge slong dag lus kyis ched du byas pa'i las byas shing bsags pa/ mi dge ba sdug bsngal bskyed pa/rnam par smin pa sdug bsngal ba rnam pa gsum ji lta bu yin zhe na/ srog gcod pa ni drag cing lag dmar ba bsad pa dang / rab tu bsad pa la zhen pa ngo tsha med pa/ sems can srog chags su gyur pa thams cad la tha na srog chags grog sbur yan chad la snying rje med pa yin te/de ni srog gcod pa ma spangs pa yin no/ /ma byin par len pa ni des grong ngam/ dgon pa nas ma byin par rkun thabs su blangs pa yin te/ ma byin par len pa ma spangs pa yin no/ /'dod pa la log par g.yem pa ni gzhan gyi bud med/gzhan gyi chung ma gzhan gyis yongs su bzung ba 'di lta ste/ mas bsrungs pa 'am/ phas bsrungs pa'am/ ming pos bsrungs pa'am/ phu nu mos bsrungs pa'am/ sgyug mos bsrungs pa'am/ gyos pos bsrungs pa'am/ rigs gcig pas bsrungs pa'am/gnyen gyis bsrungs pa'am/ rus gcig pas bsrungs pa'am/ chad pa yod pa'am/ bgegs yod pa gang yin pa de dag dang / tha na me tog gi phreng ba btags pa yang rung ste/ de lta bu'i 'dod pa'i nye ba'i nyon mongs pa rnams kyis spyod pa la 'jug pa yin te/de ni 'dod pa la log par g.yem pa ma spangs pa yin no/ /dge slong dag de ltar na ched du byas pa'i las rnam pa gsum byas shing bsags pa mi dge ba sdug bsngal bskyed pa/ rnam par smin pa sdug bsngal ba yin no/ /dge slong dag gang gis ched du byas pa'i las rnam pa bzhi byas shing bsags pa/mi dge ba sdug bsngal bskyed pa/ rnam par smin pa sdug bsngal ba ji lta bu zhe na/ brdzun du smra ba ni de tshogs pa'i nang na 'dug kyang rung / 'khor gyi nang na 'dug kyang rung / rgyal po'i pho brang gi nang na 'dug kyang rung / gnyen gyi khyim gyi nang na 'dug kyang rung / che bzhir dris te/ kye mi khyod gang shes pa de ni smros shig /gang mi shes pa de ni ma smra shig /gang mthong ba de ni smros shig /gang ma mthong ba de ni ma smra zhig ces byas na/ de mi shes bzhin du ni shes so zhes zer/ shes bzhin du ni mi shes so zhes zer/ ma mthong bzhin du ni mthong ngo zhes zer/mthong bzhin da ni ma mthong ngo zhes zer te/ de dag gi phyir ram/ gzhan gyi phyir ram/ zang zing chung zad tsam gyi phyir/ shes bzhin du brdzun du smra ba ma spangs pa yin no/ /phra ma zer ba ni tshu rol pa rnams kyi thos nas/ de dag dbye ba'i phyir pha rol pa rnams kyi thad du song ste bsnyad la/de dag gis thos na yang tshu rol pa rnams dbye ba'i phyir/ tshu rol pa rnams kyi thad du song ste/ bsnyad par byed de/ de ltar 'dum pa rnams dbye ba dang / dbye ba rnams la rjes su phyogs la/ mi mthun par 'dod cing mi mthun par dga' ste mi mthun par 'gyur ba'i tshig smra ba ni phra ma ma spangs pa yin no//tshig rtsub por smra ba ni des tshig 'jam zhing rnar snyan la/ yid du 'ong ba dang / snyan pa dang / 'dod par bya ba dang / pho brang 'khor gyi skad dang / snyan cing 'jabs pa dang / zur phyin pa dang / brda phrad pa dang / rnar 'ong ba dang / skye bo mang po'i snying du sdug pa dang /skye bo mang bos gces par bya ba dang / skye bo mang po dga' ba dang / skye bo mang po'i yid du 'ong ba dang / mnyam par gzhag pa dang / ting nge 'dzin du 'gyur ba gang yin pa de dag dang / de lta bu'i tshig bor te/ tshig kun du zug pa dang / rtsub pa dang / gzhan gyis mi bzod pa dang / gzhan gyi zher 'debs pa dang / skye bo mang po'i snying du mi sdug pa dang / skye bo mang pos gces par mi bya ba dang / skye bo mang po mi dga' ba dang / skye bo mang po'i yid du mi 'ong ba dang / mnyam par gzhag pa ma yin pa dang / ting nge 'dzin du gyur pa ma yin pa gang yin pa rnams te/de lta bu'i tshig rnams smra ba ni/ tshig rtsub po ma spangs pa yin no/ /tshig kyal pa ni de dus ma yin par smra ba dang / yang dag pa ma yin par smra ba dang / mi bden par smra ba dang / phan pa ma yin par smra ba dang / skur pa smra ba dang / chos ma yin pa smra ba dang /gya tshom du smra zhing bab chol gyi tshig smra ba dang / gtan tshigs med pa dang / snyad med pa dang / don dang mi ldan pa dang / 'chal ba rnams kyi tshig kyal ba ma spangs pa yin no/ /dge slong dag de ltar na ngag gis ched du byas pa'i las rnam pa bzhi byas shing bstsags pa mi dge ba sdug bsngal bskyed pa/rnam par smin pa sdug bsngal ba yin no/ /dge slong dag yid kyis ched du byas pa'i las rnam pa gsum byas shing bsags pa/ mi dge ba sdug bsngal bskyed pa/ rnam par smin pa sdug bsngal ba ji lta bu zhe na/ brnab sems ni pha rol gyi rdzas rnams dang / pha rol gyi nor rnams dang / pha rol gyi yo byad rnams mthong na/ brnab sems skyed par byed de/ kye ma 'di dag bdag la yod kyang ji ma rung snyam ste/ brnab sems ma spangs pa yin no/ /gnod sems kyis sdang bar byed pa ni/ kye ma sems can 'di dag brgyab kyang rung ngo //bsad kyang rung ngo / /nyams par byas kyang rung ngo / /mi rigs par nyon mongs kyang rung ngo snyam pa ni gnod sems kyi sdang ba ma spangs pa yin no/ /log par lta ba ni phyin ci log tu lta zhing 'di ltar lta la/ 'di skad du smra ste/ sbyin pa med do/ /mchod sbyin med do//sbyin sreg med do/ /legs par spyad pa med do/ /nyes par spyad pa med do/ /legs par spyad pa dang / nyes par spyad pa'i las rnams kyi 'bras bu rnam par smin pa med do/ /'jig rten 'di med do/ /'jig rten pha rol med do/ /pha med do/ /ma med do/ /sems can skye ba med do//'jig rten na dgra bcom pa yang dag par song ba yang dag par zhugs pa gang 'jig rten 'di dang 'jig rten pha rol tshe 'di nyid la dag nyid kyis mngon par shes pas mngon sum du byas te/ bsgrubs nas khong du chud de/ bdag cag gi skye ba zad do/ /tshangs par spyad pa bsten to//bya ba byas so/ /'di las srid pa gzhan gyi shes so snyam du sems pa med do zhes bya ba ni log par lta ba ma spangs pa yin no/ /dge slong dag de ltar na yid kyis ched du byas pa'i las rnam pa gsum byas shing bsags pa/ mi dge ba sdug bsngal bskyed pa/ rnam par smin pa sdug bsngal ba yin no//dge slong dag de la thos pa dang ldan pa'i 'phags pa nyan thos ni/ lus kyi las mi dge ba spangs nas/ lus kyi las dge ba sgom par byed do/ /ngag gi las mi dge ba spangs nas/ ngag gi las dge ba sgom par byed do/ /yid kyi las mi dge ba spangs nas/yid kyi las dge ba sgom par byed do/ /de byams pa dang ldan pa'i sems kho na med pa dang / gcugs med pa dang / gnod pa med pa dang / rgya che ba dang / chen por gyur pa dang / tshad med pas phyogs gcig tu mos par byas te/ khyab par byas nas bsgrubs te gnas so/ / phyogs gnyis pa yang de bzhin no/ /gsum pa yang de bzhin no/ /bzhi pa yang de bzhin no/ /steng dang 'og dang / thad ka thams cad du yang de bzhin te/ 'jig rten 'di thams cad byams pa dang ldan pa'i sems kyis mos par byas te/ khyab par byas nas bsgrubs te gnas so/ / de 'di snyam du sems te/ bdag gis sems 'di sngon ni chung ngur gyur pa la ma bsgoms/ de ni bdag gi sems 'di tshad med cing / rgya che la bsgoms pa yin no snyam mo/ /dge slong dag 'phags pa nyan thos kyi sems ni tshad med cing rgya che la shin tu bsgoms pa yin te/ de'i sngon tshad yod par gyur pa gang yin pa des de bkri bar mi 'gyur ro//de der gnas par yang mi 'gyur ro/ /de der bgrang bar yang mi 'gyur ro/ /dge slong dag gal te byis pa gzhon nu'am/ gzhon nu ma yang rung ste/ thog ma nas byams pa'i sems kyis ting nge 'dzin bsgoms na yang ci lus sam/ngag gam yid kyis sdig pa'i las byed par 'gyur ram/ btsun pa de ni ma lags so/ /dge slong dag legs so legs so/ /byams pa'i sems kyis ting nge 'dzin ni skyes pa yang rung / bud med kyang rung / khyim pa yang rung / rab tu byung ba yang rung bas bsgom par bya'o//de ci'i phyir zhe na/ skyes pa yang rung / bud med kyang rung / khyim pa yang rung / rab tu byung ba yang rung bas ni/ lus 'di khyer te 'gro bar mi 'gyur ba'i phyir ro/ /dge slong dag mi ni sems kyi rgyu las 'byung ba yin te/ sems la brten cing / sems la rag las la sems la brten nas dbang byed do//lus 'dis sngon sdig pa mi dge ba'i las byas shing bsags pa/ mi dge ba sdug bsngal bskyed pa/ rnam par smin pa sdug bsngal ba gang yin pa de dag thams cad 'dir myong bar 'gyur te/ tshe 'di nyid la myong bar 'gyur gyi/ skyes pa'i 'og dang /lan grangs gzhan la ma yin no/ /dge slong dag de ltar byams pa'i ting nge 'dzin bsgoms pa ni/ gal te gong du rtogs par ma byas na yang phyir mi 'ong bar gnas par 'gyur ro/ /dge slong dag gzhan yang thos pa dang ldan pa'i 'phags pa nyan thos ni/lus kyi las mi dge ba spangs nas zhes bya ba nas/ rgyas par snying rje dang ldan pa dang / dga' ba dang ldan pa dang / btang snyoms dang ldan pa yang de bzhin du brjod par bya ste/ de skad ces bka' stsal to/ /ched du byas pa zhes bya ba la de la sems pa'i las dang / bsam pa'i las dang gnyis yod de/sems pa'i las gang zhe na/ smras pa/ sems pa dang / mngon par sems pa dang / sems par gyur pa dang / sems par gtogs pa dang / sems mngon par 'du byed pa dang / yid kyi las gang yin pa 'di ni sems pa'i las zhes bya'o/ / bsam pa'i las gang zhe na/ smras pa/ bsam pa'i lus kyi las dang bsam pa'i ngag gi las 'di ni bsam pa'i las zhes bya'o/ /de la sems pa'i las ni 'das pa yang yod do/ /ma 'ongs pa yang yod do/ /da ltar byung ba yang yod do/ /sems pa'i las 'das pa gang zhe na/smras pa/ sems pa gang skyes pa dang / yang dag par skyes pa dang / byung ba dang / grub pa dang / mngon par grub pa dang / yang dag par grub pa dang / byung bar gyur nas mngon par 'das pa dang / zad pa dang / 'gags pa dang / bral ba dang / rnam par gyur pa dang / 'das pa dang /'das pa'i char gtogs pa dang / 'das pa'i dus kyis bsdus pa 'di ni sems pa'i las 'das pa'o/ /sems pa'i las ma 'ongs pa gang zhe na/ smras pa/ sems pa'i las gang ma skyes pa dang / yang dag par ma skyes pa dang / ma byung ba dang / yang dag par ma byung ba dang da dung ma phyin pa dang /mngon par ma grub pa dang / ma byung ba dang / ma 'ongs pa dang / ma 'ongs pa'i char gtogs pa dang / ma 'ongs pa'i dus kyis bsdus pa 'di ni/ sems pa'i las ma 'ongs pa'o/ /sems pa'i las da ltar byung ba gang zhe na/ smras pa/ sems pa gang skyes pa dang /yang dag par skyes pa dang / byung ba dang / yang dag par byung ba dang / phyin zin pa dang / byung bar gyur pa dang / gnas pa dang / rnam par ma gyur pa dang / da ltar 'dug pa nas rgyas par sbyar te/ 'di ni sems pa'i las da ltar byung ba'o/ /de la sems pa'i las ni dge ba yang yod mi dge ba yang yod/lung du ma bstan pa yang yod do/ /sems pa'i las dge ba gang zhe na/ smras pa/ dge ba yid la byed pa dang / mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ ji lta zhe na/'di lta ste/ chags pa med pa dang / sdang ba med pa dang / rmongs pa med pas tshul bzhin du so sor brtags nas/ mig gis gzugs rnams mthong ba dang / rna bas sgra rnams thos pa dang / snas dri rnams bsnam pa dang / lces ro rnams myang ba dang / lus kyis reg bya rnams reg pa dang /yid kyis chos rnams rnam par shes pa'i sems gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni dge ba'i sems pa zhes bya'o/ /gzhan yang yongs su zin pa ma yin pas/ bsam gtan bzhi dang / gzugs med pa bzhi sgom pa'i sems pa gang yin pa nas/sems mngon par 'du byed pa dang / yid kyi las kyi bar du sbyar te/ 'di ni dge ba'i sems pa zhes bya'o/ /gzhan yang srog gcod pa spangs pa dang ldan pa'i yid la byed pa dang mtshungs par ldan pa dang / ma byin par len pa dang /'dod pa la log par g.yem pa dang / brdzun du smra ba dang / phra ma dang / tshig rtsub po dang / tshig kyal pa dang / brnab sems dang / gnod sems spangs pa dang / yang dag pa'i lta ba dang ldan pa'i yid la byed pa dang / mtshungs par ldan pa'i sems gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni dge ba'i sems pa zhes bya'o/ /gzhan yang khro ba med pa dang / khon du 'dzin pa med pa dang / 'chab pa med pa dang / 'tshig pa med pa dang / phrag dog med pa dang / ser sna med pa dang / sgyu med pa dang / g.yo med pa dang /ngo tsha shes pa dang / khrel yod pa dang ldan pa'i yid la byed pa dang / mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni dge ba'i sems pa zhes bya'o/ /gzhan yang gsong por smra ba dang /phyag 'tshal ba dang / mngon du ldang ba dang / thal mo sbyar ba dang / 'dud pa dang ldan pa'i yid la byed pa dang / mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni dge ba'i sems pa zhes bya'o//gzhan yang sbyin pa dag sbyin pa'am/ bsod nams dag byed pa'am/ gso sbyong la nye bar gnas pa'am/ tshul khrims yang dag par blangs te 'dug pa'am/ dad pa'i sems kyis rang gi lag dar te las byed pa'i sems pa gang yin pa nas/ sems mngon par 'du byed pa dang /yid kyi las kyi bar du sbyar te/ 'di ni dge ba'i sems pa zhes bya'o/ /gzhan yang dge ba'i yid la byed pas sdug bsngal la sdug bsngal bar yid la byed pa'am/ kun 'byung ba la kun 'byung ba'am/ 'gog pa la 'gog pa'am/ lam la lam du yid la byed pa'i sems pa gang yin pa nas/sems mngon par 'du byed pa dang / yid kyi las kyi bar du sbyar te/ 'di ni dge ba'i sems pa zhes bya'o/ /mi dge ba'i sems pa gang zhe na/ smras pa/ mi dge ba'i yid la byed pa dang / mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni mi dge ba'i sems pa zhes bya ste/ ci lta zhe na/ 'di ltar chags pa'am/ sdang ba'am/ rmongs pas tshul bzhin ma yin pa dang / so sor ma brtags par mig gis gzugs rnams mthong ba dang / yid kyis chos rnams rnam par shes pa'i bar gyi sems pa gang yin pa nas/sems mngon par 'du byed pa dang / yid kyi las kyi bar du sbyar te/ 'di ni mi dge ba'i sems pa zhes bya'o/ /gzhan yang srog gcod pa dang ldan pa'i yid la byed pa dang / mtshungs par ldan pa dang / ma byin par len pa dang /'dod pa la log par g.yem pa dang / brdzun du smra ba dang / phra ma dang / tshig rtsub po dang / tshig kyal pa dang / brnab sems dang / gnod sems dang / log par lta ba dang ldan pa'i yid la byed pa dang / mtshungs par ldan pa'i sems pa gang yin pa nas/ sems mngon par 'du byed pa dang /yid kyi las kyi bar du sbyar te/ 'di ni mi dge ba'i sems pa zhes bya'o/ /gzhan yang khro ba dang / khon du 'dzin pa dang / 'chab pa dang / 'tshig pa dang / phrag dog dang / ser sna dang / sgyu dang / g.yo dang / ngo tsha mi shes pa dang / khrel med pa dang ldan pa'i yid la byed pa dang /mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni mi dge ba'i sems pa zhes bya'o/ /gzhan yang lag pa dang / khu tshur dang / thal lcag gis bsnun pa dang / yal ga dang lcug mas gnod par bya ba dang ldan pa'i yid la byed pa dang /mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni mi dge ba'i sems pa zhes bya'o/ /gzhan yang mi dge ba'i kun du sbyor ba dang / 'ching ba dang / bag la nyal ba dang /nye ba'i nyon mongs pa dang / kun nas dkris pa rnams dang / mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni mi dge ba'i sems pa zhes bya'o/ /lung du ma bstan pa'i sems pa gang zhe na/ smras pa/ lung du ma bstan pa'i yid la byed pa dang / mtshungs par ldan pa'i sems pa gang yin pa nas sems mngon par 'du byed pa dang / yid kyi las kyi bar du sbyar te/ 'di ni lung du ma bstan pa'i sems pa zhes bya'o/ /ji ltar zhe na 'di lta ste/ dge ba'i sems kyang ma yin/ nyon mongs pa can gyi sems kyang ma yin pa/rang bzhin du mi gnas pa/ spyod lam la zhugs pa/ mig gis gzugs rnams mthong ba nas/ yid kyi chos rnams rnam par shes pa'i bar gyis sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni lung du ma bstan pa'i sems pa zhes bya'o/ /gzhan yang yongs su zin pa'i sems kyis bsam gtan bzhi dang / gzugs med pa bzhi bsgom pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni lung du ma bstan pa'i sems pa zhes bya'o/ /gzhan yang lung du ma bstan pa'i kun du sbyor ba dang / 'ching ba dang / bag la nyal ba dang / nye ba'i nyon mongs pa dang / kun nas dkris pa rnams dang mtshungs par ldan pa'i sems pa gang yin pa nas/ sems mngon par 'du byed pa dang /yid kyi las kyi bar du sbyar te/ 'di ni lung du ma bstan pa'i sems pa zhes bya'o/ /dge ba'i sems pa dge ba la dmigs pa dang / mi dge ba la dmigs pa dang / lung du ma bstan pa la dmigs pa yod dam/ smras pa/ dge ba la dmigs pa yang yod do/ /mi dge ba la dmigs pa yang yod do//lung du ma bstan pa la dmigs pa yang yod do/ /dge ba dang mi dge ba la dmigs pa yang yod do/ /dge ba dang lung du ma bstan pa la dmigs pa yang yod do/ /dge ba dang mi dge ba dang lung du ma bstan pa la dmigs pa yang yod do//dge ba ji lta ba bzhin du mi dge ba dang / lung du ma bstan pa la dmigs pa yang de dang 'dra bar yod par brjod par bya'o/ /dge ba'i sems pa la dmigs pa gang zhe na/ smras pa/ dge ba'i lus kyi las dang / ngag gi las dang / dge ba'i sems dang / sems las byung ba'i chos rnams dang /dge ba'i sems dang mi ldan pa'i 'du byed rnams dang / chos 'di dag ni rgyu dang bcas pa las byung ba 'bras bu yod pa/ rnam par smin pa dang bcas pa yin no snyam du yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar ba dang /yang na chos de dag gi phan yon dang ldan pa'i yid la byed pas/ yid la byed cing chos 'di dag ni dge ba ste/ skyes bu dam pas rang gis rtogs pa/ sangs rgyas rnams dang / sangs rgyas kyi nyan thos rnams dang / dam pa rnams dang / skyes bu dam pa rnams kyis bsngags pa ste/zin cing yang dag par zin na/ bdag la yang gnod par mi 'gyur zhing / gzhan la yang gnod par mi 'gyur la/ gnyi ga la yang gnod par mi 'gyur te/ shes rab skye bar 'gyur ba dang / phongs par 'gyur ba'i phyogs dang mthun pa ma yin pa dang / mya ngan las 'da' bar 'gyur ba yin no snyam du de ltar yid la byed pa'i sems pa gang yin pa nas/sems mngon par 'du byed pa dang / yid kyi las kyi bar du sbyar te/ 'di ni dge ba'i sems pa dge ba la dmigs pa'o/ /dge ba'i sems pa mi dge ba la dmigs pa gang zhe na/ smras pa/ mi dge ba'i lus kyi las dang / ngag gi las dang / mi dge ba'i sems dang / sems las byung ba'i chos rnams dang / mi dge ba'i sems dang mi ldan pa'i 'du byed rnams dang / chos 'di dag ni rgyu dang bcas pa las byung ba 'bras bu yod pa/ rnam par smin pa dang bcas pa yin no snyam du de ltar yid la byed pa'i sems pa gang yin pa nas/sems mngon par 'du byed pa dang / yid kyi las kyi bar du sbyar ba dang / yang na chos de dag gi nyes dmigs dang ldan pa'i yid la byed pas yid la byed cing / chos 'di dag ni mi dge ba yin te/ skyes bu dam pas rang gis rtogs pa/sangs rgyas rnams dang / sangs rgyas kyi nyan thos rnams dang / dam pa rnams dang / skyes bu dam pa rnams kyis smad pa ste/ zin cing yang dag par zin na/ bdag la yang gnod par gyur zhing / gzhan la yang gnod par 'gyur la/ gnyi ga la yang gnod par 'gyur te/shes rab 'gags par 'gyur ba dang / phongs par 'gyur ba'i phyogs dang mthun pa/ mya ngan las 'da' bar mi 'gyur ba yin no snyam du de ltar yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni dge ba'i sems pa mi dge ba la dmigs pa'o//dge ba'i sems pa lung du ma bstan pa la dmigs pa gang zhe na/ smras pa/ lung du ma bstan pa'i gzugs dang / lung du ma bstan pa'i sems dang / sems las byung ba'i chos rnams dang / lung du ma bstan pa'i sems dang mi ldan pa'i 'du byed rnams dang /chos 'di dag ni rgyu med pa las byung ba/ 'bras bu med pa rnam par smin pa med pa yin no snyam du de ltar yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/'di ni dge ba'i sems pa lung du ma bstan pa la dmigs pa'o/ /dge ba'i sems pa dge ba dang / mi dge ba la dmigs pa gang zhe na/ smras pa/ dge ba dang mi dge ba'i lus kyi las dang / ngag gi las dang / dge ba dang / mi dge ba'i sems dang / sems las byung ba'i chos rnams dang /dge ba dang / mi dge ba'i sems dang mi ldan pa'i 'du byed rnams dang / chos 'di dag ni rgyu las byung ba/ 'bras bu yod pa rnam par smin pa dang bcas pa yin no snyam du de ltar yid la byed pa'i sems pa gang yin pa nas/ sems mngon par 'du byed pa dang /yid kyi las kyi bar du sbyar te/ 'di ni dge ba'i sems pa dge ba dang / mi dge ba la dmigs pa'o/ /dge ba'i sems pa dge ba dang / lung du ma bstan pa la dmigs pa gang zhe na/ smras pa/ dge ba'i lus kyi las dang / ngag gi las dang / dge ba'i sems dang /sems las byung ba'i chos rnams dang / dge ba'i sems dang mi ldan pa'i 'du byed rnams dang / lung du ma bstan pa'i gzugs dang / lung du ma bstan pa'i sems dang / sems las byung ba'i chos rnams dang / lung du ma bstan pa'i sems dang mi ldan pa'i 'du byed rnams dang /chos 'di dag ni rgyu las byung ba dang / 'bras bu yod pa dang / rnam par smin pa dang bcas pa yin no snyam du de ltar yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni dge ba'i sems pa dge ba dang /lung du ma bstan pa la dmigs pa'o/ /dge ba'i sems pa mi dge ba dang / lung du ma bstan pa la dmigs pa gang zhe na/ smras pa/ mi dge ba'i lus kyi las dang / ngag gi las dang / mi dge ba'i sems dang sems las byung ba'i chos rnams dang / mi dge ba'i sems dang mi ldan pa'i 'du byed rnams dang /lung du ma bstan pa'i gzugs dang / lung du ma bstan pa'i sems dang / sems las byung ba'i chos rnams dang / lung du ma bstan pa'i sems dang mi ldan pa'i 'du byed rnams dang / chos 'di dag ni rgyu las byung ba 'bras bu yod pa/rnam par smin pa dang bcas pa yin no snyam du de ltar yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni dge ba'i sems pa mi dge ba dang / lung du ma bstan pa la dmigs pa'o/ /dge ba'i sems pa dge ba dang /mi dge ba dang / lung du ma bstan pa la dmigs pa gang zhe na/ smras pa/ dge ba dang mi dge ba'i lus kyi las dang / ngag gi las dang / dge ba dang mi dge ba'i sems dang / sems las byung ba'i chos rnams dang / dge ba dang mi dge ba'i sems dang mi ldan pa'i 'du byed rnams dang /lung du ma bstan pa'i gzugs dang / lung du ma bstan pa'i sems dang / sems las byung ba'i chos rnams dang / lung du ma bstan pa'i sems dang mi ldan pa'i 'du byed rnams dang / chos 'di dag ni rgyu las byung ba/ 'bras bu yod pa rnam par smin pa dang bcas pa yin no snyam du de ltar yid la byed pa'i sems pa gang yin pa nas/sems mngon par 'du byed pa dang / yid kyi las kyi bar du sbyar te/ 'di ni dge ba'i sems pa dge ba dang / mi dge ba dang / lung du ma bstan pa la dmigs pa'o/ /mi dge ba'i sems pa dge ba la dmigs pa gang zhe na/smras pa/ mi dge ba'i lus kyi las dang / ngag gi las dang / mi dge ba'i sems dang / sems las byung ba'i chos rnams dang / mi dge ba'i sems dang mi ldan pa'i 'du byed rnams dang / chos 'di dag ni rgyu med pa las byung ba 'bras bu med pa/ rnam par smin pa med pa yin no snyam du de ltar yid la byed pa'i sems pa gang yin pa nas/sems mngon par 'du byed pa dang / yid kyi las kyi bar du sbyar ba dang / yang na chos de dag gi phan yon dang ldan pa'i yid la byed pas yid la byed cing / chos 'di dag ni dge ba yin te/ skyes bu dam pas rang gi rtogs pa sangs rgyas rnams dang /sangs rgyas kyi nyan thos rnams kyis bsngags pa nas/ rgyas par gnyi ga la yang gnod par mi 'gyur ba'i bar du sbyar te/ shes rab skye bar 'gyur ba dang / phongs par 'gyur ba'i phyogs dang / mthun pa ma yin pa dang / mya ngan las 'da' bar 'gyur ba yin no snyam du de ltar yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni mi dge ba'i sems pa dge ba la dmigs pa'o/ /mi dge ba'i sems pa mi dge ba la dmigs pa gang yin zhe na/smras pa/ mi dge ba'i lus kyi las dang / ngag gi las dang / mi dge ba'i sems dang sems las byung ba'i chos rnams dang / mi dge ba'i sems dang mi ldan pa'i 'du byed rnams dang / chos 'di dag ni rgyu med pa las byung ba 'bras bu med pa/rnam par smin pa med pa yin no snyam du yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar ba dang / yang na chos de dag gi nyes dmigs dang ldan pa'i yid la byed pas yid la byed cing chos 'di dag ni mi dge ba yin te/skyes bu dam pa ma yin pas/ rang gi rtogs pa sangs rgyas rnams dang / sangs rgyas kyi nyan thos rnams dang dam pa rnams dang / skyes bu dam pa rnams kyis smad pa ste/ zin cing yang dag par zin na/ bdag la yang gnod par 'gyur zhing / gzhan la yang gnod par 'gyur la gnyi ga la yang gnod par 'gyur te/shes rab 'gag par 'gyur ba dang / phongs par 'gyur ba'i phyogs dang mthun pa dang / mya ngan las 'da' bar mi 'gyur ba yin no snyam du de ltar yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/'di ni mi dge ba'i sems pa mi dge ba la dmigs pa'o/ /mi dge ba'i sems pa lung du ma bstan pa la dmigs pa gang zhe na/ smras pa/ lung du ma bstan pa'i gzugs dang / lung du ma bstan pa'i sems dang sems las byung ba'i chos rnams dang / lung du ma bstan pa'i sems dang mi ldan pa'i 'du byed rnams dang chos 'di dag ni rgyu med pa las byung ba/'bras bu med pa rnam par smin pa med pa yin no snyam du de ltar yid la byed pa'i sems pa gang yin pa nas sems mngon par 'du byed pa dang / yid kyi las kyi bar du sbyar te/ 'di ni mi dge ba'i sems pa lung du ma bstan pa la dmigs pa'o//mi dge ba'i sems pa dge ba dang / mi dge ba la dmigs pa gang zhe na/ smras pa/ dge ba dang / mi dge ba'i lus kyi las dang / ngag gi las dang / dge ba dang mi dge ba'i sems dang sems las byung ba'i chos rnams dang dge ba dang /mi dge ba'i sems dang mi ldan pa'i 'du byed rnams dang / chos 'di dag ni rgyu med pa las byung ba/ 'bras bu med pa/ rnam par smin pa med pa yin no snyam du de ltar yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/'di ni mi dge ba'i sems pa dge ba dang / mi dge ba la dmigs pa'o/ /mi dge ba'i sems pa dge ba dang / lung du ma bstan pa la dmigs pa gang zhe na/ smras pa/ dge ba'i lus kyi las dang / ngag gi las dang / dge ba'i sems dang sems las byung ba'i chos rnams dang /dge ba'i sems dang mi ldan pa'i 'du byed rnams dang / lung du ma bstan pa'i gzugs dang / lung du ma bstan pa'i sems dang sems las byung ba'i chos rnams dang / lung du ma bstan pa'i sems dang mi ldan pa'i 'du byed rnams dang / chos 'di dag ni rgyu med pa las byung ba/'bras bu med pa/ rnam par smin pa med pa yin no snyam du de ltar yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni mi dge ba'i sems pa dge ba dang / lung du ma bstan pa la dmigs pa'o/ / mi dge ba'i sems pa mi dge ba dang / lung du ma bstan pa la dmigs pa gang zhe na/ smras pa/ mi dge ba'i lus kyi las dang / ngag gi las dang / mi dge ba'i sems dang / sems las byung ba'i chos rnams dang / mi dge ba'i sems dang mi ldan pa'i 'du byed rnams dang / lung du ma bstan pa'i gzugs dang / lung du ma bstan pa'i sems dang / sems las byung ba'i chos rnams dang / lung du ma bstan pa'i sems dang mi ldan pa'i 'du byed rnams dang chos 'di dag ni rgyu med pa las byung ba/ 'bras bu med pa/ rnam par smin pa med pa yin no snyam du de ltar yid la byed pa'i sems pa gang yin pa nas/sems mngon par 'du byed pa dang / yid kyi las kyi bar du sbyar te/ 'di ni mi dge ba'i sems pa mi dge ba dang / lung du ma bstan pa la dmigs pa'o/ /mi dge ba'i sems pa dge ba dang / mi dge ba dang / lung du ma bstan pa la dmigs pa gang zhe na/ smras pa/ dge ba dang / mi dge ba'i lus kyi las dang / ngag gi las dang / dge ba dang mi dge ba'i sems dang / sems las byung ba'i chos rnams dang / dge ba dang / mi dge ba'i sems dang mi ldan pa'i 'du byed rnams dang / lung du ma bstan pa'i gzugs dang / lung du ma bstan pa'i sems las byung ba'i chos rnams dang / lung du ma bstan pa'i sems dang mi ldan pa'i 'du byed rnams dang / chos 'di dag ni rgyu med pa las byung ba/ 'bras bu med pa/ rnam par smin pa med pa yin no snyam du yid la byed pa'i sems pa gang yin pa nas/sems mngon par 'du byed pa dang / yid kyi las kyi bar du sbyar te/ 'di ni mi dge ba'i sems pa dge ba dang / mi dge ba dang / lung du ma bstan pa la dmigs pa'o/ /lung du ma bstan pa'i sems pa lung du ma bstan pa la dmigs pa gang zhe na/ smras pa/lung du ma bstan pa'i gzugs dang / lung du ma bstan pa'i sems dang / sems las byung ba'i chos rnams dang / lung du ma bstan pa'i sems dang mi ldan pa'i 'du byed rnams dang / dmigs pa 'di dag las bsgribs la lung du ma bstan pa dang / ma bsgribs la lung du ma bstan pa yang rung ste/yid la byed pa'i sems gang yin pa nas sems mngon par 'du byed pa dang / yid kyi las kyi bar du sbyar te/ 'di ni lung du ma bstan pa'i sems pa lung du ma bstan pa la dmigs pa'o/ /lung du ma bstan pa'i sems pa dge ba la dmigs pa gang zhe na/smras pa/ dge ba'i lus kyi las dang / ngag gi las dang / dge ba'i sems dang / sems las byung ba'i chos rnams dang / dge ba'i sems dang mi ldan pa'i 'du byed rnams dang / dmigs pa 'di dag la bsgribs la lung du ma bstan pa dang /ma bsgribs la lung du ma bstan pa yang rung ste/ yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni lung du ma bstan pa'i sems pa dge ba la dmigs pa'o//lung du ma bstan pa'i sems pa mi dge ba la dmigs pa gang zhe na/ smras pa/ mi dge ba'i lus kyi las dang / ngag gi las dang / mi dge ba'i sems dang / sems las byung ba'i chos rnams dang / mi dge ba'i sems dang mi ldan pa'i 'du byed rnams dang /dmigs pa 'di las bsgribs la lung du ma bstan pa dang / ma bsgribs la lung du ma bstan pa yang rung ste/ yid la byed pa'i sems pa gang yin pa nas/ sems mngon par 'du byed pa dang /yid kyi las kyi bar du sbyar te/ 'di ni lung du ma bstan pa'i sems pa mi dge ba la dmigs pa'o/ /lung du ma bstan pa'i sems pa dge ba dang / mi dge ba la dmigs pa gang zhe na/ smras pa/ dge ba dang / mi dge ba'i lus kyi las dang /ngag gi las dang / dge ba dang / mi dge ba'i sems dang / sems las byung ba'i chos rnams dang / dge ba dang / mi dge ba'i sems dang mi ldan pa'i 'du byed rnams dang / dmigs pa 'di dag las bsgribs la lung du ma bstan pa dang /ma bsgribs la lung du ma bstan pa yang rung ste/ yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni lung du ma bstan pa'i sems pa dge ba dang /mi dge ba la dmigs pa'o/ /lung du ma bstan pa'i sems pa dge ba dang / lung du ma bstan pa la dmigs pa gang zhe na/ smras pa/ dge ba'i lus kyi las dang / ngag gi las dang / dge ba'i sems dang sems las byung ba'i chos rnams dang /dge ba'i sems dang mi ldan pa'i 'du byed rnams dang / lung du ma bstan pa'i gzugs dang / lung du ma bstan pa'i sems dang sems las byung ba'i chos rnams dang / lung du ma bstan pa'i sems dang mi ldan pa'i 'du byed rnams dang /dmigs pa 'di dag las bsgribs la lung du ma bstan pa dang / ma bsgribs la lung du ma bstan pa yang rung ste/ yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni lung du ma bstan pa'i sems pa dge ba dang / lung du ma bstan pa la dmigs pa'o/ /lung du ma bstan pa'i sems pa mi dge ba dang / lung du ma bstan pa la dmigs pa gang zhe na/ smras pa/ mi dge ba'i lus kyi las dang / ngag gi las dang / mi dge ba'i sems dang / sems las byung ba'i chos rnams dang / mi dge ba'i sems dang mi ldan pa'i 'du byed rnams dang / lung du ma bstan pa'i gzugs dang / lung du ma bstan pa'i sems dang sems las byung ba'i chos rnams dang /lung du ma bstan pa'i sems dang mi ldan pa'i 'du byed rnams dang / dmigs pa 'di dag las bsgribs la lung du ma bstan pa dang / ma bsgribs la lung du ma bstan pa yang rung ste/yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni lung du ma bstan pa'i sems pa mi dge ba dang / lung du ma bstan pa la dmigs pa'o/ / lung du ma bstan pa'i sems pa dge ba dang / mi dge ba dang / lung du ma bstan pa la dmigs pa gang zhe na/ smras pa/ dge ba dang / mi dge ba'i lus kyi las dang / ngag gi las dang / dge ba dang mi dge ba'i sems dang / sems las byung ba'i chos rnams dge ba dang / mi dge ba'i sems dang mi ldan pa'i 'du byed rnams dang / lung du ma bstan pa'i gzugs dang / lung du ma bstan pa'i sems dang / sems las byung ba'i chos rnams dang / lung du ma bstan pa'i sems dang mi ldan pa'i 'du byed rnams dang / dmigs pa 'di dag las bsgribs la lung du ma bstan pa dang /ma bsgribs la lung du ma bstan pa yang rung ste/ yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni lung du ma bstan pa'i sems pa dge ba dang / mi dge ba dang / lung du ma bstan pa la dmigs pa'o//de la sems pa'i las ni 'dod pa dang ldan pa yang yod/ gzugs dang ldan pa yang yod/ gzugs med pa dang ldan pa yang yod do/ /sems pa'i las 'dod pa dang ldan pa gang zhe na/ smras pa/ 'dod pa dang ldan pa'i yid la byed pa dang mtshungs par ldan pa'i sems pa gang yin pa nas/sems mngon par 'du byed pa dang / yid kyi las kyi bar du sbyar te/ 'di ni sems pa'i las 'dod pa dang ldan pa'o/ /sems pa'i las gzugs dang ldan pa gang zhe na/ smras pa/ gzugs med pa dang ldan pa'i yid la byed pa dang mtshungs par ldan pa'i sems pa gang yin pa nas sems mngon par 'du byed pa dang /yid kyi las kyi bar du sbyar te/ 'di ni sems pa'i las gzugs dang ldan pa'o/ /sems pa'i las gzugs med pa dang ldan pa gang zhe na/ smras pa/ gzugs med pa dang ldan pa'i yid la byed pa dang mtshungs par ldan pa'i sems pa gang yin pa nas/sems mngon par 'du byed pa dang / yid kyi las kyi bar du sbyar te/ 'di ni sems pa'i las gzugs med pa dang ldan pa'o/ /de la 'dod pa dang ldan pa'i sems pa ni dge ba yang yod/ mi dge ba yang yod/ lung du ma bstan pa yang yod do//'dod pa dang ldan pa'i sems pa dge ba gang zhe na/ smras pa/ 'dod pa dang ldan pa'i dge ba'i yid la byed pa dang / mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/'di ni 'dod pa dang ldan pa'i sems pa dge ba ste/ ji lta zhe na/ 'di ltar chags pa med pas tshul bzhin du so sor brtags nas mig gis gzugs rnams mthong ba dang / rna bas sgra rnams thos pa dang / snas dri rnams bsnams pa dang / lces ro rnams myong ba dang /lus kyis reg bya rnams reg pa dang / yid kyis chos rnams rnam par shes pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni 'dod pa dang ldan pa'i sems pa dge ba'o/ /gzhan yang srog gcod pa spangs pa dang ldan pa'i yid la byed pa dang /mtshungs par ldan pa dang / ma byin par len pa dang / 'dod pa la log par g.yem pa dang / brdzun du smra ba dang / phra ma dang / tshig rtsub po dang / tshig kyal pa dang / brnab sems dang / gnod sems spangs pa dang ldan pa dang / yang dag pa'i lta ba dang ldan pa'i yid la byed pa dang /mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni 'dod pa dang ldan pa'i sems pa dge ba'o/ /gzhan yang khro ba med pa dang / khon du 'dzin pa med pa dang / 'chab pa med pa dang /'tshig pa med pa dang / phrag dog med pa dang / ser sna med pa dang / sgyu med pa dang / g.yo med pa dang / ngo tsha shes pa dang / khrel yod pa dang ldan pa'i yid la byed pa dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni 'dod pa dang ldan pa'i sems pa dge ba'o/ /gzhan yang 'dod pa dang ldan pa'i gsong por smra ba dang / phyag 'tshal ba dang / mngon du ldang ba dang / thal mo sbyar ba dang / 'dud pa dang ldan pa'i yid la byed pa dang / mtshungs par ldan pa'i sems pa gang yin pa nas/sems mngon par 'du byed pa dang / yid kyi las kyi bar du sbyar te/ 'di ni 'dod pa dang ldan pa'i sems pa dge ba'o/ /gzhan yang sbyin pa dag sbyin pa'am/ gnod sems dag mi byed pa'am/ tshul khrims yang dag par blangs te 'dug pa'am/gso sbyong la gnas pa'am/ sems dad pas rang gis lag dar te las byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni 'dod pa dang ldan pa'i sems pa dge ba'o/ /gzhan yang 'dod pa dang ldan pa'i dge ba'i yid la byed pas/sdug bsngal la bye/ sdug bsngal bar yid la byed pa'am/ kun 'byung ba la kun 'byung ba'am/ 'gog pa la 'gog pa'am/ lam la lam du yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/'di ni 'dod pa dang ldan pa'i sems pa dge ba'o/ /'dod pa dang ldan pa'i sems pa mi dge ba gang zhe na/ smras pa/ mi dge ba'i yid la byed pa dang / mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/'di ni 'dod pa dang ldan pa'i sems pa mi dge ba'o/ /ji lta zhe na/ 'di ltar chags pa dang / sdang ba dang / rmongs pas tshul bzhin ma yin pa dang / so sor ma brtags par mig gis gzugs rnams mthong ba nas/ yid kyis chos rnams rnam par shes pa'i bar gyi sems pa gang yin pa nas/sems mngon par 'du byed pa dang / yid kyi las kyi bar du sbyar te/ 'di ni 'dod pa dang ldan pa'i sems pa mi dge ba'o/ /gzhan yang srog gcod pa dang ldan pa'i yid la byed pa dang mtshungs par ldan pa dang / ma byin par len pa dang / 'dod pa la log par g.yem pa dang /brdzun du smra ba dang / phra ma dang / tshig rtsub po dang / tshig kyal pa dang / brnab sems dang / gnod sems dang log par lta ba dang ldan pa'i yid la byed pa dang / mtshungs par ldan pa'i yid la byed pa gang yin pa nas/ sems mngon par 'du byed pa dang / yid kyi las kyi bar du sbyar te/'di ni 'dod pa dang ldan pa'i sems pa mi dge ba'o/ /gzhan yang khro ba dang / khon du 'dzin pa dang / 'chab pa dang / 'tshig pa dang / phrag dog dang / ser sna dang / sgyu dang g.yo dang / ngo tsha mi shes pa dang / khrel med pa dang ldan pa'i yid la byed pa dang /mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni 'dod pa dang ldan pa'i sems pa mi dge ba'o/ /gzhan yang lag pa dang / khu tshur dang thal lcag bsnun pa dang / yal ga dang lcug mas gnod par byed pa dang ldan pa'i yid la byed pa dang mtshungs par ldan pa'i sems pa gang yin pa nas sems mngon par 'du byed pa dang /yid kyi las kyi bar du sbyar te/ 'di ni 'dod pa dang ldan pa'i sems pa mi dge ba'o/ /gzhan yang mi dge ba kun du sbyor ba dang / 'ching ba dang / bag la nyal ba dang / kun nas dkris pa rnams dang / mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni 'dod pa dang ldan pa'i sems pa mi dge ba'o/ /'dod pa dang ldan pa'i sems pa lung du ma bstan pa gang zhe na/smras pa/ 'dod pa dang ldan pa'i lung du ma bstan pa'i yid la byed pa dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni 'dod pa dang ldan pa'i sems pa lung du ma bstan pa'o//ji lta zhe na/ 'di ltar dge ba'i sems kyang ma yin nyon mongs pa can gyi sems kyang ma yin pa/ rang bzhin du gnas pa/ spyod lam la zhugs pas/ mig gis gzugs rnams mthong ba nas/ yid kyis chos rnams rnam par shes pa'i bar gyi sems pa gang yin pa nas/sems mngon par 'du byed pa dang / yid kyi las kyi bar du sbyar te/ 'di ni 'dod pa dang ldan pa'i sems pa lung du ma bstan pa'o/ /gzhan yang 'dod pa dang ldan pa'i lung du ma bstan pa'i kun du sbyor ba dang / 'ching ba dang / bag la nyal ba dang / nye ba'i nyon mongs pa dang /kun nas dkris pa rnams dang / mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni 'dod pa dang ldan pa'i sems pa lung du ma bstan pa'o/ /de la gzugs dang ldan pa'i sems pa dge ba yang yod/lung du ma bstan pa yang yod/ gzugs dang ldan pa'i sems pa dge ba gang zhe na/ smras pa/ gzugs dang ldan pa'i dge ba'i yid la byed pa dang / mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni gzugs dang ldan pa'i sems pa dge ba'o/ /ji lta zhe na/ 'di ltar chags pa med pa'am/ sdang ba med pa'am/ rmongs pa med pa la tshul bzhin du so sor brtags nas/ mig gis gzugs rnams mthong ba dang / rna bas sgra rnams thos pa dang /snas dri rnams bsnams pa dang / lces ro rnams myong ba dang / lus kyis reg bya rnams reg pa dang / yid kyis chos rnams rnam par shes pa'i bar gyi sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni gzugs dang ldan pa'i sems pa dge ba'o//gzhan yang yongs su ma zin pa'i bsam gtan bzhi bsgom pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni gzugs dang ldan pa'i sems pa dge ba'o/ /gzhan yang gzugs dang ldan pa'i gsong por smra ba dang /phyag 'tshal ba dang / mngon du ldang ba dang / thal mo sbyar ba dang / 'dud pa dang ldan pa'i yid la byed pa dang / mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/'di ni gzugs dang ldan pa'i sems pa dge ba'o/ /gzhan yang gzugs dang ldan pa'i dge ba'i yid la byed pas/ sdug bsngal ba la sdug bsngal bar yid la byed pa'am/ kun 'byung ba la kun 'byung bar yid la byed pa'am/ 'gog pa la 'gog par yid la byed pa'am/lam la lam du yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni gzugs dang ldan pa'i sems pa dge ba'o/ /gzugs dang ldan pa'i sems pa lung du ma bstan pa gang zhe na/smras pa/ gzugs dang ldan pa'i lung du ma bstan pa'i yid la byed pa dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni gzugs dang ldan pa'i sems pa lung du ma bstan pa'o//ji lta zhe na/ 'di ltar dge ba'i sems kyang ma yin/ nyon mongs pa can gyi sems kyang ma yin pa rang bzhin du gnas pa/ spyod lam du zhugs pas/ mig gis gzugs rnams mthong ba dang / rna bas sgra rnams thos pa dang / snas dri rnams bsnams pa dang / lces ro rnams myong ba dang /lus kyis reg bya rnams reg pa dang / yid kyis chos rnams rnam par shes pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni gzugs dang ldan pa'i sems pa lung du ma bstan pa'o/ /gzhan yang yongs su zin pa'i sems kyis bsam gtan bzhi sgom pa'i sems pa gang yin pa nas/sems mngon par 'du byed pa dang / yid kyi las kyi bar du sbyar te/ 'di ni gzugs dang ldan pa'i sems pa lung du ma bstan pa'o/ /gzhan yang gzugs dang ldan pa'i kun du sbyor ba dang / 'ching ba dang /bag la nyal ba dang / nye ba'i nyon mongs pa dang / kun nas dkris pa rnams dang ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni gzugs dang ldan pa'i sems pa lung du ma bstan pa'o/ /de la gzugs med pa dang ldan pa'i sems pa ni dge ba yang yod/lung du ma bstan pa yang yod do/ /gzugs med pa dang ldan pa'i sems pa dge ba gang zhe na/ smras pa/ gzugs med pa dang ldan pa'i dge ba'i yid la byed pa dang / mtshungs par ldan pa'i sems pa gang yin pa nas/sems mngon par 'du byed pa dang / yid kyi las kyi bar du sbyar te/ 'di ni gzugs med pa dang ldan pa'i sems pa dge ba'o/ /ji lta zhe na/ 'di ltar chags pa med pa'am/ sdang ba med pa'am/ rmongs pa med pas tshul bzhin du so sor brtags nas yid kyis chos rnams rnam par shes pa gang yin pa nas/sems mngon par 'du byed pa dang / yid kyi las kyi par du sbyar te/ 'di ni gzugs med pa dang ldan pa'i sems pa dge ba'o/ /gzhan yang yongs su zin pa'i sems kyis gzugs med pa bzhi bsgoms pa'i sems pa gang yin pa nas/sems mngon par 'du byed pa dang / yid kyi las kyi bar du sbyar te/ 'di ni gzugs med pa dang ldan pa'i sems pa dge ba'o/ /gzhan yang gzugs med pa dang ldan pa'i yid la byed pas sdug bsngal la sdug bsngal bar yid la byed pa'am/kun 'byung ba la kun 'byung ba'am/ 'gog pa la 'gog pa'am/ lam la lam du yid la byed pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni gzugs med pa dang ldan pa'i sems pa dge ba'o//gzugs med pa dang ldan pa'i sems pa lung du ma bstan pa gang zhe na/ smras pa/ gzugs med pa'i yid la byed pa lung du ma bstan pa dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni gzugs med pa dang ldan pa'i sems pa lung du ma bstan pa'o/ /ji lta zhe na/ 'di ltar dge ba'i sems kyang ma yin/ nyon mongs pa can gyi sems kyang ma yin pa rang bzhin du gnas pa yid kyi chos rnams rnam par shes pa'i sems pa gang yin pa nas/ sems mngon par 'du byed pa dang yid kyi las kyi bar du sbyar te/'di ni gzugs med pa dang ldan pa'i sems pa lung du ma bstan pa'o/ /gzhan yang yongs su zin pa'i sems kyis gzugs med pa bzhi bsgom pa'i sems pa gang yin pa nas/ sems mngon par 'du byed pa dang /yid kyi las kyi bar du sbyar te/ 'di ni gzugs med pa dang ldan pa'i sems pa lung du ma bstan pa'o/ /gzhan yang gzugs med pa dang ldan pa'i kun du sbyor ba dang / 'ching ba dang / bag la nyal ba dang / nye ba'i nyon mongs pa dang / kun nas dkris pa rnams dang mtshungs par ldan pa'i sems pa gang yin pa nas/ sems mngon par 'du byed pa dang / yid kyi las kyi bar du sbyar te/ 'di ni gzugs med pa dang ldan pa'i sems pa lung du ma bstan pa'o/ /'dul mchog kha lo sgyur ba tshangs pa'i gsung dang ldan//sku mdog gser 'dra kha lo sgyur ba rnams kyi mchog /rnam par 'dren par mdzad pa byung ba gang yin te/ /'jigs pa med par las rnams tha dad ston par mdzad/ /rgyu gcig gis las rnams bsdus te/ las zhes bya ba'i phyir ro/ /rgyu gnyis kyis las rnams bsdus te/sems pa'i las dang / ched du bsams pa'i las so/ /rgyu gsum gyis las rnams bsdus te/ lus kyi las dang / ngag gi las dang / yid kyi las so/ /rgyu bzhis las rnams bsdus te/ 'dod pa dang ldan pa dang / gzugs dang ldan pa dang /gzugs med pa dang ldan pa dang mi ldan pa'o/ /rgyu lngas las rnams bsdus te/ mthong bas spang bar bya ba lung du bstan pa dang / lung du ma bstan pa dang / bsgoms pas spang bar bya ba lung du bstan pa dang / lung du ma bstan pa dang / spang bar bya ba ma yin pa'i las so//rgyu drug gis las rnams bsdus te/ sdug bsngal mthong bas spang bar bya ba dang / kun 'byung ba dang / 'gog pa dang / lam mthong ba dang / bsgom pas spang bar bya ba dang / spang bar bya ba ma yin pa'o/ /rgyu bdun gyis las rnams bsdus te/ 'dod pa dang ldan pa mthong bas spang bar bya ba dang /bsgom pas spang bar bya ba dang / gzugs dang ldan pa mthong bas spang bar bya ba dang / bsgom pas spong bar bya ba dang / gzugs med pa dang ldan pa mthong bas spang bar bya ba dang / bsgom pas spang bar bya ba dang / spang bar bya ba ma yin pa'o/ /rgyu brgyad kyis las rnams bsdus te/'dod pa dang ldan pa'i dge ba dang / mi dge ba dang lung du ma bstan pa dang / gzugs dang ldan pa'i dge ba dang / lung du ma bstan pa dang / gzugs med pa dang ldan pa'i dge ba dang / lung du ma bstan pa dang ldan pa ma yin pa'i las so/ / rgyu dgus las rnams bsdus te/ lus kyi las dge ba dang / mi dge ba dang / lung du ma bstan pa dang / ngag gi las dge ba dang / mi dge ba dang / lung du ma bstan pa dang / yid kyi las dge ba dang / mi dge ba dang / lung du ma bstan pa'o/ /rgyu bcus las rnams bsdus te/ lus kyi las dge ba zag pa zad pa dang / bcas pa dang / mi dge ba dang / lung du ma bstan pa dang / zag pa med pa'i las so/ /ngag gi las dge ba zag pa zad pa dang bcas pa dang / mi dge ba dang / lung du ma bstan pa dang / zag pa med pa'i las so/ /yid kyi las dge ba zag pa zad pa dang bcas pa dang /mi dge ba dang / lung du ma bstan pa dang / zag pa med pa'i las so/ /rgyu bcu gcig gis las rnams bsdus te/ 'dod pa dang ldan pa'i dge ba dang / mi dge ba dang / bsgribs la lung du ma bstan pa dang / ma bsgribs la lung du ma bstan pa dang / gzugs dang ldan pa'i dge ba dang / bsgribs la lung du ma bstan pa dang / ma bsgribs la lung du ma bstan pa dang / gzugs med pa dang ldan pa'i dge ba dang / bsgribs la lung du ma bstan pa dang / ma bsgribs la lung du ma bstan pa dang ldan pa ma yin pa'i las so/ / rgyu bcu gnyis kyis las rnams bsdus te/ lus kyi las dge ba dang / mi dge ba dang / bsgribs la lung du ma bstan pa dang / ma bsgribs la lung du ma bstan pa dang / ngag gi las dge ba dang / mi dge ba dang / bsgribs la lung du ma bstan pa dang / ma bsgribs la lung du ma bstan pa dang /yid kyi las dge ba dang / mi dge ba dang / bsgribs la lung du ma bstan pa dang / ma bsgribs la lung du ma bstan pa'o/ /bstan bcos chen po chos mngon pa las/ las gdags pa tshigs dang po'o// //sdom ni/ rtsa ba gsum dang dbye ba dang //mi dge las lam bcu po dang / /yang na las rnams bcu yi rgyu/ /mi dge ba ni gsum po yin/ /mi dge ba'i rtsa ba gsum gang zhe na/ gsum ni chags pa mi dge ba'i rtsa ba dang / zhe sdang mi dge ba'i rtsa ba dang / gti mug mi dge ba'i rtsa ba'o/ / chags pa mi dge ba'i rtsa ba gang zhe na/ smras pa/ 'dod chags pa dang / kun du 'dod chags pa dang / kun du zhen pa dang / chums pa dang / lhag par zhen pa dang / sred pa dang / tshol ba dang / 'dod pa dang / brgyal ba dang / zhen pa dang / yongs su zhen pa dang / nang gi 'ching ba dang /don du sgrub pa dang / brnab sems dang / sdug bsngal dang / kun 'byung ba la chags pa dang / chags pa las byung ba gang yin pa 'di ni chags pa zhes bya'o/ /mi dge ba'i rtsa ba gang zhe na/ smras pa/ chos de mi dge ba yin la/ de ni mi dge ba'i chos mang po'i rtsa ba gang yin pas na/de'i phyir de ni nad kyi rtsa ba dang / 'bras kyi rtsa ba dang / zug rngu'i rtsa ba dang / sdig pa'i rtsa ba dang / rnam par ma dag pa'i rtsa ba dang / kun nas nyon mongs pa'i rtsa ba dang / rnam par byang ba ma yin pa'i rtsa ba dang / yongs su byang ba ma yin pa'i rtsa ba yin te/de bas na chags pa mi dge ba'i rtsa ba zhes bya'o/ /zhe sdang mi dge ba'i rtsa ba zhes bya ba la zhe sdang gang zhe na/ smras pa/ sems can rnams la kun nas mnar sems dang / tha ba dang / khong khro ba dang / gnod sems dang / gnod sems su byed pa dang / gnod sems su gyur pa dang /sdang ba dang / rab tu sdang ba dang / sems kyis sdang ba gang yin pa dang / sems can rnams la mi mthun par byed pa dang / sdang ba dang / sdang bar byed pa dang sdang bar gyur pa gang yin pa 'di ni zhe sdang ba zhes bya'o/ /mi dge ba'i rtsa ba zhes bya ba gang zhe na/ smras pa/ chos de mi dge ba yin pa nas rgyas par yongs su byang ba ma yin pa'i rtsa ba zhes bya ba'i bar du sbyar te/ de bas na zhe sdang mi dge ba'i rtsa ba zhes bya'o/ /gti mug mi dge ba'i rtsa ba zhes bya ba la/ gti mug gang zhe na/ smras pa/ sngon gyi mtha' mi shes pa dang / phyi ma'i mtha' mi shes pa dang /dbus kyi mtha' mi shes pa dang / nang mi shes pa dang / phyi rol mi shes pa dang / nang dang phyi rol mi shes pa dang / las mi shes pa dang / rnam par smin pa mi shes pa dang / las dang rnam par smin pa mi shes pa dang / las legs par byas pa mi shes pa dang / las nyes par byas pa mi shes pa dang /las legs par byas pa dang nyes par byas pa mi shes pa dang / rgyu mi shes pa dang / rgyu las skyes pa'i chos rnams mi shes pa dang / kha na ma tho ba dang bcas pa dang / kha na ma tho ba med pa dang / ngan pa dang / bzang po dang / gnag pa dang / dkar ba dang / rten cing 'brel par 'byung ba'i chos rnams rab tu dbye ba dang bcas pa mi shes pa dang / reg pa'i skye mched drug yang dag pa ji lta ba bzhin du mi shes mi mthong ba dang / mun pa dang / rmongs pa dang / ma rig pa'i mun pa dang / glog dang / rnyog pa can dang / bsgribs pa dang / chod pa dang / long bar byed pa dang / mig med par byed pa dang / shes rab dang mi mthun pa dang / phongs pa'i phyogs dang mthun pa dang / mya ngan las 'da' bar 'gyur ba dang / ma rig pa dang / ma rig pa'i chu bo dang / ma rig pa'i dug gi rtsa ba dang / ma rig pa'i dug gi sdong po dang / ma rig pa'i dug gi lo ma dang /ma rig pa'i dug gi me tog dang / ma rig pa'i dug gi 'bras bu dang / rmongs pa dang / kun du rmongs pa dang / rab tu rmongs pa dang / gti mug dang / gti mug las byung ba gang yin pa 'di ni gti mug ces bya'o/ /mi dge ba'i rtsa ba zhes bya ba gang zhe na/ smras pa/ chos de mi dge ba yin la/de ni mi dge ba'i chos mang po'i rtsa ba yang yin pas na/ de'i phyir de ni nad kyi rtsa ba nas/ yongs su byang ba ma yin pa'i rtsa ba yin pa'i bar du sbyar te/ de bas na gti mug mi dge ba'i rtsa ba zhes bya'o/ /mi dge ba bcu'i las kyi lam ni srog gcod pa dang / ma byin par len pa dang 'dod pa la log par g.yem pa dang /ka ca ni rnam pa gsum ste/ chags pa las byung ba dang / zhe sdang las byung ba dang / gti mug las byung ba'o/ /ma byin par len pa chags pa las byung ba gang zhe na/ smras pa/ ji ltar 'di na kha cig yo byad gang 'dod pa de/ des gzhan dag las ma byin par len par byed do//de ma yin te bdag nyid mi 'dod du zin kyang de 'di snyam du sems te/ sems can bdag la sdug pa dang / gces pa dang / dga' ba dang / yid du 'ong ba gang yin pa de dag la mkho ba dang / 'chang ba dang / longs spyod du 'gyur ro snyam nas de dag gi don du gzhan dag las ma byin par len par byed do//yang na gzhan dag de la 'di skad du khyod tshur shog la/ ming 'di zhes bya ba las ma byin par long shig dang / ngas khyod la 'di dang 'di lta bu zhig sbyin no/ /'di dang 'di lta bu zhig bya'o zhes bsgo nas/ des longs spyod de dag 'dod nas/ gzhan dag las ma byin par len par byed pa de lta bu ni chags pa las byung ba yin no/ /zhe sdang las byung ba ji lta bu zhe na/ smras pa/ ji ltar 'di na kha cig gang la kun nas mnar sems dang / khro ba'i sems yod pa'i phyir/ de las ma byin par len par byed do//de ma yin te de las kun nas mnar sems dang / khro ba'i sems med du zin kyang de dag gi yo byad sdug pa dang / gces pa dang / dga' ba dang / yid du 'ong ba de rnams de dag la kun nas mnar sems dang / khro ba'i sems yod pa'i phyir/ de 'di snyam du sems te/de dag yun ring por mi bzod cing / mi la sems mngon par mi dga' bar 'gyur bar bya'o snyam nas/ des dngos po de ma byin par len par byed pa de lta bu ni/ zhe sdang las byung ba yin no/ /gti mug las byung ba ji lta bu zhe na/ smras pa/ bram ze dag 'di skad du 'di dag thams cad ni bram ze rnams dbang mod kyi/'on kyang mthu chungs pas na/ dmangs rnams kyang spyad do zhes zer te/ de dag la pha rol gyis yongs su bzung ba'i 'du shes med pa ma yin na/ las de la ci yang mi 'ong bar lta zhing / 'bras bu med par lta la/ 'di ltar lta zhing 'di skad du smra ste/las 'di med do/ /las 'di'i 'bras bu rnam par smin pa med do zhes zer ba de lta bu ni gti mug las byung ba yin no/ /'dod pa la log par g.yem pa ni rnam pa gsum te/ chags pa las byung ba dang / zhe sdang las byung ba dang / gti mug las byung ba'o/ /'dod pa las log par g.yem pa chags pa las byung ba gang yin zhe na/smras pa/ ji ltar 'di na kha cig gang la lta zhing sems chags pa de las 'dod pa las log par g.yem par kun du spyod par byed do/ /de ma yin te bdag nyid lta ba dang ldan zhing sems chags pa med du zin kyang / de 'di snyam du sems te/sems can bdag la sdug pa dang / gces pa dang / dga' ba dang / yid du 'ong ba gang yin pa de dag la/ mkho ba dang / 'chang ba dang / longs spyod du 'gyur ro snyam nas/ de dag gi don du gzhan la 'dod pa la log par g.yem pa kun nas spyod par byed do/ /yang na gzhan dag de la 'di skad du khyod tshur shog la ming 'di zhes bya ba la 'dod pa la log par g.yem pa kun du spyod cig dang /ngas khyod la 'di dang 'di lta bu zhig sbyin no/ /'di dang 'di lta bu zhig bya'o zhes bsgo nas/ des longs spyod de dag 'dod nas gzhan gyi don du 'dod pa la log par g.yem pa kun du spyod par byed pa de lta bu ni/chags pa las byung ba/ brdzun du smra ba dang / phra ma dang / tshig rtsub po dang / tshig kyal pa dang / brnab sems dang / gnod sems dang / log par lta ba ste/ mi dge ba'i rtsa ba gsum po de dag ni mi dge ba bcu'i las kyi lam 'di dag gi rgyu dang /rtsa ba dang / 'jug par byed pa dang / gzhi dang / byed rgyu dang / skyed pa dang / rkyen dang / kun nas slong ba'o/ /las gdags pa tshigs gnyis pa'o// //sdom ni/ rgyu gang rnam rig byed min gzugs/ /thogs bcas dang ni sems las byung / /chags pa dang ni zhe sdang gsum//rnam pa gsum du skye ba yin/ /mi dge ba bcu'i las kyi lam ni/ srog gcod pa nas/ log par lta ba'i bar dag go/ /srog gcod pa'i rgyu gang zhe na/ smras pa/ mi dge ba'i rtsa ba dang / tshul bzhin ma yin pa'i yid la byed pa ni srog gcod pa'i rgyu'o/ /srog gcod pa gang gi rgyu zhe na/smras pa/ srog gcod pa ni srog gcod pa'i rnam par smin pa'i rgyu'o/ /srog gcod pa ci las byung / kun 'byung ba ni gang / kun nas slong ba ni gang zhe na/ smras pa/ mi dge ba'i rtsa ba dang / tshul bzhin ma yin pa'i yid la byed pa ni srog gcod pa kun nas slong ba'o//srog gcod pa gang gis kun nas bslang bar bya ba yin zhe na/ smras pa/ srog gcod pa kun nas slong bar byed pa'i sems dang / sems las byung ba'i chos rnams kyi'o/ /srog gcod pa ci las dmigs she na/ smras pa/ sems can la dmigs so//srog gcod pa gang gi dmigs pa yin zhe na/ smras pa/ srog gcod pa kun nas slong bar byed pa'i sems dang / sems las byung ba'i chos rnams kyi'o/ /srog gcod pa'i 'bras bu ci zhe na/ smras pa/ mi sdug pa'i 'bras bu dang / mi gces pa'i 'bras bu dang /mi dge ba'i 'bras bu dang / yid du mi 'ong pa'i 'bras bu dang / yid du mi 'thad pa'i 'bras bu dang / mi 'dod pa'i 'bras bu'o/ /srog gcod pa gang gi 'bras bu yin zhe na/ smras pa/ srog gcod pa kun nas slong bar byed pa'i sems dang / sems las byung ba'i chos rnams kyi'o//srog gcod pa'i rnam par smin pa ci zhe na/ smras pa/ mi sdug pa'i rnam par smin pa dang / mi gces pa'i rnam par smin pa dang / mi dge ba'i rnam par smin pa dang / yid du mi 'ong ba'i rnam par smin pa dang / yid dang mi 'thad pa'i rnam par smin pa dang / mi 'dod pa'i rnam par smin pa'o//srog gcod pa gang gi rnam par smin pa gang zhe na/ smras pa/ srog gcod pa kun nas slong bar byed pa'i sems dang / sems las byung ba'i chos rnams kyi'o/ /srog gcod pa'i nyes dmigs ci yin zhe na/ smras pa/ nyes dmigs lnga ste/ de bdag nyid kyis smad par 'gyur ba dang /de gzhan gyis smad par 'gyur ba dang / tshangs pa mtshungs par spyod pa mkhas pa rnams kyis dris na/ chos bzhin du smad par 'gyur ba dang / phyogs dang phyogs mtshams rnams su sdig can dang / bsngags pa ma yin pa dang / snyan pa ma yin pa dang /dge ba ma yin pa'i sgra dang / tshigs su bcad pa grags par 'gyur ba dang / lus dang bral nas shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro/ /srog gcod pa su la nyes dmigs su 'gyur zhe na/ smras pa/ gnyi ga la nyes dmigs su 'gyur te/ srog chags srog dang bral bar byed pa gang yin pa dang / srog chags gang srog dang bral bar bya ba la'o/ /ma byin par len pa'i rgyu gang zhe na/ smras pa/ mi dge ba'i rtsa ba dang / tshul bzhin ma yin pa yid la byed pa ni/ ma byin par len pa'i rgyu ste/ srog gcod pa la ji lta ba bzhin du rgyas par brjod par bya'o/ /de la khyad par ni 'di yod de/ ma byin par len pa ni yo byad la dmigs so/ /gnyi ga la nyes dmigs su 'gyur te/ ma byin par len pa gang yin pa dang / gang gi ma byin par len pa'o//'dod pa la log par g.yem pa gang la dmigs she na/ sems can la dmigs so/ /gnyi ga la nyes dmigs su 'gyur te/ 'dod pa rnams la log par g.yem pa gang yin pa dang / 'dod pa la log par g.yem pas gang la kun du spyod pa'o/ /brdzun du smra ba ni ming la dmigs so//gnyi ga la nyes dmigs su 'gyur te/ brdzun du smra ba gang yin pa dang / brdzun du smra bas bslu bar bya ba gang yin pa'o/ /phra ma yang ming la dmigs so/ /gsum la nyes dmigs su 'gyur te/ mdza' bo 'byed pa gang yin pa dang / mdza' bo gang las phye ba dang /gang gis mdza' bo phye ba'o/ /tshig rtsub po yang ming la dmigs so/ /gnyi ga la nyes dmigs su gyur te/ tshig rtsub por smra ba gang yin pa dang / tshig rtsub pos gang la kun du spyod pa'o/ /tshig kyal pa yang ming la dmigs so/ /gnyi ga la yang nyes dmigs su 'gyur te/ tshig kyal pa smra ba gang yin pa dang / tshig kyal pas gang la slu ba'o/ /brnab sems ni yo byad la dmigs so/ /gnyi ga nyes dmigs su 'gyur te/ brnab sems byed pa gang yin pa dang / gang gi dngos po la brnab sems bskyed pa'o/ /gnod sems ni sems can la dmigs so//gnyi ga la nyes dmigs su 'gyur te/ gnod sems byed pa gang yin pa dang / gang gi rgyu la gnod sems bskyed pa'o/ /log par lta ba'i rgyu gang zhe na/ smras pa/ mi dge ba'i rtsa ba dang / tshul bzhin ma yin pa yid la byed pa ni/ log par lta ba'i rgyu'o/ /log par lta ba gang gi rgyu gang zhe na/smras pa/ log par lta ba ni log par lta ba'i rnam par smin pa'i rgyu'o/ /log par lta ba ci las 'byung / kun 'byung ba ni gang / kun nas slong ba ni gang zhe na/ smras pa/ mi dge ba'i rtsa ba dang / tshul bzhin ma yin pa'i yid la byed pa ni/log par lta ba'i kun nas slong ba'o/ /log par lta ba gang gis kun nas bslang ba yin zhe na/ smras pa/ log par lta ba kun nas slong bar byed pa'i sems dang / sems las byung ba'i chos rnams kyis so/ /log par lta ba ci la dmigs she na/ smras pa/ ming dang gzugs la dmigs so//log par lta ba gang gis dmigs pa yin zhe na/ smras pa/ log par lta ba kun nas slong bar byed pa'i sems dang sems las byung ba'i chos rnams kyi'o/ /log par lta ba'i 'bras bu ci zhe na/ smras pa/ mi sdug pa'i 'bras bu dang /mi gces pa'i 'bras bu dang / mi dga' ba'i 'bras bu dang / yid du mi 'ong ba'i 'bras bu dang / yid du mi 'thad pa'i 'bras bu dang / mi 'dod pa'i 'bras bu'o/ /log par lta ba gang gi 'bras bu yin zhe na/ smras pa/ log par lta ba kun nas slong bar byed pa'i sems dang sems las byung ba'i chos rnams kyi'o//log par lta ba'i rnam par smin pa ci zhe na/ smras pa/ mi sdug pa'i rnam par smin pa dang / mi gces pa'i rnam par smin pa dang / mi dge ba'i rnam par smin pa dang / yid du mi 'ong ba'i rnam par smin pa dang / yid dang mi 'thad pa'i rnam par smin pa dang /mi 'dod pa'i rnam par smin pa'o/ /log par lta ba gang gi rnam par smin pa yin zhe na/ smras pa/ log par lta ba kun nas slong bar byed pa'i sems dang / sems las byung ba'i chos rnams kyi'o/ /log par lta ba'i nyes dmigs ci yin zhe na/smras pa/ nyes dmigs lnga ste/ de bdag nyid kyis smad par 'gyur ba dang / de gzhan gyis smad par 'gyur ba dang / tshangs pa mtshungs par spyod pa mkhas pa rnams kyis dris na chos bzhin du smad par 'gyur ba dang / phyogs dang phyogs mtshams rnams su sdig can dang /bsngags pa ma yin pa dang / snyan pa ma yin pa dang / dge ba ma yin pa'i sgra dang tshigs su bcad pa grags par 'gyur ba dang / lus dang bral te shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ba'o/ /log par lta ba su la nyes dmigs su 'gyur zhe na/smras pa/ gnyi ga la nyes dmigs su 'gyur te/ log par rtog pa gang yin pa dang gang dang log par rtog pa'o/ /mi dge ba bcu'i las kyi lam zhes bya ba nas rgyas par sbyar te/ srog gcod pa rnam par rig byed ces bya ba'am/ 'on te rnam par rig byed ma yin zhes bya zhe na/smras pa/ rnam par rig byed kyang yod/ rnam par rig byed ma yin pa yang yod do/ /rnam par rig byed gang zhe na/ smras pa/ ji ltar 'di na kha cig la la zhig 'di skad du srog chags kyi srog chod cig ces bsgo la des kyang gcad par bya'o zhes smras kyang rung /ma bcad cig ces bsgo bzhin du gcod do zhes smras kyang rung ba las/ phar song ste srog chags kyi srog bcad kyang rung / phyir 'ongs te srog chags kyi srog gcod kyang rung ste/ gang gi tshe srog chags kyi srog gcod pa de'i tshe/ lus kyi las gang yin pa de ni rnam par rig byed ces bya'o//rnam par rig byed ma yin pa gang yin zhe na/ smras pa/ srog gcod pa las phyir ma log cing phyir ma nur la ma btang ma spangs pas/ ji ste na lus kyis kyang rnam par rig par mi byed pa 'di ni/ rnam par rig byed ma yin pa zhes bya'o/ /ma byin par len pa rnam par rig byed ces bya'am/'on te rnam par rig byed ma yin pa zhes bya zhe na/ smras pa/ rnam par rig byed kyang yod/ rnam par rig byed ma yin pa yang yod do/ /rnam par rig byed gang zhe na/ smras pa/ ji ltar 'di ni kha cig la la zhig 'di skad du/ gzhan dag las ma byin par longs shig ces bsgo la/des kyang blang ngo zhes smras kyang rung / ma len cig ces bsgo bzhin du blang ngo zhes smras kyang rung ba las/ phar song ste gzhan dag las ma byin par len kyang rung / phyir 'ongs te gzhan dag las ma byin par len kyang rung ste/ gang gi tshe gzhan dag las ma byin par len pa de'i tshe/lus kyi las gang yin pa de ni rnam par rig byed do/ /rnam par rig byed ma yin pa gang zhe na/ smras pa/ ma byin par len pa las phyir ma log cing / phyir ma nur la ma btang ma spangs pas/ ji ste na lus kyis kyang rnam par rig par mi byed pa 'di ni rnam par rig byed ma yin pa'o//'dod pa las log par g.yem pa rnam par rig byed ces bya'am/ 'on te rnam par rig byed ma yin pa zhes bya zhe na/ smras pa/ rnam par rig byed kyang yod/ rnam par rig byed ma yin pa yang yod do/ /rnam par rig byed gang zhe na/ smras pa/ ji ltar 'di na kha cig la la zhig la 'di skad du/ gzhan dag gi 'dod pa rnams la log par spyod cig ces bsgo la/ des kyang spyad par bya'o zhes smras kyang rung / ma spyad cig ces bya ba bsgo bzhin du spyod do zhes smras kyang rung ba las phar song ste/ gzhan dag gi 'dod pa rnams la log par spyod kyang rung /phyir 'ongs te gzhan dag gi 'dod pa rnams la log par spyod kyang rung ste/ gang gi tshe gzhan dag gi 'dod pa rnams la log par spyod pa de'i tshe lus kyi las gang yin pa de ni rnam par rig byed do/ /rnam par rig byed ma yin pa gang zhe na/ smras pa/ 'dod pa la log par spyod pa las phyir ma log cing phyir ma nur la ma btang ma spangs pas/ ci ste na lus kyis kyang rnam par rig par mi byed pa 'di ni/ rnam par rig byed ma yin pa'o/ /brdzun du smra ba rnam par rig byed ces bya 'am/ 'on te rnam par rig byed ma yin pa zhes bya zhe na/smras pa/ rnam par rig byed kyang yod/ rnam par rig byed ma yin pa yang yod do/ /rnam par rig byed gang zhe na/ smras pa/ ji ltar 'di na kha cig la la zhig la 'di skad du/ gzhan dag la brdzun du smros shig ces bsgo la/ des kyang smra bar bya'o zhes smras kyang rung / ma smra shig ces bsgo bzhin du smra bar bya'o zhes smras kyang rung ba las phar song ste/ gzhan dag la brdzun du smra yang rung / phyir 'ongs te gzhan dag la brdzun du smras kyang rung ste/ gang gi tshe gzhan dag la brdzun du smra ba de'i tshe/ ngag gi las gang yin pa de ni rnam par rig byed do/ /rnam par rig byed ma yin pa gang zhe na/smras pa/ brdzun du smra ba las phyir ma log cing phyir ma nur la ma btang ma spangs pas/ ji ste na tshig gis kyang rnam par rig par mi byed pa 'di ni/ rnam par rig byed ma yin pa'o/ /phra ma rnam par rig byed ces bya'am/ rnam par rig byed ma yin pa zhes bya zhe na/smras pa/ rnam par rig byed kyang yod/ rnam par rig byed ma yin pa yang yod do/ /rnam par rig byed gang zhe na/ smras pa/ ji ltar 'di ni kha cig la la zhig la 'di skad du gzhan dag gi mdza' bo phye shig ces bsgo la/ des kyang dbye'o zhes smras kyang rung /ma dbye shig ces bsgo bzhin du dbye'o zhes smras kyang rung ba las/ phar song ste gzhan dag gi mdza' bo 'byed kyang rung / phyir 'ongs te gzhan dag gi mdza' bo 'byed kyang rung ste/ gang gi tshe gzhan dag gi mdza' bo 'byed pa de'i tshe'i ngag gi las gang yin pa de ni rnam par rig byed do//rnam par rig byed ma yin pa gang zhe na/ smras pa/ phra ma las phyir ma log cing phyir ma nur la ma btang ma spangs pas/ ji ste na tshig gis kyang rnam par rig par mi byed pa 'di ni rnam par rig byed ma yin pa'o/ /tshig rtsub po rnam par rig byed ces bya 'am/'on te rnam par rig byed ma yin pa zhe na/ smras pa/ rnam par rig byed kyang yod/ rnam par rig byed ma yin pa yang yod do/ /rnam par rig byed gang zhe na/ smras pa/ ji ltar 'di na kha cig la la zhig la 'di skad du gzhan dag la tshig rtsub po smros shig ces bsgo la/ des kyang smra bar bya'o zhes smras kyang rung /ma smra shig ces bsgo ba bzhin smra bar bya'o zhes smras kyang rung ba las/ phar song ste gzhan dag la tshig rtsub pos smras kyang rung / phyir 'ongs ste gzhan dag la tshig rtsub po smras yang rung ste/ gang gi tshe gzhan dag la tshig rtsub po smra ba de'i tshe'i ngag gi las gang yin pa de ni rnam par rig byed do//rnam par rig byed ma yin pa gang zhe na/ smras pa/ tshig rtsub po las phyir ma log cing phyir ma nur la ma btang ma spangs pas/ ji ste na tshig gis kyang rnam par rig par mi byed pa 'di ni rnam par rig byed ma yin pa'o/ /tshig kyal pa rnam par rig byed ces bya 'am 'on te rnam par rig byed ma yin pa zhes bya zhe na/smras pa/ rnam par rig byed kyang yod/ rnam par rig byed ma yin pa yang yod do/ /rnam par rig byed gang zhe na/ smras pa/ ji ltar 'di na kha cig la la zhig la 'di skad du/gzhan dag la tshig kyal pa smros shig ces bsgo la/ des kyang smra bar bya'o zhes smras kyang rung / ma smra shig ces bsgo bzhin du smra bar bya'o zhes smras kyang rung ba las/ phar song ste gzhan dag la tshig kyal pa smra yang rung / phyir 'ongs te gzhan dag la tshig kyal pa smra yang rung ste/gang gi tshe gzhan dag la tshig kyal pa smra ba de'i tshe'i ngag gi las gang yin pa de ni rnam par rig byed do/ /rnam par rig byed ma yin pa gang zhe na/ smras pa/ tshig kyal pa las phyir ma log cing phyir ma nur la ma btang ma spangs pas/ ji ste na tshig gis kyang rnam par rig par mi byed pa 'di ni rnam par rig byed ma yin pa'o//brnab sems dang / gnod sems dang / log par lta ba rnam par rig byed ces bya'am/ 'on te rnam par rig byed ma yin pa zhes bya zhe na/ smras pa/ rnam par rig byed kyang ma yin/ rnam par rig byed ma yin pa yang ma yin no//mi dge ba bcu'i las kyi lam zhes bya ba nas rgyas par sbyar te/ srog gcod pa gzugs can zhes bya'am/ 'on te gzugs can ma yin pa zhes bya zhe na/ smras pa/ gzugs can zhes bya'o/ /de bzhin du ma byin par len pa dang /'dod pa la log par g.yem pa dang / brdzun du smra ba dang / phra ma dang / tshig rtsub po dang / tshig kyal pa gzugs can zhes bya'am/ 'on te gzugs can ma yin pa zhes bya zhe na/ smras pa/ gzugs can zhes bya'o/ /brnab sems dang / gnod sems dang / log par lta ba gzugs can zhes bya'am/ 'on te gzugs can ma yin pa zhes bya zhe na/ smras pa/ gzugs can ma yin pa zhes bya'o/ /mi dge ba bcu'i las kyi lam zhes bya ba nas rgyas par sbyar te/ srog gcod pa thogs pa dang bcas pa zhes bya'am/ 'on te thogs pa med pa zhes bya zhe na/smras pa/ thogs pa dang bcas pa yang yod thogs pa med pa yang yod do/ /thogs pa dang bcas pa gang zhe na/ smras pa/ rnam par rig byed gang yin pa'o/ /thogs pa med pa gang zhe na/ smras pa/ rnam par rig byed ma yin pa gang yin pa'o/ / srog gcod pa ji lta ba bzhin du ma byin par len pa dang / 'dod pa la log par g.yem pa dang / brdzun du smra ba dang / phra ma dang / tshig rtsub po dang / tshig kyal pa yang de dang 'dra'o/ /brnab sems dang / gnod sems dang / log par lta ba thogs pa dang bcas pa zhes bya'am/'on te thogs pa med pa zhes bya zhe na/ smras pa/ thogs pa med pa zhes bya'o/ /mi dge ba bcu'i las kyi lam zhes bya ba nas rgyas par sbyar te/ srog gcod pa sems las byung ba zhes bya'am/ 'on te sems las byung ba ma yin pa zhes bya zhe na/ smras pa/ sems las byung ba ma yin pa zhes bya'o/ /srog gcod pa ji lta ba bzhin du ma byin par len pa dang / 'dod pa la log par g.yem pa dang / brdzun du smra ba dang / phra ma dang / tshig rtsub po dang / tshig kyal pa yang de dang 'dra'o/ /brnab sems dang / gnod sems dang / log par lta ba sems las byung ba zhes bya'am/'on te sems las byung ba ma yin pa zhes bya zhe na/ smras pa/ sems las byung ba zhes bya'o/ /mi dge ba bcu'i las kyi lam zhes bya ba nas rgyas par sbyar te/ srog gcod pa ni rnam pa gsum ste/ chags pa las byung ba dang / zhe sdang las byung ba dang /gti mug las byung ba'o/ /srog gcod pa chags pa las byung ba gang zhe na/ smras pa/ ji ltar 'di na kha cig srog chags gang gi sha'am/ pags pa'am/ rwa'am/ so'am/ rus pa'am/ rgyus pa'am/ mjug ma 'dod de/ de'i rgyu dang de'i rkyen gyis srog chags kyi srog gcod par byed do//de ma yin te bdag nyid mi 'dod bzhin du zin kyang de 'di snyam du sems te/ sems can bdag la sdug pa dang / gces pa dang / dga' ba dang / yid du 'ong ba gang yin pa de dag la mkho ba dang / longs spyod du 'gyur ro snyam nas/ de dag gi don du srog chags kyi srog gcod par byed do//yang na gzhan gyis de la 'di skad du/ khyod tshur shog la srog chags 'di lta bu zhig gi srog gcod cig dang / ngas khyod la 'di dang 'di lta bu zhig sbyin no/ /'di dang 'di lta bu zhig bya'o zhes bsgo na/des longs spyod de dag 'dod nas srog chags kyi srog gcod par byed de/ dper na rgyal po gnyis phan tshun mi mthun pa des ras sam dong tshe'am/ dong tshe stong gi phyir mgo bo khyer te 'ong bar byed cing / des longs spyod de dag 'dod nas srog chags kyi srog gcod par byed pa de lta bu ni/chags pa las byung ba yin no/ /zhe sdang las byung ba ji lta bu zhe na/ smras pa/ ji lta 'di na kha cig gang la kun nas mnar sems dang / gsad pa'i sems yod pa'i phyir/ srog chags de'i srog gcod par byed do/ /de ma yin te/ de la kun nas mnar sems dang gsad pa'i sems med du zin kyang / gang gi srog chags sdug pa dang / gces pa dang / dga' ba dang / yid du 'ong ba de dag la kun nas mnar sems dang / gsad pa'i sems yod pa'i phyir/ de 'di snyam du sems te/ de dag yun ring por mi bzod cing mi bde la/sems mngon par mi dga' bar 'gyur bar bya'o snyam nas/ srog chags de'i srog gcod par byed pa de lta bu ni zhe sdang las byung ba yin no/ /gti mug las byung ba ji lta bu zhe na/ dper na bram ze dag 'di skad du/ sbrul dang / sdig pa dang / srog chags trai la ta dang / tre ma bu ka dang / srin gyi med la stsogs pa 'di dag ni gsad par bya'o/ /de ci'i phyir zhe na/ smras pa/ 'di dag ni mi rnams kyi dgra dang / phyir rgol ba yin pa'i phyir/ glang po che dang / rta dang / rnga mo dang / ba lang dang / bong bu la stsogs pa 'di dag kyang gsad par bya'o//de ci'i phyir zhe na/ smras pa/ 'di dag ni mi rnams kyi longs spyod yin pa'i phyir zhes zer ba lta bu dang / nub phyogs na bram ze mchu skyes zhes bya ba dag yod de/ de dag ni 'di skad du/ gang pha'am/ ma'am/ phu nu po'am/ sring mo'am/ mdza' bo dang gnyen dang /rgan rabs gang yang rung ba nad kyis thebs te/ sdug bsngal zhing nad tshabs che ba'i srog gcod pa la ni bsod nams mang po 'phel bar 'gyur ro/ /de ci'i phyir zhe na/ smras pa/ ji srid kyi bar du gson zhing 'dug la sdod cing 'tsho ba de srid kyi bar du sdug bsngal zhing yid du mi 'ong bas gnas la lus dang bral na ni de lta ma yin pa'i phyir ro zhes zer te/las de la ci yang mi 'ong bar lta zhing 'bras bu med par lta la/ 'di ltar lta zhing 'di skad du smra ste/ las 'di med do/ /las 'di'i 'bras bu rnam par smin pa med do zhes zer ba de lta bu ni gti mug las byung ba yin no//ma byin par len pa yin no/ /zhe sdang las byung ba ji lta bu zhe na/ smras pa/ ji ltar 'di na kha cig gang zag gang la kun nas mnar sems dang / khro ba'i sems yod pa'i phyir/ de la 'dod pa la log par g.yem pa kun du spyod par byed do//de ni ma yin te/ de la kun nas mnar sems dang / khro ba'i sems med du zin kyang / gang zag de'i sdug pa dang / gces pa dang / dga' ba dang / yid du 'ong ba gang yin pa de dag la kun nas mnar sems dang / khro ba'i sems yod pa'i phyir de 'di snyam du sems te/de dag yun ring por mi bzod cing / mi bde la sems mngon par mi dga' bar 'gyur bar bya'o snyam nas gang zag de'i la 'dod pa la log par g.yem pa kun du spyod pa de lta bu ni zhe sdang las byung ba yin no/ /gti mug las byung ba ji lta bu zhe na/ smras pa/ dper na bram ze dag 'di skad du bram ze'i chung ma ni bzhi ste/ bram ze mo dang / rgyal rigs mo dang / rje'u rigs mo dang / dmangs rigs mo'o/ /rgyal rigs kyi ni gsum ste/ rgyal rigs mo dang / rje'u rigs mo dang / dmangs rigs mo'o/ rje'u rigs kyi ni gnyis te/ rje'u rigs mo dang / dmangs rigs mo'o/ /dmangs rigs kyi ni gcig ste/ dmangs rigs mo'o zhes zer ba lta bu dang / nub phyogs na bram ze mchu skyes zhes bya ba dag yod de/ de dag ni 'di skad du/ gang ma'am/ bu mo'am/ sring mo'am/ yang na mdza' bo dang / gnyen dang / rgan rabs kyi 'dod pa la log par g.yem pa kun du spyod pa de la ni gzhi de las sdig par 'gyur ba med do/ /de ci'i phyir zhe na/ smras pa/ bud med ni 'bras chan btsos pa dang 'dra ste/ dper na 'bras chan btsos pa ni 'di lta ste/ longs spyad par bya ba'i rgyu yin pa de bzhin du/bud med kyang 'di lta ste/ 'khrig par bya ba'i rgyu yin no/ /bud med ni gtun dang 'dra ste dper na gtun ni 'di lta ste/ dru ba'i rgyu yin pa de bzhin du bud med ni 'di lta ste/ 'khrig par bya ba'i rgyu yin no/ /bud med ni lam dang 'dra ste/dper na lam ni 'di lta ste/ 'ong ba dang 'gro bar bya ba'i rgyu yin pa de bzhin du/ bud med ni 'di lta ste/ 'khrig par bya ba'i rgyu yin no/ /bud med ni chu klung gi chu kha dang 'dra ste/ dper na chu klung gi chu kha ni 'di lta ste/ khrus la stsogs pa bya ba'i rgyu yin pa de bzhin du/bud med ni 'di lta ste/ 'khrig par bya ba'i rgyu yin no/ /bud med ni me tog dang 'bras bu dang 'dra ste/ dper na me tog dang 'bras bu ni 'di lta ste/ longs spyod par bya ba'i rgyu yin pa de bzhin du bud med ni 'di lta ste/ 'khrig par bya ba'i rgyu yin no zhes zer ba lta bu dang /'di skad ces zer ba yang yod de/ mi rnams la 'dod pa la log par g.yem par 'gyur ba med de/ de ci'i phyir zhe na/ smras pa/ mi rnams la tha dad pa'i mi med pa'i phyir ro zhes zer te/ las de la ci yang mi 'ong bar lta zhing 'bras bu med par lta la/ 'di ltar lta zhing 'di skad du smra ste/las 'di med do/ /las 'di'i 'bras bu rnam par smin pa med do zhes zer ba de lta bu ni 'dod pa la log par g.yem pa gti mug las byung ba yin no/ /brdzun du smra ba ni rnam pa gsum ste/ chags pas las byung ba dang / zhe sdang las byung ba dang / gti mug las byung ba'o//brdzun du smra ba chags pa las byung ba gang zhe na/ smras pa/ ji ltar 'di na kha cig yo byad gang 'dod pa de sgrub par byed pa na de gzhan la brdzun du smra bar 'drid par byed do/ /de ma yin te bdag nyid mi 'dod du zin kyang de 'di snyam du sems te/ sems can bdag la sdug pa dang / gces pa dang / dga' ba dang / yid du 'ong ba gang yin pa de dag la mkho ba dang / 'chang ba dang / longs spyod du 'gyur ro snyam nas/ de de dag gi don du gzhan dag la shes bzhin du brdzun du smras pas 'drid par byed do/ /yang na gzhan dag de la 'di skad du khyod tshur shog la/ming 'di zhes bya ba la shes bzhin du brdzun du smra bas brid cig dang / ngas khyod la 'di dang 'di lta bu zhig sbyin no/ /'di dang 'di lta bu zhig bya'o zhes bsgo nas/ des longs spyod de dag 'dod nas/ gzhan dag la shes bzhin du brdzun du smra bas 'drid par byed pa de lta bu ni chags pa las byung ba yin no//zhe sdang las byung ba ji lta bu zhe na/ smras pa/ ji ltar 'di na kha cig gang la kun nas mnar sems dang / khro ba'i sems yod pa'i phyir de la shes bzhin du brdzun du smra bas 'drid par byed do/ /de ma yin te de la kun nas mnar sems dang / khro ba'i sems med du zin kyang /de'i sdug pa dang / gces pa dang / dga' ba dang / yid du 'ong ba gang yin pa de dag la/ kun nas mnar sems dang khro ba'i sems yod pa'i phyir de 'di snyam du sems te/ de dag yun ring por mi bzod cing mi bde la sems mngon par mi dga' bar 'gyur bar bya'o snyam nas/de'i la shes bzhin du brdzun du smra bas 'drid par byed pa de lta bu ni zhe sdang las byung ba yin no/ /gti mug las byung ba ji lta bu zhe na/ dper na dgon pa'i ri dgas mthong na/ rngon pas de la dris te/ khyod kyis ri dgas mthong ngam zhes byas na/ de 'di snyam du sems te/rngon pas ri dgas bsad na mi rung ngo snyam nas/ de la ma mthong ngo zhes zer ba lta bu dang / dper na mi rgod kyi dpung mthong la/ rgyal po'i dpung gis de la dris te/ ci khyod kyis mi rgod kyi dpung mthong ngam zhes byas na/ de 'di snyam du sems te/ rgyal po'i dpung gis mi rgod kyi dpung bsad na mi rung ngo snyam nas/bdag gis mi mthong ngo zhes zer ba lta bu dang / dper na rgyal po'i dpung mthong la/ ci khyod kyis rgyal po'i dpung mthong ngam zhes de la des dris na/ de 'di snyam du sems te/ mi rgod kyi dpung gis rgyal po'i dpung bsad na mi rung ngo snyam nas bdag gis ma mthong ngo zhes zer ba lta bu ste/las de la ci yang mi 'ong bar lta zhing 'bras bu med par lta la 'di ltar lta zhing 'di skad du smra ste/ las 'di med do/ /las 'di'i 'bras bu rnam par smin pa med do zhes/ gti mug las byung ba'i brdzun du smra bar byed pa de lta bu ni gti mug las byung ba yin no//phra ma ni rnam pa gsum ste/ chags pa las byung ba dang / zhe sdang las byung ba dang / gti mug las byung ba'o/ /phra ma chags pa las byung ba gang zhe na/ smras pa/ ji ltar 'di na kha cig yo byad gang 'dod pa de'i rgyu dang / de'i rkyen gyis de gzhan dag gi mdza' bo 'byed par byed do/ /de ma yin te bdag nyid mi 'dod du zin kyang / de 'di snyam du sems te/ sems can bdag la sdug pa dang / gces pa dang / dga' ba dang / yid du 'ong ba gang yin pa de dag la mkho ba dang / 'chang ba dang / longs spyod du 'gyur ro snyam nas de dag gi don du/ gzhan dag gi mdza' bo 'byed par byed do/ /yang na gzhan gyis de la 'di skad du khyod tshur shog la ming 'di zhes bya ba'i mdza' bo phye shig dang / ngas khyod la 'di dang 'di lta bu zhig sbyin no/ /'di dang 'di lta bu zhig bya'o zhes bsgo nas/des longs spyod de dag 'dod nas gzhan dag gi mdza' bo 'byed par byed do/ /dper na bram ze'i bsod snyoms snyer ba'i khyim nor ma gos pa de dag las/ de'i lhung bzed gcig dang / gos gcig dang / zan gcig pu 'ong ba la de 'di snyam du sems te/ ji srid du 'di dag lhan cig na 'khod cing mthun pa de srid du 'di dag las bdag gis lhung bzed gcig dang gos gcig dang /zan gcig pu 'ong gis/ bdag gis 'di dag dbye ba'i thabs shig bya gor ma chag snyam nas/ de dag 'byed pa'i thabs byed pa lta bu dang / dper na rgyal po gnyis phan tshun mi mthun te nang na 'khod pa rnams ni phyi rol gyi longs spyod 'dod nas/phyi rol pa rnams dbye ba'i thabs byed la/ phyi rol pa rnams ni nang gi longs spyod 'dod nas nang na 'khod pa rnams dbye ba'i thabs byed pa de lta bu ni chags pa las byung ba yin no/ /zhe sdang las byung ba ji lta bu zhe na/smras pa/ ji ltar 'di na kha cig gang la kun nas mnar sems dang / khro ba'i sems yod pa de'i mdza' bo 'byed do/ /de ma yin te de la kun nas mnar sems dang / khro ba'i sems med du zin kyang sems can de gang dag sdug pa dang / gces pa dang / dga' ba dang / yid du 'ong ba de dag la kun nas mnar sems dang / khro ba'i sems yod pa'i phyir/ de 'di snyam du sems te/ de dag yun ring por mi bzod cing / mi bde la sems mngon par mi dga' bar 'gyur bar bya'o snyam nas/ de dag gi mdza' bo de 'byed par byed pa de lta bu ni zhe sdang las byung ba yin no//gti mug las byung ba ji lta bu zhe na/ bram ze dag 'di skad du lug gsod pa dang / bya gag gsod pa dang / phag gsod pa dang / bya pa dang / rngon pa dang / chom rkun dang / gshed ma dang / brtson rdzi dang / khyi sha can dang / ri bong rgyas 'tshor ba gang yin pa 'di dag ni dbye bar bya'o//ci'i phyir zhe na/ ji srid du 'di dag lhan cig 'khod cing mthun pa de srid du bsod nams ma yin pa mang du 'phel bar 'gyur la/ phye na ni de ltar mi 'gyur ro zhes zer te/ las de la ci yang mi 'ong bar lta zhing / 'bras bu med par lta la/ 'di ltar lta zhing 'di skad du smra ste/las 'di med do/ /las 'di'i 'bras bu rnam par smin pa med do zhes te/ gti mug las byung ba'i phra ma zer ba de lta bu ni gti mug las byung ba yin no/ /tshig rtsub po ni rnam pa gsum ste/ chags pa las byung ba dang / zhe sdang las byung ba dang / gti mug las byung ba'o/ /tshig rtsub po chags pa las byung ba gang zhe na/ smras pa/ ji ltar 'di na kha cig yo byad gang 'dod pa de'i rgyu dang / rkyen gyis gzhan la tshig rtsub po kun du spyod par byed do/ /de ma yin te bdag nyid mi 'dod du zin kyang de 'di snyam du sems te/ sems can bdag la sdug pa dang / gces pa dang / dga' ba dang / yid du 'ong ba de dag la mkho ba dang / 'chang ba dang / longs spyod du 'gyur ro snyam nas/ de dag gi don du gzhan la tshig rtsub po kun du spyod par byed do/ /dper na yi ge 'am/ rtsis sam/ bgrang ba 'am/lag rtsis sam/ bzo'i gnas sam/ las kyi gnas gang yang rung ba'i sgo nas grong dang / grong rdal dang / yul 'khor dang / rgyal po'i pho brang de dang de dag tu bskos na/ des longs spyod de dag 'dod nas/ gzhan la tshig rtsub po kun du spyod par byed do//yang na gzhan gyis de la 'di skad du khyod tshur shog la ming 'di zhes bya ba la tshig rtsub po kun du spyod cig dang / ngas khyod la 'di dang 'di lta bu zhig sbyin no/ /'di dang 'di lta bu zhig bya'o zhes bsgo nas/ des longs spyod de dag 'dod nas/ gzhan la tshig rtsub po kun du spyod par byed pa de lta bu ni chags pa las byung ba yin no//zhe sdang las byung ba ji lta bu zhe na/ smras pa/ ji ltar 'di na kha cig gang la kun nas mnar sems dang / khro ba'i sems yod pa'i phyir/ de la tshig rtsub po kun du spyod par byed do/ /de ma yin te de la kun nas mnar sems dang /khro ba'i sems med du zin kyang gang dag gi sems can sdug pa dang / gces pa dang / dga' ba dang / yid du 'ong ba de dag la kun nas mnar sems dang / khro ba'i sems yod pa'i phyir de 'di snyam du sems te/ de dag yun ring por mi bzod cing /mi bde la sems mngon par mi dga' bar 'gyur bar bya'o snyam nas/ sems can de dag la tshig rtsub po kun du spyod par byed pa de lta bu ni zhe sdang las byung ba yin no/ /gti mug las byung ba ji lta bu zhe na/ smras pa/ dper na mi'i las spyod pa dang / ral pa can dag ni phal cher tshig rtsub po smra ba yin te/ de dag gi slob ma khyim pa gos dkar po can gang yin pa de dag 'di snyam du sems te/ bdag cag gi ston pa ni shes pas shes shing / mthong bas mthong la de tshig rtsub po smra ba las ni 'di lta ste tshig rtsub po 'di ni legs pa zhig yin gor ma chag go//'di ni shin tu bzang po zhig yin gor ma chag go snyam ste/ las de la ci yang mi 'ong bar lta zhing / 'bras bu med par lta la 'di skad du smra ste/ las 'di med do/ /las 'di'i 'bras bu rnam par smin pa med do zhes zer te/ gti mug las byung ba'i tshig rtsub po smra ba de lta bu ni/gti mug las byung ba yin no/ /tshig kyal pa ni rnam pa gsum ste/ chags pa las byung ba dang / zhe sdang las byung ba dang / gti mug las byung ba'o/ /tshig kyal pa chags pa las byung ba gang zhe na/ smras pa/ ji ltar 'di na kha cig yo byad gang 'dod pa de'i rgyu dang /de'i rkyen gyis gzhan dag la tshig kyal pas 'drid par byed do/ /de ma yin te bdag nyid mi 'dod du zin kyang / de 'di snyam du sems te/ sems can bdag la sdug pa dang / gces pa dang / dga' ba dang / yid du 'ong ba de dag la mkho ba dang /'chang ba dang / de dag gi longs spyod du 'gyur ro snyam nas/ de dag gi don du gzhan la tshig kyal pas 'drid par byed do/ /yang na gzhan gyis de la 'di skad du khyod tshur shog la/ ming 'di zhes bya ba la tshig kyal pas drid cig dang / ngas khyod la 'di dang 'di lta bu zhig sbyin no//'di dang 'di lta bu zhig bya'o zhes bsgo nas/ de longs spyod de dag 'dod nas/ gzhan dag la tshig kyal pas 'drid par byed de/ dper na bud med skyes pa la rag las na tshig kyal pa mang du smra ba dang / skyes pa bud med la rag las na tshig kyal pa mang du smra ba lta bu dang / dper na zlos gar mkhan dang / gar mkhan dang / bzhad gad pa dang / sgeg pa dang / smad 'tshong ma dang / smad 'tshong ma'i gtso mo dang / sgyu rtsal byed pa rnams kyis gzhan dag gi longs spyod dag 'dod nas/ gzhan dag la tshig kyal pa smra bar byed pa lta bu'am/ yang na sangs rgyas kyis gsungs pa dbyangs dang sbyor ba la chags te/chags pa las byung ba'i tshig kyal pa smra ba de lta bu ni chags pa las byung ba yin no/ /tshig kyal pa zhe sdang las byung ba ji lta bu zhe na/ smras pa/ ji ltar 'di na kha cig gang la kun nas mnar sems dang / khro ba'i sems yod pa'i phyir de la tshig kyal bas 'drid par byed do//de ma yin te de la kun nas mnar sems dang / khro ba'i sems med du zin kyang de de dag gi sems can sdug pa dang / gces pa dang / dga' ba dang / yid du 'ong ba de dag la kun nas mnar sems dang / khro ba'i sems yod pa'i phyir/ de 'di snyam du sems te/de dag yun ring por mi bzod cing / mi bde ba la sems mngon par mi dga' bar 'gyur bar bya'o snyam nas/ de dag la tshig 'khyal pas 'drid par byed pa de lta bu ni zhe sdang las byung ba yin no/ /tshig 'khyal ba gti mug las byung ba ji lta bu zhe na/ smras pa/bram ze dag 'di skad du mi ni mes dag par 'gyur ro/ /grol bar 'gyur ro/ /nges par 'byung bar 'gyur ro/ /bde ba dang sdug bsngal ba las 'da' bar 'gyur ro/ /bde ba dang sdug bsngal ba las 'das pa yang thob par 'gyur ro/ /de bzhin du mchod sbyin dang / dka' thub ngan pa rnam pa sna tshogs kyang de dang 'dra'o zhes zer te/las de la ci'ang mi 'ong bar lta zhing / 'bras bu med par lta la 'di ltar lta zhing 'di skad du smra ste/ las 'di med do/ /las 'di'i 'bras bu rnam par smin pa med do zhes zer te/ gti mug las byung ba'i tshig kyal pa smra ba de lta bu ni gti mug las byung ba yin no//brnab sems ni rnam pa gsum ste/ chags pa las byung ba dang / zhe sdang las byung ba dang / gti mug las byung ba'o/ /brnab sems chags pa las byung ba ji lta bu zhe na/ smras pa/ dper na chags pa'i kun nas dkris pa'i rjes thogs su/ brnab sems kyis kun nas dkris pa skyed par byed pa lta bu ste/'di ni brnab sems chags pa las byung ba yin no/ /brnab sems zhe sdang las byung ba gang zhe na/ smras pa/ dper na zhe sdang gi kun nas dkris pa'i rjes thogs su brnab sems kyi kun nas dkris pa skyed par byed pa lta bu ste/ 'di ni brnab sems zhe sdang las byung ba yin no//brnab sems gti mug las byung ba gang zhe na/ smras pa/ dper na gti mug gi kun nas dkris pa'i rjes thogs su/ brnab sems kyi kun nas dkris pa skyed par byed pa lta bu ste/ 'di ni gti mug las byung ba yin no/ /gnod sems ni rnam pa gsum ste/ chags pa las byung ba dang /zhe sdang las byung ba dang / gti mug las byung ba'o/ /gnod sems chags pa las byung ba gang zhe na/ smras pa/ dper na chags pa'i kun nas dkris pa'i rjes thogs su/ gnod sems kyi kun nas dkris pa skyed par byed pa lta bu ste/ 'di ni chags pa las byung ba'o/ /gnod sems zhe sdang las byung ba gang zhe na/smras pa/ dper na zhe sdang gi kun nas dkris pa'i rjes thogs su gnod sems kyi kun nas dkris pa skyed par byed pa lta bu ste/ 'di ni zhe sdang las byung ba yin no/ /gnod sems gti mug las byung ba gang zhe na/ smras pa/ dper na gti mug gi kun nas dkris pa'i rjes thogs su gnod sems kyi kun nas dkris pa skyed par byed pa lta bu ste/'di ni gti mug las byung ba'o/ /log par lta ba ni rnam pa gsum ste/ chags pa las byung ba dang / zhe sdang las byung ba dang / gti mug las byung ba'o/ /log par lta ba chags pa las byung ba gang zhe na/smras pa/ dper na chags pa'i kun nas dkris pa'i rjes thogs su log par lta ba'i kun nas dkris pa skyed par byed pa lta bu ste/ 'di ni chags pa las byung ba'o/ /log par lta ba zhe sdang las byung ba ji lta bu zhe na/ smras pa/ dper na zhe sdang gi kun nas dkris pa'i rjes thogs su log par lta ba'i kun nas dkris pa skyed par byed pa lta bu ste/'di ni zhe sdang las byung ba yin no/ /log par lta ba gti mug las byung ba ji lta bu zhe na/ smras pa/ dper na gti mug gi kun nas dkris pa'i rjes thogs su log par lta ba'i kun nas dkris pa skyed par byed pa lta bu ste/'di ni gti mug las byung ba'o/ /tshig gnyis pa/ mi dge ba bcu'i las kyi lam zhes bya ba nas rgyas par sbyar te/ srog gcod pa ni rnam pa gsum ste/ chung ngu dang / 'bring dang / chen po'o/ /srog gcod pa chen po kun du bsten cing bsgoms te/ mang du byas pas ni lus dang bral te/shi ba'i 'og tu ngan song ngan 'gro log par ltung ba sems can dmyal ba dag tu skye bar 'gyur ro/ /srog gcod pa 'bring kun du bsten cing bsgoms te mang du byas pa ni lus dang bral te shi ba'i 'og tu ngan song ngan 'gro log par ltung bdud 'gro rnams dang / skal ba mnyam par skye bar 'gyur ro//srog gcod pa chung ngu kun du bsten cing bsgoms te mang du byas pas ni/ lus dang bral te shi ba'i 'og tu ngan song ngan 'gro log par ltung ba yi dwags rnams dang skal ba mnyam par skye bar 'gyur ro/ /ji ltar srog gcod pa rnam pa gsum yod pa de bzhin du ma byin par len pa dang /'dod pa la log par g.yem pa dang / brdzun du smra ba dang / phra ma dang / tshig rtsub po dang / tshig kyal pa dang / brnab sems dang / gnod sems dang / log par lta ba la yang chung ngu dang / 'bring dang / chen po yod de/ log par lta ba chen po kun du bsten cing bsgoms te mang du byas pas ni/lus dang bral te shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro/ /log par lta ba 'bring kun du bsten cing mang du byas pas ni/ lus dang bral te shi ba'i 'og tu ngan song ngan 'gro log par ltung ba dud 'gro rnams dang skal ba mnyam par skye bar 'gyur ro//log par lta bu chung ngu kun du bsten cing bsgoms te/ mang du byas pas ni lus dang bral te/ shi ba'i 'og tu ngan song ngan 'gro log par ltung ba yi dwags rnams dang skal ba mnyam par skye bar 'gyur ro//las gdags pa tshigs gsum pa'o// //sdom ni/ chung dang 'bring dang chen po dang / /cha shas ji ltar gse ba dang / /nyes par spyod pas bsdus pa dang / /chos gsum dag dang lhan cig 'byung / /mi dge ba bcu'i las kyi lam zhes bya ba nas rgyas par sbyar te/srog gcod pa ni rnam pa gsum ste/ chung ngu dang / 'bring dang / chen po'o/ /srog gcod pa chung ngu dang / 'bring dang / chen por ji ltar shes par bya zhe na/ smras pa/ so so'i rgyu las srog gcod pa chung ngu dang / 'bring dang / chen por shes par bya'o/ / ji lta zhe na/ smras pa/ kun nas dkris pa chung ngus kun nas dkris te/ srog chags kyi srog gcod par byed na ni/ rnam par smin pa chung ngur 'gyur ro/ /kun nas dkris pa 'bring dang / chen pos kun nas dkris te/ srog chags kyi srog gcod par byed na ni/ rnam par smin pa 'bring dang chen por 'gyur te/dper na dge ba'i rtsa ba chad pa gnyis shig srog chags kyi srog gcod par byed la de gnyi ga yang pha yang ma yin/ ma yang ma yin na/ gang kha na ma tho ba chen por 'gyur zhe na/ smras pa/ gang kun nas dkris pa ches che bas/ kun nas dkris te srog gcod par byed pa'o/ /kun nas dkris pa mnyam pa'i ni rnam par smin pa yang mnyam mo/ /gcig ni pha'am/ ma yin na gang kha na ma tho ba ches che bar 'gyur zhe na/ smras pa/ pha'am ma gang yin pa'o/ /gnyi ga pha'am ma yin na/ gang kha na ma tho ba ches che bar 'gyur zhe na/smras pa/ gang kun nas dkris pa ches che bas/ kun nas dkris te srog gcod par byed pa'o/ /kun nas dkris pa mnyam pa ni/ rnam par smin pa yang mnyam pa lta bu'o/ /dper na dge ba'i rtsa ba chad pa ma yin pa gnyis shig /srog chags kyi srog gcod par byed la de gnyi ga pha yang ma yin/ma yang ma yin/ gang kha na ma tho ba ches che bar 'gyur zhe na/ smras pa/ gang ches dge ba'i chos can yin pa'o/ /gnyi ga dge ba'i chos can du mnyam na/ gang ches kha na ma tho ba chen por 'gyur zhe na/ smras pa/ gang kun nas dkris pa chen pos kun nas dkris te/srog gcod par byed pa'o/ /kun nas dkris pa mnyam pa'i ni rnam par smin pa yang mnyam mo/ /gcig ni pha'am ma yin na/ gang kha na ma tho ba ches che bar 'gyur zhe na/ smras pa/ pha'am ma gang yin pa'o/ /gnyi ga pha'am ma yin na/ gang kha na ma tho ba ches che bar 'gyur zhe na/smras pa/ gang ches che ba'i chos can yin pa'o/ /gnyi ga chos can du mnyam na/ gang ches kha na ma tho ba chen por 'gyur zhe na/ smras pa/ gang kun nas dkris pa chen pos kun nas dkris te srog gcod par byed pa'o/ /kun nas dkris pa mnyam pa'i ni rnam par smin pa yang mnyam pa lta bu'o//srog gcod pa ji lta ba bzhin du ma byin par len pa dang / 'dod pa la log par g.yem pa dang / brdzun du smra ba dang / phra ma dang / tshig rtsub po dang / tshig kyal pa dang / brnab sems dang / gnod sems dang / log par lta ba rnams kyang de bzhin du sbyar ro//mi dge ba bcu'i las kyi lam zhes bya ba nas rgyas par sbyar te/ nyes par spyod pa ni rnam pa gsum ste/ lus kyis nyes par spyod pa dang / ngag gis nyes par spyod pa dang / yid kyis nyes par spyod pa'o/ /ci mi dge ba bcu'i las rnams kyis nyes par spyod pa gsum bsdus sam/'on te gsum kyis bcu bsdus she na/ smras pa/ gsum gyis bcu bsdus kyi/ bcus ni gsum ma bsdus so/ /gang ma bsdus she na/ smras pa/ lus kyis nyes par spyod pa dang / ngag gis nyes par spyod pa dang /yid kyis nyes par spyod pa ma bsdus so/ /lus kyis nyes par spyod pa ni rnam pa gsum ste/ srog chags gsod pa dang / ma byin par len pa dang / 'dod pa la log par g.yem pa'o/ /ci lus kyis nyes par spyod pa rnam pa gsum gyis lus kyis nyes par spyod pa thams cad bsdus sam/'on te thams cad kyis rnam pa gsum bsdus she na/ smras pa/ lus kyis nyes par spyod pa thams cad kyis/ lus kyis nyes par spyod pa rnam pa gsum bsdus kyi/ rnam pa gsum gyis ni thams cad ma bsdus so/ /gang ma bsdus she na/ smras pa/lag pa dang / khu tshur dang / thal lcag gis bsnun pa dang / yal ga dang / lcug mas gnod par bya ba dang ldan pa'i lus kyi las dang / 'bru'i chang dang / 'bras bu'i chang 'thung ba dang / rku ba'i sems kyis rang gi rdzas khyer ba dang / brjed ngas pa dang / shes bzhin med pas kha zas za ba'i lus kyi las gang yin pa dang /bdag gi chung ma la log par 'jug pa dang / phyogs gang na tshul khrims 'chal ba'i skyes bu gang zag rnams 'khod pa de/ yongs su ma spangs pa dang ldan pa'i lus kyi las so/ /ngag gi nyes par spyod pa ni rnam pa bzhi ste/ brdzun du smra ba dang /phra ma dang / tshig rtsub po dang / tshig kyal pa'o/ /ci ngag gi nyes par spyod pa rnam pa bzhis ngag gi nyes par spyod pa thams cad bsdus sam/ 'on te thams cad kyis rnam pa bzhi bsdus she na/ smras pa/ ngag gis nyes par spyod pa thams cad kyis/ ngag gis nyes par spyod pa rnam pa bzhi bsdus kyi/rnam pa bzhis ni thams cad ma bsdus so/ /gang ma bsdus she na/ smras pa/ 'di ltar gcig pu dben pa na gnas shing tshig tu smra ste/ sbyin pa med do/ /mchod sbyin med do/ /sbyin sreg med do/ /legs par spyad pa med do/ /nyes par spyad pa med do//legs par spyad pa dang / nyes par spyod pa'i las rnams kyi 'bras bu rnam par smin pa med do/ /'jig rten 'di med do/ /'jig rten pha rol med do/ /pha med do/ /ma med do/ /sems can skye ba po med do/ /'jig rten na dgra bcom pa yang dag par song ba/ yang dag par zhugs pa gang 'jig rten 'di dang /'jig rten pha rol tshe 'di nyid la bdag nyid kyi mngon par shes pas mngon sum byas te/ bsgrubs nas khong du chud de/ bdag cag gi skye ba zad do/ /tshangs par spyod pa bsten to/ /bya ba byas so/ /'di las srid pa gzhan mi shes so snyam du sems pa med do zhes zer ba'o//yid kyis nyes bar spyod pa ni rnam pa gsum ste/ brnab sems dang / gnod sems dang / log par lta ba'o/ /ci yid kyis nyes par spyod pa rnam pa gsum gyis/ yid kyis nyes par spyod pa thams cad bsdus sam/ 'on te thams cad kyis rnam pa gsum bsdus she na/smras pa/ yid kyis nyes par spyod pa thams cad kyis/ yid kyis nyes pa rnam par spyod pa gsum bsdus kyi/ rnam pa gsum gyis ni thams cad ma bsdus so/ /gang ma bsdus she na/ smras pa/ brnab sems dang / gnod sems dang /log par lta ba dang ldan pa'i tshor ba dang / 'du shes dang / sems pa dang / reg pa dang / yid la byed pa dang / rnam par shes pa'o/ /lhan cig 'byung ba'i chos ni gsum yod de/ chags pa dang lhan cig 'byung ba'i chos rnams dang / zhe sdang dang lhan cig 'byung ba'i chos rnams dang /gti mug dang lhan cig 'byung ba'i chos rnams so/ /chags pa dang lhan cig 'byung ba'i chos rnams gang zhe na/ smras pa/ chags pa dang lhan cig 'byung ba'i lus kyi las dang / ngag gi las dang / chags pa dang mtshungs par ldan pa'i tshor ba dang / 'du shes dang / sems pa dang / reg pa dang / yid la byed pa dang / rnam par shes pa ste/ 'di dag ni chags pa dang lhan cig 'byung ba'i chos rnams zhes bya'o/ /zhe sdang dang lhan cig 'byung ba dang / gti mug dang lhan cig 'byung ba'i chos rnams gang zhe na/ smras pa/ zhe sdang dang lhan cig 'byung ba dang /gti mug dang lhan cig 'byung ba'i lus kyi las dang / ngag gi las dang / zhe sdang dang / lhan cig 'byung ba dang / gti mug dang lhan cig 'byung ba'i tshor ba dang / 'du shes dang / sems pa dang / reg pa dang / yid la byed pa dang /rnam par shes pa dang / 'di dag ni zhe sdang dang lhan cig 'byung ba dang / gti mug dang lhan cig 'byung ba'i chos rnams zhes bya'o/ /las gdags pa tshigs bzhi pa'o// //sdom ni/ las dang rnam rig ma yin gzugs/ /thogs pa dang ni sems las byung //du zhig las dang las ma yin/ /yang dag ma bsdams sdom pa bcu/ /chos gsum yod de/ chags pa dang lhan cig 'byung ba'i chos dang / zhe sdang dang lhan cig 'byung ba'i chos dang / gti mug dang lhan cig 'byung ba'i chos so/ /chags pa dang lhan cig 'byung ba'i chos rnams las zhes bya ba'am/'on te las ma yin pa zhes bya zhe na/ smras pa/ las kyang yod/ las ma yin pa yang yod do/ /las gang zhe na/ smras pa/ chags pa dang lhan cig 'byung ba'i lus kyi las dang / ngag gi las dang / sems pa ste/ 'di ni las yin no//las ma yin pa gang zhe na/ smras pa/ chags pa dang lhan cig 'byung ba'i tshor ba dang / 'du shes dang / reg pa dang / yid la byed pa dang / rnam par shes pa ste/ 'di ni las ma yin pa'o/ /zhe sdang dang lhan cig 'byung ba'i chos rnams dang / gti mug dang lhan cig 'byung ba'i chos rnams las zhes bya 'am/las ma yin pa zhes bya zhe na/ smras pa/ las kyang yod/ las ma yin pa yang yod do/ /las gang zhe na/ smras pa/ zhe sdang dang lhan cig 'byung ba dang / gti mug dang lhan cig 'byung ba'i lus kyi las dang / ngag gi las dang / sems pa ste/ 'di ni las yin no//las ma yin pa gang zhe na/ smras pa/ zhe sdang dang lhan cig 'byung ba dang / gti mug dang lhan cig 'byung ba'i tshor ba dang / 'du shes dang / reg pa dang / yid la byed pa dang / rnam par shes pa ste/ 'di ni las ma yin pa'o/ /chags pa dang lhan cig 'byung ba'i chos rnams rnam par rig byed ces bya'am/'on te rnam par rig byed ma yin pa zhes bya zhe na/ smras pa/ rnam par rig byed kyang yod/ rnam par rig byed ma yin pa yang yod do/ /rnam par rig byed gang zhe na/ smras pa/ chags pa dang lhan cig 'byung ba'i lus kyi rnam par rig byed dang / ngag gi rnam par rig byed de/'di ni rnam par rig byed do/ /rnam par rig byed ma yin pa gang zhe na/ lus kyi rnam par rig byed ma yin pa dang / ngag gi rnam par rig byed ma yin pa dang / chags pa dang lhan cig 'byung ba'i tshor ba dang / 'du shes dang / sems pa dang / reg pa dang / yid la byed pa dang / rnam par shes pa ste/ 'di ni rnam par rig byed ma yin pa'o/ /zhe sdang dang lhan cig 'byung ba dang / gti mug dang lhan cig 'byung ba'i chos rnams rnam par rig byed ces bya'am/ rnam par rig byed ma yin pa zhes bya zhe na/ smras pa/ rnam par rig byed kyang yod/rnam par rig byed ma yin pa yang yod do/ /rnam par rig byed gang zhe na/ smras pa/ zhe sdang dang lhan cig 'byung ba dang / gti mug dang lhan cig 'byung ba'i lus kyi rnam par rig byed dang / ngag gi rnam par rig byed de/ 'di ni rnam par rig byed do/ /rnam par rig byed ma yin pa gang zhe na/smras pa/ zhe sdang dang lhan cig 'byung ba dang / gti mug dang lhan cig 'byung ba'i lus kyi rnam par rig byed ma yin pa dang / ngag gi rnam par rig byed ma yin pa dang / zhe sdang dang lhan cig 'byung ba dang / gti mug dang lhan cig 'byung ba'i tshor ba dang / 'du shes dang /sems pa dang / reg pa dang / yid la byed pa dang / rnam par shes pa ste/ 'di ni rnam par rig byed ma yin pa'o/ /chags pa dang lhan cig 'byung ba'i chos rnams gzugs can zhes bya'am/ 'on te gzugs can ma yin pa zhes bya zhe na/ smras pa/ gzugs can yang yod//gzugs can ma yin pa yang yod do/ /gzugs can gang dag yin zhe na/ smras pa/ chags pa dang lhan cig 'byung ba'i lus kyi las dang / ngag gi las te/ 'di dag ni gzugs can no/ /gzugs can ma yin pa gang dag yin zhe na/ smras pa/ chags pa dang lhan cig 'byung ba'i tshor ba dang /'du shes dang / sems pa dang / reg pa dang / yid la byed pa dang / rnam par shes pa ste/ 'di dag ni gzugs can ma yin pa'o/ /zhe sdang dang lhan cig 'byung ba dang / gti mug dang lhan cig 'byung ba'i chos rnams gzugs can zhes bya'am/'on te gzugs can ma yin pa zhes bya zhe na/ smras pa/ gzugs can yang yod/ gzugs can ma yin pa yang yod do/ /gzugs can gang dag yin zhe na/ smras pa/ zhe sdang dang lhan cig 'byung ba dang / gti mug dang lhan cig 'byung ba'i lus kyi las dang /ngag gi las te/ 'di dag ni gzugs can no/ /gzugs can ma yin pa gang dag yin zhe na/ smras pa/ zhe sdang dang lhan cig 'byung ba dang / gti mug dang lhan cig 'byung ba'i tshor ba dang / 'du shes dang / sems pa dang / reg pa dang / yid la byed pa dang / rnam par shes pa ste/ 'di dag ni gzugs can ma yin pa'o/ /chags pa dang lhan cig 'byung ba'i chos rnams thogs pa dang bcas pa zhes bya'am/ 'on te thogs pa med pa zhes bya zhe na/ smras pa/ thogs pa dang bcas pa yang yod/ thogs pa med pa yang yod/ thogs pa dang bcas pa gang dag yin zhe na/ smras pa/ chags pa dang lhan cig 'byung ba'i lus kyi rnam par rig byed dang / ngag gi rnam par rig byed de/ 'di dag ni thogs pa dang bcas pa'o/ /thogs pa med pa gang dag yin zhe na/ smras pa/ chags pa dang lhan cig 'byung ba'i lus kyi rnam par rig byed ma yin pa dang /ngag gi rnam par rig byed ma yin pa dang / chags pa dang lhan cig 'byung ba'i tshor ba dang / 'du shes dang / sems pa dang / reg pa dang / yid la byed pa dang / rnam par shes pa ste/ 'di dag ni thogs pa med pa'o/ /zhe sdang dang lhan cig 'byung ba dang /gti mug dang lhan cig 'byung ba'i chos rnams thogs pa dang bcas pa zhes bya'am/ 'on te thogs pa med pa zhes bya zhe na/ smras pa/ thogs pa dang bcas pa yang yod/ thogs pa med pa yang yod de/ /thogs pa dang bcas pa gang dag yin zhe na/ smras pa/ zhe sdang dang lhan cig 'byung ba dang /gti mug dang lhan cig 'byung ba'i lus kyi rnam par rig byed dang / ngag gi rnam par rig byed de/ 'di dag ni thogs pa dang bcas pa'o/ /thogs pa med pa gang dag yin zhe na/ smras pa/ zhe sdang dang lhan cig 'byung ba dang / gti mug dang lhan cig 'byung ba'i lus kyi rnam par rig byed ma yin pa dang /ngag gi rnam par rig byed ma yin pa dang / zhe sdang dang lhan cig 'byung ba dang / gti mug dang lhan cig 'byung ba'i tshor ba dang / 'du shes dang / sems pa dang / reg pa dang / yid la byed pa dang / rnam par shes pa ste/ 'di dag ni thogs pa med pa'o/ /chags pa dang lhan cig 'byung ba'i chos rnams sems las byung ba zhes bya'am/'on te sems las byung ba ma yin pa zhes bya zhe na/ smras pa/ sems las byung ba yang yod/ sems las byung ba ma yin pa yang yod do/ /sems las byung ba gang dag yin zhe na/ smras pa/ chags pa dang lhan cig 'byung ba'i tshor ba dang /'du shes dang / sems pa dang / reg pa dang / yid la byed pa ste/ 'di dag ni sems las byung ba'o/ /sems las byung ba ma yin pa gang dag yin zhe na/ smras pa/ chags pa dang lhan cig 'byung ba'i lus kyi las dang / ngag gi las dang / sems te 'di dag ni sems las byung ba ma yin pa'o//zhe sdang dang lhan cig 'byung ba dang / gti mug dang lhan cig 'byung ba'i chos rnams sems las byung ba zhes bya zhe 'am/ 'on te sems las byung ba ma yin pa zhes bya zhe na/ smras pa/ sems las byung ba yang yod/ sems las byung ba ma yin pa yang yod do//sems las byung ba gang dag yin zhe na/ smras pa/ zhe sdang dang lhan cig 'byung ba dang / gti mug dang lhan cig 'byung ba'i tshor ba dang / 'du shes dang / sems pa dang / reg pa dang / yid la byed pa ste/ 'di dag ni sems las byung ba'o/ /sems las byung ba ma yin pa gang dag yin zhe na/smras pa/ zhe sdang dang lhan cig 'byung ba dang / gti mug dang lhan cig 'byung ba'i lus kyi las dang / ngag gi las dang / sems te/ 'di dag ni sems las byung ba ma yin pa'o/ /mi dge ba bcu'i las kyi lam zhes bya ba nas rgyas par sbyar te/ mi dge ba bcu'i las kyi lam gang yin pa de dag las/ du zhig las kyang yin la las kyi lam yang yin/ du zhig las kyi lam ni yin la las ni ma yin zhe na/ smras pa/ bdun ni las kyang yin la las kyi lam yang yin te/ srog gcod pa dang / ma byin par len pa dang /'dod pa la log par g.yem pa dang / brdzun du smra ba dang / phra ma dang / tshig rtsub po dang / tshig kyal pa rnams so/ /gsum ni las kyi lam yin la/ las ni ma yin te/ brnab sems dang / gnod sems dang / log par lta ba rnams so/ /ci'i phyir las kyang yin la/las kyi lam yang yin zhe na/ smras pa/ srog gcod pa'i las ni da ltar de byed pa yang yin la srog gcod pas kun nas bslang ba'i sems pa rnams kyi lam dang / bgrod pa dang / srang yang yin te/ rgyu des na srog gcod pa las kyang yin la/ las kyi lam yang yin no//srog gcod pa ji lta ba bzhin du ma byin par len pa dang / 'dod pa la log par g.yem pa dang / brdzun du smra ba dang / phra ma dang / tshig rtsub po dang / tshig kyal pa yang de dang 'dra'o/ /ci'i phyir brnab sems dang / gnod sems dang / log par lta ba las kyi lam yin la las ma yin zhe na/smras pa/ brnab sems dang / gnod sems dang / log par lta ba ni las kyang ma yin/ byed pa yang ma yin gyi/ brnab sems dang / gnod sems dang / log par lta bas kun nas bslang ba'i sems las byung ba rnams kyi lam dang / bgrod pa dang / srang yin te/ rgyu des na brnab sems dang / gnod sems dang / log par lta bas las kyi lam yin la/ las ma yin no/ /yang dag par ma bsdams pa'i sdom pa bcu gang zhe na/ smras pa/ bcu ni srog gcod pa dang / ma byin par len pa dang / 'dod pa la log par g.yem pa dang /brdzun du smra ba dang / phra ma dang / tshig rtsub po dang / tshig kyal pa dang / brnab sems dang / gnod sems dang / log par lta ba rnams so/ /ci'i phyir srog gcod pa yang dag par ma bsdams pa'i sdom pa yin zhe na/ smras pa/ rnam par rig byed kyi dmigs pa las yang dag par ma bsdams pa'i phyir te/ma spangs pas na 'dod pa'i khams thams cad yang dag par ma bsdams pa zhes brjod par bya'o/ /srog gcod pa ji lta ba bzhin du ma byin par len pa dang / 'dod pa la log par g.yem pa dang / brdzun du smra ba dang /phra ma dang / tshig rtsub po dang / tshig kyal pa rnams kyang de dang 'dra'o/ /ci'i phyir brnab sems dang / gnod sems dang / log par lta ba yang dag par ma bsdams pa'i sdom pa yin zhe na/ smras pa/ kun nas dkris pas dmigs pa rnams la yang dag par ma bsdams pa'i phyir te/ma spangs pas na thams cad du yang dag par ma bsdams pa zhes brjod par bya'o/ /las gdags pa tshigs lnga pa'o// //sdom ni/ yang dag ma bsdams bcur bstan dang / /de yi sgo nas rnam lngar bcad/ /yang dag ma bsdoms sdom min bcu//sdom pa ma yin gsum po dang / /de yi sgo nas rnam pa lnga/ /srog gcod pa nas log par lta ba'i bar du sdom pa ma yin pa yang yin la/ las kyang yin pa yod dam zhe na/ smras pa/ yod de/ srog gcod pa dang / ma byin par len pa dang / 'dod pa la log par g.yem pa dang /brdzun du smra ba dang / phra ma dang / tshig rtsub po dang / tshig kyal pa'o/ /sdom pa ma yin la/ las ni ma yin pa yod dam zhe na/ smras pa/ yod de/ brnab sems dang / gnod sems dang / log par lta ba'o/ /sdom pa ma yin pa yang yin la/ rnam par rig byed kyang yin pa yod dam zhe na/ smras pa/ yod de/ srog gcod pa las byung ba'i rnam par rig byed dang / ma byin par len pa dang / 'dod pa la log par g.yem pa dang / brdzun du smra ba dang / phra ma dang / tshig rtsub po dang / tshig kyal pa las byung ba'i rnam par rig byed do//sdom pa ma yin pa yin la/ rnam par rig byed ni ma yin pa yod dam zhe na/ smras pa/ yod de/ srog gcod pa las byung ba'i rnam par rig byed ma yin pa dang / ma byin par len pa dang / 'dod pa la log par g.yem pa dang / brdzun du smra ba dang / phra ma dang / tshig rtsub po dang / tshig kyal pa las byung ba'i rnam par rig byed ma yin pa'o/ /brnab sems dang / gnod sems dang / log par lta ba yang de dang 'dra'o/ /sdom pa ma yin pa yang yin la/ gzugs kyang yin pa yod dam zhe na/ smras pa/ yod de/srog gcod pa dang / ma byin par len pa dang / 'dod pa la log par g.yem pa dang / brdzun du smra ba dang / phra ma dang / tshig rtsub po dang / tshig kyal pa'o/ /sdom pa ma yin pa yin la/ gzugs kyang ma yin pa yod dam zhe na/ smras pa/ yod de/ brnab sems dang /gnod sems dang / log par lta ba'o/ /sdom pa ma yin pa yang yin la/ thogs pa dang bcas pa yang yin pa yod dam zhe na/ smras pa/ yod de/ srog gcod pa las byung ba'i rnam par rig byed de/ ma byin par len pa dang / 'dod pa la log par g.yem pa dang / brdzun du smra ba dang /phra ma dang / tshig rtsub po dang / tshig kyal pa las byung ba'i rnam par rig byed do/ /sdom pa ma yin pa yang yin la/ thogs pa yang med pa yod dam zhe na/ smras pa/ yod de/ brnab sems dang / gnod sems dang / log par lta ba'o/ /sdom pa ma yin pa yang yin la/ sems las byung ba yang yin pa yod dam zhe na/ smras pa yod de/ brnab sems dang / gnod sems dang / log par lta ba'o/ /sdom pa ma yin pa yin la/ sems las byung ba ni ma yin pa yod dam zhe na/ smras pa/ yod de/ srog gcod pa dang / ma byin par len pa dang / 'dod pa la log par g.yem pa dang /brdzun du smra ba dang / phra ma dang / tshig rtsub po dang / tshig kyal pa'o/ /lus kyi sdom pa ma yin pa ni rnam pa gsum ste/ srog gcod pa dang / ma byin par len pa dang / 'dod pa la log par g.yem pa'o/ /lus kyi sdom pa ma yin pa yang yin la/las kyang yin pa yod dam zhe na/ smras pa/ yod de/ thams cad do/ lus kyi sdom pa ma yin pa yin la/ las ni ma yin pa yang yod dam zhe na/ smras pa/ med do/ lus kyi sdom pa yang yin la/ rnam par rig byed kyang yin pa yod dam zhe na/ smras pa/ yod de/ srog gcod pa las byung ba'i rnam par rig byed dang / ma byin par len pa dang / 'dod pa la log par g.yem pa las byung ba'i rnam par rig byed do/ /lus kyi sdom pa ma yin la/ rnam par rig byed ma yin pa yod dam zhe na/ smras pa/ yod de/ srog gcod las byung ba'i rnam par rig byed ma yin pa dang /ma byin par len pa dang / 'dod pa la log par g.yem pa las byung ba'i rnam par rig byed ma yin pa'o/ /lus kyi sdom pa ma yin pa yang yin la/ gzugs kyang yin pa yod dam zhe na/ smras pa/ yod de/ thams cad do//lus kyi sdom pa ma yin pa yin la/ gzugs ma yin pa yod dam zhe na/ smras pa/ med do/ /lus kyi sdom pa ma yin pa yang yin la/ thogs pa dang bcas pa yin pa yod dam zhe na/ smras pa/ yod de/ srog gcod pa las byung ba'i rnam par rig byed dang / ma byin par len pa dang /'dod pa la log par g.yem pa las byung ba'i rnam par rig byed do/ /lus kyi sdom pa ma yin pa yin la/ thogs pa ni med pa yod dam zhe na/ smras pa/ yod de/ srog gcod pa las byung ba'i rnam par rig byed ma yin pa dang / ma byin par len pa dang /'dod pa la log par g.yem pa las byung ba'i rnam par rig byed ma yin pa'o/ /lus kyi sdom pa ma yin pa yang yin la/ sems las byung ba yang yin pa yod dam zhe na/ smras pa/ med do/ /lus kyi sdom pa ma yin pa yin la/ sems las byung ba ni ma yin pa yod dam zhe na/smras pa/ yod de/ thams cad do/ /ngag gi sdom pa ma yin pa ni rnam pa bzhi ste/ brdzun du smra ba dang / phra ma dang / tshig rtsub po dang / tshig kyal pa'o/ /ngag gi sdom pa ma yin pa yang yin la/ las kyang yin pa yod dam zhe na/ smras pa/ yod de/ thams cad do/ /ngag gi sdom pa ma yin pa yin la/ las ni ma yin pa yod dam zhe na/ smras pa/ med do/ /ngag gi sdom pa ma yin pa yang yin la/ rnam par rig byed kyang yin pa yod dam zhe na/ smras pa/ yod de/ brdzun du smra ba las byung ba'i rnam par rig byed dang / phra ma dang / tshig rtsub po dang / tshig kyal pa las byung ba'i rnam par rig byed do/ /ngag gi sdom pa ma yin pa yin la/ rnam par rig byed ni ma yin pa yod dam zhe na/ smras pa/ yod de/ brdzun du smra ba las byung ba'i rnam par rig byed ma yin pa dang / phra ma dang / tshig rtsub po dang /tshig kyal pa las byung ba'i rnam par rig byed ma yin pa'o/ /ngag gi sdom pa ma yin pa yang yin la/ gzugs ni ma yin pa yod dam zhe na/ smras pa/ yod de/ thams cad do/ /ngag gi sdom pa ma yin la/ gzugs ni ma yin pa yod dam zhe na/ smras pa/ med do/ / ngag gi sdom pa ma yin pa yang yin la/ thogs pa dang bcas pa yang yin pa yod dam zhe na/ smras pa/ yod de/ brdzun du smra ba las byung ba'i rnam par rig byed dang / phra ma dang / tshig rtsub po dang / tshig kyal pa las byung ba'i rnam par rig byed do/ /ngag gi sdom pa ma yin la/ thogs pa ni med pa yod dam zhe na/ smras pa/ yod do/ /brdzun du smra ba las byung ba'i rnam par rig byed ma yin pa dang / phra ma dang / tshig rtsub po dang / tshig rkyal pa las byung ba'i rnam par rig byed ma yin pa'o/ /ngag gi rnam par rig byed ma yin pa yang yin la/ sems las byung ba yang yin pa yod dam zhe na/smras pa/ med do/ /ngag gi sdom pa ma yin pa yin la/ sems las byung ba ni ma yin pa yod dam zhe na/ smras pa/ yod de/ thams cad do/ /yid kyi sdom pa ma yin pa ni rnam pa gsum ste/ brnab sems dang / gnod sems dang / log par lta ba'o/ /yid kyi sdom pa ma yin pa yang yin la/ las kyang yin pa yod dam zhe na/ smras pa/ med do/ /yid kyi sdom pa ma yin pa yin la/ las ni ma yin pa yod dam zhe na/ smras pa/ yod de/ thams cad do/ /yid kyi sdom pa ma yin pa yang yin la/ rnam par rig byed kyang ma yin pa yod dam zhe na/smras pa/ med do/ /yid kyi sdom pa ma yin pa yin la rnam par rig byed ni ma yin pa yod dam zhe na/ smras pa/ yod de/ thams cad do/ /yid kyi sdom pa ma yin pa yang yin la/ gzugs kyang yin pa yod dam zhe na/ smras pa/ med do/ /yid kyi sdom pa ma yin pa yin la gzugs ni ma yin pa yod dam zhe na/ smras pa/ yod de/ thams cad do/ /yid kyi sdom pa ma yin pa yang yin la/ thogs pa dang bcas pa yang yod dam zhe na/ smras pa/ med do/ /yid kyi sdom pa ma yin pa yin la/ thogs pa ni med pa yod dam zhe na/smras pa/ yod de thams cad do/ /yid kyi sdom pa ma yin pa yang yin la sems las byung ba yin pa yod dam zhe na/ smras pa/ yod de/ thams cad do/ /yid kyi sdom pa ma yin pa yang yin la/ sems las byung ba'i ni ma yin pa yod dam zhe na/ smras pa/ med do/ /las gdags pa tshigs drug pa'o// //sdom ni/ sdom pa ma yin lnga tshan bzhi/ /drug tshan dag kyang rabs lngar bcad/ /sdom min rnams ni lnga dang dgu/ /bco lnga dang ni dgu bcu brgyad/ /yang dag par ma bsdams pa'i sdom pa ma yin pa ni lnga yod de/ lnga gang zhe na/ smras pa/ lus kyi sgo nas rnam par rig byed dang / rnam par rig byed ma yin pa dang / ngag gi sgo nas rnam par rig byed dang / rnam par rig byed ma yin pa dang / yid kyi sgo nas rnam par rig byed ma yin pa'o/ /gzhan yang yang dag par ma bsdams pa'i sdom pa lnga yod de/lus kyi sgo nas thogs pa dang bcas pa dang / thogs pa med pa dang / ngag gi sgo nas thogs pa dang bcas pa dang / thogs pa med pa dang / yid kyi sgo nas thogs pa med pa'o/ /gzhan yang yang dag par ma bsdams pa'i sdom pa ma yin pa lnga yod de/ 'dod pa dang mtshungs par ldan pa'i thogs pa dang bcas pa dang /thogs pa med pa dang / gzugs dang mtshungs par ldan pa'i thogs pa dang bcas pa dang / thogs pa med pa dang / gzugs med pa dang / mtshungs par ldan pa'i thogs pa med pa'o/ /gzhan yang yang dag par ma bsdams pa'i sdom pa ma yin pa lnga yod de/'dod pa dang mtshungs par ldan pa'i rnam par rig byed dang / rnam par rig byed ma yin pa dang / gzugs dang mtshungs par ldan pa'i rnam par rig byed dang / rnam par rig byed ma yin pa dang / gzugs med pa dang mtshungs par ldan pa'i rnam par rig byed ma yin pa'o//yang dag par ma bsdams pa'i sdom pa ma yin pa drug yod de/ 'dod pa dang mtshungs par ldan pa'i sems las byung ba dang / sems las byung ba ma yin pa dang / gzugs dang mtshungs par ldan pa'i sems las byung ba dang / sems las byung ba ma yin pa dang /gzugs med pa dang mtshungs par ldan pa'i sems las byung ba dang / sems las byung ba ma yin pa'o/ /gzhan yang yang dag par ma bsdams pa'i sdom pa ma yin pa drug yod de/ 'dod pa dang mtshungs par ldan pa'i sems dang ldan pa dang / sems dang mi ldan pa dang /gzugs dang mtshungs par ldan pa'i sems dang ldan pa dang / sems dang mi ldan pa dang / gzugs med pa dang mtshungs par ldan pa'i sems dang ldan pa dang / sems dang mi ldan pa'o/ /gzhan yang yang dag par ma bsdams pa'i sdom pa ma yin pa drug yod de/'dod pa dang mtshungs par ldan pa'i dmigs pa dang bcas pa dang / dmigs pa med pa dang / gzugs dang mtshungs par ldan pa'i dmigs pa dang bcas pa dang / dmigs pa med pa dang / gzugs med pa dang mtshungs par ldan pa'i dmigs pa dang bcas pa dang dmigs pa med pa'o//gzhan yang yang dag par ma bsdams pa'i sdom pa ma yin pa drug yod de/ 'dod pa dang mtshungs par ldan pa'i mthong bas spang bar bya ba dang / bsgom pas spang bar bya ba dang / gzugs dang mtshungs par ldan pa'i mthong bas spang bar bya ba dang / bsgom pas spang bar bya ba dang / gzugs med pa dang mtshungs par ldan pa'i mthong bas spang bar bya ba dang / bsgom pas spang bar bya ba'o/ /gzhan yang yang dag par ma bsdams pa'i sdom pa ma yin pa drug yod de/ mig gi sdom pa ma yin pa dang / rna ba dang / sna dang / lce dang /lus dang / yid kyi sdom pa ma yin pa'o/ /gang mig gi sdom pa ma yin pa dang ldan pa de/ rna ba'i sdom pa ma yin pa dang yang ldan nam zhe na/ smras pa/ de yin no/ /gang rna ba'i sdom pa ma yin pa dang ldan pa de/ mig gi sdom pa ma yin pa dang ldan nam zhe na/ smras pa/ de yin no//mig gi sdom pa ma yin pa dang / rna ba'i sdom pa ma yin pa ji lta ba bzhin du lus kyi sdom pa ma yin pa yang de dang 'dra'o/ /gang mig gi sdom pa ma yin pa dang ldan pa de/ sna'i sdom pa ma yin pa dang yang ldan nam zhe na/ smras pa/ gang sna'i sdom pa ma yin pa dang ldan pa de ni mig gi sdom pa ma yin pa dang ldan no//mig gi sdom pa ma yin pa dang ldan la/ sna'i sdom pa ma yin pa dang ni mi ldan pa yod dam zhe na/ smras pa/ yod de/ dper na 'dod pa rnams las 'dod chags dang bral ba/ tshangs pa'i 'jig rten las ni 'dod chags dang ma bral ba lta bu'o//mig gi sdom pa ma yin pa dang / sna'i sdom pa ma yin pa ji lta ba bzhin du lce'i sdom pa ma yin pa yang de dang 'dra'o/ /gang mig gi sdom pa ma yin pa dang ldan pa de/ yid kyi sdom pa ma yin pa dang ldan nam zhe na/ smras pa/ gang mig gi sdom pa ma yin pa dang ldan pa de ni/yid kyi sdom pa ma yin pa dang ldan no/ /yid kyi sdom pa ma yin pa dang ldan la/ mig gi sdom pa ma yin pa dang ni mi ldan pa yod dam zhe na/ smras pa/ yod de/ dper na tshangs pa'i 'jig rten las 'dod chags dang bral la/ gong ma'i 'dod chags dang ma bral ba lta bu'o//ji ltar mig gi sdom pa ma yin pa dang / snga ma bzhin du sbyar ba de bzhin du/ rna ba dang lus kyi sdom pa ma yin pa dang yang snga ma bzhin du sbyar ro/ /gang sna'i sdom pa ma yin pa dang ldan pa de/ lce'i sdom pa ma yin pa dang ldan nam zhe na/ smras pa/ de ni ma yin no/ /gang lce'i sdom pa ma yin pa dang ldan pa de sna'i sdom pa ma yin pa dang yang ldan nam zhe na/ smras pa/ de yin no/ /gang sna'i sdom pa ma yin pa dang ldan pa de/ yid kyi sdom pa ma yin pa dang ldan nam zhe na/ smras pa/ gang sna'i sdom pa ma yin pa dang ldan pa de ni yid kyi sdom pa ma yin pa dang yang ldan no//yid kyi sdom pa ma yin pa dang ldan pa de/ sna'i sdom pa ma yin pa dang ldan pa yod dam zhe na/ smras pa/ yod de/ dper na 'dod pa rnams la 'dod chags dang bral la/ gzugs rnams la ni 'dod chags dang ma bral ba lta bu'o/ / ji ltar sna'i sdom pa ma yin pa snga ma bzhin du sbyar ba de bzhin du lce'i sdom pa ma yin pa yang snga ma bzhin du sbyar ro/ /yang dag par ma bsdams pa'i sdom pa ma yin pa ni lnga ste/ lnga gang zhe na/ smras pa/ sdug bsngal mthong bas spang bar bya ba'i yang dag par ma bsdams pa'i sdom pa ma yin pa dang /kun 'byung ba dang / 'gog pa dang / lam mthong ba dang / bsgom pas spang bar bya ba'i yang dag par ma bsdams pa'i sdom pa ma yin pa'o/ /yang dag par ma bsdams pa'i sdom pa ma yin pa ni dgu ste/ dgu gang zhe na/ smras pa/ sdug bsngal la chos shes pas spang bar bya ba'i yang dag par ma bsdams pa'i sdom pa ma yin pa dang / sdug bsngal la rjes su shes pas spang bar bya ba dang / kun 'byung ba la chos shes pas spang bar bya ba dang / kun 'byung ba la rjes su shes pas spang bar bya ba dang / 'gog pa la chos shes pas spang bar bya ba dang /'gog pa la rjes su shes pas spang bar bya ba dang / lam la chos shes pas spang bar bya ba dang / lam la rjes su shes pas spang bar bya ba dang / bsgom pas spang bar bya ba'i yang dag par ma bsdams pa'i sdom pa ma yin pa'o/ /yang dag par ma bsdoms pa'i sdom pa ma yin pa ni bco lnga ste/bco lnga gang zhe na/ smras pa/ 'dod pa dang mtshungs par ldan pa lnga dang gzugs dang mtshungs par ldan pa lnga dang / gzugs med pa dang mtshungs par ldan pa lnga'o/ /'dod pa dang mtshungs par ldan pa'i yang dag par ma bsdams pa'i sdom pa ma yin pa lnga gang zhe na/smras pa/ 'dod pa dang mtshungs par ldan pa sdug bsngal mthong bas spang bar bya ba'i yang dag par ma bsdams pa'i sdom pa gang yin pa dang / 'dod pa dang mtshungs par ldan pa kun 'byung ba dang / 'gog pa dang / lam mthong ba dang / bsgom pas spang bar bya ba'i yang dag par ma bsdams pa'i sdom pa ma yin pa'o//'dod pa dang mtshungs par ldan pa ji lta ba bzhin du/ gzugs dang / gzugs med pa dang mtshungs par ldan pa yang de dang 'dra'o/ /yang dag par ma bsdams pa'i sdom pa ma yin pa ni dgu bcu rtsa brgyad de/dgu bcu rtsa brgyad gang zhe na/ smras pa/ 'dod pa dang mtshungs par ldan pa sum cu rtsa drug dang / gzugs dang mtshungs par ldan pa sum cu rtsa gcig dang / gzugs med pa dang mtshungs par ldan pa sum cu rtsa gcig go/ /'dod pa dang mtshungs par ldan pa'i yang dag par ma bsdams pa'i sdom pa ma yin pa sum cu rtsa drug gang zhe na/smras pa/ sdug bsngal mthong bas spang bar bya ba bcu dang / kun 'byung ba mthong bas spang bar bya ba bdun dang / 'gog pa mthong bas spang bar bya ba bdun dang / lam mthong bas spang bar bya ba brgyad dang / bsgom pas spang bar bya ba bzhi'o//gzugs dang mtshungs par ldan pa'i yang dag par ma bsdams pa'i sdom pa ma yin pa sum cu rtsa gcig gang zhe na/ smras pa/ sdug bsngal mthong bas spang bar bya ba dgu dang / kun 'byung ba mthong bas spang bar bya ba drug dang / 'gog pa mthong bas spang bar bya ba drug dang /lam mthong bas spang bar bya ba bdun dang / bsgom pas spang bar bya ba gsum mo/ /gzugs dang mtshungs par ldan pa rnams ji lta ba bzhin du/ gzugs med pa dang mtshungs par ldan pa rnams kyang de dang 'dra'o/ /'dod pa dang mtshungs par ldan pa'i ma bsdams pa'i sdom pa ma yin pa bcu gang zhe na/smras pa/ 'dod pa dang mtshungs par ldan pa sdug bsngal mthong bas spang bar bya ba'i 'jig tshogs la lta ba dang / mthar 'dzin par lta ba dang / log par lta ba dang / lta ba mchog tu 'dzin pa dang / tshul khrims dang / brtul zhugs mchog tu 'dzin pa dang / the tshom dang / 'dod chags dang / khong khro ba dang / nga rgyal dang / ma rig pa'o/ /'dod pa dang mtshungs par ldan pa'i yang dag par ma bsdams pa'i sdom pa ma yin pa bdun gang zhe na/ smras pa/ 'dod pa dang mtshungs par ldan pa kun 'byung ba mthong bas spang bar bya ba'i log par lta ba dang /lta ba mchog tu 'dzin pa dang / the tshom dang / 'dod chags dang / khong khro ba dang / nga rgyal dang / ma rig pa'o/ /'dod pa dang mtshungs par ldan pa'i yang dag par ma bsdams pa'i sdom pa ma yin pa bdun gang zhe na/smras pa/ 'dod chags dang mtshungs par ldan pa'i 'og pa mthong bas spang bar bya ba'i log par lta ba dang / lta ba mchog tu 'dzin pa dang / the tshom dang / 'dod chags dang / khong khro ba dang / nga rgyal dang / ma rig pa'o/ /'dod pa dang mtshungs par ldan pa'i yang dag par ma bsdams pa'i sdom pa ma yin pa brgyad gang zhe na/'dod pa dang mtshungs par ldan pa'i lam mthong bas spang bar bya ba'i log par lta ba dang / lta ba mchog tu 'dzin pa dang / tshul khrims dang / brtul zhugs mchog tu 'dzin pa dang / the tshom dang /'dod chags dang / khong khro ba dang / nga rgyal dang / ma rig pa'o/ /'dod pa dang mtshungs par ldan pa'i yang dag par ma bsdams pa'i sdom pa ma yin pa bzhi gang zhe na/ smras pa/ 'dod pa dang mtshungs par ldan pa bsgom pas spang bar bya ba'i 'dod chags dang / khong khro ba dang /nga rgyal dang / ma rig pa'o/ /'dod pa dang mtshungs par ldan pa ji lta ba bzhin du gzugs dang / gzugs med pa dang mtshungs par ldan pa yang de dang 'dra ste/ khong khro ba ni ma gtogs so/ /ci'i phyir 'dod pa dang mtshungs bar ldan pa'i 'jig tshogs la lta ba yang dag par ma bsdams pa'i sdom pa ma yin pa zhes bya zhe na/smras pa/ kun nas dkris pa'i phyir ni dmigs pa la yang dag par ma bsdams la ma spangs pa'i phyir ni/ 'dod pa'i khams thams cad la yang dag par ma bsdams pa zhes bya'o/ /'jig tshogs la lta ba ji lta ba bzhin du mthar 'dzin par lta ba dang /sdug bsngal mthong bas spang bar bya ba'i log par lta ba dang / lta ba mchog tu 'dzin pa dang / tshul khrims dang / brtul zhugs mchog tu 'dzin pa dang / the tshom dang / ma rig pa kun du 'gro ba rnams kyang de dang 'dra'o/ /ci'i phyir 'dod pa dang mtshungs par ldan pa sdug bsngal mthong bas spang bar bya ba'i 'dod chags yang dag par ma bsdams pa'i sdom pa ma yin pa zhes bya zhe na/smras pa/ kun nas dkris pa'i phyir ni dmigs pa la yang dag par ma bsdams la/ ma spangs pa'i phyir ni 'dod pa dang mtshungs par ldan pa'i sdug bsngal mthong bas spang bar bya ba'i chos rnams la yang dag par ma bsdams pa zhes bya'o//'dod pa dang mtshungs par ldan pa sdug bsngal mthong bas spang bar bya ba'i 'dod chags ji lta ba bzhin du khong khro ba dang / nga rgyal dang / ma rig pa rnams kyang de dang 'dra'o/ /thams cad du 'gro ba ni sdug bsngal mthong bas spang bar bya ba rnams ji lta ba bzhin du/kun 'byung ba mthong bas spang bar bya ba rnams kyang de dang 'dra ste/ 'jig tshogs la lta ba dang / mthar 'dzin par lta ba ni ma gtogs so/ /ci'i phyir 'dod pa dang mtshungs par ldan pa 'gog pa mthong bas spang bar bya ba'i log par lta ba yang dag par ma bsdams pa'i sdom pa ma yin pa zhes bya zhe na/smras pa/ kun nas dkris pa'i phyir ni dmigs pa la yang dag par ma bsdams la/ ma spangs pa'i phyir ni de dang mtshungs par ldan pa'i chos rnams kyis yang dag par ma bsdams pa zhes bya'o//'dod pa dang mtshungs par ldan pa 'gog pa mthong bas spang bar bya ba'i log par lta ba ji lta ba bzhin du the tshom dang / ma rig pa zag pa med pa la dmigs pa yang de dang 'dra'o/ /ci'i phyir 'dod pa dang mtshungs par ldan pa 'gog pa mthong bas spang bar bya ba'i lta ba mchog tu 'dzin pa yang dag par ma bsdams pa'i sdom pa ma yin pa zhes bya zhe na/smras pa/ kun nas dkris pa'i phyir ni dmigs pa la yang dag par ma bsdams la/ ma spangs pa'i phyir ni 'dod pa dang mtshungs par ldan pa 'gog pa mthong bas spang bar bya ba'i chos rnams kyis yang dag par ma bsdams pa zhes bya'o//'dod pa dang mtshungs par ldan pa 'gog pa mthong bas spang bar bya ba'i lta ba mchog tu 'dzin pa ji lta ba bzhin du 'dod chags dang / khong khro ba dang / nga rgyal dang / ma rig pa zag pa dang bcas pa la dmigs pa rnams kyang de dang 'dra'o//'gog pa mthong bas spang bar bya ba rnam ma ji lta ba bzhin du lam mthong bas spang bar bya ba rnams kyang de dang 'dra ste/ tshul khrims dang / brtul zhugs mchog tu 'dzin par bstan par bya'o/ /ci'i phyir 'dod pa dang mtshungs par ldan pa bsgom pas spang bar bya ba'i 'dod chags yang dag par ma bsdams pa'i sdom pa ma yin pa zhes bya zhe na/smras pa/ kun nas dkris pa'i phyir ni dmigs pa la yang dag par ma bsdams la/ ma spangs pa'i phyir ni 'dod pa dang mtshungs par ldan pa bsgom pas spang bar bya ba'i chos rnams kyis yang dag par ma bsdams pa zhes bya'o//'dod pa dang mtshungs par ldan pa bsgom pas spang bar bya ba'i 'dod chags ji lta ba bzhin du khong khro ba dang / nga rgyal dang / ma rig pa yang de dang 'dra'o/ /'dod pa dang mtshungs par ldan pa rnams ji lta ba bzhin du/gzugs dang gzugs med pa dang mtshungs par ldan pa rnams kyang de dang 'dra bar brjod par bya'o/ /las gdags pa tshigs bdun pa'o// //sdom ni/ yang dag ma bsdams sdom min ni/ /sum cu rtsa drug bstan pa ste/ /khams kyi sgo nas sdom min gsum//sems dang mi ldan drug po las/ /sdom pa ma yin tha ma rnams/ /de bzhin dkar po'i phyogs la yang / /rgyas pa drag tu sbyar bar bya/ /rtsa ba gsum las bzung nas kyang / /de yi rjes la dri bar bya/ /yang dag par ma bsdams pa'i sdom pa ma yin pa sum cu rtsa drug gang zhe na/smras pa/ sdug bsngal mthong bas spang bar bya ba bcu dang / kun 'byung ba mthong bas spang bar bya ba bdun dang / 'gog pa mthong bas spang bar bya ba bdun dang / lam mthong bas spang bar bya ba brgyad dang / bsgom pas spang bar bya ba bzhi'o/ /sdug bsngal mthong bas spang bar bya ba'i yang dag par ma bsdoms pa'i sdom pa ma yin pa bcu gang zhe na/smras pa/ 'jig tshogs la lta ba dang / mthar 'dzin par lta ba dang / sdug bsngal mthong bas spang ba bya ba'i log par lta ba dang / lta ba mchog tu 'dzin pa dang / tshul khrims dang / brtul zhugs mchog tu 'dzin pa dang /the tshom dang / 'dod chags dang / khong khro ba dang / nga rgyal dang / ma rig pa'o/ /kun 'byung ba mthong bas spang bar bya ba'i yang dag par ma bsdams pa'i sdom pa ma yin pa bdun gang zhe na/ smras pa/ kun 'byung ba mthong bas spang bar bya ba'i log par lta ba dang /lta ba mchog tu 'dzin pa dang / the tshom dang / 'dod chags dang / khong khro ba dang / nga rgyal dang / ma rig pa'o/ /'gog pa mthong bas spang bar bya ba rnams kyang de dang 'dra'o/ /lam mthong bas spang bar bya ba'i yang dag par ma bsdams pa'i sdom pa ma yin pa brgyad gang zhe na/smras pa/ lam mthong bas spang bar bya ba'i log par lta ba dang / lta ba mchog tu 'dzin pa dang / tshul khrims dang / brtul zhugs mchog tu 'dzin pa dang / the tshom dang / 'dod chags dang / khong khro ba dang / nga rgyal dang / ma rig pa'o/ /bsgom pas spang bar bya ba'i yang dag par ma bsdams pa'i sdom pa ma yin pa bzhi gang zhe na/smras pa/ bsgom pas spang bar bya ba'i 'dod chags dang / khong khro ba dang / nga rgyal dang / ma rig pa'o/ /ci'i phyir 'jig tshogs la lta ba yang dag par ma bsdams pa'i sdom pa ma yin pa zhes bya zhe na/smras pa/ kun nas dkris pa'i phyir ni dmigs pa yang dag par ma bsdams la/ ma spangs pa'i phyir ni 'dod pa'i khams thams cad du yang dag par ma bsdams pa zhes bya'o/ /'jig tshogs la lta ba ji lta ba bzhin du mthar 'dzin par lta ba dang / sdug bsngal mthong bas spang bar bya ba'i log par lta ba dang /lta ba mchog tu 'dzin pa dang / tshul khrims dang / brtul zhugs mchog tu 'dzin pa dang / the tshom dang / ma rig pa kun du 'gro ba yang de dang 'dra'o/ /ci'i phyir sdug bsngal mthong bas spang bar bya ba'i 'dod chags yang dag par ma bsdams pa'i sdom pa ma yin pa zhes bya zhe na/smras pa/ kun nas dkris pa'i phyir ni dmigs pa la yang dag par ma bsdams la ma spangs pa'i phyir ni/ sdug bsngal mthong bas spang bar bya ba'i chos rnams kyi yang dag par ma bsdams pa zhes bya'o/ /sdug bsngal mthong bas spang bar bya ba'i 'dod chags pa ji lta ba bzhin du khong khro ba dang /nga rgyal dang / ma rig pa kun du 'gro ba ma yin pa yang de dang 'dra'o/ /sdug bsngal mthong bas spang bar bya ba rnams ji lta ba bzhin du kun 'byung ba mthong bas spang bar bya ba rnams kyang de dang 'dra ste/ 'jig tshogs la lta ba dang /mthar 'dzin par lta ba dang / tshul khrims dang / brtul zhugs mchog tu 'dzin pa ni ma gtogs so/ /ci'i phyir 'gog pa mthong bas spang bar bya ba'i log par lta ba yang dag par ma bsdams pa'i sdom pa ma yin pa zhes bya zhe na/smras pa/ kun nas dkris pa'i phyir ni dmigs pa la yang dag par ma bsdams la/ ma spangs pa'i phyir ni de dang mtshungs par ldan pa'i chos rnams kyi yang dag par ma bsdams pa zhes bya'o/ /'gog pa mthong bas spang bar bya ba'i log par lta ba ji lta ba bzhin du the tshom dang /ma rig pa zag pa med pa la dmigs pa yang de dang 'dra'o/ /ci'i phyir 'gog pa mthong bas spang bar bya ba'i lta ba mchog tu 'dzin pa yang dag par ma bsdams pa'i sdom pa ma yin pa zhes bya zhe na/ smras pa/ kun nas dkris pa'i phyir ni dmigs pa yang dag par ma bsdams la/ma spangs pa'i phyir ni 'gog pa mthong bas spang bar bya ba'i chos rnams kyis yang dag par ma bsdams pa zhes bya'o/ /'gog pa mthong bas spang bar bya ba'i lta ba mchog tu 'dzin pa ji lta ba bzhin du 'dod chags dang / khong khro ba dang / nga rgyal dang / ma rig pa zag pa dang bcas pa la dmigs pa yang de dang 'dra'o/ /'gog pa mthong bas spang bar bya ba rnams ji lta ba bzhin du/ lam mthong bas spang bar bya ba rnams kyang de dang 'dra ste/ tshul khrims dang / brtul zhugs mchog tu 'dzin pa bstan par bya'o/ /ci'i phyir bsgom pas spang bar bya ba'i 'dod chags yang dag par ma bsdams pa'i sdom pa ma yin pa zhes bya zhe na/smras pa/ kun nas dkris pa'i phyir ni dmigs pa la yang dag par ma bsdams la/ ma spangs ba'i phyir ni bsgom pas spang bar bya ba'i chos rnams kyis yang dag par ma bsdams pa zhes bya'o//bsgom pas spang bar bya ba'i 'dod chags ji lta ba bzhin du khong khro ba dang / nga rgyal dang / ma rig pa yang de dang 'dra'o/ /yang dag par ma bsdams pa'i sdom pa ma yin pa gsum yod de/ 'dod pa dang ldan pa'i yang dag par ma bsdams pa'i sdom pa ma yin pa dang /gzugs dang ldan pa'i yang dag par ma bsdams pa'i sdom pa ma yin pa dang / gzugs med pa dang ldan pa'i yang dag par ma bsdams pa'i sdom pa ma yin pa'o/ /gang gi 'dod pa dang ldan pa'i yang dag par ma bsdams pa'i sdom pa ma yin pa ma spangs shing yongs su ma shes pa de'i ni gzugs dang ldan pa'i yang dag par ma bsdoms pa'i sdom pa ma yin pa yang ma spangs shing yongs su ma shes pa yin nam/gzugs dang ldan pa'i yang dag par ma bsdams pa'i sdom pa ma yin pa ma spangs shing yongs su ma shes pa gang yin pa de'i ni 'dod pa dang ldan pa'i yang dag par ma bsdams pa'i sdom pa ma yin pa yang dag par ma spangs shing yongs su ma shes pa yin nam zhe na/smras pa/ gang gi 'dod pa dang ldan pa'i yang dag par ma bsdams pa'i sdom pa ma yin pa ma spangs shing yongs su ma shes pa de'i ni gzugs dang ldan pa'i yang dag par ma bsdams pa'i sdom pa ma yin pa yang ma spangs shing yongs su ma shes pa yin no//gzugs dang ldan pa yin la 'dod pa dang ldan pa ma yin pa yod dam zhe na/ smras pa/ yod de/ dper na 'dod pa rnams las 'dod chags dang bral la/gzugs rnams las 'dod chags dang ma bral ba lta bu'o/ /gang gi 'dod pa dang ldan pa'i yang dag par ma bsdams pa'i sdom pa ma yin pa ma spangs shing yongs su ma shes pa de'i ni gzugs med pa dang ldan pa'i yang dag par ma bsdams pa'i sdom pa ma yin pa yang ma spangs shing yongs su ma shes pa yin nam/gzugs med pa dang ldan pa'i yang dag par ma bsdams pa'i sdom pa ma yin pa ma spangs shing yongs su ma shes pa gang yin pa de'i ni 'dod pa dang ldan pa'i yang dag par ma bsdams pa'i sdom pa ma yin pa yang ma spangs shing yongs su ma shes pa yin nam zhe na/smras pa/ gang gi 'dod pa dang ldan pa'i yang dag par ma bsdam pa'i sdom pa ma yin pa ma spangs shing yongs su ma shes pa de'i ni gzugs med pa dang ldan pa'i yang dag par ma bsdams pa'i sdom pa ma yin pa yang ma spangs shing yongs su ma shes pa yin no//gzugs med pa dang ldan la 'dod pa dang mi ldan pa yod dam zhe na/ smras pa/ yod de/ dper na 'dod pa rnams las 'dod chags dang bral ba lta bu'o/ /gang gi gzugs dang ldan pa'i yang dag par ma bsdams pa'i sdom pa ma yin pa ma spangs shing yongs su ma shes pa gang yin pa de'i ni gzugs med pa dang ldan pa'i yang dag par ma bsdams pa'i sdom pa ma yin pa yang ma spangs shing yongs su ma shes pa yin nam/gzugs med pa dang ldan pa'i yang dag par ma bsdams pa'i sdom pa ma yin pa ma spangs shing yongs su ma shes pa de'i ni gzugs dang ldan pa'i yang dag par ma bsdams pa'i sdom pa ma yin pa yang ma spangs shing yongs su ma shes pa yin nam zhe na/smras pa/ gang gi gzugs dang ldan pa'i yang dag par ma bsdams pa'i sdom pa ma yin pa ma spangs shing yongs su ma shes pa de'i ni gzugs med pa dang ldan pa'i yang dag par ma bsdams pa'i sdom pa ma yin pa yang ma spangs shing yongs su ma shes pa yin no//gzugs med pa dang ldan pa'i yang dag par ma bsdams pa'i sdom pa ma yin pa ma spangs shing yongs su ma shes pa la/gzugs dang ldan pa'i ni ma spangs shing yongs su ma shes pa yin pa yod dam zhe na/ smras pa/ yod de/ dper na gzugs rnams las 'dod chags dang bral la gzugs med pa rnams las ni 'dod chags dang bral ba lta bu'o/ / yang dag par ma bsdams pa'i sdom pa ma yin pa drug yod de/ drug gang zhe na/ smras pa/ 'dod pa dang ldan pa'i sems dang mtshungs par ldan pa dang / sems dang mi ldan pa dang / gzugs dang ldan pa'i sems dang mtshungs par ldan pa dang / sems dang mi ldan pa dang / gzugs med pa dang ldan pa'i sems dang mtshungs par ldan pa dang / sems dang mi ldan pa'o/ /'dod pa dang mtshungs par ldan pa'i yang dag par ma bsdams pa'i sdom pa ma yin pa mngon sum du byed pa na sdom pa ma yin pa du zhig gis ma bsdams zhes bya/ gzugs dang ldan pa dang /gzugs med pa dang ldan pa'i yang dag par ma bsdams pa'i sdom pa ma yin pa mngon sum du byed pa na sdom pa ma yin pa du zhig gis ma bsdams zhes bya zhe na/ smras pa/ 'dod pa dang ldan pa'i sems dang mtshungs par ldan pa'i yang dag par ma bsdams pa'i sdom pa ma yin pa mngon sum du byed pa na ni sdom pa ma yin pa bzhis ma bsdams pa zhes bya ste/'dod pa dang ldan pa'i sems dang mtshungs par ldan pa dang / sems dang mi ldan pa dang / gzugs dang ldan pa'i sems dang mi ldan pa dang / gzugs med pa dang ldan pa'i sems dang mi ldan pas so//gzugs dang ldan pa'i mtshungs par ldan pa'i yang dag par ma bsdams pa'i sdom pa ma yin pa mngon sum du byed pa na ni sdom pa ma yin pa gsum gyis ma bsdams pa zhes bya ste/ gzugs dang ldan pa'i sems dang mtshungs par ldan pa dang / sems dang mi ldan pa dang /gzugs med pa dang ldan pa'i sems dang mi ldan pas so/ /gzugs med pa dang ldan pa'i sems dang mtshungs par ldan pa'i yang dag par ma bsdams pa'i sdom pa ma yin pa mngon sum du byed pa na ni sdom pa ma yin pa gnyis kyis ma bsdams pa zhes bya ste/gzugs med pa dang ldan pa'i sems dang mtshungs par ldan pa dang / sems dang mi ldan pas so/ /ji ltar tshigs bdun pa las nag po'i phyogs kyi sgo nas bstan pa de bzhin du/ dkar po'i phyogs la yang dge ba'i rtsa ba gsum las bzung ste thams cad brjod par bya'o//las gdags pa tshigs brgyad pa'o// //sdom ni/ 'das pa 'das pa'i rgyu las byung / /'dres pa'i dri ba de dang gnyis/ /chos gang dge ba'i rgyu las byung / /rnam par smin la gnas bzhi yod/ /'das pa'i sems pa 'das pa'i rgyu las byung ba yin la/ ma 'ongs pa'i rgyu las byung ba yang ma yin/ da ltar byung ba'i rgyu las byung ba yang ma yin pa yod dam/ 'das pa'i sems pa ma 'ongs pa'i rgyu las byung ba yang yin la/ 'das pa'i rgyu las byung ba yang ma yin/ da ltar byung ba'i rgyu las byung ba yang ma yin pa yod dam/ 'das pa'i sems pa da ltar byung ba'i rgyu las byung ba yin la/'das pa'i rgyu las byung ba yang ma yin/ ma 'ongs pa'i rgyu las byung ba yang ma yin pa yod dam/ 'das pa'i sems pa 'das pa dang da ltar byung ba'i rgyu las byung ba yin la/ ma 'ongs pa'i rgyu las byung ba ma yin pa yod dam/'das pa'i sems pa ma 'ongs pa dang da ltar byung ba'i rgyu las byung ba yin la/ 'das pa'i rgyu las byung ba ma yin pa yod dam/ 'das pa'i sems pa 'das pa dang / ma 'ongs pa dang / da ltar byung ba'i rgyu las byung ba yod dam/ 'das pa ji lta ba bzhin du ma 'ongs pa dang /da ltar byung ba'i yang de dang 'dra bar sbyar te/ de las 'das pa'i sems pa thams cad ni 'das pa'i rgyu las byung ba yin no/ /mu lhag ma rnams ni med do/ /ma 'ongs pa'i sems pa 'das pa'i rgyu las byung ba yin la/ ma 'ongs pa'i rgyu las byung ba yang ma yin/da ltar byung ba'i rgyu las byung ba yang ma yin pa yod dam zhe na/ smras pa/ med do/ /ma 'ongs pa'i sems pa ma 'ongs pa'i rgyu las byung ba yin la 'das pa'i rgyu las byung ba yang ma yin/ da ltar byung ba'i rgyu las byung ba yang ma yin pa yod dam zhe na/ smras pa/ yod de/yang dag pa'i nges pa la zhugs pa'i gang zag gi ma 'ongs pa'i zag pa med pa'i sems pa gang yin pa'o/ /de'i ma 'ongs pa'i rgyu gang zhe na/ smras pa/ lhan cig 'byung ba dang / mtshungs par ldan pa'i chos rnams so/ /ma 'ongs pa'i sems pa 'das pa'i rgyu las byung ba yin la/ma 'ongs pa'i rgyu las byung ba yang ma yin/ da ltar byung ba'i rgyu las byung ba yang ma yin pa yod dam zhe na/ smras pa/ med do/ /ma 'ongs pa'i sems pa da ltar byung ba'i rgyu las byung ba yin la/ 'das pa'i rgyu las byung ba yang ma yin/ ma 'ongs pa'i rgyu las byung ba yang ma yin pa yod dam zhe na/smras pa/ med do/ /ma 'ongs pa'i sems pa ma 'ongs pa dang / da ltar byung ba'i rgyu las byung ba yin la/ 'das pa'i rgyu las byung ba ma yin pa yod dam zhe na/ smras pa/ yod de/ sdug bsngal la chos shes pa'i bzod pa mngon sum du gyur pa na de las gzhan pa'i ma 'ongs pa'i sems pa gang yin pa'o//de'i ma 'ongs pa'i rgyu gang zhe na/ smras pa/ lhan cig 'byung ba dang mtshungs par ldan pa'i chos rnams so/ /de'i da ltar byung ba'i rgyu gang zhe na/ smras pa/ sdug bsngal la chos shes pa'i bzod pa dang / de dang mtshungs par ldan pa'i chos rnams so//ma 'ongs pa'i sems pa 'das pa dang / ma 'ongs pa'i rgyu las byung ba yin la/ da ltar byung ba'i rgyu las byung ba ma yin pa yod dam zhe na/ smras pa/ yod de/ de'i ma 'ongs pa'i rgyu gang zhe na/ smras pa/ lhan cig 'byung ba dang mtshungs par ldan pa'i chos rnams so//de'i 'das pa'i rgyu gang zhe na/ smras pa/ 'das pa'i chos gang yin pa rnams kyis ni sems pa de dang 'dra ba'am rnam par smin pa yin gyi/ da ltar byung ba'i chos rnams kyi ni sems pa de dang 'dra ba'am/ rnam par smin pa ma yin no/ /ma 'ongs pa'i sems pa 'das pa dang /ma 'ongs pa dang da ltar byung ba'i rgyu las byung ba yod dam zhe na/ smras pa/ yod de/ de'i ma 'ongs pa'i rgyu gang zhe na/ smras pa/ lhan cig 'byung ba dang / mtshungs par ldan pa'i chos rnams so/ /de'i 'das pa dang da ltar byung ba'i rgyu gang zhe na/ smras pa/ 'das pa dang da ltar byung ba'i chos gang yin pa rnams kyi ni sems pa de 'dra ba'am/rnam par smin pa yin no/ /da ltar byung ba'i sems pa da ltar byung ba'i rgyu las byung ba yin la/ ma 'ongs pa'i rgyu las byung ba ma yin pa yod dam zhe na/ smras pa/ yod de/ sdug bsngal la chos shes pa'i bzod pa mngon sum du gyur pa dang mtshungs par ldan pa'i sems pa'o//de'i da ltar byung ba'i rgyu gang zhe na/ smras pa/ lhan cig 'byung ba dang mtshungs par ldan pa'i chos rnams so/ /da ltar byung ba'i sems pa 'das pa'i rgyu las byung ba yin la/ ma 'ongs pa'i rgyu las byung ba yang ma yin/ da ltar byung ba'i rgyu las byung ba yang ma yin pa yod dam zhe na/smras pa/ med de/ da ltar byung ba'i sems pa ma 'ongs pa'i rgyu las byung ba yin la/ 'das pa'i rgyu las byung ba yang ma yin/ da ltar byung ba'i rgyu las byung ba yang ma yin pa yod dam zhe na/ smras pa/ med do/ /da ltar byung ba'i sems pa 'das pa dang da ltar byung ba'i rgyu las byung ba yin la/ma 'ongs pa'i rgyu las byung ba ma yin pa yod dam zhe na/ smras pa/ yod de/ de'i da ltar byung ba'i rgyu gang zhe na/ smras pa/ lhan cig 'byung ba dang mtshungs par ldan pa'i chos rnams so//de'i 'das pa'i rgyu gang zhe na/ smras pa/ 'das pa'i rgyu gang yin pa rnams kyi ni sems pa de dang 'dra ba'am/ rnam par smin pa yin no/ /da ltar byung ba'i sems pa ma 'ongs pa dang / da ltar byung ba'i rgyu las byung ba yod dam zhe na/ smras pa/ med do/ /'das pa dang ma 'ongs pa'i rgyu las byung ba yang med do//'das pa dang ma 'ongs pa dang da ltar byung ba'i rgyu las byung ba yang med do/ /chos gsum yod de/ dge ba dang / mi dge ba dang / lung du ma bstan pa rnams so/ /dge ba'i chos rnams dge ba'i rgyu las byung ba yod dam zhe na/ smras pa/ yod de/ dge ba'i 'dus byas kyi chos rnams so/ /dge ba'i chos rnams mi dge ba'i rgyu las byung ba yod dam zhe na/ smras pa/ med do/ /dge ba'i chos rnams lung du ma bstan pa'i rgyu las byung ba yod dam zhe na/ smras pa/ med do/ /mi dge ba'i chos rnams mi dge ba'i rgyu las byung ba yod dam zhe na/smras pa/ yod de/ thams cad do/ /mi dge ba'i chos rnams dge ba'i rgyu las byung ba yod dam zhe na/ smras pa/ med do/ /mi dge ba'i chos rnams lung du ma bstan pa'i rgyu las byung ba yod dam zhe na/ smras pa/ yod de/ thams cad do/ /lung du ma bstan pa'i chos rnams lung du ma bstan pa'i rgyu las byung ba yod dam zhe na/smras pa/ yod de/ lung du ma bstan pa'i 'dus byas kyi chos rnams so/ /lung du ma bstan pa'i chos rnams dge ba'i rgyu las byung ba yod dam zhe na/ smras pa/ yod de/ dge ba'i rnam par smin pa las byung ba'i chos rnams so//lung du ma bstan pa'i chos rnams mi dge ba'i rgyu las byung ba yod dam zhe na/ smras pa/ yod de/ mi dge ba'i rnam par smin pa las byung ba'i chos rnams dang / 'dod pa dang ldan pa'i 'jig tshogs la lta ba dang / mthar 'dzin par lta ba dang mtshungs par ldan pa'i chos rnams so//chos gsum yod de/ dge ba'i chos rnams dang / mi dge ba'i chos rnams dang / lung du ma bstan pa'i chos rnams so/ /dge ba'i chos rnams dge ba'i rgyu 'ba' zhig las byung ba yod dam zhe na/ smras pa/ yod de/ byang chub kyi yan lag dang mtshungs par ldan pa'i sems pa'o//dge ba'i chos rnams mi dge ba'i rgyu 'ba' zhig las byung ba yod dam zhe na/ smras pa/ med do/ /lung du ma bstan pa'i rgyu 'ba' zhig las byung ba yang med do/ /mi dge ba'i chos rnams mi dge ba'i rgyu 'ba' zhig las byung ba yod dam zhe na/ smras pa/yod de/ 'dod pa'i 'dod chags dang bral ba'i 'phags pa'i gang zag 'dod pa'i 'dod chags dang bral ba de las yongs su nyams par gyur na nyon mongs pa can gyi sems dang po mngon sum du byed pa gang yin pa'o/ /mi dge ba'i chos rnams dge ba'i rgyu 'ba' zhig las byung ba yod dam zhe na/smras pa/ med do/ /lung du ma bstan pa'i rgyu 'ba' zhig las byung ba yang med do/ /lung du ma bstan pa'i chos rnams lung du ma bstan pa'i rgyu 'ba' zhig las byung ba yod dam zhe na/ smras pa/ yod de/ spyod lam las byung ba rnams dang / bzo'i gnas las byung ba rnams dang /gzugs dang gzugs med pa dang ldan pa'i nyon mongs pa can rnams so/ /lung du ma bstan pa'i chos rnams dge ba'i rgyu 'ba' zhig las byung ba yod dam zhe na/ smras pa/ med do/ /mi dge ba'i rgyu 'ba' zhig las byung ba yang med do/ /chos gsum yod de/ dge ba'i chos rnams dang / mi dge ba'i chos rnams dang / lung du ma bstan pa'i chos rnams so/ /chos gang dag dge ba yang yin la/ chos de dag dge ba'i rgyu las byung ba yin nam zhe na/ smras pa/ chos rnams la dge ba yin la/ chos de dag dge ba'i rgyu las byung ba ni ma yin pa yang yod do//chos rnams las dge ba'i rgyu las byung ba yin la/ dge ba ma yin pa dag kyang yod do/ /chos rnams la dge ba yang yin la/ chos de dag dge ba'i rgyu las byung ba yang yod do/ /chos rnams la dge ba yang ma yin la/ chos de dag dge ba'i rgyu las byung ba ma yin pa yang yod do//chos rnams la dge ba yin la/ chos de dag dge ba'i rgyu las byung ba ni ma yin pa de dag gang zhe na/ smras pa/ so sor brtags te 'gog pa ste/ chos de dag ni dge ba yin la/ chos de dag ni dge ba'i rgyu las byung ba ma yin no/ /chos rnams las dge ba'i rgyu las byung ba yin la/chos de dag dge ba ni ma yin pa gang zhe na/ smras pa/ dge ba'i rnam par smin pa las byung ba'i chos rnams te/ chos de dag ni dge ba'i rgyu las byung ba yin la/ chos de dag ni dge ba ma yin no/ /chos rnams la dge ba yang yin la/ dge ba'i rgyu las byung ba yang yin pa rnams gang zhe na/smras pa/ dge ba 'dus byas kyi chos rnams te/ chos de dag ni dge ba yang yin la/ dge ba'i rgyu las byung ba yang yin no/ /chos rnams la dge ba yang ma yin/ dge ba'i rgyu las byung ba yang ma yin pa gang zhe na/ smras pa/ dge ba'i rnam par smin pa lung du ma bstan pa'i chos rnams ma gtogs pa de ma yin pa'i lung du ma bstan pa'i chos rnams dang mi dge ba rnams te/chos de dag ni dge ba yang ma yin/ dge ba'i rgyu las byung ba yang ma yin no/ /chos gang dag mi dge ba yin la/ chos de dag mi dge ba'i rgyu las byung ba yang yin pa yod dam zhe na/smras pa/ chos gang dag mi dge ba yin pa'i chos de dag ni mi dge ba'i rgyu las byung ba yang yin no/ /chos rnams la mi dge ba'i rgyu las byung ba yin la/ chos de dag mi dge ba yang ma yin pa yod dam zhe na/ smras pa/ yod de/ mi dge ba'i rnam par smin pa las byung ba'i chos rnams dang / 'dod pa dang ldan pa'i 'jig tshogs la lta ba dang / mthar 'dzin par lta ba dang / mtshungs par ldan pa'i chos rnams so/ /chos gang dag lung du ma bstan pa yang yin la/ chos de dag lung du ma bstan pa'i rgyu las byung ba yang yin pa yod dam zhe na/smras pa/ chos rnams la lung du ma bstan pa yang yin la/ lung du ma bstan pa'i rgyu las byung ba yang yin pa dag yod do/ /lung du ma bstan pa'i rgyu las byung ba yin la/ lung du ma bstan pa ni ma yin pa dag kyang yod do/ /lung du ma bstan pa yang yin la/lung du ma bstan pa'i rgyu las byung ba ma yin pa dag kyang yod do/ /chos rnams la lung du ma bstan pa yang yin la/ lung du ma bstan pa'i rgyu las byung ba yang ma yin pa dag kyang yod do/ /chos rnams la lung du ma bstan pa yang yin la/ chos de dag lung du ma bstan pa'i rgyu las byung ba yang yin pa rnams gang zhe na/smras pa/ nam mkha' dang so sor brtags te 'gog pa ma yin pa ste/ chos de dag ni lung du ma bstan pa ni yin la/ chos de dag lung du ma bstan pa'i rgyu las byung ba ni ma yin no/ /chos rnams la lung du ma bstan pa'i rgyu las byung ba yin la/lung du ma bstan pa ni ma yin pa rnams gang zhe na/ smras pa/ mi dge ba'i chos rnams te/ chos de dag ni lung du ma bstan pa'i rgyu las byung ba yin la/ chos de dag lung du ma bstan pa ni ma yin no/ /chos rnams la lung du ma bstan pa yang yin la/lung du ma bstan pa'i rgyu las byung ba yin pa rnams gang zhe na/ smras pa/ lung du ma bstan pa'i 'dus byas kyi chos rnams te/ chos de dag ni lung du ma bstan pa yang ma yin/ lung du ma bstan pa'i rgyu las byung ba yang yin no/ /chos rnams la lung du ma bstan pa yang ma yin/lung du ma bstan pa'i rgyu las byung ba yang ma yin pa gang zhe na/ smras pa/ dge ba'i chos rnams te/ chos de dag ni lung du ma bstan pa yang ma yin/ lung du ma bstan pa'i rgyu las byung ba yang ma yin no/ /dge ba'i las kyi rnam par smin pa dge ba'i sems sam/mi dge ba'i sems sam/ lung du ma bstan pa'i sems kyis nyams su myong ba yod dam zhe na/ smras pa/ yod de/ dper na dge ba'i las kyi rnam par smin pas tshe ring ba dang / mdog bzang ba dang / rigs mtho ba dang / longs spyod che ba dang / che bar grags pa dang /tshig brtsan pa thob pa ni de gal te dge ba'i sems dang ldan par gyur na ni dge ba'i sems kyis rnam par smin pa nyams su myong ngo / /de ste mi dge ba'i sems dang ldan par gyur na ni mi dge ba'i sems kyis rnam par smin pa nyams su myong ngo / /de ste lung du ma bstan pa'i sems dang ldan par gyur pa na ni lung du ma bstan pa'i sems kyis rnam par smin pa nyams su myong ngo //mi dge ba'i las kyi rnam par smin pa dge ba'i sems sam/ mi dge ba'i sems sam/ lung du ma bstan pa'i sems kyis nyams su myong ba yod dam/ zhe na/ smras pa/ yod de/ dper na mi dge ba'i las kyi rnam par smin pas tshe thung ba dang / mdog ngan pa dang / rigs dma' ba dang / longs spyod chung ba dang / chung bar grags pa dang / tshig mi brtsan pa thob par gyur pa na de gal te dge ba'i sems dang ldan par gyur na ni dge ba'i sems kyis rnam par smin pa nyams su myong ngo //de ste mi dge ba'i sems dang ldan par gyur na ni/ mi dge ba'i sems kyis rnam par smin pa nyams su myong ngo / /de ste lung du ma bstan pa'i sems dang ldan par gyur na ni lung du ma bstan pa'i sems kyis rnam par smin pa nyams su myong ngo //dge ba dang mi dge ba'i las kyi rnam par smin pa dge ba'i sems sam/ mi dge ba'i sems sam/ lung du ma bstan pa'i sems kyis nyams su myong ba yod dam zhe na/ smras pa/ yod de/ dper na dge ba'i las kyi rnam par smin pas tshe ring ba dang / mdog bzang pa dang /rigs mtho ba thob par gyur la/ mi dge ba'i las kyi rnam par smin pas longs spyod chung ba dang / chung bar grags pa dang / tshig mi brtsan pa thob par gyur tam/ yang na mi dge ba'i rnam par smin pas tshe thung ba dang / mdog ngan pa dang / rigs dma' ba thob par gyur la/ dge ba'i las kyi rnam par smin pas longs spyod che ba dang / che bar grags pa dang / tshig brtsan pa thob par gyur pa na de gal te dge ba'i sems pa dang ldan par gyur na ni dge ba'i sems kyis rnam par smin pa nyams su myong ngo / /de ste mi dge ba'i sems dang ldan par gyur na ni mi dge ba'i sems kyis rnam par smin pa nyams su myong ngo //de ste lung du ma bstan pa'i sems dang ldan par gyur na ni lung du ma bstan pa'i sems kyis rnam par smin pa nyams su myong ngo / /dge ba'i rnam par smin pa mthong bas spang bar bya ba'i kun nas dkris pas kun nas dkris pa dang / bsgom pas spang bar bya ba'i kun nas dkris pas kun nas dkris pa nyams su myong ba yod dam zhe na/smras pa/ yod de/ dper na dge ba'i las kyi rnam par smin pas/ tshe ring ba dang / mdog bzang ba dang / rigs mtho ba dang / longs spyod che ba dang / che bar grags pa dang / tshig brtsan pa thob par gyur la/ de gal te mthong bas spang bar bya ba'i kun nas dkris pas kun nas dkris par gyur na ni des mthong bas spang bar bya ba'i kun nas dkris pas kun nas dkris pas rnam par smin pa nyams su myong ngo / /de ste bsgom pas spang bar bya ba'i kun nas dkris pas kun nas dkris par gyur na ni des bsgom pas spang bar bya ba'i kun nas dkris pas kun nas dkris pas rnam par smin pa nyams su myong ngo //mi dge ba'i las kyi rnam par smin pa mthong bas spang bar bya ba'i kun nas dkris pas kun nas dkris pas dang / bsgom pas spang bar bya ba'i kun nas dkris pas kun nas dkris pas nyams su myong ba yod dam zhe na/smras pa/ yod de/ dper na mi dge ba'i las kyi rnam par smin pas tshe thung ba dang / mdog ngan pa dang / rigs dma' ba dang / longs spyod chung ba dang / chung bar grags pa dang / tshig mi brtsan pa thob par gyur pa na/de gal te mthong bas spang bar bya ba'i kun nas dkris pas kun nas dkris par gyur na ni mthong bas spang bar bya ba'i kun nas dkris pas kun nas dkris pas rnam par smin pa nyams su myong ngo / /de ste bsgom pas spang bar bya ba'i kun nas dkris pas kun nas dkris par gyur na ni des bsgom pas spang bar bya ba'i kun nas dkris pas kun nas dkris pas rnam par smin pa nyams su myong ngo //dge ba dang mi dge ba'i las kyi rnam par smin pa mthong bas spang bar bya ba'i kun nas dkris pas kun nas dkris pa dang / bsgom pas spang bar bya ba'i kun nas dkris pas kun nas dkris pas myong bar 'gyur ba yod dam zhe na/smras pa/ yod de/ dper na dge ba'i las kyi rnam par smin pas tshe ring ba dang / mdog bzang ba dang / rigs mtho ba thob par gyur la/ mi dge ba'i las kyi rnam par smin pas longs spyod chung ba dang / chung bar grags pa dang /tshig mi brtsan pa thob par gyur tam/ yang na mi dge ba'i las kyi rnam par smin pas tshe thung ba dang / mdog ngan pa dang / rigs dma' ba thob par gyur la/ dge ba'i las kyi rnam par smin pas longs spyod che ba dang / che bar grags pa dang / tshig brtsan pa thob par gyur pa na/de gal te mthong bas spang bar bya ba'i kun nas dkris pas kun nas dkris par gyur na ni mthong bas spang bar bya ba'i kun nas dkris pas kun nas dkris pas rnam par smin pa nyams su myong ngo / /de ste bsgom pas spang bar bya ba'i kun nas dkris pas kun nas dkris par gyur na ni bsgom pas spang bar bya ba'i kun nas dkris pas kun nas dkris pas rnam par smin pa nyams su myong ngo //mthong bas spang bar bya ba'i las kyi rnam par smin pa dge ba'i sems sam/ mi dge ba'i sems sam/ lung du ma bstan pa'i sems kyis nyams su myong ba yod dam zhe na/smras pa/ yod de/ dper na mthong bas spang bar bya ba'i las kyi rnam par smin pas tshe thung ba dang / mdog ngan pa dang / rigs dma' ba dang / longs spyod chung ba dang / chung bar grags pa dang / tshig mi brtsan pa thob pa na/ de gal te dge ba'i sems dang ldan par gyur na ni dge ba'i sems kyis rnam par smin pa nyams su myong ngo //de ste mi dge ba'i sems dang ldan par gyur na ni mi dge ba'i sems kyis rnam par smin pa nyams su myong ngo / /de ste lung du ma bstan pa'i sems dang ldan par gyur na ni lung du ma bstan pa'i sems kyis rnam par smin pa nyams su myong ngo //bsgom pas spang bar bya ba'i las kyi rnam par smin pa dge ba'i sems sam/ mi dge ba'i sems sam/ lung du ma bstan pa'i sems kyis nyams su myong ba yod dam zhe na/ smras pa/ yod de/ dper na bsgom pas spang bar bya ba'i mi dge ba'i las kyi rnam par smin pas tshe thung ba dang /mdog ngan pa dang / rigs dma' ba thob par gyur la/ dge ba'i las kyi rnam par smin pas longs spyod che ba dang / che bar grags pa dang / tshig brtsan pa thob par gyur tam/ yang na dge ba'i las kyi rnam par smin pas tshe ring ba dang / mdog bzang ba dang /rigs mtho ba thob par gyur la/ bsgom pas spang bar bya ba'i las kyi rnam par smin pas longs spyod chung ba dang / chung bar grags pa dang / tshig mi brtsan pa thob par gyur pa na/ de gal te dge ba'i sems dang ldan par gyur na ni dge ba'i sems kyis rnam par smin pa nyams su myong ngo //de ste mi dge ba'i sems dang ldan par gyur na ni mi dge ba'i sems kyis rnam par smin pa nyams su myong ngo / /de ste lung du ma bstan pa'i sems dang ldan par gyur na ni lung du ma bstan pa'i sems kyis rnam par smin pa nyams su myong ngo / /mthong bas spang bar bya ba dang /bsgom pas spang bar bya ba'i las kyi rnam par smin pa dge ba'i sems sam/ mi dge ba'i sems sam/ lung du ma bstan pa'i sems kyis rnam par smin pa nyams su myong ba yod dam zhe na/ smras pa/ yod de/ dper na mthong bas spang bar bya ba dang / bsgom pas spang bar bya ba'i mi dge ba'i las kyi rnam par smin pas tshe thung ba dang /mdog ngan pa dang / rigs dma' ba thob par gyur la/ dge ba'i las kyi rnam par smin pas longs spyod che ba dang / che bar grags pa dang / tshig brtsan pa thob par gyur tam/ yang na dge ba'i las kyi rnam par smin pas tshe ring ba dang /mdog bzang ba dang / rigs mtho ba thob par gyur la mthong bas spang bar bya ba dang / bsgom pas spang bar bya ba'i mi dge ba'i las kyi rnam par smin pas longs spyod chung ba dang / chung bar grags pa dang / tshig mi brtsan pa thob par gyur pa na/ de gal te dge ba'i sems dang ldan par gyur na ni dge ba'i sems kyis rnam par smin pa nyams su myong ngo //de ste mi dge ba'i sems dang ldan par gyur na ni mi dge ba'i sems kyis rnam par smin pa nyams su myong ngo / /de ste lung du ma bstan pa'i sems dang ldan par gyur na ni lung du ma bstan pa'i sems kyis rnam par smin pa nyams su myong ngo //mthong bas spang bar bya ba'i las kyi rnam par smin pa mthong bas spang bar bya ba'i kun nas dkris pas kun nas dkris pa dang / bsgom pas spang bar bya ba'i kun nas dkris pas kun nas dkris pas nyams su myong ba yod dam zhe na/ smras pa/yod de/ dper na mthong bas spang bar bya ba'i mi dge ba'i las kyi rnam par smin pas tshe thung ba dang / mdog ngan pa dang / rigs dma' ba dang / longs spyod chung ba dang / chung bar grags pa dang / tshig mi brtsan pa thob par 'gyur pa na/ de gal te mthong bas spang bar bya ba'i kun nas dkris pas kun nas dkris par gyur na ni mthong bas spang bar bya ba'i kun nas dkris pas kun nas dkris pas rnam par smin pa nyams su myong ngo //de ste bsgom pas spang bar bya ba'i kun nas dkris pas kun nas dkris par gyur na ni bsgom pas spang bar bya ba'i kun nas dkris pas kun nas dkris pas rnam par smin pa nyams su myong ngo //bsgom pas spang bar bya ba'i las kyi rnam par smin pa mthong bas spang bar bya ba'i kun nas dkris pas kun nas dkris pa dang / bsgom pas spang bar bya ba'i kun nas dkris pas kun nas dkris pas nyams su myong ba yod dam zhe na/smras pa/ yod de/ dper na bsgom pas spang bar bya ba'i mi dge ba'i las kyi rnam par smin pas tshe thung ba dang / mdog ngan pa dang / rigs dma' bar gyur la/ dge ba'i las kyi rnam par smin pas longs spyod che ba dang / che bar grags pa dang /tshig brtsan pa thob par gyur tam/ yang na dge ba'i las kyi rnam par smin pas tshe ring ba dang / mdog bzang ba dang / rigs mtho ba thob par gyur la/ bsgom pas spang bar bya ba'i mi dge ba'i las kyi rnam par smin pas longs spyod chung ba dang / chung bar grags pa dang / tshig mi brtsan pa thob par gyur na/de gal te mthong bas spang bar bya ba'i kun nas dkris pas kun nas dkris par gyur na ni/ mthong bas spang bar bya ba'i kun nas dkris pas kun nas dkris pas rnam par smin pa nyams su myong ngo / /de ste bsgom pas spang bar bya ba'i kun nas dkris pas kun nas dkris par gyur na ni bsgom pas spang bar bya ba'i kun nas dkris pas kun nas dkris pas rnam par smin pa nyams su myong ngo //mthong bas spang bar bya ba'i las kyi rnam par smin pa mthong bas spang bar bya ba'i kun nas dkris pas kun nas dkris pa dang / bsgom pas spang bar bya ba'i kun nas dkris pas kun nas dkris pas nyams su myong ba yod dam zhe na/smras pa/ yod de/ dper na mthong bas spang bar bya ba dang / bsgom pas spang bar bya ba'i mi dge ba'i las kyi rnam par smin pas tshe thung ba dang / mdog ngan pa dang / rigs dma' ba thob par gyur la/ dge ba'i las kyi rnam par smin pas longs spyod che ba dang /che bar grags pa dang / tshig brtsan pa thob par gyur tam/ yang na dge ba'i las kyi rnam par smin pas tshe ring ba dang / mdog bzang ba dang / rigs mtho ba thob par gyur la/ mthong bas spang bar bya ba dang / bsgom pas spang bar bya ba'i mi dge ba'i las kyi rnam par smin pas longs spyod chung ba dang /tshe thung ba dang / tshig mi brtsan pa thob par gyur pa na/ de gal te mthong bas spang bar bya ba'i kun nas dkris pas kun nas dkris par gyur na ni mthong bas spang bar bya ba'i kun nas dkris pas kun nas dkris pas rnam par smin pa nyams su myong ngo //de ste bsgom pas spang bar bya ba'i kun nas dkris pas kun nas dkris par gyur na ni bsgom pas spang bar bya ba'i kun nas dkris pas kun nas dkris pas rnam par smin pa nyams su myong ngo / /las gdags pa tshigs dgu pa'o// //sdom ni/ rtsa ba zad dang zag bcas dang //kha na ma tho bcas dang gnag /chos kyi sgo nas gsum du bya/ /skye ba las ni gnyis su bya/ /las rtsa ba zad pas zad par 'gyur la/ rnam par smin pa zad pas zad par mi 'gyur ba yod dam/ rnam par smin pa zad pas zad par 'gyur la/ rtsa ba zad pas zad par mi 'gyur ba yod dam/rtsa ba yang zad la rnam par smin pa yang zad pas zad par 'gyur ba yod dam/ las rtsa ba yang zad la rnam par smin pa yang zad pas kyang zad par mi 'gyur ba yod dam zhe na/ smras pa/ yod de/ las rtsa ba zad pas zad par 'gyur la/ rnam par smin pa zad pas zad par mi 'gyur ba gang zhe na/smras pa/ dge ba'i rtsa ba chad pa'i gang zag gi las dge ba zag pa dang bcas pa rnam par smin pa ma smin pa gang yin pa dang / dge ba'i rtsa ba chad pa'i gang zag gi las mi dge ba rnam par smin pa ma smin pa gang yin pa ste/ 'di ni las rtsa ba zad par 'gyur la/ rnam par smin pa zad pas zad par mi 'gyur ba'o//las rnam par smin pa zad pas zad par 'gyur la/ rtsa ba zad pas zad par mi 'gyur ba gang zhe na/ smras pa/ dge ba'i rtsa ba chad pa'i gang zag gi las mi dge ba rnam par smin pa smin zin pa gang yin pa dang / dge ba'i rtsa ba chad pa'i gang zag gi las dge ba zag pa dang bcas pa rnam par smin pa smin zin pa gang yin pa ste/'di ni las rnam par smin pa zad pas zad par 'gyur la/ rtsa ba zad pas zad par mi 'gyur ba'o/ /las rtsa ba yang zad la rnam par smin pa yang zad par 'gyur ba gang zhe na/ smras pa/ dge ba'i rtsa ba chad pa'i gang zag gi las dge ba zag pa dang bcas pa rnam par smin pa smin zin pa gang yin pa dang / dge ba'i rtsa ba chad pa'i gang zag gi las rnam par smin pa ma smin pa gang yin pa ste/ 'di ni las rtsa ba yang zad la rnam par smin pa yang zad pas zad par 'gyur ba'o//las rtsa ba yang zad la rnam par smin pa yang zad pas kyang zad par mi 'gyur ba gang zhe na/ smras pa/ dge ba'i rtsa ba chad pa'i gang zag gi las mi dge ba rnam par smin pa ma smin pa gang yin pa dang / dge ba'i rtsa ba chad pa'i gang zag gi las dge ba rnam par smin pa ma smin pa gang yin pa ste/'di ni las rtsa ba yang zad la rnam par smin pa yang zad pas kyang zad par mi 'gyur ba'o/ /las yongs su shes pas zad par 'gyur la/ rnam par smin pa zad pas zad par mi 'gyur ba yod dam/ rnam par smin pa zad pas zad par 'gyur la/ yongs su shes pas zad par mi 'gyur ba yod dam/yongs su shes la rnam par smin pa yang zad pas zad par 'gyur ba yod dam/ las yongs su shes la rnam par smin pa yang zad pas kyang zad par mi 'gyur ba yod dam zhe na/ smras pa/ yod de/ las yongs su shes pas zad par 'gyur la rnam par smin pa zad pas zad par mi 'gyur ba gang zhe na/smras pa/ dgra bcom pa dang phyir mi 'ong ba'i las mi dge ba dang / dge ba zag pa dang bcas pa rnam par smin pa ma smin pa gang yin pa ste/ 'di ni las yongs su shes pa zad pas zad par 'gyur la/ rnam par smin pa zad pas zad par mi 'gyur ba'o//las rnam par smin pa zad pas zad par 'gyur la/ yongs su shes pas zad par mi 'gyur ba gang zhe na/ smras pa/ 'ching ba thams cad dang ldan pa'i gang zag gi las mi dge ba dang / dge ba zag pa dang bcas pa rnam par smin pa smin zin pa gang yin pa ste/ 'di ni las rnam par smin pa zad pas zad par 'gyur la/yongs su shes pas zad par mi 'gyur ba'o/ /las yongs su shes la rnam par smin pas yang zad par 'gyur ba gang zhe na/ smras pa/ dgra bcom pa dang phyir mi 'ong ba'i las mi dge ba dang / dge ba zag pa dang bcas pa rnam par smin pa smin zin pa gang yin pa ste/'di ni las yongs su shes la/ rnam par smin pa yang zad pas zad par 'gyur ba'o/ /las yongs su shes la rnam par smin pa yang zad pas kyang zad par mi 'gyur ba gang zhe na/ smras pa/ 'ching ba thams cad dang ldan pa'i gang zag gi las mi dge ba dang /dge ba zag pa dang bcas pa'i rnam par smin pa dang ma smin pa gang yin pa ste/ 'di ni las yongs su shes la/ rnam par smin pa yang zad pas kyang zad par mi 'gyur ba'o/ /zag pa dang bcas pa'i las kyi zag pa dang bcas pa'i 'bras bu yod dam zhe na/ smras pa/ yod de/rgyu dang mthun pa'i 'bras bu dang / rnam par smin pa'i 'bras bu'o/ /zag pa dang bcas pa'i las kyi zag pa med pa'i 'bras bu yod dam zhe na/ smras pa/ yod de/ bral ba'i 'bras bu'o/ /zag pa dang bcas pa'i las kyi zag pa dang bcas pa dang / zag pa med pa'i 'bras bu yod dam zhe na/smras pa/ yod de/ rgyu dang mthun pa'i 'bras bu dang / rnam par smin pa'i 'bras bu dang bral ba'i 'bras bu'o/ /zag pa med pa'i las kyi zag pa med pa'i 'bras bu yod dam zhe na/ smras pa/ yod de/ rgyu dang mthun pa'i 'bras bu dang / bral ba'i 'bras bu'o/ /zag pa med pa'i las kyi zag pa dang bcas pa'i 'bras bu yod dam zhe na/smras pa/ med do/ /zag pa dang bcas pa'i las kyi zag pa dang bcas pa dang / zag pa med pa'i 'bras bu yod dam zhe na/ smras pa/ med do/ /zag pa dang bcas pa dang zag pa med pa'i las kyi zag pa dang bcas pa'i las kyi 'bras bu yod dam zhe na/smras pa/ med do/ /zag pa dang bcas pa dang / zag pa med pa'i las kyi zag pa med pa'i 'bras bu yod dam zhe na/ smras pa/ yod de/ bral ba'i 'bras bu'o/ /kha na ma tho ba dang bcas pa'i las kyis skyes la/ kha na ma tho ba dang bcas pa nyid kyi las kyi rnam par smin pa nyams su myong ba yod dam zhe na/smras pa/ nyams su myong ba yod de/ glang po che'i rgyal pos srung gi bu dang / glang po che'i rgyal po rab brtan dang / rgyal po gshin rje lta bu'o/ /kha na ma tho ba dang bcas pa'i las kyis skyes la/ gnod pa dang bcas pa dang gnod pa med pa'i las kyi rnam par smin pa nyams su myong ba yod dam zhe na/smras pa/ nyams su myong ba yod de/ glang po che cang shes skyid de bar 'dug pa dang / rta cang shes skyid de bar 'dug pa las dang po kha lcags la sogs pa'i gnod pas gnod par bya ba gang yin pa de ni gnod pa dang bcas pa'i las kyi 'bras bu'o//phyis dul zhing byang bar gyur nas glang po che'i rgyan rnams dang / rta'i rgyan rnams dang / bza' ba dang / btung ba dang chas la sogs pa thob pa gang yin pa de ni gnod pa med pa'i las kyi 'bras bu'o/ /gnod pa med pa'i las kyis skyes la/ gnod pa med pa nyid kyi las rnam par smin pa nyams su myong ba yod dam zhe na/smras pa/ nyams su myong ba yod de/ gzugs dang gzugs med pa na spyod pa'i lha thams cad dang / mi kha cig dang / 'dod pa na spyod pa'i lha kha cig go/ /gnod pa med pa'i las kyis skyes la/ gnod pa dang bcas pa'i las kyi rnam par smin pa nyams su myong ba yod dam zhe na/smras pa/ nyams su myong ba yod de/ dper na mi kha cig dang / 'dod pa na spyod pa'i lha kha cig gnod pa dang bcas pa'i las kyi rnam par smin pas tshe thung ba dang / mdog ngan pa dang / rigs dma' ba dang / longs spyod chung ba dang / chung bar grags pa dang /tshig mi brtsan pa thob par gyur pa lta bu'o/ /gnod pa med pa'i las kyis skyes la/ gnod pa dang bcas pa dang / gnod pa med pa'i las kyi rnam par smin pa nyams su myong ba yod dam zhe na/ smras pa/ nyams su myong ba yod de/ dper na mi kha cig dang / 'dod pa na spyod pa'i lha kha cig gnod pa dang bcas pa'i las kyi rnam par smin pas tshe thung ba dang /mdog ngan pa dang / rigs dma' ba thob par gyur la/ kha na ma tho ba med pa'i las kyi rnam par smin pas longs spyod che ba dang / che bar grags pa dang / tshig brtsan pa thob par gyur tam/ yang na gnod pa med pa'i las kyi rnam par smin pas tshe ring ba dang /mdog bzang ba dang / rigs mtho ba thob par gyur la/ kha na ma tho ba dang bcas pa'i las kyi rnam par smin pas longs spyod chung ba dang / chung bar grags pa dang / tshig mi brtsan pa thob par gyur pa lta bu'o/ /gleng gzhi ni mnyan du yod pa na bzhugs so//las ni bzhi ste/ bzhi gang zhe na/ las kyang gnag la rnam par smin pa yang gnag pa yang yod do/ /las kyang dkar la rnam par smin pa yang dkar ba yang yod do/ /las kyang dkar gnag 'dres la rnam par smin pa yang dkar gnag 'dres pa yang yod do/ /las gnag pa yang ma yin dkar ba yang ma yin rnam par smin pa yang med pa yang yod do//las thams cad zad par 'gyur zhes bya ba nas rgyas par yang dag par 'gro ba'i rnam grangs las ji skad 'byung ba bzhin du brjod par bya'o/ /chos yang dag par blang ba ni bzhi ste/ bzhi gang zhe na/ chos yang dag par blang ba da ltar byung ba de la phyi ma la rnam par smin pa sdug bsngal ba zhes bya ba nas/rgyas par yang dag par 'gro ba'i rnam grangs las ji skad 'byung ba bzhin du sbyar ro/ /gzhan yang chos yang dag par blang ba bzhi ste/ bzhi gang zhe na/ chos yang dag par blang ba yid du 'ong bas dkar bas dkar la rnam par smin pa dkar bas dkar ba ma yin pa yang yod do//chos yang dag par blang ba rnam par smin pa dkar bas dkar ba la/ yid du 'ong ba dkar bas dkar ba yang ma yin pa yod do/ /chos yang dag par blang ba yid du 'ong ba dkar bas kyang dkar la rnam par smin pa dkar bas kyang dkar ba yang yod do//chos yang dag par blang ba yid du 'ong ba dkar bas kyang dkar ba ma yin la/ rnam par smin pa dkar bas kyang dkar ba ma yin pa yang yod do/ /chos yang dag par blang ba yid du 'ong ba dkar bas dkar la rnam par smin pa dkar bas dkar ba ma yin pa gang zhe na/ smras pa/ chos yang dag par blang ba dang po ste/ 'di ni chos yang dag par blang ba yid du 'ong ba dkar bas dkar la rnam par smin pa dkar bas dkar ba ma yin pa'o/ /chos yang dag par blang ba rnam par smin pa dkar bas dkar la yid du 'ong bas dkar bas dkar ba ma yin pa gang zhe na/smras pa/ chos yang dag par blang ba gnyis pa ste/ 'di ni chos yang dag par blang ba rnam par smin pa dkar bas dkar la yid du 'ong ba dkar bas dkar ba ma yin pa'o/ /chos yang dag par blang ba yid du 'ong ba dkar bas kyang dkar la rnam par smin pa dkar bas kyang dkar ba gang zhe na/smras pa/ chos yang dag par blang ba gsum pa ste/ 'di ni chos yang dag par blang ba yid du 'ong ba dkar bas kyang dkar la rnam par smin pa dkar bas kyang dkar ba'o/ /chos yang dag par blang ba yid du 'ong ba dkar bas kyang dkar ba ma yin la/ rnam par smin pa dkar bas kyang dkar ba ma yin pa gang zhe na/smras pa/ chos yang dag par blang ba bzhi pa ste/ 'di ni chos yang dag par blang ba yid du 'ong ba dkar bas kyang dkar ba ma yin la/ rnam par smin pa dkar bas kyang dkar ba ma yin pa'o/ /gzhan yang chos yang dag par blang ba ni bzhi ste/ bzhi gang zhe na/chos yang dag par blang ba yid du 'ong ba gnag pas gnag la rnam par smin pa gnag pas gnag pa ma yin pa yang yod do/ /chos yang dag par blang ba rnam par smin pa gnag pas gnag la yid du 'ong ba gnag pas gnag pa ma yin pa yang yod do/ /chos yang dag par blang ba yid du 'ong ba gnag pas kyang gnag la rnam par smin pa gnag pas kyang gnag pa yang yod do//chos yang dag par blang ba yid du 'ong ba gnag pas kyang gnag pa ma yin la rnam par smin pa gnag pas kyang gnag pa ma yin pa yang yod do/ /chos yang dag par blang ba yid du 'ong bas gnag pas gnag la/rnam par smin pa gnag pas gnag pa ma yin pa gang zhe na/ smras pa/ chos yang dag par blang ba dang po ste/ 'di ni chos yang dag par blang ba yid du 'ong ba gnag pas gnag la rnam par smin pa gnag pas gnag pa ma yin pa'o/ /chos yang dag par blang ba rnam par smin pa gnag pas gnag la yid du 'ong ba gnag pas gnag pa ma yin pa gang zhe na smras pa/chos yang dag par blang ba gnyis pa ste/ 'di ni chos yang dag par blang ba rnam par smin pa gnag pas gnag la yid du 'ong ba gnag pas gnag pa ma yin pa'o/ /chos yang dag par blang ba yid du 'ong ba gnag pas kyang gnag la rnam par smin pa gnag pas kyang gnag pa gang zhe na/smras pa/ chos yang dag par blang ba gsum pa ste/ 'di ni chos yang dag par blang ba yid du 'ong ba gnag pas kyang gnag la/ rnam par smin pa gnag pas kyang gnag pa'o/ /chos yang dag par blang ba yid du 'ong ba gnag pas gnag pa ma yin la rnam par smin pa gnag pas kyang gnag pa ma yin pa gang zhe na/smras pa/ chos yang dag par blang ba bzhi pa ste/ 'di ni chos yang dag par blang ba yid du 'ong pa gnag pas kyang gnag pa ma yin la rnam par smin pa gnag pas kyang gnag pa ma yin pa'o//las ni bzhi ste/ bzhi gang zhe na/ mngon par 'grub pa'i rnam par smin pa yin la skye ba'i rnam par smin pa ma yin pa'i las kyang yod do/ /skye ba'i rnam par smin pa yin la mngon par 'grub pa'i rnam par smin pa ma yin pa'i las kyang yod do/ /mngon par 'grub pa'i rnam par smin pa yang yin la/skye ba'i rnam par smin pa yang yin pa'i las kyang yod do/ /mngon par 'grub pa'i rnam par smin pa yang ma yin la/ skye ba'i rnam par smin pa yang ma yin pa'i las kyang yod do/ /mngon par 'grub pa'i rnam par smin pa yin la/ skye ba'i rnam par smin pa ma yin pa'i las gang zhe na/smras pa/ las gang gi rnam par smin pas bar mdo'i srid par mngon par 'grub pa las de'i rnam par smin pas skye ba'i srid par nying mtshams sbyor bar mi byed pa ste/ 'di ni mngon par 'grub pa'i rnam par smin pa yin la/ skye ba'i rnam par smin pa ma yin pa'i las so//skye ba'i rnam par smin pa yin la/ mngon par 'grub pa'i rnam par smin pa ma yin pa'i las gang zhe na/ smras pa/ las gang gi rnam par smin pas skye ba'i srid par nying mtshams sbyor la las de'i rnam par smin pas bar ma do'i srid par nying mtshams sbyor bar mi 'gyur ba ste/'di ni skye ba'i rnam par smin pa yin la/ mngon par 'grub pa'i rnam par smin pa ma yin pa'i las so/ /mngon par 'grub pa'i rnam par smin pa yin la/ skye ba'i rnam par min pa yang yin pa'i las gang zhe na/ smras pa/ las gang gi rnam par smin pas bar ma do'i srid pa yang mngon par 'grub la/las de'i rnam par smin pas skye ba'i srid pa nying mtshams sbyor ba ste/ 'di ni mngon par 'grub pa'i rnam par smin pa yang yin la/ skye ba'i rnam par smin pa yang yin pa'i las so/ /mngon par 'grub pa'i rnam par smin pa yang ma yin la/ skye ba'i rnam par smin pa yang ma yin pa'i las gang zhe na/smras pa/ las gang gi rnam par smin pas bar ma do'i srid pa yang mngon par 'grub par mi 'gyur la/ skye ba'i srid pa yang nying mtshams sbyor bar mi 'gyur ba ste/ 'di ni mngon par 'grub pa'i rnam par smin pa yang ma yin la/ skye ba'i rnam par smin pa yang ma yin pa'i las so//gzhan yang las ni bzhi ste/ bzhi gang zhe na/ skye ba'i rnam par smin pa yin la/ skyes nas rnam par yin pa ma yin pa'i las kyang yod do/ /skyes nas rnam par smin pa yin la/ skye ba'i rnam par smin pa ma yin pa'i las kyang yod do/ /skye ba'i rnam par smin pa yang yin la/skyes nas rnam par smin pa yang yin pa'i las kyang yod do/ /skye ba'i rnam par smin pa yang ma yin la/ skyes nas rnam par smin pa yang ma yin pa'i las kyang yod do/ /skye ba'i rnam par smin pa yin la/ skyes nas rnam par smin pa ma yin pa'i las gang zhe na/ smras pa/ las gang gi rnam par smin pas skye ba'i srid par nying mtshams sbyor la/ skyes pa'i 'og tu las de'i rnam par smin pa nyams su myong bar 'gyur ba ste/ 'di ni skye ba'i rnam par smin pa yin la/ skyes nas rnam par smin pa ma yin pa'i las so/ /skyes nas rnam par smin pa yin la/ skye ba'i rnam par smin pa ma yin pa'i las gang zhe na/smras pa/ skyes pa'i 'og tu las gang gi rnam par smin pa nyams su myong bar 'gyur la/ las de'i rnam par smin pas skye ba'i srid par nying mtshams sbyor bar ni mi byed pa ste/ 'di ni skyes nas rnam par smin pa la/ skye ba'i rnam par smin pa ma yin pa'i las so/ / skye ba'i rnam par smin pa yang yin la/ skyes nas rnam par smin pa yang yin pa'i las gang zhe na/ smras pa/ las gang gi rnam par smin pas skye ba'i srid par yang nying mtshams sbyor bar byed la skyes pa'i 'og tu las de'i rnam par smin pa yang nyams su myong bar 'gyur ba ste/ 'di ni skye ba'i rnam par smin pa yang yin la/skyes nas rnam par smin pa yang yin pa'i las so/ /skye ba'i rnam par smin pa yang ma yin la/ skyes nas rnam par smin pa yang ma yin pa'i las gang zhe na/ smras pa/ las gang gi rnam par smin pas skye ba'i srid par yang nying mtshams sbyor bar mi byed la/ skyes pa'i 'og tu las de'i rnam par smin pa yang nyams su myong bar mi 'gyur ba ste/ 'di ni skye ba'i rnam par smin pa yang ma yin la/ skyes nas rnam par smin pa yang ma yin pa'i las so/ /las gdags pa tshigs bcu pa'o// //sdom ni/ tshe zad pa dang 'od srungs dang / / bde dang sdug bsngal lus bzhi dang / /sbyin pa bzhi dang brgyad tshan gsum/ /las gsum gyis ni sde tshan gsum/ /gcer bu rnams ni sngon byas dang / /mtshams med pa ni tha ma yin/ /tshe zad pas ni shi 'phos la bsod nams zad pas shi 'pho ba ma yin pa zhes bya ba yang yod do/ / bsod nams zad pas shi 'phos la tshe zad pas shi 'phos pa ma yin pa yang yod do/ /tshe yang zad la bsod nams kyang zad pas shi 'phos pa yang yod/ tshe yang ma zad bsod nams kyang ma zad par shi 'phos pa zhes bya ba yang yod do/ /tshe zad pas shi 'phos la bsod nams zad pas shi 'phos pa ma yin pa zhes bya ba ji lta bu zhe na/smras pa/ ji ltar 'di na kha cig gis tshe'i rnam par smin pa'i las chung ngu byas shing bstsags la/ longs spyod kyi rnam par smin pa'i las rgya chen po byas shing bstsags pas/ de'i tshe gtugs par byed kyi/ longs spyod rnams gtugs par mi byed de/ de ni tshe gtugs pas 'chi ba'i dus byed kyi longs spyod gtugs pas ni ma yin te/de ltar na tshe zad pas shi 'phos la/ bsod nams zad pas shi 'phos pa ma yin pa zhes bya'o/ /bsod nams zad pas shi 'phos la tshe zad pas shi 'phos pa ma yin pa zhes bya ba ji lta bu zhe na/ smras pa/ ji ltar 'di na kha cig gis longs spyod kyi rnam par smin pa'i las chung ngu byas shing bstsags la/tshe'i rnam par smin pa'i las rgya chen po byas shing bstsags pas de'i longs spyod rnams gtugs par byed kyi tshe gtugs par mi byed de/ de ni longs spyod gtugs pas 'chi ba'i dus byed kyi tshe gtugs pas ma yin te/de ltar na longs spyod zad pas shi 'phos la tshe zad pas shi 'phos pa ma yin pa zhes bya'o/ /tshe yang zad la longs spyod kyang zad pas shi 'phos pa zhes bya ba ji lta bu zhe na/ smras pa/ ji ltar 'di na kha cig gis tshe'i tshad rnam par smin pa'i las kyang chung ngu byas shing bsags la/longs spyod kyi rnam par smin pa'i las kyang chung ngu byas shing bstsags pas de'i tshe yang gtugs par byed la longs spyod kyang gtugs par byed de/ de ni tshe yang gtugs pa la longs spyod kyang gtugs pas 'chi ba'i dus byed de/ de ltar na tshe yang zad la longs spyod kyang zad pas shi 'phos pa zhes bya'o//tshe yang ma zad la bsod nams kyang ma zad par shi 'phos pa zhes bya ba ji lta bu zhe na/ smras pa/ ji ltar 'di na kha cig gis tshe'i rnam par smin pa'i las kyang rgya chen po byas shing bstsags la/ longs spyod kyi rnam par smin pa'i las kyang rgya chen po byas shing bstsags pas de'i tshe yang gtugs par mi byed la longs spyod kyang gtugs par mi byed de/de ni tshe gtugs pa dang longs spyod gtugs pas kyang 'chi ba'i dus mi byed mod kyi/ 'on kyang mi mthun pa ma spangs pa gang yang rung ba 'ga' zhig gis 'chi ba'i dus byed de/ de ltar na tshe yang ma zad la bsod nams kyang ma zad par shi 'phos pa zhes bya'o//bcom ldan 'das rgyal po'i khab kyi 'od ma'i tshal bya ka lan da ka gnas pa la bzhugs so/ /de nas bcom ldan 'das snga dro smad g.yogs dang / chos gos bsnams te lhung bzed bsnams nas rgyal po'i khab tu bsod snyoms la gshegs so//de'i tshe 'od srungs kyi rigs gos med kyang rgyal po'i khab tu spyod yul lkul zhugs te/ 'od srungs kyi rigs gos med kyis bcom ldan 'das thag ring po kho na zhig nas mthong nas bcom ldan 'das ga la ba der song ste phyin nas/ bcom ldan 'das dang lhan cig mngon sum du yang dag par dga' bar 'gyur ba dang /yang dag par mgu bar 'gyur ba'i gtam rnam pa sna tshogs kyis 'dres nas/ bcom ldan 'das la 'di skad ces gsol to/ /gal te zhu ba lung bstan pa'i slad du skabs phye na bcom ldan 'das gau ta ma la bdag phyogs 'ga' zhig zhu'o/ /de skad ces gsol nas/bcom ldan 'das kyis 'od srungs kyi rigs gos med la 'di skad ces bka' stsal to/ /'od srungs bsod snyoms la khyim gyi nang du zhugs pas re zhig dri ba lung bstan pa'i dus la ma bab kyi/ phyi rol gyi kun dga' ra bar dris shig dang / der khyod kyi dri ba lung du bstan pa'i dus la bab bo//kye gau ta ma bdag la yang bar chad 'ga' zhig 'byung bar 'gyur gda' la/ gau ta ma khyod kyang gzhan du 'gyur gda' bas/ gal te zhu ba lung bstan pa'i slad du skabs phye na 'di nyid du bcom ldan 'das gau ta ma la bdag phyogs 'ga' zhig zhu'o/ /lan gnyis lan gsum gyi bar du bcom ldan 'das la 'od srungs kyi rigs gos med kyis 'di skad ces gsol to//gal te zhu ba lung bstan pa'i slad du skabs phye na bcom ldan 'das gau ta ma la bdag phyogs 'ga' zhig zhu'o/ /bcom ldan 'das kyis kyang lan gnyis lan gsum gyi dbar du 'od srungs kyi rigs gos med la 'di skad ces bka' stsal to//'od srungs nga bsod snyoms la khyim gyi nang du zhugs pas re zhig dri ba lung bstan pa'i dus la ma bab kyi/ phyi rol gyi kun dga' ra bar dris shig dang / der khyod kyi dri ba lung bstan pa'i dus la bab bo/ /kye gau ta ma bdag la yang bar chad 'ga' zhig 'byung bar 'gyur gda' la/gau ta ma khyod kyang gzhan du 'gyur gda' bas/ gal te zhu ba lung bstan pa'i slad du skabs phye na 'di nyid du bcom ldan 'das gau ta ma la bdag phyogs 'ga' zhig zhu'o/ /'od srungs lan gsum gyi bar du skabs ma thob par nges kyi/ /de'i phyir 'od srungs khyod ci dang ci 'dod pa dris shig /kye gau ta ma ci lags/ sdug bsngal rang gis bgyis pa lags sam/ 'od srungs 'di lta ste/ sdug bsngal rang gis byas pa 'di ni ngas lung ma bstan to/ /kye gau ta ma ci lags/ sdug bsngal gzhan gyis bgyis pa lags sam/ 'od srungs 'di lta ste/ sdug bsngal gzhan gyis byas pa 'di yang ngas lung ma bstan to//kye gau ta ma ci lags/ sdug bsngal rang gis bgyis pa yang lags la/ gzhan gyis bgyis pa yang lags sam/ rang gis bgyis pa yang ma lags la/ gzhan gyis bgyis pa yang ma lags te/ rgyu ma mchis pa las byung ba lags sam/'od srungs 'di lta ste/ sdug bsngal rang gis byas pa yang yin la/ gzhan gyis byas pa yang yin pa dang / rang gis byas pa yang ma yin la/ gzhan gyis byas pa yang ma yin te/ rgyu med pa las byung ba 'di yang ngas lung ma bstan to/ /kye gau ta ma ci lags/sdug bsngal rang gis bgyis sam zhes zhus na yang lung ma bstan zhes gsung ngam/ kye gau ta ma ci lags/ sdug bsngal gzhan gyis bgyis sam zhes zhus na yang lung du ma bstan zhes gsung ngam/ kye gau ta ma ci lags/ sdug bsngal rang gis bgyis pa yang lags la/gzhan gyis bgyis pa yang lags sam/ rang gis bgyis pa yang ma lags la/ gzhan gyis bgyis pa yang ma lags te/ rgyu ma mchis pa las byung ba lags sam zhes zhus na yang lung ma bstan zhes gsung ngam/ kye gau ta ma ci lags/ sdug bsngal ma mchis sam 'od srungs nga ni sdug bsngal med do zhes mi zer gyi/'od srungs sdug bsngal ni yod pa kho na'o/ /kye gau ta ma ci nas bdag gi sdug bsngal rtogs par 'gyur ba dang / sdug bsngal mthong bar 'gyur ba de lta bu'i chos bdag la bka' stsal na legs so legs so/ /'od srungs de'i phyir legs par nyon la shin tu yid la gyis shig dang ngas bstan to//'od srungs tshor bar byed pa de nyid myong bar byed pa yin na ni/ de lta na de'i sdug bsngal rang gis byas par 'gyur te/ 'od srungs nga ni de skad mi zer ro/ /'od srungs gzhan zhig gis tshor ba gzhan zhig gis myong na ni de ltar na de'i sdug bsngal gzhan gyis byas par 'gyur te/'od srungs nga ni de skad kyang mi zer ro/ /bdag tshor bas zil gyis non la gzhan zhig sdug bsngal sgrub par byed na yang / de ltar na de'i sdug bsngal rang gis byas pa yang yin la/ gzhan gyis byas pa yang yin par 'gyur te/ 'od srungs nga ni de skad kyang mi zer ro//rkyen rnams med pa las sdug bsngal skyes so zhes byas na yang de lta na de'i sdug bsngal rang gis byas pa yang ma yin la/ gzhan gyis byas pa yang ma yin te/ rgyu med pa las skyes par 'gyur na/ 'od srungs nga ni de skad kyang mi zer ro/ /'od srungs de bzhin gshegs pa ni mtha' 'di gnyis khas mi len par dbu ma'i lam gyi chos bstan te/'di lta ste/ 'di yod na 'di 'byung la/ 'di skyes pas 'di skye zhes bya ba ste/ 'di lta ste/ ma rig pa'i rkyen gyis 'du byed rnams/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba dang / skye ba'i rkyen gyis rga shi dang /mya ngan dang / smre sngags 'don pa dang / sdug bsngal ba dang / yid mi bde ba dang / 'khrugs pa rnams 'byung bar 'gyur te/ de ltar na sdug bsngal gyi phung po chen po 'di 'ba' zhig kyang 'byung bar 'gyur ro/ /'di lta ste/ 'di med na 'di mi 'byung la/ 'di 'gags pas 'di 'gag par 'gyur ba/'di lta ste/ ma rig pa 'gags pas 'du byed 'gag /'du byed 'gags pas rnam par shes pa 'gag /rnam par shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags pas tshor ba 'gag /tshor ba 'gags pas sred pa 'gag /srid pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags pas rga shi dang / mya ngan dang / smre sngags 'don pa dang /sdug bsngal ba dang / yid mi bde ba dang / 'khrugs pa rnams 'gag par 'gyur te/ de ltar na sdug bsngal gyi phung po chen po 'di 'ba' zhig kyang 'gag par 'gyur ro/ /chos kyi rnam grangs 'di bstan pa na/ 'od srungs kyi rigs gos med rdul med cing dri ma dang bral te/chos rnams la chos kyi mig skyes so/ /de nas 'od srungs kyi rigs gos med chos mthong ba dang / chos rig pa dang / chos thob pa dang / chos kyi gting slebs pa dang / som nyi la sa rgal ba dang / the tshom las rgal ba dang / gzhan gyi dring 'jog pa dang / gzhan gyis mi bkri ba dang / ston pas bstan pa'i chos rnams la mi 'jigs pa thob pa dang / 'bras bu la gnas par gyur nas bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bcom ldan 'das bdag ni zhugs lags so//btsun pa bde bar gshegs pa bdag ni zhugs so/ /bdag ni btsun pa bcom ldan 'das la skyabs su mchi'o/ /chos dang dge slong gi dge 'dun la yang skyabs su mchi'o/ /bcom ldan 'das bdag deng slan chad ji srid 'tsho'i bar du srog gcod pa la sogs pa spangs pa dang /skyabs su mchis pa dang / mngon par dga' bar gyur pa'i dge bsnyen lags par gzung du gsol/ de nas bcom ldan 'das kyis 'od srungs kyi rigs gos med la chos kyi gtam rnam grangs du mas yang dag par bstan cing yang dag par 'dzin du bcug la/ yang dag par gzengs bstod de/yang dag par dga' bar mdzad nas gshegs so/ /de nas 'od srungs kyi rigs gos med tha gi zad tsam gyi bar du bcom ldan 'das kyi slad bzhin du zham ring byas nas/ bcom ldan 'das la lan gsum bskor ba byas te/ bcom ldan 'das kyi thad nas song ngo //de nas bcom ldan 'das kyi thad nas song nas/ ring po ma lon par ba drus ma zhig gis bsad de 'chi ba'i dus kyi tshe/ dbang po rnams ni rnam par dang bar gyur/ bzhin gyi mdog ni yongs su dag par gyur/ pags pa'i mdog ni yongs su gsal bar gyur to/ /de nas dge slong mang po dag snga dro sham thabs dang /chos gos bgos/ lhung bzed khyer nas rgyal po'i khab tu bsod snyoms la dong ngo / /de nas dge slong mang po rgyal po'i khab tu bsod snyoms rgyu bdag gis 'od srungs kyi rigs gos med des bcom ldan 'das la sdug bsngal gyi chos la zhu ba zhus te/ zhus nas de bcom ldan 'das kyi thad nas song nas/ ring po ma lon par ba drus ma zhig gis bsad de/ de 'chi ba'i dus kyi tshe/ dbang po rnams ni rnam par dang bar gyur/ bzhin gyi mdog ni yongs su dag par gyur/ pags pa'i mdog ni yongs su gsal bar gyur to zhes thos so/ /thos nas kyang dge slong mang po rnams kyi rgyal po'i khab tu bsod snyoms bskor nas kha zas kyi bya ba byas te kha zas phyis za ba spangs nas/lhung bzed dang chos gos gnas su bzhag ste/ rkang pa bkrus nas nang du yang dag 'jog pa'i phyir gtsug lag khang du zhugs so/ /de nas dge slong mang po dag phye ma red kyi dus kyi tshe nang du yang dag 'jog las langs nas/bcom ldan 'das ga la ba der song ste lhags nas/ bcom ldan 'das kyi zhabs la phyag 'tshal te phyogs gcig tu 'khod do/ /phyogs gcig tu 'khod nas dge slong mang po dag gis bcom ldan 'das la 'di skad ces gsol to//btsun pa 'dir bdag cag dge slong mang po snga dro sham thabs dang chos gos bgos te/ lhung bzed 'tshal nas rgyal po'i khab tu bsod snyoms la mchis nas bdag cag gis thos pa/ bcom ldan 'das rgyal po'i khab tu bsod snyoms la gshegs pa na/'od srungs kyi rigs gos med des bcom ldan 'das la sdug bsngal gyi chos la zhu ba zhus nas/ de nas bcom ldan 'das kyi thad nas mchis nas ring po ma lon par ba drus ma zhig gis bkum ste/ de 'gums pa'i dus kyi tshe dbang po rnams ni rnam par dang bar gyur/ bzhin gyi mdog ni yongs su dag par gyur/pags pa'i mdog ni yongs su gsal bar gyur zhes thos lags na/ btsun pa de'i 'gro ba ni gang lags/ gang du ni skyes lags/ 'jig rten pha rol ni gang lags/ dge slong dag rigs kyi bu de ni nor du 'gyur te/ chos kyi rjes su mthun pa'i chos mngon par rtogs so//chos kyi skabs nas nga la cung zad kyang mtho btsams pa med do/ /dge slong dag rigs kyi bu de ni yongs su mya ngan las 'das kyi de'i lus la lus kyi mchod pa gyis shig ces/ der bcom ldan 'das kyis 'od srungs kyi rigs gos med dge slong gi dge 'dun gyi mdun du mchog tu lung bstan te de skad ces bka' stsal to//kye gau ta ma ci lags/ sdug bsngal rang gis bgyis pa lags sam zhes smras pa ni/ kye gau ta ma ci lags/ rang gi bdag sdug bsngal gyi rgyu dang / rtsa ba dang / skyed pa dang / gzhi dang / byed rgyu dang / 'byin pa dang / rkyen dang / kun 'byung ba dang / slong ba lags sam zhes bya ba'i don te/ de bas na kye gau ta ma ci lags/ sdug bsngal rang gis bgyis pa lags sam zhes smras so/ /kye gau ta ma ci lags/ sdug bsngal gzhan gyis bgyis pa lags sam zhes smras pas ni/kye gau ta ma ci lags/ gzhan dag gi sdug bsngal gyi rgyu dang / rtsa ba dang / skyed pa dang / gzhi dang / byed rgyu dang / 'byin pa dang / rkyen dang / kun 'byung ba dang / slong ba lags sam zhes bya ba'i don te/ de bas na kye gau ta ma ci lags/ sdug bsngal gzhan gyis bgyis pa lags sam zhes smras so//kye gau ta ma ci lags/ sdug bsngal rang gis bgyis pa yang lags la/ gzhan gyis bgyis pa yang lags sam zhes smras pa ni/ kye gau ta ma ci lags/ rang gi bdag dang / gzhan gyi bdag kyang sdug bsngal gyi rgyu dang / rtsa ba dang / skyed pa dang /gzhi dang / byed rgyu dang / 'byin pa dang / rkyen dang / kun 'byung ba dang / slong ba lags sam zhes bya ba'i don to/ /de bas na kye gau ta ma ci lags/ sdug bsngal rang gis bgyis pa yang lags la/ gzhan gyis bgyis pa yang lags sam zhes smras so/ /kye gau ta ma ci lags/sdug bsngal rang gis bgyis pa yang ma lags la/ gzhan gyis bgyis pa yang ma lags te/ rgyu ma mchis pa las byung ba lags sam zhes smras pa ni/ kye gau ta ma ci lags/ sdug bsngal rgyu med lags sam zhes bya ba'i don te/ de bas na kye gau ta ma ci lags/ sdug bsngal rang gis bgyis pa yang ma lags la/ gzhan gyis bgyis pa yang ma lags te/ rgyu ma mchis pa las byung ba lags sam zhes smras so/ /de la ni 'di skad ces bya ste/ 'od srungs rang gi bdag sdug bsngal gyi rgyu dang / rtsa ba dang / skyed pa dang / gzhi dang / byed rgyu dang /'byin pa dang / rkyen dang / kun 'byung ba dang / slong ba yin du zin na/ de ltar na ni rang gi bdag ma chad kyi bar du sdug bsngal yang dag par zad pa dang / sdug bsngal mthar byed pa med par 'ong ngo / /'od srungs gzhan gyi bdag sdug bsngal gyi rgyu dang / rtsa ba dang / skyed pa dang / gzhi dang / byed rgyu dang / 'byin pa dang / rkyen dang / kun 'byung ba dang / slong ba yin du zin na/ de ltar na yang gzhan gyi bdag ma chad kyi bar du sdug bsngal yang dag par zad pa dang / sdug bsngal mthar byed pa med par 'ong ngo / /'od srungs rang gi bdag dang gzhan gyi bdag sdug bsngal gyi rgyu dang /rtsa ba dang / skyed pa dang / gzhi dang / byed rgyu dang / 'byin pa dang / rkyen dang / kun 'byung ba dang / slong ba yin du zin na/ de ltar na yang rang gi bdag dang gzhan gyi bdag ma chad kyi bar du sdug bsngal yang dag par zad pa dang /sdug bsngal mthar byed pa med par 'ong ngo / /'od srungs sdug bsngal rgyu med pa las byung ba yin du zin na/ de lta na yang de'i rgyu gang zad par byas pas sdug bsngal yang dag par zad pa dang / sdug bsngal mthar byed par 'gyur ba'i rgyu med par 'ong ngo / /'od srungs de bas na rang gis byas pa dang /gzhan gyis byas pa dang / rang gis kyang byas la gzhan gyis kyang byas pa dang / rang gis kyang ma byas la gzhan gyis kyang ma byas te/ rgyu med pa yang ma yin pa ni 'di ltar khas blang bar bya ste/ rang gis byas pa ji lta bu zhe na/ smras pa/ ji ltar 'di na kha cig rang gis rang gi skra 'bal ba'am/kha spu 'bal ba'am/ skra dang / kha spu 'bal ba'am/ lcag gis 'ju ba'am/ lcug mas 'ju ba'am/ 'breng pas 'ju ba'am/ lag pa gcod pa'am/ rkang pa gcod pa'am/ rna ba gcod pa'am/ sna gcod pa'am/ gtan 'chi bar byed pa'am/ grangs nas grang sar 'gro ba'am/ tsha ba'i sa nas tsha ba'i sar 'gro bar byed la/ de'i rkyen gyis kyang de'i sdug bsngal skye bar 'gyur ba lta bu ste/ de ltar na rang gis byas pa yin no/ /gzhan gyis byas pa ji lta bu zhe na/ smras pa/ ji ltar 'di na kha cig gzhan gyis de'i skra 'bal ba'am/kha spu 'bal ba'am/ skra dang kha spu 'bal ba'am/ lcag gis 'ju ba'am/ lcug mas 'ju ba'am/ 'breng pas 'ju ba'am/ lag pa gcod pa'am/ rkang pa gcod pa'am/ rna ba gcod pa'am/ sna gcod pa'am/ gtan 'chi bar byed pa'am/ grangs nas grang sar gtong ba'am/ tsha ba'i sa nas tsha ba'i sar gtong bar byed la/ de'i rkyen gyis kyang de'i sdug bsngal skye bar 'gyur ba lta bu ste/ de ltar na gzhan gyis byas pa yin no/ /gnyi gas byas pa ji lta bu zhe na/ smras pa/ ji ltar 'di na kha cig bdag nyid dang /gzhan gyis de'i skra 'bal ba dang / kha spu 'bal ba dang / skra dang kha spu 'bal ba dang / lcag gis 'ju ba'am/ lcug mas 'ju ba'am/ 'breng bas 'ju ba'am/ lag pa gcod pa'am/ rkang pa gcod pa'am/ rna ba gcod pa'am/ sna gcod pa'am/gtan 'chi bar byed pa'am/ grangs nas grang sar gtong ba'am/ tsha ba'i sa nas tsha ba'i sar gtong bar byed la/ de'i rkyen gyis kyang de'i sdug bsngal skye bar 'gyur ba lta bu ste/ de ltar na rang gis byas pa yang yin la/ gzhan gyis byas pa yang yin no/ /rang gis kyang ma byas gzhan gyis kyang ma byas la/rgyu med pa las byung ba ni ma yin pa ji lta bu zhe na/ smras pa/ dper na rlung ldang ba dang / char pa 'bab pa dang / thog thog 'bab pa na khyim rdib par byed pa'am/ shing rnams gcod par byed pa'am/ brag gi rtse mo rnams 'joms par byed de/des na kha cig gi ni lag pa gcod par byed/ kha cig gi ni rkang pa gcod par byed/ kha cig gi ni rna ba'am/ sna chad par byed de/ kha cig ni gtan 'chi bar byed pa lta bu ste/ rlung de dang / char pa de dang / thog thog de ni khyim de dag rdib par byed pa dang /shing rnams chag par byed pa dang / brag gi rtse mo rnams 'joms par byed pa'i rgyu kho na yin te/ de ltar na rang gis kyang ma byas/ gzhan gyis kyang ma byas pa'i rigs dang rgyu las byung ba yin no/ /'od srungs sems can rnams kyi bde ba dang / sdug bsngal skye ba ci yang rung ba de dag thams cad ni rang gis byas pa dang /gzhan gyis byas pa dang / gnyi gas byas pa dang / dus tshigs 'gyur ba'i rkyen bzhis skye bar 'gyur ro/ /bdag gis byas pa ji lta bu zhe na/ smras pa/ 'di na kha cig rang gis rang gi skra 'bal ba'am/ kha spu 'bal ba'am/ skra dang kha spu 'bal ba'am/lcag gis 'ju ba'am/ lcug mas 'ju ba'am/ 'greng bas 'ju ba'am/ lag pa gcod pa'am/ rkang pa gcod pa'am/ rna ba gcod pa'am/ sna gcod pa'am/ gtan 'chi bar byed pa'am/ grangs nas grang sar 'gro ba'am/ tsha ba'i sa nas tsha ba'i sar 'gro ba'am/lus snum gyis bsku zhing dril ba dang / khrus byed pa'am mnye bar byed la/ de'i rkyen gyis kyang de'i bde ba dang sdug bsngal skye bar 'gyur ba lta bu ste/ de ltar na bdag gis byas pa yin no/ /gzhan gyis byas pa ji lta bu zhe na/ smras pa/ dper na 'di na kha cig gzhan gyis de'i skra 'bal ba nas/gtan 'chi ba'i bar du byed pa dang / grang sa nas grang sar gtong ba'am/ tsha ba'i sa nas tsha ba'i sar gtong ba'am/ lus snum gyis bsku zhing dril ba dang / khrus byed pa dang / lus mnye bar byed la de'i rkyen gyis kyang de'i bde ba dang /sdug bsngal skye bar 'gyur ba lta bu ste/ de ltar na gzhan gyis byas pa yin no/ /gnyi gas byas pa ji lta bu zhe na/ smras pa/ dper na 'di na kha cig bdag nyid dang / gzhan gyis kyang de'i skra 'bal ba nas/ gtan 'chi ba'i bar du byed pa dang / grang sa nas grang sar gtong ba'am/tsha ba'i sa nas tsha ba'i sar gtong ba'am/ lus snum gyis bsku zhing dril ba dang / khrus byed pa dang mnye bar byed la/ de'i rkyen gyis kyang de'i bde ba dang / sdug bsngal skye bar 'gyur ba lta bu ste/ de ltar na gnyi gas byas pa yin no/ /dus tshigs 'gyur ba ji lta bu zhe na/smras pa/ dper na rgyal po dgun cig tu nges par grang ba dang / dbyar cig tu nges par tsha ba dang / so ga'i grang ba dang / tsha ba de gnyi ga las bde ba dang / sdug bsngal skye bar 'gyur ba lta bu ste/ de ltar na dus tshigs 'gyur ba las gyur pa yin no/ /las 'thob pa ni rnam pa bzhi ste/rgyas par yang dag par 'gro ba'i rnam grangs las ji skad 'byung ba bzhin du brjod par bya'o/ /sbyin pa ni bzhi ste/ bzhi gang zhe na/ sbyin pa po rnam par dag pa len pa po rnam par ma dag pa yang yod do zhes bya ba nas/ rgyas par yang dag par 'gro ba'i rnam grangs las ji skad 'byung ba bzhin du brjod par bya'o//sbyin pa ni brgyad de/ brgyad gang zhe na/ nye bar gyur pa la sbyin pa zhes bya ba nas/ rgyas par yang dag par 'gro ba'i rnam grangs las ji skad 'byung ba bzhin du brjod par bya'o/ /gzhan yang sbyin pa ni brgyad de/brgyad gang zhe na/ gang zag dad pa chung ngus sbyin pa chung ngu byin la/ tshul khrims 'chal pa rnams la byin te yun ring du thub pa ma yin pa dang / gang zag dad pa chung ngus sbyin pa chen po byin la/ tshul khrims 'chal pa rnams la byin te yun ring du mi thub pa byin pa dang /gang zag dad pa chung ngus sbyin pa chen po byin la/ tshul khrims dang ldan pa rnams la byin te yun ring du thub pa byin pa dang / gang zag dad pa chung ngus sbyin pa chen po byin la/ tshul khrims ldan pa rnams la byin te yun ring du thub pa byin pa dang / gang zag dad pa chen pos sbyin pa chung ngu byin la/tshul khrims 'chal pa rnams la byin te/ yun ring du mi thub pa byin pa dang / gang zag dad pa chen pos sbyin pa chen po byin la/ tshul khrims 'chal ba rnams la byin te/ yun ring du mi thub pa byin pa dang / gang zag dad pa chen pos sbyin pa chen po byin la/tshul khrims dang ldan pa rnams la byin te/ yun ring du mi thub pa byin pa dang / /gang zag dad pa chen pos sbyin pa chen po byin la/ tshul khrims dang ldan pa rnams la byin te/ yun ring du grub pa byin pa'o/ /de la gang zag dad pa chung ngus sbyin pa chung ngu byin la/ tshul khrims 'chal pa rnams la byin te/ yun ring du mi thub pa byin pa gang yin pa'i sbyin pa 'di ni sbyin pa de rnams kyi nang na chung ngu zhes brjod do/ de la gang zag dad pa chung ngus sbyin pa chen po byin la/ tshul khrims 'chal ba rnams la byin te/ yin ring du mi thub pa byin pa'i sbyin pa gang yin pa de ni sbyin pa de bas che bar brjod do//de la gang zag dad pa chung ngus sbyin pa chen po byin la/ tshul khrims dang ldan pa rnams la byin te/ yun ring du mi thub pa byin pa gang yin pa'i sbyin pa 'di ni de gnyis pas che bar brjod do/ /de la gang zag dad pa chung ngus sbyin pa chen po byin la/tshul khrims dang ldan pa rnams la byin te/ yun ring du mi thub pa gang yin pa'i sbyin pa de ni sbyin pa de dag pas cher brjod do/ /de la gang zag dad pa chen pos sbyin pa chung ngu byin la/ tshul khrims 'chal pa rnams la byin te/ yun ring du mi thub pa gang yin pa'i sbyin pa 'di ni sbyin pa de dag pas che bar brjod do//de la gang zag dad pa chen pos sbyin pa chen po sbyin la/ tshul khrims dang ldan pa rnams la byin te/ yun ring du mi thub pa gang yin pa'i sbyin pa 'di ni sbyin pa de dag pas che bar brjod do/ /de la gang zag dad pa chen pos sbyin pa chen po byin la/tshul khrims dang ldan pa rnams la byin te/ yun ring du thub pa byin pa gang yin pa'i sbyin pa 'di ni sbyin pa de dag pas che ba dang / mchog tu brjod pa dang / gtso bo dang / khyad par du 'phags pa dang / bla na med par brjod de/ dper na ba bas ni 'o ma/ 'o ma bas ni zho//zho bas ni mar sar/ mar sar bas ni zhun mar/ zhun mar bas ni mar gyi nying gu che ba dang / mchog tu brjod pa dang / gtso bo dang / khyad par du 'phags pa dang / bla na med par brjod pa de bzhin du/ gang zag dad pa chen pos sbyin pa chen po byin la/tshul khrims dang ldan pa rnams la byin te/ yun ring du thub pa byin pa gang yin pa'i sbyin pa 'di ni sbyin pa de dag pas che ba dang / mchog tu brjod pa dang / gtso bo dang / khyad par du 'phags pa dang / bla na med par brjod do/ /las ni brgyad de/ brgyad gang zhe na/bde ba myong bar 'gyur ba dang / sdug bsngal myong bar 'gyur ba dang / tshe 'di la myong bar 'gyur ba dang / lan grangs gzhan du myong bar 'gyur ba dang / chung ngu myong bar 'gyur ba dang / rgya chen po myong bar 'gyur ba dang / las yongs su ma smin pa dang / las yongs su smin pa'o/ / las gang bde ba myong bar 'gyur ba de brtsal ba'i rgyu'am/ brtson pa'i rgyus sdug bsngal myong bar 'gyur bar byar rung ba'i gnas de lta bur bsgyur du rung ngam/ 'on te gnas de lta bur bsgyur du mi rung zhe na/ smras pa/ gnas de lta bur bsgyur du mi rung ngo / /las gang sdug bsngal myong bar 'gyur ba de brtsal ba'i rgyu'am/brtson pa'i rgyus bde ba myong bar 'gyur bar byar rung ba'i gnas de lta bur bsgyur du rung ngam/ 'on te gnas de lta bur bsgyur du mi rung zhe na/ smras pa/ gnas de lta bur bsgyur du mi rung ngo / /las gang tshe 'di la myong bar 'gyur ba de brtsal ba'i rgyu'am/brtson pa'i rgyus lan grangs gzhan la myong bar 'gyur bar byar rung ba'i gnas de lta bur bsgyur du rung ngam/ 'on te gnas de lta bur bsgyur du mi rung zhe na/ smras pa/ gnas de lta bur bsgyur du rung ngo / /las gang lan grangs gzhan la myong bar 'gyur ba de brtsal ba'i rgyu'am/brtson pa'i rgyus tshe 'di la myong bar 'gyur bar byar rung ba'i gnas de lta bur bsgyur du rung ngam/ 'on te gnas de lta bur bsgyur du mi rung zhe na/ smras pa/ gnas de lta bur bsgyur du mi rung ngo / /las gang chung ngu myong bar 'gyur ba de brtsal ba'i rgyu'am/brtson pa'i rgyus rgya che ba myong bar 'gyur bar byar rung ba'i gnas de lta bur bsgyur du rung ngam/ 'on te de lta bu'i gnas su bsgyur du mi rung zhe na/ smras pa/ gnas de lta bur bsgyur du rung ngo / /las gang rgya chen po myong bar 'gyur ba de brtsal ba'i rgyu'am/brtson pa'i rgyus chung ngu myong bar 'gyur bar byar rung ba'i gnas de lta bur bsgyur du rung ngam/ 'on te gnas de lta bur bsgyur du mi rung zhe na/ smras pa/ gnas de lta bur bsgyur du rung ngo / /las gang yongs su ma smin pa de brtsal ba'i rgyu'am/brtson pa'i rgyus yongs su smin par byar rung ba'i gnas de lta bur bsgyur du rung ngam/ 'on te gnas de lta bur bsgyur du mi rung zhe na/ smras pa/ gnas de lta bur bsgyur du mi rung ba yang yod/ bsgyur du rung ba yang yod de/ dper na 'di na kha cig yongs sum smin pa'i las yongs su smin par bya'o snyam nas ral pa 'chad pa dang /skra 'bal ba'am/ kha spu 'bal ba'am/ skra dang kha spu 'bal ba'am/ lam ngan pa dang / dka' thub ngan pa sna tshogs kyis bdag nyid kun du gdung bar byed pa 'di ni bsgyur du mi rung ba'o/ /bsgyur du rung ba gang zhe na/smras pa/ dper na 'di na kha cig yongs su ma smin pa'i las yongs su smin par bya'o snyam nas/ sbyor ba dang rtsol ba dang 'bad pa byas na/ rgyun du zhugs pa'i 'bras bu thob pa dang / lan cig phyir 'ong ba dang / phyir mi 'ong ba dang / 'bras bu'i mchog dgra bcom pa nyid 'thob pa 'di ni bsgyur du rung ba'o//gang las yongs su smin zin pa de brtsal ba'i rgyu'am/ brtson pa'i rgyus gzhan du bsgyur du rung ba'i gnas de lta bur bsgyur du rung ngam/ 'on te gnas de lta bur bsgyur du mi rung zhe na/ smras pa/ gnas de lta bur bsgyur du rung ngo //las ni gsum ste/ gsum gang zhe na/ tshe 'di la myong bar 'gyur ba dang / skyes nas myong bar 'gyur ba dang / lan grangs gzhan la myong bar 'gyur ba'o/ /tshe 'di la myong bar 'gyur ba'i las kyi rnam par smin pa nyams su ma myong bar skyes nas myong bar 'gyur ba dang /lan grangs gzhan la myong bar 'gyur ba'i las kyi rnam par smin pa nyams su myong bar 'gyur ba yod dam zhe na/ smras pa/ nyams su myong bar 'gyur ba yod de/ de yang dgra bcom pa nyid thob pa na/ las de'i rnam par smin pa mngon du 'byung zhing 'ong bar 'gyur ba'i phyir ro//skyes nas myong bar 'gyur ba'i las kyi rnam par smin pa nyams su ma myong bar tshe 'di la myong bar 'gyur ba dang / lan grangs gzhan la myong bar 'gyur ba'i las kyi rnam par smin pa nyams su myong bar 'gyur ba yod dam zhe na/ smras pa/ nyams su myong bar 'gyur ba yod de/ de yang dgra bcom pa nyid thob pa na/ las de'i rnam par smin pa mngon sum du 'byung zhing 'ong bar 'gyur ba'i phyir ro/ /lan grangs gzhan la myong bar 'gyur ba'i las kyi rnam par smin pa nyams su ma myong ba tshe 'di la myong bar 'gyur ba dang /skyes nas myong bar 'gyur ba'i las kyi rnam par smin pa myong bar 'gyur ba yod dam zhe na/ nyams su myong bar 'gyur ba yod de/ de yang dgra bcom pa nyid thob pa nas/ las de'i rnam par smin pa mngon du 'byung zhing 'ong bar 'gyur ba'i phyir ro//gzhan yang las ni gsum ste/ gsum gang zhe na/ bde ba myong bar 'gyur ba dang / sdug bsngal myong bar 'gyur ba dang / sdug bsngal yang ma yin/ bde ba yang ma yin pa myong bar 'gyur ba'o/ /bde ba myong bar 'gyur ba'i las kyi rnam par smin pa nyams su ma myong bar sdug bsngal myong bar 'gyur ba dang /sdug bsngal yang ma yin/ bde ba yang ma yin pa myong bar 'gyur ba'i las kyi rnam par smin pa nyams su myong bar 'gyur ba yod dam zhe na/ smras pa/ nyams su myong bar 'gyur ba yod de/ de yang dgra bcom pa nyid thob pa na/las de'i rnam par smin pa mngon du 'byung zhing 'ong bar 'gyur ba'i phyir ro/ /sdug bsngal myong bar 'gyur ba'i las kyi rnam par smin pa nyams su myong bar bde ba myong bar 'gyur ba dang / sdug bsngal yang ma yin/ bde ba yang ma yin pa myong bar 'gyur ba'i las kyi rnam par smin pa nyams su myong bar 'gyur ba yod dam zhe na/smras pa/ nyams su myong bar 'gyur ba yod de/ de yang dgra bcom pa nyid thob pa na/ las de'i rnam par smin pa mngon du 'byung zhing 'ong bar 'gyur ba'i phyir ro/ /sdug bsngal yang ma yin/bde ba yang ma yin pa'i las kyi rnam par smin pa nyams su ma myong bar bde ba myong bar 'gyur ba dang / sdug bsngal myong bar 'gyur ba'i las kyi rnam par smin pa nyams su myong bar 'gyur ba yod dam zhe na/ smras pa/ nyams su myong bar 'gyur ba yod de/ de yang dgra bcom pa nyid thob pa na/las de'i rnam par smin pa mngon du 'byung zhing 'ong bar 'gyur ba'i phyir ro/ /gzhan yang las ni gsum ste/ gsum gang zhe na/ 'dod pa dang ldan pa'i las dang / gzugs dang ldan pa'i las dang / gzugs med pa dang ldan pa'i las so//'dod pa dang ldan pa'i las kyi rnam par smin pa ma myong bar gzugs dang ldan pa'i las dang / gzugs med pa dang ldan pa'i las kyi rnam par smin pa nyams su myong bar 'gyur ba yod dam zhe na/ smras pa/ nyams su myong bar 'gyur ba yod de/ de yang dgra bcom pa nyid thob pa na/las de'i rnam par smin pa mngon du 'byung zhing 'ong bar 'gyur ba'i phyir ro/ /gzugs dang ldan pa'i las kyi rnam par smin pa ma myong bar 'dod pa dang ldan pa'i las dang / gzugs med pa dang ldan pa'i las kyi rnam par smin pa nyams su myong bar 'gyur ba yod dam zhe na/smras pa/ nyams su myong bar 'gyur ba yod de/ de yang dgra bcom pa nyid thob pa na/ las de'i rnam par smin pa mngon du 'byung zhing 'ong bar 'gyur ba'i phyir ro/ /gzugs med pa dang ldan pa'i las kyi rnam par smin pa nyams su ma myong bar 'dod pa dang ldan pa'i las dang /gzugs dang ldan pa'i las kyi rnam par smin pa nyams su myong bar 'gyur ba yod dam zhe na/ smras pa/ nyams su myong bar 'gyur ba yod de/ de yang dgra bcom pa nyid thob pa na/ las de'i rnam par smin pa mngon du 'byung zhing 'ong bar 'gyur ba'i phyir ro//gcer bu pa rnams ni 'di skad du/ skyes bu gang zag 'dis nyams su myong ba ci yang rung ba de dag thams cad ni/ sngon byas pa'i rgyu las byung ba yin no zhes zer te/ de dag la ni 'di skad du/ gcer bu pa khyed rnams ci'i phyir dka' thub spyod par byed ces bya'o//de dag 'di skad du/ bdag cag ni tshe 'di la brtsal ba'i phyir dka' thub spyod par byed do zhes zer na/ de dag la 'di skad ces bya ste/ gcer bu pa rnams nyon cig /de lta na skyes bu gang zag 'dis nyams su myong ba ci yang rung ba de dag thams cad ni/sngon byas pa'i rgyu las byung ba yin te/ bdag cag ni tshe 'di la brtsal ba'i phyir dka' thub spyod par byed do zhes ma zer cig /de ste khyed da ltar bdag cag gi tshe 'di la brtsal ba'i phyir/ dka' thub spyod par byed do zhes zer na ni/ skyes bu gang zag 'dis nyams su myong bar 'gyur ba ci yang rung ba de dag thams cad sngon byas pa'i rgyu las byung ba yin no zhes ma zer cig /skyes bu gang zag 'dis nyams su myong ba ci yang rung ba de dag thams cad ni/ sngon byas pa'i rgyu las byung ba yin te/ bdag cag ni tshe 'di la brtsal ba'i phyir dka' thub spyod par byed do zhes byar mi rung ngo //de dag 'di skad du/ bdag cag gi rnam par smin pa'i yang rnam par smin pa nyams su myong bar byed do zhes zer na yang / de dag la 'di skad du/ ci gcer bu pa khyed la dag par 'gyur ba yod dam/grol bar 'gyur ba yod dam/ mya ngan las 'das par 'gyur ba yod dam zhes bya'o/ /de dag 'di skad du/ tshe dang ldan pa bdag cag la dag par 'gyur ba yang yod/ grol bar 'gyur ba yang yod/ mya ngan las 'da' bar 'gyur ba yang yod do zhes zer na ni/de dag la 'di skad ces bya ste/ gcer bu pa rnams nyon cig /de ltar na bdag cag ni rnam par smin pa'i yang rnam par smin pa nyams su myong bar byed de/ bdag cag la dag par 'gyur ba yang yod/ grol bar 'gyur ba yang yod/ mya ngan las 'da' bar 'gyur ba yang yod do zhes ma zer cig /de ste khyed da ltar bdag cag la dag par 'gyur ba yang yod/ grol bar 'gyur ba yang yod/ mya ngan las 'da' bar 'gyur ba yang yod do zhes zer na ni/ bdag cag ni rnam par smin pa'i yang rnam par smin pa nyams su myong bar byed do zhes ma zer cig /bdag cag ni rnam par smin pa'i yang rnam par smin pa nyams su myong bar byed de/ bdag cag la dag par 'gyur ba yang yod/ grol bar 'gyur ba yang yod do/ /mya ngan las 'da' bar 'gyur ba yang yod do zhes byar ni mi rung ngo //spun drung gis spun drung btang ste song la ma sod cig /bdag nyid kyis sod la gzhan gsod du ma gzhug cig ces byas na/ de gnyi ga mtshams med pa'i las dang ldan par 'gyur ram/ 'on te gcig ldan par 'gyur zhe na/ smras pa/ gal te bdag nyid kyis bsad na ni/gnyi ga mtshams med pa'i las dang ldan par 'gyur ro/ /de ste gzhan gsod du bcug ste/ bdag nyid kyis ma bsad na ni/ phyi ma shos mtshams med pa'i las dang ldan par 'gyur gyi/ snga ma shos ni ma yin no/ /de ste bdag dang gzhan gnyi gas bsad na yang /phyi ma shos nyi tshe mtshams med pa'i las dang ldan par 'gyur gyi/ snga ma shos ni ma yin no/ /spun drung gis spun drung btang ste song la ma sod cig /gzhan gsod du chug la/ bdag nyid kyis ma bsad cig ces byas na/ de ci gnyi ga mtshams med pa'i las dang ldan par 'gyur ram/'on te gcig ldan par 'gyur zhe na/ smras pa/ gal te gzhan gsod du bcug ste/ bdag nyid kyis ma bsad na ni gnyi ga mtshams med pa'i las dang ldan par 'gyur/ 'on te gcig ldan par 'gyur zhe na/smras pa/ gal te gzhan gsod du bcug ste/ bdag nyid kyis ma bsad na ni/ gnyi ga mtshams med pa'i las dang ldan par 'gyur ro/ /de ste bdag nyid kyis bsad de/ gzhan gsod du ma bcug na ni/ phyi ma shos mtshams med pa'i las dang ldan par 'gyur gyi/snga ma shos ni ma yin no/ /gal te bdag dang gzhan gnyi gas bsad na yang / phyi ma shos mtshams med pa'i las dang ldan par 'gyur gyi/ snga ma shos ni ma yin no/ /spun drung gis spun drung btang ste/ song la ma sod cig /bdag dang gzhan gnyi gas sod cig ces byas na/de ci gnyi ga mtshams med pa'i las dang ldan par 'gyur ram/ 'on te mi 'gyur zhe na/ smras pa/ gal te bdag dang gnyi gas bsad na ni/ gnyi ga mtshams med pa'i las dang ldan par 'gyur ro/ /de ste bdag nyid kyis bsad de gzhan gyis ma bsad na ni/phyi ma shos mtshams med pa'i las dang ldan par 'gyur gyi/ snga ma shos ni ma yin no/ /de ste gzhan gyis bsad de/ bdag nyid kyis ma bsad na ni/ phyi ma shos mtshams med pa'i las dang ldan par 'gyur gyi/ snga ma shos ni ma yin no/ /de bzhin du mtshon cha dang /me dang / dug dang / dbyug pas bsnun pa la sogs pa thabs rnam pa sna tshogs kyis bsad pa yang de dang 'dra bar brjod par bya'o/ /spun drung gis spun drung la ji lta ba bzhin du ming pos sring mo la bsgo ba dang / sring mos ming po la bsgo ba dang / spun drung mos spun drung mo la bsgo ba yang de dang 'dra'o/ /ma ji lta ba bzhin du pha yang de dang 'dra'o/ /mar 'du shes pas ma gsad par bya'o snyam ste/ nye du ma yin pa'i bud med bsad na/ de ci mtshams med pa'i las dang ldan par 'gyur ram/ 'on te mi 'gyur zhe na/ smras pa/ldan par ni mi 'gyur ro/ /nye du ma yin pa'i bud med du 'du shes pas/ nye du ma yin pa'i bud med gsad par bya'o snyam pa las/ ma bsad par gyur na/ de ci mtshams med pa'i las dang ldan par 'gyur ram/ 'on te ldan par mi 'gyur zhe na/ smras pa/ ldan par mi 'gyur ro/ /nye du ma yin pa'i bud med yin par 'du shes pas/ nye du ma yin pa'i bud med bsad na/ de ci mtshams med pa'i las dang ldan par 'gyur ram/ 'on te ldan par mi 'gyur zhe na/ smras pa/ gal te dgra bcom ma bsad par gyur na ni/ de ldan par 'gyur ro//de lta ma yin na ni mi 'gyur ro/ /mar 'du shes pas ma nyid bsad na/ de ci mtshams med pa'i las dang ldan par 'gyur ram/ 'on te mi 'gyur zhe na/ smras pa/ mtshams med pa'i las dang ldan par 'gyur ro/ /ma ji lta ba bzhin du pha yang de dang 'dra'o//spyi sdom ni/ ched du byas dang rtsa ba dang / /rgyu med pa dang chung ngu dang / /las dang yang dag ma bsdams pa/ /de yi gzhi dang sum cu drug /'das pa'i rgyu las byung ba dang / /rtsa bzad dang tshe zad pa'o/ /chos mngon pa las las gdags pa bshad pa tshigs bcu gcig pa'o//las gdags pa bshad pa ste gsum pa rdzogs so// //rgya gar gyi mkhan po dzi na mi tra dang / dA na shI la dang / pradz+nyA warma dang / zhu chen gyi lo tsA ba ban+de ye shes sde la sogs pas bsgyur cing zhus te gtan la phab pa'o// //